@#/ 'phags pa shes rab kyi pha rol tu phyin pa rdo rje gcod pa
zhes bya ba bzhugs so//

@01a @#/ /rgya gar skad du/ arya badzra tstshe da ka pra dznyA
pa ra mi ta nA ma ma hA ya na

sU tra/ bod skad du/ 'phags pa shes rab kyi pha rol tu phyin
pa rdo

@02a {dd} @#/ /rje gcod

pa zhes bya ba theg pa

chen po'i mdo/ /sangs {dd}

@02b rgyas dang byang chub sems dpa' thams cad la phyag

'tshal lo/ /'di skad bdag gis thos pa dus gcig

na; bcom ldan 'das mnyan yod na rgyal bu rgyal byed kyi

tshal mgon med zas sbyin gyi kun dga' ra ba na/ dge slong

stong nyis brgya lnga bcu'i dge slong gi dge 'dun chen po
dang/

@03a @#/ /byang chub sems dpa' sems dpa' chen po rab tu

mang po dag dang thabs gcig tu bzhugs so/ /de nas bcom ldan

'das snga dro'i dus kyi tshe/ sham thabs dang chos gos sku la
gsol

te; lhung bzed bsnams nas mnyan lod kyi grong khyer chen por
bsong

snyoms kyi phyir gshegs so/ /de nas bcom ldan 'das mnyan

@03b yod kyi grong khyer chen por bsod snyoms kyi phyir gshegs
nas zhal zas gsol

te zas kyi bya ba mdzad de/ zas phyi ma'i bsod snyoms spangs
nas lhung bzed

dang chos gos bzhag nas/ zhabs bsil te gdan bshams pa la skyil
mo

krung bcas nas sku drang bor bsrang ste ? dran pa mngon du
bzhag nas bzhugs so/ /

de nas dge slong mang pos bcom ldan 'das ga la ba der dong ste
lhags nas/

@04a @#/ /bcom ldan 'das kyi zhabs la mgo bos phyag 'tshal te
lan gsuM bskor

ba byas nas phyogs gcig tu 'khod do/ /yang de'i tshe tshe dang
ldan pa rab 'byor

'khor de nyid du 'dus par gyur te 'dug go /de nas tshe dang
ldan pa rab 'byor

stan las langs te bla gos phrag pa gcig tu gzar nas pus mo
g.yas pa'i

lha nga sa la btsugs te/ bcom ldan 'das ga la ba der logs su
thal mo sbyar

@04b ba btud nas/ bcom ldan 'das la 'di skad ces gsol to/
/bcom ldan 'das

de bzhin gshegs pa dgra bcom pa yang dag par rdzogs pa'i sangs
rgyas kyis

byang chub sems dpa' sems dpa' chen po rnams la phan gdags
pa'i dam

pa ji snyed pas phan gdags pa dang/ de bzhin gshegs pas byang
chub

sems dpa' sems dpa' chen po rnams la yongs su gtad pa'i dam pa
ji

@05a @#/ /snyed pas yongs su gtad pa ni/ bcom ldan 'das ngo
mtshar

lags so/ /bde bar gshegs pa ngo mtshar lags so/ /bcom ldan 'das

byang chub sems dpa'i theg pa la yang dag bar zhugs pas ji
ltar gnas

par bgyi/ ji ltar bsgrub par bgyi/ ji ltar sems rab tu bzung
bar bgyi/

de skad ces gsol ba dang/ bcom ldan 'das kyis tshe dang ldan pa
rab 'byor

@05b la 'di skad ces bka' stsal to/ /rab 'byor legs so legs
so/ /rab

'byor de de bzhin no/ /de de bzhin te/ de bzhin gshegs pas
byang chub sems

dpa' sems dpa' chen po rnams la phan gdags pa'i dam pas phan
gdags

so; ;de bzhin gshegs pas byang chub sems dpa' sems dpa' chen
po

rnams la yongs su gtad ba'i dam pas yongs su gtad do/ /rab
'byor de'i

@06a @#/ /phyir nyon la legs par rab tu yid la zungs shig dang/
byang

chub sems dpa'i theg pa la yang dag par bzhugs pas ji ltar
gnas

par bya ba dang/ ji ltar bsgrub par bya ba dang/ ji ltar sems
rab tu bzung

bar bya ba ngas khyod la bshad do/ /bcom ldan 'das de de bzhin
no/ /zhes

gsol nas/ tshe dang ldan pa rab 'byor bcom ldan 'das kyi ltar
mnyan pa

@06b dang/ bcom ldan 'das kyis tshe dang ldan pa rab 'byor la
'di skad ces bka' stsal to/ /

rab 'byor 'di la byang chub sems dpa'i theg pa la yang dag par
zhugs pas/ 'di

snyam du bdag gis sems can ji tsam sems can du bsdu bas bsdus
pa/ sgo nga las

skyes pa'am/ mngal las skyes pa'am/ drod gsher las skyes
pa'am/ rdzus te skyes

pa'am/ gzugs can nam/ gzugs can ma yin pa'am/ 'du shes can
naM/ 'du shes

@07a @#/ /med 'du shes med min naM/ sems can gyi khams ji tsaM
sems can du gdags

ba'i brtags pa de dag thams cad phung po lhag ma med pa'i mya
ngan las 'das pa'i

dbyings su yongs su mya ngan las bzla'o/ /de ltar sems can
tshad med pa yongs su

mya ngan las 'das kyang/ sems can gang yang yongs su mya ngan
las 'das

par 'gyur ba med do snyam du sems bskyed par bya'o/ /de ci'i
phyir zhe na/ rab 'byor

@07b gal te byang chub sems dpa' sems can du 'du shes 'jug na/
de byang chub sems

dpa' zhes mi bya ba'i phyir ro/ /de ci'i phyir zhe na/ rab
'byor gang sems can du 'du

shes 'jug gam/ srog tu 'du shes 'jug gam/ gang zag tu 'du shes
'jug na/ de

byang chub sems dpa' zhes mi bya ba'i phyir ro/ /yang rab
'byor byang chub sems dpa'

dngos po la mi gnas par sbyin pa sbyin par bya'o/ /ci la yang
mi gnas par sbyin pa sbyin

@08a @#/ /par bya'o/ /gzugs la yang mi gnas par sbyin pa sbyin
par bya'o/ /

de bzhin du sgra dang/ dri dang ro dang/ reg bya dang/ chos la
yang mi gnas bar sbyin pa

sbyin par bya'o/ /rab 'byor ci nas kyang mtshan mar 'du shes pa
la yang mi gnas par

de ltar byang chub sems dpas sbyin pa sbyin no/ /de ci'i phyir
zhe na/ rab 'byor byang chub

sems dpa' gang mi gnas bar sbyin pa sbyin pa de'i bsod nams
kyi phung

@08b po ni/ rab 'byor tshad gzung bar sla ba ma yin pa'i phyir
ro/ /rab 'byor 'di ji snyam

du sems/ shar phyogs kyi nam mkha'i tshad gzung bar sla snyam
mam/ rab 'byor gyis

gsol ba/ bcom ldan 'das de ni ma lags so/ /bcom ldan 'das kyis
bka'

stsal pa/ rab 'byor de bzhin du lho dang/ nub dang/ byang
dang/ steng dang/ 'og gi phyogs

dang/ phyogs mtshams dang/ phyogs bcu'i nam mkha'i tshad bzung
bar sla snyam mam/

@09a @#/ /rab 'byor gyis gsol pa/ bcom ldan 'das de ni ma lags
so/ /

bcom ldan 'das kyis bka' stsal pa/ rab 'byor de bzhin du byang
chub sems dpa'

gang la yang mi gnas par sbyin pa sbyin pa de'i bsod nams kyi
phung po ni/ rab 'byor

tshad bzung bar sla ba ma yin pa'i phyir ro/ /rab 'byor 'di ji
snyam du sems/ mtshan

phun sum tshogs pas de bzhin gshegs par blta bar bya snyam mam/
rab 'byor

@09b gyis gsol pa/ bcom ldan 'das de ni ma lags so/ /mtshan
phun sum tshogs

pas de bzhin gshegs par blta bar mi bgyi lags so/ /de ci'i
slad du zhe na/ de

bzhin gshegs pas mtshan phun sum tshogs pa zhes gang gsungs pa
de nyid/ mtshan

phun sum tshogs pa ma mchis pa'i slad du'o/ /de skad ces gsol
pa dang/ bcom ldan

'das kyis tshe dang ldan pa rab 'byor la 'di skad ces bka'
stsal to/ /rab 'byor ji tsam

@10a @#/ /du mtshan phun sum tshogs pa de tsam du brdzun no/ /ji
tsam du ma chen

phun sum tshogs pa med pa de tsam du mi brdzun te/ de ltar na
de bzhin gshegs pa la

mtshan dang mtshan ma med par blta'o/ /de skad ces bka' stsal pa
dang/ bcom ldan 'das

la tshe dang ldan pa rab 'byor gyis 'di skad ces gsol to/ /bcom
ldan 'das ma

'ongs pa'i dus lnga brgya'i tha ma la/ dam pa'i chos rab tu
rnam par 'jig par 'gyur

