@01a @#/ /bstan bcos mngon par rtogs pa'i rgyan gyi skabs bzhi
pa'i mtha' dpyod mkhas grub bstan dar ba'i gsung rgyun bzhugs
so//

@01b @#/ /thub pa'i bstan pa'i khur 'dzin dge 'dun mchog /bka'
gdams bstan pa rin chen snyigs ma'i dus/ /gangs can khrod 'dir
dar bar byas pa las/ /skal ldan gdul bya'i blo gros rgyas gyur
nas/ /shes bya'i mkha' la thabs

shes gshog brkyangs te/ /dad ldan sder chags tshogs kyis rab
bskor nas/ /thar pa'i zhing du 'phur bar brtsams pa 'di/ /yongs
'dzin khyod kyi drin du nges pa rnyed/ /bka' drin che'o rje
btsun mkhyen pa'i gter/ /rnam pa kun du snying nas bstod phyag
'tshal//

mkhyen dang brtse bas rtag tu bskyang du gsol/ ! /thams cad
mkhyen pa nyid gsum yongs su shes pa ni/ dbang du bya ba'i phyir
yang rnam pa thams cad dang lam dang gzhi shes pa bsdu ba'i sgo
nas/ thams cad mkhyen pa nyid gsum bsgom par

byed pas/ rnam pa kun mngon par rdzogs par rtogs pa zhes pa'i
skabs su/ sbyor ba dang mtha' dpyad pa gnyis/ dang po ni/ mkhyen
gsum bshad zin pa'i 'og tu rnam rdzogs sbyor ba 'chad pa'i rgyu
mchan yod de/ mkhyen gsum gyi rnam pa brgya

bdun cu rtsa gsum zhi lhag zung 'brel gyi sbyor ba'i sgo nas
rdzogs par bsgom pa'i ched du yin pa'i phyir/ de ltar bsgom pa
la dgos pa yod de/ mkhyen gsum gyi rnam pa la goms pa dbang
sgyur thob pa'i ched du yin pa'i phyir/ de ltar goms

pa dbang sgyur thob pa la dgos pa yod de/ sangs rgyas kyi sa'i
rtogs pa mthar thug gi lag rjes 'jog pa'i ched du yin pa'i
phyir/ des na mkhyen gsum gyi rnam pa de ltar du bsgom ba'i rnam
rdzogs sbyor ba 'di yang bsdun rnam pa gnyis su 'du ba

@02a @#/ /yin te/ rnam rdzogs sbyor ba bsgom pa'i rten gyi gang
zag dang/ des rnam rdzogs sbyor ba ji ltar bsgom pa'i tshul gnyis
su 'du ba yin pa'i phyir/ des de ltar bsgom pa'i tshul yod de/
sbyor ba'i yon tan bcu bzhi

dang skyon bzhi bcu zhe drug gi khyad par shes par byas la/ de'i
yon tan sgrub cing skyon spangs pa'i sgo nas mkhyen gsum gyi
rnam pa sgom par byed pa yin pa'i phyir/ mtha' dpyad pa la dgag
gzhag spang gsum las/ dang po la/ kha cig/ skabs

dang po gsum du mkhyen gsum gyi rnam pa bstan pa dang/ 'dir
mkhyen gsum gyi rnam pa bstan pa la zlos pa'i skyon med de/
skabs dang po gsum du thos bsam gyis gtan la 'bebs pa'i dbang du
byas nas bstan/ 'dir sgom pas nyams su

len ba'i dbang du byas nas bstan pa yin zer na/ de mi 'thad par
thal/ thos bsam dang nyams len gyi gzhung so sor 'byed mi rigs
pa'i phyir/ der thal/ gang thos pas gtan la phab pa'i don de
nyid sgom pas nyams su len dgos/ gang

sgom pas nyams su blangs pa'i don de nyid/ thos pas gtan la
'bebs dgos pa'i phyir/ dang po der thal/ gang thos pas gtan la
phab pa'i don de nyid sgom pas nyams su ma blangs na thar ba
dang thams cad mkhyen pa thob mi nus pa'i phyir/

phyi ma der thal/ thos bsam sgom gsum gyi shes rab gsum rim gyis
skye ba'i phyir/ kha cig /skabs dang po gsum du mkhyen gsum gyi
rnam pa bstan pa dang/ 'dir mkhyen gsum gyi rnam pa bstan pa la
zlos pa'i skyon med de/ skabs dang po gsum du

@02b mkhyen gsum gyi rnam pa mtshan nyid kyi sgo nas bstan/ sbyor
ba'i sgo nas ma bstan pa dang/ 'dir mkhyen gsum gyi rnam pa
sbyor ba'i sgo nas bstan cing mtshan nyid kyi sgo nas ma bstan pa
yin no/ /zer na/ dang po mi 'thad par thal/ skabs dang po gsum
du

mkhyen gsum gyi rnam pa sbyor ba'i sgo nas bstan pa'i phyir/ der
thal/ skabs dang por rnam mkhyen sbyor ba'i sgo nas bstan pa'i
phyir/ der thal/ skabs dang por theg chen gyi sgrub pa bstan
pa'i phyir/ der thal/ skabs dang por sgrub pa bzhi ka bstan

pa'i phyir/ phyi ma yang mi 'thad par thal/ 'dir mkhyen gsum gyi
rnam pa mtshan nyid kyi sgo nas bstan pa'i phyir/ der thal/ med
pa'i rnam pa nas bzung ste/ /zhe sogs kyi gzhi shes kyi rnam
pa'i mtshan nyid bstan/ rgyu dang lam dang sdug bsngal dang/
/zhes sogs kyi

lam shes kyi rnam pa'i mtshan nyid bstan/ dran pa nyer gzhag nas
bzung ste/ /zhe sogs kyi rnam mkhyen gyi rnam pa'i mtshan nyid
bstan pa yin pa'i phyir/ kha cig /mkhyen gsum gyi rnam pa zhi
lhag zung 'brel gyi sbyor bas rdzogs par bsgom pa'i sems

dpa'i ye shes/ rnam rdzogs sbyor ba'i mtshan nyid zer na/ dmyal
ba'i rten la gsar du skyes ma thag pa'i theg chen sems bskyed
chos can/ mtshan nyid der thal/ mtshon bya de'i phyir/ der thal/
sems dpa'i ye shes yin pa'i phyir/ 'dod mi nus te/

dmyal ba'i rten la zhi lhag zung 'brel gyi ti nge 'dzin gsar du
skye ba med pa'i phyir/ der thal/ dmyal ba mi khom pa'i gnas yin
pa'i phyir/ kha cig/ mkhyen gsum gyi rnam pa la goms pa dbang
sgyur thob phyir du bsgom pa'i sems dpa'i ye shes/ rnam

rdzogs sbyor ba'i mtshan nyid zer na/ theg chen mthong lam par
chad med lam chos can/ mtshan nyid der thal/ mtshon bya de'i
phyir/ 'dod na/ gzhi shes kyi rnam pa bsgom pa'i sems dpa'i ye
shes yin par thal/ 'dod pa de'i phyir/ 'dod mi nus te/

@03a @#/ /chos can de yin pa'i phyir/ kha cig /mkhyen gsum gang
rung gi rnam ba la goms ba dbang sgyur ma thob ba thob phyir du
bsgom pa'i sems dpa'i ye shes/ rnam rdzogs sbyor ba'i mtshan nyid
zer na/ theg chen mthong lam par chad

med lam chos can/ mtshan nyid der thal/ mtshon bya de'i phyir/
'dod na/ mkhyen gsum gang rung gi rnam pa la goms pa dbang sgyur
ma thob par thal/ 'dod pa de'i phyir/ 'dod mi nus te/ theg chen
'phags pa'i mkhyen pa yin pa'i phyir/ /rang gi lugs

la; mkhyen gsum gang rung gi rnam pa zhi lha gzung 'brel gyi
sbyor bas rdzogs par bsgom pa'i rigs su gnas pa'i sems dpa'i ye
shes/ rnam rdzogs sbyor ba'i mtshan nyid/ de la dbye na brgya
bdun cu rtsa gsum yod/ /rtsod pa spong ba la/ kha cig /

rnam rdzogs sbyor ba yin na/ zhi lhag zung 'brel gyis zin pas
khyab par thal/ lam sher phyin yin na/ zhi lhag zung 'brel gyi
bya bas zin pas khyab pa'i phyir/ der thal/ rnam bshad las/ lam
sher phyin gyi rnal 'byor gyi mtshan nyid ni/ 'bras bu

sher phyin thob byed kyi thabs su gyur pa'i zung 'brel gyi sems
dpa'i bya ba'o/ /zhes gsungs ba'i phyir/ zer na ma khyab/ 'dod
na/ theg chen sems bskyed la myong ba thon pa'i gang zag yin na/
zhi gnas thob pas khyab par thal/ rnam rdzogs sbyor ba yin

na/ zhi lhag zung 'brel gyis zin pas khyab pa'i phyir/ 'dod na/
mi 'thad de/ byang chub lam rim las/ sems bskyed la yid 'gyur
ba'i myong ba thon pa la zhi gnas thob pa ha cang thal ba'o/
/zhes gsungs pa'i phyir// ! //gzhi shes pa

yi bye brag rnams/ /zhes sogs kyi skabs su gsum las/ dang po la
kha cig /mkhyen gsum gyi rnam ba zhi lhag zung 'brel gyi sbyor
ba'i sgo nas thun mong ma yin pa'i rnam thar sgo gsum du bsdus
nas sgom pa de/ mkhyen gsum bsdus bsgom gyi don yin

@03b zer na/ theg chen rigs nges kyi dman lam sngon du ma song
ba'i byang sems tshogs lam ba'i rgyud la mkhyen gsum gyi rnam pa
zhi lhag zung 'brel gyi sbyor bas thun mong ma yin pa'i rnam
thar sgo gsum du bsdus nas bsgom pa yod par thal/ de'i rgyud la
mkhyen gsum bsdus bsgom yod pa

gang zhig /khyod kyi mkhyen gsum bsdus bsgom gyi don 'thad pa'i
phyir/ 'dod na/ de'i rgyud la stong nyid la dmigs pa'i stong
nyid rtogs pa'i lhag mthong yod par thal/ 'dod pa'i phyir/ 'dod
mi nus te/ des stong nyid la dmigs pa'i stong nyid rtogs pa'i
lhag mthong thob pa dang/

theg pa chen po'i sbyor lam du 'phos ba dus mnyam pa'i phyir/
gzhan yang/ byang sems tshogs lam pa yin na/ stong nyid rtogs
myong yin dgos par thal/ stong nyid ma rtogs pa'i gang zag gi
rgyud la mkhyen gsum bsdus bsgom yod pa gang zhig/ khyod kyi
mkhyen gsum bsdus

bsgom gyi don 'thad pa'i phyir/ 'dod mi nus so/ /kha cig /mkhyen
gsum gang rung gi rnam ba shar nas bsgom pa'i sems dpa'i ye
shes/ gnyen po phyogs kyi shes rnam gyi mtshan nyid zer na/ theg
chen mthong lam par chad med lam chos can/ mtshan nyid der thal/
mtshon

bya de'i phyir/ der thal/ chos can de yin pa'i phyir/ 'dod na/
kun rdzob dngos yul du byed ba'i shes pa yin par thal/ 'dod pa
de'i phyir/ 'dod mi nus te/ stong nyid la gnyis snang nub pa'i
slob pa'i ye shes yin pa'i phyir/ gzhan yang/ nyan thos kyi
mthong lam chos can/

mtshan nyid der thal/ mtshon bya de'i phyir/ der thal/ gnyen po
phyogs gang zhig/ shes rnam yin pa'i phyir/ dang po der thal/
/lam yin pa'i phyir/ phyi ma der thal/ shes pa yin pa'i phyir/
'dod mi nus te/ sems dpa'i ye shes ma yin pa'i phyir/ zur 'gog
la song/ kha

cig/ gzhi'i khyad par rnam pa'i mtshan nyid zer na/ gzhi chos
can/ gzhi'i khyad par yin par thal/ rnam pa yin pa'i phyir/ der
thal/ gzhi grub pa'i phyir/ 'dod na/ de chos can/ khyod khyod
kyi khyad par ma yin par thal/ gang ? zag gi bdag med yin pa'i
phyir/ kha cig /gzhi'i

@04a @#/ /bye brag /rnam pa'i mtshan nyid zer na/ gang zag gi bdag
med chos can/ mtshan nyid der thal/ mtshon bya de'i phyir/ 'dod
na/ khyod ma yin zhing gzhi yang yin pa du ma grub par thal lo/
/gzhan yang/ 'dir rnam pa mtshon byar byed pa mi 'thad pa thal/

'dir rnam pa mtshan nyid du byed dgos pa'i phyir/ der thal/ rnam
pa zhes bya mtshan nyid de/ /zhes gsungs pa'i phyir/ kha cig/
gzhi'i khyad par rab shes pa'i khyad par gang rung gang zhig/
rnam rdzogs sbyor ba'i bsgom bya/ rnam pa'i mtshan nyid/ de la
don rnam dang shes rnam

gnyis/ gzhi'i khyad par gang zhig/ rnam rdzogs sbyor ba'i bsgom
bya/ don rnam gyi mtshan nyid/ shes pa'i khyad par du gyur pa'i
rig pa gang zhig /rnam rdzogs sbyor ba'i bsgom bya/ shes rnam
gyi mtshan nyid/ de la dbye na mi mthun phyogs kyi shes rnam
dang/ gnyen po phyogs kyi shes

rnam gnyis/ shes rnam gang zhig /kun nas nyon mongs phyogs kyis
bsdus pa/ mi mthun phyogs kyi shes rnam gyi mtshan nyid/ shes
rnam gang zhig /rnam byang phyogs kyis bsdus pa/ gnyen po phyogs
kyi shes rnam gyi mtshan nyid zer na/ gnyis pa la/ gzhi chos can/
gzhi'i khyad

par yin par thal/ don rnam yin pa'i phyir/ der thal/ gzhi grub
pa'i phyir/ 'dod na bkag zin/ gzhan yang/ shes pa chos can/ shes
pa'i khyad par du gyur ba'i rig pa yin par thal/ shes rnam yin
pa'i phyir/ der thal/ shes pa yin pa'i phyir/ 'dod na/ shes pa'i

khyad par yin par thal/ 'dod ba'i phyir/ 'dod mi nus so/ /kha
cig /mkhyen gsum gyi rnam pa bsgom pa'i sems dpa'i ye shes/ sems
dpa'i gnyen po phyogs kyi shes rnam gyi mtshan nyid zer na/ sems
dpa'i gnyen po phyogs kyi shes rnam mtshon byar byas nas mtshan
nyid zur

nas kha 'gengs pa mi 'thad par thal/ rnam bshad las/ 'dir bstan
pa'i rnam pa mtshon byar byas nas de'i mtshan nyid zur nas kha
skong ba ni/ rnam ba zhes bya mtshan nyid de/ /zhes pa'i don ma
rtogs pa'o/ /zhes pa dang/ rnam pa'i mtshan nyid 'chad pa ni/
skabs 'dir rnam

@04b pa'i dbye ba rgyas par bshad pa 'dis ci byed mi shes pas
gzhung don log par 'chad pa yin te/ zhes gsungs pa'i phyir/ kha
cig /rnam mkhyen gyi rnam pa yin na/ rnam mkhyen yin pas ma
khyab zer na/ 'o na/ rnam mkhyen gyi don rnam yin na/ rnam
mkhyen gyi rnam pa yin dgos par

thal; dam bca' 'thad pa'i phyir/ 'dod na/ thun mong ma yin pa'i
rnam mkhyen gyi don rnam yin na/ thun mong ma yin pa'i rnam
mkhyen gyi rnam pa yin dgos par thal/ 'dod pa'i phyir/ 'dod na/
sangs rgyas 'phags pa'i rgyud kyi dran pa nyer gzhag bzhi po
chos can/ der thal/ de'i

phyir; der thal/ gzhi grub pa'i phyir/ 'dod mi nus te/ thun mong
ba'i rnam mkhyen gyi rnam ba yin pa'i phyir/ gzhan yang/ rnam
mkhyen gyi rnam pa yin na/ rnam mkhyen yin dgos par thal/ rnam
mkhyen gyi shes rnam yin na/ rnam mkhyen yin dgos pa'i phyir/
kha cig /thun mong ma yin

pa'i rnam mkhyen gyi don rnam yin na/ thun mong ma yin pa'i rnam
mkhyen gyi rnam pa ma yin pas khyab zer na/ sangs rgyas 'phags
pa'i rgyud kyi stobs bcu po chos can/ der thal/ de'i phyir/ der
thal/ gzhi grub pa'i phyir/ 'dod mi nus te/ thun mong ma yin
pa'i rnam mkhyen gyi rnam pa

de la sum cu rtsa dgu yod pa'i phyir/ kha cig /rnam mkhyen bsgom
pa'i sems dpa'i ye shes med zer na/ de yod par thal/ rnam mkhyen
gyi rnam ba nyams su len pa'i sems dpa'i ye shes yod pa'i phyir/
kha cig /ma khyab zer/ ma grub na der thal/ rnam mkhyen sbyor ba
yod pa'i

phyir; der thal/ sems dpa'i sbyor ba yod ba'i phyir/ ma khyab
mtshams la/ mi rtag pa rtogs pa'i ye shes bsgom pa'i sems dpa'i
ye shes med par thal/ mi rtag pa rtogs pa'i rnam mkhyen bsgom
pa'i sems dpa'i ye shes med pa'i phyir/ der thal/ rnam mkhyen

bsgom pa'i sems dpa'i ye shes med pa'i phyir/ 'dod na/ mi rtag
pa bsgom pa'i sems dpa'i ye shes med par thal/ 'dod pa de'i
phyir/ khyab ste/ rnam bshad las/ kha cig don rnam dang shes
rnam gnyis su phye nas bsgom bya gang yin pa mi mthun pa so sor
'dod pa

@05a @#/ /la ni snying po cung zad kyang med de/ mi rtag pa rtogs
pa'i ye shes bsgom byar 'dod pa des kyang/ mi rtag pa bsgom byar
khas len dgos la/ mi rtag pa bsgom byar 'dod pa des kyang/ de
rtogs pa'i ye shes bsgom byar khas mi len na gzhi stor bar 'gyur

ba'i phyir ro/ /zhes gsungs pa'i phyir/ kha cig /rang yul gyi
rnam pa legs par shar ba'i sgo nas rang gi dmigs pa'i chos phyin
ci ? log tu sgro 'dogs pa'i sgro 'dogs la dngos su gnod byed kyi
mkhyen pa/ gnyen po phyogs kyi shes rnam kyi mtshan nyid zer na/
lam ma zhugs

kyi gang zag gi rgyud kyi stong nyid rtogs pa'i shes rab chos
can/ mtshan nyid der thal/ mtshon bya de'i phyir/ der thal/ gnyen
po phyogs gang zhig/ shes rnam yin pa'i phyir/ dang po der thal/
stong nyid rtogs pa'i shes rab yin pa'i phyir/ 'dod mi nus te/
chos can de yin

pa'i phyir/ kha cig /de 'dra'i sgro 'dogs la dngos su gnod byed
kyi sems dpa'i ye shes/ skabs 'dir dngos su bstan ba'i gnyen
po'i mtshan nyid yin zer na/ nyan thos dgra bcom pa'i rtogs pa
sngon du song ba'i byang sems tshogs lam pa'i rgyud kyi theg chen
sems bskyed

chos can/ mtshon bya der thal/ mtshan nyid de'i phyir/ der thal/
chos can de yin pa'i phyir/ 'dod na/ mkhyen gsum gang rung yin
par thal/ 'dod pa'i phyir/ 'dod mi nus te/ chos can de yin pa'i
phyir/ kha cig /rang yul gyi rnam pa lags par shar ba'i sgo nas
rang

gi dmigs pa'i chos la phyan ci log tu sgro 'dogs pa'i sgro 'dogs
la dngos su gnod byed kyi byang 'phags kyi mkhyen pa/ skabs 'dir
dngos bstan bstan bya'i gtso bor gyur pa'i gnyen po'i mtshan nyid
yin zer na/ dgra bcom pa'i rtogs pa sngon du song ba'i theg chen

mthong lam bar chad med lam chas can/ mtshon bya der thal/ mtshan
nyid de'i phyir/ rtags gsal chos ? can gyis sgrub bo// gnyis pa
rang gi lugs la/ rang yul gyi rnam pa legs par shar ba'i sgo nas
rang gi dmigs pa'i chos la phyin ci log tu sgro 'dogs

@05b pa'i sgro 'dogs la dngos su gnod byed kyi mkhyen pa/ skabs
'dir bstan pa'i gnyen po'i mtshan nyid/ de la bsgom bya mkhyen
gsum gyi sgo nas dbye na gsum yod/ nyer len gyi phung po mi rtag
pa'i rnam pa shar ba'i sgo nas nyer len gyi phung po rtag 'dzin
la dngos su gnod byed kyi

mkhyen pa chos can/ nyer len gyi phung po rtag 'dzin dang dmigs
pa gcig la dmigs nas rnam pa 'dzin stangs dngos 'gal du zhugs
pa'i gnyen po'i mtshan nyid yin te/ de'i 'jog byed yin pa'i
phyir/ /gsum pa rtsod pa spong ba la/ kha cig /rgyun mtha'i bar
chad med lam

chos can/ rnam mkhyen bsgom ba'i sems dpa'i ye shes yin par
thal/ rnam mkhyen gyi rnam pa bsgom pa'i sems dpa' ye shes yin
pa gang zhig/ rnam mkhyen gyi rnam pa yin na rnam mkhyen yin
dgos pa'i phyir/ dang po der thal/ rnam mkhyen gyi rnam pa nyams
su len pa'i sems

dpa'i ye shes yin pa'i phyir/ der thal/ rnam mkhyen sbyor ba yin
pa'i phyir/ rtsa bar 'dod na/ rnam mkhyen rtogs par thal/ 'dod
pa de'i phyir zer na ma khyab/ 'dod na/ rnam mkhyen mngon sum du
rtogs par thal/ rnam mkhyen rtogs pa'i rnal 'byor mngon sum yin
pa'i phyir/ 'dod na/

rnam mkhyen yin par thal/ rnam mkhyen mngon sum du rtogs pa'i ye
shes yin pa'i phyir zer na/ de rang chos can/ dbu ma'i lta ba
rtogs pa'i ye shes yin par thal/ dbu ma'i lta ba bsgom pa'i sems
dpa' ye shes yin pa'i phyir/ khyab pa khas/ ma grub na/ der
thal/ de bsgom pa'i

sems dpa'i ye shes yod pa'i phyir/ 'dod na/ de mngon sum du
rtogs par thal/ de rtogs pa'i rnal 'byor mngon sum yin pa'i
phyir/ 'dod na/ stong nyid rtogs pa'i dbu ma'i lta ba chos can/
don dam bden pa yin par thal/ rgyun mtha'i bar chad med lam gyi
dngos gzhal yin

pa'i phyir/ 'dod mi nus so/ /kha cig /byang sems rgyun mtha' ba
chos can/ rnam mkhyen blo'i ngo bor bskyed nas bsgom pa'i gang
zag yin par thal/ rnam mkhyen bsgom pa'i gang zag yin pa'i
phyir/ khyab ste/ snying rje chen po bsgom pa de'i tshe na blo'i
ngo bor bskyed nas bsgom pa yin gyis

@6a @#/ /mig gis gzugs la blta ba ltar bsgom pa ma yin pa rnam
bshad snying po rgyan las gsungs pa'i phyir/ 'dod na/ rnam
mkhyen blo'i ngo bor bskyed zin par thal/ 'dod ba'i phyir zer
na/ ma khyab/ 'o na/ theg chen sems bskyed rang rgyud kyi yid
kyi

rnam par shes pa'i ngo bor bskyed nas bsgom pa'i lam zhugs kyi
gang zag chos can/ theg chen sems bskyed rang rgyud kyi blo ngor
bskyed zin par thal/ theg chen sems bskyed rang rgyud kyi blo
ngor bskyed nas bsgom pa'i gang zag yin pa'i phyir/ khyab pa
khas/ 'dod mi nus te/

chos can de yin pa'i phyir/ kha cig/ byang sems tshogs lam pa'i
rgyud kyi rnam mkhyen rtogs pa'i rtog pa chos can/ rnam mkhyen
gyi rnam pa yin par thal/ rnam mkhyen gyi rnam par bskyed ba'i
phyir/ der thal/ rnam mkhyen gyi rnam ldan du bskyed ba'i phyir
zer na/ ma

khyab; rtags der thal/ rtog pa de la rnam mkhyen gyi rnam pa
shar ba'i phyir zer na/ 'o na/ gang zag gi bdag yod par thal/
gang zag gi bdag gi rnam par skyes pa'i shes pa yod pa'i phyir/
der thal/ gang zag gi bdag gi rnam ldan du skyes pa'i shes pa
yod pa'i

phyir; 'khor gsum/ ma grub na/ der thal/ gang zag gi bdag 'dzin
la de'i rnam pa shar ba'i phyir/ kha cig/ rnam mkhyen nyams su
myong ba'i rang rig chos can/ rnam mkhyen yin par thal/ rnam
mkhyen gyi rnam pa yin pa'i phyir/ der thal/ rnam mkhyen gyi
'dzin rnam yin pa'i phyir/

zer na ma khyab/ 'dod mi nus te/ rang rig yin pa'i phyir/ kha
cig/ sdug bden gyi rnam pa yin na/ sdug bden yin dgos par thal/
rnam mkhyen la de'i phyir zer na/ ma khyab/ 'dod na/ sdug bden
gyi rnam par gyur pa'i stong bdag med gnyis chos can/ der thal/
de'i phyir/ 'dod

mi nus te/ 'dus ma byas yin pa'i phyir/ kha cig/ mkhyen gsum
chos can/ mkhyen gsum yin par thal/ mkhyen gsum gyi shes rnam
yin pa'i phyir/ ma grub na/ mkhyen gsum chos can/ khyod khyod
kyi shes rnam yin par thal/ khyod shes pa yin pa'i phyir zer na
ma khyab/ 'dod

@6b mi nus te/ gzhi shes rnam mkhyen ma yin pa'i phyir/ kha cig/
mkhyen gsum gyi shes rnam yin pa yod par thal/ mkhyen gsum gyi
shes rnam yod pa'i phyir zer na/ 'dod pa yin te/ sangs rgyas
'phags pa'i rgyud kyi dran pa nyer gzhag de de yin pa'i phyir/
der thal/ de mkhyen pa gsum

ga yin pa'i phyir/ kha cig/ nyer len gyi phung po mi rtag bar
bsgom pa'i ye shes yin na/ nyer len gyi phung po mi rtag par
rtogs pa'i rnam mkhyen bsgom pa'i ye shes yin dgos par thal/
nyer len gyi phung po mi rtag par bsgom pa'i sems dpa'i ye shes
la de'i phyir zer na/ ma khyab/

'dod na/ nyer len gyi phung po mi rtag par bsgom ba'i nyan thos
kyi mthong lam chos can/ der thal/ de'i phyir/ 'dod na/ nyer len
gyi phung bo mi rtag par rtogs pa'i rnam mkhyen sbyor ba yin par
thal/ de bsgom pa'i slob pa'i ye shes yin pa'i phyir/ 'dod mi
nus te/ dman pa'i

sbyor ba yin pa'i phyir/ kha cig/ rnam mkhyen gyi 'dzin rnam yin
na/ rnam mkhyen ma yin dgos par thal/ rnam mkhyen nyams su myong
ba'i rang rig de rnam mkhyen ma yin pa'i phyir/ 'dod na/ rnam
mkhyen chos can/ der thal/ de'i phyir/ der thal/ rnam mkhyen
gang zhig /'dzin rnam

yin pa'i phyir/ phyi ma der thal/ 'dzin pa'i rnam pa yin pa'i
phyir/ zer na ma khyab/ ma grub na der thal/ shes pa yin pa'i
phyir zer na/ rtsol ba'i 'bras bur gyur pa'i rtsol ma byung gi
brag ri chos can/ rtsol byung yin par thal/ rtsol ba las byung
ba'i phyir/ khyab pa khas/ ma grub na/ der thal/

rtsol ba las skyes pa'i phyir/ 'dod mi nus te/ rtsol ma byung
yin pa'i phyir/ gzhan yang/ bum pa chos can/ gzung rnam yin par
thal/ gzung ba'i rnam pa yin pa'i phyir/ 'khor gsum/ gal te ma
grub na/ der thal/ gzhi grub pa'i phyir/ 'dod na/ shes pa yin
par thal/ gzung

rnam yin pa'i phyir/ 'dod mi nus te/ gzugs yin pa'i phyir// !
//med pa'i rnam pa nas bzung ste/ /mi g.yo ba yi rnam pa'i bar/
/zhes sogs kyi skabs su/ 'dir bstan gzhi shes kyi rnam pa chos
can/ khyod la dbye na nyer bdun yod de/ bden pa dang po gsum la
dmigs pa

@7a @#/ /bzhi bzhi dang/ lam bden la dmigs pa bco lnga yod pa'i
phyir/ 'di'i skabs su gsum las/ dang po la kha cig /gzhi shes
kyi dmigs pa'i chos la phyin ci log tu sgro 'dogs pa'i sgro
'dogs la dngos su gnod byed kyi mkhyen pa/ gzhi shes

kyi shes rnam gyi mtshan nyid zer na/ nyer len gyi phung po mi
rtag par rtogs pa'i nyan thos kyi tshogs lam chos can/ mtshon bya
der thal/ mtshan nyid de'i phyir/ der thal/ nyer len gyi phung po
mi rtag par rtogs pa'i gzhi shes kyi dmigs pa'i chos la phyin ci
log tu sgro 'dogs

pa'i sgro 'dogs la dngos su gnod byed kyi mkhyen pa yin pa'i
phyir/ der thal/ chos can de yin pa'i phyir/ 'dod na/ 'phags
rgyud kyi mkhyen pa yin par thal/ gzhi shes kyi shes rnam yin
pa'i phyir/ 'dod mi nus te/ so skye'i mngon rtogs yin pa'i phyir/
kha cig /gdul bya

dman pa'i rigs can rjes su 'dzin pa'i phyir du bsgom pa'i 'phags
rgyud kyi mkhyen pa/ gzhi shes kyi shes rnam kyi mtshan nyid yin
zer na/ gdul bya dman pa'i rigs can sdug bsngal las skyob par
'dod pa'i byang sems mthong lam pa'i rgyud kyi snying rje chen
po chos can/

mtshon bya der thal/ mtshan nyid de'i phyir/ der thal/ chos can de
yin pa'i phyir/ 'dod na/ gzhi shes yin par thal/ 'dod pa'i
phyir/ 'dod na/ theg dman gyi rtogs rigs su gnas par thal/ byang
'phags kyi rgyud kyi gzhi shes yin pa'i phyir/ 'dod mi nus te/

snying rje chen po yin pa'i phyir/ kha cig /gzhi shes kyi dmigs
pa'i chos la phyin ci log tu sgro 'dogs pa'i sgro 'dogs la dngos
su gnod byed kyi gzhi shes kyi 'dzin ltangs/ gzhi shes kyi shes
rnam gyi mtshan nyid yin zer na/ mi 'thad par thal/ nyer len gyi
phung po mi rtag

par rtogs pa'i nyan thos kyi mthong lam de/ gzhi shes kyi shes
rnam kyi mtshan gzhi gang zhig/ de mtshan nyid der tshad mas nges
na/ de mtshon bya der tshad mas nges dgos pa'i phyir/ kha cig/
theg dman gyi rtogs rigs su gnas pa'i theg chen 'phags pa'i
mkhyen pa/ skabs

@7b 'dir dngos su bstan pa'i gzhi shes kyi rnam pa'i mtshan nyid
zer na/ sangs rgyas 'phags pa'i rgyud kyi gang zag gi bdag med
rtogs pa'i shes rab chos can/ mtshon bya der thal/ mtshan nyid
de'i phyir/ der thal/ chos can de dang gcig yin pa'i phyir/ 'dod
mi nus te/ slob pa'i rgyud

kyi mkhyen pa ma yin pa'i phyir/ khayb ste/ 'grel pa las/ de la
thams cad mkhyen pa nyid kyi rnam pa ni nyan thos dang byang
chub sems dpa'i bye brag gis/ go rim bzhin du zag pa med pa dang
/zag pa dang bcas pa ngag kyang yin no/ /zhes gsungs pa'i phyir/
kha cig /skabs 'dir

dngos su bstan pa'i gzhi shes kyi rnam pa yin na/ theg dman
'phags pa'i mkhyen pa dang / theg chen 'phags pa'i mkhyen pa
gang rung yin pas khyab zer na/ de gnyis kas ma nges so/ /kha
cig/ nyan thos kyi rtogs rigs su gnas pa'i theg chen 'phags pa'i
mkhye pa dang / theg

dman 'phags pa'i mkhyen pa gang rung gis bsdus pa de/ skabs 'dir
dngos su bstan pa'i gzhi shes kyi rnam pa'i mtshan nyid zer na/
gzugs phyi rol don gyis stong pa mngon sum du rtogs pa'i theg
chen mthong lam chos can/ mtshan nyid der thal/ mtshon bya de'i
phyir/ der

thal; lam la de ni bco lngar bshad/ /ces pa'i skabs nas dngos su
bstan pa'i gzhi shes kyi rnam pa yin pa'i phyir/ der thal/ de'i
skabs nas dngos su bstan pa'i shes sgrib gzung rtog gi gnyen por
gyur ba'i mthong lam zag med cig yod pa'i phyir/ 'dod mi nus te/
de gang

rung ma yin pa'i phyir/ kha cig/ gzhi shes kyi lam bden gyi rnam
pa chos can/ khyod la rnam pa bco lnga yod de/ nyon sgrib kyi
gnyen por gyur pa'i mthong lam zag med bzhi/ shes sgrib gzung
rtog gi gnyen por gyur ba'i sgom lam zag bcas drug dang/ yang
de'i gnyen por gyur pa'i

mthong lam zag med lnga dang bcas pa yod pa'i phyir/ zer na/
shes sgrib gzung rtog gi gnyen por gyur pa'i sgom lam zag bcas
dang/ nge'i gnyen por gyur ba'i mthong lam zag med gang rung yin
na/ gzhi shes kyi rnam pa yin dgos par thal/ khyod kyi sbyor ba
'thad pa'i phyir/ 'dod na

@8a @#/ /mi 'thad de/ stong nyid mngon sum du rtogs pa'i theg
chen mthong lam de/ de'i gnyen por gyur pa'i mthong lam zag med
yin kyang/ gzhi shes kyi lam bden gyi rnam pa ma yin pa'i phyir/
kha cig/ gzhi shes kyi lam bden gyi rnam pa chos can/ khyod la

bco lnga yod de/ nyon sgrib kyi dngos kyi gnyen por gyur pa'i
mthong lam zag med bzhi/ shes sgrib gzung rtogs gi dngos kyi
gnyen por gyur pa'i sgom lam zag bcas drug/ yang de'i gnyen por
gyur pa'i mthong lam zag med lnga dang bcas pa yod pa'i phyir/
zer ba dang/ nyon sgrib

kyi dngos kyi gnyen po yin na/ de'i dngos gnyen bar chad med lam
yin pas khyab/ shes sgrib gzung rtog gi dngos kyi gnyen po yin
na/ de'i dngos gnyen bar chad med lam yin pas khyab zer na/
khyod kyi sbyor ba de mi 'thad par thal/ shes sgrib gzung rtog
gi dngos kyi gnyen po

yin na/ de'i dngos gnyen bar chad med lam yin dgos ba gang zhig/
de'i dngos gnyen bar chad med lam du gyur ba'i mthong lam med
pa'i phyir dang/ de'i dngos gnyen yin na/ de'i dngos gnyen bar
chad med lam yin dgos pa gang zhig/ de'i dngos gnyen bar chad
med

lam du gyur ba'i sgom lam yin na/ zag med sgom lam yin dgos pa'i
phyir/ kha cig/ dman sgrib yin na/ sgrib ba yin pas khyab zer
na/ nyan thos mthong lam ba'i rgyud kyi rang nyid gcig pu zhi
bde don gnyer gyi blo chos can/ der thal/ de'i phyir/ 'dod mi
nus te/ lam yin

pa'i phyir/ kha cig/ sgrib pa yin na/ nyon sgrib dang/ shes
sgrib gang rung yin pas khyab zer na/ snyom 'jug gi sgrib pa
chos can/ der thal/ de'i phyir/ chos can de yin pa'i phyir/ khyab
ste/ rgyud bla ma las/ nyon mongs shes bya snyom 'jug gi/ sgrib
gsum las ni nges grol zhing//

zhes gsungs pa'i phyir/ 'dod mi nus te/ nyon sgrib yang ma yin/
shes sgrib yang ma yin pa'i phyir/ dang po der thal/ de rgyud la
ldan pa'i nyan thos dgra bcom pa yod pa'i phyir/ gnyis pa der
thal/ de spangs pa'i dman lam sngon du ma song ba'i sa brgyad pa
ba yod pa'i phyir/

@8b kha cig /snyom 'jug gi sgrib pa yin na/ gnyis ka'i cha las
rnam par grol ba'i nyan thos dgra bcom pas spangs pas khyab zer
na/ bsam gtan gyi phar phyin gyi nyams len lhag par thob pa la
gtso bor gegs byed kyi snyom 'jug gi sgrib pa chos can/ der
thal/ de'i phyir/ der thal/

chos can de yin pa'i phyir/ der thal/ de yod pa'i phyir/ der
thal/ bsam gtan gyi phar phyin gyi nyams len lhag par thob pa la
gtso bor gegs byed kyi sgrib pa gcig yod ba'i phyir/ 'dod mi nus
te/ chos can de yin pa'i phyir/ kha cig/ shes sgrib gzung rtog
yin na/

rang gi dmigs yul du gyur pa'i gzung ba'i chos la dmigs nas
longs spyad byar bden par 'dzin pa'i bden 'dzin yin pas khyab
zer na/ gzugs phyi rol don 'dzin gyi rtog pa chos can/ der thal/
de'i phyir/ der thal/ 'grel pa las/ shes bya'i sgrib pa'i phyogs
gcig pu/

gzung ba'i don gyi rnam par rtog pa'o/ /zhes gsungs pa'i phyir/
'dod mi nus te/ bden 'dzin ma yin pa'i phyir/ kha cig/ de shes
sgrib dang nyon sgrib gang rung ma yin zer na/ de yin par thal/
shes sgrib yin ba'i phyir/ der thal/ 'grel pa'i lung de'i phyir
dang/ rnam bshad las/

shes sgrib gzung rtog rang sangs rgyas kyi thun mong ma yin pa'i
spang byar bstan pa zad pa spong 'dod na/ zhes gsungs pa'i
phyir/ kha cig/ gzugs phyi rol don 'dzin gyi rtog pa yin na/
shes sgrib kun btags yin pas khyab zer na/ rang rgyal sgom lam
rdo rje lta bu'i ting nge 'dzin gyi

ngos skal gyi spang byar gyur pa'i gzugs phyi rol don 'dzin gyi
rtog pa chos can/ der thal/ de'i phyir/ der thal/ chos can de
yin pa'i phyir/ der thal/ de'i ngos skal gyi spang bya gcig yod
pa'i phyir/ 'dod mi nus te/ chos can de yin pa'i phyir/ kha cig/
mthong spang du gyur pa'i sgrib pa

yin na/ sgrib pa kun btags yin pas khyab zer na/ grub mthas blo
kha ma sgyur ba'i gang zag gi rgyud kyi mthong spang rtog pa'i
sa bon chos can/ der thal/ de'i phyir/ der thal/ chos can de yin
pa'i phyir/ 'dod na/ grub mthas blo bsgyur bal ltos dgos ba'i
sgrib bar thal/ 'dod pa de'i

@9a @#/ /phyir; 'dod mi nus so/ /kha cig/ mthong spang yin na/
sgrib ba yin pas khyab zer na/ ngan 'gro'i phung khams skye
mched rnams chos can/ der thal/ de'i phyir/ der thal/ mngon pa
kun las btus las/ ngan 'gro'i phung khams skye mched rnams

mthong spang du bshad pa de bshad pa ltar du khas len rigs bar
rnam bshad las gsungs pa'i phyir dang/ 'jug pa las/ de tshe 'di
yi ngan 'gro'i lam rnams mtha' dag 'gags par 'gyur/ /zhes gsungs
pa'i phyir/ 'dod na/ khyi rgan rgya po'i gzugs phung yang sgrib
pa

yin par thal/ 'dod pa'i phyir/ 'dod na/ de chos can/ sgrib pa ma
yin par thal/ gzugs yin pa'i phyir/ kha cig /thar pa thob pa la
gegs byed kyi sgrib pa'i gtso bo/ /nyon sgrib kyi mtshan nyid/
thams cad mkhyen pa thob pa la gegs byed kyi sgrib pa'i gtso bo/
shes sgrib kyi mtshan

nyid; mthar gnas snyom 'jug dgu la ji ltar 'dod 'dod du snyoms
par 'jug pa la gtso bor gegs byed kyi sgrib ba/ snyom 'jug gi
sgrib ba'i mtshan nyid zer na/ dang bo la/ bden 'dzin lhan skyos
chos can/ mtshon bya der thal/ mchan nyid de'i phyir/ der thal/
sgrib pa yin na/

thar pa thob pa la gegs byed kyi sgrib pa yin dgos pa gang zhig/
de sgrib pa yin pa'i phyir/ 'dod mi nus te/ shes sgrib yin pa'i
phyir/ gzhan yang/ 'gog snyoms thob lam nyams pa'i gang zag yin
na/ snyom 'jug gi sgrib pa spangs pas khyab par thal/ khyod kyi
snyom

'jug gi sgrib ba'i mtshan nyid 'thad pa'i phyir/ 'dod mi nus te/
bsam gtan gyi phar phyin gyi nyams len lhag bar thob ba la gtso
bor gegs byed kyi sgrib pa gcig yod ba'i phyir/ kha cig/ bdag
'dzin la gang zag gi bdag 'dzin dang/ chos kyi bdag 'dzin gnyis
kyis

dbye ba 'thad pa yin zer na/ 'o na/ chos kyi bdag 'dzin bdag
'dzin yin bar thal/ dam bca' 'thad pa'i phyir/ 'dod na/ chos kyi
bdag 'dzin chos can/ khyod kyi zhen yul gyis stong ba gang zag
gi bdag med phra mo yin phar thal/ khyod bdag 'dzin yin pa'i
phyi/

@9b 'dod mi nus te/ de'i zhen yul gyis stong pa stong nyid yin
pa'i phyir/ kha cig/ gzugs phyi rol don 'dzin gyi rtog ba chos
kyi bdag 'dzin yin zer na/ de chos can/ chos kyi bdag 'dzin phra
mo yin par thal/ chos kyi bdag 'dzin yin pa'i phyir/ 'dod na/ de
chos can/ khyod

kyi zhen yul gyis stong pa chos kyi bdag med phra mo yin par
thal/ khyod chos kyi bdag 'dzin phra mo yin pa'i phyir/ 'dod mi
nus te/ gzugs phyi rol don gyis stong pa chos kyi bdag med rags
pa yin pa'i phyir/ der thal/ gzugs phyi rol den 'dzin gyi rtog
pa/ chos kyi bdag 'dzin

rags pa yin pa'i phyir/ kha cig/ gang zag gi bdag 'dzin yin na/
'jig lta yin pas khyab zer na/ lhas sbyin gyi rgyud kyi mchod
sbyin rang rkya thub pa'i rdzas yod du 'dzin pa'i rtog pa chos
can/ der thal/ de'i phyir/ der thal/ chos can de yin pa'i phyir/
'dod na/ de chos can/ khyod

kyi dmigs rnam gnyis su phye ba'i dmigs yul de rang rgyud la
ldan pa'i gang zag gi rgyud kyis bsdus par thal/ khyod 'jig lta
yin pa'i phyir/ 'dod mi nus so/ /kha cig/ 'jig lta lhan skyes
yin na/ rang rgyud kyi nga la dmigs pas khyab zer na/ khyi rgan
rgya bo'i rgyud kyi 'jig lta

lhan skyes chos can/ der thal/ de'i phyir/ 'dod na/ khyi rgan
rgya bo'i rgyud kyi 'jig lta lhan skyes kyi rgyud kyi nga yod
par thal/ 'dod ba'i phyir/ 'dod mi nus so/ /kha cig/ 'jig lta
lhan skyes kyi dmigs yul yin na/ chos dang gang zag gnyis su
phye ba'i gang zag yin bas khyab

zer na/ khyi rgan rgya bo'i yid kyi rnam par shes pa chos can/
der thal/ de'i phyir/ der thal/ khyi rgan rgya bo'i rgyud kyi
'jig lta lhan skyes kyi dmigs yul yin pa'i phyir/ der thal/ khyi
rgan rgya bo'i nga yin pa'i phyir/ der thal/ khyi rgan rgya bo'i
gang zag yin pa'i phyir/ der thal/

de'i gang zag gi mtshan gzhi yin pa'i phyir/ rtsa bar 'dod na/ mi
'thad par thal/ de gnyis su phye ba'i chos yin pa'i phyir/ der
thal/ de'i rnam shes kyi phung po de chos dang gang zag gnyis su
phye ba'i chos yin pa'i phyir/ der thal/ de'i phung po lnga po
de chos dang gang zag gnyis

