[@##the following text has incomplete sections/ which are on order] @#/ /nyi khri kha pa bzhugs so/ / @01a @##/ /shes rab kyi pha rol tu phyin pa stong phrag nyi shu lnga pa/ dum bu gnyis pa/ bam po nyer brgyad pa/ byang chub kyi phyogs kyi chos sum cu rtsa bdun la mi gnas so/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar @02a @##/ /gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo rnams la mi gnas/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad la mi gnas so/ /rnam pa thams cad mkhyen pa nyid la mi gnas so/ /rab 'byor gyis smras pa/ tshe dang ldan pa shA radwa ti'i bu/ byang @02b chub sems dpa' sems dpa' chen pos ni/ ji ltar de bzhin gshegs pa dgra bcom pa yang dag par rdzogs pa'i sangs rgyas gzugs la gnas pa'ang ma yin/ mi gnas pa'ang ma yin/ tshor ba dang/ 'du shes dang/ 'du byed dang; rnam par shes pa la gnas pa'ang ma yin/ mi gnas pa'ang ma yin/ mig la gnas pa'ang ma yin/ mi gnas pa'ang ma yin/ rna ba dang/ sna dang/ lce dang/ lus dang/ yid la gnas pa'ang ma yin/ mi gnas pa'ang ma yin/ gzugs la gnas pa'ang ma yin/ mi gnas pa'ang ma yin/ sgra dang/ dri dang/ ro dang/ reg dang/ chos la gnas pa'ang ma yin/ mi gnas pa'ang ma yin/ mig gi rnam par shes pa la gnas pa'ang ma yin/ mi gnas pa'ang ma @03a @##/ /yin; rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa la gnas pa'ang ma yin/ mi gnas pa'ang ma yin/ mig gi 'dus te reg pa la gnas pa'ang ma yin/ mi gnas pa'ang ma yin/ rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa la gnas pa'ang ma yin/ mi gnas pa'ang ma yin/ mig gi 'dus te reg pa'i rkyen gyis tshor ba la gnas pa'ang ma yin/ mi gnas pa'ang ma yin/ rna ba'i 'dus te reg pa'i rkyen gyis tshor ba dang/ sna'i 'dus te reg pa'i rkyen gyis tshor ba dang/ lce'i 'dus te reg pa'i @03b rkyen gyis tshor ba dang/ lus kyi 'dus te reg pa'i rkyen gyis tshor ba dang/ yid kyi 'dus te reg pa'i rkyen gyis tshor ba la gnas pa'ang ma yin/ mi gnas pa'ang ma yin/ sa'i khams la gnas pa'ang ma yin/ mi gnas pa'ang ma yin/ chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams la gnas pa'ang ma yin/ mi gnas pa'ang ma yin/ ma rig pa la gnas pa'ang ma yin/ mi gnas pa'ang ma yin/ 'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi la gnas pa'ang ma yin/ mi gnas pa'ang ma yin/ sbyin pa'i pha rol tu phyin pa la gnas pa'ang ma yin/ mi gnas pa'ang ma yin/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la gnas pa'ang ma yin/ mi gnas pa'ang ma yin/ nang stong pa nyid la gnas pa'ang ma yin/ mi gnas pa'ang ma yin/ dngos po med pa'i ngo bo nyid stong pa nyid kyi bar la gnas pa'ang ma yin/ mi gnas pa'ang ma yin/ dran pa nye bar bzhag pa rnams la gnas pa'ang ma yin/ @04a @#/ /mi gnas pa'ang ma yin/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa la gnas pa'ang ma yin/ mi gnas pa'ang ma yin/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad la gnas pa'ang ma yin/ mi gnas pa'ang ma yin/ rnam pa thams cad mkhyen pa nyid kyi bar la gnas pa'ang ma yin/ mi gnas pa'ang ma yin pa de ltar shes rab kyi pha rol tu phyin pa la gnas par bya ste/ tshe dang ldan pa shA radwa ti'i bu/ byang chub sems dpa' sems dpa' chen pos shes rab kyi pha rol tu phyin pa la de ltar mi dmigs pa'i tshul gyis bslab par bya'o/ /gnas par bya'o/ /de nas 'khor de'i nang nas lha'i bu kha cig 'di snyam du sems par gyur te/ gang gnod sbyin rnams kyis gnod sbyin gyi @04b tshig dang/ gnod sbyin gyi skad dang/ gnod sbyin gyi sgra dang/ gnod sbyin gyi brjod pa de dag ni smras par gyur na/ shes par rung gi/ gang 'phags pa rab 'byor shes rab kyi pha rol tu phyin pa 'chad pa dang; brjod pa dang/ ston pa dang/ rnam par 'byed pa dang/ gsal bar byed pa dang/ gtan la bab par ston pa de ni shes par mi rung ngo/ /de nas tshe dang ldan pa rab 'byor gyis/ lha'i bu de dag gi sems kyi rnam par rtog pa de sems kyis yongs su shes nas/ lha'i bu de dag la smras pa/ lha'i bu dag / gang smras pa de shes par mi rung ngam/ lha'i bu rnams kyis smras pa/ 'phags pa rab 'byor/ shes par mi rung ngo/ /rab 'byor gyis smras pa/ lha'i bu dag /'di ltar yi ge gcig kyang ma brjod kyi/ gang ma brjod pa de ni thos par mi rung ngo/ /gang thos par mi rung ba de ni shes par mi rung ngo/ /de ci'i phyir zhe na/ shes rab kyi pha rol tu phyin pa ni yi ge ma yin te/ de la su'ang ston pa dang/ nyan pa dang/ shes par byed pa med do/ /de ci'i phyir zhe na/ lha'i bu dag / de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub ni yi ge med pa'o/ /lha'i bu dag / 'di lta ste/ dper na/ de bzhin gshegs pa dgra bcom pa yang dag par rdzogs pa'i sangs rgyas rnams kyis sprul pa zhig sprul te/ sprul pa des kyang dge slong dang/ dge slong ma dang/ dge bsnyen dang/ dge bsnyen ma'i 'khor bzhi mngon par sprul la/ de nas sprul pa des sprul pa'i 'khor bzhi po de @05a @#/ /dag la chos bstan par gyur na/ lha'i bu dag / de la ji snyam du sems/ 'khor der sus kyang bstan par gyur pa'am/ sus kyang thos par gyur pa'am/ sus kyang shes par gyur pa yod dam/ smras pa/ tshe dang ldan pa btsun pa rab 'byor/ de ni med do/ /rab 'byor gyis smras pa/ lha'i bu dag / de bzhin du chos thams cad kyang sprul pa lta bu ste/ de la sus kyang bstan pa med do/ /sus kyang thos pa med do/ /sus kyang shes pa med do/ /lha'i bu dag / 'di lta ste/ dper na/ skyes bu gnyid kyis log pa'i rmi lam na/ de bzhin gshegs pa dgra bcom pa yang dag par rdzogs pa'i sangs rgyas shig chos ston pa mthong na/ lha'i bu dag / de la ji snyam du sems/ de la bstan pa'am/ thos pa'am/ shes par gyur pa yod dam/ smras pa/ btsun pa rab 'byor/ de ni med do/ /rab 'byor gyis smras pa/ lha'i bu dag / de bzhin du chos thams cad kyang rmi lam lta bu ste/ de la sus kyang bstan pa med do/ /sus kyang thos pa med do/ /sus kyang shes pa med do/ /lha'i bu dag / 'di lta ste/ dper na/ skyes bu gnyis shig ri'i sul du 'khod de/ sangs rgyas kyi legs pa'ang brjod/ chos dang/ dge 'dun gyi legs pa'ang brjod la/ de gnyis las sgra brnyan gyi dbyangs byung na/ lha'i bu dag / de la ji snyam du sems/ sgra brnyan gcig po des sgra brnyan gnyis pa'i sgra shes par gyur pa yod dam/ smras pa/ btsun pa rab 'byor/ de ni @05b med do/ /rab 'byor gyis smras pa/ lha'i bu dag / de bzhin du chos thams cad kyang sgra brnyan lta bu ste/ de la sus kyang bstan pa med do/ /sus kyang thos pa med do/ /sus kyang shes pa med do/ /lha'i bu dag ; 'di lta ste/ dper na/ sgyu ma'i mkhan po'am/ sgyu ma'i mkhan po'i mchan bu mkhas pa zhig gis lam po che'i bzhi mdor de bzhin gshegs pa dgra bcom pa yang dag par rdzogs pa'i sangs rgyas shig mngon par sprul te/ dge slong dang/ dge slong ma dang/ dge bsnyen dang/ dge bsnyen ma'i 'khor bzhi'ang mngon par sprul nas/ des sprul pa'i 'khor bzhi la chos bstan na/ lha'i bu dag ; de la ji snyam du sems/ de la sus kyang bstan pa'am/ thos pa'am/ shes par gyur pa yod dam/ smras pa/ btsun pa rab 'byor/ de ni med do/ /rab 'byor gyis smras pa/ lha'i bu dag / de bzhin du chos thams cad kyang sgyu ma lta bu ste/ de la sus kyang bstan pa med do/ /sus kyang thos pa med do/ /sus kyang shes pa med do/ /de nas lha'i bu de dag 'di snyam du sems par gyur te/ kye ma gnas brtan rab 'byor 'di ni gsal bar byed pa ste/ kye ma 'phags pa rab 'byor 'di ni shes rab kyi pha rol tu phyin pa gsal bar byed kyang/ zab pa bas kyang shin tu zab pa ston/ phra ba bas kyang shin tu phra ba la 'jug go/ de nas tshe dang ldan pa rab 'byor gyis/ lha'i bu de dag gi sems kyi rnam par rtog pa sems kyis yongs su shes te/ lha'i bu de dag la 'di skad ces smras so/ /lha'i bu dag / gzugs ni @06a @#/ /zab pa ma yin/ phra ba ma yin/ tshor ba dang/ 'du shes dang/ 'du byed dang/ rnam par shes pa ni zab pa ma yin/ phra ba ma yin no/ /de ci'i phyir zhe na/ gzugs kyi rang bzhin ni zab pa ma yin/ phra ba ma yin no/ /tshor ba dang/ 'du shes dang/ 'du byed dang/ rnam par shes pa'i rang bzhin ni zab pa ma yin/ phra ba ma yin no/ /mig ni zab pa ma yin/ phra ba ma yin no/ /rna ba dang/ sna dang/ lce dang/ lus dang/ yid ni zab pa ma yin/ phra ba ma yin no/ /de ci'i phyir zhe na/ mig gi rang bzhin ni zab pa ma yin/ phra ba ma yin no/ /rna ba dang/ sna dang/ lce dang; lus dang/ yid kyi rang bzhin ni zab pa ma yin/ phra ba ma yin no/ /gzugs ni zab pa ma yin/ phra ba ma yin no/ /sgra dang/ dri dang/ ro dang/ reg dang/ chos ni zab pa ma yin/ phra ba ma yin no/ /de ci'i phyir zhe na/ gzugs kyi rang bzhin ni zab pa ma yin/ phra ba ma yin no/ /sgra dang/ dri dang/ ro dang/ reg dang/ chos kyi rang bzhin ni zab pa ma yin/ phra ba ma yin no/ /mig gi rnam par shes pa ni zab pa ma yin/ phra ba ma yin no/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa ni zab pa ma yin/ phra ba ma yin no/ /de ci'i phyir zhe na/ mig gi rnam par shes pa'i rang bzhin ni zab pa ma yin/ phra ba ma yin no/ /rna ba'i rnam par shes pa'i rang @06b bzhin dang/ sna'i rnam par shes pa'i rang bzhin dang/ lce'i rnam par shes pa'i rang bzhin dang/ lus kyi rnam par shes pa'i rang bzhin dang/ yid kyi rnam par shes pa'i rang bzhin ni zab pa ma yin/ phra ba ma yin no/ /mig gi 'dus te reg pa ni zab pa ma yin/ phra ba ma yin no/ /rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa ni zab pa ma yin/ phra ba ma yin no/ /de ci'i phyir zhe na/ mig gi 'dus te reg pa'i rang bzhin ni zab pa ma yin/ phra ba ma yin no/ /rna ba'i 'dus te reg pa'i rang bzhin dang/ sna'i 'dus te reg pa'i rang bzhin dang/ lce'i 'dus te reg pa'i rang bzhin dang/ lus kyi 'dus te reg pa'i rang bzhin dang/ yid kyi 'dus te reg pa'i rang bzhin ni zab pa ma yin/ phra ba ma yin no/ /mig gi 'dus te reg pa'i rkyen gyis tshor ba ni zab pa ma yin/ phra ba ma yin no/ /rna ba'i 'dus te reg pa'i rkyen gyis tshor ba dang/ sna'i 'dus te reg pa'i rkyen gyis tshor ba dang/ lce'i 'dus te reg pa'i rkyen gyis tshor ba dang/ lus kyi 'dus te reg pa'i rkyen gyis tshor ba dang/ yid kyi 'dus te reg pa'i rkyen gyis tshor ba ni zab pa ma yin/ phra ba ma yin no/ /de ci'i phyir zhe na/ mig gi 'dus te reg pa'i rkyen gyis tshor ba'i rang bzhin ni zab pa ma yin/ phra ba ma yin no/ /rna ba'i 'dus te reg pa'i rkyen gyis tshor ba'i rang bzhin dang/ sna'i 'dus te reg pa'i rkyen gyis tshor ba'i rang @07a @#/ /bzhin dang/ lce'i 'dus te reg pa'i rkyen gyis tshor ba'i rang bzhin dang/ lus kyi 'dus te reg pa'i rkyen gyis tshor ba'i rang bzhin dang/ yid kyi 'dus te reg pa'i rkyen gyis tshor ba'i rang bzhin ni zab pa ma yin/ phra ba ma yin no/ /sa'i khams ni zab pa ma yin/ phra ba ma yin no/ /chu'i khams dang/ me'i khams dang/ rlung gi khams dang/ nam mkha'i khams dang; rnam par shes pa'i khams ni zab pa ma yin/ phra ba ma yin no/ /de ci'i phyir zhe na/ sa'i khams kyi rang bzhin ni zab pa ma yin/ phra ba ma yin no/ /chu'i khams kyi rang bzhin dang/ me'i khams kyi rang bzhin dang/ rlung gi khams kyi rang bzhin dang/ nam mkha'i khams kyi rang bzhin dang/ rnam par shes pa'i khams kyi rang bzhin ni zab pa ma yin/ phra ba ma yin no/ /ma rig pa ni zab pa ma yin/ phra ba ma yin no/ /'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi ni zab pa ma yin/ phra ba ma yin no/ /de ci'i phyir zhe na/ ma rig pa'i rang bzhin ni zab pa ma yin/ phra ba ma yin no/ /'du byed kyi rang bzhin dang/ rnam par shes pa'i rang bzhin dang; ming dang gzugs kyi rang bzhin dang/ skye mched drug gi rang bzhin dang/ reg pa'i rang bzhin dang/ tshor ba'i rang bzhin dang/ sred pa'i rang bzhin dang/ len pa'i rang bzhin dang/ @07b srid pa'i rang bzhin dang/ skye ba'i rang bzhin dang/ rga shi'i rang bzhin ni zab pa ma yin/ phra ba ma yin no/ /sbyin pa'i pha rol tu phyin pa ni zab pa ma yin/ phra ba ma yin no/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa ni zab pa ma yin/ phra ba ma yin no/ / de ci'i phyir zhe na/ sbyin pa'i pha rol tu phyin pa'i rang bzhin ni zab pa ma yin/ phra ba ma yin no/ /tshul khrims kyi pha rol tu phyin pa'i rang bzhin dang/ bzod pa'i pha rol tu phyin pa'i rang bzhin dang/ brtson 'grus kyi pha rol tu phyin pa'i rang bzhin dang/ bsam gtan gyi pha rol tu phyin pa'i rang bzhin dang/ shes rab kyi pha rol tu phyin pa'i rang bzhin ni zab pa ma yin/ phra ba ma yin no/ /nang stong pa nyid ni zab pa ma yin/ phra ba ma yin no/ /dngos po med pa'i ngo bo nyid stong pa nyid kyi bar ni zab pa ma yin/ phra ba ma yin no/ /de ci'i phyir zhe na/ nang stong pa nyid kyi rang bzhin ni zab pa ma yin; phra ba ma yin no/ /dngos po med pa'i ngo bo nyid stong pa nyid kyi bar gyi rang bzhin ni zab pa ma yin/ phra ba ma yin no/ /dran pa nye bar gzhag pa rnams ni zab pa ma yin/ phra ba ma yin no/ /yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa ni zab pa ma yin @08a @#/ /phra ba ma yin no/ /de ci'i phyir zhe na/ dran pa nye bar bzhag pa'i rang bzhin ni zab pa ma yin/ phra ba ma yin no/ /yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa'i rang bzhin ni zab pa ma yin/ phra ba ma yin no/ /'phags pa'i bden pa rnams ni zab pa ma yin/ phra ba ma yin no/ /bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa rnams dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams ni zab pa ma yin/ phra ba ma yin no/ /de ci'i phyir zhe na/ 'phags pa'i bden pa'i rang bzhin ni zab pa ma yin/ phra ba ma yin no/ /bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo'i rang bzhin ni zab pa ma yin/ phra ba ma yin no/ /de bzhin gshegs pa'i stobs bcu ni zab pa ma yin/ phra ba @08b ma yin no/ /mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad dang/ rnam pa thams cad mkhyen pa nyid kyi bar ni zab pa ma yin/ phra ba ma yin no; ;de ci'i phyir zhe na/ de bzhin gshegs pa'i stobs kyi rang bzhin ni zab pa ma yin/ phra ba ma yin no/ /mi 'jigs pa dang/ so so yang dag par rig pa dang/ sangs rgyas kyi chos ma 'dres pa dang/ rnam pa thams cad mkhyen pa nyid kyi bar gyi rang bzhin ni zab pa ma yin/ phra ba ma yin no/ /de nas lha'i bu de dag 'di snyam du sems par gyur te/ chos bstan pa 'di la ni gzugs su btags pa med do/ /tshor ba dang/ 'du shes dang/ 'du byed dang/ rnam par shes par btags pa med do/ /chos bstan pa 'di la ni skye mched dang/ khams dang/ rten cing 'brel par 'byung bar btags pa med do/ /chos bstan pa 'di la ni sbyin pa'i pha rol tu phyin par btags pa med do/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin par btags pa med do/ /chos bstan pa 'di la ni nang stong pa nyid du btags pa med do/ /dngos po med pa'i ngo bo nyid stong pa nyid kyi bar du btags pa med do/ /chos bstan pa 'di la ni byang chub kyi phyogs kyi chos sum cu rtsa bdun du btags pa med do/ /'phags pa'i bden pa rnams dang/ bsam @09a @#/ /gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa rnams dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang; de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ sangs rgyas kyi chos ma 'dres pa bco brgyad du btags pa med do/ / chos bstan pa 'di la ni rgyun du zhugs par btags pa med do/ /rgyun du zhugs pa'i 'bras bur btags pa med do/ /lan gcig phyir 'ong ba dang/ lan gcig phyir 'ong ba'i 'bras bu dang/ phyir mi 'ong ba dang/ phyir mi 'ong ba'i 'bras bu dang/ dgra bcom pa nyid dang/ rang sangs rgyas rnams dang/ rang byang chub dang/ byang chub sems dpa'i sa rnams dang/ sangs rgyas dang/ byang chub tu btags pa med do/ /yi ger btags pa med do snyam pa dang/ de nas tshe dang ldan pa rab 'byor gyis lha'i bu de dag la 'di skad ces smras so/ /lha'i bu dag / de de bzhin no/ /de de bzhin te/ de bzhin gshegs pa'i byang chub ni brjod du med do/ /smrar med do/ /de ni sus kyang bstan pa med do/ /sus kyang thos pa med do/ /sus kyang shes pa med do/ /lha'i bu dag / de lta bas na la la @09b zhig rgyun du zhugs pa'i 'bras bu la gnas par 'dod cing/ rgyun du zhugs pa'i 'bras bu mngon du bya bar 'dod na'ang bzod pa 'di la mi brten du mi rung ngo/ /la la zhig lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ la la zhig bla na med pa yang dag par rdzogs pa'i byang chub la gnas par 'dod cing/ bla na med pa yang dag par rdzogs pa'i byang chub mngon du bya bar 'dod na'ang/ bzod pa 'di la mi brten du mi rung ngo/ /lha'i bu dag / de ltar byang chub sems dpa' sems dpa' chen pos sems dang po bskyed nas brjod pa dang/ mnyan du med pa'i phyir shes rab kyi pha rol tu phyin pa la gnas par bya'o/ /shes rab kyi pha rol tu phyin pa stong phrag nyi shu lnga pa las le'u bcu bzhi pa'o// // de nas lha'i bu de dag 'di snyam du sems par gyur te/ gnas brtan rab 'byor la chos mnyan pa rnam pa ji lta bu dag btsal bar bya snyam pa dang/ de nas tshe dang ldan pa rab 'byor gyis/ lha'i bu de dag gi sems kyi rnam par rtog pa sems kyis yongs su shes nas/ lha'i bu de dag la 'di skad ces smras so/ /lha'i bu dag / bdag gis chos bstan pa ni sgyu ma lta bu ste/ lha'i bu dag / bdag la chos nyan pa'ang sgyu ma lta bur btsal bar bya'o/ /lha'i bu dag /bdag gis chos bstan pa 'di sprul pa lta bu ste/ bdag la chos nyan pa'ang sprul pa lta bur btsal bar bya ste/ de dag ni ci'ang nyan pa med cing @010a @#/ /ci'ang mngon du byed pa med do/ /de nas lha'i bu de dag gis tshe dang ldan pa rab 'byor la 'di skad ces smras so/ /btsun pa rab 'byor/ ci sems can de dag sgyu ma lta bu ste/ chos nyan pa de dag sgyu ma lta bu yin nam/ sems can de dag sprul pa lta bu ste/ chos nyan pa de dag sprul pa lta bu yin nam/ rab 'byor gyis smras pa/ lha'i bu dag / de de bzhin no/ /de de bzhin te sems can de dag ni sgyu ma lta bu ste/ chos nyan pa de dag kyang sgyu ma lta bu'o/ /sems can de dag ni sprul pa lta bu ste/ chos nyan pa de dag kyang sprul pa lta bu'o/ /lha'i bu dag / sems can de dag rmi lam lta bu/ sgyu ma lta bu'o/ /lha'i bu dag / gzugs kyang rmi lam lta bu/ sgyu ma lta bu'o/ /lha'i bu dag / tshor ba dang/ 'du shes dang/ 'du byed dang/ rnam par shes pa'ang rmi lam lta bu/ sgyu ma lta bu'o/ /lha'i bu dag / mig kyang rmi lam lta bu/ sgyu ma lta bu'o/ /rna ba dang/ sna dang/ lce dang/ lus dang/ yid kyang rmi lam lta bu/ sgyu ma lta bu'o/ /gzugs kyang rmi lam lta bu/ sgyu ma lta bu'o/ /sgra dang/ dri dang/ ro dang/ reg dang/ chos kyang rmi lam lta bu/ sgyu ma lta bu'o/ /mig gi rnam par shes pa'ang rmi lam lta bu/ sgyu ma lta bu'o/ /rna ba'i rnam par shes pa dang; sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa'ang rmi lam lta bu/ sgyu ma lta bu'o/ /mig gi 'dus te @010b reg pa'ang rmi lam lta bu/ sgyu ma lta bu'o/ /rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa'ang rmi lam lta bu; sgyu ma lta bu'o/ /mig gi 'dus te reg pa las byung ba'i tshor ba'ang rmi lam lta bu/ sgyu ma lta bu'o/ /rna ba'i 'dus te reg pa las byung ba'i tshor ba dang/ sna'i 'dus te reg pa las byung ba'i tshor ba dang; lce'i 'dus te reg pa las byung ba'i tshor ba dang/ lus kyi 'dus te reg pa las byung ba'i tshor ba dang/ yid kyi 'dus te reg pa las byung ba'i tshor ba'ang rmi lam lta bu/ sgyu ma lta bu'o/ /sa'i khams kyang rmi lam lta bu/ /sgyu ma lta bu'o/ /chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams kyang rmi lam lta bu/ sgyu ma lta bu'o/ / ma rig pa'ang rmi lam lta bu/ sgyu ma lta bu'o/ /'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang; skye ba dang/ rga shi'ang rmi lam lta bu/ sgyu ma lta bu'o/ /sbyin pa'i pha rol tu phyin pa'ang rmi lam lta bu/ sgyu ma lta bu'o/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa'ang rmi lam lta bu/ sgyu ma lta bu'o/ /nang stong pa nyid kyang rmi lam lta @11a @#/ /bu; sgyu ma lta bu'o/ /dngos po med pa'i ngo bo nyid stong pa nyid kyi bar du'ang rmi lam lta bu/ sgyu ma lta bu'o/ /dran pa nye bar bzhag pa rnams kyang rmi lam lta bu/ sgyu ma lta bu'o/ /yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa'ang rmi lam lta bu sgyu ma lta bu'o/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa rnams dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa rnams kyang rmi lam lta bu/ sgyu ma lta bu'o/ /rgyun du zhugs pa'i 'bras bu'ang rmi lam lta bu/ sgyu ma lta bu'o/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub kyang rmi lam lta bu/ sgyu ma lta bu'o/ /lha'i bu dag /yang dag par rdzogs pa'i byang chub kyang rmi lam lta bu/ sgyu ma lta bu'o/ /de nas @11b lha'i bu de dag gis tshe dang ldan pa rab 'byor la 'di skad ces smras so/ /btsun pa rab 'byor/ byang chub kyang rmi lam lta bu/ sgyu ma lta bur bshad na/ mya ngan las 'das pa'ang ci rmi lam lta bu/ sgyu ma lta bur bshad dam/ rab 'byor gyis smras pa/ lha'i bu dag /bdag ni mya ngan las 'das pa'ang rmi lam lta bu/ sgyu ma lta bur smra ste/ de bas gal te mya ngan las 'das pa las khyad par du 'phags pa'i chos gzhan zhig yod na'ang de la bdag ni rmi lam lta bu/ sgyu ma lta bur smra'o/ /de ci'i phyir zhe na/ lha'i bu dag /de ni 'di ltar rmi lam lta bu dang/ sgyu ma lta bu dang/ mya ngan las 'das pa de la gnyis su med cing gnyis su byar med do/ /de nas tshe dang ldan pa shA radwa ti'i bu dang/ tshe dang ldan pa maunggal gyi bu chen po dang/ tshe dang ldan pa mdzod ldan chen po dang/ tshe dang ldan pa ka tya'i bu chen po dang/ tshe dang ldan pa byams gang gi bu dang/ tshe dang ldan pa 'od srung chen po dang/ byang chub sems dpa' stong phrag du mas/ tshe dang ldan pa rab 'byor la 'di skad ces smras so/ /btsun pa rab 'byor/ shes rab kyi pha rol tu phyin pa 'di ltar zab pa/ 'di ltar blta dka' ba/ 'di ltar rtogs par dka' ba/ 'di ltar zhi ba/ 'di ltar gsal ba/ 'di ltar phra ba/ 'di ltar bzang pa 'di la su dag yid ches par 'gyur/ de nas tshe dang ldan pa rab 'byor gyis nyan thos chen po de dag dang/ byang chub sems dpa' sems dpa' chen po de dag la 'di skad ces smras so/ /tshe dang @12a @#/ /ldan pa dag /phyir mi ldog pa'i byang chub sems dpa' sems dpa' chen po rnams/ shes rab kyi pha rol tu phyin pa 'di ltar zab pa 'di ltar shin tu brtag dka' ba 'di ltar phra ba/ 'di ltar gsal ba/ 'di ltar rtogs par dka' ba/ 'di ltar zhi ba/ 'di ltar bzang ba/ 'di ltar shin tu 'phags pa/ 'di ltar mkhas shing shes pas rig par bya ba 'di la yid ches par 'gyur ro/ /bden pa mthong ba'i gang zag gam/ dgra bcom pa zag pa zad pa bsam pa yongs su rdzogs pa'am/ sngon gyi rgyal ba la bya ba byas pa'i sems can sangs rgyas bye ba mang po la dge ba'i rtsa ba bskyed bskyed pa dag dang/ rigs kyi bu dang/ rigs kyi bu mo dge ba'i bshes gnyen gyis yongs su zin pa gang shes rab kyi pha rol tu phyin pa 'di ltar zab pa/ 'di ltar brtag dka' ba/ 'di ltar brtag pa'i spyod yul ma yin pa/ 'di ltar blta dka' ba/ 'di ltar rtogs par dka' ba/ 'di ltar zhi ba/ 'di ltar shin tu 'phags pa mkhas shing shes pas rig par bya ba 'di la yid ches par 'gyur ba de dag ni/ gzugs stong zhes bya bar rnam par rtog par mi 'gyur/ stong pa nyid gzugs zhes bya bar rnam par rtog par mi 'gyur ro/ /tshor ba dang/ 'du shes dang/ 'du byed dang/ rnam par shes pa stong zhes bya bar rnam par rtog par mi 'gyur/ stong pa nyid rnam par shes pa zhes bya bar @12b rnam par rtog par mi 'gyur ro/ /gzugs mtshan ma med ces bya bar rnam par rtog par mi 'gyur/ mtshan ma med pa gzugs zhes bya bar rnam par rtog par mi 'gyur ro/ /tshor ba dang/ 'du shes dang; 'du byed dang/ rnam par shes pa mtshan ma med ces bya bar rnam par rtog par mi 'gyur/ mtshan ma med pa rnam par shes pa zhes bya bar rnam par rtog par mi 'gyur ro/ /gzugs smon pa med ces bya bar rnam par rtog par mi 'gyur/ smon pa med pa gzugs zhes bya bar rnam par rtog par mi 'gyur ro/ /tshor ba dang/ 'du shes dang/ 'du byed dang/ rnam par shes pa smon pa med ces bya bar rnam par rtog par mi 'gyur/ smon pa med pa rnam par shes pa zhes bya bar rnam par rtog par mi 'gyur ro/ /gzugs skye ba med ces bya bar rnam par rtog par mi 'gyur/ skye ba med pa gzugs zhes bya bar rnam par rtog par mi 'gyur ro/ /tshor ba dang/ 'du shes dang/ 'du byed dang/ rnam par shes pa skye ba med ces bya bar rnam par rtog par mi 'gyur/ skye ba med pa rnam par shes pa zhes bya bar rnam par rtog par mi 'gyur ro/ /gzugs 'gag pa med ces bya bar rnam par rtog par mi 'gyur/ 'gag pa med pa gzugs zhes bya bar rnam par rtog par mi 'gyur ro/ / tshor ba dang/ 'du shes dang/ 'du byed dang/ rnam par shes pa 'gag pa med ces bya bar rnam par rtog par mi 'gyur/ 'gag pa med pa rnam par shes pa zhes bya bar rnam par rtog par mi @13a @#/ /'gyur ro/ /gzugs zhi zhes bya bar rnam par rtog par mi 'gyur/ zhi ba gzugs zhes bya bar rnam par rtog par mi 'gyur ro/ /tshor ba dang/ 'du shes dang/ 'du byed dang/ rnam par shes pa zhi zhes bya bar rnam par rtog par mi 'gyur/ zhi ba rnam par shes pa zhes bya bar rnam par rtog par mi 'gyur ro/ /gzugs dben zhes bya bar rnam par rtog par mi 'gyur/ dben pa gzugs zhes bya bar rnam par rtog par mi 'gyur ro/ /tshor ba dang/ 'du shes dang/ 'du byed dang/ rnam par shes pa dben zhes bya bar rnam par rtog par mi 'gyur/ dben pa rnam par shes pa zhes bya bar rnam par rtog par mi 'gyur ro/ /mig stong zhes bya bar rnam par rtog par mi 'gyur/ stong pa nyid mig ces bya bar rnam par rtog par mi 'gyur ro/ rna ba dang/ sna dang/ lce dang/ lus dang/ yid stong zhes bya bar rnam par rtog par mi 'gyur/ stong pa nyid yid ces bya bar rnam par rtog par mi 'gyur ro/ /mig mtshan ma med ces bya bar rnam par rtog par mi 'gyur/ mtshan ma med pa mig ces bya bar rnam par rtog par mi 'gyur ro/ /rna ba dang/ sna dang/ lce dang/ lus dang/ yid mtshan ma med ces bya bar rnam par rtog par mi 'gyur/ mtshan ma med pa yid ces bya bar rnam par rtog par mi 'gyur ro/ /mig smon pa med ces bya bar rnam par rtog par mi 'gyur/ smon pa med pa mig ces bya bar rnam @13b par rtog par mi 'gyur ro/ /rna ba dang/ sna dang/ lce dang/ lus dang/ yid smon pa med ces bya bar rnam par rtog par mi 'gyur/ smon pa med pa yid ces bya bar rnam par rtog par mi 'gyur ro/ /mig skye ba med ces bya bar rnam par rtog par mi 'gyur/ skye ba med pa mig ces bya bar rnam par rtog par mi 'gyur ro/ /rna ba dang/ sna dang/ lce dang/ lus dang/ yid skye ba med ces bya bar rnam par rtog par mi 'gyur/ skye ba med pa yid ces bya bar rnam par rtog par mi 'gyur ro/ /mig 'gag pa med ces bya bar rnam par rtog par mi 'gyur/ 'gag pa med pa mig ces bya bar rnam par rtog par mi 'gyur ro/ / rna ba dang/ sna dang/ lce dang/ lus dang/ yid 'gag pa med ces bya bar rnam par rtog par mi 'gyur/ 'gag pa med pa yid ces bya bar rnam par rtog par mi 'gyur ro/ /mig zhi zhes bya bar rnam par rtog par mi 'gyur/ zhi ba mig ces bya bar rnam par rtog par mi 'gyur ro/ /rna ba dang/ sna dang/ lce dang/ lus dang/ yid zhi zhes bya bar rnam par rtog par mi 'gyur/ zhi ba yid ces bya bar rnam par rtog par mi 'gyur ro/ /mig dben zhes bya bar rnam par rtog par mi 'gyur/ dben pa mig ces bya bar rnam par rtog par mi 'gyur ro/ /rna ba dang/ sna dang/ lce dang/ lus dang/ yid dben zhes bya bar rnam par rtog par mi 'gyur/ dben pa yid ces bya bar rnam par rtog par mi 'gyur ro/ /gzugs stong zhes bya bar rnam par rtog par mi 'gyur/ stong pa nyid gzugs @14a @#/ /zhes bya bar rnam par rtog par mi 'gyur ro/ /sgra dang/ dri dang/ ro dang/ reg dang/ chos stong zhes bya bar rnam par rtog par mi 'gyur/ stong pa nyid chos zhes bya bya bar rnam par rtog par mi 'gyur ro/ /gzugs mtshan ma med ces bya bar rnam par rtog par mi 'gyur/ mtshan ma med pa gzugs zhes bya bar rnam par rtog par mi 'gyur ro/ /sgra dang; dri dang/ ro dang/ reg dang/ chos mtshan ma med ces bya bar rnam par rtog par mi 'gyur/ mtshan ma med pa chos zhes bya bar rnam par rtog par mi 'gyur ro/ /gzugs smon pa med ces bya bar rnam par rtog par mi 'gyur/ smon pa med pa gzugs zhes bya bar rnam par rtog par mi 'gyur ro/ /sgra dang/ dri dang/ ro dang/ reg dang/ chos smon pa med ces bya bar rnam par rtog par mi 'gyur/ smon pa med pa chos zhes bya bar rnam par rtog par mi 'gyur ro/ /gzugs skye ba med ces bya bar rnam par rtog par mi 'gyur/ skye ba med pa gzugs zhes bya bar rnam par rtog par mi 'gyur ro/ /sgra dang/ dri dang/ ro dang/ reg dang/ chos skye ba med ces bya bar rnam par rtog par mi 'gyur/ skye ba med pa chos zhes bya bar rnam par rtog par mi 'gyur ro; /gzugs 'gag pa med ces bya bar rnam par rtog par mi 'gyur/ 'gag pa med pa gzugs zhes bya bar rnam par rtog par mi 'gyur ro/ /sgra dang/ dri dang/ ro dang/ reg dang/ chos 'gag pa med @14b ces bya bar rnam par rtog par mi 'gyur/ 'gag pa med pa chos zhes bya bar rnam par rtog par mi 'gyur ro/ /gzugs zhi zhes bya bar rnam par rtog par mi 'gyur/ zhi ba gzugs zhes bya bar rnam par rtog par mi 'gyur ro/ /sgra dang/ dri dang/ ro dang/ reg dang/ chos zhi zhes bya bar rnam par rtog par mi 'gyur/ zhi ba chos zhes bya bar rnam par rtog par mi 'gyur ro/ /gzugs dben zhes bya bar rnam par rtog par mi 'gyur/ dben pa gzugs zhes bya bar rnam par rtog par mi 'gyur ro/ /sgra dang/ dri dang/ ro dang/ reg dang/ chos dben zhes bya bar rnam par rtog par mi 'gyur/ dben pa chos zhes bya bar rnam par rtog par mi 'gyur ro/ /mig gi rnam par shes pa stong zhes bya bar rnam par rtog par mi 'gyur/ stong pa nyid mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa stong zhes bya bar rnam par rtog par mi 'gyur/ stong pa nyid yid kyi rnam par shes pa zhes bya bar rnam par rtog par mi 'gyur ro/ /mig gi rnam par shes pa mtshan ma med ces bya bar rnam par rtog par mi 'gyur/ mtshan ma med pa mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ @15a @#/ /lus kyi rnam par shes pa dang/ yid kyi rnam par shes pa mtshan ma med ces bya bar rnam par rtog par mi 'gyur/ mtshan ma med pa yid kyi rnam par shes pa zhes bya bar rnam par rtog par mi 'gyur ro/ /mig gi rnam par shes pa smon pa med ces bya bar rnam par rtog par mi 'gyur/ smon pa med pa mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa smon pa med ces bya bar rnam par rtog par mi 'gyur/ smon pa med pa yid kyi rnam par shes pa zhes bya bar rnam par rtog par mi 'gyur ro/ /mig gi rnam par shes pa skye ba med ces bya bar rnam par rtog par mi 'gyur/ skye ba med pa mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa skye ba med ces bya bar rnam par rtog par mi 'gyur/ skye ba med pa yid kyi rnam par shes pa zhes bya bar rnam par rtog par mi 'gyur ro/ /mig gi rnam par shes pa 'gag pa med ces bya bar rnam par rtog par mi 'gyur/ 'gag pa med pa mig gi rnam par shes pa zhes bya bar @15b rnam par rtog par mi 'gyur ro/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa 'gag pa med ces bya bar rnam par rtog par mi 'gyur/ 'gag pa med pa yid kyi rnam par shes pa zhes bya bar rnam par rtog par mi 'gyur ro/ /mig gi rnam par shes pa zhi zhes bya bar rnam par rtog par mi 'gyur/ zhi ba mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa zhi zhes bya bar rnam par rtog par mi 'gyur/ zhi ba yid kyi rnam par shes pa zhes bya bar rnam par rtog par mi 'gyur ro/ /mig gi rnam par shes pa dben zhes bya bar rnam par rtog par mi 'gyur/ dben pa mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa dben zhes bya bar rnam par rtog par mi 'gyur/ dben pa yid kyi rnam par shes pa zhes bya bar rnam par rtog par mi 'gyur ro/ /mig gi 'dus te reg pa stong zhes bya bar rnam par rtog par mi 'gyur/ stong pa nyid mig gi 'dus te reg pa zhes bya bar @16a @#/ /rnam par rtog par mi 'gyur ro/ /rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa stong zhes bya bar rnam par rtog par mi 'gyur/ stong pa nyid yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa mtshan ma med ces bya bar rnam par rtog par mi 'gyur/ mtshan ma med pa mig gi 'dus te reg pa zhes bya bar rnam par rtog par mi 'gyur ro/ /rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa mtshan ma med ces bya bar rnam par rtog par mi 'gyur/ mtshan ma med pa yid kyi 'dus te reg pa zhes bya bar rnam par rtog par mi 'gyur ro/ / mig gi 'dus te reg pa smon pa med ces bya bar rnam par rtog par mi 'gyur/ smon pa med pa mig gi 'dus te reg pa zhes bya bar rnam par rtog par mi 'gyur ro/ /rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa smon pa med ces bya bar rnam par rtog par mi 'gyur/ smon pa med pa yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa skye ba med ces bya bar rnam par rtog par mi 'gyur/ skye ba med pa mig gi 'dus te reg pa zhes bya bar @16b rnam par rtog par mi 'gyur ro/ /rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa skye ba med ces bya bar rnam par rtog par mi 'gyur/ skye ba med pa yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa 'gag pa med ces bya bar rnam par rtog par mi 'gyur/ 'gag pa med pa mig gi 'dus te reg pa zhes bya bar rnam par rtog par mi 'gyur ro/ /rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang; yid kyi 'dus te reg pa 'gag pa med ces bya bar rnam par rtog par mi 'gyur/ 'gag pa med pa yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa zhi zhes bya bar rnam par rtog par mi 'gyur/ zhi ba mig gi 'dus te reg pa zhes bya bar rnam par rtog par mi 'gyur ro/ /rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa zhi zhes bya bar rnam par rtog par mi 'gyur/ zhi ba yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa dben zhes bya bar rnam par rtog par mi 'gyur/ dben pa mig gi 'dus te reg pa zhes bya bar rnam par rtog bar mi 'gyur ro/ /rna ba'i 'dus te reg pa dang/ sna'i 'dus te reg pa @17a @#/ /dang; lce'i 'dus te reg pa dang/ lus kyi 'dus te reg pa dang/ yid kyi 'dus te reg pa dben zhes bya bar rnam par rtog par mi 'gyur/ dben pa yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba stong zhes bya bar rnam par rtog par mi 'gyur/ stong pa nyid mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang/ sna'i 'dus te reg pa las byung ba'i tshor ba dang/ lce'i 'dus te reg pa las byung ba'i tshor ba dang/ lus kyi 'dus te reg pa las byung ba'i tshor ba dang/ yid kyi 'dus te reg pa las byung ba'i tshor ba stong zhes bya bar rnam par rtog par mi 'gyur/ stong pa nyid yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba mtshan ma med ces bya bar rnam par rtog par mi 'gyur/ mtshan ma med pa mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang/ sna'i 'dus te reg pa las byung ba'i tshor ba dang/ lce'i 'dus te reg pa las byung ba'i tshor ba dang/ lus kyi 'dus te reg pa las byung ba'i tshor ba dang/ yid kyi 'dus te reg pa las byung ba'i tshor ba mtshan ma med @17b ces bya bar rnam par rtog par mi 'gyur/ mtshan ma med pa yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba smon pa med ces bya bar rnam par rtog par mi 'gyur/ smon pa med pa mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang/ sna'i 'dus te reg pa las byung ba'i tshor ba dang/ lce'i 'dus te reg pa las byung ba'i tshor ba dang/ lus kyi 'dus te reg pa las byung ba'i tshor ba dang/ yid kyi 'dus te reg pa las byung ba'i tshor ba smon pa med ces bya bar rnam par rtog par mi 'gyur/ smon pa med pa yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ / mig gi 'dus te reg pa las byung ba'i tshor ba skye ba med ces bya bar rnam par rtog par mi 'gyur/ skye ba med pa mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang/ sna'i 'dus te reg pa las byung ba'i tshor ba dang/ lce'i 'dus te reg pa las byung ba'i tshor ba dang/ lus kyi 'dus te reg pa las byung ba'i tshor ba dang/ yid kyi 'dus te reg pa las byung ba'i tshor ba skye ba med ces bya bar rnam par rtog par mi 'gyur/ skye ba med pa yid kyi 'dus te reg pa las @18a @#/ /byung ba'i tshor ba zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba 'gag pa med ces bya bar rnam par rtog par mi 'gyur/ 'gag pa med pa mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang/ sna'i 'dus te reg pa las byung ba'i tshor ba dang/ lce'i 'dus te reg pa las byung ba'i tshor ba dang/ lus kyi 'dus te reg pa las byung ba'i tshor ba dang/ yid kyi 'dus te reg pa las byung ba'i tshor ba 'gag pa med ces bya bar rnam par rtog par mi 'gyur/ 'gag pa med pa yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba zhi zhes bya bar rnam par rtog par mi 'gyur/ zhi ba mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang/ sna'i 'dus te reg pa las byung ba'i tshor ba dang/ lce'i 'dus te reg pa las byung ba'i tshor ba dang/ lus kyi 'dus te reg pa las byung ba'i tshor ba dang/ yid kyi 'dus te reg pa las byung ba'i tshor ba zhi zhes bya bar rnam par rtog par mi 'gyur/ zhi ba yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /mig gi 'dus te reg @18b pa las byung ba'i tshor ba dben zhes bya bar rnam par rtog par mi 'gyur/ dben pa mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang/ sna'i 'dus te reg pa las byung ba'i tshor ba dang/ lce'i 'dus te reg pa las byung ba'i tshor ba dang/ lus kyi 'dus te reg pa las byung ba'i tshor ba dang/ yid kyi 'dus te reg pa las byung ba'i tshor ba dben zhes bya bar rnam par rtog par mi 'gyur/ dben pa yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /sa'i khams stong zhes bya bar rnam par rtog par mi 'gyur/ stong pa nyid sa'i khams zhes bya bar rnam par rtog par mi 'gyur ro/ /chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams stong zhes bya bar rnam par rtog par mi 'gyur/ stong pa nyid rnam par shes pa'i khams zhes bya bar rnam par rtog par mi 'gyur ro/ /sa'i khams mtshan ma med ces bya bar rnam par rtog par mi 'gyur/ mtshan ma med pa sa'i khams zhes bya bar rnam par rtog par mi 'gyur ro/ /chu'i khams dang/me'i khams dang/ rlung gi khams dang; nam mkha'i khams dang/ rnam par shes pa'i khams mtshan ma med ces bya bar rnam par rtog par mi 'gyur/ mtshan ma med pa rnam par shes pa'i khams zhes bya bar rnam par @19a @#/ /rtog par mi 'gyur ro/ /sa'i khams smon pa med ces bya bar rnam par rtog par mi 'gyur/ smon pa med pa sa'i khams zhes bya bar rnam par rtog par mi 'gyur ro/ /chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams smon pa med ces bya bar rnam par rtog par mi 'gyur/ smon pa med pa rnam par shes pa'i khams zhes bya bar rnam par rtog par mi 'gyur ro/ /sa'i khams skye ba med ces bya bar rnam par rtog par mi 'gyur/ skye ba med pa sa'i khams zhes bya bar rnam par rtog par mi 'gyur ro/ /chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams skye ba med ces bya bar rnam par rtog par mi 'gyur/ skye ba med pa rnam par shes pa'i khams zhes bya bar rnam par rtog par mi 'gyur ro/ /sa'i khams 'gag pa med ces bya bar rnam par rtog par mi 'gyur/ 'gag pa med pa sa'i khams zhes bya bar rnam par rtog par mi 'gyur ro/ /chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams 'gag pa med ces bya bar rnam par rtog par mi 'gyur/ 'gag pa med pa rnam par shes pa'i khams zhes bya bar rnam par rtog par mi 'gyur ro/ /sa'i khams zhi zhes bya bar rnam par rtog par mi 'gyur/ zhi ba sa'i @19b khams zhes bya bar rnam par rtog par mi 'gyur ro/ /chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams zhi zhes bya bar rnam par rtog par mi 'gyur/ zhi ba rnam par shes pa'i khams zhes bya bar rnam par rtog par mi 'gyur/ sa'i khams dben zhes bya bar rnam par rtog par mi 'gyur/ dben pa sa'i khams zhes bya bar rnam par rtog par mi 'gyur ro/ /chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams dben zhes bya bar rnam par rtog par mi 'gyur/ dben pa rnam par shes pa'i khams zhes bya bar rnam par rtog par mi 'gyur ro/ /ma rig pa stong zhes bya bar rnam par rtog par mi 'gyur/ stong pa nyid ma rig pa zhes bya bar rnam par rtog par mi 'gyur ro/ /'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang srid pa dang/ skye ba dang; rga shi stong zhes bya bar rnam par rtog par mi 'gyur/ stong pa nyid rga shi zhes bya bar rnam par rtog par mi 'gyur ro/ /ma rig pa mtshan ma med ces bya bar rnam par rtog par mi 'gyur mtshan ma med pa ma rig pa zhes bya bar rnam par rtog par mi 'gyur ro/ /'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred @20a @#/ /pa dang/ len pa dang/ srid pa dang/ skye ba dang/ rga shi mtshan ma med ces bya bar rnam par rtog par mi 'gyur/ mtshan ma med pa rga shi zhes bya bar rnam par rtog par mi 'gyur ro/ /ma rig pa smon pa med ces bya bar rnam par rtog par mi 'gyur/ smon pa med pa ma rig pa zhes bya bar rnam par rtog par mi 'gyur ro/ /'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sed pa dang/ len pa dang/ srid pa dang/ skye ba dang/ rga shi smon pa med ces bya bar rnam par rtog par mi 'gyur/ smon pa med pa rga shi zhes bya bar rnam par rtog par mi 'gyur ro/ /ma rig pa skye ba med ces bya bar rnam par rtog par mi 'gyur ro/ /skye ba med pa ma rig pa zhes byar rnam par rtog par mi 'gyur ro/ /'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang srid pa dang/ skye ba dang/ rga shi skye ba med ces bya bar rnam par rtog par mi 'gyur/ skye ba med pa rga shi zhes bya bar rnam par rtog par mi 'gyur ro/ /ma rig pa 'gag pa med ces bya bar rnam par rtog par mi 'gyur/ 'gag pa med pa ma rig pa zhes bya bar rnam par rtog par mi 'gyur ro/ /'du byed dang/ rnam par shes pa dang/ ming dang gzugs dang/ @20b skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi 'gag pa med ces bya bar rnam par rtog par mi 'gyur/ 'gag pa med pa rga shis bya bar rnam par rtog par mi 'gyur/ ma rig pa zhi zhes bya bar rnam par rtog par mi 'gyur/ zhi ba ma rig pa zhes bya bar rnam par rtog par mi 'gyur ro/ /'du byed dang/ rnam par shes pa dang ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi zhi zhes bya bar rnam par rtog par mi 'gyur/ zhi ba rga shi zhes bya bar rnam par rtog par rtog par mi 'gyur ro/ /ma rig pa dben zhes bya bar rnam par rtog par mi 'gyur/ dben pa ma rig pa zhes bya bar rnam par rtog par mi 'gyur ro/ /'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi dben zhes bya bar rnam par rtog par mi 'gyur/ dben pa rga shi zhes bya bar rnam par rtog par mi 'gyur ro// //shes rab kyi pha rol tu phyin pa stong phrag nyi shu lnga pa/ bam po nyer dgu pa/ sbyin pa'i pha rol tu phyin pa stong zhes bya bar rnam par rtog par mi 'gyur/ stong pa nyid sbyin pa'i pha rol tu phyin pa zhes bya bar 'rnam par rtog par mi 'gyur ro/ /tshul khrims kyi pha rol tu phyin @21a @#/ /pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa stong zhes bya bar rnam par rtog par mi 'gyur/ stong pa nyid shes rab kyi pha rol tu phyin pa zhes bya bar rnam par rtog par mi 'gyur ro/ /sbyin pa'i pha rol tu phyin pa mtshan ma med ces bya bar rnam par rtog par mi 'gyur/ mtshan ma med pa sbyin pa'i pha rol tu phyin pa zhes bya bar rnam par rtog par mi 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa mtshan ma med ces bya bar rnam par rtog par mi 'gyur/ mtshan ma med pa shes rab kyi pha rol tu phyin pa zhes bya bar rnam par rtog par mi 'gyur ro/ /sbyin pa'i pha rol tu phyin pa smon pa med ces bya bar rnam par rtog par mi 'gyur/ smon pa med pa sbyin pa'i pha rol tu phyin pa zhes bya bar rnam par rtog par mi 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa smon pa med ces bya bar rnam par rtog par mi 'gyur/ smon pa med pa shes rab kyi pha rol tu phyin pa zhes bya bar rnam @21b par rtog par mi 'gyur ro/ /sbyin pa'i pha rol tu phyin pa skye ba med ces bya bar rnam par rtog par mi 'gyur/ skye ba med pa sbyin pa'i pha rol tu phyin pa zhes bya bar rnam par rtog par mi 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa skye ba med ces bya bar rnam par rtog par mi 'gyur/ skye ba med pa shes rab kyi pha rol tu phyin pa zhes bya bar rnam par rtog par mi 'gyur ro/ /sbyin pa'i pha rol tu phyin pa 'gag pa med ces bya bar rnam par rtog par mi 'gyur/ 'gag pa med pa sbyin pa'i pha rol tu phyin pa zhes bya bar rnam par rtog par mi 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa 'gag pa med ces bya bar rnam par rtog par mi 'gyur/ 'gag pa med pa shes rab kyi pha rol tu phyin pa zhes bya bar rnam par rtog par mi 'gyur ro/ /sbyin pa'i pha rol tu phyin pa zhi zhes bya bar rnam par rtog par mi 'gyur/ zhi ba sbyin pa'i pha rol tu phyin pa zhes bya bar rnam par rtog par mi 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu @22a @#/ /phyin pa zhi zhes bya bar rnam par rtog par mi 'gyur/ zhi ba shes rab kyi pha rol tu phyin pa zhes bya bar rnam par rtog par mi 'gyur ro/ /sbyin pa'i pha rol tu phyin pa dben zhes bya bar rnam par rtog par mi 'gyur/ dben pa sbyin pa'i pha rol tu phyin pa zhes bya bar rnam par rtog par mi 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dben zhes bya bar rnam par rtog par mi 'gyur dben pa shes rab kyi pha rol tu phyin pa zhes bya bar rnam par rtog par mi 'gyur ro/ /nang stong pa nyid stong zhes bya bar rnam par rtog par mi 'gyur/ stong pa nyid nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar stong zhes bya bar rnam par rtog par mi 'gyur/ stong pa nyid dngos po med pa'i ngo bo nyid stong pa nyid ces bya bar rnam par rtog par mi 'gyur ro/ /nang stong pa nyid mtshan ma med ces bya bar rnam par rtog par mi 'gyur/ mtshan ma med pa nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar mtshan ma med ces bya bar rnam par rtog par mi 'gyur/ mtshan ma med pa dngos po med pa'i ngo bo nyid stong pa nyid ces bya @22b bar rnam par rtog par mi 'gyur ro/ /nang stong pa nyid smon pa med ces bya bar rnam par rtog par mi 'gyur/ smon pa med pa nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar smon pa med ces bya bar rnam par rtog par mi 'gyur/ smon pa med pa dngos po med pa'i ngo bo nyid stong pa nyid ces bya bar rnam par rtog par mi 'gyur ro/ / nang stong pa nyid skye ba med ces bya bar rnam par rtog par mi 'gyur/ skye ba med pa nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar skye ba med ces bya bar rnam par rtog par mi 'gyur/ skye ba med pa dngos po med pa'i ngo bo nyid stong pa nyid ces bya bar rnam par rtog par mi 'gyur ro/ /nang stong pa nyid 'gag pa med ces bya bar rnam par rtog par mi 'gyur/ 'gag pa med pa nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar 'gag pa med ces bya bar rnam par rtog par mi 'gyur/ 'gag pa med pa dngos po med pa'i ngo bo nyid stong pa nyid ces bya bar rnam par rtog par mi 'gyur ro/ /nang stong pa nyid zhi zhes bya bar rnam par rtog par mi 'gyur/ zhi ba nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar zhi zhes bya bar rnam par rtog par mi 'gyur/ zhi ba dngos po med pa'i ngo bo nyid stong pa @23a @#/ /nyid ces bya bar rnam par rtog par mi 'gyur ro/ /nang stong pa nyid dben zhes bya bar rnam par rtog par mi 'gyur/ dben pa nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar dben zhes bya bar rnam par rtog par mi 'gyur/ dben pa dngos po med pa'i ngo bo nyid stong pa nyid ces bya bar rnam par rtog par mi 'gyur ro/ /dran pa nye bar bzhag pa rnams stong zhes bya bar rnam par rtog par mi 'gyur/ stong pa nyid dran pa nye bar bzhag pa rnams zhes bya bar rnam par rtog par mi 'gyur ro/ /yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa stong zhes bya bar rnam par rtog par mi 'gyur/ stong pa nyid 'phags pa'i lam yan lag brgyad pa zhes bya bar rnam par rtog par mi 'gyur ro/ /dran pa nye bar bzhag pa rnams mtshan ma med ces bya bar rnam par rtog par mi 'gyur/ mtshan ma med pa dran pa nye bar bzhag pa rnams zhes bya bar rnam par rtog par mi 'gyur ro/ /yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa mtshan ma med ces bya bar rnam par rtog par mi 'gyur/ @23b mtshan ma med pa 'phags pa'i lam yan lag brgyad pa zhes bya bar rnam par rtog par mi 'gyur ro/ /dran pa nye bar bzhag pa rnams smon pa med ces bya bar rnam par rtog par mi 'gyur/ smon pa med pa dran pa nye bar bzhag pa rnams zhes bya bar rnam par rtog par mi 'gyur ro/ /yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa smon pa med ces bya bar rnam par rtog par mi 'gyur/ smon pa med pa 'phags pa'i lam yan lag brgyad pa zhes bya bar rnam par rtog par mi 'gyur ro/ /dran pa nye bar bzhag pa rnams skye ba med ces bya bar rnam par rtog par mi 'gyur/ skye ba med pa dran pa nye bar bzhag pa rnams zhes bya bar rnam par rtog par mi 'gyur ro/ / yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa skye ba med ces bya bar rnam par rtog par mi 'gyur/ skye ba med pa 'phags pa'i lam yan lag brgyad pa zhes bya bar rnam par rtog par mi 'gyur ro/ /dran pa nye bar bzhag pa rnams 'gag pa med ces bya bar rnam par rtog par mi 'gyur/ 'gag pa med pa dran pa nye bar bzhag pa rnams zhes bya bar rnam par rtog par mi 'gyur ro/ /yang dag par spong ba rnams dang/ rdzu 'phrul gyi rkang pa rnams @24a @#/ /dang; dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa 'gag pa med ces bya bar rnam par rtog par mi 'gyur/ 'gag pa med pa 'phags pa'i lam yan lag brgyad pa zhes bya bar rnam par rtog par mi 'gyur ro/ /dran pa nye bar bzhag pa rnams zhi zhes bya bar rnam par rtog par mi 'gyur/ zhi pa dran pa nye bar bzhag pa rnams zhes bya bar rnam par rtog par mi 'gyur ro/ /yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang; byang chub kyi yan lag rnams dang/ 'phags pa'i lam yan lag brgyad pa zhi zhes bya bar rnam par rtog par mi 'gyur/ zhi pa 'phags pa'i lam yan lag brgyad pa zhes bya bar rnam par rtog par mi 'gyur ro/ /dran pa nye bar bzhag pa rnams dben zhes bya bar rnam par rtog par mi 'gyur/ dben pa dran pa nye bar bzhag pa rnams zhes bya bar rnam par rtog par mi 'gyur ro/ / yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa dben zhes bya bar rnam par rtog par mi 'gyur/ dben pa 'phags pa'i lam yan lag brgyad pa zhes bya bar rnam par rtog par mi 'gyur ro/ /'phags pa'i bden pa rnams stong zhes bya @24b bar rnam par rtog par mi 'gyur/ stong pa nyid 'phags pa'i bden pa rnams zhes bya bar rnam par rtog par mi 'gyur ro/ /sangs rgyas kyi chos ma 'dres pa bco brgyad kyi bar stong zhes bya bar rnam par rtog par mi 'gyur/ stong pa nyid sangs rgyas kyi chos ma 'dres pa bco brgyad ces bya bar rnam par rtog par mi 'gyur ro/ /'phags pa'i bden pa rnams mtshan ma med ces bya bar rnam par rtog par mi 'gyur/ mtshan ma med pa 'phags pa'i bden pa rnams zhes bya bar rnam par rtog par mi 'gyur ro/ /sangs rgyas kyi chos ma 'dres pa bco brgyad kyi bar mtshan ma med ces bya bar rnam par rtog par mi 'gyur/ mtshan ma med pa sangs rgyas kyi chos ma 'dres pa bco brgyad ces bya bar rnam par rtog par mi 'gyur ro/ /'phags pa'i bden pa rnams smon pa med ces bya bar rnam par rtog par mi 'gyur/ smon pa med pa 'phags pa'i bden pa rnams zhes bya bar rnam par rtog par mi 'gyur ro/ /sangs rgyas kyi chos ma 'dres pa bco brgyad kyi bar smon pa med ces bya bar rnam par rtog par mi 'gyur/ smon pa med pa sangs rgyas kyi chos ma 'dres pa bco brgyad ces bya bar rnam par rtog par mi 'gyur ro/ /'phags pa'i bden pa rnams skye ba med ces bya bar rnam par rtog par mi 'gyur/ skye ba med pa 'phags pa'i bden pa rnams zhes bya bar rnam par rtog par mi 'gyur ro/ /sangs rgyas kyi chos ma 'dres pa bco brgyad kyi bar skye ba med ces bya bar @25a @#/ /rnam par rtog par mi 'gyur/ skye ba med pa sangs rgyas kyi chos ma 'dres pa bco brgyad ces bya bar rnam par rtog par mi 'gyur ro/ /'phags pa'i bden pa rnams 'gag pa med ces bya bar rnam par rtog par mi 'gyur/ 'gag pa med pa 'phags pa'i bden pa rnams zhes bya bar rnam par rtog par mi 'gyur ro/ /sangs rgyas kyi chos ma 'dres pa bco brgyad kyi bar 'gag pa med ces bya bar rnam par rtog par mi 'gyur/ 'gag pa med pa sangs rgyas kyi chos ma 'dres pa bco brgyad ces bya bar rnam par rtog par mi 'gyur ro/ /'phags pa'i bden pa rnams zhi zhes bya bar rnam par rtog par mi 'gyur/ zhi ba 'phags pa'i bden pa rnams zhes bya bar rnam par rtog par mi 'gyur ro/ /sangs rgyas kyi chos ma 'dres pa bco brgyad kyi bar zhi zhes bya bar rnam par rtog par mi 'gyur/ zhi ba sangs rgyas kyi chos ma 'dres pa bco brgyad ces bya bar rnam par rtog par mi 'gyur ro/ /'phags pa'i bden pa rnams dben zhes bya bar rnam par rtog par mi 'gyur/ dben pa 'phags pa'i bden pa rnams zhes bya bar rnam par rtog par mi 'gyur ro/ /sangs rgyas kyi chos ma 'dres pa bco brgyad kyi bar dben zhes bya bar rnam par rtog par mi 'gyur/ dben pa sangs rgyas kyi chos ma 'dres pa bco brgyad ces bya bar rnam par rtog par mi 'gyur ro/ /rgyun du zhugs pa'i 'bras bu stong zhes bya bar rnam par rtog par @25b mi 'gyur/ stong pa nyid rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ rnam pa thams cad mkhyen pa nyid stong zhes bya bar rnam par rtog par mi 'gyur/ stong pa nyid rnam pa thams cad mkhyen pa nyid ces bya bar rnam par rtog par mi 'gyur ro/ /rgyun du zhugs pa'i 'bras bu mtshan ma med ces bya bar rnam par rtog par mi 'gyur/ mtshan ma med pa rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ rnam pa thams cad mkhyen pa nyid mtshan ma med ces bya bar rnam par rtog par mi 'gyur/ mtshan ma med pa rnam pa thams cad mkhyen pa nyid ces bya bar rnam par rtog par mi 'gyur ro/ /rgyun du zhugs pa'i 'bras bu smon pa med ces bya bar rnam par rtog par mi 'gyur/ smon pa med pa rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ rnam pa thams cad mkhyen pa nyid smon pa med ces bya bar rnam par rtog par mi 'gyur/ smon pa med pa rnam pa thams cad mkhyen pa nyid ces bya bar rnam par rtog par mi 'gyur ro/ /rgyun du zhugs pa'i @26a @#/ /'bras bu skye ba med ces bya bar rnam par rtog par mi 'gyur/ skye ba med pa rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ rnam pa thams cad mkhyen pa nyid skye ba med ces bya bar rnam par rtog par mi 'gyur/ skye ba med pa rnam pa thams cad mkhyen pa nyid ces bya bar rnam par rtog par mi 'gyur ro/ /rgyun du zhugs pa'i 'bras bu 'gag pa med ces bya bar rnam par rtog par mi 'gyur/ 'gag pa med pa rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ rnam pa thams cad mkhyen pa nyid 'gag pa med ces bya bar rnam par rtog par mi 'gyur/ 'gag pa med pa rnam pa thams cad mkhyen pa nyid ces bya bar rnam par rtog par mi 'gyur ro/ /rgyun du zhugs pa'i 'bras bu zhi zhes bya bar rnam par rtog par mi 'gyur/ zhi ba rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ rnam pa thams cad mkhyen pa nyid zhi zhes bya bar rnam par rtog par mi 'gyur/ zhi ba rnam pa thams @26b cad mkhyen pa nyid ces bya bar rnam par rtog par mi 'gyur ro/ /rgyun du zhugs pa'i 'bras bu dben zhes bya bar rnam par rtog par mi 'gyur/ dben pa rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ rnam pa thams cad mkhyen pa nyid dben zhes bya bar rnam par rtog par mi 'gyur/ dben pa rnam pa thams cad mkhyen pa nyid ces bya bar rnam par rtog par mi 'gyur ro/ /'dus byas kyi khams stong zhes bya bar rnam par rtog par mi 'gyur/ stong pa nyid 'dus byas kyi khams zhes bya bar rnam par rtog par mi 'gyur ro/ /'dus byas kyi khams mtshan ma med ces bya bar rnam par rtog par mi 'gyur/ mtshan ma med pa 'dus byas kyi khams zhes bya bar rnam par rtog par mi 'gyur ro/ /'dus byas kyi khams smon pa med ces bya bar rnam par rtog par mi 'gyur/ smon pa med pa 'dus byas kyi khams zhes bya bar rnam par rtog par mi 'gyur ro/ /'dus byas kyi khams skye ba med ces bya bar rnam par rtog par mi 'gyur/ skyen ba med pa 'dus byas kyi khams zhes bya bar rnam par rtog par mi 'gyur ro/ /'dus byas kyis khams 'gag pa med ces bya bar rnam par rtog par mi 'gyur/ 'gag pa med pa 'dus byas kyi khams zhes bya bar rnam par rtog par mi 'gyur ro/ /'dus byas @27a @#/ /kyi khams zhi zhes bya bar rnam par rtog par mi 'gyur/ zhi ba 'dus byas kyi khams zhes bya bar rnam par rtog par mi 'gyur ro/ /'dus byas kyi khams dben zhes bya bar rnam par rtog par mi 'gyur/ dben pa 'dus byas kyi khams zhes bya bar rnam par rtog par mi 'gyur ro/ /'dus ma byas kyi khams stong zhes bya bar rnam par rtog par mi 'gyur/ stong pa nyid 'dus ma byas kyi khams zhes bya bar rnam par rtog par mi 'gyur ro/ /'dus ma byas kyi khams mtshan ma med ces bya bar rnam par rtog par mi 'gyur/ mtshan ma med pa 'dus ma byas kyi khams zhes bya bar rnam par rtog par mi 'gyur ro/ /'dus ma byas kyi khams smon pa med ces bya bar rnam par rtog par mi 'gyur/ smon pa med pa 'dus ma byas kyi khams zhes bya bar rnam par rtog par mi 'gyur ro/ /'dus ma byas kyi khams skye ba med ces bya bar rnam par rtog par mi 'gyur/ skye ba med pa 'dus ma byas kyi khams zhes bya bar rnam par rtog par mi 'gyur ro/ /'dus ma byas kyi khams 'gag pa med ces bya bar rnam par rtog par mi 'gyur/ 'gag pa med pa 'dus ma byas kyi khams zhes bya bar rnam par rtog par mi 'gyur ro/ / 'dus ma byas kyi khams zhi zhes bya bar rnam par rtog par mi 'gyur/ zhi ba 'dus ma byas kyi khams zhes bya bar rnam par rtog par mi 'gyur ro/ /'dus ma byas kyi khams dben zhes @27b bya bar rnam par rtog par mi 'gyur/ dben pa 'dus ma byas kyi khams zhes bya bar rnam par rtog par mi 'gyur ro/ /lha'i bu dag /rnam grangs des na/ shes rab kyi pha rol tu phyin pa de ltar zab pa nas/ de ltar shin tu 'phags pas de ltar mkhas shing shes pas rig par bya ba'i bar de la yid ches par byed pa su'ang med do/ /de ci'i phyir zhe na/ de ni 'di ltar 'di la chos gang yang ma brjod ma bshad de/ ji ltar 'di la chos gang yang ma brjod ma bshad pa de bzhin du/ 'di la sems can gang yang yid ches par mi byed do/ /de nas tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor/ 'o na shes rab kyi pha rol tu phyin pa 'di las theg pa gsum po nyan thos kyi theg pa dang/ rang sangs rgyas kyi theg pa dang/ yang dag par rdzogs pa'i sangs rgyas kyi theg pa rnams kyang rgya cher rnam par ma bkod dam/ byang chub sems dpa' sems dpa' chen po rnams yongs su gzung ba'ang ma bstan tam/ sems dang po bskyed pa nas/ sems bcu pa bskyed pa'i bar gyi byang chub sems dpa'i lam 'di lta ste/ sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dang/ stong pa nyid thams cad dang/ dran pa nye bar bzhag pa bzhi dang/ yang @28a @#/ /dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa dang/ 'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa lnga dang/ ting nge 'dzin thams cad dang/ gzung kyi sgo thams cad dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad kyang ma bstan tam/ byang chub sems dpa' sems dpa' chen po rnams kyi mngon par shes pa dang/ rdzu 'phrul gyis rnam par rtse ba rnams kyang ma bstan tam/ de nas byang chub sems dpa' sems dpa' chen po rnams kyang shes rab kyi pha rol tu phyin pa la spyod cing rdzus te skye bar 'gyur zhes mi bya'am/ des na mngon par shes pa rnams la yongs su nyams pa med pa'i chos can du 'gyur zhes mi bya'am/ sangs rgyas kyi zhing nas sangs rgyas kyi zhing du 'dong zhing/ dge ba'i rtsa ba gang gis sangs rgyas bcom ldan 'das de dag la rim gror bya ba dang/ @28b bkur stir bya ba dang/ bsti stang du bya ba dang/ mchod par bya bar 'dod pa de lta bu'i dge ba'i rtsa ba de dag kyang phun sum tshogs par 'gyur zhes mi bya'am/ sangs rgyas bcom ldan 'das de dag las chos gang thos pa de'ang rnam pa thams cad mkhyen pa nyid thob par ma gyur gyi bar du nam yang rgyun chad par mi 'gyur ro zhes mi bya'am/ 'khrug pa med pa dang/ mnyam par bzhag pa med pa'i tshul gyis rtag tu mnyam par bzhag par 'gyur ro zhes mi bya'am/ thogs pa med pa'i spobs pa dang/ rgyun chad pa med pa'i spobs pa dang/ mnyam par bzhag pa'i spobs pa dang/ rig pa'i spobs pa dang/ 'brel pa'i spobs pa dang/ don dang ldan pa'i spobs pa dang/ 'jig rten thams cad las mngon par 'phags shing khyad zhugs pa'i spobs pa dang yang ldan par 'gyur zhes mi bya'am/ rab 'byor gyis smras pa/ tshe dang ldan pa shA ra dwa ti'i bu/ de de bzhin no/ /ji skad du smras pa de de bzhin te/ shes rab kyi pha rol tu phyin pa 'di las theg pa gsum po nyan thos kyi theg pa dang/ rang sangs rgyas kyi theg pa dang/ yang dag par rdzogs pa'i sangs rgyas kyi theg pa rnams kyang rgya cher bstan to/ /byang chub sems dpa' sems dpa' chen po yongs su gzung ba'ang bstan/ 'jig rten thams cad las mngon par 'phags shing khyad zhugs pa'i spobs pa dang ldan pa'i bar du'ang 'gyur zhes bya'o/ /de'ang mi dmigs pa'i tshul gyis te/ gang mi @29a @#/ /dmigs pa'i tshul gyis she na/ bdag mi dmigs pa'i tshul dang/ sems can dang/ srog dang/ 'gro ba dang/ gso ba dang/ skyes bu dang/ gang zag dang/ shed can dang/ shed bdag dang/ byed pa po dang/ tshor ba po dang/ shes pa po dang/ mthong ba po mi dmigs pa'i tshul dang/ gzugs mi dmigs pa'i tshul dang/ tshor ba dang/ 'du shes dang/ 'du byed dang/ rnam par shes pa mi dmigs pa'i tshul dang/ mig mi dmigs pa'i tshul dang/ rna ba dang/ sna dang/ lce dang/ lus dang/ yid mi dmigs pa'i tshul dang/ gzugs mi dmigs pa'i tshul dang/ sgra dang/ dri dang/ ro dang/ reg dang/ chos mi dmigs pa'i tshul dang/ mig gi rnam par shes pa mi dmigs pa'i tshul dang/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa mi dmigs pa'i tshul dang/ mig gi 'dus te reg pa mi dmigs pa'i tshul dang/ rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa mi dmigs pa'i tshul dang/ mig gi 'dus te reg pa las byung ba'i tshor ba mi dmigs pa'i tshul dang/ rna ba'i 'dus te reg pa las byung ba'i tshor ba dang/ sna'i 'dus @29b te reg pa las byung ba'i tshor ba dang/ lce'i 'dus te reg pa las byung ba'i tshor ba dang/ lus kyi 'dus te reg pa las byung ba'i tshor ba dang/ yid kyi 'dus te reg pa las byung ba'i tshor ba mi dmigs pa'i tshul dang/ sa'i khams mi dmigs pa'i tshul dang/ chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams mi dmigs pa'i tshul dang/ ma rig pa mi dmigs pa'i tshul dang/ 'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang; srid pa dang/ skye ba dang/ rga shi mi dmigs pa'i tshul dang/ sbyin pa'i pha rol tu phyin pa mi dmigs pa'i tshul dang/ tshul khrims kyi pha rol tu phyin pa dang/ bzod pa'i pha rol tu phyin pa dang; brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa mi dmigs pa'i tshul dang/ nang stong pa nyid mi dmigs pa'i tshul dang/ dngos po med pa'i ngo bo nyid stong pa nyid kyi bar du mi dmigs pa'i tshul dang/ dran pa nye bar bzhag pa rnams mi dmigs pa'i tshul dang/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa mi dmigs pa'i tshul dang/ 'phags pa'i bden pa rnams @30a @#/ /dang; bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa rnams dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad mi dmigs pa'i tshul dang/ rnam pa thams cad mkhyen pa nyid kyi bar du mi dmigs pa'i tshul gyis rnam pa de lta bur 'gyur ro; ;de nas tshe dang ldan pa shA ra dwa ti'i bus/ /tshe dang ldan pa rab 'byor la 'di skad ces smras so/ /tshe dang ldan pa rab 'byor/ ci'i phyir na shes rab kyi pha rol tu phyin pa 'di las mi dmigs pa'i tshul gyis theg pa gsum rgya cher bstan/ ci'i phyir na mi dmigs pa'i tshul gyis byang chub sems dpa' sems dpa' chen po yongs su gzung ba bstan/ ci'i phyir na mi dmigs pa'i tshul gyis 'jig rten thams cad las mngon par 'phags shing khyad zhugs pa'i spobs pa dang ldan pa'i bar du yin/ de skad ces smras pa dang/ tshe dang ldan @30b pa rab 'byor gyis/ tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu/ nang stong pa nyid dang/ phyi stong pa nyid dang/ phyi nang stong pa nyid kyi bar gyi phyir mi dmigs pa'i tshul gyis theg pa gsum rgya cher bstan to/ /dngos po med pa'i ngo bo nyid stong pa nyid kyi bar gyi phyir mi dmigs pa'i tshul gyis theg pa gsum rgya cher bstan to/ /nang stong pa nyid dang/ phyi stong pa nyid dang/ phyi nang stong pa nyid kyi bar gyi phyir mi dmigs pa'i tshul gyis byang chub sems dpa' sems dpa' chen po rnams yongs su gzung ba bstan to/ /mi dmigs pa'i tshul gyis byang chub sems dpa' sems dpa' chen po rnams 'jig rten thams cad las mngon par 'phags shing khyad zhugs pa'i spobs pa'i bar dang yang ldan par 'gyur ro; ;shes rab kyi phar rol tu phyin pa stong phrag nyi shu lnga pa las le'u bco lnga pa'o// //de nas lha'i dbang po brgya byin 'di snyam du sams par gyur te/ gnas brtan rab 'byor gyis de ltar chos kyi char pa 'di phab ste bstan na/ de la bdag gis kyang shes rab kyi pha rol tu phyin pa 'di la mchod pa bya ba'i phyir/ me tog mang po mngon par sprul te/ sangs rgyas bcom ldan 'das dang/ byang chub sems dpa' sems dpa' chen po rnams dang/ dge slong gi dge 'dun rnams dang/ gnas brtan rab 'byor la gtor bar bya'o/ /mngon @31a @#/ /par gtor bar bya'o/ /rab tu gtor bar bya'o snyam mo/ /de nas stong gsum gyi stong chen po'i 'jig rten gyi khams 'di ni rgyal chen bzhi'i ris kyi lha dang/ 'og min gyi bar gyi lha ji snyed yod pa de dag kyang 'di snyam du sems par gyur te/ de ltar gnas brtan rab 'byor gyis chos kyi char pa 'di phab ste bstan na/ de la bdag cag gis shes rab kyi pha rol tu phyin pa 'di la mchod pa bya ba'i phyir/ me tog mang po mngon par sprul te/ sangs rgyas bcom ldan 'das rnams dang/ byang chub sems dpa' sems dpa' chen po rnams dang/ dge slong gi dge 'dun rnams dang/ gnas brtan rab 'byor la gtor bar bya'o/ /mngon par gtor bar bya'o/ /rab tu gtor bar bya'o snyam mo/ /de nas lha'i dbang po brgya byin dang/ stong gsum gyi stong chen po'i 'jig rten gyi khams kyi rgyal chen bzhi'i ris kyi lha dang/ 'og min gyi bar gyi lha de dag thams cad kyang/ shes rab kyi pha rol tu phyin pa 'di la mchod pa bya ba'i phyir/ lha rdzas kyi me tog man dA ra ba mang po mngon par sprul te/ sangs rgyas bcom ldan 'das dang/ byang chub sems dpa' sems dpa' chen po rnams dang/ dge slong gi dge 'dun rnams dang/ gnas brtan rab 'byor la 'thor bar gyur to/ /mngon par 'thor bar gyur to/ /rab tu 'thor bar gyur to/ /me @31b tog de dag gis gtor ma thag tu stong gsum gyi stong chen po'i 'jig rten gyi khams 'di'i gzhi me tog gis khebs par gyur nas/ steng gi bar snang la yang me tog gi khang pa brtsegs pa/ stong gsum gyi stong chen po'i 'jig rten gyi khams tsam mdangs dga' zhing yid du 'ong ba kun nas gnas par gyur to/ /de nas gnas brtan rab 'byor 'di snyam du sems par gyur te/ 'di ltar lha rnams kyis mngon par gtor ba'i me tog 'di dag ni bdag gis sngon chad lha'i gnas thams cad na'ang yod par ma mthong ste/ me tog 'di dag ni sprul pa'o/ /'di ltar lha'i bu dag gis mngon par gtor ba'i me tog 'di dag ni ldum bu las byung ba ma yin/ chu las skyes pa ma yin/ thang las skyes pa ma yin no/ /'di ltar lha'i bu dag gis mngon par gtor ba'i me tog 'di dag ni yid las byung ba ste/ me tog 'di dag ni ldum bu las byung ba ma yin no snyam pa dang/ de nas lha'i dbang po brgya byin gyis gnas brtan rab 'byor la 'di skad ces smras so/ /btsun pa rab 'byor/ me tog 'di dag ni ma byung ba ste/ me tog 'di dag ni yid las byung ba ma yin no/ /ldum bu las byung ba ma yin no snyam mo/ /rab 'byor gyis smras pa/ kau shi ka/ de skad du me tog 'di dag ma byung ma skyes pa ste/ me tog 'di dag yid las byung ba ma yin/ ldum bu las byung ba ma yin no zhes zer ba ni/ kau shi ka/ de ltar ma skyes pa ni me tog kyang ma yin no/ / @32a @#/ /brgya byin gyis smras pa/ btsun pa rab 'byor/ me tog 'di dag nyi tshe ma byung bar zad dam/ 'on tam gzugs kyang ma byung/ tshor ba dang/ 'du shes dang/ 'du byed dang/ rnam par shes pa'ang ma byung ba yin/ rab 'byor gyis smras pa/ kau shi ka/ me tog 'di dag nyi tshe ma byung bar ma zad kyi/ kau shi ka/ gzugs kyang ma byung ba ste/ gang ma byung ba de ni gzugs ma yin no/ /kau shi ka/ tshor ba dang/ 'du shes dang/ 'du byed dang/ rnam par shes pa'ang ma byung ba ste/ gang ma byung ba de ni rnam par shes pa ma yin no/ /kau shi ka/ mig ni ma byung ba ste/ gang ma byung ba de ni mig ma yin no/ /kau shi ka/ rna ba dang/ sna dang/ lce dang/ lus dang/ yid ni ma byung ba ste/ gang ma byung ba de ni yid ma yin no/ /kau shi ka/ gzugs ni ma byung ba ste/ gang ma byung ba de ni gzugs ma yin no/ /kau shi ka/ sgra dang/ dri dang/ ro dang/ reg dang/ chos ni ma byung ba ste/ gang ma byung ba de ni chos ma yin no/ / kau shi ka/ mig gi rnam par shes pa ni ma byung ba ste/ gang ma byung ba de ni mig gi rnam par shes pa ma yin no/ /kau shi ka/ rna ba'i rnam par shes pa dang/ sna'i rnam par shes pa dang; lce'i rnam par shes pa dang/ lus kyi rnam par shes pa dang/ yid kyi rnam par shes pa ni ma byung ba ste/ gang ma byung ba de ni yid kyi rnam par shes pa ma yin no/ /kau shi ka/ @32b mig gi 'dus te reg pa ni ma byung ba ste/ gang ma byung ba de ni mig gi 'dus te reg pa ma yin no/ /kau shi ka/ rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa ni ma byung ba ste/ gang ma byung ba de ni yid kyi 'dus te reg pa ma yin no/ /kau shi ka/ mig gi 'dus te reg pa las byung ba'i tshor ba ni ma byung ba ste/ gang ma byung ba de ni mig gi 'dus te reg pa las byung ba'i tshor ba ma yin no/ /kau shi ka/ rna ba'i 'dus te reg pa las byung ba'i tshor ba dang/ sna'i 'dus te reg pa las byung ba'i tshor ba dang/ lce'i 'dus te reg pa las byung ba'i tshor ba dang/ lus kyi 'dus te reg pa las byung ba'i tshor ba dang/ yid kyi 'dus te reg pa las byung ba'i tshor ba ni ma byung ba ste/ gang ma byung ba de ni yid kyi 'dus te reg pa las byung ba'i tshor ba ma yin no/ /kau shi ka/ sa'i khams ni ma byung ba ste/ gang ma byung ba de ni sa'i khams ma yin no/ /kau shi ka/ chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams ni ma byung ba ste/ gang ma byung ba de ni rnam par shes pa'i khams ma yin no/ /kau shi ka/ ma rig pa ni ma byung ba ste; gang ma byung ba de ni ma rig pa ma yin no/ /kau shi ka/ 'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ @33a @#/ /len pa dang/ srid pa dang/ skye ba dang/ rga shi ni ma byung ba ste/ gang ma byung ba de ni rga shi ma yin no/ /kau shi ka/ sbyin pa'i pha rol tu phyin pa ni ma byung ba ste/ gang ma byung ba de ni sbyin pa'i pha rol tu phyin pa ma yin no/ /kau shi ka/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa ni ma byung ba ste/ gang ma byung ba de ni shes rab kyi pha rol tu phyin pa ma yin no/ /kau shi ka/ nang stong pa nyid ni ma byung ba ste/ gang ma byung ba de ni nang stong pa nyid ma yin no/ /kau shi ka/ dngos po med pa'i ngo bo nyid stong pa nyid kyi bar ni ma byung ba ste/ gang ma byung ba de ni dngos po med pa'i ngo bo nyid stong pa nyid ma yin no; ;kau shi ka/ dran pa nye bar bzhag pa rnams ni ma byung ba ste/ gang ma byung ba de ni dran pa nye bar bzhag pa rnams ma yin no/ /kau shi ka/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa ni ma byung ba ste/ gang ma byung ba de ni 'phags pa'i lam yan lag brgyad pa ma yin no/ /kau shi ka/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis @33b gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang; de bzhin gshegs pa'i stobs dang/ mi 'jigs pa dang/ so so yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa rnams ni ma byung ba ste/ gang ma byung ba de ni sangs rgyas kyi chos ma 'dres pa rnams ma yin no/ /kau shi ka/ rgyun du zhugs pa'i 'bras bu ni ma byung ba ste/ gang ma byung ba de ni rgyun du zhugs pa'i 'bras bu ma yin no/ /kau shi ka/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub ni ma byung ba ste/ gang ma byung ba de ni rang byang chub ma yin no/ /kau shi ka/ rnam pa thams cad mkhyen pa nyid ni ma byung ba ste/ gang ma byung ba de ni rnam pa thams cad mkhyen pa nyid ma yin no/ /kau shi ka/ rgyun du zhugs pa ni ma byung ba ste/ gang ma byung ba de ni rgyun du zhugs pa ma yin no/ /kau shi ka/ lan gcig phyir 'ong ba dang/ phyir mi 'ong ba dang/ dgra bcom pa nyid ni ma byung ba ste/ gang ma byung ba de ni dgra bcom pa ma yin no/ /kau shi ka/ rang sangs rgyas ni ma byung ba ste/ gang ma byung ba de ni rang sangs rgyas ma yin no/ /kau shi ka/ byang chub sems dpa' ni ma byung ba ste/ gang ma byung ba de ni byang @34a @#/ /chub sems dpa' ma yin no/ /kau shi ka/ de bzhin gshegs pa ni ma byung ba ste/ gang ma byung ba de ni de bzhin gshegs pa ma yin no/ /de nas lha'i dbang po brgya byin 'di snyam du sems par gyur te/ kye ma gnas brtan rab 'byor 'di ltar btags pa dang yang mi 'gal la/ chos nyid kyang ston pa ni/ shes rab zab bo/ /de nas bcom ldan 'das kyis lha'i dbang po brgya byin la bka' stsal pa/ de de bzhin no/ /kau shi ka/ de de bzhin te/ gnas brtan rab 'byor 'di ni shes rab zab mo dang ldan pa ste/ de ltar btags pa dang yang mi 'gal la/ chos nyid kyang ston to/ /de nas lha'i dbang po brgya byin gyis gsol pa/ bcom ldan 'das/ ji ltar gnas brtan rab 'byor 'di btags pa dang yang mi 'gal/ chos nyid kyang ston pa lags/ de skad ces gsol pa dang/ bcom ldan 'das kyis lha'i dbang po brgya byin la 'di skad ces bka' stsal to/ /kau shi ka/ gzugs ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor kyis mi 'gal bar bstan to/ /kau shi ka/ tshor ba dang/ 'du shes dang/ 'du byed dang/ rnam par shes pa ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka /de ci'i @34b phyir zhe na/ chos rnams kyi chos nyid gang yin pa de ni mi 'gal/ rnam par mi 'gal lo/ /gang mi 'gal/ rnam par mi 'gal ba de ni/ gnas brtan rab 'byor gyis bstan te 'gal ba med do/ / kau shi ka/ skye mched dang/ khams dang/ rten cing 'brel par 'byung ba ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka/ de ci'i phyir zhe na/ chos nyid gang yin pa de ni mi 'gal/ rnam par mi 'gal lo/ /gang mi 'gal/ rnam par mi 'gal ba de ni/ gnas brtan rab 'byor gyis bstan te 'gal ba med do/ /kau shi ka/ sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dang/ nang stong pa nyid dang/ dngos po med pa'i ngo bo nyid stong pa nyid kyi bar dang/ dran pa nye bar bzhag pa rnams dang/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas @35a @#/ /pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka/ de ci'i phyir zhe na; chos rnams kyi chos nyid gang yin pa de ni mi 'gal/ rnam par mi 'gal lo/ /gang mi 'gal/ rnam par mi 'gal ba de ni/ gnas brtan rab 'byor gyis bstan te 'gal ba med do; ;rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub ni btags pa tsam mo/ / btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka/ rnam pa thams cad mkhyen pa nyid ni btags pa tsam mo/ / btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka/ rgyun du zhugs pa ni btags pa tsam mo/ /btags pa tsam @35b gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka/ lan gcig phyir 'ong ba dang/ phyir mi 'ong ba dang/ dgra bcom pa dang/ rang sangs rgyas dang; byang chub sems dpa' dang/ yang dag par rdzogs pa'i sangs rgyas ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka/ de ci'i phyir zhe na/ chos rnams kyi chos nyid gang yin pa de ni mi 'gal/ rnam par mi 'gal lo/ /gang mi 'gal/ rnam par mi 'gal ba de ni/ gnas brtan rab 'byor gyis bstan te 'gal ba med do/ /kau shi ka/ de ltar na gnas brtan rab 'byor ni btags pa dang yang 'gal bar mi byed la chos nyid kyang ston to/ /de nas tshe dang ldan pa rab 'byor gyis lha'i dbang po brgya byin la 'di skad ces smras so/ /kau shi ka/ de de bzhin no/ /de de bzhin te/ bcom ldan 'das kyis kyang chos thams cad ni btags pa tsam du bstan to/ /kau shi ka; byang chub sems dpa' sems dpa' chen pos kyang de ltar chos thams cad btags pa tsam du rig par bya ste/ shes rab kyi pha rol tu phyin pa la bslab par bya'o/ /kau shi ka/ byang chub sems dpa' sems dpa' chen po de ltar slob pa ni gzugs la mi slob ste/ de ci'i phyir zhe na/ 'di ltar des gang la bslab par bya ba'i gzugs de yang dag par rjes su mi mthong ngo/ @36a@#/ /tshor ba dang/ 'du shes dang/ 'du byed dang/ rnam par shes pa la mi slob ste/ de ci'i phyir zhe na/ 'di ltar des gang la bslab par bya ba'i rnam par shes pa de yang dag par rjes su mi mthong ngo/ /byang chub sems dpa' sems dpa' chen po de ltar slob pa ni mig la mi slob ste/ de ci'i phyir zhe na/ 'di ltar des gang la bslab par bya ba'i mig de yang dag par rjes su mi mthong ngo/ /rna ba dang/ sna dang/ lce dang/ lus dang/ yid la mi slob ste/ de ci'i phyir zhe na/ 'di ltar des gang la bslab par bya ba'i yid de yang dag par rjes su mi mthong ngo/ /byang chub sems dpa' sems dpa' chen po de ltar slob pa ni gzugs la mi slob ste/ de ci'i phyir zhe na/ 'di ltar des gang la bslab par bya ba'i gzugs de yang dag par rjes su mi mthong ngo/ /sgra dang/ dri dang/ ro dang/ reg dang/ chos la mi slob ste/ de ci'i phyir zhe na/ 'di ltar des gang la bslab par bya ba'i chos de yang dag par rjes su mi mthong ngo/ /byang chub sems dpa' sems dpa' chen po de ltar slob pa ni mig gi rnam par shes pa la mi slob ste/ de ci'i phyir zhe na/ 'di ltar des gang la bslab par bya ba'i mig gi rnam par shes pa de yang dag par rjes su mi mthong ngo/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par @36b shes pa dang/ yid kyi rnam par shes pa la mi slob ste/ de ci'i phyir zhe na/ 'di ltar des gang la bslab par bya ba'i yid kyi rnam par shes pa de yang dag par rjes su mi mthong ngo/ /byang chub sems dpa' sems dpa' chen po de ltar slob pa ni mig gi 'dus te reg pa la mi slob ste/ de ci'i phyir zhe na/ de ltar des gang la bslab par bya ba'i mig gi 'dus te reg pa de yang dag par rjes su mi mthong ngo/ /rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa la mi slob ste/ de ci'i phyir zhe na; 'di ltar des gang la bslab par bya ba'i yid kyi 'dus te reg pa de yang dag par rjes su mi mthong ngo/ /byang chub sems dpa' sems dpa' chen po de ltar slob pa ni mig gi 'dus te reg pa'i rkyen gyis tshor ba la mi slob ste/ de ci'i phyir zhe na/ 'di ltar des gang la bslab par bya ba'i mig gi 'dus te reg pa'i rkyen gyis tshor ba de yang dag par rjes su mi mthong ngo/ /rna ba'i 'dus te reg pa'i rkyen gyis tshor ba dang/ sna'i 'dus te reg pa'i rkyen gyis tshor ba dang/ lce'i 'dus te reg pa'i rkyen gyis tshor ba dang/ lus kyi 'dus te reg pa'i rkyen gyis tshor ba dang; yid kyi 'dus te reg pa'i rkyen gyis tshor ba la mi slob ste/ de ci'i phyir zhe na/ 'di ltar des gang la bslab par bya ba'i yid kyi 'dus te reg pa'i rkyen gyis tshor ba de yang dag par rjes @37a @#/ /su mi mthong ngo/ /byang chub sems dpa' sems dpa' chen po de ltar slob pa ni sa'i khams la mi slob ste/ de ci'i phyir zhe na/ 'di ltar des gang la bslab par bya ba'i sa'i khams de yang dag par rjes su mi mthong ngo/ /chu dang/ me dang/ rlung dang/ nam mkha' dang/ rnam par shes pa'i khams la mi slob ste/ de ci'i phyir zhe na/ 'di ltar des gang la bslab par bya ba'i rnam par shes pa'i khams de yang dag par rjes su mi mthong ngo/ /byang chub sems dpa' sems dpa' chen po de ltar slob pa ni ma rig pa la mi slob ste/ de ci'i phyir zhe na/ 'di ltar des gang la bslab par bya ba'i ma rig pa de yang dag par rjes su mi mthong ngo/ /'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye pa dang/ rga shi la mi slob ste/ de ci'i phyir zhe na/ 'di ltar des gang la bslab par bya ba'i rga shi de yang dag par rjes su mi mthong ngo/ /byang chub sems dpa' sems dpa' chen po de ltar slob pa ni/ sbyin pa'i pha rol tu phyin pa la mi slob ste/ de ci'i phyir zhe na/ 'di ltar des gang la bslab par bya ba'i sbyin pa'i pha rol tu phyin pa de yang dag par rjes su mi mthong ngo/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus @37b kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la mi slob ste/ de ci'i phyir zhe na/ 'di ltar des gang la bslab par bya ba'i shes rab kyi pha rol tu phyin pa de yang dag par rjes su mi mthong ngo/ /byang chub sems dpa' sems dpa' chen po de ltar slob pa ni/ nang stong pa nyid la mi slob ste/ de ci'i phyir zhe na/ 'di ltar des gang la bslab par bya ba'i nang stong pa nyid de yang dag par rjes su mi mthong ngo/ /dngos po med pa'i ngo bo nyid stong pa nyid kyi bar la mi slob ste/ de ci'i phyir zhe na/ 'di ltar des gang la bslab par bya ba'i dngos po med pa'i ngo bo nyid stong pa nyid kyi bar de yang dag par rjes su mi mthong ngo/ /byang chub sems dpa' sems dpa' chen po de ltar slob pa ni/ dran pa nye bar bzhag pa bzhi la mi slob ste/ de ci'i phyir zhe na/ 'di ltar des gang la bslab par bya ba'i dran pa nye bar bzhag pa de dag yang dag par rjes su mi mthong ngo/ /yang dag par spong ba dang/ rdzu 'phrul gyi rkang pa dang; dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa la mi slob ste/ de ci'i phyir zhe na/ 'di ltar des gang la bslab par bya ba'i 'phags pa'i lam yan lag brgyad pa de yang dag par rjes su mi mthong ngo/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug @38a @#/ /pa dang/ rnam par thar pa dang/ mthar gyis gnas pa'i snyoms par 'jug pa dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa rnams la mi slob ste/ de ci'i phyir zhe na/ 'di ltar des gang la bslab par bya ba'i sangs rgyas kyi chos ma 'dres pa de dag yang dag par rjes su mi mthong ngo/ /rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub nyid la mi slob/ lam gyi rnam pa shes pa nyid la mi slob/ rnam pa thams cad mkhyen pa nyid la mi slob ste/ de ci'i phyir zhe na/ 'di ltar des gang la bslab par bya ba'i rnam pa thams cad mkhyen pa nyid de yang dag par rjes su mi mthong ngo/ /de nas lha'i dbang po brgya byin gyis/ gnas brtan rab 'byor la 'di skad cas smras so/ /btsun pa rab 'byor/ byang chub sems dpa' sems dpa' chen po/ ci'i phyir na/ gzugs yang dag par rjes su mi mthong/ ci'i phyir na tshor ba dang/ 'du shes dang/ 'du byed dang/ rnam par shes pa yang dag par rjes su mi mthong/ ci'i phyir na skye mched dang/ @38b khams dang/ rten cing 'brel par 'byung ba yang dag par rjes su mi mthong/ ci'i phyir na pha rol tu phyin pa rnams dang/ stong pa nyid thams cad dang/ byang chub kyi phyogs kyi chos rnams yang dag par rjes su mi mthong/ ci'i phyir na 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang; de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad yang dag par rjes su mi mthong/ rnam pa thams cad mkhyen pa nyid kyi bar du yang dag par rjes su mi mthong/ rab 'byor gyis smras pa/ kau shi ka/ de ni 'di ltar gzugs gzugs kyis stong ngo/ /tshor ba tshor bas stong ngo// 'du shes 'du shes kyis stong ngo/ /'du byed 'du byed kyis stong ngo/ /rnam par shes pa rnam par shes pas stong ngo/ /skye mched dang/ khams dang/ rten cing 'brel par 'byung ba rten cing 'brel par 'byung bas stong ngo/ /pha rol tu phyin pa rnams dang/ stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa dang/ bsam gtan @39a @#/ /dang; tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad dang/ rnam pa thams cad mkhyen pa nyid kyi bar rnam pa thams cad mkhyen pa nyid kyis stong ngo; ;kau shi ka/ gzugs stong pa nyid kyis gzugs stong pa nyid yang dag par rjes su mi mthong ngo/ /tshor ba stong pa nyid kyis tshor ba stong pa nyid yang dag par rjes su mi mthong ngo/ /'du shes stong pa nyid kyis 'du shes stong pa nyid yang dag par rjes su mi mthong ngo/ /'du byed stong pa nyid kyis 'du byed stong pa nyid yang dag par rjes su mi mthong ngo/ /rnam par shes pa stong pa nyid kyis rnam par shes pa stong pa nyid yang dag par rjes su mi mthong ngo/ /rnam pa thams cad mkhyen pa nyid kyi bar gyi stong pa nyid kyis rnam pa thams cad mkhyen pa nyid kyi bar gyi stong pa nyid yang dag par rjes su mi mthong ngo/ /kau shi ka/ de ltar gang stong pa nyid 'di la slob pa de ni gnyis su med pas stong pa nyid la slob pa ste/ de gnyis su byar med @39b par gzugs stong pa nyid la slob bo/ /de gnyis su byar med par tshor ba stong pa nyid dang/ 'du shes stong pa nyid dang/ 'du byed stong pa nyid dang/ rnam par shes pa stong pa nyid la slob bo/ /de gnyis su byar med par skye mched dang/ khams dang/ rten cing 'brel par 'byung ba stong pa nyid la slob bo/ /de gnyis su byar med par pha rol tu phyin pa rnams dang/ stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa rnams dang/ rnam pa thams cad mkhyen pa nyid kyi bar stong pa nyid la slob bo; ;kau shi ka/ gzugs stong pa nyid la gang gnyis su byar med par slob pa dang/ tshor ba dang/ 'du shes dang/ 'du byed dang/ rnam par shes pa stong pa nyid la gang gnyis su byar med par slob pa dang/ rnam pa thams cad mkhyen pa nyid kyi bar stong pa nyid la gang gnyis su byar med par slob pa de ni/ gnyis su byar med par sbyin pa'i pha rol tu phyin pa la slob bo/ /de @40a @#/ /gnyis su byar med par tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la slob bo/ /de ni gnyis su byar med par nang stong pa nyid la slob bo/ /dngos po med pa'i ngo bo nyid stong pa nyid kyi bar la slob bo/ /de ni gnyis su byar med par dran pa nye bar bzhag pa rnams la slob bo/ /de ni gnyis su byar med par yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa la slob bo/ /de ni gnyis su byar med par 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa rnams la slob bo/ /de ni gnyis su byar med par rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ @40b dgra bcom pa nyid dang/ rang byang chub dang/ sangs rgyas nyid dang/ thams cad mkhyen pa nyid dang/ rnam pa thams cad mkhyen pa nyid la slob bo/ gnyis su byar med par sbyin pa'i pha rol tu phyin pa la gang slob pa dang/ gnyis su byar med par tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la gang slob pa dang/ gnyis su byar med par nang stong pa nyid la gang slob pa dang/ gnyis su byar med par dngos po med pa'i ngo bo nyid stong pa nyid kyi bar la gang slob pa dang/ gnyis su byar med par dran pa nye bar bzhag pa rnams la gang slob pa dang/ gnyis su byar med par 'phags pa'i lam yan lag brgyad pa'i bar la gang slob pa dang/ gnyis su byar med par sangs rgyas kyi chos ma 'dres pa bco brgyad kyi bar la gang slob pa dang/ gnyis su byar med par rgyun du zhugs pa'i 'bras bu la gang slob pa dang/ gnyis su byar med par dgra bcom pa nyid kyi bar la gang slob pa dang/ gnyis su byar med par rang byang chub la gang slob pa dang/ gnyis su byar med par lam gyi rnam pa shes pa nyid la gang slob pa dang/ gnyis su byar med par thams cad mkhyen pa nyid la gang slob pa dang/ gnyis su byar med par rnam pa thams cad mkhyen pa @41a @#/ /nyid kyi bar la gang slob pa de ni/ gnyis su byar med par sangs rgyas kyi chos grangs med tshad med pa la slob bo/ /gnyis su byar med par sangs rgyas kyi chos grangs med tshad med pa la gang slob pa de ni/ gzugs 'phel bar bya ba dang/ 'grib par bya ba'i phyir mi slob bo/ /tshor ba dang/ 'du shes dang/ 'du byed dang/ rnam par shes pa 'phel bar bya ba dang/ 'grib par bya ba'i phyir mi slob bo/ /skye mched dang/ khams 'phel bar bya ba dang/ 'grib par bya ba'i phyir mi slob bo/ /rten cing 'brel par 'byung ba 'phel bar bya ba dang/ 'grib par bya ba'i phyir mi slob bo/ /sbyin pa'i pha rol tu phyin pa 'phel bar bya ba dang/ 'grib par bya ba'i phyir mi slob bo/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa 'phel bar bya ba dang/ 'grib par bya ba'i phyir mi slob bo; ;nang stong pa nyid dang/ phyi stong pa nyid dang/ phyi nang stong pa nyid dang/ dngos po med pa'i ngo bo nyid stong pa nyid kyi bar 'phel bar bya ba dang/ 'grib par bya ba'i phyir mi slob bo/ / dran pa nye bar bzhag pa rnams 'phel bar bya ba dang/ 'grib par bya ba'i phyir mi slob bo/ /yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ @41b stobs rnams dang/ byang chub kyi yan lag rnams dang/ 'phags pa'i lam yan lag brgyad pa 'phel bar bya ba dang/ 'grib par bya ba'i phyir mi slob bo/ /'phags pa'i bden pa rnams dang; bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa rnams dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ sangs rgyas kyi chos ma 'dres pa bco brgyad 'phel bar bya ba dang/ 'grib par bya ba'i phyir mi slob bo/ /rnam pa thams cad mkhyen pa nyid kyi bar 'phel bar bya ba dang/ 'grib par bya ba'i phyir mi slob bo/ /de ltar gang gzugs 'phel bar bya ba dang/ 'grib par bya ba'i phyir mi slob pa dang/ tshor ba dang/ 'du shes dang/ 'du byed dang/ rnam par shes pa 'phel bar bya ba dang/ 'grib par bya ba'i phyir mi slob pa dang/ rnam pa thams cad mkhyen pa nyid kyi bar 'phel bar bya ba dang/ 'grib par bya ba'i phyir mi slob pa de ni/ gzugs yongs su gzung ba dang/ med par bya ba'i phyir mi slob bo/ /tshor ba dang/ 'du shes dang/ 'du @42a @#/ /byed dang/ rnam par shes pa yongs su gzung ba dang/ med par bya ba'i phyir mi slob bo/ /skye mched dang/ khams dang/ rten cing 'brel par 'byung ba yongs su gzung ba dang/ med par bya ba'i phyir mi slob bo/ /pha rol tu phyin pa rnams dang/ stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang; so so yang dag par rig pa dang/ sangs rgyas kyi chos ma 'dres pa rnams yongs su gy [@##data incomplete here] po shes rab kyi pha rol tu phyin pa la spyod pa'i tshe/ gzugs kyi skye ba mi mthong/ @44a @#/ /'gag pa dang/ blang ba dang/ dor ba dang/ kun nas nyon mongs pa dang/ rnam par byang ba dang/ gsog pa dang/ 'bri ba dang/ 'grib pa dang/ 'phel ba mi mthong ste/ de ci'i phyir zhe na/ de ni 'di ltar gzugs gzugs kyi rang bzhin gyis med cing mi dmigs so/ /tshor ba dang/ 'du shes dang/ 'du byed dang/ rnam par shes pa'i skye ba mi mthong/ 'gag pa dang/ blang ba dang/ dor ba dang/ kun nas nyon mongs pa dang/ rnam par byang ba dang/ gsog pa dang/ 'bri ba dang/ 'grib pa dang/ 'phel ba mi mthong ste/ de ci'i phyir zhe na/ de ni 'di ltar rnam par shes pa rnam par shes pa'i rang bzhin gyis med cing mi dmigs so/ /skye mched dang/ khams dang/ rten cing 'brel par 'byung ba dang/ pha rol tu phyin pa rnams dang/ stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang; mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs rnams dang/ mi 'jigs pa dang/ so so yang dag par rig pa dang/ @44b sangs rgyas kyi chos ma 'dres pa rnams dang/ rnam pa thams cad mkhyen pa nyid kyi bar gyi skye ba mi mthong/ 'gag pa dang/ blang ba dang/ dor ba dang/ kun nas nyon mongs pa dang/ rnam par byang ba dang/ gsog pa dang/ 'bri ba dang/ 'grib pa dang/ 'phel ba mi mthong ste/ de ci'i phyir zhe na/ de ni 'di ltar rnam pa thams cad mkhyen pa nyid rnam pa thams cad mkhyen pa nyid kyi rang bzhin gyis med cing mi dmigs so/ /tshe dang ldan pa shA radwa ti'i bu/ de ltar na byang chub sems dpa' sems dpa' chen po chos thams cad skye ba med pa dang/ 'gag pa med pa dang/ blang ba med pa dang/ dor ba med pa dang/ kun nas nyon mongs pa med pa dang/ rnam par byang ba med pa dang/ gsog pa med pa dang/ 'bri ba med pa dang/ 'grib pa med pa dang; 'phel ba med pa'i phyir mi slob/ mi 'byung ba'i tshul gyis shes rab kyi pha rol tu phyin pa la bslabs shing/ rnam pa thams cad mkhyen pa nyid du 'byung ngo/ /de nas lha'i dbang po brgya byin gyis/ tshe dang ldan pa shA radwa ti'i bu la 'di skad ces smras so/ /btsun pa shA radwa ti'i bu/ byang chub sems dpa' sems dpa' chen po rnams kyi shes rab kyi pha rol tu phyin pa gang nas btsal bar bya/ shA radwa ti'i bus smras pa/ lha'i dbang po/ byang chub sems dpa' sems dpa' chen po rnams kyi shes rab kyi pha rol tu phyin pa ni/ rab 'byor gyi le'u las btsal @45a @#/ /bar bya'o/ /de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor/ 'phags pa shA radwa ti'i bus 'di skad du/ byang chub sems dpa' sems dpa' chen po rnams kyi shes rab kyi pha rol tu phyin pa ni/ rab 'byor gyi le'u las btsal bar bya'o zhes smras te/ de ni khyod kyi mthu'o/ /khyod kyi byin gyi rlabs so/ /rab 'byor gyis smras pa/ kau shi ka/ 'di ni bdag gi mthu ma yin/ 'di ni bdag gi byin gyi rlabs ma yin no/ /brgya byin gyis smras pa/ btsun pa rab 'byor/ 'o na de su'i mthu/ de su'i byin gyi rlabs/ rab 'byor gyis smras pa/ kau shi ka/ de ni de bzhin gshegs pa'i mthu'o/ /de ni de bzhin gshegs pa'i byin gyi rlabs so/ /brgya byin gyis smras pa/ btsun pa rab 'byor/ chos thams cad byin gyi rlabs med na/ ci'i phyir de skad du/ 'di ni de bzhin gshegs pa'i mthu'o/ /'di ni de bzhin gshegs pa'i byin gyi rlabs so/ /zhes smra/ byin gyi rlabs med pa'i chos nyid las gud na yang de bzhin gshegs pa mi dmigs la/ de bzhin nyid las gud na'ang de bzhin gshegs pa yod par mi dmigs so; ;rab 'byor gyis smras pa/ kau shi ka/ de de bzhin no/ /de de bzhin te/ byin gyi rlabs med pa'i chos nyid las gud na'ang de bzhin gshegs pa yod par mi dmigs la/ de bzhin @45b nyid las gud na'ang de bzhin gshegs pa yod par mi dmigs so/ /byin gyi rlabs med pa'i chos nyid la'ang de bzhin gshegs pa mi dmigs la/ de bzhin gshegs pa la'ang byin gyi rlabs med pa'i chos mi dmigs so/ /de bzhin nyid la'ang de bzhin gshegs pa mi dmigs so/ /de bzhin gshegs pa la'ang de bzhin nyid mi dmigs so/ /gzugs kyi de bzhin nyid la'ang de bzhin gshegs pa mi dmigs so/ /de bzhin gshegs pa la'ang gzugs kyi de bzhin nyid mi dmigs so/ /gzugs kyi chos nyid la'ang de bzhin gshegs pa mi dmigs so/ / de bzhin gshegs pa la'ang gzugs kyi chos nyid mi dmigs so/ /tshor ba dang/ 'du shes dang/ 'du byed dang/ rnam par shes pa'i de bzhin nyid la'ang de bzhin gshegs pa mi dmigs so; ;de bzhin gshegs pa la'ang rnam par shes pa'i de bzhin nyid mi dmigs so; ;rnam par shes pa'i chos nyid la'ang de bzhin gshegs pa mi dmigs so/ /de bzhin gshegs pa la'ang rnam par shes pa'i chos nyid mi dmigs so/ /skye mched dang/ khams dang/ rten cing 'brel par 'byung ba dang/ pha rol tu phyin pa rnams dang/ stong pa nyid thams cad dang/ byang chub kd [@##data incomplete here] @51a @#/ /pha rol tu phyin pa 'di ni rgya che bste/ 'di ltar shes rab kyi pha rol tu phyin pa'o/ /kau shi ka/ gzugs tshad ma med pa'i phyir/ byang chub sems dpa' sems dpa' chen po rnams kyi pha rol tu phyin pa tshad ma med pa ste/ de ci'i phyir zhe na/ kau shi ka/ de ni 'di ltar gzugs kyi tshad ma ni dmigs su med do/ /kau shi ka/ 'di lta ste/ dper na/ nam mkha'i tshad ma ni dmigs su med do/ /kau shi ka/ de bzhin du gzugs kyi tshad ma yang dmigs su med do/ /nam mkha' tshad ma med pa'i phyir gzugs tshad ma med do/ /gzugs tshad ma med pa'i phyir shes rab kyi pha rol tu phyin pa tshad ma med do/ /kau shi ka/ tshor ba tshad ma med pa dang/ 'du shes tshad ma med pa dang/ 'du byed tshad ma med pa dang/ rnam par shes pa tshad ma med pa'i phyir/ byang chub sems dpa' sems dpa' chen po rnams kyi shes rab kyi pha rol tu phyin pa tshad ma med pa ste/ de ci'i phyir zhe na/ kau shi ka/ de ni 'di ltar rnam par shes pa'i tshad ma ni dmigs su med do/ /kau shi ka/ 'di lta ste/ dper na/ nam mkha'i tshad ma ni dmigs su med do/ /kau shi ka/ de bzhin du rnam par shes pa'i tshad ma ni dmigs su med do/ /nam mkha' tshad ma med pa'i phyir rnam par shes pa tshad ma med do/ /rnam par shes pa tshad ma med pa'i phyir/ shes rab kyi pha rol tu phyin pa tshad ma med do/ /kau shi ka/ skye @51b mched dang/ khams dang/ rten cing 'brel par 'byung ba dang/ pha rol tu phyin pa rnams dang/ stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ stobs bcu dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa rnams dang/ rnam pa thams cad mkhyen pa nyid kyi bar du tshad ma med pa'i phyir/ byang chub sems dpa' sems dpa' chen po rnams kyi pha rol tu phyin pa 'di tshad ma med pa ste/ de ci'i phyir zhe na/ kau shi ka/ de ni 'di ltar rnam pa thams cad mkhyen pa nyid kyi tshad ma ni dmigs su med do/ /kau shi ka/ 'di lta ste dper na/ nam mkha'i tshad ma ni dmigs su med do/ /kau shi ka/ de bzhin du rnam pa thams cad mkhyen pa nyid kyi tshad ma yang dmigs su med do/ /nam mkha' tshad ma med pa'i phyir rnam pa thams cad mkhyen pa nyid tshad ma med do/ /rnam pa thams cad mkhyen pa nyid tshad ma med pa'i phyir shes rab kyi pha rol tu phyin pa tshad ma med do/ /kau shi ka/ rnam grangs des na/ byang chub sems dpa' sems dpa' chen @52a @#/ /po rnams kyi pha rol tu phyin pa de ni tshad ma med pa ste/ 'di ltar shes rab kyi pha rol tu phyin pa'o/ /kau shi ka/ gzugs tshad med pa'i phyir/ byang chub sems dpa' sems dpa' chen po rnams kyi pha rol tu phyin pa tshad med pa ste/ de ci'i phyir zhe na/ kau shi ka/ de ni 'di ltar gzugs kyi tshad ni dmigs su med do/ /kau shi ka/ 'di lta ste/ dper na; nam mkha'i tshad ni dmigs su med do/ /kau shi ka/ de bzhin du gzugs kyi tshad kyang dmigs su med do/ /nam mkha' tshad med pa'i phyir gzugs tshad med do/ /gzugs tshad med pa'i phyir shes rab kyi pha rol tu phyin pa tshad med do/ /kau shi ka/ tshor ba tshad med pa dang/ 'du shes tshad med pa dang/ 'du byed tshad med pa dang/ rnam par shes pa tshad med pa'i phyir; byang chub sems dpa' sems dpa' chen po rnams kyi shes rab kyi pha rol tu phyin pa tshad med pa ste/ de ci'i phyir zhe na/ kau shi ka/ de ni 'di ltar rnam par shes pa'i tshad ni dmigs su med do/ /kau shi ka/ 'di lta ste dper na/ nam mkha'i tshad ni dmigs su med do/ /kau shi ka/ de bzhin du rnam par shes pa'i tshad ni dmigs su med do/ /nam mkha' tshad med pa'i phyir rnam par shes pa tshad med do/ /rnam par shes pa tshad med pa'i phyir/ shes rab kyi pha rol tu phyin pa tshad med do/ /kau shi ka/ skye mched dang/ khams dang/ @52b rten cing 'brel par 'byung ba dang/ pha rol tu phyin pa rnams dang/ stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa dang/ bsam gtan dang; tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang; smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ stobs bcu dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa rnams dang/ rnam pa thams cad mkhyen pa nyid kyi bar du tshad med pa'i phyir/ byang chub sems dpa' sems dpa' chen po rnams kyi pha rol tu phyin pa 'di tshad med pa ste/ de ci'i phyir zhe na/ kau shi ka/ de ni 'di ltar rnam pa thams cad mkhyen pa nyid kyi tshad ni dmigs su med do/ /kau shi ka/ 'di lta ste dper na/ nam mkha'i tshad ni dmigs su med do/ /kau shi ka/ de bzhin du rnam pa thams cad mkhyen pa nyid kyi tshad kyang dmigs su med do/ /nam mkha' tshad med pa'i phyir rnam pa thams cad mkhyen pa nyid tshad med do/ /rnam pa thams cad mkhyen pa nyid tshad med pa'i phyir shes rab kyi pha rol tu phyin pa tshad med do/ /kau shi ka/ rnam grangs des na/ byang chub sems dpa' sems dpa' chen po rnams kyi pha rol tu phyin pa de ni tshad med pa @53a @#/ /ste; 'di ltar shes rab kyi pha rol tu phyin pa'o/ /kau shi ka/ gzugs mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ de ci'i phyir zhe na/ kau shi ka/ de ni 'di ltar gzugs kyi mtha' dang dbus mi dmigs so/ /tshor ba dang/ 'du shes dang/ 'du byed dang/ rnam par shes pa mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ de ci'i phyir zhe na/ kau shi ka/ de ni 'di ltar rnam par shes pa mtha' dang dbus mi dmigs so/ /skye mched dang/ khams dang/ rten cing 'brel par 'byung ba dang/ pha rol tu phyin pa rnams dang/ stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs bcu dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa bco brgyad dang/ rnam pa thams cad mkhyen pa nyid kyi bar du @53b mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ de ci'i phyir zhe na/ kau shi ka/ de ni 'di ltar rnam pa thams cad mkhyen pa nyid kyi mtha' dang/ dbus mi dmigs so/ /kau shi ka/ rnam grangs des na byang chub sems dpa' sems dpa' chen po rnams kyi pha rol tu phyin pa 'di ni gzugs mtha' yas pa dang/ tshor ba dang; 'du shes dang/ 'du byed dang/ rnam par shes pa mtha' yas pa dang/ rnam pa thams cad mkhyen pa nyid kyi bar mtha' yas pa'i phyir/ mtha' yas pa ste/ de ni 'di ltar shes rab kyi pha rol tu phyin pa'o/ /kau shi ka/ gzhan yang dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ de ni 'di ltar shes rab kyi pha rol tu phyin pa'o/ /brgya byin gyis smras pa/ btsun pa rab 'byor/ de rnam pa gang gis na dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ 'di ltar shes rab kyi pha rol tu phyin pa yin zhes bya/ rab 'byor gyis smras pa/ kau shi ka/ rnam pa thams cad mkhyen pa nyid dmigs pa mtha' yas pa'i phyir byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ de ni 'di ltar shes rab kyi pha rol tu phyin pa'o/ /kau shi ka/ gzhan @54a @#/ /yang chos dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ de ni 'di ltar shes rab kyi pha rol tu phyin pa'o/ /brgya byin gyis smras pa/ btsun pa rab 'byor/ de rnam pa gang gis na/ chos dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ 'di ltar shes rab kyi pha rol tu phyin pa yin zhes bya/ rab 'byor gyis smras pa/ kau shi ka/ chos kyi dbyings mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ de ni 'di ltar shes rab kyi pha rol tu phyin pa'o/ /kau shi ka/ gzhan yang de bzhin nyid dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ de ni 'di ltar shes rab kyi pha rol tu phyin pa'o/ / brgya byin gyis smras pa/ btsun pa rab 'byor/ de rnam pa gang gis na dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas pa ste/ 'di ltar shes rab kyi pha rol tu phyin pa yin zhes bya/ rab 'byor gyis smras pa/ kau shi ka/ de ni 'di ltar de bzhin nyid mtha' yas pa'i phyir/ dmigs pa mtha' @54b yas so/ /dmigs pa mtha' yas pa'i phyir de bzhin nyid mtha' yas so/ /kau shi ka/ de bzhin nyid dang/ dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas so/ /kau shi ka/ gzhan yang sems can mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas so/ /brgya byin gyis smras pa/ btsun pa rab 'byor/ de rnam pa gang gis na/ sems can mtha' yas pa'i phyir/ byang chub sems dpa' sems dpa' chen po rnams kyi pha rol tu phyin pa 'di mtha' yas pa yin zhes bya/ rab 'byor gyis smras pa/ kau shi ka/ de ji snyam du sems/ 'di lta ste/ sems can sems can zhes bya ba de chos gang gis tshig bla dwags yin/ brgya byin gyis smras pa/ btsun pa rab 'byor/ de ni chos kyi tshig bla dwags kyang ma yin/ chos ma yin pa'i tshig bla dwags kyang ma yin te/ 'di ltar sems can sems can zhes bya ba 'di ni glo bur du ming du btags pa/ dngos po med par ming du btags pa/ dmigs pa med par ming du btags pa'o/ /rab 'byor gyis smras pa/ kau shi ka/ de ji snyam du sems/ shes rab kyi pha rol tu phyin pa 'di las sems can du bshad pa gang yang yod dam/ brgya byin gyis smras pa/ btsun pa rab 'byor/ de ni med do/ /rab 'byor gyis smras pa/ kau shi ka/ gang la sems can du bshad pa @55a @#/ /gang yang med pa de la/ sems can mtha' yas pa yod dam/ kau shi ka/ gal te de bzhin gshegs pa dgra bcom pa yang dag par rdzogs pa'i sangs rgyas bskal pa ganggA'i klung gi bye ma snyed du bzhugs te/ sems can sems can zhes gsung du brjod na/ kau shi ka/ de ji snyam du sems/ de la sems can gang yang skye ba'am/ 'gag par gyur pa yod dam/ smras pa/ btsun pa rab 'byor/ de ni med de/ de ci'i phyir zhe na/ sems can thog ma nas rnam par dag pa'i phyir ro/ /rab 'byor gyis smras pa/ kau shi ka/ de ltar rnam grangs des na/ sems can mtha' yas pa'i phyir/ shes rab kyi pha rol tu phyin pa mtha' yas par rig par bya'o/ /de nas dbang po dang bcas pa'i lha rnams dang/ tshangs pa dang bcas pa'i lha rnams dang/ skye dgu'i bdag po dang bcas pa'i lha rnams dang/ skyes pa dang bud med du bcas pa dag gis lan gsum du ched du brjod pa ched du brjod de/ gang gnas brtan rab 'byor gyis 'di ltar de bzhin gshegs pa 'byung ba'i don du/ de bzhin gshegs pa'i byin gyis brlabs pa dang/ mthus bshad cing brjod de bstan pa'i chos 'di ni kye ma legs par bshad do/ /kye ma chos 'di ni legs par bshad do/ /kye ma chos kyi chos nyid 'di ni legs par bshad do/ /bcom ldan 'das/ bdag cag gis byang chub sems dpa' sems @55b dpa' chen po gang shes rab kyi pha rol tu phyin pa 'di dang ma bral ba de ni/ de bzhin gshegs pa nyid du gzung bar bgyi'o/ /chos gang yang dmigs su ma mchis te/ gzugs sam/ tshor ba'am/ 'du shes sam/ 'du byed dam/ rnam par shes pa'am/ rnam pa thams cad mkhyen pa nyid kyi bar ram/ chos gang yang dmigs su ma mchis kyis kyang theg pa gsum rnam par dgod pa mchis te; gsum gang zhe na/ 'di lta ste/ nyan thos kyi theg pa dang/ rang sangs rgyas kyi theg pa dang/ yang dag par rdzogs pa'i sangs rgyas kyi theg pa'o/ /de nas bcom ldan 'das kyis lha'i bu dbang po dang bcas pa rnams la bka' stsal pa/ lha'i bu dag /de de bzhin no/ /ji skad du smras pa de de bzhin te/ chos gang yang dmigs su med do/ gzugs sam/ tshor ba'am/ 'du shes sam/ 'du byed dam/ rnam par shes pa'am/ rnam pa thams cad mkhyen pa nyid kyi bar ram/ chos gang yang mi dmigs mod kyi/ theg pa gsum rnam par dgod pa yang yod de/ gsum gang zhe na/ nyan thos kyi theg pa dang/ rang sangs rgyas kyi theg pa dang/ bla na med pa yang dag par rdzogs pa'i sangs rgyas kyi theg pa'o/ /lha'i bu dag /byang chub sems dpa' sems dpa' chen po gang mi dmigs pa'i tshul gyis/ shes rab kyi pha rol tu phyin pa 'di dang ma bral ba de ni/ de bzhin gshegs pa nyid du gzung bar bya'o/ /de ci'i phyir zhe na/ de ni 'di ltar shes rab kyi pha rol @56a @#/ /tu phyin pa 'di las theg pa gsum rgya cher bstan te/ gsum gang zhe na/ 'di ltar nyan thos kyi theg pa dang/ rang sangs rgyas kyi theg pa dang/ yang dag par rdzogs pa'i sangs rgyas kyi theg pa bshad do/ /pha rol tu phyin pa rnams dang/ stong pa nyid thams cad dang/ dran pa nye bar bzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa dang/ rnam pa thams cad mkhyen pa nyid kyi bar las gzhan du'ang de bzhin gshegs pa mi dmigs so/ /lha'i bu dag /byang chub sems dpa' sems dpa' chen po ni chos 'di dag thams cad la slob pa ste/ sbyin pa'i pha rol tu phyin pa la slob bo/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol @56b tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la slob bo/ /nang stong pa nyid la slob bo/ /dngos po med pa'i ngo bo nyid stong pa nyid kyi bar la slob bo/ /dran pa nye bar bzhag pa la slob bo/ /yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang; so so yang dag par rig pa dang/ sangs rgyas kyi chos ma 'dres pa dang/ rnam pa thams cad mkhyen pa nyid kyi bar la slob bo/ /lha'i bu dag /de bas na/ byang chub sems dpa' sems dpa' chen po shes rab kyi pha rol tu phyin pa 'di dang mi 'bral bar spyod pa de ni/ de bzhin gshegs pa nyid ces bya ste/ lha'i bu dag /gang gi tshe de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi zhabs 'bring byed cing/ rgyal po'i khab padmo yod pa'i nang gi tshong 'dus kyi dbus na 'dug pa'i tshe/ sbyin pa'i pha rol tu phyin pa dang bral @57a @#/ /bar ma gyur to/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dang/ nang stong pa nyid dang/ dngos po med pa'i ngo bo nyid stong pa nyid kyi bar dang/ dran pa nye bar bzhag pa rnams dang/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ lam rnams dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang/ sangs rgyas kyi chos ma 'dres pa rnams dang yang bral bar ma gyur te/ de mi dmigs pa'i tshul gyis sangs rgyas kyi chos tshad med pa gzhan dag dang yang bral bar ma gyur to// @57b lha'i bu dag /de'i tshe de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis/ nga la bram ze'i khye'u khyod ni ma 'ongs pa'i dus kyi bskal pa grangs med pa