@1a @##/ /bstan bcos mngon par rtogs pa'i rgyan 'grel pa dang bcas pa'i mtha' dpyod legs par bshad pa padma dkar po'i 'phreng ba zhes bya ba mkhas grub bstan pa dar rgyas kyi gsung rgyun skabs gnyis pa bzhugs so// @1b @##/ /rnam pa thams cad mkhyen pa nyid rtogs pa ni lam shes pa nyid yongs su shes pa med na med pas lam shes pa nyid/ ces pa'i skabs su/ rnam mkhyen bshad zin pa'i rjes su lam shes 'chad pa'i rgyu mtshan yod de/ rnam mkhyen thob pa la lam shes bsgom pa sngon du 'gro dgos pa'i rgyu mtshan gyis de ltar bshad pa'i phyir/ 'di'i skabs su mtha' dpyad pa la gsum las/ dang po la/ kha cig/ rnam mkhyen bshad zin pa'i rjes su lam shes 'chad pa'i rgyu mtshan yod de/ rnam mkhyen thob pa la lam shes sngon du 'gro dgos pa'i rgyu mtshan gyis de ltar bshad pa'i phyir zer na/ 'o na/ rnam mkhyen thob pa'i gang zag yin na/ lam shes sngon du song bas khyab par thal/ khyod kyi gzhung gi sbyor ba don sbyor rnam dag yin pa'i phyir/ 'dod na/ lam shes kyi rgyur gyur pa'i sangs rgyas 'phags pa chos can/ der thal/ de'i phyir/ der thal/ sangs rgyas 'phags pa yin pa'i phyir/ 'dod mi nus te/ lam shes kyi rgyu yin pa'i phyir/ kha cig/ rang rgyud la ldan pa'i gang zag gi rgyud kyi stong nyid mngon sum du rtogs pa'i shes rab kyis dngos su zin pa'i theg chen gyi mngon par rtogs pa/ lam shes kyi mtshan nyid zer na/ stong nyid mngon sum du rtogs pa'i byang sems tshogs lam pa'i rgyud kyi yid kyi rnam par shes pa chos can/ mtshon bya der thal/ mtshan nyid de'i phyir/ der thal/ chos @2a @##/ /can de yin pa'i phyir/ der thal/ stong nyid mngon sum du rtogs pa'i byang sems tshogs lam pa yod pa'i phyir/ 'dod na/ theg chen 'phags pa'i rgyud kyi mkhyen pa yin par thal/ lam shes yin pa'i phyir/ 'dod mi nus te/ chos can de yin pa'i phyir/ kha cig/ stong nyid mngon sum du rtogs pa'i shes rab dang snying rje chen po gnyis kyis dngos su zin pa'i theg chen 'phags pa'i mkhyen pa/ lam shes kyi mtshan nyid zer na/ bden 'dzin mngon 'gyur du rgyud la ldan pa'i byang sems mthong lam pa'i rgyud kyi mkhyen pa chos can/ mtshan nyid der thal/ mtshon bya de'i phyir/ der thal/ theg chen 'phags pa'i mkhyen pa yin pa'i phyir/ 'dod na/ stong nyid mngon sum du rtogs pa'i shes rab kyis dngos su zin par thal/ 'dod pa'i phyir/ 'dod mi nus te/ chos can de yin pa'i phyir/ kha cig/ rang rgyud la ldan pa'i gang zag gi rgyud kyi stong nyid mngon sum du rtogs pa'i shes rab dang theg chen sems bskyed gnyis kyis zin pa'i theg chen 'phags pa'i mkhyen pa/ lam shes kyi mtshan nyid zer na/ theg chen mthong lam bar chad med lam chos can/ mtshan nyid der thal/ mtshon bya de'i phyir/ der thal/ chos can de yin pa'i phyir/ 'dod na/ theg chen mthong lam bar chad med lam pa'i rgyud la theg chen sems bskyed yod par thal/ 'dod pa'i phyir/ 'dod na/ de chos can/ khyod kyi rgyud la theg @2b chen sems bskyed med par thal/ khyod stong nyid mngon sum du rtogs pa'i slob pa yin pa'i phyir/ kha cig/ stong nyid mngon sum du rtogs pa'i shes rab dang snying rje chen po gnyis kyis zin pa'i byang sems 'phags pa'i mkhyen pa/ skabs gnyis pa'i dngos bstan bstan bya'i gtso bor gyur pa'i lam shes kyi mtshan nyid zer na/ lam shes chos can/ mtshan nyid der thal/ mtshon bya de'i phyir/ der thal/ lam shes nyid kyis 'jig rten don sgrub mdzad pa gang/ /zhes pa'i dngos bstan bstan bya'i gtso bor gyur pa'i lam shes yin pa'i phyir/ der thal/ rnam mkhyen de gang dang yang dag ldan pas thub rnams/ zhes pa'i dngos bstan bstan bya'i gtso bor gyur pa'i rnam mkhyen yin pa'i phyir/ rtsa bar 'dod na/ de chos can/ khyod byang sems 'phags pa'i mkhyen pa ma yin par thal/ khyod rgyud la ldan pa'i sangs rgyas 'phags pa yod pa'i phyir/ kha cig/ skabs gnyis pa'i dngos bstan bstan bya'i gtso bor gyur pa'i 'bras bu lam shes yod zer na/ de med par thal/ rnam mkhyen 'bras bu lam shes su dngos bstan bstan bya'i gtso bor byas nas ston pa'i skabs gnyis pa'i gzhung tshig med pa'i phyir/ der thal/ skabs gnyis pa'i gzhung tshig yin na/ de ma yin dgos pa'i phyir rang lugs la/ stong nyid mngon sum du rtogs pa'i shes rab dang/ snying rje chen po gnyis kyis zin pa'i theg chen 'phags pa'i mkhyen pa/ lam shes kyi mtshan nyid/ de la ngo bo'i sgo nas dbye na/ rgyu lam shes dang/ 'bras bu lam shes gnyis/ dang po dang byang sems 'phags pa'i mkhyen pa gnyis don gcig/ phyi ma dang rnam mkhyen gnyis don gcig/ rtogs rigs kyi sgo nas dbye na/ nyan thos kyi lam shes pa'i lam shes/ rang rgyal gyi lam shes pa'i lam shes/ theg chen gyi lam shes @3a @#/ /pa'i lam shes dang gsum/ gsum pa rtsod pa spong ba la kha cig/ rnam mkhyen thob pa'i gang zag yin na/ lam shes sngon du song bas khyab par thal/ de yin na/ lam shes bsgom pa sngon du song ba'i gang zag yin dgos pa'i phyir zer na ma khyab/ 'o na; rang gi 'bras skyabs mthar thug bsgom bya'i gtso bor byas nas bsgom pa'i byang sems tshogs lam pa med par thal/ rang gi 'bras skyabs mthar thug tu gyur ba'i rnam mkhyen bsgom bya'i gtso bor byas nas bsgom pa'i byang sems tshogs lam pa med pa'i phyir/ ma grub na; rang gi 'bras skyabs mthar thug tu gyur pa'i rnam mkhyen sgom pa po'i gang zag yin na/ rang gi 'bras skyabs mthar thug tu gyur ba'i rnam mkhyen sngon du song bas khyab par thal/ lam shes bsgom bya'i gtso bor byas nas bsgom pa'i gang zag la de'i phyir/ rtags khas/ 'dod na/ de 'dra'i byang sems tshogs lam pa chos can/ der thal/ de'i phyir/ der thal/ chos can de yin pa'i phyir/ rtsa bar 'dod mi nus te/ rang gi 'bras skyabs mthar thug tu gyur pa'i rnam mkhyen thob bya'i gtso bor byas nas don du gnyer ba'i byang sems tshogs lam pa yod pa'i phyir/ kha cig/ lam shes yin na/ rang rgyud la ldan pa'i gang zag gi rgyud kyi stong nyid mngon sum du rtogs pa'i shes rab kyis zin pas khyab par thal/ rnam bshad las de ltar bshad pa'i phyir zer na skyon med de/ des lam shes kyi mtshan gzhir gyur pa'i byang sems 'phags pa'i mkhyen pa tsam zhig bstan pa yin pa'i phyir/ kha cig/ skabs gnyis pa'i dngos bstan bstan bya'i gtso bor byung ba'i lam shes yin na/ rgyu lam shes yin dgos par thal/ 'bras bu lam shes dngos bstan bstan bya'i gtso bor byas nas @3b ston pa'i skabs gnyis pa'i gzhung tshig med pa'i phyir ni ma khyab/ 'dod na/ lam shes chos can/ der thal/ de'i phyir/ der thal/ rnam mkhyen skabs dang po'i dngos bstan bstan bya'i gtso bor gyur pa'i rnam mkhyen yin pa'i phyir/ der thal/ don mngon par rtogs pa brgyad po mngon rtogs rgyan gyi dngos bstan bstan bya'i gtso bo yin pa'i phyir/ der thal/ mngon rtogs rgyan gyis rgyas 'bring bsdus gsum gyi rjod byed skabs brgyad dang brjod bya dngos po brgyad du bye ba'i sgo nas gtan la bab pa'i phyir/ kha cig/ 'bras bu lam shes dngos bstan bstan bya'i gtso bor byas nas ston pa'i skabs gnyis pa'i gzhung tshig yod par thal/ sangs rgyas kyi sa'i yon tan mthar thug dngos bstan bstan bya'i gtso bor byas nas ston pa'i skabs gnyis pa'i gzhung tshig yod pa'i phyir zer na/ ma khyab/ ma grub na der thal/ sangs rgyas kyi sa'i rnam dag shin tu ba dngos bstan bstan bya'i gtso bor byas nas ston pa'i skabs gnyis pa'i gzhung tshig yod pa'i phyir/ der thal/ sangs rgyas rnam kun shin tu ba/ /ces gsungs pa'i phyir zer na/ 'o na/ sangs rgyas kyi sa'i yon tan mthar thug yin na/ 'bras bu lam shes yin dgos par thal/ khyod kyi rtsa ba'i thal 'gyur la khyab 'brel yod pa'i phyir/ 'dod mi nus so/ ? /lha rnams rung bar bya ba'i phyir/ zhes sogs la/ skabs 'dir bstan gyi lam shes kyi yan lag chos can/ khyod la dbye na du ma yod de/ khyod la dbye na der gyur ba'i rnam pa lnga yod pa'i phyir/ kha cig /skabs 'dir bstan gyi lam shes kyi yan lag chos can/ khyod la dbye na du ma yod de/ bgegs mngon pa'i nga rgyal mngon 'gyur ba dang bral ba dang/ mthun rkyen byang chub mchog tu sems bskyed pa sogs rnam pa lnga yod pa'i phyir zer na/ 'o na/ bgegs mngon pa'i nga rgyal mngon 'gyur ba dang bral ba chos can/ khyod rgyud ldan gyi nyan thos med par thal/ khyod skabs 'dir bstan gyi lam shes kyi yan lag yin pa'i phyir/ der thal/ khyod kyi sbyor ba 'thad pa'i phyir/ 'dod mi nus te/ bgegs mngon pa'i nga rgyal mngon 'gyur ba bcom pa'i nyan thos dgra bcom pa yod pa'i phyir/ der thal/ de spangs pa'i nyan thos dgra bcom pa yod pa'i phyir/ der thal/ dgra bcom pa yin na nyon sgrib spangs pas khyab pa'i phyir/ gzhan yang/ mthun rkyen byang chub @4a @#/ /mchog tu sems bskyed pa chos can/ khyod rgyud la ldan pa'i sangs rgyas 'phags pa med par thal/ khyod skabs 'dir bstan gyi lam shes kyi yan lag yin pa'i phyir/ der thal/ khyod kyi sbyor ba 'thad pa'i phyir/ 'dod mi nus te/ sangs rgyas 'phags pa yin na/ mthun rkyen byang chub tu sems bskyed pas khyab pa'i phyir/ kha cig/ lam shes kyi yan lag yin na/ lam shes kyi rgyu yin pas khyab zer na/ sems can thams cad kyi rgyud la rang bzhin gnas rigs kyis khyab pa chos can/ der thal/ de'i phyir/ der thal/ yul nges pa dang khyab pa dang/ /zhes gsungs pa'i phyir/ 'dod mi nus te/ 'dus ma byas yin pa'i phyir/ kha cig/ lam shes kyi yan lag du gyur pa'i 'dus byas yin na/ lam shes kyi rgyu yin pas khyab zer na/ 'o na/ rgyu lam shes kyi yan lag du gyur pa'i 'dus byas yin na/ rgyu la ma shes kyi rgyu yin dgos par thal/ dam bca' 'thad pa'i phyir/ 'dod na/ rgyu lam shes la brten nas nyon mongs spang bya'i gtso bor byas nas mi spong ba'i byed las chos can/ der thal/ de'i phyir/ der thal/ de rgyu lam shes kyi rang bzhin gyi yan lag yin pa'i phyir/ der thal/ rang bzhin dang ni de yi las/ /zhes gsungs pa'i phyir/ 'dod mi nus te/ de'i byed las yin pa'i phyir/ kha cig/ lam shes kyi yan lag yin na/ skabs 'dir bstan gyi lam shes kyi yan lag yin pas khyab zer na/ sangs rgyas 'phags pa'i thugs rgyud kyi lam shes kyi yan lag tu sbyar pa'i stong nyid rtogs pa'i shes rab chos can/ der thal/ de'i phyir/ der thal/ sangs rgyas 'phags pa'i rgyud kyi lam shes kyi yan lag yin pa'i phyir/ der thal/ de yod pa'i phyir/ der thal/ sangs rgyas 'phags pa'i thugs rgyud kyi lam shes de yan lag can gyi lam shes yin pa'i phyir/ 'dod mi nus te/ chos can de yin pa'i phyir/ kha cig/ lam shes rdzogs byed kyi cha shas su gyur pa'i sems dpa'i yon tan lam shes kyi yan lag gi mtshan nyid zer na/ theg chen lam du 'jug kha ma'i gang zag gi rgyud kyi lhag bsam rnam dag chos can/ mtshan nyid der thal/ mtshon bya de'i phyir/ der thal/ de lam shes kyi thun mong ma yin pa'i rgyu yin pa gang zhig/ lam shes kyi yan lag yin na lam shes thob @4b pa'i gang zag gi rgyud kyi yon tan yin pas ma khyab pa'i phyir/ 'dod mi nus te/ theg chen lam du 'jug kha ma'i rgyud kyi yon tan yin pa'i phyir/ kha cig/ lam shes rdzogs byed kyi cha shas su gyur ba'i sems dpa'i yon tan/ skabs 'dir dngos bstan bstan bya'i gtso bor gyur ba'i lam shes kyi yan lag gi mtshan nyid zer na/ nyan thos dgra bcom pa'i rtogs pa sngon du song ba'i theg chen sbyor lam chos mchog skad cig tha ma'i ye shes chos can/ mtshon bya der thal/ mtshan nyid de'i phyir/ der thal/ de lam shes rdzogs byed gang zhig/ sems dpa'i yon tan yin pa'i phyir/ 'dod mi nus te/ chos can de yin pa'i phyir/ gzhan yang/ lam shes rdzogs byed kyi rgyur gyur pa'i skabs 'dir dngos bstan bstan bya'i gtso bor gyur pa'i lam shes kyi yan lag chos can/ mtshan nyid der thal/ mtshan bya de'i phyir/ der thal/ chos can de yin pa'i phyir/ 'dod na/ lam shes rdzogs byed dang ngo bo gcig yin par thal; de'i cha shas yin pa'i phyir/ 'dod mi nus te/ de'i rgyu yin pa'i phyir/ rang lugs la/ lam shes rdzogs byed kyi khyad par du gyur pa'i sems dpa'i yon tan/ skabs 'dir bstan pa'i lam shes kyi yan lag gi mtshan nyid/ de la der gyur pa'i rnam pa lnga yod/ gsum pa rtsod pa spong ba/ kha cig/ 'phags lam rdzogs byed kyi khyad par yin na/ 'phags lam yan lag yin dgos par thal/ skabs 'dir lam shes rdzogs byed de la de ltar dgos pa'i phyir na ma khyab/ 'dod na/ dman lam sngon du ma song ba'i theg chen sbyor lam chos mchog skad cig tha ma'i ye shes chos can/ der thal/ de'i phyir/ der thal/ dman lam sngon du ma song ba'i 'phags lam rdzogs byed kyi khyad par yin pa'i phyir/ der thal/ dman lam sngon du ma song ba'i theg chen gyi mthong lam bar chad med lam rdzogs byed kyi khyad par yin pa'i phyir/ der thal/ dman lam sngon du ma song ba'i theg chen gyi mthong lam bar chad med lam skyed byed kyi khyad par yin pa'i phyir/ 'dod na/ 'phags rgyud kyi mkhyen pa yin par thal lo/ /'dod mi nus te/ chos can de yin pa'i phyir/ kha cig/ lam shes kyi yan lag yin na/ sems dpa'i yon tan yin dgos par thal/ skabs 'dir bstan gyi lam shes kyi yan lag yin na/ sems dpa'i @5a @#/ /yon tan yin dgos pa'i phyir zer