@10a @#/ /su phye ba'i chos yin pa'i phyir/ de sgrub tshul rten
'brel gyi skabs su shes par bya'o/ kha cig/ nyon mongs kyi bag
chags yin na/ shes sgrib yin pas khyab zer na/ gang zag gi bdag
'dzin gyi rigs 'dra phyi ma bskyed pa'i nus pa'i ngo bor gyur
ba'i

gang za ggi bdag 'dzin gyi bag chags chos can/ der thal/ de'i
phyir/ der thal/ de yod pa'i phyir/ der thal/ de 'dra'i rigs 'dra
phyi ma bskyed pa'i nus pa'i ngo bor gyur ba'i de'i goms pa cig
yod pa'i phyir/ der thal/ nus pa'i ngo bor byur pa'i de'i goms pa
cig yod

pa'i phyir/ de yod ba ni gong du bsgrubs zin to/ /'dod mi nus
te/ nyon sgrib yin phyir/ kha cig/ gan zag gi bdag 'dzin gyi bag
chags yin na/ nyon sgrib yin pas khyab zer na/ nyan thos dgra
bcom pa'i rgyud kyi gang zag gi bdag 'dzin gyi bag chags chos
can/ der thal/

de'i phyir/ der thal/ chos can de yin pa'i phyir/ der thal/ de
yod ba'i phyir/ der thal/ de'i rgyud la gang zag gi bdag 'dzin
gyi shes pa'i gnas ngan len yod pa'i phyir/ der thal/ de'i rgyud
la gnas ngan len yod pa'i phyir/ rtsa bar 'dod mi nus te/ nyan
thos dgra

bcom pa de bdag 'dzin gyi sa bon dang bcas pa spangs pa'i gang zag
yin pa'i phyir/ /gnyis pa rang gi lugs la/ theg dman gyi rtogs
rigs su gnas pa'i byang sems 'phags pa'i mkhyen pa dang theg dman
'phags pa'i mkhyen pa gang rung gis bsdus pa'i

'phags rgyud kyi mkhyen pa/ skabs 'dir dngos su bstan pa'i gzhi
she kyi rnam pa'i mtshan nyid/ sa lam gyi rtogs pa khyad par can
thob pa la gtso bor gegs byed kyi khan ma tho ba/ sgrib pa'i
mtshan nyid/ de la dbye na/ nyon sgrib/ shes sgrib/ snyom 'jug gi
sgrib

ba dang gsum yod/ thar pa dang thams cad mkhyen pa gnyis kyi nang
nas thar pa thob pa la gtso bor gegs byad kyi sgrib pa'i rigs su
gnas pa/ nyon sgrib kyi mtshan nyid/ de la dbye na/ kun btags
dang lhan skyes gnyis/ der gyur pa'i mngon 'gyur ba dang / mngon
'gyur

@10b ba ma yin pa'i nyon sgrib gnyis/ mthong spang nyon sgrib dang/
sgom spang nyon sgrib gnyis rnams su yod/ gtso bor grub mthas
blo bsgyur ba la ltos dgos ba'i nyon sgrib/ nyon sgrib kun btags
kyi mtshan nyi/ mtshan gzhi ni/ grangs can gyi grub mtha' ngan bas
bslad pa'i dang

gis sgra rtag 'dzin rtog ba lta bu/ de lta bur stos mi dgos pa'i
nyon sgrib/ nyon sgrib lhan skyes kyi mtshan nyid/ rang nyid
'jogs byed mthong lam bar chad med lam gi dngos kyi gzhom byar
gyur ba'i nyon sgrib/ mthong spang nyon sgrib kyi mtshan nyid/
rang nyid dngos su 'joms byed sgom lam

bar chad med lam gyi dngos kyi gzhom byar gyur pa'i nyon sgrib/
sgom spang nyon sgrib kyi mtshan nyid/ nyon sgrib gang zhig/ dmis
rnam 'dzin pa'i blo/ nyon sgrib mngon 'gyur pa'i mtshan nyid/
dmigs rnam mi 'dzin pa'i nyon sgrib/ mngon 'gyur ba ma yin pa'i
nyon sgrib kyi mtshan nyid/

thar pa dang thams cad mkhyen pa gnyis gyi dang nas thams cad
mkhyen pa thos par byed ba la gtso bor gegs byed kyi sgrib pa'i
rigs su gnas pa/ shes sgrib kyi mtshan nyid/ de la dbye na/ shes
sgrib kun btags dang lhan skyes gnyis/ der gyur pa'i mthong
spang shes sgrib dang /

sgom spang shes sgrib gnyis/ yang der gyur ba'i shes sgrib mngon
'gyur ba dang / mngon 'gyur ba ma yin pa'i shes sgrib gnyis rnams
su yod/ de dag gi mtshan nyid gong gis rigs 'gre/ mthar gnas
snyom 'jug dgu la ji ltar 'dod 'dod du snyoms par 'jug pa la
gtso

bor gegs byed kyi sgrib pa/ snyom 'jug gi sgrib pa rags pa'i
mtshan nyid/   gsum ba rtsod pa spong ba la/ kha cig/ bdag 'dzin la
gang zag gi bdag 'dzin dang chos kyi bdag 'dzin gnyis kyi dbye
ba 'thad par thal/ bdag med la gang zag gi bdag med dang / chos
kyi bdag med

gnyis kyi dbye ba 'thad ba'i phyir zer na/ ma khyab 'dod mi nus
so/ /kha cig/ thams cad mkhyen pa thob ba'i gang zag yin na/
thams cad mkhyen pa thob pa la gegs byed kyi sgrib ba'i gtso bo
spangs bsam khyab bar thal/ thar pa thob pa'i gang zag la thar
pa thob pa la

@11a @#/ /gegs byed kyi sgrib pa'i gtso bo spangs pas ma khyab
pa'i phyir zer na/ ma khyab/ rtags der thal/ nyan thos dgra bcom
pa thar pa thob pa'i gang zag gang zhig /des thar pa thob pa la
gegs byed kyi sgrib pa'i gtso bo ma spangs pa'i phyir/ der thal/
bden

'dzin thar pa thob pa la gegs byed kyi sgrib ba'i gtso bo yin pa
gang zhig /des de ma spangs pa'i phyir/ rtsa bar 'dod mi nus te/
sangs rgyas 'phags pa yin na/ sgrib pa mtha' dag spangs pas
khyab pa'i phyir/ zer na/ 'o na/ bden 'dzin des thar pa thob pa
la gegs mi byed

par thal/ de thar pa thob pa la gegs byed kyi sgrib pa ma yin
pa'i phyir/ rtags khas/ 'dod na/ des de byed par thal/ de thar
pa thob pa la gtso bor gegs byed kyi nyon mongs pa'i rtsa ba yin
pa'i phyir/ der thal/ 'khor ba'i gzhi rtsa mthar thug yin pa'i
phyir/

kha cig /gzugs phyi rol don 'dzin gyi rtog pa chos can/ chos kyi
bdag 'dzin yin par thal/ chos kyi bdag 'dzin rags pa yin pa'i
phyir/ khyab ste/ nyon mongs rags pa yin na/ nyon mongs yin dgos
pa'i phyir zer na/ ma khyab/ 'dod mi nus so/ /'o na gang zag

rtag gcig rang dbang can du grub par 'dzin pa'i rtog pa chos
can/ gang zag gi bdag 'dzin yin par thal/ gang zag gi bdag 'dzin
rags pa yin pa'i phyir/ khyab ste/ nyon mongs rags pa yin na/
nyon mongs yin dgos pa'i phyir/ 'khor gsum/ gal te

'dod na/ de chos can/ khyod kyi zhen yul gyis stong ba gang zag
gi bdag med phra mo yin par thal/ khyod gang zag gi bdag 'dzin
yin pa'i phyir/ 'dod mi nus te/ gang zag rtag pas stong pa de
yang de ma yin/ gang zag gcig tu cha med kyis stong ba yang gang
zag

gi bdag med phra mo ma yin pa'i phyir/ kha cig /gzugs phyi rol
don 'dzin gyi rtog pa shes sgrib ma yin par thal/ rnam bshad
snying po rgyan las/ nyan rang gi spang bya rdzogs ma rdzogs
dpyod pa'i spang byar shes sgrib rnam pa thams cad du mi 'byung
ba'i phyir/ zhes

@11b gsungs pa'i phyir zer na/ skyon med de/ de'i don ni/ ma rig
bag chags phra mo de nyan rang dgra bcom pas bag la nyal gyi
nyon sgrib spangs ma spangs dpyod pa'i skabs kyi bag la nyal gyi
nyon sgrib yin na/ shes sgrib phra zhing phra ba de nyan rang
slob pa'i spang bya'i gtso bor 'gyur

bas mi rigs so/ /zhes pa'i don yin pa'i phyir/ kha cig /rang
rgyal slob pas shes sgrib spang bya'i gtso bor byas nas spong
bar thal/ des gzugs phyi rol don 'dzin gyi rtog pa spang bya'i
gtso bor byas nas spong ba gang zhig /de shes sgrib yin pa'i
phyir/ zer na/ 'o na/ rang

rgyal sgom lam rdo rje lta bu'i ting nge 'dzin de shes sgrib kyi
dngos gnyen yin par thal/ de gzugs phyi rol don 'dzin gyi rtog
pa'i dngos gnyen gang zhig /gzugs phyi rol don 'dzin gyi rtogs
shes sgrib yin pa'i phyir/ 'khor gsum/ 'dod mi nus te/ rang
rgyal dgra bcom pas shes

sgrib ma spangs pa'i phyir/ kha cig /mthong spang gi sgrib pa
yin na/ sgrib ba kun btags yin dgos par thal/ skal bzang mig
'byed las/ mthong spang gi sgrib pa dang / sgrib pa kun btags
gnyis don gcig tu gsungs pa'i phyir zer na/ ma khyab bo/ /kha
cig /sgrib

pa'i dngos gnyen bar chad med lam de la/ nyon sgrib kyi dngos
gnyen bar chad med lam dang/ shes sgrib kyi dngos gnyen bar chad
med lam dang/ snyom 'jug gi sgrib pa'i dngos gnyen bar chad med
lam gsum du grangs nges par thal/ sgrib pa la de gsum du grangs

nges pa'i phyir zar na/ ma khyab/ 'dod mi nus te/ 'gog snyoms
thob la ma nyams pa'i nyan thos dgra bcom pa des snyom 'jug gi
sgrib pa rags pa spangs pa gang zhig /'gog snyoms thob kha ma'i
nyan thos dgra bcom pa'i rgyud la snyom 'jug gi sgrib pa rags
pa'i dngos gnyen

bar chad med lam med pa'i phyir/ der thal/ nyan thos dgra bcom
ba'i rgyud la bar chad med lam med pa'i phyir/ kha cig /sgrib pa
de la shes sgrib dang nyon sgrib gnyes kho nar grangs nges par
thal/ dbus mtha' las/ nyon mongs pa yi sgrib pa dang/ /shes
bya'i sgrib pa nyid

@12a @#/ /du bstan/ /der ni sgrib pa thams cad de/ /de zad pas ni
grol bar 'gyur/ /zhes gsungs pa'i phyir zer na/ ma khyab/ 'dod
na/ sgrib pa'i dngos gnyen bar chad med lam de la nyon sgrib kyi
dngos gnyen bar chad med lam dang shes sgrib kyi dngos

gnyen bar chad med lam gnyis kho nar grangs nges par thal/ sgrib
pa la nyon sgrib dang shes sgrib gnyis kho nar grangs nges pa'i
phyir/ rtags khyab gnyis dngos/ 'dod mi nus te/ nyon sgrib kyi
dngos gnyen bar chad med lam de sgrib pa'i dngos gnyen bar chad
med lam ma yin

pa'i phyir/ ma grub na/ nyon sgrib spangs pa'i gang zag yin na/
sgrib pa spangs pa'i gang zag yin dgos par thal lo// ! //rgyu
dang lam dang sdug bsngal dang/ /'gog pa la ni go rim bzhin/
/zhes sogs kyi skabs su/ 'dir bstan lam shes kyi rnam pa chos

can/ khyod la dbye na du ma yod de/ khyod la dbye na sum cu rtsa
drug yod pa'i phyir/ 'di'i skabs su gsum las/ dang po la kha cig
/lam shes kyi rnam pa nyams su len pa'i theg chen 'phags pa'i
mkhyen pa/ skabs 'dir dngos su bstan pa'i lam shes kyi rnam pa'i

mtshan nyid/ zer na/ rnam mkhyen chos can/ mtshon bya der thal/
mtshan nyid de'i phyir/ der thal/ chos can de yin pa'i phyir/
'dod na/ byang sems 'phags pa'i mkhyen pa yin par thal/ 'dod
pa'i phyir/ khyab ste/ 'grel pa las/ lam shes pa nyid kyi rnam
pa ni/

byang chub sems dpa' rnams kyis nyon mongs pa shin tu ma spangs
pa'i phyir zag pa dang bcas pa kho na'o/ /zhes gsungs pa'i
phyir/ kha cig /lam shes kyi rnam pa shar nas nyams su len pa'i
byang sems 'phags pa'i mkhyen pa/ skabs 'dir dngos su bstan pa'i
lam

shes kyi rnam pa'i mchan nyid zer na/ theg chen gyi mthong lam
rnam grol lam chos can/ mtshan nyid der thal/ mtshon bya de'i
phyir/ der thal/ bcu drug ces bsgrags so/ /zhes pa'i skabs nas
dngos su bstan pa'i lam shes kyi rnam pa yin pa'i phyir/ 'dod
na/ kun

@12b rdzob dngos yul du byed pa'i shes pa yin par thal/ 'dod
pa'i phyir/ 'dod mi nus so/ /kha cig /rnam rdzogs sbyor ba'i
bsgom bya gang zhig /byang chub sems dpa'i gzhan don sgrub byed
kyi rigs su gnas pa'i sems dpa'i ye shes/ lam shes kyi rnam pa'i
mtshan nyid

zer na/ byang sems tshogs lam pa'i rgyud kyi stong nyid rtogs
pa'i shes rab chos can/ mtshon bya der thal/ mtshan nyid de'i
phyir/ dang po der thal/ de bsgom pa'i rnam rdzogs sbyor ba yod
pa'i phyir/ der thal/ de bsgom pa'i theg chen gyi tshogs lam yod
pa'i phyir/

phyi ma der thal/ chos can de yin pa'i phyir/ 'dod mi nus te/ so
skye'i ye shes yin pa'i phyir/ kha cig /de 'dra'i byang sems
'phags pa'i mkhyen pa/ skabs 'dir dngos su bstan pa'i lam shes
kyi rnam pa'i mtshan nyid zer na/ nyer len gyi phung pho mi rtag
par

mngon sum du rtogs pa'i theg chen gyi mthong lam chos can/ mtshan
nyid der thal/ mtshon bya de'i phyir/ der thal/ lnga dang/ zhes
pa'i skabs nas dngos su bstan pa'i lam shes kyi rnam pa yin pa'i
phyir/ 'dod na/ theg chen gyi rtogs rigs su gnas par thal/

'dod pa'i phyir/ 'dod mi nus te/ chos can de yin pa'i phyir/ kha
cig /'gog bden gyi rnam pa bzhi gzhir gzung nas de la stong nyid
bcu drug tu 'byed pa yin zer na/ de mi 'thad par thal/ nang
stong pa nyid de 'gog bden gyi rnam pa ma yin pa'i phyir/ der
thal/ khyi

rgan rgya bo'i mig bden stong nang stong pa nyid yin pa gang
zhig /de 'gog bden gyi rnam pa ma yin pa'i phyir/ dang po ma
grub na/ khyi rgan rgya bo'i mig chos can/ khyod bden stong nang
stong pa nyid yin par thal/ khyod mig yin pa'i phyir/ phyi ma
der thal/ de khyi rgan rgya bo'i mig

gi gnas lugs mthar thug yin pa'i phyir/ kha cig /rang gi bsgom
byar gyur pa'i mi rtag la sogs bcu drug gang rung bsgom bya'i
gtso bor byas nas sgom ba'i theg chen gyi mthong lam med zer na/
de yod par thal/ stong nyid rtogs pa'i theg chen gyi mthong lam
lam

@13a @#/ /sgrub pa rig pa nges 'byin gyi rnam pa bzhir bsgom
bya'i gtso bor byas nas bsgom pa'i theg chen gyi mthong lam yod
pa'i phyir/ der thal/ stong nyid rtogs pa'i theg chen gyi mthong
lam bsgom bya'i gtso bor byas nas bsgom pa'i theg chen gyi
mthong

lam yod pa'i phyir/ kha cig /rang gi bsgom byar gyur pa'i mi
rtag la sogs bcu drug gang rung bsgom bya'i gtso bor byas nas
bsgom pa'i ye shes yin na/ mi rtag la sogs bcu drug gang rung
bsgom bya'i gtso bor byas nas bsgom pa'i ye shes yin pas khyab
zer na/

stong nyid rtogs pa'i theg chen gyi mthong lam lam sgrub pa rig
pa nges 'byin gyi rnam pa bzhir bsgom bya'i gtso bor byas nas
bsgom pa'i theg chen gyi mthong lam chos can/ der thal/ de'i
phyir/ der thal/ chos can de yin pa'i phyir/ 'dod na/ nyon sgrib
spang bya'i gtso

bor byas nas spong ba'i ye shes yin par thal/ 'dod pa de'i
phyir/ 'dod mi nus so/ /gzhan yang/ rang gi bsgom byar gyur pa'i
nyon sgrib kyi dngos gnyen bar chad med lam bsgom bya'i gtso bor
byas nas bsgom pa'i gang zag yin na/ nyon sgrib kyi dngos gnyen
bar

chad med lam bsgom bya'i gtso bor byas nas bsgom pa'i gang zag
yin dgos par thal/ khyod kyi dam bca' 'thad pa'i phyir/ 'dod na/
dman lam sngon du ma song ba'i rgyun mtha'i bar chad med lam pa
chos can/ der thal/ de'i phyir/ der thal/ dman lam sngon du ma
song

ba'i rgyun mtha'i bar chad med lam bsgom bya'i gtso bor byas nas
bsgom pa'i gang zag gang zhig /de nyon sgrib kyi dngos gnyen bar
chad med lam yin pa'i phyir/ dang po ma grub na/ der thal/ de
bsgom bya'i gtso bor byas nas bsgom pa'i gang zag cig yod pa'i
phyir/

ma grub na/ de chos can/ khyod bsgom bya'i gtso bor byas nas
bsgom pa'i gang zag yod par thal/ khyod rgyun mtha'i bar chad
med lam yin pa'i phyir/ rtsa bar 'dod na sla'o// gnyis pa rang
gi lugs la/ lam shes kyi rnam pa nyams su len pa'i theg chen
'phags/

@13b pa'i mkhyen pa/ lam shes kyi rnam pa'i mtshan nyid/ lam shes
gsum po gang yang rung ba bsgom bya'i gtso bor byas nas bsgom
pa'i byang sems 'phags pa'i mkhyen pa/ skabs 'dir dngos su bstan
pa'i lam shes kyi rnam pa'i mtshan nyid/ /rtsod pa spong ba la/
kha

cig /lam shes kyi rnam pa chos can/ byang sems 'phags pa'i
mkhyen pa yin par thal/ skabs 'dir dngos su bstan pa'i lam shes
kyi rnam pa yin pa'i phyir/ der thal/ rgyu dang lam dang sdug
bsngal dang/ /zhe-sogs kyi gzhung 'di/ lam shes kyi rnam pa
dngo-su 'chad

byed kyi gzhung yin pa'i phyir zer na/ ma khyab/ 'dod mi nus so/
/kha cig /nyan thos dgra bcom pa'i rtogs pa sngon du song ba'i
theg chen mthong lam bar chad med lam chos can/ skabs 'dir dngos
su bstan pa'i lam shes kyi rnam pa yin par thal/ lam shes gsum

po gang rung bsgom bya'i gtso bor byas nas bsgom pa'i byang
'phags kyi mkhyen pa yin pa'i phyir/ der thal/ theg chen gyi lam
shes pa'i lam shes bsgom bya'i gtso bor byas nas bsgom pa'i
byang 'phags kyi mkhyen pa yin pa'i phyir/ der thal/ chos can de
yin pa'i

phyir; 'dod na/ skabs 'dir dngos bstan bstan bya'i gtso bor gyur
pa'i lam shes kyi rnam pa yin par thal/ 'dod pa'i phyir zer na/
ma khyab/ 'dod mi nus te/ chos can de yin pa'i phyir// ! //dran
pa nyer gzhag nas gzung ste/ /zhe-sogs kyi skabs su/

'dir bstan rnam mkhyen gyi rnam pa chos can/ khyod la dbye na du
ma yod de/ khyod la dbye na brgya dang bcu yod pa'i phyir/ 'di'i
skabs su gsum las/ dang po la/ kha cig /rang gi nyer len mtshan
nyid pa 'phags pa 'og ma ba'i rgyud la yod pa'i rnam mkhyen gyi
rnam pa/ thun

mong ba'i rnam mkhyen gyi rnam pa'i mtshan nyid/ rang gi nyer len
mtshan nyid pa 'phags pa 'og ma ba'i rgyud la med pa'i rnam
mkhyen gyi rnam pa/ thun mong ma yin pa'i rnam mkhyen gyi rnam
pa'i mtshan nyid zer na/ dang po la/ sangs rgyas 'phags pa'i
rgyud kyi stobs bcu

@14a @#/ /po chos can/ mtshon bya der thal/ mtshan nyid de'i phyir/
der thal/ khyod kyi nyer len mtshan nyid pa byang sems rgyun
mtha' ba'i rgyud la yod pa'i phyir/ der thal/ rnam mkhyen yin
pa'i phyir/ 'dod nus te/ thun mong ma yin pa'i rnam mkhyen

gyi rnam pa yin pa'i phyir/ phyi ma yang des ma nges so// kha
cig /rang gi snge tshan mtshan nyid pa 'phags pa 'og ma ba'i rgyud
la yod pa'i rnam mkhyen gyi rnam pa/ thun mong ba'i rnam mkhyen
gyi rnam pa'i mtshan nyid/ rang gi rigs sde mtshan nyid pa 'phags
pa 'og ma ba'i rgyud

la med pa'i rnam mkhyen kyi rnam pa/ thun mong ma yin pa'i rnam
mkhyen gyi rnam pa'i mtshan nyid zer na/ dang po la/ sangs rgyas
'phags pa'i rgyud kyi dran pa nyer gzhag bzhi po chos can/ mtshan
nyid der thal/ mtshon bya de'i phyir/ der thal/ nyan thos kyi
rgyud la yod

pa dang rjes su mthun pa'i rnam mkhyen gyi rnam pa yin pa'i
phyir/ 'dod na/ rang gi sde tshan mtshan nyid pa 'phags pa 'og ma
ba'i rgyud la yod par thal/ 'dod pa'i phyir/ 'dod na/ khyod
mtshan nyid pa 'phags pa 'og ma ba'i rgyud la yod par thal lo/
/'dod mi nus te/

rnam mkhyen yin pa'i phyir/ kha cig /rang gi rigs 'dra mtshan
nyid pa 'phags pa 'og ma ba'i rgyud la yod pa'i rnam mkhyen gyi
rnam pa/ thun mong ba'i rnam mkhyen gyi rnam pa'i mtshan nyid/
rang gi rigs 'dra mtshan nyid pa 'phags pa 'og ma ba'i rgyud la
med pa'i rnam

mkhyen gyi rnam pa/ thun mong ma yin pa'i rnam mkhyen gyi rnam
pa'i mtshan nyid zer na/ dang po la/ sangs rgyas 'phags pa'i
rgyud kyi gnas dang gnas ma yin pa mkhyen pa'i stobs chos can/
mtshon bya der thal/ mtshan nyid de'i phyir/ der thal/ dor rigs
'dra mtshan nyid

pa byang sems 'phags pa'i rgyud la yod pa'i phyir/ der thal/
byang sems 'phags pa'i rgyud la rgyu dge ba byas pa las 'bras bu
bde ba 'byung ba dang/ rgyu mi dge ba byas pa las/ 'bras bu sdug
bsngal 'byung ba gnas dang/ de las ldog ste spyod pa gnas ma yin

@14b par rtogs pa'i mkhyen pa yod pa'i phyir/ rtsa bar 'dod mi
nus te/ thun mong ma yin pa'i rnam mkhyen gyi rnam pa yin pa'i
phyir/ der thal/ thun mong ma yin pa'i rnam mkhyen gyi rnam pa
de la sum cu rtsa dgu yod pa'i phyir/ kha cig /'phags pa 'og ma
ba dang bsgom bya thun

mongs ba'i rnam mkhyen gyi rnam pa/ thun mong ba'i rnam mkhyen
gyi rnam pa'i mtshan nyid/ 'phags pa 'og ma ba dang bsgom bya
thun mong ma yin pa'i rnam mkhyen gyi rnam pa/ thun mong ma yin
pa'i rnam mkhyen gyi rnam pa'i mtshan nyid zer na/ sangs rgyas
'phags pa'i rgyud kyi stobs bcu

po chos can/ mtshon bya dang po der thal/ mtshan nyid dang po de'i
phyir/ der thal/ byang sems 'phags pas sangs rgyas 'phags pa'i
rgyud kyi stobs bcu bsgom pa yod pa'i phyir/ der thal/ des rnam
mkhyen gyi rnam pa brgya dang bcu bsgom pa yod pa'i phyir/ der
thal/ de'i

rgyud la mkhyen gsum gyi rnam pa brgya bdun cu rtsa gsum nyams
su len pa'i rnam rdzogs sbyor ba yod pa'i phyir/ rtsa bar 'dod
mi nus te/ thun mong ma yin pa'i rnam mkhyen gyi rnam pa yin
pa'i phyir/ mtshan nyid phyi ma la sngar gyis rigs 'dre'o// gnyis
pa rang gi lugs

la; mkhyen gsum gyi rnam pa yar ldan gyi tshul gyis bsgom pa'i
mthar thug pa'i ye shes/ rnam mkhyen gyi rnam pa'i mtshan nyid/
de la thun mong ba'i rnam mkhyen gyi rnam pa dang/ thun mong ma
yin pa'i rnam mkhyen gyi rnam pa gnyis yod/ 'phags pa 'og ma
ba'i rgyud la

yod pa dang rjes su mthun pa'i rnam mkhyen gyi rnam pa/ thun
mong ba'i rnam mkhyen gyi rnam pa'i mtshan nyid/ de la dbye na/
nyan thos kyi rgyud la yod pa dang rjes su mthun pa'i rnam
mkhyen gyi rnam pa sum cu rtsa bdun/ byang chub sems dpa'i rgyud
la yod pa dang rjes su mthun pa'i rnam

mkhyen gyi rnam pa so bzhi yod/ sangs rgyas 'phags pa kho na'i
rgyud la yod pa dang rjes su mthun pa'i rnam mkhyen gyi rnam pa/
thun mong ma yin pa'i rnam mkhyen gyi rnam pa'i mtshan nyid/ de
la sum cu rtsa dgu yod/ gsum pa rtsod pa spong ba la/ kha cig
/sangs rgyas 'phags

@15a @#/ /pa'i rgyud kyi dran pa nyer gzhag bzhi po chos can/
nyan thos kyi rnam mkhyen gyi rnam pa yin par thal/ nyan thos
dang thun mong ba'i rnam mkhyen gyi rnam pa yin pa'i phyir zer
na/ ma khyab/ 'dod na/ mi 'thad de/ nyan thos kyi rnam mkhyen
med pa'i phyir/

kha cig /de chos can/ nyan thos dang thun mong ba'i rnam mkhyen
gyi rnam pa ma yin par thal/ sangs rgyas 'phags pa kho na'i
rgyud la yod pa'i rnam mkhyen gyi rnam pa yin pa'i phyir/ zer na
ma khyab/ rtags der thal/ rnam mkhyen gyi rnam pa yin pa'i
phyir/ kha cig /nyan thos

kyi rgyud la yod pa dang rjes su mthun pa'i rnam mkhyen gyi rnam
pa dang/ byang sems kyi rgyud la yod pa dang rjes su mthun pa'i
rnam mkhyen gyi rnam pa gnyis 'gal lo zer na/ de mi 'thad par
thal/ nyan thos kyi rgyud la yod pa dang rjes su mthun pa'i rnam
mkhyen gyi rnam pa yin

na; byang sems kyi rgyud la yod pa dang rjes su mthun pa'i rnam
mkhyen gyi rnam pa yin dgos pa'i phyir/ der thal/ dran pa nyer
gzhag nas bzung 'phags lam yan lag brgyad kyi bar rnams mtshan
nyid pa nyan thos kyi rgyud la yang yod/ byang chub sems dpa'i
rgyud la yang

yod pa'i phyir/ kha cig /rgyun mtha'i bar chad med lam de rgyun
mtha' ye shes ma yin par thal/ de byang sems kyi mngon rtogs kyi
rigs rgyun tha ma yang ma yin/ de'i rdzas rgyun tha ma yang ma
yin pa'i phyir zer na/ ma khyab/ dang po ma grub na/ der thal/
rnam mkhyen skad cig

dang po la gnas pa'i sangs rgyas 'phags pa'i rgyud kyi stobs bcu
po de/ de'i rigs rgyun yin pa'i phyir/ der thal/ rgyun mtha'i
bar chad med lam de rnam mkhyen skad cig dang po la gnas pa'i
sangs rgyas 'phags pa'i rgyud kyi stobs bcu'i rigs rgyun snga ma
yin pa'i

phyir/ der thal/ de'i dngos kyi nyer len yin pa'i phyir/ phyi ma
ma grub na/ der thal/ rnam mkhyen skad cig dang po de'i rdzas
rgyun yin pa'i phyir/ der thal/ rgyun mtha'i bar chad med lam de
rnam mkhyan skad cig dang po rang gi rdzas rgyan du gtso bor
dngos su skyed byed

@15b yin pa'i phyir/ der thal/ de'i dngos kyi nyer len yin pa'i
phyir/ rtsa bar 'dod mi nus so/ /kha cig /slob lam na rnam
mkhyen yod par thal/ sangs rgyas 'phags pa de rnam mkhyen yar
ldan gyi tshul gyis rdzogs pa'i gang zag yin pa'i phyir/ zer na
ma khyab bo// !

//de la thams cad shes pa nyid la dang por dngos po la yongs su
rtog pa'i lam la/ zhes sogs kyi skabs su/ dran pa nyer gzhag
chos can/ khyod la du ma yod de/ khyod la rnam pa bzhi yod pa'i
phyir/ 'di'i skabs su gsum las/ dang po la/ kha cig /lam yin na/

dran pa nyer gzhag yin pas khyab zer na/ theg chen sems bskyed
chos can/ der thal/ de'i phyir/ 'dod na/ lta spyod gnyis su phye
ba'i lta ba'i char gtogs yin par thal/ 'dod pa'i phyir/ 'dod mi
nus te/ theg chen sems bskyed yin pa'i phyir/ kha cig /dran pa
nyer

gzhag yin na/ dran pa yin pas khyab zer na/ de dang mtshungs ldan
du gyur pa'i gtso sems chos can/ der thal/ de'i phyir/ der thal/
chos can de yin pa'i phyir/ khyab ste/ mdzod las/ gtso bor smos
pa de dag ni/ /sbyor byung yon tan kun kyang yin/ /zhes gsungs
pa'i

phyir; 'dod na/ sems byung yin par thal/ 'dod pa'i phyir/ 'dod
mi nus te/ gtso sems yin pa'i phyir/ kha cig /dran pa nyer gzhag
yin na/ shes rab yin pas khyab zer na/ de nyid kyis ma nges so/
kha cig /bden bzhi'i blang dor la shes rab kyis so sor dpyad nas
dran

pas mi brjed par 'dzin pa'i rang gi grogs ting nge 'dzin mtshungs
ldan dang bcas pa'i rig pa/ dran pa nyer gzhag gi mtshan nyid yin
zer na/ lam ma zhugs kyi gang zag gi rgyud kyi bden bzhi'i blang
dor la shes rab kyis dpyad nas dran pas mi brjed par 'dzin pa'i
rang gi

grogs ting nge 'dzin mtshungs ldan dang bcas pa'i rig pa chos
can/ mtshon bya der thal/ mtshan nyid de'i phyir/ der thal/ chos
can de yin pa'i phyir/ der thal/ yod pa'i phyir/ der thal/ bden
bzhi'i blang dor rtogs pa'i lam ma zhugs kyi gang zag gi rgyud
la zhi lhag

@16a @#/ /zung 'brel gyi rnal 'byor yod pa'i phyir/ der thal/
de'i rgyud la zhi gnas yod pa'i phyir/ rtsa bar 'dod na/ mkhyen
pa yin par thal/ 'dod pa'i phyir/ 'dod mi nus so/ /yang kha cig
/de 'dra ba'i mkhyen pa de/ dran pa nyer gzhag gi mtshan

nyid yin zer na/ sangs rgyas 'phags pa'i rgyud kyi theg chen
sems bskyed chos can/ mtshon bya der thal/ mtshan nyid de'i phyir/
der thal/ chos can de yin pa'i phyir/ 'dod na/ lta spyod gnyis
su phye ba'i lta ba'i char gtogs pa'i mkhyen pa yin par thal/
'dod

pa'i phyir/ 'dod mi nus so/ /gzhan yang/ dran pa nyer gzhag yin
na/ bden pa bzhi ka la dmigs pas khyab par thal/ khyod kyi mtshan
nyid de 'thad pa'i phyir/ 'dod mi nus te/ khyi rgan rgya bo'i
nyer len gyi phung po tsam la dmigs nas mi sdug par bsgom pa'i
dran pa

nyer gzhag yod pa'i phyir/ kha cig na re/ bden bzhi'i blang dor
la shes rab kyis so sor dpyad nas dran pas mi brjed par 'dzin
pa'i shes rab gtso bor gyur pa'i lta spyod gnyis su phye ba'i
lta ba'i char gtogs pa'i mkhyen pa/ dran pa nyer gzhag gi mtshan
nyid zer

na; byang sems tshogs lam pa'i rgyud kyi dran pa nyer gzhag dang
mtshungs ldan du gyur pa'i gtso sems chos can/ mtshan nyid der
thal/ mtshon bya de'i phyir/ der thal/ chos can de'i phyir/ 'dod
na/ shes rab yin par thal/ shes rab gtso bor gyur pa yin pa'i
phyir/

'dod na/ sems byung yin par thal/ shes rab yin pa'i phyir/ 'dod
mi nus so/ /kha cig/ dran pa nyer gzhag yin na/ theg dman gyi
rtogs rigs su gnas pas khyab zer na/ byang sems mthong lam pa'i
rgyud kyi nyer len gyi phung po don dam par rang gi mtshan

nyid kyis ma grub par rtogs pa'i dran pa nyer gzhag chos can/
der thal/ de'i phyir/ der thal/ chos can de'i phyir/ der thal/
de yod pa'i phyir/ der thal/ sdug bden spyi'i mtshan nyid la so
sor dpyod pa'i dran pa nyer gzhag cig yod pa'i phyir/ der thal/
rnam

@16b bshad snying po rgyan las/ spyi'i mtshan nyid kyis shes rab
kyis yongs su brtag pa de nyid la dran pas yang dang yang du
gtod par byed pa bzhi yod pa'i phyir/ zhes gsungs pa'i phyir/
'dod mi nus te/ chos can de'i phyir/ kha cig /lus tshor sems chos
bzhi po de dran pa

nyer gzhag gi dmigs par 'jog pa'i rgyu mtshan yod de/ byis pa
rnams kyi lus bdag gi gnas su zhen/ sems bdag gi ngo bor zhen/
tshor ba bdag gi longs spyod kyi gzhir zhen/ chos bdag gi kun nas
nyon mongs pa dang rnam par byang ba'i gzhir zhen pas/ zhen pa
de

dag las bzlog pa'i phyir du dran pa nyer gzhag bsgom dgos pa'i
rgyu mtshan gyis de bzhi po de dran pa nyer gzhag gi dmigs par
bzhag pa yin no zer na/ 'o na/ lus bdag gi gnas su zhen mi rigs
par thal/ lus bdag gi gnas su zhen pa'i zhen pa bzlog pa'i phyir
du

lus dran pa nyer gzhag bsgom dgos pa'i phyir/ 'dod na/ lus bdag
gi gnas su 'dzin mi rigs par thal/ 'dod pa'i phyir/ 'dod mi nus
te/ lus bdag gi gnas yin pa'i phyir/ der thal/ bdag lus la gnas
pa'i phyir/ bdag lus la brten pa'i phyir/ gzhan yang

sems bdag gi ngo bor zhen mi rigs par thal/ dam bca' 'thad pa'i
phyir/ 'dod na/ sems bdag gi ngo bor 'dzin mi rigs par thal lo/
/'dod mi nus te/ sems dang bdag gnyis ngo bo gcig yin pa'i phyir
dang/ skyes bu'i yid kyi rnam par shes pa skyes bu'i

bdag yin pa'i phyir/ gzhan yang/ tshor ba bdag gi longs spyod kyi
gzhir zhen mi rigs par thal/ dam bca' 'thad pa'i phyir/ 'dod na/
tshor ba bdag gi longs spyod kyi gzhir 'dzin mi rigs par thal lo/
/'dod mi nus te/ tshor ba bdag gi longs spyod kyi gzhi

yin pa'i phyir/ der thal/ ngan song gsum phal cher ni zag bcas
kyi tshor ba yid mi bde ba dang sdug bsngal gyi dbang po gnyis la
longs spyod/ 'dod pa'i mi nas bsam gtan gsum pa man chad zag
bcas kyi tshor ba yid bde dang bde dbang ci rigs la longs spyod/

@17a @#/ /khams gong ma phal cher zag bcas kyi tshor ba btang
snyoms la longs spyod par byed pa'i phyir/ gzhan yang/ chos bdag
gi kun nas nyon mongs pa dang rnam par byang ba'i gzhir zhen mi
rigs par thal/ khyod kyi dam bca' 'thad pa'i phyir/

'dod na/ chos bdag gi de ltar 'dzin mi rigs par thal lo/ /'dod
mi nus te/ chos bdag gi kun nas nyon mongs pa dang rnam par
byang ba'i gzhi yin pa'i phyir/ der thal/ chos la dmigs nas gang
zag gi bdag dang chos kyi bdag tu bzung nas 'khor bar 'ching

bar byed/ de la dmigs nas gang zag gi bdag med dang/ chos kyi
bdag med par bsgom na grol bar 'gyur ba'i phyir/ kha cig na re/
phyi'i tshor ba dang/ phyi'i sems med zer na/ de yod par thal/
phyi'i gzugs myong ba'i zag bcas kyi tshor ba de phyi'i tshor ba
dang phyi'i gzugs

rtogs pa'i sems de phyi'i chos yin pa'i phyir/ /rang gi lugs la/
rang gi dmigs yul du gyur pa'i blang dor la shes rab kyis so sor
dpyad nas dran pas mi brjed par 'dzin pa'i rab du phye ba'i lta
spyod gnyis su phye'i lta ba'i char gtogs pa'i mkhyen pa/ dran
pa nyer gzhag

gi mtshan nyid/ de la lus dran pa nye bar gzhag pa/ tshor ba dran
pa nye bar gzhag pa/ sems dran pa nye bar gzhag pa/ chos dran pa
nye bar gzhag pa dang bzhi yod/ de la dmigs yul gyi sgo nas/
phyi dang nang dang de gnyis ka la dmigs pa gsum gsum yod/
/rtsod pa

spong ba la/ kha cig na re/ dran pa nyer gzhag yin na/ shes rab
yin pas khyab par thal/ mdzod las/ dran pa nyer gzhag shes rab
bo/ /zhes gsungs pa'i phyir zer na/ skyon med de/ gtso che ba la
dgongs pa'i phyir/ de la kho na re/ dran ba nyer gzhag yin na/
shes

rab gtso bor gyur pa yin dgos par thal/ khyod kyi lung don de
'thad pa'i phyir zer na/ ma khyab/ kha cig na re/ dran pa nyer
gzhag yin na/ theg dman gyi rtogs rigs su gnas pas khyab par
thal/ de theg dman gyi rtogs rigs su gnas pa'i phyir zer na/ ma
khyab/ de la

@17b kho na re/ rtogs rigs gnyis mi 'gal bar thal/ dran pa nyer
gzhag de theg dman gyi rtogs rigs su gnas/ theg chen gyi rtogs
rigs su yang gnas pa'i phyir/ phyi ma der thal/ byang sems
mthong lam pa'i rgyud kyi nyer len gyi phung po don dam par rang
gi mtshan nyid

kyis ma grub par rtogs pa'i dran pa nyer gzhag de yin pa'i
phyir/ 'dod na/ rtogs rigs gnyis yin khyab mnyam yin par thal/
'dod pa'i phyir/ zer na/ ma khyab/ 'dod na/ theg chen sems
bskyed chos can/ theg dman gyi rtogs rigs su gnas par thal/ theg
chen

gyi rtogs rigs su gnas pa'i phyir/ 'dod mi nus te/ theg chen
sems bskyed yin pa'i phyir/ kha cig /lus bdag gi gnas dang/ sems
bdag gi ngo bor zhen mi rigs par thal/ lus gang zag gi bdag gi
gnas dang/ sems gang zag gi bdag gi ngo bor zhen mi

rigs pa'i phyir zer na/ ma khyab/ 'dod na/ lus bdag gi gnas
dang/ sems bdag gi ngo bor 'dzin mi rigs par thal lo/ /'dod mi
nus so/ /kha cig na re/ bden bzhi'i blang dor la spro ba'i rang
gi dmigs pa la rtse gcig pa'i brtson 'grus gtso bor gyur pa'i
lta

spyod gnyis su phye ba'i lta ba'i char gtogs pa'i mkhyen pa/
yang dag spong ba'i mtshan nyid yin zer na/ yang dag spong ba
dang mtshungs ldan du gyur ba'i gtso sems chos can/ mtshan nyid
der thal/ mtshon bya de'i phyir/ der thal/ chos can de'i phyir/
'dod na/ brtson 'grus

yin par thal/ brtson 'grus gtso bor gyur pa yin pa'i phyir/ 'dod
na/ sems byung yin par thal/ 'dod pa'i phyir/ 'dod mi nus so/
/kha cig /dran pa nyer gzhag thob pa'i gang zag gi rgyud kyi
bden bzhi'i blang dor la spro ba'i mkhyen pa/ yang dag spong
ba'i mtshan nyid

yin zer na/ dran ba nyer gzhag thob ma thag pa'i gang zag gi
rgyud kyi bden bzhi'i blang dor la spro ba'i mkhyen pa chos can/
mtshon bya der thal/ mtshan nyid de'i phyir/ der thal/ chos can de
yin pa'i phyir/ 'dod na/ de chos can/ rang gi nyer len du gyur
pa'i dran pa

@18a @#/ /nyer gzhag cig sngon du song bar thal/ khyod yang dag
spong ba yin pa'i phyir/ 'dod mi nus te/ chos can de yin pa'i
phyir/ kha cig/ yang dag spong ba bzhi bsgom pa la dgos pa yod
de/ mi dge ba'i chos ma skyes pa mi bskyed par byed pa/ skyes
zin

spong bar byed pa/ dge ba'i chos ma skyes pa bskyed par byed pa/
skyes zin spel bar byed pa'i dgos pa yod pa'i phyir zer na/ mi
dge ba'i chos ma skyes pa bskye bar thal/ de mi skye ba'i phyir
du yang dag spong ba bsgom dgos pa'i phyir/ 'dod na/ mi dge ba'i
chos kyis ma 'ongs pa  skye bar thal/ 'dod pa'i phyir/ 'dod mi

[@# line break?]
nus te/ de 'dus ma byas yin pa'i phyir/ gzhan yang/ dge ba'i
chos ma skyes ba bskyed par thal/ de bskyed pa'i phyir du yang
dag spong ba bsgom dgos pa'i phyir/ 'dod na/ de'i ma 'ongs pa
skye bar thal/ 'dod pa'i phyir/ 'dod mi nus te/

'dus ma byas yin pa'i phyir/ /rang gi lugs la/ rang gi nyer len
du gyur pa'i dran pa nyer gzhag las byung ba'i bden bzhi gang
yang rung ba'i blang dor la spro ba'i rang gi dmigs pa la rtse
gcig pas rab tu phye ba'i lta spyod gnyis su byed pa'i lta ba'i
char gtogs pa'i

mkhyen pa/ yang dag spong ba'i mtshan nyid/ de la mi dge ba'i
chos skye 'gyur mi bskyed par byed ba/ skyes zin spong bar byed
pa/ dge ba'i chos skya 'gyur bskyed par byed pa/ skyes zin spel
bar byed pa'i yang dag spong ba bzhi yod/ yang dag spong ba
bsgom pa la dgos pa yod

de; mi dge ba'i chos skye 'gyur mi bskyed par byed pa dang/
skyes zin spong bar byad pa sogs kyi dgos pa yod pa'i phyir/
/rtsod pa spong ba la/ kha cig na re/ yang dag spong ba yin na/
brtshon 'grus yin dgos par thal/ mdzod las/ yang dag spong ba
brtson 'grus so//

zhes gsungs pa'i phyir/ zer na/ skyon med de/ gtso che ba la
dgongs pa yin pa'i phyir/ kha cig na re/ dang por dran pa nyer
gzhag/ de nas yang dag spong ba/ de rjes rdzu 'phrul gyi rkang
pa bstan pa'i go rim de go rim nges pa can yin par thal/ khyod
kyi yan dag

