[@##the following text has incomplete sections/ which are on order]

@#/ /dkar chag dang skor tshad kyi rim pa phyogs gcig tu bsgrigs
pa bzhugs so/ /

@001a @##/ /sras bcas rgyal ba'i mkhyen brtse nus pa'i mdzod/ /dur
smrig rgyal mtshan 'chang ba kun gyi tog /mkhas btsun bzang po'i
dpal mnga' bla ma dang/ /dbyer med 'jam dpal

snying pos dge legs stsol/ /tshogs gnyis zla ba'i ma ma las
'khrungs shing/ /mtshan dpe'i yal 'dab rab tu rgyas pa'i rtser/
/rnam mkhyen ro brgya'i 'bras bzang nyer smin pa/ /thub dbang

yongs 'du'i dbang por gus phyag 'tshal/ /rgyal ba'i lo tog skyed
pa'i rgyu yi gtso/ /snying rje'i rang gzugs spyan ras gzigs
dbang dang/ /che gsal myur zab blo ye dpal ster lha/ /'jam

pa'i dbyangs la'ang gus pas phyag bgyis nas/ /gang gi snang
brnyan gco dang 'khor bcas la/ /phyi nang bar gsum skor ba bya
ba'i tshad/ /byed pa'i man ngag byas pa'i phan yon

@002a @#/ /sogs/ /mdor bsdus 'chad 'di snod skyon spongs la nyon/
/de yang rang cag gi ston pa thugs rje can gyi gdul zhing mi
mjed 'jig rten gyi khams 'di la

'dzam gling bye ba phrag brgya yod par gsungs pa'i dbus
ma'i bye brag gangs ri'i 'phreng bas bskor ba'i bod 'di la/
/stod mnga' rigs bskor gsum/ bar dbus gtsang ru bzhi

smad mdo khams sgang drug rnams su yod pa las/ mkhas grub gzhon
nu byang chub kyis/ sangs rgyas gnyis pa padma'i zhal 'dzum gyi/
/mdangs ldan 'od ris gsar pa'i dge mtshan

mchog /phan bde'i dpal 'bras bzang po smin no zhes/ /lung bstan
bzhad kyi ming du de nas thogs/ /zhes gsungs pa ltar/ gtsang
stod g.yas ru'i nang tshan bzhad du grags pa'i yul

@002b ljongs 'dir lha sde gnyis su yod pa'i lha sde la/ sa dger
nyid 'brug bo na sogs rang rang gi lung rigs kyis grub pa'i
mtha' mang du mchis ba las/ rgyal dbang lnga pas/ rmad byung
rnam thar gtsang ma'i khrims dang

ldan/ /rlabs chen rgyal sras spyod pa'i snying stobs che/ /bde
stong mchog gi rim gnyis rnal 'byor spyod/ /blo bzang rgyal ba'i
bstan dang mjal bar shog/ ces smin yul du mdzad pa'i bzhin chos
srid lugs zung gi dpal gyis

sa 'dzin gyi dbus na lhun po ltar 'phags pa ni gser mdog cod pan
'chang ba'i rings lugs nyid yin cing/ de las gur dkar gyi tog tu
gyur ba ni/ mkhan po bstan 'dzin rin chen bas/ bkra shis dge
legs

rgya mtsho 'du ba'i zhing/ /dge ba mngon mtho nges legs mtha' dag
pa/ /yar ngo'i zla ltar 'phel ba'i chos gra che/ /bkra shis dge
'phel rtag tu rgyas gyur cig /ces gsungs pa ltar/ chos sde chen
po bkra shes dge

'phel zhes snyan grags kyi ba dan phyogs kyi mdzes ma'i rna
rgyan du g.yo ba 'dir/ ston mchog zas gtsang gi sras po drag po
zhes pa lcags sprel la sku bltams nas bgrad gzhi nyis stong bdun
brgya gya drug 'das

pa; rab byung bcu bzhi pa'i nang tshan mi zad bzhes pa me khyi lo
gtso bo dang/ de nas zla 'phreng bdun 'das pa rnam rgyal zhes pa
chu sbrul lo ldem gnyis bcas/ ji skad du/ phan yon mthong ba'i
shes rab can/ /

@003a @#/ /rtse gcig sems pa'i bsam gtan can/ /brtan cing spro
ba'i brtson 'grus can/ /bka' spyad mi skyo bzod sgran can/
/ngang ring tshig 'jam tshul khrims can/ /g.yo med gtong phod
sbyin par ldan//

rim gyis dga' tha sgom pa'o/ /zhes gsungs pa'i ngang tshul dang
ldan pa'i dbu mdzad dbang phyug chos dar dang /dge slong ye shes
dngos sgrub zung nas/ rje dkon mchog bstan pa'i sgron mes/ kun
slong mi dge'i skyon

gyis ma spangs par/ /dge sems khyad par can gyis zin pa yis/
zhes gang gsungs pa ltar du/ rgya pa la bod kyi bzo bo mkhas
pa'i 'du byed kyis bsgrubs pa'i gtso bo 'dres mchog shAkya'i
dbang po'i snang brnyan

sku tshang 'phangs sor brgya dang nyer lnga yod pa/ khri rgya
brog zhu dar dpyangs dang bcas pa/ 'khor 'phags mchog spyan ras
gzigs dang/ rje btsun 'jam pa'i dbyangs kyi snang brnyan 'phangs
sor sum cu

rtsa gnyis lhag bcas re yod pa/ pad gdan rgyab yol dang bcas pa/
rgyu gser zangs 'ba' zhig las grub pa la rdo rje pha lam la sogs
pa'i rin po che'i phras mdzes pa/ gtso bor ljon dmar rtsi ma'i
lhung

bzed dang gos bzang gi snam sbyar/ gsum gar bzang gos kyi na
bza' 'ja' ldan steng du bla re dang bcas pa/ nang gzhug chos
sku/ yungs 'bru lta bu/ sku gdung/ sku bal te ring bsrel rnam
bzhis byur bus

@003b gtams shing/ sbyor dngos rjes gsum tshang ba'i lhag gnas
kyi tshogs gzi byin sbar pa/ sku mdun du rtsi bcud kyi sgron me
nyin mtshan bar med du 'bul 'dod bcas/ snga phyi'i rgyu song
khyon gcig tu bsdoms pad dngul TaM

srang dgu brgya dang dgu bcu go brgyad zho bdun skar lnga song
'dug pa ni/ rgyal sras rin po chos/ 'tshol ba'i tshe na nyon mongs
brgya yi rten/ /rnyed nas spyod par 'dod tshe ser sna'i gzhi/
/gal te gzhan gyis 'phrogs na sme sngags

rgyu; ;shi nas phan pa med pa'i nor gyis ci/ /zhes gsungs pa
ltar/ snying med kyi nor rdzas la snying po khyad par can lon
pa'i thabs mkhas kyi 'phrul khyad par can yin te/ gsal rgyal la
tshigs su gcad pa'i mdo las/

bcom ldan 'das kyi mchod rten rnams dang ni/ /sku gzugs rnams la
rdul phran ci yod pa/ /de yi grangs snyed de byed mi rnams kyis/
/lha yul sa steng nges par rgyal srid thob/ /gsugs dang gzugs
med khams kyi

ting nge 'dzin/ /phun sum tshogs pa'i sa mchog kun myongs nas/
/mtha' mar skye dang rga la sogs pa yi/ /sdug bsngal mang ba'i
sangs rgyas go 'phang 'thob/ /ces sogs rnam pa kun tu rtsun
gsung ba mi srid

ba'i rgyal ba'i bka' las phan yon mtha' yas par gsungs pa'i
phyir ro// ' da ni de lta bu'i rten khyad par can rnams la bskor
ba bya ba la gsum/ bskor ba bya ba'i tshad/ skor ba byed tshul gyi
man ngag bskor

@004a @#/ /ba byas pa'i phan yon no/ /dang po ni/ saMskr-i ta'i
skad du pra dak+Shi Na zhes pa g.yas phyogs gshegs pa'am rab tu
skor ba zhes pa ste/ de ni mdo sde rgyan gyi gya 'grel las/ skor
ba byed pa la sogs pa ni

bkur stis mchod pa'o/ /zhes gsungs pa ltar/ yul khyad par can la
gtso bor lus kyi sgo nas bkur sti byed pa yin cing/ de'i grangs
tshad ni/ skye bo'i ngag rgyun du skor 'bum phyag 'bum du grag pa
dang mthun par/ sda 'gyur

byang gter sgrub thabs las/ gzhan don du skor ba 'bum bya'o/ /zhes
'byung zhin/ gsal ma'i brtag gnyis las/ dkyo lung pa sogs kyi
'khor gtso bo'i bzlas pa 'bum/ zhes dang/ slob dpon ma tis/ rig
sngags rgyal po 'bum phrag cig

gis 'grub/ ces dang/ snying po rgyan las/ 'bum phrag tu ni bzlas
gyur na/ /rnam par dag ba'i bdag nyid 'gyur/ /zhes gsungs pa
sogs kyi'ang rigs 'gre ba la dgongs nas skor tshad 'bum du bzhed
la/ de lta na jo bo rje'i

lam yig las/ rgya gar du grong khyer chen po dang/ gtsug lag
khang dang/ kha sawa Ni'i lha khang so sor skor ba byas pas
dngos grub thob pa dang/ rkang 'bam gyi nad gsos pa sogs kyi lo
rgyus gsungs pa dang mthun par/

chos sde chen po lha 'bangs dang bcas pa'i phyi skor la sor tshad
gtan tshigs ma'i 'dom lnga brgya zhe bzhi dang sor drug /chos sde
kher rkyang gi bar skor la 'dom bzhi brgya nga bzhi dang khru
gang/ skal bzang lha khang kho na'i nang

@004b skor la 'dom so bzhi dang mtho gang/ thub pa'i dbang po
gtso 'khor gsum la mtha' sor nyis brgya drug cu/ gtso rkyang la
mtha' sor nyis brgya bco brgyad byung ba bzhin/ thub dbang gtso
'khor gsum la skor 'bum 'gro bar phyi skor

lnga brgya phul na kha skong lnga brgya bcu gcig lhag tsam dang
bcas pa 'gro/ bar skor lnga brgya go bdun phul na/ kha skong
brgya dang gsum cu lhag tsam dang bcas pa 'gro/ nang skor bdun
stong dgu brgya so bdun phul na/ kha skong drug  

lhag tsam dang bcas pa 'gro/ gtso rkyang la 'bum bskor 'gro bar
phyi skor bzhi brgya bco brgyad phul na/ kha skong brgya dang
zhe bdun lhag tsam dang bcas pa 'gro/ /bar skor lnga brgya phul
na/ kha skong bco brgyad lhag tsam dang bcas

pa 'gro/ nang skor drug stong drug brgya nga lnga phul na/ kha
skong brgyad lhag tsam dang bcas pa 'gro ba yin no/ /gnyis pa
skor ba byed tshul gyi man ngag ni/ spyir bsgon bzlas med kyang
phan yon 'dod nas dad pas skor ba byas pa

la phan yon mi 'byung ba ma yin kyang/ lus ngag yid gsum ga'i
dge ba tshang na phan yon lhag par che ba yin pas/ dang por sems
can thams cad kyi don du rdzogs pa'i sangs rgyas kyi go 'phang
thob par bya/ de'i phyir du

rten khyad par can la skor ba bya'o/ /snyam pa'i kun slong bcos/
de nas ma Ni bka' 'bum las/ gnyis pa skor ba'i rnal 'byor ni/
thugs rje chen po'i sku gcig la/ phyi ltar na sangs rgyas dang
byang chub sems dpa'

@005a @#/ /thams cad/ nang ltar na brgyud pa'i bla ma thams cad/
gsang ba ltar na yi dam mkha' 'gro thams cad bstims la/ oM ma
Ni padme hUM/ zhes bzlas shing bskor ba bya'o// rten las 'od
phyung nas rang la phog

pas sgrib pa byang bar bsams la bskor ba bya'o/ /zhes gsungs pa
ltar/ rang nyid kyis sna drangs te sems can thams cad rjes su
khrid pa'i mos pa dang/ skor rten rnams kyi thugs ka nas 'od zer
'phros pas/ phyogs

bcu'i bla ma yi dam sangs rgyas byang sems mkha' 'gro chos
skyong thams cad spyan drang ste thim pas skyabs gnas kun 'dus
pa'i bdag nyid du gyur par bsam pa'i mos gus gsal btab/ ngag
nas/ na mod shadkti kA

la sarba ratna tra yA ya/ na maHpra dak+Sha su pra dak+Sha sarba
pI pi bi sho d+ha ne swA hA/ zhes dkon mchog gi rten la skor
'a byed pa'i sngags dang/ gzhan yang skyabs 'gro bzlas brjod
gsol 'debs smon lam/ /phyogs bcu drus gsum

gyi dkon mchog gsum po thams cad la phyag 'tshal lo/ /phyag 'tshal
bskor ba legs par bskor ba sdig pa thams cad rnam par sbyar ba
legs pa kun byin/ sogs rang gang mos kyi nga 'don byed bzhin du
bskor ba bya/ de'i tshe rten rnams kyi

sku'i cha las 'od zer 'phros pa rang gzhan thams cad la 'phog
pas/ nad gdon sdig sgrib thams cad dag nas/ tshe dang bsod nams
lung rtogs kyi yon tan thams cad 'phel zhing rgyas pa'i mos pa
yang yang bya/ mjug tu skor