na ma khyab/ de la kho na re/ sems can thams cad kyi rgyud la rang bzhin gnas rigs kyis khyab pa chos can/ sems dpa'i yon tan yin par thal/ skabs 'dir bstan gyi lam shes kyi yan lag yin pa'i phyir/ khyab pa khas/ ma grub na der thal/ skabs 'dir bstan gyi lam shes kyi yan lag de la bgegs mngon pa'i nga rgyal mngon 'gyur ba dang bral ba sogs rnam pa lnga yod pa'i phyir/ der thal/ der gyur pa'i rnam pa lnga yod pa'i phyir zer na ma khyab/ 'dod mi nus so/ /theg pa gsum rnam par bzhag pa ni dgongs pa can yin gyi/ zhes sogs la/ zhi ba bgrod pa gcig pu pa'i nyan thos mthong lam pa chos can/ khyod sogs sems can thams cad 'tshang rgya ste/ khyod sogs sems can thams cad kyi rgyud la rang bzhin gnas rigs kyis khyab pa'i phyir/ 'di'i skabs su mtha' dpyad pa la rnam pa gsum las/ dang po la/ kha cig/ nyan thos sde pa yin na/ mthar thug theg pa gsum du grub par 'dod pas khyab zer na/ nyan thos sen 'da' ba chos can/ der thal/ de'i phyir/ der thal/ chos can de yin pa'i phyir/ 'dod mi nus te/ mthar thug theg pa chen po mi 'dod pa'i phyir/ dang po la/ theg chen gyi bka' mi 'dod pa'i phyir/ der thal/ chos can de yin pa'i phyir/ kha cig/ sems tsam pa yin na/ mthar thug theg pa gsum du grub par 'dod pas khyab zer na/ rigs pa'i rjes 'brang gi sems tsam pa chos can/ der thal/ de'i phyir/ 'dod mi nus te/ mthar thug theg pa gcig tu grub par 'dod pa'i phyir/ der thal/ des 'tshang mi rgya ba'i sems can med par 'dod pa'i phyir/ der thal/ des gnyen pos spang du mi rung ba'i sgrib pa med par 'dod pa'i phyir/ der thal/ rnam 'grel las/ rtag yin phyir ram thabs med phyir/ /yang na thabs ni mi shes phyir/ /bya ba yongs su rtogs grangs na/ /rgyu yod phyir na rgyu yi ni/ /gnyen po bsgoms pas zad phyir ro/ /zhes gsungs pa'i phyir ro/ /kha cig/ lung gi rjes 'brang gi sems tsam pas nyan thos dgra bcom pa theg chen lam du 'jug pa yod par mi 'dod zer na/ des de 'dod par thal/ des yongs su 'gyur ba po'i lhag bcas myang 'das la gnas pa'i @5b nyan thos dgra bcom pa theg chen lam du 'jug par 'dod pa'i phyir/ der thal/ dgongs 'brel las/ nyan thos byang chub tu yongs su 'gyur ba gang yin pa de ni/ ngas rnam grangs pa'i byang chub sems dpa' yin par bstan/ 'di ltar de ni nyon mongs pa'i sgrib pa las rnam par grol nas/ de bzhin gshegs pa rnams kyis bskul te shes bya'i sgrib pa las kyang rnam par grol bar byed do/ /zhes gsungs pa'i phyir/ kha cig/ lung gi rjes 'brang sems tsam pas lhag med myang 'das la gnas pa'i nyan thos dgra bcom pa theg chen lam du 'jug par 'dod pa yin zer na/ de mi 'thad par thal/ des nyan thos kyi lhag med myang 'das kyi tshe bem rig rgyun chad du 'dod pa'i phyir/ der thal/ bsdu ba las/ mtshan ma dang gnas ngan len thams cad nas thams cad du rgyun chad cing 'gags pa'i phyir/ zhes gsungs pa'i phyir/ kha cig/ lung gi rjes 'brang gi sems tsam pas mthar thug pa'i theg pa gsum du grub par 'dod pa yin zer na/ de mi 'thad par thal/ des mthar thug pa'i theg pa gcig las med par 'dod pa'i phyir/ der thal/ des mthar thug pa'i theg pa gcig las med pa de/ mthar thug theg pa gcig tu grub par ston pa'i mdo'i dgongs gzhir 'dod pa'i phyir/ der thal/ mdo sde rgyan las/ chos dang bdag med rnam grol rnaMs/ /mtshungs phyir rigs ni tha dad phyir/ /bsam gnyis thob phyir sgrub pa'i phyir/ /mthar thug phyir na theg gcig nyid/ /ces gsungs pa'i phyir/ /dbu ma'i lugs bshad pa la/ sems can thams cad 'tshang rgya mi rgyad byad pa/ 'khor ba la mtha' yod med dpyad pa/ nyan rang dgra bcom pa theg chen lam du 'jug pa na lam gang nas 'jug dpyad pa dang gsum/ dang po la gsum las/ dang po la kha cig/ mthar thug theg pa gcig tu grub par ston pa'i mdo nges don dang/ mthar thug theg pa gsum du grub par ston pa'i mdo drang don du 'grel pa yin zer na/ mthar thug theg pa gcig tu grub par ston pa'i mdo chos can/ don dam bden pa yin par thal/ nges don yin pa'i phyir/ 'dod mi nus te/ kun rdzob bden pa yin pa'i phyir/ der thal/ mdo yin pa'i phyir/ kha cig/ sems can thams cad 'tshang rgya ba lta shog 'tshang rgya rgyu tsam du yang bsgrub mi nus te/ dper na/ nas myug 'byung rung tsam du bsgrub pa la rgyu tshogs grangs tshang dgos pa gang zhig/ sems @6a @#/ /can thams cad 'tshang rgya ba'i rgyu tshogs grangs ma tshang ba yin pa'i phyir/ dang po der thal/ rnam 'grel las/ rgyu tshogs pa las 'bras skye bar/ /rjes su dpog pa gang yin pa/ don gzhan la ni mi ltos phyir/ /de ni rang bzhin yin par brjod/ /ces gsungs pa'i phyir/ de ltar yin kyang sems can thams cad 'tshang rgya bar gsungs pa dang 'gal ba'i skyon med de/ de la ma zhugs kyi sems can la dgongs pa'i phyir/ zhes zer na/ 'o na/ dgun dus kyi zhing chos can/ nas myug 'byung ba'i rgyu tshogs grangs tshang bar thal/ nas myug 'byung rung yin pa'i phyir/ der thal/ de dpyid kyi dus la babs pa na de las nas myug 'byung ba'i phyir te/ dpyid dus su de las nas myug 'byung ba'i rgyu tshogs grangs tshang ba na de las nas myug 'byung ba'i phyir/ rtsa bar 'dod mi nus te/ de la drod sogs ma tshang ba'i phyir/ gzhan yang/ nyan thos dgra bcom pa chos can/ 'tshang rgya ba'i rgyu tshogs grangs tshang bar thal; 'tshang rgya ba'i phyir/ khyab pa khas/ der thal/ lam zhugs kyi sems can yin pa'i phyir/ 'khor gsum/ gal te 'dod na/ byang chub mchog tu sems bskyed par thal/ 'dod pa'i phyir/ 'dod mi nus te/ nyan thos yin pa'i phyir/ kha cig/ sems can thams cad 'tshang rgya yang 'tshang rgya nges ma yin te/ sems can thams cad 'tshang rgya ba la 'gal rkyen gyi gegs srid pa'i phyir/ der thal/ rnam 'grel las/ ma des pa ni nyid yin te/ gegs byed pa ni srid phyir ro/ /zhes gsungs pa'i phyir/ zer na/ sems can thams cad 'tshang rgya nges yin par thal/ sems can thams cad 'tshang rgya ba tshad mas nges pa'i phyir; der thal/ sems can thams cad 'tshang rgya ba yod pa'i phyir/ ma khyab na/ tshad mas dmigs pa yod pa'i mtshan nyid ma yin par thal/ sems can thams cad 'tshang rgya ba yod pa gang zhig/ sems can thams cad 'tshang rgya ba tshad mas ma nges pa'i phyir/ gzhan yang/ byang sems sa brgyad pa ba chos can; 'tshang rgya bas ma yin par thal/ 'tshang rgya ba la 'gal rkyen gyi gegs srid pa'i phyir/ khyab pa khas/ ma grub na der thal/ de 'tshang rgya ba la gnas ngan len gyi dri ma phra mo'i gegs dang bcas pa yin pa'i phyir te/ gnas ngan len gyi dri ma phra mo spong dgos kyi gang zag yin pa'i phyir/ der thal/ sems @6b can yin pa'i phyir/ 'dod mi nus te/ sku gsum 'grub byed kyi sbyor ba khyad par can rgyud la ldan pa'i sems dpa' yin pa'i phyir te/ dag sa'i ye shes la gnas pa'i gang zag yin pa'i phyir/ gzhan yang/ bum pa yod nges ma yin par thal/ bum pa yod pa la 'gal rkyen gyi gegs yod pa'i phyir/ der thal; bum pa 'joms byed kyi chos yod pa'i phyir/ 'dod na/ bum pa yod nges yin par thal/ bum pa gzhi grub pa'i phyir/ gzhan yang/ mdun gyi skyes bu lan 'debs pa po'i rgyud kyi sems can thams cad 'tshang rgya bar dam bcas pa'i dam bca' de dam bca' yang dag ma yin par thal/ de rang gi bzhed don rang smra ba pos tshad mas ma nges pa'i dam bca' yin pa'i phyir/ ma grub na/ sems can thams cad 'tshang rgya nges yin par thal/ sems can thams cad 'tshang rgya ba mdun gyi skyes bu lan 'debs pa po'i rgyud kyi tshad mas nges pa'i phyir te/ mdun gyi skyes bu lan 'debs pa pos rang rgyud kyi sems can thams cad 'tshang rgya bar dam bcas pa'i dam bca'i bzhed don tshad mas nges pa'i phyir/ 'khor gsum/ rtsa bar 'dod na/ sems can thams cad 'tshang rgya bar dam bca' mi rigs par thal/ mdun gyi skyes bu lan 'debs pa pos sems can thams cad 'tshang rgya bar dam bcas pa'i dam bca' de rang nyid kyis dam bca' ltar snang du rtogs pa'i phyir/ der thal/ de dam bca' yang dag ma yin par tshad mas nges pa'i phyir/ rtags khas/ gzhan yang/ sems can thams cad gnas tshod kyi ngos nas 'tshang rgya mi rgya gang rung du thag chod dam ma chod/ ma chod zer na/ 'o na/ sems can thams cad 'tshang rgya bar dam bca' mi rigs par thal/ sems can thams cad gnas tshod kyi ngos nas 'tshang rgya mi rgya gang rung du thag ma chod pa'i phyir/ 'khor gsum/ gang rung du thag chod zer na/ 'o na/ sems can thams cad gnas chod kyi ngos nas 'tshang rgya bar thag chod par thal/ gang rung du thag chod/ sems can thams cad gnas tshod kyi ngos nas 'tshang mi rgya bar thag ma chod pa'i phyir/ ma grub na/ sems can thams cad 'tshang rgya bar dam bca' mi rigs par thal/ ma grub pa de'i phyir/ rtsa bar 'dod na/ sems can thams cad 'tshang rgya nges yin par thal/ 'dod pa'i phyir/ kha cig/ sems can sems can sangs rgyas pa'i dus @7a @#/ /du sangs rgyas shing/ sems can sangs rgyas pa'i dus su sems can sangs ma rgyas zer na/ 'o na/ sems can zhig pa'i dus de sems can zhig pa'i dus ma yin par thal/ sems can sangs rgyas pa'i dus de sems can sangs rgyas pa'i dus ma yin pa'i phyir/ der thal/ sems can sangs rgyas pa'i dus su sems can sangs ma rgyas pa'i phyir/ rtags khas/ 'dod na/ sems can med pa'i dus de sems can med pa'i dus ma yin par thal/ 'dod pa'i phyir/ 'dod na/ sems can med pa'i dus mi srid par thal/ 'dod pa'i phyir/ 'dod na/ sems can chos can/ khyod med pa'i dus srid par thal/ khyod 'dus byas yin pa'i phyir/ gzhan yang/ sems can sems can zhig pa'i dus su zhig cing/ sems can zhig pa'i dus su sems can ma zhig pa'i khyad par 'thad par thal/ dam bca' 'thad pa'i phyir/ 'dod na/ sems can zhig pa'i dus mi srid par thal/ sems can zhig pa'i dus de sems can zhig pa'i dus ma yin pa'i phyir te/ sems can zhig pa'i dus su sems can ma zhig pa'i phyir/ rtags khas/ 'dod na/ sems can chos can/ khyod zhig pa'i dus srid par thal/ khyod 'dus byas yin pa'i phyir/ kha cig/ byang sems tshogs lam pa sangs rgyas pa'i dus su byang sems tshogs lam pa sangs rgyas kyang/ de'i tshe na de sangs rgyas 'phags pa ma yin zer na/ 'o na/ byang sems tshogs lam pa de 'bras skyabs mthar thug tu gyur pa'i dus mi srid par thal/ byang sems tshogs lam pa sangs rgyas pa'i dus su de sangs rgyas 'phags par ma gyur pa'i phyir/ ma grub na/ de sangs rgyas pa'i dus su de sangs rgyas 'phags par tshad ma'i yul du gyur par thal/ ma grub pa de'i phyir/ 'dod na/ byang sems tshogs lam pa sangs rgyas pa'i dus su de sangs rgyas 'phags par thal/ de sangs rgyas pa'i dus su de sangs rgyas 'phags par tshad mas dmigs pa'i phyir/ der thal/ de sangs rgyas pa'i dus su de sangs rgyas 'phags par tshad ma'i yul du gyur pa'i phyir/ gal te 'dod na/ byang sems tshogs lam pa chos can/ khyod 'bras skyabs mthar thug tu gyur pa'i dus srid par thal/ khyod sems can yin pa'i phyir/ gzhan yang/ byang sems tshogs lam pas sems can @7b thams cad kyi don du sangs rgyas 'thob par bsam pa dam bcas pa la dgos pa med par thal/ de sangs rgyas pa'i dus mi srid pa'i phyir/ der thal/ de sangs rgyas 'phags par gyur pa'i dus mi srid pa'i phyir/ rtags khas/ 'dod mi nus so/ /'o na/ sems can sangs rgyas pa'i dus su sems can med par thal/ sems can sangs rgyas pa'i dus su sems can sangs rgyas pa'i phyir/ 'dod na/ khyod sems can yin na/ khyod sangs rgyas pa'i dus su khyod med dgos par thal/ 'dod pa'i phyir/ 'dod na/ sangs ma rgyas pa'i sems can chos can/ der thal/ de'i phyir/ 'dod na/ sangs ma rgyas pa'i sems can sangs rgyas pa'i dus su sangs ma rgyas pa'i sems can yod par thal/ sangs ma rgyas pa'i sems can sangs rgyas pa'i dus kyi sems can de sangs ma rgyas pa'i sems can du yod pa'i phyir/ zer na ma khyab/ ma grub na der thal/ de rnam mkhyen gyis sangs ma rgyas pa'i sems can du dmigs pa'i phyir/ der thal/ de rnam mkhyen gyis sems can du dmigs pa'i phyir zer na/ 'o na/ sems can sangs rgyas pa'i dus su sems can yod par thal/ sems can zhig pa'i dus su sems can yod pa'i phyir/ der thal/ dngos po zhig pa'i dus su dngos po yod pa'i phyir/ der thal/ dngos po zhig pa'i dus su dngos po zhig par yod pa'i phyir/ der thal/ dngos po zhig pa'i dus su dngos po zhig par tshad mas dmigs pa'i phyir/ der thal/ dngos po zhig pa'i dus su dngos po zhig pa'i phyir/ gzhan yang/ dngos po'i 'bras bu'i dus su dngos po yod par thal/ dngos po'i 'bras bu'i dus su dngos po'i 'bras bu dngos po yin par yod pa'i phyir/ khyab pa khas/ der thal; dngos po'i 'bras bu'i dus su dngos po'i 'bras bu de dngos po yin pa'i phyir/ 'khor gsum/ gzhan yang/ rnam bshad las/ snga dro'i dus su khang pa zhig pa de thog med nas med kyang snga dro'i dus su yod pa dang/ phyi dro'i dus su khang pa zhig pa de snga dro'i dus su med kyang phyi dro'i dus su yod par gsungs pa mi 'thad par thal; phyi dro'i khang pa zhig pa'i dus su khang pa ma zhig pa'i phyir/ der thal/ dngos po zhig pa'i dus su dngos po ma zhig pa'i phyir/ der thal/ sems can