@18b spong ba'i mtshan nyid 'thad pa'i phyir/ 'dod na/ de gsum po
rim pa bzhin du tshogs la ma chung ngu 'bring chen po gsum du
bzhag pa'i sa mtshams de sa mtshams nges pa can yin par thal/ 'dod
pa'i phyir zer na/ ma khyab/ 'dod mi nus te/ de gsum re re

la de gsum ka yod pa'i phyir/ kha cig na re/ sprul sgyur sna
tshogs kyi rten byed pa'i rang gi dmigs pa la rtse gcig pa'i ting
nge 'dzin/ rdzu 'phrul gyi rkang pa'i mtshan nyid yin zer na/
rdzu 'phrul gyi mngon shes thob la ma nyams pa'i phyi rol pa'i
rgyud kyi ting de 'dzin chos

can; mtshon bya der thal/ mtshan nyid de'i phyir/ der thal/ chos
can de yin pa'i phyir/ 'dod na/ mkhyen pa yin par thal/ 'dod
pa'i phyir/ 'dod mi nus te/ chos can de yin pa'i phyir/ kha cig
na re/ sprul sgyur sna tshogs kyi rten byed pa'i rang gi dmigs pa
la

rtse gcig pa'i ting nge 'dzin du gyur pa'i mkhyen pa/ rdzu
'phrul gyi rkang pa'i mtshan nyid yin zer na/ rdzu 'phrul gyi
rkang pa dang mtshungs ldan du gyur pa'i gtso sems chos can/
mtshan nyid der thal/ mtshon bya de'i phyir/ der thal/ chos can de
yin pa'i phyir/ 'dod na/

ting nge 'dzin yin par thal/ 'dod pa'i phyir/ 'dod mi nus te/
sems byung ma yin pa'i phyir/ kha cig na re/ sprul sgyur sna
tshogs kyi rten byed pa'i rang gi dmigs pa la rtse gcig pa'i lam
zhugs kyi gang zag gi rgyud kyi dge ba/ rdzu 'phrul gyi rkang
pa'i mtshan nyid

zer na/ phyir mi 'ong gi rgyud kyi rgyu snyom 'jug gi bsa gtan
sgyi dngos gzhi chos can/ mtshon bya der thal/ mtshan nyid de'i
phyir/ der thal/ chos can de yin pa'i phyir/ 'dod na/ mkhyen pa
yin par thal lo/ /'dod mi nus te/ rgyu snyom 'jug gi bsam gten
gyi

dngos gzhi yin pa'i phyir/ kha cig/ 'dun pa'i rdzu 'phrul gyi
rkang pa yin na/ 'dun pa yin pas khyab/ brtson 'grus kyi rdzu
'phrul gyi rkang pa yin na brtson 'grus yin pas khyab/ de bzhin
du gzhan gnyis la sbyor ba yin no zer na/ rdzu 'phrul gyi rkang
par gyur pa'i rdzu

@19a @#/ /'phrul gyi rkang pa bsgom pa'i 'dun pa dang mtshungs
ldan du gyur pa'i gtso sems chos can/ der thal/ de'i phyir/ ma
grub na/ de 'dun pa'i rdzu 'phrul gyi rkang pa yin par thal/
byang sems tshogs lam pa'i rgyud kyi dran pa nyer gzhag tu

gyur pa'i bden bzhi'i blang dor la shes rab kyis so sor dpyad
nas dran pas mi brjed par zin pa'i rig pa dang mtshungs ldan du
gyur pa'i gtso sems de dran pa nyer gzhag yin pa'i phyir/ 'dod
na/ sems byung yin par thal/ 'dun pa yin pa'i phyir/ 'dod mi nus

so;; rang gi lugs la/ yang dag spong ba thob pa'i gang zag gi
rgyud kyi sprul sgyur sna tshogs kyi rten byed pa'i mkhyen pa/
rdzu 'phrul gyi rkang pa'i mtshan nyid/ de la dbye na 'dun pa'i
rdzu 'phrul gyi rkang pa dang/ brtson 'grus kyi de/ sems dpa'i
de/ spyod pa'i rdzu 'phrul  gyi rkang pa dang bzhi yod do/ /rdzu
'phrul

gyi rkang pa bsgom pa la dgos pa yod de/ lus gcig tu sprul nas
mang por bsgyur ba dang/ mang por sprul nas gcig tu bsgyur bar
byed pa sogs kyi dgos pa yod pa'i phyir/ /rtsod pa spong ba la/
kha cig /rdzu 'phrul gyi rkang

pa yin na/ ting nge 'dzin yin dgos par thal/ mdzod las/ rdzu
'phrul rkang pa ting 'dzin to/ /zhes gsungs pa'i phyir/ zer na/
skyon med de/ gtso che ba la dgongs pa yin pa'i phyir/ kha cig
/dad pa'i dbang po yin na/ byang phyogs so bdun gyi nang tshan du
gyur

pa'i dad pa'i dbang po yin pas khyab zer na/ nyan thos kyi tshogs
lam du 'jug kha ma'i gang zag gi rgyud kyi dad pa'i dbang po
chos can/ der thal/ de'i phyir/ chos can de yin pa'i phyir/ der
thal/ de yod pa'i phyir/ nyan thos kyi tshogs lam du 'jug kha
ma'i gang

zag la dad sogs dbang po lnga rno rtul gyi khyad par yod pa'i
phyir te/ de la dbang po rno rtul gyi khyad par yod pa'i phyir/
'dod na/ mkhyen pa yin par thal/ 'dod pa'i phyir/ 'dod mi nus
so/ /kha cig na re/ lam zhugs kyi gang zag gi rgyud kyi dad pa'i
dbang po yin na/ byang

@19b phyogs so bdun gyi nang tshan du gyur pa'i dad pa'i dbang po
yin pas khyab zer na/ nyan thos tshogs lam pa'i rgyud kyi dad
pa'i dbang po chos can/ der thal/ de'i phyir/ 'dod na/ sbyor lam
thob pa'i dad pa'i dbang po yin par thal lo/ /'dod mi nus te/
chos can de yin

pa'i phyir/ kha cig /dad pa'i dbang po dang/ dad pa'i stobs
gnyis 'gal zer na/ nyan thos sbyar lam bzod pa ba'i rgyud kyi
dad pa'i stobs chos can/ dad pa'i stobs ma yin par thal/ dad
pa'i dbang po yin pa'i phyir te/ dad pa'i dbang po'i nus pa gong
nas gong

'phel du song ba'i dad pa yin pa'i phyir te/ chos can de yin
pa'i phyir/ 'dod mi nus so/ /kha cig /byang phyogs so bdun gyi
nang tshan du gyur pa'i dad pa'i dbang po yin na/ dad pa'i stobs
yin pas khyab zar na/ nyan thos sbyor lam drod ? la gnas pa'i
gang zag gi rgyud

kyi dad pa'i dbang po chos can/ der thal/ de'i phyir/ der thal/
chos can de yin pa'i phyir/ 'dod na/ sbyor lam bzod pa thob pa'i
mkhyen pa yin par thal/ 'dod pa'i phyir/ 'dod mi nus so/ /kha
cig /dad pa'i dbang po la mnyam par gzhag pa'i tshe rang gi mi
mthun

phyogs ma dad pa sogs mngon gyur du 'jug pa yod/ dad pa'i stobs
la mnyam par gzhag pa'i tshe rang gi mi mthun phyogs ma dad pa
sogs mngon gyur du 'jug pa med pa de/ dad pa'i dbang stobs gnyis
kyi khyad par yin zer na/ de mi rigs par thal/ dad pa'i

dbang po la mnyam par gzhag pa'i tshe rang gi mi mthun phyogs ma
dad pa sogs mngon gyur du 'jug pa med pa'i phyir/ der thal/ ma
dad pa dang/ mnyam gzhag de gnyis dmigs pa gcig la dmigs nas
rnam pa 'dzin stangs dngos 'gal du zhugs pa'i blo yin pa'i 

phyir; kha cig /dad pa'i dbang po'i rjes kyi gnas skabs su ma dad
pa sogs 'jug pa yod/ dad pa'i stobs kyi rjes kyi gnas skabs sum
dad pa sogs 'jug pa med pa de/ de gnyis kyi khyad par yin zer
na/ de mi rigs par thal/ dad pa'i stobs kyi rjes kyi gnas

@20a @#/ /skabs su ma dad pa 'jug pa yod pa'i phyir te/ dad pa'i
stobs thob pa'i gang zag gi rgyud la ma dad pa yod pa'i phyir
te/ nyan thos sbyor lam bzod pa thob pa'i gang zag gi rgyud lam
dad pa yod pa'i phyir te/ nyan thos kyi sbyor lam bzod pa thob

pa'i gang zag gi rgyud la nye nyon yod pa'i phyir te/ de'i rgyud
la nye nyon nyi shu yod pa'i phyir/ /rang gi lugs la/ sbyor lam
drod thob pa'i gang zag gi rgyud kyi rang 'bras 'phags lam
bskyed pa la dbang byed pa'i dad sogs lnga po gang rung gis
bsdus pa'i mkhyen

pa; byang phyogs so bdun gyi nang tshan du gyur pa'i dbang po'i
mtshan nyid/ de la der gyur pa'i dad pa'i dbang po/ brtson 'grus
kyi dbang po/ dran pa'i dbang po/ ting nge 'dzin gyi dbang po/
shes rab kyi dbang po dang lnga yod/ sbyor lam bzod pa thob pa'i
gang zag gi

rgyud kyi rang 'bras 'phags lam bskyed pa la dbang byed pa'i dad
sogs lnga po gang rung gis bsdus pa'i mkhyen pa/ byang phyogs so
bdun gyi nang tshan du gyur pa'i stobs kyi mtshan nyid/ de la
dbyen dad pa'i stobs/ brtson 'grus kyi stobs/ dran pa'i stobs/
ting

nge 'dzin gyi stobs/ shes rab kyi stobs dang lnga yod/ dad pa'i
dbang stobs gnyis kyi khyad par yod de/ dad pa'i dbang po'i rjes
kyi gnas skabs su rang gi mi mthun phyogs ma dad pa sogs mngon
gyur bas tshur la zil gyis gnon yang/ dad pa'i stobs/ ting

gnas skabs su rang gi mi mthun phyogs ma dad pa sogs mngon gyur
pas tshur la zil gyis mi gnon par ma zad phar zil gyis gnon par
byed pa de/ de gnyis kyi khyad par yin pa'i phyir/ /rtsod pa
spong ba la/ kha cig /byang phyogs so bdun gyi nang chan du gyur

pa'i dad pa'i dbang stobs gnyis po de so sor bshad pa dang/ dang
por thob pa'i sa mtshams snga phyir bshad pa dmi 'thad par thal/
byang phyogs so bdun gyi nang tshan du gyur pa'i dad pa'i stobs
yin na/ dad pa'i dbang po yin dgos pa'i phyir zer na/ 'o na/
rnam mkhyen

@20b dang lam shes gnyis so sor bshad pa dang/ dang por thob
pa'i sa mtshams snga phyir bshad pa mi rigs par thal/ rnam mkhyen
yin na lam shes yin dgos pa'i phyir/ 'khor gsum/ kha cig /dad
pa'i dbang stobs gang rung la dad pas khyab par thal/ khyod kyi
dad ?

pa'i dbang stobs kyi mtshan nyid 'thad pa'i phyir/ 'dod na/ dran
pa nyer gzhag la dran pas khyab par thal/ 'dod pa'i phyir/ zer
na/ ma khyab/ kha cig /lam ma zhugs kyi gang zag gi rgyud la
byang phyogs so bdun gyi nang tshan du gyur pa'i dad pa'i dbang
po yod par thal/

de'i rgyud la dad pa'i dbang po yod pa'i phyir/ zer na ma khyab/
'dod mi nus so/ /kha cig /byang chub kyi yan lag yin na/ theg
dman gyi rtogs rigs su gnas pas khyab zer/ theg chen mthong lam
sbar chad med lam pa'i rgyud kyi dran pa yang dag byang chub kyi
yan lag

chos can/ der thal/ de'i phyir/ chos can de yin pa'i phyir/ der
thal/ de yod pa'i phyir te/ theg chen mthong lam bar chad med
lam pa'i rgyud kyi don dam sems bskyed de/ 'khor los sgyur ba'i
rgyal srid rin po che sna bdun dang chos mthun pa'i byung chub
yan lag

bdun gyis bskor ba yin pa'i phyir te/ mdo sde'i rgyan las/ rtag
tu rin chen bdun lta bu'i/ /byang chub yan lag bdun gyis bskor/
/zhes gsungs pa'i phyir/ de la kha cig /theg chen mthong lam
rnam grol lam las langs rjes kyi byang chub yan lag bdun gyis

bskor ba'i mthong lam la dgongs pa yin zer na/ de mi 'thad par
thal/ dman lam sngon du ma song ba'i theg chen rigs nges kyi
byang sems sbyor lam pa des theg chen mthong lam bar chad med
lam dang/ byang chub yan lag bdun cig car du mngon du byed pa'i

phyir te/ mdo sde'i rgyan las/ rgyal sras byang chub phyogs
mthun pa/ /rnam pa sna tshogs thams cad dag /rtag tu mthong pa'i
lam 'di dang/ /lhan cig tu ni thob par 'dod/ /ces gsungs pa'i
phyir/ rtsa bar 'dod mi nus te/ theg chen mthong lam bar chad
med lam yin pa'i phyir/ ??

@21a @#/ /kha cig na re/ byang chub yan lag yin na/ gnas skabs
kyi byang chub dang mthar thug gi byang chub gang rung gi rgyu
yin pas khyab zer na/ nyan thos mthong lam bar chad med lam pa'i
rgyud kyi dran pa yang dag byang chub kyi yan lag chos can

der thal/ de'i phyir/ chos can de yin pa'i phyir/ 'dod mi nus
te/ gnas skabs kyi byang chub dang mthar thug gi byang chub
gnyis kyi rgyu med pa'i phyir/ der thal/ de gnyis 'dus ma byas
yin pa'i phyir te/ myang 'das gnyis 'dus ma byas yin pa'i phyir/
kha cig/

rang 'bras byang chub kyi rgyu byed pa'i dran sogs bdun po gang
rung gis bsdus pa'i mkhyen pa/ byang chub yan lag gi mtshan nyid
yin zer na/ dman lam sngon du ma song ba'i byang sems sbyor lam
pa'i rgyud kyi dran pa'i stobs chos can/ mtshon bya der thal/
mtshan nyid de'i

phyir; der thal/ rang 'bras byang chub kyi rgyu byed pa gang
zhig/ dran sogs bdun po gang rung gis bsdus pa'i mkhyen pa yin
pa'i phyir/ dang po der thal/ rang 'bras 'phags lam gyi rgyu
byed pa'i phyir/ phyi ma der thal/ dran pas bsdus pa'i mkhyen pa
yin pa'i phyir/ der

thal; chos can de yin pa'i phyir/ 'dod na/ 'phags rgyud kyi
mkhyen pa yin par thal/ 'dod pa'i phyir/ 'dod mi nus te/ so
skye'i ye shes yin pa'i phyir/ kha cig/ byang chub yan lag bdun
po gang rung yin na/ rang nyid 'khor du song ba'i byang chub
de'i rgyu yin

pas; khyab zer na/ sangs rgyas 'phags pa'i rgyud kyi don dam
sems bskyed kyi 'khor du gyur pa'i dran pa yang dag byang chub
kyi yan lag chos can/ der thal/ de'i phyir/ dran pa yang dag
byang chub kyi yan lag yin pa'i phyir te/ chos can de yin pa'i
phyir te/ de yod

pa'i phyir/ der thal/ sangs rgyas 'phags pa'i rgyud la byang
chub yan lag bdun ka yod pa'i phyir/ rtsa bar 'dod na/ sangs
rgyas 'phags pa'i rgyud kyi don dam sems bskyed kyi rgyu yin par
thal/ 'dod pa'i phyir/ 'dod na/ de dang rdzas tha dad yin par
thal/ 'dod

@21b pa'i phyir/ 'dod na/ de dang ngo bo tha dad yin par thal/
'dod pa'i phyir/ 'dod na/ sangs rgyas 'phags pa'i rgyud kyi sems
bskyed chos can/ khyod kyi 'khor du gyur pa'i dran pa yang dag
byang chub kyi yan lag dang / khyod gnyis ngo bo tha dad ma yin
par thal/ khyod sangs rgyas

'phags pa'i rgyud kyi gtso bo'i yid kyi rnam rig khyad par can
yin pa'i phyir/ kha cig/ byang chub yan lag bdun po gang rung
yin na/ rang rgyud la ldan pa'i gang zag gi rgyud la rang nyid
'khor du song ba'i theg dman gyi byang chub dang/ theg chen gyi
byang chub gang rung yod pas

khyab zer na/ theg chen mthong lam bar chad med lam pa'i rgyud
kyi dran pa yang dag byang chub kyi yan lag chos can/ der thal/
de'i phyir/ 'dod mi nus te/ de'i rgyud la theg dman gyi byang
chub kyang med/ theg chen gyi byang chub kyang med pa'i phyir/
dang po ma grub na/ de chos can/

khyod kyi rgyud la theg dman gyi byang chub med par thal/ khyod
theg chen gyi gang zag yin pa'i phyir/ phyi ma der thal/ de'i
rgyud la rnam mkhyen med pa'i phyir/ kha cig/ byang chub kyi yan
lag yin na/ mnyam gzhag ye shes yin pas khyab/ 'phags lam yan
lag yin na/

rjes thob ye shes yin pas khyab zer na/ byang sems mthong lam
pa'i rgyud kyi rjes thob ye shes su gyur pa'i bdag med rtogs
pa'i dran pa chos can/ mnyam gzhag ye shes yin par thal/ byang
chub yan lag yin pa'i phyir/ der thal/ byang sems mthong lam
pa'i rgyud

kyi bdag med rtogs pa'i dran pa yin pa'i phyir/ 'dod mi nus te/
slob pa'i rgyud kyi rjes thob ye shes yin pa'i phyir/ ma grub
na/ de chos can/ rjes thob ye shes yin par thal/ 'phags lam yan
lag yin pa'i phyir/ khyab pa khas/ ma grub na/ der thal/ byang
sems

mthong lam pa'i rgyud kyi bdag med rtogs pa'i dran pa yin pa'i
phyir/ kha cig/ 'phags lam gyi yan lag yin na/ 'phags lam gyi
rgyud yin pas khyab zer na/ 'phags lam gyi cha shes su gyur pa'i
'phags lam yan lag chos can/ der thal/ de'i phyir/ chos can de
yin

@22a @#/ /pa'i phyir/ der thal/ de yod pa'i phyir/ der thal/
'phags lam la dbye na der gyur pa'i 'phags lam yan lag brgyad
yod pa'i phyir/ 'dod mi nus te/ de gnyis ngo bo tha dad ma yin
pa'i phyir/ der thal/ de de'i cha shas yin pa'i phyir/ kha cig
/yang dag pa'i lta ba yin na/ 'phags lam

yan lag brgyad kyi nang tshan du gyur pa'i yang dag pa'i lta ba
yin pas khyab/ yang dag pa'i rtog pa yin na/ 'phags lam yan lag
brgyad kyi nang tshan du gyur pa'i yang dag pa'i rtog pa yin pas
khyab zer na/ dman lam sngon du ma song ba'i byang sems tshogs
lam pa'i rgyud kyi rgyu dge ba

byas pa la brten nas 'bras bu bde ba 'byung bar lta ba'i lta ba
chos can/ dang po der thal/ de'i phyir/ der thal/ 'jig rten pa'i
yang dag pa'i lta ba yin pa'i phyir/ der thal/ mdo las/ 'jig
rten pa yi yang dag lta/ /mi gang su la yod gyur pa/ de ni bskal
pa stong rnams su/ /ngan 'gror

'gro bar mi 'gyur ro/ /zhes gsungs pa'i phyir/ 'dod na/ 'phags
rgyud kyi mkhyen pa yin par thal/ 'dod pa'i phyir/ 'dod mi nus
so/ /phyi ma la/ lam ma zhugs kyi gang zag gi rgyud kyi gang zag
gi bdag med rtog pa'i rig shes rjes dpags chos can/ der thal/
de'i phyir/ der thal/

chos can de yin pa'i phyir/ 'dod mi nus te/ chos can de yin pa'i
phyir/ kha cig/ 'phags lam yan lag brgyad kyi nang mtshan tu gyur
pa'i yang dag pa'i rtog pa yin na/ yang dag pa'i rtog pa yin pas
khyab zer na/ sangs rgyas 'phags pa'i rgyud kyi 'phags lam yan
lag brgyad

kyi nang tshan tu gyur pa'i yang dag pa'i rtog pa chos can/ der
thal/ de'i phyir/ der thal/ chos can de yin pa'i phyir/ der
thal/ de yod pa'i phyir/ der thal/ sangs rgyas 'phags pa'i rgyud
la 'phags lam yan lag brgyad yod pa'i phyir/ 'dod na rtog pa
yang dag yin par thal/

'dod pa'i phyir/ 'dod mi nus te/ rtog pa ma yin pa'i phyir/ der
thal/ rnam mkhyen yin pa'i phyir/ kha cig na re/ 'phags lam yan
lag brgyad kyi nang tshan du gyur pa'i yang dag pa'i ngag yin na/
yang dag pa'i ngag yin pas khyab zer na/ sangs rgyas 'phags pa'i
rgyud kyi

@22b 'phags lam yan lag brgyad kyi nang tshan du gyur pa'i yang
dag pa'i ngag chos can/ der thal/ de'i phyir/ der thal/ chos can
de yin pa'i phyir/ 'dod na/ ngag yang dag yin par thal/ 'dod
pa'i phyir/ 'dod na/ ngag yin par thal/ 'dod pa'i phyir/ 'dod mi
nus te/ rnam mkhyen yin pa'i phyir/ kha cig na

re; 'phags lam yan lag brgyad kyi nang tshan du gyur pa'i yang
dag pa'i las kyi mtha' yin na/ lus las rnam dag dang lhan cig tu
'jug pas khyab zer na/ sangs rgyas 'phags pa'i rgyud kyi 'phags
lam yan lag brgyad kyi nang chen du gyur pa'i yang dag pa'i las
kyi mtha' chos can/ der thal/

de'i phyir/ der thal/ chos can de yin pa'i phyir/ 'dod na/ sangs
rgyas 'phags pa'i rgyud la lus las yod par thal/ 'dod pa'i
phyir/ 'dod mi nus te/ sangs rgyas kyi sa na zag bcas kyi las
kyang med/ zag med kyi las kyang med pa'i phyir ro/ /kha cig/
'phags lam yan lag chos

can; khyod la rnam pa brgyad yod de/ yang dag pa'i rtog pa sogs
rnam pa brgyad yod pa'i phyir zer na/ yang dag pa'i lta ba yin
na/ 'phags lam yan lag yin dgos par thal/ khyod kyis dbye ba
'thad pa'i phyir/ 'dod mi nus te/ lam ma zhugs kyi gang zag gi
rgyud kyi rgyu dge ba byas pa

las 'bras bu bde ba 'byung bar lta ba'i lta ba de yang dag pa'i
lta ba yin pa'i phyir/ rang gi lugs la/ byang chub kyi cha shas
sam rang 'bras byang chub kyi rgyu gang rung du gyur pa'i dran
sogs bdun po gang rung gis bsdus pa'i 'phags rgyud kyi mkhyen pa
byang chub yan lag gi mtshan nyid/ de la

rnam pa bdun yod de/ dran pa yang dag byang chub kyi yan lag/
chos rab tu rnam 'byed yang dag byang chub kyi yan lag brtson
'grus yang dag byang chub kyi yan lag/ dga' ba yang dag byang
chub kyi yan las/ shin tu sbyangs pa yang dag byang chub kyi yan
las/ ting nge 'dzin yang dag byang chub kyi yan lag

btang snyoms yang dag byang chub kyi yan lag rnams su yod pa'i
phyir/ 'phags lam gyi cha shas sam rang 'bras 'phags lam gyi
rgyu gang rung du gyur pa'i 'phags rgyud kyi mkhyen pa/ 'phags
lam yan lag gi mtshan nyid/ de la rnam pa brgyad yod de/ der gyur
pa'i yang dag pa'i lta ba/ yang dag pa'i

@23a @#/ /rtog pa/ yang dag pa'i ngag /yang dag pa'i las kyi
mtha'/ yang dag pa'i 'tsho ba/ yang dag pa'i rtso lag yang dag
pa'i dran pa/ yang dag pa'i ting nge 'dzin dang bcas pa rnams su
yod pa'i phyir/ /rtsod pa spong pa la/ kha cig/ byang chub

yan lag yin na/ theg dman gyi rtogs su gnas pas khyab par thal/
byang chub yan lag theg dman gyi rtogs su gnas pa'i phyir zer na
ma khyab/ kha cig na re/ byang chub yan lag la mnyam gzhag ye
shes dang/ 'phags lam yan lag la rjes thob ye

shes kyis khyab par thal/ mdo sde'i rgyan las/ de yi 'og tu ji
lta bu/ /rtogs pa'i rjes su 'jug pa skye/ /zhes dang/ 'phags
pa'i lam gyi gnas skabs su/ /mnyam gzhag ji bzhin rtogs pa dang
/ /zhes gsungs pa'i phyir zer na/ skyon med de/ de'i don ni
mnyam

rjes phrugs gcig tu byas nas 'chad pa'i dbang du byas pa yin
pa'i phyir/ ! lam shes pa nyid la gnyen po'i lam/ zhes sogs kyi
skabs su/ sangs rgyas 'phags pa'i rgyud kyi rnam thar sgo gsum
po chos can/ byang chub sems dpa' dang thun mong ba'i rnam

mkhyen gyi rnam pa yin te/ byang chub sems dpa'i rgyud la yod pa
dang rjes su mthun pa'i rnam mkhyen gyi rnam pa yin pa'i phyir/
'di'i skabs su rnam pa gsum las/ dang po la/ kha cig na re/ rnam
thar sgo gsum po gang rung gi gzhal bya yin na/ mi rtag la sogs

bcu drug po gang rung yin pas khyab zer na/ 'dus byas thams cad
mi rtag pa chos can/ der thal/ de'i phyir/ der thal/ chos kyi
sdom bzhi la dmigs pa'i rnam par thar pa'i sgo smon pa med pa'i
gzhal bya yin pa'i phyir/ der thal/ de'i gzhal bya yod pa'i
phyir/ kha

cig na re/ de sdug bden gyi mi rtag pa yin zer na/ 'o na/ 'dus
byas thams cad sdug bden yin par thal lo/ kha cig/ rnam par thar
pa'i sgo smon med kyi gzhal bya yin na/ spang bya yin pas khyab
zer na/ sdug bsngal bden par gyur pa'i dal 'byor gyi chos bco

@23b brgyad dang ldan pa'i mi lus chos can/ der thal/ de'i
phyir/ der thal/ sdug bden gyi mi rtag sdug bsngal gnyis kun
'byung bden pa'i rnam pa bzhi dang bcas ba'i gzhal bya yin pa'i
phyir/ der thal/ mdzod las/ stong nyid bdag med stong nyid du/
/'jug pa'o smon pa med

pa ni;; de las gzhan bden rnam pa'o/ /zhes gsungs pa'i phyir/
rtsa bar 'dod mi nus te/ blang bya yin pa'i phyir/ kha cig/ rnam
par thar pa'i sgo stong ba nyid kyi gzhal bya yin na/ stong nyid
yin pas khyab zer na/ sdug bsngal bden pa'i steng gi stong ba
chos can/ der thal

de'i phyir te/ stong nyid bdag med stong nyid du/ /zhes gsungs
pa'i phyir/ 'dad mi nus te/ kun rdzob bden pa yin pa'i phyir/ ma
grub na/ sdug bsngal bden pa chos can/ khyod kyi steng gi stong
ba kun rdzob bden pa yin par thal/ khyod sdug bsngal bden pa yin
pa'i phyir/

kha cig/ rnam par thar pa'i sgo gsum po gang rung yin na/ theg
dman gyi rtogs rigs su gnas pas khyab zer na/ theg chen mthong
lam bar chad med lam chos can/ der thal/ de'i phyir/ der thal/
rnam par thar pa'i sgo stong pa nyid yin pa'i phyir/ der thal/
stong nyid

mngon sum du rtogs pa'i slob pa'i ye shes yin pa'i phyir/ 'dod
mi nus te/ chos can de yin pa'i phyir/ kha cig/ rnam thar sgo
gsum po gang rung yin na/ theg chen gyi rtogs rigs su gnas pas
khyab zer na/ nyan thos mthong lam bar chad med lam chos can/
der

thal; de'i phyir/ rnam par thar pa'i sgo stong pa nyid yin pa'i
phyir te/ gang zag gi bdag med mngon sum du rtogs pa'i slob pa'i
ye shes yin pa'i phyir/ 'dod mi nus te/ chos can de yin pa'i
phyir/ kha cig na re/ rnam par thar pa stong pa nyid yin na/

rnam par thar pa stong pa nyid kyi ting nge 'dzin yin pas khyab/
rnam par thar ba stong pa nyid kyi ting nge 'dzin yin na/ rnam
par thar pa'i sgo stong pa nyid yin pas khyab zer na/ nyan thos
tshogs lam pa'i rgyud kyi gang zag gi bdag med rtogs pa'i bsam
byung

@24a @#/ /gi rig pa chos can/ rnam par thar pa bstong pa nyid kyi
ting nge 'dzin yin par thal/ rnam par thar pa stong pa nyid yin
pa'i phyir te/ skye 'phags gang rung gi rgyud kyi bdag med rtogs
pa'i thos bsam gang yang rung pa'i mkhyen pa yin pa'i phyir te/

so skye'i rgyud kyi gang zag gi bdag med rtogs pa'i bsam byung
gi rig pa yin pa'i phyir/ chos can de yin pa'i phyir/ 'dod na/
sgom byung gi mkhyen pa yin par thal/ 'dod pa'i phyir/ 'dod mi
nus te/ bsam byung gi mkhyen pa yin pa'i phyir/ phyi ma la/ nyan
thos

sbyor lam pa'i rgyud kyi bdag med rtogs pa'i lhag mthong chos
can/ der thal/ de'i phyir/ skye 'phags gang rung gi rgyud kyi
bdag med rtogs pa'i sgom byung gi mkhyen pa yin pa'i phyir/ 'dod
na/ 'phags rgyud kyi mkhyen par thal/ 'dod pa'i phyir/ 'dod mi
nus te/

chos can de yin pa'i phyir/ kha cig na re/ rnam par thar pa
stong pa nyid kyi ting nge 'dzin de skye 'phags gnyis ka'i rgyud
kyi bdag med rtogs pa'i thos bsam sgom gsum ka'i mkhyen pa la
byed pa yin zer na/ de mi 'thad par thal/ skye 'phags gnyis ka'i
rgyud kyi bdag

med rtogs pa'i thos bsam sgom gsum ka'i mkhyen pa yin pa mi srid
pa'i phyir/ kha cig/ rnam par thar pa stong pa nyid kyi ting nge
'dzin de/ skye 'phags gnyis ka'i rgyud kyi bdag med rtogs pa'i
sgom byung gi mkhyen pa la byed pa yin zer na/ de yang mi 'thad
pa

thal; skye 'phags gnyis ka'i rgyud kyi bdag med rtogs pa'i sgom
byung gi mkhyen pa yin pa med pa'i phyir/ kha cig/ chos thams
cad kyi ngo bo bden med du mngos sum du rtogs pa'i ye shes/ thun
mong ma yin pa'i rnam par thar pa'i sgo stong pa nyid kyi mtshan
nyid

dang ; chos thams cad kyi rgyu bden med du mngon sum du rtogs
pa'i ye shes/ thun mong ma yin pa'i rnam par thar pa'i sgo mtshan
ma med pa'i mtshan nyid/ chos thams cad kyi 'bras bu bden med du
mngon sum du rtogs pa'i ye shes/ thun mong ma yin pa'i rnam par

@24b thar pa'i sgo smon med kyi mtshan nyid yin zer na/ nyan thos
sbyor lam pa'i rgyud kyi chos thams cad kyi rgyud bden pas stong
ba mngon sum du rtogs pa'i ye shes chos can/ mtshon bya bar bder
thal/ mtshan nyid bar pa de'i phyir/ der thal/ chos can de yin
pa'i phyir/ der thal de yod pa'i phyir te chos

mMd kyi rgyu med pa mngon sum du rtogs pa'i nyan thos sbyor lam
pa yod pa'i phyir te/ chos thams cad 'dus ma byas su mngon sum
du rtogs pa'i nyan thos sbyor lam pa yod pa'i phyir/ rtsa bar
'dod na/ 'phags rgyud kyi mkhyen pa yin par thal/ 'dod pa'i
phyir/ 'dod mi

nus so/ /kha cig /rnam thar sgo sum po gang rung yin na/ lta
spyod gnyis su phyir lte ba'i char gtogs pa'i ma khyen pa yin
pas khyab zer na/ nyan thos mthong lam pa'i rgyud kyi mya ngan
las 'das pa zhi bar lta ba'i lta ba chos can/ der thal/ de'i
phyir/ der thal/ mdzod las

mtshan med zhi ba'i rnam pa dang/ zhes gsungs pa'i phyir/ 'dod
mi nus te/ de gnyis su phye ba'i spyod pa'i char gtogs yin pa'i
phyir te/ de'i rgyud kyi thar pa don gnyer gyi blo de lta spyod
gnyis su phye ba'i spyod pa'i char gtogs yin pa'i phyir/ /rang
gi lugs la/

rnam thar sgo gsum po de chos kyi sdom bzhi la dmigs pa'i rnam
thar sgo gsum/ mi rtag la sogs bcu drug la dmigs pa'i rnam thar
sgo gsum/ thun mong ma yin pa'i rnam thar sgo gsum rnams las/
dang po gsum gyi dmigs rnam gyi khyad par yod de/ rnam par thar

pa'i sgo stong pa nying de chos thams cad stong zhing bdag med
pa la dmigs shing de'i rnam pa can yin pa dang/ rnam par thar
pa'i sgo mtshan pa med pas 'dus byas thams cad mi rtag zag bcas
thams cad sdug bsngal ba la dmigs shing de'i rnam pa can dang/
rnam par thar

pa'i sgo mtshan ma med pas/ mya ngan las 'das pa zhi ba la dmigs
shing de'i rnam pa can yin pa'i phyir/ mi rtag la sogs bcu drug
la dmigs pa'i rnam thar sgo gsum gyi dmigs rnam gyi khyad par
yod de/ rnam par thar pa'i sgo stong pa nyid des sdug bsngal
bden

@25a @#/ /pa'i stong bdag med gnyis gang rung la dmigs shing de'i
rnam pa can dang/ rnam par thar pa'i sgo smon med des/ sdug
bsngal bden pa'i mi rtag sdug bsngal gnyis kun 'byung gi rnam pa
bzhi la dmigs shing de gang yang rung bdon rnam pa can 

dang; rnam par thar pa'i sgo mtshan med kyis 'gog lam gyi rnam pa
brgyad la dmigs shing de gang yang rung ba'i rnam pa can yin
pa'i phyir/ thun mong ma yin pa'i rnam thar sgo gsum gyi dmigs
rnam gyi khyad par yod de/ rnam par thar pa'i sgo stong pa nyid
kyis 'dus byas

thams cad kyi ngo bo bden med du mngon sum du rtogs shing de'i
rnam pa can dang/ rnam par thar pa'i sgo mchan med des 'dus
byas thams cad kyi rgyud bdan med du rtogs shing de'i rnam pa
can dang/ rnam par thar pa'i sgo smon med des 'dus byas thams
cad kyi 'bras bu bden

med du mngon sum du rtogs shing de'i rnam pa can yin pa'i phyir/
gsung rab las/ rnam par thar pa stong pa nyid dang/ rnam par
thar pa mchan ma med pa dang/ rnam par thar pa smon pa med pa
gsum/ yang/ rnam par thar pa stong pa nyid kyi ting nge 'dzin/
rnam par thar pa

mtshan ma med pa'i ting nge 'dzin/ rnam par thar par smon pa med
pa'i ting nge 'dzin gsum/ rnam par thar pa'i sgo stong pa nyid
dang/ rnam par thar pa'i sgo smon pa med pa dang gsum gsungs pa
las/ dang po gsum po de skye 'phad

gang yang rung pa'i rgyud kyi rang gi gzhal bya mi rtag la sogs
bcu drug gang yang rung ba rtogs pa'i thos bsam sgom gsum gang
yang rung ba'i mkhyen pa la byed/ bar pa gsum po de skye 'phags
gang yang rung ba'i rgyud kyi mi rtag la sogs bcu drug gang yang
rung ba rtogs

pa'i sgom byung gi mkhyen pa kho na la byed/ tha ma gsum po de
'phags pa kho na'i rgyud kyi mi rtag la sogs bcu drung gang yang
rung ba rtogs pa'i sgom byung gi mkhyen pa kho na la byed pa'i
phyir/ ! sprul pa'i lam la gzugs kyi 'du shes rnam par ma bshig
pa dang rnam

@25b bar bshig pa'i phyir/ go rims bzhin du nang gzugs can/
/zhes sogs kyi skabs su/ sangs rgyas 'phags pa'i rgyud kyi rnam
thar brgyad po chos can/ byang chub sems dpa' dang thun mong
ba'i rnam mkhyen gyi rnam pa yin te/ byang chub sems dpa'i rgyud
la yod pa dang rjes su

mthun pa'i rnam mkhyen gyi rnam pa yin pa'i phyir/ 'di'i skabs
su mtha' dbyad pa la gsum las/ dang po la kha cig na re/ gzugs
yul du byed pa'i rnam thar yin na/ gzugs can gzugs la blta ba'i
rnam thar yin pas khyab zer na/ byang sems mthong lam ba'i rgyud
kyi gzugs

med gzugs la blta ba'i rnam thar chos can/ der thal/ de'i phyir/
der thal/ chos can de yin pa'i phyir/ rtsa bar 'dod mi nus te/
slob pa'i rgyud kyi gzugs med gzugs la blta ba'i rnam thar yin
pa'i phyir/ kha cig na re/ gzugs med gzugs la blta ba'i rnam
thar

yin na/ gzugs med kyi rnam thar yin pas khyab zer na/ byang sems
mthong lam pa'i rgyud kyi gzugs med gzugs la blta ba'i rnam thar
chos can/ der thal/ de'i phyir/ chos can de yin pa'i phyir/ rtsa
bar 'dod na/ gzugs med kyi dngos gzhi yin par thal/ 'dod

pa'i phyir/ 'dod na/ gzugs yul du mi byed pa'i shes pa yin par
thal/ slob pa'i rgyud kyi gzugs med kyi dngos gzhi yin pa'i
phyir/ 'dod mi nus te/ chos can de yin pa'i phyir/ kha cig na
re/ rang gi sems rten bsam gtan gyi dngos gzhi la brten nas nang
rnal 'byor

ba rang nyid la gzugs kyi 'du shes nye bar gzhag pa'i sgo nas/
phyi rol gyi gzugs che chung bzang ngan sogs la dmigs nas sprul
sgyur sna tshogs byed pa'i rang gi grogs ting nge 'dzin mtshungs
ldan dang bcas pa/ gzugs can gzugs la blta ba'i rnam thar gyi
mtshan nyid

zer na; sangs rgyas 'phags pa'i rgyud kyi gzugs can gzugs la
blta ba'i rnam mthar chos can/ mtshan nyid der thal/ mtshon bya
de'i phyir/ der thal/ chos can de yin pa'i phyir/ rtsa bar 'dod
na/ sangs rgyas 'phags pa gzugs yin par thal/ sangs rgyas 'phags

@26a @#/ /pa'i rgyud kyi gzugs can gzugs la blta ba'i rnam thar
des/ sangs rgyas 'phags pa la gzugs kyi 'du shes nye bar gzhag
pa gang zhig /sangs rgyas 'phags pa'i rgyud la 'du shes 'khrul
pa med pa'i phyir/ 'dod na/ sangs rgyas

'phags pa chos can/ gzugs ma yin par thal/ gang zag yin pa'i
phyir/ kha cig /rang gi sems rten bsam gtan gyi dngos gzhi la
brten nas nang rnal 'byor pa rang lus la gzugs med pa'i 'du shes
nye bar gzhag pa'i sgo nas phyi rol gyi gzugs che chung bzang

ngan sogs la dmigs nas sprul sgyur byed pa'i rang gi grogs ting
nge 'dzin shes rab mtshungs ldan dang bcas pa/ gzugs med gzugs la
blta ba'i rnam thar gyi mtshan nyid/ rang gi sems rten bsam gtan
gyi dngos gzhi la brten nas nang rnal 'byor pa rang

lus la gzugs med pa'i 'du shes nye bar gzhag pa'i sgo nas phyi
rol gyi gzugs sdug mi sdug phan tshun ltos nas grub pa dang /
phan tshun rjes su 'brel bar mos pa la brten nas mthar gzugs
snang thams cad sdug pa ro gcig tu snang ba/ gegs sel sdug

pa'i rnam thar gyi mtshan nyid zer na/ longs sku'i rgyud kyi
gzugs med gzugs la blta ba'i rnam thar chos can/ mtshan nyid dang
po der thal/ mtshon bya dang po de'i phyir/ der thal/ chos can de
yin pa'i phyir/ der thal/ de yod pa'i phyir te/ 'ongs sku'i
rgyud la rnam thar

brgyad ka yod pa'i phyir/ 'dod na/ longs sku'i lus la gzugs med
par thal/ longs sku'i rgyud kyi gzugs med gzugs la blta ba'i
rnam thar des/ longs sku'i lus la gzugs med pa'i 'du shes nye
bar gzhag pa gang zhig /longs sku'i rgyud la 'du shes

'khrul pa med pa'i phyir/ 'dod na/ de yod par thal/ longs sku'i
rgyud la mtshan bzang po sum cu so gnyis dang / dpe byad bzang po
brgyad cu yod pa'i phyir/ gzhan yang / sangs rgyas 'phags pa'i
rgyud kyi gegs sel sdug pa'i rnam thar chos can/ mtshan nyid phyi
ma der

@26b thal; mtshon bya phyi ma de'i phyir/ der thal/ chos can de'i
phyir/ 'dod na/ gzugs thams cad sdug pa ro gcig yin par thal/
sangs rgyas 'phags pa'i rgyud kyi gegs sel sdug pa'i rnam thar
la gzugs thams cad sdug pa ro gcig tu snang ba gang zhig /sangs
rgyas

'phags pa'i rgyud la 'khrul shes med pa'i phyir/ 'dod na/ gzugs
yin na sdug pas khyab par thal/ 'dod pa'i phyir/ 'dod mi nus te/
dmyal ba mnar med pa'i gzugs de gzugs mi sdug pa mthar thug pa
yin pa'i phyir/ kha cig /byang chub sems dpa'i rgyud kyi

gzugs can gzugs la blta ba'i rnam thar gyi sems rten du gyur
pa'i gzugs med kyi dngos gzhi med zer na/ de yod par thal/ de'i
sems rten bsam gtan gyi dngos gzhi dang / gzugs med kyi dngos
gzhi gdam nga can tu gsungs pa'i phyir/ der thal/ nyi khri

snang ba las/ bsam gtan nam gzugs med pa'i snyoms par 'jug pa la
brten nas/ zhes gsungs pa'i phyir/ kha cig /lung de ni nang rnal
'byor pa rang lus la gzugs kyi 'du shes rnam par bshig pa'i sems
rten la dgongs pa yin pa'i phyir zer na/ byang chub sems

dpa'i rgyud kyi gzugs can gzugs la blta ba'i rnam par thar pa de
rnal 'byor pa rang lus la gzugs kyi 'du shes rnam par bshig pa'i
rnam thar yin par thal/ lung don 'thad pa'i phyir/ 'dod mi nus
te/ de de la gzugs kyi 'du shes rnam par ma bshig pa'i rnam thar

yin pa'i phyir/ der thal/ de gzugs can gzugs la blta ba'i rnam
thar yin pa'i phyir/ kha cig na re/ de'i don ni/ de thob na rnal
'byor pa rang lus la gzugs kyi 'du shes bshig sla ba la dgongs
pa yin zer na/ byang chub sems dpa'i rgyud kyi gzugs can

gzugs la blta ba'i rnam thar de rnal 'byor pa rang lus la gzugs
kyi 'du shes rnam par bshig pa'i rnam thar yin par thal/ lung
don 'thad pa'i phyir/ 'dod na/ bkag zin/ kha cig /lung de gzugs
can gzugs la blta ba'i rnam thar gyi skabs su ma gsungs

@27a @#/ /zer na/ de mi 'thad par thal/ lung de'i skabs su dngos
su gsungs nas/ gzugs med gzugs la blta ba'i rnam thar gyi skabs
su yang gdam nga can du gsungs pa'i phyir/ kha cig /gzugs sdug
pa mthar thug pa dang / mi sdug pa mthar thug pa med zer na/ de
yod

par thal/ dmyal ba mnar med pa'i gzugs de gzugs de gzugs mi
sdug pa mthar thug pa dang / longs sku'i gzugs de gzugs sdug
pa mthar thug pa yin pa'i phyir/ dang po der thal/ de 'phen
byed kyi las de las ngan pa mthar thug pa yin pa'i phyir/
phyi ma der thal/ longs sku'i gzugs