@10b ba na; sems can gang la la dag 'di lta bu'i mdo sde'i
tshig bshad pa dag la yang

dag par 'du shes bskyed par 'gyur ba 'byung pa lta mchis lags
sam/ bcom

ldan 'das kyis bka' stsal pa/ rab 'byor gang khyod 'di skad du
ma 'ongs pa'i dus

lnga brgya'i tha ma la/ dam pa'i chos rab tu rnam par 'jig par
'gyur ba na/ sems

can gang la la dag 'di lta bu'i mdo sde'i tshig bshad pa dag la
yang dag par 'du 

@11a @#/ /shes bskyed par 'gyur ba 'byung ba lta mchis lags sam
zhes khyod de

skad ma zer cig  /rab 'byor ma 'ongs pa'i dus lnga brgya'i tha
ma la dam pa'i chos rab

tu rnam par 'jig par 'gyur ba na/ byang chub sems dpa' sems dpa'
chen

po tshul khrims dang ldan pa yon tan dang ldan pa/ shes rab dang
ldan pa dag

'byung ste/ rab 'byor byang chub sems dpa' sems dpa' chen po de
dag kyang

@11b sangs rgyas gcig la bsnyen bkur byas pa ma yin/ sangs rgyas
gcig la dge ba'i

rtsa ba bskyed pa ma yin gyi/ rab 'byor sangs rgyas 'bum phrag
du ma la bsnyen bkur

byas shing sangs rgyas 'bum phrag du ma la dge ba'i rtsa ba dag
bskyed pa'i byang chub sems

dpa' sems dpa' chen po de dag 'byung ngo/ /rab 'byor gang dag
'di lta bu'i mdo sde'i

bshad pa dag la sems dad pa gcig tsam rnyed par 'gyur ba de dag
ni/ de bzhin gshegs pas mkhyen

@12a @#/ /to/ rab 'byor de dag ni de bzhin gshegs pas gzigs te/
rab 'byor

sems can de dag thams cad ni bsod nams kyi phung po dpag tu med
pa bskyed

cing yongs su sdud par 'gyur ro/ /de ci'i phyir zhe na/ rab
'byor byang chub

sems dpa' sems dpa' chen po de dag ni/ bdag tu 'du shes 'jug par

mi 'gyur zhing/ sems can du 'du shes pa ma yin/ srog tu 'du shes
pa ma

@12b yin; gang zag tu 'du shes 'jug par mi 'gyur ba'i phyir ro/
/rab 'byor byang

chub sems dpa' sems dpa' chen po de dag kyang chos su 'du shes
pa dang/

chos med par yang 'du shes mi 'jug ste/ de dag ni 'du shes med
par yang

'jug par mi 'gyur ro/ /de ci'i phyir zhe na/ rab 'byor gal te
byang chub sems

dpa' sems dpa' chen po de dag ni/ chos su 'du shes 'jug na yang
de nyid

@13a @#/ /de dag gis bdag tu 'dzin par 'gyur zhing/ sems can du
'dzin pa

dang/ srog tu 'dzin pa dang/ gang zag tu 'dzin par 'gyur ba'i
phyir ro/ /gal

te chos bdag med par 'du shes 'jug na yang de nyid de dag gis
bdag tu

'dzin par 'gyur zhing/ sems can du 'dzin pa dang/ srog tu 'dzin
pa dang/ gang

zag tu 'dzin par 'gyur ba'i phyir ro/ /de ci'i phyir zhe na/ rab
'byor byang chub

@13b sems dpa' chos kyang log par bzung bar mi bya ste/ chos ma
yin pa yang mi bzung

ba'i phyir ro/ /de bas na de las dgongs te de bzhin gshegs bas
chos kyi rnam

grangs 'di gzings lta bur shes pa rnams kyis chos rnams kyang
spang bar bya na/

chos ma yin pa rnams lta ci smos/ zhes gsungs so/ /gzhan yang
bcom ldan

'das kyis tshe dang ldan pa rab 'byor la 'di skad ces bka' stsal
to/ /rab 'byor

@14a @#/ /'di ji snyam du sems/ de bzhin gshegs pa'i gang bla na
med

pa yang dag par rdzogs pa'i byang chub tu mngon par rdzogs par
sangs rgyas

pa'i chos de gang yang yod snyam mam/ de bzhin gshegs pas chos
de

gang yang bstan snyam mam/ de skad ces bka' stsal pa dang/ bcom

ldan 'das la tshe dang ldan pa rab 'byor gyis 'di skad ces gsol
to/ /

@14b bcom ldan 'das bdag gis bcom ldan 'das kyis gsungs pa'i don

'tshal ba ltar na/ de bzhin gshegs pas gang bla na med pa yang
dag par

rdzogs pa'i byang chub tu mngon par rdzogs par sangs rgyas pa'i
chos de gang

yang ma mchis lags so/ /de bzhin gshegs pas bstan pa'i chos de

gang yang ma mchis lags so/ /de ci'i slad du zhe na/ de bzhin
gshegs pas

@15a @#/ /chos de gang yang mngon par rdzogs par sangs rgyas
pa'am/ bstan

pa de ni gzung du ma mchis brjod du ma mchis te/ de ni chos
kyang ma lags

chos ma mchis pa yang ma lags pa'i slad du'o/ /de ci'i slad du
zhe na/ 'phags

pa'i gang zag rnams ni 'dus ma byas kyis rab tu bye ba'i slad
du'o/ /bcom

ldan 'das kyis bka' stsal pa/ rab 'byor 'di ji snyam du sems/
rigs kyi

@15b bu'am rigs kyi bu mo gang la la zhig gis stong gsum gyi
stong chen po'i

'jig rten gyi khams 'di rin po che sna bdun gyis rab tu gang bar
byas te sbyin

pa byin na/ rigs kyi bu'am rigs kyi bu mo de gzhi de las bsod
nams kyi phung

po mang du bskyed snyam mam/ rab 'byor gyis gsol pa/ bcom ldan
'das mang

lags so/ /bde bar gshegs pa mang lags so/ /rigs kyi bu'am rigs

@16a @#/ /kyi bu mo de de'i gzhi de las bsod nams kyi phung po
mang du bskyed do/ /

de ci'i slad du zhe na/ bsod nams kyi phung po de nyid phung po
ma mchis pa'i slad du ste/

de bas na de bzhin gshegs pas bsod nams kyi phung po bsod nams
kyi

phung po zhes gsungs so/ /bcom ldan 'das kyis bka' stsal pa/ rab
'byor

rigs kyi bu'am r-igs kyi bu mo gang g-is stong gsum gyi stong chen
po'i

@16b 'jig rten gyi khams 'di rin po che sna bdun gyis rab tu
gang bar byas te sbyin

pa byin pa bas/ gang gis chos kyi rnam grangs 'di las tha na
tshig bzhi pa'i

tshigs su bcad pa tsam bzung nas gzhan dag la 'chad cing yang dag
par rab tu

sten na/ gzhi de las bsod nams kyi phung po ches mang du grangs
med dpag tu

med pa bskyed do/ /de ci'i phyir zhe na/ rab 'byor de bzhin
gshegs pa dgra bcom

@17a @#/ /pa yang dag par rdzogs pa'i sangs rgyas rnams kyi bla
na med pa

yang dag par rdzogs pa'i byang chub ni 'di las byung ste/ sangs
rgyas bcom

ldan 'das rnams kyang 'di las skyes pa'i phyir ro/ /de ci'i
phyir zhe na rab 'byor

sangs rgyas kyi chos rnams sangs rgyas kyi chos rnams zhes bya
ba ni/ sangs rgyas

kyi chos de dag med par de bzhin gshegs pa'i gsungs pa'i phyir
te/ des na

@17b sangs rgyas kyi chos rnams zhes bya'o/ /rab 'byor 'di ji
snyam du sems/ rgyun du

zhugs pa 'di snyam du bdag gis rgyun du zhugs pa'i 'bras bu thob
bo snyam du sems

snyam mam/ rab 'byor gyis gsol pa/ bcom ldan 'das de ni ma lags
so/ /de

ci'i slad du zhe na/ bcom ldan 'das de ni ci la yang zhugs pa ma
mchis pa'i slad

du ste; des na rgyun du zhugs pa zhes bgyi'o/ /gzugs la yang ma
zhugs/ sgra la

@18a @#/ /yang ma lags/ dri la yang ma lags/ ro la yang ma lags/
reg

bya la yang ma lags/ chos rnams la yang ma zhugs te/ des na
rgyun du zhugs pa zhes

bgyi'o/ /de ci'i slad du zhe na/ bcom ldan 'das gal te rgyun du
zhugs pa 'di snyam du

bdag gis rgyun du zhugs pa'i 'bras bu thob bo snyam du sems par
gyur na/ de nyid

de'i bdag tu 'dzin par 'gyur lags so/ /sems can du 'dzin pa
dang/ srog

@18b tu 'dzin pa dang/ gang zag tu 'dzin par 'gyur lags so/
/bcom ldan 'das

kyis bka' stsal pa/ rab 'byor 'di ji snyam du sems/ lan cig
phyir 'ong ba 'di

snyam du bdag gis lan cig phyir 'ong ba'i 'bras bu thob bo snyam
du sems snyam/

mam; rab 'byor gyis gsol pa/ bcom ldan 'das de ni ma lags so/
/de ci'i

phyir zhe na/ gang lan cig phyir 'ong ba nyid du zhugs pa'i chos
de gang yang

@19-20a ? @#/ /ma mchis pa'i slad du ste/ des na lan cig phyir
'ong ba zhes bgyi'o/ /bcom

ldan 'das gal te lan cig phyir 'ong ba 'di snyam du bdag gis lan
cig phyir 'ong ba'i

