[dd]@01a @#/ /skabs brgyad pa'i mtha' dpyod legs par bshad pa pad ma
dkar po'i 'phreng ba zhes bya ba bzhugs so/ /

@01a @#/ /bla ma dang rgyal ba mi pham pa dbyer ma mchis pa'i
zhabs la gus pa chen pos phyag 'tshal zhing dang bas skyabs su
mchi'o/ /skad cig ma gcig pa'i mngon par rdzogs pa byang chub pa
rnam par sgom pa'i skad cig ma gnyis

pa la chos kyi sku mngon par rdzogs pa byang chub pa yin te/
zhes pa'i skabs su skad cig sbyor ba bshad zin pa'i rjes su
'bras bu chos sku 'chad pa'i rgyu mtshan yod de/ skad cig sbyor
ba thob pa'i byang sems rgyun mtha' ba des skad cig gnyis

pa'i dus su 'bras bu chos sku thob par 'gyur ba'i rgyu mtshan
gyis de ltar bshad pa'i phyir/ mtha' dpyad pa la gsum las/ kha
cig na re/ sbyor bzhi bsgom stobs kyis thob pa'i 'bras bu mthar
thug /'bras bu chos sku'i mtshan nyid zer na/

rang bzhin rnam dag gi char gyur pa'i ngo bo nyid sku chos can/
mtshan nyid der thal/ mtshon bya de'i phyir/ der thal/ ngo bo nyid
sku yin pa'i phyir/ der thal/ chos can de yin pa'i phyir/ 'dod
na/ 'bras bu yin par thal/ 'dod pa'i phyir/

'dod mi nus te/ 'dus ma byas yin pa'i phyir/ kha cig na re/ rang
rgyu sbyor bzhi bsgom stobs kyis thob pa'i thob bya mthar thug
/'bras bu chos sku'i mtshan nyid zer na/ skyon de nyid kyis ma
nges so/ kha cig gi na re/ chos gzugs kyi sku

@02a @#/ /gnyis 'gal zer na/ de mi 'thad par thal/ gzugs sku
gnyis chos sku yin pa'i phyir/ ma grub na/ de chos can/ der
thal/ 'bras bu chos sku yin pa'i phyir/ sbyor bzhi sgom stobs
kyis thob pa'i thob bya mthar thug yin

pa'i phyir te/ sangs rgyas yin pa'i phyir/ kha cig na re/ rang
thob byed kyi thabs su gyur pa'i sbyor bzhi sgom stobs kyis thob
pa'i thob bya mthar thug /'bras bu chos sku'i mtshan nyid zer na/
'o na; sbyor bzhi'i rgyur gyur pa'i sangs rgyas 'phags pa de

sbyor bzhi bsgom stobs kyis thob pa'i thob bya mthar thug ma yin
par thal/ khyod kyis de'i mtshan nyid kyi zur du rang thob byed
zhes smos pa la rnam bcad yongs gcod kyi dgos pa khyad par can
yod pa'i phyir/ /'dod mi nus te/ mkhyen gsum gyi

rgyur gyur ba'i theg chen gyi tshogs lam chen po de mkhyen gsum
gyi rnam pa nyams su len pa'i sems dpa'i ye shes yin pa'i phyir/
/der thal/ mkhyen gsum gang rung gi rgyur gyur pa'i theg chen
gyi tshogs lam de mkhyen gsum gang

rung gi rnam pa nyams su len pa'i sems dpa'i ye shes yin pa'i
phyir/ ma grub na/ de chos can/ der thal/ mkhyen pa yul gyi
sgrub pa yin pa'i phyir/ der thal/ theg chen gyi sgrub pa yin
pa'i phyir/ kha cig gi na re/ byang sems rgyun mtha' ba

@02b gsar du sangs rgya ba de'i tshe/ 'dod pa'i rten la gsar du
sangs rgya ba yin zer na/ de mi 'thad par thal/ lang kar gshegs
pa las/ 'dod pa khams dang srid rtse na/ sangs rgyas rnam par
sangs mi rgya/ /gzugs kyi khams kyi 'og min du/ /'dod chags

bral te sangs rgya'o/ /zhes gsungs pa'i phyir/ kha cig na re/
byang sems rgyun mtha' ba gsar du sangs rgya ba'i gnas 'og min
de/ gzugs khams gnas rigs bcu bdun gyi nang tshan du gyur ba'i
gnas 'og min la byed pa yin zer na/ byang sems rgyun

mtha' ba gang du sangs rgya ba'i gnas 'og min chos can/ khyod
sdug bsngal bden pa yin par thal/ khyod gzugs khams gnas rigs
bcu bdun gyi nang tshan du gyur pa'i gnas 'og min yin pa'i phyir/
'dod mi nus te/ byang sems rgyun mtha'

bas zhing dag sbyor gyi sgo nas sgrub ba'i dag pa'i zhing yin
pa'i phyir/ kha cig gi na re/ gzhi dang snying po me tog gis
brgyan pa'i gnas 'og min de/ byang sems rgyun mtha' ba thams cad
gsar du sangs rgya ba'i gnas 'og min yin zer na/ 'o na; byang

sems phyi ma rnams kyis rang nyid gang du gsar du sangs rgya
ba'i gnas 'og min de/ zhing dag sbyor gyis sgrub mi dgos par
thal/ dam bca' 'thad pa'i phyir/ 'dod mi nus te/ de rnams kyis
zhing dag sbyor gyis sgrub dgos pa'i phyir/ der thal/ de rnams

kyis dag pas gsum rang rgyud la bskyed dgos pa'i phyir/ der
thal/ sa bcu rim gyis bgrod dgos pa'i phyir/ kha gcig gi na re/
byang sems rgyun mtha' ba de rgyun mtha'i bar chad med lam pa'i
gnas skabs su gsar du sangs mi rgya zer na/ de rgya bar

@03a @#/ /thal/ des rgyun mtha'i bar chad med lam gyi gnas skabs
su bden 'dzin lhan skyes dngos su 'joms par byed/ rnam mkhyen
skad cig dang po dngos su bskyed bar byed pa'i phyir/ der thal/
rgyun mtha'i bar chad med lam rnam mkhyen skad cig

dang po bskyed byed dang/ bden 'dzin dngos su 'joms byed yin
pa'i phyir/ dang po der thal/ de bden 'dzin lhan skyes kyi dngos
gnyen bar chad med lam yin pa'i phyir/ phyi ma der thal/ de rnam
mkhyen skad cig dang po'i dngos rgyu nus pa mthu chen yin pa'i
phyir/

der thal/ de 'dra ba gcig yod pa'i phyir/ gzhan yang/ byang
sems rgyun mtha' ba des rnam mkhyen skad cig dang po thob pa
de'i tshe/ sangs rgya ba yin par thal/ de sangs rgya ba'i dus
mtshams gcig yod pa gang zhig /de rgyun mtha'i bar chad med lam
gyi

tshe gsar du sangs mi rgya ba'i phyir/ /phyi ma mkhas/ 'dod mi
nus te/ de'i tshe sangs rgyas zin pa'i phyir/ kha cig gi na re/
byang sems rgyun mtha' ba des rnam mkhyen skad cig dang po thob
pa dang/ ji lta ba'i chos la mnyam par bzhag bzhin pa'i dang nas
ji snyed

pa'i chos thams cad mngon sum du rtogs pa dang/ yang dag mtha'
mngon du byas pa dang/ mtshan dpes spras pa'i lus kyi rigs 'dra
phyi ma longs skur gnas gyur pa dang/ longs sku dang dngos rgyu
tshogs pa tshar gcig la rag las pa'i sprul sku grangs med

thob pa dus mnyam pa yin zer na/ 'o na; byang sems rgyun mtha'
ba'i mtshan dbes spras pa'i lus kyi rigs 'dra phyi ma longs skur
gnas 'gyur ba yin par thal/ khyod kyi dam bca' 'thad pa'i phyir/
'dod na byang sems rgyun mtha' ba'i mtshan dpes spras

@03b pa'i lus chos can/ khyod longs skur gnas mi 'gyur bar thal/
khyod byang sems rgyun mtha' ba'i lus yin pa'i phyir/ gzhan yang
/byang sems rgyun mtha' ba des sprul pa grangs med sprul nas
sprul pa ma bsdus par rgyun mtha'i bar chad med lam la mnyam par
'jog nus pa yin par thal/ des rnam

mkhyen skad cig dang po thob ba dang/ longs sku dang dngos rgyu
tshogs pa tshar gcig la rag las pa'i sprul sku grangs med thob pa
dus mnyam pa gang zhig /sprul pa de dag longs sku'i sprul par mi
'thad pa'i phyir/ der thal/ de'i sprul gzhi'i longs sku sngon du
ma song pa'i phyir/ 'dod mi nus te

sems can gyi nang du stong pa nyid la rtse gcig tu mnyam par
'jog pa na sprul pa sdud dgos par mdzod 'grel las gsungs pa'i
phyir/ kha cig gi na re/ rnam mkhyen skad cig dang po de longs
skur snang ba yin zer na/ de longs sku la longs skur snang ba
yin nam/ de'i 'khor byang sems 'phags pa

la longs skur snang ba dag las gang yin/ dang po ltar na/ 'o na/
rnam mkhyen skad cig dang po longs sku yin par thal/ de longs
sku la longs skur snang ba gang zhig /longs sku la 'khrul pa mi
srid pa'i phyir/ 'dod na/ de chos can/ khyod gzugs sku yin par
thal/ khyod longs sku yin pa'i phyir/ 'dod

mi nus te/ ye shes chos sku yin pa'i phyir/ der thal/ rnam
mkhyen yin pa'i phyir/ gzhan yang/ de chos can/ khyod mtshan
bzang po so gnyis dang dpe byad bzang po brgyad cus spras pa yin
par thal/ khyod longs sku yin pa'i phyir/ 'dod na/ khyod la
gzugs yod par thal lo/ /'dod mi nus te/

khyod shes pa yin pa'i phyir/ phyi ma ltar yin zer na/ longs
sku'i 'khor du gyur ba'i byang 'phags kyis de longs skur nges
par thal/ /de la de longs skur snang ba gang zhig /rnam 'grel
las/ blo gros chen pos mthong nyid las/ /rnam pa thams cad nges
par byed/ ces gsungs pa'i phyir

'dod na/ longs sku yin par thal lo/ /'dod na/ de chos can/ khyod
byang sems 'phags pa yan chad kyi mngon sum gyi spyod yul yin
par thal/ longs sku yin pa'i phyir/ 'dod mi nus te/ rnam mkhyen
yin pa'i phyir/ kha cig gi na re/ longs sku lha'i 'gro ba pa yin
zer na/ 'o na/ de chos

@04a @#/ /can/ lha'i sems can yin par thal/ lha'i 'gro ba yin
pa'i phyir/ 'dod na sems can yin par thal lo/ /'dod mi nus so/
kha cig na re/ longs sku gzugs khams pa yin zer na/ de chos can/
khyod sna lce'i rnam par shes pa dang mi ldan par thal/ khyod
gzugs

khams pa yin pa'i phyir/ khyab ste/ mdzod las/ dri dang ro dang
sna dang ni/ /lce yi rnam shes khams ma gtogs/ /zhes gsungs pa'i
phyir/ 'dod mi nus te/ chos can de yin pa'i phyir/ kha cig gi na
re/ gzugs dang sku'i gzhi mthun yin na/ gzugs sku yin pas khyab
zer na/ sangs

rgyas 'phags pa'i rgyud kyi bka' brgyad stong pa chos can/ /der
thal/ de'i phyir/ der thal/ gzugs gang zhig /sku yin pa'i phyir/
dang po der thal/ sgra yin pa'i phyir/ phyi ma der thal/ 'bras
bu chos sku yin pa'i phyir/ /der thal/ sangs rgyas 'phags pa'i
rgyud kyi yon tan yin pa'i phyir/

'dod na gang zag yin par thal/ 'dod pa'i phyir/ 'dod mi nus te/
brjod byed kyi tshig yin pa'i phyir/ kha cig gi na re/ sangs
rgyas kyi sa na bem pos bsdus pa'i rdul yod zer na/ de med par
thal/ sangs rgyas kyi sa'i yon tan yin na/ ye shes chos sku'i
bdag ny-id las grub pas khyab pa'i

phyir; der thal/ de yin na/ ye shes rang snang las grub pas
khyab pa'i phyir/ kha cig gi na re/ sangs rgyas kyi sa na rdul
med zer na/ de yod par thal/ sangs rgyas kyi sa na nag po'i rdul
yod pa'i phyir/ der thal/ sangs rgyas kyi sa na nag po yod pa'i
phyir/ der thal/ longs sku'i dbu skra bung

pa ltar gnag yod pa'i phyir// ! //gnyis pa rang gi lugs la/
sbyor bzhi sgom stobs kyis thob pa'i thob bya mthar thug /'bras
bu chos sku'i mtshan nyid/ de la dbye na/ ngo bo nyid sku/ ye
shes chos sku/ longs sku/ sprul sku dang bzhi yod pa'i phyir/
byang sems rgyun mtha' ba sangs

rgyas pa'i dus mtshams yod de/ des rnam mkhyen skad cig dang po
thob pa dang/ ji lta ba la mnyam par bzhag bzhin pa'i ngang nas
ji snyed pa'i chos thams cad mngon sum du rtogs pa dang/ yang
dag mtha' mngon du byas pa dang/ mtshan dpes spras pa'i lus kyi
rigs 'dra phyi ma longs

@04b sku'i lus su gnas 'gyur ba dang/ chos thams cad la rnam pa
thams cad du mngon par rdzogs par sangs rgyas pa dang/ longs sku
dang dngos rgyu tshogs pa tshar gcig la rag las pa'i tshul gyis
'brel ba grub pa'i sprul sku grangs med thob pa dus mnyam pa'i
phyir// ! //gsum pa rtsod pa spong ba la/

kha cig gi na re/ rnam mkhyen gyis ji lta ba gzigs pa'i gzigs
ngor ji snyed pa'i chos gzigs par thal/ rnam mkhyen skad cig
dang po la gnas pa'i sangs rgyas 'phags pas ji lta ba gzigs pa'i
gzigs ngor ji snyed pa'i chos gzigs pa'i phyir/ der thal/ des ji
lta ba la mnyam par bzhag bzhin

pa'i ngang nas ji snyed pa'i chos thams cad gzigs pa'i phyir zer
na ma khyab/ ma grub na/ der thal/ des bden gnyis dus gcig car
du gzigs pa'i phyir/ 'dod mi nus te/ rnam mkhyen gyis ji lta ba
gzigs pa'i gzigs ngor ji snyed pa'i chos med pa de/ ji snyed
pa'i chos kyi gnas lugs yin pa'i

phyir; der thal/ mdo las/ ma mthong ba ni mthong ba dam pa'o/
/zhes gsungs pa'i phyir/ gzhan yang/ rnam mkhyen gyis ji lta
ba'i chos dang ji snyed pa'i chos gnyis gzigs tshul mthun par
thal/ rnam mkhyen gyis ji lta ba gzigs pa'i gzigs ngor ji snyed
pa'i chos rnams gzigs/ ji snyed pa gzigs

pa'i gzigs ngor ji lta ba gzigs pa'i phyir/ rtags khas/ 'dod na/
mi 'thad par thal/ rnam mkhyen gyis ji lta ba gzigs pa de'i tshe
gnyis snang nub pa'i tshul gyis gzigs/ ji snyed pa'i chos rnams
gzigs pa de'i tshe gnyis snang dang bcas pa'i tshul gyis gzigs
pa'i phyir dang/ mngon rtogs rgyan

las; gzugs la sogs pa mi shes phyir/ /zhes gsungs pa'i phyir/
kha cig gi na re/ byang sems rgyun mtha' ba gsar du sangs rgya
ba'i gnas 'og min de gzugs khams gnas rigs bcu bdun gyi nang
tshan du gyur pa'i 'og min yin par thal/ gzugs kyi khams kyi 'og
min du/ 'dod chags

bral te sangs rgya'o/ /zhes gsungs pa'i phyir zer na skyon med
de/ gzugs khams kyi 'og min yin pa'i don yin gyi/ gzugs khams
gnas ris bcu bdun gyi nang tshan du gyur ba'i gnas 'og min gyi
don ma yin pa'i phyir/ de yang yin te/ zhing 'di'i gnas 'og min
de longs sku rnam snang chen po'i phyag

@05a @#/ /gi rdul gyi steng du yod pa'i phyir/ kha cig gi na re/
byang sems rgyun mtha' ba gsar du sangs rgya ba'i gnas 'og min
de/ gzugs khams gnas ris bcu bdun gyi nang tshan du gyur pa'i
gnas 'og min yin par thal/ longs sku gzugs khams pa yin pa'i
phyir/ der thal/

gzugs khams pa yin na sna lce'i rnam shes dang mi ldan pas ma
khyab pa'i phyir/ der thal/ gzugs khams pa'i bar do ba de gzugs
khams pa yin pa gang zhig /de sna lce'i rnam shes dang ldan pa'i
phyir/ dang po der thal/ gzugs khams pa'i bar srid kyi rten la
myang 'das mngon du byed pa'i

phyir mi 'ong de/ gzugs nyer 'gro'i phyir mi 'ong yin pa'i
phyir/ phyi ma der thal/ de dri za yin pa'i phyir/ der thal/
mdzod las/ mi ldog de ni dri za'o/ /zhes gsungs pa'i phyir zer
na/ re zhig ma khyab/ kha cig gi na re/ sangs rgyas kyi sa na
sngon po yod par thal/ sangs rgyas kyi sa na nag po yod pa'i

phyir; 'dod na/ longs sku'i kha dog sngon po de sngon po yin par
thal/ 'dod pa'i phyir/ 'dod na/ sngon po tshad mas ma dmigs pa'i
sa phyogs med par thal lo/ /zer na skyon med de/ sngon po tshad
mas ma dmigs pa'i sa phyogs gsungs pa'i don ni/ tha mal gyi
sngon po la dgongs pa'i phyir/ kha cig gi na re/

byang sems rgyun mtha' ba des longs sku thob pa dang/ rnam
mkhyen skad cig dang po thob pa dus mi mnyam par thal/ mchog gi
sprul sku'i rgyud la rnam mkhyen skad cig dang po yod pa'i
phyir/ der thal/ de'i rgyud kyi rnam mkhyen skad cig dang po yod
pa'i phyir/ zer na ma khyab/ ma grub na der thal/ de skad cig
snga

phyi cha dang bcas pa'i dngos po yin pa'i phyir/ 'o na/ theg
chen sbyor lam chos mchog la gnas pa'i sems dpa'i rgyud la theg
chen gyi nges 'byed cha mthun skad cig dang po yod par thal/
de'i rgyud kyi de skad cig dang po yod pa'i phyir/ khyab ba
khas/ ma grub na/ de'i rgyud kyi theg chen gyi nges 'byed cha
mthun

chos can/ khyod skad cig dang po yod par thal/ khyod skad cig
snga phyi du ma'i cha dang bcas pa'i dngos po yin pa'i phyir/
'khor gsum/ kha cig gi na re/ rnam mkhyen gyis ji lta ba gzigs
pa'i gzigs ngor ji snyed pa'i chos yod par thal/ rnam mkhyen
skad cig dang po la gnas pa'i sangs rgyas

