[#THE FOLLOWING TEXT HAS INCOMPLETE SECTIONS, WHICH ARE ON ORDER] @001A #, ,RGYA GAR SKAD DU, BI SH'A L'A AA MA LA WA TI N'A MA PRA M'A nA SA MUTZTSA YA t'I K'A, BOD SKAD DU, YANGS PA DANG DRI MA MED PA LDAN PA ZHES BYA BA TSAD MA KUN LAS BTUS PA'I 'GREL BSHAD, SANGS RGYAS LA PHYAG 'TSAL LO, ,BDE GSHEGS THUGS RJE'I BDAG NYID CAN GYIS RGYAL GYUR CIG ,NGES PAR 'BYUNG BA'I CHOS KYIS RTAG TU RGYAL GYUR CIG ,MTHA' DAG SRID PA GSUM PO RNAMS KYIS MCHOD BYA BA, ,YON TAN RAB RGYAS 'PHAGS PA'I TSOGS KYIS RGYAL GYUR CIG ,DNGOS PO THOB PA RNAMS KYIS DGRA LA YANG, ,GZHAN RJES 'DZIN PAR BYED PA DAM PAS BSNGAGS, ,GZHAN GYI LUGS RNAMS RNYED PA RNAMS KYIS KYANG, ,GZHAN LA PHAN PA DE NI BYA BAR 'OS, ,DE PHYIR SHIN TU RAB TU RGYAS PA YI, ,SLOB DPON RNAMS KYI LUGS RNAMS YANG DAG PAR, ,KUN NAS LTA BAR NUS PA MA YIN PA'I, ,SKYE BO LA NI BLO ZHAN BDAG LAS KYANG, ,CHOS KYI GRAGS PA DANG NI GZHAN RNAMS KYI'ANG, ,LUGS LAS CUNG ZAD NGES PAR BSDUS BYAS NAS, ,DE LAS MTHONG BAR GYUR PA'I PHYOGS KYIS KYANG, ,'BAD PAS @002A *, ,RANG GIS MNGON PAR BRTAG PAR BYA, ,DON GYI DE NYID RAB PHYE RO ZHIM CAN, ,PHYOGS KYI GLANG PO'I LUGS KYI BSTAN BCOS KYI, ,RNAM PAR BSHAD PA ZA MA TOG LTA BU, ,'DI NI BDAG GIS PHAN PA'I CHED DU BYA, ,TSAD MAR GYUR PA ZHES PA LA SOGS PA STE, JI LTAR, KHYOD NI RI RAB RGYA MTSO KHYOD, ,MGON KHYOD DPAG BSAM RKANG 'THUNG STE, ,SMAN PA BZANG KHYOD SGRON MA KHYOD, ,KHYOD NI SGROL BYED DAM PA'O, ,ZHES PA 'DI 'DRA BA'I SGRA SBYAR BA MED PAR YANG DE'I DON RTOGS PA DE LTAR 'DIR YANG NGO ZHES PAS TSAD MA DANG 'DRA BAS BCOM LDAN 'DAS TSAD MA'O, ,GANG GI PHYIR JI LTAR MNGON SUM LA SOGS PA'I TSAD MA NI SKYES BU'I DON LA NYE BAR MKHO BA SNGAR MA RTOGS PA'I DON GSAL BAR BYED CING MI BSLU BA YIN PA DE LTAR, BCOM LDAN 'DAS KYANG GANG LA SKYES BU'I DON GYI MCHOG RAG LAS PA 'PHAGS PA'I BDEN PA BZHI'I MTSAN NYID KYI DE KHO NA NYID LA DE'I YUL CAN GYI SHES PA BSKYED NAS, NGES PAR LEGS PA DON DU GNYER BA RNAMS LA, KHONG DU MA CHUD PA DE GSAL BAR BYED PA DANG MI BSLU BA DE'I PHYIR TSAD MA DANG CHOS MTSUNGS PA NYID KYI PHYIR TSAD MA'O, ,GYUR PA NI SKYES PA STE BYUNG BA ZHES PA'I DON TO, ,GYUR PA'I TSIG NI MA BYUNG BA RTAG PA DBANG PHYUG LA @002B SOGS PA'I TSAD MA GZHAN GYIS YONGS SU BRTAGS PA DGAG PA'I DON DU'O, ,TSAD MA YANG 'DI YIN LA GYUR PA'ANG YIN PAS TSAD MAR GYUR PA STE, TSAD MAR GYUR PA DE LA'O, ,'O NA 'DIR JI LTAR 'DI NYID KYI 'GREL PAR 'DI LTA BU'I YON TAN CAN GYI STON PA LA PHYAG 'TSAL NAS ZHES PA LTAR GNYIS PA 'BYUNG BA MA YIN NAM ZHE NA, BDEN TE, BRJOD 'DOD 'DI NI MCHOG GI SBYOR BA'I RJES SU 'BRANG BA NYID KYI PHYIR GANG GI TSE LAS KYI BYED PA BRJOD PAR 'DOD LA, GANG GI TSE DON DU GNYER BA DANG LTAG PAR ZHEN PA'I BYA BA 'DI DAG GI MCHOG TU THOB PAR 'DOD PA NYID KYI PHYIR THOB PA'I LAS SU STON PA'I PHYAG 'TSAL BA'I BYA BAS MNGON PAR 'DOD PA BYA BA YANG DAG PAR RAB TU SBYIN PA NYID DU BRJOD PAR 'DOD PA DE'I TSE LAS LA BZHI PA NYID RIGS TE, JI LTAR DE KHO NAR THOB PA'I LAS KYI MING CAN NYAL BAS MNGON PAR 'DOD PAR BYA BA NYID KYI PHYIR BDAG PO CHED DU BYA BAR BRJOD PAR 'DOD PA NA BDAG PO LA NYAL LO ZHES PA 'DIR BZHI PA KHO NAR GYUR PA DE BZHIN DU 'DIR YANG NGO ZHES PAS SKYON MED DO, ,'GRO LA PHAN BZHED LA ZHES PA 'GRO BA LA PHAN PA NI DOR BAR BYA BA DANG BLANG BAR BYA BA THABS DANG BCAS PA DAG GI 'DOR BA DANG LEN PA PHUL DU BYUNG BA DAG STE, DE BZHED PA'I NGANG TSUL CAN LA'O, ,PHYAG 'TSAL NAS ZHES PA YID DANG NGAG DANG LUS RNAMS KYIS RAB TU BTUD PAR BYAS NAS SO, ,'DI YANG KUN LAS BTUS PA BYA, ,ZHES PA 'DI DANG SPREL LO, ,'DIS PHYAG 'TSAL BA LAS MCHOD PA BYAS PA'O, ,STON LA ZHES PA 'DIR AIt MED DE SHAM SI KshA DA LA SOGS PA RNAMS LAS TRIN TRI TZA DAG MING LA AIt MED PA STE, GZHAN DU YANG MANG POR RO ZHES BSHAD PA'I PHYIR RO, ,SDUG BSNGAL ZAD PAR BYED PA'I THABS NYE BAR STON PA NI BSTAN PA YIN LA, DE'I BYED PA PO STON PA ZHES BRJOD DE 'BRAS BU'I GNAS SKABS SU'O, ,'DIR NI BSTAN PA DE NYID KYI RGYU LAM GOMS PAR BYED PA LA 'BRAS BU NYE BAR BTAGS PA'I PHYIR BSTAN PA'I SGRA 'JUG GO, ,BSTAN PA DE BYED PA BCOM LDAN 'DAS BYANG CHUB SEMS DPA'I GNAS SKABS LA STON PA'I SGRAS BRJOD DO, ,BDE GSHEGS ZHES PA LEGS PAR GSHEGS SHING THOB PA STE, RNAM PA THAMS CAD DU SPANG @003A *, ,BYA THAMS CAD SPANGS PAS BDE BAR GSHEGS PA'O, ,SKYOB LA ZHES PA 'DIS SKYOB PAR BYED PAS SKYOB STE DE YANG RANG GIS MTHONG BA'I LAM NYE BAR STON PA'O, ,DE 'DI LA YOD PAS SKYOB PA'O, ,RTOG PA SNGON DU GTONG BA THAMS CAD KYI RTZOM PA LA DGOS PAS KHYAB PA NYID KYI PHYIR, DE LOG NA RTZOM PA YANG LDOG CING, DE YANG 'DI LA MED DE DE'I PHYIR 'DI BRTZAM PAR MI BYA STE, GANG DGOS PA MED PA DE RTOG PA DANG LDAN PAS BRTZAM PAR BYA BA MA YIN TE, DPER NA BSGRUB BYA MA YIN PA'I YUL CAN GYI SHES PA BRTAG PA NYE BAR STON PA BZHIN, 'DI LA YANG DE MED DO ZHES PA KHYAB BYED MI DMIGS PA'O ZHE NA, 'DI MA GRUB PAR BSTAN PA'I DON DU GSUNGS PA, TSAD MA GRUB CHED CES SO, ,TSAD MA GRUB PA NI TSAD MA BYE BRAG TU RTOGS PA YIN LA DE'I DON DU 'DI STE, DE'I PHYIR BRTZAM PAR BYA'O, ,GANG DGOS PA CAN DE RTOG PA DANG LDAN PAS BRTZAM PAR BYA BA YIN TE, DPER NA BSGRUB PAR 'OS PA'I YUL CAN GYI SHES PA BRTAG PA NYE BAR STON PA BZHIN, 'DI YANG DGOS PA DANG BCAS PA YIN NO ZHES PA RANG BZHIN NO, ,GAL TE DE'I DON DU 'DI BRTZAM PAR BYA BA YIN NA, DE'I TSE BRTZAM PAR MI BYA STE, TSAD MA GRUB PA NI RIGS PA'I SGO LA SOGS PA RANG GI GZHUNG GIS KHYOD KYIS SNGAR KHO NAR BSGRUBS ZIN PA NYID KYI PHYIR RO, ,GANG BSGRUBS ZIN PA DE NI SGRUB PA'I CHED DU RTOG PA DANG LDAN PAS BRTZAM PAR BYA BA MA YIN TE, BSGRUBS ZIN PA'I ZAN BZHIN, TSAD MA SGRUB PA YANG BSGRUBS ZIN PA YIN NO, ,KHYAB PAR BYED PA DANG 'GAL BA'O ZHE NA, 'DI BSAL BA'I CHED DU GSUNGS PA, RANG GZHUNG RNAM 'THOR PHYIR ZHES PA STE LNGA PA 'DI NI RGYU LA'O, ,RNAM PAR 'THOR BA NI RAB TU BKRAM PA STE, RNAM PAR BKRAM PA'O ZHES PA'I THA TSIG GO, ,SLAR YANG MDOS BSKOR BA'I PHYIR RAM DU MA NUS PA'I PHYIR RO, , 'DI NI 'DI'I DON GZHAN PA STE, 'GRO BA'I DON THAMS CAD SHES PA'I DON NO ZHES PAS SRi TA NI RTOGS PA STE, YONGS SU SHES PA'O, ,RAB TU RTOGS PA NI PRA SRi TA'O, ,GANG LA RAB TU RTOGS PA DANG BRAL BA DE NI BI PRA SRi TA STE, RANG GI GZHUNG RIGS PA'I SGO LA SOGS PA NI TSAD MA GTAN @003B LA 'BEBS PA RAB TU RTOGS PA DANG BRAL BA'O, ,DE LTAR YANG DER MNGON SUM RTOGS PA DANG BRAL BA ZHES PA MNGON SUM GYI MTSAN NYID 'DI LA DMIGS BSAL BYAS PA MED LA, DE'I PHYIR ZLA BA GNYIS LA SOGS PA'I SHES PA YANG MNGON SUM NYID DU THAL BAR 'GYUR RO, ,RGYAS PA DANG BRAL BA YANG DE STE MDOR BSDUS PA'O, ,DES NA GANG MGO SMOS PAS GO BA PHYOGS TZAM MTHONG BAS KYANG MA BRJOD PA'I DON BRTAG PAR NUS PA DE KHO NA'I GTAN LA 'BEBS BYED DU 'GYUR GYI GZHAN GYI MA YIN NO, ,DE LTAR YANG DE NYID DU, SGO TZAM 'DI NI DAM PA'I DON GYI TSUL, ,ZHES PA LA SOGS PA TSIGS SU BCAD PA PHYED SNGA MAS BLO GROS BZANG PO MDOR BSDUS PA LA DGA' BA KHO NA LA PHAN 'DOGS PA'I CHED DU 'DI BYAS SO ZHES GSAL BAR BYAS LA, G-YO SGYU RNAMS ZHES PA LA SOGS PA PHYI MA PHYED KYIS NI CIG SHOS RNAMS LA 'DIS PHAN PAR MI 'GYUR RO ZHES SO, ,MU STEGS PA'I RTOG GES 'KHRUL PAR GYUR PA BLO ZHAN PA RNAMS NI RGYAS PAR RTOGS PAR BYA BA STE, G-YO SGYU RNAMS DANG BRAL BAR BYAS NAS, DON GYI DE NYID LA RTEN CI LTAR 'GYUR TE MA YIN PA KHO NA'O ZHES PA'I DON RTOGS PA'I PHYIR RO, ,'DIR CI LTAR GYI SGRAS MI SRID PAR GSAL BAR BYED DO, ,GANG RNAMS NI BLO KHA BYE BA'I YUL LA SMON PA'I DON DU SMRA BAR BYED DE, BLO KHA BYE BA'I DUG CAN MU STEGS PA'I RTOG GES 'KHRUL PAS BYAS PA RNAMS LAM NGAN PA DANG BRAL NAS CI LTAR GYUR DU ZIN KYANG DON GYI DE KHO NA NYID LA BRTEN PAR GYUR ZIG CE'O, ,DE RNAMS KYI DE NI MI RIGS TE, MU STEGS PA'I RTOG GE RNAMS SKYON SHIN TU CHEN PO CAN TE DE RNAMS NI RNAM PA DE LTA BU RNAMS KYIS BDE BLAG TU MTSON PA YIN LA, GANG MA BRJOD DU ZIN KYANG RTOGS PAR DKA' BA'I DON RNAMS PHYOGS TZAM MTHONG BAS RANG GIS BRTAG PAR NUS PA DE RNAMS, MTSON PAR SLA BA CHES RAGS PA'I SKYON CAN MU STEGS PA'I RTOG GE RNAMS KYIS LAM LOG PAR DRANG BAR BYA BA YIN NO ZHES PA 'DI NI MI SRID DO, ,GANG GI PHYIR DE LTAR RNAM PA 'DI LTA BU RANG GI GZHUNG STE, DES THAMS CAD KYI TSAD MA BYE BRAG TU RTOGS BYED BYAS PA MA YIN PA, DE'I PHYIR RANG GI GZHUNG MDOR BSDUS PA'I PHYIR DANG, TSAD MA GTAN LA 'BEBS BYED RAB TU GYUR @004A *, ,PA MA BYAS PA'I GTAN TSIGS KYI PHYIR, BLO DMAN PA RGYAS PA LA MOS PA RNAMS LA YANG PHAN GDAGS PA'I CHED DU SPYIR BTANG DANG BCAS PA DMIGS BSAL DANG BCAS RGYAS PA DANG BCAS PA TSAD MA GTAN LA 'BEBS PA LA RAB TU GYUR PA TSAD MA KUN LAS BTUS PA BYA'O, , DE CI RIGS PA'I SGO LA SOGS PA DE NYID DU RAB TU BYED PA RE RER GZHUNG GZHAN 'PHANGS NAS KUN NAS BTUS PA BYA 'AM ZHES DRI BA'I SKABS LA GSUNGS PA, 'DIR GCIG PAR NI ZHES SO, ,'DIR TE RAB TU BYED PA GCIG PO 'DIR BDE BLAG TU RTOGS PA'I DON DU KUN LAS BTUS PA BYA'O, , GZHUNG RNAM PAR 'THOR BA NI RAB TU BYED PA THA DAD PAS NA BDE BLAG TU KUN NAS BLTA BAR MI NUS SO, ,GCIG PAR NI ZHES PA NI A'A DI LA SOGS PA NYID KYI PHYIR TA SI'O, ,DE LTAR NI MCHOG GI SBYOR BA STE, TZA RA KA BSDUS PAR, ME DBAL RNAMS RAB ZHI DON DU, ,'DIR NI LAS RNAMS GANG BSHAD PA, ,DE RNAMS THAMS CAD GCIG TU STE, ,KHRAG 'BYIN BYED PA GCIG TU'O, ,ZHES SO, ,'DIR ZHES PA TSIGS SU BCAD PAR RO, ,BCOM LDAN 'DAS KYIS ZHES PA LA, BHA GA'I SGRA 'DI NI DBANG PHYUG LA SOGS PA RNAMS LA 'JUG STE, JI SKAD DU GSUNGS PA, DBANG PHYUG DANG NI GZUGS BZANG DANG, ,DPAL DANG GRAGS DANG YE SHES DANG, ,BRTZON 'GRUS PHUN SUM TSOGS PA STE, ,DRUG RNAMS BHA GA CES PAR BSHAD, ,CES SO, ,PHUN SUM TSOGS PA 'DI YANG DE BZHIN PA KHO NA LA YOD PAS DE KHO NA BCOM LDAN 'DAS SO, ,YANG NA NGES PA'I TSIG GI RNAM PAS BDUD BZHI BCOM PAR GYUR PAS NA BCOM LDAN 'DAS SO, ,DE'I BSTOD PA BRJOD PA NI, 'DIS BSTOD PAR BYA BAS NA BSTOD PAS TE YON TAN DAM PA YANG DAG PA STON PA'I NGAG GO, ,BRJOD PA NI 'DIR BRJOD PAR 'DOD PA'I DON SGRAS GO BAR BYED CING YANG DAG PAR RJOD PAR BYED PA'O, ,BSTOD PAS BRJOD PA STE, BSTOD PA'I TSIG GIS YON TAN DANG LDAN PA NYID DU GSAL BAR BYED PA ZHES PA'I DON NO, ,YON TAN CI ZHIG GIS DE LTAR GSAL BAR BYED CE NA, GSUNGS PA, TSAD MAR GYUR PA NYID KYIS ZHES SO, ,YON TAN DE YANG GTAN TSIGS CI ZHIG GIS SHE NA, GSUNGS PA, RGYU DANG @004B 'BRAS BU PHUN SUM TSOGS PAS ZHES SO, ,RGYU DANG 'BRAS BU DAG GI PHUN SUM TSOGS PA RAB TU GYUR PA STE RGYU DES SO, ,GANG TSAD MAR GYUR PA NYID NI THUN MONG MA YIN PA'I YON TAN TE, RGYU 'AM GTAN TSIGS DES BSTOD PA BRJOD CING BSTOD PA'I TSIG GIS BCOM LDAN 'DAS YON TAN DANG LDAN PA NYID DU NYAN PA PO RNAMS LA RTOGS PAR BYED CES PA JI SRID PA'O, ,DE YANG CI'I DON DU ZHE NA GSUNGS PA, RAB TU BYED PA LA DANG POR GUS PA BSKYED PA'I DON DU ZHES SO, ,YANG BCOM LDAN 'DAS LA BSTOD PA BRJOD PAS RAB TU BYED PA RTZOM PA LA GUS PAR CI LTAR 'GYUR ZHE NA, GANG GI PHYIR YON TAN GZHAN RNAMS YOD NA YANG TSAD MA NYID KYI YON TAN GYIS BSTOD PAS, SLOB DPON GYIS 'DI GSAL BAR BYA STE, GANG 'DI MNGON SUM LA SOGS PA'I TSAD MA'I MTSAN NYID DE NI BCOM LDAN 'DAS KYI NYE BAR BSTAN PA KHO NA LAS GRUB PA STE, DA LTA KHO BOS RANG NYID KYIS BRTAGS NAS RNAM PAR MA BZHAG PA MA YIN NO ZHES PA'O, ,DE NYID KYI PHYIR CHOS MNGON PAR YANG GSUNGS SO ZHES GSUNGS SO, ,RE ZHIG MNGON SUM NI DES NYE BAR BSTAN PA MTHONG BA'I PHYIR DE LAS GRUB PAR RIGS MOD, NYE BAR MA BSTAN PA'I RJES SU DPAG PA CI LTAR ZHE NA, DE'I YANG SBYOR BA MTHONG BA'I PHYIR MTSAN NYID MDZAD PA KHO NAR RTOGS PAR BYA STE, JI SKAD DU GANG CUNG ZAD KUN 'BYUNG BA'I CHOS CAN DE 'GOG PA'I CHOS CAN NO ZHES PA LA SOGS PA BCOM LDAN 'DAS KYI RJES SU DPAG PA'I SBYOR BA RNAMS MTHONG BA BZHIN NO, ,'DI SKAD BRJOD PA NA RJES SU DPAG PA'I MTSAN NYID BRJOD PAR CI LTAR 'GYUR ZHE NA, GANG GI PHYIR RJES SU DPAG PA'I RTEN NI MED NA MI 'BYUNG BA CAN GYI RTAGS TE, SBYOR BA 'DIS KYANG RTAGS SKYE BA NI BSGRUB PAR BYA BA 'GOG PA MED NA MI 'BYUNG BAR GSAL BA KHO NAR BCOM LDAN 'DAS KYIS GSUNGS SO, ,DE'I PHYIR RJES SU DPAG PA'I MTSAN NYID KYANG BCOM LDAN 'DAS KYIS NYE BAR BSTAN PA KHO NA LAS GRUB BO, ,DE'I PHYIR BCOM LDAN 'DAS KYIS NYE BAR BSTAN PA LAS GRUB PA'I TSAD MA'I MTSAN NYID RJES SU SGRUB PAR RAB TU BYED PA 'DI'O ZHES NGES PA SKYES PA RAB TU GRUB PA'I BSTAN BCOS PA RNAMS DE LA GUS PA SKYE LA, DE LAS KYANG GUS NAS NYAN @005A *, ,PA LA SOGS PA LA 'JUG GO, ,YANG NA 'DIR RAB TU BYED PA'I DANG POR BCOM LDAN 'DAS KYI BSTOD PA BRJOD PA NI, BSTOD BYA'I BCOM LDAN 'DAS LA GUS PA BSKYED PA'I DON DU STE, 'DIS DE LA GUS PA JI LTAR SKYE ZHE NA, GANG GI PHYIR TSIGS SU BCAD PA 'DIS 'THAD PA DANG BCAS PA'I TSAD MAR GYUR PA NYID BCOM LDAN 'DAS KYI YON TAN DU GSAL BAR BYAS LA, DE LAS SNGAR RAB TU MA GRUB PA'I BSTAN BCOS PA RNAMS KYANG DE LA GUS PA SKYE NA CIG SHOS RNAMS LTA CI SMOS, DE LA GUS PA LAS KYANG BSOD NAMS KYI TSOGS NYE BAR BSAGS PA'I RAB TU BYED PA GZUNG BA'I CHED DU ZHUGS PA RNAMS LA BGEGS DANG LOG 'DREN MED PAR 'GYUR RO ZHES PAS DE LA GUS PA YANG DGOS PA DANG BCAS PA KHO NA'O, ,'O NA 'GA' ZHIG RNAMS RNAM PA DE LTA BU'I SKYES BU DGAG PA'I CHED DU SKYES BU NYID LA SOGS PA'I SGRUB PAR BYED PA SBYOR BA MA YIN NAM, DE'I PHYIR CI LTAR DE LA BSTOD PA BRJOD PAS GUS PA NYID DU 'GYUR ZHE NA, GANG GI PHYIR DE NI RTOGS PAR BYED PA MA YIN TE, LDOG PA DANG RJES SU 'GRO BA SGRUB PAR BYED PA DAG MI SRID PA'I PHYIR RO, ,DBANG PO LAS 'DAS PA RNAMS LA DES MA MTHONG BA LAS LDOG PA SRID PA MA YIN TE, YOD PA RNAMS KYANG DA RNAMS KYIS MI SHES PA'I PHYIR RO, ,DE NYID KYI PHYIR 'GAL BAR MA GRUB PA'I PHYIR NA, 'GAL PA MED PA DANG LHAN CIG YOD PAR MI 'GAL BA'I PHYIR RO, ,SKYES BU CIG SHOS DANG MTSUNGS PA GRUB PA YANG MA YIN TE, KHYAD PAR MI SRID PAR SHES PAR MI NUS PA'I PHYIR LA, 'DI 'DRA BA RNAMS LA MI DMIGS PA GTAN TSIGS NYID DU MI RIGS PA'I PHYIR RO, ,SKYES BU NYID LA SOGS PAR MTSUNGS NA YANG YID GZHUNGS PA LA SOGS PA YON TAN GYI KHYAD PAR MTHONG BA'I PHYIR LA, DE BZHIN DU 'DU BYED PA YOD NA GZHAN YANG SRID PA'I PHYIR RO, ,KHYAD PAR SRID PA LA YANG RJES SU 'GRO BA MA GRUB PA'I PHYIR RO, ,DE'I PHYIR RJES SU DPAG PA DE LHAG MA DANG LDAN PA STE LDOG PA LA THE TSOM ZA BA'I PHYIR, MI MTHUN PHYOGS LA 'JUG PA MA MTHONG NA YANG MI NUS SO, ,DE'I RNAM PA 'DI LTA BU'I SHES PA'I MTSAN NYID CAN GYI TSAD MA NYID MI SRID PA YANG MA YIN TE, @005B DE'I SGRUB BYED RJES SU BSGRUB BA SRID PA'I PHYIR RO, ,GANG GANG GI SGRUB PAR BYED BA PHYIN CI MA LOG PA RJES SU SGRUB PA DES DE THOB PA SRID PA YIN TE, DPER NA NAD MED PA'I SGRUB PAR BYED PA PHYIN CI MA LOG PA RJES SU SGRUB PA'I NAD PA RNAMS BZHIN, BCOM LDAN 'DAS KYANG TSAD MA'I SGRUB PAR BYED PA PHYIN CI MA LOG PA RJES SU BSGRUBS PA YIN NO, ,RANG BZHIN NO, ,GANG SGRUB PAR BYED PA RJES SU BSGRUBS PA LAS TSAD MA NYID THOB PA SRID PA DE STON PAR BYED PA GSUNGS PA, DE LA RGYU NI BSAM PA DANG, ,SBYOR BA PHUN SUM TSOGS PA'O ZHES SO BSAM PA STON PAR BYED DE, BSAM PA NI 'GRO BA LA PHAN PAR BZHED PA'O ZHES SO, ,DE YANG 'GRO BA MTHA' DAG SHIN TU SDUG BSNGAL DANG BRAL BA DON DU GNYER BA'I RNAM PA CAN BSKAL PA MI NYUNG BAR GOMS PAS DE'I BDAG NYID DU GYUR PA'I THUGS RJE'O, ,TSIGS SU BCAD PAR 'GRO LA PHAN BZHED LDAN, ,ZHES PA 'DIS BSTAN TE, DE DANG LDAN PA'I PHYIR 'GRO LA PHAN BZHED LDAN DU 'GYUR RO, ,GOMS PA LAS DE DE'I BDAG NYID DU 'GYUR BA SRID DO, ,GANG YID KYI YON TAN DE RNAMS NI SHIN TU GOMS PA YOD NA DE'I BDAG NYID DU 'GYUR TE, RIG BYED PA DANG YID 'BYUNG BA NYID BZHIN, ,SNYING RJE YANG YID KYI YON TAN YIN NO, ,RANG BZHIN NO, ,DE DES GZHAN GYI DON LA RAB TU BSKUL BA NI, RANG GIS MNGON DU MA BYAS PAR PHA ROL RNAMS LA SDUG BSNGAL ZHI BAR BYED PA'I THABS BSTAN PAR MI 'PHROD DO ZHES RANG GI SDUG BSNGAL ZHI BA'I THABS SGOM PA'I DON DU RE ZHIG SBYOR BAR BYED DO ZHES STON PAR BYED PA GSUNGS PA, SBYOR BA NI 'GRO BA LA STON PAR BYED PA LAS ZHES PA LA SOGS GANG GANG LA BRTZE BA DE DES JI LTAR DE'I DON DU 'GYUR BA DE LTAR RAB TU SBYOR TE, DPER NA MA BU LA BRTZE BA JI LTA BU DE'I DON DU 'GYUR BA DE LTAR RAB TU SBYOR BA BZHIN, BCOM LDAN 'DAS KYANG 'GRO BA LA BRTZE BAR 'GYUR RO, ,RANG BZHIN NO, ,'GRO BA LA STON PA DNGOS NI, RANG GIS MTHONG BA'I SDUG BSNGAL ZHI BAR BYED PA'I THABS NYE BAR STON PA'O, ,'DIR NI RGYU LA 'BRAS BU NYE BAR GDAGS PAR BYAS NAS, THABS GOMS PAR BYED PA 'GRO BA LA STON PA'I SGRAS BRJOD DE, DE SEMS CAN LA STON PAR RUNG BA'I THABS NYID KYIS NA, DE LAS GZHAN PA'I THABS GOMS PAR BYED PA LAS KHYAD PAR DU @006A *, ,'PHAGS PA NYID DU SHES PAR BYAS PA'I DON DU'O, ,'GRO BA LA STON PAR BYED PA LAS ZHES PA 'DI MTSAN NYID KYI RGYU STE, DES NA JI LTAR SRA BA NYID LAS SA'O ZHES BRJOD PA NA, SRA BA'I RANG BZHIN CAN SA'O ZHES RTOGS PA DE BZHIN DU 'GRO BA LA STON PAR BYED PA LAS STON PA NYID DO ZHES BRJOD PA NA DE'I RANG BZHIN CAN STON PA NYID DO ZHES PA'O, ,DE NI NYE BAR LEN PA'I PHUNG PO LNGA'I MTSAN NYID KYI SDUG BSNGAL LA RES 'GA' BA NYID KYI GTAN TSIGS KYIS MI RTAG PA DANG, DE NYID KYI PHYIR MI RTAG PA'I RGYU CAN DANG, NAD GZHI ZAD PAS NAD BZHIN DU 'DI RGYU ZAD PAS ZAD PAR NUS LA, GZHAN DU NA MA YIN NO ZHES NGES NAS 'DI'I RGYU CI ZHIG CES RNAM PAR DPYOD PAR BYED CING, SDUG BSNGAL GYI RGYU NI GTZO BOR BDAG LA CHAGS PA DANG LDAN PA'I SRED PA KHO NAR RTOGS SO, ,GANG SEMS CAN GZHAN GYIS BKRI BAR BYA BA MA YIN PAR MNGON PAR DGA' BA SNGON MA CAN DMAN PA'I GNAS YONGS SU 'DZIN PA DE BDAG LA CHAGS PA DANG LDAN PAS SDUG BSNGAL DANG BDE BA DOR BA DANG THOB PAR 'DOD PA SNGON MA CAN YIN TE, DPER NA SBRANG BU RNAMS MNGON PAR 'DOD PA SNGON MA CAN MI GTZANG BA'I GNAS YONGS SU 'DZIN PA BZHIN, SROG CHAGS RNAMS KYANG SEMS CAN GZHAN GYIS BKRI BAR BYA BA MA YIN PAR MNGON PAR DGA' BA SNGON MA CAN MNGAL LA SOGS PA DMAN PA'I GNAS YONGS SU 'DZIN PA YIN NO, ,'BRAS BU'O, ,SRID PA DE NYID BSTAN BCOS SU GTZO BO YIN PAS NA KUN 'BYUNG GI BDEN PA ZHES BRJOD DO, ,GTZO BO YANG DES KUN NAS BSLANG BA'I 'BAD PA'I DBANG GIS SKYE BA'I YUL DU 'GRO BAR BYED PA'I PHYIR DANG, DE MA THAG PA NYID KYI PHYIR YANG NGO, ,MI SHES PA YOD NA YANG, 'DOD CHAGS MED PAR 'JUG PA MI SRID PA'I PHYIR RO, ,LAS PAS KYANG SRED PA KHO NA GTZO BO STE, DE LTAR NI, LAS YOD KYANG JI SRID DU MA RIG PA'I SA RDUL GYIS G-YOGS PA DANG SRED PA'I 'DOD CHAGS KYIS MNGON PAR BRLAN PAR MA GYUR PA DE SRED DU 'BRAS BU DANG LDAN PAR MI 'GYUR TE DPER NA DGRA BCOM PA RNAMS BZHIN NO, ,DE'I PHYIR SRED PA DE DANG DE LAS GZHAN PA'I SKYON RNAMS KYANG BDAG TU LTA BA KHO NA LAS BYUNG BA STE DE LTAR RTOGS PAR MDZAD DO, ,BDAG MED DO BDAG GI BA MED DO ZHES MTHONG BA @006B LA NI YONGS SU 'DZIN PA MED PAS 'GAR YANG CHAGS PA MED LA, CHAGS PA DANG LDAN PA MA YIN PA LA YANG ZHE SDANG BA MED DO, ,BDAG DANG BDAG GI BA DANG NYE BAR MA 'BREL BA CAN DANG NYE BAR 'BREL PA SO SOR BCOM PA LA DE MED PA'I PHYIR RO, ,DE DANG RIGS MTHUN PA GOMS PA LAS SKYES PA'I BDAG TU LTA BA DANG BDAG GI BA LA CHAGS PA SKYES NA ZHE SDANG DANG BCAS PA LA SOGS PA RNAMS SO ZHES PAS SRED PA LA SOGS PA'I SKYON RNAMS THAMS CAD 'JIG TSOGS LA LTA BA LAS SKYES PA'O, ,DE NYID NI MI SHES PAR BRJOD DE DE NI SHES PA'I MI MTHUN PHYOGS YIN PA NYID KYI PHYIR RO, ,DE NYID BDAG TU LTA BA STE, GANG LAS SKYON GYI RGYU YIN PA DE LAS 'BYUNG ZHING, DE ZAD PA LAS SRED PA DANG DE LAS GZHAN PA'I SKYON RNAMS ZAD DO ZHES BSAMS NAS GANG GOMS PAS DE SPANG BAR BYA BA BDAG TU LTA BA'I MI MTHUN PHYOGS BRTAG PA MDZAD DO, ,BRTAG PAR BYED PA NA YANG DE LAS BZLOG PA'I RNAM PA NYID KYI PHYIR BDAG MED PA NYID DU LTA BA KHO NA BA DAG TU LTA BA'I MI MTHUN PHYOGS TE DE LTAR RTOGS PAR MDZAD DO, ,GANG GANG LAS BZLOG PA'I RANG BZHIN CAN DE DE'I MI MTHUN PHYOGS YIN TE, RLUNG NAD LAS BZLOG PA'I RANG BZHIN CAN TIL MAR RLUNG NAD KYI BZHIN, BDAG MED PA NYID DU LTA BA YANG BDAG TU LTA BA LAS BZLOG PA'I RANG BZHIN CAN YIN NO ZHES PA RANG BZHIN NO, ,BDAG TU LTA BA DANG 'GAL BA'I BDAG MED PA NYID DU LTA BA NI DE SNGON DU 'GRO BA CAN BDAG LA CHAGS PA LA SOGS PA SKYON GYI TSOGS DANG YANG 'GAL BA KHO NA'O ZHES MKHYEN NO, ,GANG GANG GI RGYU DANG 'GAL BA DE DE LA GNOD PA YIN TE, RLUNG LAS BYUNG BA'I NAD LA DE'I RGYU DANG 'GAL BA TIL MAR BZHIN, BDAG MED PAR LTA BA YANG BDAG TU CHAGS PA LA SOGS PA'I RGYU BDAG TU LTA BA DANG 'GAL BA YIN NO ZHES PA RANG BZHIN NO, ,DE DE LTAR MKHYEN NAS BDAG MED PA MTHONG BA DE MANG PO RNAM PA DU MAR DUS RING POR GOMS PA LAS DE DANG DE'I MI MTHUN PHYOGS LA YON TAN DANG SKYON RNAMS THAMS CAD RNAM PA THAMS CAD DU RAB TU GSAL BAR 'GYUR RO, ,GANG ZHIG GANG LA SHES RAB CAN GYIS MANG POR RNAM PA DU MAR DUS RING POR GOMS PAR BYED PA DE DE DANG DE'I MI MTHUN PHYOGS LA SKYON DANG YON @007A *, ,TAN RNAMS RAB TU GSAL BAR 'GYUR TE, DPER NA SHES RAB CAN 'GA' ZHIG BZO'I KHYAD PAR 'GA' ZHIG LA MNGON PAR SBYOR BA GOMS PA BZHIN, BCOM LDAN 'DAS KYANG BDAG MED PAR LTA BA LA RNAM PA DU MAR MANG POS YUN RING POR GOMS PAR MDZAD ZIN PA YIN NO, ,RANG BZHIN NO, ,THABS GOMS PAR BYED PA 'DI KHO NA YANG LAM GYI BDEN PA ZHES BRJOD DO, ,DE'I RNAM PA 'DI LTA BU'I THABS GOMS PA GZHAN DANG, THUN MONG MA YIN PA LAS SDUG BSNGAL GYI RGYU'I BAG CHAGS KYANG MA LUS TE, 'DI KHO NA BCOM LDAN 'DAS KYI BSE RU LA SOGS PA LAS KHYAD PAR RO, ,GZHAN GYI DON LA GTZO BOR 'JUG PAS KYANG 'DIS RNAM PA 'DI LTA BU'I GOMS PA GDON MI ZA BAR BYA STE, MI MTHUN PHYOGS DANG GNYEN PO'I PHYOGS MTHA' DAG YONGS SU MI SHES PAS NA, GZHAN RNAMS LA MI MTHUN PHYOGS DANG GNYEN PO'I PHYOGS DAG NYE BAR BSTAN PAR MI NUS PA NYID KYI PHYIR RO ZHES PA'O, ,THABS GOMS PAR BYED PA 'DI DANG SNGAR BSTAN PA'I THUGS RJE NI RGYU PHUN SUM TSOGS PA'O, ,DE'I 'BRAS BU NI RANG DANG GZHAN GYI DON PHUN SUM TSOGS PA'O, ,DE LA RANG GI DON PHUN SUM TSOGS PA NI JI SKAD BSHAD PA'I THABS GOMS PA LAS SDUG BSNGAL GYI RGYU SNGA MA RANG GI NGANG GIS 'GAG PA NA BDAG MED PA MTHONG BA DE'I BDAG NYID DU GYUR PAR GNAS PA'I SDUG BSNGAL GYI RGYU PHYI MA MI SKYE BA'I MTSAN NYID CAN GYI GNAS SKABS KYI KHYAD PAR TE GANG LA 'GOG PA'I BDEN PA ZHES BRJOD PA'O, ,DE KHO NA KHYAD PAR GSUM GYIS KHYAD PAR DU 'PHAGS PA NI BDE BAR GSHEGS PA NYID CES BRJOD DO, ,RANG GI DON PHUN SUM TSOGS PA DE STON PAR BYED PA GSUNGS PA, RANG GI DON PHUN SUM TSOGS PA NI BDE BAR GSHEGS PA NYID KYIS TE ZHES PA LA SOGS PA'O, ,SU'I SGRA 'DI NI 'DIR RAB TU GYUR PA NYID LA SOGS PA'I DON GSAL BAR BYED PAR RIG PAR BYA'O, ,GANG GSUNGS PA, DON RNAM PA GSUM NYE BAR BLANGS NAS ZHES PA LA SOGS PA STE, MCHOG TU GSHEGS SHING THOB PA NI BDE BAR GSHEGS PA STE, MCHOG NYID KYANG SLAR SDUG BSNGAL GYI RTEN MA YIN PA NYID KYIS TE, 'JIG RTEN NA BDE BA DANG DE'I RGYU NI MCHOG CES BRJOD DO, ,SDUG BSNGAL GYI RTEN MA YIN PA DE YANG BDAG @007B MED PAR LTA BA SHIN TU GOMS PA NYID KYI PHYIR RO, ,YANG NA BRJOD MA THAG PA'I THABS KYIS RIGS PA MTHONG BAS GSHEGS PA'I PHYIR MCHOG TU GSHEGS PA STE, 'JIG RTEN NA GANG RIGS PA SNGON DU 'GRO BAS 'JUG PA DE MCHOG TU BYA BA'O, ,SLAR MI LDOG PAR GSHEGS PAS NA BDE BAR GSHEGS PA STE, SLAR MI LDOG PA NI SKYE BA DANG SKYON 'BYUNG BA MED PA YIN LA, DE YANG DE'I RGYU SNGAR BRJOD MED PA'I PHYIR RO, ,GANG BDAG TU LTA BA DANG CHAGS BA DAG MED PA DE LA SKYE BA DANG 'DOD CHAGS LA SOGS PA'I SKYON 'BYUNG BA MED DE, ,DPER NA NAM MKHA' BZHIN NO, ,BDAG MED PAR LTA BA DE'I BDAG NYID DU GYUR PA LA YANG BDAG TU LTA BA DANG CHAGS PA DAG MED DO, ,RGYU MI DMIGS PA'O, ,MA LUS PAR GSHEGS PA NI BDE BAR GSHEGS PA STE, 'DI'I LUS PA MED PAR GYUR PA ZHES TSIG RNAM PAR SBYAR RO, ,LUS LA YANG LUS LA SOGS PA LAS SU MI RUNG BA STE, DE YANG RIM PA JI LTA BAR RTZA BA KROL CAN MA YIN NA YANG GOMS PA LAS MCHONG ZHING 'GRO BA LA SOGS PA DANG, NGA'I SNYAM PA'I NGA RGYAL MED NA YANG RMANGS MO ZHES SMRA BA LA SOGS PA DANG, RTAG TU MNYAM PAR BZHAG PA MA YIN PAS MNYAM PAR MA BZHAG PA'I SEMS KYI GNAS SKABS SO, ,YANG NA RNAM PA DE LTA BU'I LAM GOMS PA MED PAS LAM DANG DE'I MI MTHUN PHYOGS DAG SHIN TU YONGS SU MI SHES PA'I PHYIR, KHONG DU CHUD PA'I LAM GYI RNAM PAR DBYE BA STON PA YANG MI GSAL BA NYID LUS PA STE, DE YANG BCOM LDAN 'DAS KYIS SPANGS PAS DE'I PHYIR 'DI BDE BAR GSHEGS PA'O, ,DON GSUM PO 'DI YANG ZHES PA LA SOGS PA STE, DE LA PHYI ROL PA'I 'DOD CHAGS DANG BRAL BA RNAMS NI BDAG TU LTA BA'I RJES SU SONG BA SDUG BSNGAL GYI RTEN NYID KYI LAM GYIS 'GRO BA'I PHYIR, DE'I DBANG GIS SLAR YANG SDUG BSNGAL LA RTEN PAR BYED LA, RIGS PA MTHONG BA'I LAM GYIS SONG BA YANG MA YIN NO ZHES PA DE'I PHYIR DE RNAMS MCHOG TU PHYIN PA MA YIN NO, ,DE LTAR NI 'JIG RTEN NA, GANG SDUG BSNGAL LA RTEN PAR BYED PA DANG, RIGS PA SNGON MA CAN MA YIN PAR 'JUG PA DE BSNGAGS PAR 'OS PA MA YIN GYI 'ON KYANG SMAD PAR 'OS PA KHO NA'O, ,SLOB PA RNAMS NI GAL TE YANG SDUG BSNGAL GYI RTEN MA YIN PA DANG RIGS @008A *, ,PAS NGES PA'I LAM GYIS MCHOG TU GSHEGS MOD, DE LTA NA YANG DE RNAMS KYI SKYON RNAMS DANG SKYE BA YANG SLAR YANG 'BYUNG NGO ZHES PA DE RNAMS KYANG GNYIS PA'I DON GYIS BDE BAR GSHEGS PA MA YIN NO, ,MI SLOB PA RNAMS KYANG DON GNYIS KYIS BDE BAR GSHEGS PAR NI 'DOD KYI, MA LUS PA'I DON GYIS NI MA YIN TE, JI SKAD BSHAD PA'I LUS LA MA SPANGS PA'I PHYIR RO, ,GZHAN DON PHUN SUM TSOGS PA NI SGROL BA'I DON GYIS NA ZHES PA 'DIS SKYOB PA'I SGRA'I DON GSUNGS SO, ,'DIS 'KHOR BA'I RGYA MTSO LAS SEMS CAN RNAMS BSGRAL BAR BYA BAS NA SGROL BA STE RANG GIS MTHONG BA'I LAM NYE BAR STON PA'O, ,DE KHO NA'I DON TE, THAR PA'I THABS 'DOD PA RNAMS KYIS DON DU GNYER BAR BYA BAS NA'O ZHES BYAS NAS SO, ,DE 'DI LA YOD DO ZHES PA'I DON DES BCOM LDAN 'DAS SKYOB PA NYID DO, ,'DI KHO NA T'A YA TI'I DON GZHAN SKYONG BA STE, 'DI LTA STE 'KHOR BA'I RGYA MTSO LAS SGROL BA'O, ,DE PHYIN CI LOG TU NYE BAR STON PA YANG MI SRID DE, DE'I RGYU MED PA'I PHYIR DANG BRTZE BA'I BDAG NYID KYI PHYIR TE, LAM LEGS PAR RIG PA NYID KYI PHYIR RO, ,CHAGS PA LA SOGS PA'I SKYON RNAMS NI PHYIN CI LOG TU MNGON PAR BRJOD PA'I RGYU 'AM, KHA CIG DGOS PA YIN LA, DE YANG MED DE, BRTZE BA DE'I BDAG NYID DU GYUR BA YANG GZHAN GYI DE KHO NAR SDUG BSNGAL ZAD PA'I THABS BSGRUBS NAS, CI LTAR RNAM PA GZHAN DU STON, ,GANG GANG GI TSE BRDZUN DU SMRA BA'I RGYU RNAMS MED PA DE DE'I TSE BRDZUN MI SMRA STE, DPER NA GZHAN 'GA' ZHIG BDEN PAR SMRA BA'I DUS NA BZHIN BDE BAR GSHEGS PA'I GNAS SKABS KYI DUS NA YANG DE LA BRDZUN GYI RGYU RNAMS MED DO, ,RGYU MI DMIGS PA'O, ,GANG ZHIG GANG GI DON BYA BA'I CHED DU GANG LA BRTZE BAS DON GANG SGRUB PAR BYED PA'I DON DE GRUB ZIN PA NA DE'I YUL LA SNYING RJE MA BTANG BA DE DER DE LA MI SLU STE, DPER NA BU LA PHAN PA'I ZAS KYI CHED DU BZA' BA BSGRUBS ZIN PA'I MA BZHIN, BCOM LDAN 'DAS KYANG SEMS CAN GYI DON BYA BA'I CHED DU SEMS CAN LA BRTZE BAS SDUG BSNGAL ZAD PAR BYED PA'I THABS BSGRUBS SHING DE'I YUL LA THUGS RJE MA BTANG BA'O, ,KHYAB BYED DANG 'GAL BA'O, ,DE'I PHYIR TSAD MA'O, ,GANG ZHIG GANG DON DU @008B GNYER BA LA DON DE'I THABS PHYIN CI MA LOG PAR 'CHAD PAR BYED PA DE NI DE'I DE LA TSAD MA STE, DPER NA NAD PA NAD MED PA NYID DON DU GNYER BA LA, NAD MED PA NYID KYI THABS PHYIN CI MA LOG PAR 'CHAD PA'I SMAN PA LA DE BZHIN, BCOM LDAN 'DAS KYANG SDUG BSNGAL ZAD PA DON DU GNYER BA LA SDUG BSNGAL ZAD PAR BYED PA'I THABS PHYIN CI MA LOG PAR 'CHAD DO, ,RANG BZHIN NO, ,DE LTAR TSAD MAR GYUR PA ZHES PA'I 'DI KHO NA BSTOD PA'I TSIG STE, 'DIS NI BCOM LDAN 'DAS KYI YE SHES KYI MTSAN NYID TSAD MA NYID THUN MONG MA YIN PA'I YON TAN GSAL BAR BYAS SHING, GANG GI PHYIR DE DAG LDAN PA'I PHYIR DE TSAD MAR 'GYUR RO, ,YON TAN DE NI RGYU MED PAR MI 'GRUB PO ZHES STON PAR BYED PAS RGYU PHUN SUM TSOGS PA GSUNGS SO, ,BDE GSHEGS KYI SGRAS NI YE SHES DE'I MI MTHUN PHYOGS SPANGS PA'I KHYAD PAR 'BRAS BU PHUN SUM TSOGS PAS BSDUS PA GSUNGS SO, ,DE MED NA MCHOD PA LA SOGS PAR 'GRO BA BZHIN DU NGAG LAS GO BAR BYA BA'I DON RIGS PA MA YIN PA YANG GSAL BAR BYED PA'I LUS KYIS BYA BA BYED, RMANGS MO ZHES SMRA BA LA SOGS PA BZHIN DU MI LEGS PA GZHAN YANG 'GA' ZHIG GI TSE SMRA BAR BYED, RTAG TU MNYAM PAR GZHAG PA MA YIN PA NYID KYIS LUNG DU MA BSTAN PA'I GNAS.. SKABS NA, SEMS CAN GYI DON BYA BA MTHA' DAG NUS PA MA YIN PAR 'GYUR BA'AM, YANG NA GSAL BA'I MI MTHUN PA'I PHYOGS BAG CHAGS DANG BCAS PA MA SPANGS PA'I PHYIR, 'DI'I RTOGS PA'I LAM RAB TU GSAL BAR BYED PA GSAL BA NYID DU 'GYUR BA MA YIN ZHING, DE YOD NA NI SKYON 'DI RNAMS 'BYUNG BA MA YIN NO ZHES BSTAN PA'I CHED DU SPANGS PA'I KHYAD PAR GSUNGS SO, ,SKYOB PA ZHES PA 'DIS NI YE SHES DE NYID KYI BYA BA'I KHYAD PAR JI LTAR MTHONG BA'I LAM NYE BAR STON PA BSTAN TO, ,GAL TE DE MI 'GYUR NA DE TSAD MA NYID DU MI 'GYUR LA, GAL TE RNAM PA 'DI LTA BU DE'I 'BRAS BUR 'GYUR NA, DE LTAR DE DANG LDAN PA'I PHYIR, BCOM LDAN 'DAS MA RTOGS PA'I DON GSAL BAR BYED PA'AM, DE LA MING BSLU BA YIN GYI RNAM PA GZHAN DU NA MA YIN NO ZHES PA DE'I PHYIR BYA BA'I KHYAD PAR BSTAN TO, ,BRTZE BA NI BYANG CHUB SEMS DPA'I GNAS SKABS NA, GANG RANG GI NGANG GIS 'BYUNG BAR 'GYUR BA DE BDE BAR @009A *, ,GSHEGS PA'I GNAS SKABS NAM BRJOD KYANG GRUB PA KHO NA'O ZHES PAS MA BRJOD DO, ,DE MED NA PHAN PA NYE BAR BSTAN PA MI NUS PA KHO NA'O ZHES DE YANG DE'I GZHAN GYI DON GYI DOR LHAN CIG BYED PAR GYUR PAR RIG PAR BYA'O, ,DE LTAR BCOM LDAN 'DAS KYI YA SHES KYI MTSAN NYID TSAD MA NYID RGYU DANG BCAS PA MI MTHUN PHYOGS SPANGS PA'I KHYAD PAR BCAS PA BYA BA'I KHYAD PAR DANG BCAS PA, RGYUR GYUR PA'I KHYAD PAR BCAS PA GSAL BAR BYAS SO ZHES PA 'DI NI RE ZHIG RIM PA BZHIN BSHAD PA STE, GANG DU BRTZE BA LA SOGS PA RNAMS KYIS STON PA NYID LA SOGS PA RNAMS SRID PAR RJES SU DPOG PA'O, ,DA NI RIM PA BZLOG PAS BSHAD PAR BYA STE, YANG NA SKYOB PA NI PHYIN CI MA LOG PA'I BDEN PA NYE BAR STON PA STE, SDUG BSNGAL NYE BAR ZHI BA'I RGYU DE BCOM LDAN 'DAS KYIS SEMS CAN RNAMS LA BSTAN TO ZHES DE NI DE DON DU GNYER BA DE RNAMS KYI DE LA TSAD MA'O, ,GANG ZHIG GANG SDUG BSNGAL RAB TU ZHI BA DON DU GNYER BA GANG LA, SDUG BSNGAL GYI RANG BZHIN DA DANG, SDUG BSNGAL GYI RGYU DE DANG, DE'I SDUG BSNGAL RAB TU ZHI BA DANG, SDUG BSNGAL DE RAB TU ZHI BA'I THABS JI LTA BA BZHIN 'CHAD PA DE DE'I DE LA TSAD MA YIN TE, DPER NA NAD PA NAD KYI SDUG BSNGAL RAB TU ZHI BA DON DU GNYER BA LA NAD KYI SDUG BSNGAL GYI RANG BZHIN LA SOGS PA JI LTAR GYUR PA 'CHAD PA'I SMAN PA NI DE'I DE LA BZHIN, BCOM LDAN 'DAS KYANG 'KHOR BA'I SDUG BSNGAL RAB TU ZHI BA'I DON DU GNYER BA'I SKYES BU LA 'KHRO BA'I SDUG BSNGAL GYI RANG BZHIN LA SOGS PA JI LTA BA BZHIN BSHAD PA YIN NO, ,RANG BZHIN NO, ,BDEN PA DE RNAMS KYANG SHAS KYIS BSTAN ZIN TO, ,JI LTAR SDUG BSNGAL NI NYE BAR LEN PA'I PHUNG PO LNGA'I MTSAN NYID DO, ,DE'I KUN 'BYUNG BA NI SRED PA STE, DE LAS SDUG BSNGAL JI LTAR RIGS PAR 'BYUNG BA'O, ,'GOG PA NI LAM DE'I BDAG NYID DU GNAS PA'I SDUG BSNGAL GYI RGYU SNGA MA 'GAGS PAR GYUR NA, SDUG BSNGAL GYI RGYU PHYI MA MI SKYE BA'I MTSAN NYID CAN GYI GNAS SKABS KYI KHYAD PAR RO, ,LAM NI BDAG MED PA MTHONG BA GOMS PAR BYED PA STE, JI LTAR DE LAS 'GOG PA THOB PAR 'GYUR BA'O, ,'DI THAMS CAD @009B SNGAR KHO NAR BSDUS PAS BSTAN ZIN TO, ,DE'I PHYIR BDEN PA BZHI MTHONG BA LAS GROL BAR 'GYUR RO, ,DE'I PHYIR DE NYE BAR STON PA NI, 'KHOR BA'I RGYA MTSO LAS GROL BA SGRUB PAR BYED PA NYID KYI PHYIR SKYOB PA'O, ,'DI TZAM NYID KYANG GZHAN LA PHAN PAR 'DOD PAS BYA BA YIN TE, 'DI LTA STE SPANG BYA DANG, BLANG BYA'I DE KHO NA NYID THABS DANG BCAS PA STON PA'O, ,DA YANG BCOM LDAN 'DAS KYIS MDZAD DO, ,DE'I PHYIR 'BRAS BU 'DI LAS LAGS PA LA SOGS PA KHYAD PAR GSUM GYIS KHYAD PAR DU 'PHAGS PA'I YE SHES RJES SU DPAG STE, 'DAR GSHEGS PA RTOGS PA'I DON CAN LA BRTEN PA LAS SO, ,SNGAR NI GSHEGS PA THOB PA'I DON CAN LA BRTEN NAS SPANGS PA PHUN SUM TSOGS PA'I 'BRAS BUR BRJOD LA, DA LTA NI YE SHES PHUN SUM TSOGS PA'I STE LEGS PAR RTOGS PA NAS MA LUS PAR RTOGS PA ZHES PA'I BAR DU'O, ,DE LTAR BDE BAR GSHEGS PA NYID RIG PAR BYA'O, ,DE LA LEGS PA NYID NI YE SHES DE'I YUL DE KHO NA NYID YIN PA NYID KYI PHYIR LA, DE YANG DES BSTAN PA'I LAM TSAD MAS MI BSLU BA LAS RJES SU DPAG GO, ,SLAR MI LDOG PA NYID NI BRTEN PA NYID KYI PHYIR TE, DE YANG DES NGES PA'I LAM LA TSAD MA GZHAN GYIS GNOD PA MED PA LAS SHES PAR BYA'O, ,YANG NA RNAM PAR G-YO BA MED PA'I STE SNGA MA DANG PHYI MA'I GSUNG GZHOM DU MED PA STE, GSUNG RAB THAMS CAD LA 'PHAGS PA'I BDEN PA BZHI STON PA LA GSUNG NGAG GCIG PA NYID KYI PHYIR RO, ,LUS PA YANG 'DIR 'PHAGS PA'I BDEN PA BZHI RTOGS PA RNAMS LA YANG, YE SHES SGRUB PA LA MI MKHAS PA YIN LA, DE MED PA LAS MA LUS PA'I YE SHES RJES SU DPAG STE, THABS SNA TSOGS PA RNAMS KYIS BDEN PA STON PAR BYED PA'I PHYIR RO, ,NYAN THOS RNAMS KYI MKHAS PA NI CUNG ZAD TZAM STE, DE YANG DE'I RJES SU BSLAB PA LAS SO,, DE'I PHYIR DE KHO NA NYID DANG BSTAN PA NYID DANG MA LUS PA NYID KYI KHYAD PAR GYIS KHYAD PAR DU 'PHAGS PA'I YE SHES KYIS, BCOM LDAN 'DAS PHYI ROL PA DANG SLOB PA DANG MI SLOB PA RNAMS LAS LHAG PA YIN NO, ,DE KHO NA NYID KYI KHYAD PA GYI KHYAD PAR DU 'PHAGS PA'I YA SHES KYIS NI PHYI @010A *, ,ROL BA'I 'DOD CHAGS DANG BRAL BA RNAMS LAS LHAG STE, DE LTAR NI DE RNAMS KYI SHES PA NI TSAD MAS MI BSLU BA'I SPANG BYA DANG BLANG BYA'I YUL CAN MA YIN NO, ,BRTAN PA NYID KYI KHYAD PAR GYIS KHYAD PAR DU 'PHAGS PA NI SLOB PA RNAMS LAS TE, DE RNAMS KYIS MNGON PAR 'DU BYED PA CAN MA YIN PA'I 'JIG TSOGS LA LTA BA MA SPANGS PA'I PHYIR RO, ,DE KUN DU DPYOD PA'I DUS NA SLAR YANG LDOG PA SRID BA'I PHYIR RO, ,MA LUS PA'I KHYAD PAR GYIS KHYAD PAR DU 'PHAGS PA NI MI SLOB PA RNAMS LAS TE, DE RNAMS LA JI SKAD BSHAD PA'I LUS PA SRID PA'I PHYIR RO, ,RNAM PA 'DI LTA BU'I YE SHES LAS GZHAN DON DU LAM GOMS PA RTOGS PAR BYA STE, GANG GI PHYIR DE RTOGS NAS KYANG RANG SANGS RGYAS BZHIN DU BYA BA SPANGS PA MA YIN GYI, 'O NA CI ZHE NA JI LTAR RTOGS PA'I LAM 'CHAD BA LHUR LEN PA KHO NAR GYUR PAS SO, ,GANG GANG RTOGS NA YANG BYA BA LAS MI LDOG PA DE DE TZAM GYI 'BRAS BU MNGON PAR 'DOD PA MA YIN TE, DPER NA ZAS THOB NA YANG ZAS KYI CHED DU BYA BA LA MI LDOG PAR 'JUG PA BZHIN, BCOM LDAN 'DAS KYANG JI SKAD BSHAD PA'I YE SHES KYI KHYAD PAR RTOGS NA YANG DE TZAM GYI BYA BA LAS LOG PAR GYUR PA MA YIN NO, ,KHYAB BYED DANG 'GAL BA'O, ,LAM GOMS PAR BYED PA DE KHO NA STON PA NYID DE NYE BAR BTAGS PA LAS SO ZHES PA 'DI NI BRJOD ZIN TO, ,DE LAS KYANG BRTZE BA RJES SU DPAG STE, GANG GI PHYIR BRTZE BA DANG LDAN PA GZHAN DON LA RAB TU SBYOR GYI GZHAN NI MA YIN NO, ,DE'I PHYIR RNAM PA 'DI LTA BU'I RGYU DANG 'BRAS BU PHUN SUM TSOGS PAS BCOM LDAN 'DAS TSAD MA'O, ,DE LTAR NI BRTZE BAS DON KHO NA NYE BAR STON PAR 'DOD CING, BRTZE BA MED BA NI SHES KYANG RNAM PA GZHAN DU 'CHAD PAR BYED DO ZHES BRTZE BA NI TSAD MA NYID LA YAN LAG GI DNGOS PO'O, ,BRTZE BA DANG LDAN KYANG MI SHES BA LAS DE KHO NA NYID BSTAN PAR MI NUS LA, ,YE SHES LAS NI YANG DAG PA KHO NA STON PAR BYED DO ZHES PAS YE SHES KYANG TSAD MA NYID KYI NGOR SGRUB PAR BYED PA'I DNGOS PO'O, ,TSAD MA NYID DE MI NYANG RGYU DANG BCAS PA STE, DE LAS 'DI 'BYUNG BAR RIGS S ZHES PAS RGYU PHUN SUM TSOGS PA BRJOD DO, ,RNAM PA DE LTA BU'I 'BRAS @010B BU PHUN SUM TSOGS PA YOD PA NA DE'I NYE BAR SBYOR BA 'GA' ZHIG MED NA NI, GAL TE RGYU PHUN SUM TSOGS PA MED KYANG 'BRAS BU PHUN SUM TSOGS PA TSAD MA NYID DE 'GYUR BA KHO NAR 'GYUR NA, DE NI DE MED PAR MI SRID DO ZHES BA DE NYE BAR LEN PA'O, ,SKYOB PA NYID KYIS NI GZHAN RTOGS PAR BYED PA'I NGOR GDON MI ZA BAR MNGON BAR SBYOR BA DANG LDAN PA ZHES BYA BA 'DI BSTAN TO, ,GANG GI PHYIR DE LTAR DGE LEGS DANG YANG DAG PA 'CHAD CING DE 'CHAD PA LA 'BAD PA DANG LDAN PA DE'I PHYIR TSAD MA'O, ,GANG GANG GI CHED DU LEGS PA YANG DAG PA 'CHAD CING DE 'CHAD PA LA 'BAD PA DANG LDAN PA DE, SHES LDAN DES TSAD MAR BYA BA YIN TE, DPER NA JI SKAD BSHAD PA'I YON TAN RNAMS KYIS SLOB MA'I CHED DU NYE BAR STON PA'I MKHAN PO NI SLOB MA SHES LDAN GYIS BZHIN, BCOM LDAN 'DAS KYANG SEMS CAN RNAMS KYIS CHED DU LEGS PA YANG DAG BA 'CHAD CING DE 'CHAD PA LA YANG 'BAD BA DANG LDAN PA YIN NO, ,RANG BZHIN NO, ,'DIR BSHAD PA'I RNAM PA LA BRTZON PAR BYED DO, ,GAL TE SHES PA YANG TSAD MA NYID KYI SGRUB PAR BYAD PAR NYID DU RNAM PAR GZHAG PAR BYA NA SNYING RJE LA SOGS PA GANG GI SGRUB PAR BYED BAR BSHAD PAR BYA BA TSAD MA NYID DU CI YIN ZHE NA, BRJOD PAR BYA STE, NUS PA'I KHYAD PAR TE, GANG YOD NA BCOM LDAN 'DAS KYIS MA RTOGS PA'I DON RTOGS BAR BYED CING DE LA YANG MI BSLU BAR 'GYUR RO, ,NUS PA'I KHYAD PAR DE NI BRTZE BA LA SOGS PA RNAMS DANG LDAN BAR 'GYUR GYI CIG SHOS LA MA YIN NO ZHES DE'I SGRUB PAR BYED PA NYID DU RNAM PAR GZHAG GO,, RANG GI RAB TU BYED PA RNAMS LAS ZHES PA 'DI NI RANG GZHUNG ZHES PA 'DI'I BSHAD PA'O, ,SGO YI SGRA KHO NAS KYANG SNGAR BSHAD PA'I 'THOR BA'I SGRA'I DON GSAL BA KHO NAR RTOGS PAR BYA'O ZHES PA RNAM DBYE MED PA'O, ,SGO NI DV'AR RA STE PHYOGS TZAM STON PA MDOR BSDUS PA STE, DE RGYAS PAR RTOGS PAR BYA BA RNAMS KYIS GTAN LA 'BEBS PAR MI 'GYOR RO ZHES PA 'DI NI RAB TU GRAGS PA KHO NA'O, ,MANG PO RNAMS LA YANG GZHUNG DU MTSUNGS PA'I PHYIR TSIGS SU BCAD PA RANG GZHUNG ZHES GCIG GI TSIG GO, ,'GREL PAR NI DBYE BA BRJOD BAR 'DOD PA NA RANG GI RAB TU BYED PA RNAMS LAS ZHES MANG PO'I TSIGS GO, , @011A *, ,BTUS NAS ZHES PA LA SOGS PA STE, SNGAR BYAS PA DANG GZHAN CUNG ZAD SNGAR MED PA BLO LA GNAS PA YANG, YANG DAG PAR BLANGS NAS, TSAD MA RNAMS KYI KUN LAS BTUS PA YANG DAG PAR BSDUS PAR BYA'O, ,'DIR YANG TSAD MA DANG GZHAL BYA DANG DER SNANG BA LA SOGS PA RGYU MTSAN YANG DAG PAR BSGRIBS PA RNAMS THAMS CAD TSAD MA'I ZHAR LA 'ONGS PA NYID KYI PHYIR TSAD MA'I SGRAS BRJOD DO, ,GZHAN GYI TSAD MA DGAG PA'I CHED DANG ZHES PA LA SOGS PAS TSAD MA SGRUB PA'I SGRA'I DON GSUNGS SO, ,RANG GI TSAD MA NI 'DIR DNGOS SO, ,GZHAN GYI TSAD MA NI GZHAN RNAMS KYIS DE LA TSAD MAR MNGON PAR ZHEN PAS TSAD MA ZHES BRJOD DO, ,DE DAG GI RANG RANG GI NGO BO JI LTA BA BZHIN YONGS SU SHES PA NI TSAD MA GRUB PA'O, ,DE LA GZHAN GYI TSAD MA TSAD MA MA YIN PA LA DAM PAR SGRO BTAGS PA'I TSAD MA'I RANG BZHIN LA 'DI NI TSAD MA'I RANG BZHIN MA YIN NO ZHES GANG GTAN LA 'BEBS BA DE DGAG PA STE, DE KHO NA NI DE GRUB PA'O, ,RANG GI TSAD MA KHO NA YON TAN TE, DON 'DOD PA RNAMS KYIS BGRANG BAR BYA BA'O ZHES BYAS NAS DANG, DON THOB PAR BYED PA NYID KYI PHYIR YANG NGO, ,DE BRJOD PAR BYA BA NI PHYIN CI MA LOG PA'I MTSAN NYID MNGON BAR BRJOD PAS GTAN LA 'BEBS PA'O, ,DE KHO NA YANG DE GRUB PA'O, ,GANG GI PHYIR ZHES PA LA SOGS PAS TSAD MA SKYES BU'I DON LA NYE BAR MKHO BA NYID DU STON TO, ,GZHAN DU NA DE LA NYE BAR MKHO NA MED PA GTAN LA 'BEBS PA DON MED PA'O ZHES PAS BYA BA MIN PAR 'GYUR RO, ,GZHAL BYAR YANG 'DIR DOR BAR BYA BA DANG BLANG BAR BYA BA'O, ,GANG GI PHYIR DE RTOGS PA NI TSAD MA LA RAG LAS PA DE'I PHYIR TSAD MA GRUB PA'I CHED DU 'BAD PA 'BRAS BU DANG BCAS PA'O ZHES PA DGONGS PA'O, ,'DIR KHA CIG SMRA STE, TSAD MA RNAMS NI RANG KHO NA LAS GRUB PA'O ZHES SO, ,DE'I LUGS KYI RJES SU 'PHRANGS BA GZHAN RNAMS TSIGS SU BCAD PA KLOG PAR BYED DE, TSAD MA RNAMS DANG DES BYAS PA'I, ,THA SNYAD KYANG NI RAB GRAGS NA, ,TSAD MA'I MTSAN NYID BRJOD PA LA, ,DGOS PA SHES PAR BYA BA MIN, ,ZHES SO, ,DE'I PHYIR DE BSAL BA'I CHED DU GSUNGS BA, 'DI LA YANG LOG PAR @011B RTOGS PA MANG BAS NA'O ZHES TE, YANG GI SGRAS GANG GI PHYIR ZHES PA 'DI RJES SU 'GUGS PAR BYAD DO, ,'GAL BA'I RTOGS PA NI LOG PAR RTOGS PA RNAMS TE, PHAN TSUN 'GAL BA'I MTSAN NYID BYED PA'I PHYIR RO, ,GAL TE 'DI TSAD MA'O ZHES MTSAN NYID NGES PA MA GRUB PAR RANG NYID LAS TSAD MAR 'GYUR NA, MTSAN NYID BYED PA RNAMS KYIS PHAN TSUN 'GAL BA'I MTSAN NYID BYED PAR MI 'GYUR LA, TSAD MA SKYES PA NYID NA TSAD MA'I RANG GI NGO BO 'GRUB PA'I PHYIR MTSAN NYID BYED PA RNAM PA GCIG KHO NAR 'GYUR RO, ,THA SNYAD BYED BA PO RNAMS KYANG LOG PAR RTOGS TE, PHYIN CI LOG TU RTOGS PA RNAMS TE TSAD MA MA YIN PA LA TSAD MA NYID DU LHAG PAR ZHEN PA RNAMS SO ZHES PA'I DON TO, ,DE LTAR NI TSAD MA LTAR SNANG BAS ZHUGS PA RNAMS 'GA' ZHIG SLU BZHIN PA MTHONG LA, GAL TE THAMS CAD TSAD MA RNAMS SU GRUB PA KHO NAR GYUR NA, 'GA' YANG SLU BAR MI 'GYUR RO, ,DE'I PHYIR RANG LAS TE TSAD MA'I RANG RIG LAS RANG GI NGO BO GRUB PA TZAM DU 'GYUR LA, 'DOD PA'I DON BYA BA NUS PA'I DNGOS PO THOB PAR NUS PA'I MTSAN NYID CAN NI, GANG TSAD MA NYID YIN PA DE YOD PA KHO NA LAS TSAD MAS YONGS SU MTHONG BA'I DNGOS PO BSGRUB PAR BYA BA'I DON BYED PA'I YUL CAN TSAD MA GZHAN GYI 'JUG PAS DANG POR NGES PAR 'GYUR RO, ,PHYI MA'I DUS NA NA YANG YANG DU TSAD MA PHYI MA'I 'JUG PAS SHES PA'I GSAL BA 'GA' ZHIG RNAMS TSAD MA NYID DU NGES PAR BYED CING GOMS PAR BYED PA LAS SHES RAB CAN NI TSAD MA PHYI MA'I 'JUG PA MED PAR YANG RNAM PA DE LTA BU GZHAN RNAMS KYI RANG GI NGO BO YANG DAG PAR RIG PA TZAM KHO NA LAS TSAD MA NYID DU NGES PAR BYED DO, ,GOMS PAS NOR BU LA SOGS PA RNAMS KYI BCOM PA MA YIN PA LA SOGS PA'I KHYAD PAR BZHIN NO, ,DE LTAR GANG GI PHYIR TSAD MA LA LOG PAR RTOGS PA RNAMS MANG PA DE'I PHYIR DE RNAMS KYI LOG PAR RTOGS PA BSAL BA'I CHED DU BSTAN BCOS SO ZHES BA'O, ,DE LA 'BRAS BU DANG RANG GI NGO BO DANG YUL DANG GRANGS LA LOG PAR RTOGS PA BZHI RNAMS TE, DA RNAMS LAS GRANGS LA LOG PAR RTOGS PA BSAL BA'I DON DU GSUNGS PA, MNGON SUM DANG NI RJES SU DPAG ,CES PA LA SOGS PA'O,, @012A *, ,GAL TE TSAD MA GTAN LA DBAB PAR BYA BA LA GRANGS LA SOGS PA GTAN LA 'BEBS PA DON MED PA DON MED DO ZHE NA, MA YIN TE RAB TU BYED PA NI TSAD MA DANG TSAD MA MA YIN PAR LOG PAR RTOGS PA BZLOG PA LHUR LEN PA NYID KYI PHYIR RO, ,DE LA GAL TE GRANGS LA LOG PAR RTOGS PA MI SEL BAR MNGON SUM DANG RJES SU DPAG PA DAG GI RANG GI NGO BO 'BA' ZHIG GTAN LA 'BEBS PA DE'I TSE PHA ROL PO RNAMS KYI 'DI LTAR 'GYUR TE, 'DI'I YUL KHO NA LA NGES PAR BDAG CAG RNAMS KYI LOG PAR RTOGS PA YIN GYI, GANG TSAD MA GZHAN RNAMS BDAG CAG RNAMS KYIS KHAS BLANGS PA DE'I YUL MA YIN NO ZHES SO, ,'O NA DE RNAMS KYI YANG SKYON BRJOD PA'I PHYIR GANG LAS DGOS PA 'DI YIN ZHE NA, 'O NA DE LTAR NA, JI LTAR MNGON SUM DANG RJES SU DPAG PA DAG GI RANG GI NGO BO BDAG CAG 'DOD PA'I RANG GI NGO BO LAS GZHAN PA KHO NA YIN PA DE BZHIN DU DE RNAMS KYI YANG YOD PA KHO NA NYID NA DE NI 'DIS GTAN LA DBAB PA MA BYAS SO ZHES DOGS PAR 'GYUR RO, ,DE'I PHYIR GRANGS GTAN LA DBAB PA'O, ,SPYOD YUL GTAN LA MA PHAB NA NI GANG GI TSE YUL MA YIN PA LA BZUNG BA TSAD MAR 'GYUR NA, DE'I TSE DE LA DE BSLU LA DE BZHIN DU RANG GI YUL LA YANG TSAD MA MA YIN PAR RTOGS PA POS KHONG DU CHUD PAR 'GYUR RO ZHES YUL GTAN LA 'BEBS PA'O, ,TSAD MA LAS 'BRAS BU GZHAN MA YIN NO ZHES GANG GI TSE GTAN LA DBAB PAR MI BYA BA DE'I TSE TSAD MA NI TSAD MA'I RANG GI NGO BO NYID NYAMS PAR 'GYUR TE, DE LTAR NI 'BRAS BU NI RE ZHIG DON RTOGS PA'I NGO BOR NGES PAR KHAS BLANGS TE, GZHAN DU NA 'BRAS BU NYID DU MI RIGS PA'I PHYIR RO, ,DE'I PHYIR RTOGS PA'I NGO BO 'BRAS BU'O, ,DES NA GANG GI TSE SHES PA'I NGO BO LAS THA DAD PA TSAD MA YIN PA DE'I TSE DE SHES PA MA YIN PA'I NGO BOR 'GYUR LA, SHES PA MA YIN PA'I NGO BO YANG TSAD MA'I RANG GI NGO BO NYID DU MI 'GYUR TE GZUGS LA SOGS PA BZHIN NO ZHES 'BRAS BU GTAN LA 'BEBS PA'O, ,DE'I PHYIR GANGS LA SOGS PA GTAN LA DBAB PA DON MED PA MA YIN NO, ,DANG GI SGRA NI GNYIS PO DAG KYANG RANG GI YUL LA STOBS MTSUNGS PA NYID DU BSHAD PA'I CHED DU BSDU BA'I TSIG GO, ,NGAG 'DI'I DON CI YIN, CI, @012B MNGON SUM DANG NI RJES SU DPAG ,TSAD MA DAG GO ZHES PA 'DIS MNGON SUM DANG RJES SU DPAG PA'I TSAD MA DAG GNYIS NYID DU BSGRUB PAR BYA BA STE, MNGON SUM DANG RJES SU DPAG PA 'DI DAG TSAD MA DAG KHO NA STE, TSAD MA GCIG DANG TSAD MA RNAMS NI MA YIN NO ZHES PA 'AM, 'ON TE MNGON SUM DANG RJES SU DPAG PA DAG TSAD MA NYID DU BSGRUB PAR BYA STE, MNGON SUM DANG RJES SU DPAG PA DAG TSAD MA DAG KHO NA STE TSAD MA MA YIN PA DAG MA YIN NO ZHES PA YIN, DE LAS CIR 'GYUR NA GAL TE, RTOG PA DANG PO YIN NA TSIG 'BRAS BU MED PA STE, DE DAG GNYIS NYID DU GRUB PA NYID KYI PHYIR RO, , MNGON SUM DANG RJES SU DPAG PA DAG GNYIS NYID KYI NGOR, SU'I YANG LOG PAR RTOGS PA MED PA'I PHYIR RO, ,'ON TE GNYIS PA YIN NA NI GRANGS NGES PAR GZUNG BA MA BYAS PAR 'GYUR LA, DE LAS KYANG RNAM PA GNYIS KHO NA TSAD MA'O ZHES GANG SGRUB PAR 'DOD PA DE MA BSGRUBS PA KHO NAR 'GYUR RO, , GRUB PA SGRUB PA NYID KYANG STE, DE DAG TSAD MA NYID DU GRUB PA NYID KYI PHYIR RO, ,'ON TE TZ'AR B'A KA'I NGOR 'DI BRJOD PAR BYA NA, DE LTA NA YANG MNGON SUM LA LTOS NAS GRUB PA SGRUB PAR BYED PA KHO NA'O ZHE NA, 'DI NI SKYON MA YIN TE, 'DIR DAG GNYIS YIN PA NA STE, MNGAN SUM DANG NI RJES SU DPAG ,CES PA NGAG GCIG DANG TSAD MA DAG GO ZHES PA GNYIS PA'O, ,'DI LTAR YANG BSHAD PAR BYA STE, TSAD MA DAG KHO NA STE TSAD MA RNAMS DANG TSAD MA GCIG MA YIN NO ZHES PA'I DON TO, ,DE NYID KYI PHYIR 'GREL PAR NGES PAR GZUNG BA MDZAD DE GNYIS DAG KHO NA'O ZHES SO, ,NGAG GI RNAM PAR GCOD PA'I 'BRAS BU CAN NYID KYI PHYIR KHO NA'I SGRA MED KYANG DE'I DON 'THOB BO, ,DE LTAR NGAG 'DIS TSAD MA GNYIS DAG KHO NA'O ZHES BSGRUBS SO, ,GNYIS PO DE DAG CI ZHIG DAG ,CES DOGS PA'I DRI BA'I SKABS LA 'DI BRJOD PAR BYA STE, MNGON SUM DANG NI RJES SU DPAG ,CES PA'O,, MNGON SUM DANG RJES SU DPAG PA DAG TSAD MA GNYIS PO DAG STE, GZHAN 'GA' ZHIG GNYIS DAG MA YIN PA KHO NA'O ZHES PA'O, ,BSHAD PA 'DI LA JI SKAD BRJOD PA'I SKYON GYI SKABS MI 'GYUR RO, ,CI STE TSAD MA GCIG NYID DAM MANG PO NYID MA YIN NO ZHES JI LTAR RTOGS SHE NA, RE ZHIG @013A *, ,GCIG NYID DU MI 'GYUR TE, RJES SU DPAG PA YANG TSAD MA NYID YIN PA'I PHYIR RO, ,GZHAN DU NI 'DI TSAD MA'O, ,'DI TSAD MA YIN PA ZHES RNAM PAR GZHAG PA 'DI MI 'GYUR RO, ,DE LTAR NI SHOS PA'I GSAL BA 'GA' ZHIG GI 'JUG BA LA BSLU BA DANG MI BSLU BA DAG DMIGS NAS, DE'I RIGS CAN NYID KYIS SHES PA GZHAN LA YANG MI BSLU BA DANG CIG SHOS SU NGES PA LAS TSAD MA DANG CIG SHOS SU RNAM PAR GZHAG PAR BYED KYI GZHAN DU NA MA YIN NO, ,JI LTAR MTHONG BA DANG CHOS MTHUN PA LAS DE LTAR YONGS SU GCAD PAR BYA BA DE YANG RJES SU DPAG PAR BYA BA NYID LAS 'DA' BA MA YIN NO, ,GZHAN YANG RJES SU DPAG PA TSAD MA NYID MA YIN NA BSTAN BCOS BYA BAR MI 'GYUR TE, GANG GI PHYIR PHA ROL GYIS KHONG DU CHUD PA'I DON DU BSTAN BCOS BYA BA YIN LA, GZHAN GYIS RTOGS PA DE YANG RJES SU DPAG PA LAS GZHAN LAS MI RTOGS TE MNGON SUM NI LUS TZAM GYI YUL CAN NYID KYI PHYIR RO, ,LUS NYID NI BLO MA YIN TE, DE GRUB KYANG BLO'I RNAM PAR BRTAG PA LA, THE TSOM ZA BA'I PHYIR RO, ,GZHAN DANG 'BREL BA CAN 'DI NI SKYES BU TZAM GYI MNGON SUM DU MI RTOGS SO, ,'DIS RJES SU DPAG PA LA SKUR BA 'DEBS PAR BYED CING, 'JIG RTEN PHA ROL LA SOGS PA DGAG PA YANG MNGON SUM GYIS BYA BAR 'OS PA MA YIN TE, DE NI DNGOS PO'I YUL CAN NYID KYI PHYIR RO, ,DE YANG DON GYI NUS PA LA LTOS PA'I PHYIR RO, ,LTOS PA MED NA NI BAR DU CHOD PA LA SOGS PA'I DNGOS PO LA YANG 'BYUNG BAR THAL LO ZHES PA'O, ,DE'I PHYIR RJES SU DPAG PA YANG TSAD MA NYID DU KHAS BLANG BAR BYA'O, ,DE'I PHYIR TSAD MA GCIG KHO NA MA YIN NO, ,MANG PO NYID DU NI 'GYUR TE DE YANG YUL MANG PO NYID KYI PHYIR RAM, YUL GCIG LA YANG TSAD MA DU MA 'JUG PA'I PHYIR RO ZHE NA, RE ZHIG YUL MANG PO NYID KYI PHYIR MA YIN TE 'DI LA RGYU GSUNGS PA, GANG GI PHYIR MTSAN NYID GNYIS, GZHAL BYA ZHES SO, ,DE RNAM PAR 'GREL BAR BYED PA MED DO ZHES PA LA SOGS PAS SO, ,DE LA RANG GI MTSAN NYID NI GANG DON GYI BYA BA NUS PA STE DE KHO NA DNGOS PO'O, ,SPYI'I MTSAN NYID NI YANG DE LAS BZLOG PA'O, ,GAL TE DE LTAR NA RAB RIB CAN LA SOGS PA'I NYE BAR DMIGS @013B BA SKRA SHAD LA SOGS PA RNAMS RANG GI MTSAN NYID MA YIN TE, SKRA SHAD LA SOGS PA BSGRUB PAR BYA BA'I DON BYA BA LA NUS PA MED PA'I PHYIR RO, ,SPYI'I MTSAN NYID KYANG MA YIN TE GSAL BAR SO SOR SNANG BA NYID KYI PHYIR RO, ,DE RNAMS GZHAL BYA GZHAN NYID DU 'GYUR RO ZHE NA, 'DI SKYON MA YIN TE GANG GI PHYIR GANG LA THA SNYAD BYED PA RNAMS YUL NYID DU ZHEN PA DE LA DPYAD PA 'DI YIN LA, RAB RIB CAN LA SOGS PA RNAMS KYIS DMIGS PA SKRA SHAD LA SOGS PA RANG GI SHES PA'I SNANG BA RNAMS KYI DE RNAMS KYI YUL NYID DU MOS PA MED DO, ,'O NA DNGOS PO MED PA SPYIR MI 'GYUR TE, DE NI YUL NYID DU ZHEN PAR BYA BA MA YIN PAS SO ZHE NA, MA YIN TE, SHES BYA NYID DU LHAG PAR ZHEN PA'I PHYIR DE LA YANG YUL DU LHAG PAR MOS PA YOD DO, ,YANG GANG GI TSE DNGOS PO MED PA BZHIN DU RAB RIB CAN LA SOGS PAS MTHONG BA SKRA SHAD LA SOGS PA RNAMS SHES PA GZHAN GYIS SHES BYA NYID DU 'DZIN PA DE'I TSE SPYI'I NGO BO NYID DU 'DOD PA KHO NA'O, ,SHES PA GANG LA DE RNAMS SO SOR SNANG BA DES SHES BYA NYID DU DE RNAMS BZUNG BA MA YIN NO ZHES PAS DE RNAMS SPYI'I NGO BO MA YIN PAR BRJOD PA 'BA' ZHIG GO, ,GAL TE DE RNAMS DNGOS PO MA YIN NA CI LTAR GSAL BAR SNANG ZHE NA, SHES PA'I NGO BO NYID KYIS RANG GI MTSAN NYID YIN PA NYID KYI PHYIR RO, ,GANG GI TSE NGO SHES PA'I SHES PAS SKRA SHAD LA SOGS PA DANG 'DRA BAR SKRA SHAD LA SOGS PA 'DI'I ZHES YUL DU BYA BA DE'I TSE SPYI'I RNAM PAS MI GSAL BAR SNANG BZHIN PA RNAMS SPYI'I NGO BO NYID DU RNAM PAR GZHAG GO, ,GAL TE DE RNAMS SHES PA'I NGO BO NYID KYI PHYIR DNGOS PO NYID YIN NA SPYI LA YANG THAL PAR 'GYUR RO ZHE NA, DE LTAR DE YANG RANG GI MTSAN NYID DU 'DOD DO ZHES PAS SKYON MED LA, DE SPYI'I NGO BO CAN NYID DU NI YUL LA LTOS NAS RNAM PAR GZHAG STE, DON GZHAN LAS LOG PA'I DNGOS PO LA BRTEN NAS KYE BA'I NGO SHES PA'I BLO THA MI DAD PA'I RNAM PA CAN GYIS DE RNAMS LAS RNAM PA THA MI DAD PA BZHIN DU KHO NAR MTHONG NGO ZHES PAS BLOS RTOGS PA'I RNAM PA DE DON RNAMS KYI SPYIR RNAM PAR GZHAG GO, ,DE NYID KYI PHYIR 'DI DNGOS PO MA YIN PA NYID DU YANG STE, PHYI ROL GYI NGO BOR ZHEN PA LA DE'I NGO BO MA YIN PA'I PHYIR RO, ,GAL TE DE LTA NA SPYI NUS PA @014A *, ,THAMS CAD DANG BRAL BA DE GZHAL BAR 'OS PA MA YIN PA KHO NAR 'GYUR BAS GZHAL BYA MA YIN PA NYID NA, DE SLOB DPON GYIS RANG DANG SPYI'I MTSAN NYID DAG LAS GZHAN PA'I GZHAL BYA YOD PA MA YIN NO ZHES YUL RNAM PA GNYIS NYID DU GSUNGS BA CI LTAR ZHE NA, 'DI BDEN TE GANG SKYES BU'I DON LA NYE BAR MKHO BA RANG GI MTSAN NYID KHO NA GZHAL BYA'O, ,GANG YANG SLOB DPON GYIS YUL RNAM PA GNYIS NYID DU GSUNGS PA DE NI KHO NA RANG GI NGO BO DANG GZHAN GYI NGO BO DAG GIS RTOGS PA LAS TE, GANG GI PHYIR DNGOS PO DE KHO NA MNGON SUM GYIS RANG GI NGO BOS RTOGS PA LAS GZHAL BYA GCIG RANG GI MTSAN NYID DO, ,DE KHO NA RJES SU DPAG PAS SPYI'I RNAM PA RJES SU CHAGS PA GZUNG BYA'I CHA SHAS KYI BDAG NYID GZHAN GYI NGO BOS DE'I DNGOS POR LHAG PAR ZHEN PA NYID KYI RTOGS PA'I PHYIR GNYIS PA SPYI'I MTSAN NYID DO, ,GZHAN GYI NGO BOS RANG GI MTSAN NYID KHON RTOGS SO ZHES PA 'DI CI LTAR RTOGS PAR BYA ZHE NA, GANG GI PHYIR RJES SU DPAG PA'I RNAM PAR RTOG PA'I PHYI ROL NYID DU SO SOR SNANG BA'I CHA SHAS RANG GI MTSAN NYID MA YIN PA YANG RANG GI MTSAN NYID NYID DU ZHEN NAS, DON BYA BA DON DU GNYER BA'I SKYES BU RANG GI MTSAN NYID KHO NA LA 'JUG PAS SO, ,GZHAN DU NA GAL TE SPYI RJES SU DPAG PAS YONGS SU SPYAD PAR GYUR NA DON BYA BA DON DU GNYER BA PO DE KHO NA LA 'JUG PAR 'GYUR ZHING, BUM PA YONGS SU BCAD NAS BUM PA RTOGS PA LA GNAS PA DE'I DON BYA BA DON DU GNYER BA BUM PA LA 'JUG PA MA YIN BAR 'GYUR BA 'AM, MI 'JUG PA KHO NAR 'GYUR TE, SPYI NI GANG DU YANG NYE BAR MKHO BA MED PA'I PHYIR RO, ,RANG GI MTSAN NYID LA DES BSGRUB PAR BYA BA'I DON BYA BA THOB PA'I RJES SU DPAG PA LAS 'JUG PA YANG YIN, DES NA DE'I DNGOS POR LHAG PAR ZHEN PA'O ZHES RTOGS PAR BYA'O, ,MNGON SUM GYIS KYANG GZHAN GYI NGO BO KHO NAS RTOGS LA, 'DI NI KHYAD PAR TE RJES SU DPAG PAS MTHUN PAS THUN MONG BAR GYUR PA'I GZHAN GYI NGO BOS DON 'DZIN ZHING, MNGON SUM GYIS NI THUN MONG MA YIN PAR GYUR PAS SO ZHES PA'O, ,DE'I PHYIR THUN MONG DANG THUN MONG MA YIN PAR GYUR PA'I GZHAN GYI NGO BO DAG GIS RTOGS PA'I PHYIR GZHAL BYA GNYIS SU BSHAD @014B DO, ,RNAM PAR SHES PA BZHIN DU DON NI RANG NYID LAS YANG DAG PAR RIG PA MA YIN GYI, DON GYI RNAM PAR CAN GYI SHES PA'I GANG KHO NA RANG RIG PA DE KHO NA DON YANG DAG PAR RIG PA'O, ,SHES PA LA DON SNANG BA NYAMS SU MYONG BA NA DON RTOGS SO ZHES SEMS PAS TE, DE'I PHYIR PHYI ROL GYI DON GZHAL BYA LA YANG RANG RIG PA 'BRAS BU NYID DU RNAM PAR 'JOG PAR 'GYUR ZHES GZHAN RNAMS SO, ,'DI SONG NGO, ,'DI NI BRJOD PAR BYA STE, GZHAL BYA GNYIS NYID KYI PHYIR TSAD MA GNYIS NYID DO ZHES PA JI LTAR ZHE NA GSUNGS PA, RANG GI MTSAN NYID KYI YUL CAN NI ZHES PA LA SOGS PAS TE, NI'I SGRA NI NGES PAR GZUNG BA'I DON CAN NO, ,RANG GI MTSAN NYID KYI YUL CAN MNGON SUM KHO NA DANG SPYI'I MTSAN NYID KYI YUL CAN RJES SU DPAG PA KHO NA STE, TSAD MA GZHAN NI MED DO, ,DON 'DI YANG RGYAS PAR, RANG GI MTSAN NYID BSTAN BYA MIN, ,GZUNG BYA THA DAD PHYIR ZHES PA LA SOGS PAS RTOGS PAR BYED PAR 'GYUR RO ZHES STON PAS GSUNGS PA, RTOGS PAR BYED PAR 'GYUR RO ZHES SO, ,YANG NA GZHAL BYA GNYIS SU BSTAN PA 'DIS NI GCIG DANG GSUM LA SOGS PA'I TSAD MA BSAL BAR BYA STE, RANG GI MTSAN NYID LAS GZHAN PA'ANG GZHAL BYAR BSTAN PAS TSAD MA MNGON SUM MA YIN PA'ANG YOD DO ZHES TSAD MA GCIG YIN PA BSAL BAR BYAS LA, GZHAL BYA GSUM PO MED PAR BSTAN PAS TSAD MA GSUM LA SOGS PA BSAL LO, ,DE LTAN GANG ZHES PA LA SOGS PA STE, GAL TE GZHAL BYA NGES TE RANG DANG SPYI'I MTSAN NYID DAG LAS GZHAN GZHAL BYA MED PA KHO NA'O ZHES KHAS LEN PA DE LTA NA SNGON PO LA SOGS PA RNAMS BYAS PA NYID LA SOGS PA'I RTAGS BSTAN PA LAS GZUGS MI RTAG GO ZHES PA LA SOGS PAR 'DZIN PAR MI 'GYUR RO, ,DE LTAR NI SNGON PO LA SOGS PA RANG GI MTSAN NYID DANG MI RTAG PA NYID SPYI YIN LA 'DI DAG 'DRES PAS 'DZIN PA'I PHYIR, DE CI KHO NA'AM, RANG GI MTSAN NYID KHO NA MA YIN NO, ,DE'I PHYIR 'DI NI KHYAD PAR DANG SPYI'I NGO BO GZHAL BYA GZHAN PA KHO NA STE, MI 'JAL BAR 'GYUR NA 'JAL BA YANG YIN TE DE'I PHYIR GZUGS MI RTAG CES PA LA SOGS PA KHYAD PAR DANG SPYI'I YUL 'DZIN PA TSAD MA GZHAN NO, ,DE LTAR NI DE MNGON SUM MA YIN TE SPYI YANG 'DZIN @015A *, ,BA'I PHYIR RO, ,RJES SU DPAG PA YANG MA YIN TE KHYAD PAR YANG 'DZIN PA'I PHYIR DANG, RTAGS MED PA'I YANG DE LTAR RTOGS PA SRID PA'I PHYIR RO, ,DE CI LTAR ZHES BA STE, DE 'DZIN PA CI LTAR TSAD MA GZHAN MA YIN ZHES PA'I DON TO, ,LAN CIG MA YIN PAR ZHES PA STE, 'DIS KYANG KHYAD PAR MTHONG BA ZHES BYA BA GANG RJES SU DPAG PA DE TSAD MA GZHAN NO ZHES STON PAR BYED DO, ,'DI LTA STE GCIG GI TSE MNGON SUM GYIS ME DANG DU BA YONGS SU BCAD PA NA, SLAR YANG BRGYUD PAS GANG GI TSE DU BA DE KHO NAS ME DE KHO NA 'DI'O ZHES YONGS SU GCOD PA DE'I TSE KHYAD PAR MTHONG PA ZHES BYA BA ME 'DZIN PA NI TSAD MA GZHAN TE, RJES SU DPAG PA NI SPYI LAS MTHONG BA YIN PA'I PHYIR RO, ,DE KHO NA YANG 'DIR RJES SU DPAG PAR 'DOD LA, MTSAN NYID DE YANG KHYAD PAR MTHONG BA LA MI SRID DE KHYAD PAR DANG RTAGS 'BREL PA MI RIGS PA'I PHYIR RO, ,DE LTAR RNAM PA GNYIS DAG GIS TSAD MA MANG PO NYID SRID DE, GZHAL BYA MANG PO NYID KYI PHYIR RAM, YUL GCIG KHO NA YANG TSAD MA DU MA 'JUG PA'I PHYIR RO, ,DE GNYIS KA LTAR YANG PHA ROL POS 'O NA GANG ZHES PA LA SOGS PA'I GZHUNG GI BSTAN PA'O, ,YANG NA GZHAL BYA GNYIS KA BSTAN PA LAS GANG TSAD MA GCIG DANG DU MA BSAL BA SNGAR BRJOD PA DE MED DO ZHES BSGRUBS PA'O, ,RE ZHIG YUL NGES PA'I PHYIR GRANGS GCIG BSAL BA NI MA YIN TE, GANG GI TSE RJES SU DPAG PA SPYI'I YUL CAN KHO NA MA YIN TE, 'O NA CI ZHE NA TSAD MA GZHAN GYI YUL LA YANG 'JUG PA DE'I TSE, MNGON SUM YANG SPYI LA 'JUG PA MI 'GAL BA'I PHYIR, MNGON GYUR MA YIN PA'I PHYIR YUL RTOGS PAR BYA BA'I CHED DU RJES SU DPAG PA BRTAG PAR BYA BA MA YIN PAS TSAD MA GCIG KHO NAR 'GYUR RO, ,GSUM LA SOGS PA'I GRANGS BSAL BA YANG MA YIN TE, GZHAL BYA GZHAN SRID PA'I PHYIR RO, ,GANG GI PHYIR GZHAL BYA GNYIS NYID KYIS TSAD MA GNYIS SU BRJOD NA GANG GI TSE GZHAL BYA GZHAN SRID PA DE'I TSE DE RTOGS PAR BYED PA TSAD MA GZHAN DU 'GYUR RO ZHES PAS TSAD MA GNYIS DAG KHO NA MA YIN NO ZHE NA, DE 'DZIN PA NI YOD KYI ZHES PA 'DI LA BSNYON PAR BYA BA MA YIN GYI 'ON KYANG, DE LA RAB SBYOR BA, TSAD MA GZHAN @015B PA MA YIN NO, ,'DI NI RE ZHIG SNGA MA'I LAN TE, DE LA ZHES PA MI RTAG PA LA SOGS PA DANG KHO DOG LA SOGS PA LA'O, ,RAB SBYOR BA NI SBYOR PAR BYED PA'O, ,GANG DE SBYOR BA LA 'JUG PA DE'I RGYU MTSAN CAN GYI SHES PA DE TSAD MA GZHAN MA YIN NO, ,DE SBYOR BA YANG CI LTAR YIN ZHE NA GSUNGS PA, RANG DANG SPYI'I MTSAN NYID DAG GIS ZHES PA LA SOGS PA STE, DANG POR RO ZHIG GZUGS LA SOGS PA NI THA SNYAD BYA BA MA YIN PA RANG GI MTSAN NYID DU MNGON SUM GYIS 'DZIN NO, ,PHYIS DE KHO NA'AM KHA DOG NYID LA SOGS PA'I SPYI'I MTSAN NYID DU RNAM PAR RTOG PA DANG BCAS PA'I YID KYIS RNAM PAR SHES PAS SO, ,DE'I PHYIR SPYI'I MTSAN NYID MI RTAG PA NYID LA SOGS PAR YANG GANG CUNG ZAD BYAS PA DE THAMS CAD MI RTAG GO ZHES PA 'DI LTAR BZUNG NAS, DE NAS KHA DOG LA SOGS PA 'DI NI BYAS PA STE DE'I PHYIR MI RTAG GO ZHES YID KYIS KHA DOG NYID LA SOGS PA'I SPYI MI RTAG PA NYID SPYI NYID DANG, SBYOR BAR BYED DE LDAN PAR BYED DO, ,DE'I PHYIR TSAD MA GZHAN MA YIN GYI 'ON KYANG RJES SU DPAG PA KHO NA'O, ,KHYAD PAR DANG SBYOR BAR MI BYED PA'I RGYU CI ZHE NA, DE DES MI 'DZIN PA'I PHYIR RO, ,DE LTAR 'GYUR MOD KYI GAL TE KHA DOG GI SPYIS MI RTAG PA NYID LA SOGS PA RNAMS SBYOR BAR BYED NA, DE LTAR GYUR BA NA MI RTAG PA NYID LA SOGS PA RNAMS SPYI DNGOS PO MED PA KHO NA'I CHOS RNAMS SU 'GYUR GYI, RANG GI MTSAN NYID KYI NI MA YIN TE DE LA MI 'JUG PA'I PHYIR RO, ,GANG DNGOS PO LA MI 'JUG PA DE RNAMS DNGOS BO'I CHOS MA YIN TE DPER NA SKYE BA MED PA LA SOGS PA RNAMS BZHIN NO ZHE NA, 'DI SKYON MA YIN TE DNGOS PO KHON MI RTAG PA NYID LA SOGS PA'I RNAM PA RNAMS KYIS DE LTAR SGRUB PAR BYED PA['I PHYIR RO, ,GAL TE YANG RNAM PAR RTOGS PA LA SNANG BA'I SPYI KHO NA LA DE LTA BU'I DNGOS POR ZHEN PAS 'DZIN PA DE LTA NA YANG DNGOS PO DE'I SKAD CIG MA NYID LA SOGS PA YOD BZHIN PA KHO NA'I RNAM PA RNAMS RJES SU DPAG PA'I RNAM PAR RTOG PA LA SNANG NGO, ,DE JI LTAR GNAS PA'I DNGOS PO RTOGS PAR BYED PA'I RTAGS LA BRTEN NAS SKYES PA NI DNGOS PO LA YOD PA'I RNAM PA RNAMS KHO NAR ZHEN TO, ,DE'I PHYIR KHA DOG SPYI LA MI RTAG PA NYID LA SOGS PA @016A *, ,SGRUB PAR BYED PA LA YANG, DE LA DE'I RNAM PA GRUB PAS DNGOS PO KHO NA LAS RNAM PA DE GRUB BO ZHES RTOGS PAR BYA STE, TSOGS PA'I KHYAD PAR LAS SKYES PA'I BZHIN GYI GZUGS BRNYAN GYI SHES PA'I YUL LA MTSAN MA LA SOGS PA GRUB PAS BZHIN GYI PHUN SUM TSOGS PA LA SOGS PA DON LAS GRUB PA BZHIN NO, ,RJES SU DPAG PA'I RNAM PAR RTOG PA DE NI GAL TE YANG DON YANG DAG PAR 'BYUNG BA'I RNAM PA KHO NAR LHAG PAR ZHEN PA DE LTA NA YANG, DES RANG GI MTSAN NYID KYI NGO BO MA BZUNG BA KHO NA'O, ,GZHAN DU NA MTHONG BA BZHIN DU DE LA DNGOS PO'I NGO BO GSAL BAR SNANG BAR 'GYUR RO, ,GANG GIS MI GSAL BAR BZUNG BA CIG SHOS KYIS MA YIN PA, DNGOS PO GCIG LA PHAN TSUN MTSAN NYID MI MTHUN PA'I RNAM PA DAG YOD PA YANG MA YIN NO, ,DE'I PHYIR KHYAD PAR MI 'DZIN PA'I PHYIR YOD PA LA MI RTAG PA NYID DANG SBYOR BAR BYED PA MA YIN GYI, 'ON KYANG RANG GI YUL KHA DOG GI SPYI KHO NA LA STE, DE'I PHYIR TSAD MA GZHAN MA YIN NO, ,DE LTAR 'DI NI RJES SU DPAG PAS KHA DOG LA SOGS PA MI RTAG PA NYID DU 'DZIN PA'I DBANG DU BYAS NAS BSHAD PA'O, ,GANG GI TSE SKAD CIG MA THA MA MTHONG BAS 'DI ZHIG GO ZHES NGES PAR 'GYUR BA DE'I TSE MNGON SUM GYIS MI RTAG BA NYID KYI RANG BZHIN RTOGS PA'I PHYIR BZUNG ZIN PA KHO NA NGES PAR BYED DO ZHES PAS 'DI TSAD MA NYID DU MI 'GYUR RO, ,DE'I TSE YANG LAN CIG MA YIN PAR ZHES PA 'DI'I THUN MONG GI LAN 'CHAD PAR 'GYUR TE, THUG MED 'GYUR PHYIR ZHES PA 'DIR SHES PAR BYA'O, ,YANG CI LTAR MNGON SUM GYIS SNGAR BZUNG BA KHO NA PHYIS NGES PA'I SHES PAS 'DZIN ZHE NA, GANG GI PHYIR MI RTAG PA NYID CES BYA PA DNGOS PO G-YO PA LAS GZHAN 'GA' ZHIG MA YIN LA, DES NA SKAD CIG MA THA MA 'DRA BA GZHAN DANG MTSAMS SBYOR BA MED PA MNGON SUM GYIS YONGS SU GCOD CING, DE'I RANG BZHIN 'JIG PA'I NGANG CAN NYID DU YANG RTOGS SO ZHES PA DANG, DE KHO NA YANG MI RTAG PA NYID DO ZHES PAS DE MNGON SUM GYIS GRUB BO, ,CI STE YANG MI RTAG PA NYID DNGOS PO LAS DON GZHAN YIN PA DE'I TSE RANG BZHIN 'JIG PA'I NGANG CAN MA YIN PAR 'GYUR TE, GZHAN YOD PA NA GZHAN 'JIG PA ZHES BYA BA NI MA YIN PAS SO, ,DE LAS DNGOS PO @016B 'JIG PA'I NGANG CAN NYID KYI RANG BZHIN DU 'BYUNG BA'O ZHE NA, 'DI NI MI RIGS TE, RANG NYID G-YO BA'I RANG BZHIN MA YIN PA NI GZHAN GYIS RANG BZHIN GZHAN SKYED PAR MI NUS LA, RANG BZHIN GYIS G-YO BA'I BDAG NYID YIN NA YANG MI RTAG PA NYID GZHAN 'BRAS BU MED PAS SO, ,DE NYID DANG GZHAN NYID DAG TU BRJOD DU MED PA NYID YIN NA YANG, DNGOS PO MA YIN PA NYID KYI PHYIR DE RANG BZHIN GYI DNGOS PO MA YIN NO ZHES PAS KUN RDZOB DANG MI RTAG PAR 'GYUR GYI DON DAM PAR NI MA YIN NO, ,DE'I PHYIR DNGOS PO KHO NA MI RTAG PA NYID DO, ,DE'I PHYIR YANG CHOS CAN GZUGS LA SOGS PA GZUNG BA NA MI RTAG PA NYID KYANG GZUNG BA KHO NA'O ZHES PAS BZUNG ZIN PA 'DZIN PA'I PHYIR 'DI TSAD MA MA YIN NO, ,GAL TE MI RTAG PA NYID LA SOGS PA'I CHOS CAN LAS GZHAN MA YIN NA, 'O NA DE LTA NA, RJES SU DPHAG PA YANG TSAD MA MA YIN PAR 'GYUR RO, ,DE LTAR NI CHOS CAN MA GRUB NA CHOS SGRUB PAR MI NUS LA, DE GRUB NA DE'I BDAG NYID YIN PA NYID KYIS CHOS KYANG GRUB PA NYID KYI PHYIR RO ZHE NA, MA YIN TE DE MA NGES PA'I PHYIR RO, ,'DRA BA GZHAN 'BYUNG BAS DE KHO NA 'DI'O ZHES 'KHRUL BA PO'I MNGON SUM NI DE LA NGES PA SKYED PAR BYED PA MA YIN LA, NGES PA MED PA'I PHYIR YANG, DE NI THA SNYAD DU RUNG BA MA YIN ZHING MA BZUNG BA DANG 'DRA BA KHO NA'O ZHES PAS NA, DE DE LA TSAD MA NYID MA YIN GYI 'ON KYANG RNAM PA GANG LA NGES PA SKYED PAR BYED CING DRAN PA'I SGO NAS RAB TU 'JUG PA DE KHO NA LA'O, ,CI'I PHYIR ZHE NA, TSAD MA NI RAB TU 'JUG PA'I 'BRAS BU CAN NYID YIN BA'I PHYIR RO, ,DE'I PHYIR MA NGES PA'I RNAM PA RNAMS LA NGES PA SKYED PAR BYED CING DE LA RAB TU 'JUG PAR BYED PA'I PHYIR RJES SU DPAG PA TSAD MA'O ZHES PAS MI MTSUNGS SO, ,'O NA RTOG PA GNYIS PA LA TSAD MA GZHAN MED DO ZHES PA'I GZHUNG CI LTAR DRANG BAR BYA STE, JI SRID KYIS 'DI TSAD MA NYID DU MI 'GYUR BA DE'I PHYIR 'DI TSAD MA MA YIN NO ZHES SMRA PAR RIGS PAR 'GYUR RO ZHE NA, 'DI BDEN MOD 'ON KYANG PHA ROL POS TSAD MA GZHAN NO ZHES BYAS NAS NYE BAR BKOD PA DE'I PHYIR DE KHO NA LTAR BKAG PA'O ZHES PAS SKYON MA YIN NO, ,YANG YANG NGO SHES PA YANG MA YIN NO ZHES PA STE NGO SHES PA 'BRAS BUR BYA BA NA GANG KHYAD PAR MTHONG BA'I SHAS PA DE CHAD MA MA YIN NO @017A *, ,ZHES PA'I DON TO, ,GAL TE YANG SHES PA DANG NGO SHES PA DAG DNGOS POR NA THA DAD MED PA DE LTA NA YANG TSAD MA DANG 'BRAS BU LTAR THA DAD DU BRTAG PAR BYA NA NGO SHES PAR BYA BA'I DON GYIS RNAM PAR SKYE BA'I SHES PA NI SNGAR BZUNG BA'I DON 'DZIN PA'I PHYIR NGO SHES PA'O ZHES PA'O, ,YANG GI SGRAS MNGON SUM GYIS BZUNG BA KHO NA LA SLAR YANG KHA DOG LA SOGS PA MI RTAG GO ZHES GANG 'DZIN PA DE YANG TSAD MA MA YIN NO ZHES STON TO, ,YANG YANG ZHES PA 'DIS LAN CIG MA YIN BA ZHES PA 'DI'I DON GSUNGS SO, ,'O NA SNGAR GZUNG BA'I DON LAN CIG 'DZIN PA NA YANG TSAD MA YIN NA LAN CIG MA YIN PAR ZHES PA DE BRJOD PA CI ZHE NA, PHA ROL PO'I 'DOD PA NYE BAR BSTAN PA'I DON NYID KYI PHYIR SKYON MED DE, GANG GI PHYIR GRANGS CAN PAS KHYAD PAR MTHONG BA RJES SU DPAG PA'I MTSAN NYID DU BRJOD DE, GANG GI TSE DU BA DE KHO NAS ME DE KHO NA YANG YANG YOD PA NYID DU RTOGS PA'O ZHES PA'O, ,DE'I PHYIR DE'I 'DOD PA BSTAN PA'I CHED DU DE SKAD BRJOD KYI YANG LAN CIG 'DZIN PA LAS TSAD MA'O ZHES BYAS NAS NI MA YIN NO, ,RTZOD PA'I GZHIR GYUR PA'I DNGOS PO RGYU MED PAR RTOGS PA MA YIN NO ZHES PA DE'I PHYIR, CI'I PHYIR ZHE NA ZHES 'DRI BAR BYED DO, ,SLOB DPON GYIS YUL RTOGS ZIN PA NYID TSAD MA NYID MA YIN PA LA RGYU NYE BAR STON PAR 'GYUR BA GSUNGS PA, THUG MED THAL PHYIR ZHES PA'O, ,GRANGS DANG MTSAN NYID LAS TSAD MA RNAMS 'DI TZAM NYID YONGS SU GCOD PA NI THUG PA YIN LA, DE MED PAR THAL LO ZHES PA'I DON TO, ,MA RTOGS PA'I DON RTOGS PAR BYED PA PO TSAD MA'O, ,SPYIR TSAD MA'I MTSAN NYID DE, GRANGS GNYIS GSUM RNAMS ZHES PA LA SOGS PA DER MI 'GYUR RO, ,GAL TE SHES PA THAMS CAD TSAD MA NYID DU 'DOD NA ZHES PA 'DIS NI PHYOGS SNGA MA DANG 'GAL BA GSUNGS SO, ,THUG PA MED PAR RNAM PAR GZHAG PAS SEL BAR BYED PA'I PHYIR RO, ,DRAN SOGS BA ZHIN ZHES BA DPE GSUNGS PA'O, ,YUL LA YANG 'DI LTAR BSTAN PA YOD DO ZHE NA GSUNGS PA, DRAN PA KHO NA DRAN PA'O ZHES PA DNGOS PO LA KTA BYAS PA'I PHYIR RO, ,DPER NA ZHES PA LA SOGS PAS BSGRUB PAR BYA BAS GTAN TSIGS KYI RJES SU 'GRO BA DPE LA STON PAR BYED DO, ,DE BZHIN NO ZHES PA TSAD MA'I 'BRAS BU'O, ,GANG LTAR RTOGS @017B ZIN PA'I DON GYI YUL CAN DE TSAD MA MA YIN TE DRAN PA LA SOGS PA BZHIN, KHYAD PAR MTHONG BA YANG DE LTA BU'O, ,KHYAB BYED DANG 'GAL BA'O, ,'DIR 'GYUR MOD JI LTAR MTHONG BA'I KHYAD PAR DE KHO NA DES GZUNG BA MA YIN GYI, 'ON KYANG DE DANG MTSUNGS PA NYID DO ZHE NA, 'O NA RJES SU DPAG PA DE KHYAD PAR MTHONG BA MA YIN GYI 'ON KYANG SNGAR MTHONG BA DANG MTSUNGS PA NYID DU PHYI MA 'DZIN PA'I PHYIR SPYI LAS MTHONG BA KHO NA'O, ,'DIR 'GYUR MOD KYI DER YANG ME'I SPYI TZAM 'DZIN PA 'BA' ZHIG MA YIN TE SO SOR NGES PA'I YUL LA GNAS PA 'DZIN PA'I PHYIR RO ZHE NA, KHYAD PAR LA BRTEN PA 'DI TZAM GYIS THUN MONG BA NYID NYAMS PA MA YIN TE, DE LTAR NI AA KA RU'I DU BA LA SOGS PAS DE SKYED PAR BYED PA'I ME RTOGS PAS YANG ME'I SPYI KHO NA RTOGS KYI SO SOR NGES PA'I KHYAD PAR NI MA YIN NO ZHES PAS 'DI NI GYI NA'O, ,'DIR 'GYUR MOD KYI GANG DU DPE DANG DPE CAN DAG THA DAD PA DER DE DAG SPYIS RJES SU DPAG PA SRID DO, ,'DIR NI GANG DPE DE KHO NA DPE CAN TE DE KHO NA 'DI'I ZHES RAB TU STON PA'I PHYIR RO, ,DE'I PHYIR SPYI'I RJES SU DPAG PA MA YIN NO ZHE NA, GAL TE GANG KHO NA BSGRUB PAR BYA BA DE KHO NA DPE YIN NA, DE LTAR NA DE'I TSE DES BZUNG ZIN PA MA BRJED PAS 'BYUNG BAR BYA STE, GZHAN DU NA DPER 'GYUR BAR 'OS PA MA YIN PAS SO, ,DE'I PHYIR YANG RTOGS ZIN PA'I YUL CAN NYID YIN PA'I PHYIR SKYON DE KHO NA'O, ,CI STE 'DI RTOGS ZIN PA'I YUL CAN MA YIN TE GANG GI PHYIR RTOGS ZIN PA'I CHOS CAN GYI SNGAR MTHONG BA'I DON GYIS DNGOS PO'I CHOS MA RTOGS PA 'DIS RTOGS PAR BYA'O ZHES SEMS NA, 'DI NI MI RIGS TE, GAL TE RE ZHIG SNGA MA DANG PHYI MA'I DUS SU MTHONG BA'I DON DAG THA DAD PA DE LTAR NA GYUR NA DE MA YIN PA LA DE'I DNGOS POR SGRO 'DOGS PA NI PHYIN CI LOG KHO NA STE TSAD MA MA YIN NO, ,'ON TE THA MI DAD PA DAG YIN NA, RTOGS ZIN PA'I YUL CAN NYID KYI PHYIR DE NI TSAD MA NYID MA YIN PA KHO NA'O, ,SNGAR MTHONG BA'I DON GYI DNGOS PO DE'I MA RTOGS PA RTOGS PAR BYA BA'O ZHES BRJOD PA MA YIN NAM ZHE NA, DE NI MI RIGS PAR BRJOD DE, GANG GI PHYIR 'DI NI DON GYI CHOS CUNG ZAD GANG SNGON MA BYUNG BA MA YIN PA PHYIS 'BYUNG BA MA YIN PA PHYIS 'BYUNG BA NI MA YIN NO, ,GAL TE YIN NA NI DE KHO NA DE DAG GI RANG BZHIN THA DAD PA'I RTEN NO ZHES PAS DNGOS PO @018A *, ,THA DAD PAR 'GYUR RO, ,DE LA YANG SKYON BRJOD ZIN TO, ,DE'I PHYIR DE KHO NA 'DI'O ZHES NGES PA KHYAD PAR DU MTHONG BA NYID DU MNGON PAR 'DOD PA NI DRAN PA LAS THA DAD PA MA YIN NO, ,'DI NI DRAN PA'I RANG BZHIN DE 'DI LTA STE MTHONG BA'I 'DU BYED MA YIN PA NYAMS PA LA DE KHO NA 'DI'O ZHES SNGAR MTHONG BA'I RNAM PAR ZHEN PA'O, ,DE 'DI LA YANG YOD PAS DRAN PA KHO NA'O, ,RANG GI NGO BO LA LOG PAR RTOGS PA BSAL BA'I CHED DU GSUNGS PA, MNGON SUM ZHES PA LA SOGS PA'O, ,DNGOS PO SO SOR GYUR PA NI MNGON SUM STE PRA LA SOGS PA'I BSDU BA'O, ,'DI NI MTSON BYA'O, ,RTOG PA DANG BRAL BA ZHES PA MTSAN NYID DO, ,RTOG PA DANG LDAN PA MED CING BRAL BA 'AM RTOGS PAS LDAN PA MED CING BRAL BA NI RTOG PA DANG BRAL BA'O, ,RTOG PA DANG BRAL BA NGES PAR BSTAN PA LAS KYANG, DE SHES PA'I BDAG NYID DO ZHES RTOGS PAR BYA STE, GANG GI BYIR SHES PA KHO NA LA RTOG PA DANG 'DRES PA YOD LA, DE'I PHYIR DE BKAG PAS DE KHO NA RTOGS SO, ,DPER NA BZHON MA BE'U MED PA KHYER LA SHOG CES BE'U BKAG PAS BA LANG BZHON MA KHO NA RTOGS PAR BYA'I GZHAN MA YIN PA BZHIN NO, ,'O NA RTOG PA ZHES BYA BA 'DI CI YIN ZHE NA ZHES TE, RTOG PA RNAMS MANG PO NYID KYI PHYIR 'DIR 'CHAD PAR 'DOD PA'I RTOG PA GANG YIN ZHES THE TSOM ZA BA'I DRI BA'O, ,MING DANG RIGS SOGS SBYOR PA'O, ,MING NI SOGS PA'I SGRAS BSDUS NA YANG, RIGS LA SOGS PA RNAMS DANG NUS PA MTSUNGS PA MA YIN PA'I PHYIR LOGS SU BYAS PA'O, ,NUS PA MTSUNGS PA MA YIN PA NYID NI MING LA YOD PA NYID KYI PHYIR DANG, RIGS LA SOGS PA RNAMS NI DE LAS BZLOG PA'I PHYIR TE, RIGS LA SOGS PA RNAMS YONGS SU BRTAGS PA YIN GYI DE KHO NA NYID DU YOD PA RNAMS MA YIN NO, ,MING DANG RIGS LA SOGS PA RNAMS KYI SBYOR BA NI MING DANG RIGS SOGS SBYOR BA STE, KRi TA'I SBYOR BA YANG DRUG PA'I BSDU BA'O ZHES PA TSIG SDUD DO, ,KRi TAS SGRUB BYED DO ZHES PA YANG NA'O, ,'DI CI YIN ZHE NA MING LA SOGS PA RNAMS DE DANG LDAN PA'I DON DANG GANG GIS SBYOR BAR BYED YANG DAG PAR SRE BAR BYED BA'I SHES PA DE RTOG PA'O, ,'DIR YANG SBYOR BAR BYAS ZIN PA KHO NA'I SHES BA RTOG PA BRJOD @018B PAR 'DOD PA MA YIN GYI, 'O NA CI ZHE NA GANG YANG SBYOR BA BYAS ZIN PA MA YIN PA DE LA YANG RUNG BAR SNANG BA DE YANG YIN NO, ,GANG GANG LA RUNG BA DE DE LA BYED BZHIN PA MA YIN PA LA YANG DES NYE BAR BSTAN PAR 'OS TE, ME LA 'TSED BYED KYIS BZHIN NO, ,DES NA NU ZHO 'THUNG BA LA SOGS PA RNAMS LA BYIS PA CHUNG NGU LA SOGS PA'I RNAM PAR RTOG PA'I SHES PA GANG YIN PA DE MING LA SOGS PA DANG SRE BA MED NA YANG RNAM PAR RTOG PA DANG BCAS PAR GRUB PAR 'GYUR RO, ,'DOD RGYAL BA'I SGRA RNAMS LA ZHES PA LA SOGS PA STE, RIGS LA SOGS PA 'JUG PA'I RGYU MTSAN LA MI LTOS PA RNAMS NI 'DOD RGYAL BA'I SGRA RNAMS SO, ,GANG GI PHYIR RTOG PA NI SHES PA'I CHOS YIN GYI SGRA'I CHOS MA YIN LA, DE'I PHYIR MING GIS KHYAD PAR DU BYAS PA'I DON GZUNG BAR BYA ZHES SMRA BAR BYA BA LA RTOG PA NI MNGON PAR BRJOD PA SGRA DANG YUL MTSUNGS PA NYID DU BSTAN PA'I CHED DU BRJOD BAR BYA ZHES PA GSUNGS PA'O, ,DE YANG MNGON PAR BRJOD PA BZHIN DU RTOG PA'I SHES PA YANG RANG GI MTSAN NYID KYI YUL CAN MA YIN LA, DE'I PHYIR DE MNGON SUM MA YIN PA NYID DU MNGON PAR 'DOD DO ZHES SHES PAR BYA BA'I DON DU'O, ,dATI THA ZHES PA dATI THA'I SGRA'I RANG GI NGO BO'I BDAG NYID KYIS DON DE DE DANG THA MI DAD PA'I NGO BOR RTOGS PAR BYA BA'O ZHES GRAG GO, ,DE BZHIN DU RIGS LA SOGS PA RNAMS KYIS DE DANG THA MI DAD PAR NYE BAR BTAGS PAR GYUR PA'I DON GYI DON DE RNAMS BRJOD PAR BYA BA'O, ,DBYUG PA CAN RVA CAN ZHES PA SBYOR BA CAN DANG 'DU BA CAN GYI RDZAS KYI DBYE BAS DPER BRJOD GNYIS SO, ,'DI LA ZHES PA BYA BA DANG RDZAS KYI SGRA RNAMS LA STE, BYA BA DANG RDZAS DAG DANG DE DANG LDAN PA RNAMS 'BREL PA GANG YIN PA DE SGRA 'JUG PA'I RGYU MTSAN NO, ,DE LTAR NI BYED PA NYID DBYUG PA CAN NYID CES PA DNGOS PO'I RKYEN NI BYA BA DANG BYED PA LA SOGS PA 'BREL BA LA 'GYUR TE, JI SKAD DU GSUNGS PA TSIG SDUD DANG KRiT DANG DE LA PHAN PA RNAMS LA 'BREL PA RJOD PAR BYED PA'O ZHES SO, ,SGRA 'JUG PA'I RGYU MTSAN LA YANG DNGOS PO'I RKYEN 'GYUR TE, DE SKAD DU YANG GSUNGS PA, YON TAN GANG GI DNGOS PO LAS RDZAS LA SGRA NGES PAR DE 'JUG PA DE RJOD PAR BYED PA LA TVA DANG TA LA DAG GO ZHES SO, ,'TSED PA DBYUG @019A *, ,PA CAN ZHES YANG KRiT DANG DE PHAN DAG GO, ,DE'I PHYIR 'DIR 'BREL BA LA DNGOS PO'I RGYEN NO, ,GZHAN RNAMS NI DON GYIS STONG PA RNAMS KYIS ZHES PA RANG GI LUGS BZANG PO STON TE, DON DE RIGS LA SOGS PA'I KHYAD PAR DANG BRAL BA RNAMS KYIS ZHES PA'I DON NO, , JI LTAR 'DOD RGYAL BA'I SGRA RNAMS RIGS LA SOGS PA'I KHYAD PAR 'JUG PA LA MI LTOS PA KHO NAR BRDA'I DBANG LAS RANG GI DON MNGON PAR RJOD PAR BYED PA DE LTAR BA LANG LA SOGS PA'I SGRA RNAMS KYANG STE, 'DOD PA CAN GYI DBANG GIS 'JUG PA'I SGRA DE RNAMS SKYES BU RNAMS KYIS 'DOD PAS GANG DANG GANG DU JI LTA BUR GYUR PA LA NGES PAR SBYOR BAR BYED PA DE DANG DE'I DON DE LTA BUR GYUR PA GO BAR BYED PA CIS RJOD PAR BYED, RIGS LA SOGS PA RNAMS NI MA GRUB PAS, DE RNAMS KYI SGRA 'JUG PA'I RGYU MTSAN GYI DNGOS PO GA LA YIN ZHES DGONGS PA'O, ,CI STE CI'I PHYIR ZHES PA LA SOGS PA STE, GANG YANG RUNG BA MED NA MED PA'I PHYIR GNYIS KA LA RAG LAS NAS 'JUG PA DE CI'I PHYIR GNYIS LA RAG LAS NAS SKYE BA'I SHES PA LA DBANG PO BSTAN PA KHO NAS BRJOD KYI YUL GYIS MA YIN, SNANG BA NA DBANG PO'I SHES PA THAMS CAD KYI RGYU MTSAN MA YIN ZHING, 'GA' ZHIG RNAMS KYI MIG GI RNAM PAR SHES PA'I YANG MA YIN NO ZHES NYE BAR MA BKOD LA, YID LA BYED PA NI 'JIG RTEN NA YUL BZHIN DANG MIG BZHIN DU RGYU NYID DU RAB TU GRAGS PA MA YIN PAS NYE BAR MA BKOD DO, ,YANG NA YUL SMOS PAS RGYU GZHAN NYE BAR MTSON PA TZAM MO, ,'DIR JI LTAR CI ZHIG LTA BAR MNGON SUM GYI SGRA BSHAD NAS, DE RNAM PAR RTOG PA MED PA'I YANG DAG PA'I SHES PA THAMS CAD LA MING NYID DU YONGS SU BSHAD PAR BYA BA'O ZHES PA SLOB DPON GYI DGONGS PA'O, ,GZHAN GYIS DE MI SHES PAR DBANG PO'I RGYU MTSAN CAN TE, 'DI MING GI SGRA MA YIN ZHES BSAMS NAS DRIS BA'O, ,SLOB DPON GYIS ZHAL GYIS BZHES NAS LAN GSUNGS PA'O, ,THUN MONG MIN PA'I RGYU NYID PHYIR, ,ZHES PA STE, GANG GI PHYIR DBANG PO RNAMS NI RANG GI RGYUD DU GTOGS PA'I YANG YID KYI RNAM PAR SHES PA DANG DBANG PO GZHAN GYI RNAM PAR SHES PA'I RTEN DU MI 'GYUR LA, DE'I PHYIR DE RNAMS KHO NAS DBANG PO GZUNGS CAN GYI RNAM PAR SHES @019B BA BSTAN PA RIGS TE, DE THUN MONG MA YIN PA'I RGYUD NYID YIN PA'I PHYIR RO, ,DE LTAR NA MIG LA SOGS PA'I RNAM PAR SHES PA KHO NAR RTOGS SU GZHUG PAR NUS SHING, YUL RNAMS KYIS BSTAN PAS NI MA YIN TE, DE DE LA RTOGS PAR BYED PA MA YIN PA'I PHYIR LA, ,DE YANG THUN MONG BA'I RGYU NYID YIN PA'I PHYIR RO, ,DE LTAR NI YUL RNAMS NI YID KYI RNAM PAR SHES PA DANG GZHAN GYI RGYUD KYI RNAM PAR SHES PA'I THUN MONG BA STE, ZLA BA GSAR BA LA SOGS PA LTA BA RNAMS LA RGYUD DU MA'I MIG LA SOGS PA'I RNAM PAR SHES PA'I RGYU NYID KYI PHYIR DANG, DE'I RJES LA THOB PA'I YID KYI RNAM PAR SHES PA'I RGYU NYID KYI PHYIR RO, ,'DI 'DIR DGONGS PA STE, GANG GI PHYIR 'JIG RTEN GYIS SGRA 'DI BRJOD PAR BYA BA 'DI LA RTOGS PAR BYED PA'I NUS PA YOD DO ZHES GO BAR BYED PA NYID MNGON BAR MTHONG NAS SGRA SBYOR LA, GO BAR BYED PA NYID DE YANG DBANG PO'I RNAM PAR SHES PA LA DBANG POS BSTAN PAS NA YOD KYI YUL GYIS BSTAN PA LA YOD PA MA YIN ZHING, GO BAR BYED PA NYID KYIS KYANG SGRA SBYAR BAR 'OS PA NYID LA KHYAB PO, ,DE'I PHYIR GO BAR BYED PA NYID DE YUL GYIS BSTAN PA LA LDOG PAS DE SBYAR BAR 'OS PA NYI KYANG LDOG PAR BYED DO, ,DE'I PHYIR YUL RNAMS KYIS BSTAN PAR BYA BA MA YIN NO ZHES PA'O, ,'O NA 'DOD PA'I DBANG GIS 'JUG PA'I SGRA RNAMS DON THAMS CAD GO BAR BYED PAR RUNG BA'O ZHES BRJOD PA MA YIN NAM ZHE NA, BDEN TE 'DOD PA KHO NAS 'JIG RTEN PAS THUN MONG MA YIN PAS STON PA LA YOD KYI THUN MONG PAS MA YIN TE, DE LTAR NI 'JIG RTEN THUN MONG MA YIN PA KHO NAS STON PAR BYED DO, ,STON PAR BYED PA GANG YIN PA NI, THUN MONG MA YIN PAS THA SNYAD BYED PA YANG MTHONG STE ZHES PA LA SOGS PA'O, ,THA SNYAD NYID KYANG 'JIG RTEN NA DES RNAM PAR GZHAG PA 'DIR BYA BA STE, DE'I GO BAR BYED PA NYID KYI PHYIR RO ZHES SEMS SO, ,'DI 'THAD DO ZHES PA RIGS PA STE, GANG GI PHYIR MNGON SUM RTOGS PA DANG BRAL BAR MNGON SUM KHO NAS GRUB NA, 'DIR RIGS PA GZHAN GYIS CI ZHIG CES DGONGS PA'O, ,THAMS CAD KYI BRJOD PA DANG 'DRER RUNG BA'I RNAM PAR RTOG PA NI RANG RIG PA 'AM SHES PA GZHAN GYIS SO SO RANG GIS RIG PAR BYA BA YIN ZHING, MNGON SUM YANG RNAM @020A *, ,PAR RTOG PA DANG MA 'DRES PA'I PHYIR TE, RNAM PAR RTOG PA DANG BRAL BA KHO NAR BDAG NYID YONGS SU GCOD PA SKYE'O, ,DE LTAR NI YUL THAMS CAD LAS RNAM PAR RTOG PA BKUG NAS RNAM PAR RTOG PA MA LUS BA NUB PA'I YID KYIS GNAS PA'I SROG CHAGS KYIS KYANG MIG GI RNAM PAR SHES PAS GZUGS MTHONG STE, DE YANG RTOG PA DANG BRAL BA MNGON SUM KHO NA'O, ,DBANG PO'I BLO RNAMS RTOG PAR GYUR PA KHO NA STE, 'ON KYANG DE RNAMS NYE BAR MTSON PAR BYA BA MA YIN NO ZHE NA, 'DI NI GTAM TZAM STE, DE LTAR NA RNAM PAR RTOG PA MED PA'I SKABS LAS PHYIS CUNG ZAD RNAM PAR RTOG PA DES BDAG GI RNAM PAR RTOG PA 'DI LTA BU DANG 'DI LTA BUR GYUR TO ZHES SEMS KYI RGYUN SRE BAR BYED DO, ,DE'I PHYIR RNAM PAR RTOG PA 'DI NI NYE BAR MTSON PAR BYA BA'I RANG GI NGO BA CAN KHO NA STE, DE GAL TE DBANG PO'I RNAM PAR SHES PA LAS 'GYUR NA SNGAR YANG MTSON PAR BYA BAR 'GYUR NA, RNAM PAR RTOG PA BSDUS PA'I GNAS SKABS NA NYE BAR MTSON PA YANG MA YIN NO, ,DES NA DE DE LA MED DO ZHES RTOGS BAR BYA'O, ,DE NI 'GYUR MOD, DBANG PO'I BYA BA CAN GYI SHES PA GANG YIN PA YID KYI RNAM PAR SHES PA NYID DU KHYED CAG MNGON PAR 'DOD PA BRJOD PA DANG 'DRES PA SBRUL LO SBRUL LO ZHES RGYUN GYIS 'JUG PA 'DI RJOD PAR BYED PA DANG BRJOD PAR BYA BA DAG SBYOR BA PO DANG DON MTHONG BA PO STE, DE RNAM PAR RTOG PA YIN YANG RNAM PAR RTOG PA MED PA'I SHES PA BZHIN DU MNGON SUM KHO NAR 'DOD PAR BYA STE, RNAM PA GZHAN DU NA MTHONG BA RNAM PAR CHAD PAR 'GYUR ZHING, RNAM PAR RTOG PA YANG STE, RNAM PAR RTOG PAS MTHONG BA MA YIN PA'I PHYIR DANG MTHONG BAS RNAM PAR RTOG PAS BYED PA MA YIN PA'I PHYIR DANG DE DAG LHAN CIG MI 'JUG PA'I PHYIR RO, ,RNAM PAR MA CHAD PAR MTHONG BA YANG YOD DO, ,DE'I PHYIR RNAM PAR RTOG PA DANG BCAS PA 'DI KHO NA DBANG PO LAS SKYES PA'O ZHE NA, DE'I TSE RNAM PAR RTOG PA CAN MNGON SUM DU SMRA BA'I YANG, BA LANG LA SOGS PA NYE BAR GYUR PA'I YUL DE LA MNGON SUM 'JUG PA NA, DON GZHAN GYI MING RJES SU DRAN PA'I RNAM PAR RTOG PA GZHAN MNGON DU GYUR PA YOD NA, SO SOR NYE BAR GNAS PA'I YUL 'DZIN PA'I RNAM PAR RTOG PA'I SHES PA MNGON SUM NYID DU 'DOD PA CI LTAR CHOD PA MA YIN, CHOD NA @020B YANG CI LTAR MTHONG BA RNAM PAR MA CHAD PAR 'GYUR ZHES PA BRTZAD PA MTSUNGS SO, ,'DIR 'GYUR MOD, RIGS MI MTHUN PA'I RNAM PAR RTOG PA'I DUS NA MTHONG BA MED PA, DE LTA NA YANG DE RNAM PAR CHAD BA MA YIN PA KHO NAR RTOGS PAR BYA STE, SHIN TU MYUR BAR 'JUG PAS MTHONG BA GZHAN SKYED PAS NA DES STONG PA'I DUS NA MTSAMS SBYOR BA NYID KYI PHYIR MGAL ME BZHIN NO, ,MGAL ME NI YUL SNGA MA SNGA MA SPANGS NAS PHYI MA PHYI MA'I YUL LA 'JUG PA STE, 'KHOR LOR SNANG BA'I YUL MTHA' DAG LA KHYAB PA MA YIN NO ZHES BAS DE LA RNAM PAR NGES PA'I YUL SNANG BA KHO NA'I RNAM PAR SHES PAR 'GYUR GYI PHYOGS THAMS CAD DU RJES SU SONG BA SNANG BA NI MA YIN PAR 'GYUR NA, 'ON KYANG 'KHOR LOR SNANG BA'I MTHONG BAR 'GYUR TE, DE'I PHYIR MTSAMS SBYOR BA LAS NGAS 'KHOR LO MTHONG NGO SNYAM PA'I BLO YIN PA JI LTA BA DE LTAR 'DIR YANG NGO ZHE NA, DE NI MNGON SUM RNAM PAR RTOG PA MED PAR SMRA BA LA YANG MTSUNGS TE, GANG SHIN TU MYUR BAR 'JUG PAS ZHES PA LA SOGS PAR BRJOD PA DE NI RIM GYIS 'BYUNG BA'I MTHONG BA DANG RNAM PAR RTOG PA DAG LA YANG RNAM PAR MA CHAD PA MTHONG BA ZHEN PA SGRUB PAR BYED PA'I CHED DU MNGON SUM RNAM PAR RTOG PA MED PAR SMRA BA'I YANG YONGS SU RDZOGS PA KHO NA'O, ,YANG NA RNAM PAR RTOG PA DANG BCAS PA DANG RNAM PAR RTOG PA MED PA'I RNAM PAR SHES PA GNYIS DAG CIG CAR DU 'JUG STE, DE DAG RANG BZHIN GYI DBYE BA NGES PAR MA ZIN PA'I RTOGS PA POS RMONGS PA LAS GCIG NYID DU LHAG PAR ZHEN TO, ,DE'I PHYIR RNAM PAR RTOG PA DANG BCAS PA 'DI NI YID KYI RNAM PAR SHES PA KHO NA'O, ,DBANG PO'I SHES PA NI DE DANG LHAN CIG 'BYUNG BA 'AM RIM GYIS 'BYUNG YANG RUNG RNAM PAR RTOG PA MED PA KHO NA'O ZHES PA 'DI GNAS SO, ,MNGON SUM RTOG PA DANG BRAL BA, ,MNGON SUM KHO NAS GRUB PA YIN, ,ZHES SO, ,'DIR KHA CIG SMRA STE, GAL TE MNGON SUM GYI SGRAS MNGON SUM BRJOD PAR BYA NA, DE RTOG PA DANG BRAL BA CI LTAR YIN TE, CI LTAR MA BRJOD PA RTOGS SHE'O, ,DE NI RTOG PA'I RANG GI NGO BO YANG DAG PAR BRJOD PA KHO NAS BSAL LO, ,GANG LAS BRJOD PAR BYA BA'I RTOG PA DANG BRAL BA @021A *, ,LDOG PAR 'GYUR BRTOGS PAR BYA BA MA YIN GYI, 'O NA CI ZHE NA, RTOGS PA'I KHYAD PAR RO ZHES BSHAD DO, ,MNGON SUM KHO NAS RTOG PA DANG BRAL BA NYID GRUB PA 'BA' ZHIG TU MA ZAD KYI 'ON KYANG LUNG GIS KYANG NGO ZHES STON PA GSUNGS PA, CHOS PA LA SOGS PA'O,, YANG DAG PAR LDAN PA NI LDAN PA STE, 'GROGS PA ZHES PA'I DON TO, ,MIG GI RNAM PAR SHES PA DANG LDAN TE DE 'DI LA YOD DO ZHES PA MIG GI RNAM PAR SHES PA DANG LDAN PA STE, MIG GI RNAM PAR SHES PA DANG 'GROGS PA ZHES PA'I BAR DU'O, ,SNGON PO RNAM PAR SHES SO ZHES PA SNGON PO'O, , DON RANG GI NGO BOS SHES KYI, SNGON PO'O ZHES PA NI MA YIN GYI, DE'I MING GIS 'DI SNGON PO'O ZHES NI SHES PAR MI BYED DO, ,'DI KHO NA TSIG PHYI MA GNYIS KYIS GSAL BAR BYED DE, DON LA DON DU 'DU SHES KYI ZHES PA DON RANG GI NGO BOR 'DU SHES KYI, DON LA CHOS SU 'DU SHES PA NI MA YIN ZHES PA DON LA MING GI 'DU SHES PA MA YIN NO ZHES PA'I DON TO, ,'O NA CI LTAR ZHES PA LA SOGS PA STE, RNAM PAR SHES PA'I TSOGS LNGA RNAMS NI BSAGS PA LA DMIGS PA RNAMS SO ZHES PA'I GRUB PA'I MTHA' 'DI DE CI LTAR RIGS TE, GAL TE DE GCIG TU STE GCIG NYID DU DMIGS PA LA MI RTOG NA'O, ,'DI LTAR SEMS TE, BSAGS PA'I SGRAS TSOGS PA BRJOD DO, ,DNGOS PO LA NI shth'aS BSGRUBS PA'I PHYIR RO, ,'DUS PA DANG BSAGS PA DANG BSDUS PA DANG TSOGS PA ZHES PA NI RNAM GRANGS RNAMS SO, ,BSAGS PA DE YANG RDUL PHRA RAB GCIG LA MED PA KHO NA STE, 'ON KYANG MANG PO RNAMS KYI THUN MONG GI CHOS YIN LA, SPYI DE LA GAL TE DBANG PO'I BLO RAB TU 'JUG NA, DE'I TSE 'DI RNAM PAR RTOG PA CAN DU 'GYUR TE, SPYI'I BLO NI NGES PAR RNAM PAR RTOG PA DANG RJES SU 'BREL PAS SO, ,SPYI DNGOS POR YOD PA'I GRUB PA'I MTHA' 'DOD PA NI MA YIN NO, ,DE'I PHYIR DES DE LA RNAM PAR RTOG PA BYED PA KHO NA'O ZHES BYAS NAS SO, ,GANG YANG ZHES PA LA SOGS PA STE, SKYE MCHED KYI RANG GI MTSAN NYID NI MIG GI RNAM PAR SHES PA'I GZUNG BYA NYID LA SOGS PA'O, ,DE'I NGOR RNAM PAR SHES PA'I TSOGS LNGA PO 'DI RNAMS RANG GI MTSAN NYID KYI YUL CAN RNAMS TE, RDZAS KYI RANG GI MTSAN NYID KYI NI MA @021B YIN NO ZHES PA RDZAS NI SNGON PO LA SOGS PA BYE BRAG RNAMS SO, ,SNGON PO LA SOGS PA'I RDZAS KYI RANG GI MTSAN NYID KYI YUL CAN NYID BKAG PAS SHUGS LAS DE RNAMS KYI YUL NI GANG SPYI THA DAD MED PA DE YIN NO ZHES BRJOD PAR 'GYUR RO, ,DE'I PHYIR YANG RNAM PAR RTOG PA DANG BRAL BA NYID 'GAL TE, DE'I BSTAN BCOS DE RNAM PA GZHAN DU DRANG BAR CI LTAR NUS ZHES PA BSAM PA'O, ,DE GNYI GA'I YANG LAN CIG GSUNGS PA, DER DON DU MAS BSKYED PA'I PHYIR ZHES PA LA SOGS PA'O, ,DER ZHES PA BSTAN BCOS SU'O, ,GCIG MIN DON GYIS BSKYED BYA'I PHYIR, ,ZHES PA RDUL PHRA RAB GCIG MA YIN PAS BSKYED PAR BYA BA NYID KYI PHYIR RO ZHES PA'I DON TO, ,RANG GI RGYU DANG RKYEN RNAMS LAS RDUL PHRA RAB PHAN TSUN THAG NYE BA'I GNAS SKABS THOB PA KHO NAR GYUR PA SO SOR RNAM PAR SHES PA SKYED PAR NUS PA RNAMS SKYE BA NI BSAGS PA'I SGRAS BRJOD DE, BSAGS PA BSDUS PA'I RNAM GRANGS CAN 'DI RNAMS LA YANG DAG PAR SKYES PA'O ZHES PA BSAGS BA RNAMS TE, PA LA SOGS PA RNAMS LAS BYINGS LAS SKYES PA'I'O ZHES PA TSIG PHYI MA PHYIS PA CAN GYI 'BRU MANG PO BA'O, ,DPER NA RAB TU BSNGAMS PA ZHES PA BZHIN NO, ,'DIR KTA'I RKYEN DNGOS PO BYAS PA'ANG MA YIN PA KHO NA STE, 'O NA CI ZHE NA, LAS KHO NA LAS TE, PHAN TSUN NYE BAR PHAN PA'I RKYEN RNAMS KYIS DE RNAMS BSAGS TE 'DUS PAR BYAS PAS SO, ,RNAM PA DE LTA BU'I DU MA DE RNAMS KYIS RANG SNANG BA BSKYED DO ZHES PAS BSAGS PA LA DMIGS PA RNAMS ZHES GSUNGS SO, ,DE RNAMS THAMS CAD LA'ANG BSAGS PA ZHES BYA BA'I KHYAD PAR GYIS DMIGS PA STE, RDZAS GCIG KHO NA NI MA YIN NO ZHES BYAS NAS SO, ,GANG YANG SKYE MCHED KYI RANG GI MTSAN NYID KYI NGOR 'DI RNAMS ZHES PA LA SOGS PA GSUNGS PA 'DI LA YANG, RDUL PHRA RAB JI SKAD BRJOD PA 'DUS PA KHO NA DE RNAMS KYIS MIG LA SOGS PA RNAM PAR SHES PA BSKYED KYI, GCIG KHO NAS NI MA YIN TE, DE'I PHYIR, GCIG MIN DON GYIS BSKYED PA'I PHYIR, ,RANG DON LA SPYI'I SPYOD YUL CAN, ,ZHES GSUNGS SO, ,'DI'I SPYOD YUL SPYI YIN PA ZHES TSIG RNAM PAR SBYAR RO, ,'O NA SPYI NI THA MI DAD PA BTAGS PA YIN LA, DBANG PO'I SHES PA'I YUL NI RDUL PHRA RAB CES BYA @022A *, ,BA GCIG MIN GYI DNGOS PO STE, DE CI LTAR SBYI'I SPYOD YUL CAN NYID DU RTOGS PAR BYA, ZHE NA, SKYON 'DI NI MED DE, GANG DE BSAGS PA'I SGRA DANG SKYE MCHED KYI RANG GI MTSAN NYID KYI SGRAS GSUNGS PA RDUL PHRA RAB GCIG MIN GYI DNGOS PO DE KHO SO SOR NGES PA'I RNAM PAR SHES PA SKYED PAR BYED PAR NUS PAS CHOS MTHUN PAS NA PHAN TSUN LTOS PAS THUN MONG BAS TE, THUN MONG BA KHO NA'ANG SPYI'O, ,RANG GI DON LA DE PHAN GYIS SGRUB PA'I PHYIR RIGS BZHI NYID CES PA BZHIN NO, ,DES NA 'DI SKAD BSHAD PAR 'GYUR TE, BSAGS PA'I SPYOD YUL CAN DANG SKYE MCHED KYI RANG GI MTSAN NYID KYI SPYOD YUL CAN DU GSUNGS SO ZHES PA'O, ,THA DAD PA RNAMS LA THA MI DAD PAR RTOG PA LAS NI MA YIN NO ZHES PA, SPYI'I YUL CAN DU GSUNGS PA ZHES PA 'DI DANG SBREL LO, ,THA DAD PA RNAMS LA THA DAD PA MED PAR RTOG PAS NA BSAGS PA'I YUL CAN DANG SKYE MCHED KYI RANG GI MTSAN NYID KYI YUL CAN DU GSUNGS BA NI MA YIN NO ZHES PA'I DON TO, ,RDZAS KYI RANG GI MTSAN NYID KYI MA YIN NO ZHES PA 'DIS KYANG RDUL PHRA RAB GCIG GI RDZAS LA NGES PA BSAL BA BSTAN BCOS SU MDZAD PAR BLTA BAR BYA'I, SHUGS KYIS 'PHANG PA'I SPYI'I YUL NYID NI MA YIN NO ZHES PA 'GAL BA MED DO, , GANG RNAMS DBANG PO'I RNAM PAR SHES PA GCIG GI 'BRAS BU CAN NYID KYIS GZUGS KYI SKYE MCHED LA SOGS PA GCIG TU BSDUS NA YANG, RDZAS DU MA CIG CAR GZUNG BAR BYA BA MA YIN GYI 'ON KYANG RIM PA KHO NAS SO ZHES SMRA'O, ,DE RNAMS LA 'DI BRJOD PAR BYA STE, GAL TE CIG CAR RDZAS MANG PO RNAMS 'DZIN PA MED NA, 'O NA CI LTAR TIL DANG MA SHA LA SOGS PA RNAM PAR CHAD PA'I YUL NA GNAS PA RNAMS LAN CIG LA 'DZIN PA YIN TE, DE RNAMS KYIS LDAN PA MED PA NYID KYI PHYIR DANG, RIGS MI MTHUN PA NYID KYI PHYIR GANG 'DZIN PAR 'GYUR BA RDZAS GZHAN GCIG PA RTZOM PA NI MED DO, ,GAL TE MTHONG BA MYUR DU 'JUG PA NYID KYI PHYIR 'KHRUL PAS RIM PA LDAN PA YANG DER RIM PA MED PAR LHAG PAR ZHEN PA'O ZHE NA, DE'I TSE RIM GYIS LHUNG BA DE RNAMS LA'ANG MYUR BA NYID MTSUNGS PA NYID KYI PHYIR LAN CIG KHO NA LA 'DZIN NO ZHES LHAG PAR ZHEN PAR 'GYUR RO, ,GZHAN YANG RA YIG DANG SA YIG LA @022B SOGS PA'I YI GE RNAMS LA MYUR BAR 'JUG PA NYID KYI PHYIR MTHONG BA RIM PA MIN PAR 'DZIN PA DANG LHAG PAR ZHEN PAR 'GYUR ZHING, DE LAS KYANG RAS DANG SAR ZHES PA 'DI LTA BU LA SOGS PA'I SGRA RNAMS LA RIM PA THA DAD PA LAS MNYAN PA THA DAD PAR MI 'GYUR RO, ,MYUR DU 'KHOR BA'I CHU'I THIGS PA LHUNG BA LA SOGS PA RNAMS LA YANG MTHONG BA MYUR BA NYID KYI PHYIR, RIM GYIS 'DZIN ZHES PA'I BSAM PAS 'DZIN PAR LHAG PAR ZHEN PAR MI 'GYUR RO, ,DE'I PHYIR JI SRID SPYOD YUL DU GYUR BA DE THAMS CAD CIG CAR KHO NAR RTOGS PAR 'GYUR RO ZHES PA'O, ,SMRAS PA YANG ZHES PA, SPYOD YUL LAS LOG PAR RTOGS PA SEL ZHING RNAM PAR RTOG PA MED PA NYID DE KHO NA GZHUNG 'DZUGS TE, CHOS CAN GCIG MIN NGO BO NI, ,ZHES SO, ,DON GZHAN LAS LOG PA LA BRTEN PAS GANG CHOS KYI BYE BRAG THA DAD BRTAGS PA SPYI'I NGO BO SHES BYA NYID LA SOGS PA RNAMS TE, DE LA LTOS PAS DU MA'I NGO BO ZHES BRJOD KYI, YANG DNGOS POR NA GZUGS LA SOGS PA'I MTSAN NYID CAN GYI CHOS CAN 'DI NI CHA DANG LDAN PA MA YIN NO, ,DE'I BRTAGS PA'I DBYE BA DE RNAMS RTOG PA'I SHES PA KHO NA'I YUL YIN GYI CIG SHOS KYI YUL MA YIN NO ZHES STON PA GSUNGS, DBANG PO LAS RTOGS KUN DU MIN, ,ZHES PA STE, DBANG PO LAS ZHES PA LA RGYU LA LNGA PA'O, ,LAG PA PHYIS PA LA YANG NA'O, ,DBANG PO'I RGYU LAS SAM YANG NA DBANG PO THOB PAR BYAS NAS RNAM PA THAMS CAD DU RANG DANG SPYI'I MTSAN NYID DAG GIS 'DZIN PAR MI 'GYUR RO ZHES PA'I DON TO, ,'O NA DE'I DMIGS PA CI 'DRA BA YIN ZHE NA GSUNGS PA, RANG GIS RIG BYA ZHES PA LA SOGS PA'O, ,RANG GIS RIG PAR BYA BA NI KUN DU 'GRO BA CAN MA YIN PA'O, ,BSTAN BYA MIN NA BRJOD BYA MA YIN PA'O, ,YANG NA RANG GIS RIG BYA ZHES BRJOD PA LA, DE'I RANG BZHIN NI CI YIN BA BRJOD PAR BYA'O ZHE NA, BSTAN BYA MIN PA ZHES PA STE, BSTAN BYA MIN PA NYID NI DE'I SHES PA DAG NGO BO THA DAD PA'I PHYIR RO ZHES SEMS SO, ,DE LTAR NI GANG SGRA LAS BYUNG BA'I SHES BA DANG DBANG PO LAS BYUNG BA STE, 'DI DAG GI SO SOR SNANG BA NI THA DAD DE GSAL BA DANG MI GSAL BA NYID KYI PHYIR RO, ,JI LTAR DBANG PO'I BYA BA @023A *, ,CAN LA DON GYI NGO BO DBANG PO'I SHES PA LA GSAL BA'I RNAM PAS SO SOR SNANG BA DE LTAR NI SGRA LAS BYUNG BA LA MED DE, GAL TE DBANG PO'I SPYOD YUL KHO NA BSTAN PAR BYA BAR 'GYUR NA SGRA LAS BYUNG BA LA YANG DE LTA KHO NAR SO SOR SNANG BAR 'GYUR NA DE LTAR YANG MA YIN NO, ,GANG SGRA LAS BYUNG BA LA SNANG BA MA YIN PA DE NI SGRA DON YANG MA YIN NO, ,DE'I PHYIR TSUL THA DAD PA'I SHES PA'I GZUNG BAR BYA BA NYID KYI PHYIR DKAR PO NYID LA SOGS PA THA SNYAD KYIS BSTAN BYA NI DBANG PO'I YUL MA YIN NO ZHES PA'O, ,GANG GANG LAS THA DAD PA'I TSUL CAN GYI SHES PA'I GZUNG BYA DE NI DE MA YIN PA KHO NA STE, DPER NA RTA LAS THA DAD PA'I SHES PA'I GZUNG BAR BYA BA MA HE BZHIN, SGRA'I YUL DKAR PO NYID LA SOGS PA LA'ANG, DBANG PO'I YUL LAS THA DAD PA'I TSUL CAN GYI SHES PA'I GZUNG BYA YIN NO, ,KHYAB BYED DANG 'GAL BA'O, ,DE LTAR 'GYUR MOD KYI DBANG PO'I SHES PA'I RTEN NI MIG LA SOGS PA DANG, SGRA LAS BYUNG BA'I NI YIN TE, DE'I PHYIR RTEN THA DAD PA LAS YUL GCIG PA NYID NA YANG, DE DAG GI SNANG BA THA DAD PA'O ZHE NA, GAL TE DE LTA NA, CI LTAR DA NI MIG GI RNAM PAR SHES PA LA SOGS PA RNAMS DON THA DAD PA ZHES KHYED CAG LA NGES, DER YANG DE RNAMS KYI YUL GCIG KHO NA YIN LA SNANG BA THA DAD PA NI RTEN GYI DBYE BA LAS SO ZHES BRJOD PAR NUS PAS SO, ,GAL TE DON GYI RNAM PA 'GA' ZHIG GI RJES SU BYED PA'I PHYIR, SGRA LAS BYUNG BA KHO NA'I YUL GCIG NYID YIN ZHING, MIG GI RNAM PAR SHES PA LA SOGS PA RNAMS KYI NI MA YIN TE, DE RNAMS NI PHAN TSUN DON GYI RNAM PA CI'I YANG RJES SU BYED PA MED PAS SO ZHE NA, MA YIN TE DE LA YANG SHES BYA NYID LA SOGS PA RJES SU BYED PA NYID YOD PA KHO NA'O, ,GAL TE SGRA LAS BYUNG BA DANG DBANG PO'I SHES PA DAG YUL GCIG MA YIN NA, GANG LKOG SHAL LA SOGS PA DANG LDAN PA DE BA LANG NGO ZHES NYE BAR BSTAN PA LAS PA LAS RTOGS NAS PHYIS GSAL BA'I KHYAD PAR MTHONG BA POS, GANG 'DI NI BDAG GIS THOS PA'O, ,'DI NI 'DI'O ZHES PA 'DI LTA BUR CI LTAR RTOGS, BA LANG 'ON CIG CES BRJOD PA NA DBANG PO'I YUL KHO NA LA YANG CI LTAR 'JUG ,GZHAN NYE BAR DMIGS PA DANG LDAN @023B PAS GZHAN LA DE KHO NA 'DI'O ZHES RTOGS PAR 'GYUR BA NI MED CING, GZHAN LA SKUL BA NA GZHAN DU 'JUG PA RIGS PA YANG MA YIN LA, SGRA LAS DBANG PO'I YUL LA DE LTAR RTOG PA DANG 'JUG PAR YANG 'GYUR TE, DE'I PHYIR DE DAG GI YUL GCIG PA'O ZHES PA'I RTOG PA GANG DE YANG RIGS PA MA YIN PA KHO NA STE, DE KHO NA NYID RNAM PAR DPYOD PAR BYED PA'I 'CHAD PA PO RNAMS NI YUL RNAM PAR DA BYE BA 'DI LTA BU BYED KYI, THA SNYAD BYED PA PO RNAMS NI MA YIN TE, DE RNAMS NI DE KHO NA NYID DU LHAG PAR ZHE NA PAS SNANG BA DANG RNAM PAR BRTAGS PAR BYA BA'I DON DAG GCIG TU BYAS NAS THA SNYAD DU BYED DO ZHES PA SHING TU 'PHROS PAR BYED DO, ,DE LTAR RANG GIS RIG PAR BYA BA BSTAN BYA MIN PA'I NGO BO NI MNGON SUM GYI YUL TE, RNAM PA 'DI LTA BU LA RTOG PA 'JUG PA YANG MA YIN TE, DE NI SGRA DANG YUL GCIG PA NYID KYI PHYIR RO ZHES PA YUL NGES PAR BSTAN PAS KYANG MNGON SUM RNAM PAR RTOG PA MED PA NYID DU GZHUNG BTZUGS PAR 'GYUR RO, ,'O NA DA NI MNGON SUM MA NGES PA'I BDAG NYID LA CI LTAR THA SNYAD DU 'GYUR, 'DI NYID DO ZHES NGES PAS NI BDE BA DANG SDUG BSNGAL GYI SGRUB BYED DAG THOB PA DANG SPONG BA'I CHED DU RAB TU 'JUG PAS SO ZHE NA, SKYON 'DI NI MED DE MNGON SUM DON LA LTA BA TZAM YIN NA YANG MNGON SUM GYIS NYAMS SU MYONG BAS GZHAG PA'I MTHU LAS BYUNG BA'I DRAN PA SNGON DU 'GRO BA'I MNGON PAR 'DOD PA DANG CIG SHOS DAG GIS THA SNYAD DU 'GYUR RO, ,'DI NI DNGOS PO'I CHOS TE, GANG NYAMS SU MYONG BA SHIN TU GSAL BA DRAN PA'I SA BON 'JOG CING JI LTA BU'I BDE BA'I SGRUB PAR BYED PA'AM SDUG BSNGAL SGRUB PAR BYED PA NYAMS SU MYONG BA DE 'DRA BA MTHONG BA LAS, 'DI SAD PAR GYUR PA NA DE KHO NA 'DI'O ZHES DRAN PAR 'GYUR RO, ,DE LAS MNGON PAR 'DOD PA DANG CIG SHOS DAG GIS GANG YANG RUNG BA'O, ,DE LAS KYANG SKYES BU'I JI LTAR 'OS PAR 'JUG PA'O ZHES PA'O, ,DE LTAR RE ZHIG CES PA LA SOGS PA NI MJUG BSDU BA STE, 'DIR DE LTAR RE ZHIG DBANG PO LNGA LAS SKYES PA ZHES PA'I TSIG LAS, RE ZHIG GI SGRAS DBANG PO LNGA LAS SKYES PA MA YIN PA GZHAN YANG YOD LA, DE'I YANG MTSAN NYID KYI KHYAD PAR LOGS SU @024A *, ,'CHAD PAR 'GYUR RO ZHES PA 'DI GSAL BAR BYAS SO, ,DE THAMS CAD KYANG RTOG PA MED PA KHO NA'O ZHES 'THAD PA'I SGO KHO NAR YONGS SU RTOGS PAR BYAS SO, ,DES NA MKHAS PA'I BLO GROS CAN 'GA' ZHIG GI RTZOD PA DOGS PAR 'GYUR RO, ,DE LA 'DI NI RTZOD PA STE, 'O NA MNGON SUM GYI DBYE BA 'DI RNAMS THAMS CAD RNAM PAR RTOG PA MED PA KHO NA MA YIN NAM, DE'I PHYIR YANG MNGON SUM RTOG PA DANG BRAL BA ZHES PA 'DI KHO NAS BSDUS TE, DE LTAR NI 'THAD PA'I SOGS 'DI RNAMS KYI MTSAN NYID THA DAD PAR BYAS SO, ,DES NA 'DIR MTSAN NYID KYI BYE BA THA DAD PA 'DI LOGS SU BRJOD PAR BYA BA CI'I DON DU YIN ZHES PA'O, ,DE'I PHYIR 'DI'I LAN GLAN PA'I CHED DU GSUNGS PA, 'DIR KHYAD PAR NA GZHAN GYI 'DOD PA LA LTOS PA ZHES PA'O, ,KHYAD PAR DANG BYED BRAG DANG DBYE BA ZHES PA NI RNAM GRANGS SO, ,DE YANG SKABS NYID KYI PHYIR MNGON SUM GYI MTSAN NYID KYI ZHES RTOGS PAR BYA'O,, 'DIR ZHES PA NI RAB TU BYED PAR RO, ,GANG 'DI MTSAN NYID KYI KHYAD PAR LOG PA DE NI GZHAN RNAMS KYIS LOG PAR RTOGS PA'I MTSAN NYID GANG 'DOD PA DE LA LTOS PA'O, ,DE LA YID KYI RNAM PAR SHES PA'I MNGON SUM LA DBANG PO'I SHES PAS NYAMS SU MYONG BA'I DON DE KHO NA 'DZIN NO ZHES 'GA' ZHIG LOG PAR RTOGS SO, ,'DOD CHAGS LA SOGS PA'I RANG RIG PA DE MED DE ZHES SO, ,RNAL 'BYOR PA'I SHES PA LA YANG 'DI KHO NAR RO, ,GANG GI PHYIR DE LTAR GZHAN RNAMS KYI LOG PAR RTOGS PA DE'I PHYIR DE LA LTOS PAS, MNGON SUM RTOG PA DANG BRAL PAS, ,CES PA 'DIS BSDUS KYANG DBANG PO LNGA LAS SKYES PA MA YIN PA'I MNGON SUM GYI MTSAN NYID KYI KHYAD PAR LOG PAR BRJOD DE GZHAN GYI LOG PAR RTOGS PA BSAL BA'I CHED DU'O ZHES PA DGONGS PA'O, ,GZHAN RNAMS NI GANG LAS KHYAD PAR 'DI BYED PA DBANG PO LNGA LAS SKYES PA RTOG PA DANG BCAS PA YANG YOD DAM CI ZHE NA GSUNGS PA, GZHAN GYI 'DOD PA LA LTOS PA 'ANG ZHES PA LA SOGS PA STE, GZHAN RNAMS DBANG PO LAS SKYES PA'I SHES PA 'GA' ZHIG RTOG PA DANG BCAS PA STE GANG THA SNYAD LA BYANG BA'I'O, ,'GA' ZHIG RTOG PA MED PA STE GANG CIG SHOS KYI'O ZHES 'DOD PA DE'I PHYIR DE LA LTOS PAS RTOG PA DANG BRAL BA @024B ZHES PA 'DIR DBANG PO'I SHES PA'I KHYAD PAR TE, PHA ROL GYIS YONGS SU BRTAGS PA DBANG PO'I SHES PA RNAM PAR RTOG PA DANG BCAS PA RNAM PAR GCAD PAR BYA BA'I DON DU'O ZHES RNAM PAR 'CHAD DO, ,DE RNAMS KYI LTAR NA GAL TE GZHAN GYI 'DOD PA LA LTOS PAS KHYAD PAR 'DI BRJOD PA YIN NA, DE LTAR GYUR NA GZHAN GYI 'DOD PA LA LTOS PA'I KHYAD PAR 'DI BYA BA MA YIN PA NA, RANG GI LUGS KYI MTSAN NYID MA BRJOD PA KHO NAR 'GYUR LA, DE LAS KYANG MNGON SUM GYI MTSAN NYID CIR 'GYUR, RTZOD PA 'DI YANG MNYAM PAR MA BZHAG PAR 'GYUR RO ZHES PA 'DI NI MI RIGS SO, ,THAMS CAD NI RNAM PAR RTOG PA MED PA KHO NA'O ZHES PA'I NI'I SRAS MTSAN NYID KYI KHYAD PAR LOG PAR BRJOD PA 'DI RANG GI LUGS LA LTOS PA MA YIN TE, LOG PAR RTOGS PA MED PA'I PHYIR ZHES PA'I DON GSAL BAR BYED DO, ,MNGON SUM RTOG PA DANG BRAL BA ZHES PA'I KHYAD PAR 'DI KHO NAS MTSON BYA THAMS CAD BSDUS SO, ,YID KYANG ZHES PA LA SOGS PA STE, KYANG GI SGRA NI BSDU BA'I DON, ,DON GYI SGRA 'DI NI SHES BYA'I RNAM GRANGS SO, ,'DOD CHAGS LA SOGS PA RNAMS KYI RANG NI, CHAGS LA SOGS, RANG NGO, ,RANG GI SGRA 'DI NI BDAG NYID RJOD PAR BYED BA'O, ,DON DANG CHAGS PA SOGS RANG NGO, ,DE RIG PA NI DON DANG CHAGS LA SOGS RANG RIG PA STE, 'DIS RIG PAR BYA SHES PAR BYA ZHES PA RIG PA'O, ,RIG PA NI SO SOR MNGON PAR SPREL LO, ,RNAM PAR RTOG PA MED PA'I YID DE NI MNGON SUM MO, ,DE LA YID KYI RNAM PAR SHES PA DBANG POS GZUNG BA KHO NA'I DON 'DZIN NAM, DE LAS GZHAN PA'O ZHES PA BRTAGS PA GNYIS TE, GAL TE DANG PO YIN NA DE LAS DE TSAD MA NYID MA YIN PA KHO NAR 'GYUR TE, BZUNG ZIN PA 'DZIN PA'I PHYIR DRAN PA LA SOGS PA BZHIN NO, ,'ON TE GNYIS PA YIN NA DE'I TSE LONG BA LA SOGS PAS KYANG DON 'DZIN BAR 'GYUR RO, , GAL TE YID KYI RNAM PAR SHES PA DBANG PO'I SHES PA LA LTOS PA MED PAR PHYI ROL GYI DON LA RAB TU 'JUG NA DE'I TSE MIG LA SOGS PA MA TSANG BAS KYANG MTHONG BA THOB BO, ,DE CI 'DRA BA YIN PA DE BRJOD PAR BYA'O ZHE NA, YID KYANG ZHES PA LA SOGS PA STE, GZUGS LA SOGS PA YANG DE RNAMS YIN @025A *, ,LA YUL RNAMS KYANG NGO ZHES PA LAS 'DZIN PA'O, ,'O NA GZUGS LA SOGS PA RNAMS YUL KHO NA MA YIN NAM, ,YUL SMOS PA DE CI'I DON YIN ZHE NA, DMIGS BZHIN PA MIN PA'I GZUGS LA SOGS PA RNAM PAR BCAD PA'I DON DU STE, RNAM PAR SHES PAR BYA BZHIN PA MA YIN PA RNAMS YUL DU 'GYUR BA MA YIN NO, ,NYE BAR BTAGS PAS DE'I RIGS CAN NYID KYIS YUL GYI THA SNYAD DU BSTAN PAR 'GYUR GYI, YUL DNGOS NYID NI MA YIN NO, ,YANG DE RNAMS CI'I YUL ZHE NA, DE MA THAG PA DBANG PO'I SHES PA'I STE, SKABS NYID KYI PHYIR DE KHO NA'I'O, ,GZUGS LA SOGS PA YUL RNAMS KYI RNAM PAR 'GYUR BA NI, GZUGS LA SOGS PA YUL GYI RNAM 'GYUR RO, ,DE GANG GI DMIGS PA YIN PA DE NI SKAD BSHAD DO, ,TSOGS PA DANG RNAM 'GYUR DANG DRUG PA'I YANG 'BRU MANG PO PA STE, TSIG PHYI MA DBYI BA YANG NGO ZHES PA'I TSIG LAS TSIG SDUD DANG, TSIG PHYI MA DBYI BA YANG STE, DPER NA GSER GYI RGYAN ZHES PA BZHIN NO, ,GANG DES BSKYED PA'I SKAD CIG PHYI MA'I KHYAD PAR DE DE'I RNAM PAR 'GYUR BA ZHES THA SNYAD KYI BYA BA YUL GYI RNAM PAR 'GYUR BA DE CI ZHE NA, CHOS CAN GNAS PA LA CHOS GZHAN LDOG PA NA, CHOS GZHAN GSAL BAR 'GYUR BA NI MA YIN TE, GRANGS CAN GYIS YONGS SU BRTAGS PA'I YONGS SU 'GYUR BA BKAG PA NYID KYI PHYIR RO, ,DES NA 'DI SKAD BRJOD PAR 'GYUR TE, DBANG PO'I SHES PA'I YUL LAS SKYES PA DE MA THAG PA'I GZUGS LA SOGS PA SKAD CIG DMIGS PA'O ZHES PA'O, ,'DIS NI TSAD MA NYID MA YIN PA'I SKYON SPANGS SO, ,YANG CI'I PHYIR DE'I YUL NGES PA NYID YIN ZHE NA, GANG GI PHYIR DE'I GANG DE MA THAG PA'I RKYEN GYI KHYAD PAR DE NI RANG GI YUL GYIS NYE BAR BSKYED PA DE MA THAG PA'I GZUGS LA SOGS PA'I SKAD CIG GI LHAN CIG BYED PA CAN KHO SKYES PA NI NYAMS SU MYONG BA'I RNAM PAR ZHUGS PA'O, ,'DI NA'I YUL DANG LDAN PA'O ZHES RTOGS PAR GYIS SHIG ,NYAMS SU MYONG BA'O RNAM PAS 'JUG PA ZHES PA STE, 'DIS NYAMS SU MYONG BAR BYA'O ZHES PA NYAMS SU MYONG BA'O, ,RNAM PA NI SNANG PA'O, ,DE YANG GANG DRAN PA LA SOGS PA RNAMS KYI NYAMS SU MYONG BA'I TSUL LA CAN MA YIN PA YANG YOD DO ZHES PAS DE @025B RNAM PAR BCAD PA'I CHED DU NYAMS SU MYONG PA SMOS SO, ,GANG GI NYAMS SU MYONG BA RNAM PA YIN PA DE DE SKAD BRJOD DO, ,DE YANG CI ZHE NA SNGAR BSHAD PA'I RIGS PAS DBANG PO'I SHES PA KHO NA STE NYAMS SU MYONG BA'I RNAM PA DES ZHUGS SHING SKYES PA NI NYAMS SU MYONG BA'I RNAM PAR ZHUGS PA'O, ,'DI SKAD BRJOD PAR 'GYUR TE DBANG PO'I SHES PA'I DE MA THAG PA'I RKYEN LAS SKYES PA'O ZHES PA'O, ,'DIS KYANG LONG PA LA SOGS PAS KYANG DON 'DZIN PAR 'GYUR RO ZHES GANG BRJOD PA DE BSAL TE, ,GANG GI PHYIR DE PHYI ROL GYI DON RNAMS LA RNAG DBANG DU 'JUG PA MA YIN GYI, 'ON KYANG DBANG PO'I RKYEN LA LTOS LA, LONG PA LA SOGS PA LA YANG DBANG PO'I SHES PA MED DO ZHES PAS DE MED DO, ,'DOD CHAGS LA SOGS PA RNAMS LA YANG RANG RIG PA'O ZHES PA STE, RANG NYID LA RIG PA NI RNAG RIG GO, ,'DIS RIG PAR BYA BAS NA RIG PA STE, 'DZIN PA'I RNAM PAR YANG DAG PAR BSHAD PA NYAMS SU MYONG BA'I RANG BZHIN NYID DO, ,NYAMS SU MYONG BA'I RANG BZHIN NYID KYI PHYIR 'DOD CHAGS LA SOGS PA RNAMS NYAMS SU MYONG BA'I BDAG NYID KYIS RAB TU GSAL BA RNAMS BDAG NYID YANG DAG PAR RIG PAR BYED DE, BDAG NYID RIG PA ZHES KYANG BSTAN PAR BYA BA RNAMS SO, ,DE'I PHYIR NYAMS SU MYONG BA'I BDAG NYI DE NI 'DI RNAMS KYI TSAD MA'O, ,GANG YANG RIG PA DNGOS PO'I NGO BO RANG RTOGS PA'I BDAG NYID DE NI DE'I 'BRAS BUR ROG PAR BYA STE, BDAG NYID NI DE RNAMS KYI GZHAL BYA'O, ,'DOD CHAGS LA SOGS PA SMROS PA NI GSAL BA'I RIG PA BSTAN PA'O DON TE, SHES PA THAMS CAD KYI BDAG NYID RIG PA NI MNGON SUM YIN PA NYID KYI PHYIR RO, ,RNAM PAR RTOG PA MED PA NYID NI DE LA BRDA MI NUS PA NYID KYI PHYIR RO, ,YUL DU BYAS PA LA BRDA BYED PAR NUS SHING, 'DOD CHAGS LA SOGS PA'I BDAG NYID MA SKYES PA NI RIG PAS YUL DU BYED PA YANG MA YIN TE, DE YANG 'DOD CHAGS LA SOGS PA'I BDAG NYID KYI NGO BO NYID KYIS NAM SKYES PA NYID KYI PHYIR RO, ,'DOD CHAGS LA SOGS PA'I BDAG NYID SKYES PA LA YANG RIG PAS BRJOD PA SBYOR BA MIN TE, DE LTAR NI DES BRJOD PA BZUNG NAS DER SBYOR BAR BYED CING, BRJOD PA ZIN PA NA YANG SKAD CIG MA NYID KYI PHYIR @026A *, ,DE MANG LA CHAGS PA LA SOGS PA RNAMS KYANG MED DO ZHES PAS CI ZHIG CI ZHIG GIS SBYOR BAR BYED CES BRDA MI NUS PA NYID KYI PHYIR CHAGS PA LA SOGS PA RNAMS KYI RANG RIG NI BRJOD PA DANG 'DRES PA MA YIN NO, ,GANG GIS GANG LA SGRA'I BRDA MI 'DZIN PA DE NI DE LA SGRA SBYAR NAS 'DZIN PAR MI BYED DE, DPER NA DRI LA MIG GI RNAM PAR SHES PA BZHIN, 'DOD CHAGS LA SOGS PA'I BDAG NYID LA YANG DE YANG DAG PAR RIG PAS SGRA'I BRDA MA BZUNG BA YIN NO, ,RGYU MI DMIGS PA'O, ,'DIR 'GA' ZHIG GZHI MA GRUB PAR SMRA BAR BYED DE, DE LTAR NI RANG RIG PAR RTOG PA MED PAR BSGRUB PAR BYA NA, DE YANG RE ZHIG SHES PA LA YANG MED NA, BDE BA LA SOGS PA SHES PA'I NGO BO MA YIN PA RNAMS LA GA LA YIN, DE RNAMS NI BDAG GCIG PU LA SHES PA DANG LHAN CIG 'DU BA'I PHYIR, DON GCIG LA 'DU BA CAN DES GZUNG BAR BYA BA'O ZHES PA STE, RANG NYID GZHAL BYA'I NGO BO KHO NA'O, ,DE'I PHYIR DE RNAMS GZHAN GYI YANG RIG PAR BYED PA MA YIN NA, BDAG NYID GA LAS YIN ZHE'O, ,DE RNAMS KYIS BDE BA LA SOGS PA'I RNAM PA DE SHES PAR GDON MI ZA BAR KHAS BLANG BAR BYA STE, GZHAN DU NA DE RNAMS DE'I RIG PAR BYA BA KHO NAR MI 'GYUR RO, ,SHES PAR 'DOD PA NYID KHO NA DON RNAMS KYI RIG PAR BYED PAR RIGS PA MA YIN TE, DE NI THAMS CAD LA KHYAD PAR MED PA'I PHYIR RO, ,DON THAMS CAD 'DZIN PAR THAL BAR 'GYUR BA'I PHYIR RO, ,SHES PA GANG ZHIG GANG GI RNAM PA DANG BRAL BA DE NI DE'I RIG PAR BYED PA MA YIN TE, BA LANG GI SHES PA RTA'I BZHIN, BDE BA LA SOGS PA'I SHES PA YANG BDE BA LA SOGS PA'I RNAM PA DANG BRAL BA'O, ,KHYAB BYED DANG 'GAL BA'O, ,SHES PA DE'I RNAM PA CAN DU 'GYUR MOD, DE LAS CIR 'GYUR ZHE NA, DE LAS 'DI STE, GANG DGA' BA DANG YONGS SU GDUNG BA LA SOGS PA'I RNAM PA DANG LDAN PA DE KHO NA BDE BA LA SOGS PA'O ZHES BDE BA LA SOGS PA SHES PA'I NGO BOR GRUB BO, ,DNGOS PO TSIM PA LA SOGS PA'I NGO BO CAN NI RTOGS PA'I NGO BO YIN PAR NI DE RNAMS LA YANG GRUB STE, DE LA SHES PA DANG, BDE BA DANG, SDUG BSNGAL ZHES PA LA SOGS PA MING JI LTAR 'DOD PAR BYOS @026B SHIG ,'DI LAS BZLOG PA CUNG ZAD KYANG MED DO, ,JI LTAR SHES PA'I TSIM PA LA SOGS PA'I RNAM BA NI SHES PA MED PA'I NGO BO BDE BA LA SOGS PAS BYAS PAR MI 'GYUR BA DE LTAR GZHAN DU RTOGS PAR BYAS ZIN TE, 'DIR NI GZHUNG MANGS PA'I 'JIGS PA LAS RAB TU RGYAS PAR MI BYA'O, , GANG ZHIG BDE BA LA SOGS PA RNAMS NI NANG MA YIN LA, SEMS PA CAN YANG MA YIN GYI, 'O NA CI ZHE NA, DE LAS BZLOG PA'I RANG BZHIN GZHAL BYA KHO NA'O ZHES SMRA BA DE'I YANG, JI SKAD BSHAD PA'I TSUL GYIS TSIM PA LA SOGS PA'I RNAM PA CAN RTOGS PA'I BDAG NYID KYI DNGOS POR GRUB CING, DE KHO NA YANG RANG RIG PA'I MNGON SUM DU BRJOD KYI, DE LAS GZHAN PA'I BDE BA LA SOGS PA GZHAN GYIS YONGS SU BRTAGS PA NI MA YIN NO, ,RANG RIG PA DE YANG BSGRUB PAR 'GYUR RO ZHES PA RTEN MA GRUB PA MED DO, ,'O NA SHES PA THAMS CAD KHO NA DANG DBANG PO LAS SKYES PA'I YANG RTEN YOD DO ZHES 'DOD PAR BYA BA MA YIN NAM, RNAM PAR SHES PA'I TSOGS LNGA RNAMS NI DBANG PO GNYIS KYI RTEN CAN NO ZHES GSUNGS PA'I PHYIR RO, ,DE CI'I PHYIR 'DI KHO NA YID LAS BYUNG BAR BRJOD PAR BYA ZHE NA GSUNGS PA, DBANG PO LA MI LTOS PA'I PHYIR ZHES PA STE GZUGS CAN GYI DBANG PO LA LTOS PA MED PA NYID KYI PHYIR ZHES PA DGONGS PA'O, ,GANG GI RTEN YID KHO NA YIN GYI DBANG PO GZUGS CAN MA YIN PA DE YID KYI MNGON PAR BRJOD DO, ,'O NA GANG RNAM PAR SHES PA'I TSOGS LNGA PO RNAMS DANG DE DANG MTSUNGS PAR LDAN PA 'DOD CHAGS LA SOGS PA DE RNAMS KYI RANG RIG PA JI LTAR YID KYI MNGON SUM YIN ZHE NA, RANG RIG PA'I SPYI BOS DE'I RIGS CAN NYID KYI PHYIR RO, ,YANG DBANG PO LA LTOS PA MED PA NYID NA, MNGON SUM GYI SGRA CI LTAR RIGS SHE NA, JI TZAM GYIS DBANG PO'I RGYU MTSAN CAN NI MNGON SUM DU THA SNYAD BYA BA STE, SHES PA'I KHYAD PAR LA YONGS SU BSHAD, YOD PA CAN NI MING 'DI'O ZHES PA 'DI NI BSHAD ZIN TO, ,YANG NA YID KYANG DBANG PO YIN PA NYID KYI PHYIR PHYOGS GZHAN LA YANG SKYON MED DO, ,DE BZHIN DU, RNAL 'BYOR PA'I ZHES PA STE, JI LTAR YID KYI RTOG PA MED PA MNGON SUM YIN PA DE BZHIN DU, RNAL 'BYOR PA RNAMS KYI YANG NGO, ,RNAL 'BYOR NI TING NGE 'DZIN TE, DE GANG RNAMS LA YOD PA DE RNAMS RNAL @027A *, ,'BYOR PA RNAMS SO, ,BLA MAS BSTAN, MA 'DRES PA'I ZHES PA STE, 'DIR YUL GYIS YUL CAN BSTAN PA LA, LUNG GI RNAM PAR RTOG PA NI BLA MAS BSTAN PA'I SGRAS BRJOD DO, ,DE DANG MA 'DRES PA NI BRAL BA ZHES PA'I DON NO, ,'DIS NI GSAL BAR SNANG BA NYID KYANG DE LA THOS PAR BYAS TE, RNAM PAR RTOG PA MED PA NI GSAL BA NYID LA MI 'KHRUL BA NYID KYI PHYIR RO, ,TZAM GYI SGRA NI SGRO BTAGS PA'I DON RNAM PAR BCAD PA'I DON DU'O, ,DES NA GANG YANG DAG PA'I DON GYI YUL CAN 'PHAGS PA'I BDEN PA MTHONG BA LTA BU DE KHO NA TSAD MA STE, YANG DAG PA MA YIN PA'I DON GYI YUL CAN BSLAD PA ZAD PAR SA LA SOGS PA NI MA YIN NO, ,'O NA DON 'DI 'CHAD PAR 'GYUR BA'I DMIGS BSAL KHO NA LA THOB PAR BYA BA MA YIN NAM, DE LA TZAM SMOS PA CI ZHE NA, 'DI BDEN MOD DE LTA NA YANG GTZO BOR SHES PA'I DON DU 'DI'I MTSAN NYID KYI NGAG KHO NA LA DON 'DI YONGS SU GSAL BAR BYAS SO, ,GTZO BO NYID NI THAR PA'I RGYU NYID KYI PHYIR RO, ,YANG RNAM PAR RTOG PA MED PA NYID DANG DE'I GSAL BAR SNANG BA NYID NI SGOM PA YONGS SU RDZOGS PA'I 'BRAS BU YIN PA NYID KYI PHYIR RO, ,GANG SGOM PA RDZOGS PA'I 'BRAS BU SHES PA DE NI RTOG PA MED PA DANG GSAL BAR SNANG BAR YANG 'GYUR TE, DPER NA 'DOD PA DANG MYA NGAN LA SOGS PAS NYE BAR BSLAD PA RNAMS KYI DGA' BA LA SOGS PA'I YUL CAN GYI SHES PA BZHIN, RNAL 'BYOR PA'I SHES PA'ANG DE LTA BU'O, ,RANG BZHIN NO, ,RTOG PA'I SHES PA YANG ZHES PA STE, 'DI'I DON NI 'DI LTA STE, GANG RANG RIG PA BYA BA DE RANG RTOGS BYED KYI DOR MNGON SUM STE, CHAGS PA LA SOGS PA'I SHES PA BZHIN, RTOG PA'I SHES PA YANG DE LTA BU'O ZHES PA RANG BZHIN NO, ,'DI NI BDEN TE ZHES PA LA SOGS PA 'DOD PA GRUB PAR STON TO, ,'DI LTAR DGONGS PA STE, YUL GANG LA SHES PA GANG SGRA'I BRDA 'DZIN PA DE NI DE LA SGRA'I SGO NAS DE'I YUL 'DZIN PA'I PHYIR RNAM PAR RTOG PA DANG BCAS PAR 'GYUR GYI RANG GI NGO BO YANG BRDA NUS PA MA YIN TE, SNGAR JI SKAD BSHAD PA BZHIN NO, ,DE'I PHYIR DE RTOGS PAR BYA BA LAS SO, ,SHES PA THAMS CAD MNGON SUM KHO NA'O ZHES PA'O, ,DE LTAR RE ZHIG MNGON @027B SUM ZHES PA LA, RE ZHIG GI SGRA NI RIM PA LA STE, MNGON SUM BRJOD NAS DE LTAR SNANG BRJOD PAR BYED DO ZHES PA RIM PA'O, ,'O NA MNGON SUM RTOG PA DANG BRAL BA ZHES SMRAS PAS RNAM PAR RTOG PA DANG BCAS PA MNGON SUM LTAR SNANG BA'O ZHES BRJOD PAR 'GYUR LA, DE YANG SNGAR KHO NAR MING DANG RIGS SBYOR BAS BSHAD NA, DE LA CI'I DON DU SLAR YANG DE BRJOD CE NA, GANG GI DON DU YIN PA DE PHYI MAR GSAL BAR BYED PAR 'GYUR RO, ,'KHRUL DANG KUN RDZOB YOD SHES DANG, ,ZHES PA LA SOGS PA LA, 'DIS NI MNGON SUM LTAR SNANG RNAM PA BZHIR GSUNGS SO, ,DE LA 'KHRUL PA'I SHES PA ZHES PA 'DIS DON GZHAN RTOG PA'I SHES PA CI RE ZHIG GSUNGS SO, ,DE LTAR NI CHU LA SOGS PA DON GZHAN MED PA KHO NA BRDA LA BRTEN PA LAS, SMIG RGYU LA SOGS PA RNAMS LA SGRO 'DOGS PAR BYED CING RTOG PA SKYE'O, ,KUN RDZOB TU YOD PA RNAMS LA ZHES PA LA SOGS PAS, BRDA LA BRTEN NAS SGRO 'DOGS PA RTOG PA'I 'JUG PA GNYIS PA'O, ,YANG KUN RDZOB TU YOD PA RNAMS LA GANG SHES PA DE MNGON SUM LTAR SNANG NGO ZHES PA'I CI'I RGYUS SHE NA, GSUNGS PA, DON GZHAN SGRO 'DOGS PA LAS ZHES PA STE, DE NI BTAGS PA'I DNGOS PO GZUGS LA SOGS PA RNAMS LA DON GZHAN DU GYUR PA BUM PA LA SOGS PA RNAMS SGRO 'DOGS KYI BTAGS PA'I DNGOS PO TZAM DU RTOGS PA YANG MA YIN PAS SO, ,DE YANG CI LTAR SHES PAR BYA ZHE NA, GSUNGS PA, DE'I NGO BOR BTAGS NAS 'JUG PA NYID KYI PHYIR ZHES PA STE, DE NI KUN RDZOB TU YOD PA DE RNAMS LA DON GZHAN NYID DU RTOG PA SKYE STE, SGRO BTAGS PA'I DON GYI RNAM PAR BRTAGS PAS 'JUG PA NYID KYI PHYIR KUN RDZOB TU YOD PA'I SHES PA NI BUM PA LA SOGS PA RNAMS SU SGRO 'DOGS PAR BYED KYI, DE BTAGS PA'I DNGOS BO TZAM DU RTOGS PAR BYED PA NI MA YIN NO, ,DE LA RE ZHIG GZUGS LA SOGS PA CHU 'DZIN PA LA SOGS PA'I 'BRAS BU GCIG PA NYID KYIS DE LAS GZHAN RNAMS LAS THA DAD PA LAN CIG LA BRJOD PA RNAMS LA RANG GI 'BRAS BU LA NYE BAR SBYOR BA'I DON DU DE LA 'JIG RTEN GYI SGRA'I BRDA GANG YIN PA DE RTEN DU BYAS NAS, DON GZHAN PA'I BUM PA LA SOGS PA DANG BRAL BA RNAMS LA @028A *, ,YANG GZUGS LA SOGS PA RNAMS LA DNGOS PO'I DON GZHAN SGRO 'DOGS PA'I RTOG BA BUM PA'O, ,SNAM BU'O ZHES PA LA SOGS PA RAB TU 'JUG GO, ,DE BZHIN DU TSOGS PA LA SOGS PA RNAM PAR GCOD PA'I 'BRAS BU CAN GYI SGRAR ZHEN PA LA BRTEN PAS GCIG NYID LA SOGS PAR ZHEN PA'O, ,DE BZHIN DU YUL GZHAN DU SKYE BA RNAMS DANG, DE BZHIN DU YOD PA RNAMS LA DANG, DE BZHIN DU MANG PO 'BRAS BU GCIG PA'I TSOGS PA RNAMS LA DANG, DE BZHIN DU BAR MED PA NYID LA SOGS PA'I GNAS SKABS RNAMS LA, DE LTAR GYUR PA MA YIN PAR RNAM PAR GCAD PA'I CHED DU SGRA'I BRDA BTAGS PA LA BRTEN NAS DON GZHAN DU GYUR PA'I LAS DANG, YOD PA NYID DANG BUM PA NYID LA SOGS PA DANG, LDAN PA LA SOGS PAR RIM PA JI LTA BAR SGRO 'DOGS PA'I RTOG PA NYE BAR SKYE'O, ,DE LTAR RAB TU DBYE BA LAS SGRA'I RTOG PA KHO NA BRDA TZAM LA BRTEN PA 'DI NI RTOG PA'I SHES PA GNYIS PA'O, , SMIG RGYU LA SOGS PA RNAMS LA GANG CHU LA SOGS PA'I RTOG PA DE NI, GANG GIS BRDA LA BRTEN PA KHO NA'I NANG DU 'DUS PA'I PHYIR 'DI LOGS SU BRJOD PAR MI 'GYUR BA CHU MA YIN PA RNAM PAR GCAD PA'I CHE NGA DU CHUR BYAS PA'I BRDA TZAM LA BRTEN NAS RAB TU 'JUG PA MA YIN GYI, 'O NA CI ZHE NA, DER 'BYUNG BA 'DUS PA LA BRDA LA BRTEN PA LAS YOD PA MA YIN PA KHO NA'I CHU LA SOGS PA SNGAR MTHONG BA'I DON GZHAN KHO NA SGRO 'DOGS PA SKYE STE, DE NYID KYI PHYIR GSUNGS PA CHU LA SOGS PA'I RTOG PA 'JUG PA NYID KYI PHYIR ZHES PA'O, ,BUM PA LA SOGS PA RNAMS NI RANG GI NYE BAR LEN PA LAS GZHAN YOD PA MA YIN PA KHO NA'O, ,BRDA TZAM GYI RGYU MTSAN CAN KHO NA DER SGRO 'DOGS PA'I RTOG PA'O ZHES PA SNGA MA LAS THA DAD PAR BRJOD DO, ,RJES SU DPAG PA DANG DE'I 'BRAS BU LA SOGS PA'I SHES PA ZHES PA STE, 'DIS RJES SU DPAG BAR BYA BAS RJES SU DBAG PA STE RTAGS SO, ,DE LA DE KHO NA DU BA 'DI'O ZHES 'BREL PA'I DUS SU NYAMS SU MYONG BA'I DON GYI RTOG PA 'JUG PA NI SHES PA'O, ,DE'I 'BRAS BU RTAGS CAN GYI SHES PA LA YANG SNGAR NYAMS SU MYONG BA'I RTOG PA YOD DE, DE KHO NA 'DIR ME'O ZHES RJES SU DPOG PA'I PHYIR RO, ,DRAN PA LA YANG SNGAR NYAMS SU MYONG BA'I RNAM PA CAN GYI RTOG PA STA, @028B 'DI LTAR DE BDAG GIS MYONG NGO ZHES PA'O, ,MNGON PAR 'DOD PA CAN YANG SNGAR MYONG BA'I RTOG PA LAS MA 'DAS TE, DE MED NA MNGON PAR 'DOD PA MED PA'I PHYIR RO, ,SOGS PA'I SGRAS THE TSOM GYI SHES PA BZUNG STE, DE LA YANG CI DE KHO NA 'DI 'AM 'ON TE GZHAN YIN ZHES PA 'DI LTA BU'I RNAM PA CAN SNGAR MYONG BA'I RTOG PA SKYE'O ZHES PA 'DI NI SNGAR MYONG BA'I DON CAN RTOG PA'I SHES PA GSUM PA'O, ,RAB RIB BCAS ZHES PA 'DIS DBANG PO LA NYE BAR GNOD PA LAS SKYES PA RAB RIB LA SOGS PA'I SHES PA MNGON SUM LTAR SNANG BA BZHI PA GSUNGS SO ZHES PA'O, ,DE LA RTOG PA'I SHES PA SNGA MA GNYIS DAG NI MNGON SUM MA YIN NO ZHES BSHAD PA'I DON DU GSUNGS SO, ,GANG GIS DE BZLOG PA'I CHED DU 'CHAD PAR BYA BA SLAR YANG DE DAG MNGON SUM DOGS PA CI LAS SHE NA, DE DAG NI MNGON SUM NYE BAR 'JUG PA DAG STE, DE'I PHYIR SKYE BA'I DUS KYI RNAM PAR DBYE BA PHRA MO RTOGS PAR DKA' BA NYID KYI PHYIR NYE BAR MTSON PA MED PA LAS 'DI DAG MNGON SUM KHO NA DAG GO ZHES KHA CIG 'DOD PAR 'GYUR ZHING, 'GA' ZHIG RNAMS KYIS LOG PAR RTOGS PA MTHONG BA YANG STE, DPER NA BUM PA LA SOGS PA KUN RDZOB TU YOD PA RNAMS LA SHES PA DANG, SMIG RGYU LA SOGS PA RNAMS LA CHU LA SOGS PA'I SHES PA NI MNGON SUM KHO NA'O ZHES PA LTA BU'O, ,DE LTAR NI SMIG RGYU LA SOGS PA LA CHU LA SOGS PA'I SHES PA DE KHO NA RNAM PAR GCAD PA'I CHED DU MA 'KHRUL PA ZHES MNGON SUM GYI MTSAN NYID LA KHYAD PAR NYE BAR BYAS PAS SO, ,DE NI DBANG PO LA NYE BAR GNOD PA LAS SKYES PA'I SHES PA BZLOG PA'I DON DU'O ZHE NA, MA YIN TE, DON DANG PHRAD PA 'DZIN PA KHO NA LAS DON MED PA LAS BYUNG BA ZLA BA GNYIS LA SOGS PA'I SHES PA BZLOG PA'I PHYIR RO, ,GZHAN DU NA DBANG PO LAS SKYES PA SHES PA NYID BRJOD PAR BYA BAR 'GYUR RO, ,RJES SU DPAG PA LA SOGS PA'I SHES PA NI, JI LTAR SNGAR NYAMS SU MYONG BA'I BRDA DRAN PA'I STOBS LAS 'JUG PA DANG MNGON SUM MA YIN PA'ANG YIN PAR GRUB PA KHO NA'O ZHES PA'O, ,DE MNGON SUM MA YIN PAR GRUB NA'ANG GANG 'DIR NYE BAR BLANGS PA DE NI RTOGS PA'I SHES PA SNGA MA DAG DE KHO NA MNGON SUM MA YIN PA NYID DU SGRUB PA'I @029A *, ,CHED DU STE, GANG SNGAR NYAMS SU MYONG BA'I BRDA DRAN PA'I STOBS LAS BYUNG BA'I NGANG CAN DE MNGON SUM MA YIN TE, DPER NA RJES SU DPAG PA LA SOGS PA'I SHES PA 'DI BZHIN SHES PA SNGA MA DAG KYANG DE LTA BU'O, ,KHYAB BYED DANG 'GAL BA'O, ,DE LTAR RTOG PA'I SHES PA RNAM PA GSUM KHO NA STE, MTSAN NYID KYI TSIG GI DON GYIS GO BAS BSAL BA'O, ,MNGON SUM LTAR SNANG BA BZHI PA GANG DE NI 'DIR DMIGS KYIS BSAL BAR BLTA BAR BYA'I MTSAN NYID KYI TSIG GI DON GYIS GO BAS BSAL BA'I DPER BRJOD PA NI MA YIN NO, ,GZHAN DU NA MTSAN NYID 'KHRUL PAR 'GYUR RO, ,DE'I PHYIR DMIGS KYIS BSAL BA'I TSIG DES PHYI DANG NANG GI NYE BAR GNOD PA'I RKYEN GYIS BCOM PA'I DBANG PO'I SHES PA RTOG PA DANG BRAL BA NYID NA'ANG MNGON SUM LTAR SNANG BAR BRJOD DO, ,RAB RIB BCAS ZHES PA 'DIR, RAB RIB NI DBANG PO NYE PAR BCOM PA'I RKYEN THAMS CAD NYE BAR MTSON PA TZAM DU BLTA BAR BYA'O LO, ,GANG ZHIG ZLA BA GNYIS LA SOGS PA'I SHES PA DBANG PO LAS SKYES PA MA YIN PA KHO NA STE 'ON KYANG YID KYI KHO NA'O ZHES SMRA'O, ,DES NA BRJOD PAR BYA STE, DBANG PO LAS SKYES PA'I MTSAN NYID CI YIN ZHES PA'O, ,DBANG PO YOD PA DANG MED PA'I RJES SU BYED PA'O ZHE NA, DE 'DI LA YANG MTSUNGS SO, ,DE RNAM PAR 'GYUR BAS RNAM PAR 'GYUR BA CAN NYID DO ZHE NA, 'DIR YANG DE KHO NA LAN YIN NO, ,GZHAN YANG SBRUL LA SOGS PA'I 'KHRUL PA BZHIN DU 'DI 'DOD PAS LDOG PAR 'GYUR TE, RTOG PA 'DI NI SO SOR BRTAGS PA'I STOBS KYIS BZLOG PAR NUS PAS SO, ,GZHAN YANG DBANG PO RNAM PAR 'GYUR BA CAN GYI RNAM PAR 'GYUR BA LDOG PA NA YANG BRTAGS PA LAS MI LDOG PAR 'GYUR NA, DE LTAR YANG MA YIN NO, ,DE'I PHYIR 'DIR YANG DBANG PO LAS BYUNG BA KHO NA'O, ,SLOB DPON GYIS GSUNGS PA YANG, DE RNAMS NI DON DAM PAR RNAM PA GZHAN DU YOD PA RNAMS NI ZLA BA GNYIS LA SOGS PAR SNANG BA DANG SNGON PO LA SOGS PAR SNANG BA'I SHES PA'I RGYUR 'GYUR RO ZHES SO, ,'DI LA MNGON PAR ZHEN PAR BYA BA MA YIN NO, ,GANG GI PHYIR DE LTAR DBANG PO LAS SKYES KYANG BSLAD PA YANG YOD DO, ,DE'I PHYIR 'KHRUL PA ZHES PA LA SOGS PAS @029B BSHAD ZIN PA'I RNAM PAR RTOG PA'I SDE TSAN ZHES BYA BA'I YI GES RNAM PAR GCAD PA LAS LOGS SU RNAM PAR RTOG PA MED PA MNGON SUM LTAR SNANG BA RAB RIB BCAS ZHES PAS SLOB DPON GYIS GSUNGS SO, ,'DIR BRTZAD PAR BYA STE 'DIR SLU BA MED PA LA 'JUG PAR BYED PA'I SHES PA NI TSAD MAR MNGON PAR 'DOD DE, 'DI DAG GIS DON YONGS SU BCAD NAS 'JUG PA NI DON BYA BA LA SLU BA MED PAS SO ZHES GSUNGS PA'I PHYIR, DBANG PO NYE BAR BCOM PA LAS SKYES PA'I RNAM PAR SHES PA LA CIG KYANG YANG DAG PAR 'DOD PA 'GA' ZHIG LA SLU BA MED PA DANG RAB TU 'JUG PAR BYED PA NYID KYANG YOD PA KHO NA'O, ,DE'I PHYIR GANG 'DI SKRA SHAD LA SOGS PAR SNANG BA RAB RIB LA SOGS PA'I SHES PA NI GANG GI YANG DAG PAR 'DOD PA SKRA SHAD LA SOGS PA'I DNGOS PO LA SLU BA MED CING DE TSAD MA NYID DU MI 'GYUR MOD, GANG 'DI MIG SER GYIS NYE BAR BSLAD PA'I MIG CAN GYIS DUNG DKAR PO LA SOGS PA DUNG SER PO LA SOGS PAR SNANG BA DANG, GANG YANG YUN RING DU RAB RIB KYIS MIG BSGRIBS PA NYID KYI PHYIR RAM THAG RING BA NYID KYI PHYIR GSAL BA'I SNGON PO LA SOGS PA RNAMS LA MIG GSAL BA'I SNGON PO LA SOGS PA'I RNAM PA DANG, GANG YANG GRU DANG BZHON PA BSKYOD PAS BYAS PA'I 'KHRUL PA SHING SDONG LA SOGS PA GNAS PA RNAMS LA YANG 'GRO BA'I BYA BA DANG LDAN PA'I RKANG 'THUNG LA SOGS PAR SNANG BA DANG 'DI LTA BU'I RNAM PA GZHAN YANG, DE MA YIN PA LA DER 'DZIN PA'I PHYIR, 'KHRUL PA DE YANG DNGOS PO LA 'BREL PA LAS 'DOD PA'I DON LA MI SLU BA'I PHYIR 'GA' ZHIG LA TSAD MA NYID DU DRANG BAR BYA'O, ,DE LTAR NI DE LAS RAB TU 'JUG PA NI GEGS MED NA NGES PAR DUNG LA SOGS PA'I DNGOS PO TZAM LAS 'ONGS PA'I DON BYA BA NUS PA'I DON MNGON PAR 'DOD PA SGRUB PAR BYED DO, ,'ON TE 'DI RNAMS SLU BA MED KYANG LOG PAR SNANG BA NYID KYI PHYIR TSAD MA NYID DU MI 'DOD NA, DE LTA NA RJES SU DPAG PA YANG DE NYID KYI PHYIR MI 'DOD PAR BYAS NA, MI 'DOD PA YANG MA YIN NO, ,DE'I PHYIR DE RNAMS KYANG YANG DAG PAR 'DOD PA'I DON BYA BA NUS PA DUNG LA SOGS PA'I DNGOS PO TZAM LA GANG DU MI BSLU BA DE LA TSAD MA NYID DU MI 'GAL BAR MTHONG ZHING, SMRA BAR YANG NUS TE, SHES PA GANG LA RAB TU @030A *, ,ZHUGS PA'I SKYES BUS GEGS MED NA NGES PAR MNGON PAR 'DOD PA'I DON SGRUB PA DE DE LA DE'I TSAD MA STE, DPER NA MNGON PAR 'DOD PA'I MNGON SUM DANG RJES SU DPAG PA BZHIN JI SKAD BSHAD PA'I SHES PA LAS RAB TU ZHUGS PA'I SKYES BU YANG GEGS MED NA NGES PAR MNGON PAR 'DOD PA DUNG LA SOGS PA'I DNGOS PO TZAM SGRUB PAR BYED DO ZHES PA RANG BZHIN NO, ,'DI YANG RJES SU DPAG PA MA YIN TE, RTAGS LAS MA SKYES PA NYID KYI PHYIR DANG RNAM PAR RTOG PA MED PA NYID KYI PHYIR RO, ,TSAD MA GSUM PA 'DOD PA YANG MA YIN TE, DE'I PHYIR MNGON SUM KHO NA'O ZHES KHAS BLANG BAR BYA'O, ,GANG RTOG PA DANG BRAL ZHING 'DOD PA'I DON LA MI BSLU BA DE NI MNGON SUM STE, DPER NA MNGON PAR 'DOD PA'I MNGON SUM BZHIN, SKABS KYI SHES PA'ANG DE LTA BU'O, ,RANG BZHIN NO, ,'DI 'GYUR MOD DUNG LA SOGS PA TZAM GYI DNGOS PO 'DOD PAR BYAS PA LA MI BSLU BA'I PHYIR DE KHO NA LA DE MNGON SUM NYID DU 'DOD KYI SER PO LA SOGS PA'I RNAM PA DANG LDAN PA'I KHYAD PAR LA NI SLU BA MED PAR MI 'DOD DO ZHES PA DE LTA NA RAB RIB BCAS ZHES PA DMIGS BSAL GYI TSIG 'DIS PHYI DANG NANG GI NYER GNOD KYI RKYEN CAN DBANG PO NYE BAR BCOM PA'I SHES PA RTOG PA DANG BRAL BA NYID NA YANG MNGON SUM LTAR SNANG BAR GSUNGS PA DANG, RAB RIB BCAS ZHES PA'I TSIG DER RAB RIB NI DBANG PO LA NYE BAR GNOD PA'I RKYEN CAN THAMS CAD NYE BAR MTSON PA TZAM 'BA' ZHIG GO ZHES PA 'DI LTAR BSHAD PAR BYA BA MA YIN TE, DBANG PO LA NYE BAR GNOD PA'I SHES PA YANG 'GA' ZHIG KHA CIG TU MNGON SUM YIN PA NYID KYI PHYIR RO, ,MA 'KHRUL BA ZHES PA'I KHYAD PAR YANG BYA BA MA YIN TE, 'KHRUL PA YANG 'GA' ZHIG KYANG 'GA' ZHIG TU MNGON SUM NYID DU 'DOD PA'I PHYIR RO ZHE NA, DE'I PHYIR RAB RIB BCAS ZHES PA DMIGS BSAL GYI TSIG 'DI RNAM PA GZHAN DU BSHAD PAR BYA STE, RAB RIB KYI SGRA 'DI NI 'DIR MI SHES BRJOD PAR BYED PA STE, DPER NA, DMAN RNAMS RAB RIB KYIS BCOM PA, ,ZHES PA LA SOGS PA'I NGAG LA BZHIN NO, ,RAB RIB LA YOD PA NI RAB RIB CAN TE, DAG NI RNAM PAR GCOD PA'I 'BRAS BU CAN NYID KYI PHYIR DAG THAMS CAD NGES PAR GZUNG BA DANG BCAS PA'I ZHES PAS RAB RIB KHO NA @030B LA YOD PA ZHES NGES PAR GZUNG BA DANG BCAS PA'I NGAG GI DON LA DE PHAN DU 'GYUR RO, ,YANG 'DI SLU BA CI ZHE NA, DE GAL TE 'GYUR NA MI SHES PA KHO NA LA 'GYUR GYI, SHES PA LA MA YIN TE, DE MTHA' GCIG TU MI SLU BA NYID KYI PHYIR RO, ,'DI NI 'JIG RTEN NA SHIN TU GRAGS PA YANG YIN NO, ,RAB RIB DE DANG LHAN CIG 'JUG GO ZHES PA NI RAB RIB BCAS PA STE SLU BA CAN NO ZHES PA'I BAR RO, ,RNAM PAR RTOG PA DANG BCAS PA'I SLU BA CAN YANG 'KHRUL PA LA SOGS PA'I SGRAS NYE BAR BLANGS PA'I PHYIR, 'DI RNAM PAR RTOG PA MED PAR RTOGS PAR BYA'O, ,DRAN DANG MNGON PAR 'DOD PA YANG, ,ZHES PA'I YANG GI SGRA 'DI YANG BSDU BA'I DON DANG RIM PA THA DAD PA STE, RAB RIB BCAS PA YANG ZHES PA 'DI LTAR BLTA BAR BYA'O, ,DES NA DON 'DIR 'GYUR TE SLU BA'I SHES PA NI MNGON SUM LTAR SNANG PA'O ZHES PA STE, DE LTA NA 'KHRUL PA RNAM PAR RTOG PA MED PA YANG GANG LA MI BSLU BA DER MNGON SUM NYID YIN LA, GANG LA SLU BA DER NI DE LTAR SNANG BA NYID DO ZHES PA 'DI GRUB PAR 'GYUR RO, ,DE LTAR GYUR NA 'GAL BA CI YANG MED DO, ,RTOG PA'I SHES PA BZHIN TE, ,JI LTAR RTOG PA'I SHES PA NI RANG NYID RTOG PA LA LTOS NAS MNGON SUM NYID DANG, PHYI ROL GYI YUL LA LTOS PAS DE LTAR SNANG BA NYID MI 'GAL BA DE BZHIN DU JI SKAD BSHAD PA'I SHES PA YANG YUL GYI DBYE BA LA LTOS PAS DE GNYIS KA'O ZHES PA'O, ,'DIR YANG ZHES PA KHO BO'I 'DOD PAR RO, ,BYA DANG BCAS PAR RTOGS PA'I PHYIR, ,ZHES PA BYA BA DANG LHAN CIG RTOGS PA NYID KYI PHYIR RO ZHES PA'I DON NO, ,'DI NI TSAD MA NYID DU NYE BAR 'DOGS PA'I RGYU'O, , TSAD MA 'BRAS BU KHO NAR YOD, ,CES PA TSAD MA'I RTOGS PA NI 'BRAS BU'O, ,DE YANG RANG NYID KHO NA STE, DE'I BDAG NYID DO ZHES PA'O, ,DE'I PHYIR THA DAD PA MED DO, ,'DI LA PHYI ROL PA RNAMS KYI BZHIN DU TSAD MA LAS 'BRAS BU DON GZHAN MED CES PA, 'DIR YANG DE DANG 'DRA BA KHO NA'I SKYON DU MA GYUR CIG PA'O, ,DE KHO NA'I ZHES PA LA SOGS PAS DON 'DI GSAL BAR BYAS TE, RNAM PAR GNAS PA'I RANG BZHIN GYI BSGRUB BYA'AM, SGRUB BYED CUNG ZAD KYANG YOD PA MA YIN PA KHO NA STE, THAMS CAD DU BSGRUB BYA SGRUB BYED KYI THA SNYAD NI RTOGS PA'I NGO BO LAS MA 'DAS PA NYID KYI PHYIR RO, ,'DIR @031A *, ,YANG YOD DE, SHES PA NI LHAG PAR RTOGS PA'I NGO BO YIN PA NYID KYI PHYIR NA BSGRUB PAR BYA BA NYID KYI RTOGS PA'O ZHES PA 'BRAS BU NYID DU NYE BAR GDAGS PAR BYA'O, ,DE KHO NA'I 'ANG YUL GYI RNAM PA YONGS SU 'DZIN PA LAS DANG, BYA BA DANG BCAS BAR RTOGS PA ZHES PAS TSAD MA NYID DU NYE BAR GDAGS TE THA SNYAD DU BYA'O ZHES PA'I DON TO, ,DE LTAR NI SHES PA DE YUL GYI RNAM PA NYID 'DZIN PA NI BYA BA MED PAR GYUR KYANG GANG RANG GI YUL LA RTOGS PA'I BDAG NYID KYI BYA BAS BRJOD KYI RNAM PA GZHAN DU MA YIN NO, ,DE'I PHYIR DE'I BDAG NYID DU GYUR PA'I YUL GYI RNAM PA NYID DE KHO NA TSAD MA'O ZHES PA'O, ,'DI NI RIGS PA YANG YIN TE, DE LTAR NI, BYA BA SGRUB PAR BYED PA ZHES PA KHO NAS, BYA BA THAMS CAD KYI THAMS CAD SGRUB PAR BYED PA'AM, BYA BA THAMS CAD NI THAMS CAD KYI BSGRUB PAR BYA BA MA YIN TE, THUG PA MED PAR THAL BA'I PHYIR RO, ,'O NA CI ZHE NA, GANG ZHIG SGRUB BYED GANG LAS BAR MA CHONG PAR RAB TU 'GRUB PAR 'GYUR BA'I BYA BA DE'I DE SGRUB PAR BYED PA YIN ZHE NA, BYA BA DE KHO NA YANG DE'I BSGRUB BYA STE, DE LA GZUGS LA SOGS PA'I LAS LA NYAMS SU MYONG BA'I BDAG NYID DU 'DRA BA'I BDAG NYID CAN GYI SHES PA NI GANG GIS 'DI NI SNGON PO'I SHES PA'O, ,'DI NI SER PO'I'O ZHES RNAM PAR 'BYED PAS RNAM PAR GZHAG PAR BYA BA'I BYED PAR GYUR PA'I RANG BZHIN DES 'BYUNG BAR BYA STE, RNAM PA GZHAN DU NA SHES PA THAMS CAD DON THAMS CAD KYIR 'GYUR BA 'AM YANG NA 'GA' ZHIG KYANG 'GA' ZHIG GIR MI 'GYUR TE, BYE BRAG MED PA'I PHYIR RO,, DNGOS PO LA SOGS PA'I MI GSAL BA NYID LA SOGS PA THA DAD PA NI NGES PAR BYED PA'O ZHE NA MA YIN TE, DE NI SHES PA MA YIN PA'I NGANG BZHIN YIN PA NYID KYI PHYIR DANG, SHES PA THAMS CAD KYI RGYU YIN PA NYID KYI PHYIR RO, ,PHRAD PA YANG MA YIN TE, 'DI NYID KHO NA'I PHYIR RO, ,DON LA LTA BA YANG MA YIN TE, YUL DANG 'DRA BA MED NA NI DON LA LTA BA KHO NA MI 'GRUB PA'I PHYIR RO KHYAD PAR GYIS SHES PA YANG DE KHO NA NYID KYI PHYIR RO, ,DE'I PHYIR GANG ZHIG GANG LAS 'DI NI SNGON PO KHO NA'I RTOGS PA'O, ,SER PO KHO NA'I 'O ZHES PA LA SOGS PA'I NGES PA DE DON DANG 'DRA BA LAS GZHAN LAS 'GRUB @031B PA MA YIN NO, ,DE'I PHYIR DE KHO NA DON RTOGS PA'I SGRUB PAR BYED PA'O, ,BYED PA PO THAMS CAD NYE BAR SBYOR NA YANG DON 'DI'I RTOGS PA 'DI'O ZHES PA'I 'BREL PA NI DE KHO NA LAS BAR MA CHAD PAR 'GRUB PA'I PHYIR RO, ,DE YANG DE'I SGRUB PAR BYED PA NYID NI RNAM PAR GZHAG PA'I RTEN YIN PA NYID KYIS YIN GYI, 'GRUB PAR BYED PA NYID KYIS NI MA YIN TE, THA DAD PA MED PA'I PHYIR RO, ,DE LTAR 'GYUR MOD, DNGOS POR NA THA DAD PA MED PA SHES PA'I CHA DAG GCIG NYID YIN NA GANG BYA BA DE KHO NA BYED PA PO YIN PA DE'I PHYIR 'DI 'GAL BA'O ZHE NA DE MI BDEN TE, GANG GI PHYIR DNGOS POR NA THA MI DAD NA YANG, GANG 'DI CHOS THA DAD PA GZHAL BYA'I TSUL NYID DANG DON RTOGS PA ZHES PA DE NA KHAS BLANG BAR BYA BA KHO NA STE, LDOG PA THA DAD PA NYE BAR BTAGS PA'I PHYIR DANG, DNGOS PO LA THA DAD PA MED NA YANG RNAM PAR SHES PA'I SNANG BA THA DAD PAS BSGRUB BYA DANG SGRUB BYED RNAM PAR GZHAG PA BSTAN PA'I PHYIR RO, , DPER NA 'THUNG BAR BYED BZHIN PA'I SBRANG 'THUNG NGO, ,BDAG NYID KYIS BDAG NYID 'DZIN DU 'JUG GO, ,BLOS 'DZIN NO ZHES PA LTA BU STE, 'DI NI DNGOS PO LA NGES PAR GNAS PA'I BSGRUB BYA DANG SGRUB BYED KYI THA SNYAD MA YIN NO ZHES PAS RTZOD PA 'DI MED DO, ,JI LTA BA'I BYA BA MED KYANG DE DANG LDAN PA NYID DU SNANG PAR 'GYUR BA CI LTAR ZHE NA GSUNGS PA, DPER NA ZHES PA LA SOGS PA'O, ,'DIR SNGON PO LA SOGS PA'I RNAM PA GCIG KHO NA NYAMS SU MYONG LA, DE RNAM PAR SHES PA'I BDAG NYID DU GYUR PAR NGES PAR KHAS BLANG BAR BYA STE, GZHAN DU NA DE DON DANG 'BREL PAR MI 'GYUR RO, ,DE LAS THA DAD PA DE'I RNAM PA'AM DE'I RNAM PA MA YIN PA PHYI ROL GYI DNGOS PO NYE BAR DMIGS PA YANG MA YIN NO, ,DMIGS PA 'THAD PA YANG MA YIN TE, CI LTAR MI 'THAD CE NA, JI LTAR 'THAD PA MA YIN PA DE LTAR RTZOD PA SGRUB PA RTAG PAR 'CHAD PAR 'GYUR RO, ,GANG YANG 'DI LTAR RTOG PAR BYED DE, RGYU GZHAN RNAMS YOD PA NA YANG 'BRAS BU SHES PA MI SKYE BAS NI RGYU GZHAN GSAL BAR BYED DE, DE PHYI ROL GYI DON DU 'GYUR RO, ,DE'I PHYIR LDOG PA LAS PHYI ROL GYI DON 'GRUB PO ZHES PA'O, ,DE YANG MI RIGS TE, GANG GI PHYIR 'BRAS BU RNAM PAR SHES PA MI 'GRUB PA NI RNAM PAR SHES PA'I BAG CHAGS @032A *, ,YONGS SU SMIN PA MA TSANG BA LAS KYANG 'GYUR RO, ,DE'I PHYIR RNAM PAR SHES PA LAS LOG PA'I YANG DAG PAR MYONG BA 'GA' YANG SRID PA MA YIN GYI, RNAM PAR SHES PA KHO NA RANG RIG PAR SKYE'O ZHES PAS RANG RIG PA KHO NA 'BRAS BU'O, ,PHYI ROL GYI DON YOD DU CHUG MOD, DE LTA NA'ANG MYONG BA JI LTA BA BZHIN KHO NAR YUL NGES SO ZHES PA DE KHO NA 'BRAS BUR RIGS SO, ,GANG LAS JI LTAR 'DI RNAM PAR GNAS PA'I RANG GI NGO BO DE LTAR NGES PAR NUS PA, RANG BZHIN JI LTA BA BZHIN DU DON NYAMS SU MYONG BA NI MA YIN TE, SHES PA RNAMS THAMS CAD RNAM PA GCIG TU THAL BAR 'GYUR BA'I PHYIR TE, RNAM PAR RIG PA RNAMS NI RNAM PA DU MA CAN RNAMS SO, ,DE LTAR NI DNGOS PO GCIG KHO NA LA RTOGS PA PO'I BYE BRAG GIS BSAL BA DANG GZHAN PA NYID LA SOGS PA'I RNAM PA RNAMS DANG LDAN PA'I RNAM PAR SHES PA RNAMS NYE BAR DMIGS LA, DNGOS PO GCIG RNAM PA DU MA YANG MA YIN TE DE MA NYID DU THAL BAR 'GYUR BA'I PHYIR RO, ,DE'I PHYIR DON GYI RANG BZHIN JI LTA BAR NGES PAR BYA BAR NUS PA MA YIN NO ZHES DGONGS PAS PHYI ROL DANG CIG SHOS KYI PHYOGS DAG LA MDO GCIG KHO NAS 'BRAS BU'I KHYAD PAR RNAM PAR GZHAG PA BYED PAR BZHED PAS GSUNGS PA, YANG NA RANG RIG 'DIR 'BRAS BU ZHES PA STE, SNGA MAR YUL RIG PA 'BRAS BUR GSUNGS TE, DE'I PHYIR YANG NA'I SGRA NI RNAM PAR BRTAG PA'I DON CAN NO, ,'DIR ZHES PA NI SNGAR BSHAD PA'I MNGON SUM LA'O, ,RANG GI SNANG BA DANG YUL GYI SNANG BA'O ZHES PA, 'DI'I SNANG BA RANG NYID DO ZHES PA RANG GI SNANG BA STE, RANG GI NGO BO'I SNANG BA DANG 'DZIN PA'I RNAM PA ZHES PA'I DON TO, ,RANG GI NGO BO KHO NA SHES PA 'DI'I SNANG BA STE, GANG GI PHYIR SHES PA YI NI SHES PA'I NGO BO NYID GANG YIN PA NGO BO DE RANG NYID KHO NAS SNANG NGO ZHES BYAS NAS SO, ,YUL GYI SNANG BA ZHES PA 'DIR, GANG GI TSE PHYI ROL GYI YUL LA BRTEN PA DE'I TSE YUL LTA BUR SNANG BA 'DI'O ZHES TSIG RNAM PAR SBYAR ZHING, GANG GI TSE MI BRTAN PA DE'I TSE NI YUL 'DI'I SNANG BA'O ZHES SO, ,YUL NI 'DIR GZUNG BYA'I CHA STE, DE LA YUL DU THA SNYAD BYAS PA'I PHYIR RO, ,DE'I ZHES PA LA SOGS PA STE, PHYI ROL GYI DON YOD DAM MED NA YANG RUNG STE, GNYIS @032B SNANG BA CAN GYI SHES PA NYAMS SU MYONG LA, DE'I GANG RANG RIG PA RANG NYAMS SU MYONG BA DE 'BRAS BUR 'GYUR RO, ,CI'I PHYIR ZHE NA ZHES PA RIGS PA CIS TE, RANG RIG PA SRID PA'O ZHES PA KHO NAS 'BRAS BU NYID DU BRTAG PAR RIGS PA NI MA YIN TE, PHYI ROL GYI DON GYI PHYOGS LA NI 'DI MI SRID DO, , GANG GI PHYIR YUL RTOGS PA'I PHYIR DU NI MIG LA SOGS PA RNAMS KYI BYA BA YOD KYI RNAM PAR SHES PA NI MA YIN PAS SO, ,RNAM PAR SHES PA NYE BAR DMIGS PA KHO NA YUL NYE BAR DMIGS PA YANG MA YIN TE, RNAM PAR SHES PA LAS YUL THA DAD PA'I PHYIR RO, ,DE'I PHYIR RANG RIG PA 'BRAS BU NYID DU MI 'THAD DO ZHES SEMS PA'I DRI BA'O, ,DE YI NGO BOS DON NGES PHYIR, ,ZHES PA RGYU'O, ,GANG GI TSE NI ZHES PA LA SOGS PA NI 'DI KHO NA'I RNAM PAR BSHAD PA STE, NI'I SGRA NI GANG GI PHYIR GYI DON LA'O, ,GANG GI PHYIR GANG GI TSE YUL DANG BCAS PA'I SHES PA DON YIN PA DE'I TSE RANG RIG PA DANG RJES SU MTHUN PA'I DON 'DOD PA'AM MI 'DOD PA RTOGS PA POS RTOGS PAR BYED DE, DE'I PHYIR RANG RIG PA 'BRAS BUR RIGS SO, ,YUL DANG BCAS PA ZHES PA YUL DANG LHAN CIG PA NI YUL DANG BCAS PA'O, ,DE LA SHES BYA NANG GI PHYOGS LA GZUNG BYA'I CHA SHAS KYI MTSAN NYID CAN GYI YUL GYIS YUL DANG BCAS PA STE, DE KHO NA LA YUL DU RNAM PAR GZHAG PA'I PHYIR RO, ,PHYI ROL GYI DON GYI PHYOGS LA NI PHYI ROL GYI DANG NGO, ,DE LA RNAM PAR RIG PA TZAM NYID LA NI RNAM PAR SHES PA LAS THA DAD PA'I DNGOS PO MED PA'I PHYIR, BLO KHO NA GANG GI TSE 'DOD PAR RANG GI RNAM PA NYAMS SU MYONG BA DE'I TSE DON 'DOD PAR NGES PAR BYED LA, BZLOG PA LAS NI BZLOG PAR 'GYUR RO, ,CI LTAR SHES PA BDAG NYID KYIS BDAG NYID NYAMS SU MYONG, DE KHO NA LA LAS DANG BYED PA PO DANG BYED PA'I DNGOS PO RIGS PA MA YIN PA'I PHYIR RO ZHE NA, 'DI NI 'DI LTA BU STE, DON DAM PAR NA DE LA SOGS PA'I DNGOS PO MED PA KHO NA'O, ,DE LTA NA YANG DE'I BDAG NYID KYI PHYIR RAB TU GSAL BA BZHIN DU, DE LA DE LTAR THA SNYAD BYED PA MI 'GAL TE, RAB TU GSAL BA NI BDAG NYID RAB TU GSAL BA SGRON MA GZHAN LA LTOS PA MA YIN LA, DNGOS POR NA BDAG NYID RAB TU GSAL @033A *, ,BAR BYED PA YANG MA YIN GYI, RAB TU GSAL BA'I BDAG NYID DU SKYE BZHIN PA LA BDAG NYID RAB TU GSAL BAR BYED PA'O ZHES BRJOD PA 'BA' ZHIG GO, ,DE BZHIN DU MYONG BA'I BDAG NYID DU SKYE BZHIN PA'I BLO NI BDAG NYID RAB TU GSAL BAR BYED PA ZHES THA SNYAD DU BYA'O, , PHYI ROL GYI PHYOGS LA YANG MYONG BA JI LTA BA BZHIN KHO NAR DON RTOGS KYI DON JI LTA BA BZHIN MYONG BA NI MA YIN NO ZHES SNGAR KHO NAR BSHAD ZIN TO, ,'O NA RANG RIG PA DANG RJES SU MTHUN PAR 'DOD PA'AM MI 'DOD PA'I DON RTOGS PAR BYED CES PA 'DI TZAM GYIS MI BRJOD PAR GANG GI TSE SHES PA YUL DANG BCAS PA DON YIN PA DE'I TSE ZHES PA 'DI YIS CI ZHE NA DGOS PA YOD DE, GANG GI PHYIR SNGAR RANG RIG PA TSAD MAR BSHAD LA, DES KYANG SHES PA'I RANG GI NGO BO KHO NA RIG PAR BYA BA'O ZHES RANG RIG PA NI DE KHO NA'I 'BRAS BU ZHES GSAL BAR NGES PAR BYA ZHING, DE NAS KYANG RANG RIG PA DANG RJES SU MTHUN PAR 'DOD PA'AM MI 'DOD PA'I DON RTOGS PAR BYED DO ZHES PA 'DI TZAM BRJOD PA NA, RANG RIG PA'I MNGON SUM KHO NA'I DBANG DU BYAS NAS 'DI 'BRAS BUR RNAM PAR GZHAG GO ZHES 'GA' ZHIG DOGS PAR 'GYUR LA, 'DI NI TSAD MA THAMS CAD KYI 'BRAS BU ZHES PA'O, ,DE'I PHYIR DOGS PA BZLOG PA'I DON DU, GANG GI TSE NI SHES PA YUL DANG BCAS PA DON ZHES GSUNGS SO, ,DON GYI SGRA 'DI YANG GZHAL BYA RJOD PAR BYED PA'O, ,YUL DANG BCAS PA ZHES PA 'DI YANG MTHA' DAG BA LA MI ZAD PAR GYUR PA'O, ,DE'I PHYIR 'DI SKAD BSHAD PAR 'GYUR TE, GANG GI TSE SHES PA TSAD MA'I GZHAL BYAR LTOS PA DE'I TSE RANG RIG PA DANG RJES SU MTHUN PA'I DON RTOGS PAR BYED DO ZHES PAS RANG RIG PA 'BRAS BU YIN PA 'BA' ZHIG TU MA ZAD KYI, 'ON KYANG GANG GI TSE YANG YUL YIN PA DE'I TSE YANG NGO ZHES PA'O, ,'DIR PHYI ROL GYI DON MED NA RANG RIG PA 'BRAS BUR RNAM PAR 'JOG PA LA, 'DZIN PA'I RNAM PA TSAD MA NYID DU 'CHAD PAR 'GYUR RO, ,DE LAS KYANG PHYI ROL GYI DON GZHAL BAR BYA BA MED PA NA JI LTAR RANG RIG PA 'BRAS BUR RNAM PAR GZHAG PA LA 'DZIN PA'I RNAM PA TSAD MAR 'DOD PA DE LTAR PHYI ROL GYI DON GZHAL BAR BYA BA YOD PA LA YANG 'DZIN PA'I RNAM PA KHO NA TSAD MA'O ZHES DOGS PAR 'GYUR TE, DE'I @033B PHYIR DE BSAL BA'I CHED DU GSUNGS PA, GANG GI TSE NI ZHES PA LA SOGS PA STE, PHYI ROL GZHAL BYA LA RANG RIG PA 'BRAS BUR 'JOG PA NA YANG YUL GYI SNANG BA NYID KHO NA SHES PA TSAD MAR 'DOD KYI, RNAM PAR RIG PA TZAM NYID BZHIN DU 'DZIN PA'I RNAM PA NI MA YIN NO, ,'O NA GANG GI TSE PHYI ROL GYI DON GZHAL BYA'O ZHES PA'I PHYOGS DE'I TSE YANG 'DZIN PA'I RNAM PA MNGON PAR 'DOD PA KHO NA MA YIN NAM, DE NI RANG RIG PAR BYA BA NYID KYI PHYIR RO, ,DE CI'I PHYIR DE'I TSE TSAD MA NYID DU RNAM PAR GZHAG PA MA YIN NO ZHE NA GSUNGS PA, DE'I TSE NI SHES PAR RIG PAR BYA BA YIN YANG ZHES PA LA SOGS PA STE, SHES PA NI RANG RIG PAR BYA BA'O ZHES TSIG RNAM PAR SBYAR RO, ,GAL TE YANG RANG RIG PAR BYA BA'I RANG GI NGO BO DUS THAMS CAD DU YOD PA DE LTA NA YANG DE LA MI LTOS PAR PHYI ROL GZHAL BAR BYA BA LA SHES PA'I YUL GYI SNANG BA NYID KHO NA TSAD MA YIN GYI, RANG GI SNANG BA NYID NI MA YIN TE, PHYI ROL GYI DON LA DE SGRUB PAR BYED PA NYID DU MI RIGS PA'I PHYIR RO, ,MI RIGS PA NI GZHAN GYI DON CAN MA YIN PA NYID KYI PHYIR TE, 'DZIN PA'I RNAM PA BDAG NYID KYI YUL CAN NI CI LTAR PHYI ROL GYI DON LA TSAD MAR 'GYUR, GZHAN GYI YUL CAN GZHAN LA TSAD MA NYID DU RIGS PA NI MA YIN PAS SO, ,GANG GI PHYIR ZHES PA LA SOGS PAS DE MTSAN MA NYID LA RGYU GSUNGS PA, GZHAL BAR BYA ZHES PA NGES PAR BYA BA'O, ,JI LTA JI LTAR ZHES PA LA SOGS PA STE, SHES PA NI SHES BYA'I RNAM PA'I DBANG GIS PHYI ROL GYI DON NGES PA'O ZHES PA'I DON NO, ,'DIR YANG DPER NA DU BAS ME RJES SU DPAG PAR BYA BA'O ZHES BRJOD PA NA 'DI DNGOS SU DE'I RJES SU DPAG PA YANG MA YIN NO, ,'O NA CI ZHE NA DE'I RGYU CAN GYI DU BA'I SHES PAS YIN PA DE BZHIN DU, GAL TE YANG, DON DE DE YIS GZHAL BAR BYA, ,ZHES BRJOD PA DE LTA NA'ANG DE'I SGRUB PAR BYED PA CAN RANG RIG PAS ZHES RTOGS PAR BYA'O, ,DE LTAR NI JI LTA JI LTAR DON GYI RNAM PA SDUG PA DANG MI SDUG PA LA SOGS PA'I NGO BOR SHES PA LA NGES PAR GNAS PA DE LTA DE LTAR RANG RIG PA RGYAS PAR BYED LA, JI LTA JI LTAR DE STON PA DE LTA DE LTAR SDUG PA DANG MI SDUG PA LA SOGS PA'I GZUGS LA SOGS PA'I DON RNAM PAR NGES SO, ,GANG @034A *, ,GI PHYIR GAL TE DE'I RNAM PAR SKYES PAR GYUR NA DE'I TSE DE 'DRA'I BDAG NYID KYI RANG RIG PAR 'GYUR LA, DE LAS KYANG DE'I DBANG LAS YUL NGES PAR 'GYUR GYI GZHAN DU NA MA YIN NO, ,DE'I PHYIR YUL GYI SNANG BA NYID TSAD MA'O, ,'O NA 'DIR YUL DANG 'DRA BA NYID RANG RIG PA'I NGOR SGRUB PAR BYED PA NYID DU RTOGS PAR BYED PAR 'DOD PA MA YIN NAM, DE'I PHYIR, GANG GI PHYIR DE'I DBANG LAS DE STON TO ZHES BRJOD PAR BYA BA LA, CI'I DON DU GANG GI PHYIR, DON DE DE YIS GZHAL BAR BYA, ,ZHES BRJOD CE NA, DGOS PA YOD DE, RANG RIG PA DE NI DON RIG PA'I BYA BA GANG YIN PA DON RNAM PAR NGES PA DE BYED DE, DE'I PHYIR NYE BAR BTAGS PA'I DON RIG PA KHO NAR 'BRAS BU LAS BLTA BAR BYA'O ZHES PA'I DON 'DI GSAL BAR BYA BA'I CHED DU DE SKAD GSUNGS SO, ,DE LTAR NA NI TSAD MA DANG 'BRAS BU DAG YUL THA DAD PAR MI 'GYUR TE, PHYI ROL GANG KHO NA LA SGRUB PAR BYED PA YIN PA DE KHO NA LA RANG RIG PA'O ZHES BYAS NAS SO, ,'O NA RANG RIG PA 'BRAS BU CI LTAR GSUNGS SHE NA, DON DAM PAR TE, DE'I BDAG NYID KYI PHYIR RANG RIG PA 'BRAS BUR GSUNGS LA, NYE BAR BTAGS PAS NI 'BRAS BU LAS DON RIG PA KHO NAR DE BLTA BAR BYA'O ZHES PAS MI 'GAL LO, ,'DIR RNAM PAR RIG PA TZAM NYID LA 'DZIN PA'I RNAM PA TSAD MA DANG GZUNG BYA'I RNAM PA GZHAL BYA'O ZHES 'CHAD PAR 'GYUR TE, DE'I PHYIR DE LA BRTZAD PA DOGS SO, ,DE LA 'DI NI RTZOD PA STE, GANG GIS PHYI ROL GYI DON MED NA YANG TSAD MA LA SOGS PAR 'GYUR BA THA DAD PA MED PA'I BDAG NYID KYI SHES PA'I 'DZIN PA'I RNAM PA LA SOGS PA'I RNAM PAR DBYE BA CI LTAR YIN ZHE NA, DE'I PHYIR DE'I LAN GDAB PA'I CHED DU GSUNGS PA, DE LTAR ZHES PA LA SOGS PA STE, 'DI NI 'DI'I BSDUS PA'I DON TE DE KHO NA NYID DU DE'I RNAM PAR DBYE BA YOD PA MA YIN PA KHO NA'O, ,MA RIG PAS NYE BAR BSLAD PA RNAMS KYIS, DE 'DZIN PA'I RNAM PA LA SOGS PA'I RNAM PAR DBYE BA DANG LDAN PA BZHIN DU MTSON PA 'BA' ZHIG STE, DE'I PHYIR JI LTAR MTHONG BA BZHIN DU TSAD MA DANG GZHAL BYA RNAM PAR GZHAG PA 'DI BYA'I, DE KHO NA NYID JI LTA BA BZHIN DU NI MA YIN NO ZHES PA'O, ,RNAM PAR DBYE BA MED PAR GYUR PA YANG CI LTAR DE LTAR SNANG ZHE NA, JI LTAR @034B SNGAGS LA SOGS PAS DBANG PO NYE BAR BSLAD PA RNAMS KYIS 'JIM PA'I DUM BU LA SOGS PA RNAMS GLANG PO CHE LA SOGS PA'I GZUGS DANG BRAL BA RNAMS KYANG GLANG PO CHE LA SOGS PA'I GZUGS RNAMS SU SO SOR SNANG BA DANG, JI LTAR THAG RING POR MYA NGAM RNAMS NA CHUNG NGU 'AM CHEN POR SNANG BA DE LTA MA RIG PAS LONG BA RNAMS KYI SHES PA 'DI YANG DE LTAR GYUR PA MA YIN PA YANG DE LTAR SNANG NGO, ,SNGAGS LA SOGS PA'I NUS PA LAS DE RNAMS DE LTA KHO NAR SKYES PA'O ZHES BRTAG PAR NUS PA YANG MA YIN TE, GANG GI PHYIR MTHONG BA MA BSLAD PA DE'I YUL NYE BA NA GNAS PA RNAMS KYIS NGES LTAR MTHONG BA MED PAS SO, ,DE LTAR ZHES PA STE, JI SKAD BSHAD PA'I SNANG BA GNYIS PA'I SHES PA'O ZHES PA'O, ,SHES PA'I RIG PA ZHES PA, ,SHES PA LAS SU GYUR PA'I RIG PA BSTAN PA'O, ,CIR GYUR PA ZHE NA, RNAM PA DU MA STE, GANG GI RNAM PA DU MA YIN PA DE DE SKAD BSHAD DO, ,RNAM PA DE RNAMS NI GANG RNAMS 'KHRUL PA 'DIS NGES PAR MTHONG BA 'DZIN PA'I SNANG BA LA SOGS PA DE RNAMS BRJOD PAR 'DOD PA'O, ,NYE BAR BLANGS NAS ZHES PA DE TSAD MA'I RGYUR BZUNG NAS SO, ,DE LTA DE LTAR ZHES PA LA SOGS PA LA, RE ZHIG RTOG PA MED PA LA, 'DZIN PA'I RNAM PAR RTOG PA DANG BRAL BA NI MNGON SUM TSAD MA STE, GSAL BAR SNANG BA GZUNG BYA'I RNAM PAR RANG GI MTSAN NYID GZHAL BYA'O, ,RTAGS LAS SKYES PA LA YANG 'DZIN PA'I RNAM PA RJES SU DPAG PA NI TSAD MA STE, GSAL BYA'I BYE BRAG LA RJES SU 'GRO BA LTA BU MI GSAL BAR SNANG BA GZUNG BYA'I RNAM PA SPYI'I MTSAN NYID NI GZHAL BYA'O ZHES PA'O, , NYE BAR GDAGS PAR BYA ZHES PA THA SNYAD DU BYA BA'O, ,'DIS 'DI GSAL BAR BYED DE, 'DI NI THA SNYAD PA'I TSAD MA DANG GZHAL BYA'I RANG GI NGO BO BRJOD PA STE, 'DI LA YANG LOG PAR RTOGS PA RNAMS KYI KUN DU RMANGS PA BSAL BA'I CHED DU'O, ,'JIG RTEN LAS 'DAS PA KHO NA NI RNAM PAR 'KHRUL PAS DPON ZHING DRI MA MED LA NYAMS PA MED PA DON DAM PA PA'I TSAD MA STE, DE KHO NA'I SPYOD YUL YANG DAG PA NI GZHAL BYA'O ZHES PA'O, ,CHOS THAMS CAD NI BYA BA DANG BRAL BA RNAMS SO ZHES PA STE, 'DIS NI SHES PA'I RIG PA DE 'KHRUL PA NYID DU GSAL BAR BYAS SO, ,DE KHO NA NYID DU CHOS GANG LA @035A *, ,YANG RNAM PA GCIG MIN PA MTHONG BA'I BDAG NYID KYI THA SNYAD SRID PA MA YIN TE, RNAM PA RNAMS YONGS SU MA GRUB PA NYID KYI PHYIR RO, ,DE NI 'KHRUL PA KHO NA STE, MA RIG PAS LONG BA RNAMS NI GANG RIG PAR BYA BA DANG RIG PAR BYED PA'I RNAM PA MED PA'I SHES PA LA YANG DE LTAR LTA'O, ,GAL TE DE LTA NA DE KHO NA NYID MI SHES PA RNAMS KYI SHES PA THAMS CAD NYE BAR BSLAD PA KHO NA YIN NA, CI LTAR TSAD MA DANG CIG SHOS RNAM PAR GZHAG CE NA, NYE BAR BSLAD PA'I BAG ZHAGS KYI KHYAD PAR YOD PAR GYUR PA LAS TE, GANG GI PHYIR CHU LA SOGS PAR SNANG BA'I SHES PA LAS, REG PA DANG BTUNG BA DANG NGOMS PA LA SOGS PA'I RKYEN RNAMS SRID PA THA SNYAD LA MI SLU BA LA LTOS PAS TSAD MA STE, CIG SHOS NI RNAM PA DE LTA BU'I BAG CHAGS DANG BRAL BA'I PHYIR TSAD MA MA YIN PA'O ZHES PA SKYON MED DO, ,'O NA GANG 'DI 'BRAS BU LAS RGYU RJES SU DPOG PA DE CI LTAR 'GYUR, CI LTAR MI 'GYUR ZHE NA, GANG GI PHYIR DU BAR SNANG BA'I SHES PA SNGAR KHO NAR GSAL BAR 'GYUR ZHING, PHYIS MER SNANG BA STE, DE DU BAR SNANG BA'I SHES PA LAS SNGAR NYAMS SU MYONG BA NI MED DO, ,DE'I PHYIR DU BA ME LAS SKYES PA KHO NAR 'GYUR RO ZHES PAS CI LTAR DES ME RJES SU DPOG CE NA, SKYON 'DI NI MED DE, ME'I RNAM PA CAN GYI SHES PA SKYED PA'I BAG CHAGS KYI KHYAD PAR DANG LDAN PA KHO NA'I SEMS KYI RGYUD NI DU BAR SNANG BA'I BLO SKYED PAR BYED KYI, GANG CI YANG RUNG BAS NI MA YIN NO, ,DE'I PHYIR DE RTOGS PAR BYED PA'I DU BA'I SHES PA NI RTOGS PA PO'I BAG CHAGS GSAL BAR SAD PA CAN ME'I RNAM PA CAN GYI BLO 'BYUNG BAR 'GYUR BAR GO BAR BYED DO, ,'DIR NI RGYU'I CHOS RJES SU DPAG PA STE, RO LA SOGS PA LAS GZUGS LA SOGS PA BZHIN DU RJES SU DPOG PAR 'GYUR RO ZHES PAS BRTZAD PAR BYA BA MA YIN NO, ,SMRAS PA YANG ZHES PA LA SOGS PAS GZHAL BYA LA SOGS PA RNAM PAR GZHAG PAR DE STON TO 'DI'I SNANG BA GANG YIN PA ZHES TSIG RNAM PAR SBYOR RO, ,RANG GI CHA SHAS TSAD MA NYID DU SGRUB PAR BYED PA'I PHYIR, 'DIR YUL GYI SNANG BA GZUNG BAR BYA'O, ,DE GZHAL BYA ZHES PA YUL GYI SNANG BA DE GZHAL BYA'O, ,TSAD MA 'BRAS BU NYID DAG NI, ,'DZIN PA'I RNAM PAR RIG PA DAG , @035B CES PA STE, 'DZIN PA'I RNAM PA NI TSAD MA NYID DO, ,YANG DAG PAR RIG PA NI 'BRAS BU NYID DO, ,'DIR YANG GAL TE YANG YANG DAG PAR RIG PA'I SGRA DBYANGS SHIN TU NYUNG BA NYID MOD DE LTAR NA YANG 'DZIN PA'I RNAM PA TSAD MA NYID YIN PA'I PHYIR DE YANG BYE BRAG TU RTOGS PAR BYA BA NYID KYI DBANG DU BYAS PA NYID KYI PHYIR MCHOD PAR 'OS PA NYID DO, ,DE'I PHYIR 'DZIN PA'I RNAM PA'I SGRA KHO NA SNGA MAR NGES PAR GZHAG GO, ,DE PHYIR 'DI GSUM DBYE MA BYAS, ,ZHES PA GSUM KA YANG DE KHO NA NYID DU YONGS SU MA GRUB PA'I PHYIR SHES PA LAS LOGS PAR BYA BA MA YIN NO, ,'DIR TSUL GNYIS PA NYID KHAS BLANG PAR BYAS NAS RANG RIG PA NYID 'BRAS BUR BRJOD NA, SHES PA'I TSUL GNYIS PA DE NYID KYANG SKYE BA MA YIN TE, DE'I 'THAD PA MED PA'I DON PHYIR RO ZHES BSAMS NAS DRIS PA, CI STE TSUL GNYIS PA ZHES PA LA SOGS PA'O, ,YANG CI'I PHYIR TSUL GSUM PA NYID DRI BAR BYA BA LA TSUL GNYIS PA NYID DRIS SHE NA, TSUL GNYIS PA NYID GRUB NA RANG RIG PA YANG 'GRUB BO ZHES DGONGS PA LAS TE, TSUL GNYIS PA NYID GRUB NA NI BDAG NYID DU GYUR PA'I YUL DANG 'DRA BA NI SHES PAS YANG DAG PAR RIG PAR BYA BAS SO ZHES DON GYIS BDAG NYID RIG PA 'GRUB BO, ,YUL SHES PA LA DE SHES PA'I, ,KHYAD PAR LAS NI ZHES PA LA SOGS PA STE, YUL SHES NI GZUGS LA SOGS PA 'DZIN PA MIG LA SOGS PA'I RNAM PAR SHES PA'O, ,YUL GYI SHES PA LA DE SHES PA NI YUL SHES PA LA DE SHES PA LA'O, ,'DIR GAL TE DE'I SGRAS YUL GYI SHES PA LA SBREL NA, DE NYE BAR BLANGS PA DON MED PAR 'GYUR TE, DE MED KYANG YUL GYI SHES PA LA DMIGS PA'I SHES PA RTOGS PA'I PHYIR RO, ,DE'I PHYIR DE'I SGRAS NYE BAR BLANGS PA'I SHUGS LAS YON TAN DU GYUR KYANG YUL LA SBREL BAR BYA STE, DE LAS GZHAN 'DIR SKABS SU BAB PA MA YIN PA NYID KYI PHYIR RO, ,DES 'DI SKAD BSHAD PAR 'GYUR TE, YUL GYI SHES PA LA YUL GYI RNAM PA SHES PA ZHES PA STE, DE KHO NA KHYAD PAR RO, ,DE LTAR NI DE YUL GYI SHES PA LAS LHAG PA YUL GYI RNAM PAS KHYAD PAR YOD DE, PHA ROL PO'I BSAM PAS DE LTAR GSUNGS PA STE, PHA ROL PO NI YUL GYI SHES PA LA NI NYAMS SU MYONG BA'I RNAM PA 'BA' ZHIG 'DOD LA @036A *, ,DE'I SHES PA LA NI NYAMS SU MYONG BA'I RNAM PA'ANG YOD DO, ,'DIR YANG BLA'I NYAMS SU MYONG BA'I RNAM PA NI GRUB PA NYID KYI PHYIR DE BSGRUB PAR BYA BA MA YIN TE, GANG SHES PA NI SHES PA'I NGO BOR 'DOD PA MA YIN PA'I RGOL BA DE 'GA' YANG MED PAS SO, ,YUL GYI RNAM PA NI PHA ROL BO LAM GRUB BO ZHES PA DES NA TSUL GNYIS NYID BSGRUB PAR BYA'O, ,YUL LA NI ZHES PA STE, NI'I SGRA NI NGES PAR 'DZIN PA LA STE, RIM PA THA DAD PA YANG NGO, ,DE DON DANG RANG SNANG BA'O ZHES PA 'DI NI TSAD MA'I 'BRAS BU STE, DE LA DON SNANG BA NI YUL GYI RNAM PA NYID KYI PHYIR RO, ,RANG SNANG BA NI NYAMS SU MYONG BA'I RNAM PA NYID KYI PHYIR RO, ,YUL DANG RJES SU MTHUN PA'I SHES PA'I SNANG BA ZHES PA, GZUGS LA SOGS PA'I YUL GYI RJES SU MTHUN PA'I SHES PA NI YUL GYI SHES PA KHO NA YIN LA DE SNANG BA STE, YUL GYI RNAM PA CAN GYI YUL SHES PA'I RNAM PA ZHES PA'I DON TO, ,'DIS YUL GYI RNAM PA CAN GYI YUL SHES PA RANG GI SHES PAS DMIGS SO ZHES PA GTAN TSIGS 'DI GSUNGS SO, ,SHES PA GANG LA DNGOS PO GANG RNAM PA GANG GIS SNANG BA DE RNAM PA DE RNAM PA DE KHO NAR DES DMIGS SO ZHES PA 'DI NI RIGS SO, ,DE LTAR NI LKOG SHAL LA SOGS PA'I RNAM PAS, BA LANG NI RANG GI SHES PA LA SNANG BZHIN PA DE'I RNAM PA KHO NAR DES DMIGS SO, ,YUL SHES PA'I SHES PA LA YANG YUL GYI RNAM PA RJES SU 'BREL PA'I YUL GYI SHES PA'I RNAM PA NYE BAR DMIGS TE, DE DANG BRAL BA NI RNAM PA GZHAN CUNG ZAD KYANG MA YIN NO, ,SNANG BA MA YIN PA NI DE'I YUL DU RIGS PA YANG MA YIN TE, HA CANG THAL BA'I PHYIR RO, ,DE'I PHYIR YUL GYI RNAM PA CAN GYI YUL SHES PA RANG GI SHES PAS DMIGS SO ZHES PAS GTAN TSIGS KYI DON 'DI 'THOB BO, ,RANG SNANG BA'O ZHES PA YUL GYI RNAM PA CAN GYI YUL SHES PA'I SNANG BAR GYUR PA NI RANG GI NGO BO YANG SO SOR SNANG NGO ZHES PA'I DON TO, , RNAM PA GZHAN DUN ZHES PA TSUL GNYIS PA NYID MED NA STE GAL TE YUL GYI RJES SU MTHUN PA KHO NA YUL GYI SHES PAR 'GYUR RO ZHES PA YIN NA NYAMS SU MYONG BA'I NGO BO 'ANG MA YIN NO, 'O NA YUL GCIG PU'I NGO BO'I SHES PA 'DOD PA 'GA' YANG MED PA MA YIN NAM, DE CI'I DON DU 'DI BRJOD CE NA YUL @036B GYI RNAM PA CAN DU SHES PA BSGRUB PAR BYA BA NA KHA CIG DOGS PA 'DIR 'GYUR TE, YUL GYI RNAM PA CAN DU GAL TE SHES PA BSGRUB PAR BYA NA RANG GI NGO BO YONGS SU BOR BAS BSGRUB PAR BYA'O ZHES PA STE, DE'I PHYIR DE BSAL BA'I DON DU, RANG GI NGO BO MA BTANG BA KHO NAR DE YUL GYI RNAM PA'I RJES SU BYED DO ZHES BSTAN PA'I DON DU 'DI GSUNGS SO, ,YANG NA RANG GI NGO BO ZHES PA, YANG NA NYAMS SU MYONG BA'I RNAM PA KHO NA STE, YUL GYI RNAM PA CAN YANG MA YIN PA'O, ,SHES PA'I SHES PA YANG YUL SHES PAS KHYAD PAR DU MA BYAS PAR 'GYUR RO ZHES PA, SHES PA'I SHES PA NI YUL SHES PA LA DMIGS PA'I SHES PA STE, DE YUL GYI SHES PAS KHYAD PAR DU MA BYAS PA STE KHYAD PAR DU BYAS PA MA YIN PAR 'GYUR RO, ,YUL GYI RJES SU BYED PA DANG 'BREL PA'I YUL GYI SHES PA'I RNAM PA NYID KYI KHYAD PAR GYIS KHYAD PAR DU BYAS PAR SKYE BAR MI 'GYUR RO ZHES PA'I DON TO, ,GAL TE DMIGS PAS NI BDAG GI BA'I RNAM PA DANG LDAN PA'I RANG GI SHES PA SKYED PAR BYED CES PA 'DI YOD NA, DE'I TSE YUL GYI SHES PA LAS SKYE BZHIN PA'I SHES PA'I SKAD BSHAD PA'I RNAM PAS KHYAD PAR DU BYAS PAR 'GYUR RO, ,'DI MED NA NI JI LTAR YUL GYIS RANG GI SHES PA KHYAD PAR DU MI BYED DE, RANG DANG 'DRA BA'I KHYAD PAR GYIS KHYAD PAR DU BYAS PAR MI BSKYED PA DE BZHIN DU YUL SHES PAS KYANG RANG GI SHES PA KHYAD PAR DU MI BYED PAR 'GYUR BA LAS, KHYAD PAR DU BYED PA YANG YIN NO, ,DE'I PHYIR YUL GYI SHES PA LA YANG YUL GYI RNAM PA YOD DO, ,GANG ZHIG GANG GI RNAM PA CAN DU RANG GI SHES PAS DMIGS PA DE DE'I RNAM PA CAN DU 'GYUR TE, DPER NA LKOG SHAL LA SOGS PA DANG LDAN PA'I RNAM PA CAN DU RANG GI SHES PAS DMIGS PA'I BA LANG NI LKOG SHAL LA SOGS PA DANG LDAN PA'I RNAM PA CAN YIN PA BZHIN, YUL GYI SHES PA YANG YUL GYI RNAM PA CAN DU RANG GI SHES PAS DMIGS SO,, DE'I RNAM PA CAN DU 'DI DMIGS SO ZHES PAR GZHAG PA 'DI NI, DE'I RNAM PA CAN GYI RGYU CAN NYID KYI PHYIR, DE BSGRUB PAR BYA BA LA 'DI 'BRAS BU'O, ,DE'I RNAM PA NYID LA NI RANG BZHIN NO, ,YUL NYAMS SU MYONG BA'I SHES PA YANG 'DIR MTSON PA TZAM STE, DPYOD PA'I SHES PA YANG JE LTAR BSAMS @037A *, ,PA'I DON GYI RNAM PA CAN DANG SHES PA'I RNAM PA CAN DU RANG GI SHES PAS DMIGS SO, ,DE LTAR NI JI LTAR YUL SHES PA'I SHES PAS NI YUL NYAMS SU MYONG BA'I SHES PAS DON GYI TSUL NYID DAM NYAMS SU MYONG BA'I TSUL NYID 'BA' ZHIG LA RTOGS PAR BYED PA MA YIN GYI, 'ON KYANG 'DI 'DRA BA'I DON DANG DE'I SHES PAR GYUR TO ZHES GNYIS KA'I RNAM PAR 'DZIN PA DE LTAR DON GYI RNAM PA 'DI 'DRA BA SEMS PAR GYUR TO ZHES RANG GI SHES PAS GZUNG BAR BYA BAS SO, ,DE LTAR 'GYUR MOD RNAM PA MED PA KHO NAR YUL GYI SHES PA SKYE STE, DE LA NI DON GYI 'BRAS BU NYID KYI SHES PA 'DI DON GYI 'BRAS BU'O ZHES DRAN PA 'DIR 'GYUR LA, DE YOD NA NYAMS SU MYONG BA'I SHES PA'I RGYU DON YANG DRAN ZHING, DE LAS PHYIS 'KHRUL PAS NYAMS SU MYONG BA'I SHES PA DON DANG SBYAR NAS DON GYI RNAM PA NYID DU LHAG PAR ZHEN NO, ,'KHRUL PA JI TZAM GYI 'BRAS BU RTOGS PA POS DE DE LTAR ZHEN PA DE TZAM GYI DE DE'I RNAM PA CAN KHO NAR 'GYUR BA RIGS BA YANG MA YIN NO ZHE NA GSUNGS PA, PHYI MA PHYI MA RNAMS KYANG ZHES PA LA SOGS PA STE, KYANG YIG NI NGES PAR 'DZIN PA LA'O, ,PHYI MA PHYI MA STE YUL SHES PA'I SHES PA LA SOGS PA DE RNAMS NI, SNGA MA STE NYAMS SU MYONG BA'I SHES PA'I YUL GANG YIN PA NI PHYI MA PHYI MA'I SHES PA LA LTOS NAS SHES PAS BAR CHOD PA'I PHYIR RING BA YIN ZHES DE SNANG BA CAN RNAMS SU MI 'GYUR BA KHO NA STE, THOB PA MA YIN PA KHO NA'O ZHES PA'I DON TO, ,CI'I PHYIR ZHE NA, DE NI YUL MA YIN PA NYID KYI PHYIR RO, ,DE NI STE JI SKAD BSHAD PA'I DON NI PHYI MA PHYI MA'I SHES PA RNAMS KYI YUL MA YIN PA NYID KYI PHYIR RO, ,GAL TE DON DE RNAMS KYI YANG YUL DU GYUR NA DE'I TSE DE LAS SKYES PA DE RNAMS LA, SHES PA 'DI RNAMS DON GYI 'BRAS BU RNAMS SO ZHES DON GYI 'BRAS BU NYID DU DRAN PA 'DI 'GYUR ZHING, DE LAS DE RNAMS KYI YANG RGYU DON DE DRAN PAR 'GYUR LA, DE LAS KYANG DON DE DANG BSRES NAS DER SNANG BA NYID DU 'KHRUL PAS RTOGS PA POS 'DZIN PAR 'GYUR NA, 'DI NI DE RNAMS KYI YUL YANG MA YIN GYI, 'O NA CI ZHE NA, SHES PA DANG PO KHO NA'I'O, ,DE'I PHYIR DON GYI NUS PA LAS BYUNG BA DE KHO NA DON DANG YANG DAG PAR SBYAR NAS DE'I RNAM PA CAN NYID DU 'DZIN GYI, PHYI MA @037B PHYI MA RNAMS MA YIN TE, DE RNAMS KYI DE YUL MA YIN PA NYID KYI PHYIR RO, ,DE RNAMS KYANG DON GYI RNAM PA'I RJES SU BYED PA NYID DU GZUNG BA YANG YIN NO, ,DE LTAR NI PHYI MA PHYI MA'I SHES PA NI RNAM PA RE RES LHAG PAR NYE BAR DMIGS TE, BUM PA'I SHES PA'I SHES PAR BUM PA'I RNAM PA CAN GYI SHES PA DMIGS PA NA, BUM PA'I RNAM PA CAN GYI SHES PAR GYUR TO ZHES BUM PA'I RNAM PA DANG LHAN CIG TU RTOGS SO, ,DE'I SHES PAS NI BUM PA'I SHES PA'I SHES PA LA DMIGS BZHIN PA'I BUM PA'I SHES PA'I SHES PAR GYUR TO ZHES BUM PA'I SHES PA'I RNAM PA DANG LHAN CIG PA'I BUM PA'I SHES PA'I SHES PA'O, ,DE BZHIN DU PHYI MA RNAMS LA YANG RIG PAR BYA'O, ,DE LTAR PHYI MA PHYI MA'I SHES PA SNGA MA RING POR GYUR PA'I DON GYI RNAM PA CAN RNAMS 'DZIN TE, DE RNAMS KYI RANG GI YUL YANG MA YIN NO, ,GANG GI PHYIR KHYOD KYIS BRJOD PA'I TSUL GYIS DE LTAR 'DZIN PA DE'I PHYIR DE RNAMS RANG BZHIN KHO NAS DE'I RNAM PA CAN RNAMS SU 'GYUR RO ZHES KHAS BLANG BAR BYA'O, ,SHES PA DANG PO YUL GYI RNAM PAS STONG PA NYING NA RING POR GYUR PA'I DON SNGA MA SNANG BA RNAMS SU MI 'GYUR TE SNGAR JI SKAD BSHAD PA BZHIN NO, ,DE'I PHYIR DE YANG DON GYI SNANG BA CAN NYID DU 'DOD PAR BYA'O, ,DE'I PHYIR YANG TSUL GNYIS NYID DU GRUB PO, ,GAL TE GANG LAS DE'I DBANG GIS YUL GYI SHES PA'I YUL DANG 'DRA BAR 'GYUR BA YUL GYI SHES PA LA SHES PA GANG YIN PA DE NI YUL DANG RJES SU MTHUN PA'I SHES PA'I SNANG BA DANG RANG GI SNANG BA CAN NO ZHES PA 'DI KHO NA CI LAS SHE NA, GANG GI PHYIR DE'I YUL GYI SHES PA DANG 'BREL PA CAN DE'I SGO NAS 'ONGS PA YUL GYI RNAM PA DANG NYAMS SU MYONG BA'I RNAM PA DAG DANG, GSUM PAR RANG SNANG BA'I MTSAN NYID CAN GYI RNAM PA ZHES PA GSUM PO 'DI RNAMS RANG GI SHES PAS DMIGS SO, ,'DI YANG PHYI MA PHYI MA'I SHES PA RNAM PA RE RES LHAG PAR DMIGS SO ZHES PA 'DIS DA LTA KHO NA BSHAD PA DE CI'I RGYUS BRJED, DE'I PHYIR DER YANG YUL DANG RJES SU MTHUN PA'I SHES PA'I RNAM PA NYID DU BSGRUB PAR BYA BA LA, GANG ZHIG GANG GI RNAM PA CAN DU RANG GI SHES PAS DMIGS PA DE ZHES PA LA SOGS PA'I SGRUB BYED RNAM PAR SHES PA'O, ,'ON DE LTAR @038A *, ,DE'I SHES PA LA SOGS PA RNAMS LA YANG SGRUB PAR BYED PA BRJOD PAR BYA'O ZHES PAS THUG PA MED PAR 'GYUR RO ZHE NA, 'DI NI YOD PA MA YIN TE, GANG GI PHYIR SHES PA GANG GI YUL NYE BAR GYUR PA DE LA THE TSOM SKYE STE, CI SNGON PO'I RNAM PA 'DI YUL GYI YIN ZHING SHES PA NI RNAM PA MED PA YIN NAM, 'ON TE SHES PA'I YIN ZHES PA'O, ,SHES PA GANG ZHIG GI YUL RING BAR GYUR PA DE'I TSE NI MED DO ZHES PAS NGES PAR GYUR PA STE, DE'I YUL GYI RNAM BA'I NGOR THE TSOM DU 'GYUR BA MA YIN PA KHO NA'O ZHES PAS THUG PA MED PA MA YIN NO, ,DUS PHYIS DRAN PA LAS KYANG STE, ,ZHES PA LA SOGS PA STE, SNGAR NI YUL GYI SHES PA GCIG GI YUL DANG 'DRA BA NYID KYI KHYAD PAR GYIS TSUL GNYIS BA NYID DU BSGRUBS LA, DA NI SHES PA RNAMS KYI PHAN TSUN THA DAD PAR DRAN PA LAS BSGRUB PAR BYA'O, ,GANG PHYIR JI LTAR PHAN TSUN MTSAN NYID MI MTHUN PA GZUGS LA SOGS PA NYAMS SU MYONG BA RNAMS LA PHAN TSUN THA DAD PAR DRAN PAR 'GYUR BA DE LTAR SHES PA RNAMS LA YANG STE DE'I PHYIR SHES PA'I TSUL GNYIS PA NYID YOD DO, ,GZHAN DU NA NYAMS SU MYONG BA TZAM DU DON SO SO LA KHYAD PAR MED PAR THA DAD PAR MYONG BA MED PA'I SHES PA THAMS CAD RNAMS LA, BDAG LA GZUGS KYI SHES PAR GYUR GYI SGRA'I SHES PA NI MA YIN NO ZHES PA'AM, SGRA'I SHES PA BYUNG GI GZUGS KYI SHES PA NI MA YIN NO ZHES GANG 'DI THA DAD PAR DRAN PA DE MED PAR 'GYUR RO, ,DE LTAR 'GYUR MOD KYI JI LTAR NYAMS SU MYONG BA'I BDAG NYID DU MTSUNGS PA LA, TSOGS PA'I BYE BRAG LAS BDE BA LA SOGS PA'I BYE BRAG TU 'GYUR BA DE BZHIN DU YUL SO SO LA TSOGS PA GZHAN DANG GZHAN GYIS BYAS PA'I KHYAD PAR PHRA MO YOD DE, DE'I PHYIR THA DAD PAR DRAN PAR 'GYUR RO ZHE NA, DE NI BDEN PA MIN TE, KHYAD PAR BSAL BA DRAN PA'I RGYU YIN PAS SO, ,DE LTAR NI BTANG SNYOMS KYI GNAS SU GYUR PA'I YUL 'GA' ZHIG LA GANG SHES PA RGYUN GYIS 'BYUNG BA DE'I YANG DBANG PO LA SOGS PA'I TSOGS PA GZHAN DANG GZHAN MOD, DE LTA NA YANG JI SKAD BLO'I SKAD CIG 'DI TZAM RNAMS 'DAS SO ZHES BA LTAR THA DAD PAR DRAN PA MA YIN TE, DPER NA MTSE MA DAG PA RNAM PA DPER MTSUNGS KYANG DNGOS POR THA DAD PA YOD PA DE LTA NA'ANG @038B MI GSAL BA NYID KYI PHYIR DE LA THA DAD PAR NGO SHES PAR 'GYUR BA MA YIN GYI, 'O NA CI ZHE NA, DE DAG PHAN TSUN SGRO 'DOGS PA'O, ,DE'I PHYIR KHYAD PAR GSAL BA MED PA'I DON LA, THA DAD PA CAN GYI DRAN PA 'GYUR BA MA YIN NO, ,DE'I PHYIR NYAMS SU MYONG BA LA DON GYIS BYAS PA'I KHYAD PAR 'GA' ZHIG YOD DE, GANG LAS THA DAD PAR DRAN PAR 'GYUR BA'O ZHES PAS DGA' MGUR DON DANG 'DRA BA NYID 'DOD PAR BYA'O, ,DE'I PHYIR YANG SHES PA TSUL GNYIS PAR GRUB BO ZHES PA'O, ,RANG RIG BYA NYID DU YANG NGO ZHES PA 'DIS NI DE MA THAG PAR BSHAD PA KHO NA'I 'THAD PA'I BSGRUB PAR BYA BA GZHAN GSUNGS TE, DUS PHYIS DRAN PA LAS SHES PA'I TSUL GNYIS PA NYID GRUB PA 'BA' ZHIG TU MA ZAD KYI, 'ON KYANG RANG RIG PA YANG STE GANG TSAD MA'I 'BRAS BU NYID DU 'DOD PA'O, ,RE ZHIG CES PA NI 'BA' ZHIG LAS NYAMS SU MYONG BA YOD DE, DE'I PHYIR DRAN PAR YANG 'GYUR MOD, DE TZAM GYIS CI'I PHYIR RANG RIG PA YIN ZHES BSAMS NAS 'DRI BA, CI'I PHYIR ZHE NA ZHES PA'O, ,BDAG NYID KHO NAS SHES PA NYAMS SU MYONG BAR RIGS KYI GZHAN GYIS MA YIN ZHES NGES PAR BYAS NAS GSUNGS PA, 'DI LA ZHES PA LA SOGS PA STE, 'DI'I DON NI 'DI YIN TE, GANG LA DRAN PA DE LA NYAMS SU MYONG BA STE, GZUGS LA SOGS PA BZHIN DRAN PA YANG