na; bskal pa bzang po'i tshe 'jig rten gyi khams 'di nyid du shA-kya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang rkang par ldan pa/ bde bar gshegs pa 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das su 'gyur ro zhes bla na med pa yang dag par rdzogs pa'i byang chub tu lung bstan to/ /de nas lha'i bu de dag gis bcom ldan 'das la 'di skad ces gsol to/ bcom ldan 'das/ byang chub sems dpa' sems dpa' chen po rnams kyi shes rab kyi pha rol tu phyin pa 'di de ltar gzugs mi len mi 'dor ba'i tshul dang/ tshor ba dang/ 'du shes dang/ 'du byed dang/ rnam par shes pa mi len mi 'dor ba'i tshul dang/ skye mched dang/ khams dang/ rten cing 'brel par 'byung ba dang/ pha rol tu phyin pa rnams dang/ stong pa nyid thams cad dang/ byang chub kyi phyogs kyi chos rnams dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis @58a @#/ /gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa bco brgyad dang/ rnam pa thams cad mkhyen pa nyid kyi bar du mi len mi 'dor ba'i tshul gyis/ byang chub sems dpa' sems dpa' chen po rnams kyi rnam pa thams cad mkhyen pa nyid mthun par yongs su 'dzin pa ni ngo mtshar che'o/ /de nas bcom ldan 'das kyis dge slong dang/ dge slong ma dang/ dge bsnyen dang/ dge bsnyen ma'i 'khor bzhi dang/ byang chub sems dpa' sems dpa' chen po rnams dang/ rgyal chen bzhi'i ris kyi lha'i bu dang/ 'og min gyi bar gyi lha'i bu de dag 'dus shing tshogs par mkhyen nas/ de dag thams cad dpang du btsugs te/ lha'i dbang po brgya byin la bka' stsal pa/ kau shi ka/ byang chub sems dpa' sems dpa' chen po'am/ dge slong ngam/ dge slong ma'am/ dge bsnyen nam/ dge bsnyen ma'am/ rigs kyi bu'am/ rigs kyi bu mo'am/ lha'i bu'am/ lha'i bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par byed pa @58b dang; bsgom pa dang/ gzhan la rgya cher 'chad pa dang/ tshul bzhin du yid la byed cing rnam pa thams cad mkhyen pa nyid kyi sems dang yang mi 'bral ba de dag ni/ bdud sdig to can dang/ bdud kyi ris kyi lha rnams kyis glags rnyed par mi 'gyur ro/ /de ci'i phyir zhe na/ de ni 'di ltar rigs kyi bu dang/ rigs kyi bu mo de dag gis gzugs stong pa nyid shin tu byin gyis brlabs par 'gyur/ tshor ba dang/ 'du shes dang/ 'du byed dang/ rnam par shes pa stong pa nyid shin tu byin gyis brlabs par 'gyur ro/ /de ci'i phyir zhe na/ de ni 'di ltar stong pa nyid kyis stong pa nyid la glags mi rnyed/ mtshan ma med pas mtshan ma med pa la glags mi rnyed/ smon pa med pas smon pa med pa la glags mi rnyed do/ /de ni 'di ltar rigs kyi bu'am rigs kyi bu mo de dag gis skye mched dang/ khams dang/ rten cing 'brel par 'byung ba dang/ pha rol tu phyin pa rnams dang/ stong pa nyid thams cad dang/ byang chub kyi phyogs kyi chos rnams dang; 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin @59a @#/ /gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa rnams dang/ rnam pa thams cad mkhyen pa nyid kyi bar du stong pa nyid shin tu byin gyis brlabs par 'gyur ro/ /de ci'i phyir zhe na/ de ni 'di ltar stong pa nyid kyis stong pa nyid la glags mi rnyed/ mtshan ma med pas mtshan ma med pa la glags mi rnyed/ smon pa med pas smon pa med pa la glags mi rnyed do/ /de ci'i phyir zhe na/ de ni 'di ltar gang gis glags rnyed par 'gyur ba dang/ gang du glags rnyed par 'gyur ba dang/ gang la glags rnyed par 'gyur ba de dag gi ngo bo nyid med do/ /kau shi ka/ rigs kyi bu'am rigs kyi bu mo de dag la ni mi'am/ mi ma yin pa glags lta zhing glags 'tshol ba dag gis glags rnyed par mi 'gyur ro/ /de ci'i phyir zhe na/ de ni 'di ltar rigs kyi bu dang rigs kyi bu mo de dag gis de mi dmigs pa'i tshul gyis/ sems can thams cad la byams pa dang/ snying rje dang/ dga' ba dang/ btang snyoms shin tu bsgoms pa'i phyir ro/ /rigs kyi bu'am rigs kyi bu mo de dag ni nyam nga ba mi spong bas dus byed par yang mi 'gyur te/ de ci'i phyir zhe na/ de ni 'di ltar rigs kyi bu dang/ rigs kyi bu mo sbyin pa'i pha rol tu phyin pa la spyod pa de dag gis/ sems can thams cad la @59b yang dag pa'i rim gros bsnyen bkur byas pa'i phyir ro/ /kau shi ka/ gang yang stong gsum gyi stong chen po'i 'jig rten gyi khams na/ rgyal chen bzhi'i ris kyi lha dang/ sum cu rtsa gsum gyi lha dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed dang/ kun snang dang ba dang/ dge rgyas dang/ 'bras bu che ba'i lha rnams bla na med pa yang dag par rdzogs pa'i byang chub tu yang dag par zhugs pa ji snyed cig yod pa dang/ lha'i bu gang gis shes rab kyi pha rol tu phyin pa 'di ma thos pa dang/ ma bzung ba dang/ ma bcangs pa dang/ kun chub par ma byas pa de dag gis kyang/ shes rab kyi pha rol tu phyin pa 'di mnyan par bya'o/ /gzung bar bya'o/ /bcang bar bya'o/ /bklag par bya'o/ /kun chub par bya'o/ /tshul bzhin du yid la bya'o/ /rnam par thams cad mkhyen pa'i sems dang ma bral bar bya'o/ /kau shi ka/ gzhan yang rigs kyi bu dang/ rigs kyi bu mo gang shes rab kyi pha rol tu phyin pa 'di 'dzin cing 'chang ba dang/ klog cing kun chub par byed pa dang/ tshul bzhin du yid la byed cing rnam pa thams cad mkhyen pa'i sems dang yang ma bral bar byed pa de dag ni khyim stong pa na 'dug kyang rung/ bla gab med pa na 'dug kyang rung/ lam gol ba na 'dug kyang rung ste/ 'jigs pa'am dngang bar mi 'gyur ro/ /de ci'i phyir zhe na/ 'di ltar rigs kyi bu dang/ rigs kyi @60a @#/ /bu mo de dag gis nang stong pa nyid de mi dmigs pa'i tshul gyis shin tu bsgoms so/ /phyi stong pa nyid dang/ phyi nang stong pa nyid dang/ dngos po med pa'i ngo bo nyid stong pa nyid kyi bar du de mi dmigs pa'i tshul gyis shin tu bsgoms so/ /de nas de'i tshe stong gsum gyi stong chen po'i 'jig rten gyi khams na/ rgyal chen bzhi'i ris kyi lha dang/ sum cu rtsa gsum gyi lha dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed dang/ gnas gtsang ma'i ris kyi bar gyi lha ji snyed cig yod pa de dag thams cad kyis bcom ldan 'das la 'di skad ces gsol to/ /bcom ldan 'das/ bdag cag gis rigs kyi bu dang/ rigs kyi bu mo gang shes rab kyi pha rol tu phyin pa 'di la mos shing 'dzin pa dang/ 'chang ba dang/ klog pa dang/ kun chub par bgyid pa dang/ tshul bzhin du yid la bgyid cing/ gzhan la yang rgya cher ston pa dang/ rnam pa thams cad mkhyen pa nyid du yid la bgyid pa dang mi 'bral ba de dag la rtag tu rgyun mi chad par bsrung ba dang/ bskyang ba dang/ bskyab par bgyi'o/ /de ci'i slad du zhe na; bcom ldan 'das/ byang chub sems dpa' sems dpa' chen po mchis na/ sems can dmyal ba rnams kyang rgyun chad par 'gyur/ byol song gi skye gnas dang/ @60b gshin rje'i 'jig rten dang/ lha las phongs pa dang/ mi las dbul ba dang/ nad dang gnod pa dang/ 'go ba'i nad thams cad kyang rgyun chad cing 'jig pa dag ma mchis par 'gyur/ mu ge'i mya ngam thams cad kyang rgyun chad par 'gyur/ byang chub sems dpa' sems dpa' chen po mchis na/ dge ba bcu'i las kyi lam rnams 'jig rten du 'byung bar 'gyur/ bsam gtan bzhi 'jig rten du 'byung bar 'gyur/ tshad med pa bzhi 'jig rten du 'byung bar 'gyur/ gzugs med pa'i snyoms par 'jug pa bzhi 'jig rten du 'byung bar 'gyur/ mngon par shes pa lnga 'jig rten du 'byung bar 'gyur/ sbyin pa'i pha rol tu phyin pa 'jig rten du 'byung bar 'gyur/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa 'jig rten du 'byung bar 'gyur/ nang stong pa nyid dang/ dngos po med pa'i ngo bo nyid stong pa nyid kyi bar du 'jig rten du 'byung bar 'gyur/ dran pa nye bar bzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa dang/ 'phags pa'i bden pa dang/ bsam gtan dang/ tshad med pa dang @61a @#/ /gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa rnams dang/ rnam pa thams cad mkhyen pa nyid kyi bar du 'jig rten du 'byung bar 'gyur/ byang chub sems dpa' sems dpa' chen po mchis na/ rgyal rigs che zhing mtho ba rnams mchis par 'gyur/ bram ze'i rigs che zhing mtho ba rnams dang/ khyim bdag gi rigs che zhing mtho ba rnams dang/ 'khor los sgyur ba'i rgyal po dang/ rgyal chen bzhi'i ris kyi lha rnams dang/ 'og min gyi bar gyi lha rnams mchis par 'gyur/ byang chub sems dpa' sems dpa' chen po mchis na/ rgyun du zhugs pa'i 'bras bu dang/ rgyun du zhugs pa mchis par 'gyur/ lan gcig phyir 'ong ba'i 'bras bu dang/ lan gcig phyir 'ong ba mchis par 'gyur/ phyir mi 'ong ba'i 'bras bu dang/ phyir mi 'ong ba mchis par 'gyur/ dgra bcom pa nyid dang/ dgra bcom pa mchis par 'gyur/ @61b rang byang chub dang/ rang sangs rgyas mchis par 'gyur/ byang chub sems dpa' sems dpa' chen po mchis na/ sems can yongs su smin pa mchis par 'gyur/ sangs rgyas kyi zhing yongs su dag pa mchis par 'gyur/ 'jig rten du de bzhin gshegs pa dgra bcom pa yang dag par rdzogs pa'i sangs rgyas 'byang bar 'gyur/ chos kyi 'khor lo skor ba mchis par 'gyur/ sangs rgyas dkon mchog dang/ chos dkon mchog dang/ dge 'dun dkon mchog 'byung bar 'gyur/ bcom ldan 'das/ rnam grangs des na lha dang/ mi dang/ lha ma yin du bcas pa'i 'jig rten gyis byang chub sems dpa' sems dpa' chen po la bsrung ba dang/ bskyang ba dang/ bskyab par bgyi'o/ /de skad ces gsol pa dang/ bcom ldan 'das kyis lha'i dbang po brgya byin la 'di skad ces bka' stsal to/ /kau shi ka/ de de bzhin no/ /de de bzhin te/ byang chub sems dpa' sems dpa' chen po yod na/ sems can dmyal ba dang/ byol song gi skye gnas dang/ gshin rje'i 'jig rten thams cad rgyun chad par 'gyur ro/ /lha las phongs pa dang/ mi las dbul ba dang/ nad dang/ gnod pa dang/ 'go ba'i nad thams cad rgyun chad pa dang/ 'jig pa dag med par 'gyur ro/ /mu ge'i mya ngam thams cad rgyun chad par 'gyur ro/ /byang chub sems dpa' sems dpa' chen po @62a @#/ /yod na/ dge ba bcu'i las kyi lam 'jig rten du 'byung bar 'gyur ro/ /bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga 'jig rten du 'byung bar 'gyur ro/ /pha rol tu phyin pa rnams dang/ stong pa nyid thams cad dang/ byang chub kyi phyogs kyi chos rnams dang/ 'phags pa'i bden pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad dang/ rnam pa thams cad mkhyen pa nyid kyi bar du 'jig rten du 'byung bar 'gyur ro/ /byang chub sems dpa' sems dpa' chen po yod na/ rgyal rigs che zhing mtho ba dang/ bram ze'i rigs che zhing mtho ba dang/ khyim bdag gi rigs che zhing mtho ba yod par 'gyur ro; ;'khor los sgyur ba'i rgyal po dang/ rgyal chen bzhi'i ris kyi lha rnams dang/ 'og min gyi bar gyi lha rnams yod par 'gyur ro/ /byang chub sems dpa' sems dpa' chen @62b po yod na/ rgyun du zhugs pa'i 'bras bu dang/ rgyun du zhugs pa yod par 'gyur ro/ /lan gcig phyir 'ong ba'i 'bras bu dang/ lan gcig phyir 'ong ba yod par 'gyur ro/ /phyir mi 'ong ba'i 'bras bu dang/ phyir mi 'ong ba yod par 'gyur ro/ /dgra bcom pa nyid dang/ dgra bcom pa yod par 'gyur ro/ /rang byang chub dang/ rang sangs rgyas yod par 'gyur ro/ / byang chub sems dpa' sems dpa' chen po yod na/ sems can yongs su smin pa yod par 'gyur ro/ /sangs rgyas kyi zhing yongs su dag pa yod par 'gyur ro/ /'jig rten du de bzhin gshegs pa dgra bcom pa yang dag par rdzogs pa'i sangs rgyas 'byung bar 'gyur ro/ /chos kyi 'khor lo skor ba yod par 'gyur ro/ /sangs rgyas dang/ chos dang/ dge 'dun dkon mchog 'byung bar 'gyur ro/ /de bas na lha dang mi dang lha ma yin du bcas pa'i 'jig rten gyis/ byang chub sems dpa' sems dpa' chen po la rim gror bya'o/ / bkur sti dang/ bsti stang du bya'o/ /mchod par bya'o/ /rtag tu rgyun mi chad par de la bsrung ba dang/ bskyang ba dang/ bskyab par bya'o/ /kau shi ka/ gang yang byang chub sems dpa' sems dpa' chen po la rim gror bya ba dang/ bkur stir bya ba dang/ bsti stang du bya ba dang/ mchod par bya bar sems pa de ni de la rim gror bya ba dang/ bkur stir bya ba dang/ @63a @#/ /bsti stang du bya ba dang/ mchod par bya bar sems so/ /de bas na lha dang mi dang lha ma yin du bcas pa'i 'jig rten gyis/ byang chub sems dpa' sems dpa' chen po la rim gror bya'o/ /bkur stir bya'o/ /bsti stang du bya'o/ /mchod par bya'o/ /rtag tu rgyun mi chad par de la bsrung ba dang/ bskyang ba dang/ bskyab par bya'o/ / kau shi ka/ stong gsum gyi stong chen po'i 'jig rten gyi khams 'di lta ste/ dper na/ 'dam bu'i tshal lam/ smyig ma'i tshal lam/ bu ram shing gi tshal lam/ 'od ma'i tshal lam/ rtsi skyang gi byings sam/ 'bras kyi zhing ngam/ til gyi zhing bzhin du nyan thos dang/ rang sangs rgyas kyis gang bar gyur la/ de dag la rigs kyi bu'am rigs kyi bu mo gang la la zhig gis/ nam 'tsho'i bar du yo byad thams cad kyis rim gror byas pa dang/ bkur stir byas pa dang/ bsti stang du byas pa dang/ mchod par byas pa bas/ gang la las byang chub sems dpa' sems dpa' chen po sems dang po bskyed pa pha rol tu phyin pa drug dang ma bral ba zhig la/ rim gror byas/ bkur stir byas/ bsti stang du byas; mchod par byas na/ de ni de bas bsod nams ches mang du 'phel lo/ /de ci'i phyir zhe na/ 'di ltar/ kau shi ka/ nyan thos dang/ rang sangs rgyas de dag yod na byang chub @63b sems dpa' sems dpa' chen po 'jig rten du 'byung bar 'gyur ba ma yin/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung bar 'gyur ba ma yin gyi/ kau shi ka/ byang chub sems dpa' sems dpa' chen po yod na/ nyan thos dang/ rang sangs rgyas thams cad 'jig rten na yod par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung bar 'gyur ro/ /kau shi ka/ de bas na lha dang/ mi dang/ lha ma yin du bcas pa'i 'jig rten gyis byang chub sems dpa' sems dpa' chen po la rim gror bya'o/ /bkur stir bya'o/ /bsti stang du bya'o/ /mchod par bya'o/ /rtag tu rgyun mi chad par de la bsrung ba dang/ bskyang ba dang/ bskyab par bya'o/ /shes rab kyi pha rol tu phyin pa stong phrag nyi shu lnga pa las le'u bcu drug pa'o// //de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das/ de ltar byang chub sems dpa' sems dpa' chen po shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par bgyid pa dang/ tshul bzhin du yid la bgyid pa de dag gis/ tshe 'di la 'thob pa'i yon tan 'di dag yongs su zin par 'gyur zhing/ sems can rnams yongs su smin par bgyid pa dang/ sangs rgyas kyi zhing yongs su dag @64a @#/ /par bgyid pa dang/ sangs rgyas bcom ldan 'das la bsnyen bkur ba'i slad du/ sangs rgyas kyi zhing nas sangs rgyas kyi zhing du mchi ba dang/ dge ba'i rtsa ba gang gis sangs rgyas bcom ldan 'das de dag la rim gror bgyi ba dang/ bkur stir bgyi ba dang/ bsti stang du bgyi ba dang/ mchod par bgyi bar 'tshal ba de lta bu'i dge ba'i rtsa ba de dag kyang phun sum tshogs par 'gyur ba dang/ sangs rgyas bcom ldan 'das de dag las chos gang thos pa de dag kyang/ bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar du dran pa mi nyams pa dang/ rigs phun sum tshogs pa yongs su 'dzin pa dang/ skyid pa phun sum tshogs pa dang/ tshe phun sum tshogs pa dang/ 'khor phun sum tshogs pa dang/ mtshan phun sum tshogs pa dang/ 'od phun sum tshogs pa dang/ mig phun sum tshogs pa dang/ dbyangs phun sum tshogs pa dang/ ting nge 'dzin phun sum tshogs pa dang/ gzungs phun sum tshogs pa yongs su 'dzin pa dang/ thabs mkhas pas de dag kyang sangs rgyas kyi skur mngon par sprul cing/ 'jig rten gyi khams nas 'jig rten gyi khams su mngon par mchi ba dang/ gang du sangs rgyas bcom ldan 'das skye zhing 'byung bar ma gyur pa de dang de dag tu mchis shing/ sbyin pa'i pha rol tu phyin @64b pa'i yon tan brjod pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa'i yon tan brjod pa dang/ nang stong pa nyid dang/ dngos po med pa'i ngo bo nyid stong pa nyid kyi bar gyi yon tan brjod pa dang/ dran pa nye bar bzhag pa rnams kyi yon tan brjod pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa'i yon tan brjod pa dang/ thabs mkhas pas sems can rnams la chos ston pa dang/ sems can rnams nyan thos kyi theg pa dang/ rang sangs rgyas kyi theg pa dang/ sangs rgyas kyi theg pa dang/ theg pa gsum la 'dul ba ni ngo mtshar che'o/ /de nas lha'i @65a @#/ /dbang po brgya byin gyis/ bcom ldan 'das la 'di skad ces gsol to/ /bcom ldan 'das/ de ltar shes rab kyi pha rol tu phyin pa 'di yongs su bzung na/ pha rol tu phyin pa drug po thams cad yongs su bzung bar 'gyur ba dang/ stong pa nyid thams cad dang/ dran pa nye bar bzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa rnams dang/ rnam pa thams cad mkhyen pa nyid kyi bar du yongs su bzung bar 'gyur ba ngo mtshar che'o/ /de skad ces gsol pa dang/ bcom ldan 'das kyis lha'i dbang po brgya byin la 'di skad ces bka' stsal to/ /kau shi ka/ de de bzhin no/ /de de bzhin te/ shes rab kyi pha rol tu phyin pa @65b yongs su bzung bas/ pha rol tu phyin pa thams cad yongs su bzung bar 'gyur ro/ /stong pa nyid thams cad dang/ byang chub kyi phyogs kyi chos rnams dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad dang/ rnam pa thams cad mkhyen pa nyid kyi bar du yongs su bzung bar 'gyur ro/ /kau shi ka/ gzhan yang shes rab kyi pha rol tu phyin pa 'di bzung ba dang/ yongs su bzung ba dang/ bcang ba dang/ bklag pa dang/ kun chub par byed pa dang/ tshul bzhin du yid la byed na/ rigs kyi bu'am rigs kyi bu mo de dag gi tshe 'di la yon tan gang dang gang yongs su zin par 'gyur ba de dag bstan gyi/ shin tu legs par nyon la yid la gyis shig /bcom ldan 'das/ de ltar bgyi'o zhes nas/ lha'i dbang po brgya byin bcom ldan 'das la phyir nyan to/ /bcom ldan 'das kyis de la @66a @#/ /'di skad ces bka' stsal to/ /kau shi ka/ mu stegs can gzhan dang/ mu stegs spyod pa dang/ kun tu rgyu ba dang/ bdud dam bdud kyi ris su gtogs pa'i lha'am/ gang zag nga rgyal can gang la la zhig /shes rab kyi pha rol tu phyin pa 'di la brgal bar 'dod pa dang/ 'di dang dbral bar 'dod pa dang/ 'di la brtsad par 'dod pa dang/ brgal bar 'dod pa zhig byung na/ brgal bar 'dod pa dang/ dbral bar 'dod pa dang/ brtsad par 'dod pa dang/ brgal bar 'dod pa de dag gi rgol ba dang/ dbral bar bya ba dang/ brtsad pa dang/ rgal bar byed pa gang dang gang byung ba kun kyang myur du nub cing med par 'gyur te/ brgal bar dga' ba dang/ dbral bar dga' ba dang/ brtsad par dga' ba dang/ brgal bar dga' ba de dag gi bsam pa yang yongs su rdzogs par mi 'gyur ro/ /de ci'i phyir zhe na/ kau shi ka/ de ni 'di ltar byang chub sems dpa' sems dpa' chen po yun ring por pha rol tu phyin pa drug la spyod pa'i tshe/ gang gi don du sems can rnams yun ring por 'thab pa dang/ rtsod pa dang/ 'khrug pa dang/ gshags su gyur pa'i phyi nang gi chos de dag byang chub sems dpa' sems dpa' chen pos yongs su btang ste/ sems can de dag sbyin pa'i pha rol tu phyin pa la rab tu bkod pa'i phyir ro/ /gang gi don du sems can de dag @66b yun ring por tshul khrims ngan par 'gyur ba'i phyi nang gi chos de dag /byang chub sems dpa' sems dpa' chen pos yongs su btang ste/ sems can de dag tshul khrims kyi pha rol tu phyin pa la rab tu bkod pa'i phyir ro/ /gang gi don du sems can de dag yun ring por khro ba dang/ gnod sems dang/ 'tshe bar gyur pa'i phyi nang gi chos de dag /byang chub sems dpa' sems dpa' chen pos yongs su btang ste/ sems can de dag bzod pa'i pha rol tu phyin pa la rab tu bkod pa'i phyir ro/ /gang gi don du sems can de dag yun ring por le lo byed par gyur pa'i phyi nang gi chos de dag /byang chub sems dpa' sems dpa' chen pos yongs su btang ste/ sems can de dag brtson 'grus kyi pha rol tu phyin pa la rab tu bkod pa'i phyir ro/ /gang gi don du sems can de dag yun ring por sems g.yengs par gyur pa'i phyi nang gi chos de dag byang chub sems dpa' sems dpa' chen pos yongs su btang ste/ sems can de dag bsam gtan gyi pha rol tu phyin pa la rab tu bkod pa'i phyir ro/ /gang gi don du sems can de dag yun ring por shes rab 'chal par gyur pa'i phyi nang gi chos de dag /byang chub sems dpa' sems dpa' chen pos yongs su btang ste/ shes rab kyi pha rol tu phyin pa la rab tu bkod pa dang/ yang dag par bskul ba'i phyir ro/ /kau shi ka/ gang gi don @67a @#/ /du sems can de dag 'di lta ste/ bag la nyal ba dang/ kun nas ldang bas 'khor ba na 'khor bar gyur pa'i bag la nyal ba dang/ kun nas ldang ba de dag byang chub sems dpa' sems dpa' chen pos rnam par bcil te/ sems can de dag bsam gtan bzhi la yang dag par bskul pa'i phyir ro/ /tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga dang/ dran pa nye bar bzhag pa bzhi dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa dang/ 'phags pa'i bden pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa la yang dag par bskul pa'i phyir ro/ /rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ bla na @67b med pa yang dag par rdzogs pa'i byang chub la yang dag par bskul ba'i phyir ro/ /kau shi ka/ de ltar byang chub sems dpa' sems dpa' chen po byang chub sems dpa'i spyad pa spyod pa'i tshe/ de la yon tan de dag 'byung ste/ tshe rabs gzhan la'ang bla na med pa yang dag par rdzogs pa'i byang chub tu mngon par rdzogs par sangs rgyas nas/ chos kyi 'khor lo bskor te/ sems can rnams smon lam gyi tshul bzhin du rab tu bkod nas/ phung po ma lus pa'i mya ngan las 'das pa'i dbyings su yongs su mya ngan las 'das par 'gyur te/ kau shi ka/ de ni byang chub sems dpa' sems dpa' chen po rnams kyi tshe rabs gzhan la 'byung ba'i yon tan dang/ legs pa dag go/ kau shi ka/ gzhan yang sa'i phyogs gang na rigs kyi bu'am rigs kyi bu mo shes rab kyi pha rol tu phyin pa 'di 'dzin cing 'chang ba dang/ klog cing kun chub par byed pa dang/ tshul bzhin du yid la byed pa yod pa'i sa'i phyogs der bdud dam; bdud kyi ris su gtogs pa'i lha'am/ mu stegs can gzhan dang kun tu rgyu ba'am/ gang zag nga rgyal can rnams kyis shes rab kyi pha rol tu phyin pa 'di la sems g.yeng bar bya ba'am/ brgal ba'am/ brtsad pa'am/ 'gal ba'am/ med par bya ba'i phyir 'ong bar mi nus te/ de'i gong du de dag la yon tan dang legs par 'gyur ba ni/ shes rab kyi pha rol tu phyin @68a @#/ /pa 'di mnyan pa dang/ gzung ba dang/ bsgom pa dang/ theg pa gsum gyis byung nas/ sdug bsngal mthar 'byin par 'gyur ro/ /kau shi ka/ 'di lta ste/ dper na; rtsi ma g+hi zhes bya bar dug thams cad zhi bar byed pa yod de/ der sprul lam srog chags bkres pas mnar cing/ zas 'tshol ba zhig gis srog chags kyi rigs la la mthong bar 'gyur te/ des srog chags kyi rigs de bza' ba'i phyir/ de'i rjes su 'brangs te bsnyags par gyur na/ de nas srog chags kyi rigs de 'chi bas 'jigs shing skrag ste/ rtsi ma g+hi gang na yod pa der song na/ de nas sbrul de rtsi de'i dri tshor ba tsam gyis phyir ldog par 'gyur ro/ /de ci'i phyir zhe na/ kau shi ka/ de ltar sbrul gyi gdug pa zil gyis gnon pa de ni rtsi ma g+hi'i rtsi'i yon tan te; kau shi ka/ rtsi ma g+hi de ni de lta bu'i mthu dang ldan no/ /kau shi ka/ de bzhin du rigs kyi bu'am rigs kyi bu mo gang la la shes rab kyi pha rol tu phyin pa 'di 'dzin cing 'chang ba dang/ klog cing kun chub par byed pa dang/ tshul bzhin du yid la byed pa de la ni/ kau shi ka/ rgol ba dang rtsod pa dang/ 'gal bar byed pa gang dang gang byung ba de dag thams cad shes rab kyi pha rol tu phyin pa'i gzi brjid dang/ shes rab kyi pha rol tu phyin pa'i mthus de dag nye bar zhi ba dang med par 'gyur te/ gang dang gang @68b nas byung ba de dang de nyid du med par 'gyur zhing rnam par 'phel bar mi 'gyur ro/ /de ci'i phyir zhe na/ kau shi ka/ de ni 'di ltar shes rab kyi pha rol tu phyin pa ni sdig to mi dge ba'i chos thams cad nye bar zhi bar byed pa ste/ rnam par 'phel bar byed pa ma yin no/ /sdig to mi dge ba'i chos gang thams cad nye bar zhi bar byed cing rnam par 'phel bar byed pa ma yin zhe na/ 'di lta ste/ 'dod chags dang/ zhe sdang dang/ gti mug nye bar zhi bar byed de/ rnam par 'phel bar byed pa ma yin no/ /ma rig pa dang/ 'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa dang/ sdug bsngal gyi phung po chen po 'ba' zhig gi bar du nye bar zhi bar byed de/ rnam par 'phel bar byed pa ma yin no/ /bar du gcod pa dang; sgrib pa dang/ bag la nyal ba dang/ kun nas ldang pa dang/ bdag tu blta ba dang/ sems can dang/ srog dang/ 'gro ba dang/ gso ba dang/ skyes bu dang/ gang zag dang/ shed can dang/ shed bdag dang/ byed pa po dang/ tshor ba po dang/ shes pa po dang/ mthong ba por blta ba dang/ chad par blta ba dang/ rtag par blta ba dang/ yod par blta @69a @#/ /ba dang/ med par blta ba dang/ lta ba'i rnam pa thams cad dang/ ser sna dang/ tshul khrims ngan pa dang/ gnod sems dang/ le lo dang/ 'khrug pa dang/ shes rab 'chal pa dang/ rtag par 'du shes pa dang/ bde bar 'du shes pa dang/ bdag tu 'du shes pa dang/ sdug par 'du shes pa dang/ sred pas sred pa'i rnam par spyod pa dang/ gzugs su 'dzin pa dang/ tshor ba dang/ 'du shes dang/ 'du byed dang/ rnam par shes par 'dzin pa dang/ sbyin pa'i pha rol tu phyin par 'dzin pa dang; tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin par 'dzin pa dang/ nang stong pa nyid du 'dzin pa dang/ dngos po med pa'i ngo bo nyid stong pa nyid kyi bar du 'dzin pa dang/ dran pa nye bar bzhag par 'dzin pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad par 'dzin pa dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ @69b rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres par 'dzin pa dang/ rnam pa thams cad mkhyen pa nyid kyi bar du 'dzin pa nye bar zhi bar byed de/ rnam par 'phel bar byed pa ma yin no/ /mya ngan las 'das par 'dzin pa nye bar zhi bar byed de/ rnam par 'phel bar byed pa ma yin no/ /kau shi ka/ shes rab kyi pha rol tu phyin pa 'di ni sdig to mi dge ba'i chos de dag thams cad zhi bar byed pa yin te/ rnam par 'phel bar byed pa ma yin no/ /kau shi ka/ stong sum gyi stong chen po'i 'jig rten gyi khams na/ rgyal po chen po bzhi dang/ lha'i dbang po brgyad byin dang/ mi mjed kyi bdag po tshangs pa dang/ 'og min gyi lha'i bar de dag thams cad kyang/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin cing 'chang ba dang/ klog cing kun chub par byed pa dang/ tshul bzhin du yid la byed pa de la rtag tu rgyun mi chad par bsrung ba dang/ bskyab pa dang/ bskyang bar byed do// // shes rab kyi pha rol tu phyin pa stong phrag nyi shu lnga pa/ bam po sum cu gcig pa/ phyogs bcu'i 'jig rten gyi khams na/ sangs rgyas bcom ldan 'das gang bzhugs shing 'tsho skyong ba @70a @#/ /de dag kyang/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin cing 'chang ba dang/ klog cing kun chub par byed pa dang/ tshul bzhin du yid la byed pa de la rtag tu rgyun mi chad par bsrung ba dang/ bskyab pa dang/ bskyang bar mdzad de/ de ni mi dge ba'i chos rnams yongs su spangs shing/ dge ba'i chos rnams rnam par 'phel bar 'gyur te de ltar mi dmigs pa'i tshul gyis/ sbyin pa'i pha rol tu phyin pas rnam par 'phel bar 'gyur gyi/ yongs su 'grib par mi 'gyur ro/ /mi dmigs pa'i tshul gyis/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pas rnam par 'phel bar 'gyur gyi/ yongs su 'grib par mi 'gyur ro/ /mi dmigs pa'i tshul gyis nang stong pa nyid kyis rnam par 'phel bar 'gyur gyi/ yongs su 'grib par mi 'gyur ro/ /mi dmigs pa'i tshul gyis dngos po med pa'i ngo bo nyid stong pa nyid kyi bar du rnam par 'phel bar 'gyur gyi/ yongs su 'grib par mi 'gyur ro/ /mi dmigs pa'i tshul gyis dran pa nye bar bzhag pa rnams kyis rnam par 'phel bar 'gyur gyi/ yongs su 'grib par mi 'gyur ro/ /mi dmigs pa'i tshul gyis yang dag par spong @70b ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pas rnam par 'phel bar 'gyur gyi/ yongs su 'grib par mi 'gyur ro/ /mi dmigs pa'i tshul gyis 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang; mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa dang/ rnam pa thams cad mkhyen pa nyid kyi bar gyis rnam par 'phel bar 'gyur gyi/ yongs su 'grib par mi 'gyur ro/ /de'i tshig bla bar 'os pa dang ldan par 'gyur ro/ /tshig ran pa dang ldan par 'gyur ro/ / tshig 'chal ba med pa dang ldan par 'gyur ro/ /khro ba'i zil gyis non pa med par 'gyur ro/ /nga rgyal gyi zil gyis non pa med par 'gyur ro/ /ser sna can dang phrag dog can du mi 'gyur ro/ /bdag kyang srog gcog pa spong bar 'gyur/ gzhan yang srog gcod pa spong ba la yang dag par skul bar 'gyur ro/ /srog gcod pa spong ba'i legs pa brjod par @71a @#/ /'gyur/ gzhan gyis srog gcod pa spangs na yang de dag gi legs pa brjod cing rjes su dga' bar 'gyur ro/ /bdag kyang ma byin par len pa dang/ 'dod pas log par g.yem pa dang/ brdzun du smra ba dang/ phra ma dang/ zhe gcod pa dang/ tshig kyal pa dang/ chags sems dang/ gnod sems dang/ log par lta ba spong bar 'gyur/ gzhan yang log par lta ba spong ba la yang dag par skul bar 'gyur/ log par lta ba spong ba'i legs pa rjod par 'gyur/ gzhan gyis log par lta ba spangs na yang de dag gi legs pa brjod cing rjes su dga' bar 'gyur ro/ /bdag kyang sbyin pa'i pha rol tu phyin pa la 'jug par 'gyur/ gzhan yang sbyin pa'i pha rol tu phyin pa la yang dag par skul bar 'gyur/ sbyin pa'i pha rol tu phyin pa'i legs pa rjod par 'gyur/ gzhan sbyin pa'i pha rol tu phyin pa la 'jug na yang de dag gi legs pa brjod cing rjes su dga' bar 'gyur ro/ /bdag kyang tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la 'jug par 'gyur ro/ /gzhan yang shes rab kyi pha rol tu phyin pa la yang dag par skul bar 'gyur/ shes rab kyi pha rol tu phyin pa'i legs pa rjod par 'gyur/ gzhan yang @71b shes rab kyi pha rol tu phyin pa la 'jug na yang de dag gi legs pa brjod cing rjes su dga' bar 'gyur ro/ /bdag kyang nang stong pa nyid bsgom par 'gyur/ gzhan yang nang stong pa nyid bsgom pa la yang dag par skul bar 'gyur/ nang stong pa nyid kyi legs pa brjod par 'gyur/ gzhan nang stong pa nyid bsgom na yang de dag gi legs pa brjod cing rjes su dga' bar 'gyur ro/ /bdag kyang dngos po med pa'i ngo bo nyid stong pa nyid kyi bar du bsgom par 'gyur/ gzhan yang dngos po med pa'i ngo bo nyid stong pa nyid la yang dag par skul bar 'gyur/ dngos po med pa'i ngo bo nyid stong pa nyid kyi legs pa rjod par 'gyur/ gzhan dngos po med pa'i ngo bo nyid stong pa nyid sgom na yang de dag gi legs pa brjod cing rjes su dga' bar 'gyur ro/ /bdag kyang ting nge 'dzin thams cad la snyoms par 'jug par 'gyur/ gzhan yang ting nge 'dzin thams cad la snyoms par 'jug par yang dag par skul bar 'gyur/ ting nge 'dzin thams cad la snyoms par 'jug pa'i legs pa rjod par 'gyur/ gzhan ting nge 'dzin thams cad la snyoms par 'jug na yang de dag gi legs pa brjod cing rjes su dga' bar 'gyur ro/ /bdag kyang gzungs rnams thob par 'gyur/ gzhan yang gzungs rnams thob par bya ba la yang dag par skul bar 'gyur/ gzungs rnams thob par byed pa'i legs pa rjod par 'gyur/ gzhan gyis gzungs @72a @#/ /rnams thob na yang de dag gi legs pa brjod cing rjes su dga' bar 'gyur ro/ /bdag kyang bsam gtan dang po la snyoms par 'jug par 'gyur/ gzhan yang bsam gtan dang po la yang dag par skul bar 'gyur/ bsam gtan dang po'i legs pa rjod par 'gyur/ gzhan bsam gtan dang po la snyoms par 'jug na yang de dag gi legs pa brjod cing rjes su dga' bar 'gyur ro/ /bdag kyang bsam gtan gnyis pa dang/ gsum pa dang/ bzhi pa la snyoms par 'jug par 'gyur/ gzhan yang bsam gtan bzhi pa la yang dag par skul bar 'gyur/ bsam gtan bzhi pa'i legs pa rjod par 'gyur/ gzhan bsam gtan bzhi pa la snyoms par 'jug na yang de dag gi legs pa brjod cing rjes su dga' bar 'gyur ro/ /bdag kyang byams pa la snyoms par 'jug par 'gyur/ gzhan yang byams pa la snyoms par 'jug pa la yang dag par skul bar 'gyur/ byams pa la snyoms par 'jug pa'i legs pa rjod par 'gyur/ gzhan byams pa la snyoms par 'jug na yang de dag gi legs pa brjod cing rjes su dga' bar 'gyur ro/ /bdag kyang snying rje dang/ dga' ba dang/ btang snyoms la snyoms par 'jug par 'gyur/ gzhan yang btang snyoms la snyoms par 'jug par yang dag par skul @72b bar 'gyur/ btang snyoms la snyoms par 'jug pa'i legs pa rjod par 'gyur/ gzhan btang snyoms la snyoms par 'jug na yang de dag gi legs pa brjod cing rjes su dga' bar 'gyur ro/ /bdag kyang nam mkha' mtha' yas skye mched la snyoms par 'jug par 'gyur/ gzhan yang nam mkha' mtha' yas skye mched la snyoms par 'jug par yang dag par skul bar 'gyur/ gzhan yang nam mkha' mtha' yas skye mched la snyoms par 'jug pa'i legs pa rjod par 'gyur/ gzhan nam mkha' mtha' yas skye mched la snyoms par 'jug na'ang de dag gi legs pa brjod cing rjes su dga' bar 'gyur ro/ /bdag kyang rnam shes mtha' yas skye mched dang/ cung zad med pa'i skye mched dang/ 'du shes med 'du shes med min skye mched la snyoms par 'jug par 'gyur/ gzhan yang 'du shes med 'du shes med min skye mched la snyoms par 'jug par yang dag par skul bar 'gyur/ 'du shes med 'du shes med min skye mched la snyoms par 'jug pa'i legs pa rjod par 'gyur/ gzhan 'du shes med 'du shes med min skye mched la snyoms par 'jug na yang de dag gi legs pa brjod cing rjes su dga' bar 'gyur ro/ /bdag kyang dran pa nye bar bzhag pa bsgom par 'gyur/ gzhan yang dran pa nye @73a @#/ /bar bzhag pa bsgom pa la yang dag par skul bar 'gyur/ dran pa nye bar bzhag pa bsgom pa'i legs pa brjod par 'gyur/ gzhan dran pa nye bar bzhag pa bsgom na yang de dag gi legs pa brjod cing rjes su dga' bar 'gyur ro/ /bdag kyang yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa bsgom par 'gyur/ gzhan yang 'phags pa'i lam yan lag brgyad pa bsgom pa la yang dag par skul bar 'gyur/ 'phags pa'i lam yan lag brgyad pa bsgom pa'i legs pa rjod par 'gyur/ gzhan 'phags pa'i lam yan lag brgyad pa bsgom na yang de dag gi legs pa brjod cing rjes su dga' bar 'gyur ro/ /bdag kyang stong pa nyid dang/ mtshan ma med pa dang/ smon pa med pa'i ting nge 'dzin bsgom par 'gyur/ gzhan yang stong pa nyid dang mtshan ma med pa dang/ smon pa med pa'i ting nge 'dzin la yang dag par skul bar 'gyur/ stong pa nyid dang/ mtshan ma med pa dang/ smon pa med pa'i ting nge 'dzin gyi legs pa rjod par 'gyur; gzhan stong pa nyid dang/ mtshan ma med pa dang/ smon pa med pa'i ting nge 'dzin bsgom na'ang de dag gi legs pa brjod cing rjes su dga' bar 'gyur ro/ /bdag kyang rnam @73b par thar pa brgyad la lugs dang mthun pa dang/ lugs dang mi mthun par snyoms par 'jug par 'gyur/ gzhan yang rnam par thar pa brgyad la yang dag par skul bar 'gyur/ rnam par thar pa brgyad kyi legs pa rjod par 'gyur/ gzhan rnam par thar pa brgyad la lugs dang mthun pa dang/ lugs dang mi mthun par snyoms par 'jug na'ang de dag gi legs pa brjod cing rjes su dga' bar 'gyur ro/ /bdag kyang mthar gyis gnas pa'i snyoms par 'jug pa dgu la snyoms par 'jug par 'gyur/ gzhan yang mthar gyis gnas pa'i snyoms par 'jug pa dgu la snyoms par 'jug par yang dag par skul bar 'gyur/ mthar gyis gnas pa'i snyoms par 'jug pa dgu'i legs pa rjod par 'gyur/ gzhan mthar gyis gnas pa'i snyoms par 'jug pa dgu la snyoms par 'jug na yang de dag gi legs pa brjod cing rjes su dga' bar 'gyur ro/ /bdag kyang de bzhin gshegs pa'i stobs bcu la snyoms par 'jug par 'gyur/ gzhan yang de bzhin gshegs pa'i stobs bcu la yang dag par skul bar 'gyur/ de bzhin gshegs pa'i stobs bcu'i legs pa rjod par 'gyur/ gzhan de bzhin gshegs pa'i stobs bcu la snyoms par 'jug na yang de dag gi legs pa brjod cing rjes su dga' bar 'gyur ro/ /bdag kyang mi 'jigs pa bzhi dang/ so so yang @74a @#/ /dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad sgrub par 'gyur/ gzhan yang sangs rgyas kyi chos ma 'dres pa bco brgyad sgrub pa la yang dag par skul bar 'gyur/ sangs rgyas kyi chos ma 'dres pa bco brgyad sgrub pa'i legs pa rjod par 'gyur/ gzhan sangs rgyas kyi chos ma 'dres pa bco brgyad sgrub na yang de dag gi legs pa brjod cing rjes su dga' bar 'gyur ro/ /bdag kyang yongs su mi nyams pa'i chos dang/ rtag tu btang snyoms dang; lam gyi rnam pa shes pa nyid dang/ rnam pa thams cad mkhyen pa nyid thob par 'gyur/ gzhan yang rnam pa thams cad mkhyen pa nyid thob par bya ba la yang dag par skul bar 'gyur/ rnam pa thams cad mkhyen pa nyid kyi legs pa rjod par 'gyur/ gzhan rnam pa thams cad mkhyen pa nyid thob par byed na yang de dag gi legs pa brjod cing rjes su dga' bar 'gyur ro/ /de pha rol tu phyin pa drug la spyod pa'i tshe/ sbyin pa yongs su gtong yang sems can thams cad dang thun mong du byas shing/ mi dmigs pa'i tshul gyis bla na med pa yang dag par rdzogs pa'i byang chub tu yongs su bsngo bar 'gyur ro/ /tshul khrims bsrung ba dang/ bzod pa sgom pa dang/ brtson 'grus rtsom pa dang/ bsam @74b gtan la snyoms par 'jug pa dang/ shes rab bsgom yang de dag sems can thams cad dang thun mong du byas shing/ mi dmigs pa'i tshul gyis bla na med pa yang dag par rdzogs par byang chub tu yongs su bsngo bar 'gyur ro/ /rigs kyi bu'am/ rigs kyi bu mo de ltar pha rol tu phyin pa drug la spyod pa'i tshe/ dran pa yang dag par skye bar 'gyur te/ gal te bdag gis sbyin pa ma btang na ngan song gi rgyud du skye bar 'gyur te/ bdag gis sems can yongs su smin par yang mi 'gyur/ sangs rgyas kyi zhing yongs su dag par yang mi 'gyur/ rnam pa thams cad mkhyen pa nyid thob par yang mi 'gyur ro/ /gal te bdag gis tshul khrims ma bsrungs na ngan song gsum du skye bar 'gyur te/ mi'i lus 'thob par yang mi 'gyur/ bdag gis sems can yongs su smin par yang mi 'gyur/ sangs rgyas kyi zhing yongs su dag par yang mi 'gyur/ rnam pa thams cad mkhyen pa nyid thob par yang mi 'gyur ro/ /gal te bdag gis bzod pa ma bsgoms na/ bdag gis dbang po rnams kyang nyams par 'gyur/ bdag gi bzhin gyi dkyil 'khor yang gzi med par 'gyur/ gzugs phun sum tshogs pa yang 'thob par mi 'gyur te/ gzugs phun sum tshogs pa gang gis byang chub sems dpa'i spyad pa spyod pa'i tshe/ mthong ma thag tu sems can rnams bla na med pa yang dag par rdzogs pa'i byang chub tu @75a @#/ /gdon mi za par 'gyur ba de lta bu yang med par 'gyur te/ gzugs phun sum tshogs pas sems can yongs su smin par yang mi 'gyur/ sangs rgyas kyi zhing yongs su dag par yang mi 'gyur/ rnam pa thams cad mkhyen pa nyid thob par yang mi 'gyur ro/ /gal te le lor gyur na bdag gis byang chub kyi lam thob par yang mi nus/ sems can yongs su smin par yang mi 'gyur/ sangs rgyas kyi zhing yongs su dag par yang mi 'gyur/ rnam pa thams cad mkhyen pa nyid thob par yang mi 'gyur ro/ /gal te sems 'khrugs par gyur na bdag gis ting nge 'dzin gang gis sems can yongs su smin par 'gyur ba de lta bu'i ting nge 'dzin bskyed par mi nus/ bdag gis sangs rgyas kyi zhing yongs su dag par yang mi 'gyur; rnam pa thams cad mkhyen pa nyid thob par yang mi 'gyur ro/ /gal te shes rab 'chal bar gyur na bdag gis shes rab dang thabs mkhas pas nyan thos kyi sa dang/ rang sangs rgyas kyi sa las 'das te/ sems can rnams yongs su smin par byas nas sangs rgyas kyi zhing yongs su dag par sbyangs te/ rnam pa thams cad mkhyen pa nyid thob par bya bar yang mi nus so; ;zhes te 'di ltar yang dag par slob ste/ de ltar bdag gis ser sna'i dbang gis sbyin pa'i pha rol tu phyin pa yongs su rdzogs par mi bya ba ni mi rigs mi cha'o/ /tshul khrims ngan @75b pa'i dbang gis tshul khrims kyi pha rol tu phyin pa dang/ gnod sems kyi dbang gis bzod pa'i pha rol tu phyin pa dang/ le lo'i dbang gis brtson 'grus kyi pha rol tu phyin pa dang/ 'khrug pa'i dbang gis bsam gtan gyi pha rol tu phyin pa dang/ shes rab 'chal ba'i dbang gis shes rab kyi pha rol tu phyin pa yongs su rdzogs par mi bya ba ni mi rigs mi cha ste/ pha rol tu phyin pa drug yongs su rdzogs par ma byas par ni rnam pa thams cad mkhyen pa nyid du 'byung bar mi 'gyur ro zhes bya bar dran pa skye bar 'gyur te/ kau shi ka/ de ltar rigs kyi bu'am/ rigs kyi bu mo gang/ shes rab kyi pha rol tu phyin pa 'di 'dzin cing 'chang ba dang/ klog cing kun chub par byed pa dang/ tshul bzhin du yid la byed cing rnam pa thams cad mkhyen pa nyid kyi sems dang mi 'bral ba de dag gis tshe 'di dang/ tshe rabs gzhan la yon tan 'di dag 'thob par 'gyur ro/ /brgya byin gyis gsol pa/ bcom ldan 'das/ shes rab kyi pha rol tu phyin pa 'di de ltar byang chub sems dpa' sems dpa' chen po rnams yongs su 'dul ba dang/ nga rgyal ma mchis par 'gyur ba'i don du nye bar gnas pa ngo mtshar che'o/ /bcom ldan 'das kyis bka' stsal pa/ kau shi ka; de ji ltar na shes rab kyi pha rol tu phyin pa 'di byang chub sems dpa' sems dpa' chen po rnams yongs su 'dul ba dang/ nga rgyal med pa'i don du nye bar gnas pa yin/ brgya @76a @#/ /byin gyis gsol pa/ bcom ldan 'das/ 'di la byang chub sems dpa' sems dpa' chen po 'jig rten pa'i sbyin pa'i pha rol tu phyin pa la spyod pa'i tshe/ sangs rgyas bcom ldan 'das rnams dang/ rang sangs rgyas dang/ nyan thos rnams la sbyin pa yongs su gtong ba bgyid cing 'di snyam du/ 'di ltar bdag ni sangs rgyas bcom ldan 'das rnams dang/ rang sangs rgyas rnams dang/ nyan thos rnams dang/ nyam thag pa dang/ mgron po dang/ slong ba rnams la sbyin pa yongs su gtong ngo snyam du sems na de thabs mi mkhas pa'i sbyin pa des nga rgyal du 'gyur ro/ /'jig rten pa'i tshul khrims kyi pha rol tu phyin pa la spyod pa'i tshe/ 'di snyam du 'di ltar bdag ni tshul khrims kyi pha rol tu phyin pa la spyod do/ /bdag ni tshul khrims kyi pha rol tu phyin pa yongs su rdzogs par byed do snyam na'ang/ de des nga rgyal du 'gyur ro/ /'jig rten pa'i bzod pa'i pha rol tu phyin pa la spyod pa'i tshe/ 'di snyam du 'di ltar bdag ni bzod pa'i pha rol tu phyin pa la spyod do/ /bdag ni bzod pa'i pha rol tu phyin pa yongs su rdzogs par byed do snyam na yang de des nga rgyal du 'gyur ro/ /'jig rten pa'i brtson 'grus kyi pha rol tu phyin pa la spyod pa'i tshe/ 'di snyam du 'di ltar bdag ni brtson 'grus kyi pha rol tu phyin pa la spyod do/ /bdag ni brtson 'grus kyi pha rol tu phyin pa yongs su rdzogs par @76b byed do snyam na 'ang de des nga rgyal du 'gyur ro/ /'jig rten pa'i bsam gtan gyi pha rol tu phyin pa la spyod pa'i tshe/ 'di snyam du 'di ltar bdag ni bsam gtan gyi pha rol tu phyin pa la spyod do/ / bdag ni bsam gtan gyi pha rol tu phyin pa yongs su rdzogs par byed do snyam na 'ang de des nga rgyal du 'gyur ro/ /'jig rten pa'i shes rab kyi pha rol tu phyin pa la spyod pa'i tshe/ 'di snyam du 'di ltar bdag ni shes rab kyi pha rol tu phyin pa la spyod do/ /bdag ni shes rab kyi pha rol tu phyin pa bsgom mo snyam na'ang de thabs mi mkhas pa'i slad du 'jig rten pa'i shes rab kyi pha rol tu phyin pa de des nga rgyal du 'gyur ro/ /dran pa nye bar bzhag pa dang; yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang; rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad dang/ rnam pa thams cad mkhyen pa nyid kyi bar du thob par @77a @#/ /bya'o snyam du sems na yang/ de bdag tu bgyi ba la mngon par chags pas nga rgyal du 'gyur ro/ /bcom ldan 'das/ byang chub sems dpa' sems dpa' chen po de ltar 'jig rten pa'i chos rnams la spyod pa'i tshe/ bdag tu bgyi ba la mngon par chags pas nga rgyal du 'gyur ro/ /de la ni shes rab kyi pha rol tu phyin pa yongs su 'dul ba dang/ nga rgyal ma mchis pa'i slad du nye bar gnas so/ /bcom ldan 'das/ 'di la byang chub sems dpa' sems dpa' chen po 'jig rten las 'das pa'i sbyin pa'i pha rol tu phyin pa la spyod pa'i tshe/ shes rab kyi pha rol tu phyin pa shin tu bsgoms pa'i slad du sbyin pa'ang mi dmigs/ gtong ba'ang mi dmigs/ len pa'ang mi dmigs te/ bcom ldan 'das/ de ltar shes rab kyi pha rol tu phyin pa ni/ sbyin pa'i pha rol tu phyin pa la spyod pa'i byang chub sems dpa' sems dpa' chen po yongs su 'dul ba dang/ nga rgyal ma mchis pa'i slad du nye bar gnas so/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la spyod pa'i tshe; shes rab kyi pha rol tu phyin pa la shin tu bsgoms pa'i slad du/ shes rab tu'ang mi dmigs/ shes rab dang ldan pa'ang mi dmigs te/ bcom ldan 'das/ de ltar na shes @77b rab kyi pha rol tu phyin pa ni shes rab kyi pha rol tu phyin pa la spyod pa'i byang chub sems dpa' sems dpa' chen po yongs su 'dul ba dang/ nga rgyal ma mchis pa'i slad du nye bar gnas so/ /de dran pa nye bar bzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam dang/ 'phags pa'i bden pa dang/ bsam tan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ stobs bcu dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa rnams dang/ rnam pa thams cad mkhyen pa nyid bsgom yang/ shes rab kyi pha rol tu phyin pa shin tu bsgoms pa'i slad du dmigs pa ma mchis te; bcom ldan 'das/ de ltar na shes rab kyi pha rol tu phyin pa ni/ byang chub sems dpa' sems dpa' chen po yongs su 'dul ba dang/ nga rgyal ma mchis pa'i slad du nye bar gnas so/ / shes rab kyi pha rol tu phyin pa stong phrag nyi shu lnga pa las le'u bcu bdun pa'o// //de nas bcom ldan 'das kyis lha'i dbang po brgya byin la 'di skad ces bka' stsal @78a @#/ /to; ;kau shi ka/ rigs kyi bu'am/ rigs kyi bu mo gang shes rab kyi pha rol tu phyin pa zab mo 'di 'dzin cing 'chang ba dang/ klog cing kun chub par byed pa dang/ kha ton du byed cing tshul bzhin du yid la byed pa zhig 'thab mo'i nang du 'dug cing g.yul ngor chas pa'i tshe/ der gal te rigs kyi bu'am rigs kyi bu mo des shes rab kyi pha rol tu phyin pa zab mo 'di kha ton du byas nas song ste 'dug na/ rigs kyi bu'am/ rigs kyi bu mo de pham par mi nus te/ gdon mi za bar rgyal bar 'gyur ro/ /rgyal nas ma smas ma nyams par 'thab mo de las thar bar 'gyur te/ kau shi ka/ rigs kyi bu'am rigs kyi bu mo gang shes rab kyi pha rol tu phyin pa zab mo 'di kha ton du byed cing g.yul ngor song song ba las/ srog gi bar chad du 'gyur ba ni mi srid de/ gnas med skabs med de/ gal te de'i lus la/ la la zhig gis mdas 'phangs sam/ mtshon gyis btab na lus la phog cing 'dzug par mi 'gyur ro/ /de ci'i phyir zhe na; rigs kyi bu'am rigs kyi bu mo des yun ring por pha rol tu phyin pa drug la spyad de/ shes rab kyi pha rol tu phyin pa 'di nyid la brten/ shes rab kyi pha rol tu phyin pa 'di nyid la bsgoms te; bdag gi 'dod chags kyi mtshon dang/ 'dod chags kyi mda' yang bcom/ gzhan gyi 'dod chags kyi mtshon dang/ 'dod chags kyi mda' yang bcom/ bdag gi zhe sdang gi mtshon @78b dang; zhe sdang gi mda' yang bcom/ gzhan gyi zhe sdang gi mtshon dang/ zhe sdang gi mda' yang bcom/ bdag gi gti mug gi mtshon dang/ gti mug gi mda' yang bcom/ gzhan gyi gti mug gi mtshon dang; gti mug gi mda' yang bcom/ bdag gi lta ba'i rnam pa'i mtshon dang/ lta ba'i rnam pa'i mda' yang bcom/ gzhan gyi lta ba'i rnam pa'i mtshon dang/ lta ba'i rnam pa'i mda' yang bcom/ bdag gi kun nas ldang ba'i mtshon dang/ kun nas ldang ba'i mda' yang bcom/ gzhan gyi kun nas ldang ba'i mtshon dang/ kun nas ldang ba'i mda' yang bcom/ bdag gi bag la nyal ba'i mtshon dang/ bag la nyal ba'i mda' yang bcom/ gzhan gyi bag la nyal ba'i mtshon dang/ bag la nyal ba'i mda' yang bcom pa'i phyir te/ kau shi ka/ rnam grangs des na/ rigs kyi bu'am rigs kyi bu mo g.yul du phyin pa'i tshe/ lus la mtshon nam mdas phog cing zug par mi 'gyur ro/ /kau shi ka/ gzhan yang gal te rigs kyi bu'am rigs kyi bu mo shes rab kyi pha rol tu phyin pa zab mo 'di 'dzin cing 'chang ba dang/ klog cing kun chub par byed pa dang/ tshul bzhin du yid la byed cing thams cad mkhyen pa nyid kyi sems dang yang mi 'bral na/ de la la la zhig gis dug gis gtor tam; byad byas sam/ me'i 'obs su brjod dam/ mtshon gyis btab bam/ dug blud dam/ chur bor yang rung ste/ de dag thams cad kyis de la gnod par mi 'gyur ro/ /de ci'i phyir zhe na/ @79a @#/ /kau shi ka/ 'di ltar shes rab kyi pha rol tu phyin pa 'di ni rig sngags chen mo'o/ /kau shi ka/ 'di ltar shes rab kyi pha rol tu phyin pa 'di ni rig sngags bla na med pa'o; ;kau shi ka/ 'di ltar shes rab kyi pha rol tu phyin pa 'di ni rig sngags gong na med pa ste/ rig sngags 'di la slob pa'i rigs kyi bu'am rigs kyi bu mo ni bdag la'ang gnod par mi byed/ gzhan la'ang gnod par mi byed/ gnyis ka la'ang gnod pa mi byed do/ /de ci'i phyir zhe na/ 'di ltar de 'di la slob pa'i tshe bdag mi dmigs so/ /mthong ba po'i bar du mi dmigs so/ /gzugs mi dmigs so/ /tshor ba dang/ 'du shes dang/ 'du byed dang/ rnam par shes pa mi dmigs so/ /skye mched dang/ khams dang/ rten cing 'brel par 'byung ba dang/ pha rol tu phyin pa rnams dang/ stong pa nyid thams cad dang/ byang chub kyi phyogs kyi chos rnams dang/ 'phags pa'i bden pa dang/ bsam gtan dang/ tshad med pa dang; gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ stobs bcu dang/ mi 'jigs pa dang/ so so yang dag par rig pa dang/ sangs @79b rgyas kyi chos ma 'dres pa rnams dang/ rnam pa thams cad mkhyen pa nyid kyi bar du mi dmigs so/ /de ltar mi dmigs pas na bdag la'ang gnod par mi byed/ gzhan la'ang gnod par mi byed/ gnyis ka la'ang gnod par mi byed de/ bla na med pa yang dag par rdzogs pa'i byang chub thob cing sems can thams cad kyi sems la rnam par lta bar 'gyur ro/ /de ci'i phyir zhe na/ 'das pa dang; ma byon pa dang/ da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang rig sngags 'di nyid la bslabs te/ bla na med pa yang dag par rdzogs pa'i byang chub tu mngon par rdzogs par sangs rgyas so/ /kau shi ka/ gzhan yang shes rab kyi pha rol tu phyin pa 'di bzung bar ma byas/ kha ton ma byas/ bklag pa dang/ /kun chub par ma byas/ tshul bzhin du yid la ma byas kyang/ gang na bri zhing 'chang ba'i khyim mam/ grong ngam/ grong rdal lam/ grong khyer der ni mi'am mi ma yin pa glags lta bas glags rnyed par mi 'gyur ro; ;de ci'i phyir zhe na/ de ni 'di ltar shes rab kyi pha rol tu phyin pa 'di mchod pa'i phyir/ stong gsum gyi stong chen po'i 'jig rten gyi khams kyi rgyal chen bzhi'i ris kyi lha'i bu dang/ sum cu rtsa gsum dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed dang/ tshangs ris dang/ tshangs lha nye phan dang/ tshangs pa kun 'khor dang/ 'og min gyi bar gyi lha'i @80a @#/ /bu dang/ 'jig rten gyi khams tshad med grangs med pa'i rgyal chen bzhi'i ris kyi lha'i bu dang/ sum cu rtsa gsum dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed dang/ tshangs ris dang/ tshangs lha nye phan dang/ tshangs pa kun 'khor dang/ 'og min gyi bar gyi lha'i bu gang ji snyed yod pa de dag kyang rigs kyi bu'am/ rigs kyi bu mo gang gis shes rab kyi pha rol tu phyin pa zab mo 'di bris shing/ bcangs pa de dag la rtag tu rgyun mi chad par bsrung ba dang/ bskyab pa dang/ bskyang ba byed de/ lha'i bu de dag 'ongs nas kyang shes rab kyi pha rol tu phyin pa 'di la rim gro dang/ bkur sti dang/ bsti stang dang/ mchod par byas shing 'dong bar 'gyur te/ kau shi ka/ de ltar gang la las shes rab kyi pha rol tu phyin pa 'di bris te/ bcangs na de la tshe 'di'i yon tan dang/ legs pa 'di dag yod par 'gyur ro/ /kau shi ka/ 'di lta ste/ dper na/ snying po byang chub bam/ snying po byang chub kyi 'khor ram/ snying po byang chub kyi nang na byol song gi skye gnas su gtogs pa'i srog chags sam/ mir gyur pa gang su 'dug kyang rung ste/ de dag la mi'am mi ma yin pas gtso ba'am/ mtho 'tsham par mi nus so/ /de ci'i phyir zhe na/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang de la bzhugs nas bla na med @80b pa yang dag par rdzogs pa'i byang chub tu mngon par rdzogs par sangs rgyas so/ /gang ma byon pa dang/ da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas de dag kyang/ de nyid du bzhugs shing bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /da ltar phyogs bcu'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gang bzhugs pa de dag kyang de nyid la bzhugs te/ bla na med pa yang dag par rdzogs pa'i byang chub tu mngon par rdzogs par sangs rgyas so/ / de bzhin gshegs pa dgra bcom pa yang dag par rdzogs pa'i sangs rgyas de dag thams cad kyis/ bla na med pa yang dag par rdzogs pa'i byang chub tu mngon par rdzogs par sangs rgyas nas kyang/ sems can thams cad 'jigs pa med pa dang/ 'khon med pa dang/ gcugs med par nan tan mdzad nas/ sems can tshad med grangs med pa lha dang mi'i phun sum tshogs pa la bkod par gyur to/ /bkod do/ /dgod par 'gyur ro/ /rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ bla na med pa yang dag par rdzogs pa'i byang chub la bkod par 'gyur ro/ /bkod do/ /dgod par 'gyur ro/ /kau shi ka/ de ci'i phyir zhe na/ shes rab kyi pha rol tu phyin pa 'di nyid @81a @#/ /kyis sa'i phyogs de sems can thams cad kyi mchod rten du byas pas me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang pos phyag bya ba dang/ gdud pa dang/ bsti stang du bya ba dang/ rim gror bya ba dang/ mchod par bya ba dang/ bkur stir bya bar gyur to/ /brgya byin gyis gsol pa; bcom ldan 'das/ rigs kyi bu'am/ rigs kyi bu mo gang la las shes rab kyi pha rol tu phyin pa 'di bris shing glegs bam du bgyis te bcangs la/ de la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang pos rim gro dang/ bkur sti dang/ bsti stang dang/ mchod pa bgyis pa dang/ gang la las de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i de bzhin gshegs pa'i sku gdung rnams rin po che sna bdun gyi mchod rten du stsal te/ mchod dam/ rin po che sna bdun gyi snod du stsal te/ de la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang pos rim gro dang/ bkur sti dang/ bsti stang dang/ mchod pa bgyis na/ de gnyis las gang gis bsod nams kyi phung po mang du 'phel ba lags/ bcom ldan 'das kyis @81b bka' stsal pa/ kau shi ka/ de bas na de khyod nyid la dri'i/ khyod kyis ji ltar bzod pa de bzhin du lung ston cig /kau shi ka/ de ji snyam du sems/ de bzhin gshegs pa dgra bcom pa yang dag par rdzogs pa'i sangs rgyas kyis/ rnam pa thams cad mkhyen pa nyid brnyes pa dang/ sku 'di lta bu mngon par grub pa de lam gang la bslabs pas/ de bzhin gshegs pa dgra bcom pa yang dag par rdzogs pa'i sangs rgyas kyis/ rnam pa thams cad mkhyen pa nyid brnyes te/ sku 'di lta bu mngon par grub par gyur/ brgya byin gyis gsol pa/ bcom ldan 'das/ shes rab kyi pha rol tu phyin pa 'di nyid la bslabs te/ de bzhin gshegs pa dgra bcom pa yang dag par rdzogs pa'i sangs rgyas kyis/ rnam pa thams cad mkhyen pa nyid brnyes te/ sku 'di lta bu'ang mngon par grub bo; ;bcom ldan 'das kyis bka' stsal pa/ kau shi ka/ de de bzhin no/ /de de bzhin te/ ngas shes rab kyi pha rol tu phyin pa 'di nyid la bslabs nas/ rnam pa thams cad mkhyen pa nyid brnyes so/ /sku 'di 'dra ba'ang mngon par grub bo/ /kau shi ka/ nga'i sku 'di brnyes pas ni/ de bzhin gshegs pa de bzhin gshegs pa zhes bya ba'i grangs su'ang mi 'gro ste/ rnam pa thams cad mkhyen pa nyid brnyes pas/ de bzhin gshegs pa de bzhin gshegs pa zhes bya ba'i grangs su 'gro'o/ /kau shi ka/ rnam pa thams cad mkhyen pa nyid ni shes rab kyi pha rol tu phyin pa las @82a @#/ /byung ngo; ;kau shi ka/ de ltar lus 'di ni rnam pa thams cad mkhyen pa nyid kyi ye shes kyi gzhi ste/ gzhi de la brten nas de bzhin gshegs pa dgra bcom pa yang dag par rdzogs pa'i sangs rgyas kyis/ rnam pa thams cad mkhyen pa nyid brnyes so/ /de lta bas na sku 'di ni rnam pa thams cad mkhyen pa nyid kyi ye shes de'i gzhir gyur pas/ sems can thams cad kyi mchod rten du gyur cing phyag bya ba dang/ bsti stang du bya ba dang/ mchod par bya ba dang/ rim gror bya ba dang/ bkur stir bya bar gyur te/ kau shi ka nga yongs su mya ngan las 'das nas/ sku gdung mchod pa'ang sku la mchod pa nyid du 'gyur gyi/ chos la mchod par mi 'gyur ro/ /kau shi ka/ rigs kyi bu'am/ rigs kyi bu mo gang la las shes rab kyi pha rol tu phyin pa 'di bris te 'dzin cing 'chang ba dang/ klog cing kun chub par byed pa dang/ tshul bzhin du yid la byed pa dang/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang pos rim gro dang/ bkur sti dang/ bsti stang dang/ mchod pa byas pas ni/ rnam pa thams cad mkhyen pa nyid kyi ye shes la mchod pa byas par 'gyur ro/ /kau shi ka/ de bas na rigs kyi bu'am/ rigs kyi bu mo dad pa de bzhin gshegs pa la mchod par 'dod pas/ shes rab kyi pha rol @82b tu phyin pa 'di nyid bris te/ gzung bar bya'o/ /bcang bar bya'o/ /bklag par bya'o/ /kun chub par bya'o/ /tshul bzhin du yid la bya'o/ /me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang pos rim gror bya'o/ /bkur stir bya'o/ /bsti stang du bya'o/ /mchod par bya'o/ /kau shi ka/ gang la las de bzhin gshegs pa yongs su mya ngan las 'das pa'i sku gdung rin po che sna bdun gyi mchod rten du bcug gam/ rin po che sna bdun gyi snod du blugs shing gces par byas te/ de la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang pos rim gro dang/ bkur sti dang/ bsti stang dang/ mchod pa byas pa bas/ gang gis shes rab kyi pha rol tu phyin pa 'di bris te/ bzung ba dang/ bcang ba dang/ bklag pa dang/ kun chub par byas pa dang/ tshul bzhin du yid la byas pa dang/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang pos rim gro dang/ bkur sti dang/ bsti stang dang/ mchod pa byas na/ 'di nyid de bas bsod nams ches mang du 'phel lo/ /kau shi ka/ de ci'i phyir zhe na/ pha rol tu phyin pa lnga'ang 'di las byung ngo/ /nang stong pa nyid dang/ dngos po med pa'i ngo bo nyid stong pa nyid kyi bar yang 'di las byung ngo/ /dran pa @83a @#/ /nye bar bzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa bco brgyad kyang 'di las byung ngo/ /sems can yongs su smin par bya ba'ang 'di las byung ngo/ /sangs rgyas kyi zhing phun sum tshogs pa'ang 'di las byung ngo/ /byang chub sems dpa' sems dpa' chen po'i rigs phun sum tshogs pa dang/ gzugs phun sum tshogs pa dang/ longs spyod phun sum tshogs pa dang/ 'khor phun sum tshogs pa'ang 'di las byung ngo/ /byams pa chen po'ang 'di las byung ngo/ /snying rje chen po'ang 'di las byung ngo/ /rgyal rigs che zhing mtho ba dang/ bram ze'i rigs che zhing mtho ba dang/ khyim bdag gi rigs che zhing mtho ba dang/ rgyal chen bzhi'i ris kyi lha'i bu dang/ sum cu rtsa gsum dang/ mtshe ma dang/ dga' ldan dang/ 'phrul dga' @83b dang/ gzhan 'phrul dbang byed dang/ 'og min gyi bar gyi lha rnams kyang 'di las byung ngo/ /rgyun du zhugs pa dang/ lan gcig phyir 'ong ba dang/ phyir mi 'ong ba dang/ dgra bcom pa dang/ rang sangs rgyas dang/ byang chub sems dpa' dang/ de bzhin gshegs pa dgra bcom pa yang dag par rdzogs pa'i sangs rgyas rnams kyi rnam pa thams cad mkhyen pa nyid kyang 'di las byung ngo/ /brgya byin gyis gsol pa/ bcom ldan 'das/ 'dzam bu'i gling gi mi gang shes rab kyi pha rol tu phyin pa 'di la rim gro mi bgyid/ bkur sti mi bgyid/ bsti stang mi bgyid/ mchod par mi bgyid pa de dag gis shes rab kyi pha rol tu phyin pa la mchod pa de ltar mthu che bar ma 'tshal tam/ bcom ldan 'das kyis bka' stsal pa/ kau shi ka/ de ji snyam du sems/ 'dzam bu'i gling gi mi de dag las sangs rgyas la mos pa mi phyed pa dang ldan pa dang/ gang chos dang/ dge 'dun la mos pa mi phyed pa dang ldan pa dang/ gang sangs rgyas la nem nur med pa dang/ gang chos dang/ dge 'dun la nem nur med pa dang/ gang sangs rgyas la shin tu rton pa dang/ gang chos dang/ dge 'dun la shin tu rton pa de lta bu ni ji snyed cig yod/ brgya byin gyis gsol pa/ bcom ldan 'das/ 'dzam bu'i gling gi mi gang sangs rgyas la mos pa mi phyed pa dang ldan pa dang/ gang chos dang/ dge 'dun la mos pa mi phyed pa dang ldan pa dang/ gang sangs @84a @#/ /rgyas la nem nur ma mchis pa dang/ gang chos dang/ dge 'dun la nem nur ma mchis pa dang/ gang sangs rgyas la shin tu rton pa dang/ gang chos dang/ dge 'dun la shin tu rton pa de lta bu ni nyung ngo/ /bcom ldan 'das kyis bka' stsal pa/ kau shi ka/ de ji snyam du sems/ 'dzam bu'i gling gi mi las byang chub kyi phyogs kyi chos sum cu rtsa bdun thob pa ni ji snyed cig yod/ rnam par thar pa'i sgo gsum thob pa ni ji snyed cig yod/ rnam par thar pa brgyad thob pa de lta bu ni ji snyed cig yod/ mthar gyis gnas pa'i snyoms par 'jug pa dgu thob pa de lta bu ni ji snyed cig yod/ so so yang dag par rig pa bzhi thob pa de lta bu ni ji snyed cig yod/ mngon par shes pa drug thob pa de lta bu ni ji snyed cig yod/ 'dzam bu'i gling gi mi las kun tu sbyor ba gsum spangs pa'i phyir/ rgyun du zhugs par gyur pa de lta bu ni ji snyed cig yod/ 'dod chags dang/ zhe sdang dang/ gti mug bsrabs pa'i phyir/ lan gcig phyir 'ong bar gyur pa de lta bu ni ji snyed cig yod/ dam pa ma yin pa'i cha'i kun tu sbyor ba lnga spangs pa'i phyir/ phyir mi 'ong bar gyur pa de lta bu ni ji snyed cig yod/ bla ma'i cha'i kun tu sbyor ba lnga spangs pa'i phyir/ dgra bcom par gyur pa de lta bu ni ji snyed cig yod/ rang byang chub tu yang dag par zhugs par gyur pa de lta bu ni ji snyed cig yod/ bla na med pa yang dag @84b par rdzogs pa'i byang chub tu yang dag par zhugs pa de lta bu ni ji snyed cig yod/ brgya byin gyis gsol pa/ 'dzam bu'i gling gi mi la byang chub kyi phyogs kyi chos sum cu rtsa bdun thob pa de lta bu ni ches nyung ngo/ /de bas kyang rnam par thar pa'i sgo gsum thob pa de lta bu ni ches nyung ngo/ /de bas kyang rnam par thar pa brgyad thob pa de lta bu ni ches nyung ngo/ /de bas kyang mthar gyis gnas pa'i snyoms par 'jug pa dgu thob pa de lta bu ni ches nyung ngo/ /de bas kyang so so yang dag par rig pa bzhi thob pa de lta bu ni ches nyung ngo/ /de bas kyang mngon par shes pa drug thob pa de lta bu ni ches nyung ngo/ /de bas kyang 'dzam bu'i gling gi mi las kun tu sbyor ba gsum spangs pa'i slad du/ rgyun du zhugs par gyur pa de lta bu ni ches nyung ngo/ /de bas kyang 'dod chags dang/ zhe sdang dang/ gti mug bsrabs pa'i slad du/ lan gcig phyir 'ong bar gyur pa de lta bu ni ches nyung ngo/ /de bas kyang dam pa ma lags pa'i cha'i kun tu sbyor ba lnga spangs pa'i slad du/ phyir mi 'ong bar gyur pa de lta bu ni ches nyung ngo/ /de bas kyang bla ma'i cha'i kun tu sbyor ba lnga spangs pa'i slad du/ dgra bcom par gyur pa de lta bu ni ches nyung ngo/ /de bas kyang rang byang chub tu yang dag par zhugs pa de lta bu ni ches nyung ngo/ /de bas kyang 'dzam bu'i gling gi mi las bla na med pa yang dag par rdzogs pa'i byang chub tu yang dag par zhugs par gyur pa de lta bu ni ches nyung ngo/ /bcom @85a @#/ /ldan 'das kyis bka' stsal pa/ kau shi ka/ de bzhin no/ /de de bzhin te/ 'dzam bu'i gling gi mi de dag las/ sangs rgyas la mos pa mi phyed pa dang ldan pa dang/ chos la mos pa mi phyed pa dang ldan pa dang/ dge 'dun la mos pa mi phyed pa dang ldan pa dang/ sangs rgyas la nem nur med pa dang/ chos la nem nur med pa dang/ dge 'dun la nem nur med pa de lta bu ni ches nyung ngo/ /de bas kyang sangs rgyas la shin tu rton pa dang/ chos la shin tu rton pa dang/ dge 'dun la shin tu rton pa de lta bu ni ches nyung ngo/ /de bas kyang byang chub kyi phyogs kyi chos sum cu rtsa bdun thob pa de lta bu ni ches nyung ngo/ /de bas kyang rgyun du zhugs par gyur pa de lta bu ni ches nyung ngo/ /de bas kyang lan gcig phyir 'ong bar gyur pa de lta bu ni ches nyung ngo/ de bas kyang phyir mi 'ong bar gyur pa de lta bu ni ches nyung ngo/ /de bas kyang dgra bcom par gyur pa de lta bu ni ches nyung ngo/ /de bas kyang rang byang chub tu yang dag par zhugs pa de lta bu ni ches nyung ngo/ /de bas kyang bla na med pa yang dag par rdzogs pa'i byang chub tu yang dag par zhugs par gyur pa de lta bu ni ches nyung ngo/ /de bas kyang byang chub tu spyod par gyur pa de lta bu ni ches nyung ngo/ /de ci'i phyir zhe na/ de ni 'di ltar sngon 'khor ba na 'khor ba'i tshe/ sangs rgyas ma mthong ba dang/ chos ma thos pa dang/ dge 'dun la bsnyen ma bkur ba dang/ sbyin pa @85b ma byin pa dang/ tshul khrims ma bsrungs pa dang/ bzod pa ma bsgoms pa dang/ brtson 'grus ma brtsams pa dang/ bsam gtan ma bsgoms pa dang/ shes rab ma bsgoms pa dang/ sbyin pa'i pha rol tu phyin pa ma thos ma bsgoms pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa ma thos ma bsgoms pa dang/ nang stong pa nyid ma thos ma bsgoms pa dang/ dngos po med pa'i ngo bo nyid stong pa nyid kyi bar du ma thos ma bsgoms pa dang/ dran pa nye bar bzhag pa rnams ma thos ma bsgoms pa dang/ 'phags pa'i lam yan lag brgyad pa'i bar du ma thos ma bsgoms pa dang/ sangs rgyas kyi chos ma 'dres pa rnams kyi bar du ma thos ma bsgoms pa dang/ rnam pa thams cad mkhyen pa nyid kyi bar du ma thos ma bsgoms pa'i phyir ro/ /kau shi ka/ rnam grangs des na 'di ltar 'dzam bu'i gling gi sems can las/ sangs rgyas la mos pa mi phyed pa dang ldan pa dang/ chos la mos pa mi phyed pa dang ldan pa dang/ dge 'dun la mos pa mi phyed pa dang ldan pa de lta bu ni ches nyung ste/ de bas kyang rang byang chub tu yang dag par zhugs par gyur pa'i bar du ches nyung ngo/ /de bas kyang bla na med pa yang dag par rdzogs pa'i byang chub tu yang dag par zhugs par gyur pa ches nyung ngo/ /de bas kyang bsam pa dag pas @86a @#/ /byang chub tu spyod pa ni ches nyung bar rig par bya'o/ /kau shi ka/ mi rnams lta zhog gi /de ji snyam du sems/ 'dzam bu'i gling gi srog chags rnams las/ byang chub kyi phyogs kyi chos sum cu rtsa bdun thob pa dang/ rnam par thar pa'i sgo gsum thob pa dang/ rnam par thar pa brgyad thob pa dang/ mthar gyis gnas pa'i snyoms par 'jug pa dgu thob pa dang/ so so yang dag par rig pa bzhi thob pa dang/ mngon par shes pa drug thob pa de lta bu ni ji snyed cig yod/ 'dzam bu'i gling gi srog chags rnams las/ kun tu sbyor ba gsum spangs pa'i phyir/ rgyun du zhugs par gyur pa dang/ 'dod chags dang/ zhe sdang dang/ gti mug bsrabs pa'i phyir/ lan gcig phyir 'ong bar gyur pa dang/ dam pa ma yin pa'i cha'i kun tu sbyor ba lnga spangs pa'i phyir/ phyir mi 'ong bar gyur pa dang/ bla ma'i cha'i kun tu sbyor ba lnga spangs pa'i phyir/ dgra bcom par gyur pa dang/ rang byang chub tu yang dag par zhugs pa de lta bu ni ji snyed cig yod/ 'dzam bu'i gling gi srog chags rnams las bla na med pa yang dag par rdzogs pa'i byang chub la nem nur med pa dang/ sangs rgyas dang/ chos dang/ dge 'dun la nem nur med pa ni ji snyed cig yod/ 'dzam bu'i gling gi srog chags rnams las mar shes pa dang/ phar shes pa dang/ dge sbyong du shes pa dang/ bram zer @86b shes pa dang/ rigs kyi gtso bo la rim gro byed pa dang/ sbyin pa sbyin pa dang/ tshul khrims bsrung ba dang/ gso sbyin la gnas pa dang/ 'dod pa la kha na ma tho bar 'du shes shing rnam par spyod pa dang/ de bzhin du mi rtag par 'du shes pa dang/ bdag med par 'du shes pa dang/ mi gtsang bar 'du shes pa dang/ 'jig rten thams cad du mngon par dga' ba med par 'du shes pa ni ji snyed cig yod/ 'dzam bu'i gling gi srog chags rnams las/ bla na med pa yang dag par rdzogs pa'i byang chub tu yang dag par zhugs pa ni ji snyed cig yod/ brgya byin gyis gsol pa/ bcom ldan 'das 'dzam bu'i gling gi srog chags rnams las/ byang chub kyi phyogs kyi chos sum cu rtsa bdun thob pa dang/ rnam par thar pa'i sgo gsum thob pa dang/ rnam par thar pa brgyad thob pa dang/ mthar gyis gnas pa'i snyoms par 'jug pa dgu thob pa dang/ so so yang dag par rig pa bzhi thob pa dang/ mngon par shes pa drug thob pa dang/ kun tu sbyor ba gsum spangs pa'i slad du/ rgyun du zhugs par gyur pa dang/ 'dod chags dang/ zhe sdang dang/ gti mug bsrabs pa'i slad du/ lan gcig phyir 'ong bar gyur pa dang/ dam pa ma lags pa'i cha'i kun tu sbyor ba lnga spangs pa'i slad du/ phyir mi 'ong bar gyur pa dang/ bla ma'i cha'i kun tu sbyor ba lnga spangs pa'i slad du/ dgra bcom par gyur pa dang/ rang byang chub tu yang dag par zhugs pa de lta bu ni @87a @#/ /shin tu nyung ngo/ /bcom ldan 'das/ 'dzam bu'i gling gi srog chags las/ bla na med pa yang dag par rdzogs pa'i byang chub tu yang dag par zhugs pa de lta bu ni de bas kyang ches nyung ngo/ /bcom ldan 'das kyis bka' stsal pa/ kau shi ka/ de de bzhin no/ /de de bzhin to/ ji skad smras pa de bzhin te/ kau shi ka/ 'dzam bu'i ging gi srog chags la las byang chub kyi phyogs kyi chos sum cu rtsa bdun thob pa dang/ rnam par thar pa'i sgo gsum thob pa dang/ rnam par thar pa brgyad thob pa dang/ mthar gyis gnas pa'i snyoms par 'jug pa dgu thob pa dang/ so so yang dag par rig pa bzhi thob pa dang/ mngon par shes pa drug thob pa dang/ kun tu sbyor ba gsum spangs pa'i phyir/ rgyun du zhugs pa thob pa dang/ 'dod chags dang/ zhe sdang dang/ gti mug bsrabs pa'i phyir/ lan gcig phyir 'ong bar gyur pa dang/ dam pa ma yin pa'i cha'i kun tu sbyor ba lnga spangs pa'i phyir/ phyir mi 'ong bar gyur pa dang/ bla ma'i cha can gyis kun tu sbyor ba lnga spangs pa'i phyir/ dgra bcom par gyur pa dang/ rang byang chub tu yang dag par zhugs pa dang/ bla na med pa yang dag par rdzogs pa'i byang chub tu yang dag par zhugs pa de lta bu ni nyung ste/ de bas kyang gang bla na med pa yang dag par rdzogs pa'i byang chub tu spyod pa de lta bu ni ches nyung ngo/ /de bas kyang bla na med pa yang dag par rdzogs pa'i byang @87b chub tu mngon par rdzogs par 'tshang rgya bar 'dod pa de lta bu ni ches nyung ngo/ /kau shi ka/ ngas 'di nas sangs rgyas kyi spyan bsgribs pa med pas/ shar phyogs kyi 'jig rten gyi khams ganggA'i klung gi bye ma snyed dag na/ sems can tshad med grangs med pa bla na med pa yang dag par rdzogs pa'i byang chub tu spyod kyang shes rab kyi pha rol tu phyin pa'i thabs mkhas pa dang mi ldan pas/ de las gcig gam/ gnyis shig phyir mi ldog pa'i sa la gnas par 'gyur gyi/ de las phal cher nyan thos dang/ rang sangs rgyas kyi sa la gnas par 'gyur ba mthong ngo/ /de ci'i phyir zhe na/ kau shi ka; bla na med pa yang dag par rdzogs pa'i byang chub ni le lo can/ brtson 'grus med pa/ bsam pa zhan pa/ mos pa dma' ba/ shes rab 'chal pa can rnams kyis bsgrub par dka'o/ /kau shi ka/ ngas 'di nas sangs rgyas kyi spyan bsgribs pa med pas lho dang/ nub dang/ byang dang/ byang shar dang/ shar lho dang/ lho nub dang/ nub byang dang/ 'og dang/ steng gi phyogs kyi 'jig rten gyi khams ganggA'i klung gi bye ma snyed dag na/ sems can tshad med grangs med pa bla na med pa yang dag par rdzogs pa'i byang chub tu spyod kyang/ shes rab kyi pha rol tu phyin pa'i thabs mkhas pa dang mi ldan pas/ de las gcig gam/ gnyis shig phyir mi ldog pa'i sa la gnas par 'gyur gyi/ de las phal cher nyan thos dang/ rang sangs rgyas kyi sa la gnas par 'gyur ba ? mthong ngo/ /de @88a @#/ /ci'i phyir zhe na/ kau shi ka/ bla na med pa yang dag par rdzogs pa'i byang chub ni le lo can/ brtson 'grus med pa/ bsam pa zhan pa/ mos pa dma' ba/ shes rab 'chal pa can rnams kyis bsgrub par dka'o/ /kau shi ka/ de bas na rigs kyi bu'am/ rigs kyi bu mo gang bla na med pa yang dag par rdzogs pa'i byang chub tu yang dag par zhugs pa de dag myur zhing bde bas/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod na/ yang dang yang du shes rab kyi pha rol tu phyin pa 'di la mnyan par bya'o/ / gzung bar bya'o/ /bcang bar bya'o/ /bklag par bya'o/ /kun chub par bya'o/ /tshul bzhin tu yid la bya'o/ /de dag gis shes rab kyi pha rol tu phyin pa 'di gzung zhing bcang ba dang/ bklag cing kun chub pa dang/ tshul bzhin du yid la byas shing bris te/ me tog dang/ bdug spos dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang pos rim gror bya'o/ /bkur stir bya'o/ /bsti stang du bya'o/ /mchod par bya'o/ /dge ba'i chos gang ji snyed pa gzhan yang shes rab kyi pha rol tu phyin pa 'di'i nang du 'du ste; de dag kyang gzung bar bya/ bcang bar bya/ bklag par bya/ kun chub par bya/ tshul bzhin du yid la bya ste/ 'di ltar sbyin pa'i pha rol tu phyin pa dang/ tshul khrims kyi pha rol tu phyin pa dang/ @88b bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dang/ nang stong pa nyid dang/ dngos po med pa'i ngo bo nyid stong pa nyid kyi bar dang/ dran pa nye bar bzhag pa rnams dang/ 'phags pa'i lam yan lag brgyad pa'i bar dang/ sangs rgyas kyi chos ma 'dres pa bco brgyad kyi bar dang/ gzhan yang sangs rgyas kyi chos tshad med pa gang ji snyed shes rab kyi pha rol tu phyin pa 'di'i nang du 'dus pa de dag kyang gzung bar bya'o/ /bcang bar bya'o/ /bklag par bya'o/ /kun chub par bya'o/ /tshul bzhin du yid la bya'o/ /de ci'i phyir zhe na/ kau shi ka/ de ni 'di ltar rigs kyi bu'am/ rigs kyi bu mo de dag 'di ltar shes par 'gyur te/ de bzhin gshegs pa sngon byang chub sems dpa'i spyad pa spyod pa'i tshe yang/ 'di ltar shes rab kyi pha rol tu phyin pa dang/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa dang/ nang stong pa nyid dang/ dngos po med pa'i ngo bo nyid stong pa nyid kyi bar dang/ dran pa nye bar bzhag pa bzhi dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par @89a @#/ /'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang; smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad po 'di dag dang/ gzhan yang sangs rgyas kyi chos tshad med pa dag la bslab par mdzad kyi/ bdag cag gis kyang de'i rjes su bslab par bya'o/ /'di lta ste/ shes rab kyi pha rol tu phyin pa 'di ni bdag cag gi ston pa'o/ /sangs rgyas kyi chos gzhan tshad med pa'i bar du yang bdag cag gi ston pa ste/ de ni sangs rgyas bcom ldan 'das rnams kyis bstan pa'o/ /rang sangs rgyas dang/ dgra bcom pa dang/ phyir mi 'ong ba dang/ lan gcig phyir 'ong ba dang/ rgyun du zhugs pa rnams kyis bstan pa yang 'di yin te/ shes rab kyi pha rol tu phyin pa'o/ /shes rab kyi pha rol tu phyin pa 'di la slob slob pa dang/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la slob slob pa dang/ nang stong pa nyid la slob slob @89b pa dang/ dngos po med pa'i ngo bo nyid stong pa nyid kyi bar la slob slob pa dang/ dran pa nye bar bzhag pa rnams la slob slob pa dang/ 'phags pa'i lam yan lag brgyad pa'i bar la slob slob pa dang/ sangs rgyas kyi chos ma 'dres pa rnams kyi bar la slob slob pa dang/ rnam pa thams cad mkhyen pa nyid kyi bar la slob slob pa'i sangs rgyas bcom ldan 'das rnams dang/ rang sangs rgyas rnams dang/ dgra bcom pa rnams dang/ phyir mi 'ong ba rnams dang/ lan gcig phyir 'ong ba rnams dang/ rgyun du zhugs pa rnams kyis kyang pha rol tu phyin par gyur to/ /pha rol tu phyin to/ /pha rol tu phyin par 'gyur ro zhes bya bar shes par 'gyur ro/ /kau shi ka/ de bas na rigs kyi bu'am/ rigs kyi bu mo de dag gis de bzhin gshegs pa bzhugs kyang rung/ de bzhin gshegs pa yongs su mya ngan las 'das kyang rung ste/ shes rab kyi pha rol tu phyin pa 'di nyid la brten par bya'o/ /de ci'i phyir zhe na/ kau shi ka/ shes rab kyi pha rol tu phyin pa 'di nyid nyan thos dang/ rang sangs rgyas dang/ byang chub sems dpa' sems dpa' chen po thams cad kyi rten yin te/ lha dang/ mi dang/ lha ma yin gyi skye dgu'i bar gyi rten yin no/ /de dag gis bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa dang/ rnam pa thams cad @90a @#/ /mkhyen pa nyid kyi bar la brten par bya ste/ de ci'i phyir zhe na/ kau shi ka/ rnam pa thams cad mkhyen pa nyid 'di ni nyan thos dang/ rang sangs rgyas dang/ byang chub sems dpa' sems dpa' chen po thams cad kyi rten yin te/ lha dang/ mi dang/ lha ma yin gyi skye dgu'i bar gyi rten yin no// //shes rab kyi pha rol tu phyin pa stong phra nyi shu lnga pa/ bam po sum cu gnyis pa/ kau shi ka/ rigs kyi bu'am/ rigs kyi bu mo gang la la zhig gis/ de bzhin gshegs pa yongs su mya ngan las 'das nas/ mchod pa'i phyir rin po che sna bdun gyis mchod rten 'phang du dpag tshad tsam la/ rgyar dpag tshad phyed pa byas te/ de la nam 'tshe'i bar du lha rdzas kyi me tog dang/ phreng ba dang/ spos dang/ byug pa dang/ phye ma dang/ chos gos dang; na bza' dang/ gdugs dang/ rgyal mtshan dang/ ba dan dang/ lha rdzas kyi sil snyan mang pos rim gror byas/ bkur stir byas/ bsti stang du byas/ mchod par byas na/ kau shi ka/ de la ji snyam du sems/ de'i phyir rigs kyi bu'am/ rigs kyi bu mo de'i bsod nams mang du 'phel lam/ brgya byin gyis gsol pa/ bcom ldan 'das/ mang ngo/ /bde bar gshegs pa mang ngo/ /bcom ldan 'das kyis bka' stsal pa/ kau shi ka/ de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di bris shing 'dzin pa dang/ 'chang ba dang/ @90b klog pa dang/ kun chub par byed pa dang/ tshul bzhin du yid la byed pa dang/ gzhan la'ang rgya cher ston cing/ rnam pa thams cad mkhyen pa nyid kyi sems dang yang mi 'bral la/ gong du me tog dang/ phreng ba dang/ spos dang/ byug pa dang/ phye ma dang/ chos gos dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed; bkur stir byed/ bsti stang du byed/ mchod par byed na/ de'i bsod nams ches mang du 'phel lo/ /kau shi ka/ mchod rten cig lta zhog gi/ kau shi ka/ gal te rigs kyi bu'am/ rigs kyi bu mo gang la la zhig gis/ de bzhin gshegs pa yongs su mya ngan las 'das nas mchod pa'i phyir 'dzam bu'i gling 'di rin po che sna bdun las byas pa'i mchod rten 'phang du dpag tshad tsam la/ rgyar dpag tshad phyed pas yongs su bkang ste/ de dag la nam 'tsho'i bar du lha rdzas kyi me tog dang/ phreng ba dang/ spos dang/ byug pa dang/ phye ma dang/ chos gos dang/ na bza' dang/ gdugs dang/ rgyal mtshan dang/ ba dan dang/ lha rdzas kyi sil snyan mang pos rim gror byas/ bkur stir byas/ bsti stang du byas/ mchod par byas na/ kau shi ka/ de la ji snyam du sems/ de'i phyir rigs kyi bu'am/ rigs kyi bu mo de'i bsod nams mang du 'phel lam/ brgya byin gyis gsol pa/ bcom ldan 'das/ mang ngo/ /bde bar gshegs pa/ mang @91a @#/ /ngo/ /bcom ldan 'das kyis bka' stsal pa/ kau shi ka/ de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di bris shing 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed cing/ rnam pa thams cad mkhyen pa nyid kyi sems dang yang mi 'bral la/ gong du me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed/ bkur stir byed/ bsti stang du byed/ mchod par byed na/ de'i bsod nams ches mang du 'phel lo/ /kau shi ka/ 'dzam bu'i gling 'di de bzhin gshegs pa'i mchod rten gyis yongs su bkang ba lta zhog gi/ kau shi ka/ gal te rigs kyi bu'am/ rigs kyi bu mo gang la la zhig gis/ de bzhin gshegs pa yongs su mya ngan las 'das nas/ mchod pa'i phyir gling bzhi pa'i 'jig rten gyi khams 'di rin po che sna bdun las byas pa'i mchod rten 'phang du dpag tshad tsam la/ rgyar dpag tshad phyed pas yongs su bkang ste/ de dag la nam 'tsho'i bar du lha rdzas kyi me tog dang/ phreng ba dang/ spos dang/ byug pa dang/ phye ma dang/ chos gos dang/ na bza' dang/ gdugs dang/ rgyal mtshan dang/ ba dan dang/ lha rdzas kyi sil snyan mang pos rim gror byas/ bkur @91b stir byas/ bsti stang du byas/ mchod par byas na/ kau shi ka/ de la ji snyam du sems/ de'i phyir rigs kyi bu'am/ rigs kyi bu mo de'i bsod nams mang du 'phel lam/ brgya byin gyis gsol pa bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di glegs bam du byas te/ 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa dang/ bris shing me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed/ bkur stir byed/ bsti stang du byed/ mchod par byed na/ de'i bsod nams ches mang du 'phel lo/ /kau shi ka/ gling bzhi pa'i 'jig rten gyi khams de bzhin gshegs pa'i mchod rten gyis yongs su bkang ba lta zhog gi/ kau shi ka/ gal te rigs kyi bu'am/ rigs kyi bu mo gang la la zhig gis/ de bzhin gshegs pa yongs su mya ngan las 'das nas mchod pa'i phyir/ stong gi 'jig rten gyi khams byur bu 'di rin po che sna bdun las byas pa'i mchod rten 'phang du dpag tshad tsam la/ rgyar dpag tshad phyed pas yongs su bkang ste/ de dag la nam 'tsho'i bar du lha rdzas kyi me tog dang/ phreng ba dang/ spos dang/ @92a @#/ /byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ lha rdzas kyi sil snyan mang pos rim gror byas/ bkur stir byas/ bsti stang du byas/ mchod par byas na/ kau shi ka/ de la ji snyam du sems/ de'i phyir rigs kyi bu'am/ rigs kyi bu mo de'i bsod nams mang du 'phel lam/ brgya byin gyis gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di glegs bam du byas shing 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa dang/ bris shing me tog dang/ phreng ba dang/ sdos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed/ bkur stir byed/ bsti stang du byed/ mchod par byed na; de'i bsod nams ches mang du 'phel lo/ /kau shi ka/ stong gi 'jig rten gyi khams byur bu de bzhin gshegs pa'i mchod rten gyis yongs su bkang ba lta zhog gi/ kau shi ka/ gal te rigs kyi bu'am/ rigs kyi bu mo la la zhig gis/ de bzhin gshegs pa yongs su mya ngan las 'das nas mchod pa'i phyir/ 'jig rten gyi khams 'bring po stong gnyis pa 'di rin @92b po che sna bdun las byas pa'i mchod rten 'phang du dpag tshad tsam la/ rgyar dpag tshad phyed pas yongs su bkang ste/ de dag la nam 'tsho'i bar du lha rdzas kyi me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan mang pos rim gror byas/ bkur stir byas/ bsti stang du byas/ mchod par byas na/ kau shi ka/ de la ji snyam du sems/ de'i phyir rigs kyi bu'am/ rigs kyi bu mo de'i bsod nams mang du 'phel lam/ brgya byin gyis gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di bris shing 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed cing/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed/ bkur stir byed/ bsti stang du byed/ mchod par byed na/ de'i bsod nams ches mang du 'phel lo/ /kau shi ka/ 'jig rten gyi khams 'bring po stong gnyis pa 'di/ de bzhin gshegs pa'i mchod rten gyis yongs su bkang ba lta zhog gi/ kau shi ka/ gal te rigs kyi bu'am/ rigs kyi bu mo gang la la zhig gis/ de @93a @#/ /bzhin gshegs pa yongs su mya ngan las 'das nas mchod pa'i phyir/ stong gsum gyi stong chen po'i 'jig rten gyi khams rin po che sna bdun las byas pa'i mchod rten 'phang du dpag tshad tsam la/ rgyar dpag tshad phyed pas yongs su bkang ste/ de dag la nam 'tsho'i bar du lha rdzas kyi me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ lha rdzas kyi sil snyan mang pos rim gror byas/ bkur stir byas/ bsti stang du byas/ mchod par byas na/ kau shi ka/ de la ji snyam du sems/ rigs kyi bu'am/ rigs kyi bu mo de'i bsod nams mang du 'phel lam/ brgya byin gyis gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di bris shing 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed cing/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed/ bkur stir byed/ bsti stang du byed/ mchod par byed na/ de'i bsod nams ches mang du 'phel lo/ /kau shi ka/ stong gsum @93b gyi stong chen po'i 'jig rten gyi khams de bzhin gshegs pa'i mchod rten gyis yongs su bkang ba lta zhog gi /kau shi ka/ stong gsum gyi stong chen po'i 'jig rten gyi khams na/ sems can ji snyed yod pa de dag las sems can re res/ de bzhin gshegs pa yongs su mya ngan las 'das nas mchod pa'i phyir/ rin po che sna bdun las byas pa'i mchod rten 'phang du dpag tshad tsam la/ rgyar dpag tshad phyed pa sha stag byas te/ de dag la nam 'tsho'i bar du lha rdzas kyi me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ lha rdzas kyi sil snyan mang pos rim gror byas/ bkur stir byas/ bsti stang du byas/ mchod par byas pa bas/ rigs kyi bu'am/ rigs kyi bu mo gang la las; shes rab kyi pha rol tu phyin pa 'di bris shing bzung ba dang/ bcangs pa dang/ bklags pa dang/ kun chub par byas pa dang/ tshul bzhin du yid la byas pa dang/ rnam pa thams cad mkhyen pa nyid kyi sems dang yang ma bral bar byas te/ de la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byas/ bkur stir byas/ bsti stang du byas/ mchod par byas na/ de nyid bsod nams mang du 'phel lo/ /brgya byin gyis gsol pa/ bcom ldan 'das/ de de lags @94a @#/ /so; ;bde bar gshegs pa de de lags te/ bcom ldan 'das/ shes rab kyi pha rol tu phyin pa la rim gror bgyis pa dang/ bkur stir bgyis pa dang/ bsti stang du bgyis pa dang; mchod par bgyis pas ni/ 'das pa dang/ ma byon pa dang/ da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams la rim gror bgyis pa dang; bkur stir bgyis pa dang/ bsti stang du bgyis pa dang/ mchod par bgyis par 'gyur ro/ /shar phyogs kyi 'jig rten gyi khams ganggA'i klung gi bye ma snyed na/ sems can ji snyed cig mchis pa de dag las/ sems can re res kyang de bzhin gshegs pa yongs su mya ngan las 'das nas mchod pa'i slad du/ rin po che sna bdun las bgyis pa'i mchod rten 'phang du dpag tshad tsam la/ rgyar dpag tshad phyed pa sha stag bgyis te/ de dag la bskal pa'am/ bskal pa'i lhag mar lha rdzas kyi me tog dang/ phreng ba dang/ spos dang/ byug pa dang/ phye ma dang/ na bza' dang; gdugs dang/ rgyal mtshan dang/ ba dan dang/ lha rdzas kyi sil snyan sna tshogs kyis rim gror bgyis/ bkur stir bgyis/ bsti stang du bgyis/ mchod par bgyis pa dang/ lho dang/ nub dang; byang dang/ byang shar dang/ shar lho dang/ lho nub dang/ nub byang dang/ 'og dang/ steng gi phyogs kyi phyogs re re zhing 'jig rten gyi khams ganggA'i klung gi bye ma snyed na/ sems can ji @94b snyed cig mchis pa de dag las/ sems can re res kyang de bzhin gshegs pa yongs su mya ngan las 'das nas mchod pa'i slad du/ rin po che sna bdun las bgyis pa'i mchod rten 'phang du dpag tshad tsam la/ rgyar dpag tshad phyed pa sha stag bgyis te/ de dag la bskal pa'am/ bskal pa'i lhag mar lha rdzas kyi me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ lha rdzas kyi sil snyan sna tshogs kyis rim gror bgyis/ bkur stir bgyis/ bsti stang du bgyis/ mchod par bgyis na/ bcom ldan 'das/ de la ji ltar dgongs/ de'i slad du rigs kyi bu'am/ rigs kyi bu mo de dag gi bsod nams mang du 'phel ba lags sam/ bcom ldan 'das kyis bka' stsal pa/ kau shi ka/ mang ngo/ / brgya byin gyis gsol pa/ bcom ldan 'das/ de bas kyang rigs kyi bu'am/ rigs kyi bu mo gang shes rab kyi pha rol tu phyin pa 'di bris shing 'dzin pa dang/ 'chang ba dang/ klog pa dang/ kun chub par bgyid cing/ de la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror bgyis/ bkur stir bgyis/ bsti stang du bgyis/ mchod par bgyis na/ de'i bsod nams ches mang du 'phel lo/ /de ci'i slad du zhe na/ bcom ldan 'das/ shes rab kyi pha rol tu phyin pa @95a @#/ /'di'i nang du dge ba'i chos thams cad 'dus te/ 'di ltar dge ba bcu'i las kyi lam dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dang/ nang stong pa nyid dang/ dngos po med pa'i ngo bo nyid stong pa nyid kyi bar dang/ dran pa nye bar bzhag pa rnams dang/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ 'phags pa'i bden pa dang/ sdug bsngal ba dang/ kun 'byung ba dang/ 'gog pa dang/ lam dang/ mngon par shes pa drug dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ ting nge 'dzin thams cad dang/ gzungs kyi sgo thams cad dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad @95b dang/ rnam pa thams cad mkhyen pa nyid kyi bar du'ang 'dus so/ /de ni sangs rgyas bcom ldan 'das rnams kyi bstan pa ste/ de la bslabs shing 'das pa dang/ ma byon pa dang/ da ltar byung ba'i nyan thos dang/ rang sangs rgyas dang/ sangs rgyas bcom ldan 'das thams cad kyis chos thams cad kyi pha rol tu phyin par gyur to/ /phyin to/ /phyin par 'gyur ro/ /shes rab kyi pha rol tu phyin pa stong phrag nyi shu lnga pa las le'u bco brgyad pa'o// //de nas bcom ldan 'das kyis/ lha'i dbang po brgya byin la 'di skad ces bka' stsal to/ /kau shi ka/ de de bzhin no/ /de de bzhin te/ rigs kyi bu'am/ rigs kyi bu mo de dag gi bsod nams mang du 'phel lo/ /gang gis shes rab kyi pha rol tu phyin pa 'di bris shing glegs bam du byas te 'dzin cing 'chang ba dang/ klog cing kun chub par byed pa dang/ tshul bzhin du yid la byed cing/ gong du me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byas/ bkur stir byas/ bsti stang du byas/ mchod par byas na/ de'i phyir rigs kyi bu'am/ rigs kyi bu mo de dag gi bsod nams ni tshad med grangs med bsam gyis mi khyab mtshungs pa med/ dpag tu med par 'phel lo/ /de ci'i phyir zhe na/ kau shi ka/ shes rab kyi pha rol tu phyin pa las byung ba ni/ @96a @#/ /de bzhin gshegs pa dgra bcom pa yang dag par rdzogs pa'i sangs rgyas rnams kyi rnam pa thams cad mkhyen pa nyid do/ /shes rab kyi pha rol tu phyin pa las byung ba ni pha rol tu phyin pa lnga dang/ nang stong pa nyid dang/ dngos po med pa'i ngo bo nyid stong pa nyid kyi bar dang/ dran pa nye bar bzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang/ sangs rgyas kyi chos ma 'dres pa rnams dang/ de bzhin gshegs pa'i spyan lnga dang/ sems can yongs su smin pa dang/ sangs rgyas kyi zhing yongs su dag pa'o/ /kau shi ka/ shes rab kyi pha rol tu phyin pa las byung ba ni/ thams cad shes pa nyid dang/ lam gyi rnam pa shes pa dang/ rnam pa thams cad @96b mkhyen pa nyid do/ /kau shi ka/ shes rab kyi pha rol tu phyin pa las byung ba ni nyan thos kyi theg pa dang/ rang sangs rgyas kyi theg pa dang/ theg pa chen po'o/ /kau shi ka/ shes rab kyi pha rol tu phyin pa las byung ba ni bla na med pa yang dag par rdzogs pa'i byang chub bo/ /kau shi ka/ de bas na rigs kyi bu'am/ rigs kyi bu mo gang la las shes rab kyi pha rol tu phyin pa 'di bris te/ glegs bam du byas shing 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa dang/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byas/ bkur stir byas/ bsti stang du byas/ mchod par byas na/ bsod nams mngon par 'du bya ba 'di la bsod nams mngon par 'du bya ba snga mas brgya'i char yang nye bar mi 'gro'o/ /stong gi cha dang/ brgya phrag stong gi cha dang/ bye ba'i cha dang/ bye ba brgya'i cha dang/ bye ba stong gi cha dang/ bye ba brgya phrag stong gi cha dang/ grangs dang/ cha dang/ bgrang ba dang/ dper yang nye bar mi 'gro/ rgyur yang mi bzod do/ /de ci'i phyir zhe na/ kau shi ka/ shes rab kyi pha rol tu phyin pa 'di ji srid du 'dzam bu'i gling du gnas pa de srid du/ sangs rgyas dkon mchog nub par mi 'gyur ro/ /chos dkon mchog nub par mi 'gyur ro/ /dge 'dun dkon mchog nub par mi 'gyur ro/ /de srid du dge @97a @#/ /ba bcu'i las kyi lam dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga dang/ sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dang/ nang stong pa nyid dang/ dngos po med pa'i ngo bo nyid stong pa nyid kyi bar dang/ dran pa nye bar bzhag pa rnams dang/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang/ sangs rgyas kyi @97b chos ma 'dres pa bco brgyad dang/ rnam pa thams cad mkhyen pa nyid kyi bar du 'jig rten du 'byung bar 'gyur ro/ /de srid du rgyal rigs che zhing mtho ba rnams dang/ bram zo'i rigs che zhing mtho ba rnams dang/ khyim bdag gi rigs che zhing mtho ba rnams dang/ rgyal chen bzhi'i ris kyi lha rnams dang/ sum cu rtsa gsum dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed dang/ 'og min gyi bar gyi lha rnams 'jig rten du 'byung bar 'gyur ro/ /rgyun du zhugs pa rnams gyis gnas pa' snyoms par 'jug pa rnams dang/ rnam par thar pa'i sgo s dgra bcom pha rnams dang/ rang sangs rgyas rnams dang/ yang dag par rdzogs pa'i sangs rgyas rnams 'jig rten du 'byung bar 'gyur ro/ /byang chub sems dpa' sems dpa' chen po rnams 'byung ba yod do/ /bla na med pa'i sangs rgyas kyi ye shes dang/ chos kyi 'khor lo bskor ba dang/ sems can yongs su smin pa dang/ sangs rgyas kyi zhing yongs su dag pa yod do/ /de nas stong gsum gyi stong chen po'i 'jig rten gyi khams 'di na/ rgyal chen bzhi'i ris kyi lha rnams dang/ 'og min gyi bar gyi lha gang ji snyed yod pa de dag la/ lha'i dbang po brgya byin gyis smras pa/ grogs po dag /shes rab kyi pha rol tu phyin pa gzung bar bya'o/ /bcang bar bya'o/ /bklag par bya'o/ /kun chub par bya'o/ /tshul bzhin du yid la bya'o/ /grogs po dag /shes rab kyi pha rol tu @98a @#/ /phyin pa 'di bzung ba dang/ bcangs pa dang/ bklags pa dang/ kun chub par byas pa dang/ tshul bzhin du yid la byas pas ni/ sangs rgyas kyi tshul rgyun chad par mi 'gyur ro/ /chos kyi tshul rgyun chad par mi 'gyur ro/ /dge 'dun gyi tshul rgyun chad par mi 'gyur ro/ /grogs po dag/ dkon mchog gsum gyi tshul rgyun ma chad na/ pha rol tu phyin pa thams cad 'jig rten du 'byung bar 'gyur ro/ /nang stong pa nyid dang/ dngos po med pa'i ngo bo nyid stong pa nyid kyi bar dang/ dran pa nye bar bzhag pa rnams dang/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa dang/ 'phags pa'i bden pa rnams dang/ bsam gtan rnams dang; tshad med pa rnams dang/ gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa rnams dang/ rnams par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang/ sangs rgyas kyi chos ma 'dres pa rnams dang/ byang chub sems dpa'i spyod pa dang/ rgyun du @98b zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ bla na med pa yang dag par rdzogs pa'i byang chub 'jig rten du 'byung bar 'gyur ro/ /de nas bcom ldan 'das kyis lha'i dbang po brgya byin la bka' stsal pa/ kau shi ka/ khyod kyis shes rab kyi pha rol tu phyin pa 'di gzung zhig /chongs shig /lhogs shig ;kun chub par gyis shig /kau shi ka/ shes rab kyi pha rol tu phyin pa 'di tshul bzhin du yid la gyis shig /de ci'i phyir zhe na/ kau shi ka/ nam lha ma yin rnams 'di snyam su sems shing/ sum cu rtsa gsum gyi lha rnams dang 'thab mo bya'o/ /sum cu rtsa gsum gyi lha rnams dang mtshams brdal lo snyam na de'i tshe/ kau shi ka/ khyod kyis shes rab kyi pha rol tu phyin pa 'di yid kyis sems la kha ton gyis shig /tshul bzhin du yid la gyis shig dang/ des lha ma yin gyi bsam pa de dag phyir nub par 'gyur te/ sems bskyed pa de dag slar zhi zhing rnam par 'phel bar mi 'gyur ro/ /lha'i bu dang/ lha'i bu mo gang dag shi 'pho ba'i tshe/ nam bdag cag ngan song du skye bar mthong na yang/ kau shi ka/ khyod kyis de dag gi mdun du shes rab kyi pha rol tu phyin pa 'di kha ton du gyis shig /de dag gis shes rab kyi pha rol tu phyin pa thos pa'i dge ba'i rtsa ba dang/ shes rab kyi pha rol tu phyin pa la mos pas lha'i gnas de nyid du skye bar 'gyur ro/ /de ci'i phyin zhe na/ kau shi ka/ shes rab kyi pha rol tu phyin pa 'di @99a @#/ /thos pa ni de ltar don dang ldan pa ste/ rigs kyi bu'am/ rigs kyi bu mo gang su'ang rung ste/ de dag gis shes rab kyi pha rol tu phyin pa 'di thos par gyur pa de dag thams cad kyang dge ba'i rtsa ba des mthar gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de ci'i phyir zhe na/ kau shi ka/ de ni 'di ltar 'das pa'i su skyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa ji snyed cig byung ba de dag kyang/ shes rab kyi pha rol tu phyin pa 'di la bslabs nas/ phung po lus pa'i mya ngan las 'das pa'i dbyings su yongs su mya ngan las 'das so/ /ma 'ongs ba'i dus kyi de bzhin gshegs pa dgra bcom pa yang dag par rdzogs pa'i snags rgyas nyan thos kyi dge 'dun dang bcas pa ji snyed cig 'byung ba de dag kyang shes rab kyi pha rol tu phyin pa 'di nyid la bslabs shing/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /da ltar phyogs bcu'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa ji snyed cig bzhugs shing 'tsho skyong ba de dag thams cad kyang shes rab kyi pha rol tu phyin pa 'di nyid la bslabs te/ bla na @99b med nga yang dag par rdzogs pa'i byang chub tu mngon par rdzogs par sangs rgyas so/ /de ci'i phyir zhi na/ kau shi ka/ de ni 'di ltar shes rab kyi pha rol tu phyin pa 'di'i nang du nyan thos kyi chos sam/ rang sangs rgyas kyi chos sam/ byang chub sems dpa'i chos bsam/ sangs rgyas kyi chos kyang rung ste/ byang chub kyi phyogs kyi chos thams cad 'dus so/ /brgya byin gyis gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni rig sngags chen mo'o/ /bcom ldan 'das/ 'di lta ste/ shes rab kyi pha rol tu phyin pa 'di ni bla na med pa'i rig sngags so/ /bcom ldan 'das/ 'di lta ste/ shes rab kyi pha rol tu phyin pa 'di ni mi mnyam pa dang mnyam pa'i rig sngags so/ /de ci'i slad du zhe na/ bcom ldan 'das/ de ni 'di ltar shes rab kyi pha rol tu phyin pa ni mi dge ba'i chos thams cad spong ba'o/ /dge ba'i chos thams cad sgrub pa'o/ /bcom ldan 'das kyis bka' stsal pa/ kau shi ka/ de de bzhin no/ /de de bzhin te; kau shi ka/ 'di ltar shes rab kyi pha rol tu phyin pa 'di ni rig sngags chen mo'o/ /kau shi ka/ 'di lta ste/ shes rab kyi pha rol tu phyin pa 'di ni bla na med pa'i rig sngags so/ /kau shi ka/ 'di lta ste/ shes rab kyi pha rol tu phyin pa 'di ni mi mnyam pa dang mnyam pa'i rig sngags so/ /de ci'i phyir zhe na/ kau shi ka/ de ni 'di ltar 'das pa dang/ ma byon pa dang/ da ltar phyogs @100a @#/ /bcu'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas ji snyed cig bzhugs shing 'tsho skyong ba de dag kyang rig sngags 'di nyid la brten te/ bla na med pa yang dag par rdzogs pa'i byang chub tu mngon par rdzogs par sangs rgyas par gyur to/ /mngon par rdzogs par sangs rgyas so/ /mngon par rdzogs par 'tshang rgya bar 'gyur ro/ /de ci'i phyir zhe na/ kau shi ka/ de ni 'di ltar rig sngags 'di yod na/ dge ba bcu'i las kyi lam rnams 'jug rten na yod pa yin/ bsam gtan bzhi dang/ tshad med pa bzhi dang/ gzugs med pa'i snyoms 'jug pa bzhi dang/ mngon par shes pa lnga 'jig rten nas yod pa yin/ pha rol tu phyin pa thams cad dang/ stong pa nyid thams cad dang/ dran pa nye bar bzhag pa rnams dang/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa dang/ 'phags pa'i bden pa rnams dang/ bsam gtan rnams dang/ tshad med pa rnams dang gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa rnams dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon @100b par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang/ sangs rgyas kyi chos ma 'dres pa rnams 'jig rten na yod a yin/ chos kyi dbyings 'jig rten na yod pa yin/ yang dag pa'i mtha' dang/ de bzhin nyid dang/ ma nor bde bzhin nyid dang/ gzhan ma yin pa de bzhin nyid dang/ chos nyid dang/ chos kyi gnas nyid dang/ chos skyon med pa nyid 'jig rten na yod pa yin/ mig lnga 'jig rten na yod pa yin; rgyun du zhugs pa'i 'bras bu 'jug rten na yod pa yin/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub 'jig rten na yod pa yin; thams cad shes pa nyid 'jig rten na yod pa yin/ lam gyi rnam pa shes pa nyid dang/ rnam pa thams cad mkhyen pa nyid 'jig rten na yod pa yin/ kau shi ka/ byang chub sems dpa' yod na dge ba bcu'i las kyi lam rnams 'jig rten na gdags su yod pa yin/ rnam pa thams cad mkhyen pa nyid kyi bar du 'jig rten na gdags su yod pa yin/ rgyun du zhugs pa 'jig rten na gdags su yod pa yin/ lan gcig phyir 'ong ba dang/ phyir mi 'ong ba dang/ dgra bcom pa dang/ rang sangs rgyas 'jig rten na gdags su yod pa yin/ de bzhin gshegs pa dgra bcom pa yang dag par @101a @#/ /rdzogs pa'i sangs rgyas 'jig rten na gdags su yod pa yin no/ /kau shi ka/ 'di lta ste/ dper na/ zla ba'i dkyil 'khor yod na rtsi dang/ rgyu skar dang/ skar ma thams cad 'jig rten na gdags su yod do/ /kau shi ka/ de bzhin du byang chub sems dpa'i zla ba'i dkyil 'khor yod na/ dge ba'i spyod pa dang/ yang dag pa'i spyod pa dang/ dge ba bcu'i las kyi lam dang/ pha rol tu phyin pa thams cad dang/ stong pa nyid thams cad dang/ dran pa nye bar bzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa'i rtsi thams cad gdags su yod do/ /slob pa dang/ mi slob pa dang/ nyan thos dang/ rang sangs rgyas kyi rgyu skar dang/ skar ma thams cad kyang gdags su yod do/ /de bzhin @101b gshegs pa dgra bcom pa yang dag par rdzogs pa'i sangs rgyas kyang 'jig rten na yod par 'gyur ro/ /gang gi tshe sangs rgyas bcom ldan 'das rnams 'jig rten du ma byung ba de'i tshe na'ang/ byang chub sems dpa' sems dpa' chen po rnams sems can rnams la 'jig rten pa dang/ 'jig rten las 'das pa'i chos ston to/ /de ci'i phyir zhe na/ byang chub sems dpa' las byung ba ni nyan thos kyi theg pa dang/ rang sangs rgyas kyi theg pa dang/ theg pa chen po rnams te/ byang chub sems dpa' sems dpa' chen po thabs la mkhas pa gang dang ldan pas/ pha rol tu phyin pa drug la spyod pa dang/ stong pa nyid thams cad la spyod pa dang/ byang chub kyi phyogs kyi chos sum cu rtsa bdun la spyod pa dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum la spyod pa dang/ mngon par shes pa drug dang/ stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad la spyod pa dang/ nyan thos kyi sar mi ltung ba dang/ rang sangs rgyas kyi sa mngon du mi byed pa dang/ sems can yongs su smin par byed pa dang/ sangs rgyas kyi zhing yang yongs su dag par byed pa dang/ tshe phun sum tshogs pa yang @102a @#/ /yongs su 'dzin pa dang/ sems can phun sum tshogs pa yongs su 'dzin pa dang/ sangs rgyas kyi zhing phun sum tshogs pa yongs su 'dzin pa dang/ byang chub sems dpa' phun sum tshogs pa yongs su 'dzin pa dang/ rnam pa thams cad mkhyen pa nyid rjes su thob par byed pa'i thabs mkhas pa de yang/ shes rab kyi pha rol tu phyin pa las byung bar rig par bya'o; ;kau shi ka/ gzhan yang rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa de ni tshe 'di'i yon tan 'di dag dang/ tshe rabs gzhan gyi yon tan 'di dag dang yang ldan par 'gyur ro/ /brgya byin gyis gsol pa/ bcom ldan 'das/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par bgyid pa dang/ tshul bzhin du yid la bgyid pa de tshe 'di'i yon tan gang dang ldan par 'gyur ba lags/ bcom ldan 'das kyis bka' stsal pa/ kau shi ka/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa de/ sngon gyi las kyi rnam par smin pa ma gtogs par dug gis dus byed par mi 'gyur ro/ /mtshon gyis dus @102b byed par mi 'gyur ro/ /mes dus byed par mi 'gyur ro/ /chus dus byed par mi 'gyur ro/ /nad brgya rtsa gcig gi bar gyis dus byed par mi 'gyur ro/ /rgyal po dang/ blon pos gnod par bya ba zhig byung ba las/ gal te rigs kyi bu'am/ rigs kyi bu mo shes rab kyi pha rol tu phyin pa 'di kha ton du byed cing/ rgyal po'i pho brang du song na/ de la glags tshol ba de dag gis glags mi rnyed de/ rgyal po'i bu dang/ rgyal po'i blon po chen po dag kyang gtam dri ba dang/ gtam bya bar sems shing/ dga' bar bya bar sems par 'gyur ro/ /de ci'i phyir zhe na/ de ni shes rab kyi pha rol tu phyin pa 'di nyid kyi gzi brjid dang mthus de ltar sems so/ /gal te rigs kyi bu'am rigs kyi bu mo gang shes rab kyi pha rol tu phyin pa 'di nyid kha ton du byed cing/ rgyal po'i pho brang du song na/ de la rgyal po'i bu'am/ rgyal po'i blon po chen po dag kyang dga' ba'i tshig gis gtam dri ba dang/ gtam bya bar sems shing/ dga' bar bya bar sems par 'gyur ro/ /de ci'i phyir zhe na/ kau shi ka/ de ni 'di ltar rigs kyi bu'am/ rigs kyi bu mo de dag gis sems can thams cad la byams pa'i sems nye bar bzhag /snying rje'i sems dang/ dga' ba'i sems dang; btang snyoms kyi sems nye bar bzhag pa'i phyir te/ kau shi ka/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun @103a @#/ /chub par byed pa dang/ tshul bzhin du yid la byed pa de ni/ tshe 'di'i yon tan de dag dang ldan par 'gyur ro/ /kau shi ka/ tshe rabs gzhan gyi yon tan gang dag dang yang ldan par 'gyur zhe na/ 'di lta ste/ nam yang dge ba bcu'i las kyi lam dang bral bar mi 'gyur te/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ pha rol tu phyin pa drug dang/ byang chub kyi phyogs kyi chos sum cu rtsa bdun dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa rnams dang/ rnam par thar pa'i sgo gsum dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ sangs rgyas kyi chos ma 'dres pa rnams dang bral bar mi 'gyur ro/ /de sems can rnams yongs su smin par bya ba'i mi 'gyur/ nam yang dbul po'i rigs su mi skye/ smyig @103b ma can dmyal ba dang/ byol song gi skye gnas dang/ gshin rje'i 'jig rten du mi skye'o/ /de nam yang yan lag nyams pa can du mi 'gyur/ nam yang dbul po'i rigs su mi skye/ smyig @103b ma mkhan gyi rigs sam/ dme sha can gyi rigs sam/ mgar ba'am/ phyag bdar ba'am/ shen pa'am/ phag gsol pa'i rigs sam/ dmangs rigs su mi skye ste/ rtag tu rgyun mi chad par mi chen po'i mtshan sum cu rtsa gnyis dang ldan par 'gyur/ 'jig rten gyi khams gang na/ sangs rgyas bcom ldan 'das rnams bzhugs shing 'tsho skyong ba'i 'jig rten gyi khams de dag tu brdzus shing skye bar 'gyur te/ nam yang byang chub sems dpa'i mngon par shes pa dang bral bar mi 'gyur ro/ /de 'dod na sangs rgyas bcom ldan 'das rnams la blta ba dang/ phyag bya ba dang/ bsnyen bkur pa dang/ chos mnyan pa'i phyir/ sangs rgyas kyi zhing nas sangs rgyas kyi zhing du 'gro bar 'gyur te/ de sangs rgyas kyi zhing nas sangs rgyas kyi zhing du 'gro zhing/ sems can rnams kyang yongs su smin par byed/ sangs rgyas kyi zhing yang yongs su dag par byed do/ /kau shi ka/ de bas na rigs kyi bu'am/ rigs kyi bu mo yon tan 'di dag phun sum tshogs par 'dod pas/ shes rab kyi pha rol tu phyin pa 'di gzung bar bya/ bcang bar bya/ bklag par bya/ kun chub par bya/ tshul bzhin du yid la bya/ rnam pa thams cad mkhyen pa nyid kyi sems dang ma bral bar bya'o; ;de dag ni nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du tshe 'di'i yon tan dang/ tshe rabs gzhan gyi yon tan de dag dang ldan @104a @#/ /par 'gyur ro/ /shes rab kyi pha rol tu phyin pa stong phrag nyi shu lnga pa las le'u bcu dgu pa'o// //de nas mu stegs can gzhan dang/ kun tu rgyu ba glags lta ba'i bsam pa can brgya tsam zhig /bcom ldan 'das gang na ba de logs su dong ba dang/ de nas lha'i dbang po brgya byin 'di snyam du sems par gyur te/ mu stegs can gzhan dang/ kun tu rgyu ba brgya po glags blta ba'i bsam pa can 'di dag bcom ldan 'das gang na ba der dong na/ de la bdag gis ci nas kyang shes rab kyi pha rol tu phyin pa brjod pas; mu stegs can gzhan dang/ kun tu rgyu ba 'di dag bcom ldan 'das kyis drung du song nas/ bar chad byed par mi 'gyur bar bdag gis bcom ldan 'das las shes rab kyi pha rol tu phyin pa 'di las ji snyed cig bzung ba de dag kha ton du bya'o snyam nas/ de nas lha'i dbang po brgya byin gyis/ bcom ldan 'das las shes rab kyi pha rol tu phyin pa las ji snyed bzung ba de dag kha ton du brjod do/ /de nas mu stegs can gzhan dang/ kun tu rgyu ba de dag rgyang ring po ring po nas/ bcom ldan 'das la g.yas phyogs su bskor ba byas nas/ lam de nyid dang/ sgo de nyid nas phyir dong ngo/ /de nas tshe dang ldan pa shA radwa ti'i bu 'di snyam du sems par gyur te/ de ltar mu stegs can gzhan dang/ kun tu rgyu ba de dag gis/ rgyang ring po ring po nas @104b bcom ldan 'das la g.yas phyogs nas bskor ba byas te/ lam de nyid dang/ sgo de nyid nas phyir dong na/ de ci'i rgyu zhig snyam pa dang/ de nas bcom ldan 'das kyis tshe dang ldan pa shA radwa ti'i bu'i sems kyi kun tu rtog pa thugs kyis thugs su chud nas/ tshe dang ldan pa shA radwa ti'i bu la bka' stsal pa/ shA radwa ti'i bu/ de ni lha'i dbang po brgya byin gyis/ shes rab kyi pha rol tu phyin pa yang dag par bsams pas/ de'i phyir mu stegs can gzhan dang/ kun tu rgyu ba 'di dag rgyang ring po ring po nas nga la g.yas phyogs su bskor ba byas te/ lam de nyid dang sgo de nyid nas phyir dong ba yin no/ /shA radwa ti'i bu/ mu stegs can gzhan dang/ kun tu rgyu ba 'di dag las 'ga' tsam yang dkar po'i sems dang ldan par ma mthong ste/ mu stegs can gzhan dang/ kun tu rgyu ba 'di dag thams cad ni gnod par bya ba'i sems dang ldan pa/ glags lta ba'i bsam pa can sha stag ste/ 'khor 'dir 'ong bar sems pa sha stag kyang/ shA radwa ti'i bu/ ngas ni 'jig rten lha dang bcas pa/ bdud dang bcas pa/ tshangs par bcas pa dang/ dge sbyong dang bram zer bcas pa'i skye dgu'i nang na/ gang shes