@05b 'phags pas ji lta ba gzigs pa'i gzigs ngor ji snyed pa'i
chos yod pa'i phyir/ der thal/ des ji lta ba la mnyam par bzhag
bzhin pa'i mnyam bzhag ye shes de'i ngor ji snyed pa'i chos yod
pa'i phyir zer na ma khyab/ ma grub na der thal/ de 'dra ba'i
mnyam bzhag ye shes de bden gnyis dus cig car

du mngon sum du rtogs pa'i ye shes yin pa'i phyir/ kha cig gi na
re/ byang sems rgyun mtha' ba sangs rgyas pa dang de'i mtshan
dpes spras pa'i lus kyi rigs 'dra phyi ma longs skur gnas 'gyur
ba dus mnyam par thal/ de ltar mnyam pa rnam bshad las gsungs
pa'i phyir na skyon med de/ de'i don ni/ byang

sems rgyun mtha' ba'i mtshan dpes spras pa'i lus kyi rigs 'dra
phyi ma longs sku'i lus su gnas 'gyur ba'i don yin pa'i phyir/
kha cig gi na re/ sangs rgyas kyi sa na byang sems rgyun mtha'
ba'i lus yod par thal/ byang sems rgyun mtha' ba lus rten de
nyid ma dor bzhin du rnam mkhyen skad cig dang po

mngon du byed pa'i phyir zer na ma khyab/ ma grub na der thal/
des lus rten de nyid kyi steng du rnam mkhyen skad cig dang po
mngon du byed pa'i phyir/ der thal/ de sangs rgyas pa dang de'i
mtshan dpes spras pa'i lus kyi rigs 'dra phyi ma longs sku'i lus
su gnas gyur pa dus mnyam pa'i phyir/ 'dod mi nus te/ sangs
rgyas

kyi sa na ma rig bag chags kyi sa dang zag med kyi las la brten
nas blangs pa'i lus med pa'i phyir/ der thal/ sangs rgyas kyi sa
na phung po'i bdud phra mo med pa'i phyir/ kha cig gi na re/
byang sems rgyun mtha' ba de lus rten de nyid la rnam mkhyen
skad cig dang po mngon du mi byed par thal/ des lus rten de dor

nas rnam mkhyen skad cig dang po mngon du byed pa'i phyir/ der
thal/ de shi 'phos nas rnam mkhyen skad cig dang po mngon du
byed pa'i phyir/ /der thal/ de 'chi 'pho mtshan nyid pa byed pa'i
phyir/ der thal/ des bsam gyis mi khyab pa'i 'chi 'pho byed pa'i
phyir zer na ma khyab/ ma grub na der thal/ de ma rig bag

chags kyi sa dang zag med kyi las la brten nas blangs pa'i lus
'dor dgos kyi gang zag yin pa'i phyir/ der thal/ de de 'dra ba'i
lus dang bcas pa'i gang zag yin pa'i phyir/ der thal/ de byang
sems rgyun mtha' ba yin pa'i phyir/ kha cig gi na re/ tshe gcig
lus gcig la sangs rgya ba'i so so skye bo yod par thal/

@06a @#/ /tshe gcig lus gcig la sangs rgya ba'i sems can yod pa'i
phyir zer na ma khyab/ ma grub na/ der thal/ byang sems rgyun
mtha' ba de tshe gcig lus gcig la sangs rgya ba'i sems can yin
pa'i phyir/ 'dod mi nus te/ zag med ye shes kyi sde tshan nyer
gcig gi rigs

la myong ba thon pa'i theg chen gyi tshogs lam chen po thob nas
sangs rgya ba la bskal pa grangs med gsum gyi bar du tshogs bsog
dgos pa'i phyir/ der thal/ de grangs med gsum la sangs rgyas/
/zhes gsungs pa'i phyir/ kha cig gi na re/ byang sems rgyun
mtha' ba des/ chos gzugs kyi sku gnyis

cig car du mngon du mi byed par thal/ des dang por ye shes chos
sku mngon du byed/ de rjes longs sku mngon du byed ? pa'i phyir/
der thal/ ye shes chos skus longs sku'i bdag rkyen byed pa'i
phyir/ der thal/ rnam bshad las/ chos skus longs sku'i bdag
rkyen byed/ /longs skus sprul sku'i bdag

rkyen byed/ ces gsungs pa'i phyir na skyon med de/ ye shes chos
skus rang 'bras longs sku'i bdag rkyen byed/ /longs skus rang
'bras sprul sku'i bdag rkyen byed/ ces pa'i don yin pa'i phyir/
de ltar ma yin na/ chos skus longs spru'i bdag rkyen byed par
thal/ /chos skus longs sku'i bdag rkyen byed ces gsungs

pa'i phyir/ 'khor gsum/ gal te 'dod na/ chos sku chos can/ khyod
kyis longs sku'i bdag rkyen mi byed par thal/ khyod 'dus ma byas
yin pa'i phyir/ gzhan yang byang sems rgyun mtha' bas chos gzugs
kyi sku gnyis cig car du mngon du byed par thal/ des tshogs gnyis
kyi 'bras bu cig car du

mngon du byed pa'i phyir/ der thal/ des rdzogs smin sbyangs gsum
gyi tshad cig car du rdzogs pa'i phyir/ der thal/ sems can smin
pa'i tshad rdzogs pa'i gang zag yin na/ gzhan gnyis rdzogs pas
khyab pa'i phyir/ kha cig gi na re/ sangs rgyas 'phags pa yin
na/ longs sku yin dgos par

thal; de yin na longs skur sangs rgyas pas khyab pa'i phyir zer
na ma khyab po/ /kha cig gi na re/ sangs rgyas 'phags pa yin na
mchog gi sprul skur sangs rgyas pas khyab par thal/ de yin na
sprul sku thob pas khyab pa gang zhig /de yin na longs skur
sangs rgyas pas khyab pa'i phyir/ zer na ma khyab/ 'dod na/

@06b rnam mkhyen skad cig dang po la gnas pa'i sangs rgyas
'phags pa chos can/ der thal/ de'i phyir/ 'dod na mi 'thad de/
chos can de yin pa'i phyir/ kha cig gi na re/ zla ba'i dkyil
'khor dang chu nang gi zla ba'i gzugs brnyan gnyis cig car du
grub par thal/ gzugs sku gnyis po de gcig car du grub pa gang
zhig

rgyud bla ma las/ chu dang nam mkha'i zla gzugs bzhin/ /de mthong
ba ni rnam pa gnyis/ zhes dpe don dang sbyar nas gsungs pa'i
phyir/ dang po der thal/ byang sems rgyun mtha' ba des longs sku
thob pa dang / longs sku dang dngos rgyu chogs pa tshar gcig la
rag las pa'i sprul pa'i sku thob pa dus mnyam pa'i phyir/ der
thal/

des longs sku thob pa dang longs sku dang dngos rgyu tshogs pa
tshar gcig la rag las pa'i 'brel pa grub pa'i tshul gyis grub pa'i
sprul pa'i sku grangs med thob pa dus mnyam pa'i phyir na re
zhig ma khyab/ 'dod mi nus te/ de gnyis kyi nang nas zla ba'i
dkyil 'khor snga ba yin pa'i phyir te/ rnam bshad dgongs pa rab

gsal las/ gzugs brnyan de las sngar dmigs pa/ zhes gsungs pa'i
phyir// ! //thub pa'i ngo bo nyid sku ni/ /zhes sogs kyi skabs
su/ sangs rgyas kyi sa'i zag med ye shes kyi sde tshan bden pas
stong pa'i rang bzhin rnam dag gi char gyur pa'i ngo bo nyid sku
chos can/ khyad chos gsum dang

ldan te/ spangs pa'i khyad par sgrib gnyis ma lus par spangs pa
dang / ldan pa'i khyad par sangs rgyas kyi sa'i zag med ye shes
sde tshan nyer gcig chos can du ldan/ yang de bden pas stong pa
dang yang ldan/ ngo bo'i khyad par don dam par rang gi mtshan
nyid kyis ma grub pa'i ngo bo can yin pa'i phyir/ mtha'

dpyad pa la gsum las/ kha cig /sgrib gnyis ma lus par spangs
pa'i 'dus ma byas kyi sku/ ngo bo nyid sku'i mtshan nyid zer na/
'bras bu chos sku chos can/ mtshon bya der thal/ mtshan nyid de'i
phyir/ der thal/ sgrib gnyis ma lus par spangs pa gang zhig
/'dus ma byas kyi sku yin pa'i phyir/ dang po der thal/

sangs rgyas yin pa'i phyir/ phyi ma der thal/ sangs rgyas kyi
sa'i 'dus ma byas kyi yon tan yin pa'i phyir/ 'dod mi nus te/ de
ngo bo nyid sku sogs sku bzhir dbye ba'i dbye gzhi yin pa'i
phyir/ kha cig /sgrib gnyis ma lus par spangs pa'i dbyings mthar
thug /ngo bo nyid sku'i mtshan nyid zer na/ blo bur rnam dag gi

@07a @#/ /char gyur pa'i ngo bo nyid sku chos can/ mtshan nyid der
thal/ mtshon bya de'i phyir/ 'dod na/ dbyings mthar thug yin par
thal/ 'dod pa'i phyir/ 'dod na/ stong nyid yin par thal lo/
/'dod mi nus te/ kun rdzob bden pa yin pa'i phyir/ kha cig
/sgrib gnyis ma lus par spangs pa'i

de bzhin nyid/ ngo bo nyid sku'i mtshan nyid zer na/ skyon de
nyid kyis ma nges so/ /kha cig /blo bur rnam dag gi ngo bo nyid
sku yin na/ blo bur rnam dag gi char gyur pa'i ngo bo nyid sku
yin pas khyab/ rang bzhin rnam dag gi ngo bo nyid sku yin na/
rang bzhin rnam dag gi char gyur pa'i ngo bo nyid sku yin pas
khyab

zer na/ dang po la/ rang bzhin rnam dag gi char gyur pa'i ngo bo
nyid sku chos can/ der thal/ de'i phyir/ der thal/ blo bur gyi
dri ma dang bral ba'i ngo bo nyid sku yin pa'i phyir/ 'dod mi
nus te/ chos can de yin pa'i phyir/ phyi ma la/ blo bur rnam dag
gi char gyur pa'i ngo bo nyid sku chos can/ der thal/ de'i
phyir/

der thal/ bden bar med pa'i ngo bo nyid sku yin pa'i phyir/ 'dod
na/ don dam bden pa yin par thal/ 'dod pa'i phyir/ 'dod mi nus
te/ kun rdzob bden pa yin pa'i phyir/ der thal/ chos can de yin
pa'i phyir/ kha cig /dbyings rang bzhin gyi rnam par dag pa la/
dgag bya blo bur gyi dri ma spangs pa'i 'dus

ma byas kyi sku/ ngo bo nyid sku'i mtshan nyid dang / kha cig
/dag pa gnyis ldan gyi 'dus ma byas kyi sku/ ngo bo nyid sku'i
mtshan nyid zer na/ dang po la rnam mkhyen gyi ldog pa chos can/
mtshon bya der thal/ mtshan nyid de'i phyir/ der thal/ dbyings
rang bzhin gyis rnam par dag pa la dgag bya blo bur gyi dri ma

spangs pa gang zhig /'dus ma byas kyi sku yin pa'i phyir/ dang
po der thal/ bden par med pa la dgag bya blo bur gyi dri ma
spangs pa'i phyir/ der thal/ dgag bya blo bur gyi dri ma spangs
pa'i phyir/ der thal/ sangs rgyas yin pa'i phyir/ phyi ma der
thal/ sangs rgyas kyi sa'i 'dus ma byas kyi chos yin pa'i phyir/

gzhan yang / de chos can/ mtshon bya phyi ma der thal/ mtshan nyid
phyi ma de'i phyir/ der thal/ dag pa gnyis dang ldan pa gang
zhig /'dus ma byas kyi sku yin pa'i phyir/ dang po der thal/
sangs rgyas yin pa'i phyir/ 'dod na/ rnam mkhyen chos can/ khyod
kyi ldog pa ngo bo nyid sku ma yin par thal/ khyod gzhi grub
pa'i phyir

@7b kha cig /dag pa gnyis ldan gyi 'dus ma byas kyi yon tan/ ngo
bo nyid sku'i mtshan nyid zer na/ byang sems rgyun mtha' ba'i
rgyud kyi 'gog bden chos can/ mtshon bya der thal/ mtshan nyid
de'i phyir/ der thal/ blo bur gyi dri ma dang bral ba'i 'dus ma
byas kyi yon tan yin pa'i phyir/ der thal/ chos can de yin

pa'i phyir/ 'dod mi nus te/ byang sems rgyun mtha' ba'i rgyud
kyi yon tan yin pa'i phyir/ kha cig /ngo bo nyid sku yin na/ don
dam bden pa yin pas khyab zer na/ 'o na/ ngo bo nyid sku yin na
mthar thug dpyod pa'i rig shes tshad ma'i rnyed don yin pas khyab
par thal/ dam bca' 'thad pa'i phyir/ 'dod na/ rnam

bshad snying po rgyan las/ slob dpon ye shes snying pos bden
gnyis su/ rigs pa'i rjes 'brang ngo bo'i phyir/ /zhes mthar thug
dpyod pa'i rigs shes kyi rnyed don du gsungs pa ni/ rang bzhin
rnam dag gi cha de nyid la dgongs pa yin no/ /zhes dgongs pa lan
pa de mi 'thad par thal/ 'dod pa'i phyir/ 'dod mi

nus so/ /kha cig /rnam mkhyen bden stong de rang bzhin rnam dag
gi char gyur ba'i ngo bo nyid sku ma yin zer na de yin par thal/
sa bcu pa'i ye shes bden stong de rang bzhin rnam dag gi char
gyur pa'i ngo bo nyid skur 'gyur rung yin pa'i phyir/ ma grub
na/ de chos can/ khyod rang bzhin rnam dag gi char gyur pa'i ngo

bo nyid skur 'gyur rung yin par thal/ khyod theg chen sgrub pa'i
rten rang bzhin gnas rigs yin pa'i phyir/ ma grub na/ sa bcu
pa'i ye shes chos can/ khyod bden pas stong pa theg chen sgrub
pa'i rten rang bzhin gnas rigs yin par thal/ khyod rgyu lam shes
yin pa'i phyir/ kha cig /ngo bo nyid sku yin

na; sangs rgyas 'phags pa 'ba' zhig gi mngon sum gyi spyod yul
yin pas khyab zer na/ rnam mkhyen bden stong chos can/ der thal/
de'i phyir/ rtags bsgrub zin/ 'dod mi nus te/ theg chen mthong
lam bar chad med lam gyis de mngon sum du rtogs pa'i phyir/ der
thal/ rnam mkhyen de'i dmigs pa yin pa'i

phyir; der thal/ chos thams cad de'i dmigs pa yin pa'i phyir/
der thal/ dmigs pa chos rnams thams cad de/ /zhes gsungs pa'i
phyir/ kha cig /ngo bo nyid sku sangs rgyas ma yin zer na/ 'o na
de yon tan tsam yang ma yin par thal/ de gnas skabs kyi yon tan
yang ma yin/ mthar thug gi yon tan yang

@08a @#/ /ma yin pa'i phyir/ dang po ma grub na/ rtogs pa mthar
thug /gnas skabs kyi yon tan yin par thal/ spangs pa mthar thug
gnas skabs kyi yon tan yin pa'i phyir/ der thal/ ngo bo nyid sku
la de'i phyir/ 'dod na/ rnam mkhyen gnas skabs kyi yon tan du
thal lo/ /rtsa rtags phyi ma

ma grub na/ ngo bo nyid sku chos can/ sangs rgyas yin par thal/
mthar thug gi yon tan yin pa'i phyir/ rtsa bar 'dod na/ ngo bo
nyid sku yon tan yin par thal/ thar pa yon tan yin pa'i phyir/
ma grub na/ de chos can/ yon tan yin par thal/ chos dkon mchog
yin pa'i phyir/ der thal/ thar

pa yin pa'i phyir// ! //rang gi lugs la/ dag pa gnyis ldan gyi
chos nyid kyi sku/ ngo bo nyid sku'i mtshan nyid/ de la dbye na/
blo bur rnam dag gi char gyur pa'i ngo bo nyid sku/ rang bzhin
rnam dag gi char gyur pa'i ngo bo nyid sku dang gnyis/ dang po
ni/ rnam mkhyen gyi steng gi sgrib gnyis spangs pa'i spangs cha
lta

bu yin/ phyi ma rnam mkhyen bden stong lta bu yin pa'i phyir// !
//rtsod pa spong pa la/ kha cig /blo bur rnam dag gi char gyur
pa'i ngo bo nyid sku chos can/ dag pa gnyis ldan gyi chos nyid
kyi sku yin par thal/ ngo bo nyid sku yin pa'i phyir/ 'dod na/
chos nyid yin par thal/ chos nyid yin par thal/ chos nyid kyi
sku yin pa'i phyir na ma

khyab; rtags khas 'dod mi nus te/ kun rdzob bden pa yin pa'i
phyir zer na/ 'o na longs sku chos can/ gzugs yin par thal/
gzugs sku yin pa'i phyir/ khyab pa 'grig /'dod mi nus te/ gang
zag yin pa'i phyir/ gzhan yang/ blo bur rnam dag gi char gyur
ba'i ngo bo nyid sku chos can/ stong nyid yin par

thal; ngo bo nyid yin pa'i phyir/ ma grub na rtags sod/ der
thal/ ngo bo nyid sku yin pa'i phyir/ 'khor gsum/ 'dod mi nus
te/ kun rdzob bden pa yin pa'i phyir/ kho na re/ ngo bo nyid sku
yin na/ sangs rgyas 'phags pa 'ba' zhig gi mngon sum gyi spyod
yul yin dgos par thal/ rgyud bla ma las/ 'ba' zhig bag

chags bcas spangs phyir/ zhes gsungs pa'i phyir zer na skyon med
de/ de ni blo bur rnam dag gi char gyur pa'i ngo bo nyid sku la
dgongs pa'i phyir/ kho na re/ ngo bo nyid sku yin na/ don dam
bden pa yin dgos par thal/ ngo bo nyid sku de bzhin nyid yin
pa'i phyir/ der thal/ legs bshad gser phreng las/ sku 'di ni
sems