YOD DO ZHES PA 'BRAS BU'O, ,'DIR 'GYUR MOD CES PA LA SOGS PAS SHES PA GZHAN GYIS NYAMS SU MYONG BAR MNGON PAR 'DOD PA KHO NA'O, ,DE'I PHYIR GRUB PA LA SGRUB PA NYID DO ZHES PHA ROL GYI BSAM PA GSAL BAR BYED DO, ,SHES PA GZHAN GYIS ZHES PA LA SOGS PAS GRUB PA LA SGRUB PA NYID YONGS SU SPONG STE, SHES PA GANG GIS SHES PA NYAMS SU MYONG BA DE LA YANG DUS PHYIS DRAN PA MTHONG LA, NYAMS SU MYONG BA MA YIN PA LA DRAN PA'I RIGS PA YANG MA YIN NO ZHES DE'I PHYIR DE LA DMIGS PA'I SHES PA GZHAN 'BYUNG BAR BYA ZHING, DE LA YANG DRAN PA STE, DE LAS DE LA YANG GZHAN GYIS ZHES PA DE'I PHYIR, SHES PA GZHAN GYIS NYAMS SU MYONG BA LA SHES PA RNAMS THUG PA MED PA STE, SHES PA GCIG MNGON PAR GRUB PA KHO NA NA, SHES PA BRGYUD PA SHES PA PHYI MA PHYI MA SHES PA SNGA MA SNGA MA LA DMIGS PA MTHA' YAS PA @039A *, ,RNAMS SU THAL BAR 'GYUR RO ZHES PA'I DON TO, ,DE LTAR GYUR NA SKYON CI YOD CE NA GSUNGS PA, YUL GZHAN LA 'PHO PA ZHES PA LA SOGS PA STE, YUL GZHAN LA SHES PA 'JUG PA MED PAR 'GYUR NA 'DOD PA YANG YIN NO, ,DE LA SHES PA GANG LAS 'PHO BA DE LA RANG RIG PAR 'GYUR RO, ,DE NI 'GYUR MOD KYI SHES PA THA MA NI SHES PA GZHAN GYIS NYAMS SU MYONG BAR BYA BA NYID DANG DRAN PAR YANG MI 'GYUR GYI, GCIG PO DE NYAMS SU MA MYONG BA DANG, MA DRAN PA KHO NAR GNAS LA DE'I PHYIR YUL GZHAN LA 'PHO BAR 'GYUR RO ZHE NA, 'DI NI MI RIGS TE, DE LTAR NI GAL TE SHES PA THA MA NYAMS SU MYONG BA MA YIN NA, DE'I PHYIR SNGA MA'I DUS SU BYUNG BA'I SHES PA RNAMS THAMS CAD NYAMS SU MYONG BA MED PAR 'GYUR TE, DE'I DMIGS BYED LKOG TU GYUR PA NYID KYI PHYIR RO, ,GANG ZHIG GI DMIGS BYED GANG YIN PA LKOG TU GYUR PA DE DE YIS NYAMS SU MYONG BA MA YIN TE, DPER NA LHAS BYIN GYI SHES PA LHAS BYIN GYIS NYAMS SU MYONG BA NI MCHOD BYIN GYIS BZHIN, SROG CHAGS RNAMS KYI BDAG NYID DANG 'BREL PA'I SNGON GYI DUS SU BYUNG BA'I SHES PA'I DMIGS PA YANG LKOG TU GYUR PA'O, ,'GAL BAS KHYAB PA'O, ,YANG NA DMIGS PA MNGON SUM MA YIN PA DE MNGON SUM MA YIN TE, LKOG GYUR BZHIN, DMIGS PA NYAMS SU MA MYONG BA'I SHES PA YANG DE LTA BU'O, ,'GAL BAS KHYAB PA'O, ,'DIR 'GYUR MOD, GANG BDAG NYID KYIS NYAMS SU MYONG BA'I SHES PA DE MNONG SUM DU 'GYUR TE, DES NA GZHAN RNAMS KYIS GNAG NYAMS SU MYONG BA DE MNGON SUM MA YIN PA'O ZHE NA 'O NA BDAG NYID NYAMS SU MYONG BA DE CI ZHIG LAS GRUB, GAL TE NYAMS SU MYONG BA GRUB PA DE'I TSE, BDAG NYID LA'AM GZHAN LA ZHES RNAM PAR DBYE BAR 'GYUR ZHE NA DE NI MA GRUB PA KHO NA'O, ,DE MA GRUB PA NA GNYIS KAR YANG LKOG TU GYUR PA NYID DU KHYAD PAR MED PA'I PHYIR, NYAMS SU MYONG BA 'DI NI BDAG NYID LA YIN GYI GZHAN LA MA YIN NO ZHES PA 'DI LKOG TU GYUR PA'I DMIGS PAS SHES PAR DKA'O, ,DE'I PHYIR CI ZHIG LAS BDAG NYID KYIS NYAMS SU MYONG BA YIN, GAL TE GZUNG BYA LA DMIGS PA MA GRUB NA YANG DNGOS PO MNGON SUM DU 'DOD NA 'GRO @039B BA 'DI THAMS CAD MNGON SUM DU 'GYUR TE, DMIGS PA MNGON SUM MA YIN PA NYID DU BYE BRAG MED PA'I PHYIR NA, 'GYUR BA YANG MA YIN NO, ,DE'I PHYIR SHES PA'I RANG RIG PA NYID DU KHAS BLANG BAR BYA'O ZHES PA'O, ,'DIR SLOB DPON DBYIG GNYEN GYI RTZOD PA SGRUB PA'O ZHES 'JIG RTEN NA RAB TU GRAGS PA 'DI NI BSTAN BCOS MDZAD PAS NI DES MDZAD PA'I BSTAN BCOS GZHAN RNAMS SKYON MED PA NYID LA BLTAS NAS, SKYON DANG BCAS PA'I RTZOD PA SGRUB PA DES MDZAD PA NYID MI SRID DO ZHES GSUNGS PA, RTZOD SGRUB SLOB DPON KYI MA YIN, ,ZHES PA'O, ,'O NA BYED PA PO MA MTHONG BA'I BSTAN BCOS RNAMS KYI BYED PA PO GRAGS PA KHO NA LAS NGES PAR BYA BA MA YIN NAM, 'DI LA YANG DE YOD DO ZHES PAS CI LTAR RTZOD SGRUB SLOB DPON GYI MA YIN ZHE NA, SNYING PO MED CES NGES PA 'AM, ,ZHES PA STE, SKABS NYID KYI PHYIR SLOB DPON GYIS DE LA ZHES RTOGS PAR BYA'O, ,'DI SA NI 'DI LTA BU'I DON GSAL BAR BYED DE, RE ZHIG GRAGS PA TZAM GYIS NI DON NGES PAR MI 'GYUR TE, DON MED PAR YANG DE SRID PA'I PHYIR RO, ,GAL TE YANG DES DE MDZAD PA DE LTA NA YANG DANG PO SHES RAB PHUL DU BYUNG BA MA SKYES PAR GYUR PA STE, PHYIS BLO BYANG BAR GYUR PA NA 'DIS DE LA SNYING PO MED PAR NGES PA SKYES SO ZHES PA'O,, YANG JI LTA BUR 'DIS DE LA SNYING PO MED PAR NGES PA 'DI CI LTAR RTOGS SHE NA, GZHAN DU NA CHA SHAS SMRAS PHYIR ZHES PA STE, SKYON MED PA CHA SHAS BRJOD PA'I PHYIR RO ZHES PA'I DON TO, ,GANG SKYON BSTAN PA LAS NI SLOB DPON GYIS RTZOD PA SGRUB PA LA SNYING PO MED PAR NGES PA LAS NA RTZOD PA SGRUB PAR BYED PA LA GZHAN DU CHA SHAS BRJOD PA'O, ,SKYON DE RNAMS KHO NA KHO BO CAG GIS RAB TU GSAL BAR BYA'O ZHES STON PA GSUNGS PA, DES NA ZHES PA LA SOGS PA STE, DES NA ZHES PA'I SKYON DANG LDAN PA NYID KYIS NA'O, ,DE LTAR NI, GZHAN DU CHA SHAS BRJOD PA LAS, ,ZHES PA 'DIS RTZOD PA SGRUB PA SKYON DANG LDAN PA NYID DU GSAL BAR BYAS SO, ,TSAD MA LA SOGS PA RNAMS LA ZHES PA LA, TSAD MA'I CHA SHAS DANG DE LTAR SNANG BA DANG LTAG CHOD DANG DE'I LAN RNAMS LA'O, ,DON DE LAS RNAM PAR SHES PA MNGON SUM ZHES PA, YUL GANG GIS RNAM PAR SHES PA THA SNYAD BYA BA DE KHO NA LAS GAL @040A *, ,TE DE SKYE ZHING GZHAN LAS MA YIN LA, DE LAS GZHAN LAS KYANG MA YIN PA'I SHES PA DE MNGON SUM STE, DPER NA GZUGS LA SOGS PA'I SHES BA DANG BDE BA LA SOGS PA'I SHES PA BZHIN ZHES PA'O, ,'DIS NI 'KHRUL PA'I SHES PA BSAL TE, DPER NA NYA PHYIS LA DNGUL GYI SHES PA LTA BU'O, ,DE NI DNGUL GYIS DNGUL GYI SHES PA'O ZHES THA SNYAD BYED LA DE DNGUL LAS SKYE BA YANG MA YIN GYI, NYA PHYIS KHO NAS DE BSKYED PAR BYA BA'O, ,KUN RDZOB PA'I SHES PA YANG 'DIS GSAL TE, DE LTAR NI BUM PA'I SHES PA BUM PA'I SHES PA ZHES PA 'DI LTAR DE BUM PA LA SOGS PA RNAMS KYIS THA SNYAD BYA ZHING, DE DE RNAMS LAS 'BYUNG BA NI MA YIN TE, DE RNAMS NI KUN RDZOB TU YOD PA NYID KYIS RGYU MA YIN PA NYID KYI PHYIR RO, ,GZUGS LA SOGS PA DE LTAR YANG DAG PAR ZHEN PA RNAMS KHO NA LAS DE 'BYUNG NGO, ,RJES SU DPAG PA'I SHES BA YANG 'DI KHO NAS BSAL TE, DU BA'I SHES PA DANG 'BREL PA DRAN PA DAG LAS KYANG DE BYUNG GI ME KHO NA LAS MA YIN PAS SO, ,DE LAS 'BYUNG BA KHO NA STE, MI 'BYUNG BA NI MA YIN NO ZHES PA 'DI YANG 'DIR DON DU MNGON PAR 'DOD DO, ,DE DE LTAR RNAM PAR GZHAG PA LA, 'DI BRGAL ZHING BRTAG PAR BYA STE, CI 'DI RKYEN LA LTOS PA'I NGES PA NYID DAM, 'ON TE DMIGS BA LA LTOS PA YIN ZHES PA'O, ,DE LAS CI ZHE NA, GNYI GA'I GNAS LA YANG SKYON TE, RE ZHIG NGES PA SNGA MA'I DBANG DU BYAS TE GSUNGS PA, DON DE LAS ZHES KUN YIN NA, ,ZHES PA STE, GAL TE DE LAS ZHES PA LA SOGS PA 'DI KHO NA'I RNAM PAR BSHAD PA'O, ,'O NA RNAM PAR SHES PA THA SNYAD DU BYED PA'I RGYU YUL NI SKABS YIN PA NYID KYI PHYIR, DE LAS ZHES PA 'DIS SKABS KYIS NYE BAS DE KHO NA LHUR LEN NO ZHES PAS 'DI THE TSOM MED PA MA YIN NAM, DES NA CI LAS DOGS PA 'DI YIN ZHE NA, GAL TE DE LAS ZHES PA 'DIS RKYEN RNAM PA BZHI NGO; THAMS CAD KYANG BRJOD PAR BYA ZHES PA'I DON GANG 'DI NI 'DIR KHYOD KYIS YONGS SU BRTAGS PA MA YIN TE, GANG PHYIR 'DIR CHOS THAMS CAD KYI BDAG NYID KYI PHYIR DMIGS PA'I RKYEN KHO NA KUN GYI SGRAS BRJOD DO, ,YANG CI LTAR DA CHOS THAMS CAD KYI BDAG NYID YIN ZHE NA, DMIGS PA CHOS RNAMS @040B THAMS CAD DO, ,ZHES PA'I MTSAN NYID KYI PHYIR RO, ,GZHAN CHOS THAMS CAD KYI RANG BZHIN RNAM PAR SHES PA'I RKYEN THA SNYAD DU BSTAN PA'I RGYU GANG YIN PA DE LAS ZHES PA 'DIS BRJOD PAR BYA BA YOD PA YANG MA YIN NO, ,DE'I PHYIR DMIGS PA'I RKYEN KHO NA KUN GYI SGRAS BSHAD DO ZHES RIG PAR BYA'O, ,DE LAS KYANG DON 'DIR 'GYUR TE, GAL TE CHOS KUN GYI RANG BZHIN CAN GYI RKYEN BRJOD NA STE, GAL TE DMIGS PA'I RKYEN BRJOD NA ZHES PA JI SRID PA'O, ,DES NA DE BRTZAD PAR BYA BA MA YIN NO, ,GANG GIS DMIGS PA'I RKYEN DANG 'BREL BA CAN NYID KYIS SHES PA BSTAN PAR BYA BA DE DE KHO NA LAS BYUNG BA MA YIN GYI, 'O NA ZHE NA, RKYEN GZHAN LAS KYANG STE, BZHI YIS SEMS DANG SEMS BYUNG RNAMS, ,ZHES GSUNGS PA'I PHYIR RO, ,DE LTAR RKYEN NGES PA'I PHYOGS LA GRUB PA'I MTHA' DANG 'GAL BA GSAL BAR BYA'O, ,DMIGS PA NGES PA'I DBANG DU BYAS TE GSUNGS PA, DMIGS PA'O ZHE NA ZHES PA LA SOGS PA STE, 'DI LA MTSAN NYID HA CANG KHYAB PA NYID DU GSUNGS SO, ,YUL TZAM ZHES PA 'DIR GANG DE'I TSE NYE BAR GYUR PA'I GZUGS LA SOGS PA'I GSAL BA DE RNAM PAR SHES PA'I DMIGS PA NYID KYIS NA YUL GYI SGRAS BRJOD PAR BYA'O, ,TZAM GYI SGRA DMIGS PA GZHAN RNAM PAR GCOD PAR BYED DO, ,DRAN PA LA SOGS PA'I SHES PA YANG GZUGS LA SOGS PA RNAMS KYIS THA SNYAD BYED DE, GZUGS DRAN NO, ,SGYUR BA MNGON PAR 'DOD DO, ,ME RJES SU DPAG GO ZHES SO, ,DMIGS PA GZHAN LA MI LTOS PA YANG STE, DE'I PHYIR DE YANG MNGON SUM NYID DU 'GYUR RO, ,'DIR 'GYUR MOD KYI RJES SU DPAG PAR BYA BA'I YUL CAN GYI SHES PA NI ME TZAM LAS SKYE BA MA YIN GYI, 'ON KYANG PHYOGS KYI CHOS NYID DANG 'BREL BA SHES PA LAS KYANG NGO, ,DES NA THAL BAR 'GYUR BA 'DI CI'I PHYIR ZHE NA GSUNGS PA, ME LA SOGS PA'I SHES PA ZHES PA LA SOGS PA STE, GAL TE YANG DE DON GZHAN LAS KYANG SKYE MOD, DE LTA NA YANG DON GZHAN DE DES DMIGS PA MA YIN LA, DE LAS KYANG DMIGS PA GZHAN LA MI LTOS PAR SKYE BA NYID KYI PHYIR ZHES DE MNGON SUM MIN PAR 'GYUR, 'O NA GAL TE YUL GANG GIS SHES PA GANG THA SNYAD BYA BA DE GAL TE DE LAS 'GYUR NA YIN GYI MI 'GYUR LA NI MA YIN @041A *, ,NO ZHES PA'I NGES PA 'DE YANG 'DIR MNGON PAR 'DOD PA MA YIN NAM, DRAN PA LA SOGS PA RNAMS NI DMIGS PA GANG GIS THA SNYAD BYED PA DE LAS SKYE BA YANG MA YIN TE, DE MED PA NYID KYI PHYIR RO ZHE NA, DE YOD PA MA YIN TE, ,BRGYUD PAS KYANG DE LAS SKYE BA MNGON PAR 'DOD PA'I PHYIR RO, ,RNAM PA GZHAN DU NA 'DI CI LTAR SBYOR, GANG RTZOD PA SGRUB PAR RJES SU DPAG PA'I SHES PA YANG 'DI KHO NA LAS BSAL TE, DU PA'I SHES PA DANG 'BREL PA DRAN PA DAG LAS KYANG DE 'GYUR GYI, ME KHO NA LAS MA YIN NO ZHES BSHAD PA LA, 'DIS NI DU BA'I SHES PA DANG 'BREL PA DRAN PA DAG LAS DANG, YANG GI SGRA LAS ME LAS KYANG DE 'BYUNG NGO ZHES BRJOD PAR 'GYUR RO, ,DE 'DI CI LTAR RIGS TE, GAL TE THA SNYAD BYED PA'I RGYU NI BRGYUD PAS KYANG 'DIR SKYED PAR BYED PA NYID DU 'DOD DE, GZHAN DU NA GAL TE DRAN PA LA SOGS PA RNAMS KYI THA SNYAD BYED PA'I RGYU YUL DE'I TSE MED PA NYID KYI PHYIR SKYED PAR BYED PA MA YIN PA NYID YIN NO, ,DE 'DI RJES SU DPAG PA LA YANG SKYED PAR BYED PA MA YIN PA NYID MTSUNGS PA'O ZHES PAS TSIG 'DI SBYAR BAR BYA BA MA YIN PAR 'GYUR RO, ,CI STE DRAN PA LA SOGS PA RNAMS KYI YUL BRTAGS PA BA SPYI NI THA SNYAD BYED PA'I RGYU YIN ZHING, DE YANG KUN RDZOB TU YOD PA NYID KYI PHYIR SKYED PAR BYED PA NYID MA YIN PA NYID DE, DE'I PHYIR DE RNAMS MNGON SUM NYID MA YIN NO ZHES 'DOD NA, 'DIR YANG 'DI KHO NA LA LAN NO, ,DE LTAR NI RJES SU DPAG PA YANG KUN RDZOB TU YOD PA KHO NA LA DMIGS PA STE, DE LAS KYANG GANG DU PA'I SHES PA DANG 'BREL BA DRAN PA DAG LAS KYANG DE 'GYUR GYI ME KHO NA LAS MA YIN ZHES BRJOD PA DE MI RIGS PAR 'GYUR RO, ,DE'I PHYIR HA CANG KHYAB PA'I SKYON GNAS PA KHO NA'O, ,'DIR SMRA BA GNYIS DAG STE, SHES BYA NANG GIR SMRA BA RNAMS DANG, PHYI ROL GYI DON SMRA BA RNAMS SO, ,DE LA SHES BYA NANG GIR SMRA BA RNAMS KYI NI DE KHO NA NYID MA MTHONG BA'I GNAS SKABS NA TSAD MA DANG GZHAL BYA YIN GYI, DE KHO NA NYID DU YONGS SU MA GRUB PA KHO NA STE, TSAD MA DANG GZHAL BYA'I RNAM PAR GZHAG PA BSTAN PA 'DI NI 'KHRUL PA RNAMS KYI JI LTAR MTHONG BA BZHIN 'BA' ZHIG GO, ,'DI YANG SNGAR KHO NAR BSGRUGS ZIN TO, ,PHYI ROL GYI @041B DON SMRA BA RNAMS NI DON DAM PA KHO NAR PHYI ROL GZHAL BAR BYA BA DANG DE'I YUL CAN GYI TSAD MA YANG 'DOD DO, ,DE YANG JI LTAR MI RIGS PA DE LTAR BSGRUB PA'I CHED DU DA NI DMIGS PA'I DBANG DU BYAS PAS RNAM PAR DPYOD PA TZAM GSUNGS PA, GZUGS LA SOGS PA RNAMS LA NI DMIGS PA'I DON DU BRJOD PAR BYA NA ZHES PA STE, GDON MI ZA BAR 'DI NI 'DI LTAR SHES PAR BYA STE, GANG RNAMS RTZOD PAR BSGRUB PA SUN DBYUNG BA'I CHED KHO NAR RTZOM PA 'DI'O ZHES SEMS PA DE RNAMS KYI, RANG GIS RIG BYA BSTAN BYA MIN, ,NGO BO DBANG PO'I SPYOD YUL LO, ,ZHES GANG BSHAD PA 'DIR SPYOD YUL GYI DON BSHAD PAR BYA STE, CI GANG SNANG BA DE LA SHES PA SKYE PA DE DE LTAR SPYOD YUL YIN NAM ZHES PA LA SOGS PA RJES SU SBYOR BA MTSUNGS SO ZHES PHYIR BSGRUB PAR BYA'O, ,DE'I PHYIR SPYI KHO NAR PHYI ROL GYI DON LA BRTEN PA CAN TSAD MA LA SOGS PA'I RNAM PAR GZHAG PA MI 'THAD DO ZHES SGRUB PA'I CHED DU RTZOM PA 'DI'O ZHES RIG PAR BYA'O, ,DE LA YANG PHYI ROL GYI DON SMRA BA RNAMS LA STOBS LDAN NI RANG GI SDE PA RNAMS TE, DE RNAMS NGES PAR BCOM PA NA CIG SHOS RNAMS NGES PAR BCOM PA KHO NAR 'GYUR TE, GTZO BO'I DPUNG BCOM PA NA DE LAS GZHAN PA'I DPUNG RNAMS BZHIN NO ZHES PAS DE RNAMS KHO NA DANG LHAN CIG RNAM PAR DPYOD PAR BYED DO, ,DMIGS PA'I DON ZHES PA, DMIGS PA'I SGRA'I DON TO, ,CI GANG SNANG BA ZHES PA 'DIS GZUGS LA SOGS PA'I RDUL PHRA RAB RNAMS SO SOR RANG GI NGO BOS SNANG BA MED PA'I PHYIR DANG, TSOGS PA'I RNAM PAR YANG DE RNAMS LA RNAM PAR SHES PA SO SOR SNANG BA'I PHYIR NA SNANG BA'I DON DMIGS PA'I DON DU STON TO, ,CI STE JI LTAR ZHES PA LA SOGS PAS RGYU'I DON TO, ,JI LTAR YOD PA ZHES PA SNGON PO LA SOGS PA'I RANG GI MTSAN NYID DU'O, ,GZHAN SNANG BA'I YANG ZHES PA TSOGS PA SNANG BA'I YANG NGO, ,GAL TE YANG RANG SNANG BA'I RNAM PAR SHES PA SKYED PAR BYED PA MA YIN PA DE LTA NA'ANG ZHES PA YANG GI SGRA'I DON TO, ,BSAGS PA LA DMIGS PA NYID KYI PHYIR ZHES PA, TSOGS PA LA DMIGS PA NYID KYI PHYIR BSAGS PA STE SOGS PA'O ZHES BYAS NAS SO, ,SOGS PA YANG TSOGS PA'O, ,BSAGS PA LA DMIGS PA NYID NI DE RNAMS NI @042A *, ,TSOGS PAR SNANG BA NYID KYI PHYIR RO, ,YANG NA BSAGS PA NYID DU DMIGS PA NYID KYI PHYIR ZHES PA STE, TSOGS PAR SNANG BA NYID KYI PHYIR RO ZHES PA'I DON TO, ,'DIS DMIGS PA'O ZHES BYED PA'I BYED PAR BYAS NAS SNANG BA DMIGS PA'I SGRAS BRJOD DO, ,KUN RDZOB TU YOD PA KHO NA LA DMIGS PA ZHAS PA MNGON SUM MA YIN PA NYID DO ZHES PA LHAG MA'O, ,KUN RDZOB TU YOD PA LA DMIGS PA NYID NI TSOGS PA RDZAS SU YOD PA MA YIN PA NYID KYI PHYIR RO, ,'DIS NI GANG KUN RDZOB TU YOD PA LA DMIGS PA DE MNGON SUM MA YIN TE, DRAN PA LA SOGS PA BZHIN, DBANG PO'I SHES PA YANG DE LTA BU'O ZHES KHYAB BYED DANG 'GAL BA'I THAL 'GYUR GSUNGS SO, ,'O NA DE NI RDZAS SU YOD PA KHO NA'I RDUL PHRA RAB RNAMS KYI RNAM PA MA YIN NAM, DE RNAMS KHO NA NI PHAN TSUN PHAN BTAGS PA RNAMS DE LTAR SO SOR SNANG NGO ZHES PAS, RNAM PA DU MA'I DON DU SMRA BA LA, NAM YANG MA GRUB PA NYID BRJOD PA'O ZHES DOGS PA LA GSUNGS PA, 'DOD PA ZHES PA LA SOGS PA STE, 'DOD PA ZHES PA KHAS LEN PA LA'O, ,SNGON PO LA SOGS PAR SNANG BA'I RNAM PAR SHES PA RNAMS LA, DON DE LAS ZHES PA'I MTSAN NYID 'DI LAS KHYOD KYI LUGS KYI MNGON SUM NYID DU 'GYUR RO, ,CI'I PHYIR ZHE NA GSUNGS PA, DE LTAR NI ZHES PA LA SOGS PA STE, DE RNAMS LA ZHES PA SNGON PO LA SOGS PAR SNANG BA'I SHES PA RNAMS LA'O, ,DE TSOGS PA LA BTAGS PAR YOD NA YANG ZHES PA, SNGON PO LA SOGS PA'I RDUL PHRA RAB TSOGS PA LA, GAL TE YANG DE BTAGS PAR YOD PA DE LTA NA YANG SNGON PO DANG SER PO LA SOGS PA'I SHES PA RNAMS LA RDZAS SU YOD PA'I RNAM PAR THOB STE KHYOD KYI MNGON PAR 'DOD PA'I RIGS PAS SO, ,YANG NA DE RNAMS LA ZHES PA SNGON PO LA SOGS PA'I RDUL PHRA RAB RNAMS LA RDZAS SU YOD PA'I RNAM PA THOB PO, ,RDZAS DANG GRANGS LA SOGS PA'I RNAM PA RNAMS LA YANG THOB BO ZHES PA, GAL TE RDUL PHRA RAB KYI RNAM PA NYID KYI PHYIR TSOGS PA'I RNAM PA DON DAM PAR YOD PA NYID YIN NA, RDZAS DANG GRANGS LA SOGS PA RNAMS KYANG RDUL PHRA RAB KYI RNAM PA NYID KYI PHYIR DON DAM PAR YOD PA NYID DU 'GYUR RO, ,DE LAS KYANG DE'I RNAM PA CAN GYI RNAM PAR SHES PA MNGON SUM LTAR @042B SNANG DU MNGON PAR 'DOD PA YANG MNGON SUM DU 'GYUR RO, ,DE LA YANG RIGS PA 'DI SMRA PAR NUS TE, DE RNAMS KHO NA ZHES PA LA SOGS PA GANG SMRAS PA'O, ,CI STE JI LTAR ZHES PA LA SOGS PA PHYOGS GZHAN NYE BAR DGOD PA'O, ,DE LTAR GYUR NA ZHES PA LA SOGS PA NI, RDZAS LA SOGS PA RNAMS LA GANG SHES PA DE MNGON SUM NYID DU THAL BA MED DO ZHES PA'I DON TO, ,CI'I PHYIR ZHE NA, GSUNGS PA DE LTAR DE RNAMS ZHES PA LA SOGS PA STE, DE LTAR ZHES PA BUM PA LA SOGS PA'I NGO BOR RO, ,DE RNAMS ZHES PA RDZAS LA SOGS PA RNAMS SO, ,DE RNAMS SNGON PO LA SOGS PA'I RDUL PHRA RAB BZHIN DU DE KHO NA NYID DU YOD PA MA YIN ZHING, BUM PA'I SHES PA GNYIS NYID KYI SHES PA ZHES DE RNAMS KYIS KYANG SHES PA THA SNYAD DU BYED DO, ,DE LAS DE SKYE BA YANG MA YIN TE, DE RNAMS DE KHO NA NYID DU MED PA NYID KYI PHYIR RO, ,DE'I PHYIR DE'I SHES PA MNGON SUM NYID DU THAL BA MA YIN LA, KUN RDZOB TU YOD PA LA DMIGS PA NYID KYANG MA GRUB BO, ,GANG GI PHYIR RANG GI NGO BOS RDUL PHRA RAB RNAMS DMIGS PA NYID LA NI DBANG PO'I SHES PA KUN RDZOB TU YOD PA LA DMIGS PAR 'GYUR BA MA YIN NO, ,DE LTAR NA SKYON CI ZHE NA GSUNGS PA, DE LTAR NA NI ZHES PA LA SOGS PA'O, ,MA YIN ZHES PA LA SOGS PAS 'DI KHO NA LA 'THAD PA GSUNGS TE, GAL TE RDUL PHRA RAB RNAMS LA SO SOR SHES PAR 'GYUR NA, DE LTAR GYUR NA RDUL PHRA RAB RE RES DE THA SNYAD BYED PAR 'GYUR LA, DE LAS KYANG DE RNAMS SO SOR SHES PA'I RGYU DANG, DE RNAMS KYIS SO SOR DE THA SNYAD BYED PAR 'GYUR RO ZHES PA DE LAS DMIGS PA'I SHES PA MNGON SUM NYID DU THOB NA DE LTAR YANG MA YIN NO, ,DE'I PHYIR GANG GIS DE'I THA SNYAD BYED PA ZHES PA 'DI THOB PA MA YIN NO, ,CI STE 'DUS PA SNANG PA NYID LAS DE'I THA SNYAD BYED PAR 'DOD NA, RDUL PHRA RAB RNAMS KYANG 'DUS PA'I GNAS SKABS KHO NA PHAN TSUN PHAN BTAGS PA SHES PA'I RGYU RNAMS TE, DE'I PHYIR GANG GIS DE THA SNYAD DU BYA BA DE KHO NA LAS SKYE'O ZHES PAS SNGON PO LA SOGS PA'I SHES PA RNAMS MNGON SUM NYID DU GRUB PO ZHES GSUNGS PA, SO SO BA YANG ZHES PA LA SOGS PA STE, 'DUS PA'I GNAS SKABS NA YANG SO SO BA KHO NA RGYU'I DNGOS PO STE TSOGS PA NI MA YIN NO @043A *, ,ZHES PA'I DON TO, ,DES NA GANG GIS DE'I THA SNYAD BYED PA ZHES PA 'DI THOB PA MA YIN NO ZHES PA THAL BAR 'GYUR BA DE KHO NA'O, ,GANG SNANG BA DE NI DE BAS MIN ZHES PA TSOGS PA'I SNANG BA'O, ,CI'I PHYIR MI 'GYUR ZHE NA GSUNGS PA, LNGA PO BSAGS LA DMIGS PA'I PHYIR, ,ZHES PA STE, TSOGS PAR SNANG BAS SA ZHES PA'I DON TO, BYED PA'I K'A RA KU RU BYAS NAS SNANG BA NI DMIGS PA'I SGRAS BRJOD DO, ,GANG LAS DE NI DON DAM PAR, ,ZHES PAS RDUL PHRA RAB LAS SO, ,DE LA THA SNYAD DU MA BYAS, ,ZHES PA, DE SNANG BA MA YIN PA NYID KYIS DE MA RTOGS PA NYID KYI PHYIR RO, , DON GYI TSUL GYIS DBEN PA ZHES PA LA SOGS PA STE, SHES PA THAMS CAD NI GZUGS KYI SHES PA SGRA'I SHES PA ZHES YUL GYI THA SNYAD STON PA MTHONG STE, YUL GYI TSUL DANG BRAL BA NI DE THA SNYAD BSTAN PAR MI NUS SO, ,'O NA SHES PA'I BLO'O ZHES YUL MED PAR YANG THA SNYAD STON PAR MTHONG BA MA YIN NAM MA YIN TE, DGONGS PA YONGS SU MI SHES PA NYID KYI PHYIR RO, ,YANG 'DI LA DGONGS PA CI YIN ZHE NA, YUL DANG 'BREL PA CAN NYID DU DON GYI TSUL GYIS DBEN PAR BSHAD PAR NUS PA MA YIN ZHES PA 'DI DGONGS PA'O, ,DE LTAR NI DON GANG GIS SHES PA GANG THA SNYAD BYED PA NI, GAL TE DE KHO NA LAS DE SKYE NA'O ZHES PA 'DI YUL DANG DPYAD PA'I SKABS NYID DE, GZHAN DU NA SHES PA ZHES STON PA KHO NA STE, CI STE DE SKAD SMRA BAR 'GYUR, DE LTAR NA DE'I TSE YUL GYI TSUL GYIS 'DI THA SNYAD BYED PAR 'GYUR RO ZHES GSUNGS PA, 'DI YANG YUL ZHES PA STE, SPYI'I TSUL GYIS GZUGS NYID LA SOGS PAS BSTAN PAR BYA, SPYI YANG BTAGS PA BLO LA GNAS PA KHO NA STE, DBANG PO'I YUL DU MNGON PAR 'DOD PA'I DNGOS PO LA YOD PA MA YIN NO, ,DE CI LTAR DE LA THA SNYAD BYAS PA NA DE THA SNYAD DU BYAS PAR 'GYUR, DES NA GANG GIS THA SNYAD BYA BA ZHES PA DE MI SRID DO ZHES STON PAR GSUNGS PA, DE'I PHYIR THA SNYAD DU MI BYA, ,ZHES PA'O, ,'O NA THA SNYAD DU BYA BA MA YIN PA'I DNGOS PO YANG MTHONG BYA DANG RNAM PAR BRTAG PAR BYA BA'I DON DAG GCIG TU BYAS NAS LHAG PAR ZHEN PA MA YIN NAM, DE NI DNGOS PO NYID DU THA SNYAD BYED PA PO RNAMS KYIS THA SNYAD DU BYED DE, KHYOD KYIS KYANG GDON MI ZA BAR 'DI KHAS @043B BLANG BAR BYA'O, ,RNAM PA GZHAN DU NA THA SNYAD BYED PA MI RIGS PA'I PHYIR RO ZHE NA, GAL TE MTHONG BAR BYA BA'I PHYIR ROL CUNG ZAD DU GYUR NA, 'DI DE LTAR 'GYUR MOD, DE YANG MED DO, ,DMIGS PA'I MTSAN NYID MI RUNG BA'I PHYIR RO ZHES PAS 'DI NI LAN MA YIN PA KHO NA'O, ,'O NA DON 'DI BRJOD ZIN PA KHO NAM MA YIN NAM, ,DE CI'I DON DU SLAR YANG BRJOD CE NA, DGOS PA YOD DE, SNGAR NI RDUL PHRA RAB RNAMS KYI RDUL PHRA RAB KYI NGO BO KUN DU PHRA MO KHO NA'I DBANG DU MDZAD NAS DON 'DI BSHAD LA, DA LTA NI DE RNAMS KHO NA'I GANG RAGS PA TSOGS PA'I RNAM PA DE'I DBANG DU BYAS NAS BRJOD DO, ,SNGAR NI RDZAS SU YOD PA DE RNAMS KHO NA'I DE'I NGO BO ZHES RNAM PA DU MA'I DON DU SMRA BA'I LUGS SU DOGS NAS, DE'I BLTA BYA NYID DANG BRJOD PAR BYA BA NYID KYANG KHAS BLANGS NAS, SKYON GZHAN BRJOD PAR BZHED PAS MNGON SUM NYID RJES SU GNANG LA, DE LTA NI DE YOD NA YANG DE YANG BA LTAR MI RUNG BA NYID KYIS BRJOD PAR BYA BA MA YIN PA NYID KYI PHYIR, CI'I PHYIR MNGON SUM NYID YIN ZHES SGRUB PA'I CHED DU 'DI BRJOD PA'O, ,YANG DE'I BLTAR MI RUNG BA NYID KYANG CI LTAR ZHE NA, 'DI LTAR DGONGS TE, RNAM PA THAMS CAD DU RANG GI RNAM PA CAN GYI RNAM PAR SHES PA BYED PAR BYED PA NYID GZUNG BYA NYID DU 'GYUR RAM, 'ON TE RNAM PA 'GA' ZHIG GIS MA YIN, GAL TE BRTAG PA DANG PO YIN NA SHES PA NI RNAM PA THAMS CAD DU DON GYI RANG BZHIN NYID THOB PA'I PHYIR SHES PA MA YIN PA NYID DU THAL LO, ,CI STE GNYIS PA YIN NA, MTSUNGS PA DE MA THAG PA'I 'DAS PA'I SHES PA NI, GZHAN GYI YUL CAN GYI SHES PA'I YANG GZUNG BYAR 'GYUR TE, GANG GI PHYIR DE LA YANG SHES PA NYID LA SOGS PA'I RNAM PA 'GA' ZHIG GIS RANG SNANG BA'I SHES PA SKYED PA YOD PA KHO NA'I ZHES PA'O, ,DE'I PHYIR GZUNG BYA'I MTSAN NYID MI RIGS LA, DE LAS KYANG PHYI ROL GYI DON LA BRTEN PA'I TSAD MAS SOGS PA'I RNAM PAR GZHAG PA RIGS PA MA YIN NO ZHES PA 'DI GNAS PA'O, ,RIGS PA CAN RNAMS KYI NI ZHES PA, GRAGS PA LAS DANG BAR MA CHAD PAR YANG DE'I LUGS NYE BAR 'PHANGS PA'I PHYIR RKANG MIG PA RNAMS RTOGS PAR BYA'O, ,DBANG PO DANG DON PHRAD PA LAS SKYES PA ZHES PA LA SOGS PA STE, DBANG PO RNAMS NI SNA @044A *, ,DANG LCE DANG MIG DANG PAGS PA DANG RNA BA RNAMS SO, ,DON RNAMS NI DRI LA SOGS PA LNGA RNAMS SO, ,DE'I RTEN RNAMS NI LAS DANG YOD PA NYID LA SOGS PA RNAMS SO, ,DE RNAMS KYI PHRAD PA NI 'BREL PA YIN TE, DE NI RNAM PA LNGA STE, SBYOR BA DANG, SBYAR BA LA 'DU BA DANG, SBYAR BA 'DUS PA LAS 'DU BA DANG, 'DU BA DANG 'DUS PA LAS 'DU BA'O, ,DE LA DBANG PO NI RDZAS DANG SBYOR BA'I MTSAN NYID KYI 'BREL PA YIN GYI, GZUGS LA SOGS PA RNAMS DANG MA YIN NO, ,RNAM PA GZHAN DU NA SBYOR PA NI, GNYIS KYI RTEN CAN NYID KYI PHYIR, DE RNAMS KYANG YON TAN CAN DU 'GYUR RO, ,YON TAN RNAMS NI YON TAN MED PA YANG NGO, ,DE'I PHYIR DBANG PO DANG YANG DAG PAR SBYOR BA LAS RDZAS LA SHES PA SKYE'O, ,GANG BDAG GI YID DANG SBYAR BAR BYA BA YIN ZHING, YID NI DBANG PO DANG STE DBANG PO NI DON DANG NGO, ,'DIR RDZAS DON DU MNGON PAR 'DOD DO, ,RDZAS LA 'DUS PA RNAMS LA STE, GZUGS LA SOGS PA YON TAN RNAMS DANG, DE BZHIN DU RDZAS NYID LA SOGS PA SPYI'I KHYAD PAR RNAMS DANG, LAS LA SBYAR BA LA 'DU BA LAS SO, ,GZUGS NYID LA SOGS PA RNAMS LA SBYAR BA LA 'DUS PA LA 'DU BA LAS SO, , DE BZHIN DU YON TAN NYID DANG LAS NYID DAG LA'O, ,SGRA LA NI 'DU BA LAS TE, DE NI RNA BA'I SHKKU LA'I YONGS SU BCAD PA CHOS DANG CHOS MA YIN PAS MNGON PAR 'DUS BYAS PA NAM MKHA'I YUL GYI MTSAN NYID CAN RNA BA'I DBANG PO LA 'DUS PA GZUNG BAR BYA STE, GANG RNA BA LA SOGS PA DANG BAR CHOD PA'I YUL DU SKYES PA DE NI DE LA 'DUS PA MA YIN PA NYID KYI PHYIR GZUNG BYA MA YIN PA KHO NA'O, ,DES NI SGRA GZHAN PHYOGS THAMS CAD PA RNAMS BRTZAM ZHING, DE RNAMS KYIS KYANG GZHAN RNAMS TE, DE LTAR SGRA GZHAN GYIS BRTZAMS PA SGRA BRGYUD PAS RNA BA'I DBANG PO LA GANG 'DUS PA'I SGRA DE DBANG PO DANG 'DU BA LAS 'DZIN PAR 'GYUR RO, ,GANG BDAG NI YID KYIS SBYAR BAR BYA BA YIN LA, YID KYANG RNA BAS SO, ,SGRA'I RIGS LA NI 'DUS PA LA 'DU BA LAS SO, ,YOD PA NYID RDZAS LA 'DUS PA NI SBYAR BA LA 'DU BA LAS SO, ,YON TAN DANG LAS LA 'DUS PA LA NI SBYAR BA LA @044B 'DUS PA LA 'DU BA LAS SO, SGRA LA 'DUS PA LA NI 'DUS PA LA 'DU BA LAS SO ZHES PA STE, DE LTAR 'BREL PA RNAM PA LNGA SHES PA'I RGYU'O, ,DE LAS SKYES PA STE, MNGON PAR GSAL BA MA YIN PA'O, ,SHES PA NI MNGON SUM STE SHES PA SMOS PA NI BDE BA LA SOGS PA RNAM PAR GCAD PA'I DON TO,, THA SNYAD DU BYA ZHING, SBYOR BAR RUNG BA LA SOGS PA'I RTAGS KYIS SHES PAR BYA BA'O ZHES PA THA SNYAD DU BYA STE YUL LO, ,'DI LA THA SNYAD DU BYA BA'I YUL YOD PA MA YIN PA ZHES PA THA SNYAD DU BYA BA MA YIN PA'O, ,YANG NA SHES PA DE KHO NA RANG GI NGO BOS THA SNYAD DU BYA BA MA YIN PA STE NGES PAR BSTAN BYA MA YIN PA'O ZHES PA THA SNYAD DU BYA BA MA YIN PA'O, ,SMIG RGYU LA SOGS PA'I YUL CAN NI 'KHRUL PA STE, JI LTAR CHU LA SOGS PA'I NGO BO NYID DU GZUNG BA DE LTAR YOD PA MA YIN PA NYID KYI PHYIR RO, ,'DI LA 'KHRUL PA YOD PA MA YIN NO, ,ZHES PA 'KHRUL PA MED PA'O, ,YANG NA SHES PA DE NYID DE, ,DE MA YIN PA LA DER 'DZIN PA'I PHYIR 'KHRUL PA'O, ,ZHEN PA 'DI'I BDAG NYID YIN ZHES PA ZHEN PA'I BDAG NYID DO, ,BDAG NYID KYI SGRA NI RANG BZHIN RJOD PAR BYED PA'O, ,YANG NA 'BRAS BU BRJOD PA'O, ,DBANG DON LAS BYUNG ZHES PA, 'DI LAS 'BYUNG NGO ZHES PA BYUNG PA'O, ,DBANG PO DANG DON DAG 'DI'I 'BYUNG BYED YIN PA'O ZHES TSIG SBYAR RO, ,DBANG PO DANG DON SMOS PA NI DE PHRAD PA NYE BAR MTSON PA'I DON TO, ,THA SNYAD BYA SOGS SRID MA YIN, ,ZHES PA STE, SOGS PA SMOS PA LAS 'KHRUL PA NYID DANG ZHEN PA'I BDAG NYID KYANG NGO, ,GAL TE MED NA KHYAD PAR MI RIGS PA CI'I PHYIR ZHE NA, KHYAD PAR NI ZHES PA LA SOGS PA STE, GAL TE THA SNYAD DU BYA BA MA YIN PA LA SOGS PA'I RANG BZHIN DANG CIG SHOS KYI RANG BZHIN DU YANG DBANG PO DANG PHRAD PA LAS SKYES PA'I SHES PA 'GYUR NA, DE LAS KHYAD PAR GSUM PO 'DI RIGS SO, ,'DIR YANG NA THA SNYAD DU BYA BA MA YIN PA DANG, MA 'KHRUL PA ZHES PA KHYAD PAR GNYIS NI SRID PA KHO NA STE, MI 'KHRUL LO, ,ZHEN PA'I BDAG NYID NI SRID PA MA YIN PA KHO NA STE, DE KHO NA YANG KHYAD PAR DU 'GYUR TE, GANG RTEN DE LA 'GYUR ZHING DE LA YOD PA MA YIN PA NYID KYI PHYIR, DE LA'ANG 'KHRUL PA LA STE, DPER NA AUTPA LA'I SNGON PO NYID LTA BU'O, ,DBANG @045A *, ,PO'I BLO LA YOD PA YANG MA YIN NO ZHES PA STE, GANG GI TSE 'BRU MANG PO PA'I PHYOGS YIN PA DE'I TSE 'DI BSHAD DO, ,'DIS NI THA SNYAD DU BYA BA NYID MI SRID PAS NA THA SNYAD DU BYA BA MA YIN PA NYID MI 'KHRUL PAR STON TO, ,CI'I PHYIR MED CE NA, GSUNGS PA, RJES SU DPAG PA'I YUL NYID KYI PHYIR ZHES PA LA SOGS PA STE, THA SNYAD DU BSTAN BYA NI SPYI YIN GYI, RANG GI MTSAN NYID NI MA YIN TE, DE SNGAR MA MTHONG BA NYID KYI PHYIR RO, ,SPYI DE YANG RJES SU DPAG PA KHO NA'I YUL TE, DU BA LA SOGS PA RNAMS KYIS SNGAR MTHONG BA DANG THUN MONG BAR ME LA SOGS PA RJES SU DPOG PA'I PHYIR RO, , MNGON SUM GYI NI MA YIN TE, DE NI THUN MONG MA YIN PA'I YUL CAN NYID KYI PHYIR RO, ,CI STE YANG YUL THA SNYAD DU BYA BA MA YIN PAR 'GYUR MOD, MED MOD KYI SHES PA NI THA SNYAD DU BYA BA STE, DES NA THA SNYAD DU BYA BA NYID YOD CING, DE LAS KYANG 'KHRUL PA'I PHYIR THA SNYAD DU BYA BA MA YIN PA NYID KYI KHYAD PAR RIGS SO ZHE NA 'DIR YANG SHES PA DE KHO NA RANG GI NGO BOS GANG BSTAN PAR BYA BA MA YIN PA DE THA SNYAD DU BYA BA MA YIN PA NYID DU RIGS SO ZHES GSUNGS PA, THA SNYAD DU BYA BA MA YIN PA NYID LA'ANG 'KHRUL PA MED PA STE ZHES PA STE, CI'I PHYIR ZHE NA GSUNGS PA, DBANG PO BLO ZHES PA LA SOGS PA STE, SHES PA THAMS CAD NI THA SNYAD DU BYA BA MA YIN PA'I RANG GI NGO BO KHO NA YIN PAS NA, THA SNYAD DU BYA BA MA YIN PA NYID LA 'KHRUL PA YOD PA MA YIN PA KHO NA'O, ,CI STE CI'I NGO BOS KYANG GANG BSTAN BYA MA YIN PA DE THA SNYAD DU BYA BA MA YIN PA'O ZHE NA, DE LTA BU YANG MI SRID PAR 'GYUR TE, SHES PA THAMS CAD NI SPYI'I TSUL GYIS THA SNYAD DU BYA BA KHO NA YIN PAS SO, ,'DIS NI DE'I SKYES BU'I PHYOGS LA YANG SKYON BSHAD DO, ,PHYOGS CAN LEN PAS SMRA BA GANG GIS RTOGS PAR BYA BA BZHIN PA THA SNYAD KYI CHED DU 'GYUR BA SHES PA LA MTSUNGS PAR STON PA'I SGRA MED DE, GZHAN LA ZHES BYED PA SBYAR BA LAS GZUGS ZHES SHES PA'O, ,RO ZHES SHES PA'O ZHES YUL 'BREL PA'I SGRA BYED PA'I PHYIR RO, ,DE'I TSE YANG BSTAN PAR BYA BZHIN PA'I SGRA LAS BYUNG BAR 'GYUR RO, ,DE'I PHYIR RNAM PAR GCOD PA'I DON CAN THA SNYAD DU BYA BA MA YIN PA'O ZHE NA, SMRAS PA, DON 'DZIN PA'I DUS NA NI, MTSUNGS PAR STON PA'I SGRA BYA @045B BA MA YIN NA, DE'I TSE DE THA SNYAD DU BYA BA MA YIN PA NYID CES PAS DE'I YANG NGES PAR BSTAN PAR BYA BA MA YIN PA NYID LA YANG 'KHRUL PA MED DO ZHES PA 'DI NYID LEN TO, ,THA SNYAD KYI DUS NA YANG SHES PA'I RANG GI NGO BO THA SNYAD DU BYA BAR MI NUS PA'I PHYIR, RE ZHIG YUL DE YANG RANG GI NGO BOR THA SNYAD DU BYA BAR MIN NUS NA CI ZHIG LAS YANG DES GZHAN THA SNYAD DU STON, THA SNYAD DU BYA BA LAS SGRA LAS BYUNG BA NYID DU THAL BAR 'GYUR BA YANG MA YIN GYI, 'O NA CI ZHE NA, BRJOD PAR BYA BA NYID DU'O ZHES PAS 'DI NI MA BRTAGS PA BRJOD PA'O, ,'KHRUL PA'I YUL NYID LA YANG MA YIN TE, SRID PA YOD PA ZHES RJES SU 'JUG GO, ,YID NI 'KHRUL PA'I YUL NYID KYI PHYIR ZHES PA LA SOGS PA STE, 'KHRUL PA NI DE LTAR YOD PA MA YIN PA STE, ,'DIS JI LTAR NYE BAR DMIGS PA DE LTAR DE YOD PA MA YIN PA NYID DE, JI LTAR SMIG RGYU LA SOGS PA'I YUL LTA BU'O, ,DE YANG SHES PA GANG LA RANG GI NGO BOS SNANG BA DE LA LTOS NAS 'KHRUL PAR 'GYUR BA MA YIN PA KHO NA STE, GANG DU SHES PA LA DE LTA BU MA YIN PA'I NGO BO SO SOR SNANG BA DE KHO NA'I NGOR DE 'KHRUL PA NYID DO, ,YID KYI RNAM PAR SHES PA 'KHRUL PA LA YANG DE DE LTA BUR SO SO SO SOR SNANG STE, DE LTAR NI CHU LA SOGS PA'I RANG BZHIN MA YIN PA 'BYUNG BA 'DUS PA LA YANG CHU LA SOGS PA'I NGO BOR LHAG PAR ZHEN PA'I YID KYI 'KHRUL PA SKYE'O, ,DE 'I PHYIR DES BRTAGS PA NYID LAS DE KHO NA'I YUL DE YIN GYI DBANG PO'I SHES PA'I NI MA YIN NO, ,DE'I PHYIR DE RNAM PAR GCAD PA'I DON DU 'KHRUL PA MED PA SMOS PAR BYA BA MA YIN NO, ,'O NA DE MED NA, DBANG PO NYE BAR BCOM PA LAS SKYES PA'I GANG 'KHRUL PA'I YUL CAN ZLA BA GNYIS LA SOGS PA'I SHES PA DE YANG MNGON SUM NYIS SU 'GYUR BA MA YIN NAM, ,DE'I PHYIR DE BSAL BA'I CHED DU DE GDON MI ZA BAR BYA'O ZHE NA, DE YOD PA MA YIN TE, DON DANG PHRAD PA SMOS PA KHO NAS DE SPANGS PA'I PHYIR RO, ,GZHAN DU NA DBANG PO LAS SKYES PA ZHES PA 'DI LTAR BRJOD PAR BYA BAR 'GYUR GYI, DBANG PO DANG DON PHRAD PA LAS BYUNG BA ZHES BYA BA NI MA YIN TE, DE LA RNAM PAR GCAD PAR BYA BA MED PA'I PHYIR RO, ,'DI NI 'BRU MANG PO DBANG DU BYAS NAS BRJOD PA'O, ,GANG @046A *, ,GI TSE SHES PA DE KHO NA RANG NYID MA 'KHRUL PA ZHES DE'I SKYES BU LA PHA ROL PO RNAMS KYIS BRTEN PA DE'I TSE 'DI SKAD SMRA BAR BYA STE, 'KHRUL PA MED PA NYID LA 'KHRUL PA MED DO ZHES PAS, DBANG PO DANG DON PHRAD PA LAS SKYES PA'I SHES PA 'KHRUL PA MA YIN TE, YID KYI SHES PA KHO NA 'KHRUL PA CAN NYID KYI PHYIR RO, ,ZLA BA GNYIS LA SOGS PA'I SHES PA NI PHRAD PA LAS SKYES PA SMOS PA KHO NAS GSAL LO, ,SLOB DPON GYIS NI 'DIR DE'I SKYES BU'I PHYOGS LA SKYON GSUNGS PA MED DE, PHYOGS TZAM BSTAN PA KHO NAS SNGA MA'I RJES SU 'BRANGS NAS RTOGS PAR BYA'O ZHES BYAS NAS SO, , ZHEN PA NI ZHES PA LA SOGS PA KHYAD PAR MI SRID PAR GSUNGS SO, ,DE MA BRTAGS PAR ZHES PA NGES PA NI 'DI LTA BU'I NGO BO NI BA LANG KHO NA STE, RTA MA YIN NO ZHES PA YIN ZHING, DE YANG JI SRID DU BA LANG NYID LA SOGS PA'I SPYI LA RNAM PAR RTOG PAR MI BYED PA DANG, DES DE DANG LNGAN PAR SBYOR BAR MI BYED PA DE SRID DU NYE BAR SKYE BA MA YIN PA KHO NA'O, ,SNA LA SOGS PA'I SHES PA RNAMS SPYI LA SOGS PA SBYOR BA LA NUS PA YOD PA YANG MA YIN TE, RNAM PAR RTOG PA MED PA NYID KYI PHYIR, THA SNYAD LA MI MKHAS PA'I SNA LA SOGS PA'I RNAM PAR SHES PA BZHIN NO ZHES PAS KHYAD PAR MI SRID DO, ,RNAM PAR RTOGS PA MED PA NYID MA GRUB BO ZHE NA, MA YIN TE, DE MNGON SUM DU GRUB PA NYID KYI PHYIR RO, ,GZHAN YANG DON GZHAN LA RNAM PAR RTOG PA NA YANG MIG GIS GZUGS MTHONG LA, RNAM PAR RTOG PA GNYIS CIG CAR DU KHAS BLANG BAR BYA BA'AM YANG DAG PAR MYONG BAR BYA BA YANG MA YIN ZHES PAS CI'I PHYIR MA GRUB, CI STE ZHES PA LA SOGS PA STE, DON JI LTA BA MA YIN BA'I SHES PA NI LOG PA'I SHES PA'O, ,SOGS PA'I SGRAS THE TSOM GYI SHES PA GZUNG BAR BYA'O, ,DON JI LTA BA BZHIN MA YIN PA LA SOGS PA'I SHES PA DE BZLOG PA'I CHED DU ZHEN PA'I BDAG NYID CES BRJOD PAR BYA'O, ,'DI SKAD BSTAN TE, 'DIR ZHES PA'I SGRA NGES PA'I RNAM GRANGS MA YIN GYI, 'ON CI ZHE NA, YANG DAG PA'I DON 'DZIN PA'I RNAM GRANGS SO, ,ZHEN PA'I BDAG NYID CES PA NI YANG DAG PA'I DON 'DZIN PA'I RANG BZHIN ZHES PA'I DON TO, ,CI'I PHYIR KHYAD PAR MI RIGS SHE NA, GSUNGS PA, MI 'KHRUL PA'I @046B PHYIR YANG ZHES PA STE, YANG GI SGRA LAS DBANG PO'I BLO LA DON JI LTA BA NYID MA YIN PA MI SRID PA'I YANG PHYIR RO, ,CI'I PHYIR MI SRID CE NA, GSUNGS PA, THAMS CAD NI ZHES PA LA SOGS PA STE, TZAM GYI SGRA NI DON JI LTA BA BZHIN MA YIN PA 'DZIN PA BSAL BA'I DON TO, ,RANG GI DON SMOS PA TZAM GYIS MI SRID PAR STON TO, ,GANG BZLOG PA'I CHED DU 'DOD PA DON JI LTA BA MA YIN PA NYID DE NI DBANG PO'I SHES PA LA MI SRID PA KHO NA'O, ,GAL TE DBANG PO'I BLO ZHES SPYI'I SGRA YIN PA DE LTA NA YANG SKABS LAS DBANG PO DANG DON PHRAD PA LAS SKYES PA KHO NA LA 'JUG STE, MI 'KHRUL PA'I PHYIR ZHES PA 'DIS 'DI BSTAN TO, ,GAL TE YANG RMONGS PA SRID PAR SEMS NA, DE LTA NA YANG DE SNGAR KHO NAR BSAL ZIN TE, MA 'KHRUL BA ZHES PA'I KHYAD PAR 'DIS SO, ,DES NA ZHEN PA'I BDAG NYID KYI TSIG 'DIS CI ZHIG CES PA'O, ,YANG NA MI SRID PA'I PHYIR MI RIGS PA 'BA' ZHIG TU MA ZAD KYI, 'ON KYANG MI 'KHRUL PA'I PHYIR YANG NGO, ,MI 'KHRUL PA DE THAMS CAD NI ZHES PA LA SOGS PAS STON TO, ,'GA' ZHIG TU YANG GI SGRA MI 'DON TE, DE LA DON NI, DE LTA NA YANG KHYAD PAR CI LTAR MI RIGS SHE NA, GSUNGS PA, MA 'KHRUL PA'I PHYIR ZHES PA STE, DON JI LTA BA NYID KYI DBANG PO'I SHES PA LA 'KHRUL PA MED PA'I PHYIR RO ZHES PA'I DON TO, ,'KHRUL PA MED PA JI LTAR ZHE NA GSUNGS PA, THAMS CAD NI ZHES PA LA SOGS PA'O, ,'O NA ZHEN PA'I BDAG NYID CES PA 'DIR BDAG NYID KYI SGRA NI 'BRAS BU'I RNAM GRANGS MA YIN NAM, DE LAS KYANG JI SKAD BSHAD PA'I SKYON MED DO ZHEN GSUNGS PA, 'DIS NI ZHES PHA LA SOGS PA STE, SO SOR BRJOD DE SO SOR SPANGS GSUNGS PA, YOD NA NI MA YIN TE ZHES PA LA SOGS PA STE, DBANG ZHES TSIG RNAM PAR SBYAR RO, ,CI LTAR SO SOR BRJOD CE NA, GSUNGS PA, YOD NA NI MA YIN TE ZHES PA LA SOGS PA STE, DBANG PO'I BLO'I DE MA THAG PAR SPYI'I RNAM PAR DON DU BLO LA KUN NAS ZHEN TE, DE LTAR DE LA KUN NAS ZHEN PA MED PA'I MING DANG RIGS LA SOGS PA'I SBYOR BA MI SRID PA KHO NA'O, ,DE'I DE MA THAG TU 'DI CI ZHES MNGON PAR RTOGS PA'I RNAM PAR RTOG PA'O, ,DE LAS SNGAR NYAMS SU MYONG BA'I RJES SU 'BRANG BAS RJES SU DRAN PA'I RNAM PAR RTOG PA'O, ,DE'I DE MA @047A *, ,THAG PA'I NGES PAR RTOG PA'I RNAM PAR RTOG PA NGES PA'I BDAG NYID CAN DU 'GYUR RO, ,DE'I PHYIR ZHEN PA GANG GI 'BRAS BU YIN PA'I SHES PA DE GAL TE DBANG PO DANG DON PHRAD PA LAS BYUNG BAR 'DOD NA DE LTAR GYUR NA SNGAR NYAMS SU MYONG BA DRAN PA'I DE MA THAG TU NGES PA'I SHES PAR 'GYUR RO ZHES PAS RJES SU DRAN PA'I SHES PA DBANG PO DANG DON PHRAD PA LAS SKYES PAR 'GYUR RO, ,DNGOS SU SMOS PA NI RING PO'I DON JI LTA BA BZHIN MA YIN PA'I SHES PA'I 'BRAS BU CAN RNAM PAR GCAD PAR BYA BA NYID NA MNGON SUM MED PAR THAL BAR 'GYUR BA'I PHYIR RO, ,DES NA SPROS PA 'DIS, GANG GIS GANG LA 'KHRUL PA DANG SRID PA MED PA DE DE'I KHYAD PAR MA YIN TE, DPER NA BA LA'A KA'I DKAR PO NYID DANG NAG PO NYID BZHIN, THA SNYAD DU BYA BA MA YIN PA NYID LA SOGS PA YANG DBANG PO'I SHES PA LA JI LTAR RIGS PAR 'KHRUL PA DANG SRID PA MED DO ZHES KHYAB PAR BYED PA MED PAR STON TO, ,YANG 'KHRUL PA ZHES BYA BA 'DI CI YIN ZHE NA, GAL TE DE LAS GZHAN PA LA YOD PA STE, DE LTAR GYUR NA SNGON PO NYID DU BUNG BA'I KHYAD PAR DU 'GYUR RO, ,THA SNYAD DU BYA BA MA YIN PA NYID KYANG SHES PA'I GDUNG BA DANG SDUG BSNGAL SOGS PA LA YANG YOD PA'I PHYIR RO, ,CI STE DE LA MED PA YIN NA, DE LTA NA YANG BRTZAL MA THAG TU BYUNG BA NYID KYIS MI RTAG PA NYID BSGRUB PAR BYA BA NA, BSGRUB BYAS 'KHRUL PAR MI 'GYUR TE, ,GANG PHYIR GANG LAS BSGRUB PAR BYA BAS 'KHRUL PAR 'GYUR LA, BRTZAL MA THAG TU BYUNG BA LA DE MED PA MA YIN NO, ,BRTZAL MA THAG TU BYUNG BA KHO NA NI MI RTAG PA 'GA' ZHIG LA MED DO ZHES PAS DE KHO NA LA 'KHRUL PAR 'GYUR RO ZHE NA, 'DI SKYON MA YIN TE, 'KHRUL PA'I SGRA'I DON NI RNAM PA GCIG MA YIN PAS SO, ,KHA CIG YUL LA 'KHRUL PA ZHES PA RNAM PA GZHAN DU YOD PA'O, ,KHA CIG TU GZHAN LA YOD PA GTAN TSIGS 'KHRUL PA ZHES PA'O, ,KHA CIG TU DE LA MED PA KHYAD PAR 'KHRUL PA ZHES PA LA SOGS PA'O, ,'DIR NI DE LA MED PAR MNGON PAR 'DOD DO, ,CI STE YANG ZHES PA LA SOGS PA LA, 'DIS NI 'DI SKAD STON TE, MI 'DOD PA BZLOG PA'I CHED DU THA SNYAD DU BYA BA MA YIN PA LA SOGS PA SMOS PA MA YIN GYI, 'ON KYANG TSAD MA LA SOGS PA RNAMS KYI @047B *, ,RANG BZHIN YONGS SU SHES PA LAS, NGES PAR LEGS PAR 'THOB STE, DE'I PHYIR DE'I RANG BZHIN BSTAN PA'I CHED DU'O, ,DE'I PHYIR GRUB PA SGRUB PA'O ZHE NA, DE NI MA YIN TE ZHES PA LA SOGS PAS 'DI GSUNGS TE, MNGON SUM GYI MTSAN NYID BRJOD PAR 'DOD PA LA SHES PA'I RANG BZHIN BSTAN PA SKABS CI YOD CES PA'O, ,DE LA 'DIR 'GYUR MOD MNGON SUM GYI MTSAN NYID DE KHO NA DE'I RANG BZHIN RAB TU BSTAN PA MED PAR SMRA BAR NUS PA MA YIN NO ZHE NA GSUNGS PA, 'DI'I YANG ZHES PA LA SOGS PA STE MTSAN NYID CES BYA BA NI GANG DON GZHAN LAS LDOG PA'I NGO BOS MTSAN PAR BYA BA RTOGS PAR BYED PA MA YIN LA, MTSON PAR BYA BA DE YANG DBANG PO DANG DON PHRAD PA LAS BYUNG BA ZHES PA 'DI KHO NAS GRUB BO ZHES PAS RANG BZHIN BRJOD PA DON MED DO, ,'DIS NI GTAN TSIG GSAL BAR BYAS SO, ,CI STE DGOS PA YANG BSTAN PAR BYAS NA DE LTAR 'GYUR NA, HA CANG THAL LO ZHES STON PA GSUNGS PA, SHES PA'I RANG BZHIN BSTAN PAR BYA BA NYID NA YANG ZHES PA LA SOGS PA STE, 'DIS NI DPE'O, ,GANG MNGON SUM GYI MTSAN NYID LA NYE BAR MKHO BA MED PA DE DE'I SKABS SU BSTAN PAR BYA BA MA YIN TE, YON TAN NYID LA SOGS PA BZHIN, THA SNYAD DU BYA BA MA YIN PA NYID LA SOGS PA YANG MNGON SUM GYI MTSAN NYID KYI NGOR NYE BAR MKHO BA MED DO, ,KHYAB PAR BYED PA MED PA'O, ,GANG ZHIG THA SNYAD DU BYA BA MA YIN PA LA SOGS PA NI DBANG PO DANG DON PHRAD PA LAS SKYES PA'I MNGON SUM GYI KHYAD PAR MA YIN PA KHO NA STE, 'O NA CE ZHE NA, 'DI NI MNGON SUM GNYIS KHO NA PHAN TSUN 'DRES PA'I NGO BO MDO GCIG GIS MTSON PA'O, ,THA SNYAD DU BYA BA MA YIN PA 'KHRUL PA MED PA ZHEN PA'I BDAG NYID CES PA MDO'I PHYOGS GCIG PO 'DIS YID KYIS MTSON PA'O, ,DBANG PO DANG DON PHRAD PA LAS BYUNG BA ZHES PA 'DIS NI DBANG PO DANG DON PHRAD PA LAS SKYES PA'O, ,DE'I PHYIR YANG, DBANG DON LAS BYUNG BLO LA NI, ,MED DO ZHES PA LA SOGS PA GANG BRJOD PA DE NI MDO'I DON YONGS SU MA SHES PA'I RNAM PAR SPYOD PA'O, ,DE NYID KYI PHYIR, BDE SOGS GZHAL BYA MIN PA'AM, ,ZHES PA DE YANG SKYON MA YIN LA, GANG DE MA THAG PAR BRJOD PA'I GTAN TSIGS NI MA GRUB PA'O ZHES @048A *, ,SEMS PA DES NI YID DBANG PO NYID DU BRJOD PAR BYA STE, MNGON SUM GYI THA SNYAD DU BYA BA RAB TU GRUB PA'I DON DU'O, ,GZHAN YANG THA SNYAD DU YANG ZHES PA MA YIN PA 'KHRUL PA MED PA ZHEN PA'I BDAG NYID CES PA 'DI TZAM MTSAN NYID DU 'GYUR MOD, 'DI KHO NAS SNGA MA YANG MNGON SUM NYID DU GRUB PA'I PHYIR, MTSAN NYID SNGA MA DON MED PA NYID DU THAL BAR 'GYUR RO, ,THAMS CAD DU YANG ZHES PA LA SOGS PAR MTSAN NYID MA KHYAB PA NYID DU GSUNGS TE, GANG GI PHYIR MIG DANG RNA BA'I RNAM PAR SHES PA DAG KYANG MNGON SUM NYID DU 'DOD DE, DE DAG LA YANG PHRAD PA LA BYUNG BA MI SRID DO, ,DE MI SRID PAR STON PA GSUNGS PA, BAR DANG BCAS PA 'DZIN PA DANG, ,ZHES PA LA SOGS PA STE, BAR DANG BCAS PA 'DZIN PA NI RNAM PAR CHOD PA 'DZIN PA ZHES PA'O, ,LHAG PAR 'DZIN PA NI DBANG PO DANG BRAL BAR 'DZIN PA'O, ,DER MI 'GYUR RO, ,CI'I PHYIR ZHE NA, GSUNGS PA, MA YIN ZHES PA LA SOGS PA STE, 'DIS GANG DBANG PO DANG BAR MED PA DE DBANG PO LAS BAR DANG BCAS PA ZHES GZUNG BAR BYA BA MIN ZHING, LHAG PA'O ZHES KYANG MA YIN TE, DRI LA SOGS PA BZHIN, GZUGS DANG SGRA DAG KYANG DE LTA BU'O ZHES 'GAL BAS KHYAB PA'I THAL BAR 'GYUR BA GSUNGS SO, ,DE RNAM PA DE LTAR 'DZIN PA YANG YOD DO, ,DE LTAR NI DBANG PO'I TSAD LAS LHAG PA'I RANG BZHIN RNAMS DANG RNAM PAR CHOD PA ZHES PA'I RI LA SOGS PA RNAMS DANG SGRA RNAMS GZUNG BAR BYA'O ZHES PA 'DI NI RAB TU GRAGS PA'O, ,'THOB PA 'DZIN PAR GYUR NA NI CHA JI SNYED KYIS 'THOB PA DE SNYED KHO NA 'DZIN PAR 'GYUR ZHING RNAM PAR MA CHAD PA ZHES PAR YANG 'DZIN PAR 'GYUR RO, ,GZUGS SMOS PA NI 'DIR MIG GI YUL NYE BAR MTSON PA'I DON TO, ,GANG GANG LAS BAR DANG BCAS PAR GZUNG BYA STE, DE DANG LHAN CIG BAR MED PA NYID MA YIN TE, DPER NA TSU ROL DANG PHA ROL BZHIN, GZUGS DANG SGRA DAG KYANG RANG 'DZIN PAR BYED PA'I DBANG PO LAS BAR DANG BCAS PA'O ZHES GZUNG BAR BYA BA'O, ,DE BZHIN DU GANG GANG LAS LHAG PAR GZUNG BAR BYA BA DE DE DANG LHAN CIG BDAG NYID THAMS CAD KYIS BAR MED PA NYID MA YIN TE, DPER NA NYUNGS KAR BZHIN, GZUGS DANG SGRA DAG @048B KYANG RANG GI DBANG PO LAS LHAG PAR GZUNG BAR BYA BA DAG GO ZHES PA THAL BA DANG BZLOG PAS KHYAB PAR BYED PA DANG 'GAL BA GNYIS PO 'DI'O ZHES PA'I SGRA NYE BAR BLANG BA NI MA GRUB PA NYID YONGS SU SPANG BA'I CHED DU'O, ,'O NA DBANG PO NI DBANG PO LAS 'DAS PA MA YIN NAM, DE CI LTAR DE LA LTOS PAS CUNG ZAD BAR DANG BCAS PA ZHES PA'AM LTAG PA'O ZHES PAR GZUNG BAR BYA BA YIN, GZUGS LA SOGS PA RNAMS LA TSAD YOD PA YANG MA YIN TE, YON TAN RNAMS LA YON TAN MED PA NYID KYI PHYIR RO, ,DES NA CI'I PHYIR DE RNAMS LHAG PA 'DZIN, PHA ROL POS DRI LA SOGS PA RNAMS DANG LHAN CIG DBANG PO BAR MED PA NYID DU 'DOD PA YANG MA YIN TE, DE RNAMS DANG DE LDAN PA MED PA'I PHYIR RO, ,DES NA DBANG PO DANG BAR MED PA DRI LA SOGS PA LA MA YIN PAS ZHES PA LA SOGS PA 'DI CI LTAR BRJOD CE NA, RDZAS GANG LA DRI LA SOGS PA RNAMS 'DUS PA'I RDZAS DE 'DIR DBANG PO DANG BAR MED PAR SHES PAR BYAS LA, DE DANG LHAN CIG DBANG PO SBYOR BA'I PHYIR DE'I SGO NAS DRI LA SOGS PA RNAMS KYANG BAR MED PA NYID YOD DE, SBYAR BA LA 'DU BA'I MTSAN NYID DO ZHES PA SKYON MED DO, ,GANG 'O NA DBANG PO NI DBANG PO NI DBANG PO LAS 'DAS PA MA YIN NAM ZHES PA LA SOGS PA BRJOD PA DE LA GAL TE, DBANG PO LA LTOS NAS GZUGS DANG SGRA DAG DE LTAR 'DZIN PA MA YIN NA DE'I TSE CI LA LTOS PAS BRJOD PAR BYA, GAL TE RTEN LA LTOS PAS SO ZHE NA, 'O NA DE LTA NA GAL TE GZUGS DANG SGRA DAG RTEN LAS RNAM PAR BCAD PA DAG GO ROL DU 'JUG PA MA YIN PA'I CHU LA SOGS PA LAS DE LTA KHO NAR GZUNG BAR BYA BA YIN NA, DE LAS PHYIR ROL MA YIN PAR 'JUG PA'I DBANG PO LAS KYANG DE DAG KHO NAR GZUNG BAR BYA STE, GANG GANG LAS RNAM PAR CHOS PA'O ZHES PA DANG LHAG PA'O ZHES PAR YANG GZUNG PAR BYA BA DE, DE LAS PHYIR ROL MA YIN PAR 'JUG PA'I DNGOS PO LAS KYANG DE LTA KHO NAR GZUNG BAR BYA STE, DPER NA BUM PA LAS RNAM PAR CHOD PA ZHES PA DANG LHAG PA ZHES PAR YANG GZUNG BAR BYA BA'I RI PO NI BUM PA LAS PHYIR ROL DU 'JUG PA MA YIN PA'I CHU LA SOGS PA LAS DE LTA KHO NAR GZUNG BYA YIN PA BZHIN, RTZOD PA'I GZHIR GYUR PA'I GZUGS DANG SGRA DAG KYANG DBANG PO'I RTEN LAS RNAM PAR @049A *, ,CHOD PA DAG GO ZHES PA DANG LHAG PA DAG GO ZHES PAR YANG GZUNG BAR BYA BA'O, ,RANG BZHIN NO, ,GANG YANG GZUGS LA SOGS PA RNAMS LA ZHES GANG SMRAS PA DE LA, GAL TE GZUGS LA SOGS PA RNAMS LA TSAD MED NA DE'I TSE CI LTAR GZUGS CHUNG DU'O GZUGS CHEN PO'O ZHES GZUNG BAR BYA, GAL TE NYE BAR BTAGS PA LA STE, DE 'GYUR MOD KYI GZUGS LA SOGS PA RNAMS GANG DU 'PHROD PA 'DUS PA'I RDZAS DE CHUNG DU'AM CHEN PO STE, DE'I SGO NAS GZUGS LA SOGS PA LA LHAG PA NYID LA SOGS PA NYE BAR BTAGS PA'O ZHE NA, JI LTA BA DE LTAR 'GYUR MOD, BTAGS PA DES KYANG DRI LA SOGS PA BZHIN DU GZUGS LA SOGS PA YANG LHAG PA'O ZHES 'DZIN PA MI THOB BO ZHES PA 'DI TZAM BRJOD PAR BYA'O, ,GZHAN YANG SHES PA MCHUNGS PA YONGS SU GCAD PAR BYA BA NYID KYI PHYIR, NYE BAR BTAGS PA KHO NA MI RIGS TE, RDZAS LA GANG 'DRA BA'I RDZAS CHUNG NGU'AM CHEN PO ZHES PA'I SHES PA DE GZUGS LA SOGS PA RNAMS LA GZUGS CHUNG NGU'AM CHEN PO ZHES KHYAD PAR MED LA, DNGOS DANG BTAGS PA DAG SHES PA MTSUNGS PAS YONGS SU GCAD PAR BYA BA'ANG MA YIN TE, GANG 'DRA BA'I SHES PAS BA LANG DNGOS YONGS SU GCOD PA DE 'DRA BA KHO NAS NYE BAR BTAGS PA KHUR BU BA MA YIN PAS SO, ,GAL TE YANG RTEN GYI SGO NAS YON TAN RNAMS DANG YON TAN DANG LDAN PA RNAMS RTOGS PAR BYA BA YIN NA, SGRA THAMS CAD CHEN PO'O ZHES PA KHO NAR RTOGS BYAR 'GYUR TE, DE'I RTEN NAM MKHA' TSAD CHEN PO NYID KYI PHYIR RO, ,DE LAS KYANG GLANG PO CHE DANG SBRANG BU LA SOGS PA'I SGRA RNAMS TSAD THA DAD PAR RTOGS PAR MI 'GYUR RO, ,DE'I PHYIR DE RNAMS KYANG YON TAN DANG LDAN PAR KHAS BLANG BAR BYA LA, YANG NA RDZAS KYANG MA YIN NO, ,PHYI ROL DU 'JUG PA NYID KYI PHYIR ZHES PA LA SOGS PAS GTAN TSIGS DAG MA GRUB PAR SMRAS SO, ,DE LTAR NI RTEN LAS PHYI ROL DU 'JUG PA MA YIN PA NYID LA BRTEN NAS, BAR DANG BCAS PA DANG LHAG PA 'DZIN PA'I GTAN TSIGS DAG MNGON PAR BRJOD NA, PHYI ROL DU 'JUG PA NYID LA NI DE 'THAD PA MA YIN TE, GANG GI PHYIR DBANG PO NI PHYI ROL DU SON NAS, RNAM PAR RGYU PA'I YUL DANG LDAN ZHING, DE RTEN @049B LAS LHAG PAR SNANG STE, MAR ME'I SNANG BA BZHIN NO, ,DE'I PHYIR DE'I YUL BAR DANG BCAS PA DANG, LTAG PAR 'DZIN PA 'THAD KYI, RTEN LAS TE, DBANG PO LAS MA YIN NO ZHES PA BSAM PA'O, ,'DIR BRTZAD PAR BYA STE, MIG NI 'OD DANG LDAN PA NYID KYI PHYIR 'OD ZER RNAMS BYUNG NAS DON GSAL BAR BYED CES KHAS BLANGS PA'I PHYIR PHYI ROL DU 'JUG PA NYID DOGS PAR RIGS NA, RNA BA NI NYAN BYED KYI BU GAR YONGS SU BCAD PA'I NAM MKHA'I PHYOGS KYI KHYAD PAR YIN TE, DE NI PHA ROL POS PHYIR ROL DU 'JUG PA NYID DU 'DOD PA MA YIN NO, ,DES NI CI LTAR DE DE LTAR DOGS ZHES PA'O, ,'DI LTAR SEMS TE NAM MKHA' PHYOGS DANG LDAN PA NYID DU BTAGS SHING, DON DAM PAR NI DE CHA SHAS MED PA KHO NA STE, JI SKAD BSHAD PA'I TSUL GYIS BTAGS PA'I PHYOGS LA GANG PHYI ROL DU 'JUG PA MA YIN PA DE NYID LA SKYON BRJOD PA LA, MA RTOGS PAS DON DAM PA'I PHYOGS LA BRTEN PA'I PHYI ROL DU 'JUG PA NYID DU RES 'GA' PHA ROL POS RTOGS PAR BYED DO ZHES PA DE'I PHYIR DOGS PAR RIGS SO, ,DE LA GSO BA LA SOGS PA LA RAB TU SBYOR BA'I PHYIR ZHES PA 'THAD PA'O, ,'O NA RKANG PA BSKU BA LA SOGS PAS RTEN LAS GZHAN DU YANG MIG LA SOGS PA BYA BA MA YIN NAM, DE'I PHYIR GANG LA GSO BA'I SBYOR BA CAN DE LA DBANG PO'O ZHES PA 'DI MTHA' GCIG TU NGES PA MA YIN NO ZHE NA, DE YOD PA MA YIN TE, DER YANG MA MA GSO BA'I SGO NAS GZHON NU'I BZHIN DU MIG LA SOGS PA'I RTEN LA GNAS PA KHO NA'I RTZA 'PHOGS GSO BA RAB TU SBYOR BA'I PHYIR TE, RNAM PA GZHAN DU NA DE LA NYE BA MA YIN SHING DE DAG 'BREL PA NYAMS SU MA MYONG BA NI CI LTAR GSO BAR BYA, CI STE GSO BA'I DUS SU RKANG PA LA SOGS PA NYE BAR GYUR PA'O ZHE NA, DE LTAR GYUR NA RKANG PA LA SOGS PAS GZUGS 'DZIN PAR THAL LO, ,DE'I PHYIR RANG GI RTEN LA GNAS PA KHO NA JI SKAD BSHAD PA'I RNAM PAS GSO BAR BYA'O ZHES KHAS BLANG BAR BYA'O, ,DE 'DI SKAD BSHAD PAR 'GYUR TE, DBANG PO GANG ZHIG RANG GI RTEN LA GSO BAR BYA BA DE DE KHO NA LA 'JUG TE, SNA LA SOGS PA BZHIN, MIG DANG RNA BA DAG KYANG RANG GI RTEN LA GSO BAR BYA BA DAG GO ZHES PA RANG BZHIN NO, ,DE'I PHYIR DBANG PO KHO NA LAS ZHES PA STE, TSIG PHRAD @050A *, ,NI RIM PA THA DAD PA STE, RNAM PAR CHOD PA KHO NA LA ZHES PA 'DI LTAR BLTA BAR BYA'O, ,CI'I PHYIR ZHE NA, GANG GI PHYIR RTEN LAS KYANG RNAM PAR BCAD PA'I DON ZHES 'DZIN TE, DBANG PO 'BA' ZHIG LAS NI MA YIN NO, ,GANG PHYIR RTEN GYI SGO KHO NAS NI DBANG PO LAS DON BAR DANG BCAS PA 'DZIN PAR RTOGS TE, SNGAR JI SKAD BSHAD PA BZHIN NO, ,SKYON GZHAN BRJOD PAR BZHED PAS PHYIR ROL DU 'PHO BA KHAS BLANGS NAS GSUNGS PA, YID DU CHUG NA YANG ZHES PA LA SOGS PA'O, ,GZHAN DU NA ZHES PA LA SOGS PAS PHYI ROL DU 'PHOS PA'I YUL LA DMIGS PA'I NUS PA MED PA LA GTAN TSIGS GSUNGS TE, DBANG PO GANG GI RTEN BKAB PA NA YUL 'DZIN PA MED PA DE PHYI ROL DU 'PHOS PAS NI GEGS MED PAR YUL 'DZIN PA'I NUS PA MED DE, PAGS PA LA SOGS PA'I DBANG PO BZHIN, MIG DANG RNA PA DAG KYANG RANG GI RTEN BKAB PA NA YUL 'DZIN PA MED DO, ,'BRAS BU MI DMIGS PA'O, ,'O NA MIG GI NUS MTHU'I MTSAN NYID 'JUG PA NI RTEN BKAB PA NA 'JIG PA 'AM, RTEN BKAB PA'I DUS NA DE KHO NA LA MYUR DU RAB TU 'JUG PA MA YIN NAM, DE'I PHYIR SKYON 'DI MED DE, RTEN MA BKAB PA KHO NA NI DE'I YUL 'DZIN PA'I NUS PA YIN GYI RNAM PA GZHAN DU MA YIN NO ZHES PA'O, ,RNA BA'I DBANG PO'I NGOR RE ZHIG 'DI YANG DAG PAR 'JOG PA MA YIN TE, DE RTEN BKAB PA NA YANG PHYIR ROL DU 'JUG PA NYID KYI PHYIR DANG, RTAG PA NYID KYI PHYIR YANG NGO, ,MIG GI NGOR GAL TE 'DI LAN YIN ZHES SO SOR RE BAR 'GYUR NA DE YANG DOR CIG ,GANG GI PHYIR, MIG GI BDAG NYID DU GYUR PA'I 'OD KYI CHA SHAS CAN NI 'PHOS NAS, BDAG NYID THAMS CAD KYIS YUL DANG YANG DAG PAR LDAN PA NYID KYI PHYIR, DE KHO NA LA NYE BA YIN GYI, RTEN LA MA YIN LA, DE DANG LOG PA MA PA MA YIN PA NYID KYI PHYIR, MIG KYANG NGO ZHE NA, GANG LAS RNAM PAR DBYE BAS RTEN LA YANG 'JUG PAR 'GYUR BA, DE'I CHA SHAS RNAMS YOD PA MA YIN PAS TE, DE LAS KYANG DE'I TSE DE'I RTEN DU MNGON PAR 'DOD PA'I LUS KYI CHA SHAS NI DE'I RTEN DU 'GYUR BA MA YIN PA KHO NA STE, 'BREL PA MED PA'I PHYIR, DBANG PO GZHAN BZHIN NAM HA CANG THAL BA YANG NA'O, ,RTEN MA YIN NA YANG BKAB PA NA DE'I 'JIG PA DANG 'JUG PA DAG @050B CIS 'GYUR ZHES PA'AM HA CANG THAL BA'O, ,CI STE CHA DANG BCAS PAR 'OD KYI CHA SHAS CAN RTOG NA, DE LTA NA YANG DE'I PHYOGS YUL DANG YANG DAG PAR LDAN PA SHES PA NYE BAR SKYE BA'I RGYU YIN PA DE LA SKYON DE KHO NA'O, ,'ON TE DE MIG GI DBANG PO LA DON THAN NYID DU 'DOD NA DE'I TSE DE KHO NA MIG GI NGO BO BSTAN PA'I SHUGS LAS DANG, DE'I MTSAN NYID LAS MIG GI YIN ZHING, DE LA YANG CHA SHAS DANG BCAS PA DANG, CHA SHAS MED PA NYID KYI PHYOGS DAG LA SKYON DANG BCAS PA DE'I GNAS SKABS KHO NA'O ZHES PAS 'DI NI GYI NA YIN NO, ,LNGA PO RNAMS DBANG PO NYID NA ZHE PA, SNA DANG LCE DANG MIG DANG PAGS PA DANG RNA BA RNAMS DBANG PO RNAMS SO ZHES PA'I MDO LAS SO, ,BDE SOGS GZHAL BYA MIN PA'AM, ,ZHES PAS MTSAN NYID MTSANG PA NYID GSUNGS SO, ,BDE BA LA SOGS PA SHES PA MNGON SUM GYI MTSAN NYID KYIS MA BSDUS PA'I PHYIR RO, ,DE LAS KYANG BDE BA LA SOGS PA RNAMS GZHAL BYA NYID DU KHAS LEN PA 'GAL BA'O, ,DE LA 'DIR 'GYUR MOD, GAL TE YANG BDE BA LA SOGS PA MNGON SUM GYI YUL DU MI 'GYUR MOD, DE LTA NA YANG RJES SU DPAG PA LA SOGS PA'I YUL NYID KYI PHYIR GZHAL BYAR 'GYUR RO ZHE NA, DE'I PHYIR GSUNGS PA, GANG ZHES PA LA SOGS PA STE, RANG SMOS PA NI PHA ROL GYI RNAMS LA BDE BA DANG RAB TU DANG BA LA SOGS PA'I RTAGS RAB TU RNYED PAR SLA BA NYID KYI PHYIR RO, ,RANG GI RNAMS NI GANG GI TSE RTAGS MED PA'I PHYIR RJES SU DPAG PA MED LA, 'DRA BA MED PA'I PHYIR NYE BAR 'JAL BA MED CING, NYE BAR BSTAN PA MED PA'I PHYIR LUNG MED LA, DBANG PO DANG DON PHRAD PA MED PA'I PHYIR MNGON SUM MA YIN TE, DE LTA NA CI LTAR DE RNAMS GZHAL BYA NYID YIN, CI STE SKYEN 'DI MI 'DOD NA, DE LTA NA DE'I TSE BDE BA LA SOGS PA'I SHES PA TSAD MA LNGA PAR NYE BAR BGRANG BAR BYA'O ZHES STON PA ,GSUNGS PA, DE'I YANG ZHES PA STE, DE LTA NA YANG TSAD MA BZHI NYID DU KHAS BLANGS PA LA GNOD PA'O, ,YANG NA DBANG PO GZHAN YID YID, ,CES PA, GAL TE SKYON 'DI 'DOD PA MA YIN NO ZHES PA DGONGS PA'O, ,DE LTAR NA YANG DBANG PO LNGAR KHAS BLANGS PA LA GNOD DO, ,BKAG PA MED PHYIR CES PA 'DIS BSTAN BCOS SU YID DBANG PO NYI @051A *, ,DU 'DOD PA KHO NA'O ZHES STON TO, ,KHA CIG RNAMS LA NI YOD CES PA GRANGS CAN LA SOGS PA RNAMS LA'O, ,DBANG PO GZHAN SGRA DON MED PA'O ZHES PA SNA LA SOGS PA RNAMS KYI YANG DBANG PO NYID DU DE KHO NA LAS GRUB PA NYID KYI PHYIR, DE'I TSIG DON MED PA NYID DU 'GYUR RO, ,DE'I PHYIR SNGAR YANG BRJOD PA LAS NI GZHAN RNAMS DBANG PO NYID DU RTOGS PAR BYA STE, MNGON PAR 'DOD PA MA YIN NO ZHES PA'O, ,KHA CIG SNA DANG LCE DANG MIG DANG PAGS PA DANG RNA BA'I DBANG PO RNAMS 'BYUNG BA RNAMS LAS SO ZHES PA 'DIR SNA LA SOGS PA RNAMS DBANG PO NYID DU BSGRUB PA MA YIN GYI, 'O NA CI ZHE NA, DBANG PO NYID DU RAB TU GRAGS PA RNAMS KHO NA'I 'BYUNG BA LAS GYUR PA NYID DANG 'BYUNG BA LAS MA GYUR PA'I YID DE, DE RJES SU BSTAN PA'O ZHES SMRA'O, ,'DI YANG MA YIN TE, DBANG PO'I GRANGS KYI RANG BZHIN GZHAN BSAL BA'I PHYIR NA SNA LA SOGS PA RNAMS 'BYUNG BA RNAMS LAS SO ZHES PAS KYANG 'BYUNG BA LAS GYUR PA NYID DU GRUB PA'I PHYIR DBANG PO SMOS PA DON MED PA NYID DU 'GYUR RO, ,SHES PA'I YANG SHES PA LA SOGS PA STE, DBANG PO DANG PHRAD PA DAG TSAD MA NYID NA, 'BRAS BU MED PAR MI 'GYUR TE, SHES PA 'BRAS BU NYID KYI PHYIR RO, ,SHES PA LAS DON GZHAN MA YIN PA'I 'BRAS BU SMRA BA'I YANG JI LTAR RANG GI 'DOD PAR BSTAN PA BZHIN NO ZHES SEMS PA'O, ,NGES PA'I BDAG NYID CAN NI ZHES PA LA SOGS PA LA, GANG MA NGES PA'I BDAG NYID TSAD MAR 'DOD PA DE'I NGES PA 'BRAS BU DON GZHAN DU 'GYUR GYI, ZHEN PA'I BDAG NYI TSAD MAR 'DOD PA'I GZHAN 'BRAS BUR GYUR PA NI MA YIN NO, ,'O NA NGES PA'I SHES PA NI SHES PA DU MAS BAR CHAD PA CAN RJES SU DRAN PA'I RNAM PAR RTOG PA LAS DE MA THAG PAR 'GYUR TE, SNGAR JI SKAD BSHAD PA BZHIN NO, ,PAR CHOD PA NI 'BRAS BU NYID DU RIGS PA YANG MA YIN TE, GZHAN DU NA HA CANG THAL BAR 'GYUR RO, , DE DES NA 'BRAS BU NYID GA LAS SHE NA, BDEN TE, DE LTA NA YANG GANG GI TSAD MA MA NGES PA'I BDAG NYID DU 'DOD PA DE'I RIGS PA BSTAN PA NYID KYI NGES PA DON GZHAN 'BRAS BUR 'GYUR RO ZHES PAS, RTOG PA YANG RE ZHIG SRID PAR 'GYUR RO, ,GANG GI ZHEN PA'I BDAG NYID KHO NAR MNGON SUM @051B 'DOD PA DE'I NI RTOG PA 'DI YANG SRID PA MA YIN NO ZHES BSTAN PA'I DON DU 'DI SKAD BSHAD PA'O, ,DE LTAR 'BRAS BU DON GZHAN DU KHAS BLANGS PA 'GAL LO, ,KHYAD PAR GYI SHES PA ZHES PA LA SOGS PAS, GAL TE YANG NGES PA'I BDAG NYID DU THA DAD PA MED PA DE LTA NA YANG YUL THA DAD PAS SHES PA THA DAD PA'I PHYIR TSAD MA LAS 'BRAS BU THA DAD DU STON TO, ,KHYAD PAR LA MIN THA DAD PHYIR, ,ZHES PA LA SOGS PA'I DON 'DI YIN TE, GANG ZHIG GANG LAS GZHAN YUL CAN GYI BYED PA DE NI DE LA 'BRAS BUR 'GYUR BA MA YIN TE, DPER NA PA L'A SHA LAS GZHAN PA'I YUL CAN GYI GCOD BYED NI PA L'A SHA LAS GZHAN, KHYAD PAR GYI SHES PA YANG KHYAD PAR CAN LAS GZHAN PA'I YUL CAN GYI BYED PA'O ZHES PA KHYAB PAR BYED PA DANG 'GAL BA'O, ,GZHAN GYI YUL CAN GYI TSAD MA'I ZHES PA GTAN TSIGS SO, ,TSAD MA NI ZHES PA 'DI YANG BYED PA NYID NYE BAR MTSON PA'O, ,GZHAN LA 'BRAS BU RIGS PA YANG MA YIN NO, ,ZHES PA TSAD MA'I 'BRAS BU'O, ,YUL GZHAN LA ZHES PA LA SOGS PA DPE'O, ,KHYAD PAR DU BYA BA'I SHES PA'I RGYU NYID KYI PHYIR ZHES PA MA GRUB PA NYID DU SMRAS SO, ,'DI LTAR SEMS PA STE, JI LTAR GCOD BYED NI SENG LDENG LA SOGS PA TSAD MA'I RGYU MTSAN NYID KYI PHYIR GENG LDENG LA SOGS PA'I YUL CAN YIN PA DE BZHIN DU KHYAD PAR GYI SHES PA NI KHYAD PAR DU BYA BA'I SHES PA'I RGYU MTSAN NYID KYI PHYIR KHYAD PAR DU BYA BA'I YUL CAN NO ZHES PA'O, ,KHYAD PAR DU BYA BA'I SHES PA'I RGYU MTSAN NYID NI DE'I DE MED NA, DE YOD PA MA YIN PA'I PHYIR RO, ,MA YIN TE HA CANG THAL BA'I PHYIR RO ZHES PA, GANG YANG RAB TU 'JAL BA PO, ,BYED PA PO DANG, GANG BA LANG LA SOGS PA'I LAS GZHAL BAR BYA BA DANG PHYOGS GANG DU YIN PA GZHIR DANG, GANG LAS 'BYUNG BA 'BYUNG KHUNGS LAS DANG, GANG GI TCHED DU SBYIN PA DE YANG DGOS CHED DE, 'DI THAMS CAD KYANG KHYAD PAR DU BYA BA'I SHES PA'I RGYU NYID KYI PHYIR KHYAD PAR GYI SHES PA BZHIN DU BYED PAR THAL LO ZHES PA'I DON TO, ,DE'I PHYIR ZHES PA LA SOGS PA STE, 'DIR DE'I SGRA NI GNYIS DAG STE, DE LA GNYIS PA'I 'BREL PA CAN NI, GANG GI SGRA NI GANG GI ZHES DRUG PA'I MTHA' CAN DU MNYAN PAR BYA BA'O, ,DANG PO NI GANG DANG @052A *, ,DE GNYIS RTAG TU 'BREL PA'I PHYIR THOS BZHIN PA MA YIN PA YANG RJES SU DPAG PAR BYA STE, JI LTAR RTOGS PA DANG BLO DANG SO SOR ZHEN PA'I DON GYI SGRA LAS DANG, LAS MED PA RNAMS KYI Ana LA BYED PA PO DE nI LA'O ZHES PA 'DI BZHIN NO, ,DE YANG LAS LA ZHES PA 'DIS GZHI MTSUNGS PA NYID DU BSHAD PAR BYA'O, ,DES NA DON 'DIR 'GYUR TE, SHES PA GANG ZHIG GIS SHES PAR BYA BA'I LAS GANG LA BYA BA STON CING BYED PA CAN GZHAN GYIS PAR MCHOD PA'I BYA BA RTOGS PA'I SHES PAR BYA BA'I LAS DE KHO NA'I SHES PA DE TSAD MA'O ZHES PA'O, ,'DIR YANG KHYAD PAR LA KHYAD PAR GYI SHES PA KHO NA'I BYA BA STON TE, DE'I RNAM PA CAN DU SKYE BAS SO, ,GZHAN DU NA DE KHYAD PAR GYI SHES PA KHO NAR MI 'GYUR RO, ,DE'I PHYIR KHYAD PAR DE KHO NA'I TSAD MA YIN GYI, KHYAD PAR DU BYA BA NI MA YIN TE, DE LA DE'I BYA BA RGYAS PA MED PA'I PHYIR RO, ,'O NA TSAD MA NI BYED PA CAN DRUG GI NANG GI BYED PA MA YIN NAM, BYA BA'I YANG BYED BA CAN RNAMS SU 'GYUR GYI, BYED PA CAN GZHAN GYI NI MA YIN NO, ,DE'I PHYIR CI LTAR LAS DE KHO NA'I DE TSAD MA ZHES BRJOD PAR BYA ZHE NA, 'DI NI SKYON MA YIN TE, 'DI NI 'BREL PA'I MTSAN NYID KYI DRUG PA MA YIN PA KHO NA'I, 'O NA CI ZHE NA, BYED LDAN GYI SBYOR BA'I MTSAN NYID CAN TE, DPER NA PA L'A SHA RNAMS KYI GCOD BYED CES PA LTA BU'O, ,DON 'DI YIN TE, KHYAD PAR DE KHO NA'I DE TSAD MA STE, DE KHO NA DES GZHAL BAR BYA BA'I KHYAD PAR DU BYA BA NI MA YIN NO ZHES PA 'GOG PA DE'I PHYIR YUL THA DAD PA NYID DU GRUB BO, ,DE LA YANG ZHES PA LA SOGS PA STE, 'O NA YANG KHYAD PAR RTOGS PAR BYA BA LA KHYAD PAR DU BYA BA'I SHES PA 'BRAS BU NYID DU BRJOD PA MA YIN NAM, DE LA 'BRAS BU MED PA ZHES BRJOD PAR BYA BA CI ZHE NA, SKYON 'DI MED DE, YANG GI SGRA NI NGES PAR GZUNG BA'I DON TE, DE KHO NA LA STE KHYAD PAR KHO NA RTOGS PAR BYA BA LA'O ZHES PA'I DON TO, ,GANG GI TSE SNANG BA ZHAN PA'I PHYOGS SU BA LANG LA SOGS PA TZAM GYI KHYAD PAR 'BA' ZHIG KHO NA YONGS SU GCOD KYI GSAL BA'I BYE BRAG NI MA YIN TE, DE LA THE TSOM ZA BA'I PHYIR ZHING, PA LANG LA SOGS PA TZAM YANG SPYI'I NGO BO NYID KYI PHYIR DANG, DE LA YANG KHYAD PAR GZHAN MED PA'I PHYIR LA, SPYI NI KHYAD PAR DU @052B 'GYUR BA SRID PA MA YIN PA'I DE'I TSE KHYAD PAR GYI SHES PA TSAD MA NYID DAM 'BRAS BU NYID DU 'GYUR ZHING, GANG YANG RUNG BA KHAS BLANGS NA GANG YANG RUNG BA NYAMS SO ZHES PAS KHAS BLANGS PA LA GNOD PA'O, ,DE GNYIS CI ZHES PA'I DE'I LAN TE, 'DIR YANG GCIG GI GNYIS KA'I NGO BO 'GAL BA YONGS SU SPANG BA'I CHED DU DPER NA ZHES PA LA SOGS PAS MTHONG BA'I MTHA' STE, GANG GI PHYIR RNAL 'BYOR PA RNAMS KYI RNAL 'BYOR RDZOGS PA NA BDAG NYID MTHONG BA RNAMS KYI DE GZUNG BYAR YANG 'GYUR LA, 'DZIN PA PO YANG YIN PA BZHIN NO, ,DON GZHAN 'BRAS BUR SMRA BA LA 'DI MI 'DOD PA STE, DE LTAR GYUR NA THAL BAR 'GYUR RO ZHES GSUNGS BA, GAL TE DON GZHAN YIN NA YANG, ,ZHES PA LA SOGS PA'O, ,RANG BZHIN KHONG DU CHUD NA NI SHES PA'I ZHES PA LA SOGS PA STE, 'DIS NI 'DI STON TE, BDAG NYID KYI DPES NI DON GZHAN GZHAL BAR BYA BA YIN PA LA KHYAD PAR GYI SHES PA RNAM PA GNYIS KAR 'GRUB PA MA YIN TE, DPE DANG DPE CAN DAG MI MTSUNGS PA NYID KYI PHYIR RO, ,'ON KYANG RANG NYID KHONG DU CHUD PA KHO NA LA SHES PA'I DNGOS PO GNYIS SU 'GYUR ZHING, RANG NYID KHONG DU CHUD PA LA YANG SHES PA'I RNAM PA GNYIS KA LTAR NA YANG TSAD MA DANG GZHAL BAR BYA BA LA YANG KHO BOS 'DOD PA KHO NA STE, DE YANG KHYOD KYIS BDAG NYID DPER BRJOD PAS GZHUNG BTZUGS SO ZHES PA'O, ,DE LTAR NA 'O NA ZHES PA LA SOGS PAS JI LTAR SGRON MA'I MUN PA BZLOG PA 'BRAS BU DON GZHAN YIN PA DE BZHIN DU MI SHES PA LA SOGS PA BZLOG PA 'BRAS BUR 'GYUR RO ZHES STON TO, ,YUL GYI DBYE BA YANG 'DI LA MED DO ZHES PA NYE PAR DGOD PA'O, ,KUN LA MIN ZHES PAS 'BRAS BU RNAM PAR GZHAG PA'I MA KHYAB PA NYID GSUNGS SO, ,CI'I PHYIR 'DI KUN LA MIN ZHE NA, GSUNGS PA, KHA CIG TU ZHES PA LA SOGS PA STE, GZAS PA TZAM GYIS TE, YID LA BYED BA TZAM GYIS SO, ,GANG LA GANG GI RTZOL BA TZAM GYIS SHES PA SKYE BA DE LA DE'I MI SHES PA YOD PA MA YIN TE, DPER NA SHES RAB CAN KHA CIG GIS BZO'I GNAS 'GA' ZHIG LA BZHIN 'JIG RTEN GYI SHES PA YANG SHES BYA 'GA' ZHIG LA RTZOL BA TZAM GYIS SKYE'O, ,KHYAB BYED DANG 'GAL BA GSUNGS SO, ,LDOG PA YOD MIN 'BRAS BU MIN, ,ZHES @053A *, ,PA LA, MI SHES PA LA SOGS PA MED PA NI MI SHES PA LA SOGS PA LDOG PA STE, DNGOS PO MED PA LA NI BYA BA CUNG ZAD KYANG YOD PA MA YIN TE, NYE BAR BRJOD PA MED PA NYID KYI PHYIR RO, ,BYA BZHAN PA MA YIN, ,YANG RAB TU 'JAL BAR 'GYUR BAR 'OS PA MA YIN NO, ,TSAD MA'I 'BRAS BUR 'GYUR BAR 'OS PA MA YIN NO ZHES PA'I DON TO, ,GANG YOD PA MA YIN PA DE NI TSAD MA'I 'BRAS BU MA YIN TE, SHIN TU MED PA BZHIN, LDOG PA YANG YOD PA MA YIN PA'O, ,'GAL BAS KHYAB PA'O, ,SGRON MA'I YANG MUN PA LDOG PA TZAM 'BRAS BU MA YIN TE, 'ON KYANG BUM PA LA SOGS PA GSAL BAR BYED PA'O, ,DE'I PHYIR, DE'I GNAS SKABS NI TSAD MA DANG 'BRAS BU MED PA'I SKYON NO ZHES PA'O, ,'BREL PA 'GA' ZHIG GIS ZHES PA LA, 'BREL PA BYED PA'I 'DOD PA'I BYE BRAG GIS 'BREL DU MA RNAMS TE, DE LA 'BREL PA 'GA' ZHIG LA MNGON SUM GYI MTSAN NYID KYI MDO 'DI SRID PA MA YIN ZHES PA 'DI'I PHYIR, 'BREL PA 'GA' ZHIG GIS ZHES SMRAS SO, ,DE LA KHA CIG RNAMS 'BREL SMRA STE, RAB TU GRUB PA DANG, RTAGS DANG, BDAG STE, RAB TU GRUB PA DANG SHES PA DON GZHAN MA YIN NO, ,RAB TU GRUB PA DE YANG YON TAN NYID DANG MI RTAG PA NYID DU SGRA DANG 'DRA BAR BLTA BAR BYA'O ZHES SMRAS SHING, GAL TE BLO NI MI RTAG PA YIN NA, MI RTAG PA YANG RGYU DANG LDAN PAR 'GYUR TE, DE'I PHYIR 'DI'I YANG RGYU BRJOD PAR BYA ZHING, GZHAN NYID KYANG STE, SHES PA PO'I GTAN TSIGS 'DIS YIN PA ZHES PA'O ZHE NA, BRJOD PAR BYA STE, BDAG DANG DBANG PO DANG YID DANG DON PHRAD PA LAS GANG GRUB PA DE GZHAN TE, GANG GANG LAS GRUB PA DE DE LAS GZHAN YIN TE, DPER NA 'JIM PA LA SOGS PA LAS BUM PA LA SOGS PA BZHIN, BDAG LA SOGS PA RNAMS LAS SHES PA 'GRUB PA YANG DE LTA BU'O, ,DE'I PHYIR DE YANG DE RNAMS LAS GZHAN YIN NO, ,RGYU YANG 'DI KHO NAS BSTAN TE BDAG LA SOGS PA'O, ,'BRAL 'DI LA MNGON SUM GYI MTSAN NYID KYI MDO 'DI 'THAD PA MA YIN NO, ,GZHAN RNAMS NI 'BREL KUN NAS SMRA STE, RTAGS LAS BYUNG BA TSAD MAR BRJOD LA DE'I PHYIR SMRAS PA, CI RTAGS LAS BYUNG BA GCIG BU KHO NA TSAD MA'AM, MA YIN ZHE NA BRJOD PAR BYA STE, BDAG @053B DANG DBANG PO DANG YID DANG DON PHRAD PA LAS GANG GRUB PA DE GZHAN NO, ,MNGON SUM TSAD MA'O ZHES PA DAG LHAG MA'O, ,'BREL PA 'DI LA MNGON SUM GYI MTSAN NYID KYI MDO 'DI RNAM PAR BSHAD PAR BYA'O, ,MDO LAS BYUNG BA MA YIN YANG BSHAD PAR BYED PAS BRJOD PA YIN TE, DBANG PO DANG PHRAD PA LA MNGON SUM MA MA BDAG DANG YID PHRAD PA'O ZHES PA 'DI'I PHYIR MDO LAS BYUNG BA'O ZHES SMRAS SO, ,RDZAS SMOS PAS YON TAN DANG LAS DAG LA'ANG MDO LAS BYUNG BA'I MNGON SUM GYI MTSAN NYID GZHAN YOD DO ZHES STON TO, ,DE SLAR YANG YON TAN DANG LAS RNAMS PHRAD PA RNAMS LA SHES PA 'GRUB PA'I PHYIR RDZAS RGYU STE, RGYU'I RGYU YANG NGO ZHES PA 'DI NI RANG GI RTEN GYIS MNGON PAR GSAL BA MA YIN PA'I YON TAN DANG LAS RNAMS LA SHES PA NYE BAR SKYE BA MA YIN NO, ,DE'I PHYIR DE'I RTEN RDZAS NI YON TAN DANG LAS RNAMS GSAL BAR BYED CING DE'I SHES PA'I RGYUR 'GYUR RO, ,YON TAN DANG LAS KYI SHES PA'I RGYU NI DBANG PO DANG DON PHRAD PA'O, ,DE'I RGYU RDZAS BUM PA LA SOGS PA NI RGYU'I RGYU'O ZHES BRJOD PAR BYA'O, ,'DIR YANG GTZO BO NYID KYI PHYIR DANG, DON GCIG LA 'DUS PA'I RGYU NYID KYI PHYIR BDAG DANG YID PHRAD PA LAS SKYE LA, DBANG PO DANG YID DANG DON PHRAD PA RNAMS NI DE LA PHAN 'DOGS PA PO RNAMS SO, ,KHA CIG NI ZHES PA STE, GANG GI PHYIR SHES PA TSAD MA NYID YIN NA 'BRAS BU GZHAN DU MI 'GYUR TE, DE LTAR NI RTOGS PA 'BRAS BU YIN ZHING, SHES PA LAS RTOGS PA DON GZHAN PA YANG MA YIN NO, ,DES NA SH'A YA SA KA LA SOGS PA RNAMS PHRAD PA 'DOD PAR BYED DO, ,THUN MONG MA YIN PA'I RGYU NYID KYI PHYIR ZHE NA, PHRAD PA CIG SHOS RNAMS NI DRAN PA LA SOGS PA'I SHES PA'I THUN MONG BA RNAMS TE DBANG PO DANG DON PHRAD PA NI MNGON SUM KHO NA'I RGYU'O, ,GTZO BO NYID KYI PHYIR ZHES PA BDAG DANG YID DAG GTZO BO NYID KYI PHYIR DE PHRAD PA YANG GTZO BO NYID DE, DES NA DBYANGS CAN PA LA SOGS PA RNAMS TE 'DOD PAR BYED DO, ,DE LA BDAG NI GTZO BO NYID DE, SHES PA'I BYED PA PO NYID KYI PHYIR DANG, DE'I RTAGS NYID KYI PHYIR DANG, 'BRAS BU NYE BAR LONGS SPYOD PA PO NYID KYI PHYIR RO, ,YID KYANG STE YUL THAMS CAD PA NYID KYI PHYIR DANG, SHES PA DANG DON GCIG LA 'DU BA NYID KYI PHYIR RO, ,DE LTA NA YANG ZHES PA LA @054A *, ,SOGS PAS BSTAN BCOS DANG 'GAL BA GSUNGS SO, ,JI LTAR BDAG NYID ME LA SOGS PA RJES SU DRAN PA DANG LDAN PA'I RTAGS MNGON SUM PA MTHONG NAS MNGON SUM MA YIN PA'I DON LA RJES SU DPAG PAR 'GYUR BA DE LTAR KHYAD PAR DRAN PA DANG LDAN PA 'DI KHO NA'I SPYI TZAM MTHONG BA LAS GZUNG BZHIN PA MA YIN PA'I KHYAD PAR RNAMS LA THE TSOM MO ZHES PA THE TSOM 'GRUB PA NI RTAGS CAN DANG MTSUNGS SO, ,JI LTAR YANG YANG DAG PA'I DON DANG 'BREL PA'I DBANG GIS 'DI NI DON GYI RANG BZHIN NO ZHES MNGON SUM SKYE BA DE LTAR YANG DAG PA'I DON DANG 'BREL PA'I DBANG GIS 'DI KHO NA YIN GYI GZHAN NI MA YIN NO ZHES GTAN LA PHEBS PA SKYE'O ZHES PAS 'DI'I 'GRUB PA MNGON SUM DANG MTSUNGS SO ZHES GANG BSHAD PA DE 'GAL LO, ,GTAN LA PHEBS PA NI RNAM PAR BRTAGS PA RJON MA CAN NYID KYI PHYIR RO ZHES 'BREL LO, ,SPYIR MTHONG BA CAN GYI THE TSOM DU GYUR PA NI, RNAM PAR BRTAGS PA LAS GANG GI TSE KHYAD PAR GYI NGO BOS DON NGES PAR 'DZIN PA DE'I TSE 'DI NI BA LANG KHO NA YIN GYI BA MEN NI MA YIN NO ZHES GTAN LA PHEBS PA SKYE'O, ,YUL LA LTA DON CAN NYID PHYIR, ,ZHES PA YUL NYAMS SU MYONG BA'I DGOS PA CAN NYID KYI PHYIR RO ZHES PA'I DON TO, ,YUL LA LTA BA TZAM GYI DON NI ZHES PA LA, TZAM GYI SGRA NI LHAG PA RNAM PAR GCAD PA'I DON TO, ,'DI SKAD BSHAD PAR 'GYUR TE, KHYAD PAR SGRO 'DOGS PA LA SOGS PA LA NI BYA BA MA YIN ZHES PAS, DE YANG RNAM PAR RTOG PA MED PA NYID KYI PHYIR RO, ,GANG GI'ANG YUL NYAMS SU MYONG BA TZAM DGOS PA YIN PA DE RNAM PAR BRTAG PA LA LTOS PA MED PAR 'JUG STE, DE STON PAR BYED PA, DE LA RNAM PAR GCOD PA GA LAS ZHES PA STE, DE LAS KYANG CHOS MI MTHUN PA NYID KYI PHYIR DE DANG GTAN LA PHEBS PA SKYE BA MTSUNGS PA NI MA YIN TE DPER NA RJES SU DPAG PA DANG BZHIN NO, ,DE LTAR 'GYUR MOD YOD PA'I DON DANG 'BREL PA'I DBANG LA SKYE BA TZAM BSGRE BAR BYED PA'O ZHE NA, DE NI MI RIGS TE, KHYAD PAR BSGRE BAR BYED PA DON MED PA NYID DU THAL BAR 'GYUR BA'I PHYIR RO, ,THE TSOM DANG RJES SU DPAG PA LA SOGS PA RNAMS DANG YANG DE LTAR SKYE BA MTSUNGS PA 'THOB STE, DE RNAMS KYANG SPYI LA SOGS PA @054B YANG DAG PA'I DON DANG MNGON PAR 'BREL PA'I DBANG GIS SKYE BA'I PHYIR NA BSGRE BA MA YIN PA KHO NA'O ZHES PAS SHES PA NYID CHOS MTHUN PA DE YANG MED PA'I PHYIR RO, ,RNAM PA THAMS CAD 'DZIN PAR THAL LO ZHES PA, RNAM PA KUN GYIS TE, MANG PO CAN NYID LA SOGS PA RNAMS KYIS KYANG 'DZIN PAR 'GYUR RO, ,CHA SHAS GANG LA NUS PA DE KHO NA 'DZIN PAR 'GYUR RO ZHE NA GSUNGS PA, THAMS CAD KYI BDAG NYID DANG, CES PA LA SOGS PA STE, ,CHA SHAS MED PA NYID KYI PHYIR, DON CI RIGS PAR PHRAD PA RNAM PA LNGAS GANG DBANG PO DANG PHRAD PA MA YIN PA'I CHA SHAS DE YOD PA MA YIN PA KHO NA'O, , DE LAS KYANG DE'I KHYAD PAR RNAMS DON LAS THA MI DAD PA NYID KYI PHYIR DON LTA BUR DE RNAMS LA YANG 'DZIN PA SKYED PAR NUS PAR 'GYUR RO, ,'O NA GANG KHO NA 'DZIN PAR 'DOD PA'I CHA SHAS DE KHO NA GZUNG BAR BYA BA MA YIN NAM ZHE NA GSUNGS PA, 'DI CI ZHIG CES PA LA SOGS PA STE, GANG GI TSE PHA ROL RNAMS MTHONG BA POS PA LTAS NAS DON MTHONG BA LAS SNGAR KHO NAR 'DI CI ZHE NA KHYAD PAR MED PAR 'DZIN PAR 'DOD PAR GYUR PA NA, DE LA RTOGS NAS MTHONG BAR BYED PA DE'I TSE SKYON 'DI 'BYUNG NGO, ,PHRAD PA SMRA BA LA YANG SKYON 'DI BRJOD PAR BYAS PAS 'DI NI DON GYIS SHES PA SMRA BA LA YANG BRJOD PA KHO NAR 'GYUR RO, ,DE LTAR NI PHRAD PA DON 'DZIN PA'I RGYU'O ZHES PA LA SKYON 'DI BRJOD PAR BYA BA YIN ZHING, SHES PA TSAD MAR SMRA BAS KYANG DE KHO NA SHES PA'I RGYUR 'DOD PAR BYA'O ZHES PAS SKYON MTSUNGS SO, ,DE LTAR NI SKYON 'DI KHO NA RJES SU DPAG PAR 'CHAD PAR 'GYUR RO, ,GAL TE DBANG PO DANG DON 'BREL PAR GYUR PA NA BDAG NYID THAMS CAD KYIS 'DZIN PAR THAL BAR 'GYUR BA DE'I TSE, KHYED KYI YANG DBANG PO GSUM PO RNAMS KYIS 'BREL BZHIN PA'I YUL LA CI'I PHYIR BDAG NYID THAMS CAD KYIS 'DZIN PAR GYUR PA MA YIN ZHE NA, KHO BO CAG GIS PHRAD PA DE'I RGYUR 'DOD PA MA YIN TE, DE RDZAS SU YOD PA MA YIN PA NYID KYI PHYIR RO, ,GZHAN YANG KHO BO CAG NI MIG LA SOGS PAS KYANG DON RNAM PA THAMS CAD GZUNG BAR BYA BA'O ZHES 'DOD DO, ,DE GZUNG BA NA YANG DE LTAR 'KHRUL PA'I RGYU MTSAN YOD PA'I PHYIR CHA SHAS 'GA' ZHIG LA NGES PAR 'GYUR BA MA YIN NO ZHES PAS THA DAD DU RUNG BA @055A *, ,MA YIN PA NYID KYI PHYIR, DE NI MA BZUNG BA DANG 'DRA BA 'BA' ZHIG GO ZHES PA 'DI NI BRJOD ZIN TO, ,GAL TE YANG PHA ROL PO YANG 'DI SKAD DU SMRA BAR BYED NA, DES 'DI SKAD DU SMRA BAR 'OS PA MA YIN TE, GANG DON RNAMS DNGOS SU LTA BA 'DI NI BA LANG KHO NA'O, ,'DI NI RTA KHO NA ZHES PA LTA BU DE MNGON SUM MO ZHES SMRAS PA'I PHYIR RO, ,DE LTAR YANG DAG PA'I DON DANG 'BREL PA'I DBANG GIS 'DI 'DI'I RANG BZHIN NO ZHES 'BYUNG BA MNGON SUM MO ZHES SMRAS PA'I PHYIR RO, ,DE BZHIN DU GANG 'DI NI DBANG PO RNAMS KYI DON RNAMS LA RAB TU GRUB PA STE, 'DI NI SGRA'O, ,'DI NI GZUGS SO, ,'DI NI RO'O, ,'DI NI DRI'O, ,'DI NI REG PA'O ZHES PA'O ZHES KYANG BRJOD PA'I PHYIR RO, ,GANG GI PHYIR MNGON SUM NGES PA'I BDAG NYID DU PHA ROL POS 'DOD PAS SO, ,'DI KHO NA YANG NGES PA RNAMS KYI RANG GI DON RTOGS PA STE, GANG DE NGES PAR 'BYED PA'O, ,DE GAL TE RNAM PA GZHAN BZHIN DU MA NGES PA YIN NA, DE RNAMS KYIS BZUNG ZIN PA CI LTAR YIN, DA NI KHYED LA'ANG MNGON SUM GYIS MA NGES SHING DE LA YANG GZUNG BA ZHES BYA BA CI LTAR YIN ZHE NA, MNGON SUM NI GANG GI'ANG NGES PAR BYED PA'I BDAG NYID MA YIN TE, DES GANG ZHIG 'DZIN PA DE YANG NGES PAS NI MA YIN NO, ,'O NA CI ZHE NA, DER SNANG BAS SO, ,DE BAS NA NGES PA DANG MA NGES PA'I DBANG LAS MNGON SUM GYI 'DZIN PA DANG MI 'DZIN PA DAG MA YIN NO, ,NGES PA'I NI 'DI LTA BU MA YIN TE, CUNG ZAD NGES KYANG GZHAN MA NGES PAS 'DZIN PA DANG MI 'DZIN PA YIN NO, ,DE'I PHYIR NGES PA GANG YIN PA DE KHO NA 'DI'I 'DZIN PA'O, ,GZHAN DU NA RNAM PA GCIG LA YANG DER MI 'GYUR RO, ,YANG BDAG NYID THAMS CAD KYIS BZUNG NA YANG DE LTAR NGES PAR MI 'GYUR BA CI ZHE NA, LHAN CIG BYED PA MA TSANG BA NYID KYI PHYIR RO, ,NYAMS SU MYONG BA NI RNAM PAR RTOG PA GOMS PA JI LTA BAR NGES PA RNAMS SKYED PAR BYED DE, DPER NA GZUGS MTHONG BA LA KHYAD PAR MED KYANG, RO DANG 'DOD LNGAN MA DANG BZA' BAR BYA BA'I RNAM PAR RTOG PA RNAMS LTA BU'O, ,DE LA BLO GSAL BA NYID DANG DE'I BAG CHAGS GOMS PA DANG SKABS ZHES BYA BA LA SOGS PA RNAMS NYAMS SU MYONG BA LA NGES PA SKYE BA'I RGYU RNAMS SO, ,DE RNAMS KHO NA SHIN TU DANG CHES SHIN TU LA SOGS PA'I BYE BRAG LAS @055B SNGA PHYI NYID DU STE, DPER NA SKYED PAR BYED PA DANG KLOG TU 'JUG PAR BYED PA PO NYID DU KHYAD PAR MED KYANG PHA 'ONG BA MTHONG NAS, BDAG GI PHA 'ONG NGO ZHES SNGON LA NGES PAR 'GYUR GYI, MKHAN PO 'ONG NGO ZHE MA YIN PA BZHIN NO, ,'GYUR BA'I NGES PA DE YANG 'KHRUL PA'I RGYU MED NA 'GYUR RO, ,DE'I PHYIR NYAMS SU MYONG NGO ZHES PA KHO NAS NI RNAM PA THAMS CAD NGES PA MA YIN NO, ,GAL TE DE LTA NA PHA ROL POS MNGON SUM RTOGS PA DANG BCAS PAR 'DOD NA, CI LTAR YUL LA LTA BA TZAM GYI DON CAN NI BZHI PO PHRAD PA LAS SKYES PA'O ZHES PA DE BRJOD CE NA, DBANG PO'I SHES PA RTOG PA MED PA NYID DU TSAD MAS GRUB BO ZHES DNGOS PO'I STOBS LAS SLOB DPON GYIS DE SKAD DU GSUNGS LA, KHO BO CAG GIS NI PHA ROL POS KHAS BLANGS PA'I DBANG LAS 'DI SKAD DU BSHAD DO ZHES PAS MI 'GAL LO, ,GAL TE PHA ROL POS MNGON SUM NGES PA'I BDAG NYID DO ZHES KHAS BLANGS NA, MNGON SUM DANG GTAN LA PHEBS BAR MCHUNGS PAR SKYE PA'O ZHES PA 'DI CI LTAR RIGS TE, DE KHO NA DANG DE MTSUNGS PAR SKYE'O ZHES KHAS BLANGS PAR RIGS PA NI MA YIN NO ZHE NA, ,'DI NI DE'I SKYON GZHAN DU 'GYUR TE, GANG 'DI LTAR 'DOD PA LA'O ZHES PA SHIN TU THAL CHES PAS CHOG GO, ,YUL THA DAD PA YANG ZHES PA, TSAD MA'I YUL BDAG DANG YID YIN PA NYID KYI PHYIR DANG, 'BRAS BU'I YUL DON YIN PA NYID KYI PHYIR RO, ,'O NA SHES PA YANG BDAG LA 'DU BA'I PHYIR DE'I YUL CAN KHO NA MA YIN NAM ZHE NA, 'DI YOD PA MA YIN TE, GANG PHYIR SHES PA'I SHES PAR BYA BA NI YUL NYID DU MNGON PAR 'DOD KYI 'DU BA CAN GYI RGYU NI MA YIN PAS SO,, GZHAN DU NA SHES PA THAMS CAD YUL GCIG PA NYID DU 'GYUR RO, ,BDAG DANG MI YID PHRAD PA NI DMIGS PA MA YIN NA, DE'I 'DU BA CAN GYI RGYU LA GZHAN CI ZHIG YUL DU 'GYUR ZHES PAS 'DI NI LAN MA YIN NO, ,YUL THA DAD PA LA SKYON CI YOD CE NA GSUNGS PA, MED CES PA LA SOGS PA'O, ,GZHAN YANG ZHES PA LA SOGS PAS KHAS BLANGS PAS GNOD PA GSUNGS TE, BSTAN BCOS SU BRJOD PA NI SPYI DANG KHYAD PAR LA LTOS PA NI RDZAS DANG YON TAN DANG LAS RNAMS LA MNGON SUM STE, RDZAS DANG YON TAN DANG LAS LA LTOS PA YANG RDZAS RNAMS LA'O ZHES PA STE, 'DIR SPYI SMOS PAS SPYI CHEN PO YOD PA NYID @056A *, ,GZUNG BAR BYA ZHING, KHYAD PAR SMOS PAS RDZAS NYID LA SOGS PA SPYI LHAG MA RNAMS TE, SPYI DANG KHYAD PAR ZHES PA 'DI YANG LTOS NAS BYAS PA STE, DE'I PHYIR SPYI 'DI RNAMS NI KHYAD PAR GYI SGRAS BRJOD PAR BYA BA RNAMS SO, ,YOD PA NYID NI SPYI LO NA STE KHYAD PAR MA YIN LA, LHAG MA RNAMS NI SPYI RNAMS DANG KHYAD PAR RNAMS SU YANG LTOS NAS 'GYUR RO, ,DE LA SPYI LA LTOS PA NI RDZAS LA YOD PA NI RDZAS SO ZHES PA'O KHYAD PAR LA LTOS PA NI RDZAS NI SA'O BUM PA'O ZHES PA LA SOGS PA'O, ,RDZAS DANG YON TAN DANG LAS LA LTOS PA NI DBYUG PA CAN, DKAR PO, 'GRO'O ZHES PA'O, ,CI'I PHYIR SBYAR BAR MI BYA ZHE NA GSUNGS PA, GANG GI PHYIR ZHES PA LA SOGS PA STE, RANG GI DON TZAM 'DZIN PA NYID KYI PHYIR ZHES PA 'DI, YUL LA LTA DON CAN NYID PHYIR, ,ZHES PA 'DI NI RNAM PAR 'GREL LO, ,MTSAMS SBYOR BA NI SBYOR BAR BYED PA'O, ,DE'I RANG GI NGO BO STON PAR BYED PA, ,'DI NI 'DI'I ZHES PA LA SOGS PA STE, NGES PAR ZHES PA NI RNAM PA GZHAN DU NA, GANG YANG KHYAD PAR DU BYED PA DANG KHYAD PAR DU BYA BA YANG 'DZIN PA MA YIN ZHING DE DAG SBYOR BAR YANG MI BYED PA DE YANG DE LTAR 'DZIN PAR 'GYUR RO ZHES DGONGS PA'O, ,LDAN PA PHYIS PA LAS SAM THA MI DAD PAR NYE BAR BTAGS PA LAS ZHES JI LTAR SRID PAR BLTA BAR BYA'O, ,DE LTAR NI YON TAN GYI TSIG RNAMS LAS LDAN PA DBYE BA DANG, THA DAD PA MED PAR NYE BAR BTAGS PA YANG THAMS CAD DU MA YIN PAS SO, ,GANG GI PHYIR BYA BA DANG RDZAS KYI NGO BOS RTEN RTOGS PA YOD PA MA YIN TE, LDAN PA'I RKYEN GYI DON NI GANG DU RTOGS PAR BYA BA DE KHO NA LDAN PA PHYIS PAS KYANG MTSON PAR BYA'O, ,GAL TE DBANG PO'I BLO LA DE MI 'THAD NA 'O NA DE CI ZHIG LA YIN ZHE NA GSUNGS PA, DE YANG ZHES PA LA SOGS PA STE, SNGAR KHYAD PAR DANG KHYAD PAR DU BYA BA'ANG GZUNG NAS 'JIG RTEN GYI RNAM PAR GZHAG PA YANG RJES SU DRAN PAR BYAS TE, RJES SU SBYAR BAR BYA BAR NUS KYI RNAM PA GZHAN DU NA MA YIN NO, ,DE'I TSE YANG DBANG PO'I SHES PA YUN RING PO NA 'GAGS PA'O ZHES PA DRAN PA NYID KYIS DRANGS NAS KHYAD PAR BYED PA YID KHO NAS SBYAR BAR BYA STE, DE'I PHYIR DE KHO NA LA DE 'THAD DO, ,RNAM PA GZHAN DU NI ZHES PA GAL TE KHYAD PAR NI DRAN PAS DRANGS PA NYID DU 'DOD PA MA YIN NA'O, , @056B DE 'DIS GANG KHYAD PAR LA LTOS PA'I SHES PA DE MNGON SUM MA YIN PA'AM, DE YID LA BYUNG BA KHO NA STE, DPER NA DRI ZHIM PO NI MNGAR BO'O ZHES PA'I SHES PA BZHIN, BA LANG 'GRO'O ZHES PA'ANG, JI SKAD BSHAD PA'I RNAM PA'O, ,KHYAB PAR BYED PA DANG 'GAL BA DANG BSGRUB PAR BYA BA GNYIS PA LA LTOS PAS NI RANG BZHIN GSUNGS SHING, RIGS PA YANG MA YIN TE ZHES PA DPE LA BSGRUB PAR BYA BA MA TSANG BA'I DOGS PA SEL BAR BYED DO, ,DBANG PO THA DAD KYIS GZUNG BAR BYA BA NYID KYI PHYIR RO ZHES PA DRI DANG RO DAG SNA DANG LCES GZUNG BAR BYA BA NYID KYI PHYIR RO, ,RDZAS KYANG MIG DANG LUS KYIS GZUNG BAR BYA BA NYID KYI PHYIR RO, ,DES 'DI SKAD BSHAD PAR 'GYUR TE, GANG DBANG PO THA DAD KYIS GZUNG PAR BYA BA'I KHYAD PAR DANG KHYAD PAR CAN GYI YUL CAN GYI SHES PA DE MNGON SUM MA YIN PA'AM DE YID KHO NA YIN TE, DPER NA GZUGS SKYUR BA'O ZHES PA'I SHES PA BZHIN, DRI BZANG PO NI ZHIM PO ZHES PA'I SHES PA 'DI YANG DE LTA BU'O ZHES PA, SNGA MA DANG 'DRA BAR GTAN TSIGS KYI DBYE BA SBYAR BAR BYA'O, ,DA NI RDZAS NYID CUNG ZAD KYANG YOD PA MA YIN TE, GZUGS LA SOGS PA TSOGS PA LA DE NYE BAR BTAGS PA'I PHYIR RO, ,DES NA CI'I PHYIR DE LA MNGON SUM DU 'GYUR ZHES RDZAS RNAM PAR BRTAG PA RTZOM PA, GAL TE YANG ZHES PA LA SOGS PA STE 'DI'I DON NI 'DI YIN TE, GANG DBANG PO GCIG MIN GYIS GZUNG BAR BYA BA DE NI GCIG MA YIN TE, GZUGS LA SOGS PA BZHIN, RDZAS KYANG DE LTA BU'O ZHES KHYAB BYED DANG 'GAL BA'I THAL 'GYUR RO, ,RDZAS DBANG PO GCIG MIN GYIS GZUNG BAR BYA BA NYID NI, BLTA BAR BYA BA DANG REG PAR BYA BA YANG RDZAS SO ZHES KHAS BLANGS PA'I PHYIR RO, ,GZUGS SOGS DBYER MED PA'AM ZHES PAS 'DI SKAD STON TE, GZUGS LA SOGS PA LA YANG THA DAD PAR RNAM PAR 'JOG PA'I RGYU NI DBANG PO GCIG MIN GYIS GZUNG BAR BYA BA NYID DE, GAL TE YANG DE LTAR GYUR NA'ANG, RDZAS LA THA DAD PA 'DOD PA MA YIN NA GZUGS LA SOGS PA RNAMS LA YANG DER MI 'GYUR RO ZHES PA'O, ,'DZIN BYED THA DAD PA LA GZUGS LA SOGS PA RNAMS KYI GCIG MA YIN PA NYID DU RNAM PAR GZHAG GO ZHE NA, 'GYUR MOD, DE LAS KYANG KHO BO CAG GIS DBANG PO THA DAD PAS @057A *, ,GZUNG BYA NYID KHO NA'I PHYIR THA DAD PA'O ZHES NGES PAR GZUNG BA MA YIN NO, ,GZHAN YANG DBANG PO THA DAD PA NYID KYIS GZUNG PAR BYA BA NYID KYIS 'DZIN BYED THA DAD PA YANG 'PHANGS PA KHO NA STE, DBANG PO THA DAD PAS GZUNG BAR BYA BA NYID NA, GDON MI ZA BAR 'DZIN BYED THA DAD PAR 'GYUR BAR 'OS SO, ,'O NA RDZAS YOD NA'ANG DBANG PO THA DAD PAS GZUNG BAR BYA BA NYID LA 'DZIN BYED THA DAD PAR MI 'GYUR BA MA YIN NAM ZHE NA, MA YIN TE, RDZAS DE KHO NA RNAM PAR DPYAD PAR BYA BZHIN PA NYID KYI PHYIR DANG, GZUGS LA SOGS PA RNAMS LA YANG BRGAL ZHING BRTAG PA MTSUNGS PA'I PHYIR YANG NGO, ,MTHONG ZHE NA ZHES PA LA SOGS PAS RDZAS KYI GCIG NYID NI MNGON SUM GYIS GRUB LA, GZUGS LA SOGS PA YANG GCIG MA YIN PA NYID DU'O, ,DES NA CI LTAR DE RJES SU DPAG PAS RNAM PA GZHAN DU BYA BAR NUS ZHES STON PAR BYED DO, ,YOD PA DANG YON TAN NYID DAG LTA BU ZHES PA 'DIS KYANG YOD PA DANG YON TAN NYID DAG GIS MA NGES PAR SMRAS SO, ,YOD PA NYID DANG YON TAN NYID DAG GI RTEN GZUGS LA SOGS PA RNAMS NI DBANG PO THAMS CAD PA CAN RNAMS TE, DE'I PHYIR DE DAG KYANG DBANG PO THAMS CAD PA NYID DO, ,JI SKAD BSHAD PA 'DIS NI YON TAN NYID LA DBANG PO THAMS CAD PA'I SHES PAR BSHAD DO ZHES PA'O, ,THA MI DAD PA'I SHES PA NI SLAR YANG GANG KHO NA BDAG GIS MTHONG BA DE KHO NA REG GO ZHES PA STE, DE DBANG POS MIN ZHES PA LAN NO, ,DBANG PO DU MA DON MED PHYIR, ,ZHES PA DBANG PO DU MA BRTAG PA LA RGYU MTSAN MED PA NYID KYI PHYIR ZHES PA'I DON TO, ,DBANG PO GCIG GIS DON DU MA MTHA' DAG RTOGS PAR NUS PA MA YIN NO ZHES PAS DBANG PO GZHAN YONGS SU RTOGS PA YIN NA GAL TE YANG DE DBANG PO GZHAN GYI DON LA YANG RAB TU 'JUG NA DBANG PO DU MA BRTAG PA RGYU MTSAN MED PAR 'GYUR RO, ,'DI SKAD BSHAD PAR 'GYUR TE, 'BRAS BU THA DAD PAS DBANG PO THA DAD PA RTOGS PAR BYA LA, GAL TE DBANG PO'I BYA BA YANG GCIG KHO NAS BYA BA YIN NA, DBANG PO GZHAN LA TSAD MA YOD PA MA YIN NO ZHES PA DE BRTAG PAR BYA BA MA YIN PAR 'GYUR RO ZHES PA'O, ,DON MED PA ZHES PA NI RGYU MTSAN MED PA ZHES PA'I DON TO, ,CI STE YANG 'GYUR RO ZHES PA 'DI LTAR BSAMS PA STE, DBANG PO DU MAS DON GCIG @057B YONGS SU GCAD PAR NUS LA, GCIG GIS DON DU MA NI MA YIN ZHING, GZUGS LA SOGS PA YANG DU MA RNAMS TE, DE'I PHYIR DBANG PO MANG PO NYID BRTAGS PA DON DANG BRAL BA NYID MED DO ZHE NA, RANG YUL THA DAD NA'ANG ZHES PA LA SOGS PA STE, GAL TE DBANG PO GCIG DBANG PO GZHAN GYI DON LA YANG RAB TU 'JUG NA DE'I PHYIR DE THAMS CAD KHO NA DE'I RANG GI DON DU 'GYUR ZHING, RANG GI DON LA YANG THA DAD NA YANG SNGON PO LA SOGS PA BZHIN TE, DE NUS PAR 'GYUR BA KHO NA'O ZHES PAS LAN MA YIN NO, ,GRANGS LA SOGS PA THA DAD PAS KYANG ZHES PA GRANGS DANG TSAD RNAMS DANG THA DAD PA NYID DANG LDAN PA DANG RNAM PAR DBYE BA DAG DANG GZHAN NYID DANG GZHAN MA YIN PA NYID DAG DANG LAS TE, GZUGS CAN DANG 'PHROD PA 'DU BA'I PHYIR MIG GIS GZUNG BAR BYA BA RNAMS SO ZHES PA'I GRUB MTHA' LAS SO, ,DBANG PO GZHAN GYI DON NI MA YIN NO ZHES PA STE, 'DIS NI GANG MIG GI DBANG PO'I DON YIN PA DE LA DPAG PA'I DBANG PO NUS PA MA YIN TE, GZUGS LA SOGS PA BZHIN RDZAS KYANG DE LTA BU'O ZHES KHYAB BYED DANG 'GAL BA'I THAL 'GYUR GSAL BAR BYED DO, ,DBANG PO GZHAN GYI YUL NYID KYIS KYANG ZHES PA LA SOGS PA GZUGS DANG REG BYA DAG NI THA DAD PAR GYUR NA YANG, JI TZAM DU DBANG PO THA DAD PAS RTOGS PA MA YIN PA DE TZAM DU NI SHES PAR NUS PA MA YIN NO, ,GAL TE YANG DBANG PO GCIG GIS 'DZIN PAR GYUR NA, DE'I TSE JI LTAR SNGON PO LA SOGS PA RNAMS MIG GI SPYOD YUL NYID KYIS THA MI DAD PAR DE LTAR GZUGS DANG REG BYA DAG KYANG 'GYUR RO, ,DE LAS KYANG REG BYA YANG MIG GIS 'DZIN PAR 'GYUR RO, ,GANG LAS MIG GIS MI 'DZIN PA ZHES PA, DBYE BAS BYAS PA'I DBANG PO GZHAN GYIS MI 'DZIN PA STON TO, ,DE'I PHYIR 'DIS NI GANG LA REG BYED KYI DBANG POS NUS PA DE NI MIG GI DBANG PO'I DON MA YIN TE, REG BYA BZHIN, RDZAS KYANG REG BYED KYI DBANG POS NUS PA'O ZHES PA KHYAB BYED DANG 'GAL BA'I THAL 'GYUR GSUNGS SO, ,'DI KHO NA'I BSGRUB PAR BYA BA LAS BZLOG PA LA MI 'DOD PAR THAL BAR GYUR PA GSUNGS PA, DE GAL TE ZHES PA LA SOGS PA STE, GAL TE YANG MIG GI RIG BYED KYIS GZUNG BYA YIN YANG RDZAS 'DZIN TO ZHES 'DOD NA DE'I TSE DBANG PO GZHAN GYI DON YANG MIG @058A *, ,GI RANG GI DON TO ZHES MNGON PAR KHAS BLANGS PAR 'GYUR TE RDZAS BZHIN NO, ,DE LAS KYANG RANG GI DON NYID KYI PHYIR DE REG BYA DANG RO LA SOGS PA'I DBYE BAS THA DAD KYANG SNGON PO LA SOGS PA BZHIN DU MIG GIS GZUNG BAR BYA'O ZHES PA 'DI'I PHYIR NA, THA DAD PA NYID NI DBANG PO DU MAS GZUNG BAR BYA BA NYID LA RGYU MA YIN TE, DBANG PO DU MA BRTAG PA'I RGYU MA YIN NO ZHES PA'I DON TO, ,GANG GI PHYIR RANG GI DON THA DAD PA YANG DBANG PO GCIG KHO NAS YONGS SU GCAD PAR BYA BA YIN PA DE'I PHYIR YANG GZUGS LA SOGS PA RNAMS THA DAD PA NYID KYI PHYIR DBANG PO GCIG MIN GYIS GZUNG BAR BYA BA'O ZHES GANG BRJOD PA DE MI RIGS SO, ,'O NA CI ZHE NA DBANG PO GZHAN GYI DON MI 'DZIN PA'O ZHES PA, DBANG PO GCIG MIN NYID LA RGYU'O ZHES SBREL LO, ,GANG PHYIR GAL TE DBANG PO GZHAN GYI DON DBANG PO GZHAN GYIS 'DZIN PAR MI NUS NA, DE LTA NA DBANG PO DU MA BRTAG PAR NUS SO ZHES STON TO, ,DE'I PHYIR 'DI LTAR DBANG PO DU MAS GZUNG BAR BYA BA'I RDZAS YOD PA MA YIN NO ZHES GNAS SO, ,SLAR YANG 'DI KHO NA GSAL BAR BYA BA'I CHED DU RDZAS DBANG PO DU MA CAN DU KHAS LEN NA KHAS BLANGS PAS GNOD PA 'THOB BO ZHES STON PA GSUNGS PA, GAL TE YANG ZHES PA LA SOGS PA'O, ,GAL TE DON THA MI DAD PA DBANG PO DU MAS 'DZIN PAR 'GYUR NA DE LAS KYANG DBANG PO RNAMS RANG GI YUL NGES PAR MI 'GYUR ZHING, DE'I PHYIR YANG GZUGS LA SOGS PA RNAMS, DBANG PO THAMS CAD KYIS GZUNG BAR BYA BAR SO SO RE RE YANG 'GYUR TE, RDZAS BZHIN NO, DBANG PO THAMS CAD KYIS GZUNG BYA SMOS PA YANG, 'DIR DBANG PO GCIG GIS GZUNG BYA NYID KYI NGES BA SEL BA LHUR BYED PA'O, ,GANG GSUNGS PA DE LTA NA GZUGS LA SOGS PA RNAMS DBANG PO DU MAS GZUNG BAR BYA BA RNAMS SU 'GYUR RO ZHES PA STE, NGES PAS DBANG PO GCIG GIS GZUNG BAR BYA BA RNAMS SU MI 'GYUR RO ZHES PA'I DON TO, ,RANG GI BYE BRAG LA NGES PAR BYED PA RNAMS SO ZHES PA RANG GI KHYAD PAR LA NGES PAR BYED PA RNAMS TE, DBANG PO'I BLO RNAMS KYIS ZHES SBREL BAR BYA'O, ,RDZAS DANG GRANGS LA SOGS PA DANG LAS RNAMS LA ZHEN PA, SOGS PA SMOS PA LAS DNGOS PO DANG YON TAN NYID DANG THA DAD PA NYID LA SOGS PA RNAMS GZUNG BAR BYA'O, , @058B MI 'GYUR RO ZHES PA LA SOGS PA STE, RDZAS NI REG BYED DANG MIG GIS 'DZIN PAR MI 'GYUR LA, LHAG MA RNAMS MIG GIS SO ZHES SBYAR BAR BYA'O, ,DE LTA NA 'O NA ZHES PA RNAM PA GZHAN DU NGES PAR BYED PA NYID SMRAS SO, ,DE LTA NA YANG ZHES PA STE, PHYOGS 'DI LA DE MA THAG PAR BRJOD PA'I SKYON 'JUG PA MED DO ZHES STON PAR BYED DO, ,GANG ZHIG GI GANG LA NGES PAR BYED PA'I RGYU MED PA DE DE LA NGES PA MA YIN TE, DPER NA 'DOD PA TZAM GYIS 'JUG PA'I LAG PA LA SOGS PA'I MING RNAMS DON 'GA' ZHIG LA BZHIN, DBANG PO RNAMS KYANG RDZAS LA SOGS PA RNAMS LA NGES PAR BYED PA'I RGYU YOD PA MA YIN NO, ,RGYU MED PA'O, ,MDO DANG 'GAL LO ZHES PAS KHAS BLANGS DANG 'GAL BA GSUNGS SO, ,RIGS PAS KYANG ZHES PA LA SOGS PAS TE, GANG DNGOS PO MED PA DE BYA BA MA YIN TE, NAM MKHA'I ME TOG BZHIN, DBANG PO GZHAN GYIS MI 'DZIN PA YANG DNGOS PO MED PA'O, ,KHYAB PAR BYED PA DANG 'GAL BA'O, ,GZHAN RNAMS NI MDO RNAM PA GZHAN DU RTOG PAR BYED DE, DE SMOS PAS RANG GI KHYAD PAR DANG BRAL BA'I KHYAD PAR GZHAN DU MNGON PAR 'DOD PA STE, DE MED PA'I PHYIR REG PA NYID LA SOGS PA MED PA'I PHYIR RO, ,GZUGS LA MIG GI DBANG PO RAB TU 'JUG LA, DES KYANG REG BYA NYID LA SOGS PA MED PAS GZUGS NYID YOD PAR MTSON PAR BYA'O, ,DBANG PO GZHAN GYIS 'DZIN PA MA YIN PA NI MI 'KHRUL BA'O ZHES TE, DE YANG RIGS PAS KYANG ZHES PA LA SOGS PA KHO NAS BSAL BAR BYA'O, ,RIGS PAS RJES SU SGRUB PA CAN NYID DU GYUR NA NI, DE LTAR BSHAD PA MDZES MOD, RIGS PA DANG 'GAL NA NI DKA' BAS RTOG PA NI RTOG PA MA YIN PA KHO NA'O, ,GZHAN YANG RANG GI BYE BRAG RNAMS KYI SKABS NYID KYI PHYIR, DE'I SGRAS DE RNAMS KHO NA 'DZIN PAR RIGS KYI KHYAD PAR GZHAN RNAMS NI MA YIN TE, SKABS MA YIN PA NYID KYI PHYIR RO, ,DE MED PAS KYANG DNGOS PO NYE BAR LEN PA MI RIGS SO ZHES PAS 'DI NI SNYING PO MED PA'O, ,RNAM PAR BSHAD PA SNGA MA LA NI SKYON 'DI YOD PA MA YIN TE, GANG LA GANG GI RGYU MED PA DE NI DER 'BYUNG BA MA YIN NO ZHES PA RIGS TE, 'GYUR MOD CES PA LA SOGS PA GANG SMRAS PA'O, ,GAL TE DE LTA NA RDZAS MED NA, GANG BDAG @059A *, ,GIS MTHONG BA DE KHO NA REG PA'O SNYAM PA THA DAD PA MED PA'I SHES PA 'DI'I YUL CI YIN, 'DI NI YUL MED PA KHO NA'O ZHES SMRA BA NUS PA YANG MA YIN TE, YUL LA SOGS PA NGES PAS SKYE BA'I PHYIR, MNGON PAR 'DOD PA'I MNGON SUM BZHIN, ,ZHES BSAMS NAS SMRAS PA, 'O NA GANG ZHES PA LA SOGS PA'O, ,GZHAN PA'I SPYOD YUL CAN ZHES PA LA SOGS PA STE, RDZAS LAS GZHAN PA BRTAGS PA KHO NA 'DI'I YUL LO ZHES STON TO, ,YUL THA DAD PA ZHES PA LA SOGS PA STE, GZUGS DANG REG BYA YANG PHAN TSUN LAS BZLOG PA'I YUL NYE BAR DMIGS PA DANG LDAN PA LAS DE SKYE'O, ,DES NA GAL TE YANG BRTAGS PA YUL YIN PA DE LTA NA YANG GZUGS LA SOGS PA NYE BAR DMIGS PA YOD NA DE YOD PA'I PHYIR NA, SMIG RGYU LA SOGS PA LA CHU'I SHES PA BZHIN DU YUL LA SOGS PA NGES PA KHO NAS DE SKYE'O ZHES GSAL BAR BYED DO, ,DE YANG LHAN CIG SPYOD PA'I TSOGS PA'I YUL CAN ZHES PA STE, MIG DANG LUS KYIS NYE BAR DMIGS PA'I YUL THA DAD PA DE 'DI'I LHAN CIG SPYOD PA YIN PA ZHES PA NI, DE'I YON TAN YANG DAG PAR SHES PA STE 'BRU MANG PO PA'O, ,SLAR YANG DE DANG LHAN CIG SPYOD PA'I TSOGS PA 'DI'I YUL YIN PA ZHES 'BRU MANG PO PA KHO NA'O, ,DE LTAR GZUGS DANG REG BYA DAG LHAN CIG SPYOD PA NYE BAR MTSON PA NYID DU GYUR NA YANG DRI LA SOGS PA TSOGS PA TZAM YUL NYID DU BRJOD PAR 'GYUR BA MA YIN NO, ,DRAN PA NYID THA MI DAD PA'I SHES PA ZHES PA, GZUGS LA SOGS PA GANG RNAMS LA NYAMS SU MYONG BA SNGON DU 'GRO BA'I BUM PA ZHES PA'I BRDA YIN PA DE'I TSOGS PA LA SLAR YANG PHYI MA'I DUS SU GZUGS DANG REG PA NYE BAR DMIGS PA DANG LDAN PA PO'I DRAN PA STE, DE KHO NA BUM PA 'DI'O ZHES THA MI DAD PA'I SHES PA SKYE'O, ,GANG TSOGS PA NI DNGOS PO MA YIN PA'I PHYIR SHES PA 'GA' ZHIG GIS KYANG NYAMS SU MYONG BA MA YIN TE, DES NA CI LTAR DE LA DRAN PA YIN ZHES SMRA BA DE'I BRTZAD PAR BYA BA MA YIN TE, GANG GI PHYIR TSOGS PA NI BRTAGS PA YIN LA GANG YANG BRTAGS PA'I DNGOS PO DE NI RNAM PAR SHES PA'I GZUNG BA'I CHA SHAS NYID KYIS BDAG NYID DU GYUR PA'O ZHES PA RANG RIG PA KHO NAS NYAMS SU MYONG BAS SO, ,RNAM PA GZHAN DU NA CI @059B LTAR DE KHO NA KHANG BZANGS KYI PHRENG BA CHEN PO 'DI'O ZHES DRAN PAR 'GYUR, CI'I PHYIR 'DI TSOGS PA'I YUL CAN YIN GYI, YANG DNGOS POR YOD PA BUM PA LA SOGS PA RDZAS KYI YUL CAN NI MA YIN ZHE NA, GSUNGS PA, GZUGS LA SOGS PA 'DZIN PA MED NA DE'I BLO MED PA'I PHYIR RO ZHES PA, GANG ZHIG GANG 'DZIN PA MED PAR GYUR NA, DMIGS PA'I MTSAN NYID KYIR GYUR PA MA DMIGS PA DE NI DE LAS THA DAD PA YOD PA MA YIN TE, SHING LA SOGS PA RNAMS LAS GRONG DRUG GAM KHANG BZANGS KYI PHRENG BA BZHIN, BUM PA LA SOGS PA'I RDZAS KYANG GZUGS LA SOGS PA 'DZIN PA MED NA DMIGS PA'I MTSAN NYID KYIR GYUR PA MA DMIGS PA'O ZHES PA RANG BZHIN MA DMIGS PA GSUNGS SO, ,GANG DU SNANG BA KUN DU 'DZIN PA DER GZUGS BA LTAR RUNG BA KHO NAR 'GYUR BA MA YIN TE, SNANG BA MED PAR YANG SROG CHAGS 'GA' ZHIG RNAMS KYIS DE 'DZIN PA'I PHYIR DES MA NGES PA MA YIN NO, ,DE BZHIN DU KHYAD PAR CAN RNAMS ZHES PA LA SOGS PA STE, YOD PA DANG YON TAN NYID DAG GIS SNGAR MA NGES PAR BRJOD PA DE YONGS SU SPANG BA'I CHED DU NYE BAR BKOD PA STE, KHYAD PAR CAN RNAMS NI GZUGS LA SOGS PA RNAMS SO, ,DE RNAMS THA DAD PA RNAMS YOD PA DANG YON TAN ZHES PA'I KHYAD PAR 'DI DANG MA 'BREL PA KHO NA RNAMS, SNGAR NYE BAR DMIGS PA DANG LDAN PA'I DE LAS DON GZHAN RNAM PAR GCOD PA'I YUL CAN YOD PA MA YIN PA DANG YON TAN MA YIN PA LAS LDOG PA'I MTSAN NYID CAN TE, GANG SPYI YIN PA DE YUL LO ZHES PA JI SRID PA'O, ,THA MI DAD PAS THAMS CAD DU ZHES PA, YID LAS BYUNG BA'I SHES PA SPYI'I RNAM PA'I RJES SU 'BREL PA DE NI DE RNAMS THA DAD PA YOD KYANG BSGRIBS NAS, RANG GI RNAM PA THA MI DAD PA YANG 'DI RNAMS LA ZHEN TE, GCIG NYID LTA BUR KUN NAS LEN CING DE RNAMS THA MI DAD PAS DE THAMS CAD LA NYE BAR SKYE'I GCIG KHO NA LA NI MA YIN NO, ,YOD PA DANG YON TAN NYID DAG NI MNGON SUM MA YIN NO ZHES PA 'DI LAS MA NGES PA MA YIN NO ZHES PA DGONGS PA'O, ,DE NYE BAR MA MTSON PA'I PHYIR ZHES PA, SNGAR NYAMS SU MYONG BA'I SHES PA NI DNGOS PO THA DAD PA'I YUL CAN TE, DE'I PHYIR DE SNGON DU 'GRO BA NI YID LAS BYUNG BA SPYI'I SHES PA'O ZHES KHYAD PAR 'DI NYE BAR MA MTSON PA'I PHYIR RO, ,SPYOD YUL MTSUNGS NYID 'DOD @060A *, ,CE NA, ,ZHES PA MA NGES PA NYID GZHUNG GZUGS PA'I CHED DU NYE BAR BKOD PA'O, ,SPYOD YUL MTSUNGS PA NYID LA GTAN TSIGS SMRAS PA, DE MI 'DZIN NA DE'I BLO MED PA'I PHYIR RO ZHES BA KHYAD PAR BYED BA MA BZUNG BAS KHYAD PAR CAN LA BLO 'JUG PA MA YIN NO ZHES PA'I DON TO, ,DE LAS KYANG GZUGS LA SOGS PA KHYAD PAR CAN RNAMS DBANG PO THAMS CAD PA NYID KYI PHYIR DE'I KHYAD PAR YOD PA NYID DANG YON TAN NYID DAG DBANG PO THAMS CAD PA NYID DU GRUB BO, ,GANG KHYAD PAR DANG KHYAD PAR CAN DU GYUR PA DE RNAMS DBANG PO MTSUNGS PA'I YUL YIN TE, DPER NA DBYUG PA DANG DBYUG PA CAN BZHIN NO, ,YOD PA NYID DANG DE DANG LDAN PA RNAMS DANG, YON TAN DANG DE DANG LDAN PA RNAMS KYANG DE LTA BU'O, ,RANG BZHIN GYI GZUGS BRNYAN NO, ,MI 'DOD PA LA THAL BAR 'GYUR, ,ZHES PA THAL 'GYUR GYI ZOL GYIS MA NGES PA NYID DU GSUNGS SO, ,RDZAS DANG LDAN PA RNAMS ZHES PA LA SOGS PA STE, RDZAS 'DI RNAMS KYI RTEN DU YOD PA ZHES PA RDZAS DANG LDAN PA RNAMS SO, ,'DIR RDZAS DANG LDAN PAS YON TAN NI KHYAD PAR CAN TE, RDZAS NI KHYAD PAR RO, ,DE LAS KYANG JI LTAR YON TAN DBANG PO LTA BA YIN PA DE BZHIN DU RDZAS KYANG 'GYUR RO, ,DE BZHIN DU RDZAS GCIG PA NYID KYI PHYIR ZHES PA LA SOGS PA STE, RDZAS NI RDZAS MED PA DANG, RDZAS DU MAR 'DOD PAR BYA'I, RDZAS GCIG PA NI RDZAS MA YIN NO, ,DE LA RDZAS MED PA'I RDZAS NI, GANG LA RDZAS GZHAN GYI RTEN MED PA STE, DPER NA RDUL PHRA RAB DANG NAM MKHA' LA SOGS PA BZHIN NO, ,RDZAS DU MA'I RDZAS NI GANG LA RDZAS DU MA'I RTEN CAN TE, DPER NA BUM PA LTA BU'O, , DE NI DU MA LA 'PHROD PA 'DUS PA'O, ,'DIR YANG RDZAS GCIG NI YOD PA DBANG PO THAMS CAD PA'I KHYAD PAR RO ZHES PAS RDZAS KYANG DBANG PO THAMS CAD PAR 'GYUR LA, 'DOD PA YANG MA YIN NO, ,DE'I PHYIR MA NGES PA'O, ,RDZAS 'JUG PA'I PHYIR ZHES PA LA SOGS PA STE, RDZAS LA 'JUG PA'I YOD PA GANG YIN PA DE'I RDZAS GCIG NI KHYAD PAR YIN LA, 'DI NI DBANG PO THAMS CAD PA YANG MA YIN GYI, 'O NA CI ZHE NA, YON TAN LA 'JUG PA'O, ,DE'I PHYIR 'DI THAL BAR 'GYUR BA MA YIN NO, ,CI'I PHYIR THA MI DAD PA'I YOD PA 'DI RDZAS LA SOGS PA'I YOD PA LA DGAG PAR BYA BA MA YIN GYI, THA DAD @060B PA NI MA YIN ZHE NA GSUNGS PA, DE SKAD DU BSHAD PA NI ZHES PA LA SOGS PA STE, YOD PA'I RDZAS KYI RANG BZHIN DGAG PA BYAS PA NA, DE'I PHYIR YON TAN DANG LAS SU 'GYUR RO ZHES PA'I DOGS PA BSAL BA'I CHED DU 'DI BSHAD DE, LAS DANG YON TAN RNAMS LA YANG YOD PA'I PHYIR LAS MA YIN ZHING YON TAN MA YIN NO ZHES PA 'DI'I PHYIR SKABS SU BAB PA KHO NA'I YOD PA'I CHOS YANG GI SGRAS BSDU BAR BYA STE, GZHAN DU NA BSDU BA'I CHED DU YANG RIGS SO, ,RDZAS LA 'JUG PA LAS KYANG, YON TAN DNAG LAS RNAMS LA MI 'JUG PA LAS, YON TAN DANG LAS RNAMS LA YOD MIN GSAL BAR MI 'GYUR RO, ,GAL TE YANG ZHES PA LA SOGS PA STE, GAL TE 'DI 'GAL BA'I CHOS LA GNAS PAR 'DOD NA, DE LAS THA DAD PAR 'GYUR RO, ,DE LAS KYANG DE MA THAG PAR BRJOD PA'I SKYONG 'DI 'GYUR RO, ,MDO 'DI YANG 'GAL BA STE, YOD PA'I RTAGS KHYAD PAR MED PA'I PHYIR DANG, KHYAD PAR GYI GTAN TSIGS MED PA'I YANG PHYIR YOD PA GCIG PA'O ZHES PA BSAM PA'O, ,GANG GI TSE YANG ZHES PA LA SOGS PA STE, GANG GI TSE 'DI MIG GIS MTHONG NAS ME 'DI DRO BA'O ZHES 'DZIN PA DE'I PHYIR DE'I TSE REG BYA YANG ME'I KHYAD PAR NYID KYI PHYIR MIG GIS GZUNG BAR BYA BAR 'GYUR LA, DE LTAR YANG MA YIN NO ZHES PA STE, DE'I PHYIR YANG MA NGES PA'O, ,MTHONG BA ZHES PA 'DIS DON GYIS GO BA DANG MTSUNGS PA'I LTAG CHOD NYE BAR 'GOD DO, ,MED KYANG ZHES PA LA SOGS PAS SNGON PO LA SOGS PA THA DAD PA RNAMS LA YANG DBANG PO THA DAD MED PA STON PAR BYED PAS SHING SEMS PA CAN NYID LA NYAL BA BZHIN DU NYE BAR DMIGS PAR MTSUNGS PA GNYIS PA'O, ,'DZIN PA THA DAD PA'I PHYIR ZHES PA YANG GTAN TSIGS GZHAN NYE BAR BSTAN PA LAS DANG PO'O, ,RNAM GZHAN DU BRJOD CES PA LA SOGS PAS DON GYIS GO BA DANG MTSUNGS BA SEL BAR BYED DO, ,DE LTAR 'GYUR MOD MA NGES PA'O ZHES PA 'DIS GTAN TSIGS 'KHRUL PAR BRJOD PA MA YIN GYI, 'O NA CI ZHE NA, DAM BCA' BA'I SKYON NO, ,GANG GI PHYIR KHYOD KYIS DBANG PO THA DAD PAS GZUNG BYA NYID KHO NA'I PHYIR RO ZHES NGES PAR 'DZIN PAS GTAN TSIGS GZHAN MED DO ZHES DAM BCA' BAR 'GYUR LA, DE YANG MI RIGS TE, GTAN TSIGS GZHAN YANG YOD PA GYUR PA'I PHYIR RO ZHE NA @061A *, ,DE'I PHYIR GSUNGS PA, MA YIN ZHES PA LA SOGS PA STE, 'DIR MA NGES PA YANG MA YIN NO ZHES PA NI NGES PA 'DI 'KHRUL PA MA YIN NO ZHES PA'I DON TO, ,THAMS CAD BSGRUB BYAR ZHES PA LA SOGS PAS NYE BAR DMIGS PA GNYIS PA SEL BAR BYED DO, ,BLO THA DAD PA'ANG GZHAN NYID KYI PHYIR ZHES PA LA SOGS PAS, GTAN TSIGS GZHAN YANG BSGRUB PAR BYA BA'I 'JUG PA STON PAR BYED PAS, MI 'KHRUL BA DANG BCAS PA BSTAN PA LAS DANG PO'O, ,'BYED NA RNAM GZHAN DBYER MED CING, ,CES PA 'DZIN PA THA DAD PA 'BA' ZHIG LAS RNAM PA GZHAN PA DBANG PO THA DAD PA DANG 'DZIN BYED THA DAD PAR GYUR NA YANG THA MI DAD PA MA YIN PA KHO NA'O ZHES PA JI SRID PA'O, ,GANG LA YANG ZHES PA LA SOGS PAS GAL TE 'DZIN PA THA DAD PA 'BA' ZHIG LAS SNGON PO LA SOGS PA RNAMS LA THA DAD PA STE, DE LTAR GYUR NA GANG LA DBANG PO THA DAD PA DANG 'DZIN BYED THA DAD PA YANG YOD PA DE LA CHES SHIN TU YANG THA DAD PAR 'GRUB PO, ,DBANG PO THA DAD PA BYAS PA LA NI, THA DAD PA MED PA'I DGOS PA MED PA'I PHYIR RO ZHES STON TO, ,'DIS ZHES PA RDZAS LA MNGON SUM SEL BA'I RIGS PAS SO, ,YON TAN LA SOGS PA RNAMS LA ZHES PA LA, SOGS PA'I SGRAS LAS RNAMS LA'O, ,BSAL ZHING SPANGS PAR BRJOD DO, ,CI LTAR ZHE NA GSUNGS PA, DE YANG NI ZHES PA LA SOGS PA STE, RANG GI RTEN CAN NI, YON TAN DANG LAS DAG GI RANG GI SPYI STE, YON TAN NYID DANG LAS NYID DO, ,GANG GI RTEN RANG NYID YIN PA DE RANG GI RTEN CAN TE, DE DANG 'BREL PA'I SGO NAS SKYE'O ZHES PA NI 'DI DANG LHAN CIG V'BREL PA STE, KHYAD PAR DANG 'BREL PA'I SGOS SKYE'O ZHES PA JI SRID PA'O, ,DE'I PHYIR YANG GANG KHYAD PAR LA LTOS PA DE MNGON SUM MA YIN ZHES PA LA SOGS PA SNGA MA BZHIN DU SGRUB BYED BRJOD PAR BYA'O, ,GZHAN YANG DE YANG BZHI PO LA SOGS PA PHRAD PA KHO NA LAS SKYE'O ZHES 'DI BSTAN PA'O, ,SOGS PA'I SGRAS GSUM 'DUS PA LAS DANG GNYIS 'DUS PA LAS KYANG JI LTAR SRID PAR RO, ,DE LAS SKYON CI YOD CE NA GSUNGS PA, JI LTAR THAMS CAD DU ZHES PA LA SOGS PA STE, DE LA BZHI PO PHRAD PA LAS NI BDAG DANG YID DANG DBANG PO DANG RDZAS PHRAD PA LAS GZUGS LA SOGS PA RNAMS LA DANG, @061B LAS RNAMS LA'O, ,GSUM 'DUS PA LAS SGRA LA'O, ,DE LA RDZAS DANG LHAN CIG DBANG PO 'BREL PA YOD PA MA YIN TE, NAM MKHA' LAS THOS PA NYID KYI PHYIR DANG, DE KHO NA LA SGRA 'DU BA CAN YIN PA'I PHYIR RO, ,GNYIS PHRAD BA LAS NI BDAG DANG YID PHRAD PA BDE BA LA SOGS PA RNAMS LA'O, ,DE LTAR NA YON TAN DANG LAS DANG RANG NYID DANG PHRAD PA RNAMS LAS SHES PA 'GRUB PA'I PHYIR, RDZAS NI RGYU DANG RGYU'I YANG NGO ZHES GANG BRJOD BA DE YANG SUN PHYUNG BA YIN NO ZHES PA'O, ,SER SKYA PA RNAMS KYI ZHES PA LA SOGS PA STE, DER BRJOD PA, CI RJES SU DPAG PA GCIG PU KHO NA TSAD MA'AM ZHE NA, MA YIN ZHES BRJOD PAR BYA STE, RNA BA LA SOGS PA'I 'JUG PA YANG NGO, ,MNGON SUM TSAD MA ZHES PA LHAG MA'O, ,RNA BA DANG PAGS PA DANG MIG DANG LCE DANG SNA RNAMS KYI YID KYIS BYIN GYIS BRLABS PA'I 'JUG PA SGRA DANG REG BYA DANG GZUGS DANG RO DANG DRI RNAMS LA RIM PA JI LTA BAR 'DZIN PA LA 'JUG BZHIN PA NI MNGON SUM GYI TSAD MA'O, ,YID KYIS ZHES PA YID KYI 'JUG PA STE, RANG BZHIN DANG RNAM 'GYUR DAG THA DAD MED PAR NYE BAR BTAGS PA LAS DE SKAD DU BSHAD DO, ,BYIN GYIS BRLABS PA ZHES PA DE DANG LHAN CIG YUL GCIG LA ZHUGS PA ZHES PA'I DON TO, ,'DIR BYIN GYIS BRLABS PA'I DON NI LHAN CIG PA'I DON TE, DPER NA RGYAL PO'I MIS BYIN GYIS BRLABS SHING ZHUGS PA NI DE DANG LHAN CIG GO ZHES RTOGS PAR BYA BA YIN PA BZHIN NO, ,GZHAN RNAMS NA RE YID KYIS BYIN GYIS BRLABS PA ZHES PA, YID KYIS YANG DAG PAR RIG PA STE, JI SKAD DU BSHAD PA, ,PHYI ROL GYI DON RNAMS LA, DBANG PO ZHEN PAR BYED NA, DBANG PO ZHEN PA DE LA YID RJES SU ZHEN PAR BYED DO ZHES SO, ,GZHUNG 'DI NI DBANG PO'I 'JUG PA KHO NA PHYI ROL GYI YUL GYI RNAM PA CAN NI, YID KYI 'JUG PAS YANG DAG PAR RIG PAR BYA BA STE, DBANG PO'I 'JUG PA DANG LHAN CIG PAS PHYI ROL GYI DON NI MA YIN NO ZHES RTOGS PAR BYA'O, ,DE'I PHYIR GANG RNA NA LA SOGS PA RNAMS KYI 'JUG PA YID KYI 'JUG PAS GZUNG BAR BYA BA DE NI DES BYIN GYIS BRLABS BA ZHES BRJOD DE, DBANG PO RNAMS KYI 'JUG PA NI, RANG GI YUL NYE BAR GYUR PA NA, DE'I RNAM PAR YONGS SU 'GYUR BAR SHES PAR BYA'O, ,DE SLAR YANG @062A *, ,RNAM PA GNYIS TE, RKYEN DANG BCAS PA DANG RKYEN MED PA'O, ,RKYEN NI SKYES BU LAS BYUNG BA'I RTOGS PAR BRJOD PAR BYA STE, SEMS PA CAN NYID KYI NGO BO YUL NYAMS SU MYONG BA'I RANG BZHIN NO, ,'DI YANG BDAG GI NGO BO YIN GYI GZHAN 'GA' ZHIG GI MA YIN TE, SEMS PA MED PA NYID KYI PHYIR RO, ,SKYES BU LAS BYUNG BA'I RKYEN DE DANG LHAN CIG 'DUS PA GANG YIN PA DE DANG NGO BO GCIG PA LTA BUR STON PA DE NI RKYEN DANG BCAS PA STE, DPER NA BSREGS PA'I GNAS SKABS NA LCAGS KYI GONG BU ME DANG 'DRES PA LAS DE'I RANG BZHIN MA YIN YANG ME'I RANG BZHIN NYID LTA BUR 'BYUNG BA DE BZHIN DU 'JUG PA NI NYAMS SU MYONG BA'I NGO BO MA YIN YANG SEMS PA CAN DANG 'DRES PA LAS SEMS PA CAN GYI NGO BO LTA BUR 'BYUNG NGO, ,GANG YANG 'JUG PA SGRON MA'I 'OD LTA BU YUL GSAL BAR BYED PA 'BA' ZHIG MA YIN GYI SEMS PA CAN DANG 'DRES PA LAS DE'I NGO BO LTA BUR BYUNG BA NI MA YIN PA DE RKYEN MED PA ZHES BRJOD DO,, DE LA SKYEN MED PA'I 'JUG PA BZLOG PA'I CHED DU 'DZIN PA LA 'JUG BZHIN PA ZHES SMRAS SO, ,SGRA DANG REG BYA DANG GZUGS DANG RO DANG DRI RNAMS LAS RIM PA JI LTA BAR ZHES PA 'DIS RANG GI YUL LA NGES PAR 'JUG PAR BRJOD PA LAS YUL DES PA NYID DO, ,'O NA RNA BA LA SOGS PA'I 'JUG PA KHO NA SGRA LA SOGS PA RNAMS KYI 'DZIN PAR BYED PA YIN NA, DE LA GAR 'DZIN PA LA 'JUG PAR BYED PA 'JUG PA GZHAN CI ZHIG YIN ZHE NA, KHA CIG SMRA BA'I DBANG PO'I YUL BAR MA CHOD PAS 'JUG PA K'A SH'A YIS MNGON PAR BCOM PA LTA BU'AM, GYEN DU GTOR BA'I CHU LTA BU YUL RANG NYID LA MI GNAS PA'I 'JUG PA BRJOD PAR BYA ZHING, GNAS PA NI YUL GYI RNAM PA YONGS SU GYUR PAS YONGS SU RDZOGS PA'I 'DZIN PA'O ZHES PA STE, GANG LA BAR CHOD PA MED PA SNA LA SOGS PA DE LA YANG DBANG BO'I YUL DANG 'BREL PA LAS BAR MA CHAD PAR RNAM PAR 'GYUR BA SKYE BZHIN PA YUL GYI RNAM PA NYID KYIS YONGS SU MA RDZOGS PA'I 'JUG PAR SHES PAR BYA'O, ,DES YONGS SU RDZOGS PA NI NANG GI 'DZIN PA'O ZHES SO, ,GZHAN RNAMS SMRA BA NI 'JUG PA RNAMS RTOG PA MED PA NYID DU NYE BAR BSTAN BA'I DON DU, SGRA LA SOGS PA RNAMS KYI 'DZIN PA LA 'JUG BZHIN PA ZHES 'DI THA DAD PAR BSHAD DE, 'DI SKAD BSHAD @062B PAR 'GYUR TE, RANG GI NGO BO 'DZIN PA TZAM LA 'JUG BZHIN PA NI MNGON SUM TSAD MA STE, RNAM PA GZHAN DU NI MA YIN NO ZHES PA'O, ,GAL TE YANG RNAM PAR RTOG PA LA 'DI SRID PA YOD PA MA YIN MOD, DE LTA NA YANG RGYAL DPOG PA LA SOGS BA RNAMS KYIS RNAM PAR RTOG PA CAN MNGON SUM DU BRTAGS PA DE LA LTOS PAS KHYAD PAR 'DI'O, ,'JUG PA THAMS CAD NI 'DZIN PA TZAM LA 'JUG STE, RNAM PAR RTOG PA CAN MA YIN NO ZHES PA'O, ,'DZIN PA LA 'JUG BZHIN PA ZHES PA DE'I RANG BZHIN NO ZHES PA'I DON TO, ,GZHAN RNAMS NI, RKYEN MED PA'I 'JUG PA KHO NA TSAD MA DANG RKYEN DANG BCAS PA NI 'BRAS BUR 'DOD DO, ,'DZIN PA LA 'JUG BZHIN PA ZHES PA YANG 'DI LTAR BRJOD PAR BYA STE, 'DZIN PA LA STE, 'BRAS BU BYA BA LA STE, 'DZIN PA'I RGYU MTSAN 'JUG PA ZHES PA'I DON TO, ,DBANG PO THUG MED CES PA DBANG PO RNAMS MTHA' YAS PA NYID DU THAL BAR 'GYUR RO ZHES PA'I DON TO, ,CI LTAR ZHE NA GSUNGS PA, DE RNAMS KYIS NI ZHES PA LA SOGS PA STE, JI SKAD DU BSHAD PA 'ON PAS, DBANG PO DGU RNAMS YOD PA NA, ,SGRA MI THOS TE, DE'I PHYIR RNA BA KHO NA SGRA'I YUL CAN TE, 'DIS PAGS PA LA SOGS PA RNAMS RANG GI YUL LA 'JUG PAR RTOGS PAR BYA'O ZHES SO, ,YON TAN GSUM RNAMS NI YON TAN GSUM NYID DE, 'JIG RTEN GSUM NYID BZHIN NO, ,'PHEL BA NI LHAG PA'O, ,'GRIB PA NI DMAN PA NYID DO, TZAM GYI SGRA NI RANG BZHIN GYI DBYE BA RNAM PAR GCAD PA'I CHED DU STE, SNYING STOBS LA SOGS PA'I YON TAN GYI RANG BZHIN SGRA LA SOGS PA RNAMS KYI RANG GI NGO BO DBYE BA YOD PA MA YIN NO, ,DE LAS KYANG ZHI BA DANG 'JIGS PA DANG RMONGS PA DANG DRUG LAS SKYES PA LA SOGS PA'I BYE BRAG GIS MTHA' YAS PA'I PHYIR DBANG BO MTHA' YAS PAR 'GYUR RO, ,JI LTAR SGRA LA SOGS PA'I RIGS KYI DBYE BA YON TAN 'PHEL BA DANG 'GRIB PA LAS 'GYUR BA DE LTAR DRUG LAS SKYES PA LA SOGS PA'I DBYE BA YANG NGO, ,DE'I PHYIR 'DI SKAD BSHAD PAR 'GYUR RO, ,GANG YON TAN 'PHEL BA DANG 'GRIB PA'I DBYE BAS THA DAD PA DE RNAMS DBANG PO THA DAD PAS GZUNG BAR BYA BA'I RIGS DANG YANG DAG PAR LDAN PA RNAMS YIN TE, SGRA DANG REG BYA LA SOGS PA BZHIN, BLO @063A *, ,GSAL BA LA SOGS PA'I SGRA'I KHYAD PAR RNAMS KYANG DE LTA BU'O ZHES PA RANG BZHIN GYI THAL 'GYUR RO, ,DE LAS KYANG KHAS BLANGS PAS GNOD PA'O, ,CI STE ZHES PA LA SOGS PA STE, GAL TE 'PHEL BA DANG 'GRIB PA LA SOGS BA THA DAD PA'I DRUG LAS SKYES PA LA SOGS PA RNAMS LA YANG RNA BA'I DBANG POS GZUNG BAR BYA BA GCIG PO YON TAN GSUM GYI RIGS DANG LDAN PAR 'DOD NA, DBANG PO GCIG KHO NAR THOB STE, THAMS CAD DU YON TAN GSUM THA MI DAD PA'I PHYIR RO, ,GANG YON TAN GSUM THA MI DAD PA'I RIGS DANG LDAN PA DE RNAMS RNA BA'I DBANG POS GZUNG BAR BYA BA RNAMS TE, DRUG SKYES LA SOGS PA BZHIN, SGRA DANG REG BYA LA SOGS PA YANG DE LTA BU'O, ,DE KHO NA'I THAL 'GYUR RO, ,'O NA LAS KYI DBANG LAS DBANG PO MNGON PAR 'GRUB KYI GZUNG BA'I DBANG LAS MA YIN PA MA YIN NAM, DE LA CI LTAR DBANG PO MTHA' YAS PA 'AM DBANG PO GCIG TU 'GYUR RO ZHES PA'I RTZOD PA 'DI CI LTAR YIN ZHE NA, KHO BO CAG GI LAS KYI DBANG LAS TE, LAS KYI RNAM PAR SMIN PA BSAM GYIS MI KHYAB PA'O ZHES 'DOD DO, ,PHA ROL POS NI SKYES BU'I 'DOD PA 'GRUB PA'I CHED DU GTZO BO'I 'JUG PA'O ZHES SEMS TE, DE LA GAL TE DBANG PO GCIG KHO NAS SKYES BU'I DON PHUN SUM TSOGS NA DBANG PO GCIG GI BDAG NYID KHO NAS RANG BZHIN YONGS SU 'GYUR BAR RIGS TE, RNAM PA GZHAN DU NA NI RNAM PA GZHAN DU'O ZHES PAS RTZOD PAR RIGS SO, ,'DIR 'GYUR MOD YON TAN GSUM NYID KHO NA RNA BA'I DBANG POS GZUNG BYA'O ZHES MI SMRA'I, 'ON KYANG DE KHO NA'I YONGS SU 'GYUR BA BLO RJES SU 'GRO BA'I RGYU MTSAN 'DRA BA SHES PA NI ZHES BYA BA NI RIGS YIN LA, DE YANG SGRA'I BYE BRAG THAMS CAD LA RJES SU 'JUG CING REG BYA LA SOGS PA RNAMS LAS BZLOG PA YANG NGO, ,DE KHO NA RNA BA'I DBANG POS GZUNG BAR BYA BA STE, DE'I PHYIR SKYON CUNG ZAD KYANG MED DO ZHE NA, DE'I PHYIR GSUNGS PA, YON TAN GSUM LAS THA DAD PA'I ZHES PA LA SOGS PA'O, ,CI LTAR MED CES SMRAS TE, DBYIBS KYI BDAG NYID CAN GYI RIGS NI YOD PA KHO NA STE, YON TAN GSUM THA MI DAD NA YANG YON TAN GSUM KYI GNAS SKABS TZAM THA DAD PA LAS SGRA LA SOGS PA'I RIGS RNAMS THA DAD DO, , @063B DE SKAD DU YANG BSHAD PA, SGRA DANG REG BYA DANG GZUGS DANG RO DANG DRI STE LNGA RNAMS NI, ,BDE BA DANG SDUG BSNGAL DANG GTI MUG GSUM PO RNAMS KYI NGES PAR BKOD PA'I BYE BRAG RNAMS SO ZHES PA'O, ,DE'I PHYIR SGRA'I RNAM PAR YONGS SU GYUR PA'I BDE BA LA SOGS PA RNAMS NI DBYIBS KYI KHYAD PAR GANG GIS YANG DAG PAR BKOD PA RNAMS TE, DBYIBS GZHAN GYIS YANG DAG PAR BKOD PA RNAMS NI REG BYA LA SOGS PA RNAMS SO ZHES STON PAR BYED DO, ,DE'I PHYIR DBANG PO NGES PAR GZUNG BAR BYA BA NYID YIN ZHING, DBANG PO MTHA' YAS PA NYID KYANG MA YIN TE, DBYIBS RNAMS NI LNGA NYID KYI PHYIR RO, , DBYIBS NI GNYIS GZUNG BYA ZHES PA'O, ,'O NA DBYIBS NI RDZAS YOD MA YIN TE, DES NA CI'I PHYIR DE GNYIS KYIS GZUNG BYA NYID YIN ZHE NA, SKYON 'DI MED DE, PHA ROL PO'I BSAM PAS DE SKAD BSHAD DO, ,PHA ROL PO NI GZUGS CAN GYI DBANG PO'I RNAM PAR SHES PA'I RJES SU 'GRO BA'I YOD KYI RNAM PAR SHES PA'I DBYIBS NYE BAR DMIGS NAS RNAM PAR SHES PA DE DAG GI SHIN TU PHRA BA'I DUS KYI DBYE BA NGES PAR 'DZIN DKA' BA NYID KYI PHYIR DE 'DI KHO NA MIG DANG LUS KYI RNAM PAR SHES PA STE, RING PO LA SOGS PA'I DBYIBS 'DZIN PA'O ZHES JI LTAR SEMS PA DE LTAR 'DI BRJOD DO, ,'DI SKAD STON TE, DBYIBS DNGOS POR 'GYUR MOD, DE GNYIS KYIS GZUNG BAR BYA BAR MTHONG NGO ZHES PAS RANG GI YUL LA NGES PAR 'JUG PA NI 'GAL PA'O ZHES PA'O, ,SGRA LA SOGS PA RNAMS KYANG ZHES PA KHAS BLANGS PAS GNOD PA GSUNGS SO, ,MANG NA THAL BA DANG BZLOG PAS TE, GANG GANG GI CHOS SU 'GYUR BA MA YIN PA DE DE'I BDAG NYID CAN MA YIN TE, DPER NA SEMS PA CAN GTZO BO'I CHOS MA YIN PA DE NI, DE'I BDAG NYID MA YIN PA BZHIN, ,SGRA LA SOGS PA RNAMS KYANG DBYIBS KYI CHOS SU 'GYUR BA MA YIN NO ZHES PA KHYAB PAR BYED PA MED PA'O, ,DBYIBS NI, GSUM SPYOD YUL MIN ZHES PA BSGRUB PAR BYA BA MED PA LA GTAN TSIGS MED PA GSUNGS SO, ,DBYIBS KYIS BYAS PA YANG ZHES PA LA SOGS PA STE, BI WANG DANG RNGA PA nA WA LA SOGS PA'I SGRA'I RIGS PHAN TSUN THA DAD PA RNAMS NI SGRA'I RIGS LAS MA 'DAS PAR GNAS BA NYID KYI PHYIR YUL MTSUNGS PA NYID DU 'GYUR RO, , @064A *, ,DE YANG MI RIGS TE, RING PO DANG THUNG NGU LA SOGS PA'I DBYIBS YUL GCIG TU MTHONG BA DANG 'DOD PA NI MA YIN NO ZHES PAS KHAS BLANGS DANG 'GAL BA'O, ,DBYIBS MTSUNGS PA RNAMS LA YANG ZHES PA LA SOGS BA STE, DBYIBS THA DAD PAS BYAS PA RIGS THA DAD PA 'DOD PA'I PHYIR, GSER LA SOGS PA'I RANG BZHIN GYI BUM PA LA SOGS PA DBYIBS MTSUNGS PA RNAMS LA, DBYIBS KYI RANG BZHIN YIN PA NYID KYI PHYIR NA, RIGS THA DAD PA RNAMS KYI DBYIBS KYANG DE RNAMS LA MTSUNGS PA NYID KYI PHYIR, GSER LA SOGS PA'I RIGS RNAMS DANG DE'I RGYU RNAMS DANG SGRA LA SOGS PA RNAMS DANG, DE'I RGYU SNYING STOBS LA SOGS PA RNAMS KYANG GCIG NYID 'THOB BO, ,'O NA MA TRA LA SOGS PA DBYIBS MTSUNGS PA RNAMS KHO NA LA GCIG NYID DU RIGS PA MA YIN NAM, GSER LA SOGS PA RNAMS LA NI JI LTAR YIN ZHE NA, DE DANG THA MI DAD PA'I PHYIR, DE RNAMS KYANG DBYIBS MTSUNGS PA RNAMS SO ZHES PAS 'DI NI BRTZAD PAR BYA BA MA YIN NO, ,RANG GI YUL LA 'JUG PA MED PA ZHES PA MIG GIS BUM PA LA SOGS PA 'DZIN PA NA SGRA LA SOGS PA RNAMS 'DZIN PA'I PHYIR RO, ,THAL BA DANG, BZLOG PAS KYANG STE, GANG ZHIG GANG THA DAD PA MED NA YANG THA DAD PA 'DI DE'I BDAG NYID MA YIN TE, DPER NA SEMS PA CAN THA DAD PA MED NA YANG THA DAD BZHIN PA'I SNYING STOBS LA SOGS PA RNAMS DE'I BDAG NYID MA YIN PA BZHIN, GSER LA SOGS PA RNAMS KYANG DBYIBS THA DAD MED NA YANG THA DAD PA'O ZHES PA KHYAB BYED 'GAL BA GSUNGS SO, ,RIGS TZAM 'DZIN PA'AM ZHES PA DBYIBS TZAM 'DZIN PA'O, ,TZAM GYI SGRA NI BDE BA LA SOGS PA 'DZIN PA RNAM PAR GCAD PA'I DON TO, ,RIGS KYIS KHYAD PAR DU BYA BA'I BDE BA LA SOGS PA 'DZIN PA ZHES DBYIBS KYI KHYAD PAR DU BYAS PA'I BDE BA LA SOGS PA 'DZIN PA ZHES PA'O, ,DON 'DI RANG BZHIN MI 'DZIN PA ZHES PA SGRA LA SOGS PA RNAMS KYI BDE BA LA SOGS PA'I RANG BZHIN MI 'DZIN PAR RO, ,DE LTAR 'GYUR MOD, DON GYI RANG BZHIN NI DBYIBS LAS THA MI DAD PA'I PHYIR DE NYE BAR DMIGS PA NA DE YANG NYE BAR DMIGS PA KHO NA'O ZHE NA, GSUNGS PA, GANG GI PHYIR MTHONG ZHES PA LA SOGS BA STE, @064B 'DIS NI, GANG GI DBYIBS TZAM NYE BAR DMIGS PA NI DE'I RANG BZHIN NYE BAR DMIGS PA MA YIN TE, DPER NA SNANG BA ZHAN PA'I PHYOGS SU DMIGS PAR BYA BA BA LANG LA SOGS PA'I DBYIBS TZAM BZHIN, DBANG PO'I 'JUG PAS SGRA LA SOGS PA RNAMS KYI YANG DBYIBS TZAM DMIGS PA'O ZHES 'GAL BAS KHYAB PA GSUNGS SO, ,DON DBYE MI 'DZIN 'GYUR ZHES PA, ,SGRA LA SOGS PA'I DON GYI KHYAD PAR DMIGS PAR MI 'GYUR RO, ,DE LA DBYIBS GZHAN MED PA'I PHYIR RO ZHES PA, SGRA LA SOGS PA RNAMS NI DBYIBS KYI BDAG NYID KYI RIGS RNAMS TE, DE LA DBYIBS GZHAN YOD PA MA YIN TE, GANG GIS PI WANG GI SGRA ZHES 'DZIN PAR 'GYUR BA'O ZHES PA KHAS BLANGS PA NYAMS PA'O, ,CI STE SKYON 'DIR MA GYUR CIG CES PAS, SGRA'I RIGS LA YANG DBYIBS GZHAN GYI KHYAD PAR KO SHI KA LA SOGS PA 'DOD DE, DE LTAR NA DE'I TSE SKYON 'DIR THAL BAR 'GYUR RO ZHES STON PA GSUNGS PA, DON LA ZHES BYA BA LA SOGS PA STE, DON NI RANG GI YUL TE, DE LA RNAM PAR RTOG PA CAN DU 'GYUR RO, ,CI'I PHYIR ZHE NA GSUNGS PA, RANG GI DON GYIS KHYAD PAR DU BYAS PA'I ZHES PA LA SOGS PA STE, SGRA'I RIGS KYIS KHYAD PAR DU BYAS PA'I, DE'I KHYAD PAR KO SHI KA LA SOGS PA YANG 'DZIN PA'I PHYIR RO ZHES PA'I DON TO, ,NGES PAR SBYOR BA LAS KYANG KHYAD PAR NI SGRA'I RIGS KYIS KHYAD PAR DU BYAS PAR GZUNG BAR BYA'I, GZHAN DU NA 'DI NI SGRA'I KHYAD PAR RO ZHES 'DZIN PAR MI 'GYUR RO, ,RIGS KYIS KHYAD PAR DU BYAS PA DANG DE'I DBYE BA 'DZIN PAR KHAS BLANGS PA NA RIGS TZAM 'DZIN PAR BYED PA'O ZHES PA'I PHYOGS 'DI NYAMS PA YANG MA YIN TE, GANG GI PHYIR TZAM GYI SGRAS BDE BA LA SOGS PA RNAM PAR GCOD PA'I SGRA LA SOGS PA'I RIGS KYI KHYAD PAR MA YIN PAS SO, ,DES 'DI SKAD BRJOD PAR 'GYUR TE, GANG KHYAD PAR DU BYED PAS RNAM PAR GCAD PA'I DON 'DZIN PAR BYED PA'I BLO DE NI RNAM PAR RTOG PA DANG BCAS PA YIN TE, DPER NA 'DI BA LANG KHRA BO'O ZHES PA'I BLO BZHIN, SGRA LA SOGS PA'I KHYAD PAR GYI YUL CAN GYI BLO YANG DE LTA BU'O, ,RANG BZHIN GYI THAL 'GYUR RO, ,CI STE ZHES PA LA SOGS PAS PHYOGS GZHAN LA YANG SKYON DE KHO NA GSUNGS SO, , @065A *, ,BDE BA LA SOGS PA RNAMS KYANG ZHES PA BDE BA LA SOGS PA RNAMS KHO NA SGRA LA SOGS PA'I BDAG NYID DU BKOD PA RNAMS SO ZHES PA 'DI LAS DRIS PA'O, ,RE ZHIG SO SOR NI MA YIN TE ZHES PA LA SOGS PA STE, GANG PHYIR BDE BA LA SOGS PA RE RE 'DZIN NA NI, DBANG PO'I 'JUG PA RNAMS RANG GI YUL KHO NA LA 'JUG PAR 'GYUR BA MA YIN TE, THAMS CAD DU BDE BA LA SOGS PA RNAMS KHYAD PAR MED PA'I PHYIR RO, ,DE YANG 'DOD DE, DE'I PHYIR BDE BA LA SOGS PA SO SOR GZUNG BAR BYA BA MA YIN NO, ,'O NA CI ZHE NA, SGRA LA SOGS PA STE, DE'I PHYIR DE RNAMS KHO NA SO SOR YONGS SU GYUR PA SGRA LA SOGS PA'I RANG DNGOS RNAMS SU 'GYUR RO ZHES GSUNGS PA MA YIN ZHES PA LA SOGS PA STE, LNGA RNAMS GSUM GYI BKOD PA'I KHYAD PAR RNAMS, ,ZHES KHAS BLANGS PA'I PHYIR 'DI YOD PA MA YIN NO, ,DES 'DI SKAD BSHAD PAR 'GYUR TE, GANG SGRA LA SOGS PA'I RANG DNGOS SU MI 'GYUR BA DE RNA BA LA SOGS PA'I 'JUG PAS GZUNG BAR BYA BA MA YIN TE, SEMS PA CAN NYID BZHIN, BDE BA LA SOGS PA YANG SO SOR SGRA LA SOGS PA'I RANG DNGOS SU 'GYUR BA MA YIN NO ZHES PA KHYAB PAR BYED PA MED PA'O, ,MA YIN TE GZHAN MA YIN PA NYID KYI PHYIR ZHES PAS MA GRUB PA SGRAS SO, ,GANG SGRA LA SOGS PA LAS GZHAN MA YIN PA DE RNA BA LA SOGS PA'I 'JUG PA'I GZUNG BAR BYA BA YIN TE, SGRA LA SOGS PA BZHIN, BDE BA LA SOGS PA'I RANG GI DNGOS PO YANG DE LTA BU'O, ,RANG BZHIN NO, ,GZHAN MIN ZHE NA ZHES PA LA SOGS PA STE, GANG SGRA LA SOGS PA LAS GZHAN MA YIN PA DE'I RGYU MA YIN TE, SGRA LA SOGS PA BZHIN, BDE BA LA SOGS PA YANG DE LTA BU'O ZHES PA 'GAL BAS KHYAB PA GSUNGS SO, ,DE LAS KYANG KHAS BLANGS PA DANG 'GAL LO, ,GANG BRJOD PA ZHES PA LA SOGS PAS NI RGYU NYID DU KHAS BLANGS PA GSUNGS TE, SNYING STOBS SGRA'I 'BRAS BUR BSHAD NAS, SGRA'I BDAG NYID DU GNAS PAS NI, RDUL DANG MUN PA DAG SGRA LAS BYUNG BA'I CHED DU 'JUG PAR 'CHAD PAR BYED DO, ,RDUL SGRA'I 'BRAS BUR BSHAD NAS ZHES PA LA SOGS PA THAMS CAD LNGA MA BZHIN NO, ,'DI NI KHYAD PAR TE, @065B RDUL GYIS SNYING STOBS DANG MUN PA DAG SGRA'I DNGOS PO'I CHED DU 'JUG PAR BYED DO, ,MUN PA NI SNYING STOBS DANG RDUL DAG DGRA LA YOD PA'I CHED DU RNAM PAR 'JOG PAR BYED DO ZHES PA'O, ,CI STE GZHAN NYID MA YIN PA NYID NA YANG 'BRAS BU DANG RGYU'I DNGOS POR 'DOD CING, DE LTAR GYUR NA 'DI MI 'DOD PAR 'BYUNG BAR 'GYUR RO ZHES STON PA GSUNGS PA, SNYING STOBS LA SOGS PA RNAMS KYI ZHES PA LA SOGS PA STE, GANG SGRA GCIG LAS THA MI DAD PA'I RANG BZHIN DE NI THA MI DAD PA YIN TE, SGRA'I RANG GI NGO BO BZHIN SNYING STOBS LA SOGS PA RNAMS KYANG DE LTA BU'O, ,GANG SNYING STOBS LA SOGS PA GCIG MIN LAS THA MI DAD PA'I RANG BZHIN DE GCIG MIN YIN TE, BDE BA LA SOGS PA BZHIN SGRA YANG DE LTA BU'O ZHES BA RANG BZHIN GYI THAL 'GYUR DAG GO, ,DE LAS BZLOG PAS NI, GANG GCIG MIN DE NI SGRA GCIG LAS THA MI DAD PA'I RANG BZHIN MA YIN TE, DPER NA SKYES BU MANG PO RNAMS BZHIN, SNYING STOBS LA SOGS PA YANG DE LTA BU'O, ,GANG GCIG YIN PA DE SNYING STOBS LA SOGS PA RNAMS LAS THA DAD MED PA MA YIN TE, DPER NA SEMS PA CAN GYI GSAL BA GCIG PU BZHIN, SGRA YANG DE LTA BU'O ZHES PA KHYAB BYED 'GAL BA DAG GO, ,DE LAS KYANG KHAS BLANGS PA NYAMS SO, ,'AM ZHES PA'I SGRA NI RNAM PAR BRTAG PA'I DON CAN NO ZHES PA 'BRAS BYED MIN PA'AM ZHES PA 'DIR 'AM GYI SGRA GANG YIN PA'O, ,GZHAN NYID YIN NA'ANG GZUNG BYA MIN, ,ZHES PAS MA NGES PA GSUNGS SO, ,DE'I RDUL PHRA RAB CES PA SGRA'I RDUL PHRA RAB BO, ,DE TZAM LA SOGS PA'AM ZHES PA SGRA DE TZAM LA SOGS PA'O, ,SOGS PA'I SGRAS NGA RGYAL DANG CHEN PO DANG GTZO BO GZUNG BAR BYA'O, ,MA YIN ZHES PA LA SOGS PAS KYANG MA NGES PA GSUNGS SO, ,GANG GI PHYIR 'BRAS BU NYID DANG RGYU NYID LA SOGS PA RNAMS DBANG PO'I YUL LAS THA DAD PA MA YIN ZHING, DBANG PO'I BLOS RTOGS PA YANG MA YIN NO, ,THAMS CAD SNA TSOGS RNAM CAN 'GYUR RO ZHES PA STE, GANG SNA TSOGS KYI RNAM PAR MI 'DOD PA DE YANG SNYING STOBS LA SOGS PA TSOGS PA NI THA MI DAD PA NYID KYI PHYIR RO, ,THA DAD PA LA ZHES PA LA SOGS PAS BSGRUB BAR BYA BA MED NA GTAN TSIGS MED PA GSUNGS SO, ,DE'I @066A *, ,DBANG GIS ZHES PA LA SOGS PA STE, GANG GI RNAM PAR YUL LA SHES PA SKYE BA DE'I RNAM PAS YUL DE RTOGS PAR BYA'O, ,MTHONG NGO ZHES PA LA SOGS PAS GTAN TSIGS GSUNGS SO, ,GANG RNAM PA THA MI DAD PA 'DZIN PAR BYED PA DE SNA TSOGS PA'I YUL CAN MA YIN TE, SEMS PA CAN 'DZIN PA BZHIN, SGRA LA SOGS PA 'DZIN BA YANG DE LTA BU'O ZHES PA KHYAB BYED DANG 'GAL BA'O, ,YUL GZHAN LA ZHES PA DBANG PO GZHAN GYI YUL NYID DU MNGON PAR 'DOD PA LA'O, ,'O NA YANG ZHES PA LA SOGS PA STE, THAMS CAD LA BDE BA LA SOGS PA'I RIGS THA MI DAD NA YANG DBANG PO GCIG NYID DU THAL BA MA YIN TE, GANG GI PHYIR DBYIBS KYIS KHYAD PAR DU BYAS PA'I BDE BA LA SOGS PA RNAMS 'DZIN PAR BYED CING, DBYIBS DE YANG YUL GZHAN LA MED DO, ,DBYIBS DU MA'I DBYE BAS ZHES PA SNGON PO DANG SER PO LA SOGS PA'I DBYIBS KYI KHYAD PAR GYIS SO, ,DBYIBS GCIG RJES SU 'JUG PA MTHONG BA MA YIN NO ZHES PA STE, 'DIS NI RJES SU 'JUG PA DANG LDAN PA'I DBYIBS GCIG MED PA THA SNYAD KYI CHED DU RANG BZHIN MI DMIGS PA GSUNGS SO, ,DE KHO NA ZHES PA LA SOGS PA STE, GANG GI PHYIR DBYIBS KYI THA DAD LAS DBANG PO THA DAD PA'I GZUNG BYA NYID DU SGRA DANG REG BYA LA SOGS PA'I RIGS RNAMS 'DOD NA, GZUGS KYI RIGS GCIG KHO NA LA YANG DBYIBS DU MAR 'DOD DE, DE'I PHYIR DBANG PO MTHA' YAS PA NYID DE KHO NAR THAL BAR 'GYUR TE, SGRA'I MTSAN NYID RNAMS LAS MA YIN PA KHO NA'O ZHES PA'O, ,SER SKYA PA SNGA MA RNAMS NI THAMS CAD DU BDE BA LA SOGS PA RNAMS NGO BO GCIG PA KHO NA STE, MA DHU PA NI, THAMS CAD DU DE RNAMS THA DAD PAR 'DOD DO, ,BDE BA LA SOGS PA GANG RNAMS SGRA'I BDAG NYID DU YONGS SU 'GYUR GYI, REG BYA LA SOGS PA'I BDAG NYID DU NI MA YIN PA DE RNAMS SGRA'I MTSAN NYID GSUM MO ZHES BRJOD PAR BYA'O, ,DE BZHIN DU GANG RNAMS REG BYA'I BDAG NYID KHO NAR YONGS SU 'GYUR GYI, DON GZHAN GYI BDAG NYID DU NI MA YIN PA DE RNAMS REG BYA'I MTSAN NYID GSUM MO ZHES PA STE, DE BZHIN DU GZHAN LA'ANG SHES PAR BYA'O, ,'O NA GSUM RNAMS KYI TSOGS PA NI GSUM MA YIN NAM DE LA GCIG GI TSIG GIS @066B 'BYUNG BAR 'OS TE, DES NA GSUM PO RNAMS LAS SHES PA CI LTAR ZHE NA, SKYON 'DI MED DE, SGRA SO SO LA GSUM PO GZHAN DANG GZHAN YIN ZHING, DE'I PHYIR NA GSUM PO RNAMS MANG PO NYID KYI PHYIR MANG PO'I TSIG GO, ,GZHAN RNAMS NI RNAM PA GZHAN DU GSUM RNAMS RNAM PAR 'CHAD PAR BYED DO,, SGRA'I RDUL PHRA RAB GCIG KHO NA GSUM PO STE, RDZAS GSUM GYI BDAG NYID YIN TE, BDE BA LA SOGS PA RNAMS GCIG NYID DU GONG BUR GYUR PA NYID KYI PHYIR RO, ,SGRA'I RDUL PHRA RAB THAMS CAD NI 'DI LTA BU RNAMS SO, ,DE BZHIN DU REG BYA LA SOGS PA'I RDUL PHRA RAB RNAMS DANG DBANG PO'I RDUL PHRA RAB RNAMS KYANG RIG PAR BYA'O, ,DE RNAMS KHO NA BSAGS PA RNAMS NI, SPRO BA LAS SNGAR GTZO BO ZHES BRJOD PAR BYA LA, GANG GI TSE SPRO BA'I DUS NA 'DUS PA RNAMS YIN PA DE'I TSE NI RNAM PAR 'GYUR BAR THA SNYAD DU BSTAN PA BSTEN TO, ,SGRA LA SOGS PA'I MTSAN NYID GSUM PO RNAMS DANG RNA BA LA SOGS PA'I MTSAN NYID GSUM RNAMS KYANG PHAN TSUN THA DAD PA'I RIGS CAN RNAMS KHO NA'O ZHES PA M'A DHA BA'I 'DOD PA'O, ,GZHAN PA YANG DE'I BYA BA'I KHYAD PAR TE, JI SKAD DU BRJOD PA, GZUGS LA SOGS PA DANG LDAN PA'I GTZO BO CHA SHAS DANG BCAS PA STE, LAS SNGON MA CAN GYI SPRO BA'O, , 'KHOR BA YANG THOG MA MED PAR BSHAD PA'I KHYAD PAR RNAMS TE, RANG GI TSOGS PA RNAMS KYIS 'DOD PA'O ZHES SO, ,SER SKYA'I SLOB MA SNGON MA RNAMS KYI NI GTZO BO NI GZUGS LA SOGS PA DANG LDAN PA MA YIN GYI, NUS PA'I BDAG NYID DU DE LA GZUGS LA SOGS PA RNAMS RNAM PAR GNAS KYI GSAL BA'I BDAG NYID KYIS NI MA YIN LA, CHA SHAS MED PA YANG STE, LAS SNGON MA CAN GYI SPRO BA MA YIN GYI, 'ON KYANG GTZO BO SNGON MA CAN NO, ,'KHOR BA YANG SPRO BA LAS SNGON DU NUS PA'I BDAG NYID KYIS TE, DE RNAMS GSAL BA BDAG NYID KYIS NI MA YIN NO, ,M'A DHA PA YIS NI THAMS CAD RNAM PA GZHAN DU KHAS BLANGS SO, ,DE NYID KYI PHYIR 'DI NI GRANGS CAN PHUNG BAR BYED PA'O, ,GANG PHYIR MA YIN ZHES PA LA SOGS PAS DBANG PO GCIG TU THAL BA SPONG BA STE, GANG SNYING STOBS LA SOGS PA RNAMS SGRA MA YIN PA DE RNAMS LAS GZHAN KHO NA GZUGS LA SOGS PA'I BDAG NYID DU YONGS SU 'GYUR @067A *, ,BAR BYED DO ZHES BYAS NAS SO, ,DE YANG THA MI DAD PA ZHES PA LA SOGS PAS MTHA' YAS PAR THAL BAR 'GYUR BA'O, ,SHIN TU GSAL BAR ZHES PA RANG GI DON KHO NA LA TA RA BA'I RKYEN 'DI STE, SHIN TU CHUNG BA LAS ZHES PA JI LTA BA BZHIN NO, ,'DI CI'I PHYIR ZHE NA, M'A DHA BAS BRJOD PA'I RIM PA NI SUN DBYUNG BAR BYA BA NYID DU GSAL BA MA YIN PA NYID KYI PHYIR RIGS MTSUNGS PA LA SO SO BA'I SBYOR BA CAN LA YANG RAB TU GYUR PA'I RKYEN GYIS BSGRUBS PA'I PHYIR RO, ,YANG NA PHA ROL POS YONGS SU BRTAGS PA GSAL BA NYID LA LTOS BAS RAB TU GYUR PA'I RKYEN NO, ,RE RE'I NGO BO ZHES PA 'GA' ZHIG BDE BA'I RANG BZHIN KHO NA STE 'GA' ZHIG SGRA'I NGO BO KHO NA'O, ,DE BZHIN DU BYA BA LA SOGS PA'I RDUL PHRA RAB RNAMS RIG PAR BYA'O, ,DE RNAMS KYANG YUL DANG DUS THAMS CAD DU'O, ,'DIS NI, GTZO BO'I CHOS GSUNGS SO, ,SO SO ZHES PA STE, MA 'DUS PA RIGS MTHUN PA CAN RNAMS DANG MA 'BREL BA 'THOR BA RNAMS ZHES PA'I DON TO, ,RNAM PA 'DI LTA BU'I RDUL PHRA RAB DE RNAMS GTZO BO ZHES BRJOD PAR BYA'O, ,RIGS LAS THAMS CAD DU SONG BA ZHES PA, RDUL PHRA RAB KYI RDZAS GCIG KHO NA THAMS CAD DU SONG BA YOD PA MA YIN GYI, 'ON KYANG RDUL PHRA RAB DE RNAMS KHO NA GRANGS MED PA RNAMS THAMS CAD DU YOD LA, RIGS GCIG PA CAN NI DE RNAMS KYI GTZO BO ZHES RJOD PAR BYED PAR 'GYUR RO ZHES STON TO, ,GAL TE DE LTAR RDUL PHRA RAB DE RNAMS DBANG PO LAS 'DAS PA RNAMS YIN ZHING, DE RNAMS DANG BRAL BA 'BRAS BU RTZOM PA YANG MED NA, DE LAS CI LTAR 'BRAS BU'I NGO BO RNAMS MTSON BAR 'GYUR ZHE NA, GSUNGS PA, 'BRAS BU'I NGO BO RNAMS ZHES PA LA SOGS PA STE, JI LTAR PHAN TSUN MA 'BREL PA BA MO'I CHA SHAS NAM MKHA' LAS LTUNG BA RNAMS NYE BAR MTSON PA MA YIN LA, PHAN TSUN YANG DAG PAR 'BYAR BA LO MA LJANG GU LA SOGS PA LA BAB PA RNAMS NI MNGON SUM DU 'GYUR RO, ,DE LTAR RDUL PHRA RAB RNAMS, YANG DAG SBYOR BA'I BYE BRAG LA, ,ZHES PA, BYE BRAG SMOS PA NI RDUL PHRA RAB GNYIS LA SOGS PA YANG DAG PAR SBYOR BA RNAM PAR GCAD PA'I DON DU'O, ,RANG GI RIGS LAS MA 'DAS PAR ZHES PA SKRA LA SOGS PA'I @067B RIGS LAS MA 'DAS PAR ZHES BA'O, ,SGRA'I RDUL PHRA RAB RNAMS KHO NA 'DUS PA RNAMS NI RNA BA'I DBANG POS GZUNG BYA SGRAR 'GYUR TE, DE BZHIN BDE BA'I RDUL PHRA RAB RNAMS KHO NA GONG BUR GYUR PA NI RANG RIG PAR BYA BA'I BDE BAR 'GYUR RO, ,'DUS PA RNAMS RIGS MI MTHUN PA'I 'BRAS BU'I NGO BO NYID RTOGS PAR BYED PA NI MA YIN NO, ,DE LTAR 'GYUR MOD NGO BO GSUM NYID NA YANG RDUL PHRA RAB RNAMS LA GCIG GI RNAM PA CAN GYI BLO YONGS SU 'GYUR BA'I BYE BRAG LAS 'BYUNG BAR 'GYUR RO ZHE NA GSUNGS PA, RDUL RNAMS ZHES PA LA SOGS PA'O, ,BDE BA LA SOGS PA DANG BRAL PAR ZHES PA, BDE BA LA SOGS PA'I RNAM PA MED PAR ZHES PA'I DON TO, ,GANG THA MI DAD PA ZHES PA GCIG GI NGO BO'O, ,CI'I PHYIR MI RIGS SHE NA, GSUNGS PA, DU MA'I RANG BZHIN NYID CES PA'O, ,YANG NA THA DAD PA DU MA 'DI'I RANG BZHIN NYID DO ZHES 'BRU MANG PO PA'O, ,RANG BZHIN KHO NA RANG BZHIN NYID DO, ,'JUG BZHIN PA DANG NYE BA DANG LDAN PA'I SHES PA'I RNAM PA'I DBANG GIS NI YUL GYI RANG BZHIN NGES PAR 'DZIN TE, GAL TE YANG YUL RNAM PA GZHAN DU GNAS NA YANG DE NYE BAR 'DZIN PA'I SHES PA RNAM PA GZHAN DU 'DOD NA, DE'I DBANG GIS YUL NGES PAR 'DZIN PA MA YIN PAR 'GYUR LA, DE YANG 'DOD PAS SO, ,DE 'DIS, GANG RNAM PA GCIG PA'I SHES PA DE NI THA DAD PA DU MA'I RANG BZHIN GYI YUL CAN MA YIN TE, SEMS CAN GYI SHES PA BZHIN SGRA'I SHES PA YANG DE LTA BU'O ZHES PA KHYAB BYED DANG 'GAL PA GSUNGS SO, ,CI'I PHYIR ZHE NA ZHES PA GSUM PO YANG DAG PAR SBYAR BA RNAMS NI RANG BZHIN NYID GCIG TU YONGS SU 'GYUR BAR 'GYUR RO, ,DES NA GRUB PA SGRUB PAR BYED PA'O ZHES BSAMS PA'O, ,RIGS MI MTHUN PA YONGS SU GYUR PA, MTSAN NYID MI MTHUN PA RANG BZHIN DU MA RNAMS KYI THA DAD BA MED PA'I RANG BZHIN GCIG TU THOB PA'O, ,RIGS THA DAD PA'I PHYIR ZHES PA, 'BRAS BU DANG RGYU RIGS THA DAD PAR THAL BAR 'GYUR BA'I PHYIR RO ZHES PA'I DON TO, ,DE LAS KYANG 'BRAS BU MED PA SMRA BAR 'GYUR RO ZHES PAS KHAS BLANGS PA NYAMS PA'O, ,YANG NA RIGS THA DAD PA'I PHYIR TE, BDE BA LA SOGS PA RNAMS KYI'O, ,DE RNAMS THA DAD PA RNAMS NI, YANG @068A *, ,DAG PAR SBYOR BA NA YANG RANG BZHIN GCIG NYID DU YONGS SU 'GYUR BAR 'OS PA MA YIN TE, RANG GI RIGS LAS MA 'DAS PAR 'BRAS BU RTZOM PA'I PHYIR RO, ,'O NA THA DAD PA RNAMS KYANG BU RAM DANG CHU LA SOGS PA RNAMS BTUNG BA LA SOGS PA'I RANG BZHIN GCIG NYID SKYED PA MA YIN NAM ZHE NA, GSUNGS PA, SGRA GCIG BRJOD LA NI RAG LA ZHES PA LA SOGS PA STE, BTUNG BA LA SOGS PA YANG DON DAM PAR YOD PA MA YIN PA KHO NA STE, THA SNYAD SLA BA'I DON DU BU RAM LA SOGS PA DE RNAMS KHO NA SGRA GCIG GIS THA SNYAD DU BYED PA 'BA' ZHIG STE, GANG RE LDE ZHES PA BZHIN NO, ,JI LTAR PHYE SHIN TU NYUNG DU LAN TSVA MANG PO DANG 'DRES PA NA, LAN TSVA'I RO KHO NA 'DZIN PA'AM 'DZIN PAR 'DOD PA'O ZHES PA DANG, JI LTAR KHYI RNAMS KYIS MDZES PA'I LUS LA BZA' BYA'I RANG BZHIN DU NYE BAR DMIGS PA DE BZHIN DU SGRA LA SOGS PA LA RANG RIG PAR BYA'O, ,SGRA 'DZIN PA LA MI LTOS PAR ZHES PA, SGRA NI YON TAN GCIG GI BDAG NYID MA YIN GYI 'O NA CI ZHE NA, YON TAN GSUM GYI BDAG NYID DO, ,DE LTAR YANG MI 'DZIN NO ZHES PA DE LA MI LTOS PA'O, ,DE KHO NA 'DI'I BDAG NYID GCIG MA YIN PA ZHES PA'I SGRA'I'O, ,PHYOGS GCIG GI YUL CAN NYID NA DU MA'I BDAG NYID LDOG PAR MI SRID PAS DRI BA, CI'I PHYIR ZHE NA ZHES PA'O, ,DBANG PO'I DON GYI KHYAD PAR CAN ZHES PAS RGYU GSUNGS SO, ,DU MA'I NGO BO LA NI ZHES PA SGRA NYID DANG YON TAN NYID DANG SNYING STOBS NYID LA SOGS PA'I NGO BO'I BYE BRAG GIS SO, ,DE YANG GCIG PU KHO NA ZHES PA, BDE BA LA SOGS PA RNAMS LAS GANG YANG RUNG BA'O, ,DE 'DIS NI GANG RNA BAS GZUNG BAR BYA BA MA YIN PA DE DE'I DON MA YIN TE, SEMS PA CAN BZHIN DANG, SPYI'I CHOS SHES BYA NYID LA SOGS PA BZHIN, NGO BO GNYIS PO YANG DE LTA BU'O ZHES PA KHYAB BYED MI DMIGS PA GSUNGS SO, ,DE BZHIN DU DBANG PO GZHAN LA'ANG BRJOD PAR BYA'O, ,PHYE DANG LAN TSVA 'DRES PA LA NI PHYE'I RO GZUNG BA KHO NA STE, DE LTAR NI LAN TSVA 'BA' ZHIG PA'I RO YANG GZHAN DU SNANG BA NYE BAR DMIGS LA, PHYE DANG 'DRES PA NA YANG GZHAN DU SNANG NGO, ,REG BYA LA SOGS PA RNAMS LA'ANG MTSUNGS PA YIN NO ZHES PA MNYAM PA'O, , @068B 'DIS KYANG DBANG PO GCIG NYID DU THAL BA DE KHO NA GSUNGS SO, ,YANG PHYOGS 'DI LA YANG SKYON 'DI CI LTAR TE, JI SRID DU SGRA LA SOGS PA RNAMS LA YON TAN RNAMS KYI DBYE BA KHAS BLANGS PAS SO ZHE NA, KHAS BLANGS PA BDEN MOD, DE NI GSAL BA THA DAD PA YIN GYI, RANG BZHIN THA DAD PA NI MA YIN TE, THAMS CAD DU BDE BA LA SOGS PA RNAMS KYI RAB TU GSAL BAR BYED PA NYID LA SOGS PA'I NGO BO KHYAD PAR MED PA NYID KYI PHYIR RO, ,GSAL BA THA DAD PA TZAM GYIS DBANG PO GZHAN GYIS GZUNG BYA NYID DU RIGS PA YANG MA YIN TE, SGRA LA SOGS PA RNAMS KYI GSAL BA THA DAD PAS MTHA' YAS PA NYID KYI PHYIR DBANG PO MTHA' YAS PA NYID DU 'GYUR NA MI RUNG NGO, ,'O NA SGRA LA SOGS PA'I DNGOS POS KYANG THA DAD PA MA YIN NAM ZHE NA, 'DI YOD PA MA YIN TE, GANG PHYIR GSUM PO RNAMS KYI SGRA LA SOGS PA'I DNGOS POS THA DAD KYI BDE BA LA SOGS PA RNAMS KYI SO SOR NI MA YIN TE, SGRA LA SOGS PA RNAMS GSUM GYI NGO BO NYID DU KHAS BLANGS PA'I PHYIR RO ZHES GSUNGS PA, RIGS PA MA YIN NO ZHES PA'O, ,DE'I PHYIR KHYAD 'PHAGS ZHES PA LA SOGS PA'O, ,'O NA GRUB PA'I MTHA' DANG 'GAL BA'I PHYIR PHYOGS 'DI YANG SKYON CAN KHO NA MA YIN NAM ZHE NA, M'A DHA BA'I PHYOGS LAS 'DI SKYON NYUNG BA NYID KYI PHYIR ZHES DGONGS PAS 'DI LTAR BSHAD DO ZHES PAS SKYON MED DO, ,'JUG PA NI TSAD MAR BSGRUB PA MED PA'I PHYIR ZHES PA, PHYI ROL GYI DON RNAMS LA DBANG POS ZHEN PAR BYED LA, DBANG POS RTOGS PAR BYAS PA DE LA NI, YID KYIS RJES SU ZHEN PAR BYED CING, JI LTAR YANG DBANG POS RTOGS PAR BYAS PA LA YID KYIS RJES SU ZHEN PAR BYED PA DE BZHIN DU, YID KYIS ZHEN PA DBANG POS YANG DAG PAR RIG PAR BYED DO ZHES PA'I GZHUNG 'DIS 'JUG PA GNYIS PO'I PHAN TSUN YANG DAG PAR RIG PAR BYED PA NYID BSHAD DO, ,DE MNGON SUM NYID DU BSGRUB PA MED PA'I PHYIR, GZHAL BYA THAMS CAD KYI YUL CAN GYI TSAD MA BRJOD PA MA YIN NO ZHES PAS MTSAN NYID MA KHYAB PA NYID DO, ,DE LTAR 'GYUR MOD, LUNG DANG RJES SU DPAG PA DAG GIS DE GNYIS KA YANG DAG PAR RIG STE, DE'I PHYIR SKYON 'DI MED DO ZHE NA, GSUNGS PA, MED KYANG ZHES PA LA @069A *, ,SOGS PA STE, GANG GI TSE RANG GI RGYUD DU GTOGS PA'I 'JUG PA'I YANG DAG PAR MYONG BA DE'I TSE RTAGS MED PA'I PHYIR RJES SU DPAG PA MA YIN ZHING, MAN NGAG MED PA'I PHYIR LUNG YANG MA YIN NO, ,DE'I PHYIR 'DI MNGON SUM KHO NA'I RIGS SO ZHES PA DGONGS PA'O, ,'O NA RNA BA LA SOGS PA'I 'JUG PA YANG ZHES PA 'DIS YANG GI SGRA YID KYI 'JUG PA SDUD PA'I DON CAN NO ZHES PA MA YIN NAM, DE'I PHYIR YID KYI 'JUG PA RE ZHIG MNGON SUM GYI NANG DU 'DU'O, ,DBANG PO'I 'JUG PA RNAMS NI YID KYI 'JUG PA RIG PAR BYED PA MA YIN PA KHO NAR BSTAN BCOS KYIS BSHAD DE, DE LTAR NI JI LTAR DBANG POS RTOGS PA LA YID KYIS RJES SU ZHEN PAR BYED PA, DE LTAR YID KYIS ZHEN PA DBANG POS YANG DAG PAR RIG PAR BYED DO ZHES PA'I RIG PA'I BYINGS 'DI NI TZU RA LA SOGS PAR BSHAD PA THOB PA'I DON CAN TE, JI LTAR DBANG POS RTOGS PA LA YID KYIS ZHEN CING SHES PAR BYED PA DE LTAR YID KYIS ZHEN PA DBANG PO'I 'JUG PAS THOB PAR BYED DO ZHES PA'I DON TO ZHE NA, 'DI YOD PA MA YIN TE, RNA BA LA SOGS PA'I 'JUG PA YANG ZHES PA'I YANG GI SGRA NI RE ZHIG TSAD MA GZHAN RJES SU DPAG PA'I TSAD MA'I BSDU BA'I DON TO, ,YANG GI SGRA YID KYI 'JUG PA BSDU BA'I DON CAN YIN NA NI, KHYAD PAR MED PAS YID KYI 'JUG PA THAMS CAD MNGON SUM NYID DU THAL BAR 'GYUR TE, KHYAD PAR NYE BAR BLANGS PA MED PA'I PHYIR RO, ,GANG YANG YID KYIS BYIN GYIS BRLABS PA ZHES PA YID DANG LHAN CIG RNA BA LA SOGS PA'I 'JUG PA MNGON SUM MO ZHES PA'I DON TO ZHES SMRA BA DE LA YANG THAL 'GYUR 'DI KHO NA'O, ,THOB PA'I DON YANG YANG DAG PAR MYONG BA LAS GZHAN PAR MI RIGS TE, 'THOB PA NI THA DAD PA MED PA'I DUS CAN DAG KHO NA 'DI 'GYUR GYI DUS THA DAD PA DAG NI MA YIN NO, ,DE LA GAL TE 'THOB PA RAB TU 'GRUB PA'I DON DU DBANG PO'I RTOGS PA DANG YID KYIS ZHEN PA CIG CAR NYID DU 'DOD NA, DE'I YUL PHYI ROL GYI DON DU 'GYUR BA 'AM DBANG PO'I RTOGS PA YIN, GAL TE SNGA MA YIN NA SGO DANG SGO CAN GYI DNGOS POR MI 'GYUR TE, LHAN CIG SKYES PA LA PHAN 'DOGS PA NYID MI RIGS PA'I PHYIR DANG, PHAN MI 'DOGS PA YANG SGO'I DNGOS POR MI @069B 'THAD PA'I PHYIR RO, ,GZHAN DU NA YID KYIS ZHEN PA YANG DBANG PO'I ZHEN PA'I SGOR 'GYUR RO, ,GAL TE YANG YID PHYI ROL GYI DON LA DNGOS SU 'JUG NA, DE LTAR GYUR NA DBANG PO CIG SHOS RNAMS DE LA 'JUG PA DON MED PAR 'THOB STE, YID KHO NAS SKYES BU'I DON PHUN SUM TSOGS PA NYID KYI PHYIR RO, ,CI STE DBANG PO'I RTOGS PA DE'I YUL YIN NA, DE LTA NA YANG YUL GYI RGYU MTSAN CAN MA YIN PA YUL CAN DU 'GYUR RO, ,DE YANG MI RIGS TE, RGYU MTSAN MA YIN PA NI YUL NYID DU 'THAD PA MA YIN NO, ,GZHAN DU NA YID KYI ZHEN PA YANG DBANG PO'I ZHEN PA'I YUL DU 'GYUR RO, , GANG YID KYI 'JUG PAS KYANG DBANG PO'I 'JUG PA YANG DAG PAR RIG PAR BYED PAR MI 'DOD PAR SMRA STE, PHAN TSUN YANG DAG PAR RIG PAR BYED PA 'DI NI NYAMS SU MYONG BA'I BDAG NYID DU BRJOD PA MA YIN PA KHO NA'O, ,'O NA CI ZHE NA, 'THOB PA'I RANG BZHIN DU'O, ,JI LTAR DBANG PO'I ZHEN PA YID KYI ZHEN PAS YANG DAG PAR RIG PAR BYED, THOB PAR BYED PA DE LTAR YID KYI ZHEN PA DBANG POS YANG DAG PAR BYED, THOB PAR BYED DE DE DANG LHAN CIG YANG DAG PAR 'GROGS PAR BYED DO ZHES PA'I DON TO ZHES PA DE YANG 'DI KHO NAS BSAL BA YIN NO, ,GZHAN YANG DE'I MNGON SUM DU DMIGS PA MA YIN PA'I DON MTHONG BA YANG RAB TU 'GRUB PA MA YIN TE, SNGAR JI SKAD BSHAD PA BZHIN NO, ,DE'I PHYIR 'THOB PA'I DON CAN GYI RTOGS PA NI RIGS PA MA YIN NO, ,GANG YANG RNA BA LA SOGS PA'I 'JUG PA PHYI ROL GYI DON LA MNGON SUM TSAD MA STE, DBANG PO RTOGS PAR BYAS PA'I DON DE LA NI YID KYIS PHYI NAS ZHEN PAR BYED DO ZHES PA'I DON TO, ,GZHAN DU NA GAL TE DBANG PO'I 'JUG PA KHO NA LAS YID KYI ZHEN PAR 'GYUR NA RJES SU'I SGRA RAB TU SBYAR BA DON MED PAR 'GYUR TE, DBANG PO'I 'JUG PA LAS SNGAR 'GA' ZHIG GIS NYAMS SU MA MYONG BA NYID KYI PHYIR RO, ,BSGRE BA YANG PHAN 'DOGS PA TZAM BSGRE BA LAS 'THAD DO, ,'DI SKAD BSHAD PAR 'GYUR TE, JI LTAR DBANG POS PHAN 'DOGS PA LA LTOS PA'I YID KYI PHYI ROL GYI DON LA RAB TU 'JUG PA DE LTAR YID KYIS PHAN 'DOGS PA LA LTOS PA'I DBANG PO YANG NGO ZHES SMRA BA DE'I YANG 'DI MNGON SUM DU DMIGS PA MA YIN PA'I DON MTHONG BA @070A *, ,'GRUB PA MA YIN NO ZHES PA 'DI KHO NAS BSAL LO, ,DE'I PHYIR PHAN TSUN YANG DAG PAR RIG BAR BYED PA KHO NA 'DIR STON TE, DE KHO NA YANG PHAN 'DOGS PA'O, ,RJES SU SGRA DON MED PA YANG MA YIN TE, BAR MA CHOD PA'I DON CAN NYID KYI PHYIR RO, ,NYES PA 'DI NI MED DE ZHES PA, 'JUG PA YANG DAG PAR RIG PA 'DI TSAD MAR 'DOD PA MA YIN PA KHO NA STE, DE NI DRAN PA YIN PAS SO, ,JI LTAR 'DOD PA DANG KHRO BA DANG ZHE SDANG DANG 'JIGS PA LA SOGS PA RNAMS DRAN PA DE BZHIN DU DBANG PO'I 'JUG PA RNAMS DANG YID KYI 'JUG PA YANG YID KYIS SO, ,GZHUNG YANG 'DI LTAR DRANG BAR BYA STE, PHYI ROL GYI DON RNAMS LA DBANG PO ZHEN PAR BYED PA MNGON SUM GYI MTSAN NYID DO, ,DBANG POS ZHEN PA DE LA NI YID RJES SU ZHEN PAR BYED DO ZHES PA DE MA THAG PA'I DRAN PA'O, ,JI LTAR YANG DBANG POS ZHEN PA LA YID RJES SU ZHEN PAR BYED PA DE MA THAG PAR BRJOD PA DE BZHIN DU, YID KYI ZHEN PA NI DBANG PO YANG DAG PAR RIG PAR BYED CING, DRAN PAR BYED DO ZHES PA'I DON TE, DBYINGS RNAMS NI DU MA'I DON CAN NYID KYI PHYIR RO, ,nI TZA GNYIS PA YANG RGYU DANG LDAN PA NYID CAN 'DIR RIG PAR BYA'O, ,DBANG PO NI DRAN PA'I RJES SU MTHUN PA YID LA PHAN 'DOGS PAR BYED CING DE LA RAB TU SBYOR BA LTA BU'O ZHES PA'O, ,DRAN PA KHO NAS 'JUG PA YUL DU BYED PA LA DON MTHONG BA 'GRUB BO SNYAM DU SEMS TE, DE LTA NA 'JUG PA 'DZIN PA NI TSAD MA MA YIN PA NYID KYI PHYIR DE MA BSDUS PA'I PHYIR MA TSANG BA NYID MA YIN NO, ,JI SKAD BSHAD PA ZHES PA 'JUG PA YANG DAG PAR RIG PA DRAN PA NYID YIN PA LA SHES PAR BYED PA GSUNGS SO, ,DRAN PA NI MNGON SUM GYI ZHEN PA'I KHYAD PAR RO ZHES PA, KHYAD PAR GYI SGRAS SO SOR MNGON PAR SBREL BAR BYA'O, ,'O NA GZHUNG 'DI'I BSTAN BCOS SU NYE BAR BKOD PA DON GZHAN CAN MA YIN NAM, DE CI'I PHYIR 'DIS DRAN PA NYID DU SHES PAR BYA, DE LTAR NI CI DBANG PO DANG YID DAG KHO NA LHAN CIG KHO NAR PHYI ROL GYI DON RNAMS LA ZHEN PAR BYED DAM, 'ON TE LHAN CIG BYED PA MA YIN PA KHO NA ZHES DOGS PA LA, 'DI BSHAD DE, PHYI ROL GYI DON RNAMS LA DBANG PO ZHEN PAR BYED LA, DBANG POS ZHEN PA DE LA NI YID RJES SU ZHEN PAR BYED DO, ,CI'I PHYIR NA DRAN @070B PA MNGON SUM GYI ZHEN PA'I KHYAD PAR 'DI YOD PAS SO ZHES PA'O, ,'DI LTAR BRJOD PAR 'GYUR TE, DRAN PA MNGON SUM GYI ZHEN PA'I BYE BRAG YOD DE, 'DI NI SHIN TU RAB TU GRAGS PA YIN PAS BSNYON PAR MI NUS SO, ,GNYIS KA DAG GI PHYI ROL GYI DON LA 'JUG PA NA 'DI RIGS PA YANG MA YIN TE, GANG PHYIR GAL TE PHYI ROL GYI DON LA YID 'JUG CING DBANG PO'I 'JUG PA RNAMS LA MA YIN PA DE'I TSE DE RNAMS YID KYI 'JUG PA RNAMS KYIS BYIN GYIS MA BRLABS PA DANG, ZHEN PAR BYAS PA MA YIN PA RNAMS DANG, SKYES BU LAS BYUNG BA SEMS DPA CAN DANG YANG DAG PAR 'DUS PA MA YIN PA DANG, RKYEN MED PA RNAMS SU 'GYUR LA, DE LAS KYANG CI LTAR MNGON SUM TSAD MAR BRJOD, RKYEN MED PA'I 'JUG PA RNAMS NI MNGON SUM TSAD MAR 'GYUR BA MA YIN PAS SO, ,MNGON SUM MED PA'I PHYIR YANG DRAN PA DE YANG DE SNGON MA CAN DU MI 'GYUR RO, ,GANG GI TSE DBANG PO'I ZHEN PA LA YID KYIS RJES SU ZHEN PAR BYED PA DE'I TSE DRAN PA MNGON SUM GYI ZHEN PA'I BYE BRAG TU 'THAD DE, DE LTAR NI DA LTAR BA'I DUS NA PHYI ROL GYI DON RNAMS LA DBANG PO'I ZHEN PA ZHUGS PA NI RJES SU NGES PAR ZHEN PAR BYED CING, YID LA DBANG PO'I ZHEN PA NI RANG GI YUL DU SNANG BA DANG YID KYI ZHEN PA DANG YANG DAG PAR 'DUS PA STE, SKYES BU CAN GYI RKYEN GYIS RKYEN DANG BCAS PAR 'GYUR RO, ,DE LTAR DBANG PO DE NI MNGON SUM GYI ZHEN PAR 'GYUR TE, DBANG PO'I ZHEN PA DE MNGON SUM NYID DU 'GYUR RO ZHES PA'I DON TE, 'BA' ZHIG PA'I NI MNGON SUM GYI ZHEN PA LAS PHYIS YID KYI DRAN PA'I ZHEN PAR 'GYUR RO ZHES PA'O, ,DE SKAD DU YANG BSHAD PA, 'BA' ZHIG PA NI 'DAS PA DANG MA 'ONGS PA'I DUS DAG LA 'JUG GO ZHES PA'O, ,'O NA DBANG PO'I ZHEN PA DANG LHAN CIG PAR PHYI ROL GYI DON LA YANG 'JUG PA'I YID NI DA LTAR GYI DUS SU MNGON SUM GYI ZHEN PAR 'GYUR ZHING, 'BA' ZHIG PA'I NI PHYIS DRAN PA'I SHES PAR MA YIN NAM ZHE NA, 'DI YOD PA MA YIN TE, DE LTAR PHYI ROL GYI DON 'DZIN PAR GYUR NA, GNYIS KA DAG KYANG DON GCIG BYED PA NYID KYI PHYIR DBANG PO RNAMS DON MED PA NYID DU 'GYUR RO, ,DE LTAR NI BSHAD PA, DON GCIG BYED PA'I DBANG PO DAG RTOG PA NA, NUS PA NYID MA YIN NO ZHES SO, ,GANG GI PHYIR DE LTAR DRAN @071A *, ,PA MNGON SUM GYIS ZHEN PA'I BYE BRAG PHYI ROL GYI DON LA 'JUG NA, YID KYIS 'THAD PA MA YIN PA, DE'I PHYIR DBANG PO'I ZHEN PA DE LA NI YID KYIS RJES SU ZHEN PAR BYED KYI PHYI ROL GYI DON RNAMS LA NI MA YIN NO ZHES PA'O, ,DE 'DI LTAR DBANG PO DANG YID DAG GIS LHAN CIG PHYI ROL GYI DON RNAMS LA 'JUG PAR BYED PA MA YIN NO ZHES BA'I DON 'DI BSGRUB PA'I CHED DU, 'DI YOD DO ZHES PA LA SOGS PA'I GZHUNG NYE BAR BKOD KYI, 'JUG PA YANG DAG PAR RIG PA DRAN PA NYID DU BSGRUB PA'I CHED DU NI MA YIN NA, DE CI LTAR DE DRAN PA NYID DU SHES PAR BYED PA NYID DU BRJOD CES PA'O, , 'JUG PA YANG DAG PAR RIG PA 'DI GRANGS CAN PA'I DRAN PA YANG MA YIN TE, NYAMS SU MYONG BA SNGON MA CAN ZHES PA NI DRAN PAR MNGON PAR 'DOD LA, 'JUG PA YANG DAG PAR RIG PA 'DI NI SNGAR MED PA KHO NA NYAMS SU MYONG BA YIN NO, ,DE CI LTAR PHA ROL GYI BSAM PAS DRAN PA NI DE'I 'JUG PA YANG DAG PAR RIG PA'O ZHES BRJOD CE NA, PHA ROL PO LA RTOG PA GZHAN MED PA'I PHYIR RO, ,DE LTAR NI 'JUG PA NYE BAR DMIGS PA RE ZHIG NGES PAR KHAS BLANG BAR BYA STE, GZHAN DU NA DE NYE BAR MA DMIGS NA, DON NYE BAR DMIGS PAR YANG MI 'GYUR RO ZHES 'GRO BA LONG BA DANG LKUGS PAR 'GYUR RO, , 'JUG PA YANG DAG PAR RIG PA MNGON SUM LA SOGS PA RNAMS KYI NANG DU 'DU BA YANG MA YIN NO, ,DE'I PHYIR RTOGS PA GZHAN MED PA'I PHYIR 'DI YANG LAN YANG DAG PA MA YIN PA SMRA BA'O ZHES DOGS PAR BYAS NAS DE SKAD DU BSHAD DO, ,DBANG PO'I 'JUG PA LA NI BAR MA CHOD PA'I ZHES PA STE, DBANG PO'I 'JUG PA SMOS PAS YID KYI 'JUG PA YANG GZUNG BAR BYA'O, ,DRAN MIN NYAMS SU MA MYONG PHYIR, ,ZHES PA LA SOGS PAS, GANG NYAMS SU MYONG BA MA YIN PA DE LA DRAN PA'I RTOGS PAR 'GYUR BA MA YIN TE, DPER NA RGYUD GZHAN GYI NYAMS SU MA MYONG BA'I 'DOD PA LA SOGS PA RNAMS LA BZHIN, DBANG PO'I 'JUG PA RNAMS KYANG NYAMS SU MYONG BA MA YIN NO ZHES RGYUD DANG 'GAL BA GSUNGS SO, ,CIG CAR GNYIS ZHES PA LA SOGS PA GAL TE DRAN PA NYID RAB TU BSGRUB PA'I CHED DU GTAN TSIGS MA GRUB PA NYID DU 'DOD NA, DE LTA NA LHAN CIG 'BYUNG BA'I DBANG PO DANG YID KYI @071B ZHEN PA DAG GIS PHAN TSUN YANG DAG PAR RIG PAR BYED PA NA, 'JUG PA DE RNAMS LA DRAN PA'I RTOG PA BAR MA CHAD PAR YANG DAG PAR 'BYUNG BAR 'GYUR RO, ,DE LTA NA YANG ZHES PA YUL DBANG PO'I ZHEN PA GZUNG BAR BYA BA YIN TE, YUL CAN 'DZIN PAR BYED BA PO YID KYI ZHEN PA'I'O, ,YID KYI ZHEN PA YANG YUL CAN 'DZIN PAR BYED PA PO DBANG PO'I ZHEN PA'I YUL GZUNG BAR BYA STE, PHAN TSUN YANG DAG PAR RIG PAR BYED NA NI, DE DAG LTOS PAS YUL CAN NYID DANG YUL NYID DU YANG 'GYUR RO, ,DE DAG PHAN TSUN RGYU MTSAN DANG RGYU MTSAN LAS BYUNG BAR 'DOD PAR BYA BA STE, GZHAN DU NA YUL DANG YUL CAN NYID SRID PA MA YIN PAS SO, ,CIG CAR SKYES PA DAG LA RGYU MTSAN DANG RGYU MTSAN CAN NYID 'THAD PA YANG MA YIN TE, DE YANG ZHES PA KHAS BLANGS NAS SKYON GZHAN GSUNGS PA'O, ,GANG 'DI DBANG PO'I 'JUG PA NYAMS SU MYONG BA GANG SNGON MA CAN DRAN PA'I RTOGS PA DE TSAD MAR BSHAD PA MA YIN NO ZHES PA STE, DE KHO NA MA TSANG BA NYID DO, ,'O NA 'DOD PA LA SOGS PA RNAMS LA CI LTAR NA DRAN PA YIN ZHE NA, GSUNGS PA, RANG RIG PAR BYA BA NYID KYI PHYIR ZHES PA LA SOGS PA'O, ,'DIS NI 'DI GSAL BAR BYED DE, 'DOD PA LA SOGS PA NYE BAR BKOD PA NI RANG LA GNOD PA'I CHED DU BA'I BYA BA SKYED PA STE, DE LTAR NA KHO BO CAG GIS RANG GI RIG PAR BYA BA NYID DU 'DOD PA LA SOGS PA RNAMS KHAS BLANGS PA NYID KYI PHYIR, DE LA DRAN PA YANG DAG PAR 'BYUNG NGO, ,KHYOD KYIS NI DE LTAR DE RNAMS KHAS MA BLANGS PA'I PHYIR DE MI SRID BA KHO NA'O, ,CI STE RANG RIG BA KHAS BLANG BAR BYA NA, DE'I TSE DE YANG MTSAN NYID KYIS MA BSDUS PAS SO ZHES PAS DE KHO NA NYUNG BA NYID DO, ,'O NA BSTAN BCOS KYIS DRAN PA NYID BSGRUBS BA MA YIN NAM ZHE NA, GSUNGS PA, 'DI NI LONG BA'I GOM PA KHO NA STE ZHES PA JI LTAR LONG BA'I GOM PA MA MTHONG BA SDON MA CAN RNAM PAR 'GOD PA DE BZHIN DU 'DI'I YANG TSAD MAS YONGS SU GCAD PAR MNGON PAR RJOD PAR BYED PA'I PHYIR RO, ,YANG NA TSIG RNAMS LONG BA RNAMS TE TSOGS BA'I DON CAN MA YIN PA RNAMS DAG GANG LA YOD PA DE DE SKAD CES BYA'O, ,DE LTAR NI ZHES PA LA SOGS PAS LONG BA'I GOM PA NYID STON PAR @072A *, ,BYED DE, GANG GI PHYIR DBANG PO'I DON LA YANG DRAN PA MI SRID LA, GANG NYAMS SU MYONG BA NI CI SLAR YANG NYAMS SU MYONG BA MA YIN PA'I 'JUG PA RNAMS LA YIN NAM ZHES PA YANG GI SGRA'I DON TO, ,DE LTAR 'GYUR MOD, DBANG PO'I ZHEN PA DE YOD NA, PHYI ROL GYI DON KHO NA LAS YID KYIS RJES SU ZHEN PAR BYED DO ZHES PA BSTAN BCOS KYI DON TE, DE'I PHYIR NYAMS SU MYONG BA MA YIN BA NYID MA GRUB BO ZHE NA, GSUNGS PA, NYAMS PA'AM ZHES PA LA SOGS PA STE, BSTAN BCOS KYI NYAMS PA'O, ,GZHAN MTHONG BA NA DRAN PA STE, DBANG PO'I 'JUG PAS NYAMS SU MYONG BA NYID KYI PHYIR DANG YID KYIS KYANG DRAN PAR BYA BA NYID KYI PHYIR RO, ,DE YANG MI RIGS TE LHAS BYIN GYIS NYAMS SU MYONG BA MCHOD SBYIN GYIS DRAN PA NI MA YIN PAS SO, ,'O NA RANG GI LUGS LA DBANG PO'I SHES PAS NYAMS SU MYONG BA YID KYIS DRAN BA ZHES PA CI LTAR YIN ZHE NA, 'DI NI PHA ROL PO KHO NA'I SKYON TE, GANG ZHIG GI GZHAN GYIS NYAMS SU MYONG BA GZHAN GYIS DRAN PA MA YIN NO ZHES PA 'DI 'DOD PA'I'O, ,KHO BO CAG NI RGYUD GCIG LA SHES PA GZHAN GYIS NYAMS SU MYONG BA YANG DRAN NO ZHES 'DOD PAS SKYON MED DO, ,NYAMS SU MA MYONG BA LA DRAN PA'AM ZHES PA, CI STE YID KHO NAS NYAMS SU MA MYONG BA DRAN PAR 'DOD NA, DE LTAR YIN NA NYAMS SU MA MYONG BA'I DON LA DRAN PAR 'GYUR TE, DE NI YID KYIS SNGAR NYAMS SU MA MYONG BA NYID KYI PHYIR RO, ,SKAD CIG GNYIS PA LA YID 'DOD DO ZHES PA 'DI'I PHYIR DBANG PO'I 'JUG PA DANG LHAN CIG SKYES PA'O ZHE NA GSUNGS BA, JI SKAD BSHAD PA'I ZHES PA LA SOGS PA STE, BSTAN BCOS SU BSHAD PA CI PHYI ROL GYI DON RNAMS LA DBANG PO DANG YID DAG GIS LHAN CIG ZHEN NAM ZHE NA, MA YIN ZHES BRJOD PAR BYA'O, ,CI'I PHYIR ZHE NA, DON GCIG BYED PA'I DBANG PO DAG RTOG PA NA NUS PA NYID MA YIN NO ZHES PA'O, ,'DI SKAD BSHAD PAR 'GYUR TE, GAL TE DBANG PO DANG YID DAG GNYIS PO DAG GIS KYANG PHYI ROL GYI DON 'DZIN PA'I MTSAN NYID KYI 'BRAS BU DON GCIG BYED PA NYID DU 'DOD NA, DE LTAR GYUR NA, DBANG PO RNAMS KYI NUS PA NYID MI 'GYUR TE, DON DANG LDAN PA NYID DU MI 'GYUR RO ZHES PA'I DON TO, ,GNYIS KA DAG GIS YANG PHYI ROL GYI DON 'DZIN PA @072B NI 'DIR DON GCIG BYED PA NYID DO, ,GNYIS KA DAG GIS KYANG PHYI ROL GYI DON 'DZIN PA'I PHYIR DBANG PO RNAMS DON DANG LDAN PAR MI 'GYUR RO, ,CI LTAR ZHE NA, GAL TE RE ZHIG PHYI ROL GYI YUL 'JUG BZHIN PA'I YID NI DBANG PO'I 'JUG PAS PHAN BTAGS PA BYAS PA LA LTOS PA MED NA, DE LTAR GYUR NA DBANG PO RNAMS RNAM PA THAMS CAD DU DON MED PA NYID DU 'GYUR TE, YID KHO NA PHYI ROL GYI DON NYE BAR 'DZIN PA'I PHYIR SKYES BU'I NYE BAR LONGS SPYOD PA 'GRUB PA'I PHYIR RO, ,DBANG PO'I 'JUG PA PHYI ROL GYI DON DU SNANG BA RNAMS KYANG YID KYI ZHEN PA RNAMS KYIS ZHEN PAR MA BYAS BA RNAMS DANG DE RNAMS DANG MA 'DUS PA RNAMS DANG RTOG PA MED PA RNAMS SU 'GYUR RO, ,GANG YANG SGO DANG SGO CAN RNAM PAR DPYAD PAR BSHAD PA 'DI STE, YID LA GCIG TU 'GYUR BA'I DBANG PO'I ZHEN PA RNAMS SKYES BUS SEMS PAR BYED DE, DBANG PO'I ZHEN PA RNAMS KYIS YID KYI ZHEN PA RNAMS NI MA YIN NO ZHES PA'O, ,DE'I PHYIR YID KHO NA SGO CAN DANG SGO NI DBANG PO RNAMS SO ZHES PA'O, ,DE YANG RNAM PAR NYAMS TE, CIG CAR DON GCIG BYED PA NYID NA GNYIS KA DAG KYANG SGO DANG SGO CAN NYID DU THAL BAR 'GYUR BA'I PHYIR RO, ,LONG BA LA SOGS PA RNAMS KYI YANG GZUGS LA SOGS PA'I YUL MNGON SUM DU 'GYUR RO, ,CI STE YANG DBANG POS BYAS PA'I PHAN 'DOGS PA LA LTOS NAS PHYI ROL GYI DON LA YID RAB TU 'JUG PA 'BA' ZHIG PA NI MA YIN TE, NUS PA MED PA'I PHYIR ZHES BRJOD BAR BYA ZHE NA, DE LTA NA YANG DBANG PO RNAMS NUS PA CAN DU 'GYUR BA MA YIN PA KHO NA'O, , GANG GI PHYIR DE LTAR 'DOD PA NA, RKYEN DANG BCAS PA'I 'JUG PA MI SRID PAR 'GYUR TE, DBANG PO'I 'JUG PAR MAR ME'I 'OD BZHIN DU LHAN CIG BYED PA NYID DU NGES PAR GNAS PA NA, YID KHO NA PHYI ROL GYI DON LA 'DZIN PA'I CHED DU RAB TU 'JUG PAS SO, ,DE LA JI LTAR SGRON ME'I 'OD YOD PA NA, MIG 'JUG STE MAR ME'I 'OD NI LHAN CIG BYED PA KHO NA 'BA' ZHIG YIN PA DE LTAR DBANG PO'I 'JUG PA YOD PA NA YID PHYI ROL GYI DON LA 'DZIN PA'I CHED DU 'JUG STE, DBANG PO'I 'JUG PA NI LHAN CIG BYED PA KHO NA'O, ,DE YANG YID KYI 'JUG PAS GZUNG BAR BYA BA MA YIN PAS MA 'DUS @073A *, ,PA RKYEN MED PA KHO NAR THAMS CAD KYI TSE 'GYUR BA'O, ,DBANG PO ZHEN PA RNAMS KYANG YID LA GCIG TU 'GYUR PA LAS DON DANG LDAN PA NYID DU BRJOD KYI, RNAM PA GZHAN DU NI MA YIN NO, ,DES NA DE RNAMS GAL TE YID KYI ZHEN PA RNAMS KYIS RJES SU ZHEN PAR BYED NA, DE LTA NA YID LA GCIG TU GYUR PA RNAMS SKYES BU CAN GYIS YANG DAG PAR RIG PAR BYED DE, DE LAS KYANG DE DANG YANG DAG PAR 'DUS PA RNAMS DE'I NGO BO NYID BZHIN DU SKYES PA RNAMS TSAD MA NYID DU RAB TU RTOGS PAR BYA STE, GZHAN DU NA DE RNAMS TSAD MA NYID DU MI 'GYUR RO, ,GANG RNAMS KYANG RKYEN MED PA'I 'JUG PA TSAD MA NYID DU MNGON PAR 'DOD LA, RKYEN DANG BCAS PA NI 'BRAS BUR TE, DE RNAMS KYI YANG JI SKAD BRJOD PA'I RNAM PAS RTOG PA DANG BCAS PA'I 'JUG PA MI SRID PA'I PHYIR 'BRAS BU MED CING, DE MED PA'I PHYIR YANG TSAD MA YANG MED DE, 'BRAS BU MED PA TSAD MAR RIGS PA NI MA YIN PAS SO ZHES KHA CIG GO,, MIG DANG YID DAG SGO DANG SGO CAN GYI DNGOS PO YIN PA'I PHYIR, 'DI DAG DON GCIG BYED PAR BRTAG PA'I NUS PA BDAG CAG LA YOD PA MA YIN TE, CIG CAR DON GCIG BYED PA NYID NA GNYI GA DAG KYANG SGO DANG SGO CAN NYID DU THAL BAR 'GYUR BA'I PHYIR RO ZHES GZHAN RNAMS SO, ,SKYON 'DI MED CES PA LA SOGS PAS 'DI SGRUB PAR BYED DE, MA YIN ZHES PA'I DGAG PA GANG YIN PA 'DI NI, LHAN CIG TU ZHEN PA'I BYA BA TZAM 'GOG PA MA YIN GYI, 'ON KYANG GANG NGES PA DANG LDAN PA'I GANG LHAN CIG ZHEN PA'I BYA BA DE 'GOG PAR BYED DE, YID LAS DRAN PA LHAG PA'I ZHEN PA BSTAN PA'I DON DU'O, ,LHAN CIG PA KHO NA MA YIN GYI 'ON KYANG PHYIS KYANG DRAN PA'I ZHEN PA LHAG PA YID KYIS BYED DO ZHES PA'O, ,LHAN CIG PA NI GRUB PA KHO NA LA ZHES PA LA SOGS PA 'DI GSUNGS SO, ,NGES PA DANG BRAL BA'I LHAN CIG ZHEN PA'I BYA BA'I NGOR DRI BA 'THAD PA MA YIN PA KHO NA STE, DE SNGAR KHO NAR SHES ZIN PA NYID KYI PHYIR RO, ,DE'I PHYIR CI LHAN CIG KHO NAR BYA'I SO SOR BYA BA MA YIN PA KHO NA YIN ZHES PA 'DI LTA BU 'DI DRI BA'I 'JUG PAR RTOGS PAR BYA'I, CI LHAN CIG BYA 'AM 'ON TE LHAN CIG MA YIN PAR BYA ZHES PA NI MA YIN NO, ,'DI LHAN CIG PA NI GRUB PA KHO NA LA DRI BA'O ZHES PA 'DI GA LAS SHE NA, GSUNGS @073B PA, DA LTAR GYI DUS SU ZHES PA LA SOGS PA STE, BSTAN BCOS SU RNA BA LA SOGS PA RNAMS KYI RANG GI YUL LA RNAM PAR 'JUG PA DANG, DA LTAR BA'I DUS LA 'JUG PA NYID DU BSGRUBS NAS 'DI SKAD BSHAD DO, ,DE BZHIN DU YID NI DON THAMS CAD LA DUS GSUM PA NYID DU RAB TU 'JUG STE, PHYI ROL GYI DON RNAMS LA DA LTAR BA'I DUS SU GANG GI TSE DBANG PO 'GA' ZHIG DANG LDAN PAR YID GYUR PA DE'I TSE DBANG PO DANG NI RKYEN DANG LDAN PA'I 'JUG PAR 'GYUR RO, ,'BA' ZHIG PA NI 'DAS PA DANG MA 'ONGS PA DAG GI ZHES PA LA SOGS PA SNGAR BRJOD LA, PHYIS DRI BA 'DI BYAS PA'O, ,'DIR GANG GI TSE DBANG PO 'GA' ZHIG DANG LDAN PA ZHES PA'I TSIG LAS SNGAR KHO NAR LHAN CIG ZHEN PA GRUB LA, DE'I PHYIR NGES PA DANG LDAN PAR LHAN CIG ZHEN PA'I BYA BA LAS BRTZAMS NAS DRIS PA'O, ,LAN YANG DON GCIG BYED PA'I DBANG PO DAG RTOGS PA NA NUS PA NYID YOD PA MA YIN NO ZHES PA DE DGAG PA KHO NAR GRAGS PA RTOGS PAR BYA STE, DE'I PHYIR BSTAN BCOS NYAMS PA MA YIN NO, ,DE 'GAL TE ZHES PA CI LTAR BYAS NAS SHE NA, GANG LAS JI LTAR YANG DBANG PO'I ZHEN PA ZHES PA LA SOGS PAS PHAN TSUN GYI 'JUG PA YANG DAG PAR RIG PAR BSGRUBS SO, ,GDON MI ZA BAR YANG 'DI 'DI LTAR RNAM PAR SHES PAR BYA'O, ,DON GZHAN DU RTOGS NA YANG JI SKAD BSHAD PA'I SKYON DU THAL BAR 'GYUR RO, ,DE LAS KYANG DBANG PO'I 'JUG PA DANG LHAN CIG SKYES PA'I YID KYIS NYAMS SU MYONG BAS PHYI ROL GYI DON LA PHYIS DRAN PA'O ZHES BRTAG PAR BYA BA MA YIN NO, ,DON MED PAR 'GYUR RO ZHE NA SKYON GZHAN GSUNGS SO, ,YID KYIS ZHES PA LA SOGS PAS 'DI KHO NA LA GTAN TSIGS SO, ,DUS GSUM PA'I YUL CAN DANG DON THAMS CAD PA NI YID DO ZHES BSHAD DO, ,DE GAL TE PHYI ROL GYI DON LA DNGOS SU 'JUG NA, DE KHO NAS SKYES BU'I DON BYAS SO ZHES BA RNA BA LA SOGS PA RNAMS DON MED PAR 'GYUR RO, ,DE LAS KYANG DE'I BDAG NYID DU RANG BZHIN YONGS SU 'GYUR BA MA YIN PA KHO NAR 'GYUR RO, ,SKYES BU NYID 'DOD PA NGES PAR LDOG PA'I CHED DU DE YONGS SU 'GYUR BAR 'DOD PAR BYA STE, GZHAN DU NA SKYES BU 'BA' ZHIG PA NYID THOB PA NA YANG 'GYUR RO ZHES PA'O, ,YOD @074A *, ,PA YANG DAG PAR SBYOR BA ZHES PA LA SOGS PA STE, 'DI'I 'BREL PA NI, CI STE 'DI LAS CHOS GCIG SHES PAR 'DOD PAS ZHES PA SKABS BYAS NAS, DE'I RGYU MTSAN YONGS SU 'DOD PA'O, ,CHOS DE'I NYE BAR DMIGS PA'I RGYU MTSAN RNAMS TE TSAD MA RNAMS NI YONGS SU BRTAG PAR BYA'O, ,DE LA RE ZHIG MNGON SUM GYIS CHOS NYE BAR MI DMIGS PA MA YIN NO ZHES STON CING GSUNGS PA, YOD PA YANG DAG PAR SBYOR BA ZHES PA LA SOGS PA'O, ,YOD PA'I 'AM YOD PAS YANG DAG PAR PHRAD PA ZHES PA TSIG RNAM PAR SBYAR RO, ,YANG DAG PAR RAB TU SMOS PA NI, YANG DAG PAR DANG RAB MCHOG TU GYUR PAS GANG PHRAD PA DE SHES PA'I DON DU'O, ,DE LTAN YANG BDAG LA SOGS PA RNAMS DANG YANG GANG PHRAD PA'I 'DU BYED DE NYE BAR GZUNG BAR 'GYUR TE, GZHAN DU NA YOD PA DANG PHRAD PA ZHES PA 'DI TZAM KHO NAR SMRA BAR 'GYUR RO, ,YANG DAG PAR PHRAD PA NI DBANG PO RNAMS KYI DON DANG 'BREL ZHING 'DUS PA'O, ,BYA BA PHUL DU BYUNG BA YANG NA NI STE, GANG SKYES PA NA BLO SKYE PA'O, ,YOD PA DANG YANG DAG PAR PHRAD PA ZHES PA 'DI NI DBANG PO RNAMS KYI ZHES BA 'DI DANG 'BREL LO, ,SKYES BU'I ZHES PA 'DI YANG BLO SKYE BA ZHES PA 'DI DANG NGO, ,DBANG PO ZHES PA'I SGRAS YID KYANG GZUNG BAR BYA'O, ,DES NA BDAG DANG YID YANG DAG PAR PHRAD PA LAS GANG BDAG NYID KYI YUL CAN GYI BLO SKYE BA DE YANG MNGON SUM NYID DU BYAS PAR 'GYUR RO, ,BLO SKYE BA ZHES BA YANG LAS 'DZIN PA'AM, DRUG PA DE'I SKYES BU YANG NA'O, ,GANG GI TSE LAS 'DZIN PA YIN PA DE'I TSE SKYE BAS KHYAD PAR DU BYAS PA CAN GYI BLO MNGON SUM MO, ,BLO NI SKYE BA KHO NAS YUL RAB TU GSAL BAR BYED KYI SKYE BA MED PAR DE'I BYA BA GZHAN YOD PA MA YIN TE SKAD CIG PA NYID KYI PHYIR RO ZHES SHES PAR BYA BA'I DON DU SKYE BA SMOS SO, ,GANG GI TSE DRUG PA'I BSDU BA YIN PA DE'I TSE BLOS KHYAD PAR DU BYAS PA'I SKYE BA MNGON SUM MO, ,DE LA YOD CES MED BSAL CHED, ,CES PA LA SOGS PAS, GANG YANG DAG PAR PHRAD PA LAS RTOGS PA DE RTOGS PA'I CHED DU YOD PA'I SGRA NYE BAR BLANG BAR BYA BA MA YIN TE, YANG DAG PAR PHRAD PA BZHIN, YOD PA MA YIN PA BSAL BA YANG DE LTA BU'O ZHES KHYAB BYED @074B DANG 'GAL BA GSUNGS SO, ,YOD PA KHO NA LAS ZHES PA GNYIS LA GNAS LA NYID KYI PHYIR DE GANG YANG RUNG BA MED NA MI SRID PA'I PHYIR RO, ,'O NA YOD PA KHO NA LAS ZHES PA'I KHO NA'I YI GE KHO NA LAS NGES PA RTOGS PA NYID KYI PHYIR NGES PA LAS ZHES PA BRJOD PAR MI BYA BA MA YIN NAM, CI STE 'DI BRJOD PAR BYA BA YIN NA KHO NA'I SGRA DON MED PAR 'GYUR RO ZHES NA, SKYON 'DI MED DE, GANG PHYIR NGES PA'I RANG GI NGO BO KHO NA'I SGRAS GSAL BAR BYED LA DAG GI DBYE BA YANG BYAS NAS 'DI LTAR BSHAD PAR BYA STE, YOD PA KHO NA LAS ZHES PA NGES PA GANG YIN PA 'DI NI NGES PA 'DI LAS YOD PA KHO NA'I YANG DAG PAR PHRAD PAR 'GYUR RO ZHES PA'O, ,YANG NA NGES PAR YOD PA SBYOR BA RIGS PA MA YIN NO ZHES SBREL BAR BYA'O, ,YOD PA YANG DAG PAR SBYOR BA NI RIGS PA MA YIN PA KHO NA'O ZHES PA YANG NA'O ZHES PA YANG NA'O, ,CI STE SBYOR ZLA BO ZHES PA LA SOGS PAS YOD PA'I SGRA DON GZHAN CAN NYID KYI PHYIR GRUB PA SGRUB PA SMRAS PA'O, ,CI'I DON DU SNGAR YOD PA KHO NA'I ZHES SMRAS BAS DRUG PA'I BSDU BA BSTAN CING, DA LTA NI CIS YANG DAG PAR SBYOR ZHES PA'I GSUM PA'I TSIG SDUD YIN ZHE NA, TSIG SDUD GZHAN LA YANG SKYON 'DI'O ZHES GSAL BAR BYED PA'I DON DU'O, ,DE LTAR NI RI KHROD PAS YANG DAG PAR PHRAD PA YOD NA STE YOD PA MIN NAM YIN NO ZHES SMRAS PAS 'DI NI LAS 'DZIN PA'O ZHES BSHAD DO, ,DE LA'ANG SKYON 'DI BZLOG PA MA YIN TE, GANG GI PHYIR BDUN PA 'DI RGYU MTSAN GYI DON CAN DU 'GYUR PA'AM, GANG GI YANG YOD PAS YOD PA'I MTSAN NYID DO ZHES PA 'DIS YANG NA'O, ,YOD PA MIN PA NI RGYU MTSAN NYID DANG MTSAN NYID DU YANG DAG PAR 'GYUR BA MA YIN TE, DE LAS KYANG GAL TE YANG DAG PAR PHRAD PA'I RGYU MTSAN GYIS BLO SKYE BAR 'GYUR BA'AM, DE YOD PAS DE YOD PAR MTSON PAR BYA BA YIN NA, DE LTAR GYUR NA YANG DAG PAR PHRAD PA NI YOD PA'O ZHES PA 'DI RTOGS PAR BYA BA KHO NAR 'GYUR RO, ,DE LTAR 'GYUR TE RTOGS PAR 'GYUR BA BDEN MOD, DE LTA NA YANG GANG 'DI NI PHA ROL PO RNAMS KYIS YOD PA MA YIN PA'I RTOGS PA 'DAS BA DANG MA 'ONGS PA'I YUL CAN DANG RNAL 'BYOR PA'I SHES PA NI YOD PA MA YOD PA MA YIN NA YANG DAG PAR PHRAD PA NA 'GYUR RO ZHES PA DE BSAL BA'I DON DU YOD PA SMOS PA'O ZHE NA, 'DI MI RIGS @075A *, ,TE, BDUN PA'I MTHA' CAN PHRAD PA'I SGRA YOD PA'I DON LA MI 'KHRUL PA KHO NAS RTOGS PA 'DI'I BZLOG ZIN PA NYID KYI PHYIR RO, ,GZHAN YANG KHO BO CAG GI RNAL 'BYOR PA'I MNGON SUM YOD PA'I YUL CAN KHO NAR SNGAR NYID BSHAD ZIN TO, ,GANG YANG 'DAS PA DANG MA 'ONGS PA'I YUL CAN DU RNAL 'BYOR PA RNAMS KYI SHES PA BRJOD PA DE YANG NYE BAR BTAGS PA LAS 'DAS PA DANG MA 'ONGS PA'I YUL CAN NYID DU KHAS BLANG BAR BYA'I, DON DAM PAR NA DE YANG DA LTAR BA'I YUL CAN KHO NA'O, ,CI LTAR BYAS PAS SHE NA, GANG PHYIR PA LTAR BA'I DNGOS PO NI 'DAS BA'I RGYU DANG RKYEN RNAMS KYI DNGOS DANG BRGYUD PAS PHAN GDAGS PAR BYA BA STE, GANG GI BAR MA CHAD PAR GANG SKYE BA DE'I DNGOS SU YIN LA, GANG RNAMS LAS BAR CHOD PAS YIN PA DE RNAMS KYI BRGYUD PAS SO, ,MA 'ONGS PA'I DNGOS PO RNAMS KYI YANG 'DI PHAN 'DOGS PAR BYED PA PO STE, DNGOS PO GANG RNAMS DE LAS DE MA THAG PAR 'BYUNG BA DE RNAMS KYI NI DNGOS SU YIN PA LA DE LAS PHYIS KYI DUS SU 'BYUNG BA RNAMS KYI NI BRGYUD PAS SO, ,GANG YANG 'DI 'DAS PA'I PHAN GDAGS PAR BYA BA NYID DANG MA 'ONGS PA'I PHAN 'DOGS PA PO NYID PAR CHOD PA DANG CIG SHOS KYANG YIN TE 'DI'I RANG BZHIN NO, ,DA LTAR BA'I DNGOS PO DE YANG BSGOM PA RAB KYI MTHAR THUG PA LAS SKYES PA'I SHES PAS RNAL 'BYOR PA RNAMS KYIS YONGS SU GCOD PAR BYED PA LAS BDAG NYID THAMS CAD KYIS YONGS SU GCOD PAR BYED DE, DE LA CHA SHAS MED PA NYID KYI PHYIR RO, ,DE DE LTAR YONGS SU GCOD PA NA, TING NGE 'DZIN LAS LANGS PA'I RNAL 'BYOR PA RNAMS KYI DNGOS PO DE'I PHAN 'DOGS PAR BYED PA DANG PHAN GDAGS PAR BYA BA'I DON GANG YIN PA 'DAS PA DANG MA 'ONGS PA DE RNAMS NGO SHES PA MI BSLU BA RNAMS BSGOMS PA LAS BYUNG BA'I SHES PA'I KHYAD PAR GYI STOBS LAS NYE BAR SKYE STE, GANG RNAMS KYIS 'DAS PA DANG MA 'ONGS PA'I DNGOS PO RNAM PAR GZHAG PA BYED PA'O, ,DE LTAR 'DAS PA DANG MA 'ONGS PA'I DON GYI YUL CAN SHES PA NI RNAL 'BYOR PA'I SHES PA'I 'BRAS BU'O ZHES PAS RGYU LA 'BRAS BU BTAGS PA LAS, DE YANG 'DAS PA DANG MA 'ONGS PA'I YUL CAN ZHES BRJOD PAR BYA'O, ,DE YUL MED PAR 'GYUR MOD DE, DON DAM PAR 'DAS PA DANG MA 'ONGS PA DAG MED @075B BA NYID KYI PHYIR RO, ,DE LTA NA YANG GSAL BAR 'DAS PA DANG MA 'ONGS PA'I DON SO SOR SNANG BA DE RNAM PAR RTOG PA MED PA'I PHYIR DANG MI BSLU BA NYID KYI PHYIR MNGON SUM NYID DU MI 'GAL BA KHO NA'O, ,JI LTAR KHYED KYIS BRTZAD PA SKYES ZIN PA'I BLO MA 'ONGS PA'I YUL CAN CHOS KYI RANG GI NGO BO 'DZIN PA MA YIN NA YANG MI BSLU BA'I PHYIR TSAD MA NYID DU 'DOD PA DE LTAR KHO BO CAG GIS KYANG JI SKAD BSHAD PA'I RGYU LAS DE MNGON SUM NYID DE, GSAL BAR 'DAS PA LA SOGS PA'I DON SO SOR SNANG BA NYID DO, ,SLAR YANG DE RNAM PAR RTOG PA MED PA NYID DANG MI BSLU BA NYID NI RNAL 'BYOR GYI STOBS LAS TE, LAS DANG LHA LA SOGS PA'I BYIN RLABS KYI STOBS LAS RMI LAM BDEN PA MTHONG BA BZHIN NO, ,DE'I PHYIR DNGOS PA MED PA'I YOD PA ZHES PA 'DI BYA BA MA YIN PA KHO NA'O, ,'O NA YANG 'DI NI MNGON SUM GYI MTSAN NYID MA YIN PA KHO NA'O, ,'ON KYANG 'GA' ZHIG GIS RNAL 'BYOR BA'I SHES PA'I MNGON SUM LA SOGS PA'I MTSAN NYID BRJOD PA DE DGAG PA'I DON DU CHOS 'DI BRJOD PA STE, RTZOD PA'I MTSAN NYID KYI DON GYI CHOS MNGON SUM GYI MTSAN NYID MA YIN TE, CI'I PHYIR ZHE NA, GANG GI PHYIR DE 'DRA BA'I MNGON SUM DANG 'BYUNG BAR 'GYUR BA'I CHOS KYANG SHES PA'I DUS NA YOD PA MA YIN ZHING, DE'I PHYIR DBANG PO LAS 'DAS PA'I DON RTOGS PA LA RGYU MTSAN MA YIN TE, DE NI YOD BZHIN PA LA NYE BAR DMIGS PA NYID KYI PHYIR RO, ,DE SNGON MA CAN NYID KYI PHYIR NA, RJES SU DPAG PA LA SOGS PA LA YANG CHOS KYI RGYU MTSAN DU MI 'GYUR RO, ,DE'I PHYIR RTZOD PA'I MTSAN NYID KHO NA'I DON CAN CHOS SO ZHES PAS 'DI 'DIR GTZO BOR RNAM PAR BSGRUB PAR BYA'I, MNGON SUM GYI DON 'DI NI MNGON SUM GYI MTSAN NYID GTZO BOR NI MA YIN TE, MNGON SUM GRUB ZIN PA NYID KYI PHYIR RJES SU BRJOD PA TZAM KHO NAR 'DI BYA BA'O ZHE NA, DE MI RIGS TE, TSAD MA RNAMS MA GRUB PA NYID KYI PHYIR RO, ,'DI YANG SNGAR KHO NAR RTOGS PAR BYAS ZIN TO, ,GZHAN YANG GAL TE GRUB ZIN PA NYID KYI PHYIR MNGON SUM GYI MTSAN NYID 'DIS BSGRUB PAR BYA BA MA YIN GYI, 'O NA CI ZHE NA, CHOS MNGON SUM GYI RGYU MTSAN NYID DU YIN NA, DE LTAR GYUR NA MNGON SUM RGYU MTSAN MA YIN TE, YOD BZHIN PA LA NYE BAR DMIGS PA NYID KYI PHYIR RO ZHES PA 'ING TZAM KHO NA BRJOD PAR BYA'O, ,DE LTAR 'GYUR MOD @076A *, ,RANG GI NGO BO NGES PAR BSTAN PA YOD NA, 'DI LTA BU'I MTSAN NYID CAN MNGON SUM MO ZHES RANG GI NGO BO NGES PAR SHES PA'I PHYIR DE RGYU MTSAN MA YIN PA NYID DU 'GRUB KYI GZHAN DU NA MA YIN NO ZHE NA, GAL TE RANG GI NGO BO NGES PAR BSTAN PA MED PAR DE'I RANG GI NGO BO SHES PA MA YIN NA, DE'I TSE DE GRUB PA MA YIN LA, DE LAS KYANG DE'I MTSAN NYID SGRUB PA KHO NA LA BRTEN PA'O ZHES BAS SUN 'BYIN PA LAS GROL BA MA YIN NO, ,DBANG PO'I KHYAD PAR CAN GYIS BRJOD KYI ZHES PA, DBANG PO'I KHYAD PAR BYAS PA KHO NA'I YUL NI SBYOR ZLA CAN YIN TE, JI LTAR MIG GI GZUGS ZHES PA 'DI LTA BU LA SOGS PA LTA BU'O, ,DE'I PHYIR 'DI LTAR SMRA BAR RIGS TE, GZUGS LA SOGS PA DANG PHRAD PA NA ZHES PA'O, ,CI STE YANG 'GYUR ZHES PA BDAG DANG DBANG PO DANG YID DANG DON PHRAD PA LAS SHES BA SKYE LA, DE YANG GZUGS LA SOGS PA'I SGRA RNAMS KYIS SMRA BAR NUS PA MA YIN TE, DE'I PHYIR DE RTOGS PA'I CHED DU YOD PA SMOS SO, ,DBANG PO RNAMS KYI ZHES BA'I TSIG NI NYE BAR MTSON PA'I DON DU STE, BYA ROG RNAMS LAS ZHO SRUNGS SHIG CES PA JI LTA BA BZHIN NO ZHES SEMS NA, YOD TZAM ZHES PA LA SOGS PAS SGRUB PAR BYED PA SNGA MA KHO NA GSAL BAR BYED DO, ,DE LTAR 'GYUR MOD, YOD PA MA YIN PA LA DE MI 'JUG GO ZHES PAS 'DI YOD PA MA YIN NO, ,DE LTAR NI YOD PA MA YIN PA SMIG RGYU LA SOGS PA RNAMS KYI YANG YANG DAG PAR SBYOR BA MTHONG LA, DE LAS KYANG GTAN TSIGS MA GRUB PA'O ZHE NA, GSUNGS PA, GANG YANG ZHES PA LA SOGS PA STE, MNGON SUM LTAR SNANG GI YUL NYID KYI PHYIR MNGON SUM LTAR SNANG BA'O, ,DE NYID KYI PHYIR YOD PA MA YIN PA RNAMS SO, ,DE'I PHYIR DE RNAMS DANG LHAN CIG 'GA' ZHIG KYANG YANG DAG PAR PHRAD PA MA YIN TE, DE'I PHYIR YANG DE DGAG PA'I CHED DU YOD PA SMOS PA RIGS PA MA YIN NO ZHES PA'O, ,DE LTAR 'GYUR MOD, YOD PA SMOS PA MED NA ZLA BA GNYIS LA SOGS PA'I SHES PA 'KHRUL PA YANG MNGON SUM NYID DU 'GYUR RO, ,DE'I PHYIR DE BZLOG PA'I CHED DU YOD PA SMOS PA'O ZHES NA, DE NI YANG DAG PA MA YIN TE, DE YANG DAG PAR PHRAD PA SMOS PA KHO NAS BZLOG ZIN PA NYID KYI PHYIR RO ZHES PAS 'DI NI BRJOD ZIN TO, ,GAL TE DE LTA NA DE RNAMS DANG @076B YANG DAG PAR PHRAD PA MA YIN PA DE CI LTAR CHU LA SOGS PAR SNANG BA'I RNAM PAR SHES PA YIN ZHE NA, YUL GYI KHYAD PAR ZHES PA LA SOGS PA STE, MYA NGA MA DANG TSA SGO CAN LA SOGS PA'I YUL GYI KHYAD PAR DU'O, ,DER YANG DUS THAMS CAD DU MA YIN GYI, GANG GI TSE NYI MA'I 'OD ZER RNAMS KYIS YANG DAG PAR GDUNGS PAR GYUR PA DE'I TSE RGYUR 'GYUR GYI GZHAN GYI TSE MA YIN NO, ,GANG GSUNGS PA NYI MA'I GDUNG BA LAS ZHES PA'O, ,BSTAN PAR BYA BA MA YIN PA ZHES PAS RANG GI MTSAN NYID NI BSTAN PAR BYA BA MA YIN PA NYID KYI PHYIR RO, ,RIM GYIS ZHES PA SNGAR DBANG PO'I SHES PA STE, DE NAS 'DRA BA NYID DU NGES PAR BYED PA'I YID RNAM PAR RTOG PA'O, ,DE NAS CHU LA SOGS PA DANG 'DRA BA'I DNGOS PO DRAN PA'O, ,DE'I BAR MA CHAD PAR DE KHO NA 'DI'O ZHES PA'I 'KHRUL PA YID KYI RNAM PAR SHES PA SPYI LA DMIGS PAR 'GYUR RO, ,DON DE MED PAR YANG ZHES PA CHU LA SOGS PAR BRTAGS PA'O, ,DE MA THAG PA'I RKYEN GYI KHYAD PAR KHO NAS SKYE BA'I PHYIR RO, ,CI STE ZHES PA LA SOGS PA'I KHYAD PAR DU BYAS PA KHO NA BYE BRAG TU BYAS PA LAS YANG DAG PAR RTEN PAS BSHAD DO ZHES STON PAR BYED DO, ,YANG NA GANG GANG GI ZHES PA LEGS PA LA YANG SAT KYI SGRA 'JUG STE, DPER NA SKYES BU DAM PA ZHES PA BZHIN NO, ,DE THIM ZHES PA 'DIR GZHAN YANG, JI LTAR YOD PA'I DON CAN GYI SAT KYI SGRA DBANG PO'I DON DANG 'KHRUL PA LAS DBANG PO'I DON RTOGS PA'I CHED DU MI NUS PA, DE LTAR THIM PA'I DON CAN YANG NGO, ,DE LTAR NI DBANG PO GZHAN GYI DON RDUL LA SOGS PA RNAMS KYANG DBANG PO LA THIM PA'O, ,SOGS PA'I SGRAS NI RNA BA LA SOGS PA'I PHRENG BA LA SOGS PA RNAMS GZUNG BAR BYA'O, ,MIG SMAN LA SOGS PA RNAMS KYI YANG PHAN 'DOGS PA PO NYID KYI PHYIR, LEGS PA NYID YOD DE, DE'I PHYIR DE DANG PHRAD PA NA YANG MNGON SUM NYID DU 'GYUR RO, ,'O NA GANG ZHIG DBANG PO GANG LA THIM STE GZHAN DU 'JUG PA MED PA'I PHYIR ZHES PA'I TSIG LAS DBANG PO DE KHO NA'I TSIG LAS YUL GYI DNGOS PO NYE BAR GTOGS PA'I MTSAN NYID CAN GYI THIM PA 'DIR BRJOD PAR ' DOD PA STE, LEGS PA'I DON YANG 'DIR RUNG BA NYID KYIS BRJOD LA, RUNG BA NYID KYANG 'DIR DBANG PO'I YUL GYI DNGOS POR KHAS @077A *, ,BLANG BAR NUS PA KHO NA SMRA BAR 'DOD PAS SO, ,RNAM PA 'DI LTA BU'I THIM PAR BYED PA NYID LA SOGS PA NI RDUL LA SOGS PA RNAMS LA YOD PA MA YIN TE, DE'I PHYIR CI LAS THAL BAR 'GYUR BA 'DI YIN, 'DI LAS SAT KYI SGRA NI YOD PA'I DON CAN BZHIN DU THIM PA LA SOGS PA'I DON CAN YANG KHYAD PAR RTOGS PA'I CHED DU MI NUS SO ZHES BSHAD ZIN TO, ,GAL TE YANG RNAM PA 'DI LTA BUR 'DIR THIM PA LA SOGS PAR MNGON PAR 'DOD NA, DE'I PHYIR PHRAD PA'I SBRAS DON MED DE, YOD NA GANG BLO SKYE BA DE MNGON SUM MO ZHES PA 'DI TZAM KHO NAS PHRAD PA YANG THOB PA NYID KYI PHYIR RO, ,DE MED PAR RNAM PA 'DI LTA BU'I THIM PA LA SOGS BA KHYOD KYI LUGS KYIS SRID PA MA YIN PAS SO, ,DE'I PHYIR YANG DAG PAR SBYOR BA'I YOD PA NI, PHAN 'DOGS PA NYID DANG LEGS PA NYID DU 'DOD PAR BYA STE, DE LAS KYANG RDUL LA SOGS PA RNAMS LA THAL BAR 'GYUR RO, ,SLAR YANG 'DIR MI 'DOD PA CI YOD, GAL TE YANG RDUL LA SOGS PA RNAMS KYIS, MIG LA SOGS PA'I DBANG PO DANG PHRAD PA LAS, RDUL LA SOGS PA'I YUL CAN GYI BLO NYE BAR SKYED PA MA YIN NA, SKYON 'DI YOD PA MA YIN PA KHO NA STE, BLO SKYE BA MNGON SUM MO ZHES PA'I TSIG LAS SO, ,GANG YANG DE DANG PHRAD PA LAS RNAM PAR SHES PA SKYE BA DE DE'I YUL CAN MNGON SUM DU 'DOD PA KHO NA'O ZHE NA, SKYON 'DI MED DE, 'DIR RDUL LA SOGS PA RNAMS DANG PHRAD PA LAS DE'I YUL CAN DBANG PO'I SHES PA SKYE BA'I MNGON SUM NYID DU THAL BAR BYED PA MA YIN GYI, 'O NA CI ZHE NA, MNGON SUM GYI SHES PA KYE BA'O, ,'DI SKAD BSHAD PAR 'GYUR TE, GAL TE GANG DBANG PO LA THIM PA 'AM DE LA LEGS PA DE DBANG PO'I DON TO, ,RDUL LA SOGS PA RNAMS KYANG RNAM PA 'DI LTA BU'O, ,DES NA DE DANG PHRAD PA NA YANG MNGON SUM STE SHES PA SKYE BAR 'GYUR RO ZHES BA'O, ,'DI LTAR 'GYUR BA MA YIN TE ZHES PA LA SOGS PAS YOD PA'I SGRA DBANG PO'I DON KHO NA LA GRAGS SHING, DE BYE BRAG TU BSHAD PA NA DON DANG 'BREL PA CAN KYI KHYAD PAR THIM PA NYID LA SOGS PA LA BRTEN PA'I PHYIR RO, ,JI LTAR BA LANG GI SGRA BA LANG GI RIGS KHO NA LA STE, GZHAN DANG THUN MONG MA YIN PAR 'GRO BA LA BRTEN NAS BYE BRAG TU BSHAD PA BZHIN ZHES STON TE, MI @077B MTHUN PA NYE BAR BKOD PA ZHES DPE DANG DPE CAN DAG MI MTHUN PA NYID KYI PHYIR RO, ,GRAGS PA'I STOBS KYIS NI KHYAD PAR LA BRTEN NAS BYE BRAG TU BSHAD PA BYA NA, YOD PA'I SGRA DBANG PO'I DON LA GRAGS PA YANG MA YIN NO ZHES PA 'DI NI YANG DAG PA MA YIN NO, ,DE YI BAR CHAD MED LA GNOD, ,CES PA, PHRAD PA NI BAR MCHOD PA NYID DO, ,GAL TE ZHES PA LA SOGS PAS DON KUN YANG DAG PHRAD PA'I SGRA'I DON GSUNGS SO, ,'O NA YANG DAG PAR PHRAD PA'I SGRAS BYA BA'I KHYAD PAR THOB PAR BYA BA MA YIN NAM, DES NA SKYON 'DI GA LAS YIN ZHE NA, DBANG PO'I BYA BA YANG YIN, GAL TE 'DZIN PA'O ZHE NA, DE KHO NA RNAM PAR SHES PA'O ZHES PAS RNAM PAR SHES PA KHO NA RNAM PAR SHES PA LAS SKYE'O ZHES BRJOD PAR 'GYUR ZHING, DE YANG MI RIGS TE, MIG GI RNAM PAR SHES PA MED PAR YANG MIG GI RNAM PAR SHES PA YOD PAR 'GYUR BA'I PHYIR RO, ,CI STE RAB TU GSAL BA'O ZHE NA MIG KHO NA GZI DANG LDAN PA NYID DU MNGON PAR 'DOD PA NYID KYI PHYIR DE KHO NA'I RAB TU GSAL BAR 'GYUR GYI, GZHAN RNAMS KYI NI MA YIN NO, ,NAM MKHA'I RANG BZHIN RNA BA YANG BYA BA MED PA NYID KYI PHYIR GA LAS BYA BA YIN, PHRAD PA SMOS PA YANG DON MED PA STE, GANG GI PHYIR BLO SKYE BA LA BYED PA RNAMS KYI BYA BAS GDON MI ZA BAR 'BYUNG BAR 'OS PA'I PHYIR RO, ,'JIG RTEN NA PHRAD PA'I SGRA'I BYA BA'I DON CAN DU GRAGS PA YANG MA YIN ZHING, RAB TU GRAGS PA'I DON SMOS PA YANG MDOR KHAS BLANGS PA STE, DES NA PHYOGS 'DI SHIN TU MI RIGS SO ZHES PA PHRAD PA'I PHYOGS KHO NA BRTEN PAR BYA BA'O, ,DE LAS KYANG JI SKAD BSHAD PA'I MI 'DOD PAR THAL BAR 'GYUR RO ZHES PA'O, ,'GREL PA BYED PAS NI GANG YANG BLO SKYE BA ZHES PA RGYAN DANG BCAS PA'I NGAG BRJOD DO ZHES PA DE'I PHYIR, 'DI GSUNGS PA, BLO YI RGYU YI TSOGS PA NA, ,ZHES PA LA SOGS PA STE, DE ZHES PA YON TAN DU GYUR KYANG BLO LA SNYEG GI , TSOGS PA LA MA YIN TE DE LA MED PA'I BUD MED KYI RTAGS NYE BAR BKOD PA'I PHYIR DANG 'GREL BAR YANG DE LTAR RNAM PAR BSHAD PA'I PHYIR RO, ,'DUS BYAS PA NI CHOS MA YIN PA DAG GA MA, BDAG GI YON TAN SHES PA LAS SKYES PA SHES PA'I RGYU STE, 'DUS BYAS PA'I KHYAD PAR GYIS SHES PA'I KHYAD @078A *, ,PAR SKYE BA'I PHYIR RO, ,GZHAN ZHES PA LA SOGS PAS, GANG YOD PA MA YIN PA DE MNGON SUM MA YIN TE, NAM MKHA'I ME TOG BZHIN TSOGS PA LA SOGS PA LAS THA DAD PA'I RGYU YANG DE LTA BU'O ZHES KHYAB PAR BYED PA MED PA GSUNGS SO, ,BLO SKYE BA ZHES PAS YANG CI BYA ZHES PA 'DIS KYANG GANG DON MED PA DE BYA BA MA YIN TE, DE LAS GZHAN PA'I DON MED PA CAN BZHIN, BLO SKYE BA SMOS PA YANG DE LTA BU'O ZHES PA KHYAB PAR BYED PA 'GAL BA'O, ,DE LTAR 'GYUR MOD, DE MED NA BLO SKYE BA'I RGYU MA YIN PA'I YANG DAG PAR PHRAD PA YANG MNGON SUM NYID DU 'GYUR RO, ,DE'I PHYIR YANG DAG PAR PHRAD BA'I KHYAD PAR GYI DON DU DE BYA'O ZHE NA, 'DI NA YOD PA MA YIN TE, GANG PHYIR PHRAD PA NI BLO SKYE BA'I RGYU MA YIN PA NYID SRID PA MA YIN TE, 'BRAS BU NI DE'I YOD PA NYID RJES SU DPOG PAS SO, ,DE MED NA DE'I RTOGS PA GA LAS YIN, BYA BA'I KHYAD PAR YANG BLO'I 'BRAS BUR NGES PAR BYA STE, DE LTAR NI RE ZHIG DNGOS PO GZHAN RNAMS KYANG RGYAL DPOG GI SLOB MA RNAMS KYIS BYA BAS RJES SU DPAG PAR BYAR 'DOD DE, DBANG PO LAS 'DAS PA RNAMS DBANG PO RNAMS LTA CI SMOS, YANG CI LTAR RNAM PAR DBYE BA THA DAD PA'I KHYAD PAR NI GZHI MTSUNGS PA CAN DU 'GYUR TE, YANG DAG PAR PHRAD PA NA BLO SKYE BA ZHES PA'O, , CI STE GZHI MTHUN PA DANG BRAL BA'I KHYAD PAR SKYES BU'I RGYAL PO LTA BU YIN NA, DE'I TSE YANG DAG PAR PHRAD PA KHO NA BLO SKYE BA'I KHYAD PAR DU 'GYUR RO ZHES PA 'DI SNYING PO MED PA'O, ,GZHAN YANG ZHES PA LA SOGS PAS, GANG DBANG PO'I NGOR 'JUG BA MA YIN TE, MNGON BAR 'DOD PA'I MNGON SUM MA YIN PA BZHIN, JI SKAD BSHAD PA'I TSOGS PA YANG DE LTA BU'O ZHES PA KHYAB PAR BYED PA MI DMIGS PA GSUNGS SO, ,'DU BYED LDAN ZHES PA 'DU BYED PA DANG BCAS PA'O, ,YID DANG DBANG PO PHRAD PA DANG DBANG PO DANG DON PHRAD PA DBANG PO'I NGOR? 