rab kyi pha rol tu phyin pa 'di bstan pa'i tshe/ zhe sdang ba'i sems sam/ glags lta ba'i bsam pas nye bar 'gro ba ma mthong ste/ de ni gnas med do/ /de ci'i phyir zhe na/ shA radwa ti'i bu/ de ni 'di ltar stong gsum gyi stong chen po'i 'jig rten gyi khams @105a @#/ /'di na rgyal chen bzhi'i ris kyi lha'i bu dang/ 'og min gyi bar gyi lha'i bu gang ji snyed cig yod pa dang/ nyan thos dang/ rang sangs rgyas gang ji snyed cig yod pa dang/ byang chub sems dpa' gang ji snyed cig yod pa de dag gis shes rab kyi pha rol tu phyin pa 'di yongs su bzung ngo/ /de ci'i phyir zhe na/ 'di ltar de dag thams cad ni shes rab kyi pha rol tu phyin pa las byung ba sha stag go /shA radwa ti'i bu/ gzhan yang shar phyogs kyi 'jig rten gyi khams ganggA'i klung gi bye ma snyed dag na/ sangs rgyas bcom ldan 'das nyan thos kyi dge 'dun dang bcas pa ji snyed cig bzhugs pa dang/ rang sangs rgyas dang/ byang chub sems dpa' sems dpa' chen po dang/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po gang ji snyed cig yod pa de dag thams cad kyis kyang shes rab kyi pha rol tu phyin pa 'di yongs su bzung ngo/ /de ci'i phyir zhe na/ 'di ltar de dag thams cad ni shes rab kyi pha rol tu phyin pa las byung ba sha stag go /lho dang/ nub dang/ byang dang/ byang shar dang/ shar lho dang/ lho nub dang/ nub byang dang/ 'og dang/ steng gi phyogs kyi phyogs re re'i 'jig rten gyi khams ganggA'i klung gi bye ma snyed dag na/ sangs rgyas bcom ldan 'das nyan thos kyi dge 'dun dang bcas pa ji snyed cig bzhugs pa dang/ rang @105b sangs rgyas dang/ byang chub sems dpa' sems dpa' chen po dang/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po gang ji snyed cig yod pa de dag thams cad kyis kyang shes rab kyi pha rol tu phyin pa 'di yong su bzung ngo/ /de ci'i phyir zhe na/ 'di ltar de dag thams cad ni shes rab kyi pha rol tu phyin pa las byung ba sha stag go /de nas bdud sdig to can 'di snyam du sems par gyur te/ de bzhin gshegs pa dgra bcom pa yang dag par rdzogs pa'i sangs rgyas kyi 'khor bzhi po 'di dag kyang mngon du gyur/ 'dod pa la spyod pa dang/ gzugs la spyod pa'i lha 'di dag kyang mngon du gyur pa las/ 'dir ni gdon mi za bar byang chub sems dpa' sems dpa' chen po rnams bla na med pa yang dag par rdzogs pa'i byang chub tu lung ston par 'gyur gyi/ de la bdag gis bcom ldan 'das gang ba na ba der song ste bar chad bya'o snyam nas bdud sdig to can gyis dpung gi tshogs yan lag bzhi pa mngon par sprul nas/ bcom ldan 'das gang na ba der 'gro 'dod par gyur pa dang/ de nas lha'i dbang po brgya byin 'di snyam du sems par gyur to/ /kye ma bdud sdig to can 'di dpung gi tshogs yan lag bzhi pa mngon par sprul cing/ bcom ldan 'das gang na ba der 'gro bar 'dod la/ bdud sdig to can gyi dpung gi tshogs yan lag bzhi rnam par bkod pa 'di ni/ rgyal po bi ma bi sa @106a @#/ /ra'i dpung gi tshogs yan lag bzhi pa rnam par bkod pas kyang de tsam mi 'phod/ rgyal po sde rab tu pham byed dang/ shAkya rnams dang/ litstsha bi rnams kyi dpung gi tshogs yan lag bzhi pa rnam par bkod pas kyang de tsam mi phod de/ bdug sdig to can 'di ni yun ring po nas bcom ldan 'das la yang glags lta zhing glags 'tshol/ sems can yang dag par brtson pa rnams la yang gtse ba'i bsam pa can yin gyi/ bdag gis shes rab kyi pha rol tu phyin pa 'di yang dag par bsam par bya'o/ /dran pas brjod par bya'o snyam nas/ lha'i dbang po brgya byin gyis/ shes rab kyi pha rol tu phyin pa 'di yang dag par bsams te/ dran pas gsal bar brjod pa dang/ lha'i dbang po brgya byin gyis/ ji lta ji ltar shes rab kyi pha rol tu phyin pa 'di gsal bar brjod pa de lta de ltar/ bdud sdig to can de dag lam de nyid dang/ sgo de nyid nas phyir log go /de nas 'khor de na rgyal chen bzhi'i ris kyi lha'i bu dang/ 'og min gyi bar gyi lha ji snyed cig 'khod pa de dag gis/ lha rdzas kyi me tog dang/ na bza' mang po mngon par sprul nas/ bar snang gi nam mkha' la 'khod bzhin du/ bcom ldan 'das gang na ba der gtor te/ mngon par gtor nas tshig 'di skad du brjod do/ /'dzam bu'i gling gi maM 'di rnams shes rab kyi pha rol tu phyin pa 'di la yun ring por spyod par @106b gyur cig /'dzam bu'i gling gi mi 'di dag ji srid du shes rab kyi pha rol tu phyin pa 'di la spyod pa de srid du/ de bzhin gshegs pa dgra bcom pa yang dag par rdzogs pa'i sangs rgyas kyang nub par mi 'gyur la/ dam pa'i chos yun ring du gnas shing/ dge 'dzun dkon mchog kyang 'jig rten du 'byung bar 'gyur zhe'o/ /stong gsum gyi stong chen po'i 'jig rten gyi khams dang/ phyogs bcu'i 'jig rten gyi khams kyi bar gyi de bzhin gshegs pa dgra bcom pa yang dag par rdzogs pa'i sangs rgyas kyang nub par mi 'gyur la/ dam pa'i chos kyang yun ring por gnas shing/ dge 'dun dkon mchog kyang 'jig rten du 'byung bar 'gyur zhe'o/ /byan chub sems dpa' sems dpa' chen po rnams kyi spyod pa khyad par du 'phags pa yang yod par 'gyur zhe'o/ /phyogs gang na rigs kyi bu'am/ rigs kyi bu mo de dag gis shes rab kyi pha rol tu phyin pa 'di bris shing glegs bam du byas te 'chang ba'i phyogs de ni snang ba dang ldan par rig par bya'o/ /phyogs de ni mgon dang bcas shing mun pa dang bral bar rig par bya'o/ /de nas bcom ldan 'das kyis lha'i dbang po brgya byin dang/ 'og min gyi bar gyi lha'i bu de dag la 'di skad ces bka' stsal to/ /kau shi ka/ de de bzhin te/ de de bzhin no/ /lha'i bu dag /de de bzhin no/ /de de bzhin te/ ji srid du 'dzam bu'i gling gi mi rnams shes rab kyi pha rol tu phyin pa 'di la spyod pa de srid du/ de bzhin gshegs @107a @#/ /pa dgra bcom pa yang dag par rdzogs pa'i sangs rgyas kyang nub par mi 'gyur la/ dam pa'i chos kyang yun ring du gnas shing/ dge 'dun dkon mchog kyang 'jig rten du 'byung bar 'gyur ro/ /stong gsum gyi stong chen po'i 'jig rten gyi khams dang/ phyogs bcu kun gyi 'jig rten gyi khams kyi bar gyi de bzhin gshegs pa dgra bcom pa yang dag par rdzogs pa'i sangs rgyas rnams kyang nub par mi 'gyur la/ dam pa'i chos kyang yun ring du gnas shing/ dge 'dun dkon mchog kyang 'jig rten du 'byung bar 'gyur ro/ /byang chub sems dpa' sems dpa' chen po rnams kyi spyod pa khyad par du 'phags pa'ang yod par 'gyur ro/ /phyogs gang na rigs kyi bu'am/ rigs kyi bu mo de dag gis shes rab kyi pha rol tu phyin pa 'di bris shing glegs bam du byas te 'chang ba'i phyogs de ni snang ba dang ldan par ngas shes so/ /phyogs de ni mgon dang bcas shing mun pa dang bral bar ngas shes so/ /de nas lha'i bu de dag gis lha rdzas kyi me tog mang po mngon par sprul nas/ bcom ldan 'das/ gang na ba der mngon par gtor te/ 'di skad kyi tshig brjod do/ /bcom ldan 'das/ rigs kyi bu'am/ rigs kyi bu mo gang la la/ shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par bgyid cing/ tshul bzhin du yid la bgyid pa de la bdud dam/ @107b bdud kyi rigs su gtogs pa'i lha glags tshol ba rnams kyis glags mi rnyed do/ /bcom ldan 'das/ bdag cag gis kyang rigs kyi bu'am/ rigs kyi bu mo de la rtag tu rgyun mi chad par bsrung ba dang/ bskyab pa dang/ bskyang bar bgyi'o/ /de ci'i slad du zhe na/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin cing 'chang ba dang/ klog cing kun chub par bgyid pa dang/ tshul bzhin du yid la bgyid pa de ni ston pa'am/ ston pa dang mtshungs pa tsam du bdag cag sems so/ /de nas lha'i dban po brgya byin gyis/ bcom ldan 'das la 'di skad ces gsol to/ /bcom ldan 'das/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin cing 'chang ba dang/ klog cing kun chub par bgyid pa dang/ tshul bzhin du yid la bgyid pa de dag ni dge ba'i rtsa ba dma' ba dang ldan pa ma lags te/ bcom ldan 'das/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin cing 'chang ba dang/ klog cing kun chub par bgyid pa dang/ tshul bzhin du yid la byed pa de dag ni sngon gyi rgyal ba la bgyi ba bgyid pa lags so/ /bcom ldan 'das/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin cing 'chang ba dang/ klog cing kun chub par bgyid pa dang/ tshul bzhin du yid la bgyid pa de dag ni/ sangs rgyas mang po la bsnyen bkur bgyis par 'gyur/ dge ba'i bshes @108a @#/ /gnyen gyis yongs su bzung bar 'gyur ro/ /bcom ldan 'das/ de ci'i slad du zhe na/ 'di lta ste/ shes rab kyi pha rol tu phyin pa 'di las/ rnam pa thams cad mkhyen pa nyid btsal bar bgyi'o/ /bcom ldan 'das/ 'di lta ste/ rnam pa thams cad mkhyen pa nyid las shes rab kyi pha rol tu phyin pa btsal bar bgyi'o/ /de ci'i slad du zhe na/ bcom ldan 'das/ de ni 'di ltar shes rab kyi pha rol tu phyin pa'ang gzhan la/ rnam pa thams cad mkhyen pa nyid kyang gzhan ma lags/ rnam pa thams cad mkhyen pa nyid kyang gzhan la/ /shes rab shes rab kyi pha rol tu phyin pa'ang gzhan ma lags te/ shes rab kyi pha rol tu phyin pa dang/ rnam pa thams cad mkhyen pa nyid de la gnyis su ma mchis te gnyis su bgyir ma mchis so/ /bcom ldan 'das kyi bka' stsal pa/ kau shi ka/ de de bzhin no/ /de bzhin te/ kau shi ka/ shes rab kyi pha rol tu phyin pa las byung ba ni de bzhin gshegs pa dgra bcom pa yang dag par rdzogs pa'i sangs rgyas kyi rnam pa thams cad mkhyen pa nyid do/ /rnam par thams cad mkhyen pa nyid las byung ba ni shes rab kyi pha rol tu phyin pa'o// de ci'i phyir zhe na/ kau shi ka/ de ni shes rab kyi pha rol tu phyin pa'ang gzhan la/ rnam pa thams cad mkhyen pa nyid kyang gzhan ma yin/ rnam pa thams cad mkhyen pa nyid kyang gzhan @108b la/ shes rab kyi pha rol tu phyin pa'ang gzhan ma yin te/ de ltar shes rab kyi pha rol tu phyin pa dang/ rnam pa thams cad mkhyen pa nyid de la gnyis su med de gnyis su byar med do/ /shes rab kyi pha rol tu phyi nang pa stong phrag nyi shu lnga pa las le'u nyi shu pa'o// //de nas tshe dang ldan pa dga' bos/ bcom ldan 'das la 'di skad ces gsol to/ /bcom ldan 'das kyis ji ltar shes rab kyi pha rol tu phyin pa'i ming yongs su brjod par mdzad pa de ltar/ sbyin pa'i pha rol tu phyin pa'i ming yang yongs su brjod pa ma mdzad/ de ltar tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ de ltar bsam gtan gyi pha rol tu phyin pa'i ming yang yongs su brjod pa ma mdod do/ /de ltar na nang stong pa nyid dang/ dngos po med pa'i ngo bo nyid stong pa nyid kyi bar gyi ming yang yongs su brjod pa ma mdzad do/ /de ltar dran pa nye bar bzhag pa rnams kyi ming yang yongs su brjod pa ma mdzad do/ /de ltar yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa'i ming yang yongs su brjod pa ma mdzad do/ /de ltar 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i @109a @#/ /snyoms par 'jug pa rnams kyi ming yang yongs su brjod pa ma mdzad do/ /de ltar rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams kyi ming yang yongs su brjod pa ma mdzad do/ /de ltar de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa rnams kyi ming yang yongs su brjod pa ma mdzad do/ /bcom ldan 'das kyis bka' stsal pa/ dga' bo/ shes rab kyi pha rol tu phyin pa 'di ni/ 'di lta se/ pha rol tu phyin pa lda dang/ stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so @109b yang dag par rig pa bzhi dang/ sangs rgyas kyi chos ma 'dres pa bco brgyad dag gi thog mar 'gro ba'o/ /kun tu 'dren pa'o/ /dga' bo/ de ji snyam du sems/ rnam pa thams cad mkhyen pa nyid du yongs su ma bsngos pa'i sbyin pa/ sbyin pa'i pha rol tu phyin pa yin nam/ rnam pa thams cad mkhyen pa nyid du yongs su ma bsngos pa'i tshul khrims dang/ bzod pa dang/ brtson 'grus dang/ bsam gtan dang/ shes rab/ shes rab kyi pha rol tu phyin pa yin nam/ gsol pa/ bcom ldan 'das/ de ni ma lags na/ bcom ldan 'das/ rnam pa thams cad mkhyen pa nyid du ji ltar yongs su sdos pa'i sbyin pa/ sbyin pa'i pha rol tu phyin pa lags/ rnam pa thams cad mkhyen pa nyid du ji ltar yongs su bsdos pa'i tshul khrims dang/ bzod pa dang/ brtson 'grus dang/ bsam gtan dang/ shes rab/ shes rab kyi pha rol tu phyin pa lags/ bcom ldan 'das kyis bka' stsal pa/ dga' bo/ gnyis su med pa'i tshul gyis/ rnam pa thams cad mkhyen pa nyid du yongs su bsngos pa'i sbyin pa ni/ sbyin pa'i pha rol tu phyin pa yin no/ /dga' bo/ gnyis su med pa'i tshul gyis/ rnam pa thams cad mkhyen pa nyid du yongs su bsngos pa'i tshul khrims dang/ bzod pa dang/ brtson 'grus dang/ bsam gtan dang/ shes rab ni shes rab kyi pha rol tu phyin pa yin no/ /mi skye ba'i tshul dang/ mi dmigs pa'i tshul gyis/ rnam pa thams cad mkhyen pa @110a @#/ /nyid du yongs su bsngos pa'i sbyin pa ni/ sbyin pa'i pha rol tu phyin pa yin no/ /mi skye ba dang/ mi dmigs pa'i tshul gyis/ rnam pa thams cad mkhyen pa nyid du yongs su bsngos pa'i tshul khrims dang/ bzod pa dang/ brtson 'grus dang/ bsam gtan dang/ shes rab ni shes rab kyi pha rol tu phyin pa yin no/ /gsol pa/ bcom ldan 'das/ ji ltar gnyis su ma mchis pa'i tshul dang/ mi skye ba'i tshul dang/ mi dmigs pa'i tshul gyis/ rnam pa thams cad mkhyen pa nyid du yongs su bsngos pa'i sbyin pa ni/ sbyin pa'i pha rol tu phyin pa lags/ ji ltar gnyis su ma mchis pa'i tshul dang/ mi skye ba'i tshul dang/ mi dmigs pa'i tshul gyis/ rnam pa thams cad mkhyen pa nyid du yongs su bsngos pa'i tshul khrims dang/ bzod pa dang/ brtson 'grus dang/ bsam gtan dang/ shes rab ni/ shes rab kyi pha rol tu phyin pa lags/ bcom ldan 'das kyis bka' stsal pa; gzugs gnyis su med pa'i tshul dang/ tshor ba dang/ 'du shes dang/ 'du byed dang/ rnam par shes pa gnyis su med pa'i tshul dang/ byang chub kyi bar du gnyis su med pa'i tshul gyis de ltar 'gyur ro/ /gsol pa/ bcom ldan 'das/ ji ltar gzugs gnyis su ma mchis pa'i tshul dang/ ji ltar tshor ba dang/ 'du shes dang/ 'du byed dang/ rnam par @110b shes pa gnyis su ma mchis pa'i tshul dang/ ji ltar byang chub kyi bar du gnyis su ma mchis pa'i tshul lags/ bcom ldan 'das kyis bka' stsal pa/ dga' bo/ 'di ltar gzugs ni gzugs kyis stong ngo/ /tshor ba dang/ 'du shes dang/ 'du byed dang/ rnam par shes pa ni rnam par shes pas stong ste/ de ci'i phyir zhe na/ 'di ltar gzugs dang/ tshor ba dang/ 'du shes dang; 'du byed dang/ rnam par shes pa dang/ pha rol tu phyin pa 'di dag gnyis su med de gnyis su byar med do/ /byang chub kyi dbar ni byang chub kyis stong ngo/ /de ci'i phyir zhe na/ de ni 'di ltar byang chub dang/ pha rol tu phyin pa 'di dag gnyis su med de gnyis su byar med do/ /dga' bo/ /de lta bas na pha rol tu phyin pa lnga po 'di dag gi thog mar 'gro ba ni shes rab kyi pha rol tu phyin pa nyid do/ /stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyosm pag 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa drug dang/ ting nge 'dzin thams cad dang/ gzungs kyi sgo thams cad dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag pa @111a @#/ /rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad dang/ byang chub kyi bar gyi thog mar 'gro ba ni shes rab kyi pha rol tu phyin pa nyid do/ /dga' bo/ 'di lta ste/ dper na/ sa chen po la sa bon btab pa rgyu rkyen tshogs par gyur nas/ rnam par 'phel bar 'gyur ba'ang/ sa chen po ni de dag gi gnas te/ sa chen po de la brten cing sa bon de dag skye bar 'gyur ro/ /de bzhin du shes rab kyi pha rol tu phyin pa la brten cing/ pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa drug dang/ ting nge 'dzin rnams dang; gzungs kyi sgo rnams rnam par 'phel lo/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad rnam par 'phel lo/ /thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid @111b rnam par 'phel te/ dga' bo/ rnam pa thams cad mkhyen pa nyid la brten cing/ pha rol tu phyin pa lnga rnams rnam par 'phel lo/ /rnam pa thams cad mkhyen pa nyid la brten cing/ stong pa nyid thams cad rnam par 'phel lo/ /rnam pa thams cad mkhyen pa nyid la brten cing/ dran pa nye bar bzhag pa bzhi rnam par 'phel lo/ /rnam pa thams cad mkhyen pa nyid la brten cing/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa rnam par 'phel lo; ;rnam pa thams cad mkhyen pa nyid la brten cing/ 'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad rnam par 'phel lo/ /rnam pa thams cad mkhyen pa nyid la brten cing/ thams cad shes pa nyid dang/ lam @112a @#/ /gyi rnam pa shes pa nyid dang/ rnam pa thams cad mkhyen pa nyid rnam par 'phel lo/ /dga' bo/ de lta bas na shes rab kyi pha rol tu phyin pa ni/ pha rol tu phyin pa lnga po 'di dag yongs su sgrub pa'o/ /stong pa nyid thams cad yongs su sgrub pa'o/ /dran pa nye bar bzhag pa bzhi yongs su sgrub pa'o/ /yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa yongs su sgrub pa'o/ /'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad yongs su sgrub pa'o/ /thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid yongs su sgrub pa'o// // @112b shes rab kyi pha rol tu phyin pa stong phrag nyi shu lnga pa/ bam po sum cu gsum pa/ de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas kyis shes rab kyi pha rol tu phyin pa'i yon tan gang/ bdag gis bcom ldan 'das las thos te/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par bgyid pa dang/ tshul bzhin du yid la bgyid pa'i yon tan gang ji snyed cig mchis pa dang/ shes rab kyi pha rol tu phyin pa 'di'i yon tan gang ji snyed cig bdag gis bcom ldan 'das las bzung ste/ bcangs pa dang/ bklags pa dang/ kun chub par bgyid pa dang; spel ba de dag thams cad ni bka' ma stsal te/ bcom ldan 'das/ shes rab kyi pha rol tu phyin pa bzung ba dang/ bcangs pa dang/ bklags pa dang/ spel ba dang/ tshul bzhin du yid la bgyis pas ni/ dge ba bcu'i las kyi lam rnams 'jig rten du 'byung bar 'gyur ro/ /bsam gtan bzhi 'jig rten du 'byung bar 'gyur ro/ /tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga 'jig rten du 'byung bar 'gyur ro/ /sbyin pa'i pha rol tu phyin pa 'jig rten du 'byung bar 'gyur ro/ /tshul khrims kyi pha rol tu phyin @113a @#/ /pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa 'jig rten du 'byung bar 'gyur ro/ /nang stong pa nyid 'jig rten du 'byung bar 'gyur ro/ /dngos po med pa'i ngo bo nyid stong pa nyid kyi bar du 'jig rten du 'byung bar 'gyur ro/ /dran pa nye bar bzhag pa bzhi 'jig rten du 'byung bar 'byur ro/ /'phags pa'i lam yan lag brgyad pa'i bar du 'jig rten du 'byung bar 'gyur ro/ /sangs rgyas kyi chos ma 'dres pa bco brgyad kyi bar du 'jig rten du 'byung bar 'gyur ro/ /bcom ldan 'das/ shes rab kyi pha rol tu phyin pa bzung ba dang/ bcangs pa dang/ bklags pa dang/ kun chub par bgyis pa dang/ tshul bzhin du yid la bgyis pas/ rgyal rigs che zhing mtho ba rnams 'jig rten du 'byung bar 'gyur ro/ /bram ze'i rigs che zhing mtho ba rnams 'jig rten du 'byung bar 'gyur ro/ /khyim bdag gi rigs che zhing mtho ba rnams 'jig rten du 'byung bar 'gyur ro/ /rgyal chen bzhi'i ris kyi lha rnams 'jig rten na mchis so/ /'og min gyi bar gyi lha rnams 'jig rten na mchis so/ /bcom ldan 'das/ shes rab kyi pha rol tu phyin pa bzung ba dang/ bcangs pa dang/ bklags pa dang/ kun chub par bgyis pa dang/ tshul bzhin du yid la bgyis pas ni/ @113b rgyun du zhugs pa rnams 'jig rten na mchis so/ /lan gcig phyir 'ong ba dang/ phyir mi 'ong ba dang/ dgra bcom pa rnams 'jig rten na mchis so/ /rang sangs rgyas rnams 'jig rten na mchis so/ /byang chub sems dpa' sems dpa' chen po rnams 'jig rten na mchis so/ /bcom ldan 'das/ shes rab kyi pha rol tu phyin pa bzung ba dang/ bcangs ba dang/ bklags pa dang/ kun chub par bgyis pa dang/ tshul bzhin du yid la bgyis pas ni de bzhin gshegs pa dgra bcom pa yang dag par rdzogs pa'i sangs rgyas kyang 'jig rten du 'byung bar 'gyur ro/ / bcom ldan 'das kyis bka' stsal pa/ kau shi ka/ rigs kyi bu'am/ rigs kyi bu mo gang gis shes rab kyi pha rol tu phyin pa 'di bzung ba dang/ bcangs pa dang/ bklags pa dang/ kun chub par byas ba dang/ tshul bzhin du yid la byas pa de'i yon tan ni/ der zad par yang ma bshad de/ kau shi ka/ de ci'i phyir zhe na/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa dang/ rnam pa thams cad mkhyen pa nyid kyi sems dang ma bral bar byed ba de dag ni/ tshul khrims kyi phung po tshad med pa dang ldan par 'gyur ro/ /rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa @114a @#/ /dang; kun chub par byed pa dang/ tshul bzhin du yid la byed pa dang/ rnam pa thams cad mkhyen pa nyid kyi sems dang ma bral bar byed pa de dag ni/ ting nge 'dzin kyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes mthong ba'i phung po tshad med pa dang ldan par 'gyur ro/ /kau shi ka/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa dang/ rnam pa thams cad mkhyen pa nyid kyi sems dang ma bral bar byed pa de dag ni/ de bzhin gshegs pa'i don du zhugs par rig par bya'o/ /kau shi ka/ nyan thos dang/ rang sangs rgyas thams cad kyi tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes mthong ba'i phung po dang/ gang yang rigs kyi bu dang/ rigs kyi bu mo de dag gi tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes mthong ba'i phung po las/ kau shi ka/ tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol @114b ba'i ye shes mthong ba'i phung po 'di la ni/ nyan thos dang/ rang sangs rgyas thams cad kyi tshul khrims kyi phung po dang/ shes rab kyi phung po dang/ ting nge 'dzin gyi phung po dang/ rnam par grol ba'i phung po dang/ rnam par grol ba'i ye shes mthong ba'i phung pos brgya'i char yang nye bar mi 'gro'o/ /stong gi char yang nye bar mi 'gro'o/ /brgya phrag stong gi char yang nye bar mi 'gro'o/ /bye ba'i char yang nye bar mi 'gro'o/ /bye ba brgya'i char yang nye bar mi 'gro'o/ /bye ba stong gi char yang nye bar mi 'gro'o/ /bye ba brgya phrag stong gi char yang nye bar mi 'gro'o/ /bye ba khrag khrig brgya phrag stong gi char yang nye bar mi 'gro'o/ /grangs su yang nye bar mi 'gro'o/ /char yang nye bar mi 'gro'o/ /bgrang bar yang nye bar mi 'gro'o/ /dper yang nye bar mi 'gro'o/ /rgyur yang mi bzod do/ / de ci'i phyir zhe na/ de ni 'di ltar rigs kyi bu dang/ rigs kyi bu mo de dag nyan thos dang/ rang sangs rgyas kyi sa las sems rnam par grol yang chos gang yongs su shes pa med do/ /kau shi ka/ rigs kyi bu dang/ rigs kyi bu mo gang shes rab kyi pha rol tu phyin pa 'di bris shing 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa de la/ me tog dang/ phreng ba dang spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed pa dang/ bkur stir @115a @#/ /byed pa dang/ bsti stang du byed pa dang/ mchod par byed pa de dag tshe 'di nyid dang/ tshe rabs phyi ma la yon tan de dag kyang/ rnam pa de bzhin du 'thob par ngas bshad do/ /brgya byin gyis gsol pa/ bcom ldan 'das/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub bar bgyid pa dang/ tshul bzhin du yid la bgyid cing/ rnam pa thams cad mkhyen pa nyid kyi sems dang ma bral bar bgyid pa dang/ shes rab kyi pha rol tu phyin pa 'di bris shing/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror bgyid pa dang/ bkur stir bgyid pa dang/ bsti stang du bgyid pa dang/ mchod par bgyid pa de la ni/ bdag gis kyang rtag tu rgyun mi chad par bsrung ba dang/ bskyab pa dang/ bskyang bar bgyi'o/ /bcom ldan 'das kyis bka' stsal pa/ kau shi ka/ rigs kyi bu'am/ rigs kyi bu mo shes rab kyi pha rol tu phyin pa 'di kha ton du byed pa'i tshe/ lha'i bu brgya stong mang po dga' ba'i yid kyis chos nyan pa'i phyir nye bar 'ongs te/ rigs kyi bu'am/ rigs kyi bu mo de shes rab kyi pha rol tu phyin pa dang ldan pa'i chos ston pa'i tshe'ang/ lha'i bu de dag spobs pa nye bar bsgrub par sems @115b so; ;chos smra ba de dag smra ba snyom par gyur na'ang/ lha'i bu de dag chos kyi rim gro de nyid kyis spobs pa nye bar bsgrub par sems te/ kau shi ka/ rigs kyi bu'am rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa dang/ bris shing me tog dang/ phreng ba dang/ bdug spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed pa dang/ bkur stir byed pa dang/ bsti stang du byed pa dang/ mchod par byed pa de dag gis tshe 'di'i yon tan 'di'ang yongs su zin par 'gyur ro/ /kau shi ka/ gzhan yang rigs kyi bu'am/ rigs kyi bu mo de dag 'khor bzhi la shes rab kyi pha rol tu phyin pa ston pa'i tshe/ la la zhig bdag la klan ka 'tshol zhing glags lta bar gyur du 'ong ngo/ /zhes bya bar zhum pa med par 'gyur ro/ /de ci'i phyir zhe na/ de ni 'di ltar rigs kyi bu'am/ rigs kyi bu mo de la shes rab kyi pha rol tu phyin pa 'di nyid bsrung ba dang/ bskyab pa dang/ bskyang ba byed do/ /de ci'i phyir zhe na/ 'di ltar shes rab kyi pha rol tu phyin pa 'di la ni 'jig rten pa dang; 'jig rten las 'das pa dang/ zag pa dang bcas pa dang/ zag pa med pa dang/ thun mong dang/ thun mong ma yin pa dang/ dge ba dang/ mi dge ba dang/ 'dus byas dang/ 'dus ma @116a @#/ /byas dang/ nyan thos kyi chos dang/ rang sangs rgyas kyi chos dang/ byang chub sems dpa'i chos dang/ sangs rgyas kyi chos thams cad kyang tha mi dad do/ /de ci'i phyir zhe na/ 'di ltar 'di ni dge ba'i chos thams cad kyi gter yin la/ rigs kyi bu'am/ rigs kyi bu mo de yang nang stong pa nyid la gnas/ dngos po med pa'i ngo bo nyid stong pa nyid kyi bar la gnas pas/ shes rab kyi pha rol tu phyin pa la glags lta ba de'ang yang dag par rjes su mi mthong/ shes rab kyi pha rol tu phyin pa la gang glags lta ba de'ang yang dag par rjes su mi mthong/ shes rab kyi pha rol tu phyin pa la gang glags lta bar bya ba de'ang yang dag par rjes su mi mthong ste/ de ltar shes rab kyi pha rol tu phyin pas yongs su bzung ba'i phyir; rigs kyi bu'am/ rigs kyi bu mo de la sus kyang glags lta ba med do/ /kau shi ka/ gzhan yang rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin cing 'chang ba dang/ klog cing kun chub par byed pa dang/ tshul bzhin du yid la byed pa de'i sems zhum par mi 'gyur/ yongs su zhum par mi 'gyur/ 'jigs par mi 'gyur/ dngangs par mi 'gyur/ skrag par mi 'gyur ro/ /de ci'i phyir zhe na/ de ni 'di ltar rigs kyi bu'am/ rigs kyi bu mo de la sus kyang glags lta ba med do/ /kau shi ka/ gzhan yang rigs kyi @116b bu'am/ rigs kyi bu mo shes rab kyi pha rol tu phyin pa 'dzin cing 'chang ba dang/ klog cing kun chub par byed pa dang/ tshul bzhin du yid la byed pa de'i sems zhum par mi 'gyur/ yongs su zhum par mi 'gyur/ 'jigs par mi 'gyur/ dngangs par mi 'gyur/ skrag par mi 'gyur ro/ /de ci'i phyir zhe na/ de ni 'di ltar rigs kyi bu'am/ rigs kyi bu mo de dag gis gang zhum par 'gyur ba'am/ yongs su zhum par 'gyur ba'am/ 'jigs par 'gyur ba'am/ dngangs par 'gyur ba'am/ skrag par 'gyur ba de lta bu'i dngos po yang dag par rjes su ma mthong ba'i phyir te/ kau shi ka/ rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa dang/ bris shing de la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed pa dang/ bkur stir byed pa dang/ bsti stang du byed pa dang/ mchod par byed pa de dag gis/ tshe 'di'i yon tan 'di dag yongs su zin par 'gyur ro/ /kau shi ka/ gzhan yang rigs kyi bu'am/ rigs kyi bu mo gang la la shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa dang/ @117a @#/ /bris shing de la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed pa dang/ bkur stir byed pa dang/ bsti stang du byed pa dang/ mchod par byed pa de ni pha dang/ ma dang/ gnyen bshes dang/ rgyal po dang/ blon po dang/ dge sbyong dang; bram ze dag gis dgongs par bya ba yin/ phyogs bcu'i 'jig rten gyi khams na/ sangs rgyas bcom ldan 'das gang ji snyed bzhugs pa dang/ byang chub sems dpa' sems dpa' chen po rnams dang/ rang sangs rgyas dang/ dgra bcom pa dang/ slob pa dang/ mi slob pa thams cad kyis kyang dben cing yid du 'ong bar bya ba yin/ 'jig rten lha dang bcas pa/ bdud dang bcas pa/ tshangs pa dang bcas pa dang/ dge sbyong dang/ bram zer bcas pa'i skye dgu dang/ lha dang/ mi dang/ lha ma yin du bcas pas kyang/ dgongs shing yid du 'ong bar bya ba yin/ spobs pa mi 'phrogs par 'gyur pa yin/ sbyin pa'i pha rol tu phyin pa mi 'phrogs par 'gyur ba yin/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa mi 'phrogs par 'gyur ba yin/ nang stong pa nyid bsgom pa @117b mi 'phrogs par 'gyur ba yin/ dngos po med pa'i ngo bo nyid stong pa nyid kyi bar du bsgom pa mi 'phrogs par 'gyur ba yin/ dran pa nye bar bzhag pa bsgom pa mi 'phrogs par 'gyur ba yin/ yang dag par spong ba dang/ rdzu 'phrul gyi rkang pa dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa bsgom pa mi 'phrogs par 'gyur ba yin/ 'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad bsgom pa mi 'phrogs par 'gyur ba yin/ sems can yongs su smin par bya ba mi 'phrogs pa dang/ sangs rgyas kyi zhing yongs su dag par bya ba mi 'phrogs pa dang/ rnam pa thams cad mkhyen pa nyid bsgom pa mi 'phrogs par 'gyur ba yin/ gzhan gyis phyir rgol ba ji snyed byung ba la yang chos dang mthun par lan gdab pa'i mthu yod pa yin te/ kau shi ka/ rigs kyi bu'am/ rigs kyi bu mo gang @118a @#/ /shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed cing/ rnam pa thams cad mkhyen pa nyid kyi sems dang yang ma bral bar byed pa dang/ bris shing de la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed pa dang/ bkur stir byed pa dang/ bsti stang du byed pa dang/ mchod par byed pa des tshe 'di'i yon tan dag kyang yongs su zin par 'gyur ro/ /kau shi ka/ gzhan yang rigs kyi bu'am/ rigs kyi bu mo gang shes rab kyi pha rol tu phyin pa 'di bris shing glegs bam du byas te 'chang ba der/ stong gsum gyi stong chen po'i 'jig rten gyi khams kyi rgyal chen bzhi'i ris kyi lha'i bu bla na med pa yang dag par rdzogs pa'i byang chub tu yang dag par zhugs pa dang/ sum cu rtsa gsum dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed dang/ tshangs ris dang/ tshangs lha nye phan dang/ tshangs pa kun 'khor dang; tshangs chen dang/ snang ba dang/ chung snang dang/ tshad med snang ba dang/ kun snang dang ba dang/ dge ba dang/ chung dge dang/ tshad med dge ba dang/ dge rgyas dang/ che ba dang/ @118b chung che dang/ tshad med che ba dang/ 'bras bu che ba'i lha bla na med pa yang dag par rdzogs pa'i byang chub tu yang dag par zhugs pa de dag kyang der dong zhing/ shes rab kyi pha rol tu phyin pa 'di bklag pa dang/ gzung ba dang/ kun chub par bya ba dang/ phyag bya ba dang/ gdud pa byas shing phyir 'dong bar sems so/ /gnas gtsang ma'i ris mi che ba dang/ mi gdung ba dang/ shin tu mthong ba dang/ gya nom snang ba dang/ 'og min gyi lha'i bu de dag kyang der dong zhing/ shes rab kyi pha rol tu phyin pa 'di bklag pa dang/ gzung ba dang/ kun chub par bya ba dang/ phyag bya ba dang/ gdud pa byas shing phyir 'dong bar sems so/ /kau shi ka/ phyogs bcu'i 'jig rten gyi khams kyi rgyal chen bzhi'i ris kyi lha'i bu bla na med pa yang dag par rdzogs pa'i byang chub tu yang dag par zhugs pa dang/ sum cu rtsa gsum dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed dang/ tshangs ris kyi lha dang/ tshangs lha nye phan dang/ tshangs pa kun 'khor dang/ tshangs chen dang/ snang ba dang/ chung snang dang/ tshad med snang ba dang/ kun snang dang ba dang/ dge ba dang/ chung dge dang/ tshad med dge ba dang/ dge rgyas dang/ che ba dang/ chung che dang/ tshad med che ba dang/ 'bras bu che ba'i lha'i bu bla na med pa yang dag par rdzogs pa'i byang chub tu yang dag par zhugs pa dang/ gnas gtsang ma'i ris mi che ba dang/ @119a @#/ /mi gdung ba dang/ shin tu mthong ba dang/ gya nom snang ba dang/ 'og min gyi lha dang/ de ma yin pa'i lha dang/ klu dang/ gnod sbyin dang/ dri za dang/ lha ma yin dang; nam mkha' lding dang/ mi'am ci dang/ lto 'phye chen po/ gzi brjid chen po/ gzi brjid che bar bya ba mang po de dag kyang der dong zhing/ shes rab kyi pha rol tu phyin pa 'di bklag pa dang/ gzung ba dang/ kun chub par bya ba dang/ phyag bya ba dang/ gdud pa byas shing phyir 'dong bar sems so/ /kau shi ka/ de la rigs kyi bu'am/ rigs kyi bu mo de dag gis kyang sems 'di ltar bskyed par bya ste/ phyogs bcu'i 'jig rten gyi khams kyi rgyal chen bzhi'i ris kyi lha'i bu rnams dang/ 'bras bu che ba'i bar gyi lha bla na med pa yang dag par rdzogs pa'i byang chub tu yang dag par zhugs pa dang/ gnas gtsang ma'i ris mi che ba dang/ mi gdung ba dang/ shin tu mthong ba dang/ gya nom snang ba dang/ 'og min gyi bar gyi lha dang/ de ma yin pa'i lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po gzi brjid chen po shes rab kyi pha rol phyin pa 'di bklag pa dang/ gzung ba dang/ kun chub par bya ba dang/ phyag bya ba dang/ mchod pa bya ba'i phyir lhags pa de dag la chos kyi sbyin pa 'di byin par gyur cig ces @119b sems bskyed par bya ste/ de dag kyang shes rab kyi pha rol tu phyin pa 'di bklag pa dang/ gzung ba dang/ 'chang ba dang/ kun chub par bya ba dang/ mchod pa byas shing/ phyag byas te/ gdud pa byas nas phyir 'dong ngo/ /kau shi ka/ rigs kyi bu'am/ rigs kyi bu mo de la/ stong gsum gyi stong chen po'i 'jig rten gyi khams 'di'i rgyal chen bzhi'i ris kyi lha rnams dang/ 'og min gyi bar gyi lha dag dang/ phyogs bcu'i 'jig rten gyi khams kyi rgyal chen bzhi'i ris kyi lha rnams dang/ 'og min gyi bar gyi lha de dag kyang bsrung ba dang/ bskyab pa dang/ bskyang ba byed de; kau shi ka/ de la las kyi rnam par smin pa ma gtogs par/ glags lta ba rnams kyis glags ma rnyed do/ /kau shi ka/ rigs kyi bu'am/ rigs kyi bu mo des tshe 'di'i yon tan de lta bu dag kyang yongs su zin par 'gyur ro/ /lha'i bu gang bla na med pa yang dag par rdzogs pa'i byang chub tu yang dag par zhugs pa de dag kyang/ der shes rab kyi pha rol tu phyin pa 'di la mchod pa bya ba dang/ rigs kyi bu dang/ rigs kyi bu mo de dag la bsrung ba dang/ bskyab pa dang/ bskyang ba bya ba'i don du 'dong bar sems te/ de ci'i phyir zhe na/ kau shi ka /de ni 'di ltar rigs kyi bu'am/ rigs kyi bu mo de dag ni bla na med pa yang dag par rdzogs pa'i byang chub tu yang dag par zhugs pa ste/ sems can thams cad bskyab pa dang/ sems can thams cad yongs su smin par bya ba dang/ sems can thams @120a @#/ /cad la phan pa dang/ bde ba'i don du nye bar gnas pa'i phyir ro/ /brgya byin gyis gsol pa/ bcom ldan 'das/ rigs kyi bu'am/ rigs kyi bu mo des 'dir phyogs bcu kun gyi 'jig rten gyi khams nas shes rab kyi pha rol tu phyin pa 'di bklag pa dang/ gzung ba dang/ bcang ba dang/ kun chub par bya ba dang/ phyag bya ba dang/ gdud pa dang/ rim gror bya ba dang/ bkur stir bya ba dang/ bsti stang du bya ba dang/ mchod pa'i phyir rgyal chen bzhi'i ris kyi lha rnams dang/ 'og min gyi bar gyi lha dag 'dir 'ongs so zhes bgyi bar ji ltar 'tshal bar 'gyur/ bcom ldan 'das kyis bka' stsal pa/ kau shi ka/ gal te shes rab kyi pha rol tu phyin pa 'di gang du bzhag par snang ba chen po byung bar rigs kyi bu'am/ rigs kyi bu mos mthong na/ rigs kyi bu dang/ rigs kyi bu mo des 'dir ni lha mthu chen po/ mthu chen po/ rdzu 'phrul che ba/ dbang che ba/ gzi brjid che ba dag shes rab kyi pha rol tu phyin pa 'di bklag pa dang/ gzung ba dang/ kun chub par bya ba dang/ phyag bya ba dang/ gdud pa bya ba dang/ rim gror bya ba dang/ bkur stir bya ba dang; bsti stang du bya ba dang/ mchod pa'i phyir lhags so/ /zhes bya bar nges par khong du chud par bya'o/ /kau shi ka/ gzhan yang gal te rigs kyi bu'am/ rigs kyi bu mos lha rdzas @120b kyi dri ma las 'das pa/ sngon chad de lta bu tshor ma myong ba tshor na/ rigs kyi bu'am/ rigs kyi bu mo das 'di ni lha mthu chen po/ mthu chen po/ rdzu 'phrul che ba/ dbang che ba dang/ gzi brjid che ba dag shes rab kyi pha rol tu phyin pa 'di bklag pa dang/ bcang ba dang/ kun chub par bya ba dang/ phyag bya ba dang/ gdud pa bya ba dang/ rim gror bya ba dang/ bkur stir bya ba dang/ bsti stang du bya ba dang/ mchod pa bya ba'i phyir lhags so zhes bya bar nges par khong du chud par bya'o/ /kau shi ka/ gzhan yang gal te rigs kyi bu'am/ rigs kyi bu mo gtsang sbra'i spyod pa dang ldan na/ de'i gtsang sbra'i spyod pa des lha de dag kyang nye bar 'ongs shing/ shes rab kyi pha rol tu phyin pa 'di bklag pa dang/ gzung ba dang/ kun chub par bya ba dang/ rim gror bya ba dang/ bkur stir bya ba dang/ bsti stang du bya ba dang/ mchod par byas nas shin tu dga' ba'i yid du 'gyur ro/ /gnas de na lha mthu chung ngu ji snyed cig gnas pa de dag kyang lha mthu chen po/ mthu chen po/ de dag gi gzi brjid dang/ dpal dang/ zil mi bzod pa'i phyir gnas de nas gud du 'dong bar sems so/ /ji lta ji ltar lha mthu chen po/ mthu chen po/ rdzu 'phrul ce ba dang/ dbang che ba de dag nye bar 'ong bar sems pa/ de lta de ltar rigs kyi bu'am/ rigs kyi bu mo de yang mos brgya chen po dang ldan dpar 'gyur ro/ /de'i gnas kyi 'khor kun tu yang @121a @#/ /gtsang sbra med pa'i spyod pa mi rgyu bar byas te/ rigs kyi bu'am/ rigs kyi bu mo des shes rab kyi pha rol tu phyin pa 'di la mchod pa'i las kyi phyir de'i 'khor gyis yang spos chu'i chag chag gis btab bo/ /me tog dang/ spos kyis gtor ro/ /bdug spos 'thul ba'i snod bzhag go/ dar gyi lda ldi dang/ gos kyi bla re bre zhing sa'i phyogs de yang rnam pa du mas brgyan par bya'o/ /kau shi ka/ rigs kyi bu'am/ rigs kyi bu mo de la ngal zhing chad par 'gyur ba med de/ rigs kyi bu'am/ rigs kyi bu mo de ni lus bde ba dang/ lus yang pa dang/ lus gsal ba yang nyams su myong bar 'gyur ro/ /rigs kyi bu'am/ rigs kyi bu mo des ni sems bde ba dang/ sems yang ba dang/ sems gsal ba yang nyams su myong bar 'gyur ro; ;de nas nub mo nyal na yang shes rab kyi pha rol tu phyin pa 'di la bsam pas mos par byas na/ sdig to'i rmi lam mthong bar mi 'gyur ro/ /des mthong na'ang de bzhin gshegs pa dgra bcom pa yang dag par rdzogs pa'i sangs rgyas mi chen po'i mtshan sum cu rtsa gnyis mnga' ba/ dpe byad bzang po brgyad cus kun tu brgyan ba/ sku gser gyi mdog tu bzhugs pa; dge slong gi dge 'dun gyis kun nas bskor ba/ byang chub sems dpa'i tshogs kyis mdun du bdar ba/ chos ston pa mthong bar 'gyur te/ de bzhin gshegs pa de las 'di @121b lta ste; pha rol tu phyin pa drug dang/ stong pa nyid thams cad dang/ byang chub kyi phyogs kyi chos sum cu rtsa bdun dang/ sangs rgyas kyi chos ma 'dres pa bco brgyad kyi chos bstan pa'ang thos par 'gyur ro/ /pha rol tu phyin pa drug po de'i don rnam par phye ba'ang thos par 'gyur ro/ /stong pa nyid thams cad dang/ byang chub kyi phyogs kyi chos sum cu rtsa bdun dang/ sangs rgyas kyi chos ma 'dres pa bco brgyad kyi bar de dag gi don rnam par phye ba'ang thos par 'gyur ro/ /byang chub kyi shing yang mthong bar 'gyur ro/ /byang chub sems dpa' sems dpa' chen po byang chub kyi shing drung du 'gro ba yang mthong bar 'gyur ro/ /bla na med pa yang dag par rdzogs pa'i byang chub tu mngon par rdzogs par 'tshang rgya ba yang mthong bar 'gyur ro; ;de ltar mngon par rdzogs par sangs rgyas nas chos kyi 'khor lo bskor ba'ang mthong bar 'gyur ro/ /byang chub sems dpa' brgya stong mang po chos yang dag par bgro ba byed cing/ rnam pa thams cad mkhyen pa nyid ni 'di ltar yongs su bsgrub par bya'o/ /sems can mang po ni 'di ltar yongs su smin par bya'o/ /sangs rgyas kyi zhing ni 'di ltar yongs su gzung bar bya'o/ / bdud 'khor dang bcas pa ni 'di ltar pham par bya'o zhes zer ba dag kyang mthong bar 'gyur ro/ /shar phyogs kyi sangs rgyas bye ba khrag khrig brgya stong mang po'i sgra'ang thos par 'gyur ro/ / @122a @#/ /lho dang/ nub dang/ byang dang/ byang shar dang/ shar lho dang/ lho nub dang/ nub byang dang/ 'og dang/ steng gi phyogs kyi sangs rgyas bye ba khrag khrig brgya stong mang po'i sgra'ang thos par 'gyur te/ 'jig rten gyi khams che ge mo zhig na ni/ de bzhin gshegs pa dgra bcom pa yang dag par rdzogs pa'i sangs rgyas che ge mo zhig bzhugs te/ byang chub sems dpa' bye ba khrag khrig brgya stong 'di snyed cig dang/ nyan thos bye ba khrag khrig brgya stong 'di snyed cig gis bskor cing mdun du byas te chos ston to zhes bya ba'i sgra thos par 'gyur ro/ /shar phyogs kyi sangs rgyas bye ba khrag khrig brgya stong mang po yongs su mya ngan las 'da' ba dag kyang mthong bar 'gyur/ steng gi phyogs kyi bar kyi sangs rgyas bye ba khrag khrig brgya stong mang po yongs su mya ngan las 'da' ba dag kyang mthong bar 'gyur te/ mchod rten rin po che sna bdun las byas pa bye ba khrag khrig brgya stong mang po'ang mthong bar 'gyur ro/ /de bzhin gshegs pa'i mchod rten de dag kyang me tog dang/ spos dang/ phreng ba dang/ bdug spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ mchod pa sna tshogs mang pos rim gror bya ba dang/ bkur stir bya ba dang/ bsti stang du bya ba dang/ mchod par bya ba mthong bar @122b 'gyur ro/ /kau shi ka/ de ltar rigs kyi bu'am/ rigs kyi bu mo de dag gis rmi lam bzang po de lta bu dag mthong bar 'gyur te/ de dag bde bar nyal zhing bde bar ldang bar 'gyur ro/ / de'i lus kyang mdangs dang ldan par 'gyur ro/ /lus la yang ba'i nyams yod par 'gyur zhing/ lci ba'i nyams med par 'gyur/ zas la cher chags pa med par 'gyur/ gos la chags pa med par 'gyur/ nad kyi rkyen sman dang/ yo byad la chags pa med par 'gyur/ zas kyi 'du shes chung bar 'gyur/ gos kyi 'du shes chung bar 'gyur/ nad kyi rkyen sman dang/ yo byad kyi 'du shes kyang chung bar 'gyur ro/ /kau shi ka/ de ni 'di ltar/ dper na/ rnal 'byor la spyod pa'i dge slong ting nge 'dzin las langs pa'i sems yid la bya bas yongs su brlan pa ni; zas la cher chags pa med pa yin/ zas kyi 'du shes chung ba yin/ kau shi ka/ de bzhin du rigs kyi bu'am/ rigs kyi bu mo de dag kyang zas la cher chags pa med par 'gyur ro/ /zas kyi 'du shes chung bar 'gyur ro/ /de ci'i phyir zhe na/ de la mi ma yin pa rnams lus la mdangs nye bar sgrub bo/ /shar phyogs dang/ lho dang/ nub dang/ byang dang; byang shar dang/ shar lho dang/ lho nub dang/ nub byang dang/ 'og dang/ steng gi phyogs kyi sangs rgyas bcom ldan 'das gang ji snyed pa dang/ byang chub sems dpa' gang ji @123a @#/ /snyed pa dang/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po gang ji snyed yod pa de dag kyang de'i lus la mdangs nye bar sgrub bo/ /kau shi ka/ rigs kyi bu'am/ rigs kyi bu mo tshe 'di nyid la yon tan 'di dag yongs su gzung bar 'dod pas/ shes rab kyi pha rol tu phyin pa 'di nyid la nan tan du mnyan par bya'o/ /gzung bar bya'o/ /bcang bar bya'o/ /bklag par bya'o/ /kun chub par bya'o/ /tshul bzhin du yid la bya'o/ / rnam pa thams cad mkhyen pa nyid kyi sems dang yang mi 'bral bar bya'o/ /kau shi ka/ de ste rigs kyi bu'am/ rigs kyi bu mo de dag gis shes rab kyi pha rol tu phyin pa 'di ma bzung/ ma bcangs/ ma bklags/ kun chub par ma byas/ tshul bzhin du yid la ma byas na'ang/ rigs kyi bu'am rigs kyi bu mo de dag gis shes rab kyi pha rol tu phyin pa 'di bris shing/ glegs bam du byas te/ me tog dang/ phreng ba dang/ spos dang/ byug pa dang/ phye ma dang/ gos dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror bya'o/ /bkur stir bya'o/ /bsti stang du bya'o/ /mchod par bya'o/ /kau shi ka/ de ltar na rigs kyi bu'am/ rigs kyi bu mo de dag skye bo mang po la phan pa dang/ skye bo mang po @123b la bde ba'i don du zhugs pa yin/ kau shi ka/ rigs kyi bu'am/ rigs kyi bu mo gang la la shes rab kyi pha rol tu phyin pa 'di gzung ba dang/ bcang ba dang/ bklag pa dang/ kun chub par bya ba dang/ tshul bzhin du yid la byed cing bris te/ me tog dang/ phreng ba dang/ spos dang/ byug pa dang/ phye ma dang/ chos gos dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byed/ bkur stir byed/ bsti stang du byed/ mchod par byed na/ rigs kyi bu'am/ rigs kyi bu mo de'i bsod nams ches mang du 'phel gyi/ phyogs bcu kun gyi 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa bzhugs pa rnams la/ nam 'tsho'i bar du na bza' dang/ bshos dang/ gzims cha dang/ snyun gyi rkyen sman dang/ yo byad mang pos rim gror byas/ bkur stir byas/ bsti stang du byas/ mchod par byas pa dang/ de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa de dag mya ngan las 'das nas kyang/ rin po che sna bdun las byas pa'i mchod rten brtsigs te/ nam 'tsho'i bar du me tog dang/ phreng ba dang/ spos dang/ byug pa dang/ phye ma dang/ chos gos dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byas/ @124a @#/ /bkur stir byas/ bsti stang du byas/ mchod par byas pas ni ma yin no/ /shes rab kyi pha rol tu phyin pa stong phrag nyi shu lnga las le'u nyi shu gcig pa'o// //de nas bcom ldan 'das kyis/ lha'i dbang po brgya byin la bka' stsal pa/ kau shi ka/ khyod kyis 'dzam bu'i gling de bzhin gshegs pa'i sku gdung gis byur bur gang ba zhig kyang rnyed/ shes rab kyi pha rol tu phyin pa 'di glegs bam du bris pa zhig kyang la las byin na/ de las gang blang bar bya/ brgya byin gyis gsol pa; bcom ldan 'das/ gal te bdag 'dzam bu'i gling de bzhin gshegs pa'i sku gdung gis byur bur gtam pa zhig kyang la las stsal/ shes rab kyi pha rol tu phyin pa 'di glegs bam du bris pa zhig kyang la las stsal na/ shes rab kyi pha rol tu phyin pa 'di nyid bdag gis blang bar bgyi'o/ /de ci'i slad du zhe na/ bcom ldan 'das/ de bzhin gshegs pa'i sku gdung de dag la bdag rim gro ma mchis pa'ang ma lags/ mi ston pa'ang ma lags/ btsun par mi bgyid pa'ang ma lags te/ bcom ldan 'das/ bdag ni de bzhin gshegs pa'i sku gdung la rim gro bgyi bar mi 'tshal ba'am/ bkur stir bgyi bar mi 'tshal ba'am/ bsti stang du bgyi bar mi 'tshal ba'am/ mchod par bgyi bar @124b mi 'tshal ba yang ma lags na/ bcom ldan 'das/ de bzhin gshegs pa'i sku gdung de dag kyang/ shes rab kyi pha rol tu phyin pa las byung ba ste/ de'i slad du de bzhin gshegs pa'i sku gdung rnams kyang rim gror bgyi ba lags/ bkur stir bgyi ba lags/ bsti stang du bgyi ba lags/ mchod par bgyi ba lags so/ /sku gdung de dag ni shes rab kyi pha rol tu phyin pas bsgrubs pa ste/ de'i slad du de bzhin gshegs pa'i sku gdung de dag kyang mchod pa mnga'o/ /bcom ldan 'das/ nam bdag de bzhin gshegs pa'i sku gdung la lha rdzas kyi me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ lha rdzas kyi sil snyan sna tshogs kyis rim gror bgyid cing/ bkur stir bgyid pa dang; bsti stang du bgyid pa dang/ mchod par bgyid pa'i tshe'ang/ de bzhin gshegs pa'i sku gdung de dag shes rab kyi pha rol tu phyin pa las byung ba lags pas na/ lha dang/ mi dang/ lha ma yin du bcas pa'i 'jig rten gyis rim gror bgyi ba lags/ bkur stir bgyi ba lags/ bsti stang du bgyi ba lags/ mchod par bgyi ba lags pas bsrung zhing rim gror dang/ bkur sti dang/ bsti stang dang/ mchod par bgyid do/ /de nas tshe dang ldan pa shA radwa ti'i bus/ lha'i dbang po brgya byin la 'di skad ces smras so/ /kau shi ka/ shes rab kyi pha rol tu phyin pa 'di ni @125a @#/ /gzung du med pa/ gzugs med pa/ bltar med pa/ thogs pa med pa/ mtshan nyid gcig pa ste/ 'di ltar mtshan nyid med pa yin na/ de la khyod ji ltar na shes rab kyi pha rol tu phyin pa gzung du med pa/ gzugs med pa/ bltar med pa/ thogs pa med pa/ mtshan nyid gcig pa ste/ 'di ltar mtshan nyid med pa la gzung bar sems/ de ci'i phyir zhe na/ shes rab kyi pha rol tu phyin pa 'di 'dzin pa dang/ dor bar bya ba'i phyir nye bar gnas pa ma yin/ 'grib pa'i phyir ma yin/ 'phel ba'i phyir ma yin/ bskyed pa'i phyir ma yin/ bskyung ba'i phyir ma yin/ 'bri ba'i phyir ma yin/ bsnan pa'i phyir ma yin/ kun nas nyon mongs pa'i phyir ma yin/ rnam par byang ba'i phyir ma yin/ sangs rgyas kyi chos rnams nye bar bsgrub pa ma yin/ so so'i skye bo'i chos rnams 'dod pa ma yin/ byang chub sems dpa'i chos rnams dang/ rang sangs rgyas kyi chos rnams dang/ nyan thos kyi chos rnams dang/ slob pa dang/ mi slob pa'i chos rnams nye bar bsgrub pa ma yin/ so so'i skye bo'i chos rnams 'dor ba ma yin/ 'dus ma byas kyi dbyings nye bar bsgrub pa ma yin/ 'dus byas kyi khams 'dor bar byed pa ma yin/ sbyin pa'i pha rol tu phyin pa nye bar bsgrub pa ma yin/ shes rab kyi pha rol tu phyin pa'i bar du nye bar bsgrub pa ma @125b yin; nang stong pa nyid nye bar bsgrub pa ma yin/ dngos po med pa'i ngo bo nyid stong pa nyid kyi bar du nye bar bsgrub pa ma yin/ dran pa nye bar bzhag pa rnams nye bar bsgrub pa ma yin; yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa nye bar bsgrub pa ma yin/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa rnams nye bar bsgrub pa ma yin/ rnam pa thams cad mkhyen pa nyid kyi bar du nye bar bsgrub pa ma yin no/ /brgya byin gyis smras pa/ btsun pa shA radwa ti'i bu/ de de bzhin no/ /de de bzhin te/ btsun pa shA radwa ti'i bu/ gang gis de ltar shes rab kyi pha rol tu phyin pa ni/ sangs rgyas kyi chos rnams nye bar bsgrub pa ma yin/ so so'i skye bo'i chos rnams 'dor @126a @#/ /bar byed pa ma yin/ rnam pa thams cad mkhyen pa nyid kyi bar du nye bar bsgrub pa ma yin no zhes bya bar shes pa de ni/ shes rab kyi pha rol tu phyin pa la spyod pa yin no/ /shes rab kyi pha rol tu phyin pa la bsgom pa yin no/ /shes rab kyi pha rol tu phyin pa ni gnyis su shes par bya ba ma yin te/ shes rab kyi pha rol tu phyin pa ni mi gnyis pa'o/ /bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa ni/ gnyis su shes par bya ba ma yin te/ sbyin pa'i pha rol tu phyin pa ni mi gnyis pa'o/ /de nas bcom ldan 'das kyis lha'i dbang po brgya byin la legs so zhes bya ba gnang ste/ kau shi ka/ legs so/ /legs so; ;de de bzhin te/ ji skad du smras pa bzhin no/ /shes rab kyi pha rol tu phyin pa ni gnyis su shes rab bya ba ma yin te/ de ci'i phyir zhe na/ shes rab kyi pha rol tu phyin pa ni mi gnyis pa'o; ;bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa ni gnyis su shes par bya ba ma yin te/ de ci'i phyir zhe na/ sbyin pa'i pha rol tu phyin pa ni mi gnyis pa'o/ /kau shi ka/ gang shes rab kyi pha rol tu phyin pa la gnyis su 'dod @126b pa de ni/ chos kyi dbyings la gnyis su 'dod du zad do/ /de ci'i phyir zhe na/ kau shi ka/ de ni 'di ltar chos kyi dbyings dang/ shes rab kyi pha rol tu phyin pa de la gnyis su med de gnyis su byar med do/ /kau shi ka/ gang bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la gnyis su 'dod pa de ni/ chos kyi dbyings la gnyis su 'dod du zad do/ /de ci'i phyir zhe na/ de ni 'di ltar chos kyi dbyings dang/ sbyin pa'i pha rol tu phyin pa de la gnyis su med de gnyis su byar med do/ /kau shi ka/ gang shes rab kyi pha rol tu phyin pa la gnyis su 'dod pa de ni/ de bzhin nyid dang/ yang dag pa'i mtha' dang/ bsam gyis mi khyab pa'i dbyings la gnyis su 'dod zad do/ /de ci'i phyir zhe na/ kau shi ka/ de ni 'di ltar de bzhin nyid dang/ yang dag pa'i mtha' dang/ bsam gyis mi khyab pa'i dbyings dang/ shes rab kyi pha rol tu phyin pa de la gnyis su med de gnyis su byar med do/ /kau shi ka/ gang bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la gnyis su 'dod pa de ni/ de bzhin nyid dang/ yang dag pa'i mtha' dang/ bsam gyis mi khyab pa'i @127a @#/ /dbyings la gnyis su 'dod du zad do/ /de ci'i phyir zhe na/ de bzhin nyid dang/ yang dag pa'i mtha' dang/ bsam gyis mi khyab pa'i dbyings dang; sbyin pa'i pha rol tu phyin pa la gnyis su med de gnyis su byar med do/ /de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das/ shes rab kyi pha rol tu phyin pa 'di ni lha dang/ mi dang/ lha ma yin du bcas pa'i 'jig rten gyis phyag bgyi bar 'os pa ste/ de la bslabs pas ni/ byang chub sems dpa' sems dpa' chen po rnams bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /bcom ldan 'das/ gang gi tshe bdag chos bzang po'i lha'i 'khor du bdag nyid kyi/ lha'i dbang po'i stan la mchis par gyur pa de'i tshe/ der lha'i bu gang ji snyed bdag gi rim gro la mchis pa de dag kun kyang bdag la mchod pa bgyid de/ nam der bdag ma mchis shing/ stan de la ma mchis pa de'i tshe'ang lha'i bu de dag 'khor der mchis shing/ lha'i dbang po brgya byin stan 'di la 'dug cing/ sum cu rtsa gsum gyi lha rnams la chos ston to zhes stan de la g.yas phyogs su bskor ba bgyis @127b shing phyag btsal te slar mchi'o/ /bcom ldan 'das/ de bzhin du gang na shes rab kyi pha rol tu phyin pa 'di bris shing 'chang ba dang/ kha ton du bgyid cing gzhan la yang rgya cher ston pa der/ phyogs bcu'i 'jig rten gyi khams na/ lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po ji snyed cig mchis pa de dag kyang/ de bzhin gshegs pa dgra bcom pa yang dag par rdzogs pa'i sangs rgyas rnams ni 'di las byung ngo/ /nyan thos dang/ rang sangs rgyas thams cad kyang 'di las byung ngo/ /sems can thams cad kyi bde ba'i yo byad thams cad kyang 'di las byung ngo zhes/ shes rab kyi pha rol tu phyin pa la phyag bgyis shing gdud pa bgyis nas/ slar mchi bar 'gyur ro/ /de bzhin gshegs pa'i sku gdung rnams mchod pa mnga' ba yang/ shes rab kyi pha rol tu phyin pas yongs su bsgrubs pa'i slad du/ mchod pa mnga' ste/ de ci'i slad du zhe na/ bcom ldan 'das/ byang chub sems dpa' sems dpa' chen po byang chub sems dpa'i spyad pa spyod pa'i tshe/ shes rab kyi pha rol tu phyin pa ni thams cad mkhyen pa'i ye shes kyi gzhir gyur to/ /rgyur gyur to/ /rkyen du gyur to/ /yongs su sgrub par gyur to/ /bcom ldan 'das/ de lta bas na cha de gnyis las bdag ni shes rab kyi @128a @#/ /pha rol tu phyin pa 'di nyid len to/ /bcom ldan 'das/ gang gi tshe bdag gis shes rab kyi pha rol tu phyin pa 'di blangs te/ chos kyi khongs su gtogs pa'i yid kyis kha ton bgyid pa de'i tshe 'jigs pa'am/ bag tsha ba'i mtshan ma tsam yang yang dag par rjes su mi mthong ngo/ /bcom ldan 'das/ de ci'i slad du zhe na/ shes rab kyi pha rol tu phyin pa ni mtshan ma ma mchis/ rtags ma mchis/ brjod du ma mchis pa ste/ bcom ldan 'das/ shes rab kyi pha rol tu phyin pa ni smos su ma mchis pa'o/ /bcom ldan 'das/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa ni mtshan ma ma mchis/ rtags ma mchis/ brjod du ma mchis pa ste/ bcom ldan 'das/ pha rol tu phyin pa de dag ni smos su ma mchis pa'o/ /bcom ldan 'das/ rnam pa thams cad mkhyen pa nyid kyi bar ni mtshan ma ma mchis/ rtags ma mchis/ brjod du ma mchis pa ste/ bcom ldan 'das/ rnam pa thams cad mkhyen pa nyid ni smos su ma mchis pa'o/ /bcom ldan 'das/ gal te shes rab kyi pha rol tu phyin pa mtshan ma ma mchis pa zhig lags te/ mtshan ma ma mchis @128b pa ma lags na ni/ de bzhin gshegs pa dgra bcom pa yang dag par rdzogs pa'i sangs rgyas kyis/ chos thams cad la mtshan ma ma mchis pa dang/ rtags ma mchis pa dang/ brjod du ma mchis pa dang/ smos su ma mchis par thugs su chud de/ bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la mtshan ma ma mchis pa dang; rtags ma mchis pa dang/ brjod du ma mchis pa dang/ smos su ma mchis pa'i chos mi ston te/ bcom ldan 'das/ 'di ltar shes rab kyi pha rol tu phyin pa mtshan ma ma mchis/ rtags ma mchis/ brjod du ma mchis/ smos su ma mchis pas/ de'i slad du de bzhin gshegs pas chos thams cad mtshan ma ma mchis pa dang/ rtags ma mchis pa dang/ brjod du ma mchis pa dang; smos su ma mchis par thugs su chud de/ bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la mtshan ma ma mchis pa dang/ rtags ma mchis pa dang/ brjod du ma mchis pa dang/ smos su ma mchis pa'i chos bstan to/ /bcom ldan 'das/ de bas na shes rab kyi pha rol tu phyin pa 'di ni lha dang/ mi dang/ lha ma yin du bcas pa'i 'jig rten gyis/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs @129a @#/ /kyis rim gro dang/ bkur sti dang/ bsti stang dang/ mchod par bgyi bar 'os pa'o/ /bris shing me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gro dang/ bkur sti dang/ bsti stang dang/ mchod par bgyi bar 'os pa'o/ /bcom ldan 'das/ gang la la zhig shes rab kyi pha rol tu phyin pa 'di 'dzin cing 'chang ba dang/ klog cing kun chub pa dang/ tshul bzhin du yid la bgyid pa dang/ de bris shing me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gro dang/ bkur sti dang/ bsti stang dang/ mchod pa bgyid pa de ni nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du des sems can dmyal ba'i rgyud kyi dogs pa ma mchis par bgyi'o/ /byol song gi skye gnas dang/ gshin rje'i 'jig rten gyi rgyud kyi dogs pa ma mchis par bgyi'o/ /nyan thos kyi sa dang/ rang sangs rgyas kyi sa'i dogs pa ma mchis par bgyi'o/ /de ni de bzhin gshegs pa mthong ba dang yang mi 'bral bar 'gyur/ sems can yongs su smin par bgyi ba dang yang mi 'bral bar 'gyur te/ de bzhin gshegs pa dgra bcom pa yang dag par @129b rdzogs pa'i sangs rgyas de dag la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gro dang/ bkur sti dang/ bsti stang dang/ mchod par bgyid cing sangs rgyas kyi zhing nas sangs rgyas kyi zhing du mchi bar 'gyur ro/ /bcom ldan 'das/ gzhan yang gal te stong gsum gyi stong chen po'i 'jig rten gyi khams 'di de bzhin gshegs pa'i sku gdung gi byur bur gtams pa zhig kyang stsal la/ shes rab kyi pha rol tu phyin pa 'di'ang bris te stsal na/ bcom ldan 'das dkon mchog de gnyis las bdag ni shes rab kyi pha rol tu phyin pa 'di nyid len to/ /bocm ldan 'das/ de ci'i slad du zhe na/ 'di las byung ba ni de bzhin gshegs pa rnams dang/ de bzhin gshegs pa'i sku gdung rnams te/ de bas na de bzhin gshegs pa'i sku gdung de dag kyang rim gror bgyi ba dang/ bkur stir bgyi ba dang/ bsti stang du bgyi zhing mchod par bgyi ba lags te/ rigs kyi bu'am/ rigs kyi bu mo de dag gis/ de dag la rim gror bgyis/ bkur stir bgyis/ bsti stang du bgyis/ mchod par bgyis na/ log par ltung ba dang/ ngan song du mchi ngar mi 'gyur te/ lha dang mi'i phun sum tshogs pa myong nas/ smon lam gyi tshul bzhin du nyan thos kyi theg pa'am/ @130a @#/ /rang sangs rgyas kyi theg pa'am/ yang dag par rdzogs pa'i sangs rgyas kyi theg pas yongs su mya ngan las 'das par 'gyur ro/ /bcom ldan 'das; de lta bas na gang de bzhin gshegs pa mthong ba dang/ shes rab kyi pha rol tu phyin pa bris pa mthong ba de ni mi 'dra ba ma mchis so/ /de ci'i slad du zhe na/ bcom ldan 'das; de ni 'di ltar shes rab kyi pha rol tu phyin pa dang/ de bzhin gshegs pa la gnyis su ma mchis te gnyis su bgyir ma mchis so/ /bcom ldan 'das/ gzhan yang gang de bzhin gshegs pa dgra bcom pa yang dag par rdzogs pa'i sangs rgyas kyis cho 'phrul rnam pa gsum la bzhugs te/ mdo dang/ dbyangs kyis bsnyad pa dang/ lung bstan pa dang/ chos gtan la dbab pa bstan pa'i bar du gsungs te bshad pa dang/ rigs kyi bu'am rigs kyi bu mo la las/ shes rab kyi pha rol tu phyin pa 'di bzung zhing kun chub par bgyis te/ gzhan la bstan pa de gnyis kyang mi 'dra ba ma mchis so/ /bcom ldan 'das/ de ci'i slad du zhe na/ 'di las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams so/ /'di las byung ba ni cho 'phrul rnam pa gsum mo/ /'di las byung ba ni mdo dang/ dbyangs kyis bsnyad pa dang/ lung bstan pa dang/ chos gtan la dbab @130b pa bstan pa'i bar dag go/ bcom ldan 'das/ gzhan yang shar phyogs kyi de bzhin gshegs pa dgra bcom pa yang dag par rdzogs pa'i sangs rgyas ganggA'i klung gi bye ma snyed mang po dang/ lho dang/ nub dang/ byang dang/ byang shar dang/ shar lho dang/ lho nub dang/ nub byang dang/ 'og dang/ steng gi phyogs kyi phyogs re re zhing/ de bzhin gshegs pa dgra bcom pa yang dag par rdzogs pa'i sangs rgyas ganggA'i klung gi bye ma snyed mang pos cho 'phrul rnam pa gsum la bzhugs te/ mdo dang/ dbyangs kyis bsnyad pa dang/ lung bstan pa dang/ chos gtan la dbab pa bstan pa'i bar du gsungs te bshad pa dang/ rigs kyi bu'am/ rigs kyi bu mo gang la las/ shes rab kyi pha rol tu phyin pa 'di bzung zhing kun chub par bgyis te/ gzhan la bstan pa de gnyis kyang mi 'dra ba ma mchis so/ /de ci'i slad du zhe na/ 'di las byung ba ni phyogs bcu'i de bzhin gshegs pa dgra bcom pa yang dag par rdzogs pa'i sangs rgyas rnams so/ /'di las byung ba ni cho 'phrul rnam pa gsum mo/ /'di las byang ba ni mdo dang dbyangs kyis bsnyad pa dang/ lung bstan pa dang/ chos gtan la dbab pa bstan pa'i bar dag go/ bcom ldan 'das/ gzhan yang phyogs bcu'i phyogs re re zhing 'jig rten gyi khams ganggA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i @131a @#/ /sangs rgyas de dag la/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gro dang/ bkur sti dang/ bsti stang dang/ mchod pa bgyis pa dang/ shes rab kyi pha rol tu phyin pa 'di glegs bam du bris shing/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gro dang/ bkur sti dang/ bsti stang dang/ mchod pa bgyis par yang mi 'dra ba ma mchis so/ /de ci'i slad du zhe na/ 'di las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams so/ /bcom ldan 'das/ gzhan yang rigs kyi bu'am/ rigs kyi bu mo gang shes rab kyi pha rol tu phyin pa 'di 'dzin cing 'chang ba dang/ klog cing kun chub par byed pa dang/ tshul bzhin du yid la bgyid cing/ gzhan la'ang rgya cher ston pa des ni/ sems can dmyal ba'i rgyud kyi dogs pa ma mchis par bgyi'o/ /byol song gi skye gnas dang/ gshin rje'i 'jig rten gyi rgyud kyi dogs pa ma mchis par bgyi'o/ /nyan thos kyi sa dang/ rang sangs rgyas kyi sa'i dogs pa ma mchis par bgyi'o/ /de ci'i slad du @131b zhe na; 'di ltar rigs kyi bu'am/ rigs kyi bu mo de ni phyir mi ldog pa'i sa la gnas par rig par bgyi'o/ /de ci'i slad du zhe na/ de ni 'di ltar shes rab kyi pha rol tu phyin pa 'di bris shing 'dzin to/ /'chang ngo/ /klog go/ kun chub par bgyid do/ /tshul bzhin du yid la bgyid do/ /bris pa de la yang me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror bgyid/ bkur stir bgyid/ bsti stang du bgyid/ mchod par bgyid do/ / bcom ldan 'das/ de ltar na shes rab kyi pha rol tu phyin pa 'di ni 'jigs pa thams cad zhi bar bgyid pa'o/ /nad thams cad rab tu sel ba'o/ /bcom ldan 'das/ gzhan yang rigs kyi bu dang/ rigs kyi bu mo gang shes rab kyi pha rol tu phyin pa 'di bris shing 'dzin pa dang/ 'chang ba dang/ klog pa dang/ kun chub par bgyid pa dang/ de la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gro dang/ bkur sti dang/ bsti stang dang/ mchod par bgyis pa des ni/ gang nas kyang 'jigs pa 'byung ba'i dogs pa ma mchis par bgyi'o/ /bcom ldan 'das/ 'di lta ste/ dper na/ skyes bu nor gyi @132a @#/ /bdag po zhig 'jigs nas/ rgyal po la gnas shing rgyal po la brten nas/ de rgyal po la gnas shing rgyal po la brten pas/ sus 'jigs pa de dag nyid kyang de la brten pas/ de dag gis 'jigs par mi 'gyur ro/ /de ci'i slad du zhe na/ bcom ldan 'das/ de ni 'di ltar gsha' ste/ gang rgyal po la brten pa ni mthu dang ldan pa la brten pa'o/ /bcom ldan 'das/ de bzhin du de bzhin gshegs pa'i sku gdung de dag kyang/ shes rab kyi pha rol tu phyin pas yongs su bsgrubs pas na mchod pa mnga'o/ /bcom ldan 'das/ rnam pa thams cad mkhyen pa'i ye shes gang lags pa de'ang/ shes rab kyi pha rol tu phyin pas yongs su bsgrubs par blta'o/ /bcom ldan 'das/ de bas na bdag gis cha de gnyis las/ shes rab kyi pha rol tu phyin pa 'di nyid blang bar bgyi'o/ /bcom ldan 'das/ de ci'i slad du zhe na/ 'di las byung ba ni de bzhin gshegs pa'i sku gdung rnams so/ /'di las byung ba ni mi chen po'i mtshan sum cu rtsa gnyis so/ /'di las byung ba ni de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad do/ /'di las byung ba ni byams pa chen po dang/ snying rje chen po'o/ /bcom ldan 'das/ 'di las byung ba ni pha rol @132b tu phyin pa lnga ste/ de dag pha rol tu phyin pa'i ming 'thob bo/ /'di las byung ba ni de bzhin gshegs pa'i rnam pa thams cad mkhyen pa nyid kyi bar te/ bcom ldan 'das/ grong ngam/ grong brdal lam/ grong khyer ram/ khams sam/ rgyal po'i gnas sam/ stong gsum gyi stong chen po'i 'jig rten gyi khams gang na/ shes rab kyi pha rol tu phyin pa 'di 'dzin cing 'chang ba dang/ klog cing kun chub par bgyid pa dang/ de bris shing rim gro dang/ bkur sti dang/ bsti stang dang/ mchod pa bgyid pa de dag tu mi'am/ mi ma lags pa glags lta zhing glags tshol ba rnams kyis glags rnyed par mi 'gyur te; sems can de dag thams cad kyang theg pa gsum las theg pa gang yang rung bas mthar gyis yongs su mya ngan las 'das pa'i chos can du 'gyur ro/ /bcom ldan 'das/ de lta bas na/ shes rab kyi pha rol tu phyin pa 'di ni don chen po dang ldan pa ste/ stong gsum gyi stong chen po'i 'jig rten gyi khams na/ de ltar sems can rnams kyi sangs rgyas kyi don du nye bar gnas so/ /bcom ldan 'das/ 'jig rten gyi khams gang na shes rab kyi pha rol tu phyin pa 'di mchis pa'i 'jig rten gyi khams der ni sangs rgyas byung ba dang 'dra bar blta'o/ /bcom ldan 'das/ 'di lta ste/ dper na/ nor bu rin po che chen po mi dpogs rin chen zhes bgyi ba mchis te/ de ni nor bu rin po che chen po'i yon tan rnam pa 'di lta bu dag dang ldan te/ nor bu rin @133a @#/ /po che de gang dang gang du bzhag pa de dang der/ mi ma lags pa rnams kyis glags mi rnyed do/ /mi ma lags pas zin pa'i skyes pa'am/ bud med kyang nor bu rin po che de bstan na/ mi ma lags pa de nor bu rin po che chen po de'i gzi brjid mi bzod de myur du 'pho zhing mi gnas so/ /mkhris pas gdungs pa'i lus la nor bu rin po che chen po de btags na/ mkhris pa de'ang 'byang bar 'gyur ro/ /rlung gis mnar ba'i lus la nor bu rin po che chen po de btags na/ rlung de'ang 'byang bar 'gyur ro/ /bad kan gyis non pa'i lus la nor bu rin po che chen po de btags na/ bad kan de'ang zhi bar 'gyur ro/ /'dus pa'i nad kyis btab pa'i lus la nor bu rin po che chen po de btags na/ 'dus pa'i nad de'ang zhi bar 'gyur zhing rnam par mi 'phel lo/ /nub mo ni nor bu rin po che chen po de snang bar bgyid do/ /tsha ba'i dus na ni nor bu rin po che chen po de phyogs gang du bzhag pa'i phyogs de bsil bar bgyid do/ /grang ba'i dus na ni nor bu rin po che chen po de phyogs gang du bzhag pa'i phyogs de dro bar bgyid do/ /nor bu rin po che chen po de dog sa'i phyogs gang du bzhag pa'i phyogs de yang/ ha cang yang mi dor/ ha cang yang mi grang zhing ran pa phun sum tshogs par bgyid do/ /nor bu rin po che chen po de dogs sa'i phyogs gang du bzhag pa'i dog sa'i phyogs der sbrul lam/ de ma lags pa'i sdig pa la @133b sogs pa gdug pa dang/ gzhan dag kyang rgyu bar mi 'gyur ro// //shes rab kyi pha rol tu phyin pa stong phrag nyi shu lnga pa/ bam po sum cu bzhi pa/ bcom ldan 'das/ skyes pa'am/ bud med la la zhig sbrul gdug pas zin pa la/ nor bu rin po che chen po de bstan na/ des de mthong ma thag tu dug de yang byang bar 'gyur ro/ /bcom ldan 'das/ nor bu rin po che chen po de ni yon tan gyi rnam pa 'di lta bu dag dang ldan te/ skyes pa'am bud med la la zhig 'brum bus btab bam/ mig rab rib can du gyur te/ mig gi nad dam/ rna ba'i nad dam/ sna'i nad dam/ lce'i nad dam/ lkog ma'i nad dam/ lus kyi nad ci byung ba las de'i lus la nor bu rin po che chen po de btags na de dag gi 'brum bu'am/ rab rib bam/ mig gi nad dam/ rna ba'i nad dam/ sna'i nad dam/ lce'i nad dam/ lkog ma'i nad dam/ lus kyi nad de dag kyang zhi bar 'gyur ro/ /bcom ldan 'das/ nor bu rin po che chen po de ni yon tan gyi rnam pa 'di lta bu dag dang yang ldan te/ gal te nor bu rin po che chen po de dag chab rnyog pa can gyi nang du stsal na/ de'i mod la chab de thams cad kyang yan lag brgyad dang ldan zhing kha dog gcig par 'gyur ro/ /gal te nor bu rin po che chen po de gos sngon pos dkris te chab kyi nang du stsal na/ chab de'ang de'i rang bzhin nyid du 'gyur ro/ /gal te nor bu rin po che chen po de gos ser po'am/ dmar po'am/ @134a @#/ /dkar po'am/ le brgan nam/ shel gyi kha dog gam/ gos gzhan rnam pa sna tshogs kyis nor bu rin po che chen po de dkris te chab kyi nang du stsal na/ chab de'ang de'i rang bzhin nyid du 'gyur ro/ /chab de la rnyog pa mchis pa'ang/ nor bu rin po che chen po des dang ste/ bcom ldan 'das/ nor bu rin po che chen po de ni yon tan gyi rnam pa de lta bu dag dang/ gzhan yang rnam pa mang po dag dang ldan no/ /bcom ldan 'das/ shes rab kyi pha rol tu phyin pa 'di'ang lha rdzas kyi nor bu rin po che chen po de dang 'dra bar yon tan thams cad kyi 'byung gnas su gyur pa ste/ sdig pa thams cad sel ba'o/ /de nas tshe dang ldan pa dga' bos/ lha'i dbang po brgya byin la 'di skad ces smras so/ /kau shi ka/ de ji snyam du sems/ nor bu rin po che chen po de lha rdzas shig yin nam/ 'on tam nor bu rin po che chen po de 'dzam bu'i gling gi mi rnams la'ang yod/ brgya byin gyis smras pa/ btsun pa dga' bo/ nor bu rin po che chen po de ni lha rdzas te/ btsun pa dga' bo/ 'dzam bu'i gling gi mi rnams la nor bu rin po che gang yod pa de dag ni chung zhing lci/ lha rdzas kyi nor bu rin po che de dag ni che zhing yang ste/ 'dzam bu'i gling gi mi rnams kyi nor bu rin po che chen po de dag ni lha rdzas ltar yan lag de dag gis yongs su rdzogs pa ma yin te/ 'dzam bu'i gling gi nor bu rin po che de dag gis ni/ lha rdzas @134b kyi nor bu rin po che chen po de'i grangs sam/ cha'am/ bgrang ba'am/ dpe'am/ rgyur yang nye bar mi 'gro'o/ /de nas yang lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das/ nor bu rin po che chen po de snod la la zhig gi nang du stsal stsal ba las/ snod de nas byung yang snod de ni nor bu rin po che de'i yon tan gyis yid du mchi bar 'gyur te/ gzhan yang snod de la mos pa skyed do/ /bcom ldan 'das/ de bzhin du shes rab kyi pha rol tu phyin pa 'di gang na mchis pa de'i/ rigs kyi bu'am rigs kyi bu mo dag gi lus sam sems kyi sdug bsngal dang/ gnod pa mi las gyur pa'am/ mi ma lags pa las gyur pa thams cad kyang ma mchis par 'gyur te/ bcom ldan 'das/ nor bu rin po che chen po zhes bgyi ba ni shes rab kyi pha rol tu phyin pa'i tshig bla dwags so/ /rnam pa thams cad mkhyen pa'i ye shes kyi tshig bla dwags so/ /bcom ldan 'das/ shes rab kyi pha rol tu phyin pa'i yon tan lta ji snyed cig brjod par bgyi ste/ shes rab kyi pha rol tu phyin pa'i yon tan ni tshad ma mchis so/ /de bzhin gshegs pa'i sku gdung de dag kyang shes rab kyi pha rol tu phyin pa'i snod do/ / bcom ldan 'das/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha @135a @#/ /rol tu phyin pa dang/ nang stong pa nyid dang/ dngos po med pa'i ngo bo nyid stong pa nyid kyi bar dang/ dran pa nye bar bzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa dang/ 'phags pa'i bden pa rnams dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad dang/ thams cad shes pa nyid dang; lam gyi rnam pa shes pa nyid dang/ rnam pa thams cad mkhyen pa nyid kyi ye shes dang/ de bzhin nyid dang/ ma nor ba de bzhin nyid dang/ gzhan ma yin pa de bzhin nyid dang/ chos nyid dang/ chos kyi dbyings dang/ chos kyi gnas nyid dang/ chos mi 'gyur ba nyid dang/ yang dag pa'i mtha' dang/ bsam gyis mi khyab pa'i dbyings dang/ bag chags kyi @135b mtshams sbyor ba'i nyon mongs pa thams cad spangs pa dang/ rtag tu btang snyoms la gnas pa dang/ mi nyams pa'i chos nyid kyi yon tan lta ji snyed cig brjod par bgyi ste/ mi nyams pa'i chos nyid kyi yon tan ni tshad ma mchis so/ /de bzhin gshegs pa'i sku gdung de dag kyang mi nyams pa'i chos nyid kyi snod do/ /de bas na de bzhin gshegs pa'i sku gdung de dag ni mchod pa mnga'o/ /bcom ldan 'das/ de bzhin gshegs pa'i sku gdung de dag ni pha rol tu phyin pa rin po che'i snod do/ /de bzhin gshegs pa'i sku gdung de dag ni pha rol tu phyin pa kun nas nyon mongs pa ma mchis pa; rnam par byang ba ma mchis pa dang/ pha rol tu phyin pa mi skye/ mi 'gag pa dang/ pha rol tu phyin pa blang ba ma mchis/ dor ba ma mchis pa dang/ pha rol tu phyin pa dbri ba ma mchis/ bsnan pa mchis pa dang/ pha rol tu phyin pa 'ong ba ma mchis/ 'gro ba ma mchis/ gnas pa ma mchis pa'i snod de/ de bas na de bzhin gshegs pa'i sku gdung de dag ni mchod pa mnga'o/ /bcom ldan 'das/ de bzhin gshegs pa'i sku gdung de dag ni pha rol tu phyin pa'i chos nyid kyi snod de/ de bzhin gshegs pa'i sku gdung de dag ni pha rol tu phyin pa'i chos nyid kyis yongs su bsgoms pa'o/ /de bas na de bzhin gshegs pa mya ngan las 'das kyang/ de bzhin gshegs pa'i sku gdung de dag ni mchod pa mnga'o/ /gzhan yang stong gsum gyi stong chen po'i 'jig @136a @#/ /rten gyi khams de bzhin gshegs pa'i sku gdung gis byur bur yongs su gtams pa lta zhog gi/ bcom ldan 'das/ gal te phyogs bcu'i 'jig rten gyi khams ganggA'i klung gi bye ma snyed cig /de bzhin gshegs pa'i sku gdung gis byur bur gtams pa dang/ shes rab kyi pha rol tu phyin pa glegs bam du bris ba zhig stsal na/ bcom ldan 'das/ rnam pa de gnyis las bdag ni shes rab kyi pha rol tu phyin pa 'di nyid len to/ /de ci'i slad du zhe na/ bcom ldan 'das/ 'di las byung ba ni/ de bzhin gshegs pa dgra bcom pa yang dag par rdzogs pa'i sangs rgyas kyi sku gdung rnams te mchod pa mnga'o/ /bcom ldan 'das/ shes rab kyi pha rol tu phyin pa yongs su bsgoms pas na/ de bzhin gshegs pa'i sku gdung de dag mchod pa mnga' ste/ bcom ldan 'das/ rigs kyi bu'am/ rigs kyi bu mo gang de bzhin gshegs pa'i sku gdung rnams la rim gror bgyid pa dang/ bkur stir bgyid pa dang/ bsti stang du bgyid pa dang/ mchod par bgyid pa yang dge ba'i rtsa ba de'i mtha' mi dmigs shing/ rgyal rigs che zhing mtho ba'am/ bram ze'i rigs che zhing mtho ba'am/ khyim bdag gi rigs che zhing mtho ba'am/ rgyal chen bzhi'i ris kyi lha'am/ sum cu rtsa gsum mam/ mtshe ma'am/ dga' ldan nam/ 'phrul dga' @136b 'am/ gzhan 'phrul dbang byed kyi lha'i nang du mi dang/ lha'i phun sum tshogs pa dang bde ba myong nas dge ba'i rtsa ba de nyid kyis sdug bsngal gyi mthar 'byung ste/ de bzhin gshegs pa'i sku gdung mchod pa'i 'bras bu lta de tsam du bas kyi/ shes rab kyi pha rol tu phyin pa 'di bzung zhing bcangs pa dang/ bklags shing kun chub par bgyis pa dang/ tshul bzhin du yid la bgyis na/ sbyin pa'i pha rol tu phyin pa yongs su rdzogs par 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa yongs su rdzogs par 'gyur ro/ /nang stong pa nyid yongs su rdzogs par 'gyur ro/ /dngos po med pa'i ngo bo nyid stong pa nyid kyi bar du yongs su rdzogs par 'gyur ro/ /byang chub kyi phyogs kyi chos sum cu rtsa bdun yongs su rdzogs par 'gyur ro/ /sangs rgyas kyi chos ma 'dres pa bco brgyad kyi bar du yongs su rdzogs par 'gyur ro/ /de ched du bsams te lus yongs su 'dzin par 'gyur ro/ /lus de dag gis sems can yongs su smin par bgyid par 'gyur te/ 'khor los sgyur ba'i lus sam/ rgyal rigs che zhing mtho ba'am/ bram ze'i rigs che zhing mtho ba'am/ khyim bdag gi rigs che zhing mtho ba'i lus sam/ brgya byin gyi gzugs sam/ tshangs pa'i gzugs sam/ ngal bso po'i gzugs @137a @#/ /kyang rung ste/ de lus de dag gis sems can yongs su smin par bgyid par 'gyur ro/ /nyan thos kyi sa dang/ rang sangs rgyas kyi sa las 'das te/ byang chub sems dpa'i skyon med par 'jug par 'gyur ro/ /byang chub sems dpa'i skyon med par zhugs nas/ byang chub sems dpa'i mngon par shes pa 'thob par 'gyur ro/ /byang chub sems dpa'i mngon par shes pa thob nas/ sangs rgyas kyi zhing nas sangs rgyas kyi zhing du mchi bar 'gyur ro/ /bcom ldan 'das/ de bas na bdag ni de bzhin gshegs pa'i sku gdung la rim gro ma mchis pa yang ma lags/ glo ba ma ches pa yang ma mchis/ mchod par mi 'tshal ba yang ma lags/ gzung bar mi 'tshal ba yang ma lags te/ bcom ldan 'das/ shes rab kyi pha rol tu phyin pa 'di ni rigs kyi bu'am/ rigs kyi bu mo rnams kyis rim gro dang/ bkur sti dang/ bsti stang dang/ mchod pa bgyis na/ sangs rgyas kyi chos thams cad kyi rgyu shin tu bsags pa lags/ phun sum tshogs pa thams cad kyang yongs su zin par 'gyur/ de bzhin gshegs pa'i sku gdung rnams la'ang rim gro dang; bkur sti dang/ bsti stang dang/ mchod pa bgyid par 'gyur ro/ /bcom ldan 'das/ gzhan yang phyogs bcu'i 'jig rten gyi khams tshad dang grangs ma mchis pa dag na/ de @137b bzhin gshegs pa dgra bcom pa yang dag par rdzogs pa'i sangs rgyas ji snyed cig bzhugs shing 'tsho skyong ba dang/ chos ston pa de dag chos kyi sku dang/ gzugs kyi sku dang/ ye shes kyi skur mthong bar 'tshal zhing mchod par 'tshal bas/ shes rab kyi pha rol tu phyin pa 'di nyid gzung bar bgyi/ bcang bar bgyi/ bklag par bgyi/ kun chub par bgyi/ mchod par bgyi/ gzhan la yang rgya cher yang dag par bstan par bgyi/ tshul bzhin du yang yid la bgyi ste/ rigs kyi bu'am/ rigs kyi bu mo des ni phyogs bcu'i 'jig rten gyi khams grangs dang/ tshad ma mchis pa'i de bzhin gshegs pa dgra bcom pa yang dag par rdzogs pa'i sangs rgyas rnams mthong bar 'gyur ro/ /de bas na rigs kyi bu'am/ rigs kyi bu mo shes rab kyi pha rol tu phyin pa la spyod pa des/ chos nyid du sangs rgyas rjes su dran pa bsgom par bgyi'o/ /bcom ldan 'das/ gzhan yang rigs kyi bu'am/ rigs kyi bu mo de bzhin gshegs pa dgra bcom pa yang dag par rdzogs pa'i sangs rgyas de dag mthong bar 'tshal bas/ shes rab kyi pha rol tu phyin pa 'di gzung bar bgyi/ bcang bar bgyi/ bklag par bgyi/ kun chub par bgyi; mchod par bgyi/ gzhan la yang rgya cher yang dag par bstan par bgyi/ chos nyid tshul bzhin du yang yid la bgyi'o/ /bcom ldan 'das/ gnyis po 'di dag ni chos nyid @138a @#/ /de; gnyis gang zhe na/ 'dus byas kyi chos rnams kyi chos nyid dang/ 'dus ma byas kyi chos rnams kyi chos nyid do/ /bcom ldan 'das/ de la 'dus byas kyi chos rnams kyi chos nyid gang lags she na/ nang stong pa nyid kyi ye shes dang/ phyi stong pa nyid kyi ye shes dang/ phyi nang stong pa nyid kyi ye shes dang/ dngos po med pa'i ngo bo nyid stong pa nyid kyi bar gyi ye shes dang/ byang chub kyi phyogs kyi chos sum cu rtsa bdun gyi ye shes dang/ 'phags pa'i bden pa bzhi dang/ bsam gtan bzhi dang/ tshad med pa bzhi dang; gzugs med pa'i snyoms par 'jug pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang; mtshan ma med pa dang/ smon pa med pa'i ye shes dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad kyi ye shes dang/ dge ba dang/ mi dge ba'i chos rnams kyi ye shes dang/ zag pa med pa dang/ zag pa dang bcas pa'i chos rnams kyi ye shes dang/ 'jig rten pa dang/ 'jig rten las 'das pa'i chos rnams kyi ye shes gang lags pa de ni/ 'dus byas kyi chos rnams kyi chos nyid ces @138b bgyi'o/ /de la 'dus ma byas kyi chos rnams kyi chos nyid gang lags she na/ de ni gang la skye ba ma mchis pa dang/ 'gag pa ma mchis pa dang/ gnas pa ma mchis pa dang/ gnas pa las gzhan du 'gyur ba ma mchis pa dang/ kun nas nyon mongs pa ma mchis pa dang/ rnam par byang ba ma mchis pa dang/ 'phel ba ma mchis pa dang/ 'grib pa ma mchis pa ste/ de ni chos thams cad kyi ngo bo nyid do/ /chos thams cad kyi ngo bo nyid gang lags she na/ chos thams cad ni dngos po ma mchis pa'i ngo bo nyid de/ 'di ni 'dus ma byas kyi chos rnams kyi chos nyid ces bgyi'o/ / bcom ldan 'das kyis bka' stsal pa/ kau shi ka/ de de bzhin no/ /de de bzhin te/ 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba de dag kyang/ shes rab kyi pha rol tu phyin pa 'di nyid la brten te/ bla na med pa yang dag par rdzogs pa'i byang chub tu mngon par rdzogs par sangs rgyas so/ /ma 'ong pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig 'byung ba de dag kyang/ shes rab kyi pha rol tu phyin pa 'di nyid la ba rten cing/ bla na med pa yang dag par rdzogs pa'i byang chub tu mngon par rdzogs par 'tshang rgya'o/ /da ltar byung ba'i phyogs bcu'i 'jig rten gyi khams tshad med grangs med pa dag na/ de bzhin gshegs pa dgra @139a @#/ /bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang/ chos ston pa de dag kyang shes rab kyi pha rol tu phyin pa 'di nyid la brten te/ bla na med pa yang dag par rdzogs pa'i byang chub tu mngon par rdzogs par sangs rgyas so/ /'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos gang ji snyed cig byung ba dang/ ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos gang ji snyed cig 'byung ba dang/ da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos gang ji snyed cig yod pa de dag gis kyang/ shes rab kyi pha rol tu phyin pa 'di nyid la brten te/ rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid thob bo/ /'thob bo/ /'thob par 'gyur ro/ /'das pa'i dus kyi rang sangs rgyas gang ji snyed cig byung ba dang/ ma 'ongs pa'i dus kyi rang sangs rgyas gang ji snyed cig 'byung ba dang/ da ltar byung ba'i 'jig rten gyi khams grangs med tshad med pa dag na/ rang sangs rgyas gang ji snyed cig 'khod cing 'tsho skyong ba de dag gis kyang/ shes rab kyi pha @139b rol tu phyin pa 'di nyid la brten te rang byang chub thob bo/ /'thob bo/ /'thob par 'gyur ro/ /de ci'i phyir zhe na/ 'di ltar shes rab kyi pha rol tu phyin pa 'di las theg pa gsum po thams cad rgya cher bstan te/ de dag kyang mtshan ma med pa'i tshul dang/ dmigs pa med pa'i tshul dang/ skye ba med pa'i tshul dang/ 'gag pa med pa'i tshul dang/ kun nas nyon mongs pa med pa dang/ rnam par byang ba med pa'i tshul dang/ mngon par 'du bya ba med pa'i tshul dang/ zhen pa med pa dang/ 'dor ba med pa'i tshul dang/ dbri ba med pa dang/ bsnan pa med pa'i tshul dang/ blang ba med pa dang/ spang ba med pa'i tshul gyis bstan te/ de'ang 'jig rten gyi tha snyad kyi tshul gyis bstan gyi/ don dam par ni ma yin no/ /de ci'i phyir zhe na/ shes rab kyi pha rol tu phyin pa 'di ni ring du song ba ma yin/ pha rol tu phyin pa ma yin te/ shes rab kyi pha rol tu phyin pa ni tshu rol ma yin/ pha rol ma yin/ thang ma yin/ thang du 'dug pa ma yin/ gshong du 'dug pa ma yin/ mnyam pa ma yin/ mi mnyam pa ma yin/ mtshan ma ma yin/ mtshan ma med pa ma yin/ 'jig rten pa ma yin/ 'jig rten las 'das pa ma yin/ 'dus byas ma yin/ 'dus ma byas ma yin/ dge ba ma yin/ mi dge ba ma yin/ 'das pa ma yin/ ma 'ongs pa ma yin/ da ltar byung ba ma yin te/ kau shi ka/ shes rab kyi pha rol tu phyin @140a @#/ /pa ni sangs rgyas kyi chos rnams nye bar bsgrub pa ma yin te/ dgra bcom pa'i bar gyi chos rnams dang/ rang sangs rgyas kyi chos rnams nye bar bsgrub pa ma yin; so so'i skye bo'i chos rnams 'dor ba ma yin no/ /brgya byin gyis gsol ba/ bcom ldan 'das/ shes rab kyi pha rol tu phyin pa 'di ni pha rol tu phyin pa chen po ste/ bcom ldan 'das/ byang chub sems dpa' sems dpa' chen po shes rab kyi pha rol tu phyin pa 'di la spyod pa rnams ni/ sems can thams cad kyi sems dang spyod pa yang 'tshal te/ sems can du dmigs pa ma mchis so/ /sems can du gdags par dmigs pa ma mchis so/ /bdag dang/ sems can dang/ srog dang/ 'gro ba dang/ gso ba dang/ skyes bu dang/ gang zag dang/ shed can dang/ shed bdag dang/ byed pa po dang/ tshor ba po dang/ shes pa po dang/ mthong ba por dmigs pa ma mchis so/ /gzugs su dmigs pa ma mchis/ tshor ba dang/ 'du shes dang/ 'du byed dang/ rnam par shes par dmigs pa ma mchis so/ /mig tu dmigs pa ma mchis/ yid kyi bar du dmigs pa ma mchis so; ;gzugs su dmigs pa ma mchis/ chos kyi bar du dmigs pa ma mchis so/ /mig gi rnam par shes par dmigs pa ma mchis/ yid kyi rnam par shes pa'i bar du dmigs @140b pa ma mchis so/ /mig gi 'dus te reg par dmigs pa ma mchis/ yid kyi 'dus te reg pa'i bar du dmigs pa ma mchis so/ /mig gi 'dus te reg pa las byung ba tshor bar dmigs pa ma mchis/ yid kyi 'dus te reg pa las byung ba'i tshor ba'i bar gdu dmigs pa ma mchis so/ /sa'i khams su dmigs pa ma mchis/ chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams su dmigs pa ma mchis so/ /ma rig par dmigs pa ma mchis/ 'du byed dang/ rnam par shes pa dang/ ming dang gzugs dang; skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shir dmigs pa ma mchis so/ /sbyin pa'i pha rol tu phyin par dmigs pa ma mchis/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin par dmigs pa ma mchis so/ /nang stong pa nyid du dmigs pa ma mchis/ dngos po med pa'i ngo bo nyid stong pa nyid kyi bar du dmigs pa ma mchis so/ /dran pa nye bar bzhag pa rnams su dmigs pa ma mchis/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad par dmigs pa ma @141a @#/ /mchis so/ /'phags pa'i bden pa rnams su dmigs pa ma mchis so/ /bsam gtan dang/ tshad med pa dang/ gzugs med pa'i snyoms par 'jug pa rnams su dmigs pa ma mchis so/ /rnam par thar pa brgyad du dmigs pa ma mchis/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa rnams su dmigs pa ma mchis so/ /ting nge 'dzin rnams su dmigs pa ma mchis so/ /gzungs kyi sgo rnams su dmigs pa ma mchis so/ /de bzhin gshegs pa'i stobs rnams su dmigs pa ma mchis/ mi 'jigs pa rnams dang/ so so yang dag par rig pa rnams dang/ snying rje chen po dang/ sangs rgyas kyi chos ma 'dres pa rnams su dmigs pa ma mchis so/ /rgyun du zhugs pa'i 'bras bur dmigs pa ma mchis/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid du dmigs pa ma mchis so/ /rang byang chub tu dmigs pa ma mchis so/ /lam gyi rnam pa shes pa nyid dang/ byang chub dang/ sangs rgyas dang/ sangs rgyas kyi chos su dmigs pa ma mchis te/ shes rab kyi pha rol tu phyin pa ni dmigs pa'i tshul du nye bar gnas pa ma lags so/ /de ci'i slad du zhe na/ de ni 'di ltar gang gis dmigs par bgyi ba dang/ gang la dmigs par @141b bgyi ba dang/ gang du dmigs par bgyi ba de lta bu'i ngo bo nyid de la ma mchis so/ /bcom ldan 'das kyis bka' stsal pa/ kau shi ka/ de de bzhin no/ /de de bzhin te/ byang chub sems dpa' sems dpa' chen po des mi dmigs pa'i tshul du/ shes rab kyi pha rol tu phyin pa la yun ring por spyad pas/ des byang chub kyang mi dmigs na/ sangs rgyas lta ci smos/ sangs rgyas kyi chos lta'ang ci smos/ brgya byin gyis gsol pa/ bcom ldan 'das/ byang chub sems dpa' sems dpa' chen po shes rab kyi pha rol tu phyin pa la spyod kyi/ de ma lags pa'i pha rol tu phyin pa gzhan la mi spyod dam/ bcom ldan 'das kyis bka' stsal pa/ kau shi ka/ byang chub sems dpa' sems dpa' chen po ni pha rol tu phyin pa drug po kun la'ang/ de mi dmigs pa'i tshul gyis spyod de/ des sbyin pa'ang mi dmigs/ gtong ba'ang mi dmigs/ len pa'ang mi dmigs so/ /tshul khrims kyang mi dmigs/ tshul khrims dang ldan pa yang mi dmigs/ tshul khrims ngan pa'ang mi dmigs so/ /bzod pa'ang mi dmigs/ bzod pa dang ldan pa'ang mi dmigs/ gnod sems kyang mi dmigs so/ /brtson 'grus kyang mi dmigs/ brtson 'grus dang ldan pa'ang mi dmigs/ le lo'ang mi dmigs so/ /bsam gtan yang mi dmigs/ bsam gtan dang ldan pa yang mi dmigs/ 'khrug pa'ang mi dmigs so/ /shes rab kyang mi dmigs/ @142a @#/ /shes rab dang ldan pa'ang mi dmigs/ shes rab 'chal ba'ang mi dmigs so/ /kau shi ka/ 'on kyang shes rab kyi pha rol tu phyin pa ni gzugs mi dmigs pa'i tshul dang/ tshor ba dang/ 'du shes dang/ 'du byed dang/ rnam par shes pa mi dmigs pa'i tshul dang/ mig mi dmigs pa'i tshul dang/ rna ba dang/ sna dang/ lce dang/ lus dang/ yid mi dmigs pa'i tshul dang/ gzugs mi dmigs pa'i tshul dang/ sgra dang/ dri dang/ ro dang/ reg dang/ chos mi dmigs pa'i tshul dang/ mig gi rnam par shes pa mi dmigs pa'i tshul dang/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa mi dmigs pa'i tshul dang/ mig gi 'dus te reg pa mi dmigs pa'i tshul dang/ rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa mi dmigs pa'i tshul dang/ mig gi 'dus te reg pa las byung ba'i tshor ba mi dmigs pa'i tshul dang/ rna ba'i 'dus te reg pa las byung ba'i tshor ba dang/ sna'i 'dus te reg pa las byung ba'i tshor ba dang/ lce'i 'dus te reg pa las byung ba'i tshor ba dang/ lus kyi 'dus te reg pa las byung ba'i tshor ba dang/ yid kyi 'dus te reg pa las byung @142b ba'i tshor ba mi dmigs pa'i tshul dang/ sa'i khams mi dmigs pa'i tshul dang/ chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams mi dmigs pa'i tshul dang/ ma rig pa mi dmigs pa'i tshul dang/ 'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang; sred pa dang/ len pa dang/ srid pa dang/ skye ba dang/ rga shi mi dmigs pa'i tshul dang/ sbyin pa'i pha rol tu phyin pa mi dmigs pa'i tshul dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa mi dmigs pa'i tshul dang/ nang stong pa nyid mi dmigs pa'i tshul dang/ dngos po med pa'i ngo bo nyid stong pa nyid kyi bar du mi dmigs pa'i tshul dang/ byang chub kyi phyogs kyi chos sum cu rtsa bdun mi dmigs pa'i tshul dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams mi dmigs pa'i tshul dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa lnga dang/ ting nge 'dzin thams cad dang/ gzungs kyi sgo thams cad mi @143a @#/ /dmigs pa'i tshul dang/ de bzhin gshegs pa'i stobs bcu dang/ mi 'jigs pa dang/ so so yang dag par rig pa bzhi dang/ snying rje chen po dang/ sangs rgyas kyi chos ma 'dres pa bco brgyad mi dmigs pa'i tshul dang/ rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ lam gyi rnam pa shes pa nyid dang/ rnam pa thams cad mkhyen pa nyid mi dmigs pa'i tshul dang/ chos thams cad mi dmigs pa'i tshul gyis/ byang chub sems dpa' sems dpa' chen po sbyin pa yongs su gtong ba'i sbyin pa'i pha rol tu phyin pa yongs su rdzogs par bya ba la sngon du 'gro ba'o/ /shes rab kyi pha rol tu phyin pa ni/ byang chub sems dpa' sems dpa' chen po tshul khrims bsrung ba'i tshul khrims kyi pha rol tu phyin pa yongs su rdzogs par bya ba la sngon du 'gro ba'o/ /shes rab kyi pha rol tu phyin pa ni; byang chub sems dpa' sems dpa' chen po bzod pa yongs su bsgrub pa'i bzod pa'i pha rol tu phyin pa yongs su rdzogs par bya ba la sngon du 'gro ba'o/ /shes rab kyi pha rol tu phyin pa ni/ byang chub sems dpa' sems dpa' chen po brtson 'grus brtsam pa'i brtson 'grus kyi pha rol tu phyin pa yongs su rdzogs par bya ba la sngon du 'gro ba'o/ /shes rab kyi pha rol tu phyin @143b pa ni/ byang chub sems dpa' sems dpa' chen po bsam gtan la snyoms par 'jug pa'i bsam gtan gyi pha rol tu phyin pa yongs su rdzogs par bya ba la sngon du 'gro ba'o/ /shes rab kyi pha rol tu phyin pa ni/ byang chub sems dpa' sems dpa' chen po chos la rnam par lta ba'i shes rab kyi pha rol tu phyin pa yongs su rdzogs par bya ba la sngon du 'gro ba'o/ /kau shi ka/ 'di lta ste/ dper na/ 'dzam bu'i gling gi shing rnams lo ma sna tshogs can/ me tog sna tshogs can/ 'bras bu sna tshogs can/ dbyibs sna tshogs can/ chu zheng sna tshogs can du 'khod kyang/ de dag gi grib ma la khyad par ram bye brag mi dmigs te/ gzhan du na grib ma grib ma zhes bya ba'i grangs su 'gro bar zad do/ /kau shi ka/ de bzhin du pha rol tu phyin pa lnga shes rab kyi pha rol tu phyin pas yongs su zin pa thams cad mkhyen pa'i ye shes su yongs su bsngos pa rnams la'ang khyad par ram bye brag mi dmigs so/ /brgya byin gyis gsol pa/ bcom ldan 'das/ shes rab kyi pha rol tu phyin pa ni/ yon tan thams cad yongs su rdzogs par bgyid pa'i slad du yon tan chen po dang ldan pa'o/ /bcom ldan 'das/ shes rab kyi pha rol tu phyin pa ni/ yon tan tshad ma mchis pa dang ldan pa'i slad du tshad ma mchis pa'i yon tan dang ldan pa'o/ /bcom ldan 'das/ shes rab kyi pha rol tu phyin pa ni/ yon tan mu ma mchis pa dang ldan pa'i slad du yon @144a @#/ /tan kun tu mtha' yas pa dang ldan pa'o/ /bcom ldan 'das/ rigs kyi bu'am/ rigs kyi bu mo gang la la zhig gis/ shes rab kyi pha rol tu phyin pa 'di bris shing glegs bam du bgyis te bcangs pa dang/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror bgyis/ bkur stir bgyis/ bsti stang du bgyis/ mchod par bgyis te/ de nas gong du ji skad bstan pa bzhin du/ shes rab kyi pha rol tu phyin pa tshul bzhin du yid la bgyis pa dang/ rigs kyi bu'am rigs kyi bu mo gang la las shes rab kyi pha rol tu phyin pa 'di glegs bam du bgyis te/ gzhan la stsal na/ de gnyis las gang gi bsod nams cher 'phel bar 'gyur/ bcom ldan 'das kyis bka' stsal pa/ kau shi ka/ de bas na khyod nyid la dri'i/ khyod kyis ji ltar bzod pa de ltar lung ston cig /kau shi ka; de ji snyam du sems/ rigs kyi bu'am/ rigs kyi bu mo la las/ de bzhin gshegs pa'i sku gdung mang po la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byas/ bkur stir byas/ bsti stang du byas/ mchod par byas pa dang/ rigs kyi @144b bu'am/ rigs kyi bu mo la las/ de bzhin gshegs pa'i sku gdung yungs kar gyi 'bru tsam zhig gzhan la byin te bgo bshar byas pa dang/ rigs kyi bu'am rigs kyi bu mo la las/ de bzhin gshegs pa'i sku gdung yungs kar gyi 'bru tsam po de blangs te/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang; sil snyan sna tshogs kyis rim gror byas/ bkur stir byas/ bsti stang du byas/ mchod par byas na/ de dag las gang gi bsod nams cher 'phel ba yin/ brgya byin gyis gsol pa; bcom ldan 'das/ bdag gis bcom ldan 'das kyis gsungs pa'i don 'tshal te/ de la rigs kyi bu'am rigs kyi bu mo gang gis/ de bzhin gshegs pa'i sku gdung mang po la me tog dang; phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror bgyis/ bkur stir bgyis/ bsti stang du bgyis/ mchod par bgyis pa bas/ gang la las de bzhin gshegs pa'i sku gdung yungs kar gyi 'bru tsam gzhan la stsal na/ 'di ni de bas bsod nams ches mang du 'phel lo; ;bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis kyang don de nyid gzigs te/ rdo rje lta bu'i ting nge 'dzin la mnyam par bzhag nas @145a @#/ /rdo rje lta bu'i sku bshig ste/ sems can gyi ris na/ de bzhin gshegs pa'i ring bsrel gyis 'dul ba'i sems can mchis pa rnams kyi slad du thugs rje chen po bskyed de/ de bzhin gshegs pa'i sku gdung du byin gyis brlabs so/ /bcom ldan 'das/ gang la las chung ngu na/ de bzhin gshegs pa'i sku gdung yungs kar gyi 'bru tsam la/ mchod pa sna tshogs kyis mchod pa bgyis na/ de dag thams cad kyang dge ba'i rtsa ba de'i mthar ma thug par sdug bsngal gyi mthar 'byin par 'gyur ro/ /bcom ldan 'das kyis bka' stsal pa/ kau shi ka/ de de bzhin no/ /de de bzhin te/ kau shi ka/ rigs kyi bu'am rigs kyi bu mo la las/ shes rab kyi pha rol tu phyin pa 'di glegs bam du byas te/ me tog dang/ phreng ba dang; spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror byas/ bkur stir byas/ bsti stang du byas/ mchod par byas pa bas/ gang la las shes rab kyi pha rol tu phyin pa 'di bris te chos kyi dga' bas gzhan la byin na/ rigs kyi bu'am/ rigs kyi bu mo de ni bsod nams cher 'phel lo/ /kau shi ka/ gzhan yang rigs kyi bu'am rigs kyi bu mo la las/ shes rab kyi pha rol tu phyin pa ji skad du bstan pa bzhin du/ gzhan gyi drung du song ste bshad cing @145b bstan pa dang/ brjod cing bkrol ba dang/ rnam par phye ste gsal bar byas na/ rigs kyi bu'am rigs kyi bu mo de ni/ rigs kyi bu'am rigs kyi bu mo snga ma de dag pas bsod nams cher 'phel te/ de ni ston pa yin par bsam mo/ /bla ma'i gnas mkhas pa tshangs pa mtshungs par spyod pa la la zhig yin par bsam mo/ /de ci'i phyir zhe na/ kau shi ka/ de ni shes rab kyi pha rol tu phyin pa 'di nyid ston pa yin te/ ston pa ni gzhan/ shes rab kyi pha rol tu phyin pa ni gzhan zhes bya ba med kyi/ shes rab kyi pha rol tu phyin pa nyid kyang ston pa/ ston pa nyid kyang shes rab kyi pha rol tu phyin pa'o/ /de ci'i phyir zhe na/ shes rab kyi pha rol tu phyin pa 'di nyid la bslabs pas/ 'das pa dang/ ma byon pa dang/ da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis/ bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /tshangs pa mtshungs par spyod pa de dag kyang phyir mi ldog pa'i byang chub sems dpa' rnams las gud na med de/ de dag kyang shes rab kyi pha rol tu phyin pa 'di nyid la bslabs shing/ bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par @146a @#/ /'tshang rgya bar 'gyur ro/ /kau shi ka/ shes rab kyi pha rol tu phyin pa 'di nyid la bslabs shing/ nyan thos kyi theg pa pa rnams kyis kyang rgyun du zhugs pa'i 'bras bu thob bo/ /'thob bo/ /'thob par 'gyur ro/ /dgra bcom pa nyid kyi bar du thob bo/ /'thob bo/ /'thob par 'gyur ro/ /rang sangs rgyas kyi theg pa pa rnams kyis kyang/ shes rab kyi pha rol tu phyin pa 'di nyid la bslabs shing/ rang byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro; ;byang chub sems dpa' sems dpa' chen po rnams kyang/ shes rab kyi pha rol tu phyin pa 'di nyid la bslabs shing/ byang chub sems dpa'i skyon med par zhugs so/ /'jug go; 'jug par 'gyur ro/ /bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /kau shi ka/ de bas na rigs kyi bu'am rigs kyi bu mo/ de bzhin gshegs pa dgra bcom pa yang dag par rdzogs pa'i sangs rgyas rnams la/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis mngon du rim gror bya bar 'dod pa dang/ bkur @146b stir bya bar 'dod pa dang/ bsti stang du bya bar 'dod pa dang/ mchod par bya bar 'dod pas/ shes rab kyi pha rol tu phyin pa 'di bris te/ me tog dang/ phreng ba dang/ spos dang/ byug pa dang/ phye ma dang; na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror bya'o/ /bkur stir bya'o/ /bsti stang du bya'o/ /mchod par bya'o/ /kau shi ka/ ngas don de nyid kyi dbang yang dag par mthong ste/ bla na med pa yang dag par rdzogs pa'i byang chub tu mngon par rdzogs par sangs rgyas nas 'di snyam ste/ gang zhig la bdag gis rim gro dang/ bkur sti dang; bsti stang dang/ mchod pa byas te/ brten cing rnam par spyad par bya snyam na'ang/ kau shi ka/ de la ngas 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dang/ lha dang/ mi dang/ lha ma yin du bcas pa'i nang na/ nga dang 'dra ba'am/ lhag pa yang dag par rjes su ma mthong nas/ de la ngas 'di snyam du bsams te; de lta yin na bdag gis chos zhi ba bzang po gang bdag nyid kyis mngon par sangs rgyas pa de nyid la rim gro dang/ bkur sti dang/ bsti stang dang/ mchod pa byas te/ brten cing rnam par spyad par bya'o snyam du bsams so/ /kau shi ka/ chos de'ang gang zhe na/ 'di lta ste/ shes rab kyi pha rol tu phyin pa 'di nyid yin te/ kau shi ka/ de ltar nga nyid kyang shes rab kyi pha rol tu phyin pa 'di la @147a @#/ /rim gror byed/ bkur stir byed/ bsti stang du byed/ mchod par byed de/ de ltar rim gro dang/ bkur sti dang/ bsti stang dang/ mchod pa byas shing rnam par spyod na; kau shi ka/ rigs kyi bu'am rigs kyi bu mo/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab kyi pha rol tu phyin pa la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror bya ba dang/ bkur stir bya ba dang/ bsti stang du bya ba dang/ mchod par bya ba lta ci smos/ nyan thos kyi theg pa pa'i rigs kyi bu'am rigs kyi bu mo dang/ rang sangs rgyas kyi theg pa pa'i rigs kyi bu'am/ rigs kyi bu mo de dag gis shes rab kyi pha rol tu phyin pa 'di nyid la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror bya ba dang/ bkur stir bya ba dang/ bsti stang du bya ba dang/ mchod par bya ba lta ci smos/ de ci'i phyir zhe na/ shes rab kyi pha rol tu phyin pa las byung ba ni/ byang chub sems dpa' sems dpa' chen po rnams so/ /byang chub sems dpa' las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams so/ / @147b de bzhin gshegs pa dgra bcom pa yang dag par rdzogs pa'i sangs rgyas rnams las byung ba ni nyan thos dang/ rang sangs rgyas rnams so/ /kau shi ka/ de lta bas na byang chub sems dpa'i theg pa pa'i rigs kyi bu dang rigs kyi bu mo'am/ nyan thos kyi theg pa pa'am/ rang sangs rgyas kyi theg pa pa'i rigs kyi bu dang/ rigs kyi bu mos/ shes rab kyi pha rol tu phyin pa 'di nyid la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror bya'o/ /bkur stir bya'o/ /bsti stang du bya'o/ / mchod par bya'o/ /de ltar de la slob pa'i rigs kyi bu'am rigs kyi bu mo de dag ni/ bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /nyan thos kyi theg pa pa rnams kyis kyang dgra bcom pa nyid thob bo/ /'thob bo/ /'thob par 'gyur ro/ /rang sangs rgyas kyi theg pa pa rnams kyis kyang/ rang sangs rgyas kyi byang chub thob bo/ /'thob bo/ /'thob par 'gyur ro/ /shes rab kyi pha rol tu phyin pa stong phrag nyi shu lnga pa las le'u nyi shu gnyis pa'o// // de nas bcom ldan 'das kyis lha'i dbang po brgya byin la bka' stsal pa/ kau shi ka/ rigs kyi bu'am rigs kyi bu mo la la zhig gis gal te 'dzam bu'i gling gi sems can de dag dge ba bcu'i @148a @#/ /las kyi lam la bkod par gyur na/ kau shi ka/ de ji snyam du sems/ rigs kyi bu'am rigs kyi bu mo de de'i rgyus bsod nams mang du 'phel bar 'gyur ram/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas kyang la la zhig gis shes rab kyi pha rol tu phyin pa 'di'i glegs bam bklag pa'am bri ba'am kha ton bya ba'i phyir gzhan la byin na bsod nams ches mang du 'phel lo/ /de ci'i phyir zhe na/ shes rab kyi pha rol tu phyin pa 'di las zag pa med pa'i chos gang la rigs kyi bu'am rigs kyi bu mo slob cing yang dag pa'i skyon med par zhugs par gyur pa dang/ 'jug pa dang/ 'jug par 'gyur ba dang/ dgra bcom pa nyid kyi bar du thob par gyur pa dang/ thob pa dang/ 'thob par 'gyur ba dang/ rang sangs rgyas kyi theg pa pa rnams kyis rang sangs rgyas kyi byang chub thob par gyur pa dang/ thob pa dang/ 'thob par 'gyur ba dang/ bla na med pa yang dag par rdzogs pa'i byang chub tu yang dag par zhugs pa rnams kyis byang chub sems dpa'i skyon med par zhugs pa dang/ 'jug pa dang/ 'jug par 'gyur ba dang/ bla na med pa yang dag par rdzogs pa'i byang chub tu mngon par rdzogs par sangs rgyas pa dang/ mngon par rdzogs par 'tshang rgya ba dang/ mngon par rdzogs par 'tshang rgya bar 'gyur ba de lta @148b bu'i chos mang po rgya cher bstan to/ /kau shi ka/ zag pa med pa'i chos de dag kyang gang zhe na/ 'di lta ste/ sbyin pa'i pha rol tu phyin pa dang/ shes rab kyi pha rol tu phyin pa'i bar dang/ nang stong pa nyid dang/ dngos po med pa'i ngo bo nyid stong pa nyid kyi bar dang/ byang chub kyi phyogs kyi chos sum cu rtsa bdun dang/ 'phags pa'i bden pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa drug dang/ ting nge 'dzin thams cad dang; gzungs kyi sgo thams cad dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad dang/ byams pa chen po dang/ snying rje chen po dang/ dga' ba chen po dang/ btang snyoms chen po dag ste/ sangs rgyas kyi chos tshad med pa gzhan dag kyang rgya cher bstan to/ /kau shi ka/ rigs kyi bu'am rigs kyi bu mo la la zhig gis/ sems can gcig cig rgyun du zhugs pa'i 'bras bu la bzhag na/ de'i bsod nams ches mang du 'phel gyi/ 'dzam bu'i gling gi sems can rnams dge ba bcu'i las kyi lam la bkod pas ni ma yin no/ /de ci'i phyir zhe na/ kau shi ka/ dge ba bcu'i las kyi lam la bkod pa'i sems can rnams ni/ sems can dmyal ba dang/ byol song gi @149a @#/ /skye gnas dang/ gshin rje'i 'jig rten nas yongs su grol ba ma yin no/ /kau shi ka/ rgyun du zhugs pa'i 'bras bu la bkod pa'i sems can ni/ sems can dmyal ba dang/ byol song gi skye gnas dang/ gshin rje'i 'jig rten nas yongs su grol ba'i phyir te/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid la bkod pa lta ci smos/ kau shi ka/ gang la las 'dzam bu'i gling gi sems can rnams rgyun du zhugs pa'i 'bras bu la bkod pa dang/ dgra bcom pa nyid kyi bar la bkod pa bas/ la la zhig gis sems can gcig cig rang byang chub la bzhag na/ de'i bsod nams ches mang du 'phel lo/ /rigs kyi bu'am rigs kyi bu mo la la zhig gis 'dzam bu'i gling gi sems can thams cad rang byang chub la bkod pa bas/ rigs kyi bu'am rigs kyi bu mo la la zhig gis/ sems can gcig cig bla na med pa yang dag par rdzogs pa'i byang chub la bzhag na/ de'i bsod nams ches mang du 'phel lo/ /de ci'i phyir zhe na/ sems can gcig po bla na med pa yang dag par rdzogs pa'i byang chub tu gzhog pa de ni sangs rgyas kyi tshul rgyun mi 'chad pa'i don du zhugs pa'i phyir ro/ /de'ang ci'i phyir zhe na/ kau shi ka/ byang chub sems dpa' las byung ba ni rgyun du zhugs pa dang/ dgra bcom pa nyid kyi bar dang/ rang sangs @149b rgyas rnams so/ /kau shi ka/ byang chub sems dpa' las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams so/ /kau shi ka/ rnam grangs des na/ 'di ltar byang chub sems dpa' rnams kyang mchod cing rim gror bya ba yin te/ 'jig rten lha dang bcas pa/ bdud dang bcas pa/ tshangs pa dang bcas pa dang/ dge sbyong dang bram zer bcas pa'i skye dgus me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs kyis rim gror bya ba dang/ bkur stir bya ba dang/ bsti stang du bya ba dang/ mchod par bya ba yin par shes par bya'o/ /kau shi ka/ rigs kyi bu'am rigs kyi bu mo la la zhig gis 'dzam bu'i gling gi sems can thams cad dge ba bcu'i las kyi lam la bkod par gyur na/ kau shi ka/ de ji snyam du sems/ rigs kyi bu'am rigs kyi bu mo de'i bsod nams de'i rgyus mang du 'phel lam/ brgya byin gyis gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas kyang rigs kyi bu'am rigs kyi bu mo gang gis/ shes rab kyi pha rol tu phyin pa 'di glegs bam la 'dri ba'am bklag pa'am kha ton du bya ba'i phyir gzhan la byin na/ bsod nams ches mang du 'phel lo/ /de ci'i phyir zhe na/ shes rab kyi pha rol tu phyin pa 'di las zag pa @150a @#/ /med pa'i chos rnams rgya cher bstan te/ de dag la bslabs shing/ rigs kyi bu dang/ rigs kyi bu mo dag yang dag pa'i skyon med par zhugs par gyur to/ / 'jug go / 'jug par 'gyur ro/ /dgra bcom pa nyid kyi bar du thob bo/ /'thob bo/ /'thob par 'gyur ro/ /rang sangs rgyas kyi theg pa pa rnams kyis/ rang byang chub thob par 'gyur to/ /'thob bo/ / 'thob par 'gyur ro/ /byang chub sems dpa' sems dpa' chen po rnams kyang/ yang dag pa'i skyon med par zhugs par gyur to/ /'jug go / 'jug par 'gyur ro/ /bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /kau shi ka/ zag pa med pa'i chos de dag kyang gang zhe na/ 'di lta ste/ pha rol tu phyin pa drug dang/ stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa bzhi dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa drug dang/ ting nge 'dzin thams cad dang/ gzungs kyi sgo thams cad dang/ de bzhin gshegs pa'i @150b stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad dang/ byams pa chen po dang/ snying rje chen po dang/ dga' ba chen po dang/ btang snyoms chen po dag ste/ sangs rgyas kyi chos tshad med pa gzhan dag kyang rgya cher bstan to/ /kau shi ka/ rnam grangs des kyang rigs kyi bu'am rigs kyi bu mo gang gis/ shes rab kyi pha rol tu phyin pa 'di glegs bam du byas te/ bklag pa dang bri ba dang/ kha ton du bya ba'i phyir gzhan la byin na/ de ni bsod nams cher mang du 'phel bar shes par bya'o/ /de ci'i phyir zhe na/ kau shi ka/ shes rab kyi pha rol tu phyin pa 'di las chos thams cad rgya cher bstan to/ de dag yod pas rgyal rigs che zhing mtho ba rnams yod do/ /bram ze'i rigs che zhing mtho ba dang/ khyim bdag gi rigs che zhing mtho ba rnams yod do/ /rgyal chen bzhi'i ris kyi lha rnams yod do/ /sum cu rtsa gsum dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed kyi lha rnams dang/ tshangs ris dang/ tshangs lha nye phan dang/ tshangs pa kun 'khor dang/ tshangs chen dang/ 'og min gyi bar gyi lha rnams dang/ nam mkha' mtha' yas skye mched dang/ 'du shes med 'du shes med min skye mched kyi bar gyi lha rnams yod do/ /pha rol tu phyin pa thams cad yod do/ /stong pa nyid thams cad yod do/ /byang chub kyi phyogs kyi chos sum cu rtsa bdun yod @151a @#/ /do; ;'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams yod do/ /rnam par thar pa brgyad dang/ mthar gyis gnas pa'i snyoms par 'jug pa dgu yod do/ /rnam par thar pa'i sgo gsum dang/ mngon par shes pa rnams yod do/ /ting nge 'dzin rnams dang/ gzungs kyi sgo rnams yod do/ /de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang/ sangs rgyas kyi chos ma 'dres pa rnams yod do/ /rnam pa thams cad mkhyen pa nyid kyi bar du yod do/ /rgyun du zhugs pa dang/ lan