sangs rgyas pa'i dus su sems can sangs ma rgyas pa'i phyir/ 'dod mi nus so/ /kha cig/ byang sems tshogs lam pa sangs rgyas pa'i dus su byang sems tshogs lam @8a @#/ /pa yod par thal/ de sangs rgyas pa'i dus su de sangs rgyas 'phags pa yin pa'i phyir/ khyab ste/ sangs rgyas 'phags pa yin na yod dgos pa'i phyir zer na ma khyab/ 'o na/ byang sems tshogs lam pa sangs rgyas pa'i dus su byang sems tshogs lam pa yod par thal/ de sangs rgyas pa'i dus su de sangs rgyas pa'i phyir/ khyab ste/ sangs rgyas yin na yod dgos pa'i phyir/ 'khor gsum/ kha cig/ byang sems tshogs lam pa sangs rgyas pa'i dus su byang sems tshogs lam pa sangs rgyas 'phags pa ma yin par thal/ de sangs rgyas pa'i dus su de 'phags pa ma yin pa'i phyir/ der thal/ byang sems mthong lam pa sangs rgyas pa'i dus su de 'phags pa ma yin pa'i phyir na ma khyab/ ma grub na/ der thal/ byang sems mthong lam pa sangs rgyas pa'i dus su de med pa'i phyir/ khyab ste/ byang sems mthong lam pa 'phags pa yin pa dang/ byang sems mthong lam pa gnyis yul dus rang bzhin gang la ltos te grub sde rdzas gcig yin pa'i phyir/ ma grub na/ byang sems mthong lam pa chos can/ khyod 'phags pa yin pa dang khyod gnyis yul dus rang bzhin gang la ltos te grub sde rdzas gcig yin par thal/ khyod 'phags pa yin pa'i phyir/ kha cig/ khyi rgan rgya bo tshad mas ma dmigs pa'i sa phyogs chos can/ sems can thams cad sangs rgya bar thal/ gnyen pos spang du mi rung ba'i sgrib pa med pa'i phyir/ rtags khas/ 'dod na/ sems can thams cad yod par thal/ 'dod pa'i phyir/ 'dod na/ khyi rgan rgya bo yod par thal/ 'dod pa'i phyir/ khyab ste/ khyi rgan rgya bo sems can thams cad kyi nang tshan yin pa'i phyir zer na/ khyi rgan rgya bo tshad mas ma dmigs pa'i sa phyogs chos can/ sems can thams cad sangs rgya bar thal/ byang sems mthong lam pas sems can thams cad sangs rgya bar dam bcas pa'i dam bca' de dam bca' yang dag yin pa'i phyir te/ de'i rgyud kyi sems can thams cad kyi don du sangs rgyas thob par bya'o snyam du bsam pa dam bcas pa'i dam bca' de bsam pa dam bca' yang dag yin pa'i phyir; ma khyab na 'gal lo/ /ma grub na der thal/ de'i rgyud kyi sems bskyed de bsam pa dam bca' yang dag yin pa'i phyir/ gzhan yang/ sangs rgyas 'phags pa'i rgyud kyi thugs rje chen po de sems can thams cad sdug bsngal las skyob 'dod kyi rnam pa can yin na/ sdug bsngal las skyob mi dgos pa'i sems @8b can med dgos par thal/ sangs rgyas 'phags pa'i rgyud kyi theg chen sems bskyed de sems can thams cad rdzogs byang la 'god 'dod kyi blo yin na/ de khyi rgan rgya bo rdzogs byang la 'god 'dod kyi blo yin dgos pa'i phyir/ rtags khas/ 'dod na/ sdug bsngal las skyob mi dgos pa'i sems can med par thal/ sangs rgyas 'phags pa'i thugs rgyud kyi thugs rje chen po de sems can thams cad sdug bsngal las skyob las skyob 'dod kyi rnam pa can yin pa'i phyir/ ma grub na/ de chos can/ khyod sems can thams cad sdug bsngal las skyob 'dod kyi rnam pa can yin par thal/ khyod sangs rgyas 'phags pa'i thugs rgyud kyi thugs rje chen po yin pa'i phyir/ 'dod mi nus te/ byang sems rgyun mtha' ba dang/ lhag med myang 'das la gnas pa'i nyan thos dgra bcom pa rnams de ltar yin pa'i phyir/ gzhan yang/ shes bya chos can/ chos de dang phan tshun tha dad du gyur pa'i sems can de sems can thams cad kyi nang tshan yin par thal/ de yod/ khyi rgan rgya bo sems can thams cad kyi nang tshan gang zhig/ /chos de ma yin pa dang phan tshun tha dad du gyur pa'i sems can de sems can thams cad kyi nang tshan ma yin pa'i phyir/ ma khyab na 'gal/ ma grub na/ de chos can/ sems can thams cad yod na khyod yod dgos par thal/ khyod sems can thams cad kyi nang tshan yin pa'i phyir/ khyab pa khas/ 'dod na/ shes bya chos can/ shes bya ma yin pa dang phan tshun tha dad du gyur pa'i sems can yod par thal/ sems can thams cad yod pa'i phyir/ 'khor gsum/ rtsa bar 'dod na/ chos de dang phan tshun tha dad du gyur pa'i sems can chos can/ sems can thams cad yod na khyod yod dgos par thal/ khyod sems can thams cad kyi nang tshan yin pa'i phyir/ khyab pa khas/ 'dod na/ shes bya chos can/ ri bong rwa dang phan tshun tha dad du gyur pa'i sems can yod par thal/ sems can thams cad yod pa'i phyir/ gzhan yang/ sems can yin no cog sangs rgyas pa'i dus su sems can yin no cog med par thal/ sems can sangs rgyas pa'i dus su sems can med pa'i phyir/ rtags khas/ 'dod na/ sems can yin no cog sangs rgyas pa'i dus kyi sems can med par thal/ 'dod pa'i phyir zer na ma khyab/ 'dod mi nus te/ de sangs rgyas pa'i dus su/ de sangs rgyas pa'i sangs rgyas de'i 'phrin las 'jug yul du gyur pa'i sems can @9a @#/ /yod pa'i phyir/ der thal/ sangs rgyas kyi 'phrin las rgyun mi 'chad pa'i phyir/ kha cig/ sems can sangs rgyas pa'i dus su sems can yod par thal/ 'khor byang sems 'phags pa sha stag sangs rgyas pa'i dus su 'khor byang sems 'phags pa sha stag yod pa'i phyir/ der thal/ 'khor byang sems 'phags pa sha stag sangs rgyas pa'i dus su 'khor byang sems 'phags pa sha stag longs sku'i 'khor du yod pa'i phyir/ der thal/ 'khor byang sems 'phags pa sha stag sangs rgyas pa'i dus kyi longs sku de 'khor byang sems 'phags pa sha stag gis bskor ba'i longs sku yin pa'i phyir; zer na ma khyab/ ma grub na der thal/ de'i dus kyi longs sku de nges pa lnga dang ldan pa'i longs sku yin pa'i phyir/ kha cig/ mthar thug pa'i rang rgyal gyi theg pa yod par thal/ rang rgyal gyi theg pa mthar thug pa'i rnam mkhyen yod pa'i phyir zer na ma khyab/ ma grub na der thal/ rang rgyal gyi theg pa mthar phyin pa'i rnam mkhyen yod pa'i phyir/ der thal/ sems dpa'i ye shes mthar phyin pa'i rnam mkhyen yod pa'i phyir/ der thal/ rnam mkhyen yin na sems dpa'i ye shes mthar phyin pa'i rnam mkhyen yin dgos pa'i phyir/ kha cig/ mthar thug theg pa gsum du grub par thal/ mthar thug theg pa gsum grub pa'i phyir/ zer na ma khyab/ ma grub na der thal/ mthar thug theg pa du ma yod pa'i phyir/ der thal/ rnam mkhyen du ma yod pa'i phyir/ rang lugs la/ mthar thug theg pa gsum du grub par 'dod pa rnams na re/ mthar thug theg pa gsum du grub pa yin te/ sems can rnams kyi rgyud la khams mi 'dra ba bden grub gsum/ de la brten nas mos pa mi 'dra ba bden grub gsum/ de la brten nas gnas skabs sgrub pa mi 'dra ba bden grub gsum/ de la brten nas 'bras bu byang chub mi 'dra ba bden grub gsum 'byung ba yin pa'i phyir/ khyab ste/ bden par grub pa rnams gnas skabs rkyen gyis cung zad sgyur du yod kyang mthar thug sgyur du med pa'i phyir/ gzhan yang/ mthar thug theg pa gsum du grub pa lung gis kyang grub ste/ yum par ma las/ gang yang dag par skyon med pa la zhugs par gyur pa de dag la ni bla na med pa yang dag par rdzogs pa'i byang chub tu sems bskyed pa'i mthu med do// @9b de ci'i phyir zhe na/ de dag gis 'khor ba'i rgyun gyi mtshams bcad pa'i phyir ro/ /zhes pa dang/ dgongs 'grel las/ nyan thos kyi rigs kyi gang zag zhi ba bgrod pa gcig pu ba ni sangs rgyas thams cad brtson pa dang ldan par gyur kyang/ byang chub kyi snying po la bzhag ste/ bla na med pa yang dag par rdzogs pa'i byang chub thob par byar mi nus so/ /zhes gsungs pa'i phyir/ de ltar yin kyang/ mthar thug theg pa gcig tu grub par ston pa'i mdo dang mi 'gal te/ de dgongs gzhi dgos pa dngos la gnod byed gsum gyi sgo nas drang don gyi mdor 'grel ba yin pa'i phyir/ de'i dgongs gzhi yod de/ mthar thug theg pa gcig las med pa la dgongs dgos pa yod de/ theg chen du rigs ma nges pa kha cig/ theg dman du mi ltung bar bya ba dang/ theg dman du rigs ma nges pa rnams/ theg chen du kha drangs pa'i phyir dang/ dngos la gnod byed ni mthar thug theg pa gsum du sgrub pa'i lung rigs kyis gnod pa'i phyir/ zhes zer ro/ /de ltar na rang lugs la mthar thug theg pa gcig tu grub ste/ zhi ba bgrod pa gcig pu ba'i nyan thos mthong lam pa theg chen lam du 'jug pa'i phyir te/ gnyen pos spang du mi rung ba'i sgrib pa med pa'i phyir/ der thal/ chags sogs nyon mongs kyi rtsa ba bden 'dzin rnams thag khra la sprul 'dzin gyi rnam rtog bzhin du rtsa ba mi brtan pa yin pa'i phyir/ gzhan yang/ mthar thug theg pa gcig tu grub pa lung gis kyang grub ste/ yum par ma las/ 'on kyang/ gal te de dag bla na med pa'i byang chub tu sems bskyed na de dag la yang rjes su yi rang bar bya'o/ /zhes pa dang/ dpal phreng gis zhus pa'i mdo las/ yongs su mya ngan las 'das pa zhes bya ba 'di ni/ de bzhin gshegs pa rnams kyis thabs so/ /zhes pa dang/ dam chos pad dkar las/ drang srong chen pos theg pa gsum bstan pa/ /rnam 'dren rnams kyi thabs la mkhas pa ste/ /theg pa gcig ste gnyis su yod ma yin/ /bsti ba'i don du theg pa gsum bstan to/ /zhes gsungs pa'i phyir/ de ltar yin kyang mthar thug theg pa gsum du grub par ston pa'i mdo dang mi 'gal te/ de dgongs gzhi dgos pa dngos la gnod byed gsum gyi sgo nas drang don du 'grel pa'i phyir/ de'i dgongs gzhi yod de/ gnas skabs theg pa gsum du grub pa la dgongs pa'i phyir/ dgos pa yod de @10a @#/ /dri ma dang bcas pa'i sems bden grub khas len pa'i dngos smra ba kha cig rjes su 'dzin pa'i phyir du yin pa'i phyir/ dngos la gnod byed yod de/ mthar thug theg pa gcig tu grub par sgrub pa'i lung rigs rnams kyis gnod pa'i phyir/ gnyis pa 'khor ba la mtha' yod med dpyad pas/ kha cig/ /'khor ba la thog ma'i mtha' yod zer na/ de med par thal/ rig pa la thog ma'i mtha' med pa'i phyir/ der thal/ rig pa yin na/ rang gi nyer len du gyur pa'i rig pa snga ma las byung bas khyab pa'i phyir/ der thal/ rnam 'grel las/ rnam shes min pas rnam shes kyi/ /nyer len mi byed phyir yang 'grub/ /ces gsungs pa'i phyir/ kha cig/ 'khor ba la phyi ma'i mtha' med zer na/ de yod par thal/ 'khor ba'i rtsa bar gyur pa'i gang zag gi bdag 'dzin la phyi mtha' yod pa'i phyir/ der thal/ de dngos su 'joms byed kyi gnyen po stobs ldan yod pa'i phyir/ der thal/ de mngon sum du rtogs pa'i ye shes de de dngos su 'joms byed kyi gnyen po stobs ldan yin pa'i phyir/ der thal/ de gang zag gi bdag 'dzin dang dmigs pa gcig la dmigs nas rnam pa 'dzin stangs dngos 'gal du zhugs pa'i blo yin pa'i phyir/ kha cig/ 'khor ba la mtha' med zer na/ de yod par thal/ 'khor ba la phyi ma'i mtha' yod pa'i phyir/ kha cig/ 'khor ba spyi la mtha' med cing/ 'khor ba bye brag pa la mtha' yod zer na/ de mi 'thad par thal/ 'khor ba bye brag pa la yod na 'khor ba spyi la yod dgos pa'i phyir/ der thal/ bye brag bum pa la yod na/ spyi shes bya la yod dgos pa'i phyir/ kha cig/ 'khor ba pa'i sems can 'di phan chad du med/ 'di tshun chad du yod ces/ mtshams 'dzin rigs zer na/ de mi rigs par thal/ nam mkhas gar khyab sems can gyis khyab pa'i phyir te/ mdo las/ nam mkha'i mthar thug gyur pa ji tsam pa/ /sems can ma lus mtha' yang de bzhin te/ /zhes gsungs pa'i phyir/ rang lugs la/ 'khor ba spyi dang bye brag gnyis ka la mtha' yod cing 'khor ba la thog ma'i mtha' med de/ rig pa la thog ma'i mtha' med pa'i phyir/ 'khor ba la phyi ma'i mtha' yod de/ 'khor ba'i rtsa bar gyur pa'i gang zag gi bdag 'dzin la phyi ma'i mtha' yod pa'i phyir/ rtsod pa spong ba la/ kha cig/ 'khor ba pa'i sems can @10b 'di phan chad du med/ 'di tshun chad du yod ces mtshams 'dzin rigs par thal/ 'khor ba spyi dang bye brag gnyis ka la mtha' yod pa'i phyir/ zer na ma khyab/ kha cig/ 'khor ba stongs pa'i dus srid par thal/ sems can thams cad sangs rgyas pa'i dus srid pa'i phyir/ 'dod na/ 'khor ba pa'i sems can 'di phan chad du med/ 'di tshun chad du yod ces mtshams 'dzin rigs par thal/ 'dod pa'i phyir/ zer na ma khyab/ 'o na/ sngon po 'di phan chad du med/ 'di tshun chad du yod ces mtshams 'dzin rigs par thal/ sngon po med pa'i dus srid pa'i phyir/ 'khor gsum/ gal te ma grub na/ sngon po chos can/ khyod rtag dngos yin par thal; rang gi rgyu rkyen las skyes pa gang zhig/ khyod med pa'i dus mi srid pa'i phyir/ 'khor gsum/ kha cig/ 'khor ba la mtha' med par thal/ 'khor ba la thog ma dang mtha' ma'i mtha' med pa'i phyir zer na ma khyab/ kha cig/ 'khor ba la mtha' med par thal/ 'khor ba de thog ma dang tha ma med pa stong pa nyid kyi stong gzhi chos can yin pa'i phyir zer na ma khyab/ ma grub na/ der thal/ de'i stong gzhi chos can zhig yod pa'i phyir zer na/ 'o na/ dus gsum mi dmigs pa yin par thal/ dus gsum mi dmigs pa stong pa nyid kyi stong gzhi chos can yin pa'i phyir/ 'khor gsum/ ma grub na der thal/ de'i stong gzhi chos can zhig yod pa'i phyir; ma khyab na/ 'khor gsum/ 'dod na/ dus gsum chos can/ dmigs par thal/ yod pa'i phyir/ kha cig/ 'khor ba la mtha' med par thal/ nam mkha' la mtha' med pa gang zhig/ nam mkhas gar khyab sems can gyis khyab pa'i phyir/ zer na ma khyab/ kha cig/ sems can thams cad sangs rgyas pa zhig srid na sems can thams cad sangs rgyas pa'i sangs rgyas 'phags pa de dus nam gyi tshe yod/ gang zag su'i rgyud kyis bsdus zer na/ 'o na/ khyod kyi rgyud kyi sems can thams cad kyi don du sangs rgyas thob par bya'o snyam du bsam pa dam bcas pa'i dam bca' de'i bzhed don dus nam gyi tshe yod/ gang zag su'i rgyud kyis bsdus byas pa la/ kha cig/ gang zag rang nyid sangs rgyas pa'i tshe na yod/ gang zag rang nyid sangs rgyas pa'i sangs rgyas 'phags pa'i rgyud kyis bsdus pa yin no zer na/ 'o na/ cig shos la yang mtshungs te/ de sems can thams cad sangs rgyas pa'i sangs rgyas 'phags pa'i rgyud @11a @#/ /kyis bsdus/ sems can thams cad sangs rgyas pa'i tshe na yod pa'i phyir/ kha cig /sems can sangs rgyas pa'i dus su sangs ma rgyas pa'i sems can yod par thal/ sems can thams cad sangs rgyas pa'i dus su sangs ma rgyas pa'i sems can yod pa'i phyir zer na ma khyab/ 'dod mi nus te/ sems can dang sangs ma rgyas pa'i sems can gnyis yul dus rang bzhin gang la ltos te grub sde rdzas gcig yin pa'i phyir/ kha cig /sems can nam yang med pa'i dus srid par thal/ sems can gtan nas med pa'i dus srid pa'i phyir/ zer na ma khyab/ der thal sems can yin no cog med pa'i dus srid pa'i phyir/ 'dod na/ sems can nam yang yod ma myong bar thal/ 'dod pa'i phyir/ 'dod na/ sems can sems can gyi dus su yang yod ma myong bar thal/ 'dod pa'i phyir/ 'dod na/ sems can sems can gyi dus su med par thal/ 'dod pa'i phyir/ ('dod na/ sems can chos can/) ? khyod rang dus su yod par thal/ khyod rang dus su sangs rgya ba'i phyir/ kha cig /sems can rgyun chad pa'i dus srid par thal/ sems can thams cad sangs rgya ba'i phyir/ zer na ma khyab/ 'o na/ byang sems sa brgyad pa ba rgyun chad srid par thal/ byang sems sa brgyad pa ba sangs rgya ba srid pa'i phyir/ khyab pa khas/ ma grub na/ byang sems sa brgyad pa ba chos can/ khyod sangs rgya srid par thal/ khyod sku gsum 'grub byed kyi sbyor ba khyad par can rgyud la skyes pa'i sems dpa' yin pa'i phyir/ der thal/ dag sa la gnas pa'i gang zag yin pa'i phyir/ 'dod na/ mi 'thad de/ byang sems sa brgyad pa ba sangs rgyas pa'i sangs rgyas 'phags pa de de'i rgyun yin pa'i phyir/ ma grub na/ byang sems sa brgyad pa ba sangs rgyas pa'i sangs rgyas 'phags pa chos can/ khyod byang sems sa brgyad ba ba'i rgyun yin par thal/ khyod byang sems sa brgyad pa ba sangs rgyas pa'i sangs rgyas 'phags pa yin pa'i phyir/ kha cig /de chos can/ byang sems sa brgyad pa'i rgyun ma yin par thal/ sangs rgyas 'phags pa'i rgyun yin pa'i phyir na ma khyab/ ma grub na der thal/ chos can de yin pa'i phyir/ /gsum pa nyan rang dgra bcom theg chen lam du 'jug pa'i tshe lam gang nas 'jug dpyad ? pa la gsum las/ dang po la/ kha cig/ stong nyid @11b rtogs pa'i nyan rang dgra bcom pa theg chen lam du 'jug pa de'i tshe sa bdun pa nas 'jug /stong nyid rtogs ma myong ba'i nyan rang dgra bcom pa rnams theg chen lam du 'jug pa'i tshe theg chen tshogs lam nas 'jug pa yin zer na/ 'o na/ myur du sangs rgya bar 'dod pa rnams kyis dang por nyan thos lam du 'jug rigs par thal/ des nyan thos kyi lam du zhugs nas stong nyid rtogs par byed rigs pa'i phyir/ der thal/ nyan thos kyi byang chub myur na tshe gsum la thob nus/ theg chen gyi rigs can phal che bas sangs rgya ba la bskal pa grangs med gsum gyi bar du tshogs gsog par byed/ de ltar byas na tshogs sbyor gyi gnas skabs su grangs med gcig gi tshogs gsog dgos pa gang zhig /stong nyid rtogs pa'i nyan thos dgra bcom theg chen lam du 'jug pa'i tshe sa bdun pa nas 'jug pa yin pa'i phyir/ rtags khas/ 'dod mi nus te/ dman lam sngon du song ba'i sems dpa' dang/ dman lam sngon du ma song ba'i sems dpa' gnyis kyi nang nas rdzogs ? byang thob pa la dman lam sngon du ma song ba'i sems dpa' myur ba yin pa'i phyir/ der thal/ mdo sde rgyan las/ de nyid yang dang yang du ni/ /rang sems kun tu 'jug ldan pa/ /mya ngan 'das la mngon dga'i phyir/ /rtogs pa bul ba yin par 'dod/ /ces gsungs pa'i phyir/ kha cig /nyan thos dgra bcom pa'i rtogs pa sngon du song ba'i byang sems tshogs lam pa so skye yin zer na/ 'o na/ de chos can/ khyod lam bden thob ma myong ba'i gang zag yin par thal/ so skye yin pa'i phyir/ khyab ste/ mdzod las/ lam ma thob pa so so yi/ /skye bor 'dod/ ces gsungs pa'i phyir/ 'dod mi nus te/ dgra bcom pa'i rtogs pa thob myong ba'i gang zag yin pa'i phyir/ gzhan yang/ dgra bcom pa'i rtogs pa las nyams pa yod par thal/ nyan thos dgra bcom pa'i rtogs pa sngon du song ba'i byang sems tshogs lam pa de dgra bcom pa'i rtogs pa las nyams pa'i gang zag yin pa'i phyir/ der thal/ de so skye yin pa'i phyir/ 'dod mi nus te/ dgra bcom pa'i rgyud kyi spangs pa de gang zag gi bdag 'dzin gyi sa bon spangs pa'i spangs pa yin pa'i phyir/ khyab ste rnam 'grel las/ bdag lta'i sa bon spangs pa'i phyir/ /slar mi gshegs pa nyid yin no/ / @12a @#/ /zhes gsungs pa'i phyir/ kha cig /de theg chen 'phags pa yin zer na/ 'o na/ de chos can/ theg chen gyi mthong lam thob pa'i gang zag yin par thal/ theg chen 'phags pa yin pa'i phyir/ khyab ste/ theg chen gyi mthong lam de theg chen gyi 'phags lam gyi thog ma yin pa'i phyir te/ /'bras de 'jig rten pa'i lo thog ma yin pa de bzhin du nyan thos kyi mthong lam de nyan thos kyi 'phags lam gyi thog ma yin pa'i phyir/ der thal/ rgyu mtshan de nyid kyi phyir nyan thos kyi mthong lam 'bras kyis zhing gis mtshon te bstan pa'i phyir/ 'dod mi nus te/ byang sems tshogs lam pa yin pa'i phyir/ kha cig /de theg chen so skye ma yin zer na/ 'o na/ theg chen so skye yin na/ so skye yin dgos par thal/ de theg chen so skye ma yin pa la rgyu mtshan yang dag yod pa'i phyir/ 'dod na/ byang sems las dang po ba yin na las dang po ba yin dgos par thal/ 'dod pa'i phyir/ 'dod na/ nyan thos dgra bcom pa theg chen lam du zhugs ma thag pa'i byang sems tshogs lam pa chos can/ der thal/ de'i phyir/ der thal/ chos can de yin pa'i phyir/ 'dod mi nus te/ dgra bcom pa yin pa'i phyir/ yang kha cig /de theg chen 'phags pa yin kyang dgra bcom pa ma yin zer na/ 'phags lam thob la ma nyams pa'i theg chen gyi gang zag yin na/ theg chen 'phags pa yin dgos par thal/ khyod kyi dam bca' 'thad pa'i phyir/ 'dod na/ dgra bcom pa'i go 'phang thob la ma nyams pa'i theg chen gyi gang zag yin na/ theg chen dgra bcom pa yin dgos par thal/ 'dod pa'i phyir/ 'dod na/ nyan thos dgra bcom pa'i rtogs pa sngon du song ba'i byang sems tshogs lam pa chos can/ der thal/ de'i phyir/ der thal/ chos can de yin pa'i phyir/ 'dod na/ sangs rgyas 'phags pa yin par thal/ theg chen dgra bcom yin pa'i phyir/ gang 'dra byung/ kha cig /nyan thos dgra bcom pa'i rtogs pa sngon du song ba'i byang sems tshogs lam pa de 'phags pa phung sum pa ma yin zer na/ de chos can/ 'phags pa phung sum pa yin par thal/ 'phags pa gang zhig/ theg chen 'phags pa yang ma yin/ theg dman 'phags pa yang ma yin pa'i phyir/ kha cig ma khyab zer/ dang po der thal/ des theg chen gyi 'phags lam thob ma myong ba'i phyir/ @12b phyi ma der thal/ de theg dman gyi gang zag ma yin pa'i phyir/ ma khyab mtshams la/ ka ba dang bum pa gnyis kyi bar du ka ba yang ma yin/ bum pa yang ma yin pa'i chos zhig yod na/ ka ba dang bum pa gnyis kyi bar du gnyis ma yin gyi phung sum pa yod mi dgos par thal/ theg chen 'phags pa yang ma yin/ theg dman 'phags pa yang ma yin pa'i 'phags pa zhig yod na de gnyis kyi bar du 'phags pa phung sum pa yod mi dgos pa'i phyir/ rtags khas/ 'dod na/ ka ba dang bum pa gnyis po de phan tshun spang 'gal gyi dngos 'gal yin par thal/ de gnyis 'gal ba gang zhig /de gnyis kyi bar du gnyis yin gyi phung sum pa yang med/ gnyis ma yin gyi phung sum pa yang med pa'i phyir/ phyi ma khas/ der thal/ de gnyis 'gal ba'i phyir/ 'dod mi nus so/ /gzhan yang/ de 'phags pa phung sum pa yin par thal/ de'i rgyud kyi 'gog bden yang 'gog bden phung sum pa yin/ de'i rgyud kyi lam bden yang lam bden phung sum pa yin pa'i phyir/ dang po der thal/ de theg chen gyi 'gog bden yang ma yin/ theg dman gyi 'gog bden yang ma yin pa'i phyir/ dang po der thal/ de rang thob byed kyi theg chen gyi lam bden gyi stobs kyis ma thob pa'i phyir/ phyi ma der thal/ de theg dman gang zag gi rgyud kyi yon tan ma yin pa'i phyir/ kha cig /nyan thos dgra bcom pa'i rtogs pa sngon du song ba'i rang rgyal tshogs lam pa de 'phags pa phung sum pa yin zer na/ de mi 'thad par thal/ de med pa'i phyir/ der thal/ nyan thos dgra bcom pa rang rgyal lam du 'jug pa med pa'i phyir/ der thal/ nyan rang slob pa gnyis po de rang don du sdug kun nye bar zhi ba'i nyer zhi gtso bor don du gnyer bar mtshungs pa gang zhig /nyan thos dgra bcom pas nyon sgrib ma lus par spangs pa'i phyir/ kha cig /nyan thos kyi sbyor lam thob pa'i nyan thos rang rgyal lam du 'jug pa med zer na/ de yod par thal/ nyan thos kyi mthong lam thob sgom lam ma thob pa'i nyan thos rang rgyal lam du 'jug pa yod pa'i phyir/ der thal/ de theg chen lam du 'jug pa yod pa'i phyir/ der thal/ mdo sde rgyan las/ nyan thos ma nges rnam gnyis te/ /theg don mthong dang ma mthong dang/ /don mthong 'dod chags bral ba dang/ /'dod chags bral min 'dir dman pa'o/ /zhes gsungs pa'i phyir/ gzhan yang/ nyan @13a @#/ /thos kyi sbyor lam thob pa'i nyan thos rang rgyal lam du 'jug pa yod par thal/ spang bya cig car ba'i rgyun zhugs rang rgyal lam du 'jug pa yod pa'i phyir/ der thal/ kun las btus las/ phal cher ni mthong ba'i chos sam/ zhes sogs gsungs pa'i phyir/ kha cig /spang bya cig car pa'i rgyun zhugs kyi rtogs pa sngon du song ba'i rang rgyal tshogs lam pa de theg dman so skye yin par thal/ nyan thos dgra bcom pa'i rtogs pa sngon du song ba'i byang sems tshogs lam pa theg chen so skye yin pa'i phyir/ zer na ma khyab/ 'dod na/ de 'dra ba'i rang rgyal tshogs lam pa chos can/ theg dman so skye ma yin par thal/ theg dman 'phags pa yin pa'i phyir/ der thal/ theg dman gyi 'phags lam rgyud la ldan pa'i gang zag yin pa'i phyir/ der thal/ nyan thos kyi mthong lam thob la ma nyams pa'i theg dman gyi gang zag yin pa'i phyir/ der thal/ chos can de yin pa'i phyir/ kho na re/ de chos can/ theg dman 'phags pa ma yin par thal/ nyan thos 'phags ma yang ma yin/ rang rgyal 'phags pa yang ma yin pa'i phyir/ zer na ma khyab/ 'o na/ theg dman 'phags pa chos can/ theg dman 'phags pa ma yin par thal/ nyan thos 'phags pa yang ma yin/ rang rgyal 'phags pa yang ma yin pa'i phyir/ 'khor gsum/ 'dod mi nus so/ /kha cig /nyan thos dgra bcom pa'i rtogs pa sngon du song ba'i byang sems tshogs lam pa theg chen 'phags pa yin par thal/ spang bya gcig car ba'i rgyun zhugs kyi rtogs pa sngon du song ba'i rang rgyal tshogs lam pa theg dman 'phags pa yin pa'i phyir zer na ma khyab/ rtags sgrub zin/ kha cig/ nyan thos dgra bcom pa rang rgyal lam du 'jug pa yod par thal/ theg pa gsum gyi lam la rim gyis zhugs pa'i gdul bya theg chen gyi rigs can yod pa'i phyir/ zer na ma khyab/ der thal/ rnam bshad las/ spyir de lta bu'i gdul bya srid kyang/ zhes gsungs pa'i phyir/ kha cig /nyan thos dgra bcom pa rang rgyal lam du 'jug pa yod par thal/ bla med rdzogs pa'i byang chub lam thams cad kyi rjes su mngon du byed pa'i gdul bya nyan thos kyi rigs can zhig yod pa'i phyir/ zer na ma khyab/ ma grub na der thal/ rjes la 'gro zhes bya @13b ba dang/ /zhes gsungs pa'i phyir/ 'dod na sgrub zin/ kha cig /theg chen lam du 'jug kha ma'i nyan thos dgra bcom pa yod pa yin zer na/ ? /de kho kho rang yin par thal/ kho yod pa'i phyir/ 'dod na/ de chos can/ lhag bsam rnam dag rgyud ldan yin par thal/ theg chen lam du 'jug kha ma'i gang zag yin pa'i phyir/ 'dod mi nus te/ nyan thos dgra bcom pa yin pa'i phyir/ gnyis pa rang lugs la/ stong nyid rtogs ma rtogs gang gi dbang du byas kyang/ nyan rang dgra bcom pa theg chen lam du 'jug pa de'i tshe theg chen gyi tshogs lam nas 'jug dgos te/ theg chen sems bskyed theg chen lam gyi 'jug sgo yin pa gang zhig/ theg chen sems bskyed la myong ba 'thon pa dang/ sa bdun pa thob pa dus mnyam pa mi srid pa'i phyir/ gzhan yang/ de ltar 'jug rigs te/ theg chen gyi rigs can phal che ba rnams kyis sangs rgya ba la bskal pa grangs med gsum du tshogs gsog par byed/ de ltar byas na/ tshogs sbyor gnyis kyi gnas skabs su bskal pa grangs med gcig gi bar du tshogs gsog bar byed dgos pa'i phyir/ rtsod pa spong ba la/ kha cig /stong nyid mngon sum du rtogs pa'i nyan thos dgra bcom pa'i rtogs pa sngon du song ba'i byang sems tshogs lam pa de theg chen 'phags pa yin par thal/ de'i rgyud kyi stong nyid rtogs pa'i gtso bo'i yid kyi rnam