@08b kyi rang bzhin de bzhin nyid lam bsgom stobs kyis gnas ma
lus par gyur pa'i bdag nyid du lan cig ma yin par theg pa chen
por bka' stsal bas na/ 'di de bzhin nyid ma yin pa'i 'dus ma
byas gzhan zhig tu 'dod pa dag ni/ dbu ma pa dang sems tsam pa
gang dang yang mi mthun la/ kho bo cag gis dbu sems

kyi gzhung lugs rgya mtsho lta bu'i don shes pa lta zhog /tshig
tsam re yang thos re skan zhes mna' 'bor ba'ang yin no/ /zhes
gsungs pa'i phyir na skyon med de/ de ni sangs rgyas kyi sa'i
zag med ye shes sde tshan nyer gcig bden pas stong pa'i rang
bzhin rnam dag gi char gyur pa'i ngo bo nyid sku la dgongs pa

yin pa'i phyir/ kho na re/ ngo bo nyid sku yin na/ don dam bden
pa yin pas khyab par thal/ de yin na mthar thug dpyod pa'i rnal
'byor mngon sum gyi spyod yul yin dgos pa'i phyir/ /der thal/
rgyud bla ma las/ rnal 'byor rnams kyi yul yin phyir/ /zhes
gsungs pa'i phyir zer na skyon med de/ de ni rang bzhin rnam

dag gi char gyur pa'i ngo bo nyid sku la dgongs pa yin pa'i
phyir/ kho na re/ rnam mkhyen bden stong chos can/ khyod ngo bo
nyid sku ma yin par thal/ khyod byang sems tshogs lam pa'i rgyud
la yod pa'i phyir/ der thal/ byang sems tshogs lam pa'i rgyud la
rnam mkhyen bden stong yod pa'i phyir zer na ma khyab/ ma grub

na der thal/ de'i rgyud la rnam mkhyen bden pas stong pa'i
phyir/ der thal/ de'i rgyud la rnam mkhyen bden par ma grub pa'i
phyir zer na/ 'o na rnam mkhyen mi rtag pa byang sems tshogs lam
pa'i rgyud la yod par thal/ rnam mkhyen rtag stong byang sems
tshogs lam pa'i rgyud la yod pa'i phyir/ der thal/ de'i rgyud la
rnam

mkhyen rtag stong yod pa'i phyir/ 'khor gsum/ gal te ma grub na
der thal/ de'i rgyud la rnam mkhyen rtag pas stong pa'i phyir/
der thal/ de'i rgyud la rnam mkhyen rtag par ma grub pa'i phyir/
gal te rtsa bar 'dod na/ rnam mkhyen byang sems tshogs lam pa'i
rgyud la yod par thal lo/ /'dod pa'i phyir/ ma khyab na/

rnam mkhyen dang rnam mkhyen gyi mi rtag pa gnyis yul dus rang
bzhin gang la ltos te grub bde rdzas gcig ma yin par thal lo/
/kha cig /rang bzhin rnam dag gi char gyur pa'i ngo bo nyid
sku'i cha shas su gyur pa'i bden 'dzin spangs pa'i spangs cha de
chos can/ don dam bden pa yin par thal/ rang bzhin rnam dag gi
char

@09a @#/ /gyur pa'i ngo bo nyid sku yin pa'i phyir/ der thal/
de'i cha shas yin pa'i phyir zer na ma khyab/ 'dod mi nus te/
kun rdzob bden pa yin pa'i phyir/ 'o na sangs rgyas yin na/ shes
bya thams cad mkhyen pas khyab par thal/ rgyud bla ma las/
mkhyen dang brtse dang nus par ldan/ /zhes gsungs

pa'i phyir/ khyab ste/ 'ba' zhig bag chags bcas spangs phyir/
/zhes gsungs na/ ngo bo nyid sku la sangs rgyas 'ba' zhig gi
mngon sum gyi spyod yul yin pas khyab pa'i phyir/ rtags khas/
'dod mi nus te/ ngo bo nyid skus shes bya thams cad mkhyen pa
med pa'i phyir/ kha cig /rnam mkhyen gyi chos nyid yin

na; theg chen mthong lam bar chad med lam gyis mngon sum du
rtogs pas khyab par thal/ theg chen mthong lam bar chad med lam
yin na rnam mkhyen gyi chos nyid mngon sum du rtogs pas khyab
pa'i phyir zer na ma khyab/ der thal/ des sems can gyi chos nyid
dang / sangs rgyas kyi chos nyid gnyis ka

mngon sum du rtogs pa'i phyir/ der thal/ rnam bshad snying po
rgyan las/ 'phags pa slob pa'i mnyam bzhag ye shes kyis sems can
gyi chos nyid dang / sangs rgyas kyi chos nyid gnyis ka mngon
sum du rtogs ma rtogs la khyad par cung zad kyang med pas sangs
rgyas kyi chos nyid la yang myong stobs

kyis nges pa 'dren pa yin no/ /zhes gsungs pa'i phyir/ 'dod na/
'khor gsum byed do/ /kha cig /thub pa'i ngo bo nyid sku ni/
/zhes sogs dang / byang chub phyogs mthun tshad med dang / zhes
sogs kyi gzhung gnyis mdor bstan rgyas bshad yin par thal/ khyod
kyi rtsa ba'i sbyor ba 'thad pa'i phyir//

'dod na/ 'grel pa don gsal gyis de gnyis mdor bstan rgyas bshad
du sbyar nas bshad par thal/ de gnyis mdor bstan rgyas bshad yin
pa'i phyir zer na ma khyab/ 'dod mi nus te/ des de gnyis mdor
bstan rgyas bshad du ma sbyar bar bstan pa'i phyir/ der thal/ de
skabs brgyad pa'i dngos bstan bstan

bya'i gtso bor gyur pa'i sangs rgyas kyi sku de la ngo bo nyid
sku/ ye shes chos sku/ sprul sku bzhir dngos bstan bstan bya'i
gtso bor byas nas bstan pa'i phyir/ rtags khas/ /kha cig /sangs
rgyas yin na/ khyod bden stong sangs rgyas kyi chos nyid yin
dgos par thal/ sangs rgyas bden stong sangs rgyas//

@09b kyi chos nyid yin pa gang zhig /sangs rgyas kyi sa'i chos
nyid dang / rang bzhin rnam dag gi char gyur pa'i ngo bo nyid
sku don gcig yin pa'i phyir/ zer na ma khyab/ 'dod na/ rnam
mkhyen chos can/ der thal/ de'i phyir/ der thal/ chos can de yin
pa'i phyir/ 'dod na/ rnam mkhyen bden par 'dzin pa'i bden 'dzin

de; sangs rgyas bden par 'dzin pa'i bden 'dzin yin par thal/
'do pa'i phyir/ 'dod na/ bum pa bden par 'dzin pa'i bden 'dzin
de/ shes bya bden par 'dzin pa'i bden 'dzin yin par thal lo/
/'dod na/ ha cang thal lo// !  //sku lhag ma gsum po don dam par
chos nyid kyi ngo bo yang dag pa'i kun

rdzob tu snang ba/ zhes sogs kyi skabs su chos can gyi sku lhag
ma gsum po chos can/ ngo bo nyid sku dang ngo bo tha dad ma yin
kyang / de dang tha dad bzhag pa la dgos pa yod de/ /mos pa mi
'dra ba rab 'bring tha ma gsum gyi khyad par shes par bya ba'i
ched du yin pa'i phyir/ mos pa mi 'dra ba rab 'bring tha ma

gsum gyi khyad par yod de/ ye shes chos sku dang / blo bur rnam
dag gi char gyur pa'i ngo bo nyid sku gnyis po de/ mos pa rab
sangs rgyas nang phan tshun kho na'i mngon sum gyi spyod yul dang
/ longs sku de mos pa 'bring byang sems 'phags pa yan chad kyi
mngon sum gyi spyod yul dang / mchog gi sprul pa'i sku de

mos ba tha ma so so skye bo las dag yan chad kyi mngon sum gyi
spyod yul yin pa'i phyir/ kha cig sku lhag ma gsum po chos can/
ngo bo nyid sku dang tha dad ma yin kyang / de dang tha dad du
bzhag pa la dgos pa yod de/ mos pa mi 'dra ba gsum gyi sgo nas
bzhag pa'i phyir zer na/ mi 'thad par thal/ sku lhag ma

gsum po de ngo bo nyid sku dang tha dad yin pa'i phyir/ der
thal/ ngo bo gcig la ldog pa tha dad yin pa'i phyir/ kha cig ngo
bo nyid sku de sangs rgyas nang phan tshun kho na'i mngon sum gyi
spyod yul ma yin zer na/ de mi 'thad par thal/ ngo bo nyid sku
mngon sum du rtogs pa'i sems can med pa'i phyir/ der thal/ de
mngon

sum du rtogs pa'i slob pa'i mthar thug dpyod pa'i tshad ma yang
med/ tha snyad dpyod byed kyi tshad ma yang med pa'i phyir/ dang
po der thal/ slob pa'i rgyud kyi mthar thug dpyod byed kyi tshad
ma yin na rang gi gzhal bya kun rdzob bden pa mngon sum du ma
rtogs pas khyab pa'i phyir/ phyi ma der thal/ blo bur rnam dag

@10a @#/ /gi char gyur pa'i ngo bo nyid sku mngon sum du rtogs
pa'i slob pa'i rgyud kyi tshad ma med pa'i phyir/ rtags gnyis
'bud/ kha cig /sprul pa'i sku de so so skye bo las dag yan chad
kyi mngon sum gyi spyod yul yin zer na/ de mi 'thad par thal/
sprul pa'i sku mngon sum du mthong ba'i so so skye bo

las ma dag pa gcig yod pa'i phyir/ der thal/ sprul pa'i sku de
dud 'gro sogs dman pa'i lus su mthong ba'i so so skye bo yod
pa'i phyir/ kha cig /ye shes chos sku dang / blo bur rnam dag gi
char gyur pa'i ngo bo nyid sku mngon sum gyi spyod yul du byed
pa'i gang zag yin na/ sangs rgyas 'phags pa yin

dgos par thal/ de gnyis sangs rgyas 'ba' zhig gi mngon sum gyi
spyod yul yin pa'i phyir/ rtags khas/ 'dod na/ gang zag chos
can/ der thal/ de'i phyir/ de gnyis po gang zag gi mngon sum gyi
spyod yul yin pa'i phyir zer na ma khyab/ ma grub na der thal/
de gnyis mngon sum gyi tshad ma'i

mngon sum gyi spyod yul yin pa'i phyir/ ma grub na/ de gnyis
chos can/ khyod mngon sum gyi tshad ma'i mngon sum gyi spyod yul
yin par thal/ khyod gzhi grub pa'i phyir/ kha cig /longs sku
mngon sum gyi spyod yul du byed pa'i gang zag yin na/ byang sems
'phags pa yin dgos par thal/ de byang sems

'phags pa yan chad kyi mngon sum gyi spyod yul yin pa'i phyir
zer na ma khyab/ 'dod na/ longs sku chos can/ der thal/ de'i
phyir/ der thal/ sangs rgyas 'phags pa yin pa'i phyir/ 'dod mi
nus te/ longs sku yin pa'i phyir/ kha cig /mchog gi sprul pa'i
sku de so so skye bo las dag yan chad kyi mngon sum

gyi spyod yul ma yin par thal/ so so skye bo las dag med pa'i
phyir/ der thal/ dman lam sngon du ma song ba'i byang sems sbyor
lam chos mchog chen po po de yang so so skye bo las dag ma yin
pa'i phyir/ /der thal/ de yang srid phyi ma'i rnam smin gyi
phung po 'phen byed kyi las bsog pa po yin pa'i phyir zer

na ma khyab/ ma grub na/ der thal/ byang chub lam rim las/ des
na 'khor bar 'phen par byed pa'i las bsogs pa po ni theg chen
sbyor lam chos mchog chen po la gnas pa man chad kyi so so skye
bo thams cad do/ /zhes gsungs pa'i phyir/ kha cig /sku lhag ma
gsum po chos can/ khyod ngo bo nyid sku dang ngo bo tha

@10b dad ma yin par thal/ de khyod kyi chos nyid yin pa'i phyir
zer na/ 'o na/ ngo bo nyid sku chos can/ chos nyid yin par thal/
khyod sku lhag ma gsum po'i chos nyid yin pa'i phyir/ rtags
khas/ 'dod mi nus te/ blo bur rnam dag gi char gyur pa'i ngo bo
nyid sku chos nyid ma yin pa'i phyir/ kha cig /sku lhag

ma gsum po chos can/ khyod rang bzhin rnam dag gi char gyur pa'i
ngo bo nyid sku dang ngo bo tha dad ma yin par thal/ de khyod
kyi chos nyid yin pa'i phyir zer na/ 'o na/ rang bzhin rnam dag
gi char gyur pa'i ngo bo nyid sku de sangs rgyas kyi yon tan
thams cad kyi chos nyid yin par thal/ de sku lhag ma gsum gyi
chos

nyid yin pa'i phyir/ 'dod na/ de sangs rgyas kyi sa'i chos thams
cad kyi chos nyid yin par thal lo/ /'dod na/ don dam bden pa de
shes bya thams cad kyi chos nyid yin par thal lo/ /'dod na/ bden
'dzin de shes bya thams cad bden par 'dzin pa'i bden 'dzin yin
par thal/ 'dod pa'i phyir/ 'dod na/ ha

cang thal lo/ /kha cig rang bzhin rnam dag gi char gyur pa'i ngo
bo nyid sku de sku lhag ma gsum gyi chos nyid yin par thal/ sku
lhag ma gsum bden pas stong pa/ sku lhag ma gsum gyi chos nyid
yin pa'i phyir zer na ma khyab/ ma grub na/ sku lhag ma gsum po
chos can/ khyod bden stong khyod kyi chos nyid yin par

thal; khyod gzha grub pa'i phyir/ kha cig /sku lhag ma gsum bden
pas stong pa chos can/ khyod sprul sku'i chos nyid yin par thal/
sku lhag ma gsum gyi chos nyid yin pa'i phyir zer na ma khyab/
'dod mi nus te/ longs sku'i chos nyid yin pa'i phyir/ der thal/
sku lhag ma gsum gyi chos nyid yin pa'i phyir/

khyab pa 'grig /gzhan yang / rnam mkhyen dang zag bcas nyer len
gyi phung po gnyis bden stong chos can/ rnam mkhyen gyi chos
nyid yin par thal/ de gnyis ka'i chos nyid yin pa'i phyir/ 'khor
gsum/ 'dod na/ mi 'thad de/ zag bcas nyer len gyi phung po'i
chos nyid yin pa'i phyir/ der thal/ de gnyis ka'i

chos nyid yin pa'i phyir/ 'khor gsum/ gal te ma grub na/ rnam
mkhyen dang zag bcas nyer len gyi phung po gnyis chos can/ khyod
bden pas stong pa khyod kyi chos nyid yin par thal/ khyod gzhi
grub pa'i phyir/ kha cig /ngo bo nyid sku chos can/ khyod don
dam bden pa ma yin par thal/ blo bur rnam dag gi char

@11a @#/ /gyur ba'i ngo bo nyid sku khyod yin pa'i phyir zer na/
'o na/ rnam mkhyen bden stong gis ma nge-so// ! //byang chub
phyogs mthun tshad med dang/ /zhes sogs kyi skabs su ye shes
chos sku chos can/ khyod la dbye na du ma yod de/ khyod la der
gyur ba'i zag med ye shes sde tshan nyer gcig yod pa'i

phyir; kha cig /ye shes chos sku chos can/ khyod la dbye na du
ma yod de/ khyod la zag med ye shes sde tshan nyer gcig yod pa'i
phyir zer na/ 'o na/ zag med ye shes sde tshan nyer gcig po de ye
shes chos sku yin par thal/ de ye shes chos sku'i dbye ba'i ya
gyal yin pa'i phyir/ der thal/ khyod kyi

sbyor ba de gzhung gi don sbyor rnam dag yin pa'i phyir/ 'dod
na/ zag med kyi byang phyogs so bdun gyi sde tshan de ye shes
chos sku yin par thal/ 'dod pa'i phyir/ 'dod na/ de chos can/
khyod rgyud la ldan pa'i nyan thos dgra bcom pa med par thal/
khyod ye shes chos sku yin pa'i phyir/ rtags khas/ 'dod mi

nus te/ nyon sgrib spangs pa'i byang phyogs so bdun gyi sde tshan
rgyud la ldan pa'i nyan thos dgra bcom pa yod pa'i phyir te/
byang phyogs so bdun gyi sde tshan rgyud la ldan pa'i nyan thos
dgra bcom pa yod pa'i phyir/ der thal/ byang phyogs so bdun
rgyud la ldan pa'i nyan thos dgra bcom pa yod pa'i phyir/ kha
cig /zag

bcas gnas gyur pa'i zag med du gyur pa'i rig pa mthar thug /ye
shes chos sku'i mtshan nyid zer na/ 'o na/ sangs rgyas 'phags
pa'i rgyud kyi rang rig chos can/ mtshon bya der thal/ mtshan nyid
de'i phyir/ der thal/ sangs rgyas 'phags pa'i rgyud kyi rig pa
yin pa'i phyir/ 'dod na/ gzung rnam dang 'dzin rnam

gnyis su phye ba'i gzung rnam yin par thal/ 'dod pa'i phyir/
'dod mi nus te/ de gnyis su phye ba'i 'dzin rnam yin pa'i phyir/
der thal/ rang rig yin pa'i phyir/ kha cig /ji lta ba dang ji
snyed pa la ltos te/ gzigs pa mthar thug pa de/ ye shes chos
sku'i mtshan nyid zer na/ 'o na sangs rgyas 'phags pa'i

rgyud kyi mig shes chos can/ mtshon bya der thal/ mtshan nyid de'i
phyir/ der thal/ sangs rgyas 'phags pa'i rgyud kyi shes pa yin
pa'i phyir/ 'dod na/ yid shes yin par thal/ ye shes chos sku yin
pa'i phyir/ 'dod mi nus te/ dbang shes yin pa'i phyir/ gzhan
yang/ byang sems 'phags pa'i rgyud kyi mig shes de rgyu