'bras bu thob bo snyam du sems par gyur na/ de nyid de'i bdag tu
'dzin par 'gyur

lags so/ /sems can du 'dzin pa dang/ srog tu 'dzin pa dang/ gang
zag tu 'dzin par

'gyur lags so/ /bcom ldan 'das kyis bka' stsal pa/ rab 'byor 'di
ji snyam du sems

@20b phyir mi 'ong ba 'di snyam du bdag gis phyir mi 'ong ba'i
'bras bu thob bo snyam du sems snyam mam/

rab 'byor gyis gsol pa/ bcom ldan 'das de ni ma lags so/ /de
ci'i slad du zhe na/ gang

phyir mi 'ong ba nyid du zhugs pa'i chos de gang yang ma mchis
pa'i slad du ste/ de'i phyir phyir mi

'ong ba zhes bgyi'o/ /bcom ldan 'das kyis bka' stsal pa/ rab
'byor 'di ji snyam du sems/ dgra

bcom pa 'di snyam du bdag gis dgra bcom pa nyid thob bo snyam du
sems snyam mam/ rab 'byor gyis

@21a @#/ /gsol pa/ bcom ldan 'das de ni ma lags so/ /de ci'i slad
du zhe na/

gang dag dgra bcom pa zhes bgyi ba'i chos de gang yang ma mchis
pa'i slad du'o/ /

bcom ldan 'das gal te dgra bcom pa 'di snyam du bdag gis dgra
bcom

pa nyid thob po snyam du sems par gyur na/ de nyid de'i bdag tu
'dzin par

'gyur lags so/ /sems can du 'dzin pa dang/ srog tu 'dzin pa
dang/ gang

@21b zag tu 'dzin bar 'gyur lags so/ /bcom ldan 'das bdag ni de
bzhin gshegs pa dgra

bcom pa yang dag par rdzogs pa'i sangs rgyas kyis nyon mongs pa
med par gnas pa rnams

kyi mchog tu bstan te/ bcom ldan 'das bdag 'dod chags dang bral
ba dgra bcom

pa lags kyang/ bcom ldan 'das bdag 'di snyam du bdag ni dgra
bcom pa'o

snyam du mi sems lags so/ /bcom ldan 'das gal te 'di snyam du
bdag gis

@22a @#/ /dgra bcom pa nyid thob bo snyam du sems par gyur na/ de
bzhin

gshegs pas bdag la rigs kyi bu rab 'byor ni nyon mongs pa med

par gnas pa rnams kyi mchog yin te/ ci la yang mi gnas pas na

nyon mongs pa med par gnas pa zhes lung mi ston lags so/ /bcom

ldan 'das kyis bka' stsal pa/ rab 'byor 'di ji snyam du sems/

@22b de bzhin gshegs pas de bzhin gshegs pa dgra bcom pa yang
dag

par rdzogs pa'i sangs rgyas mar me mdzad las gang blangs pa'i
chos

de gang yang yod snyam mam/ rab 'byor gyis gsol pa/ bcom ldan
'das de ni

ma lags so/ /de bzhin gshegs pas de bzhin gshegs pa dgra bcom pa
yang

dag par rdzogs pa'i sangs rgyas mar me mdzad las gang blangs
pa'i chos de gang

@23a @#/ /yang yod ye ma mchis lags so/ /bcom ldan 'das kyis bka'
stsal pa/ rab

'byor byang chub sems dpa' gang la la zhig 'di skad du bdag gis
zhing bkod pa rnams

sgrub po zhes zer na de ni mi bden par smra'o/ /de ci'i phyir
zhe na/ rab 'byor zhing bkod pa

rnams zhing bkod pa rnams zhes bya ba ni/ bkod pa de dag med par
de bzhin gshegs par

gsungs pa'i phyir te/ des na zhing bkod pa rnams zhes bya'o/
/rab 'byor de lta bas na/ byang chub

@23b sems dpa' sems dpa' chen pos 'di ltar mi gnas par sems pa
bskyed par bya ste/ ci la yang

mi gnas par sems bskyed par bya'o/ /gzugs la mi gnas par sems
bskyed par bya'o/ /sgra

dang dri dang ro dang reg bya dang chos la yang mi gnas par sems
bskyed par bya'o/ /rab 'byor 'di

lta ste dper na/ skyes bu zhig lus 'di lta bur gyur te/ 'di lta
ste ri'i rgyal po ri rab tsam du

gyur na/ rab 'byor 'di ji snyam du sems/ lus de che ba yin snyam
mam/ rab 'byor gyis gsol pa/ bcom

@24a @#/ /ldan 'das lus de che ba lags so/ /bde bar gshegs pa lus
de che ba

lags so/ /de ci'i slad du zhe na/ de bzhin gshegs pas de dngos
po ma mchis

par gsungs pa'i slad du ste/ nges na lus de che ba zhes bgyi'o/
/de dngos po ma mchis

bas des na lus zhes bya'o/ /bcom ldan 'das kyis bka' stsal pa/
rab 'byor 'di

ji snyam du sems/ gang-gA'i klung gi bye ma ji snyed pa
gang-gA'i klung yang de snyed kho nar gyur na

@24b de dag gi bye ma gang yin pa de dag mang ba yin snyam mam/
rab 'byor gyis gsol pa/

bcom ldan 'das gang-gA'i klung de dag nyid kyang mang lags na/
de dag gis bye ma lta smos

kyang ci 'tshal/ bcom ldan 'das kyis bka' stsal pa/ rab 'byor
khyod mos par bya'o/ /

khyod kyi khong du chud bar bya'o/ /gang-gA'i klung de dag gi
bya ma ji snyed pa de snyed kyi 'jig

rten gyi khams na skyes pa'am/ bud med la la zhig gi rin po che
sna bdun gyis rab tu

@25a @#/ /gang bar byas te/ de bzhin gshegs pa dgra bcom pa yang
dag par

rdzogs pa'i sangs rgyas rnams la sbyin pa byin na/ rab 'byor 'di
ji snyam du sems

skyes pa'am bud med de gzhi de las bsod nams mang du bskyed
snyam mam/ rab

'byor gyis gsol pa/ bcom ldan 'das mang lags so/ /bde bar gshegs
pa

mang lags so/ /skyes pa'am bud med de gzhi de las bsod nams mang
du bskyed

@25b pa lags so/ /bcom ldan 'das kyis bka' stsal pa/ rab 'byor
gang gis 'jig rten

gyis khams de snyed rin po che sna bdun gyis rab tu gang bar
byas te/ de bzhin gshegs

pa dgra bcom pa yang dag par rdzogs pa'i sangs rgyas rnams la
sbyin pa byin pa

bas; gang gis chos kyi rnam grangs 'di las tha na tshig bzhi pa'i
tshigs su bcad pa

tsam bzung nas/ gzhan dag la yang dag par rab tu bshad de yang
dag par rab tu

@26a @#/ /bstan na/ de nyid gzhi de las bsod nams ches mang du
grangs med

dpag tu med pa bskyed do/ /yang rab 'byor sa phyogs gang na chos
kyi rnam grangs

'di las tha na tshig bzhi pa'i tshigs su bcad pa tsam 'don tam
ston pa'i sa

phyogs de ni lha dang mi dang lha ma yin du bcas ba'i 'jig rten
gyi mchod rten du gyur

ba yin na su zhig chos kyi rnam grangs 'di len pa dang/ 'bri ba
dang/ 'dzin pa dang

@26b 'chang ba dang/ klog pa dang/ kun chub par byed pa dang/
tshul bzhin du yid la byed ba de

ngo mtshar rab dang ldan par gyur pa lta ci smos te sa phyogs de
na ston pa'am/ bla ma lta

bu gang yang rung bar gnas so/ /de skad ces bka' stsal pa dang/
bcom ldan 'das

la tshe dang ldan pa rab 'byor gyis 'di skad ces gsol to/ /bcom
ldan 'das chos

kyi rnam grangs 'di'i ming ci lags/ 'di ji ltar bzung bar bgyi/
de skad ces gsol

@27a @#/ /pa dang/ bcom ldan 'das kyis tshe dang ldan pa rab 'byor
la 'di skad ces

bka' stsal to/ /rab 'byor chos kyi rnam grangs 'di'i ming shes
rab kyi pha rol tu

phyin pa zhes bya ste 'di de ltar bzungs shig  /de ci'i phyir
zhe na/ rab 'byor de bzhin

gshegs pas shes rab kyi pha rol tu phyin pa gang gsungs pa de
nyid pha rol tu

phyin pa med pa'i phyir te/ des na shes rab kyi pha rol tu phyin
pa zhes bya'o/ /rab