'JUG GO ZHES PA DE'I PHYIR DE BRJOD CES GSUNGS SO, ,GANG YANG RTOGS PA ZHES PA, DE'I BSAM PA NI, DBANG PO DANG PHRAD PA KHO NA SHES PA'I THUN MONG MA YIN PA'I RGYU STE, DE'I PHYIR DE KHO NA GANG LAS BLO SKYE BA ZHES PAS 'DIR MING THAMS CAD PA'I RGYU NYID KYI MCHOG TU SNYEG PA STE, DE YANG DBANG PO'I NGOR 'JUG PA'I PHYIR MNGON SUM DU BSTAN PAR RIGS SO ZHES PA'O, , @078B DE YANG GNYIS LA GNAS PA'I PHYIR RO ZHES PA DBANG PO DANG DON LA 'JUG PA NYID KYI PHYIR GNYIS LA GNAS PA NYID DO, ,DES KYANG DBANG PO KHO NA 'DI'I THUN MONG MA YIN PA'I RGYU MA YIN NO ZHES BSTAN TO, ,DE LTAR NI DE GNYIS LA GNAS PA NYID KYI PHYIR, JI LTAR DBANG PO GZHAN DE'I RGYU MA YIN PA DE LTAR YUL GZHAN YANG STE, JI LTAR YANG YUL NI DBANG PO MA YIN PA GZHAN GYIS KYANG SBYOR BA YIN PA DE LTAR DBANG PO YANG YUL MA YIN PA GZHAN GYIS KYANG NGO ZHES PAS BYE BRAG MED DO, ,THUN MONG MA YIN PAS KYANG 'JIG RTEN NA THA SNYAD BYED PA MTHONG ZHES SNGAR BSHAD ZIN TO, ,DE'I PHYIR DBANG PO KHO NAS THA SNYAD DU BYA BA MA YIN NO ZHES GSUNGS PA, 'DI NI BRTAG BYA MA YIN NO, ,ZHES PA'O, ,GANG LAS GANG NGES PA ZHES PA LA SOGS PA GANG LAS BLO SKYE BA DE MNGON SUM MO ZHES PA 'DI'I 'DI BSHAD PA'O, ,'DI SKAD BRJOD PAR 'GYUR TE, DBANG PO LA SOGS PA PHRAD PA GANG LAS 'DI BA LANG KHO NA'O ZHES PA LA SOGS PA NGES PA'I SHES PA SKYE BA DE MNGON SUM MO ZHES PA'O, ,DE YANG RIGS PA MA YIN TE ZHES PA RNAM PA 'DI LTA BU'I SHES PA NA DBANG PO LA SOGS PA YANG DAG PAR PHRAD PA LAS YANG DAG PAR 'BYUNG BA MA YIN PA'I PHYIR RO, ,CI LTAR ZHE NA, GSUNGS PA, BA LANG LA SOGS SBYOR LAS ZHES PA LA SOGS PA STE, YANG GI SGRA NI RGYU'I DON LA'O, ,GANG GI PHYIR BA LANG NYID LA SOGS PA'I KHYAD PAR DANG 'BREL PA LAS DON LA BA LANG NYID LA SOGS PAR NGES PAR BYA BA YIN NA, DBANG PO'I BLO LA, KHYAD PAR DANG KHYAD PAR CAN DAG SBYOR BAR NUS PA YANG MA YIN TE, DE'I PHYIR MTSAN NYID MI SRID PA'O ZHES BAS MI RIGS SO, ,KHYOD KYI LUGS KYI ZHES PA GANG GI PHYIR PHA ROL POS BA LANG NYID LA SOGS PA RNAMS DANG, DE'I RTEN RDZAS KYANG DNGOS PO NYID DU KHAS BLANGS TE, DE'I PHYIR DE'I YUL CAN NYID DU DBANG PO'I BLO DOGS PAR 'GYUR RO, ,RJES SU MTSAMS SBYOR BA LA NI KHYAD PAR DANG KHYAD PAR CAN DNGOS POR GYUR PA DAG LA YANG DBANG PO'I BLOS NUS PA MA YIN NO, ,DE LTAR NI PHA ROL PO'I LUGS KYIS DRI GZUGS CAN GYI DBANG PO'I YUL DANG RDZAS KYANG YIN PA DE DAG PHAN TSUN RJES SU MTSAMS SBYOR BA NA, DE'I NUS PA KHAS BLANG BAR BYA BA MA YIN TE, DRI BZANG PO RDZAS @079A *, ,SO ZHES PA 'DI GAL TE MIG GI RNAM PAR SHES PA YIN NA DRI'I YUL CAN MA YIN ZHING, DE STE SNA'I RNAM PAR SHES PA YIN NA RDZAS KYI YUL CAN NYID DU MI 'THAD PA'I PHYIR RO, ,RANG GI LUGS KYIS NI RIGS DANG RDZAS DAG KYANG YOD PA MA YIN PA NYID KYI PHYIR, YOD PA MA YIN PA KUN NAS LTA BA'O ZHES BSTAN PA'I CHED DU KHYOD KYI LUGS KYIS ZHES GSUNGS SO, ,'O NA GZEGS ZAN BRTAG PAR DON 'DI, YUL LA LTA DON CAN NYID PHYIR, ,KHYAD PAR RNAMS KYIS MTSAMS SBYOR MIN, ,ZHES PA BSHAD ZIN PA KHO NA STE, DE SLAR YANG BRJOD PA CI ZHE NA, DE KHO NA RANG GIS RIG BYA ZHES PA LA SOGS PAS BAR MA CHAD PAR CHAD PAR 'GYUR BA'I RIGS PAS, SHIN TU GSAL BAR BYAS PA'I DON DU'O, ,DE LTAR 'GYUR MOD, MTSAMS SBYOR BA MED PAR YANG NGES PAR 'GYUR RO ZHE NA GSUNGS PA MA YIN ZHES PA LA SOGS PA'O, ,DE'I PHYIR YID LAS BYUNG BA ZHES PA STE, GANG GI PHYIR DE LTAR DBANG PO LAS SKYES PAS SBYOR BA MA YIN NO ZHES PA DGONGS PA'O, ,THA MI DAD PAR NYE BAR 'DOGS PA STE, KHYAD PAR RJOD PAR BYED PA'I NGO BO DANG, KHYAD PAR CAN BRJOD PAR BYA BA'I RTOGS PA'O, ,RJOD PAR BYED PA DANG BRJOD PAR BYA BA DAG LAS YANG ZHES SMOS PA NI DPE'I DON DU'O, ,GANG THA MI DAD PAR NYE BAR 'DOGS PA'I SHES PA DE YID KYI YIN TE, RJOD PAR BYED PA DANG BRJOD PAR BYA BA THA MI DAD DU NYE BAR 'DOGS PA'I RTOGS PA BZHIN, BA LANG KHO NA 'DI'O ZHES PA LA SOGS PA'I SHES PA LA YANG DE LTA BU'O, ,RANG BZHIN NO, ,CI'I PHYIR ZHE NA ZHES PA KHYAB PA MI SRID PAR DRIS PA'O, ,RANG GIS RIG BYA NI ZHES PA LA SOGS PAS GTAN TSIGS GSUNGS SO, ,'DI YANG DU MA'I NGO BO'I CHOS CAN NI ZHES PA 'DI'I NANG DU BSHAD ZIN TO, ,THUN MONG MA YIN PAS ZHES PA, THUN MONG BA NI 'GA' ZHIG TU NYE BAR SBYOR BA MA YIN PA'I PHYIR RO ZHES BSHAD ZIN TO, ,DE 'DIS NI THA SNYAD DU BYA BA MA YIN PA KHO NA RANG GI MTSAN NYID YIN ZHING DBANG PO'I BLO'I YUL TE, THA SNYAD DU BYA BA SPYI NI MA YIN NO, ,DE'I PHYIR DES NI THA DAD MED PAR YANG NYE BAR GDAGS PA BYA BAR NUS PA MA YIN ZHES GSAL BAR BYAS SO, ,GANG GANG ZHIG GI YUL MA YIN PA DE DES THA MI DAD PAR NYE BAR GDAGS PA BYA BAR NUS PA MA @079B YIN TE, DPER NA MIG GI RNAM PAR SHES BSGRAS BZHIN, BA LANG NYID LA SOGS PA'I SPYI YANG DBANG PO'I BLO'I YUL MA YIN NO, ,KHYAB PAR BYED PA DANG 'GAL BA'O, ,DE LAS KYANG 'DI NI YID KYI KHO NA'O ZHES GNAS SO, ,CI STE YANG ZHES PA MA GRUB PA NYID DU DOGS PAR BYED DE, RNAM PA THAMS CAD CES PA SHES BYA NYID LA SOGS PA'I RNAM PAS KYANG ZHES PA'I DON TE, DE LAS SKYON CI YOD CE NA GSUNGS PA, RNAM KUN ZHES PA LA SOGS PA STE, RNAM KUN DON GYI RNAM SHES NI, ,GNAS NA STE, RNAM PA THAMS CAD KYI DON RTOGS PA LA 'JUG BZHIN PAR GYUR PA NA, MNGON SUM BLOD MI 'GYUR ZHES SBREL TE, MNGON SUM GYI SGRA'I BRJOD BYA MA YIN PAR 'GYUR RO ZHES PA'I DON TO, ,'DI CI LAS SHE NA, GSUNGS PA, MNGON SUM GYI SGRA NI ZHES PA LA SOGS PA STE, GANG GI PHYIR BSHAD 'GREL BYED PA PA'O 'DOD PAS MNGON SUM GYI SGRA GSUM RNAMS KHO NA LA 'JUG STE, TSAD MA LA NI DNGOS SO ZHES PA'O, ,PHRAD PA LA NI MNGON SUM GYIS GZHAL ZIN PA GNYIS KYI PHYIR ZHES PA STE, BRES GZHAL ZIN PA LA NI BRER NYE BAR 'DOGS PA BZHIN NO, ,SHES PA LA ZHES PA NI 'BRAS BU LA'O, ,DBANG PO LA SO SOR 'JUG PA ZHES PA 'DIS CHOS MTHUN PA NYID KYIS TSAD MA DANG MTSUNGS PA NYID KYI PHYIR MNGON SUM DU NYE BAR BTAGS PAR RIGS TE, BRAM ZE'I KHYE'U LA SENG GE ZHES PA BZHIN NO, ,GAL TE YANG ZHES PA LA SOGS PAS, RNAM KUN DON GYI RNAM SHES NI, ,GNAS PA ZHES PA 'DI BSHAD DE, ,DE ZHES PA LA SOGS PA NI, ,MNGON SUM BLO MIN 'GYUR ZHES PA 'DI'O,, DBANG PO'I LTOS PA DANG ZHES PA, SPYI'I BLO RNAMS NI 'DAS PA LA SOGS PA RNAMS LA YANG YOD PA'I PHYIR LONG BA LA SOGS PA RNAMS LA YANG NGO, ,THA MI DAD PAR NYE BAR 'DOGS PAR ZHUGS PA ZHES PA THA DAD MED PAR NYE BAR BTAGS PA'I BLO RNAMS KYANG 'DI LTA BU'I RNAM PA CAN RNAMS KHO NA'O, , YANG NA YOD PA MA YIN PAS KYANG THA MI DAD PAR NYE BAR 'DOGS PAR BYED DE, JI LTAR GTZO BO'I RANG BZHIN GYI GRANGS CAN PA'I SKYES BU 'DI'O ZHES PA LTAR RO, ,'DI LTA BU'I RNAM PA DBANG PO LA SOGS PA PHRAD PA LAS SKYES PA'I SHES PAR 'DOD PA YANG MA YIN TE, SPYI DBANG PO'I BLO'I YUL MA @080A YIN NO ZHES BSGRUBS KYANG ZIN TO, ,DBANG PO'I GZHAN DBANG DU MA YIN PAR 'GYUR RO ZHES PA SHUGS LAS MNGON SUM GYI SGRAS BRJOD PAR BYA BA'I NGOR ZHES RTOGS PAR BYA'O, ,DE LTAR NI MNGON SUM GYI SGRA'I BRJOD PAR BYA BA MA YIN NYID RTOGS PAR BYAS PA NYID KYIS SKABS SU BYAS SO, ,'DI NI 'LDIR LTAR GDON MI ZA BAR RNAM PAR SHES PAR BYA STE, GZHAN DU NA DBANG PO LA MI LTOS PA DANG, DBANG PO'I GZHAN DBANG DAG CES PA 'GAL BAR 'GYUR RO, ,DE 'DI SKAD BSHAD PAR 'GYUR TE, SHES PA SKYE BA NA DBANG PO'I GZHAN DBANG CAN DU MNGON SUM DANG CHOS MTHUN PA'I PHYIR MNGON SUM DU NYE BAR BTAGS PA NI YANG NA, MNGON SUM GYI MNYAN PA 'JUG PA'I RGYU MTSAN TE, DE MED NA DE 'JUG PA MA YIN NO ZHES PA'O, ,RGYU MTSAN CAN GYI MNYAN PA GANG YIN PA DE'I RGYU MTSAN GANG NA MED PA DER DE 'JUG PA MA YIN TE, DPER NA DBYUG PA DANG BRAL BA'I SKYES BU LA DBYUG PA CAN GYI MNYAN PA BZHIN, JI SKAD BSHAD PA'I SHES PA LA YANG MNGON SUM GYI MNYAN PA'I RGYU MTSAN YOD PA MA YIN NO ZHES BA RGYU MI DMIGS PA'O, ,RNAM PA THAMS CAD DU ZHES PA LA SOGS PAS SKYON GZHAN GSUNGS SO, ,YON TAN NYID LA SOGS PA SPYI'I CHOS RNAMS NI GZUGS DANG SGRA LA SOGS PA THAMS CAD DU YOD PA'I PHYIR NA, JI LTAR MIG GIS GZUNG BAR BYA BA NYID YIN PA DE LTAR RNA BA LA SOGS PA RNAMS KYIS KYANG NGO ZHES PAS DBANG PO GZHAN GYI YUL LA YANG DBANG PO GZHAN 'JUG GO, ,DE'I PHYIR DBANG PO DU MA BRTAG PA DON MED PA NYID DU 'GYUR RO, ,'BRAS BU GZHAN PA 'THOB PA MA YIN, ,RTOGS PA NI SHES PA'I 'BRAS BU YIN PA STE, DE GAL TE TSAD MA YIN NA 'BRAS BU GZHAN PA MED DO, ,NYAMS PA NYE BAR BLANG BYA LA LTOS PA'I BLO RNAMS 'BRAS BU'O ZHES BRTAGS PAR RIGS PA YANG MA YIN TE, CHU LA SOGS PA DRAN PAS BAR DU CHOD PA'I PHYIR RO, BAR DU CHOD PA DANG BAR DU CHOD PA MA YIN PA DAG LAS KYANG BAR DU CHOD PA KHO NA 'BRAS BUR GZUNG BAR BYA'O, ,YUL THA DAD PA NYID KYI PHYIR YANG 'BRAS BUR DE RNAMS MI RIGS TE, GANG PHYIR MNGON SUM NI GZUGS LA SOGS PA RANG GI MTSAN NYID KYI YUL CAN YIN LA, DE RNAMS NI 'DEGS PA LA SOGS PA BYA BA'I YUL CAN RNAMS SO, ,BLO YI YANG ZHES PA LA SOGS @080B PA STE, BLO SKYE BA MDOR SUM DU BSHAD LA, DE YANG BLO LAS GZHAN NAM GZHAN MA YIN PA GCIG TU 'GYUR, DE LA GAL TE GZHAN DU 'DOD NA, DE KHO NA TSAD MAR 'GYUR RO, ,SKYE BA YANG KA nA BHU DZ'A NI BDAG LA RANG GI RGYU LA BLO'I 'DU BA STE, YANG NA YOD PA NYID DANG YON TAN NYID DANG BLO NYID 'DU BA STE SHES PA 'BRAS BU LA'O, ,DPYOD PA RNAMS KYIS KYANG DE'I LUGS KHO NA LA BRTEN TO, ,DE YANG GANG GI PHYIR BSHAD 'GREL BYED PA'I LUGS KYIS 'DU BA MNGON SUM DU THOB CING, DE MNGON SUM NYID DU RIGS PA MA YIN TE, DON LA 'KHRUL PA'I PHYIR RO, ,DE LTAR NI RTAG PA NYID KYI PHYIR DON MED NA YANG DE YOD PAS SO, ,GANG DON LA 'KHRUL PA DE MNGON SUM MA YIN TE, LOG PA'I SHES PA BZHIN, 'DU BA YANG DE LTA BU'O, ,'GAL BAS KHYAB PA'O, ,CE STE 'GREL PA BYED PA'I 'DOD PAS GANG LAS BLO SKYE BA DE MNGON SUM YIN PA, DE LTA NA YANG RTAG PA NYID KYI PHYIR 'DU BA NI 'GA' ZHIG LAS KYANG SKYE BA MA YIN NO ZHES PAS YUL MED PA'I MTSAN NYID DO, ,DE'I PHYIR GNYI GA LTAR NA YANG NI GAL TE MDO BYED PA PA'O 'DOD PAS YIN NA DANG, GAL TE 'GREL PA BYED PA PA'O 'DOD PAS YIN NA'O, ,YANG NA GAL TE RANG GI RGYU LA 'BRAS BU 'DU BA BLO SKYE BAR 'DOD NA DANG, GAL TE YOD PA NYID LA SOGS PA RNAMS 'BRAS BU SHES PA LA 'DU BA YIN NA STE, GNYIS KA LTAR NA YANG MNGON SUM NYID DU RIGS PA MA YIN NO, ,CI STE ZHES PA LA SOGS PA STE, GZHAN MA YIN PA NYID NA, BLO KHO NA SKYE BA'O ZHES PAS KYE BA SMOS PA LUGS GNYIS KA LA YANG DON MED PA'O, ,'O NA SKYE BA SMOS PA'I DGOS PA SKYE BZHIN PA'I GNAS SKABS KYI BLO KHO NA TSAD MA NYID DU SHES PAR BYA BA'I DON DU'O ZHES BSHAD ZIN PA MA YIN NAM ZHE NA, DE MI RIGS PAR BSHAD ZIN TO, ,DE LTAR NI SKAD CIG PA NYID KYIS PHYI MA'I DUS SU GNAS PA MED PA'I PHYIR, BLO SKYE BZHIN PA KHO NA TSAD MA NYID YIN GYI NYE BAR DMIGS PA MA YIN NO ZHES BSHAD DO, ,DE'I TSE YANG BLO MED PA'I PHYIR TSAD MA NYID MED PA'O ZHES PAS SKYE BA SMOS PAS CI ZHIG ,CI STE SKYE BA LAS DUS PHYIS BLO YOD NA, DE LTA NA YANG KHYAD PAR MED PA'I PHYIR DE LAS SNGAR YANG, DE YIN NA DE'I TSE YANG TSAD MA NYID BZLOG PAR BYA BA MA YIN NO ZHES PAS SKYE BA SMOS PAS CI ZHIG ,BLOS KHYAD PAR DU BYAS PA'I SKYE @081A *, ,BA NI DBANG PO'I NGOR MI 'JUG PA'I PHYIR DANG SNGAR BSHAD PA'I RGYU'I PHYIR MNGON SUM NYID MED DO, ,MU STEGS PA THAMS CAD BDAG RAB TU 'JAL BAR BYED PA POR 'DOD DE, DE'I PHYIR BZLOG PA'I CHED DU GSUNGS PA, BLO SKYE LA ZHES PA LA SOGS PA'O, ,CI 'DI KHO NAR RNAM PAR DPYOD PAR BYED CE NA, RNAM PAR DPYAD PA RTZOM PAS NA RTZOD PA 'DI GA LA 'JUG ,GZHAN YANG 'DIR MTSAN NYID KYI NGAG LA SKYES BU'I ZHES PA'I TSIG GI PHYIR BDAG GI DBANG DU BYAS BA'O ZHES PAS 'DI KHO NAR RNAM PAR DPYAD PAR RIGS SO, ,SNGAR GYI GNAS SKABS LAS RNAM PAR 'GYUR TE ZHES PA, RAB TU 'JAL BA PO MA YIN PA'I GNAS SKABS NYE BAR BCOM PA ZHES PA'I DON TO, ,DE LTAR GYUR NA MI RTAG PAR ZHES PA, GANG RNAM PAR 'GYUR BA CAN DE MI RTAG PAR YIN TE, BUM PA BZHIN, BDAG KYANG DE LTA BU'O, ,RANG BZHIN GYI THAL BA'O, ,CI STE MI 'GYUR NA ZHES PA LA SOGS PAS GANG GANG GI TSE RAB TU 'JAL BAR BYED PA PO MA YIN PA'I GNAS SKABS LAS KHYAD PAR MED PA DE DE'I TSE RAB TU 'JAL BA PO MA YIN TE, DPER NA SNGAR GYI SKYES BU DE KHO NA BZHIN, DE YANG BLO SKYED PA NA YANG JI SKAD BSHAD PA YIN NO ZHES PA 'GAL BAR KHYAB PA'I THAL 'GYUR GSUNGS SO, ,'DI KHO NAS TSAD MA BRTAG PA BZLOG PA'I CHED DU, TSAD MAR GYUR PA ZHES PA 'DIR GANG GYUR PA SMOS PA DER RIGS PA GSAL BAR BYAS SO, ,'CHAD PAR 'GYUR BA'I GTAN TSIGS KYI KHYAB PA SGRUB PA NA YANG NGO 'DI LTAR TSIGS SU BCAD PA BKLAG PAR BYA STE, GAL TE DNGOS PO DON BYA BA'I, ,DUS NA 'GYUR NA MI RTAG NYID, ,GAL TE DE MED DE DNGOS MIN, ,NUS PA THAMS CAD SPANGS PA'O, ,ZHES PA'O, ,YONGS SU BCAD PA DANG PO'O, ,MNGON SUM DANG RJES SU DPAG PA'I TSAD MA GNYIS DAG KHO NA'O ZHES BSHAD ZIN TO,, ,,DE LA MNGON SUM BSHAD ZIN TE, DA NI SKABS SU BAB PA RJES SU DPAG PA RNAM PAR BSHAD PAR BYA PA'I CHED DU GSUNGS PA, RJES DPAG RNAM GNYIS ZHES PA LA SOGS PA STE, DRANG DON NI GANG GIS RANG NYID KYIS RTOGS PAR BYED PA'O, ,GZHAN GYI DON NI GANG GIS GZHAN GYIS RTOGS SU 'JUG PA'O, ,'O NA GZHAN DON GYI MTSAN NYID LOGS SU BRJOD BYA MA YIN PA KHO NA'O, ,GANG PHYIR GO @081B BAR BYED PA'I MTSAN NYID BSGRUB PA KHO NAS, RTOGS PAR 'DOD PA PO'I TSIG GI RIM PA BSTAN PA KHO NA'I PHYIR TE, RNAM PA GZHAN DU MNGON PAR BRJOD NA GO BAR BYED PA'I CHOS RAB TU GSAL BAR MI BYED PA'I PHYIR RO, ,GANG DON 'DI JI LTA BA BZHIN RIG CING TSIG SHES PA DE RNAMS NI DE RTOGS PAR BYED PA NA SLAR NYE BAR BSTAN PA GZHAN LA LTOS PA MA YIN NO ZHE NA, 'DI BDEN MOD, DE LTA NA YANG BYIS PAS RTOGS PAR BYA BA'I DON DU 'DI BRTZAMS SO, ,DNGOS PO JI LTA BZHIN RTOGS PA RNAMS KYANG RNAM PA GZHAN DU BRJOD PA MTHONG BAS TE, MED NA MI 'BYUNG BA NYE BAR MKHO BA YANG MI BRJOD PA'I PHYIR DANG, NYE BAR MI MKHO BA YANG BSGRUB PAR BYA BA DANG, NYE BAR GTOD PA DANG MJUG BSDU BA RNAMS SBYOR BA'I PHYIR RO, ,TSUL GSUM LAS ZHES PA RGYU LA LNGA PA STE, BRDUNGS PA LAS SGRA ZHES PA BZHIN NO, ,YANG NA LAG PA PHYIS PA STE, 'DI LTAR KHANG BZANGS LA 'DZEGS NAS LTA BA NI KHANG BZANGS LA LTA BA YIN PA DE LTAR TSUL GSUM PA'I RTAGS MTHONG NAS DON MTHONG BA NI TSUL GSUM RTAGS LAS DON MTHONG BA'O ZHES PA'O, ,'O NA TSUL GSUM PA SMOS PA DON MED DE, TSUL GSUM PA MA YIN PA NI RTAGS MA YIN PA NYID KYI PHYIR RO, ,GZHAN YANG MI GSAL BA'I DON 'DIS RTAGS SU RTOGS PAR BYED PAS RTAGS TE, DE YANG TSUL GSUM PA MED PAR SRID PA MA YIN NO, ,'DI LAS KYANG RTOGS ZIN PA'I DON CAN NYID KYI PHYIR TSUL GSUM PA LAS ZHES PA BRJOD PAR MI BYA'O ZHE NA, 'DI NI SKYON MA YIN TE, TSUL GSUM PA MA YIN PA YANG 'GA' ZHIG RTAGS SU 'DOD DE, DES NA DE'I LOG PAR RTOGS PA BZLOG PA'I CHED DU TSUL GSUM PA SMOS SO, ,DE LA 'DZEM MED PAS SMRAS BA, GANG ZHIG GI RNAM PA GZHAN DU MI 'THAD PA NYID 'DI GTAN TSIGS SU 'DOD DE, MTSAN NYID GCIG PA CAN KHO NA YIN PA DE NI DON MTSAN NYID BZHI CAN KHO NA'O ZHES TE, RNAM PA GZHAN DU ZHES PA BSGRUB PAR BYA BA MED BAR ZHES BA'I DON TO, ,MI 'THAD PA NYID NI, RAB TU NUS PA MED PA MI SRID PA'O, ,'O NA 'DI MED NA MI 'BYUNG BA KHO NAR 'GYUR RO ZHE NA, MA YIN NO ZHES 'DZEM MED PA STE, MED NA MI 'BYUNG BA NYID NI BSGRUB PAR BYA BA LAS PHYI ROL DU 'DOD LA, RNAM PA GZHAN DU MI 'THAD PA NYID NI CHOS CAN KHO NA LA BSGRUB @082A *, ,PAR BYA BA'O ZHES PA'O, ,TSIGS SU BCAD PA YANG SMRAS PA, DPE LA BSGRUB BYA MED PA LAS, ,RTAGS NYID MA MTHONG GZHAN GYIS 'DOD, ,BDAG GIS 'DI NI MED PAR YANG, ,CHOS CAN LA NI MI SRID PA'O, ,ZHES SO, ,'DI YANG TSUL GCIG KHO NA'O, ,YANG NA TSUL GSUM PA NYID YOD NA, GZHAN DU MI 'THAD PA NYID TSUL BZHI PAR 'DOD PAR BYA'O, ,TSUL GSUM PA NYID TZAM LA NI, YUL GZHAN DU SONG BA DE SNGO BSANGS YIN TE, NAG PO'I BU NYID KYI PHYIR ZHES PA 'DI YANG RTAGS NYID DU 'GYUR RO ZHE'O, ,DE LA GANG MED NA MI 'BYUNG BA NYID NI PHA ROL PO RNAMS KYIS BSGRUB PAR BYA BA LAS PHYI ROL DU 'DOD DO ZHES BRJOD PA 'DI SGRO BTAGS PA STE, THAMS CAD NYE BAR BSDUS PAS GANG DANG GANG NA SGRUB PAR BYED PA'I CHOS YOD PA DE DANG DE NA BSGRUB PAR BYA BA'I CHOS SO ZHES PA KHYAB PA 'DI NI MED NA MI 'BYUNG BA NYID YIN PAS SO, ,DE'I PHYIR BSGRUB PAR BYA BA LA YANG DE 'DOD PA KHO NA'O, ,GAL TE BSGRUB PAR BYA BA'I CHOS CAN KHO NA LA GANG BSGRUB PAR BYA BA'I CHOS DANG MED NA MI 'BYUNG BA DE GTAN TSIGS SU 'DOD NA, DE LTAR GYUR NA GANG ZHIG PHYI ROL DU YANG BSGRUB PAR BYA BA DANG MED NA MI 'BYUNG BA DE GTAN TSIGS NYID DU MI 'GYUR ZHING, 'KHRUL PA CAN YANG GTAN TSIGS SU 'GYUR TE, DE LA YANG CHOS CAN LA GZHAN DU MI 'THAD PA NYID SRID PA'I PHYIR RO, ,DE'I PHYIR 'DI MI RIGS SO, ,DE NYID KYI PHYIR 'DI MI RIGS PA NYID KYI PHYIR GTAN TSIGS MTSAN NYID BZHI PA CAN 'THAD PA MA YIN NO, ,GANG YANG TSUL GSUM PA NYID TZAM LA NI DE SNGO BSANGS YIN TE, NAG PO'I BU NYID KYI PHYIR RO ZHES PA 'DI YANG GTAN TSIGS NYID DU 'GYUR RO ZHES BRJOD PA DE MI RIGS TE, RANG BZHIN DANG 'BRAS BU DANG MI DMIGS PA'I KHYAD PAR RNAMS KHO NA LA TSUL GSUM PA NYID 'THAD KYI, GZHAN RNAMS LA MA YIN NO, ,'DI DE RNAMS KYI NANG DU 'DU BA YANG MA YIN NA, DE CI LAS THAL BAR 'GYUR BA 'DI YIN, GZHAN NI RTAGS TSUL GNYIS PA'O ZHES BSTAN PA'I CHED DU SMRAS PA, SHES PA MA ZIN PA'I CHOS CAN GYI CHOS SHIG CHOS LA YOD PA KHO NA GANG DU SHES PAR BYA BA DANG SHES SU GZHUG PAR BYA BA 'DI NI GTAN TSIGS TE, SGRUB PA DANG @082B DGAG PA DANG LDAN BA'O ZHES SO, ,SHES MA ZIN PA'I CHOS NI SHES 'DOD CAN TE MI RTAG PA NYID LA SOGS PA'O, ,CHOS CAN GYI SKRA NI LA SOGS BA'I'O, ,GANG DU SHES PAR BYA BA NI BYAS PA NYID LA SOGS PA'I CHOS LA'O, ,SHES ZIN PA NYID NI NUS BA THOB BAR BYA BA'O, ,YOD PA KHO NA ZHES PA RANG TU 'JAL BA POS BUM PA LA SOGS PA RNAMS LA RANG NYID DRAN PA'O, ,GZHAN GYIS DRAN PA YANG NA STE GZHAN DON RJES SU DPAG PA LA'O, ,YOD PA KHO NA DANG MED PA MA YIN PA ZHES PA 'DI DAG SGRUB PA DANG DGAG PA DAG STE, DE GANG LA YOD PA DE NI SGRUB PA DANG DGAG PA DANG LDAN PA STE GTAN TSIGS SO, , 'DI NI CHOS CAN GYI CHOS NYID DANG, YOD PA BSGRUB BYA'I CHOS NYID CES PA 'DI TSUL GNYIS NYID DU BRJOD DO, ,'DI LA BSGRUB BAR BYA BA'I CHOS GANG NA YOD PA DE KHO NA STE MED PA MA YIN PA ZHES SMRAS PAS NI RJES SU 'GRO BA DANG LDOG BA DANG LDAN PA NYID DE KHO NA BRJOD BAR 'GYUR TE, GANG GI PHYIR DE LTAR DE DE NA YOD PA KHO NAR 'GYUR ZHING GAL TE DE MED NA GTAN TSIGS MI 'GYUR BA KHO NA YIN PA'I PHYIR RO, ,DE LAS KYANG TSUL GSUM PA KHO NA RNAM PA GZHAN GYIS BRJOD PA'O ZHES PAS GTAN TSIGS TSUL GNYIS PA MA YIN NO, ,GTAN TSIGS MTSAN NYID DRUG PA'O ZHES GZHAN RNAMS TE, GSUM PO 'DI RNAMS DANG GNOD PA MED BA'I YUL CAN NYID DANG, BRJOD PAR 'DOD PA'I GRANGS GCIG PA CAN NYID DANG, SHES ZIN PA NYID CE'O, ,DE LA RE ZHIG GNOD PA MED PA'I YUL CAN NI TSUL GZHAN MA YIN TE, GNOD PA DANG MED NA MI 'BYUNG BA DAG 'GAL BA'I PHYIR RO, ,MED NA MI 'BYUNG BA NI GTAN TSIGS BSGRUB PAR BYA BA'I CHOS YOD PA KHO NA LA YOD PA YIN NA, CI LTAR DE'I MTSAN NYID CAN GYI GTAN TSIGS DE CHOS CAN LA 'GYUR ZHING, 'DI LA BSGRUB PAR BYA BA'I CHOS MED PAR YANG 'GYUR, DES NA GNOD PA DANG MED NA MI 'BYUNG BA DAG LHAN CIG 'BYUNG BA MA YIN NO, ,DES NA GNOD PA MED PA'I YUL CAN NYID TSUL GZHAN MA YIN NO, ,RNAM PAR GCAD PAR BYA BA MED PA'I PHYIR BRJOD PAR 'DOD PA'I GRANGS GCIG PA NYID KYANG MTSAN NYID GZHAN NYID DU BRJOD PAR BYA BA MA YIN NO, ,DE NI 'GAL BA MI 'KHRUL BA CAN GTAN TSIGS NYID DU THAL BAR 'GYUR BA BZLOG PA'I DON DU BRJOD PAR BYA STE, @083A *, ,RANG GI MTSAN NYID DANG LDAN PA'I GTAN TSIGS DAG GIS GCIG LA 'GAL BA DAG NYE BAR BSDUS PA NA, 'GAL BA MI 'KHRUL BA CAN NYID DU 'GYUR RO, ,JI SKAD BSHAD PA'I MTSAN NYID CAN 'BRAS BU DANG RANG BZHIN DANG MI DMIGS PA RNAMS LA NI 'GAL ZLA CAN GYI GTAN TSIGS SRID PA MA YIN NO, ,CI LTAR NA GCIG PO RANG GI BSGRUB PAR BYA BA YOD PA KHO NA LA YOD PA'I PHYIR DE DANG 'KHRUL PA MED PA CAN YIN ZHING, DE NYID LA YANG GZHAN DE LA GNOD PAR BYED PA YOD PA KHO NA YANG YOD PA'I PHYIR DE DANG 'GAL BA SRING BAR 'GYUR, GZHAN YANG GTAN TSIGS DE GAL TE RANG BZHIN KHO NAS CHOS DE YOD PA CAN YIN NA DE'I TSE DON GZHAN NYE BAR LHUNG NA YANG CI LTAR RNAM PA GZHAN DU 'GYUR, DNGOS PO RNAMS KYI RANG BZHIN RNAM PA GZHAN DU 'GYUR BA DANG 'GAL BA GNYIS KYI RANG BZHIN YANG SRID PA MA YIN NO, ,CI STE RANG BZHIN GYIS CHOS DE YOD PA CAN MA YIN NA, DE LTAR GYUR NA GZHAN GYI DUS NA YANG 'GA' ZHIG GI YANG SGRUB PAR BYED PAR MI 'GYUR RO, ,DE'I PHYIR RANG BZHIN KHO NAS RANG GI BSGRUB PAR BYA BA DE MED NA MI 'BYUNG BA CAN JI SKAD BSHAD PA'I MTSAN NYID CAN GYI GTAN TSIGS LA NI DE'I MTSAN NYID CAN GYI 'GAL ZLA'I GTAN TSIGS SRID PA MA YIN NO ZHES PAS BRJOD PA 'DOD PA'I GRANGS GCIG PA CAN NI MTSAN NYID MA YIN NO, ,'GAL BA MI 'KHRUL BA MI BRJOD PAR THAL LO ZHEN, DNGOS PO'I STOBS KYIS ZHUGS PA'I RTAGS LA MI 'DOD PA NYID KYI PHYIR SKYON MED DE, 'DI'I YUL YANG PHA ROL DU SHES PAR BYED PAR 'GYUR RO, ,YANG SHES PA RTAGS KYI CHOS MA YIN NA CI LTAR RTAGS KYI MTSAN NYID YIN, RTAGS NGO BO CI LTA BU LAS DON RTOGS PAR BYA ZHES SEMS NA, RTOGS PA PO'I MI BSLU BA NYID NI TSUL DU BRJOD PAR BYA LA, GANG MTHONG BA LAS 'DI SGRUB PAR BYED PA DANG SGRUB PAR BYED BA MA YIN PA DAG RAB TU RNAM PAR PHYE NAS DE'I 'DOD PA'I DON SGRUB PAR BYED PAR YID CHES PA LAS RAB TU 'JUG GO, ,DE LA GANG RTAGS 'DI'I BDAG NYID KYI NGO BO DE MTSAN NYID DE, GZHAN GYI NGO BO MA YIN NO, ,RTOGS PA SKYE BA LA NYE BAR SBYOR BA TZAM LAS DE'I MTSAN NYID YIN NA HA CANG THAL BAR 'GYUR BA'I PHYIR RO, ,DE LTAR NA NI GZHAL BAR BYA BA DANG SKYES BU LA SOGS PA RNAMS KYANG @083B DE'I MTSAN NYID DU 'GYUR TE, DE RNAMS MED NA YANG RTAGS CAN LA SHES PA SKYE BA MA YIN PA'I PHYIR RO, ,DE'I PHYIR SHES PA YANG RTAGS KYI MTSAN NYID DU 'DOD PAR BYA BA MA YIN NO ZHES PAS RTAGS TSUL GSUM PA'O ZHES GNAS SO, ,'BRAS BU SNGAR BZHIN ZHES PA, JI LTAR MNGON SUM LA 'BRAS BU RNAM PA GNYIS BSHAD DE, YUL YANG DAG PAR RIG BA DANG RANG NYID YANG DAG PAR RIG PA'O, ,DE LTAR 'DIR YANG NGO, ,MNGON SUM BZHIN DU RJES SU DPAG PA'I RTOGS PA'I BDAG NYID KYI 'BRAS THA MI DAD PA'O ZHES SMRAS PAS RJES SU DPAG PA YANG RTOGS PA'I RANG BZHIN NO ZHES BSHAD PAR 'GYUR RO, , DE'I PHYIR DRI BA, GAL TE GNYIS KA YANG ZHES PA LA SOGS PA'O, ,YUL DANG NI, NGO BO MTSUNGS MIN 'DI DAG GI'O, ,ZHES PA'O, ,'DI'I SGRA NI NGES PAR 'DZIN PA'I DON TO, ,'DI KHO NA GNYIS PO MI MTSUNGS KYI RTOGS PA'I NGO BO NYID NI MTSUNGS PA'O ZHES PA'O, ,'O NA RTOGS PA NI DE DAG GI NGO BO STE, DE GAL TE THA MI DAD PA YIN NA NGO BO GZHAN PA CI STE, GANG, NGO BO MTSUNGS MIN 'DI DAG GI ,ZHES BRJOD PA CI ZHE NA, GANG DE'I YUL DANG 'DRA BA TSAD MAR RNAM PAR GZHAG PA DE MI MTSUNGS SO ZHES BRJOD DE, DE LTAR NI DE MNGON SUM GYI GSAL BA STE, RJES SU DPAG PA'I NI MI GSAL BA'O, , YUL NI ZHES PA LA SOGS PA LA, YUL GYI SGRAS NI 'DIR DMIGS PA BRJOD PAR 'DOD PAS TE, TSAD MA NYID KYI YUL NI MA YIN NO, ,RJES SU DPAG PA YANG MI BSLU BA'I MTSAN NYID CAN TSAD MA NYID DE DNGOS PO'I YUL CAN KHO NA'O, ,DE'I PHYIR DMIGS PA THA DAD PAS TSAD MA DAG YUL THA DAD PAR GSUNGS SO, ,DMIGS PA THA DAD PA YANG CI LTAR ZHE NA, SO SOR SNANG BA THA DAD PA NYID KYI PHYIR RO, ,GCIG LA MTSAN NYID MI MTHUN PA'I RNAM PA DE DAG RIGS PA NI MA YIN PA'I PHYIR RO, ,THA DAD CES PA YANG THA MI DAD PA BKAG PA KHO NAR BLTA BAR BYA'I, ,YUL SNA TSOGS PA NYID NI MA YIN TE, RJES SU DPAG PA'I RNAM PAR RTOG PA NI YUL MED PA CAN NYID KYI PHYIR RO, ,DE YANG RJES SU DPAG PA'I YUL GANG DU 'DOD PA DE NI DE KHO NA NYID DU NA YONGS SU MA GRUB PA NYID KYI PHYIR RO, ,DE'I RNAM PA'I BYE BRAG LAS KYANG ZHES PA LA, DE'I ZHES PA MNGON SUM DANG RJES SU DPAG PA DAG GI YUL LA SNYEG GO, ,DE'I RNAM PA NI RANG BZHIN TE, @084A *, ,RNAM PAR BYA ZHING YONGS SU GCAD BAR BYA'O ZHES BYAS NAS SO, ,DE'I RNAM PA'I BYE BRAG STE, THA DAD PA'O ZHES PA'O ZHES PA'I DON TE, BYE BRAG SMOS PA YANG BYE BRAG MED PA DGAG PA RTOGS PAR BYED PA LHUR LEN PAR RIG PAR BYA'I SNA TSOGS PA'I RANG BZHIN NYID 'DIS, RTOGS PAR BYA BA NI MA YIN TE, PHYI NI RNAM PAR BRTAGS PA NYID KYIS MED PA NYID KYI PHYIR RO, ,DES 'DI GSAL BAR BYAS BAR 'GYUR TE, GANG GI PHYIR MNGON SUM LA PHYI ROL GYI YUL YOD DE, GANG LAS DE'I YUL GYI SNANG BA GSAL BAR 'GYUR LA RJES SU DPAG PA'I NI MA YIN NO, ,GANG DE'I YUL GYI RNAM BA MI GSAL BA DE NI RANG GIS BON GYI STOBS KHO NA LAS SKYE STE, DE'I PHYIR MNGON SUM DANG RJES SU DPAG PA DAG GI JI SKAD BSHAD PA LTAR NGO BO THA DAD PA'O, ,YANG NA MNGON SUM GYI GZHAL BAR BYA BA NI RANG GI MTSAN NYID DNGOS SU GSAL BAR SNANG BA'I RANG GI RNAM PA SKYED PAR BYED BA STE RANG GI NGO BOS SO, ,RJES SU DPAG PA'I NI DE KHO NA BRGYUD PAS, MI GSAL BA'I YUL GYI RNAM PAR SKYED PAR BYED PA STE GZHAN GYI NGO BOS GZHAL BAR BYA'O, ,MNGON SUM GYI YANG GZHAN GYI NGO BOS SO ZHES KHA CIG GO, ,DE LTAR GANG GI PHYIR MNGON SUM DANG RJES SU DPAG PA DANG GI YUL THA DAD PA DE'I PHYIR, RANG BZHIN GYI BYE BRAG LAS, GSAL BA DANG MI GSAL BA'I YUL GYI RNAM PA NYID KYIS NA RANG GI NGO BO YANG THA DAD PA'O ZHES PA'O, ,CI STE CI'I PHYIR ZHES PA RGYU CI YIS RJES SU DPAG PA KHO NA RANG GI DON DANG GZHAN GYI DBYE BAS NA RNAM PA GNYIS SU 'BYED KYI, MNGON SUM NI MA YIN NO ZHES NGES PAR 'DZIN PA STON PAR BYED DO, , 'DI SKAD BSHAD PAR 'GYUR TE, RANG GIS MNGON SUM DU BYAS PA'I DON GZHAN GYIS RTOGS PAR BYA BA'I CHED DU TSIG GANG YIN PA DE GNYIS PA GZHAN GYI DON GYIS MNGON SUM DU CI'I PHYIR MI 'DOD CES PA'O, ,GANG GI PHYIR ZHES PA LA SOGS PA STE, RJES SU DPAG PA'I YUL NI SPYI YIN PAS TE, DE LA YANG BDAG NYID LA RJES SU DPAG PA CI 'DRA BA DE 'DRA BA KHO NA PHA ROL PO'I RGYUD LA TSIG GIS BYED DO ZHES PAS DE RNAM PA GNYIS NYID DU RIGS SO, ,MNGON SUM GYI YUL NI RANG GI MTSAN NYID DE DE LA BDAG NYID KYI MNGON SUM GYI SHES PA CI 'DRA BA DE LTA BU SGRAS RGYUD GZHAN LA SKYED PAR NUS PA MA @084B YIN TE, DE NI BSTAN BYA MIN PA NYID KYI PHYIR RO, ,GZHAN DU NA LONG BA LA SOGS PA RNAMS LA YANG SGRA LAS RNAM PA DE LTA BU KHO NA'I GSAL BAR SNANG BA'I SHES PAR 'GYUR RO, ,CI'I PHYIR DE BSTAN PAR BYA BA MA YIN ZHE NA, GSUNGS BA, GZUNG THA DAD PHYIR ZHES PA'O, ,GANG PHYIR MNGON SUM GYI GZUNG BAR BYA BA NI THUN MONG MA YIN PA STE, DE NGES PAR BSTAN PAR NUS PA YANG MA YIN TE, DE SNGAR MA MTHONG BA NYID KYI PHYIR RO, ,RJES SU DPAG PA'I NI DE LAS BZLOG PA STE, DE'I PHYIR DE KHO NA'I GZUNG BYA NGES PAR BSTAN PAR BYA BA YIN GYI MNGON SUM GYI NI MA YIN NO, , RANG GI BDAG NYID BZHIN DU ZHES PA 'DIS 'DI GSAL BAR BYED DE, MNGON SUM DANG RJES SU DPAG PA DAG GI RANG GI NGO BO THA DAD PA STE, 'DI NI THAMS CAD KYI SO SO RANG GIS RIG PAR BYA BA'O, ,YUL THA DAD PA MED PA NYID PA RANG GI YUL GYI RNAM PA'I RJES SU BYED PA DAG GI DE SKYE BA YANG MA YIN NO, ,DE'I PHYIR JI LTAR DE DAG GI RANG GI NGO BO THA DAD PA DE LTAR YUL THA DAD PAR YANG BLTA BAR BYA'O, ,DE'I PHYIR MNGON SUM GYI YUL NI NGES PAR BSTAN PAR BYA BA RJES SU DPAG PA'I LTA BU MA YIN NO ZHES PA'O, ,GZHAN RNAMS NA RE SDE PA SBYOR NYAMS PA'I 'JIGS PA LAS 'DIR GANG PHYIS BRJOD PAR BYA BA DE SNGAR BRJOD PAS TE, DE'I PHYIR GZHUNG 'DI 'DI LTAR SHES PAR BYA'O, ,CI'I PHYIR RJES SU DPAG PA KHO NA RNAM PA GNYIS SU 'BYED KYI MNGON SUM NI MA YIN ZHES DRIS PA LA RGYU GSUNGS PA, GZUNG THA DANG PHYIR ZHES PA LA SOGS PA'O, ,GAL TE GZUNG BAR BYA BA THA DAD PAS RJES SU DPAG PA RNAM PA GNYIS SU 'BYED NA DE LTAR GYUR NA MNGON SUM YANG RNAM PA GNYIS SU DBYE BAR BYA'O ZHE NA, GSUNGS PA, RANG GI MTSAN NYID BSTAN BYA MIN, ,ZHES PA'O, ,'DI SKAD BSHAD PAR 'GYUR TE, 'DI 'DRA BA 'DI MNGON SUM DANG RJES SU DPAG PA DAG GI GZUNG BAR BYA BAR 'DOD DE, GANG DU GCIG NI NGES PAR BSTAN BYA YIN LA, GZHAN NGES PAR BSTAN BYA MA YIN PA'O ZHES PA'O, ,DE'I PHYIR RJES SU DPAG PA KHO NA RNAM PA GNYIS SU 'BYED DE, GANG GI YUL TSIG GIS PHA ROL PO LA RTOGS PAR NUS PA'O, ,MNGON SUM NI MA YIN NO ZHES PA'O, ,'O NA, DON DANG NI, NGO BO MTSUNGS MIN 'DI @085A *, ,DAG GI ,ZHES BA 'DIS SNGAR KHO NAR TSAD MA DAG GI YUL GYI DBYE BA BSGRUBS ZIN PA MA YIN NAM, DE THA DAD PA LAS KYANG RANG GI NGO BO THA DAD PA STE, DES NA 'DI NYE BAR BKOD PA CI YIN TE, MNGON SUM DANG RJES SU DPAG PA DAG GI RANG GI BDAG NYID BZHIN DU GZUNG BYA THA DAD PA'O ZHES PA LA SOGS PA'O ZHE NA, SNGA MA NI DON GZHAN LA DON 'DI BRJOD PA STE, DA LTA NI DON GZHAN LA'O ZHES PA SKYON MED DO, ,GAL TE YANG ZHES PA LA SOGS PAS RANG GI MTSAN NYID BSTAN BYA MA YIN PA NYID SGRUB PAR BYED DO, ,DE SGRA DE KHO NAS RJES SU DPAG PAR BYA BAR 'GYUR RO ZHES PA MNGON SUM GYI GZUNG BAR BYA BA'I DON DE SGRA DE LAS RTOGS PAR 'GYUR RO ZHES PA'I DON TE, DE LTAR YANG MA YIN NO, ,LONG BA LA SOGS PAS KYANG MNGON SUM KHO NAS DE'I DON MTHONG BAR GYUR NA MI RUNG NGO ZHES PA'O, ,PHA ROL PO NI BLUN PO LAS SKYON 'DI MA RTOGS PAS, RANG GIS KHAS BLANGS PA'I TSAD MA YUL GCIG PA NYID MTHONG BA RJES SU SGRUB CES PA BSTAN BCOS SU'O, ,MING LAS SHES PHYIR RNAM PA GZHAN, ,BSTAN BYA ZHES PA LA SOGS PA STE, RANG GI MTSAN NYID KYI RNAM PA LAS GZHAN SPYI'I RNAM PA'O, ,DES BSTAN PAR BYA BA STE, RANG GI MTSAN NYID DU MI MA YIN NO, ,DE'I MING NI SNGON PO'I ZHES PA'I 'DU SHES 'DI YIN ZHING, DE YANG RNAM PAR SHES PAR BYED KYI, DON RANG GI MTSAN NYID 'BA' ZHIG PA NI MA YIN NO, ,DE'I PHYIR BSTAN BCOS SU YID NI RNAM PA GNYIS SU 'DOD DE, SNGON PO MA YIN PA LAS LOG PAS ZHES PA RNAM PA GZHAN DE STON TE, THA SNYAD BYED PA PO RNAMS KYI MNGON PAR BSAM PA'I NGO LAS SNGON PO MA YIN PA LAS LOG PAS ZHES BRJOD DO, ,DE RNAMS NI DE KHO NA NYID DU LHAG PAR ZHEN PAS THA SNYAD DU BYED DO ZHES PA 'DI BRJOD DE, GZHAN DU NA PHAN TSUN RNAM PAR 'JOMS PA CAN DU 'DI 'GYUR RO, ,DE LTAR NI GAL TE RNAM PA GZHAN GYIS YID NYE BAR STON NA, DE'I TSE DES MIG GI RNAM PAR SHES PA NYAMS SU MYONG BA KHO NA NGES PAR BSTAN PAR 'GYUR BA MA YIN ZHING, CI STE RANG GI MTSAN NYID DE KHO NA NGES PAR STON NA, MING NI RNAM PA GZHAN GYIS MA YIN NO ZHES PA'O, ,SPYI MA YIN LA'ANG ZHES PA'I YANG GI SGRA LAS SPYI LAS YANG STE MI RTAG PA LA SOGS PA LA'O, ,RLUNG LA SOGS PA'I RANG BZHIN ZHES PA, SOGS PA'I SGRAS @085B NAM MKHA' LA SOGS PA RNAMS MNGON SUM MA YIN PA RNAMS GZUNG NGO, ,JI SKAD DU SMRAS PA ZHES PA GZEGS ZAN GYIS SO, ,MDO 'DI'I 'BREL BA NI, SA DANG CHU DANG ME BZHIN DU 'DZIN PA MED PA'I PHYIR NA REG PA TZAM RLUNG NGO ZHES PHA ROL BOS BRJOD PA NA, DE YONGS SU SPANG BA'I CHED DU SMRAS PA, MA MTHONG BA YANG RTAGS LAS YANG DAG PAR RTOGS PAR BYED PAR 'GYUR RO, ,YANG DE'I RTAGS CI ZHE NA, DE LTAR BRJOD PAR BYA STE REG BYA YANG MTHONG BA RNAMS KYI YANG REG BYA MA YIN NO ZHES DE MA MTHONG BA'I RTAGS CAD RLUNG NGO, ,REG BYA YANG GRANG BA DANG DRO BA'I KHYAD PAR DANG BRAL BA YANG DAG BAR NYE BAR DMIGS SO, ,YANG GI SGRA LAS SGRA DANG 'DZIN DANG G-YO BA RNAMS KYANG NGO, ,SHING MED PA'I YUL RNAMS SU KA SHU K'A'I SGRA NYE BAR DMIGS SHING RTZVA LA SOGS PA RNAMS KYI BSTAN PA STE, DE RNAMS NI RDZAS GZHAN GYI GEGS MED NA, LCI BA NYID KYI PHYIR LHUNG BAR 'GYUR ZHING, NAM MKHA' LA GNAS PA YANG MTSON TE, 'KHRI SHING LA SOGS PA RNAMS KYI G-YO BA'O, ,'DI NI MTHONG BA LA SOGS PA RNAMS KYI YANG MA YIN ZHING, YANG GI SGRA LAS MA MTHONG BA NAM MKHA' LA SOGS PA RNAMS KYI YANG MA YIN NO, ,DE'I PHYIR MTHONG BA DANG MA MTHONG BA RNAMS LA MA MTHONG BA NYID KYI PHYIR RO, , REG BYA'I KHYAD PAR NI MA MTHONG BA STE, DE 'DI'I RTAGS SO ZHES PAS MA MTHONG BA'I RTAGS CAN RLUNG NGO, ,'DI NI SNGAR MTHONG BAR 'GYUR BA YANG MA YIN TE, DE THOG MAR REG BYA'I KHYAD PAR GYIS 'DZIN BA'I PHYIR RO ZHES PA SPYI'I SPYOD YUL CAN MA YIN PA'I RJES SU DPAG PAR 'GYUR RO, ,MA YIN TE SPYI GSAL BYED PHYIR ZHES PA LA, DE ZHES PA'I SGRAS REG BYA KHO NA DANG 'BREL TE, RLUNG NI MA YIN NO, ,DE KHO NA'I PHYIR GSUNGS PA, DE NI RLUNG LA SOGS PA RNAMS LA MA YIN ZHES PA LA SOGS PA STE, REG BYA'I SPYI BRTEN BA NYID NI YON TAN NYID KYIS GSAL BAR BYA BA STE, GANG YON TAN YIN PA DE BRTEN PA STE, DRI BZHIN, REG BYA YANG YON TAN NO, ,REG PA NYID STON CING KHO BO 'DI NA ZHES 'O NA YANG ZHES PA LA SOGS PAS GSAL BAR BYED DO, ,REG PA NI MNGON SUM GYI DON TE, DE KHO NA LANG GZUGS KYIS RJES SU DPAG PAR BYA'O ZHES SEMS SO, ,REG 'GA' ZHES PA GANG GI TSE REG BYA DBANG BOS REG PA @086A *, ,BYA BA MA YIN PA DE'I TSE ZHES PA'I DON TO, ,JI LTAR MNGON SUM BZHIN MA YIN NO ZHES PA STE, MNGON SUM NI KHYAD PAR GZHAN DU ZHEN PAS DPEN PAR GNAS PA'I NGO BO KHO NAS REG PA YONGS SU GCOD PAR BYED LA, RJES SU DPAG PAS NI DRAN PAS DRANGS PA'I SNGA MA RJES SU MTSAMS SBYOR BA LAS TE, DE 'DI DAG GIS SNGAR KHO BO 'DI DANG LHAN CIG SNGAR NYE PAR DMIGS SO ZHES REG PA'I SPYI REG PA MA YIN PA LAS LOG PA'O, ,DPER NA ZHES PA SNGAR MTHONG BA RJES SU MTSAMS SBYOR BA LA DPE GSUNGS BA STE, JI LTAR GZUGS NI MNGON SUM GYIS GZUNG BA KHO NA'O ZHES PAS RANG GI MTSAN NYID KYI RNAM PAS RTAGS SU 'GYUR BA MA YIN TE, KHYAD PAR RJES SU 'GRO BA MED PA'I PHYIR LA, 'ON KYANG SPYI'I RNAM PA KHO NAS SNGAR MTHONG BA RJES SU BSDUS PAS TE, DE LTAR REG BYA YANG SNGAR MNGON SUM GYIS BZUNG NGO ZHES PA KHO NAS RANG GI MTSAN NYID RJES SU DPAG PAR BYA BA MA YIN GYI, 'ON KYANG RJES SU SPYI'I RNAM PA KHO NAS RJES SU DPAG PAR RUNG BAS SO ZHES STON TE, JI LTAR MTHONG BA LA SOGS PA'I THA SNYAD YIN ZHE NA ZHES PA, GAL TE JI LTAR NYAMS SU MYONG BA LTAR SMRA BA DE LTA BU'I THA SNYAD RNAMS NI 'PHAGS PA RNAMS SBYOR BAR BYED LA, KHYOD KYI LUGS KYIS NI RANG GI MTSAN NYID NYE BAR DMIGS NAS GZHAN KHO NA RJOD PAR BYED PA RNAMS KYI THA SNYAD RNAMS 'PHAGS BA MA YIN PAR 'GYUR RO, ,DE LAS KYANG KHAS BLANGS PA LA GNOD PA'O ZHE NA, MTHONG BA ZHES PA LA SOGS PAS 'DI 'CHAD PAR BYED DE, MTHONG BAR BYED PA LA SOGS PA'I BYA BA'I RGYU MTSAN CAN MTHONG BA LA SOGS PA'I SGRA DE RNAMS KYANG RANG GI RGYU MTSAN YOD PA NA 'PHAGS PA RNAMS KYIS SBYOR BAR BYED LA, MED PA NA MA YIN NO ZHES 'PHAGS PA'I THA SNYAD RNAMS KHAS BLANGS SHING, RANG GI MTSAN NYID BRJOD PA LAS NI MA YIN NO ZHES PAS KHAS BLANGS PAS GNOD PA MA YIN NO ZHES PA'O, ,'O NA GANG ZHES PA LA SOGS PA BSTAN BCOS DANG 'GAL BA SMRAS SO, ,'O NA MIG GI RNAM PAR SHES PAS NYAMS SU MYONG BA KHO NA'I SKAD CIG YID KYI RNAM PAR SHES PA NYAMS SU MYONG BA MA YIN GYI, 'O NA CI ZHE NA, SKAD CIG GZHAN NO ZHES SNGAR BSHAD PA MA YIN NAM, DE 'DI LTA BUR BSHAD PA CI LTAR ZHE NA, 'DI NI SKYON MA YIN TE MIG GI RNAM PAR SHES PAS @086B NYAMS SU MYONG BA KHO NA'I DON ZHES RANG GI MTSAN NYID NYE BAR MTSON PA LHUR LEN PA 'DI YIN TE, RANG GI MA CHAN NYID KHO NA'O ZHES PA'I DON TE, YANG NA SNGA MA DANG PHYI MA'I SKAD CIG DAG RIGS MTSUNGS PA NYID KYI PHYIR THA MI DAD PAR BRJOD PAR 'DOD PAS 'DI LTAR BRJOD PAR 'GYUR RO, ,YANG NA AA NU RI SGRA 'DI NI LHAN CIG PA'I DON LA 'JUG LA, BHU TA'I SGRA YANG SKYES PA LA STE, DE LAS KYANG MIG GI RNAM PAR SHES PA DANG LHAN CIG SKYES PA KHO NA'I DON RNAM PAR SHES PAR BYED DO ZHES PA 'DI 'DIR DON YIN NO ZHES PAS SKYON MED DO, ,GAL TE GANG DE LTAR YID KYI RNAM PAR SHES PAS NYAMS SU MYONG BA'I RANG GI MTSAN NYID DE BSTAN DU YOD PA YIN NA, YID KYIS SNGON PO YANG RNAM PAR SHES SO, ,SNGON PO ZHES KYANG ZHEN CING BRJOD PA DE CI LTAR ZHE NA, DER YANG RANG BZHIN NO, ,YANG NA DE ZHES PA'I SGRAS RLUNG KHO NA DANG SBREL BAR BYA'O ZHES STON PA GSUNGS PA YANG NA RLUNG LA SOGS PA'I RANG BZHIN RNAMS LA MA YIN NO ZHES PA LA SOGS TE, 'DI'I DON NI GANG YON TAN YIN PA DE RDZAS LA BSTAN PA STE, DRI BZHIN REG BYA YANG YON TAN YIN NO ZHES PA RANG BZHIN NO, ,REG BYA YON TAN NYID KYI PHYIR KYI PHYIR RDZAS LA BRTEN PA NYID DU RJES SU DPAG PA NA, RDZAS NYID TZAM NI DON GYIS 'GRUB STE, DPER NA MIG LA SOGS PA RNAMS GZHAN GYI DON NYID DU GRUB PA NA GZHAN YANG DON GYIS 'GRUB PA BZHIN NO ZHES PA DGONGS PA'O, ,YONGS KYI LHAG MA LAS ZHES PA, YONGS SU LHAG MA LAS GRUB PA NI RJES SU DPAG PA KHO NA STE, RTAGS LAS SKYES PA NYID KYI PHYIR ZHES SEMS SO, ,JI SKAD DU SMRAS PA ZHES PA LA SOGS PA STE, REG BYA 'DI NI SA'I MA YIN TE, DRI LA SOGS PA DANG LHAN CIG SPYOD PA MA YIN PA NYID KYI PHYIR RO, ,CHU DANG ME DAG GI YANG MA YIN TE, DRO BA MED PA DANG GRANG BA MED PA NYID KYI PHYIR RO, ,NAM MKHA' LA SOGS PA MA MTHONG BA RNAMS KYI YANG MA YIN TE, DE RNAMS NI REG BYA DANG LDAN PA NYID NA BUM PA LA SOGS PA DER SO SOR THOGS PAR 'GYUR RO, ,YID KYI RJES SU DPAG PAR BYA BA'I YON TAN NYID KYI PHYIR 'DI'I RJES SU DPAG PAR BYA BA'I YON TAN DAG RDUL NYID DANG GCIG NYID KYANG MA YIN NO, ,'DI NI MNGON SUM YIN LA, RTEN MED PA'I YON TAN YANG DAG PAR BRJOD PA MA YIN TE, DE LAS YONGS SU PA'I LHAG MA @087A *, ,LAS, REG BYA 'DI NI RLUNG KHO NA'I'O ZHES PA 'DI NI YONGS SU LHAG MA LAS GRUB PA'O, ,DE YOD PAR MA GRUB PA'I PHYIR ZHES PA, DE'I SGRAS RLUNG DANG 'BREL PA STE, GANG GI PHYIR GZHAN RNAMS LA GANG GI MI SRID CING DE YOD PA NYID DU GRUB PA CAN LA DE'I YOD PA NYID YANG DAG PAR 'BYUNG BAR BYA NA, GANG GI YOD PA NYID MA GRUB NA, DE LA YONGS SU BA'I LHAG MA LAS DE YOD DO ZHES YANG DAG PAR 'BYUNG BA CI LTAR TE, GANG GI TSE DER NYE BA'I SKYES BU GZHAN GYIS BYA BA 'DIS BYAS PA MA YIN NO ZHES YANG DAG PAR 'BYUNG BA NA, DE'I TSE MO GSHAM GYI BUS YONGS SU BA'I LHAG MA LAS 'DI BYAS SO ZHES YANG DAG PAR 'BYUNG BAR RIGS PA MA YIN GYI, DE RNAMS KHO NA LA NI, 'DI SUS BYAS ZHES THE TSOM DU 'GYUR RO, ,DGAG PA MTSUNGS PA NYID KYI PHYIR YANG ZHES PA, DE YOD PA NYID DU GRUB NA YANG DGAG PA MTSUNGS PA NYID KYI PHYIR RJES SU DPAG PA RIGS PA MA YIN TE, JI LTAR REG BYA 'DI SA LA SOGS BA RNAMS LA MCHOG TU MTHONG BA MA YIN NO ZHES PA SA DE RNAMS LA 'GYUR BA MA YIN PA, DE LTAR RLUNG LA YANG SNGAR MTHONG BA MA YIN NO ZHES PAS DE LA YANG MI 'GYUR RO, ,DE LTA NA YANG RLUNG YONGS SU BA'I LHAG MA LAS GRUB PA CI LTAR ZHE NA, GSUNGS PA, GRUB PA NA NI ZHES PA LA SOGS PA STE, JI LTAR SKYE BA DANG LDAN PA BUM PA LA SOGS PA RNAMS YOD PA NYID DU GRUB PA DE LTAR GAL TE RLUNG LA SOGS PA SHES 'DOD DANG LDAN PA RNAMS KYI YOD PA NYID DU GRUB PAR 'GYUR BA DE LTAR NA NI GTAN TSIGS GRUB PA NYID THOB KYI, RNAM PA GZHAN DU NA MA YIN NO, ,DGAG PA MI SRID PA NA YANG, ZHES PA, DE RNAMS YOD PAR GRUB NA YANG GAL TE CHOS DE TSAD MAS GNOD PAS ME LA GRANG BA NYID LTA BU YIN NA, DE LTA NA YANG MA GRUB PA KHO NA'I GTAN TSIGS SU 'GYUR LA, BZLOG PA LAS NI GRUB BA'O ZHES PA'O, ,DE LTAR JI LTAR GTAN TSIGS GRUB PA NYID DU 'GYUR BA DE LTAR BSTAN TO, , YON TAN GYI BYE BRAG DANG 'BREL PA LAS ZHES PA YON TAN GYI BYE BRAG NI CHOS KYI KHYAD PAR GTAN TSIGS NYID DU MNGON PAR 'DOD PA'O, ,DE'I 'GREL PA NI BSGRUB PAR BYA BA DANG MED NA MI 'BYUNG PA'O, ,YON TAN GYI SPYI BOR NAS ZHES PA CHOS KYI SPYI 'KHRUL PA SPANGS NAS SO, ,YON TAN GYI BYE BRAG GIS ZHES @087B PA JI SKAD BSHAD PA BSGRUB BYA'I CHOS CAN LA GRUB PA'I YOD PA NYID CAN RJES SU 'GRO BA DANG LDOG PA DANG LDAN PA'I CHOS KYIS SO, ,RDZAS KYI BYE BRAG RJES SU DPOG PAR BYED LA ZHES PA YONGS SU BA'I LHAG MA LAS RLUNG RJES SU DPOG PAR BYED CES PA'I DON TO, ,DER YANG SPYI'I RNAM PAS ZHES RIG PAR BYA'I, RANG GI NGO BOS NI MA YIN TE, GANG GI PHYIR SNGAR KHO NAR RJES SU DPAG PA RANG GI MTSAN NYID KYI YUL CAN NYID BKAG PAS SO, ,BYE BRAG SMOS PA NI SA LA SOGS PA'I RDZAS BSAL BA'I DON DU'O, ,DE LA 'DI NI SBYOR BA STE, GANG ZHIG GANG LAS GRUB PA'I YOD PA NYID LAS GZHAN RNAMS LA MI SRID PA'I DNGOS PO'I CHOS YIN ZHING DE LA YANG TSAD MAS MI GNOD PA DE DE YIR 'GYUR TE, DPER NA SKYE BA DANG LDAN PA RNAMS LAS GRUB PA'I YOD PA NYID RNAMS LAS GZHAN RNAMS LA MI SRID PA MI RTAG PA NYID DNGOS PO'I CHOS YIN ZHING DE LA TSAD MAS MI GNOD PA DE DE RNAMS KYIR 'GYUR BA BZHIN DRO BA YANG MA YIN, GRANG BA YANG MA YIN PA'I REG BYA YANG RLUNG LAS GRUB PA'I YOD PA NYID LAS GZHAN RNAMS LA SRID PA MA YIN PA'I DNGOS PO'I CHOS YIN ZHING DE LA YANG TSAD MAS GNOD MED PA'O ZHES PA RANG BZHIN NO, ,DE LTAR REG BYA YONGS SU BA'I LHAG MA LAS RLUNG DANG 'BREL PA CAN NYID DU GRUB NA, RLUNG YUL GYI KHYAD PAR 'AM DUS KYI BYE BRAG 'BA' ZHIG TU 'GRUB PA YIN NA, KHYOD KYI LUGS KYI NI DE RNAMS YONGS SU BA'I LHAG MA LAS GRUB PA SRID PA MA YIN NO ZHES STON PA GSUNGS PA, YOD PA NYID NI MA GRUB CES PA LA SOGS PA STE, GANG GI PHYIR YOD PA NYID MA GRUB CING, SA LA SOGS PA RNAMS DANG DGAG PA MTSUNGS PA YANG STE, DE'I PHYIR YON TAN GYI BYE BRAG MED PA STE, TSUL GSUM PA NYID DANG LDAN PA'I CHOS MED PA'O ZHE PA'I DON TO, ,DE'I PHYIR YON TAN GYI BYE BRAG MED PA'I PHYIR NA, DE LA GA LAS RJES SU DPAG PA YIN TE, MA YIN PA KHO NA'O, ,DE LTAR RE ZHIG MTHONG BA DANG MA MTHONG BA RNAMS LAS DGAG PA KHAS BLANGS NAS RJES SU DPAG PA MED PA BRJOD CING, DA NI DGAG PA KHO NA MI RIGS SO ZHES STON PA GSUNGS PA, GAL TE MA MTHONG BA TZAM GYIS ZHES PA LA SOGS PA STE, TZAM SMOS PA NI DMIGS PA'I MTSAN NYID DU GYUR PA GANG MA MTHONG BA DE KHO NA LAS @088A *, ,DNGOS PO MED PA 'GRUB PO ZHES GSAL BAR BYED DO, ,'O NA REG BYA DMIGS PA'I MTSAN NYID KYIR GYUR PA'I PHYIR DGAG PAR RIGS PA KHO NA MA YIN NAM ZHE NA, RIGS PA MA YIN TE, SNANG BA DANG DE'I RANG BZHIN TZAM 'GOG PA MA YIN PA'I PHYIR RO, ,KHYOD KYIS NI SA LA SOGS PA'I SPYI BZUNG NAS DGAG PA SMRAS SO, ,DE LA YANG SHING BAL DANG RDO BA DANG LO MA LA SOGS PA RNAMS LA DE YOD NA YANG REG PA THA DAD PA MTHONG PA'I PHYIR RO, ,'GA' ZHIG TU KHYAD PAR YANG SRID PA LAS DOGS PAR 'GYUR BA'I PHYIR THAMS CAD DU MA MTHONG BA TZAM GYIS DGAG PAR RIGS PA MA YIN NO, ,MA MTHONG BA RNAMS LAS KYANG RIGS PA MA YIN NO ZHES STON BA GSUNGS PA, MA MTHONG BA RNAMS LAS NI MA YIN NO ZHES PA LA SOGS PA STE, NI'I SGRA NI BSDU BA LAS TE, NGES PAR 'DZIN PA LA YANG NA'O, ,LUS CAN MA YIN PA RNAMS NI THOGS PA MED PA'I PHYIR RO ZHES PA, THOGS PA 'DI DGAG PAR 'GYUR ZHING, DE LAS BZLOG PA'I DNGOS PO'I YANG BSGRUB PA STE, GAL TE DGAG NA NI MNGON PAR BCOM PA DANG REG PA'I KHYAD PAR DAG LAS 'BRAS BU DANG RGYU'I DNGOS PO'AM KHYAB PAR BYA BA DANG KHYAB PAR BYED PA'I DNGOS POR BRJOD PAR BYA BA MA YIN TE, GANG LAS RGYU DANG KHYAD PAR BYED PA LDOG PA DAG KHO NA, RANG DANG 'BREL PA'I 'BRAS BU DANG KHYAB BYA DAG LDOG PAR BYED PA'I, ,GZHAN DU NA HA CANG THAL BAR 'GYUR BA'I PHYIR DANG, 'BRAS BU DANG RGYU KHYAB PAR BYA BA DANG KHYAB PAR BYED PA'I DNGOS PO DAG KYANG MI 'GRUB PA'I PHYIR TE, MNGON BAR BCOM PA MED KYANG REG BYA'I KHYAD PAR YOD PA'I PHYIR DANG, DON GZHAN NYID KYI PHYIR YANG NGO, ,CI STE LUS DANG LDAN PA MA YIN PA RNAMS KYI MNGON PAR BCOM PA MA YIN PA'I PHYIR RO ZHES PA 'DIS MNGON PAR BCOM PA MA YIN PA ZHES BYA BA DNGOS PO KHO NA BRJOD PAR BYA STE, MA YIN PAR DGAG PA'I TSUL GYIS SO ZHE NA, DE'I PHYIR TSE DE NAM MKHA' LA SOGS PA RNAMS DANG 'BREL PAR BSGRUB PAR BYA ZHING, REG PA'I KHYAD PAR DANG YANG 'GAL BA STE, RNAM PA GZHAN DU NA CI LTAR DE DANG 'BREL PA MED CING, MI 'GAL BAS DE DES DER 'GOG, ,HA CANG THAL BA YANG NA'O, ,DE LA RE ZHIG 'BREL PAR MI 'GRUB STE, DE LTAR NI @088B DE RNAMS LA DE 'JUG PA 'BREL PAR 'GYUR BA 'AM, YANG NA DES BA SKYED PAR BYA BA NYID YIN, RE ZHIG 'JUG PA 'GRUB PA MA YIN TE, DE RNAMS NI DBANG PO LAS 'DAS PA NYID KYI PHYIR RO, ,DBANG PO LAS 'DAS PA RNAMS LA 'GA' ZHIG GI YANG 'JUG PA NYE BAR DMIGS PA MA YIN PAS SO, , NYE BAR DMIGS PA MED PA YANG 'DE 'DIR 'JUG GO ZHES NGES PAR NUS PA MA YIN NO, ,DES BSKYED PAR BYA BA NYID KYANG 'GRUB PA MA YIN TE, LDOG PA MI 'GRUB PA'I PHYIR RO, ,RJES SU 'GRO BA TZAM LAS RGYU'I NUS PA RTOGS PA MA YIN GYI, 'ON KYANG LDOG PA LAS KYANG STE, DE YANG 'DIR YOD PA MA YIN NO, ,RTAG PA NYID KYI PHYIR DANG THAMS CAD DU SONG BA NYID KYI PHYIR NAM MA BA' LA SOGS PA RNAMS LA, DE MED NA DE MED PA MI SRID PA'I PHYIR RO, ,DE LTAR MNGON PAR BCOM PA MA YIN BA ZHES BYA BA NAM MKHA' LA SOGS PA DANG 'BREL PA CAN GYI DNGOS PO KHO NA MI 'GRUB NA, YANG DE REG BYA'I KHYAD PAR DANG 'GAL BA GA LAS YIN, DE LTAR NI NYI MA'I 'OD LA SOGS PA RNAMS LA, BUM PA LA SOGS PA RNAMS KYIS MNGON PAR MA BCOM PA YOD LA, 'ON KYANG DE RNAMS REG PA DANG LDAN PA RNAMS TE, DE'I PHYIR DE LAS DGAG PA MA YIN NO, ,YON TAN RJES SU DPAG PAR BYA BA'I PHYIR ZHES PA 'DI NI DE'I SKYES BU STE, YID LA YANG YON TAN NYE BAR SKYES PA LDOG PA'I RGYU CAN GYI DRUG PA STE, RJES SU DPAG PAR BYA BA LA LTOS PA MA YIN NO, ,YID KYI YON TAN RNAMS RJES SU DPAG PAR BYA BA NYID KYI PHYIR ZHES PA NGAG GI DON TE, YON TAN NI YON TAN LA LTOS PA'I PHYIR RTAG PA NYID LAS NUS PA MED PA'I SKYON YANG YOD PA MA YIN NO, ,'DI YANG GTAN TSIGS MA YIN TE, 'GAL PA MED PA'I PHYIR RO, ,DE LTAR NI, JI LTAR BDAG GI KHYAB BDAG NYID, ,CES BYA BA'I YON TAN RJES SU DPAG PAR BYA BA STE, 'ON KYANG BDE BA LA SOGS PA RNAMS MNGON SUM YIN PA DE LTAR YID KYI RDUL NYID DANG GCIG BU NYID KYANG STE, YON TAN GNYIS BO 'DI NI RJES SU DPAG PAR BYA BAR 'GYUR LA, REG BYA YON TAN 'DI YANG MNGON SUM DU 'GYUR RO ZHES PA 'GAL BA CI YANG MED DO, ,DA NI GANG 'DIR RIGS PA DE BSGRUB PA'I CHED DU GSUNGS PA, 'O NA CI ZHES PA LA SOGS PA STE, YANG GI SGRA NI NGES @089A *, ,PAR 'DZIN PA'I DON CAN NO, ,YANG CI LTAR MTHONG BA RNAMS LA YANG MTHONG BA'I PHYIR ZHES PA 'DI BRJOD, CI TZAM GYIS NA REG PA'I KHYAD PAR DE MTHONG BA RNAMS LA YANG MTHONG BA MA YIN PA KHO NA'O ZHE NA, SKYON 'DI MED DE, MTHONG BA RNAMS LA RE ZHIG REG PA'I SPYI SRID BA'I KHYAD PAR MTHONG LA, MA MTHONG BA RNAMS LA NI DE YANG MTHONG BA MED DO, ,DE 'DI SKAD BSHAD PAR 'GYUR TE, GANG ZHIG GANG DU MTHONG BA'I SPYI DE NI DER SRID PA YIN TE, DPER NA SKYU RU RA RNAMS LA MNGAR BA'I RO BZHIN MTHONG BA RNAMS LA REG BYA'I KHYAD PAR YANG MTHONG BA'I SPYI'O, ,YANG NA GANG DU MTHONG BA DE DER SRID PA'I KHYAD PAR YIN TE, DPER NA SKYU RU RA RNAMS LA RO BZHIN, MTHONG BA RNAMS LA REG PA YANG MTHONG BA ZHES PA RANG BZHIN DAG GO, ,GNYIS KAR YANG GNOD PAR BYED PA MED PA NA ZHES PA'I KHYAD PAR BLTA BAR BYA'O, ,RLUNG LA SOGS PA LA NI YOD PA'I THA SNYAD DGAG PA'I CHED DU MI DMIGS PA BRJOD PAR BYA'O, ,GAL TE 'DI LTAR NGES PAR 'BYUNG BAR 'OS NA 'DI KHO NA LA 'DI SRID DO ZHES PA YIN NA, THE TSOM NI MTHONG STE, DE'I PHYIR 'DI MTHONG BA RNAMS LA SRID PA MA YIN NO ZHE NA, DE'I PHYIR GSUNGS PA, DE RNAMS KYI YANG ZHES PA LA SOGS PA STE, DU MA NYID KYI PHYIR THE TSOM STE, DER MI SRID BA'I PHYIR NI MA YIN NO ZHES PA'I DON TO, ,DE RNAMS KYIS KYANG RLUNG RJES SU DPOG PA CAN NYID BSAL LO ZHES STON PA GSUNGS PA, YID CHES MING GI SGRUB BYED KYIS, ,ZHES PA LA SOGS PA STE, RLUNG NI RJES SU DPAG PA CAN NYID DE ZHES 'DIR LHAG PAR GZUNG BAR BYA BA YANG MA YIN NO, ,RDZAS KYI SPYI, RJES SU DPAG PA YOD PA NA, ,ZHES PA'I REG PA'I YON TAN RDZAS LA BRTEN PA'I GANG LA NI 'DI BRTEN PA'I RDZAS CI NAS KYANG YOD DO ZHES RDZAS TZAM RJES SU DPAG PA'O, ,DE BOR NAS YID CHES PA'I MING GI TSAD MA NYID LAS ZHES PA GANG GI PHYIR, NYES BA ZANG BA RNAMS KYIS RDZAS KYI MING CAN DGU RNAMS KHO NA BYAS TE, DE LA SA LA SOGS PA RDZAS BRGYAD RNAMS LA MING BRGYAD RNAMS NGES PAR BZHAG LA, RLUNG GI MING CAN KHO NA LHAG MAR LUS TE, GZHAN RDZAS BCU YOD PA YANG MA YIN NO, ,DE'I PHYIR RANG GI REG PA 'DI YIN PA DE NI RLUNG NGO ZHES PA'O, ,DE LTAR @089B SA LA SOGS PA RNAMS LAS GZHAN PA'I RDZAS BCU PA LA SOGS PA DANG SA LA SOGS PA GZHAN PA KHEGS PAS RLUNG YOD PA NYID DU RTOGS SO, ,MA YIN THA DAD KYANG SRID PHYIR, ,ZHES PA SGRA LAS BYUNG BA TSAD MA GZHAN NYID YIN PA DGAG PA'I CHED DU TSAD MA GZHAN SMRA BAS RE ZHIG LAN BTAB PA STE, NGANG NYI NI LAN PHYI NAS 'DEBS PAR BYED DO, ,RAB TU GRAGS PA'I DBANG GIS ZHES PA STE, MTHUN PHYOGS DANG MI MTHUN PHYOGS DAG YOD PA DANG MED PA NYID DAG NYAN PA PO LA GRUB PA ZHES PA'I DPE MNGON PAR MA BRJOD PA'O, ,DPE SMOS PA NI YAN LAG NYE BAR MTSON PA'I DON TO, ,YAN LAG RNAMS NYE BAR MA BSTAN PA LAS ZHES PA'I DON TO, ,DES 'DI SKAD BSHAD PAR 'GYUR TE, GANG YAN LAG NYE BAR MA BSTAN PA DE RJES SU DPAG PA LAS THA DAD PA STE, MNGON SUM BZHIN SGRA LAS BYUNG BA YANG DE LTA BU'O ZHES PA RANG BZHIN NO, ,DE LTA NA YANG ZHES PA 'KHRUL PAR GSUNGS SO, , DBE GCIG GI ZHES YAN LAG LHAG MA LA LTOS PAS DPE'I GCIG NYID DE, DPE LA LTOS PAS NI MA YIN NO, ,DE LAS DON 'DI STE, GANG DU DPE KHO NA'I MI BRJOD PA ZHES PA'O, ,GNYIS DAG GI YANG NA ZHES PA, YANG NA'I SGRA NI GANG GI DON YIN ZHING, 'JUG BZHIN PA'I MA BRJOD PA SDUD BAR BYED DE, GSUM RNAMS KYI DANG BZHIN RNAMS KYI DANG LNGA RNAMS KYI'O ZHES PA'I DON TO, ,DE NAS GANG GI TSE YANG GTAN TSIGS THUN MONG BAR BYED PA DE'I TSE YANG RANG GI DON GYI RJES SU DPAG PAS MA NGES PAR 'GYUR RO, ,SGRA LAS BYUNG BA THAL BAR 'GYUR RO ZHES PA PHA ROL PO LA SGRA LAS BYUNG BA RJES SU DPAG PA LAS THA DAD PAR GRAGS TE, DES NA SGRA LAS BYUNG BA BZHIN DU THAL BAR 'GYUR ZHING, RJES SU DPAG PA LAS THA DAD PA NYID DU THAL BAR 'GYUR RO ZHES PA'I DON TE, SGRA LAS BYUNG BA JI LTAR GYUR PA DE LTAR GYUR PAR NGA YANG 'THOB BO ZHES PA'I BAR RO, ,'DRA BA'I RKYEN MED KYANG DON RTOGS PAR BYA BA'O ZHES MANG DU BSHAD ZIN TO, ,GZHAN RNAMS ZER ZHES PA LA SOGS PA STE, SGRA NI RANG GI NGO BOS THA DAD MED PA'I NGO BO'I DON KHO NA RTOGS SU 'JUG STE, DE LTAR DU BA LA SOGS PA RNAMS MA YIN NO, ,DU BA LAS ME RTOGS PA 'AM RTOGS SU 'JUG PA NI MA YIN GYI DU @090A *, ,BA'I GZUGS KYIS RTOGS PA'AM RTOGS SU 'JUG GO ZHES PA YANG NA'O, ,CI LTAR DON LA RJES SU DPAG PA YIN ZHES PA, DON NI DU MA'I NGO BO YIN PA NYID KYI PHYIR RO, ,DE LA SPYI RANG GI NGO BOS DON DE RTOGS PAR BYA'AM, 'ON TE SPYI'I NGO BOS YIN, RNAM PA THAMS CAD DU MI 'THAD PAR SEMS TE, DE LTAR NI GAL TE SHING LA SOGS PA'I SGRA RNAMS YOD BA NYID LA SOGS PA SPYI'I RNAM BA CAN RNAMS KYIS SHING LA SOGS PA'I DON RTOGS PAR BYED NA, SGRA THAMS CAD KYIDON GCIG NYID DU THAL BAR 'GYUR TE, SPYI'I RNAM PA RNAMS DONDU MA'I THUN MONG BA NYID KYI PHYIR RO, , CI STE KHYAD PAR GYI NGO BOS YIN NA, DE MI RIGS TE, THUN MONG MA YIN PA'I NGO BO'I SO SOR RTOGS PA MI NUS PA NYID KYI PHYIR RO ZHES PAS RNAM PA THAMS CAD DU SGRA'I DON NYID MED DO, ,SHING GI SGRA'I BRJOD PAR BYA BA NI DON GZHAN DU 'GYUR BA MA YIN NO ZHES PA, JI LTAR KHYED KYI SGRA'I DON GZHAN SEL BA SPYI YIN PA DE LTAR KHO BO CAG GI YANG STE, 'DI TZAM NI BYE BRAG STE, BDAG GIS DE'I SGRA'I RNAM PA NYE BAR CHAGS PAR RTOGS ZHES KHAS BLANGS SO ZHES STON PAR BYED DO, ,SHING GI SGRAS BRJOD PAR BYA BA GANG YIN PA'I DON DE BUM PA LA SOGS PA GZHAN BUM PA LA SOGS PAR 'GYUR BA MIN TE, SGRA GZHAN GYI DON MED PAS 'DIR SHING GI SGRA'I BRJOD PAR BYA BA BSTEN PAR MTSON TO, ,'DI SKAD BSHAD PAR 'GYUR TE, DON GZHAN LAS LDOG PAS NYE BAR MTSON PA'I GANG DNGOS PO'I CHA DE KHO NA SHING GI SGRA'I DON ZHES PA STE, DE KHO NA DANG DE MTSUNGS PA NYID KYI PHYIR NGO, ,YOD PA NYID LA SOGS PA THUN MONG BA'I RNAM PA RNAMS KYIS SAM, THUN MONG MA YIN PA'I NGO BO DANG NI MA YIN NO ZHES PA'O, ,GZHAN RNAMS KLOG PA NI SHING GI SGRA'I BRJOD PAR BYA BA NI GZHAN GYI DON DU MI 'GYUR RO ZHES PA STE, SHING GI SGRA'I BRJOD PAR BYA BA'I DON GANG YIN PA DE SGRA GZHAN GYI DON DU MI 'GYUR RO, ,RNAM GRANGS KYI SGRA RNAMS NI DON GCIG PA NYID KYIS GZHAN MA YIN PA KHO NA'O ZHES PA BSAM PA'O, ,'DIR YANG SHING GI SGRA'I DON NI SGRA GZHAN GYI BRJOD PAR BYA BA MA YIN PA NYID BSTAN PAS, SGRA GZHAN GYI DON LAS LDOG PAS NYE BAR MTSON PA'I SHING NYID TZAM NI SHING GI SGRA'I DON TO ZHES BSHAD PAR 'GYUR RO ZHES PAS DON DE KHO NA'O, , @090B 'O NA RDZAS KYI SGRAS KYANG YAL 'DAB LA SOGS PA DANG LDAN PA'I DON RTOGS PAR BYED DE, 'DI NI DE'I NGO BO YANG MA YIN NO, ,DE LAS KYANG 'DRA BA NYID MA YIN YANG BRJOD PAR BYA BA NYID STON PA'I PHYIR SGRA 'DRA BA NYID KYIS DON RTOGS PA MA YIN NO ZHE NA, DE'I PHYIR GSUNGS PA, GAL TE YANG ZHES PA LA SOGS PA STE, YANG GI SGRAS NI RDZAS KYI SGRA RDZAS KYI BYE BRAG RNAMS KYI 'KHRUL PA'I PHYIR RJOD PAR BYED PA MA YIN PA KHO NA MOD, KHAS BLANGS NAS LAN BRJOD PAR BYA'O ZHES PA'I DON GSAL BAR BYED DO, ,TSUL GZHAN NI RNAM PA GZHAN TE, DNGOS BO DE KHO NA'I CHA CHAS 'GA' ZHIG GO, ,DE DANG LHAN CIG RDZAS KYI SGRA'I 'DRA BA NYID YOD PA KHO NA'O ZHES PA DGONGS PA'O, ,TSUL GZHAN DE YANG RDZAS MA YIN PA LAS LDOG PAS NYE BAR MTSON PAR BYA'O ZHES BSTAN PA'I CHED DU 'DI BRJOD DE, RDZAS MA YIN PA LAS LDOG PAS ZHES PA'O, ,'O NA ZHES PA LA SOGS PA STE, RDZAS KYI SGRAS RDZAS MA YIN PA LAS LDOG PAS NYE BAR MTSON PA'I DNGOS PO'I TSUL GZHAN RDZAS KYI SGRA DANG 'DRA BA NYID THOB PAR RUNG BA RTOGS PA 'BA' ZHIG TU MA ZAD KYI, 'ON KYANG SHING GI SGRAS KYANG NGO, ,DE LTAR NI SHING RDZAS ZHES GZHI MTHUN PA NYID MTHONG BAS TE, DON THA DAD PA DAG NI DE 'THAD PA MA YIN NO, ,DE DANG LHAN CIG NGO'I 'DRA BA NYID 'DOD PA MA YIN NO, ,DE'I PHYIR SKYON DE KHO NA STE, 'DRA BA NYID MA YIN PA LA YANG SGRA'I DON NYID BSTAN PA'I PHYIR RO, ,RJOD PAR BYED PA RANG DANG 'DRVA BA NYID DON RJOD PAR BYED PA MA YIN NO SHES PA BSAM PA'O, ,DON LAS YIN GYI SGRA LAS NI MA YIN ZHES PA SHING GI SGRA'I DON KHO NA RDZAS MA YIN PA LAS RTAG TU LDOG PA DANG MED NA MI 'BYUNG BA LAS DE RTOGS TE, RMONGS PAS NI SGRA KHO NA LAS RTOGS SO ZHES SEMS SO, A,GZHI MTHUN PA NYID NI KHYAD PAR BCAS PA'I KHYAD PAR LA 'JUG PA'I PHYIR NA, SHING GI SGRAS RDZAS MA YIN PA LAS LDOG PA BRJOD PA NI MA YIN NO, ,GAL TE SHING LA SOGS PA'I TSIG RNAMS KHO NA ZHES PA LA SOGS PA STE, SU PA'I MTHA'I TSIG RNAMS KHO NA, GAL TE SGRA'I RGYU CAN GYI TSAD MAR RJOD PAR BYED NA SKYON CAN DU 'GYUR BA MA YIN NO, ,DE LTAR NI DE RNAMS KYI YONGS SO RDZOGS PA'I NGO BO'I DON 'DI DE'O, ,SO SOR ZHEN PAR RUNG BA NI BLO LA YANG DAG PAR NGES @091A *, ,PAR GNAS PAS SO ZHES PAS, DE DANG LHAN CIG THA DAD MED PAR NYE BAR BTAGS PA SGRA LA SRID PA'O, ,MING GI TSIG RNAMS KHO NA YONGS SU RDZOGS PA'I DON MNGON PAR RJOD PAR BYED PAR BSHAD PAR BYA BA NI MA YIN GYI, 'O NA CI ZHE NA, TI NGA'I MTHA' RNAMS KYANG NGO, , GANG GSUNGS PA, BYA BA BRJOD PA'I SGRA RNAMS KYIS KYANG ZHES PA LA SOGS PA STE, BYA BA BRJOD PA'I SGRA KLOG GO 'TSE DA DO ZHES PA 'DI LTA BU LA SOGS PA RNAMS KYIS SO, ,RTAGS MED PA GRANGS MED PA SNGON MA DANG PHYI MAR GYUR PA'I CHA SHAS YONGS SU MA RDZOGS PA'I RANG GI NGO BO'I BYA BA BRJOD PAR BYA LA, RNAM PA DE LTA BU'I DON 'DI DE'I ZHES GZUNG BA MED PA NI BLOS THA MI DAD PAR NYE BAR GDAGS PA BYAS PAR NUS PA MA YIN ZHING, YONGS SU RDZOGS PA'I NGO BO'I SGRA'I BDAG NYID NI BSGRUB PAR BYA BZHIN PA'I RNAM PA NYID DU SO SOR RTOGS PAR BYED PA YANG MA YIN NO, ,GANG RNAMS KYI NGAG KHO NA SGRA YIN PA ZHES PA DES DON SGROGS PAR BYED PA'I PHYIR RO, ,GAL TE NGAG KHO NA SGRA YIN NA, TSIG RNAMS NYE BAR BLANG BA DON CI ZHE NA, DE RTOGS BA'I THABS KYANG ZHES PA LA SOGS PA STE, DE TSOGS PA'I BDAG NYID KYI PHYIR NA, DPER NA TSIG RNAMS KYI YI GE RNAMS BZHIN ZHES SEMS SO, ,DE RNAMS KYI MED CES PA LA SOGS PA STE, NGAG GI DON NI PHYI ROL BSGRUB PAR BYA BA SGRUB PAR BYED PA DANG 'BREL BA'I BDAG NYID DU 'GYUR RAM, SGRUB PAR BYED PA'I NUS PA NGES PAR ZHUGS PAS RJES SU BZUNG BA CHA SHAS MED PA'I BYA BA 'AM, SO SOR SNANG BA'I MTSAN NYID GZHAN YIN, 'DI GSUM KA YANG YOD PAR GYUR BA MA YIN PA NYID NA, 'DI DE'O ZHES SO SOR NGO SHES PA LAS SHIN TU 'DAS PA YIN NO, ,DE LTAR GYUR PA'I DON GYIS DE 'DI'O ZHES THA MI DAD PAR NYE BAR GDAGS PAR BYA BAR NUS PA YANG MA YIN NO ZHES KHYAD PAR GYI CUNG ZAD CES PA DPE MNGON BAR MA BRJOD PA DANG, SGRAS THA MI DAD PAR NYE BAR GDAGS PA NI KHYAD PAR CUNG ZAD DO, ,GAL TE DE LTA NA YANG THA DAD PA MA YIN NA KHYOD KYIS KYANG RLUNG LA SOGS PA RNAMS KYI LUNG LAS BYUNG BA NYID DU SGRUB PAR BYED PAS RANG GI MTSAN NYID KYI YUL CAN NYID DU SGRA LAS BYUNG BA BSGRUBS TE, DE LTAR GYUR NA @091B LUNG DANG RJES SU DPAG PA DAG THA MI DAD PA'I PHYIR RANG GI MTSAN NYID KYI YUL CAN NYID DU GRUB BO ZHE NA, GSUNGS PA, DE LA SGRA DANG BRAL BA ZHES PA LA SOGS PA STE, DE LA ZHES PA BSTAN BCOS LA STE, BSTAN BCOS KYI RGYU MTSAN ZHES PA'I DON TO, ,'DI SKAD BSHAD PAR 'GYUR TE, KHYED KYIS BSTAN BCOS RANG GI MTSAN NYID KYI YUL CAN ZHES KHAS BLANGS TE, DE LAS GANG 'DI RJES SU DPAG PA REG BYA YANG MTHONG BA RNAMS KYI 'ANG REG BYA MA YIN NO ZHES PA LA SOGS PAS NYE BAR BKOD PA 'DI, KHYED KYI BSTAN BCOS KYI RGYU MTSAN KHO NA LAS RANG GI MTSAN NYID KYI YUL CAN MA YIN BAR BRJOD DE, LUNG LAS GRUB PA NYID NI, KHYED RNAMS KHO NA LA GRAGS PA SMRAS PAS NA, RANG LA GRAGS PA NI MA YIN NO ZHES PA'O, ,CI LA BSAMS NAS 'DI LTAR BRJOD CES GSUNGS BA, SGRA DANG BRAL BA'I RTAGS LA MNGON PAR BSAMS NAS ZHES PA STE, LUNG ZHES BYA BA'I SGRA DOR BA NI 'DI YIN ZHING RTAGS NI REG PA ZHES BYA BA STE, DE LA LTOS PA MED PA KHO NAS GANG LAS RLUNG YOD PA NYID DU SGRUB PAR BYED PA DE'O, ,DE LTAR KHYOD KYIS KHAS BLANGS PA'I BSTAN BCOS KYI DBANG LAS CI YANG MI BYED PA'I RTAGS LA BSAMS NAS, DE LAS SKYES PA'I RJES SU DPAG PA 'DI KHO BO CAG GIS RANG GI MTSAN NYID KYI YUL CAN MA YIN PAR BRJOD KYI, RANG NYID RLUNG LA SOGS PA RNAMS LUNG LAS GRUB PA NYID DU 'DOD PAS NI MA YIN NO ZHES PAS BRTZAD PAR BYA BA MA YIN NO, ,DE LTA NA 'O NA SGRA LAS BYUNG BA YANG JI LTAR RANG GI MTSAN NYID KYI YUL CAN DU 'GYUR BA MA YIN PA DE LTAR BSGRUB PAR BYA BA NYID DO ZHES PA 'DI'I PHYIR, BSGRUB PAR BYA BA'I CHED DU GSUNGS PA, SGRA LAS BYUNG BA YANG NI ZHES PA LA SOGS PA STE, 'BREL PA MED CES PA BRDA'I DUS NA'O, ,SGRA DANG DON GYI 'BREL PA MNGON PAR SHES PA NI DON BRDA'I DUS NA NYAMS SU MYONG BA'I SPYI KHO NA SGRA LAS RTOGS KYI RANG GI MTSAN NYID NI MA YIN TE, DE SNGAR MTHONG BA MED PA'I PHYIR RO, ,RAB TU SBYOR BA'I DUS NA KHYAD PAR GYI YUL CAN NYID KYI DOGS PA MI SRID PA KHO NA'O, ,BRDA'I DUS NA NI RANG GI MTSAN NYID MNGON SUM MO ZHES DE'I YUL CAN NYID DU DOGS PA SRID DO, ,DE'I PHYIR 'BREL PA MED PA ZHES GSUNGS SO MTHONG BA'I DON NI GANG @092A *, ,DU DEN MNGON SUM GYIS MTHONG BA'O, ,MA MTHONG BA'I DON NI BZLOG BA LAS SO, ,MTHONG BA'I DON LA MING BYE BRAG TU RTOGS PA ZHES PA NI, DPER NA 'DI PA NA SA'O ZHES PA LTA BU 'DIR 'BREL PA BYE BRAG TU RTOGS PA KHO NAR 'GYUR RO, ,RJES SU DPAG PA NI MA YIN TE, DON MNGON GYUR YIN PA NYID KYI PHYIR RO, ,MA MTHONG BA'I DON LA NI MTHO RIS LA SOGS PA LA STE, DON DU RNAM PAR RTOG PA TZAM ZHES BA GANG PHYIR MTHO RIS LA SOGS PA'I SGRA RNAMS MTHO RIS LA SOGS PA RNAMS KYI BRDA'I DUS SAM, GZHAN GYI TSE YANG RANG GI MTSAN NYID BLO LA GTONG PA MA YIN PAS TE, DBANG PO LAS 'DAS PA MA YIN PAR THAL BAR 'GYUR BA'I PHYIR RO, ,DE RTOGS SU 'JUG PA'I BSAM PA CAN RNAMS KYIS RAB TU SBYAR BA RNAMS NYAN PA PO LA SO SOR SNANG BA MA YIN PA DE'I RANG BZHIN DON GYI GZUGS BRNYAN 'JOG PAR BYED PA 'BA' ZHIG STE, LHA'I GNAS KYI KHYAD PAR 'GA' ZHIG YOD DO ZHES PA 'DI LTA BU LA SOGS PA'O, ,DE LTA NA RANG GI MTSAN NYID RTOGS PAR 'GYUR BA MA YIN PA SO SOR RTOGS SU BCUG PA YANG MA YIN TE, MTHO RIS LA SOGS PA THOB PA NA, DE NYAMS SU MYONG BA RNAMS KYI BZHIN DU SO SOR SNANG BA THA DAD PAR THAL BAR 'GYUR BA'I PHYIR RO,, DE'I RANG BZHIN SO SOR RTOGS PA MA YIN PA YANG, RNAM PAR RTOG PA'I GZUGS BRNYAN DE LTAR GYUR PA KHO NA LA, DER LHAG PAR ZHEN PAS DGA' BAR BYED DE, DE LTAR GYUR BA KHO NA LAS SGRA'I DON RTOGS PA'I PHYIR RO, ,'DIR YANG 'BREL PA MED PA ZHES PA 'DI LTOS PAR BYA BA MA YIN TE, 'ON KYANG MTHONG BA'I DON RNAMS KHO NA LA'O, ,DE LA NI KHYAD PAR MTHONG BA NYID KYI PHYIR DE BRJOD PAR BYA BA NYID KHO NAR DOGS PAR 'GYUR RO, ,DE'I PHYIR DE BZLOG PA'I CHED DU MING BYE BRAG TU RTOGS PA ZHES BSHAD DO, ,'O NA CI LTAR DE RJES SU DPAG PA YIN ZHE NA ZHES PA, YANG LUNG LAS SKYES BU LA NYE BAR MKHO PA'I DON DBANG PO LAS 'DAS PA NGES PAR BYAS NAS JI LTAR 'OS PAR GNAS PA BSGRUB PAR BYA'O ZHES LUNG TSOL BAR BYED DE, DE LAS GAL TE DON RNAM PAR RTOG BA TZAM DU 'GYUR GYI DON GYI KHYAD PAR RTOGS PAR MI 'GYUR NA DE'I RJES SU DPAG PA NYID KHO NA NYAMS SO ZHES PA BSAMS PA'O, ,'O NA YANG JI @092B LTAR YID CHES PA MA YIN PAS RAB TU SBYAR BA'I SGRA RNAMS NI BRJOD BAR 'DOD PA'I MTSAN NYID KYI DON TZAM GANG YIN PA DE TSIG LAS RJES SU DPAG PA NYID YIN GYI, PHYI ROL GYI DON RJOD PAR BYED PA LAS NI MA YIN PA DE LTAR YID CHES PAS RAB TU SBYAR BA RNAMS KYANG 'GYUR RO ZHE NA BSHAD PA, MA YIN ZHES PA LA SOGS PA STE, 'DI LTAR BSAMS PAS TE, YID CHES PA'I TSIG NI BRJOD PAR 'DOD PA'I DON TZAM LA TSAD MA NYID DU 'DOD PAR BYA BA MA YIN GYI, 'ON KYANG PHYI ROL GYI DON LA YANG STE, RNAM PA GZHAN DU NA DE DANG YID CHES PA MA YIN PA'I TSIG LA KHYAD PAR CIR 'GYUR, DE'I PHYIR YID CHES PAS RAB TU SBYAR BA'I MTHO RIS LA SOGS PA'I SGRA RNAMS KYI DON TZAM BRJOD PA MA YIN GYI, 'O NA CI ZHE NA, 'JIG RTEN PA'I SGRA DANG THUN MONG MA YIN PA'I PHYI ROL GYI DON YANG NGO ZHES PA'O, ,RANG GI MTSAN NYID RJOD PAR BYED PA LAS LUNG RNAMS RJES SU DPAG PA NYID MA YIN GYI, 'O NA CI ZHEN, RNAM PA DE LTA BU'I DON LA RNAM PAR RTOG PA TZAM NYE BAR SKYED PA RNAMS KYI SPYI'I RNAM PAS DON GSAL BAR BYED PA'I PHYIR, DE LA YANG MI BSLU BA LAS SO ZHES STON PA GSUNGS PA, YID CHES TSIG NI MI BSLU BA'I, ,SPYI LAS ZHES PA LA SOGS PA STE, YID CHES PA'I TSIG SHIN TU LKOG TU GYUR PA'I YUL CAN NI CIG SHOS MNGON SUM DANG RJES SU DPAG PAS MTHONG BA'I DON GYI YUL CAN GYI YID CHES PA'I TSIG DANG MI BSLU BAR MTSUNGS PA NYID KYI PHYIR RJES SU DPAG PA NYID DO ZHES PA NGAG GI DON TO, ,'O NA SGRA RNAMS DON RNAMS LA 'BREL PA MED PA'I PHYIR DANG, SKYES BU KHYAD PAR CAN YANG NGES PAR MI NUS PA NYID KYI PHYIR, PHYI ROL GYI DON LA TSAD MA NYID KHO NAR MI RIGS PA MA YIN NAM ZHE NA 'DI BDEN MOD 'DI NI 'DIR DGONGS PA STE, SKYES BU 'DI NI LUNG TSAD MA NYID LA MA BRTEN PAR GNAS PAR NUS PA MA YIN TE, 'BRAS BU DBANG PO LAS 'DAS PA 'GA' ZHIG RNAMS KYIS PHAN YON CHEN PO DANG NGAN 'GRO THOS PA'I PHYIR DANG, DE YOD PA LA 'GAL BA MA MTHONG BA'I PHYIR YANG NGO, ,DES NA 'JUG PAR BYA BA YOD NA, 'DI LTAR 'JUG PA MCHOG GO ZHES PA'O, ,DE'I PHYIR YONGS SU BRTAGS NAS TSAD MAR GSUNGS SO, ,DE LA SKYES BU'I DON DANG NUS PA DANG, DE'I THABS GANG RTOGS PAR BYED PAR @093A *, ,NUS PA'I BSTAN BCOS DE BRTAG PAR 'OS PA'I PHYIR DE KHO NA BRTAG PAR BYA STE, GZHAN LA GNOD PA MED PA KHO NA MI RIGS PA NYID KYI PHYIR RO, ,DE GAL TE SLU BA MED PA NYID BRTEN PAR GYUR NA, 'JUG PA MDZES SO, ,YID CHES PA'I TSIG BZUNG NAS ZHES PA LA SOGS PA STE YID CHES PA'I TSIG BZUNG NAS MI BSLU BAR RTOGS PA'I RGYUR, DE RJES SU DPAG PA NYID DU GSUNGS SO, ,CI'I PHYIR DE RJES SU DPAG PA NYID YIN ZHE NA, DON LA MI BSLU BAR MTSUNGS PA NYID KYI PHYIR ZHES BSHAD PAR BYA'O, ,YANG 'DI'I MI BSLU BA CI YIN ZHE NA, MNGON SUM DU MNGON PAR 'DOD PA RNAMS KYI DE LTA'I DNGOS PO DANG, DE LTAR MNGON PAR 'DOD PA MA YIN PA RNAMS KYI MNGON SUM MA YIN PA NYID DANG, DE BZHIN DU RJES SU DPAG PA'I YUL DU MNGON PAR 'DOD PA RNAMS KYI DE LTA BU'I DNGOS PO DANG, DE LTAR GYUR PA MA YIN PA RNAMS KYI RJES SU DPAG PAR BYA BA MA YIN PA NYID DE, YONGS SU GCOD PAR NUS PA'I YUL MA LUS PA YONGS SU DAG PA 'DI NI MI BSLU BA'O, ,DE DANG MTSUNGS PA NYID RJES SU DPAG PAR BYA STE, MNGON SUM DANG RJES SU DPAG PAS RTOGS PAR BYA BA MA YIN PA'I DON LA YANG YID CHES PA'I TSIG NYID NYE BAR DMIGS NAS SO, ,GANG YID CHES BA'I TSIG DE MI BSLU BA STE, DE LAS GZHAN PA'I YID CHES PA'I TSIG BZHIN, SHIN TU LKOG TU GYUR PA'I YUL CAN GYI TSIG 'GA' ZHIG KYANG YID CHES PA'I TSIG YIN NO, ,RANG BZHIN NO, ,DE'I PHYIR RANG GI MTSAN NYID YUL DU BYED PA MA YIN YANG LUNG RNAMS NI, DE LAS GZHAN PA'I SGRA BZHIN DU BRJOD PAR 'DOD PA TZAM LA TSAD MA NYID MA YIN GYI, 'O NA CI ZHE NA DON LA YANG NGO, ,YANG NA RNAM PA GZHAN DU YID CHES PA'I TSIG GI MI BSLU BA LAS RJES SU DPAG PA NYID DU BRJOD PAR BYA STE, SPANG PAR BYA BA DANG BLANG BAR BYA BA DANG DE'I THABS RNAMS DANG DE NYE BAR STON PA RNAMS PHYIN CI MA LOG PA NYID NI MI BSLU BA'O, ,DE LTAR 'DI SKYES BU'I DON LA NYE BAR MKHO BA CAN RJES SU SGRUB PAR 'OS PA LA MI BSLU BA'I PHYIR YUL GZHAN LA YANG DE LTAR NYID DU KHAS LEN GYI, SLU BA'I CHED DU NI MA YIN TE, 'GAL BA MED PA'I PHYIR DANG, 'CHAD PA PO DGOS PA MED PA LA PHYIN CI LOG TU RJOD PAR BYED PA 'BRAS BU MED @093B PA'I PHYIR RO, ,DE DANG 'DI RNAMS GNYIS KA LTAR YANG GO SKABS MED PAS LUNG RJES SU DPAG PA NYID DU NYE BAR BSGRAGS TE, LUNG LAS 'JUG PA NA DE LTAR 'JUG PA MCHOG GO ZHES PA'O, ,RJES SU DPAG PA NYES PA MED PA NI MA YIN TE SGRA RNAMS DON RNAMS DANG MED NA 'BYUNG BA NYID KYI PHYIR RO ZHES PA'O,, 'DIR YANG YID CHES PA'I TSIG BZUNG NAS, MI BSLU BA RJES SU DPAG PAR BYA LA, DE RJES SU DPAG PA NA PHYIS DE KHO NA LAS MI BSLU BA LAS YID CHES PA'I TSIG NI RJES SU DPAG PA NYID DU 'GYUR RO, ,RJES SU DPAG PA'I SGRA YANG 'DIR RTAGS LA 'JUG STE, 'DIS RJES SU DPAG PAR BYA'O ZHES BYAS NAS SO, ,RJES SU DPOG PA'I RGYU NYID LAS YANG NA'O, ,YANG YID CHES BA'I TSIG GI MI BSLU BA NI DON GYI 'BRAS BU NYID KYI PHYIR RO, ,DE YANG RTOGS PA PO'I DOR BYAS PA LAS TE, DNGOS PO'I DBANG LAS NI MA YIN NO, ,DE SKAD DU YANG SMRAS PA ZHES PA 'DIS RANG GI 'DOD PA BSTAN BCOS GZHAN DANG SGRIG PAR BYED DO, ,YID CHES BA RNAMS NI MNGON SUM DU MTHO RIS LA SOGS PA RNAMS KYI RANG BZHIN BZUNG NAS MING BYED DO, ,MING GI LAS NI NYE BAR MTSON PA TZAM DU RIG PAR BYA STE, DE RNAMS NI THAMS CAD DU YANG DON MTHONG BA SNGON MA CAN KHO NAR THA SNYAD BYED LA, RNAM PA GZHAN DU NA YID CHES PA RNAMS KHO NAR MI 'GYUR RO, ,DE'I PHYIR DE RNAMS KYI TSIG THAMS CAD MI SLU BA STE, DES NA RJES SU DPAG PA'O ZHES BA'O, ,PHYOGS 'DIS ZHES PA STE, GTZO BO LA SOGS PA RNAMS DANG DE RNAMS KYI RTAGS RNAMS 'BREL PA MA MTHONG BA NYID KYI PHYIR, GTZO BO LA SOGS PA RNAMS NI LUNG LAS GRUB PA KHO NA'O ZHES SNGAR GYI RJES SU 'BRANGS NAS BRJOD PAR BYA'O, ,RJES DPAG BYA DANG DE MTSUNGS LA'ANG, ,ZHES PA, AA THA'I SGRA NI SDUD PA'I DON CAN TE, DE DANG MTSUNGS PA LA YANG ZHES PA'I DON TO, ,DE MTSUNGS LA, YOD GYUR NI RJES SU 'GRO BA MTSON PAR RIG PAR BYA STE, JI LTAR BYA ROG LAS ZHO SRUNGS SHIG CES PA 'DIR BYA ROG NI KHYI LA SOGS PA GNOD BYED THAMS CAD KYI YIN PA BZHIN NO, ,'DI SKAD BSHAD PAR 'GYUR TE, RJES SU 'GRO BA NI TSUL GNYIS PA'O ZHES PA'O, ,DE LTA NA YANG MNYAN PAR BYA BA NYID KYANG MI RTAG PA'I GTAN TSIGS LA TSUL GSUM PA @094A *, ,NYID DU BSGRUB PAR 'GYUR LA, RNAM PA GZHAN DU NA MA YIN TE, DE LA DE DANG MTSUNGS PA LA YOD PAR GYUR PA NYID YOD PA MA YIN PAS SO, ,RJES SU 'GRO BA NI YOD DE, RJES SU 'GRO BA ZHES BYA BA NI RTAGS LA RTAGS CAN YOD PA KHO NA STE, DE YANG MNYAN PAR BYA BA NYID LA YANG YOD DO, ,DE LTAR NI GANG DU MNYAN PAR BYA BA NYID YIN PA DER MI RTAG PA NYID DU 'GYUR BA KHO NA STE, RNAM PA GZHAN DU NA MNYAN PAR BYA BA NYID KHO NA YANG MI 'BYUNG BAS SO ZHES RTOGS PAR BYED PAR 'GYUR RO, ,MED LA MED NYID PA'O ZHES PA, 'DIR MED PA'I SGRAS DE DANG MTSUNGS PA'I MED PA BRJOD PAR BYA BA 'BA' ZHIG MA YIN GYI, 'ON KYANG DE LAS GZHAN PA DANG DE DANG 'GAL BA YANG STE DE'I RNAM PAS DBEN PA'I PHYIR RO ZHES RIG PAR BYA'O, ,MED PA LA MED PA NYID NI LDOG PA NYE BAR MTSON PAR YANG BLTA BAR BYA'O, ,LDOG PA YANG TSUL GSUM PA'O ZHES PA NGAG GI DON TO, , 'DIR CHOS DANG CHOS CAN 'BA' ZHIG PA DAG GRUB ZIN PA NYID KYI PHYIR, RJES SU DPAG BYA NYID DU 'THAD PA MA YIN ZHING, TSOGS PA YANG JI SRID DU CHOS MA GRUB PA DE SRID DU MI SRID PA KHO NA'O, ,BLO LA NGES PAR ZHUGS PA MA YIN PAS NI CHOS KYIS KHYAD PAR DU BYAS PA'I CHOS CAN DU RIGS PA MA YIN PA'I PHYIR TE, CHOS CAN LA GRUB NA NI, PHYIS TSOGS PA SKYE MOD, DE'I TSE YANG DE'I BSGRUB PAR BYA BA NYID LDOG STE, GRUB PA NYID KYI PHYIR RO, ,DE'I PHYIR RJES SU DPAG PAR BYA BA LA GTAN TSIGS YOD PA NYID MI SRID PA KHO NA'O ZHES 'GA' ZHIG GI RTZOD PA DOGS PAR BYAS NAS SMRAS PA, RJES SU DPAG PAR BYA BA NI ZHES PA LA SOGS PA'O, ,'DIR GAL TE YANG CHOS KYI SGRA SPYI SGRA YIN PA DE LTA NA YANG, SGRUB PAR BYED PA'I SKABS LAS GANG GI DON DU SGRUB PAR BYED PA RJES SU 'DOD PA DE KHO NA LA NYE BA LAS 'JUG GO, ,YANG DE'ANG ZHE NA, SHES PAR 'DOD PA'I BYE BRAG GI MTSAN NYID CAN GYI CHOS TE, CHOS CAN GYI CHOS SHES PAR 'DOD PA MED PA LA NI RTOG PA DANG LDAN PA SU YANG SGRUB PAR BYED PA 'GOD PA MED DE, DE'I PHYIR YOD PA NYID DU GRUB PA'I CHOS CAN LA, GANG LA SGRUB PAR BYED PA DRANGS PA SHES 'DOD DANG LDAN PA'I CHOS DE KHO NA CHOS KYI SGRAS RTOGS PAR BYAS TE, DES KHYAD PAR DU @094B BYAS PA NI DON GZHAN LAS RNAM PAR GCAD PA ZHES BYA BA'I DON TO, ,DE LAS KYANG DON 'DI KHO NAR 'GYUR TE, SHES PAR 'DOD PAS KHYAD PAR DU BYAS PA'I CHOS CAN ZHES PA'O, ,DE LTAR NI GANG SHES PAR 'DOD PA GANG YIN PAS KHYAD PAR DU BYAS PAR 'GYUR BA DE'I SHES PAR 'DOD PA 'DI KHYAD PAR DU 'GYUR TE, TSOGS PA BSGRUB BYA'O ZHES PA'I TSIG KYANG SHES PAR 'DOD PA CAN GYI CHOS LA LTOS PA KHO NAS RIG PAR BYA'O, ,DUS PHYIS KYI CHOS GRUB PA BSTEN PA NI CHOS KYIS KHYAD PAR DU BYAS PA'I CHOS CAN ZHES SO SOR STON PAR BYED KYI, RTAGS MTHONG BA'I DUS NA CHOS KYIS KHYAD PAR DU BYAS PA NYID YOD PA NI MA YIN TE, CHOS YANG DAG PAR SHES PA MED PA NYID KYI PHYIR RO ZHES GZHAN RNAMS SO, ,SHES PAR BYED PA GTAN TSIGS KYI SKABS YIN PA'I PHYIR SHES PA DON GYIS 'PHANGS PA'O ZHES NGES PAR BYAS NAS GSUNGS PA, DE LA MTHONG PA NI ZHES PA LA SOGS PA STE, DE LA ZHES PA RJES SU DPAG PAR BYA BA LA'O, ,MNGON SUM MAM ZHES PA DU BA LA SOGS PA STE, DU BA DANG BCAS PA'I PHYOGS DON GZHAN GYIS DBEN PA'I NGO BO CAN THUN MONG MA YIN PA'I BDAG NYID DU MTHONG BA PO LA NI MNGON SUM GYIS TE, MNGON SUM GYI STOBS KHO NAS JI LTAR MTHONG BA'I KHYAD PAR GYI YUL CAN GYI NGES PA DE KHO NA 'DI'O ZHES DRAN PA RTAGS SHES PA DUS PHYIS SKYE'O, ,DE YANG TSAD MA MA YIN TE, MA RTOGS PAR DON BYA BAR RUNG BA'I DNGOS PO RTOGS PA MED PA'I PHYIR RO, ,DANG PO KHO NA NI TSAD MA NYID DE, DE LAS BZLOG PA'I PHYIR RO, ,'DI NI TSAD MA'I MTSAN NYID YIN PA NYID KYI PHYIR TE, DE GA LAS SHE NA, DNGOS PO LA BRTEN PA NYID LAS TSAD MA RNAM PAR GZHAG PA'I PHYIR RO, ,DE YANG GA LAS SHE NA, DON DU GNYER BA'I 'JUG PA NI DON BYA BAR RUNG BA'I YUL CAN NYID YIN PA'I PHYIR RO, ,'DIS NI CHOS CAN DANG CHOS LA SOGS PA'I RNAM PAR RTOG PA TSAD MA NYID MA YIN PAR RIG PAR BYA'O, ,DE LAS KYANG GANG RNAMS RTAGS LA SOGS PA'I SHES PA RNAMS MNGON SUM DANG RJES SU DPAG PA'I NANG DU MA 'DUS PA NYID KYI PHYIR TSAD MA GZHAN NYID DU 'THOB BO ZHES RTZOD PAR BYED PA DE RNAMS BDAG NYID KYIS BLUN PO NYID DU 'CHAD DO, ,YANG NA RJES SU DPAG PA LAS ZHES PA BYAS PA NYID LA SOGS PA NI RES @095A *, ,'GA' BA NYID LA SOGS PA'I RTAGS KYIS RJES SU DPAG PAR BYA BA YIN PA NYID KYI PHYIR RO, ,DUS PHYIS ZHES PA SO SOR SBREL BAR BYA STE, MNGON SUM LAS DUS PHYIS SAM YANG NA RJES SU DPAG PA LAS DUS PHYIS ZHES PA'O, ,RJES SU DPAG PA'I SGRA YANG 'DIR RTAGS SHES PA LA 'JUG STE, JI SKAD DU BSHAD PA, DE 'DI NI DNGOS SAM BRGYUD PAS RJES SU DPOG PA'I RGYU NYID KYI PHYIR GNYIS KA YANG RJES SU DPAG PA STE, BYED PA'I BYED PA CAN DU BYAS NAS SO, ,CHOS SPYI'I NGO BOS ZHES PA LA, SPYI'I NGO BO SMOS PA NI THUN MONG MA YIN PA'I NGO BO BSAL BA'I DON TO, ,DES RJES SU DPAG PA MI SRID PA'I PHYIR RO, ,DE NI MNGON SUM LA SOGS PA'I RJES LA BYUNG BA'I SHES PAS YUL DU BYA BAR NUS PA YANG MA YIN TE DE NI RNAM PAR RTOG PA DANG BCAS PA NYID KYI PHYIR DANG, RNAM PAR RTOG PA RNAMS KYANG SPYI'I YUL CAN NYID KYI PHYIR RO, ,DE'I RIGS CAN LA YANG ZHES PA 'DIR YANG SPYI'I NGO BOS ZHES SBREL BAR BYA'O, ,'O NA CHOS CAN GYIS KHYAD PAR DU BYAS PA GZHAN DU 'JUG PA 'GAL BA, KHYAD PAR DU MI BYED NA'ANG RJES SU DPAG PAR BYA BA'I CHOS NYID DU MI 'GYUR RO ZHE NA MA YIN TE, MI LDAN PA RNAM PAR GCOD PAS KHYAD PAR DU BYED PA'I PHYIR TE, DPER NA NAG PA GZHUNG 'DZIN NO ZHES PA LTA BU'O, ,GAL TE DE LTA NA SGRUB PAR BYED PA'I CHOS KYI BYE BRAG NI RJES SU DPAG PA DANG RJES SU DPAG PAR BYA BA'I THA SNYAD KYI NGOR NYE BAR SBYOR BA MA YIN NO ZHES PA SPYI KHO NA RTAGS SU YONGS SU GZUNG BAR BYA LA, BSGRUB PAR BYA BA'I CHOS KYI YANG DE KHO NA GZUNG BAR BYA STE, DE'I YANG KHYAD PAR NI NYE BAR SBYOR BA MA YIN PAS SO, ,SPYI SGRUB PAR BYED NA YANG GRUB PA BSGRUB PAR BYA BA NYID DU 'GYUR RO ZHE NA, SKYON 'DI MED DE, SPYI KHO NA BSGRUB PAR BYA BA STE, MI LDAN PA RNAM PAR TSUL GNYIS 'THOB PAR 'GYUR RO ZHE NA MA YIN TE, MI LDAN PA RNAM PAR GCOD PA MA GRUB PA'I PHYIR RO, ,PHYOGS GCIG SMOS PAS MTHUN PHYOGS LA MA KHYAB PA YANG GTAN TSIGS NYID DU STON TO, ,DE CI'I PHYIR ZHE NA ZHES PA RJES SU DPAG PAR BYA BA DANG DE DANG MTSUNGS PA DAG LA MTSUNGS PAR YOD PAR BRJOD PA LA GCIG GTAN TSIGS THAMS CAD LA YOD PAR GYUR PA STE, GZHAN LA NI PHYOGS GCIG LA YANG ZHES PA 'DI CI'I PHYIR 'THOB CES @095B 'DRI BAR BYED DO, ,DAG RNAMS NI RNAM PAR GCOD PA'I 'BRAS BU CAN NYID KYI PHYIR TE, 'DOD PA LAS KYANG NGES PAR 'DZIN PA LAS 'DI 'THOB BO ZHES GSUNGS PA, DE DANG MTSUNGS PA KHO NA LA ZHES PA LA SOGS PA'O, ,'DIS NI GZHAN DANG LDAN PA RNAM PAR GCOD PAS 'DIR NGES PAR GZUNG BA LA BRTEN PA STE, DPER NA SRID SGRUB GZHU 'DZIN ZHES PA LTA BU'I ZHES STON TO, ,GAL TE DE LTA NA BSGRUB PAR BYA BA'I CHOS CAN LA MI 'JUG PAR 'GYUR RO ZHE NA, CHOS GZHAN DGAG PA'I DON NYID KYI PHYIR RO, ,DE LA 'JUG PA SGRUB PA NA SDUD PA'I NGES PAR 'DZIN PAS NI GZHAN RNAM PAR GCOD PA YIN TE, DPER NA RANG LA BU GNYIS SKYES GYUR TE, ,NA RA DANG NI SRED MED KHO NA'O, ,ZHES PA LTA BU'O, ,DE LTAR NA BRJOD PAR BYA BA MA YIN NO ZHES PA, NGES PAR GZUNG BA DE KHO NA LAS DE'I DON RTOGS PA NYID KYI PHYIR RO ZHES SEMS PA'O, ,'DI YANG ZHES PA LA SOGS PA LA, 'DI NGES PAR BYA BAS NA NGES PA STE, CHOS MTHUN PA NYID DANG LDAN PA DANG CHOS MI MTHUN PA NYID DANG LDAN PA'I SBYOR BA BRJOD PAR BYA'O, ,GANG PHYIR SBYOR BA'I NGAG GIS NI TSAD MA GSAL BAR BYED PAS, CI 'DI BRTAG PA'AM 'ON TE MA YIN ZHES PHA ROL PO RNAMS KYI THE TSOM GYI KHYOGS LA ZHON PA'I BLO 'DI NI MI RTAG PA KHO NA'O ZHES DON GZHAN LAS RNAM PAR BCAD NAS MI RTAG PA KHO NA LA RNAM PAR 'JOG PAR BYED DE, DE'I PHYIR SBYOR BA NGES PA'O, ,DE'I DON DU TSUL GSUM PA BSHAD PAR BYA'O, ,RJES SU 'GRO BA DANG LDOG PA DAG LAS KHYAB PA NGES PA CAN GYI TSUL SBYAR BAS KYANG DON GYIS GNYIS PA RTOGS PAR BYED DO ZHES PAS GCIG KYANG SBYOR BAR 'GYUR RO ZHES PA'O, ,'O NA RTAGS TSUL GNYIS 'THOB PAR 'GYUR RO ZHE NA, MA YIN TE RJES SU 'GRO BA DANG LDOG PA DAG TSUL THA DAD PA'I PHYIR RO, ,DE DAG NI NGAG GCIG GIS KYANG BSTAN PAR NUS PA'I PHYIR SBYOR BA BSDUS TE BRJOD KYI TSUL BSDUS PA NI MA YIN NO, ,DE LTAR NI YANG NA DON GYIS GO BAS GANG YANG RUNG BAS GNYIS KA RAB TU BSTAN PA'I PHYIR GSUNGS SO, ,DE LTAR 'GYUR MOD, MED PA LA MED PA NYID NI 'THAD PA MA YIN PA KHO NA STE, MED PA NI GZHI NYID LA SOGS PAR MI RUNG BA'I PHYIR RO, ,BYED PA CAN RNAMS NI NUS @096A *, ,PA LAS RAB TU SKYES BA CAN RNAMS YIN PAS TE, MED PA YANG NUS PA THAMS CAD DANG BRAL BA'I PHYIR RO ZHE NA, DE'I PHYIR GSUNGS PA, MED PA KHO NA LA MED PA NYID CES PA STE, TSIG PHRAD RIM PA THA DAD PAR BYA LA, MED PA LA MED PA NYID KHO NA ZHES BLTA BAR BYA'O, ,YANG NA JI LTAR BKOD PA KHO NA 'GYUR RO, ,'O NA DE LTAR GYUR NA YOD PA DANG LDAN PA LA MED PA NYID THOB PA MA YIN NO ZHE NA, SKYON 'DI MED DE, 'DIR MED LA MED NYID MED PA'O, ,ZHES PA'I MTSAN NYID KYI TSIG LA MED PA LA MED PA NYID KHO NA ZHES NGES PAR GZUNG BAR 'DOD PA NYID KYI PHYIR MED PA NYID BRJOD PA NI NGES PA DANG LDAN PA'O, ,DE'I PHYIR DE'I DBANG DU BYAS NAS 'DI SKAD BSHAD PA'O, ,'DI NI 'DI'I DON TE, MED PA LA MED PA NYID KHO NA NI DNGOS PO DGAG PA'I NGO BOR 'GYUR GYI YOD PA NYID SGRUB PA NI MA YIN GYI, MED PA SGRUB PA MI RUNG BA'I PHYIR RO, ,'DI NI TSAD MA'I 'BRAS BU'O, ,GZHAN PA LA MA YIN ZHES PA DE MA THAG PA'I MED PA LAS TE, SKABS NYID KYI PHYIR RO, ,DE LA LTOS PAS 'DIR GZHAN PA'I DON BLTA BAR BYA'O, ,MED PA LAS GZHAN PA YOD PA NYID DANG LDAN PA LA MED PA NYID KHO NAR 'GYUR BA MA YIN TE, DE LA SGRUB PA YANG SRID PA'I PHYIR RO, ,'DIS NI NGES PA DANG LDAN PAS MED PA NYID NI YOD PA LA 'GOG PAR BYED PAS NGES PA DANG BRAL BA'I MED PA NYID YOD DO ZHES DON 'DI RTOGS TE, DGAG PA KHYAD PAR CAN GYIS NI DE LAS BZLOG PA RTOGS PAR 'GYUR RO, ,DPER NA 'DI NI 'BRAS BU CAN GYI PA L'A SHA MED DO ZHES PA LTA BU'O, ,DPE 'DI NI PHA ROL PO LA GRUB PA NYID KYI PHYIR RO, ,MED PA LA NI PHA ROL POS MED PA NYID 'DOD PA MA YIN ZHING, YOD PA LA NI MA YIN NO, ,MED PA LA NGES PA DANG LDAN PA'I MED PA NYID 'GYUR BA RGYU CI ZHE NA GSUNGS PA, 'GAL BA LA YANG MA YIN ZHES PA STE, ZHES PA'I BYED PA NI GTAN TSIGS LA'O, ,'DI SKAD STON TO, ,GAL TE MED PA LA DNGOS PO'I CHOS 'GA' ZHIG SGRUB NA SKYON DU 'GYUR MOD, DNGOS PO'I CHOS NI MED PA LA MI SRID PA'I PHYIR RO, ,'DIR CUNG ZAD SGRUB PA YANG MA YIN GYI, 'O NA CI ZHE NA, DGAG PA TZAM DU BYA BA'O, ,YOD PA MA YIN PA 'AM MED PA NI MO GSHAM GYI BU LA SOGS PA MED PA NYID DANG 'GAL @096B BA YANG MA YIN TE, DE'I PHYIR DE DE LA SRID DO ZHES PA'O, ,YANG MED PA NYID DANG 'GAL BA MA YIN PA 'DI NI DE LA SRID PA STE, DPER NA MED PA LA BZHIN MED PA YANG DNGOS PO'I CHOS BKAG PA'I MTSAN NYID CAN MED PA NYID DANG MI 'GAL BA'O, ,RANG BZHIN NO, ,GZHI LA SOGS PA'I THA SNYAD NI DNGOS PO'I RGYU CAN KHO NA MA YIN NO, ,MED PA LA MED PA NYID MED DO ZHES SMRA BA'I PHA ROL POS KYANG 'DI KHAS BLANGS SO ZHES PA DGONGS PA'O, ,SHES PA SMOS PA ZHES PA LA SOGS PA STE, GANG ZHIG GIS SHES PA GZUNG BAR BYA BA 'DI NI SHES PA SMOS PA STE, RTZOL BA GZHAN PA'O, , 'DI SKAD BSHAD PAR 'GYUR TE, JI LTAR RTAGS KYI YUL CAN GYI SHES PA 'THOB PA DE LTAR RTZOL BA GZHAN BYA BA STE, GZHAN DU NA MA SHES PA'I DU BA LA SOGS PA LAS KYANG BSTAN PA'I YUL GYI KHYAD PAR DU, ME LA SOGS PA LA RJES SU DPAG PAR 'GYUR RO ZHES PA'O, ,SHES PA'ANG THOB CES PA LA SOGS PAS, SHES PA NI SHUGS KYIS 'PHANGS PA NYID KYI PHYIR DE LA RTZOL BA GZHAN BSGRUB PAR BYA BA MA YIN NO ZHES STON TO, ,TSUL RE RE DANG GNYIS GNYIS PA'ANG ZHES PA LA SOGS PA STE, GANG ZHIG GI TSUL RE RE DANG GNYIS GNYIS DAG YIN PA DE DE SKAD DU BRJOD DO, ,DON DANG 'BREL PA LAS 'DIR SKYES PA'I RTAGS SU BSTAN TO, ,DON GYIS ZHES PA SGRA MED KYANG DON GYIS 'THOB PA NYID DU DON 'DI STON PAR BYED DO, ,GAL TE DE LTA NA DON 'DI DON GYIS THOB PA KHO NA YIN NA, CI'I DON DU BSHAD PAR BYA STE, DON 'DI KHO BOS SGRA MED KYANG DON GYIS RTOGS SO ZHES PA, DE LTAR TSIG BRJOD PAR BYA...BZHIN PA LA NI, BSHAD ZIN PAR YANG MI 'GYUR ZHING, DON GYIS THOB PA SLAR YANG BRJOD PAS RTOGS PAR BYED PA NI 'BRAS BU DANG LDAN PA YANG MA YIN NO ZHE NA, 'DI BDEN MOD, DE LTA NA YANG BLO ZHEN PAS BYE BRAG TU RTOGS PAR BYA BA'I DON DU 'DI DON GYIS THOB KYANG BSHAD PAR BYA STE, MGO SMOS PAS SHES PA LA LTOS PAS NI MA YIN NO ZHES PA'O, ,'DIR RTZOD PA, DE DANG MTSUNGS PA NYID LA YOD PAR GYUR PA ZHES PA 'DIS RJES SU 'GRO BA RTOGS PAR BYA ZHING DE YANG LDOG PA MED PAR MED LA, MED PA LA MED PA NYID CES BA 'DIS KYANG LDOG PA STE, DE YANG RJES SU 'GRO BA MED @097A *, ,PAR MA YIN NA, DE JI LTAR 'DI SKAD DU, DE DANG MTSUNGS PA LA YOD CING DE MED PA LA MED PA NI MA YIN PA DANG, DE MED PA LA MED CING DE DANG MTSUNGS PA LA YOD PA NI MA YIN PA ZHES PA LA SOGS PA BSHAD CE NA, SKYON 'DI MED DE, 'DI NI RJES SU 'GRO BA'I MTSAN NYID DANG LDOG PA'I MTSAN NYID RANG BZHIN PA'I NGO BO'I DBANG DU BYAS NAS BSHAD PA MA YIN GYI, 'O NA CI ZHE NA, MTHUN PA'I PHYOGS LA YOD PAR GYUR PA TZAM GYI DANG, MI MTHUN PA'I PHYOGS LA YANG MED PA NYID TZAM NGES PA DANG BRAL BA'O, ,'DUN PA LAS KYANG TSIG RNAMS KYI 'JUG PA STE, DON NI YONGS SU BRTAG PAR BYA'O, ,'DI NI 'DIR BRJOD PAR 'DOD PA'I DON TO, ,GANG LA RJES SU 'GRO BA DANG LDOG PA DAG YOD PA MA YIN NA PHYOGS KYI CHOS NYID YOD KYANG GTAN TSIGS MA YIN ZHING, GANG LA PHYOGS KYI CHOS NYID MED NA RJES SU 'GRO BA DANG LDOG PA DANG LDAN NA YANG DE YANG GTAN TSIGS MA YIN NO ZHES PA'O, ,DE YANG RNAM PA 'DIS KYANG RTOGS PAR BYA BAR NUS PA DE KHO NA'O ZHES PA'O, ,KUN NAS GNAS PA MA YIN PAR SMRA BA'I NGOR SGRA RTAG STE LUS CAN NYID KYI PHYIR RO ZHES PA'O, ,BYE BRAG PA'I 'DOD PAS RTAG PA DANG LUS CAN RDUL PHRA RAB LA LTOS PAS GCIG PA'O, ,DE BZHIN DU SGRA RTAG STE GZHAL BYA MA YIN PA NYID KYI PHYIR RO ZHES PA MI MTHUN PHYOGS LAS LDOG PA'I PHYIR TSUL GCIG PA'O, ,SGRA RTAG STE LUS CAN MA YIN PA NYID KYI PHYIR RO ZHES PA TSUL GNYIS PA THUN MONG BA'O, ,SGRA RTAG STE MNYAN BYA NYID KYI PHYIR RO ZHES PA 'DI THUN MONG MA YIN PA TSUL GNYIS PA STE, GAL TE SGRA NYID RTAG PAR KHAS MI LEN NA'O, ,SGRA MI RTAG STE MIG GIS GZUNG BAR BYA BA NYID KYI PHYIR RO ZHES PA TSUL GNYIS PA 'DI MA GRUB PA STE, GAL TE RIGS RNAMS MIG GIS GZUNG BAR MI 'DOD NA'O, ,TSUL MED PA YANG YOD DE, 'DI LTA STE, SGRA RTAG STE MIG GIS GZUNG BAR BYA BA NYID KYI PHYIR RO ZHES PA LA SOGS PA LTA BU STE, DE NI PHYOGS 'DI KHO NAS RTOGS PAR BYA'O ZHES PAS TSIGS SU BCAD PAR MA GSUNGS SO, ,MDOR NI TSUL RE RE DANG, GNYIS GNYIS PA'ANG ZHES PA 'DIR, 'ANG GI SGRAS DE SDUD PA'I DON CAN DU BLTA BAR BYA'O, ,GZHAN RNAMS NA RE TSUL MED PA NYE BAR MA BKOD DE, RTAGS @097B LTAR SNANG BA NYID MED PA'I PHYIR RO, ,GANG PHYIR GANG DU TSUL GYI PHYOGS GCIG PA CAN YOD PA DE NI DER SNANG BZHIN PAS BLO PHYIN CI LOG TU BYED DO ZHES PAS DE KHO NA 'DIR BRJOD PAR BYA BA'O ZHES ZER RO, ,RJES SU DPAG PAR BYA BA NI CHOS KYIS KHYAD PAR DU BYAS PA'I CHOS CAN NO ZHES BSHAD ZIN LA, GANG RNAMS RNAM PA GZHAN DU 'DOD PA DE RNAMS KYI 'DOD PA BSAL BAR BYA BA'I CHED DU DGOD DE, 'DI LA NI ZHES PA LA SOGS PA STE, MI 'KHRUL BAS ZHES PA GTAN TSIGS SO, ,GANG GIS GANG LA MI 'KHRUL BAR BRJOD PAR BYA BA MA YIN PA DE DE'I BSGRUB PAR BYA BA MA YIN TE, DPER NA DU BA'I CHU BZHIN, GTAN TSIGS KYANG BSGRUB PAR BYA BA'I CHOS DANG MI 'KHRUL BAR BRJOD PAR BYA BA MA YIN NO ZHES PA LDOG PA CAN RANG BZHIN DU SEMS SO, ,GRUB NYID PHYIR ZHES PA, GANG GRUB PAR BSGRUB PAR BYA BA MA YIN TE, DPER NA ME DRO'O ZHES PA BZHIN NO, ,CHOS DANG CHOS CAN 'BA' ZHIG PA DAG KYANG GRUB PA'O ZHES PA RANG BZHIN 'GAL BA GSUNGS SO, ,CHOS LA GTAN TSIGS GRUB NA NI, ,ZHES PA GANG ZHIG CHOS 'BA' ZHIG PA BSGRUB PAR BYA BAR 'DOD PA DES NI, NGES PAR DE KHO NA LA RTAGS BLTA BAR BYA STE, RNAM PA GZHAN DU NA DE RTOGS PAR MI 'GYUR RO, ,GANG PHYIR GZHAN DU RIGS PA'I RTAGS KYIS GZHAN RTOGS PAR 'GYUR BA NI MED DO, ,HA CANG THAL BAR GYUR NA MI RUNG NGO ZHES PA'O, ,DE LAS KYANG RTAGS 'DZIN PA'I DUS KHO NA NI RTAGS CAN YANG RTOGS PA NYID KYI PHYIR, GZHAN CI ZHIG RJES SU DPAG PAR BYA STE, GANG GI DON DU 'BREL PA DRAN BYA BA'O, ,CI STE ME DANG 'BREL PA'I SA PHYOGS SU ZHES PA'I 'BREL PA SMOS PA NI HA CANG THAL BA YONGS SU SPANG BA'I CHED DU'O, ,PHYOGS DE KHO NA ME DANG LDAN PA NYID DU MI 'DOD PA CI YIN ZHES PA'I KHO NA'I SGRA NI CHOS 'BA' ZHIG PA'I BSGRUB PAR BYA BA NYID RNAM PAR GCAD PA'I CHED DU'O, ,DE LTAR CHOS 'BA' ZHIG PA BSGRUB PAR BYA BA NYID NA RIGS PA MA YIN TE, GAL TE CHOS CAN 'DI'I RTEN NYID DU 'DOD PA MA YIN NA'O, ,GZHAN DU NA CHOS CAN 'GA' ZHIG LA RTAGS NYE BAR DMIGS PA DER GZHI LA BRTEN PAR BYA BZHIN PA YIN NA TSOGS PA KHO NA BSGRUB PAR BYA BAR 'GYUR RO, ,DE'I PHYIR DE KHO NA 'DOD PAR BYA STE, NGES PAR @098A *, ,SBYOR BA LAS KYANG 'DI 'DI LTAR KHO NA KHAS BLANG BAR BYA'O, ,CHOS TZAM BSGRUB PAR BYA BA YIN NA NI 'DI'I YOD PA NYID BSGRUB PAR BYA BAR 'GYUR LA, DE YANG MI RIGS TE, DE GRUB ZIN PA NYID KYI PHYIR RO, ,GANG GSUNGS PA, ME YOD PA NYID DU MA RTOGS PA NI MA YIN NO ZHES PA'O,, DE 'DIS GANG GRUB PA DE BSGRUB PAR BYA BA MA YIN ZHES PA LA SOGS PA SNGAR BSHAD PA'I RANG BZHIN 'GAL BA GSUNGS SO, ,'BREL PA LA YANG GNYIS YOD MIN, ,ZHES PA LA, GNYIS NI BSGRUB PAR BYA BA'I CHOS DANG SGRUB PAR BYED PA'I CHOS SO, ,ME DANG SA PHYOGS KYI LDAN PA'I MTSAN NYID KYI 'BREL PA LA ME DANG DU BA DAG YOD PA MA YIN PAS TE, GAL TE DE LA GNYIS MED PAS CI'I PHYIR DE BSGRUB PAR BYA BA NYID DU MI 'GYUR ZHE NA, GSUNGS PA, 'DI LTAR YANG BYED CES PA LA SOGS PA STE, RJES SU DPAG PA'I DUS NA GANG DU DE LA RJES SU DPAG PAR BYA BA LA MCHOG TU SNYEG PA'I SGRA DAG GIS RJES SU DPOG PAR BYED NA, DE LA GAL TE SA PHYOGS BSGRUB PAR BYA BAR 'GYUR NA, DE DAG GIS DE LA SO SOR NYE BAR SBYOR BAR 'GYUR LA GZHAN DU NA RANG GI SGRAS NGES PAR BSTAN PA'I ME DANG DU BA DAG DANG YUL PHYOGS DAG KYANG RJES SU DPAG PAR BYA BA MA YIN TE, 'BREL PA LA YANG GNYIS YOD MIN, ,ZHES PAS, DE DAG YUL MED PAR 'GYUR RO, ,DE 'DIS NI GANG DU ME DANG DU BA DAG YOD PA MA YIN PA DE NI DU BAS RJES SU DPAG PAR BYA BA MA YIN TE, CHU BZHIN 'BREL PA LA'ANG, ME DANG DU BA DAG YOD PA MA YIN NO ZHES PA 'GAL BAS KHYAB PA GSUNGS SO, , DRUG PA'I SGRA RU 'GYUR ZHES PA 'BREL PA BRJOD PAR 'DOD PA NA ME'I SGRA DRUG PA'I MTHA' CAN DU 'GYUR TE, DPER NA ME'I REG PA DRO'O ZHES PA 'DI BZHIN, ME NI 'DIR ZHES DANG PO'I MTHA' CAN DU THOS PAS TE, DE'I PHYIR 'DIR 'BREL PA BRJOD PAR 'DOD PAR RTOGS PAR BYA BA MA YIN NO ZHES PA'O, ,'O NA 'DI RANG GI DON GYI RJES SU DPAG PA'I SKABS MA YIN NAM, DE LA DRUG PA'I THAL BAR 'GYUR BA CI YIN ZHE NA, 'DI NI SKYON MA YIN TE GZHAN GYI DON RJES SU DPAG PAR DRUG PA'I SGRA MED PAS 'BREL PA MED PAS GSAL BAR NYE BAR DMIGS NAS RANG GI DON GYI RJES SU DPAG PAR YANG RTOGS PAR BYED DO,, @098B DES 'DI SKAD BSHAD PAR 'GYUR TE, GANG DU ME'I SGRA DANG PO'I MTHA' CAN DER 'BREL PA RAB TU SBYOR BA CAN BRJOD PAR 'DOD PA MA YIN TE, DPER NA 'BREL PA BRJOD PAR 'DOD PA MED PA NA RAB TU SBYAR BA'I ME'I SGRA LA BZHIN, 'DIR ME'I ZHES PA 'DIR YANG ME'I SGRA NI, DANG PO'I MTHA' CAN NO ZHES PA, 'BRAS BU DANG 'GAL BA'O, ,'DIR 'GYUR MOD, GNAS GZHI'I RNAM PAR DBYE BA KHO NAS 'BREL PA BSHAD PA YIN TE, DES NA DRUG PAR THAL BAR 'GYUR RO ZHES PA 'DI GA LAS SHE NA, DE LTA NA GANG GI TSE SGRA MI RTAG CES PA CHOS DANG CHOS CAN DAG DANG PO'I MTHA' CAN DAG GI SBYOR BA YIN PA DE'I TSE RTOG PA CAN CI YIN, 'DIR ME ZHES BRJOD PA NA RTEN DANG BRTEN PA'I DNGOS PO BSGRUB PAR BYA BA NYID DU RTOGS PAR BYA BA NYID MA YIN GYI, 'O NA CI ZHE NA ME KHO NA'O, ,'BREL PA DE YANG SA PHYOGS SU BSGRUB PAR BYA BZHIN PA NYID KYI PHYIR TSOGS PA DE KHO NA BSGRUB PAR BYA BA'O ZHES PA 'ONGS PA'O, ,RANG GI CHOS KYIS BRJOD BYA MIN ZHES PA 'BREL PA'I NGO BO NI 'BREL PA'O ZHES DNGOS PO'I NGO BOS 'BREL PA DE 'BREL PA'I SGRAS BRJOD PA'I PHYIR DNGOS PO YANG 'BREL PA CAN GZHAN GYIS RIGS SO ZHES PAS 'BREL PA CAN GZHAN CI ZHES BYA BA SKYE ZHING, CI ZHIG GI 'BREL PA YIN ZHES PA'O, ,DE LAS KYANG 'BREL PA CAN KHO NA DER 'GYUR RO ZHES PAS RANG GI NGO BOS 'BREL PA CAN BRJOD PAR BYA BA MA YIN NO, ,DE LTAR RJES SU DPAG PAR BYA BA YANG MA YIN ZHES PAS KHAS BLANGS DANG 'GAL BA GSUNGS SO, ,GANG PHYIR PHYOGS KYI TSIG SGRUB PAR BYED PA NYID DU 'DOD PAS RJES SU DPAG BYA BRJOD BYA NYID DU KHAS BLANGS LA; DE 'BREL PA RJES SU DPAG PAR BYA BA NYID NA NYAMS SO, ,GAL TE SGRAS BRJOD PAR BYA BAR MI 'GYUR NA DE'I TSE CI LTAR RTOGS PAR 'GYUR ZHE NA GSUNGS PA, DON GYIS SMOS 'GYUR ZHES PA, 'DI NA ME ZHES ME'I GZHI'I DNGOS POS SA PHYOGS SGRAS RTOGS PAR BYA'O, ,ME DANG LDAN PA NYID YOD NA YANG SA PHYOGS NI GZHI BYED PAR NUS PA STE, DE'I PHYIR DE KHO NA RTOGS PAR BYA'I, LDAN PA NI BAR DU CHOD PA CAN NYID KYI PHYIR RTOGS PA MA YIN NO ZHES PAS DON GYIS SMOS PA ZHES BRJOD PAR BYA STE, GZHI BYED NUS PA RANG GI 'BRAS BUS DRANG BAR BYA BA NYID KYI PHYIR RO, ,'O NA DE LTA NA RJES SU DPAG PAR @099A *, ,BYA BA KHO NAR 'GYUR ZHE NA, DU BA LA SOGS PA'I RTAGS KYI BSGRUB PAR BYA BA NYID LA 'JUG PA LAS 'DAS PA DE BRJOD PAR 'DOD KYI, RTAGS CAN MA LUS PA'I BSGRUB PAR BYA BA NYID LA 'JUG PA LAS 'DAS NA NI MA YIN NO ZHES PAS 'GAL BA MED DO, ,GANG YANG 'BRAS BU RJES SU DPAG PAR BYA BA NI 'BREL PA'O ZHES BSHAD PA DE YANG RANG GI 'BRAS BUS RJES SU DPAG PAR BYA BA NYID KYI PHYIR BRJOD KYI, DU BA LA SOGS PA'I RTAGS KYIS RJES SU DPAG PAR BYA BA NYID KYI PHYIR NI MA YIN NO, ,'DI SKAD BSHAD PAR 'GYUR TE, GAL TE YANG 'BREL PA YOD DU CHUG MOD, DE RANG GI 'BRAS BU KHO NAS RJES SU DPAG PAR BYA'I, DU BA LA SOGS PA GZHAN GYIS NI MA YIN NO ZHES PA'O, ,GANG GSUNGS PA, DE DU BAS RJES SU DPAG PAR BYA BA NI MA YIN NO ZHES PA'O, ,GTAN TSIGS SNGA MA RNAMS LAS ZHES PA, 'BREL PA LA YANG GNYIS YOD MIN, ,DRUG PA THOS 'GYUR DE LDAN LA'O, ,BRJOD BYA MIN ZHES PA 'DI RNAMS LAS SO, ,'DI NI RTAGS DANG 'BREL PA 'ANG MIN, ,ZHES PA MED NA MI 'BYUNG BA'I MTSAN NYID CAN GYI 'BREL PAS RTAGS DANG 'BREL PA MA YIN NO ZHES PA'I DON TO, ,GANG ZHIG GANG DANG MED NA MI 'BYUNG BA NYID RAB TU BSTAN PA MED PA DE NI, DES RJES SU DPAG PAR BYA BA MA YIN TE, DPER NA DU BAS CHU BZHIN, DU BA YANG 'BREL PA DANG MED NA MI 'BYUNG BA NYID RAB TU BSTAN PA MA YIN NO, ,'GAL BAS KHYAB PAR BYA'O, ,RAB TU MA BSTAN PA NA DON GZHAN NI DE'I 'BRAS BU MA YIN PA DANG MED NA MI 'BYUNG BA MED PA NYID KYI PHYIR RO, ,'DI MED DE ZHES PA LA SOGS PAS MA NGES PAR SMRAS SO, ,GZHAN DU ZHES PA SPYI YIS TSANG BANG LA SOGS PA THAMS CAD DU'O, ,DE CI'I DON DU STON PAR BYED CE NA, SA PHYOGS LA SOGS PA GANG DU ME LA SOGS PA SGRUB PAR 'DOD PA DE LA RAB TU GRUB PA'I DU BA LA SOGS PA'I RTAGS NI ME LA SOGS PA'I CHOS GANG DANG DE MED NA MI 'BYUNG BAR GYUR CING, DE DANG 'BREL PA'I SA PHYOGS LA SOGS PA'I CHOS CAN RTOGS PAR 'GYUR RO ZHES PA 'DI LTA BU'I DON TO, ,GANG GZHAN DU ZHES PA, DU BA DANG LDAN PA'I YUL PHYI ROR, ,DE GZHAN DU ZHES PA LA SOGS PA STE, GZHAN DU'I SGRA 'DI NI BSGRUB PAR BYA BA'I @099B CHOS CAN SA PHYOGS LA SOGS PA LA 'JUG GO, ,DU BA TZAM MTHONG BA NA YANG ZHES PA'I TZAM GYI SGRA NI ME MTHONG BA BCAD PA'I DON TE, ME MTHONG BA MED NA YANG ZHES PA'I DON TO, ,YANG NA TZAM GYI SGRAS 'DI STON TE, CHOS CAN RJES SU 'GRO BA BSTAN PA MED PAR YANG ZHES PA'O, ,'DI NI BSDUS PA'I DON TE, CHOS CAN GYI KHYAD PAR DU BYAS PA'I CHOS CAN RJES SU DPAG PAR BYA BA NYID NA YANG DU BA MED DANG MED NA MI 'BYUNG BA GANG YIN PA TSANG BA NGAL SOGS PAR RAB TU BSTAN PAR BYA BA STE, DE NI SA PHYOGS ME DANG LDAN PA NYID DU RAB TU SGRUB PA'I CHED DU THABS KHO NA'O ZHES BYAS NAS SO, ,DE LTAR GANG NA DU BA YOD PA DE NA ME'O ZHES NGES PA'I PHYIR RO, ,GZHAN DU DU BA TZAM MTHONG NAS YUL PHYOGS ME DANG LDAN PAR RTOGS PAR BYA STE, DE'I PHYIR CHOS DANG MED NA MI 'BYUNG BA GDON MI ZA BAR BSTAN PAR BYA'O ZHES PA'O, ,CHOS CAN DANG NI KHYAD PAR DANG NGAM SPYI DANG MED NA MI 'BYUNG BA BSTAN PAR BYA BA YIN GRANG NA, DE LA RE ZHIG KHYAD PAR DANG RAB TU BSTAN PAR BYA BA NI MA YIN TE, DE GZHAN DU 'BYUNG BA NYID KYIS NA MI NUS PA NYID KYI PHYIR RO, ,GANG GSUNGS PA, RNAM PA GZHAN DU NA NI ZHES PA LA SOGS PA'O, ,CHOS CAN SPYI DANG NI MED NA MI 'BYUNG BA SRID MOD, DE DANG RAB TU BSTAN PA NI MA YIN TE, GANG GSUNGS PA, RTEN SPYI DANG NI ZHES PA LA SOGS PA STE, BRTEN PAR BYA BA DANG MED NA MI 'BYUNG BA NYID BSTAN PAR BYA BA NA RTEN DANG YANG BSTAN PAR 'GYUR TE, RTEN NI BRTEN PA'I DBANG PO NYID KYI PHYIR RO, YANG NA GANG NA DU BA YOD PA DE NA ME'O ZHES PA 'DIS DU BA MED TZAM DANG MED NA MI 'BYUNG BA NYID BSHAD PA MA YIN GYI, 'O NA CI ZHE NA, RTEN GYI SBYIS KHYAD PAR DU BYAS PA DANG NGO, ,DE'I PHYIR RTEN GYI SPYI DANG YANG DE BSTAN PA KHO NA'O, ,'BREL PA DANG NI RNAM PA THAMS CAD DU MED NA MI 'BYUNG BA MI STON PA KHO NA'O ZHES PA 'DI GSUNGS SO, ,MI MNYAM PA NYE BAR BKOD PA ZHES PA'O,, DE LTAR SPYIS KYANG GTAN TSIGS SU MNGON PAR 'DOD PA MED NA MI 'BYUNG BA NYID MI STON LA, DE MI MTHUN PHYOGS LA 'JUG PA YANG MA YIN NO ZHES PAS MA NGES PA MA YIN NO, ,CHOS LA'ANG RNAM PAR DPYAD PA GZHAN, ,ZHES PA SNGA MA GANG NI RJES SU DPAG PAR BYA BA RTOGS PA RNAM PAR DPYAD PA BSHAD @100A *, ,CING, DA NI BSGRUB PAR BYA BA'I CHOS SU GYUR PA RNAM PAR DPYOD CING RTAGS SU GYUR PA YANG RAB TU BSTAN PAR BYA'O, ,TU'I SGRA NI RNAM PAR DPYAD PA DE KHO NA SRID PAR GSAL BAR BYED DO, ,RNAM PAR DPYAD PA DE YANG GANG RTAGS DANG RTAGS CAN DAG CHOS CAN BZHIN DU CHOS DU MA CAN DAG STE, DPER NA ME DANG DU BA DAG LTA BU STE, DE KHO NA LA RTOGS PAR BYA BA DANG RTOGS PAR BYED PA'I CHA SHAS NGES PAR BYED PA'I CHED DU 'GYUR RO, ,BYAS PA NYID DANG MI RTAG PA NYID LA SOGS PA LA NI MA YIN TE, DE LA DU MA'I CHOS NYID MI SRID PA'I PHYIR CHA SHAS CI ZHIG GIS RTOGS PAR BYA BA DANG RTOGS PAR BYED PA'I DNGOS PO YIN ZHES DOGS PA MI SRID PA KHO NA'O, ,RJES 'BREL RNAM GCOD PA ZHES PA, RJES SU SBREL BAR BYED PAS NA 'BREL PA STE, CHA SHAS GANG GIS MI RTOGS PAR BYED PA RDZAS NYID LA SOGS PA'O, ,DE MI MTHUN PHYOGS GZHAN LAS RNAM PAR GCOD CING RNAM BAR LDOG PA RTOGS PAR BYED PA'O, ,RJES SU 'BREL PA'I KHYAD PAR RNAMS KYANG CI ZHE NA, GANG MED NA ME MI 'BYUNG BA ZHES PA LA SOGS PA'O, ,'O NA DU BA GSAL BAR BYED PA NYID KYI PHYIR, GANG RNAMS MED PA DU BA MI 'GYUR BA ZHES BRJOD PAR BYA BA MA YIN NAM, CI'I PHYIR 'DI SKAD SMRAS SHE NA, DON 'DI KHO NA RNAM PA 'DIS BSHAD DO ZHES PAS SKYON MED DO, ,DE LTAR NI GANG RNAMS MED PAS MER MI 'GYUR BA DE RNAMS MED PAR DU BAR YANG 'GYUR BA MA YIN PA KHO NA'O, ,YANG NA GANG ZHIG 'BREL PA RNAMS ZHES PA DU BA KHO NA'I RJES SU 'BREL PA RNAMS ZHES SBYAR BAR BYA STE, GANG RNAMS DU BA KHO NA RJES SU SBREL BAR BYED PA DE RNAMS KHO NA BSTAN PA'I CHED DU GSUNGS PA GANG RNAMS MED NA ZHES PA LA SOGS PA STE, GANG RNAMS MED NA MER MI 'GYUR BA DE RNAMS KHO NA NI DU BA RJES SU SBREL BAR BYED PAS SO, ,RJES SU 'BREL PA RNAMS GZHAN LAS LDOG PA RTOGS PAR BYED DO ZHES PA 'DI LA DPER BRJOD PA GSUNGS PA, DPER NA ME'I ME MA YIN PA LAS LDOG PA TZAM ZHES PA'O, ,CI'I PHYIR LDOG PA TZAM GO BAR BYED KYI KHYAD PAR MA YIN ZHE NA GSUNGS PA, RANG DANG 'BREL PA DANG RJES SU MTHUN PA NYID LAS ZHES PA LA SOGS PA'O, ,'DI NI BYED PA'I RGYU STE, RTAGS NI MA YIN NO, ,DE LTAR NI 'DI ZHES PAS DE DANG 'BREL PA @100B DANG RJES SU MTHUN PA NYID GSUNGS SO, ,ME MED PA THAMS CAD LA MA MTHONG ZHES PA 'DIS LDOG PA GTZO BO NYID DU MI MTHUN PHYOGS LA THAMS CAD DU MA MTHONG BAS 'CHAD PAR BYED DO, ,GZHAN LA YANG MTHONG NGO ZHES PA'I, YANG GI SGRAS NI 'BA' ZHIG TU MA MTHONG YANG ZHES GSAL BAR BYED PAS RJES SU 'GRO BA GTZO BO MA YIN PA NYID DU'O, ,DE LTAR GANG GI PHYIR RJES SU 'GRO BA NYE BAR BSAGS PA CAN GYI LDOG PA GTZO BO 'BREL PA YIN LA, DE YANG SPYI BO NAS SRID KYI, KHYAD PAR DANG MA YIN PA DE'I PHYIR, DE DANG RJES SU MTHUN PA LAS NI LDOG PA'I SGO NAS 'DIR ME KHO NA STE, ME MA YIN PA NI MI 'GYUR RO ZHES ME MA YIN PA LAS LDOG PA TZAM RTOGS PAR BYED KYI KHYAD PAR MA YIN NO, ,JI LTAR YANG ME NYID DANG 'BREL PA DE LTAR RDZAS NYID DANG YON TAN CAN NYID LA SOGS PA RNAMS DANG YANG NGO ZHES PA STE, DE RNAMS KYANG RDZAS MA YIN PA NYID LA SOGS PA LAS LDOG PA KHO NA RTOGS PAR BYED PAS SO, , LDOG PA'I SGO NAS GTAN TSIGS GO BAR BYED PA'O ZHES PA 'DI LA GTAN TSIGS GZHAN GSUNGS PA, YON TAN NYID DRI DRI ZHIM PA, ,DE'I BYE BRAG GIS ZHES PA LA SOGS PA'O, ,GCIG 'PHEL BAS ZHES PA RE RE 'PHEL BAS ZHES PA'I DON TO, ,YON TAN NYID KYI RDZAS MA YIN PA LAS ZHES PA 'DI NI RDZAS TE YON TAN NYID KYI PHYIR RO ZHES YON TAN NYID KYI RDZAS MA YIN PA RNAM PAR GCOD PA'I AUTPA LA LA SOGS PA LA BYA BA STE, DE LTAR NI DE THAMS CAD DU RDZAS MED PA LA MA MTHONG ZHING, RDZAS LA MTHONG BAS SO, ,'DIR RDZAS MA YIN PA RNAM PAR GCOD PA NA, DANG POS 'PHEL BA GCIG YOD LA, GANG LA LTOS PAS DRIS SHIG ,'PHEL BAS RNAM PAR GCOD PA BYED DE, DE RAB TU BSTAN PA'I DON DU NI YON TAN NYID KYI RDZAS MA YIN PA LAS ZHES GSUNGS SO, ,DE NYID KYI PHYIR YON TAN NYID KYI YANG GCIG 'PHEL BAS RNAM PAR GCOD PAR BYED PA'I DOR YAN LAG GI DNGOS PO YOD DO, ,GAL TE DES RDZAS MA YIN PA RNAM PAR GCOD PA RNAM PAR SGRUB PAR BYED NA DE LTA NA DRIS SHIG ,'PHEL BAS RNAM PAR GCOD PA BYED KYI RNAM PA GZHAN DU NA MA YIN NO, ,DE LTA NA YANG TSIGS SU BCAD PAR ZLAS DBYE'I TSIG BSDU'I MTHAR GYUR PA NYID DANG YON TAN NYID KYI SGRA MI 'GAL BAR 'GYUR TE, TSIG GZHAN DANG @101A *, ,NUS PA MTSUNGS PA NYID KYI PHYIR RO, ,DRI NYID KYIS SA LAS GYUR PA MA YIN PA DANG, RDZAS MA YIN PA LAS KYANG NGO ZHES PAS 'DI NI SA LAS BYUNG BA DANG RDZAS KYANG STE, DRI NYID KYI PHYIR ZHES PAS SA LAS GYUR PA MA YIN PA DANG, RDZAS MA YIN PA LAS KYANG RNAM PAR GCOD PAR BYA'O, ,DRI ZHIM PA NYID KYIS DRI ZHIM PA'I THUN MONG BA MED PA LAS ZHES PA DRI BZHIN DU 'DI NI DRI ZHIM PA NYID KYI PHYIR ZHES DRI ZHIM PA NYID KYIS SNGA MA DAG DANG DRI ZHIM PA'I THUN MONG BA MED PA LAS KYANG RNAM PAR GCOD PA BYED DE, DRI'I BYE BRAG DRI ZHIM PA'I THUN MONG BA SPYI NI DRI ZHIM BA'I THUN MONG BA STE, DRI TZAM 'DIR BRJOD PAR 'DOD PA'O, ,DRI ZHIM PA'I THUN MONG BA YOD PA MA YIN PA GANG YIN PA DE NI DE SKAD CES BSHAD DE, DRI ZHIM PA'O ZHES PA'I DON TO, ,DRI ZHIM PA'I KHYAD PAR AUTPAL LA SOGS PA LA DRI'I BYE BRAG GO, ,DE LTAR RDZAS MA YIN PA LA SOGS PA RNAM PAR GCOD PA RE RE 'PHEL BAS AUTPAL LA SOGS PA RNAMS LA YON TAN NYID LA SOGS PA RNAMS KYIS BYA BZHIN PA MTHONG BA'O, ,DE CI LTAR NA GAL TE MI MTHUN PA'I PHYOGS LAS LDOG PA'I SGO NAS YIN NA GTAN TSIGS GO BAR BYED PA YIN GYI RNAM PA GZHAN DU MA YIN PAR RIGS SHE NA, MTHONG BA BZHIN DU SGRUB PA'I SGO NAS THAMS CAD RNAMS MTHONG BAR BYED PA KHYAD PAR MED PA NYID KYI PHYIR RTOGS PA MTSUNGS PAR 'GYUR RO, ,DE'I PHYIR LDOG PA'I SGO KHO NAS GTAN TSIGS GO BAR BYED PA'O ZHES KHAS BLANG BAR BYA'O, ,GANG RNAMS DE MI 'DOD PA DE RNAMS KYI NGOR GSUNGS PA, MTHONG BA BZHIN DU ZHES PA LA SOGS PA'O, ,MTHONG BA DANG MTSUNGS PA NI MTHONG BA BZHIN TE, JI LTAR SNGAR 'BREL PA'I DUS NAS RTAGS NYE BAR DMIGS PA DE LTAR GAL TE RAB TU GSAL BYED NA'O ZHES PA'I DON TE, SGRUB PA'I SGO NAS ME 'DIR 'GYUR RO ZHES PAS TE, LDOG PA'I SGO NAS 'DIR ME KHO NA STE, ME MA YIN PA MA YIN NO ZHES PA 'DI LTAR NI MA YIN NO ZHES PA'O,, THAMS CAD DU MA MTHONG BA LAS RAB TU GSAL BAR MI 'GYUR ZHES RNAM PAR SHES PAR BYA'O, ,RAB GSAL 'GYUR ZHES PA RAB TU GYUR PA NYID KYI PHYIR RO, ,GAL TE YANG DPER NA ME LA MTHONG BA ZHES PA LA SOGS PA STE, GAL TE 'DI LTAR KHAS LEN NA SGRUB PA POS GANG GI PHYIR ME KHO NA LA NGU BA @101B MTHONG ZHING ME MED PA LA MA YIN PA DE'I PHYIR RTOGS PAR BYED DO ZHES PA DE LTAR GYUR NA DGAG PA'I SGO KHO NAS RAB TU GSAL BAR BYED PAR 'GYUR RO, ,DE'I PHYIR DES 'DI LTAR KHAS BLANG BAR BYA STE, GANG GI PHYIR MED LA MTHONG BA KHO NA STE MTHONG BA NI MA YIN NO, ,DE'I PHYIR DES DE GO BAR BYED DO ZHES PAR RO, ,DE LAS KYANG RAB TU GSAL BAR MI 'GYUR BA KHO NA STE, GANG PHYIR THAMS CAD DU DE ME LA MTHONG BA NI MA YIN PAS TE, PHYOGS DANG GNAS SKABS LA SOGS PA THA DAD PA'I ME THAMS CAD LA MTHONG BA NI MI SRID PA'I PHYIR RO, ,GAL TE YANG ZHES PAS SKYON GZHAN GSUNGS SO, ,GANG GI TSE DU BA ME LA MTHONG BA DE'I TSE 'BAR BA LA SOGS PA'I KHYAD PAR RNAMS KYI GANG YANG RUNG BA DANG LDAN PA KHO NAR MTHONG LA, DE LAS KYANG DE RNAMS KYANG GSAL BAR BYED PAR 'GYUR NA, DE LTAR YANG MA YIN NO, ,DE'I PHYIR MTHONG BA TZAM GYIS NI RJES SU DPAG PAR BYA BA RTOGS PA'I RGYU MA YIN TE, DE YOD NA YANG DE MED PA'I PHYIR RO ZHES PA'O, ,'O NA DGAG PAR SMRA BA POS KYANG MTHONG BA 'DOD PA KHO NA MA YIN NAM, DE LTAR NI 'BRAS BU NYID KYIS MED NA MI 'BYUNG BA NYID KYI PHYIR DU BA BSREG ZA'I GTAN TSIGS YIN ZHING, RGYU DANG 'BRAS BU'I DNGOS PO YANG MTHONG BA DANG MA MTHONG BA DAG GIS TE, DE NI DE DAG LAS 'GRUB KYI, MA MTHONG BA 'BA' ZHIG LAS NI MA YIN NO ZHE NA, GSUNGS PA, GANG GI PHYIR ZHES PA LA SOGS PA'O, ,'DI STON TE, GANG GI PHYIR DU BAS ME SBYI'I TSUL GYIS GSAL BAR BYED KYI 'BAR BA LA SOGS PA KHYAD PAR GYI NGO BOS NI MA YIN PA DE'I PHYIR, 'BRAS BU DANG RGYU'I DNGOS PO 'GRUB PA'I CHED DU BSGRUB PAS KYANG DE KHO NA 'DI'I NGO BO MTHONG BA'O ZHES 'BRAS BU DANG RGYU'I THA SNYAD 'GRUB PA'I RGYU NYID DU RTOGS KYI KHYAD PAR GYI NGO BO NI MA YIN ZHES PA DGONGS PA'O, ,GSAL BA LA SOGS PA'I KHYAD PAR MTHONG BA NI 'BRAS BU DANG RGYU'I THA SNYAD DU GRUB PA'I RGYU MA YIN TE, DE MED KYANG DU BA MTHONG BA'I PHYIR RO, ,CHA SHAD KYIS BSKYED PAR BYA BA DANG SKYED PAR BYED PAR 'GYUR RO ZHE NA, MA YIN TE, DES BSKYED PAR BYA BA'I KHYAD PAR GZUNG NA 'DOD PA'I PHYIR RO, ,RNAM PA THAMS CAD DU BSKYED PAR BYA BA DANG SKYED PAR BYED PA'I DNGOS PO'I SPYI KHYAD PAR DU MA BYAS PA GZUNG NA NI 'KHRUL PA'I PHYIR MI 'DOD @102A *, ,DO; ,DE LTAR 'GYUR MOD, SPYI DNGOS PO GCIG KHO NA GSAL BA RNAMS LA DE DANG THA DAD PA'AM DE DANG THA MI DAD PA YOD LA, DE YANG BA SO SO LA THAMS CAD KYI BDAG NYID KYIS YONGS SU RDZOGS PA NYID KYI PHYIR ME'I GSAL BA GCIG KHO NA LA MTHONG BA 'THAD CING, DE'I PHYIR THAMS CAD LA MA MTHONG BA'I PHYIR RAB TU GSAL BAR MI 'GYUR RO ZHES PA 'DI MI RIGS SO ZHE NA GSUNGS PA, GAL TE YANG SPYI ZHES PA LA SOGS PA STE, GAL TE YANG ZHES PA 'DIS NI DE MED PA KHO NA MOD, KHAS BLANGS NAS SKYON BRJOD PAR BYA'O ZHES PA 'DI STON TO, ,RE ZHIG ME NYID YOD PA MA YIN NO ZHES PA GAL TE GSAL BA LAS GZHAN PA'I SPYIR 'GYUR NA, BLO LA THA DAD PAR SNANG BAR 'GYUR LA, SNANG BA YANG MA YIN NO, ,DE'I PHYIR RANG BZHIN MI DMIGS PAS BSAL BAR BYAS PA'I YOD PA NYID DE NI MED DO, ,GAL TE GZHAN MA YIN NA, DE LTA NA YANG GSAL BA BZHIN DU, DE SPYI KHO NAR MI 'GYUR RO, ,DE LTA NA YANG KHAS BLANGS NA, DE MTHONG BA MI SRID PAR SGRUB PA'I CHED DU GSUNGS PA, DE YOD NA YANG ZHES PA LA SOGS PA STE, GANG RTEN DU MA'I THUN MONG BA RTEN MTHA' DAG MA BZUNG BA DE NI MTHONG BAR NUS PA MA YIN TE, DPER NA RTEN MTHA' DAG MA BZUNG BA'I GNYIS NYID LA SOGS PA BZHIN, ME NYID KYANG DE LTA BU'O ZHES PA KHYAB BYED DANG 'GAL BA'O, ,'DRA BA'I YANG MA YIN ZHES PA RTEN LAS THA DAD PA MED PA NYID KYI PHYIR 'DRA 'DRA BA NI THA DAD PA NYE BAR BKOD PA'O, ,'DIR YANG SBYOR BA DE KHO NA BRJOD PAR BYA'O, ,CE STE RTEN GCIG BZUNG NA YANG MTHA' DAG GZUNG BAR BYA NA, DE LTAR GYUR NA DE'I SO SO LA BDAG NYID THAMS CAD KYIS YONGS SU RDZOGS PA NYID KYI PHYIR YON TAN BZHIN DU MA NYID DU 'GYUR RO, ,GANG GCIG LA BDAG NYID THAMS CAD KYIS YONGS SU RDZOGS SHING DE GZHAN LA YANG YOD DO ZHES PA 'DI NI SRID PA YOD PA MA YIN NO, ,GANG DU MA LA SO SOR BDAG NYID THAMS CAD KYIS YONGS SU RDZOGS PA DE NI DU MA STE, YON TAN BZHIN, SPYI YANG DE LTA BU'O ZHES PA RANG BZHIN GYIS THAL 'GYUR RO, ,YAN LAG CAN YANG 'DI NYID KYIS KHEGS PA'I PHYIR MA NGES PA MA YIN NO, ,DU MA NYID KYI PHYIR YANG DE SPYI KHO NAR YANG MI 'GYUR TE, RTEN BZHIN NO, ,SPYI YANG GCIG TU 'DOD PA'I PHYIR RO, ,DE LTAR ZHES PA LA SOGS @102B PAS SNGAR DAM BCAS PA'I RTAGS LA RNAM PAR DPYOD PAR STON PAR MDZAD DO, ,RJES SU DPAG PAR BYA BA 'DIS YAN LAG TU RTOGS PAR BYA'O ZHES PA YAN LAG STE RTAGS SU BRJOD PAR BYA'O, ,'DA' MIN ZHES PA 'KHRUL PA MA YIN PA ZHES PA'I DON TE, CHOS DU MA YANG ZHES PA, SPYI'I KHYAD PAR GYI CHOS RNAMS KYIS SO, ,DU BA NYID DANG SKYA BO NYID LA SOGS PAS ZHES PA LA, SKYA BO NYID NI 'DIR DU BA DANG 'BREL PA CAN KHO NA BRJOD PAR 'DOD KYI, ZHO DANG KA RA LA SOGS PA 'JUG PA NI MA YIN TE DE 'KHRUL BA'I PHYIR RO, ,'O NA RDZAS LA SOGS PA DU BA'I KHYAD PAR RNAMS KYANG GANG GI TSE GZUNG BAR BYA BA DE'I TSE, DE RNAMS KYIS KYANG CI'I PHYIR RTOGS PAR BYED PA MA YIN ZHE NA, RTOGS PAR BYED PA KHO NA STE 'DI RNAM PA GZHAN YOD PA MA YIN NO, ,KHYAD PAR MED PA'I SPYI 'DZIN PA LA MNGON PAR DGONGS NAS 'DI SKAD BSHAD DE, RDZAS NYID LA SOGS PA RNAMS KYIS MA YIN ZHES PA'O, ,DU BA NYID DANG SKYA BO NYID LA SOGS PAS ZHES PA'I SOGS PA'I KHYAD PAR RNAMS GZUNG BAR BYA'O, ,BSHAD ZIN PA'I DON KHO NA BSDU BA'I TSIGS SU BCAD PA DAG GIS BDE BLAG TU RTOGS PAR BYA BA'I CHED DU RTAGS LAS DE RNAMS KYANG RTOGS BYA ZHES PA, DE RNAMS KYANG RTOGS BYA ZHES PA, DE RNAMS KYANG STE, RJES SU 'BREL PA CAN RDZAS NYID LA SOGS PA RNAMS RTOGS PAR BYA BA STE, ME NYID LA SOGS PA'I CHOS GANG DE'I TSE RTOGS PAR 'DOD PA KHO NA NI MA YIN NO ZHES PA KYANG GI SGRA'I DON TE, 'KHRUL PHYIR RO ZHES PA RTAGS LAS SO, ,'BAR BA LA SOGS PA'I KHYAD PAR LA LTOS NAS 'KHRUL PA NYID DO, ,RTAGS DANG RJES SU 'BREL PA'I DON, ,ZHES PA KHYAD PAR DU BYAS PA MA YIN PA'I RDZAS LA SOGS PA SPYI'I CHOS RNAMS SO, ,KHYAD PAR RNAMS NI ZHES PA DU BA NYID LA SOGS PA RNAMS SO, ,DE RNAMS KYANG KHYAD PAR DU BYAS PA MA YIN PA'I RDZAS NYID LA SOGS PA'I SPYI LA LTOS PAS KHYAD PAR ZHES BRJOD KYI THUN MONG MA YIN PA'I NGO BO LA LTOS PAS NI MA YIN NO, ,'O NA GNYIS LA GNAS PA NYID KYI PHYIR ZHES PA 'BREL PA THAMS CAD NI GNYIS LA GNAS PA YIN LA, DE'I YANG 'BREL PA CAN DAG LA KHYAD PAR MED PAR 'JUG CING, DE LAS KYANG JI LTAR YANG DAG PAR LDAN PA CAN NYID LA LDAN PA CAN DAG LA KHYAD PAR MED PA DE LTAR RTAGS DANG RTAGS @103A *, ,CAN DAG GI YANG MI 'GYUR RO, ,DE LTA NA YANG RTAGS KYI SPYI YANG GO BAR BYED PAR 'GYUR LA, RTAGS CAN GYI BYED BRAG KYANG GO BAR BYA BAR 'GYUR TE, 'BREL PA KHYAD PAR MED PA'I PHYIR RO ZHES PA'O, ,GANG DAG 'BREL PA GCIG GI RTEN CAN DE DAG NI CHOS THA MI DAD PA DAG YIN TE, LDAN PA CAN BZHIN, RTAGS DANG RTAGS CAN DAG DE LTA BU'O, ,RANG BZHIN LTAR SNANG BA'O, ,GAL TE 'BREL BA GNYIS GNAS KYANG, ,ZHES PA 'BREL PA NI GNYIS PA GNAS PA MA YIN PA KHO NA STE, DE LTAR MI MED NA MI 'BYUNG BA NYID 'BREL PA YIN LA, DE YANG RTAGS KHO NA LA 'JUG GI ,RTAGS CAD LA NI MA YIN NO, ,GNYIS LA GNAS PA DE KHAS BLANGS NAS LHAN CIG 'BYUNG BA NYID YOD PA LA LAN BRJOD PAR BYA'O ZHES TO, ,RTEN DANG BRTEN PA BZHIN ZHES PA, RTAGS DANG RTAGS CAN GYI 'BREL PA DE NA RTEN DANG BRTEN PA BZHIN DU 'JUG GI, ,LDAN PA CAN DAG BZHIN MA YIN, ,NAM GYI TSE YANG RTEN ZHES PA LA SOGS PA STE, BRTEN PAR BYA BA'I CHOS NI RTEN LA RAG LAS PAS GNAS PA NYID DO, ,RTEN GYI CHOS NI BRTEN PA GNAS PAR BYED PA'O, ,RTEN DANG RTEN PA DAG 'BREL PA'I GZHI GCIG PA NYID NA YANG CHOS THAD DAD MED PA NYID MA YIN NO ZHES PAS MA NGES PA NYID GSUNGS SO, ,DE BZHIN DU NAM YANG MED CES PA LA SOGS PA, RTAGS DANG RTAGS CAN DAG PHAN TSUN GYI CHOS SU 'GYUR BA DAG MA YIN ZHES PA'I DON TO, ,YANG DAG PAR LDAN PA NI ZHES PA LA SOGS PAS YANG DAG PAR LDAN PA CAD DAG DANG RTAGS CAN DAG MI MTSUNGS PA NYID DU GSUNGS SO, ,DE LTAR NI ZHES PA LA SOGS PAS 'BREL PA GCIG GI RTEN CAN NYID MA GRUB PA NYID DU GSAL BAR BYED CING LNGAR BSHAD PA KHO NA'I GO BAR BYA BA DANG GO BAR BYED PA'I DNGOS PO GZHUNG 'DZUGS SO, ,DE LTAR NI RTAGS DANG RTAGS CAN DAG MED NA MI 'BYUNG BA 'DREL BA DANG, DE YANG RTAGS KHO NA LA 'JUG GI RTAGS CAN LA NI MA YIN NO ZHES PA'I NGES PAR BZUNG PA GNYIS PO 'DIS RTOGS PAR BYA BA'O, ,CI LTAR BYAS NAS SHE NA, GANG GI PHYIR RTAGS CAN 'GYUR PA KHO NA'O ZHES NGES PAR GZUNG BA CI LTAR RIGS, GAL TE GANG DANG GANG DU RTAGS YIN PA DE DANG DER RTAGS CAN 'GYUR LA, RTAGS CAN NI GZHAN DU 'JUG PA 'DIS DGAG PAR BYA BA MA @103B YIN TE, NGES PAR BZUNG BA NI RTAGS LA DE MED PA TZAM RNAM PAR GCOD PA'I 'BRAS BU CAN NYID KYI PHYIR RO, ,DE LAS KYANG RTAGS CAN LA NI MED NA MI 'BYUNG BA NYID 'JUG PA MA YIN NO ZHES BRJOD PAR 'GYUR TE, RTAGS LAS GZHAN DU YANG DE YOD PA GSAL BAR BYED PA'I PHYIR RO, ,JI LTAR MI NYID DU BA LA 'GYUR BA KHO NA YIN PA DE LTAR RDZAS NYID LA SOGS PA RNAMS KYANG TE, DE'I PHYIR DE RNAMS KYI YANG DU BA GO BAR BYED PA YIN GYI, 'BAR BA LA SOGS PA RNAMS KYI NI MA YIN TE, DE RNAMS DU BA LA YOD PA KHO NA MA YIN PAS SO, ,GANG GSUNGS PA, DE'I PHYIR RIGS PA ZHES PA LA SOGS PA STE, CIG SHOS RTAGS CAN NYID LA YOD, , CES PA 'DIS KYANG RTAGS KHO NA LA MED 'BYUNG BAR RAB TU 'JUG GO ZHES GSAL BAR BYA BA STEN, RTGAS CAN LAS GZHAN LA RTAGS 'GYUR BA MA YIN NO ZHES PA'I DON RTOGS PA'I PHYIR RO, ,RTAGS CAN NI RTAGS LAS GZHAN DU YOD PA DGAG PAR BYA BA MA YIN NO, ,JI LTAR YANG ME LA DU BA NYID 'GYUR BA KHO NA YIN LTAR SKYA BO NYID LA SOGS PA KHYAD PAR RNAMS KYANG STE, DE'I PHYIR DE RNAMS KYANG GO BAR BYED PA RNAMS YIN GYI RDZAS NYID LA SOGS PA RNAMS NI MA YIN TE, DE RNAMS ME LA YOD PA KHO NA MA YIN PAS SO, ,GANG GSUNGS PA DE'I PHYIR RIGS PA ZHES PA LA SOGS PA'O, ,DE LTAR NA ZHES PA LA SOGS PAS PHYED PHYI MA RNAM PAR 'GREL TO, ,'O NA SNGAR DE MTSUNGS YOD PA, ,ZHES PA'I TSIG LA RTAGS RTAGS CAN LA YOD PAR BSHAD LA, 'DIR NI RTAGS CAN LA RTAGS SU 'GYUR BA KHO NA'O ZHES PA'I TSIG LAS RTAGS LA YOD PA NYID DU BRJOD PAR BYA NA, DE CI LTAR MI 'GAL ZHE NA, SKYON 'DI MED DE, RTAGS DANG RTAGS CAN DAG GZHI GCIG PA NYID NA, JI LTAR RTAGS LA RTAGS CAN DU 'GYUR BA DE LTAR RTAGS KYANG CIG SHOS LA'O, ,NGES PAR GZUNG BA BZLOG PA NYID KYIS RTAGS KHO NA LA 'BREL PA 'JUG GO ZHES RTOGS PAR BYA BA'I CHED DU 'DI BRJOD PA 'BA' ZHIG GO, ,GAL TE 'O NA RTAGS KHO NA LA 'JUG NA CI LTAR RTAGS CAN DAG GI 'BREL PA'O ZHES BRJOD CE NA, 'DI RTAGS KHO NA LA 'JUG KYANG RTAGS CAN GYI NGOR SBYOR BA LA LTOS NAS 'JUG GO ZHES PAS 'DI SKAD BRJOD KYI, GNYIS LA GNAS PA NYID KYI PHYIR NI MA YIN NO ZHES PAS SKYON MED DO, ,'O NA YANG ZHES PA LA SOGS PAS, GANG BSHAD PA'I NGES PA BZLOG PA LAS RTAGS DANG RTAGS CAN @104A *, ,DAG GI 'BREL PA'O ZHES PAS DE 'THAD PA MA YIN ZHING RTAGS CAN LA YANG MED NA MI 'BYUNG BA 'JUG GO ZHES STON TO, ,'DOD CES PA LA SOGS PAS, GAL TE YANG RTAGS KYANG CUNG ZAD RTAGS 'GYUR BA DE LTA NA YANG RTAGS CAN GYI NGO BO KHO NAS SO, ,DE LTA NA YANG BYAS PA NYID BSGRUB PAR BYA BA LA LTOS PAS RTAGS SU GYUR PA KHO NA MI RTAG PA NYID LA MED NA MI 'BYUNG BA 'JUG GO ZHES STON CING RANG GI PHYOGS KHO NA 'JOG PAR NYED DO, ,RTAGS KYANG KHYAB CES PA KHYAB PAR BYED PAS NA KHYAB PA STE, RTAGS CAN LA ZHES PA MI RTAG PA NYID LA'O, ,GANG DE'I KHYAB PA NYID DE RTAGS CAN GYI YUL CAN NO ZHES PAS, RTAGS CAN LA KHYAB PA'O ZHES BRJOD DO, ,DPER NA AAKshA RNAMS LA NGHU NGHA ZHES PA BZHIN NO, ,YAN LAG CAN NI DE DE LAS, ,KHYAB BYED PHYIR ZHES PA MI RTAG PA NYID LA YOD PA KHO NA BYAS PA NYID KYI KHYAB PA NYID DE, DE'I PHYIR KHYAB PA NYID KYI PHYIR BYA BA NYID GO BAR BYAS PA KHO NAR 'GYUR GYI, GO BYED MIN, CE DANG 'DRA ZHE NA GSUNGS PA, BA LANG GI RVA BZHIN ZHES PA, JI LTAR RVA BA LANG GI KHYAB PAR BYED PA NYID KYI PHYIR GO BAR BYA BA KHO NAR RTOGS PAR BYA'I, GO BAR BYED PA NI MA YIN PA DE DANG 'DRA'O ZHES PA'O, ,GANG ZHIG GANG KHO NA LA DE NI DE'I GO BAR BYED PA YIN TE, DPER NA BA LANG NYID RVA CAN NYID KYI BZHIN, BYAS PA NYID KYANG MI RTAG PA NYID LA YOD PA KHO NA'O, ,RANG BZHIN NO, ,CI'I PHYIR ZHE NA ZHES KHYAB PA MI SRID PAR DRI BAR BYED PA'O, ,DGAG PAR BYA LA MI RGYU BAS, ,ZHES PA LA SOGS PA LA, DGAG BYA NI BSGRUB PAR BYA BA'I MI MTHUN PHYOGS SO, ,DE LA GTAN TSIGS MI RGYU BA NI MED PA'O, ,DES RTAGS KYI KHYAB PA GANG YIN PA DE LA LTOS PAR BYA ZHING BRTEN PAR BYA STE, DE KHO NA LAS GO BAR BYED PA NYID KYI GTAN TSIGS YIN PA NYID KYI PHYIR RO, ,DE'I PHYIR RTAGS KYI NI RTAGS CAN GYI YUL CAN GYI GANG KHYAB PA DE YOD PA YIN YANG RGYU MA YIN TE, GO BAR BYED PA NYID KYI RGYU MTSAN MA YIN NO ZHES PA'I DON TO, ,BYAS PA NYID KYI ZHES PA LA SOGS PA STE, GAL TE YANG MI RTAG PA NYID MTHA' DAG LA BYAS PA NYID KHYAB BA DE LTA NA YANG DES KHYAB PA NYID KYIS DE'I GO BAR BYED PA MA YIN GYI 'ON KYANG RTAG PA NYID BKAG PAS SO, ,RTAG PA NYID LA DGAG PA NI RAB TU MI RGYU BA STE, DE KHO NAS GO BAR BYED PA'O, ,MI MTHUN PA'I PHYOGS LAS LDOG PA MED PA'I GTAN TSIGS @104B NI BSGRUB PAR BYA BA GO BAR BYED PA MA YIN PAS TE, GZHAL BYA NYID BZHIN NO, ,DE BZHIN DU MI RTAG PA NYID KYI ZHES PA LA SOGS PA STE, GANG GI TSE BYAS PA NYID 'GRUB PA'I TSED DU MI RTAG PA NYID GTAN TSIGS NYID DU NYED PAR BLANG BAR BYA BA DE'I TSE YANG MI RTAG PA NYID BYAS PA MA LUS PA LA KHYANG PA NYID NA'ANG, DE KHYAB PA NYID KYIS GO BAR BYED PA MA YIN GYI, 'O NA CE ZHE NA, MA BYAS PA NYID BKAG PA STE, MI MTHUN PA'I PHYOGS MA BYAS PA NYID LA MED PAS SO ZHES PA'I DON TO, ,DE LTAR GANG GI PHYIR RANG GI BSGRUB PAR BYA BA'I MI MTHUN PHYOGS LAS LDOG PAS GTAN TSGIS GO BAR BYED PA NYID DU 'GYUR GYI, RNAM PA GZHAN DU MA YIN PA DE'I PHYIR MI RTAG PA'I DON LA BYAS PA NYID KYIS KHYAB PA NYID GANG YIN PA DES NA MA BYAS PA NYID KYI SKABS MED PA'I PHYIR DANG, MI RTAG PA NYID KYI MA BYAS PA KYI LA SKABS MED PA'I PHYIR TE, GNAS PA MED PA'I PHYIR DANG, MI RTA PA NYID KYIS MA BYAS PA NYID DGAG PAS TE MA BYAS PA BSAL BAS GO BAR BYA BA KHO NAR 'GYUR RO, ,MA BYAS PA NYID DGAG PAS ZHES PA'I TSIG NI SGRUB PA'I SGO NAS RTOGS PA RNAM PAR BCAD PA'I DON DU'O, ,GO BAR BYED PA NYID NI MA YIN NO ZHES PA, GANG GI PHYIR MI MTHUN PHYOGS LA RAB TU MI RGYU BAS NA GANG KHYAB PA YIN PA DE GO BAR BYED PA NYID KYI RGYU MTSAN YIN NA, MI RTAG PA NYID LA BYAS PA NYID KYANG KHYAB PA NI, MI MTHUN PA'I PHYOGS LA RAB TU RGYU BA MED PAS KYANG MA YIN NO, ,DE LTAR NI GANG MI RTAG PA DE BYAS PA'O ZHES KHYAB PA NYE BAR BSTAN PA NA RTAG PA LAS BYAS PA NYID LDOG PAR RTOGS PA MA YIN GYI, 'O NA CI ZHE NA, MA BYAS PA'I NYID LAS MI RTAG PA NYID KYI'O, ,DE'I PHYIR MI RTAG PA NYID KHO NA MA BYAS PA NYID LA SKABS MED PA'O ZHES MA BYAS PA NYID DGAG PAS GO BAR BYA BA KHO NA'O, ,BYAS PA NYID KYI MI RTAG PA NYID LA SBYOR BA MA YIN LA, GO BAR BYED PA NYID MA YIN NO ZHES PA'O, ,BSHAD PA'I DON TSIGS SU BCAD PA DAG GIS SDUD PAR BYED DE, BYAS PA NYID KYIS 'JIG PA LA ZHES PA LA SOGS PA STE, MI RTAG PA NYID LA BYAS PA NYID KYIS KHYAB PA LAS MI RTAG PA NNYID KYI PHYIR DE MA BYAS PA MA YIN NO ZHES PA'I DON 'DI SKABS SU BAB PA MA YIN PA KHO NAR RTOGS PAR BYA ZHES BYED PA PHYIS PAS NGES PAR BSTAN PA'O, ,GANG SKABS SU BAB PA RTAG PA NYID MED PA NI MI RTAG PA NYID DO, ,DE NI DES KHYAB PAS BYAS PA NYID KYI DON LA MA @105A *, ,BSTAN TO, ,DON 'DI KHO NA BSAL BAR BYA BA'I CHED DU TSIGS SU BCAD PA GNYIS PAS DPE GSUNG SO, ,RVA CAN MIN PA NYID ZLOG BYED, ,CES PA RVA CAN NYID GO BAR BYED DO ZHES PA'I DON TO, ,BA LANG MIN DON LDOG BYED MIN, ,ZHES PA LANG GI DON GYI SGRUB BYED MA YIN ZHES PA'I DON TO,, ,,MED NA MI 'BYUNG BA'I DON MTHONG BA DE RIGS PA RJES SU DPAG PA'O ZHES PA LA, DON GANG ZHIG GANG MED PAR MI 'BYUNG BA DE NI DE'I MED NA MI 'BYUNG BA STE, DPER NA ME'I DU BA LTA BU'O, ,DES MA MTHONG BA DE NI RJES SU DPAG PA STE, 'DIS RJES SU DPAG PAR BYA'O ZHES BYAS NAS SO, ,RJES SU DPAG PAR BYA BA'I DON SHES PA NI 'BRAS BU'O, ,'DIS NI 'KHRUL PA'I MTHONG BA BSAL TO, ,RTAGS MTHONG BA NI 'BREL PA DRAN PA LA LTOS PA NYID BSTAN PA'I CHED DU DE RIG PA ZHES BSHAD DO, ,GANG ZHIG DE RIG PA MED NA MI 'BYUNG BA 'DI'O ZHES PA DE'I RJES SU DPAG PA STE, GZHAN GYI NI MA YIN NO, ,MED NA MI 'BYUNG BA NYID KHO NAS ZHES PA, DE MED NA MI 'BYUNG BA NYID KHO NA RANG GI RNAM PAR 'GYUR NA DE RIG BRJOD MIN ZHES PA 'DI NI SHUGS KYIS THOB PA'I PHYIR RO, ,DE RIG PA MA YIN PA MED NA MI 'BYUNG BA 'DI'O ZHES STON PA SRID PA MA YIN PAS SO ZHES PA'I BYED PA PHYIS PAS NGES PAR BSTAN PA'O ZHES PAS DE MED PAR RANG GI NGO BO'I DNGOS PO NYID RNAM PAR SHES PAR BYA BA MA YIN PAS SO, ,DES NA GZHAN KHO NA CUNG ZAD CIG DE RIG PA BRJOD PAR BYA BA MA YIN NO ZHES PA'I DON RTOGS PAR 'GYUR RO, ,NGES PAR BSTAN PA NI NGES PAR STON PA STE, GANG GI PHYIS PA NGES PAR BSTAN PA YIN PA DE DE SKAD BRJOD TO, ,DBYI BA NI NGAG DE'I RANG GI NGO BO RTOGS PAR BYED PA BRJOD PAR 'DOD PA NA RAB TU 'BREL PA'I MI MTHONG PA KHO NA STE, RAB TU 'BREL PA'I MI MTHONG BA NI DBYI BA'O ZHES BYAS NAS SO, ,'DIS 'DI GSAL BAR BYED DE, RANG GI NGO BO'I TSIG GI DON CAN DU DE RIGS PA ZHES PA 'DI RIG PAR BYA'O ZHES PA'I YI GE NI DE 'DON DU BSTAN PAR 'OS NA'ANG SDEB SBYOR 'JIG PA'I 'JIGS PA LAS MA BSTAN ZHES PA'O, ,GZHAN GYIS NI, GAL TE BRJOD NA CI LTAR CIR ZHES PA, DE'I BRJOD PAR BYA BA RNAM PA MANG BA NYID KYI PHYIR RO, ,RNAM PA CIS DANG GNAS CIR MTHONG BA YIN, DE BRJOD PAR BYA BA MA YIN NA NI GNAS NGES PAR MI 'GYUR LA, DE LAS KYANG BUM PA LAS MIG GIS GZUNG BYA NYID MTHONG BA LA @105B SGRA LA YANG MI RTAG PA NYID DU RTOGS PAR 'GYUR RO, ,'O NA RNAM PAR RTOG PA SNGA MA LA YANG CI ZHIG TU MTHONG BA ZHES BRJOD PAR BYA'O, ,'DI BRTZAD PAR RIGS PA MA YIN NAM, 'DI KHO NAR BRTZAD PAR BYA BA CI ZHE NA, 'DI LTAR SEMS TE, MED NA MI 'BYUNG BA NYID KYIS BSTAN PA NI, GANG MED NA DE 'GYUR BA MA YIN PA DE KHO NA LA MTHONG BA'O ZHES MA RJOD KYANG RTOGS PAR BYA BA KHO NA STE, DE NYE BA'I PHYIR ZHES PA'O, ,DON ZHES PA NI LHAG MA STE ZHES PA, DON SMOS PA NI SHIN TU LHAG GO ZHES PA'I DON TE, DE LTAR MED NA MI 'BYUNG BA NI DON KHO NAR 'GYUR BAS, DON SMOS PAS CI YIN, DE'I PHYIR MTHONG BA'I KHYAB PAR GYI DON DU DE'I ZHES RTOGS PAR BYA'O, ,DES NA RTAGS KYI DON GYI RNAM PA 'DZIN PA NI RJES SU DPAG PA'O, ,'O NA RTAGS KYI RNAM PA NI 'KHRUL PA'I PHYIR DES RJES SU DPAG PA MI SRID PA MA YIN NO ZHE NA, 'DI LTAR SEMS TE, DU BA LA SOGS PA'I NGO BOS 'DZIN PA NI DON 'DZIN PA STE, RNAM PA GZHAN DU NA SPYI'I RJES SU 'GRO BA NYID KYI PHYIR 'DI NI 'DZIN PA TZAM DU 'GYUR ZHING, DE LAS KYANG DON SMOS PA DON MED PAR 'GYUR TE DON GYI 'DZIN PA TZAM NI MED NA MI 'BYUNG BA SMOS PA KHO NAS 'THOB PA NYID KYI PHYIR RO ZHES PA'O, ,BSGRUB PAR BYA BA SKABS SU BAB PA YANG ZHES PA, RNAM PAR DPYAD PA NA, 'DOD PA'I DON NI PHYOGS ZHES PAR RAM, YANG NA BSGRUB PAR BYA BA BRJOD PA DAM BCA' ZHES PA 'DIR RO, ,DE'I PHYIR BSGRUB PAR BYA BA LA MTHONG BA'O ZHES RTOGS PAR BYA'O, ,SNGA MAS NI CI ZHES PA DON MTHONG BA MED NA MI 'BYUNG BA NYID RIG PA ZHES BRJOD PA NA, GANG ZHIG ME LA SOGS PA MED PAR DU BA LA SOGS PA 'DI BYUNG BA NI MA YIN NO ZHES RIG PA DE'I DE LTAR RIG PA'I MED NA MI BYUNG BA'I DON MTHONG BA KHO NA DER 'GYUR RO, ,YANG NA DON MTHONG BA MED NA MI 'BYUNG BA RIG PA ZHES BRJOD PA NA, DON GANG GI BSGRUB PAR BYA BA LA MTHONG BA DE MED NA MI 'BYUNG BA NYID RIG PA'O ZHES PA'I DON DU RTOGS PAR BYA HLA, DE LAS KYANG SNGA MA MED NA MI 'BYUNG BA SMOS PAS CI ZHIG ,ME SOGS LA'ANG ZHES PA, ME DANG SA BON DANG MI RTAG PA NYID RNAMS RJES SU DPAG PAR BYA BA NYID DU DPER BRJOD PA'I PHYIR CHOS TZAM RJES SU DPAG PAR BYA BA NYED DU MNGON PAR 'DOD DO ZHES RTOGS PAR BYA'O, ,DE LTAR NI DA LTAR BA LA SOGS PA'I BYED BRAG GIS DPER BRJOD PA GSUM PO 'DI @106A *, ,BSHAD LA, CHOS KYIS KHYAD PAR DU BYAS PA'I CHOS CAN BSGRUB PAR BYA BA NYID YIN PA LA NI DBYE BA 'DI SRID PA YANG MA YIN TE, THAMS CAD DU CHOS CAN 'JUG BZHIN PA NYID KYI PHYIR RO, ,DE LAS KYANG ME LA SOGS PA LA DU BA LA SOGS PA MTHONG BA NA ME LA SOGS PA RNAMS NGES PA KHO NAR 'GYUR RO ZHES PAS DE RIGS PAS RJES SU DPAG PAR BYA BA GZHAN CI ZHIG YIN, 'DIS NI BSGRUB PAR BYA BA LA MTHONG BA ZHES GANG BRJOD PA DE YANG MI RIGS PAR GSUNGS SO, ,CI LTAR MA BRJOD CES PA 'DIS KYANG BYED PA MI GSAL BA'I SKYON YANG NGO ZHES PA'O,, ,,RIGS PA CAN RNAMS KYI YANG ZHES PA LA SOGS PA LA, MNGON SUM DANG RJES SU DPAG PA DANG NYE BAR 'JAL BA DANG SGRA RNAMS CHAD MA RNAMS SO ZHES MDOR BSTAN NAS, MNGON SUM GYI MTSAN NYID BSHAD ZIN PA NA, DE MA THAG TU SKABS SU BAB PA RJES SU DPAG PA'I MTSAN NYID BSHAD PA, DE SNGON DU 'GRO BA CAN ZHES PA LA SOGS PA'O, ,DE'I BAR MA CHOD PA'I SKABS KYIS MNGON SUM GANG GI SNGON DU YIN PA DE DE SKAD BSHAD DO, ,GANG GI SNGON DU MNGON SUM GYIS RTAGS DANG RTAGS CAN RAB TU GRUB PA DAG GAM DE'I 'BREL PA YANG STE, DE KHO NA DUS PHYIS RTAGS TZAM MTHONG BAS RTAGS CAN RJES SU DPAG PAR BYA BA'O ZHES PAS, DE MNGON SUM SNGA MA CAN DU 'GYUR RO, ,SNGA MA DANG MTSUNGS PA NI SNGA MA DANG 'DRA BA STE, JI LTAR 'BREL PA'I DUS NA MNGON SUM GYI DNGOS PO RTOGS PA DE LTA KHO NAR DUS PHYIS RTAGS MTHONG PA LAS KYANG DE LA SHES PA NYE BAR SKYE STE, DE'I PHYIR DE SNGA MA DANG 'DRA BAR 'GYUR RO, ,LHAG MA STE MNGON SUM DANG MTSUNGS PA NI LHAG MA DANG 'DRA BA STE DNGOS PO YIN LA, DE'I YUL CAN GYI SHES PA YANG LHAG MA DANG 'DRA BA STE, JI LTAR 'BRAS BU GCIG RO'I SGO NAS MNGON SUM DU BYAS NAS, LHAG MA RNAMS KYANG RO 'DI LTA BU CAN RNAMS TE, MNGON SUM PA'I RO DANG MTSUNGS PA NYID KYI PHYIR, DE BZHIN NO ZHES SO, ,RJES SU DPOG PA LTA BU'O, , 'O NA MNGON SUM LAS CIG SHOS LHAG MAR 'GYUR GYI LHAG MA DANG MTSUNGS PA NI MA YIN NO, ,DE'I PHYIR DE'I YUL CAN GYI SHES PA, CI LTAR LHAG MA DANG 'DRA BA'I YUL CAN DU 'GYUR ZHE NA, 'DI RNAMS KYI PHAN TSUN LTOS PA LHAG MA NYID DO ZHES PAS MNGON SUM YANG CIG SHOS LA LTOS PAS LHAG MA STE, DES NA CIG @106B SHOS KYANG MTSUNGS PA NYID KYI PHYIR LHAG MA DANG 'DRA BA NYID DO ZHES PAS SKYON MED DO, ,YANG NA SNGON MA NI RGYU STE, DE 'DI LA YANG YOD DO ZHES PA SNGON MA DANG LDAN PA STE 'BRAS BU'O, ,DE'I YUL CAN GYI SHES PA YANG SNGA MA DANG LDAN PA STE, GANG RGYU LAS 'BRAS BU RJES SU DPOG PA'O, ,LHAG MA NI 'BRAS BU STE, DE 'DI LA YOD DO ZHES PA LHAG MA DANG LDAN PA STE RGYU'O, ,DE'I YUL CAN GYI SHES PA YANG LHAG MA DANG LDAN PA STE, GANG 'BRAS BU LAS RGYU RJES SU DPOG PA'O, ,SPYI MTHONG BA NI GANG GZHAN DANG 'DRA BA LAS GZHAN SHIN TU LKOG TU GYUR PA LAS SHES PA STE, DPER NA NAG PO'I BGROD PA SNGON MA CAN YUL GZHAN THOB PA NYE BAR DMIGS NAS, DE DANG MTSUNGS PA NYID KYIS NYI MA'ANG BGROD PA SNGON MA CAN RI LA RGAS PA THOB PAR RJES SU DPAG PAR BYA BA LTA BU'O, ,RGYAS PAR BSTAN PA KHO NA LAS GSUM NYID DU GRUB PA LA, RNAM PA GSUM ZHES SMOS PA NI SNGA MA DANG LDAN PA'I RJES SU DPAG PA GCIG BU DUS GSUM GYI YUL CAN NYID KYIS RNAM PA GSUM PA NYID DU SHES PAR BYA BA'I DON DU'O, ,DE LA CHU KLUNG RGYAS PA LAS CHAR PA ZHES PA 'DAS PA LA RJES SU DPAG PA'O, ,GROG MA'I SGO NGA 'PHO BA LAS CHAR PAR 'GYUR RO ZHES PA MA 'ONGS PA LA'O, ,RMA BYA'I SGRA GRAG PA'I PHYIR 'DI NA RMA BYA'O ZHES PA DA LTAR BA LA'O, , 'DIR MA TU SA'I SNGA MA DANG 'DRA BA NYID SRID PA MA YIN NO ZHES PA TI YIS SBYAR BAR BYA BA'O, ,'BREL PA DBANG PO'I GZUNG BYA MIN, ,ZHES PA 'BYUNG BA'I YON TAN BZHIN DU 'BREL PA CAN RNAMS LAS THA DAD PAR MI SNANG BA'I PHYIR RO ZHES BSAMS PA'O, ,GANG DBANG PO'I SHES PA LA SNANG BA MA YIN PA DE DBANG PO'I GZUNG BAR BYA BA MA YIN TE, DBANG PO BZHIN 'BREL PA YANG DE LTA BU'O, ,KHYAB BYED MED PA'O, ,THAMS CAD DU YANG MA YIN ZHES PA, MIG GI RNAM PAR SHES PA DANG DBANG PO LA SOGS PA RNAMS DBANG POS 'DZIN PA MI SRID PA'I PHYIR RO, ,THAMS CAD DU ZHES SMOS PA NI ME DANG DU BA LA SOGS PA RNAMS MNGON SUM GYIS 'DZIN PA SRID PA'I PHYIR RO, ,'DIS NI MA KHYAB PA NYID GSUNGS SO, ,YANG NA THAMS CAD DU 'BREL PA CAN DAG MNGON SUM MA YIN PA DAG GO ZHES PA'I DON 'DI STE, SPYI'I NGO BO NYID KYI PHYIR DE YANG MNGON SUM MA YIN PAR BSGRUB PA NYID KYI PHYIR RO, ,DE LAS KYANG MI SRID PA'I PHYIR 'DI NI MTSAN @107A *, ,NYID MA YIN NO, ,RTAGS DANG RTAGS CAN DAG MNGON SUM MA YIN PA DAG GO ZHES PA 'DI TZAM KHO NAS BRJOD PAR 'DOD PA'I DON RTOGS PA YIN NA YANG THAMS CAD DU SMOS PA NI 'GA' ZHIG ME DANG DU BA LA SOGS PA RNAMS LA MNGON SUM DU MNGON PAR 'DOD PA BSAL BA'I DON DU'O, ,KUN LA SRID PHYIR LTA BU MIN, ,ZHES PA THAMS CAD SNGA MA DANG 'DRA BA NYID YIN BZHIN DU GCIG KHO NA SNGA MA DANG 'DRA BAR SMRA BAS, CIG SHOS DAG LA DE MED DO ZHES DAM BCAS TE, DE LA YANG SNGA MA DANG 'DRA BA NYID GRUB PAS GNANG NGO, ,'BREL PA GZHAN GYIS KYANG 'DI ZHES PA LA, 'BREL PA GZHAN NI 'BREL PA'I BYE BRAG MED NA MI 'BYUNG BA STE, DE'I STOBS KYIS SNGA MA DANG 'DRA BAR DON RTOGS PA'O, ,DE NGES PAR BSTAN PA MED PA'I PHYIR RJES SU DPAG PAR NGES PAR BSTAN PA MA YIN PA KHO NA'O, ,'O NA 'DI MA TUS SU 'GYUR MOD, JI SKAD BSHAD PA'I SKYON 'BYUNG BA MA YIN TE, RJES SU DPAG PA THAMS CAD NI RGYU LAS 'BRAS BU'I YUL CAN DU 'GYUR BA MA YIN PAS SO, ,'BREL PA YANG 'DIR BSTAN PA KHO NA STE, 'BRAS BU DANG RGYU'I DNGOS PO RAB TU BSTAN PA'I PHYIR RO ZHE NA, DE'I PHYIR GSUNGS PA, 'KHRUL PA'I PHYIR NA LHAN SKYON MIN, ,ZHES PA, 'BRAS BU DANG RGYU'I DNGOS POS NI 'BRAS BU KHO NA'I MED NA MI 'BYUNG BAR 'GYUR GYI, RGYU'I NI MA YIN NO, ,DE LTAR NI RGYU YOD NA YANG LHAN CIG BYED PA MTSANG BA'I PHYIR 'BRAS BUR 'GYUR BA MA YIN NO, ,DPER NA SPRIN YOD NA YANG ZHING PA RNAMS KYI CHES MED PA'I PHYIR CHAR PA BZHIN NO, ,RGYU GZHAN TSOGS PA YOD NA YANG, ,CHOS MA YIN PA LA SOGS PA 'GAL BAS GAGS BYAS PA'I PHYIR RO, ,'O NA KHYAD PAR DU GYUR PA'I GNAS SKABS THOS PA'I SA BON LA SOGS PA NI RGYU DNGOS NYID DE, DE LA GAGS BYA BAR YANG MI NUS SO, ,DE CI'I PHYIR 'KHRUL PA NYID YIN ZHE NA, MA YIN TE, DE MTHONG BA LAS 'BREL PA DRAN PA LA LTOS PA LAS RJES SU DPAG PAR BYA BA RTOGS PAR 'DOD PA NA, 'BREL PA DRAN PA LAS SNGON DU 'BRAS BU SKYES PA KHO NA MNGON SUM DU 'GYUR RO, ,'BRAS BU MNGON SUM MA YIN PA LA RNAM PA DE LTA BU'I RGYU RTOGS PA YANG MA YIN TE, GANG GIS RGYU LAS DE RTOGS PAR BYA BA'O, ,DE'I PHYIR RGYU LAS 'BRAS BU 'GRUB PA MA YIN NO, ,LHAG LDAN LA YANG LTA BU NA,, @107B ZHES PA LA SOGS PAS 'DI LA YANG DE MA THAG TU BRJOD PA KHO NA'I SKYON GSUNGS SO, ,GDON MI ZA BAR MA YIN ZHES PA LA SOGS PA STE, GZUGS LA SOGS PA MTSUNGS PA RNAMS KYI RO MTSUNGS PAR 'BYUNG BA'I NGES PA SBYOR BA 'DI NI MA YIN NO, ,'DI TZAM ZHIG TU NI 'GYUR TE 'DI LTA BU'I RANG BZHIN CAN 'DI DANG RGYU MTSUNGS PA RNAMS NI RO 'DI LTA BU CAN RNAMS SO ZHES PAR 'GYUR GYI, GZUGS MTSUNGS PA TZAM LAS RJES SU DPAG PA NI MA YIN TE 'KHRUL PA'I PHYIR RO, ,LDAN PAS ZHE NA MA RTOGS NA, ,MI 'GYUR ZHES PA LA SOGS PA LA MA RTOGS PA NI MA GO BA'O, ,CI ZHE NA, GANG LAS 'BRAS BU LA RGYU RJES SU DPOG PA 'DI YIN PA 'BRAS BU NYID DO, ,DE'I PHYIR 'BRAS BU'I NGO BO KHO NAR RTOGS PA MED PAR GYUR PA NA, RTAGS NI RJES SU DPAG PAR BYA PA RGYU LA MED NA MI 'BYUNG BA NYID 'DZIN PA LAS RTOGS PA MED PAR 'GYUR NA, DE YANG MTHONG NGO, ,'O NA DON GZHAN 'BRAS BU DANG RGYU'I DNGOS POR GRUB PA KHO NA'I MED NA MI 'BYUNG BA NGES PA MA YIN NAM, DE LA CI LTAR NA 'BRAS BU NYID DU MA BZUNG NAS MED NA MI 'BYUNG BA NYID NGES PAR NUS SHE NA, BSTAN BCOS LA MTHONG BA'I 'BRAS BU NYID 'DZIN PA LAS 'DAS PA 'DIR BRJOD PAR 'DOD KYI, 'JIG RTEN LA GRAGS PA'I 'BRAS BU NYID DU 'DZIN PA LAS 'DAS PA NI MA YIN ZHES PAS SKYON MED DO, ,BSTAN BCOS SU NI CHU'I RGYUN GYI YAN LAG CAN RNAMS, CHU LA BYUNG BA'I RDUL PHRA RAB RIS MTHUN PA RNAMS KHO NAS RTZOM PAR BYED CING, SPRIN RNAMS NI RDUL PHRA RAB RNAMS 'GUGS PA'I NGOR RGYU MTSAN NYID DU NYE BAR GYUR PA RNAMS CHAR PA'I RGYUR THA SNYAD DU BSTAN PA BSTEN PAR 'GYUR BA ZHES PA RNAM PAR GZHAG PA'O, ,RNAM PA 'DI LTA BU'I 'BRAS BU DANG RGYU'I DNGOS PO 'JIG RTEN GYIS RTOGS PAR YANG MA YIN GYI, 'O NA CI ZHE NA, SPRIN RNAMS YOD PA NA CHAR 'BAB PA MTHONG BA'I PHYIR DANG, DE MED PA NA YANG MA MTHONG BA'I PHYIR SPRIN RNAMS KHO NA CHAR 'BAB PA'I RGYU DNGOS SO ZHES PA STE, DE LTAR MTHONG BA DANG MA MTHONG BA DAG GIS 'BRAS BU DANG RGYU'I DNGOS POR RTOGS SO, ,BSTAN BCOS LAS MTHONG BA'I RGYU DANG 'BRAS BU'I DNGOS PO RNAMS NI MI 'THAD PA KHO NA STE, RDUL PHRA RAB RTAG PA RNAMS MA GRUB PA'I PHYIR RO, ,GRUB TU CHUG KYANG RNAM PAR 'GYUR BA MED PA NYID KYI PHYIR NA DGUG PAR MI @108A *, ,NUS PA NYID KYI PHYIR DANG, BKUG PA RNAMS LA YANG RIM DANG CIG CAR NYID DAG GIS 'BRAS BU RTZOM PA MI RIGS PA'I PHYIR RO, ,'DU BA CAN GYI 'BRAS BU YANG DNGOS POR YOD PA'I BLO DANG LDAN PA RNAMS KYIS GZHAN DU RGYU CHER BKAG PA NYID KYI PHYIR RO ZHES PA SHIN TU 'PHROS PAS CHOG GO, , DE BZHIN DU GANG BYAS PA LA SOGS PA RNAMS KYIS ZHES PAS LDAN PA'I PHYOGS LA MA KHYAB PA NYID GSUNGS TE, BYAS PA NYID LA SOGS PA RNAMS MI RTAG PA NYID LA SOGS PA RNAMS DANG 'BRAS BU DANG RGYU'I DNGOS PO YOD PA NI MA YIN PAS SO, ,GZHAN RNAMS NA RE LUS PO LA SOGS PA'I YAN LAG CAN GCIG MTHONG BA NI LTO BA LA SOGS PA'I YAN LAG MNGON SUM GYIS RTOGS PA GCIG LAS GZHAN PA'I YAN LAG RGYAB LA SOGS PA GANG YIN PA DE LHAG MA YIN ZHING, DE'I YUL CAN GYI SHES PA NI LHAG MA DANG LDAN PA STE, 'DI 'KHRUL PA YANG MA YIN TE LTO BA NI RGYAB LA SOGS PA MED PAR NAM GYI TSE YANG NYE BAR DMIGS PA SNGA MA MA YIN NO ZHE'O, ,'DI LA YANG THAMS CAD 'BYUNG BA KHO NA STE, GANG PHYIR RJES SU DPAG PA THAMS CAD LA NI MNGON SUM GYI DON LAS THA DAD PA KHO NA'I DON LA YANG DAG PAR RTOGS PA STE, RTAGS MA BZUNG BA LAS 'GAR YANG RJES SU DPAG PA NYE BAR SKYE BA NI MA YIN PA'I PHYIR RO; ,'KHRUL PA YANG YOD PA KHO NA STE, RVA LA SOGS PA'I YAN LAG YANG DAG PAR YOD PA LA YANG RNGA MA LA SOGS PA'I YAN LAG MED PA'I PHYIR RO, ,SNGA MA DANG LDAN PA LA YANG ZHES PA SNGA MA WATA CES PA 'DI LA 'DRA BA'I PHYOGS LA RVA LA SOGS PA'I RTAGS KYI BA LANG GI DON RJES SU DPOG PA NA, DU BA'I 'BREL PA YIN ZHING, DE YANG 'DIR BLO'I RTAGS LAS NGES PAR BYA BAR BSHAD NA, 'DIR BLO YANG DE DANG 'BREL PA MA GRUB PA'I PHYIR DANG, SO SOR 'CHING BA MED PA'I PHYIR YANG, RTAGS SU MI RUNG ZHES PAS DE LAS DE 'GRUB PA MA YIN NO, ,DE LAS KYANG LKOG SHAL LA SOGS PA'I RTAGS LAS BA LANG GI DON RJES SU DPOG PAR MI 'GYUR TE, DE YANG MTHONG NGO, ,DE LTAR NI TSOGS PA GCIG LA RAG LAS PA'I LKOG SHAL LA SOGS PA'I YAN LAG GI BDAG NYID CAN BA LANG NGO ZHES RIGS PAS RNAM PAR DPYOD PA RNAMS NI, MED NA MI 'BYUNG BA DES NAS LKOG SHAL LA SOGS PA'I RTAGS LAS @108B BA LANG GI DON LA RJES SU DPAG PAR BYED PAS SO, ,DU BA LAS ME RJES SU DPOG PA NA LDAN PA'I 'BREL PA STE, DE YANG MA BZUNG BA NA RTOGS PAR MI 'GYUR NA DE YANG MTHONG NGO, ,DE LTAR NI DU BA TZAM MTHONG NAS ME MED NA MI 'BYUNG BAR NGES PA SNGON MA CAN GYIS RJES SU DPOG PAR BYED PAS SO, ,DE'I TSE RTEN MTHA' DAG MA BZUNG BA NI, DON DU MA'I THUN MONG BA NYID KYI PHYIR NA GNYIS NYID LA SOGS PA LTAR LDAN PA YONGS SU GCOD PA YANG MA YIN NO, ,LDAN PA'I RKYEN GYI PHYOGS LA NI SPRIN LA SOGS PA RNAMS CHAR PA LA SOGS PA RNAMS DANG LHAN CIG 'BRAS BU DANG RGYU'I DNGOS PO'I 'BREL PA'O, ,LHAG MA DANG LDAN 'DRA LA YANG, ,'DRA BA'I PHYOGS LA YANG GZUGS NI RO LA DON GCIG LA 'DU BA MA YIN ZHES PAS 'DI RNAMS JI SKAD BSHAD PA'I 'BREL PA RNAMS SO, ,PHYI MA LA BSTAN PA MED PA'I PHYIR RO ZHES PA, LHAG MA DANG LDAN PA LA LDAN PA'I PHYOGS NI RNAM PAR DPYAD PA'I PHYI MA STE, DE LA 'DI BSTAN PA NYID KYI PHYIR RO, ,RGYU NYID LA SOGS PA RNAMS KYI YANG 'BREL PA CAN NYID CES PA, RGYU LA SOGS PA RNAMS KYI 'BRAS BU NYID LA SOGS PA RNAMS DANG LHAN CIG RTAGS DANG RTAGS CAN GYI DNGOS POR 'BREL PA 'DOD PA NA, RGYU NYID LA SOGS PA NI 'BRAS BU NYID LA SOGS PA TZAM LA LTOS PA NYID KYI PHYIR, DE LA RTAGS CAN LA 'BRAS BU NYID LA SOGS BA'I RNAM PA CAN KHO NA SHES PAR 'GYUR GYI, CHAR PA LA SOGS PA'I RNAM PA CAN DU NI MA YIN NO, ,CI'I PHYIR ZHE NA GSUNGS PA, 'BREL PA TZAM GYI SGO NAS ZHES PA LA SOGS PA STE, 'BREL PA MED PAR NI RTAGS LAS RTAGS CAN LA SHES PA SKYE BA MA YIN ZHING, RTAGS KYANG JI LTAR GANG DANG LHAN CIG 'BREL PA DE LTAR DE KHO NA RTOGS PAR BYED KYI, GZHAN RNAM PA GZHAN DU MA YIN TE, HA CANG THAL BAR 'GYUR NA MI RUNG NGO ZHES PAS SO, ,RGYU NYID LA SOGS PAS SPRIN LA SOGS PA RNAMS 'BRAS BU NYID LA SOGS PAS CHAR PA LA SOGS PA RNAMS 'BREL PA'O ZHES PAS DE TZAM RTOGS PAR 'GYUR RO, ,DE 'GYUR MED DO, ,BDAG NYID THAMS CAD KYIS DE RNAMS KYI 'BRAS BU DANG RGYU'I DNGOS PO LA SOGS PA RNAMS 'BREL PA YIN GYI CHA SHAS KYIS NI MA YIN NO, ,DE'I PHYIR THAL BA 'DIR MI 'GYUR TE, KHYAD PAR RNAMS KYANG 'BREL PA CAN @109A *, ,YIN PA NYID KYI PHYIR ZHE NA, GSUNGS PA, RNAM PA THAMS CAD 'DZIN PA'AM ZHES PA LA SOGS PA NI, THIGS PA CHEN PO CAN GYI CHAR PA MYUR DU 'BAB PA ZHES PA LA SOGS PA YANG 'DZIN PAR 'GYUR TE, 'DI LTA BU LA SOGS PA'I RNAM PA RNAMS DANG YANG LHAN CIG RGYU DANG 'BRAS BU LA SOGS PA'I DNGOS PO YIN PA'I PHYIR RO, ,KHO BO CAG LA NI GAL TE YANG RNAM PA THAMS CAD DU BSKYED PAR BYA BA DANG SKYED PAR BYED PA'I DNGOS PO YIN PA DE LTA NA YANG THAL BAR 'GYUR BA 'DI MA YIN TE, DE LTAR NGES PAR MI NUS PA NYID KYI PHYIR RO, ,PHA ROL POS NI MNGON SUM NGES PA'I BDAG NYID DU 'DOD DE, DE'I YUL YANG CHA SHAS MED PA'O, ,DE'I PHYIR GAL TE DE 'DZIN NA DES DE RNAM PA THAMS CAD DU GZUNG BAR BYA ZHING, YANG NA JI LTAR YANG MA YIN NO ZHES BSHAD DO, ,DE'I PHYIR DE KHO NA LA SKYON 'DI'O, ,SNGA MA LA GANG MNGON PAR BRJOD PA'I SKYON 'BREL PA GZHAN LAS RTOGS PA DANG 'BRAS BU TZAM LA SOGS PA'I RJES SU DPOG PA DANG RNAM PA THAMS CAD 'DZIN PAR ZHES PA LA SOGS PA DE RNAMS SPYI LAS MTHONG BA LA YANG BSGRE BAR BSTAN PA'I CHED DU GSUNGS PA, SPYI LAS MTHONG BA'ANG DE BZHIN NO ZHES PA'O, ,CI LTAR ZHE NA GSUNGS PA, DE YANG NI ZHES PA LA SOGS PA STE, 'O NA SNGA MA DAG LAS DE'I KHYAD PAR CI ZHE NA GSUNGS PA, SHIN TU LKOG TU GYUR PA LA ZHES PA'O, ,THAMS CAD DU YANG ZHES PA SNGA MA DANG LDAN PA LA SOGS PA RNAMS LA YANG STE, SNGA MA 'DRA BA DANG PHYI MA 'DRA BA'O ZHES SMRA BAS RJES SU DPAG PAR BYA BA'I SHES PA TSAD MAR BRJOD LA, DE KHO NA YANG DON RTOGS PA STE, 'BRAS BU GZHAN PA YANG MED DE, DE LAS KYANG KHAS BLANGS PA NYAMS SO, ,DER 'GYUR MOD, YANG NA NYE BAR LEN PA LA LTOS PA'I BLO RNAMS 'BRAS BU MA YIN NO ZHE NA, DE YOD PA MA YIN TE, DE RNAMS NI PHAN PA DANG MI PHAN PA DRAN PA'I RGYU CAN NYID KYI PHYIR RO, ,DE KHO NA DANG 'DI NI PHAN PA DANG MI PHAN PA'O ZHES PA LA SOGS PA DRAN PA MED PA DE RNAMS NI 'GA' ZHIG LA YANG NYE BAR SKYE BA MA YIN PAS SO, ,DE LTAR 'GYUR MOD 'BRAS BU KHAS BLANGS PA MED PA KHO NA'O ZHE NA GSUNGS PA MA YIN ZHES PA LA SOGS PA STE, GANG BYED PA YIN PA DE LAS LA BYA BA'I 'BRAS BU CAN TE, STA RE BZHIN RJES SU DPAG PA YANG DE LTA BU'O, ,RANG @109B BZHIN NO, ,GRUB PA LA BSGRUB PAR BYA BA NYID DU DOGS PAR BYAS NAS GSUNGS PA, RTAGS SHES ZHES PA LA SOGS PA'O, ,THA SNYAD BSTAN PA 'GRUB MI 'GYUR, ,ZHES PA GANG GI PHYIR RJES SU DPAG PAR BYA BA KHO NA SNGA MA DANG LDAN PA DANG LHAG MA DANG LDAN PA GTZO BO STE, SHES PA NI NYE BAR BRTAGS PAS TE, DE'I YUL CAN NYID KYI PHYIR DE LTAR RNAM PAR BSTAN TO ZHES BSGRAGS NA GANG LAS DE LTAR 'DI THA SNYAD DU BSTAN PAR 'GYUR BA RTAGS KYI SHES PA NI DE'I YUL CAN YANG MA YIN TE, RTAGS NI SNGA MA DANG LDAN PA DANG LHAG MA DANG LDAN PA NYID DU BSTAN BCOS SU YANG DAG PAR MA BSGRAGS PA NYID KYI PHYIR RO ZHES PAS KHAS BLANGS PA NYAMS PA'O, ,GANG YANG ZHES PA LA SOGS PAS KYANG KHAS BLANGS PA NYAMS PA KHO NA GSUNGS SO, ,DE LTAR NI DE NYID DU BSHAD PA, RE RE'I YANG RNAM PA GSUM NYID DU SHES PAR BYA BA'I DON DU RNAM PA GSUM ZHES SO, ,GTAN TSIGS CI ZHE NA 'DI KHO NA DUS GSUM NYID DU 'DZIN PA'I PHYIR RO ZHES PA'O, ,'DI YANG LDAN PA'I PHYOGS LA MI 'THAD PA KHO NA STE, RGYU LA 'BRAS BU MA 'ONGS PA KHO NA 'DZIN PA'I PHYIR RO, ,LHAG MA DANG LDAN PA'I YANG MA YIN TE, MA 'ONGS PA'I RJES SU DPAG PA MI SRID PA'I PHYIR RO, ,RGYU LAS SNGAR 'BRAS BU SRID PA YOD PA MA YIN PA'I PHYIR RO, , PHYOGS CAN PAS SMRAS PA, RDZAS LA SOGS PA'I TSIG GI DON BKAG PA LAS SGRA LA YON TAN NYID YANG DAG PAR SGRUB PA LHAG MA DANG LDAN PA'O ZHES PA'O, ,'DIR YANG 'BREL PA BSTAN PA MED PA'I PHYIR, DE'I RJES SU DPAG PA NYID KHO NA YANG RNYED PAR DKA' NA, RNAM PA GSUM NYID LTA CI SMOS, ,RAB TU SPROS PAS SGRA YANG YON TAN NYID BSGRUBS PA NI LUNG LAS GRUB PA STE, YID CHES PA'I MING RNAM PAR SGRUB PAS ZHES PA LA SOGS PA'O, ,DE'I PHYIR SGRA LA YON TAN NYID SGRUB PA NI RJES SU DPAG PA MA YIN NO, ,DE LA NI LTA BU YANG MA YIN NA ZHES PA SNGA MA LTA BU'I RJES SU DPAG PA LA RANG GI 'BREL PA BSTAN PA KHO NA MED DE, DE'I PHYIR DE RJES SU DPAG PA NYID DU BSTAN PA MA YIN NO ZHES PA 'DI'I RNAM PA GSUM NYID GA LAS YIN, SNGA MA DANG MTSUNGS PA ZHES RNAM PA TZAM STON PA LAS BSTAN PAR 'GYUR BA NI MA YIN TE, DRAN PA LA SOGS PA RNAMS LA YANG SNGA MA DANG 'DRA BAR 'DZIN PA'I PHYIR RO, ,DE BZHIN @110A *, ,DU LHAG MA DANG STE MNGON SUM DANG MTSUNGS PA'O ZHES 'DIR YANG 'BREL PA BSTAN PA MA YIN PA KHO NA'O ZHES PA'O, ,BYE BRAG PA RNAMS KYI YANG ZHES PA LA SOGS PA'O, ,'DI'I 'BREL PA NI RNAL 'BYOR PA RNAMS KYI MNGON SUM GYI SHES PA'I SGRUB PAR BRJOD LA, RTAGS LAS SKYES PA NYID DU DE 'CHAD PAR 'GYUR RO, ,'O NA RTAGS LAS SKYES PA ZHES PA 'DI CI ZHE NA, BRJOD PAR BYA BA STE, KUN NAS BLTAS SHING LHAG PAR ZHEN PA NI, KUN NAS BLTAS PA RNAMS TE, RJES SU RTOGS PA YANG NGO, ,DE LA GANG DNGOS SU DON RNAMS KUN NAS LTA BA, DPER NA 'DI NI BA LANG KHO NA'O, , 'DI NI RTA KHO NA'O ZHES PA DE MNGON SUM MO, ,GANG GZHAN BLTA BAR BYA BA RNAMS 'DI'I RJES SU RTOGS PA DE NI RTOGS PA LAS BYUNG BA HA CANG THAL BAR BYA BZHIN PA DE NI RTAGS DANG RTAGS CAN NGES PA'I CHED DU BRDA LAS BYUNG BA CAN GYI MTSAN NYID NGES PAR BSTAN PAR BYA BA STE, BRDA LA YOD PA NI BRDA LAS BYUNG BA STE, BRDA BYAS PA ZHES PA'I DON TO, ,'DI LTA STE, 'DI'I 'DI NI ZHES PA LA SOGS PA STE, 'DI'I ZHES PAS RTAGS GSUNGS SO, ,'DI NI ZHES PA NI RJES SU DPAG PAR BYA BA'O, ,GANG GI TSE 'DI 'DI RAB TU GRUB PA DANG, THE TSOM MED PAR YANG 'GYUR BA'O, ,'DI'I STE SHES PAR BYED PA'AM 'BYUNG BAR BYED PA LA NUS PA CAN GYI RGYU'I, 'DI LTA STE GSAL BAR BYA BA'AM 'GRUB PAR BYA BA 'BRAS BU'O ZHES PA'O, ,CI STE 'DI'I RGYU MTHONG BA LAS 'BRAS BU GZUNG BAR BYA BA MA YIN NA YANG RJES SU NGES PAR 'GYUR TE, DPER NA NYIN MOR BYED PA SHAR BAR MTHONG BA LAS BUM PA MNGON PAR GSAL BA LA BZHIN DANG, SNAL MA RNAMS BRES SHING BRKYANG BAR GNAS PA RNAMS DANG THA GA PA LHAG PAR GNAS PA RNAMS MTHONG NAS 'BYUNG BA'I SNAM BU LA BZHIN NO, ,DE LTAR GANG GI TSE 'DI'I 'DI RAB TU GRUB PA DANG THE TSOM MED PAR 'GYUR BA STE, GSAL BAR BYA BA'AM 'GRUB PAR BYA BA'I 'BRAS BU 'DI'I YANG 'DI RGYU'O ZHES PA YIN PA NA, DE NAS 'DI'I 'BRAS BU LTA BA'I PHYIR ZHES PA LA SOGS PA JI LTAR RIGS PAR BRJOD PAR BYA'O, ,'BREL PA CAN RNAM PA GNYIS TE YANG DAG PAR LDAN PA CAN YANG DPER NA DU BA ME LAS LTA BU STE, YANG DAG PAR 'DU BA CAN YANG DPER NA BA LANG GI RVA LTA BU'O, ,DON GCIG LA 'DU BA CAN YANG RNAM PA GNYIS @110B TE, 'BRAS BU GZHAN GYI 'BRAS BU DANG, RGYU GZHAN GYI RGYU'O, ,DE LA RGYU'I DON GCIG LA 'DU BA STE, GCIG GI DON RNAMS LA 'DU BA'O, ,'BRAS BU YANG GCIG TU DON RNAMS KYI 'DU BA ZHES TSIG RNAM PAR SBYAR BA THA DAD PA LAS SO, ,DE LA 'BRAS BU LAS 'BRAS BU GZHAN LA RJES SU DPOG PA NI DPER NA GZUGS LAS REG PA LTA BU'O, ,RGYU LAS RGYU GZHAN LA NI DPER NA RKANG PA LAS LAG PA DAG LTA BU'O, ,'GA' BA NI RNAM PA BZHI STE, BYUNG BA'I MA BYUNG BA NI DPER NA YOD PA MA YI PA'I CHAR PA'I LAS NI YOD PA RLUNG DANG SPRIN YANG DAG PAR SBYOR BA'I STE, DE YOD NA CHAR PA'I LAS MED PA'I PHYIR RO, , BYUNG BA MA BYUNG BA'I NI, CHAR PA'I LAS YOD BZHIN PA DE KHO NA RLUNG DANG CHAR PA YANG DAG PAR SBYOR BA DE KHO NA'I STE, SHIN TU 'JUG PA NYID DANG RAB TU 'JUG PA MED PA NYID RTOGS PAR BYED DO, ,BYUNG BA'I NI GSHER BA NYID CHU LON 'CHING BA'I STE, GSHER BA NYID KYI 'BRAS BU RLAN PA DANG 'GAL BA'I PHYIR GSHER BA NYID DANG 'GAL BAR BSTAN TO, ,MA BYUNG BA MA BA'I NI MNGON PAR GRUB PA LJANG GU NYID KYI BUM PA TSOS THA? LAS SKYES PA'I NGO BOR BYUNG BA LA, MNGON PAR GRUB PA'I BUM PA ME DANG YANG DAG PAR SBYOR BA'O, ,RGYUS 'BRAS BU RJES SU DPAG PA'I GTAN TSIGS DAG GO ZHES BRJOD DO ZHES PA PHA ROL PO'I MNGON PAR 'DOD PA LA ZHEN PA DGONGS PA'O, ,'O NA BSKYED PAR BYA BA DANG SKYED PAR BYED PA'I MTSAN NYID DAG STE, DE LA 'BRAS BU DANG RGYU DAG BKAG GI ,GSAL BAR BYA BA DANG GSAL BAR BYED PA'I MTSAN NYID DAG NI MA YIN NO ZHE NA, SKYON 'DI MED DE, GSAL BAR BYA BA DANG GSAL BAR BYED PA'I DNGOS PO NI BSKYED PAR BYA BA DANG SKYED PAR BYED PA'I DNGOS PO KHO NA'O, ,DE LTAR NI LHAN CIG BYED PA PO GSAL BAR BYED PA LAS, NYE BAR LEN PA LA LTOS NAS SHES PA SKYED PAR RUNG BA'I SKAD CIG GZHAN SKYES PA KHO NA NI, BUM PA LA SOGS PA RNAMS KYI BSAL BA STE, RNAM PA GZHAN DU NA DES BYAS PA'I PHAN 'DOGS PA LA LTOS PA MED PAR SHES PA SKYE BAR THAL ABAR 'GYUR BA'I PHYIR RO, ,PHA ROL PO NI RMONGS PA LAS SKYED PA DANG BRAL BA KHO NA'I NGO BO MA DOR BA'I BUM PA LA SOGS PA'I MNGON PAR GSAL BAR SEMS SO, ,DE'I RANG GI NGO BO NGES PAR RTOGS PA YANG MA YIN NO, ,SHES PA SKYED BYED @111A *, ,KYI NUS PA MNGON PAR GSAL BA'O ZHE NA, DE LTA NA 'O MA BUM PA LA SOGS PA KHO NA MNGON PAR GSAL BAR BYED PAS BYA'O ZHES 'THOB STE, NUS PA NI DE'I BDAG NYID DU GYUR PA NYID KYI PHYIR RO, ,DON GZHAN NYID NA BUM PA LA SOGS PA LA PHAN MI 'DOGS PAR THAL BA'I PHYIR RO,, NUS PA LAS SHES PA SKYE BA'I PHYIR BUM PA LA SOGS PA RNAMS RTAG TU 'DZIN PA MA YIN PAR YANG THAL BAR 'GYUR TE, RGYU MA YIN PA NI YUL DU 'THAD PA MA YIN PAS SO, ,DE'I YANG DE LA NUS PA'O ZHE NA, 'BA' ZHIG PAS KYANG SKYED PAR BYED PAR 'GYUR RO, ,LHAN CIG BYED PA LA LTOS NAS SKYED PAR BYED KYI 'BA' ZHIG PAS MA YIN NO ZHE NA, PHAN GDAGS BYA MA YIN PA'I LTOS PA 'DI CI ZHIG ,SHES PA MNGON PAR GSAL BA'O ZHE NA, RTAG TU BUM PA LA SOGS PA MI 'DZIN PAR THAL LO ZHES PA LA SOGS PA THAMS CAD SLAR YANG 'JUG GO, ,DES NA PHA ROL POS YONGS SU BRTAGS PA'I MNGON PAR GSAL BA NI 'THAD PA MA YIN TE, DE'I PHYIR DE NI RTAGS DANG RTAGS CAN GYI DNGOS PO MA YIN NO, ,SNAL MA LA SOGS PA YAN LAG RNAMS LAS GZHAN PA'I YAN LAG CAN GYI RDZAS BUM PA LA SOGS PAR RTOGS PAR BYA BA YANG MA YIN TE, DE'I PHYIR RANG BZHIN MI DMIGS PAS YOD PA NYID GSAL BAR BYAS PA CAN DE NI MED PA KHO NA'O, ,DES NA DE RNAMS KYIS DE'AM, DES DE RNAMS RJES SU DPOG PA GA LA YIN, DE YOD PA NYID NA YANG RGYU LAS RJES SU DPOG PA RIGS PA MA YIN TE, 'KHRUL PA'I PHYIR RO ZHES BRJOD ZIN TO, ,DE LTAR 'GYUR MOD RGYU TSOGS PAS 'BRAS BU SRID PA RJES SU DPAG PAR BYA'O ZHE NA, 'DI MI RIGS TE, MNGON SUM NGES PA'I BDAG NYID CAN DU KHAS BLANGS PA'I PHYIR RO, ,RGYU NI SKYED PAR BYED PA KHO NAR 'GYUR BA GEGS BYED PA MI 'BYUNG BA CAN NAM, SKYED PAR BYED PA MA YIN PA KHO NA'ANG GEGS NGES PAR 'BYUNG BA CAN YIN, BRTAG PA SNGA MA LA NI, DE DE'I NGO BOR MNGON.. SUM GYIS NGES SO ZHES PAS, DE LAS KHYAD PAR CAN GYI 'BRAS BU SKYED PA RJES SU DPAG PA KHO NAR 'GYUR NA 'GYUR BA YANG MA YIN NO, ,JI LTAR RGYU LAS 'BRAS BU YONGS SU BCAD NAS DE'I DON LA RAB TU 'JUG BZHIN PA SLU BA MED PA MTHONG BA BZHIN NO, ,PHYOGS GNYIS PA LA NI RGYU KHO NAR DE MI @111B 'GYUR RO ZHES PA'I NGES PA YOD PA NA, DE LAS 'BRAS BU 'BYUNG BA RJES SU DPAG PA GA LA YIN, ME GRANG BA'I RGYUR GYUR PA MA YIN NA ZHES NGES PA YOD PA LA 'GA' ZHIG MES GRANG BA YANG DAG PAR 'BYUNG BA RJES SU DPOG PA NI MA YIN PAS SO, ,DE LTAR PHA ROL PO'I 'DOD PAS RGYUS 'BRAS BU DAG RJES SU DPOG PA'I GTAN TSIGS DAG MA YIN NO, ,LDAN MIN RTOGS MED LA 'GRUB PHYIR, ,ZHES PA GANG MA BZUNG BA NA YANG GANG LA RJES SU DPOG PA DE NI RJES SU DPOG PA'I RGYU MA YIN TE, DPER NA CHU'I ME BZHIN, ME DANG DU BA'I LDAN PA MA BZUNG BA NA YANG ME RJES SU DPOG PAR 'GYUR RO,, KHYAB PAR BYED PA DANG 'GAL BA'O, ,YANG CI LTAR DE MA RTOGS PA NA YANG 'GRUB PA YIN ZHE NA, SMRAS PA, MTHONG BA'I PHYIR ZHES PA LA SOGS PA STE, LDAN PA NI GNYIS LA GNAS PA NYID KYI PHYIR GNYIS NYID BZHIN DU RTEN THAMS CAD MTHONG BA SNGON MA CAN KHO NAS 'DZIN PAR 'GYUR LA, RJES SU DPAG PA'I DUS NA YANG RTEN THAMS CAD MA MTHONG BA'I PHYIR LDAN PA 'DZIN PA MI SRID PA KHO NA'O, ,DE STE YANG MED NA MI 'BYUNG BA NYID DRAN PA LAS DU BAS ME RJES SU DPAG PAR BYA BA MA YIN NO, ,'DIR 'GYUR MOD 'DI NI MA SHES PA KHO NAR RJES SU DPOG PA'I GTAN TSIGS SU 'GYUR RO ZHE NA, GSUNGS PA, SHES PA'I RGYU NYID KHO NAS KYANG, ,ZHES PA LA SOGS PA STE, RANG GI YUL CAN GYI SHES PA'I RGYUS ZHES PA'I DON TO, ,GANG PHYIR SHES PAR BYED PA THAMS CAD NI RANG GI YUL CAN GYI SHES PA NYE BAR SKYED PAR BYED CING SHES PAR BYA BA'I DON SHES PAR BYED DE SGRON MA BZHIN NO, ,RNAM PA GZHAN DU NA MA BZUNG BA'I