@11b lam shes yin par thal/ sangs rgyas 'phags pa'i rgyud kyi
mig shes de ye shes chos sku yin pa'i phyir/ 'dod na/ theg chen
sems bskyed rgyud la ldan pa'i byang sems 'phags pa'i rgyud kyi
mig shes de theg chen sems bskyed yin par thal/ 'dod pa'i phyir/
'dod na/ de chos can/ yid shes yin par thal/ theg chen

sems bskyed yin pa'i phyir/ khyab ste/ nyi khri snang ba las/
yid kyi rnam par shes pa ste/ /zhes gsungs pa'i phyir/ gzhan
yang byang sems 'phags pa'i mig shes chos can/ dge ba yin par
thal/ rgyu lam shes yin pa'i phyir/ 'dod na/ mi 'thad de/ lung
ma bstan yin pa'i phyir/ gong gi rtags gsal gnyis

der thal/ dbang shes yin pa'i phyir/ kha cig /sangs rgyas 'phags
pa'i rgyud kyi mthar gnas snyoms 'jug dgu po ste/ ye shes chos
sku yin zer na/ 'o na/ sangs rgyas 'phags pa'i rgyud kyi 'gog
snyoms de yang ye shes chos sku yin par thal/ dam bca' 'thad
pa'i phyir/ 'dod na/ sangs rgyas 'phags pa'i rgyud

kyi 'gog snyoms chos can/ khyod shes pa yin par thal/ khyod ye
shes chos sku yin pa'i phyir/ 'dod mi nus te/ 'gog snyoms yin
pa'i phyir/   rang gi lugs la/   zag bcas gnas gyur pa'i zag 
med du gyur ba'i ye shes mthar thug /ye shes chos sku'i mtshan 
nyid/ de la der gyur pa'i zag med ye shes kyi sde

tshan nyer gcig yod/ sangs rgyas kyi sa'i zag med ye shes sde
tshan nyer gcig po de rang rang gi chos nyid du gyur pa'i ngo bo
nyid sku las logs su 'bras bu chos sku mtshon byed kyi sangs
rgyas kyi skur bzhag pa la dgos pa yod de/ ye shes chos skus
gzugs sku phyi ma gnyis kyi snang ba bskyed pa sogs shes pa'i

dgos pa yod pa'i phyir/ kha cig/ sangs rgyas 'phags pa'i mig
shes chos can/ ye shes chos sku yin par thal/ rnam mkhyen yin
pa'i phyir/ der thal/ rnam pa thams cad mkhyen pa'i phyir zer
na/ 'o na/ longs sku chos can/ rnam mkhyen yin par thal/ rnam pa
thams cad mkhyen pa'i phyir/ khyab pa khas/

rtags der thal/ sangs rgyas 'phags pa yin pa'i phyir/ 'dod mi
nus te/ longs sku yin pa'i phyir/ kha cig /sangs rgyas 'phags
pa'i mig shes chos can/ ye shes yin par thal/ mkhyen pa yin pa'i
phyir/ der thal/ 'grel chen las/ sangs rgyas kyi gnas skabs na
mi shes pa'i dbang po spangs pa'i

@12a @#/ /phyir; yid shes kyi blo bzhin du dbang po'i blos kyang
yul yongs su dpyod bas de'i phyir sangs rgyas kyi mkhyen pa
thams cad yul thams cad pa nyid du 'dod pa yin no/ /zhes gsungs
pa'i phyir zer na skyon med de/ sangs rgyas 'phags pa'i rgyud
kyi yid blo dang dbang blo thams cad

kyis shes bya thams cad mkhyen zhes pa'i don yin pa'i phyir// !
//sa dang/ chu dang/ me dang/ zhes sogs kyi skabs su/ sangs
rgyas 'phags pa'i rgyud kyi zad par gyi skye mched bcu po chos
can/ ye shes chos sku yin te/ zag bcas gnas gyur pa'i zag med du
gyur pa'i ye shes mthar thug yin pa'i phyir/

mtha' dpyad pa la/ kha cig /rang gi sems rten bsam gtan gyi
dngos gzhi la brten nas gzugs can gyi go sa thams cad sas khyab
par snang ba'i rang gi grogs shes rab mtshungs ldan dang bcas
pa'i ting nge 'dzin/ zad par gyi skye mched kyi mtshan nyid zer
na/ 'o na/ sangs rgyas 'phags pa'i rgyud kyi zad par

sa'i skye mched chos can/ mtshan nyid der thal/ mtshon bya de'i
phyir te/ chos can de yin pa'i phyir/ der thal/ de yod pa'i
phyir/ der thal/ zad par bcu yi bdag nyid dang/ zhes gsungs
pa'i phyir/ 'dod na/ gzugs can gyi go sa thams cad sas khyab par
thal/ sangs rgyas 'phags pa'i rgyud kyi zad par sa'i

skye mched la gzugs can gyi go sa thams cad sas khyab par snang
ba gang zhig/ sangs rgyas 'phags pa'i rgyud la 'khrul shes mi
mnga' ba'i phyir/ 'dod na/ chu'i go sa la yang sas khyab pa yin
par thal lo/ /'dod mi nus te/ sa chu gnyis po de phan tshun go sa
'gog nus kyi gzugs can gyi dngos po yin

pa'i phyir/ der thal/ phan tshun go sa 'gog nus kyi gzugs can
gcig yod pa'i phyir/ gzhan yang/ zad par gyi skye mched du gyur
pa'i gco sems chos can/ mtshan nyid der thal/ mtshon bya de'i
phyir/ der thal/ chos can de yin pa'i phyir/ der thal/ de yod
pa'i phyir/ der thal/ dran pa nyer gzhag tu gyur pa'i

gtso sems yod pa'i phyir/ der thal/ mdzod las/ gtso bo smos pa
de dag ni/ /sbyor byung yon tan kun kyang yin/ /zhes gsungs pa'i
phyir/ 'dod na/ ting nge 'dzin yin par thal/ 'dod pa'i phyir/
'dod mi nus te/ gtso sems yin pa'i phyir/ kha cig /rang gi sems
rten bsam gtan bzhi ba'i dngos gzhi

@12b dang ; gzugs med kyi dngos gzhi gang rung la brten nas
gzugs can gyi go sa thams cad du sa sogs yul bcu po gang yang
rung bas ji ltar 'dod 'dod du khyab par spro nus pa'i rang gi
grogs shes rab mtshungs ldan dang bcas pa'i ting nge 'dzin/ zad
bar gyi skye mched kyi mtshan nyid zer na/ byang sems mthong lam

pa'i rgyud kyi bsam gtan dang po'i dngos gzhi la brten nas sbyor
byung gis bsgrub pa'i zad par skye mched chos can/ mtshan nyid
der thal/ mtshon bya de'i phyir/ der thal/ chos can de yin pa'i
phyir/ der thal/ de yod pa'i phyir/ der thal/ byang sems 'phags
pa'i rgyud kyi bsam gtan gyi dngos gzhi bzhi

ka la brten pa'i tshad med bzhi yod pa'i phyir/ 'dod mi nus te/
chos can de yin pa'i phyir/ kha cig /rang gi sems rten bsam gtan
gyi dngos gzhi dang gzugs med dang po gnyis kyi dngos gzhi gang
rung la brten nas gzugs can gyi gos thams cad du sa sogs yul bcu
po gang yang rung bas ji ltar

'dod 'dod du khyab par spro nus pa'i rang gi grogs ting nge
'dzin shes rab mtshungs ldan dang bcas pa/ zad par gyi skye mched
kyi mtshan nyid zer na/ 'o na/ gzugs med na mkha'i dngos gzhi la
brten nas sgrub pa'i zad par na mkha'i skye mched dang/ gzugs
med rnam shes kyi dngos gzhi la brten nas sgrub

ba'i zad par rnam shes kyi skye mched gnyis chos can/ mtshan nyid
der thal/ mtshon bya de'i phyir/ der thal/ de gnyis re re nas zad
par gyi skye mched yin pa'i phyir/ 'dod mi nus te/ rang gi sems
rten bsam gtan gyi dngos gzhi la yang ma brten/ gzugs med dang
po gnyis po gang rung la yang ma brten pa'i

phyir; dang po sla'o/ /phyi ma der thal/ gzugs med na mkha'i
dngos gzhi'i sems rten la yang ma brten/ gzugs med rnam shes kyi
dngos gzhi'i sems rten la yang ma brten pa'i phyir/ dang po ma
grub na/ de'i zad par rnam shes kyi skye mched de yang gzugs med
na mkha'i dngos gzhi'i sems rten la brten

par thal lo/ /'dod mi nus so/ /phyi ma yang sla'o/ /kha cig /zad
par dang po brgyad po gang rung yin na/ ma chags pa'i sems pa
yin pas khyab zer na/ 'o na/ zad par gyi sa'i skye mche du gyur
pa'i gtso sems chos can/ der thal/ de'i phyir/ der thal/ zad par
sa'i skye mched yin pa'i phyir/ rtags bsgrub zin/

@13a @#/ /'dod na/ sems byung yin par thal lo/ /kha cig /zad par
gyi skye mched yin na/ log shes yin pas khyab zer na/ sangs
rgyas 'phags pa'i rgyud kyi zad par sa'i skye mched chos can/
der thal/ de'i phyir/ 'dod mi nus te/ sangs rgyas 'phags pa'i
rgyud kyi shes pa yin pa'i

phyir; kha cig /bsam gtan gyi dngos gzhi dang gzugs med dang po
gnyis te snyoms 'jug dang po drug gang rung la brten nas gzugs
can gyi go sa thams cad du sa sogs yul bcu po gang yang rung bas
ji ltar 'dod 'dod du khyab par spro nus pa'i rang gi grogs shes
rab mtshungs ldan dang bcas

pa; zad par gyi skye mched kyi mtshan nyid zer na/ 'o na/ bsam
gtan gyi dngos gzhi lnga pa gcig yod par thal/ bsam gtan gyi
dngos gzhi dang gzugs med kyi dngos gzhi dang po gnyis dang bcas
pa rnams snyoms 'jug dang po yin pa'i phyir/ der thal/ khyod kyi
dam bca' 'thad pa'i phyir/ 'dod

mi nus te/ bsam gtan gyi dngos gzhi lnga pa tshang ldan gyi
gzhung las ma gsungs pa'i phyir/ kha cig /zad par gyis sa sa
mtshan nyid pa ma yin zer na/ de yin par thal/ zad par gyi sas
sa'i don byed nus pa gang zhig /zad par gyi sa sa mtshan nyid pa
yin pa sa'i dngos gzhi las gsungs pa'i

phyir; dang po der thal/ zad par gyi mes me'i don byed nus pa'i
phyir/ der thal/ zad par gyi mes dgra bcom pa'i nyer len gyi
phung po bsreg nus pa'i phyir/ der thal/ drang srong lhung ba ri
dwags kyi nags su lhung ba zhes pa la sgra bshad yod pa'i phyir/
kha cig /sangs rgyas 'phags pas rang nyid gser

du sprul ba'i gser de gser mchan nyid pa yin zer na/ de chos
can/ gser ma yin par thal/ sangs rgyas yin pa'i phyir/ der thal/
chos can de yin pa'i phyir/ kha cig /sangs rgyas kyi sprul pa
yin na/ sangs rgyas yin pas khyab zer na/ 'o na/ sangs rgyas
kyis dgos pa'i dbang gis dud 'gro mir sprul

pa'i sprul pa de chos can/ der thal/ de'i phyir/ der thal/ chos
can de yin pa'i phyir/ 'dod mi nus te/ dud 'gro mir sprul ba de
yin pa'i phyir/ der thal/ de yod par lung las gsungs pa'i phyir/
rang gi lugs la/   rang gi sems rten rnam thar thob pa'i gang zag
gi rgyud kyi bsam gtan gyi dngos gzhi

@13b dang ; gzugs med kyi dngos gzhi gang rung la brten nas
gzugs can gyi gos thams cad sa sogs yul bcu po gang yang rung
bas ji ltar 'dod 'dod du khyab bar spro nus pa'i rang gi grogs
ting nge 'dzin shes rab mtshungs ldan dang bcas pa/ zad par gyi
skye mched kyi mtshan nyid/ de la dbye na sa sogs 'byung ba

bzhi la dmigs pa'i zad par gyi skye mched bzhi/ sngon po/ ser
po/ dkar po/ dmar po sogs kha dog bzhi la dmigs pa'i zad par gyi
skye mched bzhi/ gzugs med na mkha'i dngos gzhi la brten pa'i
zad par na mkha'i skye mched dang/ gzugs med rnam shes kyi
dngos gzhi la brten pa'i zad par rnam

shes kyi skye mched dang bcas pa rnam pa bcu yod/ zad par gyi
skye mched sgrub pa la dgos pa yod de/ sa la chu bzhin du 'dzul
ba dang/ chu la sa bzhin du 'gro ba sogs kyi dgos pa yod pa'i
phyir/ de dag la zad par gyi skye mched zhes 'chad pa'i rgyu
mtshan yod de/ rang gi dmigs pa'i rigs yod pa'i gzugs

can gyi go sa thams cad du dmigs pa de zad zad kyi bar spro nus
pa'i rgyu mtshan gyis de ltar bshad pa'i phyir/ sgra la zad par
gyi skye mched mi 'jog pa'i rgyu mtshan yod de/ sgra la rigs
'dra'i rgyun med pa'i phyir/   rtsod pa spong ba la/   kha cig
/zad par gyi skye mched yin na/ log shes yin pas khyab

par thal/ rnam 'grel las/ zad par mi gtsang sa la sogs/ zhes
gsungs pa'i phyir/ zer na ma khyab/ 'dod mi nus so/ /kha cig
/zad par gyi skye mched yin na/ log shes yin dgos par thal/ slob
pa'i keng rus gsal snang can gyi ting nge 'dzin yin na/ log shes
yin dgos pa'i phyir/ der thal/ de yin na

yul log pa yid la byed pa'i shes pa yin dgos pa'i phyir zer na
rnam pa gcig tu na ma khyab/ ma grub na der thal/ dbu ma 'jug
bar/ log pa yid la byed par bstan phyir ro/ /zhes gsungs pa'i
phyir zer na ma khyab/ bar khyab la/ sangs rgyas 'phags pa'i
rgyud kyi ting nge 'dzin gyis ma nges so/ /kha cig /zad par

dang po brgyad po gang rung yin na ma chags pa'i sems pa yin
dgos par thal/ mdzod las/ zad par bcu'o brgyad ma chags/ /zhes
gsungs pa'i phyir zer na ma khyab/ 'dod mi nus so/ /kha cig
/sangs rgyas 'phags pa'i rgyud kyi bsam gtan gyi dngos gzhi yin
na/ zad bar sa'i skye mched yin dgos

@14a @#/ /par thal/ de yin na rang gi sems rten bsam gtan gyi
dngos gzhi la brten nas gzugs can gyi go sa thams cad sas khyab
par spro nus pa'i rang gi grogs ting nge 'dzin shes rab mtshungs
ldan dang bcas pa de yin dgos pa'i phyir/ 'dod na/ sangs rgyas
'phags pa'i rgyud kyi

snyoms 'jug yin na zad par sa'i skye mched yin dgos par thal/
'dod pa'i phyir zer na ma khyab/ 'dod na/ sangs rgyas 'phags
pa'i rgyud kyi gzugs med nam-kha'i dngos gzhi chos can/ der
thal/ de'i phyir/ 'dod mi nus te/ chos can de yin pa'i phyir/
kha cig /sa chu gnyis po de phan tshun go sa

'gog nus kyi gzugs can gyi dngos po ma yin par thal/ zad par gyi
sa chu gnyis po de phan tshun go sa 'gog nus kyi gzugs can ma yin
pa'i phyir zer na ma khyab/ ma grub na der thal/ sangs rgyas
'phags pa'i rgyud kyi zad par sa'i skye mched des gzugs can gyi
go sa thams cad du sas yang khyab par

spro nus chus yang khyab par spro nus pa'i phyir/ rtsa bar 'dod
mi nus te/ phan tshun go sa 'gog nus kyi chos cig yod pa'i phyir/
kha cig /rdo rje lta bu'i ting nge 'dzin yin na/ ting nge 'dzin
yin dgos par thal/ zad par gyi ting nge 'dzin yin na ting nge
'dzin yin dgos pa'i phyir zer na ma khyab/ 'dod na rgyun

mtha'i bar chad med lam pa'i rgyud kyi don dam sems bskyed chos
can/ der thal/ de'i phyir/ der thal/ rgyun mtha'i bar chad med
lam yin pa'i phyir/ der thal/ chos can de yin pa'i phyir/ 'dod
na/ sems byung yin par thal/ 'dod pa'i phyir/ 'dod mi nus te/
gtso sems yin pa'i phyir/ der thal/

chos can de yin pa'i phyir// ! //zil gyis gnon pa'i skye mched
ni/ /zhes sogs kyi skabs su/ zil gnon gyi skye mched chos can/
khyod la dbye na du ma yod de/ khyod la dbyibs zil gnon bzhi/
kha dog zil gnon bzhi dang bcas pa brgyad yod pa'i phyir/ kha
cig /rang gi sems rten bsam gtan gyi dngos

gzhi la brten nas kha dog dang dbyibs gang rung ji ltar 'dod
'dod du khyab par spro nus pa'i rang gi grogs ting 'dzin mtshungs
ldan dang bcas pa/ zil gnon gyi skye mched kyi mtshan nyid zer
na/ 'o na/ zad par ma thob pa'i gang zag gi rgyud kyi gzugs can
gzugs la blta ba'i rnam thar chos can/ mtshon

@14b bya der thal/ mtshan nyid de'i phyir/ der thal/ chos can de
yin pa'i phyir/ der thal/ de yod pa'i phyir/ 'dod na/ de chos
can/ rnam thar thob pa'i gang zag gi rgyud kyi zil gnon gyi skye
mched yin par thal/ 'dod pa'i phyir/ khyab ste/ rnam thar zad
par zil gnon gsum po de yang snga ma snga ma phyi ma phyi ma'i

skyed pyed dang/ phyi ma phyi ma snga ma snga ma'i dag byed yin
pa'i phyir/ 'dod mi nus te/ chos can de yin pa'i phyir/ kha cig
/slob pa'i rgyud la dbyibs zil gnon dang/ gzugs med kyi dngos
gzhi'i gzhi mthun yod zer na/ de 'dra ba'i shes pa chos can/
khyod gzugs yul du mi byed pa'i shes pa yin par

thal; khyod slob pa'i rgyud kyi gzugs med kyi dngos gzhi yin
pa'i phyir/ rtags khas/ 'dod mi nus te/ dbyibs zil gnon yin pa'i
phyir/ kha cig /rnam thar zad par zil gnon gsum po gang rung
rgyud la ldan pa'i phyi rol pa yod zer na/ de med par thal/ de
gsum gang rung rgyud la ldan pa'i gang zag yin

na; nang pa sangs rgyas pa yin dgos pa'i phyir/ der thal/ bla ma
rje btsun gyi gsung las/ rnam thar zad par zil gnon rnams/
/sangs rgyas bstan pa kho na'i khyad chos yin/ /bstan la ma
zhugs pa la 'di dag med/ /ces gsungs pa'i phyir/ kha cig /rnam
thar zad par zil gnon rgyud la ldan pa'i nyan thos dgra

bcom pa med zer na/ de yod par thal/ zad par me'i ting nge 'dzin
rgyud la ldan pa'i nyan thos dgra bcom pa yod pa'i phyir/ der
thal/ zad par me'i ting nge 'dzin la mnyam par gzhag pa'i nyan
thos dgra bcom pa yod par lung las gsungs pa'i phyir/ rang gi
lugs la/ rang gi sems rten rnam thar dang zad par

thob pa'i gang zag gi rgyud kyi bsam gtan gyi dngos gzhi la
brten nas gzugs can gyi go sa thams cad kha dog dang dbyibs sogs
gang yang rung bas ji ltar 'dod 'dod du khyab par spro nus
shing/ rnam thar dang zad par gnyis dag byed kyis rab tu phye
ba'i snyoms 'jug /zil gnon gyi skye mched kyi mtshan nyid/ de

la dbye na/ kha dog zil gnon bzhi/ nang rnam 'byor pas rang lus
la gzugs med pa'i 'du shes nye bar gzhag pa'i sgo nas dbyibs zil
gnon gnyis/ nang rnal 'byor pas rang lus la/ gzugs kyi 'du shes
nye bar bzhag pa'i dbyi bas zil gnon gnyis dang brgyad yod pa'i
phyir/ ! gzhan dag na re de dag gi ltar