@27b 'byor 'di ji snyam du sems/ de bzhin gshegs pas gsungs pa'i
chos de gang yang

yod snyam mam/ rab 'byor gyis gsol pa/ bcom ldan 'das de bzhin
gshegs

pas gang gsungs pa'i chos de gang yang ma mchis lags so/ /bcom
ldan 'das kyis

bka' stsal pa/ rab 'byor 'di ji snyam du sems/ stong gsum gyi
stong chen po'i 'jig

rten gyi khams na sa'i rdul ji snyed yod pa de mang ba yin snyam
mam/ rab 'byor gyis

@28a @#/ /gsol pa/ bcom ldan 'das sa'i rdul de mang lags so/ /bde
bar

gshegs pa mang lags so/ /de ci'i slad du zhe na/ bcom ldan 'das
sa'i rdul

gang lags pa de rdul ma mchis par de bzhin gshegs pas gsungs
pa'i slad

du ste; des na sa'i rdul zhes bgyi'o/ /'jig rten gyi khams gang
lags pa de

dag khams ma mchis par de bzhin gshegs pas gsungs pa'i slad du
ste/

@28b des na 'jig rten gyi khams zhes bgyi'o/ /bcom ldan 'das
kyis bka' stsal

pa; rab 'byor 'di ji snyam du sems/ skyes bu chen po'i mtshan sum
cu rtsa gnyis

po de dag gis de bzhin gshegs pa dgra bcom pa yang dag par
rdzags pa'i

sangs rgyas su blta bar bya snyam mam/ rab 'byor gyis gsol pa/
/bcom ldan

'das de ni ma lags so/ /de ci'i slad du zhe na/ skyes bu chen
po'i mtshan sum cu rtsa

@29a @#/ /gnyis gang dag de bzhin gshegs pas gsungs pa de dag
mtshan

ma mchis par de bzhin gshegs pas gsungs pa'i slad du ste/ des na
skyes

bu chen po'i mtshan sum cu rtsa gnyis rnams zhes bgyi'o/ /bcom
ldan 'das

kyis bka' stsal pa/ rab 'byor skyes ba'am/ bud med gang la la
zhig gis

lus gang-gA'i klung gi bye ma snyed yongs su btang ba bas/ gang
gis chos kyi

@29b rnam grangs 'di las tha na tshig bzhi pa'i tshigs su bcad pa
tsam bzung ste gzhan

dag la yang dag par bstan na/ de nyid gzhi de las bsod nams ches
mang du grangs

med dpag tu med pa bskyed do/ /de nas tshe dang ldan pa rab 'byor
chos kyi shugs kyis

mchi ma phyung ste/ des mchi ma phyis nas bcom ldan 'das la 'di
skad ces

gsol to/ /chos kyi rnam grangs 'di de bzhin gshegs pa ji snyed
pas gsungs

@30a @#/ /pa ni; bcom ldan 'das ngo mtshar lags so/ /bde bar
gshegs pa

ngo mtshar lags so/ /bcom ldan 'das bdag gis ye shes skyes tshun
chad

bdag gis chos kyi rnam grangs 'di sngon nam yang ma thos lags
so/ /de ci'i

slad du zhe na/ bcom ldan 'das mdo sde bshad pa 'di la gang dag
yang dag par

'du shes bskyed bar 'gyur pa'i sems can de dag ni ngo mtshar rab
dang ldan

@30b par 'gyur lags so/ /de ci'i slad du zhe na/ bcom ldan 'das
yang dag par 'du

shes pa gang lags pa de nyid 'du shes ma mchis pa'i slad du ste/
des na yang dag

par 'du shes zhes de bzhin gshegs pas gsungs so/ /bcom ldan 'das
bdag

ni chos kyi rnam grangs 'di bshad pa la rtog cing mos pa ni/
bdag la ngo mtshar

ma lags kyis/ /bcom ldan 'das slad ma'i tshe slad ma'i dus lnga
brgya'i tha ma la

@31a @#/ /sems can gang dag chos kyi rnam grangs 'di len pa dang/
'bri ba

dang/ 'dzin pa dang/ 'chang ba dang/ klog pa dang/ kun chub par
byed pa de dag na ngo mtshar

rab dang ldan par 'gyur lags so/ /yang bcom ldan 'das de dag ni
bdag tu

'du shes 'jug par mi 'gyur zhing/ sems can du 'du shes pa dang/
srog tu

'du shes pa dang/ gang zag tu 'du shes 'jug par mi 'gyur lags
so/ /de ci'i

@31b slad du zhe na/ bcom ldan 'das bdag tu 'du shes pa dang/
sems can du 'du shes

pa dang/ srog tu 'du shes pa dang/ gang zag tu 'du shes pa gang
lags pa de nyid

'du shes thams cad dang bral ba'i slad du'o/ /de ci-I slad du
zhe na/ sangs rgyas bcom

ldan 'das rnams ni 'du shes thams cad dang bral ba'i slad du'o/
/de skad ces

gsol pa dang/ bcom ldan 'das kyis tshe dang ldan pa rab 'byor la
'di skad ces bka'

@32a @#/ /stsal to/ /rab 'byor de de bzhin no/ /de de bzhin te/
sems can gang

dag mdo sde 'di bshad pa la mi skrag cing mi dang ngas la kun tu
dang ngas par mi

'gyur ba de dag ni ngo mtshar rab dang ldan par 'gyur ro/ /de
ci'i phyir zhe na/ rab

'byor pha rol tu phyin pa dam pa 'di ni de bzhin gshegs pas
gsungs te/ pha

rol tu phyin pa dam pa gang de bzhin gshegs pas gsungs pa de
sangs rgyas

@32b bcom ldan 'das dpag tu med tshad med pa rnams kyis kyang
gsungs pa'i phyir te/ des na

pha rol tu phyin pa dam pa zhes bya'o/ /yang rab 'byor de bzhin
gshegs pas bzod

pa'i pha rol tu phyin pa gang yin pa de nyid pha rol tu phyin pa
med do/ /de ci'i phyir

zhe na; rab 'byor gang gi tshe ka ling ka'i rgyal pos/ nga'i yan
lag dang nyid lag

rnams bcad par gyur pa de'i tshe nga la bdag tu 'du shes sam/
sems can du 'du

@33a @#/ /shes sam/ srog tu 'du shes sam/ gang zag tu 'du shes
kyang ma byung

zhing/ nga la 'du shes ci yang med la 'du shes med par gyur pa
yang ma yin pa'i

phyir ro/ /de ci'i phyir zhe na/ rab 'byor gal te de'i tshe nga
la bdag tu 'du shes byung na/

de'i tshe gnod sems kyi 'du shes kyang 'byung la/ sems can du 'du
shes pa dang/

srog tu 'du shes pa dang/ gang zag tu 'du shes byung na/ de'i
tshe gnod sems kyi

@33b 'du shes kyang 'byung ba'i phyir ro/ /rab 'byor ngas mngon
par shes te/ 'das pa'i dus

na; nga tshe rabs lnga brgyar bzod pa smra ba zhes bya ba'i drang
srong du gyur pa de'i tshe na yang/

nga la bdag tu 'du shes ma byung/ sems can du 'du shes dang/
srog tu 'du shes dang/

gang zag tu 'du shes ma byung ngo/ /rab 'byor de lta bas na/
byang chub sems dpa' sems

dpa' chen pos 'du shes thams cad rnam par spangs te/ bla na med
pa yang dag par

@34a @#/ /rdzogs pa'i byang chub tu sems bskyed par bya'o/ /gzugs
la yang mi

gnas par sems bskyed par bya'o/ /sgra dang dri dang ro dang/ reg
bya la yang mi gnas

par sems bskyed par bya'o/ /chos la yang mi gnas par sems bskyed
par bya'o/ /

chos med pa la yang mi gnas par sems bskyed par bya'o/ /ci la
yang mi gnas

bar sems bskyed par bya'o/ /de ci'i phyir zhe na/ gnas pa gang
yin pa de nyid mi

@34b gnas pa'i phyir te/ de bas na de bzhin gshegs pas 'di skad
du/ byang chub sems

dpa' gang la yang mi gnas par sbyin pa sbyin par bya'o/ /zhes
gsungs so/ /

yang rab 'byor byang chub sems dpa' 'di ltar sems can thams cad
kyi don

gyi phyir sbyin pa yongs su btang bar bya'o/ /sems can du 'du
shes pa gang yin

pa de nyid kyang 'du shes med pa ste/ de bzhin gshegs pas sems
can thams

@35a @#/ /cad ces gang dag gsungs pa'i sems can de dag nyid kyang
med pa'o

de ci'i phyir zhe na/ rab 'byor de bzhin gshegs pa ni yang dag
par gsung ba/

bden par gsung ba/ de bzhin nyid du gsung ba ste/ de bzhin
gshegs pa ni log

par gsung ba ma yin pa'i phyir ro/ /yang rab 'byor de bzhin
gshegs pas chos

gang yang mngon par rdzogs par sangs rgyas pa'am/ bstan pa de la
bden pa de yang ?