DU BA LAS KYANG ME LA RTOGS PAR 'GYUR RO, ,LDAN PA YANG ZHES PA LA SOGS PA STE, GANG LDAN PA'I RTEN YIN PA DE SO SOR SBYOR BA GNYIS PA LA RTOGS PAR BYED PA'I GTAN TSIGS TE, DPER NA DU BA BZHIN, ME YANG DE LTA BU'O ZHES RANG BZHIN GYI THAL 'GYUR GSUNGS SO, ,DE LTAR 'GYUR MOD, 'DI NI 'DOD PA KHO NA'O ZHE NA GSUNGS PA, MTHONG ZHES PA LA SOGS PA'O, ,'O NA DU BA YANG GNAS KYI KHANG PA LA SOGS RNAMS SU ME MED PA LAS 'BYUNG BA MTHONG BA KHO NA'O, ,DES NA GANG GIS GCIG LA MNGON PAR GSAL BAR BYED PA NYID DU THAL BAR @112A *, ,'GYUR BAR RTZOD CING CIG SHOS LA MA YIN PA 'DI DAG GI KHYAD PAR CI YIN, 'DI LTAR SEMS TE GAL TE YANG DU BA'I LDAN PA CAN NYID DA LTAR BYUNG BA MED MOD, BYUNG BA SNGON MA NI YOD PA KHO NA STE, RGYU MTSAN CAN NI RGYU MTSAN LA MI 'KHRUL BA'I PHYIR RO, ,SKYE BZHIN PA KHO NA'I DU BA NI ME DANG LDAN ZHING, ME NI DE'I RGYU MTSAN YIN LA, GDON MI ZA BAR RGYU MTSAN RNAMS NI RGYU MTSAN CAN LA 'JUG PAR 'GYUR BA YANG MA YIN NO, ,DE'I PHYIR DE GNAS SKABS GANG DU YANG BYUNG BA SNGON MA CAN GYIS YANG LDAN PA CAN NYID SRID PA MA YIN NO ZHES PA'O, ,DE LTAR GANG GI PHYIR ME NI RES 'GA' DU BA'I RGYU MTSAN YIN LA RES 'GA' RGYU MTSAN MA YIN PA DE'I PHYIR 'KHRUL PA NYID LAS DE DU BA'I NGOR MNGON PAR GSAL BAR BYED PA NYID MA YIN NO, ,LDAN PA RJES SU DPOG PA'I RGYUR 'DOD PA LA NI DE 'THOB BO ZHES BRTZAD PAR BYA'O, ,DMIGS KYIS BSAL BA'I PHYIR ZHES PA LA SOGS PA STE, THE TSOM ZA BA'I MNYAN PAS MA NGES PA NYID SMRAS TE, THE TSOM GYI RGYU NYID KYI PHYIR RO, ,YANG CI LTAR LDAN PA CAN NYID MTSUNGS PA NYID LA ME'I MA NGES PA NYID DANG DU BA'I MA YIN PA CI LTAR ZHE NA SMRAS PA, DE GDON MI ZA BAR MA YIN ZHES PA LA SOGS PA'O, ,THA DAD MIN PHYIR ZHES PAS LDAN PA NI THOB PA YIN LA, DE THA DAD PA YOD PA YANG MA YIN TE, DE LAS KYANG JI LTAR GCIG GI THOB PA DE LTAR GNYIS PA'I YANG NGO ZHES PA ME GCIG PU LA RGYU MA YIN PAR RIGS PA MA YIN NO, ,DE LTAR 'GYUR MOD LDAN PA'I RTEN 'GA' ZHIG NI 'KHRUL PA STE GANG DE LA 'KHRUL PA'O, ,'GA' ZHIG NI MI 'KHRUL PA STE GANG 'KHRUL PA MED PA'O, ,DE LA GANG ZHIG 'DI'I RTEN MI 'KHRUL BA DE KHO NA RTAGS NYID DU 'DOD KYI CIG SHOS NI MA YIN NO, ,DE'I PHYIR LDAN PA GZUNG BA ZHES PA KHO NA RJES SU DPOG PA'I RGYU MA YIN GYI, 'O NA CI ZHE NA, GANG GI TSE 'DI NI 'DI'I RTEN 'KHRUL PA CAN NO, ,'DI NI 'KHRUL PA MED PA'O ZHES PA 'DI LTAR YANG 'KHRUL PA DANG, 'KHRUL PA MED PA'I RTEN NYID KYIS RNAM PAR DPYOD PA SNGON MA CAN GZUNG BAR BYA STE, DE KHO NA 'KHRUL PA MED PA'I RTEN LA RTOGS PAR BYED PA NYID 'DZIN PA'O, ,DES NA 'KHRUL PA MED PA DE KHO NAS RJES SU DPAG PAR BYA'O ZHES PAS JI SKAD BRJOD PA'I SKYON GYI GNAS @112B MED DO ZHES GSUNGS PA, MA YIN ZHES PA LA SOGS PA STE, LDAN PA NI LHAN CIG GAM GCIG MA YIN PAR GZUNG BAR BYA BA YIN, BDAG NYID PHUL DU BYUNG BA CI YANG SGRUB PAR MI BYED DE, GANG GIS LAN CIG MA YIN PAR LDAN PA GZUNG BAR BYA BA DE RJES SU DPOG PA'I RGYU NYID DU 'GYUR BA'O, , GAL TE YANG DE BZUNG ZIN PAR GYUR YANG SLAR YANG 'KHRUL PA DANG MA 'KHRUL BA'I RTEN NYID DU 'DZIN PA LTOS PA YIN NA, DE LTAR GYUR NA GZHAN KHO NA MED NA MI 'BYUNG BA'I 'BREL PA NYID DU KHAS BLANGS PAR 'GYUR GYI, LDAN PA NI MA YIN NO, ,DE'I PHYIR DE KHAS LEN PAR BYED PA NA, 'DI'I CIG CAR KHO NA 'DZIN PA TSAD MAR BYA BA'O, ,DE LAS KYANG 'DI'I 'KHRUL PA DANG MA 'KHRUL PA NYID DU RNAM PAR DPYAD PA GA LAS YIN ZHES PA'O, ,GANG GI YANG MED NA MI 'BYUNG BA NYID 'BREL PA YIN PA DE'I YANG SKYON 'DI CI LTAR MI 'BYUNG ZHE NA GSUNGS PA, GANG GI NI ZHES PA LA SOGS PA STE, GDON MI ZA BAR SMOS PA NI, BYAS PA NYID DANG MI RTAG PA NYID LA SOGS PA LA MED NA MI 'BYUNG BA NYID KYANG GNYIS KA LA 'JUG PA'I PHYIR RO, ,CHA 'GA' YIS MIN ZHES PA LA SOGS PAS NI, ME'I NGO BO GANG ZHIG DU BA LA LDAN PA CAN YIN PA DE NI DU BA'I GO BAR BYA BA STE, ME LA SOGS PA'I NGO BO BZHIN, 'BAR BA LA SOGS PA'I NGO BO YANG DE LTA BU'O, ,DE BZHIN DU DU BA'I NGO BO GANG ZHIG ME DANG LDAN PA CAN YIN PA DE NI ME'I GO BAR BYED PA YIN TE, DU BA NYID LA SOGS PA'I NGO BO BZHIN, RDZAS LA SOGS PA'I NGO BO YANG DE LTA BU'O ZHES RANG BZHIN GYI THAL 'GYUR GNYIS GSUNGS SO, , 'BAR BA LA SOGS PA'I MNYAN BAS KYANG 'DIR DE DANG LDAN PA'I ME'I NGO BO KHO NA GSUNGS KYI YON TAN DANG SPYI DAG NI MA YIN TE, DE DAG GI LDAN PA CAN NYID MI SRID PA'I PHYIR RO, ,JI LTAR YANG ZHES PA LA SOGS PA, JI SKAD BSHAD PA'I SKYON NI 'BREL PA GZHAN LA YANG BSGRES NAS STON TO, , 'GAL BA RNAMS LA SRID PA'I PHYIR, ,ZHES PA SRID PA SMOS PAS NI BYUNG ZIN PA KHO NA'I 'GAL BA LA THAL BAR 'GYUR BA 'DI STE, MA BYUNG BA LA NI MA YIN TE, DE LA SPYI DANG KHYAD PAR MI 'THAD PA'I PHYIR ZHES STON TO, ,RTAGS KYI ZHES PA LA SOGS PA STE, RTAGS KYI STENG DU BA LA SOGS @113A *, ,PA'I GZHAN DANG SPYI GANG YIN PA RDZAS NYID LA SOGS PA'I NGO BO DANG, GANG YANG 'BAR BA LA SOGS PA KHYAD PAR RNAMS TE, DE GNYIS KA LA YANG GSAL BAR BYED PA DANG GSAL BAR BYA BAR MI 'GYUR RO, ,'DIR YANG BAR CHOD PA SBREL BAR BLTA BAR BYA STE, RTAGS NI GZHAN DANG THUN MONG DANG, ,RTAGS CAN GYI NI KHYAD PAR RNAMS, ,GSAL BYED GSAL BYA MIN ZHES PA'O, ,SDEB SBYOR GYI NGOR DE LTAR KLAGS PA'O, ,GZHAN LA STE BYE BRAG PA LA SOGS PA RNAMS KYI LTAR NA'O, ,RNAM PA KUN DU THAL BAR 'GYUR TE GSAL BYED DANG GSAL BYA'I LDAN PA LA SOGS PA'I 'BREL PA KHYAD PAR MED PA NYID KYI PHYIR RO ZHES PA'O, ,LDAN PA CAN TZAM RTOGS PAR THAL BAR 'GYUR RO ZHES PA LDAN PA CAN GYI RNAM PA TZAM GYIS RJES SU DPAG PAR BYA BA 'DZIN PAR 'GYUR RO ZHES PA'I DON TO, ,'DI GA LAS SHE NA GSUNGS PA, GZHAN DU NA ZHES PA LA SOGS PA'O, ,'BREL PA'I RJES SU MTHUN PAR RTAGS KYIS RTAGS CAN GO BAR BYED DO, ,DE'I PHYIR LDAN PA'I DBANG GIS RTAGS KYIS RTOGS PAR BYED PAR 'GYUR ZHING, LDAN PA CAN GYI NGO BOR BZUNG BA DE'I NGO BO KHO NAS RTOGS PAR 'GYUR TE, LDAN PA CAN NYID NI LDAN PA CAN GZHAN LA LTOS PA NYID KYI PHYIR RO, ,DE SKAD DU YANG BSHAD PA, GANG 'DI 'DI'I LDAN PA CAN DU RAB TU GRUB CING THE TSOM MED PAR 'GYUR NA, DE NAS 'DI'I 'BREL PA CAN 'DZIN PA'I PHYIR, 'BREL PA CAN GZUNG BA MA YIN PA LA YANG RJES SU NGES PAR 'GYUR RO ZHES PA'O, ,'DIR 'GYUR MOD ME'I NGO BO KHO NAS LDAN PA STE, DE'I PHYIR DE'I NGO BOS KYANG RTOGS SO, ,GANG YANG DE NAS 'DI'I ZHES PA LA SOGS PA BSHAD PA DE LA, 'BREL PA CAN LA ZHES PA 'DIS KHYAD PAR KHO NA LA MCHOG TU SNYEG PA STE, LDAN PA CAN YAN LAG CAN GYI NGO BO TZAM NI MA YIN NO ZHE NA GSUNGS PA, 'DIR YANG MA YIN ZHES PA LA SOGS PA'O, , YANG NA DOGS PAR MA BYAS NAS, PHYOGS SNGA MA LA SKYON GZHAN KHO NA 'DIS GSUNGS SO, ,GAL TE DU BAS LDAN PA CAN GYIS ME YOD PA NYID SGRUB PAR BYED NA, ME DANG DU BA LDAN PA NI RJES SU DPOG PA LA YAN LAG TU 'GYUR NA, 'DIR NI BSGRUB PAR BYA BA YANG MA YIN TE, CI'I PHYIR ZHE NA, @113B GSUNGS PA, DE RTOGS ZIN PA NYID KYI PHYIR ZHES PA'O, ,'O NA CI BSGRUB PAR BYA BA YIN ZHE NA GSUNGS PA, GANG DU NI ZHES PA LA SOGS PA STE, CI'I PHYIR ZHE NA, 'DIR 'DI ZHES PA'I TSIG LAS 'DIR GYI SGRAS 'DIR YUL GYI RTEN NYID DU RTOGS PAR BYA'O, ,'O NA RTEN NI SPYI YIN ZHING, 'DIR ZHES PA'I TSIG GIS BSGRUB PAR BYA BA YIN NA, DE LA DE LAS KHYAD PAR RTOGS PA GA LAS YIN ZHE NA GSUNGS PA, RNAM PA GZHAN DU NA ZHES PA LA SOGS PA STE, 'DIS NI KHYAD PAR DON GZHAN NYID MI SRID PAR GSAL BAR BYED DO, ,GANG DU 'DIR ZHES PA'I TSIG 'DI DON GZHAN MI SRID PA YIN PA DER, RAB TU 'JUG PA'I RTEN BRJOD PAR 'DOD PA YIN TE, DPER NA 'DI KHRON PA ZHES PA'I NGAG LA BZHIN, 'DIR ME ZHES PA 'DI LA YANG 'DIR ZHES PA'I TSIG NI DON GZHAN MI SRID PA CAN YIN NO, ,'BRAS BU'O, ,'O NA KHYAD PAR MA GRUB PA MA YIN NAM, DU BA KHO NA 'DIR ZHES PA 'DIS BRJOD PAR 'DOD PA NYID KYI PHYIR RO ZHE NA GSUNGS PA, DU BA LA ME ZHES PA LA SOGS PA STE, DAM BCA'I DON GYI PHYOGS GCIG NYID NI BSGRUB PAR BYA BA'I CHOS CAN KHO NA GTAN TSIGS NYID DU MNGON PAR BRJOD PA'I PHYIR RO, ,'O NA KHYAD PAR DAM BCA'I PHYOGS GCIG YIN LA, SPYI GTAN TSIGS TE, DES NA SKYON 'DI GA LAS YIN ZHE NA, 'DI LTAR SEMS TE, ME DANG DU BA DAG GI LDAN PA 'BREL PAR 'DOD PAS GTAN TSIGS KYANG KHYAD PAR GYI MTSAN NYID KYI BDAG NYID KHO NAR KHAS BLANG BAR BYA STE, SPYI NI MA YIN NO, ,RNAM PA GZHAN DU NA RDZAS DAG KHO NA PHAN TSUN LDAN PA MI SRID PAR 'GYUR NA, GANG GI PHYIR 'DI NI BSTAN BCOS SU 'DOD PAS YANG NGO, ,DE LAS KYANG DAM BCA' BA'I DON GYI PHYOGS GCIG GTAN TSIGS SU 'GYUR RO, ,'DIR YANG 'DI BRJOD PAR BYA BA KHO NA STE, 'DIR ME YOD PA BSGRUB PAR BYA BA YANG MA YIN TE, DE NI RTOGS ZIN PA NYID KYI PHYIR ZHES PA LA SOGS PA'O, ,LAN DE BRJOD PAR BYA BA YIN DU ZAD MOD, GANG LA JI SKAD BSHAD PA'I SKYON LAS GROL BA MA YIN NO, ,'DIR NI DU BA'I KHYAD PAR LA YANG ME BSGRUB PAR BYA BA LA, SKYON DANG BCAS PA DE'I GNAS SKABS KHO NA'O, ,DE'I PHYIR 'DI'I LAN MA YIN NO ZHES PA'O, ,GAL TE @114A *, ,DE LTA NA RDZAS DAG KHO NA'I PHAN TSUN NI LDAN PA'O ZHES PA GZHUNG LUGS TE, 'O NA DE LTA NA ME YANG KHYAD PAR KHO NA RANG GI MTSAN NYID KYI RNAM GRANGS PA BSGRUB PAR BYA BA NYID DU KHAS BLANG BAR BYA BA MA YIN NAM, DE LAS KYANG BSGRUB PAR BYA BA DANG SGRUB PAR BYED PA DAG RANG GI MTSAN NYID KYI BDAG NYID YIN PA NYID KYI PHYIR GTAN TSIGS THAMS CAD THUN MONG MA YIN PAR 'GYUR RO, ,DPE YANG BSGRUB BYA DANG SGRUB BYED DANG BRAL BA'O ZHE NA, 'DI NI BDEN TE, DE'I PHYIR GSUNGS PA, DE'I PHYIR RTAGS DANG RTAGS CAN DAG GDON MI ZA BAR LDAN PA MA YIN GYI ZHES PA STE, 'DIR KHAS BLANG BAR BYA'O ZHES BRTAG PAR BYA STE, GANG GI PHYIR LDAN PA'I 'BREL BA LA DE LTA BU'I SKYON YIN PA DE'I PHYIR RTAGS DANG RTAGS CAN DAG LDAN PA'I 'BREL BA CAN DU KHAS BLANG BAR BYA BA MA YIN PA KHO NA'O, ,GDON MI ZA BA SMOS PAS NI NGES PAR GZUNG BA BSTAN PA'O, ,'O NA CI ZHE NA, MED NA MI 'BYUNG BA NYID KHO NA ZHES PA, DE LA SKYON MED PA NYID KYI PHYIR RO, ,'O NA YANG DE YANG SKYON DANG BCAS PA KHO NA MA YIN NAM, MA KHYAB PA NYID KYI PHYIR RO, ,GANG PHYIR DE THAMS CAD KYI TSE RTAGS LA 'BYUNG BAR 'GYUR BA NI MA YIN PAS TE, DE LTAR NI MES STONG PA'I YUL DANG DUS DAG NA YANG 'GA' ZHIG GI TSE DU BA NYE BAR DMIGS PAS SO ZHE NA GSUNGS PA, YUL DANG LAS LA LTOS PA NI, ,ZHES PA LA SOGS PA STE, JI TZAM GYI YUL DU DU BA ME MED PAR MTHONG BA MA YIN PA DE LA LTOS PAS MED NA MI 'BYUNG BA NYID DU 'GYUR LA, DUS JI TZAM GYIS TE, GTZUB SHING GTZUBS PA LA SOGS PA'I GNAS SKABS NA'O, ,SOGS PA'I SGRAS DE LAS GZHAN PA'I GNAS SKABS ME NYE BAR GYUR PA NA YANG, DU BA ME DANG MED NA MI 'BYUNG BAR NYE BAR DMIGS PA NI DE LA LTOS PAS MED NA MI 'BYUNG BA NYID DO, ,'DU BA YANG ZHES PA LA SOGS PA STE, GANG 'BREL PA NYE BAR MA DMIGS PA 'DI NI RJES SU DPOG PA'I RGYU MA YIN TE, DPER NA RGYU DANG 'BRAS BU'I DNGOS PO RAB TU MA GRUB PA 'GA' ZHIG DAG GI BZHIN, 'DU BA YANG RAB TU MA GRUB PA'O ZHES PA KHYAB PAR BYED PA MI DMIGS PA GSUNGS PA'O, ,'BREL PA NI ZHES PA LA SOGS PA DPE GSAL BAR BYED PA'O, ,MA YIN ZHES PA LA SOGS PA @114B 'DI NYID KYI RNAM PAR 'BREL PA'O, ,RTOGS PA MED PA'I YANG ZHES PA STE, GANG ZHIG GI YANG 'DU BA CAN GYI YUL CAN RTOGS PA YOD PA MA YIN PA DE'I YANG RVA LA SOGS PA LA, MED NA MI 'BYUNG BA NYID DRAN PA LAS BA LANG LA SOGS PA YANG DAG PAR RTOGS PAR MTHONG NGO, ,DE'I PHYIR MED NA MI 'BYUNG BA NYID KHO NA RJES SU DPOG PA'I RGYU YIN TE, DE YOD PA'I DNGOS PO DAG DE DANG LDAN PA NYID KYI PHYIR, MYU GU'I SA AG PA' NO, ,'DI LA YANG DE KHO NA ZHES PA LA SOGS PAS DON GCIG LA 'DU BA LA 'DU BA'I SKYON DANG LDAN PA NYID DU GSUNGS SO, ,'DIR YANG ZHES PA LA SOGS PAS KYANG LDAN PA'I SKYON DANG LDAN PA NYID DU'O, ,DER 'GYUR MOD, YOD PA MA YIN PA DANG THE TSOM ZA BA NI BSTAN PA MA YIN NO ZHES DMIGS BSAL YOD DO, ,DE'I PHYIR GZUGS NI REG BYA LA RLUNG LAS RJES SU DPAG PA MA YIN NO ZHE NA GSUNGS PA, 'KHRUL PA NYID NA YANG ZHES PA LA SOGS PA'O, , RGYU'I RGYU LAS ZHES PA, LUS KYI RGYU NI MGO BO YIN LA, DE'I YANG RGYU NI RANG GI CHA SHAS DPRAL BA'O, ,DE LAS KYANG RGYU'I RGYU LAS 'BRAS BU'I 'BRAS BU LUS LA YANG DAG PAR RTOGS PA MTHONG STE, YANG LUS DANG MGO BO'I CHA SHAS NI DON GCIG LA 'DU BA CI LTAR YIN, JI TZAM GYIS TSIG RNAM PAR SBYAR BA THA DAD PA LAS DON GCIG LA 'DU BA CAN RNAM PA GNYIS SU BSTAN TO, ,DON GCIG GIS 'DU BA ZHES TSIG RNAM PAR SBYAR BA GZHAN LA BRTEN PA'I PHYIR RO, ,DE LTAR NI MGO BO DON GCIG YIN ZHING DES KYANG DE GNYIS KA DAG GI YANG 'DU BA'O, ,JI SKAD DU SMRAS PA ZHES PA, DE'I TSIG KHO NA SHES PAR BYED PAR GSUNGS SO, ,GANG ZHIG LA 'DI RAB TU GRUB PA DANG THE TSOM MED PAR GYUR TE, MGO BO LA SOGS PA 'DI RNAMS LUS MA BRTZAMS PA RNAMS SU 'GYUR BA MA YIN LA, 'DI RNAMS ZHIG NA LUS MI 'JIG PA SRID PA YANG MA YIN ZHING, MGO BO LA SOGS PA MA ZHIG PA NA, DE'I YAN LAG RNAMS RNAM PAR 'GYES PAR 'GYUR BA YANG MA YIN NO ZHES PA DE LA RNAM PA 'DI LTA BU'I RTOGS PAR 'GYUR TE, LUS SU 'GYUR TE, GANG ZHIG GI 'DI NI YAN LAG DANG YAN LAG YIN PA'O ZHES PAR RO, ,DE'I PHYIR RNAM PA GNYIS KHO NA'O ZHES NGES PAR GZUNG BAR BYA BA MA YIN NO ZHES PA'O, ,'O NA @115A *, ,MTHONG BA ZHIG PA'I MGO BO DE KHO NA LAS YANG DAG PAR RTOGS PA YIN GYI, DE'I CHA SHAS LAS NI MA YIN NO, ,DE NYID KYI PHYIR GSUNGS PA, MA GYUR PA LAS ZHES PA STE, MA YIN TE MED PA RGYU NYID DU MI RIGS PA'I PHYIR NA SHIN TU MED PA BZHIN NO, ,'GAL BA NI RJES SU DPAG PA'I RGYU NYID YIN PA NGES PAR BSAL BA'I CHED DU GSUNGS PA, GANG ZHIG 'GAL BA ZHES PA LA SOGS PA'O, ,RLUNG DANG SPRIN YANG DAG PAR SBYOR BA NI CHAR PA'I LAS DANG 'GAL BA ZHES PA NI, DE DAG LHAN CIG MI GNAS PA'I PHYIR RO, ,'DIR CHAR BA'I LAS RTAGS KYANG MA YIN GYI ZHES PA DE DANG 'GAL.. BA'I CHOS SGRUB PAR BYED PA'I PHYIR RO, ,'O NA CI ZHE NA DE MED PA YIN NO ZHES PA, RLUNG DANG SPRIN YANG DAG PAR SBYOR BA YOD NA, CHAR PA'I LAS MED PA'I PHYIR RO, ,CHAR BA'I LAS MED PA DANG RLUNG SPRIN SBYOR BA DAG 'GAL BA YANG MA YIN NO ZHES PA LHAN CIG GNAS PA'I PHYIR RO, ,'DIR 'GYUR MOD, CHAR BA'I LAS KYI MED PA GANG YIN PA DE NI DE KHO NA'I GNAS SKABS KYI KHYAD PAR TE, DE LAS CHAR PA'I LAS KHO NA'I GNAS SKABS THOB PA NI RTAGS SO ZHE NA, YANG CI LTAR MED PA NI YOD PA'I KHYAD PAR YIN ZHING, DE'I KHYAD PAR NYID YIN NA YANG MED PA KHO NAR MI 'GYUR TE, KHYAD PAR NI DNGOS PO'I BDAG NYID DU GYUR PA NYID KYI PHYIR RO, ,DON GZHAN PA NYID NA YANG SKYON DE KHO NA STE, GANG ZHIG 'GAL BA DE RTAGS MIN ZHES PA 'DI LAN MED PA'O, ,DE BZHIN DU GZHAN LA YANG BRJOD PAR BYA'O ZHE NA, GANG DU MA GYUR PA RTAGS YIN PA DER YANG RLUNG DANG SPRIN YANG DAG PAR LDAN PA MED PA NI CHAR PA'I LAS MED PA DANG 'GAL BA'I PHYIR, 'DIR CHAR PA'I LAS MED PA NI RTAGS KYANG MA YIN GYI, 'O NA CI ZHE NA CHAR PA'I PHYIR RO, ,DON GZHAN GYIS DON GZHAN RTOGS PAR BYED PA NI MA P MED PA DAG 'GAL BA YANG MA YIN NO, ,DE BZHIN DU BYUNG BA BYUNG BA'I ZHES PA 'DIR YANG GSHER BA NYID KYI LAS RLAN PA NI CHU LON 'CHING BA DANG 'GAL BA STE, RLAN PA YANG RTAGS MA YIN GYI, 'O NA CI ZHE NA DE MED PA'O, ,DE BZHIN DU MA BYUNG PA MA BYUNG PA MA BYUNG PA'I ZHES PA 'DIR YANG LNGA GU NYID DANG ME DANG YANG DAG PAR LDAN 'GAL BA STE, 'DIR DE DAG RTAGS DANG RTAGS CAN GYI DNGOS PO YANG MA YIN TE, @115B 'O NA CI ZHE NA DE LDOG PA DAG GO, ,GANG BSHAD PA YANG ZHES PA, YOD PA NI MI RTAG PA STE RDZAS BZHIN, 'BRAS BU NI RGYU STE SPYI DANG KHYAD PAR BZHIN ZHES PA'O, ,RDZAS DANG YON TAN DANG LAS RNAMS KHYAD PAR MED PA'O ZHES PA'I TSIG LAS, BSTAN BCOS SU RDZAS DANG YON TAN DANG LAS RNAMS KHO NA RGYU'I DNGOS POR BSHAD DO, ,'DIR YANG MA BYUNG BA NI BYUNG BA'I ZHES PA LA SOGS PAS, DNGOS PO MED PA RGYUR BRJOD PA'I PHYIR, CI LTAR DNGOS PO MED PA DNGOS PO'I RTAGS YIN ZHES DRIS PA'O, ,DNGOS PO MED PA DNGOS PO'I RTAGS SU KHO BO CAG SMRA BA MA YIN GYI, 'O NA CI ZHE NA MA BYUNG BA LA SOGS PA RTOGS PA'O, ,CI'I PHYIR ZHE NA, DMIGS KYIS BSTAN PA NI RAB TU GRAGS PA SNGON MA CAN NYID KYI PHYIR RO ZHES PA'O, ,GANG ZHIG GI DU BA ME'I YANG DAG PAR LDAN PA CAN NO ZHES SNGAR 'BREL PA 'DZIN PA'I DUS NA RAB TU GRUB PAR 'GYUR BA DE KHO NA'I DU BA MTHONG BA LAS ME LA RJES SU DPAG PA STE, CIG SHOS KYI NI MA YIN NO, ,DE'I PHYIR DU BA LA SOGS PA RTOGS PA KHO NA RTAGS SO, ,DE'I YUL CAN LA NI RTAG PA NYID NYE BAR BRTAGS PA STE, DPER NA TZANDA NA GYI ZHO CHA ZHES PA BZHIN NO, ,'BREL PA MED PHYIR RTAGS BLO MIN, ,ZHES PA STE, GANG ZHIG GANG DANG LDAN CIG 'BREL PA MED PA DE NI DE'I RTAGS MA YIN TE, DPER NA PUM PA NI SNAM BU'I BZHIN TE, RTAGS CAN YANG RTAGS KYI BLO DANG 'BREL PA MED DO ZHES PA KHYAB PAR BYED PA MI DMIGS PA GSUNGS SO, ,'BREL PA'I DON YANG ZHES PA LA SOGS PA STE, BDAG NYID LA RAB TU GRUB PA ZHES BRJOD PA NA, PHA ROL POS BRJOD PA NI BDAG NYID LA RAB TU GRUB PA'I RTAGS MA YIN TE, GZHAN NYID KYI PHYIR RO, ,DON GZHAN GYIS DON GZHAN RTOGS PAR BYED PA NI MA YIN PA'I PHYIR TE, HA CANG THAL BAR 'GYUR BA'I PHYIR RO, ,DE'I PHYIR MDO 'DI NYE BAR BKOD DO, ,'DI SKAD BSHAD PAR 'GYUR TE, THAMS CAD NI DON GZHAN GYI RTAGS MA YIN GYI, 'O NA CI ZHE NA, GANG KHO NA RGYU DANG 'BRAS BU LA SOGS PA'I 'BREL PA RNAMS LAS GANG YANG RUNG BAS 'BREL PAR GYUR PA DE KHO NA DMIGS KYIS BSTAN PA'O ZHES PA'O, ,RTAGS LAS BYUNG BAR BSTAN PA'I PHYIR, ,ZHES PA, RTAGS LAS BYUNG BA ZHES PA'I TSIG LAS MDO 'DIR RTAGS KYI @116A *, ,SHES PAS NI RTAGS LAS BYUNG BA NYID DU NGES PAR BSTAN LA, DE LAS DE RTAGS NYID DU DAM BCAS PA LA KHAS BLANGS PAS GNOD PA'O, ,CI STE RJES SU DPAG PAR BYA BA'I SHES PA 'DIR RTAGS LAS BYUNG BA NYID DU NGES PAR BSTAN PAR SEMS KYI, RTAGS KYI SHES PA NI MA YIN NO ZHE NA GSUNGS PA, RJES SU DPAG PAR BYA BA'I SHES PA NI ZHES PA LA SOGS PA STE, GAL TE RTAGS KYI SHES PA RTAGS LAS BYUNG BAR 'DOD NA, DE LTA NA RJES SU DPAG PAR BYA BA'I SHES PA 'DI LA 'BRAS BU DANG BRAL BAR 'GYUR RO, ,RJES SU DPAG PAR BYA BA'I SHES PA RTAGS LAS BYUNG BA NYID NA NI, DE SKYES PA NI DON DE RTOGS ZIN TO ZHES PAS 'BRAS BU MED PA'O, ,DE'I PHYIR DE KHO NA KHAS BLANGS PAS GNOD PA'O, ,DE LTAR 'GYUR MOD, RTAGS KYI SHES PA NI RTAGS YIN LA, 'BREL BA DRAN PA NI RTAGS LAS BYUNG BA STE, RJES SU DPAG PAR BYA BA RTOGS PA NI 'BRAS BU'O ZHE NA, DE'I PHYIR GSUNGS PA, DRAN PA TZAM ZHES PA LA SOGS PA STE, GAL TE 'BREL PA DRAN PA TSAD MA YIN PA DE LTAR GYUR NA GANG YANG RTAGS MA MTHONG BA DES KYANG DU BA'I 'BREL PA DRAN PA LAS ME RTOGS PAR 'GYUR RO, ,TZAM GYI SGRA NI DU BA MTHONG BA BSAL BA'I CHED DU'O, ,DE DANG BCAS PA'I 'BREL PAS DRAN PA NI RJES SU DPOG PAR 'DOD PA KHO NA'O, ,GANG GSUNGS PA DE DANG 'DI YANG DNGOS DANG BRGYUD PAS RJES SU DPOG PA'I RGYU NYID KYI PHYIR GNYIS KA YANG RJES SU DPAG PA'O ZHES PA'I BYED PA BSTAN PA LAS ZHES PA, 'GAL BA YANG ZHES PA'I MDO'I MTHAR ZHES PA'I BYED PA KLOG PA'I PHYIR, 'DI'I 'DI 'BRAS BU ZHES PA LA SOGS PA'I SHES PA GANG YIN PA DE'O ZHES PAS, BYED PA GSAL BAR BYED DO, ,GAL TE DE LTA NA RTAGS KYI SHES PA RTAGS LAS BYUNG BA YIN NA BYE BRAG TU MA RTOGS PAS KYANG RTAGS MTHONG BA TZAM LAS LHAG PAR RTOGS PAR 'GYUR RO ZHE NA, DE'I PHYIR GSUNGS PA, 'BREL PA DRAN PA LA LTOS PAS ZHES PA STE, 'BREL PA DRAN PA LA LTOS PA NYID NI DE'I DMIGS KYIS BSTAN PA NI RAB TU GRUB PA SNGON MA CAN NYID KYI PHYIR RO ZHES PA 'DI LAS THOB PA'O, ,RGYUR BYAS NAS ZHES PA, RTAGS KYI SGRA 'DI NI RGYU'I RNAM GRANGS TE, BYINGS RNAMS NI DU MA'I DON CAN NYID KYI PHYIR RO,, @116B 'DIS 'BRAS BU RTAGS SU BYED SKYED PAR BYED CES BYE BRAG TU BSHAD PA LAS SO, ,RTAGS RTOGS PA YANG RJES SU DPAG PAR BYA BA RTOGS PA'I RGYUR 'GYUR RO, ,DE'I PHYIR GANG YANG GSUNGS PA, 'BREL BA MED PHYIR RTAGS BLO MIN, ,RTAGS SO ZHES PA 'DI GRUB BA BSGRUB PAR BYA BA NYID DE, BYED RGYU'I RGYU BRJOD BAR 'DOD PA NYID KYI PHYIR RO ZHE NA, DE YANG MA YIN TE ZHES PA LA SOGS PAS SEL BAR BYED DE, RJES SU DPAG PAR BYA BA'I MTSAN MAR GYUR PA'I ZHES PA SHES PAR BYED PAR 'GYUR BA'I ZHES PA'I DON TE, RJES SU DPAG PAR BYA BA MTSON PAR BYED SHES PAR BYED CES BYAS NAS SO, ,RNAM PA GZHAN DU NA NI ZHES PA GAL TE, SKYED PAR BYED PA YANG RTAGS KYI SKABS SU 'GYUR BA YIN NA, BDAG DANG DBANG PO DANG YID DANG DON DANG PHRAD PA YANG BRJOD PAR BYA BAR 'GYUR TE, DE RNAMS KYANG RJES SU DPAG PAR BYA BA'I SHES PA'I RGYU RNAMS YIN PAS SO ZHES PA STE, BRJOD PA NI MA YIN NO, ,DE'I PHYIR 'DIR SKYED PAR BYED PA'I SKABS MA YIN NO ZHES PA'O, ,DER 'GYUR MOD, RJES SU DPAG PAR BYA BA'I SHES PA'I NGOR RTAGS KYI SHES PA NI DNGOS KYI RGYU NYID DE, GZHAN GYI NI MA YIN NO, ,DE'I PHYIR DNGOS KYI RGYU NYID KYI PHYIR RTAGS KYI SHES PA KHO NA BRJOD DO ZHE NA GSUNGS PA, DNGOS SU MA YIN ZHES PA LA SOGS PA'O, ,CI LTAR MA YIN ZHE NA GSUNGS PA, 'BREL PA DRAN PAS BAR DU CHOD PA NYID KYI PHYIR RO ZHES PA'O, ,'BREL PA DRAN PA GRUB PAR 'GYUR, ,ZHES PA TSIG 'DI LAS 'BREL PA DRAN PA 'GRUB KYI, 'BREL PA CAN DU BA LA SOGS PA LA NI RTOGS PA MA YIN NO, ,DE LTAR NI BSHAD 'GREL LAS, GANG GA DU BA LA SOGS PA ME LA SOGS PA RNAMS DANG 'BREL PA GRUB BA ZHES PA LA SOGS PAS, 'DI SKAD DU 'CHAD PAR 'GYUR BA ZHES PAS DON 'DI LA SHES PAR BYED PA GSUNGS SO, ,GANG GI PHYIR DE NYID DU BSHAD PA RAB TU GRUB PA SNGON MA CAN KHO NA'I DMIGS KYIS BSTAN PA ZHES BA CI LTAR RTOGS PAR BYA ZHE NA, BRJOD PAR BYA STE, DON GZHAN GYI DNGOS PO YOD NA, GANG GI PHYIR RAB TU MA GRUB PA NI DMIGS KYIS BSTAN PA MA YIN NO, ,CI LTAR ZHE NA, GANG ZHIG GI DU BA LA SOGS PA RNAMS ME LA SOGS PA RNAMS DANG @117A *, ,'BREL PA RAB TU GRUB PA MA YIN PA DE'I NGOR DU BA LA SOGS PA RNAMS DMIGS KYIS BSTAN PA MA YIN PA'O ZHES PA DE'I PHYIR RTAGS KYI SHES PA RTAGS LAS BYUNG BA NYID LA 'DI SHES PAR BYED PA MA YIN NO, ,'BRAS BU LA SOGS PA MDOR MA BRJOD CES PA BSTAN BCOS SU, 'BRAS BU NYID KYI PHYIR DANG, RGYU LAS RNAM PAR 'GYUR BA'I PHYIR DANG YANG DAG PAR LDAN PA'I PHYIR DANG, RNAM PAR DBYE BA LAS DANG, SGRA LAS DANG, SGRA GRUB PA LAS KYANG, SGRA MI RTAG GO ZHES PA'O, ,'BRAS BU NYID LA SOGS PA SGRA MI RTAG PA'I GTAN TSIGS BSHAD PA RNAMS DANG, DE BZHIN DU YOD PA'I RGYU DANG LDAN PA MA YIN PA NI RTAG PA'O ZHES RTAG PA NYID SGRUB PA'I CHED DU YOD PA'I RGYU DANG LDAN PA MA YIN PA NYID BSHAD DO, ,'BRAS BU NYID LA SOGS PA DE RNAMS RTAGS NYID DU BRJOD PA MA YIN NO ZHES PAS MTSAN NYID MA TSANG BA NYID DO, ,DE LA 'DIR 'GYUR GYI DE RNAMS KYANG 'BRAS BU NYID LA SOGS PA RNAMS KYI NANG DU 'DU'O ZHE NA GSUNGS PA, 'DI RNAMS ZHES PA LA SOGS PA'O, ,'DI RNAMS KYI STE MI RTAG PA NYID LA SOGS PA RTAGS RNAMS KYI'O, ,GANG YANG RUNG BA ZHES PA GCIG KYANG NGO ZHES PA'I DON TO, ,'O NA 'BRAS BU NYID DANG YOD PA'I RGYU MA YIN PA NYID KYANG DON GCIG LA 'DU BA CAN NYID KYI NANG DU 'DUS PAR 'GYUR BA MA YIN NAM, DON GCIG LA STE SGRA LA SOGS PA LA 'BRAS BU NYID DANG MI RTAG PA NYID DAG DANG, BDAG LA SOGS PA LA RTAG PA NYID DANG YONG PA'I RGYU MA YIN PA NYID DAG 'DUS PA'I PHYIR RO ZHE NA, 'DI NI YOD PA MA YIN TE, DON GCIG LA 'DU BA CAN NI 'BRAS BU 'BRAS BU GZHAN LA DANG RGYU RGYU GZHAN LA'O ZHES BSHAD LA, 'DIR 'BRAS BU DANG RGYU'I DNGOS PO SRID PA YANG MA YIN NO, ,GSAL BAR BYA BA DANG GSAL BAR BYED PA NYID KYI ZHES PA, MI RTAG BA NYID GSAL BAR BYA BA NYID KYI PHYIR 'BRAS BU STE, 'BRAS BU NYID NI GSAL BAR BYED PA NYID KYI PHYIR RGYU'O ZHES PA STE, DE BZHIN DU GZHAN LA YANG RIG PAR BYA'O, ,LHAG MA GSAL BYED MIN PA 'THOB, ,CES PA RNAM BA GZHAN DU NA THA DAD PAR NGES PAR BSTAN BA KHO NAR MI 'GYUR NA, DE YANG YOD DO, ,DES NA GSAL BYA GSAL BYED NYID KYIS 'DIR 'BRAS BU DANG RGYU NYID @117B DU MNGON PAR DGONGS PA'O ZHES RTOGS PAR BYA BA MA YIN NO, ,DON MED GZHAN LA DE RTOGS PHYIR, ,ZHES PA LA, DON MED PA NI DGOS PA DANG BRAL BA'O, ,GZHAN LAS ZHES PA MED NA MI 'BYUNG BA LAS SO, ,MED NA MI 'BYUNG BA NYID KYIS NI, DU BA LA SOGS PA'I RTAGS LAS RJES SU DPAG PAR BYA BA RTOGS NAS, 'DI NI 'DI'I GSAL BAR BYED PA'O ZHES YID KYIS BRTAG PAR BYA BA'O, ,DE'I PHYIR DON MED PA STE 'DI RJES SU DPOG PA'I RGYUR RTOGS PA ZHES PA LHAG MA'O, ,YANG NA RTOG PAR BYED DO ZHES PA'I DKYUS MA 'DIR YANG SBREL BAR BYA'O, ,PHA ROL POS DGOS PA MED PA KHO NAR 'DI RJES SU DPOG PA'I RGYU NYID DU RTOG PAR BYED DO ZHES PA'I DON TO, ,GZHAN RNAMS KYANG 'DI SKAD SMRA BAR BYED DE, MED NA MI 'BYUNG BA KHO NA 'BREL PA STE, RJES SU DPOG PA'I RGYUR BSTAN BCOS 'DIR NGES PAR BSTAN LA, RJES SU DPAG PA'I DBYE BA RAB TU BSTAN PA'I DON DU NI 'BRAS BU DANG, RGYU'I DNGOS PO LA SOGS PA'I 'BREL PA NYE BAR BLANGS TE, DE LAS KYANG SKYON THAMS CAD MED DO ZHES SO, ,DE MI RIGS TE RGYU DANG RTAGS NYID DU NGES PAR BSTAN PA'I PHYIR DANG, DE LA YANG MED NA MI 'BYUNG BA MED PA'I PHYIR TE, SRID PAR RJES SU DPOG PA YANG PHA ROL PO'I DNGOS POS MI SRID PA'I PHYIR RO ZHES PA'O, ,GRANGS CAN PA RNAMS KYI YANG ZHES PA LA SOGS PA STE, RJES SU DPAG PA RGYA CHER RIG PAR BYA'O ZHES GNAS PA LA, DE'I RANG GI NGO BO YONGS SU SHES PAR BYA BA'I CHED DU PHA ROL POS RJES SU DPAG PA ZHES BYA BA 'DI CI ZHES BRJOD PA LA SMRAS PA, 'BREL PA GCIG LAS ZHES PA LA SOGS PA'O, ,'BREL PA RNAM PA BDUN NO ZHES PA, DON RNAMS KYI 'BREL PA NI RNAM PA BDUN NYID DE, NOR DANG BDAG PO'I DNGOS POS DANG, ,ZHES PA LA SOGS PA BSHAD 'GREL DU BSHAD PA'I PHYIR RO, ,'BREL PA RNAMS KYI DON RNAMS KYI ZHES NGES PAR BSTAN PA LAS MDO RU LAS SGRUB PAR 'BREL PA'I SGRAR SHES PAR BYA'O, ,NOR DANG BDAG PO'I DNGOS POS DANG, ,ZHES PA, RGYAL PO DANG BRAN BZHIN DANG, GTZO BO DANG SKYES BU BZHIN TE, DPER BRJOD PA GNYIS NI 'JIG RTEN DANG BSTAN BCOS LA RAB TU GRAGS PA'I DBANG GIS SO, ,DE BZHIN DU PHYI MA LA YANG SHES PAR @118A *, ,BYA'O, ,NOR DANG BDAG PO'I DNGOS PO NI PHAN TSUN LTOS PA STE, NOR BDAG PO'I NGOR YOD PA DANG, DER RUNG BA NYID DE, DE BZHIN DU NOR CAN KYI YANG NOR GYI NGOR YOD PA'O, ,RANG BZHIN DANG RNAM 'GYUR GYI DNGOS POS NI, ZHO DANG 'O MA BZHIN DANG, GTZO BO DANG CHEN PO LA SOGS PA BZHIN NO, ,RANG BZHIN NI RNAM PAR DBYER MED PAR RGYU STE, RNAM 'GYUR NI DE'I YONGS SU 'GYUR BA CAN GYI CHOS SO, ,'BRAS BU DANG RGYU'I DNGOS POS NI, PHAN TSUN PHAN 'DOGS PA'I MTSAN NYID KYIS TE, SHING RTA DANG YAN LAG BZHIN DANG, SNYING STOBS LA SOGS PA BZHIN TE, SGRA LA SOGS PA'I DNGOS POS YONGS SU 'GYUR BA NA'O, ,RGYU MTSAN DANG RGYU MTSAN CAN GYI DNGOS POS NI, GANG YANG RUNG BAS PHAN 'DOGS PA'I MTSAN NYID KYIS TE, RDZA MKHAN DANG BUM PA BZHIN DANG, SKYES BU DANG GTZO BO'I 'JUG PA BZHIN NO, ,TZAM PO DANG TZAM PO CAN GYI DNGOS POS YANG NA'O, ,YAN LAG DANG YANG LAG CAN GYI DNGOS PO'I MTSAN NYID KYIS NI YAL GA LA SOGS PA DANG SHING BZHIN DANG, SGRA LA SOGS PA DANG 'BYUNG BA CHEN PO BZHIN NO, ,LHAN CIG SPYOD PA'I DNGOS POS NI, NGUR PA LTA BU DANG, SNYING STOBS LA SOGS PA BZHIN NO, ,GNOD BYA GNOD BYED KYI DNGOS POS NI SBRUL DANG SBRE MO BZHIN DANG, YAN LAG DANG YAN LAG CAN DU GYUR PA'I SNYING STOBS LA SOGS BA BZHIN NO, ,SNYING STOBS LA SOGS PA RNAMS KYI NI GANG GI YAN LAG CAN NYID DES CIG SHOS ZIL GYIS GNON PA'I PHYIR RO, ,'DI NI 'BREL PA RNAM PA BDUN TE, DES NA JI LTAR SRID PA BZHIN 'BREL PA GCIG LAS ZHES PA, JI SKAD BSHAD PA DON GANG ZHIG DBANG PO 'GA' ZHIG GI MNGON SUM DU 'GYUR BA DE LAS, DA LTAR DBANG PO'I MNGON SUM PA'I DON LAS SNGAR TSOGS PA LA 'BREL PA BYAS PA LAS BLOS NI KHYAD PAR DU MA BYAS PA'I DON YOD PA NYID DU RTOGS PAR BYED DE, DPER NA SNGAR DU BA DANG ME DAG GI 'BREL PA MTHONG NAS DU BA MTHONG BA LAS ME YANG YOD PA NYID DU RTOGS SO ZHES SO, ,'GRUB PA'I RGYU ZHES PA, RTAGS KYI SHES PA 'BREL PA DRAN PA LA LTOS PA STE, DE NI KHYAD PAR MNGON SUM MA YIN PA'I RTAGS CAN MI 'GRUB PA'I RGYU'O, ,'GRUB PA NI 'BRAS BU'O, ,MDO RU @118B NI RGYU LAS 'BRAS BU NYE BAR BTAGS PA'I PHYIR LHAG MA 'GRUB PA NI RJES SU DPAG PA ZHES BSHAD DO, ,RTAGS KYI SHES PA NI, CUNG ZAD MA NGES PAR YANG 'GYUR, ,ZHES PA, RLANGS PA LA SOGS PA DANG THUN MONG BA'I SKYA BO NYID LA SOGS PA TZAM MTHONG BA BZHIN TE, CI 'DI DU BA'AM, 'ON TE RLANGS PA LA SOGS PA ZHES THE TSOM ZA BA'I PHYIR RO, ,DON JI LTA BA BZHIN MA YIN BA YANG ZHES PA RLANGS PA LA SOGS PA LA DU BA'O ZHES 'DZIN PA'I PHYIR RO, ,KHYAD PAR DU BYA BA'I DON DU PHYIS KYI RTZOM PA ZHES PA, GANG BSHAD PA MNGON SUM GCIG LAS ZHES PA DE'I 'DI KHYAD PAR RO, ,MNGON SUM YANG YIN LA NGES PAR MA BZUNG BA YANG NGO ZHES PA, SPYI LAS TE, RNA BA LA SOGS PA'I 'JUG PAS 'DZIN BA'I PHYIR MNGON SUM MO, ,BYE BRAG TU NI, THE TSOM DANG PHYIN CI LOG PA DAG GIS NGES PAR MA ZIN PA'O, ,BYE BRAG MTHONG BA LAS ZHES PA LA, KHYAD PAR DU BYED BAS NA BYE BRAG RNAMS TE, DU BA KHO NA LA 'JUG PA'I KHYAD PAR GANG YIN PA SKYA BO NYID LA SOGS PA RNAMS SO, ,DE MTHONG BA LAS KHYAD PAR DU RTOGS PA STE, 'DI NI DU BA KHO NA'O ZHES PA 'DI LTAR RO, ,THAMS CAD CES PA 'DI GZHUNG LHAG MA GSAL BAR BYED DO, ,DE YANG 'DI LTA STE, SNANG BA ZHAN CING GZHAN PAR BA LANG DANG RTA 'OS PA'I SA PHYOGS SU, BA LANG GI TSAD KYI GZUGS DUM PA MTHONG NAS, THE TSOM DANG LDAN PA'I BLO NI KHYAD PAR MTHONG BA LAS BYE BRAG TU RTOGS PAR BYED DE, BA LANG NGO, ,RTA'O ZHES PAR YANG NGO, ,GZUGS DUM PA MTHONG NAS ZHES PA, GZUGS CUNG ZAD TZAM MTHONG NAS TE, DBYIBS TZAM MTHONG NAS ZHES PA'I DON TO, ,'DI LTAR YANG 'DOD NA ZHES PA SPYIR BZUNG BA'I RTAGS KYI SLAR YANG KHYAD PAR DU 'DZIN PAR 'DOD NA'O, ,RANG DON LTA BA TZAM NYID PHYIR, ,ZHES PA SGRA LA SOGS PA'I RANG GI MTSAN NYID NYAMS SU MYONG BA TZAM NYID KYI PHYIR ZHES PA'I DON TO, ,TZAM GYI SGRA NI SPYI DANG KHYAD PAR 'DZIN PA BSAL BA'I DON TO, ,RNA BA LA SOGS PA'I 'JUG PA'I NI MA YIN ZHES PA LA SOGS PA STE, SPYI DANG KHYAD PAR DAG NI DON GZHAN LA LTOS PA DAG STE, DE'I PHYIR DON GZHAN LA LTOS PAS, 'DI 'DI DANG MTSUNGS PA'AM, 'DI NI 'DI LAS KHYAD PAR RO ZHES PAR 'GYUR RO, ,RNA BA LA SOGS PA'I 'JUG @119A *, ,BA NI 'DI LTA BUR 'DZIN PA LA NUS PA YANG MA YIN TE, RNAM PAR RTOG PA MED PA NYID KYI PHYIR RO ZHES PAS, DBANG PO'I 'JUG PA'I NI SPYI 'AM KHYAD PAR YUL MA YIN NO, ,DON JI LTA BA BZHIN MA YIN PA NYID KYI PHYIR RO ZHES PA, SPYI'I YUL CAN GYI DBANG PO'I BLO'I'O, ,DE SKAD DU NI BSHAD PA, SPYI LAS NI NGES PAR YANG MNGON SUM NGES PAR MA BZUNG BA YANG NGO ZHES SO, ,DE KHO NA KHYAD PAR DU LEN PAR BRJOD PAR BYA STE ZHES PA, DON JI LTA BA BZHIN PA'I RNA BA LA SOGS PA'I 'JUG PA MNGON SUM MO ZHES PA'O, ,JI SKAD DU GZHAN DU ZHES PA RIGS PA PHRA MOR RO, , DE LTAR BRJOD PAR BYA BZHIN PA NA, MNGON SUM GYI MTSAN NYID KYANG SKYON MED PAR 'GYUR ZHING, 'DIR YANG KHYAD PAR BYA BA MA YIN PAR 'BYUNG STE, NGES PAR MA BZUNG BA'I RTAGS NI MNGON SUM MA YIN PA NYID KYI PHYIR RTAGS MA YIN PA NYID DU THAL BAR 'GYUR BA'I PHYIR RO, ,'DIR KHA CIG SMRA BAR BYED DE, GAL TE YANG MNGON SUM RANG GI DON LA LTA BA TZAM YIN PA DE LTA NA YANG SPYI DANG KHYAD PAR GYI YUL CAN NYID DU MI 'GYUR BA MA YIN PA KHO NA STE, SPYI DANG KHYAD PAR DAG NI SGRA LA SOGS PA LAS DON GZHAN MA YIN PA NYID KYI PHYIR TE, RNAM PA THAMS CAD DU SGRA LA SOGS PA DBANG PO'I YUL NYID KYI PHYIR RO ZHE'O, ,DE MI RIGS TE RANG GI YUL LA RNAM PAR 'JUG PA LA GNOD PAR THAL BAR 'GYUR BA'I PHYIR RO, ,DE LTAR NI GANG SGRA LA 'JUG PA'I SPYI DE KHO NA NI GZUGS LA SOGS PA LA YANG 'JUG STE, DE LTAR DE SGRA LAS GZHAN MA YIN PA DE LTAR GZUGS LA SOGS PA LAS KYANG NGO, ,DE RNA BA'I 'JUG PAS 'DZIN PA NA GZUGS LA SOGS PA YANG 'DZIN PAR THAL BAR 'GYUR ZHING, GZUGS LA SOGS PA DU MA LAS KYANG GZHAN MA YIN PA NYID KYI PHYIR SPYI GCIG PA MA YIN PA NYID DANG, GZUGS LA SOGS PA RNAMS KYANG GCIG PO DE LAS GZHAN MA YIN PA NYID KYI PHYIR GCIG NYID DU'O ZHES PA'O, ,MNGON SUM GYI 'BRAS BU MNGON SUM ZHES PA STE, GANG 'DI LTAR YANG 'DOD NA ZHES PA LA SOGS PA GSUNGS PA DE'I LAN 'DI YIN NO, ,YID KYI 'JUG PA NI RNAM PAR RTOG PA CAN NYID KYI PHYIR RO, ,DE YANG MI DMIGS SO ZHES PA, @119B GAL TE YID KYI 'JUG PA MNGON SUM GYI 'BRAS BU NYID DU GYUR NA, DE LTAR THA SNYAD DU BSTAN PAR 'GYUR LA, DE YANG YOD PA MA YIN TE, YUL THA DAD PA NYID KYI PHYIR RO, ,'DI YANG SNGAR KHO NAR BRJOD ZIN TO, ,DE'I PHYIR DE MNGON SUM GYI SGRAS THA SNYAD DU BSTAN PAR BYA BA NYID DU MI 'THAD PAR STON TO, ,GZHAN GYI 'ANG MA YIN ZHES PA LA SOGS PA STE, MNGON SUM LAS SAM, DE'I 'BRAS BU LAS GZHAN GYI YUL LA NYE BAR 'DOGS PA'I RGYU MED PA'I PHYIR RO, ,YANG NA 'GA' ZHIG 'DI SKAD DU SMRA BAR BYED DE, MNGON SUM GCIG LAS ZHES PA'I MNGON SUM GYI SGRA 'DI NI RAB TU GRUB PA NYID NYE BAR MTSON PAR BYED DO, ,MNGON SUM LAS TE RAB TU GRUB PA LAS ZHES PA'I DON TO, ,DES NA MNGON SUM LAS DANG, MNGON SUM GYI 'BRAS BU LAS GZHAN PA'I YANG SHES PA'I YUL GYI RTAGS LA, MNGON SUM THA DAD DU BSTAN PAR 'GYUR RO ZHE'O, ,DE'I PHYIR GSUNGS PA, GZHAN GYI 'ANG MA YIN ZHES PA LA SOGS PA'O, ,'DI LTAR SEMS TE RAB TU GRUB PA NYID NI MNGON SUM LA SOGS PA'I TSAD MAS 'GYUR ZHING, DE LA RE ZHIG DE MNGON SUM GYIS NYE BAR RTOGS PA NI MA YIN TE, JI SKAD BSHAD PA'I RNAM PA'I PHYIR RO, ,RJES SU DPAG PAS KYANG MA YIN PA KHO NA STE, THUG PA MED PAR THAL BAR 'GYUR BA'I PHYIR RO, ,GANG PHYIR RTAGS GANG GIS DU BA RJES SU DPAG PAR BYA BA DE BSGRUB PA'I CHED DU RTAGS GZHAN RJES SU 'DOD NA, DE 'GRUB PA'I CHED DU YANG GZHAN NO ZHES PAS THUG PA MED PAR THAL BAR 'GYUR RO, ,LUNG YANG RTAG TU RTAGS 'DZIN PA LA BYA BA DANG LDAN PA MA YIN TE, GRUB PA'I MTHA'I GZHUNG LUGS LA MA BRTEN LUNG GIS YONGS SU GCOD PA MA YIN PAS SO, ,DON 'GA' ZHIG DBANG PO 'GA' ZHIG GI MNGON SUM DU 'GYUR RO ZHES BSHAD 'GREL DU BRJOD PA'I PHYIR YANG 'DI MI RIGS SO ZHES PA'O, ,MNGON SUM DU THA SNYAD DU BYA BA CI ZHIG LTAR YIN PAR 'GYUR DU CHUG MOD ZHES KHAS BLANGS NAS SKYON GZHAN BRJOD PAR 'DOD PAS GSUNGS PA, 'DI YANG BRJOD PAR BYA BA ZHES PA LA SOGS PA'O, ,NOR LA SOGS PA 'BREL PA CAN LAS NOR NYID LA SOGS PA'I NGO BO KHO NAS SAM, YANG NA NGO BO GZHAN GYIS 'DZIN PAR @120A *, ,'GYUR RO, ,GAL TE NOR NYID LA SOGS PA'I NGO BOS NOR ZHES PA 'DI LTAR GZUNG BAR BYA BA YIN NA, DE LTAR GYUR NA RJE BO'I 'BREL PA CAN NYID KYI PHYIR, NOR GYIS RJE BO MED PAR NOR NYID MI 'THAD PA'I PHYIR, RJE BO LA NGES PAR LTOS PA NYID KYI PHYIR NA RTAGS MTHONG BA LAS SNGAR KHO NAR RJE BOR RTOGS PAS 'BYUNG BAR 'OS TE, RNAM PA GZHAN DU NA 'DI 'DI'I NOR RO ZHES BA 'DI LTAR 'DZIN PA MI SRID PA MA YIN PAS SO, ,DE LAS KYANG DUS PHYIS 'BREL PA DRAN PA DON MED PAR 'GYUR RO, ,RJE BO NI SNGAR KHO NAR GRUB ZIN PA NYID KYI PHYIR RO, ,LHAG MA MI 'THAD PA'I PHYIR TE, LHAG MAS GRUB PA YANG RJES SU DPAG PA NYID DU 'DOD PA NYID KYI PHYIR RO, ,CI STE RNAM PA GZHAN DU NA RNAM PA GZHAN GYIS 'DZIN PAR 'DOD NA, DE MA BRJOD DO ZHES PAS MTSAN NYID YONGS SU MA RDZOGS PA NYID DO, ,RTAGS 'DZIN PA LA MTSUNGS PA ZHES PA, GAL TE MED NA MI 'BYUNG BA NYID KYIS RTAGS 'DZIN NA, MED NA MI 'BYUNG BA NYID KYANG SO SOR SBYOR BA GZHAN LA LTOS PA KHO NA'O ZHES PAS, RTAGS 'DZIN PA LAS SNGAR KHO NA BSGRUB PAR BYA BA RTOGS PAR 'GYUR BAR 'OS LA, DE LTA NA YANG BSGRUB PAR BYA BA SO SOR SBYOR BA CAN GRUB NA, 'BREL PA DRAN PA DON MED PA NYID DO, ,CI STE GZHAN DU NA, DE NI MA BRJOD DO ZHES PA MTSUNGS SO, ,MA YIN TE DE NI ZHES PA LA SOGS PA, RJES SU DPAG PAR BYA BA LA YOD PA ZHES PA'I TSIG LAS, CHOS CAN LA DU BA LA TZAM GZUNG BAR BYA'I, 'BREL PA CAN NYID NI MA YIN NO, ,'O NA NAM GYI TSE DE GZUNG BAR BYA ZHE NA GSUNGS PA, PHYIS ZHES PA LA SOGS PA'O,, MA RTOGS PA YIS DE RTOGS PHYIR, ,ZHES PA, NOR DANG NOR CAN GYI 'BREL PA LA SOGS PA MNGON PAR MI SHES PAS YANG LHAG MA RTOGS PA'I PHYIR RO ZHES PA'I DON TO, ,YANG CI LTAR DE RTOGS PA YIN ZHE NA GSUNGS PA, MTHONG ZHES PA LA SOGS PA'O, ,'BRAS BU DANG RGYU'I DNGOS PO'I 'BREL PA LA NI, JI LTAR 'BRAS BU DANG RGYU'I DNGOS PO'I 'BREL BA BSTAN BCOS SU RNAM PAR PHYE BA DE LTA KHO NAR MA RTOGS PA NYID 'DIR BRJOD PAR 'DOD KYI RNAM PA THAMS CAD DU NI MA YIN NO ZHES RIG PAR BYA'O, ,BSTAN BCOS SU NI DNGOS PO GCIG KHO NA'I RANG GI NGO BO MI GTONG BA LAS YONGS SU 'GYUR BAS 'BRAS BU DANG @120B RGYU'I DNGOS POR RNAM PAR 'JOG PAR BYED LA, GANG RNAMS DE LTAR 'BRAS BU DANG RGYU'I DNGOS PO'I 'BREL PA RAB TU RTOGS PA MA YIN PA DE RNAMS KYANG RNAM PA GZHAN GYIS DE RAB TU RTOGS NAS, MED NA MI 'BYUNG BA NYID TZAM NYE BAR DMIGS PA LAS RJES SU DPAG PAR BYA BA DES PAR BYED DO, ,BSTAN BCOS SU MTHONG BA'I 'BRAS BU DANG RGYU'I DNGOS PO NI MI 'THAD PA KHO NA STE, GANG GI PHYIR 'BRAS BU DANG RGYU DAG GCIG NYID LA 'DI NI 'BRAS BU'O 'DI NI RGYU'O ZHES PA 'DI KHO NAR MI 'GYUR RO, ,CI STE DE DAG LA GANG GIS 'DI LTAR 'GYUR BA RANG BZHIN PHUL DU BYUNG BA 'GA' ZHIG YOD NA NI, THA DAD PAR THAL BAR 'GYUR TE SNYING STOBS LA SOGS PA RNAMS LA YANG RANG BZHIN THA DAD PA KHO NA THA DAD PAR RNAM PAR GZHAG PA'I RGYU YIN PAS SO, ,GAL TE 'BRAS BU DANG RGYU'I DNGOS PO NYID YOD NA YANG THA DAD PA MA YIN TE, YON TAN GSUM GYI RIGS THA MI DAD PA NYID KYI PHYIR GCIG NYID DO ZHE NA, MA YIN TE, 'BRAS BU DANG RGYU LAS THA DAD PAR YON TAN GSUM NYID NYE BAR MI MTSON PA'I PHYIR RO, ,RTAG PA NI RIM GYIS SAM CIG CAR YONGS SU 'GYUR BA SRID PA YANG MA YIN NA, DES NA DE'I RGYU CAN 'BRAS BU DANG RGYU'I RNAM PAR GZHAG PA GA LA YIN ZHES PA THAL CHES PAS CHOG GO, ,DE LTAR 'GYUR MOD, DE MA BZUNG BA KHO NA DE RJES SU DPOG PA'I RGYU'O ZHEN GSUNGS PA, MA YIN ZHES PA LA SOGS PA STE GO SLA'O, ,GDON MI ZA BAR MA YIN ZHES PA LA SOGS PA'O, ,'O NA NOR GYI RANG GI NGO BO 'GRUB PA NOR CAN LA LTOS PA KHO NA MA YIN NAM, DE 'KHRUL PA GA LAS YIN ZHE NA, 'DI LTAR SEMS TE RJES SU DPOG PA'I DUS KHO NAR NOR NYID DU BZUNG BA'I RTAGS NI SO SOR SBYOR BA RTOGS PAR BYED LA, YANG NA SNGAR 'BREL PA 'DZIN PA'I DUS SU DE LTAR YONGS SU BCAD PAR 'GYUR PA NI RJES SU DPOG PA'I DUS SU STE, RNAM PA GZHAN DU NA YANG NYE BAR DMIGS PAR BYA BZHIN PA'O ZHES PA'O, ,GAL TE RJES SU DPAG PA'I DUS SU 'DI 'DI'I NOR RO ZHES PA 'DI LTAR NGES PA GO BAR BYED PAR 'DOD NA NI 'DIR BRJOD PA'I SKYON NO, ,NOR CAN GYI 'BREL PA LAS NOR NYID CES PA LA SOGS PAS SO, ,DE'I PHYIR LTA BA GNYIS BA KHAS BLANG BAR BYA LA DE LAS KYANG 'KHRUL PA'O, ,NOR DANG NOR CAN DAG BRGYUD @121A *, ,PAS BZLOG PA'I DNGOS PO SRID PA'I PHYIR DE LTAR RJES SU DPAG PAR BYA BAR NUS PA MA YIN NO, ,'DIR NI BDAG GIS DE'I SNGAR NOR NYID KYIS BZUNG ZIN TE, DE'I PHYIR GANG NA 'DI YIN PA DE NA 'DI'I NOR CAN DES 'BYUNG BAR 'OS SO ZHES PAS, SA'I DBANG PHYUG LA SOGS PA MED KYI, GDUGS LA SOGS BA 'BA' ZHIG BA BDAG PO MED PA'ANG MTHONG BA SRID PA'I PHYIR RO ZHES PA'O, ,DE BZHIN DU GZHAN DU YANG JI LTAR SRED PAR 'KHRUL PA BRTAG PAR BYA'O, ,DE LTAR 'GYUR MOD, NOR DANG NOR CAN GYI DNGOS PO LA SOGS PAS 'BREL PA THAMS CAD GO BAR BYED PA NI MA YIN GYI 'O NA CI ZHE NA, GANG MI 'KHRUL BA'O ZHE NA, DE'I PHYIR GSUNGS PA, 'BREL PA NYE BAR DMIGS PA'I MA YIN ZHES PA LA SOGS PA STE, GAL TE JI SKAD BSHAD PA'I 'BREL PA BZUNG BA LA YANG, SLAR YANG RTAGS NI 'KHRUL BA DANG MA 'KHRUL PA NYID LA LTOS TE, DE'I PHYIR MED NA MI 'BYUNG BA NYID KHO NA RJES SU DPOG PA'I RGYUR 'GYUR GYI, NOR DANG NOR CAN GYI DNGOS PO LA SOGS PA'I 'BREL PA RNAMS NI MA YIN NO, ,MED NA MI 'BYUNG BA'I DNGOS PO RJES SU DPAG PA'I RGYU YIN BA 'DI NI 'GYUR MOD, DE NI JI SKAD BSHAD PA'I 'BREL BA YOD NA 'GYUR TE, DE'I PHYIR DE NGES PAR BSTAN TO ZHE NA, DE MI RIGS TE DE YOD NA YANG DE MED PA'I PHYIR RO, ,'BREL PA KHYAD PAR MED PA NYID KYI PHYIR RO ZHES PA RGYU MTSAN DANG RGYU MTSAN CAN GYI 'BREL PA NI GNYIS LA GNAS PAS TE, DE NI GCIG LA JI LTA BA BZHIN DU GNYIS PA LA YANG NGO ZHES PA STE, GNYIS KA LA GO BAR BYA BA DANG GO BAR BYED PA'I DNGOS POR 'GYUR RO, ,GNOD BYA GNOD BYED KYI DNGOS PO NI 'BREL PA MED PA KHO NA STE, ZHES PA, RTAGS DANG RTAGS CAN DAG GI ZHES PA DGONGS PA'O, ,DE NYID KYI PHYIR GSUNGS PA, DE DAG RTAGS DANG RTAGS CAN MIN, ,ZHES PA 'BREL PA CIG SHOS RNAMS NI PHA ROL PO'I 'DOD PAS RTAGS DANG RTAGS CAN DAG TU 'GYUR LA, GNOD BYA GNOD BYED KYI DNGOS PO NI PHA ROL PO'I 'DOD PAS KYANG 'GYUR BA MA YIN NO, ,SBRUL DANG SBRE MO DAG NI GNOD BYA GNOD BYED KYI DNGOS PO YIN LA, DE DAG RTAGS DANG RTAGS CAN DAG TU 'DOD PA YANG MA YIN TE, 'KHRUL PA'I PHYIR RO, , @121B 'ON KYANG SBRUL RGYAL BA DANG SBRE MO 'PHAM PA DAG STE, DE DAG GNOD BYED KYI DNGOS PO YANG MA YIN NO, ,DE BZHIN DU GZHAN LA YANG NGO ZHES PA, BYA ROG DANG 'UG PA LA SOGS PA RNAMS LA'O, ,GANG YANG NGES BAR BZUNG PA ZHES PA LA SOGS PAS MTSAN NYID MA KHYAB PA NYID GSUNGS SO, , GTZO BO DANG SKYES BU YANG DAG PAR LDAN PAR SGRUB PA'I GTAN TSIGS KYI RJES SU DPAG PA MA BSDUS PA'I PHYIR RO, ,RJES SU 'GRO BA LA SOGS PA RNAMS KYIS ZHES PA'I SOGS PA'I SGRAS, TSAD CAN DANG 'BRAS BU DANG RGYU'I DNGOS PO DANG, NUS PA 'JUG PA DANG SNA TSOGS KYI NGO BO NYID RNAMS BZUNG BAR BYA'O, ,GTZO BO YOD PA NYID LA SOGS PA RTOGS PA ZHES PA 'DIR YANG SOGS PA SMOS PAS, GCIG NYID DANG, DON DANG LDAN PA NYID DANG, GZHAN GYI DON LA SOGS PA RNAMS DANG, TZ'U LI KA'I DON RNAMS SO, ,DE'I TSE CI YIN ZHES PA BDUN PA RNAMS LAS GCIG KYANG SRID PA MA YIN NO ZHES DRI BA'O, ,BSAM PAR BYA ZHES PA RNAM PA GNYIS NYID SRID PA'I PHYIR RO, ,SO SOR BRJOD BYA MIN ZHES PA GTZO BO YOD DO, ,THA DAD PA RNAMS LA MTHONG BA'I PHYIR RO ZHES PA KHO NA BRJOD PAR BYA'I, THA DAD PA RNAMS KYI RJES SU 'GRO BA MTHONG BA'I PHYIR ZHES PA NI MA YIN NO, ,THA DAD PA RNAMS KHO NA NI RGYU MTSAN CAN NO ZHES PA BSKYED PAR BYA BA NYID KYI PHYIR RO, ,RGYU MTSAN NI GTZO BO'I ZHES BA NI SKYED PAR BYED PA NYID KYI PHYIR RO, ,GZHAN MA YIN PA NYID KYI PHYIR ZHES PA, RJES SU 'GRO BA YANG THA DAD PA RNAMS KYI BDAG NYID DU GYUR PA STE, DE'I CHOS NYID KYI PHYIR TE, CHOS DANG CHOS CAN DAG KYANG GZHAN MA YIN PA NYID KYI PHYIR RO, ,DE'I PHYIR THA DAD PA BZHIN DU DE YANG RGYU MTSAN CAN NYID DU 'THAD DO, ,DE BZHIN DU TSAD CAN LA SOGS PA RNAMS KYI YANG RIG PAR BYA'O, ,RNAM LNGA MIN ZHES PA RJES SU 'GRO BA LA SOGS PA RNAMS THA DAD PA'I BDAG NYID DU GYUR BA NYID KYI PHYIR RO, ,THA DAD PA RNAMS KHO NA GCIG PU CAN DU 'GYUR RO, ,'GA' ZHIG MIN ZHES BA LA SOGS PAS, GANG THA DAD PA RNAMS KYI 'GRUB PAR BYED PA PO GTZO BA'I CHOS DE RNAMS NI DES RTOGS PAR BYA BA RNAMS TE, GCIG NYID LA SOGS PA BZHIN, CHA SHAS MED PA'I LUS LA SOGS PA RNAMS KYANG DE LTA BU'O, ,DE BZHIN DU GANG GTZO BOS 'GRUB @122A *, ,PAR BYA BA THA DAD PA'I CHOS DE RNAMS NI DE'I RTOGS PAR BYED PA RNAMS TE, RJES SU 'GRO BA LA SOGS PA BZHIN, YOD PA NYID DANG KHYAB BDAG NYID LA SOGS PA RNAMS KYANG DE LTA BU'O ZHES PA RANG BZHIN GYI THAL BAR 'GYUR PA GNYIS GSUNGS SO, ,'O NA GAL TE YANG RNAM PA THAMS CAD DU RGYU MTSAN DANG RGYU MTSAN CAN GYI DNGOS PO YIN PA DE LTA NA YANG DE LTAR MA NGES PA'I PHYIR RNAM PA THAMS CAD DU GO BAR BYA BA DANG GO BAR BYED PA NYID DU THAL BA MA YIN NO ZHE NA, THUN MONG DU MNGON SUM PA YANG NGES PAR MA BZUNG BA'I DON KHYAD PAR MTHONG BA LAS KHYAD PAR DU RTOGS PAR BYED DO ZHES PA LA SOGS PA'I TSIG LA, RTAGS KYI SHES PA NI NGES PA'I BDAG NYID CAN DU 'DOD PA NYID KYI PHYIR RO, ,MA NGES PAR 'DOD PA RNAMS KYI YANG RTAGS KYI CHOS RNAMS GZHAN MA YIN PA NYID KYI PHYIR 'DI NI LAN MA YIN NO, ,DE LTAR 'GYUR MOD, DE LTAR GO BAR BYA BA DANG GO BAR BYED PA'I DNGOS POR 'DOD PA KHO NA'O ZHE NA GSUNGS PA, THA DAD PA RNAMS KYI ZHES PA LA SOGS PA STE, GANG GI PHYIR RJES SU 'GRO BA LA SOGS PA RNAMS KHO NA BSTAN BCOS SU GTAN TSIGS NYID DU GZUNG BAR BYA'I, YOD PA TZAM LA SOGS PA RNAMS NI MA YIN, GTZO BO'I YANG YOD PA NYID LA SOGS PA RNAMS KHO NA BSGRUB PAR BYA BA NYID DU YIN GYI, CHA SHAS MED PA NYID LA SOGS PA RNAMS NI MA YIN PA DE'I PHYIR, RGYU MTSAN DANG RGYU MTSAN CAN GYI DNGOS PO NI GTZO BO YOD PA NYID LA SOGS PA RTOGS PAR BYED PA'I GTAN TSIGS MA YIN NO, ,YANG CI LTAR GTZO BO'I CHA SHAS MED PA NYID YIN, JI TZAM GYIS SNYING STOBS LA SOGS PA DE'I CHA SHAS RNAMS SU 'GYUR BA KHO NA'O ZHE NA, DE DANG BRAL BA'I CHA SHAS YOD PA MA YIN PA'I PHYIR CHA SHAS MED PA NYID DO ZHES PAS SKYON MED DO, ,GTZUG PUD CAN GYI DON BCU ZHES PA YOD PA NYID DANG, GCIG NYID DANG, DON DON DANG LDAN PA NYID DANG, GZHAN GYI DON NYID, GZHAN NYID DANG, BYED PA PO'I DNGOS PO MA YIN PA DANG, SBYOR BA DANG, 'BRAL BA DANG, MANG PO'I SKYES BU RNAMS DANG, GNAS PA STE, LUS KYI YANG LHAG MAR 'JUG PAS ZHES PA 'DI RNAMS SU RIG PAR BYA'O, ,DE'I PHYIR GANG GANG DU RJES SU MTHUN PA ZHES SBYAR BAR BYA LA, @122B DE YANG MED NA MI 'BYUNG BA KHO NA'O, ,'O NA RGYU MTSAN DANG RGYU MTSAN CAN GYI DNGOS POS DE YANG 'PHANGS PA KHO NA MA YIN NAM, RGYU MTSAN CAN NI RGYU MTSAN MED NA MI 'BYUNG BA NYID KYI PHYIR RO ZHE NA, 'PHANGS PA BDEN MOD, PHA ROL POS NI RGYU MTSAN DANG RGYU MTSAN CAN GYI DNGOS POS 'BREL PA'I RTAGS GO BAR BYED PA NYID DU 'DOD PAS, RGYU MTSAN YANG GO BAR BYED PA NYID DU KHAS BLANGS PAR BYAS TE, DE YANG DE DANG 'BREL BA'I PHYIR RO, ,RNAM PA THAMS CAD DU GO BAR BYA BA DANG GO BAR BYED PA NYID DE RNAM PA THAMS CAD DU RGYU MTSAN DANG RGYU MTSAN CAN YOD PA'I PHYIR RO ZHES PA'O, ,DE'I PHYIR DE'I 'DI MI 'DOD PA LTUNG BA'O, ,GAL TE YANG RGYU MTSAN DANG RGYU MTSAN CAN GYI DNGOS POS GANG ZHIG GI MED NA MI 'BYUNG BA YIN PA DE GO BAR BYED PA'O ZHES KHAS BLANGS NA, RNAM PA THAMS CAD DU RGYU MTSAN DANG RGYU MTSAN CAN GYI DNGOS POR MI 'GYUR ZHING, MI 'DOD PA CUNG ZAD DU 'GYUR PA MA YIN NO, ,DE BZHIN ZHES PA LA SOGS PAS 'BREL PA CIG SHOS RNAMS LA YANG JI SKAD BSHAD PA'I SKYON STON TO, ,CHA SHAS KHO NAS ZHES PA RNAM PA 'GA' ZHIG GIS ZHES PA'I DON TO, ,'BREL MIN NYID DU YANG DAG BRJOD, ,CES PA, 'BREL MIN NYID CES PA 'DI NI MA YIN PAR DGAG PA'O, ,RJES SU DPAG PAR BYA BA RTOGS PA'I GTAN TSIGS KYI 'BREL PA'I 'BREL PA NYID GANG YIN PA DE LAS GZHAN PA'I 'BREL PA NI BSHAD DO ZHES PA'I DON DU RIG PAR BYA'O, ,RNAM PA GZHAN DU NA 'BREL PA RNAMS KYI 'BREL PA MED PA NYID MI 'THAD PA'I PHYIR 'GAL PAR 'GYUR RO, ,'O NA NOR DANG NOR CAN GYI DNGOS PO LA SOGS PA'I 'BREL PA RNAMS GSAL BYED RNAMS YIN LA, DE'I PHYIR DE'I SGO NAS RTAGS KYIS GSAL BAR BYED CING RANG GI 'BREL PA DANG RJES SU MTHUN PA NYID LAS CHA 'GA' ZHIG KHO NAS GSAL BAR BYED DO ZHES PA RIGS SO, ,DES NA RNAM PA THAMS CAD DU GO BAR BYA BA DANG GO BAR BYED PA'I DNGOS PO GANG LAS YIN ZHE NA GSUNGS PA, NOR DANG NOR CAN SOGS TZAM GYIS, ,ZHES PA LA SOGS PA STE, RANG GI LTA BA LAS RGYAL PO LA SOGS PA LA NOR CAN GYI RNAM PA KHO NAR RTOGS PAR 'GYUR LA, DPAL DGA' BA LA SOGS PA BYE BRAG TU NI MA YIN NO,, @123A *, ,CI'I PHYIR ZHE NA GSUNGS PA RNAM PA GZHAN DU SHES NA ZHES PA LA SOGS PA STE, GAL TE RANG GI 'BREL PA'I RJES SU MTHUN PA NYID LAS LOG PAR 'DZIN PAR NUS PAR 'DOD NA, DE KHO NA RNAM PA THAMS CAD DU GO BAR BYA BA DANG GO BAR BYED PA'I DNGOS POR 'GYUR RO, , NOR NYID KYI CHA NAS KYANG ZHES PA LA SOGS PA STE, YOD PA'I SNYING STOBS KYI CHA YANG NOR CAN NYID TZAM GYIS 'BREL PA YIN LA, DES NA GAL TE 'BREL PA'I RJES SU MTHUN PA NYID LAS DE KHO NAS DE KHO NA GSAL BAR 'DOD NA NOR CAN NYID TZAM RTAGS CAN LA RTOGS PAR 'GYUR RO, , CI'I PHYIR ZHE NA GSUNGS PA, MA YIN ZHES PA LA SOGS PA STE, 'BREL PA LA LTOS PA MED PAS RTOGS PAR BYED NA HA CANG THAL BAR 'GYUR RO ZHES PA DGONGS PA'O, ,DE LAS SHIN TU 'DAS NA ZHES PA DE MA THAG PAR BRJOD PA'I DON LAS SHIN TU 'DAS NA'O, ,GAL TE RANG GI 'BREL PA'I SGO MA GTOGS PAR GZHAN DU STE, RNAM PA GZHAN GYIS KYANG RANG GI DON RTOGS PAR NUS PAR 'GYUR NA NI, RANG GI 'BREL BA DANG RJES SU MTHUN PAS MA YIN NO ZHES PA'I DON TO, ,ZHAR LA 'ONGS BAS CHOG GO ZHES PA NOR DANG NOR CAN LA SOGS PA'I RTAGS DANG RTAGS CAN RNAMS ZHAR LA BYUNG BAS BLANGS PA'O ZHES STON PAR BYED DO, ,GSAL BYA GSAL BYED DNGOS PO YIS, ,ZHES PA, GAL TE GSAL BYA GSAL BYED KYI DNGOS POS RGYU MTSAN DANG RGYU MTSAN CAN GYI DNGOS PO 'DOD NA, DE LAS RGYU MTSAN DANG RGYU MTSAN CAN GYI DNGOS PO GCIG PU KHO NA GSAL BYED DU BRJOD PAR BYA BA MIN NO, ,CI'I PHYIR ZHE NA GSUNGS PA, DE RNAM BDUN ZHES PA STE, GO BYA GO BYED KYI DNGOS PO NI GSAL BYA GSAL BYED KYI DNGOS PO YIN ZHING, 'BREL PA BDUN PO RNAMS KYI KYANG RJES SU DPAG PAR BYA BA RTOGS TE, DE'I PHYIR DE KHO NA RNAM PA BDUN ZHES KHAS BLANG BAR BYA'O, ,RNAM PA GZHAN DU NA GZHAN RNAMS GSAL BAR BYED PA MA YIN PA NYID DU 'GYUR RO, ,DE'I PHYIR THA DAD PA NYID KYI PHYIR ZHES PA, RGYU MTSAN DANG RGYU MTSAN CAN GYI DNGOS PO LAS GZHAN NYID KYI PHYIR RO, ,SNGAR BRJOD ZIN TO ZHES PA DE YANG GZHAN LAS RTOGS PA'I PHYIR DON MED PA'O ZHES PA 'DIS DON SNGAR KHO NAR BSHAD @123B ZIN TO, ,RGYU MTSAN DANG RGYU MTSAN CAN GYI DNGOS PO ZHES KYANG BRJOD PAR MI BYA'O ZHES PA GAL TE RGYU MTSAN DANG RGYU MTSAN CAN GNYIS KA DAG GI GO BAR BYED PA NYID DU 'GYUR NA, DE SKAD SMRA BAR RIGS PA LAS, GNYIS KA DAG GI GO BAR BYED PA NYID KYANG MA YIN GYI, 'ON KYANG RGYU MTSAN CAN KHO NA'I'O, ,DE STON PAR BYED DE, GANG GI PHYIR MNGON PAR GSAL BAR BYED PA NI 'DIR RGYU MTSAN NYID CES PA LA, 'DIR TE RJES SU DPAG PA DANG RJES SU DPAG PAR BYA BA'I THA SNYAD LA MNGON PAR GSAL BAR BYED PA NI RGYU MTSAN NYID KHO NA'O, ,YANG RGYU MTSAN NYID CES BYA BA 'DI CI ZHE NA, RGYU MTSAN TE DU BA LA SOGS PA'I RANG GI BSGRUB PAR BYA BA LA MED NA MI 'BYUNG BA STE, RAB TU 'JUG PA'I RGYU MTSAN GANG GIS DE LA RGYU MTSAN GYI SGRA RAB TU 'JUG PA DE NI RGYU MTSAN NYID DO, ,RGYU MTSAN NYID NI MA YIN NO, ,ZHES PA, GSAL BAR BYED PA ZHES PA 'DI DANG SBREL BAR BYA'O, ,'DIR YANG BSGRUB PAR BYA BA'I CHA SHAS GANG YIN PA GO BAR BYA BA DE NI RGYU MTSAN CAN NYID DO, ,YANG CI'I PHYIR RGYU MTSAN CAN NI GSAL BAR BYED PA MA YIN ZHE NA GSUNGS PA, GSAL BAR BYA BA NYID KYI PHYIR RO ZHES PA, BSGRUB PAR BYA BA NYID KYI PHYIR RO ZHES PA'I DON TO, ,GRUB PA NI GO BAR BYED PA NYID DU 'GYUR GYI, BSGRUB PAR BYA BA NI MA YIN NO, ,DE'I PHYIR RGYU MTSAN GYI DNGOS PO ZHES PA KHO NA BRJOD PAR BYA BA'I RGYU MTSAN DANG RGYU MTSAN GYI DNGOS PO ZHES NI MA YIN NO, ,'DIR 'GYUR MOD, RGYU MTSAN DANG RGYU MTSAN CAN DAG GI DNGOS PO NI RGYU MTSAN DANG RGYU MTSAN CAN GYI DNGOS PO ZHES RNAM PAR SHES PAR BYA BA MA YIN LA, DE LTAR SHES PAR BYA BA NA NI RGYU MTSAN CAN SMOS PA DON MED PAR 'GYUR TE, RGYU MTSAN GYI DNGOS PO KHO NA GO BAR BYED PA NYID KYI PHYIR RO, ,'O NA CI LTAR ZHE NA, RGYU MTSAN GYI RGYU MTSAN CAN DANG YOD BA ZHES PA STE, DE YANG MED NA MI 'BYUNG BAR 'GYUR TE, 'DI LAS BSGRUB PAR BYA BA 'GRUB BA'I RGYU MTSAN ZHES MNGON BAR BRJOD PA DANG RKYEN YANG NGO ZHES BYAS NAS SO, ,RGYU MTSAN YOD PA ZHES PA 'DI TZAM BRJOD PAR BYA BA NA, CI ZHIG DANG LHAN CIG RGYU MTSAN YOD PA MED NA MI 'BYUNG BA'I MTSAN NYID YIN ZHES MI SHES SO, ,DE'I PHYIR SO SOR SBYOR BA'I ZLA BO RTOGS @124A *, ,PAR BYA BA'I CHED RGYU MTSAN GYI SGRA NYE BAR BLANGS PA'O ZHE NA, 'DI NI YOD PA MA YIN TE, RGYU MTSAN NI NGES PAR RGYU MTSAN CAN LA LTOS PA NYID KYI PHYIR, DE SKAD MA BRJOD NA YANG SO SOR SBYOR BA'I ZLA BO RTOGS SO ZHES PAS RGYU MTSAN CAN SMOS PA 'BRAS BU MED PA'O, ,GANG YANG SMRAS PA ZHES PA, LTA BA GZHAN LA SUN 'BYIN BSGRES NAS STON TO, ,LHAN CIG SBYOD PA'I DNGOS PO NI RJES SU 'GRO BA LA SOGS PA RNAMS GTZO BO MED NA YOD PA MA YIN PA'O, ,LHAN CIG SPYOD PA'I DNGOS PO'I ZHES PAS RJES SU 'GRO BA LA SOGS PA RNAMS KYIS GTZO BO LA SOGS PA DBANG PO LAS 'DAS PA'I DON RTOGS PA YANG MA YIN NO, ,DBANG PO LAS 'DAS PA'I DON RTOGS PAR BYED PA'I GTAN TSIGS BSTAN BCOS SU BSHAD PA NI RJES SU DPAG PA LHAG MA DANG LDAN PA YANG NGO, ,LHAN CIG SPYOD PA'I DNGOS PO'I 'BREL BA YANG GTZO BO DANG RJES SU 'GRO BA LA SOGS PA RNAMS KYI 'DI LHAG MA DANG LDAN PAR RIGS PA YANG MA YIN NO, ,LHAN CIG SPYOD PA'I DNGOS PO NI 'BRAS BU DANG RGYU'I DNGOS PO MA YIN TE, THA DAD BAR NGES PAR BSTAN PA'I PHYIR RO, ,GZHAN YANG RNAM PAR GNAS PA GNYIS DAG GIS LHAN CIG SPYOD PA'I DNGOS POR 'GYUR TE, DUR PA BZHIN NO, ,'BRAS BU DANG RGYU DAG CIG CAR YOD PA YANG MA YIN TE 'BRAS BU'I DUS NA RGYU MI SNANG BAR 'GYUR BA'I PHYIR RO, ,DES NA LHAN CIG SPYOD PA'I DNGOS PO DE LAS DBANG PO LAS 'DAS PA'I DON RTOGS PA GA LAS YIN, RJES SU 'GRO BA LA SOGS PA RNAMS KYIS DBANG PO LAS 'DAS PA'I DON RTOGS PAR KHAS BLANGS LA, DE LHAN CIG SPYOD PA'I DNGOS PO'I 'BREL PAS SBYOR RO ZHES PA KHAS BLANGS PA NYAMS SO, ,DE'I PHYIR 'DI DAG KHO NA MA YIN NO ZHES PAS GZHAN YANG 'DOD PAR BYA STE, GANG LAS RJES SU 'GRO BA LA SOGS PA RNAMS KYIS GTZO BO LA SOGS PA 'GRUB PAR 'GYUR BA'O, ,RJES SU DPAG PA RNAM PA GNYIS ZHES PA STE, DE LA KHYAD PAR MTHONG BA NI, GANG GI TSE ME DANG DU BA 'BREL PA MTHONG NAS, DU BA DE KHO NAS ME DE KHO NA'I YANG DANG YANG DU ME DE KHO NA 'DI'O ZHES YOD PA NYID DU RTOGS PAR BYED PA'O, ,SPYIR MTHONG BA NI GANG 'GA' ZHIG TU DU BA DANG ME 'BREL PAR MTHONG NAS, DUS PHYIS DU BA TZAM @124B MTHONG BA LAS ME SPYIR RJES SU DPOG PA'O, ,SPYIR MTHONG BA'I RJES SU DPAG PA 'DI YANG RNAM PA GNYIS TE, SNGA MA DANG LDAN PA DANG LHAG MA DANG LDAN PA'O, ,DE LA SNGA MA DANG LDAN PA NI GANG GI TSE RGYU MA TSANG BA MED PA MTHONG NAS 'BRAS BU 'BYUNG BAR 'GYUR BA NYID RTOGS PA STE, DPER NA SPRIN 'BYUNG BA MTHONG NAS CHAR PA 'BYUNG BAR 'GYUR BA NYID LTA BU'O, ,LHAG MA DANG LDAN PA NI GANG GI TSE 'BRAS BU GRUB PA MTHONG NAS RGYU BYUNG ZIN PA NYID RTOGS PA STE, DPER NA CHU KLUNG GSAR DU CHU 'PHEL BA MTHONG BA NAS SPRIN BYUNG BA NYID LTA BU'O, ,DE LA SNGA MA DANG LDAN PA'I RJES SU DPAG PA NI 'KHRUL PA'O,, LHAG MA DANG LDAN PA RNAM PAR DPYAD PA DANG BCAS PA NI 'KHRUL PA MED BA'O, ,DE RNAMS KYIS GANG 'DI SPYIR MTHONG BA'I RJES SU BDAG PA LHAG MA DANG LDAN PA 'DI NI DBANG PO LAS 'DAS PA'I DNGOS PO RNAMS YANG DAG PAR RTOGS PAR BYED PA'O ZHE'O, ,DE DRAN PAR 'DOD CES PA 'DI LA 'THAD PA GSUNGS PA MA YIN ZHES PA LA SOGS PA'O, ,'DIS NI SNGAR NYAMS SU MYONG BA DE KHO NA 'DI'O ZHES SO SOR NGO SHES PA DE NI DRAN PA'I BDAG NYID YIN TE, DPER NA DU BA DE KHO NA 'DI'O ZHES PA'I SHES PA BZHIN, KHYAD PAR MTHONG BA YANG JI SKAD BSHAD PA'I CHOS DANG LDAN PA'O ZHES RANG BZHIN GSUNGS SO,, 'BRAS BU DANG RGYU DAG LAS ZHES PA LA SOGS PA STE, SPYIR MTHONG BA KHO NA RNAM PA GNYIS ZHES NGES PAR BZUNG BA NI GZHAN RNAM PA GNYIS NYID RNAM PAR GCOD PA 'BRAS BU'O, ,DE LAS KYANG 'BRAS BU DANG RGYU DAG LAS YANG DANG YANG DU RJES SU DPAG PA MED BAR THAL BAR 'GYUR LA, YANG DANG YANG DU RJES SU DPOG PA KHYAD PAR MTHONG BA'O ZHES BYAS NAS ZHES PA KHAS BLANGS PA NYAMS SO, ,CI STE ZHES PA DI LTA BU LA SOGS PAS KYANG KHAS BLANGS PA KHO NA GSUNGS SO, ,GANG GI PHYIR SPYIR MTHONG BA RNAM BA GNYIS KHO NA'I NGES PAR GZUNG BA'I 'BRAS BU NI GRANGS GZHAN RNAM BAR SEL BA'O, ,DE LAS KYANG NOR DANG NOR CAN LA SOGS PA'I 'BREL PA RNAMS KYIS DE DANG POR RJES SU DPAG PAR MI 'GYUR RO, ,DE DANG POR SMOS PA NI YANG DANG YANG RJES SU DPOG PA LA, KHYAD PAR MTHONG BA SRID PA'I PHYIR RO, ,CI'I PHYIR SBYIR MTHONG BA MED CE NA GSUNGS PA, 'DI RNAMS LA 'BRAS BU DANG RGYU'I @125A *, ,DNGOS PO YOD PA NI MA YIN ZHING ZHES PA STE, 'BRAS BU DANG RGYU'I DNGOS PO LAS KYANG SPYIR MTHONG BAR 'DOD DO, ,CI LTAR NA KHYAD PAR MTHONG BA MED CE NA GSUNGS PA, KHYAD PAR 'DZIN PA YANG MA YIN NO ZHES PA STE, GNYIS PA LA SOGS PA'I SKAD CIG RNAMS LA DE KHO NA 'DI'O ZHES KHYAD PAR 'DZIN PA SRID DE, DE'I DNGOS PO ZHES BYA BA'I KHYAD PAR 'DZIN PA'I PHYIR RO, ,SKAD CIG DANG PO LA NI MA YIN NO, ,'BREL PA RNAM BDUN BSTAN PA DANG, ,ZHES PA NOR DANG NOR CAN GYI DNGOS PO LA SOGS PA RNAMS SO, ,RJES SU DPAG PA RNAM GNYIS NYID, ,CES PA, SPYIR MTHONG BA DANG KHYAD PAR MTHONG BA DAG LAS GZHAN YANG SRID PA'I PHYIR RO, ,NI'I SGRA GCIG NI GANG GI PHYIR GYI DON LA'O, ,GNYIS PA NI DE'I PHYIR GYI DON LA STE, GANG GI PHYIR RJES SU DPAG PA RNAM PA GNYIS KHO NA YIN PA DE'I PHYIR NOR DANG NOR CAN LA SOGS PA GSUM RNAMS KYIS DANG POR RJES SU DPAG PAR BYA BA RTOGS PA NA RJES SU DPAG PA GSUM PO GANG YIN PA DE RNAMS GANG GI KHONGS SU BSDU STE, DER GANG GU YANG NA DU 'DU BA MA YIN NO ZHES PA DGONGS PA'O, ,GSUM SMOS PA NI RNAG BZHIN DANG RNAM 'GYUR DANG, RGYU MTSAN DANG RGYU MTSAN CAN DANG TZAM PO DANG TSAD CAN GYI DNGOS PO RNAMS 'BRAS BU DANG RGYU'I DNGOS PO KHO NA'I NANG DU 'DU BA'I PHYIR RO, ,RJES SU GZUNG BAR BYA BA DANG RJES SU 'DZIN PAR BYED PA NYID KYI PHYIR RO ZHES PA, PHAN GDAGS PAR BYA BA DANG PHAN 'DOGS PAR BYED PA PO NYID KYI PHYIR RO ZHES PA'I DON TO, ,PHAN GDAGS PAR BYA BA DANG PHAN 'DOGS PA PO'I DNGOS PO MED PAR NOR DANG NOR CAN GYI DNGOS PO SRID PA NI MA YIN TE, RNAM PA GZHAN DU NA HA CANG THAL BAR 'GYUR RO, ,PHYOGS 'DIS LHAN CIG SBYOD PA'I DNGOS PO DANG GNOD PAR BYA BA DANG GNOD PAR BYED PA'I 'BREL PA DAG KYANG 'BRAS BU DANG RGYU'I DNGOS POR DRANG BAR BYA'O ZHES PAS LOG PAR MA BRJOD DO, , DE LTAR NI PHAN 'DOGS PA MED PAR LHAN CIG SPYOD PA'I DNGOS PO YOD PA MA YIN PAS SO, ,NGUR PA DAG KYANG 'KHRIG PA'I BDE BA NYE BAR SGRUB PA LA SOGS PAS PHAN TSUN PHAN TSUN PHAN 'DOGS PA MTHONG BA'I PHYIR RO, ,GNOD BYA GNOD BYED KYI DNGOS PO LA YANG SBRUL RGYAL BA DANG SPRE MO 'PHAM PA DAG 'BRAS @125B BU DANG RGYU'I DNGOS PO BDAG KHO NA STE, PHAN TSUN RGYU NYID KYI PHYIR RO, ,SNYING STOBS LA SOGS PA RNAMS KYI SGRA LA SOGS PA'I DNGOS POR YONGS SU GYUR PA NA BZHIN NO, ,'BREL PA GZHAN MED PAR THAL BAR 'GYUR BA'I PHYIR RO ZHES PA, 'BRAS BU DANG RGYU'I 'BREL PA GCIG PU KHO NAR 'GYUR GYI 'BREL PA GZHAN MI MA YIN TE, PHAN GDAGS PAR BYA BA DANG PHAN 'DOGS PAR BYED PA MED PAR 'BREL PA SRID PA MA YIN PA'AM, HA CANG THAL BAR 'GYUR BA YANG NA'O, ,CI LTAR NA 'BREL PA GZHAN MED CE NA GSUNGS PA, THAMS CAD DU ZHES PA LA SOGS PA STE, 'BREL PA BDUN RNAMS KYIS KYANG RJES SU DPAG PAR BYA BA LA, RTOGS PAR BYA BA DANG RTOGS PAR 'BREL PA CAN DAG GIS BYAS PA PHAN TSUN NAM GANG YANG RUNG BA'I JI LTAR SRID PAR PHAN 'DOGS PA YOD DE, RNAM PA GZHAN DU NA DE DAG 'BREL PA KHO NAR MI 'GYUR RO, ,YANG NA 'DIS RJES SU DPAG PAR BYA BA'O ZHES PAS RJES SU DPAG PA NI, 'BREL BA RNAM PA BDUN TE, RJES SU DPAG PA DER RO, ,RGYU MTSAN GYI DON CAN BDUN PA STE, 'BREL PA RNAM PA BDUN NI RGYU MTSAN NO, ,RTOGS PAR BYA BA DANG RTOGS PAR BYED PA DAG GIS ZHES PA LA SOGS PA LHAG MA SNGA MA BZHIN NO, ,BSHAD PA, 'DI LA GANG 'DI RTZOD PA NI, 'O NA 'BRAS BU DANG RGYU'I DNGOS PO NI RTOGS PAR BYA BA'I CHED DU BRTEN PAR BYA BA MA YIN NAM, GZHAN DU NA 'BREL PA MI SHES PA'I RTAGS LAS KYANG DANG PO MTHONG BA NA RJES SU DPAG PAR 'GYUR RO, ,DE'I PHYIR DE KHO NA PHAN 'DOGS PA'I ZHES JI LTAR BRJOD PAR ZHES PA'O, , DE 'JUG PA MED PA KHO NA STE, GANG GI PHYIR 'DIR RTOGS PAR BYED PA PHAN 'DOGS PAR BYED PA MNGON PAR YANG DAG PAR BRJOD PA MA YIN GYI, 'O NA CI ZHE NA, 'BREL PA CAN DAG GI BDAG NYID DU GYUR PA'I RJES SU 'DZIN PA'O, ,SKYON RNAM PA GNYIS ZHES PA, 'DI KHO NA PHYOGS GNYIS KA LA YOD PA'O, ,'BRAS BU MED CES PA NGAG RNAMS NI DON GZHAN RNAM PAR GCOD PA'I 'BRAS BU CAN NYID KYI PHYIR RO, ,'DI'I CI YIN ZHES PA LA SOGS PAS 'BRAS BU MED PA DE KHO NA STON TO, ,'O NA'ANG RNAM PA GNYID NYID MA SHES PA RTOGS PAR BYED PA KHO NA NGAG GI 'BRAS BUR 'GYUR BA MA @126A *, ,YIN NAM, 'DIR DON GZHAN RNAM PAR GCOD PAS CI ZHIG BYA ZHE NA, 'DI NI MI RIGS TE, DON GZHAN RNAM PAR GCOD PAS NI DE'I RANG GI NGO BO RTOGS PA'I PHYIR LA, DE NI RANG BZHIN LAS LOG PA'I NGO BO CAN NYID KYI PHYIR RO, ,GAL TE NGO BO GZHAN RNAM PAR GCAD PA MA YIN NA NI, DE'I RANG GI NGO BO RTOGS PA GA LAS YIN, RNAM PA GNYIS NYID MA SHES PA YANG MA YIN TE, 'BRAS BU DANG RGYU RJES SU DPOG PA'I SKABS YIN PA'I PHYIR RO, ,DE LA SLAR YANG BRJOD PA NI NGES PAR BYA BA'I DON DU RNAM PAR SHES PAR BYA'O, ,DE MI RIGS TE ZHES PA 'DI LA GTAN TSIGS GSUNGS PA, 'BREL PA CAN GYI 'KHRUL PA MED PA'I PHYIR RO ZHES PA'O, ,GEGS LA SOGS BA SRID PA NA, ,ZHES PA, GEGS NI 'GAL BA'I RKYEN NYE BAR BAB PA'O, ,SOGS PA'I SGRAS LHAN CIG BYED PA MA TSANG BA SRID PA NA'O, ,RTAGS SU BYA BA'O ZHES PA NI RTOGS PAR BYA BA'O ZHES PA'I DON TO, ,'DIR NYE BAR GDAGS PAR RIGS PA YANG MA YIN ZHES PA NYE BAR 'DOGS PA'I RGYUR GYUR PA RJES SU DPAG PA'I RGYU NYID MED PA'I PHYIR RO, ,CI STE ZHES PA LA SOGS PA STE, GANG ZHIG RGYU 'GA' ZHIG 'BRAS BU NYE BAR BSKYED PA ZIN PAR MTHONG NAS DE'I RIGS CAN GZHAN YANG MTHONG ZHING 'DRA BAR BLO 'KHRUL PA PO 'DI YANG NGES PAR 'BRAS BU DE SKYED PAR 'GYUR RO ZHES LHAG PAR ZHEN PAR BYED PA PO DE'I NI RGYU LAS 'BRAS BU'I SHES PAR 'GYUR RO, ,'GA' ZHIG GI TSE ZHES PA'I TSIG LAS MI 'GYUR BA YANG NGO, ,GANG GI PHYIR 'GYUR BA DE'I PHYIR RJES SU DPAG PA'I RGYU YIN PA NYID KYI PHYIR RJES SU DPAG PAR BRJOD PAR BYA'O, ,GANG ZHIG PHYIR 'GA' ZHIG GI TSE 'BYUNG BA MA YIN PA DE'I PHYIR 'KHRUL PA ZHES BRJOD PAR BYA'O, ,DE LTAR RJES SU DPAG PA NYID DANG 'KHRUL PA NYID DU YANG BRJOD DO ZHE'O, ,DE NI MA YIN TE, DE'I TSE DE'I RGYU MA YIN PA NYID KYI PHYIR RO ZHES PA, DE'I TSE YANG RJES SU DPAG PAR NYE BAR GDAGS PAR RIGS PA MA YIN PA KHO NA STE, RJES SU DPAG PA'I RGYU NYID MED PA'I PHYIR RO, ,DE'I TSE NI DE RJES SU DPAG PA MA YIN PA KHO NA'O ZHES PA, GANG ZHIG DE YANG DON JI LTA BA RTOGS PA YIN TE, DE'I PHYIR DE'I RGYUS RJES SU DPAG PAR NYE BAR @126B GDAGS PAR RIGS MOD, GANG GI TSE YANG DON JI LTA BA YIN PA DE'I TSE 'KHRUL PA NYID MED DO, ,DE'I PHYIR DE GCIG BU GANG YIN PA RJES SU DPAG PAR 'GYUR ZHING 'KHRUL PA YANG YIN PA NI MED DO, ,'O NA RJES SU DPAG PA LTAR SNANG BA'I RGYU YANG RJES SU DPAG PAR BRJOD PAR BYA BA MA YIN NAM, DE LTAR NI SMRA BA PO RNAMS SU 'GYUR TE, GANG 'DIS RJES SU DPAG PA NYE BAR BKOD PA DE DAG GIS SUN PHYUNG NGO ZHES PA DANG, GZHAN YANG RGYU NI 'KHRUL PA'O ZHES PA STE, DON 'DI TZAM BRJOD PAR 'DOD PA NYID KYI PHYIR RO ZHE NA, 'DI NI SUN 'BYIN PA MA YIN NO ZHES GSUNGS PA, GAL TE YANG ZHES PA LA SOGS PA STE, GAL TE 'BRAS BU DANG RGYU'I SHES PA YOD PA LA YANG, SLAR YANG DE LA LHAG PO'I 'KHRUL PA DANG MA 'KHRUL PA NYID LA LTOS NA, 'BREL PA GZHAN ZHIG 'ONGS PA'O ZHES PAS KHAS BLANGS PA NYAMS SO, ,GANG KHO NA'I MI 'KHRUL PA NYID LA LTOS PA ZHES PA, GANG KHO NA'I MI 'KHRUL BA NYID KYI RANG GI NGO BO LA LTOS PA ZHES PA'I DON TO, ,RANG GI NGO BO ZHES PA 'DI GANG LAS SHE NA, GANG GI PHYIR MED NA MI 'BYUNG BA NYID KYI STE GZHAN PA MI 'KHRUL PA NYID YOD PA MA YIN ZHING DE NI MI 'KHRUL PA'I NGO BO NYID YIN PA'I PHYIR RO, ,RJES SU DPAG PA THAMS CAD LA YANG ZHES PA LA SOGS PAS SLAR BRJOD PA DON MED PA NYID GSUNGS SO, ,CI STE NGES PA'I DON DU DE BRJOD DO ZHE NA, DE LTA NA YANG SPYIR YIN ZHES PA LA SOGS PA DON MED PA NYID DU 'GYUR RO, ,YOD NYID LA'ANG RNAM DPYAD 'DI'I, ,ZHES PA LA, YOD PA'I SGRA NI 'DIR RANG GI NGO BO MNGON BAR BRJOD PA'O,, GANG PHYIR 'BRAS BU DANG RGYU'I 'BREL PA RJES SU DPOG PA'I RGYU NYID DU KHAS BLANGS PA NA, RTAGS KYI RANG GI NGO BO KHO NA 'DI 'BRAS BUR 'GYUR RAM MI 'GYUR ZHES RNAM PAR DPYAD PAR RIGS SO, ,'DI LTA STE CHU KLUNG GANG BA LA ZHES PA, DE LA NI RANG GI NGO BO RTOGS PA KHO NA LA RNAM PAR DPYAD PA STE, CI CHU KLUNG GANG BA 'DI CHAR PAS BYAS PA'AM, 'ON TE MA YIN ZHES PA'O, ,GANG GI TSE 'DI DBU BA 'KHRUG PA DANG CHU RDUL DANG LDAN PA LA SOGS PA'I MTSAN MA RNAMS KYIS RANG GI NGO BO NGES PAR 'GYUR BA DE'I TSE SLAR YANG MI 'KHRUL BA NYID LA RNAM PAR DPYAD PA LA LTOS PA MA YIN NO, , @127A *, ,CHAR PA'I 'BRAS BU NYID DU NGES NA NI, DE LA 'KHRUL PA NYID DU DOGS PA MA YIN TE 'BRAS BU NI RGYU LA 'KHRUL PA MED PA'I PHYIR RO, ,DE KHO NA STON PA GSUNGS PA, RNAM PAR MA DPYAD PA YANG ZHES PA LA SOGS PA'O, ,DE'I PHYIR NGES PAR 'DZIN PA RIGS PA MA YIN NO ZHES PA GZHAN PA LAS KYANG DBANG PO LAS 'DAS PA'I DON RTOGS PA'I PHYIR RO, ,'O NA SPYIR MTHONG BA KHO NA DBANG PO LAS 'DAS PA'I DON MTHONG BA'I RGYU'O ZHES PA 'DI LTAR NGES PAR GZUNG BAR BYA BA MA YIN GYI, 'O NA CI LTAR ZHE NA, SPYIR MTHONG BA NI DBANG PO LAS 'DAS PA'I DON NYE BAR DMIGS PA'I RGYU KHO NA'O ZHES SO, , DE LTA NA YANG RJES SU DPAG PA GZHAN DBANG PO LAS 'DAS PA'I DON RTOGS PA'I RGYU YIN PA NYID BKAG PA MED PA'I PHYIR SKYON MED DO ZHE NA, 'DI YOD PA MA YIN TE RJES SU DPAG PA THAMS CAD RNAMS MNGON GYUR MA YIN PA RTOGS PA'I RGYU NYID KYI PHYIR SPYIR MTHONG BA YANG DE RTOGS PA'I RGYU NYID THOB PA LAS, SLAR YANG BRJOD PA NA DE LAS BZLOG PA DGAG PA'I NGO BO NGES PA YIN PA RNAM PAR SHES PAR BYA STE, SEN MO LNGA LNGA RNAMS KYES BZA' BAR BYA'O ZHES PA JI LTA BA BZHIN YIN NA, RJES SU DPAG PA GNYIS LAS SPYIR MTHONG PA THA DAD PAR BYAS NAS DBANG PO LAS 'DAS PA'I DON RTOGS PA'I RGYU NYID DU NYE BAR BLANG BAR BYAS TE, DE LAS KYANG DE KHO NA DER RNAM PAR SHES PAR BYA STE, JI LTAR BA RNAMS KYI NAG MO NI SHIN TU 'O MA PHUN SUM TSOGS PA ZHES PAS, NAG MO KHO NA SHIN TU 'O MA PHUN SUM TSOGS PA NYID BZHIN NO, ,DE YOD PAR GYUR PA KHO NA'I RGYU NYID KYI PHYIR RO ZHES PA, GTZO BO YOD PA'I DNGOS PO KHO NA'I STE, DE YOD PA TZAM GYIS GTZO BO NI THA DAD PA'I RGYU YIN GYI, GCIG NYID LA SOGS PA'I CHOS RNAMS KYIS NI MA YIN NO, ,'DI LTAR SEMS TE, MED PA LAS RNAM 'GYUR RNAMS NYE BAR SKYED BA KHEGS TE, GSAL BA NI MED PA LAS SKYED PA MA YIN NO ZHES PA 'DI'I PHYIR, YONGS SU BA'I LHAG MA LAS GTZO BO YOD PA'I DNGOS PO KHO NA LAS BYE BRAG RNAMS SKYE'O, ,BYE BRAG RNAMS YOD PA'I NGO BO'I RJES SU BYED PA'I PHYIR YANG YOD PA'I NGO BO KHO NA RGYU YIN LA, YOD PA'I NGO BO YANG DE'I BDAG NYID 'DZIN DU 'JUG PA PO RANG BZHIN PA KHO NA'O, ,YOD PA NYID DANG 'DRIS PAR BYAS PA NI @127B MA YIN TE, YOD PA NI YONGS SU 'GYUR BA LAS SNGAR MI SRID PA'I PHYIR RO, ,DE SKAD DU GSUNGS PA, NGES PAR YOD PA DANG YOD PA ZHES SO, ,JI LTAR YANG DE'I TSE YOD PA MED PA DE LTAR GCIG NYID LA SOGS PA RNAMS KYANG NGO, ,CI'I PHYIR DE RNAMS KYI RGYU NYID YIN ZHE NA, GTZO BO YOD PA KHO NA'ANG SKYES BU'I 'DOD PA RNAM PAR BSAL BA'I CHED DU 'JUG PA YIN LA, DE'I PHYIR DE KHO NA RGYU NYID DO ZHES PA'O, ,GAL TE DE LTA NA BYE BRAG DE NI GTZO BO'I LDOG PAR BYED PA 'GA' YANG MA YIN NO ZHES PA LA SOGS PA DE BRJOD PA CI LTAR YIN ZHE NA, DE NI PHA ROL PO'I BSAM PA KHO NAS 'DI LTAR BRJOD PA STE, GAL TE PHA ROL POS GZHAN MA YIN PA NYID DU KHAS BLANG BAR NAS, GTZO BO DANG SKYES BU'I DON DU GTOGS PA GTZUG PHUD CAN NAM SIL BU CAN GYI DON BCU RNAMS SGRUB PAR BYED NA, RNAM PA THAMS CAD DU GTOGS PAR 'GYUR RO, ,'DI NI RANG GI BSAM PAS TE, DE YOD PA'I DNGOS PO KHO NA RGYU NYID DU RIGS SO ZHES BYAS NAS SO, ,DE'I YANG KHYAD PAR RNAMS KHO NA LAS ZHES PA GTZO BO YOD PA NYID KYI'O, ,YOD PA NYID DAM MANG NGO NYID DAM ZHES PA LA SOGS PAS RNAM KUN GYI SGRA'I DON BSHAD DO, ,'AM GYI SGRA SDUD PA'I DON CAN LAS GCIG NYID LA SOGS PA'O,, THA DAD PA'AM THA MI DAD PA'ANG RUNG ZHES PA, YOD PA NYID DAM GCIG DANG NGAM, BYED PA PO MA YIN PA NYID LA SOGS PA RNAMS DANG NGO, ,YANG NA GCIG DANG STE BRAL BA DANG NGAM, LNGA RNAMS DANG YANG NA'O, ,YANG NA GAL TE YOD PA NYID LA SOGS PA RNAMS SKYES BU LAS THA DAD PA RNAMS DANG, CI STE THA MI DAD PA RNAMS TE, RNAM PA THAMS CAD DU RTOGS PA MA YIN NO ZHES PAS KHAS BLANGS PA NYAMS SO, ,GANG RGYU MA YIN PA DE LHAG MA DANG LDAN PA'I RJES SU DPAG PAS YANG DE LTA BU'O ZHES PA KHYAB PAR BYED PA MED PA'O, ,GANG YANG DE LTA BU'O ZHES PA KHYAB PAR BYED PA MED PA'O, ,GANG RNAMS SGRA'I RNAM PA YONGS SU GYUR PA DBANG PO'I 'JUG PA LA NGES PAR SNANG BA NA YID KYI 'JUG PA NYE BAR SKYES PA NA, SKYES BU YANG DE'I RNAM PAR 'JUG PA NYE BAR SKYES LA, DE'I PHYIR 'JUG PA'I RNAM PA YONGS SU 'GYUR BA CAN SKYES BU'O ZHES 'DOD PA NI, GTAN TSIGS MA @128A *, ,GRUB PA NYID DU SMRA BAR BYED DO, ,DE RNAMS KYI SKYES BU NI GTZO BO'I NGO BOR 'GYUR RO, ,DE LTAR NI YID KYI 'JUG PA NI YON TAN GSUM GYI BDAG NYID YIN LA, SKYES BU'I 'JUG PA YANG DE'I RNAM PA CAN TE, DE LAS KYANG DE YANG YON TAN GSUM GYI BDAG NYID CAN DU 'GYUR RO, , DE LTA NA YANG 'JUG PA DANG 'JUG LDAN GZHAN MA YIN PA NYID KYI PHYIR NA SKYES BU YANG YON TAN GSUM GYI BDAG NYID 'THOB CING, YON TAN GYI RANG BZHIN NYID KYI PHYIR YANG DE YANG GTZO BO KHO NAR 'GYUR RO, ,DE LA YANG BSHAD PA'I SKYON TE, GTZO BO YANG GCIG NYID DU KHAS BLANGS PA NYAMS SO ZHES PAS 'DI NI SNYING PO MED PA'O, ,RJES SU DPAG PA LA SOGS PA RNAMS ZHES PA LA SOGS PA STE, SOGS PA'I SGRAS SGRA LAS BYUNG BA DANG NYE BAR 'JAL BA DANG DON GYIS GO BA RNAMS BSDU BAR BYA'O, ,MNGON SUM SNGON DU 'GRO BA CAN NYID KYI PHYIR, ,DE DANG 'DRA BA KHO NA ZHES PA, JI LTAR MNGON SUM CHOS KYI DOR RGYU MTSAN MA YIN PA DE LTAR RJES SU DPAG PA LA SOGS PA RNAMS KYANG STE, CI'I PHYIR ZHE NA, MNGON SUM SNGON DU 'GRO BA CAN NYID KYI PHYIR RO, ,DE KHO NA'I PHYIR 'DI RNAMS MDOR BYAS PA MA YIN NO, ,MNGON SUM LA SOGS PA'I TSAD MA RNAMS CI'I DON DU YONGS SU BRTAGS PAR BYA BA YIN NA, RTZOD PA'I MTSAN NYID NI CHOS YIN LA MNGON SUM LA SOGS PA'I MTSAN NYID NI MA YIN NO ZHES SHES PAR BYA BA'I CHED DU STE, MNGON SUM YANG CHOS KYI DOR RGYU MTSAN MA YIN PA NYID DU SHES PA NA, MNGON SUM SNGON MA CAN GANG YIN PA GZHAN DE YANG CHOS YONGS SU SHES PA'I RGYU MTSAN DU MI 'GYUR RO ZHES SHES PA KHO NA STE, DE MDOR BYAS PAS CI ZHIG BYA, 'O NA CI LTAR DPYOD PA LA TSAD MA DRUG RNAMS RTOGS PAR BYA ZHE NA GSUNGS PA, 'GREL PA BYED PAS ZHES PA LA SOGS PA'O, ,DE LA ZHES PA LA SOGS PAS SUN 'BYIN PA GSUNGS SO, ,'O NA MDOR MNGON SUM SNGON MA CAN NYID MDOR MA BYAS PA NYID LA GTAN TSIGS NYID DU NYE BAR BLANGS SHING, 'GREL PA NI TSAD MA NYID YONGS SU SHES PA LA STE, GAL TE GANG MNGON SUM SNGA MA CAN DE TSAD MA NYID DU RNAM PAR SHES PAR 'GYUR NA ZHES MNGON PAR BRJOD PA'I PHYIR RO, ,DES NA CI LTAR 'GREL PA MDO'I DON GYI RJES SU @128B 'GRO BA YIN ZHE NA, MDOR MNGON SUM SNGON MA CAN NYID MDOR MA BYAS PA'I BRGYUD PAS GTAN TSIGS NYID DU NYE BAR BLANGS KYI, DNGOS SU MA YIN LA, BRGYUD PA DE KHO NA BSTAN PA'I CHED DU GANG MNGON SUM SNGON MA CAN ZHES PA LA SOGS PA RNAM PAR BSHAD PA BYAS SO ZHES PAS SKYON MED DO, ,GAL TE YANG TSAD MAR YONGS SU SHES PA KHO NA MDOR MA BYAS PA'I GTAN TSIGS BAR MA CHAD PAR BRJOD PAR BYA NA, TSAD MAR YONGS SU SHES PA'I GTAN TSIGS BRJOD PA MA YIN PAR 'GYUR RO, ,DE LAS KYANG, DRAN DANG 'DOD DANG SDANG BA DANG, ,RTZOL SOGS TSAD MAR THAL BAR 'GYUR, ,ZHES PA SUN 'BYIN PA 'DI 'JUG PA MED PAR 'GYUR RO, ,DE'I PHYIR SUN 'BYIN PA'I SKABS SBYIN PA'I CHED DU MNGON SUM SNGON MA CAN NYID KYI PHYIR RO ZHES BSHAD DO, ,'O NA DPYOD PA LA MNGON SUM SNGON MA CAN NYID KYIS TSAD MA NYID DU BRJOD PA MA YIN PA KHO NA'I, 'ON KYANG 'DI RNAMS CHOS KYI DOR RGYU MTSAN MA YIN PA NYID BRJOD DE, GANG SMRAS PA, MNGON SUM SNGON MA CAN NYID KYI PHYIR YANG RJES SU DPAG PA DANG NYE BAR 'JAL BA DANG DON GYIS GO BA RNAMS KYANG RGYU MA YIN PA NYID DO ZHES SO, ,NYE BA'I WAR shA YIS KYANG RAB TU GRAGS PA NYID KYI PHYIR MA BRJOD PA RNAMS SO ZHES PAS MNGON SUM LA SOGS PA'I TSAD MA RNAMS RAB TU GRUB PA RNAMS SO ZHES BRJOD DO ZHE NA, SKYON 'DI MED DE, 'DIR DE RNAMS RAB TU GRUB PA NYID MED DO ZHES PA 'DI NI LOG PAR RTOGS PA RNAMS KYANG MANG PO ZHES PA 'DIS SHES PAR BYAS ZIN TO, ,DE RNAMS KYI MTSAN NYID BRJOD PA YANG MA YIN TE, GANG LAS RANG GI NGO BO SHES PAR 'GYUR BA'O, ,MNGON SUM SNGON MA CAN NYID KYI PHYIR YANG CHOS KYI NGOR RGYU MTSAN MA YIN PA NYID DU RJES SU DPAG PA LA SOGS PA RNAM PAR SHES PAR BYA BA KHO NA STE, DE'I PHYIR MA BRJOD PA RNAMS SO ZHES PA'O, ,'GREL PA BYED PA NGAG BYED PA'I DGONGS PA GSAL BAR BYED PA RNAMS KYIS MNGON SUM SNGON MA CAN GANG YIN PA DE TSAD MA NYID DU RNAM PAR SHES PAR BYA BA KHO NA STE, DE'I PHYIR MA BRJOD PA RNAMS SO ZHES PA 'DI YANG DGONGS PAR RTOG GO ZHES PA SRID PAR BYA'O, ,GZHAN DU NA SNGA MA YANG DGONGS PAR MI 'GYUR RO, ,TSAD MA GZHAN RNAMS KYIS RANG GI NGO BO RNAM PAR MA SHES PAR CHOS KYI NGOR @129A *, ,RGYU MTSAN MA YIN PA NYID DU RNAM PAR SHES PAR NUS PA MA YIN NO, ,DE'I PHYIR RANG GI NGO BO YONGS SU SHES PA'I DON DU BSHAD PAR BYA BA RNAMS SU 'GYUR NA, BRJOD PA YANG MA YIN NO, ,DE'I PHYIR NGES PAR GANG MNGON SUM SNGON MA CAN DE TSAD MA NYID DU RNAM PAR SHES PAR BYA BA, KHO NA STE, DE'I PHYIR MA BRJOD PA RNAMS SO ZHES PA 'DI YANG 'GREL PA BYED PA RNAMS KYIS NGAG BYED PA'I DGONGS PAR MNGON PAR BRTAGS PA'O ZHES DGONGS PAR 'GYUR, DE LAS KYANG DRAN PA LA SOGS PA RNAMS KYANG MNGON SUM SNGON MA CAN NYID KYI PHYIR TSAD MA NYID DU THAL BAR 'GYUR RO ZHES PA'O, ,RJES DPAG BSTAN PA LA SOGS PA, ,ZHES SOGS PA'I SGRAS NYE BAR 'JAL BA DANG DON GYIS GO BAR BZUNG NGO, ,BSTAN PA NI RNAM PA GNYIS TE, SKYES BUS BYAS PA DANG SKYES BUS MA BYAS PA'O, ,'DIR SNGA MA BZUNG BA STE, CIG SHOS NI PHA ROL PO RNAMS KYIS KYANG MNGON SUM SNGON MA CAN NYID DU MNGON BAR 'DOD PA MA YIN PA KHO NA'O, ,THUN MONG MA YIN PA'I YUL CAN ZHES BRJOD ZIN TO ZHES PA, DU MA'I NGO BO'I CHOS CAN NI, ,ZHES PA 'DIR DBANG PO'I BLO NI THUN MONG MA YIN PA'I YUL CAN DU BSGRUBS ZIN TO, ,'BREL PA NI RTEN DU MA CAN ZHES PA LA SOGS PAS 'BREL PA THUN MONG BA NYID DU STON CING, GANG THUN MONG BA DE MNGON SUM GYI YUL MA YIN TE, SPYI BZHIN 'BREL PA YANG DE LTA BU'O ZHES KHYAB BYED 'GAL BA GSAL BAR BYED DO, ,SPYI YIS MTHONG BA MA YIN PAR, ,GAL TE YANG SPYI ZHES PA LA SOGS PAS BSGRUBS ZIN TO,, 'DI LA KHYAB PA MED PA DOGS BAR BYA BA MA YIN TE, GANG PHYIR DBANG PO'I BLO NI DNGOS PO'I YUL CAN DU 'DOD CING, DNGOS PO YANG THUN MONG MA YIN PA STE, THUN MONG BA NI MA YIN NO, ,'BREL PA YANG THUN MONG BA STE, DE'I PHYIR DNGOS PO MA YIN ZHING, DE'I PHYIR DBANG PO'I BLO'I YUL MA YIN NO, ,'BREL PA CAN RNAMS KYANG ZHES PA LA SOGS PA STE, GAL TE 'BREL PA RNAMS 'BREL PA CAN GYI NGO BOR TE, LDAN PA CAN DANG 'DU BA CAN LA SOGS PA NYID DU GZUNG BAR BYA NA, DE LTA NA NI RJES SU DPAG PA LA SOGS PA LA NYE BAR MKHO BAR 'GYUR RO, ,SOGS PA'I SGRA LAS NYE @129B BAR 'JAL BA LA SOGS PA LA NYE BAR MKHO BA'O, ,GZHAN DU NA GANG YANG ME'I 'BREL PA CAN MA YIN PA NYID KYIS NA, THOG MAR ME DANG DU BA 'BREL PAR MA RTOGS PAS DU BA 'DZIN PA DE YANG RJES SU DPAG PAR 'GYUR RO, ,DE RNAMS DE LTAR MNGON SUM YANG MA YIN NO ZHES PA, 'BREL PA LA LTOS PA NYID KYI PHYIR DANG, 'BREL PA CAN NYID DAM 'BREL PA YANG MNGON SUM MA YIN PA NYID KYI PHYIR RO, ,DBANG PO'I BLO NI DON LA LTA BA TZAM NYID KYI PHYIR YANG 'BREL PAR BYED PA'I DOR NUS PA MED PA NYID KYI PHYIR, DE RNAMS MNGON SUM GYIS 'BREL BA CAN GYI NGO BOR 'DZIN PA SRID PA MA YIN NO, ,MTHONG BA DANG SPYI LAS MTHONG BA LA SOGS PA 'BYED PA'I PHYIR RO ZHES PA, MTHONG BA NI GANG DU RTAGS DANG RTAGS CAN DAG GI 'BREL BA MTHONG BA'O, ,SPYI LAS MTHONG BA NI GANG DU 'GA' ZHIG TU 'BREL PA MTHONG BA LAS DE'I SPYI'I RNAM PAS DBANG PO LAS 'DAS DON RTOGS PA'O, , SOGS PA'I SGRAS SNGA MA DANG LDAN PA LA SOGS PA RIGS CAN PAS BRJOD PA RNAMS GZUNG BAR BYA'O, ,DE LAS ZHES PA LA SOGS PAS 'DU BA LA SOGS PA RNAMS DANG, DE DANG LDAN PA'I DU BA CAN LA SOGS PA RNAMS 'DU BAL SOGS PA'I NGO BOS MNGON SUM MA YIN PAR KHAS BLANGS PA'I PHYIR, PHA ROL PO'I 'DOD PAS KYANG DE LA BRTEN PA'I RJES SU DPAG PA LA MNGON SUM SNGA MA CAN NYID MED DO ZHES STON TO, ,DE'I 'DOD PAS NI ZHES PA LA, DE'I 'DOD PA SMOS PA NI, RANG GI 'DOD PAS LDAN PA DANG LDAN PA CAN DAG KYANG MNGON SUM MA YIN PA NYID KYI PHYIR RO, ,DE KHAS BLANGS NAS ZHES PA, DE'I SGRAS DE'I 'DOD PA SBREL PAR BYA'O, ,RJES SU DPOG PA'I RGYU MIN ZHES PA DANG GI SGRA NI RIM PA THA DAD PA'AM, NGES PAR 'DZIN PAR YANG BLTA BAR BYA STE, GTAN TSIGS MA YIN PA KHO NA'O ZHES PA'I DON TO, ,GNYIS DAG LA KHYAD PAR MED PA'I PHYIR RO ZHES PA LA SOGS PA STE, 'BREL PA CAN GNYIS KA DAG LA YANG LDAN PA KHYAD PAR MED LA, DE LAS KYANG ME DANG DU BA GNYIS KA YANG GO BAR BYA BA DNGOS POR 'GYUR, DBANG PO'I BLO NI SBYOR BA'I YUL CAN MA YIN YIN LA, YANG THAMS CAD KYI BDAG NYID KYIS LDAN PA'I PHYIR RO, ,LDAN CAN DAG, ,RANG GI NGO BOS RTOGS BYA'ANG @130A *, ,MIN, ,ZHES PA RANG GI NGO BO NI GANG 'BREL PA MI SHES PAS KYANG GZUNG BAR BYA BA DU BA LA SOGS PA'I NGO BO YIN TE, DES LHAG PAR RTOGS PAR 'OS PA DAG MA YIN PAS SO, ,CI'I PHYIR ZHE NA, SMRAS PA, RJES SU DPAG PA LA MA YIN, ,ZHES PA LA SOGS PA'O, , 'O NA 'BREL PA CAN GYI NGO BOS DE DAG LHAG PAR RTOGS PA DAG PHAN 'DOGS PAR 'GYUR RO ZHE NA SMRAS PA, MA YIN ZHES PA LA SOGS PA STE, DBANG PO'I BLO NI SBYOR BA'I YUL CAN MA YIN LA, DE DANG LDAN PA YANG MA YIN NO ZHES PA 'DIS, LDAN PA CAN GYI NGO BOS LDAN PA CAN DAG MNGON SUM NYID DU 'GYUR BA MA YIN NO ZHES BSHAD ZIN TO, ,DE LTAR 'GYUR MOD, RJES SU DPAG PA LA SOGS PA RNAMS KYI MING MNGON SUM SNGON MA CAN MA YIN LA, DE RNAMS KYI MTSAN NYID NI GANG 'DOD PA DE KHA NA MA THO BA MED PA STE, GANG LAS DE DGAG PA BRJOD PAR BYA BA MA YIN PA'O ZHE NA GSUNGS PA, RJES SU DPAG PA DANG NYE BAR STON PA DANG NYE BAR 'JAL BA RNAMS KYI ZHES PA LA SOGS PA'O, ,YANG CI LTAR RANG GI BSAM PAS MA BRJOD CE NA GSUNGS PA, 'BREL PA GZHAN MA BSTAN PA'I PHYIR RO ZHE NA, BYE BRAG PA LA SOGS PA MNGON PAR 'DOD PA'I 'BREL PA RNAMS LAS GZHAN PA'I 'BREL PA 'GA' YANG NGES PAR BSTAN PA NI MED DO, ,GANG YANG RI KHROD PAS RANG GI BSAM PAS RJES SU DPAG PA 'DI BRJOD PA LA'O, ,RJES SU DPAG PA NI 'BREL PA SHES PA'I PHYOGS GCIG MTHONG BA LAS PHYIR PHYOGS GZHAN PA GCIG NYE BA MA YIN PA LA BLO YIN PA'O, ,DE RNAM PA GNYIS TE MNGON SUM GYIS 'BREL PA MTHONG BA DANG, SPYIR MTHONG BA ZHES PA'O, ,DE YANG BYE BRAG PA'I RJES SU DPAG PA KHO NA'O, ,GAL TE 'BREL PA DE RNAMS KHO NA BRJOD PAR 'DOD NA, 'O NA DE RNAMS KYI RANG GI NGO BO GZHAN NGES PAR BSTAN PA MA YIN NO ZHES PAS RJES SU DPAG BA NGES PAR MA BSTAN PA KHO NA'O, ,DRAN PA YANG PHYOGS GCIG TU MTHONG BA LAS PHYOGS GZHAN PA GCIG PO SNGAR RTOGS PA LA SKYE'O ZHES PAS, DE YANG RJES SU DPAG PAR 'GYUR RO, ,'BREL PA YANG DBANG POS GZUNG BAR BYA BA MA YIN NO ZHES BSHAD ZIN TO, ,DES NA CI'I PHYIR DE MNGON SUM GYIS 'BREL PA @130B MTHONG BA NYID YIN ZHES PAS 'DI NI MI RIGS SO, ,DON GYIS GO BA DANG DNGOS PO MED PA DAG GI DGAG PA BRJOD PAR BYA STE ZHES PA, DE DAG RANG GI 'DOD PAS BRJOD PA'I PHYIR RO, ,PHRU BA LA SOGS PA DANG RTEN PAR BYED PA LA SOGS PA'I DON GYIS BZUNG BA ZHES PA LA, SOGS PA'I SGRA GCIG GIS THAL BA DANG SKYA BO LA SOGS PA'I SGRUB BYED KYI BYE BRAG RNAMS GZUNG NGO, ,GNYIS PAS KYANG CHU LEN PA LA SOGS PA'I BYA BA'I KHYAD PAR RNAMS SO, ,DON SMOS PA NYID NI TSOS PA NI DE LAS SKYES PA'I PHYIR TE, DE RNAMS MED PAS TSOS PA 'GRUB PAR MI 'GYUR BAS SO, ,DE'I PHYIR GZHAN DU NI MI 'THAD PAS DE THAMS CAD DON GYIS BZUNG BA KHO NA'O, ,YANG CI LTAR RJES SU DPAG PA YIN TE, JI TZAM GYIS TSUL GSUM PA'I RTAGS LAS DON MTHONG BA RJES SU DPAG PAR BRJOD DO ZHE NA, 'TSED PA'I RTAGS NYID LAS RTOGS PAR BYA BA ZHES PA, 'TSOD PA NI PHRU BA LA SOGS PA RNAMS LA MED NA MI 'BYUNG BA'I PHYIR RTAGS SO, ,MED NA MI 'BYUNG BA NI DE LAS SKYES PA'I PHYIR RO, ,DE'I PHYIR DU BA LAS ME RJES SU DPAG PA BZHIN DU RTAGS LAS SKYES PA NYID KYI PHYIR RJES SU DPAG PA LAS THA DAD PA MA YIN NO, ,GZHAN RNAMS NI YOD PA DANG MED PA DAG LAS, 'BRAS BU DANG RGYU RTOGS PA DON GYIS GO BAR 'DOD LA, GZHAN RNAMS NI NI DE KHO NA RIGS PA ZHES BYA BA TSAD MA GZHAN YIN NO ZHES TE, DPER NA MIG YOD NA MIG GI RNAM PAR SHES PAR 'GYUR LA, MED NA MI 'GYUR TE, DE'I PHYIR MIG NI DE'I RGYU KHO NA'O ZHES PA'O, ,'DI NI RJES SU DPAG PAR RIGS BA MA YIN TE, DPE MED PA'I PHYIR RO, ,TSAD MA GZHAN GYIS DPE GRUB PAR 'GYUR ZHING, 'DIR TSAD MA GZHAN GYIS DPE 'GRUB PA YANG MA YIN TE, DE LTAR NI GANG YANG SA BON DANG MYU GU LA SOGS PA 'DI DPE NYID DU 'DOD NA, DER YANG DI KHO NAS 'BRAS BU DANG RGYU'I DNGOS PO 'GRUB CING, DE YANG RIGS PA MA YIN TE, GANG GIS BSGRUB PAR BYA BA 'GRUB PA DE KHO NAS DPE YANG NGO ZHES PAS NA DPE THUG PA MED PAR THAL BAR 'GYUR BA'I PHYIR RO ZHE'O, ,DE YANG TSAD MA GZHAN MA YIN PA KHO NA STE, 'DIR 'BRAS BU DANG RGYU'I DNGOS PO BSGRUB PAR BYA BA MA YIN TE, BSGRUB BAR BYA BA @131A *, ,DANG SGRUB PAR BYED PA DAG THA DAD MED PA'I PHYIR RO, ,RGYU DANG 'BRAS BU'I DNGOS PO NI YOD PA DANG MED PA DAG LAS GZHAN PA MA YIN LA, DE KHO NAS DE BSGRUB PAR BYA BA NYID DU 'THAD PA YANG MA YIN NO, ,DE'I PHYIR 'DIR RMONGS PA'I NGOR SKYED PAR BYED PAR RJOD PAS NA PHA NYID BZHIN DU YUL BSTAN PAS YUL CAN 'BREL PA ZHUGS PA DRAN PAR BYED PA'I THA SNYAD BSGRUB PAR BYA BA STE, GANG 'DRA BA'I YUL DU KHYOD KYIS GZHAN LA 'BRAS BU DANG RGYU'I THA SNYAD ZHUGS PA DE 'DRA BA KHO NA 'DI YIN TE, DE'I PHYIR 'DI LA YANG 'JUG PAR BYOS SHIG CES THA SNYAD BSGRUB PAR BYA BA LA DPE SRID DO ZHES PAS RJES SU DPAG PA KHO NA'O, ,SBYOR BA NI, GANG DU DE YOD PA NA YOD PA NYID DE LA 'BRAS BU DANG RGYU'I THA SNYAD BYA STE, DPER NA GANG DU SNGAR RGYU DANG 'BRAS BU'I DNGOS PO RAB TU ZHUGS PAS SA BON DANG MYU GU LA SOGS PA LA BZHIN, MIG DANG DE'I RNAM PAR SHES PA DAG KYANG DE YOD NA YOD PA NYID YIN NO ZHES PA RANG BZHIN NO, ,RI KHROD PA NA RE DON GYIS GO BA YANG MTHONG BA'AM THOS PA'I DON RNAM PA GZHAN DU MI 'THAD DO ZHES PAS DON GYIS YONGS SU RTOGS PA STE, DPER NA LHAS BYIN 'TSO BA NA KHANG PAR MA MTHONG BAS PHYI ROL NA YOD PA MA MTHONG BA YANG RTOGS PA BZHIN NO ZHES ZER RO, ,'DIR BA LANG DANG BONG BU'I TSUL GYIS, SGRA LAS KHONG DU CHUD PA NI THOS PA'I SGRAS LOGS SU NYE BAR BLANGS PA'I PHYIR MTHONG BA'I SGRA TSAD MA GZHAN GYIS NYE BAR DMIGS PA LA 'JUG GO, ,DPER NA 'TSO BA NA ZHES PA DNGOS PO MED PA SNGON DU 'GRO BA'I DON GYIS GO BA'I DPER BRJOD PA BZHIN NO, ,KHYIM NA MA MTHONG BAS PHYI ROL NA YOD PA ZHES PA NI 'TSO BA CAN GYI LHAS BYIN KHYIM NA MA MTHONG BA'I DNGOS PO MED PA'I TSAD MAS NYE BAR DMIGS PA NI PHYIR ROL NA YOD PA LAS GZHAN DU MI 'THAD PA'I PHYIR RO ZHES PA'I DON TO, ,'DIR GAL TE 'TSO BA CAN GYI LHAS BYIN KHYIM NA MA MTHONG BA MI PHYI ROL NA YOD PA LAS RNAM PA GZHAN DU MTHONG BA MA YIN NO ZHES PAS NA GZHAN DU 'THAD PA MA YIN NO ZHES BRJOD PAR BYA LA, DE LTAR GYUR NA PHYI ROL NA YOD PA DANG MED NA MI 'BYUNG BAR YANG DE MTHONG BA MA YIN NO ZHES PAS, DE LTAR NA YANG 'THAD PA MA YIN NO, ,CI STE LHAS BYIN GSON PA KHANG PA NA MA MTHONG @131B BA NI PHYI ROL NA YOD PAR GYUR PA KHO NA LA MTHONG GI DE MED NA YANG MTHONG BA MA YIN NO ZHES PAS RNAM PA GZHAN DU 'THAD PA MA YIN NO ZHES BRJOD PAR BYA NA, DE'I TSE DE YOD PA KHO NA GZHAN DU MI 'THAD PA NYID DU BRJOD PAR 'GYUR LA, DE YANG RJES SU 'GRO BA DANG LDOG PA CAN GYI DON KHO NA LA 'GYUR RO ZHES PAS DON GYIS GO BA RJES SU DPAG PA LAS THA DAD PA MA YIN NO, ,SBYOR BA NI DMIGS PA'I MTSAN NYID DU GYUR PA KHANG PA NA MA DMIGS SHING 'TSO BA DANG LDAN PA DE NI PHYI ROL NA YOD DE, DPER NA JI SKAD BSHAD PA'I RNAM PA CAN PHYI ROL NA NYE BAR DMIGS PA'I MCHOD SBYIN BZHIN, SGRA LAS KHONG DU CHUD PA'I YOD PA CAN LHAS BYIN YANG JI SKAD BSHAD PA'I CHOS DANG LDAN PA'O ZHES PA RANG BZHIN NO, ,THE TSOM GYI RGYU NYID KYI PHYIR ZHES PA, GANG THE TSOM GYI RGYU DE NI TSAD MA MA YIN TE, GZHAL BYA NYID BZHIN, MA NGES PA'I DON GYIS GO BA YANG DE LTA BU'O ZHES KHYAB BYED DANG 'GAL BA GSUNGS SO, ,NAG PA KHYIM NA MED PA LAS, ,ZHES PA LA SOGS PA STE, KHANG PA NA MED PA TZAM GYIS NAG PA PHYI ROL NA YOD PAR RTOGS PAR 'GYUR BA MA YIN TE, GZHAN DU NA RI BONG GI RVA'I YANG 'GYUR RO, ,KHYIM GYI SGRA NGAG DE LA RAB TU SBYAR BAS NI, DE PHYI ROL NA YOD PA GO BAR BYED DE, KHYIM GYI SGRA RAB TU SBYAR NA NI NGAG 'DIS MED PA NGES PA DANG LDAN PAR RJOD PAR BYED DO, ,RNAM PA DE LTA BU'I DON BRJOD PAR 'DOD PA KHO NA LA RNAM PA 'DI LTA BU'I DAG SBYOR BA'I PHYIR RO, ,GANG GSUNGS PA, GAL TE KHYIM DANG PHYI ROL NA YANG MED PAR GYUR NA NI MED DO ZHES PA KHO NA BRJOD PAR BYA'O ZHES PA STE, DE'I PHYIR NGAG 'DIS NI KHYIM NA MED PA DANG PHYI ROL NA YOD PA GNYIS KA 'PHEN PAR BYED DE, NGES PAR SBYOR BA 'CHAD PAR BYED PA GCIG KYANG GNYIS PA 'PHEN PA MED NA MI 'BYUNG BA CAN YIN PA'I PHYIR RO, ,MED PA 'BA' ZHIG PA NI PHYI ROL NA YOD PA 'PHEN PA MA YIN TE, NGES PA DANG LDAN PA YANG 'BA' ZHIG PA MA YIN TE, NGES PA NI GNYIS KA'I NGO BO NYID KYI PHYIR RO, ,DE'I PHYIR NAG PA KHANG PA NA MED DO ZHES PA DNGOS PO MED PA KHO NA BRJOD PA MA YIN GYI, 'ON KYANG PHYI ROL NA YOD PA YANG NGO, ,DE'I PHYIR DON GYIS GO BA KHO NA DNGOS PO MED PA ZHES PA, DPER NA SNOD LA SOGS PA MED PAR TSOS PA @132A *, ,YONGS SU 'GRUB PA SRID PA MA YIN NO ZHES PAS MED NA MED PA NYID KYI PHYIR DE NI DE 'PHEN PAR BYED DO, ,DE BZHIN DU DGAG PA NGES PAR BRJOD PAR 'DOD PA NA, KHYIM GYI SGRA RAB TU SBYOR BA NI PHYI ROL NA YOD PA MED NA SRID PA MA YIN NO ZHES PAS MED NA MI 'BYUNG BA NYID KYI PHYIR DE NI DE 'PHEN PAR BYED DO, ,DE'I PHYIR YANG JI LTAR 'TSOD PA NI PHRU BA LA SOGS PA'I RTAGS YIN PA DE LTAR, RNAM PA 'DI LTA BU'I DAG GI CHA SHAS KYI KHANG PA'I SGRA YANG PHYI ROL NA YOD PA'I 'O ZHES PAS DE LAS DE RTOGS SO, ,RI KHROD PA NA RE DNGOS PO MED PA YANG TSAD MA'I DNGOS PO MED PA NI MED DO ZHES PA PHRAD PA MED PA'I DO NA NO ZHES ZER RO, ,MNGON SUM LA SOGS PA'I TSAD MA LNGA MED PA NI, DBANG PO DANG PHRAD PA MED PA'I DON MED DO ZHES PA DNGOS PO MED PA LA NGES PA'I RGYUR 'GYUR RO, ,DE'I PHYIR DNGOS PO MED PA TSAD MA'O ZHES PA NGAG GI DON TO, ,DE KHO NA MA DMIGS PA'I SGRAS THA SNYAD DU BYED PA LAS TSAD MA GZHAN DU SMRA BA GZHAN RNAMS SMRA BAR BYED DE, NYE BAR DMIGS PA GANG GIS DON, ,GANG ZHIG SHES PA DE MED LAS, ,MED NYID SHES PA DE YIS NI, ,'DI NI MI DMIGS YIN PAR 'DOD, ,CES SO, ,'DI LA YANG TSAD MA MED PA'O, ,MA BZUNG BA NI DNGOS PO MED PA 'DZIN PA'I RGYUR 'GYUR BA MA YIN NO, ,CI STE 'DZIN PA LA LTOS PA DE DNGOS PO MED PA 'DZIN PA LA BYA BA BYED NA NI THUG PA MED PAR 'GYUR RO, ,JI LTAR BUM PA MED PA TSAD MA MED BAS 'DZIN PA DE LTAR TSAD MA MED PA YANG GZHAN GYIS TE, DE YANG GZHAN GYIS SO ZHES PAS THUG PA MED PA'I PHYIR, GCIG 'DZIN PA MED PA NA YANG THAMS CAD KYI 'DZIN PA MED PA'O ZHES PAS NA DE GA LAS TSAD MA NYID YIN, GAL TE MA BZUNG BA YANG DBANG PO BZHIN DU 'DZIN PA'I RGYU NYID DU 'GYUR ZHE NA MA YIN TE, MED PA NI NUS PA THAMS CAD DANG BRAL BA'I MTSAN NYID CAN NYID KYI PHYIR RO, ,GZHAN DU NA YOD PA KHO NAR 'GYUR TE, YOD BA NI DON BYA BA NUS PA'I MTSAN NYID CAN NYID KYI PHYIR RO ZHES PAS DNGOS PO MED PA TSAD MA MA YIN NO, ,'ON KHYAD LA YANG MI DMIGS PA TSAD MAR MI 'GYUR TE, JI SKAD BSHAD PA'I SKYON KHO NA'I PHYIR RO ZHE NA, 'DI NI YOD PA MA YIN NO, ,GANG GI PHYIR KHO BOS RNAM PA 'DI LTA BU'I @132B MI DMIGS PA 'DOD PA MA YIN GYI, 'ON KYANG DMIGS PA'I MTSAN NYID DU GYUR PA MI DMIGS PA'O, ,DMIGS PA'I MTSAN NYID DU GYUR PA NI, DMIGS PA'I RKYEN GZHAN TSANG BA DANG RANG BZHIN KHYAD PAR CAN TE, RANG BZHIN GANG ZHIG DMIGS PA'I RKYEN GZHAN RNAMS YOD PA NA YOD PA NA YOD PA MNGON SUM KHO NAR 'GYUR BA'O, ,DE LA DMIGS PA NI BYED PA PO LA GNAS PA'I BYA BA'AM LAS LA GNAS PAR 'GYUR RO, ,BRTAGS PA SNGA MA LA DMIGS PAR BYED BZHIN PA'I CHOS SHES PA NI DMIGS PA YIN ZHING, DE LAS GZHAN PA'I DMIGS PA NI MI DMIGS PA YIN TE BRJOD PAR 'DOD PA'I DMIGS PA LAS GZHAN YIN PA NYID KYI PHYIR, BZA' BAR BYA BA MA YIN PA DANG REG PAR BYA BA MA YIN PA BZHIN NO, ,GANG GI TSE LAS LA GNAS PA'I BYA BA DMIGS PA'I SGRAS BRJOD PAR BYA BA DE'I TSE NYE BAR DMIGS PAR BYA BZHIN PA KHO NA'I CHOS RANG GI YUL CAN GYI SHES PA SKYED BAR RUNG BA NYID KYI MTSAN NYID CAN NI DMIGS PA YIN ZHING YUL GYI RANG BZHIN KHO NA STE, RUNG BA NYID NI DNGOS PO'I NGO BO YIN PA NYID KYI PHYIR RO, ,DE LAS GZHAN PA DMIGS PAR RUNG BA DE DANG SHES PA GCIG LA 'BREL PA'I RANG BZHIN KHO NA MI DMIGS PA'O, ,JI SKAD BSHAD PA'I MI DMIGS PA DE DANG DE RNAM PA GNYIS KA YANG MNGON SUM KHO NAS 'GRUB BO ZHES BAS KHO BO CAG LA JI SKAD BRJOD PA'I KHYON SRID PA MA YIN NO, ,'O NA RNAM PA 'DI LTA BU'I MI DMIGS PA TSAD MAR 'GYUR DU CHAG MOD, YANG DE CI LTAR RJES SU DPAG PAR 'GYUR, CI LTAR MI 'GYUR ZHE NA, DPE LA MI LTOS PA'I PHYIR RO, ,GANG GI PHYIR 'DI LA DPE 'GA' YANG YOD PA MA YIN PAS TE, TSAD MAS GRUB PA DPER 'GYUR BAS SO, ,GZHAN DU NA GAL TE DPE MI DMIGS PAS GRUB PA KHO NAR 'GYUR NA, DE LTAR GYUR NA NI, JI LTAR BUM PA MED PA DPES BSGRUB PAR BYA BA DE LTAR, DPE NYE BAR BRJOD PA MED PA NAM MKHA'I ME TOG LA SOGS PA YANG DPE GZHAN GYIS BSGRUB PAR BYA ZHING, DE YANG GZHAN GYIS SO ZHES PAS THUG PA MED PAR THAL BAR 'GYUR RO, ,CI STE DPE NI DPE MED PAR YANG 'GRUB NA BUM PA MED PAR YANG 'GRUB PAR 'GYUR RO, ,DE'I PHYIR YANG MI DMIGS PA TSAD MA GZHAN KHO @133A *, ,NAR 'GYUR TE, DPE LA MI LTOS PA'I PHYIR RO ZHE NA SKYON 'DI MED DE, GANG GI PHYIR MI DMIGS PAS DNGOS PO MED PA BSGRUB PA MA YIN GYI, 'O NA CI ZHE NA, MED PA'I THA SNYAD DO, ,DMIGS SU RUNG BA MA DMIGS PA DE NI MED PA'I THA SNYAD KYI RGYU MTSAN YIN TE, DE NI RANG NYID NYE BA LAS RANG GI RGYU MTSAN CAN 'DI LTAR SGRUB PAR BYED DO, ,RANG GI RGYU MTSAN TSOGS PAR 'BYUNG BA CAN THAMS CAD 'DIR DPE'O, ,YOD PA'I THA SNYAD DGAG PA BSGRUB PAR BYA BA LA YANG, MI DMIGS PA DANG CIG SHOS KYIS TE, RGYU MCHAN DANG BRAL NA MI 'BYUNG BA CAN MYU GU LA SOGS PA RNAMS KYANG DPE'O, ,NYE BAR BRJOD PA MED PA 'BA' ZHIG KHO NA NI MA YIN NO ZHES PAS TSAD MA GZHAN NYID DU THAL BA MA YIN NO, ,YANG DNGOS PO MED PA KHO NA BSGRUB BYA MA YIN PA'I RGYU CI ZHE NA, KHYAD PAR MED PA'I PHYIR RO, ,DE LTAR NI DMIGS PA KHO NA BLTAR RUNG BA'I BDAG NYID RNAMS KYI YOD PA STE, MI DMIGS PA YANG MED PA NYID DO, ,CI LTAR BYAS NAS SHE NA, RE ZHIG GANG GI TSE JI SKAD BSHAD PA'I RANG GI YUL CAN GYI SHES PA SKYED PAR RUNG PA NYID DMIGS PA YIN PA DE'I TSE RUNG BA NYID KYI RANG BZHIN DU GYUR PA NYID KYI PHYIR DMIGS PA NI YOD PA NYID YIN NO ZHES PA 'DI GRUB BO, ,GANG GI TSE YANG BYED PA PO'I CHOS SHES PA NI DMIGS PA YIN PA DE'I TSE YANG DE NI BLTAR RUNG BA'I DON GYI YOD PA NYID KYI RGYU MTSAN YIN PA NYID KYI PHYIR LA, DES NA KHYAB PA DANG LDOG PA DAG GIS DE'I RANG BZHIN DANG KHYAD PAR MED DO ZHES PAS YOD PA DANG 'DRA BAR NYE BAR BTAGS PA LAS YOD PA NYID KHO NA'O, ,DE LTAR GNYIS KA LTAR NA YANG YOD PA NYID NI DMIGS PA YIN NO, ,DE MED PA YANG MED PA NYID YIN TE, MA YIN PAR DGAG PA'I 'JUG PAS TE, SNGA MA BZHIN NO, ,DE KHO NA YANG MI DMIGS PA'O ZHES PAS BSGRUB PAR BYA BA DANG SGRUB PA DAG LA BYE BRAG MED DO, ,DES NA MI DMIGS PAS DNGOS PO MED PA BSGRUB PAR BYA BA MA YIN NO, ,DE'I PHYIR RGYU MTSAN NYE BAR MTHONG BA NA MED DO ZHES MI DMIGS PA LAS MED PA'I THA SNYAD RMONGS PA'I NGOR BSGRUB PAR BYA STE, SKYED PAR BYED PAR RJAD PAS BA NYID BZHIN NO, ,MI SNANG BA MI DMIGS PAS KYANG RGYU MTSAN MED PA'I PHYIR THA SNYAD 'GOG STE, SKYED PAR BYED PA MA @133B YIN BAR BRJOD PAS PHA NYID MA YIN PA BZHIN NO ZHES PA'O, ,GANG GZHAN GYI PHYOGS BKAG PAS ZHES PA LA SOGS PA STE, BSHAD BYED PAS GANG BRJOD PA, PHA ROL GYI PHYOGS BKAG PAS RANG GI PHYOGS 'GRUB BO ZHES PA DE DGAG PA GRANGS CAN PA'I BSAL TE 'ONGS PA DGAG PA KHO NA LAS BYAS ZIN PAR RIG PAR BYA STE, 'DI YANG BSAL TE 'ONGS PA'I SBYOR BA KHO NA'O ZHES BYAS NAS SO, ,LE'U GNYIS PA'O,, ,,RANG GI DON DANG GZHAN DON GYI DBYE BAS RJES SU DPAG PA RNAM PA GNYIS SO ZHES BRJOD LA, DE LA RANG GI DON BSHAD ZIN TO, ,DA NI GZHAN DON GTAN LA 'BEBS PAR 'DOD PAS GSUNGS PA, GZHAN DON ZHES PA LA SOGS PA'O, ,RANG DON NI RJES SU DPAG PA NYID DNGOS YIN LA, 'DI NI NYE BAR BTAGS PA'O ZHES KHYAD PAR GYI DON LA NI'I SGRA'O, ,RANG NYID KYIS MTHONG BA NI RANG GIS MTHONG BA'O, ,RANG GIS MTHONG BA YANG 'DI YIN LA, DON YANG YIN PAS RANG GIS MTHONG DON TE, TSUL GSUM PA'I GTAN TSIGS SO, ,DE TSIG GANG GIS GSAL BAR BYED PA DE NI GZHAN DON RJES SU DPAG PA'O, ,YANG DE CI LTAR GZHAN GYI DON NYID YIN ZHE NA GSUNGS PA, JI LTAR ZHES PA LA SOGS PA'O, ,'O NA RJES SU DPAG PAR BYA BA'I YUL CAN GYI SHES PA RJES SU DPAG PA YIN TE, SHES PA KHO NA TSAD MA YIN PA NYID KYI PHYIR RO, ,DES NA CI LTAR TSIG RJES SU DPAG PA NYID YIN ZHEN GSUNGS PA, RGYU LA 'BRAS BU BTAGS PA'I PHYIR RO ZHES PA, TSUL GSUM PA'I RTAGS BRJOD PAS NI PHA ROL PO RNAMS LA RTAGS MA RTOGS PAR 'GYUR LA, DE LAS KYANG RJES SU DPAG PAR BYA BA RTOGS PA'O, ,DE'I PHYIR DE BRGYUD PAS RJES SU DPAG PA'I RGYUR 'GYUR RO ZHES PAS RGYU DE LA 'BRAS BU NYE BAR BTAGS BA LAS DE RJES SU DPAG PA ZHES BRJOD PAR BYA'O, ,'DIR BRTZAD BA, TSUL GSUM PA'I RTAGS BRJOD PA ZHES PA 'DI TZAM ZHIG KHO NA MTSAN NYID DU 'GYUR RO, ,RANG GIS MTHONG DON SMOS PA'I DON CI YIN PA BRJOD PAR BYA'O ZHE NA, BRJOD PAR BYA STE, KHA CIG 'DI SKAD DU SMRA STE, GZHAN GYIS RTOGS PAR BYA BA NYID KYI PHYIR, RANG GIS MA MTHONG YANG PA ROL PO RNAMS KYIS LUNG LAS MTHONG BA NI SGRUB PAR BYED PA STE, DPER NA BDE BA LA SOGS PA RNAMS SAM BLO NI @134A *, ,SEMS PA MED PA RNAMS TE, SKYE BA'I PHYIR RAM MI RTAG PA NYID KYI PHYIR, GZUGS LA SOGS PA BZHIN ZHES PA LTA BU'O ZHE'O, ,DE'I PHYIR DE'I LUNG LAS PHA ROL POS MTHONG BA NI SGRUB PAR BYED PA MA YIN NO ZHES SHES PAR BYA BA'I DON DU RANG SMOS SO, ,CI'I PHYIR DE SGRUB PAR BYED PA MA YIN ZHE NA, DNGOS PO'I STOBS KYIS ZHUGS PA'I RJES SU DPAG PA'I YUL LA TSIG TSAD MA NYID MA YIN PA'I PHYIR RO, ,CI STE LUNG TSAD MA YIN NA, 'O NA DES GRUB PA PHA ROL PO KHO NA LA GRUB PA MA YIN NO, ,GZHAN YANG JI LTAR TSAD MAR GYUR PA'I LUNG DE LAS PHA ROL POS BDE BA LA SOGS PA RNAMS SKYE BA CAN DANG, MI RTAG PA NYID DU GRUB PA DE LTAR SEMS PA DANG BCAS PA NYID DU SPANG STE, DE'I PHYIR DE LA GNOD PAR BYED PA'I RJES DPAG 'JUG PA MA YIN NO, ,'JUG NA YANG DE'I DES GNOD BZHIN PA NI CI LTAR LUNG TSAD MA YIN, DES NA LUNG LA PHA ROL POS KHAS BLANGS PA NI SGRUB BYE DAM YIN NO,, GAL TE SGRUB PAR BYED PA MA YIN NA DE DANG DER THAL BAR 'GYUR BA'I SGRUB BYED BRJOD PA CI LTAR YIN ZHE NA, 'DI SKYON MA YIN TE, GANG GI PHYIR GANG PA ROL POS BRTAGS PA RNAMS KYIS THA 'GYUR DU BYA BA DPER NA NAM MKHA' LA SOGS PA NI YOD PA NYID KYI PHYIR MI RTAG PA NYID DU'O ZHES PA LTA BU DE NI, CHOS GCIG KHAS BLANGS PA NA CHOS GZHAN KHAS BLANGS BAR BSTAN PA'I DON DU STE, MU STEGS PA RNAMS KYIS SANGS RGYAS PA 'GA' ZHIG LA 'DI LTAR 'DZIN DU 'JUG STE, NAM MKHA' LA SOGS SO PA RNAMS DE KHO NA NYID DU YOD DO ZHES ZUNG SHIG CES PA LA, 'DZIN DU GZHUG BYA DES SMRAS PA, GAL TE DE RNAMS DE KHO NA NYID DU YOD NA DE LTAR GYUR NA, DON DAM PAR YOD PA NYID KYI PHYIR BUM PA LA SOGS PA BZHIN DU DE RNAMS RTAG PA NYID MA YIN PAR RO ZHES SO, ,CI STE 'DI KHAS BLANG BA MA YIN NA DE RNAMS YOD PA NYID DU YANG 'GYUR BA MA YIN NO, ,DE LTAR NI DON BYED NUS PA GANG DE KHO NA DON DAM PAR YOD PA YIN LA, RTAG BA LA DON BYED PA YOD PA YANG MA YIN TE, RIM PA DANG CIG CAR NYID 'GAL BA'I PHYIR RO, ,RE ZHIG DE RIM GYIS DON BYED PA RIGS PA MA YIN TE, 'DI GA LAS NA LTOS PA MED PA'I BYED PA PO NI RANG YOD PA TZAM GYIS TE, SDOD PAR BYA BAR MI RIGS PA'I PHYIR RO, ,CI STE PHYIS KYI DUS NA 'BYUNG BA'I 'BRAS @134B BU'I NGOR DE'I NUS PA SNGAR YOD PA MA YIN NO ZHES BAS DE BYED PA MA YIN NA, DE LTAR 'GYUR NA, PHYIS KYANG BYED PA MA YIN PAR 'GYUR TE KHYAD PAR MED PA'I PHYIR SNGAR BZHIN NO, ,LHAN CIG BYED PA NYE BAR BYAS NAS PHYIS BYED DO ZHE NA, MA YIN TE, PHUL DU BYUNG BAR BSGRUB TU MED PA NI LTOS PAR MI RUNG BA'I PHYIR RO, ,CIG CAR DON BYED PA'ANG SRID BA MA YIN TE, DON BYED NUS PA'I RANG BZHIN NI SNGAR BZHIN DU PHYIS KYANG MI BYED PA MI RIGS PA'I PHYIR RO, ,DE'I PHYIR NAM MKHA' LA SOGS PA RNAMS YOD PA NYID DU KHAS LEN NA DE RNAMS KYI RTAG PA NYID KYANG MED DO ZHES GDON MI ZA BAR KHAS BLANG BAR BYA'O, , MED PA NYID KYANG MA YIN NO ZHES PA ZHAR LA BYUNG BAS CHOG GO, ,LUNG LAS PHA ROL POS MTHONG BA NI SGRUB PAR BYED PA MA YIN NO ZHES PA 'DI GNAS SO, ,DON SMOS PA NI DON MED PA RTOG PAS SGRO BTAGS PA'I RANG BZHIN NI RTAGS MA YIN NO ZHES SHES PA'I DON DU STE, DPER NA SGRA MI RTAG STE PHYOGS DANG MTHUN PA'I PHYOGS GANG RUNG BA NYID KYI PHYIR, BUM PA BZHIN ZHES PA LTA BU'O, ,PHYOGS DANG MTHUN PA'I PHYOGS LAS GANG YANG RUNG BA NYID NI SGRA LA DNGOS PO'I CHOS NYID DU GNAS PA NI MA YIN GYI, 'ON KYANG SMRA BA PO'I BRJOD PAR 'DOD BA'I DBANG LAS SO, ,DE LTAR NI SGRA RTAG STE, PHYOGS DANG MTHUN PA'I PHYOGS LAS GANG YANG RUNG BA NYID KYI PHYIR, NAM MKHA' BZHIN ZHES 'DOD BA'I RJES SU BYED PA'I PHYIR RTAG PAR MNGON PAR 'DOD PA NAM MKHA' LA SOGS PA YANG LTOS PAR BYA BAR 'GYUR RO, ,DE'I PHYIR SMRA BA PO'I 'DOD PA TZAM GYIS 'JUG PA'I CHOS 'DI RNAMS DNGOS PO'I STOBS KYIS 'JUG PA RNAMS MA YIN LA, RNAM PA 'DI LTA BU RNAMS LAS DNGOS PO 'GRUB PA YANG MA YIN TE, DNGOS PO GCIG NI 'GAL BA'I RANG BZHIN NYID DU MI 'GYUR RO ZHES PA'O, ,GANG DU CHOS GCIG LA 'JUG PA'I MTSAN NYID NYE BA CAN DER NI DE LAS DON 'GRUB PAR 'GYUR TE, DPER NA 'GA' ZHIG TU DON GZHAN 'DRES NGA'I NGO BO'I CHOS MTHUN PA NYID MNGON PAR MTHONG NAS, GONG BU 'DI NI RVA CAN YIN TE, BA LANG DANG BA MED DAG LAS GANG YANG RUNG BA YIN PA NYID KYI PHYIR RO ZHES BRJOD PA LTA BU STE, 'PHROS PAS CHOG GO, ,DNGOS BO MA YIN PA RTOG PAS SGRO BTAGS PA'I RANG BZHIN NI RTAGS MA @135A *, ,YIN NO ZHES PA 'DI NI GNAS SO, ,'DIR YANG TSUL GANG YANG RUNG BA MA BRJOD BA NI MA TSANG BA NYID CES BSHAD BAR 'GYUR RO ZHES SLAR YANG BSHAD PAR BYA BA MA YIN TE, BSTAN PA 'DI KHO NAS DON GYIS BRJOD ZIN PA NYID KYI PHYIR RO, ,GANG GI PHYIR JI LTAR TSUL GSUM PA GTAN TSIGS YIN ZHES BSHAD PAS TSUL RE RE BA DANG GNYIS GNYIS PA'I DON NI GTAN TSIGS MA YIN NO ZHES BSHAD PAR 'GYUR BA DE LTAR TSUL GSUM BRJOD PA GZHAN DON RJES SU DPAG PA'O ZHES BRJOD PAS, TSUL RE RE DANG GNYIS GNYIS BRJOD BA NI RJES SU DPAG PA MA YIN GYI, 'O NA CI ZHE NA MA TSANG BA NYID KYI SGRUB PAR BYED PA'I SKYON TE, DE LAS PHA ROL PO LA YANG DAG PA'I NGES PA MI SKYE BA'I PHYIR RO, ,'O NA GANG ZHES PA LA SOGS PAS NI, TSUL GSUM PA'I RTAGS BRJOD PA TZAM RJES SU DPAG PA NYID DU BRJOD PA'I PHYIR RO, ,RIGS PA PHRA MO LA SOGS PA RTOG GE'I BSTAN BCOS RNAMS SU PHYOGS BRJOD PA YANG SGRUB PAR BYED PA BNYID DU BSTAN PA'I PHYIR 'DRI BAR BYED DO, ,GZHAN DON RJES SU DPAG PAR BKOD PA NI, DE'I NANG DU 'DUS PA STE, SGRUB PAR BYED PA'I YAN LAG NYID DU BSTAN PA'I PHYIR RO, ,DE CI LTAR ZHES PA DE'I BSTAN BCOS BYED PA RNAMS LA DE LA 'THAD BA CI ZHIG YOD CES PA'O, ,DE RNAMS KHO NA LA DRI BAR BYA'O ZHES PA, GANG RNAMS BSGRUB PAR BYA BA 'GRUB BA'I NGOR NUS PA MED PA'I PHYOGS KYI TSIG KYANG SGRUB PAR BYED PA NYID DU SMRA BA RNAMS LA'O ZHES PA DGONGS PA'O, ,YANG CI LTAR PHYOGS KYI TSIG NUS PA MED PA NYID YIN, JI SRID DU BSGRUB BAR BYA BRJOD PAR BYED PA MED NA GTAN TSIGS KYI TSIG MI 'JUG PA KHO NA STE, DE'I PHYIR GTAN TSIGS KYI TSIG 'JUG PAR BYED PA'I PHYIR PHYOGS KYI TSIG LA YANG NUS PA YOD PA KHO NA'O ZHE NA, GAL TE DE LTA NA MI MTHUN PHYOGS KYI TSIG LA'ANG THAL 'GYUR TE, 'GA' ZHIG GIS SGRA RTAG GO ZHES BRJOD PA NA PHA ROL POS SMRAS PA, SGRA BYAS PA YIN LA, BYAS PA YANG MI RTAG PA STE, DPER NA BUM PA BZHIN NO ZHES SO, ,DE LTAR MI MTHUN PHYOGS KYI TSIG LAS KYANG GTAN TSIGS KYI TSIG 'JUG PA YOD PA'I PHYIR NA MI MTHUN PHYOGS KYI TSIG KYANG BYAS PA NYID RJOD PA DE DANG LHAN CIG SGRUB PAR BYED PAR 'GYUR TE, DE'I PHYIR @135B 'DI NI MI RIGS SO, ,'O NA RTOGS SU 'JUG PA POS JI SRID DU GTAN TSIGS KYI YUL MA BRJOD PA DE SRID DU GTAN TSIGS 'JUG PA MI SRID PA KHO NA MA YIN NAM, GDON MI ZA BAR YUL BSHAD PAR BYA BA YIN LA, DE'I PHYIR YUL STON PA KHO NA LAS, PHYOGS KYI TSIG BSGRUB PAR BYA BA 'GRUB PA'I NGOR NUS PA NYID DO ZHE NA, 'DI YOD PA MA YIN TE, PHYOGS KYI TSIG MED PAR YANG, GANG 'GA' ZHIG TU BYAS PA DE THAMS CAD NI MI RTAG PA STE, SGRA YANG BYAS PA'O ZHES KHYAB PA DANG PHYOGS KYI CHOS NYID BSTAN PA NA, SGRA MI RTAG PA'O ZHES DON GYIS RTOGS PA KHO NA'O ZHES BAS PHYOGS KYI TSIG DON DANG BRAL PA'O, ,DES NA PHYOGS NI MA BRJOD NA YANG 'GRUB PA LA GEGS MED PA'I PHYIR TSUL GSUM PO RNAMS LAS GANG YANG RUNG BA KHO NA MA BRJOD PA NI MA TSANG BA NYID RJOD PA SGRUB PAR BYED PA'I SKYON YIN GYI, PHYOGS MA BRJOD PA NI MA YIN NO, ,GAL TE 'O NA PHYOGS KYI TSIG SGRUB PAR BYED PA MA YIN NA, DE'I TSE SGRUB PAR BYED PA'I YAN LAG GI SKABS SU KHYED CAG GIS KYANG RJES SU DPAG PAR BYA BA'I MTSAN NYID NGES PAR BSTAN PA RIGS BA MA YIN NO ZHE NA GSUNGS PA, KHO BO CAG GI NI ZHES PA LA SOGS PA STE, 'DIS BSTAN PAR BYA BA'O RJES SU DPAG PAR BYA BA BSTAN PA NI RJES SU DPAG BYA BSTAN PA'O, ,DE YANG 'DIR MTSAN NYID BSTAN PAR RIG PAR BYA'I DAM BCA' BRJOD PA NI MA YIN NO, ,GTAN TSIGS NI TSUL GSUM PA'I RTAGS YIN LA DE'I DON NI GTAN TSIGS DON TE, DE GANG GI YUL YIN PA DE NI GTAN TSIGS DON GYI YUL CAN NO, ,GANG GI PHYIR RJES SU DPAG PAR BYA BA'I MTSAN NYID BSTAN PAS NI GTAN TSIGS KYI DON PHYIN CI MA LOG PAR RAB TU GSAL BA DE'I PHYIR DE'I YUL CAN YIN PA NYID KYI PHYIR, SGRUB PAR BYED PA'I SKABS SU'ANG DE NYE BAR BKOD PA'O ZHES PA NGAG GI DON TO, ,YAN LAG RNAMS SU ZHES PA LA SOGS PA STE, YAN LAG RNAMS KYI SKABS RNAMS SU GANG RJES SU DPAG PAR BYA BA BSTAN PA DE NI, KHO BO CHAG GIS SGRUB PAR BYED PA NYID DU MA YIN NO, ,CI'I PHYIR ZHE NA, DE KHO NA LA THE TSOM SKYE BA'I PHYIR RO, ,DE LAS ZHES PA NI A'ARYA LA SOGS PA NYID KYI PHYIR BDUN PA'I DON LA TA SI'O, ,DE KHO NA LA STE RJES SU DPAG PAR BYA BA LA THE TSO MA [#DATA INCOMPLETE HERE] @141A *, ,ZHES PA NI 'DIR MNGON PAR ZHEN BYA MA YIN NO, ,TSAD MA RNAM PA MED DO ZHES PA NI YID CHES PAS GNOD PA'I DPER BRJOD DO, ,'O NA TSAD MAS GNOD PAR 'GYUR LA, DE YANG RNAM PA GNYIS TE, DES NA DES BYAS PA'I GNOD PA DE MA THAG PAR BRJOD PA RNAM PA GNYIS KHO NAR 'GYUR RO, ,GANG 'DI YID CHES PAS GNOD PA DANG GRAGS PAS GNOD PA STE, GNOD PA GNYIS PO 'DI DAG CI LTAR ZHE NA, SKYON 'DI MED DE, RJES SU DPAG PA'I RNAM PA GSUM DU DBYE BA BYAS NAS GNOD PA DE RNAM PA BZHIR GSUNGS SO, ,MNGON SUM GYIS GCIG DANG RJES SU DPAG PAS RNAM PA GSUM MO ZHES BSDUS NAS RNAM PA BZHIR 'GYUR RO, ,YANG GANG GI RJES SU DPAG PA'I DBYE BA RNAM GSUM DU 'GYUR BA JI SKAD BSHAD PA'I RTAGS KYI NANG DU KHAS BLANGS PA LA SOGS PA CI LTAR 'DUS PAR 'GYUR ZHE NA, BRJOD PAR BYA STE, DE LA KHAS BLANGS PA NI 'BRAS BU'I RTAGS DANG, GRAGS PA NI RANG BZHIN GYI MTSAN NYID CAN NO, ,BDAG GAM GZHAN DON JI LTA BA BZHIN MTHONG BAS NGAG 'JUG PA NI YID CHES PAR MNGON PAR 'DOD DO, ,DE LTAR NI BSTAN BCOS KHAS LEN PA'I RGOL BA DES DE'I BYED PA PO DANG BDAG NYID KYANG RNAM PA 'DI LTA BUR KHAS BLANGS LA, DE'I PHYIR 'DI DAG NI YID CHES PA'I SGRAS BRJOD PAR BYA BA DAG STE, 'DI DAG GI DON DE LTA BUR GYUR PA MED PAR NGAG 'JUG PA MA YIN NO ZHES PA'O, ,DE NI SMRA BA PO'I BSAM PA'I NGOR BYED PAS 'BRAS BUR RNAM PA GZHAG LA, RANG GI 'BRAS BUS YANG DAG PAR BSTAN PA DES NI RANG LAS PHYIN CI LOG TU KHAS BLANGS PA'I GEGS BYED DO, ,GAGS TZAM GYI MTSAN NYID CAN YANG 'DIR GNOD PAR RIG PAR BYA'O, ,DE LTAR 'BRAS BU'I GTAN TSIGS NYID DU MTSUNGS PA'I PHYIR RANG GI TSIG DANG BSTAN BCOS BSDUS NAS YID CHES PA'I SGRAS BRJOD DO, ,JI LTAR BDAG NYID TSAD MA MA YIN PA NYID DU KHAS LEN NA RGOL BA'I TSIG PHA ROL PO NGES SU GZHUG PA'I CHED DU 'JUG PA MA YIN PA DE LTAR BSTAN BCOS TSAD MA YIN NA, DES RAB TU GRUB PA'I CHOS CAN TSAD MA MED PA CAN RNAM PAR DPYOD PA 'JUG PA MA YIN NO ZHES PA 'DI NI GNYIS KA YID CHES PA'I SGRA'I BRJOD PAR BYA BA NYID DU @141B MTSUNGS PA'I RGYU MTSAN GZHAN YIN NO, ,SBYAR PAS STON PA LA YANG 'DI KHO NA MTSUNGS PA'I PHYIR RGYU MTSAN NO, ,GANG GIS 'DI LTAR 'DI DAG MTSUNGS PA YIN PA DES DPE BRJOD PA'ANG 'DIR 'DRA BAR SLOB DPON GYIS GZHAL BYA'I DON SGRUB PAR BYED PA'I TSAD MA RNAMS MED DO ZHES BSTAN TO, ,YANG DNGOS POR NA TSAD MA MA YIN PA 'DI DAG GIS GEGS KYI MTSAN NYID CAN GYI GNOD PA CI LTAR BYA ZHE NA GSUNGS PA, DAM BCA' BA TZAM GYIS ZHES PA'O, ,GTAN TSIGS BSTAN PA 'DIS NA BSTAN BCOS DANG RANG GI TSIG DAG NI TSAD MA CAN MA YIN PA'I DAM BCA' LA GNOD PAR BYED PA YIN GYI DNGOS POR NA TSAD MA MA YIN PA'I PHYIR NI MA YIN NO, ,DE NYID KYI PHYIR 'DI DAG GI YUL GYI DBYE BA 'DI BSTAN PA'I DON DU RJES SU DPAG PA LAS THA DAD PAR BSHAD DO ZHES STON TO, ,TZAM SMOS PA NI RANG GI TSIG LA SOGS PA LA GAL TE YANG RJES SU DPAG PAS GNOD PAR BYED PA'ANG SRID MOD, DE LTA NA'ANG DE LA LTOS PA MED PAR RGOL BAS TSAD MA NYID DU DAM BCA' TZAM GYIS DANG, RANG GI TSIG LA SOGS PA 'GAL BA BSAM PAR BYA'I, RJES SU DPAG PAS GNOD PA'I SGO NAS NI MA YIN NO ZHES YONGS SU GSAL BAR BYA BA'I DON DU'O, ,'DI YANG RANG GI TSIG DANG 'GAL BA LA NI DPER RJOD PA GSAL PO YIN NO, ,DE LTAR NI GAL TE RGOL BAS RANG GI TSIG TSAD MA NYID DU KHAS MI LEN NA DE'I TSE PHA ROL POS RTOGS PAR BYA BA'I CHED DU TSIG CUNG ZAD KYANG MI BRJOD PAR 'GYUR NA, RJOD PAR YANG BYED DO, ,DE'I PHYIR TSIG PHA ROL PO'I RTOGS PA SGRUB PAR BYED PA'I DNGOS POR RJOD PAR BYED PAS TSAD MA NYID DU KHAS BLANGS LA DE'I PHYIR DE TSAD MAR YOD PA NYID DU RTOGS PAR BYED PA'I RJOD PAS NI, TSAD MA MED PA'I DAM BCA' SEL BAR BYED DO, ,LUNG DANG 'GAL BA LA NI BSHAD PA 'DI PHYOGS TZAM STON PA YIN TE, GANG GI PHYIR BSTAN BCOS LA BRTEN PA'I STOBS KHO NAS TSAD MA NYID DU GDON MI ZA BAR RTOGS PA MA YIN GYI, 'O NA CI ZHE NA, SHES PA 'GA' ZHIG LA DON SHES NAS, DON BYA BA LA MI SLU BAR NYAMS SU MYONG BA LAS KYANG STE, RNAM PA DE LTA BU RNAMS NI NYAMS SU MA MYONG BA DE YONGS SU MTHONG BA'I DON CAN BSGRUB PAR BYA BA'I DON BYED PA RNAMS KYANG DE'I RANG BZHIN NYID @142A *, ,DO ZHES TSAD MA NYID DU RTOGS PAR BYED DO, ,DE LA GANG GI TSE KHAS BLANGS PA'I BSTAN BCOS KYI RAB TU GRUB PA'I TSAD MA RNAMS SPONG BAR BYED PA DE'I TSE 'DI BSTAN BCOS DANG 'GAL BA'I DPE BRJOD DU 'GYUR RO, ,GANG GI TSE BSTAN BCOS LA MA BRTEN PAR TSAD MA YOD PA NYID DU KHONG DU CHUD PA DE'I TSE 'DI LUNG DANG 'GAL BA'I DPER RJOD DU 'THAD PA MA YIN NO, ,DE'I PHYIR KHAS BLANGS PA GNOD PA LA 'DI PHYOGS TZAM BSTAN PAR BSHAD DO, ,'DI LA DPER BRJOD PA GSAL BA NI 'DI YIN TE, CHOS NI TSE 'PHOS NAS BDE BA STER BA MA YIN NO ZHES PA'O, ,DE LTAR NI CHOS NI BSTAN BCOS KYI GZHAG PA'I CHOS CAN YIN ZHING, DE LA BDE BA MI STER BA NYID BSGRUB PAR BYA BA LA, BDE BA STER BA NYID DU BSTAN BCOS SU MTHONG BAS GNOD PA'O, ,GAL TE LUNG DANG RANG GI TSIG DAG GIS GAGS TZAM BYED PA YIN NA, 'O NA DA 'DI DAG GI KHYAD PAR CI ZHE NA, CI 'ANG MED DO, ,GAL TE CI'ANG MED NA 'DI DAG RIGS PA'I SGOR THA DAD DU GSUNGS PA CI LTAR ZHE NA, NGAG GI DBYE BA LAS TE, RANG NYID KHO NAS PHA ROL PO'I SGO CAN GYI NGAG GZHAN GYIS DON 'GA' ZHIG SO SOR BZHAG NAS, YANG DE KHO NA PHYI MAS NYAMS PAR BYED PA'I PHYIR LUNG DANG 'GAL BA STE, DPER NA 'UG PA PAS SGRA RTAG GO ZHES PA LTA BU'O, ,GANG DE NYID KYIS RANG GI DON DANG 'GAL NA RANG GI TSIG 'GAL BA STE, DPER NA RJES SU DPAG PA TSAD MA MA YIN ZHES PA DANG, SMRAS PA THAMS CAD BRDZUN YIN NO ZHES PA LTA BU'O, ,GANG LA'ANG ZHES PA LA SOGS PAS GRAGS PAS GNOD PA DPER BRJOD DO, ,'DIR RI BONG CAN ZLA BA MA YIN NO ZHES PA DAM BCA'O, ,'DI'I DON NI RI BONG CAN ZLA BA'I BRJOD PAR BYA BA NYID MED DO ZHES PA'O, ,DE YANG SGRA LAS BYUNG BAS RAB TU GRUB PA DANG 'GAL BA'I DON GYIS SEL TE, SGRA LAS BYUNG BA NI GRAGS PA ZHES BYA BA'I RJES SU DPAG PA'O, ,DES RAB TU GRUB CING NGES PA NI SGRA LAS BYUNG BAS RAB TU GRUB PA'O, ,YANG 'DI NYID KYI DON GZHAN 'DI SHES PAR BYA STE, ZLA BA ZLA BA ZHES PA 'DI LTA BU LA SOGS PA SGRA'I RGYU CAN GYI THA SNYAD NI SGRA LAS BYUNG BA YIN LA, DE LAS RAB TU GRUB CING SKYES PA 'DOD PA'I SGRA'I BRJOD PAR BYA BA'I MTSAN NYID CAN GYI CHOS NI SGRA LAS BYUNG BA LAS RAB TU @142B GRUB PA STE, MCHOG TU GRUB PA NYID DU SHES PAR BYED PA'I DON LA RAB KYI SGRA NYE BAR BLANGS PA YIN NO, ,MCHOG TU NI DE DON THAMS CAD LA GRUB PA NYID KYI PHYIR RO, ,DES 'DI SKAD BSHAD PAR 'GYUR TE, GANG SGRA'I THA SNYAD LAS SKYES PA'I CHOS GRAGS PA ZHES BYA BA'I RJES SU DPAG PAS NGES PA JI SKAD BSHAD PA'I NGO BO CAN YIN ZHING DES GNOD DO ZHES PA'O, ,THUN MONG MA YIN PA NYID KYI PHYIR ZHES PA LA SOGS PA STE, YOD PA NYID LA SOGS PA GNOD PAR BYED PA'I GTAN TSIGS NI THUN MONG MA YIN PA NYID DO, ,DE'I PHYIR YANG RJES SU DPAG PA MED DE, 'DOD PA'I SGRA'I RUNG BA NYID SPONGS PA LA YANG GANG LA DNGOS PO THAMS CAD LA 'BYUNG BA'I NGANG TSUL CAN YOD PA NYID KYANG RJES SU 'GRO BA MED PA DER RTAGS GZHAN RJES SU 'GRO BAR GA LA 'GYUR ZHES PAS, 'DIR GTAN TSIGS RNAM PA THAMS CAD THUN MONG MA YIN PA NYID DO ZHES PA 'DI RTOGS PA NI GTAN TSIGS LA YOD PA NYID DPER BRJOD PA'I 'BRAS BU'O, ,'O NA BUM PA LA SOGS PA MTHUN PHYOGS ZLA BA MA YIN PA LA YOD PA NYID RJES SU 'GRO STE, DES NA 'DI CI LTAR THUN MONG MA YIN PA YIN ZHE NA, DE NI YOD PA MA YIN TE, 'DOD PA'I SGRAS BRJOD DU RUNG BA NYID NI DON THAMS CAD LA 'BYUNG BA CAN YIN NO, ,DE LTAR NI BRDA BYAS PA RNAMS DANG BRDA MA BYAS PA'I SGRA RNAMS KYI RUNG BA NI THAMS CAD YIN NO, ,'DOD PA TZAM GYIS 'JUG PA'I PHYIR RO, ,SGRA'I RUNG BA NYID KYI STOBS KHO NA LAS SGRA THAMS CAD SGRA'I RUNG BA NYID LA 'BREL PA STE, GANG GI TSE KHO NA SGRA GANG ZHIG DON GANG LA SBYOR BAR 'DOD PA DE'I TSE KHO NA DE DE LA SBYOR BAR NUS SO ZHES PA'O, ,BUM PA LA SOGS PA RNAMS LA'ANG 'DOD PA'I SGRA'I BRJOD PAR BYA BA NYID RAB TU GRUB PA KHO NA'O ZHES RNAM PAR 'JOG STE, RUNG BA NYID KYI PHYIR TE, DPER NA 'TSED PAR BYED BZHIN PA MA YIN YANG 'TSED PA PO NYID BZHIN NO, ,DE'I PHYIR BUM PA LA SOGS PA RNAMS KYANG ZLA BA STE, DPER NA ZLA BA MA YIN PA 'GA' ZHIG LA YOD PA NYID RJES SU 'GRO BA MED DO, ,DE'I PHYIR THUN MONG MA YIN PA KHO NA'O, ,DE LTAR 'GYUR MOD, 'DI MI MTHUN PHYOGS KHO NA LA YOD PA'I PHYIR, 'GAL BA NYID DU 'GYUR GYI, THUN MONG MA YIN PA NYID DU NI MI 'GYUR RO ZHE NA, 'DI NI BDEN TE, PHA ROL POS BUM PA LA @143A *, ,SOGS PA RNAMS MI MTHUN PHYOGS NYID DU MI 'DOD DO ZHES PA 'DI'I PHYIR, PHA ROL PO'I BSAM PAS MI MTHUN PHYOGS LA 'JUG PA MA YIN NO, ,THUN MONG MA YIN PA NYID DU BRJOD PA 'GA' ZHIG GO, ,YANG NA THUN MONG MA YIN PA'I PHYIR RJES SU DPAG PA MED PA LA ZHES PA 'DI'I DON GZHAN 'DI YIN TE, GANG GRAGS PA LA LOG PAR ZHUGS PA THAMS CAD LA GRAGS PA NYID MI 'DOD PA RI BONG CAN ZLA BA MA YIN ZHES, YONGS SU BSHAD PA CAN GYI DON MED PA NYID DU SO SOR SHES PA'AM DAM BCAS PA LA, DE'I NGOR RJES SU DPAG PA MED PAR GSUNGS TE, 'JIG RTEN GYI YONGS SU BSHAD PA CAN GYI DON SGRUB PAR BYED PA'I'O, ,DE NI RI BONG CAN JI SRID PA'ANG ZLA BAR MI 'DOD NA, GANG GI DPER 'GYUR PA GRAGS PAS GRUB PA CI ZHIG 'DOD PAR 'GYUR ZHES PAS RAB TU 'JUG PA PO'I GTAN TSIGS THUN MONG MA YIN PA NYID DO, ,GAL TE YANG DE LTA MA YIN PA DE LTA NA'ANG 'DOD PA TZAM GYIS 'JUG PA'I GRAGS PAS GRUB PA DANG 'GAL BA'I DON GYIS JI SKAD BSHAD PA'I DAM BCA'I DON LA GNOD PAR BYED DO, 'DOD PA TZAM DANG RJES SU 'BREL PA DNGOS PO LA NGES PA MED PA'I BRDA CAN SGRA 'BYUNG BA'I CHOS RNAMS KYI RUNG BA NI DNGOS PO THAMS CAD YIN PAS TE, 'DOD PA LA 'GOG PA MED PA'I PHYIR RO, ,DES NA 'DOD PA TZAM GYI DBANG DU GYUR PA'I BRDA'I RJES SU BYED PA'I SGRA RNAMS KYI DON NGES PA MED PA'I PHYIR, 'DOD RGYAL BA'I SGRA'I YUL GYI DON LA 'GOG PA 'GAL BA YIN NO, ,GANG GI TSE RGYU MTSAN CAN GYI SGRA 'TSED PA PO LA SOGS PA RANG GI RGYU MTSAN MED PA LAS DON LA 'GOG PA DANG, DPER NA ZLA BA NYID CES BYA BA DON DAM PAR NA YOD PA MA YIN NO ZHES DON DAM PA PA'I DON 'GOG PA DE'I TSE GRAGS PAS GNOD PA'I SKYON DU 'GYUR PA MA YIN NO, ,GANG GI PHYIR YONGS SU BSHAD PA KHO NA'I DON 'GOG PA BYED BZHIN PA LA GRAGS PAS GNOD PAR 'GYUR GYI GZHAN LA NI MA YIN PA DE'I PHYIR YUL GYI KHYAD PAR 'DI KHO NA BSTAN PA'I CHED DU, GRAGS PA DANG RJES SU DPAG PA LAS PHYI ROL DU GYUR PA MA YIN YANG THA DAD DU BYAS TE, RNAM PA GZHAN DU NA HA CANG THAL BAR 'GYUR TE, RJES SU DPAG PA LA RTAGS KYI BYE BRAG DU BA LA SOGS PA JI SNYED PA DE RNAMS KYIS GNOD @143B PA'ANG SO SO SO SOR BSHAD PAR BYA BAR 'GYUR PA'AM, THA DAD DU BYAS PA DON MED PAR 'GYUR RO, ,YUL GYI DBYE BA 'DI KHO NA GRAGS PA THA DAD PAR 'CHAD PA'I RGYU MTSAN DU STON CING, KHAS BLANGS PAS GNOD PA DANG 'DRA BAR GRAGS PAS GNOD PA'ANG RGYU DANG BCAS PAR, SGRA LAS BYUNG BAS RAB TU GRUB PAS ZHES PA LA SOGS PAS GSUNGS TE, 'DOD PA TZAM GYIS 'BYUNG BA'I SGRA LAS BYUNG BAS RAB TU GRUB PA KHO NAS GNOD PA YIN GYI, 'DOD PA LA MI LTOS PAR DNGOS PO'I STOBS KYIS RAB TU GRUB PAS NI MA YIN NO ZHES PA'I DON TO, ,YANG MNGON SUM DANG RJES SU DPAG PAS GNOD PA DAG LA NI RGYU DANG BCAS PAR GSUNGS PA MA YIN TE, SGRA MNYAN BYA MA YIN NO SGRA RTAG GO ZHES RGYU BSTAN PA DANG BRAL BA KHO NAR BRJOD PA'I PHYIR RO, ,YUL GYI DBYE BA BSTAN PAS KYANG DNGOS PO YOD PA DANG MED PA'I RJES SU SHIN TU BYED PA'I RJES SU DPAG PA LAS THA DAD PA CAN GYI GRAGS PA NI DNGOS PO'I DBANG GIS 'JUG PA MA YIN NO ZHES GSAL BAR BYED PAS, GRAGS PA'I DBANG LAS DNGOS PO'I YOD PA NYID DANG LDOG PA DANG LDOG PA MA YIN PA DANG GCIG NYID DANG GCIG MA YIN PA NYID 'GRUB PA MA YIN ZHES RTOGS PAR BYED DO, ,BSHAD PA 'DIR NI GAL TE YANG 'DOD PA TZAM GYI DBANG DU GYUR BA DNGOS PO LA NGES PA MA YIN PA'I BRDA CAN GYI SGRA LAS BYUNG BA GRAGS PA ZHES BYA BA'I RJES SU DPAG PA NI DU BA LAS ME RJES SU DPAG PA BZHIN DU DNGOS PO'I STOBS KYIS 'JUG PA MA YIN PA DE LTA NA'ANG DE DANG MI MTHUN PA'I GTAN TSIGS MED DO ZHES PA 'DI YOD PA'I GTAN TSIGS NYE BAR BKOD PAS GSAL PAR BYED DO, ,GRAGS PA'I MING CAN GYI RJES SU DPAG PA DE'I SBYOR BA NI, GANG 'DOD PA TZAM GYI RJES SU BYED PA DE THAMS CAD DU SRID DE, YID KYI RNAM PAR RTOG PA 'BA' ZHIG PA BZHIN, DON RNAMS LA 'DOD PA'I SGRA'I BRJOD PAR BYA BA NYID KYANG 'DOD PA TZAM GYI RJES SU BYED PA'O ZHES PA RANG BZHIN NO, ,'O NA GRAGS PA ZHES BA NI THA SNYAD LA BRJOD LA, DES NA CI LTAR 'DOD PA TZAM GYI RJES SU BYED PA NYID GRAGS PA ZHES BYA BAR 'THOB CE NA NYE BAR BTAGS PA LAS TE, 'DOD PA'I SGRA'I BRJOD PAR BYA BA NYID GANG DU CHOS CAN NYID DU NYE BAR BLANGS PA DE NI GRAGS PA'I 'BRAS BU STE, DE'I RANG BZHIN NYID KYI PHYIR @144A *, ,RO, ,DE'I CHOS 'DOD PA TZAM GYI RJES SU BYED PA NYID KYANG GRAGS PA'I 'BRAS BUR 'GYUR RO, ,DE'I PHYIR 'BRAS BU LA RGYU NYE BAR BTAGS PA LAS GRAGS PAR THA SNYAD 'BYUNG ZHES PAS SKYON MED DO, ,RE ZHIG GANG GRAGS PAS GRUB PAS RANG GI CHOS CAN LAS DE NYID LA DAM BCA'I DON 'GAL BA LA GNOD DO ZHES BA 'DI NI RIGS MOD, MNGON SUM DANG RJES SU DPAG PA DANG KHAS BLANGS RNAMS NI 'JAL BA PO LA 'JUG GI GNOD PAR BYA BA'I CHOS CAN LA NI MA YIN NA, DE CI LTAR DE RNAMS LA GNOD PAR BYED PA YIN ZHE NA, BDEN TE, 'DIR MNGON SUM LA SOGS PA NI GNOD PAR BYED PA PO MA YIN GYI, 'O NA CI ZHE NA, DE YONGS SU BCAD PA MNYAN BYA NYID LA SOGS PA'I CHOS RNAMS YIN LA, DE RNAMS 'DIR MNGON SUM LA SOGS PAS GZHAL BAR BYAS PA NYID KYI PHYIR MNGON SUM LA SOGS PA'I SGRA SGRO BTAGS PAS MTSON PAR BYAS SO ZHES PAS KHA NA MA THO BA MED DO, ,'DI NI ZHES PA LA SOGS PA STE, 'DIR CHOS DANG CHOS CAN TSOGS PA KHO NA BSGRUB PAR BYA BA YIN TE, DES NA THAMS CAD DU TSOGS PA BSAL BA KHO NA LAS NYE BAR 'GOG CING, DE RES 'GA' CHOS KYI SGO NAS SAM, CHOS CAN GYI SGO NAS SAM, DE GNYIS KA'I SGO NAS SAM, DE'I KHYAD PAR GYI SGO NAS BYA BA'O ZHES PAS DES THA SNYAD DU BYA'O, ,'DI NI STE, DPER RJOD PA BZHI PO NI, CHOS KYI RANG GI NGO BO BSAL BAS TE, CHOS KYI RANG GI NGO BO SEL BA'I SGO NAS RNAM PA GCIG BSTAN PA'I PHYIR, PHYOGS TZAM BSHAD PA'O, ,PHYOGS 'DIS NI CHOS DANG CHOS CAN GYI KHYAD PAR TE SKABS SU BAB PA'I BSGRUB PAR BYA BA MED NA MI 'BYUNG BA RNAMS DANG CHOS CAN GYI RANG GI NGO BO SEL BA'I SGO NAS, RNAM PA GZHAN RNAMS RIG PAR BYA'O, ,YAN LAG CAN NI YAN LAG RNAMS LAS GZHAN YIN ZHES DAM BCA' BA BYAS PA LA, YAN LAG CAN NI YAN LAG RNAMS LAS GZHAN MA YIN TE, SRAD DMA' BA'I KHYAD PAR MI 'DZIN PA'I PHYIR RO ZHES PA 'DI SUN 'BYIN PA'O, ,'DIS KYANG GZHAN KHYAD PAR BSAL GYI, GZHAN TZAM NI MA YIN NO, ,DE LTAR NI PHA ROL PO'ANG RDUL PHRA RAB RNAMS LA MTHONG BA DANG SGRIB PA DANG THOGS PA LA SOGS PA'I 'BRAS BU SRID PA MA YIN ZHES, DE RNAMS 'GRUB PA'I CHED DU YAN @144B LAG RNAMS LAS GZHAN PA'I DON YAN LAG CAN GYI SGRA BYAS PA, BYA BA DANG LDAN PA DANG YON TAN DANG LDAN PA DANG 'PHROD PA 'DU BA'I RGYU NI RDZAS SO ZHES PA RDZAS KYI MTSAN NYID 'DI DANG LDAN PA MTHONG BYA'I RANG BZHIN CAN BSGRUB PAR 'DOD KYI, KHYAD PAR BA MIN PA'I GZHAN NYID TZAM NI MA YIN NO, ,DE'I PHYIR DE SEL BA'ANG MA YIN LA, DE SEL NA NI CHOS KYI RANG GI NGO BO KHO NA SEL BAR 'GYUR GYI, DE'I KHYAD PAR NI MA YIN NO, ,'DI NI CHOS KYI KHYAD PAR SEL BAR YANG 'DOD DO, ,DES NA 'DI NI GZHAN GYI KHYAD PAR SEL BA'O, ,CI LTAR BYAS NAS SHE NA, GAL TE YAN LAG CAN 'DI LCI BA NYID DU 'GYUR NA, DE LTAR YIN NA 'JI BA LA SOGS PA'I GONG BU DAG BSRES PA BCAL BA DAG LA, RDZAS NI RDZAS GZHAN RTZOM ZHING YON TAN RNAMS KYANG YON TAN GZHAN NO ZHES PA'I LUGS KYI PHYIR, DE DAG GIS YAN LAG CAN GYI 'BRAS BU RDZAS GSUM PA RTZOM PA NA, DE'I YON TAN GZHAN LCI BA ZHES BYA BA SKYES PA'I PHYIR, DE'I TSE DES BYAS PA SRANG DMA' BA ZHES PA'I KHYAD PAR DU 'GYUR RO, ,GANG DU SRANG DMA' BA'I KHYAD PAR GYI RGYU NUS PA THOGS PA MED PA RDZAS GZHAN 'DU BA CAN GYI LCI BA NYID YOD PA DE SRAD DMA' BA'I KHYAD PAR DU 'GYUR TE, DPER NA 'JIM PA'I GONG BU GSUM PA SRANG LA GZHAG PA BZHIN, 'JIM PA'I GONG BU GNYIS BSRES PA DAG GZHAL BA DAG GI YAN LAG CAN GYI RDZAS GZHAN GSUM PA RTZOM PA LA'ANG JI SKAD BSHAD PA'I LCI BA YOD DO, ,RANG BZHIN NO, ,DE'I TSE SRANG DMA' BA'I KHYAD PAR DE'I TSE MTSON PA YANG MA YIN NO ZHES PA BZLOG PAS, GANG NA SRANG DMA' BA'I KHYAD PAR MED PA DE NA JI SKAD BSHAD PA'I LCI BA NYID MED DO, ,DPER NA MA BSRES PAR GZHAL BA'I 'JIM PA'I GONG BU DAG LA BZHIN, BSRES NAS BCAL BA'I 'JIM PA'I GONG BU DAG LA'ANG SRANG DMA' BA'I KHYAD PAR MED DO, ,'BRAS BU MI DMIGS PA'O, ,DE'I PHYIR YAN LAG RNAMS LAS GZHAN BA'I YAN LAG CAN LCI BA'I YON TAN MED CES PA'O, ,'DIR KHA CIG SMRA STE, RDUL PHRA MO GNYIS NAS BRTZAMS TE, JI SRID RDUL PHRAN GSUM LA SOGS PA'I 'BRAS BU BRGYUD BA DE GZHAL BAR BYA ZHING, DE LA SRANG DMA' BA'I KHYAD PAR YIN GYI, RDZAS THAMS CAD KYI LCI BA NYID BYAS PA @145A *, ,NI MA YIN NO, ,DE'I PHYIR MTHA'I 'BRAS BU GCIG LHAG NA'ANG DE TZAM GYIS DMA' BA'I KHYAD PAR DU 'GYUR BA MA YIN TE, DPER NA RAS BAL GYI SKUD PA LA SOGS PA GZHAL BAR BYA BA DE LA'ANG LCI BA NYID YOD CING, DE STE YANG TSOGS CHEN PO GZHAL BA NA, GANG GI TSE RAS BAL GYI 'DAB MA SHIN TU PHRA BA GZHAG PAR GYUR PA DE'I TSE DE LA LCI BA NYID YOD NA'ANG SRANG DMA' BA'I KHYAD PAR DMIGS PA MA YIN NO, ,DES NA THAL BA DANG BZLOG PA'I SGRUB PAR BYED PA DAG MA NGES PA YIN NO ZHE'O, ,DE SKAD SMRA BA DE'I RIM GYIS BSDOMS PA'I RDUL GYI TSOGS RDUL PHRAN GNYIS LA SOGS PA'I 'BRAS BU'I RDZAS DU MA CAN LA JI LTA BU'I LCI BA NYID DE LTA BU CIG CAR BSDOMS PA DE LA MI 'GYUR TE, 'BRAS BU'I RDZAS GCIG KHO NA'O ZHES BYAS NAS SO, ,'ON KYANG LCID THA DAD PAR 'GYUR RO, ,DE LAS KYANG DES BYAS PA'I SRANG DMA' BAR 'GYUR LA, 'GYUR BA'ANG MA YIN NO, ,GZHAN YANG GANG GI TSE, GSER LA SOGS PA RNAMS KYI RA TI RE RE BA JI SRID DU DE RNAMS BRGYA GZHAL BAR GYUR PA DE SRID GCIG GZHAL ZHING, SLAR YANG DE RNAMS KHO NA RIM GYIS BSDOMS PA RNAMS BRGYA GZHAL BA DE'I TSE GRANGS MTSUNGS PAR MI 'GYUR RO, ,GANG PHYIR, DE TZAM GYIS RDZAS KYI TSOGS NYE BA DANG DE DANG BRAL BA LA LCID MTSUNGS PAR CI LTAR 'GYUR, 'GYUR BA'ANG YIN TE, DE'I PHYIR RDUL PHRAN GNYIS LA SOGS PA'I 'BRAS BU'I RDZAS GZHAN GZHAL BAR BYA BA YOD PA MA YIN NO, ,CI STE SKYON 'DIR MA GYUR CIG SNYAM PAS, YUNGS KAR LA SOGS PA'I 'BRAS BU'I RDZAS KYI STE, SOGS PA'I SGRAS YUNGS KAR GNYIS LA SOGS PA NAS BRTZAMS PA GONG MA GONG MA LA LCI BA NYID 'PHEL BA DANG LDAN YANG DMIGS PA MA YIN PA KHO NA'O ZHES 'DOD NA, 'O NA DE LTA NA YUNGS KAR LAS SNGA MA'I 'BRAS BU'I RDZAS KYI PHRENG BA'I LCID GANG YIN PA DE NI SHIN TU MTSON DKA' BA KHO NA YIN LA, YUNGS KAR LAS BYUNG BA PHYI MA'I LCID NYID NYE BAR MTSON PA LA RANG NYID KHO NA SON PAR BYED DO, ,DE'I PHYIR RNAM PA THAMS CAD DU LCI BA NYID MI DMIGS PAR THAL BAR 'GYUR RO ZHES PAS LAN SNYING PO MED PA'O, ,RAS 'DAB KYI NI GAL TE YANG LCI BA NYE BAR MTSON PA MA YIN PA DE LTA NA'ANG DE MTHONG NGO ZHES PAS YOD PA @145B NYID DU RIGS SO, ,YAN LAG CAN NI YAN LAG LAS THA DAD PAR MTHONG BA MA YIN ZHING DE LAS BYUNG BA GZUGS LA SOGS PA GZHAN NYE BAR DMIGS PA'ANG MA YIN NO, ,DE'I PHYIR LCID NYID KYI KHYAD PAR MED PA LTAR DE'I GZUGS LA SOGS PA'I YON TAN GYI KHYAD PAR YANG MED LA, BYA BA'I KHYAD PAR YANG MED DE, 'JIM PA LA SOGS PA'I RIL BU MA 'DRES PA'I GNAS SKABS NA GANG GZUGS BA SOGS PA DANG, GANG BYA BA YOD PA DE LAS LHAG PA'I GZUGS LA SOGS PA DANG BYA BA NI 'DRES PA'I GNAS SKABS NA'ANG, RANG NYID JI LTA BA'I DBANG POS MA DMIGS PA'I PHYIR RO, , GANG LCID NYID MED PAR SGRUB PAR BYED PA SRANG DMA' BA'I KHYAD PAR MI 'DZIN PA DE NI, YAN LAG CAN GYI RANG GI NGO BO DANG DE DANG 'DUS PA'I YON TAN DANG BYA BA MI DMIGS PA NYE BAR MTSON PA TZAM MO, ,DE'I PHYIR YAN LAG CAN GYI BYA BA MED LA, YON TAN RNAMS KYANG MED DE, DE MED PA'I PHYIR YANG 'DU BA CAN GYI RGYU NYID KYANG MA YIN LA, MTHONG BAR BYA BA 'AM REG PAR BYA BA NYID KYANG MA YIN NO, ,RDZAS KYI MTSAN NYID CAN DANG LDAN PA MTHONG BAR BYA BA'AM REG PAR BYA BA'I YAN LAG CAN NI YAN LAG RNAMS LA GZHAN MED DO, ,GANG DMIGS SU RUNG BA MI DMIGS PA DE NI YOD PA MA YIN TE, 'DI LTA STE RI BONG GI RVA BZHIN, RDZAS KYI MTSAN NYID DANG LDAN PA'I YAN LAG CAN YAN LAG RNAMS LAS GZHAN PA'ANG DMIGS SU RUNG BA MA DMIGS SO, ,RANG BZHIN MI DMIGS PA'O, ,YAN LAG RNAMS NI GZHAN MA YIN PA ZHES PA CHOS CAN GYI KHYAD PAR SEL BA'O, , YAN LAG RNAMS YAN LAG CAN LAS GZHAN NO ZHES PA DAM BCA'O, ,'DIR YAN LAG RNAMS CHOS CAN TE, DE RNAMS GZHAN NYID KYI CHOS NI BSGRUB PAR BYA BA'O, ,DE RNAMS KYI YANG 'GA' ZHIG MNGON SUM NYID KYI KHYAD PAR DU PHA ROL POS 'DOD DE, DE LAS GZHAN NYID YOD NA, DE LAS THA DAD PAR MI SNANG BA'I PHYIR 'THAD PA MA YIN NO, ,GZHAN NYID DU YOD PA NA GANG ZHIG GANG LAS THA DAD PAR SNANG BA MA YIN PA DE MNGON SUM MA YIN TE, CHEN PO MA YIN PA'I YAN LAG CAN DANG PO'I YAN LAG RNAMS BZHIN, YAN LAG RNAMS KYANG GZHAN NYID DU YOD PA NA YAN LAG CAN PHA ROL DE [#DATA INCOMPLETE HERE] @156A *, ,BA'I PHYIR RO, ,RANG GI YUL LA SHES PA SKYED PAR BYED PA'I PHYIR, DE LA RKAN LA SOGS PA'I G-YO BA LHAN CIG BYED PA'O ZHE NA, MA YIN TE PHAN 'DOGS PA MA YIN BA RNAMS LHAN CIG BYED PA NYID DU MI 'THAD PA'I PHYIR RO, ,MTHA'I GNAS SKABS NA NI GANGS BON LA SOGS PA PHAN TSUN PHAN 'DOGS PA LA MI LTOS PA RNAMS LHAN CIG BYED PA YIN TE, DE NI KHYAD PAR SKYED PAR BYED PA MA YIN GYI 'O NA CI ZHE NA, 'BRAS BU GCIG BYED PA KHO NA YIN NA, 'DI NI SKRA LA SRID PA YANG MA YIN TE, DE NI GAL TE NUS PA YIN NA, 'BA' ZHIG PAS KYANG BYED PAR 'GYUR ZHING, GAL TE MI NUS PA YIN NA LHAN CIG PA YANG BYED PA MA YIN NO ZHES PAS 'DI NI THE TSOM MED DO, ,PHAN 'DOGS PA 'GA' ZHIG BYED PA KHO NA'O ZHE NA, DE CI DE LAS DON GZHAN NAM 'O NA TE CIG SHOS YIN, DON GZHAN NYID NA SGRA'I PHAN PA ZHES PA'I 'BREL PA CI ZHIG YIN, DON GZHAN MA YIN PA NYID NA DE KHO NA BYED PA'O ZHES PAS RKYEN GYI BYE BRAG GIS THA DAD PA NYID GRUB BO, ,'O NA PHYOGS KYI CHOS KHO NA GTAN TSIGS NYID YIN NA CHOS CAN GYIS CHOS CAN DANG CHOS SAM CHOS CAN GYIS SAM CHOS KYIS CHOS CAN RJES SU DPAG PAR 'GYUR BA MA YIN NO ZHES PAS MTSAN NYID MA KHYAB PA CAN NO ZHE NA GSUNGS PA, PHYOGS CHOS KYI SGRUB PAR BYED PA NYID NA ZHES PA STE, PHYOGS CHOS KHO NA GTAN TSIGS SO ZHES 'DIR KHAS BLANGS PAR GYUR NA ZHES PA'I DON TO, ,CHOS CAN CHOS CAN GYIS BSGRUB MIN, ,CHOS NI CHOS CAN GYIS BSGRUB BYA MA YIN NO ZHES PA DANG, DES TE CHOS KYIS CHOS CAN YANG BSGRUB BYA MA YIN NO, ,RE ZHIG GANG RNAMS RJOD PAR BYED PA ZHES PA LA, DE RNAMS NI 'DI LTAR SEMS PAR BYED DO, ,TSOGS PA'I DON BSGRUB PAR BYA BA NYID NA, DE'I PHYOGS GCIG BA'I CHOS NI PHYOGS CHOS SO ZHES PAS PHYOGS CHOS GTAN TSIGS SU 'GYUR MOD KYI, GANG GI TSE CHOS CAN ME KHO NA BSGRUB BYA YIN ZHING TSOGS PA NI MA YIN LA, DE YANG CHOS CAN GZHAN DU PAS YIN TE, DE'I TSE CI LTAR PHYOGS CHOS GTAN TSIGS SU 'GYUR ZHES PAR RO, ,'DI LA'O ZHES BRJOD PAR BYA'O ZHES PAS, ME YOD PA NYID BSGRUB PAR BYA BA MA YIN PA NYID LA 'THAD PA GZHAN 'DI'O, ,'DI LA'I SGRA DANG DU BA MNGON PAR 'BREL BAR 'GYUR @156B RAM, 'ON TE YUL PHYOGS SAM MER 'GYUR, DE LA GAL TE DU BA 'BREL NA DAM BCA' BA'I DON GYI PHYOGS GCIG NYID DU 'GYUR TE SNGAR BZHIN NO, ,DE LTAR 'GYUR MOD KYI ME KHO NA 'DI LA ZHES NGES PAR BSTAN PAR BYA BA'O ZHE NA, GSUNGS PA ME LA ZHES PA LA SOGS PA STE, YANG GI SGRA NI ME DE KHO NA BDAG NYID KYI RTEN DU RIGS PA 'ANG MA YIN NO ZHES PA'I SKYON BSDU BA'I DON DU'O, ,YANG CI'I PHYIR ME LA MTHONG BA RIGS PA MA YIN ZHE NA GSUNGS PA, RJES SU DPAG PA MED PAR THAL BAR 'GYUR PA'I PHYIR RO ZHES PA STE, MNGON SUM MA YIN PA'I ME LA DU BA MTHONG BA NI SRID PA MA YIN PAS SO, ,DE'I PHYIR RTAGS 'DZIN PA'I DUS KHO NA NA ME RTOGS PA NYID KYI PHYIR RJES SU DPAG PA MED PAR 'GYUR RO, ,DE'I PHYIR ZHES PA LA SOGS PA STE, RNAM PA GZHAN MED PA'I PHYIR 'DI LA ZHES PA NI YUL PHYOGS LA YIN PAR GDON MI ZA BAR KHAS BLANG BAR BYA'O, ,DE YANG DE DAG GIS CHOS CAN KHO NA'O ZHES PA, ME DANG DU BA DAG YUL PHYOGS KYI NGOR CHOS NYID DU GSUNGS SO, ,DE LAS KYANG MES KHYAD PAR DU BYAS PAR SA PHYOGS DE'I CHOS DU BAS BSGRUB PAR BYA'O ZHES PAS PHYOGS CHOS MED PA'I GTAN TSIGS NYID MED DO, ,'O NA DE LTA NA YANG DU BA NI 'PHYUR BA DANG SKYA LO NYID LA SOGS PA'I YON TAN RNAMS KYIS YON TAN CAN NYID KYI PHYIR CHOS CAN KHO NA STE, DE BZHIN DU ME YANG DRO PA NYID DANG SREG PAR BYED PA NYID LA SOGS PA'I YON TAN RNAMS KYIS SO ZHES CI LTAR DE DAG CHOS YIN ZHE NA, DE'I PHYIR GSUNGS PA, 'DIR ZHES PA LA SOGS PA'O, ,BSGRUB PAR BYA BA DANG SGRUB PAR BYED PA'I THA SNYAD LA YON TAN DANG YON TAN CAN NYID KYIS CHOS DANG CHOS CAN NYID DU MNGON PAR DGONGS PA NI MA YIN NO, ,'O NA CI ZHE NA, BSGRUB PA'I BYA BA NYID LA LTOS PAS TE, GANG ZHIG DON GANG GIS KHYAD PAR DU BYAS PAR GANG ZHIG GIS BSGRUB PAR BYA BA DE NI CHOS CAN YIN TE, PHAN GDAGS PAR BYA BA NYID KYI PHYIR DANG, CIG SHOS DAG NI PHAN 'DOGS PA PO NYID KYI PHYIR CHOS YIN PA NYID DO ZHES PAS ME DANG DU BA DAG CHOS YIN PAR 'GYUR BA KHO NA'O, ,DE LA GANG RNAMS MES REG BYA, ,ZHES PA 'DI NI DRO BA'I REG PA YOD DO, ,ME'I PHYIR RO ZHES @157A *, ,PA 'DI LA, REG PA TZAM BSGRUB PAR BYA BA YIN ZHING REG PA YANG CHOS YIN TE, LUS DANG LDAN PA'I YON TAN YIN PA NYID KYI PHYIR RO, ,SNGA MA BZHIN DU ZHES PA NI, 'DIR ZHES PA GAL TE ME DANG SBREL BA YIN NA DAM BCA' BA'I DON GYI PHYOGS GCIG GTAN TSIGS SU 'GYUR RO, ,RJES SU DPAG PAR BYA BA REG PA LA ME MTHONG BA RIGS PA YANG MA YIN TE RJES SU DPAG PA MED PAR THAL BA'I PHYIR RO, ,DE'I PHYIR GDON MI ZA BAR 'DIR ZHES PA LA SOGS PA BRJOD PAR BYA'O, ,RE ZHIG THAMS CAD LA ZHES PA LA SOGS PA STE, GNAS MAL KHANG LA SOGS PAR GANG DU BA CAN DER MED DMIGS PA MA YIN NO ZHES PAS YUL PHYOGS BSGRUB PAR BYA BA NYID DU RIGS SHING, DRO BA'I REG PA DANG BRAL BA'I ME NI NAM YANG DMIGS PA MA YIN TE, DES NA JI LTAR DU BA 'DI NI ME DANG LDAN PA STE DE LAS GZHAN PA'I DU BA BZHIN NO ZHES PA 'KHRUL PA YIN PA DE LTAR ME 'DI NI DRO BA'I REG PA CAN TE, ME NYID KYI PHYIR DE LAS GZHAN PA'I ME BZHIN NO ZHES PA 'KHRUL PA YOD PA MA YIN NO, ,DE'I PHYIR ME'I KHYAD PAR LA REG BYA'I KHYAD PAR BSGRUB PAR BYA BA NYID KYI PHYIR YUL PHYOGS BRTAGS PA DON MED DO, ,DA LTAR 'GYUR MOD KYI BSGRUB PAR BYA BA DANG SGRUB PAR BYED PA DAG THA MI DAD PA'I PHYIR NA DAM BCA' BA'I DON GYI PHYOGS GCIG GTAN TSIGS SU 'GYUR RO ZHE NA SMRAS PA, MA YIN ZHES PA LA SOGS PA'O, ,ME'I KHYAD PAR BSGRUB PAR BYA BA NYID NA YANG ZHES PA, GAL TE'ANG ME'I KHYAD PAR BSGRUB PAR BYA BA YIN PA DE LTA NA YANG YUL PHYOGS BSGRUB PAR BYA BA NYID DU GDON MI ZA BAR KHAS BLANG BAR BYA STE, GANG GI PHYIR YUL PHYOGS KYI KHYAD PAR KHO NA LAS ME'I KHYAD PAR DU 'GYUR GYI RNAM PA GZHAN DU MA YIN PA DER GDON MI ZA BAR SA PHYOGS DI ME'O ZHES PHYOGS SU BYAS LA, DE LAS KYANG YUL PHYOGS SU DE KHO NA DRO BA'I REG PA NYID KYIS BSGRUB PAR BYA'O, , DE LA YUL PHYOGS KYI KHYAD PAR LA SDANG BA DANG ME'I KHYAD PAR LA RJES SU CHAGS PA 'DI CI ZHIG CHOS CAN YANG DES ZHES PA CHOS KYIS SO, ,'DIR PHA ROL PO'I BSAM PA NI 'DI YIN TE, GTZO BO NI CHOS CAN TE, YONGS SU 'GYUR BA LA SOGS PA'I CHOS DANG LDAN PA'I PHYIR RO, ,DE YANG 'DIR, KHYAD @157B PAR RNAMS LA RJES SU 'GRO BA'I CHOS KYI RANG GI NGO BOS BSGRUB PAR BYA STE, CHOS GZHAN BRJOD PA NI MA YIN NO, ,MA GRUB PA NI GRUB PA'I CHOS YIN PA SRID PA MA YIN TE, DES NA PHYOGS CHOS NYID GTAN TSIGS SO ZHES PA 'DI MI RIGS SO ZHES PA'O, ,DER NI KHYAD PAR RNAMS KHO NA ZHES PA LA SOGS PA STE, KHYAD PAR RNAMS NI NANG DANG PHYI'I RNAM 'GYUR RNAMS TE, DE RNAMS RGYU GCIG PA NYID DU BSGRUB PAR BYA'O, ,CI'I PHYIR 'DI YIN ZHE NA, GSUNGS PA, DE LTAR NI ZHES PA LA SOGS PA'O, ,'DI SKAD BSHAD DE, SPYI SNGON MA CAN GYI KHYAD PAR RNAMS NI 'JIG RTEN NA RIGS GCIG RJES SU 'GRO BA CAN DU MTHONG STE, 'DI LTA STE, GYO MO DANG GSER GYI RGYAN LA SOGS PA BZHIN ZHES PA, 'DI LTAR DPER BRJOD PAR BYA BA NA YANG NYE BAR SBYOR BA DANG MJUG SDUD DAG GIS BSGRUB PAR BYA BA DANG SGRUB PAR BYED PA GSAL BAR 'GYUR RO, ,DE LTAR YANG NANG GI BDAG NYID KYI KHYAD PAR RNAMS LA RIGS GCIG RJES SU 'GRO BA DE'I PHYIR DE RNAMS SPYI SNGON MA CAN RNAMS SO ZHES SAM, RGYU GCIG PA RNAMS SO ZHES PA'I DON TO, ,DE LTAR RIGS GCIG RJES SU 'GRO BA'I GTAN TSIGS KYIS KHYAD PAR RNAMS RGYU GCIG PA NYID DU BSGRUB PAR BYA'O ZHES RTOGS PAR BYA'O, ,KHYAD PAR RNAMS RGYU GCIG PA CAN NYID DU GRUB BA NI, GANG RGYU GCIG PA DE KHO NA GTZO BO'O ZHES SEMS PAS SMRAS PAS, GTZO BO YOD DO ZHES PA'O, ,DE LTAR 'DIR YANG GTAN TSIGS PHYOGS CHOS MED PA NYID MA YIN NO, ,DE'I PHYIR ZHES PA LA SOGS PA STE, GANG GI PHYIR DE LTAR CHOS DANG CHOS CAN DAG GI BSGRUB PAR BYA BA'I DNGOS PO SRID PA MA YIN PA DE'I PHYIR, BSGRUB BYA'I CHOS LA GZHAN NYID KYI PHYIR, CHOS GZHAN GTAN TSIGS ZHES BYA BA BYAS BA NYID LA SOGS PA, BSGRUB BYA'I CHOS MI RTAG PA NYID LA SOGS PA DANG MED NA MI 'BYUNG BA NYID DU BSGRUB PAR BYA BAR RTOGS PAR BYA'O ZHES PA'I DON TO, ,YANG CHOS KYIS CHOS NI BSGRUB BAR BYA BA'O ZHES PA CI LTAR ZHE NA, 'DI TZAM GYIS KHYAD PAR 'DI RNAMS THOB PAR 'GYUR TE, BRJOD PAR 'DOD PA'I DBANG LAS SO, ,NUS PA YOD NA SGRA RNAMS BRJOD 'DOD KYI RJES SU SGRUB PAR BYED DE, DPER NA GANG GIS YAN LAG RNAM PAR 'GYUR RO ZHES PA 'DI LTA BU'O, ,DE LTAR NA CHOS KYIS @158A *, ,CHOS ZHES 'DIR THA DAD PA SBYOR BA LA GSUM BLTA BAR BYA STE, CHOS CAN CHOS CAN GYIS BSGRUB MIN, ,ZHES PA LA SOGS PAR NI BYED PA KHO NA LA'O, ,SNGAR CHOS KYIS KHYAD PAR DU BYAS PA'I CHOS CAN BSGRUB BYA'O ZHES BRJOD CING, DA LTAR NI, CHOS KYIS CHOS NI BSGRUB BYA'O, , ZHES PA 'DI'I PHYIR TSIG 'GAL BA DANG, SGRUB PAR BYED PA SKABS SU MA BAB PAR SEMS PAS SMRAS PA, CI'I PHYIR ZHE NA ZHES PA'O, ,CHOS CAN DE LTAR BSGRUB BYA'I PHYIR, ,ZHES PAS RGYU GSUNGS SO, ,DE LTAR ZHES PA NI ZHES PA LA SOGS PAS 'DI KHO NA RNAM PAR 'BYED DO, ,GANG GI PHYIR CHOS KYIS KHYAD PAR DU BYAS PA'I CHOS CAN BSGRUB PAR BYA BA STE, DE'I PHYIR SGRUB PAR BYED PA'I CHOS NI BSGRUB PAR BYA BA'I CHOS MED NA MI 'BYUNG BA CAN DU BSGRUB PAR BYA BA YIN NO, ,'DI KHO NA NI CHOS KYIS KHYAD PAR DU BYAS PA'I CHOS CAN 'GRUB PA'I THABS SO ZHES PA DGONGS PA'O, ,DE LTAR NI SNGAR GSUNGS PA, RTAGS NI CHOS DANG MI 'KHRUL BAR, ,GZHAN DU BSTAN PAR BYA BA STE, ,DE LTA RAB GRUB DE LDAN PAR, ,CHOS CAN RTOGS PAR 'GYUR BA YIN, ,ZHES SO, ,DE'I PHYIR TSIG 'GAL BA MA YIN ZHING, SKABS SU MA BAB BA SGRUB PAR BYED PA YANG MA YIN TE, 'DI NI SKABS SU BAB PA 'GRUB PA'I THABS 'CHAD PA LHUR LEN PA NYID KYI PHYIR RO, ,'DIR SGRA NI MI RTAG PA STE, BYAS PA MI RTAG PA NYID KYI PHYIR DANG, RTAG PA NI MA BYAS PA NYID KYI PHYIR RO ZHES DAM BCA'I DE MA THAG TU LNGA PA'I MTHA' CAN THOB PA'I PHYIR PHYOGS CHOS MED KYANG 'DI NI GTAN TSIGS YIN NO, ,DE LAS KYANG GTAN TSIGS PHYOGS CHOS KHO NA'O ZHES PA 'DI MI RIGS ZHES KHA CIG PHYIN CI LOG TU BYED DE, DE'I PHYIR DE RNAMS KYI PHYIN CI LOG BSAL BA'I CHED DU GSUNGS PA, PHYOGS CHOS KYI YANG ZHES PA LA SOGS PA'O, ,GANG DU RTAGS BSGRUB BYA RJES 'GRO, ,ZHES PA LA SOGS PA'I TSIGS SU BCAD PA'I SNGA MA PHYED KYIS DPE GNYIS KYI MTSAN NYID GSUNGS SO, ,GANG DU DANG DER GYI SGRA DAG GIS SBYOR BA NGES PAR BSTAN TO, ,RKANG PA GSUM PAS NI LNGA PA'I MTHA' 'DI NI DPE'I SBYOR BA KHO NAR RIG PAR BYA'I GTAN TSIGS NI MA YIN NO ZHES PA 'DI SHES PAR BYAS SO, ,BZHI PAS NI DER JI LTAR GTAN TSIGS 'THOB PA DE @158B LTAR BSHAD DO ZHES PA'O, ,'DI LA PHYOGS CHOS NYID YOD PA MA YIN TE ZHES BRJOD PA NA, PHA ROL POS GTAN TSIGS PHYOGS CHOS MED PA NYID DU 'GYUR RO ZHES 'GA' ZHIG GI SEMS SO ZHES PAS GSUNGS PA, DPE'I MTSAN NYID KYANG SRID DO ZHES PA STE, KYANG GI SGRA NI NGES PAR GZUNG BA'I DON TO, ,'O NA GTAN TSIGS KYI MED NA MI 'BYUNG BA DPES 'CHAD PA MA YIN NAM, 'DIR GTAN TSIGS THOS PA YANG MA YIN TE, DES NA CI LTAR 'DI DPE'I SBYOR BA YIN ZHE NA GSUNGS PA, GTAN TSIGS NYE BAR SBYAR LAS 'DOD, ,CES PA'O, ,'O NA 'DI PHYOGS CHOS MED PA'I GTAN TSIGS YIN TE, GSAL BA NI MED PA SKYE BA MA YIN TE THA DAD DU THAL BA'I PHYIR RO ZHES PA'I THA DAD DU THAL BA NI GSAL BA'I CHOS MA YIN PAS SO ZHE NA GSUNGS PA, RGYU MED PAR NI THAL 'GYUR BA, ,ZHES SO, ,RGYU STE RJES SU 'GRO BA MED PA NI THA DAD PA YIN ZHING DER THAL BAR 'GYUR BA'O, ,GANG DU ZHES PA NI BSTAN BCOS SU'O, ,DE NI DPE GNYIS LAS GRUB PHYIR, ,ZHES PA LA, GANG LA MTHONG BA MTHA' STE NGES BYED YIN PA'O ZHES PAS RJES SU 'GRO BA DANG LDOG PA GNYIS PO 'DIR DPE'I SGRAS BRJOD PAR 'DOD DE, RJES SU 'GRO BA DANG LDOG PA GNYIS LAS BSGRUB BYA 'GRUB PA'I PHYIR RO ZHES PA'I THA TSIG GO, ,DE LAS KYANG RNAM PAR LDAN PA LAS BSAL TE 'ONGS PA THA DAD PA MA YIN NO ZHES PA DGONGS PA'O, ,BSAL TE 'ONGS PAS ZHES PA NI, GZHAN GYI PHYOGS BKAG PAS RANG GI PHYOGS 'JOG PAR BYED PA NI BSAL TE 'ONGS PA'O, ,BSAL BA NI ZHES PA LA SOGS PAS DA' SBYOR BA STON TO, ,DE LA ZHES PA LA SOGS PAS DPE GNYIS LAS BSGRUB BYA 'GRUB PA'I PHYIR GTAN TSIGS MED PAR THAL BAR 'GYUR BA BRJOD PAR BYA'O ZHES RTOGS PAR BYED CING RNAM PA GZHAN SEL BAR BYED DO, ,RNAM PA GZHAN NI MED PA SNGON MA CAN RNAMS KYI THA DAD PA MTHONG BAR YANG 'GYUR BA STE GANG MED PA SNGON MA CAN DE THA DAD PA DMIGS SO ZHES PA'O, ,YANG NA DE RNAMS KHO NA'I RJES SU 'GRO BA MA MTHONG BA LAS BZLOG PA SGRUB PA STE, GANG MED PA SNGON MA CAN DE'I RJES SU 'GRO BA MTHONG BA MA YIN TE, DE'I PHYIR DE LAS BZLOG PA THA DAD PAR THAL BAR 'GYUR RO ZHES PA'O, ,GNYIS KA LTAR NA YANG MI @159A *, ,'THAD DE, RE ZHIG MED PA SNGON MA CAN GYI THA DAD PA 'GA' ZHIG RNAMS DMIGS PA NI MA YIN TE, DE RNAMS MED PA'I PHYIR RO, ,MED BA SNGA MA CAN GYI THA DAD PA RNAMS LA RJES SU 'GRO BA MTHONG BA MA YIN NO ZHES MED PA SNGON MA CAN NYID KHAS LEN PA NA, RJES SU 'GRO BA LAS BZLOG BAS THA DAD PAR THAL BAR BYED PA RIGS PA YANG MA YIN NO, ,CI'I PHYIR ZHE NA SMRAS PA, MI 'DOD PAR THAL BAR 'GYUR BA'I PHYIR RO ZHES PA, GAL TE MA MTHONG BA LAS BZLOG PA SGRO 'DOGS PAR BYED NA, THA DAD PA YANG 'DI RNAMS LA MTHONG BA MA YIN NO ZHES PAS DE LAS BZLOG PA YANG 'THOB BO ZHES PA 'DI NI MI 'DOD BA'O, ,GAL TE DE LTAR THA DAD PAR THAL BAR 'GYUR BA DE MI RIGS NA, 'O NA RIGS BA DE CI LTAR ZHE NA GSUNGS PA, 'O NA CI ZHE NA ZHES PA LA SOGS PA STE, 'DIS RANG GI PHYOGS 'JOG PAR BYED DO, ,GANG GI PHYIR RJES SU 'GRO BA NI GCIG SNGON MA CAN NYID LA GYO MO LA SOGS PA LA MTHONG LA, 'DIS NI RJES SU 'GRO BA STON TO, ,DE MED PA LA YANG MA MTHONG STE, RGYU GCIG PA NYID MED PA LA YANG SNA TSOGS BA SNGA MA CAN RNAMS LA 'AM MED PA SNGA MA CAN RNAMS LA MA MTHONG NGO, ,'DIS KYANG LDOG PA'O, ,DE'I PHYIR GCIG SNGON MA CAN NYID DO ZHES PA NI GANG GI PHYIR DE LTAR RIGS GCIG RJES SU 'GRO BA NI GCIG SNGON MA CAN NYID KYIS KHYAB PA DE'I PHYIR, GSAL BA NI GCIG SNGON MA CAN NYID DO, ,DES KHAS MI LEN NA YANG ZHES PA KHYAB PAR BYED PA GCIG SNGON MA CAN DE KHAS LEN NA'O, ,RJES SU 'GRO BA MED PAR THAL BAR 'GYUR ZHES PA KHYAB PAR BYA BA RJES SU 'GRO BA MED PAR THAL BAR 'GYUR RO ZHES PA'I DON TE, KHYAB PAR BYED PA LDOG PA NI KHYAB PAR BYA BA LDOG PAR BYED DE, GZHAN DU NA DE DE'I KHYAB PAR BYED PA NYID DU MI 'GYUR RO, ,RJES SU 'GRO BA MED PAR THAL BA DE YANG MED DO ZHES THAL PAR 'GYUR BA BZLOG PAS RJES SU 'GRO BA DE NYID BSHAD PAR 'GYUR TE, RJES SU 'GRO BA'I PHYIR THA DAD PA RNAMS NI RGYU GCIG SNGON MA CAN RNAMS SO ZHES PA'O, ,DE'I PHYIR LDAN LAS THA DAD MIN, ,ZHES PA GANG GI PHYIR, 'DIR YANG RJES SU 'GRO BA DANG LDOG PA'I STOBS LAS THAL 'GYUR DU BSGRUBS NAS DE BZLOG PAS RJES SU 'GRO BA KHO NA BRJOD DE, 'DI LA KHYAD PAR CI ZHIG YOD, ,CES PA'O,, @159B SBYOR BA KHO NA THA DAD BA 'BA' ZHIG STE DON NI MA YIN NO, ,DE LTAR BSAL TE 'ONGS PA LA YANG THAL 'GYUR DANG BZLOG PAS PHYOGS KYI CHOS BRJOD PA'O ZHES PAS 'GAR YANG PHYOGS KYI CHOS MED PA'I GTAN TSIGS MA YIN NO, ,DE CI LTAR BSAL TE 'ONGS PA MA YIN ZHES TE, RNAM PAR LDAN PA LAS BSAL TE 'ONGS PA THA MI DAD PAR BRJOD PAS BSAL TE 'ONGS PA YANG PHYOGS CHOS NYID DO ZHES BSHAD CING, 'DI BSAL TE 'ONGS PAR SRID PA YANG MA YIN TE, BSAL TE 'ONGS PAS NI GTAN TSIGS MED PAR RTZOD LA, 'DIR NI MA YIN NO, ,LONGS SPYOD PA PO DANG LONGS SPYAD PAR BYA BA DAG NI YON TAN MED PA NYID DAM YON TAN NYID MA YIN ZHING, RDZAS MA YIN PA NYID DAM RDZAS NYID KYANG MA YIN NO, ,YON TAN DANG RDZAS RNAMS YOD PA NYID LA GTAN TSIGS BSHAD DE, GANG LAS DE MED PAR THAL BAS GTAN TSIGS MED PAR RTZOD PA LAS 'DI BSAL TE 'ONGS PAR 'GYUR BA'O, ,'DI GTAN TSIGS MA YIN PA YANG MA YIN TE, DES NA GTAN TSIGS PHYOGS CHOS KHO NA'O ZHES PA 'DI 'THAD PA MA YIN ZHE'O, ,'DI NI BSAL TE 'ONGS PA MA YIN NO, ,CI LTAR ZHEN GSUNGS PA, GANG GI PHYIR ZHES PA LA SOGS PA'O, ,BSAL TE 'ONGS PA'I PHYOGS KYI CHOS SO ZHES BSGRUBS ZIN TO, ,SBYOR BA 'DI NI GANG GI PHYIR PHYOGS CHOS MED NYID PHYIR BSAL TE 'ONGS PA LAS GZHAN NO, ,DE'I PHYIR 'DI BSAL TE 'ONGS PA MA YIN NO, ,'O NA 'DI CI YIN ZHE NA GSUNGS PA, SUN 'BYIN ZHES PA'O, ,CI'I PHYIR ZHE NA GSUNGS PA, RTAGS DANG DAM BCA' DAG GI ZHES PA STE, YANG CI LTAR 'DI SUN 'BYIN NO ZHES SHES PAR BYA ZHE NA GSUNGS PA, SKYON BRJOD PAS ZHES PA STE SKYON BSAL BAR BYED PAS ZHES PA'I DON TO, ,BRJOD PA'I SGRA 'DIR DNGOS PO SGRUB PA'O, ,SKYON BRJOD PA DE NI YANG SNGA MA KHAS BLANGS PA YOD NA 'GYUR RO ZHES PA 'DI BSHAD PA NI, SNGA MAR KHAS BLANGS PA YOD NA ZHES BA'O, ,'DI SKAD BSHAD PAR 'GYUR TE, SUN 'BYIN ZHES BYA BA NI GANG GI PHYOGS SNGA MA RGOL BAS KHAS BLANGS PA'I DON 'GA' ZHIG SUN 'BYIN PAR BYA BA STE, DE'I TSIG NI SUN 'BYIN NO, ,SNGA MAS KHAS BLANGS PA'I SKYON BSAL BAR BYED PA NI DE'I 'BRAS BU STE, DE'I PHYIR 'BRAS BU DES 'DI SUN @160A *, ,'BYIN NO ZHES NGES PAR BYA'O ZHES PA'O, ,GTAN TSIGS CI ZHIG GIS 'DI SUN 'BYIN YIN ZHEN GSUNGS PA, 'DIR NI ZHES PA LA SOGS PA'O, ,GTZO BO YOD PA NYID KYI GTAN TSIGS NI YON TAN RJES SU 'GRO BA STE, GTZO BO YOD DE, KHYAD PAR RNAMS LA RJES SU 'GRO BA MTHONG BA'I PHYIR ZHES PA'O, ,DE YANG GZHAN GYI NGOR MA GRUB STE, SANGS RGYAS PA LA SOGS BA RNAMS NI SNYING STOBS LA SOGS PA'I YON TAN RNAMS KYI RJES SU SONG BA NYID DU KHYAD PAR RNAMS YID CHES PA MA YIN NO, ,DE'I PHYIR DE RAB TU BSGRUB PA'I CHED DU GRANGS CAN PAS 'BRAS BU GCIG BA NYID GTAN TSIGS SU BSHAD DO, ,SGRA DANG REG PA DANG GZUGS DANG RO DANG DRI STE LNGA RNAMS NI BDE BA DANG SDUG BSNGAL BA DANG RMONGS PA STE GSUM PO RNAMS KYI BKOD PA'I KHYAD PAR RO, ,CI'I PHYIR ZHE NA, LNGA PO RNAMS KYI DANG LNGA PO RNAMS KYI 'BRAS BU GCIG PA NYID YOD PA'I PHYIR RO, ,SGRA DANG REG BYA DANG GZUGS DANG RO DANG DRI BDE BA RNAMS KYI 'BRAS BU NI RAB TU DANG BA DANG YANG BA NYID DANG RAB TU DAG PA DANG MNGON PAR CHAGS PA DANG MCHOG TU RANGS PA DANG DGA' BA RNAMS SO, ,SDUG BSNGAL RNAMS KYI NI MYA NGAN DANG GDUNG BA DANG ZUG GZER DANG RENGS PA DANG YID 'BYUNG BA DANG ZHE SDANG BA RNAMS SO, , RMONGS PA RNAMS KYI NI 'GEBS PA DANG 'BYIN PA DANG 'JIG PA DANG MI SDUG PA NYID DANG ZHUM PA NYID DANG LCI BA NYID RNAMS SO, ,DE RNAMS NI LNGA RNAMS DANG LNGA RNAMS KYI 'BRAS BU GCIG PAR 'GYUR BA MTHONG NAS SGRA DANG REG PA DANG GZUGS DANG RO DANG DRI LNGA PO RNAMS, BDE BA DANG SDUG BSNGAL DANG GTI MUG STE GSUM PO RNAMS KYI BKOD PA'I KHYAD PAR RO ZHES 'DZIN PAR BYED DO, ,DES NA KHAS BLANGS PA ZHES PA LA SOGS PA STE, GANG GI RAB TU DANG BA LA SOGS PA 'BRAS BU YIN PA DE NI BA LA SOGS PA'I RANG BZHIN YIN TE, BDE BA LA SOGS PA BZHIN YUL GYI DNGOS POR GNAS PA'I BA LANG LA SOGS PA'I YANG RAB TU DANG BA LA SOGS PA 'BRAS BU YIN NO ZHES PA 'BRAS BU'I GZUGS BRNYAN GYIS SGRUB PAR BYED PA 'DI KHAS BLANGS PAR 'GYUR RO, ,DE LTAR ZA BA PO LA'NG THAL PAR 'GYUR BA' PHYIR MA NGES PA STE, DE LTAR NI SKYES BU RANG BZHIN DANG BRAL BA YANG BSGOMS PA LAS DRANG SRONG @160B SER SKYA'I NI RAB TU DANG BA LA SOGS PAR 'GYUR LA, DE LAS GZHAN RNAMS KYI NI MYA NGAN LA SOGS PAR RO, ,DE'I PHYIR SKYES BU YANG BDE BA LA SOGS PA'I RANG BZHIN DU THAL BAR 'GYUR RO, ,KHAS MI LEN NA YANG ZHES PA LA SOGS PAS DE NYID MA NGES PA NYID DU GSAL BAR BYED CING MA NGES PA NYID DU BRJOD PA'I 'BRAS BU STON PAR BYED DO, ,'AM GYI SGRA NI GTAN TSIGS LA'O, ,'DI BSHAD PAR 'GYUR TE, GANG GI PHYIR RAB TU DANG BA LA SOGS PA'I 'BRAS BU CAN YIN YANG SKYES BU BDE BA LA SOGS PA'I RANG BZHIN DU KHAS MA BLANGS TE, DE'I PHYIR DE KHAS MI LEN NA LONGS SPYAD PAR BYA BA YANG YON TAN MA YIN PA STE, DE'I PHYIR RTZA BA'I GTAN TSIGS YON TAN RJES SU 'GRO BA NI MA GRUB PA NYID DO ZHES PA'O, ,DE LTAR 'GYUR MOD KYI, SKYES BU NI MTHONG BA NYID MED DE, DES NA CI'I PHYIR DE MTHONG BA LA RAB TU DANG BA LA SOGS PA'I 'BRAS BU SKYED PAR BYED CE NA, DE NI YOD PA MA YIN TE, LKOG TU GYUR PA'I YANG RJES SU DPAG PA'I DNGOS PO'I RAB TU DANG BA DANG MYA NGAN LA SOGS PA'I 'BRAS BU MTHONG BA'I PHYIR TE, DE LTAR NI GRANG BAS NYEN PA DU BA MTHONG BA LAS ME NGES PA NI DGA' BAR 'GYUR ZHING, STAG GI SGRA THOS PA LAS STAG THAG NYE BAR RJES SU DPAG PA LA YONGS SU GDUNG BAR RO, ,DE'I PHYIR SKYES BU RJES SU DPAG PA'I YANG RAB TU DANG BA LA SOGS PAR 'GYUR BA KHO NA STE, BDAG GIS SKYES BU NGES PAR BYA STE RING PO MI THOGS PAR THAR PA NYID THOB PAR 'GYUR RO ZHES SEMS PA'I 'O, ,CI STE RJES SU DPAG PA'I YUL DU YANG 'GYUR BA MA YIN NA NI, 'O NA DE YOD DO ZHES CI LTAR NGES BAR BYA, DE'I PHYIR BSTAN BCOS RTZOM PA DON MED PA NYID DU 'GYUR TE, BSTAN BCOS KYI 'BRAS BU NI SKYES BU THAR PA'I THABS SGRUB PA YIN PA NYID KYI PHYIR RO, ,'O NA YANG SKYES BU NYE BAR SEMS PA CAN GYI GZUGS BRNYAN BSGRUB PA'I YID KHO NA RAB TU DANG BA LA SOGS PA MNGON BAR GSAL BAR BYED PA MA YIN NAM, DE YANG GTZO BO CAN NYID KYI PHYIR YON TAN GSUM KHO NA'O ZHES PAS, CI'I PHYIR SKYES BU MA NGES PA YIN ZHE NA, 'DI NI GTAM STE, SKYES BU'I RANG GI NGO BO YONGS SU MA SHES NA SKYES BU NYE BA'I SEMS PA CAN GYI YID DO ZHES CI LAS NGES PA YIN, RGYA SKYEGS LA @161A *, ,SOGS PA 'GEGS PAR BYED PA NGES PAR MA BCAD NA NI, DES BKAB PA'I GZUGS KYI BYE BRAG SHEL LA SOGS PA LA, RGYA SKYEGS LA SOGS PAS BKAB PA'I GZUGS KYI BYE BRAG GO ZHES NGES PAR NUS PA MA YIN PAS SO, ,GAL TE YANG SKYES BU NYE BA NA YID NI SEMS PA CAN GYI GZUGS BRNYAN THOB PAR 'GYUR RO ZHE NA, RTAG TU 'GYUR TE SKYES BU RTAG PA NYID KYI PHYIR RO ZHES PA ZHAR LAS BYUNG BAS CHOG GO, ,RDZAS KYI YANG ZHES PA LA SOGS PA STE, 'DI NI DAM BCA'I SGO NAS SUN 'BYIN PA'O, ,RDZAS NYID DANG LDAN PA DE'I DNGOS POR KHAS LEN NA ZHES PA, RDZAS KYI DNGOS POR KHAS LEN NA'O, ,BYE BRAG PA RNAMS KYI DAM BCA' 'DI YIN TE, RDZAS NYID DANG LDAN PA NI RDZAS SU YOD DO ZHES PA'O, ,DE'I PHYIR SKYON 'DI BRJOD PAR BYA STE, YON TAN RNAMS KYANG RDZAS NYID DU THAL BAR 'GYUR RO ZHES PA STE, SBYOR BA LAS DMIGS BSAL TE, RDZAS KYI SBYOR BA KHO NA LAS RDZAS DMIGS KYIS BSAL BA'O ZHES PA'I DON TO, ,CI LTAR ZHE NA GSUNGS PA, 'PHROD PA 'DU BA GCIG NYID KYI PHYIR DANG ZHES PA'O, ,PE LU KA'I GAL TE YANG SPYI RNAMS RANG GI RTEN LAS 'PHROD PA 'DUS PA DE LTA NA YANG, 'PHROD 'DU BA GANG GI RDZAS NYID RDZAS LA 'JUG PA'I 'PHROD 'DU DE KHO NA YON TAN RNAMS LA YANG NGO ZHES PAS YON TAN RNAMS KYANG RDZAS SU 'GYUR BA 'THOB BO, ,'O NA PEE THAR RNAMS KYI YANG DAG PA LDAN PA BZHIN DU 'PHROD 'DU YANG 'PHROD 'DU CAN SO SO THAD DAD PA KHO NA MA YIN NAM, DES NA CI'I PHYIR THAL 'GYUR 'DIR 'GYUR ZHE NA, GSUNGS PA, YANG NA SPYI RNAMS THAMS CAD DU SONG BA'I PHYIR ZHES BA'O, ,RDZAS NYID DANG LDAN PA'I YANG ZHES PA LA SOGS PA STE, CI STE RDZAS NYID DANG LDAN PA YANG RDZAS SU MI 'DOD NA RDZAS NYID DANG LDAN PA YOD DO ZHES PA'I DAM BCA' SUN 'BYIN PAR 'GYUR RO, ,CI'I PHYIR ZHE NA GSUNGS PA, RDZAS NI RDZAS MA YIN PA NYID KYIS SEL BA'I PHYIR RO ZHES PA'O, ,MA NGES PA'I RTZOD PAR 'GYUR RO ZHES PA, RDZAS NYID DANG LDAN PA NYID KYI PHYIR RDZAS NYID DU SGRUB PAR BYED NA YON TAN RNAMS LA YANG GTAN TSIGS 'DI YOD PA'I PHYIR MA NGES PA'I RTZOD PAR 'GYUR RO, ,RDZAS NYID DANG LDAN PA GZHAN ZHES PA STE, MTHUN PHYOGS LA YOD CING MI MTHUN @161B PHYOGS LA 'JUG NA MA NGES PAR 'GYUR NA, 'DI LA MTHUN PHYOGS LA YOD PA MA YIN TE, RDZAS NYID DANG LDAN PA GZHAN MA MTHONG BA'I PHYIR RO, ,'GAL BA'I RTZOD PAR 'GYUR BA MA YIN PA CI'I PHYIR ZHE NA, DE LTAR SBYOR BA MED PA'I PHYIR RO, ,'DIR YANG RDZAS NI YOD PA MA YIN TE, YON TAN DANG RDZAS RNAMS KYI RDZAS DANG RDZAS MA YIN PA NYID DU THAL BAR 'GYUR BA'I PHYIR RO ZHES BRJOD PA YIN GYI, RDZAS NI MED DE YON TAN RNAMS KHO NA RDZAS NYID DU THAL BAR 'GYUR BA'I PHYIR RO ZHES NI MA YIN NO, ,MA NGES PAR RTZOD PA 'KHRUL PA MTHOD BA'I PHYIR DOGS SO, ,MTSAN NYID KYI GTAN TSIGS LA NI ZHES PA, DON GZHAN LAS LOG PA'I TSUL GYIS MTSON CHA GO BAR BYED CING RTOGS PAR BYED DO ZHES PAS MTSAN NYID KHO NA GTAN TSIGS SU 'DIR MNGON PAR DGONGS TE, SA'I SRA BA NYID BZHIN NO, ,RDZAS NYID DANG LDAN PAS KYANG RDZAS MTSON BAR BYA BA'O ZHES PAS 'DI MTSAN NYID KYI GTAN TSIGS SO, ,DE YANG RDZAS LAS GZHAN LA YANG 'JUG GO ZHES PA YON TAN RNAMS LA THAL BAR 'GYUR BA BRJOD ZIN TO, ,SHES PAR BYED PA'I GTAN TSIGS KYI NI MA YIN TE, MA NGES PA NYID KYI PHYIR RO, ,BSGRUB PAR BYA BA'I CHOS KYI SPYIS ZHES BA LA, BSGRUB BAR BYA BA YANG 'DI YIN LA CHOS KYANG NGO ZHES PA BSGRUB BYA'I CHOS SO DE KHO NA SPYI STE, DES MTHUN PA'I PHYOGS NI MTHUN PHYOGS SO, ,SAR 'GYUR BA NI YANG 'DIR SBYOR BA THA DAD PA'I PHYIR SA BH'A GA DANG, SA DZ'A TI BZHIN NO, ,SBYIR BRJOD PA'I PHYIR CI LTAR 'DI THOB CE NA GSUNGS PA, NYE BA'I PHYIR ZHES PA, GANG GIS NA MI RTAG PA NYID LA SOGS PA'I CHOS KYIS KHYAD PAR DU BYAS PAR CHOS CAN BSGRUB PAR BYA BA STE, DE SKABS SU BYAS PA NYID KYI PHYIR NYE BA'O, ,DE'I PHYIR DE KHO NA DANG MTHUN PA'I PHYOGS NI MTHUN PHYOGS TE GZHAN DANG NI MA YIN NO ZHES PA RIGS PA'O, ,'O NA 'DI PHYOGS NYID DU 'GYUR BA MA YIN TE, BSGRUB PAR BYA BA NYID DU MI 'DOD PA NYID KYI PHYIR RO ZHE NA GSUNGS PA, DON THAMS CAD PHYOGS ZHES PAR BYAS NAS ZHES PA, RANG GI YONGS SU BSHAD PA STON TO PHYOGS SU BYA'O, ,GSAL BAR BYA'O ZHES PAS DNGOS PO THAMS CAD PHYOGS ZHES BSHAD PAR BYA'O, ,'O NA KHYAD PAR NI RANG GI @162A *, ,RTEN LA NGES PA MA YIN NAM, DE CI LTAR GZHAN GYI CHOS GZHAN LA YIN ZHEN GSUNGS PA, SGRUB PAR BYED BA'I CHOS DE NI ZHES PA LA SOGS PA'O, ,SPYI GTAN TSIGS NYID DU NYE BAR BLANGS PA'I PHYIR TE, KHYAD PAR NI MA YIN NO, ,DES NA SKYON 'DI MED DO ZHES STON TO, ,DE LTA NA 'O NA ZHES JI LTAR SKRUB PAR BYED BA'I CHOS NI RJES SU DPAG PA LA SBYI'I NGO BOR BLANG BAR BYA BA DE LTAR BSGRUB PAR BYA BA'I CHOS KYANG STE, KHYAD PAR RJES SU DPAG PA MI RUNG BA'I PHYIR RO, ,DE'I PHYIR MI RTAG PA NYID GCIG YIN PA DE KHO NA GNYIS KA LA YANG 'JUG GO ZHES PAS MTHUN PHYOGS KYANG NI PHYOGS NYID 'GYUR, CI'I PHYIR THA SNYAD GZHAN GYI THA SNYAD DU BYED CE NA, 'DIR 'GYUR MOD CES PA LA SOGS BA'O, ,DE LTAR 'GYUR MOD MED PA LA BRJOD 'DOD PA MI RIGS SO ZHE NA, GSUNGS PA, THA DAD NI YOD DE ZHES SO, ,YANG CI LTAR THA DAD MED PA'I MI RTAG PA NYID KYI THA DAD PA MA YIN ZHE NA, BUM PA ZHES PA LA SOGS PA STE BUM PA LA SOGS PA LA MI RTAG PA NYID GRUB ZIN PA NYID KYI PHYIR, BSGRUB PAR BYA BA NYID MED LA, SGRA LA DE LTA MA YIN NO, ,DES NA 'DI KHO NA THA DAD DE, GANG GCIG LA BSGRUB BYA'I CHOS RTOGS ZIN CING GZHAN LA RTOGS MA ZIN PA'O ZHES PA'O, ,GANG DU DE RTOGS ZIN PA DE MTHUN PHYOGS SU BRJOD CING, GANG DU RTOGS MA ZIN PA DE PHYOGS ZHES PAR RO, ,GTAN TSIGS NI GNYIS KA LA GRUB PA KHO NA RJES SU DPOG PA LA NYE BAR SBYOR RO ZHES PAS DE LA RNAM PA 'DI LTA BU'I DBYE BA YOD PA MA YIN NO, ,DE'I PHYIR BRJOD BAR 'DOD PA MA YIN NO, ,DE'I PHYIR 'DIR THA DAD PA'ANG ZHES TE, JI SKAD BSHAD BA'O, ,YANG GI SGRA LAS THA MI DAD PA YANG STE RTAG PA RNAM PAR GCOD PA'I NGO BO'I MI RTAG PA NYID THA MI DAD PA NYID KYI PHYIR RO ZHES PA'I YI GE GTAN TSIGS KYI DON TO, ,GANG GI PHYIR DE LTAR THA DAD PA DANG THA MI DAD PA DAG STE, DE'I PHYIR MI 'DOD DO,, PHYOGS DANG MTHUN PHYOGS DAG GCIG NYID DU'O ZHES PA'I DON TO, ,'O NA MI MTHUN PA'I PHYOGS CI YIN ZHES PA THE TSOM CAN GYI DRI BA'O, ,THE TSOM GYI YANG DAG PA DON DU MA LA 'JUG PA NYID DE, DE YANG RANG NYID KYIS STON PA GSUNGS PA, YOD DO ZHES PA LA SOGS PA'O, ,GAL TE YANG SMAD PA LA @162B SOGS BA RNAMS LA YANG 'JUG MOD, DE LTA NA YANG GANG KHO NA 'DIR DON GSUM SRID PA DE KHO NA NYE BAR BKOD PA'O, ,DE LA ZHES PA LA SOGS BA'O, ,'DIR KHAS BLANG BAR BYA'O ZHES BRTAG BAR BYA'O, ,DANG GI SGRA NI BSDU BA'I DON TO, ,MA YIN PA'I YI GE NI RIM PA THA DAD PA STE, RNAM PAR GCOD PA'I SGRA'I DE MA THAG TU BLTA BAR BYA'O, ,DES NA DON 'DIR 'GYUR TE, RNAM PA GSUM PO DE RNAMS LA, DE LAS TE MTHUN PHYOGS LAS GZHAN DANG DE DANG 'GAL BA STE, RNAM BA GNYIS PA 'DI YANG MI MTHUN PHYOGS SU RE ZHIG KHAS BLANG BAR GYIS ZHES PA'O, ,RE ZHIG GI SGRAS DUS PHYIS MED PAR YANG MI MTHUN PHYOGS NYID DU KHAS LEN PA BSAL BAR BYED PA'O, ,DER 'GYUR MOD, DE LAS GZHAN PA LA DANG DE DANG 'GAL BA LA STE, RNAM PA GNYIS KA YANG 'DIR MI MTHUN PA'I PHYOGS YIN NA SKYON YIN NO, ,GAL TE DE LAS GZHAN PA MI MTHUN PA'I PHYOGS NYID DU KHAS LEN NA'ANG KHO BO LA GTAN TSIGS MED PA KHO NAR THAL BAR 'GYUR TE, DE LTAR NI GANG KHO NA BUM PA LA SOGS BA MTHUN PA'I PHYOGS YIN PA DE KHO NA MI RTAG PA NYID LAS CHOS GZHAN DANG LDAN PA'I PHYIR MTHUN PA'I PHYOGS LAS GZHAN NO ZHES PAS MI MTHUN PHYOGS YIN ZHING, DE LA YANG BYAS PA NYID LA SOGS PA 'JUG PA'I PHYIR MA NGES PA NYID DU 'GYUR RO, ,DE DANG 'GAL BA MI MTHUN PA'I PHYOGS NYID NA YANG, ME NI 'DIR DRO BA NYID DO ZHES PA, MI MTHUN PHYOGS RNAM PAR GCOD PAS GTAN TSIGS BSGRUB PAR BYA BA GO BAR BYED DO ZHES PAS 'GAL BA GRANG PA KHO NA LAS RNAM PAR BCAD PAR ME BSGRUB PAR BYA BA NA GO BAR BYED KYI, DRO BA YANG MA YIN GRANG BA YANG MA YIN PA LAS NI MA YIN TE, DE NI MI 'GAL BA NYID KYI PHYIR RO, ,DE LAS KYANG DRO BA'I REG PA RTOGS PAR 'GYUR BA MA YIN NO, ,DES NA CI LTAR 'DI DAG MI MTHUN PHYOGS SU KHAS LEN PAR BYED CE NA GSUNGS PA, GNYIS NI ZHES PA LA SOGS PA STE, NI'I SGRA NI GTAN TSIGS LA'O, ,GANG GI PHYIR GZHAN BA DANG 'GAL BA DAG MI MTHUN PHYOGS NYID YIN NA, RIM PA JI LTA BAR GTAN TSIGS MED PAR THAL 'GYUR BA DANG 'GAL BA LAS KYANG RNAM PAR GCOD PAR THAL BAR 'GYUR BA MA YIN NO, ,DE'I PHYIR 'DI @163A *, ,GNYIS KA DAG GI YANG MI MTHUN PHYOGS NYID DU KHAS BLANG BAR BYOS SHIG CES PA'I DON TO, ,GAL TE MTHUN PHYOGS LAS GZHAN GANG YIN PA DE MI MTHUN PHYOGS YIN NA ZHES PA LA SOGS PA STE, TSIG PHRAD NI RIM PA THA DAD PA STE, GAL TE MTHUN PHYOGS LA GZHAN GANG YIN PA DE MI MTHUN PHYOGS YIN NA KHYOD LA GTAN TSIGS MED PA 'THOB PA MA YIN PA KHO NA ZHES PA'I DON TO, ,'DI LTAR SEMS TE, CHOS GZHAN DANG LDAN PA LAS MTHUN PA'I PHYOGS RANG NYID KHO NA LAS GZHAN NYID DU RIGS PA NI MA YIN TE, DE LTAR NI BRAM ZE LAS GZHAN SHOG CIG CES BRJOD PA NI, BRAM ZE KHO NA SKYES BU NYID LA SOGS PA CHOS GZHAN DANG LDAN PA'I PHYIR BRAM ZE LAS GZHAN YIN NO ZHES 'JIG RTEN NA RTOGS PA MA YIN GYI, 'O NA CI ZHE NA BRJOD PAR 'DOD BA'I CHOS MI BRTEN BA RGYAL RIGS LA SOGS PA'O, ,DA'I PHYIR GTAN TSIGS MED PAR THAL BAR 'GYUR BA MA YIN NO, ,DE LTAR NI ZHES PA LA SOGS PAS NI GCIG MIN SGRUB PAR BYED PA NYID NI, GZHAN PA MI MTHUN PHYOGS NYID YIN PA LA GTAN TSIGS STON PAR BYED CING, DE MA THAG PA'I GTAN TSIGS MED PAR THAL BAR 'GYUR BA MED PA GZHUNG 'DZUGS PAR BYED DO, ,GANG MTHUN PA'I PHYOGS LA YOD DO ZHES PAS MTHUN PHYOGS KHO NA LA YOD CES NGES PAR BZUNG BA BLTA BAR BYA'O, ,DE MI RTAG PA NYID LA SOGS PA LAS GZHAN LA YANG ZHES PA STE, 'DIR SDUG BSNGAL LA SOGS PA LA ZHES PA 'DI NI RGYU MTSAN GYI BDUN PA'O, ,DE LA 'DI NI TSOGS PA'I DON TE, GANG GI PHYIR GANG MTHUN PHYOGS LO NAL YOD PA'I BYAS BA NYID LA SOGS PA'I PHYOGS CHOS NI GZHAN PA'I MTSAN NYID CAN GYI MI MTHUN PHYOGS LA MED CING, DE NI MI RTAG PA NYID KYI RGYU MTSAN DU 'GYUR BA 'BA' ZHIG TU MA ZAD KYI, 'ON KYANG MI RTAG PA NYID LAS GZHAN YANG GANG CHOS GZHAN SDUG BSNGAL BA NYID LA SOGS PA DE'I RGYU MTSAN YANG YIN PA DE'I PHYIR GTAN TSIGS MED PAR THAL BAR BZLOG GO, ,GAL TE YANG MTHUN PA'I PHYOGS DANG 'GAL BA DE MI MTHUN PHYOGS YIN PA DE LTA NA YANG SKYON MED DO ZHES PA LHAG MA'O, ,MTHUN PHYOGS DANG 'GAL BA KHO NA ZHES NGES PAR GZUNG BA 'DIR BLTA BAR BYA'O, ,GAL TE YANG ZHES PA @163B 'DIS 'DI SKAD STON TE, 'GAL BA KHO NA MI MTHUN PHYOGS NI MA YIN GYI, 'O NA CI ZHE NA GZHAN PA DANG MED PA DAG KYANG NGO, ,DES NA 'DI SKYON MED PA KHO NA'O, ,'GAL BA KHO NA MTHUN PHYOGS NYID DU KHAS BLANGS NAS NI BDAG GIS LAN BRJOD PAR BYA'O ZHES PA'O, ,CI'I PHYIR 'GAL BA KHO NA MI MTHUN PHYOGS NYID NA SKYON MED CE NA, DES NA ZHES PA LA SOGS PA STE, DES NA ZHES PA NI 'GAL BA KHO NA MI MTHUN PHYOGS NYID KYIS SO, ,GANG KHO NA LA STE MI MTHUN PHYOGS 'GAL BA'I BDAG NYID LA MED PA DE KHO NA RNAM PAR GCOD PA BSGRUB PAR BYA BA MA RTOGS PAR 'GYUR RO ZHES PA'I DON TO, ,'O NA GANG LA ZHES PA SPYI SGRA 'DI CI LAS KHYAD PAR 'DI 'THOB PA YIN ZHE NA, 'O NA MI MTHUN PHYOGS CI YIN ZHES PA 'DIR MI MTHUN PHYOGS KYI SKABS SU BYAS PA NYID KYI PHYIR RO, ,GZHAN RNAMS NI GANG ZHIG DE NYID LA MED PA ZHES KLOG PAR BYED DO, ,'DI LTAR BSHAD PAR BYA STE, GANG DE KHO NA LA STE, MTHUN PHYOGS DANG 'GAL BA'I MI MTHUN PHYOGS KHO NA LA MED PA'O, ,KHO NA'I YI GE NI MTHUN PHYOGS LA YOD PA NYID RNAM PAR MI GCOD PA'I DON CAN NO DES NI DE RNAM PAR GCOD PA STE, 'GAL BA RNAM PAR GCOD PA KHO NA BSGRUB PAR BYA BA LA RTOGS PAR BYED DO, ,GAL TE 'GAL BA KHO NA RNAM PAR GCOD PA BSGRUB PAR BYA BA LA RTOGS PAR BYED NA DE LAS CI LTAR MI 'DOD PA 'ONGS PA MA YIN ZHE NA, GSUNGS PA, DE LTAR YANG ZHES PA LA SOGS PA'O, ,'DI LTAR SEMS TE, MI MTHUN PHYOGS LAS LOG PA'I GTAN TSIGS NI MTHUN PHYOGS MED PAR BSGRUB BYA LA RTOGS PAR BYED CING DRO MIN GRANG MIN NI MA YIN NO, , MI MTHUN PHYOGS KYANG 'GAL BA GRANG BA KHO NA STE, DE LAS KYANG 'DI NA DRO BA NYID DE ME'I PHYIR RO ZHES PA 'DI LA, ME GRANG BA MED PA BSGRUB BYA LA GO BAR BYED KYI, DRO MIN GRANG MIN MED PA YANG MA YIN NO, ,'DI NI 'DOD PA YANG STE, GANG GI PHYIR DRO MIN GRANG MIN GYI REG PA NI GRANG BA DANG DRO BA DAG LAS GZHAN YOD PA MA YIN TE, 'JAM PA NYID DANG RTZUB PA NYID LA SOGS PA REG BYA'I BYE BRAG RNAMS LAS GZHAN DU'O, ,DE LTAR NI BSTAN BCOS SU REG BYA BCU GCIG BDAG NYID DU GSUNGS SHING, DE'I NANG DU YANG DRO MIN GRANG MIN GYI REG BYA BSHAD PA MED DO, ,DE'I PHYIR 'JAM BA NYID LA SOGS @164A *, ,PA RNAMS KHO NA DRO MIN GRANG MIN NO, ,DE RNAMS KYANG PHYOGS GANG NA DRO