@15a @#/ /na; zhes sogs kyi skabs su/ byang chub phyogs mthun
tshad med dang/ /zhes sogs kyis sangs rgyas kyi sa'i zag med ye
shes sde tshan nyer gcig po de/ ngo bo nyid sku las logs su 'bras
bu chos sku mtshon byed kyi sangs rgyas kyi skur bshad pa la
rgyan gyi tshig don la ma zhugs pa'i

skyon med de/ lung rigs dang mi 'gal zhing/ dgos pa khyad par
can yod pa'i phyir/ 'di'i skabs su mtha' dbyad pa la gsum las/
kha cig /sangs rgyas kyi sku de la ngo bo nyid sku/ sprul sku/
longs sku gsum kho nar grangs nges zer na/ 'o na sangs rgyas kyi
sa'i zag med ye shes sde tshan nyer gcig po

chos can/ khyod sangs rgyas kyi sas ma bsdus par thal/ ngo bo
nyid skus kyang ma bsdus/ longs skus kyang ma bsdus/ sprul pa'i
skus kyang ma bsdus pa'i phyir/ ma grub na/ khyod kyi dam bca'
'thad par bud/ rtsa bar 'dod na/ de chos can/ khyod sangs rgyas
kyi sas bsdus par thal/ khyod 'bras bu chos

skus bsdus pa'i phyir/ der thal/ khyod 'bras bu chos sku yin
pa'i phyir/ rtags bsgrubs zin/ kha cig /sangs rgyas kyi sku de
la ngo bo nyid sku/ longs sku/ sprul sku gsum du grangs ma nges
zer na/ de nges par thal/ mdo sde rgyan las/ sku gsum dag gis
sangs rgyas kyi/ /sku bsdus par ni shes

bya ste; sku gsum dag gi rang bzhin gyi/ /don 'di rten dang bcas
par bstan/ /zhes gsungs pa'i phyir/ kha cig /sangs rgyas kyi sku
de la/ ngo bo nyid sku/ longs sku/ ye shes chos sku/ sprul sku
dang bzhir grangs ma nges zer na/ de nges par thal/ sangs rgyas
kyi sa'i zag med ye shes sde tshan nyer

gcig po de ye shes chos sku yin pa'i phyir/ der thal/ rnam pa
thams cad mkhyen nyid dang/ /chos kyi sku zhes brjod pa yin/
/zhes gsungs pa'i phyir/ kha cig /sangs rgyas kyi sku de la ngo
bo nyid sku/ ye shes chos sku/ longs sku/ sprul pa'i sku dang
bzhi kho nar grangs nges zer na/ de ma nges

par thal/ sangs rgyas kyi sku de la ngo bo nyid sku/ ye shes
chos sku/ longs sku/ rnam par smin pa'i sprul sku/ rnam par smin
pa ma yin pa'i sprul sku dang lngar grangs nges pa'i phyir te/
mtshan yang dag par brjod pa las/ sangs rgyas sku lnga'i bdag
nyid can/ /zhes gsungs pa'i phyir/ kha cig /

@15b sangs rgyas kyi sku la gnyis su yang grangs nges/ gsum du
yang grangs nges/ bzhir yang grangs nges/ lngar yang grangs nges
zer ba la/ skyon 'phen pa/ kha cig /sangs rgyas kyi sku la gnyis
las mang mi dgos par thal/ de la gnyis su grangs nges pa'i
phyir/ rtags khas/ 'dod na/ de la gnyis las mang

dgos par thal/ de la gsum du grangs nges pa'i phyir/ rtags khas/
gzhan yang/ sangs rgyas kyi sku la gsum las mang mi dgos par
thal/ sangs rgyas kyi sku la gsum du grangs nges pa'i phyir/
rtags khas/ 'dod na/ de la gsum las mang dgos par thal/ de la
bzhir grangs nges pa'i

phyir; rtags khas/ zhes zer ro/ kha cig /slob dpon 'phags pa
grol sdes ye shes chos sku mi bzhed zer na/ 'o na/ ye shes chos
sku yin na/ slob dpon 'phags pa grol sdes mi bzhed pas khyab par
thal/ dam bca' 'thad pa'i phyir/ 'dod na/ sangs rgyas kyi sa'i
zag med ye shes sde

tshan nyer gcig po chos can/ der thal/ de'i phyir/ der thal/ rnam
pa thams cad mkhyen nyid dang/ chos kyi sku zhes brjod pa yin/
/zhes gsungs pa'i phyir/ 'dod mi nus te/ slob dpon 'phags pa
grol sdes/ /thub pa'i ngo bo nyid sku ni/ /zhes sogs dang/
byang chub phyogs mthun tshad med dang/ / 

zhes sogs gnyis mdor bstan rgyas bshad du sbyar nas bshad pa'i
phyir/ gzhan yang/ slob dpon 'phags pa grol sdes ye shes chos
sku bzhed par thal/ slob dpon thogs med sku mched kyis ye shes
chos sku bzhed ba gang zhig /slob dpon thogs med sku mched dang
/ slob dpon

'phags pa grol sde gnyis la lta ba'i 'chad tshul mi mthun pa'i
khyad par yod kyang/ sku'i grangs nges sogs theg pa chen po'i sa
lam spyi'i rnam bzhag la mi mthun pa'i khyad par med pa'i phyir/
dang po der thal/ byang sa las/ sangs rgyas bcom ldan 'das rnams
kyi sku ni rnam

pa gnyis te/ gzugs kyi sku dang/ chos kyi sku'o/ chos kyi sku
yang rnam pa gnyis te/ spangs ba dang ye shes so/ /zhes gsungs
pa'i phyir/ kha cig /slob dpon 'phags pa grol sdes sangs rgyas
kyi sa'i zag med ye shes sde tshan nyer gcig bzhed kyang/ de la
chos sku'i tha snyad mi bzhed zer na/

@16a @#/ /de bzhed par thal/ de chos sku 'dogs pa'i gzhir gyur
pa'i sangs rgyas kyi sku gcig bzhed pa gang zhig/ yum rgyas pa
las/ gzhan yang/ sangs rgyas bcom ldan 'das phyogs bcu'i 'jig
rten gyi khams tshad med grangs ma mchis pa dag na/ de bzhin
gshes

pa dgra bcom pa yang dag par rdzogs pa'i sangs rgyas bcom ldan
'das gang ji snyed cig bzhugs shing 'tsho skyong ba dang/ chos
ston pa de dag gi gzugs kyi sku dang/ chos kyi sku dang/ ye shes
kyi sku mthong bar 'tshal bas shes rab kyi pha rol tu phyin pa
'di mnyan par bya/ zhes sogs gsungs

pa de slob dpon 'phags pa grol sdes ma gzigs pa mi 'thad pa'i
phyir/ gzhan yang/ slob dpon 'phags pa grol sdes ye shes chos
sku bzhed par thal/ des rang rgyu ye shes kyi tshogs las 'khrungs
pa'i chos sku gcig bzhed pa'i phyir/ der thal/ rin chen phreng
ba las/ sangs rgyas rnams kyi

gzugs sku 'dir/ /bsod nams tshogs las byung ba ste/ /chos kyi sku
ni mdor bsdu na/ /rgyal po ye shes tshogs las 'khrungs/ /zhes
ba'i gzhung sgra ji bzhin par bzhed pa'i phyir/ der thal/ des
rin chen phreng ba sgra ji bzhin par bzhen par bzhed pa'i phyir/
gzhan yang/ slob dpon 'phags pa grol sdes

ye shes chos sku bzhed par thal/ des sangs rgyas kyi sku la rang
don chos sku dang/ gzhan don gzugs sku gnyis su bzhed/ de las
rgyas par phye na/ ngo bo nyid sku longs sku/ sprul sku dang
gsum du bzhed/ de las rgyas par phye na/ ye shes chos sku dang
bzhir bzhed pa'i phyir/ der thal/ des skabs

brgyad pa'i lus la dbye bsdu rung bar bzhed pa'i phyir/ ma khyab
na 'gal 'du yod/ gzhan yang/ slob dpon 'phags pa grol sde'i
rgyud kyi ye shes chos sku med par lta ba'i lta ba chos can/
khyod log lta yin par thal/ khyod skyabs gnas yang dag la skur
'debs kyi lta ba yin pa'i phyir/ ma grub na/

rtags song/ der thal/ ye shes chos sku skyabs gnas yang dag ma
yin par lta ba'i lta ba yin pa'i phyir/ ma grub na song/ rtags
der thal/ ye shes chos sku med par lta ba'i yin pa'i phyir/
gzhan yang/ rtsa ba'i thal 'gyur la khyab ste/ ngo bo nyid sku
sangs rgyas ma yin par lta ba'i

@16b lta ba de sdig lta yin pa'i phyir/ der thal/ rnam bshad
snying po rgyan las/ sangs rgyas kyi ngo bo nyid sku sangs rgyas
mtshan nyid pa ma yin par 'dod pa ni/ sdig pa las kyang ches sdig
ste/ dag pa gnyis ldan gyi sku la skur pa btab pa'i phyir/ /zhes
gsungs pa'i phyir/ 'dod mi nus te/ de'i rgyud la log lta med

pa'i phyir/ ma grub na/ de chos can/ khyod kyi rgyud la log lta
med par thal/ khyod 'phags pa'i gang zag yin pa'i phyir/ gzhan
yang slob dpon 'phags pa grol sde'i rgyud kyi ye shes chos sku
med par lta ba'i lta ba de/ skyabs gnas yang dag la skur 'debs
kyi lta ba ma yin par thal/ des skyabs gnas

yang dag la de yin min gyi the tshom gyi sa bon spangs pa'i
phyir/ ma grub na/ de chos can/ khyod kyis skyabs gnas yang dag
la de yin min gyi the tshom gyi sa bon spangs par thal/ khyod
theg chen mthong lam rnam grol lam thob pa'i gang zag yin pa'i
phyir/ ma grung na/ 'o na/ de theg chen mthong lam

bar chad med lam pa yin par thal/ de theg chen 'phags pa gang
zhig/ des theg chen mthong lam rnam grol lam thob ma myong ba'i
phyir/ phyi ma khas/ dang po der thal/ 'phags pa'i khongs su
gtogs pa yi/ /zhes gsungs pa'i phyir/ 'dod na/ des theg chen
mthong lam bar chad med

lam la mnyam par bzhag bzhin pa'i dang nas nyi khri snang ba
brtsams pa yin par thal/ des nyi khri snang ba brtsams pa gang
zhig/ 'dod pa'i phyir/ 'dod na/ slob lam na mnyam rjes ngo bo
gcig tu grub pa yod par thal lo/ /kha cig /slob dpon 'phags pa
grol sdes ye shes chos sku bzhed kyang/

skabs brgyad pa'i dngos bstan bstan bya'i gtso bor gyur pa'i ye
shes chos sku mi bzhed zer na/ de bzhed par thal/ des sangs
rgyas kyi sa'i zag med ye shes sde tshan nyer gcig bzhed pa gang
zhig/ des skabs brgyad ba'i lus la dbye bsdu rung bar bzhed pa'i
phyir/ der thal/ des bstan bcos mngon rtogs

rgyan gyi lus la dbye bsdu rung bar bzhed pa'i phyir/ der thal/
des bsdus don brgyad du phye ba'i mngon rtogs rgyan yang bzhed/
bsdus don drug tu phye ba'i mngon rtogs rgyan yang bzhed/ bsdus
don gsum du phye ba'i mngon rtogs rgyan yang bzhed pa'i phyir/
kha cig /sangs rgyas kyi sa'i khyad chos gsum

@17a @#/ /ldan gyi zag med ye shes rnams chos can/ khyod sangs
rgyas kyi skus ma bsdus par thal/ ngo bo nyid skus kyang ma
bsdus/ longs skus kyang ma bsdus pa'i phyir zhes pa'i thal 'gyur
'di slob dpon 'phags pa grol sdel 'khor gsum dngos 'gal du song
ba'i thal 'gyur

yin zer na/ de mi 'thad par thal/ de 'dra ba'i khyab pa 'phags
pas zhal gyis mi bzhes pa'i phyir/ der thal/ nyi khri snang bar
yang zhal gyis ma bzhes/ de las gzhan du yang zhal gyis ma bzhes
pa'i phyir/    gnyis pa rang gi lugs la/    slob dpon 'phags pa
grol sdes nyi khri snang bar ji ltar

bkral ba'i tshul dang/ slob dpon seng ge bzang pos 'grel pa che
chung gnyis su ji ltar bkral ba'i tshul gnyis las/ dang po ni/
bsdus don lus rnam bzhag dang/ tshig don yan lag rgyas bshad
gnyis las/ dang po ni/ skabs brgyad pa'i bsdus don lus rnam
bzhag gis brdzod bya ji

ltar bstan pa'i tshul yod de/ ngo bo nyid zhes pas ngo bo nyid
sku bstan longs rdzogs bcas zhes pas longs spyod rdzogs pa'i sku
bstan/ de bzhin gzhan pa sprul pa ni zhes pas/ sprul sku mdzad
pa dang bcas pa bstan/ chos sku mdzad pa dang bcas pa zhes pas/
lus bstan bshad sbyar nas bstan

pa'i phyir/ gnyis pa tshig don yan lag rgyas bshad kyis brjod bya
ji ltar bstan pa'i tshul yod de/ thub pa'i ngo bo nyid sku ni/
/zhes pa nas/ de dag rang bzhin mtshan nyid can zhes pa'i bar
gyis ngo bo nyid sku khyad chos gsum ldan gyi sgo nas mdor
bstan/ byang chub phyogs mthun tshad med

dang zhes ba nas/ chos kyi sku zhes brjod pa yin zhes pa'i bar
gyis ngo bo nyid sku rgyas par bshad/ nyan thos nyon mongs med
pa'i lta/ zhes pa nas/ rtag pa zhes kyang brjod pa yin/ zhes
pa'i bar gyis nyon mongs med pa'i ting nge 'dzin dang/ smon
gnas mkhyen pa'i ting nge 'dzin gnyis rgyas par

bshad/ mtshan ni sum cu rtsa gnyis dang/ zhes pa nas/ thub pa'i
longs spyod rdzogs skur bzhed/ /ces pa'i bar gyis longs sku
mtshan nyid kyi sgo nas mdor bstan/ phyag zhabs 'khor lo'i mtshan
dang rus sbal zhabs pa nas/ sangs rgyas dpe byad bzang bor bzhed
ces pa'i bar gyis longs

@17b sku yon tan gyi sgo nas rgyas par bshad/ gang gis srid ba
ji srid bar/ zhes pa nas/ thub pa'i sbrul sku rgyun mi 'chad/
/ces pa'i bar gyis sbrul sku dus kyi sgo nas mdor bstan/ de
bzhin 'khor ba ji srid 'di'i/ /zhes ba nas/ rnam pa nyi shu bdun
du bzhed/ /ces ba'i bar gyis sprul sku 'phrin las kyi sgo nas

rgyas par bshad pa'i phyir/ de la kha cig / byang chub phyogs
mthun tshad med dang zhes sogs kyis ngo bo nyid sku rgyas par
'chad mi rigs par thal/ de ltar 'chad na mjug tu/ chos nyid sku
zhes brjod pa yin zhes 'byung rigs pa las de ltar mi 'byung bar/
chos kyi sku zhes brjod pa yin/ /zhes 'byung ba'i

phyir zer na skyon med de/ de ltar 'byung rigs kyang rgyan gyi
tshig sbyor sla ba'i dbang du byas pa'i phyir te/ de la bod skad
du sbyar dka' sla'i khyad par med kyang / rgya skad du sbyar
dka' sla'i khyad par yod pa'i phyir/ der thal/ sam kri ta'i skad
du/ chos nyid kyi sku la d+ha-rmA ta ka ya zhes pa cig 'byung
/ chos kyi

sku zhes pa la d+ha-rmA ka ya zhes ba cig 'byung bas/ dang
po'i ngo bo'i rkyen ta phyis te mi mngon par byas nas/ chos kyi
sku zhes brjod pa yin/ /zhes 'byung ba yin pa'i phyir/ thub pa'i
ngo bo nyid sku ni/ /zhes sogs dang/ byang chub phyogs mthun
tshad med dang / zhes sogs kyi gzhung gnyis mdor bstan rgyas

bshad du sbyor ba'i rgyu mtshan yod de/ thub pa'i ngo bo nyid sku
ni zhes pa'i skab su sangs rgyas kyi sa'i zag med ye shes sde
tshan nyer gcig bden pas stong pa de/ spangs pa'i khyad par sgrib
gnyis ma lus par spangs pa dang ldan pa'i khyad par sangs rgyas
kyi sa'i zag med ye shes sde tshan nyer gcig gi chos

can du ldan pa/ ngo bo'i khyad par sangs rgyas kyi sa'i khyad
chos gsum ldan gyi zag med ye shes rnams don dam par rang gi
mtshan nyid kyis ma grub pa'i ngo bo can du bstan pa na/ zag med
ye shes gang dang gang don dam par rang gi mtshan nyid kyis ma
grub pa yin zhe na/ sangs rgyas kyi sa'i byang phyogs

so bdun nas/ sangs rgyas kyi sa'i mkhyen pa gsum gyi bar gyi ye
shes rnams don dam par rang gi mtshan nyid kyis ma grub pa chos
nyid kyi sku yin zhes bstan pa yin pa'i phyir/ gnyis bslob dpon
seng ge bzang pos 'grel pa che chung gnyis su ji ltar bkral tshul
la/ bsdus don lus rnam bzhag

@18a @#/ /gis brjod bya ji ltar bstan pa'i tshul dang/ tshig don
yan lag rgyas bshad kyi brjod bya ji ltar bstan pa'i tshul gnyis/
dang po ni/ ngo bo nyid ces pas/ ngo bo nyid sku dngos bstan
bstan bya'i gtso bor byas nas bstan/ longs rdzogs bcas zhes pas/
longs sku dngos

bstan bstan bya'i gtso bor byas nas bstan/ de bzhin gzhan pa
sprul pa ni zhes pas/ sprul sku dngos bstan bstan bya'i gtso bor
byas nas bstan/ chos sku mdzad pa dang bcas zhes pas/ ye shes
chos sku mdzad pa dang bcas pa dngos bstan bstan bya'i gtso bor
byas nas bstan pa'i phyir/ gnyis

pa ni; thub pa'i ngo bo nyid sku ni/ /zhes pa nas/ de dag rang
bzhin mtshan nyid can/ /zhes pa'i bar gyis ngo bo nyid sku dngos
bstan bya'i gtso bor byas nas rgyas par bshad/ byang chub phyogs
mthun tshad med dang zhes pa nas/ /rtag pa zhes kyang brjod pa
yin zhes pa'i bar gyis sangs rgyas kyi sa'i

zag med ye shes rnams ngo bo nyid sku las logs su 'bras bu chos
sku mtshon byed kyi sangs rgyas kyi skur dngos bstan bstan bya'i
gtso bor byas nas rgyas par bshad pa'i phyir/ lhag ma gnyis
'chad tshul 'phags pa dang mthun no/ /kho na re/ chos sku mdzad
pa dang bcas pa/ /zhes pa'i gzhung