@005b ba byas pa'i dge ba rnams/ sems can thams cad kyi don
du rdzogs pa'i sangs rgyas kyi go 'phang thob pa'i rgyur gyur
cig snyam pa lan 'ga' zhig bya'o/ /gsum pa skor ba byas pa'i
phan yon ni/ skor tshad byang chen 'grod pa'i myur

lam las/ /'dus byas la brten dge ba'i rtsa ba can/ /bsod nams
'ba' zhig skye ba'i nang nas kyang/ /skor ba zhes grags mngon
mtho bde ba dang/ /nges legs thar pa sbyin la mtshungs pa med/
/yid ni bde bar gshegs

pa'i mchod rten la/ /dmigs pa'i mchod phyir gom 'dor bsod nams
mthu/ /gser mchog 'dzam bu chu bo'i gser srang 'bum/ /gang gi
legs byas tshad de gzhal bya min/ /de phyir 'phags pa'i yul gyur
grong khyer dang/

gtsug lag khang dang lha yi gang d+ho lar/ /bskor ba byas pas
mchog gi dngos grub dang/ /rkang 'bam nad sogs gsos ba'i gtam
rgyud mang/ /zhes rgyal ba'i bka' dang dam pa'i gsung bgros kyi
gnad bsdus

nas bkod pa ltar ro/ /smras pa/ ljongs 'di'i lha sde mi ltung
'phreng tshogs dbus/ /chos dang srid kyi cha shas yongs gang
zhing/ /mos ldan bu mos dga' ba'i rtsa lag mchog /bkra shis dge
mtshan blar 'phel

chos kyi sde'i/ /bsod nams zhing gi mchog gyur shAkya'i tog
/pad dkar can dang ye shes med long gi/ slar gzugs mthong ba kun
gyi 'dren byed la/ /zil mngar char du bsnyil bar mdzad gang la/
/dad dang gus pas phyag

@006a @#/ /'tshal mchod sprin 'bul/ /g.yas nas skor sogs sri zhu
lhur len de'i/ /nad gdon bgegs sdig dri ma rab byang nas/ /gnas
skabs mthar thug re 'bras smin par gsungs/ /de phyir rgyun

ldan dam pa'i rjes 'brangs te/ /gang gi skor tshad sngon med
shing rta'i srol/ /lhag bsam kun phan mdangs kyis phye ba la/
/gzur gnas gnyis skyes tshogs kun rangs par mdzod/ /'dir ni sgo
gsum

'bad mtshon legs byas mthus/ /kun gsal mtha' dang mnyam song ma
rgan 'gror/ /sman phyir rdzogs byang sgrub la 'gal ba'i rkyen/
/rab zhi mthun rkyen 'bad med lhun grub shog /ces ston mchog
thub pa'i

dbang po gtso 'khor gyi snang brnyan ji ltar bzhengs pa'i dkar
chag skor tshad dang bcas pa dgos zhes sbyin bdag dge slong dngos
grub lags nas bskul ma mdzad dor/ lha sa/ bkras lhun/ shangs
dga' chos sogs kyi skor tshad la gzhi

byas te/ ban rgan d+harma b+ha dras 'phar ba'i lo'i sa ga'i zla
tshes la dngul chu'i ri phug tu sbyar ba mang+gal shri ya wa
rd+hantu// ' rgyal tshab byams pa mgon po'i gos sku ran po che'i
dkar chag dad pa'i 'jug dogs zhes bya ba

bzhugs so/ /rgyal tshab byams pa mgon po'i gos sku rin po che'i
dkar chag dad pa'i 'jug ngogs zhes bya ba/ bla ma dang mgon po
'jam pa'i dbyangs kyi zhabs kyi padmo la skye ba kun tu gus
pas phyag 'tshal

@006b lo/ /dpal mgrin 'jig rten mes po tha gu'i lto/ /mig stong
can dang padmo'i gnyen la sogs/ /dregs ldan kun gyi ral pa'i
nags klung na/ /zhabs sen 'god mdzad zas gtsang sras la 'dud/
/de

sras mi pham mgon dang mkhyen ba'i gter/ /rgyal bas lung bstan
klu sgrub thogs med zhabs/ /mar me mdzad dang blo bzang grags
pa'i dpal/ /yab sras brgyud par bcas la su mi dad/ /khyad par
yon tan

kun gzhi klog yig nas/ /nges gsang theg pa'i dbang rgyud man
ngag par/ /'doms mdzad drin can bla ma'i tshogs rnams la/ /snying
gi khongs nas gus pas phyag 'tshal lo/ /bkraO shisO dpal 'byor
rgyas pa'i

yul gyi char/ /dgeO ldan ring lugs 'phelO ba'i chos grwa che'i/
/dang rten byams mgon slar gzugs bzang gos las/ /bskrun pa'i
dkar chag mdo tsam brjod par bya/ /chags sdang rab rib stug pos
ma

bslad cing/ /legs nyes dpyod ba'i blo gros 'dren byed dwangs/
/ngo mtshar gsar pa'i legs bshad don gnyer ba/ /de dag sgra 'dzin
legs par gtod la nyon/ /de la 'dir blo gsal mkhas mang rgya

mtsho'i sti gnas/ /mdo sngags legs bshad sgrog pa'i dga' tshal/
mos ldan bsod nams spel ba'i zhing sa/ kun mchod thar pa chen
po'i gling ma chog/ /chos sde chen po bkra shis dge 'phel gyi
mchod

@007a @#/ /yon spyi'i dad rten du bzhengs pa'i bskal bzang gi
'dren mchog lnga pa/ rgyal tshab byams pa mgon po'i gos sku rin
po che'i lo rgyus cung zad brjod pa la bzhi/ thog mar bris sku
ji ltar

byung ba'i tshul/ da lta ji ltar bzhengs pa'i tshul/ /tshul bzhin
bzhengs pa'i phan yon/ phyag mchod bsnyen bkur byas pa'i phan
yon no/ /dang po thog mar bres sku ji ltar byung ba'i tshul ni/
sngon bcom ldan

'das shAkya'i rgyal po nyid 'jig rten na bzhugs pa'i dus su
rgyal po gzugs can snying po dang/ /rgyal po utra ya na gnyis
yul thag ring yang phan tshun gcig gis gcig la skyes bskur res
byed kyin

yod pa la/ dus nam zhig gi tshe u tra ya nas rin po che
baidUrya las grub pa'i khrab rin thang thal gzhal bar dka' ba
zhig bskur ba'i skyes lan du gzugs can snying pos/ sangs rgyas
kyi sku brnyan bris te bskur

na ji ltar rung zhes bcom ldan 'das nyid la zhus pas/ ston pas/
dbus su sangs rgyas kyi sku brnyan/ steng du brtsam par bya
zhing dbyung bar bya/ zhes sogs kyi tshogs bcad/ 'og tu rten
'brel lugs

'byung lugs ldog rnams bris la skur cig/ ces bka' stsal pa ltar
bskur ba u tra ya nas mthong ba la brten nas bden pa mngon sum
du mthong ste/ ring na bzhugs pa'i sangs rgyas kyis/ /shes

@007b rab kyi mig rnam par sbyangs/ /gang la de 'dra'i gsos
mnga' ba'i/ /sman pa'i mchog la phyag 'tshal lo/ /zhes bstong
phyag mdzad par 'dul ba lung las bshad pa ltar ro/ /gnyis pa da
lta ji ltar bzhengs

pa'i tshul ni/ dbyangs can bzhad pa dge 'dun rgya mtshos/ grangs
med dpag tshad khyon ldan mgyogs 'gro'i steng/ /bye ba phrag
brgya'i chu dang gser gyi gzhir/ /lhun po'i dbang po gling bzhi
gling phran brgyad//

lha lam mdzes byed nyi zla'i snang ba dang/ /de snyed grags ldan
lcags ri mu khyud bcas/ /zhes gsungs pa ltar/ stong gsum mi mjed
gyi zhing khams 'di nyid la gling bzhi ri rab la sogs pa bye ba
phrag brgya

yod pa'i nang nas 'dzam gling chung dur grags pa 'di nyid ni
dbus su bskal bzang gi rnam 'dren stong 'byon pa'i gnas byang
chub kyi snying po rdo rje gdan/ shar du 'phags pa 'jam dpal gyi
zhing rgya nag ri bo

rtse lnga; lhor mgon po spyan ras gzigs kyi zhing ri bo po ta
la/ nub tu mkha' 'gro'i gsang mdzod o DI ya na/ byang du chos
rgyal rigs ldan rnams kyi pho brang shambA la sogs yod pa dang/
khyad par

mngal skyes khams drug dang ldan pa'i bla med rdo rje theg pa'i
gdul bya rin po che lta bu rnams kyang gling 'dir 'byung bas
na yul gling gzhan las khyad par du 'phags pa yin te/ bka' gdams
glegs baM

[@##data possibly incomplete here]

@009a @#/ /las; chos dge ba bcu yis khyad 'phags pa'i/ /gling
phun sum tshogs pa 'dzam bu'i gling/ /zhes dang/ sdom 'byung las/
'dzam bu gling rnams las skyes pa'i/ /las kyi sa

par rab tu grags/ /zhes gsungs pa'i phyir/ de la'ang 'phags yul
dang/ bod dang/ li dang/ rgya nag dang/ shamb+ha la dang/ gangs
ldan te yul chen po drug tu yod pa las/ bod kha ba

can gyi yul gru 'di ni rgyal po bka' 'bum las/ bod ces bya ba
khyad par 'phags pa'i yul/ /ri mtho sa gtsang gangs ri gnyan gyi
mgul/ /bsil la dro ba lha gnas gzhal

yas khang/ /chu bo bzhi 'bab rgya mtsho bzhi yis mdzes/ /'bru sna
sna tshogs rin chen sna tshogs 'byung/ /rkang 'gros sgur spyod
rtsi thog mar la spyod/ /rje ni lha yin 'bangs ni mi yis byas/
/zhes

gsungs pa ltar yin la/ de la yang dbus gtsang chos kyi chos kha
dang/ mdo stod mi'i chol kha dang/ mdo smad rta'i chol kha gsum
du yod pa las/ skyabs mgon rgyal mchog yab sras la sogs pa'i
bstan

'dzin gyi skyes chen du ma dang/ jo zhal rnam gnyis la sogs pa'i
sku gsungs thugs rten byin rlabs kyi gzi 'od 'bar ba du ma dang/
grwa sa chen po bzhi la sogs pa'i lta spyod rnam par dag pa'i
dge 'dun gyi

@009b sde ris su ma ched pa du ma dang ldan pa'i dbus gtsang
chos kyi chol kha 'di nyid khyad par du 'phags shing/ de la yang
dbus la dbu ru g.yo ru dang gtsang la g.yas ru ru lag ste dbus
gtsang ru bzhir grags pa'i gtsang stod

g.yas ru'i cha shas/ khang sa zhings sa yi dge/ khang rdo 'thag
rdo rdo yi dge /btung chu zhing chu chu yi dge/ khang shing bud
shing shing gi dge/ gam 'brog rgyang 'brog rtswa yi dge/ zhes pa
ltar gyi dge bcu'i yon tan

ma lus par tshang zhing/ gye la mi gtsang rab gsal dang/ rdog
yArya de ba dang/ rtsi 'dul ba 'dzin pa chen po thugs je byang
chub la sogs pa dam pa du ma'i 'byung khung/ ayon gyi slob dpon
mtsho las skyes

pa'i rdo rjes kyang thog mtha' bar du dge ba'i mtshan ma khyad
par can gzigs te 'dzum zhal lhug par bstan pa'i rgyu mtshan gyis
bzhad ces rjes grub tu brda chags pa'i yul gru 'di nyid ni/
dbyangs can ngag

gi rol mtsho las kyang/ dpyid kyi lus phra lang tsho'i dpal
ngoms tshe/ /bcu gsum dge ba'i yon tan kun tshang bar/ /grub ba'i
dbang phyug padma samb+ha was/ /lung bstan ji bzhin bzhad pa'i
yul gyi gru/ /zhes

gsungs pa'i phyir/ yul gru 'di nyid du'ang/ lha sde mi sde gnyis
su yod cing/ lha sde la'ang sa dge rnying 'brug dwags shangs zhi
byed bon sogs grub pa'i mtha' rnam grangs mang yang/ rgyal mchog
bskal bzang