rig de lam shes yin pa'i phyir/ ma grub na/ de chos can/ lam shes yin par thal/ rang rgyud la ldan pa'i gang zag gi rgyu kyi stong nyid mngon sum du rtogs pa'i shes rab kyis zin pa'i theg chen gang zag gi mngon rtogs yin pa'i phyir/ khyab ste/ rnam bshad las/ lam shes la mtshan nyid ni/ rang rgyud la ldan pa'i gang zag gi rgyud kyi ston gnyid mngon sum du rtogs pa'i shes rab kyis zin pa'i theg pa chen po'i gang zag gi mngon par rtogs pa'o/ /zhes gsungs pa'i phyir/ zer na skyon med de/ de'i don ni/ mtshan gzhi la mtshan nyid kyi ming gis btags pa tsam mo/ /de ltar ma yin na/ nyan thos dgra bcom pa theg chen lam du zhugs ma thag pa'i byang sems tshogs lam pa'i rgyud kyi 'gog bden de theg chen gyi 'gog bden yin par thal/ nyan thos dgra bcom pa'i rtogs pa sngon du song ba'i byang sems tshogs lam pa'i rgyud kyi 'gog bden de theg chen gyi 'gog bden @14a @#/ /yin pa'i phyir/ der thal/ de'i rgyud kyi lam bden de lam shes yin pa'i phyir/ 'dod na/ de 'dra ba'i 'gog bden chos can/ rang thob byed kyi thabs su gyur pa'i theg chen gyi lam bden gyi stobs kyis thob par thal/ theg chen gyi 'gog bden yin pa'i phyir/ 'dod na/ theg chen lam ma zhugs kyi gang zag gi rgyud la theg chen gyi lam bden yod par thal/ 'dod pa'i phyir/ gzhan yang/ de'i rgyud kyi yid kyi rnam par shes pa chos can/ khyod kyi rten du gyur pa'i theg chen sems bskyed sngon du song bar thal/ khyod lam shes yin pa'i phyir/ rtags khas/ 'dod na/ theg chen lam du 'jug kha ma'i rgyud la theg chen sems bskyed yod par thal/ 'dod pa'i phyir/ 'dod mi nus so/ /kha cig /nyan thos dgra bcom pa'i rtogs pa sngon du song ba'i byang sems tshor laM pa chos can/ theg chen par gyur pa'i so skye yin par thal/ theg chen so skye yin pa'i phyir zer na ma khyab/ 'dod na/ so skye yin par thal lo/ / 'o na/ nyan thos dgra bcom pa theg chen lam du zhugs ma thag pa'i byang sems tshogs lam pa chos can/ theg chen par gyur pa'i las dang po ba yin par thal/ theg chen las dang po ba yin pa'i phyir/ khyab pa khas/ ma grub na der thal/ chos can de yin pa'i phyir/ 'dod na/ las dang po ba yin par thal lo; ;'dod mi nus te/ dgra bcom pa yin pa'i phyir/ kha cig /byang chub phung sum pa yod par thal/ 'phags pa phung sum pa yang yod/ dgra bcom phung sum pa yang yod pa'i phyir/ 'dod na/ sde snod phung sum pa yang yod (par thal/) ? 'dod pa'i phyir zer na ma khyab/ 'dod mi nus te/ sde snod bzhi pa med pa'i phyir te/ rdo rje snying po rgyan gyi rgyud 'grel las/ sangs rgyas pa la bzhi pa dang/ /lnga pa thub pa'i dgongs pa min/ /zhes gsungs pa'i phyir/ kha cig /theg chen lam du 'jug kha ma'i nyan thos dgra bcom pa yod par thal/ nyan thos dgra bcom pa theg chen lam du 'jug kha ma yod pa'i phyir zer na ma khyab/ der thal/ nyan thos dgra bcom pa sangs rgya kha ma yod pa'i phyir/ der thal/ nyan thos dgra bcom pa sangs rgyas ma thag pa yod pa'i phyir/ ma grub na/ nyan thos dgra bcom pa chos can/ khyod sangs rgyas ma thag pa yod par thal/ khyod sems can yin pa'i phyir/ kha cig /theg chen lam du 'jug kha ma'i nyan thos dgra @14b bcom pa yod par thal/ theg dman lam du 'jug kha ma'i byang sems tshogs lam pa yod pa'i phyir na ma khyab/ ma grub na der thal/ byang chub sems dpa' theg chen sems bskyed las nyams pa dang theg dman lam du ltung ba dus mnyam pa'i phyir/ 'dod mi nus so/ /'o na theg chen sems bskyed rgyud la skye kha ma'i nyan thos dgra bcom pa yod par thal/ theg dman gyi byang chub don gnyer gyi blo rgyud la skye kha ma'i byang chub sems dpa' yod pa'i phyir/ khyab pa khas/ ma grub na der thal/ theg dman lam du 'jug kha ma'i byang chub sems dpa' yod pa'i phyir/ 'dod na/ de chos can/ bur shun gyi ro lta bu'i byang chub kyi sems rgyud ldan yin par thal/ theg chen sems bskyed gsar du rgyud la skye kha ma yin pa'i phyir/ rtags khas/ 'dod na/ mi 'thad par thal/ nyan thos dgra bcom pa yin pa'i phyir/ kha cig /nyan thos dgra bcom pa'i rtogs pa sngon du song ba'i byang sems tshogs lam pa de theg chen 'phags pa yin par thal/ de 'phags pa gang zhig /de mi slob pa'i rtogs pa sngon song yin pa'i phyir/ rtags gnyis pa ma grub na/ der thal/ nyan thos dgra bcom pa mi slob pa yin pa'i phyir te/ mdzod las/ de tshe de mi slob dgra bcom/ /zhes gsungs pa'i phyir zer na ma khyab/ de'i don ni de nyan thos mi slob pa yin zhes pa'i don no/ /de lta ma yin na/ theg pa rang lam gyi spangs rtogs mthar phyin pa'i gang zag yin na/ spangs rtogs mthar phyin pa'i gang zag yin (dgos par thal/) ? nyan thos dgra bcom pa mi slob pa yin pa la rgyu mtshan yod pa'i phyir/ 'dod na/ nyan thos dgra bcom pa chos can/ spangs rtogs mthar phyin pa'i gang zag yin par thal/ theg pa rang lam gyi spangs rtogs mthar phyin pa'i gang zag yin pa'i phyir/ der thal/ nyan thos dgra bcom pa yin pa'i phyir/ 'dod na/ sangs rgyas 'phags pa yin par thal/ 'dod pa'i phyir/ 'dod mi nus so/ /kha cig /dgra bcom phung sum pa yin na/ 'phags pa phung sum pa yin dgos par thal/ dgra bcom phung sum pa yod pa gang zhig /'phags pa phung sum pa yod pa'i phyir zer na ma khyab/ 'dod na/ nyan thos dgra bcom pa'i rtogs pa sngon du song ba'i byang sems mthong lam pa chos can/ der thal/ de'i phyir/ der thal/ dgra bcom gang zhig /theg chen dgra bcom yang ma yin/ theg dman dgra bcom yang ma yin pa'i phyir/ @15a @#/ /rtags sla'o/ /'dod na/ de chos can 'phags pa phung sum sam yin par thal/ theg chen 'phags pa yin pa'i phyir/ der thal/ byang sems mthong lam pa yin pa'i phyir/ kha cig /stong nyid rtogs pa'i nyan thos dgra bcom theg chen lam du 'jug pa de'i tshe na sa bdun pa nas 'jug rigs par thal/ sa dang por 'jug pa de stong nyid sngar ma rtogs gsar du mngon sum du rtogs par bya ba'i ched du yin pa gang zhig /nyan thos de dag gis stong nyid mngon sum du rtogs zin pa'i phyir zer na ma khyab/ 'o na/ gang zag gi bdag med mngon sum du rtogs pa'i nyan thos dgra bcom pa theg chen lam du 'jug pa de'i tshe sa ? bdun pa nas 'jug rigs par thal/ sa dang por 'jug pa de gang zag gi bdag med sngar ma rtogs pa gsar du mngon sum du rtogs par bya ba'i ched du yin pa gang zhig /nyan thos de dag gis gang zag gi bdag med mngon sum du rtogs zin pa'i phyir/ 'khor gsum/ ? rtags dang po gnyis mtshungs/ kha cig /de gnyis mi mtshungs te/ sa dang po de gang zag gi bdag med mngon sum du rtogs pa tsam gyis rab tu phye ba ma yin par stong nyid mngon sum du rtogs pa yang yin pa'i phyir zer na/ de gnyis mtshungs par thal/ sa dang po de stong nyid mngon sum du rtogs pa tsam gyis rab tu phye ba ma yin par yon tan brgya phrag bcu gnyis thob pa'i yon tan dang ldan pa'i phyir/ 'khor gsum/ rang lugs la de ltar byas na/ stong nyid rtogs ma rtogs gang gi dbang du byas kyang nyan rang dgra bcom pa theg chen lam du 'jug pa de'i tshe theg pa chen po'i tshogs lam nas nges par 'jug dgos te sa dang po'i gnas skabs su yon tan brgya phrag bcu gnyis thob pa'i sgo nas stong nyid mngon sum du rtogs pa la/ theg pa chen po'i sbyor lam gyi gnas skabs su bsod nams kyi tshogs rgya chen pos zin pa'i sgo nas stong nyid sgom byung gi shes rab kyis rtogs pa sngon du 'gro dgos/ de'i sngon du theg pa chen po'i tshogs lam gyi gnas skabs su bsod nams kyi tshogs rgya chen pos zin pa'i sgo nas stong nyid thos byung gi shes rab kyis rtogs pa sngon du 'gro dgos pa'i phyir/ byang chub tu sems bskyed pa ni 'khor ba ji srid bar sems can gyi don byed par zhugs pa nyid/ ces @15b sogs la/ rgyu lam shes chos can/ nyan rang gi lam las rang bzhin gyi sgo nas khyad par 'phags te/ khyod nyon mongs spang bya'i gtso bor byas nas mi spong ba'i rang bzhin can yin pa'i phyir/ mtha' dpyad pa la gsum las/ dang po la/ kha cig /ma rig bag chags kyis 'dir bstan pa'i nyon mongs yin zer na/ de chos can/ khyod byang chub sems dpa' rnams kyis spang bya'i gtso bor byas nas mi spong par thal/ khyod 'dir bstan pa'i nyon mongs yin pa'i phyir/ khyab ste/ rgyu lam shes de skabs 'dir bstan pa'i nyon mongs spang bya'i gtso bor byas nas mi spong ba'i rgyu mtshan gyis nyan thos kyi lam las rang bzhin gyi khyad par du 'phags pa yin pa'i phyir/ 'dod mi nus te/ byang chub sems dpa' rnams kyis ma rig bag chags spang bya'i gtso bor byas nas spong ba'i phyir/ gzhan yang/ nyan rang slob pa rnams kyis ma rig bag chags kyis spang bya'i gtso bor byas nas spong bar thal/ de skabs 'dir bstan pa'i nyon mongs yin pa'i phyir/ khyab pa gong bzhin sgrubs/ 'dod na/ des ma rig bag chags spang bya'i gtso bor byas nas spong bar thal/ 'dod pa'i phyir/ 'dod na/ des shes sgrib spang bya'i gtso bor byas nas spong bar thal lo/ /kha cig /bsod nams kyi tshogs yongs su 'tshol bas mi ngoms pa sogs brgyad po de skabs 'dir bstan pa'i nyon mongs yin zer na; de mi 'thad par thal/ de byang chub sems dpa' rnams kyis spang bya'i gtso bor byas na spong ngam ? mi spong snyam pa'i dogs pa rgol ba rtog ldan la mi skye ba'i phyir/ der thal/ de rgyal sras kyi spyod pa khyad par can yin pa'i phyir/ kha cig /nyon mongs kyi byed las de la rigs 'dra phyi ma bskyed ? par byed pa dang/ 'khor ba'i rgyu byed pa dang/ sdug bsngal gyi rgyu byed pa dang/ rang rgyud la ldan pa'i gang zag gi shes rgyud ma zhi bar byed pa dang bzhi las/ byang sems 'phags pa rnams kyi sa dang po gnyis ched du gnyer nas mi spong/ phyi ma gnyis ched du gnyer nas spong ngo zer na/ las nyon gyis skye ba len pa'i byang sems 'phags pa yod par thal/ byang sems 'phags pa skye ba len pa'i rgyur nyon mongs dgos pa'i phyir/ der thal/ khyod kyi dam bca' 'thad pa'i phyir/ 'dod mi nus te/ las nyon gyi gzhan dbang du gyur pa'i byang sems 'phags pa med pa'i phyir/ gzhan yang/ dang po gnyis byang sems 'phags pas ched du gnyer nas spong bar thal/ de byang @16a @#/ /sems kyis lam dang po gsum gyi gnas skabs su ched du gnyer nas spong ba'i phyir dang/ de gzhan don sgrub pa la yang nyer mkho med/ rang don sgrub pa la yang nyer mkho med pa'i phyir/ kha cig /byang sems 'phags pa rnams skye ba len pa'i rgyur nyon mongs dgos kyang/ snying rje dang smon lam gyi dbang gis ji ltar 'daud ? du skye ba len mi nus par nyon mongs pa'i gzhan dbang du gyur pa'i nus pa bcom pas sa thams cad du nyon mongs pa'i nyes pa mi skye ba yin no zer na/ de'i don ni byang sems 'phags pa rnams snying rje dang smon lam gyi dbang gis ji ltar 'dod 'dod du skye ba len mi nus par nges par nyon mongs rgyur dgos pa'i don yin nam/ 'on kyang nyon mongs mi bzhed kyang 'chi 'pho bar bdag chad dogs kyi 'jigs pas phung po la sred pa'i sred pa skyes sred pa de'i dbang gis skye ba len pa dag las gang yin/ dang po ltar na/ byang sems 'phags pa rnams snying rje dang smon lam gyi dbang gis ji ltar 'dod 'dod du skye ba len mi nus par nyon mongs pa'i gzhan dbang du gyur pa'i nus pa bcom pa yin par thal/ dam bca' 'thad pa'i phyir/ 'dod na byang sems 'phags pa rnams snying rje dang smon lam gyi dbang gis ji ltar 'dod 'dod du skye ba len mi nus par nyon mongs pa'i gzhan dbang du gyur pa'i nus pa bcom pa mi 'thad par thal/ de 'chi 'pho bar phung po la sred pa'i sred pa skyes sred pa de'i dbang gis skye ba len pa'i phyir/ gzhan yang/ las nyon gyi dbang gis rga ba dang na ba'i byang sems 'phags pa yod par thal/ las nyon gyi dbang gis skye ba len pa'i byang sems 'phags pa yod pa'i phyir/ rtags khas/ 'dod mi nus te/ rgyud bla ma las/ 'phags pas na dang rga ba dang/ 'chi ba'i sdug bsngal rtsad nas spangs/ /zhes gsungs pa'i phyir/ kha cig /byang sems 'phags pa yin na/ las nyon gyi dbang gis skye 'chi spangs pas khyab zer na/ dman lam sngon du ma song ba'i theg chen mthong lam bar chad med lam pa chos can/ der thal/ de'i phyir/ 'dod na/ 'khor ba'i rtsa bar gyur pa'i gang zag gi bdag 'dzin gyi sa bon spangs par thal/ 'dod pa'i phyir/ 'dod mi nus te/ chos can de yin pa'i phyir/ kha cig /byang sems 'phags pa snying rje dang smon lam gyi dbang gis 'khor los sgyur rgyal du @16b skye ba blangs nas sras stong la sogs pa bskyed pa la nyon mongs rgyur dgos pa yin pa'i phyir zer na/ byang sems 'phags pa snying rje dang smon lam gyi dbang gis 'khor los sgyur rgyal du skye ba blangs pa'i sras su bsams bzhin du skye ba len nus pa'i byang sems 'phags pa med par thal/ dam bca' 'thad pa'i phyir/ 'dod mi nus te/ snying rje dang smon lam gyi dbang gis 'khor los sgyur rgyal du skye ba len nus pa'i byang sems 'phags pa yod pa'i phyir/ kha cig /byang sems 'phags pa rnams kyis 'jig lta/ log lta/ mthar lta rnams ched du gnyer nas mi spong zer na/ de spong bar thal/ byang sems 'phags pa rnams kyis lam dang po gsum gyi gnas skabs su de dag ched du gnyer nas spong ba yin pa'i phyir te/ de dag byang