'grub byed kyi bsod nams kyi tshogs de/ rgyu bsod nams kyi tshogs
mthar thug yin pa'i phyir/ kha cig na re/ gzugs che ba mthar
thug pa dang / chung ba mthar thug med zer na/ de yod par thal/
snod kyi 'jig rten gzugs che ba mthar thug pa dang / rdul phra
rab de gzugs chung ba mthar thug

pa yin pa'i phyir/ dang po der thal/ de las che ba'i gzugs med
pa'i phyir/ gnyis pa der thal/ de las chung ba'i gzugs med pa'i
phyir/ kha cig na re/ rang sa'i kun dkris kyis ma bslad pa tsam
gyi snyom 'jug /rnam thar gyi mtshan nyid yin zer na/ phyi rol
pa'i rgyud kyi bsam gtan

dang po'i dngos gzhi chos can/ mtshon bya der thal/ mtshan nyid
de'i phyir/ der thal/ bsam gtan dang po'i sas bsdus kyis ma
bslad pa'i bsam gtan dang po'i dngos gzhi yin pa'i phyir/ 'dod
mi nus te/ phyi rol pa'i rgyud kyi bsam gtan gyi dngos gzhi yin
pa'i phyir/ khyab ste/ bla ma rje

btsun chen po'i gsung las/ rnam thar zad par zil gnon rnams/
/sangs rgyas bstan pa kho na'i khyad chos yin/ /bstan la ma
zhugs pa la de dag med/ /ces gsungs pa'i phyir/ gzhan yang /
sangs rgyas 'phags pa'i rgyud kyi rnam thar chos can/ mtshan nyid
der thal/ mtshon bya de'i phyir/

'dod mi nus te/ sgrib pa mtha' dag spangs pa'i ye shes yin pa'i
phyir/  /gnyis pa rang gi lugs bzhag pa la/ rang sa'i kun dkris
kyis ma bslad pa'i thar pa den gnyer gyi bsam pas zin pa'i nang
pa sangs rgyas pa'i rgyud kyi snyom 'jug /rnam thar gyi mtshan
nyid/ de la gzugs

@27b med kyi rnam thar bzhi/ gzugs can gyi rnam thar gsum/ 'gog
pa'i rnam thar dang brgyad yod/ rang gi sems rten bsam gtan gyi
dngos gzhi dang / gzugs med kyi dngos gzhi gang rung la brten
nas nang rnal 'byor pa rang lus la gzugs kyi 'du shes nye bar
gzhag pa'i sgo nas/ phyi rol gyi

gzugs che chung bzang ngan sogs la dmigs nas sprul sgyur sna
tshogs byed pas rab tu phye ba'i gzugs can gyi rnam thar/ gzugs
can gzugs la blta ba'i rnam thar gyi mtshan nyid/ rang gi sems
rten bsam gtan gyi dngos gzhi dang / gzugs med kyi dngos gzhi
gang rung la brten

nas nang rnal 'byor pa rang lus la gzugs med pa'i 'du shes nye
bar gzhag pa'i sgo nas phyi rol gyi gzugs che chung bzang ngan
sogs la dmigs nas sprul sgyur sna tshogs byed pas rab tu phye
ba'i rigs su gnas pa'i gzugs can gyi rnam thar de/ gzugs med
gzugs la blta ba'i rnam

thar gyi mtshan nyid/ rang gi sems rten bsam gtan gyi dngos gzhi
dang gzugs med kyi dngos gzhi gang rung la brten nas nang rnal
'byor pa rang lus la gzugs med pa'i 'du shes nye bar bzhag pa'i
sgo nas/ phyi rol gyi gzugs sdug mi sdug phan chun ltos te grub
pa dang / phan tshun

rjes su 'brel par mos pa la brten nas mthar gzugs snang thams
cad sdug pa ro gcig tu snang bas rab tu phye ba'i rigs su gnas
pa'i gzugs can gyi rnam thar/ gegs sel sdug pa'i rnam thar gyi
mtshan nyid/ gzugs sdug mi sdug phan tshun ltos nas grub pa yin
te/ dngul bum de zangs bum

la ltos te gzugs sdug la/ gser bum la ltos te gzugs mi sdug pa
yin pa'i phyir/ gzugs sdug mi sdug phan chun rjes su 'brel ba
yin te/ dngul bum gyi gzugs gcig po de'i steng du zangs bum la
ltos te sdug pa'i gzugs gcig dang / gser bum la ltos te mi sdug
pa'i

gzugs gnyis yod pa'i phyir/ byang sems 'phags pas gzugs can gyi
rnam thar dang po gnyis bsgom pa la dgos pa yod de/ sprul pa
mang po rang nyid la snang bar byas pa dang mi snang bar byas
pa'i sgo nas sprul sgyur sna tshogs la zhugs nas rang gi gdul bya
'dun par byed pa dang / teng

@28a @#/ /nge 'dzin la rtsal byang ba'i dgos pa yod pa'i phyir/
byang sems 'phags pas gegs sel sdug pa'i rnam thar bsgom pa la
dgos pa yod de/ gzugs can gyi rnam thar dang po gnyis 'grub pa
na/ gzugs sdug pa la sprul 'dod dang / mi sdug pa la sprul mi

'dod kyi blo skye bas/ de dgag pa'i dgos pa yod pa'i phyir/ !
gsum pa rtsod pa spong ba la/ kha cig na re/ dngul bum gyi gzugs
de sdug par thal/ de zangs bum la ltos te sdug pa'i phyir/ 'dod
na/ de gzugs mi sdug par thal/ gser bum la ltos te mi sdug pa'i
phyir zer na rtsa bar ma

khyab bo/ /kha cig /gzugs sdug mi sdug gi gzhi mthun yod par
thal/ skyes bu lhas byin gyi gzugs sdug mi sdug gnyis ka yin
pa'i phyir/ rang gi dgra la ltos te mi sdug gnyen la ltos te
sdug pa yin pa'i phyir zer na/ ma khyab/ kha cig /longs sku'i
gzugs de sdug pa mthar thug pa

ma yin par thal/ byang sems 'phags pas de mthong nas de las sdug
pa'i gzugs sprul nus pa'i phyir zer na/ ma khyab/ ma grub na/
der thal/ byang sems 'phags pa de sprul pa la dbang 'byor pa'i
gang zag yin pa'i phyir/ kha cig na re/ mnar med pa'i gzugs de
gzugs

mi sdug pa mthar thug pa ma yin par thal/ byang sems 'phags pas
de mthong nas de las mi sdug pa'i gzugs sprul nus pa'i phyir zer
na/ ma khyab/ rtags der thal/ byang sems 'phags pa sprul pa la
dbang 'byor pa'i gang zag yin pa'i phyir te/ sprul pa la dbang
'byor ba'i gang

zag yod pa'i phyir zer na/ byang sems 'phags pas longs sku'i
gzugs las sdug par sprul pa'i gzugs de/ longs sku'i gzugs las
sdug par thal/ khyod kyi sgrub byed 'thad pa'i phyir/ 'dod na/
de longs sku'i gzugs las bzang bar thal/ 'dod pa'i phyir/ 'dod
mi nus

te; longs sku'i gzugs de sgrib pa spangs pa'i gzugs gang zhig
/de sgrib pa ma spangs pa'i gzugs yin pa'i phyir/ ma grub na/ de
chos can/ khyod sgrib pa ma spangs pa'i gzugs yin par thal/
khyod byang sems 'phags pas sprul pa'i gzugs yin pa'i phyir/ kha
cig /rdul phra

@28b rab chos can/ cha med yin par thal/ phyogs kyi cha med du
gyur pa'i rdul yin pa'i phyir zer na/ ma khyab/ ma grub na der
thal/ rdul gang zhig /de las chung ba'i de'i phyogs kyi cha med
pa'i phyir/ der thal/ de las phra ba'i rdul med pa'i phyir te/
de rdul phra rab yin pa'i phyir/ rtsa bar 'dod mi

nus te/ cha bcas yin pa'i phyir te/ rten 'brel yin pa'i phyir/
der thal/ gzhi grub pa'i phyir/ kha cig /slob pa'i rgyud la
gzugs yul du byed pa'i gzugs med kyi snyam 'jug med par thal/
de'i rgyud la gzugs yul du byed pa'i gzugs med kyi dngos gzhi
med pa'i phyir zer

na; ma khyab/ 'dod mi nus te/ phyi rol pa'i rgyud kyi gzugs med
nam mkha'i nyer bsdogs de gzugs dang thogs pa'i 'du shes yul du
byed pa'i gzugs med kyi snyom 'jug yin pa'i phyir te/ des gzugs
dang thogs pa'i 'du shes la rags pa dang / de la ltos te nam
mkha'i

'du shes la zhi bar lta ba'i snyom 'jug yin pa'i phyir te/ de
zhi rags kyi rnam pa can gyi snyom 'jug yin pa'i phyir// ! //
'jig rten las 'das pa'i lam la bsam gtan bzhi dang / gzugs
med pa dang 'geg pa'i snyoms par 'jug pa dag ste dgu'o/
/zhes pa'i

skabs su/ sangs rgyas 'phags pa'i rgyud kyi 'gog pa la snyoms
par 'jug pa'i 'jug sems chos can/ byang chub sems dpa' dang thun
mong ba'i rnam mkhyen gyi rnam pa yin te/ byang chub sems dpa'i
rgyud la yod pa dang rjes su mthun pa'i rnam mkhyen gyi rnam pa
yin pa'i phyir/

'di'i skabs su gsum las/ dang po la/ kha cig /'gog snyoms gsar
du skye ba'i lus rten can yin na/ mi yin pas khyab zer na/ 'gog
snyoms gsar du thob pa'i lus rten can gyi 'dod lha chos can/ der
thal/ de'i phyir/ chos can de yin pa'i phyir/ der thal/ de yod
pa'i phyir/

slong dpen rgyal po sras kyis 'gog snyoms kyi lus rten nyi shu
rtsa lnga gsungs pa'i phyir/ 'dod mi nus te/ lha yin pa'i phyir/
kha cig /gzugs med kyi rten la 'gog snyoms gsar du skye ba yod
zer na/ de med par thal/ gzugs med khams na 'gog snyoms kyi dgag
bya tshor 'du

@29a @#/ /rags pa med pa'i phyir te/ gzugs med khams na gzugs
med pa'i phyir/ kha cig na re/ 'gog snyoms thob la ma nyams
pa'i phyir mi 'ong 'dod lhar skye ba len pa yod zer na/ 'o na/
phyir mi 'ong las nyon gyi dbang gis 'dod lhar skye ba len pa
yod par thal/ dam

bca' 'thad pa'i phyir/ 'dod mi nus te/ phyir mi 'ong las nyon
gyi dbang gis yang srid phyi mar skye ba len pa gnas ma yin pa'i
phyir te/ dgra bcom pa las nyon gyi dbang gis yang srid phyi mar
skye ba len pa gnas ma yin pa'i phyir/ kha cig /'gog snyoms kyi
sems rten med zer na/ de yod

par thal/ 'gog snyoms gyi sems rten du gyur pa'i srid rtse'i
dngos gzhi yod pa'i phyir/ der thal/ mdzod las/ phra ba phra
ba'i mjug thogs su/ /zhes gsungs pa'i phyir dang / kun las btus
las/ srid pa'i rtse mo las kyang gyen du bskyod/ /ces gsungs
pa'i phyir/ kha cig /dgag gzhi yid

shes phra mo'i steng du dgag bya tshogs brgyad 'khor bcas bkag
pa'i khyad par du byas pa'i 'phags rgyud kyi ldan min 'du byed/
'gog snyoms kyi mtshen nyid yin zer na/ de mi 'thad par thal/
dgag bya tshogs brgyad med pa'i phyir te/ kun gzhi dang nyon yid
med pa'i phyir te/ yum gyi

mdo las/ rnam shes tshogs drug las lhag pa yod na/ 'grel rkang
brgya rtsa brgyad las lhag pa gsungs dgos pa las ma gsungs pa'i
phyir/ kha cig /dgag gzhi yid shes phra mo'i steng du dgag bya
tshogs drug 'khor bcas bkag pa'i khyad par du byas pa'i 'phags
rgyud kyi ldan min 'du

byed/ 'gog snyoms kyi mtshan nyid yin zer na/ mi 'thad par thal/
mtshan nyid de med pa'i phyir/ der thal/ yid shes phra mo'i steng
du yid shes phra mo bkag pa'i ldan min 'du byed med pa'i phyir/
der thal/ yid shes phra mos stong pa'i yid shes phra mo med pa'i
phyir/ kha cig na re/ dgag gzhi yid

shes phra mo'i steng du dgag bya tshor 'du rags pa 'khor bcas
bkag ba'i khyad bar du byas pa'i ldan min 'du byed/ 'gog snyoms
kyi mtshan nyid yin zer na/ 'du shes med pa'i snyom 'jug gi ngo
bor gyur pa'i sems sems byung gnyis chos can/ mtshon bya der
thal/ mtshan nyid de'i phyir/

@29b der thal/ phung po lnga bo gang rung yin pa gang zhig
/phung po gzhan rnams re re nas ma yin pa'i phyir/ rtsa bar 'dod
na/ mi 'thad zhe/ 'du shes med pa'i snyom 'jug yin pa'i phyir/
kha cig /dgag gzhi yid shes phra mo'i steng du dgag bya tshor 'du
rags pa 'khor bcas bkag pa'i khyad par du byas pa'i

'phags rgyud kyi ldan min 'du byed gang zhig /rang rgyu 'das lam
gyi stobs kyis thob pa/ 'gog snyoms kyi mtshan nyid yin zer na/
sangs rgyas 'phags pa'i rgyud kyi 'gog snyoms chos can/ mtshan
nyid der thal/ mtshon bya de'i phyir/ der thal/ chos can de yin
pa'i phyir/ sangs rgyas 'phags pa'i rgyud

la mthar gnas snyom 'jug dgu yod pa'i phyir/ rtsa ba las/ rnam
par thar dang mthar gyis ni/ /snyom 'jug dgu yi bdag nyid dang /
/zhes gsungs pa'i phyir/ rtsa bar 'dod na/ sangs rgyas 'phags
pa'i rgyud la tshor 'du rags pa med par thal/ 'dod pa gang zhig
/sangs rgyas 'phags bdus rtag tu

'gog snyoms la mnyam par gzhag pa'i gang zag yin pa'i phyir/
'dod mi nus te/ sangs rgyas 'phags pa'i rgyud la sgo lnga'i rnam
shes yod pa'i phyir/ kha cig /dgag gzhi 'phags pa'i yid shes
phra mo'i steng du dgag bya tshor 'du rags pa 'khor bcas bkag
pa'i khyad par du byas pa'i ldan min

'du byed gang zhig /rang rgyu 'das lam gyi stobs kyis thob pa/
'gog snyems kyi mtshan nyid yin zer na/ 'gog snyoms la mnyam par
gzhag pa'i phyir mi 'ong lus mngon byed chos can/ mtshon bya der
thal/ mtshan nyid de'i phyir/ rtags gsal chos can gyis sgrubs/
kha cig /srid rtse'i

dmigs rnam las dmigs rnam phra bar 'jug pa'i 'phags rgyud kyi
ldan min 'du byed gang zhig /rang rgyu 'das lam gyi stobs kyis
thob pa/ 'gog snyoms kyi mtshan nyid yin zer na/ 'gog snyoms kyi
dmigs rnam yod par thal/ khyod kyi dam bca' 'thad pa'i phyir/
'dod na/ 'gog snyoms

chos can/ shes par thal/ 'dod pa'i phyir/ 'dod mi nus te/ 'gog
snyoms yin pa'i phyir/ kha cig /rang gi sems rten srid rtse'i
dngos gzhi la brten nas dgag gzhi 'phags pa'i yid shes phra mo'i
steng du dgag bya tshor 'du rags pa 'khor bcas bkag pa'i khyad
par du byas pa'i ldan

@30a @#/ /min 'du byed gang zhig /rang rgyud 'das lam gyi stobs
kyis thob pa/ 'gog snyoms kyi mtshan nyid yin zer na/ nyan thos
'phags pa'i rgyud kyi srid rtse'i dngos gzhi skad cig gnyis pa'i
ngo bor gyur pa'i sems sems byung gnyis chos can/ mtshon bya der
thal/ mtshan nyid de'i

phyir/ der thal/ chos can de dang gcig yin pa'i phyir/ 'dod mi
nus te/ srid rtse'i dngos gzhi yin pa'i phyir/ kha cig na re/
rang gi sems rten srid rtse'i dngos gzhi la brten nas dgag zhi
'phags pa'i yid shes phra mo'i steng du dgag bya tshor phung rags
pa 'khor bcas bkag pa'i khyad par du

byas pa'i snyoms 'jug gi rdzas/ 'gog snyoms kyi mtshan nyid yin
zer na/ nyan thos 'phags pa'i rgyud kyi srid rtse'i dngos gzhi
skad cig gnyis pa'i mi rtag pa chos can/ mtshon bya der thal/
mtshan nyid de'i phyir/ der thal/ snyom 'jug gi rdzas yin pa'i
phyir te/ nyan thos 'phags pa'i rgyud kyi

srid rtse'i dngos gzhi skad cig gnyis pa'i rdzas yin pa'i phyir/
ma grub na/ nyan thos 'phags pa'i rgyud kyi srid rtse'i dngos
gzhi skad cig gnyis pa chos can/ khyod kyi mi rtag pa khyod kyi
rdzas yin par thal/ khyod dngos po yin pa'i phyir/ rtsa bar 'dod
na/ de chos can/ khyod kyi mi rtag pa 'gog snyoms

ma yin par thal/ bdag med yin pa'i phyir/ kha cig /rang gi sems
rten srid rtse'i dngos gzhi la brten nas dgag gzhi 'phags pa'i
yid shes phar mo'i steng du dgag bya tshor phung rags pa bkag
pa'i khyad par du byas pa'i rab tu phye ba'i rigs su gnas ba'i
mthar gnas snyom 'jug gi

nang tshan/ 'gog snyoms kyi mtshan nyid yin zer na/ nyan thos
'phags pa'i rgyud kyi 'gog snyoms chos can/ mthar gnas snyom
'jug gi nang tshan yin par thal/ 'gog snyoms yin pa'i phyir/
khyab pa zur 'gog la song / 'dod na/ mthar gnas snyom 'jug yin
par thal/ 'dod pa'i phyir/

'dod na/ shes pa yin par thal lo/ /kha cig /ldan min 'du byed
yin na/ shes pa ma yin pas khyab zer na/ theg chen mthong lam
bar chad med lam nyams su myong pa'i rang rig chos can/ der
thal/ de'i phyir/ phung po lnga po gang rung gang zhig /tshor
phung yang ma yin/ gzugs phung yang ma yin/

@30b 'du shes kyi phung po yang ma yin/ rnam shes kyi phung po
yang ma yin pa'i phyir/ tshor phung ma yin pa ma grub zer na/ de
dang mtshungs ldan du gyur pa'i sems yod par thal/ ma grub pa
de'i phyir/ 'dod na/ de 'dzin rnam yan gar ba ma yin par thal/
'dod pa'i phyir/ 'dod mi nus te/ rang rig yin

pa'i phyir/ rtsa bar 'dod na/ shes pa yin par thal/ rang rig yin
pa'i phyir/ kha cig na re/ 'gog snyoms shes pa yin zer na/ de
chos can/ rdzas yod yin par thal/ shes pa yin pa'i phyir/ 'dod
mi nus te/ btags yod yin pa'i phyir/ der thal/ bsdu ba las/ de
yang btags pa'i yod pa yin

kyis/ rdzas su yod pa ma yin par rig par bya'o/ /zhes gsungs
pa'i phyir dang / kun las btus las/ kha cig 'gog pa la 'gog pa'i
snyoms par 'jug pa zhes gdags so/ /zhes gsungs pa'i phyir/ gzhan
yang / 'gog snyoms kyi dmigs rnam yod par thal/ 'gog snyoms shes
pa yin pa'i

phyir/ 'dod na/ 'gog snyoms dang mtshungs ldan yod par thal/ 'gog
snyoms shes pa yin pa'i phyir/ gnyis ka 'dod mi nus te/ bsdu ba
las/ 'gog pa'i snyoms par 'jug pa ni zag pa med par brjod par
bya ste/ nyon mongs pa dang bral ba'i phyir dang / mtshungs par
ldan pa ma yin pa dang /

dmigs pa med pa'i phyir dang / nyon mongs pa rnams kyis ma
bskyed pa'i phyir/ zhes gsungs pa'i phyir/ kha cig /'gog snyoms
la mnyam par gzhag pa dang 'du shes med pa'i snyom 'jug la mnyam
par gzhag pa dang / gnyid 'thug po la gnas pa dang / rgyal ba'i
tshe yid shes med zer na/

mi 'thad par thal/ gnyid 'thug po la gnas pa'i gang zag gi rgyud
la yid shes yod pa'i phyir/ der thal/ de'i rgyud la gnyid yod pa
gang zhig /gnyid yid shes yin pa'i phyir/ dang po der thal/
gnyid 'thug po la gnas pa'i gang zag yod pa'i phyir/ phyi ma der
thal/ gnyid dang dge ba'i

gzhi mthun yang yod/ gnyid dang me dge ba'i gzhi mthun yang yod
pa'i phyir/ kha cig /byang sems 'phags pas 'gog pa la bskal pa
la sogs pa yun ring du snyoms par 'jug pa med zer na/ de yod par
thal/ snying rje pdma ? dkar po las/ skye ba gcig thogs pa'i
byang chub sems dpa'

@31a @#/ /'gog ba la snyoms par gzhag pa'i sems kyis bar gyi
bskal pa bcu po 'di dag 'da' bar byed do/ /zhes gsungs pa'i
phyir/ /gnyis pa rang gi lugs gzhag pa la/ 'gog snyoms kyi lus
rten sems rten gnyis kyi khyad par yod de/ lus rten ni phyir
mi 'ong rang rgyal

'phags ba/ sangs rgyas 'phags pa rnams kyi rten la skye ba
yod/ sems rten ni/ rang gi sems rten srid rtse'i dngos gzhi la
brten nas skye ba yin pa'i phyir/ rang gi sems rten srid
rtse'i dngos gzhi la brten nas dgag gzhi 'phags pa'i yid shes
phra mo'i steng du dgag bya tshor 'du

rags pa 'khor bcas bkag ba'i khyad par du byas ba'i rab tu
phye ba'i rig su gnas pa'i 'phags rgyud kyi ldan min 'du byed
gang zhig /mthar gnas snyom 'jug dgu'i nang tshan/ 'gog snyoms
kyi mtshan nyid/ 'gog snyoms kyi dgag bya'i khyad par yod de/
tshor 'du rags pa de'i dgag bya

yin pa'i phyir/ dgag gzhi yid shes phra mo'i steng du dgag bya
tshor 'du rags pa bkag pa la dgos pa yod de/ /mthong chos la
bde bar gnas ba dang / ti nge 'dzin la rtsal sbyang ba'i dgos
pa yod ba'i phyir/ /gsum ba rtsod ba spong ba la/ kha cig/
'dod lha'i rten la 'gog snyoms gsar

du skye ba med par thal/ 'gog snyoms gsar du skye ba'i lus
rten can yin na/ mi yin dgos pa'i phyir/ der thal/ mdzod las/
'gog pa dang po mi nang du'o/ /zhes ba dang/ de'i 'grel par/
dang por gling gsum dag tu mi rnams kyi nang kho na/ zhes
gsungs pa'i phyir zer na/ skyon med de/ 'gog

snyoms gsar du skye ba mi'i rten la gtso che ba la dgongs pa
yin pa'i phyir/ kha cig/ 'phags pa 'phags pa'i rtogs pa las
nyams pa yod par thal/ 'phags pa 'gog pa la snyoms par 'jug
pa'i 'jug sems las nyams pa yod pa'i phyir/ der thal/ 'phags
pa 'gog snyoms las

nyams pa yod pa'i phyir zer na/ ma khyab ste/ 'gog snyoms thob
pa nyams pa'i 'dod ba'i rten can gyi phyir mi 'ong yod ba'i
phyir te/ slar yong su nyams ba gzugs kyi khams su yang skye
bar byed do/ /zhes gsungs pa'i phyir/ rtsa bar 'dod mi nus so/
/kha cig/ 'gog snyoms chos can/ khyod kyi

@31b sems rten du gyur pa'i srid rtse'i dngos gzhi med par
thal/ khyod shes pa ma yin pa'i phyir zer na ma khyab/ 'dod
na/ bkag zin/ kha cig na re/ 'gog snyoms la mnyam bar gzhag
pa'i nyan thos 'phags pa'i rgyud la tshor 'du rags pa med par
thal/ de'i rgyud kyi 'gog snyoms de dgag gzhi 'phags pa'i

yid shas phra mo'i steng du dgag bya tshor 'du rags pa 'khor
bcas bkag pas rab tu phye ba yin pa'i phyir te/ sangs rgyas
'phags pa'i rgyud kyi 'gog snyoms de de ltar yin pa'i phyir/
'dod mi nus te/ de'i rgyud la tshor 'du mngon 'gyur ba yod ba'i
phyir zer na/ ma khyab/ ma grub na/ der thal/ de'i rgyud kyi

'du shes yin na/ 'du shes mngon 'gyur ba yin dgos pa'i phyir/
kha cig/ nyan thos 'phags pa'i rgyud kyi 'gog snyoms chos can/
shes pa yin par thal/ mthar gnas snyom 'jug yin pa'i phyir te/
mthar gnas snyom 'jug gi nang tshan yin pa'i phyir te/ mthar
gnas snyom 'jug dgu'i nang tshan

yin pa'i phyir zer na/ ma khyab/ 'dod mi nus te/ 'gog snyoms
yin pa'i phyir zer na/ 'o na/ rgyas 'bring bsdus gsum chos
can/ sher phyin yin par thal/ sher phyin gsum pa gang rung yin
pa'i phyir/ khyab pa khas/ ma grub na der thal/ gzhung sher
phyin yin pa'i phyir/ 'dod na/ mkhyen pa yin par

thal lo/ /kha cig/ byang sems sgom lam bas 'dod sems kyi de ma
thag tu theg chen sgom lam bar chad med lam la snyoms par 'jug
mi nus par thal/ des 'dod sems kyi de ma thag tu 'gog snyoms
la snyoms par 'jug mi nus pa'i phyir zer na/ ma khyab/ rtags
der thal/ 'gog snyoms la snyoms

par 'jug pa la sems rten srid rtse'i dngos gzhi nges par dgos
pa'i phyir/ 'dod mi nus te/ theg chen sgom lam bar chad med
lam de 'dod sems kyi sems rten la brten nas gsar du skye ba
yod ba'i phyir/ mngon rtogs rgyan las/ sa dgu la ni chen po
yi/ /zhes gsungs pa'i phyir/ kha cig na re/

byang sems sgom lam bas bsam gtan gyi dngos gzhi'i de ma thag
tu 'gog snyoms la snyoms par 'jug nus par thal/ des 'dod sems
kyi de ma thag tu theg chen sgom lam bar chad med lam la
snyoms par 'jug nus pa'i phyir zer na/ ma khyab/ 'dod mi nus
te/ 'gog snyoms la snyoms par

@32a @#/ /'jug pa la sems rten srid rtse'i dngos gzhi la nges
par brten dgos pa'i phyir zer na/ 'o na/ theg chen sgom lam
bar chad med lam la mnyam par gzhag pa'i gang zag gi rgyud la
tshor 'du rags pa med par thal/ 'gog snyoms la mnyam par gzhag
pa'i byang sems

sgom lam pa'i rgyud la tshor 'du rags pa med pa'i phyir/ 'khor
gsum/ kha cig na re/ byang sems sgom lam pa'i rgyud kyi 'gog
snyoms shes pa ma yin zer na/ de'i rgyud kyi dgag gzhi yid
shes phra ma'i steng du dgag bya tshor 'du rags pa bkag pa'i
rdzas de 'gog snyoms yin nam/ bkag cam

de nyid 'gog snyoms yin pa dag las gang yin/ dang po ltar na/
gzugs med na mkha'i snyom 'jug la snyoms par zhugs pa'i byang
sems sgom lam pa'i rgyud kyi dgag gzhi yid shes phra mo'i
steng du dgag bya gzugs dang thogs pa'i 'du shes bkag pa'i
rdzas de gzugs med na mkha'i snyom

'jug yin par thal/ byang sems sgom lam pa'i rgyud kya dgag
gzhi yid shes phra mo'i steng du dgag bya tshor 'du rags pa
bkag pa'i rdzas de 'gog snyams yin pa'i phyir zer na/ ma
khyab/ 'dod na/ gzugs med na mkha'i snyom 'jug shes pa ma yin
par thal/ 'dod pa gang zhig/ de'i rgyud kyi dgag

bya gzugs dang thogs pa'i 'du shes bkag pa'i rdzas de shes pa
ma yin pa'i phyir/ dang po dngos/ phyi ma ma grub na/ gzugs
dang thogs pa'i 'du shes chos can/ khyod bkag pa'i rdzas de
shes pa ma yin par thal/ bdag med yin pa'i phyir/ rtsa ba'i
rtags gnyis pa ltar yin no zer na/ mi 'thad de/

bkag cam da 'dus ma byas yin pa'i phyir/ kha cig na re/ byang
sems sgom lam pa'i rgyud kyi 'gog snyoms shes pa yin par thal/
de'i rgyud kyi 'gog pa'i rnam thar shes pa yin pa'i phyir zer
na ma khyab/ ma grub na der thal/ byang sems sgom lam pa'i
rgyud kyi rnam thar brgyad ka shes pa yin

pa'i phyir/ der thal/ sangs rgyas 'phags pa'i rgyud kyi rnam
thar brgyad po de/ byang chub sems dpa' dang thun mong ba'i
rnam mkhyen gyi rnam pa yin pa'i phyir zer na/ byang sems sgom
lam pa'i rgyud kyi 'gog snyoms shes pa yin par thal/ de'i
rgyud kyi 'gog pa la snyoms par 'jug pa'i 'jug

@32b sems shes pa yin pa'i phyir/ khyab pa mtshungs/ kha cig/
byang sems sgom lam ba'i rgyud kyi 'gog snyoms shes pa yin par
thal/ de 'das lam yin pa'i phyir/ 'grel pa las/ 'jig rten las
'das pa'i lam la/ zhes gsungs pa'i phyir zer na skyon med de/
de'i rgyud kyi 'gog snyoms la

snyoms par 'jug pa'i 'jug sems la dgongs pa'i phyir/ kha cig/
byang sems sgrom lam pa'i rgyud kyi 'gog snyoms shes pa yin
par thal/ de sgom lam rtse sbyor yin pa'i phyir te/ 'gog dang
bcas pa'i snyoms 'jug dgur/ /zhes gsungs ba'i phyir zer na
skyon med de/ de yang 'jug sems

la dgongs pa'i phyir/ de ltar ma yin na/ byang sems sgom lam
pa'i rgyud kyi stong nyid la snyoms par 'jug pa'i 'jug sems
sgom lam rtse sbyor yin na/ de'i rgyud kyi stong nyid sgom lam
rtse sbyor yin dgos par thal/ de'i rgyud kyi 'gog pa la snyoms
par 'jug pa'i 'jug sems sgom lam rtse sbyor

yin na/ de'i rgyud kyi 'gog snyoms sgom lam rtse sbyor yin
dgos pa'i phyir 'dod na/ de'i rgyud kyi stong nyid sgom lam
rtse sbyor yin par thal/ de'i rgyud kyi stong nyid la snyoms
par 'jug pa'i 'jug sems sgom lam rtse sbyor yin pa'i phyir/
'dod na sla'o/ kha cig /'gog snyoms shes pa yin par

thal/ sangs rgyas 'phags pa'i rgyud kyi 'gog snyoms shes pa
yin pa'i phyir te/ de ye shes chos sku yin pa'i phyir te/ de
zag med ye shes sde tshan nyer gcig po gang rung yin pa'i
phyir/ der thal/ snyom 'jug dgu yi bdag nyid dang / /zhes
gsungs pa'i phyir zer na skyon med de/ de'i rgyud kyi

'gog snyoms la snyoms par 'jug pa'i 'jug sems la dgongs pa'i
phyir/ de lta ma yin na/ sangs rgyas 'phags pa'i rgyud kyi
sgrib gnyis bcom pa ye shes chos sku yin par thal/ bag chags
yang dag bcom pa dang / /zhes gsungs pa'i phyir/ 'khor gsum/
gal te 'dod na/ mi

'thad de/ de 'dus ma byas yin pa'i phyir te/ sgrib gnyis
spangs pa 'dus ma byas yin pa'i phyir/ kha cig na re/ 'gog
snyoms shes pa yin par thal/ sher phyin gyi nyams len lhag par
thob pa'i 'gog snyoms khyad par can shes pa yin pa'i phyir/
der thal/ de mnyam gzhag yes

@33a @#/ /khyad par can yin pa'i phyir te/ 'jug pa las/ shes
rab gnas pas 'gog pa thob par 'gyur/ /zhes pa dang/ mdo sde sa
bcu pa las/ byang chub sems dpa' sa bdun pa 'di la gnas pa'i
byang chub sems dpas ni sems kyi skad cig skad cig la yang
'gog

pa la snyoms par 'jug cing ldang ste/ 'gog pa mngon du byas so
zhes ni mi bya'o/ /zhes gsungs pa'i phyir zer na skyon med de/
de'i 'jug sems la dgongs pa'i phyir/ kha cig/ byang chub sems
dpa' 'gog pa la yun ring du snyoms par 'jug pa med par thal/
byang chub sems

dpa' sa brgyad pa bas 'gog pa de bzhin nyid la yun ring du
snyoms par 'jug pa med pa'i phyir te/ des 'gog pa de bzhin
nyid la mnyam par gzhag pa'i mnyam gzhag de la rgyal ba rnams
kyis slong bar mjad pa'i phyir zer na/ ma khyab/ ma grub na/
'dod na bkag zin/ !rnam pa thams cad mkhyen pa nyid kyi rnam

kyis 'gog las slong bar mdzad/ ces gsungs pa'i phyir/ rtsa bar
'dod na bkag zin/ ! rnam pa thams cad mkhyen pa nyid kyi rnam
pa ni shin tu phul du byung ba'i phyir thun mong ma yin pa'i
lam gcig pu khon ste/ zhes sogs kyi skab-su/ thun mong ma yin
pa'i rnam mkhyen gyi

rnam pa chos can/ khyod la dbye na du ma yod de/ khyod la
stobs bcu/ mi 'jigs pa bzhi/ ma 'dres pa bco brgyad/ sgrib
gnyis spangs pas khyad par du byas pa'i so sor yang dag ba'i
rig pa bzhi/ de bzhin nyid kyi rnam mkhyen gyi rnam pa/ rang
byung gi rnam mkhyen gyi rnam pa/ sangs rgyas kyi rnam

mkhyen gyi rnam pa dang bcas pa rnam-su yod pa'i phyir/ kha
cig/ thun mong ma yin pa'i rnam mkhyen gyi rnam pa chos can/
khyod la dbye na sde tshan bdun yod de/ stobs bcu/ mi 'jigs pa
bzhi/ ma 'dres pa bco brgyad/ so sor yang dag par rig pa bzhi/
de bzhin nyid kyi rnam pa/ rang byung gi

rnam pa/ sangs rgyas kyi rnam pa rnam-su yod pa'i phyir zer
na/ 'o na/ sangs rgyas 'phags pa'i rgyud kyi so sor yang dag
pa'i rig pa bzhi po ste/ thun mong ma yin pa'i rnam mkhyen gyi
rnam pa yin par thal/ khyod kyi sbyor ba de gzhung gi don
sbyor rnam dag yin pa'i phyir/ 'dod mi nus te/ byang

@33b sems sa dgu pa ba'i rgyud la so so yang dag pa'i rig pa
yod pa'i phyir/ der thal/ mdo sde'i rgyan las/ so so yang dag
rig blo bzang/ /sa de legs pa'i blo gros yin/ /zhes gsungs
pa'i phyir/ gzhan yang sangs rgyas kyi rnam pa yin na/ rnam
mkhyen yin dgos par thal/ khyod kyi sbyor ba de gzhung ?

gi don sbyor rnam dag yin pa'i phyir/ 'dod na/ sangs rgyas
rnam mkhyen yin par thal/ 'dod pa de'i phyir 'dod na/ sangs
rgyas chos can/ rnam mkhyen ma yin par thal/ 'dus ma byas yin
pa'i phyir/ de bzhin nyid kyi rnam pa la yang sbyor ro/ /kha
cig /sangs rgyas 'phags pa'i stobs yin na/ 'dir bstan

stobs bcu po gang rung yin pas khyab zer na/ sangs rgyas
'phags pa'i sku'i stobs chos can/ der thal/ de'i phyir/ chos
can de yin pa'i phyir/ der thal/ de yod pa'i phyir/ der thal/
mdzod las/ sku la sred med bu yi stobs/ /zhes gsungs pa'i
phyir/ 'dod mi nus te/ chos can de yin pa'i phyir/

gzhan yang / sangs rgyas 'phags pa'i rgyud kyi dad pa'i stobs
chos can/ der thal/ de'i phyir/ 'dod na/ thun mong ma yin pa'i
rnam mkhyen gyi rnam pa yin par thal lo/ /'dod mi nus te/ thun
mong ba'i rnam mkhyen gyi rnam pa yin pa'i phyir/ der thal/
nyan thos kyi rgyud la yod pa dang rje-su mthun

pa'i rnam mkhan gyi rnam pa yin pa'i phyir/ kha cig /gdul
bya'i rgyud kyi mi mthun phyogs 'joms pa la/ lha'i dbang po'i
rdo rje rin po che dang chos mthun pa'i ye shes mthar thug/
'dir bstan stobs kyi mtshan nyid yin zer na/ sangs rgyas 'phags
pa'i rgyud kyi dran pa nyer gzhag chos can/ mtshon

bya der thal/ mtshan nyid de'i phyir/ der thal/ rnam mkhyen yin
pa'i phyir/ 'dod na/ thun mong ma yin pa'i rnam mkhyen gyi
rnam pa yin par thal/ 'dod pa de'i phyir/ 'dod mi nus te/ thun
mong ba'i rnam mkhyen gyi rnam pa yin pa'i phyir/ kha cig/

[@# line break?]
rang gi ngos skal gyi mi mthun phyogs 'joms pa la lha'i dbang
po'i rdo rje rin po che dang chos mthun pa'i thun mong ma yin
pa'i rnam mkhyen gyi rnam pa/ 'dir bstan stobs kyi mtshan nyid
yin zer na/ sangs rgyas 'phags pa'i rgyud kyi gnas dang gnas
ma yin pa mkhyen pa'i stobs chos can/ mtshan nyid der thal/
mtshon bya de'i phyir/ 'dod na/

@34a @#/ /de'i thos skal gyi mi mthun phyogs yod par thal/ 'dod
pa de'i phyir/ 'dod na/ de chos can/ khyod kyi ngos skal gyi
mi mthun phyogs med par thal/ khyod rnam mkhyan yin pa'i
phyir/ rang gi lugs la/ gdul bya'i rgyud kyi mi mthun phyogs
'joms pa la lha'i dbang po'i rdo rje

rin po che dang chos mthun pas rab tu phye ba'i thun mong ma
yin pa'i rnam mkhyen gyi rnam pa/ 'dir bstan stobs kyi mtshan
nyid/ de la gnas dang gnas ma yin pa mkhyen pa'i stobs nas/
zag pa zad pa mkhyen pa'i stobs kyi bar bcu yod/ de la kha
cig/ sangs rgyas kyi sa'i mkhyen pa thams

cad phan chun yin khyab mnyam yin par thal/ thun mong ma yin
pa'i rnam mkhyen gyi rnam pa rnams yin khyab mnyam yin pa'i
phyir zer nam khyab/ 'dod na/ thun mong ba'i rnam mkhyen gyi
rnam pa dang / thun mong ma yin pa'i rnam mkhyen gyi rnam pa
gnyis yin khyab mnyam yin par thal/ 'dod pa de'i phyir/

'dod mi nus te/ de gnyis 'gal ba'i phyir/ de la kho na re/
sangs rgyas 'phags pa'i rgyud kyi stobs bcu po 'gal zer na/
sangs rgyas 'phags pa'i rgyud kyi dran pa nyer gzhag bzhi po
'gal bar thal/ dam bca' 'thad pa'i phyir/ 'dod mi nus te/ de
bzhi po yin khyab mnyam yin pa'i phyir te/

de bzhi thun mong ba'i rnam mkhyen gyi rnam pa yin par yang
mtshungs/ rang gi gzhal bya rtogs tshul la yang khyad par med
pa'i phyir/ kha cig /'gro ba thams cad 'bad med du grol bar
thal/ sangs rgyas 'phags pa'i rgyud kyi stobs bcu po des/ gdul
bya'i rgyud kyi mi mthun phyogs 'joms

par byed pa'i phyir zer na ma khyab/ ma grub na/ der thal/ de
ltar 'joms par byed pa la lha'i dbang po'i rdo rje rin po che
dang chos mthun pa yin pa'i phyir/ 'dod mi nus so/ /kha cig na
re/ 'khor gyi dbus su nga ni chos thams cad la rnam pa thams
cad du mngon par rdzogs par sangs rgya-so//

zhes 'khor gyi dbus su dam bcas pa la chos mthun gyi rgol ba
med pa'i mi 'jigs pa'i ye shes mthar thug/ 'dir bstan mi 'jigs
pa'i mtshan nyid yin zer na/ sangs rgyas 'phags pa'i rgyud kyi
lus dran pa nyer gzhag chos can/ mtshon bya der thal/ mtshan
nyid de'i phyir/ der thal/

@34b rnam mkhyen yin pa'i phyir/ 'dod na/ thun mong ma yin
pa'i rnam mkhyen gyi rnam pa yin par thal/ 'dod pa de'i phyir/
'dod mi nus te/ thun mong ba'i rnam mkhyen gyi rnam pa yin
pa'i phyir/ kha cig na re/ rtogs pa phun tshogs dam bcas pa la
mi 'jigs pa'i rnam mkhyen gyi rnam pa yin na/ nga ni chos

thams cad la rnam pa thams cad du mngon par rdzogs par sangs
rgya-so/ /zhes 'khor gyi dbus su dam bcas pa la mi 'jigs pa'i
dam bca' yin pas khyab zer na/ rtogs pa phun tshogs dam bcas pa
la mi 'jigs pa'i rnam mkhyen gyi rnam pa chos can/ der thal/
de'i phyir/ 'dod na/ rjod byed kyi

tshig yin par thal/ 'dod pa de'i phyir/ 'dod mi nus te/ rnam
mkhyen yin pa'i phyir/ kha cig na re/ 'phags pa 'og ma pa dang
rtogs pa ma 'dres pa'i ye shes mthar thug/ 'dir bstan sangs
rgyas kyi chos ma 'dres pa'i mtshan nyid yin zer na/ sangs
rgyas 'phags pa'i rgyud kyi thun mong ma yin ba'i rnam thar

sgo gsum chos can/ mtshon bya der thal/ mtshan nyid de'i phyir/
der thal/ rnam mkhyen yin pa'i phyir/ 'dod na/ thun mong ma
yin pa'i rnam mkhyen gyi rnam pa yin bar thal/ 'dod pa de'i
phyir/ 'dod mi nus te/ byang chub sems dpa'i rgyud la yod pa
dang rje-su mthun pa'i rnam mkhyen gyi rnam pa yin pa'i

phyir; der thal/ byang chub sems dpa'i rgyud la thun mong ma
yin pa'i rnam thar sgo gsum mtshan nyid pa yod pa'i phyir/ kha 
cig na re/ 'chad bya 'chad byed gyi don la mkhyen pa chags thogs
mi mnga' bar 'jug pa'i so so yang dag rig pa yin na/ 'dir bstan
so so yang rig pa yin pas khyab zer na/

sangs rgyas 'phags pa'i rgyud kyi so so yang dag rig pa bzhi
chos can/ der thal/ de'i phyir/ der thal/ chos can de yin pa'i
phyir/ 'dod na/ thun mong ma yin pa'i rnam mkhyen gyi rnam pa
yin par thal/ 'dod pa'i phyir/ 'dod mi nus te/ byang chub sems
dpa'i rgyud la yod pa dang rjes su mthun pa'i

rnam mkhyen gyi rnam pa yin pa'i phyir te/ byang chub sems
dpa'i rgyud la so so yang dag rig pa bzhi mtshan nyid pa yod
pa'i phyir/ der thal/ mdo sde'i rgyan las/ byang chub sems
dpa'i yang dag rig /bzhi po mtshungs ba med pa yin/ /zhes
gsungs pa'i phyir/ kha cig/ de bzhin nyid la slar ming ldang

@35a @#/ /bar mnyam par gzhag pa'i ye shes mthar thug/ de bzhin
nyid kyi rnam mkhyen gyi rnam pa'i mtshan nyid/ gdul bya rigs
can gsum la chos 'khor rdzogs par bskor ba'i bdag rkyen byed
pa'i ye shes mthar thug/ rang byung gi rnam mkhyen gyi rnam
pa'i mtshan nyid/ ji snyed

ba'i chos thams cad chags thogs med par mngon sum du rtogs
ba'i ye shes mthar thug/ sangs rgyas nyid kyi rnam mkhyen gyi
rnam ba'i mtshan nyid yin zer na/ sangs rgyas 'phags pa'i rgyud
kyi chos dran pa nyer gzhag chos can/ mtshon bya gsum ka der
thal/ mtshan nyid gsum ka de'i phyir/

der thal/ rnam mkhyen yin pa'i phyir/ 'dod mi nus te/ thun
mong ba'i rnam mkhyen gyi rnam pa yin pa'i phyir/   rang gi lugs
la/ rtogs pa phun tshogs dang spangs pa phun tshogs dam bcas pa la
chos mthun gyi rgel ba med pas me 'jigs pas rab tu phye ba'i
thun mong ma yin pa'i rnam 

mkhyen gyi rnam pa/ 'dir bstan mi 'jigs pa'i mtshan nyid/ de la
rang don rtogs pa phun tshogs dang spangs pa phun tshogs dam
bcas pa la mi 'jigs pa'i thun mong ma yin pa'i rnam mkhyen gyi
rnam pa dang /nges 'byung gi lam dang bar chad kyi chos dam
bcas pa la mi 'jigs pa'i thun mong

ma yin pa'i rnam mkhyen gyi rnam pa dang bzhi yod/ 'chad bya
'chad byed kyi don gang yang rung ba la mkhyen pa chags thogs
mi mnga' bar 'jug pas rab tu phya ba'i thun mong ma yin pa'i
rnam mkhyen gyi rnam pa/ 'dir bstan so so yang dag rig pa'i
mtshan gnyis/ de la der gyur pa'i don so so

yang dag rig pa/ chos so so yang dag pa/ nges pa'i tshig gi so
so yang dag pa/ spobs pa so so yang dag pa'i rig pa dang bzhi
yod/ 'phags pa 'og ma pa dang rtogs rigs ma 'dres pa'i thun
mong ma yin pa'i rnam mkhyen gyi rnam pa/ 'dir bstan sangs
rgyas kyi chos ma 'dres pa'i

mtshan nyid/ de la rtogs pa ma 'dres pa drug/ spyod pa ma 'dres
ba drug/ 'phrin las ma 'dres ba gsum ye shes ma 'dres ba gsum
dang bco brgyad yod/ de bzhin nyid kyi rnam mkhyen gyi rnam pa
sogs gsum gyi mtshan gzhi rim pa bzhin/ de bzhin nyid la slar
mi ldang ba'i tshul