'di ye shes chos sku'i lus ston byed kyi gzhung ma yin par thal/
de lus bstan bshad sbyor ba'i gzhung yin pa'i phyir zer na/
skyon med de/ de 'dra ba'i gzhung de lus bstan bshad sbyor ba'i
gzhung dang/ ye shes chos sku'i lus ston byed kyi gzhung gnyis
ka yin pa'i phyir/ de la kho na re/ de mi

'thad par thal/ tshig don yan lag brgyad bshad kyi go rims dang
mi mthun pa'i phyir zer na/ skyon med de/ ye shes chos sku kho
na mdzad pa 'phrin las dang lhan cig sbyar ba'i che du yin pa'i
phyir/ de ltar sbyar ba la dgos pa yod de/ sangs rgyas kyi
'phrin las rnams ye shes chos sku'i

bdag rkyen las byung bar shes par bya ba'i ched du yin pa'i
phyir/ kho na re/ ye shes mdzad ba dang bcas pa/ /zhes smra rigs
par thal/ dgos pa de nyid kyi phyir te/ ye shes chos sku kho na
mdzad pa 'phrin las dang lhan cig sbyar nas bshad pa'i phyir/
zer na skyon med de/ ye shes mdzad pa dang

@18b bcas pa/ zhes pa dang/ chos sku mdzad ba dang bcas pa zhes
pa gnyis smos na rgyan gyi tshig sbyar dka' ba dang/ ye shes
mdzad pa dang bcas pa zhes smos ba tsam gyis lus bstan bshad
sbyor mi nus pa'i phyir/ thub pa'i ngo bo nyid sku ni/ /zhes
sogs dang/ byang chub phyogs mthun tshad med dang/ zhes ba'i

gzhung gnyis mdor bstan rgyas bshad du sbyar nas bshad du rung
yang/ mdor bstan rgyas bshad du ma sbyar bar/ byang chub phyogs
mthun tshad med dang/ /zhes sogs kyis sangs rgyas kyi sa'i zag
med ye shes rnams ngo bo nyid sku las logs su 'bras bu chos sku
mtshon byed kyi sangs rgyas kyi skur

dngos bstan bstan bya'i gtso bor byas nas bshad du rung zhing/
de ltar bshad pa la rgyan gyi tshig don la ma zhugs pa'i skyon me
de/ tshig la mi 'grig pa'i skyon yang med/ don la mi gnas pa'i
skyon yang med pa'i phyir/ dang po der thal/ rnam pa thams cad
mkhyed nyid dang/ chos kyi sku zhes brjod pa yin

zhes ye shes chos sku'i tha snyad dngos su mdzad pa'i phyir/
phyi ma der thal/ sangs rgyas kyi sa'i spang pa mthar thug la
chos sku'i don tshang ba'i phyir/ der thal/ de 'bras bu chos sku
yin pa'i phyir/ gzhan yang/ gzhung de gnyis mdor bstan rgyas
bshad du rung bar thal/ mngon rtogs rgyan gyi skabs

brgyad ba'i lus la dbye bsdu rung pa yin pa'i phyir/ de ltar ma
yin par sangs rgyas kyi sku la ngo bo nyid sku/ longs sku/ sprul
sku gsum kho nar grangs nges na/ sangs rgyas kyi sa'i zag med
khyad chos gsum ldan gyi ye shes rnams chos can/ khyod sangs
rgyas kyi sas ma bsdus par thal/ ngo bo

nyid skus kyang ma bsdus/ longs skus kyang ma bsdus/ sprul skus
kyang ma bsdus pa'i phyir/ 'khor gsum/ kho na re/ skyon med de/
sangs rgyas kyi sa'i zag med ye shes sde tshan nyer gcig po de
ngo bo nyid skus bsdus pas/ ngo bo nyid sku las logs su 'bras bu
chos sku mtshon byed kyi sangs rgyas

kyi skur 'chad mi rigs pa'i phyir zer na/ 'o na/ sku lhag ma
gnyis po de yang ngo bo nyid sku las logs su 'bras bu chos sku
mtshon byed kyi sangs rgyas kyi skur 'chad mi rigs par thal/ sku
lhag ma gnyis po de yang ngo bo nyid skus bsdus pa'i phyir/
'khor gsum/    rtsod pa spong ba la/   kha cig /sangs rgyas

@19a @#/ /kyi sku la ngo bo nyid sku/ longs sku/ sprul sku gsum
kho nar grangs nges par thal/ de ltar rgyal ba'i gsung rab dang
dgongs 'grel gyi bstan bcos rgyud bla ma sogs las/ sku gsum gyi
grangs nges gsungs pa'i phyir zer na/ 'o na/ sangs rgyas kyi sku
la ngo bo nyid sku/ longs sku sprul

sku/ ye shes chos sku dang bzhir grangs nges par thal/ de ltar
rgyal ba'i gsung rab dang dgongs 'grel gyi bstan bcos mngon
rtogs rgyan sogs las sku bzhi'i grangs nges gsungs pa'i phyir/
der thal/ rnam pa thams cad mkhyen nyid dang/ /chos kyi sku
zhes brjod pa yin/ /zhes gsungs pa'i

phyir/ kha cig /'grel pa don gsal gyis/ thub pa'i ngo bo nyid sku
ni/ zhes pa nas/ byang chub phyogs mthun tshad med dang zhes sogs
kyis gzhung gnyis mdor bstan rgyas bshad ma yin par bstan par
thal/ des de gnyis mdor bstan rgyas bshad du ma sbyar bar bstan
pa'i phyir zer na ma

khyab/ 'dod na/ gzhung de gnyis mdor bstan rgyas bshad ma yin
par thal lo/ /'dod mi nus te/ de gnyis mdor bstan rgyas bshad du
sbyar nas 'chad du rung ba'i phyir/ kha cig /slob dpon seng-ge
bzang pos/ thub pa'i ngo bo nyid sku ni/ zhes pa dang/ byang
chub phyogs mthun tshad med dang/ zhes pa'i

gzhung gnyis mdor bstan rgyas bshad du bzhed par thal/ de gnyis
mdor bstan rgyas bshad yin pa'i phyir zer na/ 'dod byas pa la 'o
na/ des zag pa med pa'i chos gang dag/ zhes pa'i gzhung sgra ji
bzhin par bzhed par thal/ 'dod pa'i phyir/ 'dod mi nus ste/ slob
dpon seng-ge bzang pos

'bras bu chos sku mtshon byed kyi sku la bzhir grangs nges par
bzhed pa gang zhig/ gzhung de sgra ji bzhin par khas blangs nas
'bras bu chos sku mtshon byed kyi sangs rgyas kyi skur ngo bo
nyid sku/ longs sku/ sprul sku gsum du gzhung btsugs par 'gyur
bar gsungs pa'i phyir/ zer na skyon med de/

de gnyis mdor bstan rgyas bshad du ma sbyar ba'i lugs la de sgra
ji bzhin par khas blangs na de ltar gzhung gtsugs par 'gyur zhes
pa'i don yin pa'i phyir/ kha cig /'grel pa don gsal gyi lugs la/
gzhud de gnyis mdor bstan rgyas bshad yin par thal/ slob dpon
seng-ge bzang

@19b po'i lugs la de gnyis mdor bstan rgyas bshad yin pa'i
phyir/ 'dod na/ 'grel pa don gsal gyis de gnyis mdor bstan rgyas
bshad du sbyar nas bshad par thal/ 'dod par phyir zer na ma
khyab/ 'dod mi nus so/ /kha cig /'grel pa don gsal gyi lugs la
zag pa med pa'i chos gang dag zhes pa'i

gzhung sgra ji bzhin pa yin par thal/ de'i lugs la/ thub pa'i
ngo bo nyid sku ni zhes pa dang/ byang chub phyogs mthun tshad
med dang/ /zhes pa'i gzhung gnyis mdor bstan rgyas bshad yin
pa'i phyir/ rtags khas/ 'dod na/ des gzhung de sgra ji bzhin par
bshad par thal/ 'dod pa'i phyir zer na ma khyab/ 'dod mi

nus te/ des zag bcas zag med tsam ma yin par bden grub gyi zag
med du yang bshad pa'i phyir/ kha cig /slob dpon 'phags pa grol
sdes sangs rgyas kyi sa'i zag med ye shes sde tshan nyer gcig la
ye shes chos sku'i tha snyad mi bzhed par thal/ de la ye shes
chos sku'i tha snyad nyi khri snang ba'i mgo mjug

gang du yang ma gsungs pa'i phyir zer na ma khyab/ 'dod mi nus
so/ /zer na/ des de la ye shes chos sku'i tha snyad bzhed par
thal/ slob dpon gyis 'grel pa che chung gnyis su 'phags pa'i
bzhed pa skyor ba'i tshe/ de la ye shes chos sku'i tha snyad mang
du gsungs pa'i phyir/ gzhan yang/ 'phags

bas des ye shes chos sku'i tha snyad mi bzhed pa mi 'thad par
thal/ de la ye shes chos sku'i tha snyad ma gsungs pas mi bzhed
pa yang mi 'thad/ don gyis mi thob pa'i rgyud mtshan gyis mi
bzhed pa yang mi 'thad pa'i phyir/ dang bo der thal/ rnam pa
thams cad mkhyen nyid dang/ chos kyi sku zhes brjod

ba yin zhes tha snyad dngos su gsungs par bzhed pa'i phyir/ der
thal/ dang po'i ngo bo'i rkyen ta phyis nas chos kyi sku zhes
brjod pa yin/ zhes 'byung bar bzhed pa'i phyir/ rtsa ba'i rtags
phyi ma der thal/ sangs rgyas kyi sa'i sgrib gnyis spangs pa'i
spangs pa dang/ rang bzhin rnam dag gi cha du ma tshogs

pa'i yon tan mthar thug la chos sku'i don tshang ba'i phyir/ der
thal/ de ngo bo nyis sku yin pa'i phyir/ kha cig /sangs rgyas
kyi sku la ngo bo nyid sku/ longs sku/ sprul sku gsum du grangs
ma nges par thal/ sangs rgyas kyi sa'i zag med ye shes sde tshan
nyer gcig po de/ de gsum gang rung ma yin pa'i phyir

@20a @#/ /zer na ma khyab/ 'o na/ sangs rgyas kyi sku la ngo bo
nyid sku/ ye shes chos sku/ longs sku sprul sku bzhir grangs ma
nges par thal/ thub pa'i sen mo zangs mdog de de bzhi gang rung
ma yin pa'i phyir/ 'khor gsum/ de la kho na re/ de longs sku yin
zer na/ 'o na/ sangs

rgyas kyi sa'i zag med ye shes sde tshan nyer gcig po de rang
bzhin rnam dag gi char gyur pa'i ngo bo nyid sku yin pa la
skyon ci yod/ kho na re/ de rang bzhin rnam dag gi char gyur
pa'i ngo bo nyid sku ma yin par thal/ rang bzhin rnam dag gi
char gyur ba'i ngo bo nyid sku de/ dag ba gnyis ldan

gyi chos nyid kyi sku zhig la 'jog pa'i phyir zer na/ 'o na/
thub pa'i sen mo zangs mdog de longs sku ma yin par thal/ longs
sbyod rdzogs pa'i sku de mtshan dpe yongs rdzos kyi sangs rgyas
'phags pa zhig la 'jog pa'i phyir/ 'khor gsum/ skyon du med do/
/kha cig /sangs rgyas kyi sku de la ngo

po nyid sku/ longs sku/ sprul sku gsum kho nar grangs nges par
thal/ sangs rgyas kyi sa'i zag med ye shes sde tshan nyer gcig po
da/ rang bzhin rnam dag gi char gyur pa'i ngo bo nyid skus chos
nyid kyis chos can bsdus pa'i tshul gyis bsdus pa'i phyir zer na/
'o na/ sangs rgyas kyi sku la rang bzhin

rnam dag gi char gyur pa'i ngo bo nyid sku gcig kho nar grangs
nges par thal/ sku lhag ma gsum ka rang bzhin rnam dag gi char
gyur pa'i ngo bo nyid skus chos nyid kyis chos can bsdus pa'i
tshul gyis bsdus pa'i phyir/ 'khor gsum/ gzhan yang/ slob dpon
seng-ge bzang pos skabs brgyad pa'i dngos bstan

bstan bya'i gtso bor gyur ba'i sangs rgyas kyi sku la ngo bo
nyid sku/ longs sku/ sprul sku gsum du grangs nges par bzhed par
thal/ des thub pa'i ngo bo nyid sku ni/ zhes sogs dang/ byang
chub phyogs mthun tshad med dang/ zhes pa'i gzhung gnyis mdor
bstan rgyas bshad du bzhed pa'i phyir/ der thal/ nyi khri

le'u brgyad ma las zag pa med pa'i chos de dag kyang gang zhe
na/ byang chub kyi phyogs kyi chos/ gsum cu rtsa bdun dang/ zhes
gsungs pa'i phyir/ mdor bsdu na/ slob dpon 'phags seng gnyis
sku'i grangs nges dang/ khyad par skabs brgyad pa'i dngos bstan
bstan bya'i gtso bor gyur pa'i sku'i grangs nges

@20b yang mi rtsod cing/ dgongs pa la yang mi mthun pa'i khyad
par med kyang/ 'brel pa gnyis kyi 'chad tshus phyad par yod
de/ nyi khri snang ba dang/ nyi khri le'u brgyad ma gnyis kyis/
thub pa'i ngo bo nyid sku ni/ zhes pa dang/ byang chub phyogs
mthun tshad med dang zhes pa'i gzhung gnyis mdor bstan rgyas

bshad du sbyar nas bshad/ 'grel pa che chung gnyis kyis mdor
bstan rgyas bshad du ma sbyar bar bshad pa'i phyir dang nyan
thos nyon mongs med pa'i lta/ /zhes sogs kyi skabs su kha cig
/sangs rgyas 'phags pa'i rgyud kyi nyon mongs med pa'i ting nge
'dzin de nyan rang gi nyon mongs med pa'i ting

nge 'dzin las khyad par 'phags te/ nyan thos dgra bcom pas nyon
mongs med pa'i ting nge 'dzin la mnyam par bzhag pa'i tshe/ gzhan
rgyud la nyon mongs skye ba'i dmigs rkyen mi byed pa tsam yin
gyi/ gzhan rgyud kyi nyon mongs drung nas 'byin par mi nus/
sangs rgyas 'phags pas nyon mongs

med pa'i ting nge 'dzin la mnyam par bzhag pa'i tshe/ gzhan rgyud
la nyon mongs skye ba'i dmigs rkyen mi byed par ma zad/ gzhan
rgyud kyi nyon mongs drung nas 'byin par byed pa'i phyir zer na/
'o na/ nyon mongs med pa'i ting nge 'dzin la mnyam par bzhag
pa'i nyan thos dgra bcom pa la dmigs pa'i

nyon mongs med par thal des nyon mongs med pa'i ting nge 'dzin
la mnyam par bzhag pa na gzhan rgyud la nyon mongs skye ba'i
dmigs rkyen mi byed pa de/ de'i rgyud kyi nyon mongs med pa'i
ting nge 'dzin gyi byed las yin pa'i phyir/ rtags khas/ 'dod mi
nus te/ de la dmigs pa'i nyon mongs rgyud

la ldan pa'i gang zag yod pa'i phyir/ der thal/ de la dmigs pa'i
gang zag gi bdag 'dzin yod pa'i phyir/ der thal/ de bden par
'dzin pa'i bden 'dzin yod pa'i phyir/ gzhan yang/ sangs rgyas
'phags pa'i rgyud kyi nyon mongs med pa'i ting nge 'dzin des
gdul bya'i rgyud kyi nyon mongs kyi sa bon

sbangs par thal/ des gzhan rgyud kyi nyon mongs drud nas 'byin
par byed pa'i phyir/ 'dod na/ las ma byas pa dang 'phrad pa
dang/ byas pa chud zos pa yod par thal/ /'gro ba thams cad 'bad
med du grol ba yod pa'i phyir/ der thal/ khyod kyi 'dod pa de'i
phyir/ 'dod mi nus so/ /kha cig /sangs rgyas

@21a @#/ /'phags pa'i rgyud kyi nyon mongs med pa'i ting nge
'dzin la gzhan rgyud kyi nyon mongs drung nas 'byin par byed
pa'i don de/ sangs rgyas 'phags pa sangs rgyas 'phags par shes
nas/ sangs rgyas 'phags pa la dmigs pa'i nyon mongs mi skye ba'i
don yin zer na/ mi 'thad

par thal/ sangs rgyas 'phags pa sangs rgyas 'phags par shes nas/
sangs rgyas 'phags pa la dmigs pa'i nyon mongs rgyud la ldan
pa'i gang zag yod pa'i phyir/ der thal/ sangs rgyas 'phags pa
sangs rgyas 'phags par shes nas sangs rgyas 'phags pa la dmigs
pa'i bdag 'dzin

rgyud la ldan ba'i gang zag yod pa'i phyir/ der thal/ sangs
rgyas 'phags pa sangs rgyas 'phags par shes nas sangs rgyas
'phags pa bden par 'dzin pa'i bden 'dzin yod pa'i phyir/ der
thal/ rgyal la sogs la chags pa phra/ /zhes gsungs pa'i phyir/
gzhan yang / sangs rgyas 'phags pa

sangs rgyas 'phags par shes nas sangs rgyas 'phags pa bden par
'dzin pa'i bden 'dzin rgyud la ldan ba'i gang zag yod par thal/
sangs rgyas 'phags pa skyabs ston pa por bden par zhen pa'i bden
zhen rgyud la ldan pa'i gang zag yod pa'i phyir/ der thal/ sangs
rgyas la sangs rgyas dang byang chub

dag zhes sogs kyi gzhung 'di sangs rgyas 'phags pa skyabs ston
pa por bden par zhen pa'i bden zhen 'gog pa'i phyir du 'doms
pa'i gdams ngag yin pa'i phyir/ kha cig /sangs rgyas 'phags pa'i
smon gnas mkhyen pa'i ting nge 'dzin de/ nyan rang gi smon gnas
mkhyen pa'i ting nge 'dzin las

khyad par du 'phags te/ sangs rgyas 'phags pa'i smon gnas mkhyen
ba'i ting 'dzin de/ lhun gyis grub pa dang / chags pa med pa
dang thogs pa med pa dang / rtag par gnas pa dang dri ba kun lan
'debs pa'i khyad chos lnga dang ldan/ nyan rang gi smon gnas
mkhyen pa'i ting nge 'dzin de khyad chos de dag

dang bral ba'i phyir zer na/ 'o na/ sangs rgyas 'phags pa'i
rgyud kyi smon gnas mkhyen pa'i ting nge 'dzin de rtag par gnas
par thal/ khyod kyi dam bca' 'thad pa'i phyir/ 'dod na/ sangs
rgyas 'phags pa'i rgyud kyi smon gnas mkhyen pa'i ting nge 'dzin
chos can/ khyod rtag par mi gnas par thal/ /khyod