gcig phyir 'ong ba dang/ phyir mi 'ong ba dang/ dgra bcom pa dang/ rang sangs rgyas rnams yod do/ /byang chub sems dpa' sems dpa' chen po rnams yod do/ /de bzhin gshegs pa dgra bcom pa yang dag par rdzogs pa'i sangs rgyas rnams yod do/ /kau shi ka/ 'dzam bu'i gling gi sems can rnams dge ba bcu'i las kyi lam la bkod pa dang/ rang byang chub kyi bar la bkod pa lta zhog gi/ kau shi ka/ gling bzhi pa'i 'jig rten gyi khams kyi sems can ji snyed pa de dag /rigs kyi bu'am rigs kyi bu mo la las/ dge ba bcu'i las kyi lam la rab tu @151b bkod/ rang byang chub kyi bar la rab tu bkod na/ kau shi ka/ de ji snyam du sems/ rigs kyi bu'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas kyang rigs kyi bu'am rigs kyi bu mo gang gis/ shes rab kyi pha rol tu phyin pa 'di'i glegs bam bklag pa dang bri ba dang kha ton du bya ba'i phyir gzhan la byin na/ bsod nams ches mang du 'phel lo/ /de ci'i phyir zhe na/ kau shi ka/ de ni 'di ltar shes rab kyi pha rol tu phyin pa las skyes pa ni nyan thos dang/ rang sangs rgyas dang/ byang chub sems dpa'i chos thams cad dang/ sangs rgyas kyi chos thams cad do/ /kau shi ka/ gling chen po bzhi pa'i 'jig rten gyi khams kyi sems can rnams dge ba bcu'i las kyi lam la bkod pa dang/ rang byang chub kyi bar la bkod pa lta zhog gi/ kau shi ka/ stong gi 'jig rten gyi khams byur bu'i sems can ji snyed cig yod pa de dag /rigs kyi bu'am rigs kyi bu mo la las/ dge ba bcu'i las kyi lam la rab tu bkod/ rang byang chub kyi bar la rab tu bkod na/ kau shi ka/ de ji snyam du sems/ rigs kyi bu'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau @152a @#/ /shi ka/ de bas rigs kyi bu'am rigs kyi bu mo gang gis/ shes rab kyi pha rol tu phyin pa 'di'i glegs bam bklag pa dang bri ba dang/ kha ton du bya ba'i phyir gzhan la byin na/ bsod nams ches mang du 'phel lo/ /kau shi ka/ stong gi 'jig rten gyi khams byur bu lta zhog gi/ kau shi ka/ stong gnyis pa 'jig rten gyi khams 'bring po'i sems can ji snyed pa de dag /rigs kyi bu'am rigs kyi bu mo la las dge ba bcu'i las kyi lam la rab tu bkod pa dang/ rang byang chub kyi bar la rab tu bkod pa na/ kau shi ka; de ji snyam du sems/ rigs kyi bu'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas rigs kyi bu'am rigs kyi bu mo gang gis/ shes rab kyi pha rol tu phyin pa 'di'i glegs bam 'dri ba dang/ bklag pa dang kha ton du bya ba'i phyir gzhan la byin na/ bsod nams ches mang du 'phel lo/ /kau shi ka/ stong gnyis pa 'jig rten gyi khams 'bring po lta zhog gi/ kau shi ka/ stong gsum gyi stong chen po'i 'jig rten gyi khams kyi sems can ji snyed pa de dag /rigs kyi bu'am rigs kyi bu mo la las/ dge ba bcu'i las kyi lam la rab tu bkod pa @152b dang; rang byang chub kyi bar la rab tu bkod pa na/ kau shi ka/ de ji snyam du sems/ rigs kyi bu'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas rigs kyi bu'am rigs kyi bu mo gang gis/ shes rab kyi pha rol tu phyin pa 'di'i glegs bam du 'dri ba dang/ bklag pa dang kha ton du bya ba'i phyir gzhan la byin na/ bsod nams ches mang du 'phel lo/ /kau shi ka/ stong gsum gyi stong chen po'i 'jig rten gyi khams lta zhog gi/ kau shi ka/ phyogs bcu'i phyogs re re zhing 'jig rten gyi khams ganggA'i klung gi bye ma snyed dag na/ sems can ji snyed cig yod pa de dag /rigs kyi bu'am rigs kyi bu mo la las/ dge ba bcu'i las kyi lam la rab tu bkod pa dang/ rang byang chub kyi bar la rab tu bkod na/ kau shi ka/ de ji snyam du sems/ rigs kyi bu'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka /de bas rigs kyi bu'am rigs kyi bu mo gang gis; shes rab kyi pha rol tu phyin pa 'di'i glegs bam bri ba dang/ bklag pa dang kha ton du bya ba'i phyir gzhan la byin na/ bsod nams ches mang du 'phel lo/ /de ci'i phyir zhe na/ kau shi ka/ @153a @#/ /de ni 'di ltar shes rab kyi pha rol tu phyin pa 'di las zag pa med pa'i chos rnams rgya cher bstan te/ de dag bslabs shing/ rigs kyi bu'am rigs kyi bu mo dag /yang dag pa'i skyon med par zhugs par gyur to/ /'jug go/ 'jug par 'gyur ro/ /dgra bcom pa nyid kyi bar du thob par gyur to/ /'thob bo/ /'thob par 'gyur ro/ /rang byang chub thob par gyur to/ /'thob bo/ /'thob par 'gyur ro/ /byang chub sems dpa' sems dpa' chen po rnams kyang/ byang chub sems dpa'i skyon med par zhugs par gyur to; ;'jug go/ 'jug par 'gyur ro/ /bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /kau shi ka/ zag pa med pa'i chos de dag kyang gang zhe na/ 'di lta ste/ pha rol tu phyin pa rnams dang/ nang stong pa nyid dang/ dngos po med pa'i ngo bo nyid stong pa nyid kyi bar dang/ byang chub kyi phyogs kyi chos sum cu rtsa bdun dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa @153b drug dang/ ting nge 'dzin thams cad dang/ gzungs kyi sgo thams cad dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad kyi bar dang/ sangs rgyas kyi chos tshad med pa'i bar gzhan dag kyang rgya cher bstan to/ /kau shi ka/ rnam grangs des kyang rigs kyi bu'am rigs kyi bu mo gang gis shes rab kyi pha rol tu phyin pa 'di glegs bam du bris shing/ bklag pa dang bri ba dang kha ton du bya ba'i phyir gzhan la byin na/ de bas 'di'i bsod nams ches mang du 'phel bar shes par bya'o/ /de ci'i phyir zhe na/ kau shi ka/ de ni 'di ltar shes rab kyi pha rol tu phyin pa 'di las chos thams cad rgya cher bstan te/ de dag yod pas rgyal rigs che zhing mtho ba dang/ bram ze'i rigs che zhing mtho ba dang/ khyim bdag gi rigs che zhing mtho ba dang/ rgyal chen bzhi'i rigs kyi lha rnams yod do/ /sum cu rtsa gsum dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed kyi lha rnams dang/ tshangs ris dang/ tshangs lha nye phan dang/ tshangs pa kun 'khor dang/ tshangs chen dang/ 'og min gyi bar gyi lha rnams dang/ nam mkha' mtha' yas skye mched dang/ 'du shes med 'du shes med min skye mched kyi bar gyi lha rnams yod do/ /pha rol tu phyin pa rnams yod do/ /nang stong pa nyid yod do/ /dngos po med pa'i ngo bo @154a @#/ /nyid stong pa nyid kyi bar du yod do/ /byang chub kyi phyogs kyi chos sum cu rtsa bdun yod do/ /sangs rgyas kyi chos ma 'dres pa bco brgyad kyi bar du yod do/ /thams cad shes pa nyid yod do/ /lam gyi rnam pa shes pa nyid dang/ rnam pa thams cad mkhyen pa nyid yod do/ /rgyun du zhugs pa rnams yod do/ /lan gcig phyir 'ong ba dang/ phyir mi 'ong ba dang/ dgra bcom pa dang/ rang sangs rgyas rnams yod do/ /byang chub sems dpa' sems dpa' chen po rnams yod do/ /de bzhin gshegs pa dgra bcom pa yang dag par rdzogs pa'i sangs rgyas yod do/ /kau shi ka/ gzhan yang 'dzam bu'i gling gi mi ji snyed pa de dag /rigs kyi bu'am rigs kyi bu mo la las/ bsam gtan bzhi la bkod/ tshad med pa bzhi la bkod/ gzugs med pa'i snyoms par 'jug pa bzhi la bkod/ mngon par shes pa lnga la bkod na/ kau shi ka/ de ji snyam du sems/ rigs kyi bu'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas rigs kyi bu'am rigs kyi bu mo gang gis/ shes rab kyi pha rol tu phyin pa 'di'i glegs bam bklag pa dang/ 'dri ba dang kha ton du bya ba'i phyir gzhan la byin na/ bsod nams @154b ches mang du 'phel lo/ /de ci'i phyir zhe na/ kau shi ka/ de ni 'di ltar shes rab kyi pha rol tu phyin pa 'di las chos thams cad rgya cher bstan to/ /kau shi ka/ 'dzam bu'i gling lta yang zhog /gling chen po bzhi'i 'jig rten gyi khams kyang lta zhog /stong gi 'jig rten gyi khams kyang lta zhog /stong gnyis kyi 'jig rten gyi khams kyang lta zhog /stong gsum gyi stong chen po'i 'jig rten gyi khams lta yang zhog gi/ kau shi ka/ shar phyogs kyi 'jig rten gyi khams ganggA'i klung gi bye ma snyed kyi sems can ji snyed pa dang/ lho dang/ nub dang/ byang dang/ byang shar dang/ shar lho dang/ lho nub dang/ nub byang dang/ 'og dang steng gi phyogs kyi phyogs re re zhing/ 'jig rten gyi khams ganggA'i klung gi bye ma snyed kyi sems can ji snyed pa de dag /rigs kyi bu'am rigs kyi bu mo la las/ bsam gtan bzhi la bkod/ tshad med pa bzhi la bkod/ gzugs med pa'i snyoms par 'jug pa bzhi la bkod/ mngon par shes pa lnga la bkod na/ kau shi ka/ de ji snyam du sems/ rigs kyi bu'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas rigs kyi bu'am rigs kyi bu mo gang gis/ shes rab kyi pha rol tu phyin pa 'di'i glegs bam bklag pa dang bri ba dang kha ton du bya ba'i phyir @155a @#/ /gzhan la byin na/ bsod nams ches mang du 'phel lo/ /de ci'i phyir zhe na/ kau shi ka/ de ni 'di ltar shes rab kyi pha rol tu phyin pa 'di las zag pa med pa'i chos rnams rgya cher bstan te/ de dag la bslabs shing/ rigs kyi bu'am rigs kyi bu mo dag yang dag pa'i skyon med par zhugs par gyur to/ /'jug go/ 'jug par 'gyur ro/ / rgyun du zhugs pa'i 'bras bu thob par gyur to/ /'thob bo/ /'thob par 'gyur ro/ /dgra bcom pa nyid kyi bar du thob par gyur to/ /'thob bo/ /'thob par 'gyur ro/ /rang byang chub thob par gyur to/ /'thob bo/ /'thob par 'gyur ro/ /byang chub sems dpa' sems dpa' chen po rnams kyang/ byang chub sems dpa'i skyon med par zhugs par gyur to/ /'jug go/ 'jug par 'gyur ro/ /bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /kau shi ka/ gzhan yang rigs kyi bu'am rigs kyi bu mo gang la la shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed na/ de'i bsod nams ches mang du 'phel gyi/ 'dzam bu'i gling gi sems can rnams dang/ stong gsum gyi stong chen po'i 'jig rten gyi khams @155b kyi bar gyi sems can dang/ phyogs bcu kun gyi phyogs re re zhing/ 'jig rten gyi khams ganggA'i klung gi bye ma snyed kyi sems can ji snyed pa de dag /dge ba bcu'i las kyi lam la bkod pa dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga la bkod pas ni ma yin no/ /de la tshul bzhin du yid la byed pa ni 'di yin te/ gnyis la spyod pa'ang ma yin/ mi gnyis pa la spyod pa'ang ma yin pa'i blos/ shes rab kyi pha rol tu phyin pa 'di 'dzin pa dang/ kun chub par byed pa dang/ 'chang ba dang/ klog pa dang/ tshul bzhin du yid la byed pa'o/ /gnyis la spyod pa'ang ma yin/ mi gnyis pa la spyod pa'ang ma yin pa'i blos/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa 'dzin pa dang/ kun chub par byed pa dang/ 'chang ba dang/ klog pa dang; tshul bzhin du yid la byed pa'o/ /gnyis la spyod pa'ang ma yin/ mi gnyis pa la spyod pa'ang ma yin pa'i blos/ nang stong pa nyid 'dzin pa dang/ kun chub par byed pa dang/ 'chang ba dang; klog pa dang/ tshul bzhin du yid la byed pa'o/ /gnyis la spyod pa'ang ma yin/ mi gnyis pa la spyod pa'ang ma yin pa'i blos/ dngos po med pa'i ngo bo nyid stong pa nyid kyi bar du @156a @#/ /tshul bzhin du yid la byed pa'o// //shes rab kyi pha rol tu phyin pa stong phrag nyi shu lnga pa/ bam po sum cu lnga pa/ gnyis la spyod pa'ang ma yin/ mi gnyis pa la spyod pa'ang ma yin pa'i blos/ dran pa nye bar bzhag pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa tshul bzhin du yid la byed pa'o/ /gnyis la spyod pa'ang ma yin/ mi gnyis pa la spyod pa'ang ma yin pa'i blos/ sangs rgyas kyi chos ma 'dres pa rnams kyi bar du tshul bzhin du yid la byed pa'o/ /gnyis la spyod pa'ang ma yin/ mi gnyis pa la spyod pa'ang ma yin pa'i blos/ rnam pa thams cad mkhyen pa nyid kyi bar du tshul bzhin du yid la byed pa'o/ /kau shi ka/ gzhan yang rigs kyi bu dang/ rigs kyi bu mo gang la la zhig /shes rab kyi pha rol tu phyin pa 'di gzhan la rnam grangs du mar rgya cher brjod cing ston la/ 'chad cing 'grel pa dang/ rnam par 'byed cing gsal bar byed la/ yang dag par ston cing de'i don gtan la dbab pa ston par byed na/ kau shi ka/ de la shes rab kyi pha rol tu phyin pa'i don ni 'di yin te/ shes rab kyi pha rol tu phyin pa ni gnyis su blta ba ma yin/ gnyis su med par blta ba ma yin/ mtshan mar ma yin/ mtshan ma med par @156b ma yin/ blang bar ma yin/ dor bar ma yin/ dbri bar ma yin/ bsnan par ma yin/ kun nas nyon mongs par ma yin/ rnam par byang bar ma yin/ skye bar ma yin/ 'gag par ma yin/ gzung bar ma yin/ mi gzung bar ma yin/ len par ma yin/ dor bar ma yin/ gnas par ma yin/ mi gnas par ma yin/ yang dag par ma yin/ log par ma yin/ ldan par ma yin/ mi ldan par ma yin/ 'gre bar ma yin/ mi 'gre bar ma yin/ rkyen du ma yin/ rkyen med par ma yin/ chos su ma yin/ chos ma yin par ma yin/ de bzhin nyid du ma yin/ de bzhin nyid ma yin par ma yin/ yang dag pa'i mtha' ma yin/ yang dag pa'i mtha' ma yin par ma yin te/ 'di ni gnyis su med pa'i don to/ /rigs kyi bu'am rigs kyi bu mo gang shes rab kyi pha rol tu phyin pa 'di gzhan la rgya cher brjod cing ston la/ 'chad cing 'grel pa dang/ rnam par 'byed cing gsal bar byed la/ yang dag par ston par byed cing/ de'i don gtan la dbab par ston na/ bsod nams mang du 'phel gyi/ bdag 'ba' zhig gis bzung ba'am/ kun chub par byas pa'am/ bcangs pa'am/ bklags pa'am/ tshul bzhin du yid la byas pas ni ma yin no/ /kau shi ka/ gzhan yang rigs kyi bu'am rigs kyi bu mo gang la la zhig bdag nyid kyang shes rab kyi pha rol tu phyin pa 'dzin cing kun chub par byed de/ 'chang zhing @157a @#/ /klog la tshul bzhin du yid la byed cing/ gzhan la'ang rgya cher brjod cing ston la/ 'chad cing 'grel pa dang/ rnam par 'byed cing gsal bar byed la/ yang dag par ston par byed cing/ de'i don gtan la dbab par ston na/ kau shi ka/ rigs kyi bu'am rigs kyi bu mo de'i bsod nams ni shin du mang du 'phel lo/ /brgya byin gyis gsol pa; bcom ldan 'das/ rigs kyi bu'am rigs kyi bu mos/ shes rab kyi pha rol tu phyin pa de ltar don dang ldan la yi ge dang ldan par bstan par bgyi'am/ bcom ldan 'das kyis bka' stsal pa/ kau shi ka/ rigs kyi bu'am rigs kyi bu mos/ shes rab kyi pha rol tu phyin pa de ltar don dang ldan/ yi ge dang ldan par bstan par bya ste/ kau shi ka/ de ltar ston pa'i rigs kyi bu'am rigs kyi bu mo ni bsod nams kyi phung po tshad med grangs med pa dang ldan par 'gyur ro/ /kau shi ka /gal te rigs kyi bu'am rigs kyi bu mo la las phyogs bcu kun gyi phyogs re re zhing/ de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa dag la/ nam 'tsho'i bar du me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan dang/ sil snyan sna tshogs dang/ bde ba'i yo byad thams cad kyis rim gror byas pa dang/ @157b bkur stir byas pa dang/ bsti stang du byas pa dang/ mchod par byas pa bas/ kau shi ka/ rigs kyi bu'am rigs kyi bu mo la la zhig gis/ shes rab kyi pha rol tu phyin pa 'di gzhan la rgya cher don dang ldan/ yi ge dang ldan par rnam grangs du mar brjod de bstan pa dang/ bshad de bkrol zhing rnam par phye ste gsal ba dang/ yang dag par bstan pa byas na/ rigs kyi bu'am rigs kyi bu mo de'i bsod nams de ni ches mang du 'phel lo/ /de ci'i phyir zhe na/ shes rab kyi pha rol tu phyin pa 'di la bslabs te/ 'das pa dang ma byon pa dang da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis/ bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o; ;mngon par rdzogs par 'tshang rgya bar 'gyur ro/ /kau shi ka/ gzhan yang rigs kyi bu'am rigs kyi bu mo gang la las/ bskal pa tshad med grangs med par dmigs pa'i tshul gyis sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la spyod pa bas ni/ gang la la shes rab kyi pha rol tu phyin pa 'di'i don dang ldan/ yi ge dang ldan par mi dmigs pa'i tshul gyis/ gzhan la rgya cher brjod @158a @#/ /cing ston la/ 'chad cing rnam par 'god pa dang/ rab tu 'god cing rnam par 'byed la/ gsal bar byed cing yang dag par ston pa byed na/ de'i bsod nams ches mang du 'phel lo/ /de la dmigs pa ni 'di yin te/ kau shi ka/ 'di la byang chub sems dpa' dmigs pa'i tshul gyis sbyin pa gtong zhing/ 'di snyam du bdag ni sbyin pa gtong ngo; ;sbyin pa ni 'di gtong ngo/ /'di la ni sbyin par bya'o snyam na/ des sbyin pa de ltar btang bas sbyin pa nyid du 'gyur gyi/ sbyin pa'i pha rol tu phyin pa ma yin no/ /bdag ni tshul khrims bsrung ngo/ /tshul khrims ni 'di bsrung ngo snyam na/ des tshul khrims de ltar bsrungs pas/ tshul khrims nyid du 'gyur gyi/ tshul khrims kyi pha rol tu phyin pa ma yin no/ /bdag ni bzod pa bsgom mo/ /bzod pa ni 'di bsgom mo snyam na/ des bzod pa de ltar bsgoms pas bzod pa nyid du 'gyur gyi/ bzod pa'i pha rol tu phyin pa ma yin no/ /bdag ni brtson 'grus brtsam mo; ;'di'i don du brtson 'grus brtsam mo snyam na/ des brtson 'grus de ltar brtsams pas/ brtson 'grus nyid du 'gyur gyi/ brtson 'grus kyi pha rol tu phyin pa ma yin no/ /bdag ni bsam gtan rnams la snyoms par 'jug go/ bsam gtan ni 'di dag la mnyam par bzhag go snyam na/ des bsam gtan la de ltar mnyam par bzhag pas/ bsam gtan @158b nyid du 'gyur gyi/ bsam gtan gyi pha rol tu phyin pa ma yin no/ /bdag ni shes rab bsgom mo/ /shes rab ni 'di bsgom mo snyam na/ des shes rab de ltar bsgoms pas/ shes rab nyid du 'gyur gyi/ shes rab kyi pha rol tu phyin pa ma yin no/ /kau shi ka/ rigs kyi bu'am rigs kyi bu mo de ltar dmigs pa la spyod pas ni/ sbyin pa'i pha rol tu phyin pa yongs su rdzogs par mi 'gyur ro/ /tshul khrims dang/ bzod pa de dang/ brtson 'grus dang/ bsam gtan dang/ shes rab kyi pha rol tu phyin pa yongs su rdzogs par mi 'gyur ro/ /brgya byin gyis gsol pa; bcom ldan 'das/ byang chub sems dpa' sems dpa' chen pos ji ltar spyad na/ sbyin pa'i pha rol tu phyin pa yongs su rdzogs par 'gyur/ ji ltar spyad na tshul khrims kyi pha rol tu phyin pa yongs su rdzogs par 'gyur/ ji ltar spyad na bzod pa'i pha rol tu phyin pa yongs su rdzogs par 'gyur/ ji ltar spyad na brtson 'grus kyi pha rol tu phyin pa yongs su rdzogs par 'gyur/ ji ltar spyad na bsam gtan gyi pha rol tu phyin pa yongs su rdzogs par 'gyur/ ji ltar spyad na shes rab kyi pha rol tu phyin pa yongs su rdzogs par 'gyur/ bcom ldan 'das kyis bka' stsal pa/ kau shi ka/ 'di la byang chub sems dpa' sems dpa' chen po sbyin pa gtong ba'i tshe/ yongs su gtong ba mi dmigs/ sbyin pa dang/ len pa mi dmigs so/ /tshul @159a @#/ /khrims bsrung ba'i tshe/ tshul khrims dang/ tshul khrims yang dag par blang bar mi dmigs so/ /bzod pa bsgom pa'i tshe/ bzod pa dang/ bzod pa bsgom pa mi dmigs so/ /brtson 'grus brtsam pa'i tshe/ brtson 'grus dang/ brtson 'grus brtsam pa mi dmigs so/ /bsam gtan la snyoms par 'jug pa'i tshe/ bsam gtan dang/ bsam gtan bsgom pa mi dmigs so/ /shes rab bsgom pa'i tshe/ shes rab dang/ shes rab bsgom pa dang/ shes rab dang ldan pa mi dmigs so/ /kau shi ka/ de ltar spyod pa'i byang chub sems dpa' sems dpa' chen pos ni/ sbyin pa'i pha rol tu phyin pa yongs su rdzogs par 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa yongs su rdzogs par 'gyur ro/ /kau shi ka/ rigs kyi bu'am rigs kyi bu mo de ltar khong du chud pa med par shes rab kyi pha rol tu phyin pa don dang ldan/ yi ge dang ldan par bstan par bya'o/ /bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa bstan par bya'o/ /de ci'i phyir zhe na/ kau shi ka/ ma 'ongs pa'i dus na/ rigs @159b kyi bu'am rigs kyi bu mo la la/ byang chub sems dpa' theg pa pa rnams la shes rab kyi pha rol tu phyin pa'i gzugs brnyan ston pa 'byung ste/ der rigs kyi bu'am rigs kyi bu mo gang/ bla na med pa yang dag par rdzogs pa'i byang chub tu zhugs pa de dag gis kyang/ gzugs brnyan de thos nas/ lam ston par 'gyur te/ de dag la shes rab kyi pha rol tu phyin pa 'di don dang ldan; ye ge dang ldan par bstan par bya'o/ /brgya byin gyis gsol pa/ bcom ldan 'das/ shes rab kyi pa rol tu phyin pa'i gzugs brnyan gang lags/ bcom ldan 'das kyis bka' stsal pa/ kau shi ka/ 'di la rigs kyi bu'am rigs kyi bu mo dag /shes rab kyi pha rol tu phyin pa bstan to snyam zhing/ de dag gzugs brnyan ston pa byed pa'o/ /brgya byin gyis gsol pa/ ji ltar na rigs kyi bu'am rigs kyi bu mo de dag shes rab kyi pha rol tu phyin pa'i gzugs brnyan ston pa lags/ bcom ldan 'das kyis bka' stsal pa/ kau shi ka/ 'di la rigs kyi bu'am rigs kyi bu mo de dag shes rab kyi pha rol tu phyin pa ston par byed pa'i tshe/ shes rab kyi pha rol tu phyin pa'i gzugs brnyan ston te/ de la 'di ni shes rab kyi pha rol tu phyin pa'i gzugs brnyan te/ 'di ltar gzugs mi rtag go zhes bya bar ston/ gzugs sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ tshor ba @160a @#/ /dang; 'du shes dang/ 'du byed dang/ rnam par shes pa mi rtag go zhes bya bar ston/ tshor ba dang/ 'du shes dang/ 'du byed dang/ rnam par shes pa sdug bsngal lo zhes bya ba dang/ bdag med do zhes bya ba dang/ mi sdug go zhe bya bar ston cing/ 'di skad du gang de ltar spyod pa ni shes rab kyi pha rol tu phyin pa la spyod do zhes brjod de; su la bstan pa de dag kyang gzugs mi rtag ces bya bar rtogs par 'gyur ro/ /gzugs sdug bsngal zhes bya ba dang/ bdag med ces bya ba dang/ mi sdug ces bya bar rtog par 'gyur ro/ /tshor ba dang/ 'du shes dang/ 'du byed dang/ rnam par shes pa mi rtag ces bya bar rtog par 'gyur ro/ /tshor ba dang/ 'du shes dang/ 'du byed dang/ rnam par shes pa sdug bsngal zhes bya ba dang/ bdag med ces bya ba dang/ mi sdug ces bya bar rtog par 'gyur ro/ /de ltar de dag gzugs mi rtag go zhes bya bar rtog pa dang/ gzugs sdug bsngal lo zhes bya ba dang/ bdag med do zhes bya ba dang/ mi sdug go zhes bya ba dang/ tshor ba dang/ 'du shes dang/ 'du byed dang/ rnam par shes pa mi rtag go zhes bya ba dang/ tshor ba dang/ 'du shes dang/ 'du byed dang/ rnam par shes pa sdug bsngal lo zhes bya ba dang/ bdag med do zhes bya ba dang/ mi sdug go zhes bya bar rtog pas/ shes rab kyi @160b pha rol tu phyin pa'i gzugs brnyan la spyod par 'gyur ro/ /mig mi rtag go zhes bya bar ston/ mig sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston; rna ba dang/ sna dang/ lce dang/ lus dang/ yid mi rtag go zhes bya bar ston/ rna ba dang/ sna dang/ lce dang/ lus dang/ yid sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ gzugs mi rtag go zhes bya bar ston/ gzugs sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ sgra dang/ dri dang/ ro dang/ reg dang/ chos mi rtag go zhes bya bar ston/ sgra dang/ dri dang/ ro dang/ reg dang/ chos sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ mig gi rnam par shes pa mi rtag go zhes bya bar ston/ mig gi rnam par shes pa sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ mig gi 'dus te reg pa mi rtag go zhes bya bar ston/ mig gi 'dus te reg pa sdug bsngal lo zhes bya ba dang/ bdag med do zhes bya ba @161a @#/ /dang; me sdug go zhes bya bar ston/ rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa mi rtag go zhes bya bar ston/ rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ mig gi 'dus te reg pa'i rkyen gyis tshor ba mi rtag go zhes bya bar ston/ mig gi 'dus te reg pa'i rkyen gyis tshor ba sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ rna ba'i 'dus te reg pa'i rkyen gyis tshor ba dang/ sna'i 'dus te reg pa'i rkyen gyis tshor ba dang/ lce'i 'dus te reg pa'i rkyen gyis tshor ba dang/ lus kyi 'dus te reg pa'i rkyen gyis tshor ba dang/ yid kyi 'dus te reg pa'i rkyen gyis tshor ba mi rtag go zhes bya bar ston/ rna ba'i 'dus te reg pa'i rkyen gyis tshor ba dang/ sna'i 'dus te reg pa'i rkyen gyis tshor ba dang/ lce'i 'dus te reg pa'i rkyen gyis tshor ba dang/ lus kyi 'dus te reg pa'i rkyen gyis tshor ba dang/ yid kyi 'dus te reg pa'i rkyen gyis tshor ba sdug bsngal lo zhes bya ba dang/ bdag med do zhes bya ba dang/ mi sdug go zhes bya @161b bar ston/ sa'i khams mi rtag go zhes bya ba ston/ sa'i khams sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ chu'i khams dang/ me'i khams dang; rlung gi khams dang/ nam mkha'i khams dang/ rnam par shes pa'i khams mi rtag go zhes bya bar ston/ chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ ma rig pa mi rtag go zhes bya bar ston/ ma rig pa sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ 'du byed dang/ rnam par shes pa dang/ ming dang gzugs dang/ skye mched drug dang/ reg pa dang; tshor ba dang/ sred pa dang/ len pa dang/ srid pa dang/ skye ba dang/ rga shi mi rtag go zhes bya bar ston/ 'du byed dang/ rnam par shes pa dang/ ming dang gzugs dang/ skye mched drug dang; reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ sbyin pa'i pha rol tu phyin pa mi rtag go zhes bya bar ston/ sbyin pa'i pha rol tu phyin pa sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ tshul khrims @162a @#/ /kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa mi rtag go zhes bya bar ston/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ nang stong pa nyid mi rtag go zhes bya bar ston/ nang stong pa nyid sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ dngos po med pa'i ngo bo nyid stong pa nyid kyi bar du mi rtag go zhes bya bar ston; dngos po med pa'i ngo bo nyid stong pa nyid kyi bar du sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ dran pa nye bar bzhag pa rnams mi rtag go zhes bya bar ston/ dran pa nye bar bzhag pa rnams sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa mi rtag go zhes bya bar ston/ yang dag par spong ba dang/ rdzu @162b 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ sangs rgyas kyi chos ma 'dres pa rnams kyi bar du mi rtag go zhes bya bar ston/ sangs rgyas kyi chos ma 'dres pa rnams sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston/ rnam pa thams cad mkhyen pa nyid kyi bar du mi rtag go zhes bya bar ston/ rnam pa thams cad mkhyen pa nyid sdug bsngal lo zhes bya ba dang/ bdag med do zhes bya ba dang/ mi sdug go zhes bya bar ston cing/ 'di skad du gang de ltar ston pa ni shes rab kyi pha rol tu phyin pa la spyod do zhes rjod de/ su la bstan pa de dag kyang gzugs mi rtag ces bya bar rtog par 'gyur ro/ /gzugs sdug bsngal lo zhes bya ba dang/ bdag med ces bya ba dang/ mi sdug ces bya bar rnam par rtog par 'gyur ro/ / rnam pa thams cad mkhyen pa nyid kyi bar du mi rtag ces bya bar rtog par 'gyur ro/ /rnam pa thams cad mkhyen pa nyid sdug bsngal lo zhes bya ba dang/ bdag med ces bya ba dang/ mi sdug ces bya bar rtog par 'gyur ro/ /de ltar de dag rnam pa thams cad mkhyen pa nyid mi rtag go zhes bya bar rtog pa dang/ rnam pa thams cad mkhyen pa nyid sdug bsngal lo zhes bya bar @163a @#/ /rtog pa dang/ bdag med do zhes bya bar rtog pa dang/ mi sdug go zhes bya bar rtog pas shes rab kyi pha rol tu phyin pa'i gzugs brnyan la spyod par 'gyur te/ kau shi ka/ de ni shes rab kyi pha rol tu phyin pa la spyod pa'i gzugs brnyan no/ /kau shi ka/ gzhan yang rigs kyi bu'am rigs kyi bu mo de dag shes rab kyi pha rol tu phyin pa ston na 'di ltar ston te/ tshur rigs kyi bu/ shes rab kyi pha rol tu phyin pa sgoms shig /khyod kyis shes rab kyi pha rol tu phyin pa bsgoms dang/ byang chub sems dpa'i sa dang po la gnas par 'gyur ro/ /sa bcu pa'i bar la gnas par 'gyur ro/ /tshur rigs kyi bu/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa sgoms shig /khyod kyis sbyin pa'i pha rol tu phyin pa bsgoms dang/ byang chub sems dpa'i sa dang po la gnas par 'gyur ro/ /sa bcu pa'i bar la gnas par 'gyur ro zhes/ de'ang mtshan ma'i tshul dang/ dmigs pa'i tshul gyis ston te/ de dus kyi 'du shes kyis shes rab kyi pha rol tu phyin pa bsgom par 'gyur te/ kau shi ka/ de ni shes rab kyi pha rol tu phyin pa'i gzugs brnyan no/ /kau shi ka/ gzhan yang rigs kyi bu'am rigs kyi bu mo de dag byang chub sems @163b dpa'i theg pa pa'i rigs kyi bu'am/ rigs kyi bu mo dag la shes rab kyi pha rol tu phyin pa 'di ltar ston te/ tshur rigs kyi bu/ khyod kyis shes rab kyi pha rol tu phyin pa sgoms shig /rigs kyi bu khyod kyis shes rab kyi pha rol tu phyin pa bsgoms na/ nyan thos kyi sa las 'da' bar 'gyur ro/ /rang sangs rgyas kyi sa las 'da' bar 'gyur ro zhes ston te/ kau shi ka/ de ni shes rab kyi pha rol tu phyin pa'i gzugs brnyan no/ /kau shi ka/ gzhan yang rigs kyi bu'am rigs kyi bu mo de dag /byang chub sems dpa'i theg pa pa'i rigs kyi bu'am rigs kyi bu mo de dag la shes rab kyi pha rol tu phyin pa ston pa na 'di ltar ston te/ tshur rigs kyi bu/ khyod kyis shes rab kyi pha rol tu phyin pa sgoms shig /rigs kyi bu khyod kyis shes rab kyi pha rol tu phyin pa bsgoms dang/ byang chub sems dpa'i skyon med par 'jug par 'gyur ro/ /mi skye ba'i chos la bzod pa thob par 'gyur ro/ /khyod kyis de ltar mi skye ba'i chos la bzod pa thob pa dang/ byang chub sems dpa'i mngon par shes pa la gnas te/ de bzhin gshegs pa dgra bcom pa yang dag par rdzogs pa'i sangs rgyas rnams la/ rim gro dang/ bkur sti dang/ bsti stang dang/ mchod par byed cing/ sangs rgyas kyi zhing nas sangs rgyas kyi zhing du 'gro bar 'gyur ro zhes/ rigs kyi bu'am rigs kyi bu mo de dag /byang chub sems dpa'i theg pa pa'i rigs kyi bu'am rigs kyi @164a @#/ /bu mo de dag la ston na 'di skad ston te/ rigs kyi bu dag /su shes rab kyi pha rol tu phyin pa 'dzin pa dang/ 'chang ba dang/ klog cing kun chub par byed pa dang/ tshul bzhin du yid la byed pa de ni bsod nams kyi phung po tshad med grangs med dpag tu med par 'gyur ro zhes zer te/ de ltar ston pa'i rigs kyi bu'am rigs kyi bu mo de dag ni shes rab kyi pha rol tu phyin pa'i gzugs brnyan ston to/ /kau shi ka/ gzhan yang rigs kyi bu'am rigs kyi bu mo de dag byang chub sems dpa'i theg pa pa'i rigs kyi bu'am rigs kyi bu mo de dag la 'di ltar ston te/ tshur rigs kyi bu/ khyod kyis 'das pa dang/ ma byon pa dang/ da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis thugs dang po bskyed pa nas phung po ma lus pa'i mya ngan las 'das pa'i dbyings su yongs su mya ngan las 'das pa'i bar gyi dge ba'i rtsa ba gang ji snyed pa de dag thams cad gcig tu bsdus te/ rjes su dga' bar gyis la/ bla na med pa yang dag par rdzogs pa'i byang chub tu yongs su bsngos shig ces/ rigs kyi bu'am rigs kyi bu mo de dag de ltar ston cing/ shes rab kyi pha rol tu phyin pa'i gzugs brnyan ston to/ /brgya byin gyis gsol pa/ bcom ldan 'das/ ji ltar ston pa'i rigs kyi bu dang/ rigs kyi bu mo de dag byang chub sems dpa'i theg pa pa'i rigs [@##data incomplete here] @171a @#/ /'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ kau shi ka/ de bas kyang rigs kyi bu'am rigs kyi bu mo gang gis/ shes rab kyi pha rol tu phyin pa 'di don dang ldan/ yi ge dang ldan par gzhan la rgya cher brjod de bstan pa dang/ bshad de bkrol zhing rnam par phye ste gsal ba dang/ yang dag par bstan pa byas pa dang/ 'di skad du tshur rigs kyi bu khyod kyis shes rab kyi pha rol tu phyin pa gzung zhig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol tu phyin pa la nan tan du gyis shig /rigs kyi bu khyod gang gi tshe/ ji ltar bstan pa'i shes rab kyi pha rol tu phyin pa la nan tan du byed pa de'i tshe/ rigs kyi bu khyod shes rab kyi pha rol tu phyin pa la slob par 'gyur ro/ /rigs kyi bu khyod gang gi tshe/ shes rab kyi pha rol tu phyin pa la slob par gyur pa de'i tshe/ khyod kyis thams cad mkhyen pa nyid kyi chos rnams thob par 'gyur ro/ /gang gi tshe khyod kyis thams cad mkhyen pa nyid kyi chos rnams thob par gyur pa de'i tshe/ khyod bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bsgo na/ ches de'i bsod nams mang du 'phel lo/ /de ci'i phyir zhe na/ kau shi ka/ shes rab kyi pha rol tu phyin pa las byung ba ni/ @171b byang chub sems dpa' sems dpa' chen po rnams phyir mi ldog pa'i sa'o/ /kau shi ka/ gzhan yang 'dzam bu'i gling gi sems can ji snyed pa de dag thams cad bla na med pa yang dag par rdzogs pa'i byang chub tu yang dag par zhugs par gyur te/ de dag la rigs kyi bu'am rigs kyi bu mo la la zhig gis/ shes rab kyi pha rol tu phyin pa 'di don dang ldan/ yi ge dang ldan par rgya cher brjod de bstan pa dang/ bshad de bkrol zhing rnam par phye ste gsal ba dang/ yang dag par bstan pa byas pa dang/ 'di skad du tshur rigs kyi bu/ khyod kyis shes rab kyi pha rol tu phyin pa gzung zhig / kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol tu phyin pa la nan tan du gyis shig /rigs kyi bu khyod gang gi tshe; ji ltar bstan pa'i shes rab kyi pha rol tu phyin pa la nan tan du byed pa de'i tshe/ rigs kyi bu khyod shes rab kyi pha rol tu phyin pa la slob par 'gyur ro/ /rigs kyi bu khyod gang gi tshe/ shes rab kyi pha rol tu phyin pa la slob par gyur pa de'i tshe/ khyod kyis thams cad mkhyen pa nyid kyi chos rnams thob par 'gyur ro/ /gang gi tshe khyod kyis thams cad mkhyen pa nyid kyi chos rnams thob par gyur pa de'i tshe/ khyod bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bsgo na/ ches de'i bsod nams mang du 'phel lo/ /kau shi ka/ 'dzam bu'i gling gi @172a @#/ /sems can rnams bla na med pa yang dag par rdzogs pa'i byang chub tu yang dag par zhugs pa lta'ang zhog /gling bzhi pa'i 'jig rten gyi khams kyi sems can lta'ang zhog /stong gi 'jig rten gyi khams byur bu'i sems can lta'ang zhog /stong gnyis kyi 'jig rten gyi khams 'bring po'i sems can lta'ang zhog /stong gsum gyi stong chen po'i 'jig rten gyi khams kyi sems can ji snyed pa de dag bla na med pa yang dag par rdzogs pa'i byang chub tu yang dag par zhugs pa lta'ang zhog /kau shi ka/ phyogs bcu'i phyogs re re zhing/ ganggA'i klung gi bye ma snyed kyi 'jig rten gyi khams kyi sems can ji snyed pa de dag thams cad bla na med pa yang dag par rdzogs pa'i byang chub tu yang dag par zhugs par gyur te/ de dag la rigs kyi bu'am rigs kyi bu mo la la zhig gis/ shes rab kyi pha rol tu phyin pa 'di don dang ldan/ yi ge dang ldan par rgya cher brjod de bstan pa dang/ bshad de bkrol zhing rnam par phye ste gsal ba dang/ yang dag par bstan pa byas pa dang/ 'di skad du tshur rigs kyi bu/ khyod kyis shes rab kyi pha rol tu phyin pa gzung zhig /kun chub par gyis shig /chongs shig ;lhogs shig /tshul bzhin du yid la gyis shig /ji ltar bstan pa'i shes rab kyi pha rol tu phyin pa la nan tan du gyis shig /rigs kyi bu khyod gang gi tshe/ ji ltar bstan pa'i shes @172b rab kyi pha rol tu phyin par nan tan du byed pa de'i tshe/ rigs kyi bu khyod shes rab kyi pha rol tu phyin pa la slob par 'gyur ro/ /rigs kyi bu khyod gang gi tshe/ shes rab kyi pha rol tu phyin pa la slob par gyur pa de'i tshe/ khyod kyis thams cad mkhyen pa nyid kyi chos rnams thob par 'gyur ro/ /gang gi tshe khyod kyis thams cad mkhyen pa nyid kyi chos rnams thob par gyur pa de'i tshe/ khyod bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bsgo na/ ches de'i bsod nams mang du 'phel lo/ /kau shi ka/ gzhan yang 'dzam bu'i gling gi sems can ji snyed pa de dag thams cad bla na med pa yang dag par rdzogs pa'i byang chub las phyir mi ldog par gyur te/ byang chub sems dpa' sems dpa' chen po de dag la rigs kyi bu'am rigs kyi bu mo la la zhig gis/ shes rab kyi pha rol tu phyin pa 'di don dang ldan/ yi ge dang ldan par rgya cher brjod de bstan pa dang/ bshad de bkrol zhing rnam par phye ste gsal ba dang/ yang dag par bstan pa byas pa bas/ de'i nang nas byang chub sems dpa' sems dpa' chen po la la zhig 'di skad du/ bdag myur du bla na med pa yang dag par rdzogs pa'i byang chub tu mngon par rdzogs par 'tshang rgya'o zhes zer la/ rigs kyi bu'am rigs kyi bu mo la la zhig gis/ de la shes rab kyi pha rol tu phyin pa 'di don dang ldan/ yi ge dang ldan par rgya cher brjod de bstan na/ rigs kyi bu'am @173a @#/ /rigs kyi bu mo de'i bsod nams ches mang du 'phel lo/ /kau shi ka/ 'dzam bu'i gling gi sems can rnams bla na med pa yang dag par rdzogs pa'i byang chub las phyir mi ldog par gyur pa lta'ang zhog /gling bzhi pa'i 'jig rten gyi khams kyi sems can lta'ang zhog /stong gi 'jig rten gyi khams byur bu'i sems can lta'ang zhog /stong gnyis kyi 'jig rten gyi khams 'bring po'i sems can lta'ang zhog /stong gsum gyi stong chen po'i 'jig rten gyi khams kyi sems can rnams bla na med pa yang dag par rdzogs pa'i byang chub las phyir mi ldog par gyur pa lta'ang zhog gi /kau shi ka/ phyogs bcu'i phyogs re re zhing/ ganggA'i klung gi bye ma snyed kyi 'jig rten gyi khams kyi sems can ji snyed pa de dag thams cad bla na med pa yang dag par rdzogs pa'i byang chub las phyir mi ldog par gyur te/ byang chub sems dpa' sems dpa' chen po de dag la/ rigs kyi bu'am rigs kyi bu mo la la zhig gis/ shes rab kyi pha rol tu phyin pa 'di don dang ldan/ yi ge dang ldan par rgya cher brjod de bstan pa dang/ bshad de bkrol zhing rnam par phye ste gsal ba dang/ yang dag par bstan pa byas pa bas/ de'i nang nas byang chub sems dpa' sems dpa' chen po la la zhig 'di skad du/ bdag myur du bla na med pa yang dag par rdzogs pa'i byang chub tu mngon par rdzogs par 'tshang rgya'o zhes @173b zer la/ rigs kyi bu'am rigs kyi bu mo la la zhig gis/ de la shes rab kyi pha rol tu phyin pa 'di don dang ldan/ yi ge dang ldan par rgya cher brjod de bstan na/ rigs kyi bu'am rigs kyi bu mo de'i bsod nams ches mang du 'phel lo/ /de ci'i phyir zhe na/ phyir mi ldog pa'i byang chub sems dpa' sems dpa' chen po de dag ni nges pa ste/ rdzogs pa'i byang chub tu gzhol zhing bla na med pa yang dag par rdzogs pa'i byang chub las phyir ldog par mi 'gyur bas na/ de dag la ni de tsam du chos bstan kyang mi dgos kyi/ 'di ni 'khor ba nas 'byung bar 'dod la/ snying rje chen pos mnar ba'i phyir ro/ /de nas lha'i dbang po brgya byin gyis/ bcom ldan 'das la 'di skad ces gsol te/ /bcom ldan 'das/ ji lta ji ltar byang chub sems dpa' sems dpa' chen po bla na med pa yang dag par rdzogs pa'i byang chub tu nye bar gyur pa de lta de ltar byang chub sems dpa' sems dpa' chen po de sbyin pa'i pha rol tu phyin pa la gdams shing rjes su bstan par bgyi'o/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la gdams shing rjes su bstan par bgyi'o/ /nang stong pa nyid la gdams shing rjes su bstan par bgyi'o/ /dngos po med pa'i ngo bo nyid stong pa nyid kyi bar la gdams shing rjes @174a @#/ /su bstan par bgyi'o/ /dran pa nye bar bzhag pa rnams dang/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa la gdams shing rjes su bstan par bgyi'o/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa rnams dang/ ting nge 'dzin rnams dang/ gzungs kyi sgo rnams la gdams shing rjes su bstan par bgyi'o/ /de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad la gdams shing rjes su bstan par bgyi'o/ /gos dang/ bsod snyoms dang/ mal cha dang/ nad kyi rkyen sman dang/ yo byad kyis kyang rjes su gzung bar bgyi ste/ byang chub sems dpa' sems dpa' chen po de la chos kyis bsdu ba dang/ zang zing gis bsdu bas rjes su 'dzin pa'i rigs kyi bu'am rigs kyi bu mo de dag gi bsod nams ni ches mang du 'phel gyi/ rigs kyi @174b bu dang rigs kyi bu mo snga ma dag ni ma lags so/ /de ci'i slad du zhe na/ bcom ldan 'das/ de ni yong yang de ltar 'gyur te/ byang chub sems dpa' sems dpa' chen po gang lags pa de ni pha rol tu phyin pa rnams la gdams shing rjes su bstan pa'o/ /stong pa nyid thams cad dang/ byang chub kyi phyogs kyi chos thams cad dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams la gdams shing rjes su bstan pa'o/ /rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa rnams dang/ ting nge 'dzin rnams dang/ gzungs kyi sgo rnams la gdams shing rjes su bstan pa'o/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad la gdams shing rjes su bstan pa'o/ /de nas tshe dang ldan pa rab 'byor gyis/ lha'i dbang po brgya byin la smras pa/ kau shi ka/ de ltar khyod byang chub sems dpa' rnams kyis mos pa bskyed pa dang/ byang chub sems dpa' rnams la phan 'dogs pa dang/ yongs su skyong ba legs so/ /legs so/ /kau shi ka/ khyod kyis de bzhin du bya'o/ /'phags pa nyan thos gang @175a @#/ /sems can rnams la phan 'dogs par 'dod pa des kyang/ byang chub sems dpa' sems dpa' chen po rnams bla na med pa yang dag par rdzogs pa'i byang chub tu mos pa bskyed par bya'o/ /byang chub sems dpa' rnams zang zing dang/ chos kyis phan gdags pas phan gdags shing yongs su bskyang bar bya'o/ /de ci'i phyir zhe na/ kau shi ka/ bcom ldan 'das kyi nyan thos kyi dge 'dun ni 'di lta ste/ byang chub sems dpa' sems dpa' chen po de dag las 'byung ngo/ /gal te byang chub sems dpa' sems dpa' chen po bla na med pa yang dag par rdzogs pa'i byang chub tu sems mi bskyed na/ byang chub sems dpa' sems dpa' chen po pha rol tu phyin pa drug po 'di dag la bslab pa ma yin/ nang stong pa nyid dang/ dngos po med pa'i ngo bo nyid stong pa nyid kyi bar dang/ byang chub kyi phyogs kyi chos sum cu rtsa bdun dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams @175b dang; so so yang dag par rig pa rnams dang/ sangs rgyas kyi chos ma 'dres pa bco brgyad la slob pa ma yin te/ bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ro/ /bla na med pa yang dag par rdzogs pa'i byang chub tu mngon par rdzogs par 'tshang rgya bar ma gyur na/ rang sangs rgyas dang/ nyan thos rnams kyang yod par mi 'gyur te/ kau shi ka/ byang chub sems dpa' sems dpa' chen po ni pha rol tu phyin pa drug po 'di dag la yang slob la/ stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ sangs rgyas kyi chos ma 'dres pa bco brgyad la'ang slob pas/ de ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ste/ bla na med pa yang dag par rdzogs pa'i byang chub tu mngon par rdzogs par sangs rgyas pa dang/ 'jig rten gyi khams thams cad @176a @#/ /du sems can dmyal ba rnams rgyun chad par 'gyur ro/ /byol song gi skye gnas dang/ gshin rje'i 'jig rten rnams rgyun chad par 'gyur ro/ /lha ma yin gyi ris kyang yongs su 'grib par 'gyur ro/ /lha'i ris kyang mngon par 'phel bar 'gyur ro/ /rgyal rigs che zhing mtho ba rnams 'jig rten du 'byung bar 'gyur ro/ /bram ze'i rigs che zhing mtho ba rnams dang/ khyim bdag gi rigs che zhing mtho ba rnams 'jig rten du 'byung bar 'gyur ro/ /rgyal chen bzhi'i ris kyi lha rnams 'jig rten du 'byung bar 'gyur ro/ /sum cu rtsa gsum gyi lha rnams dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed kyi lha rnams 'jig rten du 'byung bar 'gyur ro/ /tshangs ris dang/ tshangs lha nye phan dang; tshangs pa kun 'khor dang/ tshangs chen dang/ snang ba dang/ chung snang dang/ tshad med snang ba dang/ kun snang dang ba dang/ dge ba dang/ chung dge dang/ tshad med dge ba dang/ dge rgyas dang/ che ba dang/ chung che dang/ tshad med che ba dang/ 'bras bu che ba dang/ mi che ba dang/ mi gdung ba dang/ shin tu mthong ba dang/ gya nom snang ba dang/ 'og min gyi lha rnams 'jig rten du 'byung bar 'gyur ro/ /nam mkha' mtha' yas skye mched dang/ rnam shes mtha' yas skye mched dang/ cung zad med pa'i skye mched dang/ 'du shes med 'du shes med min skye @176b mched kyi lha rnams 'jig rten du 'byung bar 'gyur ro/ /sbyin pa'i pha rol tu phyin pa 'jig rten du 'byung bar 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa 'jig rten du 'byung bar 'gyur ro/ /nang stong pa nyid 'jig rten du 'byung bar 'gyur ro; ;dngos po med pa'i ngo bo nyid stong pa nyid kyi bar du 'jig rten du 'byung bar 'gyur ro/ /byang chub kyi phyogs kyi chos sum cu rtsa bdun dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa rnams dang/ ting nge 'dzin rnams dang/ gzungs kyi sgo rnams 'jig rten du 'byung bar 'gyur ro/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad 'jig rten du 'byung bar 'gyur ro/ /nyan thos kyi theg pa 'jig rten du 'byung bar 'gyur ro/ /rang sangs rgyas kyi theg pa 'jig rten du 'byung bar 'gyur ro/ /theg pa chen po 'jig rten du 'byung bar 'gyur ro/ /shes rab kyi pha rol tu phyin pa @177a @#/ /stong phrag nyi shu lnga pa las/ brgya byin gyi le'u ste nyi shu gsum pa'o// //de nas byang chub sems dpa' sems dpa' chen po byams pas/ gnas brtan rab 'byor la smras pa/ btsun pa rab 'byor/ byang chub sems dpa' sems dpa' chen po'i rjes su yi rang ba dang ldan pa'i bsod nams bya ba'i dngos po gang yin pa dang/ byang chub sems dpa' sems dpa' chen po bsod nams bya ba'i dngos po sems can thams cad dang thun mong du byas te/ de mi dmigs pa'i tshul gyis/ bla na med pa yang dag par rdzogs pa'i byang chub tu yongs su bsngo ba gang yin pa dang/ sems can thams cad kyi rjes su yi rang ba dang ldan pa'i bsod nams bya ba'i dngos po dang/ nyan thos kyi theg pa pa rnams dang/ rang sangs rgyas kyi theg pa pa rnams kyi sbyin pa las byung ba'i bsod nams bya ba'i dngos po dang/ tshul khrims las byung ba dang/ sgom pa las byung ba'i bsod nams bya ba'i dngos po gang yin pa de dag las/ byang chub sems dpa' sems dpa' chen po'i rjes su yi rang ba dang ldan pa'i bsod nams bya ba'i dngos po sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngos pa 'di nyid rab ces bya'o/ /dam pa zhes bya'o/ /gtso bo zhes bya'o/ /mchog ces bya'o/ /phul zhes bya'o/ /gya nom pa zhes bya'o/ / @177b bla na med pa zhes bya'o/ /gong na med pa zhes bya'o/ /mnyam pa med pa zhes bya'o/ /mi mnyam pa dang mnyam pa zhes bya'o// //shes rab kyi pha rol tu phyin pa stong phrag nyi shu lnga pa/ bam po sum cu drug pa/ de ci'i phyir zhe na/ 'di ltar nyan thos dang/ rang sangs rgyas kyi theg pa pa rnams kyi sbyin pa las byung ba'i bsod nams bya ba'i dngos po dang/ tshul khrims las byung ba dang/ sgom pa las byung ba'i bsod nams bya ba'i dngos po ni bdag gdul ba dang/ bdag zhi bar bya ba dang/ bdag yongs su mya ngan las 'da' ba'i phyir nye bar gnas pa ste/ dran pa nye bar bzhag pa rnams dang/ 'phags pa'i lam yan lag brgyad pa'i bar dang/ 'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ so so yang dag par rig pa bzhi dang/ mngon par shes pa drug dag kyang/ bdag gdul ba dang/ bdag zhi bar bya ba dang/ bdag yongs su mya ngan las 'da' ba'i phyir nye bar gnas par zad kyi/ byang chub sems dpa' ni sems can thams cad gdul ba dang/ zhi bar bya ba dang/ yongs su mya ngan las 'da' ba'i phyir rjes su yi rang ba dang ldan pa'i bsod nams @178a @#/ /bya ba'i dngos po sems can thams cad dang thun mong du byas shing/ mi dmigs pa'i tshul gyis/ bla na med pa yang dag par rdzogs pa'i byang chub tu yongs su bsngo'o/ /de nas tshe dang ldan pa rab 'byor gyis/ byang chub sems dpa' sems dpa' chen po byams pa la 'di skad ces smras so/ /de ltar byang chub sems dpa' sems dpa' chen pos shar phyogs kyi 'jig rten gyi khams grangs med tshad med dpag tu med pa dag gi/ 'jig rten gyi khams re rer yang sangs rgyas bcom ldan 'das tshad med grangs med pa yongs su mya ngan las 'das par gyur pa de dag dang/ lho dang/ nub dang/ byang dang/ byang shar dang/ shar lho dang/ lho nub dang/ nub byang dang/ 'og dang/ steng gi phyogs kyi phyogs re re zhing/ 'jig rten gyi khams grangs med tshad med dpag tu med pa dag gi/ 'jig rten gyi khams re rer yang sangs rgyas bcom ldan 'das grangs med tshad med pa yongs su mya ngan las 'das par gyur pa de dag thugs dang po bskyed pa nas bla na med pa yang dag par rdzogs pa'i byang chub tu mngon par rdzogs par sangs rgyas pa'i bar dang/ phung po ma lus pa'i mya ngan las 'das pa'i dbyings su yongs su mya ngan las 'das pa'i bar dang/ dam pa'i chos nub kyi bar du dge ba'i rtsa ba pha rol tu phyin pa drug dang ldan pa gang ji snyed cig yod pa dang/ @178b nyan thos kyi theg pa la yang dag par zhugs pa de dag gi sbyin pa las byung ba'i bsod nams bya ba'i dngos po dang/ tshul khrims las byung ba dang/ sgom pa las byung ba'i bsod nams bya ba'i dngos po dang/ slob pa de dag gi dge ba'i rtsa ba zag pa med pa dag dang/ mi slob pa de dag gi dge ba'i rtsa ba zag pa med pa dag dang/ de bzhin gshegs pa dgra bcom pa yang dag par rdzogs pa'i sangs rgyas de dag gi tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes gzigs pa'i phung po dang/ phan par bzhed pa dang/ thugs rje chen po dang/ sangs rgyas kyi chos grangs med tshad med pa dang/ sangs rgyas bcom ldan 'das de dag gis chos gang bstan pa dang/ chos bstan pa de la bslabs shing rgyun du zhugs pa'i 'bras bu thob pa dang/ lan gcig phyir 'ong ba'i 'bras bu thob pa dang/ phyir mi 'ong ba'i 'bras bu thob pa dang/ dgra bcom pa nyid dang; rang byang chub thob pa dang/ byang chub sems dpa'i skyon med par zhugs pa de dag gi dge ba'i rtsa ba gang ji snyed pa dang/ gang gis de bzhin gshegs pa de dag bzhugs kyang rung/ yongs su mya ngan las 'das kyang rung ste/ de dag la dge ba'i rtsa ba gang ji snyed cig bskyed pa de thams cad gcig tu bsdus te/ rjes su yi rang ba'i mchog gtso bo dam pa/ rab phul gya @179a @#/ /nom pa/ bla na med pa/ gong na med pa/ mnyam pa med pa/ mi mnyam pa dang mnyam pas rjes su yi rang ste/ de ltar rjes su yi rang nas/ rjes su yi rang ba dang ldan pa'i bsod nams bya ba'i dngos po de/ sems can thams cad dang thun mong du byas te/ bla na med pa yang dag par rdzogs pa'i byang chub sgrub par gyur cig ces/ bla na med pa yang dag par rdzogs pa'i byang chub tu yongs su bsngos na/ de ltar byang chub sems dpa'i theg pa la yang dag par zhugs pa des de skad du smras te/ sems kyi rnam pa de lta bus yongs su bsngos na/ dmigs pa gang dang dngos po gang dag gis sems de lta bu skyes par gyur pa'i dngos po de dag dang/ dmigs pa de dag rigs kyi bu de dag gis ji ltar mtshan mar byas pa de bzhin du dmigs su yod pa yin nam/ byams pas smras pa/ byang chub sems dpa'i theg pa pa'i rigs kyi bu de dag gis ji ltar mtshan mar byas te/ bla na med pa yang dag par rdzogs pa'i byang chub tu yongs su bsngos pa de bzhin du/ dngos po de dag dang/ dmigs pa de dag dmigs su yod pa ma yin no/ /rab 'byor gyis smras pa/ gal te de ltar dngos po med pa de dag dmigs su med na/ sangs rgyas bcom ldan 'das phyogs bcu'i 'jig rten gyi khams na bzhugs pa de dag dang/ de dag gi thugs dang po bskyed pa nas/ dam pa'i chos gnas pa'i bar gyi dge ba'i @179b rtsa ba dang/ nyan thos dang/ rang sangs rgyas kyi theg pa la gnas pa'i rigs kyi bu dang/ rigs kyi bu mo de dag gi dge ba'i rtsa ba gang ji snyed pa dang/ slob pa rnams kyi dge ba'i rtsa ba gang ji snyed pa dang/ mi slob pa rnams kyi dge ba'i rtsa ba gang ji snyed pa de dag thams cad gcig tu bsdus gsog ste/ bla na med pa yang dag par rdzogs pa'i byang chub tu mtshan ma'i tshul gyis yongs su bsngos na/ ji ltar mi rtag pa la rtag go zhes bya bar 'du shes phyin ci log pa dang/ sems phyin ci log pa dang/ lta ba phyin ci log tu gyur pa dang/ sdug bsngal ba la bde zhes bya ba dang/ bdag med pa la bdag ces bya ba dang/ mi gtsang ba la gtsang zhes bya bar 'du shes phyin ci log pa dang/ sems phyin ci log pa dang/ lta ba phyin ci log tu gyur pa de ltar de'i 'du shes phyin ci log tu ma gyur tam/ de lta yin yang thams cad dngos po ji lta ba dang/ dmigs pa ji lta bar byang chub kyang de bzhin/ sems kyang de bzhin/ sbyin pa'i pha rol tu phyin pa dang/ tshul khrims kyi hi dang/ so so pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa yang de bzhin/ gzugs dang/ tshor ba dang/ 'du shes dang/ 'du byed dang/ rnam par shes pa yang de bzhin/ mig dang/ rna ba dang/ sna dang/ lce dang/ lus dang/ yid kyang de bzhin/ gzugs dang/ sgra dang/ @180a @#/ /dri dang/ ro dang/ reg dang/ chos kyang de bzhin/ khams dang/ skye mched dang/ rten cing 'brel par 'byung ba'ang de bzhin/ nang stong pa nyid dang/ dngos po med pa'i ngo bo nyid stong pa nyid kyi bar yang de bzhin/ dran pa nye bar bzhag pa rnams dang/ 'phags pa'i lam yan lag brgyad pa'i bar yang de bzhin/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad kyang de bzhin te/ gal te de ltar dngos po ji lta ba dang/ dmigs pa ji lta bar byang chub kyang de bzhin/ sems kyang de bzhin/ sbyin pa'i pha rol tu phyin pa yang de bzhin/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa'ang de bzhin/ nang stong pa nyid dang/ dngos po med pa'i ngo bo @180b nyid stong pa nyid kyi bar yang de bzhin/ dran pa nye par bzhag pa rnams dang/ yang dag par spong ba rnams dang/ rdzu 'phul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa rnams dang; ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad kyang de bzhin te/ bla na med pa yang dag par rdzogs pa'i byang chub tu yongs su bsngo ba'i dngos po de ni gang zhig yin/ dmigs pa de ni gang zhig yin/ byang chub de ni gang zhig yin/ sems de ni gang zhig yin/ dge ba'i rtsa ba de dag ni gang zhig yin/ rjes su yi rang ba dang ldan pa'i bsod nams bya ba'i dngos po de ni gang zhig yin/ byams pas smras pa/ gal te byang chub sems dpa' pha rol tu phyin pa drug la spyod spyod pa/ sangs rgyas mang po la bsnyen bkur cing dge ba'i rtsa ba bskyed par gyur pa dang/ dge ba'i @181a @#/ /bshes gnyen gyis kyang yongs su zin pa dang/ rang gi mtshan nyid kyis stong pa'i chos thams cad la bslabs pa de dag ni/ dngos po de dag dang/ dmigs pa de dag dang/ sangs rgyas bcom ldan 'das de dag dang/ dge ba'i rtsa ba de dag dang/ rjes su yi rang ba dang ldan pa'i bsod nams bya ba'i dngos po de dag mtshan mar byas shing/ bla na med pa yang dag par rdzogs pa'i byang chub tu yongs su mi bsngo'o/ /de dag ni 'di ltar yongs su bsngo ste/ gnyis kyi tshul gyis ma yin no/ /gnyis su med pa'i tshul gyis ma yin no/ / mtshan ma'i tshul gyis ma yin no/ /mtshan ma med pa'i tshul gyis ma yin no/ /dmigs pa'i tshul gyis ma yin no/ /dmigs su med pa'i tshul gyis ma yin no/ /nyon mongs pa'i tshul gyis ma yin no/ /rnam par byang ba'i tshul gyis ma yin no/ /skye ba'i tshul gyis ma yin no/ /'gag pa'i tshul gyis ma yin no/ /gal te byang chub sems dpa' de dag pha rol tu phyin pa drug la spyod spyod pa yang ma yin/ sangs rgyas mang po la bsnyen bkur byed byed pa yang ma yin/ dge ba'i rtsa ba bskyed par gyur pa yang ma yin/ dge ba'i bshes gnyen gyis yongs su zin pa yang ma yin/ rang gi mtshan nyid kyis stong pa'i chos thams cad la bslabs par gyur pa yang ma yin na/ de dag ni dngos po de dag dang/ dmigs pa de dag @181b dang; sangs rgyas bcom ldan 'das de dag dang/ dge ba'i rtsa ba de dag dang/ rjes su yi rang ba dang ldan pa'i sems bskyed pa de dag la mtshan mar byas shing/ bla na med pa yang dag par rdzogs pa'i byang chub tu yongs su bsngo bar 'gyur te/ btsun pa rab 'byor/ shes rab kyi pha rol tu phyin pa de ltar bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa de ltar bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /nang stong pa nyid dang/ dngos po med pa'i ngo bo nyid stong pa nyid kyi bar dang/ dran pa nye bar bzhag pa rnams dang/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang; 'phags pa'i lam yan lag brgyad pa de ltar bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa @182a @#/ /dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang; de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad de ltar bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /thams cad shes pa nyid dang/ lam gyi rnam pa shes pa nyid dang; rnam pa thams cad mkhyen pa nyid de ltar bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /rang gi mtshan nyid kyis stong pa'i chos rnams de ltar bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /de ci'i phyir zhe na/ de ni de la dad pa tsam mam/ dga' ba tsam mam/ mos pa tsam mam/ gus pa tsam zhig yod pa de yang med par 'gyur ba'i phyir te/ phyir mi ldog pa'i byang chub sems dpa' sems dpa' chen po'i mdun du bshad cing bstan to/ / dge ba'i bshes gnyen gyis yongs su zin pa dang/ sngon gyi rgyal ba la bya ba byas pa dang/ dge ba'i rtsa ba bskyed pa dang/ sangs rgyas mang po la bsnyen bkur byed byed pa'i mdun du @182b shes rab kyi pha rol tu phyin pa de ltar bstan pa 'di bshad par bya'o/ /bstan par bya'o/ /bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa de ltar bstan pa bshad par bya'o/ /bstan par bya'o/ /nang stong pa nyid dang/ dngos po med pa'i ngo bo nyid stong pa nyid kyi bar du de ltar bstan pa bshad par bya'o/ /bstan par bya'o/ /dran pa nye bar bzhag pa rnams dang/ yang dag par spong ba rnams dang/ rdzu 'phrul gyi rkang pa rnams dang; dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad de ltar bstan pa @183a @#/ /bshad par bya'o/ /bstan par bya'o/ /thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid de ltar bstan par bshad par bya'o/ /bstan par bya'o/ /de'i mdun du rang gi mtshan nyid kyis stong pa'i chos rnams bshad par bya'o/ /bstan par bya'o/ /des ni de thos na mi 'jigs mi dngang skrag par mi 'gyur te; rab 'byor/ byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po yang bla na med pa yang dag par rdzogs pa'i byang chub tu de ltar yongs su bsngo bar bya'o/ /rab 'byor gyis smras pa/ byams pa sems gang gis rjes su yi rang zhing/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya ba'i sems de ni zad cing 'gags la med de rnam par gyur la/ dngos po de dag dang/ dmigs pa de dag dang/ dge ba'i rtsa ba de dag kyang zad cing 'gags la med de rnam par gyur na/ rjes su yi rang ba dang ldan pa'i sems de ni gang zhig /dngos po de dag ni gang zhig /dmigs pa de dag ni gang zhig /dge ba'i rtsa ba de dag ni gang zhig /bla na med pa yang dag par rdzogs pa'i byang chub tu yongs su bsngo bar bya/ ci sems kyis sems yongs su bsngo'am/ de ltar sems kyis sems yongs su bsngo na ni/ sems gnyis 'phrad par @183b 'gyur ba med de/ sems kyi rang bzhin gang yin pa de yang yongs su bsngo bar mi nus so/ /gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'di ltar shes rab kyi pha rol tu phyin pa ni dngos po med pa'o/ /bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa ni dngos po med pa'o/ /nang stong pa nyid dang/ dngos po med pa'i ngo bo nyid stong pa nyid kyi bar ni dngos po med pa'o/ /dran pa nye bar bzhag pa rnams dang/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa ni dngos po med pa'o/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa rnams dang/ stong pa nyid dang/ mtshan ma med pa dang/ smon pa med pa dang/ /mngon par shes pa rnams ni dngos po med pa'o; ;ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ @184a @#/ /snying rje chen po dang/ sangs rgyas kyi chos ma 'dres pa bco brgyad ni dngos po med pa'o/ /rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub dang/ thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid ni dngos po med pa'o zhes bya bar shes na/ de ltar byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo bar bya'o/ /gal te de ltar yongs su bsngo na bla na med pa yang dag par rdzogs pa'i byang chub tu yongs su bsngos par 'gyur ro/ /de nas lha'i dbang po brgya byin gyis/ gnas brtan rab 'byor la smras pa/ btsun pa rab 'byor/ theg pa la gsar du zhugs pa'i byang chub sems dpa' sems dpa' chen pos bstan pa 'di thos na/ 'jigs shing dngang ba'am/ skrag par mi 'gyur ram/ btsun pa rab 'byor/ ji ltar theg pa la gsar du zhugs pa'i byang chub sems dpa' sems dpa' chen pos dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya/ ji ltar na des rjes su yi rang ba dang ldan pa'i bsod nams bya ba'i dngos po yongs su bzung zhing/ bla na med pa yang @184b dag par rdzogs pa'i byang chub tu yongs su bsngos pa yin/ de nas tshe dang ldan pa rab 'byor gyis/ byang chub sems dpa' sems dpa' chen po byams pa la dmigs nas/ lha'i dbang po brgya byin la 'di skad ces smras so/ /kau shi ka/ gal te theg pa la gsar du zhugs pa'i byang chub sems dpa' sems dpa' chen po de shes rab kyi pha rol tu phyin pa la spyod cing/ shes rab kyi pha rol tu phyin pa de'ang mi dmigs pa'i tshul dang/ mtshan ma med pa'i tshul gyis 'dzin par byed/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la spyod cing/ sbyin pa'i pha rol tu phyin pa de yang mi dmigs pa'i tshul dang/ mtshan ma med pa'i tshul gyis 'dzin par byed/ nang stong pa nyid la spyod cing/ nang stong pa nyid de yang mi dmigs pa'i tshul dang/ mtshan ma med pa'i tshul gyis 'dzin par byed/ dngos po med pa'i ngo bo nyid stong pa nyid kyi bar la spyod cing/ dngos po med pa'i ngo bo nyid stong pa nyid de yang mi dmigs pa'i tshul dang/ mtshan ma med pa'i tshul gyis 'dzin par byed/ dran pa nye bar bzhag pa rnams la spyod cing/ dran pa nye bar bzhag pa de dag kyang mi dmigs pa'i tshul dang/ mtshan ma med pa'i tshul gyis 'dzin par byed/ yang dag par spong ba dang/ rdzu 'phrul gyi @185a @#/ /rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa la spyod cing/ 'phags pa'i lam yan lag brgyad pa de yang mi dmigs pa'i tshul dang/ mtshan ma med pa'i tshul gyis 'dzin par byed/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad la spyod cing/ sangs rgyas kyi chos ma 'dres pa bco brgyad po de'ang mi dmigs pa'i tshul dang/ mtshan ma med pa'i tshul gyis 'dzin par byed/ thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid la spyod cing/ rnam pa thams cad mkhyen pa nyid de yang mi dmigs pa'i tshul dang/ mtshan ma med pa'i tshul gyis 'dzin par byed na/ des shes rab kyi pha rol tu phyin pa la @185b mos pa mang ba dang/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la mos pa mang ba dang/ nang stong pa nyid la mos pa mang ba dang/ dngos po med pa'i ngo bo nyid stong pa nyid kyi bar la mos pa mang ba dang/ byang chub kyi phyogs kyi chos sum cu rtsa bdun la mos pa mang ba dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams la mos pa mang ba dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa la mos pa mang ba dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad la mos pa mang ba dang/ thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid la mos pa mang bar 'gyur ro/ /dge ba'i bshes gnyen gyis yongs su zin par 'gyur ro/ /dge ba'i bshes gnyen de dag kyang pha rol tu phyin pa drug po 'di dag don dang ldan/ yi ge dang ldan par ston @186a @#/ /par 'gyur te/ de'ang byang chub sems dpa'i skyon med par chud kyi bar du/ ci nas kyang shes rab kyi pha rol tu phyin pa dang bral bar mi 'gyur ba de ltar ston to/ /bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa dang bral bar mi 'gyur ba de ltar ston to/ /stong pa nyid thams cad dang/ byang chub kyi phyogs kyi chos sum cu rtsa bdun dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa lnga dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad dang bral bar mi 'gyur ba de ltar ston to/ /de la bdud kyi las rnams kyang ston par gyur to/ / des bdud kyi las de dag thos nas 'grib pa'am/ 'phel ba med par 'gyur ro/ /de ci'i phyir zhe na/ de ni 'di ltar bdud kyi las de dag la ngo bo nyid med do/ /de ni byang chub sems dpa'i skyon med @186b par chud kyi bar du/ sangs rgyas bcom ldan 'das rnams dang bral bar mi 'gyur te/ de dag la yang dge ba'i rtsa ba bskyed par 'gyur ro/ /dge ba'i rtsa ba de dag gis kyang byang chub sems dpa'i rigs yongs su 'dzin par 'gyur ro/ /byang chub sems dpa'i rigs de dag kyang bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang bral bar mi 'gyur ro/ /kau shi ka/ gzhan yang byang chub sems dpa' sems dpa' chen po theg pa la gsar du zhugs pas/ shar phyogs dang/ lho phyogs dang/ nub phyogs dang/ byang phyogs dang/ byang shar dang/ shar lho dang/ lho nub dang/ nub byang dang/ 'og dang/ steng gi phyogs kyi phyogs re re zhing 'jig rten gyi khams grangs med tshad med pa dag na/ de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa bzhugs shing 'tsho skyong ba dang/ chos ston pa'i sangs rgyas bcom ldan 'das spros pa'i tshul chad par gyur pa/ tshig gi lam nyams pa mi mnga' ba/ khur bor ba/ grong gi tsher ma rab tu bsal ba/ srid par kun tu sbyor ba yongs su chad pa/ yang dag par yongs su mkhyen pas/ thugs shin tu rnam par grol ba'i sangs rgyas bcom ldan 'das nyan thos kyi dge 'dun dang bcas pa de dag gis bsod nams mngon par 'du mdzad pa dang/ de dag tu rgyal rigs che zhing mtho ba'am/ bram ze'i rigs che zhing mtho ba'am/ khyim bdag gi rigs che zhing @187a @#/ /mtho ba'am/ rgyal chen bzhi'i ris kyi lha'am/ sum cu rtsa gsum mam/ mtshe ma'am/ dga' ldan nam/ 'phrul dga'am/ gzhan 'phrul dbang byed dam/ tshangs ris sam; tshangs lha nye phan nam/ tshangs pa kun 'khor ram/ tshangs chen nam/ snang ba'am/ chung snang ngam/ tshad med snang ba'am/ kun snang dang ba 'am/ dge ba 'am/ chung dge 'am/ tshad med dge ba 'am/ dge rgyas sam/ che ba'am/ chung che'am/ tshad med che ba'am/ 'bras bu che ba'am/ mi che ba'am/ mi gdung ba'am/ shin tu mthong ba'am/ gya nom snang ba'am/ 'og min gyi lha rnams sam/ sus kyang rung ste/ dge ba'i rtsa ba ji snyed cig bskyed pa de dag thams cad mngon par bsdus te gcig tu brtul nas tshad bzung ste/ rjes su yi rang ba'i rab dam pa/ mchog phul/ gtso bo gya nom pa/ bla na med pa/ gong na med pa/ mnyam pa med pa/ mi mnyam pa dang mnyam pas rjes su yi rang bar byas te/ rjes su yi rang bar byas nas kyang/ sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo bar bya'o/ /de nas byang chub sems dpa' sems dpa' chen po byams pas/ tshe dang ldan pa rab 'byor la 'di skad ces smras so/ /gal te theg pa la gsar du zhugs pa'i byang chub sems dpa' sems dpa' chen po de/ sangs rgyas bcom ldan 'das de dag dang/ sangs rgyas @187b bcom ldan 'das de dag gi nyan thos kyi dge 'dun rnams kyi dge ba'i rtsa ba de dag thams cad la sems shing bsams nas/ rjes su yi rang ba'i rab dam pa/ mchog phul/ gtso bo gya nom pa/ bla na med pa/ gong na med pa/ mnyam pa med pa/ mi mnyam pa dang mnyam pas rjes su yi rang ba dang/ bla na med pa yang dag par rdzogs pa'i byang chub tu yongs su bsngo bar byed na/ ji ltar byang chub sems dpa' sems dpa' chen po'i 'du shes phyin ci log tu mi 'gyur ba yin/ sems phyin ci log tu mi 'gyur ba yin/ lta ba phyin ci log tu mi 'gyur ba yin/ rab 'byor gyis smras pa/ byams pa gal te byang chub sems dpa' sems dpa' chen po de/ sangs rgyas bcom ldan 'das nyan thos dang bcas pa de dag la sems kyang/ de la sangs rgyas su 'du shes par mi 'gyur/ nyan thos su 'du shes par mi 'gyur/ dge ba'i rtsa bar 'du shes par mi 'gyur zhing/ sems gang gis yongs su bsngo ba'i sems de la yang sems kyi 'du shes su mi 'gyur na/ de ltar yongs su bsngo ba'i byang chub sems dpa' sems dpa' chen po la 'du shes phyin ci log tu 'gyur ba med do/ /sems phyin ci log tu 'gyur ba med do/ /lta ba phyin ci log tu 'gyur ba med do/ /gal te byang chub sems dpa' sems dpa' chen po de/ sangs rgyas bcom ldan 'das nyan thos dang bcas pa de dag dang/ dge ba'i rtsa ba de dag la sems shing/ mtshan mar 'dzin la mtshan mar @188a @#/ /bzung nas/ bla na med pa yang dag par rdzogs pa'i byang chub tu yongs su bsngo na/ de ni byang chub sems dpa' sems dpa' chen po'i 'du shes phyin ci log tu 'gyur ro/ / sems phyin ci log tu 'gyur ro/ /lta ba phyin ci log tu 'gyur ro/ /gal te byang chub sems dpa' sems dpa' chen po de sems gang gis/ sangs rgyas bcom ldan 'das nyan thos dang bcas pa de dag dang/ dge ba'i rtsa ba de dag la sems pa'i sems de la yang dag par sems shing/ 'di ltar zad pa la zad ces bya bar shes la/ gang zad pa des yongs su bsngo bar mi nus te/ sems gang gis yongs su bsngo ba'i sems de nyid kyi chos nyid kyang de yin la/ chos gang la yongs su bsngo ba'i chos de'i chos nyid kyang de yin no/ /zhes gal te de ltar yongs su bsngo na/ yang dag par yongs su bsngo ba ste log pa ma yin no/ /de ltar byang chub sems dpa' sems dpa' chen pos dge ba'i rtsa ba rnams yongs su bsngo bar bya'o/ /gal te byang chub sems dpa' sems dpa' chen pos 'das pa dang/ ma byon pa dang/ da ltar byung ba'i sangs rgyas bcom ldan 'das rnams kyi thugs dang po bskyed pa nas/ dam pa'i chos gnas pa'i bar gyi dge ba'i rtsa ba gang ji snyed pa dang nyan thos dang/ rang sangs rgyas de dag gi dge ba'i rtsa ba gang ji snyed pa dang/ de dag tu so so'i skye bo mang pos dge ba'i rtsa ba gang ji snyed cig bskyed pa dang/ chos bstan pa gang ji snyed cig thos @188b pa dang/ de dag tu lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto phye chen po dag gis dge ba'i rtsa ba gang ji snyed cig bskyed pa dang/ rgyal rigs che zhing mtho ba rnams sam/ bram ze'i rigs che zhing mtho ba rnams sam/ khyim bdag gi rigs che zhing mtho ba rnams sam/ rgyal chen bzhi'i ris kyi lha rnams sam/ 'og min gyi bar gyi lha rnams kyis dge ba'i rtsa ba gang ji snyed cig bskyed pa dang/ dam pa'i chos ji snyed cig thos te/ bla na med pa yang dag par rdzogs pa'i byang chub tu sems bskyed pa de dag thams cad mngon par bsdus te/ gcig tu brtul nas tshad bzung ste/ rjes su yi rang ba'i rab/ mchog phul/ dam pa/ gya nom pa/ bla na med pa/ gong na med pa/ mnyam pa med pa/ mi mnyam pa dang mnyam pas rjes su yi rang nas/ de thams cad bla na med pa yang dag par rdzogs pa'i byang chub tu yongs su bsngo zhing/ gal te 'di ltar chos de dag ni zad do/ /'gags so/ /med do/ /rnam par gyur to/ /gang la yongs su bsngo ba'i sems de yang rang bzhin gyis stong pa'o zhes gal te de ltar yongs su bsngo na/ bla na med pa yang dag par rdzogs pa'i byang chub tu yongs su bsngos pa yin no/ /gal te 'di ltar chos kyis chos yongs su bsngo bar mi bya ste/ de ci'i phyir zhe na/ de ni 'di ltar chos thams cad rang bzhin gyis stong ngo zhes bya bar shes la/ gal te de ltar yongs su bsngo na/ bla na med pa yang dag par rdzogs @189a @#/ /pa'i byang chub tu yongs su bsngos pa de dag ni de ltar na/ byang chub sems dpa' sems dpa' chen po shes rab kyi pha rol tu phyin pa la spyod pa dang/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la spyod pa'i tshe/ 'du shes phyin ci log tu mi 'gyur ro/ /sems phyin ci log tu mi 'gyur ro/ /lta ba phyin ci log tu mi 'gyur ro/ /de ci'i phyir zhe na/ de ni 'di ltar byang chub sems dpa' sems dpa' chen po de yongs su bsngo ba la mngon par chags pa med do/ /dge ba'i rtsa ba de dag la'ang mngon par chags pa med do/ /byang chub de'ang yang dag par rjes su mi mthong ngo/ /gang la chags par 'gyur ba'i byang chub kyi sems de'ang yang dag par rjes su mi mthong ste/ 'di ni byang chub sems dpa' sems dpa' chen po'i yongs su bsngo ba bla na med pa'o/ /gal te byang chub sems dpa' sems dpa' chen pos bsod nams bya ba'i dngos po mngon par 'du bya ba de phung po dang/ khams dang/ skye mched rnams kyis dben par shes te/ shes rab kyi pha rol tu phyin pas bden par shes/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pas dben par shes/ nang stong pa @189b nyid kyis dben par shes/ dngos po med pa'i ngo bo nyid stong pa nyid kyi bar gyis dben par shes/ byang chub kyi phyogs kyi chos sum cu rtsa bdun gyis dben par shes/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo rnams kyis dben par shes/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad kyis dben par shes na/ rab 'byor/ de ltar byang chub sems dpa' sems dpa' chen pos bsod nams bya ba'i dngos po mngon par 'du bya ba de/ bla na med pa yang dag par rdzogs pa'i byang chub tu yongs su bsngos pa yin no/ /gal te de byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po mngon par 'du bya ba de/ rjes su yi rang ba dang ldan pa'i bsod nams bya ba'i dngos po mngon par 'du bya ba de nyid kyi ngo bo nyid kyis dben par shes te/ sangs rgyas bcom ldan 'das de dag ni sangs rgyas kyi ngo bo nyid kyis dben no/ /dge ba'i rtsa ba de dag ni dge ba'i rtsa ba'i ngo bo nyid kyis dben no/ /mngon @190a @#/ /par 'du bya ba de dag ni mngon par 'du bya ba'i ngo bo nyid kyis dben no/ /byang chub kyi sems de ni byang chub kyi sems kyi ngo bo nyid kyis dben no/ /yongs su bsngo ba ni yongs su bsngo ba'i ngo bo nyid kyis dben no/ /byang chub ni byang chub kyi ngo bo nyid kyis dben no/ /shes rab kyi pha rol tu phyin pa ni shes rab kyi pha rol tu phyin pa'i ngo bo nyid kyis dben no/ /bsam gtan gyi pha rol tu phyin pa ni bsam gtan gyi pha rol tu phyin pa'i ngo bo nyid kyis dben no/ /brtson 'grus kyi pha rol tu phyin pa ni brtson 'grus kyi pha rol tu phyin pa'i ngo bo nyid kyis dben no/ /bzod pa'i pha rol tu phyin pa ni bzod pa'i pha rol tu phyin pa'i ngo bo nyid kyis dben no/ /tshul khrims kyi pha rol tu phyin pa ni tshul khrims kyi pha rol tu phyin pa'i ngo bo nyid kyis dben no/ /sbyin pa'i pha rol tu phyin pa ni sbyin pa'i pha rol tu phyin pa'i ngo bo nyid kyis dben no/ /nang stong pa nyid ni nang stong pa nyid kyi ngo bo nyid kyis dben no/ /phyi stong pa nyid ni phyi stong pa nyid kyi ngo bo nyid kyis dben no/ /phyi nang stong pa nyid ni phyi nang stong pa nyid kyi ngo bo nyid kyis dben no/ /dngos po med pa'i ngo bo nyid stong pa nyid kyi bar ni/ dngos po med pa'i ngo bo nyid kyi bar gyi ngo bo nyid kyis dben no/ /byang chub kyi phyogs kyi chos sum cu rtsa bdun ni/ byang chub kyi phyogs kyi chos sum cu rtsa bdun gyi ngo bo nyid kyis dben no/ /'phags pa'i bden pa rnams dang/ bsam gtan rnams dang/ tshad med pa rnams @190b dang; gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams ni gzungs kyi sgo rnams kyi ngo bo nyid kyis dben no/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa rnams ni sangs rgyas kyi chos ma 'dres pa rnams kyi ngo bo nyid kyis dben no zhes bya bar shes na/ byang chub sems dpa' sems dpa' chen po des dben pa'i shes rab kyi pha rol tu phyin pa la de ltar spyad par bya ste/ 'di ni byang chub sems dpa' sems dpa' chen po'i shes rab kyi pha rol tu phyin pa'o/ /gzhan yang byang chub sems dpa' sems dpa' chen pos sangs rgyas bcom ldan 'das nyan thos kyi dge 'dun dang bcas pa yong su mya ngan las 'das pa de dag gi dge ba'i rtsa ba de dag yongs su bsngo na/ 'di ltar yongs su bsngo bar bya ste/ sangs rgyas bcom ldan 'das de dag ji ltar yongs su mya ngan las 'das pa de bzhin du/ dge ba'i rtsa ba 'di dag kyang yongs su mya ngan las 'das pa ste/ dge ba'i rtsa ba de dag ji lta ba bzhin du yongs su bsngo ba 'di yang yongs su mya ngan las 'das pa'o/ /sems gang gis bsngo ba'i sems de @191a @#/ /yang de dang tshul mthun te/ de'i ngo bo nyid do zhes/ gal te de ltar shes na/ bla na med pa yang dag par rdzogs pa'i byang chub tu yongs su bsngos pa yin te/ de ltar yongs su bsngo na/ 'du shes phyin ci log tu mi 'gyur ro/ /sems phyin ci log tu mi 'gyur ro/ /lta ba phyin ci log tu mi 'gyur ro/ /gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ mtshan ma'i tshul gyis sangs rgyas bcom ldan 'das de dag gi dge ba'i rtsa ba de dag yongs su shes na/ bla na med pa yang dag par rdzogs pa'i byang chub tu yongs su bsngo ba ma yin no/ /'das pa'i sangs rgyas bcom ldan 'das ji snyed pa de dag kyang mtshan ma ma yin/ mtshan ma'i yul ma yin no zhes gal te de ltar sems na'ang mtshan mar byed pa yin gyi; dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba ma yin te/ de ltar na de'i 'du shes phyin ci log tu 'gyur ro/ /sems phyin ci log tu 'gyur ro/ /lta ba phyin ci log tu 'gyur ro/ /gal te byang chub sems dpa' sems dpa' chen pos/ sangs rgyas bcom ldan 'das de dag dang/ dge ba'i rtsa ba de dag dang/ mngon par 'du bya ba de dag dang/ sems bskyed pa de dag yongs su shes pa med cing/ mtshan mar mi byed na/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba yin te/ de ltar na @191b byang chub sems dpa' sems dpa' chen po'i 'du shes phyin ci log tu mi 'gyur ro/ /sems phyin ci log tu mi 'gyur ro/ /lta ba phyin ci log tu mi 'gyur ro/ /byams pas smras pa/ btsun pa rab 'byor/ ji ltar na byang chub sems dpa' sems dpa' chen pos dge ba'i rtsa ba de dag la mtshan mar mi byed cing/ bla na med pa yang dag par rdzogs pa'i byang chub tu yongs su bsngo ba yin; rab 'byor gyis smras pa/ byang chub sems dpa' sems dpa' chen pos shes rab kyi pha rol tu phyin pa 'di la thabs mkhas pa de dag bslab par bya ste/ shes rab kyi pha rol tu phyin pa 'di las byang chub sems dpa' sems dpa' chen po'i thabs mkhas pa rig par bya'o/ /shes rab kyi pha rol tu phyin pa la ma brten par bsod nams bya ba'i dngos po yongs su bsngo bar mi nus so/ /byams pas smras pa/ sangs rgyas bcom ldan 'das de dag kyang shes rab kyi pha rol tu phyin pa la med de mi dmigs so zhes bya ba dang/ dge ba'i rtsa ba de dag dang cha mngon par 'du bya ba de dag dang/ gang gis bla na med pa yang dag par rdzogs pa'i byang chub tu yongs su bsngo ba'i sems bskyed pa de dag kyang med de mi dmigs so zhes bya ba 'di skyon du smos par mi 'gyur ram snyam na/ de la byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ 'di ltar yongs su brtag par bya ste/ bdag gi lus de dag kyang 'gags @192a @#/ /par 'gyur/ dge ba'i rtsa ba de dag dang/ mngon par 'du bya ba de dag dang/ sems bskyed pa de dag kyang 'gags par gyur na/ bdag ni sangs rgyas bcom ldan 'das de dag dang/ dge ba'i rtsa ba de dag dang/ mngon par 'du bya ba de dag dang/ sems bskyed pa de dag la mtshan mar byas shing rnam par rtog par blta/ de bzhin gshegs pa dgra bcom pa yang dag par rdzogs pa'i sangs rgyas rnams kyis ni/ de ltar mtshan ma'i tshul gyis yongs su bsngo ba la rjes su dgyes pa dang/ mngon par bsngags pa ma mdzad do; ;de ci'i phyir zhe na/ de ltar sangs rgyas bcom ldan 'das yongs su mya ngan las 'das pa rnams mtshan mar byas shing/ rnam par brtags te dmigs pa ni/ de'i dmigs pa chen por 'gyur te/ de bas na byang chub sems dpa' sems dpa' chen po dge ba'i rtsa ba de dag yongs su bsngo bar 'dod pas/ mi dmigs shing mtshan ma med par byas te yongs su bsngo bar bya'o/ /de bzhin gshegs pa dgra bcom pa yang dag par rdzogs pa'i sangs rgyas rnams kyis ni dmigs pa'i 'du shes can dang/ mtshan ma'i 'du shes can gyi yongs su bsngo ba de ni don che bar ma gsungs so/ /de ci'i phyir zhe na/ yongs su bsngo ba de ni dug can zug rngu can te/ 'di lta ste/ dper na/ kha zas bsod pa/ kha dog phun sum @192b tshogs pa/ dri phun sum tshogs pa zhig yod kyang dug dang 'dres par gyur na/ kha dog dang/ dri dang/ ro yid du 'ong ba'ang yin mod kyi/ 'on kyang dug can du zad na/ de la skyes bu byis pa'i ngang tshul can/ shes rab 'chal ba'i ngang tshul can ni bza' bar sems te/ des de zos na yang kha dog dang/ dri dang/ ro zhim par tshor mod kyi/ sdug bsngal dang/ sdug bsngal gyi rnam par smin par 'gyur ro/ /de bzhin du 'di la log par rig pa dang/ log par shes pa dang/ log par bslabs pa las don ma rtogs mi shes shing 'di skad du ston te/ tshur rigs kyi bu khyod kyis 'das pa dang/ ma byon pa dang/ da ltar byung ba'i sangs rgyas bcom ldan 'das rnams kyi thugs dang po bskyed pa nas nye bar bzung ste/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar dang/ phung po ma lus pa'i mya ngan las 'das pa'i dbyings su yongs su mya ngan las 'das kyi bar dang/ dam pa'i chos nub par ma gyur gyi bar du shes rab kyi pha rol tu phyin pa la spyod de/ dge ba'i rtsa ba gang ji snyed cig mngon par 'du mdzad par gyur pa dang/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la spyad de/ dge ba'i rtsa ba gang ji snyed cig mngon par 'du mdzad par gyur pa dang/ @193a @#/ /mngon par 'du mdzad pa dang/ mngon par 'du mdzad par 'gyur ba dang/ bsam gtan bzhi la bsgoms pa dang/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga dang/ byang chub kyi phyogs kyi chos sum cu rtsa bdun dang/ 'phags pa'i bden pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ ting nge 'dzin dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad la bsgoms te; dge ba'i rtsa ba gang ji snyed cig mngon par 'du mdzad par gyur pa dang/ mngon par 'du mdzad pa dang/ mngon par 'du mdzad par 'gyur ba dang/ dge ba'i rtsa ba mngon par 'du mdzad pa gang dag gis/ sangs rgyas kyi zhing mang po yongs su dag par gyur pa dang/ yongs su dag pa dang/ yongs su dag par 'gyur ba dang/ sems can mang po yongs su smin par mdzad par gyur pa dang/ yongs su smin par mdzad pa dang/ yongs su smin par mdzad par 'gyur ba dang/ sangs rgyas bcom ldan 'das de dag gi tshul khrims kyi phung po dang/ ting nge 'dzin gyi phung po dang/ @193b shes rab kyi phung po dang/ rnam par grol ba'i phung po dang/ rnam par grol ba'i ye shes gzigs pa'i phung po dang/ rnam pa thams cad mkhyen pa nyid kyi ye shes dang/ mi nyams pa'i chos nyid dang/ rtag tu btang snyoms su gnas pa dang/ nyan thos de dag gi dge ba'i rtsa ba zag pa med pa rnams dang/ gang gis der dge ba'i rtsa ba de dag la rjes su yi rang bar gyur pa dang/ rjes su yi rang ba dang/ rjes su yi rang bar 'gyur ba dang/ sangs rgyas bcom ldan 'das de dag gis rang sangs rgyas rnams lung bstan par gyur pa dang/ lung bstan pa dang/ lung bstan par 'gyur ba dang/ der lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po dag gis dge ba'i rtsa ba bskyed par gyur pa dang/ bskyed pa dang/ bskyed par 'gyur ba de dag thams cad mngon par bsdus te/ gcig tu brtul la tshad bzung ste/ bla na med pa yang dag par rdzogs pa'i byang chub tu yongs su bsngos shig ces bya bar ston te/ de ltar bsngo ba des/ mtshan ma'i tshul dang; dmigs pa'i tshul gyis yongs su bsngos na/ dug tu 'gyur ba yin no/ /'di lta ste/ dper na/ zas dug can de dang 'dra bar dmigs pa'i 'du shes can la yongs su bsngo ba med do/ /de ci'i phyir zhe na/ dmigs pa ni dug dang bcas pa ste/ mtshan ma dang bcas pa/ rgyu dang bcas pa/ rkyen dang bcas pa ste/ de de ltar yongs su bsngos na/ de bzhin gshegs pa la skur bar 'gyur/ de @194a @#/ /bzhin gshegs pas gsungs pa bzhin du smra ba yang ma yin/ chos bzhin du smra ba yang ma yin par 'gyur te/ de la byang chub sems dpa'i theg pa ba'i rigs kyi bu'am/ rigs kyi bu mos ji ltar na 'das pa dang/ ma byon pa dang/ da ltar byung ba'i sangs rgyas bcom ldan 'das rnams kyi dge ba'i rtsa ba rnams la rjes su yi rang ste/ yongs su bsngo bar bya/ ji ltar na phyogs bcu'i 'jig rten gyi khams thams cad kyi 'das pa dang/ ma byon pa dang/ da ltar byung ba'i sangs rgyas bcom ldan 'das rnams kyis thugs dang po bskyed pa nas nye bar bzung ste/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar dang/ phung po ma lus pa'i mya ngan las 'das pa'i dbyings su yongs su mya ngan las 'das pa'i bar dang/ dam pa'i chos nub par ma gyur gyi bar du shes rab kyi pha rol tu phyin pa la spyad de/ dge ba'i rtsa ba gang ji snyed cig mngon par 'du mdzad par gyur pa dang/ mngon par 'du mdzad pa dang/ mngon par 'du mdzad pas 'gyur ba dang/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la spyad de/ dge ba'i rtsa ba gang ji snyed cig @194b mngon par 'du mdzad par gyur pa dang/ mngon par 'du mdzad pa dang/ mngon par 'du mdzad par 'gyur ba dang/ bsam gtan bzhi la bsgoms pa dang/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga dang/ byang chub kyi phyogs kyi chos sum cu rtsa bdun dang/ 'phags pa'i bden pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang; gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad la bsgoms te/ dge ba'i rtsa ba gang ji snyed cig mngon par 'du mdzad par gyur pa dang/ mngon par 'du mdzad pa dang/ mngon par 'du mdzad par 'gyur ba dang/ dge ba'i rtsa ba mngon par 'du mdzad pa gang dag gis/ sangs rgyas kyi zhing mang po yongs su dag par gyur pa dang/ yongs su dag pa dang/ yongs su dag par 'gyur ba dang/ sems can mang po yongs su smin par mdzad par gyur pa dang/ yongs su smin par mdzad pa dang/ yongs su smin par mdzad par 'gyur ba dang/ sangs rgyas bcom ldan 'das de dag gi tshul khrims @195a @#/ /kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes gzigs pa'i phung po dang; rnam pa thams cad mkhyen pa nyid kyi ye shes dang/ mi nyams pa'i chos nyid dang/ rtag tu btang snyoms su gnas pa dang/ nyan thos de dag gi dge ba'i rtsa ba zag pa med pa rnams dang/ gang gis der dge ba'i rtsa ba de dag la rjes su yi rang bar gyur pa dang/ rjes su yi rang ba dang/ rjes su yi rang bar 'gyur ba dang/ sangs rgyas bcom ldan 'das de dag gis rang sangs rgyas rnams lung bstan par gyur ba dang/ lung bstan pa dang/ lung bstan par 'gyur ba dang/ de ltar lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi'am ci dang/ lto 'phye chen po de dag gis dge ba'i rtsa ba bskyed par gyur pa dang/ bskyed pa dang/ bskyed par 'gyur ba rnams la rjes su yi rang ste/ yongs su bsngos na dge ba'i rtsa ba de dag bla na med pa yang dag par rdzogs pa'i byang chub tu yongs su bsngos par 'gyur ba snyam du bslab par mi bya'o/ /rab 'byor gyis smras pa/ byams pa 'di la byang chub sems dpa'i theg pa pa'i rigs kyi bu'am/ rigs kyi bu mo shes rab kyi pha rol tu phyin pa la spyod pa/ de bzhin gshegs pa la skur par 'gyur ba med par 'dod pas/ 'di ltar yongs su bsngo bar @195b bya ste/ ji ltar de bzhin gshegs pa dgra bcom pa yang dag par rdzogs pa'i sangs rgyas de dag gis sangs rgyas kyi ye shes bla na med pas/ dge ba'i rtsa ba de dag gi ngang tshul gang yin pa dang; rang bzhin gang yin pa dang/ mtshan nyid gang yin pa thugs su chud de/ mkhyen la rab tu mkhyen cing chos nyid gang gyis yod pa de bzhin du/ bdag gis rjes su yi rang bar bya'o// ji ltar sangs rgyas bcom ldan 'das de dag gis thugs su chud pa de bzhin du/ bdag gis bla na med pa yang dag par rdzogs pa'i byang chub tu yongs su bsngo'o zhes de ltar byang chub sems dpa'i theg pa pa'i rigs kyi bu'am rigs kyi bu mos/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya ste/ de ltar yongs su bsngos na/ de bzhin gshegs pa la skur par mi 'gyur/ de bzhin gshegs pas gsungs pa bzhin du smra ba dang/ chos bzhin du smra bar 'gyur ro/ /de ltar spyod pa'i byang chub sems dpa' sems dpa' chen po'i yongs su bsngo ba de dug med cing bdud rtsi'i mthar phyin par 'gyur ro/ /gzhan yang byang chub sems dpa'i theg pa pa'i rigs kyi bu'am rigs kyi bu mo shes rab kyi pha rol tu phyin pa la spyod pa'i tshe/ dge ba'i rtsa ba rnams 'di ltar yongs su bsngo bar bya ste/ ji ltar gzugs 'dod pa'i khams dang/ gzugs kyi khams dang/ gzugs med pa'i @196a @#/ /khams kyi khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ / tshor ba dang/ 'du shes dang/ 'du byed dang/ rnam par shes pa 'dod pa'i khams dang/ gzugs kyi khams dang/ gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /skye mched rnams dang/ khams rnams dang/ rten cing 'brel bar 'byung ba 'dod pa'i khams dang/ gzugs kyi khams dang/ gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /shes rab kyi pha rol tu phyin pa 'dod pa'i khams dang/ gzugs kyi khams dang/ gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa dang ma yin/ da ltar byung ba'ang ma yin no/ /bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa 'dod pa'i khams dang/ gzugs kyi khams dang/ gzugs med pa'i @196b khams kyi khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /nang stong pa nyid dang/ dngos po med pa'i ngo bo nyid stong pa nyid kyi bar du 'dod pa'i khams dang/ gzugs kyi khams dang/ gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /byang chub kyi phyogs kyi chos sum cu rtsa bdun 'dod pa'i khams dang/ gzugs kyi khams dang/ gzugs med pa'i khams kyi khongs su chu pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa me pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa' stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad 'dod pa'i khams @197a @#/ /dang; gzugs kyi khams dang/ gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /de bzhin nyid dang/ ma nor ba de bzhin nyid dang/ gzhan ma yin pa de bzhin nyid dang/ chos nyid dang/ chos kyi dbyings dang; chos kyi gnas nyid dang/ chos skyon med pa nyid dang/ yang dag pa'i mtha' dang/ bsam gyis mi khyab pa'i dbyings 'dod pa'i khams dang/ gzugs kyi khams dang/ gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /tshul khrims dang/ ting nge 'dzin dang/ shes rab dang/ rnam par grol ba dang/ rnam par gro ba'i ye shes mthong ba dang/ rnam pa thams cad mkhyen pa nyid dang/ mi nyams pa'i chos nyid dang/ rtag ? tu btang snyoms su gnas pa gang 'dod pa'i khams dang/ gzugs kyi khams dang/ gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /de ci'i phyir zhe na/ 'di ltar de ni khongs su ma chud pa'i phyir te/ de bzhin du yongs su bsngo ba'ang khongs su chud @197b pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /chos gang la yongs su bsngo ba'i chos de'ang khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /gang yongs su bsngo ba de'ang khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /sangs rgyas bcom ldan 'das de dag kyang khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /sangs rgyas bcom ldan 'das de dag gi dge ba'i rtsa ba de dag kyang khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /nyan thos de dag dang/ rang sangs rgyas de dag kyang khongs su chud pa ma yin/ de dag gis dge ba'i rtsa ba de dag kyang khongs su chud pa ma yin te/ gang khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ /gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ de ltar gzugs gang 'dod pa'i khams dang/ @198a @#/ /gzugs kyi khams dang/ gzugs med pa'i khams kyi khongs su chud pa ma yin pa de ni 'das pa'ang ma yin no/ /ma 'ongs pa'ang ma yin/ da ltar byung ba'ang ma yin te/ de ni mtshan ma'i tshul lam/ dmigs pa'i tshul gyis yongs su bsngo bar mi nus so/ /de ci'i phyir zhe na/ de la rang bzhin med do/ /gang la rang bzhin med pa de ni dngos po med ste/ dngos po med pa ni dngos po med pas yongs su bsngo bar mi nus so/ /tshor ba dang/ 'du shes dang/ 'du byed dang/ rnam par shes pa gang 'dod pa'i khams dang/ gzugs kyi khams dang/ gzugs med pa'i khams kyi khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin te/ de ni mtshan ma'i tshul lam/ dmigs pa'i tshul gyis yongs su bsngo bar mi nus so/ /de ci'i phyir zhe na/ de la rang bzhin med do/ /gang la rang bzhin med pa de ni dngos po med pa ste/ dngos po med pa ni dngos po med pas yongs su bsngo bar mi nus so/ /skye mched dang/ khams dang/ rten cing 'brel bar 'byung ba dang/ sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dang/ nang stong pa nyid dang/ phyi stong pa nyid dang/ phyi @198b nang stong pa nyid dang/ dngos po med pa'i ngo bo nyid stong pa nyid kyi bar dang/ byang chub kyi phyogs kyi chos sum cu rtsa bdun dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzung kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad dang/ thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid dang/ mi nyams pa'i chos nyid dang/ rtag tu btang snyoms su gnas pa gang 'dod pa'i khams dang/ gzugs kyi khams dang/ gzugs med pa'i khams kyi khongs su chud pa ma yin pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin te/ de ni mtshan ma'i tshul lam/ dmigs pa'i tshul gyis yongs su bsngo bar mi nus so/ /de ci'i phyir zhe na/ de la rang bzhin med do/ /gang la rang bzhin med pa de ni dngos po med pa ste/ dngos po med pa ni dngos po med pas yongs su bsngo bar mi nus so zhes/ de ltar shes na byang chub sems @199a @#/ /dpa' sems dpa' chen po'i bsngo ba la dug med pa yin te/ bdud rtsi'i mthar phyin par 'gyur ro/ /byang chub sems dpa'i theg pa pa'i rigs kyi bu'am rigs kyi bu mo mtshan ma'i tshul lam/ dmigs pa'i tshul gyis dge ba'i rtsa ba de dag yongs su bsngo na/ de ni log par yongs su bsngo ba yin gyi/ yang dag par yongs su bsngo ba ma yin no/ /log par yongs su bsngo ba ni sangs rgyas bcom ldan 'das rnams kyis mi bsngags pa yin te/ gang sangs rgyas bcom ldan 'das rnams kyis mi bsngags pa'i yongs su bsngo ba des ni/ de'i sbyin pa'i pha rol tu phyin pa yongs su rdzogs par mi 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa yongs su rdzogs par mi 'gyur ro/ /nang stong pa nyid dang/ phyi stong pa nyid dang/ phyi nang stong pa nyid dang/ dngos po med pa'i ngo bo nyid stong pa nyid kyi bar dang/ byang chub kyi phyogs kyi chos sum cu rtsa bdun dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan @199b ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad yongs su rdzogs par mi 'gyur ro// // shes rab kyi pha rol tu phyin pa stong phrag nyi shu lnga pa/ bam po sum cu bdun pa/ pha rol tu phyin pa drug yongs su rdzogs par mi 'gyur ba dang/ nang stong pa nyid dang/ phyi stong pa nyid dang/ phyi nang stong pa nyid dang/ dngos po med pa'i ngo bo nyid stong pa nyid kyi bar dang/ byang chub kyi phyogs kyi chos sum cu rtsa bdun dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad yongs su rdzogs par mi 'gyur ba des ni/ sangs rgyas kyi zhing @200a @#/ /yongs su dag par mi 'gyur/ sems can rnams yongs su smin par mi 'gyur ro/ /gang gis sangs rgyas kyi zhing yongs su dag par ma gyur pa dang/ sems can rnams yongs su smin par ma gyur pa de ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ro/ /de ci'i phyir zhe na/ de ltar yongs su bsngo ba de ni dug dang bcas pa'i phyir ro/ /gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ 'di ltar yongs su brtag par bya ste/ ji ltar sangs rgyas bcom ldan 'das de dag gis chos nyid 'dis dge ba'i rtsa ba de dag yongs su bsngo bar bya ste/ de ltar yongs su bsngos na/ yongs su bsngo ba'i rab tu 'gyur ro zhes bya bar thugs su chud pa de bzhin du bdag gis kyang chos nyid des bla na med pa yang dag par rdzogs pa'i byang chub tu yongs su bsngo bar bya'o zhes yongs su brtag par bya'o/ / de nas bcom ldan 'das kyis/ tshe dang ldan pa rab 'byor la bka' stsal pa/ rab 'byor/ legs so/ /legs so/ /rab 'byor/ de ltar khyod byang chub sems dpa' sems dpa' chen po rnams kyi yongs su bsngo ba'i phung po mtshan ma med pa'i tshul dang/ dmigs pa med pa'i tshul dang/ skye ba med pa'i tshul dang/ 'gags pa med pa'i tshul dang/ kun nas @200b nyon mongs pa med pa'i tshul dang/ rnam par byang ba med pa'i tshul dang/ dngos po med pa'i ngo bo nyid kyi tshul dang/ rang gi mtshan nyid stong pa nyid kyi tshul dang/ ngo bo nyid stong pa nyid kyi tshul dang/ chos kyi dbying kyi tshul dang/ de bzhin nyid kyi tshul dang/ gzhan ma nyin pa de bzhin nyid kyi tshul gyis ston pa ni/ rab 'byor/ khyod ston pa'i bya ba byed pa yin no/ /rab 'byor/ gal te stong gsum gyi stong chen po'i 'jig rten gyi khams 'di'i sems can de dag thams cad dge ba bcu'i las kyi lam thob par gyur/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga thob par gyur na/ rab 'byor/ de ji snyam du sems/ sems can de dag gis bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde ba gshegs pa/ mang ngo/ bcom ldan 'das kyis bka' stsal ba/ rab 'byor/ de bas kyang/ rigs kyi bu'am rigs kyi bu mo gang dge ba'i rtsa ba rnams chags pa med pa'i yongs su bsngo bas yongs su bsngos pa'i bsod nams ni ches mang du 'phel lo/ /rab 'byor/ de ltar na rigs kyi bu'am rigs kyi bu mo de'i dge ba'i rtsa ba yongs su bsngo ba de ni rab ces bya'o/ /gtso bo zhes bya'o/ /dam pa zhes bya'o/ /phul zhes bya'o/ /mchog ces bya'o/ /gya nom pa zhes bya'o/ /bla @201a @#/ /na med pa zhes bya'o/ /gong na med pa zhes bya'o/ /rab 'byor/ gzhan yang stong gsum gyi stong chen po'i 'jig rten gyi khams 'di na/ sems can ji snyed cig yod pa de dag thams cad rgyun du zhugs par gyur/ lan gcig phyir 'ong ba dang/ phyir mi 'ong ba dang/ dgra bcom par gyur te/ rigs kyi bu'am rigs kyi bu mo la la zhig gis; sems can rgyun du zhugs par gyur pa dang/ lan gcig phyir 'ong ba dang/ phyir mi 'ong ba dang/ dgra bcom par gyur pa de dag thams cad la nam 'tsho'i bar du gos dang/ bsod snyoms dang/ mal cha dang/ nad kyi rkyen rtsi dang/ yo byad mang pos rim gror byas/ bkur stir byas/ bsti stang du byas/ mchod par byas na/ rab 'byor/ de ji snyam du sems/ rigs kyi bu'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ rab 'byor/ de bas kyang rigs kyi bu'am rigs kyi bu mo gang dge ba'i rtsa ba rnams chags pa med par yongs su bsngo bas/ yongs su bsngo ba'i bsod nams ni ches mang du 'phel lo/ /rab 'byor/ de ltar na rigs kyi bu'am rigs kyi bu mo de'i dge ba'i rtsa ba yongs su bsngo ba de ni rab ces bya'o/ /gtso bo zhes bya'o/ /dam pa zhes bya'o/ /phul zhes @201b bya'o; ;mchog ces bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /rab 'byor/ gzhan yang stong gsum gyi stong chen po'i 'jig rten gyi khams na/ sems can ji snyed cig yod pa de dag thams cad rang sangs rgyas su gyur te/ de la rigs kyi bu'am rigs kyi bu mo la la zhig gis gos dang/ bsod snyoms dang/ mal cha dang/ nad kyi rkyen rtsi dang/ yo byad mang pos rim gror byas/ bkur stir byas/ bsti stang du byas/ mchod par byas na/ rab 'byor/ de ji snyam du sems/ rigs kyi bu'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ rab 'byor/ de bas kyang rigs kyi bu'am rigs kyi bu mo gang dge ba'i rtsa ba rnams chags pa med pa'i yongs su bsngo bas yongs su bsngo ba de'i bsod nams ni ches mang du 'phel lo/ /rab 'byor/ de ltar na rigs kyi bu'am rigs kyi bu mo de'i dge ba'i rtsa ba yongs su bsngo ba de ni rab ces bya'o/ /gtso bo zhes bya'o/ /dam pa zhes bya'o/ /phul zhes bya'o/ /mchog ces bya'o/ /bya nom pa zhes bya'o/ /bla na med pa zhes bya'o; ;gong na med pa zhes bya'o/ /rab 'byor/ gzhan yang stong gsum gyi stong chen po'i 'jig rten gyi khams na/ sems can ji snyed cig yod pa de dag thams cad bla na med pa yang dag par @202a @#/ /rdzogs pa'i byang chub tu yang dag par zhugs par gyur te/ de la shar phyogs kyi 'jig rten gyi khams ganggA'i klung gi bye ma snyed na/ sems can ji snyed cig yod pa de dag thams cad kyis byang chub sems dpa' sems dpa' chen po re re la yang gos dang/ bsod snyoms dang/ mal cha dang/ nad kyi rkyen rtsi dang/ yo byad mang pos bskal pa ganggA'i klung gi bye ma snyed du rim gror byas/ bkur stir byas/ bsti stang du byas/ mchod par byas te/ bde ba'i yo byad thams cad kyis bsnyen bkur byas pa dang/ lho dang/ nub dang/ byang dang/ byang shar dang/ shar lho dang/ lho nub dang/ nub byang dang/ 'og dang/ steng gi phyogs re re zhing 'jig rten gyi khams ganggA'i klung gi bye ma snyed na/ sems can ji snyed cig yod pa de dag thams cad kyis/ byang chub sems dpa' sems dpa' chen po re re la'ang gos dang/ bsod snyoms dang/ mal cha dang/ nad kyi rkyen rtsi dang/ yo byad mang pos bskal pa ganggA'i klung gi bye ma snyed du rim gror byas/ bkur stir byas/ bsti stang du byas/ mchod par byas te/ bde ba'i yo byad thams cad kyis bsnyen bkur byas na/ rab 'byor/ de ji snyam du sems/ rigs kyi bu'am rigs kyi bu mo de dag gi bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde @202b bar gshegs pa/ mang ngo/ /bcom ldan 'das/ de ni tshad ma mchis/ grangs ma mchis/ dpag tu ma mchis te/ bcom ldan 'das/ bsod nams bgyi ba'i dngos po de'i dpe bgyi bar yang dka'o/ /bcom ldan 'das/ gal te bsod nams bgyi ba'i dngos po de la/ gzugs mchis su lags na ni/ 'jig rten gyi khams ganggA'i klung gi bye ma snyed du yang shong bar mi 'gyur ro/ /bcom ldan 'das kyis bka' stsal pa/ rab 'byor/ legs so/ /legs so/ /de de bzhin te/ ji skad du smras pa de bzhin no/ /rab 'byor/ de bas kyang rigs kyi bu'am rigs kyi bu mo gang dge ba'i rtsa ba rnams chags pa med pa'i yongs su bsngo bas/ bla na med pa yang dag par rdzogs pa'i byang chub tu yongs su bsngo ba de'i bsod nams ches mang du 'phel te/ rab 'byor/ de ltar na rigs kyi bu'am rigs kyi bu mo de'i dge ba'i rtsa ba yongs su bsngo ba 'di ni rab ces bya'o/ /gtso bo zhes bya'o/ /dam pa zhes bya'o/ /phul zhes bya'o/ /mchog ces bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /rab 'byor/ chags pa med pa'i yongs su bsngo ba 'di la dge ba'i rtsa ba snga ma des brgya'i char yang nye bar mi 'gro'o/ /stong gi cha dang/ brgya stong gi cha dang/ bye ba brgya'i cha dang/ bye ba stong gi cha dang/ bye ba brgya stong gi cha dang/ bye ba khrag khrig brgya stong gi @203a @#/ /cha dang/ grangs dang/ cha dang/ bgrang ba dang/ dpe dang/ rgyur yang mi bzod do/ /de ci'i phyir zhe na/ de ni 'di ltar rigs kyi bu'am rigs kyi bu mo gang dge ba bcu'i las kyi lam dang ldan par gyur pa dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga dang ldan par gyur pa de dag ni dmigs pa'i 'du shes can no/ /de ltar sems can thams cad rgyun du zhugs par gyur pa dang/ sems can thams cad lan gcig phyir 'ong ba dang/ phyir mi 'ong ba dang/ dgra bcom par gyur pa dang/ sems can thams cad rang sangs rgyas su gyur pa de dag la gos dang/ bsod snyoms dang/ mal cha dang/ nad kyi rkyen rtsi dang/ yo byad mang pos rim gror byed/ bkur stir byed/ bsti stang du byed/ mchod par byed pa'i rigs kyi bu'am rigs kyi bu mo de dag kyang dmigs pa'i 'du shes can no/ /de nas rgyal po chen po bzhi rgyal chen bzhi'i ris kyi lha'i bu stong phrag nyi shu dang 'grogs te thal mo sbyar nas dga' ba'i yid kyis bcom ldan 'das la phyag 'tshal te 'di skad ces gsol to/ / kye ma/ bcom ldan 'das/ de ltar byang chub sems dpa' sems dpa' chen po rnams thabs mkhas pas/ dmigs su ma mchis pa'i tshul dang/ chags pa ma mchis pa'i tshul @203b dang/ mtshan ma ma mchis pa'i tshul dang/ bgyid pa ma mchis pa'i tshul gyis/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo zhing/ ci nas kyang gnyis su mi 'gyur ba dang/ gnyis ma lags par yang mi 'gyur pa de ltar yongs su bsngo ba de ni byang chub sems dpa' sems dpa' chen po rnams kyi yongs su bsngo ba shin tu che'o/ / de nas lha'i dbang po brgya byin sum cu rtsa gsum gyi ris kyi lha'i bu stong phrag du ma dang 'grogs te/ lha rdzas kyi me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ lha rdzas kyi ba dan mang po thogs te/ lha rdzas kyi rol mo byed cing/ lha rdzas kyi me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ lha rdzas kyi ba dan de dag gis bcom ldan 'das la mchod pa byas nas/ 'di skad kyi tshig brjod do/ /bcom ldan 'das/ de ltar byang chub sems dpa' sems dpa' chen po rnams thabs mkhas pas dmigs su ma mchis pa'i tshul dang/ mtshan ma ma mchis pa'i tshul dang/ bgyid pa ma mchis pa'i tshul gyis/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo zhing/ ci nas kyang gnyis su mi 'gyur ba dang/ gnyis ma lags par yang mi 'gyur ba de ltar yongs su bsngo ba de @204a @#/ /ni; byang chub sems dpa' sems dpa' chen po rnams kyi yongs su bsngo ba shin tu che'o/ /de nas lha'i bu rab mtshe ma dang/ rab dga' ldan dang/ rab 'phrul dga' dang/ lha'i bu dbar byed kyang lha'i bu stong phrag du ma dang 'grogs te/ lha rdzas kyi me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang po thogs te/ lha rdzas kyi rol mo byed cing/ lha rdzas kyi me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ lha rdzas kyi ba dan de dag gis bcom ldan 'das la mchod nas 'di skad kyi tshig brjod do/ /bcom ldan 'das/ de ltar byang chub sems dpa' sems dpa' chen po thabs mkhas pas/ dmigs su ma mchis pa'i tshul dang/ mtshan ma ma mchis pa'i tshul dang/ bgyid pa ma mchis pa'i tshul gyis dge ba'i rtsa ba de dag bla na med pa yang dag par rdzogs pa'i byang chub tu yongs su bsngo zhing/ ci nas kyang gnyis su mi 'gyur ba dang/ gnyis ma lags par yang mi 'gyur ba de ltar yongs su bsngo ba de ni/ byang chub sems dpa' sems dpa' chen po rnams kyi yongs su bsngo ba shin tu che'o/ /de nas tshangs ris kyi lha bye ba khrag khrig brgya stong du ma bcom ldan 'das gang na ba der lhags nas/ bcom ldan 'das @204b kyi zhabs gnyis la spyi bos phyag btsal te/ bcom ldan 'das/ de ltar byang chub sems dpa' sems dpa' chen po shes rab kyi pha rol tu phyin pa dang/ thabs mkhas pas yongs su bzung ba de dag gis/ rigs kyi bu dang rigs kyi bu mo snga ma thabs mkhas pa dang mi ldan pa/ dmigs pa'i spyod pa can de dag ni dge ba'i rtsa ba de dag zil gyis mnan pa ngo mtshar che'o zhes sgrar bsgrags te dbyangs su brjod do/ /tshangs lha nye phan dang/ tshangs pa kun 'khor dang/ snang ba dang/ chung snang dang/ tshad med snang ba dang/ kun snang dang ba dang/ dge ba dang/ chung dge dang/ tshad med dge ba dang/ dge rgyas dang/ 'bras bu che ba dang/ gnas gtsang ma'i lha bye ba khrag khrig brgya stong du ma bcom ldan 'das gang na ba der lhags nas bcom ldan 'das kyi zhabs gnyis la spyi bos phyag btsal te/ bcom ldan 'das/ de ltar byang chub sems dpa' sems dpa' chen po shes rab kyi pha rol tu phyin pa dang/ thabs mkhas pas yongs su bzung ba de dag gis rigs kyi bu dang rigs kyi bu mo snga ma thabs mkhas pa dang mi ldan pa dmigs pa'i spyod pa can de dag gi dge ba'i rtsa ba de dag zil gyis mnan pa ngo mtshar che'o zhes sgrar bsgrags te dbyangs su brjod do/ /de nas bcom ldan 'das kyis rgyal chen bzhi'i ris kyi lha rnams dang/ gnas gtsang ma'i ris kyi bar gyi lha rnams la bka' @205a @#/ /stsal pa/ lha'i bu dag /gal te stong gsum gyi stong chen po'i 'jig rten gyi khams kyi sems can ji snyed pa de dag thams cad bla na med pa yang dag par rdzogs pa'i byang chub tu zhugs par gyur te/ phyogs bcu'i de bzhin gshegs pa dgra bcom pa yang dag par rdzogs pa'i sangs rgyas 'das pa dang/ ma byon pa dang/ da ltar byung ba de dag thams cad dang/ nyan thos dang/ rang sangs rgyas de dag gi sems dang po bskyed pa nas dam pa'i chos gnas pa'i bar gyi sangs rgyas bcom ldan 'das de dag dang/ nyan thos de dag dang/ rang sangs rgyas de dag dang/ sems can thams cad kyi sbyin pa'i pha rol tu phyin pa'am/ tshul khrims kyi pha rol tu phyin pa'am/ bzod pa'i pha rol tu phyin pa'am/ brtson 'grus kyi pha rol tu phyin pa'am/ bsam gtan gyi pha rol tu phyin pa'am/ shes rab kyi pha rol tu phyin pa'am/ sbyin pa'am/ tshul khrims sam/ bzod pa'am/ brtson 'grus sam; bsam gtan nam/ shes rab bam/ tshul khrims kyi phung po'am/ ting nge 'dzin gyi phung po'am/ shes rab kyi phung po'am/ rnam par grol ba'i phung po'am/ rnam par grol ba'i ye shes mthong ba'i phung po'am/ sangs rgyas kyi chos tshad med pa gzhan dag kyang rung ste/ de dag thams cad gcig tu bsdus nas/ rjes su yi rang bar byas la/ de ltar rjes su @205b yi rang nas kyang/ dmigs pa'i tshul gyis bla na med pa yang dag par rdzogs pa'i byang chub tu yongs su bsngos pa bas/ rigs kyi bu'am rigs kyi bu mo gang bla na med pa yang dag par rdzogs pa'i byang chub tu yang dag par zhugs par gyur te/ des 'das pa dang/ ma byon pa dang/ da ltar byung ba'i sangs rgyas bcom ldan 'das nyan thos dang rang sangs rgyas su bcas pa dag gi sems dang po bskyed pa nas/ dam pa'i chos gnas pa'i bar gyi/ sbyin pa'i pha rol tu phyin pa'am/ tshul khrims kyi pha rol tu phyin pa'am/ bzod pa'i pha rol tu phyin pa'am/ brtson 'grus kyi pha rol tu phyin pa'am/ bsam gtan gyi pha rol tu phyin pa'am/ shes rab kyi pha rol tu phyin pa'am/ gzhan yang sangs rgyas kyi chos tshad med pa'i bar de dag thams cad gcig tu bsdus te/ dmigs su med pa'i tshul dang/ gnyis su med pa'i tshul dang/ mtshan ma med pa'i tshul dang/ chags pa med pa'i tshul dang/ byed pa med pa'i tshul du rjes su yi rang ba'i rab kyis rjes su yi rang ba dang/ rjes su yi rang ba'i gtso bo dang/ dam pa dang/ mchog dang/ phul dang/ gya nom pa dang/ bla na med pa dang/ gong na med pa dang/ mnyam pa med pa dang/ mi mnyam pa dang mnyam pas rjes su yi rang nas/ rjes su yi rang ba dang ldan pa'i dge ba'i rtsa ba de mi dmigs pa'i tshul dang/ gnyis su med pa'i tshul dang/ mtshan ma med pa'i tshul dang/ @206a @#/ /chags pa med pa'i tshul dang/ byed pa med pa'i tshul gyis bla na med pa yang dag par rdzogs pa'i byang chub tu yongs su bsngo na/ rigs kyi bu'am rigs kyi bu mo de ni rigs kyi bu'am rigs kyi bu mo snga ma de dag pas bsod nams ches mang du 'phel te/ dge ba'i rtsa ba 'di la ni dge ba'i rtsa ba snga ma des brgya'i char yang nye bar mi 'gro'o/ /rgyu'i bar du'ang mi bzod do/ /byang chub sems dpa' sems dpa' chen po'i dmigs su med pa'i tshul gyis yongs su bsngo ba 'di ni mchog ces bya'o/ /mi mnyam pa dang mnyam pa'i bar zhes bya'o/ /de nas tshe dang ldan pa rab 'byor gyis/ bcom ldan 'das la/ 'di skad ces gsol to/ /bcom ldan 'das kyis gang de skad du rigs kyi bu'am rigs kyi bu mo gang dag gis/ dge ba'i rtsa ba de dag thams cad mngon par bsdus te gcig tu brtul nas tshad bzung ste/ rjes su yi rang ba'i rab kyis rjes su yi rang ba dang/ rjes su yi rang ba mi mnyam pa dang mnyam pa'i bar gyis rjes su yi rang bar byed do zhes bka' stsal na/ bcom ldan 'das ji tsam gyis na rjes su yi rang ba'i dam par 'gyur/ ji tsam gyis na rjes su yi rang ba'i mi mnyam pa dang mnyam pa'i bar du 'gyur ba lags/ bcom ldan 'das kyis bka' stsal pa/ nam rigs kyi bu'am rigs kyi bu mo de 'das pa dang/ ma byon pa @206b dang/ da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa rnams dang/ rang sangs rgyas de dag dang/ sems can thams cad kyi dge ba'i rtsa ba de dag mi len/ mi gtong ba dang/ mi rlom/ mi 'jum zhing/ dmigs pa'ang ma yin/ mi dmigs pa'ang ma yin la/ de 'di snyam du 'di la chos gang yang skye ba'ang med/ 'gag pa'ang med/ nyon mongs par 'gyur ba'ang med/ rnam par byang bar 'gyur ba'ang med de/ chos de dag la 'grib pa'ang med/ 'phel ba'ang med/ 'ong ba'ang med; 'gro ba'ang med/ phung por 'gyur ba'ang med do zhes rnam grangs de lta bus 'das pa dang/ ma 'ongs pa dang/ da ltar byung ba'i chos rnams kyi de bzhin nyid dang/ ma nor ba de bzhin nyid dang/ gzhan ma yin pa de bzhin nyid dang/ chos nyid dang/ chos kyi gnas nyid dang/ chos skyon med pa nyid ji lta ba de ltar bdag gis rjes su yi rang bar bya'o/ /rjes su yi rang nas bla na med pa yang dag par rdzogs pa'i byang chub tu yongs su bsngo'o zhes de ltar yongs su bsngo ba'i byang chub sems dpa' sems dpa' chen po'i rjes su yi rang ba de ni dam par 'gyur te/ rjes su yi rang ba de dag ni mi mnyam pa dang mnyam pa'i bar du 'gyur ro/ /rab 'byor/ rjes su yi rang ba 'di la ni de ma yin pa'i rjes su yi rang ba gzhan thams cad kyis brgya'i @207a @#/ /char yang nye bar mi 'gro'o/ /rgyu'i bar du'ang mi bzod de/ rjes su yi rang ba 'di ni de ma yin pa'i rjes su yi rang ba gzhan dag pas rab ces bya'o/ /gtso bo zhes bya'o/ /dam pa zhes bya'o/ /mchog ces bya'o/ /phul zhes bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /mnyam pa med pa zhes bya'o/ /mi mnyam pa dang mnyam pa zhes bya'o/ /rab 'byor/ gzhan yang byang chub sems dpa'i theg pa pa'i rigs kyi bu'am/ rigs kyi bu mos 'das pa dang/ ma byon pa dang/ da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas de dag dang/ nyan thos dang/ rang sangs rgyas su bcas pa de dag gi sems dang po bskyed pa nas/ dam pa'i chos gnas pa'i bar gyi sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dang ldan pa'i dge ba'i rtsa ba dang/ gzhan yang sang rgyas kyi chos tshad med pa'i bar dang/ sems can thams cad kyi dge ba'i rtsa ba ji snyed pa de dag thams cad la rjes su yi rang bar 'dod na/ 'di ltar rjes su yi rang bar bya'o/ /rnam par grol ba ji lta ba de lta bu ni gzugs so/ /rnam par grol @207b ba ji lta ba de lta bu ni tshor ba dang/ 'du shes dang/ 'du byed dang/ rnam par shes pa rnams so/ /rnam par grol ba ji lta ba de lta bu ni skye mched rnams dang/ khams rnams so/ /rnam par grol ba ji lta ba de lta bu ni rten cing 'brel bar 'byung ba'o/ /rnam par grol ba ji lta ba de lta bu ni sbyin pa'i pha rol tu phyin pa'o/ /rnam par grol ba ji lta ba de lta bu ni tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa'o/ /rnam par grol ba ji lta ba de lta bu ni nang stong pa nyid dang/ dngos po med pa'i ngo bo nyid stong pa nyid kyi bar ro/ /rnam par grol ba ji lta ba de lta bu ni byang chub kyi phyogs kyi chos rnams so/ /rnam par grol ba ji lta ba de lta bu ni 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams so/ /rnam par grol ba ji lta ba de lta bu ni rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams so; ;rnam par grol ba ji lta ba de lta bu ni ting nge 'dzin rnams dang/ gzungs kyi sgo rnams so/ /rnam par grol ba ji lta ba de lta bu ni de bzhin gshegs pa'i stobs bcu dang/ mi 'jigs pa @208a @#/ /bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad do/ /rnam par grol ba ji lta ba de lta bu ni rnam par grol ba'i ye shes mthong ba'o/ /rnam par grol ba ji lta ba de lta bu ni rnam par grol ba'i ye shes mthong ba'i phung po'o/ /rnam par grol ba ji lta ba de lta bu ni mos pa'o/ /rnam par grol ba ji lta ba de lta bu ni rjes su yi rang ba'o/ /rnam par grol ba ji lta ba de lta bu ni 'das pa dang/ ma 'ongs pa dang/ da ltar byung ba'i chos rnams so/ /rnam par grol ba ji lta ba de lta bu ni sangs rgyas bcom ldan 'das de dag go /rnam par grol ba ji lta ba de lta bu ni sangs rgyas bcom ldan 'das de dag gi yongs su mya ngan las 'das pa'o/ /rnam par grol ba ji lta ba de lta bu ni sangs rgyas bcom ldan 'das de dag gi nyan thos rnams dang/ nyan thos de dag gi yongs su mya ngan las 'das pa'o/ /rnam par grol ba ji lta ba de lta bu ni rang sangs rgyas rnams dang/ rang sangs rgyas de dag gi yongs su mya ngan las 'das pa'o/ /rnam par grol ba ji lta ba de lta bu ni sangs rgyas bcom ldan 'das de dag gi chos nyid do/ /rnam par grol ba ji lta ba de lta bu ni nyan thos dang/ rang sangs rgyas de dag gi chos nyid do/ /rnam par grol ba ji lta ba de lta bu ni chos rnams kyi chos nyid do zhes de ltar chos ma chags pa dang/ ma bcings @208b pa dang/ ma grol ba dang/ ma zhen pa dang/ kun nas nyon mongs pa med pa dang/ rnam par byang ba med pa rnams kyi chos nyid dang/ chos ma skyes pa dang/ yongs su ma skyes pa dang/ ma byung ba dang/ ma 'gag pa'i chos nyid ji lta ba de bzhin du 'pho ba med pa dang/ 'jig pa med pa nye bar bzung ste/ bla na med pa yang dag dag par rdzogs pa'i byang chub tu yongs su bsngo ste/ rab 'byor; 'di ni byang chub sems dpa' sems dpa' chen po rnams kyi rjes su yi rang ba'i rab bo/ /rjes su yi rang ba'i mi mnyam pa dang mnyam pa'i bar ro/ /rab 'byor/ rjes su yi rang pa de dang ldan pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor/ gzhan yang shar phyogs kyi 'jig rten gyi khams ganggA'i klung gi bye ma snyed dag na/ sangs rgyas bcom ldan 'das nyan thos kyi dge 'dun dang bcas pa gang ji snyed cig bzhugs pa dang/ 'tsho skyong zhing chos ston pa dang/ lho dang/ nub dang/ byang dang/ byang shar dang/ shar lho dang/ lho nub dang/ nub byang dang/ 'og dang/ steng gi phyogs kyi phyogs re re zhing 'jig rten gyi khams ganggA'i klung gi bye ma snyed dag na/ sangs rgyas bcom ldan 'das nyan thos kyi dge 'dun dang bcas pa gang ji snyed cig bzhugs pa dang/ 'tsho skyong zhing chos ston pa'i de bzhin gshegs @209a @#/ /pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa de dag la/ byang chub sems dpa'i theg pa pa'i rigs kyi bu'am rigs kyi bu mo la la zhig gis/ nam 'tsho'i bar du na bza' dang/ bsod snyoms dang/ gzims cha dang/ snyun gyi rkyen rtsi dang/ yo byad mang po dang/ bde ba'i yo byad thams cad kyis rim gror byas/ bkur stir byas/ bsti stang du byas/ mchod par byas pa dang/ sangs rgyas bcom ldan 'das de dag yongs su mya ngan las 'das nas kyang/ de dag gi ring bsrel la nyin mtshan du me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang pos rim gror bya ba dang/ bkur stir bya ba dang/ bsti stang du bya ba dang/ mchod par bya ba'i don du nyams su len cing/ de dmigs pa'i tshul gyis/ tshul khrims bsrung ba dang/ de dmigs pa'i tshul gyis bzod pa bsgom pa dang/ de dmigs pa'i tshul gyis brtson 'grus brtsom pa dang/ de dmigs pa'i tshul gyis bsam gtan la snyoms par 'jug pa dang/ de dmigs pa'i tshul gyis shes rab bsgom pa bas/ rigs kyi bu'am rigs kyi bu mo bla na med pa yang dag par rdzogs pa'i byang chub tu yang dag par zhugs pa gang sbyin pa'i pha rol tu phyin pa la mi dmigs pa'i tshul gyis spyod pa dang/ tshul khrims @209b kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la mi dmigs pa'i tshul gyis spyod pa'i tshe/ thabs mkhas pas dge ba'i rtsa ba de dag bla na med pa yang dag par rdzogs pa'i byang chub tu yongs su bsngos na/ bsod nams mngon par 'du bya ba dang/ dge ba mngon par 'du bya ba 'di la ni/ bsod nams mngon par 'du bya ba snga mas brgya'i char yang nye bar mi 'gro/ rgyu'i bar du'ang mi bzod de/ yongs su bsngo ba de nyid rab ces bya'o/ / gong na med pa'i bar zhes bya'o/ /rab 'byor/ de ltar mi dmigs pa'i tshul gyis byang chub sems dpa' sems dpa' chen pos/ sbyin pa'i pha rol tu phyin pa la spyod pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la spyod pa'i tshe/ thabs mkhas pas dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya'o/ /shes rab kyi pha rol tu phyin pa stong phrag nyi shu lnga pa las/ yongs su bsngo ba'i le'u ste nyi shu bzhi pa'o// //de nas tshe dang ldan pa shA radwa ti'i bus/ bcom ldan 'das la 'di skad ces gsol to/ /bcom ldan 'das/ @210a @#/ /shes rab kyi pha rol tu phyin pa ni shin tu rnam par dag pa'i slad du snang bar bgyid pa'o/ /bcom ldan 'das/ shes rab kyi pha rol tu phyin pa ni phyag bgyi bar 'os pa'o/ /bcom ldan 'das/ shes rab kyi pha rol tu phyin pa la bdag phyag 'tshal lo/ /bcom ldan 'das shes rab kyi pha rol tu phyin pa ni khams gsum pa thams cad kyis ma gos pa'o/ /bcom ldan 'das/ shes rab kyi pha rol tu phyin pa ni nyon mongs pa dang lta ba'i mun pa thams cad bsal ba la rab rib ma mchis par bgyid pa'o/ /bcom ldan 'das; shes rab kyi pha rol tu phyin pa ni byang chub kyi phyogs kyi chos rnams kyi nang na mchog tu bgyid pa'o/ /bcom ldan 'das/ shes rab kyi pha rol tu phyin pa ni 'jigs pa dang/ gnod pa dang/ tshe ba thams cad rab tu byang ba'i slad du bde bar bgyid pa'o/ /bcom ldan 'das/ shes rab kyi pha rol tu phyin pa ni sems can thams cad kyi mig lnga yongs su thob par bgyid pa la snang bar bgyid pa'o/ /bcom ldan 'das/ shes rab kyi pha rol tu phyin pa ni sems can shul gol bar zhugs pa rnams mtha' las zlog pa'i slad du shul ston pa'o; ;bcom ldan 'das/ shes rab kyi pha rol tu phyin pa ni bag chags kyi mtshams sbyor ba'i nyon mongs pa thams cad spang ba la thams cad mkhyen pa nyid du bgyid pa'o/ /bcom @210b ldan 'das/ shes rab kyi pha rol tu phyin pa ni sangs rgyas kyi chos bskyed pa ste/ byang chub sems dpa' sems dpa' chen po rnams kyi ma'o/ /bcom ldan 'das/ shes rab kyi pha rol tu phyin pa ni rang gi mtshan nyid stong pa nyid kyi slad du ma skyes ma 'gags pa'o/ /bcom ldan 'das/ shes rab kyi pha rol tu phyin pa ni mi rtag mi 'jigs pa'i slad du 'khor ba'i gnyen po'o/ /bcom ldan 'das/ shes rab kyi pha rol tu phyin pa ni chos rin po che thams cad stobs pa'i slad du/ sems can mgon ma mchis pa rnams kyi mgon bgyid pa'o/ /bcom ldan 'das/ shes rab kyi pha rol tu phyin pa ni thub pa ma mchis pa'i slad du stobs bcu bgyid pa'o/ /bcom ldan 'das/ shes rab kyi pha rol tu phyin pa ni 'gro ba dang ldog pa ma mchis pa'i slad du/ rnam pa bcu / gnyis rgyud gsum du 'khor ba'i chos kyi 'khor lo bskor ba'o/ /bcom ldan 'das/ shes rab kyi pha rol tu phyin pa ni dngos po ma mchis pa'i ngo bo nyid stong pa nyid kyi slad du chos thams cad kyi ngo bo nyid ston pa'o/ /bcom ldan 'das/ byang chub sems dpa'i theg pa pa'am/ nyan thos sam/ nyan thos kyi theg pa pa'am/ rang sangs rgyas sam/ rang sangs rgyas kyi theg pa pas/ ji ltar shes rab kyi pha rol tu phyin pa la gnas par bgyi/ bcom ldan 'das kyis bka' stsal pa/ shA radwa ti'i bu/ ston pa la ji lta ba de bzhin du shes rab kyi pha rol tu phyin pa @211a @#/ /la gnas par bya'o/ /ston pa la ji ltar phyag bya ba de bzhin du shes rab kyi pha rol tu phyin pa la phyag bya'o/ /de ci'i phyir zhe na/ shes rab kyi pha rol tu phyin pa 'di nyid ston pa yin te/ ston pa'ang gzhan ma yin/ shes rab kyi pha rol tu phyin pa'ang gzhan ma yin/ ston pa nyid kyang shes rab kyi pha rol tu phyin pa/ shes rab kyi pha rol tu phyin pa nyid kyang ston pa'o/ /de'i phyir shes rab kyi pha rol tu phyin pa las de bzhin gshegs pa dgra bcom pa yang dag par rdzogs pa'i sangs rgyas rnams 'byung ngo/ /byang chub sems dpa' sems dpa' chen po rnams dang/ rang sangs rgyas dang/ dgra bcom pa dang/ phyir mi 'ong ba dang/ lan gcig phyir 'ong ba dang/ rgyun du zhugs pa rnams 'byung ngo; ;de'i phyir shes rab kyi pha rol tu phyin pa las dge ba bcu'i las kyi lam rnams 'byung ngo/ /bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga dang/ sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa dang/ nang stong pa nyid dang/ phyi stong pa nyid dang/ phyi nang stong pa nyid dang/ dngos po med pa'i @211b ngo bo nyid stong pa nyid kyi bar dang/ byang chub kyi phyogs kyi chos sum cu rtsa bdun dang/ 'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad dang/ thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid 'byung ngo/ /de nas lha'i dbang po brgya byin 'di snyam du gyur te/ btsun pa shA radwa ti'i bu/ zhu ba 'di ni gang las skyes/ ci'i rgyu snyam pa dang/ de nas tshe dang ldan pa shA radwa ti'i bus/ lha'i dbang po brgya byin la 'di skad ces smras so/ /kau shi ka/ byang chub sems dpa' sems dpa' chen po shes rab kyi pha rol tu phyin pas yongs su bzung ba rnams ni thabs mkhas pas/ 'das pa dang/ ma byon pa dang/ da ltar byung ba'i sangs rgyas bcom ldan 'das de dag gi thugs dang po bskyed pa nas/ dam pa'i chos gnas pa'i bar gyi sangs rgyas bcom ldan 'das nyan thos kyi dge 'dun dang bcas pa dang/ rang sangs rgyas @212a @#/ /dang bcas pa de dag dang/ sems can thams cad kyi dge ba'i rtsa ba de dag thams cad gcig tu bsdus te/ rnam pa thams cad mkhyen pa nyid du yongs su bsngo ba nas bdag gi zhu ba skyes so/ /kau shi ka/ byang chub sems dpa' sems dpa' chen po rnams kyi shes rab kyi pha rol tu phyin pa 'dis ni/ sbyin pa'i pha rol tu phyin pa zil gyis gnon to/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa zil gyis gnon to/ /kau shi ka/ 'di lta ste/ dper na/ dmus long brgya 'am/ stong ngam/ brgya phrag stong yang rung ste/ dmigs bu med par lam du 'jug par yang mi nus na/ grong khyer du 'gro bar lha ga la nus/ kau shi ka/ de bzhin du pha rol tu phyin pa lnga po 'di dag ni dmus long lta bur gyur pa ste/ shes rab kyi pha rol tu phyin pa med na/ de dag la dmigs bu med pas byang chub kyi lam yang bskyed mi nus na/ rnam pa thams cad mkhyen pa nyid kyi grong khyer du 'jug par lta ga la nus/ kau shi ka/ pha rol tu phyin pa lnga nam shes rab kyi pha rol tu phyin pas yongs su zin par gyur pa de'i tshe/ mig dang ldan par 'gyur te/ pha rol tu phyin pa lnga po 'di dag ni shes rab kyi pha rol tu phyin pas yongs su bzung na/ pha rol tu phyin pa'i @212b ming 'thob bo/ /de nas lha'i dbang po brgya byin gyis/ tshe dang ldan pa shA radwa ti'i bu la 'di skad ces smras so/ /btsun pa shA radwa ti'i bus gang 'di skad du/ pha rol tu phyin pa lnga po 'di dag shes rab kyi pha rol tu phyin pas yongs su bzung na/ pha rol tu phyin pa'i ming 'thob bo zhes smras na/ btsun pa shA radwa ti'i bu/ de ni der yang ma zad de/ pha rol tu phyin pa lnga ni sbyin pa'i pha rol tu phyin pas yongs su bzung yang pha rol tu phyin pa'i ming 'thob bo/ /pha rol tu phyin pa lnga ni tshul khrims dang/ bzod pa dang/ brtson 'grus dang/ bsam gtan gyi pha rol tu phyin pas yongs su bzung yang pha rol tu phyin pa'i ming 'thob bo/ /smras pa/ de lta ma yin te/ kau shi ka/ de ni de lta ma yin no/ /pha rol tu phyin pa lnga ni sbyin pa'i pha rol tu phyin pas yongs su bzung bas/ pha rol tu phyin pa'i ming 'thob par mi 'gyur/ pha rol tu phyin pa lnga ni tshul khrims dang/ bzod pa dang/ brtson 'grus dang/ bsam gtan gyi pha rol tu phyin pas yongs su bzung bas/ pha rol tu phyin pa'i ming 'thob par mi 'gyur gyi/ shes rab kyi pha rol tu phyin pas yongs su bzung ba'i pha rol tu phyin pa lnga ni/ pha rol tu phyin pa'i ming 'thob ste/ kau shi ka/ shes rab kyi pha rol tu phyin pa la gnas pa'i byang chub sems dpa' sems dpa' chen po ni/ sbyin pa'i pha rol tu phyin pa yongs su rdzogs par byed do/ /tshul @213a @#/ /khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa yongs su rdzogs par byed do/ /kau shi ka/ de bas na shes rab kyi pha rol tu phyin pa ni/ pha rol tu phyin pa lnga po 'di dag gi rab ces bya'o/ /gtso bo dang/ dam pa dang/ mchog dang/ phul dang/ gya nom pa dang/ bla na med pa dang/ gong na med pa zhes bya'o/ /de nas tshe dang ldan pa shA radwa ti'i bus/ bcom ldan 'das la 'di skad ces gsol to; /bcom ldan 'das/ shes rab kyi pha rol tu phyin pa de ji ltar mngon par bsgrub par bgyi/ bcom ldan 'das kyis bka' stsal pa/ shA radwa ti'i bu/ gzugs mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o/ /tshor ba dang/ 'du shes dang/ 'du byed dang/ rnam par shes pa mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o/ /skye mched dang/ khams dang/ rten cing 'brel par 'byung ba rnams mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o/ /sbyin pa'i pha rol tu phyin pa mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o/ /tshul khrims dang/ @213b bzod pa dang/ brtson 'grus dang/ bsam gtan gyi pha rol tu phyin pa mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o/ /nang stong pa nyid mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o/ /dngos po med pa'i ngo bo nyid stong pa nyid kyi bar du mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o/ /byang chub kyi phyogs kyi chos sum cu rtsa bdun mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o; ;'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang; sangs rgyas kyi chos ma 'dres pa rnams mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o/ /thams cad shes pa nyid dang/ lam gyi rnam @214a @#/ /pa shes pa nyid dang/ rnam pa thams cad mkhyen pa nyid mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o; ;de bzhin du chos thams cad mngon par bsgrub pa med pa'i phyir/ shes rab kyi pha rol tu phyin pa mngon par bsgrub par bya'o/ /gsol pa/ bcom ldan 'das/ ji ltar gzugs mngon par bsgrub pa ma mchis pa'i slad du/ shes rab kyi pha rol tu phyin pa mngon par bsgrub par bgyi/ ji ltar chos thams cad kyi bar du mngon par bsgrub pa ma mchis pa'i slad du/ shes rab kyi pha rol tu phyin pa mngon par bsgrub par bgyi/ bcom ldan 'das kyis bka' stsal pa/ gzugs mngon par 'du bya ba med pa dang/ gzugs skye ba med pa dang/ gzugs 'gag pa med pa dang/ gzugs dmigs pa med pa dang/ gzugs 'jig pa med pas/ shes rab kyi pha rol tu phyin pa mngon par bsgrub par bya'o; ;chos thams cad kyi bar du mngon par 'du bya ba med pa dang/ skye ba med pa dang/ 'gag pa med pa dang/ dmigs pa med pa dang/ 'jig pa med pas shes rab kyi pha rol tu phyin pa mngon par bsgrub par bya'o/ /gsol pa/ bcom ldan 'das/ de ltar mngon par bsgrubs pa'i shes rab kyi pha rol tu phyin pa chos gang thob par bgyid/ bcom @214b 'das kyis bka' stsal pa/ shA radwa ti'i bu/ de ltar mngon par bsgrubs pa'i shes rab kyi pha rol tu phyin pa ni chos gang yang thob par mi byed do/ /nam chos gang yang thob par mi byed pa de'i tshe/ shes rab kyi pha rol tu phyin pa'i grangs su 'gro'o/ /gsol pa/ bcom ldan 'das/ chos thams cad thob par mi bgyid pa gang lags/ bcom ldan 'das kyis bka' stsal pa/ mi dge ba'i chos rnams thob par mi byed do/ /dge ba'i chos rnams thob par mi byed do/ /'jig rten pa dang/ 'jig rten las 'das pa dang/ zag pa dang bcas pa dang/ zag pa med pa dang/ kha na ma tho ba dang bcas pa dang/ kha na ma tho ba med pa dang/ 'dus byas dang/ 'dus ma byas kyi chos rnams thob par mi byed do/ /de ci'i phyir zhe na/ shes rab kyi pha rol tu phyin pa ni chos gang gi phyir yang dmigs pa'i tshul gyis nye bar mi gnas te/ de'i phyir chos gang yang thob par byed pa ma yin no/ /de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das/ ci lags/ shes rab kyi pha rol tu phyin pa 'di rnam pa thams cad mkhyen pa nyid kyang thob par mi bgyid dam/ bcom ldan 'das kyis bka' stsal pa/ kau shi ka/ gang de skad du ci lags/ shes rab kyi pha rol tu phyin pa 'di rnam pa thams cad mkhyen pa nyid kyang thob par mi bgyid dam zhes zer ba ni/ kau shi ka/ de de @215a @#/ /bzhin no/ /de de bzhin te/ shes rab kyi pha rol tu phyin pa ni rnam pa thams cad mkhyen pa nyid kyang thob par mi byed/ dmigs par mi byed do/ /brgya byin gyis gsol pa/ bcom ldan 'das/ ji ltar na shes rab kyi pha rol tu phyin pa rnam pa thams cad mkhyen pa nyid kyang thob par mi bgyid/ dmigs par mi bgyid pa lags/ bcom ldan 'das kyis bka' stsal pa/ kau shi ka/ shes rab kyi pha rol tu phyin pa ni/ ming ji lta ba dang/ mtshan ma ji lta ba dang/ mngon par 'du byed pa ji lta ba de bzhin du thob par mi byed pa yin no; ;brgya byin gyis gsol pa/ bcom ldan 'das/ 'o na ji ltar thob par bgyid pa lags/ bcom ldan 'das kyis bka' stsal pa/ mi dmigs pa dang/ mi len pa dang/ mi gnas pa dang/ mi 'dor ba dang/ mngon par chags pa med pa de ltar thob par byed de/ gang yang thob par byed pa med do/ /kau shi ka/ de ltar na shes rab kyi pha rol tu phyin pa ni chos thams cad thob par mi byed de/ gang yang thob par mi byed do/ /brgya byin gyis gsol pa/ bcom ldan 'das/ de ltar shes rab kyi pha rol tu phyin pa 'di chos thams cad skye ba ma mchis pa dang; 'gag pa ma mchis pa dang/ mngon par 'du bgyi ba ma mchis pa dang/ dmigs pa ma mchis pa dang/ 'jig pa ma mchis pa'i slad du nye bar gnas pa ngo mtshar che'o/ /de @215b nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das/ gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ de ltar shes rab kyi pha rol tu phyin pa ni chos thams cad thob par bgyid pa'o/ /shes rab kyi pha rol tu phyin pa ni chos thams cad thob par mi bgyid pa'o zhes da lta bu'i 'du shes su gyur na/ bcom ldan 'das/ byang chub sems dpa' sems dpa' chen po ni shes rab kyi pha rol tu phyin pa 'dor ba lags so/ /bcom ldan 'das/ byang chub sems dpa' sems dpa' chen po de ni shes rab kyi pha rol tu phyin pa ring du bgyid pa lags so/ /bcom ldan 'das kyis bka' stsal pa/ rab 'byor/ rnam grangs gang gis byang chub sems dpa' sems dpa' chen po shes rab kyi pha rol tu phyin pa 'dor bar byed pa dang/ shes rab kyi pha rol tu phyin pa ring du byed pa de lta bu'i rnam grangs yod do/ /gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ kye ma shes rab kyi pha rol tu phyin pa 'di ni gsob bo/ /kye ma shes rab kyi pha rol tu phyin pa 'di ni gsog go/ /kye ma shes rab kyi pha rol tu phyin pa 'di ni snying po med pa'o snyam du de ltar 'du shes na/ byang chub sems dpa' sems dpa' chen po shes rab kyi pha rol tu phyin pa @216a @#/ /'dor bar byed pa'o/ /byang chub sems dpa' sems dpa' chen po shes rab kyi pha rol tu phyin pa ring du byed pa'o/ /rab 'byor/ de ni rnam grangs gang gis byang chub sems dpa' sems dpa' chen po shes rab kyi pha rol tu phyin pa 'dor bar byed pa dang/ byang chub sems dpa' sems dpa' chen po shes rab kyi pha rol tu phyin pa ring du byed pa'i rnam grangs so/ /gsol pa/ bcom ldan 'das/ shes rab kyi pha rol tu phyin pa la yid ches pas chos gang la yid ches par mi 'gyur ba lags/ bcom ldan 'das gyis bka' stsal pa/ rab 'byor/ shes rab kyi pha rol tu phyin pa la yid ches pas/ gzugs la yid ches par mi 'gyur ro/ /tshor ba dang/ 'du shes dang/ 'du byed dang/ rnam par shes pa la yid ches par mi 'gyur ro/ /mig la yid ches par mi 'gyur ro/ /rna ba dang/ sna ba dang/ sna dang/ lce dang/ lus dang/ yid la yid ches par mi 'gyur ro/ /gzugs la yid ches par mi 'gyur ro/ /sgra dang/ dri dang/ ro dang/ reg dang/ chos la yid ches par mi 'gyur ro/ /mig gi rnam par shes pa la yid ches par mi 'gyur ro/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa la yid ches par mi 'gyur ro/ /mig gi @216b 'dus te reg pa la yid ches par mi 'gyur ro/ /rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa la yid ches par mi 'gyur ro/ /mig gi 'dus te reg pa'i rkyen gyis tshor ba la yid ches par mi 'gyur ro/ /rna ba'i 'dus te reg pa'i rkyen gyis tshor ba dang/ sna'i 'dus te reg pa'i rkyen gyis tshor ba dang/ lce'i 'dus te reg pa'i rkyen gyis tshor ba dang/ lus kyi 'dus te reg pa'i rkyen gyis tshor ba dang/ yid kyi 'dus te reg pa'i rkyen gyis tshor ba la yid ches par mi 'gyur ro/ /sa'i khams la yid ches par mi 'gyur ro/ /chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams la yid ches par mi 'gyur ro/ /ma rig pa la yid ches par mi 'gyur ro/ /'du byed dang/ rnam par shes pa dang/ ming dang/ gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi la yid ches par mi 'gyur ro/ /sbyin pa'i pha rol tu phyin pa la yid ches par mi 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la yid ches par @217a @#/ /mi 'gyur ro/ /nang stong pa nyid la yid ches par mi 'gyur ro/ /phyi stong pa nyid dang/ phyi nang stong pa nyid la yid ches par mi 'gyur ro/ /dngos po med pa'i ngo bo nyid stong pa nyid kyi bar la yid ches par mi 'gyur ro/ /byang chub kyi phyogs kyi chos sum cu rtsa bdun la yid ches par mi 'gyur ro/ /'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad la yid ches par mi 'gyur ro/ /rgyun du zhugs pa'i 'bras bu la yid ches par mi 'gyur ro/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid la yid ches par mi 'gyur ro/ /rang byang chub la yid ches par mi 'gyur ro/ /lam gyi rnam pa shes pa nyid la yid ches par mi 'gyur ro/ /rnam pa thams cad mkhyen pa nyid la @217b yid ches par mi 'gyur ro/ /gsol pa/ bcom ldan 'das/ ji ltar na shes rab kyi pha rol tu phyin pa la yid ches pas/ gzugs la yid ches par mi 'gyur ba lags/ rnam pa thams cad mkhyen pa nyid kyi bar la yid ches par mi 'gyur ba lags/ bcom ldan 'das kyis bka' stsal pa/ rab 'byor/ gzugs mi dmigs pas shes rab kyi pha rol tu phyin pa la yid ches par 'gyur/ rnam pa thams cad mkhyen pa nyid kyi bar du mi dmigs pas/ shes rab kyi pha rol tu phyin pa la yid ches par 'gyur te/ de ltar na shes rab kyi pha rol tu phyin pa la yid ches pas/ gzugs la yid ches par mi 'gyur ro/ /rnam pa thams cad mkhyen pa nyid kyi bar la yid ches par mi 'gyur ro/ /gsol pa/ bcom ldan 'das/ 'di ltar shes rab kyi pha rol tu phyin pa 'di ni pha rol tu phyin pa chen mo'o/ /bcom ldan 'das kyis bka' stsal pa/ rab 'byor/ de ji snyam du sems/ rgyu gang gis na shes rab kyi pha rol tu phyin pa 'di pha rol tu phyin pa chen mo yin/ gsol pa/ bcom ldan 'das/ shes rab kyi pha rol tu phyin pa ni gzugs che bar mi bgyid/ chung bar mi bgyid/ tshor ba dang/ 'du shes dang/ 'du byed dang/ rnam par shes pa che bar mi bgyid/ chung bar mi bgyid/ skye mched dang/ khams dang/ rten cing 'brel par 'byung ba che bar mi bgyid/ chung bar mi bgyid/ sbyin pa'i pha rol tu phyin pa che bar @218a @#/ /mi bgyid/ chung bar mi bgyid/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pah rol tu phyin pa dang/ shes rab kyi pha rol tu phyin pa che bar mi bgyid/ chung bar mi bgyid/ nang stong pa nyid che bar mi bgyid/ chung bar mi bgyid/ phyi stong pa nyid dang/ phyi nang stong pa nyid dang/ dngos po med pa'i ngo bo nyid stong pa nyid kyi bar che bar mi bgyid/ chung bar mi bgyid/ byang chub kyi phyogs kyi chos sum cu rtsa bdun che bar mi bgyid/ chung bar mi bgyid/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams che bar mi bgyid/ chung bar mi bgyid/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad che bar mi bgyid/ chung bar mi bgyid/ rgyun du zhugs pa'i 'bras bu che bar mi bgyid/ chung bar mi bbyid/ lan gcig phyir 'ong ba'i 'bras bu dang/ @218b phyir mi 'ong ba'i 'bras bu dang/ dgra bcom pa nyid dang/ rang byang chub che bar mi bgyid/ chung bar mi bgyid/ lam gyi rnam pa shes pa nyid dang/ byang chub dang/ sangs rgyas dang/ sangs rgyas kyi chos rnams che bar mi bgyid/ chung bar mi bgyid/ gzhan yang shes rab kyi pha rol tu phyin pa ni gzugs 'du bar mi bgyid/ yangs par mi bgyid/ tshor pa dang/ 'du shes dang/ 'du byed dang/ rnam par shes pa 'du bar mi bgyid/ yangs par mi bgyid/ byang chub dang/ sangs rgyas dang/ sangs rgyas kyi chos rnam kyi bar du 'du bar mi bgyid/ yangs par mi bgyid/ gzhan yang shes rab kyi pha rol tu phyin pa ni gzugs tshad mchis par mi bgyid/ tshad ma mchis par mi bgyid/ byang chub dang/ sangs rgyas dang/ sangs rgyas kyi chos rnams kyi bar du tshad mchis par mi bgyid/ tshad ma mchis par mi bgyid/ gzhan yang shes rab kyi pha rol tu phyin pa ni gzugs rgya chen por mi bgyid/ rgya chung ngur mi bgyid/ byang chub dang/ sangs rgyas dang; sangs rgyas kyi chos rnams kyi bar du rgya chen por mi bgyid/ rgya chung ngur mi bgyid/ gzhan yang shes rab kyi pha rol tu phyin pa ni gzugs mthu dang ldan par mi bgyid/ mthu ma mchis par mi bgyid/ byang chub dang/ sangs rgyas dang/ sangs rgyas kyi chos rnams kyi bar du mthu dang ldan par mi bgyid/ mthu ma mchis par mi bgyid de/ bcom ldan 'das/ @219a @#/ /rnam grangs des na/ 'di lta ste/ shes rab kyi pha rol tu phyin pa 'di ni byang chub sesm dpa' sesm dpa' chen po rnams kyi pha rol tu phyin pa chen mo'o/ bcom ldan 'das gal te yang byang chub sems dpa' sems dpa' chen po theg pa la gsar du zhug spas shes rab kyi pha rol tu phyin pa la brten nas/ bsam gtran gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la brten nas/ shes rab kyi pha rol tu phyin pa ni gzugs che bar mi byed/ chung bar mi byed do/ /byang chub dang/ sangs rgyas dang/ sangs rgyas kyi chos rnams kyi bar du che bar mi byed/ chung bar mi byed do/ / gzugs mthu dang ldan pa'i bar du mi byed/ mthu med par mi byed do/ /byang chub dang/ sangs rgyas dang/ sangs rgyas kyi chos rnams kyi bar du mthun dang ldan par mi byed/ mthu med par mi byed do zhes bgyi bar 'du shes su gyur na/ bcom ldan 'das/ de ltar 'du shes su gyur pa'i byang chub sems dpa' sems dpa' chen po ni shes rab kyi pha rol tu phyin pa la spyod pa ma lags so/ /de ci'i slad du zhe na/ gang gzugs che bar bgyid pa'am/ chung bar bgyid pa de ni shes rab kyi pha rol tu phyin pa dang mthun pa'i 'bras bu ma lags so/ /byang chub @219b dang; sangs rgyas dang/ sangs rgyas kyi chos rnams kyi bar du che bar bgyid pa'am/ chung bar bgyid pa de ni shes rab lad du/ she gzugs mthu dang ldan pa'i bar du bgyid pa'am/ mthu ma mchis par bgyid pa de ni shes rab kyi pha rol tu phyin pa dang mtthun pa'i 'bras bu ma lags so/ /gang byang chub dang/ sangs rgyas dang; sangs rgyas kyi chos rnams kyi bar du mthu dang ldan pa'am/ mthu ma mchis par bgyid pa de ni shes rab kyi pha rol tu phyin pa dang mthun pa'i 'bras bu ma lags te/ bcom ldan 'das/ gang de ltar shes rab kyi pha rol tu phyin pa la spyod pa'i tshe/ gzugs che bar bgyid pa'am/ chung bar bgyid pa'am/ byang chub dang/ sangs rgyas dang/ sangs rgyas kyi chos rnams kyi bar du che bar bgyid pa'am/ chung bar bgyid pa'am/ gang gzugs mthu dang ldan pa'i bar du bgyid pa'am/ mthu ma mchis par bgyid pa'am/ byang chub dang/ sangs rgyas dang/ sangs rgyas kyi chos rnams kyi bar du mthu dang ldan pa'i bar du bgyid pa'am/ mthu ma mchis pa'i bar du bgyid pa de ni de'i dmigs pa chen por 'gyur ro/ /de ci'i slad du zhe na/ dmigs pa'i 'du shes can la byang chub ces bgyi ba ma mchis te/ de ni 'di ltar sems can skye ba ma mchis pa'i slad du/ shes rab kyi pha rol tu phyin pa skye ba ma mchis par blta'o/ /gzugs skye ba ma mchis pa'i @220a @#/ /slad du/ shes rab kyi pha rol tu phyin skye ba ma mchis par blta'o/ /tshor ba dang/ 'du shes dang/ 'du byed dang/ rnam shes pa skye ba ma mchis pa dang/ byang chub dang/ sangs rgyas dang/ sangs rgyas kyi chos rnams kyi bar du skye ba ma mchis pa'i slad du/ shes rab kyi pha rol tu phyin pa skye ba ma mchis par blta'o/ /sems can rang bzhin ma mchis pa'i slad du/ shes rab kyi pha rul tu phyin pa rang bzhin ma mchis par blta'o/ /gzugs rang gzhin ma mchis pa'i slad du/ shes rab kyi pha rol tu phyin pa rang bzhin ma mchis par blta'o/ /tshor ba dang/ 'du shes dang/ 'du byed dang/ rnam par shes pa rang bzhin ma mchis pa dang/ byang chub dang/ sangs rgyas dang/ sangs rgyas kyi chos rnams kyi bar du rang bzhin ma mchis pa'i slad du/ shes rab kyi pha rol tu phyin pa rang bzhin ma mchis par blta'o/ /sems can dngos po ma mchis pa'i slad du/ shes rab kyi pha rol tu phyin pa dngos po ma mchis par blta'o/ /gzugs dngos po ma mchis pa'i slad du/ shes rab kyi pha rol tu phyin pa dngos po ma mchis pa blta'o/ /tshor ba dang/ 'du shes dang/ 'du byed dang/ rnam par shes pa dngos po ma mchis pa dang/ byang chub dang/ sangs rgyas dang/ sangs rgyas kyi chos rnams kyi bar du dngos po ma mchis pa'i slad du/ shes rab kyi pha rol tu @220b phyin pa dngos po ma mchis par blta'o/ /sems can stong pa nyid kyi slad du/ shes rab kyi pha rol tu phyin pa stong pa nyid du blta'o/ /gzugs stong pa nyid kyi slad du/ shes rab kyi pha rol tu phyin pa stong pa nyid du blta'o/ /tshor ba dang/ 'du shes dang/ 'du byed dang/ rnam par shes pa stong pa nyid dang/ byang chub dang/ sangs rgyas dang/ sangs rgyas kyi chos rnams kyi bar du stong pa nyid kyi slad du/ shes rab kyi pha rol tu phyin pa stong pa nyid du blta'o/ /sems can dpen pa'i slad du/ shes rab kyi pha rol tu phyin pa dben par blta'o/ /gzugs dben pa'i slad du/ shes rab kyi pha rol tu phyin pa dben par blta'o/ /tshor ba dang/ 'du shes dang/ 'du byed dang/ rnam par shes pa dben pa dang/ byang chub dang/ sangs rgyas dang/ sangs rgyas kyi chos rnams kyi bar du dben pa'i slad du/ shes rab kyi pha rol tu phyin pa dben par blta'o/ /sems can ma mchis pa'i slad du/ shes rab kyi pha rol tu phyin pa ma mchis par blta'o/ /gzugs ma mchis pa'i slad du/ shes rab kyi pha rol tu phyin pa ma mchis par blta'o/ /tshor ba dang/ 'du shes dang/ 'du byed dang/ rnam par shes pa ma mchis pa dang/ byang chub dang/ sangs rgyas dang/ sangs rgyas kyi chos rnams kyi bar du ma mchis pa'i slad du/ shes rab kyi pha rol tu phyin pa ma mchis par blta'o/ /sems can bsam gyis mi khyab @221a @#/ /pa'i slad du/ shes rab kyi pha rol tu phyin pa bsam gyis mi khyab par blta'o/ /gzugs bsam gyis mi khyab pa'i slad du/ shes rab kyi pha rol tu phyin pa bsam gyis mi khyab par blta'o/ /tshor ba dang/ 'du shes dang/ 'du byed dang/ rnam par shes pa bsam gyis mi khyab pa dang/ byang chub dang/ sangs rgyas dang/ sangs rgyas kyi chos rnams kyi bar du bsam gyis mi khyab pa'i slad du/ shes rab kyi pha rol tu phyin pa bsam gyis mi khyab par blta'o/ /sems can rnam par 'jig pa ma mchis pa'i slad du/ shes rab kyi pha rol tu phyin pa rnam par 'jig pa ma mchis par blta'o/ /gzugs rnam par 'jig pa ma mchis pa'i slad du/ shes rab kyi pha rol tu phyin pa rnam par 'jig pa ma mchis par blta'o/ /tshor ba dang/ 'du shes dang/ 'du byed dang/ rnam par shes pa rnam par 'jig pa ma mchis pa dang/ byang chub dang/ sangs rgyas dang/ sangs rgyas kyi chos rnams kyi bar du rnam par 'jig pa ma mchis pa'i slad du/ /shes rab kyi pha rol tu phyin pa rnam par 'jig pa ma mchis par blta'o/ /sems can mngon par rdzogs par 'tshang rgya ba ma mchis pa'i slad du/ shes rab kyi pha rol tu phyin pa mngon par rdzogs par 'tshang rgya ba ma mchis par blta'o/ /gzugs mngon par rdzogs par 'tshang rgya ba ma mchis pa'i slad @221b du; shes rab kyi pha rol tu phyin pa mngon par rdzogs par 'tshang rgya ba ma mchis par blta'o/ /tshor ba dang/ 'du shes dang/ 'du byed dang/ rnam par shes pa mngon par rdzogs par 'tshang rgya ba ma mchis pa dang/ byang chub dang/ sangs rgyas dang/ sangs rgyas kyi chos rnams kyi bar du mngon par rdzogs par 'tshang rgya ba ma mchis pa'i slad du/ shes rab kyi pha rol tu phyin pa mngon par rdzogs par 'tshang rgya ba ma mchis par blta'o/ /sems can gyi stobs yongs su 'grub pa ma mchis pa'i slad du/ shes rab kyi pha rol tu phyin pa'i stobs yongs su 'grub pa ma mchis par blta'o/ /gzugs kyi stobs yongs su 'grub pa ma mchis pa'i slad du/ shes rab kyi pha rol tu phyin pa'i stobs yongs su 'grub pa ma mchis par blta'o/ /tshor ba dang/ 'du shes dang/ 'du byed dang/ rnam par shes pa'i stobs yongs su 'grub pa ma mchis pa dang/ byang chub dang/ sangs rgyas dang/ sangs rgyas kyi chos rnams kyi bar gyi stobs yongs su 'grub pa ma mchis pa'i slad du/ shes rab kyi pha rol tu phyin pa'i stobs yongs su 'grub pa ma mchis par blta'o/ /bcom ldan 'das/ rnam grangs des kyang 'di lta ste/ shes rab kyi pha rol tu phyin pa 'di ni byang chub sems dpa' sems dpa' chen po rnams kyi pha rol tu phyin pa chen mo'o/ /shes rab kyi pha rol tu phyin pa stong phrag nyi shu lnga pa las/ le'u nyi shu lnga pa'o// //de @222a @#/ /nas tshe dang ldan pa shA radwa ti'i bus/ bcom ldan 'das la 'di skad ces gsol to/ /bcom ldan 'das/ byang chub sems dpa' sems dpa' chen po gang shes rab kyi pha rol tu phyin pa zab mo 'di la mos par 'gyur ba de/ gang nas shi 'phos te 'dir mchis pa lags/ rigs kyi bu'am rigs kyi bu mo de ji srid cig nas bla na med pa yang dag par rdzogs pa'i byang chub tu zhugs pa lags/ de bzhin gshegs pa dgra bcom pa yang dag par rdzogs pa'i sangs rgyas ni ji snyed cig bsnyen bkur ba lags/ gang shes rab kyi pha rol tu phyin pa zab mo 'di la don dang tshul gyis mos par 'gyur ba de sbyin pa'i pha rol tu phyin pa la ni yun ring po ji srid cig nas sbyad pa lags/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la ni yun ring po ji srid cig nas spyad pa lags/ bcom ldan 'das kyis bka' stsal pa/ shA radwa ti'i bu/ byang chub sems dpa' sems dpa' chen po de ni phyogs bcu'i 'jig rten gyi khams kyi de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa bsnyen bkur nas 'dir 'ongs shing 'dir skyes pa ste/ shA radwa ti'i bu/ byang chub sems @222b dpa' sems dpa' chen po de ni bskal pa bye ba khrag khrig brgya stong grangs med tshad med dpag tu med par sbyin pa'i pha rol tu phyin pa la spyad pa'o/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la spyad pa'o/ /de ni bskal pa bye ba khrag khrig brgya stong grangs med tshad med dpag tu med pa nas/ bla na med pa yang dag par rdzogs pa'i byang chub tu yang dag par zhugs pa ste/ de sems dang po bskyed phyin chad sbyin pa'i pha rol tu phyin pa la spyod cing 'dir 'ongs pa'o/ /tshul khrims kyi pha rol tu phyin pa dang/ bcod pa'i pha rol tu phyin pa dang/ btson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la spyod cing 'dir 'ongs pa'o/ /des de nas bzung ste/ de bzhin gshegs pa dgra bcom pa yang dag par rdzogs pa'i sangs rgyas grangs med tshad med dpag tu med pa/ bsam gyis mi khyab pa mtshungs pa med pa bsnyen bkur bas/ 'dir 'ongs shing 'dir skyes pa ste/ shA radwa ti'i bu/ byang chub sems dpa' sems dpa chen po des shes rab kyi pha rol tu phyin pa 'di mthong ngam thos na/ bdag gi ston pa mthong ngo zhes bya bar sems bskyed par 'gyur ro/ /bdag gi ston pa thos so zhes bya bar sems bskyed @223a @#/ /par 'gyur ro/ /shA radwa ti'i bu/ byang chub sems dpa' sems dpa' chen po de ni/ shes rab kyi pha rol tu phyin pa 'di la mi gnyis pa dang/ dmigs pa'i tshul du don dang tshul gyis rjes su 'brang bar 'gyur ro/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das/ shes rab kyi pha rol tu phyin pa la mnyan pa'am blta bar nus lags sam/ bcom ldan 'das kyis bka' stsal pa/ rab 'byor/ de ni ma yin no/ /rab 'byor/ shes rab kyi pha rol tu phyin pa la ni nyan pa med do/ /blta ba med do/ /shes rab kyi pha rol tu phyin pa nyid kyang mi nyan mi blta'o/ /chos la sems med pa'i phyir shes rab kyi pha rol tu phyin pa ni de dag gis mi thos mi mthong ngo/ /de bzhin du chos la sems med pa'i phyir bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa ni de dag gis mi thos mi mthong ngo/ /chos la sems med pa'i phyir nang stong pa nyid ni de dag gis mi thos mi mthong ngo/ /chos la sems med pa'i phyir dngos po med pa'i ngo bo nyid stong pa nyid kyi bar ni de dag gis mi thos mi mthong ngo/ /chos la sems med pa'i phyir dran pa nye bar bzhag pa @223b rnams ni de dag gis mi thos mi mthong ngo/ /chos la sems med pa'i phyir yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa ni de dag gis mi thos mi mthong ngo/ /chos la sems med pa'i phyir 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa rnams dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams ni de dag gis mi thos mi mthong ngo/ /chos la sems med pa'i phyir/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ sangs rgyas kyi chos ma 'dres pa rnams ni de dag gis mi thos mi mthong ngo/ /chos la sems med pa'i phyir rgyun du zhugs pa'i 'bras bu ni de dag gis mi thos mi mthong ngo/ /chos la sems med pa'i phyir lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub ni de dag gis mi thos mi mthong ngo/ /chos la sems med pa'i phyir lam gyi rnam pa shes pa nyid dang/ byang chub @224a @#/ /dang/ sangs rgyas dang/ sangs rgyas kyi chos ni de dag gis mi thos mi mthong ngo// //shes rab kyi pha rol tu phyin pa stong phrag nyi shu lnga pa; bam po sum cu brgyad pa/ gsol pa/ bcom ldan 'das/ byang chub sems dpa' sems dpa' chen po gang shes rab kyi pha rol tu phyin pa zab mo 'di la brtson par bgyid pa de/ yun ring po ji srid cig nas spyod spyod pa lags/ bcom ldan 'das kyis bka' stsal pa/ rab 'byor/ de ni rnam par phye zhing bshad dgos pa ste/ rab 'byor/ byang chub sems dpa' sems dpa' chen po la la sems dang po bskyed pa nas nye bar bzung ste/ shes rab kyi pha rol tu phyin pa zab mo 'di la de mi dmigs pa'i tshul gyis brtson par byed pa dang/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la brtson par byed cing 'phel ba dang 'grib par mthong ba med pas/ chos gang yang mi spong ste/ nam yang pha rol tu phyin pa drug dang 'bral bar mi 'gyur la/ sangs rgyas bcom ldan 'das rnams dang yang 'bral bar mi 'gyur zhing/ dge ba'i rtsa ba gang gis/ sangs rgyas bcom ldan 'das de dag la rim gro dang/ bkur sti dang/ bsti stang dang/ @224b mchod pa bya bar 'dod pa'i dge ba'i rtsa ba de dag kyang/ sems bskyed pa tsam gyis 'grub par 'gyur te/ sangs rgyas kyi zhing nas sangs rgyas kyi zhing du 'gro zhing/ nam yang ma'i mngal du mi skye la/ nam yang mngon par shes pa rnams dang mi 'bral zhing/ nyon mongs pa gang dang yang mi 'grogs la/ nyan thos kyi sems dang/ rang sangs rgyas kyi sems dang lhan cig mi gnas shing; sems can yongs su smin par bya ba dang/ sangs rgyas kyi zhing yongs su dag par byed cing/ sangs rgyas kyi zhing nas sangs rgyas kyi zhing du 'gro ba de lta bu'i rnam grangs yod de/ rab 'byor/ byang chub sems dpa' sems dpa' chen po de lta bu dag ni/ shes rab kyi pha rol tu phyin pa zab mo 'di la brtson par byed do/ /rab 'byor/ gzhan yang byang chub sems dpa'i theg pa pa'i rigs kyi bu'am rigs kyi bu mo gang gis/ sangs rgyas brgya phrag mang po dang/ sangs rgyas stong phrag mang po dang/ sangs rgyas bye ba khrag khrig brgya phrag mang po mthong zhing; de dag gi drung du dmigs pa'i tshul gyis sbyin pa byin pa dang/ tshul khrims bsrung ba dang/ bzod pa bsgoms pa dang/ brtson 'grus brtsams pa dang/ bsam gtan bskyed pa dang/ shes rab bsgoms pa yod de/ de dag ni shes rab kyi pha rol tu phyin pa zab mo 'di bstan pa'i tshe/ 'khor de nas gud du 'dong ste/ byang chub sems dpa'i theg pa pa'i rig @225a @#/ /kyi bu'am rigs kyi bu mo de dag ni/ shes rab kyi pha rol tu phyin pa zab mo 'di bstan pa'i tshe/ rim gro med pas sangs rgyas bcom ldan 'das de dag gi drung nas gud du 'dong ba'o/ /de ci'i phyir zhe na/ de ni 'di ltar byang chub sems dpa'i theg pa pa'i rigs kyi bu'am rigs kyi bu mo de dag ni/ sngon gyi mthar yang shes rab kyi pha rol tu phyin pa 'di bstan pa'i tshe/ 'khor de nas gud du 'dong 'dong ba ste/ de dag ni da ltar byung ba'i tshe yang shes rab kyi pha rol tu phyi pa zab mo 'di bstan pa'i tshu/ 'khor de nas gud du 'dong bar 'gyur te/ lus dang sems kyis mthun par spyod par mi 'gyur ro/ /de dag ni shes rab 'chal par 'gyur ba'i las gsog pa yin te/ de dag gis shes rab 'chal par 'gyur ba'i las byas shing bsags pa des shes rab kyi pha rol tu phyin pa 'di bstan pa'i tshe/ spong bar 'gyur te de dag gis shes rab kyi pha rol tu phyin pa 'di spangs pas/ 'das pa dang/ ma byon pa dang/ da ltar byung ba'i sangs rgyas bcom ldan 'das rnams kyi rnam pa thams cad mkhyen pa nyid spangs bar 'gyur te/ de dag rnam pa thams cad mkhyen pa nyid spangs pa las byung ba'i las mngon par 'du byas shing bsags pa dang/ chos brlag par 'gyur ba'i las byas shing bsags pa des/ lo mang po dang/ lo brgya phrag mang po dang/ @225b lo stong phrag mang po dang/ lo bye ba khrag khrig brgya stong phrag mang po'i bar du sems can dmyal bar bsreg par 'gyur ro/ /de dag sems can dmyal ba chen po nas/ sems can dmyal ba chen por 'dong bar 'gyur te/ de dag sems can dmyal ba chen po nas sems can dmyal ba chen por 'dong ba'i tshe/ mes yongs su 'jig pa'am/ chus yongs su 'jig pa'am/ rlung gis yongs su 'jig pa 'byung bar 'gyur te/ de dag de ltar mes yongs su 'jig pa'am/ chus yongs su 'jig pa'am/ rlung gis yongs su 'jig pa 'byung ba'i tshe'ang/ 'jig rten gyi khams gzhan dag gi sems can dmyal ba chen po de dag tu 'phang bar 'gyur te/ de dag tu skye bar 'gyur ro/ /de dag tu bsreg par 'gyur ro/ /der 'phangs te der skyes nas kyang/ sems can dmyal ba chen po nas/ sems can dmyal ba chen por 'dong bar 'gyur te/ de dag sems can dmyal ba chen po nas/ sems can dmyal ba chen por 'dong ba'i tshe/ mes yongs su 'jig pa'am/ chus yongs su 'jig pa'am/ rlung gis yongs su 'jig pa 'byung ste/ de dag de ltar mes yongs su 'jig pa'am/ chus yongs su 'jig pa'am/ rlung gis yongs su 'jig pa 'byung ba'i tshe'ang/ shar phyogs kyi sems can dmyal ba chen po de dag tu 'phang bar 'gyur/ lho dang/ nub dang/ byang dang/ byang shar dang/ @226a @#/ /shar lho dang/ lho nub dang/ nub byang dang/ 'og dang/ steng gi phyogs kyi sems can dmyal ba chen po dag tu 'phang bar 'gyur ro/ /de dag tu'ang sems can dmyal ba chen po nas/ sems can dmyal ba chen por 'dong bar 'gyur te/ der yang mes yongs su 'jig pa'am/ chus yongs su 'jig pa'am/ rlung gis yongs su 'jig pa 'byung ba ste/ de dag de ltar mes yongs su 'jig pa'am/ chus yongs su 'jig pa'am/ rlung gis yongs su 'jig pa 'byung ba'i tshe/ de nas shi 'phos nas chos 'jig par 'gyur ba'i las de ma zad pas yang 'dir skyes te/ de dag kyang sems can dmyal ba chen po nas sems can dmyal ba chen por 'dong bar 'gyur ro/ /de dag der skyes nas kyang sems can dmyal ba chen po de dag tu sems can dmyal ba'i sdug bsngal nyams su 'bab par 'gyur ro/ /de dag tu'ang mes yongs su 'jig pa'am/ chus yongs su 'jig pa'am/ rlung gis yongs su 'jig pa ma byung gi bar du/ sems can dmyal ba'i sdug bsngal de dag myong bar 'gyur ro/ /de dag mes yongs su 'jig pa'am/ chus yongs su 'jig pa'am/ rlung gis yongs su 'jig pa byung nas kyang/ de dag nas shi 'phos te/ shar phyogs kyi 'jig rten gyi khams dag tu byol song gi skye gnas pa rnams dang/ skal pa mnyam @226b par skye bar 'gyur ro/ /lho dang/ nub dang/ byang dang/ byang shar dang/ shar lho dang/ lho nub dang/ nub byang dang/ 'og dang/ steng gi phyogs kyi 'jig rten gyi khams dag tu byol song gi skye gnas pa rnams dang skal pa mnyam par skye bar 'gyur ro/ /de dag kyang phyogs bcu kun gyi 'jig rten gyi khams kyi bar du gshin rje'i 'jig rten du skye bar 'gyur ro/ /de dag der skyes nas sdug bsngal mang po myong bar 'gyur ba'i las zad nas/ ci ste brgya la mi'i skye ba thob na'ang/ chos 'jig par 'gyur ba'i las byas pa dang/ bsags pa dang/ bsgrubs pa dang/ tshang ba dang/ rdzogs pa'i rnam par smin pa des/ de dag gang dang gang du skye ba de dang der dmus long gi rigs su skye bar 'gyur/ phyag dar ba'i rigs su skye bar 'gyur/ dgol pa'i rigs su skye bar 'gyur/ smig ma mkhan gyi rigs su skye bar 'gyur/ de dag der skyes nas kyang dmus long du 'gyur ba yin/ zha bor 'gyur ba yin/ sna med par 'gyur ba yin/ lce med par 'gyur ba yin/ lag pa med par 'gyur ba yin/ rkang pa med par 'gyur ba yin/ mdze can du 'gyur ba yin/ sha bkra can du 'gyur ba yin/ sgur por 'gyur ba yin/ gang na sangs rgyas kyi sgra med pa dang/ chos kyi sgra med pa dang/ dge 'dun gyi sgra med pa de dag tu rtag tu skye bar 'gyur ba yin no/ /de nas tshe dang ldan pa shA radwa ti'i bus/ @227a @#/ /bcom ldan 'das la 'di skad ces gsol to/ /bcom ldan 'das/ mtshams ma mchis pa lngas ni/ chos 'jig par 'gyur ba'i sug las bgyis pa dang/ bsags pa 'di'i gzugs brnyan tsam du'ang mi spyod o/ /bcom ldan 'das kyis bka' stsal pa/ shA radwa ti'i bu/ 'di ni gang shes rab kyi pha rol tu phyin pa zab mo 'di bstan cing bshad pa'i tshe/ phyir spang bar sems shing 'di skad du/ 'di la khyed dang bdag cag gis bslab par mi bya ste/ 'di ni chos ma yin no/ /'di ni 'dul ba ma yin no/ /'di ni ston pa'i bstan pa ma yin no/ /'di ni de bzhin gshegs pa dgra bcom pa yang dag par rdzogs pa'i sangs rgyas kyis gsungs pa ma yin no zhes zer zhing/ de bdag nyid kyang phyir spong la/ sems can gzhan yang mos pa med par byed cing/ bdag gis bsam pa nyams par byas nas/ gzhan gyi bsam pa nyams par byed pa/ bdag gi bsam pa gdug par byas nas/ gzhan gyi bsam pa gdug par bya bar dga' ba/ bdag nyid chud gzon cing gzhan chud gsan par dga' ba/ bdag nyid shes rab kyi pha rol tu phyin pa zab mo mi shes mi rig pas phyir spang bar 'dod la/ gzhan yang de bzhin du 'dzin du 'jug pa/ de'i chos 'jig par 'gyur ba'i las byas shing bsags pa lta la/ @227b des gzugs brnyan du'ang 'gyur re skan/ shA radwa ti'i bu/ ngas ni gang zag de lta bu thos par bya bar yang ma gnang na 'phrad par lta ci smos te/ 'grogs par lta ci smos kyang mi smos so/ / de ci'i phyir zhe na/ shA radwa ti'i bu/ gang zag de lta bu dag ni chos la skyon 'dogs par rig par bya ste/ shA radwa ti'i bu/ gang zag de lta bu ni blo ngan pa'i tshul can/ phyogs nag po'i tshul can du rig par bya'o/ /shA radwa ti'i bu/ gang zag de lta bu dag gi ngag mnyan par sems pa'am/ de dag la yid ches par bya bar sems pa de dag kyang tshul ma yin pa'i 'jigs pas 'phung bar 'gyur ro/ /shA radwa ti'i bu/ gang shes rab kyi pha rol tu phyin pa la skyon 'dogs pa de ni/ chos la skyon 'dogs par rig par bya ste/ sems can dmyal ba pa'am/ byol song gi skye gnas pa'am/ gshin rje'i 'jig rten par rig par bya'o/ /gsol pa/ bcom ldan 'das/ chos la skyon 'dogs pa'i gang zag der skyes pa de'i lus kyi tshad da dung ma gsungs so/ /bcom ldan 'das kyis bka' stsal pa/ shA radwa ti'i bu/ chos la skyon 'dogs pa'i gang zag der skyes pa'i lus kyi tshad ni ma glengs shig /de ci'i phyir zhe na/ gang zag chos la skyon 'dogs pa de'i lus kyi tshad thos na/ mod la khrag tu skyug par 'gyur ba'am/ 'chi ba'am/ srog la 'bab pa'i sdug bsngal lam/ mya ngan gyi zug rdu skye ba'am/ ldum bu @228a @#/ /brngas pa ltar skam zhing rnyid par 'gyur du 'ong ste/ gang zag der skyes pa'i lus kyi tshad ni thos na'ang nyes pa de lta bu yod pa de tsam ste/ de'i lus kyi tshad ni de yin ne/ /zhes nas bcom ldan 'das kyis tshe dang ldan pa shA radwa ti'i bu la skabs dbye ba ma mdzad do/ /gsol pa/ bcom ldan 'das kyis bstan du gsol/ chos 'jig par 'gyur ba'i sug las bgyis shing bsags pa des/ chos la skyon 'dogs pa'i gang zag lus 'di 'dra ba yongs su 'dzin par 'gyur ro zhes bgyi bas ni/ ma byung ba'i skye bo rnams la snang ba bgyis par 'gyur ro/ /bcom ldan 'das kyis bka' stsal pa/ shA radwa ti'i bu/ de ni chos 'jig par 'gyur ba'i las byas pa dang/ bsags pa dang/ tshang bar byas pa dang/ rdzogs par byas pa dang/ yongs su bzung ba dang/ yongs su bskang ba des/ 'di srid cig tu sems can dmyal bar sdug bsngal myong bar 'gyur ro/ /'di srid cig tu byol song gi nang du sdug bsngal myong bar 'gyur ro/ /'di srid cig tu gshin rje'i 'jig rten du sdug bsngal myong bar 'gyur ro zhes byas pa de nyid kyis kyang/ ma byung ba'i skye bo rnams la snang ba byas par 'gyur ro/ /gsol pa/ bcom ldan 'das/ de de lags so/ /bde bar gshegs pa/ de de lags so/ /bcom ldan 'das/ de nyid kyis kyang dkar @228b zhing rigs dang ldan pa'i gang zag rnams nongs pa spong zhing/ bdag cag gis de lta bu'i sdug bsngal nyams su myong bar 'gyur du 'ong ngo zhes srog gi don du'ang dam pa'i chos mi spong ngo/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das/ rigs kyi bu'am rigs kyi bu mo dag gis gang zag dam pa'i chos spong ba'i nongs pa brjod pa 'di thos na/ bdag cag kyang ngan song dag tu sdug bsngal gyi rnam pa de lta bu myong du 'ong ngo/ /de bzhin gshegs pa mi mthong ba dang/ chos mi thos pa dang/ dge 'dun bsnyen cing bkur du med par 'gyur du 'ong ngo/ /sangs rgyas 'byung ba med pa'i sangs rgyas kyi zhing du skyes su 'ong ngo/ /mi 'phongs par 'gyur du 'ong ngo/ /shin tu 'jungs pa'i sems dang ldan par 'gyur du 'ong ngo zhes bgyi bar lus dang/ ngag dang/ yid kyi las shin tu bsdam par bgyi'o/ /yang tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das/ tshig gi las bgyis shing bsags pa ni/ chos 'jig par 'gyur ba'i las bgyis shing bsags par 'gyur ro/ /bcom ldan 'das kyis bka' stsal pa/ rab 'byor/ tshig gi las byas shing bsags pas/ chos 'jig par 'gyur ba'i las byas shing bsags par 'gyur te/ rab 'byor/ skyes bu @229a @#/ /glen pa shes rab kyi pha rol tu phyin pa 'di la skyon gdags par sems shing/ phyir spong bar sems pa de dag kyang chos dang 'dul ba de nyid la rab tu 'byung bar mi 'gyur ro/ /rab 'byor/ shes rab kyi pha rol tu phyin pa la skyon btags shing phyir spangs pas/ sangs rgyas bcom ldan 'das rnams kyi byang chub la skyon btags shing phyir spangs par 'gyur ro/ /sangs rgyas kyi byang chub la skyon btags shing phyir spangs pas/ 'das pa dang/ ma byon pa dang/ da ltar byung ba'i sangs rgyas bcom ldan 'das rnams kyi rnam pa thams cad mkhyen pa nyid la skyon btags shing phyir spangs par 'gyur ro/ /rnam pa thams cad mkhyen pa nyid la skyon btags shing phyir spangs pas/ chos la skyon btags shing phyir spangs par 'gyur ro/ /chos phyir spangs pas dge 'dun phyir spangs par 'gyur ro/ /dge 'dun phyir spangs pas/ 'jig rten pa'i yang dag pa'i lta ba phyir spangs par 'gyur ro/ /'jig rten pa'i yang dag pa'i lta ba phyir spangs pas/ sbyin pa'i pha rol tu phyin pa phyir spangs par 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa phyir spangs par 'gyur ro/ /nang @229b stong pa nyid phyir spangs par 'gyur ro/ /dngos po med pa'i ngo bo nyid stong pa nyid kyi bar du phyir spangs par 'gyur ro/ /dran pa nye bar bzhag pa bzhi phyir spangs par 'gyur ro/ /'phags pa'i lam yan lag brgyad pa'i bar du phyir spangs par 'gyur ro/ /'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi phyir spangs par 'gyur ro/ /rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang; mngon par shes pa lnga phyir spangs par 'gyur ro/ /ting nge 'dzin thams cad dang/ gzungs kyi sgo thams cad dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad phyir spangs par 'gyur ro/ /thams cad shes pa nyid dang/ lam gyi rnam pa shes pa nyid dang; rnam pa thams cad mkhyen pa nyid phyir spangs par 'gyur ro/ /rnam pa thams cad mkhyen pa nyid phyir spangs pas/ bsod nams ma yin pa'i phung po tshad med grangs med dpag tu med pa yongs su gzung bar 'gyur ro/ /bsod nams ma yin pa'i phung po tshad med grangs med dpag tu med pa yongs su bzung bas/ sems can dmyal ba dang/ byol song dang/ yi @230a @#/ /dwags kyi nang du sdug bsngal ba dang yid mi bde ba tshad med grangs med dpag tu med pa myong bar 'gyur ro/ /rab 'byor gyis gsol pa/ bcom ldan 'das/ skyes bu glen pa gang shes rab kyi pha rol tu phyin pa 'di slar spong ba de dag rnam pa du zhig gis/ shes rab kyi pha rol tu phyin pa zab mo 'di slar spong bar 'gyur/ bcom ldan 'das kyis bka' stsal pa/ rab 'byor/ skyes bu glen pa de dag rnam pa bzhis shes rab kyi pha rol tu phyin pa phyir spong bar 'gyur ro/ /gsol pa/ bzhi gang dang gang zhig lags/ bcom ldan 'das kyis bka' stsal pa/ skyes bu glen pa gang shes rab kyi pha rol tu phyin pa zab mo 'di spong ba de dag ni bdud kyis byin gyis brlabs pa yin te/ rab 'byor/ rgyu dang po des na shes rab kyi pha rol tu phyin pa zab mo 'di la phyir spong bar 'gyur ro/ /chos zab mo rnams la yid ches pa dang/ dad cing mos pa med pa yin te/ rgyu gnyis pa des na shes rab kyi pha rol tu phyin pa zab mo 'di la phyir spong bar 'gyur ro/ /rab 'byor/ skyes bu glen pa de dag ni sdig pa'i grogs po'i lag tu song ba yin te/ brtson 'grus med cing phung po lnga la mngon par zhen pas/ rgyu gsum pa des na shes rab kyi pha rol tu phyin pa zab mo 'di la phyir spong bar 'gyur ro/ /rab 'byor/ skyes bu glen pa de dag ni zhe sdang gi @230b spyod pa can yin te/ de dag bdag bstod cing gzhan smod par gyur pas/ rgyu bzhi pa des na shes rab kyi pha rol tu phyin pa zab mo 'di la phyir spong bar 'gyur te/ rab 'byor/ rnam pa bzhi po de dag gis skyes bu glen pa de dag shes rab kyi pha rol tu phyin pa zab mo 'di la phyir spong bar 'gyur ro/ /gsol pa/ bcom ldan 'das/ shes rab kyi pha rol tu phyin pa 'di ni brtson 'grus chung ba dang/ dge ba'i rtsa ba dang mi ldan zhing sdig pa'i grogs po'i sug par mchis pa rnams kyis mos par dka'o/ /bcom ldan 'das kyis bka' stsal pa/ rab 'byor/ de de bzhin te/ shes rab kyi pha rol tu phyin pa zab mo 'di ni brtson 'grus chung ba dang/ dge ba'i rtsa ba dang mi ldan zhing sdig pa'i grogs po'i lag tu lhung ba rnams kyis mos par dka'o/ /gsol pa/ bcom ldan 'das/ de ltar mos par dka' ba'i shes rab kyi pha rol tu phyin pa de ji tsam du zab pa lags/ bcom ldan 'das kyis bka' stsal pa/ rab 'byor/ gzugs ni ma bcings ma grol ba ste/ de ci'i phyir zhe na/ rab 'byor/ gzugs la rang bzhin med pa ni gzugs so/ /tshor ba dang/ 'du shes dang/ 'du byed dang/ rnam par shes pa ni ma bcings ma grol ba ste/ de ci'i phyir zhe na/ rab 'byor/ rnam par shes pa la rang bzhin med pa ni rnam par shes pa'o/ /rab 'byor/ skye mched dang/ khams @231a @#/ /dang/ rten cing 'brel par 'byung ba ma bcings ma grol ba'o/ /de ci'i phyir zhe na/ rten cing 'brel par 'byung ba la rang bzhin med pa ni rten cing 'brel par 'byung ba'o/ /sbyin pa'i pha rol tu phyin pa ni ma bcings ma grol ba ste/ de ci'i phyir zhe na/ rab 'byor/ sbyin pa'i pha rol tu phyin pa la rang bzhin med pa ni/ sbyin pa'i pha rol tu phyin pa'o/ /rab 'byor/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan kyi pha rol tu phyin pa dang/ shes rab kyi pha rol tu phyin pa ni ma bcings ma grol ba ste/ de ci'i phyir zhe na/ rab 'byor/ shes rab kyi pha rol tu phyin pa la rang bzhin med pa ni/ shes rab kyi pha rol tu phyin pa'o/ /rab 'byor/ nang stong pa nyid ni ma bcings ma grol ba ste/ de ci'i phyir zhe na/ rab 'byor/ nang stong pa nyid la rang bzhin med pa ni nang stong pa nyid do/ /rab 'byor; phyi stong pa nyid ni ma bcings ma grol ba ste/ de ci'i phyir zhe na/ rab 'byor/ phyi stong pa nyid la rang bzhin med pa ni phyi stong pa nyid do/ /rab 'byor/ phyi nang stong pa nyid ni ma bcings ma grol ba ste/ de ci'i phyir zhe na/ rab 'byor/ phyi nang stong pa nyid la rang bzhin med pa ni phyi nang stong pa nyid do/ /rab 'byor/ dngos po med pa'i ngo bo nyid stong @231b pa nyid kyi bar ni ma bcings ma grol ba ste/ de ci'i phyir zhe na/ rab 'byor/ dngos po med pa'i ngo bo nyid stong pa nyid la rang bzhin med pa ni/ dngos po med pa'i ngo bo nyid stong pa nyid do; ;rab 'byor/ dran pa nye bar bzhag pa rnams ni ma bcings ma grol ba ste/ de ci'i phyir zhe na/ rab 'byor/ dran pa nye bar bzhag pa rnams la rang bzhin med pa ni/ dran pa nye bar bzhag pa rnams so/ /rab 'byor/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa ni ma bcings ma grol ba ste/ de ci'i phyir zhe na/ rab 'byor/ 'phags pa'i lam yan lag brgyad pa la rang bzhin med pa ni/ 'phags pa'i lam yan lag brgyad pa'o/ /rab 'byor/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams ni ma bcings ma grol ba ste; de ci'i phyir zhe na/ rab 'byor/ gzugs med pa'i snyoms par 'jug pa rnams la rang bzhin med pa ni/ gzugs med pa'i snyoms par 'jug pa rnams so/ /rab 'byor/ rnam par thar pa rnams dang/ mthar gyis gnas pa'i snyoms par 'jug pa rnams dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams ni ma bcings ma grol @232a @#/ /ba ste/ de ci'i phyir zhe na/ rab 'byor/ mngon par shes pa rnams la rang bzhin med pa ni mngon par shes pa rnams so/ /rab 'byor/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang/ sangs rgyas kyi chos ma 'dres pa rnams ni ma bcings ma grol ba ste/ de ci'i phyir zhe na/ rab 'byor/ sangs rgyas kyi chos ma 'dres pa rnams la rang bzhin med pa ni; sangs rgyas kyi chos ma 'dres pa rnams so/ /rab 'byor/ thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid ni ma bcings ma grol ba ste/ de ci'i phyir zhe na/ rab 'byor/ rnam pa thams cad mkhyen pa nyid la rang bzhin med pa ni/ rnam pa thams cad mkhyen pa nyid do/ /rab 'byor/ gzugs kyi sngon gyi mtha' ni ma bcings ma grol ba ste/ de ci'i phyir zhe na/ rab 'byor/ sngon gyi mtha' dngos po med pa'i rang bzhin ni gzugs so/ /rab 'byor/ tshor ba dang/ 'du shes dang/ 'du byed dang/ rnam par shes pa'i sngon gyi mtha' ni ma bcings ma grol ba ste/ de ci'i phyir zhe na/ rab 'byor/ sngon gyi mtha' dngos po med pa'i rang bzhin ni rnam par shes pa'o/ /rab @232b 'byor; rnam pa thams cad mkhyen pa nyid kyi bar gyi sngon gyi mtha' ni ma bcings ma grol ba ste/ de ci'i phyir zhe na/ rab 'byor/ sngon gyi mtha' dngos po med pa'i rang bzhin ni/ /rnam pa thams cad mkhyen pa nyid do/ /rab 'byor/ gzugs kyi phyi ma'i mtha' ni ma bcings ma grol ba ste/ de ci'i phyir zhe na/ rab 'byor/ phyi ma'i mtha' dngos po med pa'i rang bzhin ni gzugs so/ / rab 'byor/ tshor ba dang/ 'du shes dang/ 'du byed dang/ rnam par shes pa'i phyi ma'i mtha' ni ma bcings ma grol ba ste/ de ci'i phyir zhe na/ rab 'byor/ phyi ma'i mtha' dngos po med pa'i rang bzhin ni rnam par shes pa'o/ /rab 'byor/ rnam pa thams cad mkhyen pa nyid kyi bar gyi phyi ma'i mtha' ni ma bcings ma grol ba ste/ de ci'i phyir zhe na/ rab 'byor/ phyi ma'i mtha' dngos po med pa'i rang bzhin ni rnam pa thams cad mkhyen pa nyid do/ /rab 'byor/ gzugs kyi da ltar byung ba ni ma bcings ma grol ba ste/ de ci'i phyir zhe na/ rab 'byor/ da ltar byung ba dngos po med pa'i rang bzhin ni gzugs so/ /rab 'byor/ tshor ba dang/ 'du shes dang/ 'du byed dang/ rnam par shes pa'i da ltar byung ba ni ma bcings ma grol ba ste/ de ci'i phyir zhe na/ rab 'byor/ da ltar byung ba dngos po med pa'i rang bzhin ni rnam par shes pa'o/ /rab 'byor/ rnam pa thams cad mkhyen pa nyid kyi bar gyi da ltar byung ba ni ma bcings ma grol ba @233a @#/ /ste; de ci'i phyir zhe na/ rab 'byor/ da ltar byung ba'i dngos po med pa'i rang bzhin ni rnam pa thams cad mkhyen pa nyid do/ /gsol pa/ bcom ldan 'das shes rab kyi pha rol tu phyin pa ni brtson 'grus chung ba/ dge ba'i rtsa ba ma bskyed pa/ sdig pa'i grogs po'i sug par lhung ba/ bdud kyi dbang du gyur ba le lo can/ brtson 'grus btang ba; dran pa nyams pa/ shes bzhin dang mi ldan pa rnams kyis mos par dka'o/ /bcom ldan 'das kyis bka' stsal pa/ rab 'byor/ de de bzhin te/ rab 'byor/ shes rab kyi pha rol tu phyin pa ni brtson 'grus chung ba/ dge ba'i rtsa ba ma bskyed pa/ sdig pa'i grogs po'i lag tu lhung ba/ bdud kyi dbang du gyur pa le lo can/ brtson 'grus btang ba/ dran pa nyams pa; shes bzhin dang mi ldan pa rnams kyis mos par dka'o/ /rab 'byor/ gzhan yang gzugs rnam par dag pa gang yin pa de ni/ 'bras bu rnam par dag pa'o/ /tshor ba dang/ 'du shes dang/ 'du byed dang/ rnam par shes pa rnam par dag pa gang yin pa de ni 'bras bu rnam par dag pa'o/ /skye mched dang/ khams dang/ rten cing 'brel par 'byung ba rnam par dag pa gang yin pa de ni 'bras bu rnam par dag pa'o/ /sbyin pa'i pha rol tu phyin pa rnam par dag pa gang yin pa de ni/ 'bras bu rnam par dag pa'o/ /tshul khrims kyi ph @233b rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa rnam par dag pa gang yin pa de ni/ 'bras bu rnam par dag pa'o/ /nang stong pa nyid rnam par dag pa gang yin pa de ni 'bras bu rnam par dag pa'o/ /dngos po med pa'i ngo bo nyid stong pa nyid kyi bar rnam par dag pa gang yin pa de ni/ 'bras bu rnam par dag pa'o/ /byang chub kyi phyogs kyi chos sum cu rtsa bdun rnam par dag pa gang yin pa de ni/ 'bras bu rnam par dag pa'o/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa rnams rnam par dag pa gang yin pa de ni/ 'bras bu rnam par dag pa'o/ /rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams rnam par dag pa gang yin pa de ni/ 'bras bu rnam par dag pa'o/ /ting nge 'dzin rnams dang/ gzungs kyi sgo rnams rnam par dag pa gang yin pa de ni 'bras bu rnam par dag pa'o/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres @234a @#/ /pa bco brgyad rnam par dag pa gang yin pa de ni/ 'bras bu rnam par dag pa'o/ /thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid rnam par dag pa gang yin pa de ni/ 'bras bu rnam par dag pa'o/ /rab 'byor/ gzhan yang gzugs yongs su dag pa gang yin pa de ni shes rab kyi pha rol tu phyin pa yongs su dag pa/ shes rab kyi pha rol tu phyin pa yongs su dag pa gang yin pa de ni gzugs yongs su dag pa ste/ de ltar na gzugs yongs su dag pa dang; shes rab kyi pha rol tu phyin pa yongs su dag pa 'di la gnyis su med de gnyis su byar med so so ma yin tha mi dad do/ /tshor ba dang/ 'du shes dang/ 'du byed dang/ rnam par shes pa yongs su dag pa gang yin pa de ni/ shes rab kyi pha rol tu phyin pa yongs su dag pa/ shes rab kyi pha rol tu phyin pa yongs su dag pa gang yin pa de ni/ rnam par shes pa yongs su dag pa ste/ de ltar na rnam par shes pa yongs su dag pa dang/ shes rab kyi pha rol tu phyin pa yongs su dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid kyi bar du yongs su dag pa gang yin pa de ni/ shes rab kyi pha rol tu phyin pa yongs su dag pa/ shes rab kyi pha rol tu phyin pa yongs @234b su dag pa gang yin pa de ni/ rnam pa thams cad mkhyen pa nyid yongs su dag pa ste/ de ltar na rnam pa thams cad mkhyen pa nyid yongs su dag pa dang/ shes rab kyi pha rol tu phyin pa yongs su dag pa 'di la gnyis su med de/ gnyis su byar med so so ma yin tha mi dad do/ /rab 'byor/ gzhan yang bdag rnam par dag pa gang yin pa de ni/ gzugs rnam par dag pa/ gzugs rnam par dag pa gang yin pa de ni/ bdag rnam par dag pa ste/ de ltar na bdag rnam par dag pa dang/ gzugs rnam par dag pa 'di la gnyis su med de gnyis su byar med so so ma yin tha mi dad do/ /bdag rnam par dag pa gang yin pa de ni; tshor ba dang/ 'du shes dang/ 'du byed dang/ rnam par shes pa rnam par dag pa/ rnam par shes pa rnam par dag pa gang yin pa de ni/ bdag rnam par dag pa ste/ de ltar na bdag rnam par dag pa dang/ rnam par shes pa rnam par dag pa 'di la gnyis su med de gnyis su byar med so so ma yin tha mi dad do/ /bdag rnam par dag pa gang yin pa de ni/ rnam pa thams cad mkhyen pa nyid kyi bar du rnam par dag pa/ rnam pa thams cad mkhyen pa nyid rnam par dag pa gang yin pa de ni/ bdag rnam par dag pa ste/ de ltar na bdag rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su @235a @#/ /byar med so so ma yin tha mi dad do/ /sems can dang/ srog dang/ gso ba dang/ skyes bu dang/ gang zag dang/ shed can dang/ shes bdag dang/ byed pa po dang/ tshor ba po dang/ shes pa po dang/ mthong ba po rnam par dag pa gang yin pa de ni/ gzugs rnam par dag pa/ gzugs rnam par dag pa gang yin pa de ni/ mthong ba po rnam par dag pa ste/ de ltar na mthong ba po rnam par dag pa dang/ gzugs rnam par dag pa 'di la gnyis su med de gnyis su byar med so so ma yin tha mi dad do/ /sems can dang/ mthong ba po'i bar du rnam par dag pa gang yin pa de ni/ tshor ba dang/ 'du shes dang/ 'du byed dang/ rnam par shes pa rnam par dag pa/ rnam par shes pa rnam par dag pa gang yin pa de ni/ mthong ba po rnam par dag pa ste/ de ltar na mthong ba po rnam par dag pa dang/ rnam par shes pa rnam par dag pa 'di la gnyis su med de gnyis su byar med so so ma yin tha mi dad do/ /sems can dang mthong ba po'i bar du rnam par dag pa gang yin pa de ni/ rnam pa thams cad mkhyen pa nyid kyi bar du rnam par dag pa/ rnam pa thams cad mkhyen pa nyid rnam par dag pa gang yin pa de ni/ mthong ba po rnam par dag pa ste/ de ltar na mthong ba po rnam par dag pa dang/ rnam pa thams cad mkhyen pa nyid rnam par @235b dag pa 'di la gnyis su med de gnyis su byar med so so ma yin tha mi dad do/ /rab 'byor/ gzhan yang bdag yongs su dag pas/ gzugs yongs su dag pa/ gzugs yongs su dag pas/ bdag yongs su dag pa ste/ de ltar na bdag yongs su dag pa dang/ gzugs yongs su dag pa 'di la gnyis su med de gnyis su byar med so so ma yin tha mi dad do/ /bdag yongs su dag pas/ tshor ba dang/ 'du shes dang/ rnam par shes pa yongs su dag pa/ rnam par shes pa yongs su dag pas dag yongs su dag pa ste/ de ltar na bdag yongs su dag pa dang/ rnam par shes pa yongs su dag pa 'di la gnyis su med de gnyis su byar med so so ma yin tha mi dad do/ /bdag yongs su dag pas/ rnam pa thams cad mkhyen pa nyid kyi bar du yongs su dag pa/ rnam pa thams cad mkhyen pa nyid yongs su dag pas/ bdag yongs su dag pa ste/ de ltar na bdag yongs su dag pa dang/ rnam pa thams cad mkhyen pa nyid yongs su dag pa 'di la gnyis su med de gnyis su byar med so so ma yin tha mi dad do/ /sems can dang/ mthong ba po'i bar du yongs su dag pas/ gzugs yongs su dag pa; gzugs yongs su dag pas/ mthong ba po'i bar du yongs su dag pa ste/ de ltar na mthong ba po yongs su dag pa dang/ gzugs yongs su dag pa 'di la gnyis su med de gnyis @236a @#/ /su byar med so so ma yin tha mi dad do/ /sems can dang/ mthong ba po'i bar du yongs su dag pas/ rnam pa thams cad mkhyen pa nyid kyi bar du yongs su dag pa/ rnam pa thams cad mkhyen pa nyid yongs su dag pas/ mthong ba po yongs su dag pa ste/ de ltar na mthong ba po yongs su dag pa dang/ rnam pa thams cad mkhyen pa nyid yongs su dag pa 'di la gnyis su med de gnyis su byar med so so ma yin tha mi dad do/ /rab 'byor/ gzhan yang 'dod chags rnam par dag pas/ gzugs rnam par dag pa/ gzugs rnam par dag pas/ 'dod chags rnam par dag pa ste/ de ltar na 'dod chags rnam par dag pa dang/ gzugs rnam par dag pa 'di la gnyis su med de gnyis su byar med so so ma yin tha mi dad do/ /'dod chags rnam par dag pas/ rnam pa thams cad mkhyen pa nyid kyi bar du rnam par dag pa/ rnam pa thams cad mkhyen pa nyid rnam par dag pas/ 'dod chags rnam par dag pa ste/ de ltar na 'dod chags rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do; ;zhe sdang rnam par dag pas/ gzugs rnam par dag pa/ gzugs rnam par dag pas/ zhe sdang rnam par dag pa ste/ de ltar na zhe sdang rnam par dag pa dang/ gzugs rnam par dag @236b pa 'di la gnyis su med de gnyis su byar med so so ma yin tha mi dad de/ /zhe sdang rnam par dag pas/ rnam pa thams cad mkhyen pa nyid kyi bar du rnam par dag pa/ rnam pa thams cad mkhyen pa nyid rnam par dag pas/ zhe sdang rnam par dag pa ste/ de ltar na zhe sdang rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /gti mug rnam par dag pas/ gzugs rnam par dag pa/ gzugs rnam par dag pas/ gti mug rnam par dag pa ste/ de ltar na gti mug rnam par dag pa dang/ gzugs rnam par dag pa 'di la gnyis su med de gnyis su byar med so so ma yin tha mi dad do/ /gti mug rnam par dag pas/ rnam pa thams cad mkhyen pa nyid kyi bar du rnam par dag pa/ rnam pa thams cad mkhyen pa nyid rnam par dag pas/ gti mug rnam par dag pa ste/ de ltar na gti mug rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /rab 'byor/ gzhan yang 'dod chags yongs su dag pas/ gzugs yongs su dag pa/ gzugs yongs su dag pas/ 'dod chags yongs su dag pa ste/ de ltar na 'dod chags yongs su dag pa dang/ gzugs yongs su dag pa 'di la gnyis su med de/ @237a @#/ /gnyis su byar med so so ma yin tha mi dad do/ /'dod chags yongs su dag pas/ rnam pa thams cad mkhyen pa nyid kyi bar du yongs su dag pa/ rnam pa thams cad mkhyen pa nyid yongs su dag pas/ 'dod chags yongs su dag pa ste/ de ltar na 'dod chags yongs su dag pa dang/ rnam pa thams cad mkhyen pa nyid yongs su dag pa 'di la gnyis su med de gnyis su byar med so so ma yin tha mi dad do/ /zhe sdang yongs su dag pas/ gzugs yongs su dag pa/ gzugs yongs su dag pas/ zhe sdang yongs su dag pa ste/ de ltar na zhe sdang yongs su dag pa dang/ gzugs yongs su dag pa 'di la gnyis su med de gnyis su byar med so so ma yin tha mi dad do/ /zhe sdang yongs su dag pas/ rnam pa thams cad mkhyen pa nyid kyi bar du yongs su dag pa/ rnam pa thams cad mkhyen pa nyid yongs su dag pas/ zhe sdang yongs su dag pa ste/ de ltar na zhe sdang yongs su dag pa dang/ rnam pa thams cad mkhyen pa nyid yongs su dag pa 'di la gnyis su med de gnyis su byar med so so ma yin tha mi dad do/ /gti mug yongs su dag pas; gzugs yongs su dag pa/ gzugs yongs su dag pas/ gti mug yongs su dag pa ste/ de ltar na gti mug yongs su dag pa dang/ gzugs yongs su dag pa 'di la @237b gnyis su med de gnyis su byar med so so ma yin tha mi dad do/ /gti mug yongs su dag pas/ rnam pa thams cad mkhyen pa nyid kyi bar du yongs su dag pa/ rnam pa thams cad mkhyen pa nyid yongs su dag pas/ gti mug yongs su dag pa ste/ de ltar na gti mug yongs su dag pa dang/ rnam pa thams cad mkhyen pa nyid yongs su dag pa 'di la gnyis su med de gnyis su byar med so so ma yin pa tha mi dad do/ /rab 'byor/ gzhan yang ma rig pa rnam par dag pas/ 'du byed rnam par dag pa/ 'du byed rnam par dag pas/ ma rig pa rnam par dag pa ste/ de ltar na ma rig pa rnam par dag pa dang/ 'du byed rnam par dag pa 'di la gnyis su med de gnyis su byar med so so ma yin tha mi dad do/ /'du byed rnam par dag pas/ rnam par shes pa rnam par dag pa/ rnam par shes pa rnam par dag pas/ ming dang gzugs rnam par dag pas/ ming dang gzugs rnam par dag pas/ skye mched drug rnam par dag pa/ skye mched drug rnam par dag pas; reg pa rnam par dag pa/ reg pa rnam par dag pas/ tshor ba rnam par dag pa/ tshor ba rnam par dag pas/ sred pa rnam par dag pa/ sred pa rnam par dag pas/ len pa rnam par dag pa/ len pa rnam par dag pas/ srid pa rnam par dag pa/ srid pa rnam par dag pas/ skye ba rnam par dag pa/ skye ba rnam par dag pas/ rga shi rnam par dag pa/ rga shi rnam par @238a @#/ /dag pas/ skye ba rnam par dag pa ste/ de ltar na skye ba rnam par dag pa dang/ rga shi rnam par dag pa 'di la gnyis su med de gnyis su byar med so so ma yin tha mi dad do/ /rga shi rnam par dag pas/ shes rab kyi pha rol tu phyin pa rnam par dag pa/ shes rab kyi pha rol tu phyin pa rnam par dag pas/ rga shi rnam par dag pa ste/ de ltar na rga shi rnam par dag pa dang/ shes rab kyi pha rol tu phyin pa rnam par dag pa 'di la gnyis su med de gnyis su byar med so so ma yin pa tha mi dad do/ /shes rab kyi pha rol tu phyin pa rnam par dag pas/ bsam gtan gyi pha rol tu phyin pa rnam par dag pa/ bsam gtan gyi pha rol tu phyin pa rnam par dag pas/ brtson 'grus kyi pha rol tu phyin pa rnam par dag pa/ brtson 'grus kyi pha rol tu phyin pa rnam par dag pas/ bzod pa'i pha rol tu phyin pa rnam par dag pa/ bzod pa'i pha rol tu phyin pa rnam par dag pas/ tshul khrims kyi pha rol tu phyin pa rnam par dag pa/ tshul khrims kyi pha rol tu phyin pa rnam par dag pas/ sbyin pa'i pha rol tu phyin pa rnam par dag pa/ sbyin pa'i pha rol tu phyin pa rnam par dag pas/ tshul khrims kyi pha rol tu phyin pa rnam par dag pa ste/ de ltar na sbyin pa'i pha rol tu phyin pa rnam par dag pa dang/ tshul khrims kyi pha rol tu phyin pa rnam par dag @238b pa 'di la gnyis su med de gnyis su byar med so so ma yin tha mi dad do/ /sbyin pa'i pha rol tu phyin pa rnam par dag pas/ nang stong pa nydi rnam par dag pa/ nang stong pa nyid rnam par dag pas/ sbyin pa'i pha rol tu phyin pa rnam par dag pa ste/ de ltar na sbyin pa'i pha rol tu phyin pa rnam par dag pa dang/ nang stong pa nyid rnam par dag pa 'di la gnyis su med de gnyis su byar med so so ma yin tha mi dad do/ /nang stong pa nyid rnam par dag pas/ phyi stong pa nyid rnam par dag pa/ phyi stong pa nyid rnam par dag pas/ phyi nang stong pa nyid rnam par dag pa/ phyi nang stong pa nyid rnam par dag pas/ ngo bo nyid stong pa nyid kyi bar du rnam par dag pa/ ngo bo nyid stong pa nyid kyi bar du rnam par dag pas/ dngos po med pa'i ngo bo nyid stong pa nyid rnam par dag pa/ dngos po med pa'i ngo bo nyid stong pa nyid rnam par dag pas/ ngo bo nyid stong pa nyid rnam par dag pa ste/ de ltar na ngo bo nyid stong pa nyid rnam par dag pa dang/ dngos po med pa'i ngo bo nyid stong pa nyid rnam par dag pa 'di la gnyis su med de gnyis su byar med so so ma yin tha mi dad do/ /dngos po med pa'i ngo bo nyid stong pa nyid rnam par dag pas/ dran pa nye bar bzhag pa rnam par dag pa/ dran pa nye bar bzhag pa rnam par dag pas/ dngos po med pa'i ngo bo nyid stong pa nyid rnam par dag pa ste/ de ltar na dngos po med pa'i ngo bo nyid stong pa nyid @239a @#/ /rnam par dag pa dang/ dran pa nye bar bzhag pa rnam par dag pa 'di la gnyis su med de gnyis su byar med so so ma yin tha mi dad do/ /dran pa nye ba bzhag pa rnam par dag pas/ yang dag par spong ba rnam par dag pa/ yang dag par spong ba rnam par dag pas/ rdzu 'phrul gyi rkang pa rnam par dag pa/ rdzu 'phrul gyi rkang pa rnam par dag pas/ dbang po rnam par dag pa/ dbang po rnam par dag pas/ stobs rnam par dag pa/ stobs rnam par dag pas/ byang chub kyi yan lag rnam par dag pa/ byang chub kyi yan lag rnam par dag pas/ lam rnam par dag pa/ lam rnam par dag pas/ byang chub kyi yan lag rnam par dag pa ste/ de ltar na byang chub kyi yan lag rnam par dag pa dang; lam rnam par dag pa 'di la gnyis su med de gnyis su byar med so so ma yin tha mi dad do/ /lam rnam par dag pas/ 'phags pa'i bden pa rnam par dag pa/ 'phags pa'i bden pa rnam par dag pas/ bsam gtan rnam par dag pa/ bsam gtan rnam par dag pas/ tshad med pa rnam par dag pa/ tshad med pa rnam par dag pas/ gzugs med pa'i snyoms par 'jug pa rnam par dag pa/ gzug med pa'i snyoms par 'jug pa rnam par dag pas/ rnam par thar pa brgyad rnam par dag pa/ rnam par thar pa brgyad @239b rnam par dag pas/ mthar gyis gnas pa'i snyoms par 'ju pa dgu rnam par dag pa/ mthar gyis gnas pa'i snyoms par 'jug pa dgu rnam par dag pas/ stong pa nyid dang/ mtshan pa med pa dang/ smon pa med pa rnam par dag pa/ stong pa nyid dang/ mtshan ma med pa dang/ smon pa med pa rnam par dag pas/ mngon par shes pa nam par dag pa; mngon par shes pa rnam par dag pas/ ting nge 'dzin rnam par dag pa/ ting nge 'dzin rnam par dag pas/ gzungs kyi sgo rnam par dag pa/ gzungs kyi sgo rnam par dag pas/ de bzhin gshegs pa'i stobs rnam par dag pa/ de bzhin gshegs pa'i stobs rnam par dag pas/ mi 'jigs pa rnam par dag pa/ mi 'jigs pa rnam par dag pas/ so so yang dag par rig pa rnam par dag pa/ so so yang dag par rig pa rnam par dag pas/ sangs rgyas kyi chos ma 'dres pa rnam par dag pa/ sangs rgyas kyi chos ma 'dres pa rnam par dag pas/ thams cad shes pa nyid rnam par dag pa/ thams cad shes pa nyid rnam par dag pas/ lam gyi rnam pa shes pa nyid rnam par dag pa/ lam gyi rnam pa shes pa nyid rnam par dag pas/ rnam pa thams cad mkhyen pa nyid rnam par dag pa/ rnam pa thams cad mkhyen pa nyid rnam par dag pas/ lam gyi rnam pa shes pa nyid rnam par dag pa ste/ @240a @#/ /de ltar na lam gyi rnam par shes pa nyid rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /rab 'byor/ gzhan yang shes rab kyi pha rol tu phyin pa rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol tu phyin pa rnam par dag pas/ tshor ba dang/ 'du shes dang/ 'du byed dang/ rnampar shes pa rnam par dag pa/ rnam par shes pa rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ rnam par shes pa rnam par dag pa dang/ rnam pa thams cad mkhyen pa nyid rnam par dag pa 'di la gnyis su med gnyis su byar med so so ma yin tha mi dad do/ /shes rab kyi pha rol tu phyin pa rnam par dag pas/ mig rnam par dag pa/ mig rnam par dag pas/ rnam pa thams cad mkhyen pa @240b nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ mig rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol tu phyin pa rnam par dag pas/ rna ba dang/ sna dang/ lce dang/ lus dang/ yid rnam par dag pa; yid rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ yid rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol tu phyin pa rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ gzugs rnam par dag pa dang; rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol tu phyin pa rnam par dag pas; sgra dang/ dri dang/ ro dang/ reg dang/ chos rnam par dag pa/ chos rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha @241a @#/ /rol tu phyin pa rnam par dag pa dang/ chos rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol tu phyin pa rnam par dag pas/ mig gi rnam par shes pa rnam par dag pa/ mig gi rnam par shes pa rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ mig gi rnam par shes pa rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol tu phyin pa rnam par dag pas/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa rnam par dag pa/ yid kyi rnam par shes pa rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ yid kyi rnam par shes pa rnam par dag pa dang; rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol tu phyin pa rnam par dag pas/ @241b mig gi 'dus te reg pa rnam par dag pa/ mig gi 'dus te reg pa rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ mig gi 'dus te reg pa rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do; ;shes rab kyi pha rol tu phyin pa rnam par dag pas/ rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa rnam par dag pa/ yid kyi 'dus te reg pa rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ yid kyi 'dus te reg pa rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol tu phyin pa rnam par dag pas/ mig gi 'dus te reg pa'i rkyen gyis tshor ba rnam par dag pa/ mig gi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ mig gi 'dus te reg pa'i rkyen gyis tshor ba rnam par dag pa dang/ rnam pa thams @242a @#/ /cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol tu phyin pa rnam par dag pas/ rna ba'i 'dus te reg pa'i rkyen gyis tshor ba dang/ sna'i 'dus te reg pa'i rkyen gyis tshor ba dang/ lce'i 'dus te reg pa'i rkyen gyis tshor ba dang/ lus kyi 'dus te reg pa'i rkyen gyis tshor ba dang/ yid kyi 'dus te reg pa'i rkyen gyis tshor ba rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ yid kyi 'dus te reg pa'i rkyen gyis tshor ba rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang/ gzugs rnam par dag pa dang/ rnam pa thams cad mkhyen pa @242b nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol tu phyin pa rnam par dag pas/ tshor ba dang/ 'du shes dang/ 'du byed dang/ rnam par shes pa rnam par dag pa/ rnam par shes pa rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang; rnam par shes pa rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol tu phyin pa rnam par dag pas/ mig rnam par dag pa/ mig rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang/ mig rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol tu phyin pa rnam par dag pas/ rna ba dang/ sna dang/ lce dang/ lus dang/ yid rnam par dag pa/ yid rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang/ yid rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de @243a @#/ /gnyis su byar med so so ma yin tha mi dad do/ /sbyin pa'i pha rol tu phyin pa rnam par dag pas/ gzugs rnam par dag pa/ gzugs rnam par dag pas; rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol tu phyin pa rnam par dag pas/ sgra dang/ dri dang/ ro dang/ reg dang/ chos rnam par dag pa/ chos rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang/ chos rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de/ gnyis su byar med so so ma yin tha mi dad do/ /sbyin pa'i pha rol tu phyin pa rnam par dag pas/ mig gi rnam par shes pa rnam par dag pa/ mig gi rnam par shes pa rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang/ mig gi rnam par shes pa rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ @243b sbyin pa'i pha rol tu phyin pa rnam par dag pas/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa rnam par dag pa/ yid kyi rnam par shes pa rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang/ yid kyi rnam par shes pa rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol tu phyin pa rnam par dag pas/ mig gi 'dus te reg pa rnam par dag pa/ mig gi 'dus te reg pa rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang/ mig gi 'dus te reg pa rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol tu phyin pa rnam par dag pas/ rna ba'i 'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa rnam par dag pa/ yid kyi 'dus te reg pa rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu @244a @#/ /phyin pa rnam par dag pa dang/ yid kyi 'dus te reg pa rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol tu phyin pa rnam par dag pas/ mig gi 'dus te reg pa'i rkyen gyis tshor ba rnam par dag pa/ mig gi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang/ mig gi 'dus te reg pa'i rkyen gyis tshor ba rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol tu phyin pa rnam par dag pas/ rna ba'i 'dus te reg pa'i rkyen gyis tshor ba dang/ sna'i 'dus te reg pa'i rkyen gyis tshor ba dang/ lce'i 'dus te reg pa'i rkyen gyis tshor ba dang/ lus kyi 'dus te reg pa'i rkyen gyis tshor ba dang/ yid kyi 'dus te reg pa'i rkyen gyis tshor ba rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol tu phyin pa rnam par dag pa dang/ yid kyi 'dus te reg pa'i rkyen gyis tshor ba rnam par dag pa dang/ rnam pa @244b thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /nang stong pa nyid rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na nang stong pa nyid rnam par dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /nang stong pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na nang stong pa nyid rnam par dag pa dang/ yid kyi 'dus te reg pa'i rkyen gyis tshor ba rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /dngos po med pa'i ngo bo nyid stong pa nyid kyi bar du rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na dngos po med pa'i ngo bo nyid stong pa nyid rnam par dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la @245a @#/ /gnyis su med de gnyis su byar med so so ma yin tha mi dad do/ /dngos po med pa'i ngo bo nyid stong pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na dngos po med pa'i ngo bo nyid stong pa nyid rnam par dag pa dang/ yid kyi 'dus te reg pa'i rkyen gyis tshor ba rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /dran pa nye bar bzhag pa rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na dran pa nye bar bzhag pa rnam par dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /dran pa nye bar bzhag pa rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na dran pa nye bar bzhag pa rnam par dag pa dang/ yid kyi @245b 'dus te reg pa'i rkyen gyis tshor ba rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /'phags pa'i lam yan lag brgyad pa'i bar du rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na 'phags pa'i lam yan lag brgyad pa rnam par dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /'phags pa'i lam yan lag brgyad pa'i bar du rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na 'phags pa'i lam yan lag brgyad pa rnam par dag pa dang/ yid kyi 'dus te reg pa'i rkyen gyis tshor ba rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do; ;'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par @246a @#/ /'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa rnam par dag pas; gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na sangs rgyas kyi chos ma 'dres pa rnam par dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa rnam par dag pas/ yid kyi 'dus te reg pa'i rkyen gyis tshor ba'i bar du rnam @246b par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na sangs rgyas kyi chos ma 'dres pa rnam par dag pa dang/ yid kyi 'dus te reg pa'i rkyen gyis tshor ba rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do; ;rgyun du zhugs pa'i 'bras bu rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na rgyun du zhugs pa'i 'bras bu rnam par dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do;; ;;shes rab kyi pha rol tu phyin pa stong phrag nyi shu lnga pa/ bam po sum cu dgu pa/ rgyun du zhugs pa'i 'bras bu rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na rgyun du zhugs pa'i 'bras bu rnam par dag pa dang/ yid kyi 'dus te reg pa'i rkyen gyis tshor ba rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med @247a @#/ /so so ma yin tha mi dad do/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na rang byang chub rnam par dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /lan gcig phyir 'ong ba'i 'bras bu dang; phyir mi 'ong ba'i 'bras bu dang/ dgra bcom pa nyid dang/ rang byang chub rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na rang byang chub rnam par dag pa dang/ yid kyi 'dus te reg pa'i rkyen gyis tshor ba rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /lam gyi rnam pa shes pa nyid rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na lam gyi rnam pa shes pa nyid rnam par @247b dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /lam gyi rnam pa shes pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na lam gyi rnam pa shes pa nyid rnam par dag pa dang/ yid kyi 'dus te reg pa'i rkyen gyis tshor ba rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na rnam pa thams cad mkhyen pa nyid rnam par dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na rnam pa thams cad @248a @#/ /mkhyen pa nyid rnam par dag pa dang/ yid kyi 'dus te reg pa'i rkyen gyis tshor ba rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /rab 'byor/ gzhan yang rnam pa thams cad mkhyen pa nyid rnam par dag pas/ gzugs rnam par dag pa; gzugs rnam par dag pas/ shes rab kyi pha rol tu phyin pa rnam par dag pa ste/ de ltar na rnam pa thams cad mkhyen pa nyid rnam par dag pa dang/ gzugs rnam par dag pa dang/ shes rab kyi pha rol tu phyin pa rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ tshor ba dang/ 'du shes dang/ 'du byed dang/ rnam par shes pa rnam par dag pa/ rnam par shes pa rnam par dag pas/ shes rab kyi pha rol tu phyin pa rnam par dag pa ste/ de ltar na rnam pa thams cad mkhyen pa nyid rnam par dag pa dang/ rnam par shes pa rnam par dag pa dang/ shes rab kyi pha rol tu phyin pa rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis @248b tshor ba rnam par dag pas/ shes rab kyi pha rol tu phyin pa rnam par dag pa ste/ de ltar na rnam pa thams cad mkhyen pa nyid rnam par dag pa dang/ yid kyi 'dus te reg pa'i rkyen gyis tshor ba rnam par dag pa dang/ shes rab kyi pha rol tu phyin pa rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ gzugs rnam par dag pa/ gzugs rnam par dag pas/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa rnam par dag pa ste/ de ltar na rnam pa thams cad mkhyen pa nyid rnam par dag pa dang/ gzugs rnam par dag pa dang/ sbyin pa'i pha rol tu phyin pa rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ bsam gtan gyi pha rol tu phyin pa dang/ brtson 'grus kyi pha rol tu phyin pa dang; bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa rnam par dag pa ste/ de ltar na rnam pa thams cad mkhyen pa nyid rnam par dag @249a @#/ /pa dang/ yid kyi 'dus te reg pa'i rkyen gyis tshor ba rnam par dag pa dang/ sbyin pa'i pha rol tu phyin pa rnam par dag pa 'di la gnyis su med de gnyis su byar med so so ma yin tha mi dad do/ /rab 'byor/ gzhan yang 'dus byas rnam par dag pas/ 'dus ma byas rnam par dag pa ste/ de ltar na 'dus byas rnam par dag pa dang/ 'dus ma byas rnam par dag pa 'di la gnyis su med de gnyis su byar med so so ma yin tha mi dad do/ /rab 'byor/ gzhan yang 'das pa rnam par dag pas/ ma 'ongs pa dang/ da ltar byung ba rnam par dag pa ste/ de ltar na 'das pa rnam par dag pa dang/ ma 'ongs pa dang/ da ltar byung ba rnam par dag pa 'di la gnyis su med de gnyis su byar med so so ma yin tha mi dad do/ /ma 'ongs pa rnam par dag pas/ 'das pa dang/ da ltar byung ba rnam par dag pa ste/ de ltar na ma 'ongs pa rnam par dag pa dang/ 'das pa dang/ da ltar byung ba rnam par dag pa 'di la gnyis su med de gnyis su byar med so so ma yin tha mi dad do/ /da ltar byung ba rnam par dag pas/ 'das pa dang/ ma 'ongs pa rnam par dag pa ste/ de ltar na da ltar byung ba rnam par dag pa dang/ 'das pa dang/ ma 'ongs pa rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol tu phyin pa stong phrag nyi shu lnga pa las/ sems can @249b dmyal ba'i le'u ste/ nyi shu drug pa'o// //de nas tshe dang ldan pa shA radwa ti'i bus bcom ldan 'das la 'di skad ces gsol to/ /bcom ldan 'das/ rnam par dag pa 'di ni zab bo/ /bcom ldan 'das kyis bka' stsal pa/ shin tu rnam par dag pa'i phyir ro/ /shA radwa ti'i bus gsol pa/ gang shin tu rnam par dag pa'i slad du/ rnam par dag pa zab pa lags/ bcom ldan 'das kyis bka' stsal pa/ shA radwa ti'i bu/ gzugs rnam par dag pa'i phyir/ rnam par dag pa zab bo/ /tshor ba dang/ 'du shes dang/ 'du byed dang/ rnam par shes pa rnam par dag pa'i phyir/ rnam par dag pa zab bo/ /mig rnam par dag pa'i phyir/ rnam par dag pa zab bo/ /rna ba dang/ sna dang/ lce dang/ lus dang/ yid rnam par dag pa'i phyir/ rnam par dag pa zab bo/ /gzugs rnam par dag pa'i phyir/ rnam par dag pa zab bo/ /sgra dang/ dri dang/ ro dang/ reg dang/ chos rnam par dag pa'i phyir/ rnam par dag pa zab bo/ /mig gi rnam par shes pa rnam par dag pa'i phyir/ rnam par dag pa zab bo/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa rnam par dag pa'i phyir/ rnam par dag pa zab bo/ /mig gi 'dus te reg pa rnam par dag pa'i phyir rnam par dag pa zab bo/ /rna ba'i @250a @#/ /'dus te reg pa dang/ sna'i 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa rnam par dag pa'i phyir rnam par dag pa zab bo/ /mig gi 'dus te reg pa'i rkyen gyis tshor ba rnam par dag pa'i phyir/ rnam par dag pa zab bo/ /rna ba'i 'dus te reg pa'i rkyen gyis tshor ba dang/ sna'i 'dus te reg pa'i rkyen gyis tshor ba dang/ lce'i 'dus te reg pa'i rkyen gyis tshor ba dang/ lus kyi 'dus te reg pa'i rkyen gyis tshor ba dang/ yid kyi 'dus te reg pa'i rkyen gyis tshor ba rnam par dag pa'i phyir/ rnam par dag pa zab bo/ /sa'i khams rnam par dag pa'i phyir/ rnam par dag pa zab bo/ /chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams rnam par dag pa'i phyir/ rnam par dag pa zab bo/ /ma rig pa rnam par dag pa'i phyir/ rnam par dag pa zab bo/ /'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi rnam par dag pa'i phyir/ rnam par dag pa zab bo/ /sbyin pa'i pha rol tu phyin pa rnam par dag pa'i phyir/ rnam par dag pa zab bo/ /tshul khrims kyi pha rol tu phyin pa dang/ bzod pa'i pha rol tu phyin pa dang/ @250b brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa rnam par dag pa'i phyir/ rnam par dag pa zab bo/ /nang stong pa nyid rnam par dag pa'i phyir/ rnam par dag pa zab bo/ /dngos po med pa'i ngo bo nyid stong pa nyid kyi bar du rnam par dag pa'i phyir/ rnam par dag pa zab bo/ /dran pa nye bar bzhag pa rnam par dag pa'i phyir/ rnam par dag pa zab bo/ /yang dag par spong ba dang/ rdzu 'phrul gyi rkang pa dang/ dbang po dang stobs dang/ byang chub kyi yan lag dang/ 'phags pa'i lam yan lag brgyad pa rnam par dag pa'i phyir/ rnam par dag pa zab bo/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad rnam par dag pa'i phyir/ rnam par dag pa zab bo/ /thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid rnam par dag pa'i phyir/ rnam @251a @#/ /par dag pa zab bo/ /gsol pa/ bcom ldan 'das/ rnam par dag pa ni snang pa'o/ /bcom ldan 'das kyis bka' stsal pa/ shin tu rnam par dag pa'i phyir ro; ;shA radwa ti'i bus gsol pa/ bcom ldan 'das/ gang rnam par dag pa'i slad du/ rnam par dag par snang ba lags/ bcom ldan 'das kyis bka' stsal pa/ shA radwa ti'i bu/ gzugs rnam par dag pa'i phyir/ rnam par dag pa snang ba'o/ /tshor ba dang/ 'du shes dang/ 'du byed dang/ rnam par shes pa rnam par dag pa'i phyir/ rnam par dag pa snang ba'o/ /mig rnam par dag pa'i phyir/ rnam par dag pa snang ba'o/ /rna ba dang/ sna dang/ lce dang/ lus dang/ yid rnam par dag pa'i phyir/ rnam par dag pa snang ba'o/ /gzugs rnam par dag pa'i phyir/ rnam par dag pa snang ba'o/ /sgra dang/ dri dang/ ro dang/ reg dang/ chos rnam par dag pa'i phyir/ rnam par dag pa snang ba'o/ /mig gi rnam par shes pa rnam par dag pa'i phyir; rnam par dag pa snang ba'o/ /rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa rnam par dag pa'i phyir/ rnam par dag pa snang ba'o/ /mig gi 'dus te reg pa rnam par dag pa'i phyir/ rnam par dag pa snang ba'o/ /rna ba'i 'dus te reg pa dang/ sna'i @251b 'dus te reg pa dang/ lce'i 'dus te reg pa dang/ lus kyi 'dus te reg pa dang/ yid kyi 'dus te reg pa rnam par dag pa'i phyir/ rnam par dag pa snang ba'o/ /mig gi 'dus te reg pa'i rkyen gyis tshor ba rnam par dag pa'i phyir/ rnam par dag pa snang ba'o/ /rna ba'i 'dus te reg pa'i rkyen gyis tshor ba dang/ sna'i 'dus te reg pa'i rkyen gyis tshor ba dang/ lce'i 'dus te reg pa'i rkyen gyis tshor ba dang/ lus kyi 'dus te reg pa'i rkyen gyis tshor ba dang/ yid kyi 'dus te reg pa'i rkyen gyis tshor ba rnam par dag pa'i phyir/ rnam par dag pa snang ba'o/ /sa'i khams rnam par dag pa'i phyir/ rnam par dag pa snang ba'o/ /chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams rnam par dag pa'i phyir/ rnam par dag pa snang ba'o/ /ma rig pa rnam par dag pa'i phyir/ rnam par dag pa snang ba'o/ /'du byed dang/ rnam par shes pa dang/ ming dang gzugs dang/ skye mched drug dang; reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi rnam par dag pa'i phyir/ rnam par dag pa snang ba'o/ /shes rab kyi pha rol tu phyin pa rnam par dag pa'i phyir/ rnam par dag pa snang ba'o/ /bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha @252a @#/ /rol tu phyin pa dang/ sbyin pa'i pha rol tu phyin pa rnam par dag pa'i phyir/ rnam par dag pa snang ba'o/ /nang stong pa nyid rnam par dag pa'i phyir/ rnam par dag pa snang ba'o/ /dngos po med pa'i ngo bo nyid stong pa nyid kyi bar du rnam par dag pa'i phyir/ rnam par dag pa snang ba'o/ /dran pa nye bar bzhag pa rnam par dag pa'i phyir/ rnam par dag pa snang ba'o/ /yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa rnam par dag pa'i phyir/ rnam par dag pa snang ba'o/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa rnam par dag pa'i phyir/ rnam par dag pa snang ba'o/ /rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnam par dag pa'i phyir/ rnam par dag pa snang ba'o/ /ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang; byams pa chen po dang/ snying rje chen po dang/ sangs rgyas kyi chos ma 'dres pa bco brgyad rnam par dag pa'i phyir/ rnam par dag pa snang ba'o/ /thams cad shes pa nyid dang/ lam gyi @252b rnam pa shes pa nyid dang/ rnam pa thams cad mkhyen pa nyid rnam par dag pa'i phyir/ rnam par dag pa snang ba'o/ /gsol pa/ bcom ldan 'das/ rnam par dag pa ni nying gi mtshams sbyor ba ma mchis pa'o/ /bcom ldan 'das kyis bka' stsal pa/ shin tu rnam par dag pa'i phyir ro/ /shA radwa ti'i bus gsol pa/ bcom ldan 'das/ gang la nying gi mtshams sbyor ba ma mchis pa rnam par dag pa lags/ bcom ldan 'das kyis bka' stsal pa/ gzugs la 'pho ba med cing nying gi mtshams sbyor ba med pa ni rnam par dag pa'o/ /tshor ba dang/ 'du shes dang/ 'du byed dang/ rnam par shes pa la 'pho ba med cing nying gi mtshams sbyor ba med pa ni rnam par dag pa'o/ /rnam pa thams cad mkhyen pa nyid kyi bar du 'pho ba med cing nying gi mtshams sbyor ba med pa ni rnam par dag pa'o/ /gsol pa/ bcom ldan 'das/ rnam par dag pa ni/ kun nas nyon mongs pa ma mchis pa'o/ /bcom ldan 'das kyis bka' stsal pa; shin tu rnam par dag pa'i phyir ro/ /shA radwa ti'i bus gsol pa/ bcom ldan 'das/ gang la kun nas nyon mongs pa ma mchis pa'i slad du/ kun nas nyon mongs pa ma mchis pa rnam par dag pa lags/ bcom ldan 'das kyis bka' stsal pa/ gzugs rang bzhin gyis 'od gsal ba'i phyir rnam par dag pa kun nas nyon mongs pa med pa'o/ /tshor ba dang/ 'du @253a @#/ /shes dang/ 'du byed dang/ rnam par shes pa rang bzhin gyis 'od gsal ba'i phyir rnam par dag pa kun nas nyon mongs pa med pa'o/ /rnam pa thams cad mkhyen pa nyid kyi bar du rang bzhin gyis 'od gsal ba'i phyir/ rnam par dag pa kun nas nyon mongs pa med pa'o/ /gsol pa/ bcom ldan 'das/ rnam par dag pa ni thob par bgyi ba dang/ mngon par rtogs par bgyi ba ma mchis pa'o/ /bcom ldan 'das kyis bka' stsal pa/ shA radwa ti'i bu/ shin tu rnam par dag pa'i phyir ro/ /gsol pa/ bcom ldan 'das/ gang la thob par bgyi ba ma mchis pa dang/ mngon par rtogs par bgyi ba ma mchis pa rnam par dag pa lags/ bcom ldan 'das kyis bka' stsal pa/ gzugs thob par bya ba med pa dang/ mngon par rtogs par bya ba med pa ni rnam par dag pa'o/ /tshor ba dang/ 'du shes dang/ 'du byed dang/ rnam par shes pa thob par bya ba med pa dang/ mngon par rtogs par bya ba med pa ni rnam par dag pa'o/ /rnam pa thams cad mkhyen pa nyid kyi bar du thob par bya ba med pa dang/ mngon par rtogs par bya ba med pa ni rnam par dag pa'o/ /gsol pa/ bcom ldan 'das/ rnam par dag pa ni mngon par mgrub pa'o/ /bcom ldan 'das kyis kyis bka' stsal pa/ shA radwa ti'i bu/ shin tu rnam par dag pa'i phyir ro/ /gsol pa/ bcom ldan 'das/ gang mngon @253b par ma grub pa rnam par dag pa lags/ bcom ldan 'das kyis bka' stsal pa/ shA radwa ti'i bu/ gzugs mngon par ma grub pa ni rnam par dag pa'o/ /tshor ba dang/ 'du shes dang/ 'du byed dang/ rnam par shes pa mngon par ma grub pa ni rnam par dag pa'o/ /rnam pa thams cad mkhyen pa nyid kyi bar du mngon par ma grub pa ni rnam par dag pa'o/ /gsol pa/ bcom ldan 'das; rnam par dag pa ni 'dod pa'i khams su skye ba ma lags so/ /bcom ldan 'das kyis bka' stsal pa/ shA radwa ti'i bu/ shin tu rnam par dag pa'i phyir ro/ /gsol pa/ bcom ldan 'das/ ci'i slad du rnam par dag pa 'dod pa'i khams su skye ba ma lags/ bcom ldan 'das kyis bka' stsal pa/ shA radwa ti'i bu/ 'dod pa'i khams rang bzhin gyis mi dmigs pa'i phyir rnam par dag pa ni skye ba ma yin no/ /gsol pa/ bcom ldan 'das/ rnam par dag pa ni gzugs kyi khams su skye ba ma lags so/ /bcom ldan 'das kyis bka' stsal pa/ shA radwa ti'i bu/ shin tu rnam par dag pa'i phyir ro/ /gsol pa/ bcom ldan 'das/ ci'i slad du rnam par dag pa gzugs kyi khams su skye ba ma lags/ bcom ldan 'das kyis bka' stsal pa; shA radwa ti'i bu/ gzugs kyi khams rang bzhin gyis mi dmigs pa'i phyir/ rnam par dag pa ni skye ba ma yin no/ /gsol pa/ bcom ldan 'das/ rnam par dag pa ni gzugs med pa'i @254a @#/ /khams su skye ba ma lags so/ /bcom ldan 'das kyis bka' stsal pa/ shA radwa ti'i bu/ shin tu rnam par dag pa'i phyir ro/ /gsol pa/ bcom ldan 'das; ci'i slad du rnam par dag pa gzugs med pa'i khams su skye ba ma lags/ bcom ldan 'das kyis bka' stsal pa/ shA radwa ti'i bu/ gzugs med pa'i khams rang bzhin gyis mi dmigs pa'i phyir/ rnam par dag pa ni skye ba ma yin no/ /gsol pa/ bcom ldan 'das/ rnam par dag pa ni 'tshal ba ma mchis pa'o/ /bcom ldan 'das kyis bka' stsal pa/ shA radwa ti'i bu/ shin tu rnam par dag pa'i phyir ro/ /gsol pa/ bcom ldan 'das/ ji ltar na rnam par dag pa 'tshal ba ma mchis pa lags/ bcom ldan 'das kyis bka' stsal pa/ shA radwa ti'i bu/ chos la sems med pa'i phyir rnam par dag pa la shes pa med do/ /gsol pa/ bcom ldan 'das/ rnam par dag pas gzugs ma 'tshal to/ /bcom ldan 'das kyis bka' stsal pa/ shA radwa ti'i bu/ shin tu rnam par dag pa'i phyir ro/ /gsol pa/ bcom ldan 'das/ ji ltar na rnam par dag pas gzug ma 'tshal ba lags/ bcom ldan 'das kyis bka' stsal pa/ rang gi mtshan nyid stong pa nyid kyi phyir rnam par dag pas gzugs mi shes so/ /gsol pa/ bcom ldan 'das/ rnam par dag @254b pas tshor ba dang/ 'du shes dang/ 'du byed dang/ rnam par shes pa ma 'tshal to/ /bcom ldan 'das kyis bka' stsal pa/ shA radwa ti'i bu/ shin tu rnam par dag pa'i phyir ro/ /shA radwa ti'i bus gsol pa/ bcom ldan 'das/ ji ltar na rnam par dag pas/ tshor ba dang/ 'du shes dang/ 'du byed dang/ rnam par shes pa ma 'tshal ba lags/ bcom ldan 'das kyis bka' stsal pa/ shA radwa ti'i bu/ rang gi mtshan nyid stong pa nyid kyi phyir/ rnam par dag pas tshor ba dang/ 'du shes dang/ 'du byed dang/ rnam par shes pa mi shes so/ /gsol pa/ bcom ldan 'das/ rnam par dag pas chos thams cad ma 'tshal to/ /bcom ldan 'das kyis bka' stsal pa/ shA radwa ti'i bu/ shin tu rnam par dag pa'i phyir ro/ /gsol pa/ bcom ldan 'das; ji ltar na rnam par dag pas chos thams cad ma 'tshal ba lags/ bcom ldan 'das kyis bka' stsal pa/ shA radwa ti'i bu/ rang gi mtshan nyid stong pa nyid kyi phyir/ rnam par dag pas chos thams cad mi shes so/ /gsol pa/ bcom ldan 'das/ shes rab kyi pha rol tu phyin pa ni rnam pa thams cad mkhyen pa nyid la sman par mi bgyid/ gnod par mi bgyid do/ /bcom ldan 'das kyis bka' stsal pa/ shA radwa ti'i bu/ shin tu rnam par dag pa'i phyir ro/ /gsol pa/ bcom ldan 'das/ ji ltar na shes rab kyi pha rol tu phyin pa rnam pa thams cad mkhyen pa nyid la sman par @255a @#/ /mi bgyid/ gnod par mi bgyid pa lags/ bcom ldan 'das kyis bka' stsal pa/ shA radwa ti'i bu/ chos kyi dbyings 'dug pa nyid kyi phyir/ shes rab kyi pha rol tu phyin pa rnam pa thams cad mkhyen pa nyid la phan par mi byed/ gnod par mi byed do/ /gsol pa/ bcom ldan 'das/ shes rab kyi pha rol tu phyin pa rnam par dag pa ni chos gang yang yongs su len pa ma mchis so/ /bcom ldan 'das kyis bka' stsal pa/ shA radwa ti'i bu/ shin tu rnam par dag pa'i phyir ro/ /gsol pa/ bcom ldan 'das/ ji ltar na shes rab kyi pha rol tu phyin pa rnam par dag pa chos gang yang yongs su len pa ma mchis pa lags/ bcom ldan 'das kyis bka' stsal pa/ shA radwa ti'i bu/ chos kyi dbyings mi g.yo ba'i phyir/ shes rab kyi pha rol tu phyin pa rnam par dag pa chos gang yang yongs su len pa med do/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das/ bdag rnam par dag pa'i slad du gzugs rnam par dag pa'o/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro/ /gsol pa/ bcom ldan 'das/ ci'i slad du na bdag rnam par dag pas gzugs rnam par dag pa