@35b gyis mnyam par gzhag pa'i thun mong ma yin pa'i rnam pa
dang po dang /gdul bya rigs can gsum la chos 'khor rdzogs par
bskor ba'i bdag rkyen byed pa'i thun mong ma yin pa'i rnam
mkhyen gyi rnam pa gnyis pa dang/ ji snyed pa'i chos thams cad
chags thags par mkhyan bthun ?

mong ma yin pa'i rnam mkhyen gyi rnam pa gsum pa'i mtshan gzhi
yin/ ! 'das pa dang ma 'ongs pa dang / da ltar byung ba la ma
chags ma thogs pa'i ye shes kyi rnam pa gsum ste/ zhes pa'i
skabs su dus gsum chags thogs med par mkhyen pa'i ye shes
mthar thug chos can/ sangs rgyas kyi chos

ma 'dres pa'i rnam mkhyen gyi rnam pa yin te/ 'phags pa 'og ma
ba dang rtogs rigs ma 'dres ba'i rnam mkhyen gyi rnam pa yin
pa'i phyir/ 'di'i skab su gsum las/ dang po la/ kha cig/ dngos
bo yin na/ rang grub dus skad cog gnyis pa'i dus su 'jig pas
khyab zer na/ myu gu chos can/ der

thal/ de'i phyir/ 'dod na/ de chos can/ rang grub dus skad cig
gnyis pa'i dus su yod par thal/ 'dod pa'i phyir/ 'dod mi nus
te/ skad cig ma yin pa'i phyir/ kha cig/ myu gu myu gu'i skad
cig gnyis pa'i dus su med zer na/ de yod par thal/ myu gu de
myu gu skad cig dang po dang / skad

cig gnyis pa la rje-su 'gro ldog byed pa'i phyir/ der thal/
myu gu skad cig dang po dang / skad cig gnyis pa gnyis myu
gu'i bye brag yin ba'i phyir/ ma grub na/ bye brag sgrub tshul
bzhin byed/ kha cig/ dngos po yin na/ khyod khyod kyi skad cig
dang po yin pas khyab zer na/ myu gu chos can/ der

thal; de'i phyir/ 'dod mi nus te/ myu gu de myu gu skad cig
gnyis pa dang / ngo bo gcig yin pa'i phyir te/ de skad cig
snga phyi gnyis ka myu gu'i chos yin pa'i phyir/ kha cig/
dngos po yin na/ khyod kyi skye gnas 'jig gsum dus mnyam pas
khyab zer na/ gzugs chos can/ der thal/ de'i phyir/  

'dod na/ gzugs skye ba'i dus yin na/ de 'jig pa dang gnas pa'i
dus yin dgos par thal/ lo/ /'dod na/ gzugs kyi dngos rgyu'i dus
chos can/ der thal/ de'i phyir/ gzugs gzugs kyi dngos rgyu'i dus
su skye ba yin pa'i phyir/ 'dod na/ gzugs kyi dngos rgyu'i dus su
gzugs yod par thal/ 

@36a @#/ /de'i dus su gzugs gnas pa'i phyir/ 'dod mi nus so/ /kha
cig/ skye bzhin pa'i dngos po med zer na/ de yod par thal/ skye
bzhin ba skye ba'i bya ba yod pa'i phyir/ der thal/ skye bzhin
pa skye ba'i bya ba byed pa yod pa'i phyir/ der thal/ rnam bshad
las/ skye bzhin pa skye ba'i bya ba

byed pa po'i myu gu chos can/ zhes gsungs pa'i phyir/ kha cig
/de myu gu lta bu la dgongs pa yin gyi/ spyir skye bzhin pa med
zer na/ skye bzhin pa chos can/ yod par thal/ khyod shes bya la
srid pa'i phyir te/ khyod myu gu la srid pa'i phyir/ 'khor gsum/
kha cig /rang nyid skyed byed kyi rgyu yod kyang rkyen ma

tshang ba'i dbang gis ma skyes pa ma 'ongs pa'i mtshan nyid/ rang
nyid skye myong zhig pa/ 'das pa'i mtshan nyid zer na/ dang po
la/ bum pa'i ma 'ongs pa chos can/ der thal/ de'i phyir/ 'dod
na/ rang nyid skyed byed kyi rgyu yod par thal lo/ /'dod mi nus
so/ /phyi ma la/ bum pa'i 'das pa 'phen no/ /kha cig

rang nyid dus gang du 'jog pa'i dngos po gang zhig /rang dus la
ltos nas bzhag dgos pa'i ltos sar gyur pa'i dngos po de'i dus
su ma sleb pa/ ma 'ongs pa'i mtshan nyid/ rang nyid dus gang du
'jog pa'i dngos po gang zhig /rang dus la ltos nas bzhag dgos
pa'i ltos nas bzhag dgos pa'i ltos sar gyur pa'i dngos

po de'i dus su thal zin pa/ 'das pa'i mtshan nyid/ skyes la ma
'gags pa gang zhig /rang nyid kyi spyi char ba la 'das ma 'ongs
gang rung gi spyi char ba la ltos mi dgos pa/ da ltar ba'i mtshan
nyid yin zer na/ bum pa'i 'das pa chos can/ mtshon bya der thal/
mtshan nyid de'i phyir/ der thal/

bum pa de bum pa'i 'das pa ma 'ongs par 'jog byed kyi dngos po
gang zhig /bum pa'i 'das pa bum pa'i dus su ma sleb pa'i phyir/
dang po der thal/ bum pa'i 'das pa bum pa'i du-su ma 'ongs par
'jog byed kyi dngos po cig yod pa'i phyir/ rtsa bar 'dod mi nus
te/ 'das pa yin pa'i

phyir/ gzhan yang/ bum pa'i ma 'ongs pa chos can/ mtshan bya
gnyis pa der thal/ mchan nyid gnyis pa de'i phyir/ der thal/ bum
pa de bum pa'i 'das pa ma 'ongs par 'jog byed kyi dngos po gang
zhig /bum pa'i ma 'ongs pa de bum pa'i dus su thal zin pa'i
phyir/ dang po der thal/ bum

@36b pa'i ma 'ongs pa 'das par 'jog byed kyi dngos po cig yod
pa'i phyir/ phyi ma der thal/ bum pa de bum pa'i dus su 'ongs
zin pa'i phyir/ gzhan yang/ ri bong rwa chos can/ mtshan nyid
phyi ma ma yin par thal/ da ltar ba ma yin pa'i phyir/ 'dod mi
nus te/ med nges yin pa'i phyir/ kha cig /bum pa'i das

ma 'ongs yod kyang/ spyir 'das ma 'ongs med zer na/ de yod par
thal/ 'das ma 'ongs kyi dus yod pa'i phyir te/ dus gsum ka yod
pa'i phyir te/ dus gsum du bsags pa'i dge rtsa rdzogs byang du
bsngo ba yod pa'i phyir dang/ dus gsum chags thogs med par
mkhyen pa'i sangs rgyas kyi chos

ma 'dres pa'i rnam mkhyen gyi rnam pa yod pa'i phyir/ /gnyis pa
rang lugs la/ dngos po yin na/ rang grub dus skad cig gnyis pa'i
dus su zhig pas khyab/ de'i dus su mi 'jig pas khyab ste/ de yin
na/ de'i dus su med pas khyab pa'i phyir/ dngos po yin na rang
dus su 'gags bzhin pa dang

'dig bzhin pa yin pas khyab/ rgyun bcas kyi dngos po yin na/
rang nyid skad cig snga phyi gnyis ka'i dus su yod pas khyab/
khyod kyi skye 'jig gnas gsum dus mnyam pas khyab/ myu gu skye
ba la mngon du phyogs pa dang sa bon 'gags pa la mngon du phyogs
pa dus mnyam/ myu gu rdzogs par skyes

zin pa dang sa bon rdzogs par 'gags zin pa dus mnyam/ myu gu'i
sa bon gyi dus su myu gu skye ba'i bya ba yod kyang/ bya ba byed
pa po'i myu gu med/ skye bzhin pa'i dngos po yod kyang/ kho kho
rang ma yin no/ /dngos po de skye ba'i rgyu yod cing/ re zhig
rkyen ma tshang ba'i dbang gis ma skyes pa'i cha/ dngos po

de'i ma 'ongs pa'i mchan nyid/ dngos po de'i skyes zin zhig pa'i
cha/ dngos po de'i 'das pa'i mtshan nyid/ skyes la ma 'gags pa'i
chos/ da ltar ba'i mtshan nyid/ myu gu lta bu la mtshon na/ 'das
ma 'ongs da ltar ba gsum gyi mtshan gzhi ni/ myu gu skye ba'i
rgyu yod cing/ re zhig rkyen ma tshang ba'i

dbang gis myu gu ma skyes pa'i cha/ dper na/ dgun dus kyi zhing
la myu gu ma skyes pa'i cha lta bu dang po'i mtshan gzhi/ myu gu
rang grub dus kyi skad cig gnyis pa'i dus su zhig pa'i cha/
gnyis pa'i mtshan gzhi/ myu gu myu gu'i da ltar ba'i mtshan gzhi
yin no/ /rtsod pa spong ba la/ kha cig /myu gu

@37a @#/ /chos can/ rang nyid rang nyid skad cig gnyis pa'i dus
su med par thal/ rang nyid rang nyid kyi skad cig gnyis pa'i dus
su med pa'i phyir/ zer na/ mkhyab/ 'dod mi nus te/ 'dus byas yin
pa'i phyir/ kha cig /myu gu chos can/ rang dus su sdod par thal/
rang dus su gnas

pa'i phyir/ 'dod na/ de chos can/ rang dus su mi sdod par thal/
rang dus su 'jig pa'i phyir zer na khyab na/ kha cig /myu gu
skye gnas 'jig gsum dus mnyam par thal/ myu gu myu gu'i dus su
skyes pa'i phyir/ der thal/ myu gu'i dus su myu gu skye ba yod
pa'i phyir zer na ma khyab/ der thal/ myu gu myu gu'i skye ba

yin pa'i phyir/ kha cig /myu gu myu gu'i dus su skyes par thal/
gzugs 'dzin mig shes gzugs 'dzin mig shes kyi dus su skyes pa'i
phyir/ der thal/ gzugs 'dzin mig shes rang gi bdag rkyen du gyur
pa'i mig dbang gzugs can pa grub dus kyi skad cig gnyis pa'i de
ma thag tu skyes

pa'i phyir/ der thal/ rnam 'grel las/ de phyir dbang po'i rnam
par shes/ /de ma thag rkyen las byung can/ / zhes gsungs pa'i
phyir zer na ma khyab/ kha cig /myu gu'i sa bon gyi du su myu gu
skye ba'i bya ba byed pa po yod par thal/ de'i du su myu gu skye
ba'i bya ba yod pa'i phyir/ khyab ste/ rang nyid bya ba yin

na; rang nyid byed pa po yod dgos pa'i phyir zer na/ ma khyab/
kha cig /skyes zin slar yang skye bar thal/ skyes zin pa gang
zhig /skye ba'i phyir zer na ma khyab/ 'dod mi nus te/ skyes zin
slar yang skye ba la dgos pa med pa'i phyir zer na/ 'o na/ myu
gu chos can/ rang gi sa bon las skyes zin slar yang skye

bar thal/ rang gi sa bon las skyes zin/ de skye ba'i phyir/ dang
po der thal/ myu gu yin pa'i phyir/ gnyis pa der thal/ rang gis
bon gyi bskyed bya yin pa'i phyir te/ rang gi sa bon gyi 'bras
bu yin pa'i phyir/ 'dod mi nus te/ rang gi sa bon las skyes zin
slar yang skye ba la dgos pa mad

pa'i phyir/ kha cig/ dngos por ma skyes pa'i dngos po yod par
thal/ bum par ma skyes pa'i dngos po yod pa'i phyir zer na ma
khyab/ khyab par thal/ bum pa'i dngos po skye ba la mngon du
phyogs pa yod na/ skye ba la mngon du phyogs pa yod dgos pa'i
phyir zer na yang ma khyab/ rtsa bar 'dod

@37b mi nus te/ dngos po yin na/ dngos por skye dgos pa'i phyir/
kha cig /bum pa'i ma 'ongs pa chos can/ bum pa'i dus las thal
zin par thal/ bum pa'i du su thal zin pa'i phyir zer na ma
khyab/ 'dod mi nus te/ bum pa'i dus las ma sleb pa'i phyir te/
chos can de yin pa'i phyir/ kha cig /bum pa'i

'das pa chos can/ bum pa'i dus las ma sleb pa yin par thal/ bum
pa'i du su ma sleb pa'i phyir zer na ma khyab/ 'dod mi nus te/
bum pa'i dus las thal zin pa'i phyir/ chos can de yin pa'i
phyir/! gzugs la sogs la mi gnas phyir/ /zhes sogs kyi skabs su/
'dir bstan sems

dpa'i sbyor ba chos can/ khyod la dbye na du ma yod de/ khyod la
dbye na rnam pa nyi shu yod pa'i phyir/ 'di'i skabs su mtha'
dpyad pa la gsum las/ dang po la kha cig /yul yul can bden med
du rtogs pa'i sems dpa'i ye shes/ bden 'dzin dngos su 'joms byed
kyi sems dpa'i sbyor ba khyad par

can gyi mtshan nyid yin zer na/ yul gzugs sogs dang yul can sems
dpa'i ye shes bden med du rtogs pa'i theg pa chen po'i tshogs lam
chos can/ mtshon bya der thal/ mtshan nyid de'i phyir/ der thal/
stong nyid rtogs pa'i theg pa chen po'i tshogs lam cig yod pa'i
phyir/ 'dod mi nus te/

theg chen so skye'i ye shes yin pa'i phyir/ kha cig/ stong nyid
rtogs pa'i zhi lhag zung 'brel gyis zin pa'i sems dpa'i ye shes/
skabs 'dir dngos su bstan pa'i sems dpa'i sbyor ba'i mtshan nyid
yin zer na/ steng nyid la skrag pa shas chen po'i sgo nas stong
nyid rtogs pa'i dman lam sngon

du ma song ba'i theg chen gyi tshogs lam chos can/ mtshan nyid der
thal/ mtshon bya de'i phyir/ der thal/ tshogs chen yun ring rtogs
pa'i phyir/ zhes pa'i skabs nas dngo su bstan pa'i sems dpa'i
sbyor ba yin pa'i phyir te/ chos can de yin pa'i phyir/ 'dod na/
stong nyid rtogs pa'i lhag

mthong thob pa'i sems dpa'i rnal 'byor yin par thal/ 'dod pa'i
phyir/ 'dod mi nus so/ /kha cig /zab pa'i gzhi shes sbyor ba yin
na/ gzhi shes sbyor ba yin pas khyab zer na/ gzhi'i gnas lugs
zab mo rtogs pa'i theg chen mthong lam chos can/ der thal/ de'i
phyir/ chos can de

@38a @#/ /yin pa'i phyir/ 'dod mi nus te/ stong nyid rtogs pa'i
sems dpa'i ye shes yin pa'i phyir/ kha cig /chegs chen yun ring
rtogs pa'i sbyor ba yin na/ stong nyid ma rtogs pas khyab zer
na/ stong nyid skrag par shas chen po'i sgo nas rtogs pa'i theg
chen gyi tshogs lam

chos can/ der thal/ de'i phyir/ der thal/ chos can de yin pa'i
phyir/ 'dod mi nus te/ stong nyid skrag ba shas chen po'i sgo
nas rtogs pa'i phyir/ kha cig /lung bstan pa'i sbyor ba yin na/
dngos lung bstan pa'i sbyor ba yin pas khyab/ phyir mi ldog pa'i
sbyor ba yin na/ phyir mi ldog gi

rtags thob pa'i sbyor ba yin pas khyab zer na/ dang po la/ dman
lam sngon du ma song ba'i theg chen sbyor lam drod kyi ye shes
chos can/ der thal/ de'i phyir/ theg chen gyi sbyor lam yin pa'i
phyir/ 'dod na/ de la gnas pa'i sems dpa' de dngos lung bstan pa
thob pa'i byang sems

yin par thal/ 'dod pa'i phyir/ 'dod na/ de chos can/ khyod dngos
lung bstan pa thob pa'i byang sems ma yin par thal/ so skye yin
pa'i phyir/ phyir ma la/ theg chen gyi sbyor lam rtse mo dbang
rtul ba'i rgyud kyi mkhyen pa chos can/ der thal/ de'i phyir/
chos can de yin pa'i phyir/ 'dod mi

nus te/ byang sems sbyor lam pa dbang rtul ba'i rgyud kyi mkhyen
pa yin pa'i phyir/ kha cig /rang yul la bden zhen bkag pa'i sems
dpa'i ye shes/ skabs 'dir dngo su bstan pa'i sems dpa'i sbyor
ba'i mtshan nyid yin zer na/ byang sems mthong lam pa'i rgyud kyi
dmigs med

kyi snying rje chos can/ mtshon bya der thal/ mtshan nyid de'i
phyir/ der thal/ rang yul bden med du snang ba'i sems dpa'i ye
shes yin pa'i phyir te/ rang yul sems can bden med du snang ba'i
ye shes yin pa'i phyir/ chos can de yin pa'i phyir/ 'dod na/
stong nyid rtogs pa'i mkhyen

pa yin par thal/ 'dod pa'i phyir/ 'dod mi nus te/ slob pa'i
rgyud kyi snying rje chen po yin pa'i phyir/ /gnyis pa rang lugs
la/ rang yul bden med du rtogs pa'i sems dpa'i ye shes/ skabs
'dir dngo su bstan pa'i sems dpa'i sbyor ba'i mtshan nyid/ de la
der gyur ba'i ngo bo'i

@38b sbyor ba lnga/ gnas skabs kyi sbyor ba bco lnga ste nyi shu
yod/ gsum pa rtsod pa spod pa la/ kha cig /gzugs med snyam du
gzugs bden med du rtogs pa'i theg chen gyi tshogs lam cig yod par
thal/ skabs 'dir dngos su bstan pa'i tshogs chen yun ring rtogs
pa'i sbyor bas stong nyid rtogs pa'i

phyir zer na/ ma khyab/ 'dod na/ mi 'thad par thal/ de 'dra'i
theg chen gyi tshogs lam med pa'i phyir/ kha cig /zab pa'i gzhi
shes sbyor ba yin na/ gzhi shes sbyor ba yin dgos par thal/
gting dpag dka' ba'i lam shes sbyor ba yin na/ lam shes sbyor ba
yin pas khyab/ tshang med pa'i rnam

mkhyen sbyor ba yin na/ rnam mkhyen sbyor ba yin dgos pa'i phyir
zer na/ ma khyab/ 'o na/ sems dpa'i ye shes yin na/ gzhi shes
sbyor ba yin dgos par thal/ sems dpa'i ye shes yin na/ lam shes
sbyor ba dang rnam mkhyen sbyor ba gnyis ka yin dgos pa'i phyir/
khyab pa mtshungs/ 'dod

na sla-'o/ /kha cig /skabs 'dir dngos su bstan pa'i sbyor ba yin
na/ bden 'dzin dngos su 'joms byed kyi sbyor ba khyad par can
yin dgos par thal/ rnam bshad snying po rgyan las/ bden 'dzin
'joms byed kyi sbyor ba khyad par can ngos bzung gzhes gsungs
pa'i phyir/ 'o na/ bden 'dzin 'joms

byed kyi ye shes yin na/ bden 'dzin dngo su 'joms byed yin dgos
par thal/ khyod kyi de la khyab 'brel cig yod pa'i phyir/ 'dod
na/ byang sems tshogs lam pa'i rgyud kyi theg chen sems bskyed
chos can/ der thal/ de'i phyir/ der thal/ chos can de yin pa'i
phyir/ 'dod mi nus te/ slob pa'i

rkyud kyi theg chen sems bskyed yin pa'i phyir ro//! bdud kyi
mthu bcom la sogs pa/ /yon tan rnam pa bcu bzhi'o/ /zhes pa'i
skab su/ sems dpa'i sbyor ba'i yon tan chos can/ khyod la dbye
na du ma yod de/ rnam pa bcu bzhi yod pa'i phyir/ 'di'i skabs su
mtha' dpyad pa la gsum las/

dang po la/ sbyor ba bsgom stobs kyis thob pa'i phan yon/ sems
dpa'i sbyor ba'i yon tan gyi mtshan nyid yin zer na/ nyan thos
kyi sbyor ba bsgom stobs kyis thob pa'i phan yon chos can/ mtshon
bya der thal/ mtshan nyid de'i phyir/ der thal/ chos can de yin
pa'i phyir/ 'dod mi nus so//

@39a @#/ /kha cig/ sems dpa'i sbyor ba'i yon tan yin na/ gnas
kabs kyi yon tan yin pas khyab zer na/ byang chub sems dpas sems
dpa'i sbyor ba bsgom pa la brten nas ma 'ongs pa na bdud bzhi
bcom pa'i yon tan chos can/ der thal/ de'i phyir/ der thal/ de
yod

pa'i phyir te/ sems dpa'i sbyor ba bsgom pa'i byang chub sems
dpa' sems dpa'i sbyor ba bsgom pa da ltar sangs rgyas dang byang
chub sems dpas sems dpa'i dgongs pa'i sangs rgyas 'phags pa'i
rgyud kyi yon tan yod pa'i phyir/ 'dod mi nus te/ chos can de
yin pa'i phyir/ kha cig /sems dpa'i

sbyor ba'i yon tan yin na/ byang chub sems dpa'i rgyud kyi yon
tan yin pas khyab zer na/ sems dpa'i sbyor ba bsgom pa'i byang
chub sems dpas sems dpa'i sbyor ba bsgom pa da ltar sangs rgyas
dang byang chub sems dpa' dgongs pa'i sangs rgyas 'phags pa'i
rgyud kyi yon tan chos

can/ der thal/ de'i phyir/ chos can de yin pa'i phyir te/ de
ltar bsgom pas ma 'ongs pa na bdud bcom pa'i yon tan du 'gyur
dbar gsungs pa'i phyir/ 'dod mi nus te/ chos can de yin pa'i
phyir/ kha cig/ sems dpa'i sbyor ba'i yon tan yin na/ byang chub
sems dpa'i rgyud kyis ma bsdus

pas khyab zer na/ sems dpa'i sbyor ba bsgom pas byang chub sems
dpa'i sbyor ba bsgom pa da ltar sangs rgyas dang byang chub sems
dpas dgong pa'i byang chub sems pa'i gyud kyi yon tan chos can/
der thal/ de'i phyir/ rtags gsal chos can gyis sgrub/ /gnyis pa
rang gi

lugs la/ sems dpa'i sbyor ba bsgom stobs gyis thob pa'i phan
yon/ smes sbyor ba'i yon tan gyi mtshan nyid/ de la rnam pa bcu
bzhi yod/ kha cig /sems dpa'i sbyor ba bsgom pa la brten na ma
'ongs pa na bdud bzhi bcom pa'i yon tan chos can/ gnas skabs kyi
yon

tan yin par thal/ sems dpa'i sbyor ba'i yon tan yin pa'i phyir/
khyab ste/ sems dpa'i sbyor ba gnas skabs kyi yon tan yin pa'i
phyir/ zer na/ ma khyab/ 'dod mi nus so// ! skyon ni bcu tshan
bzhir bcas pa/ /drug tu nges par rtogs par bya/ /zhes pa'i
skab-su/ sems dpa'i sbyor/

@39b pa'i skyon chos can/ khyod la dbye na du ma yod de/ khyod
la bzhi bcu zhe drug yod pa'i phyir/ 'di'i skab su/ kha cig/
sbyor ba skye ba dang gnas pa gang rung la gegs byed/ sems dpa'i
sbyor gba'i skyon gyi mtshan nyid yin zer na/ nyan thos kyi sbyor
ba skye ba dang gnas pa gang rung la gegs byed chos

can/ mtshon bya der thal/ mtshan nyid de'i phyir/ der thal/ chos
can de yin pa'i phyir/ 'dod mi nus te/ nyan thos kyi sbyor ba'i
skyon yin pa'i phyir/ kha cig /rgyal ba'i gsung rab kyi tshig
thos ma thag tu zin pa dang don bsam ma thag tu go ba de spobs
pa ha cang myur ba'i skyon yin zer na/ de

mi 'thad bar thal/ rgyal ba'i gsung rab la 'jug pa'i shes rab
myur ba'i yon tan yin pa'i phyir te/ rgyal ba'i gsung rab la
'jug pa'i shes rab la myur ba zab pa rgya che ba sogs gsungs
pa'i phyir/ /rang lugs la/ sems dpa'i sbyor ba skye ba dang gnas
pa gang rung la gegs byed

sems dpa'i sbyor ba'i skyon gyi mtshan nyid/ de la der gyur pa'i
sbyor ba'i 'gal rkyen rang la brten pa nyi shu/ rang gzhan gang
rung la brten pa mthun rkyen mtshang ba nyer gsum/ gzhan la brten
pa gsum dang bcas pa'i zhe drug yod/ ! gang gis mtshon de mtshan
nyid du/ /zhes sogs kyi

skab su/ stong nyid mngon sum du rtogs pa'i shes rab kyis zin
pa'i sems dpa'i ye shes chos can/ skabs 'dir dngos su bstan pa'i
sems dpa'i lam sher phyin gyi mtshan nyid yin te/ de'i 'jog byed
yin pa'i phyir/ 'di'i skab su gsum las/ dang po la/ kha cig
/skabs 'dir

bstan pa'i mtshan nyid chos can/ khyod la dbye na du ma yod de/
khyod la shes mtshan/ khyad mtshan/ khyed mtshan/ ngo bo nyid mtshan
dang bzhi yod pa'i phyir zer na/ sems dpa'i mkhyen gsum sbyor
ba'i mtshan nyid mtshan nyid yin par thal/ de skabs 'dir bstan
pa'i sems dpa'i sbyor ba'i

mtshan nyid yin pa'i phyir te/ de de'i mtshan nyid kyis gyal yin
pa'i phyir te/ khyod kyi sbyor ba gzhung de'i don sbyor rnam dag
yin pa'i phyir/ 'dod na/ sems dpa'i mkhyen gsum sbyor ba chos
can/ khyod kyi mtshan nyid mtshan nyid ma yin par thal/ gang zag
gi bdag med yin pa'i phyir/ gzhan

@40a @#/ /yang; nyon mongs rtags sogs kyis dben pa'i sems dpa'i
ngo bo nyid kyi rnal 'byor bcu drug po sems dpa'i sbyor ba'i
mtshan nyid yin par thal/ de de'i mtshan nyid kyi dbye ba'i ya
gyal yin pa'i phyir te/ sbyor ba 'thad pa'i phyir/ 'dod mi nus
so/ /kha cig /thabs shes

khyad par can gnyis kyis zin pa'i sems dpa'i ye shes/ lam sher
phyin gyi mtshan nyid yin zer pa dang/ sems dpa'i ye shes la lam
sher phyin gyis khyab zer na/ bden 'dzin gyis bcings pa'i theg
pa chen po'i tshogs lam chos can/ lam sher phyin yin par thal/
sems dpa'i ye

shes yin pa'i phyir te/ de yod pa'i phyir te/ stong nyid ston
pa'i snod du mi rung ba'i gdul bya theg chen gyi rigs can yod
pa'i phyir/ de 'dra'i sems tsam pa'i rigs can yod pa'i phyir/
'dod na/ de chos can/ thabs shes khyad par can gnyis kyis zin
par thal/ lam sher phyin yin pa'i

phyir te/ sems dpa'i ye shes yin pa'i phyir/ 'khor gsum/ kha
cig/ sbyor ba nyi shu ston byed kyi gzhung gis sbyor ba nyi shu
sems dpa'i sbyor ba'i mtshan gzhir bstan pa dang/ khyad mtshan
byed mtshan gnyis sdoms pas mtshan nyid bstan pa dang/ shes mtshan
bcu drug phrag gsum ston

byed kyi gzhung gis mtshan gzhi'i steng du mtshan nyid nges byed
kyi mtshon pa yi shes bstan pa dang/ mtshon tshul yang chos sku'i
thun mong ma yin pa'i rgyu'i sbyor bar mtshon pa yin zer na/ de
mi 'thad par thal/ nyon mongs rtags dang mtshan ma dang/ zhes
pas sbyor ba nyi shu sems dpa'i

sbyor pa'i mtshan gzhir bstan pa gang zhig /sbyor ba nyi shu ston
byed kyi gzhung gis sbyor ba nyi shu/ chos sku'i thun mong ma
yin pa'i rgyu'i sbyor ba'i mtshan gzhir ma bstan pa'i phyir/
sbyor ba nyi shu tshad mas nges na/ sbyor ba nyi shu chos sku'i
thun mong ma yin pa'i rgyu'i sbyor bar tshad mas nges

dgos pa'i phyir te/ sbyor ba nyi shu tshang mas nges na/ byang
chub la nye ba'i sbyor ba dang/ myur du sangs rgya ba'i sbyor ba
gnyis tshad mas nges dgos pa'i phyir/ kha cig /mtshon tshul ni/
dpa'i sbyor ba nyi shu mtshan gzhi/ rang 'bras chos sku'i thun
mong ma yin pa'i rgyu'i sbyor ba yin par

@40b mtshon/ don gnyis phun tshogs 'grub byed kyi sems dpa'i sbyor
ba yin pa zhes pa/ spyi'i mtshon tshul yin zhing/ gzhung gi mtshon
chul ni/ gzugs la sogs la mi gnas phyir/ /zhes pas sems dpa'i
sbyor ba nyi shu bstan/ nyon mongs rtag dang mtshan ma dang/ zhes
bas mtshon bya sems dpa'i

sbyor ba de bstan/ khyad mtshan byed mtshan gnyis sdems bas mchan
nyid de bstan/ shes mchan bcu drug phrag gsum ston byed kyi
gzhung gis/ mtshan nyid dang/ mtshon bya dang/ mtshan gzhi/ mtshan
mtshon gyi 'brel pa nges byed kyi mtshon pa ye shes bstan pa yin
no zer na/ 'o na/ nyon mongs rtags

dang mtshan ma dang/ zhes pa'i gzhung gis/ mtshon bya sems dpa'i
sbyor ba kho na bstan cing /mtshan gzhi ma bstan pa yin par thal/
khyod kyi dam bca' 'thad pa'i phyir/ 'dod na/ des mtshan gzhi
bstan par thal/ des mtshon bya sems dpa'i sbyor ba dang mtshan
gzhi gnyis ka bstan pa'i phyir/ der thal/

'grel pa las/ de ltar na ngo bo nyid bcu drug gis ji lta ba
bzhin du thams cad mkhyen pa nyid gsum gyi sbyor ba dag mtshan
nyid dang ldan pa bzhin du mtshon pas de ltar na bzhi po ngo bo
nyid kyi mtshan nyid du bzhed do/ /zhes gsungs pa'i phyir/ gzhan
yang/ de bzhin gshegs pa 'byung ba dang//

zhes sogs kyi gzhung tshan gsum gyis sems dpa'i mkhyen gsum sbyor
ba'i mtshan nyid ma bstan par thal/ khyod kyi dam bca' 'thad pa'i
phyir/ 'dod na/ bstan par thal/ de bzhin gshegs pa 'byung ba
dang/ zhes pas/ sems dpa'i gzhi shes sbyor ba'i mtshan nyid
bstan pa'i phyir te/ 'grel pa

las! shes pa'i rnam pa'i bye brag bcu drug gis tshul bzhin du/
thams cad shes pa nyid kyi sbyor ba rnams ji lta ba bzhin mtshon
pas na/ shes pa'i mtshan nyid thams cad shes pa nyid kyis bsdus
pa yi no/ /zhes gsungs pa'i phyir/ kha cig /sems dpa'i mkhyen
gsum sbyor ba mtshan

gzhi rang 'bras sangs rgyas skyed byed yin par mtshon/ rang 'bras
mkhyen gsum gyi rtogs pa skyed byed kyi sems dpa'i sbyor ba yin
pa zhes pa ste/ spyi'i mtshon tshul yin zer na/ mi 'thad par thal/
mkhyen gsum sbyor ba tshad mas nges pa'i gang zag yin na/ de rang
'bras sangs rgyas skyed byed

@41a @#/ /du tshad mas nges pa'i gang zag yin dgos pa'i phyir/ der
thal/ rnam mkhyen sbyor ba tshad mas nges pa'i gang zag yin na/
de rang 'bras sangs rgyas skyed byed du tshad mas nges pa'i gang
zag yin dgos pa'i phyir/ der thal/ de yin na/ de rang 'bras rnam
mkhyen skyed byed

du tshad mas nges dgos pa'i phyir/ gzhan yang / de mi 'thad par
thal/ rang 'bras mkhyen gsum gyi rtogs pa bskyed par byed pa'i
sbyor ba/ rang 'bras sangs rgyas skyed byed du mtshon pa la dgos
pa lhag po gcig med pa'i phyir/ kha cig/ nyon mongs rtags sogs
kyis dben pa'i sems

dpa'i ngo bo nyid kyi rnal 'byor bcu drug po mtshan gzhi/ lam
sher phyin gyi rnal 'byor yin par mtshon/ rang gi thob byar gyur
pa'i 'bras bu sher phyin thob byed kyi thab su gyur pa'i zhi
lhag zung 'brel gyi sems dpa'i sbyor pa yin pa zhes pa de/
sbyi'i mtshon tshul yin zer na/ 'o na/ byang

chub sems dpa' yin na/ zhi lhag zung 'brel thob pas khyab par
thal/ khyod kyi dam bca' 'thad pa'i phyir/ 'dod mi nus te/ ngan
song gi rten la theg chen sems bskyed gsar du skye ba yod pa
gang zhig/ de'i rten la zhi lhag gsar du skye ba med pa'i phyir/
ngan song ba rnams mi khom pa

yin pa'i phyir/ gnyis pa rang gi lugs la/ nyon mongs rtags sogs
kyis dben pa'i ngo bo nyid kyi rnal 'byor bcu drug mtshan gzhi/
lam sher phyin gyi rnal 'byor yin par mtshon/ thabs shes khyad
par can gnyis kyis zin pa'i sems dpa'i ye shes yin pa zhes pa'i
chul gyis

mtshon/ lam sher phyin gyi rnal 'byor la dbye na/ shes mtshan/
khyad mtshan/ byed mtshan/ ngo bo nyid mtshan dang bzhi yod/ /rtsod
pa spong ba la/ kha cig na re/ shes mtshan yin na/ lam sher phyin
gyi rnal 'byor yin dgos par thal/ khyod kyi dam bca' 'thad pa'i
phyir/ 'dod na/ nyan thos

kyi chos mngon rtogs chos can/ der thal/ de'i phyir te/ de nyan
thos kyi tshogs lam gyi mtshan nyid yin pa'i phyir zer na ma
khyab/ 'dod mi nus so/ /kha cig/ byang chub sems dpa'i rgyud kyi
shes mtshan yin na/ lam sher phyin gyi rnal 'byor yin dgos par
thal/ khyod kyi dbye ba 'thad pa'i

@41b phyir; 'dod na/ bden 'dzin gyi bcings pa'i sems dpa'i chos
mngon rtogs chos can/ der thal/ de'i phyir te/ de bden 'dzin
gyis bcings pa'i theg chen gyi tshogs lam gyi mtshan nyid yin pa'i
phyir zer na/ ma khyab/ 'dod mi nus te/ chos can de yin pa'i
phyir/ ! de bzhin gshegs pa 'byung ba dang

zhes sogs kyi skabs su/ sems dpa'i gzhi shes sbyor ba chos can/
khyod la dbye na du ma yod de/ khyod la rnam pa bcu drug yod
pa'i phyir/ 'di'i skab su gsum las/ dang po la kha cig/ de bzhin
gshegs pa 'byung ba sogs yul bcu drug po gang rung gi rnam pa
can gyi sams dpa'i ye shes/

sems dpa'i gzhi shes sbyor ba'i mtshan nyid zer na/ gang zag gi
bdag med mngon sum du rtogs pa'i theg chan gyi mthong lam chos
can/ mtshan nyid der thal/ mtshon bya de'i phyir/ der thal/ theg
dman gyi rtogs rigs su gnas pa'i sems dpa'i ye shes yin pa'i
phyir/ der thal/ chos can

de yin pa'i phyir/ 'dod mi nus te/ chos can de yin pa'i phyir/
kha cig/ de 'dra ba de skabs 'dir dngos su bstan pa'i sems dpa'i
sbyor ba'i mtshan nyid zer na/ 'jig rten don dam par 'jig pa med
par mngon sum du rtogs pa'i theg chen gyi mthong lam chos can/
mtshon bya der thal/ mtshan nyid

de'i phyir/ der thal/ 'jig rten 'jig med bdag nyid dang / /zhas
pa'i skabs nas dngos su bstan pa'i sems dpa'i sbyor ba yin pa'i
phyir/ 'dod mi nus te/ chos can de yin pa'i phyir/ kha cig na
re/ de bzhin gshegs pa 'byung ba sogs yul bcu drug po gang rung
la dmigs pa'i ye

shes/ skabs 'dir dngos su bstan pa'i sems dpa'i gzhi shes sbyor
ba'i mtshan nyid yin zer na/ rgyun mtha' bar chad med lam chos
can/ mtshon bya der thal/ mtshan nyid de'i phyir te/ de bzhin
gshegs pa 'byung ba sogs yul bcu drug po gang rung la dmigs nas
rnam pa bden

stong spros bral du mngon sum du rtogs pa'i phyir te/ chos can
de yin pa'i phyir/ 'dod na/ sems dpa'i gzhi shes sbyor ba yin
par thal/ 'dod pa'i phyir/ 'dod mi nus te/ theg chen gyi bar
chad med lam yin pa'i phyir/ kha cig/ de bzhin gshegs pa 'byung
ba sogs yul bcu drug po gang rung

@42a @#/ /gi rnam pa can gyi sems dpa'i ye shes yin na/ theg dman
gyi rtogs rigs su gnas pas khyab zer na/ sems dpa'i lam shes
sbyor ba la brten nas 'bras bu de bzhin gshegs pa 'byung bar
rtogs pa'i sems dpa'i ye shes chos can/ der thal/ de'i phyir te/
sems dpa'i

lam shes sbyor ba la brten nas 'bras bu de bzhin gshegs pa
'byung ba'i rnam pa can yin pa'i phyir te/ chos can de yin pa'i
phyir/ 'dod mi nus te/ chos can de dang gcig yin pa'i phyir/ kha
cig na re/ theg dman gyi rtogs rigs su gnas pa'i sems dpa'i ye
shes/ skabs 'dir dngos su bstan

pa'i sems dpa'i gzhi shes sbyor ba'i mtshan nyid yin zer na/
gzugs phyi rol don gyis stong ba mngon sum du rtogs pa'i theg
chen mthong lam chos can/ mtshon bya der thal/ mtshan nyid de'i
phyir/ der thal/ rang rgyal gyi rtogs rigs su gnas pa'i sems
dpa'i ye shes yin pa'i phyir/  

'dod mi nus te/ chos can de yin pa'i phyir/ kha cig na re/ gzhi
shes pa'i sher phyin la brten nas de bzhin gshegs pa 'byung ba
sogs yul bcu drug po gang rung rtogs pa'i shes rab kyis zin pa'i
sgo nas nyan thos kyi rtegs rigs su gnas pa'i sems dpa'i ye
shes/ skabs

'dir dngos ? bstan bstan bya'i gtso bor gyur pa'i gzhi shes sbyor
ba'i mtshan nyid yin zer na/ gzhi shes pa'i sher phyin la brten
nas de bzhin gshegs pa 'byung ba sogs yul bcu drug po gang rung
rtogs pa'i shes rab kyis zin pa'i dgra bcom pa'i rtogs pa sngon
du song ba'i

gang zag gi bdag med mngon sum du rtogs pa'i theg pa chen po'i
mthong lam chos can/ mtshon bya der thal/ mtshan nyid de'i phyir/
rtags gsal chos can gyis sgrub / gnyis pa rang lugs la/ nyon
mengs rtags sogs kyis dben pa'i sems dpa'i ngo bo nyid kyi rnal
'byor

dang po bzhi po mtshan gzhi/ skabs 'dir dngos su bstan pa'i gzhi
shes sbyor ba yin par mtshon/ gzhi shes pa'i sher phyin la brten
nas de bzhin gshegs pa 'byung ba sogs yul bcu drug po gang yang
rung ba rtogs pa'i shes rab kyis zin pa'i sgo nas nyan thos kyi
rtogs

@42b rigs su gnas pa'i sems dpa'i ye shes yin pa zhes pas mtshon/
skabs 'dir dngos su bstan pa'i sems dpa'i gzhi shes sbyor ba
chos can/ khyod la dbye na rnam pa bcu drug yod de/ zin byed kyi
sgo nas dbye na bcu drug yod pa'i phyir/ gsum pa rtsod pa spong
ba la/ byang sems mthong lam

pa'i rgyud kyi thar ba don gnyer gyi bsam pa chos can/ skabs
'dir dngos su bstan pa'i sems dpa'i gzhi shes sbyor ba yin par
thal/ gzhi shes pa'i sher phyin la brten nas de bzhin gshegs pa
'byung ba sogs yul bcu drug po gang yang rung ba rtags pa'i shes
rab kyis zin pa'i

sgo nas nyan thos kyi rtogs rigs su gnas pa'i sems dpa'i ye shes
yin pa'i phyir/ zur dang po ma grub na/ de 'dra ba'i shes rab
kyi zin par thal/ theg chen gyi mthong lam yin pa'i phyir/ gnyis
pa ma grub na/ de nyan thos kyi rtogs rigs su gnas par thal/
nyan thos rnams kyi thar pa thob

bya'i gtso bor byas nas don du gnyer ba'i phyir/ 'dod na/ lta
spyod gnyis su phye ba'i lta ba'i char gtogs bar thal/ 'dod pa'i
phyir zer na/ ma khab/ 'dod mi nus te/ de gnyis su phye ba'i
spyod pa'i char gtogs pa'i phyir/ ! g.yo ba la sogs zhes bya dang/
zhes pa'i skabs su lung ma bstan gyi

lta ngan bcu bzhi'i zhen yul med par mngon sum du rtogs pa'i
sems dpa'i ye shes chos can/ 'dir bstan sems dpa' gzhi shes
sbyor ba yin te/ theg dman gyi rtogs rigs su gnas pa'i sems
dpa'i ye shes yin pa'i phyir/ 'di'i skabs su gsum las/ dang po
la/ kha cig/ bdag  

dang 'jig rten rtag par lta ba/ mi rtag par lta ba/ rtag mi rtag
gnyis kar lta ba/ gnyis ka ma yin par lta ba rnams/ /sngon gyi
mtha' la brten pa'i lung ma bstan gyi lta ngan dang / bdag dang
'jig rten mtha' dang ldan par lta ba/ mtha' dang mi ldan par lta
ba/ mtha' dang ldan mi ldan gnyis

kar lta ba/ gnyis ka ma yin par lta ba rnams/ phyi ma'i mtha' la
brten pa'i lung ma bstan gyi lta ngan dang / de bzhin gshegs pa
grongs phan chad 'byung bar lta ba dang / mi 'byung bar lta ba
dang / 'byung mi 'byung gnyis kar lta ba/ gnyis ka ma yin par
lta ba rnams/ myang 'das kyi mtha' la

@43a @#/ /brten pa'i lung ma bstan gyi lta ngan dang / lus srog
rdzas gcig tu lta ba dang / rdzas tha dad du lta ba rnams/ lus
srog la brten pa'i lung ma bstan gyi lta ngan yin zer na/ bdag
dang 'jig rten chos can/ rtag mi rtag gang rung yin par thal/
gzhi grub pa'i phyir/ 'dod na/ rtags pa

yin par thal/ de gang rung gang zhig/ mi rtag pa ma yin pa'i
phyir/ phyi ma ma grub na/ bdag dang 'jig rten mi rtag par lta
ba'i lta ba de lung ma bstan gyi lta ngan ma yin par thal/ de
'dzin stangs don mthun gyi lta ba yin pa'i phyir te/ bdag dang
'jig rten mi rtag pa yin pa'i phyir/ rtsa bar 'dod na/ bdag dang