@010a @#/ /rgya mtshos/ sku bzhi'i ro mngar g.yur za blo bzang gi
/ring lugs sa hA ka ra 'di mthong tshe/ /thos bsam tsU ta'i
'khri shing stobs phra yang/ /brtson pas 'khril te gzhal la dga'
blo btang

zhes gsungs pa ltar/ 'jam mgon chos kyi rgyal po tsong kha pa
chen po'i ring lugs ni rgyal mtshan gyi tog gi nor bu rin po che
ltar kun las ches khyad par du 'phags shing/ chos sde 'di nyid
kyang bzhad pa tshang

chos sdings su sku 'khrungs pa'i rtsi 'dul ba 'dzin pa chen por
grags pa de nyid sku gzhon nu'i skabs kyi rmi nyams su gang dmar
gyi mdun du me tog utpa la mang po 'khrungs pa'i gzigs snang
byung bar

gsungs pa de ni gnas 'dir ring por ma lon par phyi 'dul ba'i kun
spyod rnam par dag cing nang gsang sngags zab mo'i nyams rtogs
dang ldan pa'i bka' gdams kyi rnam thar gtsang ma skyong ba'i
dge 'dun gyi sde

khyad par can zhig 'byung ba'i ltas su mngon zhing/ de yang gnas
'dir thog mar stod 'brug gi ring lugs 'dzin cing/ mdo lugs ltar
na chos nyid kyis thob pa'i don dam sems bskyed rgyud la skyes
shing

yon tan brgya phrag bcu gnyis la dbang 'byor pa dang/ sngags
lugs ltar na phyi nang gi thabs mkhas khyad par can la brten nas
las rlung gi rgyu ba d+hU tir btsad nas lhan skyed kyi bde bas
stong nyid

@010b mngon sum du rtogs pa'i sa dang po rab tu dga' ba'i rtogs
pa brnyes pa'i grub thob chen po kun 'phel zhes grags pa des
sgrub pa ma'i sde zhig btab pa la mtshan bkra shis dge 'phel du
btags shing/

[@##line apparently missing this page]

phyis byang bdag pos dpal sdings pa'i zhal do nam mkha' dbang
rgyal bzhad mthong smon gyi gnyer par bskos skabs/ des sbyin
bdag gtso bo mdzad de rje shes rab seng+ge'i dngos slob
zhal snga nas shes rab mgon

po'am/ rje mgon po dpal du grags pa des dgon pa 'di nyid kyi
chos lugs mnyam med ri bo dge ldan pa'i ring lugs su bsgyur cing
nyams len mdo phyogs nas bka' gdams gzhung drug gi brjod bya

gcig tu bsdus pa'i snying po byang chub lam gyi rim pa dang/
sngags phyogs nas rwa lugs kyi 'jigs byed lha bcu gsum ma dang/
gsang 'dus mi bskyod pa lha so gnyis ma la gtso bor mdzad/ de
nas zhal

snga nas shes rab dpal 'byor bas bla ma mdzad skabs paN chen blo
bzang chos kyi rgyal mtshan gdan drangs te zab rgyas kyi chos
tshul du ma bstsal ba nas bzungs cho ga phyag len tshang ma gsang
sngags

rgyud pa grwa tshang ji lta ba bzhin du bsgyur te/ phyag len
nyams med du bya ba'i phyir gsang sngags rgyud pa grwa tshang gi
mdo sngags zung 'brel gyi dge ba'i bshes gnyen mu tig gi 'phreng
ba bzhin du zam ma chad

@011a @#/ /par phebs te/ 'dzin skyong spel gsum bla nas blar
'phel gyi thog /deng gi dus nyid du don gyi slad du mtshan nas
smos te bdag gi mkhan po rin po che/ rgya bod gnyis su mtshan

snyan gyi grags pas khyab cing/ mkhas btsun bzang gsum gyi mdzad
pa rnam thar bzang pos 7skyabs mgon snang mtha'i mgon po'i mdzad
'phrin spel ba'i byed po rgyu skar gyi 'phreng tshogs lta bu'i
dbus

na chu shel dbang po nya yongs su gang ba ltar 'phags pa rje
zhal snga nas ye shes dpal grub dpal bzang po nyid mi 'jigs seng
ge'i khri la zhabs sen rnam par bkod pa nas bzungs chos sde chen
po 'di

nyid kyi chos srid kyi dpal 'byor mtha' dag dbyar dus kyi chu
gter bzhin du 'phel te/ da lta phyogs 'dir cho ga phyag len/
chos ldan gyi yo byad/ bka' btsan stobs 'byor gang gi thad du
yang gzhan dag

gis cha tsam du yang 'gran par mi nus shing/ stobs 'byor dregs
pas 'gying ba mtha' dag gi lag pad tsi ltar bkod de gus pas 'dud
pa 'ba' zhig lhur lon pa kun gyi mngon sum du grub pa ltar lags

so; ;'on kyang rgyal ba bdag cag gi ston pa zhal bzhugs pa'i dus
nyid na yang/ sngon gyi las dbang btsan pos bdas te/ sdig can
'phags skyes bos shAkya bdun khri bdun stong lnga pa'i lam du
btangs

@011b ltar/ chos sde 'dir yang shing stag lo thor lta bu'i
bsnyun gyis dge 'dun grongs tsabs chen po byung ba'i dngos po
rnams kyi gzhi bzung/ 'di kha'i bla brang nyid nas dngul srang
lnga bcu/ gos dkar spus legs yug gcig

'gang dkar yug gcig/ bris chom par zhabs tog nyin gang zab rgyas
sogs gang spyi'i khur bzhes kyi gtso bo mdzad cing/ gzhan yang
bla brang rgyal mtshan mthon po nas dngul srang lnga bcu ri ba'i
nang gos yug chen gcig

gi gsol ras/ gzims dpon chen mo blo bzang don grub nas nyin gang
zab rgyas kha btags dang bcas pa/ sde mgron chen mo thang spe ba
nas nyin gang zab rgyas kha btags dang bcas pa/ sde rgyas sgo ba
nas nyin gang zab rgyas gos

yug dang bcas pa/ gcen lung mkhan po dka' chen ye shes dar rgyas
kyis hor dar ser po yug gcig /grwa tshang mkhan po blo bzang dpal
'byor gyis dngul srang bdu/ sde zhabs drung smon skyid pa nas
nyin gang zab rgyas/ sku gdung mchod 'bul

ba drung ram pa dka' ldan dbang rgyal nas nyin gang gcig /drung
chen ye shes dpal 'byor nas ja 'bras kha btags dang bcas pa/
bzhad pa mi tshan spyi nas nyin gang kha btags dang bcas pa/ dka'
chen ye shes tshe brtan nas kha btags bar

mdzad cig dka' chen nor 'phel nas dngul zho bdun skar lnga kha
btags gcig /dka' chen blo bzang shes rab nas dngul zho bzhi skar
lnga kha btag gcig /drung ram pa dge tshul nas dngul zho bzhi
skar lnga kha btags gcig /dge slong ye shes tshe brtan dang

@012a @#/ /dge slong dge leD gnyis nas dngul zho gang skar lnga
kha btags gcig /bkra shis tshe ring nas dngul zho bzhi skar lnga
kha btags gcig /ye shes dkon mchog nas ja 'bras chang tshod gsum
bcas/

gru 'dzin dbu mdzad blo bzang yongs grags nas gser zho do/ dge
sdings kha byang rab brtan nas gos kha lnga/ dge sdings ne'u
gsing lha bu tshe brtan nas dngul srang gang zho lnga/ dbang drag
nas dngul zho gsum/ zla ba nas

nas khal bzhi/ bkra shis sri thar nas dngul zho gang skar lnga/
ja pa sri gnon nas bal dod phyed gnyis/ 'brog dol byad tshe dbang
rdo rje nas dngul srang bdun zho lnga/ sge ru 'go pa rong tshe
nas dngul srang gang zho lnga

hong pa mtsho skyes nas dngul zho gang skar lnga kha btags gcig
/nu ru bkra shis nas ja sbag gcig /mar khal gsum/ 'di kha'i grwa
grags dbu mdzad ye shes dbang rgyal nas dngul srang bdun skar
lnga kha

btags nang mdzad cig /spang yul bla ma dka' chen ye shes tshul
khrims nas dngul srang do zho do skar lnga/ dge slong 'cham dpon
tshe brtan nas dngul srang do zho do skar lnga/ dge skos pa nas
dngul srang gsum/ sge

ru mtshan nas dngul srang do/ dge slong padma nas dngul srang
gang zho drug skar lnga/ dge slong mkhas grub nas dngul sgrang
gang/ dge slong brtson 'grus nas dngul sgran gang zho dgu skar
lnga/ dge slong thogs med nas

@012b dngul zho bzhi skar lnga/ dge slong ngag dbang bsod nams
nas dngul srang gang zho lnga/ dge slong phun tshogs nas dngul
zho bzhi skar lnga/ dge slong dpal 'byor gyis nas khal gnyis bre
bcu/ sha lug khog gcig/

mar khal gcig /dge tshul ye shes don grub nas dngul srang do zho
gang skar lnga/ gos kha do bcas/ ye shes kun dga' nas dngul
srang gsum zho gang skar lnga/ dam chos nas dngul srang gang
skar lnga/ bstan

'dzin nas dngul srang gang/ a rtsig nas dngul zho gang skar
lnga/ blo bzang bkra shis nas dngul zho gang skar lnga/ blo
bzang shes rab nas dngul zho gang skar lnga/ ye shes rgyal mtshan
nas dngul zho bzhi skar lnga/

drung ram pa stobs ldan nas dngul srang gang/ ye shes bstan
bzang nas shing do lnga/ bkra shis rgya mtsho nas dngul srang
bdun rnams zhal 'debs su byung bas zur brgyan pa las rgyu
bsgrubs pa yin zhing/ bya ba las kyi

'khor lo'i 'gan brjid dngos bzhes pa'i sbyin bdag gi zhal tab
ni/ gzungs 'bul 'khrul spong nyin byed las/ rgyu'i yan lag sbyin
bdag de ni mkhas pa'i gsung las/ sdig la mi 'dzem dad 'dun
chung/ /phan yon ma mthong yid mi

ches; ;sgrub blo med pa'am yod na yang/ /tshe 'di'i lo 'dod grags
'dod phyir/ /rkyen dang mi 'tsham blo rgya che/ /dang thung blo
dog bzod srang chung/ /lha dad bzo bor smod byed cing/ /'gyod pa
skyes nas 'phro 'jog pa'o/ /zhes pa ltar gyi skyon dang mi ldan
zhing/ /phan yon

@013a @#/ /mthong ba'i shes rab can /rtse gcig sems pa'i bsam
gtan can/ /brtan cing spro ba'i brtson 'grus can/ /dka' spyad mi
skyo bzod srang can/ /dad ring tshig 'jam tshul khrims can/ /g.yo
med gtong phod

sbyin par ldan/ /rim gyis dga' ba bsgom pa'o/ /zhes pa ltar kyi
yon tan ma lus pa dang ldan pa'i rdo zhal snga nas kyi 'phrin
las kyi kha lo bsgyur ba chos rje ye shes mkhas btsun dang/ spyi
mi dge ba'i bshes

gnyen 'cham dpon ye shes tshe brtan gnyis nas mdzad de/ mnyam med
shAkya'i rgyal po drag po lcags sprel la sku bltams nas lo nyis
stong bdun brgya nga bzhi 'das pa rab byung bcu gsum pa'i nang
tshan

srin bu zhes pa shing yos hor zla gnyis pa dbo zla ba'i yar tshes
dge ba'i nyin mgo brtsams te/ sku rgyu lha rdzas kyi gos la
'gran bzod pa'i bzang gos shas snyoms shing dbang po'i gzhu ris
ltar tshos mdangs

gsal ba zhe gcig gi gos dkar yug chen phyed gnyis kha bcu gnyis/
gos ser yug chen gnyis kha phyed bcu bdun/ gos mtshal kha yug
chen phyed bzhi/ rgya smug yug chen gcig /zing dmar yug

chen gcig /li khri yug chen gnyis/ ljang gu yug chen gnyis kha
lnga/ sngon po yug chen bzhi/ sngo nag yul chen gcig /gos hrug
sna tshogs kha lnga tsam/ skud rgyu yug chen phyed gnyis/ khri
khebs kyi