BA'I REG PA 'JUG PA'I PHYOGS DE NA YOD PA KHO NA'O, ,DE'I PHYIR GANG NA DRO BA'I REG PA YIN PA DE NI DRO MIN GRANG MIN GYI REG PA RNAM PAR GCOD PA MED PA KHO NA'O, ,DRO MIN GRANG MIN GYI REG PA 'JAM PA NYID LA SOGS PA LAS THA DAD PA YOD NA CHUG MOD, DE LTA NA YANG JI LTAR DRO BA'I REG PA GRANG BA'I REG PA DANG 'GAL BA DE LTAR DRO MIN GRANG MIN DANG YANG STE, LHAN CIG MI GNAS PA NYID KYI PHYIR RO, ,CI STE MI 'GAL BA DE LTA NA YANG LHAN CIG GNAS PA'I PHYIR, GANG NA DRO BA'I REG PA YOD PA DE NA DE RNAM PAR GCOD PA MED PA KHO NA'O, ,DE MED PAR GAL TE MES RTOGS PAR BYED PA MA YIN NA NI MA YIN DU CHUG KYANG YOD PA RTOGS PAR BYED PA MA YIN NA SKYON DU 'GYUR ZHING, MED PA NI RTOGS PAR MI BYED PAR YANG 'DOD PA KHO NA STE, MI 'DOD PA 'BAB PAR YANG THAL BAR 'GYUR RO ZHES PA'O, ,REG BYA LA RTOGS PAR 'GYUR RO ZHES PA 'DIR REG BYA'I SGRA NI DE DANG LDAN PA'I PHYOGS LA 'JUG GO ZHES PA'I YI GE NI GTAN TSIGS LA'O, ,GANG GI PHYIR ME NI GRANG BA NYID MED PA REG BYA LA GO BAR BYED KYI DRO MIN GRANG MIN MED PAR YANG MA YIN ZHING, DE 'DOD PA YANG YIN NO, ,DE'I PHYIR GANG SNGAR 'GAL BA KHO NA LAS RNAM PAR GCOD PAR THAL BAR 'GYUR BA MA YIN TE, DE NI MI 'DOD BA 'BYUNG BA'I MTSAN NYID CAN NYID KYI PHYIR RO, ,GAL TE 'O NA GANG NA ME YOD PA DE NA 'JAM PA NYID LA SOGS PA'I REG PA YANG YOD NA, CI'I PHYIR MES DRO BA'I RIG PA KHO NA RTOGS PAR BYED KYI GZHAN MA YIN ZHE NA, GANG ZHIG LA GANG GIS KHYAB BA DES DA RTOGS PAR BYED DE, GAL TE YANG DRO BA'I REG PAS SAM GZHAN GYIS KYANG ME LA KHYAB NA, DE YANG RTOGS PAR BYED PA KHO NA STE, GTAN TSIGS NI DON DU MA GRUB PAR BYED PA NYID MI 'GAL BA KHO NA'I PHYIR RO, ,CI STE MA GRUB NA DE LA 'KHRUL BA NYID KYI PHYIR GO BAR BYED PA MA YIN NO ZHES PAS RTZOD PA 'DI MED DO, ,GZHAN PA DANG 'GAL BA' LA MI MTHUN PHYOGS DAG 'GYUR DU CHUG MOD, MED PA NI CI LTAR YIN, MED PA MI MTHUN PHYOGS NYID YIN NA NI, GANG 'DI SKAD BRJOD PA, SO SOR MI MTHUN PHYOGS LA YANG, ,YOD MED RNAM PA GNYIS PHYIR RO, ,ZHES PA MI RIGS TE, DNGOS @164B BOR MA GYUR BA'I PHYOGS CHOS NI MED BA LA YOD PA NYID DU 'GYUR DU CHUG MOD, DNGOS POR GYUR BA NI CI LTAR ZHE NA, GSUNGS PA, DE PHYIR MTHUN PHYOGS MED KHO NA'O ZHES SO, ,KHO NA'I SGRA NI DE'I PHYIR GYI SGRA'I DE MA THAG PAR BLTA BAR BYA'O, ,DE'I PHYIR ZHES PA 'DIS KYANG DE MA THAG TU BSGRUB PA'I GZHAN PA DANG, 'GAL BA DAG MI MTHUN PHYOGS SU 'GYUR BA LA SNYEGS SO, ,GANG GI PHYIR GZHAN PA DANG 'GAL BA DAG MI MTHUN PHYOGS YIN PA DE KHO NA'I PHYIR MTHUN PHYOGS MED PA NI MI MTHUN PHYOGS SU 'DOD DO, ,DE LAS KYANG MED PA'I MTSAN NYID CAN GYI MI MTHUN PHYOGS LA LTOS PAS PHYOGS CHOS YOD DANG MED PHYIR RO ZHES PA 'DI MI RIGS SO ZHES PA 'DI DOGS BAR MI BYA'O, ,GANG GI PHYIR MED PA TZAM NI MI MTHUN PHYOGS MA YIN NO, ,'O NA CI ZHE NA, GZHAN PA DANG 'GAL BA DAG KYANG NGO, ,YANG CI LTAR GSUM PO RNAMS MI MTHUN PHYOGS NYID DU 'THOB CE NA, GANG GI PHYIR MTHUN PHYOGS MA YIN PA NI MI MTHUN PHYOGS SO ZHES MTHUN PHYOGS LDOG PA NI MI MTHUN PHYOGS KYI MTSAN NYID YIN ZHING, MA YIN PAR DGAG PA DE NI MI MTHUN PHYOGS DE DAG LA YANG MTSUNGS TE, LDOG BA RTOGS PA NI THAMS CAD LA MTSUNGS PA NYID KYI PHYIR TE, DNGOS DANG DON GYIS GO BAS KYANG NGO ZHES BA'O, ,DE LTAR GCIG KYANG ZHES PA LA SOGS PAS, ,MED PA MI MTHUN PHYOGS LA GTAN TSIGS DON DU MA SGRUB PAR BYED PA NYID DU STON CING MED PA MI MTHUN PHYOGS NYID DU BRTAN PAR BYED DO, ,MTSAN NYID LAS ZHES PA GTAN TSIGS KYI MTSAN NYID LAS ZHES PA'I DON TO, ,GZHAN PA DANG MED PA'I MI MTHUN PHYOGS DAG LA, DU MA SGRUB PAR BYED PA NYID DU BSTAN PA'I PHYIR 'GAL BA'I MI MTHUN PHYOGS LA YANG DE RTOGS PA'O ZHES PAS MA BSHAD DO, ,'O NA YANG 'DI ZHES PA LA SOGS PAS, GANG RNAMS BYAS PA NYID THUN MONG BA NI, DE LA THE TSOM GYI RGYU YIN TE BUM PA LA SOGS PA BZHIN, DE YANG NI MI RTAG PA DANG BDAG MED PA NYID LA SOGS PA RNAMS KYI THUN MONG BA YANG NGO ZHES PA RANG BZHIN GYI GZUGS BRNYAN SMRAS SO, ,SPYI ZHES BA LA SOGS PA PHYOGS KYI CHOS SO, ,BUM PA LA SOGS PA RNAMS LA ZHES PA NI DPE'O, ,THE TSOM NYID DU 'GYUR ZHES BYA BA NI TSAD MA'I 'BRAS BU'O, , @165A *, ,MIN ZHES PA LA SOGS PAS MA NGES PAR GSUNGS SO, ,RTOGS PAR BYAR MI NUS PA NYID KYI PHYIR THE TSOM GYI RGYU NI BLUN PO ZHES PAR GSUNGS SO, ,RJES SU 'GRO BA NI KHYAB BA'O, ,SPYI YIN NO ZHES PA KHO NAS THE TSOM GYI RGYU NI MA YIN TE, DE LTAR NI DU BA NI RDZAS NYID LA SOGS PA DON DU DANG LHAN CIG 'BYUNG BA THE TSOM GYI RGYU MA YIN NO, ,GAL TE RANG GI BSGRUB BAR BYA BA MED PAR DU MA LA 'JUG NA THE TSOM GYI RGYUR 'GYUR RO ZHES STON PA GSUNGS BA, BUM PA LA NI ZHES PA LA SOGS PA'O, ,BYAS PA NI BUM PA LA SOGS PA RNAMS LA PHAN TSUN MED PA LA'ANG MTHONG STE, DE'I PHYIR DE NI THE TSOM GYI RGYU NYID DU RIGS KYI, DE BDAG MED PA NYID LA SOGS PA RNAMS LA PHAN TSUN MED PA LA MTHONG BA NI MA YIN NO ZHES PAS NI, SPYI YIN PA'I PHYIR GO BAR BYED PA MA YIN TE, KHYAB PA YOD PA NA'O, ,RNAM PAR GCOD PA'I GTAN TSIGS SO ZHES PA NI NGES PAR BYED PA'I GTAN TSIGS SO ZHES PA'I DON TO, ,DANG GI SGRA PHYIS PA LAS ZHES PA, DANG GI DON RTOGS PA'I PHYIR RO ZHES PA'I DON TO, ,GANG DU GANG SBYAR BA MED KYANG DON RTOGS PA DER DE PHYIS PA'O ZHES BRJOD PAR BYA ZHING 'DIR YANG, YANG RNAM GSUM ZHES BRJOD BA LAS DANG, SNGAR YANG RNAM PA GSUM NYID DU BSGRUBS PA'I PHYIR DON RTOGS SO, ,GZHAN DU NA ZHES PA LA SOGS PA STE, GAL TE YANG JI SKAD BRJOD BA'I RNAM PAS DANG GI DON RTOGS PA MA YIN NA, DE LAS GNYIS PHO 'DI KHO NA'I LHUR LEN BA RTOGS PAR 'GYUR RO, ,DE LTA NA GANG GI TSE ZHES PA LA SOGS PAS, MTSAN NYID MA KHYAB BA NYID SMRAS SO, , DNGOS BO YOD NA DE LA MED DO ZHES SMRA BA NUS KYI GZHAN DU NA MA YIN NO, ,GANG GI PHYIR RTEN GYI BYE BRAG GI KHYAD PAR CAN DU 'DIR MED PA NYID BRJOD PA YIN NO, ,MTHUN PHYOGS MED PA YANG MI MTHUN PHYOGS SU BRJOD PA MA YIN NAM ZHE NA, DE NI CI LTAR MED DO ZHES BRJOD PAR BYA STE, DNGOS POR GYUR PA MED DO ZHES BSAM PA'O, ,DE'I TSE ZHES PA LA SOGS PA STE, 'DIR RTEN RNAM PAR BCAD PA'I DBANG NI MA YIN GYI, 'O NA CI ZHE NA BSGRUB PAR BYA BA MED PA LA MED PA BRJOD BAS, BSGRUB PAR BYA BA YOD PAR GYUR PA LA RTAGS YOD PAR BRJOD PA'O, ,GAL TE YANG DNGOS PO RTAG PA MED PA KHO NA YIN NA DE LA YOD @165B PAR CHES SHIN TU 'GRUB STE, DNGOS PO RTAG PA YOD NA BYAS BA NYID LA SOGS PA DNGOS PO'I CHOS NI DE LA YANG 'JUG PAR DOGS SHING, DE LAS KYANG DE YOD PAR BRJOD PA'I CHED DU 'BAD PA GNAS PAR BYA'O, ,GANG GI TSE DNGOS PO RTAG PA MED PA KHO NA'O ZHES KHAS LEN PA DE'I TSE, BSGRUB PAR BYA BA'I SGRUB PAR BYED PA YOD PA THE TSOM MED PA KHO NA'O, ,GTAN TSIGS KHO NA 'BA' ZHIG PA BRJOD PAR BYA STE, GANG GI DON DU DPE BRJOD PAR BYA BA'I DON DE GRUB ZIN BYAS NAS SO ZHES PA DGONGS PA'O, ,RGYU CI'I PHYIR DE LTAR PHYOGS CHOS RNAM PA DGUR PHYE ZHE NA, GANG LA DE'I BDAG NYID KYI MTSAN NYID CAN GYI 'BREL PA CAN DANG, GANG LA 'BRAS BU DANG RGYU'I DNGOS PO'I SGO CAN DE DAG KHO NA RANG GI KHYAB BYED BSGRUB PAR BYA BA LA GO BAR BYED PA NYID YIN ZHING, BZLOG PA NA YANG ZLOG PAR BYED PA'O ZHES BSTAN PA'I DON DU, SGRA MI RTAG STE BYAS BA NYID KYI PHYIR DANG, RTZOL MA THAG TU BYUNG BA NYID KYI PHYIR ZHES PA GTAN TSIGS GNYIS DAG NGES PAR BSTAN CING, SGRA RTAG STE BYAS PA NYID KYI PHYIR DANG RTZOL MA THAG TU BYUNG BA NYID KYI PHYIR RO ZHES PA 'GAL BA GNYIS DAG KYANG NGO, ,KA CIG KHYAD PAR DANG SPYI'I MA NGES PA DAG KYANG MTHA' GCIG PA CAN NYID DU SMRA'O, ,DE'I PHYIR LDOG BA CAN DANG RJES SU 'GRO BA CAN NI GO BYED KYI GTAN TSIGS MA YIN NO ZHES SGRUB PA'I CHED DU GZHAN GNYIS DAG STE, DPER NA SGRA RTAG STE MNYAN PAR BYA BA NYID KYI PHYIR DANG, GZHAL BYA NYID KYI PHYIR RO ZHES PA LTA BU'O, ,GTAN TSIGS KYI LDOG PA GTZO BOR BSHAD PA'I CHED DU GSUM STE, DE LTAR NI RJES SU 'GRO BA'I SGO NAS NI GTAN TSIGS GO BYED MA YIN TE, MI RTAG PA NYID KYI PHYIR RTZOL MA THAG TU BYUNG BA MA YIN PA'O ZHES PAS MA GO BA'I PHYIR RO, ,DE LAS MI 'GYUR TE LDOG PA MED PA NYID KYIS NA RJES SU 'GRO BA 'BA' ZHIG PA NYID KYI PHYIR RO ZHE NA, 'O NA REG BYA MA YIN PA'I PHYIR RTAG GO ZHES PA 'DI LA 'GYUR RO, ,'DI LA YANG RJES SU 'GRO BA GTZO BO MA YIN PA NYID KYI PHYIR MA YIN NO ZHE NA, 'DI LA RJES SU 'GRO BA STOBS DANG LDAN ZHING LDOG PA STOBS CHUNG BA STE, GTAN TSIGS MTHUN PHYOGS LA KHYAB PA'I PHYIR DANG MI MTHUN PHYOGS 'GA' ZHIG LA MED PA'I PHYIR TE, DPER NA RTZOL MA THAG TU BYUNG BA STE, MI RTAG PA NYID KYI PHYIR RO ZHES PA GO BYED DU @166A *, ,'GYUR NA 'GYUR BA YANG MA YIN NO, ,DE'I PHYIR RJES SU 'GRO BA YOD PA TZAM GYIS MA YIN ZHING LDOG PA DANG BCAS PA NYID KYIS MA YIN LA GTZO CHE BAS KYANG GTAN TSIGS GO BAR BYED PA MA YIN GYI 'ON KYANG THAMS CAD LAS LDOG PA NGES PAS YIN NO, ,DE LAS KYANG GANG BYAS PA DE MI RTAG PA KHO NA'O ZHES RTAG PA RNAM PAR GCOD PAS GO BAR BYED DO, ,'O NA SGRA MI RTAG STE RTZOL MA THAG BYUNG BA NYID KYI PHYIR ZHES PA'I DPER BRJOD 'DI KHO NA BSTAN PAS GTAN TSIGS KYI MTSAN NYID KYI YUL BSTAN BA KHO NA STE, RTZOL MA THAG PA'I BSAL BA 'BYUNG BA DANG SKYE BA DAG LA RTZOL MA THAG TU 'BYUNG BA'I SGRAS BRJOD PA'I PHYIR RO, ,DE LA GANG GI TSE BSAL BA SHES PA'I MTSAN NYID DU BRJOD PAR BYA BA DE'I TSE RTZOL MA THAG TU BYUNG BA NYID NI 'BRAS BUR 'GYUR ZHING, GANG GI PHYIR SKYE BA YIN PA DE'I TSE NI RANG BZHIN NO, ,DES NA CI'I DON DU RANG BZHIN BYAS PA NYID THA DAD DU DPER BRJOD CE NA, RANG BZHIN THAMS CAD RNAM PA 'DI LTA BUR MTHUN PHYOGS KYI PHYOGS GCIG LA YOD PA KHO NA'O ZHES KHA CIG DOGS PAR 'GYUR TE, DE'I PHYIR DE BSAL BA'I CHED DU THA DAD PAR DPER BRJOD DO, ,GTAN TSIGS KYI TSIG BYE BRAG TU RTOGS PAR BYA BA'I CHED DU RANG DON RJES SU DPAG PAR BSHAD ZIN PA'I DON CAN YIN YANG SLAR YANG 'DIR SKABS SU BYA STE, DES NA RAB TU DBYE BTZAM BSHAD DE, MTSAN NYID NI DE KHO NA'O, ,GZHAN YANG ZHES PA LA SOGS PAS NGES PAR GZUNG BA NGAS NYE BAR THOB PAR BYED DE, 'DI YANG CI ZHIG YIN ZHE NA GSUNGS PA, BSGRUB BYA LA GNOD PAR BYED PA'I SGRUB BYED CES PA'I 'CHAD PAR 'GYUR BA'I 'DUS PA NYID LA LTOS PAS NA MA NING GIS BSTAN TO, ,'GAL BA THAMS CAD KYANG BSGRUB BYA LA GNOD PAR BYED PA'I SGRUB BYED YIN TE, DE'I PHYIR BSGRUB BYA LA GNOD PA'I SGRUB BYED CES PA'I TSIG GI SHUGS LAS KHYAD PAR RTOGS PAR BYA ZHING, DE YANG GANG NGAG TU MA BRJOD KYANG 'DOD PAS KHYAB PA LA GNOD PA SGRUB PAR BYED PA DE YIN PAR RIG PAR BYA'O, ,DE NYID KYI PHYIR 'DI NI GNOD PA LA GNOD PAR BYED PA'O ZHES BRJOD PAR BYA'O, ,DE DPER BRJOD KYIS STON TE, DPER NA ZHES PA LA SOGS PAS SO, ,THA DAD PA RNAMS KYI ZHES PA MIG LA SOGS PA RNAMS @166B KYI'O, ,DE NI ZHES PA LA SOGS PA STE, 'DUS PA NYID NI GZHAN GYI DON YANG SGRUB PAR BYED DO, ,'DUS PA NYID KYANG CHOS SAM CHOS CAN GYI KHYAD PAR LA GNOD PAR BYED DO, ,GANG KHO NA 'DIS BSGRUB PAR 'DOD PA DE KHO NA LA LTOS NAS CHOS DANG CHOS CAN GYI KHYAD PAR DU BSHAD DE, G-YON CAN GYI THA SNYAD LA KHYAD PAR JI LTA BA BZHIN SKYON BSTAN PA'I DON DU'O, ,'DI RNAMS NI 'DUS PA MA YIN PA'I YUL CAN GZHAN GYI DON YIN TE ZHES BRJOD PA NA CHOS KYI KHYAD PAR NYID DU NYE BAR BLANGS PA'I PHYIR DE'I KHYAD PAR YIN ZHING, MIG LA SOGS PA 'DUS PA MA YIN PA'I DON RNAMS GZHAN GYI DON YIN NO ZHES PA CHOS CAN GYI KHYAD PAR RO, ,GTAN TSIGS KHO NA'I NANG DU 'DUS, ,ZHES PA, JI LTAR GNAS PA'I DNGOS PO'I RANG GI NGO BO 'DOD PA'AM MI 'DOD PA SGRUB PAR BYED PA GANG YIN PA DE GTAN TSIGS TE, 'DIR NI 'GAL BA GZHAN YANG YOD DO ZHES PA'I TSIG LAS, SBYOR BA PO'I 'DOD PA LAS BZLOG BSGRUB PAR BYED PA GANG YIN PA DON GCIG MIN SGRUB PAR BYED PA DE'I NANG DU 'DU BAR RIG PAR BYA'O, ,JI LTAR SGRA RTAG STE BYAS PA NYID KYI PHYIR RO ZHES PA DON GCIG MIN SGRUB PAR BYED PA 'GAL PA'I GTAN TSIGS KHO NA YIN PA DE LTAR 'DI YANG NGO ZHES PA'O ZHES PA'I YI GE NI GTAN TSIGS LA STE, GANG GI PHYIR DON GCIG MIN SGRUB PAR BYED PA'I 'GAL PA'I GTAN TSIGS KYI NANG DU 'DUS PA DE'I PHYIR DGU PO RNAMS LAS PHYI ROL DU RNAM PAR GZHAG PA MA YIN NO, ,DE'I PHYIR NGES PAR GZUNG BA 'GAL BA MED DO ZHES PA DGONGS PA'O, ,'O NA 'DUS PA RNAMS GZHAN LA PHAN 'DOGS PAR BYED PA NGES PA MED PA'I PHYIR 'DI 'GAL BA MA YIN PA KHO NA STE, GANG 'DUS PA RNAMS GZHAN LA PHAN PA BYED PA'O ZHES PA'I NGES PA 'DI CI YOD DE, 'DI YANG RGYU RNAMS NI GDON MI ZA BAR 'BRAS BU DANG LDAN PA MA YIN PAS SHE NA, SKYON 'DI MED DE, 'DIR PHAN 'DOGS PA'I BYA BA LA THOGS PA MED PA'I NUS PA CAN GYI MIG LA SOGS PA RNAMS PHYOGS SU BYAS BA NYID KYI PHYIR RO, ,DE LTAR NA YANG 'DUS PA LA PHAN 'DOGS PA ZHES PA'I 'BREL PA CI ZHE NA, 'DI YANG SKYON MA YIN PA KHO NA STE, GANG GI PHYIR RNAM PA 'DI LTA BU'I MIG LA SOGS PA RNAMS KYI RANG BZHIN DU GYUR PA KHO NA'I PHAN PA RNAMS GZHAN LA BYED DE, DE LTAR GYUR BA'I PHAN PA @167A *, ,BYED PA DE RNAMS KHO NA 'DUS PA'I SGRAS BRJOD DE, DU MA'I BDAG NYID CAN NYID CHOS MTHUN PA NYID KYI PHYIR RO, ,DE GRUB NA YANG SKYES BU'I 'DOD PAS GZHAG PA'I GCIG GI RANG BZHIN NYID NYAMS PAR BYED DO ZHES PAS 'GAL BAR 'GYUR RO, ,'DIR GCIG GI TSIG GI MTHA' CAN GYI RIGS KYI SGRA RNAMS LA KHA CIG TU RIGS TZAM BRJOD PAR 'DOD KYI GRANGS MA YIN TE, DPER NA BRAM ZE GZHOM BYA MA YIN ZHES PA LTA BU'O, ,KHA CIG TU GCIG NYID KYI GRANGS TE DPER NA 'DIR BA LANG 'GA' ZHIG MTHONG NGO ZHES PA LTA BU'O, ,BA LANG GI SGRA NI GSAL BA'I KHYAD PAR NYE BAR MTSON PA'I DON DU'O, ,KHA CIG TU GNYIS KA STE, DPER NA PHYUGS KYIS MCHOD SBYIN BYED DO ZHES PA 'DI LTA BUR RO, ,'DIR GTAN TSIGS LA SOGS PA'I MTSAN NYID LA RTOGS PA CI YIN ZHE NA GSUNGS PA, 'DIR YANG ZHES PA BRJOD MA THAG PA'I TSIGS SU BCAD PAR RO, , GTAN TSIGS LA SOGS PA'I MTSAN NYID RNAMS LA ZHES PA, SOGS PA'I SGRAS 'GAL BA DANG MA NGES PAR GZUNG NGO, ,'DI LA GRANGS GCIG YIN PA ZHES PA NI GRANGS GCIG CAN TE DE'I DNGOS PO NI GRANGS GCIG CAN NYID DO, ,BRJOD PAR 'DOD PA YANG DE YIN LA GRANGS GCIG PA CAN YANG NGO ZHES TSIG RNAM PAR SBYAR RO, ,DE YANG CI ZHIG LA ZHE NA GSUNGS PA, RIGS KYI TSIG GI DON LA ZHES PA STE, 'DIR KHA CIG RIGS TSIG GI DON DU 'DOD CING, GZHAN RNAMS NI RDZAS TE, DE'I PHYIR KHYAD PAR GYI DON DU DE SKAD BRJOD DO, ,'DI SKAD BRJOD PAR 'GYUR TE, RTEN GYI GRANGS KYIS 'DIR RIGS NGES PAR BSTAN PA'O, ,DE'I PHYIR GTAN TSIGS GCIG LA SOGS PA'I GZHI KHO NA 'DIR GTAN TSIGS LA SOGS PA'I RIGS SU RIG PAR BYA'O ZHES PA'O, ,CI'I PHYIR ZHE NA ZHES PA, RE ZHIG RIGS BRJOD PAR 'DOD PA NI RIGS PA YIN NA, DPER BRJOD MTSAN NYID GCIG SBYAR BAR NI 'OS PA MA YIN TE, DE NYID RANG GI NGO BOS RJOD PAR THAL BA'I PHYIR TE, 'DZIN TO ZHES PA LA SOGS PA'I SGRA BZHIN NO, ,CI STE GCIG NYID KYI GRANGS BRJOD PAR 'DOD PA'I DGOS PA CI YIN ZHES MI SHES PA 'DRI BAR BYED PA'O, ,'GAL BA DAG LAS ZHES PA LA SOGS PA LA PHAN TSUN @167B 'GAL BA'I DON SGRUB PAR BYED PA NYID KYI PHYIR 'GAL BA DAG STE, SGRA MI RTAG STE BYAS PA NYID KYI PHYIR BUM PA BZHIN, SGRA RTAG STE MNYAN PAR BYA BA NYID KYI PHYIR SGRA NYID BZHIN ZHES PA 'DI DAG GNYI GA YANG RANG GI YUL LA NGES PAR BYED PA'I GTAN TSIGS DAG YIN ZHING, TSOGS PA DAG NI THE TSOM GYI RGYU NYID DU MTHONG NGO, ,DE BZHIN DU SGRA RTAG STE BYAS PA'I PHYIR, MI RTAG STE MNYAN BYA NYID KYI PHYIR ZHES BA SNOL BA DAG LA NI 'GAL BA DAG KYANG MNYAM PA DAG LA THE TSOM GYI RGYU NYID DO, ,'DI NI SNGA MA KHO NAS RTOGS PA NYID KYI PHYIR DPER MA BRJOD DO, ,DE BZHIN THE TSOM RTAGS DAG LAS, ,ZHES PA GANG GI TSE SGRA NI RDZAS MA YIN ZHING, LAS MA YIN TE MIG GIS GZUNG BYA MA YIN PA NYID KYI PHYIR NA RO BZHIN NO ZHES BYA BA DE'I TSE YID KYIS DANG DE RTOGS PA'I LAS KYIS KYANG MA NGES PA'I PHYIR THE TSOM MO, ,GANG GI TSE YANG MNGON SUM YIN PA NYID KYI PHYIR ZHES BYAS PA DE'I TSE YANG BUM PA LA SOGS PAS DANG DES RTOGS PA'I LAS KYIS SO, ,GANG GI TSE SGRA NI RDZAS MA YIN ZHING LAS MA YIN TE, MIG GIS GZUNG BYA MA YIN ZHING MNGON SUM PA NYID KYI PHYIR RO BZHIN ZHES LHAN CIG PA DAG SBYOR BA DE'I TSE NGES PA MTHONG NGO, ,'O NA MED NA MI 'BYUNG BA NI GTAN TSIGS KYI MTSAN NYID DE, DE YANG 'BRAS BU DANG RANG BZHIN DAG KHO NA LA YIN NO, ,'BRAS BU DANG RANG BZHIN NYID KYANG DNGOS PO RNAMS LA GNAS PA KHO NA STE, DE DON GZHAN LA NYE BAR GNAS PAS NYAMS PA'AM SKYE BA NI MA YIN NO, ,DE'I PHYIR GANG ZHIG GANG GI GTAN TSIGS YIN PA NI DON GZHAN DANG LHAN CIG PA YANG DE DE'I GTAN TSIGS KHO NA STE, GANG YANG GANG LA THE TSOM GYI RGYU YIN PA NI LHAN CIG PA YIN YANG DE DE LA THE TSOM GYI RGYU KHO NA'O, ,DE'I PHYIR ZHE NA GCIG NYID KYI GRANGS BRJOD PAR 'DOD CE NA 'DI NI SKYON MA YIN TE, DNGOS PO'I STOBS KYIS ZHUGS PA'I RTAGS KHO NA LA 'DI DE LTAR YIN ZHING DE'I DBANG DU BYAS NAS BRJOD PAR 'DOD PA'I GRANGS GCIG PA NYID BSHAD PA YANG MA YIN NO, ,'O NA CI ZHE NA, DNGOS PO'I STOBS KYIS MA ZHUGS PA LUNG LA BRTEN PA'I STE, DE LA YANG JI SKAD BSHAD PA'I RNAM PA SRID DE, BSTAN BCOS BYED PA RNAMS DON RNAMS LA 'KHRUL PAS PHYIN CI LOG GI RANG BZHIN NYE BAR SDUD PA'I PHYIR RO, ,GAL TE DE @168A *, ,LTA NA 'DIR BYAS PA NYID DE MNYAN BYA DAG LAS SGRA LA RTAG PA NYID DANG MI RTAG PAR THE TSOM MTHONG NGO ZHES BSHAD BA DE CI LTAR YIN, JI TZAM DU BYAS PA NYID NI DNGOS PO'I STOBS KYIS ZHUGS PA YIN TE, DE'I PHYIR DE 'DIR NYE BAR DGOD PAR MI RIGS SO ZHE NA, SKYON 'DI MED DE, PHYOGS TZAM BSTAN PA'I CHED DU DPER BRJOD PA 'DI SLOB DPON GYIS GSUNGS SO, ,'DI NI 'DIR DPE BRJOD DU RIGS TE, GANG YUL THAMS CAD NA GNAS PA'I RANG DANG 'BREL PA CAN RNAMS DANG CIG CAD 'BREL PA DE NI THAMS CAD DU SONG BA YIN TE DPER NA NAM MKHA' BZHIN, SPYI YANG YUL THAMS CAD NA GNAS PA'I RANG DANG 'BREL PA CAN RNAMS DANG CIG CAR 'BREL PA'O ZHES PA STE, DE DANG 'BREL BA CAN GYI RANG BZHIN TZAM DANG RJES SU 'BREL PA NI DE'I YUL NA 'DUG PA'I RANG BZHIN NYID DO, ,'DI'I GANG ZHIG GANG NA MED PA DE NI DE'I YUL LA BDAG NYID KYIS KHYAB PA MA YIN NO ZHES PAS NI 'DI NI RANG BZHIN GYI GTAN TSIGS KYI SBYOR BA'O, ,SBYOR BA GNYIS PA YANG, GANG DMIGS PA'I MTSAN NYID KYIR GYUR PA NI MA DMIGS PA DE NI DE NA YOD PA MA YIN TE, DPER NA 'GA' ZHIG NA BUM PA MED PA BZHIN, SPYI YANG BSAL PA'I BAR RNAMS SU DMIGS PA'I MTSAN NYID KYIR GYUR PA MA DMIGS SO ZHES PA'O, ,MI DMIGS PA 'DI DANG RANG BZHIN NI PHAN TSUN 'GAL BA'I DON SGRUB PAR BYED PA'I PHYIR GCIG LA THE TSOM SKYED PAR BYED DO ZHES PA'O, ,DE'I PHYIR BRJOD PAR 'DOD PA ZHES PA, GRANGS KYANG MTSAN NYID DU KHAS LEN PA'I PHYIR RO, ,'O NA TSUL GSUM RTAGS LAS DON MTHONG BA'O ZHES BRJOD PAR BYA BA MA YIN GYI, TSUL BZHIN ZHES BYA BAR BRJOD PAR BYA STE, GCIG NYID NI TSUL GZHAN NYID YIN PA'I PHYIR ZHE NA, DNGOS PO'I STOBS ZHUGS KYI RTAGS KYI DBANG DU BYAS NAS DE SKAD BSHAD CING GRANGS GCIG BRJOD PAR 'DOD PA CAN NYID NI LUNG GI STOBS KYIS ZHUGS PA'I DBANG DU BYAS NAS SO ZHES PA 'DI BRJOD ZIN TO, ,DES NA 'DI MI 'GAL LO, ,CI LTAR DA NI LUNG LA BRTEN PA'I RTAGS LAS SKYES PA DE RJES SU DPAG PA NYID DU RTOGS PAR BYA, JI SKAD BSHAD PA'I MTSAN NYID JI TZAM PAS DE MTSON PAR BYAS PA MA YIN PAS SO ZHE NA, GAL TE @168B YANG MTSON PAR BYAS PA MA YIN MOD, DE LTA NA YANG 'DIR YANG GTAN TSIGS LA SOGS PA'I MTSAN NYID THAMS CAD LA GRANGS GCIG BRJOD PAR 'DOD PA NYID CES PA LA SOGS PA'I GZHUNG GIS GSAL BAR BYAS SO ZHES SKYON MED DO, ,YANG CI'I DON DU DE'I MTSAN NYID KYI MDO BYAS SHE NA, GTZO BO MA YIN PA NYID DU SHES PA'I DON DU'O, ,GTZO BO MA YIN PA NI, DNGOS POR NA DE TSAD MA NYID MA YIN PA'I PHYIR TE, LUNG YANG RE ZHIG DNGOS PO'I DBANG LAS TSAD MA NYID MA YIN NA, DE'I GRUB PA'I RTAGS LAS SKYES PA'I SHES PA LTA CI SMOS, KHAS BLANGS PA'I DBANG LAS NI DE TSAD MA NYID DU RNAM PAR GZHAG GO ZHES PA ZHAR LA BYUNG BAS CHOG GO, ,GNYIS DAG LAS THE TSOM DANG NGES PA YANG 'THOB PA MA YIN NO ZHES KHAS BLANGS NYAMS PA SMRAS SO, ,BYAS PA NYID DANG MNYAN PAR BYA BA NYID DAG LAS YANG DAG PA'I SHES PA DANG BZLOG PA BZHIN DU THE TSOM MED PA NYID THOB PAR 'GYUR ZHING, MIG GIS GZUNG BYA MA YIN PA NYID DANG MNGON SUM DAG LAS KYANG THE TSOM BZHIN DU NGES PA MED PA'O, ,GNYIS DAG GIS TE, THE TSOM DANG GTAN LA PHEBS PA DAG GI MTSAN NYID KYIS ZHES PA RGYU LA 'BRAS BU NYE BAR BTAGS PA LAS, THE TSOM DANG GTAN LA PHEBS PA'I RGYU DAG THE TSOM DANG GTAN LA PHEBS PA'I SGRAS BRJOD DO, ,GTAN TSIGS LA SOGS PA'I MTSAN NYID DANG LDAN PA LA GRANGS GCIG BRJOD PAR 'DOD PA YIN GYI, BYAS PA NYID DANG MNYAN PAR BYA BA NYID 'BA' ZHIG PA DAG LA, THE TSOM GYI RGYU'I MTSAN NYID YONG BA MA YIN ZHING, MIG GIS GZUNG BYA MA YIN PA NYID DANG MNGON SUM PA NYID DAG LA GTAN LA PHEBS PA'I RGYU'I MTSAN NYID KYANG MA YIN GYI, 'O NA CI ZHE NA, LHAN CIG PA DAG LA'O, ,'DIR CI ZHES PA THUN MONG BA DANG THUN MONG MA YIN PA NYID SRID PA'I PHYIR DRI BA'O, ,'GAL BA MI 'KHRUL PA NI RE ZHIG CES PA LA, RE ZHIG GI SGRAS THUN MONG BA DANG THUN MONG MA YIN PA DAG KHO NA GDON MI ZA BAR THE TSOM GYI RGYU MA YIN ZHES STON TO, ,'GAL BA'I DON SGRUB PAR BYED PA'I PHYIR 'GAL BA YANG DE DAG YIN LA, MI 'KHRUL BA CAN DAG KYANG NGO ZHES PA 'GAL BA MI 'KHRUL BA DAG GO, ,YAN LAG GI CHOS KYIS TSOGS PA LA BSTAN @169A *, ,PA'I PHYIR, 'GAL PA MI 'KHRUL BA CAN ZHES BRJOD PAR BYA'O, ,YANG NA 'GAL BDAG GI MI 'KHRUL BA STE, DE 'DI LA YOD DO ZHES PAS 'GAL BA MI 'KHRUL BA CAN TE, DE NI 'GAL BA DON GCIG PA MI SRID PA'I PHYIR THE TSOM GYI RGYU'O, ,DE GCIG LA MED CES PA LA SOGS PAS KHAS BLANGS PA NYAMS PA YONGS SU SPONG STE, GCIG KHO NA LA ZHES PA, THE TSOM GYI RGYU NYID LA BYAS PA NYID DANG MNYAN BYA NYID DAG GIS THA MI DAD PA GSUNGS SO, ,DE BZHIN DU MIG GIS GZUNG BA MA YIN PA NYID DANG MNGON SUM NYID DAG NGES PA'I RGYU NYID LA'O, ,DE LA DU MA LAS CI LTAR NGES PAR 'GYUR TE, NGES PAR 'GYUR BA MA YIN PA KHO NA ZHE NA, GCIG NYID DU BRJOD PAR 'DOD PA NYID KYI PHYIR TE, DE YANG YOD DO, ,DE'I PHYIR BRJOD PAR 'DOD PA'I GRANGS GCIG NYID RIGS PA MA YIN NO ZHES PA'O, ,'O NA LUD NA GRUB BA DAG GI GCIG NYID BRJOD PAR 'DOD PA MA YIN NAM 'DI DAG NI DNGOS PO'I STOBS GYIS ZHUGS PA'I TSAD MA KHO NAS GRUB PA DAG STE, DES NA CI'I PHYIR 'DI'I SKABS YIN ZHE NA, SKYON 'DI MED DE, PHA ROL POS NI SLOB DPON GYI DGONGS PA GCIG NYID DU BRJOD PAR 'DOD PA'I YUL MI SHES PAS, YUL THAMS CAD LA GCIG NYID DU BRJOD PAR 'DOD PA'O ZHES BSAMS NAS RTZOD CING, SLOB DPON GYIS NI RE ZHIG 'DI LTAR 'GYUR DU CHUG MOD, PHYIS RANG GI DGONGS PA GSAL PAR BYA'O ZHES DGONGS PAS KHAS BLANGS NAS LA NA GSUNGS PA'O, ,MI 'GAL BA NI ZHES PA LA SOGS PA STE, MI 'GAL BA'I DON SGRUB PAR BYED PA'I PHYIR MI 'GAL BA STE, DE'I DON DU MA NYID YOD NA YANG DON GCIG BYED PA NYID KYI PHYIR GCIG KHO NA'O ZHES PAS SKYON MED DO, ,DE LTA NA GANG DU ZHES PA LA SOGS PAS SLAR YANG DON GCIG BRJOD PAR 'DOD PA MI 'THAD PAR GSUNGS SO, ,RE RE NI DER ZHES PA LA SOGS PAS, DON GCIG BYED PA NYID STON CING, DE KHO NA'I LAN GSUNGS SO, ,'O NA GANG DU ZHES PA LA SOGS PA STE, YAN LAG CAN NI YAN LAG RNAMS LA GZHAN ZHES PA 'DIR NI BSGRUB PAR BYA BA THA DAD PA DAG STE, PHAN TSUN GYI MTSAMS LA LTOS PAS, GZHAN NYID KYI KHYAD PAR @169B YAN LAG DANG YAN LAG CAN DAG BSGRUB BYA NYID KYI PHYIR RO, ,'DIR GTAN TSIGS KYANG THA DAD PA STE, THE TSOM DANG GTAN LA PHEBS PA'I DNGOS PA'I PHYIR RO ZHES PA THE TSOM DANG GTAN LA PHEBS PA DAG GO, ,DE LTAR NI RKYANG BA TZAM DMIGS PA NA, YAN LAG SNAL MA RNAMS LA NGES PA MTHONG ZHING YAN LAG CAN SNAM BU LA SOGS LA THE TSOM STE, CI 'DI SNAM BU'AM 'ON TE YOL BA YIN ZHES PA'O, ,GANG LA THE TSOM DANG GTAN LA PHEBS PA YOD PA DE LA GZHAN NYID DE, DPER NA DGE SLONG DANG NGUR SMRIG DAG LA BZHIN TE, NGUR SMRIG TZAM MTHONG BA LAS NGUR SMRIG LA NGES PA DANG DGE SLONG LA THE TSOM STE, CI 'DI SH'AKYA'I DGE SLONG NGAM, 'ON TE SER SKYA BA'I DGE SLONG YIN ZHES RING POR GONG BU TZAM DMIGS PA NA'O, ,DE LA YANG GNYIS KAR GTOGS PA'I GZHAN NYID CES PA, GANG YAN LAG CAN YAN LAG LAS GZHAN DU GYUR BA 'DI NI SRID PA YOD PA MA YIN TE, YAN LAG RNAMS NI DE LAS GZHAN MA YIN NO ZHES PA'O, ,DPER NA NAG PA BSHES GNYEN GYI SPUN YA YIN ZHES PA LA, DE YANG DE'I SPUN DRANG NGO ZHES RTOGS PA BZHIN NO, ,RE RE YANG GTAN TSIGS YIN ZHES PA THE TSOM NI GTAN LA PHEBS PA'I ZLA BO LA LTOS PA STE, GTAN LA PHEBS PA YOD NA THE TSOM YOD PA'I PHYIR ZHES PA'O, ,GTAN LA PHEBS KYANG THE TSOM GYI ZLA PO LA LTOS PA'I GTAN TSIGS TE, THE TSOM YOD NA GTAN LA PHEBS PA'I PHYIR RO ZHES PA'O, ,BSDUS PA DAG NI GTAN TSIGS KYI MTSAN NYID DANG LDAN PA'I PHYIR NYES PA MED DO ZHES 'BREL BAR BYA'O, ,GNYIS KA SGRUB PAR BYED NA ZHES BYA BA RGYU MTSAN GYI DON CAN GYI BDUN PA'O, ,RE ZHIG RIGS PA ZHES PA, RNAM PA BZHI PO NI THE TSOM GYI RGYU NYID LA BYED RGYU GNYIS KA LA YOD PA YOD DE, DES NA GZHAL BYA NYID LA SOGS PAS THE TSOM SKYED PAR BYED CING, MNYAN PAR BYA BA NYID LA NI DE MED DO ZHES SMRAS PA, MNYAN PAR BYA BA NI CI LTAR ZHES PA RNAM PA CI ZHIG GIS ZHES PA STE BYED PA'I RGYU MA MTHONG BAS DRIS PA'O, ,THUN MONG MA YIN PA NYID KYI PHYIR RO ZHES PAS BYED RGYU GSUNGS SO, ,GAL TE THUN MONG MA YIN PA THE TSOM GYI RGYU NYID YIN PA CIS SHE NA GSUNGS PA, GANG ZHES PA LA SOGS PA STE, BSGRUB PAR BYA @170A *, ,BA'I CHOS ZHES PA PHYOGS CHOS SO, ,'DIS 'BREL PA NYID GSUNGS TE, MA 'BREL PA LA NI MIG GIS GZUNG BYA NYID BZHIN DU DPYOD PA MED PA'I PHYIR RO, ,KHYAD PAR JI SRID KYIS ZHES PA, RTAG PA DANG MI RTAG PA'I DNGOS PO'I KHYAD PAR GYIS DANG, ZAG PA DANG BCAS PA DANG ZAG PA MED PA'I KHYAD PAR GYIS SAM, MU STEGS BYED KYIS RNAM PAR GZHAG PA'I DNGOS PO'I KHYAD PAR GYIS DNGOS PO THAMS CAD BSDUS PA'O, ,DE LA STE DNGOS PO DE RNAMS LA THE TSOM GYI PA'I THAMS CAD PA'I MIN A RNAMS DES BSDUS PA'I PHYIR DANG ZHES PA THUN MONG MA YIN PA'I CHOS DANG LDAN PA RNAMS DE RNAMS KYIS BSDUS PA'I PHYIR RAM DE RNAMS SU BSDUS PA'I PHYIR RO, ,'DIS NI GANG LA DNGOS PO'I CHOS TSIG GI DON LAS PHYI ROL DU GYUR PA 'DI GNAS PAR 'GYUR BA RNAM PA'I KHYAD PAR LAS PHYI ROL PA MED PAR GSUNGS SO, ,MTHA' GCIG PA LDOG PA'I PHYIR RO ZHES PA, MTHA' GCIG PA NI GTAN LA PHEBS PA YIN ZHING, DE LDOG PA NI MED PA'O, ,'DIS GCIG LA YOD PA LA SGRUB BYED MED PA GSUNGS SO, ,GNYIS PO 'DI GCIG LA BSDUS PAS NI RNAM PA'I KHYAD PAR THAMS CAD LA THUN MONG MA YIN PA THE TSOM GYI RGYU STE, GZHAN LAS MA BYUNG BAR NGES SHING YON TAN MTSUNGS PA'I SKYES BU LA SRID PA'I BUD MED KYI MNGAL NI SKYES BU RNAMS LA BZHIN NO, ,'O NA DE YANG THAMS CAD THE TSOM GYI RGYUR BRJOD PAR BYA BA MA YIN TE, THUN MONG MA YIN PA 'GA' ZHIG KYANG NGES PA'I RGYU NYID KYI PHYIR TE, DPER NA GSON PO'I LUS NI BDAG DANG BCAS PA STE, SROG LA SOGS PA DANG LDAN PA NYID KYI PHYIR RO ZHES PA LTA BU'O ZHE NA, 'DI MNYAN PAR BYA BA NYID LAS KHYAD PAR CI ZHIG YOD GAL TE LDOG PA MI 'KHRUL BA'O, ,'DI NI 'GYUR TE, SROG LA SOGS PA MI MTHUN PHYOGS KHO NA LAS LDOG GI MTHUN PHYOGS LAS NI MA YIN TE, MED PA LAS LDOG PA MI RUNG BA'I PHYIR ZHES PAS, 'DI'I LDOG PA NI MI 'KHRUL BA'O, ,MNYAN PAR BYA BA NYID KYI NI DE LTA MA YIN TE, MI MTHUN PHYOGS NYID LAS MNYAN PAR BYA BA NYID LDOG PA NI MA YIN GYI, 'ON KYANG MTHUN PHYOGS PA'I MING GIS SKABS SU BAB PA'I THE TSOM GYI RGYU LA PHYOGS KHO NA LAS LDOG PA MA YIN NO ZHES SMRAS PAS @170B KHYOD KYIS KYANG MTHUN PHYOGS LA RJES SU 'GRO BA MED BAR 'GYUR BA MA YIN NAM, DE GZHAN LA YANG MTSUNGS BA KHO NA STE, RNAM PA GZHAN DU NA 'DI LDOG PA CAN KHO NAR MI 'GYUR RO ZHES PAS SROG LA SOGS PA MNYAN PAR BYA BA NYID DANG KHYAD PAR MED DO, ,GANG YANG MED PA LAS LDOG PA MI RUNG BA'I PHYIR ZHES BRJOD PA 'DI YANG SNGAR KHO NAR BTAGS ZIN PA NYID DE, DNGOS PO'I NGO BO 'GUGS PA'I DGAG PA MED PA LA MI SRID MOD, MA YIN PAR DGAG PA GCIG PU NI DGAG PA'I YUL MA YIN GYI, 'ON KYANG MED PAR DGAG PA YANG YIN ZHING, DE MED PA LA YANG 'GAL BA MA YIN NO ZHES BSHAD ZIN TO, ,THUN MONG BA DANG THUN MONG MA YIN PA DAG THE TSOM GYI RGYU NYID DU MTSUNGS PA LA, KHYAD PAR STON PA GSUNGS PA, THUN MONG BA NI ZHES PA LA SOGS PA STE, RNAM PAR MI GCOD PA'I GTAN TSIGS NI THE TSOM GYI RGYU'O ZHES PA'I DON TO, ,DE ZHES PA'I THAMS CAD PA'I MING GIS SKABS SU BAB PA'I THE TSOM GYI RGYU LA SNYEGS SO, ,'DIR 'DI LTAR YANG BSHAD PAR BYA STE, THUN MONG BA NI GANG RNAMS KYI THE TSOM GYI RGYUR YOD PA DE KHO NA LA RNAM PAR GCOD PA MIN PA'I GTAN TSIGS SU 'GYUR GYI GZHAN LA MA YIN NO ZHES BA'O, ,GANG 'DIR GNYIS KA LA BRTEN PA ZHES PA RJES SU 'JUG PA DANG LDOG PA DAG LA BRTEN PA'O,, THE TSOM GYI RGYU NYID DU MTSUNGS NA YANG 'DI NI KHYAD PAR TE, 'DI RNAMS LA GANG GNYIS KA LA BRTEN PA DE NI BSGRUB PAR BYA BA 'GA' ZHIG LA NGES PA'I RGYU YANG YIN TE, THE TSOM GYI RGYU KHO NA NI MA YIN NO, ,CI'I PHYIR ZHE NA GSUNGS PA, GZHAN LAS LDOG PA'I PHYIR ZHES PA, MI MTHUN PHYOGS LAS LDOG PA'I PHYIR ZHES PA'I DON TO, ,DPER NA RTZOL MA THAG TU BYUNG BA BSGRUB PAR BYA BA LA, MI RTAG PA NYID THE TSOM GYI GTAN TSIGS YIN ZHING, BYAS PA NYID LA NGES PA'I GTAN TSIGS YIN PA BZHIN TE, MA BYAS PA LAS LDOG PA'I PHYIR RO, ,DE BZHIN DU REG PAR BYA BA MA YIN PA NI RTAG PA DANG MI RTAG PA DAG LA THE TSOM GYI RGYU STE, BYA BA MED PA NYID LA NI BYA BA DANG BCAS PA LAS LDOG PA'I PHYIR NGES PA'I GTAN TSIGS SO, ,GANG GNYI GA LA BRTEN PAR MI 'GYUR BA DPER NA MNYAN BYA NYID DANG GZHAL BYA NYID LTA BU DE NI BSGRUB PAR BYA BA GZHAN LA YANG NGES PA'I RGYU MA YIN TE, GZHAN LAS LDOG PA MED PA'I PHYIR RO, @171A *, ,YANG MNYAN PAR BYA BA NYID CI LTAR NA GNYI GA BRTEN PAR MI 'GYUR TE, DNGOS PO'I CHOS SU GYUR PA DES NI GDON MI ZA BAR 'GA' ZHIG TU 'JUG PAR BYA BA 'AM, 'GA' ZHIG LAS LDOG BAR BYA'O ZHE NA, 'JUG PA DANG LDOG PA DAG MA NGES PA NYID KYI PHYIR DE SKAD DU BSHAD DO ZHES PAS SKYON MED DE, YOD NA YANG DE DAG NI JI SRID DU NGES BAR MA BYAS PA DE SRID DU MED PA DANG MTSUNGS BA DAG STE, RJES SU DPOG PA LA YAN LAG MA YIN PA NYID KYI PHYIR RO, ,'O NA MNYAN PAR BYA BA NYID NI RNA BAS GZUNG BAR BYA BA NYID DE, RANG GI RNAM PA CAN GYI RNA BA'I RNAM PAR SHES PA'I RGYU NYID KYI MTSAN NYID CAN YIN ZHING, DE YANG ME RTAG PA KHO NAR RIGS KYI RTAG PA NI MA YIN TE, RNAM PA THAMS CAD DU DON BYED NUS PA MI 'THAD PA'I PHYIR RO, ,DON BYED NUS PA'I MTSAN NYID CAN YANG DNGOS PO ZHES PA 'DI NI BSHAD ZIN TO, ,DES NA MNYAN BAR BYA BA NYID MI RTAG PA KHO NA LA 'JUG GO ZHES PA 'DI NI THE TSOM MED DE, DES NA CI LTAR RJES SU 'JUG PA DANG LDOG PA DAG MA NGES PA'I PHYIR RO ZHES BRJOD CE NA, SKYON 'DI MED DE, PHA ROL PO'I RTAG PA YANG DNGOS POR KHAS LEN TE, DES NA DE'I 'DOD PA LA LTOS PAS DE SKAD BSHAD DO, ,RANG GI LUGS KYIS NI MNYAN BYA NYID MI RTAG PA NYID LA GTAN TSIGS KHO NA'O, ,KHA CIG NI GNYIS KA LA MI BSTEN PA'I GZHAL BYA NYID KYANG 'DUS MA BYAS LA SKUR PA 'DEBS PA LAS MED PA LA RJES SU 'GRO BA MI RIGS PA'I PHYIR RJES SU 'GRO BA MI 'KHRUL BA CAN MTHUN PHYOGS KHO NA LA YOD DO ZHES PAS RJES SU 'GRO BA CAN KHO NA'I GTAN TSIGS SU SMRA'O, ,DE MI RIGS TE CI LTAR MI MTHUN PA'I PHYOGS LAS LDOG PA MED PA 'AM, CI LTAR MTHUN PA'I PHYOGS KHO NA LA YOD PA YIN ZHES PA'O, ,GAL TE MTHUN PA'I PHYOGS LA YOD PA NYID RNAM PAR MI GCOD NA NGES PAR GZUNG BA 'DI'I 'BRAS BU CI YIN RNAM PAR GCOD NA'ANG CI LTAR MI LDOG STA, LDOG PA NI YOD PA RNAM PAR GCOD PA LAS GZHAN MA YIN PA'I PHYIR RO, ,RJES SU 'GRO BA YANG MA YIN ZHING LDOG PA YANG MA YIN ZHES PA 'DI NI 'GAL BA STE, GANG MED DO ZHES RJES SU 'GRO BA BKAG PA DE NYID LDOG PA YIN PA'I PHYIR RO, ,DE'I PHYIR RJES SU 'GRO BA CAN ZHES BYA BA'I GTAN @171B TSIGS NI 'GA' YANG MED DO, ,GZHAL BYA NYID MI MTHUN PHYOGS LA RJES SU 'GRO BA DANG MI LDAN PA YANG MA YIN TE, GANG GI PHYIR CHOS RNAM PA GSUM STE, DNGOS BO'I CHOS SKYE BA LA SOGS BA RNAMS DANG, DNGOS PO MED BA'I CHOS SKYE BA MED PA LA SOGS PA RNAMS DANG, GNYI GA'I CHOS GZHAL BYA NYID LA SOGS PA RNAMS YIN PA'I PHYIR RO, ,MED PA NI CHOS 'GA' YANG MA YIN PA KHO NA'O ZHE NA, CHOS THAMS CAD DANG BRAL BA ZHES BYA BA 'DI KHO NA DE'I CHOS MA YIN NAM, BLOS SBRUL PA NI MED PA LA YANG MI 'GAL BA'I PHYIR RO, ,RANG BZHIN THAMS CAD DANG BRAL BA DNGOS PO MED PA'O ZHES NYE PAR SKYE BA'I BLO NI DNGOS PO THAMS CAD DANG BRAL BA NI DE'I CHOS BZHIN DU NYE BAR STON TE, DE'I PHYIR DE'I BSAM PA'I NGOR DNGOS MED LA YANG CHOS SU RNAM PAR GZHAG PAR BYA'O ZHES PA'O, ,'O NA GANG GI TSE ZHES PA LA SOGS PA STE, 'DI NI THUN MONG MA YIN BA NYID KYI PHYIR NA THE TSOM GYI RGYU'O ZHES BSHAD ZIN LA GANG GI TSE SGRA NYID DE MNYAN BAR BYA BA NYID RTAG PAR KHAS LEN PAR BYED BA DE'I TSE GANG LAS 'DI THE TSOM GYI RGYUR 'GYUR BA THUN MONG MA YIN PA NYID CI LTAR YIN DE'I TSE 'DI ZHES PA LA SOGS PA STE, GNYIS KA MA YIN PA BSTEN PA NYID KYI GNAS SKABS LA NI THUN MONG MA YIN BA NYID KYI PHYIR THE TSOM GYI RGYU NYID DU BSHAD LA, GANG GI TSE SGRA NYID KYANG MNYAN BYAR KHAS LEN PA DE'I TSE, 'DI GNYIS KA BSTEN PA KHO NAR 'GYUR ZHING, 'DI DE'I TSE THUN MONG MA YIN PA NYID DU 'DOD PA YANG MA YIN TE, DE'I PHYIR DE'I TSE 'DI GTAN TSIGS KHO NA 'GYUR TE, MI RTAG PA LAS LDOG BA'I PHYIR DANG, DE RNAM PAR GCOD PAS RTAG PA NYID GO BAR BYED PA'I PHYIR RO, ,GAL TE 'DI LA MI RTAG PA NYID KYI GTAN TSIGS KYANG BYE BRAG PAS STON PAR MI BYED PA DE'I TSE GTAN TSIGS NYID DU YANG 'GYUR ZHES SBREL BAR BYA'O, ,'GAL BA DON GCIG PA MI SRID PA'I PHYIR ZHES PA, 'GAL BA DAG STE RTAG PA DANG MI RTAG PA NYID DAG CHOS CAN GCIG LA MI SRID BA'I PHYIR RO, ,'GAL BA NYID KYANG DE DAG PHAN TSUN SPANGS TE GNAS PA'I MTSAN NYID CAN NYID KYI PHYIR RO, ,'GAL BA'I GCIG GI DON GYI MI SRID PA NYID KYI PHYIR ZHES GZHAN RNAMS SO, ,GCIG MIN PA NI 'GAL BA SRID BA STE, DPER NA NAM MKHA' RTAG GO BUM PA MI RTAG @172A *, ,GO ZHES PA LTA BU STE, GCIG LA NI MA YIN NO ZHES PA'O, ,DE'I PHYIR THE TSOM DU 'GYUR TE, 'GAL BA'I DON MNGON PAR BRJOD PA'I GTAM GNYIS BZHIN NO, ,GAL TE THE TSOM GYI RGYU YIN NA CI LAS 'DI LA NGES PAR 'BYUNG BAR BYA ZHE NA, 'DIR YANG ZHES PA LA SOGS BA STE, 'DIR GYI SGRAS NI 'GAL BA MI 'KHRUL BA CAN GYI YUL SPYIR STON GYI 'DI GCIG PU NI MA YIN NO, ,MNGON SUM GYIS MI SLU BA'I LUNG NI MNGON SUM GYI LUNG STE, BAR GYI TSIG PHYIS PA LAS LO MA'I RGYAL PO BZHIN DANG, RDO RJE'I SOR GDUB BZHIN NO, ,MNGON SUM SMOS PA NI TSAD MA MTSON PA'I DON DU STA, TSAD MAS MI SLU BA'I LUNG NI STOBS DANG LDAN PA NYID KYI PHYIR RO ZHES PA'I DON TO, ,'DI SKAD STON TE, LUNG GIS GRUB PA'I RTAGS KYI DBANG DU BYAS NAS 'GAL BA MI 'KHRUL BA BRJOD CING, DE NI 'DI RNAMS KHO NAS KYANG LUNG STOBS DANG LDAN PAR KHAS BLANGS LA, STOBS DANG LDAN PA NI YANG DE TSAD MAS RJES SU GZUNG BA LAS 'GYUR TE, DE DE'I PHYIR TSAD MA DE LAS NGES PA BTZAL BAR BYA'O, ,DE'I TSIG GIS YON TAN DU GYUR KYANG TSAD MA LA SNYEGS PA'O, ,YANG NA DE KHO NA LAS TE TSAD MAS MI SLU BA'I LUNG LAS NGES PA BTZAL BAR BYA'O, ,DE SKAD BRJOD PAS KYANG TSAD MA KHO NA LAS NGES PA BTZAL BAR BYA'O ZHES DON GYIS BRJOD BAR 'GYUR RO, ,BSDU BA'I TSIGS SU BCAD PAR GANG RNAMS KYI DANG GANG RNAMS KYI ZHES 'DIR GCIG LHAG BLTA BAR BYA STE, GRANGS MNYAM PA'I DON DU'O, ,THUN MONG MIN PA NI THAMS CAD THE TSOM GYI RGYU'O, ,SPYI NI RTAG PA LA SOGS PA GANG RNAMS KYI CHOS SO, ,'GAL BA MI 'KHRUL BA CAN YANG GANG RNAM PA KYI ZHES PA'O, ,GZHAN RNAMS NI GCIG LHAG MA BYAS PA KHO NAR JI LTAR RIGS PAR SBYOR BAR BYED DO, ,'DIR PHYOGS CHOS GNYIS DAG KHO NA GTAN TSIGS LTAR SNANG BAR BSHAD DE, THE TSOM GYI RGYU DANG PHYIN CI LOG GI RGYU'O, ,GZHAN RNAMS KYIS NI 'KHRUL PA DANG BCAS PA LA SOGS PA RNAMS KYANG BSHAD DO, ,DE RNAMS NI MA BRJOD PA NYID KYI PHYIR MA LUS PA YIN PA BRJOD PA NYID DU DOGS PAR 'GYUR RO, ,DES NA DE BSAL BA'I CHED DU GSUNGS PA, PHYOGS CHOS MTHONG BA LAS ZHES PA LA SOGS PA'O, ,'DI'I DON NI 'DI YIN TE, PHYOGS CHOS MTHONG BA LAS @172B SHES BAR 'DOD PA PO'I 'DOD PA MA GRUB BA NA, GANG LAS PHYIN CI LOG THOB PA 'AM, THE TSOM THOB BAR 'GYUR TE, DANG GI SGRA NI NGES PAR GZUNG BA'I DON CAN TE RIM PA THA DAD PA YANG NGO, ,ZLOG PA DANG THE TSOM THOB PA KHO NA STE, RNAM PA GZHAN MED DO, ,DE LA GAL TE 'KHRUL PA DANG BCAS PA LA SOGS BA RNAMS THE TSOM SKYED PAR BYED NAM NGES PA KHO NA'I NANG DU 'DU ZHING, CI STE ZLOG PA YIN NA, DE LAS ZLOG PA'I GTAN TSIGS SU'O, ,CI STE GNYIS KA MI SKYE NA GTAN TSIGS LTAR SNANG BA NYID DU DE RNAMS MI 'GYUR TE, YANG DAG PA'I SHES PA'I RTAGS BZHIN NO, ,DE'I PHYIR 'GAL BA DANG MA NGES PA DAG LAS GZHAN PA'I PHYOGS CHOS CAN GYI GTAN TSIGS LTAR SNANG BA MED DO ZHES PA'O, ,'O NA GANG ZHES PA, GAL TE PHYOGS CHOS CAN GYI GTAN TSIGS LTAR SNANG PA GNYIS KHO NA YIN NA, GANG 'DOD PA LA GNOD PAR BYED PA'I 'GAL BAR 'DOD PA DE CI LTAR BRJOD PAR BYA STE, CI BZLOG PA'I GTAN TSIGS SAM, 'ON TE THE TSOM GYI GTAN TSIGS YIN ZHES PAR RO, ,RNAM PA GNYIS KAR BRJOD PAR MI NUS SO ZHES PA BSAM PA'O, ,GAL TE DE LTAR GNAS NA ZHES PA LA SOGS PA STE, GAL TE 'DI BZLOG PA'I GTAN TSIGS SU 'GYUR NA NI ZLOG PA GRUB PAR 'GYUR NA, 'GYUR BA MA YIN NO, ,DE'I PHYIR 'DI BZLOG PA'I GTAN TSIGS MA YIN NA ZHES PA'O, ,'DIR SMRAS PA TZAM KHO NA BSGRUB BYA'O ZHES GANG SEMS PAR BYED PA DES RE ZHIG LAN SMRAS PA, GZHAN GYI DON GYI GTAN TSIGS YOD BA'I PHYIR ZHES PA STE, DPER NA ZHES PA LA SOGS PA GSAL BAR BYED PA'I CHED DU DPE'O, , MI 'DRA BA NYE BAR BKOD PA STE ZHES PA, NYE BAR BKOD PA NI DPE STE, NYE BAR 'GOD BAR BYED CING DPE CAN NYE BAR 'JOG PAR BYED DO ZHES BYAS NAS SO, ,MI 'DRA BA NYID NI DE DPE CAN DANG ME MTSUNGS PA NYID KYI PHYIR RO, ,DE STON PA, DE LA NI ZHES PA LA SOGS PA'O, ,RTAG PA NYID KYI GTAN TSIGS DANG LHAN CIG PA NI SGRUB PAR BYED PA MA YIN BAR 'GYUR RO ZHES SBREL LO, ,CI'I PHYIR ZHE NA SMRAS PA GCIG 'DZIN PA'I PHYIR ZHES PA STE, GRANGS GCIG BRJOD PAR 'DOD PA NYID KYI PHYIR GCIG KHO NA SGRUB PAR BYED PA NYID DU GZUNG BA'O, ,GTAN TSIGS GNYIS PO 'DI DAG NI PHAN TSUN 'GAL BDAG STE, DE LA @173A *, ,SGRUB BAR BYED PA MA YIN BA NYID DU RIGS PA'O, ,'DIR NI 'GAL ZLA DANG BRAL BA GCIG KHO NA CI'I PHYIR SGRUB PAR MI BYED, 'DI LTA NA 'O NA ZHES PA MI 'DRA BA NYID YONGS SU SPONG BAR BYED DE, ,BSGRUB BYA'I BYE BRAG LAS ZHES PA GNYIS NYID KYI GRANGS RTOGS PA LA RGYU BSHAD BA'O,, BSGRUB BYA'I KHYAD PAR NI GZHAN GYI DON NYID DANG GZHAN GYI DON MIN BA NYID KYI MTSAN NYID CAN DU SEMS PAR BYED DO, ,DPER NA MIG GIS GZUNG BYA MA YIN PA NYID DANG MNGON SUM PA NYID DAG BZHIN DU GCIG PO NYID CES PA NI, JI LTAR 'DI DAG GIS BSGRUB PAR BYA BAR GTOGS PA'I GRANGS BRTAGS PA YIN PA DE LTAR 'DUS PA NYID KYI BSGRUB PAR BYA BAR GTOGS PA'I GRANGS BRTAGS BAR 'GYUR RO ZHES PA'O, ,'DI TZAM GYIS DPE'I CHOS MTHUN PA NYID DO, ,THA DAD MED PAR 'GYUR RO ZHES PA DE'I MTSAN NYID CAN GYI PHYIR RO, ,DE LTAR 'GYUR MOD KYI THA MI DAD PAR 'DOD PA KHO NA'O ZHEN, BSHAD PA, MA YIN ZHES PA LA SOGS PA'O, ,DE LTAR SMRAS PA TZAM BSGRUB PAR BYA BAR SMRA BA BSAL BA LA, SLOB DPON GYIS GSUNGS PA, DE LTA NA 'O NA ZHES PA LA SOGS PA'O, ,KHYAD PAR MED PA'I SMRAS PA TZAM GZHAN GYI DON NYID NI BSGRUB PAR BYA BA MA YIN TE DE LA RTZOD PA MED PA'I PHYIR RO,, 'O NA CI ZHE NA, KHYAD PAR CAN 'DUS PA MA YIN PA GZHAN GYI DON NYID DO, ,DE'I PHYIR DE LAS BZLOG PA 'DUS PA GZHAN GYI DON NYID SGRUB PAR BYED PA'I PHYIR 'GAL BA NYID DO, ,DE NYID STON PA GSUNGS PA, DE LTAR NI ZHES PA LA SOGS PA'O, ,GCIG GI RANG BZHIN DU RNAM PAR GNAS BA NYID 'DIR 'DUS PA MA YIN PA'I SGRAS BRJOD PAR 'DOD PA'O, ,'O NA MAL CHA DANG STAN LA SOGS PA RNAMS KYANG 'DUS PA MA YIN PA GZHAN BDAG GI DON BYED DE, DE'I PHYIR 'GAL BA BSGRUB PAR BYA BA LA DPE BSGRUB BYAS DMAN PA'O ZHES GSUNGS PA, DE NI MA YIN ZHES PA LA SOGS PA'O, ,CI LTAR NA GRUB PA MA YIN ZHEN GSUNGS PA, DE YOD PAR MA GRUB PA'I PHYIR ZHES PA STE, DE YOD PA NYID DU GRUB NA NI DPE BSGRUB BAR BYA BA DANG BRAL BA NYID DU 'GYUR MOD, DE YANG MA GRUB BO, ,'GAL BA GZHAN LAS ZHES PA, CHOS DANG CHOS CAN GYI RANG GI NGO BO ZLOG PA SGRUB PAR BYED PA LAS, @173B MA SMRAS BA'I CHOS DANG CHOS CAN GYI KHYAD BAR LAS ZLOG PA SGRUB PAR BYED PA NYID KYI KHYAD PAR GYI THA DAD PA YIN NO, ,'GAL BA'I MA NGES PA LAS ZHES PA, 'GAL BA MI 'KHRUL BA LAS TE, DE NI 'GAL BA'I DON LA MI 'KHRUL BA'I PHYIR 'GAL BA YIN ZHING THE TSOM GYI RGYU NYID KYI PHYIR MA NGES PA'O, , 'O NA DE LAS MTSAN NYID KYI BYE BRAG LAS KYANG THA DAD PA MA YIN NAM, DES NA 'DI KHO NAS KYANG ZHES BRJOD PA 'DI CI ZHE NA, 'DI SKYON MA YIN TE, KYANG GI SGRA NI DE NYID SDUD PA'I DON CAN NO, ,DE BZHIN DU ZHES PA LA SOGS PA STE, JI LTAR CHOS KYI RANG GI NGO BO LAS BZLOG PA SGRUB PAR BYED PA 'DI 'DOD BA LA GNOD PAR BYED PA'I 'GAL BAR BRJOD PA DE BZHIN DU, TSAD MA GZHAN GYIS MTHONG BAS GNOD NA CHOS CAN GYI RANG GI NGO BO DANG KHYAD PAR DANG 'GAL BA SGRUB PAR BYED PA'I PHYIR 'GAL BAR BRJOD PAR BYA'O, ,CI LTAR JI LTAR MTHONG BA'I CHOS GZHAN GYIS GNOD BA YIN ZHE NA, GSUNGS PA, DPER NA BRTZAL MA THAG TU BYUNG BA NYID KYI PHYIR RO ZHES PA LA SOGS PA STE, SGRA'I RANG GI NGO BO NI MNGON SUM GYIS GRUB BA STE, DES NA SGRA'I RANG GI NGO BO MED PA'I DAM BCA'I DON BSAL BA'O, ,MNYAN BYA MED DO ZHES PA 'DIR NI MNYAN BYA'I SGRA'I BRJOD PAR BYA BA NYID 'DI LA MED DO ZHES PA DAM BCA' BA'I DON TE, DE YANG GRAGS PA ZHES BYA BA'I RJES SU DPAG BAS BSAL BAR BYA BA'O, ,BZLOG PAS GNOD BA NI GNYIS PO 'DI DANG SBYAR BAR BYA'O, ,CI'I PHYIR CHOS CAN GYI RANG GI NGO BO LAS BZLOG PA SGRUB PAR BYED PA'I DPER BRJOD NYE BAR DGOD PA MA BYAS SHE NA, MTSAN NYID LAS NI SNGAR NYE BAR BKOD CING, DPER BRJOD PA'I PHYOGS KYIS KYANG MTSON BYA RTOGS BA'I PHYIR 'DIR DPER BRJOD MA BKOD DO, ,DE LA 'DI NI CHOS CAN GYI RANG GI NGO BO DANG 'GAL BA'I DPER BRJOD BA STE, NAM MKHA' LA SOGS PA NI RTAG PA STE, MI RTAG PA'I CHOS MED PA'I PHYIR RO ZHES BYAS PA NA'O, ,GTAN TSIGS 'DI NI CHOS CAN GYI RANG GI NGO BO LAS BZLOG PA SGRUB PAR BYED PA STE, DE LTAR NI DON BYA BA NUS PA YANG MI RTAG PA'I CHOS YIN ZHING, DE YANG GAL TE NAM MKHA' LA SOGS PA LA MED NA, DE NI DNGOS POR GYUR PA NYID DU MI 'GYUR TE, DNGOS PO NI DON BYA BA NUS PA'I MTSAN NYID CAN NYID KYI @174A *, ,PHYIR RO, ,'O NA CHOS CAN GYI RANG GI NGO BO SEL BAR BYED NA, RTEN MA GRUB PA'I GTAN TSIGS SU 'GYUR RO ZHE NA, 'DI 'DOD PA MA YIN TE, 'DIR NI RNAM PAR GCOD PA TZAM GTAN TSIGS NYID DU NYE BAR BLANGS SHING, DE'I RTEN DU DNGOS POR MA GYUR PA YANG 'GAL BA MED PA KHO NA'O, ,THAMS CAD DU YANG 'DI KHO NA CHOS CAN GYI RANG GI NGO BO LAS ZLOG PA SGRUB PAR BYED PA'I YUL TE, GANG DU DNGOS POR GYUR PA'I CHOS CAN NYE BAR BLANGS SHING, GTAN TSIGS NI RNAM PAR GCOD PA TZAM GYI CHOS YIN PA'O, ,DES NA 'DI BRTZAD BAR MI BYA BA KHO NA'O, ,CHOS CAN GYI KHYAD PAR DANG 'GAL BA DPER BRJOD PA NI MIG LA SOGS PA RNAMS GZHAN GYI DON YIN TE, 'DUS PA NYID KYI PHYIR RO ZHES 'DI SNGAR KHO NAR BSHAD ZIN TO, ,CI'I PHYIR YANG SKABS SU MA BAB PA'I CHOS CAN GYI RANG GI NGO BO DANG KHYAD PAR ZLOG PA SGRUB PAR BYED PA NA, 'GAL BA NYID DU BRJOD PAR BYA ZHEN GSUNGS PA, GNYIS KA NI ZHES PA LA SOGS PA'O, ,CHOS KHO NA MA SHES PA NYID KYI PHYIR BSGRUB PAR BYA BA 'DIR 'GYUR RO MOD, DES CI'I PHYIR CHOS CAN BSGRUB BYA NYID YIN ZHEN GSUNGS PA, CHOS KYIS KHYAD PAR DU BYAS PA'I CHOS CAN BSGRUB BYA NYID KYI PHYIR RO ZHES PA'O, ,'DIS 'DI BSAL BAR BYED DE, TSOGS PA KHO NA BSGRUB BYA YIN ZHING, DES NA DE LAS ZLOG PA SGRUB PAR BYED BA'I PHYIR 'GAL BA GCIG KHO NA STE, DE NI CHOS LA SOGS PA'I SGO NAS 'JUG PA NYID KYI PHYIR RAB TU DBYE BAS RNAM PAR GZHAG PAR BYA'O ZHES PA'O, ,GANG 'GAL BA'I KHYAD PAR MTSAN NYID KYIS MA BSDUS BA DE BSTAN PA'I CHED DU GSUNGS PA, BRJOD PA THAMS CAD CES PA LA SOGS PA'O, ,'DIR DAM BCA'I NGAG LAS GZHAN PA BH'A RA TA LA SOGS PA'I NGAG NI CHOS CAN YIN ZHING, DE NI MI BDEN PA'I DON CAN NYID NI CHOS TE BSGRUB PAR BYA BA'O, ,RMI LAM GYI LUS KYI RNAM PAR RIG BYED LA CI LTAR DON RTOGS PAR BYED PA DANG, BDEN PA'I DON CAN YIN ZHE NA, GANG GI PHYIR RMI LAM NA YANG MOG SGRIL BA LA SOGS PA NYE BAR DMIGS PAS NI, MED PA NYID LA SOGS PA'I DON GYI YUL CAN GYI RTOGS PA SKYED PAR BYED CING, RTOGS PAR BYA BA'I DON DE RMI LAM NA YOD PA YANG MA YIN NO ZHES PAS MI BDEN PA'I DON @174B CAN NYID DO, ,DE LTAR SGRUB PAR BYED PAS BYAS PA NA, GANG GI RJES SU RJOD PAR BYED PA'I NGAG GI DBANG GIS GTAN TSIGS 'GAL BA NYID DU 'GYUR TE, DE STON PA GSUNGS PA GANG 'DI ZHES PA LA SOGS PA'O, ,YANG GI SGRA NI CHOS DANG CHOS CAN GYI KHYAD PAR RJES SU BRJOD PA'I NGAG BSDU BA'I DON, TO, ,GAL TE RNAM PAR THAMS CAD LA SKUR PA 'DEBS NA ZHES CHOS KYI RANG GI NGO BO'I SGO NAS SAM, CHOS CAN GYI RANG GI NGO BO'I SGO NAS GAL TE SKUR BA 'DEBS NA'O ZHES PA'I DON TO, ,'O NA RNAM PA THAMS CAD DU ZHES PA'I TSIG LAS, DE'I KHYAD PAR GYI SGO NAS KYANG ZHES PA'I DON RIGS PA MA YIN NAM, DE'I SGO NAS 'JUG BA NI KHYAD PAR DANG 'GAL BA NYID KYIS TSIG LAS MA YIN NO, ,DES NA RANG GI NGO BO DANG 'GAL BA ZHES PA STE, DE'I SGO NAS ZHUGS PA NYID KYI PHYIR RO, ,DE LTAR RE ZHIG DNGOS SU NYE BAR BLANGS PA DANG, RJES SU BRJOD PA'I NGAG GI STOBS KYIS GNYIS KA'I RANG GI NGO BO DANG 'GAL BA BSHAD DO, ,CI STE ZHES PA LA SOGS PA YANG GI SGRAS GANG BSDUS PA RJES SU YI RANG BA'I NGAG STE, DE'I STOBS KYIS GNYIS KA'I KHYAD PAR DANG 'GAL BA STON TE, RJOD PAR BYED PA NYID KYIS DANG ZHES PA, SMRA BAR BYED PA NYID KYIS DANG ZHES PA'I DON TO, ,BRJOD PA'I SGRA SNGA MA NI DNGOS PO SGRUB PA STE, 'DI NI BYED PA PO GRUB PA'O, ,MI BDEN PA'I DON NYID KYIS ZHES PA MI BDEN PA'I DON NI MI BDEN DON TE, DE'I DNGOS PO NI MI BDEN DON NYID DO, ,SNGA MA NI MI BDEN PA'I DON 'DI'I YIN PA ZHES 'BRU MANG PO PA LA BRTEN PA STE, GNYIS KA LA GSUM PA 'DI NI RGYU LA'O, ,TSOGS PA LA SKUR BA 'DEBS BA ZHES PA 'DIR YANG 'JUG GO, ,DES NA DON 'DIR 'GYUR TE, CI STE RJOD PAR BYED PA NYID DANG, MI BDEN PA'I DON NYID KYI GTAN TSIGS KYIS TSOGS PA'I DON LA SKUR PA 'DEBS PAR 'GYUR NA, DE'I SGO NAS DE GNYIS KA LA GNOD PA NA, TSOGS PA'I DON LA SKUR PA 'DEBS TE, DE'I PHYIR KHYAD PAR DANG 'GAL BAR 'GYUR RO ZHES PA'O, ,YANG 'DI CI LTAR 'GAL BA YIN TE, 'DI LA 'GAL BA'I MTSAN NYID SRID YIN PAS SO ZHE NA, JI LTAR 'GAL PA YIN BA DE LTAR BRJOD PAR BYA STE, MNGON PAR BSGO BA'I DAG KYANG BRDZUN PA'I DON CAN NYID YIN NA, BH'A RA TA @175A *, ,LA SOGS PA'I NGAG THAMS CAD BRJOD PA'I RANG BZHIN MA YIN PA DANG, JI LTA BA'I DON CAN DU 'BYUNG STE, GANG YANG DE'I KHYAD PAR RJOD PAR BYED PA NYID LA SOGS PA DANG DE'I CHOS KYI MI BDEN PA'I DON CAN NYID LA SOGS PA DE YANG RNAM BA GZHAN DU 'BYUNG NGO ZHES PAS 'DI LTAR 'GAL BAR 'GYUR RO, ,'O NA BH'A RA TA LA SOGS PA'I NGAG RNAMS NI MNYAN BAR BYA BZHIN PA NYID KYI PHYIR MNGON SUM KHO NA RNAMS TE, DE RNAMS BRJOD PA MA YIN PA NYID DU CI LTAR 'GYUR, MI BDEN PA'I DON CAN GYI NGAG 'GA' ZHIG RNAMS KYANG DMIGS TE, DES NA NGAG THAMS CAD JI LTA BA BZHIN GYI DON CAN DU 'BYUNG NGO ZHES BSHAD PA 'DI MI RIGS SO ZHE NA, 'DI 'DI LTAR MA YIN TE, NGAG 'DI'I DON 'DI LTA BU 'DI LTAR DU BRJOD PAR BYA BA NA, THAL BAR 'GYUR RO ZHES SGRA'I DON GYI DBANG LAS 'DI 'DI LTA BUR 'BYUNG GI DNGOS PO'I DBANG LAS NI MA YIN NO, ,BRJOD PA'I SKYON NI GZHAN DON RJES SU DPAG PAR DBANG DU BYA BA'O ZHES BSHAD LA DE'I PHYIR MNGON SUM LA SOGS PA DANG 'GAL BA YOD NA YANG, DE LA MA LTOS PAR 'GAL BA NYID BRJOD PAR BYA'O, ,GAL TE RJES SU BSGO BA'I NGAG MI BDEN PA'I DON CAN NYID DU GRUB NA, 'GAL BA NYID DU 'GYUR MOD, DE NYID NI 'GRUB PA MA YIN TE, DON RTOGS PAR BYED PA THAMS CAD NI MI BDEN PA'I DON CAN NYID DU 'BYUNG BAR BYA'O ZHES PA'I NGES PA 'DI MED DE, 'BREL PA MED PA'I PHYIR RO ZHE NA, 'DI BDEN MOD, 'ON KYANG SKYON GZHAN 'DIR LTOS PAR BYA BA MA YIN TE, DPER NA GRANGS CAN LA BRTAG PA NA GZHI MA GRUB PA NYID LA SOGS PA BZHIN NO, ,DON RTOGS PAR BYED PA'I SGRUB PAR BYED PA'I DNGOS PO KHAS BLANGS NAS NI, DES RTOGS PAR BYAS PA'I MI BDEN PA'I DON CAN GYI NGAG GI STOBS KYIS RANG GI NGO BO DANG KHYAD BAR BSAL BA'I PHYIR GTAN TSIGS 'GAL BA NYID DU 'GYUR RO, ,DES NA 'DI NI 'GAL BA GZHAN KHO NA'O, , DE'I PHYIR 'DI LA JI SKAD BSHAD PA'I 'GAL BA'I MTSAN NYID BTZAL BAR BYA BA MA YIN NO, ,YANG CI'I PHYIR 'DI'I MTSAN NYID KYI MDO LOG PAR MA MDZAD CE NA, GTZO BO MA YIN PAR SHES PA'I DON DU STE, LUNG LA BRTEN PA'I RJES SU DPAG BA BZHIN NO, ,GTZO BO MA YIN PA NYID NI DNGOS PO LAS MI 'GAL BA NYID @175B KYI PHYIR RO, ,SMRAS PA YANG ZHES PA STE, CHOS DANG CHOS CAN DANG, CHOS CHOS CAN DAG STE, DE RNAMS NI CHOS DANG CHOS CAN RNAMS SO, ,DE RNAMS KYI RANG GI NGO BO 'AM, DE'I KHYAD BAR GYI ZHES PA, CHOS DANG CHOS CAN DAG GI KHYAD PAR GYI, PHYIN CI LOG TU NYER BYED PHYIR, ,ZHES PA 'GAL BA SGRUB PAR BYED PA'I PHYIR ZHES PA'I DON TO, ,DE LTA NA 'O NA SGRA MNYAN PAR BYA BA MA YIN TE, BRTZAL BA MA THAG TU BYUNG BA'I PHYIR RO ZHES PA 'ANG 'GAL BAR 'GYUR RO ZHE NA GSUNGS PA, GNOD PA YOD NA ZHES PA'O, ,'DUS PA NYID 'BA' ZHIG PA NI 'GAL PA NYID DU 'GYUR MOD, GANG GI TSE GANG DOGS PA BSU NAS SLOB DPON DBYIG GNYEN GYIS, DA LTAR 'DUS RNAMS NANG MA YIN, ,DE BZHIN GZHAN DON CAN MI 'GYUR, ,ZHES BSHAD PA NANG NYID DANG, LHAN CIG PA RAB TU SBYOR BA DE'I TSE DE CI LTAR 'GAL BA NYID YIN ZHE NA GSUNGS PA, GANG SLOB DPON GYIS GSUNGS PA ZHES PA LA SOGS PA STE GRANGS CAN PAS BRJOD PA, MIG LA SOGS PA RNAMS NI GZHAN GYI DON YIN TE 'DUS PA NYID KYI PHYIR, 'DIR MAL CHA DANG STAN DANG SHING RTA LA SOGS PA'I 'DUS PA RNAMS GZHAN GYI DON DU MTHONG ZHING, NAG PA LA SOGS PA'I RNAM 'GYUR SKYES BU'I DON RNAMS NI BDAG NYID KYI DON MA YIN LA, PHAN TSUN GYI DON MA YIN ZHING, DON MED CAN MA YIN PA DE BZHIN DU, MIG LA SOGS PA'I 'DUS PA RNAMS KYANG NGO, ,DE'I PHYIR GZHAN GYI DON 'DI RNAMS KYIS 'BYUNG BAR BYA BA, GANG GI DON DU 'DI RNAMS YIN BA DE NI BDAG STE, DE'I PHYIR BDAG YOD DO ZHES PA'O, ,'DI LA SLOB DPON GYIS GSUNGS PA, BDAG GZHAN YIN NA DE MA GRUB BO, ,GAL TE GZHAN GYI SGRAS BDAG BSTAN PAR BYA BA YIN NA MAL CHA DANG STAN LA SOGS PA'I 'DUS PA RNAMS GZHAN GYI DON DU MTHONG NGO ZHES PAS, 'DIR BDAG MA GRUB BO, ,DPE BSGRUB PAR BYA BA DANG BRAL BA'O ZHES PA'I DON TO, ,'DIS NI 'GAL BA NYID DU BSHAD DE, 'DUS PA RNAMS NI GAL TE DE'I DON YIN NA'O, ,CI STE MIG LA SOGS PA 'DUS PA YIN ZHING, NAG PA LA SOGS PA GZHAN GYI SGRAS MTSON PA YIN NA, GANG GI DON DU MAL CHA DANG STAN LA SOGS PA RNAMS YIN ZHING, MIG LA SOGS PA RNAMS KYANG YIN PA DE'I' @176A *, ,DON CAN RNAMS SU 'GRUB STE, 'DUS PA'I DON RNAMS SU ZHES PA'I DON TO, ,'DIS NI 'DUS PA RNAMS DE'I DON NYID DU GRUB CING, PHA ROL POS KYANG MIG LA SOGS PA RNAMS SEMS DANG SEMS LAS BYUNG BA'I TSOGS KYI DON NYID DU KHAS BLANGS PA'I PHYIR GRUB PA BSGRUB PA'O, ,'DIR GRANGS CAN BA GZHAN GYI SGRA BDAG GI RJOD BYED DO ZHES PA'I PHYOGS 'DI LA GANG SKYON BRJOD PA DE SPONG BAR 'DOD PAS NANG NYID DU YOD PA NA ZHES RTAGS KYI KHYAD PAR 'GA' ZHIG GI TSE NYE BAR LEN PAR BYED CES DOGS PAR BYAS TE, DE LTAR 'DUS PA NANG RNAMS YIN, ,ZHES PA LA SOGS PA GSUNGS SO, ,'DIS JI LTAR 'GAL BA NYID DU BRJOD PA DE LTAR BSTAN PA'I CHED DU GSUNGS PA DE LA ZHES PA LA SOGS PA'O, ,CI LTAR NA GTAN TSIGS KYI MTSAN NYID DANG MI LDAN PA YIN ZHE NA, DE LTAR NI ZHES PA LA SOGS PA'O, ,'DIS NI 'GAL BA'I GTAN TSIGS KYI MTSAN NYID DANG LDAN PAR STON PA NYID KYI PHYIR NA GTAN TSIGS KYI MTSAN NYID DANG MI LDAN PAR STON TO, ,GNYIS KA ZHES PA NANG GI NYID DANG 'DUS PA NYID KYANG, MTHUN PHYOGS LA STE BDAG GI DON 'GA' ZHIG LA RIGS PAS GRUB PA MA YIN TE, BDAG PHUL DU BYUNG BA BYAR MED PA LA PHAN GDAGS PAR MI NUS PA NYID KYI PHYIR RO, ,PHAN TSUN GYI DON CAN DANG, DON MA YIN PA RNAMS LA GRUB STE, DE LTAR NI BSTAN BCOS SU PHAN TSUL GYI DON NYID BSHAD DE, DBANG PO GANG ZHIG DBANG PO GANG ZHIG LA YUL STON PA BYED, DAG PAR BYED, SO SLAR 'DU BYED, NYE BAR 'DZIN PAR BYED PA DE NI RGYU YIN ZHING CIG SHOS NI 'BRAS BU'O ZHES SO, ,PHAN TSUN DU GDAGS PAR BYA BA NYID KYIS NA 'BRAS BU DANG DNGOS PO BSHAD DO, ,DON MED PA NYID NI MNGAL DU NGES PAR 'CHI BA RNAMS KYI SGRA STE, SGRA LA SOGS PA LONGS SPYAD PA MA BYAS PA KHO NAR 'GAG PA NYID KYI PHYIR RO, ,SNGA MA NYID DU ZHES PA RANG GI NGO BO SEL BAR BYED PAR RO, ,'DI LA KHYAB PA MED PA 'AM 'GAL BAR GRUB PAR DOGS PAR BYA BA YANG MA YIN TE, GANG GI PHYIR MIG LA SOGS PA RNAMS GAL TE DON BYED NA BDAG MED PA MI RTAG PA KHO NA'I STE, YANG NA NI BYED PA MA YIN PA KHO NA'O, ,BDAG NI RNAM PAR MI 'GYUR BA NYID KYI PHYIR 'DI RNAMS LA DE'I @176B DON NYID SRID PA MA YIN PA KHO NA'O, ,DE'I PHYIR NANG GI 'DUS PA RNAMS NI BDAG MED PA'I DON CAN NYID KYIS KHYAB BO ZHES PAS 'GAL BAR 'GYUR RO, ,SLAR YANG DON 'DI NYID CES PA, GANG 'DI MTHUN PHYOGS YOD MED DANG, ,ZHES PA LA SOGS PAS RGYA CHER BSHAD PA'O, ,CI'I DON DU ZHE NA, GTAN TSIGS DANG 'GAL BA DANG MA NGES PA NYID 'DI KHO NA GSAL BAR BYED PA'I CHED DU'O, ,GANG GI PHYIR RNAM PA GZHAN GYIS BRJOD PAR BYAS PAS DON DE KHO NA DRI MA MED PAR 'GYUR TE, KUN DU RMONGS PA'I LHAG MA DANG BRAL BA'I PHYIR RO, ,GSUM PO KHO NA STE ZHES PA, CHA SHAS GSUM RTOGS PA STE, RAB TU DBYE BA ZHES PA'I DON TO, ,SPYI YANG GZHAL BYA NYID DE RJES SU 'GRO BA CAN GYI GTAN TSIGS SO, ,KHYAD PAR YANG SROG LA SOGS PA DANG LDAN PA NYID DO, ,LDOG PA CAN ZHES KHA CIG 'DOD DE, DE'I PHYIR DE SEL BA'I CHED DU NGES PAR 'DZIN PAR BYED PA, DER DANG PO GNYIS THE TSOM CHED CES PA'O, ,'O NA MNYAN PAR BYA BA NYID THE TSOM GYI RGYU KHO NA ZHES PA 'DI MI RIGS TE, DE LTAR NI DE BSGRUB PAR BYA BA GZHAN 'GA' ZHIG LA NGES PAR BYED PA'I GTAN TSIGS KYANG YIN PAS SO, ,DPER NA YI GE'I BDAG NYID KYI SGRA NI MI RTAG PA STE, MNYAN PAR BYA BA NYID KYI PHYIR GLING BU LA SOGS PA'I SGRA BZHIN ZHES PA LTA BU'O ZHE NA, 'DIR 'DI'I THUN MONG MA YIN PA NYID MED DO ZHES PAS SKYON MIN NO, ,RANG GI BYE BRAG THA DAD PA RNAMS LA ZHES PA, GANG ZHIG KHYAD PAR JI SNYED KYIS DNGOS PO THAMS CAD BSDUS PA DE NI DE RNAMS LA MTHA' GCIG TU 'DI DAG THE TSOM GYI RGYU DAG GO, ,RTAG PA DANG MI RTAG PA'I YUL BSTAN PA NI DPER BRJOD TZAM MO, ,SGRA THAMS CAD KYANG 'DIR BSGRUB PAR BYA BA NYID DU 'DOD PA NA 'JUG GO ZHES RIG PAR BYA'O, ,BSGRUB PAR BYA BA NYID LA LTOS BA ZHES PA, DPER NA BYAS PA NYID RTAG PA DANG MI RTAG PA DAG LA YANG DAG PA DANG LOG PA SGRUB BA'I GTAN TSIGS JI LTAR RIGS PAR YIN PA DANG, BZAL BA DANG MA BRTZAL BA'I DE MA THAG TU BYUNG BA NYID DAG LA GANG THE TSOM GYI RGYU KHO NA STE, DE BZHIN DU GZHAN LA YANG SNGA MA'I RJES SU 'BRANG BAS BRTAG PAR BYA'O, ,CI'I PHYIR ZHE NA ZHES PA, RTAG PA NYID LA SKUR BA 'DEBS PA PO'I SPYI GZHAL @177A *, ,BYA NYID DANG LUS BDAG DANG BCAS PAR BSGRUB PAR BYA LA, SROG LA SOGS PA DANG LDAN PA NYID KYI, KHYAD PAR YANG YANG DAG PA'I GTAN TSIGS SU RIGS SO ZHES LOG PAR RTOGS PA'I DRI BA'O, ,RJES 'JUG PHYIR ZHES PA LA SOGS PA STE, GZHAL BYA NYID NI THAMS CAD LA RJES SU 'JUG PA'I PHYIR, LDOG PA BZOD MA YIN, LDOG PA MI RUNG ZHES PA'I DON TO, ,DNGOS PO MED PA YANG GZHAL BYA YIN PAS TE, GZHAN DU NA MU STEGS BYED GZHAN GYIS YONGS SU BRTAGS PA'I TSIG GI DON MED PA TSAD MA'I YUL DU MI 'GYUR RO, ,DE LAS KYANG DE GYUR PA'I THA SNYAD CHAD PA KHO NAR 'GYUR RO, ,DE'I PHYIR DE MED PA LA YANG GZHAL BYA NYID 'JUG GO, ,KHYAD PAR MNYAN BYA NYID LA SOGS PA NI, THAMS CAD LA MI 'JUG PA'I PHYIR RJES SU 'GRO BA BZOD MA YIN, YANG CI LTAR DNGOS PO'I CHOS SU GYUR PA NI THAMS CAD LA MI 'JUG PAR RIGS, DNGOS PO'I CHOS YIN PA NYID KHO NA NI THAMS CAD LAS LDOG PA LAS 'GYUR BA MA YIN NO ZHE NA, 'DI BDEN MOD KYI GZHAN GYI 'DOD PA'I NGOR DE SKAD BSHAD PA STE, PHA ROL PO NI MA MTHONG BA TZAM KHO NAS LDOG PAR 'DOD DE, DPER NA BDAG MED PA BUM PA LA SOGS PA RNAMS LAS SROG LA SOGS PA LTA BU'O, ,DE'I PHYIR DE'I RMONGS PA BSAL BA'I DON DU 'DI SKAD BSHAD DO, ,GAL TE MA MTHONG BA TZAM LAS LDOG PA 'GRUB NA, MNYAN PAR BYA BA NYID NI RTAG PA DANG MI RTAG PA THAMS CAD LAS LDOG PAR 'GYUR ZHING, DE LAS KYANG DNGOS PO'I CHOS MA YIN PA NYID KHO NAR 'GYUR RO, ,'DI RIGS PA'ANG MA YIN NO, , DE'I PHYIR SROG LA SOGS PA YANG MA MTHONG BA TZAM GYIS LDOG PA 'GRUB PA MA YIN NO ZHES PAS LDOG PA CAN GO BAR BYED PA NYID DU 'DOD PAR BYA BA MA YIN NA, DE YANG RJES SU 'GRO BA DANG LDOG PA DAG LAS ZHES PA, GANG GI PHYIR LDOG PAS RTAG PA LAS RNAM PAR GCAD PAR BYA ZHING, RJES 'GROS NI MI RTAG PA LA BSGRUB PAR BYA BA STE, 'DI DAG KYANG YAN LAG GCIG MA TSANG BA'O ZHES PA'O, ,YANG CI LTAR YAN LAG GCIG MA TSANG BA NYID DU BRJOD CE NA, JI TZAM GYIS MTHUN PHYOGS KHO NA LA YOD PA RJES SU 'GRO STE, DE YANG LDOG PA MED PAR MA YIN NO, ,MI MTHUN PHYOGS LA MED @177B PA KHO NA NI LDOG PA STE, DE YANG RJES 'GRO MED PAR MA YIN NO, ,RANG GI LUGS SO, ,PHA ROL PO NI YOD PAR GYUR PA TZAM NI RJES SU 'GRO BAR SEMS SHING, MA MTHONG BA TZAM GYIS KYANG LDOG PAR RO, ,'DI GNYIS KYANG GZHAL BYA NYID DANG MNYAN BYA NYID DAG LA YOD DO ZHES PAS YAN LAG GCIG MA TSANG BA NYID DU PHA ROL PO'I 'DOD PAS BRJOD DO, ,DE LTAR NA 'O NA ZHES PA STE, GAL TE GANG GI GTAN TSIGS LDOG PAS GCIG LAS GCOD CING, ,RJES 'GRO CIG SHOS LA SGRUB PAR BYED PA YIN NA, 'O NA RJES SU 'GRO BA KHO NA 'BA' ZHIG PA STE, THAMS CAD LA SGRUB PAR BYED CING RJES SU 'JUG PA'I SHES PA'I RGYU KHO NAR 'GYUR TE, RANG GI RTEN LA RTAG PA YIN ZHING 'DI MI RTAG PA YANG NGO ZHES PAR RO, ,GANG GI YANG LDOG PA KHO NA RJES 'GRO MED PA DES THAMS CAD LAS GCOD PAR BYED CING, LDOG PA'I SHES PA'I GTAN TSIGS KHO NAR 'GYUR TE, RTAG PA MA YIN ZHING MI RTAG PA MA YIN ZHES PAR RO, ,DPER NA GNYIS KA LA BRTEN PA ZHES PA, RJES SU 'GRO BA DANG LDOG PA LA BRTEN PA BYAS PA NYID LA SOGS PA STE, BYAS PA NYID NI RTAG PA LAS LDOG GO ZHES PAS RANG GI RTEN LA RTAG PA RNAM PAR GCOD PA'I SHES PA'I GTAN TSIGS YIN ZHING, MI RTAG PA BUM PA LA SOGS PA LA YANG 'JUG GO ZHES PAS MI RTAG PA NYID KYI SHES PA'I RGYU YANG NGO, ,KUN LA YOD PA YANG MA YIN, ,ZHES PA LA SOGS PA STE, YANG GI SGRA NI NGES PAR GZUNG BA LA'O, ,RTAG DANG MI RTAG PA DAG NI PHAN TSUN SPANGS TE GNAS PA'I MTSAN NYID CAN GYI PHYIR, DNGOS PO GCIG GNYIS KA'I NGO BO MA YIN LA, DE GNYIS KA RNAM PAR GCOD PA'I NGO BO YANG MI SRID DO ZHES PA'I DON TO, ,GZHAN YANG GCIG THAMS CAD KYI RANG BZHIN NYID NA, DNGOS PO GCIG GI 'GAL BA DU MA'I RANG BZHIN DU 'GYUR ZHING, THAMS CAD MA YIN PA NYID NA YANG, THAMS CAD KYI RANG BZHIN DANG BRAL BA'I PHYIR DE DNGOS PO NYID DU 'GYUR BA MA YIN NO, ,'O NA CI LTAR ZHES PA LA SOGS PA STE, 'GAL BA'I DON LA 'JUG PA NYID NI BYAS PA NYID DANG GZHAL BYA NYID LA MTSUNGS TE, DE GAL TE GZHAL BYA NYID SGRA LA THE TSOM GYI RGYU YIN NA, CI LTAR GNYIS KA LA BRTEN PA BYAS PA NYID LA SOGS PA PHAN CHUN DU 'GAL BA RTZAL MA THAG TU @178A *, ,BYUNG BA DANG, RTZOL MA THAG TU MA BYUNG BA LA 'JUG BZHIN PA NI RJES SU 'JUG PA'I SHES PA'I GTAN TSIGS CI LTAR YIN, DE LAS NI GLOG DANG BUM PA LA SOGS PA LA MI RTAG CES NGES PA RJES SU 'JUG PA'I SHES PA SKYE'O, ,'DI YANG NI YANG DAG PAR RTOGS PAR BYED PA'I GTAN TSIGS GSAL BAR BYED PA'I CHED DU NYE BAR BKOD PA'O, ,DON GZHAN RNAM PAR GCOD PA'I SGO NAS ZHES PA STE, 'DIS LDOG PA YOD PAR GYUR PA NI GNYIS KA BRTEN PA'I KHYAD PAR DU GSAL BAR BYED DO, ,DE LTAR NI LDOG PA GTZO BO NYID LAS, DON GZHAN RNAM PAR GCOD PAR BYED PA'I SGO NAS GTAN TSIGS GO BAR BYED PA'O ZHES BRJOD KYI, DE'I KHYAD PAR 'DZIN PAS NI MA YIN NO ZHES PAS GLOG DANG BUM PA LA SOGS PA KHYAD PAR GYI SGO NAS MA YIN TE, MTHONG BA BZHIN DU SGRUB PA'I SGO NAS MA YIN NO ZHES PA'I DON TO, ,RJES SU 'GRO BA GTZO BO NYID MA YIN PA'I PHYIR ZHES BSHAD DO, ,CI'I PHYIR LDOG PA'I SGO NAS GO BAR BYED KYI RJES 'GRO'I SGO NAS NI MA YIN ZHE NA, GSUNGS PA, DE LTAR NI DE ZHES PA LA SOGS PA STE, GANG LA MED LA STE, MI MTHUN PHYOGS LA, DE RNAMS GCOD DE, DE SEL BA, DE GRUB DON DU JI BZHIN GYI DON SHES PA'I RGYU ZHES PA'I DON TO, ,KHYAD PAR RTOGS PA'I DON DU MA YIN TE, DE LA 'KHRUL PA'I PHYIR RO, ,RDZAS SU YOD PA'I SPYI RTOGS PA'I DON DU MA YIN TE DE MED PA'I PHYIR RO, ,GANG LA MED PA DE RNAM PAR GCOD PA'I SGO NAS DON JI LTA BA BZHIN SHES PA'I GTAN TSIGS SU BRJOD DO ZHES 'BREL LO, ,MTHA' DAG LA ZHES PA LA SOGS PAS, RNAM GNYIS 'JUG CES PA 'DI'I DON 'CHAD DO, ,'DIS KYANG RJES 'GRO GTZO BO NYID MA YIN PAR GSUNGS SO, ,DPER NA ZHES PA LA SOGS PAS RNAM GNYIS SU 'JUG PA DE STON TO, ,DE LTAR BYAS NAS ZHES PA, GANG GI PHYIR RNAM PAR GCOD PA'I SGO NAS GTAN TSIGS GO BYED YIN PA DE' PHYIR DRI ZHIM PA'I GTAN TSIGS GCIG LAS AUTPAL DRI NYID LA SOGS PA RNAMS 'GRUB STE, DRI ZHIM PA NYID NI, GANG NA DRI NYID LA SOGS PA CAN DE NA YOD PA'I PHYIR DANG, DE MED PA NA MED PA'I PHYIR RO, ,'O NA DRI ZHIM PA NI DRI NYID LA SOGS PA RNAMS PA LA MTHONG BA'I PHYIR MTHONG BA'I SGO @178B NYID NAS DRI LA SOGS PA RNAMS 'GRUB PO ZHE NA, GSUNGS PA, GZHAN DU NA ZHES PA LA SOGS PA'O, ,GAL TE JI LTAR MTHONG BA DE LTAR RTOGS KYI RNAM PAR GCOD PA'I SGO NAS MA YIN NA, RIM PA JI LTA BAR DKAR PO NYID KYIS GZUGS NYID DANG YON TAN NYID DANG BRTEN PA NYID GSUM RNAMS RTOGS PAR 'GYUR ZHING, GZUNGS NYID LAS YON TAN DANG BRTEN PA NYID GNYIS DAG DANG, YON TAN NYID LA BRTEN PA NYID GCIG PU YANG NGO, ,DE BZHIN DU LUGS LAS BZLOG PAS KYANG STE, BRTEN PA NYID KYI PHYIR YON TAN NYID DANG GZUGS NYID DANG DKAR PO NYID DE GSUM PO RNAMS 'GYUR ZHING, YON TAN NYID KYI PHYIR GZUGS NYID DANG DKAR PO NYID DE GNYIS PO DAG DANG, GZUGS NYID KYI PHYIR DKAR PO GCIG PU KHO NA YANG NGO, ,BRTEN PA NYID LA SOGS PA RNAMS YON TAN NYID LA SOGS PA RNAMS LA MTHONG BA MED PA NI MA YIN NO, ,CI STE JI LTAR BRTEN PA NYID YON TAN NYID LA SOGS PA RNAMS LA MTHONG BA DE LTAR LAS LA SOGS PA RNAMS LA YANG NGO ZHES PAS THE TSOM DU 'GYUR NA, DKAR PO NYID KYANG GZUGS DANG YON TAN DANG BRTEN PA RNAMS LA MTHONG NGO ZHES PAS, ,DE'I PHYIR DE RNAMS LA THUN MONG BA'I PHYIR THE TSOM DU 'GYUR RO, ,LDOG PA'I SGO NAS RTOGS PA LA NI SKYON MED DO, ,DPER NA GZUGS NYID MED PA LA MED PA'I PHYIR DKAR PO NYID NI GZUGS NYID LA GTAN TSIGS SO, ,DE LTAR YON TAN NYID DANG BRTEN PA NYID DAG LA YANG, DE DAG MED NA MED PA'I PHYIR RO ZHES PA'O, ,BRTEN PA NYID NI YON TAN NYID LA SOGS PA MED PA LA YANG MTHONG NGO ZHES PAS YOD PA MA YIN NO, ,DE'I PHYIR YON TAN NYID LA SOGS PA'I NGES PAR BYED PA'O, ,CI STE GCIG SMOS PA CI'I DON DU YIN GCIG NYID NI GZUGS GZHAN MA YIN NO ZHE NA, GSUNGS PA, GCIG SMOS PA NI ZHES PA LA SOGS PA'O, ,'O NA, GCIG GI TSIG TU BSTAN PA'I PHYIR, ,ZHES PA LA SOGS PA STE, GANG DU MED PA RNAM GNYIS 'JUG ,CES PA 'DIR, GCIG GI GRANGS SU BRJOD PAR 'DOD PA NYID KYI PHYIR RO, ,JI SKAD DU SNGAR, GRANGS GCIG BRJOD PAR 'DOD PA NYID, ,CES PA LA SOGS PA BSHAD PA BZHIN NO ZHE NA'O, ,MA YIN TE 'GAL BA MED PA RNAMS LA ZHES PA @179A *, ,LA SOGS PA STE, 'GAL BA STE MI MTHUN PA'I ZLA BO'I GTAN TSIGS 'DI RNAMS LA MED DO ZHES PA 'GAL BA MED PA RNAMS TE, DNGOS PO'I STOBS KYIS ZHUGS PA'I GTAN TSIGS RNAMS SO, ,DE RNAMS LA GRANGS GCIG BRJOD PAR 'DOD PA MA YIN NO, ,DE 'DIS YONGS SU BA'I LHAG MA YIN PA'I PHYIR DNGOS PO'I STOBS KYIS MA ZHUGS PA'I RTAGS KHO NA GRANGS GCIG PA'I YUL YIN NO ZHES BSHAD PAR 'GYUR RO, ,GAL TE 'O NA 'GAL BA MED PA RNAMS LA GCIG NYID BRJOD PAR 'DOD PA MA YIN NA, DE RNAMS KYI DU MA RNAMS GCIG LA SBYOR BA RJES SU SNANG BAR 'GYUR ZHING, DE LAS KYANG DU MA GCIG LA SBYOR BA NA GTAN TSIGS DANG DPE LHAG CING LHAG PA ZHES PAS TSAR GCAD PA'I GNAS SU THAL BAR 'GYUR RO ZHE NA GSUNGS PA YIN NO ZHES PA LA SOGS PA'O, ,'DI LTAR DGONGS PA STE NGES PA KHAS LEN PA NA 'DI SKYON YIN TE, GANG DU SGRUB PAR BYED BA'I NGAG GCIG GI SBYOR BA NGES PAR SNGON MA CAN RNAM PAR DPYOD PAR BYED PA DER LHAG PAR BRJOD PA'O ZHES PAS TSAR GCAD PA'I GNAS YIN NO, ,SPROS PA'I GTAM LA NI CUNG ZAD KYANG MA YIN TE, NGES PA MED PA'I PHYIR RO ZHES PA'O, ,DPER NA 'GRENG BA NYID DANG BYA ROG GI GNAS DAG CES PA'O, ,MI 'GAL BA DAG GON GCIG RTOGS PAR BYED PA'I GTAN TSIGS NYID DU MTHONG BA NI 'DI TZAM GYIS NYE BAR DPOG PA'O, ,'DI DAG SO SO BA YANG BYAS PA NYID LA SOGS PA BZHIN DU NUS PA NYID MTHONG BA NI MA YIN NO, ,DE NI BZLOG PA LA ZHES PA LA, NI'I SGRA NI NGES PAR 'DZIN PA LA'O, , DE KHO NA STE GANG DU BSGRUB BYA LA YANG DAG PA'I SHES PA'I RGYUR 'DOD PA DE KHO NA NI DE LAS BZLOG PA BSGRUB PAR BYA BA LA 'GAL BAR 'GYUR RO, ,GANG DU RNAM PA GNYIS SU 'JUG PA DE RNAM PAR GCOD PAR 'GRUB PA'I DON GZHAN LA MI 'JUG PA STE, MTHUN PHYOGS RTAG PA LA MI 'JUG PA ZHES PA'I DON TO, ,'DI LA YANG ZHES PA JI LTAR 'JIG PA NYID BSGRUB PAR BYA BA LA 'DI NI MI RTAG PA KHO NA STE, RTAG PAR 'GYUR BA NI MA YIN NO ZHES DE RTAG PA BKAG PA'I SGO NAS SGRUB PAR BYED PA DE LTAR RTAG PA NYID BSGRUB PAR BYA BA LA YANG DE LA BZLOG PA'O ZHES PA'O, ,'DIR 'O NA CI @179B LTAR ZHES, 'DI LA YANG BZLOG PA LAS RTAG PA BKAG PA'I SGO KHO NAS SGRUB PAR BYED DO ZHES SMRAS PAS, BSGRUB BYA BKAG PA'I SGO KHO NAS 'GAL BAR 'GYUR RO ZHES DAM BCAS TE, DE LTAR GYUR NA 'DI NA GRANG BA'I REG PA STE ME'I PHYIR RO ZHES PA 'DI LA BSGRUB PAR BYA BA GRANG BA BKAG PA TZAM GYIS DRO BAR 'GRUB PA MA YIN TE, DRO MIN GRANG MIN GYI PHUNG PO GSUM PA YANG YOD PA'I PHYIR RO, ,SGRUB PAS DRO BA'I REG PA SGRUB PAR BYED PA LA NI SKYON 'DI MED DE, ,DE'I PHYIR SGRU PA KHO NAS BZLOG BSGRUB PAR BYED PA'I PHYIR 'GAL BAR RIGS SO ZHES SEMS SO, ,GAL TE YANG DRO BA MI SGRUB KYI ZHES PA STE, GAL TE YANG ZHES PA 'DIS 'GRUB PA KHO NA STE, GRANG BA TZAM BKAG PAS KYANG DRO BAS TE, DES ME LA KHYAB PA NYID KYI PHYIR RO, ,DRO MIN GRANG MIN NI 'JAM PA NYID LA SOGS PA STE, DE NI GANG NA DRO BA'I REG PA CAN DER SRID PA KHO NA STE, 'GAL BA MED PA'I PHYIR RO, ,DE YOD NA YANG DRO BA NYID 'GRUB PA'I PHYIR 'GAL BA CUNG ZAD KYANG MED DE, DPER NA SGRA LA RTZOL MA THAG TU BYUNG BA NYID YOD PAR GYUR NA YANG BYAS PA NYID LA MI RTAG PA NYID 'GRUB STE, DES DE LA KHYAB PA NYID KYI PHYIR 'GRUB PA DE BZHIN DU, SA PHYOGS SU 'JAM PA NYID LA SOGS PA'I REG PA YOD PAR 'GYUR KYANG ME LAS DRO BA NYID 'GRUB STE, DES DE LA KHYAB PA NYID KYI PHYIR RO, ,KHAS BLANGS NAS KHO BOS LAN BRJOD PAR BYA'O ZHES GSAL BAR BYED DO, ,GRANG BA MA YIN PA NI 'GRUB PO ZHES PA GRANG BA MED PA'O, ,DE LTA NA YANG 'GAL BA ZHES PA, GRANG BA NYID MED PA 'GRUB PA'I PHYIR TE, SGRUB PAS DRO BA NYID SGRUB PAR BYED PA NA NI MA YIN NO, ,'DIR GRANG BA'I REG PA STE, ME'I PHYIR RO ZHES BYAS PA NA, GANG GI TSE GRANG BA MED PA SGRUB PA LA GTAN TSIGS NYID DU BRJOD DE, JI LTAR GTAN TSIGS 'DIS GRANG BA MED PA KHO NA SGRUB PAR BYED PA LTAR RO ZHES BA LTA BU YIN PA DE'I TSE 'GAL BAR 'GYUR MOD, GANG GI TSE DRO BA 'GRUB PA LA, ME GTAN TSIGS SU BRJOD PA DE'I TSE CI LTAR GRANG BA BKAG PA'I SGO NAS 'GAL BAR 'GYUR ZHEN GSUNGS PA, GANG GI TSE ZHES PA LA SOGS PA'O, ,DE'I TSE YANG DON GYIS GO BAR GRANG BA NYID MED PAR MES SGRUB PAR BYED @180A *, ,PA KHO NA STE, GZHAN DU NA DRO BA KHO NA 'GRUB PA MA YIN NO, ,DE'I PHYIR DE'I TSE YANG GRANG BA MED PA GRUB PA KHO NA 'GAL BAR 'GYUR RO, ,LHAG MA RNAM GSUM LTOS PA YIS, ,ZHES SNGAR BSHAD PA DE LA YANG DAG PA DANG LOG PA SGRUB PAR BYED PA'I GTAN TSIGS NYID KYIS LHAG MA GSAL BAR BYAS SO, ,DA NI THE TSOM GYI GTAN TSIGS NYID GSAL BAR BYAS PA'I CHED DU PHYOGS SNGA MA 'GONG LA, 'O NA YANG ZHES PA LA SOGS PA STE, THAMS CAD LA 'JUG BZHIN PA ZHES PA NGAG GI LHAG MA'O, ,MA YIN DGAG GI 'JUG PAS ZHES PA, BSGRUB PAS TE BRTAG PA DGAG PA LA MI LTOS PAR ZHES PA'O, ,SGRA MI RTAG STE BYAS PA NYID KYI PHYIR RO ZHES BYAS PA NA, RTAG PAR MI 'GYUR RO ZHES RTOGS PA NI MA YIN NO, ,'O NA CI ZHE NA, SGRUB PA KHO NAS 'JIG PA'O ZHES PAR RO, ,DE'I PHYIR RTAG PA BKAG PA'I SGO NAS RTOGS SO ZHE NA, 'DI DE LTAR 'GYUR NA ZHAS PA LA SOGS PA STE, GAL TE BYAS PA LA SOGS PA GANG ZHIG BUM PA LA SOGS PA GANG LA 'JUG PA DE DE'I KHYAD PAR MCHOG TU 'DZIN PAS KHYAD PAR GZUNG BAS NGES PAR BYA BAR NUS PAR GYUR NA SGRUB PA'I SGO NAS RTOGS PAR BYED PA NYID RIGS NA, DE YANG MED DE, GANG GSUNGS PA, GANG LA ZHES PA LA SOGS PA'O, ,'O NA DE LTA NA ZHES PA NI, ,GAL TE BUM PA LA SOGS PA DU MA LA MTHONG BA'I PHYIR BYAS PA NYID THE TSOM GYI RGYU YIN NA BDAG MED PA NYID LA SOGS PA RNAMS LA YANG 'GYUR BA'O, ,'DI DE LTAR 'GYUR RO ZHES PA, KHYAD PAR RNAMS LA THE TSOM GYI RGYUR BRJOD PAR BYA NA, MI RTAG PA DANG BDAG MED PA LA SOGS PA RNAMS KHYAD PAR MA YIN NO, ,DE LTAR NA NI DE RNAM ZHES PA STE, 'DIS NI GANG RNAMS PHAN TSUN DU LDOG CING THA DAD PA DE RNAMS KHO NA 'DIR KHYAD PAR DU BRJOD PAR 'DOD CING, MI RTAG PA NYID LA SOGS PA RNAMS PHAN TSUN DU LDOG PA YOD PA YANG MA YIN TE, DNGOS POR NA THA MI DAD PA NYID KYI PHYIR RO ZHES STON TE, ,DE LTAR 'GYUR MOD, KHYAD PAR RNAMS LA 'KHRUL PA'I BDAG NYID DU GYUR PA SGRUB PA'I SGO NAS RTOGS PAR BYED PA NYID DE, SPYI LA NI 'KHRUL PA MED DO, ,DE'I PHYIR SGRUB LAS SPYI DNGOS POR GYUR PA KHO NA RTOGS PAR 'GYUR RO ZHE NA, DE'I PHYIR GSUNGS @180B PA MA YIN ZHAS PA LA SOGS PA STE, MI RTAG PA NYID NI RTAG PA NYID BKAG PA LAS TE, RTAG PA NYID BSAL BA LAS GZHAN GANG SGRUB PAS BRJOD PAR BYA BA DON GZHAN MA YIN PA YOD PA NI MA YIN NO, ,RIGS PA YANG ZHES PAS 'THAD PA'I RIGS PA'O, ,DE CI ZHIG CE NA GSUNGS PA, GANG MI MTHUN PHYOGS LAS ZHES PA LA SOGS PA STE, 'DIS NI LDOG PA GTZO BO NYID DU STON CING, LDOG PA'I SGO NAS RTOGS PA'I RIGS PA NYID DU GSUNGS SO, ,DE LTAR NI 'GYUR MOD KYI RJES SU 'GRO BA YANG GTZO BO NYID KYI PHYIR, MTHONG BA BZHIN DU SGRUB PA'I NGO BOS KYANG RTOGS PAR RIGS SO ZHE NA GSUNGS PA, 'DI NI ZHES PA LA SOGS PA'O, ,'DIS NI RJES SU 'GRO BA GTZO BO NYID MA YIN PAR STON TO, ,'O NA BYAS PA NYID NI MI RTAG PA THAMS CAD A YOD PA'I PHYIR DE SGRUB PAS RTOGS PAR BYED PAR RIGS SO ZHE NA GSUNGS PA, THAMS CAD LA ZHES PA LA SOGS PA'O, ,'O NA LDOG PA YANG NGES PA MI SRID PA MA YIN NAM, RIGS MI MTHUN RNAM MTHA' YAS PA'I PHYIR RO ZHE NA, 'DI 'DI LTAR MA YIN TE, BSGRUB PAR BYA BA'I RIGS MI MTHUN PA 'DZIN PA LAS GTAN TSIGS KYI LDOG PA GZUNG BAR BYA BA NI MA YIN GYI, 'O NA CI ZHE NA, GTAN TSIGS KYI BSGRUB PAR BYA BA BZLOG PA LA GNOD PA CAN GYI TSAD MA NYE BAR BSTAN PA LAS SO, ,DE LTAR 'GYUR MOD, 'BREL PA'I STOBS KYIS RTOGS PAR BYED PA NA, 'BREL BA NI LDOG PA GTZO BO MA YIN PA NYID KYI PHYIR, DE'I SGO NAS GO BAR BYED PAR 'GYUR RO, ,DES NA MI 'DOD PA 'DIR MA GYUR CIG CES PAS 'BREL PA MED PA KHO NAR GTAN TSIGS GO PAR BYED PAR 'GYUR MOD CE NA, DE'I PHYIR GSUNGS PA, RTAGS NI ZHES PA LA SOGS PA STE, 'DI LTA NA HA CANG THAL BAR 'GYUR RO ZHES PA DGONGS PA'O, ,'DIR YANG ZHES PA THE TSOM GYI GTAN TSIGS LA'O, ,CI'I PHYIR ZHE NA GSUNGS PA, DE LTAR NI ZHES PA LA SOGS PA STE, NGAG GI RNAM PAR RIG BYED KYI SGRA NI RTZOL MA THAG TU BYUNG BA STE, BYAS PA NYID KYI PHYIR, LUS KYI RNAM PAR RIG BYED BZHIN NO ZHES PA GLOG LA SOGS PAS MA NGES PA STE, RANG KUN NAS SLONG BAR BYED PA RTOGS PAR BYED PA'I PHYIR ZHES PA NI @181A *, ,SGRA'I BDAG NYID RTAG PA GSAL SGRAS SO, ,GNYIS KA DAG TSOGS NA NI NGES PA KHO NAR 'GYUR RO, ,DE LA NGAG GI RNAM PAR RIG BYED KYI SGRA NI YI GE'I BDAG NYID KYI GRAG PA'O, ,LUS KYI RNAM PAR RIG BYED NI 'GRO BA LA SOGS PA'I MTSAN NYID CAN NO, ,GSAL SGRA NI THA MI DAD PA STE GSAL BAR BYED PA'I GRAG SGRA'I RJES SU 'GRO BA LAS NGO BO THA DAD PA BZHIN DU 'BYUNG PA RTAG PA RTZOL MA THAG TU BYUNG BA MIN PA SGRA'I BDAG NYID DO, ,'DI YANG KUN NAS SLONG BA RTOGS PAR BYED DO, SHING LA SOGS PA'I SGRA THOS PA LAS DE KUN NAS SLONG BA'I SEMS RTOGS PA'I PHYIR RO, ,KUN NAS SLONG BAR BYED PA NI DE'I MNGON PAR GSAL BA STE, GSAL BAR BYED PA'I GRAG SGRA KUN NAS SLONG BA'I PHYIR YANG SEMS KYANG BRGYUD PAS DE'I KUN NAS SLONG BYED DU 'GYUR RO, ,SEMS DANG SEMS LAS BYUNG BA RNAMS KHO NA KUN NAS SLONG BYED DU BRJOD PAR 'DOD KYI, RGYU TZAM NI MA YIN TE, RNAM PA GZHAN DU NA GLOG LA SOGS PA RNAMS KYANG RANG KUN NAS SLONG BA RTOGS PAR BYED PA'I PHYIR LHAN CIG PA DAG KYANG MA NGES PAR 'GYUR RO, ,DE LTA NA'O NA ZHES PA LA SOGS PA STE, GAL TE THE TSOM GYI GTAN TSIGS NI CHOS GZHAN MTHONG BA LAS BSGRUB BYA NGES PAR BYED PA MTHONG ZHES GCIG SMOS PA RJES SU 'JUG PA YIN NA, DANG PO DAG LA YANG GCIG SMOS PAR BYA'O, ,CI'I PHYIR ZHE NA SMRAS PA, DE LA YANG ZHES PA LA SOGS PA STE, CHOS GZHAN MTHONG BA'I PHYIR ZHES PA, BYAS PA NYID LA SOGS PA'I CHOS BSTAN PA'I PHYIR RO, ,SGRA MI RTAG STE, MNYAN PAR BYA BA NYID KYI PHYIR ZHING BYAS PA NYID KYI PHYIR BUM PA BZHIN ZHES BYAS PA NA, MNYAN BAR BYA BA NYID YOD PA NA YANG MI RTAG PA NYID NGES PAR 'GYUR RO, ,DE BZHIN DU MI RTAG PA STE, GZHAL BYA NYID KYI PHYIR ZHING BYAS PA NYID KYI PHYIR, BUM PA BZHIN ZHES PA 'DI LA YANG NGES PAR MTHONG NGO, ,DE KHO NA LA ZHES PA, GANG BSTAN PA LAS NGES PA MTHONG BA'O, ,RNAM PAR GCOD BYED KYI GTAN TSIGS MIN PA'I PHYIR ZHES PA, PHUL DU PHYUNG BAS ZHES PA DGONGS PA'O, ,GZHAN DU NA GNYIS KA LA BRTEN PA YANG RNAM PAR GCOD BYED KYI GTAN TSIGS NYID MA YIN PA'I PHYIR NA, DE LAS GZHAN BA'I CHOS DANG BCAS PA NYID NA, @181B DE KHO NA LAS NGES PA SKYE BAR 'GYUR RO, ,GNYI GA LA BRTEN PA'I GZHAN LAS RNAM PAR BCAD NAS ZHES PA, MI MTHUN PHYOGS LAS RNAM PAR BCAD NAS SO, ,'DIS NI DANG PO DAG LAS GNYIS KA LA BRTEN PA RNAM PAR GCOD PA'I GTAN TSIGS NYID DU KHYAD PAR GSUNGS SO, ,JI LTAR GNYIS LA BRTEN PA THE TSOM GYI RGYU YIN YANG CHOS GZHAN DANG LHAN CIG PA NI NGES PA LA GTAN TSIGS SO ZHES SLAR YANG NGES PAR GZUNG BAR BYA BA CI'I PHYIR ZHE NA BSHAD PA, DE LTAR NI ZHES PA LA SOGS PA'O, ,BYA ROG GNAS PA SKYES BU LA SOGS PA RNAMS LAS RNAM PAR BCAD NAS, THO YOD DANG THANG DAG LA THE TSOM GYI RGYU 'BA' ZHIG GO, ,SGRENG BA NYID DANG LHAN CIG PA NI, THO YOR LA NGES BYED KYI GTAN TSIGS SO, ,THO YOR SMOS PA YANG 'DIR SKYES BU MA YIN PA'I GZUGS CAN BSGRENG BA NYID KYI SPYI NYE BAR MTSON PA'I DON DU'O, ,RANG KUN NAS SLONG BYED RTOGS PAR BYED PA'ANG SGRA RTAG PA NYID DANG SMRA PA'I NGOR, 'BA' ZHIG PAS NGES PAR BYED MI NUS PA'I PHYIR, BYAS PA NYID DANG LHAN CIG PA KHO NA NI DE NGES PAR BYED PA'I GTAN TSIGS SO ZHES BRTAG PAR BYA'O, ,SGRA RTAG PA NYID SMRA BA'I NGOR ZHES SMOS PA NI SGRA MI RTAG PA NYID DU SMRA BA'I NGOR 'BA' ZHIG PA YANG NUS PA'I PHYIR RO, , DE YANG ZHES PA LA SOGS PA STE, DE ZHES PA NI GNYIS KA LA BRTEN PA'I RTAGS SO, ,YANG GI SGRA NI KHYAD PAR GYI DON TE, YANG DAG PA DANG LOG PA'I SHES PA'I RGYU DAG GIS GNYIS KA LA BRTEN PA'I KHYAD PAR STON PAR BYED DO, ,DE DAG NI GANG DU MA MTHONG PA DE RNAM PAR GCOD PA'I SGO NAS RTOGS PAR BYED DO, ,THE TSOM GYI GTAN TSIGS NI, GANG DU 'JUG PA DE LA LTOS PAS THE TSOM SKYED PAR BYED DO, ,DE STON PA DPER NA ZHES PA LA SOGS PA'O, ,'O NA NAM MKHA' YANG GLOG LA SOGS PA BZHIN BRTZAL MA THAG TU MA BYUNG BA MA YIN NAM, DE'I PHYIR DE LA LTOS NAS KYANG CI'I PHYIR THE TSOM SKYED PAR MI BYED CE NA, GSUNGS PA, GANG GI PHYIR ZHES PA LA SOGS PA STE, GANG GI PHYIR BYAS PA NYID NI NAM MKHA' LA SOGS PA LAS RNAMS LDOG BZHIN PA NYID KYI PHYIR, RANG GI RTEN RTAG PA LAS RNAM PAR BCAD NAS DE LA MI RTAG PA NYID DU NGES PAR BYAS PA NA, RTZOL PA LAS SKYES PA @182A *, ,NYID DU THE TSOM GYI RGYU STE, DE'I PHYIR NAM MKHA' LA SOGS PA RNAMS RTZOL MA THAG TU MA BYUNG BA NYID DU YOD NA YANG, DE LA LTOS NAS BYAS PA NYID THE TSOM GYI GTAN TSIGS MA YIN NO, ,GANG LAS RNAM PAR GCOD PAR BYED PA DE LA LTOS NAS THE TSOM BYED DO ZHES PAS RIGS PA NI MA YIN NO, ,DE LTAR 'GYUR MOD, 'DI NI RNAM PAR GCOD PA'I GTAN TSIGS KHO NA MA YIN TE, DES NA CI'I PHYIR NAM MKHA' LA SOGS PA RNAMS LAS RNAM PAR GCOD PAR BYED CE NA GSUNGS PA, MA YIN ZHES PA LA SOGS PA STE, GANG RNAM PAR GCOD PAR BYED KYI GTAN TSIGS MA YIN PA 'DIS NI YONGS SU GZHAL BA'I DON LA THE TSOM BYED PA MA YIN TE, GZHAL BYA NYID BZHIN NO, ,GNYIS KA LA BRTEN PA YANG 'DI LTA BU MA YIN NO, ,DE'I PHYIR 'DI RNAM PAR GCOD PA'I GTAN TSIGS SO ZHES PA'O, ,DE'I PHYIR 'DI KHO NA LA GCIG SMOS PA'I BYA'O ZHES GNAS SO, ,DA NI GANG BRTAG PA BKAG PA LA MI LTOS PAR MA YIN PAR DGAG PA'I 'JUG PAS ZHES PA LA SOGS PA SMRAS PA DE MI RIGS PA NYID DU BSTAN PA'I CHED DU GSUNGS PA, MA YIN PA DGAG PA YANG ZHES PA LA SOGS PA STE, DON GZHAN MA YIN PAR DGAG PAS DON GZHAN MNGON PAR BRJOD PA'I PHYIR MA YIN PAR DGAG PA SBYOR TE DGAG PA LA MI LTOS NA NI MA YIN PAR DGAG PA MA YIN PA NI, MA YIN PAR DGAG PA MA YIN PA NI, MA YIN PAR DGAG PA CUNG ZAD DU JI LTAR 'GYUR, GZHAN DU NA ZHES PA LA SOGS PA STE, GAL TE RTAG PA DGAG PAR BYED PAS MI RTAG PA BRJOD PA MA YIN NA, RANG GI TSIG GIS BRJOD PAR BYA BA KHO NAR 'GYUR RO ZHES PA, RANG GI TSIG NI BDAG GI BA'I BRJOD PA BUM PA ZHES PA LA SOGS PA'I KHYAD PAR GYI SGRA'O, ,DE KHO NAS BUM PA LA SOGS PA BRJOD PAR BYA STE, MI RTAG PA ZHES PA 'DI LTA BU LA SOGS PA DGAG SGRA'I NYE BAR BSGYUR BA CAN GYI SGRA YIS NI DGAG PAR BYA BA MED NA, DGAG SGRA DGAG PA'I RGYU MTSAN CAN GYI SBYOR PA 'THAD PA NI MA YIN NO, ,GAL TE 'DI LA YANG DGAG PA LA LTOS NA 'O NA MA YIN DGAG NI MED DGAG LAS KHYAD PAR CI YOD CE NA, 'DI NI ZHES PA LA SOGS PA STE, RTAG PA DGAG PA LA ZHES PA RTAG PA BKAG PAS NYE BAR MTSON BA'I BUM PA LA SOGS PA'I @182B DON LA BSGRUB PAR BYA BZHIN PA'I BYA BA BRJOD PAR 'DOD PA NI MI RTAG BAR 'GYUR RO ZHES PA'O, ,MA YIN PAR DGAG BA LA DGAG SGRA NI BYA BA DANG 'BREL PA MED PA KHO NA STE, DE'I PHYIR DE LA BYA BA DGAG PA MA YIN GYI, 'O NA CI ZHE NA BSGRUB PAR BYA'O, ,RTOGS PA CAN KHO NA NI DGAG SGRA DANG 'BREL ZHING, RTOGS PA CAN GYI DON YANG YONGS SU GRUB PA'I NGO BO NYID KYI PHYIR DGAG PAR MI 'THAD PA'I PHYIR RO, ,DE LAS BZLOG RTOGS PAR BYED PA'I DON CAN KHO NAR BSDU BA SHES PAR BYA STE, DE'I PHYIR YANG DE LAS BZLOG PA'I DNGOS PO NGES PAR GNAS PA KHO NA LA, BYA BA RNAM PAR SHES PAR BYA STE, MI RTAG PAR 'GYUR RO ZHES PA'O, ,MED PA DGAG PA LA NI TI NGA'I MTHA' KHO NA DANG DGAG SGRA 'BREL PA STE, RTAG PAR MI 'GYUR RO ZHES PA, BYA BA DANG 'BREL PA KHO NAR DGAG SGRA BRJOD PAR 'DOD PAR 'GYUR RO, ,DE DPER BRJOD KYIS STON TO, ,SGRA NI RTAG PAR MI 'GYUR TE, REG PAR BYA BA NYID KYI PHYIR RO ZHES SO, ,CI'I PHYIR 'DIR MED PAR DGAG PA YIN ZHING, SGRA MI RTAG STE BYAS PA NYID KYI PHYIR ZHES PA 'DIR NI MA YIN PAR DGAG PA YIN ZHE NA GSUNGS PA, 'DIR NI ZHES PA LA SOGS PA STE, GANG GI PHYIR SBYOR BA 'DIR THE TSOM LA LTOS PA'I DGAG PA STE, CI REG BYA MA YIN PA NYID LAS RTAG PA 'GRUB PA YOD DAM MED CES THE TSOM DU GYUR PA NA BRJOD PA REG BYA MA YIN PA LAS RTAG PAR MI 'GYUR RO ZHES PA LA RTAG PA BYED PA PO STE, 'GYUR RO KHO NA DGAG TSIG DANG MNGON PAR 'BREL PAR BYA'O, ,SNGA MA NI BZLOG PA LA LTOS PA ZHES PA SGRA MI RTAG STE BYAS PA NYID KYI PHYIR RO ZHES PA 'DIR NI BZLOG PA LA LTOS PAS TE, NGES PA LA LTOS PA'O ZHES PA'I DON TE, BYAS PA NYID KYIS SGRA 'JIG PA NYID DU NGES PAR BYAS NAS RTAG PA NYID BKAG PAS PHA ROL PO RNAMS LA MI RTAG PA NYID SGRUB PAR BYED PA'I PHYIR RO, ,GANG GI TSE 'O NA ZHES SMRAS TE, MA YIN PAR DGAG PAR BYA BA YOD NA MA YIN PAR DGAG PAR 'GYUR MOD, GANG GI TSE RTAG PA'I DNGOS PO NYID KHAS MI LEN PA DE'I TSE CI LTAR MA YIN PAR DGAG PA YIN ZHE NA, DE'I TSE GZHAN GYIS YONGS SU BRTAGS PA'I PHYIR ZHES PA, GZHAN RNAMS KYIS GANG GI PHYIR RTAG PA NAM MKHA' LA SOGS PA RNAMS YONGS SU BRTAG PA DE'I @183A *, ,PHYIR DE BKAG PAS SGRA MI RTAG PA'O ZHES SGRUB PAR BYED DE, JI LTAR GZHAN RNAMS KYIS YONGS SU BRTAGS PA'I NAM MKHA' LA SOGS PA DE LTAR SGRA 'DI MI 'GYUR RO ZHES PA'I DON TO, ,DE'I DUS SU YOD PA BZHIN DU ZHES PA, JI LTAR NYE BAR DMIGS PA'I DUS NA YOD PAR GYUR PA DE LTAR DE LAS SNGAR DANG PHYIS KYANG NGO ZHES PHA ROL PO RNAMS KYIS RTOGS BAR BYA STE, DE BAS NA GANG DE SHIN TU GNAS PAR YONGS SU RTOGS PA DE'I BLO LA SGRO BTAGS PA MA YIN PAR DGAG PAS SHIN TU YOD PA MA YIN PA'I MTSAN NYID CAN MI RTAG PA NYID DU BSGRUB PAR BYA'O ZHES PAS SKYON MED DO, ,SNGAR LHAG MA RNAM GSUM LTOS PA YIS ZHES BSHAD PA DE LA BYAS PA NYID DANG RTZOL MA THAG TU BYUNG BA NYID DAG YANG DGAG PA'I SHES PA LA SOGS PA'I RGYU NYID DU BSHAD LA, GNYIS KA LA BRTEN PA LHAG MA RNAMS NI GTAN TSIGS KYI 'KHOR LOR THE TSOM GYI RGYU RNAMS KHO NAR BSHAD DE, GZHAN NI NGES PAR MA BYAS PA'I TSIG LAS SO, ,DE'I PHYIR DE LA CI LTAR RNAM PA GSUM YIN TE, GANG YANG RUNG BA'I RNAM PA NYID BSTAN PA NA YANG, LHAG MA'I YANG RTOGS PAR BYA BA'O ZHES SEMS PAS SMRAS PA, GAL TE THAMS CAD CES PA LA SOGS PA'O, ,'DI YANG ZHES PAS SNGA MA DAG DANG 'DI MTSUNGS PA NYID DU GSUNGS SO, ,GANG LA LTOS PAS ZHES PA, GANG LA 'JUG PA NAM MKHA' DANG LAS LA SOGS PA DE LA LTOS PA KHO NAS THE TSOM GYI RGYU STE, DE LAS GZHAN PA LAS RNAM PAR GCOD DO ZHES PA, BUM PA DANG RDUL PHRA RAB LA SOGS PA GZUNGS CAN GYI DNGOS PO RNAMS LAS TE, DE LAS LOG PA NYID KYI PHYIR RO, ,CI LTAR RNAM PAR BYED PA SHES PAR BYA ZHE NA, DE LTAR NI ZHES PA LA SOGS PA STE, GNYIS KA LA 'JUG PA NYID NA YANG ZHES PA, RTAG PA DANG MI RTAG PA LA 'JUG PA NYID NA YANG NGO, ,DE'I PHYIR 'DI GZUGS CAN RNAMS LAS CHOS GZHAN BSGRUB PAR BYA BA NYID NA STE, BYA BA MED PA LA SOGS PA'I CHOS BSGRUB PAR BYA BA NYID NA RNAM PAR GCOD PA'I GTAN TSIGS SU 'GYUR RO, ,SGRA BYA BA MED PA'AM BYA BA DANG BCAS PA ZHES SGRUB PAR BYED DO, ,DE LA BYA BA MED PA NYID LA YANG DAG PA'I GTAN TSIGS TE, BYA BA DANG BCAS PA NYID LA LOG PA'I SHES PA'I RGYU STE, BYA BA @183B DANG BCAS PA THAMS CAD LAS LDOG PA'I PHYIR RO, ,RTAG PA DANG MI RTAG PA NYID SGRUB PA LA NI RNAM PAR GCOD PA'I GTAN TSIGS MA YIN TE, CIS SHE NA, THAMS CAD LAS MI LDOG PA'I PHYIR RO, ,MI RTAG PA'I PHYOGS SAM RTAG PA'I PHYOGS THAMS CAD LAS MI LDOG PA'I PHYIR TE, RIM PA JI LTA BA BZHIN RTAG PA DANG MI RTAG PA NYID SGRUB PA NA'O, ,DE 'DRA BA DANG MED NA MI 'BYUNG BA'I CHOS NYE BAR STON PA GTAN TSIGS SO ZHES PA NI, DON GANG SGRA MI RTAG PA NYID LA SOGS PA BSGRUB PAR BYA BA DE 'DRA BA STE, DE'I RIGS CAN MED DON GANG ZHIG 'GAR YANG 'BYUNG BA MA YIN PA STE, RTZOL BA LAS BYUNG BA NYID NI MI RTAG PA NYID LTA BU DANG DU BA NI ME LTA BU'O ZHES PA DE NI DE 'DRA BA MED NA MI 'BYUNG BA'I CHOS CAN TE, DE NYE BAR STON PA NI 'DIS NYE BAR BSTAN PAR BYA'O ZHES PA'I TSIG GO, ,DPER NA BTZAL MA THAG TU BYUNG BA NYID KYI PHYIR ZHES PA 'DI LTA BU LA SOGS PA STE DE NI GTAN TSIGS SO,, GANG GIS NYE BAR STON PA MA YIN PA DE NI GTAN TSIGS MA YIN TE, DPER NA SGRA MI RTAG STE MIG GIS GZUNG BYA NYID KYI PHYIR ZHES PA 'DI LTA BU LA SOGS PA'O, ,'DIR NGAG GIS NGES PAR GZUNG BA'I 'BRAS BU CAN NYID KYI PHYIR RO, ,NGES PAR GZUNG BA KHO NA RE ZHIG RNAM PAR DPYAD PAR BYA'O, , 'DI LA NGES PAR GZUNG BA RNAM PA GSUM SRID DE, DE 'DRA MED NA MI 'BYUNG BA KHO NA DANG, DE 'DRA MED PA KHO NAR MI 'BYUNG BA DANG, DE 'DRA BA KHO NA MED NA MI 'BYUNG BA ZHES PA'O, ,THAMS CAD LA YANG SKYON TE, DE LA RE ZHIG NGES PAR GZUNG BA SNGA MA'I DBANG DU BYAS NAS GSUNGS PA, GAL TE DE 'DRA MED NA NI, ,MED NYID CES PA LA SOGS PA'O, ,'DIR 'GAL BA DANG THUN MONG BA'I MA NGES PA TZAM RNAM PAR GCOD PA'I PHYIR, MNYAM PAR BYA BA NYID KYI PHYIR SGRA RTAG GO ZHES PA 'DI YANG GTAN TSIGS SU 'THOB BO, ,GANG GI PHYIR DE 'DRA BA'I RTAG PA NYID MED NA MI 'BYUNG BA KHO NA'O ZHES HA CANG KHYAB PA'I MTSAN NYID DO, ,'O NA RTAG PA NYID MED PA LA MNYAN PAR BYA BA NYID 'GYUR BA KHO NA MA YIN NA, DE LTAR MI RTAG PA KHO NA MNYAN PAR BYA BA NYID DU 'THAD KYI CIG SHOS NI MA YIN NO ZHES PA 'DI BSGRUBS ZIN PAS SO, ,'DI CI LTAR SKYON DU THAL BAR 'GYUR ZHE NA, 'DI BSAM PAR BYA STE, @184A *, ,MED PA KHO NAR ZHES PA 'DI LA NI, GANG DE 'DRA MED PA KHO NAR MI 'BYUNG PA STE, LHAN CIG KYANG NI MA YIN PA DE GTAN TSIGS ZHES PAS MNYAN PAR BYA BA NYID LA THAL BAR 'GYUR BA MED DO, ,DE LTAR NI DE 'BA' ZHIG PA MED NA MI 'BYUNG BA MA YIN GYI, 'O NA CI ZHE NA LHAN CIG PA YANG NGO, ,'ON KYANG MTHUN PHYOGS LA KHYAB PA GANG YIN PA BYAS PA LA SOGS PA KHO NA GTAN TSIGS 'GYUR GYI, MTHUN PHYOGS LA MA KHYAB PA BTZAL MA THAG TU BYUNG BA NYID LA SOGS PA NI MA YIN NO, ,DE LTAR NI DE 'DRA MED PA KHO NAR MI 'BYUNG PA ZHES PA'I NGES PAR GZUNG PA 'DI LAS, JI LTAR MNYAN PAR BYA BA NYID MTSAN NYID KYIS YUL DU MA BYAS TE, LHAN CIG KYANG MI 'BYUNG BA'I ZHES BYAS NAS YIN PA DE LTAR RTZOL MA THAG TU BYUNG BA NYID KYANG STE, GANG GI PHYIR DE YANG MNYAN PAR BYA BA BZHIN DU DE 'DRA BAS LHAN CIG KYANG MI 'BYUNG BA STE GLOG LA SOGS PA LA'O, ,DE LAS KYANG DON GYI LHAN CIG 'BYUNG BA BYAS PA LA SOGS PAR 'BA' ZHIG KHO NA GTAN TSIGS SU 'GYUR GYI, BRTZAL MA THAG TU BYUNG BA NYID NI MA YIN TE, DE MI RTAG PA DANG LHAN CIG 'BYUNG BA KHO NA NI MA YIN NO, ,DE STON TE, DE MI RTAG PA NYID DANG ZHES PA LA SOGS PA'O, ,'GA' ZHIG GIS SMRAS PA, MED PA KHO NAR MI 'BYUNG BA ZHES BRJOD PA NA DON GYIS LHAN CIG KHO NAR GANG 'GYUR BA DE GTAN TSIGS SO ZHES BRJOD PAR 'GYUR GYI, GANG LHAN CIG 'GYUR BA KHO NA ZHES PA NI MA YIN TE, DE'I PHYIR SKYON MED DO ZHE NA, DE MI RIGS TE, GAL TE NGES PAR GZUNG BA 'DI LA DON GYIS LHAN CIG KHO NAR GANG 'GYUR BA DE GTAN TSIGS SO ZHES RTOG NA NGES PAR GZUNG BA DON MED PAR 'GYUR TE, GAL TE LHAN CIG KYANG MI 'BYUNG PA GTAN TSIGS SU 'GYUR NA NGES PAR GZUNG BA'I 'BRAS GZHAN CI ZHIG CES PA 'DI BRJOD PAR BYA'O, ,DE LTAR NGES PAR GZUNG BA GNYIS PA LA MA KHYAB PA'I MTSAN NYID DO, ,NGES PAR GZUNG BA GSUM PA LA NI MTSAN NYID MI SRID PAR STON PA GSUNGS PA, DE 'DRA KHO NA ZHES PA LA SOGS PA STE, KYANG GI SGRA NI NGES PAR GZUNG BA LA STE, MI 'DOD PA KHO NAR ZHES PA'I DON TO, ,NGES PAR GZUNG BA SNGA MA DAG NI CUNG ZAD 'DOD PA YANG 'GRUB CING 'DIR NI 'DOD PA @184B MED PA KHO NA'O, ,SNGA MA DAG LA THAL BAR MI 'GYUR BA BDEN MOD KYI ZHES PA'O, ,CI LTAR THAL BAR MI 'GYUR ZHE NA, GSUNGS PA, DE 'DRA BA KHO NAS LHAN CIG MI 'BYUNG BA ZHES BYAS NAS ZHES PA STE, MNYAN PAR BYA BA NYID YOD PA YANG MA YIN NO ZHES PAS DE LA GTAN TSIGS SU THAL BA MED DO, RTZOL MA THAG TU BYUNG BA NYID LA YANG SKYON SNGA MA RJES SU 'BREL PA MA YIN PA KHO NA STE, SKYON SNGA MA NI BYAS PA NYID LA SOGS PA GTAN TSIGS NYID DU GRUB PA'I RJES SU 'BRANG LA, 'DIR NI GTAN TSIGS NYID DU GYUR PA'I DRI YANG MED PAS SO, ,GANG GSUNGS PA, 'ON KYANG ZHES PA LA SOGS PA'O, ,'O NA KHYOD KYI 'ANG DE MTSUNGS LA YOD PA KHO NA ZHES PA 'DIR, DE DANG MTSUNGS PA KHO NA LA ZHES NGES PAR GZUNG BA'I PHYIR THAL PAR 'GYUR BA MTSUNGS TE, DE DANG MTHUN PA KHO NA LA YOD PA'I GTAN TSIGS 'GA' YANG MED DE, DNGOS PO THAMS CAD RIGS MI MTHUN GYI CHOS KYI RJES SU 'GRO BA NYID KYI PHYIR ZHE NA, 'DI YOD PA MA YIN TE, DE MTSUNGS DANG MTHUN PHYOGS ZHES PA RNAM GRANGS DAG STE, MTHUN PHYOGS KYANG BSGRUB BYA'I CHOS KYI SPYIS DON MTHUN PA'O, ,'DIR YANG 'DI LTAR NGES PAR GZUNG BAR BYA STE, GANG BSGRUB PAR BYA BA'I CHOS KYI SPYI DANG DON MTHUN PA KHO NA MTHUN PHYOGS SO ZHES PA STE, BSGRUB PAR BYA BA'I CHOS KYI SPYI KHO NAS MTHUN PA ZHES PA NI MA YIN NO, ,DES NA DE MTSUNGS KYANG GANG BSGRUB PAR BYA BA'I CHOS KYI SPYI MTSUNGS PA KHO NA YIN PA DE 'GYUR BAR 'OS KYI, BSGRUB PAR BYA BA'I CHOS KYI SPYI KHO NAS NI MA YIN NO ZHES PAR THAL BAR 'GYUR BA MI MTSUNGS SO, ,'O NA DOD ZLA LDAN PAR GCOD PA KHO NA NGES PAR GZUNG BA LAS RTOGS PA MA YIN NAM, CHOS THAMS CAD BKAG BA NI MA YIN TE, DES NA CI'I PHYIR MTSON PAR BYA LA MED PA MA YIN ZHE NA, GANG DE YANG DOD ZLA LDAN PA SEL BA KHO NA LA NGES PAR GZUNG BA NUS PA NYID YIN PA DE LTA YANG, 'DIR NI RTAG PA DANG RTAG PA LA SOGS PA SKABS SU BAB PA 'GA' ZHIG MED BA'I PHYIR NA CHOS THAMS CAD KYANG PHAN TSUN LTOS PAS DE 'DRA BA MA YIN PA NYID KYI PHYIR DANG DE 'DRA BA MA YIN PA YANG DOD ZLA LDAN PA MA YIN PA NYID KYI PHYIR SEL BAR RIGS SO, ,CI 'DIR RE ZHIG @185A *, ,CES PA, JI LTAR SBYOR BAS BSTAN PAR BYA BA DE LTAR 'DI MTSAN NYID YIN NAM, CI STE JI LTA BUR GYUR BA'I DON GYIS YIN ZHES PA NI, ,DON DAM PAR DE 'DRA BA MED PA NI MI 'BYUNG BA'I CHOS GANG YIN PA DE STON PA GTAN TSIGS YIN ZHES PAS NA, DE NI CE STE DE KHO NA'I RNAM PAS SAM, RNAM PA GZHAN GYIS YIN ZHES PA'O, ,'DIR NI 'DIR BRJOD PAR MI 'DOD PA KHO NA'O, ,DE BDAG NYID KYIS ZHES PAS, DE 'DRA BA MED NA MI 'BYUNG BA NYID KYIS ZHES PA'I DON TO, ,GTAN TSIGS SMRAS PAS MI NUS SO ZHES TE, DE'I BDAG NYID GYIS BSTAN PAR ZHES PA LHAG MA'O, ,GTAN TSIGS BRJOD PAS NI PHYOGS KYI CHOS TZAM 'BA' ZHIG BRJOD KYI, MED NA MI 'BYUNG BA'I 'BREL PA NI MA YIN TE, DE NI DPE'I TSIG GI RTOGS PAR BYA BA NYID KYI PHYIR RO, ,RNAM PA CIS SAM CI LA ZHES PA, DE'I RNAM PA MANG PO RNAMS SRID DE, DPER NA DU BA DANG BCAS PA'I SPYI DANG KHYAD PAR GYI CHOS RNAMS LTA BU'O, ,DE LA RNAM PA 'DIS NYE BAR STON PA'O ZHES BRJOD PA MA YIN NO, ,CI LA STE CI BSGRUB PAR BYA BA LA DE STON NAM, 'ON TE DE'I GZHI LA'AM, 'ON TE BSGRUB BYA'I RIGS MI MTHUN LA ZHES SO, ,DE'I PHYIR MTSAN NYID NYUNGS PA NYID DO, ,PHYOGS 'DI KHO NA LA SKYON GZHAN GSUNGS PA, SHES BYED LAS NI 'DAS PA YIS, ,'DI LTAR ZHES PA'O, ,CI'I PHYIR ZHE NA GSUNGS PA, MA MTHONG ZHES PA LA SOGS PA'O, ,MIG GIS GZUNGS SOGS ZHES TE, BA'I SGRA NI DANG GI DON LA'O, ,SOGS KYI SGRAS PHYI ROL NYID LA SOGS PA GZUNG NGO, ,DE RNAMS MI RTAG PA NYID DANG LHAN CIG RGYU BA YOD PAS SO ZHES SGRA MI RTAG PA NYID BSGRUB PAR BYA BA LA GTAN TSIGS SU 'GYUR RO, ,'DI NI MA GRUB PA NYE BAR MTSON PA'I DON DU'ANG YIN TE, PHYOGS CHOS MA BRJOD PA NYID KYI PHYIR CHA GRUB PA YANG GTAN TSIGS YIN PA 'THOB BO ZHES PA'I DON TO, ,MA BSTAN PA ZHES BYA BA 'DI, CI LAR CI LA ZHES MA BRJOD CES PA GANG GIS BSTAN PA ZHES PA 'DI TZAM GYIS NI RNAM PA 'DIS DANG 'DI LA'I DON NYE BAR MA BSTAN PA'O ZHES PAS KHYAD PAR RTOGS PA MA YIN PAS SO ZHES PA'I PHYIR, 'DI MA BRJOD PA DANG MTSUNGS PA'O, ,LHAN CIG 'BYUNG PAS BSGRUB @185B BYAR NA, ,ZHES PA, 'DI LTAR SEMS TE, BSTAN ZIN PA'I RNAM PA KHO NA LHAN CIG 'BYUNG BA STE, RNAM PA GZHAN MA THOB PA NYID KYI PHYIR DANG, MTSAN NYID KYI NGAG LA YANG DE 'DRA BA MED NA MI 'BYUNG BA NYID RTOGS PAR BYA BA NYID KYI PHYIR RO, ,YUL YANG BSGRUB PAR BYA BA KHO NAR RTOGS PAR BYA STE, DE NYE BA'I PHYIR RO ZHE'O, ,MA YIN ZHES PA LA SOGS PAS SEL BAR BYED DE, CHOS MTHUN PA NYID DAM CHOS MI MTHUN PA NYID KYIS ZHES PA'I DAM GYI SGRAS GANG YANG RUNG BA YANG 'BREL PA STON PAR NUS PAR GSUNGS SO, ,PHYI ROL GYI DON NYE BAR BSDUS PAS ZHES PA, PHYOGS SU BYAS PA'I CHOS CAN GYI KHYAD PAR LAS GZHAN DU SPYI LA NYE BAR BSTAN PAS ZHES PA'I DON TO, ,SPYI YANG KHYAD PAR YONGS SU MI SPONG PA'I PHYIR, BSGRUB PAR BYA PA'I CHOS CAN YANG DER NANG DU 'DUS PA KHO NA STE, BSGRUB BYA'I CHOS CAN KHO NA LA MED NA, MI 'BYUNG BA NYID STON PA BSAL BA LHUR LEN PA NI PHYI ROL GYI DON SMOS PA'O, ,DE LTAR NA GAL TE GANG GIS MA BSTAN PA DE GTAN TSIGS MA YIN NA, RNAM PA THAMS CAD DU GTAN TSIGS YOD PA MA YIN PAR THAL 'GYUR TE, RTZOL MA THAG TU BYUNG BA NYID KYI PHYIR ZHES PA LA SOGS PAS 'BREL PA STON PAR NUS PA MA YIN GYI, 'O NA CI ZHE NA, DPE GNYIS POS SO ZHE NA, 'DI DE'I BA'I TSIG KHO NAS RTOGS PAR BYA BA'I CHED DU GSUNGS PA, JI SKAD 'CHAD PAR 'GYUR BA LTA BU ZHES PA LA SOGS PA'O, ,GANG BRJOD PA YANG ZHES PA 'DIS BSGRUB PAR BYA BA LA GTAN TSIGS NYE BAR STON PA MI SRID PA GSUNGS TE, MI RTAG PA LA SOGS PA RNAMS NI BSGRUB PAR BYA PA NYID DU BSHAD LA, DE RNAMS LA GAL TE MED NA MI 'BYUNG BA NYID KYI CHOS NYE BAR STON NA, GTAN TSIGS 'DZIN PA'I DUS KHO NA NA BSGRUB BYA GRUB PA NYID KYI PHYIR GANG SGRUB PA'I CHED DU GTAN TSIGS SU 'GYUR BA MA GRUB PA GZHAN CE, DE LTAR 'GYUR MOD, CHOS CAN NI BSGRUB PAR BYA BA STE, DE LA MTHONG BA'I CHOS KYIS GTAN TSIGS KYI MED NA MI 'BYUNG BA NYID STON PA'O ZHE NA, GSUNGS PA, GZHAN NI ZHES PA LA SOGS PA STE, BSGRUB BYA'I CHOS LA THA DAD PA'I BSGRUB BYA GZHAN RTZOD PA SGRUB PAR BSHAD PA MA YIN TE, BSGRUB BYA'I CHOS KYIS KHYAD PAR DU BYAS PA'I CHOS CAN BSGRUB BYA NYID DU MA BRJOD @186A *, ,PA'I PHYIR RO, ,DPE BRJOD DANG CHOS MTHUN PA LAS BSGRUB BYA SGRUB PAR BYED PA NI GTAN TSIGS SO ZHES PA, BSGRUB PAR BYA BA DANG CHOS MTHUN PA NYID LAS DE'I CHOS RTOGS PAR BYED PA'I DPE NI DPE BRJOD DE, DPER NA SGRA MI RTAG PAR BSGRUB PAR BYA BA LA BUM PA LA SOGS PA LTA BU'O, ,DE DANG BSGRUB PAR BYA BA'I CHOS MTHUN PA NYID LAS TE MTSUNGS PA NYID LAS BSGRUB PAR BYA BA SGRUB BAR BYED PA STE, BSGRUB PAR BYA BA RTOGS PAR BYED PA NI GTAN TSIGS TE, DPER NA SKYE BA'I CHOS CAN NYID KYI PHYIR RO ZHES PA LA SOGS PA LTA BU'O, ,GAL TE CHOS MTHUN SGRUB BYED NA, ,ZHES PA LA SOGS PA STE, GAL TE DE DANG CHOS MTHUN PA SKYE BA'I CHOS CAN NYID LA SOGS PA GANG YIN PA DE BSGRUB BYA SGRUB PAR BYED PA'I GTAN TSIGS YIN GYI DE'I TSIG MA YIN NA, NGAG GI YAN LAG GTAN TSIGS MIN PAR GYUR NA, YAN LAG SNGA CAN GYI NGAG GI NI GTAN TSIGS YAN LAG NYID DU BRJOD DE, DAM BCA' DANG GTAN TSIGS DANG DPE BRJOD DANG NYE BAR SBYAR BA DANG MJUG BSDU BA RNAMS YAN LAG RNAMS SO ZHES BRJOD PA'I PHYIR RO, ,DON GYI MTSAN NYID LA NI GTAN TSIGS LA DE 'THOB PA MA YIN NO ZHES PAS KHAS BLANGS PA NYAMS SO, ,CI LTAR LNGA PA NGES PAR BSTAN PAR GYUR PA NA CHOS MTHUN PA NYID KHO NA GTAN TSIGS NYID DU DOGS SHE NA, GZHAN THOS PA MED PA'I PHYIR DANG, CHOS MTHUN PA NYID KYANG BSGRUB BYA DANG MTHON PAR 'BREL PA'I PHYIR TE, TSIG NI DON GYI SGO NAS BSGRUB BYA MNGON PAR BSAL BA'I RGYU NYID KYI PHYIR NA, DE KHO NA BSGRUB PAR BYA BA SGRUB PAR BYED PA'I PHYIR GTAN TSIGS NYID DU DOGS SO, ,THA DAD DU 'JUG PA'I PHYIR RO ZHES PA, NGAG GI YON TAN MA YIN PA NYID NA GTAN TSIGS TE, BYA BA THA DAD PA NYID KYI PHYIR RO ZHES PA'I DON TO, ,'DI YANG BRGYUD PAS GTAN TSIGS YIN NO, ,THA DAD DU 'JUG PA NYID DU GYUR NA, THA DAD PA RNAMS LA THA MI DAD PAR BRJOD PAR 'DOD PA LDOG STE, DE LDOG PA NA YANG YAN LAG GI THA SNYAD DO ZHES PAS, LHAN CIG MA YIN PA BRJOD PAR 'DOD PA KHO NA BAR MA CHOD KYI GTAN TSIGS SO, ,DE BSTAN PA'I CHED DU GSUNGS PA, LHAN CIG @186B BRJOD PAR 'DOD PA NI ZHES PA LA SOGS PA'O, ,DE 'DI SKAD BSHAD PAR 'GYUR TE, GANG 'JUG PA THA DAD PA DE RNAMS NA LHAN CIG BRJOD PAR 'DOD PA MA YIN TE, DPER NA RDZA MKHAN DANG THAGS MKHAN DANG BA LANG RDZI LA SOGS PA RNAMS BZHIN, JI SKAD DU BSHAD PA'I GTAN TSIGS KYANG DAM BCA' LA SOGS PA RNAMS DANG LHAN CIG 'JUG PA THA DAD PA'O ZHES PA RGYU DANG 'GAL BA'O, ,GANG GI PHYIR BYA BA THA MI DAD PA'I NUS PA SHES PA'I DON DU SGRA GCIG GIS LHAN CIG BRJOD PAR 'DOD PAS SO, ,DE GANG ZHIG GANG GI YAN LAG GZHAN RNAMS DANG LHAN CIG BRJOD PAR 'DOD PA MED PA DE NI DE'I YAN LAG MA YIN TE, DPER NA DMAG GI BA LANG BZHIN, JI SKAD BSHAD PA'I GTAN TSIGS KYANG DAM BCA' LA SOGS PA SGRUB BYED KYI NGAG GI YAN LAG RNAMS DANG LHAN CIG BRJOD PAR 'DOD PA MED DO ZHES PA NI RGYU MI DMIGS PA'O, ,DE LTAR NI 'DI'I 'DI YAN LAG YIN NO ZHES PA'I THA SNYAD KYI RGYU NI, DE'I YAN LAG GZHAN RNAMS DANG LHAN CIG BRJOD PAR 'DOD PA'O, ,CHOS MI MTHUN PA'I SBYOR BA NI GLANG PO CHE DANG RTA DANG SHING RTA DANG RKANG THANG GI DPES SBYAR BAR BYA BA'O, ,'O NA SGRUB BYED MA LOG PA DPE MA YIN NAM, GLANG PO LA SOGS PA RNAMS KYANG 'JUG PA THA DAD PA'I PHYIR RO ZHE NA, MA YIN TE DER NI LHAN CIG BRJOD PAR 'DOD PA YANG MED PA'I PHYIR RO, ,GLANG PO MYOS PA RNAMS LA SDE MYOS SO ZHES BRJOD PAR BYA BA 'AM, RTA RNAMS SKAD 'DON PA NA DMAG SDE RNAMS SKAD 'DON NO ZHES PA NI MA YIN PAS SO, ,'JUG PA GANG GI DBANG DU BYAS NAS LHAN CIG BRJOD PAR 'DOD PA DE'I THA DAD PA MED PA'I PHYIR SGRUB PAR BYED PA LDOG PA MED DE, DPER NA DMAG SDE RNAMS GO CHA GYON NO 'KHRUG GO, ,RNAM PAR RGYAL LO ZHES PA LTA BU'O, ,MA YIN ZHES PA LA SOGS PAS GTAN TSIGS GRUB PAR MJUG SDUD PAR BYED DO, ,CI LTAR NA 'JUG PA THA MI DAD PAR 'GYUR BA MA YIN ZHE NA GSUNGS PA DON MA BRJOD PA NYID KYI PHYIR RO ZHES PA STE, DAM BCA' LA SOGS PA'I YAN LAG RNAMS NI DON BRJOD PA'I MTSAN NYID CAN GYI 'JUG PA STE, DE YANG DPER BRJOD DANG CHOS MTHUN PA NYID KYI MTSAN NYID CAN GYI DON LA YOD PA MA YIN TE, DES NA DON @187A *, ,BRJOD PAR BYA BA NI MA YIN PAS SO, ,CI'I PHYIR DPER BRJOD DANG CHOS MTHUN PA LAS ZHES PA'I LNGA PA 'DI MI RIGS SHE NA MA YIN ZHES PA LA SOGS PA STE, THA DAD YOD NA 'BYUNG KHUNGS BRJOD PAR 'DOD PA NA LNGA PAR 'GYUR TE, GRONG NAS 'ONGS SO ZHES PA LTA BU'O, , 'DIR NI THA DAD PA MED DE, DPER BRJOD DANG CHOS MTHUN PA NYID KHO NA SGRUB PAR BYED PA NYID DU 'DOD PA NYID KYI PHYIR RO, ,'O NA THA MI DAD PA LA YANG LNGA PA NYE BAR DMIGS PA MA YIN NAM, NAGS NAS SHING GCOD DO ZHES PA LTA BU'O ZHE NA, 'DI YOD PA MA YIN TE, NAGS DANG SHING DAG TSOGS PA DANG YAN LAG NYID KYIS THA DAD PA'I PHYIR RO, ,GAL TE YANG NAGS DANG SHING DAG DNGOS POR THA MI DAD PA DE LTA NA YANG, BLO'I SNANG BAS BYAS PA'I THA DAD YOD PA KHO NA'O, ,GZHAN YANG PHA ROL PO DNGOS PO'I DBANG KHO NA LAS SGRA'I DON RNAM PAR GZHAG PAR 'DOD DO ZHES PAS DE KHO NA LA 'DI SKYON YIN NO, ,KHYAD PAR DANG KHYAD PAR CAN DAG GI ZHES PA, SNGON PO DANG AUTPA LA LA SOGS PA RNAMS KYI KHYAD PAR DANG KHYAD PAR CAN GYI DNGOS PO YOD NA, GZHI MTHUN PA RNAMS LA RNAM DBYE THA DAD PA NYID MTHONG BA MED DO, ,'DIR YANG BSGRUB PAR BYA BA DANG SGRUB PAR BYED PA GZHI MTHUN PA STE, CHOS MTHUN PA NYID NI KHYAD PAR DU 'DOD DO, ,DE'I PHYIR RNAM DBYE THA DAD PAR MI 'GYUR RO, ,GANG ZHIG KLOG PAR BYED PA, DPE BRJOD DANG CHOS MTHUN PA NYID 'DI'I ZHES 'BRU MANG PO PAS CHOS CAN BRJOD PAR BYA ZHING, DE'I PHYIR DPE BRJOD DANG CHOS MTHUN PA NYID LAS TE, CHOS CAN LAS GANG CHOS MTHUN PA NYID DU 'GYUR BA DE GTAN TSIGS SO ZHE'O, ,DE'I CHOS MTHUN PA NYID KHYAD PAR DU MA BYAS PA NYID KYI PHYIR CHOS MTHUN PA NYID TZAM GTAN TSIGS SU THAL BAR 'GYUR RO, ,BSGRUB PAR BYA BA DANG SGRUB PAR BYED PAR GZUNG BA NI DE'I KHYAD PAR DU 'THAD PA YANG MA YIN TE, DE KHO NA YONGS SU MI SHES PA'I PHYIR TE, YAN LAG THAMS CAD KYANG BSGRUB BYA SGRUB PAR BYED PA NYID KYI PHYIR RO, ,'DIR CHOS MTHUN PA NYID SMOS PA YANG YOD PA MA YIN NO, ,GANG YOD PA DE NI CHOS CAN GYI KHYAD PAR RO ZHES PA 'DI MI RIGS SO, ,DAG CE NA ZHES PHA LA SOGS PA STE, @187B NGAG GI SGRAS 'DIR BYAS PA NYID KYI PHYIR ZHES PA LA SOGS PA'I TSIG TZAM PO BRJOD PAR 'DOD PA'O, ,DE NYID KYI PHYIR 'GREL PAR GSUNGS PA, TSIG GANG ZHIG CES PA'O, ,'O NA YANG DAG PAR SBYOR BA LA SOGS PA RNAMS LAS SGRA 'BYUNG GI ,CHOS MTHUN PA NYID LAS NI MA YIN ZHES SMRAS PA, BRGYUD PAS ZHES PA STE, BYAS PA NYID LA SOGS PA NYE BAR DMIGS PA NA, DE BRJOD PAR 'DOD PAR 'GYUR ZHING, DE LAS RTZOL BA'O DE LAS DANG 'BAD PA LAS KYANG BYED BA BSKYOD PA'O, ,DE LAS KYANG LAS SO, ,DE LAS YANG DAG PAR SBYOR BA DANG RNAM PAR 'BYED PA'O, ,DE RNAMS LAS SGRA'O ZHES PA 'DI NI BRGYUD PA'O, ,GAL TE DNGOS SU ZHES PA LA SOGS PA'O, ,DNGOS SU STE GANG LAS GZHAN GYIS MCHOD PAR RJES SU DPAG PAR BYA BA NGES PA SKYE BA YIN NA, DE YANG NYAN PA PO'I MED NA MI 'BYUNG BA'I 'BREL PA DRAN PA STE, DE LAS DE MA THAG TU RJES SU DPAG PAR BYA BA NGES SO ZHES PAS DE KHO NA GTAN TSIGS NYID DU 'GYUR RO, ,CI STE ZHES PA LA SOGS PA STE, GANG BAR DU CHOD KYANG MED NA MI 'BYUNG BA NYID KYI PHYIR RJES SU DPAG PA'I RGYU YIN PA DE BRGYUD PAS TE, NYAN PA PO'I GTAN TSIGS SHES PA YANG RNAM PA 'DI LTA BU'O ZHES PAS DE GTAN TSIGS NYID DU 'GYUR RO, ,PHYOGS CHOS KYI SHES PA YANG CHOS MTHUN PA NYID LAS BRGYUD PAS RJES SU DPOG PA'I RGYUR 'GYUR MOD, DE CHOS MTHUN NYID GTAN TSIGS MIN, ,ZHES PA, NYAN PA PO'I GANG CHOS MTHUN PA NYID KYI SHES PA DE NI, DE'I TSIG LAS BAR MA CHAD PAR 'GYUR GYI, CHOS MTHUN PA NYID LAS NI MA YIN NO, ,TSIG NI DE KHO NA LAS ZHES PA BSAM PA'O, ,SKABS SU BAB PA'I PHYIR KHYAD PAR DU BYA BA MA YIN NO ZHES PA BSGRUB BYA STON PA DAM BCA'O ZHES PA 'DI LAS STON PA SMOS PA RJES SU 'JUG STE, DES NA 'DI LTAR 'BREL PAR BYA STE, DPE BRJOD DANG CHOS MTHUN PA NYID LAS GANG STON PA DE GTAN TSIGS SO ZHES PAR TE, DE'I PHYIR KHYAD PAR DU BYA BA MA YIN NO, ,SKABS NYID YIN NA GZHAN LA SRID CES PA NI, STON PA SKABS NYID DU BRTEN PAR BYA BA YIN NA, GTAN TSIGS NYID DU MNGON PAR 'DOD PA STON PA LAS GZHAN PA STON PA'I YANG GTAN TSIGS @188A *, ,NYID DU SRID DO ZHES PA'I DON TO, ,CI LTAR GZHAN SRID CE NA GSUNGS PA, SKABS SU BAB PA NYID LA YANG ZHES PA LA SOGS PA STA, GAL TE YANG STON PA SKABS SU BAB PA YIN PA DE LTA NA YANG LNGA PAS STON PA NYID LAS DPE BRJOD DANG CHOS MTHUN PA NYID LAS GANG NGES PAR STON PA DE GTAN TSIGS ZHES PA 'DI RTOGS KYI DPE BRJOD DANG CHOS MTHUN PA'I GANG STON PA DE GTAN TSIGS SO ZHES PA NI MA YIN NO, ,DE LAS KYANG HA CANG THAL BAR 'GYUR RO, ,DE LTAR 'GYUR MOD, DPE BRJOD DANG CHOS MTHUN PA LAS DE KHO NA STON PA NI 'GYUR GYI, ,GZHAN NI MA YIN NO, ,DES NI SKYON 'DI MED DO ZHE NA GSUNGS PA, 'GYUR TE ZHES PA LA SOGS PA STE, GANG KHO NA BSGRUB PAR BYA BA'I DPE BRJOD DANG CHOS MTHUN PA NYID KHO NA BSGRUB BYA DANG CHOS MTHUN PA NYID LAS DE'I CHOS RTOGS PA'I DPE NI DPE BRJOD DO ZHES PA 'DIR BSGRUB BYA DANG CHOS MTHUN PA'I SGRAS BRJOD DO, ,DE'I PHYIR DPE BRJOD DANG CHOS MTHUN PA LA LTOS NAS DPE STON PA'O, ,DE LTA BU NI NYE BAR SBYAR BA STON PA YANG STE, GANG GI PHYIR DES NI DPE BRJOD DANG CHOS MTHUN PA NYID KHO NAR BSGRUB BYA NYE BAR GTOD DO, ,NYES PA 'DI NI MED DE ZHES PA, 'DI SNYAM DU SEMS TE, DPER NA BRAM ZE RNAMS LA ZHO BYIN CIG ,KUn tI NA'I BU LA DAR BA BYIN CIG CES PA LA, SPYIR THOB PA'I ZHO SBYIN PA NI, KHYAD PAR BYAS PA'I DAR BA SBYIN PAS 'GOG PA DE LTAR YAN LAG PHYI MA RNAMS LA GTAN TSIGS NYID NI, RANG GI MTSAN NYID STON PAS SO ZHE'O, ,MA YIN RNAM BRTAG SOGS SRID PHYIR, ,ZHES PA STE, DE LA RNAM PAR BRTAG PA NI LHAS BYIN KHAR BA'I SNOD DAM, DNGUL GYI 'AM, GSER GYI RU ZA RU CHUG CES PA STE, RNAM PAR BRTAG PAS GZHI'I DNGOS PO 'DIR RNAM PAR SHES PAR BYA'O, ,BSDU BA NI LHAS BYIN MAR SAR DANG LO MA DANG, LAN TSVAS ZA RU CHUG ,'GEGS PA NI DPER NA BRAM ZE RNAMS LA ZHO BYIN, KUn dI NA'I BU LA DAR BA BYIN ZHES PA LTA BU STE, DE LTAR GANG GI PHYIR GCIG TU THOB PA RNAMS LA NI GNOD PA BZHIN DU RNAM PAR BRTAG PA DANG BSDU BA DAG KYANG 'GYUR TE, DE LAS THE TSOM MO, ,DE PHYIR THE TSOM YONGS SU SPANG BA'I DON DU DRUG PAR 'GYUR MOD, 'O NA SPYIR BTANG LA DMIGS @188B BSAL GNOD BYED DO ZHES RAB TU GRAGS PA 'DI KHO NA RIGS BA STE, DES NA 'DI LA THE TSOM ZA BA CI ZHE NA, 'DI SNYAM DU SEMS TE, RIGS PA 'DI LA PHA ROL PO RJES SU MI 'JUG GO, ,GAL TE 'JUG NA DPER BRJOD DANG CHOS MTHUN PA NYID LAS BSGRUB BYA SGRUB PAR BYED PA GTAN TSIGS SO, , DE BZHIN DU CHOS MI MTHUN PA NYID LAS ZHES PA 'DIR SGRUB PAR BYED PA SMOS PA MI BYED PAR 'GYUR RO, ,DE LTAR NI 'DI GTAN TSIGS LTAR SNANG BA'I BDAG NYID GANG CHOS MTHUN PA NYID DAM MI MTHUN PA NYID DE RNAM PAR GCOD PA'I CHED DU DE LAS BZLOG PAS NYE BAR BLANGS PAS SO, ,'DI SKAD BRJOD PAR 'GYUR TE, GANG CHOS MTHUN PA NYID DAM MI MTHUN PA NYID YIN ZHING GTAN TSIGS LTAR SNANG BA RNAMS MA YIN PA DE GTAN TSIGS SO ZHES PA'O, ,RIGS PA 'DI 'DOD PA NA NI, GANG CHOS MTHUN PA NYID DAM MI MTHUN PA NYID GTAN TSIGS LTAR SNANG YIN PA DE GTAN TSIGS NYID DU THAL BAR 'GYUR BA MA YIN PA KHO NA STE, DMIGS BSAL GYI YUL LA SPYIR BTANG GI SKABS MED PA NYID KYI PHYIR RO, ,SGRUB PAR BYED PA SMOS PA YANG BYAS TE, DES NA RIGS PA 'DI 'DA' BAR BYAS NAS 'JUG GO, ,DES NA THE TSOM MO ZHES PA'O, ,SKYON MED PA KHO NA NI MA YIN TE ZHES PA MI SRID PA'I KHYAD PAR NYE BAR BLANGS PA'I PHYIR RO, ,DE BZHIN DU DON GYI KHYAD PAR BSGRUB PAR BYA BA SGRUB PAR BYED PA STE, DON KHO NAS DON RTOGS PAR BYED KYI SGRAS NI MA YIN NO, ,'O NA YANG ZHES PA LA SOGS PA STE, 'DI LA BSAM PA NI 'CHAD PAR 'GYUR BA'O, ,YANG CI LTAR DE KHYAD PAR GYI DON NYID DU BRTAG PAR BYA ZHE NA GSUNGS PA, DAG NI CHOS MTHUN PA THAMS CAD KYI GTAN TSIGS MA YIN ZHES PA STE, DPER NA GZHAL BYA NYID LA SOGS PA'I LTA BU'O, ,GANG 'DOD DE NI KHYAD PAR GYIS, ,ZHES PA, DPER BRJOD DANG CHOS MTHUN PA NYID MA 'KHRUL PA'I TSIG GTAN TSIGS SO ZHES PAR RO, ,TSIG GI KHYAD PAR GYIS DON CI ZHIG YIN ZHES PA, CUNG ZAD KYANG MED PA KHO NA'O, ,KHYAD PAR BRGYA PHRAG LDAN YANG TSIG NI BSGRUB PAR BYA BA'I DON LA MI 'KHRUL BAR 'GYUR BA MA YIN PAS SO, ,'O NA YANG ZHES PA LA SOGS PAS BSAM PA GANG GIS, 'O NA YANG DE KHYAD PAR BYED @189A *, ,PA'I DON DU 'GYUR TE ZHES BSHAD PA DE GSAL BAR BYED DO, ,DPER NA DAM BCA' DANG GTAN TSIGS DAG 'GAL BA ZHES PA STE, 'DIR NI TSIG DAG 'GAL BA SRID PA MA YIN NO ZHES PAS DON DAG KHO NA RNAM PAR SHES PAR BYA'O, ,DGOS PA MED PA 'DOD MA YIN, ,ZHES PA, DGOS PA LAS NYE BAR BTAGS PA'I SGRAS BRJOD PA LA BRTEN PAR BYA STE, DPER NA BRAM ZE'I KHYE'U LA SENG GE ZHES PA BZHIN TE, DPA' BA NYID PHUL DU BYUNG BA GO BA'I CHED DU SENG GE'I SGRAS BRJOD PA'O, ,'DIR YANG BSGRUB BYA DANG SGRUB BYED KYI SGRA'I GTZO BO'I DON NI CHOS MTHUN PA NYID KHO NA'O ZHES PAS DE KHO NA LA KHYAD PAR BYA'I, DON NI SGRA'I KHYAD PAR GYIS MA YIN NO, ,DE LTAR KHYAD PAR BYA'O ZHES PA, DPE BRJOD DANG CHOS MTHUN PA NI SGRUB BYED MA YIN PA YANG YOD DO, ,DE'I JI LTAR DE LAS KHYAD PAR DU 'GYUR BA DE LTAR KHYAD PAR DU GYIS SHIG ,'O NA ZHES PA SGRUB BYED MA YIN PA RNAM PAR GCOD PA NI SGRUB BYED KYI SGRAS BYED DE, DES NA CI LTAR SGRUB BYED MA YIN PA LAS KHYAD PAR DU BYAS PA MA YIN PAR 'GYUR ZHES SEMS PA'O, ,'DI KHYAD PAR DU BYAS PA MA YIN TE, RNAM GRANGS TZAM NYID KYI PHYIR RO, ,YAN LAG THAMS CAD RNAMS KHO NA BSGRUB BYA RTOGS PA'I CHED DU 'JUG PA NYID KYI PHYIR, BSGRUB PAR BYA BSGRUB PAR BYED PA'O ZHES PAS 'DI RNAM GRANGS TE, DE KHO NA NI DE RNAMS KYI BSGRUB BYA SGRUB PAR BYED PA'I DNGOS POR SO SO LA JI LTAR RIGS PA DE LTAR KHYAD PAR BRJOD PAR BYA'O, ,DE KHO NA NI YAN LAG THAMS CAD KYI THUN MONG BA'I NGO BO MA YIN NO, ,DE SGRUB PAS NI KHYAD PAR RTOGS PA'I CHED DU NUS PA YANG MA YIN TE, YONGS SU MI SHES PA NYID KYI PHYIR YANG DE KHYAD PAR NYID DU MI 'THAD DO, ,CI LTAR NA YAN LAG THAMS CAD LA BSGRUB BYA SGRUB BYED KYI SGRA RNAM GRANGS PAR RIGS, SPYI DANG KHYAD PAR GYI SGRA DAG RNAM GRANGS PA NYID NI MA YIN TE, SHING DANG SHING SHA PA'I SGRA BZHIN NO ZHE NA, RNAM PAR GCOD PAR MI BYED PA PO NYID KYI PHYIR NA, RNAM GRANGS DANG MTSUNGS PA NYID KYI PHYIR RNAM GRANGS KYI SGRAS BRJOD DO ZHES PAS SKYON MED DO, ,DE LTA NA 'O NA ZHES PA, RNAM GRANGS PA NYID YONGS SU SPONG BAR BYED DO, ,SGRUB BYED MA YIN @189B PA'I CHOS MTHUN PA NYID DANG CHOS MA MTHUN PA NYID LAS BZLOG PAS BSGRUB BYA SGRUB PAR BYED PA SMOS PA 'DI BYAS SO, ,DON GYI SKABS KYI DBANG LAS SPYI'I SGRA RNAMS KYANG KHYAD PAR GYI RNAM PAR GCOD PA'I RGYU RNAMS SU MTHONG STE, DPER NA GLANG PO RNAMS GO BSKON BAR BYA BA NYID LA SGRUB PAR BYED PA'O ZHES PA LTA BU STE, GLANG PO CHE RNAMS KHO NA SGRUB PAR BYED PA'I NUS PA DANG BRAL BA RNAM PAR GCOD PAR BYED KYI SHING RTA LA SOGS PA RNAMS NI MA YIN PA DE BZHIN DU 'DIR YANG NGO, ,DPER BRJOD DANG CHOS MTHUN PA'AM MI MTHUN PA NYID BSGRUB BYA SGRUB PAR BYED PA GTAN TSIGS SO ZHES BRJOD PA NA CHOS MTHUN PA NYID DANG MI MTHUN PA NYID KHO NA SGRUB BYED YIN PA SEL TE, DE'I PHYIR 'DI KHYAD PAR DU 'GYUR RO, ,CHOS MI MTHUN PA NYID SMOS PA NI, DE BZHIN DU CHOS MI MTHUN PA LAS ZHES GTAN TSIGS KYI MTSAN NYID NYE BAR STON PA LAS SO, ,YANG SGRUB BYED MA YIN PA CI YIN ZHES PA, SGRUB PAR BYED PA NGES PAR MI SHES PA'I PHYIR, SGRUB BYED MA YIN PA YANG DE LAS BZLOG PAR SHES PAR MI NUS ZHES PA'I DRI BA'O, ,GTAN TSIGS LTAR SNANG BA NYID DU NGES PAR BSTAN PA LAS SGRUB BYED MA YIN PA NYID DU RTOGS PA KHO NA'O ZHES SEMS SO, ,GANG GI PHYIR SPYIR BTANG NI ZHES PA STE, SPYIR BSGRUB PA NI SPYIR BTANG NGO, ,DE 'THOB PA SEL BA NI DMIGS BSAL LO, ,DE LA DPE BRJOD DANG CHOS MTHUN PA GTAN TSIGS SO ZHES PA NI SPYIR BSGRUB PA'I PHYIR SPYIR BTANG NGO, ,GTAN TSIGS LTAR SNANG BA'I MTSAN NYID NI DMIGS BSAL LO, ,SPYIR BTANG NI, DMIGS KYIS BSAL LA YOD SRID MIN, , SPYI'I 'JUG PA'I SPYIR GTANG BA NI KHYAD PAR THAMS CAD LA 'JUG PAS NA CI LTAR DMIGS KYIS BSAL BA'I YUL YONGS SU SPONG ZHE NA GSUNGS PA, SNGAR DMIGS KYIS BSAL BA ZHES PA LA SOGS PAS TE, SPYI LA SPYIR BTANG BA STE, DE YANG PHYI'I NANG DU 'DUS PA'I KHYAD PAR RAMN YONG SU BOR BA'I KHYAD PAR YIN, GANG GI TSE RTOG PA SNGA MA YIN PA, DE'I TSE YUL RNAM PAR DBYE BA MI SHES PA NYID KYI PHYIR, DMIGS KYIS BSAL BA'I 'JUG PA RE ZHIG BLTA BAR BYA'O, ,PHYIS DE LAS GZHAN PA'I YUL LA RANG NYID GNAS SO, ,'DI'I DBANG DU BYAS NAS GSUNGS @190A *, ,PA, SNGAR DMIGS KYIS BSAL BA ZHES PA LA SOGS PA'O, ,GANG GI TSE GNYIS PA YIN PA DE'I TSE DMIGS KYIS BSAL BA'I YUL SPANGS PA NYID KYI PHYIR RANG GI YUL LA SNGAR SPYIR BTANG 'JUG GO, ,DE'I DBANG DU BYAS NAS GSUNGS PA, DMIGS BSAL GYI YUL BRTAGS NAS ZHES PA LA SOGS PA'O, ,DA NI KHYAD PAR GNYIS KHAS BLANGS NAS KYANG THAL BAR 'GYUR BA STON PA GSUNGS PA, GTAN TSIGS 'GYUR ZHES PA LA SOGS PA, RIGS PA CAN PAS BRJOD PA'I GTAN TSIGS LTAR SNANG BAS STONG PA YANG MTSUNGS PA'I CHOS NYID DE, DPER BRJOD DANG CHOS MTHUN PA NYID DANG GZHAN GYI CHOS NYID DE, CHOS MI MTHUN PA NYID GTAN TSIGS SU 'GYUR RO, ,DPE BRJOD KYIS STON TE, SGRA RTAG STE MNYAN PAR BYA BA NYID KYI PHYIR ZHES PA LAS SOGS PA'O, ,MNYAM PAR BYA BA NYID NI MI MTHUN PA'I ZLA BA'O GTAN TSIGS GZHAN DANG BCAS PA, RIGS PA CAN PAS BRJOD PA'I GTAN TSIGS LTAR SNANG BA GANG GI'ANG NANG DU 'DU BA MA YIN NO, ,GTAN TSIGS LTAR SNANG BA MA YIN PA NI MA YIN TE, THE TSOM GYI RGYUD NYID KYI PHYIR RO, DPE SGRA NYID DANG YANG MTSUNGS PA'I CHOS YIN PA NYID DE, DES NA GTAN TSIGS SU 'GYUR RO, ,GZHAN GYI CHOS NYID YANG NA STE, 'DI KHO NA LA BUM PA LA SOGS PA CHOS MI MTHUN PAS SO, ,RTZOL MA THAG TU BYUNG BA NYID NI, GZHAN GYI CHOS NYID KHO NA STE, GLOG LA SOGS PA CHOS MI MTHUN PA NYID KYIS TE, SGRA RTAG STE RTZOL MA THAG TU BYUNG BA NYID KYI PHYIR, MI RTAG PA GLOG LA SOGS PA NI RTZOL MA THAG TU BYUNG BA MA YIN PA'O ZHES PA'O, ,'DI YANG DE BZHIN DU CHOS MI MTHUN PA NYID LAS ZHES PA MTSAN NYID GNYIS PA LA LTOS NAS BSHAD PA'O, ,'DIR 'GYUR MOD, 'DI YANG JI SKAD BSHAD PA'I GTAN TSIGS LTAR SNANG BA'I NANG DU 'DU BA KHO NA'O ZHE NA, DE'I PHYIR GSUNGS PA, 'DI NI ZHES PA LA SOGS PA STE, 'KHRUL PA DANG BCAS PA DANG 'GAL BA DANG SKABS DANG MTSUNGS PA DANG, BSGRUB BYA DANG MTSUNGS PA DANG DUS LAS 'DAS PA RNAMS NI GTAN TSIGS LTAR SNANG BA'O ZHES YONGS SU BGRANGS PA'I PHYIR, 'DI NI JI SKAD BSHAD @190B PA'I GTAN TSIGS LTAR SNANG BA'I NANG DU 'DU BA MA YIN NO, ,'GAL BA YANG DER RNAM PA GZHAN KHO NAR BRJOD DE, GRUB MTHA' DANG KHAS BLANGS DANG 'GAL BA NI 'GAL BA'O ZHES SO, ,DE'I PHYIR 'DI NI KHYAD PAR MAD PA STE, MI 'DOD PA THAMS CAD LAS RNAM PAR MI GCOD PA'I PHYIR RO, , GZHAN RNAMS NI ZHES PA LA SOGS PA YAN LAG STON PA THAMS CAD NI BSGRUB BYA SGRUB PAR BYED PA STE, DE'I PHYIR BSGRUB BYA SGRUB PAR BYED PA GTAN TSIGS SO ZHES BRJOD PA NA, 'DIR GTAN TSIGS YIN ZHES MI SHES PA DE'I PHYIR, SEMS KHYAD PAR DU BYED DE, CHOS MTHUN NYID STON PAS SO, , DE NI MDO'I SNGA MA'I CHA NYID KYI PHYIR, SNGA MA STE DE KHYAD PAR DANG, BSGRUB BYA SGRUB PAR BYED PA KHYAD PAR CAN ZHES PA'O, ,'DI BRJOD PAR 'GYUR ZHES PAS, KHYAD PAR DANG KHYAD PAR DU BYA BA'I DNGOS PO 'DOD PA DE STO9N TO, ,DPER BRJOD DANG CHOS MTHUN PA LAS GANG STON PA YIN PA'I BSGRUB BYA SGRUB PAR BYED PA DE NI GTAN TSIGS SO, ,GANG ZHIG BSGRUB BYA DANG CHOS MTHUN PA NYID LAS BSGRUB BYA SGRUB PAR BYED PA NGES PAR STON PA DE DPE'O, ,GANG DPER BRJOD LA LTOS PAR BYA BA DE LTA BU 'AM DE LTA BU MA YIN NO ZHES PA MJUG SDUD DO, ,BSGRUB BYA LA NYE BAR GTOD PA ZHES PA LA SOGS PA THAMS CAD BRJOD PAR BYA'O, ,DE RNAMS KYI YANG DRUG PAR RIGS PA'I NGO BO ZHES PA, LNGA PAS STON PA SKABS SU BYAS PA NYID LA NI GZHAN MI SRID DO ZHES BSHAD ZIN TO, ,GTAN TSIGS LTAR SNANG BA LAS LDOG PA LA YANG ZHES PA, DER SNANG MA GTOGS MTSUNGS PA DANG, ,GZHAN GYI CHOS NYID GTAN TSIGS 'GYUR, ,ZHES GANG BSHAD PA'I SKYON DE PHYOGS 'DI LA YANG G-YO BA MED PA KHO NA'O ZHES STON TO, ,DE LDAN PA'I CHOS KYI GTAN TSIGS SO ZHES PA DE 'DI LA YOD DO ZHES PA DE DANG LDAN PA'O, ,DE DANG LDAN PA'I CHOS NI DE LDAN CHOS SO, ,'BREL PA CAN NYID TZAM GYI GTAN TSIGS NYID LA THAL BAR 'GYUR NA DE GCAD PA'I CHED DU GSUNGS PA, BRJOD PA ZHES 'JUG GO ZHES PA, BSGRUB BYA BRJOD PA DAM BCA'O ZHES PA'I DKYUS MA'O, ,DES NA NGAG GI DON 'DI YIN TE, DE LDAN PA'I CHOS BRJOD PA GTAN TSIGS SO ZHES PA'O, ,GAL TE BSGRUB BYA @191A *, ,BRJOD PA 'BREL PAR BYED NA ZHES PA DE GTZO BO NYID KYI PHYIR RO, ,DES KYANG BSGRUB BYA KHO NA DE DANG LDAN PAS ZHES PA, 'BREL PA CAN GYI SGRA NYID KYI PHYIR, BRJOD PA'I BRJOD PAR BYA BA KHO NA DES DE DANG LDAN PAR 'GYUR TE, DE LTAR NI BU DANG LDAN PA ZHES BRJOD PA NA PHA KHO NA DE DANG LDAN PAR 'GYUR RO, ,NAM MKHA' YANG DES DE DANG LDAN PAR 'GYUR BA MA YIN NAM, DE NI DE DANG 'PHROD PA 'DU BA CAN NYID KYI PHYIR RO ZHE NA, BDEN TE DE LTA NA YANG BSTAN BCOS KYIS NAM MKHA'I CHOS 'BRAS BU NYID LA SOGS PA RNAMS KYANG TSIG GI RGYU NYID DU NYE BAR BLANGS PA'I PHYIR NAM MKHA'I YANG BSGRUB PA BYAS PA KHO NA'O ZHES SEMS SO, ,TSOGS PA LA CHOS GZHAN NI YOD PA MA YIN NO ZHES PA, TSOGS PA'I NI BSDUS PA TZAM YIN ZHING, BLOS KUN RTOGS PA KHO NA STE, ,KHANG BZANGS KYI PHRENG BA BZHIN NO, ,DE TSOGS PA CAN LAS THA DAD PAR MED PA'I PHYIR RO, ,CI'I PHYIR BYAS PA NYID LA SOGS PA CHOS YIN ZHE NA, TSOGS PA CAN KHO NA'I CHOS GANG YIN PA DE NI DE'I PHYOGS GCIG YIN PA NYID KYI PHYIR DE'I ZHES THA SNYAD DU BYA BAR NUS TE, DPER NA KHANG PA'I MDZOD MIG LTA BU'O, ,DE'I PHYIR TSOGS PA CAN KHO NA GTAN TSIGS SU 'THOB CING, DE YANG DAM BCA' BA'I DON GYI PHYOGS GCIG NYID KYI PHYIR MA GRUB BO, ,'O NA TSOGS PA NI CHOS GZHAN MED CING, DE'I PHYOGS GCIG PA CHOS CAN SGRA LA SOGS PA'I NI BYAS PA NYID LA SOGS PA CHOS SRID DE, DE LAS KYANG DE KHO NA BRJOD PA'I GTAN TSIGS SU 'GYUR RO ZHEN GSUNGS PA, RVA CAN YIN PA DE'I PHYIR RTA'O ZHES PA LA SOGS PA STE, GANG SNANG DU RUNG BA'I RVA CAN GYI GONG BU 'DI RTA YIN TE, RVA CAN NYID KYI PHYIR ZHES 'DIR BSGRUB BYA'I CHOS RTA NYID KYIS KHYAD PAR DU BYAS PA'I GONG BU CHOS CAN GYI CHOS RVA CAN NYID YIN NO ZHES PA, RANG GI BSTAN BCOS SU BRJOD PA'I GTAN TSIGS LTAR SNANG BA NI GTAN TSIGS SU 'GYUR RO, ,DE LA LA BYAS PA NYID LA SOGS PA SRID PA MA YIN NO ZHES PA, CHOS RNAMS NI CHOS CAN GYI GZHAN GYI DBANG NYID KYI PHYIR, MI RTAG PA NYID LA SOGS PA'I CHOS LA BYAS PA NYID LA SOGS PA'I CHOS RNAMS 'CHAD PA MA YIN NO, ,DE NI GRUB PA NYID KYI PHYIR @191B RO ZHES PA, GRUB PA NI BSGRUB BYA NYID DU MI 'THAD PA'I PHYIR RO, ,MTSAN NYID YUL MED PA NYID DU 'GYUR RO, ,CHOS LA YANG SKYON 'DI MTSUNGS SO ZHES PAS DE LA YANG BRJOD PAR BYA'O, ,MI RTAG PA NYID DU BSGRUB PAR BYA'O ZHEN ZHES PA, MI RTAG PA NYID KYIS KHYAD PAR DU BYAS PA BSGRUB BYA NYID KYI PHYIR RO, ,RNAM PAR GCOD PA'I 'BRAS BU CAN NYID KYI PHYIR RO ZHES PA, SGRA'I SGRA NI GNAS SKABS THAMS CAD KYI SGRA YONGS SU BZUNG NAS 'JUG CING, DE BZHIN DU MI RTAG PA'I SGRA NI SGRA LA SOGS PA MI RTAG PA'I DNGOS PO THAMS CAD NYE BAR BZUNG NAS SO, ,DE DAG PHAN TSUN DU RNAM PAR GCOD DE, MI RTAG PA'I SGRAS SGRA'I GNAS SKABS GZHAN RNAM PAR GCOD PA'I PHYIR DANG, SGRA'I SGRAS KYANG MI RTAG PA NYID KYI RTEN GZHAN RNAM PAR GCOD PA'I PHYIR RO, ,DE'I PHYIR YANG PHAN TSUN RNAM PAR GCOD PAS BSRES PAR GYUR PA'I PHYIR TSOGS PA KHO NA BSGRUB PAR BYA BA NYID DU 'GYUR RO, ,YON TAN DU GYUR PA YANG ZHES BA BRJOD PA'I KHYAD PAR NYID YIN PA'I PHYIR BSGRUB PAR BYA BA NI YON TAN DU GYUR PA'O, ,DE LTA NA YANG BRJOD PAR 'DOD PA'I DBANG LAS NUS PA YOD NA SGRA RNAMS BRJOD PAR 'DOD PA RJES SU SGRUB PAR BYED CES PAS, DE'I SGRAS BSGRUB PAR BYA BA KHO NA LA SNYEGS PAR BYED DO, ,TSOGS PA'AM CHOS CAN GYIS GZHAN DE DANG LDAN PA MED DO ZHES PA CHOS CAN DANG TSOGS PA DAG RANG DBANG CAN NYID KYI PHYIR RO, ,'O NA TSOGS PA CAN LAS DE DANG LDAN PA MED PA MA YIN NAM, DES NA 'DI LTA BU CI YIN ZHE NA, 'DI 'DI LTAR MA YIN TE, 'DIR CHOS NI TSOGS PAS DE DANG LDAN PAR 'GYUR RAM, YANG NA CHOS CAN YIN, GAL TE CHOS MI RTAG PA NYID LA SOGS PA YIN NA, GANG BRJOD PA GTAN TSIGS SU 'GYUR BA DE'I CHOS MED PA KHO NA'O, ,CI STE CHOS CAN YIN NA, DE LA CHOS CAN TZAM BSGRUB BYA YIN PA LA GANG SKYON YIN PA DE 'THOB PA KHO NA'O, ,DE'I PHYIR TSOGS PA'AM CHOS CAN GYIS GZHAN DE DANG LDAN PA MED DO ZHES PA 'DI LA JI SKAD BSHAD PA'I SKYON MI 'JUG STE, DE MED DO ZHES DGONGS PA'O ZHES PAS SKYON MED DO, ,KHYAD PAR BSGRUB BYA DANG LDAN CHOS, ,'THOB STE ZHES PA STE, BSGRUB BYA DANG LDAN PA KHO NA'I ZHES NGES PA GZUNG BA LAS ZHES PA'I @192A *, ,DGONGS PA GSAL BAR BYED DO, ,RGYU CI'I PHYIR NA 'DI LTAR NGES PAR GZUNG ZHES GSUNGS PA, MA YIN ZHES PA LA SOGS PA'O, ,CHOS CAN LA THAL BAR MI 'GYUR BA'I PHYIR RO ZHES PA, BSGRUB BYA DANG LDAN PA'I CHOS CAN LA CHOS CAN SRID PA NI MA YIN TE, DE NI RANG DBANG CAN NYID KYI PHYIR RO, ,NYE BA NYID KYI PHYIR TE, GZHAN DANG 'PHROD PA 'DUS PA MA YIN PA NYID KYI PHYIR DE NYE BA NYID DO, ,MNYAN PAR BYA BA NYID KYI PHYIR RO ZHES PA YANG GTAN TSIGS SU 'GYUR RO ZHES PA'I, YANG GI SGRA NI NGES PAR GZUNG BA'I DON CAN NAM, SMAD PA'I DON CAN NO, ,'O NA PHYOGS CHOS MED PA BZLOG PA'I DON DU DE'I CHOS KYI TSIG MA YIN NAM, DE LTAR YANG DE DANG LDAN PA KHO NA'I ZHES NGES PAR GZUNG BA MED PA'I PHYIR THUN MONG MA YIN PA GTAN TSIGS SU THAL BAR 'GYUR BA MED DO ZHE NA, 'DI LTAR SEMS TE, PHYOGS CHOS MED PA'I THAL BAR 'GYUR BA MED PA'I PHYIR, DE BZLOG PA'I CHED DU 'BAD PA DON MED PA STE, GANG GI PHYIR 'BREL PA MED PA'I DON GYI BDAG NYID 'DI'I 'DI NI 'BRAS BU DANG RGYU ZHES PA LA SOGS PAR SNGAR KHO NAR GTAN TSIGS NYID BSAL ZIN TO ZHES PA'O, ,BSGRUB BYA'I CHOS LA YANG ZHES PA LA SOGS PA NI, DE LA GDON MI ZA BAR 'DI LTAR NGES PAR GZUNG BAR BYA STE, BSGRUB PAR BYA BA KHO NA'I CHOS ZHES PA LA SOGS PA THAMS CAD BRJOD PAR BYA'O, ,MA YIN TE DE'I ZHES PA LA SOGS PA, BSGRUB PAR BYA BA'I CHOS NI GZHAN LA RNAM PA GNYIS SU ZHUGS ZHES KHYAD PAR DU BYA'O, ,DE LA GAL TE BSGRUB PAR BYA BA KHO NA'I CHOS ZHES NGES PAR GZUNG NA, KHYAD PAR 'THAD PA MA YIN NO, ,DE'I PHYIR BSGRUB PAR BYA BA'I CHOS KHO NA ZHES NGES PAR GZUNG BAR BYA'O ZHES PA'O, ,GAL TE YANG THUN MONG MA YIN PA YANG CHOS KHO NA YIN PA DE LTA NA'ANG DE GTAN TSIGS NYID DU THAL BAR 'GYUR BA MA YIN TE, GZHAN LA 'JUG PA MED PA'I PHYIR RO, ,GANG GSUNGS PA, THUN MONG MA YIN PA NI ZHES PA LA SOGS PA'O, ,SLAR YANG 'DI CI'I DON DU NYE BAR BKOD DE, JI TZAM GYIS PHYOGS CHOS MED PA BZLOG PA'I DON KHO NAS DER BSGRUB BYA'I CHOS BRJOD DE, GANG SMRAS PA, PHYOGS KYI CHOS KHO NA ZHES NGES PAR GZUNG BA'I PHYIR @192B RO ZHE NA, 'O NA PHYOGS CHOS KHO NA'I ZHES LHAG PAR GNAS PAR BYAS NAS BRJOD PA'I PHYIR SKYON MED DO, ,MI RTAG PA NYID TZAM ZHES PA LA SOGS PA STE, GANG GI RTAG PA NYID TZAM BSGRUB BYA YIN PA DE'I BUM PA LA SOGS PA RNAMS KYANG DE DANG LDAN PA'O ZHES PAS DE'I CHOS MIG GIS GZUNG BAR BYA BA NYID KYANG GTAN TSIGS SU 'GYUR RO, ,CI STE RTEN THA DAD PAS BYAS BA'I NGO BO'I DBYE BA LA BRTEN PAS BUM PA LA SOGS PA LA SON PA'I MI RTAG PA BSGRUB BYA MIN PA NYID KYI PHYIR THAL BAR 'GYUR BA 'DI MED DO ZHE NA, DE LTAR GYUR NA MNYAN PAR BYA BA NYID KHO NA GTAN TSIGS SU 'GYUR RO, , SGRA MI RTAG PA NYID BSGRUB PAR BYA BA NA YANG TSOGS DON DU 'GYUR RO, ,MA NGES PA ZHES PA LA NGES PA NI NGES PA STE, 'DI LA NGES PA YOD PA MA YIN NO ZHES PAS MA NGES PA'O, ,'DI'I DON RNAM GRANGS GZHAN GYIS GSAL BAR BYED DE, THE TSOM GYI GTAN TSIGS ZHES PA'O, ,THE TSOM GYI GTAN TSIGS ZHES PA CI ZHE NA, 'KHRUL PA CAN NO ZHES PA'O, ,DE TZAM ZHIG KYANG ZHES PA'I DE'I SGRAS BSGRUB BYA BRJOD PA LA BSNYEGS PA'AM, BSGRUB BYA LA BSNYEGS SO, ,BSGRUB BYA YANG TSOGS PA'AM CHOS SAM CHOS CAN DU 'GYUR, NGES PAR GZUNG BA YANG DE DANG LDAN PA KHO NA'I CHOS SAM, DE DANG LDAN PA'I CHOS KHO NA ZHES PA 'DI TZAM RNAMS BRTAG PA'O, ,DE'I PHYIR ZHES PA LA SOGS PA STE, MI RTAG PA NYID LA SOGS PA'I CHOS DANG LDAN PA BUM PA LA SOGS PAS CHOS MTHUN PA NYID GANG BSGRUB PAR BYA BA DE'I MI 'KHRUL BA BRJOD PA NI GTAN TSIGS SO ZHES PA'O, , BSGRUB PAR BYA BA ZHES PA DE GA LAS SHE NA, SO SO NYE BA LAS SO, ,DE LTAR GYUR NA CHOS GZHAN SPANGS PAR 'GYUR RO ZHES PAS MIG GIS GZUNG BYA NYID DANG MNYAN PAR BYA BA NYID YONGS SU SPANGS BAR 'GYUR RO, ,DE NI DE DANG LDAN PAS BSGRUB BYA'I CHOS MTHUN PA NYID MA YIN PAS SO, ,NGES PAR GZUNG BA LAS ZHES PA, DE DANG LDAN PA KHO NAS CHOS MTHUN PA NYID KYI ZHES NGES PAR GZUNG BA'I PHYIR RO, ,MKHA' SOGS YOD PAR SGRUB PA LA, ,ZHES PA LA SOGS PA'I SGRAS BDAG LA SOGS PA RNAMS GZUNG BAR BYA'O, ,DE LA ZHES PA NAM MKHA' LA SOGS BA SGRUB PA LA'O, ,DAM BCA' @193A *, ,DANG LDAN PA 'AM BSGRUB BYA DANG LDAN PA ZHES PA DE'I SGRAS GAL TE BRJOD PA LA BSNYEGS SAM, GAL TE BSGRUB BYA LA YIN, RNAM PA GNYIS KA LTAR NA YANG SBYOR BA 'THAD PA MA YIN NO, ,RNAM PAR LDAN PA DANG BSAL TE 'ONGS PA'I BYE BRAG LAS ZHES PA DE LA BSHAD PA, GANG 'DI PHYIR MTHONG BA NI RJES SU DPAG PA STE, LHAG MA DANG LDAN PA 'DI NI DBANG PO LAS 'DAS PA'I DNGOS PO RNAMS RTOGS PAR BYA BA LA GTAN TSIGS SO, ,DE'I SBYOR BA NYE BAR SBYOD PA'I BYE BRAG LAS RNAM PA GNYIS NYID DE, RNAM PAR LDAN PA DANG BAS BSAL TE 'ONGS PA'O ZHES SO,, SBYOR BA NYE BAR SPYOD PA'I BYE BRAG LAS TE, SBYOR BA RTOGS PA'I BYE BRAG LAS ZHES PA'I DON TO, ,GZHAN SMRA BA, SBYOR BA NI PHA ROL POS RTOGS PAR BYED PA'I DUS TE, 'DIR RAB TU SBYAR BAR BYA BA'O ZHES BYAS NAS SO, ,NYE BAR SPYOD PA NI BRJOD PA'O, ,DE'I BYE BRAG LAS RNAM PA GNYIS SO, ,YANG DON GYI DBYE BA YOD PA MA YIN TE, RES 'GA' RANG GI PHYOGS 'GRUB PA'I CHED DU GTAN TSIGS NYE BAR LEN CING, RES 'GA' GZHAN GYI PHYOGS DGAG PA'I CHED DU'O, ,RTOGS PAR BYA BA'I DON KHYAD PAR DU RTOGS PA NI RNAM PAR LDAN PA STE, GZHAN GYI PHYOGS BKAG NAS DON DE KHO NA 'ONGS PA ZHES PA NI BSAL TE 'ONGS PA'O, ,DE LA RNAM PAR LDAN PA NI NGAG GI RANG BZHIN ZHES PA, DAG GI DNGOS PO NI NGAG GI RANG BZHIN TE NGAG GI NGO BO'O, ,LNGA'I PHYOGS ZHES PA YAN LAG LNGA'O, ,DAM BCA' LA SOGS PA'I KHYAD PAR LAS ZHES PA'I, SOGS PA'I SGRA NI GTAN TSIGS DANG, DPE BRJOD DANG NYE BAR SBYOR BA DANG MJUG SDUD RNAMS BSDU BA'I DON DU'O, ,'DI YANG ZHES PA RJES SU DPAG PA RNAM PA GNYIS SO, ,YANG GI SGRA NI BYE BRAG PA RNAMS KYI 'BA' ZHIG TU MA ZAD CES GSAL BAR BYED PA'I CHED DU'O, ,BYE BRAG PA DGAG PAR NI, SBYOR BA GZHAL BYA DANG MA 'BREL BAR BSHAD DE, MKHA' SOGS YOD NYID SGRUB PA LA, ,SBYOR PA 'THAD PA MA YIN NO, ,ZHES PA 'DIS SO, ,DE BZHIN DU 'DIR YANG GZHAL BYA DANG MA 'BREL BA NYID KHO NA'I GTAN TSIGS KYIS RNAM PAR LDAN PA DANG BSAL TE 'ONGS @193B PA DAG GI YAN LAG RNAMS THAMS CAD RNAM PAR DPYAD PAR BYA'I, GTAN TSIGS KHO NA NI MA YIN NO, ,CI'I PHYIR ZHE NA, DE RNAMS RNAM PAR LDAN PA DANG, BSAL TE 'ONGS PA'I NANG DU 'DUS PA NYID KYI PHYIR RO, ,YAN LAG GI SBYOR BA'I BDAG NYID NI RNAM PAR LDAN PA DANG BSAL TE 'ONGS PA DAG GO, ,DE'I PHYIR YAN LAG RNAMS THAMS CAD DE'I NANG DU 'DUS SO, ,GTZO BO YOD DE ZHES PA DAM BCA'O, ,'DIR KHYAD PAR RNAMS RAB TU GZUNG PAR BYA BA'AM, KHYAD PAR RNAMS RAB TU 'DZIN PAS NA ZHES PA GTZO BO STE, SNYING STOBS DANG RDUL DANG MUN PA RNAMS MNYAM PA'I GNAS SKABS SO, ,KHYAD PAR RNAMS LA RJES SU 'GRO BA MTHONG BA'I PHYIR ZHES PA LA SOGS PA NI GTAN TSIGS SO, ,PHAN TSUN DU KHYAD PAR DU BYA ZHING DBYE BAR BYA'O ZHES PAS NA KHYAD PAR RNAMS TE RNAM 'GYUR RNAMS SO, ,DE RNAMS LA RJES SU 'GRO BA NI RJES SU 'BRANG BA STE, BDE BA DANG SDUG BSNGAL DANG RMONGS PA RNAMS BDAG NYID KYI PHYIR RO, ,DE LA GAL TE ZHES PA, GAL TE'I SGRAS DAM BCA' GZHAN TE, DE YANG GANG GCIG MA YIN PA DE SNYED KYI PHYOGS 'GOD PAR BYED DO, ,DE LTAR NI GTZO BO YOD DO ZHES BRJOD NAS, GANG LAS GTAN TSIGS KYI YUL 'DRI BA KUN NAS SLONG BAR BYED DE, DE'I PHYIR GTZO BO YOD PA NYID BSGRUB PAR BYA BA'O ZHES RTOGS PAR BYA'O, ,NYE BAR GTOD PA'I SBYOR BA NI KHYAD PAR RNAMS KHO NA LA GTZO BO YOD PA NYID DU BSGRUB PAR BYA BA'O ZHES RTOGS PAR BYA STE, DE LTA NI BSHAD PA, NANG GI BDAG NYID DANG PHYI ROL GYI KHYAD PAR RNAMS LA RIGS GCIG RJES SU 'GRO BA 'DI NI YOD DE, DES NA 'DI RNAMS SNGAR THA DAD PA LAS 'GA' ZHIG TU SPYIR GYUR PAR SEMS SO ZHES PA LA SOGS PA'O, ,DE LTAR RNAM PAR RTOG PA GNYIS SRID DE, GAL TE GTZO BO YOD PA NYID DU BSGRUB PAR BYA BA YIN NA DE YANG DAG PA MA YIN TE MI RIGS SO, ,CI'I PHYIR ZHE NA, GSUNGS PA, TSAD MA'I YUL MI SHES PA'I PHYIR ZHES PA, TSAD MA'I SGRAS 'DIR RJES SU DPAG PA BRJOD PAR 'DOD PA'O, ,DE'I YUL SPYI STE, DE MI SHES PA'I PHYIR RO, ,SPYI'I MTSAN NYID KYI YUL CAN MA YIN PA ZHES PA RANG GI MTSAN NYID KYI YUL CAN NO, ,BSTAN ZIN TO ZHES PA RLUNG GI RAB @194A *, ,TU BYED PAR RTOGS PAR BYAS ZIN PA'O, ,BSGRUB BYA'I CHOS KYANG SGRUB PAR BYED, ,CES PA LA SOGS PAS GANG BSGRUB BYA'I CHOS SU MI 'GYUR BA DE SGRUB BYED DU 'GYUR BA MA YIN TE, DPER NA SGRA MI RTAG PAR BSGRUB PAR BYA BA LA ME SREG PAR BYED PA NYID BZHIN, GTZO BO YOD PA NYID DU BSGRUB PAR BYA BA LA KHYAD PAR RNAMS LA RJES SU 'GRO BA YANG BSGRUB PAR BYA BA'I CHOS SU 'GYUR BA MA YIN NO ZHES KHYAD PAR BYED PA MED PA GSUNGS SO, ,RGYAS PA'I TSIG MIN GTAN TSIGS SU RIGS PA ZHES PA DAG GI LHAG MA'O, ,GTZO BO YOD DE KHYAD PAR RNAMS LA RJES SU 'GRO BA MTHONG BA'I PHYIR RO, ,NANG GI BDAG NYID KYI KHYAD PAR 'BRAS BU DANG RGYUR GYUR PA RNAMS LA RIGS GCIG RJES SU 'GRO BAR MTHONG STE, JI SRID DU SGRA DANG REG PA DANG, GZUGS DANG RO DANG DRI STE LNGA PO RNAMS NI, BDE BA DANG SDUG BSNGAL DANG RMONGS PA RNAMS TE GSUM PO RNAMS KYI BKOD PA'I KHYAD PAR RO, ,CI'I PHYIR LNGA PO RNAMS KYI ZHE NA, LNGA PO RNAMS LA 'BRAS BU GCIG YOD PA'I PHYIR RO ZHES PA LA SOGS PA RGYAS PA'I TSIG NI GTAN TSIGS SU MI 'GYUR RO, ,CI'I PHYIR ZHE NA, SGRUB BYED BSDUS PA'I TSIG GI PHYIR RO ZHES PA, SGRUB BYED BSDUS PA'I TSIG GTAN TSIGS SO ZHES PA'I MTSAN NYID KYI PHYIR RO, ,'O NA KHYAD PAR RNAMS LA RJES SU 'GRO BA MTHONG BA'I PHYIR ZHES PA 'DI TZAM KHO NA'I NGAG NI 'DIR GTAN TSIGS MA YIN NAM, 'DI YANG BSDUS PA KHO NA STE, YANG 'DIR GZHUNG LHAG MA NI GTAN TSIGS KYI KHYAB PA STON PA'I CHED DU DANG, MA GRUB PA NYID YONGS SU SPANG BA'I CHED DU BKOD PA'O ZHE NA GSUNGS PA, DE YANG MA BRJOD DO ZHES PA, SGRUB BYED BSDUS PA'I TSIG GTAN TSIGS SO ZHES BRJOD KYI SGRUB BYED NI MA YIN TE, DE MA BRJOD NA DE'I TSIG KYANG GTAN TSIGS NYID DU RTOGS PAR BYA'O ZHES PAS 'DI NI MA BRJOD PA DANG MTSUNGS PA KHO NA'O ZHES SEMS SO, ,DE LTAR 'GYUR MOD KYI SGRUB BYED KYI TSIG LAS KHYAD PAR RTOGS PAR BYA'O ZHE NA GSUNGS PA, THAMS CAD KHO NA NI ZHES PA LA SOGS PA'O, ,YANG NA 'DIR 'GYUR MOD, 'DIR GANG YAN LAG SGRUB PAR BYED PA NI DE'I BRJOD PAR BYA BA'I DON SGRUB BYED NYID DU RNAM PAR RIG PAR BYED @194B PA STE, DAG GI SGRUB PAR BYED PA NYID NI DON GYI SGO CAN YIN GYI, RANG NYID LAS NI MA YIN NO ZHE NA GSUNGS PA, THAMS CAD KHO NA NI ZHES PA LA SOGS PA'O, ,'O NA LHAG MA DANG LDAN PA 'DI NI DBANG PO LAS 'DAS PA'I DNGOS PO RNAMS RTOGS PAR BYED PA LA GTAN TSIGS SO ZHES PAS DE KHO NA SGRUB PAR BYED PA STE, DE'I TSIG NI GTAN TSIGS SO ZHE NA, 'DI NI MI RIGS TE, YAN LAG THAMS CAD TSOGS PA NI LHAG MA DANG LDAN PA YIN PA NYID KYI PHYIR RO, ,DPE YANG ZHES PA LA SOGS PA, DE NGES PAR STON PA DPE ZHES PA 'DI LA YANG NA GZHI BSGRUB PA LA BRTEN PAR BYA BA STE, BSGRUB PAR BYA BA DANG SGRUB PAR BYED PA DE DAG GANG DU NGES PAR BSTAN PAR BYA BA ZHES PA'AM, YANG NA BYED PA STE, DE DAG 'DIS NGES PAR STON PA'O ZHES PA NI, DE LA BRTAG PA DANG PO LA MNGON PAR 'DOD PA'I MTSON BYA LA MA KHYAB PA'I PHYIR MTSAN NYID MA KHYAB PA NYID DU STON PAR GSUNGS PA, GAL TE GANG DU ZHES PA LA SOGS PA'O, ,YOD NA YANG ZHES PA, BSGRUB BYA DANG SGRUB BYED RJES SU 'GRO BA KHAS BLANGS NAS DPE'I SKYON GZHAN GSUNGS PA, RJES SU 'GRO BA MED PA'I PHYIR RO ZHES PA, BSGRUB PAR BYA BAS SGRUB PAR BYED PA LA KHYAB PA NYE BAR STON PA NI RJES SU 'GRO BA STE, 'DIR NI SGRUB PAR BYED PAS BSGRUB PAR BYA BA LA KHYAB PAR BRJOD DE, 'JIG RTEN NA SPYI SNGON MA CAN GYI KHYAD PAR RNAMS LA, RIGS GCIG YANG DAG PAR RJES SU 'GRO BA MTHONG ZHES PA'O, ,'DI LTA BU NI SGRUB PAR BYED PA'I DON 'GA' YANG MA YIN NO ZHES PA, DPE LTAR SNANG BA NYID KYI GTAN TSIGS SO, ,RJES SU 'GRO BA PHYIN CI LOG PAS NI SGRUB PAR BYED PA LA PHAN 'DOGS PA 'GA' YANG 'BYUNG BA MED DE, MED NA MI 'BYUNG BA NYID MI STON PA'I PHYIR RO, ,NGAG GI YAN LAG NYAMS PA'O ZHES PA, NGAG GI BDAG NYID RNAM PAR LDAN PA'I DON YAN LAG YIN PAR RIGS PA MA YIN TE, 'JUG PA THA DAD PA RNAMS LHAN CIG BRJOD PAR 'DOD PA MED PA'I PHYIR ZHES BSHAD ZIN TO, ,RNAM PAR RTOGS PA GNYIS PA LA SKYON NYID RTOGS PAR BYA BA'I CHED DU GSUNGS PA, CI STE ZHES PA LA SOGS PA'O, ,BRJOD PAR BYA BA KHO NA LA DE MA YIN ZHES PA NI, DE LTAR GYUR BA'I DON LA MED PA NA, @195A *, ,NGAG KYANG DE'I DON RTOGS PAR BYED PA'I 'BRAS BU CAN MA YIN NO, ,GSUNGS PA, MA YIN ZHES PA LA SOGS PA'O, ,NYE BAR SBYAR MI RIGS ZHES PA BSGRUB BYA DANG DPE DAG GCIG TU BYA BA ZHES PA NYE BAR SBYAR BA'I MTSAN NYID DE, DE DAG GI DPE NYID LA 'THAD PA MA YIN TE, DPER NA DUM ZHOGS DANG THOD PA DANG SNOD SPYAD DANG RGYAN LA SOGS PA ZHES PA'I NGAG 'DI LTA BU NI MA YIN NO, ,DE LTAR GTZO BO LA SOGS PA BSGRUB PAR BYA BA'O, ,DE LTAR YAN LAG GI MTSAN NYID NI DNGOS SU GTZO BO YOD PA NYID CES PA GTZO BO YOD DO ZHES PAR MA CHAD PAR GTZO BO BSGRUB PAR BYA BA LA NI DPE DANG NYE BAR BSDU BA'I MTSAN NYID RNAM PA THAMS CAD DU 'BREL PA MA YIN NO, ,DE LTAR NI BSGRUB BYA NGES PAR 'DZIN PA DAM BCA'O ZHES PA DAM BCA'I MTSAN NYID DE, GTZO BO ZLA BO'I NGO BO BSGRUB PAR BYA BAR BRTAGS PA YANG MA YIN NO, ,DE STON PA DPE'O ZHES PA DPE'I MTSAN NYID YIN ZHING, DE DAG GCIG TU BYA BA ZHES PA NYE BAR SBYAR BA'I MTSAN NYID DE, DE GNYIS KA YANG 'DIR YOD PA MA YIN NO ZHES RTOGS PAR BYAS ZIN TO, ,'O NA RIGS PA'I SGOR 'DI SGRUB BYED DU NYE BAR SGRUB PA MA YIN NAM, DE CI LTAR SNGA MA'I SKYON 'BYUNG ZHE NA GSUNGS PA, RIGS PA'I SGO'I PHYOGS KYIS NI ZHES PA STE, DES NI GTZO BO DON GYIS SGRUB KYI DNGOS SU MA YIN TE, DNGOS SU NI KHYAD PAR RNAMS KHO NA BSGRUB BYA'O, ,KHYAD PAR RNAMS KHO NA DER RGYU GCIG PA NYID DU BSGRUB PAR BYA BA NYID KYI PHYIR PHYOGS SO ZHES PA'I TSIG LAS SO, ,DE RNAMS BSGRUB PAR BYA BA NYID NA JI SKAD BSHAD PA'I YAN LAG GI SBYOR BA 'BREL PAR 'GYUR TE, 'BREL PA TZAM DU 'GYUR ZHES PA'O, ,TZAM GYI SGRA NI YAN LAG SKYON MED PA NYID RNAM PAR GCOD PA'I DON DU'O, ,DAM BCA'I DON DANG 'GAL BAR 'GYUR ZHES PAS KHAS BLANGS DANG 'GAL BA GSUNGS SO, ,DAM BCA'I DON DANG 'GAL BA GANG YIN ZHE NA GSUNGS PA, KHYAD PAR RNAMS RGYU GCIG PA ZHES PA'O, ,CI LTAR NA DAM BCAS PA'I SKYON YIN ZHEN GSUNGS PA, DUM BU LA SOGS PA RNAMS KYI ZHES PA LA SOGS PA STE, GANG DE DU MA ZHOGS DANG THOD PA DANG SNOD SPYAD DANG RGYAN LA SOGS PA RNAMS KYI KHYAD PAR NYID DU GYUR NA, SHING DANG BUM @195B PA DANG, SA'I GONG BU DANG GSER LA SOGS PA RGYU DU MA SNGON MA CAN NYID DU KHAS BLANGS SO, ,DES RGYU GCIG SNGON PA CAN NYID SEL BA'I PHYIR DAM BCA' BA'I DON DANG 'GAL BA'O, ,DE LTAR 'GYUR MOD NANG GI BDAG NYID KYI KHYAD PAR RNAMS KHO NA RGYU GCIG SNGON MA CAN NYID DU KHAS BLANGS BAR BYA'I, PHYI ROL GYI RNAM PA NI MA YIN TE, DES NA 'DI SKYON MA YIN NO ZHE NA GSUNGS PA, KHAS MI LEN NA YANG DPE MED PA ZHES PA STE, RGYU GCIG PA NYID MED PA'I PHYIR NA BSGRUB BYA DANG BRAL BA'I PHYIR DPE LTAR SNANG BA'O ZHES BYAS NAS SO, ,YANG NA 'DIR KHYAD PAR THAMS CAD PHYOGS SU BYAS PA RNAMS TE, DE LA DUM ZHOGS LA SOGS PA RNAMS KYI KHYAD PAR YOD PA LA SHING LA SOGS PA RGYU DU MA KHAS BLANGS PA'I PHYIR DAM BCA' BA'I DON DANG 'GAL BA STE, RGYU GCIG PA NYID SAL BA'I PHYIR RO, ,KHAS MI LEN NA YANG ZHES PA GAL TE DUM ZHOGS LA SOGS PA RNAMS KYANG GTZO BO GCIG GI RGYU CAN NYID KYI PHYIR SHING LA SOGS PA'I RGYU CAN DU KHAS BLANGS PA MA YIN NO ZHE NA, DE LTAR GYUR NA DPE MED PA STE, DU MA ZHOGS LA SOGS RNAMS KYI RGYU GCIG PA NYID MA GRUB PA'I PHYIR RO, ,CI YOD PA SNGON MA CAN NYID DU ZHES PA, GTZO BO YOD DO ZHES PA'I DAM BCA' LAS DANG DE'I PHYIR GTZO BO YOD DO ZHES PA'I MJUG SDUD LAS, YOD PA SNGON MA CAN KHO NAR KHYAD PAR RNAMS BSGRUB PAR BYA ZHING, DPE MED PA MA YIN TE DUM BU LA SOGS PA RNAMS YOD PA SNGON MA CAN NYID DU RTOGS PA'I PHYIR RO ZHE NA, MA YIN TE GCIG NYID LA YANG ZHES PA LA SOGS PA STE, GCIG NYID BSGRUB PAR BYA BA LA YANG GTZO BO'I 'DI KHO NA SGRUB BYED DU STON TE, 'DI SKAD DU RNAM PAR LDAN PA LNGA PO 'DI RNAMS LAS GTZO BO'I YOD PA NYID DU GRUB CING, 'DI'I GCIG NYID KYANG 'DI KHO NA LAS GRUB PO ZHES BRJOD PA'I PHYIR RO, ,RTZOD PA MED PHYIR YANG ZHES PAS GRUB PA BSGRUB BYA NYID GSUNGS SO, , CI LTAR NA RTZOD PA MED CE NA GSUNGS PA, MA YIN ZHES PA LA SOGS PA'O, ,GZHAN RNAMS NI ZHES PA, JI SKAD BSHAD PA'I SKYON YONGS SU SPANG BA'I CHED DU PHYOGS GZHAN LA BRTEN TE, BDE BA LA SOGS PA RNAMS KYI RIGS RJES SU 'GRO BAS KHYAD PAR RNAMS GTZO BO DE'I RIG @196A *, ,CAN NYID DU STE, BDE BA LA SOGS PA LAS BYUNG BA NYID DU BSGRUB PAR BYA BA'O ZHES TE, JI LTAR DUM BU LA SOGS PA RNAMS LA TZANDA NA LA SOGS PA'I RIGS RJES SU 'GRO BA YOD NA, DE'I RGYU CAN RNAMS TZANDA NA LA SOGS PA'I RIGS CAN NYID YIN PA DE LTAR KHYAD PAR RNAMS LA BDE BA LA SOGS PA'I RIGS RJES SU 'GRO BA NA, DE'I RGYU CAN BDE BA LA SOGS PA LAS BYUNG BA'O ZHES PA'O, ,DE LTAR NI GANG GANG GI RANG BZHIN RNAMS KYIS BRTZAMS PA DE NI DE'I RANG BZHIN KHO NAR 'GYUR RO, ,SHES PA'I BSTAN BCOS NI 'BRAS BU DANG RGYU DAG RANG BZHIN GCIG NYID DU RTOGS PAR BYED PA'O, ,DE 'DI SKAD BSHAD PAR 'GYUR TE, GANG ZHIG GANG GI RIGS DANG LDAN PA DE NI DE'I RANG BZHIN GYI RGYU CAN YIN TE, DUM BU LA SOGS PA BZHIN, KHYAD PAR RNAMS KYANG BDE BA LA SOGS PA'I RIGS DANG LDAN PA YIN NO ZHES PA 'BRAS BU'I GZUGS BRNYAN NO, ,DE YANG MA YIN TE, RIGS DU MA'I RJES SU 'GRO BA'I PHYIR RO ZHES PA MIG DANG RNA BA DANG GZUGS DANG SGRA NANG GI BDAG NYID LA SOGS PA'I RIGS DANG LDAN PA'I KHYAD PAR RNAMS KYANG YOD DO, ,DE RNAMS KYI RGYU NI DE'I RANG BZHIN MA YIN NO ZHES PA DES NGES BA'O, ,THAMS CAD LA RJES SU 'GRO PAR BSGRUB PAR BYA'O ZHE NA ZHES PA, SNA TSOGS PA'I NGO BO'I 'BRAS BU SKYED PA MTHONG BA'I PHYIR GTZO BO NI THAMS CAD KYI BDAG NYID NYID DU 'DOD PA KHO NA'O, ,DE'I PHYIR 'DIR BDE BA LA SOGS PA'I RIGS CAN TZAM BSGRUB PAR BYA BA MA YIN GYI 'ON KYANG JI SNYED CIG RIGS DANG LDAN PA'I KHYAD PAR RNAMS YIN PA DE SNYED PA'I RIGS CAN NYID DU BSGRUB PAR BYA'O ZHES PAS MA NGES PA MA YIN NO, ,MA YIN TE DPE MED PA'I PHYIR RO ZHES PA, THAMS CAD KYI RIGS DANG LDAN PA'I KHYAD PAR GYI RGYU BSGRUB PAR BYA BA YIN NA, DUM BU LA SOGS PA RNAMS BSGRUB BYA DANG BRAL BA NYID DO ZHES PAS DPE MED PA'O, ,'DIR 'GYUR MOD, GANG ZHIG GANG RJES SU SONG BA DE NI DE'I RIGS CAN GYI RGYU CAN YIN TE, DUM BU LA SOGS PA BZHIN ZHES SPYIR RJES SU 'GRO BA STON PA NA DUM BU LA SOGS PA DPER RIGS PA KHO NA'O ZHE NA, GSUNGS PA, RAGS PA DANG MI RTAG PA DANG 'BRAS BU NYID LA SOGS PA RJES SU 'GRO BA'I PHYIR YANG ZHES PA, RAGS PA DANG @196B MI RTAG PA DANG 'BRAS BU NYID LA SOGS PA RJES SU 'GRO BA KHYAD PAR RNAMS LA DMIGS SO ZHES PAS DE'I BDAG NYID NYID DU YANG GTZO BO BSGRUB PAR BYA BAR 'GYUR RO, ,SOGS PA SMOS PA LAS GSAL BA NYID DANG MNGON SUM NYID LA SOGS PA RNAMS YONGS SU GZUNG NGO, ,DE RNAMS DE'I RNAM PAR YANG 'THAD PA MA YIN TE, RNAM PAR LDAN PA GZHAN RNAMS LA YANG MA 'BREL BA'I PHYIR RO ZHES PA, RNAM PAR LDAN PA GZHAN RNAMS LA STE TSAD DANG, SNA TSOGS PA'I GZUGS NYID DANG 'BRAS BU DANG RGYU'I DNGOS PO DANG NUS PAS 'JUG PA'I BDAG NYID RNAMS LA'O, ,GANG KHYAD PAR GYI CHOS GTAN TSIGS NYID DU NYE BAR BLANGS PA DE RJES SU 'GRO BA GTZO BO MI RUNG BA'I PHYIR RO ZHES PA'I DON TO, ,GTZO BO LA BCU DRUG LA SOGS BA'I TSAD 'THAD BA MA YIN TE, GCIG NYID DU KHAS BLANGS PA'I PHYIR RO, ,SNA TSOGS PA'I GZUGS KYANG MA YIN TE, DE GZUGS MED PA NYID KYI PHYIR DANG GCIG NYID KYI PHYIR RO, ,'BRAS BU NYID KYANG MA YIN TE, RGYU NYID KYI PHYIR RO, ,NUS PA'I 'JUG PA YANG MA YIN TE THOG MA MED PA'I PHYIR RO, ,DE'I PHYIR RNAM PAR LDAN PA GZHAN PHYI MA RNAMS LA BSGRUB BYA MI RIGS PA'I PHYIR 'DI BSGRUB PAR BYA BA MA YIN NO, ,GANG LAS THA DAD DU NYE BAR LEN PA 'DI DAG GI GZHUNG THA DAD PA CI LTAR YIN ZHE NA, BSTAN BCOS CAN DANG BSTAN BCOS CAN MA YIN PA NYID KYI PHYIR RO, ,RAGS BA LA SOGS PA RNAMS NI BSTAN BCOS CAN MA YIN PA'O, ,TSAD LA SOGS PA RNAMS NI BSTAN BCOS CAN NYID KYI PHYIR THA DAD DU NYE BAR BLANGS PA'O, , RIGS GCIG RJES SU 'GRO BA MED PA'I PHYIR RO ZHES PA, BDE BA LA SOGS PA RNAMS SEMS PA CAN NYID KYI PHYIR, DE'I BDAG NYID KYI MTSAN NYID CAN GYI RJES SU 'GRO BA KHYAD PAR THAMS CAD LA YOD PA MA YIN NO, ,'O NA SGRA DANG REG BYA DANG GZUGS DANG RO DANG DRI STE LNGA PO RNAMS NI BDE BA DANG SDUG BSNGAL DANG RMONGS PA STE GSUM PO RNAMS KYI BKOD PA'I KHYAD PAR TE, CI LAS LNGA RNAMS DANG LNGA PO RNAMS LA 'BRAS BU GCIG PA MED PA'I PHYIR RO ZHES PA'I BSTAN BCOS LAS GTAN TSIGS SU YANG DAG PAR BZHAG PA KHO NA NI MA GRUB PA NYID DO, ,DE LTAR NI 'DIS GANG 'BRAS BU GCIG BA DE NI @197A *, ,RIGS GCIG RJES SU SONG BA CAN YIN TE, DUM BU LA SOGS PA BZHIN SGRA LA SOGS BA RNAMS KYANG DE LTA BU'O ZHES BYA BA'I SGRUB PAR BYED BA BSAL BAR BYAS SO, ,DE'I PHYIR MA GRUB PA NYID MED DO ZHE NA GSUNGS PA, GANG GI PHYIR 'BRAS BU GCIG PA ZHES PA LA SOGS PA'O, , DE RNAMS KYI SGRA LA SOGS PA 'BRAS BU THA MI DAD PA'O ZHES PA, SNYING STOBS DANG RDUL DANG MUN PA RNAMS PHAN TSUN PHAN 'DOGS PA'I DNGOS POR 'JUG PA RNAMS NI SGRA LA SOGS PA'I BDAG NYID DU RNAM PAR GZHAG GO ZHES PAS, SGRA LA SOGS PA 'BRAS BU GCIG PAR BRJOD DO, ,SNYING STOBS LA SOGS PA RNAMS LA RIGS GCIG RJES SU 'GRO BA YOD PA YANG MA YIN TE, SHIN TU THA DAD PA'I PHYIR RO, ,'JIG RTEN NA YANG MIG DANG GZUGS DANG SNANG BA DANG YID LA BYED PA LA SOGS PA RNAMS LA RIGS GCIG RJES SU 'GRO BA MED NA YANG RNAM PAR SHES BA LA SOGS PA 'BRAS BU GCIG YIN TE, DE'I PHYIR YANG MA NGES PA'I PHYIR NA RIGS GCIG RJES SU 'GRO BA MA GRUB PA'O, ,NYE BAR LEN PA LAS DE RTOGS SO ZHES PA RGYU NI RNAM PA GNYIS TE, NYE BAR LEN PA DANG NYE BAR LEN PA MA YIN PAS SO, ,DE LA NYE BAR LEN PA NI GANG THUN MONG MA YIN PA STE, GANG 'BRAS BU'I BDAG NYID KYIS RNAM PAR GNAS PA DPER NA, MYU GU'I SA BON DANG BUM PA'I SA'I RJA SA LTA BU'O, ,CIG SHOS PHAN 'DOGS PAR BYED PA NI NYE BAR LAN PA MA YIN PA STE, DPER NA MYU GU'I CHU LA SOGS PA DANG, BUM PA'I DBYUG PA DANG SKUD PA LA SOGS PA LTA BU'O, ,GANG GANG GIS NYE BAR LEN PA YIN PA DE NI 'BRAS BU'I CHOS DANG 'BREL GYI, CIG SHOS MA YIN TE, DPER NA SA'I RANG BZHIN NYID LA SOGS PA BUM BA'I CHOS DANG SA'I GONG BU YIN GYI, SKUD PA LA SOGS PA MA YIN PA BZHIN NO, ,GANG GI BYED PA KHO NA YANG RAB TU DANG BA LA SOGS PA RNAMS KYI NYE BAR LEN PA'I RGYU'O, ,DE LTAR NI DE RNAMS MTSO 'KHYIL BA LAS CHU'I RLABS BZHIN DU DE LAS YONGS SU 'JUG BAS SO, ,DE'I PHYIR DE KHO NA RAB TU DANG BA LA SOGS PA'I CHOS BDE BA LA SOGS PA'I RANG BZHIN NYID DANG 'BREL BAR RIGS KYI SGRA LA SOGS PA NI MA YIN NO, ,CI'I PHYIR ZHE NA GSUNGS PA, MA GYUR CIG CES PA LA SOGS PA STE YANG CI LTAR NA @197B SKYES BU NA YANG YON TAN GSUM RJES SU DPOG PAR THAL BAR 'GYUR ZHE NA GSUNGS PA, DE'I RNAM PAR SHES PA YANG ZHES PA LA SOGS PA STE, SKYES BU NI SKYES BU'I DE NYID RIGS BA THE TSOM DANG PHYIN CI LOG LA SOGS PA RNAMS KYI YANG NANG GI BYED PA YIN NA, RAB TU DANG BA LA SOGS PA'I 'BRAS BU'I RGYUR GYUR PA YIN YANG, RAB TU DANG BA LA SOGS PA'I 'BRAS BU'I NYE BAR LEN PA MA YIN PA'I PHYIR BDE BA LA SOGS PA'I RIGS RJES SU 'GRO BAR 'DOD PA NI MA YIN TE, DE BZHIN DU SGRA LA SOGS PA RNAMS KYANG NYE BAR LEN PA MA YIN PA'I PHYIR, BDE BA LA SOGS PA'I RIGS DANG LDAN PA MA YIN NO ZHES RTOGS PAR BYA'O, ,KHAS MI LEN NA YANG SKYES BU YANG BDE BA LA SOGS PA'I RIGS DANG LDAN PA 'THOB BO, ,DE 'DIS NI SGRA LA SOGS PA RNAMS LA RIGS GCIG RJES SU 'GRO BAR BSGRUB PAR BYA BA LA, 'BRAS BU GCIG PA NYID KYI GTAN TSIGS NI, SKYES BUS MA NGES PAR BSTAN TO, , CI STE YANG ZHES PA LA SOGS PAS GANG BRJOD ZIN PA NYE BAR LEN LA, DE RTOGS SO ZHES PA DE'I RJES SU YI RANG BAR BYED DO, ,PHYIR ROL KHO NA'I SGRA LA SOGS PA'I RGYU LA RAB TU DANG BA LA SOGS PA'I 'BRAS BU 'DOD DE, NANG GI BYED PA LA NI MA YIN NO, ,DE NI DPER NA ME'I YON TAN DRO BA NYID NI CHU 'AM LUS LA GSAL BA DE LTAR SGRA LA SON PA KHO NA'I 'BRAS BU YID LA GSAL LO ZHES PA SGRA LA SOGS PA RNAMS KYI NYE BAR LEN PA NYID YOD DO, ,DE LTAR RAB TU DANG BA LA SOGS PA NYE BAR LEN PA NYID KYI RGYU GZHAN NI NYE BAR LEN PA YIN PA'I PHYIR SKYES BUS MA NGES PA MED DO, ,'DI RAB TU DANG BA LA SOGS PA'I NYE BAR LEN PA NI MA YIN ZHES SEMS PA'O, ,GAL TE THA MI DAD PAR ZHES PA, GANG KHO NA LA SGRA LA RNA BA'I 'JUG PAS 'DZIN PA DE KHO NA GAL TE REG PA LA SOGS PA RNAMS LA YANG PAGS PA LA SOGS PA'I 'JUG PA RNAMS KYIS YIN NA, DE LAS RANG GI YUL LAS 'JUG PA NYAMS TE, RNA BA LA SOGS PA'I 'JUG PA LNGA PO RNAMS KYI YANG, RAB TU DANG BA LA SOGS PA 'BRAS BU GCIG GI YUL CAN NYID KYI PHYIR ZHES PA KHAS BLANGS PA NYAMS SO, ,CI STE THA DAD NA ZHES PA LA SOGS PA, GANG SGRA LA RNA BA'I 'JUG PAS GZUNG ZHING, DE LAS GZHAN PA KHO NA REG PA LA @198A *, ,SOGS PA RNAMS LA PAGS BA LA SOGS PA'I 'JUG PA RNAMS KYIS SO, ,DE LTAR GYUR NA GCIG GI RIGS CAN DU RJES SU DPAG PA LA GNOD DE, 'BRAS BU GCIG PA NYID MA GRUB PA'I PHYIR RO, ,GANG GI PHYIR DE RNAMS NGO BO THA DAD BA KHO NA STE, SGRA LA SOGS PA BZHIN DBANG BO THA DAD PA'I GZUNG BAR BYA BA NYID KYI PHYIR TE, SGRA THA MI DAD KYI BRJOD PAR BYA BA YOD NA YANG NGO, ,DE LTAR 'GYUR MOD, SGRA LA SOGS PA RNAMS RNA BA LA SOGS PA'I 'JUG PAS GZUNG BYA RNAMS TE, RNA BA DANG PAGS PA DANG MIG DANG LCE DANG SNA RNAMS KYI 'JUG PA YID KYIS BYIN GYIS BRLABS PA SGRA DANG RIG PA DANG GZUGS DANG RO DANG DRI RNAMS RIM PA JI LTA BAR 'DZIN PA LA 'JUG PA LA NI MNGON SUM MO ZHES PA'I BSTAN BCOS LAS TE, DES NA RAB TU DANG BA LA SOGS PA THA DAD PA DANG THA MI DAD PA'I RNAM PAR DPYOD PA 'DI MI RIGS PA KHO NA'O ZHE NA GSUNGS PA, MA YIN ZHES PA LA SOGS PA STE, GANG ZHIG GANG TSOGS PA LA GDAGS PAR BYA BA DE NI DE'I 'BRAS BU MA YIN TE, DPER NA SA'I RNAM PA LA SOGS PA BZHIN, SGRA LA SOGS PA YANG RAB TU DANG BA LA SOGS PA TSOGS PA LA GDAGS PAR BYA BA'I ZHES PA KHYAB BYED DANG 'GAL BA'O, ,RNAM PA LA SOGS PA RNAMS NI RNAM PA DANG LCI BA NYID DANG RTZUB PA NYID DANG, SGRIB BYED DANG, BRTAN PA NYID DANG, GTAN PA NYID DANG, GNAS PA DANG, 'BYED PA DANG BZOD PA DANG NAG PA NYID DANG LUS DANG THAMS CAD SPYAD PAR BYA BA NYID CES PA 'DI RNAMS NI SA LAS BYUNG BA'I CHOS RNAMS SO, ,DE'I KHYAD PAR CAN DE LTA BU GZHAN RNAMS NI CHU DANG ME DANG RLUNG DANG NAM MKHA'I KHYAB BYED RNAMS SU DE RNAMS RTOGS PAR BYA'O ZHES PA 'DI RNAMS RIG PAR BYA'O, ,DE 'DIS 'BRAS BU GCIG PA NYID DANG RAB TU DANG BA LA SOGS PA'I NYE BAR LEN PA NYID KYI MA GRUB PA NYID GSUNGS SO, ,GAL TE RJES SU DPAG PA 'DI LAS ZHES PA, GANG 'DI 'BRAS BU GCIG PA'I DNGOS PO'I MTSAN NYID NYE BAR BKOD PA NI, RIGS GCIG KHO NAS ZHES PA BDE BA DANG SDUG BSNGAL DANG GTI MUG GI BDAG NYID KYIS SO, ,SNA TSOGS PA'I RANG BZHIN 'GAL LO ZHES PA MTHA' YAS PA'I RIGS LA GNOD DO ZHES PA'I DON TO, ,MTHA' YAS PA'I RIGS @198B RJES SU 'GRO BA NI SNA TSOGS PA'I NGO BO NYID DE, DE YANG RIGS GCIG KHO NAS RJES SU 'GRO BA LA SRID PA MA YIN NO, ,CI STE NGES PAR MI 'DZIN NA STE, GCIG KHO NAS ZHES PAR RO, ,RJES SU 'GRO BA LAS SNA TSOGS PA'I NGO BO NYID KYI RNAM PAR LDAN PA GZHAN MED DO, ,DE LTAR GAL TE SNA TSOGS PA'I GZUGS KHO NA ZHES NGES PAR MI 'DZIN NA SNA TSOGS PA'I NGO BO NYID LAS RJES SU 'GRO BA RNAM BAR LDAN PA GZHAN NYID DU MI 'GYUR RO, ,GNYI GAR YANG ZHES BA LA SOGS PA, PHAN TSUN DU LDOG PA DAG THA DAD PAR 'GYUR RO, ,NGES PAR MA BZUNG NA YANG LDOG PA MI SRID DO, ,DE'I PHYIR DON GYI GO BAS SAM THOS PAS NA, GNYI GA DAG GIS NYE BAR LEN PA LAS SPYI DANG KHYAD PAR DANG LDAN BA NYID KYI RNAM PAR LDAN PA GCIG KHO NAR 'GYUR RO, ,SPYI NI RJES SU 'GRO BA DANG KHYAD PAR NI SNA TSOGS PA'I NGO BO NYID DE, DE DAG SO SOR RNAM PAR LDAN PA GZHAN NYID MI 'GRUB BO ZHES PA'I DON TO, ,GANG GI PHYIR DU MA SNGON DU 'GRO BA CAN KHO NA ZHES PA, MI MTHUN PHYOGS KHO NAL RIGS GCIG RJES SU 'GRO BA MTHONG ZHES PA'I DON TO, ,'DIR 'GYUR MOD DUM BU LA SOGS PA SHING LA SOGS PA'I RGYU GCIG SNGON MA CAN RNAMS LA RIGS GCIG RJES SU 'GRO BA MTHONG STE, DES NA GANG LAS 'GAL BA NYID YIN ZHE NA GSUNGS PA, DE LA SHING LA SOGS PA RNAMS LA GCIG NYID GRUB PA NI MED CING, DUM BU LA SOGS PA RNAMS DE SNGON MA CAN NYID KYANG MA YIN TE ZHES PA'O, ,CI'I PHYIR ZHE NA, SHING LA SOGS PA NYE BAR LEN BA'I DNGOS PO'I PHYIR RO, ,GANG GI PHYIR DUM BU LA SOGS PA RNAMS NI SHING LA SOGS PA'I NYE BAR LEN PA CAN NYID NYE BAR GZUNG NAS SHING LA SOGS PA NYE BAR 'DOGS PA'I PHYIR TE, DHA BA LA SOGS PA RNAMS NYE BAR GZUNG NAS NAGS NYE BAR 'DOGS PA BZHIN NO, ,DE'I PHYIR SHING LA SOGS PA RNAMS GCIG NYID MA YIN ZHING, DUM BU LA SOGS PA RNAMS DE SNGON MA CAN NYID KYANG MA YIN NO, ,NAGS NI GCIG NYID MA YIN ZHING, ,DHA BA LA SOGS PA RNAMS DE SNGON MA CAN NYID DU BSGRUB PAR NUS PA YANG MA YIN NO, ,'O NA 'DI NI MI 'GRIG STE, ,RIGS GCIG RJES SU 'GRO BAS RGYU DU MA SNGON MA CAN NYID DU 'BYUNG BAR BYA'O ZHES PA'I GEGS MED PA'I @199A *, ,PHYIR, DE DAG LAS 'GAL BA NYID YIN ZHE NA, JI LTAR 'GAL BA NYID YIN PA DE LTAR BRJOD BAR BYA STE, GAL TE GTZO BO DU MA NYID DU MI 'GYUR ZHING, DE LAS GSAL BA'I THA DAD PA NYID KHO NAR MI 'GYUR NA PHAN TSUN DU THA DAD PA CHEN PO LA SOGS PA RNAMS KYI NI THA DAD PA NYID DU NYE BAR SKYE LA, PHAN TSUN THA DAD PA YANG GTZO BO GCIG NYID LA SRID PA MA YIN NO, ,'BRAS BU DANG RGYU DAG GCIG NYID DU KHAS BLANGS PA'I PHYIR, THA DAD PA MED NA 'ANG CI ZHIG LA RIGS GCIG RJES SU 'GRO, ,DE'I PHYIR RIGS GCIG RJES SU 'GRO BAR 'DOD PAS DE'I RGYU DU MA NYID DU KHAS BLANG BAR BYA'O ZHES PAS 'GAL BA NYID DU 'GYUR RO, ,KHAS BLANGS NAS KYANG ZHES PA GAL TE YANG DUM BU LA SOGS PA RNAMS GCIG NYID KYI KHYAD PAR CAN DANG SHING LA SOGS PA SNGA MA CAN NYID YIN PA DE LTA NA YANG GTAN TSIGS MA NGES BA STE, GANG GI PHYIR DUM BU DANG THOD PA DANG SNOD SPYAD DANG RGYAN LA SOGS PA BDE BA LA SOGS PA'I RIGS RJES SU 'GRO BA RNAMS, SHING DANG BUM PA DANG SA'I GONG BU DANG GSER LA SOGS PA'I RIGS DU MA'I RGYU SNGON MA CAN RNAMS TE, SNGA MAR NI SHING LA SOGS PA RNAMS LA NI SO SOR GCIG NYID MED PA'I PHYIR 'GAL BA NYID DU BSHAD CING, DA LTA NI KHAS BLANGS NAS KYANG GCIG NYID MTHA' DAG GI DU MA NYID KYI PHYIR MA NGES PA NYID DU BRJOD DO ZHES PA KHYAD PAR RO, ,DPE NI BSGRUB BYAS DMAN PA ZHES PA, KHYAD PAR RNAMS THAMS CAD GTZO BO GCIG GI RGYU CAN NYID DU KHAS LEN PA LA DU MA ZHOGS LA SOGS PA RNAMS SHING LA SOGS PA SNGON MA CAN NYID RIGS PA MA YIN NO, ,'O NA KHYAD PAR RNAMS RGYU GCIG SNGON MA CAN RNAMS SO ZHES PA LTOS PA MED PA'I GTZO BO LA SOGS PA'I NGO BO GCIG GI RGYU CAN NYID DU BSGRUB PAR BYA STE, DES NA GANG LAS DPE MED PA YIN ZHE NA, 'DI LTAR SEMS TE, KHYAD PAR LA MI SNYEGS PA YIN NA GRUB PA BSGRUB BYA NYID KHO NAR 'GYUR GYI, SHING LA SOGS PA GCIG PA NYID 'GRUB PA NI MA YIN NO, ,DES NA DPE LTAR SNANG BA'I ZHES PA'O, ,DUM ZHOGS LA SOGS PA RNAMS KHYAD PAR LAS PHYI ROL DU GYUR PA MA YIN PA'I PHYIR, KHYAD PAR RNAMS THAMS CAD KYANG BSGRUB PAR BYA BA NYID KYI PHYIR DPE MED DO, ,BSGRUB PAR BYA BA KHO NA DPER @199B 'THAD PA NI MA YIN PAS TE, DE'I PHYIR CHOS CAN MA GRUB PA'I DPE'I SKYON NO, ,'O NA DUM ZHOGS LA SOGS PA RNAMS GRUB PA STE, DE CI LTAR CHOS CAN MA GRUB PA YIN ZHE NA, GRUB BA BDEN MOD, GTAN TSIGS KYI BSGRUB BYA NYID DU NYE BAR BLANGS TE, GZHAN YOD PA MA YIN NO ZHES PAS GSAL BA KHO NAR CHOS CAN MA GRUB BO, ,CI STE NYE BAR MI LEN NA, DE LTA NA YANG GTZO BO SNGON MA CAN NYID DU DUM ZHOGS LA SOGS PA RNAMS MI 'GYUR RO ZHES PAS YON TAN GSUM NYID MED DO, ,DE BZHIN DU LHAG MA RNAMS LA ZHES PA TSAD DANG 'BRAS BU DANG RGYU'I DNGOS PO DANG, NUS PAS 'JUG PA RNAMS DANG, SNA TSOGS PA'I NGO BO'I RNAM PAR LDAN PA RNAMS LA'O, ,DE LA YANG GAL TE DNGOS SU GTZO BO YOD PA NYID BSGRUB BYA YIN NA, DE YANG DAG PA MA YIN TE, TSAD MA'I YUL MI SHES PA'I PHYIR, SPYI'I MTSAN NYID KYI YUL CAN MA YIN PA'I RJES SU DPAG PA YOD PA MA YIN PAS SO ZHES PA 'DI LTA BU LA SOGS PA SNGAR GYI RJES SU 'BRANG BAS GTAN TSIGS DANG DPE DANG NYE BAR BSDU BA RNAMS MA 'BREL BA NYID DU JI LTAR RIGS PAR BRJOD PAR BYA'O, ,RIGS PA'I SGO'I PHYOGS KYIS NI MI RIGS PA NYID DU'O, ,MA GRUB PA DANG 'GAL BA NYID KYI PHYIR RO ZHES PA'I SKYON LAS SO, ,DE LA TSAD CAN GYI RNAM PAR LDAN PAS NI KHYAD PAR RNAMS RGYU GCIG 'DRES PA SNGON MA CAN NYID DU BSGRUB PAR BYA STE, DPER NA MYU GU DANG 'DAB MA DANG SDONG BU LA SOGS PA RNAMS NI YONGS SU 'GYUR BA DANG LDAN PA NYID KYI PHYIR 'BRU GCIG GI RGYU LA 'DRES PA YIN PA DANG, JI LTAR MER MER PO DANG NAR NAR PO LA SOGS PA RNAMS KHU BA DANG, KHRAG LA YIN PA DE BZHIN DU KHYAD PAR RNAMS KYANG RGYU GCIG TU 'GA' ZHIG LA 'DRES BAR 'BYUNG BAR BYA ZHING DE YANG GTZO BO'O, ,DES NA DE YOD DO ZHES GRAG GO, ,'DI YANG MA GRUB PA NYID DE, KHYAD PAR RNAMS TSAD MED PA NYID KYI PHYIR RO, ,MIG LA SOGS PA RIGS KYIS YONGS SU ZIN PAS TSAD CAN NO ZHE NA MA YIN TE, RIGS NI KHYAD PAR RNAMS LAS GZHAN MA YIN PA NYID DU KHAS LEN PA'I PHYIR DE DANG LDAN PA MTHA' YAS PA'I PHYIR RO, ,KHAS BLANGS NAS ZHES PA LA SOGS PA 'GAL BA NYID SNGA MA BZHIN NO, ,'BRU LA SOGS PA RNAMS GCIG NYID GRUB PA MA @200A *, ,YIN ZHING, MYU GU LA SOGS PA RNAMS DE LA 'DRES PA MA YIN TE, SKYE BA LAS SNGAR MA GRUB BA NYID KYI PHYIR RO, ,YOD NA YANG SKYE BAR MI 'GYUR TE, DA LTAR BA BZHIN NO, ,GTAN TSIGS MTHUN PHYOGS LA YOD PA NYID KHAS BLANGS NAS KYANG MA NGES PA STE, SA BON LA SOGS PA SNA TSOGS PA SNGON MA CAN 'BRU LA SOGS PA RNAMS KYI 'DRES PA MA MTHONG BA'I PHYIR DANG, 'BREL PA MED PA LAS KYANG KHYAB PA MI 'GRUB PA'I PHYIR RO, ,NUS PA'I 'JUG PA'I RNAM PAR LDAN PAS KHYAD PAR RNAMS NUS PA GCIG SNGON MA CAN NYID DU SGRUB PAR BYED DE, RGYU RNAMS LA 'BRAS BU'I NUS PA YOD NA, 'BRAS BU 'JUG PA MTHONG STE, DPER NA 'O MA LA ZHO'I NUS PA YOD PA NA ZHO LTA BU'O, ,CHEN PO LA SOGS PA RNAMS KYI 'JUG PA YANG YOD DE, DE'I PHYIR 'JUG PA LAS SNGAR GANG LAS PHYIS CHEN PO LA SOGS PA 'BYUNG BAR 'GYUR BA NUS PA DE YOD DO, ,DE YANG GTZO BO YIN NO LO, ,'DIR GAL TE 'JUG PA NI BYA BA'I MTSAN NYID CAN DU 'DOD NA, DE BDE BAR GSHEGS PA RNAMS KYI DOR MA GRUB STE, DNGOS PO THAMS CAD SKAD CIG PA NYID DU KHAS LEN PA'I PHYIR RO, ,CI STE SKYE BA NI THOG MTHA' DANG LDAN PA NYID DAM, SKYE BA DANG 'JIG PA'I MTSAN NYID CAN YIN NA, DE YANG JI 'DRA BA PHA ROL PO MNGON BAR 'DOD PA DE 'DRA BAR MA GRUB PA KHO NA STE, PHA ROL PO NI SNGAR YOD PA KHO NA GSAL BAR 'GYUR BA SKYE BAR 'DOD CING, RANG GI NGO BO LAS MA NYAMS PA'I BDAG NYID KHO NA'I MI GSAL BAR 'GYUR BA NI 'JIG PAR RO, ,'DI LTA BU'I RNAM PA'I SKYE BA DANG 'JIG PA DAG BDE BAR GSHEGS PA RNAMS KYIS KHAS LEN PA YANG MA YIN GYI, 'O NA CI ZHE NA MA BYUNG BA 'BYUNG BA DANG RANG GI NGO BO NYAMS PA'I MTSAN NYID CAN DAG GO, ,'O NA BRJOD PAR 'DOD PA'I KHYAD PAR CAN GYI SPYI GRUB PA NYID MA YIN NAM DE GRUB PA NA KHYAD PAR RNAM PAR BRTAG PAS MA GRUB PAR RTZOD PA NI LTAG CHOD KYI LAN KHO NA'O ZHE NA, GAL TE GNYIS KA YANG 'DOD PA'I DNGOS PO'I SPYI CUNG ZAD PA, GANG GI RGYU CAN SKYE BA DANG MI RTAG PA'I SGRA DAG YIN PA BYAS PA NYID LA SOGS PA LTA BU YOD NA LTAG CHOD KYI LAN DU 'GYUR MOD, DE YANG MED DO, ,GSAL BAR 'GYUR BA DANG @200B MI GSAL BAR 'GYUR BA DAG KYANG SNGA MA PHYIS GNAS PA'I RANG GI NGO BO CAN LA RIGS PA MA YIN TE, DBUS KYI GNAS SKABS BZHIN ZHES PAS 'JUG PA MA GRUB BO, ,KHAS BLANGS NAS KYANG 'GAL BA NYID DE, CHOS GANG RNAMS KYIS KHYAD PAR DU BYAS PA'I GTZO BO BSGRUB BYA NYID DU MNGON PAR 'DOD PA DE DANG MTSAN NYID MI MTHUN PA SNA MA KHO NA'I ZHO LA SOGS PA RNAMS LA 'JUG PA MTHONG BA'I PHYIR RO, ,GTAN TSIGS MTHUN PHYOGS LA YOD PA NYID DU KHAS BLANGS NAS KYANG MA NGES PA NYID DE, NUS PA SNGON MA CAN SNA TSOGS PA'I DNGOS PO RNAMS LA 'JUG PA MTHONG BA'I PHYIR RO, ,'BRAS BU DANG RGYU'I DNGOS POS KHYAD PAR RNAMS BYED PA PO GCIG SNGON MA CAN NYID DU BSGRUB PAR BYA BA NI, DPER NA MAL CHA DANG STAN DANG SHING RTA LA SOGS PA RNAMS 'BRAS BU DANG RGYU'I DNGOS PO NYID KYI PHYIR BYED PA PO GCIG SNGON MA CAN NYID YIN PA DE LTAR CHEN PO LA SOGS PA RNAMS KYANG NGO, ,GANG BYED PA POR GYUR PA'I DNGOS PO GCIG PO DE GTZO BO'I ZHE LO, ,'DI YANG DE MA THAG TU BRJOD PA'I TSUL GYIS MA GRUB PA NYID DANG 'GAL BA NYID BRJOD PAR BYA'O, ,MA NGES PA NYID DE, BYED PA PO GCIG MA YIN PA MAL CHA DANG STAN LA SOGS PA RNAMS LA YANG MTHONG BA'I PHYIR RO, ,SNA TSOGS PA'I NGO BO NYID KYI RNAM PAR LDAN PAS, KHYAD PAR RNAMS RGYU GCIG PA RNAM PAR DBYER MED PA SNGON MA CAN NYID DU BSGRUB PAR BYA BA NI, JI LTAR ZHO DANG SPRIS MA DANG DAR BA LA SOGS PA SNA TSOGS PA'I NGO BO RNAMS NI BYED PA PO 'O MA GCIG LA SNGAR MA BRAL BAR GYUR PA RNAMS PHYIS RNAM PAR DBYE BAR 'GYUR BA STE, DE LTAR CHEN PO LA SOGS PA RNAMS KYANG NGO, ,GANG DU 'DI RNAMS SNGAR RNAM PAR DBYE BA MED PAR GYUR PA DE GTZO BO'O ZHE LO, ,'DI LA YANG 'GAL BA DANG MA NGES PA NYID DAG ,SNA MA'I RJES SU 'BRANG BAS BRJOD PAR BYA'O, ,YONGS SU BA'I LHAG MA LAS BSAL TE 'ONGS PAS GRUB PA ZHE PA'O, ,'DI NI BSAL TE 'ONGS PA'I MTSAN NYID DO, ,'DI'I BSHAD PA NI, JI SKAD DU 'DI NI 'DI LAS RNAM PA GZHAN DU SRID PA MA YIN TE, 'DI YANG YOD DO, DE'I PHYIR YONGS SU BA'I LHAG MA LAS 'DI NI GTAN TSIGS KHO NA'O ZHES NGES PAR GZUNG PA'I 'BRAS BU GRUB NA YAN @201A *, ,STON PA DE'I TSE BSAL TE 'ONGS PA ZHES PAR 'GYUR RO ZHES SO, ,GZHAN GYI PHYOGS BKAG PAS ZHES PA LA SOGS PAS BSAL TE 'ONGS PA'I MTSAN NYID KYI DON BSDUS NAS SMRA'O, ,LO'I SGRA NI MI 'DOD PA BSAL BAR BYED BA'I DON CAN NO, ,DGAG PA'I THABS GNYIS TE ZHES BA, LAN GNYIS DAG GO ZHES BA'I DON TO, ,DPE BRJOD LA DPER RAB TU GRAGS SO, ,DE GCOD BA'I CHED DU SMRAS PA, 'JIG RTEN DPE ZHES PA'O, ,GANG 'JIG RTEN LA RAB TU GRAGS PA DANG 'GAL BA'I TSIG DE DPE DANG 'GAL PA YIN LO, ,DE DE DANG 'GAL BA BRJOD PA KHO NAS SEL NA NI 'JIG RTEN NA DPE ZHES PA'I RJES SU DPAG PA'O ZHES GZHAN RNAMS SO, ,DON SNA TSOGS BLTA BAR BYA ZHING SNANG BAR BYA'O ZHES PA 'JIG RTEN NO, ,MTHA' NI DNGOS PO JI LTA BA BZHIN GYI BDAG NYID DE, MTHA' 'DIR RAM 'DIS MTHONG NGO ZHES PA DPE'O, ,BSTAN BCOS TSAD MA NYID NI KHAS LEN PA STE, DE DANG 'GAL BA BRJOD PA GANG YIN PA DE KHAS BLANGS PA NYAMS PA'O, ,GZHAN GYI PHYOGS BKAG PA TZAM GYIS RANG GI PHYOGS 'GRUB PA NI MTHONG BA MA YIN NO ZHES PA, RANG GI PHYOGS KYI SGRUB BYED MED PAR ZHES BA TZAM GYI SGRAS GSAL BAR BYED DO, ,CI LTAR MTHONG BA MED CE NA GSUNGS PA, DPER NA ZHES PA LA SOGS PA'O, ,'O NA SNGAR RTAG PA NYID DGAG PA MA GTOGS PAR MI RTAG PA NYID GZHAN YOD PA MA YIN NO ZHES BSHAD PA MA YIN NAM, DE CI LTAR MI RTAG PA NYID 'GRUB PA MA YIN ZHEN, 'DI NI GTAM STE, GANG GI PHYIR DER NI MA YIN DGAG KHO NA LA BRTEN PA STE, DES NA RTAG PA NYID LAS BZLOG PA'I CHOS GZHAN KHO NA MI RTAG PA NYID DE, BRAM ZE MA YIN PA LA SOGS PA BZHIN YIN GYI, RTAG PA NYID BKAG PA TZAM NI MA YIN NO, ,GZHAN DU NA RI BONG GI RVA LA SOGS PA RNAMS KYANG MI RTAG PA NYID DU THAL BAR 'GYUR RO, ,DE LAS KYANG MI RTAG PA NYID 'DUS BYAS KYI MTSAN NYID DU MI 'GYUR TE, 'DUS MA BYAS RNAMS LA YANG YOD