chub sems dpa' rnams kyis rang don sgrub pa la yang nyer mkho med/ gzhan don sgrub pa la yang nyer mkho med pa'i phyir dang/ rgyud bla dar Ti ka las/ de'i don ni/ nyon mongs can gyi ma rig pa dang log lta mthar lta sogs rang don dang gzhan don gang sgrub pa'i yan lag tu yang nye bar mkho ba med pas byang chub sems dpa' rnams kyis kyang ched du gnyer nas spong la/ zhes gsungs pa'i phyir/ gzhan yang/ 'grel chen las/ ma rig pa dang lta bas bsdus pa'i bag la nyal spong gi / 'dod pa dang sred pa'i zag pa ni ma yin te/ bsams bzhin du srid par skye ba len pa'i phyir ro/ /zhes gsungs pa mi 'thad par thal/ byang sems 'phags pa rnams kyis nyon mongs de dag gi bag chags kyis bsdus pa'i shes sgrib spang bya'i gtso bor byas nas spong bar yang mtshungs/ nyon mongs de dag ched du gnyer nas mi spong bar yang mtshungs/ spyir de dag spong bar yang mtshungs pa'i phyir/ rtags khas/ 'dod mi nus ste/ /gnyis pa rang lugs la/ skabs 'dir bstan gyi nyon mongs nyon mongs mtshan nyid pa dang/ de yang 'dod srid kyi nyon mongs 'dir bstan gyi nyon mongs yin zhing/ de yang byang chub sems dpa' rnams kyis ched du gnyer nas mi spong ba'i rgyu mtshan yod de/ byang sems 'phags pa snying rje dang smon lam gyi dbang gis 'khor los sgyur rgyal du skye ba blangs zin nas/ sras stong la sogs pa bskyed pa la/ 'dod pa'i 'dod chags rgyur byas pa'i sgo nas 'dod pa'i @17a @#/ /'dod chags gzhan don byed pa'i yan lag tu sgyur bar byed/ gzugs kyi khams su snying rje dang smon lam gyi dbang gis skye ba blangs nas gzugs kyi 'dod chags kyis gzhan dga' bar byas pa'i sgo nas gzugs kyi 'dod chags gzhan don sgrub pa'i yan lag tu sgyur bar byed pa'i phyir/ rgyu lam shes de nyan rang gi lam las rang bzhin gyis khyad par 'phags te/ rang don du sdug kun nye bar zhi ba'i nyer zhi gtso bor don du mi gnyer zhing/ 'dod srid kyi nyon mongs gzhan don sgrub pa'i yan lag tu sgyur bar byed pa'i khyad chos dang ldan pa'i phyir/ khyab ste/ nyan rang gi lam khyad chos de dag dang bral ba'i phyir/ byang sems 'phags pa rnams kyis 'jig lta/ log lta/ mthar lta sogs spang bya'i gtso bor byas nas mi spong yang/ lam dang po gsum gyi gnas skabs su ched du gnyer nas spong ba yin te/ lam dang po gsum gyi gnas skabs su de dag dang 'dzin stangs dngos su 'gal ba'i gnyen po goms pa lhur len gyi tshul gyis bsgoms pa yin pa'i phyir/ rtsod pa spong ba la/ kha cig /byang sems 'phags pa snying rje dang smon lam gyi dbang gis 'khor los sgyur rgyal du skye ba len pa'i rgyur nyon mongs dgos par thal/ 'grel chen las/ ma rig pa dang lta bas bsdus pa'i bag la nyal spong gi/ zhes gsungs pa'i phyir zer na/ de'i don ni sngar bshad pa ltar 'khor los sgyur rgyal du skye ba blangs zin nas sras stong la sogs pa bskyed pa la 'dod pa'i 'dod chags rgyur byas pa'i sgo nas 'dod pa'i 'dod chags gzhan don sgrub pa'i yan lag tu bsgyur ces pa'i don yin pa'i phyir/ kha cig /byang sems mthong lam pas nyon mongs spang bya'i gtso bor byas nas spong bar thal/ des gang zag gi bdag 'dzin dang dmigs pa gcig la dmigs nas 'dzin stangs dngos 'gal du zhugs pa'i gnyen po bsgom bya'i gtso bor byas nas bsgom pa'i phyir/ der thal/ de goms pa lhur len gyi tshul gyis bsgom pa'i phyir/ khyab ste/ legs bshad gser 'phreng las/ lhur len pa ste gtso bor byed pa'o/ /zhes gsungs pa'i phyir zhe na ma khyab/ 'o na/ skyes bu'i ched du gnyer bya yin na de'i ched du gnyer bya'i gtso @17b bo yin dgos par thal/ byang sems mthong lam pa la de'i phyir/ ma gru na song/ des ched du gnyer nas bsgom pa'i lam yin na/ des ched du gnyer bya'i gtso bor byas nas bsgom pa'i lam yin dgos pa'i phyir/ rtags khas/ 'dod mi nus te/ skyes bu'i ched du gnyer bya phal pa yod pa'i phyir/ !lam shes nyid kyi tshul la ni/ zhes sogs kyi skabs su/ mtha' dpyad pa la gsum las/ dang po la/ kha cig /nyan thos kyi lam rang bzhin gyis med par mngon sum du rtogs pa'i mkhyen pa/ nyan thos kyi lam shes pa'i lam shes kyi mtshan nyid yin zer na/ de mi 'thad par thal/ de 'dra ba'i theg chen 'phags pa'i mkhyen pa med pa'i phyir/ der thal/ nyan thos kyi lam rang bzhin gyis grub pa'i phyir/ ma grub na/ de chos can/ khyod rang bzhin gyis grub par thal/ gzhi grub pa'i phyir/ kha cig /nyan thos kyi lam don dam par rang bzhin gyis ma grub par mngon sum du rtogs pa'i theg chen 'phags pa'i mkhyen pa/ nyan thos kyi lam shes pa'i lam shes kyi mtshan nyid yin zer na/ 'o na/ nyan thos slob pa rnams kyis nyan thos kyi lam don dam par rang bzhin gyis ma grub par bsgom bya'i gtso bor byas nas bsgom par thal/ khyod kyi dam bca' 'thad pa gang zhig /byang sems 'phags pa rnams kyis nyan thos kyi lam shes pa'i lam shes bsgom pa de gdul bya nyan thos kyi rigs can rjes su bzung ba'i ched du yin pa'i phyir/ 'dod na/ nyan thos slob pa rnams kyis chos thams cad don dam par rang bzhin gyis ma grub par bsgom bya'i gtso bor byas nas bsgom par thal/ 'dod pa'i phyir/ 'dod na/ des shes sgrib spang bya'i gtso bor byas nas spong bar thal/ 'dod pa'i phyir/ 'dod mi nus te/ nyan thos yin pa'i phyir/ kha cig /nyan thos kyi lam shes pa'i lam shes dang/ rang rgyal gyi lam shes pa'i lam shes gnyis 'gal zer na/ byang sems mthong lam pa'i rgyud kyi gang zag gi bdag med mngon sum du rtogs pa'i ye shes chos can/ nyan thos kyi lam shes pa'i lam shes ma yin par thal/ rang rgyal gyi lam shes pa'i lam shes yin pa'i phyir/ der thal/ rang rgyal gyi rtogs rigs su gnas pa'i theg chen 'phags pa'i mkhyen pa yin pa'i/ der thal/ de rang rgyal gyi rtogs ? rigs su gnas pa'i phyir/ der thal/ rang rgyal slob pa @18a @#/ /rnams kyis gang zag gi bdag med bsgom bya'i gtso bor byas nas bsgom pa'i phyir/ der thal/ des nyon sgrib spang bya'i gtso bor byas nas spong ba'i phyir/ der thal/ rnam bshad las/ nyan rang rnams kyis nyon mongs spang bya'i gtso bor byas nas spong bas de dag gi lam la zag pa med pa zhes bshad pa zhes gsungs pa'i phyir/ 'dod mi nus te/ de nyan thos kyi rtogs rigs su gnas pa'i theg chen 'phags pa'i mkhyen pa yin pa'i phyir/ der thal/ de nyan thos kyi rtogs rigs su gnas pa'i phyir/ der thal/ nyan thos slob pa rnams kyis gang zag gi bdag med rtogs pa'i ye shes bsgom bya'i gtso bor byas nas bsgom pa'i phyir/ kha cig /sems bskyed bsngo ba shes rab gsum gyis dngos su zin pa'i sgo nas nyan thos kyi rtogs rigs su gnas pa'i theg chen 'phags pa'i mkhyen pa/ nyan thos kyi lam shes pa'i lam shes kyi mtshan nyid zer na/ bden 'dzin mngon gyur du rgyud la ldan pa'i byang sems mthong lam pa'i rgyud kyi thar pa don gnyer gyi blo chos can/ mtshan nyid der thal/ mtshon bya de'i phyir/ der thal/ chos can de yin pa'i phyir/ 'dod na/ stong nyid mngon sum du rtogs pa'i shes rab kyis dngos su zin par thal/ 'dod pa'i phyir/ 'dod mi nus te; chos can de yin pa'i phyir/ kha cig /sems bskyed bsngo ba shes rab gsum gyis zin pa'i sgo nas nyan thos kyi rtogs rigs su gnas pa'i theg chen gyi mngon par rtogs pa/ nyan thos kyi lam shes pa'i lam shes kyi mtshan nyid zer na/ de gsum gyi zin pa'i sgo nas nyan thos kyi rtogs rigs su gnas pa'i theg chen gyi sbyor lam chos can/ mtshon bya der thal/ mtshan nyid de'i phyir/ der thal/ chos can de yin pa'i phyir/ 'dod mi nus te/ theg chen so skye'i mkhyen pa yin pa'i phyir/ kha cig /de gsum gyis zin pa'i sgo nas nyan thos kyi rtogs rigs su gnas pa'i theg chen 'phags pa'i mkhyen pa/ skabs 'dir dngos su bstan pa'i nyan thos kyi lam shes pa'i lam shes kyi mtshan nyid zer na/ byang sems mthong lam pa'i rgyud kyi thar pa don gnyer gyi blo chos can/ mtshon bya der thal/ mtshan nyid de'i phyir/ 'dod na/ thabs shes gnyis su phye ba'i shes rab kyi char gtogs @18b yin par thal/ 'dod pa'i phyir/ 'dod mi nus te/ chos can de yin pa'i phyir/ kha cig /de gsum gyis zin pa'i sgo nas nyan thos kyi rtogs rigs su gnas pa'i thabs shes gnyis su phye ba'i shes rab kyi char gtogs pa'i mkhyen pa/ skabs 'dir dngos su bstan pa'i nyan thos kyi lam shes pa'i lam shes kyi mtshan nyid yin zer na/ byang sems mthong lam rjes thob pa'i rgyud kyi nyer len gyi phung po gang zag gi bdag tu snang yang bdag tu ma grub par sgyu ma lta bur rtogs pa'i shes rab chos can/ mtshon bya der thal/ mtshan nyid de'i phyir/ der thal/ chos can de yin pa'i phyir/ 'dod na/ theg chen gyi mthong laM mnyam gzhag ye shes yin par thal/ 'dod pa'i phyir/ 'dod mi nus te/ chos can de yin pa'i phyir/ kha cig /de gsum gyis zin pa'i sgo nas nyan thos kyi rtogs rigs su gnas pa'i thabs shes gnyis su phye ba'i shes rab kyi char gtogs pa'i mnyam gzhag gi sas bsdus pa'i theg chen 'phags pa'i mkhyen pa/ skabs 'dir dngos bstan bstan bya'i gtso bor gyur pa'i nyan thos kyi lam shes pa'i lam shes kyi mtshan nyid yin zer na/ nyan thos dgra bcom pa'i rtogs pa sngon du song ba'i byang sems mthong lam pa'i rgyud kyi gang zag gi bdag med mngon sum du rtogs pa'i shes rab chos can/ mtshon bya der thal/ mtshan nyid de'i phyir/ der thal/ chos can de yin pa'i phyir/ gzhan yang/ byang sems sgom lam pa'i rgyud kyi gang zag gi bdag med mngon sum du rtogs pa'i shes rab chos can/ mtshon bya der thal/ mtshan nyid de'i phyir/ der thal/ chos can de yin pa'i phyir; 'dod na/ theg chen gyi mthong lam yin par thal/ 'dod pa'i phyir/ kha cig /slob pa'i rgyud kyi rjes thob ye shes yin na/ rtog pa yin pas khyab zer ba dang/ kha cig /de yin na/ zag med kyi las yin pas khyab zer na/ dang po la/ byang sems mthong lam pa'i rgyud kyi myu gu bden stong sgyu ma lta bur mngon sum du rtogs pa'i rjes thob ye shes chos can/ der thal/ de'i phyir/ der thal/ chos can de yin pa'i phyir/ 'dod mi nus te/ mngon sum yin pa'i phyir/ der thal/ de yod pa'i phyir/ der thal/ theg chen sgo 'byed las/ sgrub pa sgom lam rjes thob kyi gnas skabs su 'byung ba yin yang myu @19a @#/ /gu bden stong sgyur ma lta bur mngon sum du rtogs pa'i blo rtog bral ma 'khrul pa'o/ /zhes gsungs pa'i phyir/ gnyis pa la yang de chos can/ der thal/ de'i phyir/ der thal/ chos can de yin pa'i phyir/ 'dod na/ rtog pa yin par thal/ zag med kyi las yin pa'i phyir/ 'dod mi nus te/ mngon sum yin pa'i phyir/ kha cig /byang sems mthong lam pas shes mthong gis bltas nas 'da' ba'i lam yin na/ des rang rgyud la bskyed nas bsgom pa'i lam yin pas khyab zer na/ dman pa sa brgyad po chos can/ der thal/ de'i phyir/ der thal/ byang sems sa bcu pa bas shes mthong gi bltas nas 'da' ba'i lam yin pa'i phyir te/ sa bcu pa'i ye shes kyi 'da' bya'i lam yin pa'i phyir/ der thal/ de'i 'da' bya'i sa de la dgu yod pa'i phyir/ der thal/ rtsa ba las/ sa dgu 'das nas ye shes ni/ zhes gsungs pa'i phyir/ 'dod mi nus te/ dman pa'i sa yin pa'i phyir/ kha cig /rtogs rigs gsum po 'gal lo zer na/ de mi 'gal bar thal/ de gsum yin pa yod pa'i phyir/ der thal/ byang sems mthong lam pa'i rgyud kyi rnam thar sgo gsum gyi ting nge 'dzin de/ rtogs rigs gsum ka yin pa'i phyir/ der thal/ nyan thos kyi rtogs rigs su yang gnas/ rang rgyal gyi rtogs rigs su yang gnas/ theg chen gyi rtogs rigs su yang gnas pa'i phyir/ ma khyab na/ 'khor gsum byed/ ma grub na dang po gnyis der thal/ nyan rang slob pa rnams kyis thun mong ba'i rnam thar sgo gsum bsgom bya'i gtso bor byas nas bsgom pa'i phyir/ der thal/ des mi rtag la sogs bcu drug bsgom bya'i gtso bor byas nas bsgom pa'i phyir/ phyi ma der thal/ byang chub sems dpa' rnams kyis thun mong ma yin pa'i rnam thar sgo gsum bsgom bya'i gtso bor byas nas bsgom pa gang zhig /sangs rgyas 'phags pa'i thugs rgyud kyi rnam thar sgo gsum po de byang chub sems dpa'i rgyud la yod pa dang rjes su mthun pa'i rnam mkhyen gyi rnam pa yin pa'i phyir/ dang po der thal/ 'dus byas kyi chos rnams kyi ngo bo rgyu 'bras bu rnams bden med du bsgom bya'i gtso bor byas nas bsgom pa'i phyir/ der thal/ des chos thams cad bden med du bsgom bya'i gtso bor byas nas bsgom pa'i phyir/ gzhan yang/ @19b de gsum mi 'gal bar thal/ theg dman gyi rtogs rigs su gnas pa dang/ theg chen gyi rtogs rigs su gnas pa gnyis mi 'gal ba'i phyir/ der thal/ theg chen gyi slob pa dang/ theg dman gyi slob pa gnyis kyi spang bya'i gtso bor yang mi 'gal/ de gnyis kyi thob bya'i gtso bo yang mi 'gal ba'i phyir/ dang po der thal/ shes sgrib de gnyis ka'i spang bya'i gtso bo yin pa'i phyir te/ de gnyis ka'i spang bya'i gtso bo yod pa gang zhig /de gnyis kas rdzogs byang thob pa la shes sgrib spang ba'i gtso bor byas nas nges par spong dgos pa'i phyir/ phyi ma der thal/ sems can yin pa'i phyi/ rtsa rtags phyi ma der thal/ rdzogs pa'i byang chub de gnyis ka'i thob bya'i gtso bo yin pa'i phyir te/ de gnyis ka'i thob bya'i gtso bo yod pa'i phyir te/ de gnyis kyi thob