@35b med; rdzun pa yang med do/ /rab 'byor 'di lta ste/ dper na
mig dang ldan pa'i

mi zhig mun par zhugs na ci yang mi mthong ba de bzhin du gang
dngos por lhung

bas sbyin pa yongs su gtong ba'i byang chub sems dpa' blta bar
bya'o/ /yang

rab 'byor 'di lta ste/ dper na/ nam langs te nyi ma shar nas mig
dang ldan

pa'i mis gzugs rnam pa sna tshogs dag mthong ba de bzhin du/ gang
dngos ?

@36a @#/ /por ma lhung bas sbyin pa yongs su gtong ba'i byang
chub sems dpa'

blta bar bya'o/ /yang rab 'byor rigs kyi bu'am rigs kyi bu mo
gang dag chos

kyi rnam grangs 'di len pa dang/ 'dzin pa dang/ 'chang ba dang/
klog pa dang/ kun

chub par byed pa dang/ gzhan dag la rgya cher yang dag par rab
tu ston pa de

dag ni de bzhin gshegs pas mkhyen/ de bzhin gshegs pas gzigs te

@36b sems can de dag thams cad ni bsod nams kyi phung po dpag tu
med pa bskyed

par 'gyur ro/ /yang rab 'byor skyes pa'am/ bud med gang zhig
snga dro'i dus kyi

tshe lus ganggA'i klung gi bye ma snyed yongs su gtong la/ phyed
kyi dus dang/ phyi dro'i dus

kyi tshe yang lus gang gA'i klung gi bye ma snyed yongs su gtong
ste/ rnam grangs 'di

lta bur bskal pa bye ba khreg khrig 'bum phrag du mar lus yongs
su gtong ba bas/

@37a @#/ /gang gis chos kyi rnam grangs 'di thos nas mi spong na/
de nyid gzhi de las

bsod nams ches mang du grangs med dpag tu med pa bskyed na/ gang
gis yi

ger bris nas len pa dang/ 'dzin pa dang/ 'chang ba dang/ klog pa
dang/ kun chub

par byed pa dang/ gzhan dag la rgya cher yang dag par rab tu
ston pa lta ci smos/ yang

rab 'byor chos kyi rnam grangs 'di ni bsam gyis mi khyab cing/
mtshungs pa med de/

@37b 'di'i rnam par smin pa yang bsam gyis mi khyab pa nyid du
rig par bya'o/ /chos kyi

rnam grangs 'di ni theg pa mchog la yang dag par zhugs pa'i sems
can rnams

kyi don dang/ theg pa phul du phyin pa la yang dag par zhugs
pa'i sems can rnams

kyi don gyi phyir de bzhin gshegs pas gsungs so/ /gang dag chos
kyi rnam grangs

'di len pa dang/ 'dzin pa dang/ 'chang ba dang/ klog pa dang/
kun chub par byed pa

@38a @#/ /dang/ gzhan dag la rgya cher yang dag par rab tu ston
pa de dag ni de bzhin

gshegs pas mkhyen/ de bzhin gshegs pas gzigs te/ sems can

de dag thams cad ni bsod nams kyi phung po dpag tu med pa dang
ldan par 'gyur

bsod nams kyi phung po bsam gyis mi khyab pa dang/ mtshungs pa
med pa dang/ gzhal

du med pa dang/ tshad med pa dang ldan par 'gyur te/ sems can de
dag thams

@38b cad nga'i byang chub phrag pa la thogs par 'gyur ro/ /de
ci'i phyir zhe na/ rab 'byor dman

pa la mos pa rnams kyis chos kyi rnam grangs 'di mnyan par mi
nus te/ bdag tu

lta ba rnams kyis ma yin/ sems can du lta ba rnams kyis ma yin/
srog tu lta ba

rnams kyis ma yin zhing/ gang zag tu lta ba rnams kyis mnyan pa
dang/ blang ba dang

bzung ba dang/ klog pa dang/ kun chub par byed mi nus te/ de ni
gnas med pa'i phyir ro//

@39a @#/ /yang rab 'byor sa phyogs gang na mdo sde 'di ston pa'i
sa phyogs de lha dang

mi dang lha ma yin du bcas pa'i 'jig rten gyi mchod pa bya bar
'os par 'gyur ro/ /sa

phyogs de phyag bya bar 'os pa dang/ skor ba bya bar 'os par
'gyur te/ sa phyogs de

mchod rten lta bur 'gyur ro/ /yang rab 'byor rigs kyi bu'am/
rigs kyi bu mo gang

dag 'di lta bu'i mdo sde'i tshig 'di dag len pa dang/ 'dzin pa
dang/ 'chang ba dang/

@39b klog pa dang/ kun chub sar byed pa de dag ni mnar bar 'gyur
shin tu mnar bar 'gyur

ro; ;de ci'i phyir zhe na/ rab 'byor sems can de dag ni tshe rabs
snga ma'i mi dge ba'i

las ngan song du skye bar 'gyur ba gang dag byas pa de dag tshe
'di nyid la mnar bas/

tshe rabs snga ma'i mi dge ba'i las ngan song du skye bar 'gyur
ba gang dag byas pa de dag

byang bar 'gyur te/ sangs rgyas kyi byan chub kyang thob par
'gyur ro/ /rab 'byor ngas

@40a @#/ /mngon par shes te/'das pa'i dus bskal pa grangs med
pa'i yang ches

grangs med pa na/ de bzhin gshegs pa dgra bcom pa yang dag par
rdzogs pa'i sangs

rgyas mar me mdzad kyi snga rol gyi yang ches snga rol na sangs
rgyas bye ba khrag khrig

'bum phrag brgyad cu rtsa bzhi dag byung ba nges mnyes par byas
te/ ma mnyes par ma

byas nas thugs 'byung bar ma byas te/ rab 'byor sangs rgyas bcom
ldan 'das de

@40b dag ngas mnyes par byas nas thugs 'byung bar ma byas pa
gang yin pa dang/ phyi

ma'i dus lnga brgya'i tha mar gyur pa na/ mdo sde 'di len pa
dang/ 'dri ba dang/ 'dzin pa dang

'chang ba dang/ klog pa dang/ kun chub par byed pa gang yin pa
las/ rab 'byor bsod

nams kyi phung po 'di la bsod nams kyi phung po snga mas brgya'i
char yang nye bar mi

'gro; stong gi cha dang/ 'bum gyi cha dang/ grangs dang tshad
dang bgrang ba dang/ dpe dang zla

@41a @#/ /dang rgyur yang mi bzod do/ /rab 'byor gal te de'i tshe
rigs kyi

bu'am rigs kyi bu mo gang dag bsod nams kyi phung po ji snyed
rab tu

'dzin par 'gyur ba'i rigs kyi bu'am rigs kyi bu mo de dag gi
bsod naMs

kyi phung po ngas brjod na/ sems can rnams myos myos por 'gyur
zhing sems

'khrugs par 'gyur ro/ /yang rab 'byor chos kyi rnam grangs 'di
bsam gyis

@41b mi khyab ste/ 'di'i rnam par smin pa yang bsam gyis mi
khyab pa nyid du rig par

bya'o; ;de nas bcom ldan 'das la tshe dang ldan pa rab 'byor gyis
'di skad

ces gsol to/ /bcom ldan 'das byang chub sems dpa'i theg pa la
yang

dag par zhugs pa rnams kyis ji ltar gnas par bgyi/ ji ltar
bsgrub par

bgyi; ji ltar sems rab tu bzung bar bgyi/ de skad ces gsol pa
dang/ bcom

@42a @#/ /ldan 'das kyis tshe dang ldan pa rab 'byor la 'di skad
ces bka'

stsal to/ /rab 'byor 'di la byang chub sems dpa'i theg pa la
yang dag

bar zhugs pas 'di snyam du bdag gis sems can thams cad phung

po lhag ma med pa'i mya ngan las 'das pa'i dbyings su yongs su
mya ngan

las bzla'o/ /de ltar sems can tshad med pa yongs su mya ngan las

@42b 'das kyang/ sems can gang yang yongs su mya ngan las 'das
par

gyur pa med do snyam du sems bskyed par bya'o/ /de ci'i phyir
zhe na/ rab

'byor gal te byang chub sems dpa' sems can du 'du shes 'jug na

de byang chub sems dpa' zhes mi bya la/ gang zag gi bar du 'du
shes

'jug na yang/ de byang chub sems dpa' zhes mi bya ba'i phyir ro/
/de ci'i

@43a @#/ /phyir zhe na/ rab 'byor byang chub sems dpa'i theg pa
la yang

dag par zhugs pa zhes bya ba'i chos de gang yang med pa'i phyir
ro/ /rab

'byor 'di ji snyam du sems/ de bzhin gshegs pas de bzhin

gshegs pa mar me mdzad las gang bla na med pa yang dag par
rdzogs

pa'i byang chub tu mngon par rdzogs par sangs rgyas pa'i chos
gang yang

@43b yod snyam mam/ de skad ces bka' stsal pa dang/ bcom ldan
'das la tshe dang/

ldan pa rab 'byor gyis 'di skad ces gsol to/ /bcom ldan 'das de
bzhin

gshegs pas de bzhin gshegs pa mar me mdzad las gang bla na med
pa

yang dag par rdzogs pa'i byang chub tu mngon par rdzogs par
sangs rgyas

pa'i chos de gang yang ma mchis so/ /de skad ces gsol pa dang/
bcom ldan

@44a @#/ /'das kyis tshe dang ldan pa rab 'byor la 'di skad ces
bka'