'jig rten rtag par lta ba'i lta ba de lung ma bstan gyi lta ngan
ma yin par thal/ de 'dzin stangs don mthun gyi lta ba yin pa'i
phyir te/ bdag dang 'jig rten rtag pa yin pa'i phyir te/ bdag
dang 'jig rten rtag mi rtag gnyis ka ma yin par lta ba' de lung
ma bstan gyi lta ngan ma yin par thal/ de

'dzin stangs don mthun gyi lta ba yin pa'i phyir te/ bdag dang
'jig rten rtag mi rtag gnyis ka ma yin pa'i phyir/ gzhan yang /
bdag dang phung po rtag par lta ba'i lta ba de lung ma bstan gyi
lta ngan yin par thal/ bdag dang 'jig rten rtag par lta ba'i lta
ba de lung ma bstan gyi lta ngan yin pa'i phyir/ 'dod na/ de yin
na

lung ma bstan gyi lta ngan yin dgos par thal/ 'dod pa'i phyir/
'dod na/ bdag dang phung po rtag par lta ba'i lta ba lhan skyes
chos can/ der thal/ de'i phyir/ 'dod na/ rtag lta kun btags yin
par thal/ 'dod pa'i phyir/ 'dod mi nus te/ lta ba lhan skyes yin
pa'i phyir te/ chos can de yin pa'i phyir/ gzhan yang /

bdag dang phung po rtag par lta ba'i rtag lta lhan skyes chos
can/ khyod kyis kun nas bslangs pa'i bdag dang 'jig rten rtag
gam mi rtag ces pa'i dri ba yin na/ khyod kyi lan ston pas rtag
mi rtag gang rung du lung ston mi rigs pas khyab par thal/ khyod
lung ma bstan gyi lta ngan bcu bzhi'i nang tshan du gyur pa'i
bdag

dang 'jig rten rtag par lta ba'i lta ba yin pa'i phyir/ 'dod na/
bdag dang 'jig rten mi rtag par sgrub pa skabs su bab pa'i phyir
rgol yang dag gis bdag dang 'jig rten rtag gam mi rtag ces dris
pa'i dri ba chos can/ khyod kyi lan ston pas rtag mi rtag gang
rung du lung ston mi rigs par thal/ khyod

@43b bdag dang 'jig rten rtag par lta ba'i rtag lta lhan skyas
kyi kun nas bslangs pa'i bdag dang 'jig rten rtag gam mi rtag
ces dris pa'i dri ba de yin pa'i phyir/ chos can de yin pa'i
phyir/ 'dod mi nus te/ de'i lan ston pas bdag dang 'jig rten mi
rtag par lung ston rigs pa'i phyir/ der

thal/ de 'dra'i phyir rgol yang dag la bdag dang 'jig rten mi
rtag par ston rigs pa'i phyir te/ de ltar sgrub rigs pa'i phyir/
gzhan yang / phyir rol pa'i rgyud kyi bdag dang 'jig rten rtag
mi rtag gnyis kar lta ba'i lta ba chos can/ bdag dang 'jig rten
mi rtag par lta ba'i lta pa yin

par thal/ de gnyis kar lta ba'i lta ba yin pa'i phyir/ 'dod mi
nus te/ de rtag par lta ba'i lta ba yin pa'i phyir/ gzhan yang/
de bzhin gshegs pa grongs phan chad mi 'byung bar lta ba'i lta
ba de lung ma bstan gyi lta ngan ma yin par thal/ de 'dzin
stangs don mthun gyi lta ba yin pa'i

phyir/ der thal/ de bzhin gshegs pa grongs phan chad mi 'byung
ba'i phyir/ ma grub na/ de bzhin gsheg pa grongs pa yod par
thal/ ma grub pa de'i phyir/ 'dod mi nus te/ de bzhin gshegs pa
'chi bdag gi bdud bcom pa'i gang zag yin pa'i phyir/ gzhan yang
/ lus srog

gnyis chos can/ rdzas gcig dang rdzas tha dad gang rung yin par
thal/ dngos po yin pa'i phyir/ 'dod na/ rdzas gcig yin par thal/
de gang rung yin/ phyi ma ma yin pa'i phyir/ gnyis pa ma grub
na/ lus srog gnyis rdzas tha dad du lta ba'i lta ba chos can/
lung ma bstan gyi lta

ngan ma yin par thal/ 'dzin stangs don mthun gyi lta ba yin pa'i
phyir/ der thal/ lus srog gnyis rdzas tha dad yin pa'i phyir/
rtsa bar 'dod na/ rigs 'gre'o/ kha cig/ lus srog gnyis kyang
rdzas tha dad/ lus sems gnyis kyang rdzas tha dad yin zer na/
lus sems gnyis rdzas tha

dad ma yin par thal/ de gnyis bdag nyis gcig yin pa'i phyir/ der
thal/ lus sems kyi bdag nyid yin pa'i phyir te/ lus phyi rol don
du ma grub pa'i phyir/ kha cig na re/ bdag dang 'jig rten rtag
bar bden bar lta ba dang / mi rtag par bden par lta ba/ rtag mi
rtag gnyis kar

@44a @#/ /bden par lta ba/ gnyis ka ma yin par bden par lta ba
rnams/ sngon gyi mtha' la brten pa'i lung ma bstan gyi lta ngan
dang / bdag dang 'jig rten mtha' dang ldan pa bden par lta ba
sogs phyi ma'i mtha' la brten pa'i lung ma bstan gyi lta ngan
dang / de bzhin gshegs pa grongs

phan chad 'byung bar bden par lta ba sogs/ myang 'das kyi mtha'
la brten pa'i lung ma bstan gyi lta ngan dang / lus srog rdzas
gcig tu bden par lta ba sogs/ lus srog ? la brten pa'i lung ma
bstan gyi lta ngan yin zer na/ bdag dang 'jig rten mi rtag par
bden par lta ba chos can/ khyod

kyi zhen yul gyis stong pa mngon sum du rtogs pa'i sems dpa'i ye
shes/ sems dpa'i gzhi shes sbyor ba yin par thal/ khyod lung ma
bstan gyi lta ngan bcu bzhi po gang rung yin pa'i phyir/ 'dod mi
nus te/ de theg dman gyi rtogs rigs su mi gnas pa'i phyir/ der
thal/ bdag dang 'jig

rten mi rtag par bden med du mngon sum du rtogs pa'i sems dpa'i
ye shes/ theg dman gyi rtogs rigs su mi gnas pa'i phyir/ de
stong nyid rtogs pa'i slob lam yin pa'i phyir/ gzhan yang/ bdag
dang 'jig rten mi rtag par bden par lta ba'i lta ba chos can/
khyod gang zag gi bdag

'dzin kun btags yin par thal/ khyod lung ma bstan gyi lta ngan
bcu bzhi po gang rung yin pa'i phyir/ 'dod mi nus te/ bden 'dzin
yin pa'i phyir/ kha cig/ lung ma bstan gyi lta ngan yin na/ lung
ma bstan yin pas ma khyab zer na/ 'o na/ lung ma bstan gyi lta
ngan dang mi dge ba'i gzhi

mthun yod par thal/ dam bca' 'thad pa gang zhig /de dang dge
ba'i gzhi mthun med pa'i phyir/ 'dod na/ gang zag gi bdag dang
'jig rten mtha' dang ldan pa skye ba phyi mar mi 'jug par lta
ba'i lta ba de mi dge ba yin par thal/ 'dod pa'i phyir/ 'dod na/
de mi dge ba ma yin par thal/

'dzin stangs don mthun gyi lta ba yin pa'i phyir te/ gang zag gi
bdag dang 'jig rten skye ba phyi mar mi 'jug pa'i phyir/ der
thal/ gang zag gi bdag gzhi ma grub pa'i phyir/ kha cig/ bdag
dang phung po skye ba phyi mar mi 'jug par lta ba'i lta ba de mi
dge ba yin zer na/ de ma yin par thal/

@44b de 'dzin stangs don mthun yin pa'i phyir/ bdag dang phung
po skye ba phyi mar mi 'jug pa'i phyir/ der thal/ 'dod lha ngan
song du skye ba len pa de'i tshe na/ 'dod lha'i phung po dor nas
ngan song du skye ba len pa'i phyir/ kha cig/ bdag dang 'jig
rten rtag par lta ba/ bdag dang 'jig rten mtha' dang mi ldan par
skye

ba phyi mar 'jug par lta ba/ grol bar 'dod pa'i bdag grongs phan
chad 'byung bar lta ba/ lus srog rdzas tha dad du lta ba rnams
grangs can la gtso che zhing /yul la sgrub pa'i rnam pas 'jug
pa'i sgrub pa'i lta ba dang/ bdag dang 'jig rten mi rtag par lta
ba/ bdag dang 'jig rten mtha' dang ldan pa ste skye ba

phyi mar mi 'jug par lta ba/ grol bar 'dod pa'i bdag grongs phan
chad mi 'byung bar lta ba rnams/ rgyang 'phen la gtso che zhing
dang / yul la dgag pa'i rnam pas 'jug pa' dgag pa'i lta ba dang
/ gnyis kar lta ba dgag sgrub gnyis ka'i rnam pas 'jug pa'i
bkram pa'i lta ba yin zhing /gcer bu ba

la gtso che ba dang/ gnyis ka ma yin par lta ba mu stegs rnal ma
bub pa la gtso che zhing /dgag sgrub gnyis ka ma yin pa'i rnam
pas 'jug pa'i bcu ? ma pa'i lta ba dang / lus srog rdzas gcig tu
lta ba bye brag pa la gtso che ba'i lung ma bstan gyi lta ngan
yin zer na/ bdag dang 'jig rten mi rtag par

'dzin pa'i rtogs pa de dag rtog yin par thal/ bdag dang 'jig
rten mi rtag par lta ba'i lta ba dgag pa'i lta ba yin pa'i
phyir/ 'dod mi nus te/ da sgrub rtog yin pa'i phyir te/ bdag
dang 'jig rten mi rtag pa sgrub pa yin pa'i phyir/ ma grub na/
bdag dang 'jig rten gnyis chos can/ khyod mi rtag pa

sgrub pa yin par thal/ khyod 'dus byas yin pa'i phyir/ kha cig/
'dir bstan lung ma bstan gyi nang tshan du gyur pa'i rtag mi rtag
gnyis kar lta ba'i gang zag yin na/ nad sde rnal ma bub pha ma
yin pas khyab zer na/ de mi 'thad par thal/ de ltar lta ba'i
nang sde rnal ma bub pa yod

par gsungs pa'i phyir/ der thal/ des phung po rang rkya thub
pa'i rdzas yod ma yin par 'dod pa'i phyir/ der thal/ des phung
po btags yod du 'dod pa'i phyir/ gnyis pa rang lugs la/ 'dir
bstan lung ma bstan gyi lta ngan bcu bzhi'i khyad par yod de/
phyir rol mu stegs byed kyi rgyud

@45a @#/ /kyi gang zag gi bdag dang 'jig rten rtag par lta ba/ mi
rtag par lta ba/ rang bzhin rtag la gnas skabs mi rtag par lta
ba/ rtag mi rtag gnyis kar lta ba/ rtags mi rtag gnyis ka ma yin
pa'i chos su lta ba rnams ni sngon gyi mtha' la brten pa'i lung
ma bstan gyi lta ngan

dang; de'i rgyud kyi gang zag gi bdag dang 'jig rten mtha' dang
ldan pa ste skye ba phyi mar mi 'jug pa'i chos su lta ba dang /
mthang dang mi ldan pa ste skye ba phyi ma la 'jug par lta ba
dang / gnas skabs mi 'jug cing spyir 'jug par lta ba/ gnyis kar
lta ba rnams ni phyi ma'i mtha' la brten

pa'i lung ma bstan gyi lta ngan dang /de'i rgyud kyi grol bar
'dod pa'i gang zag gi bdag grongs phan chad 'byung bar lta ba/
'byung mi 'byung gnyis kar lta ba/ gnyis ka ma yin pa'i chos su
lta ba rnams/ myang 'das kyi mtha' la brten pa'i lung ma bstan
gyi lta ngan dang /

gang zag gi bdag dang phung po rdzas gcig tu lta ba dang/ rdzas
tha dad du lta ba ni lus srog la brten pa'i lung ma bstan gyi
lta ngan yin pa'i phyir/ de dag gang la gtso che ba'i tshul yang
yod de/ bzhi tshan dang po'i dang po dang / gnyis pa'i gnyis pa
dang / gsum pa'i dang po dang / gang zag gi

bdag dang phung po rdzas tha dad du lta ba rnams ni grangs can
la gtso che/ bzhi tshan dang po'i gnyis pa/ gnyis pa'i dang po/
/gsum pa'i gnyis pa rnams rgyang 'phen la gtso che/ bzhi tshan
gsum gyi gsum pa rnams gcer bu la gtso che/ bzhi pa rnams phyir
rol rnal ma bub pa la gtso che/

gang zag gi bdag dang phung po rdzas gcig tu lta ba ni bye brag
pa la gtso che ba yin no/ /de dag gyo 'du bkram bcum gyi lta ba
gang du 'du ba'i tshul yod de/ grangs can la gtso che ba de dag
ni/ rang yul la chos gzhan zhig sgrub nas 'jug par byed pas/
sgrub pa'i rnam pas 'jug pa'i

lta ba dang / rgyang 'phen la gtso che ba de dag ni rang yul la
dgag bya gzhan zhig bkag nas 'jug par byed pas dgag pa'i rnam
pas 'jug pa'i lta ba dang / gsum pa rnams ni chos gzhan zhig
bsgrub/ /dgag bya gcig bkag nas 'jug par byed pas dgag sgrub
gnyis ka'i rnam pas 'jug

@45b pa'i bkram pa'i lta ba dang / bzhi pa rnams ni de gnyis ka
ma yin pa'i rnam pas 'jug pas dgag sgrub gnyis ka ma yin pa'i
rnam pas 'jug pa'i bcum pa'i lta ba yin pa'i phyir/ phyi rol mu
stegs byed kyi rgyud kyi gang zag gi bdag dang 'jig rten rtag
par lta ba sogs lung ma bstan kyi lta ngan ? bcu

bzhi po chos can/ khyod la lung ma bstan gyi lta ngan zhes 'chad
pa'i rgyu mtshan yod de/ khyod kyis kun nas blangs nas mu stegs
byed rnams kyis ston pa la gang zag gi bdag dang 'jig rten rtag
gam zhes dris pa'i dri ba de la ston pas lan lung dngos su ma
bstan pa'i rgyu mtshan gyis de ltar

bshad pa'i phyir/ gsum pa rtsod pa spong ba la/ kha cig/ lung ma
bstan gyi lta ba dang mi dge ba'i gzhi mthun yod par thal/ bdag
dang 'jig rten mtha' dang ldan pa ste skye ba phyi mar mi 'jug
bar lta ba'i lta ba mi dge ba yin pa'i phyir te/ de las 'bras la
skur bdebs kyi lta ba yin pa'i phyir/

bdag dang phung po skye ba phyi mar 'jug pa'i phyir/ der thal/
bdag skye ba phyi mar 'jug pa'i phyir zer na/ ma khyab/ kha cig/
phung po skye ba phyi mar 'jug par thal/ khyi rgan rgya bo'i
phung bo skye ba phyi mar 'jug pa'i phyir/ der thal/ de'i rnam
smin gyi phung po skye ba phyi mar 'jug pa'i phyir zer na/ ma
khyab/

rtags der thal/ de yang srid phyi mar nying mtshams sbyor ba'i
phyir/ kha cig /lung ma bstan gyi lta ngan yin na/ rtag lta kun
btags yin dgos par thal/ 'dir bstan lung ma bstan gyi lta ngan
bcu bzhi po gang rung la de ltar dgos pa'i phyir zer na/ ma
khyab/ 'dod na/ bum pa bden grub tu lta

ba'i lta ba chos can/ der thal/ de'i phyir/ lung ma bstan gang
zhig/ lta ngan yin pa'i phyir/ rtags gnyis ka grub ste/ bden
'dzin yin pa'i phyir/ 'dod mi nus te/ bden 'dzin kun btags yin
phyir/ kha cig/ gang zag gi bdag dang phung po rtag par lta
ba'i lta ba yin na/ rtag lta kun btags

yin dgos par thal/ khyod kyi dam bca' 'thad pa'i phyir/ 'dod mi
nus te/ de dang rtag lta than skyes kyi gzhi mthun yod pa'i
phyir/ bdag dang phung po rtag par lta ba'i lta ba dang / rtag
lta lhan skyes kyi gzhi mthun yod pa'i phyir/ zer na/ ma khyab
rtags der thal/ bdag dang phung po rtag par 'dzin pa'i

@46a @#/ /rtag 'dzin lhan skyes yod pa'i phyir/ kha cig na re/ de
bzhin gshegs pa 'byung ba dang / zhes sogs kyi skabs nas dngos
su bstan pa'i sems dpa'i sbyor ba yin na/ sems dpa'i gzhi shes
sbyor ba yin dgos par thal/ lung ma bstan gyi lta ngan bcu bzhi
bo gang rung gi zhen

yul med bar mngon sum du rtogs pa'i sems dpa'i ye shes yin na/
sems dpa'i gzhi shes sbyor ba yin dgos pa'i phyir zer na ma
khyab/ 'dod na/ 'jig rten don dam par 'jig pa med par mngon sum
du rtogs pa'i sems dpa'i ye shes kyis ma nges so// ! stong nyid
mtshan ma med

bcas dang / /zhes sogs kyi skabs su/ sems dpa'i lam shes sbyor
ba chos can/ khyod la dbye na du ma yod de/ khyod la bcu drug
yod pa'i phyir/ 'di'i skabs su/ kha cig /gzhan don bya dka'
bsgrub pa sogs kyi sems dpa'i ngo bo nyid kyi rnal 'byor bar pa
lnga po de mtshan gzhi/ 'dir bstan

sems dpa'i lam shes sbyor ba yin par mtshon/ stong nyid mtshan ma
med bcas sogs yul bcu drug po gang rung gi rnam pa can gyi sems
dpa'i ye shes yin pa/ zhes zer na/ gang zag gi bdag med mngon
sum du rtogs pa'i theg chen gyi mthong lam chos can/ stong nyid
mtshan ma med bcas

sogs yul bcu drug po gang rung gi rnam bcan yin par thal/ sems
dpa'i lam shes sbyor ba yin pa'i phyir te/ sems dpa'i ye shes
yin pa'i phyir/ 'dod mi nus te/ chos can de yin pa'i phyir/ kha
cig /gzhan don bya dka' ba sgrub pa sogs kyi sems dpa'i ngo bo
nyid kyi rnal 'byor

bar pa lnga po de mtshan gzhi/ skabs 'dir dngos bstan bstan bya'i
gtso bor gyur pa'i sems dpa'i lam shes sbyor ba yin par mtshon/
stong nyid mtshan ma med pa sogs yul bcu drug po gang rung gi
rnam pa can gyi sems dpa'i ye shes yin pa/ zhes zer na/ byang
sems mthong lam

pa'i rgyud kyi dmigs med kyi snying rje chen po chos can/ mtshon
bya der thal/ mchan nyid de'i phyir/ der thal/ bdag med kyi rnam
pa can gyi sems dpa'i ye shes yin pa'i phyir/ 'dod mi nus te/
chos can de yin pa'i phyir/ gzhan yang / 'dus byas thams cad kyi
rgyu bden med du mngon

@46b sum du rtogs pa'i nyan thos dgra bcom pa'i rtogs pa sngon
du song ba'i theg pa chen pa chen po'i mthong lam chos can/
mtshon bya der thal/ mtshan nyid de'i phyir te/ rtags gsal chos
can gyi sgrub/ ! gnyis pa rang lugs la/ gzhan don bya dka' ba
sogs sgrub pa'i sems dpa'i ngo bo

nyid kyi rnal 'byor bar pa lnga po de mtshan gzhi/ 'dir bstan
pa'i sems dpa'i lam shes sbyor ba yin par mtshon/ stong nyid
mtshan ma med bcas sogs yul bcu drug po gang rung rtogs pa'i shes
rab kyis zin pa'i sems dpa'i ye shes yin pa zhes pas mtshon/ ! de
ni nyid kyi chos

brten nas/ zhes sogs kyi skabs su/ gzhi lam gyi khyad par la
dmigs pa sogs kyi sems dpa'i ngo bo nyid kyi rnal 'byor tha ma
bdun po mtshan gzhi/ skabs 'dir bstan pa'i sems dpa'i rnam mkhyen
sbyor ba yin par mtshon/ de bzhin gshegs pas de bzhin nyid kyi
chos la dmigs nas

mthong chos la bde bar gnas pa sogs rtogs pa'i shes rab kyis zin
pa'i sems dpa'i ye shes yin pa zhes mtshon/ de la dbye na rnam pa
bcu drug yod/ ! bsam mi khyab sogs khyad par gyis/ /zhes sogs
kyi skabs su/ dman pa'i sbyor ba las khyad par 'phags pa'i sems
dpa'i sbyor

ba chos can/ khyod la dbye na du ma yod de/ khyod la bcu drug
yod pa'i phyir/ 'di'i skabs su/ kha cig /sdug bsngal bden pa'i
chos nyid bsam gyis mi khyab pa sogs rtogs pa'i sems dpa'i sbyor
ba/ dman pa'i sbyor ba las khyad par du 'phags pa'i sems dpa'i
sbyor ba'i mtshan nyid yin zer na/

stong nyid rtogs ma myong ba'i theg pa chen po'i tshogs lam chos
can/ mtshan nyid der thal/ mtshon bya de'i phyir/ der thal/ sems
dpa'i sbyor ba yin pa'i phyir/ 'dod mi nus te/ chos can de yin
pa'i phyir/ kha cig /sdug bsngal bdan pa'i chos nyid bsam gyis
mi khyab pa sogs yul bcu drug po

gang rung gi rnam pa can gyi sems dpa'i ye shes/ skabs 'dir
dngos su bstan pa'i dman pa'i sbyor ba las khyad par 'phags pa'i
sems dpa'i sbyor ba'i mtshan nyid yin zer na/ theg chen mthong
lam shes bzod skad cig ma bcu drug po chos can/ mtshan nyid der
thal/ mtshon bya de'i phyir/ der

@47a @#/ /thal/ chos can de dang gcig yin pa'i phyir/ 'dod na/
kun rdzob ba'i rnam ba can yin par thal/ 'dod pa'i phyir/ 'dod
mi nus te/ stong nyid mngon sum du rtogs pa'i sems dpa'i ye shes
yin pa'i phyir/ kha cig /sdug bsngal bden ba'i chos nyid bsam
gyis mi khyab pa

sogs yul bcu drug po gang rung rtogs ba'i shes rab kyis zin pa'i
sems dpa'i ye shes/ skabs 'dir dngos su bstan pa'i dman pa'i
sbyor ba las khyad par du 'phags pa'i sems dpa'i sbyor ba'i
mtshan nyid yin zer na/ byang sems mthong lam pa'i rgyud kyi sems
dpa'i gzhi shes

sbyor ba chos can/ mtshon bya der thal/ mtshan nyid de'i phyir te/
theg chen mthong lam yin pa'i phyir/ 'dod mi nus te/ skabs 'dir
sems dpa'i gzhi shes sbyor ba dman pa'i sbyor ba las khyad par
du 'phags pa'i rgyun mtshan dngos su mi ston pa'i rgyun mtshan
'chad par byed pa'i phyir/ kha cig /

de'i don ni/ sems dpa'i gzhi shes sbyor ba ngo bo'i sgo nas dman
pa'i sbyor ba las khyad par mi 'phags pa'i rgyun mchan gyis de
ltar ma bshad pa yin zer na/ sems dpa'i gzhi shes sbyor ba chos
can/ khyod dman pa'i sbyor ba las ngo bo'i sgo nas khyad par du
'phags par thal/ khyod

sems dpa'i ye shes yin pa'i phyir/ kha cig na re/ sems dpa'i
gzhi shes sbyor ba de thabs shes khyad par can gnyis kyi zin
byed la mi ltos par dman pa'i sbyor ba las khyad par du 'phags
pa sgrub mi nus pa'i rgyun mtshan gyis/ de skabs 'dir dman pa'i
sbyor ba las khyad

bar du 'phags pa'i rgyun mtshan dngos su ma bstan pa yin zer na/
'o na/ sems dpa'i lam shes sbyor ba dang rnam mkhyen sbyor ba
gnyis kyang skabs 'dir dman pa'i sbyor ba las khyad par 'phags
tshul dngos su ston mi rigs par thal/ de gnyis thabs shes khyad
par can

gnyis kyi zin byed lam ltos par dman pa'i sbyor ba las khyad par
du 'phags par sgrub mi nus pa'i phyir/ der thal/ de thabs shes
khyad par can gnyis kyis zin pa'i sgo nas dman pa'i sbyor ba las
khyad par du 'phags pa'i phyir/ kha cig /de'i rgyu mchan yod de/
sems dpa'i gzhi

@47b shes sbyor ba de/ theg chen mthong lam shes bzod skad cig
ma bcu drug po gang rung gi nang du ma gtogs pa'i rgyu mtshan
gyis de ltar ma bstan pa yin zer na/ sems dpa'i lam shes sbyor
ba dang rnam mkhyen sbyor ba gnyis kyang / skabs 'dir dman pa'i
sbyor ba las khyad par du 'phags tshul

dngos su 'chad mi rigs par thal/ de gnyis theg chen mthong lam
shes bzod skad cig ma bcu drug gang rung gi nang tshan du ma
gtogs pa'i phyir/ kha cig /nyon mongs rtags sogs kyis dben pa'i
sems dpa'i ngo bo nyid kyi rnal 'byor bcu drug po mtshan gzhi/
skabs 'dir dngos su bstan

ba'i dman pa'i sbyor ba las khyad par du 'phags pa'i sems sbyor
ba yin par mtshen/ sdug bsngal bden pa'i chos nyid bsam du med pa
sogs rtogs pa'i shes rab kyis zin pa'i sems dpa'i ye shes yin
pa/ zhes zer na/ nyon mongs rtags sogs kyis dben pa'i sems dpa'i

ngo bo nyid kyi rnal 'byor bcu drug po de/ skabs 'dir dngos su
bstan pa'i dman pa'i sbyor ba las khyad par du 'phags pa'i sems
dpa'i sbyor ba yin par thal/ khyod kyi sbyor ba 'thad pa'i
phyir/ 'dod na/ nyon mongs rtags sogs kyis dben pa'i sems dpa'i
ngo bo nyid kyi rnal 'byor dang

po bzhi po de yang skabs 'dir dngos su bstan pa'i dman pa'i
sbyor ba las khyad par du 'phags pa'i sems dpa'i sbyor ba yin
par thal/ 'dod pa'i phyir/ 'dod na/ bsam mi khyab sogs khyad par
gyis/ /zhes pa'i gzhung 'dis nyon mongs rtags sogs kyis dben
ba'i sems dpa'i sbyor ba

dang po bzhi po de dman pa'i sbyor ba las khyad par du 'phags
par dngos su bstan par thal/ 'dod pa'i phyir/ 'dod mi nus te/
gzhung des sems dpa'i gzhi shes sbyor ba de dman pa'i sbyor ba
las khyad par du 'phags par ma bstan pa'i phyir/ de ltar yang
'brel pa las gsungs pa'i

phyir; rang lugs la/ nyon mongs rtags sogs kyi dben pa'i sems
pa'i ngo bo nyid kyi rnal 'byor bcu drug po de mtshan gzhi/ skabs
'dir bstan pa'i dman pa'i sbyor ba las khyad par du 'phags pa'i
sems dpa'i sbyor ba yin par mtshon/ sdug bsngal bden pa'i chos
nyid bsam gyis mi

@48a @#/ /khyab pa sogs rtogs pa'i shes rab kyis zin pa'i sems
dpa'i ye shes yin pa zhes mtshon/ theg chen mthong lam shes bzod
skad cig ma bcu drug po de mtshan gzhi/ skabs 'dir dngos su bstan
pa'i dman pa'i sbyor ba las khyad par 'phags pa'i sems

dpa'i sbyor ba yin par mtshon/ tha snyad pa'i tshad mas bsam du
med pa'i sdug bsngal bden pa'i chos nyid rtogs pa sogs khyad par
du byas pa'i sems dpa'i ye shes yin pa zhes pas mtshon/ de la
rnam pa bcu drug yod/ sems dpa'i lam shes sbyor ba dang /

rnam mkhyen sbyor ba gnyis skabs 'dir dman pa'i sbyor ba las
khyad par du 'phags par dngos su bstan nas/ sems dpa'i gzhi shes
sbyor ba da ltar mi ston pa'i rgyu mtshan yod de/ lam shes sbyor
ba dang rnam mkhyen sbyor ba gnyis/ rang ldog nas dman pa'i
sbyor ba las

khyad par du 'phags/ gzhi shes sbyor ba rang ldog nas dman pa'i
sbyor ba las khyad par ma 'phags pa'i rgyu mtshan gyis de ltar ma
bstan pa yin no/ /rtsod pa spong ba la/ kha cig /nyon mongs
rtags sogs kyis dben pa'i sems dpa'i ngo bo nyid kyi rnal 'byor
bcu drug po de

skabs 'dir bstan pa'i dman pa'i sbyor ba las khyad par du 'phags
pa'i sems dpa'i sbyor ba yin par thal/ khyod kyi sbyor ba 'thad
pa'i phyir/ 'dod na/ de 'dra'i sems dpa'i sbyor ba dang po bzhi
po de yang de ltar yin par thal/ 'dod pa'i phyir/ 'dod na/ bsam
mi khyab sogs

khyad par gyis/ /zhes sogs kyi gzhung 'dis sems dpa'i gzhi shes
sbyor ba de dman pa'i sbyor ba las khyad par du 'phags pa bstan
par thal/ 'dod pa'i phyir/ 'dod mi nus te/ dman pa'i sbyor ba
las khyad par 'phags par dngos su ma bstan pa'i phyir zer na ma
khyab/ ! phan

dang bde dang skyob pa dang / /zhes sogs kyi skabs su/ kha cig
/nyon mongs rtags sogs kyis dben pa'i sems dpa'i ngo bo nyid kyi
rnal 'byor bcu drug po de mtshan gzhi/ skabs 'dir dngos bstan
bstan bya'i gtso bor gyur pa'i gzhan don rgya chen po sgrub pa'i
byed las khyad par can

@48b gyi sems dpa'i sbyor ba yin par mtshon/ phan bde skyob ba
sogs byed las bcu gcig po gang rung dang ldan pa'i sems dpa'i ye
shes yin pa zhes zer na/ nyan thos dgra bcom pa'i rtogs pa sngon
du song ba'i theg chen mthong lam bar chad med lam chos can/
mtshon bya der thal/ mtshan nyid

de'i phyir/ der thal/ byang sems 'phags pa'i rgyud kyi mkhyen pa
yin pa'i phyir/ 'dod mi nus te/ chos can de yin pa'i phyir/ rang
lugs la/ nyon mongs rtags sogs kyis dben pa'i sems dpa'i ngo bo
nyid kyi rnal 'byor bcu drug po de mtshan gzhi/ skabs 'dir bstan
pa'i gzhan don rgya chen po

sgrub pa'i byed las khyad par can gyi sems dpa'i sbyor ba yin
par mtshon/ phan bde skyob ba sogs byed las bcu gcig po gang rung
dang ldan pa'i sems dpa'i ye shes yin pa zhes mtshon/ rtsod pa
spong ba la/ kha cig /theg chen mthong lam shes bzod skad cig ma
bcu drug po de/ bsam

mi khyab sogs khyad par gyis/ /zhes sogs kyi skabs nas dngos su
bstan pa'i dman pa'i sbyor ba las khyad par du 'phags pa'i sems
dpa'i sbyor ba'i mtshan gzhi ma yin par thal/ de tshad mas nges
na/ de gzhung de'i skabs nas dngos su bstan pa'i dman pa'i sbyor
ba las khyad par du

'phags pa'i sbyor bar tshad mas nges dgos pa'i phyir zer na ma
khyab/ ma grub na der thal/ theg chen mthong lam bzod pa brgyad
tshad mas nges na/ de bden 'dzin kun btags kyi dngos gnyen bar
chad med lam du tshad mas nges dgos/ theg chen mthong lam shes pa
brgyad tshad mas nges na/

de bden 'dzin kun btags las dngos su grol ba'i rnam grol lam du
tshad mas nges dgos pa'i phyir/ kha cig /lugs de bkag nas/ rang
lugs la sems dpa'i mkhyen gsum sbyor ba mtshan gzhi/ khyod kho na
rang 'bras sangs rgyas skyed byed yin par mtshon/ khyod kho na
rang 'bras sangs

rgyas 'phags pa'i mkhyen gsum gyi rtogs pa skyed byed yin pa/
zhes 'god pa yin zer na/ de mi 'thad par thal/ sems dpa'i mkhyen
gsum sbyor ba tshad mas nges na/ da rang 'bras sangs rgyas skyad
byed du tshad mas nges dgos pa'i phyir te/ rnam mkhyen sbyor ba
tshad mas nges na de

@49a @#/ /rang 'bras sangs rgyas skyed byed du tshad mas nges dgos
pa'i phyir/ rtags sgrub zin/ gzhan yang / rang 'bras sangs rgyas
skyed byed dang rang 'bras sangs rgyas 'phags pa'i mkhyen gsum
gyi rtogs pa skyed byed du gyur pa'i gzugs med par thal/ sems
dpa'i

mkhyen gsum sbyor ba kho na rang 'bras sangs rgyas dang rang
'bras sangs rgyas 'phags pa'i mkhyen gsum gyi rtogs pa skyed
byed yin pa'i phyir/ ma khyab na/ kho na zhes smos pa la dgos pa
med par thal lo/ /'dod mi nus te/ rang rgyu gzugs la skyes pa'i
sangs rgyas dang / rang rgyu

gzugs las skyes pa'i sangs rgyas 'phags pa'i mkhyen pa yod pa'i
phyir/ kha cig na re/ theg chen gyi mthong lam chos can/ khyod
la kun rdzob pa'i rnam pa ma shar bar thal/ khyod stong nyid
mngon sum du rtogs pa'i sems dpa'i ye shes yin pa'i phyir/ khyab
pa khas/ der thal/ stong nyid

de'i mngon sum gyi gzhal bya yin pa'i phyir zer na ma khyab/ ma
grub na/ der thal/ de theg chen sgrub pa'i gzhal bya yin pa'i
phyir/ kho na re/ theg chen gyi mthong lam chos can/ stong nyid
mngon sum du rtogs pa'i sems dpa'i ye shes yin par thal/ stong
nyid mngon sum du rtogs pa'i sems

dba'i ye shes dang / de don spyi'i tshul gyis rtogs pa'i ye shes
gang rung gang zhig /phyi ma ma yin pa'i phyir/ dang po der
thal/ de stong nyid rtogs pa'i sems dpa'i ye shes yin pa'i phyir
te/ stong nyid de'i gzhal bya yin pa'i phyir zer na/ 'o na/ tshad
ma chos can/ stong nyid mngon sum du rtogs

pa'i tshad ma yin par thal/ stong nyid mngon sum du rtogs pa'i
tshad ma dang / de don spyi'i tshul gyis rtogs pa'i tshad ma gang
rung gang zhig /phyi ma ma yin pa'i phyir/ dang po der thal/ de
stong nyid rtogs pa'i tshad ma yin pa'i phyir/ der thal/ stong
nyid de'i gzhal bya yin pa'i phyir/ khyab pa khas/ ma

grub na/ stong nyid chos can/ tshad ma'i gzhal bya yin par thal/
gzhi grub pa'i phyir/ rtsa bar 'dod na/ de chos can/ khyod dang
stong nyid ma rtogs pa'i gzhi mthun med par thal/ khyod stong
nyid mngon sum du rtogs pa'i tshad ma yin pa'i phyir/ /'dod mi
nus te/ bden 'dzin gyis bcings pa'i tshad ma de

@49b 'dra'i gzhi mthun pa yin pa'i phyir/ ! nyon mongs rtags
dang mtshan ma dang / /zhes sogs kyi skab su/ nyon mongs rtags
sogs kyis dben pa'i sems dpa'i ngo bo nyid kyi rnal 'byor chos
can/ khyod la dbye na du ma yod de/ khyod la rnam pa bcu drug
yod pa'i phyir/ ! mtshan med rab tu sbyin la sogs/ zhes sogs

kyi skabs su/ dad sogs yul lang la mkhas pa'i sems dpa'i chos
mngon rtogs chos can/ skabs 'dir dngos su bstan pa'i theg chen
tshogs lam gyi mtshan nyid yin te/ de'i 'jog byed yin pa'i phyir/
'di'i skabs su gsum las/ dang po la/ kha cig na re/ dang sogs
yul lang la mkhas pa'i sems dpa'i

chos mngon rtogs/ theg ba chen po'i tshogs lam gyi mchan nyid yin
zer na/ bden 'dzin gyis bcings pa'i theg pa chen po'i tshogs lam
chos can/ mtshan nyid der thal/ mtshon bya de'i phyir/ der thal/
chos can de yin pa'i phyir/ der thal/ de yod pa'i phyir/ der
thal/ bden 'dzin gyis bcings pa'i mdo la

sbyin pa nyams len gyi bya ba la 'jug pa'i byang chub sems dpa'
yod pa'i phyir/ der thal/ sher phyin sum brgya pa las/ dper na
mig dang ldan pa'i mi zhig mun par zhugs nas ci yang mi mthong
ba bzhin du/ gang dngos por lhung bas sbyin pa yongs su gtong
pa'i byang chub sems dpa'i sbyin

par blta bar bya'o/ /rab 'byor 'di lta ste/ dper na nam langs te
nyi ma shar nas mig dang ldan pa'i mis gzugs rnam pa sna tshogs
dag mthong ba de bzhin du gang dngos por ma lhung ba'i sbyin pa
yongs su gtong ba'i byang chub sems dpar blta bar bya'o/ /zhes
gsungs pa'i phyir/ 'dod na/

stong nyid rtogs pa'i shes rab la mkhas par thal lo/ /'dod mi
nus te/ chos can de yin pa'i phyir/ kha cig /de lta bu de bskal
pa grangs med gsum nas sangs rgya ba'i lam gyi thog mar gyur
pa'i theg pa chen po'i tshogs lam gyi mtshan nyid zer na/ mngon
rtogs rgyan gyi ched du bya ba'i gdul

bya'i rgyud kyi theg pa chen po'i tshogs lam skad cig tha ma'i ye
shes chos can/ mtshon bya der thal/ mtshan nyid de'i phyir/ rtags
gsal gnyis ka der thal/ chos can de yin pa'i phyir/ kha cig
/theg pa chen po'i tshogs lam du zhugs ma thag pa'i ye shes yin
na/ bskal pa grangs med

@50a @#/ /gsum nas sangs rgya ba'i lam gyi thog mar gyur pa'i
tshogs lam yin pas khyab zer na/ bdan 'dzin gyis bcings pa'i theg
chen tshogs lam du zhugs ma thag pa'i theg pa chen po'i tshogs lam
chos can/ der thal/ de'i phyir/ der thal/ chos can de yin pa'i
phyir/ rtags

sgrub zin/ 'dod na/ de chos can/ zag med ye shes sde tshan nyer
gcig gi rigs la myong ba thon pa'i ye shes yin par thal/ bskal
ba grangs med gsum nas sangs rgya ba'i lam gyi thog mar gyur
pa'i theg chen gyi tshogs lam yin pa'i phyir/ 'dod mi nus te/
chos can de yin pa'i phyir/ kha

cig /stong nyid rtogs ma myong ba'i theg chen tshogs lam du zhugs
ma thag pa'i ye shes yin na/ bskal ba grangs med gsum nas sangs
rgya ba'i lam gyi thog ma yin pas khyab zer na/ sangs rgya ba la
bskal ba grangs med sum cu so gsum du tshogs gsog dgos pa'i stong
nyid rtogs ma myong

ba'i theg pa chen po'i tshogs lam du zhugs ma thag pa'i ye shes
chos can/ der thal/ de'i phyir/ der thal/ chos can de yin pa'i
phyir/ der thal/ de yod ba'i phyir/ der thal/ de yod par 'grel
pa las gsungs pa'i phyir/ 'dod mi nus te/ chos can de yin pa'i
phyir/ kha cig /theg chen gyi tshogs lam

yin na thos bsam gang rung gi mkhyen pa yin pas khyab zer na/ de
mi 'thad par thal/ de'i ngo bor gyur ba'i sgom byung gi mkhyen
pa yod pa'i phyir/ der thal/ kun las btus las/ gang yang dag par
rgyur gyur pa'i dge ba gzhan dang / thos pa dang / bsam pa dang
/ bsgom pa las byung ba'i shes

rab kyang rung ste/ zhes gsungs pa'i phyir/ gzhan yang / byang
sems tshogs lam pa'i rgyud kyi stong nyid rtogs pa'i bsam gtan
gyi dngos gzhi chos can/ thos bsam gang rung gi mkhyen pa yin
par thal/ theg chen gyi tshogs lam yin pa'i phyir te/ chos can de
yin pa'i phyir/ 'dod mi nus te/

sgom byung gi mkhyen pa yin pa'i phyir/ der thal/ chos can de
yin pa'i phyir/ kha cig /stong nyid rtogs pa'i shes rab la mkhas
pa'i sems dpa'i chos mngon rtogs yin na/ stong nyid rtogs pa'i
sems dpa'i ye shes yin pas khyab zer na/ 'o na/ theg chen thun
mong ma yin pa'i dad pa la

@50b mkhas pa'i sems dpa'i ye shes yin na/ theg pa chen po'i lam
'bras bu dang bcas pa gang yang rung ba rtogs pas khyab par
thal/ dam bca' 'thad pa'i phyir/ 'dod na/ theg chen mthong lam
bar chad med lam chos can der thal/ de'i phyir/ der thal/ theg
chen gyi bar chad med lam yin pa'i

phyir; 'dod mi nus te/ stong nyid la gnyis snang nub pa'i sems
dpa'i ye shes yin pa'i phyir/ kha cig /dad sogs yul lang thob la
ma nyams pa'i sems dpa'i chos mngon rtogs yin na/ dad sogs yul
lnga la mkhas pas khyab zer na/ dad sogs yul lang thob la ma
nyams pa'i gnas skabs theg

dman lam du ltung nges kyi theg chen gyi tshogs lam chos can/ der
thal/ de'i phyir/ der thal/ chos can de yin pa'i phyir/ der
thal/ stong nyid rtogs pa'i theg chen tshogs lam pa theg dman lam
du 'jug pa yod pa'i phyir/ 'dod na/ dran pa theg chen sems
bskyed la mkhas par thal/ 'dod pa'i phyir/ 'dod

mi nus te/ theg chen sems bskyed las nyams nges kyi theg chen
gyi thar pa cha mthun yin pa'i phyir/ kha cig /mngon rtogs rgyan
gyi ched du bya ba'i gdul bya yin na/ byang sems yin pas khyab
zer na/ yum mkhyen gsum la dang ba'i dad pa/ de la don gnyer gyi
'dun pa/ de la thos bsam gyis zhugs

nas mthar legs mchog rnam mkhyen thob pa de/ mngon rtogs rgyan
gyi ched du bya ba'i gdul bya'i lam nyams lan gyi rim pa ma yin
par thal/ khyod kyi dam bca' 'thad pa'i phyir/ 'dod mi nus te/
rje btsun gyis mngon rtogs rgyan rtsom pa'i thog mar yum mkhyen
gsum la bstod phyag mdzad pa de/

mngon rtogs rgyan gyi ched du bya ba'i gdul byas yum mkhyen gsum
la dang ba'i dad pa/ de la don gnyer gyi 'dun pa/ de la thos
bsam gyis zhugs nas mthar legs mchog rnam mkhyen thob pa'i ched
du yin pa'i phyir te/ des rgyan rtsom pa'i thog mar yum la bstod
phyag mdzad pa la dgos pa yod pa'i

phyir/ kha cig /mngon rtogs rgyan gyi ched du bya ba'i gdul bya
'phags pa med zer na/ de yod par thal/ 'phags pa thogs med de/
mngon rtogs rgyan gyi ched du bya ba'i gdul bya yin pa'i phyir
te/ mngon rtogs rgyan de 'phags pa thogs med la gtso bor dgongs
nas gsungs pa'i phyir te/ rgyan snang las/