bya mthar thug yod pa'i phyir dang/ de gnyis kyi 'bras skyabs mthar thug yod pa'i phyir/ kha cig /thabs shes gnyis 'gal zer na/ byang sems mthong lam pa'i rgyud kyi sems bskyed kyi 'khor du gyur pa'i sems can thams cad kyi don du rdzogs byang thob nus pa dang/ rdzogs byang thob dgos par shes pa'i shes rab chos can/ thabs ma yin par thal/ shes rab yin pa'i phyir/ der thal/ chos can de yin pa'i phyir/ der thal/ de yod pa'i phyir/ der thal/ theg chen gyi rigs can dbang rnon rnams kyis dang por sems can thams cad kyi don du sangs rgyas thob dgos pa dang/ thob nus par shes par byas nas de rjes theg chen lam du 'jug par byed pa'i phyir te/ dbu ma rgyan las/ yang dag shes rtsol sngon gtang nas/ zhes gsungs pa'i phyir/ 'dod na/ thabs yin par thal/ byang sems mthong lam pa'i rgyud kyi sems bskyed dang mtshungs ldan rnam pa lang mtshungs yin pa'i phyir/ der thal/ de yod pa'i phyir te/ byang sems mthong lam pa'i rgyud kyi theg chen sems bskyed kyi 'khor du gyur pa'i yul nges lnga yod pa'i phyir/ ma grub na/ de 'dra'i theg chen sems bskyed chos can/ khyod kyi 'khor du gyur pa'i yul nges lnga yod par thal/ sems khyad par can yin pa'i phyir/ rang gi lugs la/ sems bskyed bsngo ba shes rab gsum gyis zin pa'i sgo nas nyan thos kyi rtogs rigs su gnas pa'i theg chen 'phags pa'i mkhyen pa/ nyan thos kyi lam shes pa'i lam shes kyi mtshan nyid/ sems bskyed bsngo ba @20a @#/ /shes rab gsum gyis zin pa'i sgo nas nyan thos kyi rtogs rigs su gnas pa'i thabs shes gnyis su phye ba'i shes rab kyi char gtogs pa'i mnyam gzhag gi sas bsdus pa'i byang sems mthong lam pa'i mkhyen pa/ skabs 'dir dngos su bstan pa'i nyan thos kyi lam shes pa'i lam shes kyi mtshan nyid /mtshan gzhi byang sems mthong lam pa'i rgyud kyi mi rtag la sogs bcu drug mngon sum du rtogs pa'i shes rab lta bu /byang sems 'phags pa rnams kyi nyan thos kyi lam shes bsgoms pa la dgos pa yod de /gdul bya nyan thos kyi rigs can rjes su bzung ba dang /rang rgyud kyi nyon mongs dpal gzhoms pa dang /'khor ba la yid 'byung ba skyed pa'i phyir du yin pa'i phyir/ rtsod pa spong ba la/ kha cig/ /nyan thos kyi lam rang bzhin med par mngon sum du rtogs pa'i theg chen 'phags pa'i mkhyen pa /nyan thos kyi lam shes pa'i lam shes rjes su bzung ba dang/ rang rgyud kyi nyon mongs dpal gzhoms pa dang/ 'khor ba la yid 'byung bskyed pa'i phyir du yin pa'i phyir/ rtsod pa spong ba la/ kha cig /nyan thos kyi lam rang bzhin med par mngon sum du rtogs pa'i theg chen 'phags pa'i mkhyen pa/ nyan thos kyi lam shes pa'i lam shes kyi mtshan nyid yin par thal/ rtsa ba las/ lam shes nyid kyi tshul la ni/ zhes gsungs pa'i phyir zer na skyon med de/ zin byed la dgongs pa yin pa'i phyir/ kha cig /byang sems mthong lam pa'i rgyud kyi gang zag gi bdag med mngon sum du rtogs pa'i ye shes chos can/ nyan thos kyi lam shes par thal/ nyan thos kyi lam shes pa'i lam shes yin pa'i phyir zer na ma khyab/ des nyan thos kyi lam rtogs par thal/ 'dod pa'i phyir/ 'dod na/ nyan thos kyi lam chos can/ khyod gang zag gi bdag med phra mo yin par thal/ khyod gang zag gi bdag med mngon sum du rtogs pa'i theg chen gyi mthong lam gyi gzhal bya yin pa'i phyir/ 'dod mi nus te/ 'dus byas yin pa'i phyir/ kha cig /mi rtag la sogs bcu drug mngon sum du rtogs pa'i theg chen mthong lam pa kho kho rang yin par thal/ kho yod pa'i phyir na ma khyab/ 'dod na/ de chos can/ nyer len gyi phung po mi rtag par mngon sum du rtogs pa'i gang zag ma yin par thal/ nyer len gyi phung po stong pa dang bdag med par mngon sum du rtogs pa'i theg chen mthong lam pa yin pa'i phyir/ der thal/ mi rtag la sogs bcu drug mngon sum du rtogs pa'i theg chen mthong lam pa yin pa'i phyir/ @20a @#/ /shes rab gsum gyis zin pa'i sgo nas nyan thos kyi rtogs pa'i thabs shes gnyis su phye ba'i shes rab kyi char gtogs pa'i mnyam gzhag gi sas bsdus pa'i byang sems mthong lam pa'i mkhyen pa /skabs 'dir dngos su bstan pa'i nyan thos kyi lam shes pa'i lam shes kyi mtshan nyid /mtshan gzhi byang sems mthong lam pa'i rgyud kyi mi rtag la sogs bcu drug mngon sum du rtogs pa'i shes rab lta bu /byang sems 'phags pa rnams kyis nyan thos kyi lam shes pa'i lam shes sgoms pa la dgos pa yod de /gdul bya nyan thos kyi rigs can rjes su bzung ba dang /rang rgyud kyi nyon mongs dpal gzhoms pa dang /'khor ba yid 'byung bskyed pa'i phyir du yin pa'i phyir/ rtsod pa spong pa la/ kha cig /nyan thos kyi lam rang bzhin med par mngon sum du rtogs pa'i theg chen 'phags pa'i mkhyen pa /nyan thos kyi lam shes pa'i lam shes kyi mtshan nyid yin par thal /rtsa ba las /lam shes nyid kyi tshul la ni/ zhes gsungs pa'i phyir zer na skyon med de /zin byed la dgongs pa yin pa'i phyir /kha cig /byang sems mthong lam pa'i rgyud kyi gang zag gi bdag med mngon sum du rtogs pa'i ye shes chos can /nyan thos kyi lam shes par thal /nyan thos kyi lam shes pa'i lam shes yin pa'i phyir zer na ma khyab /'dod na /des nyan thos kyi lam rtogs par thal /'dod pa'i phyir /'dod na /nyan thos kyi la mchos can /khyod gang zag gi bdag med phra mo yin par thal/ /khyod gang zag gi bdag med mngon sum du rtogs pa'i theg chen ? gyi mthong lam gyi gzhal bya yin pa'i phyir /'dod mi nus te 'dus byas yin pa'i phyir /kha cig /mi rtag la sogs bcu drug mngon sum du rtogs pa'i theg chen mthong lam pa kho kho rang yin par thal / kho yod pa'i phyir na ma khyab 'dod na /de chos can /nyer len gyi phung po mi rtag par mngon sum du rtogs pa'i gang zag ma yin par thal /nyer len gyi phung po stong ba dang bdag med par mngon sum du rtogs pa'i theg chen mthong lam pa yin pa'i phyir /der thal/ mi rtag la sogs bcu drug mngon sum du rtogs pa'i theg chen mthong lam pa yin pa'i phyir/ @20b rtags khas 'dod mi nus so/ /kha cig /sangs rgyas 'phags pa'i rgyud kyi mi rtag la sogs bcu drug chos can khyod yod par thal /khyod mngon sum dur rtogs pa'i ye shes yod pa'i phyir /chos can skyon can no/ /de ltar ma yin na /kha cig sangs rgyas 'phags pa'i rgyud kyi mi rtag la sogs bcu drug mngon sum du rtogs pa'i ye shes nyan thos kyi lam shes pa'i lam shes yin par thal/ byang sems mthong lam pa'i rgyud kyi mi rtag la sogs mngon sum du rtogs pa'i ye shes skabs 'dir dngos su bstan pa'i nyan thos kyi lam shes pa'i lam shes yin pa'i phyir/ 'dod na/ sangs rgyas 'phags pa'i thugs rgyud kyi mi rtag la sogs bcu drug chos can/ khyod yod par thal lo zer na/ lan sngar bzhin 'debs so/ /kho na re/ theg dman slob pas rdzogs byang thob bya'i gtso bor byas nas don du gnyer bar thal/ rdzogs pa'i byang chub de'i thob bya'i gtso bo yin pa'i phyir na ma khyab/ 'dod na/ des shes sgrib spang bya'i gtso bor byas nas spong bar thal/ 'dod pa'i phyir/ 'dod ni nus te/ theg dman pa yin pa'i phyir/ 'o na/ theg dman slob pas rdzogs thob bya mthar thug tu thob bya'i gtso bor byas nas don du gnyer bar thal/ rdzogs bya de'i thob bya mthar thug yin pa'i phyir/ khyab pa khas/ 'dod na/ des rdzogs byang thob bya'i gtso bor byas nas don du gnyer bar thal/ 'dod pa'i phyir/ kha cig /thar pa tsam yod par thal/ thar pa tsam thob bya'i gtso bor byas nas don du gnyer ba'i gang zag yod pa'i phyir na ma khyab/ 'dod mi nus te/ thams cad mkhyen pa yod pa'i phyir/ kha cig /byang sems mthong lam pa'i rgyud kyi thar pa don gnyer gyi blo de skabs 'dir dngos su bstan pa'i nyan thos kyi lam shes pa'i lam shes yin par thal/ de'i rgyud kyi 'gog pa/ zhi ba/ gya nom pa/ nges 'byung gi rnam pa bzhi mngon sum du rtogs pa'i ye shes/ skabs 'dir dngos su bstan pa'i nyan thos kyi lam shes pa'i lam shes yin pa'i phyir na ma khyab/ 'dod mi nus so/ /'phags pa nyan thos lam la ni/ /zhes sogs kyi skabs su /nyan thos kyi lam shes pa'i lam shes kyi rgyu nges 'byed cha mthun chos can /khyod la du ma yod de /khyod la der gyur ba'i theg chen sbyor lam drod sogs bzhi yod pa'i phyir /kha cig/ nyan thos kyi lam shes pa'i lam shes kyi rgyur @21a @#/ /gyur pa'i nges 'byed cha mthun/ nyan thos kyi lam shes pa'i lam shes kyi rgyu nges 'byed cha mthun gyi mtshan nyid zer na/ 'o na/ nyan thos kyi lam shes pa'i lam shes kyi rgyur gyur pa'i nyan thos kyi sbyor lam chos can/ mtshon bya der thal/ mtshan nyid de'i phyir/ der thal/ chos can de yin pa'i phyir/ der thal/ de yod pa'i phyir/ 'dod na/ theg chen gyi sbyor lam yin par thal/ 'dod pa'i phyir/ 'dod mi nus te/ chos can de yin pa'i phyir/ kha cig /nyan thos kyi lam shes pa'i lam shes kyi rgyur gyur pa'i theg chen gyi nges 'byed cha mthun/ de'i mtshan nyid zer na/ de'i rgyur gyur pa'i stong nyid rtogs pa'i theg chen gyi sbyor lam dod sogs bzhi chos can/ mtshon bya der thal/ mtshan nyid de'i phyir/ der thal/ de yod pa'i phyir/ 'dod na/ nyan thos kyi rtogs rigs su gnas par thal/ 'dod pa'i phyir/ 'dod mi nus te/ stong nyid rtogs pa'i slob pa'i ye shes yin pa'i phyir/ kha cig /'phags pa nyan thos lam la ni/ zhes sogs kyis/ stong nyid rtogs pa'i theg chan gyi sbyor lam drod sogs bzhi dngos bstan bstan bya'i gtso bor byas nas bstan zer na/ de mi 'thad par thal/ gzhung des mi rtag la sogs bcu drug don spyi'i tshul gyis rtogs pa'i theg chen gyi sbyor lam bstan bya'i gtso bor byas nas bstan pa'i phyir/ gzhung de/ lam shes nyid kyi tshul la ni/ zhes pa'i gzhung gis dngos bstan bstan bya'i gtso bor gyur pa'i nyan thos kyi lam shes pa'i lam shes kyi rgyu nges 'byed cha mthun bstan bya'i gtso bor byas nas ston pa'i gzhung yin pa'i phyir/ der thal/ de ltar ston pa'i mngon rtogs rgyan gyi gzhung tshig yod pa'i phyir/ kha cig /'phags pa nyan thos lam la ni/ zhes sogs kyi dngos bstan bstan bya'i gtso bo med zer na/ 'o na/ gzugs sogs de mi rtag soD dang/ zhes dang/ gzugs la sogs la rlom med pa/ /zhes dang/ gzugs rtag ma yin mi rtag min/ /zhes pa'i dngos bstan bstan bya'i gtso bo med par thal/ khyod kyi dam bca' 'thad pa'i phyir/ 'dod na/ mngon rtogs rgyan gyi skabs gsum pas gzhi shes mtshon byed kyi chos dgu dngos bstan bstan bya'i gtso bor byas nas ma bstan par thal/ gzugs sogs de mi rtag sogs dang/ zhes pa'i gzhung 'dis @21b sems dpa'i gzhi shes sbyor ba dngos bstan bstan bya'i gtso bor byas nas ma bstan/ gzugs la sogs la rlom med pa/ zhes pa'i gzhung gis gzhi shes sbyor ba zin byed kyi 'dzin stangs kyi mnyam nyid dngos bstan bstan bya'i gtso bor byas nas ma bstan/ gzugs rtag ma yin mi rtag min/ / zhes pas mi rtag la sogs bcu drug mngon sum du rtogs pa'i theg chen gyi mthong lam bstan bya'i gtso bor byas nas ma bstan pa'i phyir/ rtags khas/ 'dod mi nus te/ skabs dang pos rnam mkhyen mtshon byed kyi chos bcu dngos bstan bstan bya'i gtso bor byas nas bstan pa'i phyir/ rang lugs la; nyan thos kyi rtogs rigs su gnas pa'i theg chen gyi don mngon rtogs/ nyan thos kyi lam shes pa'i lam shes kyi rgyu nges 'byed cha mthun gyi mtshan nyid/ de la der gyur pa'i theg chen gyi sbyor lam drod sogs bzhi yod/ rtsod pa spong ba la/ kha cig /nyan thos kyi lam shes pa'i lam shes kyi rgyur gyur pa'i stong nyid rtogs pa'i theg chen gyi sbyor lam chos can/ mtshan nyid der thal/ mtshon bya de'i phyir/ der thal/ nyan thos kyi lam shes pa'i lam shes kyi rgyu gang zhig /nges 'byed cha mthun yin pa'i phyir zer na ma khyab/ 'o na/ de chos can/ skad cig ma'i sbyor ba yin par thal/ skad cig ma gang zhig /sbyor ba yin pa'i phyir/ phyi ma der thal/ sems dpa'i ye shes yin pa'i phyir/ gal te 'dod na/ sa bcu pa'i ye shes yin par thal/ 'dod pa'i phyir/ kha cig /nyan thos kyi lam shes pa'i lam shes kyi 'bras bur gyur pa'i nyan thos kyi rtogs rigs su gnas pa'i theg chen gyi sbyor lam chos can; mtshon bya der thal/ nyan thos kyi rtogs rigs su gnas pa'i theg chen gyi don mngon rtogs yin pa'i phyir/ der thal/ chos can de yin pa'i phyir/ 'dod na/ nyan thos kyi lam shes pa'i lam shes kyi rgyu yin par thal/ 'dod pa'i phyir na ma khyab/ 'dod mi nus te/ chos can de yin pa'i phyir/ kha cig /'phags pa nyan thos lam la ni/ zhes pas mi rtag la sogs bcu drug don spyi'i tshul gyis rtogs pa'i theg chen sbyor lam drod sogs bzhi dngos su ma bstan par thal/ des mi rtag la sogs bcu drug don spyi'i tshul gyis rtogs pa'i theg chen gyi sbyor lam drod sogs bzhi dngos su zin byed kyi stong nyid @22a @#/ /rtogs pa'i theg chen gyi sbyor lam drod sogs bzhi dngos su bstan nas/ des zin pa'i mi rtag sogs bcu drug don spyi'i tshul gyis rtogs pa'i theg chen gyi sbyor lam dod sogs bzhi shugs la bstan par rnam bshad las gsungs pa'i phyir zer na/ skyon med de/ de'i don ni/ de gnyis kyi nang nas phyi ma shugs la bstan pa'i don no// ! rang byung bdag nyid rtogs pa'i phyir/ zhes sogs la/ bse ru lta bu'i rang rgyal dgra bcom