stsal to/ /rab 'byor de de bzhin no/ /de de bzhin te/ de bzhin
gshegs pas de bzhin

gshegs pa mar me mdzad las gang bla na med pa yang dag par
rdzogs pa'i byang

chub tu mngon par rdzogs par sangs rgyas pa'i chos de gang yang
med do/ /rab

'byor gal te de bzhin gshegs pas gang mngon par rdzogs par sangs
rgyas

@44b pa'i chos de 'ga' zhig yod par gyur na/ /de bzhin gshegs pa
mar me mdzad

kyis nga la bram ze'i khye'u khyod ma 'ongs pa'i dus na/ de
bzhin gshegs pa

dgra bcom pa yang dag par rdzogs pa'i sangs rgyas shAkya thub
pa zhes bya

bar 'gyur ro/ /zhes lung mi ston pa zhig na/ rab 'byor 'di ltar
de bzhin

gshegs pas gang bla na med pa yang dag par rdzogs pa'i byang
chub tu

@45a @#/ /mngon par rdzogs par sangs rgyas pa'i chos de gang yang
med

pas de'i phyir de bzhin gshegs pa mar me mdzad kyis nga la bram
ze'i khye'u

khyod ma 'ongs pa'i dus na de bzhin gshegs pa dgra bcom pa yang
dag par

rdzogs pa'i sangs rgyas shAkya thub pa zhes bya bar 'gyur ro
zhes lung bstan

to; ;de ci'i phyir zhe na/ rab 'byor de bzhin gshegs pa zhes pa
ni/ yang dag

@45b pa'i de bzhin nyid kyi tshig bla dwags yin pa'i phyir ro/
/yang rab 'byor gang la la

zhig 'di skad du/ de bzhin gshegs pa dgra bcom pa yang dag par
rdzogs pa'i

sangs rgyas kyis bla na med pa yang dag par rdzogs pa'i byang
chub tu mngon par

rdzogs par sangs rgyas so zhes zer na/ de log par smra ba yin
no/ /de ci'i phyir zhe

na; rab 'byor de bzhin gshegs pas gang bla na med pa yang dag
par rdzogs pa'i

@46a @#/ /byang chub tu mngon par rdzogs par sangs rgyas pa'i
chos de gang

yang med pa'i phyir ro/ /rab 'byor de bzhin gshegs pas chos gang
mngon

par rdzogs par sangs rgyas pa'am/ bstan pa de la bden pa'ang
med/

rdzun pa yang med do/ /de bas na de bzhin gshegs pas chos thams

cad sangs rgyas kyi chos zhes gsungs so/ /rab 'byor chos thams
cad

@46b ces bya ba ni/ de dag thams cad chos med pa yin te/ des na
chos thams

cad sangs rgyas kyi chos zhes bya'o/ /rab 'byor 'di lta ste dper
na/ skyes bu

zhig mi'i lus dang ldan zhing lus chen por gyur pa bzhin no/
/tshe dang ldan pa

rab 'byor gyis gsol pa/ /bcom ldan 'das de bzhin gshegs pas
skyes

bu mi'i lus dang ldan zhing lus chen po zhes gang gsungs pa de
de bzhin

@47a @#/ /gshegs pas lus ma mchis par gsungs te/ des na lus

dang ldan zhing lus chen po zhes bgyi'o/ /bcom ldan 'das kyis
bka' stsal

pa; rab 'byor de de bzhin no/ /de bzhin te/ byang chub sems dpa'
gang 'di

skad du bdag gis sems can rnams yongs su mya ngan las bzla'o
zhes

zer na/ de byang chub sems dpa' zhes mi bya'o/ /de ci'i phyir
zhe na/ rab 'byor

@47b byang chub sems dpa' zhes bya ba'i chos de gang yang yod
snyam mam/ rab 'byor

gyis gsol pa/ bcom ldan 'das de ni ma lags so/ /bcom ldan 'das
kyis

bka' stsal pa/ rab 'byor de bas na/ de bzhin gshegs pas chos
thams cad

ni sems can med pa/ srog med pa gang zag med pa'o/ /zhes gsungs
so/ /

yang rab 'byor byang chub sems dpa' gang zhig 'di skad du/ bdag
gis zhing

@48a @#/ /bkod pa rnams bsgrub bo zhes zer na/ de yang de bzhin
du brjod par

bya'o; ;de ci'i phyir zhe na/ rab 'byor zhing bkod pa rnams
zhing bkod pa rnams

zhes bya ba ni/ de dag bkod pa med par de bzhin gshegs pas
gsungs pa'i

phyir te/ des na zhing bkod pa rnams zhes bya'o/ /rab 'byor
byang chub sems dpa'

gang zhig 'di skad du/ chos rnams ni bdag med pa chos rnams ni
bdag med pa'o

@48b zhes mos pa de ni/ de bzhin gshegs pa dgra bcom pa yang dag
par rdzogs pa'i

sangs rgyas kyis/ byang chub sems dpa' sems dpa' chen po zhes
brjod do/ /

rab 'byor 'di ji snyam du sems/ de bzhin gshegs pa la sha'i
spyan mnga' snyam

mam; rab 'byor gyis gsol pa/ bcom ldan 'das de de ltar lags te/
de

bzhin gshegs pa la sha'i spyan mnga' 'o/ /bcom ldan 'das kyis
bka' stsal pa/

@49a @#/ /rab 'byor 'di ji snyam du sems/ de bzhin gshegs pa la
lha'i

spyan mnga' snyam mam/ rab 'byor gyis gsol pa/ bcom ldan 'das de
de ltar

lags te/ de bzhin gshegs pa la lha'i spyan mnga'o/ /bcom ldan
'das

kyis bka' stsal pa/ rab 'byor 'di ji snyam du sems/ /de bzhin
gshegs

pa la shes rab kyi spyan mnga' snyam mam/ rab 'byor gyis gsol
pa/ bcom ldan

@49b 'das de de ltar lags te/ de bzhin gshegs pa la shes rab kyi
spyan mnga' 'o//

bcom ldan 'das kyis bka' stsal pa/ rab 'byor 'di ji snyam du
sems/ de

bzhin gshegs pa la chos kyi spyan mnga' snyam mam/ rab 'byor
gyis gsol

pa; bcom ldan 'das de de ltar lags te/ de bzhin gshegs pa la
chos kyi spyan

mnga' 'o/ /bcom ldan 'das kyis bka' stsal pa/ rab 'byor 'di ji
snyam du

@50a @#/ /sems/ de bzhin gshegs pa la sangs rgyas kyi spyan mnga'
snyam mam/

rab 'byor gyis gsol pa/ bcom ldan 'das de de ltar lags te/ de
bzhin gshegs

pa la sangs rgyas kyi spyan mnga' 'o/ /bcom ldan 'das kyi bka'
stsal pa/

rab 'byor 'di ji snyam du sems/ ganggA'i klung gi bye ma ji
snyed pa ganggA'i klung yang

de snyed kho nar gyur la/ de dag gi bye ma de snyed kyi 'jig
rten gyi khams

@50b su gyur na/ 'jig rten gyi khams de dag mang ba yin snyam
mam/ rab 'byor

gyis gsol pa/ bcom ldan 'das de de ltar lags te/ 'jig rten gyi
khams

de dag mang lags so/ /bcom ldan 'das kyis bka' stsal pa/ rab
'byor

'jig rten gyi khams de dag na sems can ji snyed yod pa de dag gi
bsam ba tha

dad pa'i sems kyi rgyun ngas rab tu shes so/ /de ci'i phyir zhe
na/ rab 'byor sems

@51a @#/ /kyi rgyun sems kyi rgyun zhes bya ba ni/ de rgyun med
par de bzhin

gshegs pas gsungs pa'i phyir te/ des na sems kyi rgyun zhes
bya'o/ /de

ci'i phyir zhe na/ rab 'byor 'das pa'i sems kyang dmigs su med/
ma 'ongs

pa'i sems kyang dmigs su med/ da ltar byung ba'i sems kyang
dmigs su

med pa'i phyir ro/ /rab 'byor 'di ji snyam du sems/ gang gis
stong gsum

@51b gyis stong chen po'i 'jig rten gyi khams 'di rin po che sna
bdun gyis rab tu gang