@013b mtha' lcags/ god gsal zhal 'debs yug chen gcig dang kha
lnga ste khyon bsdoms kha nyi shu la gos yug ri'i rtsis kyi yug
chen nyi shu rtsa gnyis kha phyed bcu bzhi lhag tsam la/ bzo bo
ni/ yon tan mi mkhas nga

rgyal che/ /'grogs pa mi bde bkur sti 'dod/ /'phral du tshig
rtsub phugs 'dod che/ /yon rgyag gla thang tshad med 'bebs/ /des
kyang mi tshim rgyu cha rku/ /cung zad tsam la bzo 'phro 'jog
/'gro sdigs byed cing chang nag

'tshol/ /dge las sdig par bsgyur mkhan yin/ /zhes pa ltar gyi
skyon dang mi ldan zhing/ /sdom 'byung las/ dul zhing bzo rnams
kun shes la/ /cho ga mthong zhing mnyam gzhag pa/ /zhes dang/
dpal kha sbyor

las/ dul zhing dad ldan lang mtshor ldan/ /dbang po rnams gsal
rnam rtog med/ /khro med lkog 'phyas mi byed cing/ /shin tu
mkhas la spro ba che/ /bzod ldan snying rje chen po can/ /

zhes gsungs pa ltar gyi yon tan dang ldan pa'i lha bris dbu
mdzad chen mo 'jam dbyangs tshe dpal dang/ dbu chung tshangs pa
dkar po/ /tshem bu dbu mdzad chen po phun tshogs dang/ dbu chung
nor bu tshe ring sogs

bris tshems sor mo'i 'phrul bsgyur la lha'i bzo bo bi shwa kar
mar 'gran bzod pa gcig gis lhag pa'i bzhi tshan gnyis kyis sdom
'byung las/ kos ko mgrin pa byin pa ste/ /gsum po rings na skyon
chen po/ /

@014a @#/ /sngags pa bdag nyid nges par ni/ /gnas las nyams shing
bskrad par 'gyur/ /snyan dang shangs dang phyag sor te/ /gsum po
thung na skyon chen po/ /dngos grub nges par 'joms pa dang/
/de

bzhin dpal yang nyams par 'gyur/ /zhes gsungs pa ltar gyi cha
tshad dang mi ldan pa'i skyon phra mos kyang ma gos shing/ dpal
dus kyi 'khor lo dang/ bde mchog sdom 'byung/ de dag gi 'grel pa
la sogs

pa rgya bod kyi bstan bcos nas 'byung ba spyi dang/ khyad par du
rje btsun 'jam pa'i dbyangs kyi rnam 'phrul sman bla dong rub
pa'i thig rtsa dang/ dbyangs can mas rjes su bzung ba'i sprul
sku 'phrad kha ba'i thig rtsa

dang/ mi rje sangs rgyas rgya mtsho'i dri dag ba/ baiDUr dkar
po'i g.ya' sel sogs thig rtsa tshad ldan rnams las bshad pa
ltar gyi cha tshad dang ldan par lo de kha'i hor zla lnga

pa snon gyi zla ba'i bar la/ ji skad du bdag cag gi dpal
ldan bla ma dam pa yongs 'dzin rin po che blo bzang tshul khrims
dpal bzang po'i zhal nas/ rnam 'dren lnga pa dga' ldan lha
brgya'i mgon/ /sgras

mchog nam mkha' dri med 'ham dpal snying/ /dpal stug dam tshig
gsum bkod tshe sbyin lhas/ /deng 'dir bdag cag nyin mtshan bde
legs stsol/ /ces gang sungs pa ltar/ gtso bor gyal ba

@014b byams pa mgon po dang/ lha mgron la g.yas su dpal lha
gcig di baM kA ra'am nam mkha' dri ma med pa/ g.yon du rje
bdag nyid chen po'am rgyal sras 'jam dpal snying po steng gi
g.yas su bya rgyud de

bzhin gshegs pa'i rigs kyi gtso bo thub pa dam tshig gsum bkod
pa'i rgyal po/ steng gi g.yon du bya rgyud padma'i rigs kyi
gtso bo rgyal ba tshe dang ye shes dpag tu med pa dang bcas
pa'i gos sku

chen mo/ zhal khebs las sna tshogs 'grub pa mtshon pa'i ma hanytse
yug chen bzhis lhag pa'i bcu phrag gnyis las grub pa dang/ rang
bzhin nam dag gi chos nyid la glo bur gyi dri mas ma gos pa'i
mtshon byed du ras

dkar yug chen lnga phrag lnga las grub pa'i rgyab sha dang/
/rtag chad kyi mtha' dang bral ba'i dbu ma'i lam gyi bgrod pa
mthar thug pa'i mtshon byed du mtha' 'dril bzang skud dang bcas
pa rnams zla ba gcig dang zhag

bcu gnyis kyi khongs su legs par grub ste/ gzungs 'bul shel dkar
me long las/ rgyal bas skye dgu'i bsod nams zhing mchog tu/ /lan
cig min par bsngags pa'i sku brnyan dang/ mchod rten

rnams la gzungs gzhug 'bul ba'i tshul/ /bod kyi dam pa mang pos
sna tshogs mdzad/ /ces gsungs pa ltar/ gtso bo'i dbu tsug gi nang
du rin chen gnyis pa 'debs byed srang 'khor yon tan gyi grangs

@015a @#/ /las grub pa'i gu'i nang du sku bal gyi ring bsrel
skyabs mgon snang mtha'i mgon po dur smrig gi zlos gar
bsgyur ba rje btsun blo bzang dpal ldan bstan ba'i nyi ma
phyogs las rnam rgyal dpal bzang po'i

dbu skye syi lo ma/ sku gdung gi ring bsrel sangyas byang sems
kyi gdung rus dang yungs 'bru lta bu'i ring bsrel de bzhin
gshegs pa'i 'phel gdung sna tshogs bsres pa'i ril bu rnams kyis
byur bur gtams

te skyabs mgon chen po'i thugs dam gyi rgyas btab nas bzhugs su
gsol zhing/ chos sku'i ring bsrel lha so so'i dbu gtsug nas seng
khri'i bar gyi rgyab sha la gzungs 'bul 'khrul spong nyin
byed

dang/ nor bu'i me long sogs las ji ltar 'byung ba ltar mdo rgyud
kyi go rim ma 'khrugs shing lhag chad nor gsum gyi skyon gyis ma
sbags par byur bur bkang ste bris shing/ lhag par yongs 'dzin
rin

po che blo bzang tshul khrims dpal bzang po la ched gnyer gyis
zhugs pa'i smon tshig shlau ka bdun gyi bdag nyid can de bris
nas/ de nyid gang du 'tsho zhing gzhes pa'i za ma tog dang/ hor
dang ser po las

grub pa'i dbu gdugs tog dang bcas pa yang legs par 'du mdzad de/
rab gnas kyi rgyud las/ bzo bo ma mnyes pa'i lha la ye shes pa
mi 'jug ste/ rab gnas kyi thog mar bzo bo mnyes par bya'o/ /zhes

@015b dang/ mi g.yo ba'i rgyud las kyang bris sku tshad ldan
yongs su zin nas bris mkhan la ji ltar 'dod pa'i yon phab pa
bzhin sbyin par bya'o/ /zhes gsungs pa ltar/ bris tshems kyi bzo
bo rnams yon dang

thog mtha' bar gsum gyi bya dga' gya nom pas yid lhag par tshim
par byas te/ mdo lugs ltar na/ bshes springs las/ ji ltar bde
gshegs sku gzugs shing las kyang/ /bgyis pa ci 'dra'ang rung

ste mkhas pas mchod/ /ces bde bar gshegs pa'i sku ni/ bzo dang
rgyu ji ltar yang grub tsam nyid nas phyag mchod kyi rten du
gsungs mod kyang/ sngags lugs la/ rgyud las/ gang du sku gzugs
rdzogs

pa la; ;byin ma rlabs par ring gnas na/ /de la bkra shis mi
'byung zhing/ /de srid mchod par mi 'os so/ /zhes sku gzugs
bzhengs nas rab gnas ma byas par yun ring bzhag na/ sbyin bdag
la mi shes pa

'byung zhing/ rab gnas ma byas bar du mchod pa yang mi byed par
gsungs so/ de ltar na sdom 'byung las/ ji ltar rab tu mi gnas
lha/ /rab tu gnas par bya ba nus/ /slob ma dad pa'i gsol 'debs
pa'i//

bsod nams phyir ni bya ba yin/ /zhes dang/ rdo rje gur las/ rtag
tu sangs rgyas rab gnas bya/ /zin pa'i de ma thag pa ru/ /rab tu
gnas pa mchog tu 'gyur/ /'khor lo bsgyur ba'i rgyal po yi/
/dbang

@016a @#/ /phyug thob par the tshom med/ /ces gsungs pa ltar/
bzhengs grub ma thag pa'i gza' skar tshes grangs byed sbyor shis
pa'i nyin ma bzang pa la/ bla brang rgyal mtshan mthon po'i bde
yangs

su spyan drangs nas zhal legs par phye ste/ rab gnas mdzad par
gsol ba btab pa na/ skyabs mgon bstan pa'i bdag po mchog nas
kyang/ rab gnas kyi rgyud/ lo chen rin chen bzang po'i rab gnas
kyi

sdom tshig/ /rje btsun grags pa rgyal mtshan/ bu ston thams cad
mkhyen pa/ 'dul 'dzin grags pa rgyal mtshan/ rgyal mchog dge 'dun
rgya mtsho/ paN chen blo bzang chos kyi rgyal mtshan rnams
kyis

legs bshad las ji ltar 'byung ba bzhin sbyor dngos rjes gsum gyi
cho ga rnam par dag pa'i sgo nas dam tshig pa la ye shes pa dngos
su bstims te lhag gnas kyi me tog gtor zhing lha rdzas

kyi snyan shal 'bul bar mdzad pa'i sgo nas 'phags mchog mi pham
mgon po dngos dang dbyer med par mthong thos dran reg mtha'
dag
smin grol gyi lam la 'god nus pa'i bdag nyid du byin gyis rlob
par mdzad

cing/ de gong gos sku ngo ma dang rgyab sha'i dbar du rlung chen
po zhugs te sbugs ldir lag pas reg kyang sra zhing 'thas pa'i
rnam par yod pa'ang de ma thag legs par snyoms pa ni/ sbyang ba
gsum gyi sgo nas

@016b 'byung po'i cho 'phrul dmigs med du bcom pa'i rang rtags
su mngon zhing de nyin bzhad mi tshan spyi'i 'du khang du spyan
drangs te/ khrus gsol dang bkra shis pa'i rab gnas zhus shing/
skyabs mgon chen po yas phyin

la skyabs 'jug zhu rten dang sku yon/ dge 'dun gyi sde la rab
ston gyi mang 'gyed bcas bstan pa rin po che'i mig rgyan du
'gyur ba bskrun nas lam bar gyi skye bo mtha' dag la bde legs
kyi sgo 'phang 'byed bzhin

du spyan drangs te/ hor zla gsum pa nag pa zla ba'i gral tshes
nyer dgu res gza' dkar po dang rgyu skar nam gru 'phrad pa'i
'grub sbyor sogs gza' tshes byed sbyor shin tu shis pa'i nam
langs yongs bu'i thog tu/ rgyan

gos lang tshos sgeg pa'i skye bo'i glu gzhe sa dang/ 'phan gdugs
rgyal mtshan dar 'bud dkrol brdung gsum la sogs pa'i mchod rdzas
kyi bye brag bsam gyis mi khyab pa phyag tu thogs pa'i khrims
ldan

'dus pa'i sde'i ser sbreng gis mdun bdar te/ chos sde chen po
bkra shis dge 'phel gyi gtsug lag khang du bzhugs su gsol lo/
/de'i tshe kun gsal gyi ngos nas chu 'dzin glo bur du rdol te
'chi med kyi

bu dang bu mo'i tshogs rnams kyis me tog gi char chen po mngon
par phab nas dbyig 'dzin gyi rdul rdul tshogs dag nam yang ldang
ba med pa ltar mnan pa la sogs pa'i mtshar ba'i ltas du ma yang
skye bo