PA'I PHYIR RO, ,GNAS SKABS DE YANG DNGOS PO'I RKYEN GYIS BRJOD PAR BYA'O ZHES PAS 'GAL BA'O, ,GANG YANG RTAG PA NYID DGAG PA MA GTOGS PAR ZHES PA LA SOGS PA BSHAD PA 'DI NI, DES DPEN PA'I SPYI LA DGONGS @201B NAS YIN NO, ,DE LTAR NA SGRA MI RTAG PA 'GRUB PA NI MA YIN TE ZHES PA, SGRUB BYED KYI SKYON BRJOD PAS GZHAN GYI PHYOGS BKAG PA TZAM GYIS SO, ,DE LA YANG MA NGES PA'I PHYIR RO ZHES PA NGES BYAD MED PA'I PHYIR RO ZHES PA'I DON TO, ,'O NA DGAG PA TZAM LAS KYANG, CHU KLUNG KHENGS PA NI CHAR BAB PA SNGON MA CAN NYID GRUB PA MTHONG NGO ZHE NA GSUNGS PA, GANG CHU KLUNG KHENGS PA NI ZHES PA LA SOGS PA STE, DGAG PA TZAM LAS DE GRUB PA MA YIN GYI, 'O NA CI ZHE NA KHYAD PAR CAN GYI CHU KLUNG KHENGS PA LAS TE, KHAB ZHU PA LA SOGS PA BKAG PAS TE DKAR BA NYID LA SOGS PA MED PAS CHU KLUNG KHENGS PA KHYAD PAR DU BYA'O, ,GANG 'DRA BA'I CHU KLUNG KHENGS PA CHAR BAB PA MED NA MI 'BYUNG BAR MTHONG BA, 'DI LTA STE BU BA CAN DANG GRANG BA DANG RNYOG BA CAN DANG RTZVA DANG LO MA LA SOGS PA 'DRES PA'I CHU CAN TE, 'DI LTA BU NI KHA BA ZHU BA LA MED LA, CHU LON BCINGS PA LA MED CING, SBRUL RTZE BA LA MTHONG BA MED DE, DE RNAMS LA RNAM PA 'DI LTA BU MI SRID PA'I PHYIR RO ZHES PA'O, ,DGAG PA TZAM GYIS NI ZHES BYA BA LA SOGS PA STE, SOGS PA SMOS PAS LHA RTZE BA SNGON MA CAN YANG NGO, ,CI STE DE BKAG PAS KYANG CHAR BAB PA SNGON MA CAN NYID BSGRUB NA, LHAS BYIN RGOD PA SNGON MA CAN YANG 'GYUR RO,, 'DI CI LAS SHE NA, KHA BA ZHU BA LA SOGS PA BKAG PAS CHAR BAB PA SNGON MA CAN KHO NA STE, LHAS BYIN RGOD PA SNGON MA CAN YANG MA YIN NO, ,CI STE LHAS BYIN RGOD PA SNGON MA CAN CHU KLUNG GANG BA MA MTHONG BA'I PHYIR, DE SNGON MA CAN NYID RJES SU DPOG PA MED NA, 'O NA BKAG PA TZAM LAS RANG GI PHYOGS 'GRUB PA MA YIN GYI, 'O NA CI ZHE NA, KHYAD PAR CAN CHAR BAB PA MED NA MI 'BYUNG BA'I CHU KLUNG GANG BA LAS SO, ,DE NI DE'I KHYAD PAR CAN NYID DU DGAG PAS NYE BAR BSTAN PAR BYA'O ZHES PA 'DI TZAM NI DGAG PA'I NYE BAR MKHO BA'O, ,DGAG PA GTAN TSIGS CAN MIN ZHES PA GTAN TSIGS GNYIS PA CAN KHO NA MA YIN NO ZHES PA'I DON TO, ,NGES PAR GZUNG BAS NI 'DIR DGAG PAR BYA STE, RGYU GNYIS CAN NYID NI MA YIN NO, ,DE LTAR NI GSUNGS PA, DGAG PA NI GNYIS DAG KHO NAS MA YIN ZHES PA LA SOGS PA'O, ,'JIG RTEN GYI SGRAS RJES SU DPAG PA BRJOD NA NI DE DANG @202A *, ,'GAL BA YONGS SU GZUNG BA TZAM DU 'GYUR GYI, DGAG PA'I THABS MTHA' DAG RNAMS YONGS SU GZUNG BA NI MA YIN TE, DE RNAMS RJES SU DPAG PA DANG 'GAL BA LAS THA DAD PA'I PHYIR RO, ,DE LAS KYANG DE KHO NA SKYON YIN TE, DGAG PA RGYU GNYIS CAN MA YIN ZHES PA'O, ,CI STE DGAG PA'I THABS MTHA' DAG DPE'I SGRAS YONGS SU GZUNG BAR BYA NA, KHAS BLANGS PA NYAMS PA'I TSIG DON MED PAR 'GYUR TE, DE YANG DE'I NANG DU 'DUS PA'I PHYIR RO, ,SBYOR BA GNYIS KYANG RIGS MA YIN, ,ZHES PHA BAS RNAM PA GNYIS KAS KYANG MI RIGS SO ZHES PA'I DON TO, ,GAL TE GSAL BA MED PA LAS SKYE BA ZHES PA, MED PA LAS TE YOD PA MA YIN PA'I RGYU LAS ZHES PA'I DON TO, ,SKYE GNAS MED PA'I PHYIR ZHES PA RGYU MED PA'I PHYIR RO ZHES PA'I DON TO, ,'DIR 'DRE BAR BYED DE KHYAD PAR RNAMS THAMS CAD NUS PA'I BDAG NYID KYIS 'DE BAR 'GYUR RO ZHES PA SKYE GNAS TE GTZO BO NUS PA'I KHYAD PAR MTHA' DAG GI RJES SU SONG BA STE, KHYAD PAR LA RJES SU 'GRO BA BZLOG PA NI THA DAD PAR THAL BAR 'GYUR BA LAS TE RJES SU 'GRO BA MED PAR THAL BAR 'GYUR BA LAS ZHES PA'I DON TO, ,'DI NI ZHES PA LA SOGS PAS BSAM PA RNAM PA GNYIS PO DE STON TO, ,GANG SKYE GNAS MED PA'I PHYIR THA DAD PAR THAL BAR 'GYUR RO ZHES PA 'DI BRJOD PAR BYA BA STE, SKYE GNAS MED PA SNGON MA CAN RNAMS THA DAD PAR DMIGS NAS TE, DPER NA NAM MKHA' LAS SOGS PA RTAG PA RNAMS MA BYAS PA KHO NAR NYE BAR DMIGS NAS, SGRA RTAG PA NYID DU KHAS LEN NA MA BYAS PA NYID DU THAL BAR 'GYUR BAR BYED DE, GAL TE SGRA RTAG PAR KHAS LEN NA MA BYAS PA YANG 'THOB BO ZHES PA DE BZHIN DU 'DIR YANG SKYE GNAS MED PA SNGON MA CAN RNAMS THA DAD PAR NYE BAR DMIGS NAS, SKYE GNAS MED PA SNGON MA CAN NYID DU KHAS LEN NA THA DAD DE SPYI MED PA'I KHYAD PAR TZAM 'THOB BO ZHES PA'O, ,RIGS GCIG RJES SU 'GRO BA ZHES PA LA SOGS PA LA, JI LTAR RTAG PA NAM MKHA' LA SOGS PA RNAMS LA BYAS PA NYID MA MTHONG NAS, SGRA RTAG PAR KHAS LEN NA BYAS PA NYID LAS BZLOG PAS MA BYAS PA NYID DU THAL BAR 'GYUR BA SGRA LAS BYED DE, DE RNAMS @202B MA BYAS PAR 'THOB BO ZHES BA DE LTAR 'DIR YANG SKYE GNAS SNGON MA CAN MA YIN PA RNAMS RJES SU 'GRO BA STE RIGS GCIG RJAS SU 'BRANG BAR MA MTHONG NAS, SKYE GNAS SNGON MA CAN MA YIN PA NYID DU KHAS LEN NA THA DAD DU THAL BAR 'GYUR BAR BYED DE, DE RNAMS THA DAD BAR 'THOB BO ZHES PA'O, ,DE LA RE ZHIG CES PA LA SOGS PAS, SKYE GNAS SNGON MA CAN MA YIN PA RNAMS MED PA KHO NA'I PHYIR, DE MTHONG BA'I SOGS THA DAD DU THAL BAR 'GYUR BA MI 'THAD PAR STON TO, ,'O NA SKYE GNAS SNGON MA CAN MA YIN PAR SKYES BU RNAMS 'DOD DE, DE RNAMS KYANG THA DAD PA'O ZHE NA, 'DI YOD PA MIN TE, SKYE GNAS SNGON MA CAN DU 'GYUR BA MA YIN NO ZHES PA SKYE GNAS SNGON MA CAN MA YIN PA MA YIN GYI, 'O NA CI ZHE NA, SKYE GNAS MED PA 'DI RNAMS KYI SNGON DU'O ZHES PAS SKYE GNAS MED PA SNGON MA CAN RNAMS SO, ,SKYES BU NI RTAG BA NYID KYI PHYIR SKYE GNAS SNGA MA MA YIN ZHING, SKYE GNAS MED PAS SNGON CAN MIN, ,ZHES PAS 'DI BRTZAD PAR BYA BA MA YIN NO, ,MA YIN ZHES PA LA SOGS PAS NI MA MTHONG BA'I SGO NAS BZLOG BA'I THAL BAR 'GYUR PA MI SRID PAR GSUNGS SO, ,MA MTHONG BA TZAM GYIS ZHES PA'I TZAM GYI SGRA NI, SKYE GNAS MED PAS SNGON MA CAN RNAMS LA RJES SU 'GRO BA MA MTHONG BA DGAG PA'I DON TO, ,MA MTHONG BA TZAM GYIS BZLOG PA SGRO 'DOGS PA RIGS PA MA YIN TE, THA DAD PA YANG MA MTHONG BA'I PHYIR NA, DE LAS BZLOG PA SGRO 'DOGS PAR THAL BAR 'GYUR NA MI RUNG NGO, ,JI LTAR SKYE GNAS MED PA SNGON MA CAN RNAMS LA RJES SU 'GRO BA MA MTHONG BA DAG DE LAS BZLOG PAS THA DAD PAR THAL BAR 'GYUR BA DE BZHIN DU THA DAD PAR YANG MA MTHONG BA KHO NA'O ZHES PA DE LAS BZLOG PAS RJES SU 'GRO BAR THAL BAR 'GYUR TE, GNYI GA LTAR YANG MA MTHONG BA MTSUNGS PA'I PHYIR RO, ,DE LAS KYANG KHAS BLANGS PA NYAMS STE, RIGS GCIG RJES SU 'GRO BA MNGON PAR 'DOD PA NYID KYI PHYIR RO, ,NYES PA 'DI MED DE ZHES PA KHAS BLANGS PA NYAMS PA MA YIN TE, RIGS GCIG RJES SU 'GRO BAR THAL BAR 'GYUR BA YANG 'DOD PA'I PHYIR, DE 'DOD PA NYID DU STON PA SMRAS PA ZHES PA LA SOGS PA'O, ,BSTAN BCOS SU BSHAD PA KHO NA STE, SKYE GNAS @203A *, ,MED PA'I PHYIR GCIG NYID DU THAL BAR 'GYUR RO ZHES SO, ,KHYAD BAR NI SPYI SNGON MA CAN NYID KYI PHYIR TE, 'JIG RTEN NA KHYAD PAR RNAMS NI SPYI SNGON MA CAN RNAMS RIGS GCIG PA CAN DU MTHONG STE, D'I LTA STE 'O MA SNGON MA CAN DU ZHO DANG SBRIS MA DANG DAR BA DANG MAR LA SOGS PA RNAMS 'GYUR ZHING, MED NA 'BYUNG BA NI MA YIN NO, ,GANG SNGON MA CAN GSAL BA'I KHYAD BAR RNAMS SU 'GYUR BA 'GA' ZHIG YOD DE, DE'I PHYIR SPYI TZAM 'DI GSAL BA'I NI KHYAD PAR MED PA'O ZHES PA 'DIR THAL BAR 'GYUR RO ZHES PA'O, ,'DI RIGS PAR NI MA BRJOD DO ZHES PA, 'DIR MI RIGS PA NYID LA GTAN TSIGS GSUNGS PA, MA YIN ZHES PA LA SOGS PA'O, ,'DI SKAD BSHAD PAR 'GYUR TE, THAL BAR 'GYUR BAR ZHES BYA BA NI MI 'DOD PA 'BEBS PA YIN GYI, 'DOD PA KHO NA NI MA YIN TE, SGRA MI RTAG PAR SMRA BA LA BYAS PA NYID DU THAL BAR 'GYUR BAR MI 'OS SO, ,RJES SU 'GRO PA KHYAD PAR RNAMS LA 'DOD PA MED PA YANG MA YIN NO ZHES PA'O, ,GAL TE MTHA' GCIG TU DGAG PA YIN NO ZHE NA ZHES PA, DE LTAR 'GYUR MOD KHYAD PAR RNAMS LA RIGS GCIG RJES SU 'GRO BA MED PA NI MA YIN GYI, RIGS GCIG RJES SU 'GRO BA KHO NA DGAG STE, BDE BA LA SOGS PA'I RIGS RJES SU 'GRO BA YOD NA, THA DAD PA KHYAD PAR LA YANG 'DOD PA NYID KYI PHYIR RO, ,MA YIN TE DE LA YANG ZHES PA LA SOGS PA STE, GAL TE MA MTHONG BA TZAM GYIS BZLOG PA SGRO 'DOGS PAR BYED NA, GCIG NYID DU MTHA' GCIG TU NGES PAR NI RNAM PAR LDAN PA SKYE GNAS MED PA SNGON MA CAN RNAMS LA YANG MA MTHONG NGO ZHES PAS BZLOG PAS, SPYI DANG KHYAD PAR DANG LDAN PA NYID 'THOB BO ZHES PA 'DI LTA NA YANG MI 'DOD PA LTUNG BA LAS MI GROL LO, ,RJES SU 'GRO NA SNA TSOGS PA'I NGO BO DAG GI ZHES PA LA SOGS PA NYES PA GZHAN 'GOD DO, ,CI LTAR ZHE NA DE'I PHYIR GSUNGS PA, DE LA MIN ZHES PA LA SOGS PA STE, DE LA ZHES PA RJES SU 'GRO BA LA DANG SNA TSOGS PA'I NGO BO NYID LA'O, ,GANG GI TSE YANG RJES SU 'GRO BA MTHA' GCIG PA 'DOD PA DE'I TSE SNA TSOGS PA'I NGO PO'I RNAM PAR LDAN PA LAS RJES SU 'GRO BA THA DAD PAR 'GYUR ZHING, GANG GI @203B TSE SNA TSOGS PA'I NGO BO NYID MTHA' GCIG PA'I 'DOD PA DE'I TSE RJES SU 'GRO BA'I RNAM PAR LDAN PA LAS SNA TSOGS PA'I NGO BO'I RNAM PAR LDAN PA THA DAD DE, PHAN TSUN SHIN TU MTSAN NYID MI MTHUN PA'I PHYIR RO, ,GANG GI TSE KHYAD PAR RNAMS LA RJES SU 'GRO BA MTHAR GCIG PA MED CING, SNA TSOGS PA'I NGO BO NYID MTHA' GCIG PA MED PA DE'I TSE, DE DAG THA DAD PA MI RIGS PA KHO NA'O ZHES PAS, SPYI DANG KHYAD PAR GYI MTSAN NYID CAN RNAM PAR LDAN PA GCIG KHO NAR THAL PAR 'GYUR RO, ,'O NA CI LTAR NA BZLOG PA'I THAL PAR 'GYUR BA RIGS SHE NA GSUNGS PA, 'GYUR TE ZHES PA LA SOGS PA, GANG THA MI DAD PA DE RNAMS SKYE GNAS MED PA SNGON NAM CAN MA YIN GYI, 'O NA CI ZHES NA RGYU GCIG SNGON MA CAN RNAMS SO ZHES PA GANG 'DI MTHA' GCIG PA'I NGES PA STE, DE LAS BZLOG NA GCIG SNGON MA CAN NYID MED NA BSAL BA NI THA DAD PAR THAL BAR 'GYUR BAR RIGS TE, DPER BYAS PA RNAMS MI RTAG PA NYID DU MTHA' GCIG PA'I PHYIR, SGRA NI MI RTAG PA NYID LAS BZLOG PA YIN NA, MA BYAS PA NYID DU THAL BAR 'GYUR RO ZHES PA LTA BU'O, ,DE LTAR YANG YONGS SU LHAG PA BZLOG PA LA ZHES PA, JI LTA BA BZHIN NYID DU BRJOD PA MA YIN NO, ,'DI MED PA LAS SKYE BA MIN GYI, YONGS SU LHAG MA LAS GSAL BA 'DI GTZO BO KHO NA LAS SKYE'O ZHES PA'O, ,DE LTAR NA YANG YONGS SU LHAG MA NI RIGS SO ZHES PA'I BSAM PA'O, ,'DI LTA NA YANG ZHES BA LA SOGS PAS, DE LTAR YANG, YONGS SU LHAG MA BZLOG PA LA, ,ZHES PA 'DIS DON GSAL BAR BYED DE, RIGS GCIG PA RNAMS GCIG SNGON MA CAN NYID DU RJES SU DPOG PAS ZHES PAS, THA MI DAD PA RNAMS GCIG SNGON MA CAN NYID DU MTHA' GCIG PA RJES SU BRJOD DO, ,MED PA SNGON MA CAN NYID LA SOGS PA NYID CES PA GCIG SNGON MA CAN NYID MED PA GSUNGS SO, ,DE LA GCIG SNGON MA CAN NYID MED NA YONGS SU BA'I LHAG MA LAS THA DAD PAR THAL BAR RIGS TE, DE KHO NA DE YONGS SU BA'I LHAG MA'I YUL YIN ZHES BYA NAS SO, ,YONGS SU LHAG MA LAS GCIG SNGON MA CAN NYID RJES SU DPOG PA MA YIN ZHE PA, GTAN TSIG KYIS PHAN MI 'DOGS PA'I PHYIR RO, ,GAL TE GSAL BA NI MED PA @204A *, ,LAS SKYE NA SKYE GNAS MED PA'I PHYIR THA DAD PAR 'GYUR RO ZHES BYED PA NA, RJES SU 'GRO BA'I GTAN TSIGS KYIS PHAN PA CI YANG BYAS PAR 'GYUR BA MA YIN PA'I PHYIR RO, ,DE LAS YANG ZHES PA LA SOGS PAS KYANG, RNAM PAR LDAN PA MA YIN PA DAG GI THA MI DAD PAR STON TE, DE LA'I SGRAS NI RJES SU 'GRO BA'I BA LA SNYEG GO, ,GAL TE GSAL BA LA NI MED PA LAS SKYE NA SKYE GNAS MED PA'I PHYIR THA DAD PAR THAL BAR 'GYUR NA, THA DAD PA YOD PA YANG MA YIN GYI, 'O NA CI ZHE NA RIGS GCIG YANG DAG PAR RJES SU 'GRO BA'O, ,DE'I PHYIR RIGS GCIG RJES SU 'GRO BA'I PHYIR RGYU GCIG SNGON MA CAN NI GSAL PA'O ZHES PA DAG GI DON 'DI NI THAL BAR 'GYUR BA DANG BZLOG PAS NYE BAR SKYE'O, ,DE'I PHYIR RNAM PAR LDAN PA DANG BSAL TE 'ONGS PA DAG GI THA DAD PA MED DE, GNYI GA LA NGAG GI DON MTSUNGS PA NYID KYI PHYIR RO, ,DE'I PHYIR YANG GANG BRJOD PA 'DI LTAR RNAM PAR LDAN PA LNGA PO 'DI RNAMS KYI GTZO BO YONGS SU GZUNG BA BYAS NAS SLAR YANG BSAL TE 'ONGS PA RNAMS KYI BYA'O ZHES PA 'DI MI RIGS SO, ,SBYOR BA YANG 'DI LTAR ZHES PA LA SOGS PA STE, GTZO BO SNGON MA CAN DU GSAL BA BSGRUB PAR BYA ZHING, DE MI 'DOD PA RNAMS LA MI 'DOD PA 'BAB PAR RNAM PAR STON PAS SYOR BA 'DI LTAR BYA'O, ,GAL TE GSAL BA NI GCIG LAS SKYE BA MA YIN NA ZHES PA, GANG GI PHYIR KHYAB PAR BYED PA'I DON GYI DNGOS PO MED NA, KHYAD PAR BYA BA ZLOG PAR 'GYUR TE,' DIR YANG GCIG SNGON MA CAN NYID KYIS RIGS GCIG RJES SU 'GRO BA LA KHYAB STE, GANG GI PHYIR RIGS GCIG DANG LDAN PA RNAMS GCIG SNGON MA CAN NYID DU MTHONG GI ,MED PA SNGON MA CAN MA YIN ZHING DBAN PHUGS LA SOGS PA SNGON MA CAN NYID MA YIN NO, ,DE'I PHYIR GAL TE GCIG LAS SKYE BA MA YIN NA NI ZHES PA 'DI LTAR BRJOD PAR BYA'O, ,'O NA GAL TE MED PA LAS SKYE NA ZHES PA MA YIN NAM ZHE NA, YOD PA SNGON MA CAN NYID TZAM BSGRUB PAR BYA BA NI MA YIN PAS SO ZHES PA 'DI LA RTZOD PA MED PA'I PHYIR RO, ,RIGS GCIG PA CAN MED PAR THAL BAR 'GYUR RO ZHES PA 'DIS KYANG NGO, ,THA DAD PA SMOS PA NI RJES SU 'GRO BA MED PA NYE BAR MTSON PA'I DON DU @204B BSHAD PAR BYA STE, BSGRUB PAR BYA BA MED NA GTAN TSIGS MED PA'I PHYIR ZHES STON TO, ,YONGS SU LHAG PA LAS KYANG ZHES BA THAMS CAD LAS LHAG MA NI YONGS SU LHAG BA'O, ,'DIR THAMS CAD KYI CI ZHES NA ZLA BO'I PHYOGS SU'O, ,DE YANG RNAM PA DU MA STE, THAMS CAD KYI MTHA' GCIG BA CAN SKYES BU DANG DBANG PHYUG LA SOGS BA'I DBYE BA LAS SO, ,DE THAMS CAD BKAG PAS YONGS SU LHAG MA RIGS TE, 'DI MED PA LAS SKYE BA YANG MA YIN, DBANG PHYUG LA SOGS PA RNAMS LAS BA KHONG DU CHUD PA'I DON DU'O, ,GANG MA BSHAD PA KHO NA LAS SO ZHES PA'O, ,GZHAN DU NA MED PA LAS SKYE BA MA YIN ZES BYA BA NA YONGS SU LHAG MA LAS DBANG PHYUG LA SOGS PA KHO NA LAS SO ZHES PAR YANG 'GYUR RO, ,LNGA NYID MIN PA DANG ZHES PA'I DANG GI SGRA LAS GCIG GSAL BA NA, YONGS SU LHAG MA 'DI RIGS PA MIN NO, ,CI'I PHYIR ZHE NA, LNGA NYID MIN ZHES GSUNGS SO, ,'DI NI MIN ZHES PA LA SOGS PA, 'DI NI MED PA LAS SKYE BA MA YIN GYI, YONGS SU LHAG MA LAS GTZO BO KHO NA LAS GSAL BA 'DI SKYE'O ZHES PA 'DI NI YONGS SU LHAG MA'I MTSAN NYID DANG 'BREL PA MA YIN TE, GANG GI PHYIR KUN NAS LHAG MA NI YONGS SU LHAG MA YIN ZHING, GTZO BO KHO NA'ANG YONGS SU LHAG MA MA YIN TE, PHYOGS GZHAN SO SOR BKAG PA MA YIN PA RNAMS KYANG YONGS SU LHAG MAR BYA BA NYID KYI PHYIR RO, ,GANG GI TSE GZHAN GYI PHYOGS THAMS CAD RGYU NYID DU BKAG PAR GYUR PA DE'I TSE GTZO BO KHO NA YONGS SU LHAG MAR 'GYUR RO ZHES PAS, YONGS SU LHAG MA LAS BSAL TE 'ONGS PA GCIG KHO NAR 'GYUR GYI LNGA MA YIN NO, ,DE LTAR 'GYUR MOD, RGOL PA THAMS CAD BKAG PAS YONGS SU LHAG MAR 'DOD PA MA YIN GYI, 'O NA CI ZHE NA, GZHAN GYI PHYOGS RE RE BKAG PAS SO, ,DE'I PHYIR BSAL TE 'ONGS PA GCIG NYID DU 'GYUR BA MA YIN GYI, 'O NA CI ZHE NA, LNGA NYID KHO NAR TO, SO BAS YONGS SU LHAG MAR RTOGS PA'I PHYIR, DE LTAR NI 'DIR THA DAD PA MED PAR THAL BAR 'GYUR BA LA SOGS PA THABS LNGA PO RNAMS NGES PAR BSTAN TO ZHE NA, GSUNGS PA, RGOL PA GCIG NI BKAG @205A *, ,PA YIS, ,ZHES PA LA SOGS PAS TE, DE LTA NA YANG BSAL TE 'ONGS PA RNAMS LNGA NYID MA YIN PAR THAL BAR 'GYUR TE, GANG GI PHYIR LHA RNAMS LAS LHAG PA'I RGOL BA 'GEGS BA'I THABS RNAMS YIN PAS SO, ,YANG NA GAL TE RGOL BA GCIG BKAG PA NA YANG, YONGS SU LHAG MA'I THABS SU 'DOD NA BSAL TE 'ONGS PA RNAM LNGA NYID MA YIN TE, RGOL BA MTHA' YAS PA RNAMS DGAG PAR BYA BA BA NYID KYI PHYIR RO, ,MTHA' YAS PA'I SGRAS 'DIR LNGA RNAMS LAS LHAG PA NYE BAR MTSON PA'O, ,GTAN TSIGS LTAR SNGA BA RNAMS BSAM PAR BYA STE, DE LAS BZLOG PAS GTAN TSIGS GSAL BA KHONG DU CHUD PA'I DON DU'O, ,GANG MA BSHAD PA MA GRUB PA'I DBYE BA 'DI CI YIN ZHE NA GSUNGS PA, DE NI GANG YANG RUNG BA MA GRUB PA LA SOGS PA'I DBYE BAS ZHES PA LA SOGS PA'O, ,'O NA MIG GIS GZUNG BAR BYA BA NYID DANG 'DRA BA LAS DE RNAMS PHYOGS CHOS MED PA NYID DU BSHAD PA BYAS PA MA YIN NAM ZHE NA, GSUNGS PA, MTSAN NYID BRJOD PA MED NA DE 'DRA BA KHONG DU CHUD, 'O NA DON DANG MTHUN PA'I MING BSTAN PA KHO NA LAS, 'DI RNAMS KYI MTSAN NYID SHES PA YANG MA YIN NAM ZHE NA, KHYAD PAR YONGS SU MI SHES PA LAS NI MA YIN TE, MA GRUB PA ZHES PAR MI SHES TE, CI ZHIG TU MA GRUB PA ZHES SO, ,'O NA SLOB DPON GYIS KYANG MA GRUB PA'I DBYE BA BSHAD PA MED PA KHO NA MA YIN NAM, PHYOGS KYI PHYOGS GCIG LA MA GRUB PAR DANG DAM BCA' PA'I DON GYI PHYOGS GCIG MA GRUB PA DAG MA BRJOD PA'I PHYIR RO ZHE NA, SKYON 'DI MED DE, MTSAN NYID BRJOD PA LAS, SPYIR DPER BRJOD PA MTHA' DAG RTOGS PA'I PHYIR RO, ,'O NA 'DIR YANG GTAN TSIGS KYI MTSAN NYID RTOGS PA LAS, GTAN TSIGS KYI MTSAN NYID LAS BZLOG PAS BDE BLAG TU SHES PA NYID KYI PHYIR MTSAN NYID MA BRJOD NA YANG GTAN TSIG LTAR SNANG BA THAMS CAD KYI RANG GI NGO BO RTOGS PAR 'GYUR RO ZHE NA 'DI YOD PA MA YIN TE, DE 'DRA BA MED NA MI 'BYUNG BA'I CHOS STON PA GTAN TSIGS SO ZHES PA'I GTAN TSIGS KYI MTSAN NYID LAS MA GRUB PA MA BSAL BA'I PHYIR RO, ,DE LTAR YANG GSUNGS ZIN TE, MIG GI GZUNG SOGS SGRA @205B YI NI, ,MI RTAG PA LA GTAN TSIG 'GYUR, ,ZHES SO, ,GANG YANG 'DI'I DON MA GRUB BO ZHES PAS MA GRUB PA'O, ,CI ZHIG TU MA GRUB CE NA, NYE BA LAS PHYOGS SU BYAS PA KHO NA'I CHOS CAN LA'O, ,DES NA GANG YANG RUNG BA LA MA GRUB PA LA SOGS PA RNAMS KYANG GSAL BA BYAS PA KHO NA'O ZHES SEMS PA DE'I GTAN TSIGS KYI SGRA KHO NAS GTAN TSIGS RTOGS ZIN PA NYID KYI PHYIR, MTSAN NYID BRJOD PA'I 'BAD BA DON MED DO, ,GANG DBYE BA MA BSHAD PA'I 'GAL BA MI 'KHRUL BA CAN DE CI YIN ZHE NA, GSUNGS PA, DE YANG ZHES PA LA SOGS PA STE, THUN MONG MA YIN PA YANG YOD CING, GANG LUS CAN NYID LA SOGS PA'I MTSAN NYID CAN, 'GAL BA MI 'KHRUL BA CAN YANG NGO, ,'GAL BA GCIG NI SPYI YIN NO ZHES PA BYE BRAG PA'I SPYI DBANG POS GZUNG BAR BYA BA RNAMS YOD DE, DE'I PHYIR DBANG PO GZUNG BAR BYA BA NYID KYI PHYIR MI RTAG PA'O ZHES SGRUB PAR BYED PA LA DE 'GAL BA'I PHYIR 'GAL BA ZHES BRJOD BAR BYA'O, ,'DI BZLOG PA SGRUB PAR BYED PA'I PHYIR 'GAL BA YANG MA YIN GYI, 'ON KYANG RTAG PA DANG MI RTAG BA THAMS LA THUN MONGS DU BUM PA LA SOGS PA RNAMS LA MTHON BA'I PHYIR MA NGES BA KHO NA'O, ,GRANGS CAN PA'I RGYU LA 'BRAS BU YOD DE, 'BYUNG BA'I PHYIR RO ZHES PA 'BYUNG BA NI YOD PA NYID DANG 'GAL BA'O ZHES PAS DAM BCA'I DON SEL BA'I PHYIR 'GAL BA GNYIS PA'O LO, ,'DI YANG MA GRUB PA DANG THUN MONGS MIN PAR 'GYUR RO, ,CI LTAR ZHE NA GSUNGS PA, THAMS CAD CES BA LA SOGS PA STE, 'BRAS BU NI SKYE BA LAS NGAR THAMS CAD YOD PA NYID DU BSGURB PAR BYA STE, SKYES ZIN PA YOD PA NYID LA NI RTZOD PA MED PA'I PHYIR RO, ,SKYE BA LAS SNGAR 'BYUNG BA NI MI RIGS TE, GANG LAS 'BYUNG BA NI YOD BA 'BYUNG BA KHO NA YIN PA'O, ,'BYUNG BA NI 'DIR 'BYUNG BA RJOD PAR 'DOD PA'I ZHE NA MA YIN TE, GANG SOD PA DE NI SKYES ZIN PA KHO NA STE, CIS NA SKYE BA YIN, SKYE BA NI BDAG NYID 'THOB YIN NA, YOD PA NYID NI BDAG NYID KYI 'THOB BAR BYED PA YANG MA YIN NO, ,SKYE BA'I CHED DU 'BYUNG BA DE KHO NA 'BYUNG BA'O, 'BRAS BU RNAMS THAMS CAD YOD PA NYID DU BSGRUB PA BYA BA NYID KYI PHYIR, DE LAS GZHAN LA 'BYUNG BA MED PA'I PHYIR, THUN MONG MA YIN PA @206A *, ,YIN GYI 'GAL BA MA YIN TE, BZLOG PA SGRUB PAR BYED PA MA YIN PA'I PHYIR, MA NGES PA BZHIN NO, ,BZLOG PA YI NI RGYU MTSAN DANG, ,'DOD LA GNOD PAR BYED MA BRJOD, ,CES PAS DPER BRJOD LAS KYANG MA TSANG BA NYID GSUNGS SO, ,'DOD BAR 'GYUR TE 'DI RNAMS KYI NANG KHO NAR 'DI DAG 'DUS BYAS PAR 'GYUR RO ZHE NA GSUNGS PA, MA YIN ZHES PA LA SOGS PA'O, ,DE LTAR 'GYUR MOD KYI, DE DAG GTAN TSIGS LTAR SNANG BAR 'GYUR BA MA YIN PA KHO NA'O ZHE NA, GSUNGS PA, MA YIN ZHES PA LA SOGS BA STE, 'DI KHO NA LA GTAN TSIGS GSUNGS PA, BZLOG PA DANG GNOD PA'I GTAN TSIGS YIN PA NYID KYI PHYIR RO ZHES PA'O, ,DE LA MA NGES PA NI 'KHRUL PA DANG BCAS PA'O ZHES PA 'KHRUL PA DANG LHAN CIG PA NI 'KHRUL PA DANG BCAS BA'O, ,'KHRUL PA NI GZHAN LA YOD PA STE, GCIG LA GNAS PA MA YIN PA NYID CES PA'I DON TO, ,DE YANG MA NGES PA LA YOD DE, DE'I PHYIR 'DI NI 'KHRUL PA DANG BCAS PA'O, ,'DI NI ZHES PA LA SOGS PA STE, KHYAD PAR MED PAR NI SPYIR BRJOD PA NYID LAS MA NGES PA'I SGRA NI KHYAD PAR LA GNAS PA 'THOB PA MA YIN TE, DE LAS KYANG GTAN TSIGS KYANG MA NGES PAR 'GYUR RO ZHES PA DGONGS PA'O, , DE LTAR NI DER YANG PHYOGS LAS GZHAN LA'ANG 'JUG STE, MTHA' GCIG TU PHYOGS KHO NA LA MA YIN NO, ,DES NA KHYAD PAR DU BYAS NAS BRJOD PAR BYA'O, ,'O NA SPYI'I SGRA YANG KHYAD PAR LA GNAS PA MTHONG STE, DPER NA 'GA' ZHIG 'ONGS SO ZHES PA BZHIN, DE'I PHYIR SPYI'I SGRA 'DI YANG KHYAD PAR LA GNAS PAR 'GYUR TE, DES NA BSGRUB BYA'I RIGS KHO NA LA 'JUG PA MA YIN PA DE KHO NA MA NGES PA'O ZHES RTOGS PAR BYA'O ZHE NA, GSUNGS PA, MA YIN ZHES PA LA SOGS BA'O, ,'DI NYID LA DPE GSUNGS PA, GNYIS KA LTAR NA ZHES BA LA SOGS PA'O, ,GNYIS KYI SGRAS NI SPYIR BRJOD PA YANG 'GAL BA CAN DANG MI 'GAL BA CAN NYID DO, ,YON TAN GYI 'BRAS BUS SKABS SU BYAS PA GANG ZHIG SHES PAR BYED DE, SKABS KYI STOBS LAS SO, ,DE KHO NA SO SO'I KHYAD PAR LA GNAS TE, 'BRAS BU'I 'GAL BA CAN DANG MI 'GAL BA CAN NO ZHES BA'O, ,CI STE YANG ZHES PA LA SOGS PAS @206B NI SPYI'I SGRA NYID LA GNOD PAR BYED DO, ,GANG MA YIN PA DGAG PAS MA NGES PA NYID DU RIG PAR BYA BA NGES PA NYID CI YIN ZHE NA, BSHAD PA GANG ZHIG CES BA LA SOGS PA'O, ,BSGRUB PAR BYA BA DANG SO SOR NYE BA NYID KYI PHYIR RTAG TU BA NYID LAS BSGRUB PAR BYA BA'I RIGS KHO NA LA GANG 'JUG PA DE NI NGES PA NYID DE, DE DGAG PAS MA NGES PA NYID KHYAD PAR DU BYAS PA KHO NA RTOGS PAR BYA'O ZHES SEMS SO, ,DE LTA NA YANG KHYAD PAR DU BYAS PA MA YIN TE ZHES BAS, RNAM PAR RTOG PA 'DI LA YANG, ,'DI KHYAD PAR GYI SGRA MA YIN PA KHO NA'O ZHES STON TO, ,CI LTAR ZHE NA GSUNGS PA, DE LTAR NI ZHES PA LA SOGS PA'O, ,GANG ZHIG BSGRUB PAR BYA BA'I RIGS KHO NA LA 'JUG PA DE NGES PA NYID DO, ,'DI LAS DON GYIS RTOGS PAR BYA STE, GANG GI BSGRUB BYA MED PA'AM, ,NGE LAS GZHAN PA'AM, DE DANG 'GAL BA LA 'JUG PA MA NGES PA NYID DO ZHES SO, ,DE LAS KYANG JI SRID BSGRUB PAR BYA BA MED PA LA SOGS PA RNAMS LA 'JUG PA CUNG ZAD PA DE THAMS CAD MA NGES PA NYID DU 'GYUR RAM, 'ON TE 'DOD PA KHO NAR 'GYUR ZHES PA'O, ,DE'I PHYIR GSUNGS PA MA YIN ZHES PA LA SOGS PA'O, ,GANG ZHIG BSGRUB PAR BYA BA'I RIGS LA 'JUG PA YOD NA, DE MED PA LA SOGS PA RNAMS LA 'JUG PA MA MTHONG BA 'AM SRID PA DE MA NGES PA NYID DU RIGS SO, ,GANG GIS BSGRUB PAR BYA BA'I RIGS MED PA LA SOGS PA KHO NA LA 'JUG CING BSGRUB BYA'I RIGS LA NI MA YIN, DE CI LTAR MA NGES PA NYID YIN TE, DE NI BZLOG PA SGRUB PAR BYED PA'I PHYIR 'GAL BA NYID DU DRANG BAR BYA'O, ,'DIR 'GYUR MOD, NGES PA NYID BKAG PAS, BSGRUB PAR BYA BA'I RIGS CAN LA 'JUG PA BZHIN GANG GIS GZHAN LA YANG 'JUG PA DE KHO NA MA NGES PA NYID DU RTOGS PAR BYA STE, DE'I PHYIR SKYON 'DI MED DO ZHE NA GAL TE DE LTA NA GTAN TSIGS KYANG BSGRUB PAR BYA BA'I RIGS CAN LAS KYANG GZHAN PHYOGS LA 'JUG PA YOD DO ZHES PAS, DE YANG MA NGES PA NYID DU 'GYUR RO ZHES PAS 'DI NI LAN MA YIN PA KHO NA'O, ,SNGAR BSHAD ZIN TO ZHES PA, 'DI LAS BZLOG PA NI 'GAL BA'O ZHES 'GAL BA'I MTSAN NYID BYED PAS SO, ,DON GYIS BSGRUB BYA'I RIGS MED PA LA SOGS PA RNAMS LA 'JUG @207A *, ,PA YOD DE THAMS CAD NI 'KHRUL PA DANG BCAS PA'O ZHES BRJOD PAR 'GYUR RO, ,DPER NA BYE BRAG PA'I ZHES PA, DES NA RDZAS RNAMS NI RDZAS GZHAN RTZOL BAR BYED DO ZHES PA'I THAMS CAD DU SONG BA'I RDZAS KYI TSAD NI LUS CAN NO ZHES PA'I BRJOD PA LAS RDUL PHRA RAB RNAMS RTZOM PAR BYED PA NYID DANG LUS CAN NYID DU KHAS BLANGS SO, ,DE LTAR KHAS BLANGS NAS RDUL PHRA RAB RNAMS NI RTZOM PA PO MA YIN TE, LUS CAN MA YIN PA NYID KYI PHYIR ZHES SMRAS PA, GRUB PA'I MTHA' DANG 'GAL BA'I PHYIR NA 'GAL BAR 'GYUR RO, ,DE LTAR YANG BRTAG PAR BYA BA ZHES PA, GAL TE YAN LAG GZHAN GYI SKYON NYID DU RTOGS PA YANG 'GAL BA NYID DU BRTAG PAR BYA BA DE'I TSE SGRUB PAR BYED PA'I SKYON GZHAN YANG GTAN TSIGS KYI SKYON LAS GZHAN NYID DU RTOGS PA DE NI RANG GI GRUB PA'I MTHA' DANG 'GAL BAR BRJOD PAR BYA BA'I 'GAL BAR 'GYUR RO, ,DE LTAR YANG SGRA RTAG STE, LUS CAN MA YIN PA NYID KYI PHYIR SMRAS PA, LAS BZHIN DANG RDUL PHRA RAB BZHIN DANG BUM PA BZHIN ZHES PA'I LAS LA SOGS PA RNAMS KYI RTAG PA NYID LA SOGS PA'I CHOS NI GRUB PA'I MTHA' DANG 'GAL BA'O ZHES BYAS NAS DPE'I SKYON 'GAL BAR 'GYUR RO, ,'DIS NI KHAS BLANGS NYAMS PA GSUNGS TE, MDOR GTAN TSIGS LTAR SNANG BA NYID KHO NAR BSTAN PA'I PHYIR DANG, BSHAD PA YANG, YAN LAG GZHAN GYI SKYON YANG 'GAL BA NYID DU DPER BRJOD PA'I PHYIR RO, ,YANG CIS NA SKYON GZHAN 'GAL BAR BRJOD CE NA, DE'I PHYIR GSUNGS PA, 'DI LA NI LUS CAN MA YIN PA NYID KYI PHYIR ZHES PA LA SOGS PA'O, , YANG NA 'DI LTAR YANG BRTAG PAR BYA BA ZHES PA, GAL TE GRUB PA'I MTHA' DANG 'GAL BAR BRJOD PAR BYA BA 'GAL BAR 'DOD NA DE LTAR GYUR NA SGRUB PAR BYED PA'I SKYON GZHAN YANG STE, GANG YANG MA GRUB PA'AM, MA NGES PA YANG 'GAL BAR 'GYUR TE, 'DI GCIG PU 'BA' ZHIG KHO NA NI MA YIN NO, ,SLAR YANG GZHAN YANG ZHES PA 'DI'I DON GZHAN PA NI 'DI YIN TE, YAN LAG GZHAN GYI SKYON YANG 'GAL BA KHO NAR 'GYUR ZHES BA'O, ,DE LAS KYANG SHIN TU KHYAB PA'I MTSAN NYID DO, ,CI ZHIG TU GTAN TSIGS LTAR SNANG BA GZHAN DANG YAN LAG GZHAN GYI SKYON YANG 'GAL BA NYID DU @207B 'THOB CE NA, GSUNGS PA, 'DI LA NI ZHES PA LA SOGS PA'O, ,MA GRUB PA NYID KYI SKYON ZHES PA, RDUL PHRA RAB RNAMS LUS CAN MA YIN PA NYID MA GRUB PA NYID KYI PHYIR RO, ,DAM BCA'I SKYON ZHES PA, SNGAR KHAS LEN PAS GNOD PA'I PHYIR RO, ,CI STE ZHES PA LA SOGS PA SHIN TU KHYAB PA NYID SPONG BAR BYED DE, MI 'DOD PA YANG 'THOB PA NI SHIN TU KHYAB PA YIN NA, 'DI LA DE YOD PA MA YIN TE, MTSAN NYID KYI YUL THAMS CAD 'GAL BA NYID DU 'DOD PA NYID KYI PHYIR RO, ,DE LA ZHES PA JI SKAD BRJOD PA'I DPER BRJOD LA'O, ,SBYOR BA NI GNYIS KA CIG CAR 'GAL BA DAG STE ZHES PA BRJOD PA 'DOD PA GNYIS CIG CAR MI SRID PA'I PHYIR RO, ,SBYOR BA'I SGRAS KYANG 'DIR SKYON RJOD PAR 'DOD PA'O, ,GAL TE 'DIR GNYIS GNYIS DAG TU 'GYUR NA, KHYOD KYI BSAM PAS GNYIS DAG CIG CAR SBYOR BA 'THAD PA MA YIN TE, MTSAN NYID THA DAD PA GNYIS DAG CIG CAR GCIG LA SRID PA YOD PA MA YIN NO, ,GANG GI TSE YANG 'GA' ZHIG TU GCIG LA YANG 'GAL BA NYID LA SOGS PA'I SKYON RNAMS BRJOD PA DE'I TSE SKYON GZHAN MED PAR KHAS BLANGS NAS, SKYON GZHAN RJOD PAR BYED PA'I PHYIR CIG CAR SBYOR BA SRID PA MA YIN PA KHO NA STE, MA GRUB PA DANG 'GAL BA NYID DANG MA NGES PA RNAMS BSDUS PA MI SRID PA'I PHYIR RO, ,DE YANG BYED PA BZHIN DU ZHES PA LA SOGS PA STE, 'DIR CIG CAR SBYOR BAR 'DOD PA MA YIN PA KHO NA'O, ,'O NA CI ZHE NA, GANG YANG RUNG PA KHO NA'I'O, ,JI LTAR GZHU GCIG LA BYED PA DU MA SRID NA YANG BRJOD PAR 'DOD PA'I DBANG LAS GANG YANG RUNG BA'I SBYOR BAR 'GYUR TE, GZHU SNUN PAR BYED DO, ,GZHUS SNUN NO ZHES PA DE LTAR 'DIR YANG BRJOD PAR 'DOD PA'I DBANG LAS SKYON GANG YANG RUNG BA RJOD BA 'GAL BA MED DO, ,GAL TE BYED PA'I SBYOR BA BZHIN DU ZHES PA, BYED PA'I SBYOR BA BZHIN DU GAL TE CHOS GZHAN STON PAR BYED NA, 'DI 'DI LTAR 'GYUR MOD DE, 'DI LTA BUR 'GYUR TE, GANG YANG RUNG BA'I SBYOR BAR RO ZHES PA'I DON TO, ,CHOS GZHAN NYE BAR STON PA YANG MA YIN TE, GANG GI PHYIR MA GRUB PA NYID KHO NA DANG DER DAM BCA' BA'I SKYON YANG 'GAL BAR BRJOD PAR BYA STE, DE MED NA BSTAN BCOS DANG 'GAL BA MI SRID PA'I PHYIR RO, ,DE GZHAN @208A *, ,MIN KHO NA'O, ,DE LA 'GAL BA NYID CES BYA BA CHOS GZHAN YOD PA MA YIN NO, ,DE LTAR NI RDUL PHRA RAB RNAMS LUS CAN NYID KYI PHYIR, GRUB PA'I MTHA' DANG 'GAL BA NYID DE, DE KHO NA'I PHYIR YANG MA GRUB PA NYID DO ZHES PAS GZHAN NYID MED DO, ,DE LTAR NA YANG RTZOM BYED YIN PA NYID KYI PHYIR 'GAL BA NYID DE, DAM BCA' BA'I SKYON YANG NGO ZHES SO, ,BYED PA LA NI ZHES PA LA SOGS PAS, DE LA CHOS MI MTHUN PA NYID GSUNGS SO, YANG CI LTAR NA CHOS GZHAN YIN ZHE NA GSUNGS PA, RANG DBANG NYID DANG GZHAN DBANG NYID LAS ZHES PA STE, GZHU SNUN PAR BYED NGO ZHES PA BYED PA PO NYID KYI PHYIR RANG DBANG NYID KYI MTSAN NYID CAN GYI CHOS GZHAN NYE BAR STON TO, ,GZHUS SNUN NO ZHES PA BYED PA NYID KYI PHYIR GZHAN DBANG CAN NYID KYI MTSAN NYID CAN NO, ,'O NA GANG DU ZHES PA LA SOGS PA, SEMS PA CAN MA YIN PA'I GTZO BO NI GRUB MTHA' DANG 'GAL BA'I DON GYIS SGRUB PAR BYED PA YIN PA'I PHYIR 'GAL BA STE, MA GRUB PA NI MA YIN NO, ,DE'I PHYIR 'DI 'GAL BA'O ZHES PA NI NYE BAR DGOS PA'O, ,'DI LA KHAS BLANGS PAS GNOD PA NI MA YIN GYI, SKYON GZHAN NYID KYI PHYIR BSAM PAR BYA'O, ,GTAN TSIGS KYI SKYON TZAM LA BRTEN NAS DPER BRJOD PA'I PHYIR, DE LA YANG ZHES PAS GSAL BA GTZO BO LAS GZHAN MA YIN PA NYID NA, GTZO BO LAS THA DAD PA'I SEMS PA CAN MA YIN PA CUNG ZAD KYANG YOD PA MA YIN TE, SKYES BU NI SEMS CAN NYID KYI PHYIR RO, ,DE LAS KYANG GTAN TSIGS THUN MONG MA YIN PA NYID KHO NA STE, MA NGES PA NYID DO, ,KHYAD PAR RNAMS LAS GZHAN DU BRJOD BAR 'DOD NA ZHES PA, CHEN PO LA SOGS PA MI MTHUN PHYOGS KHO NA LA YOD PA'I PHYIR DANG, MTHUN PHYOGS SKYES BU LA MED PA'I PHYIR, SEMS PA CAN MA YIN PA NYID NI 'GAL BA NYID DU 'GYUR RO, ,LOG PA'I PHYOGS LA, 'ON KYANG ZHES PA LA SOGS PA STE GO BLA'O, ,PHYOGS CAN LA NI SMRA BA RNAM 'GYUR NI GSAL BA DANG BRAL BA STE, RTAG PA NYID BKAG PA'I PHYIR RO ZHES PA'I GTAN TSIGS 'DI NI, RNAM 'GYUR GSAL BA DANG BRAL BA YANG YOD DO ZHES PA'I GRUB PA'I MTHA' 'DI DANG 'GAL BA'I PHYIR 'GAL BA'O ZHE'O, ,'DIR @208B YANG SKYON DE DAG KHO NA STE, DE LTAR NI GSAL BA DANG BRAL BA'O ZHES PA 'DIS NI NUS PA'I NGO BO LAS KYANG BRAL BAR BRJOD DE, NUS PA DANG 'GAL BA DAG GZHAN MA YIN PA NYID KYI PHYIR RO, ,DE'I PHYIR KHAS LEN PA DANG 'GAL BA STE, DE NYID KYI PHYIR RTAG PA NYID BKAG PA GRUB PA STE RDZAS RTAG PA'I PHYIR RO, ,GSAL BA YANG DE LAS GZHAN MA YIN PA'I PHYIR RO, ,DE'I PHYIR 'GAL BA MED DO, ,GANG LAS SKABS SEMS PA RNAMS LA ZHES PA LA SOGS PA STE, DRI MA DANG BRAL BA LA GNAS PA'I PHYOGS DANG ZLA BO'I PHYOGS DAG SKABS KYI SGRAS BRJOD DE, RNAM PAR DBYOD PA'I CHED DU RAB TU BYED CES BYAS NAS SO, ,DE SEMS PA STE RNAM PAR BRTAG PA GANG LAS NYE BAR SKYE BA'O, ,DE GTAN TSIGS NYID DU STON PA NI SKABS DANG MTSUNGS PA STE, DPER NA BDAG NI MI RTAG PA STE, LUS LAS GZHAN NYID KYI PHYIR RO ZHES PA LTA BU STE, GANG GI PHYIR LUS LAS GZHAN YIN PA DE'I PHYIR RTAG PA DANG MI RTAG PA BSAM PAR BYA STE, GAL TE LUS KHO NA BDAG TU GYUR NA DE MNGON SUM KHO NAR 'JIG PA NYID DO ZHES PAS SEMS PAR MI 'GYUR RO, ,'DI LA YANG LUS LAS GZHAN NYID KYI PHYIR RTAG PA DANG MI RTAG PA SEMS PA MA YIN GYI, 'O NA CI ZHE NA, GZHAN NYID DE NI, MA NGES PA LAS, GAL TE LUS LAS GZHAN NYID NI PHYOGS GCIG LA GNAS PAR GYUR NA, RTAG PA DANG MI RTAG PA RNAM PAR DPYOD PAR MI 'GYUR RO, ,YANG CI'I PHYIR 'DI LAS MA NGES PA YIN ZHE NA, GSUNGS PA, GANG GI PHYIR ZHES PA LA SOGS PA'O, ,PHYOGS CAN LEN PA NI SMRA BA, SGRA MI RTAG STE, RTAG PA'I CHOS NYE BAR MA DMIGS PA'I PHYIR ZHES PA 'DI SKABS DANG MTSUNGS PA STE, GANG GI PHYIR RTAG PA DANG MI RTAG PA'I CHOS MA DMIGS PA KHO NA LAS SGRA LA SEMS SHING, MI DMIGS PA KHO NA NI GTAN TSIGS NYID DU STON PA'O ZHE'O, ,GAL TE RTAG PA DANG MI RTAG PA'I CHOS MA DMIGS PA'I PHYIR ZHES BRJOD NA, 'DI 'DI LTAR 'GYUR MOD, DE LA YANG THUN MONG MIN PA NYID KYI SKYON TE, RTAG PA DANG MI RTAG PA'I CHOS MI DMIGS PA NI, GZHAN 'GA' ZHIG TU YANG MA MTHONG BA'I PHYIR RO, ,MA GRUB PA NYID YANG NA STE, SGRA LA YANG GDON MI ZA BAR BYAS PA NYID @209A *, ,LA SOGS PA RTAG PA DANG MI RTAG PA'I CHOS DMIGS PA'I PHYIR RO, ,YANG NA MA NGES PA NYID NAM MKHA'I ME TOG LA SOGS PA RNAMS KYIS SO, ,YANG DAG PAR RTOGS PAR BYA BA NI ZHES PA LA SOGS PA STE, GANG GI PHYIR GZHI MTSUNGS PA RNAMS KYIS 'BRU MANG PO PA'O ZHES BSHAD CING, 'DIR MI 'GYUR TE, 'DI LNGA RNAMS KYIS ZOS PA'O ZHES PA'O, ,'O NA MGRIN PA NA NAG PO LA SOGS PA RNAMS LA, GZHI MI MTHUN PA RNAMS KYANG 'GA' ZHIG TU 'GYUR BA KHO NA MA YIN NAM ZHE NA, DE'I PHYIR GSUNGS PA, THAMS CAD DU ZHES PA LA SOGS PA'O, ,GANG DU GO BAR BYED PA DE KHO NA LA 'DOD CING, 'DIR GO BAR BYED PA NYID KYANG MA YIN TE, BSGRUB BYAS KHYAD PAR DU MA BYAS PA'I DPE'I SGRA KHO NA NI BRJOD PAR 'DOD PA'I DON GYI RJOD PAR BYED PA YIN GYI, BSGRUB BYAS KHYAD PAR DU BYAS PA'I SGRA NI MA YIN NO, ,MA GRUB PA GTAN TSIGS MA YIN NO ZHES PA, 'DI LA GRUB PA YOD PA MA YIN ZHES PA MA GRUB PA'O, ,GTAN TSIGS MA YIN TE, BSGRUB BYAS KHYAD PAR DU MA BYAS PA'I DPE ZHES PA'I DON TO, ,'DI STON TO, ,BSGRUB BYAS GANG LA KHYAD PAR DU MA BYAS PA ZHES PA NGAG TSOGS PA STE, BDUN PAS 'BREL BAR 'OS KYI GTAN TSIGS NI MA YIN TE, DPE NI NGAG TSOGS PA'I PHYOGS GCIG YIN PA NYID KYI PHYIR RO, ,GTAN TSIGS NI DPE DANG 'DRA BAR NGAG TSOGS PA KHO NA STE, YAN LAG NYID KYIS NI YON TAN DU GYUR PA'O ZHES PAS GTZO BO MA YIN NO, ,YAN LAG NI YAN LAG GZHAN DANG 'BREL PA YOD PA MA YIN TE, LAG PA 'DI'I RNA BA DAG 'PHYANG NGO ZHES PAR NI 'GYUR BA MA YIN NO, ,DUS LAS 'DAS NAS BSTAN PA NI DUS LAS 'DAS PA ZHES PA'O, ,DUS LAS 'DAS PAR BYED PA NI DUS LAS RGAL BA'O, ,DUS LAS 'DAS BAR BYED PAS BSTAN PA GANG YIN PA DE NI DUS LAS 'DAS PA'O, ,GTAN TSIGS RNAMS NI DUS NGES PA CAN KHO NAR 'GYUR TE, DE LTAR NI DUS GZHAN DU BSKRUN KYANG SA BON NI MYU GU BSKYED PAR NUS PA MA YIN PAS SO, ,DE'I PHYIR DUS LAS 'DAS NAS BRJOD PA NI, GTAN TSIGS SU 'GYUR BA MA YIN NO, ,BRGAL NAS SAM ZHES PA, KHYOD KYIS SGRUB PAR BYED PA NI GTAN TSIGS MA TSANG BA'O ZHES PA 'DI LTA @209B BU'AM, NGES PA'I DON DU ZHES GANG GI TSE RGOL BSAM RTOGS PA NYID KYI PHYIR RAM, SKABS NYID KYI PHYIR MA BRJOD PAR GYUR BA NA, BYAS PA NYID KYI PHYIR ZHES SO, ,PHA ROL PO YANG BSAM PA SHES PA KHO NA GSAL BAR BYA BAR 'DOD PAS 'DRI STE, GANG GI SGRA MI RTAG PA NYID DU KHO BO CAG GIS RTOGS PAR 'GYUR BA, 'DI LA GTAN TSIGS CI YIN NO ZHES SO, ,DE LTA NA CI LTAR GTAN TSIGS LTAR SNANG BA NYID DU RIGS PA MA YIN ZHE NA GSUNGS PA, GTAN TSIGS KYI GNAS SU ZHES PA LA SOGS PA STE, GTAN TSIGS KYI GNAS NI RTZOD PA'I GZHI STE, DE'I RGYU MTSAN DU RAB TU SBYAR BA GTAN TSIGS KYI MTSAN NYID KYI PHYOGS GCIG DANG LDAN PA'I PHYIR, GTAN TSIGS BZHIN DU SNANG BA GANG YIN PA DE GTAN TSIGS LTAR SNANG BA STE, DE 'DI LA YOD PA MA YIN ZHES PAS, GTAN TSIGS LTAR SNANG BA GA LA YIN, GANG DUS NGES PA NYID DU SA BON LA SOGS PA RNAMS, DE'I BYED PO NYID LAS SKYE ZHING, SHES BYED NI JI LTAR DE LTAR RTOGS PA LTAR, RANG GI DON KHONG DU CHUD PA NA DUS LA LTOS PA MA YIN NO, ,PHYOGS CAN LAN SMRA BA, GANG GI DON PHYOGS GCIG STON BZHIN PA'I DUS LAS 'DAS PAR SBYAR BA, DUS LAS 'DAS PA STON PA STE, DPER NA SGRA RTAG STE, LDAN PAS MNGON PAR GSAL BAR BYA BA NYID KYI PHYIR GZUGS BZHIN ZHES PA LTA BU STE, SNGAR DANG PHYIS KYANG MNGON PAR GSAL BA'I GNAS SKABS NI RTAG PA NYID DO, ,'DI NI GTAN TSIGS MA YIN TE, DUS LAS 'DAS PAR BSTAN PA'I PHYIR RO, ,GANG GI PHYIR GSAL BYA GZUGS LA SOGS PA, GSAL BAR BYED PA 'OD DANG LDAN PA LDAN PA YOD PA KHO NA NI 'DZIN PAR 'GYUR GYI 'DAS PA NA NI MA YIN NO, ,GAL TE DE YANG SGRA DANG LDAN BA'I GSAL BAR BYA BAR GYUR NA DE GZUGS GSAL BAR BYED PA NYE BA KHO NA NA RTOGS PAR 'GYUR GYI, DE 'DAS PA NA STE GSAL BAR BYED PA 'DAS PA NA NI MA YIN NO, ,SHING DANG STA RE LDAN PA NA RING PO NAS GNAS PA RNAMS KYIS SGRA RNAMS PAR DBYE BA DANG DUS SU NYE BAR DMIGS TE, DE LAS KYANG MNGON BAR GSAL BA LDAN PA'I DUS LAS 'DAS SO ZHES PAS LDAN PA'I RGYU CAN MA YIN NO, ,DE'I PHYIR GTAN TSIGS LTAR SNANG BA'O ZHES PAS @210A *, ,DE 'DI BSGRUB BYA DANG MTSUNGS PA LAS THA DAD PA MIN NO, ,LDAN PA SGRA MNGON BAR GSAL BA'I RGYU MTSAN YIN PA BKAG PA'I PHYIR, DE'I PHYIR 'DI MA GRUB PA KHO NA'O, ,BYE BRAG BA RNAMS KYI ZHES PA LA SOGS PA STE, DE LA RAB TU MA GRUB BA NI RTAGS DANG RTAGS CAN GYI 'BREL PA RAB TU MA GRUB PA NYID KYI PHYIR RO, ,DPER NA ME DANG DU BA'I 'BREL PA YOD KYANG GANG GIS 'BRAS BU DANG LDAN PA'I RGYU'I MTSAN NYID MA GRUB PA DE'I NGOR DU BA NI MA BSTAN PA STE GTAN TSIGS MA YIN PA'O ZHES PA'I DON TO, ,MED PA NI LDAN PA LA SOGS PA'I 'BREL PA MED PA'I PHYIR YOD PA MA YIN PA STE, DPER NA RVA CAN TE DE'I PHYIR RTA'O ZHES PA LTA BU'O, ,GANG RTA DANG RVA DAG GZHAN MA YIN PA NYID DU GRUB NA RVA CAN DU 'BUGS SO ZHES BRJOD PA NA, CI ZHIG 'DIR SHES PAR BYA, GAL TE RVA CAN TE, DE'I PHYIR RTA'O ZHES SMRA NA, SMRA BYA DE NI MED PA SMRA'O ZHES PAS, RTA DANG RVA DAG LA 'BREL PA GANG YANG RUNG BA YOD PA MA YIN PAS SO, ,THE TSOM ZA BA NI GANG YOD KYANG MA NGES PA STE, DPER NA RVA CAN RIG GO ZHES BRJOD PA NA, CI ZHIG 'DIR SHES PAR BYA ZHE NA, GAL TE RVA CAN TE, DE'I PHYIR BA LANG NGO ZHES SMRA NA DE NI SMRA BAR BYA BA THE TSOM DU SMRA'O ZHES PA'O, ,CI'I PHYIR ZHE NA, MA HE LA SOGS PA RNAMS LA YANG RVA YOD CES SO, ,RE ZHIG RAB TU MA GRUB PA ZHES PA LA SOGS PA RTAG DANG RTAGS CAN DAG GIS 'BREL PA RAB TU MA GRUB NA DPE LA RTEN PA'I SKYON GNYIS DAG SRID DE, DPE NI MED PA'AM RAB TU MA GRUB PA'I DON NYID YANG NA STE GTAN TSIGS KYI DON GYIS SO, ,DE'I PHYIR GSUNGS PA, 'AM GYI SGRA NI RNAM PAR BRTAGS PA'I DON CAN NO ZHES PA'O, ,DE LA GANG GI TSE NA RE ZHIG DPE'I CHOS CAN KHO NA RANG GI NGO BO RAB TU MA GRUB PA LAS 'BREL PA MA RTOGS PA DE'I TSE DPE MED PA STE, CHOS CAN MA GRUB PA LAS SO, ,CI STE CHOS CAN GRUB NA YANG DE LA SNGAR RTAGS MA MTHONG BA'I PHYIR 'BREL PA RAB TU MA GRUB PA NYID YIN PA DE'I TSE, GTAN TSIGS KYI DON GYIS RAB TU MA GRUB PA'I DON NYID DE, SGRUB PAR BYED PA NA MA TSANG BA NYID CES PA'I DON TO, ,CI'I PHYIR YANG DPE LTAR SNANG BA YIN GYI GTAN TSIGS LTAR SNANG BA MA YIN ZHE NA, GSUNGS PA, DE LTAR NA NI ZHES PA LA @210B SOGS PA STE, RNAM PA 'DI DAG GIS GANG GI PHYIR DPE LA RAB TU MA GRUB PAR 'GYUR BA DE'I PHYIR 'DI NI DPE'I SKYON TE, GTAN TSIGS LTAR SNANG BA NI MA YIN NO, ,CI STE YANG ZHES PA LA SOGS PA STE, BSGRUB BYA'I CHOS CAN LA'AM YOD BZHIN PA YANG NA STE, MIG GI GZUNG BYA NYID DANG 'DRA BA NI RAB TU MA GRUB PA'I SGRAS BRJOD KYI DPE LA NI MA YIN ZHE'O, ,DE LTAR GYUR NA GTAN TSIGS KYI DON 'GAL BAR 'GYUR RO, ,YANG GTAN TSIGS KYI DON 'GAL BAR 'GYUR BA CIS SHE NA GSUNGS PA, BSTAN PA NI RAB TU GRUB PA SNGON MA CAN NYID KYI PHYIR ZHES PA, GANG SNGON 'BREL PA'I DUS SU RAB TU GRUB CING RNAM PAR SHES PA DE KHO NA BSTAN GYI, GZHAN NI MA YIN NO ZHES PA'I DON MNGON BAR 'DOD PA'O, ,DE LTAR NI GAL TE YOD PA MA YIN YANG shARshA'I LAS GTAN TSIGS NYID DU 'DOD NA, DE LTAR GYUR NA RDZAS DANG YON TAN DANG LAS RNAMS KHO NA'I RGYU NYID DO ZHES GANG KHAS BLANGS PA DE NYAMS SO ZHES YONGS SU RTZOD PA BRJOD DO, ,BYUNG BA MIN PA RTAGS MA YIN GYI 'O NA CI ZHE NA, ,BYUNG BA MIN PA LA SOGS PA RTOGS PA'O, ,GTAN TSIGS CI ZHE NA, BSTAN PA NI RAB TU GRUB PA SNGON MA CAN NYID KYI PHYIR ZHES PA NYE BAR DMIGS PA SNGON MA CAN GYI PHYIR ZHES PA'I DON TO,, GANG GI DU BA LA SOGS PA RNAMS DANG ME LA SOGS PA RNAMS 'BREL PA 'GAL BA CAN NAM MI 'GAL BA CAN RAB TU GRUB PAR 'GYUR BA DE'I DU BA LA SOGS PA RNAMS BSTAN PAR 'GYUR RO, ,RAB TU GRUB PA SNGON MA CAN KHO NA BSTAN PA'O ZHES CI LTAR RTOGS PAR BYA ZHE NA, SNGON MA'I SGRA SBYOR BA'I PHYIR YANG 'BREL PA'I DUS SU GRUB PA NYID KHO NA 'DIS BRJOD DE GZHAN DU NA RAB TU GRUB PA NYID KYI PHYIR ZHES PA KHO NA BRJOD PAR BYA BAR 'GYUR RO RAB TU GRUB PAR BYAS NAS ZHES PA, DE LA SNANG BZHIN PA'I GONG BU LA RVA CAN NYID MED PA 'AM THE TSOM ZA BAR BYAS NAS DPER BRJOD PA NI MA YIN GYI 'O NA CI ZHE NA, RAB TU GRUB PA KHO NA'O,, 'DI GA LAS SHE NA, GAL TE RVA CAN TE ZHES RJES SU BRJOD PA LAS TE, PHYOGS KYI CHOS KHAS BLANGS PA NI 'DI SKAD SMRA'O, ,BSGRUB PAR BYA BA'I CHOS RTA LA DANG, BA LANG LA DE RAB TU MA GRUB PA NYID NI MA NGES PA NYID SPANGS TE, CHOS CAN GONG BU LA NI MA YIN NO, ,CI STE YANG MED PA'I GTAN @211A *, ,TSIGS ZHES PA MED PA'I SHES PA'I GTAN TSIGS NI MED PA DANG, THE TSOM GYI GTAN TSIGS THE TSOM DU 'GYUR TE, RGYU LA 'BRAS BU BTAGS PA'I PHYIR RO, ,GTAN TSIGS KYI CHOS CAN MED PA NYID GYI PHYIR DANG, THE TSOM ZA BA NYID KYI PHYIR NI MA YIN NO, ,NYUNG BAR BRJOD PA YIN ZHES PAS MA TSANG BA NYID GSUNGS SO, ,RVA CAN TE DE'I PHYIR BA LANG NGO ZHES PA NI THUN MONG GI MA NGES PA KHO NA'I DPER BRJOD DE, DPER RJOD MTHONG BA LAS KYANG DE DANG 'DRA BA KHO NA'I DNGOS PO RTOGS PAR 'GYUR GYI, MA NGES PA MA LUS PA DANG, THUN MONG MA YIN PA DANG 'GAL BA'I MI 'KHRUL BA DAG NI MA YIN TE, DE LAS MTSAN NYID SHIN TU MI MTHUN PA'I PHYIR GA LA RTOGS, DPER NA ZHES PA LA SOGS PAS THUN MONG MA YIN PA RE ZHIG MA BLANGS PA DPER RJOD KYIS STON TO, ,TSIG GI DON DRUG PO RNAMS LA ZHES PA, THE TSOM GYI RGYU YIN NO ZHES 'JUG GO, ,YANG CI'I PHYIR DRUG PO RNAMS LA YANG THE TSOM GYI RGYU ZHE NA, THAMS CAD LA MED PA'I PHYIR ZHES PA STE, THAMS CAD DU MA MTHONG BA'I PHYIR ZHES PA'I DON TO, ,'DI LAS YOD BA'I THA SNYAD DU 'GYUR RO ZHES PAS MTHONG BA NI YOD PA'O, ,DE BKAG PAS MA MTHONG BA NI MED PA'O ZHES BRJOD PAR BYA'O, ,'O NA YANG MA BRJOD PA YANG THE TSOM GYI GTAN TSIGS SO, ,THE TSOM ZA BA ZHES PA'I MTSAN NYID LA RTOGS PAR 'GYUR BA MA YIN NAM ZHE NA, 'DI YOD PA MA YIN TE, THE TSOM ZA BA'I GTAN TSIGS SO ZHES PA 'DI THE TSOM GTAN TSIGS KYI MTSAN NYID DU BRTAG PAR BYA BA NI MA YIN TE, DE NYID YONGS SU MI SHES PA'I PHYIR RO, , GANG RNAMS SMRA BA ZHES PA BYE BRAG PA KHO NA 'GA' ZHIG GO, ,KHYAD PAR DU BYED CING LDOG PAR BYED DO ZHES PA KHYAD PAR RO, ,GNYIS KA LA MTHONG BA'I PHYIR RO ZHES PA BSGRUB BYA LA LTOS PAS RIGS MTSUNGS PA RNAMS DANG, CIG SHOS RNAMS LA 'BREL PA CAN NYID DU MTHONG BA'I PHYIR RO, ,BSGRENG BA LA SOGS PA BZHIN DU ZHES PA, JI LTAR BSGRENG BA NYID THO YOR DANG SKYES BU DANG 'BREL PA CAN LA RJES SU 'JUG PA'I SOGS YIN PA DE LTAR MNYAN PAR BYA BA NYID RDZAS LA SOGS PA'I TSIG GI DON DANG 'BREL PA CAN LA LDOG PA'I SOGS SO, ,DE LAS KYANG GAL TE RVA CAN YIN NA DE'I PHYIR BA LANG NGO ZHES @211B PA'I DPE RJOD PA 'DIS THUN MONG MA YIN PA NYE BAR BLANG BAR BYAS SO ZHES BA BSAMS PA'O, ,DE MI RIGS TE ZHES PA GAL TE LDOG PA GNYIS KA LTAR 'GYUR NA DE'I SGO NAS PHYIR 'GYUR MOD, DE NYID NI SRID PA MA YIN TE, CI'I PHYIR ZHE NA, MA YIN ZHES PA LA SOGS PA'O, ,CI'I PHYIR GANG LAS LDOG PA DE LTAR SNANG BA LA THE TSOM 'THAD PAR BYED PA MA YIN ZHE NA, GSUNGS PA, MA GYUR CIG CES PA LA SOGS PA STE, RDZAS GCIG DANG LDAN PA NYID NI SA LA SOGS PA LAS LDOG CING, DE'I RNAM PAS THE TSOM SKYED PAR BYED PA YANG MA YIN TE, CI RDZAS GCIG DANG LDAN PA NYID KYI PHYIR SA'AM, 'ON TE CHU'AM, 'ON TE ME YIN ZHES PAR RO, ,DE 'DIS NI GANG ZHIG GANG LAS LOG PA DE NI DE LA DER SNANG BA'I THE TSOM GYI GTAN TSIGS MA YIN TE, DPER NA RDZAS GCIG DANG LDAN PA NYID NI SA LA SOGS PA RNAMS LA BZHIN MNYAN PAR BYA BA NYID KYANG TSIG GI DON DRUG RNAMS LAS KHYOD KYI LUGS KYIS LDOG PA YIN NO ZHES PA KHYAB BYED DANG 'GAL BA'I THAL BAR 'GYUR BAR GSUNGS SO, ,DE LTAR YANG MA YIN NO ZHES PA STE, GANG ZHIG GANG LA THE TSOM GYI RGYU YIN PA DE NI DE LAS LDOG PA MA YIN TE, DPER NA THO YOR DANG MI DAG 'GRENG BA BZHIN MNYAN PAR BYA BA NYID KYANG TSIG GI DON DRUG RNAMS LA THE TSOM GYI RGYU'O ZHES PA BZLOG PAS KYANG KHYAB PAR BYED PA DANG 'GAL BA DMIGS PA KHO NA'O, ,DE'I PHYIR ZHES PA LA SOGS PA STE, RDZAS LA SOGS PA RNAMS GANG YANG RUNG BA'I SGRA GDON MI ZA BAR 'BYUNG BAR BYA'O, ,GZHAN DU NA DE DNGOS PO NYID KHO NAR MI 'GYUR TE, TSIG GI DON GZHAN KHAS MI LEN PA'I PHYIR RO, ,DE'I PHYIR RDZAS LA SOGS PA RNAMS KHO NA LAS GANG YANG RUNG BAR GYUR PA 'GA' ZHIG GI CHOS 'DI YIN ZHES PA STE, DE'I CHOS SU SRED PA'I SGO NAS THE TSOM GYI RGYU YIN TE, DE LAS LDOG PA'I SGO NAS NI MA YIN NO ZHES PA THUN MONG BA LAS GZHAN YIN TE; DE YANG MTSAN NYID LAS DANG DPE BRJOD LAS KYANG MA BSHAD DO ZHES PAS NYUNGS PAS BRJOD PA'O, ,'GAL BA MTHA' GCIG PA CAN ZHES PA PHAN TSUN 'GAL BA'I DON SGRUB PAR BYED PA'I PHYIR 'GAL BA YANG 'DI YIN LA MTHA' GCIG PA CAN YANG NGO ZHES PAS 'GAL BA MTHA' @212A *, ,GCIG PA CAN TE, YAN LAG GI SGO NAS TSOGS PA LA 'JUG PA DAG GI TSIG SDUD DE GZHU DMAR PO BZHIN NO, ,'GAL BA MA NGES PA CAN ZHES PA KHA CIG TU KLOG STE DE LA 'GAL BA NI SNGA MA BZHIN YIN ZHING, MA NGES PA NI THE TSOM GYI RGYU NYID KYI PHYIR RO, ,'GAL BA MA NGES PA CAN ZHES BRJOD PA LA, SLAR YANG DU MA SMOS PA NI, 'GAL BA'I GTAN TSIGS LAS KHYAD PAR GYI DON DU'O, ,GZHAN PA ZER BA NI, THE TSOM GYI GTAN TSIGS KYI SKABS LAS, SHUGS KYIS THOB PA KHO NA'I DU MA NYID, DU MA ZHES RJES SU BRJOD PA NI BDE BLAG TU RTOGS PA'I DON DU'O ZHE'O, , LNGA PO RNAMS KYI RTAGS DMIGS PA'I PHYIR DANG ZHES PA, GANG ZHIG GANG DU RTAGS DMIGS PA DE DE'I RTZOM PAR BYED PA STE, DPER NA BUM PA'I SA BZHIN LUS LA YANG 'BYUNG BA CHEN PO RNAMS 'DZIN PA DANG SDUD PA DANG SMIN PA DANG, G-YO BA DANG SKABS SBYIN PA'I RTAGS CAN RNAMS DMIGS SO ZHES PA RANG BZHIN NO, ,RIGS MI MTHUN PA RTZOM PA BKAG PA'I PHYIR ZHES PA, GANG ZHIG GANG LAS RIGS MI MTHUN PA DE DE'I RTZOM PAR BYED PA PO MA YIN TE, DPER NA ME'I RDUL PHRA RAB RNAMS SA'I YAN LAG CAN GYI BZHIN LUS KYANG 'BYUNG BA RNAMS LAS RIGS MI MTHUN PA'O, ,KHYAB PAR BYED PA DANG 'GAL BA'O, ,'DI YANG THE TSOM GYI GTAN TSIGS TE BSTAN BCOS SU MTHONG BA KHO NA YIN TE, MTSAN NYID LAS SAM DPER BRJOD LAS MA BSHAD DO ZHES PAS MA TSANG BA NYID DO, ,'DIS ZHES PA THUN MONG MA YIN PA DANG 'GAL BA MI 'KHRUL PA CAN DAG GIS DPE BRJOD MA BSDUS PAS SO, ,SPYI MNGON SUM LAS DANG KHYAD PAR MNGON SUM MA YIN PA LAS KHYAD PAR DRAN PA LAS THE TSOM MO ZHES PA MDO'O, ,'DI THE TSOM GYI GTAN TSIGS DAG YIN YANG THUN MONG MA YIN PA DANG 'GAL BA MI 'KHRUL BA DAG MA BSDUS PA'I PHYIR MA KHYAB PA NYID DO, ,'DIR YANG ZHES PA THE TSOM GYI MDO 'DIR RO, ,THE TSOM GYI GTAN TSIGS KYI MTSAN NYID HA CANG KHYAB PA NYID GSUNGS TE, GANG GI PHYIR KUN DA DKAR BA NYID SPYI YIN ZHING DE MNGON SUM NYID NA YANG GZUGS LA SOGS PA RNAMS LA NGES PA MTHONG GI THE TSOM NI MA YIN NO, ,JI LTAR MTSAN NYID YIN PA DE LTAR DE YANG THE TSOM GYI GTAN TSIGS NYID KHO NAR 'THOB BO,, @212B DE'I PHYIR GANG RNAM PAR GCOD BYED MA YIN PA'I GTAN TSIGS SPYI DE MNGON SUM PA NYID NA THE TSOM DU 'GYUR RO ZHES KHYAD PAR DU BYAS NAS BRJOD PAR BYA'O, ,BRJOD PA NI MA YIN TE, DE'I PHYIR MA TSANG BA NYID DO, ,RNAM PAR GCOD BYED MA YIN PA'I GTAN TSIGS ZHES PA 'KHRUL PA CAN ZHES PA'I DON TO, ,YANG CI LTAR DE NI DE RNAMS KYI SPYI YIN TE, JI TZAM DU DKAR BO NYID DE NI KHYAD PAR KHO NA'O ZHE NA 'DI SKYON MA YIN TE, DU MA DANG 'BREL PA CAN NYID KYI PHYIR DE YANG SPYI DANG 'DRA BAS SPYI STE, 'DIR SPYI'I TSIG DON KHO NA SPYI'I MNYAN PAS BRJOD PAR 'DOD PA YANG MA YIN NO, , GANG GI PHYIR YON TAN MTHONG BA LAS KYANG THE TSOM NYE BAR SKYE BA STE, DES NA DU MA DANG 'BREL PA CAN KHO NA 'DIR THE TSOM GYI RGYUR BRJOD DO, ,YUL 'GA' ZHIG TU ZHES PA THAMS CAD DU DU BA LA SOGS PA NYID KYI THE TSOM ZA BA MI SRID PAR STON TO, ,'DIR DE'I BDAG NYID DANG DE LAS BYUNG PA'I MTSAN NYID CAN GYI 'BREL PA BSHAD PA'I CHED DU GTAN TSIGS RIGS MTHUN PA DANG MI MTHUN PA DAG LA YOD PA DANG MED PA NYID DAG DPE'I SBYOR BAS BSHAD PAR BYA NA, DE DAG KYANG GTAN TSIGS KYI MTSAN NYID KHO NA LAS GRUB STE, DE'I PHYIR DPE'I MTSAN NYID DON MED PA CAN NO ZHE NA GSUNGS PA, TSUL GSUM GTAN TSIGS ZHES PA LA SOGS PA'O, ,GAL TE YANG TSUL GSUM GTAN TSIGS ZHES BRJOD PA DE LTA NA YANG SBYOR BA'I DUS SU, PHYOGS CHOS SU NI LEGS GNAS PA, ,NI'I SGRA NI NGES PAR GZUNG BA LA'O, ,PHYOGS CHOS TZAM RANG GI NGO BOS GNAS PAR GTAN TSIGS KYI TSIG GIS STON TE, PHYOGS CHOS TZAM BRJOD CES PA'I DON TO, ,CI LAS SHE NA GSUNGS PA, GRAGS PHYIR ZHES SO, ,YANG GRAGS PA DES CI BYAS SHE NA GSUNGS PA, RTOG GE'I BSTAN BCOS RNAMS SU NI ZHES PA LA SOGS PA STE, RGYU MTSAN GYI DON LA BDUN PA'O; ,RIGS PA PHRA MO LA SOGS PA RNAMS SU PHYOGS CHOS TZAM GTAN TSIGS SU BSHAD DE DE'I PHYIR DE'I SOGS 'JIG RTEN PA'I SBYOR BA LA YANG PHYOGS CHOS TZAM GTAN TSIGS NYID DU RAB TU GRAGS SO, ,DE SKAD DU DER GTAN TSIGS BRJOD PA BSHAD ZIN TO, ,DPE BRJOD PAR BYA'O ZHES SMRA BA @213A *, ,PO RNAMS DMIGS SO, ,GRAGS PA DE NYID STON PA GSUNGS PA, DPER NA ZHES PA LA SOGS PA'O, ,SGRA MI RTAG STE BYAS PA'I PHYIR RO ZHES BRJOD PA NA, BYAS PA NYID TZAM GYI GTAN TSIGS PHYOGS SU BYAS PA SGRA'I CHOS SO ZHES PA 'DI TZAM RTOGS SO ZHES PA'I DON TO, , MTSAN NYID LHAG MA NI SBYOR BA LA MA BRJOD CES PA BYAS PA'I PHYIR ZHES PA 'DI KHO NAS MTHUN PHYOGS DANG MI MTHUN PHYOGS DAG LA 'DI YOD PA DANG MED PA DAG BSHAD PA NI MA YIN NO, ,DE'I PHYIR DE'I DON DU DPE BRJOD PAR BYA BA'O ZHES PA DANG, DPE YIS RAB TU GSAL BAR BYED, ,CES KYANG NGO, ,RJOD PAR BYED PA DANG BRJOD PAR BYA BA DAG THA MI DAD PAR NYE BAR BTAGS PA LA 'DI SKAD CES BRJOD DO, ,GZHAN DU NA GANG LA ZHES PA BRJOD PAR BYA BA LA ZHES PA'I TSIG LAS DON KHO NA DPE NYID DE, DON GYIS GSAL BAR BYED PA YANG MA YIN NO ZHES PAS 'DI MI RIGS PAR 'GYUR RO, ,DE'I PHYIR THA MI DAD PA NYE BAR BTAGS PA LAS DPE RJOD PAR BYED PA'I NGANG TSUL CAN GYI TSIG NI 'DIR DPE'I SGRAS BRJOD DO, ,GTAN TSIGS BSGRUB BYA'I RJES 'GRO BA, ,ZHES PA BSGRUB BYA'I SGRA NI 'DIR SHES PAR 'DOD PA'I CHOS TZAM LA 'JUG GO, ,RJES 'GRO BA NI GTAN TSIGS KYI RJES SU 'GRO BA PA STE GANG NA GTAN TSIGS YOD PA DE NA BSGRUB BYA'I YOD PA KHO NA STE, LHAN CIG YOD PA TZAM NI MA YIN NO, ,BSGRUB BYA KHO NAS GTAN TSIGS KYI STE, GTAN TSIGS KYIS BSGRUB BYA'I NI MA YIN NO, ,BSGRUB BYA MED LA MED PA NYID BSGRUB PAR BYA BA MED PA KHO NA LA GTAN TSIGS MED PA NYID DE, GTAN TSIGS MED PA LA BSGRUB BYA NI MA YIN NO, ,DE'I MI MTHUN PHYOGS DAG LA LHAN CIG YOD PA NYID TZAM YANG MA YIN NO, ,MED PA NYID CES PA'I MED PA'I SGRA NI 'DI DAG GI NGO BO'I SGRA GZHAN PA MED PA BRJOD PA RTOGS PAR BYED PAR BLTA BAR BYA'O, ,DE CHOS MTHUN DANG CIG SHOS ZHES PA, CHOS MTHUN PA NYID CAN GYI DPE DANG CHOS MI MTHUN PA NYID KYI DPE'O ZHES ZHAR BA'AM 'PHYE BO LA SOGS PA BZHIN DU KHYAD PAR GYI BSDU BA'O, ,YANG NA CHOS MTHUN PA NYID DANG CIG SHOS DANG BCAS PA NI CHOS MTHUN BCAS, CIG SHOS ZHES PA 'BRU MANG PO'O, ,BSHAD PA NI 'DI LA NI DE ZHES PA MING THAMS CAD PA'I TSIG 'DI MA BRJOD @213B KYANG; GANG DANG DE DAG NI RTAG TU 'BREL PA'I PHYIR 'THOB PO, ,THAMS CAD LA 'GRO BA NI RJES SU 'GRO BA'O ZHES PA 'DIS RJES SU'I SGRA NI 'DIR KHYAB PA GSAL BAR BYED DO ZHES BSTAN TO, ,GANG LA ZHES PA BRJOD PAR BYA BA LA ZHES PA 'DIS DON DPE NYID GSUNGS SO, ,TSIG NI DE'I RJOD PAR BYED PA NYID KYI PHYIR NYE BAR BTAGS PA'I DPE'O, ,'DI YANG, DPE YIS RAB TU BSTAN PAR BYA, ,ZHES PA 'DIS SNGAR NYID RIG PAR BYAS ZIN TO, ,GANG RTZOL BA LAS BYUNG BA DE NI ZHES PA'I NI'I SGRA NI THOB PAR 'DOD PA'I DON TO, ,DE LTA NA NI GTAN TSIGS MTHUN PHYOGS KHO NA LA YOD PA NYID DU BSHAD PAR 'GYUR RO, ,GAL TE GANG DANG GANG RTZOL MA THAG TU BYUNG BA DE DANG DE MI RTAG GO ZHES STON PAR BYED NA STE, GZHAN DU NA MA YIN NO, ,DE LTAR THAMS CAD BSDUS PAS KHYAB PA BSTAN NAS, GSAL BAR BYED PA'I DON DU PHYOGS GCIG DPER RJOD PAR BYED DE, DPER NA BUM PA BZHIN ZHES PA'O, ,RTAG PA NI RTZOL MA THAG TU BYUNG BA MA YIN ZHES PA, RTAG PA'I SGRAS MI RTAG PA NYID MED PA MTSON PAR BYED DO, ,DE LTAR NA NI GTAN TSIGS SGRUB BYED MED PA LA MED PA NYID BRJOD PAR 'GYUR GYI, RNAM PA GZHAN DU NA MA YIN NO, ,DE 'DIS 'BRAS BU DANG RANG BZHIN GYI GTAN TSIGS GNYIS PO DE DAG GI YANG MTSAN NYID LHAG MA BSTAN TO, ,DE LTAR NI RTZOL MA THAG TU BYUNG BA NYID GNYIS KA'I NANG DU 'DUS TE, BRTZAL MA THAG TU GSAL BA DANG SKYE BA DAG RTZOL MA THAG TU BYUNG BA'I SGRAS BRJOD PA'I PHYIR RO, ,DNGOS PO SGRUB PAR BYED PA'I GTAN TSIGS LA YANG BSGRUB BYA'I KHYAD PAR MI RTAG PA LA SOGS PA 'GA' ZHIG LA DGAG SGRA'I SBYOR BA BSTAN PA'I PHYIR NA, 'GA' ZHIG GI DGAG PA'I NGO BOR BSGRUB BYA STON PAR BYED DO ZHES DOGS PAR 'GYUR TE, DE'I PHYIR DE GSAL BA'I CHED DU GSUNGS PA, SGRUB PAS ZHES PA LA SOGS PA'O, ,CHOS MTHUN BA NYID CAN GYI DPE LA DNGOS POR GYUR PA'I BSGRUB BYA RANG GI NGO BO KHO NAS SGRUB BYED LA BSTAN PAR BYA'I RANG GI NGO BO DGAG PA'I NGO BOS NI MA YIN NO, ,GDON MI ZA BAR ZHES PA GZHAN DU NA DON GANG CHOS MTHUN PA NYID KYI DPE LA BRJOD PAR BYA BA KHO NA GTAN TSIGS MTHUN PA'I PHYOGS LA YOD PA NYID DU @214A *, ,RTOGS PA MA YIN NO ZHES DGONGS PA'O, ,BSGRUB BYA MED LA NI MED, CES PA CHOS MI MTHUN PA NYID KYIS NI RTAG PA NI RTZOL BA LAS MA BYUNG BA'O ZHES PA 'DIS MI RTAG PA MED NA, RTZOL MA THAG TU BYUNG BA MED PA BSTAN PAR BYA'I, RTAG PA'I DNGOS PO LA BRTZAL MA THAG TU MA BYUNG BA KHYAB PA BSHAD PAR BYA BA NI MA YIN NO, ,JI SKAD BSHAD PA'I DOGS PA MED PAR MA GYUR CIG CES PAS GSUNGS PA, GDON MI ZA BAR ZHES PA'O, ,YANG CI LTAR NA BSGRUB BYA MED PA LA YANG MED PA NYID CES BRJOD PA NA, GANG GIS DE BZLOG PA'I CHED DU 'BAD PA BYA BA RNAM PA GZHAN DU BSHAD PAR DOGS SHE NA, ,GANG RNAMS KYI RTAG PA'I SGRA NI DNGOS PO BRJOD PA YIN PAR RAB TU GRAGS PA DE RNAMS RTAG PA RTZOL MA THAG TU MA BYUNG BA'O ZHES BRJOD PA NA DNGOS PO KHO NA RTAG PA'I SGRAS BRJOD DO SNYAM DU 'KHRUL BAR 'GYUR RO, ,DES NA DE RNAMS BSAL BAR BYA STE, RTAG PA'I SGRAS 'DIR MI RTAG PA MED PA BRJOD KYI, DNGOS PO NI MA YIN NO ZHES SO, ,DE LTAR NA GANG DU DGAG PA KHO NA DNGOS SU BSGRUB PAR BYA BA DER CI LTAR BSGRUB PAS SGRUB BYED LA BSGRUB BYA BSTAN PAR BYA ZHE NA, 'DI SKYON MA YIN TE, GANG DU RNAM PA GZHAN GYIS BSTAN PAR DOGS PA DE KHO NA LA 'DI NYE BAR BSTAN PA'O, ,'DIR NI GTZO BO MED DO ZHES PA LA SOGS PA LA, GTAN TSIGS BSGRUB BYAS RJES 'GRO BA, ,ZHES PA'I TSIG LAS RNAM PA GZHAN DU STON PA'I DOGS PA NYID MED DO, ,SNGA MA LA NI DOGS PA SRID PAR BSTAN TO, ,DE LTAR BYAS NA CIR 'GYUR ZHE NA GSUNGS PA, MA YIN DGAG GI DGAG PA YANG ZHES PA LA SOGS PA'O, ,MTSAN NYID MI MTHUN PA NI MI 'DRA BA STE DGAG SGRA'I DON DU 'GYUR PA LA'O, ,NGES PAR MA YIN DGAG GI DGAG PA YANG ZHES PA LA SOGS PA'O GI RNAM PA GNYI GA LTAR NA DON RJES SU RTOGS PAR BYA STE, RJE SU 'GRO BA DANG LDOG PA DAG GIS.. DON RJES SU DPOG PA'I PHYIR RO, ,'DI DAG MED PA YANG RJES SU 'GRO BA DANG LDOG PA MI SRID PA'I PHYIR RO, ,DE LTAR NA ZHES PA LA SOGS PAS CHOS MI MTHUN PA'I DPE LA MED PAR DGAG PA BRJOD PA'I YON TAN STON PAR BYED DE, GAL TE BSGRUB BYA SGRUB BYED KYI MI MTHUN PHYOGS BZHIN, @214B DNGOS PO KHO NA CHOS MI MTHUN PA NYID KYI DPER 'GYUR NA, MI RTAG PA SGRUB PAR BYED PA NA MDO SDE PA'I CHOS MI MTHUN PA'I DPER 'GYUR BA MIN TE RTAG PA'I DNGOS PO KHAS MI LEN PA'I PHYIR RO, ,MED DGAG GI DAG PA LA BRTEN PA LA NI SKYON 'DI MED DE, RTAG PA'I SGRAS BSGRUB PAR BYA BA MED PA TZAM RJOD PA'I PHYIR RO, ,DNGOS PO'I CHOS SGRUB PA LA NI BZHI LA LTOS TE, SGRUB PA NI DNGOS PO LA BRTEN PA'I PHYIR RO, ,DGAG PA NI MA YIN NO ZHES PAS DNGOS PO MED PA'I NGO BO YANG DPE RU 'THAD DO, ,YANG RGYU CIS GCIG LA NI ZHES PA, CI RNAM PA GZHAN DU SBYOR BA LA MNGON PAR 'DOD PA'I DON 'GRUB PA MIN PA'AM, SKYON CI ZHIG 'BYUNG, GANG GIS 'DI LTA KHO NAR SBYOR BAR BYA, ,ZHES MI SHES PAR SEMS PAS, SBYOR BA NGES PA'I RGYU 'DRI BAR BYED DO, ,'DI LTAR NA NI ZHES PA LA SOGS PA 'DI LTA BU'I RNAM PA KHO NA'I SBYOR BAS GTAN TSIGS KYI KHYAD PAR BSTAN PAR NUS TE, RNAM PA GZHAN DU NI MA YIN ZHES PA BSDUS PA'I DON TO, ,DE LTAR NI BYAS PA NYID KYI PHYIR, RTZOL MA THAG TU BYUNG BA NYID DU DAM BCAS PA LA, GANG RTZOL MA THAG TU BYUNG BA DE BYAS PA'O ZHES BSGRUB BYA LA GTAN TSIGS KYI RJES SU 'GRO BAR BYAS BA BRJOD KYI, GTAN TSIGS BSGRUB BYA KHO NA LA YOD PA NYID RTOGS PA NI MA YIN NO, ,DE BZHIN DU GANG BYAS PA MIN PA DE RTZOL MA THAG TU MA BYUNG BA'O ZHES GTAN TSIGS MED NA BSGRUB BYA MED BA STON GYI, BSGRUB BYA MED NA GTAN TSIGS MED PA KHO NA RTOGS PA NI MA YIN NO, ,'O NA DE LTA NA ZHES PA, GAL TE GANG DU GTAN TSIGS BSGRUB BYAS RJES SU 'GRO BA YIN PA DE CHOS MTHUN PA NYID KYI DPE'O ZHES PA MTSAN NYID YIN NA, BUM PA DPE MA YIN TE, DE LA BSGRUB BYA DANG SGRUB BYED DAG PHAN TSUN RJES SU 'GRO BA'I PHYIR DE DPER BRJOD DU BSHAD PAR BYA NA, GANG LA BSGRUB BYA KHO NAS GTAN TSIGS KYI RJES SU 'GRO'I GTAN TSIGS KYI BSGRUB BYA MA YIN NO, ,MA YIN TE BRJOD PAR MI 'DOD PA NYID KYI PHYIR ZHES PA BSGRUB BYA'I GTAN TSIGS KYI RJES SU 'GRO BA YOD KYANG, BRJOD PAR 'DOD PA YOD PA MA YIN TE, BYAS PA'I KHYAD PAR BZHIN DU GTZO BO MA YIN PA NYID KYI PHYIR RO, ,GTZO BO MA YIN PA NYID NI RJES SU DPOG PA LA YAN @215A *, ,LAG MA YIN PA NYID KYI PHYIR RO, ,DE BZHIN KHO NAR PHYI ROL GYI DON BSTAN BA NI ZHES PA, BUM PA LA SOGS PA'I KHYAD PAR LAS, BSGRUB BYA'I RIGS CAN GYI SPYI NI PHYI ROL GYI DON TO, ,DE LA SPYIR GANG CUNG ZAD BYAS PA ZHES BYA BA DE THAMS CAD MI RTAG PA KHO NA'O ZHES BSGRUB BYAS GTAN TSIGS LA KHYAB PA GSAL BAR BYED PA NI PHYI ROL GYI DON GSAL BAR BYED PA'O, ,DE KHO NA NGES PAR BSTAN PAR BYA BA LA STE DPE LA GTZO BO YIN TE, RJES SU DPAG PA'I YAN LAG NYID KYI PHYIR RO, ,BUM PA KHYAD PAR BSGRUB BYA DANG SGRUB BYED DAG GI PHAN TSUN RJES SU 'GRO BA GANG YIN PA NI MA YIN TE, DE'I STOBS LAS BSGRUB BYA 'GRUB PAR 'GYUR BA NI MA YIN PAS SO, ,DE'I PHYIR SPYIS JI SKAD BSHAD PA'I DPE'I MTSAN NYID CAN GYI DON GYI PHUNG PO THAMS CAD DPE STE, BUM PA KHO NA NI MA YIN NO, ,BUM PA NI DE'I NANG DU 'DUS PAS TE DE KHO NA NYE BAR MTSON PA'I DON DU DPER RJOD PA'O, ,DE'I PHYIR DE LA GANG BSGRUB BYA'I GTAN TSIGS KYI RJES SU 'GRO BA 'DI NI GTZO BO MA YIN PA'I PHYIR BRJOD PAR 'DOD PA MA YIN NO ZHES PA DANG, PHYI ROL GYI DON STON PA NI NGES PAR BSTAN BAR BYA LA GTZO BO'O ZHES PA'I TSIG NI GSAL BA'I KHYAD PAR GCIG KHO NA LA RAB TU STON PA GTZO BO NYID YIN PA SEL BA LHUR BYED PAR BLTA BAR BYA'O, ,BZLOG PA'I SBYOR BAS GTAN TSIGS KYI KHYAD PAR STON PAR MI NUS PA 'BA' ZHIG GO, ,SKYON GZHAN YANG 'BAB PO ZHES STON PA GSUNGS PA, GZHAN YANG ZHES PA LA SOGS PA STE, MA BYAS NYID KYIS RTAG PA NYID, ,MA BRJOD PAR BYAS PAR 'GYUR ZHING, ,'JIG NYID PHYIR YANG 'BRAS BU NYID KYANG MA BRJOD PAR BYAS PAR 'GYUR RO, ,MA KHYAB PA DANG MI 'DOD 'GYUR RO, ,'DIR RJES 'GRO MNYAM LA ZHES PA'I TSIG RNAMS 'BREL PAR SBYAR BAR BYA'O, ,YANG ZHES PA SDUD PA'I DON CAN NO, , 'BRAS BU NYID CES PA BYAS PA NYID DO, ,MA BRJOD CES PA DAM MA BCAS PA'O, ,BYAS PA ZHES PA NI BSGRUB PA'O, ,DANG YIN NI DE MA THAG TU BRJOD PA'I SKABS SU MA BAB PA'I DON SGRUB PAR BYED PA SDUD PA'O, ,RJES 'GRO MNYAM LA ZHES PA CHOS MTHUN PA NYID DANG CHOS MI MTHUN @215B BA NYID DAG GI RJES SU 'GRO BAR MTSUNGS PAR GYUR BA LA ZHES PA'I DON TO, ,CHOS MTHUN PA NYID KYI DBANG GIS ZHES PA CHOS MTHUN PA NYID KYI DPE'I RJES SU 'JUG PAS TE, CHOS MTHUN PA NYID KYI DPE LA BSGRUB BYAS GTAN TSIGS KYI RJES SU SONG BA BSTAN PAR BYA'O ZHES BYAS NAS GAL TE CHOS MI MTHUN PA NYID KYI DPE LA GTAN TSIGS MED PA BSGRUB BYA MED PAS RJES SU SONG BAR BRJOD NA'O ZHES PA'I DON TO, ,DAM MA BCAS PA KHO NA'I RTAG PA NYID BSGRUB PAR 'GYUR RO ZHES PA, RTAG PA NYID KYIS DE LA KHYAB PA NYE BAR STON PA'I PHYIR RO, ,GANG LA GANG GIS KHYAB PAR BRJOD PA DE NI DES BSGRUB PAR BYA BA YIN TE, DPER NA GANG BYAS PA DE MI RTAG GO ZHES PA'I MI RTAG PA NYID KYIS BYAS PA NYID LA KHYAB PAR NYE BAR STON PA'I PHYIR BYAS PA NYID KYIS MI RTAG PA NYID YIN PA BZHIN NO, ,'DI LTA NA YANG MI RTAG PA NYID KYIS BYAS PA NYID BSGRUB PAR 'GYUR RO ZHES PA 'DIR YANG DE LTA KHO NA'I RIGS PA'O, ,MA KHYAB PA LA ZHES PA LA SOGS PA STE, RTZOL MA THAG TU BYUNG BA NYID NI RANG GI BSGRUB PAR BYA BAS MA KHYAB PA NYID KYI PHYIR MA KHYAB PA'O, ,DE LA GANG RTZOL MA THAG TU MA BYUNG BA NYID KYI PHYIR GLOG LA SOGS PA RNAMS RTAG PA'O, ,GANG MI RTAG PA STE RTZOL MA THAG TU BYUNG BA'O ZHES MI RTAG PA NYID KYI PHYIR NA RTZOL MA THAG TU BYUNG BA NYID DU MI 'DOD PAR 'GYUR RO, ,GAL TE 'DI LTAR NGES PAR 'DZIN NA SKYON 'DI YOD DO, ,RTZOL MA THAG TU MA BYUNG BA NYID NI RTAG PA KHO NA STE, MI RTAG PAR MI 'GYUR RO ZHES PA DANG, MI RTAG PA YANG RTZOL MA THAG TU BYUNG BA KHO NA STE, RTZOL BA LAS MA BYUNG BAR NI MI 'GYUR RO ZHES PA'O, ,DE'I TSE RTZOL BA LAS MA BYUNG BA NYID KYI PHYIR RTAG PA NYID DU THAL BAR 'GYUR RO, ,SKABS SU MA BAB PA'I DON SGRUB PAR BYED PAR YANG STE, RTZOL BA LAS BYUNG BA NYID LA MI RTAG PA NYID KYIS KHYAB PAR BSTAN PA'I PHYIR RO, ,GANG GI TSE 'DI LTAR NGES PAR GZUNG BAR BYED DE, RTAG PA NI RTZOL BA LAS MA BYUNG BA KHO NA STE, RTZOL BA LAS BYUNG BA NI MA YIN NO ZHES PA DE'I TSE SKYON 'GA' YANG MED DO, ,DE LTA NA GANG GI PHYIR RTAG PA NYID NI RTZOL MA THAG TU BYUNG BA LA MED PAR BSHAD BAR @216A *, ,'GYUR GYI, RTZOL BA LAS MA BYUNG BA LA RTAG PA YOD BAR NI MA YIN PA DE'I PHYIR GLOG LA SOGS PA RNAMS RTAG PA NYID DU THAL BAR 'GYUR BA MED DO, ,DE BZHIN DU CHOS MTHUN PA NYID KYI DPE LA MI RTAG BA KHO NA RTZOL BA LAS BYUNG BA STE, RTAG PA NI MA YIN NO ZHES NGES PAR GZUNG BA LAS, RTZOL BA LAS BYUNG BA NYID RTAG PA LA MED PAR BRJOD PAR 'GYUR GYI, MI RTAG PA LA RTZOL BA LAS BYUNG BA NYID YOD BA NI MA YIN NO ZHES PAS, GLOG LA SOGS PA RNAMS RTZOL BA LAS BYUNG BA NYID DU THAL BAR 'GYUR BA MED CING, SKABS SU MA BAB BSGRUB PAR BYED PA YANG MA YIN NO, ,'DIR MI RTAG PA NYID LA RTZOL MA THAG TU BYUNG BA NYID KYIS KHYAB PA BRJOD PA MA YIN GYI, 'O NA CI ZHE NA, RTZOL MA THAG TU BYUNG BA NYID KYI RTAG PA LA MED PA STE, RTZOL MA THAG TU BYUNG BA NI MI RTAG PA KHO NAS TE RTAG PA NI MA YIN NO ZHES SO, ,'O NA DE LTAR GYUR NA GTAN TSIGS NGES PAR GZUNG BAR 'GYUR LA DE'I PHYIR RTZOL BA LAS BYUNG BA MI RTAG PA KHO NAS TE BYAS PA LA SOGS PA NI MA YIN ZHES PA'I DON 'DI 'BYUNG ZHING, DE LAS KYANG GTAN TSIGS GZHAN MED PAR 'GYUR RO ZHE NA, 'DI YOD PA MA YIN TE, NGES PAR GZUNG BA 'DI GAL TE YANG GTAN TSIGS NGES PAR GZUNG BA LAS GTAN TSIGS GZHAN MED PA 'THOB MOD DE LTA NA YANG SMRA BA PO'I BSAM PA'I DBANG LAS NGES PAR GZUNG BA'O ZHES PAS, SMRA BA PO GANG DOD ZLAR BSAM PA DE KHO NA NGES PAR GZUNG BAS GCOD PAR BYED KYI GZHAN NI MA YIN NO, ,DE'I PHYIR RTZOL BA LAS BYUNG BA KHO NA RTAG BA LA MED PAR BRJOD KYI, CHOS GZHAN RNAMS RTZOL MA THAG TU BYUNG BA LA NI MA YIN NO, ,MI MTHUN PA NYE BAR DGOD PA STE, GANG GI PHYIR BZLOG PA'I SBYOR BA LA YANG NGES PAR GZUNG BA THA DAD KYI RTEN LAS MI 'DOD PA 'BAB PA YONGS SU SPONG BAR 'DOD PAS TE, DE YANG BYED PA NA YANG DE LTAR NGES PAR GZUNG BAN 'THOB PA KHO NA'O, ,DE LTAR NI JI LTAR RTAG PA LA RTZOL BA LAS BYUNG BA NYID MED PA'I PHYIR MI RTAG PA NYID DU RJES SU DPOG PA DE BZHIN DU RTZOL MA THAG TU BYUNG BA LA RTAG PA NYID MED PA'I PHYIR RTZOL MA THAG TU MA BYUNG BA NYID DU RJES SU DPOG PA DANG, @216B JI LTAR NA CHOS MTHUN PA NYID KYIS RTZOL MA THAG TU BYUNG BA MI RTAG PA KHO NAS TE RTAG PA NI MA YIN ZHES RTAG BA LA RTZOL MA THAG TU BYUNG BA NYID MED PA LAS RTZOL MA THAG TU BYUNG BA NYID KYI PHYIR MI RTAG PA NYID RJES SU DPOG PA DE BZHIN DU CHOS MI MTHUN PA NYID KYIS RTAG PA NI RTZOL MA THAG TU MA BYUNG PA KHO NA STE, RTZOL MA THAG TU BYUNG BA NI MA YIN NO ZHES RTZOL MA THAG TU BYUNG BA NYID LA RTAG PA NYID MED PA'I PHYIR NA, RTAG PA NYID LAS RTZOL MA THAG TU MA BYUNG BA NYID RJES SU DPOG GO ZHES PA'O, ,DE KHO NA DAM BCAS PA'I DON NYID SGRUB PA MA YIN PA'O, ,DE'I PHYIR GTAN TSIGS KHO NA BSGRUB BYA MED BA LA MED PAR BSTAN PAR BYA'I, NGES PAR GZUNG BAS DON NI MA YIN NO, ,'O NA 'DIR BSGRUB BYA MED PA LA MED PA LA MED BA NYE BAR BSTAN NA, MI RTAG BA KHO NA RTZOL MA THAG TU BYUNG BA'O ZHES PA'I NGES PAR GZUNG BA 'DI LA NI MI RTAG PA MED NA RTZOL MA THAG TU BYUNG BA NYID DU 'GYUR BA MA YIN NO ZHES PA 'DI NGES PAR RTOGS PAS SKYON 'GA' YANG MED DE, CI STE YOD NA DE LTA NA SMRA BAR BYA STE, DE LA SKYON CI YIN ZHE NA, BRJOD PAR BYA STE, THUN MONG MA YIN BA YANG RTAG PA LA RTAG PA LA GTAN TSIGS NYID DU 'GYUR RO ZHES BA SKYON 'DI YIN NO, ,DPER NA RTAG PA NYID NI MNYAN PAR BYA BA STE, MI RTAG PA MED DO ZHES PA 'DI LA YANG BSGRUB PAR BYA BA RTAG PA NYID MED NA MNYAN PAR BYA BA MED PA NYID BSTAN TE, 'JIG PA'I NGAG CAN LA MNYAN PAR BYA BA NYID MED PA'I PHYIR ZHES PAS GTAN TSIGS SU 'GYUR RO, ,NYES PA 'DI NI MED DE, DPER NA MI RTAG BA KHO NA NI RTZOL MA THAG TU BYUNG BA'O ZHES PA 'DIR RTAG PA LAS RNAM PAR BCAD DE, MI RTAG PA LA RTZOL MA THAG TU BYUNG BA NYID DON GYIS BRJOD PAR 'GYUR RO, ,DE YANG DE LA RAB TU GRUB PA'O, ,MNYAN PAR BYA BA NYID NI 'DI LTAR MI RTAG PA LAS RNAM PAR BCAD PA, RTAG PA 'GA' ZHIG LA BSTAN PAR NUS PA MA YIN TE, DE YOD PA DANG MED PA DAG THAMS CAD LA THE TSOM NYID KYI PHYIR RO, ,GAL TE DE LTAR NA DON GYI GO BAS GNYIS KA RNYED PA YIN NA, DE KHO BO CAG GI RJES SU SNANG BA KHO NA STE, GANG YANG RUNG BAS GNYIS KA RAB TU BSTAN PA'I PHYIR RO ZHES PA'O, ,'DIR GTAN TSIGS @217A *, ,BSGRUB BYAS RJES 'GRO BA, ,ZHES PA 'DI LA, RJES SU 'GRO BA'I SGRA NI KHYAB PA'I DON DU MNGON PAR DGONGS PA STE, THAMS CAD DU 'GRO BA NI RJES SU 'GRO BA'O ZHES PA'I TSIG LAS SO, ,DI LA SKYON BRJOD PA SMRAS PA, GAL TE ZHES PA LA SOGS PA'O, , GANG DANG GANG BYAS PA DE DANG DE MI RTAG PA'O ZHES KHYAB BA RAB TU BSTAN PA NA, BYAS PA NYID RTAG PA LAS LDOG PAR RTOGS BAR 'GYUR BA KHO NA STE, DE LAS KYANG, BSGRUB BYA MED LA MED PA NYID, ,CES PA'I CHOS MI MTHUN PA NYID KYI DPE'I MTSAN NYID BRJOD PAR BYA BA MA YIN TE, DE'I DGOS PA NI CHOS MTHUN PA NYID KYI DPE LA KHYAB PA KHO NAS BSGRUBS ZIN PA NYID KYI PHYIR RO, ,CI STE MTHUN PA'I PHYOGS LA GTAN TSIGS YOD PA TZAM BSTAN PAR BYA BA YIN NA CHOS MI MTHUN PA NYID KYI DPE'I MTSAN NYID BRJOD PAR RIGS TE, DGOS PA DANG LDAN PA NYID KYI PHYIR GYI 'ON KYANG GANG BSHAD ZIN BA'I PHYI ROL GYI DON STON PA NI NGES PAR BSTAN PAR BYA BA LA GTZO BO'O ZHES PA 'DI MI RIGS BAS NA BRJOD PAR BYA BA MA YIN TE, YOD PAR GYUR PA TZAM STON PA LA DPE'I PHYI'I DON LA LTOS PA NYID RIGS PA MA YIN PAS SO, ,DE STON TO, RTZOL MA THAG TU BYUNG BA NYID KYIS KYANG ZHES PA LA SOGS PA STE, KYANG GI SGRAS MI RTAG PA NYID KYIS KYANG RO, ,BUM PA LA RTZOL MA THAG TU BYUNG BA NYID MED NA MI 'BYUNG BA LA'O, ,DE LAS KYANG BUM PA LA MI RTAG PA NYID DANG RTZOL MA THAG TU BYUNG BA NYID MTHONG NGO ZHES BYAS PA NA, GTAN TSIGS MTHUN PHYOGS LA YOD PAR GYUR BA TZAM RTOGS PA KHO NA'O ZHES PAS, 'DIR PHYI ROL GYI DON LA LTOS PAS CI ZHIG KHYAB PA KHO NAS ZHES PA GANG DU BSGRUB BYAS RJES SU 'GRO BA ZHES PA'I MTSAN NYID LAS SO, ,'O NA YANG CHOS MI MTHUN PA NYID KYI MTSAN NYID BRJOD ZIN MOD, BRJOD PAR BYA BA MA YIN TE, DGOS PA MED PA'I PHYIR RO ZHE NA, GSUNGS PA, 'DI LA YANG ZHES PA LA SOGS PA'O, ,GNAS SKABS 'DI LA YANG ZHES SMRA BAS 'DI GSAL BAR BYED DE, GANG GI TSE CHOS MTHUN PA NYID KYI DPES KHYAB PA STON PA MA YIN PA DE'I TSE CHOS MI MTHUN PA NYID KYI DPES BSTAN PAR BYA STE, @217B DA'I PHYIR GNAS SKABS GZHAN LA CHOS MI MTHUN PA NYID KYI DPE DGOS PA DANG LDAN ZHING DE'I PHYIR DE'I MTSAN NYID BRJOD PA RIGS PA KHO NA'O ZHES PA'O, ,DE NYID KYANG GNAS SKABS GZHAN DU CHOS MI MTHUN PA NYID KYI DPE'I DGOS PA STON CING GSUNGS PA, GANG GI TSE NI ZHES PA LA SOGS PA STE, GANG GI TSE RTOGS PA PO BLO ZHE NA PAR 'GYUR TE, CHOS MI MTHUN PA NYID KYI DPES BSTAN KYANG KHYAB BA BDE BLAG TU RTOGS BAR MTHUN PHYOGS LA YOD PAR GYUR PA STON PA LAS GZHAN PAS NUS PA MA YIN PA DE'I TSE DE'I RTOGS PA LCI BA NYID YONGS SU SPANG BA'I DON DU MTHUN PHYOGS LA YOD BTZAM CHOS MTHUN PA NYID KYI DPES BSTAN PAR BYA'O, ,DE LTA NA NI MA YIN ZHES BA LA SOGS PA 'DI LTAR SEMS TE, DE'I TSE MTHUN PHYOGS LA YOD PA TZAM RAB TU BSTAN PAR BYA'I ZHES PA SMRA BAS 'DI GSAL BAR BYED DE, GANG LA GTAN TSIGS KYI YOD PA TZAM BSHAD PAR BYA BA DE'I CHOS MTHUN PA NYID KYI DPE'O ZHES PA'O, ,DE LAS KYANG, GTAN TSIGS BSGRUB BYA'I RJES 'GRO BA, ,ZHES BA LA SOGS PA 'DI BSHAD PAR BYA BA MA YIN GYI, 'DI SKAD NI BSHAD PAR BYA STE, GANG DU GTAN TSIGS MTHUN PHYOGS LA YOD PA TZAM BSHAD PAR BYA BA'O ZHES SO, ,YANG NA, GTAN TSIGS BSGRUB BYA'I RJES 'GRO BA, ,ZHES PA 'DI KHO NA'I DON 'DI BSHAD PAR BYA STE, GANG DU GTAN TSIGS KYI LHAN CIG 'BYUNG BA BSTAN PAR BYA BA'O ZHES PA'O, ,'DI YANG ZHES PA LA SOGS PAS 'DI GSAL BAR BYED DE, KHYOD KYIS GANG SMRAS PA 'DI NI BDEN MOD, DE KHYAD PAR GYI GNAS SKABS KHO NA LA YIN TE, GANG GI TSE DPE GNYIS KA RAB TU SBYAR BAR BYA BA ZHES PA LA SOGS PAS GSAL BAR BYAS PA LA'O, ,GANG GI TSE NI CHOS MTHUN PA NYID KYI DPE KHO NAS KHYAB PA STON PA DE'I TSE, KHYAB BA KHO NA RJES 'GRO'I SGRA'I BRJOD BYA'I DON DU RIGS TE, DES NA GNAS SKABS DE LA PHYIN CI LOG PA'I KHYAB PA DGAG PA'I CHED DU, GTAN TSIGS BSGRUB BYA'I RJES 'GRO BA, ,ZHES BSHAD DO ZHES PA'O, ,DE LA 'DIR 'GYUR TE, DE BKAG PAS DON 'GA' YANG MED PA KHO NAS TE, DE'I PHYIR DE'I DON DU 'DI BRJOD PAR BYA BA MA YIN NO ZHEN @218A *, ,GSUNGS PA, DE BKAG PA LA DON MED PA MA YIN TE ZHES PA, GTAN TSIGS KYI BSGRUB BYA'I RJES SU 'GRO BA BKAG PA LA DON MED PA NI MA YIN GYI, 'O NA CI ZHE NA, DON KHO NA LA'O, ,CI'I PHYIR ZHE NA GSUNGS BA, YOD DANG RNAM GNYIS ZHES BRJOD PA'I PHYIR RO ZHES PA PHYOGS CHOS GANG ZHIG MTHUN PHYOGS LA YOD PA DANG RNAM PA GNYIS KA STE, DE GTAN TSIGS SO ZHES PA 'DI LTAR SNGAR BRJOD PA'I PHYIR RO, ,CI LTAR NA 'DI SKAD BRJOD PA LAS GTAN TSIGS KYI BSGRUB BYA'I RJES SU 'GRO BA BKAG PA NA DON DU 'GYUR ZHE NA GSUNGS PA, GTAN TSIGS LHAG MA YANG ZHES PA LA SOGS PA STE, TSUL GSUM PO GTAN TSIGS SU BSHAD LA, DE LA PHYOGS KYI CHOS NYID NI GTAN TSIGS KYI TSIG KHO NAS BSHAD DO ZHES PAS TSUL GNYIS LHAG MAR LUS TE, DE YANG DPES BSTAN PAR BYA BA'O, ,GTAN TSIGS KYI MTSAN NYID STON PA NA YANG GANG GSUNGS PA, RIGS MTHUN PA LA YOD CES PA, ,DE LA YANG GDON MI ZA BAR RIGS MTHUN PA KHO NA LA YOD PA ZHES PA 'DI LTA KHO NA NGES PAR GZUNG BAR BYA'I YOD PA KHO NA ZHES NGES PAR GZUNG NA NI, RNAM GNYIS KYANG ZHES PA 'DI NYAMS PAR 'GYUR RO, ,'DIS NI GANG 'DRA BA'I GTAN TSIGS KYI LHAG MA DPES GSAL BAR BYA BA DE BSTAN TO, ,GAL TE YANG GANG MI RTAG PA DE RTZOL BA LAS BYUNG BA'O ZHES GTAN TSIGS KYI BSGRUB BYA'I RJES SU 'GRO BA BSHAD PAR BYA NA, DE LTAR 'GYUR NA RIGS MTHUN PA LA YOD PA KHO NA ZHES BSTAN PAR 'GYUR GYI, RIGS MTHUN PA YIN LA YOD PA ZHES NI MA YIN TE, MTHUN PHYOGS LA KHYAB BAR BSTAN PA'I PHYIR RO, ,DE LAS KYANG GTAN TSIGS LHAG MA BSTAN PAR 'GYUR BA MA YIN NO, ,DE'I PHYIR GTAN TSIGS LHAG MA STON PAS GDON MI ZA BAR BSGRUB PAR BYA BA KHO NAS GTAN TSIGS KYI RJES SU 'GRO BA BSTAN PAR BYA'O, ,DE CI LTAR 'THOB CE NA, GAL TE GTAN TSIGS KYI BSGRUB BYA'I RJES SU 'GRO BA DGAG PAR BYED NA'O, ,DE'I PHYIR GTAN TSIGS LHAG MA RAB TU BSTAN PA NI DON TE, GTAN TSIGS KYI BSGRUB BYA'I RJES SU 'GRO BA DGAG PA LA'O, ,'O NA GTAN @218B TSIGS LHAG MA'I MTSAN NYID KYI BSGRUB PA KHO NA LAS JI 'DRA BA'I NGAG GIS GTAN TSIGS LHAG MA BSTAN PAR NUS PA DE BSTAN PA KHO NAR 'GYUR TE, RNAM PA GZHAN DU BRJOD NA GTAN TSIGS LHAG MA GSAL BAR MI BYED BA'I PHYIR RO, ,GANG RNAMS DON GANG JI LTA BA BZHIN SHES PA'I NGAG SHES PA DE RNAMS NI DE RTOGS PA LA SLAR YANG NYE BAR BSTAN PA GZHAN LA LTOS PA MA YIN TE, DE'I PHYIR 'DI NI DGOS PA MED PA KHO NA'O ZHE NA, RTZOM PA 'DI NI BYIS PAS RTOGS PA'I DON DU STE, DNGOS PO JI LTA BA BZHIN RTOGS KYANG RNAM PA GZHAN DU BRJOD PA MTHONG NGO ZHES LAN BRJOD ZIN TO, ,GAL TE DE LTA NA RIGS MTHUN PA LA YOD PA ZHES PA 'DIR RIGS MTHUN PA KHO NA LA YOD PA ZHES NGES PAR GZUNG BAR BYA BA DE LTAR GYUR NA, 'DI KHO NAS MI MTHUN PHYOGS GTAN TSIGS MED PA NYID DU RTOGS PA NYID KYI PHYIR, DE MED PA LA MED PA ZHES BA 'DI BRJOD PAR BYA BA MA YIN NO ZHE NA, DE'I PHYIR GSUNGS PA, DE LTA NA RIGS MTHUN PA KHO NA LA YOD CES PA LA SOGS PA'O, ,DE LTAR NA ZHES PA DE'I TSE ZHES PA'I DON CAN GYI TSIG PHRAD DE, 'DI NI BYE BRAG TU MA BSHAD PA'I SGRA GZHAN KHO NA'O, , DE LTAR NI MI BZOD PA LA SOGS PA RNAMS LA YANG RAB TU SBYOR BAS SO, ,RIGS MI MTHUN GYI SGRA NI 'DIR GZHAN PA DANG 'GAL PA'I MI MTHUN PHYOGS DAG LA 'JUG GO, ,DE'I PHYIR 'DIR DON 'DI YIN TE, GANG GI TSE RIGS MTHUN PA KHO NA LA YOD PA ZHES NGES PAR GZUNG BA DE'I TSE MI MTHUN PHYOGS RNAM PA GSUM KA LA YANG GTAN TSIGS DGAG PA THOB PA LA, DE DAG BRAL BA LA MED PA ZHES PA 'DI BRJOD PAR MI BYA BA KHO NA BDEN TE, GANG 'DIS BYA BA DE GZHAN KHO NA LAS THOB PA NYID KYI PHYIR RO, ,BRJOD PA YANG YIN TE, DE 'DI SBYOR BA'I DON DU 'GYUR RO ZHES PA'O, ,NGES PA'I SGRAS NI 'DIR SBYOR BA KHO NA BRJOD PAR 'DOD PA STE, 'DI'I BLO NGES PAR BYED CES BYAS NAS SO ZHES BSHAD DO, ,DE LTAR 'GYUR MOD RIGS MTHUN PA KHO NA LA YOD PA ZHES PA 'DI LAS RIGS MI MTHUN PA LA YANG DGAG BA THOB CING, DE LTA NA YANG MTHUN @219A *, ,PHYOGS LA YANG DGAG PA BYAS PAR 'GYUR TE, DE LTAR NI MTHUN PHYOGS KYANG BSGRUB BYA'I CHOS LAS GZHAN PA'I CHOS DANG LDAN PA'I PHYIR GZHAN DU 'GYUR LA, DE LA GTAN TSIGS 'JUG GO ZHES PAS MA NGES PAR 'GYUR RO ZHE NA GSUNGS PA, DE DANG BRAL BA KHO NA LA MED PA YIN GYI, RIGS MI MTHUN BA BDAG LA SOGS PA MED PA LA MA YIN ZHES PA STE, DE DANG BRAL BA NI BSGRUB PAR BYA BA'I RIGS CAN MED PA ZHES PA'I DON TO, ,DE DANG BRAL BA'I MNYAN PAS KYANG GZHAN PA DANG 'GAL BA DAG KYANG GZUNG NGO, ,YANG CI LTAR NA YOD PA KHO NA MED PAR CI LTAR 'GYUR ZHE NA, DE'I RNAM PAS DBEN PA'I PHYIR TE, RIGS MI MTHUN PA YANG 'DIR DE DANG BRAL BA'I SKABS YIN PA NYID KYI PHYIR DE LA LTOS PA KHO NAS RIG PAR BYA'O, ,BDAG LA SOGS PA MED PA YE SHES PA 'DIS DE DANG RIGS MI MTHUN PA'I DNGOS PO STON TO, ,'DI LA BDAG LA SOGS PA YOD PA MA YIN NO ZHES PAS, BDAG LA SOGS PA MED PA STE, ,MI RTAG PA'I DNGOS PO BRJOD DO, ,DES 'DI SKAD BSHAD BAR 'GYUR TE, SNGAR BSHAD PA'I MI MTHUN PHYOGS RNAM PA GSUM KHO NA LA MED PA STE, DE DANG RIGS MI MTHUN PA'I MTHUN PHYOGS LA NI MA YIN NO ZHES PAS, MTHUN PHYOGS KHO NA MI MTHUN PHYOGS SU 'GYUR BA MA YIN NO, ,CHOS GZHAN DANG LDAN YANG DNGOS POR NA THA MI DAD PA'I PHYIR RO, ,CHOS GZHAN DANG LDAN PA LAS GZHAN NYID KYANG MA YIN GYI, 'ON KYANG BRJOD PAR 'DOD PA'I CHOS MI RTEN PA NYID KYI PHYIR RO ZHES DGONGS PA'O, ,DE BZHIN DU 'DI YANG ZHES PA BRJOD MA THAG PA'I DON CHOS MI MTHUN PA NYID KYI DPE'I MTSAN NYID LA BSGRES NAS STON TO, ,'DIR YANG BSGRUB PAR BYA BA MED PA ZHES PA 'DIS GZHAN PA DANG 'GAL BA DAG GI MI MTHUN PHYOGS DAG KYANG GZUNG STE, MED PA NYID NI SNGA MA BZHIN DU DE DAG GI RIGS MI MTHUN PA NYID DE, 'DIR YANG BSGRUB BYA MED PA SKABS NYID YIN PA'I PHYIR NA, DE LA LTOS PAR BLTA BAR BYA'O, ,DES NA DON 'DIR 'GYUR TE, 'DIR YANG DPE LA JI LTAR SRID PA BZHIN DU MI MTHUN PHYOGS RNAM PA GSUM LA MED PA NYID BSHAD @219B PAR BYA'O, DE DANG RIGS MI MTHUN PA'I PHYOGS LA NI MA YIN NO ZHES PA'O, ,DE KHO NA CHOS GZHAN DANG LDAN PAS GZHAN NYID NA MA YIN TE, DE'I PHYIR DER CHOS GZHAN DANG LDAN PA LA YANG 'JUG PA'I GTAN TSIGS NI MA NGES PA NYID DU DGONGS PAR BYA BA MA YIN NO ZHES DGONGS PA'O, JI LTAR DE DANG BRAL BA LA MED PA ZHES PA 'DI SBYOR BA'I DON YIN PA DE BZHIN DU BSGRUB BYA MED PA LA YANG MED PA NYID CES PA 'DI YANG SBYOR BA'I DON NO ZHES PA 'DI 'DIR YANG SBYAR NAS STON PAR RIG PAR BYA'O, ,DE LTAR GYUR NA 'DOD PA GRUB PA CIR 'GYUR ZHE NA GSUNGS PA, RIGS MI MTHUN PA LA NI ZHES PA LA SOGS PA'O, ,BSGRUB BYA LA RJES SU 'GRO BA YOD NA ZHES PA 'DIS NI RNAM PA GANG GIS 'DIR RIGS MI MTHUN PAR 'DOD PA DE STON TE, BSGRUB PAR BYA BAS RJES SU 'GRO BA'I GTAN TSIGS KYI RIGS MI MTHUN NA ZHES PA'I DON TO, ,DON DU MI SGRUB PAR BYED PA NYID KYI PHYIR GTAN TSIGS DU MA'O, ,DE RANG GI BSGRUB PAR BYA BA'I RJES SU 'GRO BAR GYUR PA NA GANG RANG GI BSGRUB PAR BYA BA MED BA DANG RIGS MI MTHUN PA DE LA, CHOS GZHAN DANG LDAN NA YANG SGRUB BYED DU BYAS PA NA, GANG BSGRUB PAR 'DOD BA DE DANG 'GAL BA LA 'JUG PA 'DUS PA NYID LA SOGS PA 'GAL BA'I GTAN TSIGS SU BSHAD PA KHO NA'O, ,SGRUB BYED DU BYAS PA NYID NI GANG SGRUB PAR 'DOD PA DE DANG MI 'GAL BA CHOS GZHAN DANG LDAN PA LAS MI 'GAL NA CHOS GZHAN DANG LDAN PA LA YANG 'JUG PA BYAS PA NYID LA SOGS PA MI 'GAL PA'I GTAN TSIGS NYID DU BSHAD PA KHO NA STE LE'U GSUM PA'O,, ,,YANG CI LTAR NA GANG LAS BSGRUB PAR BYA BA MED PAR RIGS MI MTHUN PA NYID DU 'GYUR BA GANG LA 'GAL BAR 'JUG PA DE BSGRUB BYA'I RJES SU 'GRO BA YIN ZHE NA, GAL TE 'GAL BA'I GTAN TSIGS KYI DNGOS POR NA BSGRUB PAR BYA BA DES RJES SU 'GRO BAR GYUR NA RIGS MI MTHUN PA LA STE, GANG RGOL BAS BSGRUB PAR 'DOD PA DES NI MA YIN NO ZHES DGONGS PA'O, ,'DI NI BSDUS PA'I DON TE, GAL TE CHOS GZHAN DANG LDAN PA LA GANG 'JUG PA DE MA NGES PA NYID @220A *, ,DU 'DOD NA, DE'I PHYIR 'GA' ZHIG KYANG GTAN TSIGS SU 'GYUR BA MA YIN ZHING 'GAL BAR YANG MA YIN GYI, THAMS CAD MA NGES PA KHO NAR 'GYUR TE, DNGOS PO THAMS CAD CHOS GZHAN DANG LDAN PA'I PHYIR RO, ,DE'I PHYIR GANG GI MI MTHUN PHYOGS THAMS CAD LAS LDOG BA DE CHOS GZHAN DANG LDAN YANG MTHUN PA'I PHYOGS LA 'JUG PA NI YANG DAG PA'I SHES PA'I RGYU KHO NA'O, ,GANG MTHUN PHYOGS THAMS CAD LA LDOG PA DE CHOS GZHAN DANG LDAN NA YANG MI MTHUN PHYOGS LA 'JUG PA NI 'GAL BA NYID KHO NA'O, ,GANG MTHUN PHYOGS LA 'JUG CING MI MTHUN PHYOGS LA 'JUG PA'AM DER DOGS PA DE NI MA NGES PA NYID DO, ,DES SEL PA'I CHED DU DE DANG BRAL BA LA MED PA ZHES PA STE, 'DIS MI MTHUN PHYOGS LA GTAN TSIGS MED PA NYID KHO NA BRJOD BAR BYA'I CHOS GZHAN DANG LDAN PA'I MTHUN PHYOGS LA YANG MA YIN NO, , TSUL GSUM PA GSAL BAR BYED PA'I DON DU CHOS MI MTHUN PA NYID KYI DPE'O ZHES PA DE LA'ANG BSGRUB BYA MED PA KHO NA LA GTAN TSIGS MED PA BSHAD PAR BYA'I MTHUN PHYOGS NYID CHOS GZHAN DANG LDAN PA LA NI MA YIN NO, ,'GAL BA NYID DU BSHAD PA KHO NA'O ZHES PA'I TSIG STE, 'DI LA YANG MI MTHUN PHYOGS NI CHOS GZHAN 'GAL BA MED PA SHES BYA NYID LA SOGS PA DANG LDAN PA'I PHYIR NA MI MTHUN PHYOGS LAS GZHAN TE, DE LAS KYANG MI MTHUN PHYOGS LAS CIG SHOS LA 'JUG PA NYID KYI 'GAL BA'I TSIGS KYANG MA NGES PAR 'GYUR ZHES PA YANG DAG PA MA YIN PA'I RTOG PA BSAL BA'I DON DU'O, ,DE LTAR GYUR NA GZHAN DU YANG GANG LA MA NGES PA NYID BRJOD PA DE LA YANG 'DI LTA KHO NAR MA NGES PA NYID DU BLTA BAR BYA'O ZHES STON PA GSUNGS PA, GANG LA YANG ZHES PA LA SOGS PA STE, THUN MONG BA'I KHYAD PAR NYID DANG 'GAL BA NYID KYANG SGRUB PAR BYED PA NYID DAG TU 'GYUR RO, ,RE RE GNYIS SU MA BRJOD PA LA DPER BRJOD PAR BYA STE, DE'I PHYIR GNYIS ZHES 'DI LA 'CHAD PAR 'GYUR RO, ,LUS CAN MA YIN PA'I ZHES SMOS PA NI GTAN TSIGS NYE BAR MTSON BA'I DON TO, ,GANG GI PHYIR LUS CAN MA YIN PA KHO NA'I DBANG @220B DU BYAS NAS CHOS MTHUN PA NYID TZAM BRJOD PA NA MA NGES PA NYID DU THAL BAR 'GYUR BA BYA BA MA YIN GYI, 'O NA CI ZHE NA, GTAN TSIGS THAMS CAD KYI'O, ,'DI LTAR YANG, DE RTAG PA NYID BSGRUB BAR BYA BA LA MA NGES PA NYID DU MNGON BAR 'DOD PA NYID GYI PHYIR DANG, THAL BAR 'GYUR BA NI MI 'DOD PA 'BEBS PA'I MTSAN NYID CAN NYID KYI PHYIR YANG NGO, ,RTAG BA MED PA LA ZHES PA 'DI YANG BSGRUB BYA MED PA NYE BAR MTSON PA STE, BSGRUB BYA THAMS CAD MED PA LA GTAN TSIGS YOD PAR GYUR PA'I PHYIR NA MA NGES PA BRTZAD PAR MNGON BAR 'DOD PA NYID KYI PHYIR RO, , YOD PA'I PHYIR ZHES PA 'DIS KYANG YUL GYI YUL CAN LA DOGS PA BSTAN PAR RIG PAR BYA'O, ,DE LTAR NI DE NYID DU 'CHAD PAR 'GYUR TE, GAL TE CHOS MTHUN PA NYID CAM GYIS BRJOD PAR BYA NA, DE LAS BSGRUB BYA LA MED NA YANG 'GYUR RO ZHES GTAN TSIGS THUN MONG BA NYID DU DOGS PAR 'GYUR RO ZHES PA'O, ,DE 'DI SKAD BSHAD PAR 'GYUR TE, DE LA YANG CHOS MTHUN PA NYID TZAM BRJOD PA NA BSGRUB BYA MED PA LA GTAN TSIGS YOD PAR DOGS PAS MA NGES PA'O ZHES BSTAN BAR BYA'I, GZHAN PA'AM 'GAL BA LA YOD PA ZHES PAS MA NGES PA ZHES BA NI BSTAN PAR BYA BA MA YIN NO ZHES PA'O, ,CHOS GZHAN DANG LDAN NA YANG ZHES PA DGONGS BA'O, ,'DIR YANG BSGRUB PAR BYA BA MED PA SKABS SU BAB PA NYID KYI PHYIR DE LA LTOS PAS DON GZHAN PA SHES PAR BYA STE, 'GAL BA NI GANG RGOL BAS BSGRUB BYA NYID DU 'DOD PA DE LA LTOS PAS SO, ,'DI GA LAS SHE NA, THA DAD DU NYE BAR LEN PA'I SHUGS LAS SO, ,GAL TE 'GAL BA YANG BSGRUB PAR BYA BA MED PA LA LTOS PAS BRJOD PAR 'DOD PAR GYUR NA NI, GZHAN PA LA MA YIN ZHES PA 'DI TZAM BRJOD BAR BYA BAR 'GYUR RO, ,DE LTAR NI BSGRUB PAR BYA BA MED PA LAS GZHAN NI BSGRUB BYA YOD PA STE, DE YANG BSGRUB BYA MED PA DANG 'GAL BA KHO NA'O, ,DE LAS KYANG GZHAN PA LA MA YIN ZHES PA 'DI KHO NAS 'GAL BA LA ZHES PA 'DIS RTOGS PAR BYA BA'I DON RTOGS ZIN PA NYID KYI PHYIR, 'DI BRJOD PAR BYA BA MA YIN PAR 'GYUR NA, BRJOD PA YANG YIN TE, DE'I BSGRUB BYA LA LTOS PAS @221A *, ,'GAL BAR RIG PAR BYA'O, ,'DIR PHA ROL GYI YANG DAG PA'I SHES PA'I RGYU NYID DU MNGON BAR MA BSAMS PA LA MA NGES PA NYID DU BRJOD PAR BYA BA'AM, YANG NA 'GAL BA NYID DU'O, ,DE LA RTOGS PA SNGA MA LA, ,BSGRUB BYA MED PA LAS GZHAN BSGRUB BYA YOD PA CHOS GZHAN DANG LDAN PA LA YANG YOD PAR GYUR PA ZHES MA NGES PA NYID DU RAB TU BSTAN PAR BYA BA NI MA YIN NO, ,'O NA CI ZHE NA, BSGRUB BYA MED PA LA YANG YOD PAR GYUR PA LAS SAM DER DOGS PAS SO, ,GNYIS PA LA NI BSGRUB BYA DANG 'GAL BA CHOS GZHAN DANG LDAN PA LA YANG YOD PAR GYUR BA ZHES MA NGES PA NYID DU BSTAN PAR BYA BA MA YIN GYI, 'ON KYANG 'GAL BA'I GTAN TSIGS KYI GANG BSGRUB PAR BYA BA DE MED PA LA YANG YOD PA LAS SAM, DER DOGS PAS SO, ,DE LTAR BYAS NAS ZHES PA, GANG GI PHYIR BSGRUB BYA MED PA LA GTAN TSIGS MED PA NYID NYE BAR MA BSTAN PA NA MA NGES PA NYID DU DOGS KYI, CHOS GZHAN DANG LDAN PA LA YANG PHYOGS DANG MTHUN PHYOGS KHO NA LA 'JUG PA'I NI MA YIN PA DE'I PHYIR RTAG PA NI RTZOL BA LAS MA BYUNG BA'O ZHES PA CHOS MI MTHUN PA NYID KYI SBYOR BA 'DIS MI RTAG PA MED PA LA GTAN TSIGS MED PA RAB TU BSTAN PAR BYA'I, MI RTAG PA KHO NA CHOS GZHAN DANG LDAN PA LA NI MA YIN NO ZHES PA DGONGS PA'O, ,YANG CI LTAR NA DE BSTAN PAR NUS SHE NA GSUNGS PA, BRTZAL MA THAG TU BYUNG BA NYID NI ZHES PA LA SOGS PA'O, ,GANG GI PHYIR BRTZAL MA THAG TU BYUNG BA NYID MI RTAG PA NYID DANG RJES SU 'BREL PA DE'I PHYIR DE LDOG PAS DE LDOG PAR BSTAN PAR NUS SO, ,SNGAR GZHAN PA DANG 'GAL BA DAG MI MTHUN PHYOGS NYID DU BRJOD CING, DE'I PHYIR YANG DE LA YANG GTAN TSIGS MED PA RAB TU BSTAN PAR BYA, MI RTAG PA LAS KYANG RTAG PA NI GZHAN NYID DANG 'GAL BAR 'GYUR RO, ,DE LAS KYANG MDO SDE PA'I CHOS MI MTHUN PA NYID KYI DPE MED PAR 'GYUR TE, DNGOS PO RTAG PA MI 'DOD PA NYID KYI PHYIR RO ZHES DOGS PAR BYAS NAS GSUNGS PA, RTAG PA MED PA LA NI MA YIN NO ZHES PA'O, ,'DI SKAD STON TE MI MTHUN PHYOGS RNAM PA GSUM LA @221B GANG SRID PA DE LA GTAN TSIGS MED PA RAB TU BSTAN PAR BYA'I, CIG SHOS LA NI MA YIN NO ZHES PA'O, ,YANG CI'I PHYIR BZLOG PA BSTAN PAR BYA BA MA YIN ZHE NA GSUNGS PA, MA GYUR CIG CES PA LA SOGS PA'O, ,'JIG RTEN PA YANG SBYOR BZHIN DU BSGRUB BYA DANG SGRUB BYED KYI MI MTHUN PHYOGS DAG LHAN CIG YOD PA STON PA NA RTAG PA NYID KYIS DAM MA BCAS PA'I BYAS BA NYID BSGRUBS PAR 'GYUR RO, ,DE LTA NA 'O NA ZHES PA LA SOGS PA STE, GAL TE 'DI DPE'I MTSAN NYID YIN NA, DE LTA NA 'O NA 'GAL BA DANG MA NGES PA'I GNYEN POR GNYIS KA YANG BRJOD PAR BYA'O ZHES BA BRJOD PAR MI BYA STE, CI'I PHYIR ZHE NA, SMRAS PA MI 'GYUR ZHES PA LA SOGS PA STE, GANG GI TSE RE ZHIG CHOS MTHUN PA NYID KYIS KHYAB BA BSTAN PAR BYA BA DE'I TSE 'GAL BA DANG THUN MONG BA DANG THUN MONG MA YIN PA NYID DOGS PAR MI SRID PA KHO NA YIN ZHING, CHOS MI MTHUN PA NYID KYIS KYANG BSGRUB PAR BYA BA MED PA KHO NA GTAN TSIGS MED PAR BRJOD PA NA THUN MONG MA YIN PA NYID DOGS PA'I THAL BAR 'GYUR BA CI ZHIG ,GAL TE RIGS MTHUN PA LA'ANG 'GYUR BA MA YIN NA NI, BSGRUB BYA MED PA KHO NA LA MED DO ZHES PA 'DIR MI 'GYUR RO, ,'DI NI 'JIG RTEN PA'I SBYOR BA ZHES PA DE LA NI MTHUN PHYOGS LA GTAN TSIGS YOD PAR GYUR PA CAM KHO NA RAB TU STON TE CHOS MTHUN PA NYID KYIS KHYAB PA MNGON PAR BRJOD PA'I PHYIR RO, ,DE'I PHYIR THUN MONG BA DOGS PA SRID DO, ,CHOS MI MTHUN PA NYID KYIS KYANG BSGRUB BYA DANG SGRUB BYED KYI MI MTHUN PHYOGS DAG GI YOD PAR GYUR PA CAM BSTAN PAR BYA BA DE'I PHYIR THUN MONG MA YIN PA NYID DOGS PA'O, ,MTSAN NYID MA YIN ZHES PA, JI LTAR DPE DAG GI MTSAN NYID DE LTAR RE RE BRJOD PA NA YANG JI SKAD BSHAD PA'I SKYON DU MI THAL BA'I PHYIR RO, ,DPER NA BSGRUB BYA'I CHOS TZAM GYI ZHES PA, JI LTAR 'DI PHA ROL PO'I 'DOD PA LA LTOS PAS BRJOD PA DE LTAR 'DI YANG NGO ZHES STON TO, ,PHYOGS CHOS NYID TZAM GTAN TSIGS NYID NA MA NGES PA THAL BAR 'GYUR RO ZHES PA MA NGES PA GTAN TSIGS NYID DU THAL BAR 'GYUR RO ZHES PA'I DON TO, ,THAL 'GYUR NI THAL BAR BYA BZHIN PA'I DOD ZLA LA LTOS PA NYID @222A *, ,KYI PHYIR DANG, MI 'DOD PA 'BAB PA'I NGO BO NYID KYI PHYIR RO, ,GTAN TSIGS NYID KYANG MA 'DOD PA NYID KYI PHYIR DANG, DE KHO NA DOD ZLA'I SBYOR BAS GZHAN PA'O ZHES RTOGS PAR BYA'O, ,YANG CI ZHES PA RIGS MTHUN PA LA KHYAB PAR BYED PA DANG KHYAB PAR BYED PA MA YIN PA DAG GI GTAN TSIGS 'BA' ZHIG PA DAG GI YANG NUS PA NYE BAR DMIGS NAS THE TSOM ZA BAS 'DRI'O, ,KHYAD PAR NYID NI THUN MONG MA YIN NO, ,RE RE'I 'AM GNYI GA'I MA BRJOD PA NI, RE RE GNYIS KA MA BRJOD PA'O, ,'GA' ZHIG GI ZHES PA LA SOGS PA STE, PHA ROL PO RTOGS PA'I DON DU GZHAN GYI DON GYI RJES SU DPAG PA NYID YIN NO, PHA ROL POS GAL TE DPE GANG YANG RUNG BAS RTOGS PAR BYA BA'I DON RAB TU GRUB NA, GANG YANG RUNG BA BRJOD PA YANG SGRUB PAR BYED PA STE, RAB TU GRUB ZIN PA BRJOD PA NI DON MED PA NYID KYI PHYIR RO, ,YANG GI SGRA NI NGES PAR GZUNG BA'I DON TO, ,SGRA LAS BYUNG BA BZHIN DU ZHES PA LA SOGS PA STE RTOGS PA NYID TZAM DU CHOS MTHUN PA NYID NYE BAR BLANGS NAS SGRA LAS BYUNG BA BZHIN DU ZHES PA DPER RIG PAR BYA STE, MNGON PAR MA BRJOD PA NI MA YIN NO, ,GZHAN DU NA SGRA LAS BYUNG BA NI RANG GI DON RJES SU DPAG PA NYID KYI PHYIR NGES PAR STON PA 'DI MI RIGS PAR 'GYUR TE, THAL BAR 'GYUR BA MED PA'I PHYIR RO, ,RANG GI DON RJES SU DPAG PA LA DPE'I THAL BAR 'GYUR BA MED PA'I PHYIR TE, DON GYI BDAG NYID KYI PHYIR RO, ,DON GNYIS KA LHUR LEN PA SNGON MA CAN NI MNGON BAR BRJOD PA LA LTOS PA MED PAR RANG DON RJES SU DPAG PAS NGES PA'O, ,DE LTAR NI SGRA MNGON SUM DU NYE BAR DMIGS NAS, DE RIGS MTHUN PA GZHAN LA YOD PA NYID DANG, MED PA LA MED PA NYID DRAN TE, DE TZAM KHO NAS BRJOD PAR BYA BA RTOGS PAR BYED DO, ,DE'I PHYIR RTOGS PAR BYED PA NYID TZAM NYE PAR GZUNG NAS DPER BYAS PA'O ZHES PA'O, ,GNYIS KA MI BRJOD PA ZHES PA, 'DIR 'DI NI DGONGS PA STE, DPE LA BSGRUB BYA'I CHOS NI SGRUB PAR BYED PA'I DNGOS PO STE DE TZAM DANG RJES SU 'BREL PAS DE'I RANG BZHIN NYID DU STON TE, GANG BYAS PA'I RANG BZHIN SKYED PAR BYED PA DE @222B MI RTAG PA'I RANG BZHIN DU GYUR PA SKYED PAR BYED DO ZHES PA'I TSAD MA DPES BSTAN PAR BYA'O, ,GZHAN DU NA CHOS GCIG YOD PAR GYUR PA LAS, DE LAS GZHAN PAS KYANG 'BYUNG BAR BYA'O ZHES PA'I NGES PA MED PA'I PHYIR 'KHRUL BAR DOGS PAR 'GYUR RO, ,TSAD MA DES KYANG DE TZAM DANG RJES SU 'BREL PA BRJOD PAR BYA BA'O, ,RANG GI RGYU KHO NA LAS BYAS PA DE LTAR GYUR BAR SKYES PA GANG YIN PA 'JIG PA'I NGANG CAN NI SKAD CIG TZAM GNAS PA'I CHOS CAN TE, GZHAN LAS DE'I DNGOS PO KHEGS PA'I PHYIR RO, ,YANG NA RGYU'I DNGOS POR TE, DE YOD PA KHO NA LAS 'BYUNG BA'I PHYIR RO ZHES DON GZHAN DPE YIS RAB TU BSTAN PAR BYA'O, ,DE LTAR DE'I DNGOS PO DANG RGYU'I DNGOS POR RAB TU GRUB PA NA RJES SU 'GRO BA DANG LDOG PA DAG 'GRUB BO, ,GANG RNAMS DE'I DNGOS PO DANG RGYU'I DNGOS PO DAG RAB TU GRUB PA KHO NA YIN PA DE RNAMS LA GTAN TSIGS KHO NA BRJOD PAR BYA STE, GANG GI DON DU DPE BRJOD PAR BYA BA'I DON TE GRUB ZIN TO ZHES PAS DE BRJOD PAS CI ZHIG CES PA'O, ,'DI NI RANG GI 'DOD PA LA LTOS PAS DGONGS PA BRJOD PA'O, ,PHA ROL GYI 'DOD PA LA LTOS PAS NI MTHUN PHYOGS LA BSGRUB PAR BYA BA DANG SGRUB PAR BYED PA DAG YOD PAR GYUR PA TZAM BSHAD PA'I CHED DU RIGS MTHUN PA'I DPE BRJOD CING, CHOS MI MTHUN PA NYID KYI DPE YANG BSGRUB BYA DANG SGRUB BYED KYI MI MTHUN PHYOGS DAG GI LHAN CIG 'BYUNG BA TZAM BSHAD PA'I CHED DU STE, GANG RNAMS DE GNYIS GA RTOGS ZIN PA DE RNAMS KYI NGOR GNYIS KA MI BRJOD PA STE; DPES RTOGS PAR BYA BA'I DON GRUB ZIN PA NYID KYI PHYIR RO ZHES DGONGS PA'O, ,DON GYIS GO BAS ZHES PA LA SOGS PA, 'DI NI RANG GI 'DOD PAS BSHAD PA'O, ,'DIR YANG DPES DE'I DNGOS PO GTAN TSIGS KYI DNGOS POR STON PAR SEMS BZHIN PAS DON GYI GO BAS GCIG BRJOD PAS GNYIS PA 'GRUB PAR GSUNGS SO, ,DE LTA NA GANG BYAS PA DE MI RTAG PA KHO NA'O ZHES BRJOD PA NA, DON GZHAN MA YIN PAR GYUR PA NA, GSAL BAR 'DI NI 'DI'I RANG BZHIN TE, DE TZAM DANG RJES SU 'BREL BA TSAD MAS MTHONG ZHING DE'I DNGOS POR NGES PA'I PHYIR @223A *, ,RO ZHES 'BREL PA SHES PA NI DON GYIS GO BAS MI RTAG PA NYID MED NA BYAS BA NYID DU MI 'GYUR ZHES PAR 'GYUR TE THA MI DAD PA'I PHYIR RO, GZHAN DU NA DE YOD PA NA YOD PA KHO NA'O ZHES PA 'DI KHO NA MI 'GYUR RO, ,DE MED PA NA MI 'GYUR BA KHO NA'O ZHES PA 'DI BRJOD PA NA, DE YOD PAR RIGS PA NI GSAL BAR 'DI NI 'DI'I RANG BZHIN TE, GANG GIS DE MED BA NA MI 'BYUNG BA'O, ,GZHAN DU NA MI RIGS PA'I PHYIR RO ZHES DE'I RANG BZHIN NYID DU RTOGS PAS RJES SU 'GRO BA DRAN PAR 'GYUR RO, ,DE BZHIN DU GANG NA DU BA YOD PA DER MER 'GYUR BA KHO NA ZHES BRJOD PA NA, GANG GIS DU BA YOD PA MER GDON MI ZA BAR 'GYUR BA DU BA NI ME'I 'BRAS BU STE, GZHAN DU NA DON GZHAN DE DANG RJES SU 'BREL PA'I DES BA MED PA'I PHYIR NA RANG BZHIN RANG DBANG CAN DU 'GYUR TE, DE MED PA LA YANG RANG BZHIN MA TSANG BA MED PA'I PHYIR NA MED PA MA YIN NO, ,'BRAS BU LA NI GDON MI ZA BAR RGYUR 'GYUR BA YIN TE, 'DI KHO NA NI RGYU'I RGYU NYID YIN PA'I PHYIR RO, ,GANG DON GZHAN YOD PA NA RANG BZHIN NYE BAR SGRUB CING, 'BRAS BU YANG DE YOD PA KHO NA LA YOD PA STE, DE YANG DU BA LA YOD CING DE'I PHYIR DU BA 'BRAS BU'O, , DE LTAR RJES SU 'GRO BAS DE 'BRAS BU NYID DU RIG PA'I, SREG PAR BYED PA MED PA NA DU BA 'GYUR BA MA YIN NO ZHES DON GYIS LDOG PA RTOGS PAR 'GYUR RO, ,DE BZHIN DU ME MED PA LA DU BA MED PA KHO NA'O ZHES BRJOD PA NA, DU BA LA ME GDON MI ZA BAR ZHES DON GYIS RJES SU 'GRO BA RTOGS SO ZHES PA'O SGRUB PAR BYED PA'I NGAG GCIG LA GNYIS KA DAG SBYOR BAR 'DOD PA MA YIN TE, DON MED PA NYID KYI PHYIR RO ZHES PA'O, ,RJES SU DPAG PA LA YANG ZHES RANG GI DON RJES SU DPAG PA LA'O, ,TSUL 'DI ZHES PA RTOGS PA'I TSUL LO, ,DRAN PA SKYED PAR BYED PA KHO NA RJES SU 'GRO BA DANG LDOG PA SO SOR RTOGS PA DAG PHYOGS CHOS NGES PAR GYUR PA NA RANG DON RJES SU DPAG PA LA YANG 'DI MTHONG NGO ZHES PA'I DON TO, ,DE STON PAR GSUNGS PA, GAL TE 'DI ZHES PA LA SOGS PA'O, ,DE NYID KYI PHYIR ZHES PA, GANG GI PHYIR RANG DON RJES SU DPAG PA LA YANG TSUL 'DI MTHONG NGO ZHES PA'I DON YIN PA @223B DE'I PHYIR GZHAN DON RJES SU DPAG PA LA TSUL 'DI BLTA BAR BYA STE, DE NI SNGON MA CAN NYID KYI PHYIR ZHES STON CING THAL BAR 'GYUR BA LAS KYANG, NYE BAR SBYOR BA LA SOGS PA RNAMS DGAG PA BSGRUB BA'I CHED DU GSUNGS PA, RANG GIS NGES BZHIN ZHES PA LA SOGS PA STE, JI LTAR BDAG NYID LA NGES PA SKYED PA DE LTAR PHA ROL PO RNAMS LA YANG DES PA SKYED PA'I CHED DU, GANG LAS 'DOD PAR 'GYUR BA DANG, GANG LAS PHYOGS CHOS NYID DANG 'BREL PA DAG GI BSGRUB BYA BRJOD PA BSGRUB BYA GSAL BAR BYED PA'I BDAG NYID DU 'GYUR BA'O, , DES NA PHYOGS LA SOGS PA'I TSIG LAS GZHAN PA DE LA NYE BAR MI MKHO BA SHES PA LA SOGS PA RNAMS GZHAN DON RJES SU DPAG PA LA DOR BA'O ZHES PA'I DON TO, ,GZHAN DAG SONG ZHES PA 'DIR PHYOGS CHOS LA SOGS BRJOD PA LAS ZHES BRTAG PAR BYA'O, ,YANG CI LTAR 'CHAD PAR BYED PA'I DON CAN BRJOD PA GSAL BAR BYED PA LA 'JUG PA STE, DPER NA RIGS PA DES SMRA'O ZHES PA 'DIR SMRA BA JI LTAR YIN PA LTA BU STE SKAD KYI BYINGS RNAMS NI DU MA'I DON CAN NYID KYI PHYIR RO, ,'BREL PA NI MED NA MI 'BYUNG PA'O, ,RJES SU DPAG PAR BYA BA BSTAN PA'I DON DU PHYOGS BRJOD PA ZHES PA NI PHYOGS KYI SGRA NI 'DIR DON GYI RNAM GRANGS SO, ,JI SKAD DU GSUNGS PA, YOD PA'I DON NI PHYOGS ZHES SO, ,'DI SKAD BSHAD PAR 'GYUR TE, RJES SU DPAG PA'I DUS SU DON GANG CI YANG RUNG BA BRJOD PA DE RJES SU DPAG PAR BYA BA RTOGS PA'I DON DU STE, DE LA DGOS PA GZHAN CUNG ZAD KYANG YOD PA MA YIN NO, ,PHYOGS CHOS LA SOGS PA BRJOD PA NUS PA MNGON PAR BRJOD PA KHO NA NI GZHAN DON RJES SU DPOG PA LA YAN LAG GI DNGOS PO STE, DE'I PHYIR DE KHO NA NYE BAR BLANG NGO ZHES PA DGONGS PA'O, ,DE'I PHYIR GSUNGS PA, GZHAN GYI YANG MA YIN ZHES PA LA SOGS PA'O, ,'DIS DE MA THAG PAR BRJOD PA KHO NA'I YAN LAN GI DNGOS PO'O ZHES PA 'DI GSAL BAR BYED DO, ,SHES 'DOD LA SOGS PA RNAMS KYI ZHES PAS SHES 'DOD DANG THE TSOM DANG DOGS PA DANG NUS PA THOB PA RNAMS 'PHANGS PA YIN NO, ,NYE BAR @224A *, ,SBYOR BA DANG MJUG SDUD DAG SOGS PA'I SGRAS 'PHANGS NA'ANG, SLAR YANG KHYAD PAR DU SPANGS PA NI, ,RIGS PA CAN PA RNAMS KYIS SHES PAR 'DOD PA SUN PHYUNG NAS, DE DAG YAN LAG GZHAN NYID DU RNAM PAR GZHAG PA'I PHYIR RO, ,DE DAG YAN LAG GZHAN NYID DU RIGS PA YANG MA YIN TE, BRJOD ZIN PA DANG NUS PA MED PA'I DON STON PA'I PHYIR TE, JI LTAR RIGS PAR RO, ,DPE'I TSIG KYANG ZHES PA LA SOGS PAS BRJOD ZIN PA'I DON STON PA'I PHYIR RO ZHES PA 'DI MA NGES PA NYID DU SMRAS SO, ,GTAN TSIGS KYI DON STON PA'I PHYIR RO ZHES PA; GANG GI PHYIR DPES MTHUN PHYOGS DANG MI MTHUN PHYOGS DAG LA YOD PA DANG MED PA NYID DAG GI GTAN TSIGS KYI DON KHO NA STON TO, ,GAL TE GTAN TSIGS LAS ZHES PA LA SOGS PAS, LAN 'DEBS SO, ,GTAN TSIGS LAS ZHES PA GTAN TSIGS KYI TSIG LAS SO, ,GAL TE YANG GTAN TSIGS LAS DPE THA DAD MED PAR BSGRAGS TE, DES KYANG GTAN TSIGS KYI DON GYI PHYOGS GCIG BRJOD PA'I PHYIR RO, ,DE LTA NA YANG NYE BAR SBYAR BA LA SOGS PA BZHIN DU DGOS PA MED PA MA YIN TE, GTAN TSIGS KYI TSIG GIS MA BRJOD PA'I GTAN TSIGS KYI DON STON PA'I PHYIR RO, ,GTAN TSIGS 'BREL PA SGRUB DON DU, ,ZHES PA BSGRUB PAR BYA BA DANG MED NA MI 'BYUNG BA NYID RAB TU BSTAN PA'I DON DU'O ZHES PA'I DON TO, ,LOGS SHIG CES PA MA 'BREL BA STE, LOGS PA'I DON MNGON PAR BRJOD PA'I PHYIR RO, ,LOGS PAR 'GYUR MOD DE GTAN TSIGS KYI TSIG BRJOD PAR BYA BA MA YIN PA'I DON MA 'BREL BA'I DON MNGON PAR BRJOD PAR 'GYUR MOD CES BA'I THA TSIG GO, ,GTAN TSIGS LHAG MA RAB TU 'GRUB PA'I DON DU ZHES PA, GTAN TSIGS LAS GZHAN GANG YIN PA DE NI LHAG MA'O, ,DE YANG BSGRUB PAR BYA BA DANG SGRUB PAR BYED PA DAG DANG, DE'I MI MTHUN PHYOGS DAG LHAN CIG 'BYUNG BA PHA ROL POS MNGON PAR 'DOD PA STE, DE RAB TU 'GRUB PA'I DON DU'O, ,SGRA MI RTAG STE BYAS PA NYID KYI PHYIR BUM PA BZHIN ZHES BYAS PA NA, BYAS PA NYID DANG MI RTAG PA NYID DAG LHAN CIG 'BYUNG BA BUM PA LA RTOGS PAR BYED LA, @224B DE BZHIN DU RTAG PA NI MA BYAS PA'O ZHAS BYAS PA NA, NAM MKHA' LA RTAG PA DANG MA BYAS PA NYID DAG GI'O, ,DE'I PHYIR DPE NI LOGS PA KHO NAR 'GYUR MOD PA'O, ,'JIG RTEN MTSUNGS PHYIR LOGS PA MIN, ,ZHES PA 'JIG RTEN PA'I SBYOR BA DANG MTSUNGS PA NYID DU THAL BAR 'GYUR BA'I PHYIR RO ZHES PA'I DON TO, ,DE NYID KYI PHYIR GSUNGS PA, DE LTA NA NI ZHES PA LA SOGS PA'O, ,'JIG RTEN PA'I SBYOR BA LA DPE NI GTAN TSIGS KYI DON DANG MA 'BREL BA NYID BSTAN PA'I CHED DU GSUNGS PA, DPE BRJOD DANG CHOS MTHUN ZHES PA LA SOGS PA'O, ,DPE BRJOD BUM PA LA SOGS PA DANG BYAS PA NYID LA SOGS PA CHOS MTHUN NYID NI 'JIG RTEN PA RNAMS KYIS BRJOD DO, ,MTSAN NYID KYI DBANG GIS SBYOR BAR 'GYUR ZHING, DE RNAMS KYI RTAGS KYI MTSAN NYID KYANG DPE BRJOD DANG CHOS MTHUN PA NYID LAS BSGRUB PAR BYA BA SGRUB PAR BYED PA NI GTAN TSIGS SO ZHES PA'O, ,DE LTAR YANG SBYOR BA LAS BYAS PA NYID KYI PHYIR RO ZHES PA 'DIS DPE BRJOD DANG CHOS MTHUN PA NYID 'BA' ZHIG BRJOD DE, SGRA MI RTAG STE BYAS PA NYID KYI PHYIR BUM PA BZHIN ZHES KYI, BSGRUB BYA SGRUB BYED NYID MA BRJOD DO ZHES MED NA MI 'BYUNG BA BSTAN PA'I STOBS KYIS BSGRUB PAR BYA BA SGRUB PAR BYED PA NYID 'THOB KYI, CHOS MTHUN PA NYID TZAM BRJOD PA LAS NI MA YIN NO, ,'DI LTAR 'GYUR MOD, BSGRUB PAR BYA BA SGRUB PAR BYED PA NI GTAN TSIGS SO ZHES PA'I TSIG LAS NA, CI LTAR BSGRUB PAR BYA BA SGRUB PAR BYED PA NYID MA BRJOD PA YIN ZHE NA GSUNGS PA, JI LTAR NI ZHES PA LA SOGS PA STE, GANG GI PHYIR BSGRUB PAR BYA BA SGRUB PAR BYED PA NYID NI YAN LAG THAMS CAD KYI THUN MONG PA'I NGO BO MTSON PAR BYA BA STE, DE MTSAN NYID MA YIN NO, ,DE KHO NA YONGS SU SHES PAR BYA BA'I CHED DU MTSAN NYID BYA BA YIN TE, DE'I PHYIR DPE BRJOD DANG CHOS MTHUN PA NYID TZAM KHO NA GTAN TSIGS KYI MTSAN NYID DU ZHES PAS SBYOR BA LA YANG BRJOD PAR BYA'O, ,DE TSOD TZAM GYIS GTAN TSIGS BSGRUB PAR BYA BA SGRUB PAR BYED PA NYID DU 'GYUR BA YANG MA YIN TE, GZHAN DU NA SGRA RTAG STE LUS CAN MA YIN PA NYID KYI PHYIR ZHES PA 'DI YANG 'GYUR RO ZHE NA GSUNGS PA, DE LTAR YANG NI DPE TZAM NYID CES PA'O,, @225A *, ,DE LTA NA YANG DPE NYID TZAM RAB TU STON PA NI SBYOR BA LA BSTAN TE, BUM PA BZHIN DU BYAS PA NYID KYI PHYIR MI RTAG CES PA LA GTAN TSIGS LA RJES SU MI 'DZIN PA'I PHYIR ZHES PA, LHAN CIG 'BYUNG BA TZAM BSTAN PAS NI GTAN TSIGS RJES SU 'DZIN PA CI YANG BYAS PA MA YIN NO, ,CI STE YANG 'GYUR MOD CES PA LA SOGS PAS NI CHOS MI MTHUN PA NYID KYANG GTAN TSIGS RJES SU 'DZIN PA'I NGOR NUS PA MED PA NYID SMRAS PA'O, ,BSGRUB PAR BYA BA MED NA GTAN TSIGS MED PA RAB TU BSTAN BAS RJES SU GZUNG BAR 'GYUR GYI, BSGRUB PAS BSGRUB PAR BYA BA DANG SGRUB PAR BYED PA'I MI MTHUN PA'I PHYOGS DAG LHAN CIG SPYOD PA TZAM BSTAN PAS NI MA YIN NO, ,'JIG RTEN PA'I SBYOR BAS KYANG 'DI TZAM KHO NA BYA BA STE, ZLOG PAS RTAG PA'I DPE LDOG PA'I DON DU ZHES PA, MA BYAS PA NYID ZLOG PAS TE BYAS PA NYID KYIS RTAG PA'I DPE LDOG PA'I DON DU STE, NAM MKHA' BZHIN DU RTAG PA MA YIN NO ZHES RTAG PA NAM MKHA' LA SOGS PAS SGRA BYAS PA'I DPE YIN PA MED DO ZHES PA'I DON TO, ,CI STE YANG ZHES PA BSGRUB PAR BYA BA 'GRUB BA'I CHED DU, GTAN TSIGS RJES SU 'DZIN PA TSOL BA YIN ZHING, DE GAL TE DPE TZAM GYIS 'GYUR NA GTAN TSIGS RJES SU 'DZIN PA DON MED PAR 'GYUR TE, DPE TZAM GYIS BSGRUB PAR BYA BA 'GRUB PAS SO ZHES PA BSAMS PA'O, ,'GRUB PA KHO NA BSGRUB PAR BYA BA RJES SU 'DZIN PA'O, ,'DI YOD PA MA YIN TE ZHES PA DPE TZAM GYIS BSGRUB PAR BYA BA RJES SU 'DZIN PAR 'GYUR BA MA YIN NO, ,CI'I PHYIR ZHE NA; DE LA YANG ZHES PA LA SOGS PA STE, GTAN TSIGS BCAS PA'I BSGRUB PAR BYA BA'I DANG BSGRUB BYA TZAM GYI STE, BSGRUB BYA TZAM GYI ZHES PA PHYI MAR MNGON BAR BRJOD PA'I PHYIR, SNGA MA NI GTAN TSIGS BCAS PA BSGRUB PAR BYA BA'I ZHES RTOGS PAR BYA'O, ,DE'I KHYAD PAR GYI'AM, DE'I SGRAS BSGRUB PAR BYA BA LA BSNYEGS SO, ,DPE YIN NA STE, DPE YIN PA NA'O, ,DPE NI THUG BA MED 'GYUR ZHING, ,GTAN TSIGS DANG BCAS PA'I BSGRUB PAR BYA BA DPE YIN NA'O, ,PHYI MA DAG YIN NA NI MI MTHUN PHYOGS LAS ZLOG PA YANG BRJOD PAR BYA'O, ,DPER NA BUM PA NI BYAS @225B PA'I PHYIR MI RTAG STE, DE BZHIN DU SGRA YANG YIN NO ZHES PA DPER NA BUM PA BYAS PA NYID KYIS MI RTAG PA NYID DU RJES SU DPAG PA DE LTA BU SGRA YANG YIN NO ZHES PA'I THA TSIG GO, ,SLAR YANG BUM PA MI RTAG PA NYID LA YANG ZHES PA LA SOGS PA JI LTAR SGRA LA DPES MI RTAG PA NYID 'GRUB PA DE BZHIN DU BUM PA LA STE, DE BZHIN DU DE'I DPE LA YANG NGO ZHES PA THUG PA MED PA'O, ,NAM MKHA' BZHIN DU RTAG PA NI MA YIN NO ZHES PA, RTAG PA NYID BKAG PAS MI RTAG PA NYID TZAM BSGRUB PAR BYA BA'O ZHES STON PAR BYED DO, ,DES NI NAM MKHA' LA SOGS PA RNAMS LAS ZHES PA LA SOGS PA STE, MI MTHUN PHYOGS LAS LDOG PA MED PA NI GO BAR BYED BA MA YIN TE, DE'I PHYIR NAM MKHA' BZHIN DU RTAG PA NI MA YIN NO ZHES PA 'DI BRJOD PAR 'DOD PA NA, BYAS PA NYID KYI NYE BAR SBYOR BA STON PAS NAM MKHA' LA SOGS PA MI MTHUN PHYOGS RNAMS LAS DE'I LDOG PA NYE BAR BSTAN PAR BYA STE, BYAS PA NYID LAS GYUR NA MI RUNG NGO ZHES 'DI NI DON MED PA NYID DO ZHES PA'O YOD PAS YANG MA YIN NO ZHES PA BUM PA BZHIN DU MI RTAG PA'O ZHES PA 'DI TZAM GYIS DE RNAMS LAS LDOG PA RTOGS PA MA YIN PAS SO, ,SNAM BU LA SOGS PA BZHIN DU NI MA YIN NO ZHES PA, KHYAD PAR GZHAN BKAG PAS KHYAD PAR BSGRUB PAR BYA'O ZHES STON TO, ,DE LTA NA YANG SNAM BU LA SOGS PA RNAMS LAS ZHES PA LA SOGS PA STE, KHYAD PAR BSGRUB PAR BYA BA YIN NA NI NAM MKHA' LA SOGS PA BZHIN DU SNAM BU LA SOGS PA YANG MI MTHUN PHYOGS KHO NA STE, DE'I PHYIR YANG DE LAS KYANG GTAN DTSIGS LDOG PAR BRJOD PAR BYA STE, GZHAN DU NA BYAS PA NYID KYI PHYIR SNAM BU BZHIN DU MI RTAG GO ZHES PAR YANG 'GYUR RO, ,DPE TZAM BSTAN PAS DE RTOGS PA YANG MA YIN TE, SNAM BU LA SOGS PA RNAMS KYANG BYAS PA NYID LAS YOD PA YANG MA YIN NO, ,BSGRUB PAR BYA BA NI THAMS CAD DU RNAM PA DANG LDAN PA YANG MA YIN ZHES PA KHYAD PAR DANG LDAN PA MA YIN ZHES PA'I BAR RO, ,THAMS CAD DU ZHES SMOS PA NI KHA CIG TU RNAM PA DANG LDAN PA NYID SRID PA'I PHYIR TE, DPER NA 'DIR ME'O ZHES PA DER NI BSGRUB PAR BYA BA'I CHOS NI CHOS CAN GYI NGO BO YIN GYI CHOS KYI NGO BO NI MA YIN TE, CHOS CAN YANG RNAM PA DANG LDAN @226A *, ,PA NYID SRID PAS SO, ,YANG NA BSGRUB PAR BYA BA NI THAMS CAD DU RNAM PA DANG LDAN PA'NG MA YIN NO ZHES PA, SBYI KHO NA NI MI LDAN PA RNAM PAR BCAD PAS BSGRUB PAR BYA BA STE, THAMS CAD DU ZHES BA NGES PAR 'DZIN PAR BLTA BAR BYA STE, THAMS CAD KHO NAR RNAM PA DANG LDAN PA MA YIN ZHES PA'I DON TO, ,'O NA 'GA' ZHIG TU RNAM BA DANG LDAN PA YOD PA MA YIN NAM, DE LTAR NI SREG PAR BYED PA LA SOGS PA RNAMS KHYAD BAR DANG LDAN PA STE, RTZVA LAS BYUNG BA DANG LO MA LAS BYUNG BA LA SOGS PA THA DAD PA'I PHYIR RO ZHE NA, 'DI YOD PA MA YIN TE, DE LAS YANG RTZVA LAS BYUNG BA DANG LO MA LAS BYUNG BA LA SOGS PA SREG PAR BYED PA'I KHYAD PAR SGRUB PAR BYED PA NA YANG RTZVA LAS BYUNG BA LA SOGS PA SREG PAR BYED PA'I SPYI KHO NA BSGRUB PAR BYA'O ZHES PAS CI'I PHYIR RNAM PA DANG LDAN PA NYID YIN, DE NYID KYI PHYIR GSUNGS PA, DAM BCA' BA'I DON DANG YANG MA 'BREL BA STE MI RTAG PA NYID TZAM GYIS DAM BCAS PA'I PHYIR RO ZHES PA MI RTAG PA NYID TZAM GYIS DAM BCAS PA NA, DE LA LTOS PA KHO NAS BYA BZHIN PA'I DPE'I DON 'THAD PAR 'GYUR ZHING, KHYAD PAR LA LTOS PAS NI DAM BCA' BA'I DON DANG 'BREL BA MA YIN TE, GZHAN DAM BCAS SHING GZHAN KHO NA NYE BAR DPOG PAS SO ZHES BYAS NAS SO, ,GAL TE YANG ZHES PA LA SOGS PA STE, DPE GTAN TSIGS LAS THA DAD PA NYID DU GYUR NA PHYOGS KYI CHOS TZAM KHO NA GTAN TSIGS SO ZHES PA 'DI THOB STE, DPE BRJOD DANG CHOS MTHUN PA NYID LAS BSGRUB PAR BYA BSGRUB PAR BYED PA NI GTAN TSIGS SO ZHES PA'I MTSAN NYID KYI PHYIR RO, ,YANG DE LTAR GYUR NA MI 'DOD PA CIR 'GYUR ZHE NA GSUNGS PA, DE LTA NA YANG ZHES PA LA SOGS PA'O, ,DE LA 'KHRUL BA'I SKABS YOD DO ZHES PA NI BSGRUB PAR BYA BA'I MI MTHUN PHYOGS LA GTAN TSIGS KYI MI MTHUN PHYOGS RAB TU BSTAN PA'I PHYIR RO, ,GANG GI YANG CHOS MI MTHUN PA NYID KHO NAS YIN PA DE'I YANG THUN MONG MA YIN PA GTAN TSIGS NYID DU THAL BAR 'GYUR TE, MTHUN PA'I PHYOGS LA GTAN TSIGS YOD PAR GYUR PA NYID MA BSHAD PA'I PHYIR RO, ,GANG GI YANG GNYIS KA BRJOD @226B PAR BYA BA DE LA MI SRID DE, GNYI GAR GNYI GA BRJOD PA NYID KYI PHYIR RO, ,DANG PO DANG THA MA'I GSUM PA'I DPE BRJOD PHYI MA DAG LA ZHES GA DANG PO GSUM GYI DPER BRJOD PHYI MA NI MI RTAG PA NYID KYI PHYIR RTZOL MA THAG TU BYUNG BZHES PA'O, ,'DI LA BUM PA LA SOGS PA CHOS MTHUN PA NYID KYIS DPE DANG, NAM MKHA' LA SOGS PA CHOS MI MTHUN PA NYID KYIS TE, DPE GNYIS KA LA YOD NA YANG MA NGES PA NYID DE, GLOG LA SOGS PA MI MTHUN PA'I PHYOGS LA YOD PA'I PHYIR RO, ,MTHA' MA GSUM LA DPE BRJOD PHYI MA NI REG PAR BYA BA MA YIN PA NYID KYI PHYIR RTAG GO ZHES PA STE, 'DI LA YANG NAM MKHA' LA SOGS PA CHOS MTHUN PA NYID KYIS DPE DANG, CHOS MI MTHUN PA NYID KYIS BUM PA LA SOGS PA'O, ,DE LTA NA YANG LAS LA SOGS PA MI MTHUN PHYOGS LA YOD PA'I PHYIR MA NGES PA'O, ,GTAN TSIGS BSGRUB BYA GNYIS MI LDAN, , ZHES PA GTAN TSIGS DANG BSGRUB BYA DANG GNYIS PO NI GTAN TSIGS BSGRUB BYA GNYID TE, DE DANG MI LDAN PA'O, ,YANG GNYIS NI GTAN TSIGS DANG BSGRUB BYA'O, ,'DI CI LAS SHE NA, 'DE KHO NA SKABS YIN PA NYID KYI PHYIR DANG, GZHAN YANG MA THOS PA'I PHYIR RO, ,DE YI MI MTHUN PHYOGS MED BYAS, ,ZHES PA DE'I SGRAS GTAN TSIGS NYID LA SOGS PA LA BSNYEGS SHING, MI MTHUN PHYOGS KYI SGRAS 'DIR GTAN TSIGS NYID LA SOGS PA MED PA TZAM BRJOD PAR 'DOD PA STE, GTAN TSIGS LA SOGS PA MED PA DANG BRAL BA ZHES PA'I DON TO, , RJES 'GRO ZLOG PA RNAM GNYIS DAG ,CES PA CHOS MTHUN PA NYID DANG, CHOS MI MTHUN PA NYID KYI BYE BRAG LAS SO, ,DER SNANG BA ZHES PA DPE LTAR SNANG BA'O, ,RJES 'GRO MED PA YANG ZHES PA, YANG GI SGRA NI SDUD PA LA'O, ,RNAM GNYIS DAG CES 'JUG GO, ,RJES SU 'GRO BA MED PA YANG DPE LTAR SNANG BA STE, DE YANG GANG DU BSGRUB PAR BYA BA DANG SGRUB PAR BYED PA DAG DANG DE'I MI MTHUN PHYOGS DAG LHAN CIG 'BYUNG BA TZAM STON PAR BYED KYI KHYAB PA NI MA YIN NO, ,GZHAN RNAMS NI RNAM GNYIS ZHES PA 'DI YANG GI SGRAS SDUD PAR BYED PA STE, RJES 'GRO MED PA YANG @227A *, ,CHOS MTHUN PA NYID DANG CHOS MI MTHUN PA NYID KYI BYE BRAG LAS RNAM PA GNYIS SO ZHES ZER RO, ,'O NA CHOS CAN MA GRUB PA YANG DPE LTAR SNANG BA MA YIN NAM, DE YANG 'DIR MA SDUD TE, DE'I PHYIR YANG MA KHYAB PA NYID DO ZHE NA GSUNGS PA, GNYIS KA DANG MI LDAN PA ZHES PA 'DI KHO NAS DON GYIS NA CHOS MTHUN PA NYID NYE BAR DRANGS PAS CHOS CAN MA GRUB PA YANG DPE LTAR SNANG BA NYID DU BSHAD DO, ,NAM MKHA' LA SOGS PA RTAG PAR KHAS MA BLANGS PA LA NI GNYIS KA DANG LDAN PA MI SRID PA'I PHYIR RO, ,CHOS MTHUN PA NYID NYE BAR DRANGS PA SMOS PA NI, DE MED PA'I PHYIR DE LAS MI 'JUG PA LAS ZHES PA CHOS MI MTHUN PA NYID NYE BAR BLANGS PA NI CHOS CAN MA GRUB PA LA SKYON MED PA'I PHYIR RO, ,DPER NA KHA CIG ZER BA ZHES PA BYE BRAG PA RNAMS SO, ,'DIS NI RJES SU 'GRO BA MED PA'I DPE LTAR SNANG BA NI DE RNAMS KYI DPE'I MTSAN NYID KYIS YONGS SU BSDUS PA MA YIN NO ZHES STON TO, ,GTAN TSIGS LA SOGS PA MED CES PA LA SOGS PAS, 'DI RNAMS DPE LTAR SNANG BA NYID YIN PA LA GTAN TSIGS GSUNGS SO, ,GTAN TSIGS GANG RNAMS KYI DANG PO YIN PA DE 'DI RNAMS NI GTAN TSIGS LA SOGS PA RNAMS TE SOGS PA'I SGRAS NI BSGRUB PAR BYA BA DANG, GTAN TSIGS DANG BSGRUB BYA'I MTSAN NYID GNYIS DANG, DE RNAMS KYI MI MTHUN PHYOGS GZUNG BAR BYA'O, ,'DI LA GTAN TSIGS LA SOGS PA RNAMS YOD PA MA YIN PAS NA GTAN TSIGS SOGS MED DO, ,DE 'DI NI DPE MIN PA STE, DE'I MTSAN NYID MI BRTAN PA'I PHYIR RO, ,GANG GI PHYIR 'DI NI DPE'I MTSAN NYID DE, GTAN TSIGS LA BSGRUB BYA RJES SU 'GRO BA DANG GANG DU MED PA LA MED BA YANG STON PAR BYED PA'O ZHES PA 'DI'I RNAMS LA YOD PA MA YIN NO, ,RJES 'GRO PHYIN CI LOG SOGS PA'I, ,ZHES PA'I SOGS PA'I SGRAS RJES SU 'GRO BA MED PA YONGS SU BSDU'O, ,YANG CI'I PHYIR RJES 'GRO PHYIN CI LOG LA SOGS PA DPE SNANG BA YIN TE, JI SRID DU 'DI LA SKYON 'GA' YANG YOD PA MA YIN NO ZHE NA DE'I PHYIR GSUNGS PA, NYE BAR BSDU BA MA 'BREL PA ZHES PA STE, GAL TE YANG DON GYI SKYON MED PA @227B DE LTA NA 'ANG NYE BAR BSDU BA DANG MA 'BREL PA'I PHYIR DPE LTAR SNANG BA'O ZHES PA'I DON TO, ,NYE BAR BSDU BA NI MED NA MI 'BYUNG BA NYID DE, THAMS CAD DU SGRUB PAR BYED PA LA BSGRUB PAR BYA BA NYE BAR BSDU BA STE NYE BAR 'DREN PA'O, ,BSGRUB PAR BYA BA MED PA NA YANG GTAN TSIGS MED PA'I 'O, ,DE DANG MA 'BREL BA NI RNAM PAR BRAL BA'O, ,YANG CI'I PHYIR NYE BAR BSDU BA DANG MA 'BREL BA YIN ZHE NA GSUNGS PA, 'BREL PA RAB TU MA BSTAN PHYIR, ,ZHES PA STE, 'BREL PA NI MED NA MI 'BYUNG BA'O, ,DE YOD DU ZIN KYANG RAB TU STON PA NI RJES 'GRO PHYIN CI LOG LA SOGS PA LA SRID PA MA YIN NO, ,DE'I PHYIR 'DI NYE BAR BSDU BA DANG MA 'BREL BA'O ZHES PA'O, ,DE DAG GI 'BREL PA STON PA DPE'O ZHES PA, DE DAG GI STE DE 'DRA BA DANG DE MED NA NI MI 'BYUNG BA'I BSGRUB PAR BYA BA DANG SGRUB PAR BYED PA DAG GI 'BREL PA STE MED NA MI 'BYUNG BA NYID GANG GIS NGES PAR STON PA DE DPE'O, ,DE'I RANG GI NGO BO STON PA GSUNGS PA, GANG 'DI RJOD PAR BYED PA DPER NA BUM PA BZHIN ZHES PA STE, NGAG GANG GIS 'BREL PA NGES PAR STON PA DE DPE'O, ,YANG DE CI 'DRI BA ZHIG CE NA GSUNGS PA, GANG RTZOL BA LAS BYUNG BA DE MI RTAG PA'O ZHE'O, ,DE LTA NA YANG ZHES PA LA SOGS PA STE, DE LTAR YANG MTSAN NYID KYI RNAM PAR RTOG PA YIN NA DPER NA BUM PA BZHIN PA 'DI MI RIGS TE, DPE NYID DU DPER BRJOD PAR TE, DPE NGAG TU BRJOD PAR SMRA BA'I'O, ,CI'I PHYIR ZHE NA GSUNGS PA, NGES PAR BSTAN PAR BYA BA NI DPE MA YIN PA'I PHYIR ZHES PA, BSTAN PAR 'OS PA NA NGES PAR BSTAN PAR BYA BA STE, BUM PA LA SOGS PA'I DON TO, ,GANG 'DI RJOD PAR BYED PA ZHES PA'I TSIG LAS, DE'I DPE NYID MED DO, ,DPER NA BUM PA BZHIN ZHES PA 'DIS KYANG BRJOD PAR BYA BA KHO NA BRJOD DE, DE LAS KYANG MI RIGS TE, RJOD PAR BYED BA LA DPE NYID DU BRJOD PA NYID KYI PHYIR DANG, DON GYI BDAG NYID KYANG DPER BRJOD PA NYID KYI PHYIR RO, ,DE LTAR 'GYUR MOD DPER NA BUM PA BZHIN ZHES PA 'DIS RJOD PAR BYED PA KHO NA 'DIR DPE NYID DU DPER BRJOD DE, BUM PA ZHES PA'I TSIG 'DI'I TSIG GI DON NI RANG GI NGO BO YIN PA NYID KYI PHYIR RO ZHE NA DE'I PHYIR GSUNGS PA, @228A *, ,'DI TZAM GYIS KYANG ZHES PA LA SOGS PA STE, DPER NA BUM BA BZHIN ZHES PA'I TSIG 'DI TZAM GYIS MED NA MI 'BYUNG BA NYID NGES PAR BSTAN PAR MI NUS TE, DE'I PHYIR 'DI YANG DPE NYID DU MI RIGS SO, ,DE DAG GI ZHES BRJOD MI BYA, ,ZHES PA 'DI LA BRJOD PAR MI BYED PA LA RGYU NGES PAR BSTAN PA MA YIN NO ZHES DRIS PA, CI'I PHYIR ZHE NA ZHES PA'O, ,RGYU GSUNGS PA, PHAN TSUN BSGRUB BYA NYID MA GYUR, ,ZHES PA'O, ,MED NA MI 'BYUNG BA NYID NI 'BREL PA YIN LA ZHES PA, GZHAN NI RJES SU DPOG PA LA NYE BAR MI SBYOR BA'I PHYIR RO, ,DE YANG DE DAG GI ZHES BRJOD PA'I PHYIR, GNYIS KA DAG LA YANG YOD DO ZHES DAM BCAS PAR 'GYUR RO, ,GZHAN DU NA BSGRUB PAR BYA BAS GTAN TSIGS LA 'BREL PA NGES PAR STON PA ZHES BRJOD PAR BYA BAR 'GYUR RO, ,DE LAS KYANG PHAN TSUN BSGRUB PAR BYA BA NYID DU 'GYUR RO, ,DE STON PA JI LTAR RTZOL MA THAG TU BYUNG BA NYID KYI PHYIR ZHES PA LA SOGS PA'O, ,CHOS MTHUN TZAM GYIS ZHES PA LA SOGS PA'O, ,DPER NA BUM PA BZHIN ZHES PA CHOS MTHUN PA NYID TZAM 'DIS LDOG PA'I TSIG MED PAR MED NA MI 'BYUNG BA NYID NGES PAR BSTAN PA NUS PA MA YIN NO, ,DON GYIS GO BAS ZHES PA LA SOGS PA NI CHOS MTHUN PA NYID KYI SBYOR BA KHO NAS KHYAB PA NYE BAR BSTAN PA NA SHUGS KYIS LDOG PA RTOGS PA KHO NA STE, 'DI KHO NA STON PAR BYED PA GSUNGS PA, GANG RTZOL MA THAG TU BYUNG BA ZHES PA LA SOGS PA STE, DE LTAR 'O NA YANG DE BRJOD BYA MIN ZHES PA BSGRUB PAR BYA BA DANG SGRUB PAR BYED PA'I MI MTHUN PHYOGS DAG GI MED NA MI 'BYUNG BA RAB TU BSTAN PA'I DON DU 'DI BRJOD PAR BYA BA YIN NA, DE YANG GZHAN KHO NA LAS GRUB PO ZHES PAS BRJOD PAR BYA BA MA YIN, ,'DI 'GYUR MOD, ,CHOS MI MTHUN PA NYID KYI SBYOR BA BSTAN PA'I DON DU 'DI BRJOD PA'O ZHE NA GSUNGS PA, DE MI MTHUN PHYOGS MED MI 'BYUNG, ,'BREL BA LA YANG ZHES PA LA SOGS PA STE, GAL TE KHYOD KYIS YONGS SU BRTAGS PA'I CHOS MI MTHUN PA NYID KYI SBYOR BAS BSGRUB BYA RJES SU 'DZIN PAR 'GYUR NA MDZES TE, DE RAB TU BSTAN @228B PA'I DON DU 'BAD PA YIN NA, DE YANG MED DO ZHES BAS 'DI MI RIGS SO, ,GAL TE RTAG BA RTZOL BA LAS MA BYUNG BA'O ZHES BA BSGRUB PAR STON PAR BYED NA RJES SU 'DZIN PAR 'GYUR BA MA YIN PA CIS SHE NA, DE YIS GZHAN NI ZHES PA LA SOGS PA'O, ,DE LAS GZHAN RAB TU BSGRUB PA YANG STON PA GSUNGS PA, DAM MA BCAS PA KHO NA ZHES PA LA SOGS PA STE, RTAG PA NYID DANG RTZOL PA LAS MA BYUNG BA DAG GI 'BREL PA RAB TU STON PA NA DE DAG KHO NA'I BSGRUB PAR BYA BA DANG SGRUB PAR BYED PA'I DNGOS PO BSTAN PAR 'GYUR GYI GTAN TSIGS SNGA MA LA PHAN 'DOGS PA 'GA' ZHIG NI MA YIN NO, ,'DIR 'GYUR MOD SGRUB PAS KYANG MI MTHUN PA'I PHYOGS KYI 'BREL PA RAB TU STON PA NA PHAN 'DOGS PAR 'GYUR BA KHO NA STE, GANG GI PHYIR BSGRUB PAR BYA BAS KHYAB BA RAB TU STON PA NI GTAN TSIGS LA RJES SU 'DZIN PAR YIN PAS SO, , GANG GI TSE YANG RTAG PA LA RTZOL PA LAS MA BYUNG BA LAS KHYAB PA NYE BAR BSTAN PAR 'GYUR BA DE'I TSE 'JIG PA'I NGANG CAN KHO NA LA RTZOL BA LAS BYUNG BA YOD PA NYID DU RTOGS KYI, CIG SHOS LA MA YIN TE, 'GAL BDAG GCIG LA MI SRID PA'I PHYIR RO ZHEN GSUNGS PA, BSGRUB PAS KYANG ZHES PA LA SOGS PA STE, 'DIS MDO SDE PA'I PHYOGS LA BRTEN PA'I KHAS BLANGS PA NYAMS BA GSUNGS SO, ,PHAN TSUN MED NA MI 'BYUNG BA'ANG, ,ZHES PA DE'I MI MTHUN PA'I PHYOGS DAG GI 'BREL PA NGES PAR STON PA ZHES PA'I TSIG LAS GNYIS KA DAG GI PHAN TSUN DU MED NA MI 'BYUNG BA STE MI 'BYUNG BA NYID BSHAD PAR BYA'O ZHES BRJOD PAR 'GYUR RO, ,DE LAS KYANG GLOG LA SOGS PA RNAMS KYANG RTAG PAR 'GYUR RO ZHES PAS KHAS BLANGS PAS GNOD PA'O, ,RTZOL BA LAS SKYAS SO ZHES PA RTZOL SKYES TE, RTZOL MA THAG TU BYUNG BA ZHES PA'I DON TO, ,MA GRUB PA'I DON CAN NYID NI DPE'I SKYON YIN ZHES PA 'DI'I DON MA GRUB PA ZHES PA 'BRU MANG PO BA STE, DE NAS DNGOS PO'I RKYEN NO, ,REG PAR BYA BA MA YIN PA NYID KYI PHYIR SGRA RTAG PA STE BLO BZHIN ZHES PA BSGRUB PAR BYA BA'I CHOS MA GRUB PA NYID DO, ,BUM PA BZHIN ZHES PA BSGRUB BYA DANG SGRUB BYED KYI @229A *, ,CHOS MA GRUB PA'O, ,'DI 'BREL PA TZAM BRJOD PA NI ZHES PA LA, GANG 'DI BRJOD PA ZHES PA'I TSIG LAS BSGRUB PAR BYA BA DANG SGRUB PAR BYED PA DAG GI 'BREL PA GANG GIS BSTAN PAR BYA BA'I DAG DE NI DPER MNGON BAR 'DOD KYI, BSTAN PAR BYA BA BUM PA LA SOGS PA NI MA YIN NO, ,DE'I PHYIR DE MA GRUB PA'I DON CAN NYID KYIS DPE LTAR SNANG BA NYID DU SMRA BAR RIGS PA MA YIN NO ZHES PA'O, ,'DI SKAD DU BRJOD PAR BYA ZHES PA, 'BREL PA RJOD PAR BYED PA'I DAG DPE NYID NA, RJOD PAR BYED PA KHO NA 'BREL PA STON PAR MI NUS PA GANG YIN PA DE KHO NA DPE LTAR SNANG BA NYID DU RIGS SO, ,DE'I PHYIR RJES SU 'GRO BA PHYIN CI LOG STON PA'I RJOD PAR BYED PA KHO NA DPE LTAR SNANG BA NYID DU BRJOD PAR BYA'O, ,GANG RTAG PA DE REG PA DANG LDAN PA MA YIN NO ZHES SLOB PAR BYED DO, ,YANG 'DI DPE LTAR SNANG BA YIN PA'I RGYU CI ZHE NA GSUNGS PA 'DIS NI ZHES PA LA SOGS PA'O, ,GCIG NYID MA YIN ZHES PA LA SOGS PAS BLO DANG BUM PA DAG DPE LTAR SNANG BA NYID DU KHAS BLANGS NAS MTSAN NYID MA KHYAB PA NYID DU STON TO, ,GANG GI PHYIR MA GRUB PA'I DON CAN NYID KHO NA DPE'I SKYON MA YIN NO ZHES, GTAN TSIGS BSGRUB BYA GNYIS MI LDAN; ,ZHES PA LA SOGS PAS NYE BAR BSTAN ZIN TO,, ,,BSGRUB PAR BYA BA DANG CHOS MTHUN PA NYID LAS ZHES PA LA SOGS PA LA BSGRUB PAR BYA BA NI SGRA LA SOGS PA CHOS CAN NO, ,DE DANG CHOS MTHUN PA NYID NI GANG BYAS PA NYID LA SOGS PA'O, ,BSGRUB PAR BYA BA DANG CHOS MTHUN PA NYID DE LAS DE'I CHOS RTOGS PA STE, BSGRUB PAR BYA BA DE'I CHOS MI RTAG PA NYID LA SOGS PA'O, ,DE'I CHOS RTOGS SHING GO BAR BYED PA'I NGANG TSUL 'DI'I YIN PA ZHES PA NI DE'I CHOS RTOGS PA STE, 'JIG RTEN PA'I YONGS SU RTOGS PAR BYED PA PO RNAMS KYI'O, , DON GANG LA BLO MA MTSUNGS PA DE DAG STE BUM PA LA SOGS PA'O, ,DE DPE BRJOD DE, DPER BRJOD PAR BYA BA'O ZHES PAS NA DPE BRJOD DO, ,YANG NA 'DIS BSGRUB PAR BYA BA DANG SGRUB PAR BYED PA'I CHOS DAG GI 'BREL PA DPER BRJOD PAR BYA'O ZHES PA DPE BRJOD DO, ,DE LAS BZLOG @229B PA LAS KYANG PHYIN CI LOG GO ZHES PA DPE STE DPER BRJOD PA'O ZHES RJES SU 'JUG GO, ,DE LAS ZHES PA BSGRUB PAR BYA BA DANG CHOS MTHUN PA NYID LA SNYEG GO, ,DE LAS ZLOG PA NI BSGRUB PAR BYA BA DANG CHOS MI MTHUN PA NYID DO, ,BSGRUB PAR BYA BA DANG CHOS MI MTHUN PA NYID DE LAS DPE PHYIN CI LOG GI DPE BRJOD DE, CHOS MI MTHUN PA NYID KYI DPE BRJOD DO ZHES PA'I DON TO, ,SGRA MI RTAG PA BSGRUB PA LA BYAS PA NYID KYI PHYIR, BUM PA BZHIN DANG NAM MKHA' BZHIN, ,ZHES PA RIM PA JI LTA BA BZHIN NO, ,'DI LA YANG ZHES PA RTZOD PA BSGRUB PA LA SKYON YOD PA 'BA' ZHIG TU MA ZAD KYI; 'O NA CI ZHE NA 'DI LA YANG NGO ZHES PA YANG GI SGRA'I DON TO, ,GAL TE GTAN TSIGS KYI DON LAS DPE LA SOGS PA KHO NA YIN NA GTAN TSIGS KYI PHYOGS GCIG MA YIN TE, DE LTAR GYUR NA KHO BO'I SBYOR BA BZHIN DU DE GTAN TSIGS KYI DON DANG RJES SU 'BREL PA NYID DU GDON MI ZA BAR BRJOD PAR BYA BAR MI 'GYUR RO, ,DE LA SKYON CI ZHE NA GSUNGS PA, DE LTA NA YANG ZHES PA LA SOGS PA'O, ,YANG CI LTAR CHOS MTHUN PA NYID DANG CHOS MI MTHUN PA NYID DAG MED PAR NAM MKHA' DPE NYID DU THAL BAR 'GYUR ZHE NA GSUNGS PA, YOD PA NYID DO ZHES PA LA SOGS PA STE; NAM MKHA' LA YANG BSGRUB PAR BYA BA SGRA DANG CHOS MTHUN PA NYID KYANG YOD PA NYID DANG REG PAR BYA BA NYID LA SOGS PA YOD CING, CHOS MI MTHUN PA NYID KYANG MNYAN PAR BYA BA MA YIN PA NYID DANG SKYE LDAN MA YIN PA NYID LA SOGS PA YANG NGO, ,DE LAS KYANG GCIG KHO NA DPE GNYIS KA NYID DU THAL BAR 'GYUR TE, GANG LAS CHOS MTHUN BA NYID DANG MI MTHUN PA NYID 'DI LAS DPER MA YIN PAR 'GYUR BA, 'DI LA KHYAD PAR CUNG ZAD NYE BAR BLANGS PA NI MED PAS SO, ,'O NA NAM MKHA' LA CHOS MI MTHUN BA NYID KYI DPE NYID YOD PA MA YIN NAM, DE'I PHYIR THAL BAR 'GYUR PAS CI YIN ZHE NA, GANG CI LAS KYANG CHOS MI MTHUN PA NYID KYI DPE NYID DU THAL BAR 'GYUR RO ZHES PA DGONGS PA STE, DE NYID KYI PHYIR MNYAN PAR BYA BA MA YIN PA NYID NYE BAR BKOD PA'O, ,SNGA MAS ZHES PA BSGRUB PAR BYA BA DANG CHOS MTHUN PA NYID LAS DE'I CHOS @230A *, ,RTOGS PAS ZHES PA 'DIS DANG, BSGRUB PAR BYA BA DANG CHOS MI MTHUN PA NYID LAS DE'I CHOS RTOGS PA ZHES PA 'DIS KYANG NGO, ,'DI YANG SNGA MA NYID DE, MDO'I LHAG MA LA LTOS PAS SO, ,GANG GI PHYIR 'DI LTAR ZHES PA LA SOGS PAS, CHOS MTHUN PA NYID DANG CHOS MI MTHUN PA NYID MI SMOS PA'I RGYU GSUNGS SO, ,PHYI ROL GYI DON NYE BAR MA BSDUS PA ZHES PA CHOS MTHUN PA NYID DANG CHOS MI MTHUN PA NYID TZAM LAS GZHAN PA'I DON NI PHYIR ROL GYI DON TE, DE YANG KHYAB PA STE MED NA MI 'BYUNG BA NYID DO ZHES PA'I THA TSIG GO, ,DE'I NYE BAR BSDUS PA NI RTOGS PAR BYA BA'I YUL NYID DU NYE BAR SBYAR BA STE, GSAL BAR BYAS BA ZHES PA'I DON TO, ,DE MED NA DPE LA GO BAR BYED PA NYING MED DO ZHES PA DAG GI DON TO, ,DE LTAR 'GYUR MOD KYANG DE'I CHOS RTOGS PA ZHES PA 'DI KHO NAS KHYAB PA YANG THOB PA KHO NA STE, RNAM PA GZHAN DU NA DE'I CHOS RTOGS PA NYID MI SRID PAS SO ZHE NA, DE'I PHYIR GSUNGS PA, DE'I CHOS RTOGS BA NYID DU YANG MA GRUB PA ZHES PA'O, ,'AM ZHES PA NI RNAM PAR BRTAGS PA'I DON TO, ,CHOS MTHUN PA NYID CAN DANG CHOS MA MTHUN PA NYID CAN GYI DPE MA SMOS PA'AM ZHES PA'I DON TO, ,JI LTAR DE MED PAR DE MI SRID PA'I PHYIR DE'I CHOS RTOGS PA NYID KYIS KHYAB PA 'PHANGS PA DE LTAR CHOS MTHUN PA NYID LA SOGS PA YANG, DE MED PAR DE SRID PA MA YIN TE, DE'I PHYIR YANG DE SMOS PAR BYA BA KYI'ANG DPE NYID DU 'GYUR RO, ,DE'I PHYIR GTAN TSIGS LA SOGS NYID CES BYA BA NI, BSGRUB PAR BYA BA MDON BAR GSAL BAR NUS PA NYID DE, DE YANG YAN LAG THAMS CAD KYI THUN MONG BA'O ZHES PAS, DE'I CHOS RTOGS PA'I DPE BRJOD DO ZHES PA 'DI TZAM BRJOD PA NA, GTAN TSIGS LA SOGS PA RNAMS KYI'ANG DPE NYID DU 'GYUR RO, ,DE'I PHYIR GTAN TSIGS LA SOGS PA RNAMS LAS LHAG MAS KHYAD PAR DU BYA BA STE, SNGA MAS ZHES PA YANG SKABS YIN PA NYID KYI PHYIR NA LHAG MA SNGA MAS ZHES RNAM PAR SHES PAR BYA ZHING, DE YANG CHOS MTHUN PA NYID DANG MI MTHUN PA NYID DO, ,'DI SKAD BSHAD PAR 'GYUR TE, CHOS MTHUN PA NYID DANG MI MTHUN PA NYID LAS DE'I @230B CHOS RTOGS PA GANG YIN PA DE'I DPE DE DPE BRJOD PA STE, GTAN TSIGS LA SOGS PA NI MA YIN NO ZHES PA'O, ,DON MED PA NYID LA RIGS PA MA BRJOD PA'I PHYIR RO, ,DON DANG BCAS PA NYID LA YANG 'THAD PA YOD DO ZHES SEMS BZHIN PAS SMRAS BA, JI LTAR ZHES PA LA SOGS PA'O; ,DE'I CHOS RTOGS PA NYID KYIS NI ZHES PA LA SOGS PAS 'THAD PA DE STON TO, ,BSGRUB BYA DANG CHOS MTHUN PA NYID DANG MI MTHUN PA NYID DANG LDAN PA'I DON LA ZHES PA, BSGRUB PAR BYA BA DANG CHOS MTHUN PA NYID NI BYAS PA NYID LA SOGS PA'O, ,CHOS MI MTHUN PA NYID NI DE LAS BZLOG PA'O, ,DE DANG LDAN PA BUM PA LA SOGS PA DANG NAM MKHA' LA SOGS PA YANG NGO, ,RIM PA JI LTA BAR BSGRUB PAR BYA BA DANG BZLOG PA'I CHOS DANG LDAN PA NYID THOB BO, ,BSGRUB PAR BYA BA'I CHOS DANG LDAN PA NYID NI MI RTAG PA NYID LA SOGS PA'I CHOS DANG LDAN PA STE BUM PA LA SOGS PA LA DANG; BZLOG PA'I CHOS DANG LDAN PA NYID NAM MKHA' LA SOGS PA LA THOB BO, ,YANG CI'I PHYIR RNYED CE NA GSUNGS PA, GZHAN DU NA DES ZHES PA LA SOGS PA STE, BSGRUB PAR BYA BA DE DANG DE LAS BZLOG PA'I CHOS DANG BRAL BA'I DPE NI DE'I CHOS RTOGS PAR BYED PA MA YIN PAS SO, ,RAB TU GRUB PA'I DE'I CHOS RTOGS PA NYID CES PA RGOL BA DANG PHYIR RGOL BA LA NGES PA'I CHOS MTHUN PA NYID DANG CHOS MI MTHUN PA NYID KYI CHOS DANG LDAN PA NYID DO, ,RGOL BA DANG PHYIR RGOL BA LA NGES BA BSGRUB PAR BYA BA DANG DE LAS BZLOG PA'I CHOS DANG LDAN PA NYID KYANG RNYED DO ZHES PA'I DON TO, ,CI LTAR RNYED CI NA GSUNGS PA, BSHAD PA NI ZHES PA LA SOGS PA STE, BLO MTHUN PA NI LOG PAR RTOGS PA MED PA'O, ,RNAM GRANGS PHYIR ZHES PA YANG LAG THAMS CAD NI 'GRUB PAR BYA BA KHONG DU CHUD PA RGYU NYID KYI PHYIR DE'I CHOS RTOGS PAR BYED PA'I SGRA'I BRJOD PAR BYA BA RNAMS TE GANG LA BSGRUB PAR BYA BA MNGON BAR GSAL BAR NUS PA MED PA DE NI YAN LAG NYID DU MI 'DOD PA KHO NA'O, ,GANG GI PHYIR YAN LAG THAMS CAD CES PA LA SOGS PAS DE'I RNAM GRANGS NYID STON PAR BYED DO, ,GANG GI PHYIR YANG LAG THAMS CAD BSGRUB PAR BYA BA'I CHOS RTOGS PAR BYED PA @231A *, ,NYID YIN PA DE'I PHYIR RNAM GRANGS SO, ,YANG 'DI NI CI YIN ZHE NA, SKABS YIN BA NYID KYI PHYIR NA, BSGRUB BAR BYA BA'I CHOS RTOGS PAR BYED PA ZHES PA'I SGRA 'DI RTOGS PAR BYA STE, DE'I CHOS RTOGS PA NYID KHO NA NI RNAM GRANGS MA YIN TE, DON GYI BDAG NYID YIN PA NYID KYI PHYIR RO, ,DE NI SGRA 'JUG PA'I RGYU MTSAN NO, ,YANG NA DE LA 'JUG PA'I RGYU MTSAN NYE BAR BTAGS PA LAS RJOD PAR BYED PA NI, DE'I CHOS RTOGS PA NYID KYI SGRAS BRJOD DO, ,DE NYID KYIS ZHES PA, DE'I CHOS RTOGS PA SMOS PAS SO, ,'DI ZHES PA BSGRUB PAR BYA BA DANG DE LAS BZLOG PA'I CHOS DANG LDAN PA NYID DO, ,JI LTAR BSGRUB PAR BYA BA SGRUB PAR BYED BA'I SGRA'AM, YAN LAG GI SGRA NI YAN LAG THAMS CAD KYI RNAM GRANGS YIN PA NYID KYI PHYIR 'DI 'THOB PAR NUS PA MA YIN PA DE BZHIN DU, DE'I CHOS RTOGS PAR BYED PA'I SGRA YANG NGO, ,'O NA 'DI MED PAR 'DI MI SRID PA'I PHYIR, MED NA MI 'BYUNG BA NYID LAS 'PHEN PA YIN TE, 'TSOD BA LA PHRU BA LA SOGS PA BZHIN NO, ,DE'I CHOS RTOGS PA ZHES PA'I SGRA 'DI YAN LAG THAMS CAD KYI RNAM GRANGS KYANG MA YIN TE, DES NA 'DIS 'DI NUS PA MA YIN NO ZHES PA 'DI CIS BRJOD CE NA GSUNGS PA, 'DI NYID GCIG CES BA LA SOGS BA STE, RIGS PA GANG KHO NA LAS 'DI 'THOB PA KHO NA LAS CHOS MTHUN PA NYID DANG CHOS MI MTHUN PA NYID KYANG STE, RIGS PA DE KHO NA STON PA GSUNGS PA, GZHAN DU NA DE ZHES PA LA SOGS PA'O; ,BSGRUB PAR BYA BA'I CHOS CAN ZHES PA'I DON ZHES PA 'DIS KYANG DE'I CHOS RTOGS PA ZHES PA 'DI LA, DE'I SGRAS YON TAN DU GYUR PA'I BSGRUB PAR BYA BA'ANG BSNYEGS SO ZHES STON TO, ,CHOS MTHUN PA NYID LA BSNYEGS SO ZHE NA DE'I SGRA DON MED PA NYID KHO NAR 'GYUR TE, DE LA MI RTAG PA NYID LA SOGS PA'I CHOS MED PA'I PHYIR RO, ,GNYIS KA'I CHOS DANG LDAN PAS KYANG MA YIN ZHES BA, GAL TE DE LA GNYIS KA'I CHOS DANG LDAN PA'I DPES DON GZHAN BAR MDO 'DI 'GYUR MOD, BRJOD PAR 'DOD PA'I DON RTOGS BAR BYED PA'I PHYIR RO ZHES PA NA, @231B MDO'I RNAM PAR BRTAGS PA NYE BAR BKOD PA 'DI NI, KHYAB PA GSAL BAR BYED BA 'DI TZAM MED PAR BSGRUB PAR BYA BA'I DON RTOGS PAR NUS PA MA YIN NO ZHES SNGAR BSHAD ZIN TO, ,'DIS NI CHOS KYANG 'DI YIN LA RTOGS PA YANG YIN BA NI, DE'I CHOS RTOGS PA'O, ,DE 'DI LA YOD DO ZHES PA DE'I CHOS RTOGS PA CAN TE, RTOGS PA SMOS BAS BYAS PA LA SOGS PA RNAMS RDZAS DANG LDAN PA NYID DU RTOGS PAR BYED DE, KHA CIG BYAS PA NYID DANG MI RTAG PA NYID DAG NI DNGOS PO'I NGO BO MA YIN PA DAG GO ZHES 'DOD PA DE'I PHYIR DE DGAG BA'I CHED DU YOD PA SMOS SO ZHES GANG BRJOD PA 'DI YANG SO SOR SPANGS SO, ,DNGOS PO'I CHOS DANG LDAN PA'I DPES KYANG PHYI ROL GYI DON NYE BAR BSDUS PA MED BAR BSGRUB PAR BYA BA'I DON RTOGS PAR NUS PA MA YIN PA'I PHYIR RO, ,GZHAN YANG GAL TE BYAS PA NYID LA SOGS PA RNAMS DNGOS POR GYUR BAR MNGON PAR 'DOD NA, DE RNAMS CI'I NANG DU 'DUS PA YIN ZHES KYANG BRJOD PAR BYA'O, ,BYAS PA NYID LA SOGS PA RNAMS RDZAS DANG YON TAN DANG LAS RNAMS SU NANG DU 'DUS PA MA YIN TE, YON TAN DANG LAS RNAMS LA YOD PA'I PHYIR RO, ,SPYI DANG 'DU BA DAG GI YANG MA YIN TE, RGYU'I DBANG DU GYUR PA'I BDAG NYID THOB PA NI 'BRAS BU NYID DANG 'JIG PA'I NGANG CAN NYID NI MI RTAG PA NYID YIN LA, DE SPYI DANG 'DU BA DAG LA YOD PA YANG MA YIN TE, RTAG PA NYID DU DAM BCAS PA'I PHYIR RO, ,'DIR BLO'I RGYU MED PA'I PHYIR YANG 'DU BAS BSDUS PA MA YIN NO, ,KHYAD PAR GYIS KYANG MA YIN TE, DE NI RDUL PHRA RAB LA 'DU BCAN KHO NAR 'DOD CING, BYAS PA NYID DANG MI RTAG BA NYID DAG 'BRAS BU'I RDZAS KHO NA LA 'DU BA'O, ,'DI DAG NI BLO DANG SGRA RJES SU 'GRO BA'I RGYU NYID YANG YIN LA KHYAD PAR NI DE LAS BZLOG BA'O, ,GANG DU BYAS PA NYID LA SOGS PA NANG DU 'DUS PAR 'GYUR BA TSIG GI DON DRUG LAS GZHAN PA'I DNGOS PO YOD PA YANG MA YIN NO, ,BSGRUB PAR BYA BA DANG CHOS MTHUN PA NYID SMOS PA YANG MI RIGS TE, BSGRUB PAR BYA BA'I CHOS DANG LDAN PA NYID NI BSGRUB PAR BYA BA DANG CHOS MTHUN PA NYID KYIS BYAS PA MA YIN PA'I PHYIR RO @232A *, ,ZHES PAS 'DI NI SNYING PO MED PA'O, ,'DI LA YANG ZHES PA, SNGA MA'I BRJOD PA KHO NA LA SKYON YOD PA 'BA' ZHIG TU MA ZAD KYI, 'O NA CI ZHE NA, MDO'I RNAM PAR BRTAG PA 'DI LA YANG NGO ZHES STON TO, ,BSGRUB PAR BYA BA'I CHOS CAN RJES SU 'JAL BA NYID LA ZHES PA BSGRUB PAR BYA BA DANG CHOS MTHUN PA NYID LAS ZHES PA GTAN TSIGS LA LNGA PA STE, DE LAS KYANG GAL TE BSGRUB PAR BYA BA DANG CHOS MTHUN PA NYID LAS TE BYAS PA NYID LA SOGS PA LAS BSGRUB PAR BYA BA'I CHOS CAN NO ZHES DPE BUM PA LA SOGS PA NGES PAR BYAS NA, DE LA YANG DPE GZHAN BRJOD PAR BYA ZHING, DE LA YANG GZHAN PA'O ZHES PAS DPE THUG PA MED PAR 'GYUR BAR, GTAN TSIGS BCAS PA'I BSGRUB BYA TZAM, ,ZHES PA LA SOGS PAS BSHAD ZIN TO, ,GSAL BAR BYED PA'I RGYU'I DBANG DU BYAS PA'I PHYIR ZHES PA, DPE LA SOGS PA RNAMS NI GSAL BAR BYED BA STE, RJES SU DPAG PAR BYA BA'I MTSAN MAR GYUR PA RNAMS TE, SHES PAR BYED PA YANG SHES ZIN PA KHO NA NI SGRON MA LA SOGS PA BZHIN DU SHES PAR BYA BA'I DON GSAL BAR BYED DO ZHES PA 'DI NI BRJOD ZIN TO, ,DE'I PHYIR DE RAB TU 'GRUB PA'I CHED DU 'BAD BA GZHAN BSGRUB PAR BYA BA MA YIN NO, ,GZHAN DU NA ZHES PA LA SOGS PA GAL TE SHES PAR BYED PA'I RGYU YANG, RAB TU 'GRUB PA'I CHED DU 'BAD PA GNAS BAR BYA BA YIN NA DPE BRJOD DANG CHOS MTHUN PA NYID LAS BSGRUB PAR BYA BA SGRUB BAR BYED PA NI GTAN TSIGS SO ZHES BSHAD PA, 'DI LA YANG CHOS MTHUN PA NYID NGES PA'I DON DU 'BAD PAR BYA BAR RIGS PAR 'GYUR RO, ,GZHAN RNAMS NI ZHES PA ZLA BA'I RI MO PA RNAMS SO, ,DE RNAMS NI DE'I CHOS RTOGS PA DPE'O ZHES PA 'DI LA, DON DE BRJOD PAR BYA BA DPE NYID NA, NGAG GI YAN LAG NYID NYAMS PAR 'GYUR RO ZHES BSAMS NAS, DE'I CHOS RTOGS PA NYID NI DPE'I DPE BRJOD DO ZHES 'DON TO, ,'DI LA YANG ZHES PA'I YANG GI SGRA DE NI, 'DON PA SNGA MA KHO NA LA SKYON YOD PA 'BA' ZHIG TU MA ZAD KYI, 'O NA CI ZHE NA 'DI LA YANG ZHES STON TO, ,CI'I PHYIR CHOS MTHUN PA NYID @232B DANG CHOS MI MTHUN PA NYID SMOS PA RIGS PA MA YIN ZHE NA, DE LTAR GO BYED DE MA MTHONG, ,ZHES BYAS NAS ZHES PHYI ROL GYI DON NYE BAR BSDUS PA MED PAR GO BAR BYED PA NYID MED DO ZHES PA 'DI BSHAD ZIN TO, ,CHOS MTHUN NYID KYANG MI RIGS 'GYUR, ,ZHES KHYAD PAR MED PAR BRJOD PA'I PHYIR, KHONG DU MA CHUD PA 'DRI BAR BYED DE, CI ZHIG TU 'AM ZHES BA LA SOGS PA'O, ,'DIR CI ZHIG TU ZHES PA LA SOGS PA BZHI RNAMS DRI BA'O, ,DE RNAMS KYIS CI ZHIG TU MI RIGS ZHES PA 'DI'I LAN GYI TSIG NI DPE BRJOD DANG CHOS MTHUN PA NYID LAS ZHES PA'I MDO 'DIR RO, , CI'I ZHES PA'I DPE BRJOD KYIS SO, ,CI'I ZHES PA BSGRUB PAR BYA BA'I 'O, ,CI ZHES PA'I BYAS PA NYID LA SOGS PA CHOS MTHUN PA NYID DO, ,CI'I PHYIR MI RIGS SHE NA GSUNGS PA, BUM PAS NI ZHES BA LA SOGS BA STE, BUM PAS NI CHOS MTHUN PA BYAS PA NYID DE BSGRUB PAR BYA BA SGRA'I'O,, DE'I BSGRUB PAR BYA BA'I CHOS RTOGS PA NYID BYA BA DANG BYED PA'I 'BREL PAS MA YIN TE, BSGRUB PAR BYA BA'I CHOS RTOGS PA NYID KYI SGRAS NI DPE BUM PA RTOGS PAR BYED PA PO DANG RTOGS PA'I BYA BA'I 'BREL PA 'PHROD BA 'DU BA'I MTSAN NYID CAN BRJOD NA DE YANG RTAG PA NYID KYI PHYIR MA BYAS PA'O; ,DE'I PHYIR DE DANG BSGRUB PAR BYA BA'I CHOS CAN SGRA'I BYAS PA NYID LA SOGS PA CHOS MTHUN PA NYID DU RIGS BA MA YIN NO, ,BYAS PA NYID LA SOGS PA CHOS MTHUN PA NYID MA YIN MOD KYI, GANG ZHIG DE'I CHOS RTOGS PA NYID KYI CHOS GZHAN NI DE'I CHOS MTHUN PA NYID DU 'GYUR RO ZHES GSUNGS PA, MA GYUR CIG CES PA LA SOGS PA'O, ,YOD PA NYID LA SOGS PAS ZHES PA, YOD BZHIN PA NYID LA SOGS PAS SO, ,SOGS BA'I SGRAS SHES PAR BYA BA NYID LA SOGS PA YONGS SU GZUNG NGO, ,'O NA YOD PA NYID LA SOGS PA CHOS MTHUN PA NYID YOD PA KHO NA MA YIN NAM, DE'I PHYIR MA GYUR CIG CES BRJOD PA CI ZHE NA, GTAN TSIGS SU MA GYUR CIG CES DGONGS PA'O, ,'DI SKAD BSHAD PAR 'GYUR TE, GAL TE DPER BRJOD 'GRUB BA'I DON DU DE'I CHOS RTOGS PA NYID KYIS BSGRUB PAR BYA'I GANG CHOS MTHUN PA NYID @233A *, ,YOD PA DE GTAN TSIGS SU 'DOD NA, YOD PA NYID LA SOGS PA'I CHOS MTHUN PA NYID GTAN TSIGS NYID DU 'GYUR RO ZHES PA'O, ,GAL TE 'DI LTAR NA YOD PA NYID LA SOGS PA'I CHOS GZHAN NI BSGRUB PAR BYA BA'I CHOS MTHUN PA NYID DU MA GYUR CIG CES BRJOD BAR BYA'I, CHOS GZHAN YOD PA NYID LA SOGS PAS BSGRUB PAR BYA BA'I CHOS MTHUN BA NYID DU MA GYUR CIG CES PA NI MA YIN NA, GANG LAS YOD PA NYID LA SOGS PA CHOS GZHAN GTAN TSIGS NYID DU THAL BAR BYA BA MA YIN, YOD PA NYID LA SOGS PA'I CHOS GZHAN GYIS BSGRUB PAR BYA BA'I CHOS MTHUN PA NYID GZHAN GANG YIN PA DE GTAN TSIGS NYID DU 'GYUR BA NI MA YIN NO ZHE NA, SKYON 'DI MED DE, BSGRUB PAR BYA BA'I CHOS CAN GYI RNAM PA GNYIS NI DPE BRJOD KYIS CHOS MTHUN PA NYID DE SGRUB PAR BYED PAR GYUR BA YOD PA NYID LA SOGS PA DANG, BSGRUB PAR BYA BAR GYUR BA RTAG PA NYID LA SOGS PA'O, ,DES NA 'DIR DON 'DI MNGON PAR YANG DAG PAR BRJOD PA STE, YOD PA NYID LA SOGS PA'I CHOS GZHAN SGRUB PAR BYED PAR GYUR PAS, BSGRUB PAR BYA BA'I CHOS CAN GYI, ,BSGRUB PAR BYA BA RTAG PA NYID LA SOGS PA LA DPE BRJOD DANG CHOS MTHUN PA NYID DU MA GYUR CIG CES PA STE, YOD PA NYID LA SOGS PA NI SGRA LA SOGS PA LA RTAG BA NYID LA SOGS PA 'GRUB PAR MA GYUR CIG CES PA'I DON TO, ,DE LAS KYANG RNAM PA 'DIS DON 'DI KHO NA BSHAD PAR 'GYUR TE, CHOS GZHAN YOD PA NYID LA SOGS PA NI BSGRUB PAR BYA BA'I CHOS MTHUN BA NYID DE GTAN TSIGS SU MA GYUR CIG CES PA'O, ,DE GTAN TSIGS NYID DU RIGS PA YANG MA YIN TE, 'KHRUL BA'I PHYIR RO ZHES PA KHA NA MA THO BA MED DO, ,'DON BA GNYIS KA LA YANG ZHES PA LA SOGS PA STE, NGAG PHYI ROL GYI YAN LAG NYID DPER BRJOD KYI NYAMS PAR MA GYUR CIG CES 'DON PA GZHAN LA BRTEN PA'O, ,DE YOD NA YANG SKYON DE KHO NA'O ZHES PAS 'DON BA GNYIS KA LA YANG KHAS BLANGS PA NYAMS TE, DON NI DPE BRJOD NYID DU BSHAD DE BUM PA LA SOGS PA'AM 'BREL PA'O, ,TSIG MA YIN NO, ,DPE BRJOD NI NGAG GI YAN LAG STE, @233B DAM BCA' DANG, GTAN TSIGS DANG, DPE BRJOD DANG, NYE BAR SBYAR BA DANG MJUG SDUD RNAMS NI YAN LAG RNAMS SO ZHES BA'I GTAN TSIGS SO ZHES PAS DPE BRJOD MI RIGS SO ZHES PAS DPE BRJOD LA LTOS PA DE BZHIN DU ZHES PA NYE BAR SDUD PA DANG, DE BZHIN DU MA YIN PA ZHES KYANG STE, BSGRUB PAR BYA BA LA NYE BAR SBYOR BA ZHES PA NYE BAR SBYOR BA'I MTSAN NYID DO, ,SGRA LA SOGS PA LA MI RTAG PA BYAS PA NYID LA SOGS PAS BSGRUB BAR BYA BA LA, BUM PA LA SOGS PA MTHUN PA NYID KYIS BSGRUB BYA SGRUB BAR BYED PA DANG LDAN PA DANG, BSGRUB BYA SGRUB PAR BYED PA'I MI MTHUN PHYOGS DANG LDAN PA NAM MKHA' LA SOGS PA CHOS MI MTHUN PA NYID KYIS SO, ,DE LA LTOS PA NI DE'I DBANG DU GYUR PA STE, DPE BRJOD YOD NA DE BZHIN DANG DE BZHIN MA YIN PA ZHES PAR YANG 'GYUR BA DE'I PHYIR DE LA LTOS PA NYID DO, ,BSGRUB BAR BYA BA LA STE SGRA LA SOGS PA LA GTAN TSIGS 'DIS NYE BAR BSDU BAR BYA'O ZHES PA NYE BAR SDUD PA'O, ,DE YANG RNAM PA GNYIS TE, CHOS MTHUN PA NYID KYIS DANG CHOS MI MTHUN PA NYID KYIS SO, ,DE LA RE ZHIG CHOS MTHUN PA NYID KYIS NI, BUM PA BYAS PA NI MI RTAG PA STE, DE BZHIN DU SGRA YANG NGO ZHES PA'O, ,CHOS MI MTHUN PA NYID KYIS NI, NAM MKHA' MA BYAS PA NI RTAG PA STE, SGRA NI DE BZHIN MA BYAS PA MA YIN NO ZHES PA'O, ,'DI LA YANG ZHES PA LA SOGS PA, DPE BRJOD KYI NI BSGRUB BYA SGRUB PAR BYED PA RTOGS PAR BYED PAS RAB TU PHYE BA NYID KYI PHYIR RAM SKABS MA YIN BA NYID KYI PHYIR CHOS MTHUN PA NYID KYI'O, ,DE BZHIN ZHES PAS BYAS PA NYID KHO NA NYE BAR SBYOR BAR BYED NA, DE LA YANG SPYI'AM KHYAD BAR NYE BAR SBYOR BAR BYED, BSGRUB PAR BYA BA DANG CHOS MTHUN PA NYID LA MI LTOS NA NI, KHYAD PAR MED PA NA RNAM PA THAMS CAD KYI SPYI RNAM PAR SHES PAR BYA STE, DE LAS DBYE BA MED PA'I PHYIR DE BZHIN ZHES THA SNYAD BSTAN PA KHO NA MI NUS PAR 'GYUR RO, ,DPER NA NAM MKHA' LA SOGS PA MA BYAS PA LTA BU NI MA YIN NO ZHES BA, MA BYAS PA RNAM PAR BCAD PA BYAS PA NYID KYI SPYI STON PA'O, ,SPYI NI GTAN TSIGS KHO NAS BRJOD, ,CES PA 'DIS @234A *, ,GANG BRJOD PA'I DON MNGON BAR BRJOD PA DE YAN LAG GZHAN MA YIN TE, 'DI LTA STE, DE KHO NA YANG BRJOD PA BZHIN, ,NYE BAR SBYAR BA YANG DE LTA BU'O ZHES KHYAB BYED DANG 'GAL BA GSUNGS SO, ,'O NA BYAS PA NYID KYI PHYIR ZHES PA 'DIS BYAS PA NYID TZAM BRJOD CING NYE BAR SBYOR BAS NI BSGRUB BAR BYA BA DE NYE BAR SDUD PA KHO NA BYED PA MA YIN NAM, DES NA MA GRUB PA'I GTAN TSIGS SO ZHE NA GSUNGS PA, SGRA'I ZHES 'BREL PA'I PHYIR RO ZHES PA SGRA MI RTAG STE BYAS PA NYID KYI PHYIR RO ZHES BRJOD PA NA, SGRA'I ZHES RTOGS PAR BYA STE, DE'I SKABS YIN PA NYID KYI PHYIR DANG, GZHAN 'DIR THOS PA MED PA'I PHYIR DANG, YOD PA NI RTEN LA LTOS PA NYID KYI PHYIR RO ZHES BAS MA GRUB PA MA YIN NO, ,DE LTAR 'GYUR MOD KYI, BSGRUB PAR BYA BA DANG DPE'I CHOS CAN DAG GI BSGRUB BAR BYA BA'I CHOS KYI SPYI LAS DE LDAN PA'I BSGRUB PAR BYA BA'I CHOS 'GRUB PA'I DON DU GCIG TU BYED PA NI NYE BAR SDUD PA STE, GTAN TSIGS KYIS NI GCIG TU BYED PA BYAS BA YANG MA YIN NO, ,DE'I PHYIR MA GRUB PA'I DON CAN NYID KHO NA'O ZHE NA GSUNGS PA, DPES NI ZHES PA LA SOGS PA'O, ,DPES NI GCIG TU BYED PA LAS TE KHYAD PAR MED PAR BYED PA LAS ZHES PA'I DON TO, ,GZHAN DU NA ZHES PA LA SOGS PA GTAN TE KHYAB PA RAB TU GSAL BA MED PAR YANG, GCIG TU BYED PA TZAM LAS DE DANG LDAN PA MI RTAG PA NYID DU 'GRUB PA KHO NAR 'GYUR NA, DE LTAR GYUR NA NI, GAL TE BUM PA DANG CHOS MTHUN PA NYID BSTAN PA LAS GZHAN YANG KHYAD PAR MED PAR BYED NA BUM PA'I CHOS THAMS CAD SGRA LA 'THOB PAR 'GYUR RO ZHES PA'O, ,DE LTA BU LA SOGS PA'I LTAG CHOD RNAMS LAN KHO NAR 'GYUR TE, SUN 'BYIN PA KHO NAR 'GYUR RO, ,SOGS PA'I SGRAS NI CHOS MTHUN PA MTSUNGS PA LA SOGS PA RNAMS SO, ,PHYI'I DON NYE BAR SDUD BA LA NI THAL BAR 'GYUR BA 'DI MED DE, YONGS SU GNAS PA MI MTSUNGS BA NYID KYI PHYIR RO, ,DE RNAMS KYI KHYAB PA BSTAN PAR NUS PA NI MA YIN NO, ,CI STE ZHES PA PHYOGS GNYIS PA NYE BAR DGOD BA'O, ,BYAS @234B BA NYID DU GRUB PA LA ZHES BA BYAS BA NYID KYI PHYIR RO ZHES PA 'DI LAS RTOGS PA LA KHYAD PAR NYE BAR SBYAR BAR BYA'O ZHES BA DE RTOGS PA NYID KYI PHYIR RO, ,KHYAD PAR NYE BAR SBYOR BA DE NYID KHYAD PAR GZHAN RNAM PAR GCOD BAS STON BA SMRAS PA, BUM PA BZHIN DU BYAS PA YIN GYI, SNAM BU LA SOGS PA BZHIN DU MA YIN NO ZHES PA'O, ,KHYAD PAR RANG RTEN LA RJES 'GRO, ,ZHES PA, RANG GI RTEN LA NGES BA'O, ,GAL TE DE NI RTEN GZHAN LA 'JUG PAR 'GYUR NA SPYI KHO NAR 'GYUR GYI KHYAD PAR NI MA YIN NO, ,DE'I PHYIR SGRA NI BUM PA BZHIN BYAS BA NI MA YIN NO ZHES GSUNGS PA, RNAM PA GZHAN DU SKYES BA'I PHYIR ZHES PA, BUM PA NI 'JIM PA'I GONG BU LA SOGS PA RNAMS LAS SKYES LA, SGRA NI RKAN LA SOGS PA YANG DAG PAR SBYOR BA LA SOGS PA RNAMS LAS SO ZHES PAS SGRA NI BUM PA BZHIN DU BYAS BA MA YIN NO, ,DE NI GTAN TSIGS KHO NAS BSHAD DO ZHES PA 'DI YANG, SNGA MA BZHIN DU YAN LAG GZHAN YIN PA NYAMS BA GSUNGS SO, ,CI STE ZHES PA LA SOGS PA NI DE BYAS PA NYID DU BRJOD PA MA YIN PA KHO NA'O, ,'O NA CI ZHE NA, MA BYAS PA NYID DGAG PA TZAM BYA BA STE, YANG DE CI'I DON DU ZHE NA SMRAS PA, DE DANG LHAN CIG SPYOD PA'I RTAG PA NYID DGAG PA'I DON DU ZHES PA MA BYAS PA DE DANG LHAN CIG SPYOD PA'I RTAG PA NYID DGAG PA'I DON DU STE, DPER NA NAM MKHA' BZHIN DU MA BYAS BAR 'GYUR BA MA YIN PA DE LTAR RTAG PAR YANG NGO ZHES PA'O, ,GNYEN PO'I PHYOGS KYANG MI LDAN PA STE ZHES PA GNYEN PO'I PHYOGS NI BYAS PA NYID KYIS MA BYAS PA NYID DE, LHAN CIG MI GNAS PA'I PHYIR RO, ,DE MI LDAN PA NI SGRA LA GO SKABS MED BA'O, ,SPYI YANG GTAN TSIGS NYID KYIS BRJOD DO ZHES BRJOD BAR BYA ZHES PA NI KYANG GI SGRA LAS SO ZHES BA'O, ,'O NA BYAS PA NYID DGAG PA BYA BA MA YIN RNAM, BYAS PA NYID BRJOD BAR BYA'O ZHES PA 'DI'I PHYOGS LA BRTEN PA NI MA YIN TE, DES NA CI'I PHYIR BSDU BA YIN ZHE NA, PHAN TSUN SPANGS TE GNAS PA'I DNGOS BO'I CHOS DAG NI GANG KHO NA GCIG DGAG PA DE KHO NA CIG SHOS KYI SGRUB BA'O ZHES DGONGS BA'O, ,GZHAN RNAMS NI DANG GI SGRA @235A *, ,'DIR RNAM PAR BRTAG BA'I DON TO ZHES SMRA'O, ,MI LDAN PA CI'I PHYIR ZHE NA GSUNGS PA, BYAS PA NYID YOD NA ZHES PA LA SOGS PA, GANG GI GANG NA 'GAL BA YOD PA NA DE NA SRID PA MA YIN TE, DPER NA ME LA GRANG BA'I REG PA BZHIN SGRA LA YANG MA BYAS PA NYID DANG 'GAL BA BYAS PA NYID YOD DO ZHES BA RANG BZHIN 'GAL BA'O, ,GANG ZHIG GANG DU GRUB PA MI SRID PA DE NI DER DGAG BAR BYA BA MA YIN TE, DPER NA LAG PA'I MTHIL DU LAG LDAN GYI KHYU BZHIN SGRA LA YANG MA BYAS PA NYID KYI MI SRID PA GRUB BO, ,KHYAB PAR BYED PA DANG 'GAL BA'O ZHES PA TSOGS PA'I DON TO, ,MA BYAS PA NYID DANG LHAN CIG RGYU BA ZHES PA 'DIR YANG MI DMIGS PA GNYIS PO DE KHO NA SNGA MA'I RJES SU 'BRANGS PAS BRJOD PAR BYA'O, ,'DI NI 'DIR KHYAD PAR YIN TE GCIG LA, SGRA LA YANG RTAG PA NYID DANG 'GAL BA MI RTAG PA YOD DO ZHES PA; PHYOGS KYI CHOS TE, SGRA LA YANG RTAG PA NYID KYI MI SRID PA GRUB BO ZHES PA GZHAN LA'O, ,CI STE YANG ZHES PA LA SOGS PAS MA GRUB PA NYID SMRAS SO, ,GAL TE CHOS MTHUN PA NYID SBYOR NA, DE LAS BYAS PA NYID DANG MI RTAG PA NYID DAG 'GRUB PAR 'GYUR ZHING, DE LAS KYANG MI MTHUN PA'I PHYOGS DANG MI LDAN PA'O, ,GANG GI TSE CHOS MI MTHUN PA NYID KYI NYE BAR SBYOR BA KHO NAS MI RTAG PA NYID 'GRUB BA'I CHED DU RTAG PA NYID DGAG PA BYAS PA DE'I TSE 'DI GNYIS KA YANG MED DO ZHES PAS GTAN TSIGS MA GRUB BO, ,KHYAD PAR GYIS KYANG DE RTOGS 'GYUR, , ZHES PA THUN MONG MA YIN PAS KYANG ZHES PA'I THA TSIG GO, ,'DI 'DOD PA YANG MA YIN NA ZHES PA SGRA MI RTAG CES KHAS BLANGS PA'I PHYIR RO, ,GZHAN YANG MI RTAG PA NYID 'GRUB PA LA MTSUNGS PA NYID KYI PHYIR TE, SGRA MI RTAG STE MNYAN BAR BYA BA NYID KYI PHYIR RO, ,RTAG PA NAM MKHA' LA SOGS PA RNAMS MNYAN PAR BYA BA MA YIN PAR MTHONG STE, DE LTAR SGRA NI MNYAN BYA MA YIN PA MA YIN NO ZHES BYAS NA RTAG PA NAM MKHA' LA SOGS PA LA MNYAN PAR BYA BA NYID MED PA'I PHYIR NA MNYAN PAR BYA BA MA YIN PA NYID DANG LHAN CIG SPYOD PA'I RTAG PA NYID BKAG BAS @235B MI RTAG PA NYID 'GRUB PAR 'GYUR RO, ,DE YANG MI 'THAD PA NYID KYI PHYIR 'DI MI 'DOD PA STE, GANG GI PHYIR DNGOS BO GCIG LA PHAN TSUN 'GAL BA'I CHOS DAG RIGS PA MA YIN PAS SO, ,SKYON 'DI TZAM GYIS GROL PA YANG MA YIN NO ZHES STON PA GSUNGS PA, 'DI LA YANG ZHES PA LA SOGS PA STE; RTZOL MA THAG TU BYUNG BA NYID KYI PHYIR MI RTAG PA'O ZHES PA'I SBYOR BA 'DI LA YANG RTAG PA NYID DU THAL BAR 'GYUR RO, ,CI LTAR ZHE NA, GLOG LA SOGS PA CHOS MI MTHUN PA NYID KYIS TE GLOG LA SOGS PA RTZOL BA LAS MA BYUNG BA MI RTAG PAR MTHONG ZHING, SGRA NI DE LTAR RTZOL BA LAS MA BYUNG BA MA YIN NO ZHES BYAS PA NA, RTZOL MA THAG TU MA BYUNG BA DANG LHAN CIG SPYOD PA'I MI RTAG PA NYID BKAG PAS RTAG PA NYID 'GRUB PAR 'GYUR RO, ,GAL TE CHOS MI MTHUN PA NYE BAR SBYOR BA NYID 'BA' ZHIG BYED NA, 'DI LA RIGS PA CUNG ZAD KYANG YOD PA MA YIN NO ZHES PA, 'DI LA 'THAD PA 'GA' YANG YOD PA MA YIN NO, ,'O NA RTAG PA NYID KYI GTAN TSIGS MA BYAS PA NYID MED BA KHO NA RIGS PA MA YIN NAM, GTAN TSIGS MED PAR BSGRUB PAR BYA BA 'GRUB PA NI 'THAD PA MA YIN NO ZHEN GSUNGS PA, MA YIN ZHES PA LA SOGS PA'O, ,GAL TE RTAG PA LA MA BYAS PA NYID KHO NA GCIG PU GTAN TSIGS SU 'GYUR NA DE MED PA NA MED PAR 'GYUR MOD, DE YANG MED DE GANG GI PHYIR SKYE BA DANG LDAN PA NYID MA YIN PA LA SOGS PA RNAMS KYANG RTAG PA NYID KYI GTAN TSIGS 'DOD PAS SO, ,YANG CI'I PHYIR GTAN TSIGS GCIG LOG PA KHO NAS BSGRUB PAR BYA BA LDOG PAR MI 'GYUR ZHE NA SMRAS PA, MA GYUR CIG CES BA LA SOGS PA STE, GAL TE GTAN TSIGS GCIG MED PA NA YANG BSGRUB PAR BYA BA MED PAR 'GYUR NA, DE LTAR 'GYUR PA NA LUS CAN NYID DANG YAN LAG CAN NYID LA SOGS PA MI RTAG PA NYID KYI GTAN TSIGS MED PA'I PHYIR, BYAS PA NYID LA SOGS PA YOD PA NA YANG, MI RTAG PA NYID KHEGS PAR 'GYUR RO, ,YANG CI LTAR LUS CAN NYID MI RTAG PA'I GTAN TSIGS YIN TE, JI SRID DU LUS CAN RDUL PHRA RAB RNAMS RTAG PA NYID DU PHA ROL POS MNGON PAR 'DOD DO ZHE NA, SKYON @236A *, ,'DI MA YIN TE, 'DIR SOGS PA'I SBRA NI RNAM PAR BRJOD PA YIN ZHING, DES NA MTSAN NYID MCHOG NYID KYI PHYIR, DPER BRJOD NI 'DIR DBANG CAN MA YIN NO, ,YANG NA DNGOS PO'I STOBS LA LTOS PAS 'DI BSHAD KYI KHAS BLANGS LA LTOS PA NI MA YIN NO; ,GAL TE DE LTAR NYE BAR SBYOR BA MI RIGS NA, 'O NA RIGS PA CI LTAR ZHE NA GSUNGS PA, PHYI ROL GYI DON LA LTOS PAS NI ZHES PA LA SOGS PA'O, ,CI LTAR PHYI ROL GYI DON LA LTOS PA YIN ZHE NA GSUNGS PA, GANG GI PHYIR ZHES PA LA SOGS PA'O, ,PHYI ROL SMOS PA NI 'BA' ZHIG PA'I BUM PA DANG, NAM MKHA' YOD PA DANG MED PA NYID TZAM LA LTOS PA SEMS LHUR BYED PA'O, ,DE NYID KYI PHYIR GSUNGS PA, RTAG PA NYID BYAS PA NI 'GA' YANG YOD PA MA YIN NO ZHES PA STE, MI RTAG PA NYID DANG BRAL BA'I BYAS PA YOD PA MA YIN NO ZHES PA'I DON TO, ,'DIS LDOG PA GSUNGS SO, ,MI RTAG PA YANG YOD DE BUM PA BZHIN ZHES PA 'DIS KYANG RJES 'GRO'O, ,RJES 'GRO DANG LDOG PA LA LTOS NAS, DE BSTAN PA'I CHED DU NAM MKHA' BZHIN DANG BUM PA BZHIN ZHES PHYOGS GCIG DPER BRJOD BA TZAM NYE BAR SBYAR BA'O ZHES PAS KHO BO,I LUGS KYIS NAM MKHA' SOGS NYE BAR SBYAR BA RIGS SO, ,DE LTAR NYE BAR SBYOR PA YANG MI RIGS TE, DPER BRJOD NYID 'BA' ZHIG TU MA ZAD DO, ,SLAR YANG BRJOD PA KHO NA LAS ZHES, GTAN TSIGS NYE BAR BSTAN PA LAS DAM BCA' BA SLAR YANG BRJOD PA NI MJUG SDUD DO ZHES PA'I MDO LAS SO, ,GTAN TSIGS NGES PAR BSTAN PA LAS DE MA THAG TU STE DE SNGON MA CAN ZHES PA'I DON TO, ,'DI LTA STE, DE'I PHYIR BYAS PA NYID KYI PHYIR SGRA MI RTAG GO ZHES PA'O, ,'DIS NI RANG GI TSIG KHO NAS MJUG SDUD YAN LAG GZHAN NYID BSAL LO ZHES STON TO, ,SLAR YANG BRJOD PA YAN LAG GZHAN NYID YIN NA NI, LAN CIG MA YIN BAR BRJOD PA NI YIN LA MTHA' YAS BAR 'GYUR RO, ,KHA CIG 'DI LA LAN SMRA STE, ,BSGRUB PAR BYA BA'I DON MNGON PAR BRJOD PA NI DAM BCA' STE, GTAN TSIGS KYI YUL DES BSTAN @236B PAR BYA'O, ,GRUB PA'I NGO BO'I DON SGRUB PAR BYED PA'I 'BRAS BUR GYUR PA NI MJUG SDUD KYIS SO, ,DES NA SLAR YANG BRJOD PA NYID MED DO ZHES BA'O, ,DE MI RIGS TE, GRUB BA'I NGO BO RJOD PAR BYED PA NYID YIN NA NI SGRUB PAR BYED BA MI 'THAD PA'I PHYIR TE, DPER NA SGRA MNYAN PAR BYA'O ZHES PA LTA BU'O, ,DE LTA NA YANG SGRUB PAR BYED PA NI YAN LAG RNAMS SO ZHES PA'I 'DI DAM BCA' BA NYAMS SO, ,GZHAN RNAMS NI RNAM PA GZHAN DU MJUG SDUD YAN LAG GZHAN NYID DU RAB TU STON PAR BYED DE, SGRA MI RTAG GO ZHES PA DAM BCA' BA 'DI LUS DANG, BYAS PA NYID KYI PHYIR ZHES PA'I GTAN TSIGS 'DI RJES SU DPAG PA'O, ,BUM PA BZHIN ZHES PA'I DPE 'DI MNGON SUM MO, ,JI LTAR BUM PA BYAS PA NYID KYI PHYIR MI RTAG PA DE LTAR SGRA'O ZHES PA NYE BAR SBYOR BA 'DI NYE BAR 'JAL BA'O, ,TSAD MA BZHI PO 'DI RNAMS KYI YUL GCIG PA NYID DU SHES PA'I DON DU MJUG BSDU BA STE, DE'I PHYIR BYAS PA NYID KYI PHYIR MI RTAG GO ZHES PA'O, ,'DI YANG MI RIGS TE, GAL TE RNAMS PA GZHAN DU RTOGS PA MI 'BYUNG NA THAMS CAD LEGS MOD, DE MED KYANG PHYOGS CHOS DANG 'BREL BA BRJOD PA TZAM LAS RTOGS PA MTHONG NGO ZHES PAS, DE NYE BAR MKHO BA CI ZHIG 'DIS NI DAM BCA' BA DANG NYE BAR SBYOR BA DAG KYANG SGRUB PAR BYED PA YIN PA NYID SPANGS SO, ,PHA ROL POS YONGS SU BRTAGS PA'I GTAN TSIGS DANG DPE RNAMS KYANG JI LTAR SGRUB PAR BYED PA'I YAN LAG NYID DU 'THAD PA MA YIN PA DE LTAR BSHAD ZIN TO, ,DE LTAR DAM BCA' BA LA SOGS PA RNAMS KHO NA RE ZHIG SGRUB PAR BYED PA NYID DU 'THAD PA MA YIN NA, CI'I PHYIR, YUL GCIG TU 'CHAD PA LAS MJUG SDUD YIN ZHES PAS MJUG SDUD MI RIGS SO, ,GNYIS KA RAB TU GRUB PA DPE'O ZHES PA GNYIS KA RAB TU GRUB CING NGES PA GANG DU YIN PA DE GNYIS KA RAB TU GRUB PA STE, GNYIS KA NI GTAN TSIGS DANG DAM BCA' BA DAG GAM DE'I DON TO, ,NAM MKHA' DPER NA THAL BA'AM, ,ZHES PA PHYOGS DANG BO LA'O, ,NGAG GI PHYOGS GCIG NYID KYANG MIN, ,ZHES PA GNYIS BA LA'O, ,DE LTAR RNAM PA GNYIS KA LTAR NA YANG KHAS BLANGS PA NYAMS SO, , @237A *, ,DE YI YON TAN NYID KYI PHYIR ZHES PA, DAM BCA' DANG, GTAN TSIGS DAG SGRA'I BDAG NYID YIN PA NYID KYI PHYIR TE, SGRA YANG NAM MKHA'I YON TAN NO, ,ZHES PA'I GZHUNG LUGS LAS SO, ,DE'I CHOS DAG ZHES PA BSGRUB BAR BYA BA DANG SGRUB PAR BYED PA'I CHOS DAG STE, MI RTAG PA DANG BYAS PA NYID LA SOGS PA STE, GANG DU RAB TU GRUB BA DAG GO ZHES PA DON BUM PA LA SOGS PAR RO, ,DAG GI YAN LAG NYID MI RIGS SO ZHES PA, JI SKAD DU BSHAD PA, LHAN CIG BRJOD PAR 'DOD PA NI DBYE BA YOD BA NA THA MI DAD PAR 'JUG PA RNAMS KYI 'GYUR RO ZHES PA STE, DON DANG SGRA DAG LA THA MI DAD PAR 'JUG PA NYID YOD PA YANG MA YIN NO, ,RJES SU 'GRO BA MA BRJOD PHYIR, ,ZHES PA LA SOGS PA STE, JI LTAR KHO BO CAG GI GTAN TSIGS KYI MED NA MI 'BYUNG BA NYID DPES STON PA DE LTAR BYE BRAG PA RNAMS KYI NI MA YIN NO, ,DE LAS KYANG DPE LTAR SNANG BA'O, ,SNGA MA BZHIN ZHES PA, SNGAR JI SKAD DU BSHAD PA, RJES 'GRO PHYIN CI LOG RNAM GNYIS, ,RJES 'GRO MED PA'ANG DER SNANG BA'O ZHES PA DE LTAR 'DIR YANG BRJOD PAR BYA'O, ,RNAM PA GNYIS KA LTAR NA YANG MI RIGS SO ZHES PA, GAL TE GTAN TSIGS DAM BCA' BA DAG GNYIS KA SMOS PAS 'DZIN NA DANG, GAL TE DE'I DON DAG NA'O, ,SGRUB BYED NYID DANG DPE'I DON KYANG, RANG DBANG YIN NA DON MED DO, ,ZHES PA, BSGRUB PAR BYA BA YANG DAG PAR 'GRUB PA'I DON DU GNYER BAR BYA'O ZHES PA'I DON TE, BSGRUB PAR BYA BSGRUB BAR BYED PA'I NUS PA'I RANG GI NGO BOR BRJOD PAR BYA'O, ,DE DAG LA DON YOD BA MA YIN NO ZHES DON MED PA STE, BSGRUB BAR BYA BA SGRUB PAR BYED BAR NUS PA'I RANG GI NGO BO DAG MI SRID PA DAG CES PA'I DON TO, ,DON 'DI NYID 'GREL BAS GSAL BAR BYED DE, SGRUB PAR BYED PA NYID SRID PA MA YIN ZHING, DPE'I DON YANG MA YIN NO, ,ZHES PA'O, ,RIGS PA NI, GANG SGRUB BAR BYED PA NYID SRID PA MA YIN TE SGRUB PAR BYED PA'I NUS PA DANG BRAL BA NYID KYI PHYIR RO, ,DPE'I DON NI CI LTAR YIN TE, GANG 'DRA BA PHA ROL POS BSGRUB PAR BYA BA RJES SU @237B 'DZIN PA MNGON BAR 'DOD PA DE 'DRA BA SRID PA MA YIN NO ZHES PA DGONGS PA'O, ,SNGAR JI SKAD BSHAD PA BZHIN ZHES PA, DPER BRJOD PA DANG CHOS MTHUN NYID, ,'BA' ZHIG DE RNAMS KYIS BRJOD BYA, ,BSGRUB BYA SGRUB BYED GNYIS BRJOD MIN, ,DE LTAR DPE NYID TZAM YIN NO, ,ZHES PA'O; ,DE LTAR SGRUB PAR BYED PA NYID MED PAR BRJOD DO, ,DPE MED PA YANG GTAN TSIGS BCAS PA'I BSGRUB BYA TZAM MAM, DE YI KHYAD PAR DPOG PA NA, ,DPE NI THUG PA MED PAR 'GYUR, ,MI MTHUN PHYOGS LAS LDOG PAR YANG, ,CES PA'O, ,LE'U BZHI PA'O,, ,, TSAD MA GZHAN DU RTZOD PA'I SKABS SBYIN PA'I CHED DU GSUNGS PA, TSAD MA GNYIS BSHAD ZIN TO ZHES PA STE, GANG SNGAR DAM BCAS PA, MNGON SUM DANG NI RJES SU DPAG ,TSAD MA DAG NI GNYIS KHO NA, ,ZHES PA'I TSAD MA GNYIS PO DE BSHAD ZIN TO, ,RANG GI TSAD MA'I YON TAN BRJOD BA LAS DANG, GZHAN GYI TSAD MA DGAG PA LAS KYANG NGO, ,KHA CIG NI SGRA LAS BYUNG BA YANG ZHES PA KHA CIG PA SER SKYA PA LA SOGS PA RNAMS SO, ,SGRA LAS NYE BA MA YIN PA'I DON LA SHES PA NYE BAR SKYE BA NI SGRA LAS BYUNG BA'O, ,DON GYI GO BA LA SOGS PA RNAMS 'BA' ZHIG TU MA ZAD DO ZHES PA YANG GI SGRA'I DON TO, ,CI LTAR SGRA LAS BYUNG BA TSAD MA GZHAN MA YIN ZHE NA GSUNGS PA, DE LTAR DE ZHES PA LA SOGS PA'O, ,DE ZHES BA SHUGS KYIS THOB PA SGRA LA SBREL LO, ,BYAS SOGS BZHIN DU ZHES PA, JI LTAR BYIS PA NYID LA SOGS PA'I RTAGS NI TSUL GSUM DANG LDAN PA LAS RANG GI DON GSAL BAR BYED PA DE BZHIN SGRA YANG NGO ZHES PA'I DON TO, ,DPE 'DIS NI SGRA RTAG PA NYID DU YONGS SU GSAL BAR BYED PAS SGRA LAS BYUNG BA RJES SU DPAG PA NYID DU MTSON PAR GSAL BAR BYED DO, ,GZHAN SEL BA YIS ZHES PA DON GZHAN LAS LDOG PAS YIN GYI, MTHONG BA BZHIN DU SGRUB BA'I NGO BOS NI MA YIN NO, ,SGRA NI YUL GANG LA RAB TU SBYOR BA ZHES PA, DON GANG GO BAR BYED PA'I DON DU BRJOD PA DE DE'I YUL TE, GO BAR BYA BA NYID KYI PHYIR, ,DPER NA RTAGS KYI RTAGS CAN BZHIN NO, ,DE'I YAN LAG GANG GIS ZHES PA, BRJOD PAR BYA @238A *, ,BA'I DON GYI YAN LAG YOD PA NYID DANG SHES BYA DE NYID LA SOGS PA RNAMS NI MANG BA STE, DE RNAMS THAMS CAD DANG SHING LA SOGS PA'I SGRA MED NA MI 'BYUNG BA NYID DU 'BREL PA YANG MA YIN GYI, GANG DANG 'BREL PA DE BYAS PA NYID LA SOGS PA BZHIN DU DON GZHAN RNAM PAR GCOD PAS GSAL BAR BYED DO, ,BRJOD PA NI SGRA'I CHOS NYID DU GRAGS PA NYID KYI PHYIR DPE DANG DPE CAN DAG MI MTSUNGS PA NYID DU MA GYUR CIG CES GSAL BAR BYED DO ZHES GSUNGS SO, ,DES JI SKAD BRJOD PAR 'GYUR TE, GANG RJES SU DPAG PA'I MTSAN NYID CAN DE NI DE LAS THA DAD PA MA YIN TE, DU BA LAS ME SHES PA BZHIN, ,SGRA LAS BYUNG BA YANG DE LTA BU YIN NO ZHES PA KHYAB PAR BYED PA DANG 'GAL BA'O, ,CI STE, GZHAN SEL BA YIN RJOD PAR BYED, ,CES PA 'DI CI'I DON DU YIN, ,JI TZAM DU, BYAS NYID SOGS BZHIN RJOD PAR BYED, ,CES PA 'DI KHO NAS RJES SU DPAG PA LAS SGRA LAS BYUNG BA THA MI DAD PAR RTOGS SO ZHE NA, DGOS PA YOD DO, ,BYAS PA NYID LA SOGS PA'I RTAGS NI DON GZHAN RNAM PAR GCOD PAS RANG GI DON RTOGS PAR BYED DO ZHES SNGAR 'DI BSGRUBS ZIN TO, ,DE'I PHYIR GAL TE GZHAN SEL BAS ZHES PA 'DI MA BRJOD NA, DE'I TSE TSAD MA GZHAN SMRA BA RNAMS KYI RTOGS PA 'DIR 'GYUR TE, BYAS PA NYID LA SOGS PA'I RTAGS NI DON GZHAN LAS LDOG PAS RANG GI DON RTOGS PAR BYED CING, SGRA NI SGRUB PA'I SGO YIS TE, ,DE KHO NA'I KHYAD PAR LAS SGRA LAS BYUNG BA RJES SU DPAG PA LAS THA DAD DO ZHES PA'O, ,DE'I PHYIR, DE GSAL BA'I DON DU 'DI BSHAD DO, ,SLAR YANG SKABS GZHAN GYIS 'DI'I DOGS BA BSAL BAR BYED PAR 'GYUR RO ZHES RE ZHIG GZHAG GO, ,CI LTAR SGRA'I TSUL GSUM NYID YIN, CI LTAR MI 'GYUR NA, CHOS CAN MI RIGS PA'I PHYIR RO,, DE LTAR NI SGRA'I DON NI CHOS CAN NYID DU 'THAD PA MA YIN TE, RTOGS BAR BYA BA NYID KYI PHYIR MI RTAG PA NYID BZHIN NO, ,DON LA SGRA MTHONG BA YANG MA YIN TE, SMRA BA PO LA GNAS PA NYID KYI PHYIR TE, DE KHO NA LA NYE BAR DMIGS PA'I PHYIR RO, ,DE'I PHYIR 'DI NI TSAD MA GZHAN KHO NA STE, @238B BRDA JI LTA BA BZHIN DU DON RTOGS PA'I RGYU NYID KYI PHYIR RO ZHEN, DE DANG 'DI NI SGRA LAS BYUNG BA'I TSAD MA NYID KYI YUL YONGS SU MI SHES PA'I PHYIR 'DI LTAR BRJOD PA STE, DE'I PHYI ROL GYI DON LA TSAD MA NYID MA YIN PAS TE, DE LTAR NI DE DE'I RTOGS PAR BYED PAR 'GYUR BA MA YIN PAS TE, 'O NA CI LA ZHE NA, BRJOD PAR 'DOD PA LA STE, DE LA NI SGRA'I TSUL GSUM PA NYID YOD PA KHO NA'O, ,DE LTAR NI BRJOD PAR 'DOD PA DANG LDAN PA'I SKYES BU CHOS CAN NO, ,BRJOD PAR 'DOD PA BSGRUB PAR BYA BA'I CHOS SO, ,BRJOD PAR 'DOD PA DANG LDAN PA LA NYE BAR DMIGS PA YOD PA KHO NA'I PHYIR SGRA NI PHYOGS KYI CHOS SO, ,BRJOD PAR 'DOD PA DANG LDAN PA SNGAR NYAMS SU MYONG BA NI MTHUN PHYOGS SO, ,DE DANG BRAL BA NI MI MTHUN PHYOGS SO ZHES PAS CI LTAR TSUL GSUM SRID PA MA YIN, 'O NA BRJOD PAR 'DOD PA LA YANG DE TSAD MA NYID MA YIN BA KHO NA'O, ,DE LTAR NI BRJOD PAR 'DOD PA SPYI LA TSAD MA NYID DU 'GYUR RAM, YANG NA BRJOD PAR 'DOD PA'I KHYAD PAR LA YIN, RE ZHIG SPYI LA MA YIN TE DE LAS THA SNYAD DU MI RIGS PA'I PHYIR RO, ,GAL TE BRJOD PAR 'DOD PA'I SPYI SGRA'I DON DU GYUR NA GO ZHES BRJOD PA NA DGU BZUNG BA'I YI GE'I RNAM PAR DBYE BA, 'DI CI SMRA ZHES YONGS SU RJES SU SBYOR BA MA YIN TE, SGRA BRJOD BA TZAM KHO NA LAS BRJOD PAR 'DOD PA'I SPYI'I NGES PAR SHES PA NYID KYI PHYIR RO, ,BRJOD PAR 'DOD PA'I SPYI'I DON DANG LDAN PA NYID NI SGRA RNAMS 'JUG PA'I RGYUR 'GYUR BA YANG MA YIN TE, BRJOD PAR 'DOD PA'I SPYIS NI DON DU GNYER BA PO 'GA' ZHIG RAB TU 'JUG PA'I YAN LAG DANG TSAD MA YANG MA YIN TE, 'DI DAG GIS DON YONGS SU BCAD NAS 'JUG PA NA DON BYA BA LA SLU BA MED PA'I PHYIR RO ZHES BRJOD PA'I PHYIR RO, ,DE 'DI LTAR BRJOD BAR 'DOD PA'I SPYI LA TSAD MA NYID MA YIN NO; , KHYAD PAR LA YANG MA YIN TE 'KHRUL PA'I PHYIR RO, ,DE YANG BRJOD PAR 'DOD PA'I KHYAD PAR DANG LDAN PA LAS SGRA GZHAN DU DMIGS PA'I PHYIR RO, ,DE SKAD DU YANG GSUNGS PA, JI LTAR 'DOD CHAGS DANG LDAN PA SMRA BA DE LTAR 'DOD CHAGS DANG BRAL PA YANG NGO @239A *, ,ZHES SO, ,SGRA'I THA SNYAD NI BLO SNGON DU BTANG NAS RNAM PA GZHAN DU YANG BYA BAR NUS TE, DE'I PHYIR SGRA RNAMS LAS KHYAD PAR NGES PA MA YIN ZHING, KHYAD PAR KHO NA YANG THA SNYAD KYI YAN LAG YIN NA, DE YANG NGES PAR GZUNG PAR MI NUS PA NYID KYI PHYIR; ,CI LAS SGRA LAS BYUNG BA TSAD MA NYID YIN ZHE NA, DE LA BRJOD PAR 'DOD PA'I SPYI NI MI 'KHRUL NA YANG SGRA'I DON MA YIN TE DES THA SNYAD LA MI SBYOR BA'I PHYIR RO ZHES GANG BRJOD PA DE RIGS PA MA YIN TE, GANG ZHIG RGYUD GZHAN TZAM BSGRUB PAR BYA BA DON DU GNYER BA PO DE LA CI LTAR BRJOD PAR 'DOD PA'I SPYI THA SNYAD KYI YAN LAG MA YIN, 'DI NI SGRA LAS BRJOD PAR 'DOD PA'I SPYI YONGS SU BCAD NAS 'JUG PA NA RGYUD GZHAN TZAM BSGRUB PAR BYA BA'I DON BYA BA LA 'JUG PA NA SLU BA MED PA'I PHYIR RO, ,GANG YANG KHYAD PAR LA YANG TSAD MA NYID MA YIN TE, 'KHRUL PA'I PHYIR RO ZHES BRJOD PA DE YANG YANG DAG PA MA YIN TE, KHYAD PAR KHO NA GTAN TSIGS NYID KYI PHYIR RO, ,GAL TE KHYAD PAR NI RJES SU 'GRO BA DKA' BA NYID KYI PHYIR GTAN TSIGS NYID DU MI RIGS SO ZHE NA, 'O NA DU BA YANG GTAN TSIGS NYID DU MI 'GYUR TE, 'DI YANG SGYU MA BYED PAS SPRUL PA'I DU BA LTAR SNANG BA'I 'BYUNG BA 'DUS PA LAS NI GZHAN LAS LOG PA'I NGO BOR RTOGS PA PO THAMS CAD KYIS NGES PAR GZUNG BAR NUS PA MA YIN PA'I PHYIR RO, ,CI STE GANG ZHIG DE NGES PAR GZUNG BAR NUS PA DE'I NGOR DE RJES SU DPAG PA'I YAN LAG NYID YIN NA, DE DANG 'DI NI CIG SHOS LA YANG MTSUNGS SO, ,YANG NA NGES PAR RTOGS PA POS MI SLU BA'I NGAG 'DI NI 'DI 'DRA BAR GANG LA MNGON PAR ZHEN PA DE'I TSIG NI MI SLU BAR MTSUNGS PA NYID DU SGRO BTAGS NAS RJES SU DPAG PAR BYED DE, DE'I PHYIR RTOGS PA PO'I BSAM PA'I KHYAD PAR GYI DBANG LAS, KHYAD PAR LA SGRA RJES SU DPAG PA NYID DU GSUNGS TE DON DAM PAR NI MA YIN NO, ,GZHAN SEL BAS SGRA'I DON RTOGS PAR BYED DO ZHES BSHAD PA YIN TE, DE RJES SU MA BSAMS PAS GANG RNAMS SMRA BA, RIGS KYI SGRA ZHES PA LA SOGS PA'O, ,RIGS KYI SGRA NI YOD BA LA SOGS @239B PA'O; ,CI LTAR RIGS BRJOD PAR BYA BA MA YIN PAR GYUR PA THA SNYAD KYI RGYU YIN ZHE NA, THA DAD MED PAR NYE BAR GDAGS PA'I RGYU NYID KYI PHYIR YON TAN BZHIN NO, ,DPER NA BRAM ZE'I KHYE'U SENG GE ZHES PA BZHIN TE, DPA' BA NYID LA SOGS PA'I YON TAN GYI KHYAD PAR NI SENG GE DANG BRAM ZE'I KHYE'U DAG, GI THA DAD MED PAR NYE BAR GDAGS PA'I RGYUR 'GYUR ZHING THA SNYAD KYI RGYUR 'GYUR TE, YON TAN GYI SGRA ZHES PA YIN PA DE LTAR RIGS KYANG STE SGRA'I THA DAD PA RNAMS KYIS THA MI DAD PAR NYE BAR GDAGS PA'I RGYU'O ZHES PAS RIGS KYI SGRA ZHES DE NI THA SNYAD KYI RGYU YIN NO, ,RANG GI KHYAD PAR RNAMS SHES PA RANG GI STE RIGS KYI KHYAD PAR RNAMS TE, RIGS GANG GIS SGRA GANG GI THA SNYAD DU STON PA'I RGYU YIN PA DE NI DE'I RANG GI BAR 'GYUR RO, ,PHAN TSUN KHYAD PAR DU BYED CING THA DAD DU BYED DO ZHES PA KHYAD PAR RNAMS TE, DPER NA RIGS YOD PA'I RDZAS DANG YON TAN DANG LAS RNAMS LTA BU'O, ,THAMS CAD RNAMS KHO NA SMRAS PA ZHES PA, CUNG ZAD TZAM KHO NA MA YIN PA'O, ,DE LTAR NI BRAM ZE GSAD PAR BYA BA MA YIN NO ZHES PAS BRJOD PA NA, BRAM ZE'I RIGS KYI KHYAD PAR MA thA RA'I BU LA SOGS PA THAMS CAD GSAD PAR BYA BA MA YIN NO, ,GAL TE RIGS KYI SGRAS RANG GI KHYAD PAR MA LUS PA BRJOD NA, 'O NA BRAM ZE KUn tI NA'I BU SHOG CIG CES KHYAD PAR GYI MNYAN PA CI'I DON DU YIN, BRAM ZE'I SGRA JI TZAM BAS