bar byas te sbyin pa byin na/ rigs kyi bu'am rigs kyi bu mo de
gzhi de las bsod

nams mang du bskyed dam/ rab 'byor gyis gsol pa/ bcom ldan 'das
mang

lags so/ /bde bar gshegs pa mang lags so/ /bcom ldan 'das kyis

bka' stsal pa/ rab 'byor de de bzhin no/ /de de bzhin te/ rigs
kyi bu'am rigs

@52a @#/ /kyi bu mo de gzhi de las bsod nams kyi phung po mang du
bskyed

do/ /yang rab 'byor gal te bsod nams kyi phung po bsod nams kyi
phung

por gyur pa na/ bsod nams kyi phung po bsod nams kyi phung po
zhes de bzhin

gshegs pa mi gsung so/ /rab 'byor 'di ji snyam du sems/ gzugs
kyi

sku yongs su grub pas de bzhin gshegs par blta bar bya snyam
mam/

@52b rab 'byor gyis gsol pa/ bcom ldan 'das nge ni ma lags so/
/gzugs

kyi sku yongs su grub pas de bzhin gshegs par blta bar mi bgyi
lags

so; ;de ci'i slad du zhe na/ bcom ldan 'das gzugs kyi sku yongs
su

grub pa zhes bgyi ba ni/ de yongs su grub pa ma mchis par de
bzhin gshegs

pas gsungs pa'i slad du ste/ des na gzugs kyi sku yongs su grub
pa zhes

@53a @#/ /bgyi'o/ /bcom ldan 'das kyis bka' stsal pa/ rab

'byor 'di ji snyam du sems/ mtshan phun sum tshogs pas de bzhin

gshegs par blta bar bya snyam mam/ rab 'byor gyis gsol pa/

bcom ldan 'das de ni ma lags so/ /mtshan phun sum tshogs pas de

bzhin gshegs par blta bar mi bgyi lags so/ /de ci'i slad du zhe
na/

@53b de bzhin gshegs pas mtshan phun sum tshogs pa gang gsungs pa
de/ mtshan

phun sum tshogs pa ma mchis par de bzhin gshegs pas gsungs pa'i
slang

du ste/ des na mtshan phun sum tshogs pa zhes bgyi'o/ /bcom ldan
'das kyis

bka' stsal pa/ rab 'byor 'di ji snyam du sems/ de bzhin gshegs
pas 'di

snyam du ngas chos bstan to zhes dgongs so snyam na/ rab 'byor
de de ltar mi

@54a @#/ /lta ste/ de bzhin gshegs pas gang bstan pa'i chos de
gang

yang med pa'i phyir ro/ /rab 'byor su zhig 'di skad du de bzhin
gshegs pas

chos bstan to zhes zer na/ rab 'byor de ni med pa dang log par
zin pas nga

la skur bar 'gyur ro/ /de ci'i phyir zhe na/ rab 'byor chos
bstan pa zhes bya ba ni

gang chos bstan pa chos bstan pa zhes bya bar dmigs par 'gyur
pa'i chos

@54b de gang yang med pa'i phyir ro/ /de nas bcom ldan 'das la
tshe dang ldan pa rab

'byor gyis 'di skad cEs gsol to/ /bcom ldan 'das ma 'ongs pa'i
dus na/

sems can gang dag 'di lta bu'i chos bshad pa 'di thos nas/ mngon
par

yid ches par 'gyur ba 'byung ba lta mchis lags sam/ bcom ldan
'das

kyis bka' stsal pa/ rab 'byor de dag ni sems can yang ma yin/
sems

@55a @#/ /can med pa yang ma yin no/ /de ci'i phyir zhe na/ rab
'byor sems

can rnams zhes bya ba ni/ de bzhin gshegs pas de dag sems can

med par gsungs pa'i phyir te/ de bas na sems can rnams zhes
bya'o/ /rab

'byor 'di ji snyam du sems/ de bzhin gshegs pas gang bla na med
pa yang

dag par rdzogs pa'i byang chub tu mngon par rdzogs par sangs
rgyas pa'i chos

@55b de gang yang yod snyam mam/ tshe dang ldan pa rab 'byor gyis
gsol pa/ bcom

ldan 'das de bzhin gshegs pas gang bla na med pa yang dag par
rdzogs

pa'i byang chub tu mngon par rdzogs par sangs rgyas pa'i chos de
gang yang ma

mchis lags so/ /bcom ldan 'das kyis bka' stsal pa/ rab 'byor de
de

bzhin no/ /de de bzhin te/ de la chos cung zad kyang mi dmigs
shid med de/

@56a @#/ /des na bla na med pa yang dag par rdzogs pa'i byang
chub ces bya'o//

yang rab 'byor chos de ni mnyam pa ste/ de la mi mnyam pa dang
mnyam pa gang

yang med pas/ des na bla na med pa yang dag par rdzogs pa'i
byang chub ces

bya'o/ /bla na med pa yang dag par rdzogs pa'i byang chub de ni
bdag med pa dang/

sems can med pa dang/ srog med pa dang/ gang zag med par mnyam
pa ste/

@56b dge ba'i chos thams cad kyis mngon par rdzogs par sangs
rgyas so/ /rab

'byor dge ba'i chos rnams zhes bya ba ni/ de dag chos med pa
nyid du de bzhin

gshegs pas gsungs te/ des na dge ba'i chos rnams zhes bya'o/
/yang rab

'byor rigs kyi bu'am rigs kyi bu mo gang la la zhig gis stong
gsum gyi

stong chen po'i 'jig rten gyi khams na ri'i rgyal po ri rab dag
ji snyad yod pa de tsaM

@57a @#/ /gyi rin po che sna bdun gyi phung po mngon par bsdus
te/ sbyin pa byin pa bas

gang gis shes rab kyi pha rol tu phyin pa 'di las tha na tshig
bzhi ba'i tshigs su bcad

pa gcig tsam bzung nas gzhan dag la yang rag par bstan na/ rab
'byor bsod nams

kyi phung po snga ma des brgya'i char yang nye bar mi 'gro ba
nas rgyu'i bar du yang mi bzod do/ /

rab 'byor 'di ji snyam du sems/ de bzhin gshegs pas 'di snyam du
ngas sems

@57b can rnams bkrol lo zhes dgongs so snyam na/ rab 'byor de
ltar mi blta'o/ /de ci'i phyir zhe na/

rab 'byor de bzhin gshegs pas gang bkrol ba'i sems can de deg
gang yang med pa'i phyir ro/ /rab

'byor gal te de bzhin gshegs pas sems can gang la la zhig bkrol
bar gyur na/ de nyid de bzhin

gshegs pas bdag tu 'dzin par 'gyur/ sems can du 'dzin pa dang/
srog tu 'dzin pa dang/ gang brag

tu 'dzin par 'gyur ro/ /rab 'byor bdag tu 'dzin ces bya ba ni/
'dzin par med par de bzhin gshegs

@58a @#/ /pas gsungs na/ de yang byis pa so so'i skye bo rnams
kyi gzung do/ rab

'byor byis pa so so'i skye bo rnams zhes bya ba ni/ de dag skye
bo med pa nyid du de bzhin

gshegs pas gsungs te/ des na byis pa so so'i skye bo rnams zhes
bya 'o/ rab 'byor

'di ji snyam du sems/ mtshan phun gsum tshogs pas de bzhin gshegs
par blta

bar bya snyam mam/ rab 'byor gyis gsol pa/ bcom ldan 'das de ni
ma lags so/ /

@58b mtshan phun sum tshogs pas de bzhin gshegs par blta bar mi
bgyi lags so/ bcom ldan

'das kyis bka' stsal pa/ rab 'byor de de bzhin no/ de de bzhin
te/ mtshan phun sum tshogs pas

de bzhin gshegs par blta bar mi bya ste/ rab 'byor gal te mtshan
phun sum tshogs

pas de bzhin gshegs par blta bar 'gyur na/ /'khor los sgyur ba'i
rgyal po yang

@59a @#/ /de bzhin gshegs par 'gyur te/ de bas na mtshan phun

sum tshogs pas de bzhin gshegs par blta bar mi bya'o/ /de nas
bcom ldan

'das la tshe dang ldan pa rab 'byor gyis 'di skad ces gsol to/
/bcom

ldan 'das bdag gis ji ltar bcom ldan 'das kyis gsungs pa'i don

'tshal ba ltar na/ mtshan phun sum tshogs pas de bzhin gshegs par

@59b blta bar mi bgyi lags so/ /de nas bcom ldan 'das kyis de'i
tshe tshigs su

bcad pa 'di dag bka' stsal to/ /gang dag nga la gzugs su mthong/
/gang dag

nga la sgrar shes pa/ /log pa'i lam du zhugs pa ste/ /skye bo de
dag nga mi mthong//

sangs rgyas rnams ni chos nyid lta/ /'dren pa rnams n-i chos kyi
sku/ /chos nyid

shes par bya min pas/ /de ni rnam par shes mi nus/ /rab 'byor
'di ji snyam

@60a @#/ /du sems/ mtshan phun sum tshogs pas de bzhin gshegs pa

dgra bcom pa yang dag par rdzogs pa'i byang chub tu mngon par
rdzogs par

sangs rgyas so snyam du 'dzin na/ rab 'byor khyod kyis de ltar
blta bar mi bya

ste/ rab 'byor mtshan phun sum tshogs pas de bzhin gshegs pa dgra

bcom pa yang dag par rdzogs pa'i byang chub tu mngon par rdzogs
par sangs

@60b rgyas pa med do/ /rab 'byor khyod 'di snyam du byang chub
sems dpa'i theg pa la