@017a @#/ /phal mo che'i dbang shes kyi mngon sum du gyur ro/ /de
nas nyin zhag gi 'khor lo gsum gyis lhag pa'i bcu phrag gi bar
du dge 'dun 'dus pa'i tshogs la zhal sro'i mang 'gyed kyi
bsnyen

bkur phun sum tshogs pa dang/ gos sku rin po che'i sku mdun du
yang nyin re bzhin nyer spyod sna lnga brgya phrag rgya phrag tu
longs pa sogs dngos bshams yid sprul gyi mchod tshogs rgya chen
pos mngon par mchod de/

rnam dkar gyi dge tshogs rnams rgyal bstan spyi dang bye brag
'jam mgon bla ma'i bshad sgrub kyi bstan pa rgyas pa/ skyabs
mgon yab sras rnam gnyis kyis mtshon pa'i bstan 'dzin gyi skyes
bu mtha'

dag sku khams bzang zhing mdzad 'phrin 'phel ba/ dge 'dun gyi
sde spyi dang khyad par dgon gnas chen po 'di nyid thugs mthun
khrims gtsang gi sgo nas 'khor lo gsum gyi mdzad bzang gis nyin
mtshan

'da' ba ris med skye 'gro spyi dang bye brag gson gshin 'brel
thogs ci mchis gnas skabs su dga' ldan chos kyi mdun sar 'phags
mchog mi pham mgon po'i gsung gi bdud rtsi la 'bral med

du longs spyod cing/ ma 'ongs pa na byams mgon zhing 'dir 'byon
pa'i tshe 'dus pa dang por skyes nas rnam mkhyen gyi go 'phang
thob pa bcas kyi ched du thugs 'dun rtse gcig gi sgo nas bsngo
bar mdzad

@017b do; /de lta bu'i gos sku rin po che bzhengs pa'i snga phyi
bar gsum gyi rgyu song khyon gcig tu bsngoms te rin chen gnyis
pa'i srang gi 'khor lor bkug par dngul srang chig stong lnga bcu
nga gsum dang zho bdun thob ba

'brur phab gshor khal chig khri brgyad stong dgu brgya drug cu
re drug dang bre bcu gnyis kyi rtsis song 'dug cing/ gzhan yang
gos sku rin po che 'di nyid gdan sa chen po nas spyan 'dren zhu
mi tshang ma nas dngos po

sne kha re re tsam lus 'dug pa ni/ slar yang bya ba las kyi
'khor lo'i sgo nas sku gsung thugs kyi rten mchog khyad par
'phags pa du ma gdan sa chen por bzhengs te/ chos sde 'dir spyan
'dren pa'i rten 'brel

legs par 'grig pa yin nam zhes skye bo blo gros dang ldan pa dag
mgrin gcig tu gleng bar byed la/ yul phyogs 'dir yang gos sku
rin po che 'di nyid phebs pa nas bzung ste mi phyugs kyi nang
dkon

zhing/ char chu dus su 'bab pa sogs dge ba'i mtshan ma mngon du
gyur cing/ lhag par chos sde chen po nyid kyi bshad bsgrub longs
spyod sogs phyi nang gi legs tshogs mtha' dag yar ngo'i zla ltar
'phel zhing

gos sku rin po che zhal nam phye res bzhin chos char gyi rgyun
yang rtag par 'chag med du 'bab pa kun gyi mthun snang du grub
pa ltar lags so/ /gsum pa tshul bzhin bzhengs pa'i phan yon ni/
dam chos pad

@018a @#/ /dkar las/ la las 'di na rin chen sna bdun dang/ /la
las de bzhin zangs dang mkhar ba las/ /bde bar gshegs pa rnams
kyi gzugs byas pa/ /de dag thams cad byang chub

thob par 'gyur/ /zhes dang/ gang gis rtsig ngos gzugs kyi ri mo
dag /bsod nams brgyas mtshan yongs su rdzogs pa'i sku/ /gang gis
bris sam 'dri ru bcug kyang rung/ /de dag thams cad byang chub
'thob

par 'gyur/ /zhes bde bar gshegs pa'i sku gzugs ni rin chen sna
bdun dang/ zangs dang mkhar ba sogs las 'bur du bzhengs pa dang/
rtsig pa'i ngos dang ras gzhi sogs la ri mo rang gis bris sam
gzhan

la 'brir bcug pa thams cad kyis rgyu de la brten nas mthar thug
gi 'bras bu bla na med pa'i byang chub mchog myur du 'thob par
gsungs shing/ gsal rgyal gyis zhus pa'i mdo las/ /'di na rgyal
ba'i sku

gzugs byed pa ni/ /gzugs dang skal bzang yon tan nye bar ldan/
/de bzhin dbang po sbas dang nyi ma'i 'od/ /'jig rten kun gyis
mthong na dga' bar 'gyur/ /zhes sku gzugs bzhengs pas gnas
skabs

kyi 'bras bu gzugs bzang ba/ dbang po dul ba/ 'od gsal ba/ gzhan
gyis mthong na dga' bar 'gyur ba rnams dang/ /yang de nyid las/
'di na rgyal ba'i sku gzugs byed pa gang/ bran du mi 'gyur dbul
po'i

@018b rang bzhin min/ /las byed ma yin skye ba dman par min/
/dbang po ma tshang min te skyes mchog 'gyur/ /zhes bran dang/
dbul po dang/ gla rngan la bltas te las byed pa dang/ skye ba
dman pa bud med dang/

dbang po ma tshang ba rnams su mi 'gyur zhing/ de dag las ldog
pa'i skyes bu mchog tu 'gyur bar bshad pa dang/ gzhan yang mdo
rgyud bstan bcos du ma nas sku'i rten bzhengs pa la phan yon
dpag tu

med par gsungs shing/ khyad par thams cad mkhyen pa dge 'dun
grub pas/ byams pa'i sku gzugs phul byung bzhengs pa la/ /mthun
rkyen sgrub par byed pa'i lus can rnams/ /rgyal ba byams pa mgon

po'i zhabs drung du/ /theg mchog chos kyi dpal la spyod par shog
/nam zhig rdo rje gdan gyi ri bo'i spor/ /byams mgon nyin byed
dbang po shar ba'i tshe/ /bdag gi blo gros padmo kha byi nas/
/skal bzang

bung ba'i tshogs rnams tshim byed shog/ ces thugs smon ji ltar
mdzad pa ltar gyi gnas skabs dang mthar thug gi phan yon rnams
'byung bar 'gyur ba gdon mi za ba yin no/ /bzhi pa phyag
mchod

bsnyen bkur byas pa'i phan yon ni/ dam chos pad dkar las/ de
bzhin gshegs pa rnams kyi ring bsrel dang/ /'jim pa'i gzugs dang
mchod rten dag la'ang rung/ /rtsig ngos bris dang rdul phung       

@019a @#/ /mchod rten la/ /de la me tog dang ni spos gsol te/
/der ni gang gis rab snyan cang te'u dang/ /dung dang rnga chen
rol mo'i sgra byed bcug /byang chub mchog rab mchod pa bya ba'i
phyir/ /gang zhig

rnga chen rab tu rdung byed cing/ /pi wang dang ni pheg dang
mkhar chen rnga/ /rdza rnga rgyud gcig gling bu yid 'ong dang/
/a go na dang rab tu snyan 'byin pa/ /de dag thams cad byang
chub thob par 'gyur/ /zhes dang/ 'phags

pa spyan ras gzigs kyi mdo las/ /de bzhin gshegs pa mchod byas
nas/ /gzugs dang don ldan longs spyod dang/ /kha dog dang ni
'byor ba dang/ /kun tu grags dang ldan par 'gyur/ /zhes dang/
yul 'khor

skyong gis zhus pa'i mdo las/ /'gro ba'i rnam par sdug bsngal
sel mdzad pa/ /mnyam med khyod la mchod dang mthong ba dang/
/thos pa'ang de ltar 'bras bu mchis lags te/ /gnas mchog rga shi
med pa 'thob

par 'gyur/ /zhes sogs gnas skabs dang mthar thug gi phan yon
mtha' yas bar gsungs pa rnams la nges shes bskyed de dad cing
gus pa'i sgo nas mchod cing bsnyen bkur ba la 'bad nas dal 'byor
lan cig thob pa 'di

don chen po dang ldan par bya'o/ /smras pa/ mi mjed zhing gi
snying po 'dzam bu'i gling/ /byang phyogs bsil ri'i 'phreng bas
yongs bskor ba'i/ /gtsang stod g.yas ru bzhad kyi yul gru che/
/dge bcu'i yon tan tshang

@019b bas lha gnas 'dra/ /khyad par sa rnying dkar 'brug dwags
shangs sogs/ /sna mang grub mtha'i rgyu skar 'phreng tshogs dbus/
/nya gang zla ba lta bur mngon 'phags pa/ /chos sde bkra shis
dge 'phel las gzhan

ci; ;gang de'i dad pa'i rten du legs bskrun pa'i/ /mtshan dpe'i
kho lag rdzogs pa'i byams mgon gyi/ /snang brnyan 'dzam gling
rgyan mchog 'di nyid las/ /lhag pa'i bsod nams zhing mchog dmigs
su med/ /

de phyir de yi lo rgyus chu thigs tsam/ /brjod pa'i legs byas
phung po ji snyed pas/ /skye zhing skye bar rgyal tshab chos kyis
rjes/ /'bral med dgyes bzhin rjes su 'dzin gyur cig /gzhan yang
bkra shis dge legs 'phel ba'i

sder; ;'phags pa'i yul du byams mgon 'byon min par/ /rnam dag
dge ldan bshad sgrub ring lugs mchog /dar rgyas yun ring gnas
pa'i bkra shis shog /ces rgyal tshab byams pa mgon pa'i gos sku
rin po

che'i dkar chag dad pa'i 'jug ngogs zhes bya ba 'di yang/ bzhad
bkra shis dge 'phel gyi bla ma bdag gi mkhan po rin po che'i
zhal snga nas kyi 'phrin las kyi kha lo bsgyur ba chos srid lugs
brgyar 'jug pa'i rnam dpyod dang ldan pa'i sde

pa chos rje lags nas bskul ma mdzad ngor/ snyom ldan dge sbyong
gi sha tshugs 'dzin pa d+harma b+ha dra zhes bya bas khrag skyug
ces pa chu phag lo'i snron gyi zla ba'i mar ngo'i tshes bcu'i
nyin gyi dgongs myur skabs bzhad dngul chu ri khrod dga' ldan

@020a @#/ /rtse'i spong khang du rdzogs bar bris pa dge legs
'phel// //' byams mgon gsar bzhengs dkar chag bzhugs so// ' oM
swa sti/ grangs med rgyal kun bde chen ye shes gang//

bslab gsum dpal ldan mi yi tshul 'dzin cing/ /mkhas dang grub pa
yongs kyi rtser 'dzegs pa'i/ /rje btsun bla ma'i zhabs la gus
btud nas/ /mgon de'i rgya che dpag dka'i thug bskyed khams/ /mu
med bstan

dang 'gro la sman pa'i cha/ /rdzogs phyir rnam 'dren lnga pa
sras bcas kyi/ /snang brnyan gsar bskrun dkar chag mdo tsam
brjod/ /rab byung ma nu'i nang tshan rnam 'byung lo'i/ /sgrol
byed sa gas nya ba'i zla nang

du; ;lha chos bdun ldan ring lugs dar ba'i sar/ /bzo rig mthar
son mkhas bsdus sor 'phrul gyis/ /'phags yul bal bod stong khun
yul gru che'i/ /yongs grags gnas chen phal gyi sa rdo shing//

gsang 'bru chu snas sbrus pa'i 'jim bzang la/ /sman spos rin
chen phye mas sbags pa'i rgyur/ /longs spyod rdzogs sku'i chag
tshad kun ldan pa'i/ /byams mgon nam mkha' dri med 'jam snying gi
/

slar gzugs 'phang sor ri rtse gzugs me'i tshad/ /sa zla'i zhun
mas mthug por byugs pa gang/ /glang seng ri dwags gyad klu mkha'
lding gis/ /bteg pa'i khri rgyab pa tra'i 'dzum 'khyil can/ /dbu
rgyan