lags/ bcom ldan 'das kyis bka' stsal pa/ rab 'byor/ shin tu rnam par dag pa'i phyir te/ @255b bdag med pa'i phyir gzugs med pa ni shin tu rnam par dag pa'o/ /gsol pa/ bcom ldan 'das/ bdag rnam par dag pa'i slad du/ tshor ba dang/ 'du shes dang/ 'du byed dang/ rnam par shes pa rnam par dag pa'o/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro/ /gsol pa/ bcom ldan 'das/ ci'i slad du na bdag rnam par dag pas tshor ba dang/ 'du shes dang/ 'du byed dang/ rnam par shes pa rnam par dag pa lags/ bcom ldan 'das kyis bka' stsal pa/ rab 'byor/ shin tu rnam par dag pa'i phyir te/ bdag med pa'i phyir tshor ba dang/ 'du shes dang/ 'du byed dang/ rnam par shes pa med pa ni shin tu rnam par dag pa'o/ /gsol pa/ bcom ldan 'das/ bdag rnam par dag pa'i slad du; skye mched dang/ khams dang/ rten cing 'brel par 'byung ba rnam par dag pa'o/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro/ /gsol pa/ bcom ldan 'das/ ci'i slad du na bdag rnam par dag pas skye mched dang/ khams dang/ rten cing 'brel par 'byung ba rnam par dag pa lags/ bcom ldan 'das kyis bka' stsal pa/ rab 'byor; shin tu rnam par dag pa'i phyir te/ bdag med pa'i phyir skye mched dang/ khams dang/ rten cing 'brel par 'byung ba med pa ni shin tu rnam par dag pa'o/ /gsol pa/ bcom ldan @256a @#/ /'das; bdag rnam par dag pa'i slad du/ sbyin pa'i pha rol tu phyin pa rnam par dag pa'o/ /bcom ldan 'das/ bdag rnam par dag pa'i slad du/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa rnam par dag pa'o/ /bcom ldan 'das/ bdag rnam par dag pa'i slad du nang stong pa nyid rnam par dag pa'o/ /bcom ldan 'das/ bdag rnam par dag pa'i slad du/ dngos po med pa'i ngo bo nyid stong pa nyid kyi bar du rnam par dag pa'o/ /bcom ldan 'das/ bdag rnam par dag pa'i slad du/ dran pa nye bar bzhag pa rnam par dag pa'o/ /bcom ldan 'das/ bdag rnam par dag pa'i slad du/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa rnam par dag pa'o/ /bcom ldan 'das/ bdag rnam par dag pa'i slad du/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa rnam par dag pa'o/ /bcom ldan 'das/ bdag rnam par dag pa'i slad du/ rnam par thar pa brgyad dang/ mthar gyis gnas pa'i snyoms par 'jug pa dgu @256b dang; stong pa nyid dang/ mtshan ma med pa dang/ smon pa med pa dang/ mngon par shes pa rnam par dag pa'o/ /bcom ldan 'das/ bdag rnam par dag pa'i slad du/ ting nge 'dzin dang/ gzungs kyi sgo rnam par dag pa'o/ /bcom ldan 'das/ bdag rnam par dag pa'i slad du/ de bzhin gshegs pa'i stobs dang/ mi 'jigs pa dang/ so so yang dag par rig pa rnam par dag pa'o/ /bcom ldan 'das/ bdag rnam par dag pa'i slad du/ sangs rgyas kyi chos ma 'dres pa bco brgyad rnam par dag pa'o/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro; ;gsol pa/ bcom ldan 'das/ ci'i slad du na/ bdag rnam par dag pas/ sangs rgyas kyi chos ma 'dres pa bco brgyad rnam par dag pa lags/ bcom ldan 'das kyis bka' stsal pa/ rab 'byor; shin tu rnam par dag pa'i phyir ste/ bdag med pa'i phyir sangs rgyas kyi chos ma 'dres pa bco brgyad med pa ni shin tu rnam par dag pa'o/ /gsol pa/ bcom ldan 'das/ bdag rnam par dag pa'i slad du/ rgyun du zhugs pa'i 'bras bu rnam par dag pa'o/ /bcom ldan 'das/ bdag rnam par dag pa'i slad du/ lan gcig phyir 'ong ba'i 'bras bu rnam par dag pa'o/ /bcom ldan 'das/ bdag rnam par dag pa'i slad du/ phyir mi 'ong ba'i 'bras bu rnam par dag pa'o/ /bcom ldan 'das/ bdag rnam par dag pa'i slad du/ dgra bcom pa nyid rnam par dag pa'o/ /bcom @257a @#/ /ldan 'das/ bdag rnam par dag pa'i slad du/ rang byang chub rnam par dag pa'o/ /bcom ldan 'das/ bdag rnam par dag pa'i slad du/ byang chub rnam par dag pa'o/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro/ /gsol pa/ bcom ldan 'das/ ci'i slad du bdag rnam par dag pas/ rgyun du zhugs pa'i 'bras bu rnam par dag pa lags/ ci'i slad du bdag rnam par dag pas/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub rnam par dag pa lags/ bcom ldan 'das kyis bka' stsal pa/ rang gi mtshan nyid stong pa nyid kyi phyir ro/ /gsol pa/ bcom ldan 'das/ bdag rnam par dag pa'i slad du/ lam gyi rnam shes pa nyid rnam par dag pa'o/ /bcom ldan 'das/ bdag rnam par dag pa'i slad du/ rnam pa thams cad mkhyen pa nyid rnam par dag pa'o/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro/ /gsol pa/ bcom ldan 'das/ ci'i slad du bdag rnam par dag pas/ lam gyi rnam pa shes pa nyid rnam par dag pa lags/ ci'i slad du bdag rnam par dag pas/ rnam pa thams cad mkhyen pa nyid rnam par dag pa lags/ bcom ldan 'das kyis bka' stsal pa/ rang gi mtshan @257b nyid stong pa nyid kyi phyir ro/ /gsol pa/ bcom ldan 'das/ gnyis su ma mchis shing rnam par dag pa ni thob par bgyi ba ma lags/ mngon par rtogs par bgyi ba ma lags so/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro/ /gsol pa/ bcom ldan 'das/ ci'i slad du gnyis su ma mchis shing/ rnam par dag pa thob par bgyi ba ma lags/ mngon par rtogs par bgyi ba ma lags/ bcom ldan 'das kyis bka' stsal pa/ kun nas nyon mongs pa med cing rnam par byang ba med pa'i phyir ro/ /gsol pa/ bcom ldan 'das/ bdag kun tu mtha' yas pa'i slad du gzugs kun tu mtha' yas pa'o/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro/ /gsol pa; bcom ldan 'das/ ci'i slad du bdag kun tu mtha' yas pas gzugs kun tu mtha' yas pa rnam par dag pa lags/ bcom ldan 'das kyis bka' stsal pa/ mtha' las 'das pa stong pa nyid dang/ thog ma dang tha ma med pa stong pa nyid kyi phyir ro/ /gsol pa/ bcom ldan 'das/ bdag kun tu mtha' yas pa'i slad du tshor ba dang/ 'du shes dang/ 'du byed dang/ rnam par shes pa kun tu mtha' yas pa'o/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro/ /gsol pa/ bcom ldan 'das/ ci'i slad du bdag kun tu mtha' @258a @#/ /yas pas tshor ba dang/ 'du shes dang/ 'du byed dang/ rnam par shes pa kun tu mtha' yas pa rnam par dag pa lags/ bcom ldan 'das kyis bka' stsal pa/ mtha' las 'das pa stong pa nyid dang/ thog ma dang tha ma med pa stong pa nyid kyi phyir ro/ /gsol pa/ bcom ldan 'das/ bdag kun tu mtha' yas pa'i slad du/ rnam pa thams cad mkhyen pa nyid kyi bar du kun tu mtha' yas pa'o/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro/ /gsol pa/ bcom ldan 'das/ ci'i slad du/ bdag kun tu mtha' yas pas/ rnam pa thams cad mkhyen pa nyid kun tu mtha' yas pa rnam par dag pa lags/ bcom ldan 'das kyis bka' stsal pa/ mtha' las 'das pa stong pa nyid dang/ thog ma dang tha ma med pa stong pa nyid kyi phyir ro/ /gsol pa/ bcom ldan 'das/ gang de ltar rtogs pa ni byang chub sems dpa' sems dpa' chen po'i shes rab kyi pha rol tu phyin pa'o/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro/ /gsol pa/ bcom ldan 'das/ ci'i slad du gang de ltar rtogs pa de byang chub sems dpa' sems dpa' chen po'i shes rab kyi pha rol tu phyin pa lags/ bcom ldan 'das kyis bka' stsal pa/ lam gyi rnam pa shes pa nyid kyi phyir ro/ /gsol pa/ @258b bcom ldan 'das/ gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ tshu rol gyi 'gram mam/ pha rol gyi 'gram mam/ gnyis kyi dbus na mi gnas na/ de ni byang chub sems dpa' sems dpa' sems dpa' chen po'i shes rab kyi pha rol tu phyin pa'o/ /bcom ldan 'das kyis bka' stsal pa/ rab 'byor/ shin tu rnam par dag pa'i phyir ro/ /gsol pa/ bcom ldan 'das/ ci'i slad du/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ tshu rol gyi 'gram mam/ pha rol gyi 'gram mam/ gnyis ka'i dbus na mi gnas shing shin tu rnam par dag pa lags/ bcom ldan 'das kyi sa bka' stsal pa/ rab 'byor/ dus gsum mnyam pa nyid kyi phyir ro/ / gsol pa/ bcom ldan 'das/ gal te byang chub sems dpa'i theg pa pa'i rigs kyi bu'am rigs kyi bu mo thabs mi mkhas pas/ shes rab kyi pha rol tu phyin pa 'di la dmigs pa'i tshul du 'du shes su bgyid pa ni/ shes rab kyi pha rol tu phyin pa gsog tu 'byin pa'o/ /shes rab kyi pha rol tu phyin pa ring du spong ba'o/ /bcom ldan 'das kyis bka' stsal pa/ rab 'byor/ de de bzhin te/ rab 'byor/ legs so/ /legs so/ /rab 'byor/ de ni ming du yang chags pa yin/ mtshan mar yang chags pa yin/ gsol pa/ bcom ldan 'das/ ji ltar na ming du'ang @259a @#/ /chags shing mtshan mar yang chags pa lags/ bcom ldan 'das kyis bka' stsal pa/ rab 'byor/ 'di la rigs kyi bu'am rigs kyi bu mo byang chub sems dpa'i theg pa pa shes rab kyi pha rol tu phyin pa la ming du 'dzin tam/ mtshan mar 'dzin na/ de ni shes rab kyi pha rol tu phyin pa la ming dang mtshan mar 'dzin cing/ shes rab kyi pha rol tu phyin pa la chags pas shes rab kyi pha rol tu phyin pa gsog tu 'byin to/ /shes rab kyi pha rol tu phyin pa ring du spong ngo/ /rab 'byor/ gal te rigs kyi bu'am rigs kyi bu mo byang chub sems dpa'i theg pa pa shes rab kyi pha rol tu phyin pa la mtshan mar 'dzin cing/ de shes rab kyi pha rol tu phyin pa la mtshan mar bzung nas/ shes rab kyi pha rol tu phyin pas rlom sems su byed na/ de shes rab kyi pha rol tu phyin pas rlom sems su byed cing/ shes rab kyi pha rol tu phyin pa la chags pas/ shes rab kyi pha rol tu phyin pa gsog tu 'phyin to/ /shes rab kyi pha rol tu phyin pa ring du spong ngo/ rab 'byor gyis gsol pa/ bcom ldan 'das/ byang chub sems dpa' sems dpa' chen po rnams la shes rab kyi pha rol tu phyin pa 'di yang de ltar legs par bshad cing legs par bstan la/ chags pa dang ma chags pa de dag kyang ma mchis pa ngo mtshar che'o/ /de nas tshe dang ldan pa shA radwa @259b ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor/ byang chub sems dpa' sems dpa' chen po rnams kyi chags pa ni gang yin/ ma chags pa ni gang yin/ rab 'byor gyis smras pa/ tshe dang ldan pa shA radwa ti'i bu/ 'di la byang chub sems dpa'i theg pa pa'i rigs kyi bu'am rigs kyi bu mo thabs mi mkhas pas/ gzugs stong ba'o zhes bya bar 'du shes na chags pa'o/ /tshor ba dang/ 'du shes dang/ 'du byed dang/ rnam par shes pa stong pa'o zhes bya bar 'du shes na chags pa'o/ /skye mched dang/ khams dang/ rten cing 'brel par 'byung ba stong pa'o zhes bya bar 'du shes na chags pa'o/ /sbyin pa'i pha rol tu phyin pa stong pa'o zhes bya bar 'du shes na chags pa'o/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa stong pa'o/ /zhes bya bar 'du shes na chags pa'o/ /nang stong pa nyid stong pa'o zhes bya bar 'du shes na chags pa'o/ /dngos po med pa'i ngo bo nyid stong pa nyid kyi bar du stong pa'o zhes bya bar 'du shes na chags pa'o/ /dran pa nye bar bzhag pa rnams stong pa'o zhes bya bar 'du shes na chags pa'o/ /yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang @260a @#/ /chug kyi yan lag dang/ 'phags pa'i lam yan lag brgyad pa stong pa'o zhes bya bar 'du shes na chags pa'o/ /'phags pa'i bden pa rnams stong pa'o zhes bya bar 'du shes na chags pa'o/ /bsam gtan dang/ tshad med pa dang/ gzugs med pa'i snyoms par 'jug pa rnams stong pa'o zhes bya bar 'du shes na chags pa'o/ /rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams stong pa'o zhes bya bar 'du shes na chags pa'o/ /ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa bco brgyad stong pa'o zhes bya bar 'du shes na chags pa'o/ / rnam pa thams cad mkhyen pa nyid kyi bar du stong pa'o zhes bya bar 'du shes na chags pa'o/ /tshe dang ldan pa shA radwa ti'i bu/ gzhan yang byang chub sems dpa'i theg pa pa'i rigs kyi bu'am rigs kyi bu mo thabs mi mkhas pas 'das pa'i chos rnams la 'das pa'i chos zhes bya bar 'du shes na chags pa'o/ /ma 'ongs pa'i chos rnams @260b la ma 'ongs pa'i chos zhes bya bar 'du des na chags pa'o/ /da ltar byung ba'i chos rnams la da ltar byung ba'i chos zhes bya bar 'du shes na chags pa'o/ /tshe dang ldan pa shA radwa ti'i bu/ gzhan yang byang chub sems dpa'i theg pa pa'i rigs kyi bu'am rigs kyi bu mo dmigs pa'i tshul du/ sems dang po bskyed pa nas nye bar bzung ba nas/ sbyin pa'i pha rol tu phyin pa la spyod na chags pa'o/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la spyod na chags pa'o/ /nang stong pa nyid la spyod na chags pa'o/ /dngos po med pa'i ngo bo nyid stong pa nyid kyi bar la spyod na chags pa'o/ /dran pa nye bar bzhag pa rnams la spyod na chags pa'o/ /yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa la spyod na chags pa'o/ /'phags pa'i bden pa rnams la spyod na chags pa'o/ /bsam gtan dang/ tshad med pa dang/ gzugs med pa'i snyoms par 'jug pa rnams la spyod na chags pa'o/ / rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams la spyod na chags @261a @#/ /pa'o; ;ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa bco brgyad la spyod na chags pa'o/ /rnam pa thams cad mkhyen pa nyid kyi bar la spyod na chags pa'o/ /tshe dang ldan pa shA radwa ti'i bu/ gang yang 'di skad du byang chub sems dpa' sems dpa'chen po shes rab kyi pha rol tu phyin pa la spyod pa rnams kyi chags pa med pa gang zhes zer ba ni/ tshe dang ldan pa shA radwa ti'i bu/ 'di la byang chub sems dpa' sems dpa' chen po thabs mkhas pa/ shes rab kyi pha rol tu phyin pa la spyod pa ni/ gzugs la gzugs zhes bya ba 'du shes pa med do/ /tshor ba dang/ 'du shes dang/ 'du byed dang/ rnam par shes pa la rnam par shes pa zhes bya bar 'du shes pa med do/ /'das pa'i chos rnams la 'das pa'i chos zhes bya bar 'du shes pa med do/ /ma 'ongs pa'i chos rnams la ma 'ongs pa'i chos zhes bya bar 'du shes pa med do/ /da ltar byung ba'i chos rnams la da ltar byung ba'i chos zhes bya bar 'du shes pa med do/ /tshe dang ldan pa shA radwa ti'i bu/ byang chub sems dpa' sems dpa' chen po thabs mkhas pa shes rab kyi pha rol tu phyin pa la spyod pa ni/ 'di snyam du bdag gis sbyin pa zhig sbyin no/ /'di la sbyin pa 'di lta bu zhig sbyin zhe'am/ bdag gis ni tshul khrims shig @261b bsrung ngo/ /tshul khrims 'di lta bu zhig bsrung ngo zhe'am/ bdag gis ni bzod pa zhig bsgom mo/ /bzod pa 'di lta bu zhig bsgom mo zhe'am/ bdag gis ni brtson 'grus shig brtsam mo/ / brtson 'grus 'di lta bu zhig brtsam mo zhe'am/ bdag gis ni bsam gtan zhig la mnyam par gzhag go /bsam gtan 'di lta bu zhig la mnyam par gzhag go zhe'am/ bdag gis ni shes rab cig bsgom mo/ /shes rab 'di lta bu zhig bsgom mo zhe'am/ bdag gis ni bsod nams shig bskyed do/ /bsod nams 'di lta bu zhig bskyed do/ /bsod nams 'di tsam zhig bskyed do zhe'am/ bdag gis ni byang chub sems dpa'i skyon med par chud par bya'o zhe'am/ bdag gis ni sangs rgyas kyi zhing yongs su dag par bya'o zhe'am/ bdag gis ni sems can yongs su smin par bya'o zhe'am/ bdag gis ni rnam pa thams cad mkhyen pa nyid thob par bya'o snyam du sems pa med de/ tshe dang ldan pa shA radwa ti'i bu/ byang chub sems dpa' sems dpa' chen po thabs mkhas pas shes rab kyi pha rol tu phyin pa la spyod pa la ni/ rnam par rtog pa de lta bu thams cad dang/ nang stong pa nyid dang/ phyi stong pa nyid dang/ phyi nang stong pa nyid dang/ stong pa nyid stong pa nyid dang/ chen po stong pa nyid dang/ don dam pa stong pa nyid dang/ 'dus byas stong pa nyid dang/ 'dus ma byas stong pa nyid dang/ mtha' las 'das pa stong pa nyid dang/ thog ma dang/ tha ma med pa @262a @#/ /stong pa nyid dang/ dor ba med pa stong pa nyid dang/ rang bzhin stong pa nyid dang/ chos thams cad stong pa nyid dang/ rang gi mtshan nyid stong pa nyid dang/ mi dmigs pa stong pa nyid dang/ dngos po med pa stong pa nyid dang/ ngo bo nyid stong pa nyid dang/ dngos po med pa'i ngo bo nyid stong pa nyid kyi phyir med cing mi rgyu ste/ tshe dang ldan pa shA radwa ti'i bu/ de dag ni byang chub sems dpa' sems dpa' chen po'i thabs mkhas pa/ shes rab kyi pha rol tu phyin pa la spyod pa'i chags pa med pa dag go /de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor/ rnam grangs gang gis na; byang chub sems dpa'i theg pa pa'i rigs kyi bu'am rigs kyi bu mo rnams kyi chags par 'gyur ba yin/ de skad ces smras pa dang/ tshe dang ldan pa rab 'byor gyis lha'i dbang po brgya byin la 'di skad ces smras so/ /kau shi ka/ 'di la byang chub sems dpa'i theg pa pa'i rigs kyi bu dang rigs kyi bu mo sems su 'du shes pa dang/ sbyin pa'i pha rol tu phyin par 'du shes pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin par 'du shes pa dang/ nang stong pa nyid du 'du shes pa dang/ phyi stong pa nyid dang 'du shes pa dang/ phyi nang stong pa nyid du @262b 'du shes pa dang/ dngos po med pa'i ngo bo nyid stong pa nyid kyi bar du 'du shes pa dang/ dran pa nye bar bzhag pa rnams su 'du shes pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad par 'du shes pa dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa rnams su 'du shes pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams su 'du shes pa dang/ ting nge 'dzin dang/ gzungs kyi sgo rnams su 'du shes pa dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang; sangs rgyas kyi chos ma 'dres pa bco brgyad du 'du shes pa dang/ sangs rgyas bcom ldan 'das su 'du shes par gyur te/ sangs rgyas la bskyed pa'i dge ba dag tu 'du shes nas/ dge ba'i rtsa ba de dag mngon par bsdus te gcig tu brtul nas/ bla na med pa yang dag par rdzogs pa'i byang chub tu yongs su bsngo zhing/ yongs su bsngo ba der yang 'du shes pa de dag ni/ kau shi ka/ byang chub sems dpa'i theg pa pa'i rigs kyi bu dang rigs kyi bu mo rnams kyi chags pa ste/ chags pa de dag la chags par gyur na/ chags pa med pa'i shes rab kyi pha rol tu phyin pa la spyod par mi nus so/ /de @263a @#/ /ci'i phyir zhe na/ de ni kau shi ka/ gzugs kyi rang bzhin yongs su bsngo bar mi nus so/ /tshor ba dang/ 'du shes dang/ 'du byed dang/ rnam par shes pa'i rang bzhin yongs su bsngo bar mi nus so/ /skye mched dang/ khams dang/ rten cing 'brel bar 'byung ba'i rang bzhin yongs su bsngo bar mi nus so/ /pha rol tu phyin pa rnams kyi rang bzhin yongs su bsngo bar mi nus so/ /stong pa nyid thams cad kyi rang bzhin yongs su bsngo bar mi nus so/ /byang chub kyi phyogs kyi chos sum cu rtsa bdun gyi rang bzhin yongs su bsngo bar mi nus so/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jugs pa rnams kyi rang bzhin yongs su bsngo bar mi nus so/ /rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams kyi rang bzhin yongs su bsngo bar mi nus so/ /ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa bco brgyad kyi rang bzhin yongs su bsngo bar mi nus so/ /rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub @263b kyi rang bzhin yongs su bsngo bar mi nus so/ /lam gyi rnam pa shes pa nyid dang/ rnam pa thams cad mkhyen pa nyid kyi rang bzhin yongs su bsngo bar mi nus so/ /kau shi ka/ gzhan yang byang chub sems dpa' sems dpa' chen pos/ gzhan zhig bla na med pa yang dag par rdzogs pa'i byang chub tu yang dag par bstan tam/ yang dag par bskul lam/ yang dag par spro ba bskyed dam/ yang dag par rab tu dga' bar byas na/ yang dag par rjes su song ba'i yid kyis gzhan yang dag par bstan par bya'o/ /yang dag par bskul bar bya'o/ /yang dag par spro ba bskyed par bya'o; ;yang dag par dga' ba bskyed par bya'o/ /de yang ci nas kyang sbyin pa'i pha rol tu phyin pa la spyod pa'i tshe/ bdag ni sbyin pa'i pha rol tu phyin pa la spyod do zhes bya bar rnam par rtog par mi 'gyur ba dang/ bdag ni tshul khrims kyi pha rol tu phyin pa la spyod do/ /bdag ni bzod pa'i pha rol tu phyin pa la spyod do/ /bdag ni brtson 'grus kyi pha rol tu phyin pa la spyod do/ /bdag ni bsam gtan gyi pha rol tu phyin pa la spyod do/ /bdag ni shes rab kyi pha rol tu phyin pa la spyod do zhes bya bar rnam par rtog par mi 'gyur ba dang/ bdag ni nang stong pa nyid la spyod do/ /bdag ni phyi stong pa nyid la spyod do/ /bdag ni phyi nang stong pa nyid la spyod do/ /bdag ni dngos po med pa'i ngo bo nyid kyi bar la spyod do/ /bdag ni byang chub kyi phyogs kyi chos sum cu rtsa bdun la @264a @#/ /spyod do/ /bdag ni 'phags pa'i bden pa rnams la spyod do/ /bdag ni bsam gtan dang/ tshad med pa dang/ gzugs med pa'i snyoms par 'jug pa rnams la spyod do/ /bdag ni rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams la spyod do/ /bdag ni ting nge 'dzin rnams dang/ gzungs kyi sgo rnams la spyod do/ /bdag ni de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa bco brgyad la spyod do zhes bya bar rnam par rtog par mi 'gyur ba dang/ bdag ni rnam pa thams cad mkhyen pa nyid kyi bar la spyod do zhes bya bar rnam par rtog par mi 'gyur ba de ltar yang dag par bstan par bya/ yang dag par bskul bar bya/ yang dag par spro ba bskyed par bya/ yang dag par dga' ba bskyed par bya ste/ de ltar spyod pa'i rigs kyi bu'am rigs kyi bu mos/ gzhan bla na med pa yang dag par rdzogs pa'i byang chub tu yang dag par bstan par bya'o/ /yang dag par bskul bar bya'o/ /yang dag par spro ba bskyed par bya'o/ /yang dag par dga' ba bskyed par bya'o/ /de yang dag par bstan pa de dang/ yang dag par bskul ba de dang/ yang dag par spro ba bskyed par bya ba de dang/ yang dag par dga' ba @264b bskyed par bya ba des/ bzhan yang dag par ston cing yang dag par bskul ba dang/ yang dag par spro bas bskyed cing yang dag par dga' bar byed pa'i tshe/ rma 'byung bar mi 'gyur zhing/ sangs rgyas kyis gnang ba'i yang dag par bskul bas yang dag par bskul ba yin te/ de ltar na rigs kyi bu'am rigs kyi bu mo des chags pa'i mtha' thams cad yongs su spangs pa yin no/ /de nas bcom ldan 'das kyis tshe dang ldan pa rab 'byor la legs so/ /zhes bya ba gnang ste/ rab 'byor/ de ltar khyod byang chub sems dpa' sems dpa' chen po rnams la chags pa'i rnam pa de lta bu dag ston pa legs so/ /legs so/ /rab 'byor/ de bas na khyod la chags pa'i rnam pa de bas kyang phra ba bstan par bya'i/ de shin tu legs par nyon la yid la gzung zhig dang bstan par bya'o/ /bcom ldan 'das/ de ltar bgyi'o zhes nas/ tshe dang ldan pa rab 'byor bcom ldan 'das la phyir nyan to/ /bcom ldan 'das kyis de la 'di skad ces bka' stsal to/ /rab 'byor/ 'di la rigs kyi bu'am rigs kyi bu mo bla na med pa yang dag par rdzogs pa'i byang chub tu yang dag par zhugs pa/ de bzhin gshegs pa dgra bcom pa yang dag par rdzogs pa'i sangs rgyas mtshan mar yid la byed na/ rab 'byor/ ji tsam du mtshan mar gyur pa de tsam du chags pa'o/ /gang yang 'das pa dang/ ma byon pa dang/ da ltar byung ba'i de bzhin gshegs pa dgra @265a @#/ /bcom pa yang dag par rdzogs pa'i sangs rgyas chags pa thams cad dang bral ba de dag gi thugs dang po bskyed pa nas/ dam pa'i chos gnas pa'i bar gyi dge ba'i rtsa ba gang ji snyed pa de dag thams cad mtshan mar yid la byed cing/ yid la byas nas bya na med pa yang dag par rdzogs pa'i byang chub tu yongs su bsngo na/ rab 'byor/ ji tsam du mtshan mar yid la byed pa de tsam du chags pa'o/ /gang yang de bzhin gshegs pa'i nyan thos de dag dang/ de ma yin pa'i sems can gzhan rnams kyi dge ba'i rtsa ba gang ji snyed pa de thams cad kyang mtshan mar byas te/ bla na med pa yang dag par rdzogs pa'i byang chub tu yongs su bsngo na/ rab 'byor/ ji tsam du mtshan mar yid la byed pa de tsam du chags pa'o/ /de ci'i phyir zhe na/ de bzhin gshegs pa de dag ni mtshan mar yid la bya ba ma yin te/ de bzhin gshegs pa de dag gi dge ba'i rtsa ba yang mtshan mar yid la bya ba ma yin no/ /gsol pa/ bcom ldan 'das/ shes rab kyi pha rol tu phyin pa ni zab bo/ /bcom ldan 'das kyis bka' stsal pa/ rab 'byor/ chos thams cad rang bzhin gyis rnam par dben pa'i phyir ro/ /gsol pa/ bcom 'das; shes rab kyi pha rol tu phyin pa la phyag 'tshal lo/ /bcom ldan 'das kyis bka' stsal pa/ rab 'byor/ de ni 'di ltar shes rab kyi pha rol tu phyin pa ma byas/ mngon par @265b 'du ma byas pa ste/ de ni sus kyang mngon par 'tshang rgya bar bya bar mi nus so/ /gsol pa/ bcom ldan 'das/ chos thams cad ni mngon par sangs rgyas pa'o/ /bcom ldan 'das kyis bka' stsal pa/ rab 'byor/ de ni 'di ltar chos kyi rang bzhin ni gnyis ma yin te/ chos kyi rang bzhin ni gcig tu zad do/ /rab 'byor/ chos kyi rang bzhin ni gcig po gang yin pa de ni rang bzhin ma yin no; ;gang rang bzhin ma yin pa de ni ma byas pa'o/ /gang ma byas pa de ni mngon par 'du ma byas pa'i/ /rab 'byor/ de ltar na byang chub sems dpa' sems dpa' chen pos/ chos kyi rang bzhin gcig po gang rang bzhin ma yin pa/ ma byas pa/ mngon par 'dus ma byas pa shes na chags pa'i rnam pa thams cad yongs su spangs pa yin no/ /gsol pa/ bcom ldan 'das/ shes rab kyi pha rol tu phyin pa ni rtogs par dka' ba'o/ /bcom ldan 'das kyis bka' stsal pa/ rab 'byor/ de ni 'di ltar shes rab kyi pha rol tu phyin pa ni sus kyang ma mthong/ ma rtogs/ rnam par mi shes/ mngon par sangs ma rgyas pa'i phyir ro/ /gsol pa/ bcom ldan 'das/ shes rab kyi pha rol tu phyin pa ni bsam gyis mi khyab pa'o/ /bcom ldan 'das kyi bka' stsal pa/ rab 'byor/ de ni 'di ltar sems kyis ma shes so/ /gzugs dang/ tshor ba dang/ 'du shes dang/ 'du byed dang/ rnam par shes pas ma shes so/ /skye mched dang/ khams dang/ rten cing 'brel par 'byung @266a @#/ /bas ma shes so/ /pha rol tu phyin pa rnams dang/ stong pa nyid rnams dang/ byang chub kyi phyogs kyi chos rnams dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa rnams kyis ma shes so/ /rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams kyis ma shes so/ /ting nge 'dzin dang/ gzungs kyi sgo rnams kyis ma shes so/ /de bzhin gshegs pa'i stobs dang/ mi 'jigs pa dang/ so so yang dag par rig pa rnams dang/ sangs rgyas kyi chos ma 'dres pa bco brgyad kyis ma shes so/ /rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub kyis ma shes so/ /lam gyi rnam pa shes pa nyid dang/ rnam pa thams cad mkhyen pa nyid kyis ma shes so/ /shes rab kyi pha rol tu phyin pa stong phrag nyi shu lnga pa las/ chos thams cad rnam par dag pa'i le'u ste nyi shu rtsa bdun pa'o// //de nas tshe dang ldan pa rab 'byor 'gyis bcom ldan 'das la 'di skad ces gsol to/ /bcom ldan 'das/ shes rab kyi pha rol tu phyin pa ni bgyid pa ma mchis pa'o/ /bcom ldan 'das kyis bka' stsal pa/ rab 'byor/ byed @266b pa po mi dmigs pa'i phyir ro/ /rab 'byor/ de bzhin du gzugs mi dmigs pa dang/ tshor ba dang/ 'du shes dang/ 'du byed dang/ rnam par shes pa mi dmigs pa dang/ rnam pa thams cad mkhyen pa nyid kyi bar du mi dmigs pa'i phyir ro/ /gsol pa/ bcom ldan 'das/ 'di la byang chub sems dpa' sems dpa' chen po shes rab kyi pha rol tu phyin pa la spyod pas rnam pa ji ltar spyad par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs la mi spyod na/ shes rab kyi pha rol tu phyin pa la spyod do/ /gal te tshor ba dang/ 'du shes dang/ 'du byed dang/ rnam par shes pa la mi spyod na/ shes rab kyi pha rol tu phyin pa la spyod do/ /gal te skye mched dang/ khams dang/ rten cing 'brel par 'byung ba la mi spyod na/ shes rab kyi pha rol tu phyin pa la spyod do/ /gal te pha rol tu phyin pa thams cad dang/ stong pa nyid thams cad dang; byang chub kyi phyogs kyi chos sum cu rtsa bdun dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa la mi spyod na/ shes rab kyi pha rol tu phyin pa la spyod do/ /gal te rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ @267a @#/ /mngon par shes pa rnams la mi spyod na/ shes rab kyi pha rol tu phyin pa la spyod do/ /gal te ting nge 'dzin dang/ gzungs kyi sgo rnams la mi spyod na/ shes rab kyi pha rol tu phyin pa la spyod do/ /gal te de bzhin gshegs pa'i stobs bcu dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa bco brgyad la mi spyod na; shes rab kyi pha rol tu phyin pa la spyod do/ /gal te thams cad shes pa nyid dang/ lam gyi rnam pa shes pa nyid dang/ rnam pa thams cad mkhyen pa nyid la mi spyod na/ shes rab kyi pha rol tu phyin pa la spyod do/ /gal te gzugs rtag ces bya ba'am/ mi rtag ces bya bar mi spyod na/ shes rab kyi pha rol tu phyin pa la spyod do/ /gal te tshor ba dang/ 'du shes dang/ 'du byed dang/ rnam par shes pa rtag ces bya ba'am/ mi rtag ces bya bar mi spyod na/ shes rab kyi pha rol tu phyin pa la spyod do/ /gal te rnam pa thams cad mkhyen pa nyid kyi bar du rtag ces bya ba'am/ mi rtag ces bya bar mi spyod na/ shes rab kyi pha rol tu phyin pa la spyod do/ /gal te gzugs bde zhes bya ba'am/ sdug bsngal zhes bya bar mi spyod na/ shes rab kyi pha rol tu phyin pa la spyod do/ /gal te tshor ba dang/ 'du shes dang/ 'du byed dang/ rnam par shes pa bde zhes bya ba'am/ sdug bsngal zhes bya bar mi spyod na/ shes rab kyi pha rol tu phyin pa la spyod do/ /gal te rnam pa thams @267b cad mkhyen pa nyid kyi bar du bde zhes bya ba'am/ sdug bsngal zhes bya bar mi spyod na/ shes rab kyi pha rol tu phyin pa la spyod do/ /gal te gzugs bdag ces bya ba'am/ bdag med ces bya bar mi spyod na/ shes rab kyi pha rol tu phyin pa la spyod do/ /gal te tshor ba dang/ 'du shes dang/ 'du byed dang/ rnam par shes pa bdag ces bya ba'am/ bdag med ces bya bar mi spyod na/ shes rab kyi pha rol tu phyin pa la spyod do/ /gal te rnam pa thams cad mkhyen pa nyid kyi bar du bdag ces bya ba'am/ bdag med ces bya bar mi spyod na/ shes rab kyi pha rol tu phyin pa la spyod do/ /gal te gzugs sdug ces bya ba'am/ mi sdug ces bya bar mi spyod na/ shes rab kyi pha rol tu phyin pa la spyod do/ /gal te tshor ba dang/ 'du shes dang/ 'du byed dang/ rnam par shes pa sdug ces bya ba'am; mi sdug ces bya bar mi spyod na/ shes rab kyi pha rol tu phyin pa la spyod do/ /gal te rnam pa thams cad mkhyen pa nyid kyi bar du sdug ces bya ba'am/ mi sdug ces bya bar mi spyod na/ shes rab kyi pha rol tu phyin pa la spyod do/ /de ci'i phyir zhe na/ gang rtag pa'am/ mi rtag pa'am/ bde ba'am/ sdug bsngal ba'am/ bdag gam/ bdag med pa'am/ sdug pa'am/ mi sdug par 'gyur ba de lta bu'i gzugs med do/ /gang rtag pa'am/ mi rtag pa'am/ bde ba'am/ sdug bsngal ba'am/ bdag gam/ bdag med pa'am/ sdug pa'am/ mi sdug par 'gyur ba de lta bu'i tshor ba dang/ @268a @#/ /'du shes dang/ 'du byed dang/ rnam par shes pa med do/ /gang rtag pa'am/ mi rtag pa'am/ bde ba'am/ sdug bsngal ba'am/ bdag gam/ bdag med pa'am/ sdug pa'am/ mi sdug par 'gyur ba de lta bu'i rnam pa thams cad mkhyen pa nyid kyi bar du med do// //shes rab kyi pha rol tu phyin pa stong phrag nyi shu lnga pa/ bam po bzhi bcu pa/ rab 'byor/ gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs yongs su ma rdzogs so zhes bya bar mi spyod na/ shes rab kyi pha rol tu phyin pa la spyod do/ /tshor ba dang/ 'du shes dang/ 'du byed dang/ rnam par shes pa yongs su ma rdzogs so zhes bya bar mi spyod na/ shes rab gyi pha rol tu phyin pa la spyod do/ /gal te skye mched dang/ khams dang/ rten cing 'brel par 'byung ba yongs su rdzogs so zhes bya bar mi spyod na/ shes rab kyi pha rol tu phyin pa la spyod do/ /pha rol tu phyin pa thams cad dang/ stong pa nyid thams cad yongs su ma rdzogs so zhes bya bar mi spyod na/ shes rab kyi pha rol tu phyin pa la spyod do/ /dran pa nye bar bzhag pa rnams yongs su ma rdzogs so zhes bya bar mi spyod na/ shes rab kyi pha rol tu phyin pa la spyod do/ /yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs @268b rnams dang/ byang chub kyi yan lags rnams dang/ 'phags pa'i lam yan lag brgyad pa yongs su ma rdzogs so zhes bya bar mi spyod na/ shes rab kyi pha rol tu phyin pa la spyod do/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams yongs su ma rdzogs so zhes bya bar mi spyod na/ shes rab kyi pha rol tu phyin pa la spyod do/ /gal te ting nge 'dzin rnams dang/ gzungs kyi sgo rnams yongs su ma rdzogs so zhes bya bar mi spyod na/ shes rab kyi pha rol tu phyin pa la spyod do/ /gal te de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad yongs su ma rdzogs so zhes bya bar mi spyod na/ shes rab kyi pha rol tu phyin pa la spyod do/ rnam pa thams cad mkhyen pa nyid kyi bar du yongs su ma rdzogs so zhes bya bar mi spyod na/ shes rab kyi pha rol tu phyin pa la spyod do/ /de ci'i phyir zhe na/ gzugs yongs su ma rdzogs pa gang yin pa de gzugs ma yin no zhes bya bar de ltar yang mi spyod na/ shes rab kyi pha rol tu phyin pa la spyod @269a @#/ /do; ;tshor ba dang/ 'du shes dang/ 'du byed dang/ rnam par shes pa yongs su ma rdzogs pa gang yin pa de rnam par shes pa ma yin no zhes bya bar de ltar yang mi spyod na/ shes rab kyi pha rol tu phyin pa la spyod do/ /rnam pa thams cad mkhyen pa nyid kyi bar du/ yongs su ma rdzogs pa gang yin pa de/ rnam pa thams cad mkhyen pa nyid ma yin no zhes bya bar de ltar yang mi spyod na/ shes rab kyi pha rol tu phyin pa la spyod do/ /gsol pa/ bcom ldan 'das/ de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa'i theg pa pa'i rigs kyi bu dang rigs kyi bu mo rnams la chags pa dang/ ma chags pa legs par bstan pa 'di ngo mtshar to/ /bcom ldan 'das kyis bka' stsal pa/ rab 'byor/ de de bzhin no/ /de de bzhin te/ de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa'i theg pa pa'i rigs kyi bu dang rigs kyi bu mo rnams la chags pa dang/ ma chags pa legs par bstan to/ /rab 'byor/ gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do/ /tshor ba dang/ 'du shes dang/ 'du @269b byed dang/ rnam par shes pa chags pa'am/ ma chags pa zhes bya bar mi spyod na; shes rab kyi pha rol tu phyin pa la spyod do/ /gal te skye mched dang/ khams dang/ rten cing 'brel par 'byung ba chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do/ /sbyin pa'i pha rol tu phyin pa chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do/ /nang stong pa nyid chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do/ /dngos po med pa'i ngo bo nyid stong pa nyid kyi bar du chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do/ /byang chub kyi phyogs kyi chos sum cu rtsa bdun chags pa'am/ ma chags pa zhes bya bar mi spyod na/ ma chags pa zhes bya bar mi spyod do/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug @270a @#/ /pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams chags pa'am/ ma chas pa zhes bya bar mi spyod na/ shes rab kyi pha rol tu phyin pa la spyod do/ /ting nge 'dzin rnams dang/ gzungs skyi sgo rnams chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do; ;de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sans rgyas kyi chos ma 'dres pa bco brgyad chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do/ /rnam pa thams cad mkhyen pa nyid kyi bar du chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do/ /rab 'byor/ byang chub sems dpa' sems dpa' chen po de ltar spyod na/ gzugs chags pa'am/ ma chags pa zhes bya bar 'du shes pa med do/ /tshor ba dang/ 'du shes dang/ 'du byed dang/ rnam par shes pa chags pa'am/ ma chags pa zhes bya bar 'du shes pa med do/ skye mched dang/ khams dang/ rten cing 'brel par 'byung ba chags pa'am ma chags pa zhes bya bar 'du shes pa med do/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum @270b cu rtsa bdun chags pa'am/ ma chags pa zhes bya bar 'du shes pa med do/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams chags pa'am/ ma chags pa zhes bya bar 'du shes pa med do/ /ting nge 'dzin rnams dang/ gzungs kyi sgo rnams chags pa'am/ ma chags pa zhes bya bar 'du shes pa med do/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad chags pa'am/ ma chags pa zhes bya bar 'du shes pa med do/ /rgyun du zhugs pa'i 'bras bu chags pa'am/ ma chags pa zhes bya bar 'du shes pa med do/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid chags pa'am/ ma chags pa zhes bya bar 'du shes pa med do/ /rang byang chub chags pa'am/ ma chags pa zhes bya bar 'du shes pa med do/ /bla na med pa yang dag par rdzogs pa'i byang chub chags pa'am/ ma chags pa zhes bya bar 'du shes pa med do/ /gsol pa/ bcom ldan 'das/ de ltar @271a @#/ /chos zab mo 'di bstan kyang yongs su mi 'grib/ ma bstan kyang yongs su mi 'grib/ bstan kyang mi 'phel/ ma bstan kyang mi 'phel ba ngo mtshar che'o/ / bcom ldan 'das kyis bka' stsal pa/ de de bzhin no/ /rab 'byor/ de de bzhin te/ chos zab mo 'di bstan kyang yongs su mi 'grib/ ma bstan kyang yongs su mi 'grib/ bstan kyang mi 'phel; ma bstan kyang mi 'phel lo/ /rab 'byor/ 'di lta ste/ dper na/ de bzhin gshegs pa dgra bcom pa yang dag par rdzogs pa'i sangs rgyas nam 'tsho'i bar du bzhugs shing/ nam mkha'i legs pa'am/ ma legs pa brjod kyang/ nam mkha' ni legs pa brjod pas yongs su 'phel ba med do/ /nyes pa brjod pas yongs su 'grib pa med do/ /nam mkha' ni legs pa brjod kyang chags par 'gyur pa 'phel ba med do/ /nyes pa brjod kyang khong khro bar 'gyur ba med do/ /rab 'byor/ 'di lta ste/ dper na/ sgyu ma'i skyes bu ni legs pa brjod kyang 'phel ba med do/ /nyes pa brjod kyang yongs su 'grib pa med do/ /legs pa brjod kyang chags par 'gyur ba med do/ /nyes pa brjod kyang khong khro bar 'gyur ba med do/ / rab 'byor/ de bzhin du chos rnams kyi chos nyid gang yin pa de bstan kyang de bzhin/ ma bstan kyang de bzhin no/ /gsol pa/ bcom ldan 'das/ byang chub sems dpa' sems @271b dpa' chen po shes rab kyi pha rol tu phyin pa la spyod cing/ shes rab kyi pha rol tu phyin pa bstan pa'i tshe zhum pa dang/ g.yeng bar mi 'gyur ba dang/ shes rab kyi pha rol tu phyin pa 'di la brtson par bgyid cing/ bla na med pa yang dag par rdzogs pa'i byang chub las phyir mi ldog pa ni dka' ba bgyid pa'o/ /de ci'i slad du zhe na/ bcom ldan 'das/ 'di lta ste/ byang chub sems dpa' sems dpa' chen po rnams kyi shes rab kyi pha rol tu phyin pa la sgom pa 'di ni nam mkha' la sgom pa ste/ nam mkha' la ni gzugs ma mchis so/ /tshor ba dang/ 'du shes dang; 'du byed dang/ rnam par shes pa ma mchis so/ /nam mkha' la ni skye mched dang/ khams dang/ rten cing 'brel par 'byung ba ma mchis so/ /nam mkha' la ni sbyin pa'i pha rol tu phyin pa ma mchis so/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa ma mchis so/ /nam mkha' la ni nang stong pa nyid ma mchis so/ /dngos po med pa'i ngo bo nyid stong pa nyid kyi bar du ma mchis so/ /nam mkha' la ni dran pa nye bar bzhag pa rnams ma mchis so/ /yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags @272a @#/ /pa'i lam yan lag brgyad pa ma mchis so/ /nam mkha' la ni 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams ma mchis so/ /nam mkha' la ni ting nge 'dzin rnams dang/ gzungs kyi sgo rnams ma mchis so/ /nam mkha' la ni de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad ma mchis so/ / nam mkha' la ni rgyun du zhugs pa'i 'bras bu ma mchis so/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub ma mchis so; ;nam mkha' la ni bla na med pa yang dag par rdzogs pa'i byang chub ma mchis so/ /bcom ldan 'das/ byang chub sems dpa' sems dpa' chen po gang gis go cha 'di 'tshal ba de dag ni phyag bgyi bar 'os pa'o/ /bcom ldan 'das/ gang gis go cha 'di 'tshal ba de dag ni nam mkha'i don du brtson par mos/ 'bad par mos/ rtsol bar mos pa dag ste/ bcom @272b ldan 'das/ gang gis sems can rnams kyi slad du go cha 'tshal ba de dag ni nam mkha' yongs su smin par 'tshal zhing yongs su grol bar 'tshal ba'o/ /bcom ldan 'das/ byang chub sems dpa' sems dpa' chen po nam mkha' lta bu'i chos rnams kyi slad du go cha 'tshal ba de dag ni go cha chen po 'tshal ba'o/ /bcom ldan 'das/ sems can rnams kyi don du go cha 'tshal ba de dag ni nam mkha' bar snang la gdeg par 'tshal ba'o/ /bcom ldan 'das/ byang chub sems dpa' sems dpa' chen po gang sems can rnams kyi slad du bla na med pa yang dag par rdzogs pa'i byang chub tu yang dag par zhugs pa de dag ni brtson 'grus chen po thob pa'o/ /bcom ldan 'das/ byang chub sems dpa' sems dpa' chen po gang sems can rnams kyi don du; bla na med pa yang dag par rdzogs pa'i byang chub tu zhugs pa de dag ni go cha chen po 'tshal ba'o/ /bcom ldan 'das/ byang chub sems dpa' sems dpa' chen po gang nam mkha' lta bu'i chos rnams kyi slad du/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba de dag ni/ dpa' bo bsam gyis mi khyab mtshungs pa ma mchis pa'i go cha 'tshal ba'o/ /de ci'i slad du zhe na/ bcom ldan 'das/ gal te stong gsum gyi stong chen po'i 'jig rten gyi khams 'di/ 'di lta ste/ dper na/ 'dam bu'i byings sam/ 'od ma'i tshal lam/ bu @273a @#/ /ram shing gi tshal lam/ smyig ma'i tshal lam/ 'bras kyi zhing ngam/ til gyi zhing bzhin du de bzhin gshegs pa mang pos yongs su gang bar gyur la/ de bzhin gshegs pa de dag gis kyang bskal pa'am/ bskal pa'i lhag mar chos bstan te/ de bzhin gshegs pa re res sems can tshad ma mchis/ grangs ma mchis pa yongs su mya ngan las 'das kyang/ bcom ldan 'das/ sems can gyi khams la 'grib pa'am/ gang bar mi gda'o/ /de ci'i slad du zhe na/ sems can ma mchis pa dang/ sems can dben pa'i slad du ste/ de bzhin du gal te phyogs bcu'i phyogs re re zhing yang/ 'jig rten gyi khams ganggA'i klung gi bye ma snyed dag /'di lta ste/ dper na/ 'dam bu'i byings sam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing bzhin du de bzhin gshegs pa mang pos yongs su gang bar gyur la/ de bzhin gshegs pa de dag gis kyang bskal pa'am/ bskal pa'i lhag mar chos bstan te/ de bzhin gshegs pa re res sems can tshad ma mchis/ grangs ma mchis pa yongs su mya ngan las 'das kyang/ sems can gyi khams la gang ba'am/ 'grib par mi gda'o/ /de ci'i slad du zhe na/ sems can ma mchis pa dang/ sems can dben pa'i slad du ste/ bcom ldan 'das/ rnam grangs des na bdag @273b 'di skad du sems can rnams kyi slad du/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba de dag ni nam mkha' yongs su smin par bgyi bar 'tshal zhing yongs su dgrol bar 'tshal ba lags zhes mchi'o/ /de nas dge slong gcig cig 'di snyam du gyur te/ gang la chos gang yang skye ba dang 'gag pa yang med la/ tshul khrims kyi phung po yang yod/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes mthong ba'i phung po yang yod/ rgyun du zhugs pa'i 'bras bu'ang yod/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub kyang yod/ bla na med pa yang dag par rdzogs pa'i byang chub kyang yod/ rgyun du zhugs pa'ang yod/ lan gcig phyir 'ong ba dang/ phyir mi 'ong ba dang/ dgra bcom pa dang/ rang sangs rgyas kyang yod/ de bzhin gshegs pa dgra bcom pa yang dag par rdzogs pa'i sangs rgyas kyang yod/ sangs rgyas dkon mchog dang/ chos dkon mchog dang/ dge 'dun dkon mchog kyang yod/ chos kyi 'khor lo bskor ba'ang yod pa'i bcom ldan 'das ma shes rab kyi pha rol tu phyin pa la phyag 'tshal lo snyam pa dang/ de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor/ byang chub sems dpa' @274a @#/ /sems dpa' chen po gang shes rab kyi pha rol tu phyin pa zab mo 'di la brtson par byed pa zhig yod na/ de gang la brtson par byed pa yin/ rab 'byor gyis smras pa/ kau shi ka/ gang shes rab kyi pha rol tu phyin pa 'di la bslab par sems pa de ni nam mkha' stong pa la brtson pa'o/ /de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das/ rigs kyi bu'am rigs kyi bu mo gang shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par bgyid pa dang/ tshul bzhin du yid la bgyid pa de la bdag gis bsrung ba dang/ bskyang ba dang/ bskyab pa ji lta bu zhig bgyi/ bcom ldan 'das kyis bdag la bka' stsal du gsol/ de nas tshe dang ldan pa rab 'byor gyis/ lha'i dbang po brgya byin la 'di skad ces smras so/ /kau shi ka/ khyod kyis gang la bsrung ba dang/ bskyang ba dang/ bskyab par bya ba'i chos de lta bu yang dag par rjes su mthong ngam/ smras pa/ brtsun pa rab 'byor/ bdag gis gang la bsrung ba dang/ bskyang ba dang/ bskyab par bya ba'i chos de lta bu yang dag par rjes su ma mthong ngo/ /rab 'byor gyis smras pa/ kau shi ka/ gal te rigs kyi bu'am rigs kyi bu mo ji skad du bstan pa'i shes rab kyi pha rol tu phyin pa la gnas na/ de nyid de'i bsrung ba dang/ bskyang ba dang/ bskyab par 'gyur @274b ro; ;gal te ji skad du bstan pa'i shes rab kyi pha rol tu phyin pa dang bral bar gyur na/ de la mi'am mi ma yin pa glags tshol ba rnams kyis glags rnyed par 'gyur ro/ /gang ji skad du bstan pa'i shes rab kyi pha rol tu phyin pa la mi gnas pa'i rigs kyi bu'am rigs kyi bu mo de ni/ shes rab kyi pha rol tu phyin pa dang bral bar rig par bya'o/ /kau shi ka/ byang chub sems dpa' sems dpa' chen po shes rab kyi pha rol tu phyin pa la spyod pa rnams bsrung ba dang/ bskyang ba dang/ bskyab par gang sems pa de ni nam mkha' la bsrung ba dang/ bskyang ba dang/ bskyab par sems pa ste/ de ni bsam pa ltar mi 'grub cing dub ba'i skal ba can du 'gyur ro/ /kau shi ka/ de ji snyam du sems/ khyod kyis sgyu ma dang/ smig rgyu dang/ rmi lam dang/ sgra brnyan dang/ mig yor dang; dri za'i grong khyer dang/ sprul pa la bsrung ba dang/ bskyang ba dang/ bskyab par nus sam/ brgya byin gyis smras pa/ brtsun pa rab 'byor/ de ni mi nus so/ /smras pa/ kau shi ka/ de bzhin du byang chub sems dpa' sems dpa' chen po shes rab kyi pha rol tu phyin pa la spyod pa rnams bsrung ba dang/ bskyang ba dang/ bskyab par gang sems pa de ni bsam pa ltar mi 'grub cing dub pa'i skal ba can du 'gyur ro/ /kau shi ka/ de ji snyam du sems/ khyod kyis de bzhin gshegs pa'am/ de bzhin gshegs pa'i sprul pa la bsrung ba dang/ bskyang ba dang/ bskyab @275a @#/ /par nus sam/ brgya byin gyis smras pa/ btsun pa rab 'byor/ de ni nus so/ /smras pa/ kau shi ka/ de bzhin du byang chub sems dpa' sems dpa' chen po shes rab kyi pha rol tu phyin pa la spyod pa rnams bsrung ba dang/ bskyang ba dang/ bskyab par gang sems pa de ni bsam pa ltar mi 'grub cing dub pa'i skal ba can du 'gyur ro/ /kau shi ka; de ji snyam du sems/ khyod kyis chos kyi dbyings dang/ yang dag pa'i mtha' dang/ de bzhin nyid dang/ bsam gyis mi khyab pa'i dbyings la bsrung ba dang/ bskyang ba dang/ bskyab par nus sam/ brgya byin gyis smras pa/ btsun pa rab 'byor/ de ni mi nus so/ /smras pa/ kau shi ka/ de bzhin du byang chub sems dpa' sems dpa' chen po shes rab kyi pha rol tu phyin pa la spyod pa rnams bsrung ba dang/ bskyang ba dang/ bskyab par gang sems pa de ni bsam pa ltar mi 'grub cing dub pa'i skal ba can du 'gyur ro/ /de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor/ ji tsam gyis na/ byang chub sems dpa' sems dpa' chen po shes rab kyi pha rol tu phyin pa la spyod pas/ rmi lam lta bu'i chos dang/ sgyu ma lta bu dang/ smig rgyu lta bu dang/ sgra brnyan lta bu dang/ mig yor lta bu dang/ dri za'i grong khyer lta bu dang/ sprul pa lta bu'i chos rnams yongs su shes pa dang/ de ltar yongs @275b su shes pas/ byang chub sems dpa' sems dpa' chen po rmi lam rlom sems su mi byed/ rmi lam gyis rlom sems su mi byed/ rmi lam bdag gi zhes rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed pa yin/ rab 'byor gyis smras pa/ kau shi ka/ gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs rlom sems su mi byed/ gzugs kyis rlom sems su mi byed/ gzugs bdag gi zhes rlom sems su mi byed/ gzugs la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam bdag gi zhes rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed do/ /tshor ba dang/ 'du shes dang/ 'du byed dang/ rnam par shes pa rlom sems su mi byed/ rnam par shes pas rlom sems su mi byed/ rnam par shes pa bdag gi zhes rlom sems su mi byed/ rnam par shes pa la rlom sems su mi byed na/ de rmi lam rlom sems su byed/ rmi lam gyis rlom sems su mi byed/ rmi lam bdag gi zhes @276a @#/ /rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed do/ /skye mched dang/ khams dang/ rten cing 'brel par 'byung ba rlom sems su mi byed/ rten cing 'brel par 'byung bas rlom sems su mi byed/ rten cing 'brel par 'byung ba bdag gi zhes slom sems su mi byed/ rten cing 'brel par 'byung ba la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam bdag gi zhes rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed; sprul pa bdag gi zhes rlom sems su mi byed/ sprul pa la rlom sems su mi byed do/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun rlom sems su mi byed/ byang chub kyi phyogs kyi chos sum cu rtsa bdun gyis rlom sems su mi byed/ byang chub kyi phyogs kyi chos sum cu rtsa bdun bdag gi zhes rlom sems su mi byed/ byang chub kyi phyogs kyi chos sum cu rtsa bdun la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam bdag gi zhes rlom sems su mi byed/ @276b rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed do; ;'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams rlom sems su mi byed/ mngon par shes pa rnams kyis rlom sems su mi byed/ mngon par shes pa rnams bdag gi zhes rlom sems su mi byed/ mngon par shes pa rnams la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam bdag gi zhes rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed do/ /ting nge 'dzin rnams dang/ gzungs kyi sgo rnams rlom sems su mi byed/ gzungs kyi sgo rnams kyis rlom sems su mi byed/ gzungs kyi sgo rnams bdag gi zhes rlom sems su mi byed/ gzungs kyi sgo rnams la rlom sems su mi byed na/ de rmi lam rlom sems su mi byed/ rmi lam gyis rlom @277a @#/ /sems su mi byed/ rmi lam bdag gi zhes rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed do/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad rlom sems su mi byed/ sangs rgyas kyi chos ma 'dres pa rnams kyis rlom sems su mi byed/ sangs rgyas kyi chos ma 'dres pa rnams bdag gi zhes rlom sems su mi byed/ sangs rgyas kyi chos ma 'dres pa rnams la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam bdag gi zhes rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed do/ /rnam pa thams cad mkhyen pa nyid kyi bar du rlom sems su mi byed/ rnam pa thams cad mkhyen pa nyid kyis rlom sems su mi byed/ rnam pa thams cad mkhyen pa nyid bdag gi zhes rlom sems su mi byed/ rnam pa thams cad mkhyen @277b pa nyid la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam bdag gi zhes rlom sems su mi byed/ rmi lam la rlom sems su mi byed do/ / sprul pa'i bar du rlom sems su mi byed/ sprul pas rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed do/ /de nas sangs rgyas kyi mthus stong gsum gyi stong chen po'i 'jig rten gyi khams 'di na/ rgyal chen bzhi'i ris kyi lha dang/ sum cu rtsa gsum pa'i lha dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed dang/ tshangs ris dang/ tshangs lha nye phan dang/ tshangs pa kun 'khor dang/ gnas gtsang ma'i ris kyi bar gyi lha'i bu gang ji snyed cig yod pa de dag thams cad lha rdzas kyi tsan dan gyi phye mas; bcom ldan 'das la mngon par 'thor zhing/ bcom ldan 'das gang na ba der dong ste lhags nas/ bcom ldan 'das kyi zhabs gnyis la spyi bos phyag btsal te/ phyogs gcig tu 'khod do/ /de nas rgyal po chen po bzhi dang/ lha'i dbang po brgya byin dang/ mi mjed kyi bdag po tshangs pa dang/ gnas gtsang ma'i ris kyi bar gyi lha rnams kyis/ sangs rgyas kyi mthus shar phyogs kyi sangs rgyas stong yi ge 'di dag nyid kyis chos ston pa/ mtshan 'di nyid mnga' ba/ dge slong rab 'byor ces bya ba sha stag gis/ shes rab kyi pha rol tu phyin pa zab mo 'di nyid dang/ @278a @#/ /shes rab kyi pha rol tu phyin pa'i le'u 'di nyid zhu ba dang/ de nas lha'i dbang po brgya byin gyis/ shes rab kyi pha rol tu phyin pa'i le'u 'di nyid zhu zhing yongs su 'dri ba sems kyis mthong bar gyur te/ lho dang/ nub dang/ byang dang/ byang shar dang/ shar lho dang/ lho nub dang/ nub byang dang/ 'og dang/ steng gi phyogs kyi phyogs re re zhing yang/ sangs rgyas stong yi ge 'di dag nyid kyis chos ston pa/ mtshan 'di nyid mnga' ba/ dge slong rab 'byor ces bya ba sha stag gis/ shes rab kyi pha rol tu phyin pa zab mo 'di nyid dang/ shes rab kyi pha rol tu phyin pa'i le'u 'di nyid zhu ba dang/ de nas lha'i dbang po brgya byin gyis/ shes rab kyi pha rol tu phyin pa'i le'u 'di nyid zhu zhing yongs su 'dri ba sems kyis mthong bar gyur to/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor/ byang chub sems dpa' sems dpa' chen po byams pa yang sa'i phyogs 'di nyid du/ bla na med pa yang dag par rdzogs pa'i byang chub tu mngon par rdzogs par sangs rgyas te/ shes rab kyi pha rol tu phyin pa 'di nyid ston cing 'chad par 'gyur ro/ / gang yang bskal pa bzang po 'di la de bzhin gshegs pa dgra bcom pa yang dag par rdzogs pa'i sangs rgyas 'byung ba de dag kyang/ sa'i phyogs 'di nyid du bla na med pa yang dag par @278b rdzogs pa'i byang chub tu mngon par rdzogs par sangs rgyas te/ shes rab kyi pha rol tu phyin pa 'di nyid ston cing 'chad par 'gyur ro/ /gsol pa/ bcom ldan 'das/ rnam pa gang dang/ rtags gang dang/ mtshan ma gang gis byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par sangs rgyas nas/ shes rab kyi pha rol tu phyin pa 'di nyid ston cing 'chad par 'gyur/ de skad ces gsol pa dang/ bcom ldan 'das kyis tshe dang ldan pa rab 'byor la 'di skad ces bka' stsal to/ /'di la rab 'byor/ byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par sangs rgyas nas/ gzugs rtag ces bya ba'am/ mi rtag ces bya bar chos ston par mi 'gyur ro/ /gzugs bde zhes bya ba'am/ sdug bsngal zhes bya ba'am/ gzugs bdag ces bya ba'am/ bdag med ces bya ba'am/ gzugssdug ces bya ba'am/ mi sdug ces bya bar chos ston par mi 'gyur ro/ /gzugs zhi zhes bya ba'am/ ma zhi zhes bya bar chos ston par mi 'gyur ro/ /gzugs bcings zhes bya ba'am/ grol zhes bya bar chos ston par mi 'gyur ro/ / gzugs 'das zhes bya ba'am/ ma 'ongs zhes bya ba'am/ da ltar byung zhes bya bar chos ston par mi 'gyur ro/ /tshor ba dang/ 'du shes dang/ 'du byed dang/ rnam par shes pa rtag ces bya 'am @279a @#/ /mi rtag ces bya bar chos ston par mi 'gyur ro/ /rnam par shes pa bde zhes bya ba'am/ sdug bsngal zhes bya ba'am/ rnam par shes pa bdag ces bya ba'am/ bdag med ces bya ba'am/ rnam par shes pa sdug ces bya ba'am/ mi sdug ces bya bar chos ston par mi 'gyur ro/ /rnam par shes pa zhi zhes bya ba'am/ ma zhi zhes bya bar chos ston par mi 'gyur ro/ /rnam par shes pa bcis zhes bya ba'am/ grol zhes bya bar chos ston par mi 'gyur ro/ /rnam par shes pa 'das zhes bya ba'am/ ma 'ongs zhes bya ba'am/ da ltar byung zhes bya bar chos ston par mi 'gyur ro/ /skye mched dang/ khams dang/ rten cing 'brel par 'byung ba rtag ces bya ba'am/ mi rtag ces bya bar chos ston par mi 'gyur ro/ /rten cing 'brel par 'byung ba bde zhes bya ba'am/ sdug bsngal zhes bya ba'am/ rten cing 'brel par 'byung ba bdag ces bya ba'am/ bdag med ces bya ba'am/ rten cing 'brel par 'byung ba sdug ces bya ba'am; mi sdug ces bya bar chos ston par mi 'gyur ro/ /rten cing 'brel par 'byung ba zhi zhes bya ba'am/ ma zhi zhes bya bar chos ston par mi 'gyur ro/ /rjes cing 'brel par 'byang ba bcings zhes bya ba'am/ grol zhes bya bar chos ston par mi 'gyur ro/ /rten cing 'brel par 'byung ba 'das zhes bya ba'am/ ma 'ongs zhes bya ba'am/ da ltar byung zhes bya bar chos ston @279b bar mi 'gyur ro/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun rtag ces bya ba'am/ mi rtag ces bya bar chos ston par mi 'gyur ro/ /byang chub kyi phyogs kyi chos sum cu rtsa bdun bde zhes bya ba'am/ sdug bsngal zhes bya ba'am/ byang chub kyi phyogs kyi chos sum cu rtsa bdun bdag ces bya ba'am/ bdag med ces bya ba'am/ byang chub kyi phyogs kyi chos sum cu rtsa bdun sdug ces bya ba'am/ mi sdug ces bya bar chos ston par mi 'gyur ro/ /byang chub kyi phyogs kyi chos sum cu rtsa bdun zhi zhes bya ba'am/ ma zhi zhes bya bar chos ston par mi 'gyur ro/ /byang chub kyi phyogs kyi chos sum cu rtsa bdun bcings zhes bya ba'am/ grol zhes bya bar chos ston par mi 'gyur ro/ /byang chub kyi phyogs kyi chos sum cu rtsa bdun 'das zhes bya ba'am/ ma 'ongs zhes bya ba'am/ da ltar byung zhes bya bar chos ston par mi 'gyur ro/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams rtag ces bya ba'am/ mi rtag ces bya bar chos ston par mi 'gyur ro/ /mngon par shes pa rnams bde zhes bya ba'am/ sdug bsngal zhes @280a @#/ /bya ba'am/ mngon par shes pa rnams bdag ces bya ba'am/ bdag med ces bya ba'am/ mngon par shes pa rnams sdug ces bya'am/ mi sdug ces bya bar chos ston par mi 'gyur ro/ /mngon par shes pa rnams zhi zhes bya ba'am/ ma zhi zhes bya bar chos ston par mi 'gyur ro/ /mngon par shes pa rnams bcings zhes bya ba'am/ grol zhes bya bar chos ston par mi 'gyur ro/ /mngon par shes pa rnams 'das zhes bya ba'am/ ma 'ongs zhes bya ba'am/ da ltar byung zhes bya bar chos ston par mi 'gyur ro/ /ting nge 'dzin rnams dang; gzungs kyi sgo rnams rtag ces bya ba'am/ mi rtag ces bya bar chos ston par mi 'gyur ro/ /gzungs kyi sgo rnams bde zhes bya ba'am/ sdug bsngal zhes bya ba'am/ gzungs kyi sgo rnams bdag ces bya ba'am/ bdag med ces bya ba'am/ gzungs kyi sgo rnams sdug ces bya ba'am/ mi sdug ces bya bar chos ston par mi 'gyur ro/ /gzungs kyi sgo rnams zhi zhes bya ba'am/ ma zhi zhes bya bar chos ston par mi 'gyur ro/ /gzungs kyi sgo rnams bcings zhes bya ba'am/ grol zhes bya bar chos ston par mi 'gyur ro/ /gzugs kyis go rnams 'das zhes ba ba'am/ / ma 'ongs zhes ba'am/ da ltar byung zhes bya bar chos ston par mi 'gyur ro/ /de bzhin gshegs pa'i stobs rnams dang/ mi 'jigs pa rnas dang/ so so yang dag par rig pa rnams @280b dang/ sangs rgyas ki chos ma 'dres pa rnams rtag ces bya ba'am/ mi rtag ces bya bar chos ston par mi 'gyur ro/ /sangs rgyas kyi chos ma 'dres pa rnams bde zhes bya ba'am/ sdug bsngal zhes ba ba'am/ sangs rgyas kyi chos ma 'dres pa rnams bdag ces bya ba'am/ bdag med ces bya ba'am/ sangs rgyas kyi chos ma 'dres pa rnams sdu bces bya ba'am/ mi sdug ces bya bar chos rten par mi 'gyur ro/ /sangs rgyas kyi chos ma 'dres pa rnams zhi zhes bya ba'am/ ma zhi zhes bya bar chos ston par mi 'gyur ro/ sangs rgyas kyi chos ma 'dres pa rnams bcings zhes ba ba'am/ grol zhes bya bar chos ston par mi 'gyur ro/ /sangs rgyas kyi chos ma 'dres pa rnasm 'das zhes ba ba'am/ ma'ongs zhes bya ba'am/ da ltar byung zhes bya bar chos ston par mi 'gyur ro/ /rnam pa thams cad mkhyen pa nyid kyi bsar du rtag ces bya ba'am/ mi rtag ces bya bar chos ston par mi 'gyur ro/ /rnam pa thams cad mkhyen pa nyid bde zhes bya ba'am/ sdug bsngal zhe bya ba'am/ rnam pa thams cad mkhyen pa nyid bdag ces bya ba'am/ bdag med ces bya ba'am/ rna par thams cad mkhyen pa nyid sdug ces bya ba'am/ mi sdu gces bya bar chos ston par mi 'gyur ro/ /rnam pa thams cad mkhyen pa nyid zhi zhes bya ba'am/ ma zhi zhes bya bar chos ston par mi 'gyur ro/ /rnam par thams cad mkhyen pa nyid bcongs zhes bya ba'am/ gros zhes bya bar chos ston par mi 'gyur @281a @#/ /ro; ;rnam pa thams cad mkhyen pa nyid 'das zhes bya ba'am/ ma 'ongs zhes bya ba'am/ da ltar byung zhes bya bar chos ston par mi 'gyur ro/ /gsol pa/ bcom ldan 'das/ byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par rdzogs par sangs rgyas nas/ chos ni ji ltar ston par 'gyur/ ston na ci zhig gis ston par 'gyur/ bcom ldan 'das kyis bka' stsal pa/ gzugs shin tu rnam par dag go zhes shin tu rnam par dag pa'i chos ston par 'gyur ro/ /tshor ba dang/ 'du shes dang/ 'du byed dang/ rnam par shes pa shin tu rnam par dag go zhes shin tu rnam par dag pa'i chos ston par 'gyur ro/ /skye mched dang; khams dang/ rten cing 'brel par 'byung ba shin tu rnam par dag go zhes shin tu rnam par dag pa'i chos ston par 'gyur ro/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun shin tu rnam par dag go zhes shin tu rnam par dag pa'i chos ston par 'gyur ro/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms @281b par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams shin tu rnam par dag go zhes shin tu rnam par dag pa'i chos ston par 'gyur ro/ /ting nge 'dzin rnams dang/ gzungs kyi sgo rnams shin tu rnam par dag go zhes shin tu rnam par dag pa'i chos ston par 'gyur ro/ /de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ sangs rgyas kyi chos ma 'dres pa rnams shin tu rnam par dag go zhes shin tu rnam par dag pa'i chos ston par 'gyur ro/ /rnam pa thams cad mkhyen pa nyid kyi bar du shin tu rnam par dag go zhes shin tu rnam par dag pa'i chos ston par 'gyur ro/ /gsol pa/ bcom ldan 'das/ shes rab kyi pha rol tu phyin pa ni yongs su dag pa'o/ /bcom ldan 'das kyis bka' stsal pa/ rab 'byor/ gzugs yongs su dag pa'i phyir/ shes rab kyi pha rol tu phyin pa yongs su dag pa'o/ /tshor ba dang/ 'du shes dang/ 'du byed dang/ rnam par shes pa yongs su dag pa'i phyir/ shes rab kyi pha rol tu phyin pa yongs su dag pa'o/ /rab 'byor/ skye mched dang/ khams dang/ rten cing 'brel par ? 'byung ba yongs su dag pa'i phyir/ shes rab kyi pha rol tu phyin pa yongs su dag pa'o/ /pha rol tu phyin pa thams cad dang/ stong pa @282a @#/ /nyid thams cad dang/ byang chub kyi phyogs kyi chos sum cu rtsa bdun yongs su dag pa'i phyir/ shes rab kyi pha rol tu phyin pa yongs su dag pa'o/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams yongs su dag pa'i phyir/ shes rab kyi pha rol tu phyin pa yongs su dag pa'o/ /ting nge 'dzin dang; gzungs kyi sgo rnams yongs su dag pa'i phyir/ shes rab kyi pha rol tu phyin pa yongs su dag pa'o/ /de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa bco brgyad yongs su dag pa'i phyir/ shes rab kyi pha rol tu phyin pa yongs su dag pa'o/ /rnam pa thams cad mkhyen pa nyid kyi bar du yongs su dag pa'i phyir/ shes rab kyi pha rol tu phyin pa yongs su dag pa'o/ /gsol pa/ bcom ldan 'das/ ji ltar na gzugs yongs su dag pa'i slad du/ shes rab kyi pha rol tu phyin pa yongs su dag pa lags/ ji ltar na tshor ba dang/ 'du shes dang/ 'du byed dang/ rnam par shes pa yongs su dag pa'i slad du/ shes rab kyi pha rol tu phyin pa yongs @282b su dag pa lags/ ji ltar na skye mched dang/ khams dang/ rten cing 'brel par 'byung ba yongs su dag pa'i slad du/ shes rab kyi pha rol tu phyin pa yongs su dag pa lags/ ji ltar na pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun yongs su dag pa'i slad du/ shes rab kyi pha rol tu phyin pa yongs su dag pa lags/ ji ltar na 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa dang/ mthar gyis gnas pa'i snyoms par 'jug pa dang; stong pa nyid dang/ mtshan ma med pa dang/ smon pa med pa dang/ mngon par shes pa rnams yongs su dag pa'i slad du/ shes rab kyi pha rol tu phyin pa yongs su dag pa lags/ ji ltar na ting nge 'dzin dang/ gzungs kyi sgo rnams yongs su dag pa'i slad du/ shes rab kyi pha rol tu phyin pa yongs su dag pa lags/ ji ltar na de bzhin gshegs pa'i stobs dang/ mi 'jigs pa dang; so so yang dag par rig pa dang/ sangs rgyas kyi chos ma 'dres pa bco brgyad yongs su dag pa'i slad du/ shes rab kyi pha rol tu phyin pa yongs su dag pa lags/ ji ltar na rnam pa thams cad mkhyen pa nyid kyi bar du yongs su dag pa'i slad du/ shes rab kyi pha rol tu phyin pa yongs su dag pa lags/ bcom ldan 'das kyis bka' stsal pa/ rab 'byor/ gzugs la skye ba med pa @283a @#/ /dang/ 'gag pa med pa dang/ kun nas nyon mongs pa med pa dang/ rnam par byang ba med pa ni gzugs yongs su dag pa'o/ /tshor ba dang/ 'du shes dang/ 'du byed dang/ rnam par shes pa la skye ba med pa dang/ 'gag pa med pa dang/ kun nas nyon mongs pa med pa dang/ rnam par byang ba med pa ni rnam par shes pa yongs su dag pa'o/ / skye mched dang/ khams dang/ rten cing 'brel par 'byung ba la skye ba med pa dang/ 'gag pa med pa dang/ kun nas nyon mongs pa med pa dang/ rnam par byang ba med pa ni rten cing 'brel par 'byung ba yongs su dag pa'o/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun la skye ba med pa dang/ 'gag pa med pa dang/ kun nas nyon mongs pa med pa dang/ rnam par byang ba med pa ni/ byang chub kyi phyogs kyi chos sum cu rtsa bdun yongs su dag pa'o/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa rnams dang/ mthar gyis gnas pa'i snyoms par 'jug pa rnams dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams la skye ba med pa dang/ 'gag pa med pa dang/ kun nas nyon mongs pa med pa dang/ rnam par byang ba med pa ni mngon par shes @283b pa yongs su dag pa'o/ /ting nge 'dzin rnams dang/ gzungs kyi sgo rnams la skye ba med pa dang/ 'gag pa med pa dang/ kun nas nyon mongs pa med pa dang/ rnam par byang ba med pa ni gzungs kyi sgo rnams yongs su dag pa'o/ /de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ sangs rgyas kyi chos ma 'dres pa bco brgyad la skye ba med pa dang/ 'gag pa med pa dang/ kun nas nyon mongs pa med pa dang/ rnam par byang ba med pa ni sangs rgyas kyi chos ma 'dres pa bco brgyad yongs su dag pa'o/ /rnam pa thams cad mkhyen pa nyid kyi bar la skye ba med pa dang/ 'gag pa med pa dang/ kun nas nyon mongs pa med pa dang/ rnam par byang ba med pa ni rnam pa thams cad mkhyen pa nyid yongs su dag pa'o; ;rab 'byor/ gzhan yang nam mkha' yongs su dag pa'i phyir/ shes rab kyi pha rol tu phyin pa yongs su dag pa'o/ /gsol pa/ bcom ldan 'das/ ji ltar na nam mkha' yongs su dag pa'i slad du/ shes rab kyi pha rol tu phyin pa yongs su dag pa lags/ bcom ldan 'das kyis bka' stsal pa/ skye ba med pa dang/ 'gag pa med pa dang/ kun nas nyon mongs pa med pa dang/ rnam par byang ba med pa'i phyir/ nam mkha' yongs su dag pa ste/ rab 'byor/ nam mkha' la 'gro ba med pa'i phyir/ shes rab kyi pha rol tu phyin pa yongs su dag pa'o/ / @284a @#/ /gsol pa/ bcom ldan 'das/ ji ltar na nam mkha' la 'gro ba ma mchis pa'i slad du/ shes rab kyi pha rol tu phyin pa yongs su dag pa lags/ bcom ldan 'das kyis bka' stsal pa/ rab 'byor/ nam mkha' gzung du med pa'i phyir/ shes rab kyi pha rol tu phyin pa yongs sud dag pa'o/ /rab 'byor/ nam mkha' la tha snyad med pa'i phyir/ shes rab kyi pha rol tu phyin pa yongs su dag pa'o/ /gsol pa/ bcom ldan 'das/ ji ltar na nam mkha' la tha snyad ma mchis pa'i slad du/ shes rab kyi pha rol tu phyin pa yongs su dag pa lags/ bcom ldan 'das kyis bka' stsal pa/ rab 'byor/ 'di ltar ste/ dper na/ nam mkha'i sgra brnyan gnyis kyi sgra ltar/ nam mkha' la tha snyad med pa'i phyir/ shes rab kyi pha rol tu phyin pa yongs su dag pa'o/ /rab 'byor/ nam mkha' brjod du med pa'i phyir/ shes rab kyi pha rol tu phyin pa yongs su dag pa'o/ /gsol pa/ bcom ldan 'das/ ji ltar na nam mkha' brjod du ma mchis pa'i slad du/ shes rab kyi pha rol tu phyin pa yongs su dag pa lags/ bcom ldan 'das kyis bka' stsal pa/ rab 'byor/ nam mkha' la ni gang yang brjod du med do/ /rab 'byor/ de bzhin du nam mkha' brjod du med pa'i phyir/ shes rab kyi pha rol tu phyin pa yongs su dag pa'o/ /rab 'byor/ gzhan @284b yang nam mkha' dmigs su med pa'i phyir/ shes rab kyi pha rol tu phyin pa yongs su dag pa'o/ /gsol pa/ bcom ldan 'das/ ji ltar na nam mkha' dmigs su ma mchis pa'i slad du/ shes rab kyi pha rol tu phyin pa yongs su dag pa lags/ bcom ldan 'das kyis bka' stsal pa/ rab 'byor/ nam mkha' la gang yang dmigs su med do/ /rab 'byor/ de bzhin du nam mkha' dmigs su med pa'i phyir/ shes rab kyi pha rol tu phyin pa yongs su dag pa'o/ /rab 'byor/ gzhan yang chos thams cad skye ba med pa dang/ 'gag pa med pa dang; kun nas nyon mongs pa med pa dang/ rnam par byang ba med pa'i phyir/ shes rab kyi pha rol tu phyin pa yongs su dag pa'o/ /gsol pa/ bcom ldan 'das/ ji ltar na chos thams cad skye ba ma mchis pa dang/ 'gag pa ma mchis pa dang/ kun nas nyon mongs pa ma mchis pa dang/ rnam par byang ba ma mchis pa'i slad du/ shes rab kyi pha rol tu phyin pa yongs su dag pa lags/ bcom ldan 'das kyis bka' stsal pa/ rab 'byor/ chos thams cad shin tu rnam par dag pa'i phyir/ shes rab kyi pha rol tu phyin pa yongs su dag pa'o/ /rab 'byor gyis gsol pa/ bcom ldan 'das/ rigs kyi bu'am rigs kyi bu mo gang la la zhig shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ tshul bzhin du @285a @#/ /yid la bgyid na/ bcom ldan 'das/ de la mig gi nad 'byung bar mi 'gyur ro/ /rna ba'i nad dang/ sna'i nad dang/ lce'i nad dang/ lus kyi nad dang; yan lag ma tshang bar mi 'gyur ro/ /lus ngan par mi 'gyur ro/ /rgas pas 'khogs pa'i lus su mi 'gyur ro/ /rigs kyi bu'am rigs kyi bu mo de ni mi bde ba mi spongs pas dus byed par mi 'gyur ro/ /de'i slad bzhin du lha brgya stong mang po 'brang bar 'gyur te/ rgyal chen bzhi'i ris kyi lha rnams dang/ gnas gtsang ma'i ris kyi bar gyi lha rnams kyang slad bzhin du 'brang bar 'gyur ro/ /gang na chos smra ba'i rigs kyi bu'am rigs kyi bu mo de shes rab kyi pha rol tu phyin pa 'di ston pa der yang/ tshes brgyad dang/ bcu bzhi dang/ bco lnga dag la lha'i tshogs chen po 'du bar 'gyur ro/ /rigs kyi bu'am rigs kyi bu mo de yang shes rab kyi pha rol tu phyin pa 'di ston pa'i tshe/ bsod nams mang du 'phel bar 'gyur te/ rigs kyi bu'am rigs kyi bu mo de'i bsod nams kyi phung po rab tu mang ba/ tshad ma mchis pa/ grangs ma mchis pa/ bsam gyis mi khyab pa/ mtshungs pa ma mchis pa; gzhal du ma mchis pa/ dpag tu ma mchis pa/ rab tu 'phel bar 'gyur ro/ /bcom ldan 'das kyis bka' stsal pa/ rab 'byor/ de de bzhin no/ /de de bzhin te/ rigs @285b kyi bu'am rigs kyi bu mo gang tshes brgyad dang/ bcu bzhi dang/ bco lnga dag la shes rab kyi pha rol tu phyin pa 'di lha'i 'khor gyi mdun du ston pa'i rigs kyi bu'am rigs kyi bu mo de'i bsod nams mang du 'phel te/ bsod nams kyi phung po mang po dang/ tshad med pa grangs med pa dang/ bsam gyis mi khyab pa mtshungs pa med pa/ gzhal du med pa dpag tu med pa rab tu 'phel bar 'gyur ro/ /rab 'byor/ de ci'i phyir zhe na/ 'di lta ste/ shes rab kyi pha rol tu phyin pa 'di ni rin po che'o/ /rab 'byor/ de la shes rab kyi pha rol tu phyin pa rin po che ni 'di yin te/ sems can dmyal ba las yongs su grol bar byed pa'o/ /byol song gi skye gnas dang/ gshin rje'i 'jig rten dang/ mi dang lha dbul po las yongs su grol bar byed pa'o/ / rgyal rigs che zhing mtho ba'i rigs 'byin pa'o/ /bram ze che zhing mtho ba'i rigs 'byin pa'o/ /khyim bdag che zhing mtho ba'i rigs 'byin pa'o/ /rgyal chen bzhi'i ris kyi lha'i skye ba'i skye mched 'byin pa'o/ /'du shes med 'du shes med min skye mched kyi bar gyi lha'i skye ba'i skye mched 'byin pa'o/ /rgyun du zhugs pa'i 'bras bu 'byin pa'o/ /lan gcig phyir 'ong ba'i 'bras bu dang/ phyir mi 'ong ba'i 'bras bu 'byin pa'o/ /dgra bcom pa nyid dang/ rang byang chub 'byin pa'o/ /yang dag par rdzogs pa'i byang chub 'byin pa'o/ /de ci'i phyir zhe na/ de ni @286a @#/ /'di ltar shes rab kyi pha rol tu phyin pa 'di las dge ba bcu'i las kyi lam rgyas par bstan te/ de la bslabs pas rgyal rigs che zhing mtho ba rnams yod do/ /bram ze'i rigs che zhing mtho ba rnams yod do/ /khyim bdag gi rigs che zhing mtho ba rnams yod do/ /rgyal chen bzhi'i ris kyi lha rnams yod do/ /sum cu rtsa gsum dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed kyi lha rnams yod do/ /tshangs ris dang/ tshangs lha nye phan dang/ tshangs pa kun 'khor dang; tshangs chen dang/ snang ba dang/ chung snang dang/ tshad med snang ba dang/ kun snang dang ba dang/ dge ba dang/ chung dge dang/ tshad med dge ba dang/ dge rgyas dang/ che ba dang/ chung che dang/ tshad med che ba dang/ 'bras bu che ba dang/ mi che ba dang/ mi gdung ba dang/ shin tu mthong ba dang/ gya nom snang ba dang/ 'og min gyi lha rnams yod do/ /nam mkha' mtha' yas skye mched kyi lha rnams yod do/ /rnam shes mtha' yas skye mched dang/ cung zad med pa'i skye mched dang/ 'du shes med 'du shes med min skye mched kyi lha rnams yod do; ;rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu yod do/ /dgra bcom pa nyid dang/ rang byang chub yod do/ /bla na med @286b pa yang dag par rdzogs pa'i byang chub yod do/ /shes rab kyi pha rol tu phyin pa 'di yod na/ bsam gtan bzhi yod do/ /tshad med pa bzhi dang/ gzugs med pa'i snyoms par 'jug pa bzhi yod do/ /byang chub kyi phyogs kyi chos sum cu rtsa bdun yod do/ /sbyin pa'i pha rol tu phyin pa yod do/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa yod do/ /nang stong pa nyid yod do/ /dngos po med pa'i ngo bo nyid stong pa nyid kyi bar du yod do/ /'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ rnam par thar pa brgyad dang; mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa rnams yod do/ /ting nge 'dzin thams cad dang/ gzungs kyi sgo thams cad yod do/ /de bzhin gshegs pa'i stobs bcu dang/ 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad yod do/ /rnam pa thams cad mkhyen pa nyid kyi bar du yod do/ /de yang 'di ltar shes rab kyi pha rol tu phyin pa 'di las chos de thams cad rgya cher bstan te/ de la @287a @#/ /bslabs na rgyal rigs che zhing mtho ba rnams yod do/ /bram ze'i rigs che zhing mtho ba yod do/ /khyim bdag gi rigs che zhing mtho ba rnams yod do/ /rgyal chen bzhi'i ris kyi lha rnams yod do/ /sum cu rtsa gsum dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed dang/ tshangs ris dang/ tshangs lha nye phan dang/ tshangs pa kun 'khor dang/ tshangs chen dang/ snang ba dang/ chung snang dang/ tshad med snang ba dang/ kun snang dang ba dang/ dge ba dang/ chung dge dang/ tshad med dge ba dang/ dge rgyas dang/ che ba dang/ chung che dang/ tshad med che ba dang/ 'bras bu che ba dang/ mi che ba dang/ mi gdung ba dang/ shin tu mthong ba dang/ gya nom snang ba dang/ 'og min gyi lha rnams yod do/ /nam mkha' mtha' yas skye mched dang/ rnam shes mtha' yas skye mched dang/ cung zad med pa'i skye mched dang/ 'du shes med 'du shes med min skye mched kyi lha rnams yod do/ /rgyun du zhugs pa rnams yod do/ /lan gcig phyir 'ong ba dang/ phyir mi 'ong ba rnams dang/ dgra bcom pa rnams dang/ rang sangs rgyas rnams yod do/ / byang chub sems dpa' rnams yod do/ /de bzhin gshegs pa dgra bcom pa yang dag par rdzogs pa'i sangs rgyas rnams yod do/ /de bas na de ni pha rol tu phyin pa rin po che @287b zhes bya'o/ /pha rol tu phyin pa rin po che de la ni chos gang yang skye ba'am/ 'gag pa'am/ kun nas nyon mongs pa'am/ rnam par byang ba'am/ yongs su gzung ba'am/ dor ba med do/ / de ci'i phyir zhe na/ de ni 'di ltar gang skye ba'am/ 'gag pa'am/ kun nas nyon mongs pa'am/ rnam par byang ba'am/ yongs su gzung ba'am/ dor bar bya ba'i chos de lta bu med do/ /rab 'byor/ pha rol tu phyin pa rin po che 'di la ni dge ba'am/ mi dge ba'am/ 'jig rten pa'am/ 'jig rten las 'das pa'am/ zag pa dang bcas pa'am/ zag pa med pa'am/ 'dus byas sam/ 'dus ma byas kyi chos gang yang dmigs su med de/ rab 'byor/ rnam grangs des kyang pha rol tu phyin pa rin po che ni dmigs su med do/ /rab 'byor/ pha rol tu phyin pa rin po che la ni gang gis kyang 'go ba med do/ /de ci'i phyir zhe na/ de ni 'di ltar gang 'go bar 'gyur ba'i chos de lta bu dmigs su med de/ rab 'byor/ de'i phyir na pha rol tu phyin pa 'di ni 'go ba med pa'i pha rol tu phyin pa rin po che'o/ /rab 'byor/ gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ de ltar 'du shes par yang mi byed la/ de ltar mi rtog cing de ltar mi dmigs te/ de ltar 'phro bar yang mi byed na/ shes rab kyi pha rol tu phyin pa la spyod pa ste/ shes rab kyi pha rol tu phyin pa la sgom pa'o/ /de ni @288a @#/ /sangs rgyas bcom ldan 'das rnams mnyes par byed pa'o/ /sangs rgyas bcom ldan 'das rnams mngon par bsams shing/ sangs rgyas bcom ldan 'das de dag la rim gror bya ba dang/ bkur stir bya ba dang/ bsti stang du bya ba dang/ mchod par bya ba'i phyir/ sangs rgyas kyi zhing nas sangs rgyas kyi zhing du 'gro ste/ sems can yongs su smin par bya ba dang/ sangs rgyas kyi zhing yongs su spyod par byed cing/ sangs rgyas kyi zhing nas sangs rgyas kyi zhing du 'gro'i/ /rab 'gyor/ shes rab kyi pha rol tu phyin pa 'di ni chos gang yang ston pa'am/ rna par ston pa'am/ yongs su ston pa'am/ 'dzin par byed pa'am/ 'byin par byed pa'am/ skye bar byed pa'am/ 'gag par byed pa'am/ kun nas nyon mongs par byed pa'am/ rnam par byang bar byed pa'am/ 'grib par byed pa'am/ 'phel bar byed pa'am/ 'das pa dang/ ma 'ongs pa dang/ da ltar byung bar byed pa med do/ /rab 'byor/ de ltar shes rab kyi pha rol tu phyin pa 'di ni/ 'dod pa'i khams las 'da' bar byed pa ma yin/ gnas par byed pa ma yin/ gzugs kyi khams las 'da' bar byed pa ma yin/ gnas par byed pa ma yin/ gzugs med pa'i khams las 'da' bar byed pa ma yin/ gnas par byed pa ma yin/ sbyin pa'i pha rol tu phyin @288b pa bsgrub pa ma yin/ 'dor ba ma yin/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa bsgrub pa ma yin/ 'dor ba ma yin/ nang stong pa nyid bsgrub pa ma yin/ 'dor ba ma yin/ dngos po med pa'i ngo bo nyid stong pa nyid kyi bar du bsgrub pa ma yin/ 'dor ba ma yin byang chub kyi phyogs kyi chos sum cu rtsa bdun bsgrub pa ma yin/ 'dor ba ma yin/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams bsgrub pa ma yin/ 'dor ba ma yin/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams bsgrub pa ma yin/ 'dor ba ma yin/ ting nge 'dzin rnams dang/ gzungs kyi sgo rnams bsgrub pa ma yin/ 'dor ba ma yin/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang/ sangs rgyas kyi chos ma 'dres pa rnams bsgrub pa ma yin/ 'dor ba ma yin/ rgyun du zhugs pa'i 'bras bu bsgrub pa ma yin/ 'dor ba ma yin/ lan gcig phyir 'ong @289a @#/ /ba'i 'bras bu dang/ phyir mi rong ba'i 'bras bu dang/ dgra bcom pa nyid bsgrub pa ma yin/ 'dor ba ma yin/ rang byang chub bsgrub pa ma yin/ 'dor ba ma yin/ lam gyi rnam pa nyid bsgrub pa ma yin/ 'dor ba ma yin/ rnam pa thams cad mkhyen pa nyid bsgrub pa ma yin/ 'dor ba ma yin no// // shes rab kyi pha rol tu phyin pa stong phrag nyi shu lnga pa/ bam po bzhi bcu gcig pa/ shes rab kyi pha rol tu phyin pa 'di ni 'dus byas kyi khams 'dor ba ma yin/ 'dus ma byas kyi khams sgrub pa ma yin no/ /de ci'i phyir zhe na/ de bzhin gshegs pa rnams byung yang rung/ de bzhin gshegs pa rnams ma byung yang rung/ chos rnams kyi chos nyid dang/ chos kyi dbyings dang/ chos kyi gnas nyid dang/ chos skyon med pa de ni de bzhin du gnas pa yin te/ de ni de bzhin gshegs pas mngon par rdzogs par sangs rgyas so/ /mngon par thugs su chud do/ /mngon par rdzogs par sangs rgyas te/ mngon par rdzogs par thugs su chud nas kyang gsung ngo/ /ston to/ /brjod do/ /'grel to/ /rnam par 'byed do/ /gsal bar mdzad do/ /yang dag par ston to/ /de nas lha'i bu stong phrag mang po steng gi bar snang la 'khod nas lhung lhung ldegs kyi sgra phyung ste/ lha rdzas kyi me tog utpa la dang/ padmo dang/ ku @289b mud dang/ puNDa ka dang/ manda ra ba dang/ manda ra ba chen po 'thor zhing 'di skad kyi tshig brjod par gyur to/ /kye ma shes rab kyi pha rol tu phyin pa 'di bstan pas/ lha'i bu stong phrag du ma skye ba med pa'i chos la bzod pa skyes par gyur te/ 'dzam bu'i gling du chos kyi 'khor lo gnyis pa bskor ba mthong ngo/ /de nas bcom ldan 'das kyis gnas brtan rab 'byor la bka' stsal pa/ rab 'byor/ dngos po med pa'i ngo bo nyid stong pa nyid kyi phyir/ 'di ni chos kyi 'khor lo gnyis su bskor ba'ang ma yin/ gcig tu bskor ba'ang ma yin no/ /shes rab kyi pha rol tu phyin pa 'di'ang chos gang yang 'khor ba'am/ mi 'khor bar bya ba'i phyir nye bar gnas pa ma yin no/ /gsol pa/ bcom ldan 'das/ de ltar shes rab kyi pha rol tu phyin pa 'di chos gang yang 'khor bar bgyi ba'am/ mi 'khor bar bgyi ba'i slad du/ nye bar mi gnas pa'i dngos po ma mchis pa'i ngo bo nyid stong pa nyid de gang lags/ bcom ldan 'das kyis bka' stsal pa/ rab 'byor/ shes rab kyi pha rol tu phyin pa shes rab kyi pha rol tu phyin pas stong ngo/ /bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa sbyin pa'i pha rol tu phyin pas stong ngo/ /nang stong pa nyid nang stong @290a @#/ /pa nyid kyis stong ngo/ /dngon po med pa'i ngo bo nyid stong pa nyid kyi bar du dngos po med pa'i ngo bo nyid stong pa nyid kyis stong ngo/ /dran pa nye bar bzhag pa rnams dran pa nye bar bzhag pa rnams kyis stong ngo/ /yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa 'phags pa'i lam yan lag brgyad pas stong ngo/ /'phags pa'i bden pa rnams dang/ bsam gtan rnams dang/ tshad med pa dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams mngon par shes pa rnams kyis stong ngo/ /ting nge 'dzin rnams dang/ gzungs kyi sgo rnams gzungs kyi sgo rnams kyis stong ngo/ /de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang/ sangs rgyas kyi chos ma 'dres pa rnams sangs rgyas kyi chos ma 'dres pa rnams kyis stong/ /rgyun du zhugs pa'i 'bras bu rgyun du zhugs pa'i 'bras bus stong ngo/ / @290b lan gcig phyir 'ong ba'i 'bras bu dang/ phyir mi 'ong ba'i 'bras bu phyir mi 'ong ba'i 'bras bus stong ngo/ /dge bcom pa nyid dgra bcom pa nyid kyis stong ngo/ /rang byang chub rang byang chub kyis stong ngo/ /lam gyi rnam pa shes pa nyid lam gyi rnam pa shes pa nyid kyis stong ngo/ /rnam pa thams cad mkhyen pa nyid rnam pa thams cad mkhyen pa nyid kyis stong ngo/ /gsol pa bcom ldan 'das/ byang chub sems dpa' sems dpa' chen po rnams kyi pha rol tu phyin pa 'di ni chen mo ste/ 'di ltar shes rab kyi pha rol tu phyin pa rang bzhin gyis stong pa'o/ / de ni chos thams cad kyang chos thams cad kyis stong la/ byang chub sems dpa' sems dpa' chen po rnams kyang/ shes rab kyi pha rol tu phyin pa la gnas shing/ bla na med pa yang dag par rdzogs pa'i byang chub tu mngon par rdzogs par 'tshang rgya'ang/ chos gang yang mngon par rdzogs par 'tshang rgya bar ma mchis/ chos kyi 'khor lo'ang skor la chos gang yang 'khor ba'am/ mi 'khor ba'am/ rab tu 'khor bar bgyid pa ma mchis te/ de dag gis chos gang yang yongs su mthong ba'am/ yongs su ma mthong ba ma mchis so/ /de ci'i slad du zhe na/ de ni 'di ltar gang 'khor bar bgyi ba'am/ mi 'khor bar bgyi ba'am/ rab tu 'khor bar bgyi ba'i chos de lta bu dmigs su ma mchis te/ de ni 'di ltar chos thams @291a @#/ /cad kyang shin tu mngon par ma grub pa'o/ /de ci'i slad du zhe na/ stong pa nyid ni 'khor bar bgyid pa'am/ mi 'khor bar bgyid pa ma lags so/ / mtshan ma ma mchis pa ni 'khor bar bgyid pa'am/ mi 'khor bar bgyid pa ma lags so/ /smon pa ma mchis pa ni 'khor bar bgyid pa'am/ mi 'khor bar bgyid pa ma lags so; ;de ltar na shes rab kyi pha rol tu phyin pa bstan pa dang/ rab tu bstan pa dang/ bsgrags pa dang/ rab tu dgod pa dang/ gzhag pa dang/ rnam par dbye ba dang/ rnam par dgrol ba dang/ smos pa dang/ gsal bar bgyi ba dang/ yang dag par bstan pa 'di ni shes rab kyi pha rol tu phyin pa bstan pa yongs su dag pa'o/ /shes rab kyi pha rol tu phyin pa bstan pa de'ang sus kyang ma bstan/ sus kyang ma bzung ngo/ /gang sus kyang ma bstan/ sus kyang ma bzung ba de ni sus kyang mngon du ma bgyis so/ /gang sus kyang mngon du ma bgyis pa de la ni yongs su mya ngan las 'da' ba ma mchis te/ chos bstan pa 'di la gang su'ang sbyin pa'i gnas su 'gyur ba ma mchis so/ /shes rab kyi pha rol tu phyin pa stong phrag nyi shu lnga pa las le'u nyi shu brgyad pa'o// //de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das/ 'di lta ste/ shes rab @291b kyi pha rol tu phyin pa 'di ni ma mchis pa'i pha rol tu phyin pa'o/ /bcom ldan 'das kyis bka' stsal pa/ nam mkha' med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni mnyam pa nyid kyi pha rol tu phyin pa'o/ /bcom ldan 'das kyis bka' stsal pa/ chos thams cad mnyam pa nyid kyi phyir ro/ /gsol pa/ bcom ldan 'das; 'di lta ste/ shes rab kyi pha rol tu phyin pa 'di ni rnam par dben pa'i pha rol tu phyin pa'o/ /bcom ldan 'das kyis bka' stsal pa/ mtha' las 'das pa stong pa nyid kyi phyir ro/ / gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni thub pa med pa'i pha rol tu phyin pa'o/ /bcom ldan 'das kyis bka' stsal pa/ chos thams cad dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni gnas ma mchis pa'i pha rol tu phyin pa'o/ /bcom ldan 'das kyis bka' stsal pa/ ming dang lus med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni nam mkha'i pha rol tu phyin pa'o/ /bcom ldan 'das kyis bka' stsal pa/ dbugs phyi nang du rgyu ba med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni brjod du ma mchis pa'i @292a @#/ /pha rol tu phyin pa'o/ /bcom ldan 'das kyis bka' stsal pa/ rnam par rtog pa dang/ rnam par dpyod pa dmigs su med pa'i phyir ro/ / gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni ming ma mchis pa'i pha rol tu phyin pa'o/ /bcom ldan 'das kyis bka' stsal pa/ tshor ba dang; 'du shes dang/ 'du byed dang/ rnam par shes pa dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni 'gro ba ma mchis pa'i pha rol tu phyin pa'o/ /bcom ldan 'das kyis bka' stsal pa/ chos thams cad 'gro ba med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni mi 'phrogs pa'i pha rol tu phyin pa'o/ /bcom ldan 'das kyis bka' stsal pa/ chos thams cad gzung du med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni skad cig pa ma mchis pa'i pha rol tu phyin pa'o/ /bcom ldan 'das kyis bka' stsal pa/ chos thams cad byang zhing zad pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni skye ba ma mchis pa'i pha rol tu phyin pa'o/ /bcom ldan 'das kyis @292b bka' stsal pa/ chos thams cad skye ba dang/ 'gag pa med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni byed pa po ma mchis pa'i pha rol tu phyin pa'o/ /bcom ldan 'das kyis bka' stsal pa/ byed pa po dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni shes pa po ma mchis pa'i pha rol tu phyin pa'o/ /bcom ldan 'das kyis bka' stsal pa/ shes pa po dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni 'pho ba ma mchis pa'i pha rol tu phyin pa'o/ /bcom ldan 'das kyis bka' stsal pa/ 'chi ba dang skye ba dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni 'jig pa ma mchis pa'i pha rol tu phyin pa'o/ /bcom ldan 'das kyis bka' stsal pa/ chos thams cad 'jig pa med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni rmi lam gyi pha rol tu phyin pa'o/ /bcom ldan 'das kyis bka' stsal pa/ rmi lam mthong ba dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni sgra brnyan gyi pha rol tu phyin pa'o/ / @293a @#/ /bcom ldan 'das kyis bka' stsal pa/ nyan pa dang/ sgrar brjod pa dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni mig yor gyi pha rol tu phyin pa'o/ /bcom ldan 'das kyis bka' stsal pa/ me long gi bzhin dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni smig rgyu'i pha rol tu phyin pa'o/ /bcom ldan 'das kyis bka' stsal pa/ chu 'bab pa dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni sgyu ma'i pha rol tu phyin pa'o/ /bcom ldan 'das kyis bka' stsal pa/ mtshan ma dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni rmongs pa ma mchis pa'i pha rol tu phyin pa'o/ /bcom ldan 'das kyis bka' stsal pa/ ma rig pa'i mun pa dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni kun nas nyon mongs pa ma mchis pa'i pha rol tu phyin pa'o/ /bcom ldan 'das kyis bka' stsal pa/ kun nas nyon mongs pa dmigs su med pa'i phyir ro/ /gsol pa/ bcom ldan 'das/ 'di lta @293b ste; shes rab kyi pha rol tu phyin pa 'di ni rnam par byang ba ma mchis pa'i pha rol tu phyin pa'o/ /bcom ldan 'das kyis bka' stsal pa/ nyon mongs pa med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni dmigs su ma mchis pa'i pha rol tu phyin pa'o/ /bcom ldan 'das kyis bka' stsal pa/ gnas dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni spros pa ma mchis pa'i pha rol tu phyin pa'o/ /bcom ldan 'das kyis bka' stsal pa/ spros pa thams cad yang dag par bcom pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni rlom sems ma mchis pa'i pha rol tu phyin pa'o/ /bcom ldan 'das kyis bka' stsal pa/ rlom sems thams cad yang dag par bcom pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni mi g.yo ba'i pha rol tu phyin pa'o/ /bcom ldan 'das kyis bka' stsal pa/ chos kyi dbyings gnas pa nyid kyi phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni 'dod chags dang bral ba'i pha rol tu phyin pa'o/ /bcom ldan 'das kyis bka' stsal pa/ chos thams cad ma nor ba yang dag pa nyid @294a @#/ /du mngon par 'tshang rgya bar byed pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni kun nas ldang ba ma mchis pa'i pha rol tu phyin pa'o/ /bcom ldan 'das kyis bka' stsal pa/ chos thams cad rnam par rtog pa med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni zhi ba'i pha rol tu phyin pa'o/ /bcom ldan 'das kyis bka' stsal pa/ chos thams cad mtshan ma med cing dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni 'dod chags ma mchis pa'i pha rol tu phyin pa'o/ /bcom ldan 'das kyis bka' stsal pa/ 'dod chags dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni zhe sdang ma mchis pa'i pha rol tu phyin pa'o/ /bcom ldan 'das kyis bka' stsal pa/ zhe sdang yod pa ma yin pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni gti mug ma mchis pa'i pha rol tu phyin pa'o/ /bcom ldan 'das kyis bka' stsal pa/ mi shes pa'i mun pa thams cad sel ba'i phyir ro/ /gsol pa/ bcom ldan 'das/ @294b 'di lta ste/ shes rab kyi pha rol tu phyin pa 'di ni nyon mongs pa ma mchis pa'i pha rol tu phyin pa'o/ /bcom ldan 'das kyis bka' stsal pa/ yongs su rtog pa med pa'i phyir ro/ /gsol pa; bcom ldan 'das/ 'di lta ste/ shes rab kyi pha rol tu phyin pa 'di ni sems can ma mchis pa'i pha rol tu phyin pa'o/ /bcom ldan 'das kyis bka' stsal pa/ sems can med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni rab tu spangs pa'i pha rol tu phyin pa'o/ /bcom ldan 'das kyis bka' stsal pa/ chos thams cad kun nas ldang ba med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni mtha' gnyis su mi 'gyur ba'i pha rol tu phyin pa'o/ /bcom ldan 'das kyis bka' stsal pa/ mtha' rnam par spong ba'i phyir ro/ /gsol pa/ bcom ldan 'das/ 'di lta ste/ shes kyi pha rol tu phyin pa 'di ni tha mi dad pa'i pha rol tu phyin pa'o/ /bcom ldan 'das kyis bka' stsal pa/ chos thams cad 'dres pa med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni nyams pa ma mchis pa'i pha rol tu phyin pa'o/ /bcom ldan 'das kyis bka' stsal pa/ nyan thos dang/ rang sangs rgyas kyi sa las 'da' bar byed pa'i @295a @#/ /phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni rnam par rtog pa ma mchis pa'i pha rol tu phyin pa'o/ / bcom ldan 'das kyis bka' stsal pa/ rnam par rtog pa thams cad dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni tshad ma mchis pa'i pha rol tu phyin pa'o/ /bcom ldan 'das kyis bka' stsal pa/ chos thams cad kyi tshad dmigs su med pa'i phyir ro/ /gsol pa/ bcom ldan 'das; 'di lta ste/ shes rab kyi pha rol tu phyin pa 'di ni nam mkha'i pha rol tu phyin pa'o/ /bcom ldan 'das kyis bka' stsal pa/ chos thams cad la chags pa med pa'i phyir ro; ;gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni mi rtag pa'i pha rol tu phyin pa'o/ /bcom ldan 'das kyis bka' stsal pa/ chos thams cad 'jig pa med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni sdug bsngal gyi pha rol tu phyin pa'o/ /bcom ldan 'das kyis bka' stsal pa; chos thams cad 'tshol bar sbyor ba med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni bdag ma mchis pa'i pha rol tu phyin pa'o/ / @295b bcom ldan 'das kyis bka' stsal pa/ chos thams cad la mngon par chags pa med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni stong pa nyid kyi pha rol tu phyin pa'o/ /bcom ldan 'das kyis bka' stsal pa/ chos thams cad dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni mtshan nyid ma mchis pa'i pha rol tu phyin pa'o/ /bcom ldan 'das kyis bka' stsal pa/ chos thams cad mngon par 'grub pa med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni nang stong pa nyid kyi pha rol tu phyin pa'o/ /bcom ldan 'das kyis bka' stsal pa/ nang gi chos dmigs su med pa'i phyir ro/ / gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni phyi stong pa nyid kyi pha rol tu phyin pa'o/ /bcom ldan 'das kyis bka' stsal pa/ phyi'i chos dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni phyi nang stong pa nyid kyi pha rol tu phyin pa'o/ /bcom ldan 'das kyis bka' stsal pa/ phyi nang gi chos dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni stong pa nyid stong pa nyid kyi pha rol tu phyin pa'o/ /bcom ldan 'das @296a @#/ /kyis bka' stsal pa/ stong pa nyid stong pa nyid dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni chen po stong pa nyid kyi pha rol tu phyin pa'o/ /bcom ldan 'das kyis bka' stsal pa/ chen po stong pa nyid dmigs su med pa'i phyir ro/ /gsol pa/ bcom ldan 'das; 'di lta ste/ shes rab kyi pha rol tu phyin pa 'di ni don dam pa stong pa nyid kyi pha rol tu phyin pa'o/ /bcom ldan 'das kyis bka' stsal pa/ don dam pa stong pa nyid dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni 'dus byas stong pa nyid kyi pha rol tu phyin pa'o/ /bcom ldan 'das kyis bka' stsal pa/ 'dus byas stong pa nyid dmigs su med pa'i ? phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni 'dus ma byas stong pa nyid kyi pha rol tu phyin pa'o/ /bcom ldan 'das kyis bka' stsal pa/ 'dus ma byas stong pa nyid dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni mtha' las 'das pa stong pa nyid kyi pha rol tu phyin pa'o/ /bcom ldan 'das kyis bka' stsal pa/ mtha' las 'das pa stong pa nyid dmigs su med pa'i phyir ro/ /gsol pa/ @296b bcom ldan 'das/ 'di lta ste/ shes rab kyi pha rol tu phyin pa 'di ni thog ma dang tha ma med pa stong pa nyid kyi pha rol tu phyin pa'o/ /bcom ldan 'das kyis bka' stsal pa/ thog ma dang tha ma med pa stong pa nyid dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni dor ba med pa stong pa nyid kyi pha rol tu phyin pa'o/ /bcom ldan 'das kyis bka' stsal pa/ dor ba med pa stong pa nyid dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni rang bzhin stong pa nyid kyi pha rol tu phyin pa'o/ /bcom ldan 'das kyis bka' stsal pa/ 'dus byas dang/ 'dus ma byas kyi chos dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni chos thams cad stong pa nyid kyi pha rol tu phyin pa'o/ /bcom ldan 'das kyis bka' stsal pa/ phyi nang gi chos dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni rang gi mtshan nyid stong pa nyid kyi pha rol tu phyin pa'o/ /bcom ldan 'das kyis bka' stsal pa/ rang gi mtshan nyid stong pa nyid dben pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni mi dmigs pa stong pa nyid kyi pha rol tu phyin pa'o/ /bcom ldan 'das @297a @#/ /kyis bka' stsal pa/ mi dmigs pa stong pa nyid dben pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni dngos po med pa stong pa nyid kyi pha rol tu phyin pa'o/ /bcom ldan 'das kyis bka' stsal pa/ dngos po med pa'i chos nyid kyi phyir ro/ /gsol pa/ bcom ldan 'das/ 'di lta ste; shes rab kyi pha rol tu phyin pa 'di ni ngo bo nyid stong pa nyid kyi pha rol tu phyin pa'o/ /bcom ldan 'das kyis bka' stsal pa/ chos rnams ngo bo nyid kyis dben pa'i phyir ro/ / gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni dngos po med pa'i ngo bo nyid stong pa nyid kyi pha rol tu phyin pa'o/ bcom ldan 'das kyis bka' stsal pa/ dngos po med pa'i ngo bo nyid stong pa nyid dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni dran pa nye bar bzhag pa'i pha rol tu phyin pa'o/ /bcom ldan 'das kyis bka' stsal pa/ lus dang/ tshor ba dang/ sems dang/ chos dmigs su med pa'i phyir ro/ /gsol pa; bcom ldan 'das/ 'di lta ste/ shes rab kyi pha rol tu phyin pa 'di ni yang dag par spong ba'i pha rol tu phyin pa'o/ /bcom ldan 'das kyis bka' stsal pa/ dge ba dang mi @297b dge ba'i chos dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni rdzu 'phrul gyi rkang pa'i pha rol tu phyin pa'o/ /bcom ldan 'das kyis bka' stsal pa/ rdzu 'phrul gyi rkang pa bzhi dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni dbang po'i pha rol tu phyin pa'o/ bcom ldan 'das kyis bka' stsal pa/ dbang po lnga dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni stobs kyi pha rol tu phyin pa'o/ /bcom ldan 'das kyis bka' stsal pa/ stobs lnga dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni byang chub kyi yan lag gi pha rol tu phyin pa'o/ /bcom ldan 'das kyis bka' stsal pa/ byang chub kyi yan lag bdun dmigs su med pa'i phyir ro/ / gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni lam gyi pha rol tu phyin pa'o/ /bcom ldan 'das kyis bka' stsal pa/ 'phags pa'i lam yan lag brgyad pa dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni stong pa nyid kyi pha rol tu phyin pa'o/ /bcom ldan 'das @298a @#/ /kyis bka' stsal pa/ stong pa nyid kyi rnam pa dang/ rnam par dben pa'i rnam pa dmigs su med pa'i phyir ro/ /gsol pa/ bcom ldan/ 'di lta ste/ shes rab kyi pha rol tu phyin pa 'di ni mtshan ma ma mchis pa'i pha rol tu phyin pa'o/ /bcom ldan 'das kyis bka' stsal pa/ zhi ba'i rnam pa dmigs su med pa'i phyir ro/ /gsol pa; bcom ldan 'das/ 'di lta ste/ shes rab kyi pha rol tu phyin pa 'di ni smon pa med pa'i pha rol tu phyin pa'o/ /bcom ldan 'das kyis bka' stsal pa/ smon pa med pa dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni rnam par thar pa'i pha rol tu phyin pa'o/ /bcom ldan 'das kyis bka' stsal pa/ rnam par thar pa brgyad dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni mthar gyis gnas pa'i snyoms par 'jug pa'i pha rol tu phyin pa'o/ /bcom ldan 'das kyis bka' stsal pa/ mthar gyis gnas pa'i snyoms par 'jug pa dgu dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni sbyin pa'i pha rol tu phyin pa'o/ /bcom ldan 'das kyis bka' stsal pa/ sbyin pa dang/ ser sna dmigs su @298b med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni tshul khrims kyi pha rol tu phyin pa'o/ /bcom ldan 'das kyis bka' stsal pa/ tshul khrims dang/ tshul khrims ngan pa dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni bzod pa'i pha rol tu phyin pa'o; /bcom ldan 'das kyis bka' stsal pa/ gnod sems dang/ bzod pa dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni brtson 'grus kyi pha rol tu phyin pa'o/ /bcom ldan 'das kyis bka' stsal pa/ le lo dang/ brtson 'grus dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni bsam gtan gyi pha rol tu phyin pa'o/ /bcom ldan 'das kyis bka' stsal pa/ bsam gtan dang/ 'khrug pa dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni shes rab kyi pha rol tu phyin pa'o/ /bcom ldan 'das kyis bka' stsal pa/ shes rab dang/ 'chal pa'i shes rab dmigs su med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni stobs bcu'i pha rol tu phyin pa'o/ /bcom ldan 'das @299a @#/ /kyis bka' stsal pa/ chos thams cad thub pa med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni mi 'jigs pa bzhi'i pha rol tu phyin pa'o/ /bcom ldan 'das kyis bka' stsal pa/ lam gyi rnam pa shes pa nyid kyi ye shes zhum pa med pa'i phyir ro/ /gsol pa/ bcom ldan 'das; 'di lta ste/ shes rab kyi pha rol tu phyin pa 'di ni so so yang dag par rig pa bzhi'i pha rol tu phyin pa'o/ /bcom ldan 'das kyis bka' stsal pa/ rnam pa thams cad mkhyen pa nyid chags pa med pa dang/ thogs pa med pa'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni sangs rgyas kyi chos ma 'dres pa bco brgyad kyi pha rol tu phyin pa'o/ /bcom ldan 'das kyis bka' stsal pa/ nyan thos dang/ rang sangs rgyas kyi chos thams cad las yang dag par 'das pa'i phyir ro/ /gsol pa; bco ldan 'das/ 'di lta ste/ shes rab kyi pha rol tu phyin pa 'di ni de bzhin gshegs pa'i pha rol tu phyin pa'o/ /bcom ldan 'das kyis bka' stsal pa/ brjod pa thams cad kyi de bzhin nyid kyi phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni rang byung gi pha rol tu phyin pa'o/ /bcom ldan 'das kyis @299b bka' stsal pa/ chos thams cad la dbang bsgyur ba'i phyir ro/ /gsol pa/ bcom ldan 'das/ 'di lta ste/ shes rab kyi pha rol tu phyin pa 'di ni sangs rgyas kyi pha rol tu phyin pa pa'o; ;bcom ldan 'das kyis bka' stsal pa/ chos thams cad rnam pa thams cad du mngon par rdzogs par 'tshang rgya ba'i phyir ro/ /shes rab kyi pha rol tu phyin pa stong phrag nyi shu lnga pa las/ le'u nyi shu dgu pa'o// //de nas lha'i dbang po brgya byin 'di snyam du gyur te/ shes rab kyi pha rol tu phyin pa 'di rigs kyi bu dang/ rigs kyi bu mo gang gi rna lam du grag pa de dag ni sngon gyi rgyal ba la bsnyen bkur byas pa'o/ /shes rab kyi pha rol tu phyin pa 'di sems can gang gi rna lam du grag pa de dag ni de bzhin gshegs pa la dge ba'i rtsa ba bskyed pa'o/ /shes rab kyi pha rol tu phyin pa 'di sems can gang gi rna lam du grag pa de dag ni dge ba'i bshes gnyen gyis yongs su bzung ba'o/ /gang 'dzin cing 'chang ba dang/ klog cing kun chub par byed pa dang/ tshul bzhin du yid la byed cing gzung ba dang/ bcang ba dang/ bklag pa dang/ kun chub par byas nas kyang de bzhin nyid du shes rab kyi pha rol tu phyin pa la nan tan du byed pa lta ci smos te/ rigs kyi bu'am rigs kyi bu mo gang shes rab kyi pha rol tu phyin pa 'di thos nas mi 'jigs mi dngangs skrag @300a @#/ /par mi 'gyur ba de dag gis/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la yongs su dris so/ /yongs su zhus so/ /rigs kyi bu'am rigs kyi bu mo gang gis shes rab kyi pha rol tu phyin pa 'di thos nas mi 'jigs mi dngangs skrag par mi 'gyur la/ 'dzin cing 'chang ba dang/ klog cing kun chub par byed pa dang/ tshul bzhin du yid la byed pa de dag gis ni bskal pa bye ba mang por sbyin pa'i pha rol tu phyin pa la spyod do/ /tshul khrims dang/ bzod pa dang/ brtson 'grus dang/ bsam gtan dang/ shes rab kyi pha rol tu phyin pa la spyod do snyam pa dang/ de nas tshe dang ldan pa shA radwa ti'i bus/ bcom ldan 'das la 'di skad ces gsol to/ / bcom ldan 'das/ rigs kyi bu'am rigs kyi bu mo gang shes rab kyi pha rol tu phyin pa zab mo 'di thos nas/ mi 'jigs mi dngangs skrag par mi 'gyur la/ 'dzin cing 'chang ba dang/ klog cing kun chub par bgyid pa dang/ tshul bzhin du yid la bgyid pa de dag ni phyir mi ldog pa'i byang chub sems dpa' sems dpa' chen po dang 'dra bar gzung bar bgyi'o/ /de ci'i slad du zhe na/ bcom ldan 'das/ shes rab kyi pha rol tu phyin pa 'di ni zab pa ste/ sngon pha rol tu phyin pa drug la ma spyad pas ni/ shes rab kyi pha rol tu @300b phyin pa zab mo 'di thos nas kyang mos par bgyi bar mi nus so/ /bcom ldan 'das/ rigs kyi bu'am rigs kyi bu mo gang shes rab kyi pha rol tu phyin pa zab mo 'di thos nas spang bar sems pa dag gis ni sngon gyi mthar yang shes rab kyi pha rol tu phyin pa zab mo 'di spangs par gyur to/ /de ci'i slad du zhe na/ de ni 'di ltar rigs kyi bu'am rigs kyi bu mo de dag shes rab kyi pha rol tu phyin pa zab mo 'di bshad pa'i tshe/ dad pa dang mos pa ma mchis pa'i slad du ste/ rigs kyi bu'am rigs kyi bu mo de dag gis sngon gyi mthar yang sangs rgyas bcom ldan 'das rnams dang/ byang chub sems dpa' sems dpa' chen po rnams dang/ nyan thos rnams la bsnyen bkur ma bgyis te/ sbyin pa'i pha rol tu phyin pa la ni ji ltar spyad par bgyi/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la ni ji ltar spyad par bgyi/ nang stong pa nyid ni ji ltar bsgom par bgyi/ dngos po med pa'i ngo bo nyid stong pa nyid kyi bar ni ji ltar bsgom par bgyi/ dran pa nye bar bzhag pa rnams ni ji ltar bsgom par bgyi/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa ni ji ltar @301a @#/ /bsgom par bgyi/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams ni ji ltar bsgom par bgyi/ ting nge 'dzin rnams dang/ gzungs kyi sgo rnams ni ji ltar bsgom par bgyi/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ sangs rgyas kyi chos ma 'dres pa bco brgyad ni ji ltar bsgom par bgyi zhes yongs su ma zhus/ yongs su ma dris so; ;de nas lha'i dbang po brgya byin gyis/ tshe dang ldan pa shA radwa ti'i bu la 'di skad ces smras so/ /btsun pa shA radwa ti'i bu/ shes rab kyi pha rol tu phyin pa 'di ni shin tu zab na/ shes rab kyi pha rol tu phyin pa zab mo 'di bstan pa'i tshe/ sngon ma spyad pa'i byang chub sems dpa' sems dpa' chen po mos par mi 'gyur ba lta ngo mtshar kyang ci che/ sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ @301b shes rab kyi pha rol tu phyin pa dang/ nang stong pa nyid dang/ phyi stong pa nyid dang/ phyi nang stong pa nyid dang/ dngos po med pa'i ngo bo nyid stong pa nyid kyi bar dang/ byang chub kyi phyogs kyi chos sum cu rtsa bdun dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas rgyas kyi chos ma 'dres pa bco brgyad dang/ rnam pa thams cad mkhyen pa nyid kyi bar la mos par mi 'gyur ba lta ngo mtshar kyang ci che/ btsun pa shA radwa ti'i bu/ shes rab kyi pha rol tu phyin pa la phyag 'tshal lo/ /gang shes rab kyi pha rol tu phyin pa la phyag 'tshal ba de ni/ thams cad mkhyen pa'i ye shes la phyag 'tshal ba'o/ /de nas bcom ldan 'das kyis lha'i dbang po brgya byin la bka' stsal pa/ de de bzhin no/ /kau shi ka/ de de bzhin te/ gang shes rab kyi pha rol tu phyin pa la phyag 'tshal ba ni/ thams cad mkhyen pa'i ye shes la phyag 'tshal @302a @#/ /ba'o; ;de ci'i phyir zhe na/ kau shi ka/ 'di las byung ba ni sangs rgyas bcom ldan 'das rnams kyi rnam pa thams cad mkhyen pa nyid do/ /rnam pa thams cad mkhyen pa nyid kyi ye shes las ni shes rab kyi pha rol tu phyin pa brjod do/ /kau shi ka/ thams cad mkhyen pa nyid la gnas par 'dod pa'i rigs kyi bu'am rigs kyi bu mos shes rab kyi pha rol tu phyin pa la gnas par bya'o/ /lam gyi rnam pa shes pa nyid kyi ye shes bsgrub par 'dod pa dang/ bag chags kyi mtshams sbyor ba'i nyon mongs pa thams cad spang bar 'dod pa dang/ chos kyi 'khor lo bskor bar 'dod pa'i rigs kyi bu'am rigs kyi bu mos shes rab kyi pha rol tu phyin pa la brtson par bya'o/ /sems can rnams rgyun du zhugs pa'i 'bras bu la dgod par 'dod pa dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid la dgod par 'dod pa dang/ rang byang chub la dgod par 'dod pa dang/ bla na med pa yang dag par rdzogs pa'i byang chub la dgod par 'dod pa'i rigs kyi bu'am rigs kyi bu mos shes rab kyi pha rol tu phyin pa la brtson par bya'o/ /sems can rnams 'tshang rgya ba nyid la dgod par 'dod pa'i rigs kyi bu'am rigs kyi bu mos shes rab kyi pha rol tu phyin pa la brtson par bya'o/ /khams @302b gsum gyi phul du 'byung bar 'dod pa'i rigs kyi bu'am rigs kyi bu mos shes rab kyi pha rol tu phyin pa la brtson par bya'o/ /bdud thams cad pham par bya bar 'dod pa'i rigs kyi bu'am rigs kyi bu mos shes rab kyi pha rol tu phyin pa la brtson par bya'o/ /dge slong gi dge 'dun bsdu bar 'dod pa'i rigs kyi bu'am rigs kyi bu mos shes rab kyi pha rol tu phyin pa la brtson par bya'o/ /de skad ces bka' stsal pa dang/ lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das/ ji ltar na byang chub sems dpa' sems dpa' chen po shes rab kyi pha rol tu phyin pa la gnas pa lags/ ji ltar na bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la gnas pa lags/ bcom ldan 'das/ ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sbyin pa'i pha rol tu phyin pa la brtson par bgyid pa lags/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la brtson par bgyid pa lags/ ji ltar na nang @303a @#/ /stong pa nyid la brtson par bgyid pa lags/ ji ltar na dngos po med