@51a @#/ /de'i don du bcom ldan 'das 'phags pa byams pa mnyes par
byas nas shes rab kyi pha rol tu phyin pa'i mdo'i bshad pa mngon
par rtogs pa'i rgyan gyi tshig le'ur byas pa'i bstan bcos mdzad/
ces gsungs pa'i phyir/ kha cig /mngon rtogs rgyan gyi ched du
bya ba'i gdul bya

dbang 'bring med zer na/ de yod par thal/ byang sems dbang
'bring yod pa'i phyir/ der thal/ byang sems dbang rnon gyis theg
pa chen po'i sbyor lam nas phyir mi ldog pa'i rtags thob pa
dang/ dbang 'bring gis mthong lam nas phyir mi ldog pa'i rtags
thob/ byang sems dbang rtul gyis sgom lam nas

phyir mi ldog gi rtags thob par gsungs pa'i phyir/ kha cig
/rdzogs pa'i byang chub rnon po yis/ /rtogs sla rtul po'i rtogs
dkar bzhed/ /ces pas/ mngon rtogs rgyan gyi ched du bya ba'i
gdul bya dbang 'bring ma bstan cing gzhung gzhan nas bstan pa
'dir grang-su kha bkang nas bstan pa yin zer na/ de mi 'thad

par thal/ gzhung 'dis mngon rtogs rgyan gyi ched du bya ba'i
gdul bya dbang 'bring ma bstan na/ gzhung gzhan gyis de ma bstan
dgos/ de ma bstan na de med dgos pa las de yod pa'i phyir/ phyi
ma der thal/ byang sems dbang 'bring yod pa'i phyir/ rtags sgrub
zin/ dang po der thal/ gzhung 'dis de ma

bstan na 'di'i bshad bya rtsa ba'i mdo des ma bstan dgos/ de ma
bstan na mngon rtogs rgyan gyis ma bstan dgos/ de ma bstan na de
med dgos pa'i phyir/ gzhan yang/ gzhung 'dis mngon rtogs rgyan
gyi ched du bya ba'i gdul bya dbang 'bring bstan par thal/ 'dis
de'i ched du bya ba'i gdul

bya dbang rtul bstan pa'i phyir te/ gzhung 'dis rgyan gyi ched
du bya ba'i gdul bya la nad sel ltar na dbang po rno rtul gyi
khyad par bstan pa yin pa'i phyir/ kha cig /mngon rtogs rgyan
gyi gdul bya yin na/ de'i ched du bya ba'i gdul bya yin pas
khyab zer na/ 'grel pa don gsal gyi ched du bya ba'i gdul

bya chos can/ der thal/ de'i phyir/ der thal/ de'i ched du bya
ba'i gdul bya yin pa'i phyir/ khyab ste/ 'grel pa don gsal de
de'i ched du bya ba'i gdul bya la mngon rtogs rgyan gyi tshig don
rdzogs par gtan la 'bebs par byed pa'i bstan bcos yin pa'i
phyir/ 'dod mi nus te/ chos can de yin pa'i

@51b phyir/ kha cig /mngon rtogs rgyan gyi dgongs 'grel gzhan la
ma brten par mngon rtogs rgyan gyi tshig don rdzogs par rtogs nus
pa'i theg chen gyi rigs can/ mngon rtogs rgyan gyi ched du bya
ba'i gdul bya'i mtshan nyid zer na/ yum bar ma'i ched du bya ba'i
gdul bya chos can/ mtshon bya der thal/ mtshan nyid

de'i phyir/ rtags gsal chos can gyis sgrub/ kha cig /dgongs
'grel gzhan la ma brten par mngon rtogs rgyan la brten nas mngon
rtogs rgyan gyi tshig don rdzogs par rtogs nus pa'i mngon rtogs
rgyan gyi gdul bya/ mngon rtogs rgyan gyi ched du bya ba'i gdul
bya'i mtshan nyid yin zer na/ 'grel

pa don gsal gyi ched du bya ba'i gdul bya chos can/ mtshon bya
der thal/ mtshan nyid de'i phyir/ der thal/ mngon rtogs rgyan
thos bsam gyi gzhir gzung pa'i sgo nas mngon rtogs rgyan gyi
tshig don rdzogs par rtogs nus pa'i de'i gdul bya yin pa'i phyir
te/ 'grel pa don gsal gyis mngon

rtogs rgyan gyi tshig don rdzogs par gtan la phab pa la brten
nas/ mngon rtogs rgyan gyi tshig don rdzogs par rtogs nus pa'i
de'i gdul bya yin pa'i phyir/ der thal/ chos can de yin pa'i
phyir/ 'dod mi nus so/ /kha cig /de 'dra ba de rgyan gyi ched du
bya ba'i gdul bya'i mtshan nyid zer na/ mdo sde

rgyan gyi ched du bya ba'i gdul bya chos can/ mtshan nyid der
thal/ mtshon bya de'i phyir/ der thal/ chos can de yin pa'i
phyir/ khyab ste/ de rgyan yin pa'i phyir/ der thal/ byams chos
de la rgyan gnyis/ 'byed gnyis/ rgyud bla ma dang lnga yod pa'i
phyir/ 'dod na/ dgongs 'grel gzhan la ma brten par mngon

rtogs rgyan gyi bstan don du gyur pa'i stong nyid phra mo rtogs
nus par thal/ 'dod pa'i phyir/ 'dod mi nus te/ sems tsam pa yin
pa'i phyir/ kha cig /dbang po rno rtul gnyis kyi mngon rtogs
rgyan gyi ched du bya ba'i gdul bya yod zer na/ de mi 'thad par
thal/ de med pa'i phyir/ der thal/ de'i ched du

bya ba'i gdul bya yin na/ gdul bya theg chen gyi rigs can dbang
rnon yin dgos pa'i phyir/ kha cig /mngon rtogs rgyan gyi ched du
bya ba'i gdul bya dbang po rno rtul gnyis po rdzogs byang thob
sla bar mi mtshungs zer na/ de mtshungs par thal/ de gnyis ka
rdzogs byang thob sla ba yin pa'i phyir/ der thal/

@52a @#/ /dbang rtul rdzogs byang thob sla ba yin pa'i phyir/ ma
grub na/ de chos can/ khyod kyis rdzogs byang thob sla ba yin
par thal/ theg chen gyi rigs can dbang po shin tu rnon po yin
pa'i phyir/ kha cig na re/ de gnyis la rdzogs byang thob dka'
sla'i khyad par med zer na/ de yod par

thal/ de gnyis kyi nang nas dbang rnon de dbang rtul la ltos te
rdzogs byang thob sla/ dbang rtul de dbang rnon la ltos te thob
dka' ba yin pa'i phyir/ der thal/ rdzogs pa'i byang chub rnon po
yis/ /rtogs sla rtul po'i rtogs dkar bzhed/ /ces gsungs pa'i
phyir/ gnyis pa rang lugs la/ zag med

ye shes sde tshan nyer gcig gi rigs la myong ba thon pa'i theg
chen gyi chos mngon rtogs/ skabs 'dir dngos su bstan pa'i theg
pa chen po'i tshogs lam gyi mtshan nyid/ de la der gyur pa'i theg
chen gyi tshogs lam chung 'bring chen po gsum yod/ de re re la
thos bsam sgom gsum ka'i

mkhyen pa yod do/ /mngon rtogs rgyan gyi ched du bya ba'i gdul
bya byang sems tshogs lam pa chos can/ khyod dad sogs yu-lnga la
mkhas pa yin te/ theg chen thun mong ma yin pa'i dad pa dang/
dran pa theg chen sems bskyed/ brtson 'grus/ ti-nge 'dzin/ shes
rab khyad par can lnga la mkhas pa

yin pa'i phyir/ dgongs 'grel gzhan la ma brten par mngon rtogs
rgyan gyi dgongs pa rang dbang du rdzogs par rtogs nus pa'i
mngon rtogs rgyan gyi gdul bya mngon rtogs rgyan gyi ched du bya
ba'i gdul bya'i mtshan nyid/ de la dbang po rno rtul gnyis yod/
gsum pa rtsod pa spong ba la/ kha

cig na re/ theg pa chen po'i tshogs lam yin na/ stong nyid rtogs
myong yin dgos par thal/ skabs 'dir dngos su bstan pa'i theg
chen gyi tshogs lam yin na/ stong nyid rtogs myong yin dgos pa'i
phyir/ khyab ste/ gzhung 'di las gsal pa'i theg chen gyi tshogs
lam ston byed kyi mngon

rtogs rgyan gyi gzhung ma byung ba'i phyir zer na ma khyab/ kha
cig /skabs 'dir dngos su bstan pa'i theg chen tshogs lam yin na
stong nyid rtogs myong yin dgos par thal/ de yin na/ zag med ye
shes sde tshan nyer gcig gi rigs la myong ba thon pas khyab pa'i
phyir zer na/ 'o na/ dbu ma

@52b rgyan las/ yang dag dad pa'i rjes 'brang ba/ /rdzogs pa'i
byang chub sems bskyed nas/ /thub pa'i brtul zhugs blang byas
te/ /de ni yang dag shes rtsol brtson/ /zhes gsungs pa mi 'thad
par thal/ theg chen gyi tshogs lam yin na/ stong nyid rtogs myong
yin dgos pa'i phyir/ kho na re/ skyon med de/ de'i don

ni theg chen lam du ma zhugs pa'i snga rol tu dang por byang
chub kyi sems la myong ba 'don/ de rjes stong nyid rtogs pa'i
lta ba la myong ba 'don pa'i don yin zer na/ de mi 'thad par
thal/ rdzogs pa'i byang chub sems bskyed nas/ /zhes gsungs pa'i
phyir/ gzhan yang/ rnam bshad snying po'i rgyan las/

dbang rtul la nges pa med do/ /zhes gsungs pa mi 'thad par thal/
byang sems tshogs lam pa yin na/ theg chen lam du ma zhugs pa'i
snga rol nas stong nyid rtogs myong yin dgos pa'i phyir/ 'khor
gsum/ gzhan yang/ sems tsam pa'i thun mong ma yin pa'i bstan
bcos las byang chub kyi sems sbyong

lugs rgyas par gsungs pa'i de'i ched du bya ba'i gdul bya med
par thal/ de las byang chub kyi sems sbyongs tshul bshad pa ltar
du tshul bzhin du sbyangs ba la brten nas byang chub kyi sems la
bcos min gyi myong ba thon pa'i de'i ched du bya ba'i gdul bya
mad pa'i phyir/ ma grub na/ de 'bra'i gdul bya

chos can/ khyod byang chub sems dpa' yin par thal/ khyod byang
chub kyi sems la bcos min gyi myong ba thon pa'i sems can yin
pa'i phyir/ der thal/ chos can de yin pa'i phyir/ 'dod na/ de
chos can/ stong nyid rtogs myong yin par thal/ byang chub sems
dpa' yin pa'i phyir/ khyab pa khas/ 'dod mi

nus te/ sems tsam pa'i rigs can yin pa'i phyir/ der thal/ sems
tsam pa'i bstan bcos kyi ched du bya ba'i gdul bya yin pa'i
phyir/ der thal/ de 'dra'i bstan bcos yod pa'i phyir/ der thal/
byang sa sogs las byang chub kyi sems bskyed tshul rgyas par
gsungs pa'i phyir/ kha cig /bskal pa

grangs med gsum nas sangs rgya ba'i lam gyi thog ma gcig med par
thal/ theg chen tshogs lam du zhugs pa thag pa'i theg chen gyi
tshogs lam yin na/ bskal pa grangs med gsum nas sangs rgya ba'i
lam gyi thog ma yin pas ma khyab/ zag med ye shes sde mtshan nyer
gcig gi rigs la myong ba

@53a @#/ /thon pa'i theg chen gyi tshogs lam skad cig dang po yin
na de yin pas ma khyab pa'i phyir zer na ma khyab/ ma grub na
bkag zin/ kha cig /mdzod las/ de grangs med gsum la sangs rgyas/
/zhes pa dang/ theg bsdus las/ byang chub sems dpa' grangs med
gsum

kun du brtson pa mdzad pa yis/ /zhes gsungs pa mi 'thad par
thal/ spyir byang sems rnams la rdzogs byang thob dka' sla'i
khyad par yod pa gang zhig /mngon rtogs rgyan gyi ched du bya
ba'i gdul bya dang/ yum bar ma'i ched du bya ba'i gdul bya gnyis
la yang rdzogs byang thob dka' sla'i khyad

par yod pa'i phyir zer na skyon med de/ gtso che ba la dgongs
pa'i phyir/ kha cig /'grel pa don gsal gyi ched du bya ba'i gdul
bya chos can/ mngon rtogs rgyan gyi ched du bya ba'i gdul bya
yin par thal/ mngon rtogs rgyan de rang nyid kyi phyir du brtsam
pa'i mngon rtogs rgyan gyi gdul bya yin

pa'i phyir zer na ma khyab/ ma grub na/ mngon rtogs rgyan de'i
phyir brtsam par thal/ de ched du bya ba sems can thams cad kyi
phyir du brtsam pa'i bstan bcos yin pa'i phyir/ der thal/ de
theg chen sems bskyed kyis kun nas bslangs nas brtsam pa'i bstan
bcos yin pa'i phyir/ 'o na/ mngon rtogs

rgyan gyi ched du bya ba'i gdul bya byang sems 'phags pa med par
thal/ sa dang po thob nas mngon rtogs rgyan la ma ltos par sangs
rgyas grangs med pa la gdams ngag nyan nus pa'i phyir zer na ma
khyab/ ma grub na der thal/ sa dang po thob nas yon tan brgya
phrag bcu gnyis thob pa yin pa'i

phyir/ 'dod mi nus so/ /kha cig /mngon rtogs rgyan gyi ched du
bya ba'i gdul bya byang sems 'phags pa med par thal/ de'i ched
du bya ba'i gdul bya theg chen mthong lam rjes thob pa med pa'i
phyir/ der thal/ der gyur pa'i mngon rtogs rgyan gyi ched du bya
ba'i gdul bya dbang rtul dad ba'i

rjes 'brangs dang/ dbang rnon chos kyi rjes 'brangs gnyis med
pa'i phyir/ der thal/ theg chen mthong lam rnam grol lam thob
nas/ dbang rtul dbang rnon du gnas 'gyur ba'i phyir zer na ma
khyab/ ma grub na/ der thal/ phyir mi 'ong zhugs pa dbang rtul
dad pa'i rjes 'brangs dang dbang rnon chos

@53b kyi rjes 'brang gnyis po de phyir mi 'ong gi 'bras bu thob
nas dbang rtul dad mos pa dang/ dbang rnon mthong thob pa
gnyi-su gnas 'gyur pa'i phyir/ der thal/ mdzod las/ de tshe dbang
po rno rtul dag /dad pas mos dang mthong pas thob/ /ces gsungs
pa'i phyir/ ! dro ba rnams kyis dmigs pa 'dir/ /zhes sogs

kyis skabs su/ gtso bor thabs shes kyi chas khyad par du byas
pa'i theg chen gyi sbyor lam chos can/ khyod la dbye na du ma
yod de/ der gyur pa'i drod sogs bzhi yod pa'i phyir/ 'di la kha
cig na re/ gtso bor thabs shes kyis khyad par du byas pa'i theg
chen gyi don mngon rtogs/ skabs 'dir dngos bstan

bstan bya'i gtso bor gyur pa'i theg chen gyi sbyor lam gyi mtshan
nyid zer na/ nyan thos dgra bcom pa'i rtogs pa sngon du song
ba'i byang sems sbyor lam pa'i rgyud kyi theg chen sems bskyed
chos can/ mtshon bya der thal/ mtshan nyid de'i phyir/ der thal/
gtso bor lhag bsam rnam dag gis khyad

par du byas pa'i theg chen gyi sbyor lam yin pa'i phyir/ der
thal/ chos can de yin pa'i phyir/ 'dod mi nus te/ chos can de
yin pa'i phyir/ kha cig /gtso bor thabs shes kyi chas khyad par
du byas pa'i theg chen gyi sbyor lam yin na/ thabs shes gnyi-su
phye ba'i thabs yin pas khyab zer na/ theg chen

sems bskyed kyis dngo-su zin pa'i stong nyid rtogs pa'i theg
chen gyi sbyor lam chos can/ der thal/ de'i phyir/ der thal/
gtso bor theg chen sems bskyed kyis khyad par du byas pa'i theg
chen gyi sbyor lam yin pa'i phyir/ der thal/ theg chen sems
bskyed kyis dngo-su zin pa'i theg chen gyi sbyor

lam yin pa'i phyir/ 'dod mi nus te/ thabs shes gnyi-su phye ba'i
thabs ma yin pa'i phyir te/ de gnyi-su phye ba'i shes rab yin
pa'i phyir/ der thal/ chos can de yin pa'i phyir/ ! rnam pa dang
lam dang gzhi thams cad rnam par sgom pa'i dbye bas go rim bzhin
du rnam pa thams cad mkhyen pa nyid la

sogs pa/ zhes sogs kyi skabs su gsum las/ dang po la/ kha cig
/skabs dang po drug tu sbyor mthong sgom gsum lan drug tu bstan
pa la zlos pa'i skyon yod zer na/ de la lan ston pa la/ kha cig
/de la zlos pa'i skyon med de/ skabs dang po gsum du bstan pa'i
sbyor mthong sgom gsum po de mtshan

@54a @#/ /nyid pa dang/ sbyor ba dang po gsum gyi skabs nas bstan
pa'i sbyor mthong sgom gsum btags pa ba yin pa'i phyir zer na/
skabs dang po gsum gyi skabs nas bstan pa'i sbyor mthong sgom
gsum chos can/ khyod sbyor mthong sgom gsum gyi gzhi mthun pa
yin par thal/

khyod sbyor mthong sgom gsum mtshan nyid pa yin pa'i phyir/ rtags
khas/ 'dod mi nus te/ gang zag gi bdag med yin pa'i phyir/ kha
cig /skabs dang po drug tu sbyor mthong sgom gsum lan drug tu
bstan pa la zlos pa'i skyon med de/ skabs dang po gsum gyi skabs
nas bstan pa'i sbyor lam sbyor

lam mtshan nyid pa dang/ mthong lam mthong lam mtshan nyid pa
dang/ sgom lam sgom lam mtshan nyid pa gang zhig /sbyor ba dang
po gsum gyi skabs nas bstan pa'i sbyor lam sbyor lam btags pa ba
dang/ mthong lam mthong lam btags pa ba/ sgom lam sgom lam btags
pa ba yin pa'i

phyir/ phyi ma der thal/ rnam rdzogs sbyor ba'i skabs su sa
brgyad pa'i ye shes chung 'bring chen po gsum la sbyor mthong
sgom gsum gyi ming gis btags/ rtse sbyor gyi skabs su sa dgu
ba'i ye shes dang sa bcu pa'i dkyel stod kyi ye shes chung
'bring chen po gsum la sbyor mthong sgom gsum

gyi ming gis btags/ sa bcu pa'i dkyil smad kyi ye shes chung
'bring chen po gsum la sbyor mthong sgom gsum gyi ming gis btags
nas bstan pa yin pa'i phyir zer na/ de mi 'thad par thal/ rnam
rdzogs sbyor ba'i skabs nas bstan pa'i sgom lam sgom lam mtshan
nyid pa yin pa'i

phyir/ der thal/ de sa brgyad pa'i ye shes chen po yin pa'i
phyir/ der thal/ rnam rdzogs sbyor ba'i skabs su sa brgyad pa'i
ye shes chen po la sgom lam gyi ming gis btags nas bstan pa yin
pa'i phyir/ 'khor gsum/ gzhan yang/ de mi 'thad par thal/ dro ba
rnams kyi dmigs pa

'dir/ /zhes pa'i skabs nas bstan pa'i sbyor lam sbyor lam mtshan
nyid pa yin pa'i phyir/ der thal/ 'grel pa las/ thar pa'i cha
dang mthun pa skye ba'i spro ba can la nges par 'byed pa'i cha
dang mthun par 'byung bas/ zhes mtshams sbyor mdzad pa gang zhig
/byang sems tshogs lam pa'i

@54b rgyud las brgyad pa'i ye shes skye ba'i mtshams sbyor ba la
'brel med pa'i phyir/ gzhan yang/ mthong ba'i lam la bzod pa
dang/ /shes pa'i skad cig bcu drug ni/ /zhes pa'i skabs nas
bstan pa'i phyir mi ldog pa'i rtags de mthong lam pa phyir mi
ldog pa'i rtags ma yin par thal/ de'i skabs nas

bstan pa'i mthong lam de mthong lam ma yin pa'i phyir/ der thal/
sa brgyad pa'i ye shes yin pa'i phyir/ 'dod mi nus te/ de 'dra'i
gzhung de mthong lam pa phyir mi ldog pa'i rtags ston byed kyi
gzhung yin pa'i phyir/ der thal/ mthong lam pa phyir mi ldog
pa'i rtags 'chad byed kyi gzhung chig cig yod pa'i

phyir/ gzhan yang/ rnam rdzogs sbyor ba'i skabs su sa brgyad
pa'i ye shes chung 'bring chen po gsum la rim pa bzhin du sbyor
mthong sgom gsum gyi ming gis 'dogs pa dang/ rtse sbyor gyi
skabs su sa dgu pa'i ye shes dang sa bcu pa'i dkyil stod kyi ye
shes chung 'bring chen po gsum la sbyor mthong

sgom gsum rim gyis mi gis 'dogs pa sogs mi 'thad par thal/ de
dag la rim pa bzhin du sbyor mthong sgom gsum gyis ming gis
'dogs pa'i chos gsum ma tshang ba'i phyir/ de la kho na re/ sa
brgyad pa'i ye shes chung 'bring che gsum skye rim gzhan du
sbyor mthong sgom gsum po de yang

rim gyis skye ba rgyu mtshan dang/ dag sa'i ye shes rnams 'bad
rtsol rags pa spangs pas cig car du skye 'am mnyam pa'i log rtog
dgag pa'i dgos pa dang/ sbyor ba dang po gsum gyi sgo nas bstan
pa'i sbyor lam sbyor lam mtshan nyid pa sogs yin na zlos par
'gyur bas dngos la gnod

byed yod pa yin zer na/ 'o na/ gang zag gi bdag 'dzin chung
'bring chen po gsum la yang sbyor mthong sgom gyi ming gis 'dogs
pa'i rgyu mtshan tshang ba yin par thal/ de gsum rim gyis skye ba
dang sbyor mthong sgom gsum rim gyis skye ba chos mthun pa yin
pa'i phyir/ khyab pa khas/ 'dod na/ gang

zag gi bdag 'dzin chung 'bring chen po gsum chos can/ khyod la
sbyor mthong sgom gsum gyi ming gis 'dogs pa'i rgyu mtshan ma
tshang ba yin par thal/ khyod bdag 'dzin yin pa'i phyir/ gzhan
yang/ dam bca' 'og ma de mi 'thad par thal/ sa brgyad pa'i yi
shes chung 'bring chen po gsum zhes

@55a @#/ /smos pas cig car du skye 'am snyam pa'i log rtog ma khi
gas na/ de la sbyor mthong sgom gsum gyi ming gis btags pas cig
car du skye'am mnyam pa'i log rtog khegs mi nus pa'i phyir/
gzhan yang/ sbyor ba dang po gsum du sbyor mthong sgom gsum
bstan pa la zlos

pa'i skyon yod par thal/ sbyor ba dang po gsum gyi skabs nas
bstan pa'i sgom lam sgom lam mtshan nyid pa yin pa'i phyir/ der
thal/ de dag sa brgyad pa'i ye shes chen po sogs yin pa'i phyir/
'khor gsum/ kha cig /skabs dang po drug tu sbyor mthong sgom
gsum lan drug tu bstan pa la

dgos pa yod de/ mngon par rtogs pa lam rkyangs pa ba'i log rtog
khegs pa'i ched du yin pa'i phyir/ de ltar log rtog khegs pa yin
te/ mngon par rtogs pa la ma rkyangs pa ba des/ rnam mkhyen
mtshon byed kyi chos rnams theg pa chen po'i tshogs sbyor 'ba'
zhig gi gnas skabs su cig car du

skye zhing nyam-su len pa yod pa dang/ lam shes mtshon byad kyi
chos rnams sa dang po nas drug pa'i bar 'ba' zhig gi gnas skabs
su cig car du skye zhing nyam-su len pa yod pa dang/ gzhi shes
mtshon byed kyi chos rnams sa bdun pa'i gnas skabs 'ba' zhig
dang/ rnam rdzogs sbyor ba mtshon byed

kyi chos rnams sa brgyad pa 'ga' zhig gi gnas skabs dang/ rtse
sbyor mtshon byed kyi chos rnams sa dgu pa dang bcu pa'i dkyil
stod 'ba' zhig gi gnas skabs dang/ mthar gyis sbyor ba mtshon
byed kyi chos rnams sa bcu pa'i dkyil smad kyi gnas skabs 'ba'
zhig tu skye zhing nyam-su len

pa yod par 'dad pa yin no zer na/ 'o na/ mngon par rtogs pa lam
rkyangs pa ba des then sgrub pa'i dmigs pa dang de'i rten rang
bzhin gnas rigs gnyis theg chen tshogs sbyor gyi gnas skabs su
skye bar 'dod par thal/ des theg chen gyi tshogs sbyor gyi gnas
skabs su rnam mkhyen mtshon byed kyi chos

rnams skye bar 'dod pa'i phyir/ 'dod na/ des de'i gnas skab-su
chos thams cad dang rang bzhin gnas rigs skye bar 'dod par thal
lo/ /'dod mi nus te/ des da gnyis 'dus ma byas su 'dod pa'i
phyir/ gzhan yang/ des de'i gnas skab-su spong ba chen po skye
bar 'dod par thal/ 'dod

@55b pa'i phyir/ 'dod na/ des de'i gnas skabs su 'gog bden skye
bar 'dod par thal/ 'dod pa'i phyir/ 'dod mi nus te/ des 'gog
bden 'dus ma byas su 'dod pa'i phyir/ gzhan yang/ des mi rtag la
sogs bcu drug mngon sum du rtogs pa'i theg chen gyi mthong lam
dang/ de don sbyi'i tshul gyis

rtogs pa'i theg chen gyi sbyor lam gnyis po de yang sa bdun pa'i
gnas skabs su skye bar 'dod par thal/ khyod kyi dam bca' 'thad
pa'i phyir/ 'dod mi nus te/ de theg chen gyi sbyor lam dang sa
bdun pa'i ye shes kyi gzhi mthun khas mi len pa'i phyir/ mngon
par togs pa lam rkyang pa ba

dang/ lam gsum rtags mtshan pa gnyis 'gal lo zer na/ mngon par
rtogs pa lam rkyang pa bas lam gsum rtags mtshan gcig /khas ma
blangs par thal/ dam bca' 'thad pa'i phyir/ 'dod mi nus te/ des
gzungs rtags ma yin mi rtag min/ /zhes pa'i skabs nas bstan pa'i
mthong lam

mthong lam btags pa ba dang/ gzugs sogs de mi rtag sogs dang/
/zhes pa'i skabs nas bstan pa'i sbyor lam sbyor lam btags pa bar
khas blangs pa'i phyir/ der thal/ de gnyis sa brgyad pa'i ye
shes su 'dod pa'i phyir/ rtags khas/ kha cig /slob dpon seng ge
bzang pos mngon par

rtogs pa lam rkyangs pa ba 'dod pa yin zer na/ de mi 'thad par
thal/ des lam khug pa par 'dod pa'i phyir/ der thal/ rgyan rtsom
pa po'i rje btsun mngon par rtogs pa'i lam khug pa bar bzhed
pa'i phyir/ der thal/ des mkhyen gsum gyi rnam pa sbyor bzhi'i
sgo nas nyam-su sen par bzhed pa'i

phyir/ der thal/ yul ni rnam pa gsum po rgyu/ /sbyor ba bzhi yi
bdag nyid dang/ chos sku'i 'phrin las 'bras bu ni/ /don bsdus
gzhan de rnam pa gsum/ /zhes gsungs pa'i phyir/ kha cig /rnam pa
dang lam dang gzhi thams cad ces sogs kyi gzhung 'di lam gsum
rtags mtshan gyi gzhung

yin zer na/ 'o na/ gzhung des sbyar ba dang po gsum gyi skabs
nas bstan pa'i sbyor lam sbyor lam btags pa ba dang/ mthong lam
mthong lam btags pa ba sogs su bstan par thal/ dam bca' 'thad
pa'i phyir/ 'dod mi nus te/ des sbyor ba dang po gsum gyi skabs
rnas bstan pa'i sbyor lam

@56a @#/ /sbyor lam mtshan nyid ba dang / mthong lam mthong lam
mtshan nyid bar bstan ba'i phyir/ der thal/ gzhung rtsa ba nas de
ltar bstan pa gang zhig /slob dpon gyis gzhung rtsa ba'i dgongs
pa ji lta ba bzhin du ma nor bar bkral ba'i phyir/ dang po der
thal/ mthong ba'i lam la bzod pa

dang ; zhes sogs kyis mthong lam pa phyir mi ldog gi rtags dngos
su bstan pa'i phyir/ kha cig /rnam pa dang lam dang zhes sogs
kyi gzhung 'dis/ skabs dang po gsum du sbyor mthong sgom gsum
lan gsum du dngos su bstan/ 'dir yang dro ba rnams kyi dmigs pa
'dir/ /zhes pas sbyor lam

dngos su bstan pas de'i rigs rgyun du gyur pa'i mthong sgom
gnyis kyang bstan par 'gyur ram/ de ltar na zlos par 'gyur mnyam
pa'i zlos skyon spong phyir du 'grel pa 'di bkod pa yin zer na/
skabs dang po gsum du sbyor mthong sgom gsum dngos su bstan bar
thal/ 'dod pa'i phyir/ 'dod

na; skabs gsum par sgom lam dngos su bstan par thal/ 'dod pa'i
phyir/ 'dod mi nus te/ nyan thos kyi lam ni byang chub sems dpas
yongs su shes par bya ba yin gyis/ mngon du bya ba ni ma yin
pas/ sgom pa'i lam ni ma bstan te/ zhes pa'i gzhung 'dis skabs
gsum par sgom lam

dngos su mi ston pa'i rgyu mtshan 'chad byed kyi gzhung yin pa'i
phyir/  gnyis pa rang gi lugs la/ rnam pa dang lam dang gzhi
thams cad/ ces sogs kyi 'grel pa 'di skabs 'dir 'byung ba'i rgyu
mtshan dang bkod pa'i dgos pa yod de/ skabs dang po gsum du sbyor
mthong sgom gsum lan

gsum du bstan/ 'dir yang dro ba rnams kyi dmigs pa 'dir/ /zhes
bas sbyor lam bstan pa nas de'i rigs rgyun du gyur pa'i mthong
sgom gnyis kyang ston par 'gyur ram de ltar na zlos par mi 'gyur
zhing / bstan pa'i dgos pa ci yin zhe na/ mngon par rtogs pa lam
rkyangs pa ba'i log rtog

khegs pa'i phyir du bstan pa yin no/ /zhes bstan pa yin pa'i
phyir/ mngon par rtogs pa'i lam rkyangs pa ba de/ mdo bstan bcos
gang la log par rtog cing zhugs pa'i tshul yod de/ rnam mkhyen
gyi bshad bya rtsa ba'i mdos/ theg chen gyi tshogs sbyor kyi
nyams len 'ba' zhig bstan/ lam

@56b shes kyi bshad bya rtsa ba'i mdos sa dang po nas drug pa'i
bar gyi nyams len 'ba' zhig bstan/ gzhi shes kyi bshad bya rtsa
ba'i mdos/ sa bdun ba'i nyams len 'ba' zhig bstan/ rnam rdzogs
sbyor ba'i bshad bya rtsa ba'i mdos/ sa brgyad pa'i nyams len
'ba' zhig bstan/ rtse sbyor gyi bshad bya rtsa

ba'i mdos/ sa dgu pa dang bcu pa'i dkyil stod kyi nyams len 'ba'
zhig bstan/ mthar gyis sbyor ba'i bshad bya rtsa ba'i mdos sa
bcu pa'i dkyil smad kyi nyams len 'ba' zhig bstan bar 'dod pa'i
phyir/ de'i rjes su lam gsum rtags mtshan pa de/ mdo dang bstan
bcos gang la log par rtog cing zhugs

pa'i tshul yod de/ mngon par rtogs ba lam rkyangs pa pa'i log
rtog dgag ba'i phyir du rje btsun gyis skabs dang po drug tu
sbyor mthong sgom gsum lan drug tu bstan pa na skabs dang po
gsum du bstan pa'i sbyor lam sbyor lam mtshan nyid pa sogs yin pa
dang / sbyor ba bzhi'i skabs nas bstan pa'i sbyor

lam sbyor lam btags pa ba sogs yin zhing / 'dogs pa'i chos gsum
tshang ste/ dag sa'i ye shes chung 'bring chen po gsum rim gyis
skye ba dang / sbyor mthong sgom gsum rim gyis skye ba chos
mthun pa rgyu mtshan dang / dag sa'i ye shes rnams 'bad rtsol
rags pa spangs pas cig car du skye

'am snyam pa'i log rtog 'gog dgos pa dang / sbyor ba dang po
gsum gyi skabs nas bstan pa'i sbyor lam sbyor lam mtshan nyid pa
sogs yin na zlos pa'i skyon du 'gyur ba gnod byed du 'dod pa'i
phyir/ de ltar byas nas skabs dang po drug tu sbyor mthong sgom
gsum lan drug tu bstan pa la brten

nas mngon par rtogs pa lam rkyangs pa ba'i log rtog de khegs nus
pa yin te/ rnam mkhyen mtshon byed kyi chos ci rigs pa sbyor
mthong sgom gsum ka'i gnas skabs su nyams su len pa yod pa nas
bzung ste/ mthar gyis sbyor ba mtshon byed kyi chos rnams ci rigs
pa sbyor mthong sgrom gsum

ka'i gnas skabs su nyams su len pa yod bar gsungs pa la brten
nas rnam mkhyen mtshon byed kyi chos rnams tshogs sbyor 'ba' zhig
gi gnas skabs su nyams su len snyam pa'i log rtog sogs khegs par
'gyur ba'i phyir/ slob dpon seng ge bzang pos lam gsum rtags
mtshan par ma bzhed cing

@57a @#/ /lam gsum rtags mtshan ba'i lugs de mi 'thad de/ de la
'dogs pa'i chos gsum mtshang ba yin pa'i phyir/ 'dogs pa'i rgyu
mtshan ma tshang bar thal/ sa brgyad pa'i ye shes chung 'bring
chen po gsum dang / sbyor mthong sgom gsum po 'dra chos khyad
par ba sbyor du

med pa'i phyir/ btags pa la dgos pa med de/ sa brgyad pa'i ye
shes chung 'bring chen po gsum zhes pa'i ming gis smos bas cig
car du skye 'am snyam pa'i log rtog ma khegs na/ de la sbyor
mthong sgom gsum gyi ming gis smos pas cig car du skye 'am snyam
pa'i log rtog khegs mi nus pa'i

phyir/ dngos la gnod byed yod de/ sa brgyad pa'i ye shes chen po
sgom lam mtshan nyid pa yin pa'i phyir/ rtsa ba'i rtags dang po
der thal/ slob dpon seng ge ? bzang pos/ dro ba rnams kyi dmigs
pa 'dir/ /zhes pa'i skabs nas bstan pa'i sbyor lam dang / rmi
lam na yang chos rnams kun/ /zhes

pa'i skabs nas bstan ba'i sbyor lam sbyor lam mtshan nyid bar
bzhed ba'i phyir/ gnyis pa rang lugs la/ mngon par rtogs pa lam
khugs pa ba'i lugs su 'dod pa yin te/ rnam mkhyen mtshon byed kyi
chos ci rigs pa sbyor mthong sgom gsum ka'i gnas skabs su nyams
su len pa

yod pa nas/ mthar gyis sbyor ba mtshon byed kyi chos ci rigs pa
sbyor mthong sgom gsum ka'i gnas skabs su nyams su len pa yod
pa'i phyir/ gsum pa rtsod ba spong ba la/ kha cig /slob dpon
seng ge bzang pos mngon par rtogs pa lam rkyangs pa bar bzhed
par thal/ sdud

'grel gyi ches sku'i mtshams sbyor du de ltar gsungs pa'i phyir
zer na skyon med de/ de ni lam rkyangs pa bar 'dod ba'i slob
dpon gzhan gyi lugs bkod pa'i sems bskyed sogs chos bcu gzhir
bzung ba'i nyams len tshogs sbyor gyi skabs su yod ces pa'i don
yin pa'i phyir/ kha cig /

slob dpon seng ge bzang pos lam gsum rtags mtshan par bzhed bar
thal/ rnam rdzogs sbyor ba'i skabs su rab kyi mthar phyin par
zhes pa dang / zag pa med pa'i ye shes/ zhes gsungs pa'i phyir
zer na skyon med de/ mkhyen gsum la goms pa rab kyi mthar phyin
par byed dgos pa

@57b dang ; de'i 'dzin stangs kyi yul la nyon mongs kyis slad pa
mzhugs pa la dgongs pa'i phyir/ kha cig /slob dpon seng ge bzang
pos lam gsum rtags mtshan bar bzhed par thal/ rnam rdzogs sbyor
ba khyad par can gyi skabs su gzhan dag phun sum tshogs pa thams
cad kyi mthar thug pa la 'god pa dang rtse

sbyor gyi skabs su mkhyen gsum gyi chos rdzogs bar gsungs pa
gang zhig /de 'dra'i sbyor lam med pa'i phyir zer na/ 'o na/
skabs dang po'i skabs nas bstan pa'i sbyor lam sbyor lam ma yin
par thal/ de'i skabs su sgo gsum rnam par dag pa/ mtshan rnam par
dag pa/ zhing rnam par dag pa/ dba' bar 'gro ba'i

ting nge 'dzin bsgom pa/ lung ston pa dang / rlom pa zad pa dang
/ ting nge 'dzin rnam par mi rtog pa bsgom pa gsungs ba gang
zhig /de 'dra'i sbyor lam med pa'i phyir/ 'khor gsum/ kho na re/
skyon med de/ skabs dang bor de ltar gsungs pa de/ lkog tu lung
ston pa dang / rlom pa rags pa zad pa dang / rgyu rtsom pa la

gnas pa dang / mos pa yid byed tsam gyis bsgom pa la dgongs pa
yin no zer na/ cig shos la yang mtshungs par thal/ gzhan dag phun
sum tshogs pa thams cad kyi mthar thug pa la 'god pa'i rgyun tsam
la gnas pa dang / mkhyen gsum gyi chos rjes su mthun pa la
dgongs pa'i phyir/ khyod

ltar na mkhyen gsum gyi chos rdzogs pa'i sa dgu pa'i ye shes
dang / sa bcu pa'i dkyil stod kyi ye shes yod par thal/ kun
mkhyen nyid gsum chos rnams kyis/ /zhes gsungs pa gang zhig
/mkhyen gsum gyi chos yongs su rdzogs pa'i sbyor lam med pas
rtse sbyor gyi skabs nas bstan pa'i

sbyor lam sbyor lam btags pa yin pa'i phyir/ 'dod mi nus te/
mkhyen gsum gyi chos yongs su rdzogs pa'i slob pa'i ye shes med
pa'i phyir te/ rnam mkhyen thob pa'i slob pa'i ye shes med pa'i
phyir/ gzhan yang / bcom ldan 'das kyis mdo la zlos skyon rtsi
rung bar thal/ rgyas 'bring

bsdus gsum gyis sbas don mngon rtogs kyi rim pa ji ltar gtan la
phab pa de ltar mngon rtogs rgyan gyis gtan la phab pa gang zhig
/sbyor ba dang po gsum gyi skabs nas bstan pa'i sbyor lam sbyor
lam mtshan nyid pa sogs yin na/ zlos par 'gyur ba'i phyir/ rtags
khas/ 'dod mi

@58a @#/ /nus te/ rnam bshad snying po rgyan las/ gzhung 'di lam
gsum gyi zlos spong la yang cung zad sbyor du rung mod kyang /
zhes gsungs pa'i phyir/ ! nges 'byed yan lag nas bzung ste/
/zhes sogs kyi skabs su/ phyir mi ldog pa'i rtags thob pa'i dge
'dun chos can/ khyod la du

ma yod de/ sbyor lam pa phyir mi ldog gi rtags thob pa/ mthong
lam pa phyir mi ldog gi rtags thob pa/ sgom lam pa phyir mi ldog
gi rtags thob ba'i dge 'dun gsum yod pa'i phyir/ 'di'i skabs su
gsum las/ dang po la/ kha cig na re/ gdul bya dbang rnon gyis
sbyor lam nas phyir mi ldog gi rtags

thob pa dang / dbang 'bring gis mthong lam nas phyir mi ldog gi
rtags thob pa dang / dbang rtul gyis sgom lam nas phyir mi ldog
gi rtags thob pa yin zer na/ 'o na/ sgom lam nas phyir mi ldog
gi rtags gsar du thob dgos kyi byang sems mthong lam pa de gdul
bya dbang rtul yin par thal/ khyod kyi

dam bca' 'thad pa'i phyir/ 'dod na/ de chos can/ khyod gdul byad
bang rtul ma yin par thal/ dbang rnon yin pa'i phyir/ der thal/
theg chen gyi rigs can yin pa'i phyir/ kha cig /phyir mi ldog gi
rtags thob pa'i byang sems tshogs lam pa yod zer na/ de med par
thal/ 'grel bshad tshig gsal

las/ rang la dngos po nges par yod kyang / nges par byed pa'i
rtags bzung sla ba med pa'i phyir/ tha snyad gdags pa'i gzhir ma
gyur bas na 'di phyir mi ldog pa'o/ /zhes gang du yang ma gsungs
te/ zhes gsungs pa'i phyir/ kha cig /gzugs sogs la bden zhen
mngon 'gyur ba zlog pa sogs

rtags nyi shu po dang ldan pa'i gang zag /sbyor lam ba phyir mi
ldog gi rtags thob pa'i gang zag gi mtshan nyid yin zer na/ de mi
'thad bar thal/ gzugs sogs la bden zhen mngon 'gyur ba ldog pa
sogs rtags nyi shu po rgyud la ldan pa'i gang zag yin pa med
pa'i phyir/ der thal/ sbyor lam

bzhi ka'i phyir mi ldog pa'i rtags rgyud la ldan pa'i gang zag
yin pa med ba'i phyir/ sbyor lam drod sogs bzhi ka rgyud la ldan
pa'i gang zag yin pa med pa'i phyir/ kha cig /gzugs sogs la bden
zhen mngon 'gyur ba zlog pa sogs rtags nyi shu po gang rung thob
pa'i sems dpa'/

@58b sbyor lam pa phyir mi ldog gi rtags thob pa'i gang zag gi
mtshan nyid zer na/ sbyor lam pa phyir mi ldog gi rtags thob pa'i
sangs rgyas 'phags pa chos can/ mtshan nyid der thal/ mtshon bya
de'i phyir/ rtags sal/ ? kha cig /gzugs sogs la bden zhen
mngon 'gyur ba zlog pa sogs rtags nyi shu po gang

rung thob pa'i nges 'byed yan lag la gnas pa'i sems dpa'/ sbyor
lam pa phyir mi ldog gi rtags thob pa'i sems dpa'i mtshan nyid
zer na/ sbyor lam pa phyir mi ldog gi rtags thob pa'i byang sems
mthong lam ba chos can/ mtshan nyid der thal/ mtshon bya de'i
phyir/ der thal/ chos can de yin pa'i phyir/

'dod na/ byang sems sbyor lam pa yin par thal lo/ /kha cig
/sbyor lam pa phyir mi ldog gi rtags thob pa'i sems dpa' yin na/
gzugs sogs la bden zhen mngon 'gyur ba zlog bas khyab zer na/
sbyor lam pa phyir mi ldog gi rtags thob pa'i gzugs sogs la bden
zhen lhan skyes mngon 'gyur

ba rgyud la ldan pa'i sems dpa' chos can/ der thal/ de'i phyir/
der thal/ chos can de yin pa'i phyir/ der thal/ de yod pa'i
phyir/ der thal/ ma dag sa bdun gyi gnas skabs su bden 'dzin
lhan skyes 'jug pa'i phyir/ 'dod mi nus te/ chos can de yin pa'i
phyir/ kha cig /phyir mi ldog gi rtags thob

pa'i byang sems mthong lam pa yin na/ sbyor lam pa phyir mi ldog
gi rtags thob pa'i sems dpa' yin pas khyab zer na/ sbyor lam gyi
gnas skabs su phyir mi ldog gi rtags ma thob cing / mthong lam
gyi gnas su phyir mi ldog gi rtags thob pa'i byang sems mthong
lam pa chos can/ der thal/ de'i phyir

der thal/ chos can de yin pa'i phyir/ der thal/ byang sems dbang
'bring gis mthong lam nas phyir mi ldog gi rtags thob par byed
pa'i phyir/ 'dod na/ sbyor lam gyi gnas skabs su phyir mi ldog
gi rtags thob par thal lo/ /'dod mi nus te/ chos can de yin pa'i
phyir/ kha cig /sangs rgyas 'phags pa

yin na sbyor mthong sgom gsum ka'i phyir mi ldog gi rtags thob
pas khyab zer na/ sbyor lam dang mthong lam gyi gnas skabs su
phyir mi ldog gi rtags ma thob par sgom lam gyi gnas skabs su
phyir mi ldog pa'i rtags thob pa'i sangs rgyas 'phags pa chos
can/ der thal/ de'i phyir/ der thal/ chos