@020b snyan rgyan mgul rgyan se mo do/ /do shal phyag zhabs gdu
bu 'og pag la/ /g.yu dang byu ru mu tig khrus mkhan mig/ pad
rAg pha lam spus legs phras brgyan cing/ gos bzang dmar ljang
mdangs

ldan na bza' dang/ /ldem sku stod g.yogs smad g.yogs bzang pos
klubs/ /nang gzhug rtsa gsum mtshon pa'i srog shing ngos/ /gnas
yig rig chen brtan sngags bzhugs gsol rnams/ /gser sbyangs

gar khus bris shing lnga phrag lnga'i/ /rdzas dbus mnod sbyin
'khor lo nor lha'i gzungs/ /chos srung mdo gzungs gzungs chen
bya spyod dang/ /yo ga bla med dbyangs gsal bla gzungs te/ /chos
sku'i ring bsrel ma 'khrugs

gtams pa'i khrod/ /yungs 'bru lta bu'i rgyal ba'i ring bsrel
bdun/ /sku gdung ring bsrel bde gshegs glang po'i tshems/ /'phags
bod mkhas grub spyi dang khyad par du/ /'jam mgon bla ma yab
sras brgyud

bcas kyi/ /sku sha shangs mtshal dbu lon bza' dang/ /nyer spyad
la sogs sku bal ring bsrel dang/ /byang shing lo ma lnga pa'i
myong ril sogs/ /stong gsum rin gyis bkangs yang ster dka' ba'i/
/bgrang yas byin

rten nam mkha'i mdzod kyis phyug /dpal ldan 'dus pa'i bsnyen
sgrub mthar son pa'i/ /rig sngags 'chang ba rgya mtsho'i grangs
ldan pas/ /sdom tshig 'bring po dang bstun sbyor dngos rjes/ /kun
tshang spyan dbye'i

@021a @#/ /cho ga bsgrubs las slar/ /bde chen mgon po dur smrig
'chang ba yis/ /bkra shis lhag gnas me tog gtor ba'i tshe/ /dga'
ldan zhing nas byams mgon yab sras rnams/ /ye shes sems

dpa'i zol gyis thim par nges/ /de lta'i snang brnyan bsod nams
zhing mchog 'di/ /rab dkar lhag pa'i bsam pas rin gnyis srang/
/rtse 'dod zho mngar longs pa'i rgyu rkyen las/ /bskrun pa'i
legs

byas dus gsum dang 'brel mthus/ /rje btsun bla ma'i dgongs ba
yongs rdzogs shing/ /rjes zhugs bzang ngan 'brel thogs yid can
kun/ /sgrib bral tshogs gnyis rgya mtsho'i mjings brgal te/ /bstan

'gro'i dpal du 'gyur ba'i bkra shis shog/ shu b+ha mastu sarba
dza ga taM// zhes mkhan chen don slad mtshan smos ye shes dpal
grub dpal bzang po'i gdung rten byams mgon bzhengs pa'i dkar
chag 'di lta bu zhig dgos zhes chos

rje ye shes mkhas btsun nas bskul ma mdzad pa ltar slob bu'i
char gtogs dge slong d+harma b+ha dras bris// // ' bkras dge'i lha
khang dkar chag bzhugs// ' ngag gi dbang phyug rje btsun blo
bzang grags//

bskal bzang rnam 'dren bzhi pa nyi ma'i gnyen/ /rigs rnams kun
gyi khyab bdag rdo rje 'chang/ /dbyer med gsum ldan bla mas shes
par mdzod/ /gur kum rdul mang brtsegs pa'i sa 'dzin dbang/
/rnam

@021b bkra dbang po'i gzhu yis 'khyud pa bzhin/ /mdzes sdug
khyod sku yid la dran ma thag /rmongs pa'i mun 'joms 'jam pa'i
dbyangs la 'dud/ /tshogs gnyis shar gyi sa 'dzin las 'phags
shing/ /mtshan dpe'i dkyil

'khor cha shas yongs su rdzogs/ /'phrin las snang ba dkar pos
gdul bya'i blo'i/ /mun sel mtsho byung lha mo mgrin par rol//
bkra shis dge mtshan blar 'phel chos kyi grwa'i/ /mchog gsum gang
du sti ba'i gtsug

lag gi/ khang chen nyams gogs lha yi gzhal yas su/ /bskrun pa'i
dkar chag nor bu'i me long bgyi/ /de yang gnas dang dus dang ni/
/sbyin bdag bsam pa bzo bo dang/ /ngo bo lhag gnas phan yon te/
/spyi don

brgyad kyis bstan pa ni/ /stong gsum mi mjed 'dzam gling gi/
byang phyogs gangs ri'i mu khyud kyis/ /bskor ba gtsang stod
g.yas kyi ru/ /bzhad ljongs lha sde yongs kyi gtso/ /bkra shis
dge 'phel chos grwa

cher/ 2 /ston mchog shAkya seng ge yis/ /'phags yul rdo rje
gdan gyi spor/ /bla med byang chub brnyes nas lo/ /nyis stong
bdun brgya re lnga tsam/ /'das pa sgyur byed sa phag lo'i/ /nag
zla'i yar tshes bzang po la//

3/ 'dzad pa med pa'i 'byor pa dang/ /las la yid ches dad pa
dang/ /phangs med gtong ba'i snying stobs can/ /dge slong ye
shes dngos grub kyis/ 4 /bstan dang de 'dzin zhabs brtan cing/
/'gro la phan bde 'byung ba dang//

@022a @#/ /mchog gsum spyi dang 'dus pa'i sder/ /bla med sri
zhu'i lhag bsam gyis/ 5 /shing bzo'i dbu chen legs pa dang/ /lha
bris dbu chen 'phel rgyas sogs/ /bzo yi rig byed mthar son cing/
/bsam

pa dge ba'i tshogs bsdus nas/ 6 /arg+ha'i cho ga sngon btang ste/
bshig dang 'chos pa'i las zhugs nas/ /ka gdung lcam dral dngos
gtsang gis/ /'du gnas khyams stod nyams gso dang/ /steng 'og

seng g.yabs gsar bzos thog /bstan pa'i bdag po gtsor
bzhugs pa'i/ /zab rgyas byin rlabs brgyud pa yi/ /rtsa brgyud
bla ma yi dam lha/ /sangs rgyas byang sems chos srung gi/ /snang
brnyan brgyad lhag

bcu phrag bcu/ /g.ya' bral dwangs pa'i me long la/ /gzugs
brnyan shar ba bzhin bskrun nas/ 7 /sdom brtson rig sngags
'chang ba'i sdes/ /'jigs mdzad rdo rje'i rnal 'byor la/ /brten
nas sbyor dngos rjes

tshang ba'i/ /lhag gnas cho gas shis par bsgrubs/ /'di skabs
gand+ho la'i phug tu/ /dwangs bsil chab kyi gter rdol ba/ gnas
'dir dpal 'byor rgya mtsho ru/ /'khyil ba'i la nyer phal cher
sgrog /de ltar snga phyi bar

gsum gyi/ /rgyu song dngos po phyogs gcig tu/ /bsdoms na rin
chen gnyis pa'i srang/ /nyis brgya brgyad cu gya bdun dang/ /zho
bzhi skar ma phyed gsum ste/ /sngon byon dam pa'i phyag bzhes
ltar/ /'brur phab

@022b gshor gyi khal grangs ni/ /me ri gzugs dbang bre yi
grangs/ /yon tan zla bar longs pa yin/ 8 /des na dge 'dun gnas
gzhi dang/ /rgyal dang de sras snang brnyan tshogs

bzhengs pa'i phan yon gzhan ci smos/ /mchog gsum gnas gzhi bzo
ba po'i//bza' btung skol ba'i du ba yis/ /'phog pa'i sems can
rnams dang ni/ /las mi'i rkang 'og lag 'og tu/ /shi ba'ang ngan
'gror mi

lhung gsungs/ /de phyir tshul 'dir 'bad las thob pa'i dge/ /'chi
med lam ltar yangs pa de yi mthus/ /phan dang bde ba'i 'byung
gnas lung rtogs kyi/ /bstan pa phyogs dus kun tu dar rgyas shog
/de 'dzin dge 'dun

'dus pa rgya mtsho'i sde/ /thugs mthun khrims gtsang bshad sgrub
'phel ba dang/ /khyad par zhwa ser bstan 'dzin yab sras gnyis/
/zhabs zung 'gyur med mdzad 'phrin blar 'phel shog /'jig rten
spyi dang khyad par

yul phyogs 'dir/ /sa mu ge dmag 'khrug mi 'byung zhing/ /bde
skyid chos 'phel rdzogs ldan nyi 'od kyis/ /snyigs ma'i rgud mun
drung nas 'byin par shog /khyad par rgyu sbyor sbyin pa'i bdag
po mchog

tshe ring lus bde sems skyed dge sbyor 'phel/ /phyi mar 'khor lo
bzhi ldan rten brgyud nas/ /sku gsum ye shes lnga bdag myur thob
shog /mkha' la 'khrul med gza' skar 'phrod kyis dge/ /sa la sde
bzhi'i dga'

@023a @#/ /ston g.yang du chags/ /mchog gsum bden tshig lha dang
drang srong gis/ /bkra shis glu dbyangs phyogs bcur sgrog par
shog/ //ces gtsug khang la nyams gso dang gsar bskrun bgyis ba'i
dkar

chag nor bu'i me long zhes bya ba 'di yang nyams gso mdzad pa po
dge slong ye shes dngos grub lags nas bskul ngor ban rgan d+harma
b+ha dras sbyar ba'o// //@#/ /dza TI bi rthAd sha syAb d+hiM b+ha
ba/ dgon pa 'di rig gnas bcu'i 'byung

gnas su gyur cig/ // ' ma Ni'i dkar chag bzhugs/ ' na mo gu ru
manydzu g+ho ShA ya/ /byin rlabs brgyad ldan rtsa brgyud bla ma
dang/ /dngos grub char 'bebs yi dam zhi khro'i lha/ /srid zhi'i
'jigs

'phrog skyabs mchog rin chen gsum/ /bstan srung rgya mtsho'i shis
pas rnam kun skyongs/ /'jam dbyangs mi yi gar bsgyur tsong kha
pa/ /snang mtha'i sgyur 'phrul bstan pa'i nyi ma che/ /pad dkar
'chang ba tshul khrims

rgya mtsho'i sde/ /drin can rtsa ba'i bla mar gus phyag 'tshal/
/rgyal kun thugs rje'i spyan ras rnon po yis/ /ris med 'gro la
rtse gcig gzigs pa'i lha'i/ /snying po yi ge drug ma'i chos
'khor che/ /rten dang brten pa'i

dkar chag bri bar bya/ /phyogs su ma lhungs gzu bor gnas/ /blang
dor 'byed pa'i blo dang ldan/ /ngo mtshar gtam la mtshar 'dzin
pa'i/ /skyes bu'i tshogs rnams sgra 'dzin gtod/ /de yang rnam
'dren stong gi bzhi pa

@023b shAkya'i rgyal po'i gdul zhing/ mi mjed 'jig rten gyi
khams 'di la gling bzhi bye ba phrag brgya yod pa'i dbus ma/
bka' gdams glegs bam las/ chos dge ba bcu yis khyad 'phags pa'i/
/gling phun sum tshogs

pa 'dzam bu'i gling/ /zhes gsungs pa'i 'dzam gling chung du 'di
la 'phags yul bod li rgya nag sham la gangs ldan te yul chen po
drug yod pa'i nang tshan/ rgyal po bka' 'bum las/ bod ces bya ba
khyad par

'phags pa'i yul/ /ri mtho sa gtsang gangs ri gnyan gyi mgul/
/zhes gsungs pa'i bod la dbus gtsang chos kyi chol kha/ /mdo
stod mi'i chol kha/ mdo smad rta'i chol kha ste bod chol kha
gsum du grags

pa'i dang po/ yongs 'dzin paNDi ta chen pos/ skye ba snga ma
bsod nams bsags pa'i mthus/ /dbus gtsang dag pa'i zhing du mi
lus thob/ /ces gsungs pa ltar/ dbu ru g.yo ru g.yas ru ru lag
ste dbus gtsang

ru bzhir graT pa'i g.yas ru'i cha mkhas grub dam pa bzhad pa
gzhon byang gis/ sangs rgyas gnyis pa padma'i zhal 'dzum gyi/
/mdangs ldan 'od rigs gsar ba'i rjes mtshan mchog phan bde'i dpal

'bras bzang bo smin no zhes/ /lung bstan bzhad kyi ming du de
nas thogs/ /zhes gsungs pa ltar/ bzhad kyi yul gru chen po 'di
la yul phran mang du yod pa'i nang nas/ baiDUr ya dkar po las/
khang