KUn tI NA'I BU MNGON BAR BRJOD PAS SO ZHE NA, SMRAS PA BRJOD PA RNAMS LA NI NGES PA'I DON DU KHYAD PAR GYI SGRA ZHES PA, KUn tI NA'I BU KHO NA STE MA thA RA'I BU NI MA YIN NO ZHES PA'O, ,DPER NA BYA BAS NI RDZAS 'DREN PAR BYED DO ZHES BRJOD PA NA, SLAR YANG RDZAS MA YIN PA NI MA YIN ZHES NGES PA'I DON DU BRJOD PA BZHIN DANG, JI LTAR RDZAS KHO NA RTOGS PA BZHIN NO ZHES PA'O, ,RJOD PAR BYED PA ZHES BRJOD PAR BYA STE ZHES PA STE, DOGS PA DANG BCAS PA NYID KYI PHYIR YONGS SU MA RDZOGS PA'I DAG CES PAS NA 'CHAD PAR 'GYUR BA'I TSIG GIS DOGS PA RNAM PAR GCOD PAR STON TO, ,MTHA' YAS NYID PHYIR ZHES PA 'THAD PA'O, ,CI ZHIG MTHA' YAS PA'I PHYIR ZHE NA, SKABS NYID KYI PHYIR KHYAD PAR RNAMS KHO NA @240A *, ,STE; GANG GSUNGS PA KHYAD PAR RNAMS NI MTHA' YAS PA YIN NA NI ZHES PA LA SOGS PA'O, ,'BREL PA BYA BAR MI NUS ZHES PA, BRJOD PA STE, BYA BA'I BYINGS NI DON DU MA CAN NYID KYI PHYIR RO, ,DE 'DI GTAN TSIGS GNYIS BSHAD DE, ,MTHA' YAS BA NYID NI 'BREL PA MI NUS PA NYID LA GTAN TSIGS SO, ,'BREL PA MA BRJOD PA NYID NI YANG RJOD PAR BYED PA MA YIN PA NYID LA STE, DE LTAR YANG GSUNGS PA, 'BREL PA MA BYAS PA'I SGRA LA NI DON RJOD PAR BYED PA'I RIGS PA MA YIN ZHES PA'O, ,MTHA' YAS PA NYID KYANG YUL GYIS BSKAL PA STE, NYE BAR RJOD PAR BYED PA'I MTHA'I SGRA'I DGAG PA DANG MNGON PAR 'BREL PA'I PHYIR RO, ,DE DANG 'DIS 'DI SKAD STON TE, GANG RNAMS BSKAL PA'I YUL DU 'JUG PA DE RNAMS 'DIR GNAS PA RNAMS KYIS RANG NYID KYI SBYOR ZLA'I 'BREL BA NYID DU BRJOD PAR NUS PA MA YIN TE, DPER NA MTHO RIS SU SONG BA'I NAG PA LA SOGS PA RNAMS BZHIN, KHYAD PAR KHA CIG RNAMS KYANG DE LTA BU'O ZHES PA KHYAB PAR BYED PA DANG 'GAL BA'O, ,YANG NA MU MED PA NYID MTHA' YAS PA NYID DE, PHYOGS KYI MTHA' BZHIN TE, YONGS SU BCAD BRJOD PAR BYED PA'I MTHA'I SGRA DGAG SGRA DANG 'BREL PA'I PHYIR RO, ,SBYOR BA NI GANG RNAMS MU MED PA DE RNAMS RANG DANG 'BREL PA CAN GYI 'BREL BA CAN NYID DU BSHAD PAR BYA BA MA YIN TE, SA GZHI'I RDUL BZHIN KHYAD PAR RNAMS KYANG DE LTA BU'O ZHES PA 'GAL BA DE KHO NA'O, ,'BREL PA MA BYAS PA ZHES PA LA SOGS PAS, GANG KHYAD PAR RNAMS DANG 'BREL PA MA BSHAD PA DE NI, DE RNAMS KYI RJOD PAR BYED PA MA YIN TE, 'PHAGS PA PA'I NGOR KLA KLO'I SGRA BZHIN, RIGS KYI SGRA YANG DE LTA BU'O ZHES PA KHYAB BYED MI DMIGS PA GSUNGS SO, ,RANG GI NGO BO TZAM RTOGS PA'I PHYIR RO ZHES PA DPE GSAL BAR BYED PA STE, KLA KLO'I SGRA LA NI SGRA'I RANG GI NGO BO TZAM KHO NA RTOGS KYI DON NI MA YIN PAS SO, ,GZHAN YANG ZHES PA GTAN TSIGS SOGS PA'O, ,CI LTAR NA YANG 'KHRUL PA YIN ZHE NA GSUNGS PA, JI LTAR ZHES PA LA SOGS PA STE, RDZAS MED NA YANG @240B YON TAN MTHANG BA'I PHYIR DANG, DE MED NA YANG RDZAS DANG LAS DAG LA YANG ZHES PA THAMS CAD DU 'KHRUL PAR THE TSOM DU 'GYUR RO, ,RJOD PAR BYED PA MA YIN ZHES PA GANG ZHIG GANG LA THE TSOM GYI RGYU YIN PA DE DE'I RTOGS PAR BYED BA MA YIN TE, 'DI LTA STE GZHAL BYA NYID RTAG PA DANG MI RTAG PA DAG GI BZHIN RIGS KYI SGRA YANG KHYAD PAR RNAMS LA DE LTA BU'O ZHES RANG BZHIN 'GAL BA GSUNGS SO, ,THE TSOM GYI RGYU NYID DANG 'KHRUL BA'I PHYIR ZHES PA 'DIS GSAL BAR BYAS SO, ,GANG ZHIG GANG LA 'KHRUL PA DE NI DE LA THE TSOM GYI RGYU STE, DPE DE KHO NA'O, ,RIGS KYI SGRA YANG KHYAD PAR 'KHRUL PA'O, ,RANG BZHIN NO, ,'O NA RIGS KYI SGRA LAS RANG GI KHYAD PAR THAMS CAD RTOGS PA MA YIN NAM, THAMS CAD LA THE TSOM NYE BAR SKYE BA NI MA YIN ZHING, RANG GI KHYAD PAR THAMS CAD MED PA NA NAM YANG, RIGS KYI SGRA NI 'GA' ZHIG TU YANG DON GZHAN LA 'JUG PA NYE BAR DMIGS PA YANG MA YIN TE, DES NA CI'I PHYIR 'KHRUL ZHE NA SKYON 'DI MED DE, RIGS KYI SGRAS KHYAD PAR DANG KHYAD PAR MED PA'I NGO BO LA REG PAS RTOGS PAR BYA BA NI MA YIN ZHING, GANG SBRAS BRJOD PAR BYA BA KHYAD PAR MTHA' DAG GI NGO BO ZHES BYA BA DE RNAMS KYI SPYI YANG YOD PA MA YIN TE, KHYAD PAR GYI NGO BO YONGS SU GTONG BA NA, DE RNAMS KHO NA'I RIGS NYID DU THAL BAR 'GYUR BA'I PHYIR RO, ,KHYAD PAR GYI NGO BOS KHYAB PA YOD PA YANG MA YIN TE, KHYAD PAR GYI NGO BO NI PHAN TSUN LOG PA NYID KYI PHYIR RO ZHES PAS MA GRUB PA MED DO, ,GANG YANG SEMS PA ZHES PA SKYON SNGA MA MED PA LAS PHYOGS GZHAN NYE BAR DGOD PA'O, ,'BREL PA SLA BA NYID KYI PHYIR DANG MI 'KHRUL PA'I PHYIR ZHES PA SLA BA NI RIGS GCIG NYID KYI PHYIR TE, YUL MANG PO NYID YOD NA'ANGS SO SOR BDAG NYID THAMS CAD KYIS YONGS SU RDZOGS PA NYID KYI PHYIR RO, , NYE BA NYID KYI PHYIR YANG RTEN NYE BA NYID KYIS 'BREL PA'O, ,'BRAL BAR RANG GI RTEN LA 'PHROD BA 'DU BA YANG 'KHRUL BA YANG MED PA KHO NA'O, ,KHYAD BAR RNAMS NI DU MA NYID KYI PHYIR PHAN TSUN MED PA LA YANG YOD PA'I 'KHRUL BAR RIGS KYI RIGS SAM SBYOR BA LA NI MA YIN TE, DE DAG THA MI DAD PA'I PHYIR DANG @241A *, ,DE MED NA YANG SGRA MI 'JUG PA'I PHYIR RO, ,DE MI RIGS ZHES PA RIGS PA DANG 'BREL PA MA YIN ZHES PA'I DON TO, YANG 'DIR RIGS PA CI ZHIG CE NA, LUNG ZHES BYA BA'I TSAD MA'O, ,CI LTAR DE DANG 'BREL PA MA YIN ZHE NA, THA DAD PA'I, ,DON DANG THA DAD MED THOS PHYIR, , GANG RNAMS KYI DON THA DAD YIN PA ZHES PA STE, THA DAD PA'I DON CAN GYI BYE BRAG GI SGRA RNAMS SO, ,DE RNAMS DANG THA DAD MED PAR THOS PA NI GZHI MTHUN BA NYID DE, THA DAD MED PA STE GZHI GCIG LA THOS PA ZHES BYAS NAS SO, ,YID CHES BA RNAMS LAS THA DAD MED PAR THOS PA YOD PA'I RDZAS ZHES PA LA SOGS PA MTHONG BA DER MI 'GYUR NA, DE YANG MTHONG NGO ZHES PA RIGS DANG 'BREL PA RJOD PAR BYED PA DAM BCA' BA BSTAN BCOS SU MTHONG BAS GZHI MTHUN PA NYID KYIS GNOD DO ZHES BA'I DON TO, ,YANG NA GANG GIS THA DAD PA'I DON CAN RNAMS DANG GZHI MTHUN PA NYID YIN PA DE NI RIGS DANG SBYOR BA BRJOD PA MA YIN TE, 'DI LTA STE, 'DI BUM PA'O 'DI SGRA'O ZHES PA BZHIN, YOD PA'I SGRA'I YANG THA DAD PA'I DON CAN RNAMS DANG GZHI MTHUN PA NYID YIN NO ZHES PA KHYAB BYED DANG 'GAL BA GSUNGS SO, ,YANG CI'I PHYIR BSTAN PA 'DI LA GZHI MTHUN PA NYID DU MI 'GYUR ZHE NA GSUNGS PA, YOD PA NYID CES PA LA SOGS PA'O, ,GANG GI PHYIR RDZAS DANG YON TAN DANG LAS RNAMS LA DON GZHAN PA YOD PA NYID BSHAD LA, 'BREL PA YANG RDZAS LA SOGS PA DGAG PA STE, DNGOS PO LA NI BSHAD PA'O ZHES PA'O, ,'O NA CI ZHE NA, RDZAS KYI'AM YON TAN GYI'O ZHES PA, 'BREL BA'I MTSAN NYID KYI DRUG PAS 'DIR 'BYUNG BAR BYA'O ZHES PA'I DON TO, ,'O NA RDZAS LA SOGS PA'I SGRA RNAMS KYIS KYANG RIGS TZAM PO RDZAS NYID LAS BRJOD PAR BYA'O ZHES PAS, DE LAS GANG LA DRUG PA'I BRJOD PAR BYA BAR RIGS NI RIGS GZHAN DANG 'BREL BA CI ZHIG YIN ZHE NA, SKYON 'DI MED DE, RDZAS NYID DANG LDAN PA NI RDZAS SU 'DIR LDAN PA'I DON CAN GYI RKYEN DBYI BAR BYAS NAS BSTAN TE, GZHI MI MTHUN PA NYID RAB TU BSTAN PA'I DON DU'O, ,GAL TE 'DI LTAR BYAS NA YOD PA'I SGRA LA YANG LDAN PA'I DON CAN @241B DBYI BAR BYAS PA LAS GZHI MTHUN PA NYID DU 'GYUR RO ZHE NA, 'O NA GANG GI TSE YOD PA NYID TZAM BRJOD PAR 'DOD PA NYID KYI PHYIR LDAN PA'I DON CAN MI 'THAD PA DE'I TSE 'THOB PA MA YIN NO, ,DE'I TSE YOD BA NI RDZAS KYIS ZHES 'DOD PA YANG MA YIN NO, ,'O NA RKYEN THAMS CAD BDAG NYID RANG NYID YANG DAG PAR ZHUGS BA'I NGO BO NYID KYI PHYIR, 'BREL PA'I SGRAS KYANG RE ZHIG 'BREL PA YOD PA BRJOD PAR BYA BA MA YIN NA, RIGS KYI SGRA YIS GA LAS YIN, ,DE CI LTAR BRJOD PAR BYA BA DANG BCAS PA NYID DU DOGS PA YIN ZHE NA GSUNGS PA, 'BREL PA'ANG 'DIR ZHES PA RANG GI CHOS KYIS BRJOD PAR BYA BA NYID KYI PHYIR 'BREL PA BRJOD PAR BYA BAR BSHAD PA NI MA YIN PA KHO NA STE, 'O NA CI ZHE NA, 'BREL PA CAN GYI CHOS KYIS SO, ,YANG CI LTAR 'BREL PA CAN GYI CHOS KYIS BSHAD PAR BYA BA YIN ZHE NA GSUNGS PA, DE LTAR ZHES PA LA SOGS PA 'DIR SGRA'I DON 'GA' ZHIG SGRA 'GA' ZHIG GIS BRJOD BAR BYA BZHIN PA NI 'BREL PA CAN GZHAN LA DOGS PA NYE BAR SKYE BA'I RGYU STE, DE LTAR NI SDUD PA YIN ZHING SDUD PA'I SGRA BRJOD PA NA, PHA ROL DOGS PA NYE BAR SKYE BA'I RGYUR 'GYUR TE, DE KHO NA RGOL BAS NYE BAR LEN PA NI CI'I ZHES DOGS PA SKYED PAR BYED PA YIN PAS SO, ,DNGOS PO YANG DNGOS PO BSGRUB PA'I SGRAS BRJOD PAR BYA BA NI NGES PAR YUL GZHAN LA DOGS PA SKYED PAR BYED DO ZHES GSUNGS PA, DNGOS PO GZHAN GYIS SBYOR BAR BYA, ,ZHES PA'O, ,'O NA RIGS LA YANG 'DI SKAD BRJOD PAR 'THAD PA MA YIN NAM, RIGS KYI SGRAS BRJOD PAR BYA BA'I RIGS KYANG 'BREL PA CAN GYI NGO BOR BRJOD PAR BYA STE, RTA'I 'AM BA LANG GI RIGS SO ZHES BA'O ZHE NA, 'DI YOD BA MA YIN TE, 'BREL PA CAN YIN NA'ANG RIGS NI RIGS KYI NGO BOR GTONG BA MA YIN ZHING, 'BREL PA NI 'BREL PA CAN NYID YIN NA RANG GI NGO BO NYAMS PA KHO NA'O 'BREL PA GZHAN MED NA, 'BREL PA CAN NYID MI 'THAD PA'I PHYIR RO, ,DE LTA NA YANG THUG PA MED PAR THAL BAR 'GYUR RO, ,'BREL PA NYID NI 'BREL PA'O ZHES PA DNGOS PO NYID DU 'DI STON PAR MDZAD DE, DNGOS PO BYAS NAS BRJOD CES PA'I @242A *, ,DNGOS PO ZHES PA'I DGONGS PAS GSUNGS PA'O, ,DNGOS PO'ANG GZHAN GYIS SBYAR BAR BYA, ,ZHES PA, GANG DNGOS PO YIN PA DE NI GZHAN GYIS SBYAR BAR BYA BAS TE CHOS BZHIN 'BREL PA YANG DE LTA BU'O ZHES PA'I RANG BZHIN GSUNGS SO, ,DE'I PHYIR 'BREL PA CAN GYI CHOS KYI 'BREL PA BRJOD PAR BYA'O ZHES BYAS NAS DOGS PA'O ZHES PAS 'BREL PA'I SGRAS NI 'DI NGO BO GZHAN GYIS BRJOD PAR BYA BAR MTHONG STE, DE YANG YOD PA'I SGRA DANG YOD PA'I 'BREL BA'O ZHAS GZHI MTHUN PA'O, ,DE'I PHYIR YOD PA'I SGRAS KYANG 'BREL PA CAN NYID DU BRJOD PAR BYA'O ZHES RES 'GA' PHA ROL POS KHAS LEN PA NA BYED PAS NA DOGS PAR BYAS NAS DGAG PAR BRJOD DO ZHES STON TO, RANG GI CHOS KYIS NI ZHES PA, RANG GI NGO BOS NI 'BREL PA RJOD PAR BYED PA'I SGRA MED DO ZHES PA'O, ,'DI STE ZHES PA BSNYEGS PAR RUNG BA'I NGO BO NYID KYIS YOD PA MA YIN PAR GYUR PA NYID KYI PHYIR RANG GI NGO BO BRJOD PA'I NGOR DOGS PA MED PA KHO NA STE, DE'I PHYIR 'DI RIGS KYI SGRAS BRJOD PAR BYA BA NYID DU 'THAD PA MA YIN NO ZHES PA'O, ,BYE BRAG GI SGRA RNAMS KYIS ZHES PA LA SOGS PAS SKYON SNGA MA MED PA LAS PHYOGS GZHAN DGOD PA'O, ,RDZAS LA SOGS PA RNAMS NI BYE BRAG GI SGRA RNAMS SO, ,DE RNAMS DANG GZHI MTHUN PA NYID NI DON GCIG LA 'JUG PA NYID KYI PHYIR RO, ,RDZAS GANG KHO NA LA YOD PA NYID 'JUG PA'I RGYU MTSAN NYE BAR BLANGS NAS YOD PA'I SGRA 'JUG PA DE KHO NA RDZAS KYI SGRA RDZAS NYID KYI RGYA MTSAN CAN TE DE'I PHYIR GZHI MTHUN PA NYID 'THAD DE, DE DANG LDAN PA BRJOD PA NA YOD PA'I RDZAS ZHES PA'O, ,'BREL PA MI NUS PA NYID KYANG MA YIN TE, DE TZAM NI THA MI DAD PA NYID KYI PHYIR RO, ,'DIR KHYAD PAR RNAMS BRJOD PA NI MA YIN GYI, 'ON KYANG DE RNAMS KYI RIGS DANG LDAN BA TZAM GANG SPYI'I NGO BO'O, ,DE YANG GCIG NYID KYI PHYIR 'BREL PA SLA PA'O, ,'KHRUL PA MED PA YANG STE, DE MED NA SGRA MI 'JUG PA'I PHYIR RO, ,DE ZHES PA NGAG NYE BAR DGONG PA'I DON TO, ,DE LDAN ZHES PA RIGS LDAN ZHES PA'I DON TO, ,RANG DBANG MED PHYIR ZHES PA PHA ROL LA LTOS PA'I PHYIR @242B ZHES PA'I THA TSIG GO, ,RANG DBANG MED PA NYID DE STON PA GSUNGS PA, DE LTA NA YANG ZHES PA LA SOGS PA'O, ,RIGS DANG RANG GI NGO BO YANG ZHES ZLAS DBYE BA'O, ,RANG GI NGO BO'I SGRAS SGRA'I RANG GI NGO BO GSUNGS SO, ,DE DAG NYE BAR SGYUR BAR BYED PA NI GTZO BO MA YIN PA GANG GI YIN PA DE DE SKAD BSHAD DO, ,TZAM SMON PA NI RDZAS LA RTOGS PA'I CHOS GZHAN GYI BYE BRAG DGAG PA'I DON TO, ,YANG CI LTAR NA RANG GI NGO BO RDZAS KYI ZHAR LA BYUNG BA YIN, JI TZAM DU RIGS KHO NA DE'I ZHAR LA BYUNG BA STE, SGRA NI RANG GI NGO BOS KHYAD PAR DU BYAS PA'I RIGS BRJOD CING, DE LA PHYIS KYI DUS SU SGRA'I RANG GI NGO BOS KHYAD PAR DU BYAS PA'I RDZAS SO ZHE NA, 'DI SKYON MA YIN TE, PHAN 'DOGS PA DANG PHAN 'DOGS PA CAN RNAMS NI PHAN 'DOGS PA CAN RANG GI KHYAD PAR DU BYED PA LA LTOS PA CAN GYIR 'GYUR TE, KHYAD PAR DU BYED PA NI GTZO BO'I PHAN 'DOGS BYED CHEN PO LA 'JUG BZHIN PA NYID KYI PHYIR RO, , DPER NA RAB TU MYOS MA NI RANG GI 'GRAM PA BYUG PA LA SOGS PA'I 'DU BYA BA SNGON DU SGRUB CING, DE NAS 'DUS BYAS PA'I DBANG GIS MNGON PAR 'BREL PA NI, CHES MCHOG TU GYUR PA'I PHAN 'DOGS PA DE LA BYED PA BZHIN NO, ,DNGOS SU NI MA YIN NO ZHES PA BAR DU MCHOD PAS MA YIN PA'O, ,DER GTOGS PA'I BUM PA LA SOGS PA'I KHYAD PAR MA 'PHANGS PA'I PHYIR ZHES PA, GANG DA RIGS DANG LDAN PA DER GTOGS PA GANG KHYAD PAR BUM PA LA SOGS PA RNAMS TE, DE RNAMS MA 'PHANGS PA'I PHYIR ZHES PA'I DON TO, ,RIGS DANG RANG GI NGO BO SMOS PA NI GNYIS GAS BAR DU CHOD BAS NA LHAG PAR GZHAN GYI DBANG NYID RAB TU BSTAN PA'I DON DU'O, ,CI STE 'PHEN PA ZHES BYA BA 'DI CI ZHIG MI GTONG BA'O, ,'O NA BUM PA LA SOGS PA RNAMS KYANG MA BTANG BA MA YIN NAM, YONG BA NYID KYI RTEN NYID KYI PHYIR TE, DE'I RTEN YANG BRJOD PA'I PHYIR RO ZHE NA, MA YIN TE, BUM PA NYID LA SOGS PA RNAMS MI 'PHEN BA'I PHYIR RO, ,YOD PA'I SGRA NI YOD PA NYID KYI GZHAN GYI DBANG NYID KYI PHYIR DE LAS THA DAD PA'I NGO BO BUM PA NYID LA SOGS PA RNAMS MI 'PHEN NO, ,BUM PA NYID LA SOGS PA'I NGO BO YANG DAG PAR GNAS PA LAS DNGOS PO DE BUM PA'AM SNAM BUR 'GYUR GYI, RANG LAS NI MA @243A *, ,YIN TE, DNGOS PO TZAM LA KHYAD PAR MED PA'I PHYIR RO, ,DE'I PHYIR JI LTAR BUM PA'I SGRAS BUM PA NYID LA SOGS BA DANG MA 'DRES PA LAS, BUM PA LA SOGS BA RNAMS MI 'PHEN PA DE LTAR YOD PA'I SGRAS KYANG NGO, ,DE LAS CI YIN ZHE NA, DE'I PHYIR DE KHO NA DE'I KHYAD PAR MA YIN PA NYID NA GZHI MTHUN PA NYID MED DO, ,CI LTAR BYAS NAS SHE NA, GAL TE YOD PA'I SGRAS BUM PA LA SOGS PA RNAMS MI 'PHEN NA, DE BAS NA DE RNAMS DE'I BYE BRAG MA YIN TE, MA 'PHANGS PA'I BYE BRAG RNAMS NI MTHONG BA MA YIN PAS SO, ,DE'I KHYAD PAR MA YIN PA'I PHYIR YANG DE'I SGRA DANG GZHI MTHUN PA NYID DU MI 'GYUR RO, ,CI'I PHYIR ZHE NA GSUNGS PA, KHYAB PA YOD PA MIN PA LA, ,ZHES BYA BA LA SOGS PA'O, ,KHYAB BA NI 'PHEN PA STE JI LTAR GZUGS KYI SGRAS MNGAR BA LA SOGS PA RNAMS MI 'PHEN NA, DE'I KHYAD PAR MA YIN PA NYID KYI PHYIR, DE'I SGRA RNAMS DANG GZHI MTHUN PA NYID DU MI 'GYUR TE GZUGS SKYUR BA'O ZHES PA MI 'GYUR BA LTAR RO, ,KHYAB PA NA NI 'GYUR TE GZUGS SNGON PO'O ZHES PA'O, ,DPER NA ZHES PA LA SOGS PA DPE NYE BAR STON PA'O, ,DKAR BA'I SGRA'I RANG GI BRJOD PAR BYA BA'I YON TAN NI RAB TU 'JUG PA'I RGYU MTSAN NYID KYI PHYIR DKAR PO NYID DO, ,DE NI DE TZAM GYIS KHYAD PAR DU BYAS PA'I RDZAS BRJOD PA'I PHYIR YOD KYANG RDZAS KYI BDAG NYID DE LA MDAR PO LA SOGS PA RNAMS 'PHEN PA MA YIN TE, DE NA DKAR PO NYID BZHIN DU MNGAR PO NYID LA SOGS PA RNAMS 'JUG PA'I RGYU MA YIN PAS SO, ,DE'I PHYIR DE'I KHYAD PAR MIN PA NYID DO ZHES PA, MI 'PHEN PA'I PHYIR MNGAR BO NYID LA SOGS PA RNAMS DKAR PO'I KHYAD PAR MA YIN NO ZHES PA'I DON TO, ,DE BZHIN DU 'DIR YANG THAL BAR 'GYUR RO ZHES PA BSGRUB BAR BYA BA LA DPE LA BSGRUB PA'I DON NYE BAR SBYOR BAR BYED DE, YOD PA'I SGRAS BUM PA LA SOGS PA RNAMS MI 'PHEN CING, MI 'PHEN PA'I PHYIR YANG DE'I KHYAD PAR NYID MA YIN NO ZHES PA'I DON TO, ,DE 'DIS PHA ROL PO LA MI 'DOD PA 'BYUNG BA'I CHED DU, GANG ZHIG KHYAD PAR DU BYAS PA'I YON TAN RNAM PAR BCAD PAS RDZAS GANG YIN PA BRJOD PA DE NI DER GTOGS BA'I KHYAD PAR GZHAN MI 'PHEN PA @243B YIN TE, DKAR PO'I SGRA BZHIN YOD PA'I SGRA YANG DE LTA BU'O ZHES KHYAB BAR BYED PA 'GAL BA DANG, DE BZHIN DU GANG RNAMS GANG RJOD PAR BYED PA'I SGRAS MA 'PHANGS PA DE RNAMS NI DE'I KHYAD PAR RNAMS MA YIN TE, DPER NA MNGAR PO LA SOGS PA RNAMS DKAR PO BZHIN, BUM PA LA SOGS PA RNAMS KYANG YOD PA NYID RJOD PAR BYED PA'I SGRAS MA 'PHANGS PA RNAMS SO ZHES PA KHYAB BYED MED PA DANG, DE BZHIN DU GANG RNAMS GANG GIS BRJOD PAR BYA BA'I KHYAD PAR RJOD PAR BYED PA RNAMS SU MI 'GYUR BA DE RNAMS DANG DE GZHI MTHUN PA NYID DU 'GYUR BA MA YIN TE, 'DI LTA STE SGYUR BO LA SOGS PA'I SGRA RNAMS DANG GZUGS KYI SGRA BZHIN BUM PA LA SOGS PA'I SGRA RNAMS KYANG YOD PA'I SGRA'I BRJOD PAR BYA BA'I KHYAD PAR RJOD PAR BYED PA RNAMS SU MI 'GYUR RO ZHES PA KHYAB PAR BYED PA MED PA KHO NA STON TE, 'DIR RIGS KYI SGRAS DE DANG LDAN PA BRJOD DO ZHES PA 'DI BSHAD DO, ,DE LDAN LA YANG SGRA LDAN PA'I RKYEN PHYIS PA LAS SAM, THA DAD MED PAR NYE BAR BTAGS PA LAS 'JUG PA YIN, DE LA LDAN PA'I RKYEN GYI PHYOGS LA DKAR PO LA SOGS PA BZHIN DU RJOD PAR BYED PA SRID DO ZHES BRJOD PAR BYA BA NYID YOD PA LA SKYON GSUNGS SO, ,THA DAD MED PAR NYE BAR GDAGS PA LA NI SGRO BTAGS PA'I YOD PA NYID KYI NGO BO DE KHO NA RJOD PAR BYED PA'I PHYIR BRJOD PAR BYA BA NYID DU DE LDAN SRID BA MA YIN NO ZHES BSTAN PA'I CHED DU GSUNGS PA, NYE BAR BTAGS PHYIR ZHES PA'O, ,RANG GI NGO BO ZHES PA GANG RNAMS SGRA'I RANG GI NGO BO BRJOD PAR BYA BAR 'DOD PA DE'I LUGS KYIS SO, , YANG NA RIGS ZHES PA GANG RNAMS RIGS TE, RANG GI NGO BO NI MA YIN NO, ,DE DANG LDAN PA LA NYE BAR BTAGS PA ZHES PA RIGS DANG LDAN PA LA'O, ,RANG GI NGO BO BRJOD PAR BYA BAR SMRA BA RNAMS KYI NI RIGS LA YANG NYE BAR BTAGS PA'O, ,'DI NI GTAN TSIGS NYE BAR STON PA'O, ,GANG ZHIG GANG LA ZHES PAS RJES 'GRO'O, ,YANG DAG PA'I DON SMOS PA NI NYE BAR BTAGS PA LAS, DE LTAR RTOGS PAR KUN NAS BSTAN PA'I DON DU NGES PAR STON PA BRTAG PAR BYA'O, ,GANG ZHIG GANG LA NYE BAR BTAGS PA DE NI DON DE YAN DAG PAR BRJOD PA MA YIN TE 'DI LTA STE, @244A *, ,SKYES BU LA RGYAL PO'I SGRA BZHIN, RIGS KYI SGRA YANG DE DANG LDAN PA LA NYE BAR BTAGS PA'O ZHES PA KHYAB BYED DANG 'GAL BA'O, ,DPE LA BSGRUB PAR BYA BA MA TSANG BA NYID DU DOGS PAR BYA BA MA YIN TE, 'DOD PA NYID KYI PHYIR RO, ,JI SKAD DU BSHAD PA, KHRI YI SGRA NI RTEN JI BZHIN, ,KHRI RNAMS KHO NAR RNAM GNAS PA, ,DE NYID DU BRJOD DE LTAR NI, ,RIGS SGRA RDZAS RNAMS LA 'JUG GO, ,ZHES SO, ,'DI NI RGYAL BO'O ZHES NYE BAR BTAGS BZHIN PA'I RGYAL PO'I SGRA NI YANG, YANG DAG PA'I DON DU 'BANGS RJOD BAR BYED PA MA YIN PAS SO, , NYE BAR BTAGS PA KHO NA NI DE LTAR 'GYUR BA MA YIN PAS TE, 'BANGS KYI SGRA BZHIN NO, ,RGYAL PO'I DON DE KHO NA NI GZHI THA DAD BAR BRJOD BAR BYA'O ZHES PAS NYE BAR BTAGS PAR 'GYUR RO, ,NYE BAR BTAGS PA NI 'DRA BA'I RGYU CAN NYID KYI PHYIR 'DRA BA BRTAG PA'I CHED DU DE DANG LDAN PA LA YANG ZHES PA LA SOGS PAS RNAM PAR DPYOD PA RTZOM MO, ,'O NA PHA ROL LA YANG DE'I KHYAD PAR DU BYED PA'I RANG GI NGO BO DON DAM BAR MED PA KHO NA MA YIN NAM, NYE BAR BTAGS PA'I TSIG LAS SO, ,DE LTAR NA 'DRA BA MED BA NYID LA YANG NYE BAR BTAGS PA DMIGS TE BDAG PO DANG 'BANGS DAG LA'O, ,DE'I PHYIR YON TAN 'DRA BA DGAG PA'I 'BAD BA NI DON MED PA'O ZHE NA, SKYON 'DI MED DE YON TAN DANG YANG DAG PAR SBYAR BAS BYAS PA'I NGO BO LDOG PAS NA, BRJOD PAR BYA BA'I NGO BO GZHAN MED PA'I PHYIR BRJED PAR BYA BA MED PAR THAL BA LA, PHA ROL BO RES 'GA' 'DRA BA LA BRTEN PAS SO SOR GNAS PAR 'DOD DE, DE'I PHYIR YON TAN 'DRA BA DGAG PA'I TSIG GO, ,DE LA 'DRA BA NYID NI 'DRE BAR BYED PA LAS GRUB PAR 'GYUR RAM, RANG NYID KHO NA LAS SAM, RTEN GZHAN LAS TE RNAM PA GZHAN MED PA'I PHYIR RO, ,DE LA RTOGS PA 'PHO BA LAS MA YIN ZHES PA 'DIS NI 'DRE BAR GRUB PA'I 'DRA BA NYID MED DO ZHES DAM BCA' BA GSAL BAR BYED DO, ,RTOGS BA 'PHO BAS NI 'DRA BA NYID YOD PA KHO NA NGES PAR BYED PA 'BA' ZHIG STE, BYED NI MA YIN NO, ,YON TAN GYI PHAN 'DOGS PA LAS KYANG MA YIN ZHES @244B PA 'DIS NA GZHAN GYIS BYAS PA'I 'DRA BA NYID MED PA NYID DU DAM BCA'O, ,YANG CI LTAR DON SO SO LA NGES BA SKAD CIG GIS 'JIG PA'I RTOGS PA RNAMS DON GZHAN LA 'PHO BA SRID CE NA, 'DI BDEN TE MI SRID PA KHO NA'O, ,DE LTA NA YANG RNAM PAR SHES PA 'DRA BA GZHAN SKYE BA LA THA DAD MED PAR BTAGS PA'I PHYIR 'PHANGS PA'O ZHES BRJOD PA'O ZHES PAS SKYON MED DO, ,RIGS DANG DE DANG LDAN PA GNYIS KA DAG RANG NYID KHO NA LAS 'DRA BA STE, RIGS LA SOGS PA RNAMS KYI NGO BO RANG GI RTEN DANG MTSAN NYID MI MTHUN PA CUNG ZAD KYANG NYE BAR DMIGS PA MA YIN PA STE, DE'I PHYIR DE DAG GI 'DRE BA GRUB PA KHO NA 'DRE BA NYID DO ZHES SEMS PAR 'GYUR BAS 'DRI STE, CI LTAR RTOGS PA 'PHO BA LAS MA YIN ZHE NA'O, ,NYE BAR BTAGS PA YIN NA, BLO YI NGO BO THA DAD PHYIR, ,ZHES PA RIGS LA 'JUG PA'I SGRA DE DANG LDAN PA LA NYE BAR GDAGS PAR BYA BA YIN NA NI, NYE BAR BTAGS PA YIN PA LA RNAM PA MTSUNGS BA CAN GYI BLOR 'GYUR BA YANG MA YIN NO, ,'DI DPES RTOGS PAR BYED DE, BRA NA RGYAL POR BTAGS PA BZHIN, ,ZHES PA'O, ,DPER NA ZHES PA LA SOGS PAS NI 'DI KHO NA 'CHAD DO, ,NYE BAR BTAGS PA YANG ZHES PA LA SOGS PAS PHYOGS CHOS NYE BAR STON TO, ,DE LTAR DE DANG LDAN PA LA NYE BAR BTAGS PAR BRJOD PA'I PHYIR RIGS LA DNGOS SO ZHES BRJOD PAR 'GYUR RO, ,DE 'DIS GANG DAG DNGOS DANG NYE BAR BTAGS PA'I SGRA'I BRJOD PAR BYA BA DE DAG NI 'DRA BA MA YIN TE, 'DI LTA STE, RGYAL PO DANG KHOL PO DAG BZHIN, RIGS DANG DE DANG LDAN PA DAG KYANG DNGOS DANG NYE BAR BTAGS PA'I SGRA'I BRJOD PAR BYA BA DAG GO ZHES KHYAB BYED DANG 'GAL BA GSUNGS SO, ,'O NA NYE BAR BTAGS PA SENG GE'I SGRA DANG, DNGOS BRAM ZE'I KHYE'U'I SGRAS KYANG BRAM ZE'I KHYE'U RJOD PAR BYED PA'I PHYIR MA NGES SO ZHE NA, DE SPANG BA'I CHED DU GCIG SMOS PAR BYA STE, DNGOS DANG NYE BAR BTAGS PA'I SGRA GCIG GI BRJOD PAR BYA BA'I PHYIR RO ZHES BYA'O, ,YANG CI LTAR RJE BO DANG 'BANGS DAG DNGOS DANG BTAGS PA'I SGRA GCIG GI BRJOD PAR BYA BA NYID YIN, JI TZAM DU @245A *, ,GANG KHO NANG YIN PA DE KHO NA 'DI 'O ZHES SGRA THA DAD KYI BRJOD PAR BYA BA NYID KHO NA'O, ,CI STE RGYAL PO'I SGRA GCIG KHO NAS JO BO DANG BRAN DAG GNYIS KA BRJOD NA NI, SENG GE'I SGRA KHO NAS GNYIS KA DAG RJOD PAR BYED PA'I PHYIR RO, ,KHYAD PAR DU BYED PA YOD NA YANG MA NGES PA DE KHO NA'O; ,CI STE BRAM ZE'I KHYE'U LA SOGS PA GANG NYE BA MA YIN PA RTOGS PAR BYA BA NYID KYI PHYIR NA, BRAM ZE'I KHYE'U GCIG MA YIN PA'I TSIG GI RTOGS PAR BYA BA NYID NA NI, RGYAL PO DANG BRAN DAG KYANG TSIG GZHAN MA GTOGS PAR RGYAL PO'I SGRA 'BA ZHIG PAS RJOD PAR BYED PA RTAG PAR BYA BA MA YIN PA KHO NA'O, ,DE'I PHYIR GCIG SMOS PA BYAS PA NA YANG DPE SGRUB BAR BYED PA MA TSANG BA'O ZHE NA, GZHAN YANG 'DIR 'DRA BA NYID NI KHYAD PAR CAN KHO NA PHA ROL POS MNGON PAR 'DOD DE, GANG YOD NA GNYIS KA LA YANG DBANG PO'I SHES PA RNAM PA MTSUNGS PA 'GYUR BA'O RNAM BA GZHAN DU NA, DNGOS PO THAMS CAD SHES BYA NYID LA SOGS PA'I CHOS 'GA ZHIG GI YOD PA NYID DANG 'DRA BA YOD DO ZHES PAS DNGOS PO THAMS CAD YOD PA'I SGRA'I BRJOD PAR BYA BAR 'GYUR RO, ,DE 'GOG NA YANG KHAS BLANGS PAS GNOD PA'O, ,DE'I PHYIR KHYAD PAR CAN KHO NAR 'DRA BA PHA ROL POS 'DOD CING, DES NA DGAG PA YANG DE KHO NA LA BYA STE, SENG GE DANG BRAM ZE'I KHYE'U DAG LA RNAM PA DE LTA BU'I 'DRA BA YOD PA YANG MA YIN ZHING, 'JIG RTEN DU GRAGS PA YANG MA YIN NA DE MA NGES PA GA LA YIN, DE'I PHYIR KHYAD PAR BYED BAS DON MA YIN NO; ,YANG 'DIR CI LTAR KHYAB PA YIN, ,'DI LA 'GAL BA 'GA' ZHIG KYANG MTHONG BA MED PA'I PHYIR RO ZHE NA, BRJOD PAR BYA STE, GAL TE 'DRES PAS GRUB PA'I RIGS DANG DE DANG LDAN PA DAG 'DRA BA NYID DU 'GYUR NA, DES NA RIGS LA YOD PA'I SGRA DNGOS DANG, DE DANG LDAN PA LA NYE BAR BTAGS PA'O ZHES PA'I THA DAD 'DIR 'GYUR BA MA YIN TE KHYAD PAR MED PA'I PHYIR RO, ,DE LTAR NI JI LTAR RIGS RANG BZHIN GYIS YOD PA'I NGO BO YIN PA DE LTAR DE DANG LDAN PA YANG YIN ZHING, ,YOD PA'I NGO BO NYID KYANG YOD PA'I SGRA'I 'JUG PA'I RGYU MTSAN NO ZHES PA GNYIS @245B KA LA DNGOS NYID DU 'GYUR RO, ,DE LTAR 'GYUR MOD KYI YOD PA NYID NI THA MI DAD PA'I NGO BO NYID KYI PHYIR DE KHO NA LA THA MI DAD PA'I YOD PA'I SGRA RIGS KYI, ,DE DANG LDAN PA RNAM LA NI MA YIN TE, DE RNAM THA DAD PA NYID KYI PHYIR ZHE NA, GAL TE DE LTA NA YOD PA'I NGO BO NYID NI YOD PA'I SGRA 'JUG PA'I RGYU MTSAN MA YIN GYI 'O NA CI ZHE NA, RJES SU 'GRO BA'I NGO BO NYID DO, ,DE LAS KYANG RIGS GZHAN LA YANG DE RAB TU 'JUG PAR 'GYUR TE, DE LA YANG DE'I NGO BO YOD PA'I PHYIR RO, ,GAL TE THA DAD PA RNAM LA THA MI DAD PA'I SGRA 'JUG PA MA YIN ZHE NA THA DAD PA'I RIGS RNAMS LA RIGS KYI SGRA THA MI DAD PA CI LTAR 'JUG DE LA RIGS THAMS CAD LA KHYAB PA'I RIGS GZHAN GANG SGRA 'JUG PA'I RGYU MTSAN DU 'GYUR BA YOD PA MA YIN PA'I PHYIR RO, ,DE LTAR 'GYUR MOD KYI RIGS RNAMS LA SGRA'I RANG GI NGO BO KHO NA THA MI DAD PA'I RGYU MTSAN RGYUR BYAS NAS 'JUG GO ZHE NA, GAL TE DE LTA NA RIGS DANG LDAN PA DAG LA'ANG DE NYID LA BRTEN NAS 'JUG PAR 'GYUR TE, DE LAS KYANG DNGOS DANG NYE BAR BTAGS PA'I SGRA'I BRJOD PAR BYA BA NYID DU MI 'GYUR NA, DE YANG 'DOD DE, DE'I PHYIR 'DRES PAS GRUB PA'I 'DRA BA NYID MED DO ZHES PAS KHYAB PA GRUB PO, ,'O NA NYE BAR BTAGS PA LA RJOD PAR BYED PA MED PA'I PHYIR, SPYI LAS NYE BAR BTAGS BA SGRA'I BRJOD PAR BYA BA NYID YIN, GAL TE YANG GNYIS KA DAG SGRA'I DON NYID NA, GNYIS KA LA 'BRAS BUR THAL BAR 'GYUR TE, BA LANG KHYER LA SHOG CES BRJOD PA NA MI BLUN PO YANG KHYER 'ONG BAR 'GYUR RO ZHE NA, PHA ROL BOS DNGOS DANG NYE BAR BTAGS PA SGRA'I BRJOD BYA NYID DU RTOGS TE, DE'I PHYIR DE LA BRTEN NAS DE LTAR BSHAD DO ZHES PAS MI SKYON NO, ,'DRANG NYID NI DBANG PO'I RTOGS PA 'PHOS PAS YONGS SU GCAD PAR BYA BA'AM, SGRA LAS BYUNG PA'I RTOGS PA 'PHOS PAS YIN, DE LA DBANG PO'I RTOGS BA 'PHOS PAS RIGS DANG DE DANG LDAN BA DAG GI 'DRA BA NYID NGES PAR BYA BA MA YIN NO ZHES PA 'DI PHAL CHER BSGRUBS ZIN TE, SPYI MI MTHONG BAR SGRUB PAR BYED PAS SO, GAL TE YANG @246A *, ,SPYI 'GYUR DU CHUG ,DER DE'I GZHAN MTHONG STE, RTEN MI MTHONG BA'I PHYIR MI 'GYUR RO ZHES PA LA SOGS PAS SO, ,SNANG RUNG MA YIN PA DANG LHAN CIG 'GA' ZHIG GI YANG 'DRA BA NYID RTOGS PAR NUS PA MA YIN ZHING, SGRA LAS BYUNG BA'I RTOGS PAS 'PHO BAR YANG NGES PAR BYA BA MA YIN NO ZHES STON PA GSUNGS PA, RIM GYIS BRJOD PA MA YIN PHYIR, ,ZHES PA STE RIGS DANG DE DANG LDAN PA DAG LA NI SGRA LAS BYUNG BA'I RTOGS PA 'PHO BA'I RGYU RIM GYIS SGRA SBYOR BA MED PA'I PHYIR RO ZHES PA'I DON TO, ,GAL TE RIGS LA DANG DE DANG LDAN PA LA RIM PAS SGRA SBYOR BAR GYUR NA, DE LAS SGRA LA RIGS LA RTOGS PA GANG 'DRA BAR 'GYUR BA DE 'DRA BA KHO NA DE DANG LDAN PA LA YANG ZHES PA RTOGS PA 'PHO BAR 'GYUR NA, RIM PAS SGRA SBYOR BA YANG MA YIN GYI, 'O NA CI ZHE NA CIG CAR KHO NA'O, ,DE LAS KYANG RTOGS PA GCIG KHO NA'O ZHES PAS, GANG LAS RTOGS PA 'PHO BA YIN ZHES PA 'DI NI GTAN TSIGS SO, ,KUN DA DUNG SOGS DKAR PO BZHIN, ,ZHES PA CHOS MI MTHUN PA NYID KYI RJES 'GRO'O, ,RIGS DANG DE DANG LDAN PA DAG LA SGRA CIG CAR ZHES PA NYE BAR SBYOR BA'O, ,'DIS NI DON GYIS GO BAS RIM GYIS SGRA SBYOR BA MED PAR STON TO, ,GANG LA SGRA LAS BYUNG BA'I RTOGS PA 'PHO BA DE LA RIM GYIS DE'I RGYUS SGRA SBYOR TE, 'DI LTA STE KUN DA LA SOGS PA RNAMS LA BZHIN, RIGS DANG DE DANG LDAN PA DAG KYANG SGRA LAS BYUNG BA'I RTOGS PA 'PHO BA'I RGYUS RIM GYIS SGRA SBYOR BA MED DO, ,RGYU MI DMIGS PA'O, ,RTOGS PA 'PHO BA BKAG PAS KYANG 'DRA BA NYID MED PA'I THA SNYAD 'GRUB PA'I CHED DU RANG BZHIN MI DMIGS PA GSAL BAR BYAS SO ZHES PAS DE'I SBYOR BA BRJOD PAR BYA STE, RTOGS PA 'PHO BA LAS 'DRA BA NYID YOD PA MA YIN NO ZHES PA, RTOGS PA 'PHO BA LAS NI, GANG 'DRES PAS 'GRUB PA'I 'DRA BA NYID NGES PAR BYA BA DE YOD PA MA YIN NO ZHES PA'I DON TO, ,RANG NYID LAS 'DRA BA NYID DU MI 'GYUR MOD, RIGS KYIS NYE BAR BSGYUR BA'I PHYIR NI RDZAS DE RANG NYID DE'I NGO BO MA YIN YANG DE LTAR RAB TU GSAL TE, JI LTAR SHEL DANG NYE BAR GZHAG PA'I DBANG LAS RANG NYID DE'I NGO BO MA YIN PA YANG @246B DE'I NGO BO NYID BZHIN NO ZHE NA, DE'I PHYIR GSUNGS PA, YON TAN GYIS PHAN 'DOGS PHYIR DE'I NGO BO LA, RAB GYUR 'GYUR ZHES PA LA, RAB GYUR ZHES PA YUL GYI YUL CAN RAB TU GYUR PA'I BLO BSTAN TE RAB TU GYUR PA'I BLOR 'GYUR RO ZHES PA'I DON TO, ,YANG CI'I PHYIR SKYON 'DI 'GOD PAR BYED DE, JI SRID DU MTHONG BA KHO NAS RDZAS LA RAB TU GYUR PA'I BLO YIN ZHE NA, BLO MED KYANG ZHES PA YON TAN RAB TU GYUR PA'I BLO MED PAR YANG ZHES PA'I DON TO, ,GAL TE SHEL BZHIN DU YON TAN GYIS NYE BAR BSGYUR BA'I PHYIR, DE DANG LDAN PA YON TAN GYI RANG GI NGO BOR 'GYUR NA, DE LTAR GYUR NA MCHOG TU SNGO BA'I RAS ZHES RDZAS LA KHYAD PAR GYI RAB TU GYUR PA'I BLO LA MA LTOS PA'I RAB TU GYUR PA'I BLOR 'GYUR RO, ,KHYAD PAR RAB TU GYUR PA MA BZUNG BAR KHYAD BAR DU BYA BA LA RAB TU GYUR PA'I BLOR 'GYUR BA YANG MA YIN TE, RDZAS LA RANG NYID LAS RAB TU GYUR PA DANG NYAMS PA MED PA'I PHYIR RO, ,SNAM BU NI RANG NYID KHO NA LAS SNAM BU GZHAN LAS RAB TU GYUR PA MA YIN GYI, 'ON KYANG SNGON PO NYID LA SOGS PA BRTEN PAR BYAS PA'I YON TAN LAS TE, NYE BA MA YIN PA'I DNGOS PO'I RANG GI NGO BO LAS SHES PA MI SRID PA'I PHYIR RO, ,YON TAN GYI SGRA YANG 'DIR 'DRES PA'I YON TAN RJOD PAR BYED PA YIN GYI, DKAR PO NYID LA SOGS PA RNAMS DES YON TAN BRJOD PAR 'DOD PA RNAMS NI MA YIN TE, CHES 'TSED PAR BYED PA, CHES GCOD PAR BYED PA ZHES YON TAN RAB TU GYUR PA LA LTOS PA MED PA KHO NAR PHUL DU GYUR PA'I RTOGS PAR MI 'GYUR RO, ,YANG CI'I PHYIR YON TAN RAB TU GYUR BA LA LTOS PA MED PAR RDZAS LA RAB TU BYUNG BA'I BLOR THAL BAR 'GYUR ZHE NA GSUNGS PA, MA YIN ZHES PA LA SOGS PA STE, NYE BAR GZHAG PAS DE'I NGO BO NYID NYE BAR BSGRUB BA NA SHEL LA NYE BA'I RTEN RTOGS PA LA LTOS PA'I TSON GYI BLO 'JUG PA MA YIN TE, CI'I PHYIR ZHE NA GSUNGS PA, MA BYANG BA LA ZHES PA LA SOGS PA STE, MA BYANG BA LA SHEL DANG NYE BAR GZHAG PA DAG LA THA DAD PA'I BLOR GYUR PA MA YIN TE, DE NI SHEL 'DI KHO NA RNAM PA 'DI'O ZHES LHAG PAR ZHEN TO, ,BYANG BA LA NI DMAR PO 'DI NI SHEL LO ZHES NGES PA MI 'THAD PA KHO NA'O, ,RAB TU GYUR BA @247A *, ,SMOS PA NI YON TAN LA LTOS PA'I RTOGS PA GZHUNG GZUGS PA'I DON DU STE, GZHAN DU NA NGES PAR BYA BZHIN PA'I RIGS KYANG RIGS DANG LDAN PA'I DON LA PHAN 'DOGS PAR 'JUG CING, DE LAS KYANG DES PHAN 'DOGS PA LAS DE LTAR SNANG NGO ZHES KHA CIG SO SOR GNAS SO, ,RAB TU GYUR PA NI NGES PAR SBYOR BA LAS DER NGES PA LA LTOS PA'I RTOGS PAS YONGS SU GCAD PAR BYA BA KHO NA STE, RDZAS NI RANG NYID LAS RAB TU GYUR BA MED PA'I PHYIR RO, ,RDZAS NI RANG NYID LAS RDZAS GZHAN LAS PHUL DU BYUNG BAR BYA BAR NUS PA MA YIN TE, RANG GI NGO BO TZAM GYIS SMRA BAR RAM RTOGS PAR NUS PA MA YIN PA NYID KYI PHYIR, 'O NA RIGS PA NI RAB TU GYUR BA MED PA'I PHYIR, DE LA MI LTOS PA'I KHYAD PAR CAN RTOGS SO ZHE NA, 'DI SKYON MA YIN TE, KHYAD PAR CAN RTOGS PA NI SNGON PO LA SOGS PA LA NI KHYAD PAR LA LTOS PA STE, DES NA YOD PA LA SOGS PA'I KHYAD PAR LA LTOS PA NI KHYAD PAR CAN LA YOD PA LA SOGS PA'I RTOGS PA SNGON PO LA SOGS PA RTOGS PA BZHIN DU'O ZHES BSHAD PAR 'GYUR RO, ,GZHAN DU NA GAL TE RANG GI RTEN LA MA BZUNG BA'I YANG BA LANG NYID LA SOGS PA'I RIGS KYIS BA LANG LA SOGS BA RTOGS PAR BYED NA GANG GI TSE 'DI NI RDZAS CI ZHIG GO ZHES RDZAS TZAM NYE BAR DMIGS PA NA BA LANG NYID LA SOGS PA RNAMS GZUNG BYA MA YIN PA DE'I TSE YANG BA LANG LA SOGS PA NGES PAR 'GYUR NA 'GYUR PA YANG MA YIN NO, ,DE'I PHYIR RIGS LA LTOS PA MED PAR DE DANG LDAN PA LA RTOGS PA NI MA YIN NO, ,GANG ZHIG KHYAD PAR LA LTOS PAR RTOGS PA YONGS SU GCAD PAR BYA BA DE NI YON TAN PHUL DU BYUNG PAS BSGRUBS PA'I YON TAN 'DRA BA NYID MA YIN TE, DBYUG PA CAN BZHIN, DE DANG LDAN PA DANG DE LTA BU'O ZHES PA KHYAB BYED DANG 'GAL BA'O, ,CHOS MI MTHUN PA NYID KYI SBYOR BA NI SHEL GYI DPES SBYAR BAR BYA'O, ,'DRES PA'I NGO BO'I PHYIR KUN LA, ,LOG PA'I SHES PAR THAL BAR 'GYUR, ,YON TAN GYIS PHAN 'DOGS PA LAS DE'I NGO BO NYID DU KHAS BLANGS PA NA'O, ,CI LTAR ZHEN GSUNGS PA, THAMS CAD NI ZHES PA LA SOGS PA STE, 'DRES PA'I KHYAD PAR NI YON TAN ZHES PA DON GCIG PA'O, ,SGRA LAS BYUNG BA'I @247B RTOGS PA THAMS CAD NI DON RNAMS LA 'DRES PA'I NGO BOS BAR DU CHOD PA STE, DE'I PHYIR GAL TE YON TAN GYIS PHAN 'DOGS PA'I PHYIR YON TAN CAN LA DE'I NGO BO NYID DU 'GYUR NA, DE LTAR GYUR NA JI LTAR SHEL SNGON PO'O ZHES 'DZIN PA NI DON JI LTA BA YIN PA'I RTOGS PA STE, SHEL NI RANG NYID LAS SNGON PO MA YIN PA NYID KYI PHYIR TE, DE LTAR BUM PA'O ZHES PA LA SOGS PA SGRA LAS BYUNG BA'I RTOGS PA THAMS CAD JI LTA BA'I DON CAN MA YIN PAR 'GYUR TE, RDZAS NI RANG NYID LAS BUM PA LA SOGS PA'I NGO BO MED PA'I PHYIR RO, ,'DOD PA'ANG MA YIN NO, ,DE 'DIS NI GANG ZHIG DON JI LTA BA BZHIN PA'I RTOGS PA'I YUL DE NI KHYAD PAR DU BYED PA'I RANG GI NGO BO MA YIN TE, 'DI LTA STE DBYUG PA CAN BZHIN, DE DANG LDAN PA'ANG DE LTA BU'O ZHES PA KHYAB BYED DANG 'GAL BA GSUNGS SO, ,KHYAB PA MED PAR 'DI LA DOGS PAR BYA BA MA YIN ZHING DON JI LTA BA BZHIN MA YIN PA NYID DU THAL BAR 'GYUR BA NI MI 'DOD PA NYID DO, ,SPYI LA SOGS PA MANG NYID NA'ANG, ,ZHES PA LA SOGS PA STE, SOGS PA SMOS PA LAS YON TAN DANG BYA BA 'DZIN NO, ,CIG CAR 'DZIN BYED RNAMS LA YANG, ,ZHES PA, GANG GI TSE DUS GCIG TU RTOGS PA PO MANG PO RNAMS KHYAD PAR THA DAD PA RNAMS KYI DON GCIG RTOGS PAR BYED PA DE'I TSE, PHAN 'DOGS PA NI 'GAL BAR 'GYUR, ,YON TAN BYAS PA'O, ,DE DPER BRJOD KYIS STON PA GSUNGS PA, DPER NA ZHES PA LA SOGS PA'O, ,CI'I PHYIR 'GAL BAR 'GYUR ZHE NA, MI NUS ZHES PA LA SOGS PA, 'DIR RTOGS PA GSUM STE, GANG YANG RUNG BA'I YON TAN GYI NGO BO RTOGS PA'AM, THAMS CAD KYI YANG PHYOGS GCIG RNAMS GYIS SAM, BDAG NYID THAMS CAD KYI THAMS CAD KHO NA'I YIN ZHES PA'O, ,DE LA RE ZHIG RE RE KHO NA'I MA YIN TE, KHYAD PAR MED PA'I PHYIR RO, ,GANG LAS GCIG KHO NA'I NGO BO RTOGS PAR 'GYUR GYI GZHAN MA YIN PA YOD PA NYID LA SOGS PA RNAMS LA KHYAD PAR 'GA' YANG YOD PA YIN PAS SO, ,YANG NA RTOGS PA PO RNAMS LA KHYAD PAR MED PA'I PHYIR TE, RTOGS PA PO GCIG GI NGOR KHYAD PAR GCIG KHO NA'I NGO BO'I RJES SU BYED PA MA YIN NO, ,PHYOGS GCIG GI YON TAN GYI NGO BO NYAMS SU MYONG @248A *, ,BAR NUS PA YANG MA YIN TE, CI'I PHYIR ZHE NA GSUNGS PA, MTHA' DAG CES PA LA SOGS PA STE, GAL TE PHYOGS GCIG GI KHYAD PAR GYI NGO BO RTOGS PAR GYUR NA, DE'I BUM PA ZHES DE'I PHYOGS GCIG RTOGS PAR 'GYUR TE, DE LTAR SA LAS GYUR PA'O RDZAS SO ZHES PA LA SOGS PA'O, ,GSUM PA'I PHYOGS LA NI SKYON GSUNGS PA, KUN GYIS YIN NA 'DRES MTHONG 'GYUR RO, ,ZHES PA, KUN GYIS TE, BUM PA NYID DANG SA LAS GYUR PA NYID LA SOGS PA'I KHYAD PAR RNAMS KYI DNGOS PO MTHA' DAG LA CIG CAR PHAN 'DOGS NA, DE'I NGO BO BLANGS PA NA, BUM PA LA SOGS PA'I NGO BO RNAM PAR PHYE NAS 'DZIN PA MED PA'I PHYIR, RNAM PAR DBYE BA MED PAS PHAN TSUN YANG DAG PAR THA DAD PA'I NGO BO DU MA 'DZIN PAR 'GYUR GYI, RNAM PAR DBYE BAS NI MA YIN TE, BUM PA 'DI'O SA LAS GYUR PA'O ZHES PA LA SOGS PA'O, ,CI'I PHYIR ZHE NA GSUNGS PA, CIG CAR NGO BO THAMS CAD RTOGS PA'I PHYIR ZHES PA, GANG LAS RDZAS DE THAMS CAD KYI NGO BO CIG CAR RTOGS PAR 'GYUR PA'O, ,DES NA 'DI LTAR PHAN 'DOGS PA 'GAL BA'I PHYIR BUM PA LA SOGS PA'I NGO BOR 'DZIN PAR MI 'GYUR NA DE YANG YOD DO, ,DE 'DIS NI GANG ZHIG CIG CAR KHYAD PAR DU MA'I RJES SU BSGRUBS PA'I RTOGS PAS YONGS SU GCAD PAR BYA BA DE NI KHYAD PAR GYI NGO BO RTOGS PA MA YIN TE, 'DI LTA STE, DPUNG RGYAN DANG RNA RGYAN ZHES PA BZHIN DE DANG LDAN PA'I DNGOS PO YANG DE LTA BU'O ZHES 'GAL BAS KHYAB PA GSUNGS SO, ,KHYAD PAR RNAMS LA ZHES PA LA SOGS PAS DE DANG LDAN PA'I PHYOGS LA RJOD PA'I SKYON PHYOGS GZHAN RNAMS LA BSGRE BA STON PA STE, BYED PHYI MAS NI 'DI KHO NA LA 'THAD PA GSUNGS SO, ,RIGS KYI NGO BO NI KHYAD PAR RNAMS LAS MI RIGS SHING, SGRA'I RANG GI NGO BO NI RIGS LA DANG, SGRA'I RANG GI NGO BO DANG LDAN PA'I RIGS KYI NGO BO NI 'BREL PA LA'O, ,'BREL PA CAN GYI NGO BOS DBEN PA'I DON GYI BDAG NYID NI TSIG GI YUL DU BYA BAR MI NUS PA NYID KYI PHYIR GDON MI ZA BAR ZHES GSUNGS SO, ,'O NA DE DANG LDAN PA'I PHYOGS LAS KHYAD PAR GYI PHYOGS KYI BYE BRAG CI ZHE NA, DE DANG LDAN PA'I PHYOGS LA YOD PA'I @248B RIGS KYI NGO BOR YOD PA'I SGRAS RJOD PAR BYED PA STE, KHYAD PAR GYI PHYOGS LA NI RDZAS LA SOGS PA'I NGO BOR RO, ,DE LTAR NA DE RNAMS KHYAD BAR GYI NGO BOR BRJOD PAR BYAS PAR 'GYUR RO ZHES PA BYE BRAG GO, ,DE LA YANG RDZAS NYID LA SOGS PA RNAMS LA DNGOS DANG, KHYAD PAR RNAMS LA NYE BAR BTAGS PA'O ZHES SNGA MA KHO NA LTAR SKYON BRJOD PAR BYA BA STE, DNGOS DANG BTAGS PA'I 'JUG PA NYID DANG, RIGS KYIS BRJOD PA MA YIN PA DANG, YON TAN GYI PHAN 'DOGS PA 'GAL BA'O, ,SRID PA LAS ZHES PA RIGS RJOD PAR BYED PA NA, RAB 'GYUR 'GYUR TE, BLO MED PAR ZHES PA 'DI MI SRID PA'I PHYIR RO, ,'BREL PA RJOD PAR BYED PA NA YANG STE, 'DI NYID KYI PHYIR SRID PA SMOS PA'O, ,'O NA SNGAR 'BREL BA BRJOD PAR BYA BA MA YIN PA NYID DU BSHAD NA, DE CI LTAR DA LTAR YOD PA'I NGO BO RJOD PAR BYED PA LA BRTEN PA YIN, YANG CI LTAR 'DIR THA DAD MED PAR NYE BAR GDAGS PA 'BREL PA'I YAN LAG TU BYA BA YIN, SNGA MA NI YOD PA NYID DU GYUR PA MA YIN PA NYID KYI PHYIR KUN BSHAD PA'I DON CAN LA SGRA THA DAD MED PAR NYE BAR GDAGS PA MI 'THAD PA'I PHYIR RJOD PAR MI BYED PAR BSHAD PA STE, 'BREL PAR YANG YOD PA NYID DU GYUR PA MA YIN PA KHO NA YIN NA, DE CI LTAR DE'I YOD PA NYID DAM YOD PA'I SGRA DANG THA DAD MED PAR GDAGS PA YIN, THA DAD MED PAR GDAGS PA MED NA'ANG CI LAS SNGAR BRJOD PA'I SKYON DU THAL BAR 'GYUR CI STE YOD PA NYID DANG THA MI DAD PA NYE BAR GDAGS PAS DE BRJOD PAR BYA NA, CI LTAR YOD PA DANG SBYOR BA'I SGRA DAG GZHI MTHUN PA NYID DU MI 'THAD CE NA, SKYON 'DI MA YIN TE, 'BREL PA RJOD PAR BYED PAR KHAS BLANGS NAS SKYON 'DI BRJOD PA'I PHYIR RO, ,GAL TE YANG 'BREL PA BRJOD PAR BYA BA YIN PA DE LTA NA YANG DE DANG LDAN PA'I PHYOGS KYI SKYON 'DA' BA MED DE, RIGS LDAN DANG MTSUNGS PAR NUS PA NYID KYI PHYIR RO ZHES BSTAN PA'I DON DU 'DI BSHAD DO, ,DE LDAN YANG ZHES PA LA SOGS PAS 'DI'I PHYOGS GZHAN NYID KHO NA SEL BAR BYED DO, ,'O NA YANG BSHAD PA ZHES PA LA SOGS PAS PHYOGS GZHAN NYID STON TO, ,'DIR THA DAD PA DANG THA MI DAD PA'I NGO BOS BRJOD PAR BYA BA MA YIN GYI, 'O NA @249A *, ,CI ZHE NA, RIGS LDAN DE RNAMS KYI GANG BYE BRAG MED PA'I NGO BO YOD PA NYID DU SGRO BTAGS PA DE KHO NA KHYAD PAR GYI NGO BO LA MA REG PAR BRJOD PAR BYA BA'O, ,DE LTA NA YANG KHYAD PAR GYI PHYOGS LAS PHYOGS GZHAN KHO NA 'DI'O ZHES SEMS SO, ,GAL TE DE LTA NA ZHES PA LA SOGS PAS, RIGS DANG SBYOR BA'I PHYOGS DAG GI NANG DU 'DI 'DUS PA'I PHYIR PHYOGS GZHAN NYID 'GEGS PAR BYED DO, ,YANG CI LTAR DE LDAN TZAM YOD PA NYID DAM 'BREL PAR 'GYUR ZHE NA GSUNGS PA, DE DANG LDAN PA TZAM NI ZHES PA LA SOGS PA, TZAM GYI SGRAS KHYAD PAR SEL BA NI, SPYI THAMS CAD KYI RJES SU SONG PA'I NGO BO SGRA'I DON BRJOD PAR 'GYUR RO, ,DE YANG RAB TU 'JUG PA'I RGYU MTSAN NYID KYI PHYIR DNGOS PO'I RKYEN GYIS BRJOD PAR BYA BA MA YIN ZHING, YOD PA NYID DAM 'BREL PA MA GTOGS PAR GZHAN NYE BAR DMIGS PA MA YIN TE, DNGOS PO'I RKYEN NI DE KHO NA LA BYAS PA'I PHYIR RO, ,'DI LUNG GIS BSTAN PA'I CHED DU GSUNGS PA, TSIG SDUD DANG BYED LDAN DANG DE PHAN RNAMS LA ZHES PA LA SOGS PA'O, ,'BREL PA BRJOD PAR BYA BA NYID LA LUNG STE, RGYAL PO'I SKYES BU NYID 'TSED PAR BYED PA NYID NYE BA'I BA LANG GI BU NYID CES PA'O, ,TSIG SDUD LA SOGS PA 'DI RNAMS LA RANG DANG BDAG PO'I DANG BYA BA DANG BYED PA CAN GYI DANG BU RGYUD DANG BU RGYUD DANG LDAN PA'I 'BREL PA BRJOD PAR BYA STE RIM PA JI LTA BAR RO, ,DES NA 'DIR YANG YOD PA'I SGRA NI BYED LDAN GYI MTHA' CAN NYID KYI PHYIR 'BREL BRJOD PAR BYED PAR 'GYUR RO, ,GZHAN RNAMS NI 'DI KHO NA'I DMIGS BSAL BSHAD DE, GZHAN DU ZHES PA LA SOGS PA'O, ,'DI YON TAN BRJOD PA NYID LA LUNG STE GRAGS PAS, TSIG SDUD LAS LCI RTZUB NYID DANG, BYED LDAN LAS 'GRO BA'I NGANG CAN NYID DANG, DE PHAN LAS LAG LDAN NYID DO, ,'DIR RIGS TZAM BRJOD KYI 'BREL PA NI MA YIN NO, ,THA MI DAD PA'I NGO BO'I DE PHAN LAS DKAR BA NYID DE, DKAR PO'I SGRA NI LDAN PA'I RKYEN GYI MTHA' CAN GYI'ANG RANG BZHIN GYIS NGO BO MTSUNGS PA NYID KYI PHYIR 'DIR YANG YON TAN KHO NA BRJOD PAR BYA BA'O, ,MI 'KHRUL BA NYID KYI 'BREL PA LAS NI CI LA YOD PA NYID YIN, TSIG GI DON NI YOD PA NYID LA @249B 'KHRUL PA NI MA YIN NO ZHES PA STE, 'DIR YOD PA NYID DE KHO NA BRJOD PAR BYA BA'I 'BREL PA NI MA YIN NO, ,DE LDAN BUM PA LA SOGS DON, ,ZHES PA LA SOGS PAS NI DU MA LA MI 'JUG PA NYID KYI GTAN TSIGS GSAL BAR BYAS SO, ,SPYI'I DON DE JI LTA BU ZHES PA NI TSAD MA'I 'BRAS BU'O, , GANG DU MA LA 'JUG PA MA YIN PA DE NI SPYI MA YIN TE, RANG GI MTSAN NYID BZHIN DE DANG LDAN PA YANG DE LTA BU'O, ,KHYAD PAR BYED PA MED PA'O, ,SPYI NI DU MA LA 'JUG PA YIN NO ZHES PA LDOG PA'O, ,DE YANG ZHES PA LA SOGS PAS GTAN TSIGS NYID KYI DON RNAM PAR 'BYED DO, ,CI LTAR ZHES PA LA SOGS PA RNAMS KYIS DAM BCA' BA'I DON TO, ,'O NA YANG ZHES PA LA SOGS PAS BSGRUB BYA GRUB PA NYID SMRAS TE, DE LDAN NI SPYI'I NGO BO NYID DU MI 'DOD PA NYID KYI PHYIR RO, ,DE MI 'DOD PA NYID SPYI'I NGO BO SGRO BTAGS PAR GSAL BAR BYED PA GSUNGS PA, CI'I DON DU ZHES PA LA SOGS PA'O; ,GANG GI PHYIR ZHES PA LA SOGS PA GRUB PA BSGRUB BYA NYID KYI LAN 'DEBS SO, ,'DI LTAR SEMS TE, 'BREL PA BYA BAR SLA BA NYID DANG, MI 'KHRUL BAR SMRA BAS YOD PA'I SGRAS SPYI RJOD PAR BYED PA NYID LA BRTEN TE, KHYAD PAR GYI SGRA RNAMS DANG GZHI MTHUN PA NYID KHAS BLANGS PA'I PHYIR YANG NGO; ,SPYI DANG KHYAD PAR GYI DNGOS PO MED NA GZHI MTHUN PA NYID 'THAD PA MA YIN PAS SO, ,DE LTAR NI SPYI'I SGRA LAS KHYAD PAR MED PAR 'JUG BZHIN PA'I BLO NI KHYAD PAR GYI SGRA RNAMS KYIS KHYAD PAR GZHAN RNAMS LA RNAM PAR BCAD NAS, KHYAD PAR DU BYAS PA'I YUL LA RNAM PAR 'JOG STE, DE SPYI MED NA 'THAD PA MA YIN NO ZHES PA'O, ,'DIR YANG SPYI DANG DE LDAN PA ZHES KHAS LEN PA NA, RNAM PAR RTOG PA RNAM PA GNYIS TE, YOD PA NYID LA SOGS PA SPYI'I DE LDAN NYID DU 'GYUR BA'AM, BUM PA LA SOGS PA DE LDAN GYI MTSUNGS PA NYID CES PA'O, ,DE LA SNGA MA MI SRID DO ZHES STON PA GSUNGS PA, YOD PA NYID LA SOGS PA RNAMS LA YANG ZHES PA LA SOGS PA STE, YOD PA NYID LA SOGS PA RNAMS LA RIGS GZHAN YOD PA MA YIN TE, RIGS RNAMS LA RIGS MED PA NYID KYI PHYIR RO, ,DES NA GDON MI ZA BAR RNAM PAR RTOG PA GNYIS @250A *, ,PA KHAS BLANG BAR BYA'O ZHES STON PA GSUNGS PA, DE'I PHYIR ZHES PA LA SOGS PA'O, ,DON LA ZHES PA SKABS SU BAB PA NYID KYI PHYIR DE LDAN LA STE BUM PA LA SOGS PA LA'O, ,DE LTAR 'GYUR BA SLA STE, 'O NA DE KHO NA LA'O ZHE NA, 'DI LA GSUNGS PA, DE YANG ZHES PA LA SOGS PA'O, ,CI'I PHYIR YOD PA MA YIN ZHE NA, GANG GI PHYIR ZHES PA LA SOGS PA'O, ,'BA' ZHIG GO SMOS PAS NI BRJOD PAR BYA BA MTSUNGS PA SEL BAR BYED DE, SGRA KHO NA RJOD PAR BYED PA STE, 'DI RNAMS MTSUNGS KYI BRJOD PAR BYA BA NI MA YIN NO, ,DE LTAR CUNG ZAD KYANG ZHES PA'I DON TO, ,DE DANG LDAN PA 'GA' ZHIG GIS KYANG MA YIN ZHES PA RJOD PAR BYED PA MTSUNGS PA KHO NAS 'DI RNAMS MTSUNGS TE, BRJOD PAR BYA BA DE LDAN GYI DNGOS PO'I NGO BO 'BA' ZHIG GIS NI MA YIN NO ZHES PA'I DON TO, ,'O NA YOD PA NYID KYI SGRA'I RANG GI NGO BOS DE LDAN BRJOD PAR BYA STE, 'BREL PA YANG YOD PA NYID KYI NGO BOS SO, ,DE'I PHYIR YOD PA NYID DAM 'BREL PA'I BRJOD PAR BYA BAS DE LDAN DANG MTSUNGS PAR 'GYUR RO ZHEN GSUNGS PA, YOD PA NYID DANG SBYOR BA DAG KYANG ZHES PA LA SOGS PA NI, KHYAD PAR RIGS DANG DE SBYOR LA, ,NYES PA MTSUNGS TE RNAMS LA'ANG, ,ZHES PA LA SOGS PAS SNGAR KHO NAR BSAL ZIN TE, RIGS DANG SBYOR BA DAG DE LDAN NYID DU RJOD PAR BYED PA'O, ,GAL TE BUM PA LA SOGS PA RNAMS LA SGRA MTSUNGS TE, DE'I TSE SGRA DE KHO NA SGRA NYID KYIS DE LDAN NI DE RNAMS KYI SPYI NYID DU 'GYUR TE ZHE NA GSUNGS PA, RGYU MTSAN MED MIN ZHES PA LA SOGS PA STE, SGRA NI DE RNAMS KYI RJOD PAR BYED PA NYID KYI 'BREL PA CAN NYID YIN ZHING 'BREL PA CAN NYID DE KHO NA NI RGYU MTSAN MED BAR 'THAD PA MA YIN TE, GANG GI RIGS KYI SGRA RGYU MTSAN CAN YIN NO ZHES LEN PA'O, ,'DIS NI RGYU MTSAN CAN GYI SGRA GANG ZHIG GI GANG LA RGYU MTSAN MED PA DE NI DE LA SBYOR BAR 'OS PA MA YIN TE; DBYUG PA CAN GYI SGRA DBYUG PA DANG BRAL BA'I SKYES BU LA BZHIN, BUM PA LA SOGS PA RNAMS LA YANG RGYU MTSAN CAN RIGS KYI SGRA'I RGYU MTSAN MED DO ZHES PA RGYU MA DMIGS PA GSUNGS SO, ,DE'I PHYIR YANG ZHES PA LA SOGS PA LA, GAL TE YOD PA'I SGRAS SPYI BRJOD PAR BYA BA NA, @250B DE LAS DE KHYAD PAR DU BYA BA'I DON DU BUM PA ZHES BRJOD PAR BYA'O ZHES GZHI MTHUN PA NYID DU 'GYUR RO, ,SPYI RJOD PAR BYED PA MED NA NI CI ZHIG CI'I KHYAD PAR DU BYA, DE LAS KYANG KHAS BLANGS PA NYAMS PA'O, ,CI STE YANG ZHES PA, SPYI DANG KHYAD PAR GYI DNGOS PO MED NA YANG RNAM PA GZHAN DU KHYAD PAR DU BYED PA DANG KHYAD BAR DU BYA BA NYID GZHUNG 'DZUGS BAR BYED DO, ,RDZAS GZHAN LA 'JUG PA MA YIN PA ZHES PA, GZHAN MA YIN PA'I RDZAS LA 'JUG PA'I YOD PA'I YON TAN BUM PA LA SOGS PA'I RDZAS SO, ,YOD PA'I YON TAN ZHES PA YOD PA NYID KYI YON TAN CAN ZHES PA'I DON TO, 'DI'I YOD PA NYID YON TAN YIN PA ZHES BYAS NAS SO, ,'DIS NI MI MTSUNGS PA NYID SMRAS SO, ,DE LTAR MTSUNGS PA MA YIN PA NYID YOD NA YANG YOD PA'I SGRA LAS BUM PA LA SOGS PA LA DOGS PA NA, KHYAD PAR BYED DANG KHYAD PAR DU BYA BA'I DNGOS POR 'GYUR RO, ,SHIN TU SNGO BO LA SOGS PA BZHIN TE, JI LTAR SNGON PO'I YON CAN GYI RDZAS NI, SHIN TU SNGON PO LA SOGS PA'I RDZAS GZHAN LA DANG, DE'I YON TAN LA MA YIN PA LA 'JUG PA MA YIN ZHES PAS DE SPYI MA YIN TE, DE LTAR YANG SNGON PO ZHES BRJOD PA NA SNGON PO'I SGRA LAS, GANG 'DI SNGON PO ZHES BRJOD PA DE CI, GNYIS LAS SHIN TU SNGO BA YIN NAM, CI STE MANG PO'I NANG NA SHIN TU SNGO BA YIN ZHES KHYAD PAR LA DOGS PAR 'GYUR RO, ,DE'I PHYIR GNYIS KYI NANG NAS CHES SNGON PO'AM MANG PO'I NANG NAS CHES SNGON PO ZHES KHYAD PAR GYI SGRA RNAMS KYI KHYAD PAR DU BYA BA DE BZHIN DU YOD PA ZHES BRJOD PA NA YOD PA NYID NI DON DU MA LA 'JUG PA NYID KYI PHYIR NA GANG YOD PA 'DI NI CI BUM PA'AM, 'ON TE SNAM BU YIN ZHES BUM PA LA SOGS PA LA DOGS PAR 'GYUR TE, DES NA DE'I SGRA RNAMS KYI KHYAD PAR DU BYA STE, BUM PA'AM SNAM BU'O ZHES PA'O, ,GAL TE GCIG LA 'ANG SNGO SOGS BZHIN, ,ZHES PA GAL TE GCIG LA STE THUN MONG MA YIN PA'I NGO BO'I RIGS DANG LDAN PA'I RDZAS LA THUN MONG BA YOD PA NYID 'JUG GO ZHES PA, DE LA YOD PA ZHES BRJOD PA NA BUM PA LA SOGS PA LA DOGS PAR 'GYUR TE, DPER NA SNGON PO ZHES BRJOD PA NA SHIN TU SNGON PO LA SOGS PA LA DOGS PA BZHIN TE, DES NA KHYAD PAR DANG KHYAD PAR CAN GYI DNGOS PO 'DOD @251A *, ,PAR BYA'O, ,DES NA 'DI YANG YOD MIN, CI'I PHYIR ZHE NA GSUNGS BA SNGON PO'I SGRA NI ZHES PA LA SOGS PA STE, SNGON PO'I SGRA NI SNGON PO'I YON TAN CAN GYI RDZAS RJOD PAR BYED DE, DE YANG SHIN TU SNGO BA LA SOGS PA RDZAS GZHAN LA 'JUG PA MA YIN NO, ,GANG SNGON PO NYID 'JUG PA'AM, DE'I 'BREL PA DE NI SGRA'I DON NYID DU MI 'GYUR TE, DE'I PHYIR 'DIR YANG, RGYU MTSAN MED MIN DE YANG 'DOD, ,CES PA 'DI MTSUNGS SO ZHES PAS, ,DPE CAN DANG 'DRA BAR DPE YANG MA GRUB PA KHO NA'O, ,KHAS BLANGS NA'ANG ZHES PA, GAL TE YANG DPE GRUB PAR GYUR NA; DE LTA NA YANG YOD PA NYID LA DE DANG MTSUNGS PA NYID MED DO, DE STON TE, DE MIN RIGS LA RIGS MED PHYIR, ,ZHES PA YOD PA NYID RIGS 'DI LA BUM PA NYID LA SOGS PA'I RIGS YOD PA MA YIN NO ZHES PAS, 'DI LTAR RIGS MED PA'I YOD PA'I RIGS NI RIGS LDAN MA YIN ZHES PA'O,, YOD PA NYID LA BUM PA NYID LA SOGS PA'I RIGS KYI BYE BRAG RNAMS YOD PA MA YIN TE, JI LTAR SNGON PO'I YON TAN LA GNYIS LAS CHES SNGO BA LA SOGS PA'I BYE BRAG RNAMS BZHIN TE, GANG LAS BYE BRAG DE RNAMS NYE BAR BLANGS NAS RDZAS LA 'JUG PA'O, ,DE NYE PAR MA BLANGS NA YANG DE'I DNGOS PO LA YANG DAG PAR PHYOGS PA'I NGO BO NI BUM PA MA YIN, SNAM BU MA YIN TE, DE'I PHYIR YOD BA'I SGRA LAS BUM BA LA SOGS PA'I BYE BRAG LA DOGS PAR RIGS PA MA YIN NO, ,SNGON PO'I YON TAN NI DBYE BA DU MA STE, DE RDZAS GCIG LA YANG 'JUG BZHIN BA NI, RANG GI KHYAD PAR RNAMS NYE BAR BLANGS NAS JI LTAR MNGON BAR SRID PAR 'JUG GO ZHES PAS, DE RJOD PAR BYED PA'I SNGON PO'I SGRA LAS GNYIS NAS CHES SNGO BA LA SOGS PA LA DOGS PAR RIGS SO ZHES STON TO, ,'O NA DE LTAR ZHES PAS RNAM PA GZHAN GYI BYE BRAG LA DOGS PA SRID PAR GSUNGS SO, ,SGRA NI GZHAN DBANG STE, YON TAN LA LTOS NAS 'JUG PA NYID KYI PHYIR, KHYAD PAR 'PHEN PAR NUS PA'O, ,DON NI DGOS BA NYID KYI PHYIR GTZO BO'O, ,DES NA RIGS LDAN GYI DON NI KHYAD PAR THAMS CAD 'PHANGS NAS 'JUG STE, DE LAS KYANG GAL TE YANG BUM BA NYID LA SOGS PA RNAMS YOD PA'I @251B SGRA'I BRJOD PAR BYA BAR MI 'GYUR BA DE LTA NA YANG, YOD PA NYID DANG LDAN PA'I DON GYIS BUM PA LA SOGS PA RNAMS 'PHANGS PA NA KHYAD PAR LA DOGS PAR 'GYUR RO, ,DE'I PHYIR KHYAD PAR DANG KHYAD PAR DU BYA BA NYID MA YIN PA MED DO, ,YANG CI LTAR DON GYIS KHYAD PAR MTHA' DAG 'PHEN CAN SMRAS PA; DE LDAN GYI DON NI GDON MI ZA BAR ZHES PA LA SOGS PA STE, RIGS LDAN GYI DON NI SGRAS NYE BAR LEN CING, DE YANG NGES PAR SBYOR BA KHO NA LAS BUM PA NYID LA SOGS PA'I SPYI 'GA' ZHIG DANG RJES SU 'BREL TE, DE LAS KYANG DE'I SPYI'I DBYE BA 'PHEN PA NA BUM PA LA SOGS PA'I BYE BRAG 'PHEN PA'O ZHE'O, ,RTOGS PA 'DI YANG SEL BAR BYED PA GSUNGS PA, DON GYIS 'PHEN NA'ANG MA NGES PA, ,ZHES SO, ,DON GYIS 'PHANGS PA NI ZHES PA LA SOGS PAS DON GYIS 'PHEN PA'I RANG GI NGO BO GSUNGS SHING, DE MED BAR 'DIR BSTAN PA'I CHED DU DPER NA NYIN PAR MI ZA ZHES CHOS MI MTHUN PA NYID NGES PAR BSTAN TO, ,'DIR NI ZHES PA LA SOGS PAS CHOS MI MTHUN PA NYID KYI NYE BAR SBYOR BAR PHYOGS CHOS NYE BAR BSTAN TO, ,'PHANGS PA YOD PA MA YIN NO ZHES PA CHAD MA'I 'BRAS BU'O, ,GANG DU DON GYIS 'PHANGS PA DER NI MA NGES PA STE, 'DI LTA STE NYIN PAR MI ZA'O ZHES PA 'DIR MTSAN MO ZA BA LA'O, ,YOD PA ZHES BRJOD PA NA BUM PA LA SOGS PA RNAMS LA NGES PA YANG MA YIN GYI, 'O NA CI ZHE NA THE TSOM MO ZHES PA RANG BZHIN 'GAL BA'O, ,GAL TE 'O NA GANG DU THE TSOM ZA BA DER MI 'PHEN BA YIN NA, SPYI'I SGRAS KYANG RANG GI KHYAD PAR MI 'PHEN PAR 'GYUR TE, DE LAS KYANG DE RNAMS LA THE TSOM SKYE BA'I PHYIR RO, ,GZHI MTHUN PA NYID MED PA'I CHED DU MI 'PHEN PA YIN NA YANG, GZHI MTHUN PA NYID DE YANG THE TSOM KHO NA YOD PA LA NYE BAR DMIGS TE, GANG SMRAS PA, THE TSOM 'DOD PHYIR KHYAD PAR NI, ,RANG GI SPYI YI 'DOR MA YIN, ,BLANGS MIN THE TSOM SKYED PA'I PHYIR, ,MTSUNGS NA'ANG DE DAG DON GCIG NYID, ,CES SO, ,GAL TE YANG DON LAS DON NGES PA KHO NAR 'GYUR NA, KHYAD PAR DANG KHYAD PAR DU BYA BA'I DNGOS PO MI 'THAD DE, RNAM GRANGS KYI SGRA BZHIN NO, ,DE DAG LAS DON DES ZIN PA NYID GYI PHYIR RO ZHE NA, DE'I PHYIR @252A *, ,'DI GSAL BAR BYA'O, ,DE LA GAL TE 'O NA GANG DU THE TSOM ZA BA DER MI 'PHEN PA ZHES PA LA SOGS PA GANG BRJOD PA DE RE ZHIG BSAM PAR BYA STE, SGRA 'PHEN PA YANG GZHAN YIN LA, DON 'PHEN BA YANG GZHAN YIN TE, SGRA 'PHEN PA NI MI GTONG BA'I MTSAN NYID CAN TE, DON 'PHEN PA NI NGES PA'I MTSAN NYID CAN NO, ,DE LA THE TSOM LAS NGES PA'I MTSAN NYID CAN GYI DON 'PHEN BA MA YIN NO ZHES BRJOD PA NA, GAL TE 'O NA GANG DU THE TSOM ZA BA DER MI 'PHEN PA YIN NA SPYI'I SGRAS KYANG, RANG GI KHYAD PAR 'PHEN PA MI GTONG BA'I MTSAN NYID CAN DU MI 'GYUR RO ZHES PA CIS NA CIR THAL BAR 'GYUR, GANG BRJOD PA YANG GZHI MTHUN PA NYID MED BA'I CHED DU MI 'PHEN PA ZHES PA LA SOGS BA DANG, GANG YANG GAL TE YANG DON LAS DON NGES PA KHO NAR ZHES PA LA SOGS PA BRJOD PA DE GNYIS KA YANG MI RIGS TE, JI LTAR KHYAD PAR SMRA BA'I LUGS KYIS RIGS KYI SGRA KHO NAS NGES ZIN BA'I KHYAD PAR THAMS CAD LA YANG NGES PA'I DON DU KHYAD PAR GYI MNYAM PA MA SBYAR BA NA, GZHI MTHUN PA NYID DANG KHYAD PAR DANG KHYAD PAR DU BYA BA'I DNGOS POR 'GYUR BA MA YIN PA KHO NA BA DE LTAR DE LDAN GYI PHYOGS SMRA BA'I LUGS KYIS KYANG 'GYUR RO ZHES PA 'DI BSAMS ZIN TO, ,GAL TE 'O NA DON 'PHEN PA NGES PA'I BDAG NYID YIN NA, CI LTAR DON 'PHANGS PA'I BUM PA LA SOGS PA RNAMS LA BYE BRAG RE BAR 'GYUR RO ZHES PA 'DI BRJOD DE, RE BA ZHES BYA BA NI DE RNAMS LA THE TSOM ZA BA'I NGES PA DON DU GNYER BA YIN NO ZHE NA, SKYON 'DI MED DO, ,GANG ZHIG DON 'PHANGS PA 'DOD BA DE NI RNAM PA 'DI LTA BU'I RE BA 'DOD PA MA YIN GYI, 'O NA CI ZHE NA BYE BRAG NGES PAR RAB STE, DE KHO NA'I DBANG DU BYAS NAS 'DI BRJOD DO, ,YANG NA MKHAS PAS RTZOD PA 'DI THAMS CAD KYI LAN 'CHAD PAR 'GYUR RO ZHES PAS 'DI GZHAG GO, ,DE'I PHYIR ZHES PA LA SOGS PAS JI SKAD BSHAD PA'I RIGS LA SOGS PA RJOD PAR BYED BA DGAG PA NYE BAR SDUD PAS RANG GI PHYOGS KHO NA BSTAN BAR MDZAD DO, ,'O NA PHA ROL BO'I PHYOGS BKAG PAS RANG GI PHYOGS 'GRUB PA MI 'THOB STE, BSAL...TE 'ONGS PA DGAG PAR JI SKAD BSHAD PA BZHIN NO ZHE NA, SKYON 'DI MED DE, 'DI LA SNGAR KHO NAR, BYAS @252B SOGS BZHIN DU RANG DON LA, ,GZHAN SEL BAS NI RJOD PAR BYED, ,CES SGRA LAS BYUNG BA RJES DPAG LAS THA MI DAD PA NYID DU BSGRUBS ZIN TO, ,DE LA TSAD MA GZHAN DU SMRA BA RNAMS KYIS BSGRUB PA'I SGO NAS RIGS LA SOGS PA RNAMS RJOD PAR BYED DO ZHES BSHAD PA, DE BKAG PA NA DON DE KHO NA RNAM BAR GNAS PA 'BA' ZHIG GO, ,'CHAD PAR 'GYUR BA'I RANG GI PHYOGS SGRUB PAR BYED PA THUGS LA BYAS NAS KYANG 'DI SKAD GSUNGS SO, ,YANG CI 'DIR SEL BA TZAM GYI BRJOD PAR BYA BA NYID DU MNGON PAR 'BREL LAM, 'O NA TE DE'I KHYAD PAR DU BYAS PA YIN, DE LAS CIR 'GYUR NA, GAL TE GZHAN SEL BA TZAM YIN NA, RANG DON LA, GZHAN SEL BA YIS RJOD PAR BYED, CES PA'I GZHUNG 'GAL TE, RANG GI DON LAS THA DAD PAR GZHAN SEL BA BRTEN PA NYID KYI PHYIR RO, ,DE LTAR DNGOS PO DE'I CHA 'GA' ZHIG DON GZHAN LAS LDOG PAS RTOGS PAR BYA STE, SGRA NI DON GZHAN LAS LDOG PAS KHYAD PAR DU BYA BA'I DNGOS PO RNAMS SMRA'O ZHES PA LA SOGS PA BSTAN PA DE LDAN GYI PHYOGS GSAL BAR BYED PA RNAMS 'GAL LO, ,CI STE DES KYANG KHYAD PAR DU BYAS PA YIN NO, DES NA MNYAM PA GZHAN SEL BYED, ,CES NYAMS TE, GANG GI PHYIR GZHAN SEL BAR BYED DO, ZHES PA NI RJOD PAR BYED DO ZHES PA'I DON TE, JI LTAR DGAG TSIG GIS 'GOG PAR BYED DO ZHES PA 'DI LA BZHAN NO, ,SGRA'I BYED PA GZHAN SRID PA NI MA YIN NO, ,DE LDAN GYI PHYOGS KYANG PHYOGS GZHAN DU MI 'GYUR TE, DE'I PHYIR DE LDAN GYI PHYOGS LA BRJOD PA'I SKYON RNAMS 'DI LA YANG THAL BAR 'GYUR RO ZHE NA, SKYON 'DI MED DE, GZHAN SEL BA KHO NA SGRA'I DON YIN PAS SO 'GAL BA YANG MA YIN TE, GANG GI PHYIR GANG 'DI RANG GI DON YOD PA DE KHO NA GZHAN SEL BYED CES 'DIR GZHAN SEL GYI SGRAS BRJOD PAS SO, ,GZHAN SEL BAS NI RJOD PAR BYED, ,CES PA 'DI'I DGOS PA NI BSHAD ZIN TO; ,GZHAN YANG KHYAD PAR GCIG BSKUL NA YANG GZHAN LAS LDOG PA RTOGS PA LA, RJES SU 'GRO BA DANG LDOG PAS BSKUL BA'I THA SNYAD RTOGS PAR SGRA RNAMS STON CING GZHAN SEL BAS RJOD PAR BYED DE, DNGOS PO DE'I CHA 'GA' ZHIG DON GZHAN LAS LDOG PAS RTOGS PAR @253A *, ,BYA'O, ,SGRA NI DON GZHAN LAS LDOG PA'I KHYAD PAR CAN KHO NA'I DNGOS PO RNAMS RJOD PAR BYED DO ZHES PA LA SOGS PA GSUNGS PA'O, ,KHYAD PAR DANG KHYAD PAR DU BYA BA'I DNGOS PO NI MA YIN NO, ,'O NA RJES SU 'GRO BA TZAM STON PA KHO NAS SAM LDOG PA TZAM STON PA KHO NAS SGRA'I THA SNYAD RTOGS PAR 'GYUR BA MA YIN NAM ZHE NA, 'DI YOD PA MA YIN TE, RJES SU 'GRO BA GCIG BU LA NI YONG SU SPANG BAR BYA BA MED NA 'BRAS BU MED PA'I STON PA YIN PA NYID KYI PHYIR DANG, DE BZHIN DU YONGS SU SPANG BAR BYA BA GCIG LA 'GA' ZHIG LA GNAS PA MED NA'O, ,LDOG PA MED PA CAN GYI RJES SU 'GRO BA YANG MED LA RJES SU 'GRO BA MED PA CAN GYI LDOG PA YANG MED DE, RANG GI DON RTOGS PAR BYED PA NI RJES SU 'GRO BA YIN ZHING 'DI NI LDOG PA MED PA SRID PA YANG MA YIN NO, ,RANG GI DON LAS DON GZHAN RNAM PAR GCOD PA NI LDOG PA STE, DE YANG RJES SU 'GRO BA MED PAR BRTAG PAR 'OS PA MA YIN NO, ,DE NYID KYI PHYIR SGRA LAS DE LAS GZHAN ZLOG PA DANG, GANG GI DON BRJOD PA'I BYA BA GNYIS NI MED DE, RANG GI DON NI THA DAD PA'I NGO BO NYID KYI PHYIR NA, DE BRJOD PA KHO NA LAS DE LAS GZHAN PA BZLOG PA RTOGS PA'I PHYIR RO, ,JI LTAR 'DI 'DI'I SPUN DRUNG NGO ZHES BRJOD PA NA SPUN DRUNG NYID NI GNYIS KAR GYUR BA NYID KYI PHYIR NA, GCIG LA SPUN DRUNG DU BRJOD NA YANG, MED NA MI 'BYUNG BA NYID KYI PHYIR CIG SHOG KYANG SPUN DRUNG NYID DU RTOGS PA DE LTAR DBYE BAR BYA BA GNYID DAG LA, DBYE BA NI GNYIS KAR GYUR PA NYID KYI PHYIR DBYE BA GCIG BSKUL PA NA YANG MED NA MI 'BYUNG BA NYID KYI PHYIR DE GZHAN LAS LDOG PA'O, ,DE'I PHYIR YANG GANG ZHIG MNYAM PAS DON GZHAN SEL BAR BYED NA, DE DGAG PA KHO NA DON SPYAD ZIN PA CAN NYID KYI PHYIR RANG GI DON RTOGS PA'I CHED DU SGRA GZHAN BTZAL BAR BYA'O ZHES BRJOD PA DE YANG MI 'THAD DE, GANG GI PHYIR SGRA NI RANG GI DON KHO NA RTOGS PAR BYED CING , RTOGS PAR BYA BA'I DON DE LA MED NA MI 'BYUNG BA NYID KYI PHYIR DON GZHAN LDOG PA RTOGS PO ZHES PAS SO, ,DES NA DE LTAR SEL BA KHO NA SGRA'I DON TE 'GA' BA CI YANG MED DO ZHES PA'O, ,YANG SGRA'I DON 'DI CI ZHE NA, GANG BRJOD 'DOD KYI SPYI'I RNAM PA 'DI YIN @253B TE; DE YANG BRJOD 'DOD LA MI 'KHRUL ZHES PAS BRJOD 'DOD LA SGRA TSAD MA NYID DU BSHAD DO, ,'O NA SPYI SGRA'I DON YIN NA DES NA JI LTAR BLO'I SNANG BA SGRA'I YUL DU BRJOD CE NA, DE KHO NA SPYIR GZHAG PAR BYA STE, CI LTAR ZHE NA, 'DIR DBANG PO DANG SNANG BA DANG YID LA BYED PA RNAMS SAM, BDAG DANG DBANG PO DANG YID DANG DON DANG PHRAD PA RNAMS SPYI MED PAR THA DAD PA YIN KYANG GZUGS KYI SHES PA GCIG SKYED PAR BYED PA JI LTA BA DE LTAR SHING SHA PA LA SOGS PA'I KHYAD PAR RNAMS KYANG, PHAN TSUN RJES SU 'GRO BA MED NA YANG RANG NYAMS SU MYONG BA'I SGO NAS RNAM PAR RTOG PA'I BAG CHAGS SAD PAR BYED PA RNAMS KYIS THA MI DAD PAR SNANG BA'I RNAM PAR RTOG PA'I SHES PA GCIG SKYED PAR BYED DO, ,DE YANG BSGRUB PAR BYA BA DANG SGRUB PAR BYED PA GCIG PA NYID KYIS NA, GZHAN LAS THA DAD PA RNAMS DANG RNAM PAR RTOG PA'I BAG CHAGS KYI RANG BZHIN GANG YIN PA DE NI, GANG DE'I DBANG GIS DE RNAMS KYI DER SKYE BZHIN PA'I NGO BO THA DAD PA BSGRIBS TE, BDAG NYID KYI SNANG BA THA MI DAD PA DE RNAMS LA SGRO BTAGS NAS, DE RNAMS NGO BO THA MI DAD PA BZHIN DU RNAM PA 'GA' ZHIG GIS STON TO, ,DE'I SNANG BA THA MI DAD PA GANG YIN PA NI PHYI ROL BZHIN DANG, DON BYA BA BYED PA BZHIN DANG, GSAL BA THA DAD LA RJES SU 'GRO BA BZHIN TE, RTOGS PA PO 'KHRUL PA RNAMS KYIS PHYI ROL NYID DU ZHE NA PAR BYAS PA'O, ,BLO LA YONGS SU 'JUG PA'I DNGOS PO RNAMS KYI PHYI ROL LA LTA BUR KUN DU 'PHRO BA NYID DE NI RTOGS PA POS BSAM PA'I SPYIR RNAM PAR GZHAG GO, ,DA NI CI LTAR GZHAN SEL BA'I SPYI SGRA'I DON NO ZHES BRJOD CAN, DE KHO NA NI GZHAN SEL BA YIN NO, ,CI LTAR JI TZAM PAS PHYI ROL RNAMS KYI DON GZHAN LAS LDOG PA DE KHO NA GZHAN SEL BA YIN TE, LDOG PA DANG GZHAN SEL BA DANG DON GZHAN RNAM BAR GCOD PA ZHES PA LA SOGS PA RNAMS NI RNAM GRANGS YIN ZHING, LDOG PA NI LDOG LDAN LAS GZHAN DU 'DOD PA YANG MA YIN TE, DES NA PHYI ROL GYI RANG GI MTSAN NYID KYI BDAG NYID CI LTAR GZHAN SEL BA SHES PA'I RNAM PA'I RANG BZHIN DU 'GYUR ZHE NA SKYON MED DE, DE KHO NA NYID DPYOD PAR BYED PA 'CHAD PAR BYED PA RNAMS DE LTAR RNAM PAR 'BYED PAR BYED KYI CIG @254A *, ,SHOS RNAMS NI MA YIN TE, DE RNAMS NI BLO LA YOD PA'I RNAM PA DE KHO NA DON BYA BAR RUNG BA YIN PAR SEMS SHING, BRDA DANG THA SNYAD KYI DUS DAG TU SNANG BA DANG RNAM PAR BRTAG PAR BYA BA'I DON DAG GCIG NYID DU ZHE NA, DE'I PHYIR DE RNAMS KYI BSAM PA'I DBANG LAS GZHAN SEL BA PHYI ROL GYI DON GYI YUL LO ZHES BRJOD KYI, DE KHO NA NYID SEMS PA NA MKHAS PA RNAMS NI SNANG BA THA DAD PA LA SOGS PA RNAMS KYI PHYIR THA DAD PA MED PAR MI SEMS SO, ,GZHAN YANG GANG THA MI DAD PA'I RNAM PA CAN GYI BLO SKYE BA DE'I RTEN NI GZHAN SEL BA KHO NA'O ZHES BSTAN PA'I CHED DU SGRA'I YUL GZHAN SEL BA'O ZHES BSHAD DE, DE NI DNGOS PO RNAMS LA YOD PA'I PHYIR DANG MI 'GAL BA'I PHYIR RO, ,MTSUNGS PA'I BLO'I RTEN GYI DNGOS PO NI GZHAN SEL BAR MI 'GAL TE, DE LTAR NI 'BRAS BU GCIG PA NYID KYIS DE'I 'BRAS BU CAN MA YIN PA RNAMS LAS LDOG PA'I KHYAD PAR RNAMS NI RANG NYAMS SU MYONG BA'I SGO NAS 'KHRUL PA'I 'BRAS BU CAN GYI BAG CHAGS KYI RGYU RNAMS SU 'GYUR ZHING SPYI'I RNAM PA RJES SU 'BREL PA'I BLO SKYED PAR BYED DO ZHES PA 'DI BSTAN TO, ,'DI LA SPYI SMRA BA RNAMS RGOL BAR BYED DE, GAL TE SHING NI SHING MA YIN PA DAG LAS THA DAD PA YIN NA, DE NI BRDA'I DUS SU SHING MIN 'DZIN PA MED PAR DE LTAR GZUNG BAR MI NUS PA NYID KYI PHYIR DANG, SHING MI SHES PA CAN GYIS DE RNAM PAR GCOD PA'I NGO BO SHING MIN YANG YONGS SU MI SHES PA'I PHYIR RO, ,SHING NI NA CI ZHIG GCES DRIS PA NA SMRAS PA GANG SHING MA YIN ,GANG RNAM PAR MA BCAD PAS GANG LA BRDAR BYAS PA'I SGRA NI DE PA NA TSUN BSTEN PA'I NYES PA STE, 'DI'I PHYIR BLO LA MI GNAS PA'I DON LA GZHAN RNAM PAR GCOD PAS BRDA BYA BAR MI NUS SO ZHE'O, ,DE RNAMS KYI SPYI LA BRDA BYED PA NA YANG SHING MIN RNAM PAR BCAD DAM 'ON TE MA YIN, GAL TE RNAM GCOD NA SNGAR SHING, ,'DZIN PA MED NA CI LTAR SHES, ,DE'I TSE RTOGS PA POS SHING SHES PA MA YIN PAS TE, SHING DANG SHING MIN SHES PA KHO NA'I CHED DU, DE DON DU GNYER BA NYID DU NYE BAR 'GRO BA'I PHYIR RO, ,MI SHES PA DES CI LTAR BRDA LA SHING MIN RNAM PAR GCOD PA RTOGS @254B PAR 'GYUR, MI RTOGS NA YANG GZHAN RNAM PAR MA BCAD PAS BKOD PA'I SGRA LAS, DE YONGS SU SPANGS NAS THA SNYAD LA 'JUG PA MI RIGS TE, SHING SHA PA LA SOGS PA'I KHYAD PAR BZHIN NO, ,GANG RNAM PAR MA BCAD PAS GANG LA BRDAR BYAS PA'I SGRA NI DE LA DE YONGS SU SPANGS PAS 'JUG PA MA YIN TE, 'DI LTA STE, SHING NYID LA SHING SHA PA LA SOGS PA KHYAD PAR RNAM PAR MA BCAD PAR BRDAR BYAS PA'I SHING GI SGRA NI DE YONGS SU SPANGS PAS 'JUG PA MA YIN PA BZHIN, SHING GI SGRA YANG SHING NYID LA SHING MIN RNAM PAR MA BCAD PAS BRDAR BYAS PA'O, ,'GAL BAS KHYAB PA'O, ,DE LTAR 'GYUR MOD, SPYI DNGOS POR SMRA BA NI, 'GA' ZHIG RNAM BAR BCAD PAS CUNG ZAD SGRUB PA MA YIN GYI, 'O NA CI ZHE NA, MDUN NA GNAS PA'I DNGOS PO GCIG YANG DAG PAR BSTAN NAS, 'DI SHING YIN ZHES BRDAR BYED LA DE LTAR BRDA'I DUS SU MTHONG BA KHO NA'I SPYI'AM DE DANG 'BREL PA CAN NI THA SNYAD KYI DUS SU YANG RTOGS SO ZHES PAS THAL BAR 'GYUR BA MTSUNGS PA MA YIN NO ZHE NA, MI MTSUNGS PA MA YIN TE GANG GI PHYIR GCIG RAB TU BSTAN NAS 'DI SHING DO ZHES SMRA BA YANG, NGES PAR BZUNG NAS BRDA BYED DAM, 'ON TE NGES PAR MA BZUNG BA YIN, GAL TE 'DI KHO NA SHING YIN GYI GZHAN MA YIN NO ZHES NGES PAR BZUNG NAS YIN NA, SNGAR SHING 'DZIN PA MED PAS SHING MIN YONGS SU MI SHES PA NI CI LTAR BRDA LA DE YONGS SU BCAD PA RTOGS PAR BYED, CI STE 'DI YANG SHING STE GZHAN YANG YIN NO ZHES NGES PAR MA BZUNG BA YIN NA, CI LTAR RTOGS PA PO THA SNYAD KYI TSE GZHAN YONGS SU SPANGS PAS 'JUG CES PA SKYON DE KHO NA'O, ,CI STE MTHONG BA LAS BZLOG PA NI SHES PAR SLA BA'I PHYIR SKYON MED DE, GCIG 'GA' ZHIG MTHONG BA DANG LDAN ZHING GZHAN LA DE DANG MI MTHUN PA'I RNAM PA CAN GYI BLO NYAMS SU MYONG BA LA NI BRDA'I DUS NA GZUNG BA'I DNGOS PO DE LAS, DE LAS BZLOG PA'I RNAM PA CAN 'DI NI GZHAN NO ZHES CHOS MI MTHUN PA NYID KYI NGES PAR 'GYUR RO, ,DES NI 'DI KHO NA SHING NGO ZHES RAB TU RTOGS PAR BYAS TE, GANG KHO NA LA DE MI SNANG BA DE KHO NA SHING MA YIN PAR @255A *, ,RANG NYID KYIS RTOGS PAR 'GYUR RO, ,RNAM PAR GCOD PA SMRA BA LA 'DI MI SRID DE, GCIG TU MTHONG BA'I NGO BO NI 'GA' ZHIG LA YANG RJES SU MI 'GRO BA'I PHYIR RO, ,MNGON SUM GYI BRDA'I DUS BZUNG BA NI PHYIS MI RTOGS PA'I PHYIR TE, RTOGS PA YOD NA YANG BRDA'I DUS SU GZUNG BA'I SHING GI GSAL BA NI GSAL BA GZHAN LA YANG DE KHO NA 'DI'O ZHES RTOGS PAR MI 'GYUR TE, DE LTAR NI JI LTAR BUM PA DE LAS MTSAN NYID MI MTHUN PA DE LTAR PA LA SHA LA SOGS PA'I KHYAD PAR YANG STE, RJES SU 'GRO BA'I NGO BO KHAS BLANGS PA'I PHYIR RO ZHE NA, DE LTAR NA 'O NA 'DI NA SEL BAR SMRA BA LA YANG MTSUNGS TE, GANG GI PHYIR DNGOS PO 'DI RNAMS THA DAD KYANG 'GA' ZHIG RNAMS NI NGO SHES LA SOGS PA'I 'BRAS BU GCIG RANG BZHIN GYIS BYED KYI GZHAN RNAMS NI MA YIN TE, DE RNAMS MTHONG NAS RTOGS PA POS 'DI RNAMS NI DE'I RGYU STE GZHAN RNAMS NI MA YIN NO ZHES BLOS RNAM PAR BYE NAS PHUNG PO GNYIS SU RNAM PAR 'JOG GO, ,DE LA 'DI NI BRGYUD PAS 'BRAS BU GCIG CAN GYI DNGOS PO LAS SKYE PA'I PHYIR, THA MI DAD PA'I DON 'DZIN PA CAN YANG STE, DE NYAMS SU MYONG BA LAS SKYE BA'I RANG BZHIN LAS PHYI ROL GYI DON DU LHAG PAR ZHE NA PA'I NGO BO CAN SPYI'I RNAM PA DANG LDAN PA NGO SHES PA LA, GANG 'BRAS BU GCIG PA'I RGYU NYID KYIS RNAM PAR PHYE BA RNAMS PHYI ROL BZHIN DANG DON BYA BA BYED BA BZHIN DANG, RJES SU 'GRO BA CAN GYI NGO BO 'BA' ZHIG GI RJES SU SONG BA BZHIN DU SO SOR SNANG NGO, ,PHYI ROL GYI DON GYI RANG BZHIN DU ZHEN PAR BYAS PA DE RNAMS RTOGS NAS, RTOGS PA PO'I RNAM PAR RTOG PA RNAMS LA THA MI DAD PAR RAB TU SNANG BA RNAMS RAB RIB CAN GYIS ZLA BA GNYIS MTHONG BA BZHIN DU RANG RANG GI SNANG BA NYAMS SU MYONG NA YANG GCIG NYID DU LHAG PAR ZHE PA'I PHYIR, DE RNAMS BSTAN NAS 'DI RNAMS SHING NGO ZHES BRDA BYAS PA NA, 'KHRUL PA DES DE LA RJES SU 'GRO BA'I NGO BO GCIG BZHIN DU MTHONG NAS, DE'I RGYU MA YIN PA NYID DU RNAM PAR PHYE BA DE LAS BZLOG PA'I RNAM PA CAN RNAMS LA SHING MIN NYID DU BDE BLAG TU LHAG PAR ZHEN PAR BYED DO, ,DE LA THA DAD PA MTHONG YANG GANG ZHIG MTHONG BA DANG MA MTHONG BA DAG GIS 'DI SHING DANG SHING MIN PA RNAM PAR 'BYED PAR BYED PA DNGOS PO THA MI DAD PA BLTAR RUNG BA @255B GCIG NI MED DE, DE NI RNAM PAR PHYE BAS DBYUG PA DANG DBYUG PA CAN BZHIN DU MI 'DZIN PA'I PHYIR RO, ,MA BZUNG BA YANG NYE BAR MA MTSON PA'I PHYIR RO, ,GCIG LA MTHONG BA'I RNAM PA YANG GZHAN LA LTA BAR MI NUS PA'I PHYIR DE DANG DE MA YIN PA DANG LDAN PA DAG SHING DANG SHING MA YIN PA NYID YIN NA GSAL BA GCIG KHO NA SHING YIN PAR 'GYUR RO, ,'DIR YANG SEL BA'I RANG GI NGO BO MI SHES PA RNAMS KYIS DNGOS PO MED PA TZAM GZHAN SEL BA'O ZHES SGRO BTAGS NAS SUN 'BYIN BYED PAR 'DOD PAS PHA ROL PO RNAMS KYIS GANG SMRAS PA DE GZHAN SEL BA'I RANG GI NGO BO LEGS PAR BSHAD PA KHO NAS GSAL SHING PHA ROL MAN NA TE, DE SEL BA'I CHED DU BDAG NYID CHEN PO RNAMS KYIS SO ZHES PA SHIN TU 'PHROS PAS CHOG GO, ,BSHAD DO ZHES PA DON GYI RTOGS PAR BYA BA'I CHA YANG DAG PAR BSTAN PAS GZHAN SEL BA KHO NA SGRA'I DON DU GZHUNG 'DZUGS PAR BYED DO, ,RNAM MANG ZHES PA, SHING SHA PA LA SOGS PA'I KHYAD PAR GYIS DANG, ME TOG CAN DANG 'BRAS BU CAN LA SOGS PA'I KHYAD PAR GYIS RNAM PA DU MA NYID NA YANG ZHES PA'I DON TO, ,BRJOD PAR BYA BA ZHES PA SHING LA SOGS PA'I DON TO, ,DE NI NYID RNAM PA DU MA NYID NA YANG SGRA LAS RNAM PA THAMS CAD RTOGS PA MED DO; ,RANG DANG 'BREL PA RJES MTHUN LAS, ,ZHES PA LA RANG GI 'BREL PA NI MED NA MI 'BYUNG BA NYID DE RJES SU 'GRO BA DANG LDOG PA'I MTSAN NYID CAN NO, ,DE YANG DE'I SPYI LA LTOS NAS YIN GYI KHYAD PAR LA LTOS NAS NI MA YIN NO, ,'DE'I PHYIR 'BREL PA GANG 'DRA BA RTOGS PAR BYED PA NYID KYANG DE 'DRA BA KHO NAR RIGS SO, ,'DI SKAD BSHAD PAR 'GYUR TE, SPYI LA LTOS NAS 'DI'I 'BREL PA YIN ZHING, SPYI YANG RNAM PAR GCOD PA'I NGO BO KHO NAR JI SKAD BSHAD PA BZHIN TE, LTOS NAS YIN GYI KHYAD PAR LA GZHAN MI RIGS PA'I PHYIR RO, ,DE'I PHYIR RNAM PAR GCOD PA KHO NA BYED CING RTOGS PAR BYED DO ZHES PA'O, ,CI STE SGRA YIS CHA CI ZHIG RTOGS PAR BYED CE NA GSUNGS PA, SGRA YANG DU MA'I CHOS LDAN PA, ,ZHES PA LA SOGS PA STE, RANG DANG SPYI'I CHOS RNAMS KYI CHOS DU MA'O, ,GANG GI DON NI 'DA' MIN PA, ,ZHES PA SPYI'I CHOS SHING DANG SGRA NYID LA SOGS PA GANG GI @256A *, ,'KHRUL BAR BYED PA MIN ZHING RTOGS PAR BYED PA DE NYID KYIS ZHES PA 'DIS CHOS DE KHO NA RTOGS PAR BYED DO ZHES PA'I DON TO, ,NYID KYI SGRAS NI GANG RNAM PAR BCAD PA DE BSTAN TO, ,SGRA YI YON TAN SOGS KYIS MIN, ,ZHES PA SOGS KYI SGRAS SGRA'I SHES BYA NYID LA SOGS PA RNAMS GZUNG NGO, ,RTOGS BYED MA YIN PA NYID NI DE RNAMS LA 'KHRUL PA NYID KYI PHYIR RO, ,DE LTAR NI DE RNAMS NI SHING GI DON MED KYANG RO LA SOGS PA RNAMS LA MTHONG GI ,SHING GI SGRA NYID LA SOGS PA'I SBYI NI MA YIN NO, ,GAL TE GZHAN SEL BA TZAM ZHES PA LA SOGS PA STE, 'DIR BSAM PA NI 'CHAD PAR 'GYUR BA'O, ,CI LTAR ZHES PA LA SOGS PA 'DI NI TSAD MA'I 'BRAS BU'O, ,DRI BAS BSAM PA BSAL BAR BYA BA'I CHED DU GSUNGS PA, CI LTAR MI 'GYUR ZHE NA ZHES PA LA SOGS PA'O, ,GANG GI PHYIR THA DAD CES PA LA SOGS PA STE, BSAL BAR BYA BA THA DAD PAS NI LHAN CIG SPYOD PA LAS DON THA DAD PA STON TO, ,'DI NI GTAN TSIGS TE GANG RNAMS DON THA DAD PA DE RNAMS NI GZHI MTHUN PA MA YIN ZHING, KHYAD PAR DANG KHYAD PAR DU BYA BAR GYUR PA YANG MA YIN TE, BUM PA DANG SNAM BU LA SOGS PA'I SGRA BZHIN, SNGON PO DANG AUTPA LA LA SOGS PA'I SGRA RNAMS KYANG DE LTA BU'O, ,KHYAB PAR BYED PA DANG 'GAL BA'O, ,DE RNAMS KYANG ZHES PA LA SOGS PA STE, GAL TE YANG, BSAL BA'I DBYE BAS DON THA DAD, ,DE LTA NA YANG KHYAD PAR YOD DE, GANG GI PHYIR, RANG DON DBYE BA RTOGS LA RMONGS, ,SO SOR ZHES PA LHAG MA'O, ,RANG GI DON NI SPYI STE; AUTPA LA'I SGRA NI AUTPA LA TZAM MO, ,DE'I DBYE BA NI AUTPA LA DMAR PO LA SOGS PA RNAMS SO, ,SNGON PO TZAM STE, DE'I DBYE BA BUNG BA LA SOGS PA RNAMS SO, ,DE RTOGS LA BLUN PA NI THE TSOM GYI RGYU RNAMS SO, ,'DIS NI SO SOR RANG GI DON GYI KHYAD PAR LA THE TSOM GYI RGYU NYID DE, DON GYIS GO BAS LHAN CIG PA RNAMS LA NGES PA'I RGYU NYID DU BYE BRAG SMRAS SO, ,GANG GI PHYIR 'DI LTAR AUTPA LA SNGON PO LA SOGS PA'I SGRA RNAMS PHAN TSUN GYI DON LA RANG GI DON GYI BYE BRAG LA SO SOR THE TSOM GYI RGYU NYID DE, LHAN CIG TU GYUR PA RNAMS KHO NA LA NI NGES PA'I RGYU NYID YIN PA DE'I PHYIR AUTPA LA @256B SNGON PO ZHES PA BYA BA DNGOS PO GCIG LA 'BRAS BU THA MI DAD PA NYID YIN ZHING, KHYAD PAR DU BYAS PA'I DON MNGON PAR GSAL BA'I MTSAN NYID CAN DU RIGS TE, DE'I PHYIR GCIG 'BRAS BU THA DAD MED PA NYID KYI PHYIR GZHI MTHUN PA NYID DE DE'I PHYIR YANG KHYAD PAR BYED PA DANG KHYAD PAR BYA BA'I DNGOS POR 'THAD DO, ,CI LTAR BYAS NAS SHE NA, AUTPA LA'I SGRA RANG GI DON GYI KHYAD PAR LA THE TSOM GYI RGYUS, RANG GI DON SPYI BLOS SGRO BTAGS PA LA, DON DE NI GZHAN GYI RNAM PA YONGS SU MA BCAD PA CAN NYID KYI PHYIR NA RNAM PA GZHAN DU 'DOD PA DANG BCAS PA'I BLOS YONGS SU GCAD PAR BYA BA STE; GANG AUTPA LA 'DI CI SNGON PO YIN NAM 'ON TE GZHAN DMAR PO LA SOGS PA YIN ZHES DE'I PHYIR DOGS PA GCAD PA'I CHED DU SNGON PO'I SGRA SBYAR BZHIN PA NI GANG AUTPA LA 'DI NI SNGON PO STE, DMAR PO NI MA YIN NO ZHES DE LA RANG GI DON NYE BAR SDUD CING AUTPA LA'I DON KHYAD PAR DU BYED DO ZHES PAS KHYAD PAR DANG KHYAD PAR DU BYA BA'I DNGOS POR 'GYUR RO, ,'DIR DON NI 'DI YIN TE, GANG SGRA RNAMS KYIS BRJOD PAR BYA BA NI BLO LA SNANG BA'I BDAG NYID YIN YANG LHAG PAR ZHEN PAS PHYI ROL GYI DON GYI RANG BZHIN NO, ,DES NA SGRA'I DON THA DAD PA NYE BAR SDUD PA NA YANG CHOS DU MA RJES SU SONG BA NI THA MI DAD PA LTAR SNANG STE, DE LAS KYANG AUTPA LA SNGON PO LA SOGS PA'I SGRA RNAMS KYIS RNAM PA DE LTA BU'I DON GYI GZUGS BRNYAN BLO LA GTOD PAR BYED CING DNGOS PO GCIG KHO NA AUTPA LA DANG SNGON PO NYID LA SOGS PA'I CHOS DU MAR RAB TU GSAL BAR BYED DO ZHES PAS, THA SNYAD BYED PA PO.. 'KHRUL PA RNAMS KYIS RTOGS PAR BYED DE, DE'I PHYIR DE RNAMS KYI RTOGS PA JI LTA BA BZHIN DU GZHI MTHUN PA NYID 'GAL BA MED DO, ,DE LTAR BLO LA YOD PA'I SGRA'I DON DE KHO NA NI SNGON PO LA SOGS PA'I SGRA GANG RUNG CIG SBYAR BA LAS SNGON PO LA SOGS PA'I RNAM PA GCIG NGES KYANG BYE BRAG GZHAN MA NGES PA NYID KYI PHYIR, GANG SNGON PO 'DI CI GANG AUTPA LA 'AM, 'ON TE BUNG BA LA SOGS GZHAN YIN ZHES PA 'DI LTA BU LA SOGS BAS BYE BRAG GZHAN DU DOGS PA DANG BCAS PA'I BLOS YONGS SU GCOD PAR BYED DE, DE'I PHYIR DOGS PA GCAD PA'I CHED DU SNGON PO'I SGRA DANG LHAN CIG TU SBYAR BZHIN @257A *, ,PA AUTPA LA LA SOGS PA'I SGRA SBYAR BZHIN PA RNAMS AUTPA LA SNGON PO LA SOGS PAR SNANG BA'I RNAM PAR SHES PA SKYED PAR BYED CING, SNGON PO LA SOGS PA'I RNAM PA CAN GYI DNGOS PO NI AUTPA LA MA YIN PA LA SOGS PA DON GZHAN LA RNAM PAR GCOD PAR BYED DO ZHES LHAG PAR ZHEN PAR BYED DO, , DE'I PHYIR RTOGS PA'I NGOR BYAS PAS KHYAD PAR DANG KHYAD PAR DU BYA BA'I DNGOS PO YANG 'THAD DO ZHES PA'O, ,BSAL BAR BYA BA THA DAD PA YOD NA YANG ZHES PA 'DI YANG SNGAR BZHIN DU BSAL BYA THA DAD PAS DON THA DAD PAR STON TO, ,RANG GI DON GYI KHYAD PAR GSAL PAR BYA BA'I DON DU ZHES PA, RANG GI DON GYI KHYAD PAR NI AUTPA LA SNGON PO LA SOGS PA'I SGRA RNAMS KYI NI AUTPA LA SNGON PO LA SOGS PA'O, ,DE MNGON BAR GSAL BA'I DON DU STE, 'DIS NI 'BRAS BU THA DAD MED PA NYID GSUNGS SO, ,'GRENG BA DANG BYA ROG GNAS PA BZHIN DU RANG BSAL BA'I DON DU ZHES PA, SNGON PO'I SBYI DANG AUTPA LA'I SPYI'O, ,GCIG LA SDUD PAR BYED PA RNAMS ZHES PA, AUTPA LA SNGON PO LA SOGS PA'I DON GYI KHYAD PAR LA KHYAD PAR DU BYED PA NYID DU BSHAD PA'I AUTPA LA SNGON PO LA SOGS PA'I SGRA LHAN CIG SBYAR BA RNAMS NI AUTPA LA SNGON PO LA SOGS PAR SNANG BA, RNAM PAR SHES PA LA GTOD PAR BYED CING, AUTPA LA SNGON PO LA SOGS PA'I DON LA RANG GI DON GYI SBYI AUTPA LA SNGON PO LA SOGS PA NI KHYAD PAR DU BYED PA NYID DU NYE BAR SDUD PAR BYED PA PO RNAMS RTOGS PA PO RNAMS KYIS RAB TU RTOGS PAR BYED DE, DE'I PHYIR DE'I RTOGS PA'I DBANG LAS DE SKAD DU BSHAD PA'O, ,'GRENG BA NYID NI 'GRENG BA MA YIN PA RNAM PAR GCOD PAS BSGRENG BA'I SPYI RTOGS PAR BYED CING, THO YOR DANG MI LA SOGS PA 'A GRENG BA'I KHYAD PAR LA THE TSOM GYI RGYU STE, BYA ROG GNAS PA YANG BYA ROG GI RTEN DU MI RUNG PA'I DNGOS PO RNAM PAR GCOD PAS BYA ROG GNAS PAR RUNG BA'I DNGOS PO TZAM RTOGS PAR BYED CING, DE'I KHYAD PAR THO YOR DANG THANG LA SOGS PA RNAMS LA THE TSOM GYI RGYU YIN ZHING, DE DAG LHAN CIG BYAS BDAG NI SKYES BU'I GZUGS MA YIN PA'I 'A GRENG PA NYID KYI BYE BRAG LA NGES PA'I RGYU NYID KYI PHYIR GZHI MTHUN PAR 'GYUR BA JI LTA BA DE BZHIN DU, AUTPA LA SNGON PO LA SOGS PA'I SGRA RNAMS DON GCIG LA SNGAR @257B BRJOD PA'I RNAM PAS DER 'GYUR RO, ,DE LTAR NI DE RNAMS ZHES BA SO SO BA NI RANG GI DON GYI KHYAD PAR LA THE TSOM GYI RGYU STE, DON GYIS GO BAS LHAN CIG BYAS PA RNAMS NI NGES PA'I RGYU NYID DU GSUNGS SO, ,GANG GI PHYIR AUTPA LA SNGON PO LA SOGS PA'I SGRA RNAMS SO SO BA NI RANG GI DON GYI BYE BRAG LA THE TSOM GYI RGYU RNAMS TE, LHAN CIG BYAS PA RNAMS KHO NA NI NGES PA'I RGYU YIN PA DE'I PHYIR LHAN CIG PA RNAMS NI RANG GI DON GYI KHYAD PAR DON GCIG GSAL BAR BYED PA RNAMS GZHI MTHUN PAR 'GYUR RO, ,SGRA GZHAN DANG LHAN CIG PA'I GSAL BAR BYA BA'I DON MI SRID PA'I PHYIR YANG ZHES PA LA SOGS PA, SGRA GZHAN SNGON PO'I SGRA DANG LHAN CIG PA'I AUTPA LA'I SGRA'I GSAL BAR BYA BA'I GANG KHYAD PAR CAN GYI DON DE NI AUTPA LA'I SGRA 'BA' ZHIG PA LA SRID PA MA YIN NO, ,DE BZHIN DU SNGON PO'I SGRA LA YANG AUTPA LA'I SGRA DANG LHAN CIG PA'I GSAL BAR BYA BA GANG YIN PA DE 'BA' ZHIG PA LA MI SRID DO ZHES PA'O, ,SGRA GZHAN NYE BAS KHYAD PAR DU BYAS PA'I DON LA 'JUG PA'I PHYIR PHAN TSUN KHYAD PAR DANG KHYAD PAR DU BYA BA'I DNGOS PO'O, ,DPER NA 'GRED BA NYID DANG BYA ROG GNAS PA DAG NI LHAN CIG PA DAG KHO NA KHYAD PAR DU BYAS PA'I DON RTOGS PAR BYED PA DAG YIN PA BZHIN NO, ,DON RNAMS KHO NA'I KHYAD PAR DANG KHYAD PAR DU BYA BA'I DNGOS POR 'JIG RTEN NA GRAGS KYI, SGRA RNAMS LA NI MA YIN TE, DES NA CI LTAR DE RNAMS LA DE CI LTAR RNAM PAR GZHAG CES DOGS PAR BYAS NAS GYUR PA SMOS PA STE, GYUR PA'I SGRA NI DPE RJOD PAR BYED PA DON DU GYUR PA KHO NA'I CHOS TE, DE RJOD PAR BYED PA'I SGRAR NYE BAR GDAGS PAR BYA'O ZHES GYUR PA'I SGRA'I DON TO, ,DES NA 'DIS NI GZHI MTHUN PA NYID YOD NA YANG KHYAD PAR DANG KHYAD PAR DU BYA BA'I DNGOS PO DAG KYANG BSGRENG BA DANG BYA ROG GNAS PA LA SOGS PA RNAMS LA MTHONG BA'I PHYIR GTAN TSIGS 'KHRUL PAR GSUNGS SO, ,'O NA GZHI GCIG BA CAN GANG YIN PA DE ZHES PA, TSIG RNAM PAR SBYOR BA'I DUS NA SNGON PO YANG DE YIN LA AUTPA LA YANG NGO ZHES BYED DE, DE'I PHYIR DRI BA'O, ,'DIS NI GANG BRJOD PA SGRA GZHAN DANG LHAN CIG PA KHO NA'I SGRA YIS KHYAD PAR DU BYAS PA'I DON GSAL BAR BYA'O ZHES PA 'DI LA KHAS BLANGS PAS GNOD PA GSUNGS SO, ,DE NI SNGON PO 'BA' ZHIG MIN, ,ZHES PA @258A *, ,SNGON PO 'BA' ZHIG PA BKAG PAS SNGON PO'I SGRA TZAM GYI BRJOD PAR BYA BA NYID 'GEGS SO, ,DE BZHIN DU AUTPA LA 'GA' ZHIG KYANG MA YIN ZHES PAS AUTPA LA'I SGRA TZAM GYI BRJOD PAR BYA BA NYID 'BA' ZHIG PA'O, ,DE LTAR NA SNGON PO'I SGRA 'BA' ZHIG PA DANG AUTPA LA'I SGRA 'BA' ZHIG PA GANG BRJOD PAR BYA BA DE 'JIG RTEN NA SNGON PO 'BA' ZHIG PA DANG AUTPA LA 'BA' ZHIG PA'O ZHES GRAGS SO, ,YANG CI'I PHYIR SNGON PO DANG AUTPA LA'I SGRA 'BA' ZHIG BA DAG GIS DE BRJOD PAR BYA BA MA YIN ZHE NA GSUNGS PA, TSOGS PA BRJOD BYA NYID YIN PHYIR, ,ZHES PA GANG GI PHYIR LHAN CIG BYAS PA DAG KHO NA'I SNGON PO DANG AUTPA LA'I SGRA DAG GIS DON DE BRJOD PAR BYA BA STE, 'BA' ZHIG PA DAG GIS MA YIN PAS TE, GZHAN DU NA GCIG GIS DON DE RJOD PAR BYED PA NYID NA RNAM GRANGS PA'I SGRA LTAR DE DAG LHAN CIG SBYOR BA MI 'THAD DO, ,DES NA 'DIS NI TSIG RNAM PAR SBYOR BA'I DUS NA YANG LHAN CIG PA KHO NA'I SNGON PO DANG AUTPA LA'I SGRA DAG GIS DE BRJOD PAR BYA'O ZHES KHAS BLANGS PA'I PHYIR KHAS BLANGS PAS GNOD PA MA YIN NO ZHES STON TO, ,'O NA 'BA' ZHIG PA DAG GIS CI ZHIG RTOGS SHE NA, CUNG ZAD KYANG MA YIN NO, ,GANG GI PHYIR, YI GE BZHIN DU DE DON MED YANG CHA SHAS RNAMS LA DON MED PA NYID NA CI LTAR DE TSOGS PA DON DANG LDAN PA NYID YIN ZHE NA GSUNGS PA, JI LTAR ZHES PA LA SOGS PA'O, ,MI MTHUN PA NYE BAR BKOD PA ZHES PAS, DPE MI MTSUNGS PA NYID SMRAS SO, ,CI LTAR MI MTSUNGS PA YIN ZHE NA SMRAS PA MA YIN ZHES PA LA SOGS PA STE, 'DIS NI KHAS BLANGS PA NYAMS PA NYID SMRAS TE, SNGON PO'I SGRA 'BA' ZHIG PA YANG DON DANG LDAN PA NYID DU KHAS BLANGS PA'I PHYIR RO, ,YIG LA DON 'GA' MED PA STE, ,TSIG GNYIS PA NI RTOGS SHE NA, ,SKYON 'DI MED DE GANG GI PHYIR, ,DE YIS BRJOD BYA ZHES DER YANG, ,'BA' ZHIG YANG DAG RTOGS PAR BYA, ,SNGON PO'I SGRA DAR YANG DON GANG RTOGS PAR BYA BA DE SNGON PO'I SGRA'I BRJOD PAR BYA BA'O ZHES PA 'BA' ZHIG PA RTOGS KYI, TSOGS PA'I DON NI SNGON PO'I SGRA'I BRJOD PAR BYA BA NYID DU RTOGS PAR BYA BA MA YIN NO ZHES PA'I DON TO, ,DE NYID KYI PHYIR TSOGS PA'I DON GYIS STONG PA NYID DU 'BA' @258B ZHIG PA DAG STON BA GSUNGS PA, JI LTAR KHO NAR ZHES PA LA SOGS PA'O, ,GANG BSHAD PA ZHES PA LA SOGS PAS PHYOGS SNGA MA SO SOR BRJOD NAS, DE LA YANG ZHES PA LA SOGS PAS DE'I BRJOD BYA ZHES PA LA SOGS PA PHYED PHYI MA'I DON 'CHAD DO, ,RIGS NI SNGON PO'I YON TAN DANG 'PHROD PA 'DU BA CAN GYI SNGON PO NYID DO, ,'BA' ZHIG PA SMOS PAS TSOGS PA'I DON GYIS STONG PA NYID GSUNGS SO, ,SNGON PO'I SGRAS BRJOD PAR BYA BAS NI, GANG LA DE 'PHROD PA 'DUS PA RIGS DANG SBYAR BA'I YON TAN NAM, GANG LA SNGON PO'I YON TAN 'PHROD PA 'DUS PA RIGS DANG SBYAR BA'I YON TAN DANG SBYAR BA'I RDZAS TE, 'DI THAMS CAD KYANG TSOGS PA'I DON MA YIN NO, ,DE LTAR NA GNYIS KAR YANG TSOGS PA'I BRJOD PAR BYA BA'I DON GYIS DON MED PA NYID MNGON BAR BRJOD PA NYID KYI PHYIR MI MTHUN PA NYE BAR BKOD PA NYID MED CING DAM BCA' BA LA KHAS BLANGS PAS GNOD PA MA YIN NO, ,DE'I PHYIR DON GYIS STONG PA RNAMS KYIS ZHES PA, TSOGS PA'I DON GYIS STONG PA RNAMS KYIS SO, ,TSOGS PA RNAMS KYI SA ZHES PA SNGON PO LA SOGS PA'I SGRA RNAMS KYIS SO, ,'O NA; BSAL BYA'I DBYE BAS DON THA DAD, ,CES PA BRJOD PAR BYA BA RNAMS SO ZHES PA CI LTAR ZHE NA GSUNGS PA; SGRA THA DAD PA'I BRJOD PAR BYA BAS ZHES PA LA SOGS PA STE, THA DAD PAR NI SO SOR GYUR PA STE, 'BA' ZHIG PA ZHES PA'I THA TSIG GO, ,'DI SKAD BSHAD PAR 'GYUR TE, SNGON PO LA SOGS PA'I 'BA' ZHIG BA'I SGRA'I BRJOD PAR BYA BA'I DON GYIS THA DAD CES BA BRJOD PAR BYA'I, TSOGS PA'I DON GYIS NI MA YIN NO ZHES PA'O, ,GAL TE DE LHAN TSOGS PA'I BRJOD PAR BYA BA KHO NA KHYAD BAR DU BYAS PA'I DON YIN NA, DE CI LTAR GZHI MTHUN PA NYID DAM KHYAD PAR DANG KHYAD PAR DU BYAS PA'I DNGOS PO'I BAR YIN TE, 'DI GNYIS KA NI THA DAD PA'I RTEN CAN YIN ZHING, TSOGS PA YANG GCIG YIN NO ZHE NA, YONGS SU BRTAGS NAS SGRO BTAGS PA'I CHA SHAS YOD BAR GYUR PA'I PHYIR GNYIS KA RNAM PAR GZHAG PAR BYA STE, 'DI NI SEL BA'I SGO LA GANG 'DI'I 'DI DAG LAS DON DU BRTAGS PA'O ZHES 'CHAD PAR 'GYUR RO, ,RTOGS PA PO'I BSAM PA'I DBANG LAS YANG NA STE, RTOGS PA PO @259A *, ,RNAMS NI KHYAD PAR DANG KHYAD PAR CAN GNYI GA CAN GYI DON GCIG KHO NA LA SGRA GNYIS PO 'DI DAG NI SO SOR RJOD PAR BYED PA DAG GO ZHES SEMS PAR BYED DA, DE'I PHYIR DE RNAMS KYI BSAM PA'I DBANG LAS DE LTAR RNAM PAR GZHAG PAR BYA'O, ,DON GZHAN ZHES PA LA SOGS PA STE, GAL TE GZHAN SEL BA LAS GZHAN RIGS LA SOGS PA BRJOD PAR BYA BAR 'DOD NA'O, ,YAN LAG GI DON DAG CES PA SNGON PO LA SOGS PA'I SGRA 'BA' ZHIG PA'I BRJOD PAR BYA BA DAG GO, ,DE DAG GI GZHI NI TSOGS PA'I BRJOD PAR BYA BA'I DON GANG YIN PA'O, ,DE LAS ZHES PA YAN LAG GI DON DE DAG LAS SO,, THA DAD PAR 'GYUR PA'AM THA MI DAD PA ZHES PA RDZAS SU YOD PA LA RNAM PAR RTOG PA GSUM PA MED PA'I PHYIR RO, ,DE LA THA MI DAD PA'I PHYOGS LA SKYON NYE BAR BSTAN PA'I CHED DU GSUNGS PA, TSOGS PA GCIG NYID YOD MA YIN, ,ZHES PA STE CI'I PHYIR ZHE NA, PHAN TSUN KHYAD PAR MED THAL PHYIR, ,TSOGS PA CAN DAG PHAN TSUN THA DAD MED PAR THAL BAR 'GYUR RO ZHES PA'I DON TO, ,GAL TE ZHES PA LA SOGS PAS TSIG LE'UR BYAS PA'I DON DU GSUNGS PA'O, ,'DI NI 'DIR BSDUS PA'I DON TO, ,GANG TSOGS PA GCIG LAS GZHAN MA YIN PA DE NI THA MI DAD PA STE, TSOGS PA'I RANG GI NGO BO BZHIN, ,YON TAN SNGON PO DANG RIGS AUTPA LA DAG KYANG AUTPA LA SNGON PO ZHES PA'I TSOGS PA GCIG LAS GZHAN MA YIN NO, ,RANG BZHIN GYIS THAL BAR 'GYUR BA STE, DE LTAR YANG MA YIN NO ZHES PA BZLOG PA'O, ,GANG DAG PHAN TSUN THA DAD PA DE DAG AUTPA LA SNGON PO LAS GZHAN MA YIN PA MA YIN TE PA LANG DANG RTA BZHIN YON TAN SNGON PO DANG RIGS AUTPA LA DAG KYANG PHAN TSUN THA DAD PA DAG GO ZHES PA KHYAB BYED DANG 'GAL BA'O, ,TSOGS PA DU MA NYID THAL PHYIR, ,ZHES PA TSOGS PA GCIG GI BDAG NYID YOD PA MA YIN NO ZHES DKYUS MA'O, ,TSOGS PA STE RIGS DANG YON TAN TSOGS LA YAN LAG DU MA LAS THA MI DAD PA'I PHYIR DU.. MA NYID DU THAL BAR 'GYUR RO, ,GANG DU MA TSOGS PA DE NI DNGOS PO BA MA YIN GYI, BRTAGS PA KHO NA STE GRONG DRUG BZHIN NO, ,SNGON PO DANG AUTPA LA'I DON CAN DAG GI ZHES PA 'BRU MANG PO PA STE, SNGON PO DANG AUTPA LA RJOD PAR BYED PA'I SGRA DAG GI ZHES PA'I DON TO, ,GCIG LA YANG 'JUG BZHIN.. @259B PA DAG NI ZHES PA SGRA'I TSOGS PA GCIG LA YAN LAG GI DNGOS POS 'JUG BZHIN PA DAG CES PA'I DON TO, ,CI LAS GZHI MTHUN PA NYID DU 'GYUR ZHES PA DON THA DAD PA NYID KYI PHYIR TE, DPER NA BUM PA DANG SNAM BU'I SGRA DAG LA GZHI MTHUN PA NYID MED PA DE LTAR SNGON PO DANG AUTPA LA'I SGRA TSOGS ZIN PA DAG LA YANG NGO ZHES PA KHYAB BYED DANG 'GAL BA GSAL BAR BYED DO, ,KHYAD PAR NI SPYI'I NANG DU 'DUS PA'I PHYIR ZHES PA, SNGON PO ZHES PA SPYI STE, DE'I KHYAD PAR RNAMS NI AUTPA LA LA SOGS PA RNAMS SO, ,DE RNAMS DER NANG DU 'DUS SO, ,SNGON PO DANG AUTPA LA'I SGRA DAG NI SPYI RJOD PAR BYED PA DAG STE, KHYAD PAR NANG DU 'DUS NAS 'JUG PA DAG GO, ,DE'I PHYIR KHYAD PAR RNAMS SPYI'I NANG DU 'DUS PA'O ZHES PAS, DE RNAMS KYANG SNGON PO DANG AUTPA LA'I SGRA DAG GI DON RNAMS SO, ,DE LTAR SNGON PO DANG AUTPA LA'I SGRA GNYIS KA DAG KYANG AUTPA LA SNGON PO DON DANG LDAN PA DAG GO, ,DE LAS KYANG RANG GI DON YONGS SU MI SPONG NA YANG SKYON CUNG ZAD KYANG MED DO, ,GAL TE 'O NA SPYI'I SGRA YANG KHYAD PAR GYI DON CAN TE, DE KHO NA LAS KHYAD PAR RTOGS PA'I PHYIR SGRA GNYIS PA SBYOR BA SPYI'I DON DU YIN ZHE NA SMRAS PA, 'DRA BA'I NGO BO DAG CES PA LA SOGS PA STE, NGO BO GANG GIS SNGON PO'I SGRA SNGON PO NYID RJOD PA DE KHO NAS AUTPA LA SNGON PO YANG NGO, ,DE'I PHYIR NGO PO MTSUNGS PA NYID KYI PHYIR CI 'DI SPYI'I DON KHO NA'AM 'ON TE KHYAD PAR GYI DON YANG YIN ZHES MI SHAS TE, KHYAD PAR GYI DON DANG LDAN PA NYID DU SHES PAR BYA BA'I DON DU SGRA'I SBYOR BA GNYIS PA'O, ,'DIR RE ZHIG CES PA LA SOGS PA STE, SNGON PO'I SGRAS NI SNGON PO'I RIGS SAM, DE RANG SBYOR BA'I YON TAN BRJOD PAR BYA'I AUTPA LA LA SOGS PA'I RDZAS KYI RIGS NI MA YIN PAS TE, DE LAS KYANG AUTPA LA DMAR PO LA SOGS PA RNAMS NI YON TAN SNGON PO 'AM DE LA 'PHROD PA 'DU BA'I SNGON PO NYID KYI MA YIN TE, DES NA CI LTAR SNGON PO'I SGRA'I DON GYI NANG DU AUTPA LA SNGON PO LA SOGS PA RNAMS 'DU PAR 'GYUR, SPYIS BRJOD PA ZHES PAS THA MI DAD PA'I SGRA'I DON SMRAS SO, ,DE 'DIS NI GANG RNAMS SNGON PO'I SGRA'I DON GYI KHYAD PAR DU 'GYUR BA MA YIN PA DE RNAMS NI DE'I NANG DU 'DU BA MA YIN TE, DPER NA BA LA KA LA SOGS PA RNAMS BZHIN, SNGON PO'I AUTPAL LA @260A *, ,SOGS PA RDZAS KYI SPYI'I KHYAD PAR RNAMS KYANG DE LTA BU'O ZHES PA KHYAD PAR BYED PA MED PA GSUNGS SO, ,'O NA YANG ZHES PA LTA BA GZHAN LA MA GRUB PA NYID DU GSAL BAR BYED DO, ,SNGON PO'I SGRAS SNGON PO'I YON TAN NAM DE'I RIGS BRJOD PAR BYA BA MA YIN GYI, 'O NA CI ZHE NA SNGON PO'I YON TAN DANG LDAN PA'I SPYIS RDZAS YIN ZHING, DE'I KHYAD PAR YANG AUTPA LA SNGON PO LA SOGS PA RNAMS KYANG YIN NO ZHES PAS KHA NA MA THO BA MED DO ZHE NA, DE LTAR 'GYUR BAR NI MI RIGS TE ZHES PA NYE BAR BKOD PA 'DI NI DE DANG LDAN PA'I PHYOGS KYI LTA BA YIN LA, DE YANG SNGAR BKAG ZIN PA KHO NA'O ZHES BYAS NAS SO, ,SNGANG BKAG ZIN PA DE KHO NA STON PA GSUNGS PA, SNGAR BSHAD PHYIR ZHES PA LA SOGS PA'O, ,DE MI RIGS TE ZHES PA, BRJOD PAR BYA BA NYID KYIS NA NANG DU 'DUS PAR 'DOD CING, KHYAD PAR RNAMS SPYI'I SGRA'I BRJOD PAR BYA BA NYID DU SRID PA YANG MA YIN TE, 'DI LA GTAN TSIGS GSUNGS PA; THE TSOM ZA PHYIR ZHES PA'I THE TSOM NI ZHES PA LA SOGS PA NI 'DI NYID KYIS 'GREL BA'O, ,GANG LAS THE TSOM ZA BA ZHES PA LA SOGS PA NI RJES SU 'GRO BA NYE BAR STON PA'O, ,'GYUR DU CHUG NA YANG DON GYIS ZHES PA LA SOGS PAS LDOG PA'O, ,SHING SHA BA'I SGRA'I DON NI SHING GI SPYI LA MI 'KHRUL LO ZHES PAS SHING SHA PA'I SGRA LAS DON GYIS SHING GI SPYI RTOGS PAR 'GYUR RO, ,DON GYIS ZHES PA SMAS PA NI DNGOS SU RJOD PAR BYED PAR MI 'DOD PA'I PHYIR RO, ,GANG ZHIG GANG LA THE TSOM GYI RGYU YIN PA DE NI DE LA NGES BA'I RGYU MA YIN TE, DPER NA RTAG PA DANG MI RTAG PA NYID DAG LA GZHAL BYA NYID BZHIN, SPYI'I SGRA YANG KHYAD PAR RNAMS LA THE TSOM GYI RGYU YIN NO ZHES PA RANG BZHIN 'GAL BA'O, ,'DI NYID KYI CHOS MI MTHUN PA NYID KYI SBYOR BA NI, GANG ZHIG GANG LA NGES PA'I RGYU YIN PA DE NI DE LA THE TSOM GYI RGYU MA YIN TE, DPER NA KHYAD PAR GYI SGRA'I DON NI SPYI LA BZHIN, SPYI'I SGRA NI KHYAD PAR RNAMS LA NGES PA'I RGYU MA YIN GYI 'O NA CI ZHEN THE TSOM GYI RGYU'O ZHES PA'O, ,'O NA GANG 'DI ZHES PA LA SOGS PA NI GAL TE KHYAD PAR SBYI'I NANG DU 'DUS PA MA YIN NA, DE CI LTAR LUNG 'DI DANG 'GAL BA MA YIN ZHES PA BSAMS PA'O, ,'DI ZHES PA LA SOGS PA LA PHUNG RTOGS PAR BYED DO, ,RNAM @260B GRANGS LA GCIG LAS RTOGS PA RNAM GRANGS KYI SGRA RNAMS LA N RNAM GRANGS KYI SGRA GCIG KHO NA LAS BRJOD PAR 'DOD PA'I DON RTOGS PAR 'GYUR TE, DE LAS KYANG GNYIS BA SBYOR PA MED PA KHO NA'O ZHES PAS CI LTAR MTHUN PA NYID DAM KHYAD PAR DANG KHYAD PAR DU BYA BA'I DNGOS PO YIN ZHES PA DGOS PA'O; ,'O NA RNAM GRANGS KYI SGRA DU MA LHAN CIG SBYAR BAS KYANG DON GCIG RTOGS PAR BYA BA BZHIN PA MTHONG STE, DPER NA KHU BYU GA DANG KO KI LA BZHIN NO ZHE NA, GSUNGS PA, RNAM GRANGS KYI SGRAS NI ZHES PA LA SOGS PA'O, ,DE LA DON NGES PAR MA SHES PA LA RNAM GRANGS GZHAN SBYOR BAR 'GYUR TE, DPER NA 'GA' ZHIG KHU BYUG GI SGRA LA DON NGES PAR MA SHES PA LA DE'I DON RTOGS PA'I CHED DU KO KI LA'I SGRA BZHIN NO, ,DON DU MA CAN LA YANG DON GZHAN RNAM PAR GCOD PA'I KHYAD PAR GYI DON RTOGS PA'I CHED DU STE, DPER NA AAKSHA'I SGRA LA BA RU RA'I SGRA BZHIN NO, ,'DIR NI RNAM PA 'DI YOD PA MA YIN TE, DE'I PHYIR GNYIS PA SBYOR BA MI RIGS SO ZHES PA DGONGS PA'O, ,YANG CI'I PHYIR RNAM GRANGS GCIG SBYOR BA NA, DE LA GNYIS PA MI SBYOR ZHE NA GSUNGS PA, 'DI NYID NI ZHES PA LA SOGS PA'O, ,'DI NI DON DANG MTHUN PA'I MING STE, RNAM GRANGS KYI DON MNGON PAR RJOD PAR BYED DO ZHES PA RNAM GRANGS PA'O, ,NGE CIG CAR SBYOR BA LA MED DE RANG GI RGYU MTSAN MED PA'I PHYIR RO, ,'GYUR DU ZHES PA 'DI LAS MTSUNGS PAR BRJOD PA KHO NA CIG CAR SBYOR BA DANG 'BREL LO ZHES STON TO ZHES PA'O, ,RNAM GRANGS PA NYID CES PA NI RNAM GRANGS PA'I SGRA'I BRJOD PAR BYA BA NYID CES PA'I DON TE; DE LTAR NA YANG ZHES PA LA SOGS PAS, GANG GI PHYIR RNAM GRANGS PA'I SGRA NI GCIG KHO NA BRJOD PA'I CHED DU NUS PA DE'I PHYIR, AUTPA LA'I SGRA DANG BCAS PA'I GSAL BAR BYA BA'I DON NI SNGON PO'I SGRA 'BA' ZHIG PA KHO NAS RTOGS PA'I PHYIR, GCAD PAR BYA BA NYID MED DO ZHES PAS KHYAD PAR DANG KHYAD PAR GYI GZHI'I DNGOS PO MED DO, ,GZHI MTHUN PA NYID NI GNYIS PA SBYOR PA MED PA KHO NA'I PHYIR 'GYUR PA MA YIN NO, ,DE BZHIN DU THA DAD PA LA YANG ZHES PA SKYON ZHES 'DUG GO, ,YANG CI LTAR SKYON YIN ZHE NA GSUNGS PA, TSOGS PA GZHAN NYID DU BSGRUB PAR BYA NA ZHES PA 'GRUB PA MA YIN NO ZHES PA'I @261A *, ,DON TO, ,CI LTAR BSGRUB PAR BYA BA YIN ZHE NA, DE ZHES PA LA SOGS PA STE, CHA SHAS CAN DE CHA SHAS DE RNAMS SU 'AM, CHA SHAS DE RNAMS TSOGS BA DER MTHA' DAG GIS TE BDAG NYID THABS KYIS SAM PHYOGS GCIG GIS TE CHA SHAS 'JUG BA SRID PA MA YIN PAS SO, ,GAL TE CHA SHAS CAN CHA SHAS RNAMS SU PHYOGS GCIG GIS 'JUG NA CHA SHAS THUG PA MED PAR 'GYUR TE, DE LTAR NI CHA SHAS GANG RNAMS KYIS CHA SHAS CAN 'PHROD PA 'DU BA CAN GYI RGYU'I CHA SHAS RNAMS LA 'JUG PA DE RNAMS LA YANG CHA SHAS KYI DBYE BA DE KHO NAS 'JUG PAR BYA BAS TE, SLAR YANG DE RNAMS LA YANG DE BZHIN NO ZHES PAS THUG PA MED PA'O, ,DE 'JUG PA NA YANG CHA SHAS CAN 'JUG PA YOD PA MA YIN TE, DE RNAMS LA CHA SHAS CAN MED PA NYID KYI PHYIR RO, ,CI STE MTHA' DAG GIS 'JUG NA DE'I TSE YAN LAG CAN MANG PO NYID DU THAL BAR 'GYUR TE, CHA SHAS RNAMS MANG PO NYID KYI PHYIR RO, ,DE RNAMS SU YANG SO SOR BDAG NYID THAMS CAD KYI YONGS SU RDZOGS PA NYID KYI PHYIR RO, ,YUL PHYOGS THA MI DAD PA CAN NYID KYI PHYIR YANG YAN LAG CAN GYIS YAN LAG RNAMS THAMS CAD YANG DAG PAR SBYAR BA'I YUL PHYOGS THA MI DAD PA CAN RNAMS SU 'GYUR RO, ,CI STE THA MI DAD PA'I YUL CAN DU 'DOD NA, DE LTAN 'O NA CHA SHAS CAN RDZAS GCIG TU 'GYUR RO ZHES PA 'DI LTA BU LA SOGS PA MTHA' DAG GI 'JUG PA'I SKYON RNAMS NI DE RNAMS LA YANG NGO, ,DE LA GAL TE BDAG NYID THAMS CAD LA YAN LAG CAN KHYAB PAR BYAS NAS 'JUG NA, DE LAS DE NI CHA SHAS MED BA NYID KYI PHYIR, THAMS CAD KYI YUL PHYOGS GCIG NYID DE, DE LAS KYANG GANG DU LAG PA YIN PA DER RKANG PA LA SOGS PA RNAMS KYANG NGO ZHES PAS 'DRES MTHONG BAR THAL BAR 'GYUR TE, RNAM PAR PHYE BAS 'DZIN PA MI SRID PA'I PHYIR RO, ,CI STE YUL PHYOGS GCIG LA 'JUG NA DE KHO NA CHA SHAS THUG PA MED PA STE, PHYOGS GCIG PA GANG RNAMS SU CHA SHAS PA RNAMS 'JUG PA DE NYID KYIS KYANG GZHAN RNAMS SU 'JUG BAR BYA ZHING DE RNAMS KYI KYANG DE BZHIN NO ZHES BA THUG PA MED PA'O, ,GANG SNGON PO YIN PA DE AUTPA LA MA YIN PAR 'GYUR ZHING, GANG YANG AUTPA LA YIN NA DE SNGON PO MA YIN NO ZHES PA LA SOGS PA'O, ,GANG GI PHYIR 'DI LTAR MTHA' @261B DAG NYID KYIS SAM PHYOGS GCIG GIS 'JUG PA SRID PA MA YIN PA DE'I PHYIR CHA SHAS LAS THA DAD PA'I TSOGS PA 'GRUB PA MA YIN NO, ,DE NI DON DAG GI 'GYUR BA 'AM ZHES PA, DE ZHES PA GNYIG DANG SBREL BAR BYA'O, ,GAL TE 'ANG DON GCIG LA 'JUG NYID, ,CES PA 'DI GAL TE YANG ZHES PA LA SOGS PAS 'CHAD PAR BYED DO, ,RDZAS GCIG LA GNYIS KA YANG 'PHROD PA 'DU BA'I PHYIR RIGS DANG YON TAN DAG GI GZHI MTHUN PA NYID 'THAD NA KHYAD PAR DANG KHYAD BAR DU BYA BA'I DNGOS PO NI MA YIN TE, CI'I PHYIR ZHE NA GSUNGS PA, MA YIN ZHES PA LA SOGS PA STE, 'DIS NI PHAN TSUN 'BREL PA MED PA GSUNGS SO, ,'DI YANG, SPYI DANG KHYAD PAR NYID MA YIN ZHES PA 'DI'I 'BREL PA'O, ,GANG RNAMS PHAN TSUN 'BREL PA MED PA DE RNAMS NI KHYAD PAR DANG KHYAD PAR DU BYA BA'I DNGOS PO MA YIN TE, BUM PA DANG SNAM BU LA SOGS PA BZHIN RIGS DANG YON TAN DAG KYANG PHAN TSUN 'BREL PA MED DO,, KHYAB PAR BYED PA MED PA'O, ,RDZAS DAG GZHAN DU MI 'JUG PA'I PHYIR ZHES PA, GANG GI PHYIR RIGS DANG YON TAN DAG GIS KHYAD PAR DU BYAS PA'I RDZAS DAG NI GANG LA DE DAG 'JUG PAR 'GYUR BA GZHAN LA RAG LAS PA YOD PA MA YIN TE, DE'I PHYIR GCIG LA 'JUG PA MED PA'I PHYIR, PHYOGS DANG NAM MKHA' DAG BZHIN DU GZHI MTHUN PA NYID MED DO ZHES PA KHYAB PAR BYED PA MED PA NYID GSAL BAR BYED DO, ,YANG CI'I PHYIR DE LDAN DAG GI ZHES BRJOD PAR BYA ZHE NA, CI TZAM GYIS RDZAS GCIG YIN PA DE GNYI GA'I KHYAD PAR GYI KHYAD PAR DU BYAS PA YIN TE, GCIG KYANG YON TAN THA DAD PA LA BRTEN NAS DE SKAD BSHAD DO ZHES PAS SKYON MED DO, ,GNYI GA'AM GCIG LA NI SPYI DANG KHYAD PAR DANG LDAN PA NYID DU MI RIGS PA'I PHYIR RO ZHES PA, SNGON PO'I RDZAS BUNG BA LA SOGS PA LA DANG, AUTPA LA'I RDZAS LA SPYI DANG KHYAD PAR DANG LDAN BA NYID YOD PA MA YIN PAS TE, DE'I PHYIR 'DI DAG' LA KHYAB PAR DANG KHYAD PAR DU BYA BA MED DO, ,RIGS GNYIS BZHIN NO, ,GCIG LA NI GANG DU RIGS DANG YON TAN DAG LHAN CIG 'JUG PA DE KHO NA DE'I SPYI'AM KHYAD PAR DU 'GYUR BA NI MA YIN PAS TE, DE'I PHYIR 'DI LA YANG KHYAD PAR DANG KHYAD PAR DU BYA BA'I DNGOS PO MED DE, DPER NA BUM PA GCIG BZHIN NO, , @262A *, ,SHIN TU THA DAD PA DAG NI ZHES PA, SPYI DANG KHYAD PAR DAG LA THA DAD PA YOD PA NYID DE, DE DANG MA YIN PA'I YUL NYID KYIS TE, SHIN TU NI MA YIN NO, ,DES NA DA RNAM PAR GCAD PA'I CHED DU SHIN TU SMOS SO, ,DE LTA NA YANG BA LANG DANG RTA'I SGRA BZHIN DU GZHI MTHUN PA NYID MI 'THAD DO, ,KHYAD PAR DANG KHYAD PAR DU BYA BA'I DNGOS PO YANG RIGS DANG YON TAN RJOD PAR BYED PA'I SGRA DAG LA 'THAD PA MA YIN TE, DE DAG GI KHYAD PAR DANG KHYAD PAR DU BYA BA'I DNGOS PO NI DON GYI SGO CAN YIN NA, DE DAG GI DON RIGS DANG YON TAN DAG LA MNGON PAR 'BREL PA CI YANG MED PA'O,, DE LAS KYANG BA LANG DANG RTA LA SOGS PA'I SGRA'I DPES KHYAB PAR BYED PA MED PAR SBYAR BAR BYA'O, ,'DRA DANG MI 'DRAR THAL BAR 'GYUR, ,ZHES PA LA, 'DRA BA'I SGRA NI 'DIR GCIG GI RNAM GRANGS TE GCIG PA'AM GCIG MA YIN PA CAN GYI GZHI CAN DU THAL BAR 'GYUR RO ZHES PA'I DON TO, ,DE LAS KYANG GZHI MTHUN PA NYID MED PA STE, GZHI MTHUN PA KHO NAR 'GYUR BA MA YIN NO ZHES BYAS NAS SO, ,MI 'DRA BRJOD 'DOD MIN ZHE NA, ,ZHES PA GZHI MTHUN ZHING MI MTHUN PA SRID NA, GZHI MTHUN PA CAN LA BRTEN NAS GZHI MTHUN PAR BRJOD PAR BYA ZHING, BSGRUB PAS GZHI MTHUN PA NYID DU BRJOD PA'I PHYIR NA GZHI THA DAD PA DGAG PAR MI BYED KYI 'O NA CI ZHE NA THA MI DAD PA BSGRUB PAR BYA'O, ,DES NA DE SRID TZAM BRJOD PAR 'DOD PAS 'DRA BA NYID DE, DE SRID LA BRTEN NAS GZHI MTHUN PA NYID DU 'GYUR RO, ,GANG DNGOS PO LAS 'BREL PA CAN DU BYAS PA'I THA DAD PA DE NI BRJOD PAR 'DOD PA MA NYE BAR MA BZHAG PA NYID KYI PHYIR NA GZHI THA MI DAD PA NYID KYI CHED DU BRTAG PAR BYA BA MA YIN NO ZHES PA PHA ROL PO'I BSAM PA 'DI GSAL BAR BYED DO, ,GANG DU YANG ZHES PA LA SOGS PAS SEL BA'I PHYOGS LA YANG RIGS PA 'DI LA BRTEN PAR BYA'O ZHES STON PAR BYED DE, ,BLO PA MTSUNGS PA'I RGYU NYID KYI PHYIR ZHES PA, GZHI 'DRA BAR SNANG BA'I BLO'I RGYU NYID KYI PHYIR ZHES PA'I DON TO, ,'DI SKAD BRJOD PAR 'GYUR TE, DER YANG ME TOG KHA ZUM PA LA SOGS PA'I KHYAD PAR RNAMS BRJOD PAR 'DOD NA, GANG THA MI DAD PA'I RNAM PA CAN GYI BLO SGRAS NYE BAR SKYED PAR STON CING, DE TZAM LA BRTEN NAS KHYOD KYIS KYANG GZHI MTHUN PA @262B NYID RNAM PAR GZHAG PAR BYA'O ZHES PA'O, ,GNYIS KA RNAM PAR BSAL BAS RJES SU BZUNG NA ZHES PA'O, ,GNYIS KA RNAM PAR BSAL BA NI SNGON PO MA YIN PA DANG AUTPA LA MA YIN PA LAS LDOG PA'O, ,DE YANG LDOG PA DANG LDAN PA LA DON DAM PAR GZHAN MA YIN NO ZHES PAS, DE KHO NA SNGON PO MA YIN PA DANG AUTPA LA MA YIN PA LAS LOG PA AUTPA LA SNGON PO ZHES BYA BA SNGON PO'I DE NYID DU BRJOD PAR BYA'O, ,DES RJES SU BZUNG ZHING PHAN BTAGS PA NI, YANG BLO LA YOD PA'I SGRA'I DON DE'I NYE BAR SKYED PAR BYED PA KHO NA STE, DE KHO NA LA AUTPA LA SNGON PO'I SGRA'I BYA BA YIN GYI, ME TOG KHA MA BYE BA LA SOGS PA RNAM PAR BSAL BAS RJES SU GZUNG BA LA NI MA YIN NO ZHES PAS DE TZAM KHO NA BRJOD PAR 'DOD PA RIGS KYI GZHAN ME TOG KHA MA BYE BA LA SOGS PA RNAMS NI MA YIN NO, ,'BREL PA CAN DU BYAS PA DAG NI ZHES PA SNGON PO DANG AUTPA LA'I SGRA DAG NI SNGON PO'I YON TAN DANG AUTPA LA'I RIGS DAG GIS RNAM PAR BCAD PA KHO NA'I DNGOS PO LA DE'I RGYU MTSAN CAN DAG 'JUG GO, ,DE LA GAL TE KHYAD PAR DU BYED PAS BYAS PA'I KHYAD BAR BRJOD PAR 'DOD PA MA YIN NA, DON MED PA'I NGO BO'I DNGOS PO DE CI LTAR BRJOD PAR BYA BA YIN, DNGOS POR NA RANG NYID LAS SNGON PO DANG, AUTPA LA LA SOGS PA'I RANG BZHIN NYID DU 'GYUR BA NI MA YIN PAS SO ZHES PAS THA SNYAD DU MI BYA BA KHO NAR 'GYUR RO, ,RTA DANG BA LANG SOGS MTSUNGS NYID, ,CES PAS GAL TE SGRA'I YUL DU BYAS PA'I YANG KHYAD PAR BRJOD PAR MI 'DOD NA, BA LANG NGO RTA'O ZHES PA 'DIR YANG MTSUNGS NYID DU 'GYUR RO, ,BRJOD PAR BYA BA MA YIN NYID DU ZHES PA, GANG DE SPYI DANG KHYAD PAR DANG BRAL BA'I DNGOS PO TZAM DE SGRA RNAMS KYI YUL MA YIN PA KHO NA STE, 'DRES PA'I TSIG GI DON GYIS NYE BAR BSGRUBS PA'I DNGOS PO'I KHYAD PAR GYI YUL CAN NYID KYI PHYIR RO, ,DE LAS KYANG BA LANG DANG RTA NI MTSUNGS PA NYID DE KHYAD PAR MED PA NYID DU 'GYUR ZHING, AUTPA LA SNGON PO LA SOGS PA BZHIN DU GZHI MTHUN PA NYID DU THAL BAR 'GYUR RO ZHES PA'O, ,'DI LTAR DGONGS TE, AUTPA LA SNGON PO ZHES PA'O 'DIR YANG BRJOD PAR BYA BA GCIG PU CUNG ZAD KYANG MED DE, SNGON PO'I YON TAN DANG AUTPA LA'I RIGS YANG DAG PAR SBYAR BAS THOB PA'I NGO BO'I KHYAD PAR LAS @263A *, ,THA DAD PAR AUTPA LA SNGON PO'I NGO BO GZHAN MED PA'I PHYIR RO, ,DE LAS DER YANG BRJOD PAR BYA BA MA YIN PA NYID KYIS DNGOS PO MTSUNGS PA KHO NA GZHI MTHUN PA NYID KYI RGYU STE, DE NI BA LANG DANG RTA LA YANG BRJOD PAR BYA BA MA YIN PA NYID KHYAD PAR MED PA'O ZHES PAS GZHI MTHUN PA NYID 'THOB PA'O ZHES PA'O, ,DER RNAM PA'I KHYAD PAR YIN NA ZHES PA, BA LANG NYID DANG RTA NYID LA SOGS PA 'BREL PA CAN THA DAD PAS BYAS PA'I KHYAD PAR MED PAR YANG, RANG KHO NA LAS GANG MNGON PAR BSAL BA'I SPYI BA LANG NYID LA SOGS PA SGRAS NYE BAR LEN PA BA LANG DANG RTA LA KHYAD PAR YOD DO, ,DE'I PHYIR 'DI MI RIGS TE, BA LANG DANG RTA LA BA LANG NYID DANG RTA NYID DAG TU BRJOD PAR 'DOD PA NYID GANG YI PA DE NI SGRAS YUL DU BYAS PA NYID KYI PHYIR RO, ,GZHAN DU NA DE RJOD PAR BYED PA KHO NAR MI 'GYUR RO, ,RANG GI SPYI MNGON PAR GSAL BA'I RGYU ZHES PA 'DIS DE YOD PA NYID DU KHONG DU CHUD PA'I RGYU SMRAS SO, ,'BRAS BU'I KHYAD PAR LAS DBYIBS YAN LAG YANG DAG PAR BKOD PA'I BDAG NYID RJES SU DPAG PAR BYA'O ZHES PA'I DON TO, ,'O NA BRTEN PA'I CHOS KYI THA DAD KHO NA 'DI STE, JI LTAR BA LANG NYID DANG RTA NYID LA SOGS PA RNAMS NI SPYI DANG KHYAD PAR GYI DNGOS PO MA YIN PA GCOD PA'I RGYU NYID KYI PHYIR BDAG NYID DU GYUR PA MA YIN PA'I DNGOS PO RNAMS YIN PA DE BZHIN DU DBYIBS KYANG NGO, ,DE LTAR NA YANG DE NYE BAR BCOM PA NA DNGOS PO'I BDAG NYID KHO NA LUS PA'O ZHE NA, 'DI BDEN TE, SKYON GZHAN BRJOD PAR 'DOD PAS 'DI LA LTOS PAR BYAS PA'O, ,DE BYAS NA DE DAG DE LTAR BRJOD PA NA CI LTAR BRJOD PAR 'DOD PA MA YIN ZHES PAR DBYIBS KYI KHYAD PAR BYAS PA NA BA LANG NGO RTA'O ZHES PA 'DI LTAR BRJOD PAR GYUR PA NA CI LTAR THA DAD PA BRJOD PAR 'DOD PA MA YIN, YANG NA DER BYAS NA NI DE DAG DE LTAR BRJOD PA DAG CES PA, 'DI NI GNYIS KYI TSIG KHO NA'O, ,BRJOD PA NI SGRA STE 'DIS BRJOD PAR BYA BA'O ZHES BYAS NAS SO; ,AUTPA LA SNGON PO NYID DANG LDAN PA'I DON GYI NI MA YIN ZHES PA LA SOGS PA, YON TAN SNGON PO DANG RIGS AUTPA LA DANG LDAN PA'I DON GYI NI BA LANG DANG RTA BZHIN DU DBYIBS THA DAD PA MA YIN TE, DE'I PHYIR DE BZHIN DU STE, AUTPA LA SNGON PO LA SOGS PA'I SGRA BZHIN DU BA LANG DANG RTA LA SOGS PA'I SGRA @263B RNAMS GZHI MTHUN PA NYID MA YIN NO, ,RNAM PA DU MA 'DRES PAR 'GYUR ZHES PA GAL TE DBYIBS THA DAD PA LAS SPYI THA DAD PA MNGON PAR GSAL BA YIN NA, DNGOS PO GCIG LA BUM PA NYID DANG YOD PA NYID DANG RDZAS NYID LA SOGS PA MNGON BAR GSAL BA'I PHYIR DBYIBS DU MA 'JUG PAR THAL BAR 'GYUR NA; MTHONG BA YANG MA YIN NO ZHES PA, RING PO DANG YONGS SU ZLUM PO LA SOGS PA RNAMS GCIG LA 'JUG PA NI MTHONG BA MA YIN PAS TE, 'DIS NI DE MED PA'I THA SNYAD 'GRUB PA'I CHED DU RANG BZHIN MA DMIGS PA GSUNGS SO, ,YANG GI SGRA NI KHYOD 'DOD PA YANG MA YIN NO ZHES PA'I DON GSAL BA'I CHED DU'O; ,BUM PA LA SOGS PA LA RNAM PA GCIG PA'I BRJOD PA DANG RTOGS PA MED PAR THAL BAR 'GYUR BA'I PHYIR TE, DBYIBS DU MA CAN GYI DNGOS PO LA DE'I DBANG DU GYUR BA'I SGRA DANG BLO DAG RNAM PA GCIG PA NYID NI 'THAD PA MA YIN TE, DE'I DBANG GIS DNGOS PO'I DE'I NGO BO NGES PA MED PAR THAL BAR 'GYUR BA'I PHYIR RO, ,DE'I PHYIR DBYIBS THA DAD LAS SPYI THA DAD PA MNGON BAR GSAL BA NI KHAS BLANG BAR BYA BA MA YIN NO, ,GZHAN YANG ZHES PA LA SOGS PA STE, SNGA MA NI BA LANG NYID DANG RTA NYID DAG GI KHYAD PAR BRJOD PAR BYA BA MA YIN PA NYID KYI GZHI MTSUNGS PA DANG MI MTSUNGS PAR BRJOD DO, ,DA NI BRJOD PAR BYA BA MA YIN PA NYID KYI PHYIR DANG YOD PA NYID DANG RDZAS NYID LA SOGS PA GSAL BAR BYED PA NYID KYI PHYIR MTSUNGS SHING, BA LANG NYID DANG RTA NYID GSAL BAR BYED PA NYID KYI PHYIR MI MTSUNGS PA YANG NGO ZHES PAS GZHI MTSUNGS PA DANG MI MTSUNGS PA'O, ,DES NA DE LA YANG MI MTSUNGS PA NYID BRJOD PAR 'DOD PA MA YIN PA LA AUTPA LA SNGON PO LA SOGS PA BZHIN DU GZHI MTHUN PA NYID DU THAL BAR 'GYUR RO ZHES PA'O, ,'DOD PA LA YANG MED CES SKYON GZHAN GSUNGS SO, ,GANG LA YANG ZHES PA LA SOGS PA TSAD MA'I 'THAS BU'O, ,GAL TE ZHES PA LA SOGS PA DPE'O, ,DE BZHIN DU NI ZHES PA LA SOGS PA PHYOGS CHOS SO, ,GANG RNAMS SPYI THA DAD PA MNGON BAR BYED PA DE'I SGRA RNAMS NI GZHI MTHUN PA NYID MA YIN TE, BA LANG DANG RTA BZHIN DU AUTPA LA YANG DE LTA BU'O ZHES PA 'GAL BAS KHYAB PA'I @264A *, ,THAL 'GYUR RO, ,YON TAN LAS DAG GSAL BA YIN, ,GAL TE DBYIBS KHO NA SPYI'I GSAL BAR BYED PA KHAS LEN NA, YON TAN NYID DANG LAS NYID LA SOGS PA RNAMS MI GSAL BAR THAL BAR 'GYUR TE, DE RNAMS DBYIBS DANG LDAN PA MA YIN PA NYID KYI PHYIR RO, ,GANG LA GSAL BAR BYED PA MED PA DE GSAL BA MA YIN TE, NAM MKHA'I ME TOG BZHIN YON TAN NYID LA SOGS PA RNAMS LA YANG GSAL BAR BYED PA MED DO ZHES PA THAL PAR 'GYUR BA'O, ,NUS PA'I KHYAD PAR GYIS ZHES PA LA SOGS PA, DBYIBS KYI PHYOGS NGAN PA'I PHYIR DE DOR NAS PHYOGS GZHAN 'GOD PAR BYED DO, ,RDZAS DANG YON TAN DANG LAS RNAMS LA RDZAS NYID LA SOGS PA GSAL BA'I RGYU NUS PA'I KHYAD PAR YOD DE, DE'I PHYIR YON TAN DANG LAS LA SON PA'I SPYI MNGON BAR MI GSAL BA'I SKYON MED DO, ,DNGOS PO THA DAD PA MED KYANG ZHES PA LA SOGS PA STE, 'DI 'DI LTAR MA YIN TE MA NGES PA'I PHYIR RO, ,DE LTAR NI BUM PA LA SPYI DU MA DANG LDAN PA NYID KYI PHYIR DE GSAL BA NA NUS PA'I KHYAD PAR KHAS BLANG BAR BYA ZHING, DE LAS KYANG GCIG LA YANG NUS PA THA DAD PA MTHONG BA'I PHYIR, THA DAD PA BSGRUB PAR BYA BA'I CHED DU NUS PA THA DAD PA NI NUS PA MA YIN NO, ,KHYAD PAR CI ZHIG BYAS PA YIN, ,ZHES PA KHYAD PAR THA DAD PA NI KHYAD PAR DU BYA BA THA DAD PA BSGRUB PA'I CHED DU NUS PA'O ZHES PAS, DE DAG GI THA DAD PA KHO NA RJES SU SBYOR BAR BYED DO, ,DE RNAMS NI 'DOD DGA' BA'I SGRA RNAMS LA ZHES PA RANG GI NGO BO TZAM GYI RGYU MTSAN GYIS 'JUG PA RNAMS NI 'DOD DGA' BA'I SGRA RNAMS TE; dITA THA'I SGRA LA SOGS PA RNAMS SO, ,BA LANG LA SOGS PA'I SGRA RNAMS KYANG BA LANG NYID LA SOGS PA RNAMS LA PHYI ROL GYI 'JUG PA'I RGYU MTSAN MED PA'I PHYIR 'DOD DGA' BA'I SGRA RNAMS SO, ,DE RNAMS KYI BRJOD PAR BYA BA NYID KHO NA DE RNAMS KYI KHYAD PAR RO, ,BA LANG NYID LA SOGS PA 'DOD DGA' BA'I SGRA'I YUL RNAMS NI BA LANG LA SOGS PA'I SGRA'I BRJOD PAR BYA BA NYID KHO NAS DNGOS PO GZHAN LAS KHYAD PAR DU BYA BA'O ZHES SGRA LAS BYUNG BA RNAMS SEMS PAR BYED DO, ,'O NA dITA THA LA SOGS PA RNAMS LA RANG LAS KYANG KHYAD PAR YOD DE, SGRA TZAM GYIS BYAS PA'I KHYAD PAR @264B YIN NA NI MING MA BYAS PA DANG DE'I NYID PAR SKYES PA DAG LA KHYAD PAR 'THAD PA MA YIN NO ZHE NA, SKYON 'DI MED DE, SGRA'I BYA BA LA THA DAD PA 'DI BSAM PAR BYA'I, MA MTHONG BA LA NI MA YIN NO, ,SGRA'I BYA BA LA dITA THA LA SOGS PA LA KHYAD PAR GZHAN YOD PA YANG MA YIN NO, ,BRJOD THA DAD PAS THA DAD CES,, ZHES PA LA SOGS PA STE, 'DIR SGRA KHO NA'I THA DAD PA STE DON GYIS NI MA YIN NO ZHES PA'I THA TSIG GO, ,KHYAD PAR BYAS PA MED PA'I DNGOS PO LA MNGON BAR RJOD PAR BYED PA'I SGRAS THA MI DAD PA NYE BAR BTAGS PA'I PHYIR, DE LAS KYANG KHYAD PAR DU BYAS PA'I SPYI MNGON PAR GSAL BA'I RGYU NYID KYI PHYIR BA LANG LA SOGS PA RNAMS KHYAD PAR DU BYAS PA'O ZHES PA BRJOD PAR BYA BA MA YIN TE, SPYI RNAMS KHO NA KHYAD PAR MED PA'I PHYIR RO, ,MA YIN TE, DE NYID BRTAG PAR BYA BA NYID KYI PHYIR ZHES PA, DE NYID DE RJOD BYED KYIS BYAS PA'I KHYAD PAR NI NAG PA LA SOGS PA RNAMS LA YANG BA LANG NYID LA SOGS PA RNAMS LA BZHIN DU BRTAG PAR BYA BA NYID KYI PHYIR TE, CI NAG PA DANG BYAMS PA DAG LA RANG NYID LAS THA DAD PA YIN NAM, 'O TE RJOD BYED THA DAD PA LAS YIN ZHES PA'O, ,'O NA DE KHO NA LAS DE THA DAD PA RJES SU DPAG PAR BYA'O ZHES NA GSUNGS PA, GCIG KYANG ZHES PA LA SOGS PA STE, RNA GRANGS KYI SGRA RNAMS KYIS MA NGES PA'I PHYIR DE LAS THA DAD PA RTOGS PAR BYA BA MA YIN NO ZHES PA'I DON TO, ,DE LA DON BZHIN DU RNAM PAR DPYAD PA'I ZHES PA SGRA LAS TE, BA LANG GI SGRA DANG RTA'I SGRA DAG LA KHYAD PAR CI ZHIG BYAS ZHES BRJOD PA NA RANG GI SPYI MNGON PAR GSAL BAR BYED PA NYID KYI KHYAD PAR RO ZHES GDON MI ZA BAR BRJOD PAR BYA'O, ,DE LTAR NI BA LANG GI SGRA NI BA LANG GI SGRA NYID KYIS GSAL BAR BYED PA PO DANG RTA'I SGRA NI RTA'I SGRA NYID KYI'O ZHES PA DE LTAR GAL TE SPYI THA DAD PA MNGON BAR GSAL BAR BYED PA NYID KYI PHYIR BA LANG LA SOGS PA'I SGRA THA DAD PAR 'DOD NA, RANG NYID LAS THA MI DAD PAR THAL PAR 'GYUR RO, ,DE LTAR NI SPYI'I KHYAD PAR BA LANG GI SGRA NYID LA SOGS PA DANG LHAN CIG THA MI DAD PAR BTAGS PA'I PHYIR, NYE PAR BTAGS PA LAS THA MI DAD PA STE, DNGOS PO PA NI MA YIN NO, ,BA LANG GI SGRA GCIG PU YANG SGRA NYID DANG BA LANG GI SGRA NYID DANG YON TAN NYID LA SOGS PA @265A *, ,RNAMS KYI GSAL BAR BYED PA NYID KYI PHYIR DU MA NYID DU THAL BAR 'GYUR RO, ,CI STE KHYAD PAR RJOD BYED KYIS BYAS PA YIN NA DE MI RIGS TE, GCIG KYANG RNAM GRANGS DU MA'I SGRA'I BRJOD PAR BYA BA NYID KYI PHYIR RO ZHES DON LA BZHIN DU RNAM PAR DPYAD PAR 'DI'O, ,YANG NA DE LA DON BZHIN DU RNAM PAR DPYAD PAR ZHES PA BA SGRA'I SPYI LA STE, 'DI'I KHYAD PAR CI ZHIG BYAS ZHES SNGA MA BZHIN DU RNAM PAR DPYAD PAR BYA'O, ,DE NI RJOD PAR BYED PA MA YIN TE ZHES PA LA SOGS PA RANG GI MTSAN NYID MNGON SUM GYI YUL TE, DE YANG THUN MONG MA YIN PA NYID KYI PHYIR RO, ,DON DANG LHAN CIG SNGON MTHONG BA MA YIN ZHING, SNGAR 'BREL PA MA BZUNG BA LA RJOD PAR BYED PA NYID YOD PA YANG MA YIN NO, ,SHING RTA LA SOGS PAS RAB TU SBYAR BA YANG ZHES PA LA SOGS PA NI, DON GANG KHO NA MCHOG GIS RAB TU SBYAR BA'I SGRAS SMRAS PA DE KHO NA MCHOG MA YIN PAS SBYAR BAS KYANG NGO, , GAL TE YANG RANG GI MTSAN NYID THA DAD PAS SGRA RNAMS DBYE BAR BYA BA YIN NA, DON DE DANG DE'I RJOD PAR BYED PAR 'GYUR ZHING DE LAS KYANG GO nI LA SOGS PA'I SGRA RNAMS KYIS DON DE KHO NA MI RTOGS PAR 'GYUR NA RTOGS PAR YANG 'GYUR RO, ,DE'I PHYIR KHYAD PAR RJOD PAR BYED PA MA YIN GYI, MTSUNGS PA KHO NA RJOD PAR BYED PA STE, DE LTAR NA MCHOG MA YIN PAS SBYOR BA'I SGRA LAS KYANG DON DE KHO NA RTOGS PAR 'GYUR TE, SPYI THA MI DAD PA NYID KYI PHYIR RO, ,RNAM PA GZHAN DU NI MA YIN NO, ,SPYI BO DANG RGYAB DANG LTO BA ZHES PA 'DI LTA BU LA SOGS PA, MGO BO ZHES PA'I SHES PA DANG, JI SRID DU LAG PA ZHES PA'I SHES PA'I BAR GANG YIN PA DE YAN LAG GI DBYIBS KYI KHYAD PAR RNAMS LAS ZHES PA'I DON TO, ,DE LTAR NI GANG GI TSE MGO BO NYID RANG GI RTEN GYI DBYIBS KYIS GSAL BA DE'I TSED LAS NO ZHES BSHAD PAR BYA'O, ,SPYI'I RANG BZHIN ZHES... BRJOD PA DAD, ,CES PA LA SOGS PA GSAL BYED RDZAS KYIS BYAS PA'I GSAL BA NI ,RANG GI SPYI'I NGO BO GSAL BAR BYED PA'O, ,DE LAS THA DAD PA LA SPYI 'DOD NA, PHAN TSUN BRTEN PAR BSHAD PA 'THOB STE, GANG YANG RUNG BA'ANG MA RTOGS PA NYID KYI PHYIR RO, ,DE LAS KYANG PHAN TSUN THA DAD PA BSGRUB PA'I CHED DU NUS PA MA @265B YIN NO, ,RDZAS KYI RANG BZHIN CI YIN ZHES PA LA SOGS PAS DE PHAN TSUN BRTEN PA NYID DE STON TO, ,RDZAS KYI RANG BZHIN CI YIN ZHES BRJOD PA NA, RANG GI SPYI GSAL BAR BYED PA NYID DE, BA LANG NYID GSAL BAR BYED PA NYID BA LANG GI RANG BZHIN NO ZHES BSHAD PAR BYA'O, ,SPYI'I RANG BZHIN ZHES BRJOD PA NA, RANG GI RDZAS KYIS MNGON BAR GSAL BAR BYA BA NYID DE, BA LANG GI RDZAS KYIS MNGON PAR GSAL BAR BYA BA NI BA LANG NYID DO ZHES BSHAD PAR BYA'O ZHES PA 'DI LTAR PHAN TSUN BRTEN PAS RANG BZHIN NGES PAR BSTAN PA'I PHYIR PHAN TSUN BRTEN PA NYID DU 'GYUR RO, ,GCIG LA RANG BZHIN DU DU MA NYID, ,CES PA RDZAS DANG YOD PA NYID LA SOGS PA'ANG RANG BZHIN DU MA NYID DU THAL BAR 'GYUR RO, ,CI LAS SHE NA GSUNGS PA, PHAN TSUN MANG PO GSAL BYED PHYIR, ,MANG PO RNAMS GSAL BAR BYED PA'I PHYIR RAM, MANG PO RNAMS KYIS GSAL BAR BYED PA'I PHYIR ZHES PA, RGYUD DAM KUN NAS 'JUG PA'I RIGS PA LA BRTEN NAS TSIG RNAM PAR SBYAR BA THA DAD PAS DON THA DAD PA GSUNGS SO, ,RDZAS LAS NI ZHES PA BUM PA LA SOGS PA LAS SO, ,YOD PA NYID LA SOGS PA ZHES PA'I SOGS PA SGRAS BUM PA NYID DANG SA LAS GYUR PA NYID LA SOGS PA RNAMS GZUNG BAR BYA'O, , SA LAS GYUR PA NYID LA SOGS PAS ZHES PA 'DIR YANG SOGS PA'I SGRAS CHU LAS GYUR PA DANG ME LAS GYUR PA NYID LA SOGS PA RNAMS SO, ,DE LTAR BU MA PA LA SOGS PA'I RDZAS GCIG NI SA LAS GYUR PA NYID LA SOGS PA DU MA RNAMS KYI GSAL BAR BYED PA'O ZHES PA DE DU MA'I RANG BZHIN NYID DU THAL BAR 'GYUR TE, GAL TE GSAL BAR BYED PA'I SPYI THA DAD PA LAS RDZAS THA DAD NA'O, ,DE BZHIN DU YOD PA NYID LA SOGS PA'I SPYI NI SA LAS GYUR PA NYID LA SOGS PA'I RDZAS DU MAS GSAL BAR BYA BA'O ZHES PAS DE YANG RANG BZHIN DU MA RNAMS SU THAL BAR 'GYUR TE, GAL TE GSAL BAR BYED PA RDZAS THA DAD PA LAS SPYI THA DAD PA KHAS LEN NA'O, ,DE'I PHYIR GSAL BAR BYED PA'I RDZAS THA DAD PA LAS SPYI THA DAD PA MA YIN ZHING, GSAL BAR BYA BA SPYI THA DAD PA LAS RDZAS THA DAD PA YANG MA YIN TE, MA NGES PA'I PHYIR RO ZHES THAL BAR 'GYUR BA'I ZOL GYIS STON TO, ,RNAM @266A *, ,PA THAMS CAD DU YANG ZHES PA LA SOGS PAS RGYAS PAR BSHAD ZIN PA'I DON SLAR YANG MDOR BSDUS PAS BDE BLAG TU GZUNG BA'I DON DU GSUNGS SO, ,YON TAN DANG 'BREL PA'I KHYAD PAR LAS ZHES PA, JI SKAD DU SPYI THA DAD PA MNGON BAR GSAL BAR BYED PA NYID KYI PHYIR ZHES BSHAD PA LTA BU'O, ,YON TAN NI 'DIR SPYI'I KHYAD PAR DU MNGON BAR DGONGS TE, DE DANG 'BREL PA'O, ,DE THA DAD PA LAS THA DAD PAR KHAS LEN PA NA RDZAS DU MA NYID DU THAL BAR 'GYUR RO, ,NUS PA THA DAD PA'I PHYIR NI JI SKAD DU BSHAD PA, NUS PA THA DAD PA RANG GI SPYI MNGON BAR GSAL BAR BYED PA NYID KYI PHYIR RDZAS LA SOGS PA RNAMS LA THA DAD PA YIN GYI ZHES PA'O, ,MNGON BAR RJOD PA THA DAD PA LAS NI JI SKAD BSHAD PA, SGRA LAS BYUNG BA RNAMS KYI RE ZHIG MNGON BAR RJOD PAR BYED PAS SGRAS BYAS PA ZHES DANG, JI SKAD BSHAD PA, NAG PA LA SOGS PA BZHIN DU MNGON BAR RJOD PA THA DAD PA LAS KYANG THA DAD PA MTHONG NGO ZHE NA ZHES SO, ,DE LTAR DE DANG LDAN PA RJOD PAR BYED PA'I PHYOGS LA GZHI MTHUN PA NYID MED PA'O, ,KHYAD PAR KHYAD PAR BYA NYID NI, ,RANG DBANG MED PHYIR SNGAR BRJOD ZIN, ,ZHES PA, DE LDAN RANG DBANG MED PHYIR MIN, ,ZHES PA 'DIR DE DANG THA DAD MED PAR BSHAD DO, ,DE LAS THA DAD MA YIN PA NYID LA YANG JI LTAR GZHI MTHUN PA NYID MI SRID PA DE LTAR KHYAD PAR DANG KHYAD PAR DU BYA BA'I DNGOS PO YANG STE, THA DAD PAS SPYI KHYAD PAR DU BYA BA YIN GYI THA MI DAD PAS NI MA YIN PAS SO, ,SGRA NI 'JUG PA DANG MI 'JUG PA'I DON CAN NYID KYI PHYIR NA RJES SU 'GRO BA DANG LDOG PAS BSKUL BAS THA SNYAD KYI YAN LAG NYID YIN GYI, RNAM PA GZHAN DU NI MA YIN NO ZHES BSTAN PA'I CHED DU SNGAR, BYAS SOGS BZHIN DU RANG DON LA, ,GZHAN SEL BA YI SGRA RJOD BYED, ,CES BSHAD CING, DE NI DE'I DMIGS BSAL GZHAN NYID NA YANG ZHES PA LA SOGS PAS GSUNGS SO, ,GANG MCHOG TU SPANGS PA NI GZHAN SEL BAR BYED DO ZHES PA DE SPYI DANG BYE BRAG DANG RNAM GRANGS KYI SGRA'I DON YONGS SU SPANGS PAS ZHES PA'O, ,GZHAN NYID DU MTSUNGS NA YANG ZHES PAS THAL BAR 'GYUR BA'I RGYU GSUNGS SO, ,DGAG PA NI THAL BAR 'GYUR BA SNGON MA CAN NYID KYI PHYIR DANG, GZHAN NYID KYANG @266B SEL BA LA RGYU MTSAN NO, ,'GAL BA MED PHYIR ZHES PA MI SEL BA NYID LA RGYU'O, ,GANG RNAMS MI 'GAL BA DE RNAMS NI PHAN TSUN SPONG BA MA YIN ZHING SEL BA MA YIN TE, DPER NA RDZAS LA GZUGS LA SOGS PA RNAMS BZHIN NO, ,DE LTAR GSUM KA'I MI 'GAL BA NYID CIG CAR BRJOD NAS DA NI SO SOR BSTAN PA'I CHED DU GSUNGS PA, RNAM GRANGS PA'I SGRA NI ZHES PA LA SOGS PA'O, ,BSAL BYA MTSUNGS PA ZHES PAS DON GCIG PA NYID GSUNGS SO, ,CIG CAR SBYOR BA MA YIN PA'I PHYIR ZHES PA DON GCIG PA NYID SGRUB PAR BYED PA STE, GCIG GI DON DE BYAS ZIN PA NYID KYI PHYIR GNYIS PA SBYOR BA MA YIN NO, ,GANG DU NUS PA YOD NA YANG GNYIS PA MI SBYOR BA DAG NI DON GCIG PA NYID DE, DPER NA BYE BRAG DAG BZHIN NO, ,GANG RNAMS DON GCIG PA DE RNAMS NI 'GAL BA MA YIN TE, DPER NA RDZAS LA GZUGS LA SOGS PA RNAMS BZHIN NAM GROGS PO RNAMS BZHIN NO, ,RNAM GRANGS PA'I SGRA RNAMS KYANG DON GCIG PA'O ZHES PA KHYAB BYED DANG 'GAL BA'O, ,GANG MI 'GAL BA DE RNAMS NI PHAN TSUN RNAMS LAS SPONG BA MA YIN TE, DPE DE KHO NA BZHIN RNAM GRANGS PA'I SGRA RNAMS KYANG MI 'GAL BA'O, ,KHYAB BYED DANG 'GAL BA KHO NA'O, ,RANG GI DON SPONG BA RIGS PA YANG MA YIN NO ZHES PA, MI SEL BA NYID LA GTAN TSIGS GZHAN GSUNGS SO, ,GANG ZHIG GANG GI RANG GI DON YIN PA DES NA DE SEL BA MA YIN TE, DPER NA RNAM PAR SHES PA RANG GI DON BZHIN RNAM GRANGS KYI SGRA'I DON YANG RNAM GRANGS KYI SGRA GZHAN GYI RANG GI DON YIN NO, ,KHYAB BYED DANG 'GAL BA'O,, SPYI'I SGRAS KYANG ZHES PA LA SOGS PA STE, SPYI'I SGRA SHING GI SGRA NI GANG RANG NI SPYI SHING NYID YIN ZHING DE'I KHYAD PAR RNAMS NI RANG GI KHYAD PAR RNAMS TE SHING SHA PA LA SOGS PA RNAMS SO, ,DE RNAMS LA DON GZHAN BUM PA LA SOGS PA SHING GI SGRAS BSAL BA NI KHYAD PAR GYI SGRA STE, SHING SHA PA'I SGRAS RJES SU 'DOD PA KHO NA STE, DON DU GNYER BA'I PHYIR RO, ,DON DU GNYER BA NI SHING SHA PA'I SGRAS BUM PA LA SOGS PA BSAL PA STE, DON DU GNYER BA NYID DE STON PAR GSUNGS PA, DPER NA ZHES PA LA SOGS PA'O, ,'DIS NI BUM PA LA SOGS PA BSAL BAS DON DU GNYER BA NYID LAS DON @267A *, ,GCIG NYID GSAL BAR BYED PA'I KHYAD PAR GYI SGRA NI SPYI'I SGRA DANG MI 'GAL LO ZHES STON PAR BYED DO, ,JI LTAR NI PA LA SHA LA SOGS PA'I NGO BO SHING SHA PA'I SGRA'I DON DU 'GYUR BA MA YIN NO ZHES PAS PA LA SHA LA SOGS BA RNAMS DE'I SPANG BAR BYA BA YIN PA DE BZHIN DU BUM PA LA SOGS PA'I NGO BO YANG 'GYUR BA MA YIN NO ZHES PAS BUM PA LA SOGS PA RNAMS KYANG BSAL BAR BYA'O, ,DE RNAMS KYANG SHING GI SGRAS SEL BAR BYED DO, ,'DIS NI ZHES PA LA SOGS PAS RANG GI SPYI SHING NYID KYI GANG SPYI SA LAS GYUR BA NYID DE'I SGRA NI SA LAS GYUR PA'I SGRA STE, SPYI'I SPYI SGRA'O, ,DES GANG BSAL BAR BYA BA CHU LAS GYUR PA LA SOGS PA DE SHING SHA PA'I SGRAS KYANG RJES SU SEMS PAR BYED DE, DON DU GNYER BA NYID KYI PHYIR RO, ,JI LTAR SHING SHA PA NI PA LA SHA LA SOGS PA MA YIN PA DE LTAR, CHU LAS MA GYUR PA NYID LA SOGS PA YANG MA YIN NO, ,DE LTAR KUN NAS 'JUG PAS RDZAS MA YIN PA DANG YOD PA MA YIN PA YANG RDZAS DANG YOD PA'I SGRA DAG GIS GSAL BAR BYA BA NI DON DU GNYER BA NYID KYI PHYIR RJES SU SEMS PAR BYED PAR BTZAL BAR BYA'O, ,DE BZHIN DU SPYI'I SGRA ZHES PA LA SOGS PA, JI LTAR KHYAD PAR GYI SGRA MI 'GAL BA'I PHYIR SPYI'I SGRA'I DON SPONG BA MA YIN PA DE BZHIN DU SPYI'I SGRA YANG YOD PA LA SOGS PA'O, ,RANG GI DON NI YOD PA NYID LA SOGS PA'O, ,MNGON BAR 'DOD PA'I YUL LA 'JOG PA ZHES PA, KHYAD PAR RNAMS LA MI GNAS PA NYID KYI PHYIR 'JOG BZHIN PA'O, ,MNGON PAR 'DOD PA'I YUL LA STE, YON TAN LA SOGS BAS RNAM PAR BCAD PA'I RDZAS LA SOGS PA LA 'JOG PA STE, YUL GZHAN MA YIN PA NYID NYE BAR 'DREN PAR BYED BAS NI KHYAD PAR GYI SGRA STE, RDZAS LA SOGS PAS SAM, KHYAD PAR GYI KHYAD PAR GYI SGRA STE, SA LAS GYUR PA'I SHING GI SHING SHA PA'I SGRA LA SOGS PAS CI LTAR BTANG SNYOMS SU BYED PA MA YIN, BTANG SNYOMS SU BYED PA KHO NA'O, ,DON DU GNYER BA NI RANG GI YUL LA GNAS PAS YUL MED PA'I RANG GI DON MI 'THAD PA'I PHYIR RO, ,'DIS NI MNGON BAR 'DOD PA'I DON SGRUB PAR BYED PA'I PHYIR KHYAD PAR GYI SGRA NI SPYI'I SGRA LA PHAN 'DOGS PA STE, DE @267B LAS KYANG SPYI'I SGRA DE DANG MI 'GAL LO ZHES STON PAR BYED DO, ,TSOGS PA YANG ZHES PA LA SOGS PAS MI 'GAL BA'I PHYIR MA SPANGS PA NA YON TAN 'PHEL BA STON PAR BYED DO, ,YANG NA PHAN TSUN MI SPONG BA LA GTAN TSIGS GZHAN GSUNGS SO, ,PHAN TSUN GYI DON MI SPONG NA NI RANG GI DON GYI KHYAD PAR DU BYAS PA'I DON RJOD PAR BYED PA NYID DU 'THAD KYI RNAM PA GZHAN DU NA MA YIN NO, ,YONGS SU BOR BA NI YONGS SU BOR BRJOD PAR BYED PA BUM PA LA SOGS PA'I SGRA RNAMS KYIS GZHAN DU YIN NA CI LAS SHING GI SGRA NI SHING SHA PA LA SOGS PA'I SGRA RNAMS DANG GZHI MTHUN PA NYID DU 'GYUR, DE BZHIN DU YANG ZHES PA PHAN TSUN GYI DON MI SPONG BAR GYUR PA KHO NA'O ZHES PA'I DON TO, ,GNYID DAG GIS ZHES PA, DPER NA SHING LA ZHES PA LTA BU'I RANG BZHIN DANG RKYEN DAG GI'O, ,'DIR YANG SO SOR RTOG PAR BYED PA NI RANG GI DON SHING GI SPYI LA 'JUG BZHIN PA NI LAS LA SOGS PA RNAM PAR DBYE BA'I DON SPONG BAR MI BYED CING, AA MA ZHES PA'I RKYEN LAS KYI SPYI LA GNAS PA YANG SHING LA SOGS PA DON RTOGS PAR BYED PA RNAMS SPONG BA MA YIN NO, ,DE LTAR PHAN TSUN GYI DON MI SPONG BA NA, DE DAG GI TSOGS PA GANG YIN PA SHING LA ZHES PA DE NI YAN LAG GI DON GYI KHYAD PAR DU BYAS PA'I DON RJOD PAR BYED PAR 'THAD DO, ,DE BZHIN DU AUTPA LA SNGON PO ZHES PA'I SNGON PO DANG AUTPA LA'I SGRA DAG TSIG SDUD KYI DON RJOD PAR BYED PA NYID NI PHAN TSUN GYI DON LAS MA BSAL BAR GYUR PA NA SBYOR RO ZHES SBYAR BAR BYA'O, ,DE LTAR NI SNGON PO'I SGRA SNGON PO'I KHYAD PAR AUTPA LA MA YIN PA LA SOGS PA RNAMS MI SPONG BA NI; AUTPA LA DANG AUTPA LA MA YIN PA LA 'JUG PA'I DON TO, ,AUTPA LA'I SGRA AUTPA LA'I KHYAD PAR SNGON PO MA YIN PA LA SOGS PA MI SPONG BA'I YANG SNGON PO DANG SNGON PO MA YIN PA LA 'JUG PA'O, ,TSOGS PA NI CHA SHAS KYI DON DAG GIS KHYAD PAR DU BYAS PA'O, ,DE LTA NA 'O NA DE DAG GI BRJOD BAR BYA BA MA YIN PA KHO NA NA DE CI LTAR DE DAG GI GZHI MTHUN PA YIN, DE LTAR NI GANG GIS BRJOD PAR BYA BA DE THA MI DAD PA STE, GANG DAG THA DAD PA DE DAG DE'I BRJOD PAR BYA BA MA YIN NO ZHE NA, DE GZHI GCIG PAR RTOGS PAR BYED PAR 'GYUR RO ZHES PA'O, ,DE LTAR DE DAG GI DON RAB TU @268A *, ,SBYOR BA'O ZHES DE'I DON NYID KYI PHYIR, DE NI DE DAG GI ZHES BRJOD PAR BYA'O, ,YANG NA YAN LAG THA DAD PAS THA DAD PAR SGRO BTAGS NAS DE DAG GI TSOGS PA KHO NA'O ZHES THA SNYAD BSTAN PAR BYA'O, ,MANG PO RNAMS KYI STE, DPER NA RGYAL PO'I SKYES BU GZUGS MDZES PA CAN SHOG CES PA LTA BU STE, RANG GI DON GYI SPYI LA 'JUG BZHIN PA'I NGAG GI TSIGS RNAMS THAMS CAD KYI, CIG SHOS RNAMS KYI YANG NGAG GI DON RJOD PAR BYED PA NYID MA SPANGS PA NA SBYAR BAR BYA'O, ,DON GZHAN GYI RJOD PAR BYED PA SNGAR KHO NAR RTOGS PAR BYAS ZIN NO ZHES GSUNGS PA, SNGAR JI SKAD BSHAD PA BZHIN ZHES PA NI DE NI SNGON PO 'BA' ZHIG MIN AUTPA LA 'BA' ZHIG KYANG MA YIN ZHES PA LA SOGS PAS SNGON PO DANG AUTPA LA'I SGRA DAG NI TSOGS PA'I DON GYIS SO SOR DON MED PA NYID DU STON PAS, TSOGS PA'I DON GZHAN MNGON PAR RJOD PAR BYED PA NYID DU GSUNGS SO, ,BRJOD PA YANG ZHES PA SPYI DANG KHYAD PAR GYI SGRA DAG MI 'GAL BA NA SPYI'I SGRAS KHYAD PAR RNAMS MI GTONG ZHING MI LEN PA'I DBANG DU BYAS NAS TSIGS SU BCAD PA GSUNGS PA, DE TZAM 'DOD PHYIR ZHES PA LA SOGS PA'O, ,RANG GI KHYAD PAR TZAM 'DOD PA'I PHYIR ZHES PA'I DON TO, ,'DOD PA NI DE RNAMS LA THE TSOM ZA BA RNAM PAR GCAD PA DON DU GNYER BA'O, ,TZAM GYI SGRA NI KHYAD PAR GZHAN 'DOD PA BSAL BA'I CHED DU'O, ,DE LTAR NI SHING GI SGRA LAS PA LA SHA LA SOGS PA'I YUL CAN KHO NA'I 'DOD PA SKYE'I, BUM PA LA SOGS PA'I YUL CAN NI MA YIN NO, ,GAL TE YANG BUM PA LA SOGS PA BZHIN DU PA LA SHA LA SOGS PA RNAMS KYANG DOR BAR 'GYUR NA, DE LA YANG BUM PA LA SOGS PA BZHIN DU 'DOD PAR MI 'GYUR NA 'GYUR BA YANG STE, DE'I PHYIR DOR BA MA YIN NO, ,GANG ZHIG GANG RNAMS LA 'DOD PA'I RGYU YIN PA DES DE RNAMS DOR BA MA YIN TE, DPER NA GZHAL BYA NYID KYIS MI RTAG PA NYID LA SOGS BA RNAMS BZHIN, SPYI'I SGRA YANG RANG GI KHYAD PAR RNAMS LA 'DOD PA'I RGYU'O ZHES PA KHYAB BYED DANG 'GAL BA'O, ,'O NA NYE BAR BLANGS BA STE MA BTANG BA'I PHYIR RO ZHE NA GSUNGS PA, BLANGS MA YIN ZHES PA LA SOGS PA STE, BLANGS PA MA YIN ZHING, RTOGS PAR BYAS PA MA YIN NO ZHES PA'I DON TO, , @268B GANG ZHIG GANG RNAMS LA THE TSOM GYI RGYU YIN PA DES DE RNAMS RTOGS PAR BYAS PA MA YIN TE, DPE DE KHO NA BZHIN, SPYI'I SGRA YANG RANG GI KHYAD PAR RNAMS LA THE TSOM GYI RGYU'O ZHES PA RGYU DANG 'GAL BA'O, ,MTSUNGS NA 'ANG DE DAG DON GCIG NYID, ,CES PA GANG DU SPYI DANG KHYAD PAR GYI SGRA GNYIS KA MI SPONG BA DANG MI LEN PA DER DON GCIG PA NYID DE GZHI MTHUN PA NYID CES PA'I DON TO, ,JI LTAR SPYI'I SGRAS RANG GI KHYAD PAR RNAMS SPONG BA MA YIN ZHING 'DOR BA MA YIN PA DE LTAR CI KHYAD PAR GYI SGRAS KYANG SPYI YIN NAM ZHES PA'I DRI BA SPONG BAR BYED PA GSUNGS PA, DU MA YIN YANG ZHES PA LA SOGS PA STE, GAL TE YANG SPYI DU MA YIN PA DE LTA YANG, DE'I KHYAD PAR SGRAS LEN TE RTOGS PAR BYAS SO ZHES PA'I DON TO, ,RTOGS PAR BYED PA LAS THA DAD PAR LEN PA MI SRID PA'I PHYIR RO, ,JI LTAR SHING SHA BA'I SGRAS DON GYI SHING DANG SA LAS GYUR PA DANG RDZAS SU YOD PA'I SPYI BLANGS KYI MA DOR BA 'BA' ZHIG TU MA ZAD PA BZHIN NO, ,CI'I PHYIR YANG KHYAD PAR GYI SGRAS SPYI RNAMS NYE BAR LEN ZHE NA GSUNGS PA, MI 'KHRUL BAS SHES PA GANG GI PHYIR BYE BRAG NI SPYI LA MI 'KHRUL BA STE, SPYI MED NA BYE BRAG MED PA'I PHYIR RO, ,DE'I PHYIR DES NYE BAR LEN PA'O, ,DE DAG KHYAD PAR DANG, KHYAD PAR GZHI NYID 'DOD PA MA YIN ZHES PA SHING NI SHING SHA PA LA SOGS LA 'KHRUL PA RNAM PAR GCOD PA LA LTOS SO ZHES PAS KHYAD PAR DANG KHYAD PAR DU BYA BA'I DNGOS PO YOD DO, ,SHING SHA PA NI SHING GI SPYI LA MI 'KHRUL ZHING LTOS PA MA YIN NO ZHES PAS MED DO, ,'KHRUL PA CAN GYI KHYAD PAR DAG LA NI KHYAD PAR DANG KHYAD PAR GYI DNGOS PO MTSUNGS PA STE, DPER NA SNGON PO DANG AUTPA LA DAG BZHIN NO, ,SPYI DANG KHYAD PAR GYI SGRA DAG PHAN TSUN SPONG BA BKAG PA NA, SPYI'I SGRA GNYIS DAG DANG KHYAD PAR GYI SGRA GNYIS DAG PHAN TSUN GYI DON SPONG BA GRUB BO ZHES PAS 'DI BSGRUB BAR BYA BA MA YIN ZHING, RGYU NI BSGRUB PAR BYA BA'O ZHES PA DE'I PHYIR DE KHO NA 'DRI STE, YANG 'DI LA CI ZHIG CES PA LA SOGS PA'O, ,SPYI DAG GI RANG GI SPYI LA LTOS PAS THA DAD PA'I PHYIR LOGS PAR NYE BAR MA BLANGS SO, ,KHYAD PAR KHYAD PAR GZHAN DON CAN, ,ZHES PA SHING NYID KYI KHYAD @269A *, ,BAR NI SHING SHA PA LA SOGS PA STE, PHAN TSUN LAS THA DAD DO ZHES BYAS NAS SO, ,DE KHO NA SENG LDENG LA SOGS PA LA LTOS PAS KHYAD PAR GZHAN YANG NGO ZHES PAS KHYAD PAR GZHAN NO, ,'DIR NI YUL GYI YUL CAN NGES PAR BSTAN PA LAS SGRA NI KHYAD PAR DANG KHYAD PAR GZHAN NO ZHES RNAM PAR SHES PAR BYA'O, ,KHYAD PAR GYI SGRA DANG KHYAD PAR GZHAN GYI SGRA'I DON ZHES PA'I DON TO, ,'GAL BA'I PHYIR NA ZHES PA GTAN TSIGS SO, ,SPYI'I DON 'PHROG PAR BYED PA'I PHYIR ZHES BA 'GAL BA NYID KYI RGYU'O, ,RGYAL PO'I BU BZHIN ZHES PA LA DPE STE, RGYAL PO'I BU RNAMS KYI PHA NONGS PA NA; SPYI'I DON NI RGYAL SRID DO, ,DE DE RNAMS KYIS THAMS CAD KYI STOBS JI LTA BA BZHIN 'PHROG PA NYID KYI PHYIR 'GAL BA RNAMS SO, ,DE LAS KYANG PHAN TSUN GYI DON BZOD PA MA YIN TE, GANG SPYI'I DON 'PHROG PA DE RNAMS NI PHAN TSUN 'GAL BA RNAMS TE, RGYAL PO'I BU BZHIN SPYI'I SGRA RNAMS KYANG DE LTA BU'O, ,RANG BZHIN NO, ,GANG RNAMS 'GAL BA DE NI PHAN TSUN GYI DON BZOD BA MA YIN TE, DE KHO NA BZHIN, KHYAD PAR GYI SGRA RNAMS KYANG DE LTA BU'O, ,KHYAB BYED DANG 'GAL BA'O, ,DPER NA ZHES PAS SPYI'I DON 'PHROG PA NYID STON TO, ,RDZAS GCIG 'PHROG PAR BYED PA'I PHYIR ZHES PA, SPYI'I DON 'PHROG PA NYID KHO NA'I RJES SU BRJOD PA'O, ,'O NA 'DI NI 'GAL BA NYID LA GTAN TSIGS YIN GYI, KHYAD PAR GZHAN SEL BA NI MA YIN TE, DE CI'I PHYIR DE LAS DE RAB TU SBYAR BA BRJOD CE NA, DE YANG DE'I BRGYUD PAS GTAN TSIGS SO ZHES PAS SKYON MED DO,, 'GAL BA NI SPONG BA'I GTAN TSIGS SU BRJOD LA, DE YANG SPYI'I DON 'PHROG PA NYID KYI PHYIR RO, ,SPYI GZHAN SA LAS GYUR PA NYID LA SOGS PA'I KHYAD PAR GANG BUM PA LA SOGS PA RNAMS YIN ZHING DE RJOD PAR BYED PA'I SGRA RNAMS DANG LHAN CIG SHING SHA PA'I SGRA DON GCIG PA 'PHROG PA NYID MA YIN GYI, 'O NA CI ZHE NA, SHING GI SGRA DANG NGO, ,DE'I PHYIR SPONG BA'I RGYU MED PA'I PHYIR SEL BA MA YIN NO ZHES SEMS BZHIN PAS SMRAS PA, CI STE ZHES PA LA SOGS PA'O, ,SHING SHA PA'I SPYI NI SHING NYID DO, ,DE LAS GZHAN PA NYID KYI PHYIR SA LAS GYUR PA NYID NI SPYI GZHAN NO, , @269B DE'I KHYAD PAR NI BUM PA LA SOGS PA STE DE NI 'BREL PA MED PA STE, SHING SHA PA'I SGRA DANG 'GAL BA MED PA'I PHYIR NA, DE'I SGRAS SHING SHA PA'I SGRA'I RDZAS GCIG 'PHROG PA NYID KYANG MA YIN NO, ,DE'I PHYIR DE CI'I PHYIR SEL BAR BYED DE, 'GAL BA MED PA'I PHYIR 'DI SEL BA MA YIN PA KHO NA'O ZHES PA'I DON TO, ,SPYI GZHAN KHYAD PAR DON RNAMS NI, , ZHES PAS DE KHO NA SEL BA'I RGYU 'GAL BA STON TE 'GAL BA'I SPYI NI SEL BA'I RGYU YIN ZHING, 'DIR YANG GAL TE YANG DNGOS SU 'GAL BA MED MOD, BRGYUD PAS NI YOD PA KHO NA'O, ,DE STON TE, SHING GI SGRAS NI ZHES PA LA SOGS PA'O, ,DES ZHES PA LA SOGS PA STE, SHING SHA BA'I SGRA'I GROGS PO NI SHING GI SGRA STE, DE'I DON GYI SPYI RJOD PAR BYED PA NYID KYI PHYIR RO, ,DE'I SGRA RNAMS NI BUM PA LA SOGS PA'I SGRA RNAMS TE, SA LAS GYUR PA 'PHROG PA NYID KYI PHYIR RO, DES NA SHING GI SGRA DES BUM PA LA SOGS PA BSAL BAR BYAS BZHIN PA LA NI SHING SHA PA'I SGRAS RJES SU YI RANG STE, GROGS PO'I DGRA BO BZHIN NO, ,DON GYIS DE DE ZHES PA SHING SHA PA'I SGRA'I DON NI SHING SHA PA'I SPYI'O, ,DE YANG BUM PA LA SOGS PA MA YIN PA'I NGO BO NYID KYI PHYIR BUM PA LA SOGS PA LAS LDOG PA'O, ,DE NYID KYI PHYIR DON GYIS RTOGS PAR BYA BA'O, ,SHING SHA PA'I SGRA'I NI DE LA BYA BA YANG MA YIN NO, ,DE LTA NA YANG SHING SHA PA'I SGRA DES BUM PA LA SOGS PA BSAL LO ZHES RTOGS PAR BYA STE, DE RTOGS PAS DON GYIS DE BSAL BA NYID KYI PHYIR RO, ,'DIS NI ZHES PA, RIGS PA 'DIS NI SA LAS GYUR PA'I SPYI LAS SPYI GZHAN RDZAS NYID DE, DE'I SPYI YOD PA NYID DANG DE'I KHYAD PAR RNAMS DANG YON TAN RNAMS DANG LAS RNAMS DANG, DE RNAMS KYI 'ANG KHYAD PAR GZUGS LA SOGS PA RNAMS DANG, 'DEGS PA LA SOGS PA RNAMS KYANG RIM PA JI LTA BAR RANG DANG 'GAL BA'I SPYI'I SGRAS SEL BA DANG BYE BRAG GI SGRAS BTANG SNYOMS SU BYED PAR 'BREL PA DANG 'BREL LAS RIG PAR BYA'O, ,CI LTAR ZHE NA GSUNGS PA, GROGS PO'I GROGS PO'I DGRA BO BZHIN DU ZHES PA LA SOGS PA STE, 'DIR GROGS PO'I GROGS PO ZHES GNYIS BRJOD PA NI RGYUD PAS GROGS POR RTOGS PAR BYED PA LHUR LEN PAR RIG PAR BYA'O,, @270A *, ,GZHAN DU NA GROGS PO GCIG BYAS PA KHO NAS GROGS POR RTOGS PAS SO, ,DE LA YON TAN DANG LAS NI SHING SHA PA'I SGRAS RDZAS KYI SGRA SEL BAR BYED BZHIN PA LA GROGS PO'I GROGS PO'I DGRA BO BZHIN DU RJES SU YI RANG BAR BYED DO, ,YON TAN GYI BYE BRAG GZUGS LA SOGS PA RNAMS DANG LAS KYI KHYAD PAR 'DEGS PA LA SOGS PA RNAMS NI SHING SHA PA'I SGAS GROGS PO'I DGRA PO'I GROGS PO BZHIN DU RDZAS KYI SGRAS GZUGS LA SOGS PA DANG 'DEGS PA LA SOGS PA'I SGRA RNAMS KYI GANG RUNG BA BSAL BAR BYA BZHIN PA RNAMS LA BTANG SNYOMS SU BYED DO, ,'O NA SHING SHA PA'I SGRA KHO NAS BUM PA LA SOGS PA RNAMS DNGOS SU SEL BA YIN NAM, DE LTAR NA SHING SHA PA'I SGRA BRJOD PA KHO NA LAS DES SEL RTOGS PAS SO ZHE NA GSUNGS BA, DE LA NI, DE NA DNGOS SU DE SEL YIN, ,ZHES PA LA SOGS PA DNGOS SU MI SEL BA LA RIGS PA GSUNGS SO, , MA GYUR CIG CES PA LA SOGS PA GAL TE DNGOS SU SEL NA, SDONG PO'I SGRA BZHIN DU SHING GI SGRA DANG MTSUNGS PA'I DON CAN DU 'GYUR RO, ,DE LTAR GYUR NA SKYON ZHIG TU 'GYUR ZHE NA GSUNGS PA, DE LTAR KHYAD PAR GZHAN RNAMS NI, ,ZHES PA LA SOGS PA'O, ,DE LTAR GYUR NA PA LA SHA LA SOGS PA RNAMS SHING GI SGRA BZHIN DU SHING SHA PA'I SGRAS KYANG SEL BAR MI 'GYUR RO, ,JI LTAR SHING GI SGRA NI BUM PA LA SOGS PA SPANGS PAS SHING LEN PA'I PHYIR PA LA SHA LA SOGS PA RNAMS SEL BA MA YIN PA DE LTAR SHING SHA PA'I SGRAS KYANG MI SEL BAR 'GYUR RO, ,'DIS NI GANG SHING PA LA SHA LA SOGS PA RNAMS SPONG BA DE NI SHING GI DON NYE BAR 'DZIN PA MA YIN TE, BUM PA LA SOGS PA'I SGRA BZHIN SHING SHA PA'I SGRA YANG PA LA SHA LA SOGS PA RNAMS SPONG NGO ZHES PA KHYAB BYED DANG 'GAL BA GSUNGS SO, ,'DIR YANG THAL BAR 'GYUR BA DANG BZLOG PAS GTAN TSIGS KYI DON MNGON PAR BSAL BAR BYAS SO, ,NYUNG DGU DANG MANG PO'I DON SEL BAR BYED PA NYID KYIS THA DAD PA NYID KYI PHYIR ZHES PA, SHING SHA PA'I GSAL BAR BYA BA MANG PO NYID DE, PA LA SHA LA SOGS PA SPONG BA'I PHYIR RO, ,SHING GI SGRA NI SHIN TU NYUNG BA STE, PA LA SHA LA SOGS PA RNAMS MI SPONG BA'I PHYIR RO, , @270B DE'I PHYIR YANG BSAL BAR BYA BA MI MTSUNGS PA NYID KYI PHYIR SHING SHA PA'I SGRA NI SHING GI SGRA DANG MTSUNGS PA'I DON CAN MA YIN NO, ,DE LTAR NI SHING GI SGRA'I DON NI SHING NYID DO, ,SHING SHA PA'I SGRA'I NI DE YANG STE, SHING SHA PA NYID KYANG NGO, ,DE'I PHYIR BSAL BAR BYA BA NYUNG DU DANG MANG PO NYID KYI NI THA DAD PA NYID KYI PHYIR SKYON 'DI MA YIN NO, ,'DI SKAD BSHAD PAR 'GYUR TE, GAL TE YANG SHING SHA PA'I SGRA DANG SHING GI SGRA'I DON SHING NYID YIN PA DE LTA NA YANG SHING SHA PA'I SGRA LA SHING SHA PA'I DON DANG LDAN PA NYID KYI MTSAN NYID KYI BYE BRAG YOD DE, DES NA SHING GI DON NYE BAR LEN PA YOD NA YANG PA LA SHA LA SOGS PA MI SEL BAR THAL BAR 'GYUR BA MA YIN NO ZHE NA, MI RIGS TE ZHES PA LA SOGS PA, JI LTAR PHA ROL POS SHING SHA PA'I SGRA DAG MA 'DRES PA'I DON DU BRJOD PAS DE LTAR 'DIR YANG 'GYUR BAR BYA DGOS SO ZHES PA BSDUS PA'I DON TO, ,YANG GANG PHA ROL PO'I LTAR 'GYUR BAR BYA DGOS SO ZHES PA'I NGES PAR 'DI CI LAS SHE NA, CI LAS KYANG MA YIN GYI, JI LTAR PHA ROL POS 'JIG RTEN PA'I GRAGS PA RJES SU SRUNG BAS TE, 'JIG RTEN NA SPYI DANG KHYAD PAR KYI SGRA DAG MA 'DRES PA'I DON CAN NYID KYI PHYIR, SHING SHA PA DANG SHING GI SGRA DAG NI DON THA DAD PA RNAM PAR GZHAG PA DE LTAR KHO BO CAG GIS KYANG NGO ZHES PA 'DI TZAM ZHIG BRJOD PAR BYA'O, ,GAL TE DE DE'I BYA BA MA YIN NA, 'O NA CI LTAR SHING SHA PA'I SGRA LAS, SEL BA SHIN TU MANG POR RTOGS BAR BYA ZHE NA GSUNGS PA, DON GYIS NI 'GYUR ZHES PA LA SOGS PA'O, ,SHING SHA PA'I SGRAS SHING SHA PA'I DON RTOGS PAR BYAS PA NA SHING SHA PA NYID KYANG NGO MED NA MI 'BYUNG BA NYID KYI PHYIR SHUGS LAS SHING NYID RTOGS TE, DE'I PHYIR DES DON GYIS BSAL BAR BYA BZHIN PA BUM PA LA SOGS PA NI RMONGS PAS SGRAS BYAS PAR SEMS PAR BYED DO, ,YANG CI LTAR RTAGS NYID DU MTSUNGS PA LA, DU BA LA SOGS PA NI DNGOS SU ME LA SOGS PA LA RDZAS NYID LA SOGS PA RTOGS PAR BYED, GANG GSUNGS PA RTAGS LAS NI GANG RJES SU 'BREL PA CAN GYI RTAGS CAN DE RNAMS KYANG RTOGS PAR BYA BA'O ZHES SO, ,SHING SHA PA'I SGRA NI DNGOS SU SHING SHA PA NYID KHO NA RTOGS BAR BYED CID SPYI @271A *, ,GZHAN RNAMS NI SHUGS LAS YIN NO, ,GZHAN YANG RJES SU 'GRO BA DANG LDOG PA'I MTSAN NYID CAN GYI 'BREL BA LA LTOS PAS SGRA RANG GI DON RTOGS PA'I RGYU 'DOD CING, DE CI LTAR RDZAS SU YOD PA NYID LA SOGS PA RTOGS PAR BYED PA MA YIN, DE MAD NA SGRA NYE BAR DMIGS PA MA YIN PAS SO ZHE NA, SKYON 'DI MED DE, DE LA DON GYI 'BREL PA NI SKYES BUS BYAS BA MA YIN GYI, 'ON KYANG RANG BZHIN LAS TE, DE NI GANG DANG GANG RANG BZHIN GYIS MED NA MI 'BYUNG BAR GYUR BA DE DANG DE KHO NA RTOGS PAR BYED DO, ,SGRA'I 'BREL PA NI SKYES BUS BYAS PA'I BRDAS NYE BAR 'ONGS PA STE, RDZAS NYID LA SOGS PA LA SHING GI SGRA BRDAR BYAS PA YANG MA YIN NO, ,DE CI LAS DE LA LTOS PAS RJES SU 'GRO BA DANG LDOG BDAG YIN, DE'I PHYIR DE NI RDZAS LA SOGS PA RNAMS KYI RTOGS PAR BYED PA PO MA YIN NO, ,'O NA SGRA'I 'BREL PA YANG SKYES BUS MA BYAS PA KHO NAR BRJOD PAR 'DOD PA NA NI, DE LA DES BSKYED PAR BYA BA'I KHYAD PAR GZUNG BA NA SPYI GZHAN RTOGS PA'I RGYU NYID DU 'DOD PA KHO NA STE, DE KHYAD PAR MED PAR GZUNG BA NA NI, 'KHRUL PA'I PHYIR MI 'DOD DO ZHE NA, DU BA LA SOGS PA'I RTAGS LA YANG 'DI MTSUNGS PA KHO NA STE, DE YANG 'BAR BA NYID LA SOGS PA'I SPYI'I KHYAD PAR CAN DU ME LA SOGS BA LA RTOGS PAR NUS PA MA YIN PAS SO, ,DE LA SGRA KHO NA LA BRTZAD PA LA RJES SU CHAGS PA 'DI CI YIN, GAL TE KHYAD PAR NI KHYAD PAR GZHAN GYI DON ZHES PA, YON TAN GYI KHYAD PAR NI MANG RAB DANG SNUM PA NYID LA SOGS PA RNAMS SO,, DE LA 'DI RNAMS PHAN TSUN SEL NA GZHI MTHUN PA NYID DU 'GYUR BAR BYA BAR MI RIGS NA, DE YANG YOD DE, DE LTAR NI TZA RA KA RU RO NI SNUM PA NYID LA SOGS PA YON TAN GZHAN RNAMS DANG GZHI MTHUN PA NYID DU NYA BAR DMIGS SO, ,DE CI LTAR ZHES PA CI LTAR YANG RIGS PA MA YIN NO ZHES SEMS PA'O, ,'DIS NI GZHI MTHUN PA NYID KYI PHYIR MNGAR BA LA SOGS PA RNAMS TIL NAG PO BZHIN DU MI SEL BAR RJES SU DPAG NAS 'GAL BA'I GTAN TSIGS MA NGES PA NYID DU GSAL BAR BYED DO, ,SEL BA MED NA YANG YOD PA'I PHYIR MNGAR BA DANG SNUM PA DANG GRANG BA NYID LA SOGS @271B BA LA SEL BA NI DOD ZLA DANG 'GAL BA'I RGYU MA YIN PA NYID DE, DE YOD KYANG MA TSANG BA NA DE MED PA'I PHYIR RO ZHES PA'O, ,GZHI MTHUN PA NYID NI ZHES PA LA SOGS PA, YON TAN GYI KHYAD PAR RNAMS KYI GZHI MTHUN PA NYID GANG YIN PA 'DI NI DE'I RTEN DANG MI 'GAL BA'I PHYIR, MNGAR BA LA SOGS PA RNAMS KYI GANG RTEN DU GYUR BA'I RDZAS DE DANG DE RNAMS MI 'GAL BA STE, YON TAN RNAMS NI RANG GI RTEN DANG 'GAL BA MA YIN PA STE, RDZAS KHO NA'I YON TAN MNGAR PO'O, ,DE KHO NA'I YON TAN GRANG BA DANG SNUM PA NYID LA SOGS PA'I YON RTAN RNAMS NI RO'I YON TAN GYI MA YIN TE; DE'I PHYIR RDZAS DE LA ZHUGS PA RNAMS RO LA NYE BAR GDAGS PAR BYA'O, ,'DOGS BA'I RGYU MTSAN NI DON GCIG LA 'PHROD PA 'DU BA'O, ,BTAGS PA'I 'BRAS BU NI MNGAR PO NYID NI SNUM PA LA SOGS PA RNAMS DANG LHAN CIG SPYOD PA NYID DU 'CHAD PA'O, ,DE LAS KYANG JI LTAR DE RNAMS KYI RTEN DNGOS RDZAS NI MNGAR PO LA SOGS PA'I YON TAN DANG LDAN PA'I PHYIR, MNGAR PO RDZAS SO, ,GRANG BA'O, ,LCI BA NYID DO ZHES BRJOD PAR BYA BA DE LTAR BTAGS PA'I RTEN MNGAR BA ZHES BYA BA'I RO YANG SNUM PA NYID LA SOGS PA'I YON TAN DANG LDAN PA'I PHYIR RO, ,MNGAR PO NI SNUM PA'O LCI BA ZHES BRJOD PAR BYA'O, ,DE LTAR BRTAGS PA NI 'DIR GZHI MTHUN PA NYID DU BRTAGS PA'O ZHES BRJOD PAR 'GYUR RO, ,BRTAGS PA'I DON GYI DBANG LAS DNGOS POR NA DE'I BDAG NYID 'GRUB PA MA YIN NO ZHES PAS JI SKAD BRJOD PA'I SKYON MED DO, ,MA MTHONG PHYIR NA SEL BA NYID,, NYID KYI SGRA NI NGES PAR 'DZIN PA'I DON CAN NO, ,MA MTHONG BA NYID KHO NA'I PHYIR SEL BA STE 'GAL BA NYID KYI PHYIR NI MA YIN NO ZHES PA'I DON TO, ,JI LTAR BYAS PA NYID RTAG PA RNAMS LA MA MTHONG BA'I PHYIR DE SEL BAR BYED PA DE LTAR KHYAD PAR GYI SGRA KHYAD PAR GZHAN RNAMS LA MA MTHONG BA'I PHYIR DE RNAMS SEL LO, ,CI'I PHYIR MA MTHONG ZHE NA ZHES PA, SHING SHA BA'I SGRA BA LA SHA LA SOGS PA LA MI MTHONG BA'I RGYU 'DRI BA'O, ,RANG BZHIN PA'I DON LA YANG ZHES PA, ,RGYU DANG RKYEN GYI RANG BZHIN DU 'BREL BA NYID KYIS NA RANG BZHIN BA STE, SGRA'I MTSAN NYID KYI DON TO ZHES PA @272A *, ,'DIR DGONGS PA'O, ,SHING SHA PA LA SOGS PA'I SGRA NI SHING SHA PA LA SOGS PA BRJOD PAR 'DOD PA KHO NAS RAB TU SBYAR GYI PA LA SHA LA SOGS PA BRJOD PAR 'DOD PAS NI MA YIN NO, ,DE'I PHYIR SHING SHA PA BRJOD PAR 'DOD PA'I RANG BZHIN LA 'BREL BA NYID KYI PHYIR PA LA SHA LA SOGS PA RNAMS LA SHING SHA PA'I SGRA'I SBYOR BAR 'GYUR BA MA YIN NO, ,DE LAS KYANG DE LA MA MTHONG BA STE, DES NA RANG BZHIN PA'I DON 'DI LA DE MA MTHONG BA KHYAD PAR GZHAN SEL BAR NUS PA DOR NAS, GANG 'GAL BA NYID SPONG BA'I RGYUR BRJOD PA DE NI RIGS PA LAS 'DAS NAS BDAG MTSAR BAR SEMS PA'I SKYES BU NYID DO ZHES PA'I DON TO, ,'GAL BA NYID NI NYE BAR MTSON PA TZAM STE, GANG DE'I LHAG PA'I RGYU GZHAN BSHAD PA DE YANG RIG PAR BYA'O, ,AE MA BDAG CES SEMS PA GANG YIN PA DE NI BDAG MTSAR BA CAN GYI SKYES BU STE, DE'I DNGOS PO NI BDAG MTSAR BAR SEMS PA'I SKYES BU NYID DO, ,DE YANG MNGON PA'I NGA RGYAL NYID DO, ,DE NI BDAG MTSAR BAR SEMS PA'I SKYES BU'I SGRA'I RAB TU SBYOR BA LA'O, ,YANG GANG GIS BDAG MTSAR BAR SEMS BA'I SKYES BU'I RTOGS PA'O ZHES PA 'DI LTAR BRJOD PA 'DI LA MI RIGS BA CI ZHIG YIN ZHE NA, KHYAD PAR GYI DON CAN GYI SGRA RNAMS NI SPYI'I DON 'PHRO GA PAR BYED PA'I PHYIR RGYAL PO'I BU BZHIN DU PHAN TSUN 'GAL BA RNAMS SO ZHES PA 'DI KHO NA RE ZHIG MI RIGS TE, DE LTAR NI SPYI'I DON 'PHROG PAR BYED PA NYID NI 'GAL BA GTAN TSIGS SU NYI BAR BLANGS SHING, DE YANG SGRA RNAMS KYI KHYAD PAR GYI YUL LA SPYI'I DON RTOGS PAR BYED PA'I MTSAN NYID YIN LA, RGYAL PO'I BU RNAMS NI DE DANG RIGS MI MTHUN PA RGYAL SRID RANG GIR BYED BA'I MTSAN NYID CAN TE, GANG YOD NA RANG NYID RNAM PAR RGYAL BA NI SPYIN PA LA SOGS PA'I BYA BA RNAMS LA RANG DBANG DU 'GYUR BA'O, ,DE LA GAL TE SGRA LA SON PA'I SPYI'I DON LEN PAR BYED PA NYID GTAN TSIGS NYID DU NYE BAR LEN NA NI DPE GTAN TSIGS DANG BRAL BAR 'GYUR ZHING CI STE RGYAL PO'I BU LA SON PA YIN NA GTAN TSIGS MA GRUB PA NYID DO, ,DE LA SGRA TZAM ZHIG THA MI DAD PA YIN GYI DON CUNG ZAD KYANG MA YIN NO, ,DE @272B LAS DON GRUB PA YANG MA YIN TE, DNGOS PO LA MI LTOS PA'I SGRA TZAM NI 'DOD PA TZAM LAS 'BYUNG BA STE YOD PA MA YIN PAS ZHES PA'O, ,RTOGS PAR BYA BA'I DNGOS PO NI DNGOS POS 'GRUB STE, JI SKAD DU GSUNGS PA, THA DAD DNGOS LA RAB GRUB PA, ,SGRA MTSUNGS THA DAD MED PA LAS, RJES DPOG RIGS PA MA YIN TE, SKYA BO'I RDZAS LA ME BZHIN NO, ,RIGS GZHAN LAS NI RAB GRUB PA, SGRA YI SPYI NI MTHONG BA LAS, ,SGRUB BYED MI RIGS NGAG LA SOGS, ,GO NYID PHYIR NA RVA CAN BZHIN, ,ZHES SO, ,KHYAD PAR GYI SGRA 'BA' ZHIG PAS NI SPYI'I DON KHYAD PAR BYAS PA'I YUL LA RTOGS PAR BYA BA YANG MA YIN GYI 'O NA CI ZHE NA, SPYI'I SGRA DANG LHAN CIG PA STE, DE LAS KYANG GNYIS KA DAG NI 'DUS NAS KHYAD PAR GYI SGRA SPYI'I DON LEN PAR BYED PA'I PHYIR RO, ,GAL TE DE LAS KHYAD PAR GZHAN GYI SGRA DANG 'GAL BA YIN NA SPYI'I SGRA YANG 'GYUR NA YOD PA YANG MA YIN TE, DE'I PHYIR 'DI NI MI RIGS SO, ,GANG YANG, DE RNAMS DNGOS SU DE SEL MIN, ,SPYI DANG MTSUNGS NYID MA GYUR CIG ,GAL TE DNGOS SU SEL NA NI SHING GI SGRA DANG KHYAD PAR MED PAR 'GYUR RO ZHES PA LA SOGS PA BRJOD PA DE YANG YANG DAG PA MA YIN PA KHO NA STE, GANG LA SGRA BRDAR BYAS PA DE KHO NA BRJOD CING, SHING SHA PA'I SGRA YANG SHING SHA PA KHO NA LA BRDAR BYAS KYI SHING SPYI LA NI MA YIN NO, ,DES NA GAL TE YANG BUM PA LA SOGS PA RNAMS DES DNGOS SU SEL BA DE LTA NA YANG SHING NYID NYE BAR LEN PA MA YIN NO, ,GAL YANG 'DI NI DON GYIS NYUNG DU DANG SHIN TU MANG PO SEL BAR 'GYUR RO ZHES PA 'DI YANG RIGS PA MA YIN PA KHO NA STE, KHYAD PAR NI GNYIS KA LA SON PA NYID KYI PHYIR DANG, RANG GI DON YANG KHYAD PAR BYI NGO BO NYID KYI PHYIR RO, ,GANG YANG RUNG BA'I KHYAD PAR GYI BRJOD PA LA YANG GNYIS KA LA SON PA'I KHYAD PAR RTOGS PAR BYA'O, ,DPER NA LHAS BYIN NI MCHOD SBYIN BYIN GYI SBUN DRUNG NGO ZHES BRJOD PA NA MCHOD SPYIN BYIN GYI YANG SBUN DRUNG NYID YIN PA BZHIN NO, ,GANG LHAS BYIN MCHOD SBYIN BYIN GYI SBUN DRUNG DU 'GYUR GYI, MCHOD SBYIN BYIN NI MA YIN NO ZHES BRJOD BA 'DI NI SRID PA YOD PA MA YIN PAS SO, ,JI LTAR YANG SHING @273A *, ,SHA PA NI PA LA SHA LA SOGS PA LAS THA DAD PA DE LTAR BUM PA LA SOGS PA LAS KYANG STE, DE LAS KYANG SHING SHA PA BRJOD PA NA JI LTAR PA LA SHA LA SOGS PA GSAL BA RTOGS PA DE BZHIN DU BUM PA LA SOGS PA BSAL BA YANG STE, DE'I PHYIR SPYI LAS PA LA SHA LA SOGS PA RNAMS NI DE'I DNGOS SU GSAL BAR BYA BA DANG BUM PA LA SOGS PA RNAMS KYI DON GYIS SO ZHES PAS RNAM PAR DBYE BA 'DI THOB PA YIN, YANG CI'I PHYIR SLOB DPON GYIS BDAG NYID MTSAR BAR SEMS PA'I SKYES BU'I 'JUG PA DANG, DE DOR NAS RIGS PA KHO NA DGOD PAR MDZAD CE NA, RIGS PA DANG BRAL BA MANG PO RJOD PAR BYED PA RNAMS KYIS KYANG DNGOS PO'I DE KHO NA NYID RNAM PAR GZHAG PAR NUS PA MA YIN TE, DE'I PHYIR RIGS PA LAS DGONGS NAS BDAG NYID MTSAR BAR SEMS PA'I SKYES BU'I 'JUG PAS GANG RNAMS DNGOS PO'I DE KHO NA NYID RTOGS PAR BYA BA 'DOD PA DE RNAMS KYIS DE DOR NAS RIGS PA KHO NA'I RJES SU 'BRANG BAR BYA'O ZHES BSAL BAR BYA BA'I DON DU'O, ,'O NA DE LTA NA ZHES BA LA SOGS PAS, SPYI'I SGRA NI KHYAD PAR RNAMS LA MA MTHONG BA YOD NA YANG SEL BA MED PA'I PHYIR SEL BA NI DE'I RGYU CAN MA YIN PA NYID DU SMRAS SO, ,MA YIN GZHAN LDAN MTHONG BA'I PHYIR, ,ZHES BAS MA GRUB PA NYID GSUNGS SO, ,DON DANG SKABS LA SOGS PA RNAMS KYIS MTHONG ZHES PA'I SOGS PA'I SGRAS YANG DAG PAR 'GROGS PA LA SOGS PA RNAMS GZUNG BAR BYA'O, ,DE LA DON GYI SHUGS KYIS SPYI'I SGRA NI KHYAD PAR RTOGS PAR BYED DE, DPER NA GZUGS MDZES PA'I CHED DU GZHON NU MA SBYIN PAR BYA'O ZHES PA LTA BU STE, TSIG MED KYANG GZUGS MDZES PA CAN GYI CHED KHO NAR GZHON NU MA SBYIN PA GRUB BA KHO NA STE, TSIG BRJOD PA'I SHUGS LAS SHIN TU GZUGS MDZES BA'I CHED DU ZHES RTOGS BAR BYA'O, ,SKABS KYI NI BA LANG RDZI ZA MA ZA BA'I SKABS SU SEEN DHA WA 'ON CIG CES BRJOD BA NA LAN TSVA KHO NA LA RTOGS PAR 'GYUR RO, ,YANG DAG PAR 'GROGS PAS NI BE'U DANG BCAS BA'I BZHON MA 'ON CIG CES BRJOD PA NA, BA LANG @273B BZHON MA KHO NA RTOGS PA LTA BU'O, ,DE LTAR DE SNANG THE TSOM YIN, ,ZHES PA SPYI'I SGRA KHYAD PAR RNAMS LA MTHONG BA LA GTAN TSIGS GZHAN GSUNGS SO, ,NAG PO'I MNGAR BA LA SOGS PA RNAMS LA SNGAR MTHONG BA PO'I DE'I RNAM PA CAN GYI THE TSOM GYI RGYU NYID MA YIN NO, ,'DIS NI GANG ZHIG RANG GI KHYAD PAR GYI RNAM PA CAN GYI THE TSOM GYI RGYU YIN PA DE NI RANG GI KHYAD PAR RNAMS LA SNGAR MTHONG BA CAN YIN TE, 'GRENG BA NYID BZHIN SPYI'I SGRA YANG DE LTA BU'O ZHES RANG BZHIN GSUNGS SO, ,'O NA MNYAN PAR BYA BA NYID KYIS MA NGES PA MA YIN NAM, DE NI GANG DU YANG MA MTHONG PA STE; THE TSOM GYI RGYU YANG NGO ZHE NA, 'DI YOD PA MA YIN TE, MNYAN PAR BYA BA NYID KYI PHYIR RANG GI KHYAD PAR NI MNYAN PAR BYA BA'I BYE BRAG GI BDAG NYID RNAMS KHO NA STE, DE LA YANG DE MTHONG BA KHO NA'O, ,GANG RNAMS LA MA MTHONG BA RTAG PA LA SOGS PA'I TSIG GI DON RNAMS NI DE'I KHYAD PAR MA YIN NO ZHES PAS 'DI BRTZAD PAR BYA BA MA YIN NO, ,SPYI NYID YOD NA ZHES PA'I KHYAD PAR 'DIR YANG NA BLTA BAR BYA STE, DE YANG SPYI'I SGRA'I DBANG DU BYAS PA LAS 'THOB BO, ,THE TSOM MI RIGS PHYIR ZHE NA, ,ZHES PA GAL TE DON DANG SKABS LA SOGS PA DANG BCAS PAR GYUR NA, THE TSOM GYI RGYUR MI 'GYUR TE, BYA ROG GNAS PA DANG BCAS PA'I 'GRENG BA BZHIN NA, THE TSOM YANG YOD DE, DE'I PHYIR JI LTAR RANG GI KHYAD PAR RNAMS LA NYE BAR DMIGS PA, SNGON MA CAN NYID DE LTAR DON LA SOGS PA DANG LHAN CIG PA NYID MED KYANG NGO ZHES BAS GTAN TSIGS 'GAL BA'O ZHES SEMS SO, ,NGES LA 'BA' ZHIG LAS DE YIN, ,ZHES BA LA SOGS PA STE, KHYAD PAR DANG LHAN CIG BA LAS THE TSOM DU BRJOD PAR BYA BA MA YIN GYI, 'O NA CI ZHE NA, DON DANG SKABS LA SOGS PA DANG LHAN CIG PA'I SPYI'I SGRA LAS SHING SHA BA LA SOGS PA KHYAD PAR NGES PA LA DUS BYIS 'BA' ZHIG PA LAS KHYAD PAR RNAMS LA THE TSOM YIN NO, ,'DIS NI DON LA SOGS PA DANG LHAN CIG PA NYE BAR DMIGS PA'I DUS NA THE TSOM GYI RGYU NYID MI 'GRUB PA'I PHYIR, GANG GI TSE YANG THE TSOM GYI RGYU NYID YIN PA DE'I TSE DON LA SOGS PA DANG LHAN CIG PA NYID DU DAM @274A *, ,BCAS PA'I PHYIR 'GAL BA NYID MED DO ZHES STON PAR BYED DO, ,KHYAD PAR YANG BA'?ZHIG MED CE NA ZHES PA 'BA' ZHIG PA NI KHYAD PAR RNAMS LA SBYOR BA NYID MED DE, DE RJOD PAR MI BYED PA NYID KYI PHYIR SGRA GZHAN BZHIN NO, ,MA SBYAR BA YANG THE TSOM GYI RGYU NYID DU 'THAD PA MA YIN NO ZHES PA'O, ,DE LTAR NA YANG RANG GI KHYAD PAR GYI RNAM PA CAN GYI THE TSOM GYI RGYU NYID MA GRUB BO, ,NYAN LA LTOS NAS MTHONG BA YIN, ,ZHES PA LAN NO, ,YANG NAM GYI TSE NYAN PA PA LA LTOS PAS SBYOR BA YIN ZHE NA GSUNGS PA, GANG GI TSE NI ZHES PA LA SOGS PA STE, GANG GI TSE NYAN PA POS SHING GI RANG BZHIN LA THE TSOM ZA BAS, SA LAS GYUR BA NYID LA SOGS BA SPYI RNAMS KYI GANG YANG RUNG BA'I RANG BZHIN RTOGS PA'I DON DU, DE LAS GZHAN PA'I SPYI BSAL BAS DON DU GNYER BAR 'GYUR BA DE'I TSE, SA LAS GYUR BA ZHES PA LAS GYUR PA'I SGRA 'BA' ZHIG PA'I SBYOR BA SRID DO, ,'O NA NGES PA LA ZHES PA LA SOGS PAS THE TSOM MI 'THAD PAR STON TO, ,'DRI PA POS NI SHING NGES PA KHO NA STE, DE LTAR NI 'DI LTAR 'DRI STE CI SHING NI SA LAS GYUR BA YIN NAM, 'ON TE 'BYUNG BA CHEN PO LNGA LAS GYUR BA YIN ZHES SO, ,DE LTAR 'DRI BA POS SHING NGES PA LA CI ZHIG LAS SPYI'I SGRA 'BA' ZHIG LAS THE TSOM YIN, DE KHO NA GTAN TSIGS MA GRUB PA NYID DO, ,DE'I NGES PA LA GZHAN GYI ZHES PA, BDEN TE 'DRI BA POS SHING NGES PA KHO NA LA, GANG GZHAN SKABS DE MI SHES SHING, ,SA LAS GYUR BA'I SGRA 'BA' ZHIG THOS PAR GYUR BA DE'I THE TSOM SKYE STE, SNGAR DON LA SOGS PA DANG LHAN CIG PA'I KHYAD PAR MTHONG BA'I PHYIR RO ZHES SO, ,DE LTAR DON GYI SPYI BYE BRAG TU RTOGS PAR BYAS NAS, SGRA'I SPYI BYE BRAG TU RTOGS PA'I CHED DU GSUNGS PA, JI LTAR YANG ZHES PA LA SOGS PA'O, ,JI LTAR DON RNAMS LA DON BYA BA GCIG BYED PA'I GSAL BA'I KHYAD PAR NYAMS SU MYONG BA'I SGO NAS 'ONGS PA, BLO LA SOGS PAR 'JUG BZHIN PA SPYI'I RNAM PA THA SNYAD BYED PA PO RNAMS KYIS PHYI ROL GYI NGO BO NYID DU ZHE NA BZHIN PA, DON GZHAN RNAM PAR SEL BA ZHES BYA BA'I SPYI RTOGS PAR BYED PA DE BZHIN DU SGRA RNAMS LA DE'I 'BRAS BU @274B CAN YANG MA YIN PA LA SOGS PA'I SGRA'I RANG GI MTSAN NYID NYAMS SU MYONG BAS BYAS PA'I 'KHRUL BA'I BAG CHAGS KYIS NYE BAR DRANGS PA LAS SKYES PA, BLO LA YOD PA, SPYI'I RNAM PA, THA SNYAD KYI RJES SU 'BRANG BA RNAMS KYIS PHYI ROL GYI SGRA TZAM RJES SU 'GRO BA NYID DU LHAG PAR ZHEN PA, SGRA GZHAN RNAM PAR GCOD PA NA ZHES BYA BA SPYI RU RNAM PAR GZHAG PAR BYA'O, ,JI LTAR ZHES BA LA SOGS PAS TSIG LE'UR BYAS PA'I DON 'CHAD DO, ,MA BYAS BA BSAL BAS ZHES BA RGYU LA GSUM PA'O, ,MA BYAS BA BSAL BA NI BYAS PA'I DNGOS POR BRJOD PAR BYA STE, LDOG PA NI LDOG PA DANG LDAN PA LAS GZHAN MA YIN PAS SO ZHES BSHAD ZIN PAS SO, ,LDOG PA DANG RNAM PAR BSAL BA DANG RNAM PAR GCOD PA ZHES PA 'DI RNAM GRANGS YIN PAS SO, ,DES NA 'DI SKAD BSHAD PAR 'GYUR TE, MA BYAS PA BSAL BA'I RGYUS BYAS PA NYID BYAS PA'I DNGOS PO'I RGYU CAN GANG BYAS BA NYID BLO LA SO SOR SNANG BA'I KHYAD PAR NI JI LTAR DE'I SPYI LAS TE BYAS PA'I GSAL BA LA THUN MONG BA NYID LAS MI RTAG BA NYID LA SOGS BA RTOGS PAR BYED BA DE LTAR SGRA GZHAN RNAM PAR GCAD PA'I RGYUS RNAM PAR SHES PA'I RNAM PA'I KHYAD PAR GYI NGO BO NI SGRA LA RANG GI SPYI RU BRJOD PAR BYA ZHING, DE NYID KYIS SGRA DON RTOGS BAR BYED KYI, RANG GI MTSAN NYID KYIS NI MA YIN TE, DE SNGAR MTHONG BA MED BA NYID KYI PHYIR RO ZHES PA'O, ,SGRA'I GCIG DANG DU MA NYID DU BYE BRAG TU RTOGS PAR BYA BA'I CHED DU GSUNGS PA, DE LA YANG ZHES PA LA SOGS PA'O, ,DE LA YANG STE SGRA LA GZHAN 'DIR RIG PAR BYA STE, GANG DU AAKshA LA SOGS PA'I SGRA THOS PA LA, BRJOD PAR BYA BA SHING RTA'I YAN LAG LA SOGS PA LA THE TSOM DU 'GYUR TE, SOGS PA SMOS PA LAS BA RU RA LA SOGS PA LA'O, ,DE LA SGRA GCIG NYID YIN NO, ,GCIG NI DON DU MA DANG 'BREL BA RNAMS LA THE TSOM GYI RGYU NYID DU RAB TU GRUB STE, DE'I PHYIR GZHAN LA BYA BA NYID BZHIN DU DU MA DANG 'BREL PA CAN NI THE TSOM GYI RGYU NYID KYI PHYIR GCIG CES RTOGS PAR BYA'O, ,DU MA LAS DER THE TSOM LA'O ZHES PA, JI LTAR BHA WA TI'I SGRA LA SOGS PA LA 'DRA BA NYID LAS THE TSOM DU 'GYUR TE, CI 'DI SHA @275A *, TRI'I MTHA' CAN GYI BDUN PA'I GCIG GI TSIG TU GYUR BA NA'I GZUGS YIN NAM, 'ON TE TING NGA'I MTHA' 'AM, 'ON TE BOD PA YIN, DE BZHIN DU AA SYA ZHES BRJOD PA NA THE TSOM STE, CI 'DI DRUG PA'I MTHA' CAN GYI TSIG GAM, 'ON TE LO tA'I SKYES BU BAR BA'I GCIG GI TSIG GI MTHA' CAN YIN ZHES BA 'DI LTA BU LA SOGS BA RNAMS LA, SGRA MTSUNGS NA YANG SGRA'I DBYE BA BLTA BAR BYA'O, ,CI ZHIG TU JI LTA BUR ZHE NA GSUNGS PA, DPER NA KA AI HA ZHES PA LTA BU STE, 'DIR NI 'DUS PA NA SGRA'I NGO BOR GYUR BA'I THE TSOM STE, CI 'DI DANG PO'I MTHA' CAN NAM 'ON TE BDUN PA'I MTHA' CAN ZHES TE, GCIG MA YIN PA NYID KYANG RAB TU GRUB PO, ,DE LTAR 'JIG RTEN GYI DON LA DANG SGRA LA YANG THE TSOM ZA BA'I PHYIR THA MI DAD BA DANG THA DAD PA YANG RIG PAR BYA'O, ,YANG CI LTAR ZHES PA LA SOGS PA STE, SGRA DON GZHAN RNAM PAR GCAD PAS JI SKAD BSHAD PA'I RANG GI DON RJOD PAR BYED PA'O ZHES PA'I PHYOGS 'DI LA GANG LAS 'DI KHAS BLANG BA, PHYOGS BZHI PO RNAMS LA GANG SNGAR BRJOD PA'I SKYON DE RNAMS CI LTAR MED CES 'DRI BA'O, ,SGRA GZHAN DON LA MA MTHONG PHYIR, ,ZHES PA SGRA'I DON SMOS PA NI MI MTHUN PHYOGS NYE BAR MTSON PA STE, MI MTHUN PHYOGS LA MA MTHONG BA'I PHYIR ZHES PA'I DON TO, ,RANG DON CHA SHAS LA MTHONG PHYIR, ,ZHES PA 'DIR RANG RANG GI DON YIN NO, ,'DI YANG CI YIN ZHE NA, BRJOD PAR 'DOD PA DANG LDAN PA'I SKYES BU'I TSOGS PA'O, ,DE'I CHA SHAS NI YAN LAG STE, BRJOD 'DOD PA DANG LDAN PA'I SKYES BU'O, ,CHA SHAS LA'ANG ZHES PA BRJOD 'DOD CAN GYI 'DI RNAM GRANGS SO, ,'DI SKAD BSHAD PAR 'GYUR TE, GAL TE YANG JI SKAD BSHAD PA'I RANG GI DON GYI CHA SHAS RNAMS MTHA' YAS PA DE LTA NA YANG GCIG LA YANG MTHOD BA'I PHYIR ZHES PA STE, YANG GI SGRA NI DU MA LA YANG NGO ZHES GSAL BAR BYED PA'O, ,MTHUN PHYOGS LA KHYAB PA NI RTOGS PAR BYED PA LA YAN LAG MA YIN PA NYID KYI PHYIR CHA SHAS SMOS TE KHYAB PAR BYED PA MA YIN NA YANG GO BAR BYED PA YIN NO, ,SGRA YI 'BREL PA SLA BA NYID, ,JI SKAD BSHAD PA'I GTAN TSIGS KYI PHYIR RO, ,'KHRUL @275B BA NYID NI YONG MA YIN, ,RANG GI DON MED NA MED PA'I PHYIR RO, ,RJES SU 'GRO BA DANG LDOG PA DAG NI ZHES PA LA SOGS PAS DON 'DI KHO NA GSAL BAR BYED DO, ,SGO NI THABS SO, ,SGRA NI RTOGS YIN PA NYID KYI PHYIR DANG, DE YANG RJES SU 'GRO BA DANG LDOG PA'I MTSAN NYID KYIS 'BREL PA'I STOBS KYIS GO BAR BYED PA NYID KYI PHYIR RO, ,DE DAG KYANG ZHES PA RJES SU 'GRO BA DANG LDOG PA'I NGO BO NYE BAR RJOD PA STE, RTAGS DE DANG MTSUNGS PA KHO NA LA 'JUG PA DANG, DE DANG MI MTSUNGS PA LA MI 'JUG PA KHO NA'O ZHES PA 'DI NI RJES SU 'GRO BA DANG LDOG PA DAG GI RANG GI NGO BO'O, ,DE LA DE DANG MTSUNGS PA LA NI GDON MI ZA BAR MA YIN ZHES PA, NGES PA 'DI NI RIGS MTHUN PA THAMS CAD LA 'JUG PAR BRJOD PAR BYA BA MA YIN PA'O, ,CI'I PHYIR ZHE NA, GSUNGS PA, 'GA' ZHIG LA ZHES PA LA SOGS PA'O, ,SHING LA SOGS PA'I SGRA NI SHING LA SOGS PA THAMS CAD LA MTHONG BA SRID PA MA YIN PA STE, DE RNAMS MTHA' YAS PA NYID KYI PHYIR RO, ,'DOD RGYAL BA'I SGRA RNAMS NI THAMS CAD DU MTHONG BA SRID DE, DE'I YUL GCIG NYID KYI PHYIR RO ZHES PA STE DE'I PHYIR 'GA' ZHIG TU ZHES GSUNGS SO; ,DE LTAR RE ZHIG RJES SU 'GRO BA BSHAD PA SLA BA'O, ,DE LTAR 'GYUR MOD DE DANG MI MTSUNGS PA RNAMS MTHA' YAS PA NYID KYI PHYIR LDOG PA BSHAD PA YANG THAMS CAD DU MI SRID PA'O ZHE NA, DE'I PHYIR GSUNGS PA, MI MTSUNGS PA LA NI MTHA' YAS PA NYID YOD NA YANG ZHES PA GANG LA SGRA'I DON MED PA DE RNAMS MTHA' YAS PA NYID YOD NA 'ANG RANG GI DON MED NA SGRA MED PA'I MTSAN NYID CAN GYI LDOG PA BSTAN PAR NUS TE, MA MTHONG BA NI MED PA TZAM NYID KYI PHYIR RO, ,SGRA DANG DON DAG 'BRAS BU DANG RGYU'I DNGOS POR GRUB PA LA RGYU DON MED PA NA, DE'I 'BRAS BU SGRA MED PAR 'GYUR RO ZHES PA 'DI TZAM GYIS MA MTHONG BA RTOGS PAR BYAS PAR 'GYUR RO, ,DE LA RTEN MTHONG BA MI DGOS TE, DE MED KYANG LDOG PAR NGES PA'I PHYIR RO, ,RGYU MED NA 'BRAS BU SRID PA MA YIN PAS TE, DE'I PHYIR LDOG PA YANG BSHAD PA SLA BA'O, ,DE NYID KYI PHYIR ZHES PA @276A *, ,GANG GI PHYIR MTHONG BA NI DE DANG MTSUNGS PA THAMS CAD LA MI SRID CING, DE DANG MTSUNGS PA MA YIN PA LA NI MA MTHONG BA SRID PA DE'I PHYIR RANG DANG 'BREL PA CAN RNAMS LAS TE RIGS MTHUN PA RNAMS LAS GZHAN LA STE, MI MTHUN PHYOGS LA MA MTHONG BA'I PHYIR, DE RNAM PAR GCOD PA RJES SU DPAG PA'O ZHES PA, GANG DU RANG GI DON MED PA LA MA MTHONG BA DE NI RNAM PAR GCOD PA RNAMS RJES SU DPOG PA NI RJES SU DPAG PAR RANG GI DON LA MNGON PAR BRJOD DO ZHES BSHAD PAR BYA'O, ,'DIS NI GAL TE YANG RJES SU 'GRO BA DANG LDOG PA DAG GNYIS KA DAG KYANG RJES SU DPOG PA LA YAN LAG NYID YIN PA DE LTA NA YANG LDOG PA GTZO BO NYID KYI PHYIR DE'I SGO KHO NAS GO BAR BYED PA NYID DO ZHES STON TO, RJES SU 'GRO PA'I SGO YIS NI, ,ZHES PA LA SOGS PA STE, NI'I SGRA NI NGES PAR 'DZIN PA'I DON CAN NO, ,GAL TE RJES SU 'GRO BA'I SGO KHO NAS MNGON BAR 'DOD NA, DE LTAR GYUR NA SHING GI SGRA DON LA SOGS PA DANG LHAN CIG PA NI SHING SHA PA LA SOGS PA RNAMS LA RJES SU 'GRO BA YOD DO ZHES PAS, SHING GI SGRA 'BA' ZHIG PA LAS DNGOS PO GCIG LA SHING SHA PA LA SOGS PAR SNANG BAR THE TSOM DU MI 'GYUR GYI, 'ON KYANG NGES PA KHO NAR 'GYUR RO; ,CI STE DU MA LA MTHONG BA'I PHYIR THE TSOM YIN NA, DE LTA NA 'O NA DE LA THE TSOM ZA BA BZHIN DU SA LAS GYUR PA NYID DANG RDZAS NYID LA SOGS PAR SNANG BA LA YANG THE TSOM DU 'GYUR TE, SA LAS GYUR PA NYID LA SOGS PA LA DU MA LA MTHONG BA'I PHYIR RO, ,NGES PA NI MTHONG STE, GANG GI PHYIR DU MA LA YANG 'JUG BZHIN PA NI, GANG MED NA MI 'GYUR BA DES RTOGS PAR BYED KYI CIG SHOS NI MA YIN NO, ,DE'I PHYIR LDOG PA'I SGO KHO NAS RJES SU DPAG PA STE, 'DI KHO NA STON PA GSUNGS PA, GANG GI PHYIR NI ZHES PA LA SOGS PA'O, ,LDOG PA'I SGO KHO NAS RTOGS PAR BYED PA'O ZHES PA 'DI GZHUNG GZUGS PAR BYA BA'I CHED DU BAR SKABS KYI TSIGS SU BCAD PA GSUNGS PA, SHES BYA'I SGRA NI YOD PA DANG RDZAS DANG SA LAS GYUR PA DANG SHING NYID DE, GZHI RNAMS LA THE TSOM GYI RGYU STE, GANG GI PHYIR DE NI DE RNAMS MED NA YANG MTHONG BAS SO, ,'DI LTAR DU PHYI MA RNAMS @276B LA YANG BRJOD PAR BYA'O, ,YOD PA'I SGRA NI RDZAS DANG SA LAS GYUR PA DANG SHING NYID DE GSUM RNAMS LA'O, ,RDZAS KYI SGRA NI SA LAS GYUR PA DANG SHING NYID DE GNYIS DAG LA'O, ,SA LAS GYUR PA'I SGRA NI SHING NYID GCIG PU LA'O, ,DES LA GZHAN DU ZHES PA LA RGYU MTSAN NO ZHES 'JUG GO, ,GZHAN DU ZHES PA LUGS DANG MTHUN PAS TE, SHING GI SGRA NI SA LAS GYUR PA DANG, RDZAS DANG YOD PA DANG SHES BYA STE GZHI RNAMS LA NGES PA'I RGYU'O, ,DE LTAR NI DE NI DE RNAMS LA YANG MTHONG ZHING DE RNAMS LEGS PA LA YANG MA MTHONG BAS SO, ,DE BZHIN DU PHYI MA RNAMS LA YANG BRJOD PAR BYA STE, SA LAS GYUR PA'I SGRA LA SOGS PA RNAMS KYANG DE BZHIN DU RE RES DMAN PAS RDZAS NYID LA SOGS PA RNAMS LA NGES PA'I RGYUR SHES PAR BYA'O, ,GAL TE YANG MTHONG BZHIN DU BSGRUB PAS RTOGS PAR BYED PAR 'GYUR NA, RIM PA JI LTA BAS BZHI DANG GSUM DANG GNYIS DANG GCIG GI DON LA NGES PA DANG, DE LTAR LUGS LAS LDOG PAR 'GYUR TE, SHES BYA'I SGRA LA SOGS PA RNAMS YOD PA NYID LA SOGS PA RNAMS LA MTHONG BA'I PHYIR RO, ,GANG GI PHYIR DE MED NA YANG MTHONG BA NYID KYI PHYIR THE TSOM STE, DE'I PHYIR LDOG PA'I SGO KHO NAS GO BAR BYED PA NYID DO ZHES PA'O, ,'BREL PA'I SGO MA RTOGS PAR ZHES PA LA SOGS PA STE, 'BREL PA NI MED NA MI 'BYUNG BA'O, ,DE KHO NA SGO STE, RJES SU DPOG PA'I RGYU MTSAN NO, ,DE YONGS SU SPANGS NAS SGRA NI BRTAGS BZHIN DU RANG GI DON RTOGS PA'I NUS PA YOD PA MA YIN TE, BZHIN GYI SGRA NI DPE NYID LA'O; ,JI LTAR DON GYI BDAG NYID KYI RTAGS NI MED NA MI 'BYUNG BA'I 'BREL PA'I SGO NAS RTOGS PAR BYED CING RANG GI DON LDOG PA'I SGO NAS RTOGS PAR BYED PA DE LTAR SGRA YANG NGO ZHES RTOGS PAR BYA BA'I CHED DU BRTAGS BZHIN ZHES PA'I TSIG GO, ,DE'I CHOS DU MA NYID NA ZHES PA, SHING SHA PA LA SOGS PA'I DBYE BAS SAM, ME RTOG CAN DANG 'BRAS BU CAN NYID LA SOGS PA'I DBYE BAS SHING LA SOGS PA'I DON NI CHOS DU MA CAN NYID NA YANG, RNAM PA THAMS CAD RTOGS PA MI SRID PA'I PHYIR RO ZHES PA, GAL TE RNAM PA THAMS CAD KYIS ME TOG CAN DANG 'BRAS BU CAN LA @277A *, ,SOGS PAS RTOGS PAR GYUR NA, DE'I TSE JI SKAD BSHAD PA'I 'BREL PA MED