@21b rang grub dus kyi skad cig gnyis pa'i dus su 'jig pa'i
phyir te/ khyod skad cig ma yin pa'i phyir/ kha cig/ sprul ba'i
sku de gdul bya 'ga' zhig la mngon sum du snang/ 'ga' zhig la
mngon sum du mi snang ba de las dag ma dag gi dbang gis yin zer
na/ de mi 'thad bar thal/ sangs rgyas 'phags pa mngon sum du

mthong ba'i las ma dag pa'i sems can yod pa gong du bsgrubs zin
pa'i phyir/ rang lugs la/ rang gi sems rten bsam gtan bzhi ba'i
dngos gzhi la brten nas/ gang la mnyam bar bzhag pas rang rgyud
la ldan pa'i gang zag la dmigs pa'i mi dge bar gyur ba'i nyon
mongs mi skye ba'i byed las dang ldan

pa'i ting nge 'dzin/ nyon mongs med pa'i ting nge 'dzin gyi
mtshan nyid/ sangs rgyas 'phags pa'i nyon mongs med pa'i ting nge
'dzin de/ nyan rang gi nyon mongs med pa'i ting nge 'dzin las
khyad par du 'phags te/ de gnyis kas nyon mongs med pa'i ting
nge 'dzin la mnyam par bzhag pa'i tshe/ gzhan rgyud la mi dge

bar gyur pa'i nyon mongs kyi dmigs rkyen mi byed bar mtshungs
kyang / sangs rgyas 'phags pa'i nyon mongs med pa'i ting nge
'dzin la mnyam par bzhag pa na/ ma 'ongs pa na gdul byas nyon
mongs kyi sa bon 'joms pa'i nus pa khyad par can 'jog nus/ nyan
rang gi nyon mongs med pa'i ting nge 'dzin la mnyam

par bzhag pa'i tshe/ de 'dra ba'i nus pa khyad par can 'jog mi
nus pa'i phyir/ rang gi sems rten rab mtha'i bsam gtan bzhi ba'i
dngos gzhi la brten nas gang la mnyam bar bzhag pas dri ba'i lan
'debs pa'i byed las dang ldan pa'i rab tu phye ba'i rigs su gnas
pa'i ting nge 'dzin/ smon gnas

mkhyen pa'i ting nge 'dzin gyi mtshan nyid/ sangs rgyas 'phags
ba'i rgyud kyi smon gnas mkhyen pa'i ting nge 'dzin de/ nyan
rang gi smon gnas mkhyen pa'i ting nge 'dzin las khyad bar du
'phags te/ sangs rgyas 'phags pa'i rgyud kyi smon gnas mkhyen
pa'i ting 'dzin de 'bad med lhun gyis grub pa dang/ bden

chags spangs pa dang / yul la thogs med du 'jug pa dang/ rgyun
mi chad pas rtag par gnas pa dang/ dri ba kun gyi lan 'debs pa'i
khyad chos lnga dang ldan/ nyan rang gi smon gnas mkhyen pa'i
ting nge 'dzin de khyad chos de dag dang bral ba yin pa'i phyir/
sangs rgyas 'phags pa de dus rtag tu thugs rje chen po la mnyaM

@22a @#/ /par bzhag pa yin na/ gdul bya 'ga' zhig la sku dngos su
snang ba'i sgo nas don mdzad/ 'ga' zhig la sku dngos su snang
ba'i sgo nas don mi mdzad ba'i rgyu mtshan ci zhen/ de'i rgyu
mtshad yod de/ sku dngos su snang ba'i sgo nas don mdzad pa'i las
bsags pa'i gdul bya rnams la sku

dngos su snang ba'i sgo nas don mdzad/ de ltar las ma bsags pa'i
gdul bya rnams la sku dngos su snang ba'i sgo nas don mi mdzad
pa'i phyir/ dper na lha'i rgyal pos char phab kyang sa bon mes
tshig pa la myu gu sngon po mi 'byung ba lta bu yin pa'i phyir//
! rtsod pa spong ba la/ kha cig /sangs rgyas 'phags

pa la dmigs pa'i mi dge bar gyur ba'i nyon mongs med par thal/
sangs rgyas 'phags pa de nyon mongs med pa'i ting nge 'dzin la
dus rtag tu mnyam par bzhag pa'i gang zag gang zhig/ sangs rgyas
'phags pas nyon mongs med pa'i ting nge 'dzin la mnyam par bzhag
ba'i tshe/ sangs rgyas

'phags pa la dmigs pa'i mi dge bar gyur ba'i nyon mongs mi skye
ba de/ de'i rgyud kyi nyon mongs med pa'i ting nge 'dzin gyi
byed las yin pa'i phyir/ rtags khas/ 'dod mi nus te/ de bzhin
gshegs pa'i sku la ngan sems kyi khrag phyung ba yod pa'i phyir/
der thal/ de bzhin gshegs pa'i

sku la ngan sems kyi khrag phyung ba'i mtshams med kyi las yod
pa'i phyir/ der thal/ mtshams med kyi las lnga yod pa'i phyir zer
na skyon med de/ de ni de bzhin gshegs pa'i sku gzugs bshig pa'i
nye ba'i mtshams med la dgongs pa'i phyir/ de ltar ma yin na
sangs rgyas 'phags pa de mthong

na mi mthun pa med pa de mi 'thad par thal/ sangs rgyas 'phags
pa la ngan sems kyi khrag phyung ba yod pa'i phyir/ der thal/ de
bzhin gshegs pa'i sku la ngan sems kyi khrag phyung ba'i mtshams
med kyi las yod pa'i phyir/ 'dod mi nus te/ mdo las/ mthong na
mi mthun pa med pa/ zhes gsungs/

pa'i phyir/ gzhan yang / sangs rgyas 'phags pa de pha rol gyi
gnod pa rjes su sgrub pa'i yul yin par thal/ sangs rgyas 'phags
pa mngon sum du mthong nas de la ngan sems skye ba yod pa'i
phyir/ rtags khas/ 'dod mi nus te/ sangs rgyas 'phags pa lta
zhog/ byang sems bsgom lam pa de yang

@22b gzhan gyis byas ba'i dug dang / mtshon dang byang la sogs
pa'i pha rol gyi gnod pa rjes su sgrub pa'i yul ma yin pa'i
phyir/ der thal/ gnod pas brdzi ba med nyid dang / zhes gsungs
pa'i phyir/ gzhan yang sangs rgyas kyi sa na sha rus rdos bcas
kyi lus yod par thal/ de bzhin gshegs pa la ngan sems

kyi khrag phyung ba yod pa'i phyir/ 'dod mi nus te/ sangs rgyas
'phags pa'i lus de 'ja' lus yin pa'i phyir/ !mtshan ni sum cu
rtsa gnyis dang / zhes sogs kyi skabs su/ nges pa lnga dang ldan
pas rab tu phye ba'i gzugs sku mthar thug chos can/ khyod longs
sku'i mtshan nyid yin te/ de'i 'jog byed

yin pa'i phyir/ 'di'i skabs su mtha' dbyad pa la/ kha cig /gzugs
sku gnyis sangs rgyas rang snang la mi snang ba yin zer na/ 'o
na/ gzugs sku gnyis chos can/ khyod thams cad mkhyen pa'i gzigs
pa las log par thal/ khyod rnam mkhyen gyi gzigs pa las log pa'i
phyir/ der thal/ khyod rnam

mkhyen gyis ma gzigs pa'i phyir/ der thal/ de rnam mkhyen la mi
snang ba'i phyir/ ma grub na song/ der thal/ de sangs rgyas
'phags pa la mi snang pa'i phyir/ ma grub na song/ der thal/ de
sangs rgyas rang snang la mi snang pa'i phyir/ 'khor gsum/ gal
te/ rtsa bar 'dod na/ gzugs sku gnyis chos can/

khyod med par thal/ khyod thams cad mkhyen pa'i gzigs pa las log
pa'i phyir/ gzhan yang/ gzugs sku gnyis po de gang zag gi rgyud
kyis ma bsdus pa'am/ 'on te gdul bya'i rgyud kyis bsdus pa dag
las gang yin dang po ltar yin zer na/ 'o na/ byang chub sems
dpa' rnams kyis gzugs sku

gnyis 'thob pa'i phyir du bsod nams kyi tshogs rgya chen po bsags
pa la dgos pa med par thal/ byang chub sems dpa' rnams sangs
rgyas pa'i tshe/ gzugs sku gnyis gang zag gi rgyud kyis ma bsdus
pa'i phyir/ rtags khas/ 'dod na/ ha cang thal lo/ /phyi ma ltar
yin zer na/ 'o na/ las ma byas pa dang

phrad pa dang/ byas pa chud zos pa yod par thal lo/ /byang chub
sems dpa' rnams kyis gzugs sku gnyis thob pa'i phyir du bsod
nams kyi tshogs rgya chen po bsags nas sangs rgyas pa'i tshe gzugs
sku gnyis gdul bya'i rgyud kyis bsdus pa'i phyir/ rtags khas/
'dod mi nus so/ /kha cig /gzugs

@23a @#/ /sku gnyis sangs rgyas rang snang la mi snang bar thal/
sangs rgyas 'phags pa de dus rtag tu de bzhin nyid la mnyam par
bzhag pa'i gang zag gang zhig/ des de bzhin nyid gzigs pa'i
gzigs dor gzugs sku gnyis ma gzigs pa'i phyir zer na ma khyab/
ma grub na/

der thal/ des de bzhin nyid gzigs pa ltar du gzugs sku gnyis ma
gzigs pa'i phyir/ kha cig /gzugs sku gnyis sangs rgyas ma yin
zer na/ 'o na/ gzugs sku gnyis yon tan tsam yang ma yin par
thal/ de gnyis gnas skabs kyi yon tan yang ma yin/ mthar thug gi
yon

tan yang ma yin pa'i phyir/ dang po ma grub na/ 'o na/ ye shes
kyi tshogs mthar thug pa'i ye shes chos sku de gnas skabs kyi yon
tan yin par thal/ rang rgyu bsod nams kyi tshogs mthar thug pa'i
gzugs sku gnyis gnas skabs kyi yon tan yin pa'i phyir/ rtags
khas/ 'dod na/ rnam mkhyen

gnas skabs kyi yon tan yin par thal lo/ /'dod na/ mthar thug gi
yon tan gzhi ma grub par thal lo/ /'dod mi nus so/ /rtsa rtags
gnyis pa ma grub na/ gzugs sku gnyis chos can/ sangs rgyas yin
par thal/ mthar thug gi yon tan yin pa'i phyir/ rtsa bar 'dod
na/ byang sems rnams

kyis sems can thams cad kyi don du gzugs sku gnyis thob par bsam
pa dam bca' pa la dgos pa med par thal lo/ /sangs rgyas nas
gzugs sku gnyis kyi snang ba skyed pa'i sgo nas gzhan don byed
pa de yon tan ma yin pa'i phyir/ der thal/ gzugs sku gnyis yon
tan ma yin pa'i

phyir; 'dod mi nus so/ /kha cig/ gzugs sku gnyis sangs rgyas ma
yin par thal/ sher phyin sum brgya ba las/ gang dag nga la gzugs
su mthong/ /gang dag nga la sgrar shes pa/ /log pa'i lam 'du
zhugs pa ste/ /skye bo de dag nga mi mthong/ /zhes gsungs pa'i
phyir zer na/ de gzugs sku

gnyis sangs rgyas ma yin par sgrub byed kyi lung gi sgrub byed
rnam dag ma yin par thal/ de tshad ldan gyi bstan bcos rnam dag
kyang ma yin/ de sangs rgyas kyi bka' yang ma yin pa'i phyir/
dang po der thal/ de bstan bcos ma yin pa'i phyir/ der thal/ yum
bar ma bstan bcos ma yin

@23b pa'i phyir/ phyi ma ma grub na/ de sangs rgyas kyi bka' ma
yin par thal/ de gsung ba po ston pa shA-kya thub pa sangs
rgyas 'phags pa ma yin pa'i phyir/ der thal/ gzugs sku gnyis
sangs rgyas ma yin pa'i phyir/ 'khor gsum/ kha cig /gzugs sku
gnyis sangs rgyas ma yin bar thal/ gzugs sku gnyis

gdul bya'i dbang gis sems la snang ba tsam gang zhig /bai
DUrI sa gzhi la lha dbang gi lus kyi gzugs brnyan snang ba de
lha dbang gi gzugs ma yin pa'i phyir/ khyab ste/ rgyud bla ma
las/ ji ltar bai DUrya sa gzhi gtsang ma la/ /lha dbang lus
kyi gzugs brnyan 'char ba ltar/ /de bzhin 'gro sems sa

gzhi gtsang ma la/ /thub ba'i dbang po'i sku yi gzugs brnyan
'char/ /zhes gsungs pa'i phyir/ zer na ma khyab/ 'dod na bkag
zin/ kha cig /longs sku'i rgyud kyi ye shes chos sku de mtshan
dpes spras pa'i gzugs skur snang ba yin zer na/ 'o na/ de longs
sku yan chad la mtshan dpes spras ba'i gzugs skur

snang bar thal/ de mtshan dpes spras ba'i gzugs skur snang ba'i
phyir/ ma khyab na 'gal/ 'dod na/ de longs sku la mtshan dpes
spras pa'i gzugs skur snang bar thal/ 'dod pa'i phyir/ 'dod na/
longs sku'i rgyud kyi ye shes chos sku mtshan dpes spras pa'i
gzugs skur snang ba'i longs sku'i rgyud kyi

shes pa chos can/ khyod snang yul la 'khrul ba'i shes par thal/
khyod longs sku'i rgyud kyi ye shes chos sku mtshan dpes spras
pa'i gzugs skur snang ba'i shes pa gang zhig /longs sku'i rgyud
kyi ye shes chos sku mtshan dpes spras pa'i gzugs sku ma yin pa'i
phyir/ dang po khas/ phyi ma ma grub na/

longs sku'i rgyud kyi ye shes chos sku chos can/ khyod la dbyibs
yod par thal/ khyod mtshan bzang po so gnyis dang/ dpe byad bzang
po brgyad cus spras pa'i gzugs sku yin pa'i phyir/ rtags dngos/
'dod na/ gzugs can yin par thal lo/ /khyab ste/ 'jug pa las/
dbyibs zhe na de gzugs can la

yod phyir/ zhes gsungs pa'i phyir/ 'dod mi nus te/ shes pa yin
pa'i phyir/ gzhan yang/ de longs sku'i 'khor du gyur ba'i byang
sems 'phags bas longs skur des par thal/ de la de longs skur
snang ba gang zhig/ rnam 'grel las/ blo gros chen pos mthong
nyid las/ /rnam pa thams cad nges par

@24a @#/ /byed ces gsungs pa'i phyir/ 'dod na/ de longs sku yin
par thal/ 'dod pa'i phyir/ 'dod na/ de chos can/ khyod byang
sems 'phags pa yan chad kyi mngon sum gyi spyod yul yin par
thal/ khyod longs sku yin pa'i phyir/ rtags khas/ 'dod mi nus
te/ sangs rgyas 'phags pa

'ba' zhig gi mngon sum gyi spyod yul yin pa'i phyir/ der thal/
ye shes chos sku yin pa'i phyir/ kha cig /gzugs sku gnyis po
gang rung gang zhig/ sprul sku ma yin pa/ longs sku'i mtshan nyid
zer na/ med dgag mtha' gzung gis ma nges so/ /kha cig / nges pa
lnga ldan gyi gzugs sku

mthar thug/ longs sku'i mtshan nyid zer na/ gzugs sku chos can/
mtshon bya der thal/ mtshan nyid de'i phyir/ der thal/ nges pa
lnga po de gzugs sku la ldan pa gang zhig/ sangs rgyas dkon
mchog de 'dus ma byas sogs yon tan brgyad dang ldan pa'i skyabs
gnas mthar thug yin

pa'i phyir/ der thal/ 'dus ma byas sogs yon tan brgyad dang ldan
pa'i skyabs gnas mthar thug cig yod pa'i phyir/ der thal rgyud
bla ma las/ 'dus ma byas shing lhun gyis grub/ /gzhan gyi rkyen
gyis rtogs min pa/ /mkhyen dang brtse dang nus par ldan/ /don
gnyis ldan pa'i sangs rgyas

nyid; ces gsungs pa'i phyir/ 'dod na gzugs sku chos can/ longs
sku ma yin par thal/ khyod dang sprul sku'i gzhi mthun yod pa'i
phyir/ kha cig /longs sku'i gang zag yin na/ longs sku yin pas
khyab zer na/ 'o na/ longs sku'i yid kyi rnam par shes pa chos
can/ der thal/ de'i phyir/ der

thal; longs sku'i nga yin pa'i phyir/ der thal/ de longs sku'i
gang zag gi mtshan gzhi yin pa gang zhig/ kun gzhi 'dod pa rnams
kyi kun gzhi ngar 'dod pa'i phyir/ 'dod na/ gong du bkag zin/
kha cig/ longs sku de byang sems sa bcu pa ba yan chad kyi mngon
sum gyi spyod yul yin zer na/

de mi 'thad bar thal/ longs sku'i 'khor du gyur ba'i byang sems
sa bcu ka la gnas pa'i byang sems 'phags pa yod pa'i phyir/ der
thal/ skyabs 'gro bdun cu pa las/ sa bcu po la gnas rnams kyis/
de lta bu yi sku gzigs so/ /zhes gsungs pa'i phyir/ kha cig
/longs sku de nges pa lnga

@24b dang ldan pa yin te/ sku nges pa mtshan bzang po so gnyis
dang / dpe byad bzang po brgyad cus spras pa/ 'khor des pa byang
sems 'phags pa sha stag gis bskor ba/ chos nges pa theg pa chen
po'i chos 'ba' zhig la longs spyod pa/ dus nges pa 'khor ba ji
srid ma stong gi bar du bzhugs ba/ gnas nges pa