@024a @#/ /sa zhing sa sa yi dge/ khang rdo 'thag rdo rdo yi dge/
btung chu zhing chu cha yi dge/ khang shing bud shing shing gi
dge/ gam 'brog rgyang rtswa yi dge/ /zhes gsungs pa ltar gyi dge
bcu'i

yon tan ma lus par tshang zhing/ ngo mtshar bzhi dang ldan par
yang bshad pa'i gro skor du grags pa'i yul sde 'dir/ ston pa
thub pa'i dbang po drag po lcags sprel la bltams nas lo nyis
stong bdun

brgya go gnyis/ 'jam mgon blo bzang grags pa gser 'phyang me bya
la bltams nas lo bzhi brgya don lnga/ paN chen blo bzang bstan
pa'i nyi ma dge byed chu stag la bltams nas lo lnga bcu tham

pa 'das pa rab byung bcu bzhi pa'i nang tshan stod 'grel ba'i lug
la dga' ba zhes pa chu pho 'brug gi lo'i sa ga zla ba'i yar tshes
bco lnga nas bya ba las kyi 'khor lo'i dbu btsugs de'i phyi lo
rnam rgyal zhes

pa chu sbrul lo'i sa ga zla ba'i nang du mjug rdzogs par grub
pa'i snga phyi bar gsum gyi rgyu song tshul ni/ gtong ba'i
phyag yangs ring por skyod pa'i sbyin pa'i bdag po ni/ sa spyod
karma bstan

skyong dbang po dang/ sdom brtson rgyal po'i tshul 'dzin rgyal
mchog lnga pa chen po'i dbu blar gyur cing/ phyi mas rgya gar
chu bo gang+gA tshun chad du 'gran pa'i zla thams cad dang bral
ba smon 'gro paNDi ta rig gnas

@024b rgya mtsho'i 'phreng ba 'dzin pa tshe dbang don grub ces
bsngags ba'i yul du gyur pa de nyid la sgo gsum gyis bsnyen bkur
ba'i zhabs 'bring pa mang du yod pa'i nang nas/ gsol gzims mchod
gsum/ mjal

yig mdzod gsum/ thab 'dren gdan gsum/ skya rta mdzo khyi bzhi
ste chen por dgos pa'i las tshan bcu gsum gyi gnyis pa gzims dpon
gyi go sa 'dzin pa'i brgyud pa yin pas na gro skor gzims dpon

bar grags pa'i rigs su 'khrungs pa'i ayon rnam grol zhes bya ba
spyir lugs gnyis kyi bya ba kun la blang dor 'dzol med du spyod
cing/ /khyad par mkhas ba'i gsung las/ phan yon mthong ba'i shes
rab can/ /rtse

gcig sems pa'i bsam gtan can/ /brtan cing spro ba'i brtson 'grus
can/ /dka' spyad mi skyo bzod srang can/ /ngang ring tshig 'jam
tshul khrims can/ /g.yo med gtod phod sbyin par ldan/ /rim gyis

dga' ba bsgom pa'o// zhes 'byung pa'i yon tan ma lus pa dang
ldan pa 'di nyid kyis/ phan bde'i 'byung gnas sangs rgyas kyi
bstan pa dar zhing rgyas pa dang rgyal ba yab sras kyis mtshon
pa'i bstan

'dzin gyi skyes bu thams cad sku tshe brtan cing mdzad 'phrin
rgyas pa dang/ mkha' mnyam yid can spyi dang bye brag pha ma nye
'brel rnams kyi byang chub sgrub pa'i 'gal rkyen nang gdon sgrib
gnyis byang zhing

@025a @#/ /tshogs gnyis bde blag tu rdzogs te ring min rnam mkhyen
rgyal ba'i go 'phang thob pa'i ched du nye bar dmigs/ bzhugs
khang ka bzhi sgo kho'dang bcas pa'i shing cha'i rin la Tam
srang 211 g.yal

bag gi rin la srang 225 rdo gsog dang pha gu rgyag par las mi
brgyad dang khal bong nyi shu skor gyi las zhag bcu tsam gyi gla
ltor srang 8 shing bzo dbu mdzad bsam grub dang/ a lags/ rdo
bzo dbu mdzad dgos

pa dang thang lha dgra 'dul las mi bcu skor bcas kyi las zhag
nyi shu'i gla ltor srang 25 grol ston gyi kha btags rin srang
121 lde bas zhal mi bzhi'i las zhag lnga dang/ ar rdung mi
bcu'i las zhag gsum

gyi gla ltor srang 325 bris pa dbu mdzad o rgyan rnam grol/ tshe
brtan 'gyur med/ tshe dbang phun tshogs/ phur pa/ pa sangs rnams
kyis byang ngos kyi gyang ris su rje btsun byams mgon gtso 'khor
gsum

sman bla bde gshegs brgyad/ dge slong d+ha rma b+ha dra/ rje btsun
rdo rje rnal 'byor ma/ bla ma dbu mdzad ye shes dbang rgyal/
rgyal ba tshe dpag med/ gtsug tor rnam rgyal ma/ sgrol dkar yid
bzhin 'khor

lo; gdugs dkar zhal gcig phyag gnyis ma/ rje btsun tsong kha pa
chen po yab sras gsum/ paN chen thams cad mkhyen pa blo bzang
bstan pa'i nyi ma/ rgyal mchog tshul khrims rgya mtsho yongs

@025b 'dzin chos kyi rgyal po blo bzang bstan 'dzin/ rgyal ba
rigs gsum mgon po/ shar ngos su 'phags pa bcu gcig zhal gtso bor
bzhugs pa'i smyung gnas kyi bla ma brgyud ris/ nub ngos su ston
pa shAkya'i rgyal po

gtso 'khor gsum gtso bor bzhugs pa'i sangs rgyas so lnga/ lho
ngos su rgyal ba mi 'khrugs rgyal po/ rdo rje sems dpa'/ slob
dpon padma 'byung gnas/ rgyal ba mar me mdzad/ /mkhan chen skal
bzang chos 'phel/

rtam grin zhal gcig phyag gnyis pa/ lha mo rdo rje rab brtan ma/
chos skyong dregs pa lcam sring/ sgo khang du rgyal chen sde
bzhi/ rtsa ri/ gangs ri/ la phyi/ mchod rten 'phags pa shing
kun/ bya rung kha shor/

stag mo lus byin rnams kyi zhing bkod bris pa'i las zhag mi gcig
tu brkyangs par zhag brgya dang nyi shu rtsa gcig gi gla ltor
srang 1815 'dzugs bar grol gsum gyi legs sor srang 263 tshon rtsi
gser

shog sra rtsi spos snum dri bzang sman phye rnams kyi rin srang
675 ma Ni'i par shing gsar brkos gnyis la srang 45 par shog rin
srang 1137 snag tsha'i rin srang 1138 par 'debs pa'i gla ltor
srang 468/

par shog bzhad du 'dren glar srang 405 srog shing dang stod smad
kyi 'khor lo'i shing rin srang 2 srog shing gi gzungs 'dri ba'i
grangs gser rin srang 42 srog shing gi gzungs dang steng 'khor
'og 'khor rnams

@026a @#/ /'dri mi rab brtan g.yung drung gi las zhag lnga'i gla
ltor srang (06) steng 'og gi lcags mdung/ 'khor lo'i sha na/
sgor shen/ thim shan/ sgo phor/ gzung dkri bcas kyi lcags sol
gyi rin

dang bzo mi sri thar dang nyi ma'i gla lto bcas la srang 165
'dzin gdung/ sgo; sgo sgrigs/ srog shing/ stod smad kyi 'khor lo
bcas bzo mi dbu mdzad bsam grub kyi las zhag nyer bzhi'i gla
ltor srang 3 lcags

mdung bskyar bzo byed mi dbu mdzad phur bu dang lag g.yog pa
lnga'i gla lto dang lcags sol rin bcas la srang 3 'khor lo'i
gzungs sgril mi bcu gsum gyi las zhag bdun gyi gla ltor srang
405

sde ma thag rgyu'i bal rin srang 3 na bza' lung ki/ 'gang/ kha
btags/ sman rtse/ gos sdo dmar sar gsum/ ling bcas kyi rin sras/
1623 phyi gtum shod bu bas nyi shu skor gyi rin dang/ gyong tshom
dbu

mdzad gsum dar gyi las zhag drug gi gla ltor srang 102 phyi gtum
gyi rtsi gsol dang/ sgo khang gi mjug skyong sogs bris pa gnyis
kyi las zhag bcu gcig gi gla lto grol ston dang bcas pa la srang

'og gzhir bcug pa'i sa bcud bum pa lnga'i dgos chang srang 170
dbu tog bzo mi dbu mdzad che dpar rab brtan gyis las zhag lnga'i
gla ltor srang 065 gsung dbyangs rgyud mar sgrog pa'i dril bu'i
rin

@026b prang (3) bla re zhir bubs bzhi/ gos kha drug/ ling dmar
ljang bcas kyi rin srang (81) ka phan bzhi la srang (10) mdun
lcog gcig/ /chu ting bdun tshar gnyis/ lkon krong gcig/ 'bru ting
bdun tshar gcig/ /mchog ko'i

che chung wa/ rag gi maNDal mu khyud dang bcas pa rnams kyi rin
srir ha ste rin chen gnyis pa'i Tam srang 490495 longs pa 'brur
phab gshor khal (7568723) rtsis song 'dug cing/ de lta bu'i chos
'khor chen po

'di nyid kyi nang du gsung mchog yi ge drug ma bya ba gsum/ sa
ya bdun/ sum 'phum/ sum khri/ drug stong dgu brgya dang/ yi ge
brgya pa/ tshe dpag med kyi snying po rigs gsum mgon po'i gzungs/

thub dbang gi snying po rnams brgyad khri tshig stong drug
brgyar/ de bzhin gshegs pa'i ring bsrel 'khrul med gcig paN chen
rin po che sku na rim gyi dbu lon bza'/ rgyal ba rin po che sku
na rim gyi na bzal gang+gA

sogs kyi chu sna snil bu/ byin rten sna tshogs kyi rten 'dam ril
bu bcas bzhugs yod pas/ 'di lta bu'i gsung rtan khyad par can la
dad pas g.yas su bskor ba dang/ phyag 'tshal ba dang/ mchod pa
'bul

ba dag/ dge ba'i rtsa ba rlabs po che la rjes su yi rang pa sogs
byed pa ni/ dal 'byor la snying pa len pa'i thabs mchog tu gyur
pa yin te/ spyan ras gzigs dur smrig gi zlos gar bsgyur ba lo
chen ratna b+ha bram

@027a @#/ /dang bor slob pa'i rtsol ba chung/ /bar du brjed dogs
sdug bsngal chung/ /tha mar shes pa'i rgyal chung/ /chung ba
gsum gyi chos mchog 'di/ /bsod nams can da'i kha ru rug ste byu
ba

zhes dang/ lan gcig bzlas pas mtshams med lnga po 'dag /thos pas
kun gyi sdig sgrib byang bar gsungs/ /'bad pa can pos bzlas na
smos ci dgos/ /bde ba can gyi sa bon nges par thebs/ /sdang

sems chen pos yig drug bzlas pas kyang/ /phyir mi ldog pa'i sa
thob nges gsungs na// dad dang snying rje chen pos lags bzla ba/
/phyir mi ldog pa nyid du the tshom med/ /lus la gnas pa'i phyi
nang

srin 'bu yang/ /phyir mi ldog pa nyid du nges gsungs na/ /sgrub
par byed rnams myur du 'tshang rgya nges/ /de phyir yi ge drug ba
chos kyi mchog /gang gi ba sU'i khung bu re re ra yang/ /de
bzhin gshegs pa bye ba'i

tshogs bzhugs nas/ /sgrub pa po la lung ston dbugs dbyung mdzad//
'di 'dra bsams na bsod nams che 'o snyam/ /ba glang bong bu la
sogs dud 'gros kyang/ /ye ge drug pa'i gzugs brnyan mthong

bas kyang/ /phyir mi ldog pa'i sa la nges sbyor na/ /bsod nams
ldan pa'i mi la smos ci dgos/ /chos mchog yi ge drug pa gcig
zlos na/ /chos kyi phung po brgyad khri bzhi stong dang/ /gsung
rab yan lag