yang dag par zhugs pa rnams kyis/ chos gang la la zhig rnam par
shig pa'am

chad par btags pa'o snyam du 'dzin na/ rab 'byor de de ltar blta
bar mi bya ste/

byang chub sems dpa'i theg pa la yang dag par zhugs pa rnams
kyis/ chos

gang yang rnam par bshig pa'am/ chad par btags pa med do/ /yang
rab

@61a @#/ /'byor rigs kyi bu'am rigs kyi bu mo gang gis 'jig
rten

gyi khams skad ? gA-I klung gi bye ma snyed dag rin po che
sna bdun gyis rab tu

gang bar byas te sbyin pa byin pa bas/ byang chub sems dpa'
gang gis chos

kyi rnam grangs 'di bdag med cing skye ba med pa la bzod pa
thob na/ de nyid

gzhi de las bsod nams kyi phung po chos mang du grangs med
dpag tu med

@61b pa bskyed do/ /yang rab 'byor byang chub sems dpas bsod
nams kyi phung po

yongs su gzung bar mi bya'o/ /tshe dang ldan pa rab 'byor gyis
gsol pa/

bcom ldan 'das byang chub sems dpas bsod nams kyi phung po
yongs su

gzung bar mi bgyi lags sam/ bcom ldan 'das kyis bka' stsal pa/
rab

'byor yongs su gzung mod kyis/ log par mi bzung ste des na
yongs su

@62a @#/ /gzung ba zhes bya'o/ /yang rab 'byor gang la la zhig
'di skad

du/ de bzhin gshegs pa bzhud dam byon tam/ bzhengs sam/ bzhugs

sam; mnal bar mdzad do zhes zer na/ des ngas bshad pa'i don mi
shes

so; ;de ci'i phyir zhe na/ rab 'byor de bzhin gshegs pa zhes
bya ba ni/ gar

yang ma bzhud/ gang nas kyang ma byon pa'i phyir te/ des na de
bzhin gshegs

@62b pa dgra bcom pa yang dag par rdzogs pa'i sangs rgyas zhes
bya'o/ /yang rab 'byor

rigs kyi bu'am rigs kyi bu mo gang la la zhig gis/ stong gsum
gyi stong chen

po'i 'jig rten gyi khams na sa'i rdul ji snyed yod pa de dag/ 'di
lta ste dper na

rdul phra rab kyi tshogs bzhin du phye mar byas na/ rab 'byor
'di ji snyam du sems/

rdul phra rab kyi tshogs de mang ba yin snyam mam/ rab 'byor
gyis gsol pa/

@63a @#/ /bcom ldan 'das de de ltar lags te/ rdul phra rab kyi
tshogs de

mang ba lags so/ /de ci'i slad du zhe na/ bcom ldan 'das gal
te rdul phra rab kyi

tshogs shig mchis par gyur na/ bcom ldan 'das kyis rdul phra
rab kyi

tshogs zhes bka' mi stsol ba'i slad du'o/ /de ci'i slad du zhe
na/ bcom ldan 'das

kyi rdul phra rab kyi tshogs zhes gang gsung pa de tshogs ma
mchis par de bzhin

@63b gshegs pa'i gsungs pa'i slad du ste/ des na rdul phra rab
kyi tshogs zhes bgyi'o//

de bzhin gshegs pas stong gsum gyi stong chen po'i 'jig rten
gyi khams zhes

gang gsungs pa de khams ma mchis par de bzhin gshegs pas
gsungs te/

des na stong gsum gyi stong chen po'i 'jig rten gyi khams zhes
bgyi'o/ /de ci'i

slad du zhe na/ bcom ldan 'das gal te 'jig rten gyi khams shig
mchis

@64a @#/ /par gyur na/ de nyid ril por 'dzin par 'gyur ba'i
slad du'o//

de bzhin gshegs pas ril por 'dzin par gsungs pa de 'dzin pa ma
mchis

par de bzhin gshegs pas gsungs pa'i slad du ste/ des na ril
por 'dzin

pa zhes bgyi'o/ /bcom ldan 'das kyis bka' stsal pa/ rab 'byor
ril por

'dzin pa nyid ni tha snyad de/ chos de ni brjod du med pa yin
na/ de yang byis pa

@64b so so'i skye bo rnams kyis gzung ngo/ /rab 'byor gang la
la zhig 'di skad du/ de

bzhin gshegs pas bdag tu lta bar gsungs/ de bzhin gshegs pas

sems can du lta ba dang/ srog tu lta ba dang/ gang zag tu lta
bar gsungs so/ /

zhes zer na de yang dag pas smra pas smra ba yin nam/ rab
'byor gyis gsol

pa; bcom ldan 'das de ni ma lags so/ /bde bar gshegs pa de ni
ma lags so//

@65a @#/ /de ci'i slad du zhe na/ bcom ldan 'das de bzhin
gshegs pas

bdag tu lta bar gang gsungs pa de ni lta ba ma mchis par de
bzhin gshegs

pas gsungs pa'i slad du ste/ des na bdag tu lta ba zhes
bgyi'o/ /bcom ldan

'das kyis bka' stsal pa/ rab 'byor 'di la byang chub sems
dpa'i theg

pa la yang dag par zhugs pas/ 'di ltar chos thams cad shes par
bya/

@65b lta bar bya/ mos par bya ste/ ci nas chos su 'du shes pa
la mi gnas par shes

par bya'o/ /de ci'i phyir zhe na/ rab 'byor chos su 'du shes
chos su 'du

shes zhes bya ba ni/ de 'du shes med par de bzhin gshegs pas
gsungs

pa'i phyir te/ des na chos su 'du shes chos su 'du shes zhes
bya'o/ /yang rab

'byor byang chub sems dpa' sems dpa' chen po gang gis 'jig
rten gyi

@66a @#/ /khams dpag tu med cing grangs med pa dag rin po che
sna bdun

gyis rab tu gang bar byas te sbyin pa byin pa bas/ rigs kyi
bu'am rigs

kyi bu mo gang gis shes rab kyi pha rol tu phyin pa 'di las
tha na tshig bzhi

pa'i tshigs su bcad pa tsam bris nas 'dzin ta ma/ 'chang ngam/
klog gam

kun chub par byed dam/ gzhan dag la rgya cher yang dag par rab
tu ston

@66b na de nyid gzhi de las bsod nams ches mang du grangs med
dpag tu med pa

bskyed do/ /ji ltar yang dag par rab tu ston ce na/ ji ltar
yang dag par rab tu

mi ston pa de bzhin du yang dag par rab tu ston pa ste/ des na
yang dag par

rab tu ston pa zhes bya'o/ /skar ma rab ri ba mar me dang/
/sgyu ma zil pa chu

bur dang/ /rmi lam glog dang sprin lta bu/ /'du byas thams cad
de

@67a @#/ /ltar lta/ /bcom ldan 'das kyis de skad ces bka' stsal
nas/ gnas

brtan rab 'byor dang/ dge slong de dag dang/ byang chub sems
dpa' de dag

dang/ 'khor bzhi po dge slong dang/ dge slong ma dang/ dge
bsnyen dang/ dge bsnyen

ma dang/ lha dang/ mi dang lha ma yin dang/ dri zar bcas ba'i
'jig rten yi rangs

te; bcom ldan 'das kyis gsungs pa la mngon par bstod do// //

@67b 'phags pa shes rab kyi pha rol tu phyin pa rdo rje gcod
pa zhes bya ba theg pa chen

po'i mdo rdzogs so// //na mo b+ha ga wa te/ pra dznyA pa ra mi
ta

ye; om na ta da ti ta/ i li shi/ i li shi/ mi li shi/ mi li
shi/ b+hi na yan

b+hi na yan/ na mo b+ha ga wa te/ prad tyaM pra te/ i ri ti/ i
ri ti/ mi ra ti/

mi ri ti/ shu ri ti/ shu ri ti/ u shu ri u shu ri/ b+hu yu ye
b+hu yuye swAhA//

@68a @#/ /rdo rje gcod pa'i snying po 'di lan gcig bzlas pas

rdo rje gcod pa khri dgu stong bklags pa dang mnyam par 'gyur
ro/ /ye

d+ha rma he tu pra b+ha wa he tu nte ShA nta thA ga to hya ba
data/ te ShA nytsa yo ni ro d+ha e waM

bA dI mi hA shra ma Na ye swAhA// //! oM swa sti/ theg
mchog chos

phud brgyad khri'i rab dang phul/ /brten 'byung zab mo'i gtam
gyi rdo_ rje_ yis

@68b bdag lha'i rtsa ba gcod_ pa'i_ sher_ phyin_ mdo/ /dang ldan
dge gnyer dpal ldan

tshul khrims kyis/ /bstan 'gro'i phan bde'i gzhi dang pha mas
gcos/ /'brel

thogs sems can rdzogs byang thob phyir dang/ /rang nyid rgyal
bstan snying por

mi 'bral zhing/ /chos sbyin 'dzad med spel phyir bar du
bsgrubs/ /dge 'dis

bdag sogs mkha' mnyam 'gro kun gyis/ /sher phyin bstan don
mtha' dag

@69a @#/ /mngon gyur te/ ? /gnas skabs mthar

thug bde ba'i legs tshogs rnams/ /'bad

med lhun 'grub bkris dge gyur cig  /sarba dza

ga taM; /blo bzang ming 'dzin 'du gsum pa yis bris//

bkra shis dge'o// //oM su pra ti Sh'wa badzro swA hA//  //