BAR SGRUB PA KHO NAS RTOGS PAR 'GYUR NA DE YANG SRID PA MA YIN TE, ME TOG CAN NYID LA SOGS PA'I BYE BRAG RNAMS LA 'KHRUL PA'I PHYIR RO, ,JI LTAR MTHONG PA BZHIN DU RTOGS PA NI SGRUB PA YIN TE, DE'I PHYIR SGRUB PAS RTOG PA MA YIN GYI 'ON KYANG DON GZHAN LAS LDOG PA'I SGO NAS SO, ,KHYAD PAR MI BRJOD PA'I PHYIR ZHES PA, DE RNAMS PHAN TSUN MED NA YANG YOD PA'I PHYIR 'KHRUL BAR 'GYUR ZHING, SBYI BRJOD PAR BYA BA YIN NA MA YIN TE, DE THA MI DAD PA'I PHYIR DANG, DE MED NA YANG SGRA MED PA'I PHYIR RO, ,GZHAN BKAG PA NI KHYAB PA'I PHYIR, ,ZHES PA KHYAB PA NI RANG GI KHYAD PAR MI SPONG BA'O, ,GZHAN BKAG PA NI JI SKAD BSHAD PA'I SPYI'O, ,DE KHYAB PA'I PHYIR TE, RANG GI KHYAD PAR RNAMS LA KHYAB PAR BYED PA NYID KYI PHYIR ZHES PA'I DON TO, ,GZHAN BKAG PA'I ZHES PA KRA TA'I SBYOR BA'I MTSAN NYID CAN GYI BYED BA PO LA DRUG PA 'DI'O, ,DE KHYAD DON DANG THA DAD MED, ,CES PA GZHAN SEL PA'I KHYAD PAR BRJOD PA RNAMS DANG STE, RDZAS LA SOGS PA'I SGRA RNAMS DANG YOD PA LA SOGS PA'I SGRA GZHI MTHUN PA'O ZHES PA'I DON TO, ,SPYI'I SGRA'I NI ZHES PA LA SOGS PA STE, SBYI'I GANG BYA BA STE, RTOGS PAR BYA BA'O, ,DE YANG CI LTA BU ZHE NA, DON GZHAN BSAL BA DE NI RANG GI DON MA SPANGS PAS SO, ,'DIS NI KHYAB PAR BYED PA NYID GSUNGS SO, ,JI LTAR RIGS MNGON BAR BRJOD PA NA, RIGS GZHAN RNAMS YONGS SU SPONG BA DE LTAR DON GZHAN SEL BA MNGON PAR BRJOD PA NA RDZAS NYID LA SOGS PA'I KHYAD BAR RNAMS NI MA YIN TE, THA MI DAD PA'I DNGOS PO'I YOD PA'I SGRA LAS RDZAS MA SPANGS PA NYID LA SOGS PA'I RNAM PA CAN NI BLO LA SO SOR SNANG BA'I PHYIR RO, ,NI'I SGRA NI GANG GI PHYIR GYI DON LA'O CES PA'I SGRA NI DE'I PHYIR GYI DON CAN NO, ,GANG GI PHYIR 'DI LTAR YIN PA DE'I PHYIR, THA DAD PA'I DON CAN RDZAS LA SOGS PA'I SGRA RNAMS DANG YOD PA'I SGRA GZHI MTHUN PA NYID 'THAD PA'O, ,CI LTAR BYAS NAS SHE NA SHES PA GANG 'DI NI DNGOS PO'I RANG BZHIN 'DZIN PA'I NYAMS SU MYONG BAS BYAS PA'I @277B BAG CHAGS LA BRTEN NAS, PHYI ROL GYI DON GYI YUL CAN MA YIN YANG DE'I YUL CAN BZHIN DANG, 'BRAS BU THA MI DAD PA'I DNGOS PO LA SA RAB TU SKYES PA'I PHYIR THA MI DAD PA'I DON 'DZIN PA LTA BU'I RNAM PAR RTOG PA SKYE'O, ,DE LA GANG DON GYI RNAM PAR SNANG BA THA SNYAD BYED PA PO RNAMS KYIS PHYI ROL GYI DON NYID DU LHAG PAR ZHE NA PA DE LA GZHI MTHUN PA NYID DU RNAM PAR GZHAG GI, ,RANG GI MTSAN NYID LA NI MA YIN TE, BLO LA MI SNANG BA'I PHYIR RO, ,YOD PA MA YIN PA LAS LOG PA'I NGO BAR SO SOR SNANG BZHIN PA DE NI THA MI DAD PA'I RNAM PA'I RJES SU SONG BAR SO SOR SNANG ZHING, YOD PA MA YIN PA LAS LDOG PA DE KHO NA NI YANG RDZAS MA YIN PA NYID LA SOGS PA LAS KYANG LOG PA STE, RDZAS NYID LA SOGS PA'I RNAM PA GNYIS PA DANG RJES SU LDAN PA DANG THA MI DAD PAR SO SOR SNANG NGO, ,DE'I PHYIR DNGOS PO GCIG YOD PA NYID DANG RDZAS NYID DU GSAL BZHIN PA NI YOD PA'I RDZAS SO ZHES YOD PA DANG RDZAS KYI SGRA DAG GIS BRJOD PAR BYA'O ZHES GZHI MTHUN PA NYID DU RNAM PAR GZHAG PAR BYA'O, ,DE LTAR NI RANG GI DON LA MI 'KHRUL LO ZHES PA, TSOGS PA'I DON NI KHYAD PAR DU BYAS PA STE, GAL TE DE RJOD PAR BYED PAR TSIG 'GYUR NA, DE'I TSE DE MED NA YANG TSIG 'JUG PA'I PHYIR DE RTOGS PAR MI 'GYUR RO, ,GANG GI PHYIR TSOGS PA NI SGRA GZHAN KHO NA STE DE'I RJOD BYED YIN PA DE'I PHYIR 'KHRUL PA MA YIN NO, ,PHYI MA'I YANG ZHES PA, RANG DBANG MED PHYIR DE LDAN MIN, ,ZHES PA 'DI'I'O, ,DNGOS SU 'JUG PHYIR ZHES PA DE DANG LDAN PA'I PHYOGS BZHIN DU YON TAN GYI NGO BO PHAN BTAGS PA'I DNGOS PO SGRAS BRJOD PAR BYA BA MA YIN BAS TE, DER NI YON TAN GZHAN GYIS PHAN 'DOGS PA 'GAL BA'I PHYIR DOR ZHING, 'DIR NI YOD PA NYID LA SOGS PA'I YON TAN GZHAN LA MA LTOS PAR YOD PA MA YIN PA BSAL BA'I DNGOS PO LA SGRA 'JUG GO, ,DE STON TE DON GZHAN NYE BAR BLANGS NAS ZHES PA LA SOGS PA'O, ,DE'I PHYIR GZHAN DBANG NYID YIN PAS ZHES PA STE, GANG NYE BAR BLANGS NAS RDZAS LA SGRA 'JUG PA GZHAN SEL BZHES BYA BA RIGS LA SOGS PA LTAR DON GZHAN CUNG ZAD CIG @278A *, ,MA YIN TE, DE'I PHYIR BAR CHOD PA MED PA'I PHYIR CI ZHIG LAS GZHAN GYI DBANG NYID YIN, DE KHO NA NI DNGOS PO YOD PA MA YIN PA LAS LOG PA DNGOS SU BRJOD PAR BYA BA STE, DE'I PHYIR DE'I KHYAD PAR GANG YIN PA DE LA THA MI DAD PA'I PHYIR SPONG BAR BYA BA MA YIN NO,, DE NYID KYI PHYIR BTAGS PA'I NYES PA YANG MED DE, GZHAN DU NA GTZO BOR 'JUG PA'I SGRA NI RDZAS LA SOGS PA RNAMS LA GDAGS PAR BYA BA MA YIN PAS SO, ,'ANG MA YIN ZHES PA LA SOGS PA KHYAD PAR NI MTHA' YAS PA THUG PA MED PA STE, DE'I PHYIR MA BRJOD PA'I SKYON MED DO, ,DE LDAN KHYAD PAR KHO NAR BRJOD, ,DE YANG SNGAR NI BSAL BA YIN, ,ZHES PA 'DIS BSHAD PA'O, ,KHYAB PAR BYED PA MA YIN PA'I PHYIR SPYI MA YIN PA'I SKYON YANG MED DE, GANG BSHAD BA, DE LDAN DON NI BUM SOGS PA'ANG, ,ZHES PA LA SOGS PAS SO, ,CI'I PHYIR MED CE NA GSUNGS PA, DON GZHAN SEL BA TZAM NI THA MI DAD PA'I PHYIR ZHES PA STE, 'DIS NI THA DAD MED PHYIR ZHES PA 'DI BKRAL BA'O, ,THA DAD YOD NA NI MTHA' YAS PA NYID KYI SKYON DU 'GYUR ZHING, SPYI MED PA'I SKYON DU YANG NGO, ,GZHAN NI GZHAN LA MI 'JUG PA LAS DON GZHAN SEL BA TZAM NI THA MI DAD PA STE, DE LA CI LAS SKYON 'DI'I SKABS YIN, 'O NA GANG SHES PA'I SPYI'I RNAM PA NI SPYIR RNAM PAR GZHAG CING, DE YANG SHES PA LAS THA MI DAD PA NYID GYI PHYIR, GZHAN LA MI 'JUG PA STE, CI LTAR SPYI YIN ZHE NA GSUNGS PA, RDZAS MA YIN PA NYID KYI PHYIR RO ZHES PA LA SOGS PA STE, RNAM PAR SHES PA'I RNAM PA YANG SPYI'I NGO BOR YONGS SU MA GRUB PA NYID KYI PHYIR SPYI RDZAS SU YOD PA MA YIN PA KHO NA STE, 'DI MI 'DOD PA MA YIN PA KHO NA'O, ,'DI SKAD BSHAD PAR 'GYUR TE, LOG PA'I RNAM PAR RTOG PA 'DI KHO NA DON RNAMS LA GCIG GI BDAG NYID DU 'DZIN PA STE, DNGOS BOR NA SPYI ZHES BYA BA MED PA KHO NA'O, ,SKYE BO 'KHRUL PA'I BSAM PA'I DBANG LAS SPYI RU RNAM PAR GZHAG PA 'DI BYA BA 'BA' ZHIG GO, ,THA SNYAD BYED PA PO 'KHRUL PA RNAMS NI RANG GI SHES PA'I SNANG BA'I PHYIR BYE BRAG KHO NA PHYI ROL GYI GSAL BA'I KHYAD PAR LA RJES SU SONG BA LTA BUR SPYIR SEMS @278B PAR BYED DO ZHES BYAS NAS SO ZHES PA'O, ,DE NYID KYI PHYIR ZHES PA, DNGOS SU 'JUG PA'I PHYIR TE, DE LA NI YOD PA NYID KYI PHYIR KHYAD PAR BYED KYI NGO BO BRJOD PA'I PHYIR DNGOS PO'I RANG GI NGO BO'I BAR DU CHOD PAR BYED DO, ,DE DANG 'BREL PA CAN GYI BUM PA NYID LA SOGS PA RNAMS NI YOD PA NYID DANG 'BREL PA CAN MA YIN TE, RIGS LA RIGS MED PA'I PHYIR RO, ,DE'I PHYIR DE'I SGO NAS DON DU MA 'DOD PA'I RGYU MA YIN NO, ,'DI LA NI DNGOS SU YOD PA MA YIN PA 'GOG PAS RANG GI DON LA SGRA 'JUG CING, DE'I PHYIR DE'I KHYAD PAR 'DOD PA'I RGYU NYID DU 'THAD DE, SPYI GZHAN LDAN PA MED PAR YANG NGO, , GNGOS SU DON GZHAN BKAG PA'I PHYIR ZHES PA, DON GZHAN 'GEGS PA'I THAMS SU GYUR PA RANG GI DON BRJOD PAR BYED PA NI DE SKAD DU BSHAD DE, RANG GI DON DNGOS SU RJOD PAR BYED PA'I PHYIR RO ZHES PA'I DON TO, ,'DIS NI DE NYID KYI PHYIR ZHES PA 'DI DON BSTAN TO, ,'DIR YANG DNGOS POR YOD PA'I RIGS GZHAN DANG LDAN PA DGAG PA BRJOD PAR 'DOD KYI, BRTAGS PA'I RIGS GZHAN DANG LDAN PA YANG NI MA YIN NO, ,DE LTAR NI GANG YOD PA'O ZHES BRJOD PA DE KHO NA DE DANG DE LAS LOG PA RNAM PA GZHAN DU SO SOR SNANG BA NI BRTAGS PA'I SPYI GZHAN DANG LDAN PAR DE LTA DE LTAR RNAM PAR 'BYED PAS SO, , 'DI KHO NA LA RNAM PAR GNAS SO ZHES PA NI RIGS SHING LDAN NO ZHES PA'I DON TO, ,THA MI DAD PA'I PHYIR GCIG NYID DE, DON GZHAN SEL BA NI BLO LA THA MI DAD PA'I NGO BO NYID DU SO SOR SNANG BAS NA, THA SNYAD KYI RJES SU 'GRO BA RNAMS KYIS GCIG NYID DU LHAG BAR ZHE NA PA'O ZHES PAS DE GCIG NYID DU RNAM PAR GZHAG GO, ,RTEN MI 'CHAD PA'I PHYIR RTAG PA NYID DE, RTEN NI DE'I DON GYI BYA BA BYED PA NYID KYIS DE MI BYED PA RNAMS LAS LOG PA'I KHYAD PAR RNAMS YIN ZHING DE RNAMS NI RANG NYAMS SU MYONG BA'I SGO NAS SGRA'I DON GYI RGYU MTSAN DU 'GYUR TE SNGAR JI SKAD BSHAD PA BZHIN NO, ,DE RNAMS KYANG CHAD PA MED PA STE MTHA' YAS PA NYID KYI PHYIR RO, ,DE'I PHYIR DE RNAMS JI SNYED PA DE SNYED DE'O ZHES PAS RTAG PA NYID DU BRTAG PA YANG 'THAD DO, ,DON MTHA' DAG RTOGS PA'I PHYIR NI RE RE LA YONGS SU RDZOGS PA STE, DON GZHAN SEL BA NI PA LA SHA LA SOGS PA LA SO SOR BLO YONGS SU 'JUG @279A *, ,PA NA, THA SNYAD KYI RJES SU 'BRANG BA'I RTOGS PA PO RNAMS KYIS THAMS CAD KYI BDAG NYID DU RTOGS SO ZHES PAS DE'I RTOGS PA'I NGOR RNAM PAR GZHAG PAR BYA BZHIN PA MTHA' DAG PA'I DON YONGS SU RDZOGS PAR MI 'GAL LO, ,YON TAN 'PHEL BA'I PHYIR ZHES PA RIGS KYI CHOS RNAM PAR GZHAG PA NI 'DI KHO NA LA RIGS PA NYID KYI PHYIR RO, ,RIGS DNGOS POR YOD PA'I PHYOGS LA NI JI LTAR DE MI 'THAD BA DE LTAR SPYI BRTAG PA'I SKABS SU RIG PAR BYA'O, ,GZHAN SEL NGES PA SPYI LAS YIN, ,ZHES PA RGYU 'GA' ZHEG LAS KYANG MA YIN NO ZHES PA'I DON TO, ,SNGON PO LA SOGS PA RNAMS PHAN TSUN GYI NGO BO YANG DAG PAR RJES SU 'GRO BA MED PA'I PHYIR, RO LA SOGS PA BZHIN DU DE RNAMS KYANG THA DAD DO, DE LAS THA DAD PAR MTSUNGS PA LA GZUGS KYI SGRAS RO LA SOGS PA RNAMS SEL GYI KHA DOG GANG YANG RUNG BA BRJOD PA NA KHA DOG LHAG MA RNAMS NI MA YIN ZHES PA 'DI LA NGES PA'I RGYU CI YANG MED DO, ,'DIS NI KHAS BLANGS DANG 'GAL BA SMRAS SO, ,'O NA KHYOD LA YANG RTZOD PA MTSUNGS PA MA YIN NAM, CI'I PHYIR GZUGS KYI SGRA SNGON PO LA SOGS PA RNAMS THAMS CAD LA 'JUG CING, YANG KHA DOG GANG YANG RUNG BA BRJOD PA NA RO LA SOGS PA RNAMS LA, GZHAN DU LHAG RNAMS LA MI 'JUG ,CES PA DE'I PHYIR SMRAS PA GANG GI NI ZHES PA LA SOGS PA STE, GANG GI RDZAS SU YOD PA'I SPYI GZUGS NYID THA MI DAD PA DE LA NI, DES BYAS PA'I NGES PA STE, GANG LA DE YOD PA DE KHO NA LA GZUGS KYI SGRA 'JUG CING DE YANG SNGON PO LA SOGS PA RNAMS KHO NA LA YOD KYI ROL SOGS PA LA NI MA YIN NO, ,DE'I PHYIR RDZAS SU YOD PA'I SPYI KHAS BLANG BAR BYA'O ZHES PA BSAMS PA'O, ,'JIG RTEN GRAGS PA BRTZAL MI BYA, ,ZHES PA'I DBYINGS RNAMS NI DU MA'I DON CAN NYID KYI PHYIR MNGON BAR ZHE NA PAR MI BYA'O ZHES PA'I DON TO, ,CI'I PHYIR ZHE NA, GSUNGS PAS SO ZHES PA LA SOGS PA STE, SKYE BO'I NGES PA'I TSIG NI 'JIG RTEN GYI THA SNYAD DO, ,TSOGS PA'I SGRA RNAMS NI YOD PA NYID LA SOGS PA DNGOS POR GYUR PA'I SPYI RAB TU 'JUG PA'I RGYU MTSAN RGYUR BYAS NAS DE DANG LDAN PA LA 'JUG MOD, @279B YOD BA NYID LA SOGS PA RDZAS SU YOD PA'I SPYI LA RGYU MTSAN GZHAN MED PA'I PHYIR YONGS SU BSHAD PA 'DOD RGYAL PA'O ZHES PAS 'DI LTAR MNGON PAR ZHE NA PAR MI BYA STE, DNGOS POR GYUR PA'I SPYI MI RIGS PA'I PHYIR RO, ,MING YANG ZHES PA LA SOGS PA THA SNYAD KYANG RGYUG PAR MI BYA ZHING MI 'DA' BAR BYA 'O ZHES PA'I DON TO, ,DE'I PHYIR ZHES PA GANG GI PHYIR BCOM LDAN 'DAS KYIS DE LTAR GSUNGS SHING MNGON PAR BRJOD PA'O, ,YANG DAG PA'I DON CAN NYID DU ZHES PA, GANG RNAMS LA YANG DAG PA'I DNGOS POR GYUR PA'I SPYI'AM, ,RAB TU 'JUG PA'I RGYU MTSAN GYI YUL YOD PA DE RNAMS DE SKAD DU BRJOD DE, DE'I DNGOS PO NI YANG DAG PA'I DON CAN NYID DE, ,DES BRTZAL BAR MI BYA ZHING MNGON PAR ZHE NA PAR MI BYA STE, 'DI LTAR GYUR PA'I MTSAN NYID KYI GSUM PA'O, ,'JIG RTEN BZHIN KHO NA RJES SU RTOGS PAR BYA'O ZHES PA JI LTAR RTEN PA MNGON PAR MA ZHE NA PAR RJES SU RTOGS PAR BYED PA DE LTAR KHO BO CAG GIS KYANG RJES SU RTOGS PAR BYA'O, ,DE LTAR 'GYUR MOD KYI DNGOS POR YOD PA'I SPYI MED PAR 'JIG RTEN NA YANG GZUGS KYI SGRA RO LA SOGS PA RNAMS LA BZHIN DU SNGON PO LA SOGS PA RNAMS LA 'GRUB PA MA YIN PA KHO NA'O ZHE NA, DE'I PHYIR GSUNGS PA, GRUB PO ZHES PA LA SOGS PA STE, DNGOS POR YOD PA'I SPYI MED KYANG, ,KUN RDZOB TU YOD PA'I SPYI KHO NA LAS GZUGS KYI SGRA 'JIG RTEN NA SNGON PO LA SOGS PA RNAMS PA KHO NA LA GRUB KYI RO LA SOGS PA RNAMS LA NE MA YIN NO, DER NI SNGON PO LA SOGS PA KHO NA LA 'JUG GI ROL SOGS PA RNAMS LA MA YIN NO, ,RANG BZHIN GYIS RANG NYAMS SU MYONG BA'I SGO NAS RNAM PA DE LTA BU'I SPYI'I RNAM PA RNAM PAR RTOG PA'I BLO LA GTOD PAR BYED DE, GANG GIS 'JIG RTEN DE RNAMS KHO NA LA GZUGS KYI THA SNYAD BYED CING CIG SHOS LA MA YIN PA'O, ,DE LA 'DI 'GYUR MOD GAL TE DE 'JUG PA'I RGYU MTSAN KUN RDZOB TU YOD PA'I SNGON PO LA SOGS PA KHO NA LA 'JUG PAR 'GYUR NA, GZUGS KYI SGRA SNGON PO LA SOGS PA KHO NA LA 'GRUB PAR 'GYUR MOD DE YANG MED DE, SHIN TU THA DAD PAR MTSUNGS PA LA SNGON PO LA SOGS PA KHO NA LA DE 'JUG GI RO LA SOGS PA LA MA YIN NO ZHES PA 'DI CI ZHIG @280A *, ,LAS YIN, ROL SOGS PA LA MI 'JUG PA BZHIN DU SER PO LA SOGS PA LA YANG MI 'JUG GO ZHE NA GSUNGS PA, GSUGS NYID LA YANG 'DI MTSUNGS SO, ,ZHES PA LA SOGS PA STE, KHYOD LA YANG RJES SU SBYOR PA 'DI MTSUNGS SO ZHES PA'I DON TO, ,'DI LA YOD DO ZHES PA LA SOGS PAS RJES SU SBYOR BA NYID YONGS SU SPONG NGO, ,RANG BZHIN THA DAD PA YOD NA YANG ZHES PA, SNGON PO LA SOGS PA RNAMS LA RNAG BZHIN THA DAD PA YOD NA YANG ZHES PA'I DON TO, ,MIG GZUNG NYID LA BYA BA BYAS, ,ZHES PA MI GZUNG NYID LA STE, NGES PA'I RGYUR 'DOD PA LA BYA BA'I RGYU MTSAN CAN DU GZUGS KYI SGRA 'GYUR GYI, RIGS KYI RGYU MTSAN CAN DU NI MA YIN NO ZHES KHAS BLANGS PA LA GNOD PA NYID DU BYA BA'I RGYU MTSAN STON PAR BYED PA, MIG GIS ZHES PA LA SOGS PA'O, ,'O NA DE LTAR NA GZUGS NYID KYI 'PHROD PA 'DU BA BYAS PAR 'GYUR BA MA YIN NAM, SGRA NI RIGS KYI RGYU MTSAN CAN KHO NA STE, DES NA BYA BA BYAS PA'O ZHES BRJOD PAR BYA BA CI RIGS SHE NA GSUNGS PA MIG GIS GZUNG BA NYID THA MI DAD NA YANG ZHES PA LA SOGS PA'O, ,'DI LTAR DGONGS TE THA DAD RNAMS LA THA MI DAD 'JUG PA MI RIGS PA'I PHYIR NA, GZUGS NYID THA MI DAD PA'I RGYU MTSAN DU RTOG PA LA, GAL TE YANG SNGON PO LA SOGS PA RNAMS LA MIG GIS GZUNG BYA NYID THA MI DAD PA 'DOD NA, DE KHO NA LAS GZUGS ZHES PA'I MNGON PAR BRJOD PA THA MI DAD PAR 'GYUR MOD, GZUGS NYID KYIS CI YIN ZHES PA'O, ,CI STE ZHES PA LA SOGS PA LA KHAS MA PA 'DI YIN TE, DNGOS PO'I NUS PA RNAMS NI THA DAD PA RNAMS SO, ,DES NA GZUGS NYID NI MA MNGON PAR BRJOD PA THA MI DAD PA 'JUG PA'I RGYU MTSAN TE, MIG GIS GZUNG BYA BYIN NI GZUGS NYID DANG 'BREL PA'I 'O ZHES PA'O, ,DE LTA NA YANG ZHES PA LA SOGS PAS KHAS BLANGS DANG 'GAL BA GSUNGS TE, 'PHROD PA 'DU PA NI RTAG PA NYID DU KHAS BLANGS PA'I PHYIR RO, ,DE LTA 'GYUR MOD MIG GIS GZUNG BAR BYA BA NYID KYI PHYIR GZUNGS NYID 'PHROD PA 'DU BAR MI SMRA'I, ,'O NA KYANG 'PHROD PA 'DUS PA NYID MNGON PAR GSAL BA'O ZHE NA, DE'I PHYIR GSUNGS PA, GZUNGS NYID MNGON PAR GSAL PA ZHES PA @280B STE; BYA BAS BYAS PAR THOB PO ZHES SZEL PAR BYA'O, ,'DIS KYANG KHAS BLANGS PAS GNOD PA GSUNGS TE, GZUGS NYID LA SOGS PA RNAMS RANG GI RTEN GYIS GSAL BAR BYA BA NYID DU KHAS LEN PA'I PHYIR RO, ,MIG GIS GZUNG BAR BYA BA NYID KYANG ZHES PA RANG BZHIN GYI DBYE BA YOD NA CI'I PHYIR SNGON PO LA SOGS PA RNAMS KHO NA LA MIG GIS GZUNG BAR BYA PA NYID 'JUG GI RO LA SOGS PA RNAMS LA YANG NI MA YIN NO ZHES 'DI LA YANG NGES PA'I RGYU BRJOD PAR BYA'O, ,DE'I PHYIR GDON MI ZA BAR SHIN TU RING BAR YANG PHYI NA NAS RANG BZHIN NYID LA BRTEN PAR BYA STE, GANG GIS DE KHO NA LA MIG GIS GZUNG BAR BYA BA NYID DU 'GYUR GYI RO LA SOGS PA RNAMS LA NI MA YIN PA 'DI 'DRA BA NI SNGON PO LA SOGS PA RNAMS KYI RANG BZHIN MA YIN NO ZHES PA'O, ,KHYOD KYIS JI LTA BA DE LTAR KHO BOS KYANG NGO ZHES PAS RTZOD PA'I LAN MTSUNGS PA'O, ,RDZAS SOGS RNAMS LA'ANG THAL BAR 'GYUR, ,ZHES PA, GAL TE GANG DU MIG GIS GZUNG BAR BYA BA NYID YIN PA DER GZUGS NYID YIN NA, RDZAS LA SOGS PA RNAMS LA YANG GZUGS NYID DU 'GYUR TA, DE RNAMS MIG GIS GZUNG BAR BYA BA NYID KYI PHYIR TE, RDZAS NYID DANG GRANGS TSAD RNAMS DANG SO SO PA NYID DANG LDAN PA DANG, RNAM PAR DBYE BA DAG DANG, GZHAN NYID DANG GZHAN MIN PA NYID DAG DANG LAS NI GZUGS CAN LA 'PHROD PA 'DU BA'I PHYIR MIG GIS GZUNG BAR BYA BA RNAMS SO ZHES PA'I TSIG LAS SO, ,DKAR MIN SOGS LA KHYAD MED 'GYUR, ,ZHES PA NGES PA'I RGYU MIG GIS GZUNG BYA NYID DU KHYAD PAR MED PA'I PHYIR DANG NGES PA'I RGYU GZHAN MED PA'I PHYIR GZUGS SO ZHES PA'I BRJOD PA'I RTOGS PA MTSUNGS PA'I PHYIR SNGON PO DANG SER PO LA SOGS PA THA DAD PAR MI 'GYUR RO, ,GAL TE MIG GIS GZUNG BAR BYA BA NYID KYI PHYIR SNGON PO LA SOGS PA RNAMS GZUGS NYID DU THA MI DAD PAR 'DOD NA, DE LA MIG GIS GZUNG BAR BYA BA NYID KYI PHYIR, DE BYE BRAG MED PA YOD NA YANG, SNGON PO NYID LA SOGS PA DANG LDAN PA LAS BYE BRAG TU 'GYUR NA MA YIN TE, DE KHO NA MI LDAN PA'I PHYIR RO, ,SNGON PO LA SOGS PA RNAMS LA NI GANG LAS SNGON PO NYID LA SOGS PA 'PHROD PA 'DU PA NGES PAR 'GYUR BA RGYU SO SOR NGES PA CUNG ZAD KYANG @281A *, ,YOD PA MA YIN PAS SO, ,NUS PA THA DAD PA'I RGYU YOD DO ZHE NA, DE LA YANG GANG LAS DE 'GA' ZHIG KHO NA LA 'JUG GI GZHAN THAMS CAD LA MA YIN PA'I RGYU CI ZHIG YOD CES BAS 'DI NI LAN LA YIN NO, ,DE'I PHYIR GDON MI ZA BAR ZHES PA, GANG GI PHYIR MIG GIS GZUNG BYA NYID NI GZUGS NYID DANG LDAN PA'I NGOR GTAN TSIGS NYID DU RIGS PA MA YIN PA DE'I PHYIR MIG GIS GZUNG BYA NYID MED PAR NGES PAR SBYOR BA LAS SNGON PO LA SOGS PA RNAMS KHO NA LA GZUGS KYI SGRA 'JIG RTEN NA GRAGS PA'I RJES SU 'BRANG BAR BYA'I ROL SOGS PA RNAMS LA NI MA YIN NO, ,GRAGS PA'I RGYU MTSAN YANG KUN RDZOB TU YOD PA'I SPYI KHO NA STE, RDZAS SU YOD PA NI MA YIN NO ZHES PA DGONGS PA'O, ,SLAR YANG DON GZHAN LAS LDOG PA'I SGOS SGRA RANG GI DON RTOGS PAR BYED DO ZHES PA 'DI BSTAN PAR BYA BA'I CHED DU GSUNGS PA, GAL TE YANG ZHES PA LA SOGS PA'O, ,RJES 'GRO NYID LAS 'GRUB PAR 'GYUR, ,ZHES PA DON GZHAN LAS LDOG PA LA MI LTOS PA NYID NA RJES 'GRO 'BA' ZHIG PA KHO NA LAS KHYAD PAR GYI BRJOD PAR BYA BA NGES PAR 'GYUR GYI, RJES SU 'GRO BA DANG LDOG PA LHAN CIG PA DAG LAS NI MA YIN NO, ,DE LTAR 'GYUR MOD, 'GYUR DU CHUG KYANG DE LA GNOD PA MED PA CI YIN ZHE NA GSUNGS PA 'DOD PA YANG ZHES PA LA SOGS PA'O, ,BYED PA PO'I MCHOG TU THOB PAR 'DOD PA NI ZHES PA, BYED PA PO KHO NA'I STE, BYED PA PO MIN PA'I NI MA YIN ZHING BYED PA PO'I SGRA NI BYED PA PO MIN BA RNAM PAR GCOD PAR BYED CING MCHOG TU 'DOD PA RANG GI DON DANG 'BREL PAR BYED DO, ,DE BZHIN DU SHIN TU THOB PAR 'DOD PA DE KHO NA STE, SHIN TU THOB PAR 'DOD PA MIN PA NI MA YIN SHIN TU THOB PAR 'DOD PA'I SGRA YANG MCHOG TU THOB 'DOD MIN PA RNAM PAR BSAL NAS BYED PA PO'I SGRA DON RANG GI DON DANG SBYOR BAR BYED DO, ,DE LTAR GNYIS KA NGES PAR GZUNG BAS KHYAD PAR DU BYAS PA'I DON NGES PA'I PHYIR MNGON BAR BRJOD PA 'BRAS BU DANG BCAS PA NYID DO, ,GANG YANG RUNG BA NGES PAR GZUNG BAS NI JI LTAR NA, SPRIN RNAMS YOD NA CHAR 'BAB PAR 'GYUR RO ZHES BA LTA BU STE, YOD PA KHO NA YIN GYI MED PA NI MA YIN GYI @281B MI 'GYUR BA KHO NA'O ZHES PA'O, ,DE LTAR GANG YANG RUNG BA'AM, GNYIS KA NGES PAR GZUNG PAS MNGON PAR BRJOD BA 'BRAS BU DANG BCAS PA'I PHYIR, LDOG PA LAS KYANG KHYAD PAR GYI DON MNGON PAR BRJOD PAR 'DOD DE, DES NA DON GZHAN LAS LDOG PA LA MI LTOS PA NYID LA SGRA MI 'THOB PO ZHES PA'O, ,DE LTAR NI GAL TE BYED PA PO MIN PA'I YANG MCHOG TU 'DOD PA LAS YIN NA, BYED PA PO'I SGRA BRJOD PA DON MED PAR 'GYUR ZHING, DE BZHIN DU GAL TE MCHOG TU 'DOD PA MA YIN PA YANG LAS YIN NA, MCHOG TU THOB PAR 'DOD PA ZHES BRJOD PA 'BRAS BU MED PAR 'GYUR RO, ,DE'I PHYIR DON GZHAN LAS LDOG PA'I SGO NAS SGRAS DON RTOGS PAR BYED DO ZHES KHAS BLANG BAR BYA'O, ,'O NA YANG ZHES PA LA SOGS PA NI DON GZHAN MED PA TZAM SGRA'I DON DU SGRO BTAGS NAS RTZOD PAR BYED DO, ,SEL BA SMRA BA PO LA DON GZHAN LAS LDOG PA TZAM LAS GZHAN PA'I BRJOD PAR BYA BA YOD PA MA YIN ZHING DON GZHAN LAS LDOG PA YANG LDOG PA 'BA' ZHIG PA KHO NAS BYA BA'O ZHES PAS LDOG PA KHO NA LAS RJOD PAR BYED PAR 'GYUR RO, ,SGRAS DON GZHAN LAS LDOG PA TZAM BYA BA MA YIN PA KHO NA STE, 'O NA CI ZHE NA DON GZHAN LAS LDOG PA'I SGO RNAMS BTAGS PA PA'I RANG GI DON RTOGS PAR BYED DO ZHES GSAL BAR BYED PA GSUNGS PA, 'DI 'DI LTAR 'GYUR NA ZHES PA LA SOGS PA'O, ,DNGOS PO YI NI GTZO BOR ZHES PA DNGOS PO YOD PA NYID KYI SPYI ZHES BYA BAS SGRA'I RJES SU 'GRO PA MI 'DOD DE DE MI RUNG BA'I PHYIR RO, ,DE MI RUNG BAR DNGOS PO RNAMS LA MA YIN ZHES PA LA SOGS PAS STON TO, , BRJOD ZIN TO ZHES PA RAB TU BYED PA GZHAN DU'O, ,'DIR YANG GAL TE YANG SPYIR 'GYUR NA ZHES PA LA SOGS PAS DANG, DE BZHIN DU KHYAD PAR RNAMS RANG GI DBANG PO RNAMS KYIS NYE BAR DMIGS NA ZHES PA LA SOGS PAS KYANG NGO, ,RIGS MED PAR NI ZHES PA RIGS DANG BRAL BA STE, DNGOS POR YOD PA DANG BRAL BA ZHES PA'I THA TSIG GO, ,DON GZHAN SEL BAS KHYAD PAR DU BYAS PA'I DON LA ZHES PA BRJOD PAR 'DOD PA DANG LDAN PA'I SKYES BU LA STE, DE NI SGRA'I DON GYI RTEN NO ZHES PAS DE KHYAD PAR DU BYAS BAR BRJOD DO, ,GANG SMRAS PA ZHES PA LA SOGS PA STE, DON GZHAN @282A *, ,MED PA'I MTSAN NYID CAN GYI YOD PA MA YIN PA YANG DAG PAR RJES SU 'GRO BAR KHAS BLANGS NAS, BA LANG LA SOGS PA MED PA LAS YOD PA'I BDAG NYID DU RTOGS PAR BYA BAR MI RIGS SO ZHES PA 'DI TZAM GYIS 'DI NYE BAR BKOD PA'O, ,DON GZHAN LAS 'DI GZHAN SEL BA RJES SU 'GRO BA DANG RNAM PAR LDAN PAR BRJOD PA'I DE MA THAG TU RNAM PAR 'JIG PA NYID DU BRJOD DE, DE MED PA'I GSAL BAR BYED PA'O ZHES PA NGAG GI LHAG MA'O, ,GANG 'DI KHYOD KYIS GSAL BA'I RIGS GCIG RJES SU 'GRO BA GTZO BO 'GRUB PA'I DON DU BRJOD PA DE NI MED PAR 'GRUB PA YANG GSAL BAR BYED DE, CI'I PHYIR NA GSAL BA 'DI NI MED PA YANG DAG PAR RJES SU 'GRO BA LAS MED PA RJES SU LDAN PA CAN TE, SA LA SOGS PA RNAMS DANG BA LANG LA SOGS PA RNAMS PHAN TSUN GYI BDAG NYID RNAMS LA YOD PA MA YIN NO, ,GANG ZHIG GANG DANG LDAN PA DE'I 'DI RNAM PAR 'GYUR BA STE; DPER NA ZHO 'O MA DANG LDAN PA NI 'O MA'I RNAM PAR 'GYUR BA YIN PA BZHIN, GSAL BA 'DI YANG MED PA DANG LDAN PA STE, DE'I PHYIR GSAL PA 'DI NI MED PA'I RNAM PAR 'GYUR BA'O ZHES PA'O, ,ZHO 'O MA DANG LDAN PA ZHES PA NI GRANGS CAN GYI LUGS KYI DBANG DU BYAS NAS BRJOD PA'O, ,GANG ZHIG GANG DANG LDAN PA DE NI DE'I RNAM PAR 'GYUR BA STE, DPER NA ZHO 'O MA'I BZHIN GSAL BA 'DI YANG MED PA DANG LDAN PA'O, ,PHA ROL PO'I 'DOD PAS RANG BZHIN NO, ,'DIR YANG MED PA'I RNAM 'GYUR RO ZHES PA 'DIS MED PA SNGON MA CAN NYID DU GSAL BAR BSGRUB PAR BYA BA'O, ,PHYOGS SNGA MA 'DI LA GRANGS CAN GYIS BRJOD PA, GAL TE GSAL BA THAMS CAD MED PA'I RNAM PAR 'GYUR BAR BSGRUB PAR BYA BA YIN NA, DE LTAR GYUR NA THAMS CAD KYE BDAG NYID DU THAL BAR 'GYUR BA'I PHYIR MED BA LAS YOD PA'I BDAG NYID DU THAL BAR 'GYUR RO ZHES BA'O, ,RNAM 'GYUR THAMS CAD KYI RANG GI NGO BO NYID NI THAMS CAD KYI BDAG NYID DE, RANG BZHIN NI RNAM 'GYUR GYI RANG GI NGO BOR MTHONG BA'I PHYIR, DE'I RANG GI NGO BOR DPAG GO, ,DE LTAR NI'O MA'I RNAM 'GYUR ZHO LA SOGS PA RNAMS DE'I BDAG NYID RNAMS TE, DE'I BDAG NYID KYI RANG BZHIN RNAMS KHO NA NI THAMS CAD KYI BDAG NYID CAN GYI RNAM 'GYUR RNAMS SO,, @282B DE'I PHYIR RANG BZHIN MANG THAMS CAD KYI BDAG NYID DO, ,THAMS CAD KYI BDAG NYID YIN PA NYID KYI PHYIR YANG YOD PA NYID DU THAL BAR 'GYUR TE, MED PA NI THAMS CAD KYI BDAG NYID DU MI 'THAD PAS SO, ,DE LAS KYANG KHYAD PAR RNAMS MED PA, SNGON MA CAN MA'O ZHES PA GRUB PA SGRUB PA'O ZHES PA'O, ,THAMS CAD MED PA DANG LDAN ZHES, KHAS LEN BYED PA GANG YIN ZHES PA, GAL TE, BA LANG LA SOGS PA'I GSAL BA THAMS CAD MED PA'I RNAM PAR 'GYUR BA'O ZHES SMRA ZHING, GSAL BA THAMS CAD MED PA DANG LDAN NO ZHES KHAS LEN PAR BYED BA'O, ,GAL TE'I SGRA NI KHAS BLANGS PA YONGS SU GSAL BAR BYED PA'O, ,DE LTAR, GRANGS CAN KHAS LEN BA CAN DE'I, ,DU MA'I BDAG NYID PHYIR YOD PA, ,YIN ZHES CI ZHIG CI YIS 'BREL, KHAS BLANGS PA DANG PHYI MA MA 'BREL LO, ,ZHES PA'I DON TO, ,DE LA BA LANG LA SOGS PA GZHAN CI ZHIG YIN ZHES PA, PHAN TSUN MED PA KHO NA NI THA SNYAD PA'I BA LANG LA SOGS PA RNAMS TE, DE LAS THA DAD PA GZHAN NI MED DO, ,PHAN TSUN MED PA YANG DNGOS PO MA YIN TE, BRTAGS PA NYID KYI PHYIR RO, ,DES NA DE'I RANG BZHIN NYID LA CI LTAR MED PA LAS YOD PA NYID DU THAL BAR 'GYUR, THAMS CAD NI ZHES PA LA SOGS PA STE, BA LANG LA SOGS PA RNAMS MED PA'I BDAG NYID DU KHAS LEN PA LA, DE'I BDAG NYID KYI PHYIR MED PA NI YOD PA'I BDAG NYID DU 'THOB BO ZHES PA'I LAN RIGS PA NI MA YIN PAS TE, KHAS BLANGS PA DANG 'GAL BA'I PHYIR RO, ,GANG YANG BRJOD PA ZHES PA, DE LA BRJOD PA NI, GAL TE BA LA SOGS PA'I GSAL BA THAMS CAD MED PA'I RNAM 'GYUR YIN NA MED PA DANG YOD PA DAG LAS RTOGS PA THA MI DAD PAR 'GYUR RO, ,CI'I PHYIR ZHE NA, RANG BZHIN GYI RTOGS PA NI, RNAM PAR 'GYUR LA MTHONG STE, DPER NA 'JIM PA'I RTOGS PA KHAM PHOR LA BZHIN ZHES PA'O, ,'DI SKAD BSHAD PAR 'GYUR TE, MED PA RJES SU 'GRO PA LA NI DE'I RNAM PA CAN KHO NA'I RTOGS PAR 'GYUR GYI, BA LANG NGO RTA'O ZHES DNGOS PO THA DAD PA'I RNAM PA CAN DU NI MI 'GYUR NA, 'GYUR BA YANG STE, DE'I PHYIR GSAL BA NI MED PA RJES SU 'GRO BA MA YIN NO, ,GANG ZHIG GANG LAS THA DAD PA'I RNAM PA @283A *, ,CAN GYI RTOGS PAS RTOGS PAR BYA BA DE NI DE'I BDAG NYID MA YIN TE, DPER NA BA LANG LAS THA DAD PA'I RNAM PA CAN GYI RTOGS PAS NGES PAR BYA BA'I RTA NI BA LANG GI BDAG NYID MA YIN PA BZHIN, RNAM 'GYUR RNAMS KYANG MED PA'I RANG BZHIN LAS THA DAD PA'I RNAM PA CAN GYI RTOGS PAS NGES PAR BYA BA'O ZHES PA KHYAB BYED DANG 'GAL BA'O, ,'DIS NI MED PA'I RJES SU 'GRO BA NI MA GRUB PA NYID DU SMRAS SO, ,'JIM KHYAD MED LA KHAM PHOR SOGS, ,BLO THA DAD PA GAL TE 'DOD, ,CES PA 'JIM PA RNAMS LAS KHAM PHOR LA SOGS PA THA MI DAD DE, DE LA THA MI DAD PA'I RNAM PA CAN GYI RTOGS PAR THAL BAR 'GYUR BA LA GAL TE RTOGS BA THA DAD PA THA DAD PA 'DOD DE, 'JI BA LA 'JI BA'I RTOGS PA DANG KHAM PHOR LA SOGS PA LA KHAM PHOR LA SOGS PA'I RTOGS PA'O, ,DE LTAR GYUR NA, MED KHYAD MED NA YANG STE MED PA'I RGYU LA THA DAD MED NA YANG, BA LANG LA SOGS PA'I GSAL BA MED PA DANG LDAN PA LA'ANG, THA DAD BLO NI STE, BA LANG NGO RTA'O ZHES PA 'DI LTA BU LA SOGS PA'I RTOGS PA THA DAD PA CIS BZLOG ,RNAM PA CIS ZHES PA, DBYIBS KYI KHYAD PAR GYIS SAM, SKYES BU'I DON GYI DBANG GIS SO, ,SGRA'I KHYAD PAR GOMS PA'I DBANG LAS ZHES PA, THOG MA MED PAR SGRA'I THA SNYAD BRGYUD PA NI, SGRA'I BYE BRAG GIS BYAS PA DE'I RNAM PA CAN GYI RTOGS PA SKYED PA'I CHED DU GANG BAG CHAGS YIN PA DE NI SGRA'I KHYAD PAR GOMS PA STE, DE'I DBANG LAS THA DAD PA'I RNAM PA CAN GYI RTOGS PA SKYE BAR 'GYUR RO, , 'DIS NI DE'I BDAG NYID NA YANG DE LAS THA DAD PA'I RNAM PA CAN GYI RTOGS PAS NGES PAR BYA BA NYID KHAM PHOR LA SOGS PA RNAMS LA MTHONG BA'I PHYIR MA NGES PA NYID DU BSHAD DO, ,DES NA MED PA RJES SU 'GRO BA NI MA GRUB PA NYID DU RIGS PA MA YIN NO, ,GANG YOD PA LAS THA MI DAD NA'ANG DNGOS POR YOD PA'I PHYIR MNGON SUM GYIS YONGS SU BCAD PA BA LANG LA SOGS PA RNAMS NI, SGRA GOMS PA'I DBANG LAS DE LTAR YONGS SU BCAD PA STE, MNGON SUM DU BYAS PA'I DNGOS PO LA SGRA'I BRDA BYA BAR NUS KYI, RNAM PA GZHAN DU NI MA YIN NO, ,DE RNAMS KYIS MED BA NYID DU 'DOD @283B PAR BYA BA LA NI CI LTAR THA DAD PA'I RNAM PA CAN GYI RTOGS PAS NGES PAR BYA BA NYID YIN ZHES PA 'DI'I PHYIR NA GSUNGS PA, KHYOD KYI YANG NI ZHES PA LA SOGS PA'O, ,YON TAN RNAMS KYI NGO BO MCHOG ,GANG MNYAM PA'I GNAS SKABS NA, PHYIN CI MA LOG PA'I RANG BZHIN DE NI DBANG PO LAS 'DAS PA NYID KYI PHYIR, MTHONG BA YUL GYI DNGOS POR NYE BAR MI 'GRO'O, ,GSAL BA'I GNAS SKABS SU DE RNAMS KYI NGO BO DE NI, SGYU MA BZHIN DU SHIN TU GSOG RANG BZHIN GYIS STONG PA'O ZHES PA'I DON TO, ,DE LAS KYANG KHYOD KYANG DNGOS PO'I DE KHO NA NYID KYI RGYU CAN MA YIN PA KHO NAR THA SNYAD KHAS BLANG BAR BYA'O ZHES PAS BRTZAD PA MTSUNGS SO, ,LKOG SHAL LA SOGS PA MTHONG PHYIR, ,ZHES PA LA SOGS PA DE LA 'JIG PA SMRA BA BA YIS BRJOD PA, GANG ZHIG MTHONG BA LAS GANG ZHES 'JIG RTEN NA RTOGS PAR 'GYUR BA DE KHO NA DER 'GYUR TE, DPER NA LKOG SHAL LA SOGS PA MTHONG BA LAS BA LANG GI RTOGS PAR 'GYUR BA'I LKOG SHAL LA SOGS PA KHO NA NI BA LANG YIN PA BZHIN NO, ,DON GZHAN LA RTOGS PA YANG BDAG NYID GZHAN MED PA MTHONG BA LAS YIN TE, DE'I PHYIR DON GZHAN MED PA KHO NA BDAG NYID GZHAN RNAMS SO ZHES PA'O, ,'DIS NI GANG MTHONG BA LAS GANG RTOGS PAR 'GYUR BA DE KHO NA DER 'GYUR TE, DPER NA LKOG SHAL LA SOGS PA MTHONG BA LAS BA LANG GI RTOGS PAR 'GYUR BA'I LKOG SHAL LA SOGS PA RNAMS KHO NA BA LANG YIN PA BZHIN, BDAG NYID GZHAN LA RTOGS PA YANG BDAG NYID GZHAN MED PA MTHONG BA LAS 'GYUR RO ZHES 'BRAS BU GSUNGS SO, ,'DI GRANGS CAN PAS SLAR BA SGRUB PAR BSHAD PA, GAL TE LKOG SHAL LA SOGS PA MTHONG BA LAS BA LANG GI RTOGS PAR 'GYUR NA, DE LTAR GYUR NA BDAG NYID GZHAN MED PA MTHONG BA LAS BDAG NYID GZHAN LA RTOGS PAR 'GYUR RO ZHES GANG BRJOD PAD MI RIGS TE ZHES SO, ,BDAG NYID GZHAN MED PA'I RGYU MTSAN CAN DU RTOGS PA THAMS CAD KHAS LEN NA, CI LTAR BA LANG GI RTOGS BA'I RGYU MTSAN LKOG SHAL LA SOGS PA NYID YIN ZHES PA'I THA TSIG GO, ,'DIS NI KHAS BLANGS PA NYAMS PA SMRAS TE, DPE LA RANG GI PHYOGS BTANG BA'I PHYIR RO @284A *, ,ZHES PA GRUB MTHA' DANG 'GAL BA'I PHYIR RO, ,KHYOD KYIS 'DOD PAS ZHES PA, KHYOD KYIS NI LKOG SHAL LA SOGS PA RNAMS KHO NA BA LANG NGO ZHES 'DOD PAS SO, ,KHO BO CAG GI 'DOD PAS NI PHAN TSUN BSAL BYA DE THA DAD DE, BA LANG DANG LKOG SHAL LA SOGS BA RNAMS NI 'DI RNAMS LA GSAL BAR BYA BA THA DAD PA'O ZHES BYAS NAS SO, ,GANG GI NI ZHES PA SEL BA SMRA BA'I'O, ,KHAS BLANGS NAS ZHES PA LA SOGS PA KHYOD KYI NI LKOG SHAL LA SOGS PA TSOGS PA KHO NA LA BA LANG NGO ZHES 'DOD DE, DE'I PHYIR DE KHAS BLANGS NAS DPE 'DI RANG GI 'DOD PA DANG 'GAL BA YANG BRJOD PA'O, ,'DI SKAD BSHAD PAR 'GYUR TE, JI LTAR KHYOD KYI LKOG SHAL LA SOGS PA TSOGS PA MTHONG BA LAS BA LANG GI RTOGS PA YIN PA DE LTAR NGED KYI YANG BDAG NYID GZHAN MED PA MA MTHONG BA LAS BDAG NYID GZHAN LA RTOGS PA'O ZHES PA'O, ,SGRA THA DAD PA LAS NI ZHES PA LA SOGS PA LKOG SHAL LA SOGS PA SGRA'I NI LKOG SHAL LA SOGS PA RNAMS LA LKOG SHAL LA SOGS MA YIN PA BSAL BYA STE, BA LANG GI SGRA'I YANG BA LANG LA BA LANG MA YIN PA BSAL BYA'O, ,GANG GI PHYIR DE LTAR BSAL BYA THA DAD PA DE'I PHYIR LKOG SHAL LA SOGS PA RNAMS LA LKOG SHAL LA SOGS PA MA YIN PA SEL BAS LKOG SHAL LA SOGS PA'I RTOGS PA DANG BA LANG LA BA LANG MA YIN PA RNAM PAR GCOD PAS BA LANG GI RTOGS PA'O, ,DE LTAR NA 'DIR YANG BDAG NYID GZHAN MED PA MTHONG BA KHO NA LAS BDAG NYID GZHAN BA LANG LA RTOGS PA RANG GI 'DOD PAS SO ZHES BAS KHAS BLANGS PA NYAMS PA MED DO, ,DE MI LTOS ZHES PA LA SOGS PA NI GRANGS CAN PAS BDAG NYID GZHAN MED PA MTHONG BA LAS KYANG BDAG NYID GZHAN LA RTOGS PAR 'GYUR RO ZHES PA MA GRUB PA NYID DU BSTAN PA'I CHED DU BSHAD PA'O, ,DE LTOS MED, BDAG NYID GZHAN RTOGS PA'O, ,CI'I PHYIR ZHE NA, NGED KYI NI BDAG NYID GZHAN MED PA MTHONG BA LAS BDAG NYID GZHAN LA RTOGS PAR 'GYUR BA MA YIN GYI, 'O NA CI ZHE NA SGRUB PA'I NGO BO KHO NAS BA LANG ZHES SO, ,RANG GI RNAM PAR RTOG PAS SPRUL PA ZHES PA 'DI NI RANG GI RNAM PAR RTOG PAS DBYE BAR BYAS PA'O, ,'DI SKAD BSHAD PAR 'GYUR @284B TE; RANG GI RNAM PAR RTOG BA'I DBANG LAS 'DI NI 'DI LTAR DU BRJOD PAR BYA'O, ,RIGS PA NI MA YIN NO ZHES PA'O, ,CI'I PHYIR ZHE NA GSUNGS PA, SEL BA MED PAR ZHES PA LA SOGS PA'O, ,LKOG SHAL LA SOGS BA RNAMS LA NI ZHES PA LA SOGS BA NI 'DI KHO NA'I 'GREL PA'O, , LKOG SHAL LA SOGS PA'I SGRA NI SPYI'I NGO BOR RANG GI DON RTOGS PAR BYED DE, DE YANG SPYI'I NGO BO RTOGS PA NA DON GZHAN MED PA LA MI LTOS PAR MI 'GYUR RO ZHES SNGAR BSGRUBS ZIN PA KHO NA'O, ,'O NA DNGOS PO'I RANG GI MTSAN NYID RTOGS PA NI DON GZHAN MED PA RTOGS PA LA MI LTOS PA BA LANG ZHES SGRUB BA KHO NAS 'GYUR RO ZHE NA GSUNGS PA, RANG GI NGO BO NI ZHES PA LA SOGS PA'O, ,RANG GI NGO BO NI RANG GI MTSAN NYID DE, DE RTOGS PA NA GAL TE DON GZHAN MED PA LTOS PAR BYA BA MA YIN MOD, DE BRJOD PAR BYA BA MA YIN PA'I PHYIR RO, ,BRJOD PAR BYA BA THA SNYAD PA'I NGO BO NI BA LANG LA SOGS PA RNAMS LA DON GZHAN SEL BA LA MI LTOS PAR RTOGS PA MA YIN NO, ,DE YANG RNAM PAR DPYAD PA'I CHED DU SKABS SU BYAS PA'O, ,DE'I PHYIR GTAN TSIGS MA GRUB PA NYID MA YIN NO, ,GANG BRJOD PA ZHES PA, 'DI SKAD DU BRJOD DE, GAL TE BDAG NYID GZHAN MED BA MTHONG BA LAS BDAG NYID GZHAN LA RTOGS PAR 'GYUR NA, DANG PO'I RTOGS PA 'JUG PA MED PA KHO NA STE, CI'I PHYIR NA, DE LA BDAG NYID GZHAN GZHAN MED PA MTHONG BA MED PA'I PHYIR ZHES PA'O, ,'DIR DANG PO'I RTOGS PA NI GANG 'KHOR BAR THOG MAR SKYES PA STE DE MED PA'O, ,DE'I TSE GZHAN GYI BDAG NYID MA MTHONG BA'I PHYIR, BDAG NYID GZHAN YANG MA BZUNG BAS, DE MED PAS NYE BAR MTSON PA'I BDAG NYID GZHAN YANG GZUNG BAR MI NUS SO ZHES PAS KHAS BLANGS PA NYAMS PA'O, ,THOG MA MED PHYIR 'DOD PA GRUB, ,CES PA 'DI NI 'DOD BA KHO NA STE, DANG PO'I RTOGS PA KHAS MI LEN PA'I PHYIR RO, ,DE'I PHYIR KHAS BLANGS PA NYAMS PA MA YIN NO ZHES PA'I DON TO, ,GANG GI YANG ZHES PA LA SOGS PAS PHA ROL PO KHO NA LA SKYON 'DI SLAR THAL BAR 'GYUR BAR BYED DO, ,RIGS DANG LDAN PA LA KHYAB PAR NUS BA MA YIN ZHES PA, GAL TE KHYAD PAR THAMS @285A *, ,CAD LA SGRA SBYAR BAR NUS PA NYID NA, DE LTA NA RIGS DANG LDAN PA'I DNGOS BO SGRAS KHYAD PAR NUS MOD, DE SRID PA MA YIN TE, RIGS DANG LDAN PA RNAMS MTHA' YAS PA NYID KYI PHYIR RO, ,'BREL PA MA BYAS PAR SGRAS RTOGS PAR NUS PA YANG MA YIN NO, , DE LTAR 'GYUR MOD KYI GCIG YIN PA NYID KYI PHYIR RIGS KYIS KHYAB PAR NUS SO ZHE NA GSUNGS PA, YANG MIN ZHES PA LA SOGS PA STE, KHYAB PAR NUS PA ZHES DKYUS MA DANG SBREL LO, ,GAL TE RE ZHIG RTEN LAS THA DAD PA'I RIGS NI RTEN MTHA' DAG LA 'JUG PAR RTOG NA; DE'I TSE GNYIS NYID LA SOGS PA BZHIN DU RTEN MTHONG BA SNGON DU 'GRO BAR DE MTHONG BAR 'GYUR NA, RTEN RNAMS NI MTHA' YAS PA'I PHYIR MTHONG BA SRID PA YANG MA YIN NO, ,CI STE RTEN SO SO LA BDAG NYID THAMS CAD KYIS YONGS SU RDZOGS PA NYID KYI PHYIR RTEN GCIG MTHONG NA YANG 'DZIN PAR 'DOD NA DE'I TSE THA DAD PAR 'GYUR RO, ,DE LAS KYANG RTEN DANG 'DRA BAR MTHA' YAS PA NYID KYI PHYIR 'BREL PA MED PA'O, ,CI STE RTEN LAS THA MI DAD NA DE LTAR NA YANG KHYAD PAR LTA BU'I SKYON TE, KHYAD PAR RNAMS LAS THA MI DAD PA NI DE KHO NA BZHIN DU MTHA' YAS PA NYID KYI PHYIR RO; ,DE LTAR RIGS SMRA BA KHO NA LA DANG PO'I RTOGS PA MED PAR THAL BAR 'GYUR RO, ,GANG YANG BRJOD PA ZHES PA GAL TE BDAG NYID GZHAN MED PA MTHONG BA LAS BDAG NYID GZHAN MED PA MTHONG BA LAS BDAG NYID GZHAN LA RTOGS PAR 'GYUR NA, RTOGS PA 'JUG PA NYID MED DE, CI'I PHYIR NA BSAL BAR BYA BA BDAG NYID GZHAN MTHA' YAS PA NYID KYI PHYIR TE, BDAG NYID GZHAN THAMS CAD MED PA MTHONG BA MED DO ZHES PA'O, ,'DI SKAD BSHAD PAR 'GYUR TE, GAL TE BDAG NYID GZHAN RNAMS THAMS CAD BSAL BAS RTOGS PA YIN NA BA LANG MA YIN PA'I DON DE RNAMS MTHA' YAS PA NYID KYI PHYIR MI MTHONG STE, BA LANG GI KHYAD PAR BZHIN NO, ,DE LAS KYANG DE BSAL BAS BA LANG RTOGS PA MA YIN TE, DE KHO NA BZHIN ZHES PA'O, ,GANG RNAMS MTHA' YAS PA DE RNAMS THAMS CAD MTHONG BA MA YIN TE, BA LANG GI KHYAD PAR BZHIN BSAL BYA RNAMS KYANG @285B MTHA' YAS PA NYID DO, ,KHYAB PAR BYED PA DANG 'GAL BA'O, ,GANG MTHA' YAS PA NYID NI DE BSAL BAS BA LANG RTOGS PA MA YIN TE, DPER NA BA LANG GI KHYAD PAR RNAMS MTHA' YAS PA NYID DE BSAL BAS BA LANG RTOGS PAR MI 'GYUR BA BZHIN, BA LANG MA YIN PA'I DON RNAMS KYANG MTHA' YAS PA NYID DO, ,KHYAB BYED DANG 'GAL BA'O, ,DE LAS KYANG KHAS BLANGS PA NYAMS PA'O, ,DE YANG MI RIGS TE, CI LAS SHE NA, SPYI YIS NGES PAR SEL BA'I PHYIR, ,SHING MA YIN DU MI 'GYUR RO, ,ZHES PA 'DI LTAR SPYI'I NGO BOS NGES PAR SEL BA'I PHYIR RO, ,DE NI GZHAN ZHES PA LA SOGS PA STE, GANG GI PHYIR SHING GI SGRA DE NI RIGS GZHAN BUM PA LA SOGS PA RNAMS RDZAS SO SOR 'DI BUM BAR MI 'GYUR RO ZHES BA 'DI LTAR SEL BA MA YIN GYI, 'O NA CI ZHE NA RNAM PAR GCAD BYAR BRJOD PAR 'DOD PAS SPYI'I CHOS GCIG GIS SO, ,SPYI'I CHOS GCIG PO GANG RNAM PAR GCAD BYAR BRJOD PAR 'DOD PA NGES TE RGYUR GYUR PAS SEL PAR BYED DO, ,CI'I PHYIR SEL ZHE NA, SKABS GZHAN DU BSTAN PA'I PHYIR DE KHO NA'I SPYI'I CHOS KYIS SO ZHES RNAM PAR SHES PAR BYA'O, ,'DI SKAD BSHAD PAR 'GYUR TE, SPYI'I CHOS RNAM PAR GCAD BYAR BRJOD PAR 'DOD PAS THOB PA'I THA MI DAD PA'I NGO BO RNAMS SHING DU MI 'GYUR RO ZHES PA 'DI LTA BU BUM PA LA SOGS PA'I RNAM PAR GCAD PAR BYA BA RNAMS SEL BAR BYED DO ZHES PA'O, ,DE'I PHYIR SHING MA YIN PA NYID LA SOGS PA NI MTHA' YAS PA NYID DU MA GRUB STE, SPYI'I NGO BO THA MI DAD BA NYID KYI PHYIR RO; ,'DI LA YANG BSHAD PA ZHES PA LA SOGS PA STE, SGRA GZHAN DON NI MA MTHONG PHYIR, ,ZHES PA 'DIR BSHAD DO, ,RIGS MI MTHUN LA MA MTHONG BA TZAM GYIS RJES SU DPAG PA'O ZHES PA, GANG ZHIG GANG LA MA MTHONG BA DE NI DE SEL BAR BYED CING, SHING GIS GRA YANG RANG GI DON MED PA'I RIGS MI MTHUN LA MA MTHONG BA STE, RGYU MED NA 'BRAS BU MED PA'I PHYIR GRO, ,DE'I PHYIR MTHA' YAS PA NYID YOD NA YANG RJES SU DPOG PA 'THAD DO, ,NYES PA 'DI NI KHYAD NYID LA, ,ZHES PA RTOGS PA 'JUG PA MED PA'I SKYON NO, ,CI LTAR ZHE NA GSUNGS PA, GAL TE RANG GI RIGS MTHUN LA @286A *, ,KHYAB PAS ZHES PA LA SOGS PA STE, GANG GI SGRUB PAS RTOGS PAR BYED PA DE'I RJES SU 'GRO BA GTZO BO'O ZHES BAS, RANG GI RIGS MTHUN PA MTHA' DAG LA KHYAB PAR SGRAS 'JUG PAR BYA NA, DE YANG MI SRID DE, RIGS MTHUN PA RNAMS MTHA' MED PA NYID KYI PHYIR DANG, RIGS NI DE RNAMS DANG THA MI DAD PA'I PHYIR YANG NGO, ,DE'I PHYIR DPER NA ZHES PA LA SOGS PA STE, RVA CAN NYID NI RTA LAS LDOG BZHIN PAS RTA MA YIN PA NYID RTOGS PAR BYA'O, ,DE YANG DNGOS POR YOD PA'I SPYI SMRA BA RNAMS KYIS KYANG RTA MA YIN PA NYID CES BYA BA'I DNGOS POR YOD PA'I SPYI DAM BCAS PA CUNG ZAD KYANG MED DO, ,GANG RNAMS RTA MA YIN PA BA LANG LA SOGS PA DE RNAMS KYANG RVA CAN NYID KYIS SO SOR KHYAB PAR MI BYED DO, ,GANG RNAMS DE DANG RIGS MI MTHUN PA RTA DE RNAMS KYANG SO SOR MI SEL BA KHO NA'O, ,DE STE YANG DE LA JI LTAR SPYI RIGS MI MTHUN PA BSGRIBS PA'I PHYIR RTAR MI 'GYUR RO ZHES LDOG PA'I BLOR 'GYUR ZHING, RTA LAS LOG PA'I BA LANG LA SOGS BA RNAMS LA SPYI'I RNAM PAS RTA MA YIN PA'O ZHES RJES SU 'JUG PA'I BLO YANG YIN PA, DE LTAR 'DIR RIGS PA STE, SGRA YANG RTAGS DANG LDAN PA LAS BA LANG LA SOGS PA'I SGRA LAS KYANG, BA LANG LA SOGS PA LA RJES SU 'JUG PA'I BLO YIN ZHING, BA LANG MA YIN PA LA SOGS PA RNAMS LA YANG LDOG PA'I BLOR 'GYUR RO, ,'DI SKAD BSHAD PAR 'GYUR TE, GANG RTAGS YIN PA DE NI SPYIR RIGS MI MTHUN PA RNAM PAR GCOD PAR BYED CING RANG GI DON RTOGS PAR BYED DE, DPER NA RVA CAN NYID BZHIN SGRA YANG RTAGS YIN NO ZHES PA RANG BZHIN NO, ,GANG YANG GAL TE BDAG NYID GZHAN MED PA MTHONG BA LAS BDAG NYID GZHAN LA LTOS PAR 'GYUR NA BDAG NYID GZHAN MED PA YANG GCIG PU STE, DE LAS BDAG NYID GZHAN THAMS CAD LA LTOS PA GCIG TU THAL BAR 'GYUR ZHING THAMS CAD TSUL GCIG PA CAN GYI RTOGS PAS RTOGS PAR 'GYUR TE, BYE BRAG GI GCIG PA NYID KYI PHYIR RO, ,JI LTAR DKAR PO NYID KYI KHYAD PAR THA MI DAD PA NYID KYI PHYIR, KU MU DA DANG DUNG NI DKAR PO'O ZHES KU MU DA @286B LA SOGS PA RNAMS THA MI DAD PA'I RNAM PA CAN GYI RTOGS PAS RTOGS PAR BYA BA BZHIN NO, ,CI STE BDAG NYID GZHAN MED PA GCIG MA YIN NA, ,DE LAS SO SO'I BDAG NYID LA RTOGS PA SNA TSOGS PA NYID DU THAL BAR 'GYUR TE, SGRA 'JUG PA'I RGYU MTSAN THA DAD PA NYID KYI PHYIR RO, ,KHA RA NI DKAR BA MNGAR BA DRI ZHIM PA LA BSIL BA'O ZHES PA JI LTA BA BZHIN NO, ,'DI GNYIS KA MI 'DOD CES PA KHAS BLANGS PA NYAMS PA'O ZHES BRJOD PA, DE LA SLAR SGRUB PA GSUNGS PA, BDAG NYID GZHAN MED KHAS BLANGS NAS, ,GCIG DANG DU MA NYID RTOGS PA, ,RIGS MIN ZHES PA STE, CI'I PHYIR ZHE NA, GANG PHYIR DNGOS PO 'DI LA 'GYUR RO ZHES PA LHAG MA'O, ,GCIG NYID DANG DU MA NYID NI DNGOS PO KHO NA LA SRID KYI DNGOS POR MED PA LA NI MA YIN NO, ,GZHAN MED PA DE KHAS BLANGS NAS GCIG DANG CIG SHOS MA YIN PA NYID RTAG PAR MI RIGS SO, ,GANG YANG, RIGS KYI CHOS NI RNAM GNAS PHYIR, ,ZHES PA 'DIR GZHAN SEL BA GCIG NYID DU RNAM PAR GZHAG PA DE NI BLO'I SNANG BA LA BRTEN NAS NYE BAR BTAGS PA'O, ,KHYOD KYI'ANG BSAL MIN NUS RNAMS LAS, ,THAL BAR 'GYUR BAR MTSUNGS SO ZHES PA LHAG MA'O, ,BSAL BAR MIN PA NI YON TAN RNAMS MNYAM PA'I? GNAS SKABS GTZO BO STE, DE LA CHEN PO LA SOGS PA RNAM PAR 'GYUR GYI NUS PA RNAMS GCIG NYID NA RGYU THA MI DAD PA NYID KYI PHYIR RNAM 'GYUR THA DAD PAR MI 'GYUR ZHING, THA DAD PA NYID NA GTZO BO GCIG NYID DU 'GAL BAR NUS PA RNAMS LAS GZHAN MA YIN PA NYID KYI PHYIR RO, ,NUS PA DE RNAMS DNGOS POR YOD PA KHO NAR ZHES KHAS BLANG BAR NUS PA YANG MA YIN TE, GCIG DANG GCIG MIN NYID 'GAL BA'I PHYIR RO, ,GANG YANG GAL TE BDAG NYID GZHAN MED PA MTHONG BA LAS BDAG NYID GZHAN LA RTOGS PA NI DBANG PO LAS BYUNG BA YANG NGO ZHES PAS, MED PA NI SGRA LA SOGS PA RNAMS LAS GANG YANG RUNG BAR 'THOB STE, RNA BA LA SOGS PA'I GZUNG BYA NYID KYI PHYIR RO, ,CI STE SGRA LA SOGS PA RNAMS LAS GANG YANG RUNG BA MA YIN @287A *, ,NO; ,DE'I 'DZIN PA PO DBANG PO DRUG LA YOD DO ZHES PA 'DI 'ONGS NA, 'DI GNYIS KA YANG 'DOD PA MA YIN NO ZHES BYA BA BRJOD PA DE'I LAN 'DI STE, SGRA'I BRJOD BYA'I DON LA 'DI, ,BSAM BYA ZHES PA LA SOGS PA'O, ,MNGON SUM GYI DON NI BSTAN DU MED PA ZHES PA SO SOR RANG GIS RIG PAR BYA BA BRJOD DU MED PA'O, ,BSTAN PAR BYA BA'ANG RTOGS PA STE, GANG 'DI SKAD DU BDAG NYID GZHAN MED PA NI BDAG NYID GZHAN NO ZHES BRJOD PA DE NI BSTAN PAR BYA ZHING BRJOD PAR BYA BA'I DON GYI NGOR BSHAD KYI DBANG PO'I SPYOD? YUL NI MA YIN NO, ,DE'I PHYIR 'DI MNGON SUM PA DBANG PO'I SPYOD YUL 'PHEN PAR RIGS PA MA YIN TE, DE BSTAN DU MED PA NYID KYI PHYIR RO, ,DE'I PHYIR JI SKAD BSHAD PA'I SKYON DU THAL BAR 'GYUR BA MED DO, ,DMIGS KYIS DGAR BA TSIG GI 'DI ZHES PA DMIGS KYIS DGAR BA NI LOGS SU BYED PAR BYAS PA'O, ,SLAR YANG NGAG LAS DMIGS KYIS BKAR BA PA NI 'DI ZHES PA GZHAN SEL BA'O, ,YANG CI LTAR NA YAN LAG RNAM PAR PHYE BA MED PA'I NGAG GCIG LAS TSIG DMIGS KYIS BKAR BAR NUS SHE NA, YAN LAG RAB TU BRTAGS PA DANG TSUL GSUM PA'I BLOS RNAM PAR BYED BAR BYED PA'I PHYIR TE, DE NYID KYI PHYIR GSUNGS BA RNAM PA RTAGS LA'O ZHES PA'O, ,CI'I PHYIR RNAM PAR DBYE BA LA YIN ZHE NA, NGAG GI DON ZHES PA LA SOGS PA'O, ,GANG GI PHYIR NGAG DON SO SOR SPOBS PA'I MING CAN NI, DE YIS TE TSIG GI DON GYIS THOG MAR MA BYANG BA RNAMS LA SKYED DO, ,TSIG GI DON MI SHES PA NI SNGAR BLOS NGAG GI DON RTOGS BAR BZOD PA MA YIN TE, DE'I PHYIR CHA SHAS MED PA'I NGAG GI DON RTOGS BA'I THABS NYID KYI PHYIR NA, RANG BZHIN DANG RKYEN BZHIN DU RJOD PAR BYED PA NYID DU, MED KYANG TSIG GI DON BRTAGS SO, ,NGAG GI DON DU SNANG BA DE NI NYAN PA PO'I RGYUD LA 'BYUNG BA GANG YIN PA YANG NGAG LAS NYAN PA PO LA NYE BAR SKYE ZHING, SMRA BA PO'I RGYUD LA 'BYUNG BA GANG YIN PA YANG NGAG KUN NAS SLONG BA PO'O, ,DE LA SNGA MA'I DBANG DU BYAS TE, NGAG DON SPOBS PA ZHES BYA GANG, ,DE YIS DANG POR NYE BAR BSKYED, ,CES SO, ,'DI SKAD BRJOD DE, NGAG GI DON NYID NI DE'I @287B RAB TU SBYOR BA PO NYID KYI PHYIR, DE'I DON DU SMRA BA POS NGAG SBYAR MOD KYI, NGAG GI SGRON MA LAS PHA ROL PO'I NGAG GI DON GYI YUL CAN GYI SPOBS PAR 'GYUR RO ZHES PA'O, ,GANG YANG NGAG KUN NAS SLONG BA PO NGAG DE NYID DANG DE'I DON NI SGRA'I DON DNGOS DAG GO ZHES 'DIR 'CHAD PAR 'GYUR RO, ,NGAG GI DON NYID NI DES GZHAL BAR BYA BA NYID KYI PHYIR DE NI 'BRAS BU'I RTAGS NGAG GIS RJES SU DPAG PAR BYA BA STE, DU BAS ME BZHIN NO, ,TSIG GI MED KYANG ZHES PA BRJOD PAR BYA BA NYID DU MED PA'O, ,GANG GI PHYIR NGAG KHO NA SGRA DNGOS TE, DE KHO NA DON DANG 'BREL PA'I PHYIR RJOD PAR BYED PA NYID DO, ,TSIG RNAMS NI MA YIN TE, YI GE BZHIN DU THA SNYAD KYI YAN LAG NGAG GI DON GYIS STONG PA NYID KYI PHYIR RO, ,GANG SMRAS PA, MED KYANG NANG GI BA YI NI, ,SGRA RNAMS YOD DO ZHES SEMS TE, ,RTOGS PA PO YI NUS MED DE, 'DZIN PA'I THABS KHO NA DE'O, ,ZHES SO, , TSIG DE NGAG LAS 'BRAS BU'I DON DU BKAR BA NI LUNG JI LTA BAR RAB TU BRTAGS PAS DON RNAM PAR GZHAG PAR BYA'O ZHES PA'O, ,GANG GI LUNG GANG YIN PA 'GA' ZHIG RNAMS KYIS BRJOD PAR BYA BA THA DAD PA'I TSIG GI DON CAN NO ZHES PA LUNG STE, PHA ROL PO RNAMS KYI RIGS DANG, GZHAN RNAMS KYI 'BREL PA DANG 'GA' ZHIG RNAMS KYI DE DANG LDAN PA'O ZHES PA'O, ,CI'I PHYIR DGAR BA NI ZHES BRJOD PAR BYA ZHE NA GSUNGS PA, 'BA' ZHIG NI MI SBYOR BA'I PHYIR RO ZHES PA, 'JIG RTEN PA'I SBYOR BA LAS SGRA RNAMS KYI DON NGES PAR GZUNG BAR BYA ZHING 'JIG RTEN NA YANG TSIG 'BA' ZHIG PA'I SBYOR BA MED DE, GANG DU YANG BYA BA'I TSIG GZHAN MA THOS PA SHING PLA KsH'O ZHES PA DER YANG YOD DO, ,'GYUR RO DAG LHUR BYED PA, SKYES BU DANG PO RAB TU MA SBYAR BZHIN PA YOD DO ZHES RTOGS PAR BYA'O, ,DE SKAD DU YANG BSHAD PA, GANG YANG 'DI CI ZHES DRIS SHIG, ,YOD PA BA LANG RTA ZHES KYANG BRJOD PA'I DRI BA KHO NA BYA BA STE, DE LA RAB ZHUGS MTHONG BA'I PHYIR, ,ZHES SO, ,JI LTA BUR MED PA LA RAB TU BRTAGS PAS DON BRJOD PAR BYA, CI ZHIG YIN ZHE NA GSUNGS PA RANG BZHIN DANG RKYEN BZHIN DU ZHES PA, TSIG SMRA BA POS NI RANG BZHIN LA SOGS PA'I @288A *, ,DBYE BA MED PA'I TSIG DON LA RAB TU SBYOR ZHING RANG BZHIN DANG RKYEN DAG NI 'BA' ZHIG PA'I TSIG GI DON LA RTEN PAR BYED PA STE, 'BA' ZHIG PA DAG SBYOR BA NI MED DO, ,MA SBYAR BA DAG NI YOD PA NYID DU NGES PAR GZUNG BAR NUS PA YANG MA YIN TE, DES NA DE DAG MED PA KHO NA'O, ,DE LTA YANG JI LTAR DE DAG GI DON RAB TU BRTAGS PAS BRJOD PAR BYA BA DE LTAR TSIG GI'O, ,'O NA GZHAN GYIS RAB TU BRTAGS PA DE KHO NA TSIG GI DON DU 'GYUR MOD, MED PA'I DON LA 'BAD PA 'DIS CI BYA ZHE NA GSUNGS PA, DE YANG RAB TU BRTAGS PA ZHES PA LA SOGS PA, LUNG 'DI LAS GZHAN PA'I LUNG RNAMS LA MI RIGS PA'I DON 'DZIN PA JI LTA BA DE LTAR, KHYAD PAR RNAMS LA RIGS SGRA MIN, ,ZHES PA LA SOGS PAS BSHAD ZIN TO, ,DE'I PHYIR DON GZHAN RIGS PA DANG LDAN PA GZHAN SEL BA ZHES BYA BA 'DI NYE BAR 'PHANGS PA YIN NO, ,'DI RIGS PA DANG LDAN PA NYID DU YANG BSGRUBS ZIN TE, SGRA DON GZHAN NI MA MTHONG PHYIR, ,ZHES PA LA SOGS PA'O, ,GANG GI PHYIR TSIG GI DON 'DZIN PA'I THABS CAN ZHES PA TSIG GI DON BRTAGS PA'I DGOS PA STON TO, ,TSIG GI DON 'DZIN PA GANG GIS THABS YIN PA DE DE SKAD BRJOD DO, ,RANG NYID KHO NAS TSIG GI DON RNAMS RJES SU 'DZIN PA LAS SEMS KYIS RNAM PAR GNAS PA'I KHYAD PAR GYI NGO BO CAN DBYE BA MED PA'I NGAG GI DON SNANG BA SKYE ZHES BYA BAR 'OS PA NYID DO, ,SHES RAB BZANG PO'I SPOBS PA CAN SO SOR NGES PA'I DBYE BA YONGS SU GCOD PA'I BYA BA'O ZHES BYA BAR 'OS PA NYID DO, ,DE LTAR NI 'DIS 'DI LTAR DANG 'DI LTAR BYA BAR 'OS SO ZHES PA BYA BAR 'OS PA'I GZHI STE, DE'I DNGOS PO NI DE SKAD GYUR BA'I BYA BA DE'I YUL CAN NO, ,JI LTAR BSGRUBS PA'I BYA BA'I BAR MA CHAD PAR SHES RAB DANG SPOBS PA GANG LA NYE BAR SKYES PA NA RAB TU 'JUG PA'AM BTANG SNYOMS SU BYED DO, ,DANG POR ZHES PA GANG RNAMS SGRA DON GYI 'BREL PA MA GOMS PA DE RNAMS NI, TSIG GI DON 'DZIN BA'I THABS CAN NGAG GI DON RTOGS PAR BYED DO, ,GANG RNAMS SGRA DANG DON GYI 'BREL BA GOMS PA LAS NGAG @288B GI DON LA MKHAS PA NYE BAR SKYES PA DE RNAMS KYI YAN LAG MED PA'I NGAG KHO NA LAS CHA SHAS MED PA'I NGAG GI DON GYI YUL CAN GYI SPOBS PAR 'GYUR RO, ,GAL TE TSIG DANG DE'I DON TE, 'DI GNYIS KA BRDA LAS BYUNG BA YIN NA, 'O NA SGRA DANG DON DNGOS DAG CI ZHIG YIN ZHE NA GSUNGS PA; NGAG NYID KHO NA DANG ZHES PA LA SOGS PA'O, ,CI'I PHYIR 'DI YIN ZHE NA GSUNGS PA, DE DAG THA MI DAD PA NYID KYI PHYIR ZHES PA, NGAG LA TSIG LA SOGS PA CHA SHAS SU GYUR PA RNAMS MA YIN ZHING, NGAG GI DON LA TSIG GI DON RNAMS KYANG MA YIN TE, DE RNAMS RAB TU BRTAGS PA NYID KYI PHYIR, RANG BZHIN DANG RKYEN BZHIN DANG, DE DAG GI DON BZHIN NO, ,GANG GZHAN TSIG LA SGRA 'DZIN PAR MNGON PAR RLOM ZHING TSIG GI DON LA YANG SGRA'I DON 'DZIN PAR MNGON PAR RLOM PA PHYIN CI LOG PA'O, ,DE NI RAB TU BRTAGS PA LAS TE LCAGS KYU MED PA NYID KYI PHYIR TE; RANG DBANG NYID KYI PHYIR ZHES PA'I DON TO, ,RANG DBANG NYID KYANG DON LA MI LTOS PA NYID KYI STE, DE NYID KYI PHYIR YANG 'DI NI DNGOS PO LAS 'DAS NAS 'JUG PA BZHIN PA NI RNAM PAR GCAD PAR MI NUS SO, ,YANG GANG RNAMS ZHES PA LA SOGS PA STE SPOBS PA SMOS PA NI NGAG KUN NAS SLONG BAR BYED PA NYE BAR MTSON PA'O, ,DE'I PHYIR DES BRJOD 'DOD KYANG 'PHEN TE, SPOBS BA DANG BRJOD 'DOD SPANGS NAS ZHES PA'I DON TO, ,DE LAS GZHAN PHYI ROL GYI DON BA LANG LA SOGS PA'AM, NGAG PHYI ROL GYI DON RNAMS KYI 'BREL PA PHAN TSUN PHAN 'DOGS PA'I MTSAN NYID CAN SGRA DON DU RTOGS PAR BYED PA DE RNAMS KYI YANG DE RTOGS PA TZAM STE, RIGS PA MED PA DON GYIS STONG PA ZHES PA'I DON TO, ,'DIS NI SPOBS PA DANG BRJOD 'DOD NI NGAG GI DON TO ZHES RANG GI LUGS GSAL BAR BYED DO, ,CI'I RGYUS RNAM PAR RTOG PA TZAM YIN ZHE NA GSUNGS PA, JI LTAR GOMS BZHIN ZHES PA LA SOGS PA STE, GANG DANG GANG GOMS PA NI JI LTA BAR GOMS PA'O, ,RANG GI RKYEN GYI RJES BYED PAS, ,ZHES PA, RANG GI RKYEN NI RNAM PAR SHES PA'I RTEN BAG CHAGS TE DE DANG RJES SU MTHUN PA NYID KYIS SO, ,PHYI ROL GYI DON MED KYANG GANG @289A *, ,LAS GOMS PA JI LTA BA BZHIN DU RTOGS PA RNAM PA DUM CAN SKYE STE, DE'I PHYIR PHYI ROL GYI DON NAM DE'I 'BREL PA NI NGAG GI DON DU 'THAD PA MA YIN NO, ,YANG YANG DU DON GOMS PA SGRA'I DON 'DZIN PA STE, DES BYAS PA RNAM PAR SHES PA LA NUS PA'I KHYAD PAR NI DON GOMS PA'I BAG CHAGS TE DE LA LTOS PA'O, ,DE'I RGYU MTSAN CAN DON BYA BA RTOGS PA NGO BO SNA TSOGS PA SKYE'O, ,RTOGS PA POS DON BYA BA SPOBS PA GANG ZHIG SKYES PAS RTOGS PA DE NI DON BYA BA RTOGS PA NGO BO SNA TSOGS SKYE BA'O, ,NGAG GI BAG CHAGS RAB TU SAD PA'I RGYU MTSAN NYID DU BSTAN PA'I CHED DU NGAG LAS ZHES BSHAD DO, ,RANG GI RKYEN DANG RJES SU MTHUN PA NYID DU ZHES PA, GANG ZHIG GI BAG CHAGS GANG 'DRA BA DE'I DE DANG RJES SU MTHUN PA KHO NA'I SPOBS PA NYE BAR SKYE'O ZHES PA'I DON TO, ,STAG LA SOGS PA THOS PA BZHIN DU ZHES PA, STAG MED KYANG STAG GNAS SO ZHES BRJOD PA NA STAG GIS SGRUB PAR BYED PA GNAS PA'I BYA BAR SNANG BA'I RTOGS PA NYE BAR SKYE STE, SOGS PA'I SGRAS CHU KLUNG GI 'GRAM NA BU RAM GYI SHING RTA YOD CES PA LA SOGS PA GZUNG NGO, ,DE KHYAD PAR MED NA YANG STE NGAG GI DON KHYAD PAR MED PA LA, DON BYA BA RTOGS PA'I RNAM PAR RTOG PA SKYE'O ZHES DKYUS MA DANG SBREL LO, ,SGEG PA'I SNYAN DANG GAS THOS PA LAS, ,ZHES PA, MCHU DANG 'O MA 'DZIN PA LA SOGS PA BSNGAGS PA'I NGAG THOS PA LAS, DNGOS PO THA MI DAD NA YANG CHAGS PA CAN RNAMS LA 'DOD CHAGS DANG RJES SU MTHUN PA'I RTOGS PAR 'GYUR TE, YID DU 'ONG BA'I RNAM PA NYID KYI PHYIR RO, ,'DOD CHAGS DANG BRAL BA RNAMS LA NI YID 'BYUNG BA DANG RJAS SU MTHUN PA STE, YID DU MI 'ONG BA'I RNAM PA NYID KYI PHYIR RO, ,'DI NGAG LA NGAG GI YUL NYID LA SRID PA YANG MA YIN TE, YUL NI GCIG GI NGO BO NYID KYI PHYIR RO, ,'DIS NI NGAG NI NGAG DON GYI RANG GI NGO BO LA 'KHRUL BAR STON CING, GANG ZHIG GANG LAS 'KHRUL PA DE NI DE RTOGS PAR BYED PA MA YIN TE, MI RTAG PA NYID LA LUS CAN MA YIN PA NYID BZHIN, NGAG KYANG NGAG DON GYI RANG GI NGO BO LA 'KHRUL PA'O ZHES PA KHYAB BYED @289B DANG 'GA' BA GSUNGS SO, ,'O NA GANG GI YANG SPOBS PA NI NGAG GI DON ZHES 'DOD PA MA YIN NAM, DE'I YANG DE NI RNAM PAR RTOG PA TZAM MA YIN ZHING, SPOBS PA THA MI DAD NA YANG SGEG PA'I SNYAN DANG GAS THOS PA LAS JI SKAD BSHAD PA'I RTOGS PA THA DAD PA MTHONG BA'I PHYIR RO ZHE NA 'DI YOD PA MA YIN TE, GANG NGAG GIS KUN NAS BSKYED PA'I RTOGS PA NGAG DON GYI RANG GI MTSAN NYID KYI YUL CAN DU 'DOD PA'I PHA ROL BO KHO NA LA SKYON 'DI STON GYI, KHO BO CAG LA NI MA YIN TE, RNAM PAR RTOG PA RNAMS RANG GI MTSAN NYID KYI YUL CAN MA YIN PA NYID DU KHAS BLANGS PA'I PHYIR RO, ,DA NI SPOBS PA MNGON SUM DANG RJES SU DPAG PA DAG GI NANG DU 'DUS PAR BSTAN PA'I CHED DU GSUNGS PA, DE YANG ZHES PA LA SOGS PA LHAS BYIN PA DKAR MO MNGON DU DED CIG CES PA LA SOGS PA'I NGAG LAS GANG NYAN PA PO LA SPOBS PA SKYE BA DE NI MCHOD SBYIN GRONG KHYER SKYA SNAR GYI BUR SONG CIG CES PA LA SOGS PA DAG GZHAN RNAMS KYI DON GANG YIN PA DE RNAMS LAS LOG PA'I DON LA SPOBS PA SPYI DANG KHYAD PAR LA 'DOD DO, ,DE LTAR NA NGAG RNAMS JI SNYED PA DE SNYED KHO NA'I SPOBS PA RNAMS DE'I DON GYI YUL CAN NO ZHES BRJOD PAR 'GYUR RO, ,'DIS NI SPOBS PA DU MA NYID DU STON CING, SPOBS PA'I SPYI NGAG KUN NAS SLONG BAR RTOGS PA'I YUL YOD DO ZHES GSAL BAR BYED DO, ,YUL DU MA'I GZHI CAN NI RTOGS PA'I SPYI'O, ,'BREL PA SHES PA'I ZHES PA, GANG SGRA DANG DON DAG GIS 'BREL PA SHES PA'O, , 'DIS NI NGAG RTOGS SO ZHES DGONGS PAS, GANG ZHIG SPYI'I NGO BO NI DON LA 'BREL PA SHES PA'I RTAGS LAS RTOGS PAR 'GYUR BA DE NI RJES SU DPAG PA STE, DU BA LAS ME RTOGS PA BZHIN, SMRA PA PO'I SPOBS PA LAS NYAN PA PO'I SPOBS PA YANG DE LTA BU'O ZHES RANG BZHIN GSUNGS SO, , GANG ZHIG NGAG LAS RTOGS PA NI ZHES PA LA SOGS PAS NI, GANG RANG RIG PAR BYA BA DE NI RANG RIG PA'I MNGON SUM GYI NANG DU 'DU STE, 'DOD CHAGS LA SOGS PA BZHIN SPOBS PA YANG DE LTA BU'O ZHES PA RANG BZHIN KHO NA'O, ,RE ZHIG RIGS NA ZHES PA LA SOGS PA STE, RGYU MTSAN @290A *, ,CAN RNAMS NI RIGS DANG YON TAN DANG BYA BA DANG RDZAS KYI SGRA RNAMS SO, ,DE RNAMS LA RANG NYID JI LTA BA'I RGYU MTSAN DANG LDAN PA'I DON DU MA GZHAN SO SOR SPYI'I NGO BOS MNGON PAR BRJOD PA SRID DO, ,'DOD RGYAL BA DNGOS PO GCIG LA NYE BAR LHUNG BAR RNAMS LA NI CE LTAR YIN, DE RNAMS LA BRJOD PAR BYA BA SPYI YOD PA MA YIN PAS TE, SPYI NI DU MA LA BRTEN PA NYID KYI PHYIR RO, ,'DIS NI 'DOD RGYAL BA RNAMS SPYI'I DON MI BRJOD PA'I PHYIR KHAS BLANGS PA NYAMS PA SMRAS SO, ,'DOD RGYAL BA LA'ANG ZHES PA LA SOGS PAS dIT THA LA SOGS PA RNAMS DU BA NYID DU STON CING, DE LA YANG SPYI YOD DO ZHES SGRUB PAR BYED DO, ,'DOD RGYAL BA NI ZHES PA LA SOGS PA KA' nA DANG KUn dA LA SOGS PA STE, YON TAN TSOGS PA RJOD PAR BYED PA 'DOD RGYAL BdIT THA LA SOGS PA'I SGRA'O, ,TSIGS PA DE'I CHA SHAS KA' nA DANG KUn dA LA SOGS PA RNAMS TE, DE RNAMS THA DAD BAR SPYI YIS BRJOD DO, ,DE'I PHYIR JI LTAR SHING GI SGRA SHING SHA PA LA SOGS PA'I KHYAD PAR RNAMS THA DAD PA BRJOD CING SPYI BRJOD PA DE LTAR TSOGS PA'I SGRA PAdI THA LA SOGS PA'I SGRA'O, ,TSOGS PA DE'I CHA SHAS K'A nA DANG KUn dA LA MED PA KHO NA'O ZHES PA DGONGS BA'O, ,RNAM PA THAMS CAD DU MED PA YIN PA KHO NA'O ZHES PA STE, GZHAN DU NA 'DI NI RIGS KYI SGRA'O, ,'DI NI TSOGS PA'I SGRA'O ZHES PA THA DAD DU MI 'THAD PAR 'GYUR RO, ,'O NA CHA SHAS RNAMS LA DNGOS DANG NYE BAR BTAGS PAS 'JUG PA NYID KHYAD PAR DU 'GYUR BA MA YIN NAM, RIGS KYI SGRA NI SOR YAN LAG RNAMS LA DNGOS SU 'JUG CING, TSOGS PA'I SGRA NI NYE BAR BTAGS PA STE, JI SKAD DU SPYI BA RTAGS PA RGYAS BAR, 'DI NI RIGS DANG TSOGS PA'I SGRA DAG GI KHYAD PAR TE, RAB TU GRAGS PA'I DBANG LAS RIGS KYI SGRA NI SO SOR YANG TSOGS PA CAN RNAMS LA 'JUG STE, TSOGS PA'I SGRA NI SO SOR TSOGS PA CAN RNAMS LA NYE BAR GDAGS PAR BYA'O ZHE NA, DE'I PHYIR GSUNGS PA, RAB TU GRAGS PA'I DBANG DU BYAS PA ZHES BA LA SOGS PA'O, , @290B PHAG PA'I GSAL BA'I YAN LAG RNAMS LA YANG PHAG PA'I SGRA BTAGS LAS 'JUG STE, DPER NA GRONG GI PHAG BZA' BYA MIN NO ZHES BRJOD BA NA CHA SHAS RNAMS KYANG BZA' BYA MIN PA LTA BU'O, ,KHA CIG GTZO BOR CHA SHAS RNAMS LA 'JUG STE, JI SKAD DU, BHA RTI HA RIGS SMRAS PA, CHU SOGS RNAMS LA SOGS PA'I SGRAS LA SOGS PA YONGS SU GZUNG NGO, ,GRANGS LA SOGS PA LA MI LTOS PA NYID KYIS NA CHA SHAS RNAMS LA GTZO BOR 'JUG PA NYID DU STON TO, ,GRANGS LA SOGS PA LA LTOS PA DANG BCAS PA NYID NA K'ARsh'A PA nA DANG DPAG TSAD DANG GRU BZHI LA SOGS PA'I SGRA BZHIN DU PHYOGS GCIG LA 'JUG PA NYID DU MI 'GYUR RO, ,DE LA GRANGS LA MI LTOS PA THIGS PA DANG KHYOR PA GANG LA SOGS PA STE, GRANGS LA MI LTOS PA NYID KYI PHYIR GCIG LA YANG THIGS PA 'JUG CING DU MA LA YANG YOD DO, ,CHU'I SGRA NI TSAD LA MI LTOS PA STE, LTE BA DANG BRLA DANG BUS MO TZAM NYID LA SOGS PA MI LTOS PA'I PHYIR RO, ,DBYIBS LA MI LTOS PA STE, RING PO DANG ZLU PO DANG GRU BZHI LA SOGS PA LA MI LTOS PA NYID KYI PHYIR RO, ,DE BZHIN DU KHU TSUR DANG MDUD PA DANG RNA RGYAN LA SOGS PA RNAMS KYI CHA SHAS NI KHU TSUR LA SOGS PA'I SGRA RNAMS KYIS BRJOD PAR BYA BA MA YIN NO, ,YAN LAG KHYAD PAR CAN LA ZHES PA, NGES PA'I YAN LAG GI KHYAD PAR TSOGS PA RJOD BAR BYED BA BRGYA LA SOGS PA'I SGRA RNAMS YAN LAG LA 'JUG PA RNAMS MA YIN NO, ,KHA DOG KHYAD PAR CAN LA KHRO BO DANG 'DREN MA ZHES BA NI SNGON PO'AM, DMAR PO KHRO BO'I YAN LAG LA 'JUG PA MA YIN NO, ,RE RE LA YONGS SU RDZOGS BA STE ZHES PA DANG, CHA SHAS RE RE LA GTZO BOR RAB TU SBYAR RO ZHES PA'I DON TO, ,GTZO BO ZHES PA 'DI CI LAS SHE NA, PHYI MA LA NYE BAR BTAGS PA ZHES @291A *, ,PA'I TSIG LAS SO, ,GRONG GI SGRA NI KHANG PA DANG ZHING DANG LAM DANG LCAGS RI DANG SAB MA DANG SKYES BU LA SOGS PA TSOGS PA BRJOD PAR BYED PA STE, DE PHYOGS GCIG SKYES BU LA 'JUG PA'O, ,LUS KYI LAS KYIS BDAG GI LAS BSHAD PA ZHES PA 'DIR LUS KYI SGRA LAG PA DANG RKANG PA LA SOGS PA TSOGS PA LA 'JUG BZHIN PA NI DE'I CHA SHAS KHO NA LA NYE BAR BTAGS PA'O, ,SPYI BRTAGS PA RGYAS PAR NI, CHA SHAS RNAMS LA NYE BAR BTAGS PAS 'JUG PA NYID MANG BA NYID DU MTHONG NGO ZHES RIGS KYI SGRA LAS TSOGS PA'I SGRA KHYAD PAR DU BYED PA NYID KYIS BSHAD DO, ,'DI NI PHYOGS TZAM BSTAN PA'O, ,YANG 'DI NI 'DIR RIGS DANG TSOGS PA'I SGRA DAG GI KHYAD PAR GSAL PA STE, TSOGS PA'I SGRA NI TSOGS PA GCIG GI NANG DU 'DUS PA'I RIGS MI MTHUN DANG RIGS MTHUN YANG THA MI DAD PAR BRJOD DE, RIGS KYI SGRA NI DE'I RIGS MTHUN PA KHO NA'I TSOGS PA DANG TSOGS PA MA YIN PA YANG NGO ZHES PA'O, ,'O NA GANG 'DI NYID NYI MA LA SOGS PA'I SGRA GSAL BA GCIG LA NYE BAR LHUNG BA DE RNAMS CI LTAR SPYI BRJOD PA YIN ZHE NA, DE LA YANG NYI MA LA SOGS PA RNAMS KYI GNAS SKABS THA DAD PAS THA DAD PA'I PHYIR DU MA NYID YOD DO ZHES PAS MI SKYON NO, ,'BREL PA MA BYAS PA ZHES PA, 'BREL PA MI SHES PA'I RTOGS PA PO'O, ,CI LTAR RJES SU DPAG PA YIN ZHES PA MA YIN PA KHO NA'O ZHES PA BSAMS PA'O, ,'BREL PA ZHES MA BYAS PA'I SGRA LAS SKYES PA'I RTOGS PA GANG YIN PA DE NI RJES SU DPAG PA MA YIN TE, DPER NA GANG ZHIG GI KLA KLO'I SGRA LAS SKYES PA'I THE TSOM BZHIN, 'BREL BA BYED PA'I DUS SU 'DI PA NA SA'O ZHES PA 'DI LA YANG RTOGS PA NI RNAM PA DE LTA BU'O ZHES PA KHYAB PAR BYED PA DANG 'GAL BA'O, ,DE LA MA YIN ZHES PA LA SOGS PAS NI MA GRUB PA NYID DU GSUNGS SO, , RTOGS PAS ZHES PA LA SOGS PAS NI, 'DI KHO NA LA 'THAD PA'O, ,RTOGS PAS ZHES PA 'BREL BA RTOGS PAS ZHES BYA BA'I DON TO, ,'DI NI SGRA DANG ZHES PA LA SOGS PAS RTOGS PA DE STON TO, ,'O NA 'DI SGRA YANG NYE BA MNGON SUM PA'I DNGOS PO'I SPYI RJOD PAR BYED PA MA YIN NAM, @291B DES NA CI ZHIG LAS DES PA NA SA'I DON 'GRUB CE NA, SKYON 'DI MED DE JI LTAR 'BREL PA RTOGS PA'I SHING GI SGRA SPYI RJOD PAR BYED PA YANG GANG GI TSE MDUN NA GNAS PA'I PA LA SHING 'DI CHOD CIG CES SBYOR BA DE'I TSE SHING GI BYE BRAG KHO NA LA 'JUG PA DE LTAR 'DI SGRA YANG NGO, ,'O NA CI ZHE NA, MING BYE BRAG TU RTOGS PA'O ZHES PA, PA NA SA'I SGRAS DER MING BYE BRAG TU RTOGS PA TZAM BYA BA'O ZHES PA'I DON TO, ,'DI KHO NA GSAL BAR BYED PA GSUNGS PA, 'BREL BA RAB TU BSTAN PA'I DON NI ZHES PA LA SOGS PA STE, NI'I SGRA NI NGES PAR 'DZIN PA'I DON CAN NO, ,MING CAN GANG GI DON YIN PA DE NI DE SKAD CES BRJOD DE, GANG 'DI'I SGRA BA NA SA'I DON CAN DANG PA NA SA'I SGRA GZHI MTHUN PA NYID DE NI 'BREL PA BSTAN PA'I DON CAN NO, ,'O NA BRJOD PAR BYA BA GCIG LA SGRA DAG 'JUG PA NI GZHI MTHUN PA NYID DO, ,DE'I TSE YANG 'BREL PA MI SHES PA NYID KYI PHYIR PA NA SA'I SGRA'I DON MED PA KHO NA STE, DE CI LAS GZHI MTHUN PA NYID YIN ZHE NA, BRDAR BYED DU 'JUG PA POS MING NYID KYIS PA NA SA'I DON LA 'JUG PA'I PHYIR DE'I TSE 'DI SGRA'I DON LA NGES PAR SBYAR TE, DE'I PHYIR DE LA 'JUG GO ZHES PAS MI SKYON NO, ,'DIR 'DI DON YIN TE, MING DANG MING CAN GYI 'BREL BA RTOGS PA TZAM GYI DON CAN KHO NA DE'I TSE BA NA SA'I SGRA'I YIN TE, 'DI'I SGRA'I YUL PA NA SA LA MING NYID DU NGES PAR SBYAR PA'O ZHES PA'O, ,YANG CI LTAR DE DANG 'BREL PA RAB TU BSTAN PAR NUS, JI TZAM GYIS 'DI DE LA 'JUG PA'I RGYU MTSAN DNGOS POR YOD PA CUNG ZAD KYANG KHYED KYIS 'DOD PA MA YIN NO ZHES GSUNGS PA, GNYIS KA'I BRJOD PAR BYA BA'O ZHES BYAS NAS SO ZHES PA, PA NA SA DANG 'DI'I SGRA GNYIS KA DAG KYANG RJOD BYED DU 'OS PA'AM, GNYIS DAG GIS BRJOD PAR NUS PA'O ZHES PA'I DON TO, ,'DI SKAD BSHAD PAR 'GYUR TE, SGRA RNAMS 'DAD PA TZAM GYIS 'JUG PA NYID KYI PHYIR DON RNAMS THAMS CAD LA RUNG BA STE, DE'I PHYIR 'JUG PA'I RGYU MTSAN GZHAN MED KYANG 'BREL BA BSTAN PAR NUS SO, ,DE'I DON NYID MA YIN PA'I PHYIR NI MING GI DON CAN PA NA SA'I SGRA YIN NO ZHES PA PA NA SA DES DON DANG LDAN PA @292A *, ,MA YIN PA NYID KYI PHYIR, PA NA SA'I SGRA NI MING BYE BRAG TU RTOGS PA'I DGOS PA CAN NO ZHES PA'I DON TO, ,'O NA DE KHO NA ZHES PA LA SOGS PA, 'DI'I SGRA DANG DON DAG GI 'BREL PA GANG YIN PA DE KHO NA SGRA'I SGRUB PA'I NGO BOR BRJOD PAR BYA BAR 'GYUR ZHING, DE LAS KYANG KHYAD PAR 'DI KHO NAS, SGRA LAS BYUNG BA RJES SU DPAG PA LAS TSAD MA GZHAN DU 'GYUR RO ZHES SEMS PA'O, ,TSAD MA GZHAN GYIS NYE BAR DMIGS NAS ZHES PA MNGON SUM LA SOGS PAS SO, ,YANG JI LTAR MNGON SUM GYIS 'BREL PA CAN DAG NYE BAR DMIGS, JI TZAM DU SGRA DANG DON DAG NI SPYI'I NGO BO DAG GO ZHES BSGRUBS ZIN CING, MNGON SUM SPYI'I YUL CAN YANG MA YIN NO ZHE NA, PHA ROL PO'I 'DOD PAS 'DI SKAD BSHAD PA'O, ,YANG NA TSAD MA GZHAN GYI RJES LA BYUNG BA'I SHES PA STE, 'BRAS BU LA RGYUS NYE BAR BTAGS PA'I PHYIR TSAD MA GZHAN GYI SGRAS BRJOD DO ZHES PAS MI SKYON NO, ,YID KYIS BRTAGS PA'O ZHES PAS 'BREL PA NI 'BREL PA CAN LAS THA DAD PAR MED PA KHO NA STE, 'BREL PA CAN DAG PHAN TSUN LTOS PA'I DBANG LAS RNAM PAR BRTAGS PA 'BA' ZHIG GO, ,GANG BRTAGS PA DE NI 'GA' ZHIG TU YANG DON BYA BA LA SBYOR BA MA YIN ZHING DON BYA BA'I DON CAN NI RTOGS PA LDAN PA RNAMS KYI RTZOM PA THAMS CAD DO ZHES PAS 'BREL PA RJES SU DPAG PAR 'OS PA MA YIN NO, ,GANG BRTAGS PA DE NI RJES SU DPAG PAR 'OS PA MA YIN TE, RJES SU DPAG PA DANG RJES SU DPAG PAR BYA BA'I 'BREL PA BZHIN SGRA DANG DON GYI 'BREL PA YANG DE LTA BU'O, ,KHYAB BYED DANG 'GAL PA'O, ,'O NA SPYI BRTAGS PA YIN NA, YANG NA RJES SU DPAG PAR BYA'O ZHE NA, DE LA RANG GI MTSAN NYID KHO NA GZHAN GYI NGO BOS RJES SU DPAG PAR BYA BA'O ZHES PA 'DI BSHAD ZIN TO, ,CI STE NYE BAR 'JAL PA LA SOGS PA LTAG MA CI LTAR ZHES PA SOGS PA'I SGRAS NI ZHES GRAGS PA NYID DU SRID PA LA SOGS PA GZUNG BAR BYA'O, ,PHYOGS 'DI LHAG MA BSHAD PA YIN ZHES PA JI SKAD BSHAD PA'I PHYOGS 'DI KHO NAS NYE BAR 'JAL BA LA SOGS PA RNAMS JI LTAR SRID PA BZHIN DU TSAD MA MA YIN PA NYID DANG, TSAD MA GZHAN MA YIN @292B PA NYID DU BSHAD PAR RIG PAR BYA'O, ,JI SKAD BSHAD PA'I PHYOGS DE NYE BAR 'JAL BA'I DBANG DU BYAS NAS GSUNGS PA, RE ZHIG NYE BAR 'JAL BA NI ZHES PA LA SOGS PA STE, BA LANG DANG BA MEN LA SOGS PA RNAMS LA ZHES PAS LUNG STON TO, ,'DRA BAR RTOGS PA'I DON CAN ZHES PA 'DRA BAR NGES PA'I RGYU MTSAN ZHES PA'I DON TO, ,RAB TU GRUB PA DANG CHOS MTHUN PA NYID LAS BSGRUB BYA SGRUB PAR BYED PA NI NYE BAR 'JAL BA'O ZHES PA 'DI DE'I MTSAN NYID DO, ,RAB TU GRUB PA NI TSAD LAS NGES PA BA LANG LA SOGS PA YIN ZHING, DE DANG CHOS MTHUN PA NYID DE CHOS MTSUNGS PA NYID NI RAB TU GRUB PA DANG CHOS MTHUN PA NYID DO, ,DE LAS BA LANG LA SOGS PA LA LTOS PAS BA MEN LA SOGS PA 'DRA BA NYID SGRUB PAR BYED CING 'GRUB PA GANG YIN PA DE NI NYE BAR 'JAL BA'O, ,DE LA GZHAN LAS THOS NAS ZHES PA, BA LANG LTA BU NI BA MEN NO ZHES PA LA SOGS PA YID CHES PA'I TSIG THOS PA SNGON MA CAN, BRJOD PAR 'DOD PA'I RTEN GYI BA MEN LA SOGS PA 'DRA BA NYID RTOGS PA GANG DE NI SGRA LAS BYUNG BA KHO NA STE, SGRA LAS RAB TU BYUNG BA NYID KYI PHYIR TE, SGRA LAS BYUNG BA YANG RJES SU DPAG PA'I NANG DU 'DUS PA NYID KYI PHYIR TSAD MA GZHAN MA YIN NO, ,PHYI ROL GYI DON LA NI SLU BA NYID KYI PHYIR NA DE TSAD MA NYID KHO NA MED DO ZHES PA DGONGS PA'O, ,RANG NYID KYIS YIN NA NI DON GNYIS ZHES PA, RANG NYID KHO NAS BA LANG DANG BA MEN GNYIS MNGON SUM GYIS RTOGS NAS, YID KYIS 'DRA BA NYID DU GANG GI TSE 'DI DAG RTOGS PA DE'I TSE NYAMS SU MYONG ZIN PA'I DON GYI YUL CAN NYID KYI PHYIR, RTOGS PA DE DRAN PA LA SOGS PA BZHIN DU TSAD MA KHO NAR MI 'GYUR NA, CI ZHIG LAS TSAD MA GZHAN DU 'GYUR, ,RNAM PA GZHAN DU NA BA LANG DANG MA HE MNGON SUM GYIS MTHONG NAS GANG GI TSE 'DI LAS 'DI MI 'DRA BA'O ZHES PA DE DAG MI 'DRA BAR RTOGS PA DE'I DE YANG TSAD MA GZHAN DU 'GYUR RO ZHES PA DGONGS PA'O, ,DE LTAR RTOGS PA NA MA YIN ZHES PA, TSAD MA YIN PAS RTOGS BZHIN PA NI, DRAN PA LA SOGS PAS RTOGS PA LTAR 'DRA BA NYID NI GZHAL BYA MA YIN NO ZHES PA'I DON TO, ,PHYOGS CAN LEN GYIS @293A *, ,SMRAS PA, LUNG GIS BYAS PA'I 'DU BYED LAS DRAN PA LA LTOS PA'I CHOS MTHUN PA NYID SHES PA LAS MTSUNGS PA NYID CES BYA BA'I 'BREL PA RTOGS PA NI NYE BAR 'JAL BA'I DON TO ZHES SO, ,BA LANG LTA BU BA MEN NO ZHES PA'I LUNG 'DIS BYAS PA'I 'DU BYED GANG YIN PA DRAN PA'I SHES PA'I RGYU STE, DE LAS DRAN PA GANG YIN PA DE LA LTOS PA'I CHOS MTHUN PA NYID SHES PA LAS, GANG MTSUNGS PA ZHES BYA BA'I 'BREL PA RTOGS PA STE, MING DANG MING CAN GYI 'BREL PA YONGS SU GCOD PA DE NYE BAR 'JAL BA'I YUL LO, ,'DI SKAD BSHAD PAR 'GYUR TE, DANG POR RE ZHIG BA LANG LTA BUR BA MEN NO ZHES SGRAS YONGS SU GCOD CING, DE LAS BA MEN MTHONG BA DRAN PA LA LTOS PA'I CHOS MTHUN PA NYID SHES PA KHO NA LAS 'DI LTAR 'DI BA MEN NO ZHES ZHEN PAR BYED DO ZHES PA'O, ,'DI YANG GAL TE JI LTAR LUNG LAS YONGS SU GCAD PA DE LTAR MA MTHONG BA YANG YONGS SU GCOD PAR BYED NA NI, DES NA DRAN PA KHO NA STE TSAD MA MA YIN NO, ,CI STE 'DI'I ZHES KHYAD PAR NGO SHES PA LAS KHYAD PAR DU RTOGS PAR BYED NA DE'I PHYIR RJES SU DPAG PA KHO NA STE TSAD MA GZHAN MA YIN NO, ,DE LTAR NI GANG BA LANG DANG MTSUNGS PA DE BA MEN NO ZHES RNAM PAR GZHAG PA NA, 'DRA BA'I RTAGS LAS KHYAD PAR RTOGS PAS SO, ,'DI SKAD BSHAD PAR 'GYUR TE, MTHONG BZHIN PA'I GONG BU NI CHOS CAN NO, ,'DI BA MEN NO ZHES PA'I MING NI BSGRUB PAR BYA BA'I CHOS SO, ,SGRA NYAMS SU MYONG BA LAS MDUN NA GNAS PA DAG LA GANG BA LANG DANG BA MEN 'DRA BA'I SPYI DE NI PHYOGS KYI CHOS SO, , LUNG NYAMS SU MYONG BA'I BLO LA GNAS PA'I BA MEN NI DPE'O ZHES PA'O, ,THABS MTHA' YAS PA CAN YANG MTSUNGS SO ZHES BYA BA 'BREL PA RTOGS PA'O ZHES PAS, NYE BAR 'JAL BA KHO NA LA NGOR DGA' BA CI ZHIG YIN, DPER NA GANG SNA MTHO BA DE NAG PA STE GANG RTA LA ZHON PA DE BYAMS PA'O ZHES PA LTA BU'O, ,'DI TSAD MA YANG MA YIN NO, ,RI KHROD PAS NA SMRAS PA, NYE BAR 'JAL BA YANG 'DRA BA NYID DU, NYE BAR MA GRUB PA'I DON LA BLO SKYE BA STE, DPER NA BA MEN MTHONG BA BA LANG DRAN PA'I ZHES SO, ,DE YANG BZUNG ZIN PA'I YUL CAN NYID KYI PHYIR DRAN PA LA SOGS @293B PA BZHIN DU TSAD MA NYID DU MI 'THAD DO, ,DE LTAR 'GYUR MOD KYI, GZUNG BA TZAM KHO NA 'DZIN PAR GYUR PA NA NYE BAR 'JAL BA TSAD MA NYID MA YIN GYI, 'O NA CI ZHE NA, 'DRA BAS KHYAD PAR DU BYAS PA'O, ,DE NI DE LTAR SNGAR BZUNG BA YANG MA YIN TE, DE'I PHYIR BZUNG ZIN BA'I YUL CAN NYID MA GRUB BO ZHE NA, 'DI MI RIGS TE, MNGON SUM KHO NA LAS DE RTOGS PA'I PHYIR RO, ,'DRA BAS KHYAD PAR DU BYAS PA KHO NAR DE SNGAR YANG YONGS SU BCAD PAS SO, ,'DI GDON MI ZA BAR KHAS BLANG BAR BYA BA STE, RNAM PA GZHAN DU NA SNGAR BA LANG MTHONG NAS PHYIS MA HE MTHONG BA'I YANG BA LANG LA 'DRA BA'I BLOR 'GYUR NA 'GYUR BA YANG MA YIN NO, ,DE'I PHYIR 'DRA BAS KHYAD PAR DU BYAS PA'I DNGOS PO 'DZIN BZHIN PA YANG TSAD MA GZHAN DU RTAGS PA'I CHED DU NUS PA MA YIN NO, ,CI STE DE LTA NA YANG DE YANG 'GA' TZAM ZHIG GIS KHYAD PAR DU BYAS PA 'DZIN ZHES PAS TSAD MA GZHAN NYID DU BRTAG PAR BYA NA, MNGON SUM LAS YONGS SU GCAD PA'I AUTPAL LA SNGON PO'I RDZAS LA GANG DUS PHYIS 'BYUNG BA'I AUTPAL SNGON PO ZHES 'DZIN PAR DE YANG TSAD MA GZHAN DU BRTAG PAR BYA BA STE, 'DI LA YANG SNGAR AUTPAL LA SNGON PO'O ZHES PA'I RNAM PA 'DIS MNGON SUM LAS YONGS SU BCAD PA MA YIN PA KHO NA STE, RNAM PAR MI RTOG PA NYID KYI PHYIR RO, ,DE LTAR 'GYUR MOD KYI DE NI DBANG PO LAS SKYES PA NYID KYI PHYIR MNGON SUM KHO NA'I NANG DU 'DUS PAR RIG PAR 'GYUR RO, ,THA SNYAD LA MKHAS PA'I DBANG PO'I SHES PA YANG RNAM PAR RTOG PA DANG BCAS PAR 'GYUR TE, DE'I PHYIR 'DIR THAL BAR 'GYUR RO ZHE NA, 'DI MI RIGS TE, BRDA LA LTOS PA NYID KYI PHYIR RO, ,GZHAN DU NA BRDA MNGON PAR MI SHES PA YANG DE LTAR YONGS SU GCOD PAR 'GYUR RO, ,DBANG PO LAS BYUNG BA BRDA LA LTOS PA YANG MA YIN TE, DNGOS PO'I RANG BZHIN NGES PAR RTOGS PA MI GNAS PAR GYUR NA MI RUNG NGO, ,DE LTAR NI AUTPAL LA SNGON PO'I BDAG NYID DU GANG DNGOS PO RNAM PAR GNAS PA DE KHO NA LA, 'DOD PA LAS SER PO'I SGRA BRDAR BYAS PA NA, 'GA' ZHIG SNGON PO ZHES ZHE NA CING, KHA CIG SER POR ZHES SO, ,DE'I PHYIR MI SHES PAR GYUR NA, CI LTAR DE'I DNGOS PO] @294A *, ,RNAM PAR GNAS PA YIN ZHES PA'O, ,DNGOS PO JI LTA BA'I BRDA NI MED DE, DE 'DOD PA'I RJES SU BYED PA'I PHYIR DANG, 'DOD PA YANG DNGOS PO LA RTEN MA NGES PA NYID KYI PHYIR RO, ,GZHAN YANG GAL TE MTHONG BZHIN PA LAS GZHAN PA'I LKOG GYUR LA 'DI DANG DE 'DRA'O ZHES 'DRA BA NYID KYI BLO NI TSAD MA GZHAN DU RTOG NA, MTHONG BZHIN PA LAS GZHAN PA'I LKOG GYUR LA 'DI DANG DE MI 'DRA BA'O ZHES MI 'DRA BA NYID KYI BLO YANG TSAD MA GZHAN BDUN PAR CI'I PHYIR BRTAG PAR BYA BA NYID MA YIN ZHING, DNGOS PO MED PA'I TSAD MA LAS PHYI ROL DU MA GYUR PA NYID KYI PHYIR ZHE NA, MA YIN TE 'DI NI DNGOS PO'I YUL CAN NYID KYI PHYIR RO, ,DE LTAR 'GYUR MOD, PHAN TSUN MED PA'I NGO BO NYID KYIS NA MI 'DRA BA'I BLO'I YUL GANG YIN PA DE NI DNGOS PO MED PA'I YUL KHO NA STE, DE LAS KYANG DNGOS PO MED PA'I YUL CAN NYID DU 'THAD DO ZHE NA, GAL TE DE LTA NA 'DRA BA'I BLO'I YUL LA YANG TSUL 'DI YOD DO ZHES PAS 'DRA BA'I BLO YANG DNGOS PO MED PA'I TSAD MA LAS PHYI ROL DU MA GYUR PAR THAL BAR 'GYUR RO, ,CI STE 'DRA PA NYID KYI KHYAD PAR LA MI LTOS PA KHYAD PAR MED PA KHO NAR MTHONG BZHIN PA LA LTOS PA SNGON MTHONG BA SHES PA MTHONG BZHIN PA NI NYE BAR 'JAL BA'O ZHES RTOGS NA DE LA YANG NAG PA YONGS SU BCAD DE, DUS PHYIS DE'I BU YANG RTOGS NAS, 'DI LTAR DE NI 'DI'O PHA'O ZHES ZHEN PAR BYED PA DE LA'ANG SNGAR BZUNG BA'I NAG PA LA PHYIS MTHONG BZHIN PA'I BU LA LTOS PA'I PHA NYID DU RTOGS PA SRID PA KHO NA'O, ,DE BZHIN DU SKAS KYI PHRENG BA LA 'DZEG PA NA, SPANG LEB DANG PO 'DAS SHING, SPANG LEB GNYIS PA THOB PA NA, 'DAS ZIN PA'I SPANG LEB LA, 'DI LAS DE SNGA MA'O ZHES MTHONG BZHIN PA'I SPANG LEB LA LTOS PAS RNAM PAR SHES PAR 'GYUR RO ZHES PAS DE YANG NYE BAR 'JAL BA NYID DU 'GYUR NA, DE 'DONG PA YANG MA YIN NO, ,DE'I PHYIR 'DI TSAD MA NYID DU MI RIGS SO, ,DE BZHIN DU ZHES PA LA SOGS PA GZHAN RNAMS KYANG STE, GANG TSAD MA GZHAN NYID DU BTAGS PA'I TSAD MA DE RNAMS KYANG RJES SU DPAG PA'I RNAM PAR RTOG PA LAS MI GZHAN PA NYID KYI PHYIR TSAD MA GZHAN @294B NYID YIN PAR 'DOD PA SPANG BAR BYA BA RNAMS YIN NO, ,DE LA ZHE DRAG PA NI ZHE DRAG CING BRJOD NAS NGES PAR BSTAN PA 'JUG PAR BYED PA BRGYUD PAR 'OS PA'I TSIG STE DPER NA NAGS 'DI NA GNOD SPYIN GNAS SO ZHES PA LTA BU'O, ,'DI YANG BRJOD PAR 'DOD PA NA SGRA LAS BYUNG BA NYID LAS THA MI DAD DE, PHYI ROL GYI DON LA NI 'DI'I TSAD MA NYID KHO NA MED DO, ,SRID PA ZHES BYA BA GANG DU GANG SRID PA DE GZUNG BA LAS SRID PA CAN DU YOD PA NYID 'DZIN PA STE, DPER NA KHAL 'DZIN PA LAS BRE GANG YOD PA NYID DU GZUNG BA LTA BU'O, ,'DI YANG TSOGS PA RNAM PAR GZHAG PA YI, , RGYU NI TSOGS PA CAN YIN NO ZHES PAS, KHAL 'DRAS BU'I RTAGS KHO NA LAS 'DZIN PA'O, ,DE'I PHYIR RJES SU DPAG PA KHO NA'I NANG DU 'DUS PA'O, ,DON GYIS GO BA LA SOGS PA RNAMS NI SNGAR KHO NAR BSGRUB PAR BYAS SO ZHES PA'O, ,MNGON SUM DANG RJES SU DPAG PA STE, TSAD MA DAG GNYIS KHO NA'O ZHES PA 'DI NI GNAS PA'O, ,LE'U LNGA PA'O,, ,,TSAD MA GNYIS SU GNAS SO ZHES PA TSAD MA DAG GO, ,GNYIS DAG KHO NA'O ZHES GANG DAM BCAS PA DE SGRA LAS BYUNG BA LA SOGS PA RNAMS TSAD MA GZHAN NYID BKAG PAS RNAM PAS GNAS SO ZHES DAM BCA' BRTAN PAR BYED PA NYID STON TO, ,DE LA TSAD MA BRJOD PA'I DGOS PA NI SNGAR KHO NAR BRJOD ZIN TO, ,TSAD MA LTAR SNANG BA RNAMS KYI NI BRJOD PA MA YIN NO ZHES BSTAN PA'I CHED DU PHYOGS SNGA MA NYE BAR DGOD PA GSUNGS PA, CI STE CI'I DON ZHES PA LA SOGS PA'O, ,TSAD MA NI DNGOS PO'I DE KHO NA NYID RTOGS PA'I THABS TE, DE'I PHYIR DE NYE BAR STON PA NI DON DANG LDAN NO, ,DE SKAD DU YANG BSHAD PA, GANG GI PHYIR GZHAL BYA RTOGS PA NI TSAD MA LA RAG LAS LA ZHES SO, ,TSAD MA LTAR SNANG BA NYE BAR BSTAN PA LA NI DGOS PA CUNG ZAD KYANG YOD PA MA YIN TE, DE'I PHYIR BYA BA MA YIN NO ZHES PA'O, , GANG LA DGOS PA MED PA DE BYA BA MA YIN TE, JI LTAR DGOS PA MED PA GZHAN 'GA' ZHIG BZHIN, TSAD MA LTAR SNANG BA NYE BAR BSTAN PA YANG DGOS PA MED PA'O ZHES PA KHYAB PAR BYED PA MED PA'O, ,SOGS PA'I SGRAS NI PHYOGS DANG, GTAN TSIGS DANG, DPE'I @295A *, ,SKYON RNAMS GZUNG NGO, ,TSAD MA LTAR SNANG SMRA RNAMS KYI ZHES PA LA SOGS PAS MA GRUB PA NYID DU GSAL BAR BYED DE, JI LTAR YAN LAG RIG PAR SMRA BA RNAMS KYI PHYOGS GRUB PAR GYUR PA DE LTAR, TSAD MA LTAR SNANG SMRA RNAMS KYI, ,MA GYUR CIG STE 'GYUR BA MIN NO ZHES PA'I DON TO, ,MNYAM NAS MA TSANG LA SOGS BRJOD, DE'I PHYOGS 'GRUB PA NGES PAR ZLOG PA'I DON DU'O ZHES PA LHAG MA'O, ,DE NYID KYI PHYIR 'BREL PAR GSUNGS PA, PHYOGS 'GRUB PA NGES PAR BZLOG PA'I CHED DU MA TSANG BA NYID LA SOGS PA SGRUB BYED KYI SKYON RNAMS BSHAD DO ZHES PA'O, ,NGAG TZAM LA MKHAS PA DNGOS PO'I DE KHO NA NYID MI SHES PA DE RNAMS SGRUB BYED LTAR SNANG BA TZAM GYIS KYANG BSGRUB BYA 'GRUB PAR 'GYUR RO ZHES PA'I PHYOGS GANG YIN PA DE 'GRUB PA BZLOG PA'I CHED DU SGRUB PAR BYED PA'I SKYON RNAMS BSHAD DO ZHES PA'I THA TSIG GO, ,DE LTAR NA TSAD MA LTAR SNANG BA STON PA'I DGOS PA NI LDOG PAR RTOGS PA SEL BA'O ZHES BRJOD PAR 'GYUR RO, ,DE PHYIR DE STON PA NYID NI ZHES PA GANG GI PHYIR MA TSANG BA NYID LA SOGS PA RNAMS KYIS BSGRUB BYA GRUB PAR MI 'GYUR PA DE'I PHYIR, MA TSANG BA NYID LA SOGS PA DE RNAMS STON PA NI RIGS PA'I LAN DU BRJOD PA YIN NO, ,DER SNANG BA NI RJOD BYED PA NYID LA SOGS PA LTAR SNANG BA RJOD PAR BYED PA NI, LTAG CHOD DU STE ZHES PA DE LTAR SNANG BA RJOD PAR BYED PA NI, LTAG CHOD RNAMS KYI NANG DU 'DU'O ZHES STON TO, ,LEN LTAR SNANG SUN 'BYIN PA LTAR SNANG BA'O ZHES PA'I DON TO, ,CI'I PHYIR DE STON PA RIGS PA'I LAN YIN ZHE NA GSUNGS PA, GANG GI PHYIR 'DI RNAMS KYI ZHES PA LA SOGS PA'O, ,CI'I PHYIR MA TSANG BA NYID LA SOGS PA LTAR SNANG BA STON PA, LAN GYI SKYON YIN ZHE NA GSUNGS PA 'DIS MA YIN ZHES PA LA SOGS PA'O, ,PHRAD MA PHRAD LA MI 'DOD BRJOD, , ZHES PA PHRAD PA DANG LHAN CIG PA'I MA PHRAD PA NI PHRAD MA PHRAD DO, ,DE YOD PA LA GTAN TSIGS KYI MI 'DOD BRJOD, DUS GSUM PA LA YANG MI 'DOD BRJOD, ,CI'I PHYIR ZHE NA GTAN TSIGS KYI ZHES 'JUG GO, ,DE LA PHRAD DANG MA PHRAD LA, ,GTAN TSIGS MI 'DOD BRJOD PA ZHES PA 'DI @295B NI PHRAD MA PHRAD MTSUNGS PA'I MTSAN NYID DO, ,LHAG MA NI RTAGS MIN MTSUNGS PA'I'O, ,PHRAD MA PHRAD RTAGS MIN ZHES BYA, ,ZHES PA MTSAN BYA NGES PAR STON PA'O, ,DPE BRJOD DANG BCAS PA'I GTAN TSIGS LA ZHES PA SBYOR BA YONGS SU RDZOGS PA NYID DU GSAL BAR BYED DO, ,BSGRUB BYA DANG KHYAD PAR MED PAR 'GYUR RO ZHES PA GTAN TSIGS KYANG BSGRUB PAR BYA BAR 'THOB BO ZHES PA'O, ,CI LTA BU BZHIN DU ZHE NA GSUNGS PA, CHU BO DANG RGYA MTSO'I CHU PHRAD PA LA KHYAD PAR MED PA BZHIN ZHES PA, PHRAD PA DAG KYANG YIN LA DE CHU BO DANG RGYA MTSO'I CHU DAG KYANG ZHES PA LAS 'DZIN PA STE, DE DAG JI LTAR KHYAD PAR MED PA DE BZHIN NO, ,MA GRUB PA DANG PHRAD PA MED PA'I PHYIR ZHES PA, SNGA MA NI PHRAD PA KHAS BLANGS NAS KHYAD PAR MED PA BRJOD PAS GTAN TSIGS LTAR SNANG BAR BRJOD LA, DA LTA NI PHRAD PA MED PA KHO NA'O ZHES STON TO, ,BSGRUB BAR BYA BA YONG YONGS SU MA GRUB NA, DE CI LTAR GTAN TSIGS GRUB PA DANG PHRAD PAR 'GYUR, CI STE PHRAD PA 'GRUB PA'I DON DU BSGRUB BYA YONGS SU GRUB BAR 'DOD NA, DE LTAR GYUR NA 'DI CI ZHIG GI GTAN TSIGS YIN, GTAN TSIGS NI BSGRUB PAR BYA BA SGRUB PAR BYED PA'I CHED DU 'DOD PA YIN NA GAL TE DE GRUB NA 'DI CI ZHIG GI GTAN TSIGS YIN ZHES PA GTAN TSIGS MED PAR THAL BAR 'GYUR RO, ,CI STE MA PHRAD PAS ZHES PA GTAN TSIGS BSGRUB BYA SGRUB PAR BYED PA ZHES SBREL LO, ,MA PHRAD BA RNAMS KHYAD PAR MED PA NYID KYI PHYIR RO ZHES PA JI LTAR MIG GIS GZUNG BAR BYA BA NYID LA SOGS PA BSGRUB BYA LAM PHRAD PA RNAMS GTAN TSIGS MA YIN PA DE LTAR 'DI YANG GTAN TSIGS MA YIN NO ZHES PA'O, ,DE LTA NA YANG GTAN TSIGS MED PA KHO NA'O, ,BSGRUB BYA MED PA LA CI ZHIG GI GTAN TSIGS YIN ZHES PA CI'I YANG MA YIN PA KHO NA'O ZHES PA'I DON TO, ,BSGRUB BYA LA LTOS NAS NI 'DI GTAN TSIGS NYID YIN PA LA, BSGRUB BYA MED NA DE MI RIGS PAS SO, ,CI STE BSGRUB BAR BYA BA LAS GTAN TSIGS PHYIS KHO NA YIN NA DE LTAR NA BSGRUB PAR BYA BA GRUB NA, 'DI CI ZHIG GI GTAN TSIGS YIN, GTAN TSIGS DANG GTAN TSIGS DANG LDAN PA'I DNGOS PO MI 'GRUB BO ZHES PA'O @296A *, ,GTAN TSIGS MA TSANG BA NYID KYI GZUGS BRNYAN DAG STE ZHES PA GTAN TSIGS MA TSANG BA NYID DU RTZOD PA LTAR SNANG BA DAG GO ZHES PA'I DON TO, ,RJOD PAR BYED PA LA BRJOD PAR BYA BA NYE BAR BTAGS PA'I PHYIR RO, ,YANG CI'I PHYIR GTAN TSIGS MA TSANG BA NYID KYI RTZOD PA DAG KHO NAR MI 'GYUR ZHE NA GSUNGS PA, MI RIGS PAS GTAN TSIGS THAMS CAD LA SKUR PA 'DEBS PA'I PHYIR RO ZHES PA 'DIR GTAN TSIGS SPYI BZUNG NAS MI RIGS PA NYID DU RTZOD KYI, KHYAD PAR RTZOL BA LAS BYUNG BA KHO NA LA NI MA YIN NO, ,DE'I PHYIR GTAN TSIGS THAMS CAD LA SKUR PA BTAB PA BYAS PAR 'GYUR RO, ,'DI LA RIGS PA CI YIN ZHES PA LA SOGS PA'O, ,GANG TSUL GSUM PA NYID DE NI DON GYIS RTOGS PAR BYED PA NYID KYANG MNGON PAR BRJOD PA NI RTAGS KYI MTSAN NYID DO, ,DE DANG LDAN PA YANG GTAN TSIGS MA YIN PAR 'GYUR BAR BYAS ZHES PA 'DI LA RIGS PA CI YANG MED DO ZHES PA'I DON TO, ,'DI YANG BSGRUB PAR BYA BA RNAM PA GNYIS TE, BSKYED PAR BYA BA'AM SHES PAR BYA BAR 'GYUR RO, ,DE LA BSKYED PAR BYA BA NI BLO STE, SHES PAR BYA BA NI MI RTAG PA NYID DO, ,GTAN TSIGS KYANG RJOD PAR BYED PA'AM DON TO, ,DE LA BSKYED PAR BYA BA'I BSGRUB BYA'I DBANG DU BYAS NAS GAL TE BRJOD NA, CI LTAR MA PHRAD PA DANG CHOS MTHUN PA NYID LAS GTAN TSIGS MA YIN PAR 'GYUR, MA PHRAD PA NI GTAN TSIGS MA YIN PA KHO NA LA 'JUG PA MA YIN PAS TE, 'O NA CI ZHE NA GTAN TSIGS LA YANG NGO, ,DE LTAR NI GZUGS LA SOGS PA RNAMS BLO DANG PHRAD PA YANG MA YIN ZHING, DE STE YANG DE'I SKYED PAR BYED PA RNAMS YIN BAS SO, ,MA PHRAD PA'I PHYOGS LA BRTEN PA LAS KYANG, PHRAD PAR BYA BA SGRUB PAR MI BYED DO ZHES BSHAD PAR 'GYUR RO, ,DE BZHIN DU BSGRUB BYA LAS SNGAR ZHES PA, SNGAR RGYU DANG PHYI NAS BSGRUB BAR BYA BA BLOR 'DOD NA, DE LA BSGRUB PAR BYA BA MED NA 'DI CI ZHIG GI GTAN TSIGS YIN ZHES GANG BRJOD PA DE MI RIGS TE, DE LTAR NI BSGRUB PAR BYA BA MED BA KHO NA LA GTAN TSIGS KYI DON TE, MI RTAG PA NYID LA SOGS PAR NGES PA SKYES ZIN PA NA GTAN TSIGS KYIS DGOS PA CI YANG MED DO, ,MA SKYES PA NA GTAN TSIGS @296B ZHES PA'I THA SNYAD DU MI 'GYUR BA 'DI TZAM ZHIG TU NI MI 'GYUR TE, BU MA SKYES PA NA PHA'I THA SNYAD BZHIN NO, ,'DI TZAM GYIS SGRUB BYED MIN PA NYID DU RIGS PA YANG MA YIN TE, 'BRAS BU SKYED PAR BYED PA NI THA SNYAD LA 'BREL PA MA YIN GYI, 'O NA CI ZHE NA NUS PA LA STE, DE YANG YOD DO ZHES PAS 'DI NI GTAN TSIGS MA YIN PA MA YIN NO THAMS CAD LA SKUR BA 'DEBS PA'I SKYON 'BA' ZHIG TU MA ZAD KYI, RANG NYID 'JOMS PA NYID KYI SKYON YANG STE, RANG NYID 'JOMS PA 'DI'I NGANG TSUL LO ZHES PA BDAG NYID 'JOMS BA'O, ,YANG NA RANG NYID 'JOMS PA NI BDAG NYID 'JOMS PA STE, DE 'DI LA YANG YOD BAS NA RANG NYID 'JOMS PA CAN NO, ,DE'I DNGOS PO NI RANG NYID 'JOMS BA CAN NYID DO, ,DE KHO NA SKYON NO, ,CI'I PHYIR 'DI YANG SKYON YIN ZHE NA GSUNGS PA, DGAG PA MTSUNGS PA NYID KYI PHYIR, ,ZHES PA, GAL TE SUN 'BYIN 'DI SUN DBYUNG BYA DANG PHRAD NAS SUN 'BYIN NA SUN DBYUNG BYA DANG KHYAD PAR MED PAR 'THOB BO ZHES PA LA SOGS PA THAMS CAD BRJOD BAR BYA'O, ,DE BZHIN DU SUN 'BYIN BA 'DI SUN DBYUNG BYA LAS SNGAR YIN NA SUN DBYUNG BYA MED NA 'DI CI ZHIG GI SUN 'BYIN PA YIN ZHES PA LA SOGS PA THAMS CAD 'DI LA YANG BRJOD PAR BYA'O, ,DE LTAR ZHES BA DE MA THAG TU BRJOD PA'I RNAM PAS SO, ,BLO BSGRUB PAR BYA BA MA YIN NA ZHES PA MI RTAG PA NYID KYIS KHYAD PAR DU BYAS PA'I SGRA LA DMIGS BA'I BLO BSGRUB PAR BYA BA NYID DU GANG GI TSE LTOS PAR BYA BA DE'I TSE TSIG GI BDAG NYID KYI GTAN TSIGS BKAG PA'I PHYIR DANG GZHAN YANG MI STON PA'I PHYIR GTAN TSIGS MA TSANG BAR SNANG BA NYID DO, , DON RTAGS YIN NA MA GRUB SNANG BA DAG GO ZHES PA GANG GI TSE DON GTAN TSIGS YIN ZHING, BLO KHO NA BSGRUB BYA YIN PA DE'I TSE TSIGS MA BKAG STE, GTAN TSIGS KYI GNAS SU SBYOR BA'I PHYIR RO, ,DON GTAN TSIGS YIN NA MA GRUB BA LTAR SNANG BA NYID DE, GANG DAM BCA' BA'I DON GYI CHOS 'DI NI MA GRUB BAR MI 'GYUR RO, ,BLO NI DAM BCA' BA'I DON YANG MA YIN GYI, 'O NA CI ZHE NA MI RTAG PA NYID KYI KHYAD PAR DU BYAS BA'I SGRA YIN ZHING, DE'I YANG CHOS SU 'DI 'GYUR BA KHO NA'O ZHES PAS MA GRUB BA NYID MA YIN NO, ,CI STE YANG BSGRUB BAR BYA BA LAS SNGAR PHRAD PA MED BA'I PHYIR DANG, GTAN TSIGS @297A *, ,KYI THA SNYAD MED PA'I PHYIR MA GRUB PA NYID KHO NAR 'GYUR RO ZHE NA DE'I PHYIR GSUNGS PA, CHOS RNAMS THAMS CAD KYI, ,ZHES BA LA SOGS PA'O, ,GTAN TSIGS GNYIS KYIS KYANG ZHES PA, TSIG GI BDAG NYID DANG DON GYI BDAG NYID KYIS SO, ,MI RTAG PA NYID LA SOGS BA SHES PAR BYA BA'I DON BSGRUB PAR BYA BA LA'O, ,'DIR YANG MA TSANG BA NYID DANG MA GRUB PA NYID LTAR SNANG BA DAG STE, RIM PA JI LTA BAR TSIG RAB TU SBYOR BA'I PHYIR DANG DON GRUB PA NYID KYI PHYIR RO, ,DE DAG RGYU DANG 'BRAS BU'I DNGOS BO MA YIN PA'I PHYIR ZHES PA BSGRUB PAR BYA BA DANG SGRUB BAR BYED PA DAG NI BSKYED PAR BYA BA DANG SKYED PAR BYED PA'I DNGOS PO MA YIN GYI, 'O NA CI ZHE NA SHES PAR BYA BA DANG SHES PAR BYED PA'I DNGOS PO YIN ZHING, DE YANG MA PHRAD PA DAG LA YANG MTHONG BA STE, DPER NA CHU DANG SBRIN BZHIN DU THA DAD PA DANG THA MI DAD BA'I DUS CAN DAG LA YANG STE, RJES SU DPAG PA NI DUS GSUM PA NYID KYI PHYIR RO ZHES PAS 'DI MI RIGS SO, ,RTAG PA ZHES BYA ZHES PA RTAG PA MTSUNGS PA'O, ,MI RTAG PA NYID, RJES SU 'GRO PHYIR RTAG NYID THAL, ,ZHES MI RTAG PA NYID RJES SU 'GRO BA GTAN TSIGS LAS RTAG PA NYID DU KUN DU 'BREL PAR BYED PA ZHES PA'I DON TO; ,DE RTAG TU MI RTAG PA NYID DANG LDAN PA THOB STE, GNAS SKABS 'GA' ZHIG TU YANG MI RTAG PA MA YIN PAR 'GYUR BA MA YIN NO ZHES PA'I DON TO, ,CI'I PHYIR ZHE NA SMRAS PA, MI 'PHO BA'I RANG BZHIN NYID KYI PHYIR RO ZHES PA LA SOGS PA'O, ,CHOS RNAMS NI RANG BZHIN LAS 'PHO BA MA YIN TE, DPER NA ME NI SREG PAR BYED PA NYID LAS BZHIN NO, ,DE'I PHYIR YANG RTAG BA KHO NA'O ZHES PA SGRA MI RTAG PA LA DUS THAMS CAD DU MI RTAG PA NYID DANG LDAN PA MI SRID DO ZHES BAS SGRA RTAG PA NYID DU DAM BCA' BAR 'GYUR TE, DE LAS KYANG RANG TSIG 'GAL BA'O DAM BCA'I SKYON LTAR SNANG BA ZHES PA RANG TSIG 'GAL BA LTAR SNANG BA ZHES BA RANG TSIG 'GAL BA LTAR SNANG BA'O, ,CI'I PHYIR ZHE NA GSUNGS PA, MI RTAG PA NYID SGRO BTAGS PA'I PHYIR RO ZHES PA, GANG GI PHYIR PHA ROL POS THA DAD PAR MI RTAG PA NYID SGRO 'DOGS PAR BYED DO, ,'O NA GANG LA DNGOS PO'I RKYEN 'DI YIN PA MI RTAG PA NYID YOD @297B BA MA YIN NAM, DES NA MI RTAG PA NYID SGRO 'DOGS PA'I PHYIR RO ZHES CIS BRJOD PAR BYED CE NA GSUNGS PA, MI RTAG PA NYID CES PA LA SOGS PA'O, ,GAL TE MED NA CI LTAR MI RTAG BA YIN ZHE NA GSUNGS PA, DE KHO NA ZHES PA'O, ,GAL TE MI RTAG PA NYID DON GZHAN MED NA DNGOS PO'I RKYEN 'DIS BRJOD PAR BYA BA CI YIN ZHE NA GSUNGS PA, DE YANG ZHES PA LA SOGS PA STE, JI LTAR DNGOS PO DE KHO NA RANG BZHIN GRUB PA NA PHA ROL GYI BYA BA LA LTOS PA NI 'BRAS BU ZHES BRJOD CING, DE'I GNAS SKABS DE YANG DNGOS PO'I RKYEN GYIS BRJOD PA DE BZHIN DU SGRA'I 'ANG JI SKAD BSHAD PA'I GNAS SKABS NI DNGOS PO'I RKYEN GYIS BRJOD PAR BYA'O ZHES PA'O, ,BRJOD PA LAS SNGAR ZHES PA LA SOGS PA BRJOD PA LAS SNGON DU RTAGS MED PAS, GANG GI PHYIR, BSGRUB BYA MED PAR THAL BYED PA, DE NI MA BRJOD MTSUNGS PA'O, ,ZHES BYA PA'I LTAG CHOD KYI LAN NO, ,RJOD PAR BYED PA LAS SNGAR ZHES PA, JI SRID DU BRTZAL MA THAG TU BYUNG BA NYID KYI PHYIR ZHES PA'I TSIG MI BRJOD PA DE SRID DU GTAN TSIGS MED DO, ,DE LAS KYANG SGRA MI RTAG PA MA YIN PAR THAL LO ZHES PA'O, ,SGRO BTAGS NAS, SMRA PA PO'I NGAG GIS ZHES PA RTZOL MA THAG TU BYUNG BA NYID KYI PHYIR RO ZHES PA SMRA BA PO'I TSIG 'DIS SGRA LA MI RTAG PA NYID RJES SU DPAG PAR SGRO BTAGS NAS, BRJOD PA LAS SNGAR DE MED PAR THAL BAR 'GYUR BAR BYED DE, MA GRUB LTAR SNANG, CI'I PHYIR ZHE NA GSUNGS PA DON GYIS NI ZHES PA LA SOGS PA'O, ,SNGA MA ZHES PA RANG GI DON GYI RJES SU DPAG PA'I DUS SU'O, ,DE MED PA LAS ZHES PA, DON MED PA LAS SO, ,YANG NA NYUNG LTAR SNANG, BRJOD PA LAS SNGAR SGRUB BYED NGOR, ,ZHES PA GAL TE GTAN TSIGS BRJOD PA LA SNGAR SGRUB PAR BYED PAR SGRO BTAGS NAS GTAN TSIGS KYI TSIG MED PAR BRTZOD PAR BYED NA, DE LTA NA GTAN TSIGS MA TSANG BA LTAR SNANG BA'O, ,CI'I PHYIR ZHE NA GSUNGS PA, SGRUB PAR BYED PA'I DUS SU ZHES PA LA SOGS PA'O, ,GANG GI PHYIR SGRUB PAR BYED PA'I DUS KHO NAR GTAN TSIGS MI BRJOD PA NI GTAN TSIGS MA TSANG BA'I SGRUB PAR BYED PAR 'GYUR BA DE'I PHYIR SGRUB PAR BYED PA'I DUS LAS GZHAN GYI TSE GTAN TSIGS MED PA'I PHYIR NA SGRUB BAR BYED BA MA TSANG BA MA YIN PAR @298A *, ,RIGS SO, ,DE LTAR 'GYUR MOD KYI GTAN TSIGS KYI TSIG LAS SNGAR KHO NAR 'DI SGRUB BAR BYED DO ZHE NA DE'I PHYIR GSUNGS PA, 'DI YANG MA YIN ZHES PA LA SOGS PA'O, ,MTHA' DAG GI DON CAN ZHES MTHA' DAG PA STE, TSUL GSUM PA'I GTAN TSIGS GANG GI DON YIN PA DE MTHA' DAG GI DON CAN TE, TSUL GSUM BRJOD PA'I TSIG GO, ,DE MED BAR RTZOD PAS KHYAD PAR MED BAR DPER BRJOD STON PA GNYIS KYANG MED PAR RTZOD PAR 'GYUR RO ZHES PAS DPE BRJOD PA MA TSANG BA NYID LTAR SNANG BA NYID DU YANG RIG BAR BYA'O, ,SKYE BA LAS RTAGS MED PHYIR ZHES PA SKYE BA LAS SNGAR SGRA LAS RTZOL MA THAG TU BYUNG BA NYID MED DO ZHES PAS 'DI GTAN TSIGS MA YIN BA NYID DU RTZOD PAR BYED DE, LAN 'DI NI MA GRUB PA LA BRTEN PA DANG BZLOG PAR BRTEN PAR 'GYUR TE, GANG LAS RTZOL MA THAG TU BYUNG BA NYID MA GRUB PA DANG, RTZOL MA THAG TU MA BYUNG BA NYID NI DE LAS LDOG PA BRTEN TE RTZOD PAR BYED CES PA'I DON TO, ,DE LAS KYANG RTZOL MA THAG TU BYUNG BA NYID MED PAR THAL BAR BYED CING, DE LAS BZLOG PA RTZOL MA THAG TU MA BYUNG BA NYID GRUB PA NYID KYI PHYIR MI RTAG PA LAS BZLOG PA RTAG PA NYID YOD PAR RO, ,'DI KHO NA RNAM PAR 'BYED PA GSUNGS PA, SKYE BA LAS SNGAR SGRA RTZOL MA THAG TU BYUNG BA MA YIN ZHES PA LA SOGS PA'O, ,'DI NI RNAM PA GNYIS SU ZHES PA 'DI NI 'DOD ZHES PA 'DI DANG SBREL LO, ,RNAM PA GNYIS NYID DE MA GRUB PA LTAR SNANG BA NYID KYI PHYIR DANG MA NGES PA LTAR SNANG BA NYID KYI PHYIR RO, ,YANG CI'I PHYIR RNAM PA GNYIS YIN ZHE NA, GSUNGS PA GNYIS SU SGRO BTAGS PA LAS ZHES PA'O, ,SKYE BA LAS SNGAR SGRUB BYED DU SGRO BTAGS PA'I PHYIR TE, RTZOL MA THAG BYUNG BA NYID DU SGRO GDAGS PA LAS SO, ,DE LA SGRO 'DOGS PA SNGA MA LAS MA GRUB PA LTAR SNANG BAR 'DOD CING CIG SHOS LAS MA NGES PA LTAR SNANG BA STE, DON GYIS GO BAS RTAG PA NYID DU SGRO GDAGS PA'I PHYIR RO, ,YANG CI'I PHYIR MA GRUB PA LTAR SNANG BA NYID YIN ZHE NA GSUNGS PA, SKYES PA NI ZHES PA LA SOGS BA'O, ,DE LA 'DIR 'GYUR MOD, SKYES PA YANG BRTZAL MA THAG TU BYUNG BA NYID MED DO ZHE NA, DE'I PHYIR GSUNGS BA, DE NI DE'I TSE YOD PA YANG BZHES BA SGRA SKYES PA @298B NA'O; ;RTZOL MA THAG TU MA BYUNG BA NYID KYI PHYIR NI ZHES PA LA SOGS PA STE, BRTZAL MA THAG TU BYUNG BA NYID KYI PHYIR MI RTAG CES SMRAS LAS, DON GYIS 'DI SKAD BRJOD PAR 'GYUR TE, RTZOL MA THAG TU MA BYUNG PA NYID KYI PHYIR RTAG PA'O ZHES BAR RO, ,DE'I KLOG LA SOGS PAS MA NGES SO ZHES PA 'DI LTAR MA NGES PA LTAR SNANG BA'O, ,'BRAS NYID GZHAN NYID CHA YIS NI, ,ZHES PA LA SOGS BA STE, 'BRAS NYID DE BYAS PA NYID DO, ,DE'I GZHAN GYI CHA STE DBYE BA'I CHA'O, ,DE LHUR LEN BA'I GTAN TSIGS KYIS BSGRUB BYA MI 'GRUB PAR TSIG GANG GIS STON GA DE NI 'BRAS MTSUNGS, GAL TE BUM PA NI GZHAN GYIS BYAS PA NYID KYIS ZHES PA, 'JI BA DBYU GU 'KHOR LO DANG SKUD PA LA SOGS PA'I RGYUS SO, ,'DIR SGRA LAS CIR ZHES PA, GANG LAS DE DANG 'DRA BAR MI RTAG PAR 'GYUR PA DE'I BYAS PA NYID SGRA LA YOD PA NI MA YIN PAS SO, ,DE'I TSE MA GRUB PA LTAR SNANG BA'O ZHES PA BUM PA'I BYAS PA NYID SGRA LAS MA GRUB PA NYID KYI PHYIR RO, ,BUM PA LA SOGS PA'I MI RTAG PA RNAMS LA MED CES PA, BUM PA LA SOGS PA'I MI RTAG PA RNAMS KHO NA LA ZHES DES PAR GZUNG BAR BLTA PAR BYA STE, PHYI MA LA RTAG PA RNAMS LA YANG MED CES BRJOD PA'I PHYIR RO, ,'GAL BAS LTAR SNANG BA'O ZHES PA, SGRA'I GANG BYAS PA NYID DE MI MTHUN PHYOGS KHO NA LA YOD PA'I PHYIR RO, ,CI STE 'DI KHO NA ZHES PA SGRA'I BYAS PA NYID DO, ,DPE'I SKYON LTAR SNANG PA'AM STE, CI'I PHYIR ZHE NA, CHOS MTHUN PA NYID DU NYE BAR BLANGS PA NYID KYI PHYIR TE, CHOS MTHUN BA NYID DU NYE BAR BLANGS BA'I BUM PA LA BYAS BA NYID MED DE, DE'I PHYIR DPE SGRUB BYED DANG BRAL BA'I SKYON LTAR SNANG BA'O, ,YANG CI'I PHYIR KHYAD PAR GZUNG NAS RJES SU DPAG PA MI BYED CE NA GSUNGS PA, DE NI ZHES PA LA SOGS BA'O, ,KHYAD PAR NI DON DANG DON LA SO SOR NGES PA STE, DE'I PHYIR GAL TE 'DI RJES SU DPAG PA LA NYE BAR LEN NA DE NI SPYI'O, ,RJES SU DPAG PA MED PA KHO NAR 'GYUR TE, GTAN TSIGS THAMS CAD MED PAR 'THOB PA'I PHYIR RO, ,RJES SU DPAG PA YANG YOD DE, DE'I PHYIR KHYAD PAR YONGS SU GZUNG BAR MI BYA'O, ,DPE DANG MI MTHUN PHYOGS DAG GIS ZHES PA LA SOGS PA STE, DPE DANG DPE'I MI MTHUN PHYOGS NI DPE DAR DPE'I @299A *, ,MI MTHUN PHYOGS DAG STE, YAN LAG GI NGO BO RNAMS LA YANG GCIG LHAG MTHONG BAS TE, YANG DANG TZAKA DAG GO ZHES PA JI LTA BA BZHIN NO, ,DE DAG GI CHOS MTHUN NYID KYIS BSGRUB BAR BYA BAR 'DOD PA'I DON LAS BZLOG PA'I DON TSIG GANG GIS SGRUB STE, STON PA DE CHOS MTHUN MTSUNGS PA'O, ,SGRUB BYED KYI SGRA NI DNGOS PO LA SOGS PA SGRUB PAR BYED PA YANG MTHONG NGO ZHES PA DE'I PHYIR DE RNAM PAR GCOD PA'I CHED DU GSUNGS PA, BYED PA'I BYED PA CAN DU BYAS NAS SO ZHES PA'O, ,DPER NA ZHES PA LA SOGS PA DPER BRJOD RAB TU STON PA'O, ,SGRA MI RTAG STE RTZOL MA THAG TU BYUNG BA NYID KYI PHYIR NAM MKHA' CHOS MI MTHUN PA NYID KYI SBYOR BAR BYAS BA NA LTAG CHOD SMRA BA POS SMRAS PA, GAL TE DPER GYUR PA'I MI MTHUN PHYOGS DANG CHOS MTHUN PA NYID LAS RTZOL MA THAG TU BYUNG BA NYID KYI PHYIR SGRA MI RTAG PA YIN NA DPER BYAS PA'I NAM MKHA' DANG CHAS MTHUN PA NYID LAS LUS CAN MA YIN PA NYID KYI PHYIR RTAG PAR 'GYUR RO ZHES PA'O, ,DE BZHIN DU BUM PA CHOS MTHUN PA NYID DU BYAS PA'I SBYOR BA LA LTAG CHOD SMRA BA POS SMRAS BA, GAL TE DPER BYAS PA'I BUM PA DANG CHOS MTHUN PA NYID KYI PHYIR BRTZAL MA THAG TU BYUNG BA NYID LAS SGRA MI RTAG PA YIN NA DPER BYAS PA'I MI MTHUN PHYOGS NAM MKHA' DANG CHOS MTHUN PA NYID KYI PHYIR, LUS CAN MA YIN PA NYID LAS RTAG PA'O ZHES PA 'DI CHOS MTHUN PA NYID MTSUNGS PA'O, ,SNGA MA LTA BU'I DPE GNYIS LA BUM PA DANG CHOS MI MTHUN PAR SBYAR PAR BYA'O ZHES PA JI LTAR CHOS MTHUN PA MTSUNGS PA NYID KYI DPE GNYIS LA, NAM MKHA' DANG CHOS MTHUN PA NYID DU SBYAR BA DE LTAR 'DI YANG BUM PA DANG CHOS MI MTHUN PA NYID KYIS SBYAR BAR BYA'O, ,'DI LTA STE, SGRA MI RTAG STE BRTZAL MA THAG TU BYUNG BA NYID KYI PHYIR, BUM PA CHOS MTHUN PA NYID DU BYAS PA LA, PHA ROL POS SMRAS PA, GAL TE DPER BYAS PA'I BUM PA DANG CHOS MTHUN PA NYID KYI PHYIR RTZOL MA THAG TU BYUNG BA NYID LAS SGRA MI RTAG PA YIN NA, DPER GYUR PA'I BUM PA DANG CHOS MI MTHUN PA LAS LUS CAN MA YIN PA NYID KYI PHYIR RTAG PA'O ZHES PA DANG, DE BZHIN DU MI RTAG STE RTZOL MA THAG TU BYUNG BA NYID KYI PHYIR NAM MKHA' CHOS MI MTHUN PA @299B NYID DU BYAS PA LA, DPER BYAS PA'I MI MTHUN PHYOGS BUM PA DANG CHOS MI MTHUN PA NYID LAS LUS CAN MA YIN PA NYID KYI PHYIR RTAG PAR 'GYUR RO ZHES PA'O, ,YANG CI'I PHYIR THUN MONG PA'I MA NGES BA LTAR SNANG BA YIN ZHEN GSUNGS PA, SNGA MA'I PHYOGS LA NI MA YIN ZHES PA LA SOGS PA'O, , GANG GI PHYIR JI LTAR PHYI MA'I PHYOGS LA LUS CAN MA YIN PA NYID CHOS MTHUN PA NYID DAM CHOS MI MTHUN PA NYID MA NGES PA YIN PA DE LTAR SNGA MA'I PHYOGS LA RTZOL MA THAG TU BYUNG BA NYID MA YIN TE, DE'I PHYIR MTSUNGS PA NYID MED PA'I PHYIR 'DI NI THUN MONG GI MA NGES PA LTAR SNANG BA'O, ,'GAL BA 'KHRUL PA MED PA 'DRA, ,ZHES PA 'GAL BA MI 'KHRUL BA LTAR SNANG BA'O ZHES PA'I DON TE, 'GAL BA MI 'KHRUL PA DANG MTSUNGS PAR 'JUG GO ZHES BYAS NAS SO, ,'GAL BA MI 'KHRUL BA NI MA YIN TE, LUS CAN MA YIN PA NYID NI MA NGES BA MIN PA NYID KYI PHYIR TE, RTZOL MA THAG TU BYUNG BA NYID NI MA YIN NO, , RJES SU 'GRO MED PHYIR ZHES KHYAB PA MED PA'I PHYIR ZHES PA'I DON TO, ,YANG CI'I PHYIR RJES 'GRO MED PA YIN ZHE NA GSUNGS PA, MA NGES PAR SNANG BA GNYIS PO DAG KYANG ZHES PA LA SOGS PA STE, DPE'I TSIG GIS NI RJES SU 'GRO BA DANG LDOG PA'I MTSAN NYID CAN GYI KHYAB PA BSTAN PAR BYA STE, GZHAN DU NA GTAN TSIGS LA PHAN 'DOGS PAR MI 'GYUR RO, ,CHOS MTHUN PA MTSUNGS PA'AM CHOS MI MTHUN PA LA RJES SU 'GRO BA DANG LDOG PA DAG BSTAN PA YANG MA YIN NO, ,JI LTAR PHYI MA'I PHYOGS LA YIN PA DE LTAR SNGA MA'I PHYOGS LA YANG STE, DES NA JI LTAR NGED KYI DPE SKYON CAN YIN PA DE LTAR KHYOD KYI YANG NGO ZHES RTZOD PAR BYED PA NI DPE LTAR SNANG BAR RTZOD PAR YANG SBYAR BAR BYA'O, ,RJES 'GRO PHYIN CI LOG PHYIR YANG, DPE LTAR SNANG BA BRJOD PA YANG, ,ZHES DKYUS MA DANG SBREL LO, ,YANG CI LTAR NA RJES SU 'GRO BA PHYIN CI LOG NYID SRID PAR BYA ZHE NA GSUNGS BA, BSGRUB BYA LA DPE 'DRES PA'I PHYIR ZHES PA 'DRES PAR BYED PA NI 'DRES PA STE, BSGRUB PAR BYA BA CHOS MTHUN PA NYID KYI DPE DANG GCIG TU BYED PA'O, ,BUM PA JI LTA BA DE LTAR SGRA'O ZHES PA DANG, CHOS MI MTHUN PA NYID KYIS KYANG NAM MKHA' JI LTA BA DE LTAR SGRA MA YIN NO ZHES, NAM MKHA' DANG CHOS @300A *, ,MTHUN PA NYID BKAG PAS BUM PA DANG CHOS MTHUN PA NYID KHO NAR GZHUNG 'DZUGS SO, ,PHAL CHER GYIS ZHES PA LA SOGS PAS BSRE BA'I RANG GI NGO BO STON TE, NYE BAR SBYOR BA NI BSRE BA'O ZHES PA'I DON TO, ,GAL TE DE LTAR NYE BAR SBYOR BAR BYED NA, DE LAS CI ZHE NA GSUNGS BA, DE LA 'DIR ZHES PA LA SOGS PA'O, ,DE LTAR 'GYUR MOD KYI, RJES SU 'GRO BA PHYIN CI LOG PA NYID NA NI BUM PA JI LTA BA DE BZHIN DU SGRA STE, NAM MKHA' JI LTA BA DE BZHIN SGRA MA YIN NO ZHES PA DE LTAR NYE BAR SBYOR BA BYA BAR MI NUS PA KHO NA'O, ,DE'I PHYIR NYE BAR SBYOR BA BYA BAR 'DOD PAS PHYIN CI LOG TU RJES SU 'GRO BA BYA BA MA YIN NO, ,DES NA DE GA LA SRID CE NA GSUNGS PA, DE LTAR NA YANG NI ZHES PA LA SOGS PA'O, ,GANG GI PHYIR DE LTAR BYAS PA NA YANG, DE BZHIN DU ZHES NYE BAR BSDU BA'AM, DE BZHIN DU MA YIN ZHES SBYOR BA KHO NA STE, CI LTAR ZHE NA, NAM MKHA' LUS CAN MA YIN PA RTAG PA DE BZHIN DU SGRA STE, DE LTAR BUM PA LUS CAN MI RTAG PAR MTHONG BA DE BZHIN DU SGRA MA YIN NO ZHES PA'O, ,DE LTAR NA RJES SU 'GRO BA PHYIN CI LOG TU BYAS PA NA YANG DE BZHIN ZHES NYE BAR BSDU BA'ANG RIGS PA KHO NA'O, ,GANG LAS DE LTAR SNANG BA NYID DU 'GYUR BA CI LTAR NA SKYON 'DI SNGA MA'I PHYOGS LA BSGRUB PAR NUS SHE NA, MTSUNGS BA NYID KYI PHYIR JI LTAR YANG ZHES PA LA SOGS PA STE, SNGA MA DANG PHYI MA'I PHYOGS DAG MTSUNGS PA NYID KYI PHYIR, JI LTAR PHYI MA'I PHYOGS LA RJES SU 'GRO BA PHYIN CI LOG MTSUNGS PA NYID DU THAL BAR 'GYUR BA'I PHYIR NA RJES 'GRO PHYIN CI LOG NYID DU RTZOD PA NI DPE LTAR SNANG BAR RTZOD PAR YANG 'THAD DO, ,'DI KHO NA GSAL BAR BYED PA GSUNGS PA, GANG GI PHYIR DPE STON PA TZAM NI ZHES PA LA SOGS PA'O, ,'JIG RTEN PA RNAMS KYIS NI JI SRID TZAM DU DPER BSTAN PA BUM PA LA SOGS PA DE SRID TZAM DPE NYID DU 'DOD DE, DE'I PHYIR DE SRID TZAM DPE NYID YIN NA SNGA MA DANG PHYI MA'I PHYOGS DAG RJES SU 'GRO BA PHYIN CI LOG TU MTSUNGS SO, ,CI'I PHYIR ZHE NA, DE LTAR NI ZHES PA LA SOGS PA'O, ,GANG GI PHYIR PHYOGS SNGA MA LA JI LTAR BUM PA CHOS GNYIS DANG STE, BSGRUB PAR BYA BA DANG SGRUB PAR BYED PA'I MTSAN NYID CAN DANG @300B LDAN PA DE BZHIN DU PHYI MA'I PHYOGS LA YANG NAM MKHA' LUS CAN MA YIN PA NYID DANG RTAG PA NYID KYI MTSAN NYID KYI CHOS GNYIS DANG DO, ,LHAN CIG GYUR PA YANG BSGRUB PAR BYA BA DANG, SGRUB PAR BYED PA DAG DPES BSTAN PAR BYA'O, ,DE YANG RJES SU 'GRO BA PHYIN CI LOG LA YANG DPER BYAS PA BUM PA LA SOGS PA LA RAB TU STON PAR NUS PA KHO NA STE, DE'I PHYIR DPE LTAR SNANG BAR RTZOD PAR 'THAD DO ZHES PA DGONGS PA'O, ,'O NA JI LTAR LTAG CHOD SMRA BA POS SBYOR BAS GTAN TSIGS KYI MED NA MI 'BYUD PA NYID NYE BAR MI STON PA DE LTAR PHYOGS SNGA MA SMRA BA POS KYANG NGO, ,DE'I PHYIR 'JIG RTEN PA'I SBYOR BA'I DOR SUN 'BYIN PA KHO NAR 'DI DAG RIGS TE, YONGS SU GNAS BAR MTSUNGS PA'I PHYIR NGO, ,DES NA CI'I PHYIR SUN 'BYIN PA LTAR SNANG BA NYID YIN ZHE NA, DE'I PHYIR GSUNGS BA, 'DI YANG ZHES PA LA SOGS PA'O, ,'DI SKAD STON PAR BYED DE, JI SKAD SMRAS PA 'DI BDEN MOD, DE LTA NA YANG NGES PA NYID KYI GTAN TSIGS LA MA NGES PA NYID KYIS DOD ZLAR GNAS PA MI RIGS SO ZHES PA 'DI TZAM KHO NAS GNYIS PO 'DI LAN LTAR SNANG BA NYID DU BSHAD DO ZHES PA'O, ,DE BDAG NYID DE NGES PA PA'I RANG BZHIN NYID DO, ,DE LAS THA DAD PA NI BZLOG PA NYID KYIS TE MA NGES BA NYID KYIS ZHES PA'I DON TO, , RGYU DES GNYIS KA 'KHRUL BAR SNANG BA YIN PAR BRJOD DO, ,SBYOR BA SNGA MA GTAN TSIGS NI, ,NGES PA BA NYID BYAS PA MED, ,CES PA NGES PA BA NYID DU BSTAN PA MA YIN NO ZHES PA'I DON TO, ,'JIG RTEN PA'I SBYOR BA'I RJES SU 'JUG PAS NI ZHES PA GANG LAS 'JIG RTEN PA'I SBYOR BA KHO NA LA DE DAG GI SKABS YIN PAR 'JIG RTEN PA'I SBYOR BA'I DOR BYAS BAS SO, ,NGED KYI SBYOR BA LA NI MA YIN TE, ,DE LA NGES PA BA NYID DU BSTAN PA NYID KYI PHYIR RO, ,CI LA BSAMS NAS 'DI MA NGES PA LTAR SNANG BAR BRJOD CE NA GSUNGS PA, RTZOL MA THAG TU BYUNG BA'I GTAN TSIGS KYI ZHES PA LA SOGS PA'O, ,GTAN TSIGS SBYIS SHE NA GSUNGS PA, PHYIN CI LOG GIS ZHES BA'O, ,PHYIN CI LOG PA NYID KYANG, NGES PA'I MA NGES PA NYID DO, ,'DIS NI DE'I BDAG LAS THA DAD PAS ZHES BA 'DI'I DON NYE BAR BSTAN TO, ,JI LTAR KHO BO CAG GI SBYOR BA DE LTAR SBYOR BA BYA BA NA NI ZHES PA'I DON TO, ,CHOS MTHUN BA NYID MTSUNGS PA LA SOG @301A *, ,BA RNAMS ZHES PA'I SOGS PA'I SGRAS CHOS MI MTHUN PA NYID DANG RNAM PAR RTOG PA DANG KHYAD PAR MTSUNGS PA LA SOGS PA RNAMS GZUNG BAR BYA'O, ,MA 'BREL PA RNAMS KHO NA'O ZHES PA DE SKYED PAR BYED PA MI SRID PA'I PHYIR RO, ,CHOS MTHUN NYID LA'ANG KHYAD PAR BRJOD, ,CES PA MTSAN NYID DO, , CHOS MTHUN PA NYID LA KHYAD PAR BRJOD PA YANG LTAG CHOD DE, PHRAD DANG MA PHRAD MTSUNGS PA LA SOGS PA RNAMS SU MA ZAD CES PA YANG GI SGRA'I DON TO, ,RNAM RTOG MTSUNGS YIN ZHES PA MTSON BYA'O, ,SNGA MA BZHIN LA BUM PA CHOS MTHUN PA NYID KYIS MI RTAG PA NYID DU BYAS PA LA ZHES PA DAM BCAS PA NA'O, ,'DI LTA STE SGRA MI RTAG STE BRTZAL MA THAG TU BYUNG BA NYID KYI PHYIR BUM PA BZHIN ZHES PA LA LTAG CHOD SMRA BA POS SMRAS PA, 'DI LA CHOS MTHUN PA NYID YOD NA, BUM PA KHO NA CHOS PAR BYA BA DANG MIG GIS GZUNG BAR BYA BAS TE, DES NA BUM PA KHO NA MIG GIS GZUNG BAR BYA BA NYID KYI PHYIR DANG TSOS PAR BYA BA NYID KYI PHYIR YANG MI RTAG PAR 'GYUR GYI, SGRA NI MA YIN TE, SGRA KHO NA MIG GIS GZUNG BYA MA YIN PA DANG TSOS PAR BYA BA MA YIN PA DANG MNYAN PAR BYA BA YIN GYI BUM PA NI MA YIN TE, DES NA SGRA KHO NA MIG GIS GZUNG BAR BYA BA MA YIN PA NYID LA SOGS PA NYID KYI PHYIR RTAG PAR 'GYUR GYI BUM PA NI MA YIN NO ZHES PA, GANG BSGRUB PAR BYA BA MI RTAG PA STE, DE LAS BZLOG PA RTAG PA NYID DU RTOGS PA NI RNAM RTOG MTSUNGS PA'O, ,DPE BRJOD LAS GZHAN PA YANG ZHES PA, DPE BRJOD NI BUM PA STE, DE LAS GZHAN KHAM PHOR LA SOGS PA LA YANG DANG CHU LA SOGS PA LA YANG BYAS PA NYID DU MTSUNGS PA LA JI LTAR TSOS PAR BYA BA DANG TSOS PAR BYA BA MA YIN PA NYID KYI BYE BRAG MTHONG BA DE LTAR SGRA DANG BUM PA DAG LA YANG BYAS PA NYID DANG CHOS MTHUN PA NYID YOD NA YANG RTAG PA DANG, MI RTAG PA NYID KYI KHYAD PAR DU 'GYUR RO, ,'KHRUL PA CAN GYI KHYAD PAR GYIS, ,ZHES PA TSOS PA MA YIN PA NYID KYIS SO, ,DE NI BUM PA LAS SGRA'I KHYAD PAR DU 'GYUR ZHING 'KHRUL PA CAN YANG STE, MI RTAG PA LAS GZHAN LA YANG YOD PA'I PHYIR RO, ,SPYI MIN GYIS KYANG ZHES PA THUN MONG MA YIN PA MNYAN PAR BYA BA NYID LA SOGS PAS SO, ,RTAG PAR THAL PHYIR DE SNANG NYID, ,CES PA GNYIS KA LA SBREL BAR BYA'O, ,'DI SKAD BSHAD PAR 'GYUR TE, TSOS PAR BYA BA MA @301B YIN PA NYID LA SOGS PA'I KHYAD PAR GYIS SAM, MNYAN PAR BYA BA NYID LA SOGS PA THUN MONG MA YIN PA'I CHOS KYIS MI RTAG PA NYID DU THAL BAR BYED PA'I PHYIR DE LTAR SNANG BA NYID DO ZHES PA'O, ,RANG GI PHYOGS LAM GRUB PA BZHIN DU ZHES PA LA SOGS PA NI SNGA MA'I PHYOGS LA YANG THUN MONG DANG THUN MONG MA YIN PA'I MA NGES PA'I CHOS NYID DU SGRO BTAGS NAS SO SOR GNAS TE, JI LTAR NGED KYI 'KHRUL PA CAN GYI THUN MONG BA DANG THUN MONG MA YIN PA'I CHOS DAG GIS RTAG PA NYID 'GRUB PA MED PA DE LTAR KHYOD KYI YANG ZHES PA'O, ,DE LTAR RANG GI PHYOGS MA GRUB PA BZHIN DU PHA ROL LA MA GRUB PAR STON PA'I PHYIR, SUN 'BYIN PAR MI 'GYUR RAM, SGRUB PAR BYED PAR YIN, RANG GI PHYOGS KYI ZHES BRTAG PAR BYA'O, ,SGRUB BYED YIN NA 'GAL BA DANG MA NGES PA LTAR SNANG BA'O ZHES PA, GAL TE TSOS PAR BYA BA MA YIN PA NYID LA SOGS PA RANG GI PHYOGS 'GRUB PA'I DON KHO NAR RAB TU SBYOR NA, DE LAS 'GAL BA MI 'KHRUL BA CAN LTAR SNANG BA NYID DE, STOBS MTSUNGS PA MA YIN PA NYID KYI PHYIR RO, ,GZHAN DU NA YANG ZHES PA LA SOGS PA, JI LTAR RDZAS MA YIN PA DANG LAS MA YIN PA'I SGRA BZHIN NO, ,MIG GIS GZUNG BYA MA YIN PA NYID YOD NA, MNGON SUM NYID LAS ZHES PA, MIG GIS GZUNG BYA MA YIN PA NYID DANG LHAN CIG PA KHO NA'I MNGON SUM NYID NI GTAN TSIGS NYID DO, ,DE LTAR TSOS PAR BYA BA NYID LA SOGS PA LHAN CIG PA KHO NA'I BRTZAL MA THAG TU BYUNG BA NYID NI GTAN TSIGS NYID YIN GYI, 'BA' ZHIG PA NI MA YIN TE, MNGON SUM NYID BZHIN DU 'KHRUL PA CAN NYID KYI PHYIR ZHES PA DE LTAR GAL TE TSOS PAR BYA BA NYID LA SOGS PA DANG BCAS PA GTAN TSIGS NYID SMRA NA, DE'I TSE RNAM PA 'DIS KYANG MA NGES PA LTAR SNANG BA'O, ,CI'I PHYIR ZHE NA GSUNGS PA, 'BA' ZHIG PA NI ZHES PA LA SOGS PA STE, MNGON SUM NYID DANG MIG GIS GZUNG BYA MA YIN PA NYID DAG GI 'BA' ZHIG PA DAG GTAN TSIGS NYID MA YIN GYI LHAN CIG PA NYID DAG KHO NA GTAN TSIGS SO, ,RTZOL MA THAG TU BYUNG BA NYID NI 'BA' ZHIG PA YANG GTAN TSIGS NYID DO ZHES PA TSOGS PA'I DON TO, ,GCIG NYID DU, THAL PHYIR KHYAD PAR MED PAR BYED, ,CES PA MTSAN NYID DO, ,BSGRUB PAR BYA BA DANG DPE'I CHOS CAN DAG ,MI RTAG @302A *, ,PA NYID LA SOGS PAR CHOS MTHUN PA NYID KYIS GCIG NYID DU THAL BAR 'GYUR BA'I PHYIR, GTAN TSIGS CHOS GZHAN RNAMS GYIS KYANG GANG GCIG NYID DU BYED PA DE NI KHYAD PAR MED PA BYED PA'O, ,MDO 'DIR 'DI DANG LHAN CIG 'DI'I KHYAD PAR MED PA'O ZHES MA BRJOD CES PA DE'I PHYIR, CI ZHIG NI CI ZHIG DANG LHAN CIG KHYAD PAR MED PA'O ZHES MI SHES ZHES PA DE'I PHYIR, DE YONGS SU SHES PA'I CHED DU GSUNGS PA, CHOS MTHUN PA NYID KYI DPER BYAS PA'I SKABS NYIS KYI PHYIR ZHES PA LA SOGS PA'O, ,RNAM PAR RTOG PA MTSUNGS PA LA NI, CHOS MTHUN NYID LA'ANG KHYAD PAR BRJOD, ,CES PA'I TSIG LAS CHOS MTHUN PA NYID KYI DPE'I SKABS SO, ,GANG PHYIR BRTZAL MA THAG TU BYUNG BA NYID NI SGRA'I CHOS MTHUN PA NYID KYI DPE BUM PA LA SOGS PA DANG CHOS MTHUN PA NYID DE, GZHAN DANG NI MA YIN NO, ,DE LTA NA YANG CI ZHIG DANG LHAN CIG CI ZHIG GCIG NYID DU THAL BAR 'GYUR BA MI SHES SO ZHE NA, DE'I PHYIR GSUNGS PA, DOD ZLAR SBYOR BA'I MNYAN PA MED PA'I PHYIR ZHES PA LA SOGS PA'O, ,BSGRUB PAR BYA BA LAS GZHAN NI 'DIR RE ZHIG DOD ZLAR SBYOR BA NYID DU RTOGS PAR BYAR NUS PA MA YIN TE, DE MA THOS PA NYID KYI PHYIR RO, ,BSGRUB PAR BYA BA NYID KYANG SKABS YIN PA NYID KYI PHYIR NYE BA NYID DE, DE'I PHYIR DE'I ZHES RTOGS PAR BYA'O, ,KHYAD PAR MED PAR THAL BAR 'GYUR ZHES PA DU MA'I DON CAN NYID KYI PHYIR BYED PA NI 'DIR THAL BAR 'GYUR BA'I DON DU RNAMS PAR SHES PAR BYA'O ZHES STON TO, ,DE LTAR BSGRUB PAR BYA BA'I CHOS CAN NI, CHOS MTHUN PA NYID KYI DPE DANG GCIG NYID DU THAL BAR 'GYUR PA'I PHYIR KHYAD PAR MED PAR THAL BAR 'GYUR BAR BYED PA NI KHYAD PAR MED PA MTSUNGS PA'O ZHES BSHAD PAR 'GYUR RE, ,CI ZHIG GI CI ZHIG DANG LHAN CIG KHYAD PAR MED CES PA, CI BUM PA KHO NA DANG SPRA KHYAD PAR MED DAM, 'ON TE SNAM BU LA SOGS PA GZHAN DANG YANG YIN, YANG NA CI BUM PA'I CHOS GCIG DANG SGRA KHYAD PAR MED PA'AM, 'ON TE BUM PA'I CHOS RNAMS THAMS CAD DANG YIN ZHES PA 'DI'I PHYIR GSUNGS PA, BYAD PAR DU MA BYAS PA NYID KYI PHYIR THAMS CAD KYI THAMS CAD DANG NGO ZHES PA, 'DIR KHYAD PAR NYE BAR BLANGS PA CUNG ZAD KYANG MED @302B DE DE'I PHYIR DNGOS PO THAMS CAD KYI CHOS RNAMS THAMS CAD DANG, PHAN TSUN KHYAD PAR MED PAR RIG PAR BYA'O, ,GAL TE BUM PA DANG CHOS MTHUN PA NYID MTHONG BA LAS GZHAN YANG KHYAD PAR MED PAR BYA NA ZHES PA 'DIS DE'I LUGS LA HA CANG THAL BA STON PAR BYED DE, GANG GI DBANG GIS KHYAD PAR MED PAR THAL BAR 'GYUR BA'O, ,BUM PA'I CHOS THAMS CAD CES PA LA SOGS PAS DE KHYAD PAR MED PAR THAL BAR 'GYUR BA'O, ,THAMS CAD KYI PHAN TSUN CHOS MTHUN PA NYID LAS ZHES PA GZHAL BYA NYID LA SOGS PA LAS 'GRO BA THAMS CAD GCIG NYID DU THAL BAR 'GYUR TE, KHYAD PAR MED PA NYID DU THAL BAR 'GYUR RO ZHES PA 'DI KHYAD PAR MED PAR MTSUNGS PA'O, ,SHIN TU THA DAD PA MA YIN PA ZHES PA NI RNAM RTOG MTSUNGS PA LA NI DNGOS SU KHYAD PAR STON CING, 'DIR NI KHYAD PAR MED PAR THAL BAR 'GYUR BA'I SGO NAS SO ZHES PA SBYOR BA TZAM THA DAD KYI DON NI MA YIN NO, ,DE'I PHYIR SHIN TU THA DAD PA MA YIN PA STE, DE'I PHYIR DE BZHIN DU MA NGES PA LTAR SNANG BA'O, , SHIN TU YOD PA MA YIN PA NYID KYI PHYIR ZHES PA, BRTZAL MA THAG TU BYUNG BA NYID DANG MI RTAG PA NYID KYANG GNYIS KA SHIN TU YOD PA MA YIN PA KHO NA'O, ,DE LTAR NI BRTZAL MA THAG TU SKYE BA NYID NI BRTZAL MA THAG TU 'BYUNG BA NYID DE, DE YANG SHIN TU YOD PA MA YIN PA KHO NA STE, RTZOL BA LAS SNGAR MED PA'I PHYIR RO, ,MI RTAG PA NYID KYANG GTAN NAS YOD PA MA YIN PA KHO NA'O, ,DE'I PHYIR BSGRUB BYA DANG SGRUB BYED DAG THA DAD MED PA'I PHYIR DAM BCA' BA'I DON GYI PHYOGS GCIG GTAN TSIGS SO ZHES PAS MA GRUB PA NYID DO, ,'DI YANG MA GRUB PA LTAR SNANG BA STE, CI'I PHYIR ZHE NA GSUNGS PA, SKYE BA LAS SNGAR MED PA ZHES PA LA SOGS PA'O; ,SKYE BA LAS SNGAR MED PA GANG GI YIN PA DE SKYE BA LAS SNGAR MED PA'O, ,YANG DE CI ZHE NA SKABS NYID KYI PHYIR BRTZAL MA THAG TU BYUNG BA STE, DE NI RTZOL BA LAS SNGAR SKYE BA MED PA'O ZHES PA 'DI NI RAB TU GRAGS PA'O, ,DE BSGRUB BYA'I RANG BZHIN NYID DU SGRO BTAGS NAS BSGRUB BYA DANG SGRUB BYED DAG KHYAD PAR MED PAR THAL BAR BYED PA'I PHYIR 'DI NI MA GRUB PAR LTAR SNANG BA'O, ,SKYE BA LAS SNGAR MED PA YANG BSGRUB PAR BYA BA NYID DU SGRO BTAGS PAS BSGRUB BYA'I CHOS LAS THA DAD PAR STON TO, ,BSGRUB BYA'I CHOS NI MI RTAG PA NYID DE, SNGA MA'I GNAS SKABS LAS KHYAD PAR DU BYUNG BA'O, , @303A *, ,RTZOL MA THAG TU BYUNG BA NYID NI BRTZAL MA THAG TU SKYE BA'AM MNGON PAR GSAL BA SHES PA'I MTSAN NYID CAN GYI CHOS GZHAN KHO NA'O, ,'DIR NI DE GRUB ZIN PA NYID KYI PHYIR BSGRUB PAR BYA BA YANG MA YIN GYI, 'O NA CI ZHE NA GRUB PA NGES MI RTAG PA NYID DU STE, ZHIG NAS MED PA'I RNAM GRANGS CAN GNAS SKABS KYI KHYAD PAR GYI BDAG NYID DO, ,GANG GSUNGS PA, GRUB PA YIS ZHES PA LA SOGS PA'O, ,MI RTAG PA BZHIN DU CHOS GZHAN SGRUB PAR BYED PA YANG ZHES PA, BRTZAL MA THAG TU BYUNG BA NYID NI JI LTAR MI RTAG PA LA MTHONG BA'I PHYIR MI RTAG PA NYID SGRUB PAR BYED PA DE LTAR TSOS PAR BYA BA NYID LA SOGS PA BSGRUB BYA'I KHYAD PAR DANG 'GAL BA CHOS GZHAN YANG STE, DE DANG LDAN PA BUM PA LA SOGS PA LA MTHONG BA'I PHYIR RO, ,DE LAS KYANG BSGRUB PAR BYA BA DANG CIG SHOS KYI CHOS DAG GI SGRUB PAR BYED PA NYID DU KHYAD PAR MED PA'I PHYIR KHYAD PAR MED PA'O, ,'DI YANG ZHES PA LA SOGS PA BSGRUB PAR BYA BA'I CHOS LA GNOD PAR BYED PA NI BSGRUB PAR BYA BA LA GNOD PAR BYED PA STE 'GAL BA'I CHOS SO, ,DE'I SGRUB PAR BYED PA NI BSGRUB BYA LA GNOD PAR BYED PA SGRUB PAR BYED PA STE, DE'I DNGOS PO NI BSGRUB BYA LA GNOD PAR BYED PA SGRUB PAR BYED PA NYID DO, ,'DIR NI DER RTZOD PA LA BSGRUB BYA LA GNOD PAR BYED PA SGRUB PAR BYED PA NYID KYI SGRA BA LTA BAR BYA STE, 'GAL BA'I GTAN TSIGS SU RTZOD PAR BYED PA NYID KYIS NA 'GAL BA LTAR SNANG BA'O ZHES PA'I DON TO, ,CI'I PHYIR ZHE NA GSUNGS PA, TSOS PAR BYA BA LA SOGS PA RNAMS LA NGES PA LAS ZHES PA, JI LTAR RTAG PA NYID BSGRUB PAR BYA BA LA BRTZAL MA THAG TU BYUNG BA NYID NI NGES PA NYID DE DE LTAR TSOS PA LA SOGS PA RNAMS LA'O, ,DE'I PHYIR 'DI NI 'GAL BA LTAR SNANG BA'O, ,BSHAD PA YANG ZHES DE MA THAG TU BSHAD PA'I DON TSIGS SU BCAD PAS SDUD DO, ,BSGRUB BYA GNOD BYED CHOS LA YANG, ,MTSUNGS PA NYID KYIS KHYAD MED BYED, ,RTZOD PA LA'O ZHES PA LHAG MA'O, ,BSGRUB PAR BYA BA LA GNOD PAR BYED PA'I CHOS LA MTSUNGS PA NYID KYIS GTAN TSIGS KYIS KHYAD PAR MED PAR BYED DE THAL BAR 'GYUR BAR BYED, GTAN TSIGS LA RTZOD PA GANG YIN PA, JI LTAR GTAN TSIGS 'DI 'DOD PA'I CHOS LA SGRUB PAR BYED PA NYID YIN PA DE LTAR @303B BSGRUB PAR BYA BA LA GNOD PAR BYED PA LA YANG NGO ZHES PA 'DI LTA BU'I RNAM PA CAN DE NI GTAN TSIGS SKYON LA 'GAL BAR SNANG BA'I KHYAD PAR MED PA MTSUNGS PA'I LTAG CHOD DU 'GYUR RO, ,BSGRUB PAR BYA BA DANG GTAN TSIGS KHYAD PAR MED PA 'BA' ZHIG LAS YIN PAR MA ZAD KYI 'O NA CI ZHE NA RNAM PA 'DIS KYANG NGO ZHES GSAL BAR BYA BA'I CHED DU YANG GI SGRA'O, ,SKYON MED NA NI GTAN TSIGS LA RTZOD PA, DE SUN 'BYIN PAR 'GYUR RO ZHES PA 'DI TSIGS SU BCAD PA'I DON TO, ,YANG CI CHOS MTHUN PA NYID DANG, CHOS MI MTHUN PA NYID DANG, RNAM PAR RTOG PA DANG KHYAD PAR MED PA MTSUNGS PA 'DI RNAMS THAMS CAD DU LAN LTAR SNANG BA RNAMS KHO NAR 'GYUR RAM 'ON TE 'BA' ZHIG TU LAN RNAMS SU YANG YIN ZHE NA, DE'I PHYIR GSUNGS PA, LAN RNAMS 'GYUR ZHES PA LA SOGS PA'O, ,MTHA' GCIG TU NGES PA DANG LDAN PA'I SNGA MA'I PHYOGS LA'O, ,GAL TE 'DI RNAMS MTHA' GCIG PA RNAMS KYIS SO SOR GNAS PAR GYUR NA, DE'I TSE 'DI RNAMS SUN 'BYIN PA KHO NA RNAMS SU 'GYUR RO, ,SO SOR GNAS PA MTSUNGS PA'I PHYIR NA, DE LTAR SNANG BA RNAMS SU MA YIN NO, ,RNAM PA GZHAN GYIS KYANG LAN RNAMS SU 'GYUR BAR STON PA GSUNGS PA, PHYOGS SNGA MA LA YANG MA NGES PA NYID DANG LDAN NA ZHES PA LA SOGS PA STE, MA NGES PA DANG LDAN PA'I PHYOGS SNGA MA LA, GAL TE DE SKAD BRJOD PA'I 'KHRUL PA CHOS MTHUN PA NYID MTSUNGS PA LA SOGS PA DANG DOD ZLAR GNAS PAR GYUR NA, DE LTA NA YANG DE SUN 'BYIN PA RNAMS SU 'GYUR RO, ,'DI NYID STEN TE, DE'I PHYIR SUN 'BYIN PA'I SGO NAS SAM ZHES PA LA SOGS PAS SO, ,DE LA CHOS MTHUN PA NYID DANG CHOS MI MTHUN PA NYID MTSUNGS PA DAG LA NI MA NGES PA DANG LDAN PA'I PHYOGS SNGA MA LA MA NGES PA DANG LDAN PA KHO NAS DOD ZLAR GNAS PA'I PHYIR, SUN 'BYIN PA'I SGO NAS THUN MONG GI MA NGES PAR RTZOD PA'I PHYIR DANG, MTHA' GCIG PA DANG LDAN PA LA MTHA' GCIG PAS DOD ZLAR GNAS PA'I PHYIR SGRUB PAR BYED PA'I SGO NAS 'GAL BA DANG MA NGES PAR RTZOD PA LAS SO, ,RNAM RTOG MTSUNGS PA LA NI THUN MONG MA YIN PA'I MA NGES PA DANG PHYOGS SNGA MA LA, THUN MONG DANG THUN MONG MA YIN PA DAG GIS DOD ZLAR GNAS PA'I PHYIR, @304A *, ,SUN 'BYIN PA'I SGO NAS THUN MONG DANG THUN MONG MA YIN PA'I MA NGES PAR RTZOD PA LAS DANG, MTHA' GCIG PA DANG LDAN PA LA MTHA' GCIG TU GNAS PA MA YIN PAS DOD ZLAR GNAS PA'I PHYIR SGRUB PAR BYED PA'I SGO NAS 'GAL BA DANG MA NGES PAR RTZOD PA LAS SO, ,DE BZHIN DU KHYAD PAR MED PA MTSUNGS PA DANG PO LA STE, GSUM PA LA NI NGES PA DANG LDAN PA LA NGES PA NYID KYIS DOD ZLAR GNAS PA'I PHYIR SUN 'BYIN PA'I SGO NAS BSGRUB BYA LA GNOD PAR RTZOD PA'I PHYIR, 'DI RNAMS NI SUN 'BYIN PA KHO NA RNAMS SU 'GYUR RO, ,GAL TE MTHONG LA GNOD MED NA, ,ZHES PA BSGRUB PAR BYA BA LA GNOD PAR RTZOD PA LA DMIGS KYIS BSAL BA GSUNGS SO, ,MTHONG BA NI CHAD MAS RAB TU GRUB BA'O, ,JI LTA BUR MTHONG BAS GNOD PA CI ZHIG TU YIN ZHE NA GSUNGS PA, JI LTAR NA ZHES PA LA SOGS PA'O, ,DAM BCA' BA'I SKYON KHO NA LAS ZHES PA, GAL TE RNA BA'I RNAM PAR SHES PAS GRUB PA'I SGRA'I RANG GI MTSAN NYID MED CES DAM 'CHA' NA, DE'I TSE MNGON SUM GYIS RAB TU GRUB PAS GNOD PA'I PHYIR DAM BCA' BA MI 'GRUB BO, ,CI STE MNYAN PAR BYA BA'I SGRA'I BRJOD BYA SGRA RU MI 'GYUR RO ZHES PA DE LTA YANG GRAGS PAS GRUB PAS SO, ,GANG LA ZHES PA LA SOGS PA STE, RDUL GNYIS PA CAN NI RDUL SNGON MA CAN YIN TE, RAGS PA NYID KYI PHYIR BUM PA BZHIN ZHES BYAS PA LA, JI LTAR GTAN TSIGS 'DIS RDUL SNGA MA CAN NYID DU SGRUB PAR BYED CING, 'DI LTAR RAGS PA'I RDUL SNGON MA CAN NYID DU YANG ZHES PA, SHIN TU RAGS PA LA LTOS PAS GANG RDUL YIN PA DE RAGS PA'I RDUL LO, ,DE LTA NA YANG RDUL PHRA RAB RNAMS RAGS PA NYID DU YANG 'GRUB STE, 'DIR TSAD MA 'GA' ZHIG GIS KYANG RDUL PHRA RAB RNAMS RAGS PA NYID DU BSGRUB PAR BYA BZHIN PA LA GNOD PA'ANG MA YIN NO, ,DE LA LAN CI YIN ZHE NA GSUNGS PA, GNOD BYED MED NA 'GAL BA NYID, ,CES PA'O, ,CI'I PHYIR ZHE NA GSUNGS PA, BSGRUB BYA GNOD BYED SGRUB BYED PHYIR, ,CES PA'O, , YANG CI LTAR RAGS PA NYID LA RAGS PA'I RDUL SNGON MA CAN NYID KYIS KHYAB, JI SRID DU 'DIR 'BREL PA 'GA' ZHIG KYANG YOD PA MA YIN TE, DE LAS KYANG RAGS PA YANG 'GYUR ZHING RAGS PA MA YIN PA'I RDUL SNGON MA CAN YANG NGO ZHES PAS, CI ZHIG LAS 'GAL BA NYID YIN ZHE NA, JI LTAR @304B 'GAL BA DE LTAR BRJOD PAR BYA STE, YAN LAG CAN GYI RDZAS NI MTSUNGS PA'I YUL SA CAN NO ZHES PA'I GZHUNG LAS, JI SRID DU NAM MKHA'I YUL PHYOGS YAN LAG GI RDZAS THOB PA DE SRID KHO NAR YAN LAG CAN GYI RDZAS KYANG STE, DE'I PHYIR RDUL GNYIS PA CAN RAGS PA NYID DU 'DOD PA POS DE RTZOM PAR BYED PA'I RDUL GNYIS PA CAN YANG MA YIN TE, DE DANG MTSUNGS PA'I YUL PHYOGS CAN NYID KYI PHYIR RAM, YUL PHYOGS THA DAD PA NYID NA RDUL PHRAN NI DE'I YAN LAG TU MI 'GYUR RO, ,DE'I PHYIR RDUL GNYIS PA CAN RAGS PA NYID DU KHAS LEN PA POS GDON MI ZA BAR DE'I YAN LAG KYANG KHAS BLANG BAR BYA'O ZHES PAS 'GAL BA NYID DO, ,DMIGS PA MTSUNGS PA ZHES PA MTSON BYA STE, LHAG MA MTSAN NYID DO, ,GTAN TSIGS GZHAN GYIS KYANG ZHES PA'I KYANG GI SGRA NI NGES PAR GZUNG BA'I DON CAN TE, GTAN TSIGS GZHAN KHO NAS ZHES PA'I DON TO, ,GAL TE GLOG LA SOGS PA LA GZHAN LAS MI RTAG PA NYID 'GRUB MOD, DE LAS GANG GIS DE MI RTAG PA'I GTAN TSIGS SU MI 'GYUR BA BRTZAL MA THAG TU BYUNG BA NYID LA CI ZHIG 'ONGS SHE NA BSHAD PA, DE NI MA YIN ZHES PA LA SOGS PA STE, RGYU NI BYED RGYU'O, ,RGYU'I SGRAS BSNAN PA LAS, BYED PA CAN GYI CHOS SHES PAR BYED PA'I RGYU LA SGRO BTAGS NAS, GANG ZHIG GANG MED KYANG 'GYUR BA DE'I DE RGYU MA YIN TE, DPER NA CHU ME'I BZHIN, MI RTAG PA NYID KYANG BRTZAL MA THAG TU BYUNG BA NYID MED PAR 'GYUR RO ZHES, RGYU DANG RGYU DANG LDAN PA'I DNGOS PO'I THA SNYAD DGAG PA'I CHED DU RGYU DANG 'GAL BA BSHAD DO, ,'DI NI MI RTAG PA NYID LA GTAN TSIGS MA YIN TE, KHYAB BYED MA YIN PA NYID KYI PHYIR ZHES PA, GANG ZHIG GANG GI KHYAB PAR BYED PAR MI 'GYUR BA DE NI DE'I GTAN TSIGS MA YIN TE, DPER NA SEMS PA DANG BCAS PA'I NYAL BA BZHIN, RTZOL MA THAG TU BYUNG BA NYID KYANG MI RTAG PA NYID KYI KHYAB PAR BYED PA MA YIN NO, ,KHYAB BYED MI DMIGS PA'I GZUGS BRNYAN NO, ,BSGRUB BYAR MA NGES SGRO BTAGS NAS, ,ZHES PA LA SOGS PA STE, BSGRUB BYA'I GANG MA NGES PA 'KHRUL PA STE, DER RTZOL MA THAG TU BYUNG BA NYID KYI GTAN TSIGS LA SGRO BTAGS NAS, GTAN TSIGS 'KHRUL @305A *, ,PA NYID DU RTZOD PA'I PHYIR, DE'I GZUGS BRNYAN NYID MA NGES PA LTAR SNANG BA NYID DO ZHES PA'I DON TO, ,BYED PA CAN GYI RGYU LA NI ZHES PA LA SOGS PAS, BYED PA'I CHOS GZHAN YIN ZHING, SHES PAR BYED PA'I CHOS GZHAN TE, DE'I PHYIR RGYU'I THA SNYAD TZAM MTSUNGS PA LAS BYED PA'I CHOS SHES PAR BYED PA LA MI 'GYUR ZHES STON CING, GTAN TSIGS SNGA MA DU BA LA SOGS PA RNAMS KYIS MA NGES PAR GSAL BAR BYED DO, ,DE LTAR NI DU BA LA SOGS PA MED KYANG ME LA SOGS PA RNAMS 'GYUR MOD, DE STE YANG DE RNAMS NI DE RNAMS KYI GTAN TSIGS RNAMS SO, , GNYIS PA LA YANG GTAN TSIGS MA GRUB PA NYID DU GSAL BAR BYED PA GSUNGS PA, MA KHYAB PA NYID KYIS ZHES PA LA SOGS PA'O, ,GTAN TSIGS TE BRTZAL MA THAG TU BYUNG BA NYID, ,MA KHYAB PA NYID KYIS GANG MTHUN PA'I PHYOGS KYI PHYOGS GCIG LA MED PA STE, BSGRUB BYA STE, CHOS CAN SGRA LA RNAM PAR RTOG PAR BYED DE, DE'I PHYIR MA GRUB PA LTAR SNANG BA'O, ,'O NA BSGRUB PAR BYA BA GLOG LA SOGS PA LA BRTZAL MA THAG TU BYUNG BA NYID MED PA YOD PA KHO NA YIN NAM, DES NA RNAM PAR RTOG PAR BYED CES BRJOD CE NA, DE'I PHYIR GSUNGS PA, SGRAR GNAS PAS THAMS CAD SGRUB PAR BYED PA MA YIN ZHE NA, GANG GI PHYIR SGRA'I RJES SU SON PA'I BRTZAL MA THAG TU BYUNG BA NYID KYIS GLOG LA SOGS PA RNAM PA THAMS CAD MI RTAG PA NYID DU BSGRUB PAR BYA BA MA YIN PAS SO ZHES PA'I DON TO, ,YANG CI'I PHYIR MA GRUB PAR SNANG BA YIN GYI SUN 'BYIN PA KHO NA NI MA YIN ZHE NA, DE'I PHYIR GSUNGS PA, BSGRUB PAR BYA BA KHO NA LA MED PA'I PHYIR MA GRUB PAR 'GYUR RO ZHES PA'O, ,DE 'GYUR MOD KYI DE LA YANG MED DO ZHE NA, DE'I PHYIR GSUNGS PA, SGRA LA GTAN TSIGS DE MED PA YANG MA YIN NO ZHES PA'O, ,THE TSOM ZHES BYA ZHES PA LTAG CHOD KYI MING NGES PAR STON PA'O, ,DON THA DAD PAS ZHES PA LA SOGS PA MTSAN NYID DO, ,DON NI RNAM PA GNYIS TE, DAM BCA' BA'I DON DANG GTAN TSIGS KYI DON TO, ,DE THA DAD NI BRJOD PAR 'DOD PA'I DON LAS DON GZHAN DE DES GTAN TSIGS LA GANG THE TSOM RTZOD PA THE TSOM DU RJOD PAR BYED PA DE THE TSOM MTSUNGS PA'I LTAG CHOD DO, ,GANG DU DAM @305B BCAS PA'I DON BRTAGS PAS SAM ZHES PA, BRJOD PAR 'DOD PA'I DAM BCA'I DON LAS DAM BCA' BA'I DON GZHAN BRTAGS PAS SO, ,GTAN TSIGS KYI DON BRTAGS PAS ZHES PA BRJOD PAR 'DOD PA'I GTAN TSIGS KYI DON LAS GZHAN PA'I GTAN TSIGS KYI DON BRTAGS PAS SO, ,RTZOL MA THAG PA NI GSAL BA DANG SKYE BA MTHONG BA'I PHYIR THE TSOM ZA'O ZHES PA, SKYE BA'I DON DU DAM BCA'I DON BRTAGS NAS SUN 'BYIN PAR BYED DE, BRTZAL MA THAG TU GSAL BA YANG MTHONG STE, DPER NA RTZA BA'I CHU LA SOGS PA RNAMS LTA BU'O, ,SKYE BA YANG BUM PA LA SOGS PA RNAMS SO, ,DES NA CI 'DI RTZA BA'I CHU LA SOGS PA LTAR GSAL BAR BYA BA'AM, 'ON TE BUM PA LA SOGS PA BZHIN BSKYED PAR BYA BA YIN ZHES MA NGES PA STE, DE'I PHYIR MI RIGS ZHES PA LA SOGS PA'O, ,GANG GI PHYIR DE LTAR THE TSOM ZA BA DE'I PHYIR NA BRTZAL MA THAG TU BYUNG BA NYID KYI GTAN TSIGS 'DI LAS SGRA NI SKYES PAR MI RIGS SO ZHES PA DAG GI DON TO, ,BSGRUB BYAR SGRO BTAGS NA MA NGES, LTAR SNANG ZHES PA BSGRUB PAR BYA BA MI RTAG PA NYID BSKYED PAR BYA BAR SGRO BTAGS NA NI MA NGES PA LTAR SNANG BA'O ZHES PA'I DON TO, ,DE LA YANG ZHES PA BSKYED PAR BYA BA LA'O, ,CI'I PHYIR THE TSOM ZA ZHE NA, BSHAD PA, DE LTAR NI ZHES PA LA SOGS PA'O, ,CI'I PHYIR MA NGES PA LTAR SNANG BA YIN ZHE NA GSUNGS PA, 'JIG PA NYID BSGRUB PAR BYA BA NYID KYI PHYIR ZHES PA DANG, GSAL BAR BYA BA RNAMS LA YANG 'JIG PA NYID YOD DO ZHES PA, 'JIG PA NYID BSGRUB PAR BYA BA LA RTZA BA CHU LA SOGS PA RNAMS KYIS MA NGES PA NYID MED DO ZHES STON TO, ,SGRO BTAGS NA 'JUG GO ZHES PA, BSGRUB BYA SGRO BTAGS NAS ZHES PA 'DIR BSHAD PA'I SGRO BTAGS PA SMOS PA 'DIR YANG RJES SU 'JUG GO, ,GAL TE GTAN TSIGS SGRO BTAGS NAS, ,ZHES PA LA SOGS PA, BRTZAL MA THAG TU NYE BAR DMIGS PA PA'I MTSAN NYID CAN GTAN TSIGS SU BRJOD PA LA, GAL TE BRTZAL MA THAG DU SKYE BAR SGRO BTAGS NAS SUN 'BYIN PAR BYED DE, BRTZAL MA THAG PA CAN NYID KYI PHYIR ZHES PAS CI BRJOD PAR 'GYUR NA, BRTZAL MA THAG TU SKYE BA'I PHYIR RO ZHES PA STE, @306A *, ,SKYA BA DE YANG DE LA MA GRUB PO ZHES PA, DE'I PHYIR MA GRUB BA LTAR SNANG BA'O, ,CI'I PHYIR ZHE NA GSUNGS PA, BRTZAL MA THAG NYE BAR DMIGS PA ZHES PA LA SOGS PA'O, ,MI MTHUN PHYOGS LA DON GYIS NI, ,MI 'DOD BRJOD PA ZHES PA MTSAN NYID DO, ,LHAG MA MTSON BYA'O, ,SNGA MA BZHIN DU SGRUB BYED BYAS PA LA SMRAS PA, 'DI SKAD SMRA BA'I KHYOD KYI DON GYIS BRTZAL MA THAG BYUNG BA NI RTAG PA'O ZHES BRJOD PAR 'GYUR RO, ,DE LAS KYANG GLOG LA SOGS PA RNAMS KYIS MA NGES PA'O ZHES SO, ,GZHAN BSGRUB BYA NYID LA 'KHRUL PA ZHES PA MI RTAG PA NYID LAS GZHAN RTAG PA NYID DE DE RTZOL MA THAG PA CAN MA YIN PA NYID KYIS BSGRUB PAR BYA BA LA, GTAN TSIGS 'KHRUL PA STE, MI RTAG PA NYID LA BRTZAL MA THAG CAN GYIS NI MA YIN NO, ,DE'I PHYIR MA NGES PA LTAR SNANG BA'O, ,CI'I PHYIR ZHAN GSUNGS PA, GTAN TSIGS RTAG PA LA YANG YOD PA NI MA YIN NO ZHES SO, ,YANG NA ZHES PA RNAM PA GZHAN STON PA'O, ,'DIR NI SGRO BTAGS PA'I NGES PA'I 'KHRUL PA GANG YIN PA DE GTAN TSIGS LA SGRO BTAGS NAS RTZOD PA LAS MA NGES PA LTAR SNANG BAR 'GYUR RO ZHES RIG PAR BYA'O, ,THAL 'GYUR MTSUNGS PA ZHES PA MTSON BYA DANG, LHAG MA MTSAN NYID DO, ,RAB TU GRUB BA'I DPE LA YANG, GNYIS DAG NI RGOL BA DANG PHYIR RGOL BA DAG GO, ,GANG GIS GTAN TSIGS TSOL BAR BYED PA'O, ,BUM PA KHO NA RE ZHIG MI RTAG PA'O ZHES PA 'DI LA GTAN TSIGS CI ZHIG CES PA 'DI NI THAL 'GYUR MTSUNGS PA'O, ,DPE LTAR SNANG BA BZHIN 'DI YIN, ,ZHES PA, BSGRUB PAR BYA BA DANG LDAN PA NYID DU GRUB PA'I BUM PA LA YANG BSGRUB BYA DANG BRAL BA NYID DU RTZOD PA'I PHYIR RO, ,YANG 'BRAS BU MTSUNGS PA LAS 'DI 'I KHYAD PAR CI ZHIG STE, JI TZAM DU DER YANG SGRA'I 'BRAS BU NYID BUM PA LA MED DO ZHES RTZOD PA'I PHYIR DPE'I SKYON LTAR SNANG BAR BRJOD PA KHO NA'O ZHE NA DE'I PHYIR GSUNGS PA, SNGA MA NI ZHES PA LA SOGS PA'O, ,DER NI SGRA'I 'BRAS BU NYID BUM PA LA MED DO ZHES GTAN TSIGS RJES SU 'GRO BA MED PAS DPE'I SKYON LTAR SNANG BA NYID DU BSHAD CING, 'DIR NI BSGRUB PAR BYA BA RJES SU 'GRO BA MED PAS, DE LTAR SNANG BA NYID DU'O ZHES @306B PA KHYAD PAR RO, ,'DI NI PHYOGS TZAM ZHES PA LA SOGS PA, 'DI NI NGED KYIS LTAG CHOD RNAMS LA PHYOGS TZAM NYE BAR BSTAN PA STE, GTAN TSIGS MA TSANG BA NYID LA SOGS PA LTAR SNANG BA'I PHYIR, DE RNAMS NI MTSANG BA NYID LA SOGS PA LTAR SNANG BA NYID KYIS NA LAN LTAR SNANG BA NYID DU SHES PA'I DON DU'O, ,PHYOGS 'DIS GZHAN RNAMS LA YANG MI RIGS PA'I LAN NYID DU RIG PAR BYA'O, ,MA TSANG BA NYID LA SOGS PA LTAR SNANG BA NYID KYIS ZHES PA, SOGS PA'I SGRAS MA GRUB PA NYID LA SOGS PA RNAMS GZUNG NGO, ,'PHEL BA DANG 'GRIB PA MTSUNGS PA LA SOGS PA RNAMS LA ZHES PA 'DIR YANG SOGS PA'I SGRA BSGRAGS BYA DANG, BSGRAGS BYA MA YIN PA DANG, 'THAD PA DANG ZLA BO'I DPE DANG SKABS MTSUNGS PA LA SOGS PA RNAMS SO, ,YANG CI LTAR PHYOGS TZAM GYIS GZHAN LA YANG MI RIGS PA'I DON NYID DU SHES PAR NUS SHE NA GSUNGS PA, 'DI RNAMS KHO NA ZHES PA LA SOGS PA STE, TZAM SMOS PAS NI SBYOR BA'I KHYAD PAR KHO NA LAS RAB TU DBYE BA MTHA' YAS PA SKYE'I, DON GYI KHYAD PAR LAS NI MA YIN NO ZHES STON TO, ,DE NYID KYI PHYIR DON THA MI DAD PA NYID KYI PHYIR NA DE RNAMS LA JI SKAD BRJOD PA'I PHYOGS KYIS MA TSANG BA NYID LA SOGS PA LTAR SNANG BA NYID KYIS NA MI RIGS PA'I LAN NYID DU SHES PAR NUS SO, ,DE LA 'PHEL BA MTSUNGS PA NI SBYOR BA SNGA MA BZHIN BYAS PA LA LTAG CHOD SMRA BA POS SMRAS PA, GAL TE BRTZAL MA THAG TU BYUNG BA NYID DU CHOS MTHUN PA LAS JI LTAR BUM PA MI RTAG PA DE LTAR SGRA YANG 'DOD NA BUM PA DANG 'DRA BA KHO NAR SGRA YANG LUS CAN DU 'THOB BO ZHES PA'O; ,'DI NI BSGRUB PAR BYA BA LA DPE'I CHOS 'PHEL BAR BYED PA'I PHYIR 'PHEL BA MTSUNGS PA'O, ,YANG NA BUM PA MNYAN BYA MA YIN TE, DE'I PHYIR SGRA YANG MNYAN BYA YIN PAR MI 'GYUR RO ZHES PA 'DI NI BSGRUB BYA LA CHOS GZHAN 'GRIB PAR BYED PA'I PHYIR 'GRIB PA MTSUNGS PA'O, ,BSGRAGS PAR 'OS PA NI BSGRAGS BYA STE, BSGRUB BYA'O ZHES PA'I DON TO, ,JI LTAR SGRA BSGRAGS BYA YIN PA DE LTAR BUM PA YANG NGO ZHES PA BSGRAGS BYA MTSUNGS PA'O, ,YANG NA BUM PA BSGRAGS BYA MA YIN PA DE LTAR YANG NGO ZHES PA BSGRAGS BYA MA YIN PA MTSUNGS PA'O, ,BZHI PO 'DI RNAMS KYANG KHYAD PAR @307A *, ,MED PA MTSUNGS PA DANG, RNAM RTOG MTSUNGS PAR NANG DU 'DU'O, ,GAL TE MI RTAG PA'I 'THAD PA RTZOL MA THAG TU BYUNG BA NYID LAS SGRA MI RTAG PA YIN NA, RTAG PA'I 'THAD PA LUS CAN MA YIN PA NYID LAS RTAG PAR 'GYUR RO ZHES PA 'THAD PA MTSUNGS PA STE, 'DI YANG RTAG PAR CHOS MTHUN PA NYID DAM, MI RTAG PAR CHOS MI MTHUN PA NYID KYIS MA NGES PAR DGRA ZLAR GNAS PAR BYED PA'I PHYIR CHOS MTHUN PA NYID DANG, MI MTHUN PA NYID MTSUNGS PA DAG GI NANG DU 'DU'O, ,DPE'I ZLA BO MTSUNGS PA NI GAL TE MI RTAG PA BSGRUB PAR BYA BA LA BUM PA LA SOGS PA'I DPE YOD DO ZHES PAS SGRA MI RTAG PA YIN NA, RTAG PA BSGRUB PAR BYA BA LA YANG NAM MKHA' LA SOGS PA'I DPE YOD DO ZHES PAS LUS CAN MA YIN PA NYID KYI PHYIR NAM MKHA' LA SOGS PA BZHIN DU RTAG PAR 'GYUR RO ZHES PA'O, ,'DI NI CHOS MI MTHUN PA MTSUNGS PA'I NANG DU 'DU STE, GAL TE BUM PA'I CHOS MI MTHUN PA NYID DU DOD ZLAR GNAS PAR BYED NA'O, ,CI STE NAM MKHA'I CHOS MTHUN PA NYID DU YIN NA DE'I TSE CHOS MTHUN PA NYID MTSUNGS PAR RO, ,SKABS MTSUNGS PA NI 'DI LTA STE, SNGA MA BZHIN BYAS PA LA, RTZOL MA THAG TU BYUNG BA NYID 'DI YOD PA LA, SKABS 'DI BRTZAMS NA, CIS NA RTAG PA MI RTAG PA YIN ZHES PA STE, RTZOL MA THAG TU BYUNG BA NI GSAL BYA DANG BSKYED BYA DAG GIS RTAG PA DANG MI RTAG PA DAG LA MTHONG BA'I PHYIR RO, ,DE'I PHYIR GTAN TSIGS SKABS LAS MI 'DA'O ZHES PA 'DI YANG CUNG ZAD TZAM GYI KHYAD PAR THA DAD PA STE, THE TSOM MTSUNGS PAR NANG DU 'DU'O, ,DE LTAR GZHAN LA YANG NANG DU 'DUS PA SHES PAR BYA'O, ,'O NA MA TSANG BA NYID LA SOGS PA RNAMS BRJOD PAR BYA BA'I CHOS MA YIN NAM, DE CI LTAR LTAG CHOD KYI LAN MA TSANG BA NYID LA SOGS PA LTAR SNANG BAR BSHAD CE NA, GSUNGS PA, 'DIR GANG KHO BO CAG GIS ZHES PA LA SOGS PA'O, ,GZHAN DU NA ZHES PA GAL TE NYE BAR BTAGS PA MA BYAS PAR BRJOD NA ZHES PA'I DON TO, ,GAL TE 'DI LTAR BRJOD NA SKYON CI ZHIG TU 'GYUR ZHE NA GSUNGS PA, DE LTA NA YANG ZHES PA LA SOGS PA'O, ,THAMS CAD NYE BAR SDUD PA RNAMS LA MTSUNGS PAR THAL BAR 'GYUR BA'I PHYIR ZHES PA, JI LTAR KHO NAR 'DI KHYOD KYI SGRUB BYED @307B YIN PA DE LTAR NGA'I YANG 'DI LAN NO ZHES PA 'DI LTAR SNGA MA DANG PHYI MA'I PHYOGS THAMS CAD LA MTSUNGS PA NYID DU 'BYUNG BAR BYED PA'I PHYIR RO, ,PHYIN CI LOG DANG MI BDEN NYID, ,CES PA LA SOGS PA STE, DANG GI SGRA NI BSDU BA LA'O, ,NI'I SGRA NI NGES PAR 'DZIN PA LA STE, 'DI LA KHYAD PAR MTSON PA MED PA KHO NA'O, ,YANG NA SKYON GSUM KHO NA'O ZHES RIM PA GZHAN DU SBYAR BAR SHES PAR BYA'O, ,DE LA PHYIN CI LOG NI SNGA MA'I PHYOGS LA RAB TU SBYAR BA'I GTAN TSIGS MTSAN NYID DANG BRAL BA'O, ,MI BDEN PA NI BRDZUN PA STE, GANG GI DON JI LTAR DAM BCAS PA DE LTAR MA YIN PA'O, ,'GAL PA NI GANG GI DON LHAN CIG MI GNAS PA'O, ,DE LA RE ZHIG PHYIN CI LOG CES PA LA SOGS PA, SOGS PA'I SGRAS NI DE'I RNAM PA CAN GZHAN YANG GZUNG NGO, ,DE LA GZHI RNAMS ZHES PA CHOS MTHUN PA MTSUNGS PA LA SOGS PA RNAMS KYI 'O, ,MA NGES PA CHOS MTHUN PA NYID LA SOGS PAS ZHES PA CHOS MTHUN PA NYID DANG CHOS MI MTHUN PA NYID MTSUNGS PA DAG GI LUS CAN MA YIN PA NYID KYIS DANG, RNAM PAR RTOG PA DANG KHYAD PAR MED PA MTSUNGS PA DAG GI TSOS BYA MA YIN PA DANG, MIG GIS GZUNG BYA MA YIN PA NYID LA SOGS PAS SO, ,NGES PA LA NI ZHES PA LA SOGS PAS THA MI DAD PA STON TO, ,LHAN CIG MI GNAS PA'I PHYIR ZHES PA, NGES PA DANG MA NGES PA DAG LHAN CIG GNAS PA YOD PA NI MA YIN PAS TE, DE LTAR NI NGES PA YOD NA MA NGES PA LDOG GO, ,RNAM PAR RTOG PA MTSUNGS PA LA NI 'DI MI RIGS TE ZHES PA, RTZOD PA SGRUB PAR NI TSOS PAR BYA BA NYID MA NGES PA NYID DU BSTAN PA'I CHED DU BSHAD DE, MI RTAG PA NYID MED PAR BRTZAL MA THAG TU BYUNG BA NYID MTHONG BA MED DE, ME DANG DU BA BZHIN NO, ,RJES SU DPAG PA'I CHED DU DE BSHAD DO, ,TSOS BYA NYID LA SOGS PA MED PAR RLUNG G-YAB KYI RLUNG LA SOGS PA RNAMS LA MI RTAG PA NYID MTHONG BA MED PA NI MA YIN TE, DE'I PHYIR 'DI PHYIN CI LOG GO ZHES SO, ,DE 'DI MI RIGS SO, ,CI LTAR MI RIGS SHE NA GSUNGS PA, PHA ROL POS NI ZHES PA LA SOGS PA, TSOS BYA NYID LA SOGS PAS BUM PA LA MI RTAG PA NYID DU BRJOD PA MA YIN ZHES SBREL LO, ,CI'I PHYIR BRJOD PA MA YIN ZHE NA, BUM PA LA MI RTAG PA NYID GNYIS KA @308A *, ,LA GRUB ZIN PA NYID KYI PHYIR RO, ,DE LA ZHES PA TSOS PAR BYA BA MA YIN PA NYID LA SOGS PA RTAG PA NYID SGRUB PAR BYED PA LA'O, ,DE LTAR GZHAN GYI PHYOGS LA MA NGES PA NYID DU BSHAD PAR 'GYUR RO ZHES PA MI MTHUN PA'I PHYOGS LA YANG TSOS BYA MA YIN PA NYID LA SOGS PA MTHONG BA'I PHYIR RO,, SNGA MA LA NI MA KHYAB PA NYID CES PA, RE ZHIG PHA ROL POS TSOS BYA NYID LA SOGS PAS MI RTAG PA NYID DU BRJOD PA MA YIN ZHING, DE LTAR BRJOD PA YOD NA YANG MA NGES PA NYID DU 'DI LTAR BSTAN PAR 'GYUR BA MA YIN GYI, 'O NA CI ZHE NA, GTAN TSIGS BSGRUB BYA LA MA KHYAB PA NYID DU'O, ,MA KHYAB PA GO BAR BYED PA MA YIN PA YANG MA YIN TE, JI LTAR BRTZAL MA THAG TU BYUNG BA NYID MI RTAG BA NYID LA BZHIN NO, ,PHA ROL POS SHES PA LA SOGS PA STE, RTZOD PA SGRUB PAR BSHAD PA MNYAN PAR BYA BA NYID KYANG SGRA DANG RTZOL MA THAG TU BYUNG BA NYID KYI 'ANG YOD PA LA MTHONG STE, DE LAS THAL BAR 'GYUR YANG 'DI LAS MNYAN PAR BYA BA MA YIN PA NYID RJES SU DPAG PA NI MTHONG BA'I NUS PA LAS LDOG GO, ,RTZOL MA THAG TU BYUNG BA NYID KYI'ANG YOD PA 'DI RTAG PA NYID DU MTHONG ZHING, GANG NUS PA LAS MI RTAG PA NYID RJES SU DPAG PA LDOG PA NI MA YIN NO, ,DE'I PHYIR 'DI PHYIN CI LOG KHO NA'O ZHES SO, ,'DI YANG MI RIGS TE, GANG GI PHYIR PHA ROL POS SGRA LA RTZOL MA THAG TU BYUNG BA NYID KYI PHYIR MNYAN PAR BYA BA MA YIN PA NYID RJES SU DPAG PAR BYAS PA MA YIN GYI, 'O NA CI ZHE NA, MNYAN PAR BYA BA NYID KYI PHYIR NA, BRTZAL MA THAG TU BYUNG BA NYID YOD NA YANG SGRA KHO NA RTAG PAR 'GYUR RO ZHES PAS LAN PHYOGS SNGA MA DANG 'BREL PA MA YIN NO, ,'DI BDEN PAR ZHES PA RTZOD PA SGRUB PAR BYED PA'O, ,'DIR MA NGES PA NYID RNAM PA GNYIS SU RTZOD DO, ,CHOS MTHUN PAS NI MI MTHUN PHYOGS LA YANG GTAN TSIGS YOD PA NYID DU RAB TU BSTAN PA LAS SAM, CHOS MI MTHUN PA NYID KYI BSGRUB BYA LDOG PA NA GTAN TSIGS LDOG PA MED PAR BSTAN PA LAS SO, ,DE LA GAL TE NGED KYIS TSOS BYA NYID NI CHOS MTHUN PA NYID KYIS MA NGES PA NYID DU BRJOD NA DE'I TSE 'DI BDEN MOD, TSOS BYA NYID LA SOGS PA MED PAR MI MTHONG BA NI MA YIN ZHES PA LA SOGS PA'I LAN PHYOGS SNGA MA DANG 'BREL PA MA YIN NO, ,CHOS MTHUN PA NYID KYIS @308B BRJOD PA NI MA YIN GYI 'ON CI ZHE NA, CHOS MI MTHUN PA NYID KYIS TE, PHA ROL POS TSOS BYA MIN PA NYID LA SOGS PAS SGRA RTAG PA NYID DU BRJOD DE, DE LA BSGRUB BYA MED PA LA GTAN TSIGS MED PA NYE BAR BSTAN PAR BYA NA, TSOS PAR BYA BA MA YIN PA NYID BSGRUB BYA RTAG PA NYID MED PA LA MED PAR YANG MA YIN TE, DE'I PHYIR MA NGES PA'O ZHE NA, DE MI RIGS TE, DE 'DI SKAD DU TSOS BYA NYID LA SOGS PA MED PAR RLUNG G-YOB KYI RLUNG LA SOGS PA RNAMS LA MI RTAG PA NYID MA MTHONG BA NI MA YIN ZHES PAS TSOS BYA MIN PA NYID DANG, MI RTAG PA NYID DAG RLUNG G-YOB KYI RLUNG LA SOGS PA RNAMS LA LAN CIG 'BYUNG BA MTHONG BA'I PHYIR BSGRUB PAR BYA BA LDOG PA NA, GTAN TSIGS LDOG PA MA YIN NO ZHES PA'I DON TO, ,'DI LA SLOB DPON GYIS GSUNGS PA, 'DI YOD DO ZHES PA LA SOGS PA'O, ,RJES SU 'GRO BA NI KHYAB PA'O, ,DE'I BZLOG PA NI CHOS MTHUN PA NYID KYIS GTAN TSIGS KYI RJES SU BSGRUB PAR BYA BAS 'GRO BA DANG CHOS MI MTHUN PA NYID KYIS NI BSGRUB BYA MED NA GTAN TSIGS MED PA'O, ,RJES SU 'GRO BA'I RNAM GRANGS KYIS GANG GI DPE GNYIS PO BRJOD PAR BYA BA DE KHO NA'I SO SOR SGRUB PA 'DI RIGS NA, DE LTAR NI RTZOD PA SGRUB PAR MA YIN TE ZHES PA, DER RNAM PA 'DIS DPE GNYIS BRJOD PAR BYA BA MA YIN TE, DE LTAR MTSAN NYID MA BRJOD PA'I PHYIR RO, ,DE DAG GI 'AM DE'I MI MTHUN PA'I PHYOGS DAG GI 'BREL PA STON PA DPE'I ZHES PA'I TSIG LAS TE, MTSAN NYID JI LTA BA BZHIN YANG SBYOR BA'I PHYIR RO, ,GANG BSHAD PA ZHES PA, DER NI 'DI BSHAD DE, GANG CHOS MTHUN PA NYID DANG CHOS MI MTHUN PA NYID DAG LAS, RTAG PA NYID DU RJES SU DPOG PA LA, MNYAN PAR BYA BA NYID 'GA' ZHIG RTAG PA NYID DU DANG MNYAN BYA MA YIN PA NYID KYANG NGES PAR MI RTAG PA NYID DU MTHONG BA NI MA YIN NO, ,DE'I PHYIR 'DI PHYIN CI LOG PA'O ZHES SO, ,DE MI RIGS PA NYID DU STON PA GSUNGS PA, DE 'DIR ZHES PA LA SOGS PA'O, ,SGRA RTAG STE MNYAN PAR BYA BA NYID KYI PHYIR, MNYAN BYA MIN PA MI RTAG PAR MTHONG STE, DPER NA BUM PA BZHIN ZHES CHOS MI MTHUN PA NYID KYI DPE 'DI YOD PA KHO NA'O, ,DE LAS KYANG RTAG PA NYID GRUB BAR @309A *, ,'GYUR RO, ,'DI 'DRA BAS NI ZHES PA, 'DI 'DRA BA NI GANG GIS GTAN TSIGS KYI MI MTHUN PHYOGS BSGRUB BYA'I MI MTHUN PHYOGS KHO NA LA YOD PAR BSTAN PAR BYA BA KHYOD KYI CHOS MI MTHUN PA NYID KYI SBYOR BAR 'DOD PA'O, ,DE 'DRA BAS NI GLOG RTAG STE, RTZOL MA THAG TU MA BYUNG BA NYID KYI PHYIR RO ZHES PA 'DI SGRUB BYED DU SKYON MED PAR 'GYUR RO, ,CI LTAR ZHE NA GSUNGS PA, RTZOL MA THAG TU MA BYUNG BA NI MTHONG ZHES BA LA SOGS PA'O, ,GTAN TSIGS MED PA KHO NA PHA ROL POS BRTZAD PA ZHES PA SKYE BA LAS SNGAR MED PA SGRUB BYED NYID DU SGRO 'DOGS PA'I PHYIR GTAN TSIGS DANG BSGRUB BYA DAG KHYAD PAR MED PA NYID DU BRJOD DE, PHA ROL POS GNYIS KA DAG GTAN NAS MED PA NYID MA YIN ZHES SO, ,DE LTAR NA YANG GTAN TSIGS MED PA KHO NAR BRTZAD PAR 'GYUR TE, BSGRUB BYA LAS LOGS PAR MED PA NYID KYI PHYIR RO, ,DE'I PHYIR PHYIN CI LOG PA NYID MED PA'I PHYIR SKYON GZHAN DU BRJOD PAR BYA BA'I PHYIN CI LOG NYID MA YIN NO, ,DE BZHIN DU PHRAD PA DANG MA PHRAD PA GTAN TSIGS MA YIN PAR MTSUNGS PA DAG LA PHYIN CI LOG MED PA NYID KYI PHYIR PHYIN CI LOG NYID LAS SKYON GZHAN DU BRJOD PAR BYA STE, GTAN TSIGS THAMS CAD LA SKUR PA 'DEBS PA'I PHYIR RO, ,MED PA NYID DU RTZOD PAS PHYIN CI LOG TU MNGON PAR BRJOD PAR 'GYUR BA NI MA YIN PAS SO, ,DE LTAR 'GYUR MOD KYI SNGA MA'I PHYOGS SMRA PAS SHES PAR BYED PA GTAN TSIGS SU BRJOD CING, PHA ROL GYI BYED PA POR SGRO BTAGS NAS SUN 'BYIN TO, ,DE'I PHYIR PHYIN CI LOG TU BRJOD DE, SHES BYED KYI RGYU LAS BZLOG PAR RTZOD PA'I PHYIR ZHE NA, DE'I PHYIR GSUNGS PA, 'DI YANG MA YIN ZHES PA LA SOGS PA STE, 'DI YANG LTAG CHOD SMRA BA POS, DAM BCA'I DON SKYED PA LA BYED PA PO'I RGYU LA SKYON SMRAS PA MA YIN GYI, 'O NA CI ZHE NA, SHES PAR BYED PA'I RGYU KHO NA LA'O, ,CI LAS SHE NA, GANG GI PHYIR DE LA YANG STE SHES PAR BYED PA LA PHRAD PAR BYA BA MA PHRAD PA NA SKYON 'BREL PA KHO NA STE, GAL TE GTAN TSIGS 'DI PHRAD NAS SGRUB PAR BYED PA NA, BSGRUB BYA DANG KHYAD PAR MED PAR 'GYUR RO ZHES PA LA SOGS PAS GANG BSHAD PA'O, ,DMIGS PA MTSUNGS @309B PA YANG ZHES PA LA SOGS PA, PHA ROL POS 'DI MI RTAG PA NYID LA GTAN TSIGS MA YIN TE, GLOG PA LA SOGS PA MNGON SUM NYID LA SOGS PA GZHAN LAS MI RTAG PAR 'GRUB PA'I PHYIR ZHES BRJOD PA NA, RTZOD PA BSGRUB PAR BSHAD PA, 'DI SKAD RTZOL MA THAG TU BYUNG BA NYID KHO NAS MI RTAG PA NYID 'GRUB KYI RNAM PA GZHAN DU MA YIN ZHES NGED MI SMRA'I, DE GAL TE SHES PAR BYED PA GZHAN YANG YOD NA DGA' BAR BYED DO ZHES PAS 'DI PHYIN CI LOG YIN TE, BRTZAL MA THAG TU BYUNG PA NYID KYI PHYIR MI RTAG PA KHO NA'O ZHES BRJOD PAR 'DOD PA NA, BRTZAL MA THAG TU BYUNG BA NYID KHO NA'I PHYIR MI RTAG GO ZHES SGRO BTAGS PA'I PHYIR ZHE'O, ,'DI LAS GSUNGS PA, 'DI YANG PHYIN CI LOG MA YIN GYI, CI'I PHYIR ZHE NA GSUNGS PA, PHA ROL POS 'DI LTAR ZHES PA LA SOGS PA'O, ,GANG GI PHYIR PHA ROL POS 'DI LTAR MI RTAG PA NYID LA GTAN TSIGS GZHAN YANG YOD DO ZHES BRTZAD PA MA YIN GYI, 'O NA CI ZHE NA, 'KHRUL BAR BSTAN PAS GTAN TSIGS MA YIN PA NYID DU BRJOD DE, 'DI MED NA YANG BSGRUB BYA 'GRUB PA'I PHYIR 'DI GTAN TSIGS MA YIN ZHES SO, ,DE 'KHRUL PAR STON PA GSUNGS PA, DE DE'I MA YIN ZHES PA LA SOGS PA'O, ,DE LTAR NA 'DI LAN DU 'GYUR RO ZHES PA GAL TE DE MA THAG TU BRJOD PA'I RNAM PAS GTAN TSIGS MA YIN PAR BRJOD NA'O, ,GZHAN DU NA SGRA MI RTAG STE BRTZAL MA THAG TU BYUNG BA NYID KYI PHYIR ZHES PA'I PHYOGS SNGA MA 'DI LAS PHYOGS GZHAN BRJOD PAR 'GYUR TE, GLOG LA SOGS PA RNAMS MI RTAG STE MIG GIS GZUNG BYA NYID KYI PHYIR ZHES SO, ,DE'I PHYIR SUN 'BYIN PAR SNANG BA MED PA'I PHYIR LTAG CHOD KYI LAN DU MI 'GYUR RO, ,GNYIS PA LA YANG GTAN TSIGS PHYIN CI LOG MA YIN NO, ,CI'I PHYIR ZHE NA, GANG GI PHYIR DE LA GTAN TSIGS MA KHYAB PA NYID KHO NAR BRTZAD KYI, PHYIN CI LOG CUNG ZAD BZLOG PA'I GTAN TSIGS GZHAN NYE BAR BKOD PA NI MA YIN NO, ,THE TSOM MTSUNGS PA YANG GANG GIS GTAN TSIGS PHYIN CI LOG NYID KYI SKYON DU 'GYUR BA PHA ROL POS GTAN TSIGS PHYIN CI LOG TU BRJOD PA MA YIN GYI, 'O NA CI ZHE NA BSGRUB BYA DANG GTAN TSIGS SGRO BTAGS PA STE, SKYE BA CAN NI BSGRUB BYA NYID DU SGRO BTAGS NAS DANG BRTZAL MA THAG TU BYUNG BA @310A *, ,YANG GTAN TSIGS NYID DU STE, DGRA ZLAR GNAS PAR BYAS PA'O, ,DE LTAR GYUR NA CI LAS GTAN TSIGS PHYIN CI LOG PA NYID DU 'GYUR BAR 'DOD, DAM BCA' BA PHYIN CI LOG TU BRJOD PA'I PHYIR, LAN PHYIN CI LOG GO, ,DE LTAR NI SGRA MI RTAG GO ZHES DAM BCA' BA NA, PHA ROL POS BRJOD PA, BSKYED PAR BYA BA NI RTAG GO ZHES PA DE'I PHYIR GSUNGS PA, DAM BCA' BA PHYIN CI LOG BAS KYANG ZHES PA LA SOGS PA'O, ,GAL TE DAM BCA' BA BZLOG PAS BRJOD PA NA PHYIN CI LOG PA NYID DU RTOG NA, DE LTAR GYUR NA THAMS CAD PHYIN CI LOG NYID DU THAL BAR 'GYUR ZHING, DON GYIS GO BA MTSUNGS PA LA SOGS PA RNAMS LA YANG THAL BAR 'GYUR TE, DAM BCA' PHYIN CI LOG PA KHO NAS DGRA ZLAR GNAS PAR RO, ,DE LAS PHYIN CI LOG NYID TZAM SKYON DU 'GYUR RO, ,MA BRJOD PA MTSUNGS PA LA YANG ZHES PA LA SOGS PA LTAG CHOD SMRA BA POS BRJOD PA LAS SNGAR GTAN TSIGS MED PAS BSGRUB BYA MED PAR THAL 'GYUR BYAS TE, GAL TE BRTZAL MA THAG TU BYUNG BA NYID KYI PHYIR ZHES PA GTAN TSIGS 'DI LAS SGRA MI RTAG PA YIN NA, BRJOD PA LAS SNGAR GTAN TSIGS MED PA'I PHYIR MI RTAG PA MA YIN NO ZHES 'THOB STE, DE'I PHYIR SNGAR RTAG PAR YOD PA CI LTAR MI RTAG PAR BYED CES SO, ,'DI LA RTZOD SGRUB BYED PAS SMRAS PA, 'DI NI PHYIN CI LOG PA STE, GANG GI PHYIR SHES PAR BYED PA ZHES BYAS NAS GTAN TSIGS SU BRJOD KYI, 'JIG PAR BYED PA'O ZHIS NI MA YIN ZHING, LTAG CHOD SMRA BA POS NI 'JIG BYED DU BYAS NAS SUN 'BYIN PAS SO ZHES SO, ,'DI LA GSUNGS PA, 'DI YANG GTAN TSIGS PHYIN CI LOG MA YIN TE ZHES SO, ,CI'I PHYIR ZHE NA GSUNGS PA, PHA ROL POS ZHES PA LA SOGS PA STE, GANG GI PHYIR LTAG CHOD SMRA BA POS 'JIG PAR BYED PA SGRA LA GTAN TSIGS SO ZHES BSAMS NAS TSIG LAS SNGAR DE MED PA NYID BSHAD PA MA YIN NO, ,'DI CI LTAR RTOGS PAR BYA ZHE NA GSUNGS PA; MA GYUR CIG CES PA LA SOGS PA STE, LTAG CHOD SMRA BA POS NI GTAN TSIGS BRJOD PA'I DUS SU YANG, SGRA MI RTAG BA NYID DU 'DOD PA MA YIN PA KHO NA STE, GAL TE 'JIG PAR BYED PA GTAN TSIGS SU YONGS SU BRTAGS NAS DE BRJOD PA LAS SNGAR MED PA NYID DU SMRAS PAR 'GYUR NA DE LTAR @310B NA BRJAD PA'I DUS SU GTAN TSIGS DE YOD DO ZHES SGRA MI RTAG PAR 'GYUR RO ZHES PA 'DI PHYIN CI LOG MA YIN NO, ,'BRAS BU MTSUNGS PA YANG ZHES PA LA SOGS PA STE, GANG SPYI'I RNAM PA DES GANG BYAS PA DE MI RTAG GO ZHES BSGRUB PAR BYA BA LA, BUM PA'I 'BRAS BU NYID LA SOGS PA'I KHYAD PAR GYI DOD ZLAR GNAS PAR BYED PA'I PHYIR 'DI PHYIN CI LOG PA'O ZHES RTZOD SGRUB BYED PAS SEMS SO, ,DE YANG MI RIGS TE, GANG GI PHYIR GTAN TSIGS PHYIN CI LOG TU BRJOD PA MA YIN GYI, 'O NA CI ZHE NA, GTAN TSIGS 'BRAS BU'I SPYI DE KHO NA'I NANG DU 'DUS PA'I KHYAD PAR GANG YIN PA DES SO, ,DE'I NANG DU 'DUS PA KHO NA PHYIN CI LOG TU 'GYUR BA YANG MA YIN NO, ,THAL 'GYUR DANG DON GYIS GO BA MTSUNGS PA LA SOGS PA NI YANG DAG PA MA YIN PA'O ZHES PA LA SOGS PA'I SGRAS DE'I RIGS CAN GZHAN BSDU'O, ,SGRA MI RTAG STE RGYU MTSAN CAN NYID KYI PHYIR BUM PA BZHIN ZHES BYAS PA LA, LTAG CHOD SMRA BA POS SMRAS PA, RE ZHIG BUM PA KHO NA MI RTAG CES PA 'DI LA GTAN TSIGS CI ZHIG CES PA 'DI LA RTZOD SGRUB BYED PAS BSHAD PA 'DI NI YANG DAG PA MA YIN PA'O ZHES SO, ,CI'I PHYIR NA MTHONG BA'I DON YANG GTAN TSIGS KYI BSGRUB BYAR BRJOD PAS NI MA YIN TE, BDAG NYID KYIS MTHONG BA'I YANG STE, RGYU MTSAN CAN GYI BUM PA NI SHIN TU 'BYUNG BA MA YIN NO ZHES SO, ,'DI LA KHYAD PAR MED PA STON PA GSUNGS PA, 'DI LA YANG PHYIN CI LOG PA ZHES PA LA SOGS PA'O, ,DE LA PHYIN CI LOG TU BRJOD PAR NUS PA YIN TE, MTSAN NYID DANG BRAL BA'I PHYIR RO, ,'GAL BA YANG STE LHAN CIG MI GNAS PA NYID KYI PHYIR RO, ,DON GYIS GO BA MTSUNGS PA YANG DE BZHIN ZHES PA, BDAG MED DE MA DMIGS PA'I PHYIR MO GSHAM GYI BU BZHIN ZHES BYAS PA LA, LTAG CHOD SMRA BA POS SMRAS PA, DON GYIS NYE BAR DMIGS PA RNAMS YOD PA NYID DU 'THOB CING, NYE BAR DMIGS BZHIN PA YIN YANG MGAL ME'I 'KHOR LO LA SOGS PA CUNG ZAD NI MED PA KHO NA'O ZHES PA'O, ,'DI YANG DAG PA MA YIN PA'O ZHES RTZOD SGRUB STE, NYE BAR DMIGS PA NI YOD PA NYID DU RTOGS SO ZHES SGRO BTAGS PA'I PHYIR RO ZHES SO, ,'DI LA 'DRES PAR STON PA GSUNGS PA, JI LTAR ZHE @311A *, ,PA LA SOGS PA'O, ,MED PA RTAG GO ZHES PA 'DI NI 'GAL PA STE ZHES PA MED PA NYID DANG RTAG PA NYID DAG GCIG TU MI GNAS PA'I PHYIR RO, ,'DI LA KHYAD PAR MED PA GSUNGS PA, PHYIN CI LOG PA YANG 'DI STE YANG DAG PA MA YIN PA YANG NGO ZHES PA'O, , CI LTAR ZHE NA GSUNGS PA, YOD PA'I DON RTAG PA NYID KYI PHYIR ZHES PA LA SOGS PA STE, GANG GI PHYIR YOD PA KHO NA'I DON RTAG PA NYID, DE'I PHYIR MED PA LA RTAG PA NYID NI PHYIN CI LOG PA STE, MTSAN NYID DANG BRAL BA NYID KYI PHYIR DANG, GANG PHYIR MED PA RTAG PA NYID NI MI BDEN PA STE, DE'I PHYIR YANG DAG PA MA YIN PA'O, ,RTAG PA MTSUNGS PA LA YANG 'GAL BAR BSHAD DO, ,CI LTAR GYUR KYANG MI RTAG PA KHO NA YIN PA DE RTAG PAR 'GRUB PAR 'GYUR ZHES SO, ,'DI LA GSUNGS PA, RTAG PA MTSUNGS PA YANG ZHES PA LA SOGS PA'O, ,DE LA PHYIN CI LOG PA NYID DE, SNGA MA BZHIN DU MED PA NYID MED NA RTAG PA NYID MED PA NYID KYI PHYIR RO, ,DE'I PHYIR ZHES PA NI GANG GI PHYIR DE LTAR THAMS CAD LA SKYON THAMS CAD SBYOR TE, DE'I PHYIR LTAG CHOD RNAMS SU MA 'DRES PAS TE, YUL RNAM PAR DBYE BAS PHYIN CI LOG LA SOGS PA'I SKYON RNAMS BRJOD PAR NUS PA MA YIN NO, ,RIGS PA PHRAR YANG ZHES PA LA SOGS PA STE, RIGS PA PHRA MOR KsHA Y'A DA YIS BRJOD PA'I LTAG CHOD RNAMS MTSAN NYID SKYON CAN NYID DANG, LAN BYAS PA NYID, RGYAS PAR RIGS PA BRTAG PAR SHES PAR BYA, CI STE MA THA RA'I BU LA SOGS PAS BYAS PA'I LTAG CHOD RNAMS LA CI LTAR MTSAN NYID DANG LAN SKYON CAN NYID DU SHES PAR BYA ZHE NA DE'I PHYIR GSUNGS PA, PHYOGS DES ZHES PA LA SOGS PA'O, ,CHOS MTHUN PA NYID DANG CHOS MI MTHUN PA NYID DAG GIS DGRA ZLAR GNAS PA ZHES PA 'DI RIGS PA PHRA MOR LTAG CHOD THAMS CAD KYI MTSAN NYID DO, ,DGRA ZLAR GNAS TE GANG GIS PHYIN CI LOG PAR GNAS PAR BYED PA DE DOD ZLAR GNAS PA'I TSIG STE LTAG CHOD DO, ,DE LTA NA NI CHOS MTHUN PA DANG CHOS MI MTHUN PA MTSUNGS PA GNYIS PO DAG KHO NA LTAG CHOD DU 'GYUR RO ZHES PA 'DI'I PHYIR GSUNGS PA, DE'I RNAM PAR RTOG PA LAS LTAG CHOD MANG PO NYID DU ZHES PA, SGRUB BYED RNAMS LA DOD ZLAR GNAS PA NI SBYOR BA'I DBYE BA @311B LAS RNAM PA DU MA STE, DES NA DE'I BYE BRAS DU MA CAN NYID KYI PHYIR LTAG CHOD RNAMS MANG PO NYID DO, ,DE YANG MTSAN NYID 'DI ZHES PA LA SOGS PAS MTSAN NYID MA KHYAB PA NYID DU GSUNGS SO, ,SOGS PA'I SGRAS MI SKYE BA MTSUNGS PA LA SOGS PA RNAMS GZUNG BAR BYA'O, ,'DIR DPE BRJOD DANG CHOS MTHUN PA DANG CHOS MI MTHUN PAS RTZOD ZLAR GNAS PA SRID PA MA YIN PAS TE, GTAN TSIGS MED PA TZAM DU RTZOD PA'I PHYIR RO, ,BA LANG NYID KYI PHYIR BA LANG DU GRUB PA BZHIN GRUB BO ZHES PA CHOS MTHUN PA NYID DANG CHOS MI MTHUN PA NYID MTSUNGS PA DAG GIS LAN TE, JI LTAR BA LANG NYID KYI PHYIR BA LANG GI DNGOS PO GRUB PA NA KHRA BO NYID LA SOGS PA DANG CHOS MI MTHUN PA NYID LAS DE LDOG PA MA YIN PA DE BZHIN DU CHOS MTHUN PA NYID KYI PHYIR MI RTAG PA NYID DU GRUB NA, BUM PA DANG CHOS MI MTHUN PA NYID LAS LUS CAN MA YIN PA NYID KYI PHYIR DE LDOG PA MA YIN NO, ,CHOS MTHUN PA NYID MTSUNGS PA LA NI BZLOG BAS SBYAR BAR BYA STE, JI LTAR KHRA BO NYID LA SOGS PA DANG CHOS MI MTHUN PA NYID LAS KHYAD PAR GRUB PA NA, BA LANG NYID DU CHOS MTHUN PA LAS DE LDOG PA MA YIN PA DE LTAR RTAG PA DANG, CHOS MI MTHUN PA NYID LAS DBANG POS GZUNG BYA NYID LAS MI RTAG PA NYID GRUB PA NA, NAM MKHA' LA SOGS PA DANG, CHOS MTHUN PA NYID LAS LUS CAN MA YIN PA NYID LAS DE LDOG PA MA YIN NO ZHES PA'O, ,'DI YANG LAN MA YIN TE GANG GI PHYIR 'DI NI CHOS MTHUN PA DANG, CHOS MI MTHUN PA DAG LAS MI RTAG PA NYID 'GRUB PAR KHAS BLANGS NAS KHAS BLANGS 'GAL BAR MA GYUR CIG CES PAS BZLOG PA LAS LDOG PAR BYED PA NI MA YIN GYI, 'O NA CI ZHE NA, 'DI KHO NA MTSUNGS PAR DGRA ZLAR GNAS PA LAS MI 'GRUB PO ZHES SMRAS PA'O, ,BZLOG PA LA MTSUNGS PA NYID KYI PHYIR YANG LAN MA YIN NO, ,'DI LA LTAR CHOD SMRA BA POS BRJOD PAR NUS TE, GAL TE KHYED KYI CHOS MTHUN PA NYID DANG CHOS MI MTHUN PA NYID TZAM LAS MI RTAG PA NYID 'GRUB NA, DE LTAR GYUR NA DA'I YANG 'GRUB BO ZHES SO, ,DE'I PHYIR 'DI LA RNAM PA GZHAN DU LAN BRJOD PAR BYA'O, ,SOGS PA SMOS PA LAS 'PHEL BA DANG 'GRIB PA MTSUNGS PA LA SOGS PA RNAMS KYI, CUNG ZAD CHOS MTHUN PA LAS NYE BAR BSDU BA 'GRUB PA'I PHYIR, @312A *, ,CHOS MI MTHUN PA LAS DOD ZLAR MI GNAS PA ZHES PA 'DI LTA BU LA SOGS PA RNAMS BSDU'O, ,CUNG ZAD CHOS MTHUN PA NYID LA NYE BAR SDUD PA 'GRUB PA MTHONG STE, BA LANG JI LTA BA DE LTAR MA MIN NO ZHES SO, ,BA LANG GI CHOS RNAMS THAMS CAD BA MED LA'AM, BA MEN GYI CHOS RNAMS BA LANG LA 'THOB PA MA YIN NO, ,DE'I PHYIR THAL BAR 'GYUR BA 'DI MA YIN NO ZHES PA 'DI LTA BU LA SOGS PA RNAMS THAMS CAD MI RIGS PA NYID DU RIGS PA BRTAG PA LAS SHES PAR BYA'O, ,DE BZHIN DU BSTAN BCOS GZHAN DU BYAS PA'I LTAG CHOD DANG LAN RNAMS LA YANG DGAG BA'I CHED DU, GANG RIGS PA BRTAG PAR BSTAN PA 'DI KHO NA PHYOGS TZAM STE, DE'I PHYIR DE RNAMS KYANG PHYOGS 'DI KHO NAS DGAG PAR BYA'O, ,RIGS PA BRTAG PA LA SOGS PA RNAMS SU GZHAL BYA DGAG PA BYAS PAR MA ZAD GYI, 'DI YANG DON GYIS BYAS PA'O ZHES STON PA GSUNGS PA THAMS CAD KYI YANG ZHES PA LA SOGS PA'O, , CI'I PHYIR MNGON SUM GYI RTOGS PAR BYA BAR MI 'GYUR ZHE NA GSUNGS PA, DES YONGS SU BRTAG PA'I TSIG GI DON RNAMS ZHES PA LA SOGS PA STE, GTZO BO DANG SKYES BU DANG PHYOGS DANG DUS DANG 'PHRAD PA 'DU BA LA SOGS PA RNAMS MNGON SUM YIN PA NYID KYIS NA RTAGS KYIS YOD PA NYID DU RNAM PAR 'JOG PA'I PHYIR RTOG GIS RTOGS PAR BYA BA NYID DO, ,BRTAG BZOD PA MA YIN NO ZHES PA RNAM PAR DPYAD PAR MI BZOD DO ZHES PA'I DON TO, ,JI LTAR DBYAD BZOD PA MA YIN PA DE LTAR YANG BSGRUBS ZIN TO, ,DE'I PHYIR ZHES PA GANG GI PHYIR RTOG GE NI BRTAG PAR BZOD PA MA YIN PA DE'I PHYIR DES RTOGS PAR BYA BA'I GZHAL BYA YANG DON GYIS DGAG PA 'DIR BYAS PA KHO NAR RIG PAR BYA'O ZHES PA'O, ,TSAD MA DANG GZHAL BYA BYED DKA' BA NYID KYIS ZHES PA LA SOGS PAS BSTAN BCOS RTZOM PA'I DGOS PA CAN STON TO, ,SNGAR TSAD MA 'GRUB PA NI DNGOS KYI DGOS PAR BRJOD CING, 'DI NI BRGYUD PAS SO; ,'O NA PHYIN CI MA LOG PA'I LAM NYE BAR STON BA LAS, DE BZHIN GSHEGS PA'I BSTAN PA LA RJES SU 'JUG PA'I DON CAN DU YANG 'DI RTZOM PA 'GYUR BA MA YIN NAM, DE LTAR NI MIG DRI MA MED PA NYID DU BSGRUBS PA NA GZUGS KYANG PHYIN CI MA LOG PAR DON GYIS NYE BAR BSTAN PAR @312B 'GYUR BA JI LTA BA DE LTAR TSAD MA BYE BRAG TU RTOGS PAR BYAS PA NA, PHYIN CI MA LOG PA'I DE KHO NA NYID LA RJES SU 'JUG PA'I LAM YANG NGO ZHE NA, DE'I PHYIR GSUNGS PA, 'DI TZAM GYIS NI MA YIN ZHES PA LA SOGS PA'O, ,CI'I PHYIR ZHE NA, GSUNGS PA, DE'I CHOS NI RTOG GE'I YUL MA YIN PA NYID KYI PHYIR ZHES SO, ,RTOG GE SMOS PA NI THA SNYAD PA'I TSAD MA NYE BAR MTSON PA'I DON DU STE, 'JIG RTEN LAS 'DAS PA KHO NA'I TSAD MA'I YUL, BCOM LDAN 'DAS KYI CHOS NI SO SO RANG GIS RIG PAR BYA BA YIN GYI, THA SNYAD PA'I NI MA YIN NO ZHES PA'I DON TO, ,GAL TE DE LTAR NA CI LOG PA DE RNAMS KYIS GAL TE LOG KYANG CHOS NYID MI RTOGS SAM ZHE NA, DE'I PHYIR GSUNGS PA, LOG PA RNAMS NI ZHES PA LA SOGS PA STE, MA LOG PA RNAMS NI DE KHO NA LA SNYING POR LTA BA NYID KYIS DE BZHIN GSHEGS PA'I BSTAN PA NYAN PAR YANG MI SPRO ZHING, LOG PA RNAMS NI DE BZHIN GSHEGS PA'I BSTAN PA LA GANG CHOS RNAMS KYI CHOS NYID YONGS SU GSAL BAR BYAS PA DE THOS PA DANG BSAM PA DANG YANG DAG PAR BSGOM PA'I RIM PAS 'BAD PA MED PA KHO NAR RTOGS PAR 'GYUR RO, ,CHOS NYID NI CHOS RNAMS KYI PHYIN CI MA LOG PA'I RANG BZHIN TE, DE KHO NA NYID CES PA'I THA TSIG GO, , YANG CI'I PHYIR MU STEGS PA'I LUGS THOS PAR BYAS KYANG CHOS NYID MI RTOGS KYI, DE BZHIN GSHEGS PA'I BSTAN PA THOS NAS RTOGS SHE NA, GSUNGS PA, BAR SHIN TU RING BA'I PHYIR ZHES PA STE, DE YANG LEGS PAR BYAS PA DANG NYES PAR BYAS PA NYID KYIS SO, ,THUB PA'I DBANG PO'I BSTAN PA NI.. LEGS PAR BYAS PA STE, DER CHOS RNAMS KYI PHYIN CI MA LOG PA'I BDAG MED PA NYID LA SOGS PA'I RANG BZHIN RAB TU GSAL BAR BYED PA'I PHYIR DANG, MU STEGS PA'I LUGS NI NYES PAR BYAS PA STE BZLOG PA'I PHYIR RO, ,DE'I PHYIR BDE BAR GSHEGS PA'I BSTAN PA LA BRTEN PA KHO NAS DE KHO NA NYID RTOGS PAR 'GYUR GYI CIG SHOS KYI NI MA YIN NO, ,BAR SHIN TU RING BA NYID KHO NAR BSTAN PA'I CHED DU TSIGS SU BCAD PA GSUNGS PA, RTOG GE TZAM STOBS CAN RNAMS ZHES PA LA SOGS PA'O, ,RTOG GE TZAM GYI SKYABS CAN NI MU STEGS PA RNAMS TE, DON GANG RNAMS KYI PHYIN CI MA LOG PA'I RANG BZHIN @313A *, ,RTOGS PA LAS 'BA' ZHIG PA NYID THOS PAR 'GYUR BA BDAG LA SOGS PA DE RNAMS RTOG GE TZAM LAS RTOGS PA'I PHYIR RO, ,'O NA KHYED KYI YANG BDAG MED PA NYID RTOG GES RTOGS PAR BYA BA KHO NA STE, DES NA 'DI LA KHYAD PAR CI ZHE NA GSUNGS PA, DE YANG ZHES PA LA SOGS PA STE, GANG PHYIN CI MA LOG PA'I MTSAN NYID DE MA BSTAN PA'I PHYIR, MTSAN NYID MA BSTAN CING NGO, ,RANG GI SBYOR BA DANG 'GAL BA YANG STE RANG NYID KYI BA KHO NA'I SBYOR BA DANG 'GAL BA'O, ,DE LTAR NI GRANGS CAN PA RNAMS KYI NI 'BREL PA GCIG LAS MNGON SUM LAS LHAG MA 'GRUB PA'O ZHES PA RJES SU DPAG PA'I MTSAN NYID DO, , SBYOR BA NI GTZO BO YOD DE KHYAD PAR RNAMS LA RJES SU 'GRO BA MTHONG BA'I PHYIR RO ZHES PA LA SOGS PA'O, ,RJES SU 'GRO BA MTHONG BA NI GTZO BO DANG 'BREL BA YOD PA NI MA YIN PAS SO, ,BYE BAR PA RNAMS KYI YANG 'DI'I 'DI 'BRAS BU DANG RGYU'O ZHES PA LA SOGS PA'I MTSAN NYID KYI RJES SU DPAG PA'I RANG GI NGO BO BSHAD PA NI, DE'I RGYU NYID KYI PHYIR DANG 'BRAS BU NYID KYI PHYIR SGRA MI RTAG GO ZHES PA LA SOGS PA'I RANG GI SBYOR BA DANG 'BREL PA YANG MA YIN TE, JI LTAR BSHAD PA'I 'BREL PA RNAMS KYI GANG YANG RUNG BA YANG MI SRID PA'I PHYIR RO, ,GAL TE YANG CI ZHIG LTAR YANG RANG GI SBYOR BA DANG 'BREL PA DE LTA NA YANG SKYON DANG LDAN PA KHO NA'O ZHES STON PA GSUNGS PA, 'DOD DON SGRUB PAR BYED PA' NGA MIN, ,ZHES PA'O, ,JI LTAR SGRUB PAR BYED PA MA YIN PA DE LTAR DON DAM PA BDUN CU PA LA SOGS PA RNAMS SU DANG 'DIR YANG BSTAN TO, ,CHES RING NYAMS PA RNAMS ZHES PA LAM GOL BA LA ZHUGS PA NYID KYI PHYIR RO, ,GANG ZHIG RTOG GE'I LAM GYIS CHOS NYID RNAM PAR NGES PAR BYED PA DE RNAMS NI THUB DBANG BSTAN LAS CHES RING NYAMS PA YIN TE, DE RTOG GE'I YUL MA YIN PA NYID KYI PHYIR RO, ,GAL TE YANG 'DI DE LTAR YIN PA DE LTA NA YANG DE BZHIN GSHEGS PA'I CHOS KYI MTSAN NYID NI GAL TE RNAM PAR 'GYUR PAR 'GRO BAR BYED NA BRTAG PAR GYIS, MU STEGS PAS BRTAGS PA'I TSIG GI DON BZHIN NO, ,'DI SKAD BSHAD PAR 'GYUR TE, MU STEGS PA RNAMS KYIS RTOG GE'I YUL NYID DU KHAS BLANGS PA'I BDAG LA SOGS PA'I TSIG GI DON RNAMS KYANG @313B RTOG GES RNAM PAR DPYAD NA RNAM PAR 'GYUR TE, BSTAN BCOS SU DE RNAMS JI LTAR RNAM PAR GZHAG PAR BYAS PA DE LTAR MI GNAS SO ZHES PA'I DON TO, ,DE BZHIN GSHEGS PA RAB TU RIG PAR MDZAD PA'I CHOS RNAMS KYI RANG BZHIN PHYIN CI MA LOG PA BDAG MED PA LA SOGS PA NI RNAM PAR DPYAD PA NA RNAM PAR MI 'GYUR TE, JI LTAR BSTAN BZHIN DU THA SNYAD PA'I BDAG NYID KYIS DE LTA KHO NAR NYE BAR DMIGS SO ZHES PA'I DON TO, ,'DIS NI GAL TE YANG RTOG GE DON DAM PA'I YUL CAN DU MI 'GYUR BA DE LTA NA YANG, JI LTAR GNAS PA'I DNGOS PO SPYI'I TSUL GYIS GSAL BAR BYED CING DE KHO NA NYID RTOGS PA DANG RJES SU MTHUN PAR 'GYUR RO ZHES GSAL BAR BYAS SO, ,TSAD MA'I PHUNG PO'I ZHES PA, RANG DANG PHA ROL PO MNGON PAR 'DOD PA'I TSAD MA RNAMS KYI PHUNG PO STE TSOGS PA'O, ,RANG MNGON BAR 'DOD PA'I CHAD MA RNAMS RNAM PAR 'JOG CING PHA ROL PE MNGON PAR 'DOD PA RNAMS SUN 'BYIN PAR BYED DO ZHES BYAS NAS SO, ,DE LA RANG MNGON PAR 'DOD PA RNAMS KYI YON TAN RNAMS DANG, PHA ROL PO RNAMS KYI SKYON RNAMS TE, ,DE RNAMS RGYAS PA NI YON TAN SKYON RGYAS PA'O, ,DE RTOGS PAR BYED PA NI BRTZAD PA DANG BCAS PA'I LAN GYI GZHUNG GI PHUNG PO'O, ,DE GSAL BAR BYAS LAS GANG DGE BA STE, ,BSOD NAMS BDAG GIS BSAGS PA STE, ,NYE BAR BSAGS BA DES TE DGE BA'O, ,'JIG RTEN GYI RNAM THAR TE MYA NGAN LAS 'DAS PA DANG SKYE BA NI 'BYUNG BA STE, DE DAG GI YON TAN YON TAN MIN BDAG STE YON TAN DANG SKYON DAG GO, ,DE SHES PAR GYUR PA'I MTHAR BYAS ZHI BA'I CHED DU SHOG STE BYUR CIG PA'O, ,THAR BA'I YON TAN SHES PA'I DANG SKYE BA LA SKYE BA LA SKYON SHES PA'I YANG ZHES 'DI SGRUB PA YIN GYI RJES SU RJOD PA NI MA YIN TE, GZHAN DU NI NYI TSE BA'I YONGS SU BSNGO BAR 'GYUR RO, ,THAR PA DANG SKYE BA DAG GI YON TAN DANG YON TAN DANG YON TAN MA YIN PA SHES PAR GYUR PA NI MTHAR BYAS ZHIG BA THOB PAR GYUR CIG CES PA NGAG GI DON TO, ,MTHAR BYAS NI PHYIN CI LOG BZHI'I MTSAN NYID CAN TE, GANG PHYIR DES THAR PA'I GAGS NYID KYIS 'GRO BA MTHA' STE YONGS MTHAR BYAS TE, BDAG LA SOGS PA'I PHYIN CI LOG GIS RAB TU BSGOS PA NYID KYI PHYIR RO, ,'KHOR BA'I SDUG BSNGAL MTHA' DAG ZAD PA'I NGO BO NI LDOG PA STE DE ZHI BA'O ZHES PA'O, ,GANG @314A *, ,LA 'JAM PA'I DPAL 'DIS RANG NYID KYIS NI RJES SU GZUNG BA MDZAD CING BLO GROS LDAN, ,PHYOGS KYI GLANG PO DE YIS TSAD MA 'GRUB PA'I CHED DU MDZAD PA'I BSTAN BCOS GANG YIN DE, ,KUN NAS PHYE STE RGYAL BA'I DBANG PO'I BLO LTAR DE NYID DON CAN BSHAD PA 'DI BYAS LAS, ,BDAG LA DGE BA YANG DAG BYUNG GANG DE LAS 'GRO BAS DE KHO NA NYID RTOGS GYUR CIG ,CES PA YANGS PA DANG DRI MA MED PA DANG LDAN PA ZHES BYA BA TSAD MA KUN LAS BTUS PA'I 'GREL BSHAD, ,BYANG CHUB SEMS DPA'I YUL PA SLOB DPON RGYAL BA'I DBANG PO'I BLO GROS KYI ZHABS KYIS MDZAD PA RDZOGS SO,, ,,SHOLO KA STONG PHRAG DGU PA'O ZHES RGYAD PA'I MJUG TU 'BYUNG NGO, ,TSUL 'DI NI CHOS KYI RJE STON LO TZA' BA RDO RJE RGYAL MTSAN GYIS LEGS PAR BSHAD PA'I SROL LA SOGS PA LA BRTEN NAS LEGS PAR SBYAR BA BRDA SPROD PA'I TSUL LA BLO'I SNANG BA CHER RGYAS PA, DPANG LO TZA' BA DGE SLONG DPAL LDAN BLO GROS BSTAN PAS, PAn dI TA LA MA LTOS PAR RANG NYID KYIS RGYA DPE LA BLTAS NAS BSGYUR CING ZHUS TE GTAN LA PHAB PA'O,, ,,DPAL LDAN RGYAL BA'I DBANG PO'I BSTAN PA'I KHANG BZANGS PHAN BDE'I MRDZOD LDAN DAM PA'I SGO 'PHAR MCHOG ,DPAL LDAN PHYOGS KYI GLANG PO'I GZHUNG LUGS RANG GI SDE PAS BRTAGS PA'I RTOG GE NGAN SEL ZHING, ,RGYAL BA RGYAL DPOG RKANG MIG GZEGS ZAN SER SKYA 'JIG RTEN MIG GI RJES SU 'JUG RNAMS KYI, ,RTOG GE NGAN PA RMEG MED BYED DE'I 'GREL BSHAD MCHOG 'DI SNGON MED BSGYUR CING ZHU CHEN BYAS, ,GZHUNG 'GREL 'GREL BSHAD BCAS PA RNAMS, ,TSIG BRLING DON YANG GTING DPAG DKA', ,DE SLAD LEGS PAR RAB 'BAD KYANG, ,'DI LA 'KHRUL MED SHIN TU DKON, ,'PHAGS BLO MA THOB BLO GROS SKYON, ,RNAM G-YENG LE LO SBYOR BA'I SKYON, ,MKHAS LAS MTHOS SKAL BA'I SKYON, ,'DI YI SKYON LDAN BZOD PAR MDZOD, ,BLO MCHOG SBYOR BA RAB RGYAS SHING, ,GZU BOR RGYAS SHING, ,GZU BOR GNAS PA'I DGE MTSAN LDAN, ,LEGS BSHAD DON GNYER DUS SKABS CAN, ,DE RNAMS RIGS PA'I DGA' STON MDZOD, ,'DIR 'BAD DGE BAS 'GRO BA KUN, ,RIGS PA DAM PA'I DPUNG BSAGS TE, ,BDUD DANG MU STEGS KUN BCOM NAS, ,RGYAL BA'I DBANG PO MYUR THOB SHOG, ,,