pa'i ngo bo nyid stong pa nyid kyi bar la brtson par bgyid pa lags/ ji ltar na byang chub kyi phyogs kyi chos sum cu rtsa bdun la brtson par bgyid pa lags/ ji ltar na 'phags pa'i bden pa rnams dang/ bsam gtan rnams dang/ tshad med pa rnams dang; gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams la brtson par bgyid pa lags/ ji ltar na ting nge 'dzin rnams dang/ gzungs kyi sgo rnams la brtson par bgyid pa lags/ ji ltar na de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad la brtson par bgyid pa lags/ bcom ldan 'das kyis bka' stsal pa/ kau shi ka/ de ltar khyod de bzhin gshegs pa dgra bcom pa yang dag par rdzogs pa'i sangs rgyas la don 'di yongs su zhu bar sems pa legs so/ /legs so/ /kau shi ka khyod kyi spobs pa 'di yang sangs rgyas kyi byin gyi rlabs kyis byung ngo/ /kau shi @303b ka/ 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs la mi gnas te/ gang gi tshe gzugs la mi gnas pa de'i tshe/ gzugs la brtson par byed pa yin no/ /tshor ba dang/ 'du shes dang/ 'du byed dang/ rnam par shes pa la mi gnas te/ gang gi tshe rnam par shes pa la mi gnas pa de'i tshe/ rnam par shes pa la brtson par byed pa yin no/ /mig la mi gnas te/ gang gi tshe mig la mi gnas pa de'i tshe/ mig la brtson par byed pa yin no/ /rna ba dang/ sna dang/ lce dang/ lus dang/ yid la mi gnas te/ gang gi tshe yid la mi gnas pa de'i tshe/ yid la brtson par byed pa yin no/ /gzugs la mi gnas te/ gang gi tshe gzugs la mi gnas pa de'i tshe/ gzugs la brtson par byed pa yin no/ /sgra dang/ dri dang/ ro dang/ reg dang/ chos la mi gnas te/ gang gi tshe chos la mi gnas pa de'i tshe/ chos la brtson par byed pa yin no/ /mig gi rnam par shes pa la mi gnas/ mig gi 'dus te reg pa la mi gnas/ mig gi 'dus te reg pa'i rkyen gyis tshor ba la mi gnas/ rna ba dang/ sna dang/ lce dang/ lus dang/ yid kyi rnam par shes pa la mi gnas/ yid kyi 'dus te reg pa la mi gnas/ yid kyi 'dus te reg pa'i rkyen gyis tshor ba la mi gnas te/ gang gi tshe yid kyi 'dus te reg pa'i rkyen gyis tshor ba la @304a @#/ /mi gnas pa de'i tshe/ yid kyi 'dus te reg pa'i rkyen gyis tshor ba la brtson par byed pa yin no/ /sa'i khams la mi gnas te/ gang gi tshe sa'i khams la mi gnas pa de'i tshe/ sa'i khams la brtson par byed pa yin no/ /chu'i khams dang/ me'i khams dang/ rlung gi khams dang/ nam mkha'i khams dang/ rnam par shes pa'i khams la mi gnas te/ gang gi tshe rnam par shes khams la mi gnas pa de'i tshe/ rnam par shes pa'i khams la brtson par byed pa yin no/ /ma rig pa la mi gnas te/ gang gi tshe ma rig pa la mi gnas pa de'i tshe/ ma rig pa la brtson par byed pa yin no/ /'du byed dang/ rnam par shes pa dang/ ming dang gzugs dang; skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi la mi gnas te/ gang gi tshe rga shi la mi gnas pa de'i tshe/ rga shi la brtson par byed pa yin no/ /sbyin pa'i pha rol tu phyin pa la mi gnas te/ gang gi tshe sbyin pa'i pha rol tu phyin pa la mi gnas pa de'i tshe/ sbyin pa'i pha rol tu phyin pa la brtson par byed pa yin no/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan @304b gyi pha rol tu phyin pa dang/ shes rab kyi pha rol tu phyin pa la mi gnas te/ gang gi tshe shes rab kyi pha rol tu phyin pa la mi gnas pa de'i tshe/ shes rab kyi pha rol tu phyin pa la brtson par byed pa yin no/ /nang stong pa nyid la mi gnas te/ gang gi tshe nang stong pa nyid la mi gnas pa de'i tshe/ nang stong pa nyid la brtson par byed pa yin no/ /dngos po med pa'i ngo bo nyid stong pa nyid kyi bar la mi gnas te/ gang gi tshe dngos po med pa'i ngo bo nyid stong pa nyid la mi gnas pa de'i tshe/ dngos po med pa'i ngo bo nyid stong pa nyid la brtson par byed pa yin no/ /dran pa nye bar bzhag pa rnams la mi gnas te/ gang gi tshe dran pa nye bar bzhag pa rnams la mi gnas pa de'i tshe/ dran pa nye bar bzhag pa rnams la brtson par byed pa yin no/ /yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa la mi gnas te/ gang gi tshe 'phags pa'i lam yan lag brgyad pa la mi gnas pa de'i tshe/ 'phags pa'i lam yan lag brgyad pa la brtson par byed pa yin no/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams la mi gnas te/ gang gi tshe gzugs med pa'i snyoms par @305a @#/ /'jug pa rnams la mi gnas pa de'i tshe/ gzugs med pa'i snyoms par 'jug pa rnams la brtson par byed pa yin no/ /rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams la mi gnas te; gang gi tshe mngon par shes pa rnams la mi gnas pa de'i tshe/ mngon par shes pa rnams la brtson par byed pa yin no/ /ting nge 'dzin rnams dang/ gzungs kyi sgo rnams la mi gnas te/ gang gi tshe gzungs kyi sgo rnams la mi gnas pa de'i tshe/ gzungs kyi sgo rnams la brtson par byed pa yin no/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad la mi gnas te/ gang gi tshe sangs rgyas kyi chos ma 'dres pa bco brgyad la mi gnas pa de'i tshe/ sangs rgyas kyi chos ma 'dres pa bco brgyad la brtson par byed pa yin no/ /rgyun du zhugs pa'i 'bras bu dang/ lan gcig phyir 'ong ba'i 'bras bu dang; phyir mi 'ong ba'i 'bras bu dang/ dgra bcom pa nyid dang/ rang byang chub la mi gnas te/ gang gi tshe rang byang chub la mi gnas pa de'i tshe/ rang byang chub la brtson par byed @305b pa yin no/ /lam gyi rnam pa shes pa nyid dang/ rnam pa thams cad mkhyen pa nyid la mi gnas te/ gang gi tshe rnam pa thams cad mkhyen pa nyid la mi gnas pa de'i tshe/ rnam pa thams cad mkhyen pa nyid la brtson par byed pa yin no/ /de ci'i phyir zhe na/ kau shi ka/ de ni 'di ltar gang la gnas par bya ba dang/ gang la brtson par bya ba de lta bu'i gzugs mi dmigs so; ;gang la gnas par bya ba dang/ gang la brtson par bya ba de lta bu'i tshor ba dang/ 'du shes dang/ 'du byed dang/ rnam par shes pa mi dmigs so/ /gang la gnas par bya ba dang/ gang la brtson par bya ba de ? lta bu'i skye mched dang/ khams dang/ rten cing 'brel par 'byung ba mi dmigs so/ /gang la gnas par bya ba dang/ gang la brtson par bya ba de lta bu'i pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun mi dmigs so/ /gang la gnas par bya ba dang/ gang la brtson par bya ba de lta bu'i 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par pa brgyad dang; mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams mi dmigs so/ /ting nge @306a @#/ /'dzin rnams dang/ gzungs kyi sgo rnams mi dmigs so/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad mi dmigs so/ /rgyun du zhugs pa'i 'bras bu dang; lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub mi dmigs so/ /lam gyi rnam pa shes pa nyid dang/ rnam pa thams cad mkhyen pa nyid mi dmigs so/ /rab 'byor/ gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs la mi sbyor mi 'byed de/ gang gi tshe gzugs la mi sbyor mi 'byed pa de'i tshe/ gzugs la brtson par byed pa yin no/ /tshor ba dang/ 'du shes dang/ 'du byed dang/ rnam par shes pa la mi sbyor mi 'byed de/ gang gi tshe rnam par shes pa la mi sbyor mi 'byed pa de'i tshe/ rnam par shes pa la brtson par byed pa yin no/ /skye mched dang/ khams dang/ rten cing 'brel par 'byung ba la mi sbyor mi 'byed de/ gang gi tshe rten cing 'brel par 'byung ba la mi sbyor mi 'byed pa de'i tshe/ rten cing 'brel par 'byung ba la brtson par byed pa yin @306b no; ;pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun la mi sbyor mi 'byed de/ gang gi tshe byang chub kyi phyogs kyi chos sum cu rtsa bdun la mi sbyor mi 'byed pa de'i tshe/ byang chub kyi phyogs kyi chos sum cu rtsa bdun la brtson par byed pa yin no/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams la mi sbyor mi 'byed de/ gang gi tshe mngon par shes pa rnams la mi sbyor mi 'byed pa de'i tshe/ mngon par shes pa rnams la brtson par byed pa yin no/ /ting nge 'dzin rnams dang/ gzungs kyi sgo rnams la mi sbyor mi 'byed de/ gang gi tshe gzungs kyi sgo rnams la mi sbyor mi 'byed pa de'i tshe/ gzungs kyi sgo rnams la brtson par byed pa yin no/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad la mi sbyor mi 'byed de/ gang gi tshe sangs rgyas kyi chos ma 'dres pa bco brgyad la mi sbyor mi 'byed pa de'i tshe/ sangs rgyas kyi @307a @#/ /chos ma 'dres pa bco brgyad la brtson par byed pa yin no/ /rnam pa thams cad mkhyen pa nyid kyi bar la mi sbyor mi 'byed de/ gang gi tshe rnam pa thams cad mkhyen pa nyid la mi sbyor mi 'byed pa de'i tshe/ rnam pa thams cad mkhyen pa nyid la brtson par byed pa yin no/ /de ci'i phyir zhe na/ de ni 'di ltar byang chub sems dpa' sems dpa' chen po de shes rab kyi pha rol tu phyin pa la spyod pa'i tshe/ gzugs sngon gyi mthar mi dmigs so/ /gzugs phyi ma'i mthar mi dmigs so/ /gzugs dbus su mi dmigs so/ /tshor ba dang/ 'du shes dang/ 'du byed dang/ rnam par shes pa sngon gyi mthar mi dmigs so/ /rnam par shes pa phyi ma'i mthar mi dmigs so/ /rnam par shes pa dbus su mi dmigs so/ /skye mched dang/ khams dang/ rten cing 'brel par 'byung ba sngon gyi mthar mi dmigs so/ /rten cing 'brel par 'byung ba phyi ma'i mthar mi dmigs so; ;rten cing 'brel par 'byung ba dbus su mi dmigs so/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun sngon gyi mthar mi dmigs so/ /byang chub kyi phyogs kyi chos sum cu rtsa bdun phyi ma'i mthar mi dmigs so/ /byang chub kyi phyogs kyi chos sum cu rtsa bdun dbus su mi dmigs so/ /'phags @307b pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams sngon gyi mthar mi dmigs so/ /mngon par shes pa rnams phyi ma'i mthar mi dmigs so/ /mngon par shes pa rnams dbus su mi dmigs so/ /ting nge 'dzin rnams dang/ gzungs kyi sgo rnams sngon gyi mthar mi dmigs so/ / gzungs kyi sgo rnams phyi ma'i mthar mi dmigs so/ /gzungs kyi sgo rnams dbus su mi dmigs so/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad sngon gyi mthar mi dmigs so/ /sangs rgyas kyi chos ma 'dres pa bco brgyad phyi ma'i mthar mi dmigs so/ /sangs rgyas kyi chos ma 'dres pa bco brgyad dbus su mi dmigs so/ /rnam pa thams cad mkhyen pa nyid kyi bar du sngon gyi mthar mi dmigs so/ /rnam pa thams cad mkhyen pa nyid phyi ma'i mthar mi dmigs so/ /rnam pa thams cad mkhyen pa nyid dbus su mi dmigs so/ /de nas tshe dang ldan pa shA radwa ti'i @308a @#/ /bus; bcom ldan 'das la 'di skad ces gsol to/ /bcom ldan 'das/ shes rab kyi pha rol tu phyin pa ni zab bo/ /bcom ldan 'das kyis bka' stsal pa/ shA radwa ti'i bu/ gzugs kyi de bzhin nyid zab pa'i phyir/ shes rab kyi pha rol tu phyin pa zab bo/ /shA radwa ti'i bu/ tshor ba dang/ 'du shes dang/ 'du byed dang/ rnam par shes pa'i de bzhin nyid zab pa'i phyir/ shes rab kyi pha rol tu phyin pa zab bo/ /shA radwa ti'i bu/ skye mched dang/ khams dang/ rten cing 'brel par 'byung ba'i de bzhin nyid zab pa'i phyir/ shes rab kyi pha rol tu phyin pa zab bo/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun gyi de bzhin nyid zab pa'i phyir/ shes rab kyi pha rol tu phyin pa zab bo/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo rnams kyi de bzhin nyid zab pa'i phyir/ shes rab kyi pha rol tu phyin pa zab bo/ /de bzhin gshegs pa'i stobs bcu dang/ mi 'jigs pa bzhi @308b dang; so so yang dag par rig pa bzhi dang/ sangs rgyas kyi chos ma 'dres pa bco brgyad kyi de bzhin nyid zab pa'i phyir/ shes rab kyi pha rol tu phyin pa zab bo/ /rnam pa thams cad mkhyen pa nyid kyi bar gyi de bzhin nyid zab pa'i phyir/ shes rab kyi pha rol tu phyin pa zab bo/ /gsol pa/ bcom ldan 'das/ shes rab kyi pha rol tu phyin pa 'di ni gting dpag dka'o; ;bcom ldan 'das kyis bka' stsal pa/ shA radwa ti'i bu/ gzugs gting dpag dka' ba'i phyir/ shes rab kyi pha rol tu phyin pa gting dpag dka'o/ /tshor ba dang/ 'du shes dang/ 'du byed dang/ rnam par shes pa gting dpag dka' ba'i phyir/ shes rab kyi pha rol tu phyin pa gting dpag dka'o/ /skye mched dang/ khams dang/ rten cing 'brel par 'byung ba gting dpag dka' ba'i phyir/ shes rab kyi pha rol tu phyin pa gting dpag dka'o/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun gting dpag dka' ba'i phyir/ shes rab kyi pha rol tu phyin pa gting dpag dka'o/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ @309a @#/ /mngon par shes pa rnams gting dpag dka' ba'i phyir/ shes rab kyi pha rol tu phyin pa gting dpag dka'o/ /ting nge 'dzin dang/ gzungs kyi sgo rnams gting dpag dka' ba'i phyir/ shes rab kyi pha rol tu phyin pa gting dpag dka'o/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad gting dpag dka' ba'i phyir/ shes rab kyi pha rol tu phyin pa gting dpag dka'o/ /rnam pa thams cad mkhyen pa nyid kyi bar du gting dpag dka' ba'i phyir/ shes rab kyi pha rol tu phyin pa gting dpag dka'o/ /gsol pa/ bcom ldan 'das/ shes rab kyi pha rol tu phyin pa ni tshad ma mchis pa'o; ;bcom ldan 'das kyis bka' stsal pa/ shA radwa ti'i bu/ gzugs tshad med pa'i phyir/ shes rab kyi pha rol tu phyin pa tshad ? med do/ /shA radwa ti'i bu/ tshor ba dang/ 'du shes dang/ 'du byed dang/ rnam par shes pa shes pa tshad med pa'i phyir/ shes rab kyi pha rol tu phyin pa tshad med do/ /shA radwa ti'i bu/ skye mched dang/ khams dang/ rten cing 'brel par 'byung ba tshad med pa'i phyir/ shes rab kyi pha rol tu phyin pa tshad med do/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum @309b cu rtsa bdun tshad med pa'i phyir/ shes rab kyi pha rol tu phyin pa tshad med do/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang stong pa nyid dang mtshan ma med pa dang smon pa med pa dang/ mngon par shes pa tshad med pa'i phyir/ shes rab kyi pha rol tu phyin pa tshad med do/ /ting nge 'dzin dang/ gzungs kyi sgo tshad med pa'i phyir/ shes rab kyi pha rol tu phyin pa tshad med do/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad tshad med pa'i phyir/ shes rab kyi pha rol tu phyin pa tshad med do/ /rnam pa thams cad mkhyen pa nyid kyi bar du tshad med pa'i phyir/ shes rab kyi pha rol tu phyin pa tshad med do/ /gsol pa/ bcom ldan 'das/ ji ltar na byang chub sems dpa' sems dpa' chen po shes rab kyi pha rol tu phyin pa la spyod pa lags/ bcom ldan 'das kyis bka' stsal pa/ shA radwa ti'i bu/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs zab ces bya bar mi spyod na/ shes rab kyi pha rol tu phyin pa la spyod do/ /gal te tshor @310a @#/ /ba dang/ 'du shes dang/ 'du byed dang/ rnam par shes pa zab ces bya bar mi spyod na/ shes rab kyi pha rol tu phyin pa la spyod do/ /skye mched dang; khams dang/ rten cing 'brel par 'byung ba zab ces bya bar mi spyod na/ shes rab kyi pha rol tu phyin pa la spyod do/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun zab ces bya bar mi spyod na/ shes rab kyi pha rol tu phyin pa la spyod do/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams zab ces bya bar mi spyod na/ shes rab kyi pha rol tu phyin pa la spyod do/ /ting nge 'dzin rnams dang/ gzungs kyi sgo rnams zab ces bya bar mi spyod na/ shes rab kyi pha rol tu phyin pa la spyod do/ /de bzhin gshegs pa'i stobs bcu dang; mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad zab ces bya bar mi spyod na/ shes rab kyi pha rol tu phyin pa la @310b spyod do/ /rnam pa thams cad mkhyen pa nyid kyi bar du zab ces bya bar mi spyod na/ shes rab kyi pha rol tu phyin pa la spyod do// //shes rab kyi pha rol tu phyin pa stong phrag nyi shu lnga pa/ bam po bzhi bcu gnyis pa/ de ci'i phyir zhe na/ shA radwa ti'i bu/ gzugs kyi zab pa nyid gang yin pa de ni/ gzugs ma yin no/ /tshor ba dang/ 'du shes dang/ 'du byed dang/ rnam par shes pa'i zab pa nyid gang yin pa de ni/ rnam par shes pa ma yin no/ /skye mched dang/ khams dang/ rten cing 'brel par 'byung ba'i zab pa nyid gang yin pa de ni/ rten cing 'brel par 'byung ba ma yin no/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun gyi zab pa nyid gang yin pa de ni/ byang chub kyi phyogs kyi chos sum cu rtsa bdun ma yin no/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang; mngon par shes pa rnams kyi zab pa nyid gang yin pa de ni/ mngon par shes pa rnams ma yin no/ /ting nge 'dzin rnams dang/ gzungs kyi sgo rnams kyi zab pa nyid gang yin @311a @#/ /pa de ni/ gzungs kyi sgo rnams ma yin no/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad kyi zab pa nyid gang yin pa de ni/ sangs rgyas kyi chos ma 'dres pa bco brgyad ma yin no/ /rnam pa thams cad mkhyen pa nyid kyi bar gyi zab pa nyid gang yin pa de ni/ rnam pa thams cad mkhyen pa nyid ma yin no/ /shA radwa ti'i bu/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe gal te gzugs gting dpag dka'o zhes bya bar mi spyod na/ shes rab kyi pha rol tu phyin pa la spyod do/ /gal te tshor ba dang/ 'du shes dang/ 'du byed dang/ rnam par shes pa gting dpag dka'o zhes bya bar mi spyod na/ shes rab kyi pha rol tu phyin pa la spyod do/ /skye mched dang/ khams dang/ rten cing 'brel par 'byung ba gting dpag dka'o zhes bya bar mi spyod na/ shes rab kyi pha rol tu phyin pa la spyod do/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun gting dpag dka'o zhes bya bar mi spyod na/ shes rab kyi pha rol tu phyin pa la spyod do/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs @311b med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang; mngon par shes pa rnams gting dpag dka'o zhes bya bar mi spyod na/ shes rab kyi pha rol tu phyin pa la spyod do/ /ting nge 'dzin rnams dang/ gzungs kyi sgo rnams gting dpag dka'o zhes bya bar mi spyod na/ shes rab kyi pha rol tu phyin pa la spyod do/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad gting dpag dka'o zhes bya bar mi spyod na/ shes rab kyi pha rol tu phyin pa la spyod do/ /rnam pa thams cad mkhyen pa nyid kyi bar du gting dpag dka'o zhes bya bar mi spyod na/ shes rab kyi pha rol tu phyin pa la spyod do/ /de ci'i phyir zhe na/ shA radwa ti'i bu/ gzugs kyi gting dpag dka' ba gang yin pa de ni/ gzugs ma yin no/ /tshor ba dang/ 'du shes dang/ 'du byed dang/ rnam par shes pa'i gting dpag dka' ba gang yin pa de ni/ rnam par shes pa ma yin no/ /rnam pa thams cad mkhyen pa nyid kyi bar gyi gting dpag dka' ba gang yin pa de ni/ rnam pa thams cad mkhyen pa nyid ma yin no/ /shA radwa ti'i bu/ gzhan yang byang chub sems dpa' sems dpa' chen po shes rab kyi pha rol tu phyin pa la spyod @312a @#/ /pa'i tshe/ gal te gzugs tshad med do zhes bya bar mi spyod na/ shes rab kyi pha rol tu phyin pa la spyod do/ /gal te tshor ba dang/ 'du shes dang/ 'du byed dang/ rnam par shes pa tshad med do zhes bya bar mi spyod na/ shes rab kyi pha rol tu phyin pa la spyod do/ /skye mched dang/ khams dang/ rten cing 'brel par 'byung ba tshad med do zhes bya bar mi spyod na/ shes rab kyi pha rol tu phyin pa la spyod do/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun tshad med do zhes bya bar mi spyod na/ shes rab kyi pha rol tu phyin pa la spyod do/ /'phags pa'i bden pa rnams dang/ bsam gtan rnams dang/ tshad med pa rnams dang; gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams tshad med do zhes bya bar mi spyod na/ shes rab kyi pha rol tu phyin pa la spyod do/ /ting nge 'dzin rnams dang/ gzungs kyi sgo rnams tshad med do zhes bya bar mi spyod na/ shes rab kyi pha rol tu phyin pa la spyod do/ /de bzhin gshegs pa'i stobs bcu dang/ mi 'jigs pa bzhi dang/ so so yang dag @312b par rig pa bzhi dang/ sangs rgyas kyi chos ma 'dres pa bco brgyad tshad med do zhes bya bar mi spyod na/ shes rab kyi pha rol tu phyin pa la spyod do/ /rnam pa thams cad mkhyen pa nyid kyi bar du tshad med do zhes bya bar mi spyod na/ shes rab kyi pha rol tu phyin pa la spyod do/ /de ci'i phyir zhe na/ shA radwa ti'i bu/ gzugs kyi tshad med pa gang yin pa de ni/ gzugs ma yin no/ /tshor ba dang/ 'du shes dang/ 'du byed dang/ rnam par shes pa'i tshad med pa gang yin pa de ni/ rnam par shes pa ma yin no/ /rnam pa thams cad mkhyen pa nyid kyi bar du tshad med pa gang yin pa de ni/ rnam pa thams cad mkhyen pa nyid ma yin no/ /shA radwa ti'i bus gsol pa/ kye ma/ bcom ldan 'das/ shes rab kyi pha rol tu phyin pa 'di ni de ltar zab bo/ /de ltar gting dpag dka'o/ /de ltar rtogs par dka'o/ /bcom ldan 'das/ de ltar shes rab kyi pha rol tu phyin pa 'di ni de ltar tshad ma mchis pa'o/ / bcom ldan 'das/ 'di ni byang chub sems dpa' sems dpa' chen po theg pa la gsar du zhugs pa'i mdun du bshad par mi bgyi ste/ shes rab kyi pha rol tu phyin pa zab mo 'di thos nas 'jigs dngangs shing skrag par 'gyur du mchi'o/ /the tshom dang nem nur 'tshal du mchi'o/ /mos pa ma mchis par 'gyur du mchi'o/ /bcom ldan 'das/ phyir @313a @#/ /mi ldog pa'i byang chub sems dpa' sems dpa' chen po'i mdun du shes rab kyi pha rol tu phyin pa zab mo 'di bstan par bgyi ste/ des ni shes rab kyi pha rol tu phyin pa zab mo 'di thos nas mi 'jigs mi dngangs skrag par mi 'gyur ro/ /the tshom dang nem nur 'tshal bar mi 'gyur te/ thos nas kyang gong nas gong du mos pa dang; 'dzin pa dang/ 'chang ba dang/ klog pa dang/ kun chub par bgyid pa dang/ tshul bzhin du yid la bgyid par 'gyur ro/ /de nas lha'i dbang po brgya byin gyis/ tshe dang ldan pa shA radwa ti'i bu la 'di skad ces smras so/ /btsun pa shA radwa ti'i bu/ gal te theg pa la gsar du zhugs pa'i byang chub sems dpa' sems dpa' chen po'i mdun du shes rab kyi pha rol tu phyin pa zab mo 'di bshad na nyes pa cir 'gyur/ shA radwa ti'i bus smras pa/ kau shi ka/ gal te theg pa la gsar du zhugs pa'i byang chub sems dpa' sems dpa' chen po'i mdun du shes rab kyi pha rol tu phyin pa zab mo 'di bshad na/ de shes rab kyi pha rol tu phyin pa zab mo 'di thos nas/ 'jigs par 'gyur/ dngangs par 'gyur/ skrag par 'gyur te/ phyir ldog par 'gyur ro/ /spong bar 'gyur ro/ /de ni mos par yang mi 'gyur te/ kau shi ka/ theg pa la gsar du zhugs pa'i byang chub sems dpa' sems @313b dpa' chen po des shes rab kyi pha rol tu phyin pa 'di thos nas/ spangs pa'i phyir de log par ltung bar 'gyur ba'i las mngon par 'du byed cing gsog par 'gyur te/ las byas pa dang bsags pa des kyang/ bla na med pa yang dag par rdzogs pa'i byang chub tu mngon par rdzogs par 'tshang rgya bar yang dka' ba de lta bu'i gnas yod do/ /brgya byin gyis smras pa/ btsun pa shA radwa ti'i bu/ byang chub sems dpa' sems dpa' chen po lung ma bstan pa/ shes rab kyi pha rol tu phyin pa zab mo 'di thos nas/ mi 'jigs mi dngangs skrag par mi 'gyur ba lta yod dam/ smras pa/ kau shi ka/ byang chub sems dpa' sems dpa' chen po gang shes rab kyi pha rol tu phyin pa zab mo 'di thos nas/ mi 'jigs mi dngangs skrag par mi 'gyur ba de dag ni ring por mi thogs par bla na med pa yang dag par rdzogs pa'i byang chub tu lung bstan par 'gyur te/ de bzhin gshegs pa dgra bcom pa yang dag par rdzogs pa'i sangs rgyas gcig gam/ gnyis las mi 'da' bar bla na med pa yang dag par rdzogs pa'i byang chub kyi bar du lung bstan par 'gyur ro/ /de nas bcom ldan 'das kyis tshe dang ldan pa shA radwa ti'i bu la bka' stsal pa/ shA radwa ti'i bu/ de de bzhin no/ /de de bzhin te/ shA radwa ti'i bu/ byang chub sems dpa' sems dpa' chen po gang shes rab kyi pha @314a @#/ /rol tu phyin pa zab mo 'di thos nas/ mi 'jigs mi dngangs skrag par mi 'gyur zhing thos nas kyang gong nas gong du 'dzin pa dang/ 'chang ba dang; klog pa dang/ kun chub par byed pa dang/ ji ltar bstan pa'i shes rab kyi pha rol tu phyin pa la gnas pa de dag ni yun ring po nas theg pa la yang dag par zhugs pa'o; ;pha rol tu phyin pa drug la spyad pa'o/ /sangs rgyas mang po la bsnyen bkur byas pa'o/ /shA radwa ti'i bus gsol pa/ bcom ldan 'das/ de'i dpe gsal bar bdag gis spobs so/ /bde bar gshegs pa/ de'i dpe gsal bar bdag gis spobs so/ /bcom ldan 'das kyis bka' stsal pa/ shA radwa ti'i bu khyod kyis spobs pa skyed cig ;shA radwa ti'i bus gsol pa/ bcom ldan 'das/ 'di lta ste/ dper na/ byang chub sems dpa'i theg pa pa'i rigs kyi bu'am rigs kyi bu mo'i rmi lam na shes rab kyi pha rol tu phyin pa bsgom zhing bsam gtan la snyoms par 'jug pa dang/ brtson 'grus brtsam pa dang/ bzod pa bsgrub pa dang/ tshul khrims bsrung ba dang/ sbyin pa yongs su gtong ba nas/ snying po byang chub la mchis pa'i bar du gyur na'ang/ bcom ldan 'das/ rigs kyi bu'am rigs kyi bu mo de ni bla na med pa yang dag par rdzogs pa'i byang @314b chub tu nye bar gyur par rig par bgyi na/ bcom ldan 'das/ byang chub sems dpa' sems dpa' chen po gnyid kyis ma log pa zhig gis/ shes rab kyi pha rol tu phyin pa bsgoms pa dang; bsam gtan la mnyam par bzhag pa dang/ brtson 'grus brtsams pa dang/ bzod pa bsgrubs pa dang/ tshul khrims bsrungs pa dang/ sbyin pa yongs su btang ba lta smos kyang ci 'tshal te/ bcom ldan 'das/ rigs kyi bu'am rigs kyi bu mo de ni bla na med pa yang dag par rdzogs pa'i byang chub tu nye bar gyur par rig par bgyi'o/ /bcom ldan 'das/ gang gis shes rab kyi pha rol tu phyin pa zab mo 'di thos par gyur te/ thos nas kyang 'dzin cing de bzhin nyid du nan tan du bgyid pa de dag ni/ dge ba'i rtsa ba yongs su smin pa ste/ bcom ldan 'das/ byang chub sems dpa' gang shes rab kyi pha rol tu phyin pa zab mo 'di 'dzin cing 'chang ba dang/ klog cing kun chub par bgyid pa dang/ tshul bzhin du yid la bgyid pa de dag ni yun ring po nas/ theg pa la yang dag par zhugs shing dge ba'i rtsa ba bskyed pa'o/ /sangs rgyas mang po bsnyen bkur ba'o/ /dge ba'i bshes gnyen gyis yongs su bzung ba'o/ /bcom ldan 'das/ rigs kyi bu dang rigs kyi bu mo de dag ni bla na med pa yang dag par rdzogs pa'i byang chub tu lung bstan pa dang nye bar gyur pa ste/ bla na med pa @315a @#/ /yang dag par rdzogs pa'i byang chub tu lung bstan par 'gyur ro/ /bcom ldan 'das/ rigs kyi bu dang/ rigs kyi bu mo gang shes rab kyi pha rol tu phyin pa zab mo 'di 'thad cing 'thad par gyur nas kyang 'dzin pa dang 'chang ba dang/ klog pa dang kun chub par bgyid pa dang/ tshul bzhin du yid la bgyid pa'i rigs kyi bu dang/ rigs kyi bu mo de dag ni bla na med pa yang dag par rdzogs pa'i byang chub las phyir mi ldog par rig par bgyi ba dag go/ bcom ldan 'das/ 'di lta ste/ dper na/ skyes bu la la 'brog dgon pa dpag tshad brgya pa zhig nas 'byung ngam/ 'brog dgon pa dpag tshad nyis brgya pa dang/ sum brgya pa dang/ bzhi brgya pa dang/ lnga brgya pa nas 'byung ba zhig mchis la/ de 'byung ba'i tshe grong dang/ grong khyer dang/ grong rdal dang/ khams dang/ rgyal po'i pho brang 'khor gyi snga ltas ba lang rdzi'am phyugs rdzi'am/ sa mtshams sam/ bza' shing gi ra ba phun sum tshogs pa'am/ nags tshal phun sum tshogs pa mthong ngam/ de ma lags pa gzhan yang mtshan ma gang gis grong ngam/ grong khyer ram/ grong rdal lam; khams sam/ rgyal po'i pho brang 'khor mchis par mngon pa'i snga ltas de lta bu dag mthong na/ de 'di snyam du gyur te/ snga ltas 'di dag snang ba lags na/ 'di nas grong @315b ngam; grong khyer ram/ grong rdal lam/ khams sam/ rgyal po'i pho brang 'khor ni nye'o snyam ste/ dbugs phyin par 'gyur zhing/ de la de slan chad rkun po'i 'jigs pa'am/ chom po'i 'jigs pa'am/ gcan gzan khro bo'i 'jigs pa'am/ bkres pa dang/ skom pa'i 'jigs pa ma mchis so/ /bcom ldan 'das/ de bzhin du byang chub sems dpa' sems dpa' chen po la gang gi tshe/ shes rab kyi pha rol tu phyin pa zab mo 'di 'thad par gyur te/ 'thad par gyur nas kyang 'dzin pa dang/ 'chang ba dang klog pa dang/ kun chub par bgyid pa dang/ tshul bzhin du yid la bgyid na/ bcom ldan 'das/ de'i tshe byang chub sems dpa' sems dpa' chen po de ni lung bstan pa la nye bar gyur par rig par bgyi ba ste/ ring po mi thogs par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /byang chub sems dpa' sems dpa' chen po des/ de slan chad nyan thos kyi sa'am; rang sangs rgyas kyi sas 'jigs par mi bgyi'o/ /de ci'i slad du zhe na/ 'di lta ste/ shes rab kyi pha rol tu phyin pa zab mo 'di blta ba dang/ phyag bgyi ba dang/ mnyan du mchis pa de nyid bla na med pa yang dag par rdzogs pa'i byang chub kyi snga ltas so/ /bcom ldan 'das kyis bka' stsal pa/ shA radwa ti'i bu/ de de bzhin no/ /de de bzhin te/ shA radwa @316a @#/ /ti'i bu khyod kyis da dung yang sangs rgyas kyi mthus spobs pa skyed cig /gsol pa/ bcom ldan 'das/ 'di lta ste/ dber na/ skyes bu la la zhig rgya mtsho mching rnams chen po blta bar 'tshal nas/ de rgya mtsho chen po blta ba'i slad du/ de ji lta ji ltar rgya mtsho chen po dang nye bar mchis pa de lta de ltar ldum bu'am/ ldum bu'i mtshan ma'am/ ri'am/ ri'i mtshan ma ma mthong na/ des 'di nas rgya mtsho chen po thag nye ste/ 'di nas rgya mtsho chen po ring po med do/ /de ci'i phyir zhe na/ rgya mtsho chen po ni bags kyis gzhol ba ste/ 'di nas rgya mtsho chen po'i drung du da ni ring po med do/ /de dang nye ba na ni ldum bu'am/ ldum bu'i mtshan ma'am/ ri'am ri'i mtshan ma gang yang med do zhes bgyi bar rig go/ de ltar skyes bu de'i mig gis rgya mtsho chen po ma mthong du lags kyang/ des bdag ni rgya mtsho chen po dang nye bar gyur to/ /rgya mtsho chen po ni 'di na yod do/ /rgya mtsho chen po ni 'di phan chad mi ring ngo zhes bgyi bar rtogs par 'tshal to/ /bcom ldan 'das/ de bzhin du shes rab kyi pha rol tu phyin pa zab mo 'di nyan cing 'dzin pa dang/ 'chang zhing klog pa dang/ kun chub par bgyid pa dang/ tshul bzhin du yid la bgyid pa'i byang chub sems dpa' sems dpa' chen pos kyang/ bdag de @316b bzhin gshegs pa dgra bcom pa yang dag par rdzogs pa'i sangs rgyas kyis khyod bskal pa ni 'di snyed cig /bskal pa brgya phrag ni 'di snyed cig /bskal pa stong phrag ni 'di snyed cig ;bskal pa brgya stong gi phrag ni 'di snyed cig /bskal pa bye ba khrag khrig brgya stong gi phrag ni 'di snyed cig na/ bla na med pa yang dag par rdzogs pa'i byang chub tu mngon par 'tshang rgya bar 'gyur ro zhes bla na med pa yang dag par rdzogs pa'i byang chub tu mngon sum du lung bstan pas da dung lung ma bstan gyis kyang/ bdag ni bla na med pa yang dag par rdzogs pa'i byang chub tu lung bstan pa dang nye bar gnas par blta'o/ /de ci'i slad du zhe na/ de ni 'di ltar bdag gis shes rab kyi pha rol tu phyin pa zab mo 'di blta ba dang/ phyag bya ba dang/ bsnyen bkur du yod la mnyan du yod do/ /thos nas kyang gzung du yod do/ /bcang du yod/ bklag tu yod/ kun chub par byar yod/ tshul bzhin du yid la byar yod do zhes bgyi bar rig par bgyi'o; ;bcom ldan 'das/ 'di lta ste/ dper na/ dpyid kyi dus la bab ste/ rtsi shing gi lo ma dang 'dab ma lhags nas kha dog gyur pa'i tshe/ 'dzam bu'i gling gi mi rnams kyis/ ring po mi thogs par lo ma dang/ me tog dang/ 'bras bu 'byung bar 'gyur ro/ /de ci'i slad du zhe na/ de ni 'di ltar snga ltas 'di dag rtsi shing las snang ngo zhes bgyi bar 'tshal bar @317a @#/ /bgyi ste/ gang gi tshe rtsi shing rnams lo ma dang/ me tog dang/ 'bras bu phun su ma tshogs par gyur pa de'i tshe'ang bud med dang/ skyes pa dang/ khye'u dang/ bu mo dag gis rtsi shing gi lo ma dang/ me tog dang/ 'bras bu phun sum tshogs pa de dag mthong nas/ nyams bde bar 'gyur ro/ /bcom ldan 'das/ de bzhin du byang chub sems dpa' sems dpa' chen po'ang gang gi tshe/ shes rab kyi pha rol tu phyin pa zab mo 'di blta ba dang/ phyag bgyi ba dang/ bsnyen bkur ba dang/ mnyan du mchis te/ thos nas kyang 'dzin cing 'chang ba dang/ klog cing kun chub par bgyid pa dang/ tshul bzhin du yid la bgyid pa de'i tshe/ bcom ldan 'das/ byang chub sems dpa' sems dpa' chen po de ni dge ba'i rtsa ba yongs su smin par rig par bgyi'o/ /bcom ldan 'das/ byang chub sems dpa' sems dpa' chen po de ni sangs rgyas mang po la bsnyen bkur bgyis par rig par bgyi'o/ /bcom ldan 'das/ byang chub sems dpa' sems dpa' chen po des kyang 'di ltar bdag gis shes rab kyi pha rol tu phyin pa zab mo 'di blta ba dang/ phyag bya ba dang/ bsnyen bkur ba dang/ mnyan du yod pa dang/ ji skad du bstan pa'i shes rab kyi pha rol tu phyin pa la nan tan byar yod pa ni/ sngon gyi dge ba'i rtsa bas bla na med pa yang dag par rdzogs @317b pa'i byang chub tu nye bar gyur to zhes bgyi bar 'tshal bar bgyi'o/ /de ni lha'i bu sngon sangs rgyas mthong ba ji snyed cig mchis pa de dag kyang/ byang chub sems dpa' sems dpa' chen po de'i snga ltas de dag mthong nas/ sngon gyi byang chub sems dpa' sems dpa' chen po rnams lung bstan par 'gyur ba la yang snga ltas 'di dag byung gis/ byang chub sems dpa' sems dpa' chen po 'di'ang ring po mi thogs par bla na med pa yang dag par rdzogs pa'i byang chub tu lung bstan par 'gyur ro zhes dga' zhing spro la/ yid bde zhing nyams bde bar 'gyur ro/ /bcom ldan 'das/ 'di lta ste/ dper na/ bud med sbrum ma ni ji lta ji ltar btsar nye ba de lta de ltar lus 'gyur te/ de lta de ltar slar zhing lus ngal la/ rgyud zhan zhing mi dga' la kha zas yi gar mi mchi zhing rmugs pa dang/ gnyid kyang chung du 'gyur te/ nyams mi bde ba des smra ba nyung zhing/ bsten pa'i ngang tshul ma mchis la/ sngon gyi tshul bzhin ma lags pa'i yid la bgyid pa bsten pa dang/ bsnyen pa des rnam pa de lta bu'i tshor ba myong bar 'gyur te/ bud med gzhan dag gis bud med de'i mtshan ma ji lta ji ltar mthong ba las bud med 'di ni ring po mi thogs par btsa' bar 'gyur ro zhes bgyi bar 'tshal to/ /bcom ldan 'das/ de bzhin du byang chub sems dpa' sems dpa' chen po @318a @#/ /dge ba'i rtsa ba bskyed pa/ sangs rgyas mang po la bsnyen bkur ba/ legs pa'i spyod pa spyad pa/ dge ba'i bshes gnyen gyis yongs su bzung ba/ dge ba'i rtsa ba yongs su smin pa rnams la'ang/ shes rab kyi pha rol tu phyin pa zab mo 'di 'thad par 'gyur te/ 'thad par gyur nas kyang 'dzin cing 'chang ba dang/ klog cing kun chub par bgyid pa dang/ tshul bzhin du yid la bgyid na/ bcom ldan 'das/ byang chub sems dpa' sems dpa' chen po de dag ring po mi thogs par bla na med pa yang dag par rdzogs pa'i byang chub tu lung bstan par 'gyur bar rig par bgyi'o/ /bcom ldan 'das kyis bka' stsal pa/ shA radwa ti'i bu/ legs so/ /legs so/ /shA radwa ti'i bu khyod kyis spobs pa de ni sangs rgyas kyi mthus skyes so/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas rnams kyis byang chub sems dpa' sems dpa' chen po de dag de ltar legs par yongs su bzung ba ni ngo mtshar che'o/ /bcom ldan 'das kyis bka' stsal pa/ rab 'byor/ 'di ltar byang chub sems dpa' sems dpa' chen po de dag ni skye bo mang po la phan pa dang/ skye bo mang po la bde ba dang/ 'jig rten @318b la snying brtse ba dang/ lha dang mi'i tshogs skye bo phal po che'i don dang/ phan pa dang bde ba'i phyir/ bla na med pa yang dag par rdzogs pa'i byang chub tu yang dag par 'jug ste/ de dag byang chub sems dpa'i spyad pa spyod pa'i tshe/ bsdu ba'i dngos po bzhis sems can brgya stong mang po la phan 'dogs te/ bzhi gang zhe na/ sbyin pa dang/ snyan par smra ba dang/ don du spyod pa dang/ don mthun par spyod pa ste/ de dag gis sems can rnams dge ba bcu'i las kyi lam la yang dag par bskul lo/ /bdag kyang bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi la snyoms par 'jug la/ gzhan yang bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi la yang dag par bskul lo/ /bdag kyang sbyin pa yongs su gtong la/ gzhan yang sbyin pa la yang dag par bskul lo/ /bdag kyang tshul khrims srung la/ gzhan yang tshul khrims la yang dag par bskul lo/ /bdag kyang bzod pa sgom la/ gzhan yang bzod pa la yang dag par bskul lo/ /bdag kyang brtson 'grus rtsom la/ gzhan yang brtson 'grus la yang dag par bskul lo/ /bdag kyang bsam gtan la snyoms par 'jug la/ gzhan yang bsam gtan la yang dag par bskul lo/ /bdag kyang shes @319a @#/ /rab sgom la/ gzhan yang shes rab bsgom pa la yang dag bar bskul lo/ /de dag shes rab kyi pha rol tu phyin pa la gnas shing thabs mkhas pas sems can rnams rgyun du zhugs pa'i 'bras bu la rab tu 'god kyang/ bdag rgyun du zhugs pa'i 'bras bu thob par mi byed do/ /gzhan lan gcig phyir 'ong ba'i 'bras bu dang; phyir mi 'ong ba'i 'bras bu dang/ dgra bcom pa nyid dang/ rang byang chub la rab tu 'god kyang/ bdag rang byang chub mngon du mi byed do/ /bdag kyang sbyin pa'i pha rol tu phyin pa la spyod la/ byang chub sems dpa' gzhan stong phrag du ma dag kyang/ sbyin pa'i pha rol tu phyin pa la yang dag par bskul lo/ /bdag kyang tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la spyod la/ byang chub sems dpa' gzhan stong phrag du ma dag kyang/ tshul khrims dang/ bzod pa dang/ brtson 'grus dang/ bsam gtan dang/ shes rab kyi pha rol tu phyin pa la yang dag par bskul lo/ /bdag kyang phyir mi ldog pa'i sa yongs su gnon la/ gzhan yang phyir mi ldog pa'i sa la rab tu 'god do/ /bdag kyang sangs rgyas kyi zhing yongs su dag par byed la/ gzhan yang sangs rgyas kyi zhing @319b yongs su dag par bya ba la yang dag par bskul lo/ /bdag kyang sems can yongs su smin par byed la/ gzhan yang sems can yongs su smin par bya ba la yang dag par bskul lo/ / bdag kyang byang chub sems dpa'i mngon par shes pa bskyed la/ gzhan yang byang chub sems dpa'i mngon par shes pa la yang dag par bskul lo/ /bdag kyang gzungs kyi sgo yongs su sbyong la/ gzhan yang gzungs kyi sgo yongs su sbyong ba la yang dag par bskul lo/ /bdag kyang spobs pa phun sum tshogs pa thob par byed la/ gzhan yang spobs pa phun sum tshogs pa la yang dag par bskul lo/ /bdag kyang gzugs phun sum tshogs pa yongs su 'dzin la/ gzhan yang gzugs phun sum tshogs pa thob par bya ba la yang dag par bskul lo; ;bdag kyang mtshan phun sum tshogs pa yongs su 'dzin la/ gzhan yang mtshan phun sum tshogs pa thob par bya ba la yang dag par bskul lo/ /bdag kyang gzhon nu'i sa phun sum tshogs pa yongs su 'dzin la/ gzhan yang gzhon nu'i sa phun sum tshogs pa la yang dag par bskul lo/ /bdag kyang byang chub kyi phyogs kyi chos sum cu rtsa bdun sgom la/ gzhan yang byang chub kyi phyogs kyi chos sum cu rtsa bdun la yang dag par bskul lo/ /bdag kyang 'phags pa'i bden pa bzhi dang/ bsam gtan bzhi dang/ tshad med pa bzhi dang/ @320a @#/ /gzugs med pa'i snyoms par 'jug pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang; mtshan ma med pa dang/ smon pa med pa dang/ mngon par shes pa lnga sgom la/ gzhan yang mngon par shes pa lnga la yang dag par bskul lo/ /bdag kyang ting nge 'dzin thams cad dang/ gzungs kyi sgo thams cad sgom la/ gzhan yang gzungs kyi sgo thams cad la yang dag par bskul lo/ /bdag kyang de bzhin gshegs pa'i stobs bcu dang; mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad sgrub la/ gzhan yang sangs rgyas kyi chos ma 'dres pa bco brgyad la yang dag par bskul lo/ /bdag kyang rnam pa thams cad mkhyen pa nyid thob par byed la/ gzhan yang rnam pa thams cad mkhyen pa nyid la yang dag par bskul lo/ /bdag kyang bag chags kyi mtshams sbyor ba'i nyon mongs pa thams cad rab tu spong la/ gzhan yang bag chags kyi mtshams sbyor ba'i nyon mongs pa thams cad spong ba la yang dag par bskul lo/ /bdag kyang chos kyi 'khor lo skor la/ gzhan yang chos kyi 'khor lo skor ba la yang dag par bskul @320b lo; ;de skad ces bka' stsal pa dang/ tshe dang ldan pa rab 'byor gyis/ bcom ldan 'das la 'di skad ces gsol to/ /de ltar byang chub sems dpa' sems dpa' chen po yon tan mang po dang ldan pa de dag sems can thams cad kyi slad du/ shes rab kyi pha rol tu phyin pa la spyod cing/ bla na med pa yang dag par rdzogs pa'i byang chub tu mngon par rdzogs par 'tshang rgya ba ni; bcom ldan 'das/ ngo mtshar to/ /bde bar gshegs pa/ ngo mtshar to/ /bcom ldan 'das/ ji ltar na byang chub sems dpa' sems dpa' chen po rnams kyi shes rab kyi pha rol tu phyin pa bsgom pa yongs su rdzogs par 'gyur ba lags/ bcom ldan 'das kyis bka' stsal pa/ rab 'byor/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nam gzugs kyi 'phel ba yang dag par rjes su ma mthong ba dang/ tshor ba dang/ 'du shes dang/ 'du byed dang/ rnam par shes pa'i 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /rab 'byor/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nam skye mched dang/ khams dang/ rten cing 'brel par 'byung ba'i 'phel ba yang dag par rjes su ma mthong ba @321a @#/ /dang; pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun gyi 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /nam 'phags pa'i bden pa rnams dang; bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams kyi 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /nam ting nge 'dzin rnams dang/ gzungs kyi sgo rnams kyi 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /nam de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad kyi 'phel @321b ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /rab 'byor/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rnam pa thams cad mkhyen pa nyid kyi bar gyi 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /rab 'byor/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nam gzugs kyi 'grib pa yang dag par rjes su ma mthong ba dang/ tshor ba dang/ 'du shes dang/ 'du byed dang/ rnam par shes pa'i 'grib pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /nam skye mched dang/ khams dang/ rten cing 'brel par 'byung ba'i 'grib pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro; ;nam pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun gyi 'grib pa yang dag par rjes su ma mthong ba de'i tshe/ byang chub sems @322a @#/ /dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /nam 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams kyi 'grib pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /nam ting nge 'dzin rnams dang/ gzungs kyi sgo rnams kyi 'grib pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /nam de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad kyi 'grib pa yang dag par rjes su ma mthong ba de'i tshe; byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /nam rnam pa thams cad mkhyen pa nyid kyi bar gyi 'grib @322b pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ rab 'byor/ gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos zhes bya bar yang dag par rjes su mi mthong/ chos ma yin zhes bya bar yang dag par rjes su mi mthong/ 'das zhes bya bar yang dag par rjes su ma mthong/ ma 'ongs zhes bya bar yang dag par rjes su mi mthong/ da ltar byung zhes bya bar yang dag par rjes su mi mthong/ dge zhes bya ba dang/ mi dge zhes bya ba dang/ lung du ston ces bya ba dang/ lung du mi ston ces bya bar yang dag par rjes su mi mthong/ 'dus byas zhes bya ba dang/ 'dus ma byas zhes bya bar yang dag par rjes su mi mthong/ 'dod pa'i khams zhes bya bar yang dag par rjes su mi mthong/ gzugs kyi khams zhes bya bar yang dag par rjes su mi mthong/ gzugs med pa'i khams zhes bya bar yang dag par rjes su mi mthong/ sbyin pa'i pha rol tu phyin pa zhes bya bar yang dag par rjes su mi mthong/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa zhes bya bar yang dag par rjes su mi mthong/ rnam pa thams cad mkhyen pa nyid @323a @#/ /kyi bar zhes bya bar yang dag par rjes su mi mthong ba de'i tshe/ byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro/ /de ci'i phyir zhe na/ rab 'byor/ de ni 'di ltar chos rnams kyi chos kyi mtshan nyid dang/ phyir ldog pa med pa dang/ gsog dang/ gsob dang/ snying po med pa dang/ dbang du gyur pa dang/ byed pa med pa dang/ srog med pa'i phyir ro/ /gsol pa/ bcom ldan 'das/ bsam gyis mi khyab pa bstan to/ /bcom ldan 'das kyis bka' stsal pa/ rab 'byor/ gzugs bsam gyis mi khyab pa'i phyir/ bsam gyis mi khyab pa bstan to/ /tshor ba dang/ 'du shes dang/ 'du byed dang/ rnam par shes pa bsam gyis mi khyab pa'i phyir/ bsam gyis mi khyab pa bstan te/ /rab 'byor/ skye mched dang/ khams dang/ rten cing 'brel par 'byung ba bsam gyis mi khyab pa'i phyir/ bsam gyis mi khyab pa bstan to/ /rab 'byor/ sbyin pa'i pha rol tu phyin pa bsam gyis mi khyab pa'i phyir/ bsam gyis mi khyab pa bstan to/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa bsam gyis mi khyab pa'i phyir/ bsam @323b gyis mi khyab pa bstan to/ /rab 'byor/ nang stong pa nyid bsam gyis mi khyab pa'i phyir/ bsam gyis mi khyab pa bstan to/ /dngos po med pa'i ngo bo nyid stong pa nyid kyi bar du bsam gyis mi khyab pa'i phyir/ bsam gyis mi khyab pa bstan to/ /rab 'byor/ byang chub kyi phyogs kyi chos sum cu rtsa bdun bsam gyis mi khyab pa'i phyir/ bsam gyis mi khyab pa bstan to/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang; stong pa nyid dang/ mtshan ma med pa dang/ smon pa med pa dang/ mngon par shes pa rnams bsam gyis mi khyab pa'i phyir/ bsam gyis mi khyab pa bstan to/ /ting nge 'dzin dang/ gzungs kyi sgo bsam gyis mi khyab pa'i phyir/ bsam gyis mi khyab pa bstan to/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang; sangs rgyas kyi chos ma 'dres pa bco brgyad bsam gyis mi khyab pa'i phyir/ bsam gyis mi khyab pa bstan to/ /rab 'byor/ rnam pa thams cad mkhyen pa nyid kyi bar du bsam gyis mi khyab pa'i phyir/ bsam gyis mi khyab pa bstan to/ /rab 'byor/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs @324a @#/ /bsam gyis mi khyab ces bya bar 'du shes pa med/ tshor ba dang/ 'du shes dang/ 'du byed dang/ rnam par shes pa bsam gyis mi khyab ces bya bar 'du shes pa med na/ shes rab kyi pha rol tu phyin pa yongs su rdzogs par byed pa'o/ /byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te skye mched dang/ khams dang/ rten cing 'brel par 'byung ba bsam gyis mi khyab ces bya bar 'du shes pa med na/ shes rab kyi pha rol tu phyin pa yongs su rdzogs par byed pa'o/ / pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun bsam gyis mi khyab ces bya bar 'du shes pa med na/ shes rab kyi pha rol tu phyin pa yongs su rdzogs par byed pa'o/ /gal te 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams bsam gyis mi khyab ces bya bar 'du shes pa med na/ shes rab kyi pha rol tu phyin pa yongs su rdzogs par byed pa'o/ /gal te ting nge 'dzin rnams dang/ @324b gzungs kyi sgo rnams bsam gyis mi khyab ces bya bar 'du shes pa med na/ shes rab kyi pha rol tu phyin pa yongs su rdzogs par byed pa'o/ /gal te de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad bsam gyis mi khyab ces bya bar 'du shes pa med na/ shes rab kyi pha rol tu phyin pa yongs su rdzogs par byed pa'o/ /gal te rnam pa thams cad mkhyen pa nyid kyi bar du bsam gyis mi khyab ces bya bar 'du shes pa med na/ shes rab kyi pha rol tu phyin pa yongs su rdzogs par byed pa'o/ /gsol pa/ bcom ldan 'das/ shes rab kyi pha rol tu phyin pa zab mo 'di la su zhig mos par 'gyur ba lags/ bcom ldan 'das kyis bka' stsal pa/ byang chub sems dpa' sems dpa' chen po gang pha rol tu phyin pa drug la spyad pa/ dge ba'i rtsa ba bskyed par gyur pa/ sangs rgyas mang po la bsnyen bkur ba/ dge ba'i bshes gnyen gyis yongs su bzung ba de dag ni/ shes rab kyi pha rol tu phyin pa zab mo 'di la mos par 'gyur ro/ /gsol pa/ bcom ldan 'das/ ji tsam gyis na/ byang chub sems dpa' sems dpa' chen po pha rol tu phyin pa drug la spyad pa dang/ dge ba'i rtsa ba bskyed pa dang/ sangs rgyas mang po bsnyen bkur ba dang/ dge ba'i bshes gnyen gyis yongs su bzung ba lags/ bcom @325a @#/ /ldan 'das kyis bka' stsal pa/ rab 'byor/ 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs su mi rtog rnam par mi rtog go / gzugs kyi mtshan mar mi rtog rnam par mi rtog go / gzugs kyi rang bzhin du mi rtog rnam par mi rtog go /tshor ba dang/ 'du shes dang/ 'du byed dang/ rnam par shes par mi rtog rnam par mi rtog go /rnam par shes pa'i mtshan mar mi rtog rnam par mi rtog go /rnam par shes pa'i rang bzhin du mi rtog rnam par mi rtog go /skye mched dang/ khams dang/ rten cing 'brel par 'byung bar mi rtog rnam par mi rtog go /rten cing 'brel par 'byung ba'i mtshan mar mi rtog rnam par mi rtog go /rten cing 'brel par 'byung ba'i rang bzhin du mi rtog rnam par mi rtog go /'dod pa'i khams su mi rtog rnam par mi rtog go /'dod pa'i khams kyi mtshan mar mi rtog rnam par mi rtog go / 'dod pa'i khams kyi rang bzhin du mi rtog rnam par mi rtog go / gzugs kyi khams su mi rtog rnam par mi rtog go / gzugs kyi khams kyi mtshan mar mi rtog rnam par mi rtog go / gzugs kyi khams kyi rang bzhin du mi rtog rnam par mi rtog go / gzugs med pa'i khams su mi rtog rnam par mi rtog go / gzugs med pa'i khams kyi mtshan mar mi rtog rnam par mi rtog @325b go ;gzugs med pa'i khams kyi rang bzhin du mi rtog rnam par mi rtog go /sbyin pa'i pha rol tu phyin par mi rtog rnam par mi rtog go /sbyin pa'i pha rol tu phyin pa'i mtshan mar mi rtog rnam par mi rtog go /sbyin pa'i pha rol tu phyin pa'i rang bzhin du mi rtog rnam par mi rtog go /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin par mi rtog rnam par mi rtog go /shes rab kyi pha rol tu phyin pa'i mtshan mar mi rtog rnam par mi rtog go /shes rab kyi pha rol tu phyin pa'i rang bzhin du mi rtog rnam par mi rtog go /nang stong pa nyid du mi rtog rnam par mi rtog go /nang stong pa nyid kyi mtshan mar mi rtog rnam par mi rtog go /nang stong pa nyid kyi rang bzhin du mi rtog rnam par mi rtog go /dngos po med pa'i ngo bo nyid stong pa nyid kyi bar du mi rtog rnam par mi rtog go /dngos po med pa'i ngo bo nyid stong pa nyid kyi mtshan mar mi rtog rnam par mi rtog go /dngos po med pa'i ngo bo nyid stong pa nyid kyi rang bzhin du mi rtog rnam par mi rtog go /byang chub kyi phyogs kyi chos sum cu rtsa bdun du mi rtog rnam par mi rtog go /byang chub kyi phyogs kyi chos sum cu rtsa bdun gyi mtshan mar mi rtog rnam par mi rtog go /byang chub kyi phyogs kyi chos sum cu rtsa bdun gyi rang bzhin du mi @326a @#/ /rtog rnam par mi rtog go /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams su mi rtog rnam par mi rtog go /mngon par shes pa rnams kyi mtshan mar mi rtog rnam par mi rtog go /mngon par shes pa rnams kyi rang bzhin du mi rtog rnam par mi rtog go /ting nge 'dzin rnams dang/ gzungs kyi sgo rnams su mi rtog rnam par mi rtog go / gzungs kyi sgo rnams kyi mtshan mar mi rtog rnam rnam par mi rtog go / gzungs kyi sgo rnams kyi rang bzhin du mi rtog rnam par mi rtog go /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad du mi rtog rnam par mi rtog go /sangs rgyas kyi chos ma 'dres pa'i mtshan mar mi rtog rnam par mi rtog go /sangs rgyas kyi chos ma 'dres pa'i rang bzhin du mi rtog rnam par mi rtog go /rnam pa thams cad mkhyen pa nyid kyi bar du mi rtog rnam par mi rtog go /rnam pa thams cad mkhyen pa nyid kyi mtshan mar mi rtog rnam par mi rtog go /rnam pa thams cad @326b mkhyen pa nyid kyi rang bzhin du mi rtog rnam par mi rtog go /de ci'i phyir zhe na/ rab 'byor/ de ni 'di ltar gzugs bsam gyis mi khyab bo/ /tshor ba dang/ 'du shes dang/ 'du byed dang/ rnam par shes pa bsam gyis mi khyab bo/ /skye mched dang/ khams dang/ rten cing 'brel par 'byung ba bsam gyis mi khyab bo/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun bsam gyis mi khyab bo/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams bsam gyis mi khyab bo/ /ting nge 'dzin rnams dang/ gzungs kyi sgo rnams bsam gyis mi khyab bo/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad bsam gyis mi khyab bo/ /rnam pa thams cad mkhyen pa nyid kyi bar du bsam gyis mi khyab bo/ /rab 'byor/ de ltar na byang chub sems dpa' sems dpa' chen po pha rol tu phyin pa drug la spyad pa dang/ dge ba'i rtsa ba bskyed pa dang/ sangs rgyas mang po bsnyen @327a @#/ /bkur ba dang/ dge ba'i bshes gnyen gyis yongs su bzung ba yin no/ /rab 'byor gyis gsol pa/ bcom ldan 'das/ shes rab kyi pha rol tu phyin pa ni zab bo/ /bcom ldan 'das kyis bka' stsal pa/ rab 'byor/ gzugs zab pa'i phyir/ shes rab kyi pha rol tu phyin pa zab bo/ /tshor ba dang/ 'du shes dang/ 'du byed dang/ rnam par shes pa zab pa'i phyir/ shes rab kyi pha rol tu phyin pa zab bo/ /skye mched dang/ khams dang/ rten cing 'brel par ? 'byung ba zab pa'i phyir/ shes rab kyi pha rol tu phyin pa zab bo/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun zab pa'i phyir/ shes rab kyi pha rol tu phyin pa zab bo/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams zab pa'i phyir/ shes rab kyi pha rol tu phyin pa zab bo/ /ting nge 'dzin dang/ gzungs kyi sgo rnams zab pa'i phyir/ shes rab kyi pha rol tu phyin pa zab bo/ /de bzhin gshegs pa'i stobs dang/ mi 'jigs pa dang/ so so yang dag par rig pa dang/ sangs rgyas @327b kyi chos ma 'dres pa rnams zab pa'i phyir/ shes rab kyi pha rol tu phyin pa zab bo/ /rnam pa thams cad mkhyen pa nyid kyi bar du zab pa'i phyir/ shes rab kyi pha rol tu phyin pa zab bo/ / gsol pa/ bcom ldan 'das/ shes rab kyi pha rol tu phyin pa ni rin po che'i phung po ste/ chos rin po che'i phung po rnams sgrub pa'o/ /de ni 'di lta ste/ dge ba bcu'i las kyi lam dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga sgrub pa'o/ /dran pa nye bar bzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa sgrub pa'o/ /'phags pa'i bden pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams sgrub pa'o/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad sgrub pa'o/ /rgyun du zhugs pa'i 'bras bu dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom @328a @#/ /pa nyid dang/ rang byang chub sgrub pa'o/ /rnam pa thams cad mkhyen pa nyid kyi bar du sgrub pa'o/ /gsol pa/ bcom ldan 'das/ shes rab kyi pha rol tu phyin pa ni chos kyi 'khor lo skor ba'o/ /bcom ldan 'das/ gzugs dag pa dang/ tshor ba dang/ 'du shes dang/ 'du byed dang/ rnam par shes pa dag pa dang/ skye mched dang/ khams dang/ rten cing 'brel par 'byung ba dag pa dang/ pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun dag pa dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa dag pa dang/ ting nge 'dzin dang/ gzungs kyi sgo dag pa dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad dag pa dang/ rnam pa thams cad mkhyen pa nyid kyi bar du dag pa'i slad du/ shes rab kyi pha rol tu phyin pa ni dag pa'i phung po'o/ /bcom ldan 'das/ shes rab kyi pha rol tu phyin pa zab mo de lta bu bstan pa'i tshe/ bar chad mang @328b du mi 'byung ba ni ngo mtshar che'o/ /bcom ldan 'das kyis bka' stsal pa/ rab 'byor/ de de bzhin no/ /de de bzhin te/ rab 'byor/ shes rab kyi pha rol tu phyin pa zab mo 'di la bar chad mang po 'byung ste/ de bas na rigs kyi bu dang/ rigs kyi bu mos shes rab kyi pha rol tu phyin pa zab mo 'di 'dri ba dang/ bklag pa dang/ bstan pa dang/ tshul bzhin du yid la bya zhing bsgom par bya ba la bar chad du mi 'gyur bar bri na'ang myur du bri bar bya'o/ /klog pa dang bstan pa dang/ tshul bzhin du yid la bya zhing bsgom na'ang myur du bsgom mo/ /rab 'byor/ de bas na gal te rigs kyi bu dang/ rigs kyi bu mos shes rab kyi pha rol tu phyin pa zab mo 'di zla ba gcig gis bri bar byas na'ang/ des de bzhin du bri bar bya'o/ /gal te zla ba gnyis sam/ gal te zla ba gsum mam/ gal te zla ba bzhi'am/ gal te zla ba lnga'am/ gal te zla ba drug gam/ gal te lo'i bar gyis bri bar byas na'ang de bzhin du bri bar bya'o/ /gal te zla ba gcig gis bstan pa dang/ lung dpog pa dang/ kha ton bya ba dang/ tshul bzhin du yid la bya ba dang/ bsgom par bya na'ang de bzhin du bsgom par bya'o/ /gal te lo'i bar gyis bsgom par byas na'ang de bzhin du bsgom par bya'o/ /de ci'i phyir zhe na/ rab 'byor/ de ni 'di ltar rin po che chen po la bar chad mang du 'byung ngo/ /gsol pa/ bcom ldan 'das/ shes rab @329a @#/ /kyi pha rol tu phyin pa zab mo 'di ci nas kyang mi bri ba dang/ mi klog pa dang/ mi bstan pa dang/ kha ton mi bgyi ba dang/ yid la mi bgyid pa dang/ mi bsgom pa'i slad du bdud sdig to can dag bar chad mi bgyid pa ngo mtshar che'o/ /bcom ldan 'das kyis bka' stsal pa/ rab 'byor/ shes rab kyi pha rol tu phyin pa zab mo 'di la ci nas kyang mi bri ba dang/ mi klog pa dang/ mi bstan pa dang/ tshul bzhin du yid la mi bya ba dang/ mi bsgom pa'i phyir/ bdud sdig to can dag bar chad mi byed pa'ang ma yin mod kyi; byang chub sems dpa' sems dpa' chen po shes rab kyi pha rol tu phyin pa zab mo 'di 'dri ba dang/ klog pa dang/ kha ton byed pa dang/ bsgom pa rnams la bar chad bya bar mi nus so/ /de nas tshe dang ldan pa shA radwa ti'i bus/ bcom ldan 'das la 'di skad ces gsol to/ /bcom ldan 'das/ ci'i mthus na/ byang chub sems dpa' sems dpa' chen pos shes rab kyi pha rol tu phyin pa zab mo 'di bri ba dang/ bklag pa dang/ kha ton du bgyi ba dang/ tshul bzhin du yid la bgyi ba dang/ bsgom pa la bdud sdig to can bgegs bgyid par mi 'gyur/ bcom ldan 'das kyis bka' stsal pa/ shA radwa ti'i bu/ sangs rgyas kyi mthus byang chub sems dpa' sems dpa' chen po shes rab kyi pha rol tu phyin pa zab mo 'di @329b bri ba dang/ klog pa dang/ kha ton du byed pa dang/ tshul bzhin du yid la byed pa dang/ bsgom pa dag la bdud sdig to can gyis bar chad bya bar mi nus so/ /shA radwa ti'i bu/ phyogs bcu kun gyi 'jig rten gyi khams dag na/ sangs rgyas bcom ldan 'das gang ji snyed cig bzhugs shing 'tsho skyong ba dang/ chos ston pa de dag gi mthus kyang/ byang chub sems dpa' sems dpa' chen po shes rab kyi pha rol tu phyin pa zab mo 'di bri ba dang/ klog pa dang/ ston pa dang/ kha ton du byed pa dang/ tshul bzhin du yid la byed pa dang/ bsgom pa de dag la bdud sdig to can gyis bar chad bya bar mi nus so/ /sangs rgyas bcom ldan 'das de dag kyang byang chub sems dpa' sems dpa' chen po de dag la dgongs shing yongs su 'dzin pa mdzad de/ sangs rgyas bcom ldan 'das de dag gis yongs su bzung ba'i byang chub sems dpa' sems dpa' chen po de dag shes rab kyi pha rol tu phyin pa zab mo 'di 'dri ba dang/ klog pa dang/ ston pa dang/ kha ton du byed pa dang/ tshul bzhin du yid la byed pa dang/ bsgom pa de dag la bdud sdig to can gyis bar chad bya bar mi nus so/ /de ci'i phyir zhe na/ shA radwa ti'i bu/ sangs rgyas kyis yong su zin pa'i byang chub sems dpa' sems dpa' chen po rnams kyi dge ba'i chos yongs su btsal ba la bdud sdig to can gyis bar chad bya bar mi nus so/ /shA radwa ti'i bu/ de ni gang de ltar phyogs @330a @#/ /bcu kun gyi 'jig rten gyi khams tshad med grangs med pa dag na/ de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa bzhugs shing 'tsho skyong ba dang/ chos ston pa de dag byang chub sems dpa' sems dpa' chen po shes rab kyi pha rol tu phyin pa zab mo 'di 'dri ba la dgongs pa mdzad pa dang/ klog cing ston pa dang/ kha ton du byed pa dang/ tshul bzhin du yid la byed pa dang/ bsgom pa la dgongs pa mdzad pa ni chos nyid kyis de bzhin te/ shA radwa ti'i bu/ rigs kyi bu dang rigs kyi bu mo shes rab kyi pha rol tu phyin pa zab mo 'di 'dri zhing klog pa dang/ ston cing tshul bzhin du yid la byed pa dang/ bsgom pa des kyang bdag ni sangs rgyas kyi mthus/ shes rab kyi pha rol tu phyin pa zab mo 'di 'dri'o/ /klog go /ston to/ /kha ton du byed do/ /tshul bzhin du yid la byed do/ /bsgom mo zhes bya bar khong du chud par bya'o/ /gsol pa/ bcom ldan 'das/ rigs kyi bu'am rigs kyi bu mo gang su yang rung ste/ shes rab kyi pha rol tu phyin pa zab mo 'di 'dri ba dang/ klog pa dang/ ston pa dang/ kha ton du bgyid pa dang/ tshul bzhin du yid la bgyid pa dang/ bsgom mo 'tshal kun kyang sangs rgyas kyi mthu lags sam/ kun kyang sangs rgyas kyi gzungs lags sam/ @330b bcom ldan 'das kyis bka' stsal pa/ shA radwa ti'i bu/ de de bzhin no/ /de de bzhin te/ ji skad du smras pa bzhin te/ rigs kyi bu'am rigs kyi bu mo gang su'ang rung ste/ shes rab kyi pha rol tu phyin pa zab mo 'di 'dri zhing klog pa dang/ ston cing kha ton du byed pa dang/ tshul bzhin du yid la byed cing bsgom pa de thams cad kyang sangs rgyas kyi mthu yin par rig par bya'o// de thams cad kyang sangs rgyas kyi gzungs yin par rig par bya'o/ /gsol pa/ bcom ldan 'das/ rigs kyi bu'am rigs kyi bu mo gang shes rab kyi pha rol tu phyin pa zab mo 'di 'dri zhing klog pa dang/ ston cing kha ton du bgyid pa dang/ tshul bzhin du yid la bgyid cing bsgom pa de dag ni shar phyogs nas phyogs bcu kun gyi bar gyi 'jig rten gyi khams tshad med grangs ma mchis pa na/ sangs rgyas bcom ldan 'das tshad dang grangs ma mchis pa bzhugs shing 'tsho skyong ba dang/ chos ston pa de dag gis mkhyen te/ gang shes rab kyi pha rol tu phyin pa zab mo 'di 'dri zhing klog pa dang/ ston cing kha ton du bgyid pa dang/ tshul bzhin du yid la bgyid cing bsgom pa de dag ni/ sangs rgyas bcom ldan 'das de dag gis sangs rgyas kyi spyan gyis gzigs so/ /thugs su chud do/ /bcom ldan 'das kyis bka' stsal pa/ shA radwa ti'i bu/ /de de bzhin no/ /de de bzhin te/ rigs kyi bu'am rigs kyi bu mo gang shes rab kyi pha @331a @#/ /rol tu phyin pa zab mo 'di 'dri zhing klog pa dang/ ston cing kha ton du byed pa dang/ tshul bzhin du yid la byed cing bsgom pa de dag ni shar phyogs nas phyogs bcu kun gyi bar gyi 'jig rten gyi khams tshad dang grangs med pa na/ sangs rgyas bcom ldan 'das tshad med grangs med pa bzhugs shing 'tsho skyong ba dang/ chos ston pa de dag gis mkhyen te/ sangs rgyas kyi spyan gyis gzigs so/ /thugs su chud do// //shes rab kyi pha rol tu phyin pa stong phrag nyi shu lnga pa/ bam po bzhi bcu gsum pa; shA radwa ti'i bu/ de la byang chub sems dpa'i theg pa pa'i rigs kyi bu'am rigs kyi bu mo de dag shes rab kyi pha rol tu phyin pa zab mo 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa dang/ bsgom pa dang/ de bzhin nyid du nan tan byed pa de dag gis kyang 'di ltar bdag cag ni/ bla na med pa yang dag par rdzogs pa'i byang chub tu nye bar gyur to zhes bya bar rig par bya'o/ /shA radwa ti'i bu/ gang yang byang chub sems dpa'i theg pa pa'i rigs kyi bu'am rigs kyi bu mo shes rab kyi pha rol tu phyin pa zab mo 'di bris shing glegs bam du byas te 'chang ba de dag kyang shes rab kyi pha rol tu phyin pa zab mo 'di la mos pa mang bar 'gyur te/ de dag shes rab kyi pha @331b rol tu phyin pa zab mo 'di la me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba dan mang pos rim gror byed/ bkur stir byed/ bsti stang du byed/ mchod par byed do/ /de ltar rigs kyi bu dang rigs kyi bu mo gang shes rab kyi pha rol tu phyin pa zab mo 'di bris shing 'chang ba de dag kyang de na che ba dang/ legs pa che ba dang/ 'bras bu che ba dang/ rnam par smin pa che bar 'gyur te/ shA radwa ti'i bu/ rigs kyi bu dang rigs kyi bu mo de dag ni phyir mi ldog pa'i sa yongs su non gyi bar du dge ba'i rtsa ba des nam yang ngan song du skye bar mi 'gyur ro/ /nam yang sangs rgyas bcom ldan 'das rnams dang bral bar mi 'gyur ro/ /shA radwa ti'i bu/ rigs kyi bu dang rigs kyi bu mo de dag bla na med pa yang dag par rdzogs pa'i byang chub tu mngon par rdzogs par sangs rgyas kyi bar du dge ba'i rtsa ba de nyid kyis pha rol tu phyin pa drug dang nam yang bral bar mi 'gyur ro/ /nang stong pa nyid dang nam yang bral bar mi 'gyur ro/ /dngos po med pa'i ngo bo nyid stong pa nyid kyi bar dang nam yang bral bar mi 'gyur ro/ /dran pa nye bar bzhag pa rnams dang/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa dang @332a @#/ /nam yang bral bar mi 'gyur ro/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang; mngon par shes pa rnams dang nam yang bral bar mi 'gyur ro/ /ting nge 'dzin rnams dang/ gzungs kyi sgo rnams dang nam yang bral bar mi 'gyur ro/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad dang nam yang bral bar mi 'gyur ro/ /shA radwa ti'i bu/ shes rab kyi pha rol tu phyin pa 'di de bzhin gshegs pa mya ngan las 'das nas/ lho phyogs kyi rgyud na spyod par 'gyur te/ de na byang chub sems dpa'i theg pa pa'i dge slong dang dge slong ma dang dge bsnyen dang dge bsnyen ma dag mos pa dam pas shes rab kyi pha rol tu phyin pa zab mo 'di 'dri bar 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur te/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs @332b dang; rgyal mtshan dang/ ba dan mang pos rim gror byed/ bkur stir byed/ bsti stang du byed/ mchod par byed par 'gyur ro/ /de dag dge ba'i rtsa ba des nam yang ngan song log par ltung bar mi 'dong ste/ de dag gis lha dang mi'i phun sum tshogs pa myong zhing/ pha rol tu phyin pa drug gis mngon par 'phags par 'gyur ro/ /de dag pha rol tu phyin pa drug po de dag gis mngon par 'phags par gyur nas/ sangs rgyas bcom ldan 'das rnams la rim gro dang/ bkur sti dang/ bsti stang dang/ mchod pa byed cing/ nyan thos kyi theg pa'am/ rang sangs rgyas kyi theg pa'am/ bla na med pa yang dag par rdzogs pa'i sangs rgyas kyi theg pa'am/ theg pa gsum pos rim gyis mya ngan las 'da' bar 'gyur ro/ /shA radwa ti'i bu/ de ltar shes rab kyi pha rol tu phyin pa zab mo 'di lho phyogs kyi rgyud nas/ yul bar ta ni na spyod par 'gyur te/ de na yang byang chub sems dpa'i theg pa pa'i dge slong dang/ dge slong ma dang; dge bsnyen dang/ dge bsnyen ma dag mos pa dam pas shes rab kyi pha rol tu phyin pa zab mo 'di 'dri bar 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang/ rgyal mtshan dang/ ba @333a @#/ /dan mang pos rim gror byed/ bkur stir byed/ bsti stang du byed/ mchod par byed par 'gyur te/ de dag dge ba'i rtsa ba des nam yang ngan song log par ltung bar mi 'dong ste/ de dag gis lha dang mi'i phun sum tshogs pa myong zhing pha rol tu phyin pa drug gis mngon par 'phags par 'gyur ro/ /de dag pha rol tu phyin pa drug gis mngon par 'phags par gyur nas/ sangs rgyas bcom ldan 'das rnams la rim gro dang/ bkur sti dang/ bsti stang dang/ mchod pa byed cing/ nyan thos kyi theg pa'am/ rang sangs rgyas kyi theg pa'am/ bla na med pa yang dag par rdzogs pa'i sangs rgyas kyi theg pa'am/ theg pa gsum pos rim gyis mya ngan las 'da' bar 'gyur ro; ;shA radwa ti'i bu/ de ltar shes rab kyi pha rol tu phyin pa zab mo 'di yul bar ta ni nas byang phyogs kyi rgyud na spyod par 'gyur te/ de na'ang byang chub sems dpa'i theg pa pa'i dge slong dang/ dge slong ma dang/ dge bsnyen dang/ dge bsnyen ma dag mos pa dam pas shes rab kyi pha rol tu phyin pa zab mo 'di 'dri bar 'gyur/ 'dzin par 'gyur/ 'chang bar 'gyur; klog par 'gyur/ kun chub par byed par 'gyur/ tshul bzhin du yid la byed par 'gyur/ me tog dang/ phreng ba dang/ spos dang/ byug pa dang/ phye ma dang/ na bza' dang/ @333b gdugs dang/ rgyal mtshan dang/ ba dan mang po dag gis rim gror byed/ bkur stir byed/ bsti stang du byed/ mchod par byed par 'gyur te/ de dag dge ba'i rtsa ba des nam yang ngan song log par ltung bar mi 'dong ste/ de dag gis lha dang mi'i phun sum tshogs pa myong zhing pha rol tu phyin pa drug gis mngon par 'phags par 'gyur ro/ /de dag pha rol tu phyin pa drug po de dag gis mngon par 'phags par gyur nas/ sangs rgyas bcom ldan 'das rnams la rim gro dang/ bkur sti dang/ bsti stang dang/ mchod pa byed cing/ nyan thos kyi theg pa'am/ rang sangs rgyas kyi theg pa'am/ bla na med pa yang dag par rdzogs pa'i sangs rgyas kyi theg pa'am/ theg pa gsum pos rim gyis mya ngan las 'da' bar 'gyur ro/ /shA radwa ti'i bu/ de ltar shes rab kyi pha rol tu phyin pa zab mo 'di lho phyogs kyi rgyud dang/ byang phyogs kyi rgyud na phyi ma'i dus phyi ma'i tshe lnga brgya tha ma la sangs rgyas kyi bya ba byed par 'gyur ro/ /de ci'i phyir zhe na/ shA radwa ti'i bu/ de ni 'di ltar de bzhin gshegs pa'i dgongs pa gang yin pa de ni/ shes rab kyi pha rol tu phyin pa'o/ /shes rab kyi pha rol tu phyin pa gang yin pa de ni de bzhin gshegs pa'i dgongs pa'o/ /shA radwa ti'i bu/ chos dang 'dul ba dar la bab pa'i tshe dam pa'i chos nub par mi 'gyur te/ chos de'ang gang zhe na/ 'di lta ste/ shes rab @334a @#/ /kyi pha rol tu phyin pa 'di'o/ /shA radwa ti'i bu/ rigs kyi bu'am rigs kyi bu mo gang shes rab kyi pha rol tu phyin pa zab mo 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa dang/ de bzhin nyid du nan tan du byed pa de dag la ni ngas dgongs so/ /shA radwa ti'i bu/ rigs kyi bu'am rigs kyi bu mo gang shes rab kyi pha rol tu phyin pa zab mo 'di 'dri zhing bris nas kyang/ me tog dang/ phreng ba dang/ spos dang/ byug pa dang/ phye ma dang/ na bza' dang/ gdugs dang; rgyal mtshan dang/ ba dan mang pos rim gror byed/ bkur stir byed/ bsti stang du byed/ mchod par byed pa de dag kyang ngas dgongs te/ shA radwa ti'i bu/ rigs kyi bu'am rigs kyi bu mo de dag ni dge ba'i rtsa ba des nam yang ngan song log par ltung bar mi 'dong ste/ de dag lha dang mi'i bde ba phun sum tshogs pa myong zhing/ pha rol tu phyin pa drug gis mngon par 'phags par 'gyur ro/ /de dag pha rol tu phyin pa drug po de dag gis mngon par 'phags par gyur nas/ sangs rgyas bcom ldan 'das rnams la rim gro dang/ bkur sti dang/ bsti stang dang/ mchod pa byed cing/ nyan thos kyi theg pa'am/ rang sangs rgyas kyi theg pa'am/ bla na med pa yang dag par rdzogs pa'i sangs rgyas kyi theg pa'am/ theg @334b pa gsum pos rim gyis mya ngan las 'da' bar 'gyur ro/ /de ci'i phyir zhe na/ shA radwa ti'i bu/ rigs kyi bu dang rigs kyi bu mo de dag ni de bzhin gshegs pas sangs rgyas kyi spyan gyis gzigs so/ /shA radwa ti'i bu/ rigs kyi bu dang rigs kyi bu mo de dag ni de bzhin gshegs pas brjod do/ /shA radwa ti'i bu/ rigs kyi bu dang rigs kyi bu mo de dag ni de bzhin gshegs pas bstod do/ /bsngags so/ /shA radwa ti'i bu/ rigs kyi bu dang rigs kyi bu mo de dag ni phyogs bcu'i de bzhin gshegs pa dgra bcom pa yang dag par rdzogs pa'i sangs rgyas bzhugs shing 'tsho skyong ba dang/ chos ston pa'i de bzhin gshegs pa dgra bcom pa yang dag par rdzogs pa'i sangs rgyas de dag gis kyang sangs rgyas kyi spyan gyis gzigs so/ / rigs kyi bu dang rigs kyi bu mo de dag ni de bzhin gshegs pa dgra bcom pa yang dag par rdzogs pa'i sangs rgyas de dag gis brjod do/ /bstod do/ /bsngags so/ /gsol pa/ bcom ldan 'das/ shes rab kyi pha rol tu phyin pa zab mo 'di slad ma'i dus slad ma'i tshe na/ byang phyogs su rgyas par 'gyur ro/ /bcom ldan 'das kyis bka' stsal pa/ shA radwa ti'i bu/ de de bzhin no/ /de de bzhin te/ shA radwa ti'i bu/ shes rab kyi pha rol tu phyin pa zab mo 'di phyi ma'i dus phyi ma'i tshe na/ byang phyogs su rgyas par 'gyur te/ de la shA radwa ti'i bu/ phyi ma'i @335a @#/ /dus phyi ma'i tshe na/ rigs kyi bu dang rigs kyi bu mo de dag shes rab kyi pha rol tu phyin pa zab mo 'di nyan par 'gyur te/ thos nas kyang mos par 'gyur ngo; ;mos par byas nas kyang 'dri ba dang/ 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed cing de bzhin nyid du nan tan du byed par 'gyur ro/ /shA radwa ti'i bu/ byang chub sems dpa' sems dpa' chen po gang shes rab kyi pha rol tu phyin pa zab mo 'di nyan cing/ thos nas kyang mos par byed pa dang/ mos par byas nas 'dri zhing 'dzin pa dang/ 'chang zhing klog pa dang/ kun chub par byed cing tshul bzhin du yid la byed pa dang/ de bzhin nyid du nan tan du byed pa de dag ni yun ring po nas theg pa chen po la yang dag par zhugs pa dang/ sangs rgyas mang po la bsnyen bkur ba dang/ dge ba'i bshes gnyen gyis yongs su bzung ba dang/ dge ba'i rtsa ba bskyed par rig par bya'o/ /gsol pa/ bcom ldan 'das/ slad ma'i dus slad ma'i tshe na/ byang gi phyogs cha der byang chub sems dpa'i theg pa pa'i rigs kyi bu dang rigs kyi bu mo gang shes rab kyi pha rol tu phyin pa zab mo 'di nyan cing thos nas mos par bgyid pa dang/ mos par bgyis nas 'dri zhing 'dzin pa dang/ 'chang zhing klog pa dang/ kun chub @335b par bgyid cing tshul bzhin du yid la bgyid pa dang/ de bzhin nyid du nan tan du bgyid pa de lta bu ji snyed cig 'byung bar 'gyur/ bcom ldan 'das kyis bka' stsal pa/ shA radwa ti'i bu/ phyi ma'i dus phyi ma'i tshe na/ byang gi phyogs cha der byang chub sems dpa'i theg pa pa'i rigs kyi bu dang rigs kyi bu mo ni mang du 'byung ste/ shA radwa ti'i bu/ byang chub sems dpa'i theg pa pa'i rigs kyi bu dang rigs kyi bu mo shes rab kyi pha rol tu phyin pa zab mo 'di bstan pa'i tshe/ mi 'jum/ yongs su mi 'jum/ mi 'jigs mi dngangs skrag par mi 'gyur ba de lta bu ni mang ngo/ /de ci'i phyir zhe na/ rigs kyi bu dang rigs kyi bu mo de dag gis de bzhin gshegs pa dgra bcom pa yang dag par rdzogs pa'i sangs rgyas mang po'i rjes su 'brangs pa dang/ rigs kyi bu dang rigs kyi bu mo de dag gis de bzhin gshegs pa dgra bcom pa yang dag par rdzogs pa'i sangs rgyas mang po la yongs su zhus/ yongs su dris pa'i phyir te/ de yang ci'i phyir zhe na/ rigs kyi bu bu dang rigs kyi bu mo de dag ni shes rab kyi pha rol tu phyin pa yongs su rdzogs par 'gyur ro/ /rigs kyi bu dang rigs kyi bu mo de dag ni bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa yongs su rdzogs par 'gyur ro/ /rigs kyi bu @336a @#/ /dang rigs kyi bu mo de dag ni nang stong pa nyid yongs su rdzogs par 'gyur ro/ /rigs kyi bu dang rigs kyi bu mo de dag ni dngos po med pa'i ngo bo nyid stong pa nyid kyi bar du yongs su rdzogs par 'gyur ro/ /rigs kyi bu dang rigs kyi bu mo de dag ni dran pa nye bar bzhag pa yongs su rdzogs par 'gyur ro/ /rigs kyi bu dang/ rigs kyi bu mo de dag ni yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa yongs su rdzogs par 'gyur ro/ /rigs kyi bu dang rigs kyi bu mo de dag ni 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa yongs su rdzogs par 'gyur ro/ /rigs kyi bu dang rigs kyi bu mo de dag ni ting nge 'dzin dang/ gzungs kyi sgo yongs su rdzogs par 'gyur ro/ /rigs kyi bu dang rigs kyi bu mo de dag ni de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'dres pa bco brgyad yongs su @336b rdzogs par 'gyur ro/ /shA radwa ti'i bu/ rigs kyi bu dang rigs kyi bu mo de dag ni dge ba'i rtsa bas nye bar brtan par 'gyur te/ bla na med pa yang dag par rdzogs pa'i byang chub kyi don du skye bo mang po'i don byed par 'gyur ro/ /de ci'i phyir zhe na/ de ni 'di ltar shA radwa ti'i bu rigs kyi bu dang rigs kyi bu mo de dag la ni ngas rnam pa thams cad mkhyen pa nyid dang ldan pa'i gtam brjod do/ /'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba'i sangs rgyas bcom ldan 'das de dag gis kyang/ rigs kyi bu dang rigs kyi bu mo de dag la rnam pa thams cad mkhyen pa nyid dang ldan pa'i gtam brjod de/ de dag tshe 'das nas kyang 'di lta ste/ bla na med pa yang dag par rdzogs pa'i byang chub nyid kyi don du spyod pa nyid du 'gyur te/ de dag gzhan la'ang 'di lta ste/ bla na med pa yang dag par rdzogs pa'i byang chub kyi don du rnam pa de lta bu nyid brjod par 'gyur ro/ /shA radwa ti'i bu/ rigs kyi bu dang rigs kyi bu mo de dag ni mnyam par bzhag par 'gyur te/ de dag ni bdud dam bdud kyi rigs kyi lha rnams kyis kyang/ bla na med pa yang dag par rdzogs pa'i byang chub las ldog par mi nus na/ sdig to la mos pa dang/ sdig to'i spyod pa can shes rab kyi pha rol tu phyin pa zab mo 'di la spyod pa gzhan gyis lta ci smos/ shA radwa ti'i bu/ byang @337a @#/ /chub sems dpa'i theg pa pa'i rigs kyi bu dang rigs kyi bu mo de dag ni shes rab kyi pha rol tu phyin pa zab mo 'di thos nas/ dga' zhing nyams bde ba rgya chen po skye bar 'gyur ro/ /bla na med pa yang dag par rdzogs pa'i byang chub kyi don du skye bo mang po yang dge ba'i chos la 'god par 'gyur ro/ /rigs kyi bu dang kyi bu mo de dag gis ni nga'i mdun du 'di skad du/ bcom ldan 'das/ bdag cag byang chub sems dpa'i spyad pa spyod pa'i tshe/ srog chags brgya phrag mang po dang/ srog chags stong phrag mang po dang/ srog chags brgya stong phrag mang po byang chub tu rab tu dgod par bgyi'o/ /yang dag par bstan par bgyi'o/ /yang dag par bskul bar bgyi'o/ /yang dag par gzengs bstod par bgyi'o/ /yang dag par dga' bar bgyi'o/ /phyir mi ldog par lung bstan par bgyi'o zhes bya ba'i tshig smras so/ /de ci'i phyir zhe na/ shA radwa ti'i bu/ rigs kyi bu dang rigs kyi bu mo de dag gi tshig ni/ sems la sems kyis rnam par bltas te ngas rjes su dgyes pa mdzad do/ /shA radwa ti'i bu/ 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyi spyan sngar yang/ rigs kyi bu dang rigs kyi bu mo de dag gis 'di skad du/ bdag cag byang chub sems dpa'i spyad pa spyod @337b pa'i tshe/ srog chags brgya phrag mang po dang/ srog chags stong phrag mang po dang/ srog chags brgya stong phrag mang po byang chub tu dgod par bgyi'o/ /yang dag par bstan par bgyi'o/ /yang dag par bskul bar bgyi'o/ /yang dag par gzengs bstod par bgyi'o/ /yang dag par dga' bar bgyi'o/ /phyir mi ldog par lung bstan par bgyi'o zhes bya ba'i tshig smras so/ /de ci'i phyir zhe na/ 'das pa'i de bzhin gshegs pa dgra bcom pa yang dag par rdzogs pa'i sangs rgyas de dag gis kyang rigs kyi bu dang rigs kyi bu mo de dag gi tshig ni/ sems la thugs kyis rnam par gzigs te rjes su dgyes pa mdzad do/ /shA radwa ti'i bu/ rigs kyi bu dang rigs kyi bu mo de dag byang chub sems dpa'i spyad pa spyod pa'i tshe/ srog chags brgya phrag mang po dang/ srog chags stong phrag mang po dang/ srog chags brgya stong phrag mang po bla na med pa yang dag par rdzogs pa'i byang chub tu rab tu 'god par 'gyur/ yang dag par ston par 'gyur/ yang dag par bskul par 'gyur/ yang dag par gzengs bstod par 'gyur/ yang dag par dga' bar byed par 'gyur/ phyir mi ldog par lung ston par 'gyur ro/ /shA radwa ti'i bu/ rigs kyi bu dang rigs kyi bu mo de dag ni gzugs dang/ sgra dang/ dri dang/ ro dang/ reg la mos pa rlabs po cher 'gyur te/ de @338a @#/ /dag sbyin pa rlabs po che gtong par 'gyur/ sbyin pa rlabs po che gtong zhing dge ba'i rtsa ba rlabs po che mngon par 'du byed par 'gyur ro/ /de dag dge ba'i rtsa ba rlabs po che mngon par 'du byas nas/ rnam par smin pa rlabs po che yongs su 'dzin par 'gyur ro/ /de dag rnam par smin pa rlabs po che yongs su bzung nas/ sems can de dag nyid kyi don du rnam par smin pa rlabs po che las de bas kyang ches rlabs che ba'i rnam par smin pa yongs su 'dzin par 'gyur ro/ /de ltar phyi'am nang gi dngos po de dag kyang sems can de dag nyid la yongs su gtong bar 'gyur te/ de dag dge ba'i rtsa ba de nyid kyis/ sangs rgyas kyi zhing gzhan gang na/ de bzhin gshegs pa dgra bcom pa yang dag par rdzogs pa'i sangs rgyas bzhugs shing 'tsho skyong ba dang/ 'di lta ste/ shes rab kyi pha rol tu phyin pa zab mo 'di nyid kyi chos ston pa mngon du gyur pa de lta bu'i sangs rgyas kyi zhing dag pa la brten par 'gyur ro/ /de dag gis de bzhin gshegs pa dgra bcom pa yang dag par rdzogs pa'i sangs rgyas de rnams las/ shes rab kyi pha rol tu phyin pa zab mo 'di mngon sum du thos nas/ sangs rgyas kyi zhing de dag tu'ang srog chags brgya phrag mang po dang/ srog chags stong phrag mang po dang/ srog chags brgya stong phrag @338b mang po bla na med pa yang dag par rdzogs pa'i byang chub tu yang dag par ston par 'gyur ro/ /yang dag par bskul bar 'gyur ro/ /yang dag par gzengs bstod par 'gyur ro/ /yang dag par dga' bar byed pa 'gyur ro/ /gsol pa/ bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas kyis 'das pa dang/ ma 'ongs pa dang/ da ltar byung ba'i chos rnams las/ chos gang thugs su ma chud pa de lta bu gang yang ma mchis la/ de bzhin nyid dang/ chos nyid gang thugs su ma chud pa de lta bu gang yang ma mchis te; sems can rnams kyi sems thugs su ma chud pa de lta bu gang yang ma mchis pa ni ngo mtshar che ste/ 'di ltar 'das pa'i de bzhin gshegs pa rnams kyi byang chub sems dpa' rnams kyang yongs su mkhyen to/ /'das pa'i de bzhin gshegs pa rnams kyang yongs su mkhyen to/ /'das pa'i de bzhin gshegs pa rnams kyi sangs rgyas kyi zhing dang/ nyan thos rnams kyang yongs su mkhyen to/ /ma byon pa'i de bzhin gshegs pa rnams kyi byang chub sems dpa' rnams kyang yongs su mkhyen to/ /ma byon pa'i de bzhin gshegs pa rnams kyi sangs rgyas kyi zhing dang/ nyan thos rnams kyang yongs su mkhyen to/ /da ltar byung ba'i de bzhin gshegs pa rnams kyi byang chub sems dpa' rnams kyang yongs su mkhyen to/ /da @339a @#/ /ltar byung ba'i de bzhin gshegs pa rnams kyi sangs rgyas kyi zhing dang/ nyan thos rnams kyang yongs su mkhyen to/ /phyogs bcu'i 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang/ chos ston pa'i de bzhin gshegs pa dgra bcom pa yang dag par rdzogs pa'i sangs rgyas de dag gi byang chub sems dpa' rnams kyang yongs su mkhyen to/ /sangs rgyas kyi zhing dang/ nyan thos rnams kyang yongs su mkhyen to/ /bcom ldan 'das/ gang yang byang chub sems dpa' dpa' sems dpa' chen po pha rol tu phyin pa drug po 'di dag gi slad du brtson par bgyid cing/ pha rol tu phyin pa drug po 'di dag 'tshol ba dang/ yongs su 'tshol ba'i tshe/ rigs kyi bu dang rigs kyi bu mo pha rol tu phyin pa drug po 'di dag 'tshol ba dang/ yongs su 'tshol ba las kyang/ la las ni brtsal ba las pha rol tu phyin pa drug po 'di dag thob par 'gyur/ la las ni thob par mi 'gyur ro/ /bcom ldan 'das kyis bka' stsal pa/ shA radwa ti'i bu/ de ni de lta ma yin te/ rigs kyi bu dang rigs kyi bu mo brtson 'grus mi gtong ba de dag kun gyis kyang pha rol tu phyin pa drug po 'di dag thams cad 'grub @339b par 'gyur ro/ /de ci'i phyir zhe na/ shA radwa ti'i bu/ de ni 'di ltar rigs kyi bu dang rigs kyi bu mo de dag pha rol tu phyin pa drug po 'di dag gi don du brtson par byed pa'i phyir ro/ /gsol pa; ci lags/ bcom ldan 'das/ rigs kyi bu dang rigs kyi bu mo de dag gis mdo sde zab mo zab mo pha rol tu phyin pa drug dang ldan pa 'di dag kun kyang 'grub par 'gyur ram/ bcom ldan 'das kyis bka' stsal pa/ shA radwa ti'i bu/ rigs kyi bu dang rigs kyi bu mo de dag gis mdo sde zab mo pha rol tu phyin pa drug dang ldan pa 'di dag mi 'grub par 'gyur pa de lta bu'i gnas med/ skabs med do/ /de ci'i phyir zhe na/ shA radwa ti'i bu/ de ltar bla na med pa yang dag par rdzogs pa'i byang chub tu sems can rnams yang dag par ston cing yang dag par bskul ba dang/ yang dag par gzengs bstod pa dang/ yang dag par dga' bar byed pa dang/ 'god cing rab tu gzhog pa las kyang de bzhin du 'gyur te/ shA radw ti'i bu/ rigs kyi bu dang rigs kyi bu mo de dag tshe 'das nas kyang pha rol tu phyin pa drug po 'di dag 'grub par 'gyur ro/ /de dag ni nam yang sangs rgyas kyi zhing yongs su dag par ma byas; sems can yongs su smin par ma byas/ bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar du ji skad du bstan pa'i pha @340a @#/ /rol tu phyin pa drug po de dag las brtson 'grus nyams par mi byed do/ /shes rab kyi pha rol tu phyin pa stong phrag nyi shu lnga pa las/ le'u sum cu pa'o// //de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das/ rigs kyi bu dang rigs kyi bu mo gang bla na med pa yang dag par rdzogs pa'i byang chub tu zhugs pa/ pha rol tu phyin pa drug la spyod pa/ sems can yongs su smin par bgyid pa/ sangs rgyas kyi zhing yongs su 'dzin pa de dag gi yon tan yongs su brjod pa ni 'di dag lags na/ bcom ldan 'das/ rigs kyi bu dang rigs kyi bu mo bla na med pa yang dag par rdzogs pa'i byang chub tu spyod pa de dag la bar chad du 'gyur ba ji lta bu dag mchis/ bcom ldan 'das kyis bka' stsal pa/ rab 'byor/ spobs pa ha cang 'phyi ste skye na/ rab 'byor/ de ni byang chub sems dpa' sems dpa' chen pos bdud kyi las su rig par bya'o/ /gsol pa/ bcom ldan 'das/ ci'i slad du spobs pa ha cang 'phyi ste skye bar 'gyur/ de ni ci'i slad du byang chub sems dpa' sems dpa' chen pos bdud kyi las su rig par bgyi/ bcom ldan 'das kyis bka' stsal pa/ rab 'byor/ 'di la byang chub sems @340b dpa' sems dpa' chen po shes rab kyi pha rol tu phyin pa la spyod pa'i tshe/ shes rab kyi pha rol tu phyin pa dka' bar yongs su rdzogs par byed/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa dka' bar yongs su rdzogs par byed na/ rab 'byor/ rnam grangs des shin tu 'phyi ste spobs pa skye bar 'gyur ro/ /de ni byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang shin tu myur bar spobs pa skye na/ de ni byang chub sems dpa' sems dpa' chen pos bdud kyi las su rig par bya'o/ /gsol pa/ bcom ldan 'das/ ci'i slad du shin tu myur bar spobs pa skye bar 'gyur/ de ni ci'i slad du byang chub sems dpa' sems dpa' chen pos bdud kyi las su rig par bgyi/ bcom ldan 'das kyis bka' stsal pa/ rab 'byor/ 'di la byang chub sems dpa' sems dpa' chen po sbyin pa'i pha rol tu phyin pa la spyod pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la spyod pa'i tshe/ thabs @341a @#/ /mi mkhas pas/ ha cang myur bar spobs pa skye la/ des rlo ma sems su byed na/ rab 'byor/ rnam grangs des spobs pa ha cang myur bar skye ba ste/ byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang glal zhing shes rab kyi pha rol tu phyin pa 'di 'dra ni/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang dgod cing 'dri na/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ phan tshun steg cing 'dri na/ de'ang byang chub sems dpa' sems dpa' chen pos bdud kyi las su rig par bya'o; ;sems g.yengs shing 'dri na/ de'ang byang chub sems dpa' sems dpa' chen pos bdud kyi las su rig par bya'o/ /yi ge gzhan la chags shing tshig gi don mi shes par 'dri na/ de'ang byang chub sems dpa' sems dpa' chen pos bdud kyi las su rig par bya'o/ /'di'i ro ma myong nas stan las langs te 'gro na/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang glal zhing lung 'bog na/ de'ang byang chub sems dpa' sems @341b dpa' chen pos bdud kyi las su rig par bya'o/ /glal zhing kha ton byed dam/ 'dzin tam/ klog gam/ ston tam/ glal zhing tshul bzhin du yid la byed na/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang phan tshun dgod cing 'dzin tam/ 'chang ngam/ klog gam/ kun chub par byed dam; tshul bzhin du yid la byed na/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang phan tshun steg cing 'dzin tam; 'chang ngam/ klog gam/ kun chub par byed dam/ tshul bzhin du yid la byed na/ de'ang byang chub sems dpa' sems dpa' chen pos bdud kyi las su rig par bya'o/ / rab 'byor/ gzhan yang sems g.yeng bas 'dzin tam/ 'chang ngam/ klog gam/ kun chub par byed dam/ tshul bzhin du yid la byed na/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang yi ge gzhan dang gzhan la chags shing 'dzin tam/ 'chang ngam/ klog gam/ kun chub par byed dam; tshul bzhin du yid la byed na/ de'ang byang chub sems dpa' sems dpa' chen pos bdud kyi las su rig par bya'o/ /de skad ces bka' stsal pa dang/ tshe dang ldan pa @342a @#/ /rab 'byor gyis/ bcom ldan 'das la 'di skad ces gsol to/ /bcom ldan 'das kyis gang 'di skad du 'di'i ro ma myong nas stan las langs te 'gro na/ de'ang byang chub sems dpa' sems dpa' chen pos bdud kyi las su rig par bya'o zhes bka' stsal na/ bcom ldan 'das/ ci'i slad du 'di'i ro mi myong bar 'gyur/ bcom ldan 'das kyis bka' stsal pa/ rab 'byor/ de ni 'di ltar byang chub sems dpa' sems dpa' chen po sngon shes rab kyi pha rol tu phyin pa dang/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa la ma spyad pa de dag shes rab kyi pha rol tu phyin pa zab mo 'di bsten pa'i tshe/ shes rab kyi pha rol tu phyin pa 'di las bdag cag lung ma bstan to zhes ma dad pa'i yid kyis stan las langs shing 'dong ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /gsol pa/ bcom ldan 'das/ ci'i slad du/ shes rab kyi pha rol tu phyin pa las lung ma bstan pa de dag stan las langs shing mchi bar 'gyur/ bcom ldan 'das kyis bka' stsal pa/ rab 'byor/ byang chub sems dpa' @342b sems dpa' chen po skyon med par ma chud pa ni/ bla na med pa yang dag par rdzogs pa'i byang chub tu lung mi bstan te/ de la bdag ni shes rab kyi pha rol tu phyin pa 'di las mi 'byung ngo; ;bdag gi ming yang yongs su ma brjod do/ /zhes dad par mi 'gyur na/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ / gsol pa/ bcom ldan 'das/ ci'i slad du/ shes rab kyi pha rol tu phyin pa zab mo 'di las/ byang chub sems dpa' sems dpa' chen po de dag gi ming yongs su ma brjod pa lags; bcom ldan 'das kyis bka' stsal pa/ rab 'byor/ byang chub sems dpa' sems dpa' chen po lung ma bstan pa rnams kyi ming ni yongs su mi brjod de/ de la bdag gi ming yang 'di las mi 'byung/ bdag gang du skyes pa'i grong ngam/ grong khyer ram/ grong rdal gyi ming yang mi 'byung ngo zhes/ de shes rab kyi pha rol tu phyin pa mi mnyan to snyam byed cing/ 'khor de nas 'gro bar sems na/ sems bskyed pa des ji lta ji ltar 'gro bar sems shing/ gom pa ji snyed cig bor ba de snyed kyi bskal pa yongs su 'dzin par 'gyur te; de dag la gzod brtson par bya dgos so/ /de shes rab kyi pha rol tu phyin pa bor zhing/ mdo sde gang rnam pa thams cad mkhyen pa nyid kyi ye shes yongs su mi sgrub pa de dag kun @343a @#/ /chub par bya bar sems te/ des na byang chub sems dpa'i theg pa pa'i rigs kyi bu dang rigs kyi bu mo de dag rnam pa thams cad mkhyen pa nyid kyi shing gi rtsa ba spangs te/ de nyid kyi yal ga dang/ 'dab ma dang/ lo ma la 'ju bar sems par gyur pa dag ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /gsol pa/ bcom ldan 'das/ rnam pa thams cad mkhyen pa nyid kyi ye shes yongs su mi sgrub pa'i mdo sde kun chub par bgyi bar sems par 'gyur ba de dag gang lags/ bcom ldan 'das kyis bka' stsal pa/ mdo sde gang nyan thos dang ldan pa'am/ rang sangs rgyas dang ldan pa de dag ste/ 'di ltar dran pa nye bar bzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa dang/ rnam par thar pa'i sgo stong pa nyid dang/ mtshan ma med pa dang/ smon pa med pa ste/ de dag la gnas shing rigs kyi bu dang rigs kyi bu mo dag rgyun du zhugs pa'i 'bras bu 'thob pa dang/ lan gcig phyir 'ong ba'i 'bras bu dang/ phyir mi 'ong ba'i @343b 'bras bu dang/ dgra bcom pa nyid 'thob pa dang/ rang byang chub 'thob par 'gyur gyi/ bla na med pa yang dag par rdzogs pa'i byang chub 'thob par mi 'gyur ba ste/ rab 'byor/ de dag ni nyan thos dang/ rang sangs rgyas dang ldan pa'i mdo sde gang la shes rab kyi pha rol tu phyin pa bor zhing/ kun chub par bya bar sems pa ste/ rnam pa thams cad mkhyen pa nyid kyi ye shes yongs su mi sgrub pa'o/ /de ci'i phyir zhe na/ rab 'byor/ byang chub sems dpa' sems dpa' chen po shes rab kyi pha rol tu phyin las byung ba ni/ 'jig rten pa dang 'jig rten las 'das pa'i chos kyis 'byung bar 'gyur te/ rab 'byor/ shes rab kyi pha rol tu phyin pa la slob pa'i byang chub sems dpa' sems dpa' chen po rnams ni 'jig rten pa dang/ 'jig rten las 'das pa'i chos rnams la slob pa yin no/ /rab 'byor/ 'di lta ste/ dper na/ khyi la la zhig rje bo'i zan nar ma bor te/ las mi las zan btsal bar sems pa dang 'dra bar de bzhin du/ rab 'byor/ ma 'ongs pa'i dus na byang chub sems dpa'i theg pa pa'i rigs kyi bu dang rigs kyi bu mo shes rab kyi pha rol tu phyin pa zab mo sangs rgyas kyi chos thams cad kyi rtsa bar gyur pa 'di bor te/ yal ga dang/ lo ma dang/ 'dab ma lta bu'i mdo sde nyan thos dang/ rang sangs rgyas dang ldan pa dag la @344a @#/ /brten par sems pa 'byung ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang ma 'ongs pa'i dus na byang chub sems dpa'i theg pa pa'i rigs kyi bu dang rigs kyi bu mo gang shes rab kyi pha rol tu phyin pa zab mo 'di bor nas/ khe dang bkur sti'i phyir nyan thos dang/ rang sangs rgyas dang ldan pa'i mdo sde rnams kun chub par bya bar sems pa 'byung ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ 'di lta ste/ dper na/ mi la la zhig glang po 'dod la/ des glang po rnyed kyang/ glang po'i rjes btsal bar sems pa yod na; rab 'byor/ de ji snyam du sems/ skyes bu de mkhas pa'i ngang tshul can yin nam/ gsol pa/ bcom ldan 'das/ de ni ma lags so/ /bcom ldan 'das kyis bka' stsal pa/ rab 'byor/ de bzhin du/ byang chub seis dpa'i theg pa pa'i gang zag gang shes rab kyi pha rol tu phyin pa zab mo 'di bor zhing mdo sde gang nyan thos dang/ rang sangs rgyas dang ldan pa de dag btsal bar sems pa dag kyang dpe de dang 'dra bar rig par bya ste/ rapar shes pa dang/ yid kyi rnam par shes pa rnam par dag pa'i phyir/ rnam par dag pa snang ba'o/ /mig gi 'dus te reg pa rnam par dag pa'i phyir/ rnam par dag pa snang ba'o/ /rna ba'i 'dus te reg pa dang/ sna'i [@##data incompelte here] @346b sangs rgyas dang ldan pa'i mdo sde dag las/ rnam pa thams cad mkhyen pa nyid yongs su btsal bar sems pa byung na/ rab 'byor/ de ji snyam du sems/ byang chub sems dpa'i theg pa pa'i rigs kyi bu dang rigs kyi bu mo de dag mkhas pa'i ngang tshul can yin nam/ gsol pa/ bcom ldan 'das/ de ni ma lags so/ /bcom ldan 'das kyis bka' stsal pa/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ 'di lta ste/ dper na/ skyes bu la la zhig gis nor bu rin po che rin thang med pa rnyed nas/ nor bu mching bu dang bsgrun par bsams na/ rab 'byor/ de ji snyam du sems/ skyes bu de mkhas pa'i ngang tshul can yin nam/ gsol pa/ bcom ldan 'das/ de ni ma lags so/ /bde bar gshegs pa/ de ni ma lags so/ /bcom ldan 'das kyis bka' stsal pa/ rab 'byor/ de bzhin du ma 'ongs pa'i dus na/ byang chub sems dpa'i theg pa pa'i rigs kyi bu dang rigs kyi bu mo gang la la shes rab kyi pha rol tu phyin pa zab mo 'di thos shing rnyed nas kyang/ shes rab kyi pha rol tu phyin pa zab mo bor zhing spangs te/ nyan thos dang/ rang sangs rgyas dang ldan pa'i mdo sde dag las/ rnam pa thams cad mkhyen pa nyid yongs su btsal bar sems pa @347a @#/ /'byung ste/ rab 'byor/ de ji snyam du sems/ byang chub sems dpa'i theg pa pa'i rigs kyi bu dang rigs kyi bu mo de dag mkhas pa'i ngang tshul can yin nam/ gsol pa/ bcom ldan 'das/ de ni ma lags so/ /bde bar gshegs pa/ de ni ma lags so/ /bcom ldan 'das kyis bka' stsal pa; rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang rigs kyi bu dang rigs kyi bu mo de dag shes rab kyi pha rol tu phyin pa zab mo 'di 'dri ba'i tshe/ spobs pa mang po gang gis shes rab kyi pha rol tu phyin pa zab mo 'di 'dri ba'i dkrugs mar 'gyur ba de lta bu skye bar 'gyur ba 'di ltar/ gzugs kyi spobs pa dang/ sgra dang/ dri dang/ ro dang/ reg dang/ chos kyi spobs pa dang/ sbyin pa'i spobs pa dang/ tshul khrims dang/ bzod pa dang; brtson 'grus dang/ bsam gtan dang/ shes rab kyi spobs pa dang/ 'dod pa'i khams kyi spobs pa dang/ gzugs kyi khams kyi spobs pa dang/ gzugs med pa'i khams kyi spobs pa dang/ lung dbog pa dang/ kha ton du bya ba'i spobs pa dang/ rim gror bya ba'i spobs pa dang/ dran pa nye bar bzhag pa'i spobs pa dang/ yang dag @347b par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ lam gyi spobs pa dang/ bsam gtan dang/ rnam par thar pa dang/ ting nge 'dzin dang/ snyoms par 'jug pa'i spobs pa dang/ nang stong pa nyid kyi spobs pa dang/ dngos po med pa'i ngo bo nyid stong pa nyid kyi bar gyi spobs pa dang/ sbyin pa'i pha rol tu phyin pa'i spobs pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes kyi pha rol tu phyin pa'i spobs pa dang/ stobs dang/ mi 'jigs pa dang/ so so yang dag par rig pa dang/ sangs rgyas kyi chos ma 'dres pa'i spobs pa dang/ bla na med pa yang dag par rdzogs pa'i byang chub kyi bar gyi spobs pa skye bar 'gyur ro/ /de ci'i phyir zhe na/ rab 'byor/ shes rab kyi pha rol tu phyin pa ni spobs pa med pas rnam par byang ba'o/ /rab 'byor/ shes rab kyi pha rol tu phyin pa ni bsam gyis mi khyab pa'o/ /rab 'byor/ shes rab kyi pha rol tu phyin pa ni sems med pa'o/ /rab 'byor/ shes rab kyi pha rol tu phyin pa ni skye ba med cing 'gag pa med pa'o/ /rab 'byor/ shes rab kyi pha rol tu phyin pa ni kun nas nyon mongs pa med cing rnam par byang ba med pa'o/ / @348a @#/ /rab 'byor/ shes rab kyi pha rol tu phyin pa ni 'khrug pa med pa'o/ /rab 'byor/ shes rab kyi pha rol tu phyin pa ni brjod du med pa'o/ /rab 'byor/ shes rab kyi pha rol tu phyin pa ni rnam par byang ba med pa'o/ /rab 'byor/ shes rab kyi pha rol tu phyin pa ni dmigs pa med pa'o/ /de ci'i phyir zhe na/ rab 'byor/ chos de dag ni shes rab kyi pha rol tu phyin pa zab mo 'di la med cing mi dmigs te/ rab 'byor/ gal te byang chub sems dpa'i theg pa pa'i rigs kyi bu'am rigs kyi bu mo shes rab kyi pha rol tu phyin pa zab mo 'di 'dri ba'i tshe/ chos de dag gis 'khrug par gyur na/ rab 'byor/ de'ang byang chub sems dpa'i theg pa pa'i rigs kyi bu'am rigs kyi bu mo de dag gi bdud kyi las su rig par bya'o/ /de skad ces bka' stsal pa dang/ tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das/ shes rab kyi pha rol tu phyin pa bri bar nus lags sam/ bcom ldan 'das kyis bka' stsal pa/ rab 'byor/ de lta ma yin no/ /rab 'byor/ de ci'i phyir zhe na; shes rab kyi pha rol tu phyin pa'i ngo bo nyid yod pa ma yin te mi dmigs so/ /bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod @348b pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa'i ngo bo nyid yod pa ma yin te mi dmigs so/ /stong pa nyid thams cad dang/ byang chub kyi phyogs kyi chos sum cu rtsa bdun gyi ngo bo nyid yod pa ma yin te mi dmigs so/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams kyi ngo bo nyid yod pa ma yin te mi dmigs so/ /ting nge 'dzin rnams dang/ gzungs kyi sgo rnams kyi ngo bo nyid yod pa ma yin te mi dmigs so/ /de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ sangs rgyas chos ma 'dres pa rnams kyi ngo bo nyid yod pa ma yin te mi dmigs so/ /rnam pa thams cad mkhyen pa nyid kyi bar gyi ngo bo nyid yod pa ma yin te mi dmigs so/ /ngo bo nyid mi dmigs pa gang yin pa de ni dngos po med pa'o/ /dngos po med pa gang yin pa de ni shes rab kyi pha rol tu phyin pa ste/ dngos po med pas dngos po med pa bri bar mi nus so/ /rab 'byor/ gal te byang @349a @#/ /chub sems dpa'i theg pa pa'i rigs kyi bu dang rigs kyi bu mo gang la las shes rab kyi pha rol tu phyin pa zab mo 'di dngos po med ces bya bar 'du shes na/ de'ang bdud kyi las su rig par bya'o/ /gsol pa/ bcom ldan 'das/ byang chub sems dpa'i theg pa pa'i rigs kyi bu'am rigs kyi bu mo gang la la shes rab kyi pha rol tu phyin pa zab mo 'di yi ger bris nas/ shes rab kyi pha rol tu phyin pa zab mo 'di bdag gis bris so zhes mchi na/ de ni shes rab kyi pha rol tu phyin pa zab mo 'di la yi ger mngon par chags pa lags te/ bcom ldan 'das/ shes rab kyi pha rol tu phyin pa ni yi ge ma mchis pa'o/ /bsam gtan gyi pha rol tu phyin pa ni yi ge ma mchis pa'o/ /brtson 'grus kyi pha rol tu phyin pa ni yi ge ma mchis pa'o/ /bzod pa'i pha rol tu phyin pa ni yi ge ma mchis pa'o/ /tshul khrims kyi pha rol tu phyin pa ni yi ge ma mchis pa'o/ /sbyin pa'i pha rol tu phyin pa ni yi ge ma mchis pa'o/ /gsol pa/ bcom ldan 'das/ gzugs ni yi ge ma mchis pa'o/ /tshor ba dang/ 'du shes dang/ 'du byed dang/ rnam par shes pa ni yi ge ma mchis pa'o/ /skye mched dang/ khams dang/ rten cing 'brel par 'byung ba ni yi ge ma mchis pa'o/ /nang stong @349b pa nyid ni yi ge ma mchis pa'o/ /dngos po med pa'i ngo bo nyid stong pa nyid kyi bar du ni yi ge ma mchis pa'o/ /byang chub kyi phyogs kyi chos sum cu rtsa bdun ni yi ge ma mchis pa'o/ / 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang; mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams ni yi ge ma mchis pa'o/ / ting nge 'dzin rnams dang/ gzungs kyi sgo rnams ni yi ge ma mchis pa'o/ /de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ sangs rgyas kyi chos ma 'dres pa rnams ni yi ge ma mchis pa'o/ /nam pa thams cad mkhyen pa nyid kyi bar ni yi ge ma mchis pa'o/ /bcom ldan 'das/ gal te byang chub sems dpa'i theg pa pa'i rigs kyi bu dang rigs kyi bu mo yi ge ma mchis pa'i shes rab kyi pha rol tu phyin pa la mngon par chags par bgyid la/ yi ge ma mchis pa'i bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin @350a @#/ /pa'i pha rol tu phyin pa la mngon par chags par bgyid pa dang/ yi ge ma mchis pa'i nang stong pa nyid la mngon par chags par bgyid pa dang/ dngos po med pa'i ngo bo nyid stong pa nyid kyi bar la mngon par chags par bgyid pa dang/ yi ge ma mchis pa'i byang chub kyi phyogs kyi chos sum cu rtsa bdun la mngon par chags par bgyid pa dang/ 'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams la mngon par chags par bgyid pa dang/ ting nge 'dzin rnams dang/ gzungs kyi sgo rnams la mngon par chags par bgyid pa dang/ de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ sangs rgyas kyi chos ma 'dres pa rnams la mngon par chags par bgyid pa dang/ yi ge ma mchis pa'i rnam pa thams cad mkhyen pa nyid kyi bar la mngon par chags par bgyid na/ de'ang byang chub @350b sems dpa' sems dpa' chen pos bdud kyi las su rig par bgyi'o/ /bcom ldan 'das kyis bka' stsal pa/ rab 'byor/ de de bzhin te/ de de bzhin no/ /rab 'byor/ gzhan yang byang chub sems dpa'i theg pa pa'i rigs kyi bu'am rigs kyi bu mos shes rab kyi pha rol tu phyin pa zab mo 'di 'dri pa dang/ kha ton byed pa dang/ zhu ba dang/ 'dzin pa dang/ klog pa dang/ kun chub par byed pa dang/ tshul bzhin du yid la byed pa dang/ bsgom pa'i tshe yul gyi yid la bya ba mang po skyed na/ rab 'byor/ de'ang byang chub sems dpa' sems dpa' chen pos bdud kyi las su rig par bya'o// //shes rab kyi pha rol tu phyin pa stong phrag nyi shu lnga pa/ bam po bzhi bcu bzhi pa; rab 'byor/ gzhan yang byang chub sems dpa'i theg pa pa'i rigs kyi bu'am rigs kyi bu mo shes rab kyi pha rol tu phyin pa zab mo 'di 'dri ba dang/ kha ton bya ba dang/ zhu ba dang/ 'dzin pa dang/ klog pa dang/ kun chub par byed pa dang/ tshul bzhin du yid la byed pa dang/ bsgom pa'i tshe grong gi yid la bya ba dang/ grong rdal gyi yid la bya ba dang/ khams kyi yid la bya ba dang/ rgyal po'i pho brang 'khor gyi yid la bya ba dang/ khyim gyi yid la bya ba dang/ mkhan po'i yid la bya ba dang/ pha dang ma dang/ @351a @#/ /phu nu dang sring mo dang/ gnyen bshes dang ldan pa'i yid la bya ba dang/ rkun po dang ldan pa'i yid la bya ba dang/ phyag bdar ba dang ldan pa'i yid la bya ba dang/ 'jig rten dang ldan pa'i yid la bya ba dang/ stu 'tshong ma dang ldan pa dang/ bud med dang ldan pa'i yid la bya ba dang/ yid la bya ba gzhan mang po skye na/ rab 'byor/ shes rab kyi pha rol tu phyin pa zab mo 'di 'dri ba dang/ 'chang ba dang/ klog pa dang/ lung 'bog pa dang/ kha ton byed pa dang/ tshul bzhin du yid la byed pa'i tshe/ bar chad bya ba'i phyir bdud sdig to can 'khrug par 'gyur ba nye bar sbyor te/ de dag kyang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang byang chub sems dpa'i theg pa pa'i rigs kyi bu dang rigs kyi bu mo shes rab kyi pha rol tu phyin pa zab mo 'di 'dri ba'i tshe/ khe dang bkur sti dang/ tshigs su bcad pa dang/ chos gos dang/ zas dang/ mal cha dang/ nad kyi rkyen rtsi dang/ yo byad mang po byung la/ byang chub sems dpa'i theg pa pa'i rigs kyi bu'am rigs kyi bu mo shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa dang/ tshul bzhin du yid la byed pa'i tshe/ @351b de dag gi ro myong bar byed na/ rab 'byor/ de'ang byang chub sems dpa' sems dpa' chen pos bdud kyi las su rig par bya ste/ shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa dang/ tshul bzhin du yid la byed pa'i tshe/ bar chad de lta bu dag 'byung bar 'gyur ro/ /rab 'byor/ gzhan yang byang chub sems dpa'i theg pa pa'i rigs kyi bu dang rigs kyi bu mo shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa dang/ tshul bzhin du yid la byed pa dang sgom pa'i tshe/ bdud sdig to can dag mdo sde zab mo gang nyan thos dang/ rang sangs rgyas dang ldan pa/ dran pa nye bar bzhag pa rnams dang/ 'phags pa'i lam yan lag brgyad pa'i bar dang/ rnam par thar pa'i sgo stong pa nyid dang/ mtshan ma med pa dang/ smon pa med pa dag nye bar bsnyen par byed de/ de la byang chub sems dpa'i theg pa pa'i rigs kyi bu dang rigs kyi bu mos thabs mkhas pas bdud kyis bsnyen pa'i mdo sde zab mo de dag la 'dod pa mi bskyed do/ /rab 'byor/ de ci'i phyir zhe na; de dag ni rnam pa thams cad mkhyen pa nyid thob par byed pa ma yin no/ /rab 'byor/ de la byang chub sems dpa' thabs mi mkhas pa dag ni/ shes rab kyi pha rol tu @352a @#/ /phyin pa zab mo 'di thos nas spang bar sems te/ de la ngas byang chub sems dpa' sems dpa' chen po rnams la thabs mkhas pa'ang rgya cher bstan te/ shes rab kyi pha rol tu phyin pa zab mo 'di las kyang/ thabs mkhas pa rgya cher btsal bar bya'o/ /rab 'byor/ de ltar byang chub sems dpa'i theg pa pa'i rigs kyi bu dang/ rigs kyi bu mo shes rab kyi pha rol tu phyin pa zab mo 'di bor zhing nyan thos dang/ rang sangs rgyas dang ldan pa'i mdo sde dag las thabs mkhas pas btsal bar sems pa yod na/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /shes rab kyi pha rol tu phyin ba stong phrag nyi shu lnga pa las/ le'u sum cu gcig pa'o// //rab 'byor/ gzhan yang chos nyan pa ni shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton bya bar dga' la/ chos smra ba ni phyi bshol byed na/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni/ shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton bya bar phyi bshol mi byed la/ @352b chos nyan pa ni yul gzhan du 'gro na/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos nyan pa ni/ shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton bya bar 'dod la/ chos smra ba ni yul gzhan du 'gro na/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni/ khe dang bkur sti dang tshigs su bcad pa lhur len cing; gos dang zas dang mal cha dang nad kyi rkyen rtsi dang/ yo byad lhur len la/ chos nyan pa ni 'dod pa chung zhing chog shes la rab tu dben zhing brtson 'grus brtsams pa; dran pa nye bar bzhag pa/ mi g.yeng ba/ sems rtse gcig tu 'dus pa/ shes rab dang ldan pa zhig ste/ khe dang bkur stis 'jigs na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni 'dod pa chung zhing chog shes la rab tu dben zhing/ brtson 'grus brtsams pa/ dran @353a @#/ /pa nye bar bzhag pa/ mi g.yeng ba/ sems rtse gcig tu 'dus ba/ shes rab dang ldan pa zhig ste/ khe dang bkur stis 'jigs la/ chos nyan pa ni 'dod pa che zhing sdig to 'dod la/ khe dang bkur sti dang tshigs su bcad pa lhur len cing/ gos dang zas dang mal cha dang nad kyi rkyen rtsi dang/ yo byad lhur len na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni dgon pa pa/ bsod snyoms pa/ phyag bdar khrod pa/ zas phyis mi len pa/ stan gcig pa/ ci thob pa'i bsod snyoms len pa/ dur khrod pa/ bla gab med pa/ shing drung pa/ tsog bu pa/ gzhi ji bzhin pa/ chos gos gsum pa par gyur la/ chos nyan pa ni dgon pa pa ma yin/ bsod snyoms pa ma yin/ phyag bdar khrod pa ma yin/ zas phyis mi len pa ma yin/ stan gcig pa ma yin/ ci thob pa'i bsod snyoms len pa ma yin/ dur khrod pa ma yin/ bla gab med pa ma yin/ shing drung pa ma yin/ tsog bu pa ma yin/ gzhi ji bzhin pa ma yin/ @353b chos gos gsum pa ba ma yin/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor; de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos nyan pa ni dgon pa pa dang/ chos gos gsum pa'i bar du gyur la/ chos smra ba ni dgon pa pa ma yin/ chos gos gsum pa'i bar du ma yin/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos nyan pa ni dad cing bsam pa dge la/ shes rab kyi pha rol tu phyin pa zab mo 'di 'dri bar 'dod/ lung 'bog par 'dod/ kha ton