@027b bcu gnyis bton pa yi/ /bsod nams thob par rgyal ba'i bka'
las gsungs/ /yi ge drug pa bzlas na smos ci dgos/ /thugs rje
chen po'i mtshan tsam dran pas kyang/ /bde ba can gyi zhing du
nges par skye/ /the tshom

med par gyis la dad pa sgoms/ /yi ge drug pa lan gcig brjod pa
yis/ /sbyin dang tshul khrims la sogs phar phyin drug/ /skad cig
nyid la nges par rdzogs par gsungs/ /yi ge drug pa dam pa'i chos
kyi

mchog /snyigs ma'i dus 'dir chos gzhan chags sdang che/ /chags
sdang dbang gis de don phes mi 'grub/ /yi ge drug pa nges par
dar bar gsungs/ /chos kyi 'khor lo chen po bskor bar nges/
/zhes

gsungs pa ni mdo sde tha ma dog bkod pa dang/ ma Ni bka' 'bum
sogs kyi dgongs per snang bas so/ /smras pa/ 'dzam gling byang
phyogs kha ba can gyi zhing/ /gtsang stod g.yas tu bzhad kyi
gro skor du//

rig gnas 'phreng 'dzin smon 'gro paNDi ta'i/ /gzims dpon brgyud
'khrungs ayon rnam grol zhes/ /lugs gnyis blang dor 'jal ba'i
spyan yangs 'dis/ /rab byung ma nu'i nang tshan rnam rgyal zhes/
/sgrol byed

sags nya ba'i tshes bzang po/ /phyag na padmo'i snying po yig
drug gi/ chos 'khor skar tshogs dkyil na zla ba ltar/ /khyad
'phags rten dang brten pa mchod rdzas bcas/ /rab dkar lhag bsam
kunda'i rjes

@028a @#/ /mthun gyis/ /bzhengs pa'i dkar chag ngo mtshar me long
'di/ /rtsa ba'i dA na pa tis nyer bskul tshe// bgrang bya'i khur
ldan d+harma b+ha dra yis/ /chu sbrul snon zla'i gral tshas bzang
po la/ /

dben gnas dga' ldan rtse mor legs par sbyar/ /tshul 'dis mtshon
pa'i rang gzhan dge tshogs mthus/ /yon gyi bdag pos mtshon pa'i
yid can kun/ /gnas skabs mngon mtho'i rten bzang rim brgyud de/
/

mthar thug gsum go 'phang thob gyur cig / shu b+ha ma stu sarba
dza ga taM// // ' rdog grong byang chen mchod rten gyi dkar chag
khyad 'phags bcu gcig brjod pa'i gtam mkhas pa'i yid 'phrog ces
bya ba

bzhugs so/ / ' oM swa sti pra dzA b+hyaH bskal bzang rnam 'dren
bzhi pa nyi ma'i gnyen/ /snyigs dus thub dbang gnyis pa tsong
kha pa/ /sras bcas rgyal ba kun lhag drin can rje/ /rnam

gsum dbyer med zhabs la phyag 'tshal nas/ /mkhas grub rdog ston
ye shes seng ge yis/ /gdung 'bum byin rlabs gzi byin stong 'bar
ba/ /dus dbang rtse brgyad gog po'i dngos gyur nyid/ /'dren

byed bdud rtsir gsos pa'i dkar chag ni/ /gnas dang dus dang
spyin bdag bsam pa rgyu/ /bzo bo bkod pa nang gzhug rab gnas
dang/ /ngo bo phan yon khyad 'phags bcu gcig gis/ /'chad la gzur

@028b gnas blo ldan rna ba blogs/ /stong gsum mi mjed snying po
'dzam bu'i gling/ /byang phyogs b+ho Ta'i sa yi thig le gang/
/thog mtha' bar du dge ba'i mtshan ma la/ /padma ka ra'i dgyes
zhal bzhad pa'i

ljongs/ /gnas gzhi rdog grongs gangs la nyi shar zhes/ /grags
pa'i ba dag dkar po rkyong ba der/ /shAkya'i rgyal pos badzra
A sa nar/ /bla med byang chub brnyes nas zla ba'i 'phreng/
/dug mtsho ri zung

'das pa rnam gnon zhes/ /lcags 'brug sa gas nya ba'i yang ngo'i
tshes/ /dga' ba gnyis pa res gza' lha'i bla ma/ /sbyor ldan ma
dang rtse ba'i dus dge bar/ /snang mtha'i lung gis bkra shis rab
brten

gyi; ;sner mngags sde pa tshe brten dbang 'dus zhes/ /pho yi
rtsal dang rtsed sna dgu zung la/ /chos blon mgar gyi ngang tshul
'dzin pa des/ /rang don nye tshe sgrub ched tsam min par/ /rgyal
ba'i bstan dang

bstan 'dzin zhabs pad brtan/ /mkha' mnyam 'gro kun gnas skabs
bde skyid ldan/ /mthar thug stobs mcu'i dpal la 'god pa'i phyir/
/rin chen gnyis ba'i srang gi 'khor lo ni/ /gter zlas

lhag pa'i brgya phrag 'brur phab par/ /gshor khal nyis stong
chig brgya zhe gnyis rgyu'i/ /gtong ba'i rmugs 'dzin gan mdzod
yongs phye nas/ /g.yag 'og byams tshe ma khang tshe bsam sogs/
/rang rang

@029a @#/ /bzo yi rig byed de dang der/ /bi shwa karma'i ring
lungs 'dzin bzod pa'i/ /rdo shing lcags zangs rdza bzlo bris pa
sogs/ /sna mang lhag bsam dag pa'i sor 'phrul gyis/ /

rig gnas rgya mtsho'i 'phreng 'dzin drung chen mtshan/ /dznyA na
shrI b+hU ti yi gsung bkod ltar/ /sa 'dzin them skas rnam gsum
gdong chen dang/ /gzung sne bad chung ba gam dge bcu dang/ /bang
rim bum stan bum

pa bre stan bre/ /gdugs 'degs padma chos 'khor thugs rje'i
gzung/ /gdugs dang char khebs zar tshags zla nyi tog /rgya bod
mkhas mang cha tshang gung bsgrags nas/ /dbus 'gyur 'chang gi
byang chen

spun zlar bskrun/ /nang gzhug mtshan ldan srog shing brten sngags
sogs/ /sngar yod rnam bzhi'i ring bsril nyams med steng/ /'og tu
gter bum gcig lhag lnga phrag zung/ /de steng tshogs bdag gnod

sbyin 'khor lo dang/ /bum nang 'jigs mdzad rdo rje bcu gsum
ma'i/ /rten dang brten pa'i dkyil 'khro bcas pa rnams/ /tshad
ldan gzhung dang bla ma'i man ngag bzhin/ /rdzas sngags ting
'dzin

phyag rgyas bsgrubs pa dang/ /mtshan 'bam mdo mang thar chen rdor
gcod dang/ /dbu mgrin stod smad bar dang mad gzungs sogs/ /chos
sku'i ring bsrel spel chog ldan pa rnams/ /mdo sngags

@029b rgyud sde'i go rim 'khrul med bzhugs/ /zas gtsang sras
dang 'phags pa shing kun gyi/ /yungs 'bru lta bu'i ring bsril
'khrul bral gnyis/ /mkhas grub khyung po'i tshems gdung sha ra ga
/sangs

rgyas sgom pa bu ston rin chen grub/ /dge 'dun grub pa mgron
khang nor bzang gi/ /gdung sogs sku gdung ring bsrel khungs dag
mchis/ /pad 'byung dbu lo dI paM kA ra dang/ /rgyal mchog lnga
pa'i

pur tsha me 'dzin pa/ /lha btsun byang chub 'od kyi sku sha dang/
/rwa sgreng snar thang la sogs bka' gdams kyi/ /bla ma spyi dang
paN chen chos rgyan gyi/ /shangs mtshal dam pa'i bzhugs kom sa
paN

gyi; ;sku chos bskal bzang rgya mtsho'i spyan dar dang/ /paN chen
dpal ye'i dbu skyes lo ma sogs/ /ris med dam pa mang po'i sku
bal gyi/ /ring bsrel mchog dang nyer spyad cha shas bzhugS/

gzhan yang byang chub shing gi lo 'bru dang/ /mchod rten shing
kun srog shing sku rags cha/ /grub chen bi rU pa yi khrus rta
dang/ /ganggA'i chu rgyun puShpa ha ri'i sa/ /bla gzhung byin
rten sna mang bsdus

rta sogs/ /stong gsum rnyed dka'i byin rten bgrang yas shing/
/bdud rtsi las grub brtan pa'i 'khor lo sogs/ /sras bcas rgyal
ba'i sku yi snang brnyan dang/ /thugs kyi rten mchog sA tstsha
by-in

@030a @#/ /chen sogs/ /rgya mtsho'i chu rdul la yang co 'dri byed/
/gnas chen gyis mtshon sa chu rdo shing bsang/ /'bru sman zas gos
shing rtog rin chen sogs/ /sna mang phud kyi dngos pos

bar mtshams rnams/ /til gyi gang bu'i tshul la 'gran par gtams/
/de nas rten dang brten pa'i mchod sdong che/ /legs par grub
pa'i dus tshes bzang po la/ grangs bsnyen sngon song rig

sngags 'chad ba'i sdes/ /'jigs mdzad bcu gsum lha yi 'khor lo
la/ /brten nas paN chen 'jigs med 'byung gnas dang/ /yab rje
'jam mgon bla ma'i dgongs pa bzhin/ /spyang gsum sngon

du btang ba'i dam tshig par/ /mkha' khyab ye shes sems dpa' nyer
bstims nas/ /dbang bskur rgyas btab mchod stod spyan dpya dang/
/gzugs bsgyur brtan bzhugs shis brjod glu dbyangs sogS//

sbyor dngos rjes tshad rnam dag rab gnas kyi/ /tshogs byin rlabs
cha shas gang bar bsgrubs/ /de ltar dus gsum 'den pa mtha' dag
gi/ /thugs kyi yon tan byang phyogs sum cu bdun/ /mtshon byed

ma ga ng+ha ru ma skyes dgras/ /bzhengs pa byang chub chen po'i
mchod rten nyid/ /bde gshegs mchod rten lhag ma gzhan bdun gyi/
/mchog dang phyi mor di med gzungs 'grel sogs/ /rgya bod
mkhas

@030b pa'i gzhung mang las bshad phyir/ /rten gsum kun gyi mchog
tu legs par grub/ /de phyir 'di bzhengs phan yon mdo sde las/
/thub pa'i mchod rten byed dam byed bcug pa/ /mya ngan 'joms
dang

lus kun grims pa dang/ /rin chen mdzod mang 'jig rten gtsor
'gyur zhing/ /mi de dgra yi tshogs las rgyal bar 'gyur/ /bcom
ldan 'das kyi mchod rten rnams dang ni/ /sku gzugs

rnams la rdul phran ci yod pa/ /de 'dra'i grangs de snying kyi
rgyal srid dang/ /lha yul sa steng mi yis nges par thob/ /gzugs
dang gzugs med khams kyi ting 'dzin ni/ /phun sum tshogs pa'i

sa mchog kun myong nas/ /mtha' mar skye dang rga ba la sogs
pa'i/ /sdug bsngal dang bral sangs rgyas go 'phang thob/ /ces
gsungs rgyal ba'i bka' la yid ches bya/ /'dir 'bad rtsa ba'i

yon gyi bdag pos mtshon/ /sgro gsum 'brel ba thogs sogs lus can
rnams/ /gnas skabs mtho ris yon tan bdun ldan pa'i/ /rten gyi
thim skas bzang po la 'dzegs te/ /mthar

thug sku gsum nor bu'i pho brang cher/ /gtan gyi bde legs rgya
mtshor spyod gyur cig /ces rta nag 'gos lo tsA ba'i slob ma
rgyud kyi ka ba tshugs pa bzhI ya gyal rdog ston chen po ye shes
seng ge'i gdun

@031a @#/ /bzhugs pa'i byang chub chen po'i mchod rten dus dbang
gis shin tu nyams gogs su gyur pa gsar gsos bgyis pa'i dkar chag
khyad 'phags bcu gcig brjod ba'i gtam

mkhas pa'i yid 'phrog ces bya ba 'di yang/ nyams gso mdzad pa po
bkras rab sde pa tshe brten dbang 'dus kyi gsung gis bskul ma
mdzad dor/ dge slong snyom yos pa d+ha rma b+ha dras khyu mchog
gi lo'i chu stod zla ba'i

gral tshes bzang por bzhad dngul chu'i ri phug tu sbyar ba dge
legs 'phel// shu b+ha ma stu sarba dza ga taM// @#/ /sde dge'i par
pa shes rab bzang pos 12 lhag bsam rnam par dag pa'i bar tu
bsgrubs pa dge'o// mang+ga laM// //