'og min kho nar bzhugs pa'i nges pa lnga dang ldan pa'i phyir
zer na/ 'o na/ longs skus theg dman gyi chos la longs mi spyod
par thal/ des theg pa chen po'i chos 'ba' zhig la longs sbyod
pa'i phyir/ rtags khas/ 'dod mi nus te/ theg dman gyi chos longs
sku'i longs spyod bya yin pa'i phyir/ der thal/

de longs sku'i gzhal bya yin pa'i phyir/ ma grub na/ de chos
can/ der thal/ gzhi grub pa'i phyir/ gzhan yang/ de ring gi dus
kyi longs sku de sang gi dus su bzhugs par thal/ de 'khor ba ji
srid ma stongs kyi bar du bzhugs pa'i phyir/ rtags khas/ 'dod
na/ de ring gi dus kyi longs sku de sang nyin

gyi dus su yod par thal/ 'dod pa'i phyir/ 'dod na/ de ring gi
dus de sang nyin gyi dus su yod par thal/ 'dod pa'i phyir/ 'dod
mi nus te/ de ring gi dus de skad cig ma yin pa'i phyir/ ma grub
na/ de chos can/ skad cig ma yin par thal/ 'dus byas yin pa'i
phyir/ rang gi lugs la/ nges pa lnga ldan gyis

rab tu phye ba'i gzugs sku mthar thug/ longs sku'i mtshan nyid/
longs sku de nges pa lnga dang ldan te/ sku nges pa mtshan bzang
po so gnyis dang / dpe byad bzang po brgyad cus spras pa/ 'khor
nges pa byang sems 'phags pa sha stag gis bskor ba/ dus nges pa
'khor ba ji srid ma stongs kyi bar du

mya ngan las 'da' ba'i tshul mi ston par bzhugs pa dang/ chos
nges pa theg pa chen po'i sde snod 'ba' zhig gsung ba dang/ gnas
nges pa 'og min kho nar bzhugs pa'i nges pa lnga dang ldan pa'i
phyir/ gzhan yang/ longs sku de yon tan du ma dang ldan te/ de
yon tan lnga ldan/ mtshan nyid lnga

ldan yin pa'i phyir/ rtsod pa spong ba la/ kha cig/ longs sku'i
rgyud kyi ye shes chos sku de mtshan dpes spras ba'i gzugs skur
snang bar thal/ sangs rgyas kyi ye shes chos sku mtshan dpes
spras pa'i gzugs skur snang ba'i phyir/ der thal/ rnam bshad
las/ mchog gi sprul pa'i sku ni ye

@25a @#/ /shes chos sku nyid so so skye bo kha cig la yang mtshan
dpes spras pa'i gzugs kyi skur snang ba dga' ldan gyi gnas nas
'pho ba la sogs pa'i rim pas byang chub kyi shing drung du mngon
par rdzogs par 'tshang rgya ba'i tshul bstan pa de nyid do/ /zhes
gsungs pa'i phyir zer na skyon

med de/ de'i don ni/ ye shes chos sku de nyid kyi bdag rkyen las
mtshan dpes spras pa'i gzugs kyi sku'i snang ba dga' ldan gyi
gnas nas 'pho ba la sogs pa'i mdzad pa bcu gnyis kyi tshul ston
pa'i gzugs sku gcig bskyed cing de lta bu mchog gi sprul sku yin
zhes pa'i don yin pa'i phyir/ kha cig/

longs sku de nges pa lnga dang mi ldan par thal/ de sku nges pa
dang mi ldan pa'i phyir/ der thal/ de gdul bya'i mos pa'i dbang
gis sku rnam pa sna tshogs su snang ba'i phyir zer na/ ma khyab/
ma grub na/ der thal/ rgyud bla ma las/ ji ltar tshon ni sna
tshogs kyis/ /nor bu de dngos mi snang ltar/ /de bzhin 'gro rkyen

sna tshogs kyis/ /khyab bdag de dngos min par snang/ /zhes gsungs
pa'i phyir/ kha cig /longs sku de byang sems sa bcu pa yan chad
kyi mngon sum gyi spyod yul yin par thal/ mdo las/ sa bcu pa la
gnas pa'i byang chub sems dpa' rnams dang thabs gcig tu bzhugs
so/ /zhes gsungs

pa'i phyir zer na/ de mi 'thad par thal/ de 'gyur cung zad ma
dag pa yin pa'i phyir/ kha cig/ khyod longs sku yin na/ khyod
dang sprul sku'i gzhi mthun med mi dgos par thal/ longs sku dang
dngos rgyu tshogs pa tshar gcig la rag las pa'i sprul sku de longs
sku yin pa'i phyir zer na/ 'o na/ de

gnas des pa 'og min kho nar bzhugs par thal/ de longs sku yin
pa'i phyir/ rtags khas/ 'dod mi nus te/ zla ba'i gzugs brnyan de
zla ba'i dkyil 'khor gang du yod pa'i gnas der yod pa ma nges pa
gang zhig/ rgyud bla ma las/ chu dang na mkha'i zla gzugs bzhin/
/de mthong ba ni rnam pa gnyis/ /zhes

gsungs pa'i phyir/ kha cig/ longs sku des theg dman gyi chos mi
gsung par thal/ des theg pa chen po'i sde snod 'ba' zhig gsung
pa yin pa'i phyir/ rtags khas/ 'dod mi nus te/ des rang rgyud
kyi 'dul ba lung sde bzhi gsungs pa'i phyir/ der thal/ des rang
rgyud kyi 'dul ba lung sde bzhi gdul bya theg

@25b dman gyi rigs can la gsungs pa'i phyir/ der thal/ longs
sku'i rgyud kyi 'dul ba lung sde bzhi'i ched du bya ba'i gdul
bya theg dman gyi rigs can yod pa'i phyir zer na ma khyab/ ma
grub na/ longs sku'i rgyud kyi 'dul ba lung sde bzhi chos can/
khyod kyi ched du bya ba'i gdul bya theg dman gyi rigs can yod
par thal/ khyod

theg dman gyi mdo yin pa'i phyir/ ! gang gi srid pa ji srid bar/
/zhes sogs kyi skabs su nges pa lnga dang mi ldan pa'i gzugs sku
chos can/ khyod sprul sku'i mtshan nyid yin te/ khyod de'i 'jog
byed yin pa'i phyir/ kha cig/ /sprul sku yin na/ sprul pa'i sku
khyad par can yin pas khyab zer na/ ri dgas ru ru'i rnam pa

can gyi sprul ba'i sku chos can/ der thal/ de'i phyir/ der thal/
de yod pa'i phyir/ der thal/ sangs rgyas 'phags pa ri bong du
sprul pa yod pa'i phyir/ 'dod na/ de chos can/ khyod mtshan bzang
po so gnyis dang / dpe byang bzang po brgyad cus spras pa'i
gzugs sku yin par thal/ 'dod pa'i phyir/ 'dod mi nus

te; chos can de yin pa'i phyir/ kha cig /mchog gi sprul ba'i sku
yin na/ 'dzam bu'i gling du mdzad pa bcu gnyis kyi tshul ston pas
khyab zer na/ 'o na/ mya ngan las 'das pa'i mdzad pa ston bzhin
pa'i ston pa shA-kya thub pa chos can/ der thal/ de'i phyir/
der thal/ ston pa shA-kya thub pa yin pa'i phyir/ 'dod mi nus
te/

chos can de yin pa'i phyir/ kha cig /sprul pa'i sku de longs
spyod rdzogs pa'i sku'i gzugs brnyan yin zer na/ 'o na/ sprul
ba'i sku'i byad bzhin de/ longs spyod rdzogs pa'i sku'i byad
bzhin gyi gzugs brnyan yin par thal/ khyod kyi dam bca' 'thad
pa'i phyir/ 'dod na/ sprul pa'i sku'i byad bzhin chos can/ khyod
log

pa'i kun rdzob yin par thal/ longs sku'i byad bzhin gyi gzugs
brnyan yin pa'i phyir/ 'dod mi nus te/ yang dag kun rdzob yin
pa'i phyir/ der thal/ sprul pa'i sku de yang dag kun rdzob yin
pa'i phyir/ kha cig /dud 'gro'i lus rten gyi sprul pa'i sku yod
zer na/ 'o na/ sangs rgyas 'phags pa ri bong du sprul ba'i ri
bong de

dud 'gro'i lus rten can yin par thal/ khyod kyi dam bca' 'thad
pa'i phyir/ 'dod na/ de'i lus de dud 'gro'i lus yin par thal/
'dod pa'i phyir/ 'dod na/ de'i lus chos can/ khyod dud 'gro'i
lus ma yin par thal/ khyod sprul sku'i lus yin pa'i phyir/ kha
cig /lha'i bu dam pa tog dkar po ston pa shA-kya thub pa yin
zer
@26a @#/ /na/ de chos can/ mchog gi sprul sku yin par thal/ 'dod
pa'i phyir/ 'dod na/ dge slong yin par thal/ 'dod pa'i phyir/
'dod mi nus te/ lha yin pa'i phyir/ rang gi lugs la/ nges pa
lnga dang mi ldan pa'i gzugs sku/ sbrul sku'i mtshan nyid/ de la
dbye na/ bzo bo sprul sku skye ba sprul sku/

mchog gi sprul sku dang gsum yod/ dang po'i mtshan gzhi ni/ sprul
pa'i bzo bo bi shwa ka rma lta bu yin/ dri za'i rgyal po rab
dga' 'dul ba'i phyir du/ dri za'i rgya'i po rab dga'i rnam par
bstan pa'i sku lta bu gnyis pa'i mtshan gzhi/ ston pa shA-kya
thub pa gsum pa'i mtshan gzhi yin/ mchog gi sprul

pa'i sku la byang chub chen pos khyab kyang/ byang chub chen po
la mchog gi sprul skus ma khyab ste/ sangs rgyas yin na/ byang
chub chen po yin dgos pa'i phyir/ kha cig /sprul pa'i sku de
longs spyod rdzogs pa'i sku'i gzugs brnyan yin par thal/ rgyud
bla ma las/ gzugs brnyan gyis ni rang bzhin phyir/ /sprul

pa'i gser gyis gzugs lta bu/ /zhes gsungs pa'i phyir zer na
skyon med de/ byad bzhin gyis gzugs brnyan gyi bdag rkyen byed
pa bzhin du/ longs spyod rdzogs skus rang 'bras sprul sku'i bdag
rkyen byed ces pa'i don yin pa'i phyir// ! //oM swa ?  sti/
bskal bzang lus med thul gyi tshogs dbus

su/ /snying stobs phul byung bad dkar ltar bsngags pa/ /nyi ma'i
gnyen gyi ri mo gsum pa las/ /legs 'ongs zab rgyas chos kyi chu
gter 'phyur/ /de las zab mo sher phyin chu klung 'bum/ /'thung
pa'i rgyal tshab mi pham dza ha nu'i/ /zhal las 'khrungs pa'i
nying khu rgyal ba'i yum/ /legs bshad

rmad byung bu mo 'di ko mtshar/ /gus rtag sbyor ba'i rlung gis
bskul byas te/ /sbyor bzhi'i nyams len gru gzings bgrod pa las/
/tshogs gnyis gang-gA'i ? bdag po bsrub pa'i btsud/ /mchan
dpe'i gzi 'bar lhun 'grub 'phrin las kyi/ /'dod 'char skye rgu'i
yid kyi gsos gyur cing / mi 'jigs stobs

bcu'i 'od kyis bdud bzhi bcom/ /zag med ye shes rin chen gcig
'phyur ba'i/ /sku gsum dgos 'dod kun 'byung len pa'i tshul/ /ma
nor gsal mdzad bka' gdams bstan pa'i bdag/ po to'i sgyu 'phrul
rol pa bstan dar mtshan/ /gang gi legs bshad mtha' dpyod pad dkar
phreng/ /blo gsal

@26b mdzes pa'i rgyan ? du bcing bar rigs/ /sher phyin sbas don
bkral ba gzhung bzang 'di'i/ /sa rga brgyad pa'i par bskrun dge
ba'i mthus/ /thub bstan yang snying zhwa ser 'chang ba yi/ /ring
lugs gser gyi rgyal mtshan bsgreng gyur cig/ bstan pa'i bdag po
phyag na pad-mo ? sogs/ /bstan 'dzin skyes bu zhabs brtan 'phrin
las 'phel/ /bstan pa'i 'byung

gnas 'dus sde'i bshad sgrub rnams/ /bstan 'gro'i dpal du dbyar
mtshor 'gran gyur cig /de dag byin mthu nyin mor byed pa yis/ /mi
mthun gdon bgegs 'byung bya mun par khums/ /bde legs bzhad ldan
ma rnams 'dzum gyos te/ /rdzogs ldan snang bas ljongs 'dir
khengs gyur cig/ 'di'i ched rgyu sbyor sgo gsum brtson pa gang/
/skye

kun dal 'byor 'khor lo bzhi ldan che'i/ /rten bzang rim brgyud
theg mchog bshes gnyen gyis/ /rjes bzung mdo sngags gzhung lugs
mtha' dag la/ /thos bsam bsgom pas sgrub 'bras mthar phyin te/
/ma gyur 'gro rnams sdug bsngal rgya mtsho las/ /bton te 'og min
rin chen gling bzang por/ /'khrid pa'i ded dpon mchog tu bdag

'gyur shog/ bde legs kun gyi rtsa ba bla ma dang / /mchog mthun
dngos grub gter gyur yi dam lha/ /chos ldan 'phrin las spel ba'i
rgyal chen sogs/ /bslu med tshogs kyis bsam don 'grub par mdzod/
(ces mdo rgyud yon tan du ma'i mda' bdag bshes gnyin chen po ser
smad slob dpon khri thog pa zhal snga nas blo bzang dpal 'byor
ltos pas ? nas rgyu sbyar te dran dbang kun gyi gtsug)

(nor mkhas grub chen po bstan dang ba'i gsung rgyun par phyin
skabs brgyad pa'i mtha' dpyod par gsar bskrun bgyis te grwa
tshang du phul ba'i par byang smon tshig 'di lta bu zhig dgos zhes
gsung nan phebs par brten/ bshad gling sbrul sku'i ma'i 'dzin
shA kya'i dge slong ngag dbang 'jam dpal tshul khrims rgya mtshos
lha ldan cho smon gling du sbyar ba'o// ! //rje'i mtshan sngags
ni/) ? oM AH gu ru su ma ti ki rti sdd+hi hUM hUM/ ? /'gang
la gang ?

'dul thabs mkhas sbrul ba yis/ /dam chas 'dud rtsi'i bka' drin
stsol mdzad pa/ /bla mkun 'dus blo bzang grags pa la/ /gsol ba
'de bso bdag rgyud byin gyis rlobs/ /gsol ba btab na mchog dang
thun mong gi/ dngos grub thams cad yid bzhin stsol mdzad pa/ /yi
dam kun 'dus blo bzang grags pa la/ gsol ba 'deb so bdag rgyud
byin gyis rlobs/ /phyogs

bcu'i zhing bzhugs rgyal ba ma lus pa'i/ mkhyen brtse nus pa
thams cad gcig bsdus pa/ /sangs rgyas kun 'dus blo bzang grags
pa la/ /gsol ba 'deb so bdag rgyud byin gyis rlobs/ /chos kyi
phung po brgyad khri bzhi stong gi/ snying po'i gnad rnams bsdus
nas 'doms mdzad pa/ /dam chos kun 'dus blo bzang grags pa la/
/gsol ba 'deb so bdag rgyud byin gyis rlobs/ /

@27a @#/ /gdul bya'i khams dang bsam pa la gzigs nas/ /tha mal
tshul gyis 'gro ba 'dren mdzad pa/ /dge 'dun kun 'dus blo bzang
grags pa la/ /gsol ba 'deb so bdag rgyud byin gyis rlobs/ /dmu
rgod gdul dka' ma rungs gdug can rnams/ /'phrin las drag po'i
stobs kyis 'dul mdzad pa/ /chos skyong kun 'dus blo bzang grags
pa la/ /gsol ba 'debs ?

so bdag rgyud byin gyis rlobs/ /mdor na deng nas byang chub
snying po'i bar/ /skyabs gsum kun 'dus blo bzang grags pa las/
/lhag pa'i re gnas gzhan du mi tshol bas/ /nam yang 'bral med
thugs rjes bzung du gsol/ /ma nor lam bzang ston ba'i dge ba'i
bshes/ /sangs rgyas kun 'dus nyidu ? yid ches nas/ /bcos min
mos gus rtag tu skye ba dang/ /ci gsung bka' bzhin

sgrub par byin gyis rlobs/ /dal 'byor rnyed dka' nam 'chi cha
med pa/ /las 'bras bslu ba med pa'i tshul bsams nas/ /dkon mchog
gsum la snying nas skyabs 'gro zhing/ /sdig spong dge ba sgrub
par byin gyis rlobs/ /'khor ba'i btson rar las dang nyon mongs
kyi/ /zhags pas bcings shing sdug bsngal brgyas gzir ba'i/
/ngang tshul bsams te nges 'byung skyo shas kyis/ /thar

pa'i lam bzang bgrod par byin gyis rlobs/ /rang nyid ji bzhin
mkha' mnyam seMn ? kun/ /srid mtsho nyams ngar sdug bsngal
brgyas gzir cing/ /kun kyang rang gi drin can mar mthong nas/
/byams dang snying rje 'byongs par byin gyis rlobs/ /bdag bas
gzhan gces byang chub sems bskyed nas/ /rlabs chen rgyal sras
spyod la slob pa la/ /rgyal ba'i sras po gzhon-nu nor bzang
ltar/ /zhum med snying sto bas skye bar byin

gyis rlobs/ /'jam mgon blams grangs med bskal pa ru/ /nyid kyi
sku dang srog la'ang ma gzigs par/ /dka' bas sgrub pa'i gsung
rab snying po'i don/ /zab mo dbu ma'i lta ba rnyed pa dang/ /bla
med rdo rje theg pa'i sgor zhugs nas/ /dam tshig sdom pa rnam par
dag byed cing/ /zab laM rim pa gnyis kyi rnal 'byor rnams/
/myur du rgyud la skye bar byin gyis rlobs/ /tshe 'di'i snang ba

'gag par phyogs pa'i tshe/ /dga' ldan chos kyi pho brang du skyes
nas/ /mi pham 'jam dpal snying po'i zhal mthong ste/ /gsung gi
bdud rtsi ngoms med 'thung bar shog/ de nas lus kyi bkod pa
bgrang yas kyis/ /zhing khams rgya mtshor rgyal ba rgya mtsho la/
/mchod sprin rgya mtshos mchod cing chos mnyan te/ /thes pa rgya
mtsho'i pha rol phyin gyur cig/ rgyal sras spyod la slob pa'i

skabs kun tu/ /sgyid lug zhum ba nam yang mi skye zhing/ /mkha'
lding dbang pos lha yi lam la bzhin/ /snying stobs chen pos sa
lam myur bgrod shog / nam zhig byams mgon zhing 'dir byon ba'i
cha/ /bdag kyang 'khor gyi thog ma nyid gyur te/ /phyag gyas mgo
po'i steng du legs bzhag nas/ /byang chub lung bstan nges par
thob gyur cig/ /rje dznyA na d+hwa  dza'i gsung ngo//

@27b [bp]