bya bar 'dod la/ chos smra ba ni ma dad pa/ tshul khrims ngan pa can/ sdig pa'i chos can zhig ste/ shes rab kyi pha rol tu phyin pa zab mo 'di 'dri bar mi 'dod/ lung 'bog par mi 'dod/ kha ton byed par mi 'dod na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab @354a @#/ /'byor; de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni dad cing bsam pa dge la/ shes rab kyi pha rol tu phyin pa zab mo 'di 'dri ba dang/ kha ton byed pa'i bar du 'dod la/ chos nyan pa ni ma dad na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni bdog pa thams cad yongs su gtong zhing sems la chags pa med la/ chos nyan pa ni ser sna can chags pa'i sems dang ldan zhing 'jungs par gyur na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang; kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos nyan pa ni bdog pa thams cad yongs su gtong zhing sems la chags pa med la/ chos smra ba ni ser sna can chags pa'i sems dang ldan zhing 'jungs par gyur na/ @354b rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos nyan pa ni/ chos smra ba la gos dang/ zas dang/ mal cha dang/ nad kyi rkyen rtsi dang/ yo byad yongs su gtong bar 'dod la/ chos smra ba ni len par mi 'dod na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni glengs pa tsam gyis shes la/ chos nyan pa ni bkri dgos shing tshig lhur len par gyur na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos nyan pa ni glengs pa tsam gyis shes la/ chos smra ba ni bkri dgos shing tshig lhur len par gyur na/ rab 'byor/ de'ang shes rab kyi pha rol tu phyin pa zab mo 'di 'dri ba @355a @#/ /dang; lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni mdo dang dbyangs kyis bsnyad pa dang/ lung bstan pa dang/ tshigs su bcad pa dang/ ched du brjod pa dang/ gleng gzhi dang/ 'di ltar 'das pa dang/ skyes pa'i rabs dang/ shin tu rgyas pa dang/ chos rmad du byung ba dang/ rtogs pa brjod pa dang/ gtan la phab par bstan pa'i chos kyi khyad par shes la; chos nyan pa ni mdo dang/ dbyangs kyis bsnyad pa dang/ lung bstan pa dang/ tshigs su bcad pa dang/ ched du brjod pa dang/ gleng gzhi dang/ 'di ltar 'das pa dang/ skyes pa'i rabs dang/ shin tu rgyas pa dang/ chos rmad du byung ba dang/ rtogs pa brjod pa dang/ gtan la dbab pa bstan pa'i chos kyi khyad par mi shes na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos nyan pa ni mdo dang/ dbyangs kyis bsnyad pa dang/ lung bstan pa dang/ gtan la dbab par bstan pa'i chos kyi bar gyi khyad @355b par shes la/ chos smra ba ni mdo dang dbyangs kyis bsnyad pa dang/ lung bstan pa dang/ gtan la dbab par bstan pa'i chos kyi bar gyi khyad par mi shes na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni pha rol tu phyin pa drug dang ldan la/ chos nyan pa ni pha rol tu phyin pa drug dang mi ldan na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ / rab 'byor/ gzhan yang chos nyan pa ni pha rol tu phyin pa drug dang ldan la/ chos smra ba ni pha rol tu phyin pa drug dang mi ldan na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor; gzhan yang chos smra ba ni pha rol tu phyin pa drug la thabs mkhas la/ chos nyan pa ni pha rol tu phyin pa drug la thabs mi mkhas na/ rab 'byor/ de'ang shes rab kyi pha rol tu @356a @#/ /phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos nyan pa ni pha rol tu phyin pa drug la thabs mkhas la/ chos smra ba ni pha rol tu phyin pa drug la thabs mi mkhas na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni gzungs thob par gyur la/ chos nyan pa ni gzungs ma thob na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen ii ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos nyan pa ni gzungs thob par gyur la/ chos smra ba ni gzungs ma thob na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa ' sems dpa' chen pos bdud kyi las su rig par bya'o/ /rab @356b 'byor/ gzhan yang chos smra ba tu yongs su bsngo zhing/ yongs su bsngo ba der yang 'du shes pa de dag ni/ kau shi ka/ byang chub sems dpa'i theg pa pa'i rigs kyi bu dang rigs kyi bu mo rnams kyi chags pa ste/ chags pa de dag la chags par gyur na/ chags pa med pa'i shes rab kyi pha rol tu phyin pa la spyod par mi nus so/ /de [@##data incomplete here] @357b shig ;gang la sdug bsngal stong phrag mang po nyams su myong bar 'gyur ba'i bla na med pa yang dag par rdzogs pa'i byang chub kyis khyod la ci zhig bya/ khyod yun ring pos 'khor ba na 'khor bar gyur ta re zhes zer na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang shes rab kyi pha rol tu phyin pa zab mo 'di 'dri ba dang/ klog pa dang/ lung 'bog pa dang/ kha ton byed pa dang/ 'chad pa dang/ tshul bzhin du yid la byed pa'i tshe/ la la zhig der 'ongs te rgyal chen bzhi'i ris kyi lha rnams kyi legs pa brjod/ sum cu rtsa gsum dang/ mtshe ma dang/ dga' ldan dang/ 'phrul dga' dang/ gzhan 'phrul dbang byed kyi lha rnams kyi legs pa brjod/ 'du shes med 'du shes med min skye mched kyi bar gyi lha rnams kyi legs pa brjod cing/ 'dod pa'i khams ni 'dod pa la longs spyod pas 'di ltar bde'o/ /gzugs kyi khams ni bsam gtan dang snyoms par 'jug pa rnams kyis 'di ltar bde'o/ /gzugs med pa'i khams ni snyoms par 'jug pa rnams kyis 'di ltar bde ste/ de dag kyang mi rtag cing sdug bsngal la bdag med do/ /rnam par 'gyur ba'i chos can/ zad pa'i chos can/ 'jig @358a @#/ /pa'i chos can/ skye ba'i chos can/ 'gag pa'i chos can yin gyi/ khyod kyis 'di nyid du rgyun du zhugs pa'i 'bras bu thob par gyis shig / lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid thob par gyis shig /'di nyid du rang byang chub thob par gyis shig /phyin chad 'khor ba na mi 'khor bar gyis shig ces zer na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha rton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni gcig pu ste/ zla med cing bdag gis byed pa yin la/ chos nyan pa ni 'khor gyi nang na gnas na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos nyan pa ni gcig bu ste/ zla med cing bdag gis byed pa yin la/ chos smra ba ni 'khor gyi nang na gnas na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ @358b kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni gcig pu ste/ zla med cing bdag gis byed pa yin la/ chos nyan pa ni tshogs yongs su sdud na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang; kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos nyan pa ni gcig pu ste/ zla med cing bdag gis byed pa yin la/ chos smra ba ni tshogs yongs su sdud na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni 'di skad du su'ang phyi bzhin du 'brang ba de shes rab kyi pha rol tu phyin pa 'dir sbyin no zhes zer la/ chos nyan pa ni phyi bzhin mi 'brang na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ / @359a @#/ /rab 'byor/ gzhan yang chos nyan pa ni/ chos smra ba'i phyi bzhin 'brang bar 'dod la/ chos smra ba ni drung du 'gro ba'i skabs mi 'byed na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang chos smra ba ni zang zing cung zad kyi phyir/ shes rab kyi pha rol tu phyin pa zab mo 'di 'drir gzhug par 'dod/ klog tu gzhug par 'dod/ lung 'bog par 'dod/ kha ton byed du gzhug par 'dod/ smra bar 'dod la/ chos nyan pa ni zang zing cung zad kyi phyir drung du 'gro bar ma mos na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha tonzad do/ /rab 'byor/ chos kyi rang bzhin ni gcig po gang yin pa de ni rang bzhin ma yin no; ;gang rang bzhin ma yin pa de ni ma byas pa'o/ /gang ma byas pa de ni mngon par 'du ma byas pa'i/ /rab 'byor/ de ltar na byang chub sems dpa' sems dpa' chen pos/ chos kyi rang bzhin gcig po gang rang bzhin ma yin pa/ ma byas pa/ mngon par 'dus ma byas pa shes na chags pa'i rnam pa thams cad yongs su spangs pa yin no/ /gsol pa/ bcom ldan 'das/ shes rab kyi pha rol tu phyin pa ni rtogs par dka' ba'o/ /bcom ldan 'das kyis bka' stsal pa/ rab 'byor/ de ni 'di ltar shes rab kyi pha rol tu phyin pa ni sus kyang ma mthong/ ma rtogs/ rnam par mi shes/ mngon par sangs ma rgyas pa'i phyir ro/ /gsol pa/ bcom ldan 'das/ shes rab kyi pha rol tu phyin pa ni bsam gyis mi khyab pa'o/ /bcom ldan 'das kyi bka' stsal pa/ rab 'byor/ de ni 'di ltar sems kyis ma shes so/ /gzugs dang/ tshor ba dang/ 'du shes dang/ 'du byed dang/ rnam par shes pas ma shes so/ /skye mched dang/ khams dang/ rten cing 'brel par 'byung [@##data incomplete here] @361a @#/ /las su rig par bya'o/ /rab 'byor/ gzhan yang dge slong chos smra ba bsod snyoms gtong ba'i grong khyer gtso bor byed par gyur te/ de bsod snyoms gtong ba'i grong khyer gtso bor gyur pas/ bsod snyoms gtong ba'i grong khyer de dag yang dang yang blta bar sems shing/ der yang dang yang blta bas chos nyan pa phyir zlog cing/ tshe dang ldan pa dag/ ngas ni bsod snyoms gtong ba'i grong blta dgos te/ bsod snyoms gtong ba'i grong du 'gro dgos so zhes nas/ des chos nyan pa de dag phyir zlog pas phyir dong na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang bdud sdig to can dge slong gi cha byad du byas shing/ ci nas kyang shes rab kyi pha rol tu phyin pa zab mo 'di su yang 'dri bar mi 'gyur ba dang/ lung 'bog par mi 'gyur ba dang/ kha ton byed par mi 'gyur ba dang/ tshul bzhin du yid la byed par mi 'gyur ba de lta de ltar thabs sbyor ro/ /de skad ces bka' stsal pa dang/ tshe dang ldan pa rab 'byor gyis/ bcom ldan 'das la 'di skad ces gsol to/ / @361b bcom ldan 'das/ ci'i slad du bdud sdig to can dag dge slong gi cha byad du bgyis shing/ ci nas kyang shes rab kyi pha rol tu phyin pa zab mo 'di su'ang 'dri bar mi 'gyur ba dang; lung 'bog par mi 'gyur ba dang/ kha ton bgyid par mi 'gyur ba dang/ tshul bzhin du yid la bgyid par mi 'gyur ba de ltar thabs sbyor ba lags/ bcom ldan 'das kyis bka' stsal pa/ rab 'byor 'di la bdud sdig to can dag dge slong gi cha byad du byas shing 'di skad du nged kyis ji ltar khong du chud pa 'di ni/ shes rab kyi pha rol tu phyin pa 'di yin te/ ji skad du khyed klog pa de ni shes rab kyi pha rol tu phyin pa ma yin no/ /zhes dbyen byed cing zlog la mos pa med par byed do/ /rab 'byor/ de la bdud sdig to can gyis de ltar dbyen byas pa'i tshe/ byang chub sems dpa' gang lung ma bstan pa de dag ni the tshom skye bar 'gyur te/ de dag the tshom du gyur nas/ shes rab kyi pha rol tu phyin pa zab mo 'di mi 'dri bar 'gyur/ mi klog par 'gyur/ lung mi 'bog par 'gyur/ kha ton mi byed par 'gyur/ mi sgom par 'gyur/ tshul bzhin du yid la mi byed par 'gyur te /rab 'byor; de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems @362a @#/ /dpa' chen pos bdud kyi las su rig par bya'o/ /rab 'byor/ gzhan yang bdud sdig to can dag dge slong gi cha byad du byas nas/ byang chub sems dpa' sems dpa' chen po'i drung du 'ongs shing/ 'di skad du byang chub sems dpa' sems dpa' chen po gang shes rab kyi pha rol tu phyin pa zab mo 'di la spyod pa de ni yang dag pa'i mtha' mngon du byed par 'gyur te/ rgyun du zhugs pa'i 'bras bu thob par 'gyur ro/ /de ni lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid thob par 'gyur ro/ /de ni rang byang chub thob par 'gyur ro/ /zhes zer na /des tshig de thos nas shes rab kyi pha rol tu phyin pa la mi spyod na/ rab 'byor/ de'ang shes rab kyi pha rol tu phyin pa zab mo 'di 'dri ba dang/ lung 'bog pa dang/ kha ton byed pa'i rgyu rkyen mi ldan pa ste/ rab 'byor/ de'ang byang chub sems dpa' sems dpa' chen pos bdud kyi las su rig par bya'o/ /rab 'byor/ gzhan yang shes rab kyi pha rol tu phyin pa zab mo 'di ston pa'i tshe/ bar chad du 'gyur ba'i bdud kyi las mang du 'byung ste/ bdud kyi las de dag byang chub sems dpa' sems dpa' chen pos bdud @362b kyi las su rig par bya'o/ /rig par byas nas rnam par spang bar bya'o/ /de skad ces bka' stxal pa dang/ tshe dang ldan pa rab 'byor giis/ bcom ldan 'das la 'di skad ces gsol to/ /bom ldan 'das/ bdud kyi las byang chub sems dpa' sems dpa' b+hen pos rig par bgyi ste/ spang bar bgyi ba de dag gang lags/ bcom ldan 'das iyis bka' stsal pa/ rab 'byor/ shes rab jyi pha rol tu phyin pa'i gzugs brnyan ni bdud jyi las/ bsam gtan gyi pha rol tu phyin pa dang$ brtsnl 'grus kyi pha rnl tu phyin pa dang/ bzod parnam pa thams cad mkhyen pa nyid kyi bar du/ yongs su ma rdzogs pa gang yin pa de/ rnam pa thams cad mkhyen pa nyid ma yin no zhes bya bar de ltar yang mi spyod na/ shes rab kyi pha rol tu phyin pa la spyod do/ /gsol pa/ bcom ldan 'das/ de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa'i theg pa pa'i rigs kyi bu dang rigs kyi bu mo rnams la chags pa dang/ ma chags pa legs par bstan pa 'di ngo mtshar to/ /bcom ldan 'das kyis bka' stsal pa/ rab 'byor/ de de bzhin no/ /de de bzhin te/ de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa'i theg pa pa'i rigs kyi bu dang rigs kyi bu mo rnams la chags pa dang/ ma chags pa legs par bstan to/ /rab 'byor/ gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do/ /tshor ba dang/ 'du shes dang/ 'du [@##data incomplete here] @364b pa'i bden pa rnams med do/ /bsam gtan rnams med do/ /tshad med pa rnams med do/ /gzugs med pa'i snyoms par 'jug pa rnams med do/ /rnam par thar pa brgyad med do/ /mthar gyis gnas pa'i snyoms par 'jug pa dgu med do/ /rnam par thar pa'i sgo stong pa nyid dang/ mtshan ma med pa dang/ smon pa med pa med do/ /mngon par shes pa rnams med do/ /ting nge 'dzin rnams med do/ /gzungs kyi sgo rnams med do/ /de bzhin gshegs pa'i stobs bcu med do/ /mi 'jigs pa bzhi med do/ /so so yang dag par rig pa bzhi med do/ /byams pa chen po med do/ /snying rje chen po med do/ /sangs rgyas kyi chos ma 'dres pa bco brgyad med do/ /rgyun du zhugs pa'i 'bras bu med do/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub med do/ /bla na med pa yang dag par rdzogs pa'i byang chub med do/ /rab 'byor/ gang la gzugs med pa dang/ tshor ba dang/ 'du shes dang/ 'du byed dang/ rnam par shes pa med pa dang/ skye mched med pa dang/ khams med pa dang/ rten cing 'brel par 'byung ba med pa dang/ pha rol tu phyin pa rnams med pa dang/ stong pa nyid rnams med pa dang/ byang chub kyi phyogs kyi chos rnams med pa dang/ 'phags pa'i bden pa rnams med pa dang/ bsam gtan rnams med pa dang/ tshad med pa rnams med @365a @#/ /pa dang/ gzugs med pa'i snyoms par 'jug pa rnams med pa dang/ rnam par thar pa brgyad med pa dang/ mthar gyis gnas pa'i snyoms par 'jug pa dgu med pa dang/ rnam par thar pa'i sgo stong pa nyid dang/ mtshan ma med pa dang/ smon pa med pa med pa dang/ mngon par shes rnams med pa dang/ ting nge 'dzin rnams med pa dang/ gzungs kyi sgo rnams med pa dang/ de bzhin gshegs pa'i stobs rnams med pa dang/ mi 'jigs pa rnams med pa dang/ so so yang dag par rig pa rnams med pa dang/ snying rje chen po med pa dang/ sangs rgyas kyi chos ma 'dres pa rnams med pa dang/ rgyun du zhugs pa'i 'bras bu med pa dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub med pa dang/ bla na med pa yang dag par rdzogs pa'i byang chub med pa de la sangs rgyas med do/ /byang chub sems dpa' med do/ /rang sangs rgyas med do/ /nyan thos med do/ /de ci'i phyir zhe na/ rab 'byor/ chos thams cad ni rang bzhin gyis stong ngo/ /rab 'byor/ gzhan yang shes rab kyi pha rol tu phyin pa 'di ni bar chad du 'gyur ba mang ba ste/ rigs kyi bu'am rigs kyi bu mo shes rab kyi pha rol tu phyin pa zab mo 'di 'dri pa dang/ klog pa dang/ lung 'bog pa dang/ kha ton byed pa @365b dang/ ston pa dang/ tshul bzhin du yid la byed pa de dag la'ang bar chad du 'gyur ba med do/ /rab 'byor/ 'di lta ste/ dper na/ 'dzam bu'i gling 'di'i rin po che gser dang/ nor bu dang/ mu tig dang/ bai DUrya dang/ dung dang/ man shel dang/ byi ru dang/ dngul dang/ sa le sbram gang ji snyed cig yod pa dag ni bar chad du 'gyur ba mang zhing/ phyir rgol ba mang ba dag go /rab 'byor/ de bzhin du rigs kyi bu'am rigs kyi bu mo shes rab kyi pha rol tu phyin pa zab mo 'di 'dri ba dang/ klog pa dang/ lung 'bog pa dang/ kha ton byed pa dang/ ston pa dang/ tshul bzhin du yid la byed pa de dag la'ang bdud kyi las mang po 'byung bar 'gyur ro/ /bar chad mang po 'byung bar 'gyur ro/ /phyi rgol ba mang po 'byung bar 'gyur ro/ /rab 'byor gyis gsol pa/ bcom ldan 'das/ de ni de bzhin no/ /bde bar gshegs pa/ de ni de bzhin te/ 'dzam bu'i gling 'di'i rin po che gser dang/ nor bu dang/ mu tig dang/ bai DUrya dang/ dung dang/ man shel dang/ byi ru dang/ dngul dang/ sa le sbram gang ji snyed cig mchis pa de dag ni bar chad du 'gyur ba mang zhing slar rgol ba mang ba lags so/ /bcom ldan 'das/ de bzhin du rigs kyi bu'am rigs kyi bu mo shes rab kyi pha rol tu phyin pa zab mo 'di 'dri ba dang/ klog pa dang/ lung 'bog pa dang/ kha ton bgyid pa dang/ ston pa dang/ tshul bzhin du yid la bgyid pa de dag la'ang @366a @#/ /bdud kyi las mang po 'byung bar 'gyur ro/ /bar chad mang po 'byung bar 'gyur ro/ /slar rgol ba mang po 'byung bar 'gyur ro/ /de ci'i slad du zhe na/ bcom ldan 'das/ skyes bu glen pa gang rigs kyi bu dang/ rigs kyi bu mo shes rab kyi pha rol tu phyin pa zab mo 'di 'dri ba dang/ klog pa dang/ lung 'bog pa dang/ kha ton bgyid pa dang/ ston pa dang/ tshul bzhin du yid la bgyid pa dag gi bar chad bgyid pa ni bdud i [@##data incomplete here] rlom sems su mi byed/ sprul pa bdag gi zhes rlom sems su mi byed/ sprul pa la rlom sems su mi byed do/ /rnam pa thams cad mkhyen pa nyid kyi bar du rlom sems su mi byed/ rnam pa thams cad mkhyen pa nyid kyis rlom sems su mi byed/ rnam pa thams cad mkhyen pa nyid bdag gi zhes rlom sems su mi byed/ rnam pa thams cad mkhyen [@##data incomplete here] @371b can du gdags pa mi dmigs so/ /gzugs med do/ gzugs su gdags pa mi dmigs so/ /tshor ba dang/ 'du shes dang/ 'du byed dang/ rnam par shes pa med do/ /rnam par shes par gdags pa mi dmigs so/ /mig med do/ /gzugs med do/ /mig gi rnam par shes pa med do/ /mig gi 'dus te reg pa med do/ /mig gi 'dus te reg pa'i rkyen gyis tshor ba med do/ /mig tu gdags pa mi dmigs so/ /gzugs su gdags pa mi dmigs so/ /mig gi rnam par shes par gdags pa mi dmigs so/ /mig gi 'dus te reg par gdags pa mi dmigs so/ /mig gi 'dus te reg pa'i rkyen gyis tshor bar gdags pa mi dmigs so/ /rna ba med do/ /sgra med do/ /sna med do/ /dri med do/ /lce med do/ /ro med do/ /lus med do/ /reg bya med do/ /yid med do/ /chos med do; ;yid kyi rnam par shes pa med do/ /yid kyi 'dus te reg pa med do/ /yid kyi 'dus te reg pa'i rkyen gyis tshor ba med do/ /yid du gdags pa mi dmigs so/ /chos su gdags pa mi dmigs so; ;yid kyi rnam par shes par gdags pa mi dmigs so/ /yid kyi 'dus te reg par gdags pa mi dmigs so/ /yid kyi 'dus te reg pa'i rkyen gyis tshor bar gdags pa mi dmigs so/ / rten cing 'brel par 'byung ba rnams med do/ /pha rol tu phyin pa rnams med do/ /stong pa nyid thams cad med do/ /byang chub kyi phyogs kyi chos rnams med do/ /'phags pa'i bden pa rnams @372a @#/ /med do/ /bsam gtan rnams med do/ /tshad med pa rnams med do/ /gzugs med pa'i snyoms par 'jug pa rnams med do/ /rnam par thar pa brgyad med do/ /mthar gyis gnas pa'i snyoms par 'jug pa dgu med do/ /rnam par thar pa'i sgo stong pa nyid dang/ mtshan ma med pa dang/ smon pa med pa med do/ /mngon par shes pa rnams med do/ /ting nge 'dzin rnams med do/ /gzungs kyi sgo rnams med do/ /de bzhin gshegs pa'i stobs rnams med do/ /mi 'jigs pa rnams med do/ /so so yang dag par rig pa rnams med do/ /snying rje chen po med do/ /sangs rgyas kyi chos ma 'dres pa rnams med do/ /rnam pa thams cad mkhyen pa nyid kyi bar du med do/ /rnam pa thams cad mkhyen pa nyid kyi bar du gdags pa mi dmigs so/ /rab 'byor/ de ltar na shes rab kyi pha rol tu phyin pa zab mo 'di ni/ de bzhin gshegs pa rnams kyi 'jig rten ston pa yin te/ shes rab kyi pha rol tu phyin pa zab mo 'di ni gzugs ston par byed pa ma yin no/ /tshor ba dang/ 'du shes dang/ 'du byed dang/ rnam par shes pa ston par byed pa ma yin no/ rnam pa thams cad mkhyen pa nyid kyi bar du ston par byed pa ma yin no/ /de ci'i phyir zhe na/ rab 'byor/ shes rab kyi pha rol tu phyin pa nyid kyang/ shes rab kyi pha rol tu phyin pa zab mo 'di nyid la med cing mi @372b dmigs na/ gzugs dang/ tshor ba dang/ 'du shes dang/ 'du byed dang/ rnam par shes pa yod pa'am/ dmigs par lta ga la 'gyur/ rnam pa thams cad mkhyen pa nyid kyi bar du yod pa'am/ dmigs par lta ga la 'gyur/ rab 'byor/ gzhan yang sems can ji snyed cig gdags su yod pa/ gzugs yod pa'am/ gzugs med pa'am/ 'du shes yod pa'am/ 'du shes med pa'am/ 'du shes yod pa'ang ma yin/ 'du shes med pa'ang ma yin pa/ 'jig rten gyi khams 'di dang/ phyogs bcu kun gyi 'jig rten gyi khams dag gi'ang rung ste/ de dag gi sems bsdus pa dang/ spros pa de dag kyang de bzhin gshegs pas sems bsdus pa dang/ spros par yang dag pa ji lta ba bzhin du rab tu mkhyen to/ /rab 'byor/ ji ltar na de bzhin gshegs pas sems can de dag gi sems bsdus pa dang/ spros pa yang dag pa ji lta ba bzhin du rab tu mkhyen ce na/ rab 'byor/ de bzhin gshegs pas sems can de dag gi sems bsdus pa dang/ spros pa ni chos nyid kyis yang dag pa ji lta ba bzhin du rab tu mkhyen to/ /gsol pa/ bcom ldan 'das/ de bzhin gshegs pas sems can de dag gi sems bsdus pa dang/ spros pa chos nyid gang gis yang dag pa ji lta ba bzhin du rab tu mkhyen/ bcom ldan 'das kyis bka' stsal pa/ rab 'byor/ de ni chos nyid gang la chos nyid kyang mi dmigs na sems bsdus pa dang/ spros pa lta @373a @#/ /smos kyang mi smos pa'i chos nyid des/ de bzhin gshegs pas sems can de dag gi sems bsdus pa dang/ spros pa yang dag pa ji lta ba bzhin du rab tu mkhyen to; rab 'byor/ gzhan yang de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems bsdus pa dang/ spros pa yang dag pa ji lta ba bzhin du rab tu mkhyen te/ rab 'byor/ de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems bsdus pa dang/ spros pa de ltar yang dag pa ji lta ba bzhin du rab tu mkhyen ce na/ rab 'byor/ de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems bsdus pa dang; spros pa ni zad pa'i rnam par yang dag pa ji lta ba bzhin du rab tu mkhyen to/ /rab 'byor/ de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems bsdus pa dang/ spros pa ni 'dod chags dang bral ba dang/ 'gag pa dang/ spong ba'i rnam par yang dag pa ji lta ba bzhin du rab tu mkhyen to/ /rab 'byor/ de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems bsdus pa dang/ spros pa ni zhi ba dang/ dben pa'i rnam par yang dag pa ji lta ba bzhin du rab tu @373b mkhyen to/ /rab 'byor/ de ltar na de bzhin gshegs pa dgra bcom pa yang dag par rdzogs pa'i sangs rgyas ni sems can de dag gi sems bsdus pa dang/ spros pa yang dag pa ji lta ba bzhin du rab tu mkhyen to/ /rab 'byor/ gzhan yang de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems 'dod chags dang bcas pa la/ 'dod chags dang bcas pa'i sems zhes bya bar yang dag pa ji lta ba bzhin du rab tu mkhyen to/ /'dod chags dang bral ba'i sems la/ 'dod chags dang bral ba'i sems zhes bya bar yang dag pa ji lta ba bzhin du rab mkhyen to/ /zhe sdang dang bcas pa'i sems la/ zhe sdang dang bcas pa'i sems zhes bya bar yang dag pa ji lta ba bzhin du rab tu mkhyen to/ /zhe sdang dang bral ba'i sems la/ zhe sdang bral ba'i sems zhes bya bar yang dag pa ji lta ba bzhin du rab tu mkhyen to/ /gti mug dang bcas pa'i sems la/ gti mug dang bcas pa'i sems zhes bya bar yang dag pa ji lta ba bzhin du rab tu mkhyen to/ /gti mug dang bral ba'i sems la/ gti mug dang bral ba'i sems zhes bya bar yang dag pa ji lta ba bzhin du rab tu mkhyen to/ /gsol pa/ bcom ldan 'das/ ji ltar na de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems 'dod chags dang bcas pa la/ 'dod chags dang bcas pa'i sems @374a @#/ /zhes bgyi bar yang dag pa ji lta ba bzhin du rab tu mkhyen pa lags/ ji ltar na zhe sdang dang bcas pa dang/ gti mug dang bcas pa la gti mug dang bcas pa'i sems zhes bgyi bar yang dag pa ji lta ba bzhin du rab tu mkhyen pa lags/ bcom ldan 'das kyis bka' stsal pa/ rab 'byor/ sems 'dod chags dang bcas pa gang yin pa de ni sems kyi yang dag pa ji lta ba nyid ma yin no/ /de ci'i phyir zhe na/ rab 'byor/ sems ni yang dag pa ji lta ba bzhin du dmigs su med de/ sems las byung ba'i chos rnams kyang dmigs su med na/ 'dod chags dang bcas pa'am/ 'dod chags dang bral ba'i sems dmigs pa lta ci zhig smos/ rab 'b [@##data incomplete here] @491a @#/ /bzung ngo/ /rnam pa thams cad mkhyen pa nyid kyi bar du yongs su ma bzung ngo/ /de ci'i phyir zhe na/ 'di ltar gzugs yongs su gzung du med pa gang yin pa de ni gzugs ma yin/ tshor ba dang/ 'du shes dang/ 'du byed dang/ rnam par shes pa yongs su gzung du med pa gang yin pa de ni rnam par shes pa ma yin/ skye mched dang/ khams dang/ rten cing 'brel par 'byung ba yongs su gzung du med pa gang yin pa de ni/ rten cing 'brel par 'byung ba ma yin/ pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun yongs su gzung du med pa gang yin pa de ni/ byang chub kyi phyogs kyi chos rnams ma yin/ sangs rgyas kyi chos ma 'dres pa bco brgyad kyi bar du yongs su gzung du med pa gang yin pa de ni sangs rgyas kyi chos rnams ma yin/ rnam pa thams cad mkhyen pa nyid kyi bar du yongs su gzung du med pa gang yin pa de ni rnam pa thams cad mkhyen pa nyid ma yin no/ /byang chub sems dpa'i gnas 'di bshad pa'i tshe/ byang chub sems dpa' nyis stong gis mi skye ba'i chos la bzod pa thob par gyur to/ /shes rab kyi pha rol tu phyin pa stong phrag nyi shu lnga pa las/ le'u sum cu brgyad pa'o// //de @491b skad ces bka' stsal pa dang/ tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das/ phyir mi ldog pa'i byang chub sems dpa' sems dpa' chen po'i rnam pa ni gang lags/ tshul ni gang lags/ mtshan ma ni gang lags/ ji ltar bdag cag gis byang chub sems dpa' sems dpa' chen po 'di ni phyir mi ldog pa'o/ /zhes bgyi bar 'tshal bar bgyi/ de skad ces gsol pa dang/ bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor/ 'di la so so'i skye bo'i sa dang/ nyan thos kyi sa dang/ rang sangs rgyas kyi sa dang/ byang chub sems dpa'i sa dang/ de bzhin gshegs pa'i sar bshad pa de dag thams cad kyang/ de bzhin nyid la 'gyur ba med cing/ rnam par rtog pa med la gnyis su med cing gnyis su byar med do/ /de ni de bzhin nyid de ji lta ba de bzhin du 'jug ste/ de bzhin nyid la rnam par mi rtog cing de ltar rnam par mi rtog pas 'jug ste/ de ltar zhugs pa ni de bzhin nyid de ji lta ba de bzhin du thos nas/ de las 'das te de dag de bzhin nyid la re re dang/ gnyis ka dang/ gnyis ka ma yin par the tshom za ba gang yang med do/ /de ni byung rgyal du smra ba ma yin te/ don dang ldan par smra'i/ don dang mi ldan par smra ba ma yin/ @492a @#/ /gzhan gyis byas pa dang ma byas pa la mi lta zhing/ legs par brjod pa 'tshol ba yin te/ rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /gsol pa/ bcom ldan 'das/ rnam pa gang dang/ tshul gang dang/ mtshan ma gang dag dang ldan pa'i byang chub sems dpa' sems dpa' chen po phyir mi ldog par rig par bgyi/ bcom ldan 'das kyis bka' stsal pa/ rab 'byor/ chos thams cad ni rnam pa med pa/ tshul med pa/ mtshan ma med pa'o/ /gsol pa/ bcom ldan 'das/ gal te chos thams cad rnam pa ma mchis pa/ tshul ma mchis pa/ mtshan ma ma mchis pa lags na/ chos gang rnams las slar ldog pa'i slad du/ byang chub sems dpa' sems dpa' chen po phyir mi ldog pa zhes bstan pa lags sam/ bcom ldan 'das kyis bka' stsal pa/ rab 'byor/ byang chub sems dpa' sems dpa' chen po gang gzugs las phyir log pa/ tshor ba dang/ 'du shes dang/ 'du byed dang/ rnam par shes pa las phyir log pa/ skye mched dang/ khams dang/ rten cing 'brel par 'byung ba las phyir log pa de ni/ rab 'byor/ byang chub sems @492b dpa' sems dpa' chen po phyir mi ldog par rig par bya'o/ /byang chub sems dpa' sems dpa' chen po sbyin pa'i pha rol tu phyin pa las phyir log pa/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa las phyir log pa; nang stong pa nyid las phyir log pa/ dngos po med pa'i ngo bo nyid stong pa nyid kyi bar las phyir log pa/ dran pa nye bar bzhag pa rnams las phyir log pa/ yang dag par spong ba dang; rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa las phyir log pa/ 'phags pa'i bden pa dang; bsam gtan dang/ tshad med pa dang/ gzugs med pa'i snyoms par 'jug pa las phyir log pa/ rnam par thar pa dang/ mthar gyis gnas pa'i snyoms par 'jug pa dang; stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo las phyir log pa/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad las phyir log @493a @#/ /pa; nyan thos dang/ rang sangs rgyas kyi sa las phyir log pa/ lam gyi rnam pa shes pa nyid las phyir log pa/ bla na med pa yang dag par rdzogs pa'i byang chub las phyir log pa de ni/ rab 'byor/ byang chub sems dpa' sems dpa' chen po phyir mi ldog par rig par bya'o/ /de ci'i phyir zhe na/ rab 'byor/ de ni 'di ltar gang labyang chub sems dpa' sems dpa' chen po gnas par 'gyur ba'i gzugs kyi ngo bo nyid med do/ /gang la byang chub sems dpa' sems dpa' chen po gnas par 'gyur ba'i tshor ba dang/ 'du shes dang/ 'du byed dang/ rnam par shes pa'i ngo bo nyid med do/ /gang la byang chub sems dpa' sems dpa' chen po gnas par 'gyur ba'i skye mched dang/ khams dang/ rten cing 'brel par 'byung ba'i ngo bo nyid med do/ /gang la byang chub sems dpa' sems dpa' chen po gnas par 'gyur ba'i pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun gyi ngo bo nyid med do/ /gang la byang chub sems dpa' sems dpa' chen po gnas par 'gyur ba'i sangs rgyas kyi chos ma 'dres pa bco brgyad kyi bar gyi ngo bo nyid med do/ /gang la byang chub sems dpa' sems dpa' @493b chen po gnas par 'gyur ba'i rnam pa thams cad mkhyen pa nyid kyi bar gyi ngo bo nyid med do/ /rab 'byor/ gzhan yang byang chub sems dpa' sems dpa' chen po ni dge sbyong dang/ bram ze 'di dag ni shes par bya ba shes pa'o/ /blta bar bya ba mthong ba'o/ /yang dag par lta ba'i gdags pa 'dogs so zhes 'di las phyi rol pa'i dge sbyong dang/ bram ze gzhan dag gi ngor mi lta ste/ de ni gnas med cing the tshom mi za'o/ /tshul khrims dang brtul zhugs mi snyems/ lta ba ngan par mi ltung/ bkra shis dang ltas kyis gtsang bar mi 'dogs te/ lha gzhan la phyag mi 'tshal zhing/ me tog gam/ phreng ba'am/ spos sam/ byug pa'am/ phye ma'am/ gos sam/ gdugs sam/ rgyal mtshan nam/ ba dan dag de la sbyin zhing bya bar mi sems te/ rab 'byor/ rnam pa de dag dang/ mtshan ma de dag dang/ tshul de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po ni sems can dmyal bar mi skye/ byol song gi skye gnas su mi skye/ gshin rje'i 'jig rten du mi skye/ mi khom pa brgyad po'i bar gyi nang du mi skye zhing/ bud med du 'gyur ba yongs su mi 'dzin te/ rab 'byor/ rnam pa de dag dang/ chul de dag dang/ mtshan ma de dag dang ldan pa'i byang chub sems dpa' sems dpa' chen po ni @494a @#/ /phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po ni dge ba bcu'i las kyi lam yang dag par bzung zhing spyod de/ bdag gis kyang srog gcod pa spangs shing gzhan yang srog gcod pa spong ba la yang dag par bskul ba yin/ srog gcod pa spong ba'i legs pa brjod pa yin/ gzhan gang gis srog gcod pa spangs pa de dag gi legs pa brjod cing mthun pas dga' ba yin/ bdag gis kyang ma byin par len pa dang/ 'dod pas log par g.yem pa dang/ brdzun du smra ba dang/ phra ma dang/ zhe gcod pa dang/ tshig kyal pa dang/ chags sems dang/ gnod sems dang/ log par lta ba spangs shing/ gzhan yang log par lta ba spong ba la yang dag par bskul ba yin/ log par lta ba spong ba'i legs pa brjod pa yin/ gzhan gang gis log par lta ba spangs pa de dag gi legs pa brjod cing mthun pas dga' ba yin te/ rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po ni rmi lam na'ang mi dge ba bcu'i @494b las kyi lam mi dmigs na/ sad pa na lta ci smos te/ rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po ni nam sbyin pa'i pha rol tu phyin pa la gnas shing tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la gnas pa de'i tshe/ sems can thams cad kyi phyir sbyin pa de yongs su gtong ngo/ /tshul khrims bsrung ngo/ /bzod pa bsgom mo/ /brtson 'grus brtsom mo/ /bsam gtan la mnyam par gzhog go /shes rab bsgom mo/ /rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po ni mdo dang/ dbyangs kyis bsnyad pa dang/ [@##data incomplete here] rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /dngos po med pa'i ngo bo nyid stong pa nyid kyi bar du rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na dngos po med pa'i ngo bo nyid stong pa nyid rnam par dag pa dang/ gzugs rnam par dag pa dang/ rnam pa thams cad mkhyen pa nyid rnam par dag pa 'di la @496b sems kyis mi 'ong ste/ de la 'gro ba'am 'ong na'ang dran pa nye bar bzhag cing 'gro/ dran pa nye bar bzhag cing 'ong ste/ de dran bzhin du 'gro/ dran bzhin du 'ong/ dran bzhin du 'chag /dran bzhin du sdod/ dran bzhin du 'dug /dran bzhin du nyal te/ de 'phral la sa las rkang pa mi 'deg /'phral la sa la rkang pa mi 'jog ste/ dran bzhin du rkang pa 'deg /dran bzhin du rkang pa 'jog cing/ de sa'i phyogs mthong bzhin du 'gro ste/ rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po ni gos kyi tshags la smad du med pa yin/ rab 'byor/ phyir mi ldog pa'i byang chub sems dpa' sems dpa' chen po ni gtsang sbra'i spyod pa dang ldan te/ gtsang zhing dri nga ba med la rdul dang dri ma dang bral zhing nad nyung ba yin te/ rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang mir gyur pa rnams kyi lus la srin bu'i rigs stong phrag brgyad cu lus de nyid la za ba yod pa de dag kyang/ phyir mi ldog pa'i byang chub sems dpa' sems dpa' chen po'i lus la thams cad du thams cad/ rnam pa thams cad du thams cad @497a @#/ /med do/ /de ci'i phyir zhe na/ rab 'byor/ de ni 'di ltar byang chub sems dpa' sems dpa' chen po'i dge ba'i rtsa ba de dag 'jig rten thams cad las mngon par 'phags pa; 'jig rten thams cad kyi mchog tu gyur pa ste/ de'i phyir byang chub sems dpa' sems dpa' chen po de'i lus la srin bu'i rigs stong phrag brgyad cu po de dag med de/ rab 'byor/ ji lta ji ltar byang chub sems dpa' sems dpa' chen po'i dge ba'i rtsa ba de dag rnam par 'phel ba de lta de ltar byang chub sems dpa' sems dpa' chen po lus yongs su dag pa yongs su 'dzin to/ /ngag yongs su dag pa dang/ sems yongs su dag pa yongs su 'dzin to/ /rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /de skad ces bka' stsal pa dang/ tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das/ ji ltar na byang chub sems dpa' sems dpa' chen po'i lus yongs su dag pa lags/ ngag yongs su dag pa lags/ sems yongs su dag pa lags/ bcom ldan 'das kyis bka' stsal pa/ rab 'byor/ ji lta ji ltar na byang chub sems dpa' sems dpa' chen po'i dge ba'i rtsa ba de dag rnam par 'phel ba de lta de ltar dge ba'i rtsa ba de dag gis @497b lus dang ngag dang sems mi drang ba dang/ lus dang ngag dang sems kyi gya gyu yongs su byang bar 'gyur te/ de yang de lta de ltar lus kyis legs par spyad pa rnam pa gsum spyod do/ /ngag gis legs par spyad pa rnam pa bzhi spyod do/ /yid kyis legs par spyad pa rnam pa gsum spyod de/ 'di ni byang chub sems dpa' sems dpa' chen po'i lus dang ngag dang sems yongs su dag pa'o/ /de lus dang ngag dang sems yongs su dag pa des/ nyan thos kyi sa dang/ rang sangs rgyas kyi sa las 'da' yang/ yang dag pa'i mtha' mngon du mi byed de/ rab 'byor/ 'di'ang byang chub sems dpa' sems dpa' chen po'i lus dang ngag dang sems yongs su dag par rig par bya ste/ rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po ni khe dang/ bkur sti dang/ tshigs su bcad pa lhur len pa ma yin/ bsod snyoms lhur len pa ma yin/ chos gos gsum pa'i bar du lhur len pa ma yin zhing/ de sbyangs pa'i yon tan bcu gnyis kyang yang dag par blangs te spyod do/ /rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig @498a @#/ /par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po la ser sna'i sems skye ba med do/ /tshul khrims ngan pa'i sems skye ba med do/ /'khrug pa'i sems skye ba med do/ /le lo'i sems skye ba med do/ /mnyam par ma bzhag pa'i sems skye ba med do/ /shes rab 'chal pa'i sems skye ba med do; ;phrag dog gi sems skye ba med do/ /rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang byang chub sems dpa' sems dpa' chen po phyir mi ldog pa ni blo brtan pa yin/ blo zab pa yin/ gus par gzhan la chos nyan pa yin/ gzhan las chos gang ci thos kyang/ de thams cad shes rab kyi pha rol tu phyin pas yang dag par sgrub pa yin/ 'jig rten pa'i bya ba gang ji snyed pa de dag thams cad kyang shes rab kyi pha rol tu phyin pa la brten te/ chos nyid kyis yang dag par sgrub cing/ chos gang chos kyi dbyings dang mi 'byor pa de lta bu gang yang yang dag par rjes su mi mthong ste/ de thams cad kyang shes rab kyi pha rol tu phyin pa dang 'byor par yang yang dag par rjes su mthong ba yin te/ rab 'byor/ d [@#data incomplete here] 'en po'i phyir mi ldog pa'i mtshan nyid du rig par bya'o/ /rab 'byor/ de la gal te phyir mi ldog pa'i byang chub sems dpa' sems dpa' chen po'i mdun du bdud sdig to can gyis sems can dmyal ba chen po brgyad mngon pa sprul nas/ sems can dmyal ba chen po re rer yang/ byang chub sems dpa' brgya phrag mang po/ byang chub sems dpa' stong phrag mang po/ byang chub sems dpa' brgya stong phrag mang po/ byang chub sems dpa' bye ba phrag mang po/ byang chub sems dpa' bye ba brgya phrag mang po/ byang chub sems dpa' bye ba brgya stong phrag mang po/ byang chub sems dpa' bye ba khrag khrig phrag mang po bsreg cing btso ba dang/ mi bzad par sdug bsngal ba dang/ rtsub pa dang/ tsha ba'i tshor ba myong bar mngon du sprul nas bstan te/ byang chub sems dpa' de la 'di skad du/ byang chub sems dpa' sems dpa' chen po 'di dag ni phyir mi ldog par de bzhin gshegs pas lung bstan pa yin te/ sems can dmyal ba chen po 'dir skyes so/ /khyod h pa nyid rnam par dag pas/ gzugs rnam par dag pa/ gzugs rnam par dag pas/ bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa rnam par dag pa ste/ de ltar na rnam pa thams cad mkhyen pa nyid rnam par dag pa dang/ gzugs rnam par dag pa dang/ sbyin pa'i pha rol tu phyin pa rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ bsam gtan gyi pha rol tu phyin pa dang/ brtson 'grus kyi pha rol tu phyin pa dang; bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pa rnam par dag pa ste/ de ltar na rnam pa thams cad mkhyen pa nyid rnam par dag @249a @#/ /pa dang/ yid kyi 'dus te reg pa'i rkyen gyis tshor ba rnam par dag pa dang/ sbyin pa'i pha rol tu phyin pa rnam par dag pa 'di la gnyis su med de gnyis su byar med so so ma yin tha mi dad do/ /rab 'byor/ gzhan yang 'dus byas rnam par dag pas/ 'dus ma byas rnam par dag pa ste/ de ltar na 'dus byas rnam par dag pa dang/ 'dus ma byas rnam par dag pa 'di la gnyis su med de gnyis su byar med so so ma yin tha mi dad do/ /rab 'byor/ gzhan yang 'das pa rnam par dag pas/ ma 'ongs pa dang/ da ltar byung ba rnam par dag pa ste/ de ltar na 'das pa rnam par dag pa dang/ ma 'ongs pa dang/ da ltar byung ba rnam par dag pa 'di la gnyis su med de gnyis su byar med so so ma yin tha mi dad do/ /ma 'ongs pa rnam par dag pas/ 'das pa dang/ da ltar byung ba rnam par dag pa ste/ de ltar na ma 'ongs pa rnam par dag pa dang/ 'das pa dang/ da ltar byung ba rnam par dag pa 'di la gnyis su med de gnyis su byar med so so ma yin tha mi dad do/ /da ltar byung ba rnam par dag pas/ 'das pa dang/ ma 'ongs pa rnam par dag pa ste/ de ltar na da ltar byums dang/ stobs rnams dang byang chub kyi yan lag rnams dang/ 'phags pa'i lam yan lag brgyad pa yongs su sbyang bar bya'o/ /'di ltar bdag gis sangs rgyas kyi chos ma 'dres pa bco brgyad kyi bar du yongs su sbyang bar bya'o; ;'di ltar bdag gis rnam pa thams cad mkhyen pa nyid kyi bar du yongs su sbyang bar bya'o/ /'di ltar bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o zhes nas/ thos par gyur pa de dag shogs shig /thongs shig /'das pa dang/ ma byon pa dang/ da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos dang bcas pa rnams kyis thugs dang po bskyed pa nas nye bar bzung ste/ dam pa'i chos gnas pa'i bar gyi dge ba'i rtsa ba gang ji snyed pa de dag @500a @#/ /thams cad la rjes su yi rang ba de dag kyang so sor shogs shig /thongs shig /gang khyod kyis thos pa de ni sangs rgyas kyi bka' ma yin/ yang dag par rdzogs pa'i sangs rgyas kyis gsungs pa ma yin te/ de ni rang bzor byas pa'o/ /gang ngas bshad pa ni sangs rgyas kyi bka' ste/ de bzhin gshegs pas gsungs pa'o zhes zer la/ gal te byang chub sems dpa' sems dpa' chen po 'khrug cing nem nur byed dam/ the tshom za na byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis lung ma bstan par rig par bya'o/ /byang chub sems dpa' de ni ma nges pa yin te/ byang chub sems dpa' de ni phyir mi ldog pa'i khams su gnas pa ma yin no/ /gal te byang chub sems dpa' sems dpa' chen po mi 'khrug cing nem nur mi byed/ the tshom mi za la chos nyid la brten cing mngon par 'du ma byas pa dang/ ma skyes pa la brten te/ gzhan la yid mi ches pas mi 'gro zhing/ sbyin pa'i pha rol tu phyin pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la gzhan gyi dring mi 'jog /bla na med pa yang dag par @500b rdzogs pa'i byang chub kyi bar la gzhan gyi dring mi 'jog cing/ 'di ltar/ dper na/ dgra bcom pa zag pa zad pa gzhan la yid ches pas mi 'gro zhing/ chos nyid mngon du gyur pas bdud sdig to can gyis mi 'phrogs pa de bzhin du phyir mi ldog pa'i byang chub sems dpa' sems dpa' chen po nyan thos kyi theg pa pa rnams dang/ rang sangs rgyas kyi theg pa pa rnams kyis mi thub cing/ bla na med pa yang dag par rdzogs pa'i byang chub las phyir mi zlog na/ rab 'byor/ byang chub sems dpa' sems dpa' chen po de ni nges pa yin te/ phyir mi ldog pa'i khams su gnas shing gzhan gyi dring mi 'jog pa yin/ de ni de bzhin gshegs pa dgra bcom pa yang dag par rdzogs pa'i sangs rgyas la yid ches pas kyang mi 'gro na/ nyan thos kyi theg pa pa'am/ rang sangs rgyas kyi theg pa pa'am/ bdud sdig to can nam/ mu stegs can dang/ kun tu rgyu ba gzhan dag la yid ches pas 'gro bar 'gyur ba lta ci smos te de ni gnas med do/ /de ci'i phyir zhe na/ 'di ltar des gang la yid ches pas 'gro ba'i chos gang yang yang dag par rjes su mi mthong ste/ gzugs sam/ tshor ba'am/ 'du shes sam/ 'du byed dam/ rnam par shes pa'am/ gzugs kyi de bzhin nyid dam/ tshor ba dang/ 'du shes sam/ 'du byed dang/ rnam par shes pa'i de bzhin nyid dam/ skye mched dam/ khams sam/ rten @501a @#/ /cing 'brel par 'byung ba'am/ rten cing 'brel par 'byung ba'i de bzhin nyid yang dag par rjes su mi mthong ngo/ /pha rol tu phyin pa'am/ stong pa nyid dam/ byang chub kyi phyogs kyi chos sam/ byang chub kyi phyogs kyi chos kyi de bzhin nyid yang dag par rjes su mi mthong ngo/ /'phags pa'i bden pa'am/ bsam gtan nam/ tshad med pa'am/ gzugs med pa'i snyoms par 'jug pa'am/ rnam par thar pa'am/ mthar gyis gnas pa'i snyoms par 'jug pa'am/ stong pa nyid dang/ mtshan ma med pa dang/ smon pa med pa'am/ mngon par shes pa'am/ ting nge 'dzin nam/ gzungs kyi sgo'am/ de bzhin gshegs pa'i stobs sam/ mi 'jigs pa'am/ so so yang dag par rig pa'am/ byams pa chen po'am/ snying rje chen po'am/ sangs rgyas kyi chos ma 'dres pa rnams sam/ sangs rgyas kyi chos ma 'dres pa rnams kyi de bzhin nyid yang dag par rjes su mi mthong ngo/ /byang chub kyi bar ram/ byang chub kyi de bzhin nyid yang dag par rjes su mi mthong ste/ rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o// //shes rab kyi pha rol tu phyin pa stong phrag nyi shu lnga pa/ bam po lnga bcu gcig pa/ rab 'byor/ gzhan yang byang chub sems dpa' @501b sems dpa' chen po'i drung du bdud sdig to can dge slong gi cha byad du 'ongs nas/ 'di skad du 'di ni 'khor bar spyod pa yin te/ byang chub sems dpa'i spyod pa ma yin gyi/ 'di nyid du khyod kyis sdug bsngal gyi mthar phyin par gyis shig ces zer zhing/ bdud sdig to can de byang chub sems dpa' sems dpa' chen po la lam gyi gzugs brnyan gang 'khor bar spyod pa'i 'jig rten pa'i rnam pas lam gyi gzugs brnyan ston te/ yang na rus par 'du shes pa ston to/ /yang na bsam gtan dang po dang/ 'du shes med 'du shes med min skye mched kyi bar du ston cing/ tshe dang ldan pa lam dang nan tan gang gis rgyun du zhugs pa'i 'bras bu 'thob pa dang/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid 'thob par 'gyur ba'i lam dang nan tan ni 'di yin no/ /tshe dang ldan pa lam dang nan tan 'dis 'di nyid du khyod kyis sdug bsngal gyi mthar phyungs shig dang/ phyin chad 'khor ba na spyod pa'i sdug bsngal de dag myong bar mi 'gyur ro/ /kye ma khyod kyis lus 'di 'di nyid du mngon par ma grub na/ lus gzhan yang ji ltar yongs su gzung bar sems zhes zer yang/ rab 'byor; gal te byang chub sems dpa' sems dpa' chen po'i sems mi 'khrugs mi g.yo zhing/ gong du'ang 'di snyam du sems te/ 'di ltar bdag la lam gyi gzugs brnyan @502a @#/ /ston pa ni/ dge slong 'di bdag la phan 'dogs pa ste/ lam gyi gzugs brnyan des ni rgyun du zhugs pa'i 'bras bu mngon du bya bar yang mi 'gyur/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid mngon du bya bar yang mi 'gyur/ rang byang chub mngon du bya bar yang mi 'gyur/ bla na med pa yang ? dag par rdzogs pa'i byang chub mngon du bya bar yang mi 'gyur ro snyam ste/ de las kyang gong du gang bdag la de ltar chags pas ston pa'i dge slong 'di ni bdag la phan 'dogs pa yin gyi/ bdag gis chags pa de dag shes par bya ste/ theg pa gsum po kun la bslab par bya'o zhes dga' ba skye la/ bdud sdig to can des kyang byang chub sems dpa' sems dpa' chen po de dga' bar gyur par shes nas/ de la 'di skad du rigs kyi bu khyod byang chub sems dpa' sems dpa' chen po mang pos/ sangs rgyas bcom ldan 'das ganggA'i klung gi bye ma snyed la na bza' dang/ bsod snyoms dang/ gzims cha dang/ snyun gyi rkyen sman dang/ yo byad kyis rim gror byas pa dang/ ganggA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyi drung du gang gis sbyin pa'i pha rol tu phyin pa yongs su rdzogs par byas pa dang/ tshul khrims kyi pha rol tu phyin pa dang/ bzod pa'i pha rol @502b tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa yongs su rdzogs par byas pa dang/ sangs rgyas bcom ldan 'das ganggA'i klung gi bye ma snyed la bsnyen bkur byas te/ ji ltar byang chub sems dpa' sems dpa' chen pos sbyin pa'i pha rol tu phyin pa la spyod pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la spyod pa dang/ nang stong pa nyid la spyod pa dang/ dngos po med pa'i ngo bo nyid stong pa nyid kyi bar la spyod pa dang/ dran pa nye bar bzhag pa la spyod pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa la spyod pa dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po @503a @#/ /dang/ snying rje chen po dang/ sangs rgyas kyi chos ma 'dres pa bco brgyad dang/ rnam pa thams cad mkhyen pa nyid kyi bar la spyod pa'i tshe/ byang chub sems dpa'i theg pa la gnas par bgyi zhes/ byang chub sems dpa'i theg pa 'di nyid kyi don du kun dris shing yongs su zhus pa rnams la blta bar 'dod dam/ de ltar sangs rgyas bcom ldan 'das de dag gis gang bshad pa la/ de bzhin du gnas te de bzhin du brtson par byas kyang byang chub sems dpa' sems dpa' chen po de lta bu dag gis/ bla na med pa yang dag par rdzogs pa'i byang chub tu mngon par rdzogs par sangs ma rgyas te/ de ltar gdams pa dang/ de ltar bstan pa dang/ de ltar gnas pa dang/ de ltar slob slob pa rnams kyis kyang rnam pa thams cad mkhyen pa nyid ma thob na/ khyod kyis lta bla na med pa yang dag par rdzogs pa'i byang chub thob par 'gyur re skan zhes brjod de/ de ltar byang chub sems dpa' sems dpa' chen po de la snying snyan bcug kyang de'i sems gzhan du mi 'gyur la/ mi 'jigs mi dngangs skrag par mi 'gyur zhing/ gang du'ang dge slong 'di ni de ltar bdag la chags pa gang gis rgyun du zhugs pa'i 'bras bu'ang 'thob par mi 'gyur/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub kyang 'thob par mi @503b 'gyur/ lam gyi rnam pa shes pa nyid kyang thob par mi 'gyur/ rnam pa thams cad mkhyen pa nyid kyang thob par mi 'gyur ba'i chags pa ston pa ni/ bdag la phan 'dogs pa'o zhes dga' bskyed pas/ bdud sdig to can gyis byang chub sems dpa' sems dpa' chen po de'i sems la zhum pa med par rig nas/ sa'i phyogs de nyid du dge slong mang po mngon par sprul te/ dge slong 'di dag kun kyang bla na med pa yang dag par rdzogs pa'i byang chub tu 'jug 'jug pa sha stag ste/ de dag kyang dgra bcom pa nyid la gnas par gyur na/ khyod ltas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur re skan zhes zer yang/ gal te byang chub sems dpa' sems dpa' chen po de 'di snyam ste/ 'di ni bdud sdig to can te/ lam gyi gzugs brnyan ston pa'o zhes byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bla na med pa yang dag par rdzogs pa'i byang chub las phyir mi ldog cing/ nyan thos kyi sa 'am/ rang sangs rgyas kyi sar yang mi ltung la/ de las kyang gong du 'di snyam ste/ byang chub sems dpa' sems dpa' chen po sbyin pa'i pha rol tu phyin pa la spyod pa dang/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi @504a @#/ /pha rol tu phyin pa la spyod pa dang/ rnam pa thams cad mkhyen pa nyid kyi bar du de ltar spyod pa ni/ bla na med pa yang dag par rdzogs pa'i byang chub tu mngon par rdzogs par 'tshang mi rgya ba'i gnas med/ skabs med de/ de ni gnas ma yin no snyam na/ rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'di snyam du gal te de bzhin gshegs pas ji skad du bstan pa de ltar bslabs la/ spyod pa de dang ma bral zhing pha rol tu phyin pa dang ldan pa'i yid la byed pa 'di dag gis spyod pa de ni/ sbyin pa'i pha rol tu phyin pa las yongs su mi nyams/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa las yongs su mi nyams/ nang stong pa nyid las yongs su mi nyams/ dngos po med pa'i ngo bo nyid stong pa nyid kyi bar las yongs su mi nyams/ dran pa nye bar bzhag pa las yongs su mi nyams/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag @504b brgyad pa las yongs su mi nyams/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa las yongs su mi nyams/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa rnams las yongs su mi nyams/ rnam pa thams cad mkhyen pa nyid kyi bar las yongs su mi nyams so snyam la/ rab 'byor/ gzhan yang byang chub sems dpa' sems dpa' chen po 'di snyam du sus bdud kyi las su rig pa de ni/ bla na med pa yang dag par rdzogs pa'i byang chub las yongs su mi nyams so snyam na/ rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /de skad ces bka' stsal pa dang/ tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das/ phyir mi ldog pa'i byang chub sems dpa' sems dpa' chen po ci las slar ldog pa'i slad du/ phyir mi ldog pa zhes bgyi ba lags/ @505a @#/ /bcom ldan 'das kyis bka' stsal pa/ rab 'byor/ de ni gzugs kyi 'du shes las phyir ldog go/ tshor ba dang/ 'du shes dang/ 'du byed dang/ rnam par shes pa'i 'du shes las phyir ldog go/ skye mched kyi 'du shes dang/ khams kyi 'du shes las phyir ldog go/ 'dod chags kyi 'du shes dang/ zhe sdang gi 'du shes dang/ gti mug gi 'du shes dang/ lta ba'i rnam pa'i 'du shes las phyir ldog go/ pha rol tu phyin pa'i 'du shes dang/ stong pa nyid kyi 'du shes dang/ dran pa nye bar bzhag pa'i 'du shes dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa'i 'du shes las phyir ldog go/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa'i 'du shes las phyir ldog go/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa'i 'du shes las phyir ldog go/ mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa'i 'du @505b shes las phyir ldog go/ yang dag par rdzogs pa'i byang chub kyi bar gyi 'du shes las phyir ldog go/ nyan thos dang/ rang sangs rgyas kyi 'du shes las phyir ldog go/ byang chub sems dpa' dang/ sangs rgyas kyi 'du shes las phyir ldog go/ de ci'i phyir zhe na/ de ni 'di ltar phyir mi ldog pa'i byang chub sems dpa' sems dpa' chen po ni chos thams cad rang gi mtshan nyid kyis stong pas/ byang chub sems dpa'i skyon med par 'jug ste/ des chos rdul tsam yang dmigs pa med do/ /dmigs pa med pas mngon par 'du mi byed do/ /mngon pas 'du mi byed pas skye ba med de/ de ni phyir mi ldog pa'i byang chub sems dpa' sems dpa' chen po mi skye ba la bzod pa zhes bya ste/ rab 'byor/ de ltar na rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /shes rab kyi pha rol tu phyin pa stong phrag nyi shu lnga pa las/ le'u sum cu dgu pa'o// // rab 'byor/ gzhan yang byang chub sems dpa' sems dpa' chen po'i drung du bdud sdig to can nye bar 'ongs te mos pa zlog cing/ rnam pa thams cad mkhyen pa 'di ni nam mkha' dang mtshungs pa/ dngos po med pa'i ngo bo nyid rang gi mtshan nyid kyis stong pa'o/ /chos 'di dag kyang nam mkha' dang mtshungs pa/ dngos po med pa'i ngo bo nyid de/ rang gi mtshan nyid kyis @506a @#/ /stong pa'o/ /de ltar chos thams cad nam mkha' dang mtshungs pa dngos po med pa'i ngo bo nyid de/ rang gi mtshan nyid kyis stong pa la/ gang mngon par rdzogs par 'tshang rgya ba dang/ gang gis mngon par rdzogs par 'tshang rgya ba dang/ gang la mngon par rdzogs par 'tshang rgya bar bya ba'i chos de dag gang yang mi dmigs te/ chos 'di dag thams cad nam mkha' dang mtshungs pa/ dngos po med pa'i ngo bo nyid de rang gi mtshan nyid kyis stong pas 'di lta ste/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o snyam pa 'di ni khyod nyon mongs la don med par 'gyur ba ste/ 'di ni bdud kyis bstan pa'o/ /'di ni yang dag par rdzogs pa'i sangs rgyas kyis bshad pa ma yin no/ /rigs kyi bu yid la byed pa de dag thong la/ khyod yun ring por gnod pa dang phan pa med par ma spyod cig /sdug bsngal ba dang/ log par ltung ngo zhes zer na/ de la rigs kyi bu'am rigs kyi bu mo des tshig de dag thos nas 'di ltar yongs su brtag par bya ste/ de ltar bdag bla na med pa yang dag par rdzogs pa'i byang chub las zlog pa de ni bdud kyi las te/ chos thams cad ni nam mkha' dang mtshungs pa/ dngos po med pa'i ngo bo nyid de rang gi mtshan nyid kyis stong mod kyi/ de dag sems can rnams kyis ma shes ma mthong/ khong du ma chud kyi/ de'i @506b phyir bdag gis nam mkha' dang mtshungs pa/ dngos po med pa'i ngo bo nyid rang gi mtshan nyid kyis stong pa'i go cha bgos te rnam pa thams cad mkhyen pa nyid du mngon par rdzogs par sangs rgyas par byas la/ sems can thams cad la 'byung ba'i chos bstan to/ /sems can rnams rgyun du zhugs pa'i 'bras bu la rab tu dgod par bya'o/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub la rab tu dgod par bya'o/ /bla na med pa yang dag par rdzogs pa'i byang chub la rab tu dgod par bya'o/ /snyam du sems bskyed cing/ de la byang chub sems dpa' sems dpa' chen pos sems dang po bskyed pa nas nye bar bzung ste chos de dag thos nas sems brtan par bya'o/ /sems mi g.yo bar bya'o/ / sems mi 'phrogs par bya'o/ /de sems brtan pa dang/ sems mi g.yo ba dang/ sems mi 'phrogs pa dang ldan pas/ pha rol tu phyin pa drug la spyod na/ byang chub sems dpa'i skyon med par 'jug par 'gyur ro/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das/ slar mi ldog pa'i byang chub sems dpa' sems dpa' chen po la phyir ldog pa zhes bgyi'am/ 'on tam slar log pa'i byang chub sems dpa' la phyir mi ldog pa zhes bgyi/ bcom ldan 'das kyis bka' stsal pa/ rab 'byor/ phyir @507a @#/ /mi ldog pa'i byang chub sems dpa' ni phyir ldog pa zhes bya'o/ /phyir ldog pa'i byang chub sems dpa' ni phyir mi ldog pa zhes bya'o/ /gsol pa/ bcom ldan 'das/ ci'i slad du slar mi ldog pa'i byang chub sems dpa' la phyir ldog pa zhes bgyi/ ci'i slad du slar ldog pa'i byang chub sems dpa' la phyir mi ldog pa zhes bgyi/ bcom ldan 'das kyis bka' stsal pa; rab 'byor/ byang chub sems dpa' gang nyan thos kyi sa'am/ rang sangs rgyas kyi sa las phyir ldog pa de ni/ rab 'byor/ phyir ldog pa'i byang chub sems dpa' yin te/ phyir mi ldog pa'i byang chub sems dpa' zhes bya'o/ /rab 'byor/ byang chub sems dpa' gang nyan thos kyi sa'am/ rang sangs rgyas kyi sa las phyir ma log pa de ni/ rab 'byor/ phyir mi ldog pa'i byang chub sems dpa' yin te/ de ni phyir ldog pa zhes bya'o/ /rab 'byor/ rnam pa de dag dang/ tshul de dag dang/ mtshan ma de dag gis byang chub sems dpa' sems dpa' chen po phyir mi ldog pa'i mtshan nyid du rig par bya ste/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni bdud sdig to can gyis bla na med pa yang dag par rdzogs pa'i byang chub las bzlog par mi nus so/ /rab 'byor/ gzhan yang phyir mi ldog pa'i byang chub sems dpa' sems dpa' chen po ni 'dod @507b na; bsam gtan dang po la snyoms par 'jug go/ bsam gtan gnyis pa dang/ gsum pa dang/ bzhi pa la snyoms par 'jug go/ 'gog pa'i bar la snyoms par 'jug go/ rab 'byor/ gzhan yang phyir mi ldog pa'i byang chub sems dpa' sems dpa' chen po ni 'dod na/ dran pa nye bar bzhag pa bzhi la snyoms par 'jug go/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa la snyoms par 'jug go/ stong pa nyid dang/ mtshan ma med pa dang/ smon pa med pa'i ting nge 'dzin la snyoms par 'jug go/ mngon par shes pa lnga mngon par sgrub bo/ /de bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi po de dag gis 'gog pa'i snyoms par 'jug pa la 'dris par byed/ dran pa nye bar bzhag pa rnams goms par byed/ yang dag par spong ba rnams dang/ rdzu 'phrul gyi rkang pa rnams dang/ dbang po rnams dang/ stobs rnams dang/ byang chub kyi yan lag rnams dang/ 'phags pa'i lam yan lag brgyad pa goms par byed/ stong pa nyid dang/ mtshan ma med pa dang/ smon pa med pa'i ting nge 'dzin la'ang snyoms par 'jug ste/ bsam gtan gyi 'bras bu yongs su mi 'dzin to/ /tshad med pa dang/ gzugs med pa'i snyoms par 'jug pa dang/ 'gog pa'i @508a @#/ /snyoms par 'jug pa'i 'bras bu yongs su mi 'dzin to/ /rgyun du zhugs pa'i 'bras bu yongs su mi 'dzin to/ /lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid yongs su mi 'dzin to/ /rang byang chub thob par mi byed do/ /de 'dod na ched du bsams shing lus yongs su 'dzin te/ lus gang gis sems can rnams kyi don bya bar 'gyur ba de lta bu'i lus yongs su 'dzin to/ /rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po ni byang chub yid la byed pa dang ldan te; byang chub kyi sems dang mi 'bral zhing gzugs lhur len pa ma yin/ mtshan ma lhur len pa ma yin/ lus lhur len pa ma yin/ sbyin pa lhur len pa ma yin/ tshul khrims lhur len pa ma yin/ bzod pa lhur len pa ma yin/ brtson 'grus lhur len pa ma yin/ bsam gtan lhur len pa ma yin/ shes rab lhur len pa ma yin/ nang stong pa nyid lhur len pa ma yin/ dngos po med pa'i ngo bo nyid stong pa nyid kyi bar du lhur len pa ma yin/ byang chub kyi phyogs kyi chos rnams lhur len pa ma yin/ 'phags pa'i bden pa dang/ bsam gtan @508b dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma ma med pa dang/ smon pa med pa dang/ mngon par shes pa lhur len pa ma yin/ ting nge 'dzin dang/ gzungs kyi sgo lhur len pa ma yin/ de bzhin gshegs pa'i stobs bcu lhur len pa ma yin; mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa rnams lhur len pa ma yin/ bla na med pa yang dag par rdzogs pa'i byang chub kyi bar du lhur len pa ma yin/ sangs rgyas kyi zhing yongs su dag par bya ba lhur len pa ma yin/ sems can yongs su smin par bya ba lhur len pa ma yin/ sangs rgyas lta ba lhur len pa ma yin/ dge ba'i rtsa ba bskyed pa lhur len pa ma yin no/ /de ci'i phyir zhe na/ rab 'byor/ de ni 'di ltar chos thams cad rang gi mtshan nyid kyis stong pa'i phyir/ byang chub sems dpa' sems dpa' chen pos gang la lhur blang ba bskyed pa dang/ gang gis bskyed pa dang/ gang la bskyed par bya ba'i chos de lta bu gang yang yang dag par rjes su mi mthong ngo/ /de ci'i phyir zhe na/ 'di ltar chos thams cad ni nam mkha' dang mtshungs pa dngos po med pa'i ngo bo nyid de/ rang gi mtshan nyid kyis stong pa'o/ /rab 'byor/ @509a @#/ /phyir mi ldog pa'i byang chub sems dpa' sems dpa' chen po de yid la byed pa de dang ldan pas/ spyod lam bzhir 'gro'am/ 'ong na'ang nor pa'i sems kyis mi 'gro/ nor pa'i sems kyis mi 'ong/ nor pa'i sems kyis mi sdod/ nor pa'i sems kyis mi 'chag /nor pa'i sems kyis mi 'dug /nor pa'i sems kyis mi nyal te/ de dran bzhin du 'gro'o/ /dran bzhin du 'ong ngo/ /dran bzhin du 'chag go /dran bzhin du sdod do/ /dran bzhin du 'dug go /dran bzhin du nyal lo/ /rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog pa zhes bya'o/ /rab 'byor/ gzhan yang gal te phyir mi ldog pa'i byang chub sems dpa' sems dpa' chen po ni khyim na gnas kyang thabs mkhas pas sems can yongs su smin par bya ba'i phyir 'dod pa'i yon tan lnga nye bar len to/ /de sems can rnams la sbyin pa yongs su gtong ste/ zas 'dod pa la zas/ skom 'dod pa la skom/ bzhon pa 'dod pa la bzhon pa/ gos 'dod pa la gos/ mal cha 'dod pa la mal cha/ me tog 'dod pa la me tog /bdug pa 'dod pa la bdug pa/ spos 'dod pa la spos/ phreng ba 'dod pa la phreng ba [@#data missing here] hyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa stong pa'o/ /zhes bya bar 'du shes na chags pa'o/ /nang stong pa nyid stong pa'o zhes bya bar 'du shes na chags pa'o/ /dngos po med pa'i ngo bo nyid stong pa nyid kyi bar du stong pa'o zhes bya bar 'du shes na chags pa'o/ /dran pa nye bar bzhag pa rnams stong pa'o zhes bya bar 'du shes na chags pa'o/ /yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang [@##data incomplete here] @510b gang sus kyang chos dang mthun par thub pa med de/ de'i sems byang chub yid la byed pa nas/ bla na med pa yang dag par rdzogs pa'i byang chub tu mngon par sangs rgyas kyi bar du rnam par 'khrug pa med do/ /byang chub sems dpa' sems dpa' chen po de'i dbang po 'di lta ste/ mig gi dbang po dang/ rna ba'i dbang po dang/ sna'i dbang po dang/ lce'i dbang po dang/ lus kyi dbang po dang/ yid kyi dbang po dang/ dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po dag ma tshang bar mi 'gyur ro// de ni skyes bu dam par 'gyur te/ skyes bu dma' ba ma yin no/ /gsol pa/ bcom ldan 'das/ ji tsam gyis na byang chub sems dpa' sems dpa' chen po skyes bu dam par 'gyur zhing skyes bu dma' ba ma lags/ bcom ldan 'das kyis bka' stsal pa/ rab 'byor/ byang chub sems dpa' sems dpa' chen po nam byang chub kyi sems mi 'khrug pa na/ byang chub sems dpa' sems dpa' chen po skyes bu dam par 'gyur te/ skyes bu dma' ba ma yin no/ /rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po de ni byang chub yid la @511a @#/ /bya ba dang ldan zhing/ bud med ze slong ba dang/ dbang du 'gyur ba'i sngags dang/ tshig gang ci'ang rung ste/ rtsi de dag thams cad du thams cad rnam pa thams cad kyi thams cad mi sbyor/ sbyor du mi 'jug ste/ ze slong ba'i bag gzhan dang gzhan dag kyang mi byed do/ /bud med dam/ skyes pa gang yang rung ste/ de dag la yongs su bstan pa'i cho 'phrul mi byed do/ /bu'am bu mo rigs kyi lha lta bu yod par 'gyur ro zhe'am/ tshe ring bar 'gyur ro zhes yongs su ston pa'i cho 'phrul mi byed do/ /de ci'i phyir zhe na/ rab 'byor/ de ni 'di ltar byang chub sems dpa' sems dpa' chen po rang gi mtshan nyid kyis stong pa'i chos rnams la mtshan ma yang dag par rjes su mi mthong ste/ des mtshan ma yang dag par rjes su mi mthong bas 'tsho ba yongs su dag pa yin te/ rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po rnam pa gang dang/ tshul gang dang/ mtshan ma gang dang ldan pas byang chub sems dpa' sems dpa' chen po phyir mi ldog par rig par bya ba'i rnam pa dang/ tshul dang/ mtshan ma de dag bstan gyi/ shin tu legs par nyon la yid la zungs shig dang bshad @511b do; ;bcom ldan 'das de ltar bgyi'o zhes gsol nas/ tshe dang ldan pa rab 'byor bcom ldan 'das la phyir nyan to/ /bcom ldan 'das kyis de la 'di skad ces bka' stsal to/ /rab 'byor/ 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ byang chub yid la byed pa dang mi 'bral ba yin te/ phung po'i sbyor ba la rjes su brtson par mi gnas; skye mched dang/ khams dang/ rten cing 'brel par 'byung ba'i sbyor ba la rjes su brtson par mi gnas so/ /de ci'i phyir zhe na/ de ni 'di ltar byang chub sems dpa' sems dpa' chen po des phung po stong pa nyid dang/ skye mched stong pa nyid dang/ khams stong pa nyid dang/ rten cing 'brel par 'byung ba stong pa nyid shin tu yid la byas pa yin/ de 'du 'dzi'i sbyor ba la rjes su brtson par mi gnas te/ de ci'i phyir zhe na/ de ni 'di ltar byang chub sems dpa' sems dpa' chen po des sems can stong pa nyid shin tu yid la byas pa yin/ de rgyal po'i gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de rang bzhin stong pa nyid la gnas pas/ chos gang la'ang bzang po'am/ ngan par yang dag par rjes su mi mthong ngo/ /de rkun po'i gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de chos thams cad rang gi mtshan nyid kyis stong pas/ chos gang la'ang blang ba'am/ dbrog @512a @#/ /pa yang dag par rjes su mi mthong ngo/ /de g.yul gyi gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de rang bzhin stong pa nyid la gnas pas/ chos gang yang nyung ngu 'am mang por yang dag par rjes su mi mthong ngo/ /de dmag gi gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de chos thams cad kyi de bzhin nyid la gnas pas/ chos gang la'ang byams pa'am zhe sdang ba yang dag par rjes su mi mthong ngo/ /de grong gi gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de chos thams cad stong pa nyid la gnas pas/ chos gang yang tshogs sam tshogs ma yin par yang dag par rjes su mi mthong ngo// de grong khyer gyi gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de nam mkha' stong pa nyid la gnas pas/ chos gang yang gzung ba'am/ mi gzung bar yang dag par rjes su mi mthong ngo/ /de grong rdal gyi gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de yang dag pa'i mtha' la gnas pas chos gang yang 'phel ba'am/ 'bri bar yang dag par rjes su mi mthong ngo/ /de bdag gi gtam gyi sbyor ba la rjes su brtson par mi gnas/ sems can dang/ srog dang/ 'gro ba dang/ @512b gso ba dang/ skyes bu dang/ gang zag dang/ shed can dang/ shed bdag dang/ byed pa po dang/ tshor ba po dang/ shes ba po dang/ mthong ba po'i gtam gyi sbyor ba la rjes su brtson par mi gnas te/ gzhan du na shes rab kyi pha rol tu phyin pa'i gtam gyi sbyor ba la rjes su brtson zhing/ rnam pa thams cad mkhyen pa nyid dang ldan pa'i yid la bya ba dang ma bral bar gnas te/ de sbyin pa'i pha rol tu phyin pa la spyod cing/ ser sna'i sbyor ba la rjes su brtson par mi gnas so/ /tshul khrims kyi pha rol tu phyin pa la spyod cing/ tshul khrims ngan pa'i sbyor ba la rjes su brtson par mi gnas so/ /bzod pa'i pha rol tu phyin pa la spyod cing/ 'khrug pa'i sbyor ba la rjes su brtson par mi gnas so/ brtson 'grus kyi pha rol tu phyin pa la spyod cing/ le lo'i sbyor ba la rjes su brtson par mi gnas so/ /bsam gtan gyi pha rol tu phyin pa la spyod cing/ g.yeng ba'i sbyor ba la rjes su brtson par mi gnas so/ /shes rab kyi pha rol tu phyin pa la spyod cing/ shes rab 'chal pa'i spyor ba la rjes su brtson par mi gnas so/ /de chos thams cad stong pa nyid la spyod cing chos 'dod pa yin gyi/ chos mi 'dod pa ma yin/ de chos kyi dbyings la spyod cing/ chos tha dad pa'i legs pa brjod pa ma yin/ de sangs rgyas bcom ldan 'das rnams dang/ byang chub sems dpa' sems dpa' chen po rnams la bshes gnyen du sems pa yin/ @513a @#/ /rigs kyi bu dang rigs kyi bu mo nyan thos dang/ rang sangs rgyas kyi theg pa pa dang ji snyed pa de dag kyang/ bla na med pa yang dag par rdzogs pa'i byang chub tu yang dag par bskul zhing 'god do/ /'dul lo/ /rab tu gzhog go /de de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed cing blta ba'i phyir/ 'jig rten gyi khams gang na bzhugs shing 'tsho skyong ba der skyes te/ der skye bar 'dod cing 'di ltar sangs rgyas yid la bya bas nyin mtshan du rnam par spyod de/ de ci'i phyir zhe na/ rab 'byor/ de ni 'di ltar phyir mi ldog pa'i byang chub sems dpa' sems dpa' chen po de dag ni phal cher 'dod pa'i khams dang ldan pa'i yid la bya ba bskyed cing dge ba bcu'i las kyi lam la gnas pas/ sangs rgyas kyi zhing de dag tu skye bar 'gyur ro/ /bsam gtan dang po bskyed/ bsam gtan gnyis pa dang/ bsam gtan gsum pa dang/ bsam gtan bzhi pa bskyed/ 'du shes med 'du shes med min skye mched la snyoms par 'jug pa'i bar du bskyed cing/ gang na de bzhin gshegs pa dgra bcom pa yang dag par rdzogs pa'i sangs rgyas mngon du gyur par bzhugs shing 'tsho skyong ba dang/ chos ston pa der skye ste/ rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems @513b dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po shes rab kyi pha rol tu phyin pa la spyod pa/ nang stong pa nyid la gnas pa dang/ dngos po med pa'i ngo bo nyid stong pa nyid kyi bar la gnas pa dang/ dran pa nye bar bzhag pa rnams la gnas pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa la gnas pa dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa la gnas pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang; mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo la gnas pa dang/ de bzhin gshegs pa'i stobs bcu dang/ mi 'jigs pa bzhi dang; so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad la gnas pa de ni 'di snyam du bdag ni phyir ldog pa'am/ phyir mi ldog pa ma yin no snyam yang mi byed de/ the tshom mi skye zhing rang gi sa la yid gnyis med do/ /de ci'i phyir zhe na/ de ni 'di ltar des phyir ldog pa dang/ phyir ldog pa ma yin pa'i chos @514a @#/ /rdul tsam yang yang dag par rjes su mi mthong ngo/ /rab 'byor/ 'di lta ste/ dper na/ rgyun du zhugs pa'i skyes bu rgyun du zhugs pa'i sa la gnas pa ni/ rang gi sa la nem nur med cing the tshom mi za'o/ /lan gcig phyir 'ong ba lan gcig phyir 'ong ba'i sa la gnas pa dang/ phyir mi 'ong ba phyir mi 'ong ba'i sa la gnas pa dang/ dgra bcom pa dgra bcom pa'i sa la gnas pa ni/ rang gi sa la nem nur med cing the tshom mi za'o/ /rang sangs rgyas rang sangs rgyas kyi sa la gnas pa ni/ rang gi sa la nem nur med cing the tshom mi za'o/ /byang chub sems dpa' byang chub sems dpa'i sa la gnas pa ni/ rang gi sa la nem nur med cing the tshom mi za'o/ /yang dag par rdzogs pa'i sangs rgyas/ yang dag par rdzogs pa'i sangs rgyas kyi sa la gnas pa ni/ rang gi sa la nem nur med cing the tshom mi za'o/ /rab 'byor/ de bzhin du byang chub sems dpa' sems dpa' chen po rang gi sa la gnas pa yang nem nur med cing the tshom mi za zhing/ de phyir mi ldog pa'i sa de la gnas te/ sangs rgyas kyi zhing yang yongs su sbyong ngo/ /sems can rnams kyang yongs su smin par byed do/ /bdud kyi las skyes shing byung ba dag kyang shes te/ bdud kyi las kyi dbang du'ang mi 'gro/ /bdud kyi las de dag thams cad kyang rnam par 'jogs shing srab mor byed do/ /rab 'byor/ 'di lta ste/ dper na/ @514b mtshams med pa byed byed pa'i skyes bu ni 'chi ka'i bar du'ang mtshams med pa'i sems dang mi 'bral zhing/ mtshams med pa'i sems de rjes su 'brang ngo/ /mtshams med pa'i sems de thabs mkhas pa thams cad kyis kyang rnam par gzhil bar mi nus te/ kun nas ldang ba de 'chi ka'i bar du'ang rjes su 'brang ngo/ /rab 'byor/ de bzhin du phyir mi ldog pa'i byang chub sems dpa' sems dpa' chen po'i phyir mi ldog pa'i sems kyang phyir mi ldog pa'i sems kyang phyir mi ldog pa'i sa la gnas pa ste/ sems de rnam par brtag tu med cing mi skul bas/ de ni lha dang/ mi dang/ lha ma yin du bcas pa'i 'jig rten gyis phyir bzlog par mi nus so/ /de ci'i phyir zhe na/ de ni 'di ltar sems des lha dang/ mi dang/ lha ma yin du bcas pa'i 'jig rten las 'das te/ yang dag pa'i skyon med par zhugs pas de rang gi sa la gnas shing/ mngon par shes pa rnams la pha rol tu phyin pa'i mchog thob pas/ sangs rgyas kyi zhing yongs su dag par byed do/ /sems can rnams kyang yongs su smin par byed do/ /sangs rgyas bcom ldan 'das rnams blta ba dang/ de dag la phyag bya ba dang/ chos mnyan pa'i phyir/ sangs rgyas kyi zhing nas sangs rgyas kyi zhing du'ang 'gro'o/ /sangs rgyas kyi zhing de dag gis sangs rgyas bcom ldan 'das rnams la dge ba'i rtsa ba mang po'ang bskyed cing/ sangs rgyas bcom ldan 'das de dag la kun 'dri zhing yongs su zhu ba byed/ bsnyen bkur byed do/ / @515a @#/ /rab 'byor/ byang chub sems dpa' sems dpa' chen po de de ltar gnas pas bdud kyi las skyes shing byung ba rnams khong du chud de/ bdud kyi las skyes shing byung ba dag gi dbang du'ang mi 'gro'o/ /bdud kyi las de dag kyang thabs mkhas pas yang dag pa'i mtha' la sbyor bar byed cing de rang gi sa la nem nur med cing the tshom mi za'o/ /de ci'i phyir zhe na/ de ni 'di ltar de yang dag pa'i mtha' la nem nur med pas/ yang dag pa'i mtha' gcig gam/ gnyis su yang dag par rjes su mi mthong ste/ de ltar shes pas de tshe 'phos nas kyang/ nyan thos dang/ rang sangs rgyas kyi sar sems mi skye'o/ /de ci'i phyir zhe na/ rab 'byor/ de ni 'di ltar byang chub sems dpa' sems dpa' chen pos ni chos thams cad rang gi mtshan nyid kyis stong pa la/ chos gang yang skye ba'am/ 'gag pa'am/ kun nas nyon mongs pa'am/ rnam par byang ba yang dag par rjes su mi mthong ngo/ /rab 'byor/ byang chub sems dpa' sems dpa' chen po de tshe 'phos nas kyang 'di snyam du bdag ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ro snyam du mi byed de/ gdon mi za bar bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro snyam sems so/ /de ci'i phyir zhe na/ rab 'byor/ de ni 'di ltar bla na med pa @515b yang dag par rdzogs pa'i byang chub ni rang gi mtshan nyid kyis stong ngo/ /rab 'byor/ byang chub sems dpa' sems dpa' chen po rang gi sa la de ltar gnas pa ni rang gi sa la thub pa med pa yin te; de ci'i phyir a' [@#data missing here] sems dpa' chen po'i drung du bdud sdig to can sangs rgyas kyi cha byad du nye bar 'ongs nas/ 'di skad du khyod kyis 'di nyid du dgra bcom pa thob par gyis shig /khyod ni bla na med pa yang dag par rdzogs pa'i byang chub tu lung ma bstan to/ /de bzhin gshegs pa dgra bcom pa yang dag par rdzogs pa'i sangs rgyas de dag gis gang gis khyod bla na med pa yang dag par rdzogs pa'i byang chub tu lung bstan par 'gyur ba'i mi skye ba'i chos la bzod pa khyod kyi ma thob bo/ /rnam pa gang dag dang/ tshul gang dag dang/ mtshan ma gang dag dang ldan pa'i byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan pa'i rnam pa de dag dang/ tshul de dag dang/ mtshan ma de dag kyang khyod la med do zhes zer yang/ rab 'byor/ gal te byang chub sems dpa' sems dpa' chen pos sgra de thos nas mi 'jum mi 'gong zhing/ de'i @516a @#/ /sems gzhan du mi 'gyur la yid skrag par mi 'gyur na/ rab 'byor/ byang chub sems dpa' sems dpa' chen pos bdag ni de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan to/ /de ci'i phyir zhe na/ [@##data incomplete here] @517a @#/ /bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po ni shes rab kyi pha rol tu phyin pa la spyod pa'i tshe/ dam pa'i chos yongs su gzung ba'i phyir bdag kyang yongs su gtong la/ srog yongs su chad par 'gyur yang sdod cing chos de yongs su mi gtong ngo/ /rab 'byor/ byang chub sems dpa' sems dpa' chen po de ni dam pa'i chos yongs su gzung ba'i phyir 'di ltar brtson par byed de/ 'das pa dang/ ma byon pa dang/ da ltar byung ba'i sangs rgyas bcom ldan 'das rnams kyi dam pa'i chos yongs su bzung zhing/ dam pa'i chos yongs su mi gtong ba de ltar brtson par byed do/ /de ci'i phyir zhe na/ 'di ltar de ni 'di snyam du sems te/ dam pa'i chos yongs su bzung na/ 'das pa dang/ ma byon pa dang/ da ltar byung ba'i sangs rgyas bcom ldan 'das rnams la mchod par 'gyur/ de dag gi dam pa'i chos kyang yongs su gzung bar 'gyur ro snyam mo/ /de la chos gang gi don du byang chub sems dpa' sems dpa' chen po bdag yongs su gtong zhing srog yongs su chad par 'gyur yang sdod pa'i chos de gang zhe na/ rab 'byor/ 'di la de bzhin gshegs pa dgra bcom pa yang dag par rdzogs pa'i sangs rgyas chos thams cad stong ngo zhes chos ston te/ de la skyes bu blun po la la 'di ni chos ma yin/ 'di ni 'dul ba ma yin/ 'di ni @517b ston pas bstan pa ma yin no zhes phyir rgol zhing ngan du brjod de/ rab 'byor/ chos de'i phyir byang chub sems dpa' sems dpa' chen po bdag yongs su gtong zhing srog yongs su chad par 'gyur yang mi gtong ngo/ /rab 'byor/ de ltar byang chub sems dpa' sems dpa' chen pos 'di ltar bslab par bya ste/ gang ma 'ongs pa'i dus na de bzhin gshegs pa 'byung bar 'gyur ba de dag gi nang du bdag kyang grangs su gzhug go / /bdag kyang der lung bstan to/ /chos gang gi phyir bdag yongs su gtong ba dang/ srog yongs su chad par 'gyur yang mi gtong ba de'ang bdag gis chos so zhes bslab bo/ /rab 'byor/ byang chub sems dpa' sems dpa' chen pos don gyi dbang 'di mthong bas dam pa'i chos yongs su gzung ba'i phyir bdag kyang yongs su gtong la srog yongs su chad par 'gyur yang sdod pa yin no/ /rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor/ gzhan yang phyir mi ldog pa'i byang chub sems dpa' sems dpa' chen po ni de bzhin gshegs pa dgra bcom pa yang dag par rdzogs pa'i sangs rgyas chos ston pa la nem nur med/ the tshom mi za zhing gang sangs rgyas bcom ldan 'das de dag gsung ba de thams cad yongs su 'dzin to/ /de @518a @#/ /ltar bzung nas kyang chud za bar mi byed do/ /de ci'i phyir zhe na/ de ni 'di ltar gzungs rab tu thob pa'i phyir ro/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das/ gzungs gang thob pas/ byang chub sems dpa' sems dpa' chen po'i de bzhin gshegs pas gsungs pa'i mdo rnams chab mi 'tshal ba lags/ bcom ldan 'das kyis bka' stsal pa/ rab 'byor/ mi zad pa'i ma tog gi gzungs rab tu thob pas byang chub sems dpa' sems dpa' chen po'i de bzhin gshegs pas gsungs pa'i don rnams chud mi za'o/ /de bzhin du rgya mtsho'i phyag rgya dang/ pad mo rnam par bkod pa dang/ yongs su 'dzin pa'i gzungs rab tu thob pas/ byang chub sems dpa' sems dpa' chen po'i de bzhin gshegs pas gsungs pa'i mdo rnams chud mi za'o/ /gsol pa/ bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas kyis gsungs pa 'ba' zhig chab mi 'tshal du bas kyi/ nyan thos kyis bshad pa ma lags sam/ lhas bshad pa ma lags sam/ klus bshad pa ma lags sam/ gnod sbyin gyis bshad pa ma lags sam/ dri zas bshad pa ma lags sam/ lha ma yin gyis bshad pa ma hlags sam/ nam mkha' lding @518b gis bshad pa ma lags sam/ lto 'phye chen pos bshad pa ma lags sam/ bcom ldan 'das kyis bka' stsal pa/ rab 'byor/ byang chub sems dpa' sems dpa' chen po ni skad dang/ brnga dang/ sgra gang yang rung ? ste/ de dag thams cad la nim nur med cing the tshom med do/ /de ci'i phyir zhe na/ de ltar des gzungs rab tu thob pa'i phyir ro/ /rab 'byor/ rnam pa de dag dang/ tshul de dag dang/ mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /shes rab kyi pha rol tu phyin pa stong phrag nyi shu lnga pa las/ phyir mi ldog pa'i le'u ste bzhi bcu pa'o// //de skad ces bka' stsal pa dang/ tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das/ phyir mi ldog pa'i byang chub sems dpa' sems dpa' chen po ni yon tan chen po dang ldan pa'o/ /bcom ldan 'das/ phyir mi ldog pa'i byang chub sems dpa' sems dpa' chen po ni tshad ma mchis/ grangs ma mchis/ dpag tu ma mchis pa'i yon tan dang ldan pa'o/ /bcom ldan 'das/ phyir mi ldog pa'i byang chub sems dpa' sems dpa' chen po ni bskyed du ma mchis pa'i yon tan dang ldan pa'o/ /bcom ldan 'das kyis bka' stsal pa/ rab 'byor/ de de bzhin no/ de de bzhin te/ rab 'byor/ phyir mi ldog pa'i byang chub sems dpa' sems dpa' chen po ni yon tan chen po dang ldan pa'o/ /rab 'byor/ phyir mi @519a @#/ /ldog pa'i byang chub sems dpa' sems dpa' chen po ni tshad med grangs med dpag tu med pa'i yon tan dang ldan pa'o/ /rab 'byor/ phyir mi ldog pa'i byang chub sems dpa' sems dpa' chen po ni bskyed du med pa'i yon tan dang ldan pa'o/ /de ci'i phyir zhe na/ de ni 'di ltar des nyan thos dang/ rang sangs rgyas thams cad dang thun mong ma yin pa'i ye shes mtha' yas mu med pa rab tu thob ste/ ye shes de la gnas shing phyir mi ldog pa'i byang chub sems dpa' sems dpa' chen po so so yang dag par rig pa mngon par bsgrubs pa; gang gis lha dang/ mi dang/ lha ma yin du bcas pa'i 'jig rten gyis dris kyang lan zad par mi 'gyur ba'i so so yang dag par rig pa mngon par sgrub bo/ /rab 'byor gyis gsol pa; bcom lg [@#data missing here] rdzogs pa'i sangs rgyas la ni ganggA'i klung gi byed ma snyed kyi bskal par yang rnam pa gang dag dang/ tshul gang dag dang/ mtshan ma gang gis phyir mi ldog pa'i byang chub sems dpa' sems dpa' chen por brjod pa'i phyir mi ldog pa'i byang chub sems dpa' sems dpa' chen po'i rnam pa dang/ tshul dang/ mtshan ma rnams ston pa'i mthu mnga' na/ bcom ldan 'das/ gang la gnas shing byang chub sems dpa' sems dpa' chen po pha rol tu phyin pa drug la @519b spyod pa'i tshe/ dran pa nye bar bzhag pa bzhi yongs su rdzogs par bgyid pa dang/ yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa yongs su rdzogs par bgyid pa dang/ 'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa yongs su rdzogs par bgyid pa dang/ rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa yongs su rdzogs par bgyid pa dang/ mngon par shes pa dang/ ting nge 'dzin dang/ gzungs kyi sgo yongs su rdzogs par bgyid pa dang/ de bzhin gshegs pa'i stobs bcu dang [@##data incomplete here] pha rol tu phyin pa la spyod do/ /ting nge 'dzin rnams dang/ gzungs skyi sgo rnams chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do; ;de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sans rgyas kyi chos ma 'dres pa bco brgyad chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do/ /rnam pa thams cad mkhyen pa nyid kyi bar du chags pa'am/ ma chags pa zhes bya bar mi spyod na/ shes rab kyi pha rol tu phyin pa la spyod do/ /rab 'byor/ byang chub sems dpa' sems dpa' chen po de ltar spyod na/ gzugs chags pa'am/ ma chags pa zhes bya bar 'du shes pa med do/ /tshor ba dang/ 'du shes dang/ 'du byed dang/ rnam par shes pa chags pa'am/ ma chags pa zhes bya bar 'du shes pa med do/ skye mched dang/ khams dang/ rten cing 'brel par 'byung ba chags pa'am ma chags pa zhes bya bar 'du shes pa med do/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum @521a @#/ /par 'byung ba zab/ ji ltar na pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos rnams zab/ ji ltar na sangs rgyas kyi chos ma 'dres pa bco brgyad kyi bar du zab/ ji ltar na rnam pa thams cad mkhyen pa nyid kyi bar du zab/ ji ltar na byang chub zab ce na/ gzugs kyi de bzhin nyid ji lta ba de bzhin du gzugs zab bo/ /tshor ba dang/ 'du shes dang/ 'du byed dang/ rnam par shes pa'i de bzhin nyid ji lta ba de bzhin du rnam par shes pa zab bo/ /skye mched dang/ khams dang/ rten cing 'brel par 'byung ba'i de bzhin nyid ji lta ba de bzhin du rten cing 'brel par 'byung ba zab bo/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos rnams kyi de bzhin nyid ji lta ba de bzhin du/ byang chub kyi phyogs kyi chos rnams zab bo/ /'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa ? dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa dang/ mngon par shes pa dang/ ting nge 'dzin dang/ gzungs kyi sgo rnams kyi de bzhin nyid ji lta ba de bzhin du gzungs kyi sgo rnams zab bo/ /de bzhin gshegs pa'i stobs dang/ mi 'jigs pa dang/ so so yang dag par rig pa dang/ byams @521b pa chen po dang/ snying rje chen po dang/ sangs rgyas kyi chos ma 'dres pa rnams kyi de bzhin nyid ji lta ba de bzhin du sangs rgyas kyi chos ma 'dres pa rnams zab bo/ /rnam pa thams cad mkhyen pa nyid kyi bar gyi de bzhin nyid ji lta ba de bzhin du rnam pa thams cad mkhyen pa nyid zab bo/ /byang chub kyi de bzhin nyid ji lta ba de bzhin du byang chub zab bo/ /gsol pa/ bcom ldan 'das/ gzugs kyi de bzhin nyid ni ji lta bu lags/ bcom ldan 'das/ tshor ba dang/ 'du shes dang/ 'du byed dang/ rnam par shes pa'i de bzhin nyid ni ji lta bu lags/ bcom ldan 'das/ skye mched dang/ khams dang/ rten cing 'brel par 'byung ba'i de bzhin nyid ni ji lta bu lags/ bcom ldan 'das/ pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos rnams kyi de bzhin nyid ni ji lta bu lags/ bcom ldan 'das/ sangs rgyas kyi chos ma 'dres pa bco brgyad kyi bar gyi de bzhin nyid ni ji lta bu lags/ bcom ldan 'das/ rnam pa thams cad mkhyen pa nyid kyi bar gyi de bzhin nyid ni ji lta bu lags/ byang chub kyi de bzhin nyid ni ji lta bu lags/ bcom ldan 'das kyis bka' stsal pa/ rab 'byor/ gzugs kyi de bzhin nyid de la gzugs kyang med/ gzugs las gud na'ang de bzhin nyid med do/ gzugs kyi de bzhin nyid ni de lta bu'o/ /rab 'byor/ tshor ba dang/ 'du shes dang/ 'du byed dang/ rnam par shes pa'i de bzhin @522a @#/ /nyid de la rnam par shes pa'ang med/ rnam par shes pa las gud na'ang de bzhin nyid med de/ rnam par shes pa'i de bzhin nyid ni de lta bu'o/ /rab 'byor/ skd0 [@##data incomplete here] par 'jug pa'ang med/ gzugs med pa'i snyoms par 'jug pa las gud na'ang de bzhin nyid med de/ gzugs med pa'i snyoms par 'jug pa'i de bzhin nyid ni de lta bu'o/ /rnam par thar pa dang/ mthar gyis gnas pa'i snyoms par 'jug pa dang/ stong pa nyid dang/ mtshan ma med pa dang/ smon pa med pa'i de bzhin nyid de la/ stong pa nyid dang/ mtshan ma med pa dang/ smon pa @522b med pa'ang med/ stong pa nyid dang/ mtshan ma med pa dang/ smon pa med pa las gud na'ang de bzhin nyid med de/ stong pa nyid dang/ mtshan ma med pa dang/ smon pa med pa'i de bzhin nyid ni de lta bu'o/ /mngon par shes pa dang/ ting nge 'dzin dang/ gzungs kyi sgo dang/ de bzhin gshegs pa'i stobs dang/ mi 'jigs pa dang/ so so yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa'i de bzhin nyid de la sangs rgyas kyi chos ma 'dres pa rnams kyang med/ sangs rgyas kyi chos ma 'dres pa rnams las gud na'ang de bzhin nyid med de/ sangs rgyas kyi chos ma 'dres pa rnams kyi de bzhin nyid ni de lta bu'o/ /rab 'byor/ rnam pa thams cad mkhyen pa nyid kyi bar gyi de bzhin nyid de la/ rnam pa thams cad mkhyen pa nyid kyang med/ rnam pa thams cad mkhyen pa nyid las gud na'ang de bzhin nyid med de/ rnam pa thams cad mkhyen pa nyid kyi de bzhin nyid ni de lta bu'o/ /rab 'byor/ byang chub kyi de bzhin nyid de la/ byang chub kyang med/ byang chub las gud na'ang de bzhin nyid med de/ byang chub kyi de bzhin nyid ni de lta bu'o/ /gsol pa/ bcom ldan 'das/ de ltar thabs phra bas phyir mi ldog pa'i byang chub sems dpa' sems dw [@#data missing here] d la/ tshul khrims kyi phung po yang yod/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes mthong ba'i phung po yang yod/ rgyun du zhugs pa'i 'bras bu'ang yod/ lan gcig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa nyid dang/ rang byang chub kyang yod/ bla na med pa yang dag par rdzogs pa'i byang chub kyang yod/ rgyun du zhugs pa'ang yod/ lan gcig phyir 'ong ba dang/ phyir mi 'ong ba dang/ dgra bcom pa dang/ rang sangs rgyas kyang yod/ de bzhin gshegs pa dgra bcom pa yang dag par rdzogs pa'i sangs rgyas kyang yod/ sangs rgyas dkon mchog dang/ chos dkon mchog dang/ dge 'dun dkon mchog kyang yod/ chos kyi 'khor lo bskor ba'ang yod pa'i bcom ldan 'das ma shes rab kyi pha rol tu phyin pa la phyag 'tshal lo snyam pa dang/ de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor/ byang chub sems dpa' [@##data incomplete here] @524a @#/ /'das kyis bka' stsal pa/ rab 'byor/ skyes bu de'i rnam par rtog pa ni nyin mtshan 'das pas ji snyed cig 'byung ba de snyed kyi bskal par ? byang chub sems dpa' sems dpa' chen po 'khor ba spong zhing rgyab kyis ltas par 'gyur ro/ /gang shes rab kyi pha rol tu phyin pa zab mo ji skad du bstan pa 'di la slob pa dang/ nye bar rtog pa dang/ sems pa dang/ nyes pa gang gis byang chub sems dpa' sems dpa' chen po bla na med pa yang dag par rdzogs pa'i byang chub las phyir ldog pa'i nyes pa de dag ci nas kyang spang bar 'gyur ba de ltar brtson par byed na/ rab 'byor/ de ltar brtson pas rjes su brtson pa'i byang chub sems dpa' sems dpa' chen po shes rab kyi pha rol tu phyin pa las ji skad bstan pa bzhin du gnas pa des nyin gcig la dge ba'i rtsa ba gang yongs su bzung ba des/ ganggA'i klung gi bye ma snyed kyi 'jig rten gyi khams rnams yongs su gang bar gyur kyang/ des ni dge ba'i rtsa ba de'i lhag ma la brgya'i char yang nye bar mi 'gro'o/ /stong gi cha dang/ brgya stong gi cha dang/ grangs dang/ cha dang/ bgrang ba dang/ dpe dang rgyu'i bar du yang nye bar mi 'gro'o/ /rab 'byor/ gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bskal pa ganggA'i klung gi bye ma snyed kyi sangs rgyas dkon mchog dang/ chos dkon mchog dang/ dge 'dun dkon mchog dang/ @524b dkon mchog gsum la sbyin pa byin na/ rab 'byor/ de ji snyam du sems/ byang chub sems dpa' sems dpa' chen po'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ste/ tshad ma mchis grangs ma mchis dpag tu ma mchis/ bsam gyis mi khyab mtshungs pa ma mchis so/ /bcom ldan 'das kyis bka' stsal pa/ rab 'byor/ de bas kyang byang chub sems dpa' sems dpa' chen po/ gang shes rab kyi pha rol tu phyin pa zab mo ji skad du bstan pa 'di la brtson par byed na/ de'i bsod nams ches mang du 'phel lo; ;de ci'i phyir zhe na/ tshul gang gis bla na med pa yang dag par rdzogs pa'i byang chub tu mngon par rdzogs par 'tshang rgya ba de ni byang chub sems dpa' sems dpa' chen po rnams kyi tshul lo;; //shes rab kyi pha rol tu phyin pa stong phrag nyi shu lnga pa/ bam po lnga bcu gnyis pa/ rab 'byor/ de ji snyam du sems/ byang chub sems dpa' sems dpa' chen po gang shes rab kyi pha rol tu phyin pa dang bral ba/ ganggA'i klung gi bye ma snyed kyi bskal par 'dug cing rgyun du zhugs pa la yon phul/ lan gcig phyir 'ong ba dang/ phyir mi 'ong ba dang/ dgra bcom pa dang/ rang sangs rgyas dang/ byang chub sems dpa' dang/ de bzhin gshegs pa dgra bcom pa yang dag par rdzogs pa'i sangs rgyas rnams la yon phul na/ rab @525a @#/ /'byor/ de ji snyam du sems/ byang chub sems dpa' sems dpa' chen po de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ rab 'byor/ de bas kyang rigs kyi bu'am rigs kyi bu mo gang shes rab kyi pha rol tu phyin pa zab mo ji skad bstan pa 'di la brtson par byed na/ de'i bsod nams ches mang du 'phel lo/ /de ci'i phyir zhe na/ shes rab kyi pha rol tu phyin pa 'di la spyod pa'i byang chub sems dpa' sems dpa' chen po ni nyan thos dang/ rang sangs rgyas kyi sa las 'das nas/ byang chub sems dpa'i skyon med par 'jug cing/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /rab 'byor/ de ji snyam du sems/ byang chub sems dpa' sems dpa' chen po shes rab kyi pha rol tu phyin pa dang bral ba zhig bskal pa ganggA'i klung gi bye ma snyed du 'dug cing 'tsho ste/ sbyin pa byin/ tshul khrims bsrungs/ bzod pa bsgrubs/ brtson 'grus brtsams/ bsam gtan la mnyam par bzhag / shes rab bsgoms na de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ rab 'byor/ @525b de bas kyang rigs kyi bu'am rigs kyi bu mo gang gis shes rab kyi pha rol tu phyin pa 'di la gnas te/ nyi ma 'ga' zhig sbyin pa byin pa dang/ tshul khrims bsrungs pa dang/ bzod pa bsgrubs pa dang/ brtson 'grus brtsams pa dang/ bsam gtan la mnyam par bzhag pa dang/ shes rab bsgoms pa de'i bsod nams ches mang du 'phel lo/ /de ci'i phyir zhe na/ rab 'byor/ 'di lta ste/ shes rab kyi pha rol tu phyin pa 'di ni byang chub sems dpa' sems dpa' chen po rnams kyi ma'o/ /'di lta ste/ shes rab kyi pha rol tu phyin pa 'di ni byang chub sems dpa' sems dpa' chen [@#data incomplete here] / rigs kyi bu'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ rab 'byor/ de bas kyang rigs kyi bu'am rigs kyi bu mo gang gis shes rab @526a @#/ /kyi pha rol tu phyin pa 'di las ji skad bstan pa bzhin du gnas te/ nyi ma 'ga' zhig chos kyi sbyin pa byin na de'i bsod nams de'i rgyus ches mang du 'phel lo/ /de ci'i phyir zhe na/ rab 'byor/ de ni 'di ltar byang chub sems dpa' sems dpa' chen po gang shes rab kyi pha rol tu phyin pa dang bral ba ni rnam pa thams cad mkhyen pa nyid dang bral ba'o/ /rab 'byor/ byang chub sems dpa' sems dpa' chen po gang shes rab kyi pha rol tu phyin pa dang ma bral ba de ni rnam pa thams cad mkhyen pa nyid dang ma bral ba ste/ rab 'byor/ de bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab [@##data incomplete here] 'byor/ de ji snyam du sems/ shes rab kyi pha rol tu phyin pa dang ma bral ba'i byang chub sems dpa' sems dpa' chen pos bskal pa ganggA'i klung gi bye ma snyed du gnas te/ dran pa nye bar bzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang [@##data incomplete here] gi zhes rlom sems su mi byed/ gzungs kyi sgo rnams la rlom sems su mi byed na/ de rmi lam rlom sems su mi byed/ rmi lam gyis rlom @527b yongs su bsngos na/ rigs kyi bu'am rigs kyi bu mo de'i bsod nams ches mang du 'phel lo/ /de ci'i phyir zhe na/ 'di lta ste/ shes rab kyi pha rol tu phyin pa'i yongs su bsngo ba 'di ni bsngo ba'i mchog go / gang shes rab kyi pha rol tu phyin pa dang bral bar yongs su bsngo ba de ni yongs su bsngo ba ma yin no/ /rab 'byor/ de lta bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas shes rab kyi pha rol tu phyin pa'i yongs su bsngo ba la mkhas par bya'o/ /rab 'byor/ de ji snyam du sems/ rigs kyi bu'am rigs kyi bu mo shes rab kyi pha rol tu phyin pa dang bral ba gang la las bskal pa ganggA'i klung gi bye ma snyed du gnas te/ 'das pa dang/ ma byon pa dang/ da ltar byung ba'i sangs rgyas bcom ldan 'das nyan thos kyi dge 'dun dang bcas pa rnams kyi dge ba'i rtsa ba gang ji snyed pa de thams cad la/ rjes su yi rang nas bla na med pa yang dag par rdzogs pa'i byang chub tu yongs su bsngos na/ rigs kyi bu'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das/ mang ngo/ /bde bar gshegs pa/ mang ngo/ /bcom ldan 'das kyis bka' stsal pa/ rab 'byor/ de bas kyang rigs kyi bu'am rigs kyi bu mo gang gis shes rab kyi pha rol tu phyin pa zab mo ji skad du bstan pa 'di la @528a @#/ /gnas te/ nyi ma 'ga'i dge ba'i rtsa ba bla na med pa yang dag par rdzogs pa'i byang chub tu yongs su bsngos na/ rigs kyi bu'am rigs kyi bu mo de'i bsod nams ches mang du 'phel lo/ /de ci'i phyir zhe na/ rab 'byor/ bsngo ba thams cad kyi sngon du 'gro ba ni shes rab kyi pha rol tu phyin pa'o/ /rab 'byor/ de lta bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab kyi pha rol tu phyin pa'i yongs su bsngo ba la mkhas par bya'o/ /gsol pa/ bcom ldan 'das/ mngon par 'du bgyi ba ma mchis pa ni/ yongs su brtags pa'o zhes bcom ldan 'das kyis bka' stsal na/ de la ji ltar rigs kyi bu'am rigs kyi bu mo de'i bsod nams ches mang du 'phel bar 'gyur ba lags/ bcom ldan 'das/ mngon par 'du bgyi ba ma mchis pas ni/ yang dag par lta ba bskyed pa'am/ skyon ma mchis par yang 'jug par mi nus so/ /rgyun du zhugs pa'i 'bras bu 'thob pa'am/ lan gcig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid 'thob pa'am/ bla na med pa yang dag par rdzogs pa'i byang chub tu mngon par rdzogs par 'tshang rgya ba'i bar du'ang mi nus so/ /bcom ldan 'das kyis bka' stsal pa/ rab 'byor/ @528b de de bzhin no/ /de de bzhin te/ mngon par 'du bya ba med pas ni yang dag par lta ba bskyed pa'am/ skyon med par 'jug pa'am/ rgyun du zhugs pa'i 'bras bu 'thob pa'am/ lan gcig phyir 'ong ba'i 'bras bu'am/ phyir mi 'ong ba'i 'bras bu'am/ dgra bcom pa nyid 'thob pa'am/ bla na med pa yang dag par rdzogs pa'i byang chub tu mngon par rdzogs par 'tshang rgya bar yang mi nus te/ rab 'byor/ de la byang chub sems dpa' sems dpa' chen po shes rab kyi pha rol tu phyin pa la spyod pa'i sbyin pa de yang mngon par 'du bya ba med pa ste/ stong pa nyid du snang ngo/ / gsob nyid du snang ngo/ /gsog nyid du snang ngo/ /snying po med pa nyid du snang ngo/ /de ci'i phyir zhe na/ rab 'byor/ 'di ltar byang chub sems dpa' sems dpa' chen po ni nang stong pa nyid la shin tu bslabs pa'o/ /dngos po med pa'i ngo bo nyid stong pa nyid kyi bar la shin tu bslabs pa'o/ /rab 'byor/ byang chub sems dpa' sems dpa' chen po de ni stong pa nyid de dag la gnas shing/ ji lta ji ltar mngon par 'du bya ba med pa de dag la rab tu rtog pa/ de lta de ltar byang chub sems dpa' sems dpa' chen po shes rab kyi pha rol tu phyin pa dang ma bral bar 'gyur te/ ji lta ji ltar byang chub sems dpa' sems dpa' chen po shes rab kyi pha rol tu phyin pa dang ma bral ba de lta de ltar grangs med dpag tu med tshad med pa'i bsod nams 'phel @529a @#/ /bar 'gyur ro/ /gsol pa/ bcom ldan 'das/ grangs ma mchis pa dang/ dpag tu ma mchis pa dang/ tshad ma mchis pa la bye brag ni ci mchis/ khyad ni ci mchis/ bcom ldan 'das kyis bka' stsal pa/ rab 'byor/ grangs med pa zhes bya ba ni gang 'dus byas kyi khams sam/ 'dus ma byas kyi khams su bgrang bar nye bar mi 'gro ba'o/ /rab 'byor/ dpag tu med pa zhes bya ba ni 'das pa dang/ ma 'ongs pa dang/ da ltar byung ba'i chos rnams la tshad mi dmigs pa'o/ /rab 'byor/ tshad med pa zhes bya ba ni gang gzhal bar mi nus pa'o/ /gsol pa/ bcom ldan 'das/ rnam grangs gang gis gzugs kyang grangs ma mchis/ dpag tu ma mchis/ tshad ma mchis par 'gyur zhing/ tshor ba dang/ 'du shes dang/ 'du byed dang/ rnam par shes pa'ang grangs ma mchis/ dpag tu ma mchis/ tshad ma mchis par 'gyur ba'i rnam grangs de lta bu mchis sam/ bcom ldan 'das kyis bka' stsal pa; rab 'byor/ rnam grangs gang gis gzugs kyang grangs med/ dpag tu med/ tshad med par 'gyur ba dang/ tshor ba dang/ 'du shes dang/ 'du byed dang/ rnam par shes pa'ang grangs med/ dpag tu med/ tshad med par 'gyur ba'i rnam grangs de lta bu yod do/ /gsol pa/ bcom ldan 'das/ rnam grangs gang gis na gzugs kyang grangs ma mchis/ dpag @529b tu ma mchis/ tshad ma mchis par 'gyur ba lags/ tshor ba dang/ 'du shes dang/ 'du byed dang/ rnam par shes pa'ang grangs ma mchis/ dpag tu ma mchis/ tshad ma mchis par 'gyur ba lags/ bcom ldan 'das kyis bka' stsal pa/ rab 'byor/ gzugs kyang stong pa ste/ grangs med/ dpag tu med/ tshad med pa'o/ /tshor ba dang/ 'du shes dang/ 'du byed dang/ rnam par shes pa'ang stong pa ste/ grangs med/ dpag tu med/ tshad med pa'o/ /gsol pa/ bcom ldan 'das/ gzugs 'ba' zhig stong pa dang/ tshor ba dang/ 'du shes dang/ 'du byed dang/ rnam par shes pa 'ba' zhig stong du bas kyi/ chos thams cad stong pa ma lags sam/ bcom ldan 'das kyis bka' stsal pa/ rab 'byor/ de ji snyam du sems/ ngas chos thams cad stong pa'o zhes ma bshad dam/ gsol pa/ bcom ldan 'das/ de bzhin gshegs pas chos thams cad stong pa'o zhes gsungs te/ stong pa nyid gang lags pa de ni mi bas pa ste/ grangs ma mchis pa'ang de lags ? dpag tu ma mchis pa'ang de lags/ tshad ma mchis pa'ang de lags te/ bcom ldan 'das/ stong pa nyid la ni grangs kyang mi dmigs/ dpag pa'ang mi dmigs/ tshad kyang mi dmigs te; bcom ldan 'das/ de bas na chos de dag la don nam yi ges tha dad du bgyi ba mi dmigs so/ /bcom ldan 'das kyis bka' stsal pa/ rab 'byor/ de de bzhin no/ /de de bzhin te/ @530a @#/ /chos de dag la don nam yi ges tha dad du bya ba mi dmigs so/ /rab 'byor/ mi zad pa zhes bya ba'am/ tshad med pa zhes bya ba'am/ stong pa zhes bya ba'am/ mtshan ma med pa zhes bya ba'am/ smon pa med pa zhes bya ba'am/ mngon par 'du bya ba med pa zhes bya ba'am/ skye ba med pa zhes bya ba'am/ 'dod chags dang bral ba zhes bya ba'am/ 'gag pa med pa zhes bya ba'am/ mya ngan las 'das pa zhes bya ba 'di ni brjod du med pa las de bzhin gshegs pas brjod de/ mi zad pa zhes bya ba'am/ mya ngan las 'das pa zhes bya ba'i bar de ni de bzhin gshegs pa'i bstan pa mngon par bsgrub par bshad pa'o/ /gsol pa/ bcom ldan 'das/ chos rnams kyi chos nyid de bzhin gshegs pas bstan la chos nyid de'ang brjod du ma mchis pa ni ngo mtshar che'o/ /bcom ldan 'das kyis gsungs pa'i don bdag gis 'tshal ba ltar na/ bcom ldan 'das/ chos thams cad ni brjod du ma mchis pa'o/ / bcom ldan 'das kyis bka' stsal pa/ rab 'byor/ de de bzhin no/ /de de bzhin te/ rab 'byor/ chos thams cad ni brjod du med pa'o/ /rab 'byor/ chos thams cad kyi brjod du med pa gang yin pa de ni stong pa nyid de/ stong pa nyid la ni brjod pa gang yang med do/ /stong pa nyid ni brjod pa mi nus so/ /gsol pa/ bcom ldan 'das/ brjod du ma mchis pa'i don la @530b 'phel ba dang/ yongs su 'grib pa mchis sam/ bcom ldan 'das kyis bka' stsal pa/ rab 'byor/ de ni ma yin te/ rab 'byor/ brjod du med pa'i don la ni 'phel ba'am yongs su 'grib pa med do/ /gsol pa; bcom ldan 'das/ gal te brjod du ma mchis pa'i don la 'phel ba dang/ yongs su 'grib pa ma mchis na/ bcom ldan 'das/ des sbyin pa'i pha rol tu phyin pa'ang 'phel ba dang/ yongs su 'grib pa ma mchis par 'gyur ro/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa'ang 'phel ba dang/ yongs su 'grib pa ma mchis par 'gyur ro/ /dran pa nye bar bzhag pa bzhi'ang 'phel ba dang/ yongs su 'grib pa ma mchis par 'gyur ro/ /yang dag par spong ba dang/ rdzu 'phrul gyi rkang pa dang/ dbang po dang/ stobs dang/ byang chub kyi yan lag dang/ 'phags pa'i lam yan lag brgyad pa'ang 'phel ba dang/ yongs su 'grib pa ma mchis par 'gyur ro; ;'phags pa'i bden pa dang/ bsam gtan dang/ tshad med pa dang/ gzugs med pa'i snyoms par 'jug pa dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ stong pa nyid dang/ mtshan ma med pa dang/ smon pa med pa'ang 'phel ba dang/ yongs su 'grib pa ma mchis par 'gyur ro/ /mngon par shes pa rnams dang/ ting nge 'dzin @531a @#/ /rnams dang/ gzungs kyi sgo rnams kyang 'phel ba dang/ yongs su 'grib pa ma mchis par 'gyur ro/ /de bzhin gshegs pa'i stobs bcu dang/ mi 'jigs pa bzhi dang/ so so yang dag par rig pa dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad kyang 'phel ba dang/ yongs su 'grib pa ma mchis par 'gyur ro/ / bcom ldan 'das/ de ltar gyur na pha rol tu phyin pa drug ma mchis par 'gyur ro/ /sangs rgyas kyi chos ma 'dres pa bco brgyad kyi bar du ma mchis par 'gyur ro/ /chos de dag ma mchis pas na rnam pa thams cad mkhyen pa nyid kyang ma mchis par 'gyur ro/ /rnam pa thams cad mkhyen pa nyid ma mchis na/ su zhig bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ bcom ldan 'das kyis bka' stsal pa/ rab 'byor/ de de bzhin no/ /de de bzhin te/ brjod du med pa'i don la ni 'phel ba'am yongs su 'grib pa med do/ /rab 'byor/ gal te thabs mkhas pa'i byang chub sems dpa' sems dpa' chen po shes rab kyi pha rol tu phyin pa la spyod pa dang/ shes rab kyi pha rol tu phyin pa la bsgom pa dang/ shes rab kyi pha rol tu phyin pa la brtson par byed pa'i tshe/ 'di snyam du bdag ni shes rab kyi pha rol tu phyin pas rnam par 'phel lo/ /bdag ni @531b bsam gtan gyi pha rol tu phyin pa dang/ brtson 'grus kyi pha rol tu phyin pa dang/ bzod pa'i pha rol tu phyin pa dang/ tshul khrims kyi pha rol tu phyin pa dang/ sbyin pa'i pha rol tu phyin pas rnam par 'phel lo/ /snyam du mi sems shing 'on kyang de 'di snyam du 'di lta ste/ sbyin pa'i pha rol tu phyin pa 'di ni ming tsam mo/ /'di lta ste/ tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa 'di ni ming tsam mo snyam zhing/ de sbyin pa'i pha rol tu phyin pa la spyod pa'i tshe yid la byed pa de dag dang/ sems bskyed pa de dag dang/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste/ de'ang bla na med pa yang dag par rdzogs pa'i byang chub ji lta ba bzhin du yongs su bsngo'o/ /gsol pa/ bcom ldan 'das/ bla na med pa yang dag par rdzogs pa'i byang chub ji lta bu lags/ bcom ldan 'das kyis bka' stsal pa/ rab 'byor/ chos thams cad kyi de bzhin nyid gang yin pa de/ bla na med pa yang dag par rdzogs pa'i byang chub bo/ /gsol pa/ bcom ldan 'das/ chos thams cad kyi de bzhin nyid bla na med pa yang dag par rdzogs pa'i byang chub lags/ bcom ldan 'das kyis bka' stsal pa/ rab 'byor/ gzugs kyi de bzhin nyid gang yin pa de bla na med @532a @#/ /pa yang dag par rdzogs pa'i byang chub bo/ /tshor ba dang/ 'du shes dang/ 'du byed dang/ rnam par shes pa'i de bzhin nyid gang yin pa de/ bla na med pa yang dag par rdzogs pa'i byang chub bo/ /skye mched dang/ khams dang/ rten cing 'brel bar 'byung ba'i de bzhin nyid gang yin pa de bla na med pa yang dag par rdzogs pa'i byang chub bo/ /pha rol tu phyin pa thams cad dang/ stong pa nyid thams cad dang/ byang chub kyi phyogs kyi chos sum cu rtsa bdun gyi de bzhin nyid gang yin pa de/ bla na med pa yang dag par rdzogs pa'i byang chub bo/ /'phags pa'i bden pa rnams dang/ bsam gtan rnams dang/ tshad med pa rnams dang/ gzugs med pa'i snyoms par 'jug pa rnams dang/ rnam par thar ba rnams dang/ mthar gyis gnas pa'i snyoms par 'jug pa rnams dang/ stong pa nyid dang/ mtshan ma med pa dang/ smon pa med pa dang/ mngon par shes pa rnams dang/ ting nge 'dzin rnams dang/ gzungs kyi sgo rnams kyi de bzhin nyid gang yin pa de bla na med pa yang dag par rdzogs pa'i byang chub bo/ /de bzhin gshegs pa'i stobs rnams dang/ mi 'jigs pa rnams dang/ so so yang dag par rig pa rnams dang/ byams pa chen po dang/ snying rje chen po dang/ sangs rgyas kyi chos ma 'dres pa rnams kyi de bzhin nyid gang yin pa de bla na med pa yang dag par rdzogs pa'i byang chub bo/ /rnam pa thams cad mkhyen pa nyid kyi @532b bar gyi de bzhin nyid gang yin pa de/ bla na med pa yang dag par rdzogs pa'i byang chub bo/ /mya ngan las 'das pa'i de bzhin nyid gang yin pa de bla na med pa yang dag par rdzogs pa'i byang chub ste/ de ni 'phel ba'ang med do/ /yongs su 'grib pa'ang med do/ /rab 'byor/ de la ni byang chub sems dpa' sems dpa' chen po shes rab kyi pha rol tu phyin pa dang ma bral ba rgyun mi 'chad par rtag tu rnam par spyod de/ chos gang la'ang 'phel ba'am yongs su 'grib par yang dag par rjes su mi mthong ngo/ /rab 'byor/ de ltar na brjod du med pa'i don ni 'phel ba med cing yongs su 'grib pa med pa ste/ rab 'byor/ de ltar na sbyin pa'i pha rol tu phyin pa la 'phel ba'ang med/ yongs su 'grib pa'ang med do/ /tshul khrims kyi pha rol tu phyin pa dang/ bzod pa'i pha rol tu phyin pa dang/ brtson 'grus kyi pha rol tu phyin pa dang/ bsam gtan gyi pha rol tu phyin pa dang/ shes rab kyi pha rol tu phyin pa la 'phel ba'ang med/ yongs su 'grib pa'ang med do/ /nang stong pa nyid la 'phel ba'ang med/ yongs su 'grib pa'ang med do/ /dngos po med pa'i ngo bo nyid stong pa nyid kyi bar la 'phel ba'ang med/ yongs su 'grib pa'ang med do@##âŸâƒ3