@59a @#/ /can de yin pa'i phyir/ der thal/ de yod pa'i phyir/ der
thal/ byang sems dbang rtul gyis sgom lam nas phyir mi ldog gi
rtags thob par byed pa'i phyir/ 'dod na/ sbyor lam dang mthong
lam gyi phyir mi ldog gi rtags thob par thal lo/ /'dod mi nus
so/ kha cig /sbyor lam phyir

mi ldog gi rtags thob pa'i byang sems sbyor lam pa yin na/ sbyor
lam drod phyir mi ldog ba'i rtags thob pas khyab zer na/ sbyor
lam drod kyi gnas skabs su phyir mi ldog gi rtags ma thob cing
rtse mo'i gnas skabs su phyir mi ldog gi rtags thob pa'i byang
sems sbyor lam pa chos can/ der thal/ de'i phyir/

rtags gsal chos can gyis sgrubs/ kha cig /phyir mi ldog gi rtags
thob pa'i byang sems sbyor lam pa dbang 'bring yod zer na/ de
kho kho rang yin par thal/ kho yod pa'i phyir/ 'dod na/ de chos
can/ byang sems dbang 'bring ma yin par thal/ byang sems dbang
rnon yin pa'i phyir/ der thal/ phyir mi ldog gi

rtags thob pa'i byang sems yin pa'i phyir/ khyab ste/ phyir mi
ldog gi sar bkol ba ni/ dbang po rnon po'i lam kho nas de thob
pa'i phyir/ zhes gsungs pa'i phyir/ kha cig /byang sems rnams
kyis tshogs lam nas bsam pa'i sgo nas phyir mi ldog gi rtags
thob/ sbyor lam nas sbyor ba'i sgo nas phyir

mi ldog gi rtags thob pa yin zer na/ byang sems tshogs lam pa yin
na/ bsam pa'i sgo nas phyir mi ldog gi rtags thob pas khyab par
thal/ dam bca' 'thad pa'i phyir/ 'dod na/ theg dman lam du ltung
nges kyi byang sems tshogs lam pa chos can/ der thal/ de'i phyir/
'dod na/ de chos can/

khyod bla med rdzogs pa'i byang chub ma thob bar du bsam pa sems
bskyed de las nyams pa mi srid par thal/ khyod bsam pa'i sgo nas
phyir mi ldog gi rtags thob pa'i sems dpa' yin pa'i phyir/ 'dod
mi nus te/ chos can de yin pa'i phyir/ kha cig /ma dag sa gnas
kyi sems dpa' rdzogs byang

las phyir ldog pa yod zer na/ 'o na/ de don dam sems bskyed las
nyams pa yod bar thal/ dam bca' 'thad pa'i phyir/ 'dod na/ de
stong nyid mngon sum du rtogs pa'i shes rab las nyams pa yod par
thal/ 'dod pa'i phyir/ 'dod na/ khyod stong nyid mngon sum du
rtogs pa'i shes rab las

@59b nyams pa med par thal/ khyod theg chen 'phags pa yin pa'i
phyir/ kha cig /theg chen mthong lam shes bzod skad cig ma bcu
drug po de mthong lam pa phyir mi ldog gi rtags yin zer na/ de
chos can/ khyod rang las rtogs pa dman pa'i gang zag gi mngon
sum gyi spyod yul yin par thal/ khyod mthong

lam pa phyir mi ldog gi rtags yin pa'i phyir/ 'dod mi nus te/
mkhyen pa yin pa'i phyir/ kha cig /thabs shes kyi rtog pa brtan
po gnyis po de byang sems sbyor lam pa dbang rnon gyi phyir mi
ldog gi rtags yin zer na/ de mi 'thad par thal/ byang sems sbyor
lam pa dbang rnon tshad mas nges na/ de rdzogs

byang las phyir mi ldog par tshad mas nges dgos pa'i phyir/ der
thal/ de tshad mas nges na/ thabs shes kyi rtog pa brtan po gnyis
dang ldan par tshad mas nges dgos pa'i phyir dang / de nges na/
de lam gzhan gyis bar ma chod par bla med rdzogs pa'i byang chub
mngon du byed nges yin par tshad mas nges

dgos/ de nges na/ de bla med rdzogs byang las phyir mi ldog bar
tshad mas nges dgos pa'i phyir/ rtags 'bud/ gnyis pa rang gi lugs
gzhag pa la/ phyir mi ldog gi don dang de'i rtags kyis dpog pa'i
tshul gnyis/ dang po ni lam gzhan gyis bar ma chod par bla med
rdzogs pa'i byang chub 'byung rung de

yin; gnyis pa ni/  gzugs sogs la bden zhen mngon 'gyur ba
zlog cing / sems can gzhan sdug bsngal gyis mnar ba mthong
ba'i tshe lus kyi tha snyad khyad par can dang / theg pa chen
po'i lam 'bras bu dang bcas pa rdzogs par ston pa'i dag gi
tha snyad khyad par can 'khrul med

brtan po de gnyis gang rung dang ldan pa'i byang sems sbyor lam
pa chos can/ bla med rdzogs pa'i byang chub las phyir mi ldog pa
yin te/ thabs shes kyi rtog pa brtan po gnyis dang ldan pa'i
sems dpa' yin pa'i phyir/ der thal/ sems can gzhan sdug bsngal
gyis mnar ba mthong

ba na las kyi ba spu g.yo zhing mi gnas mchi ma 'khrug pa sogs
lus kyi tha snyad khyad par can dang / theg chen kyi lam 'bras
bu dang bcas pa rdzogs par ston pa'i ngag gi tha snyad khyad par
can 'khrul med brtan po gang rung dang ldan pa'i sems dpa' yin
pa'i phyir/ gzugs sogs

@60a @#/ /la bden zhen mngon 'gyur ba zlog pa sogs rtags nyi shu
po gang rung thob pa'i nges 'byed cha mthun la gnas pa'i sel


[@#data incomplete this section]



@61a @#/ /ma khyab/ ma grub na 'bud/ 'dod na/ theg chen sbyor
lam drod kyi gnas skabs su phyir mi ldog gi rtags thob pa'i theg
chen sbyor lam chos mchog ba chos can/ der thal/ de'i phyir/
rtags gsal chos can gyis sgrubs/ theg chen mthong lam shes bzod
skad cig ma

bcu drug po de mthong lam pa phyir mi ldog gi rtags yin par
thal/ thabs shes kyi rtogs pa brtan po gnyis po de mngon rtogs
rgyan gyi ched du bya ba'i gdul bya byang sems sbyor lam pa
phyir mi ldog gi rtags yin pa'i phyir te/ thabs shes kyi rtogs
pa brtan po gnyis po de byang sems sbyor

lam pa rdzogs byang las phyir mi ldog par sgrub pa'i rtags yin
pa'i phyir/ der thal/ 'grel chen las/ bzung byar bya'o zhes bya
ba ni/ nus pa'i rgyu yis 'bras skye bar/ /rjes su dpog pa gang
yin pa/ /don gzhan la ni mi ltos phyir/ /de ni rang bzhin yin
par brjod/ /ces gsungs pa'i

phyir zer na ma khyab/ kha cig /ma dag sa bdun la gnas pa'i byang
sems bsam pa'i sgo nas rdzogs byang las phyir ldog pa yod par
thal/ bshad rgyud rdo rje rtse mo las/ rgyal ba'i sras pos sa
thob kyang/ /blo brtan pa ni ma yin te/ /rje srid sa brgyad ma
thob par/ khyod kyi sgrub byed

'thad pa'i phyir/ 'dod na/ yum bar ma'i ched du bya ba'i gdul
bya byang chub sems dpa'chos can/ der thal/ de'i phyir/ rtags
gsal chos can gyis sgrubs/ kha cig /'dir bshad pa'i phyir mi
ldog gi rtags de rdzogs byang las phyir mi ldog pa'i go ba tsam
yin gyis/ phyir mi

ldog gi rtags ma yin no zer na/ de mi 'thad par thal/ rnam 'grel
las/ rgyu tshogs pa las 'bras skye bar/ zhes ba'i skabs nas bstan
pa'i rang bzhin gyis rtags yang dag cig yod pa gang zhig /'grel
chen las/ nus pa'i rgyu yis 'bras skye bar/ /rjes su dbog pa
gang yin pa/ /don

@61b gzhan la ni mi ltos phyir/ /de ni rang bzhin yin par brjod/
/ces gsungs pa'i phyir/ ;chos rnams rmi lam 'dra ba'i phyir/
zhes sogs kyi skabs su/ sa brgyad pa'i ye shes chos can/ srid
zhi mnyam nyid sbyor ba yin te/ rjes thob kyi gnas skabs su bden
'dzin mngon 'gyur bskye ba'i go skabs

bcom pa'i dag sa'i ye shes yin pa'i phyir/ 'di'i skabs su gsum
las/ dang po la/ kha cig /bden 'dzin skye ba'i go skabs bcom
pa'i dag sa'i ye shes/ srid zhi mnyam nyid sbyor ba'i mtshan nyid
zer na/ sa brgyad pa'i ye shes chos can/ mtshan nyid der thal/
mtshon bya de'i phyir/ 'dod na/ bden

'dzin spang bar thal/ bden 'dzin skye ba spangs pa'i phyir/ der
thal/ bden 'dzin skye ba'i go skabs bcom pa'i phyir/ 'dod na/
rnam mkhyen du tha-lo/ /kha cig /stong nyid mngon sum du rtogs pa
la brten nas rjes thob kyi gnas skabs su bden 'dzin mngon 'gyur
ba skye ba'i go skabs bcom pa'i ye shes/

sring zhi mnyam nyid sbyor ba'i mtshan nyid zer na/ byang sems sa
brgyad ba ba'i rgyud kyi theg chen sems bskyed chos can/ mtshan
nyid der thal/ mtshon bya de'i phyir/ 'dod na/ stong nyid rtogs
par thal/ 'dod pa'i phyir/ 'dod mi nus te/ slob pa'i rgyud kyi
sems bskyed yin pa'i phyir/ kha cig /

bden 'dzin mngon 'gyur ba skye ba'i go skabs bcom pa'i chos
sku'i rgyu byed pa'i dag sa'i ye shes/ srid zhi mnyam nyid sbyor
ba'i mtshan nyid yin zer na/ 'o na/ sa brgyad pa'i ye shes chos
can/ chos sku'i rgyu byed par thal/ srid zhi mnyam nyid sbyor ba
yin pa'i phyir/ 'dod mi nus te/

chos sku 'dus ma byas yin pa'i phyir/ kha cig /sa brgyad pa'i ye
shes kyis bden 'dzin mngon 'gyur ba ma spangs zer na/ de spangs
bar thal/ bden 'dzin mngon 'gyur ba spangs na de'i sa bon spang
mi dgos pa'i phyir/ der thal/ 'dod sred dgu pa mngon 'gyur ba
spangs na de'i sa bon spang

mi dgos pa'i phyir/ rtags gong du sgrub zin/ gzhan yang/ sa
brgyad pa'i ye shes kyis bden 'dzin mngon 'gyur ba spangs bar
thal/ sa brgyad pa'i 'phrin las la dgod pa'i skabs su bden 'dzin
mngon 'gyur ba spangs pa'i 'phrin las la 'god par gsungs ba'i
phyir/ kha cig /gnyid yin na/

@62a @#/ /mi dge ba yin pas khyab zer na/ de mi 'thad par thal/
de dang dge ba'i gzhi mthun yod pa'i phyir/ der thal/ rmi lam du
stong nyid bsgom pa yod pa'i phyir/ der thal/ rmi lam na yang
chos rnams kun/ zhes sogs gsungs ba'i phyir/ kha cig/ rmi lam du
srog gcod pa

rmis nas sad dus su mngon zhen drag pos gsos btab pa la brten
nas/ sogs gcod kyi las lam yongs su rdzogs pa yod zer na/ 'o na/
rmi lam du mig sad pa rmis nas sad dus su mngon zhen drag pos
gsos btab ba la brten nas/ mi gsad pa'i srog gcod kyi las lam

yongs su rdzogs pa yod par thal/ dam bca' 'thad pa'i phyir/ 'dod
na/ rmi lam gyi mi de mi yin par thal/ 'dod pa'i phyir/ 'dod na/
rmi lam gyi mi chos can/ khyod mi ma yin par thal/ khyod chos
kyi skye mched kyi gzugs yin pa'i phyir/ kha cig/ rmi lam du mi
gsad pa rmis nas sad du su

mngon zhen drag pos gsos btab pa la brten nas/ mi dge ba'i las
lam yongs su rdzogs pa med zer na/ de yod par thal/ rmi lam du
phyin drug la spyod ba rmis nas sad dus su dga' ba bsgom pas dge
ba'i las lam yongs su rdzogs pa yod pa'i phyir/ der thal/ rmi
lam du phyin drug la

spyod pa rmis nas sad dus su dga' ba bsgom pa'i sgo nas dge rtsa
rdzogs byang du bsngos pa la brten nas byang chub thob pa yod
pa'i phyir/ kha cig/ rmi lam du mi yod zer na/ rmi lam gyi mi mi
yin par thal/ dam bca' 'thad pa'i phyir/ 'dod mi nus te/ gong du
bkag zin pa'i phyir/ kha cig/

rmi lam gyi mi med zer na/ de yod par thal/ rmi lam gyi glang po
che yond pa'i phyir/ der thal/ de rten 'grel yin pa'i phyir/ der
thal/ de rten 'brel gyi rtags kyis myu gu bden med du sgrub pa'i
rtags chos gnyis ldan gyi mthun dpe yang dag yin pa'i phyir/ kha
cig /nyin par dge mi dge ba'i

las gsog spel byed pa med par thal/ dge ba'i las bden par med
pa'i phyir/ zhes pa'i sun 'byin 'di sems tsam pas dbu ma ba la
'phangs pa'i sun 'byin yin no zer na/ de chos can/ sems tsam
pa'i ngag yin par thal/ sems tsam pas dbu ma pa la 'phangs/ pa'i

@62b sun 'byin yin pa'i phyir/ 'dod mi nus te/ der gyur pa'i
phyir rol pa'i ngag yod pa'i phyir/ der thal/ de 'dra'i sun
'byin 'phen pa po'i phyir rol pa yod pa'i phyir/ der thal/ dbu
ma pas dge mi dge ba'i las bden med du khas blangs pa la de ltar
rtsod pa'i phyi rol pa yod pa'i phyir/ kha cig/ nyan thos

sde gnyis kyi lugs la blo don dam pa dbang shes ma 'khrul pa'i
yul yin na/ phra ba'i mi rtag pa dang rdul phran cha med gang
rung yin pas khyab zer na/ bum pa chos can/ der thal/ de'i
phyir/ der thal/ blo don dam pa dbang shes ma 'khrul ba bum
'dzin dbang po'i mngon sum gyi dngos yul yin

pa'i phyir/ der thal/ bum 'dzin dbang po'i mngon sum gyi yul yod
pa gang zhig/ sngon po de blo don dam pa dbang shes ma 'khrul pa
sngon 'dzin dbang po'i mngon sum gyi dngos yul yin pa'i phyir/
rtsa bar 'dod mi nus te/ bum pa yin pa'i phyir/ kha cig /de
gnyis kyi lugs la/ blo don dam pa

dbang shes ma 'khrul pa de la sngon po dang sngon po'i cha shas
tha dad pa'i cha de snang ba yin no zer na/ de'i lugs gzhir
zhog/ 'o na/ de spyi mtshan snang yul du byed pa'i shes par thal/
sngon po dang sngon po'i cha shas tha dad pa'i cha de de'i snang
yul yin pa'i phyir/ der thal/ de de la snang ba'i phyir/

'dod na/ de chos can/ 'khrul shes yin par thal/ spyi mtshan snang
yul du byed pa'i shes pa yin pa'i phyir/ 'dod na/ de mi 'thad
par thal/ dbang shes ma 'khrul ba yin pa'i phyir/ kha cig /de
gnyis kyi lugs la/ blo don dam pa nyan thos mthong lam bar chad
med lam des gang

zag gi bdag med phra mo mngon sum du rtogs pa yin zer na/ 'o na/
des gang zag gi bdag med phra mo mngon sum du rtogs par thal/
dam bca' 'thad pa'i phyir/ 'dod na/ gang zag gi bdag med phra mo
chos can/ rang mtshan yin par thal/ blo don dam pa nyan thos
mthong lam bar chad

med lam gyi dngos yul yin pa'i phyir/ 'dod mi nus te/ spyi mtshan
yin pa'i phyir/ der thal/ gang zag gi bdag med phra mo yin pa'i
phyir/ gnyis pa rang lugs la/ mnyam gzhag gi gnas skabs su srid
zhi bden stong mnyam pa nyid du mngon sum du rtogs pa la brten
nas rjes kyi

@63a @#/ /gnas skab su bden 'dzin mngon 'gyur ba skye ba'i go
skabs bcom pa'i dag sa'i ye shes srid zhi mnyam nyid sbyor ba'i
mtshan nyid/ srid zhi bden stong mnyam pa nyid yin te/ srid zhi
bden stong mnyam pa nyid du khas blangs pa la/ dngos smra bas
rtsod pa'i sun 'byin

la lan don mthun thebs pa'i phyir/ der thal/ nyin par dge mi dge
ba'i las gsog spel byed pa med par thal/ dge mi dge ba'i las
bden par med pa'i phyir/ dper na rmi lam bzhin/ zhes dngos smra
bas 'phangs pa'i sun 'byin la/ dbu ma pas kun rdzob la ltos pa'i
khyab med kyi lan don

mthun thebs/ don dam la ltos pa'i 'dod lan don mthun cig thebs
pa'i phyir te/ dngos smra ba rang nyid la dpe ma grub pa yin
pa'i phyir/ phyi ma der thal/ dngos smra bas bden med kyi dngos
po mi 'dod pa'i phyir/ gsum pa rtsod pa spong ba la/ kha cig
/byang sems sa brgyad pas bden 'dzin

spangs par thal/ des bden 'dzin mngon 'gyur ba spangs pa gang
zhig/ bden 'dzin dang bden 'dzin mngon 'gyur ba yin khyab mnyam
yin pa'i phyir/ zer na ma khyab/ 'o na/ byang sems sbyor lam pa
chos can/ shes sgrib rnam byang gzung rtog kun btags spangs par
thal/ shes sgrib rnam byang

gzung rtog kun btags mngon 'gyur ba spangs pa gang zhig /de
gnyis yin khyab mnyam yin pa'i phyir/ 'khor gsum/ gal te 'dod
na/ de'i sa bon spangs par thal/ 'dod pa'i phyir/ 'dod mi nus
te/ byang sems so skye yin pa'i phyir/ kha cig /byang sems sa
brgyad pa pa'i rgyud kyi sems

bskyed chos can/ srid zha bden stong mnyam pa nyid du mngon sum
du rtogs par thal/ mnyam gzhag gi gnas skabs su srid zhi bden
stong mnyam pa nyid du mngon sum du rtogs pa la brten nas rjes
kyi gnas skabs su bden 'dzin mngon 'gyur ba skye ba'i go skabs
bcom pa'i dag

sa'i ye shes yin pa'i phyir zer na ma khyab/ rtags der thal/
srid zhi mnyam nyid sbyor ba yin pa'i phyir/ der thal/ dag sa'i
ye shes yin pa'i phyir/ 'dod mi nus te/ slob pa'i rgyud kyi sems
bskyed yin pa'i phyir/ kha cig /rmi lam du srog gcod pa'i las
lam yongs su rdzogs pa

@63b yod bar thal/ rmi lam gyi srog gcod pa'i las lam yongs su
rdzogs pa yod pa'i phyir/ der thal/ rmi lam gyi srog gcod kyi mi
dge ba'i las lam yongs su rdzogs pa yod pa'i phyir/ zer na ma
khyab/ rtags der thal/ rmi lam gyi srog chags yod pa gang zhig/
rmi lam du srogs gcad pa rmis nas

sad dus su mngon zhen drag pos gsol btab pa la brten nas mi dge
ba'i las lam yongs su rdzogs pa yod pa'i phyir/ 'dod na bdag
zin/ kha cig /gnyid chos can/ khyod dang dge ba'i gzhi mthun med
par thal/ khyod sgrib pa yin pa'i phyir/ der thal/ sgrib pa
lnga'i nang tshan yin pa'i

phyir te/ rnam pa lnga dang mi 'grogs dang/ /zhes pa'i skabs su/
gnyid rmug gnyis/ 'gyod rgod gnyis/ 'dod pa las 'dun pa/ gnod
sems dang/ the tshom nyon mongs can dang lnga gsungs pa'i phyir/
zer na skyon med de/ sgrob par gyur pa'i gnyid la dgongs pa yin
pa'i phyir/ kha cig /rma

lam du mig shes yod par thal/ rmi lam gyi mig shes yod pa'i
phyir zer na ma khyab/ rtags der thal/ rmi lam gyi srog chags
yod pa'i phyir/ 'dod na/ mi 'thad de/ 'jug pa las/ gal te gnyid
na mig blo mi srid pas/ /zhes gsungs pa'i phyir/ kha cig/ /nyan
thos sde gnyis kyi lugs la/

nyan thos mthong lam bar chad med lam gyis bdag med phra mo
mngon sum du rtogs par thal/ des bdag med mngon sum gyi rtogs
pa'i phyir zer na ma khyab/ der thal/ des bdag med phra mo rtogs
pa gang zhig /de mngon sum yin pa'i phyir/ dang po der thal/
bdag med shugs la rtogs pa'i phyir

!bar chad kyi chos las yang dag par rgal bas lha la sogs pa'i
bdud las 'das pa dang/ zhes sogs kyi skabs su/ sa brgyad pa'i ye
shes chos can/ lha'i bu'i bdud mngon 'gyur ba la sogs pa'i bdud
bzhi mngon 'gyur ba las 'das pa yin te/ lha'i bu'i bdud la sogs
pa'i bdud bzhi

mngon gyur ba la rnal 'byor gyi stobs kyis yang dag par brgal
ba'i dag sa'i ye shes phyir/ 'di'i skabs su gsum las/ dang po la/
kha cig /sdug bsngal bden pa yin na/ phung bo'i bdud mngon 'gyur
ba yin pas khyab bdud rigs kyi gang zag yin na/ lha'i bu'i bdud
mngon 'gyur

@64a @#/ /ba yin pas khyab/ nyon mongs pa'i bdud rags pa yin na/
nyon mongs pa'i bdud mngon 'gyur ba yin pas khyab zer na/ dang
po la/ rgyun zhugs srid pa lan bdun pa ba chos can/ der thal/
de'i phyir/ rtags gong du sgrub zin/ 'dod mi nus te/ dge 'dun
dkon mchag yin pa'i

phyir/ gnyis pa la bdud rigs kyi dud 'gro chos can/ der thal/
de'i phyir/ der thal/ de yod pa'i phyir/ der thal/ bdud rigs kyi
klu yod pa'i phyir/ 'dod na/ lha yan par thal/ 'dod pa'i phyir/
'dod mi nus so/ gsum pa la/ byang sems sa brgyad pa pa'i rgyud
kyi gang zag gyi bdag 'dzin gyi

sa bon chos can/ der thal/ de'i phyir/ der thal/ nyon sgrib yin
pa'i phyir/ 'dod na/ shes pa yin par thal/ nyon mongs pa'i bdud
mngon 'gyur ba yin pa'i phyir/ 'dod na/ byang sems sa brgyad pa
ba'i rgyud kyi gang zag gi bdag 'dzin gyi sa bon shes pa ma yin
par thal/ gang zag gi bdag

med yin pa'i phyir/ kha cig/ las dang nyon mongs pa'i dbang gis
byung ba'i zag bcas kyi phung por dmigs pa/ phung po'i bdud rags
pa'i mtshan nyid/ ma rig pa'i bag chags kyi dbang gis byung ba'i
phung por dmigs pa/ phung po'i bdud phra mo'i mtshan nyid zer na/
las nyon dang/

dus mnyam du gyur pa'i phung po'i bdud rags pa chos can/ mchan
nyid der thal/ mtshon bya de'i phyir/ rtags sla'o/ gzhan yang/
rgyud zhugs srid pa lan bdun ba ba chos can/ mtshon bya dang pho
der thal/ mtshan nyid dang po 'de 'i phyir/ der thal/ las nyon
gyi dbang gi byung ba gang

zhig zag bcas kyi phung por dmigs pa yin pa'i phyir/ dang po
der thal/ thal/ las dang nyon mongs pa'i dbang gis skyes ba yin
pa'i phyir/ gnyis pa der thal/ chos can de yin pa'i phyir/ rtsa
bar 'dod na bkag zin/ gzhan yang/ khyi rgan rgya bo'i phung po
chos can/ mtshon bya phyi ma der

thal/ mtshan nyid de'i phyir/ de ma rig pa'i bag chags kyi dbang
gis byung bar thal/ de las dang nyon mongs pa'i dbang gis byung
ba gang zhig /las dang nyon mongs pa de yang ma rig bag chags
kyi dbang gis byung ba'i phyir/ dang po ma grub na/ 'khor gsum/
phyi ma der thal/ ma

@64b rig bag chags kyi dbang gis skyis pa'i phyir/ rtsa bar 'dod
mi nus te/ phung po'i bdud rags pa yin pa'i phyir/ kha cig /rang
rgyu las dang nyon mongs pa'i dbang gis byung ba'i zag bcas kyi
phung por dmigs pa/ phung po'i bdud rags pa'i mtshan nyid/ rang
rgyud ma rig pa'i bag chags kyid dbang

gis byung ba'i phung por dmigs pa/ phung ba'i bdud phra mo'i
mchan nyid zer na/ dang po la rgyun zhugs srid pa lan bdun pa ba
dang/ phyi ma la/ khyi rgan rgya bo'i phung pos ma nges so/ /kha
cig /nyon mongs pa'i bdud mngon 'gyur ba yin na/ nyon mongs yin
pas khyab zer na/ gang zag gi bdag 'dzin

dang mtshungs ldan du gyur ba'i gtso sems chos can/ der thal/
de'i phyir/ der thal/ nyon sgrib mngon 'gyur ba yin pa'i phyir/
der thal/ chos can de yin pa'i phyir/ 'dod na/ sems byung yin
par thal/ 'dod pa'i phyir/ 'dod mi nus te/ gtso sems yin pa'i
phyir/ kha cig /lha'i bu dga' rab dbang

phyug gis dge ba'i chos la bar chad rtsom pa'i cha de la'i bu'i
bdud yin kyang/ lha'i bu dga' rab dbang phyugs lha'i bu'i bdud
ma yin zer na/ de lha'i bu'i bdud yin par thal/ nyan sa las/
lha'i bu'i bdud ni 'dod pa'i kham su skyes pa'i lha'i bu dbang
phyug thob pa dag nye bar 'ong ba gang yin pa

ste; zhes gsungs pa'i phyir/ kha cig /las nyon gyi dbang gis
srog dbang 'gags pa de 'chi bdag gi bdud rags pa yin zer na/ de
mi 'thad par thal/ de 'dus ma byas yin pa'i phyir/ kha cig /bdud
phra mo bzhi thams cad phan tshun 'gal ba yin no zer na/ 'o na/
nyon mongs pa'i bdud phra mo

dang lha'i bu'i bdud phra mo 'gal bar thal/ dam bca' 'thad pa'i
phyir/ 'dod na/ rgyun mtha'i sbyor ba la gnas pa'i sems dpa'i
rgyud kyi ma rig bag chags kyi sa phra zhing phra ba de chos
can/ lha'i bu'i bdud phra mo ma yin par thal/ nyon mongs pa'i
bdud phra mo yin pa'i phyir/ der thal/ ma rig bag

chags kyis phra zhing phra ba yin pa'i phyir/ 'dod na/ lha'i
bu'i bdud phra mo yin par thal/ bdud gzhan gsum las 'da' ba la
bar du gcod byed kyi shes sgrib phra zhing phra ba yin pa'i
phyir/ kha cig/ bdud bzhi gang rung yin na spang bya yin pas
khyab zer na/ byang sems rgyun mtha' ba'i mtshan

@65a @#/ /dpe rjes mthun pas spras pa'i lus chos can/ der thal/
de'i phyir/ der thal/ phung po'i bdud phra mo yin pa'i phyir/
der thal/ ma rig bag chags kyi sa dang zag med kyi las la brten
nas blangs pa'i mtshan dpe rjes mthun pas spras pa'i lus yin pa'i
phyir te

chos can de yin pa'i phyir/ 'dod mi nus te/ bskal pa du mar
tshogs gnyis rgya chen pos bsgrub pa'i lus yin pa'i phyir/ kha
cig/ theg dman gyi mthong lam nas lha'i bu'i bdud rags pa bcom/
nyan thos dgra bcom pa'i go 'phang thob nas nyon mongs pa'i 'dud
rags

pa bcom/ nyan thos kyi lhag med myang 'das thob nas phung po'i
bdud rags pa bcom/ gnyis ka'i cha las rnam grol gyi dgra bcom
pa'i go 'phang thob nas/ 'chi bdag gi bdud rags pa bcom pa yin
zer na/ 'o na/ 'gog snyoms thob la ma nyams pa'i dgra bcom pa
yin na/

'chi bdag gi bdud rags pa bcom pas khyab par thal/ dam bca'
'thad pa'i phyir/ 'dod na/ 'gog snyoms thob la ma nyams pa'i
lhag bcas myang 'das la gnas pa'i nyan thos dgra bcom pa chos
can/ der thal/ de'i phyir/ der thal/ chos

can de yin pa'i phyir/ 'dod mi nus te/ las nyon gyi dbang gis
srog dbang gis srog dbang 'gags dgos kyi gang zag yin pa'i
phyir/ der thal/ lhag bcas myang 'das la gnas pa'i nyan thos
dgra bcom pa yin pa'i phyir/ kha cig /sbyor lam

pa phyir mi ldog pa'i rtags thob nas lha'i bu'i bdud bcom/ theg
chen mthong lam nas phung po'i bdud dang 'chi bdag gi bdud bcom/
sa brgyad ba thob nas nyon mongs pa'i bdud bcom pa yin zer na/
phyir mi ldog pa'i rtags thob pa'i byang sems sbyor lam pa des

lha'i bu'i bdud bcom par thal/ dam bca' 'thad pa'i phyir/ 'dod
na/ de 'dra'i byang sems sbyor lam pa chos can/ khyod sangs
rgyas 'phags pa yan par thal/ lha'i bu'i bdud bcom pa'i gang zag
yin pa'i phyir/ de bzhi du 'og ma gnyis la yang 'phe no//

@65b kha cig /sbyor lam pa phyir mi ldog pa'i rtags thob nas
lha'i bu'i bdud rags pa bcom theg chen mthong lam thob nas phung
po'i bdud rags pa bcom/ sa brgyad pa nas nyon mongs pa'i bdud
rags pa bcom pa yin no zer na/ byang sems sa brgyad pa ba'i
rgyud la nyon

mongs pa'i bdud rags pa med par thal/ dam bca' phyi ma 'thad
pa'i phyir/ 'dod na/ de yod par thal/ de'i rgyud la nyon sgrib
yod pa'i phyir/ gnyis ba rang lugs la/ bdud bzhi rags pa'i khyad
par yod de/ zag bcas nyir len gyi phung po lnga po de phung

po'i bdud rags pa dang/ rtsa nyon drug nye nyon nyi shu de dang
mtshungs ldan du gyur ba'i sems sems byung rnams nyon mongs pa'i
bdud mngon 'gyur ba dang/ lha'i bu dga' rab dbang phyug lha'i
bu'i bdud rags pa dang/ las dang nyon mongs pa'i dbang gis rang

dbang med par srog dbang 'gag pa/ 'ci bdag gi bdud rags pa yin/
bdud bzhi phra mo phra mo bzhi'i khyad par yod de/ ma rig bag
chags kyi sa dang zag med kyi las kyi dbang gis skye ba blangs
pa'i phung po/ phung po'i bdud phra mo dang/ ma rig bag chags

kyis phra zhing phra ba de nyon mongs pa'i bdud phra mo dang/
lha'i bu'i bdud gnyis ka yin zhing/ ma rig bag chags kyi sa dang
zag
med kyi las la brten nas skye ba blangs pa'i phung po 'dor ba de
'chi bdag gi bdud phra mo yin pa'i phyir/ bdud bzhi rags pa bcom
pa'i sa

mtshams kyi khyad par yod de/ theg dman gyi dbang du byas na/ nyan
thos kyi mthong lam thob nas lha'i bu'i bdud rags pa bcom/ nyan
thos dgra bcom pa'i go 'phang thob nas nyon mongs pa'i bdud rags
pa bchom/ lhag med myang 'das thob nas phung po'i bdud

rags pa dang/ 'chi bdag gi bdud rags pa gnyis ka bcom pa yin
pa'i phyir/ theg chen gyi dbang du byas na/ sbyor lam pa phyir
mi ldog pa'i rtags thob nas lha'i bu'i bdud rags pa bcom/ theg
chen mthong lam thob nas phung po'i bdud rags pa dang/ 'chi bdag

@66a @#/ /gi bdud rags pa bcom/ sa brgyad pa thob nas nyon mongs
pa'i bdud mngon 'gyur ba bcom pa yin pa'i phyir te/ bdud bzhi
phra mo ma lus par bcom pa dang sangs rgyas pa dus mnyam pa'i
phyir/ gsum brtsod pa spong ba la/ kha cig/ zag

bcas nyer len gyi ldan min 'du byed kyi phung po yin na/ phung
po'i bdud rags pa yin dgos par thal/ zag bcas nyer len gyi phung
po lnga po phung po'i bdud rags pa yin pa'i phyir/ 'dod na/ zag
bcas kyi ldan min 'du byed kyi phung po yin na/ phung po'i bdud

rags pa yin dgos par thal lo/ /'dod pa'i phyir zer na ma khyab/
'dod na/ rgyun zhugs srid pa lan bdun pas ma nges so/ /kha cig
/byang sems sa brgyad pa ba'i rgyud kyi gang zag gi bdag 'dzin
gyi sa bon chos can/ dmigs rnam 'dzin pa'i blo yin par thal/

nyon mongs pa'i bdud rags pa yin pa'i phyir/ khyab ste/ nyon
mongs pa'i bdud mngon 'gyur ba yin na/ dmigs rnam 'dzin pa'i blo
yin dgos pa'i phyir zer na ma khyab/ 'dod mi nus so/ /kha cig/
nyan thos dgra bcom pa'i go 'phang thob nas nyon mongs pa'i

bdud rags pa bcom pa mi 'thad par thal/ nyan thos sgom lam rdo
rje lta bu'i ting nge 'dzin la gnas pa'i gang zag gis nyon mongs
ba'i bdud rags pa bcom pa'i phyir/ der thal/ de de dang bral
ba'i phyir/ zer na ma khyab/ rtags gsal bla/ kha cig/ gnyis ka'i

cha las rnam grol gyi nyan thos dgra bcom pas 'chi bdag gi bdud
rags pa bcom par thal/ de'i tshe ji ltar 'dod 'dod du gnas nus
pa'i phyir zer na re zhig ma khyab/ kha cig /byang sems mthong
lam pa yin na/ zag bcas nyer len gyi phung po'i sa bon spangs
pas

khyab par thal/ de yin na zag bcas nyer len gyi phung po spangs
pas khyab pa'i phyir zer na ma khyab/ rtags sla/ kha cig /bdud
bzhi ma lus par bcom pa dang sangs rgyas pa dus mi mnyam par
thal/ 'chi bdag gi bdud phra mo de sangs rgyas kyi sa'i rdo rje
lta bu'i te nge

@66b 'dzin gyi gzhom bya yin pa'i phyir/ der thal/ rgyad bla ma
las/ 'chi med zhi ba'i gnas thob la/ 'chi bdag rgyu ba med pa'i
phyir / /zhes gsungs pa'i phyir zer na ma khyab/ kha cig /nyon
mongs pa'i bdud rags pa yin na/ spangs bya yin dgos par thal/ /

khyod kyis nyon mongs pa'i bdud rags pa'i dbye ba 'thad pa'i
phyir/ 'dod na/ byang sems 'phags pas gzhan don byed pa'i yan
lag tu gyur ba'i 'dod sred chos can/ der thal/ de'i phyir/ der
thal/ nyon mongs mngon 'gyur ba yin pa'i phyir/ 'dod mi

nus te/ blangs bya yin pa'i phyir/ der thal/ byang chub sems
da'i blangs bya yin pa'i phyir/ der thal/ byang chub sems dpas
'dod pa'i sred pa gzhan don byed pa'i yan lag tu bsgyur ba
blangs bya yin pa'i phyir zer na ma khyab / kha cig/ nyon mongs
pa'i

bdud mngon 'gyur ba yin na/ nyon mongs yin dgos par thal/ lha'i
bu'i bdud mngon 'gyur ba yin na/ lha'i bu yin dgos pa'i phyir
zer na ma khyab/ 'dod na bkag zin/ kha cig / lha'i bu dga' rab
dbang phyug chos can/ spangs bya yin par

thal; lha'i bu'i bdud yin pa'i phyir/ 'dod na/ khyod rgyun 'chad
par thal/ spangs bya yin pa'i phyir/ 'dod mi nsu te/ khyod sangs
rgyas ba'i phyir zer na/ khyi rgan rgya bo chos can/ khyod rgyun
'chad par thal/ khyod spang bya yin pa'i phyir/ der thal/ ngan

'gro'i phung khams skye mched rnams mthong spang yin pa'i phyir/
rtags sgrub zin/ rtsa bar 'dod na/ khyi rgan rgya bo chos can/
rgyun mi 'chad par thal/ sangs rgyas pa'i phyir/ 'khor gsum/ der
thal/ sems can yin pa'i phyir/ gzhan yang / sdig pa'i grogs

po chos can/ rgyun 'chad par thal/ spangs bya yin pa'i phyir/
der thal/ mdo las/ sdig pa'i grogs po rtag tu spang bya zhing/
dge ba'i grogs po dag pa brten par bya/ zhes gsungs pa'i phyir/
'dod na/ rgyun mi 'chad par thal/ sangs rgyas ba'i phyir/ 'khor
gsum/ /

@67a @#/ /om swa ste/ rnam kun mkhyen pa'i ye shes lam gsum gyi/
/lam shes gzhi ye bye brag thugs mnga' ba/ /rgyal dang de sras
slob mar bcas pa yi/ /bzhas rdul yan lag mchog gi rgyun du
mdzes/ sras bcas rgyal ba rnams kyis bsngags pa'i phul/ /rtsod
dus tshe lo brgya

pa'i zhing gi dpal/ bstan pa rin chen mun sel sgron me mchog/
'degs mdzad nyi ma'i gnyen gyur kho na'o/ /gang gis bya rgod
spungs 'dra'i ri bo cher/ /zheng brgya 'od bcas gyo ba'i cho
'phrul gyis/ theg gsum 'khor tshogs grungs med 'dus pa rnams/
ches zab sher phyin snang bas smin zhes graD/

thub pa'i nyim nu ba nas deng zhig tu/ /sbas don dngos brgyad
bdun bcu'i spel legs gzugs/ /mi pham thugs kyi mgul rgyan len
mkhas ni/ /thogs med mtshan mchog ldan pa gcig bur 'khums/ /slar
yang rdo rje'i mdud rgyar gyur pa dag/ 'grol mdzad 'phags seng
dgongs pa ji bzhin du/ /'byed mkhas rgyal ba gnyis

pa yab sras kyi/ /legs bshad nor bu'i do shal las gzhan gang /
/rgyal yum dgongs 'grel ji bzhin lhun chags par/ rnam bzhi'i
grub mtha'i ba gam ska rags bcings/ /tshig don mthar so na gcod
mkhas grub pa'i dbang/ thub bstan dar rgyas legs bshad rma du
byung / /se shing rwa bar theg chen rgyud mngas sgras/ /

ma smad snyan 'jebs gar dgu'i nyams stong gis/ /bshad sgrub nor
bu'i rgyal mtshan ring nas chugs/ /dgos 'dod kun 'byung lan
brgyar bsngags pa thob/ gzhung gang mtshon byed dbe yi ri mo'i
cha/ /blo gsal thos bas ma tshon gyis bkra ba'i gzhir/ /gzhi shes
rnam rdzogs gnyis kyi thal 'phreng 'di/ /khrir

bzhugs dpon slob grags pa mkhas grub dang / mdzod 'dzin sde pa
blo bzhang bgra shis kyis/ /blo gsal 'byor dman kun byang tshegs
med phyir/ rgyu sbyor gris brkos mkhas bsdus 'du byed kyis/
thams mkhas 'phrul gyi bar du legs par bsgrubs/ 'des mtshon dge
bdus gsum dang 'brel bas/

kun mkhyen rgyal ba'i ring lugs yid bzhin nor/ bshad dang sgrub
pa'i rgyal mtshan rdzer bkod de/ mkhas dang grub pas sa chen
'gegs par shog/ gngas can mgon po rgyal ba yab sras sogs/ /dam
pa'i zhags brtag mdzad 'phrin mkha' la phyir/ 'dzin lta btsun
sku mched kyi/ /

@67b sku tshe bstan 'gro'i dpal du brtan gyur cig/ yab rdze rdo
rjo tshe ring sras bcas dang / rgyu sbyor yongs 'dzin dbon slob
snge pa zhung/ 'gal rkyen dang bral mthun rkyen legs tshogs kun/
ji ltar smon pa'i don kun 'grub gyur cig/ lhag par yun ring drin
gyis bskyangs pa'i yum/ /lnga pa'i lam gshegs de

skyid nor 'dzom dang / /'dun ldan phyag mdzod 'jam dbyangs bsod
nams sogs/ /'gra rnams mi khom gnas las ldog gyur cig/ theg
mchog 'khor lo bzhi yi rten bzang brgyud/ rgyal yum dgongs don
ji bzhin lam gyi gnad/ /nges 'byung byang sems yang dag ldan bas
phyug/ kun mkhyen sbyor

bas chos sku mngon gyur cig/ tshul 'di mchad nyan thos bsa sgom
ba la/ ma hA kA la las/ gshin 'dod khams dbang / /rnam sras
beg rtse tha 'ga rgyal bo yis/ rtag du bsrang skyob gyel med
grogs mdzod cig/ ! /(ces bstan bcos mngon par rtogs pa'i rgyan
'grol )

(dang bcas pa'i mtha' dbyod pdam?dgar po'i 'breng ba shes bya
ba'i skabs brgyad dang zur bkol bzhi/ dbu ma'i mtha' dbyod dang
bcas pa 'di rnams/ dang thog nges ba don kyi mkhas shing grub ba
brnyes pa rje btsul bstan dar bchan po zhes yongs su grags pa
des rang gi slob ma pdma'i?mtshol dang pa'i tshogs 'du ba bzhin
gyis sku drung du bcar ba'i )

(shes rab can rnams la dbu phar gyi bzhung rtsa 'grel gtso bor
gyur ba'i spo'i don dang / yan lag gi don las sbros te theg pa
gsum gyi gzhi lam 'bras gsum mam/ kun sbyang so so'i ngo bo/
mchan nyid/ rab dbya/ grangs ngas/ go rims/ sa mtshams / 'jug
ldab/ grub mtha' so so'i )

('dod tshul sogs cas phyin pa dgag gzhag spangs gsum gyi sgo nas
phar zhib rnam par dbyod pa'i rigs lam gyis mtha' chod pa thugs
thog nas bsgrigs te rtses bzhan tu gnang ba bzhin/ phyis slob ma
rnams kyis gsung dag zin bris su btab pa 'di dag spyor na tshogs
don gsal bas go bde ba dang /)

(rigs lam gyi 'gros gzhung lugs chen po rnams dang mthun zhing
phra zhib mtha' chod pa'i jog mchams bdeb/ khyad par byis ba zla
gzugs blta bar bskul ba'i dper ma song bar 'dun brtson chos kyi
span ldan dag gis/ Tikak spyi don zung dang shan sbyar te gzhung
lugs kyi bang mdzod chen po'i tshog don gyi dka' gnad rnams la )

@68a @#/ /dpyad pa 'jug pa'i tshen 'byed pa'i lde mig dang / gsal
ba'i sgon me/ phar zhib rnam bar 'byed bar blta ba'i mi gtu gyur
nas ma rtogs log rtog gi dri mngan ba rnams rgyad ring du bsring
ba'i blo gros kyi pdmo?'dab ma stong ldan du nges bar 'byed
nus bas na/ mtshan don dang mthun pa'i gsas

par bshad pa pdma?dgar po'i 'phring ba zhes bar bsngags la/
yang mkhas grub chen po de nyid kyis phyis rtsom du'ang mngon
rtogs rgyan gya tshig gi bras bsnon gyi steng du 'grel pa'i tshig
don gyis kha skong ba'i Ti kak? dang dbu par so so'i sbyi don
gyis legs bshad sla med pa mang pa bka' rtsom mdzad pa 'di rnams
snga thog

fnas ser smad grwa cheng rang du 'chad nyan rkang tshugs pa'i
slob gnyer ba rnams kyi 'din klog gi dbor pan thogs che nges kyi
'gro don che bar yod na 'ang mtha' dpyod kyi gzhang rnams snga
sog 'di phyogs su par du 'khod pa ma byung zhing bris ma'i dpe
rnyeng rnams rim 'thor rim la byar dang gsar du bris brtson gyi
rten

'brel 'dzim pa ches dkon pas dbe rgyun nyung gshes par phyin
skabs dang po dang gnyis pa'i thal 'phreng gnyis dang / thub
dbang bstan ba'i sgron me rje bcun grags pa bshad sgrub pa'i
gsung blo rtags mchan bcas rnams lha bcun mthag sprul rin po
che'i yab rjes gtsos sku 'khor nas par 'khod sbyin bdag gnad
grub pa'i 'phros

skabs gsum pa dang / bzhi ba'i mtha' dbyad 'di gnyis kyang lung
rtogs yon tan rgya mtsho'i bdag nyid zhal snga nas dbon slob las
thob pa grags pa mkhas grub dang / gang gi mdzod 'dzin gtong pod
dad stogs kyi mkhyen rab yangs pa sde pa blo bzang bkra shis
rnam gnyis nas sbrul skur na po che sku mched kyi tshogs langs

mtshan btags sogs kyi dga' ston dang / chos sbyin rgya cher sbel
phyir co ne'i bar ma la zhus dag phyi mor gnang ste par du
bsgrubs pa'i par byang smon tshog zhig bris zhes gsungs pa'i dor
s3er smad bla zur dad ba mkhan ming nas ra sa spang lung ri
khrod du rab byung bcu gsum pa'i drag pa ches pa lcags spri lor

sug bris su bgyis pa 'dis kyag spyo dag bye btrag gi bstan pa
rin po che thos bsams sgom gsum gyi sge nas phyogs dus kun tu
dar zhing rgyas la yun rid du gnas pa'i rgyar gyur zhig/ om a
ra pa tsan d+hIHom ba' gI shwa ri bumHom ba' kye dam na
maHom mA rI tsye swa' hA/ om tA re du dad' re du re swa'