pa chos can/ khyod rtogs pa zab mo dang ldan te/ srid pa tha ma'i tshe slob dpon gzhan gyi gdams ngag la ma ltos par rang gi byang chub mngon du byas/ gzhan la sgra med lus kyi rnam 'gyur gyi sgo nas chos ston pa'i theg pa 'bring po'i gang zag yin pa'i phyir/ mtha' dpyad pa la gsum las/ dang po la/ kha cig /rang rgyal slob pa yin na/ rang rgyal rigs nges yin pas khyab zer na/ de mi 'thad par thal/ rang rgyal gyi byang chub mngon du ma byas par theg chen lam du 'jug pa'i rang rgyal slob pa zhig yod pa'i phyir/ der thal/ dkon mchog brtsegs pa las/ 'od srungs 'di lta ste/ dper na zla ba tshes pa la phyag 'tshal ba ltar nya ba la ni ma yin no/ /'od srungs de bzhin du gang dag nga la rab tu dad pa de dag gis byang chub sems dpa' rnams la phyag bya yi/ de bzhin gshegs pa rnams la ni de ltar ma yin no/ /de ci'i phyir zhe na/ byang chub sems dpa' las ni de bzhin gshegs pa rnams 'byung ngo/ /de bzhin gshegs pa rnams las ni nyan thos dang rang sangs rgyas thams cad 'byung ngo zhes gsungs pa'i phyir/ byang chub sems dpa' rnams la/ de bzhin gshegs pa las kyang bsngags pa che bar mdzad pa de 'khor gyi nyan rang theg chen lam du kha drangs pa'i ched du yin pa gang zhig /mchog gi sprul sku'i 'khor du gyur pa'i rang rgyal dgra bcom pa med pa'i phyir/ rang rgyal dgra bcom pa de 'gran zla med pa'i las bsags pa'i phyir dang/ de sangs rgyas dang de'i nyan thos med pa'i zhing stong par skye bar gyur cig ces smon lam btab pa gang zhig /des smon lam de 'grub pa yin pa'i phyir/ kha cig /rang rgyal slob pa yin na/ rang rgyal rigs nges yin dgos par thal/ 'jug pa las/ rang byang chub la bdag nyid nges rnams dang/ zhes dang/ bzhi brgya pa las @22b de nyid shes pas gal te 'dir/ /mya ngan 'das pa ma thob kyang/ /skye ba gzhan du 'bad med par/ /nges par thob 'gyur las bzhin no/ /zhes gsungs pa'i phyir zer na ma khyab/ kha cig /mchog gi sprul sku'i 'khor du gyur pa'i rang rgyal dgra bcom pa yod par thal/ khyab pa 'du byed kyi sdug bsngal nye bar zhi ba'i nyer zhi'i dbyings la rang gi bsam ngo la bltos nas slar mi ldang ba'i tshul gyis mnyam par gzhag pa'i rang rgyal dgra bcom pa de bzhin gshegs pa'i sku'i 'od zer gyis bskul nas gsung gi chos bstan pa yod pa'i phyir na ma khyab/ kha cig /bse ru lta bu'i rang rgyal srid pa tha ma pa yin na/ sangs rgyas yongs 'dzin du bsten/ mkhas par bya ba'i dngos po drug la mkhas/ smon lam chen po gsum 'debs pas khyab zer na/ 'o na/ de ltar smon lam btab zin pa'i rang rgyal srid pa tha ma pa chos can/ der thal/ de'i phyir/ der thal/ chos can de yin pa'i phyir/ der thal/ de yod pa'i phyir/ der thal; de ltar yongs 'dzin du sten par byed pa'i bse ru lta bu'i rang rgyal yod pa'i phyir/ ma khyab na 'gal lo/ /kha cig /bse ru lta bu'i rang rgyal srid pa tha ma pa yin na/ rang rgyal gyi sbyor lam rang rgyud la skyes zin pas khyab zer na/ skye ba gcig thogs kyi tshe sangs rgyas yongs 'dzin du bsten/ mkhas par bya ba'i dngos po drug la mkhas/ smon lam chen po gsum btab zin nas/ de'i skye ba rting ma la rang rgyal gyi sbyor lam rang rgyud la skye kha ma'i bse ru lta bu'i rang rgyal srid pa tha ma pa chos can/ der thal/ de'i phyir/ der thal/ chos can de yin pa'i phyir/ der thal/ de yod pa'i phyir/ der thal/ bse ru lta bu'i rang rgyal de skye ba gcig thogs kyi tshe sangs rgyas yongs 'dzin du bsten/ mkhas par bya ba'i dngos po drug la mkhas/ smon lam chen po gsum 'debs pa sogs byed pa'i phyir/ 'dod mi nus te/ chos can de yin pa'i phyir/ kha cig /bse ru lta bu'i rang rgyal yin na/ zla med gcig pur gnas pas khyab zer na/ de bzhin gshegs pa'i 'khor gyi tshogs nang du gnas pa'i bse ru lta bu'i rang rgyal chos can/ der thal/ de'i phyir/ der thal/ chos can de yin pa'i phyir/ der thal/ de yod pa'i phyir/ der thal/ bse ru lta bu'i rang rgyal des skye ba gcig thogs kyi tshe sangs rgyas yongs 'dzin du @23a @#/ /bsten/ mkhas par bya ba'i dngos po drug la mkhas pa sogs byed pa'i phyir/ 'dod mi nus te/ chos can de yin pa'i phyir/ kha cig /tshogs spyod che chung gang rung gi rang rgyal yin na/ nyan thos kyi rtogs pa sngon du song bas khyab zer na/ de mi 'thad par thal/ tshogs spyod che chung gi rang rgyal gnyis/ bse ru lta bu'i rang rgyal dang gsum po de dbang po rno 'bring rtul gsum gyi sgo nas 'jog pa gang zhig /dang po nyid nas rang rgyal du rigs nges pa'i rang rgyal de la yang dbang po rno 'bring rtul gsum gyi dbye ba 'thad pa'i phyir dang/ sa'i dngos gzhi las kyang de gsum gyi dbye ba rang rgyal spyi tsam gyi steng nas mdzad pa'i phyir/ ma khyab na/ 'khor gsum byed do/ /kha cig /tshogs spyod che chung gang rung gi rang rgyal yin na/ dang po nyid nas rang rgyal du rigs nges pas khyab zer na/ de mi 'thad par thal/ nyan thos kyi rtogs pa sngon du song ba'i rang rgyal tshogs spyod pa yod pa'i phyir/ der thal/ mdzod 'grel las/ de la tshogs kyi spyod pa rnams ni nyan thos kyi rigs su gyur pa sngon du 'gro ba'i rang rgyal lo/ /zhes gsungs pa'i phyir/ kha cig /rang rgyal la bsod nams dang ye shes kyi tshogs mtshan nyid pa med zer na/ de mi 'thad par thal/ rang rgyal la bsod nams dang ye shes kyi tshogs phal pa yod pa'i phyir/ der thal/ de nyid las/ bskal pa chen po brgyar byang chub kyi tshogs dag la spyad pas bse ru lta bur 'gyur ro/ /zhes gsungs pa'i phyir dang/ rang rgyal la byang chub phal pa yod pa'i phyir/ kha cig /bse ru lta bu'i rang rgyal chos can/ khyod nyan thos las byang chub mngon du byed tshul khyad par 'phaD te; srid pa tha ma'i tshe slob dpon gzhan gyi gdams ngag la ma ltos par rang gi byang chub mngon du byed pa'i phyir zer na/ gzugs med nyer 'gro'i phyir mi 'ong srid rtse mthar thug 'gro chos can/ der thal/ de'i phyir/ der thal/ gzugs med kyi rten la myang 'das mngon du byed pa'i phyir/ 'dod mi nus te/ chos can de yin pa'i phyir/ kha cig /bse ru lta bu'i rang rgyal tshogs lam pa chos can/ khyod nyan thos las byang chub mngon du byed tshul khyad par 'phags te/ slob dpon gzhan gyi gdams ngag la ma ltos par srid pa tha ma'i tshe rang gi byang chub mngon du byed pa'i phyir zer na/ des slob dpon gzhan gyi @23b gdams ngag la ma ltos par byang chub mngon du byed par thal/ dam bca' 'thad pa'i phyir/ 'dod mi nus te/ mchog gi sprul sku'i gdams ngag la brten nas byang chub mngon du byed pa'i phyir te/ des skye ba gcig thogs kyi tshe sangs rgyas yongs 'dzin du bsten pa sogs byed pa'i phyir/ kha cig /tshogs spyod chen po'i rang rgyal yin na/ rang rgyal gyi sbyor lam bzod 'bring man chad la gnas/ sangs rgyas yongs 'dzin du bsten/ mkhas par bya ba'i dngos po drug la mkhas pa sogs byed pas khyab/ de chung ngu'i rang rgyal yin na/ rang rgyal gyi mthong lam man chad la gnas/ sangs rgyas yongs 'dzin du bsten pa sogs byed pas khyab zer na/ de mi 'thad par thal/ rang rgyal gyi mthong lam la gnas pa'i tshogs spyod chen po'i rang rgyal yang yod/ rang rgyal gyi sgom lam la gnas pa'i tshogs spyod chung ngu'i rang rgyal yang yod pa'i phyir/ kha cig /rang rgyal dgra bcom pa chos can/ khyod gzhan la chos ston tshul gyi sgo nas nyan thos las khyad par 'phags te/ sprul bsgyur sna tshogs bstan pa'i sgo nas gzhan rgyud la rtogs pa khyad par can bskyed par byed pa'i phyir zer na/ sprul bsgyur sna tshogs bstan pa'i sgo nas gzhan rgyud la dad pa khyad par can bskyed pa'i nyan thos dgra bcom pa chos can/ khyod gzhan la chos ston tshul gyi sgo nas nyan thos las khyad par 'phags par thal/ sprul bsgyur sna tshogs bstan pa'i sgo nas gzhan rgyud la rtogs pa khyad par can bskyed par byed pa'i phyir/ der thal/ sprul bsgyur sna tshogs bstan pa'i sgo nas gzhan rgyud la dad pa khyad par can bskyed par byed pa'i phyir/ der thal/ de yod pa'i phyir/ der thal/ sprul bsgyur sna tshogs bstan pa'i nyan thos dgra bcom pa yod pa'i phyir/ 'dod mi nus te/ nyan thos yin pa'i phyir/ kha cig /rang rgyal dgra bcom pa yin na/ thugs kyi gnas pa rnam thar sgo gsum gyi ting nge 'dzin la gnas pas khyab zer na/ de yin na rnam thar sgo gsum gyi ting nge 'dzin la gnas pas khyab par thal/ dam bca' 'thad pa'i phyir/ 'dod mi nus so/ /kha cig /rang rgyal dgra bcom pas ngag gi sgo nas chos ston pa med zer na/ de yod par thal/ rang rgyal dgra bcom pas chos kyi don dang ldan pa'i sgo nas gtam brjod pa yod pa'i phyir dang/ sgron gsal las/ gtso bor lus kyi sgo nas chos ston/ zhes gsungs pa'i phyir/ kha cig /tshogs spyod che chung @24a @#/ /gang rung gi rang rgyal yin na/ grogs mang po'i tshogs nang du gnas pas khyab zer na/ nang du gcig pur yang dag 'jog la gnas pa'i tshogs spyod chen po la gnas pa'i rang rgyal dgra bcom pa chos can/ der thal/ de'i phyir/ der thal/ chos can de yin pa'i phyir/ der thal/ de yod pa'i phyir/ der thal/ nang du yang dag 'jog la gnas pa'i tshogs spyod chen po la gnas pa'i rang rgyal yod pa'i phyir/ 'dod mi nus te/ chos can de yin pa'i phyir/ rang lugs la/ rang don du sdug kun nye bar zhi ba'i nyer zhi gtso bor don du gnyer ba'i theg pa 'bring po'i gang zag / rang rgyal gyi mtshan nyid/ de la dbye na bse ru lta bu'i rang rgyal/ tshogs spyod chen po'i rang rgyal/ tshogs spyod chung ngu'i rang rgyal dang gsum yod/ de dag gi tshogs gsog tshul/ lam bgrod tshul/ byang chub mngon du byed tshul yod de/ bse ru lta bu'i rang rgyal des skye ba gcig thogs kyi tshe rang rgyal gyi tshogs lam man chad la gnas sangs rgyas yongs 'dzin du bsten/ mkhas par bya ba'i dngos po drug la mkhas/ smon lam chen po gsum btab/ de'i skye ba rting ma la rang rgyal gyi sbyor lam yan chad stan thog gcig la bgrod par byed pa'i phyir/ tshogs spyod chen po'i rang rgyal des tshogs gsog tshul sogs kyi khyad par yod de/ des skye ba gcig thogs kyi tshe rang rgyal gyi sbyor lam bzod 'bring man chad la gnas/ sangs rgyas yongs 'dzin du bsten/ mkhas par bya ba'i dngos po drug la mkhas/ smon lam chen po gsum btab/ de'i skye ba rting ma la rang rgyal gyi sbyor lam bzod chen yan chad stan thog gcig la bgrod par byed pa'i phyir/ tshogs spyod chung ngu'i rang rgyal des tshogs gsog tshul gyi khyad par yod de/ skye ba gcig thogs kyi tshe rang rgyal gyi mthong lam man chad la gnas/ sangs rgyas yongs 'dzin du bsten/ mkhas par bya ba'i dngos po drug la mkhas/ smon lam chen po gsum btab/ de'i skye ba rting ma la rang rgyal gyi sgom lam yan chad la stan thog gcig la bgrod par byed pa'i phyir/ de dag gis byang chub mngon du byed tshul yod de/ srid pa tha ma'i tshe slob dpon gzhan gyi gdams ngag la ma ltos par rang gi byang chub mngon du byed pa'i phyir/ de dag gi gnas pa dang rgyu ba'i khyad par yod do/ /thuD @24b kyi gnas pa phal cher rnam thar sgo gsum la gnas pa dang/ sku'i gnas pa bse ru lta bu'i rang rgyal ni phal cher zla med gcig pur gnas/ tshogs spyod che chung gi rang rgyal gnyis phal cher grogs mang po'i tshogs nang du gnas par byed pa'i phyir/ rgyu ba'i khyad par yod de/ grong dang grong khyer sogs su bsod snyoms la rgyu ba'i tshe/ gdul bya ma dad pa rnams dad pa dang/ dad pa rnams gong 'phel du 'gyur ba'i phyir du sprul bsgyur sna tshogs bstan pa'i sgo nas rgyu ba'i phyir/ chos ston tshul gyi khyad par yod de/ sprul bsgyur sna tshogs bstan pa'i sgo nas gzhan rgyud la rtogs pa khyad par can bskyed par byed pa'i phyir/ de dag la rang rgyal zhes 'chad pa'i rgyu mtshan yod de/ srid pa tha ma'i tshe slob dpon gzhan gyi gdams ngag la ma ltos par nyon mongs sa bon dang bcas pa las rgyal bar byed pa'i rgyu mtshan gyis de ltar bshad pa'i phyir/ bse ru lta bu'i sgra bshad ni sla'o/ /rtsod pa spong ba la/ kha cig /rang rgyal slob pa yin na/ rang rgyal rigs nges yin dgos par thal/ sngar drangs pa'i lung de dag gis phyir dang/ rang rgyal slob pas rang rgyal gyi byang chub mngon du ma byas par theg chen lam du 'jug pa yod pa tshad ldan gyi gzhung las dngos su gsungs pa med pa'i phyir zer na/ re zhig ma khyab/ 'o na/ myong nges kyi dge mi dge'i las yin na/ rang nyid kyi rnam smin myong ba po gcig yod dgos par thal/ nges par thob 'gyur las bzhin no/ /zhes gsungs pa gang zhig / de ltar gsungs pa na rang rgyal slob pa la rang rgyal rigs nges kyis khyab pa yod pa'i phyir/ rtags khas/ 'dod mi nus te/ sher phyin la spyod pa'i gnyen po kun tu spyod pa'i stobs kyis myong nges kyi las 'dag par 'grel chen nas gsungs pa'i phyir/ kha cig /bse ru lta bu'i rang rgyal slob pa des rang rgyal gyi byang chub kyi rgyu tshogs bskal pa brgya'i bar du tshogs gsog dgos pa mi 'thad par thal/ bse ru lta bu'i rang rgyal de rang rgyal rnams kyi nang nas dbang po shin tu rno ba yin pa'i phyir dang/ tshogs spyod che chung gi rang rgyal gnyis kyang rang rgyal gyi byang chub kyi rgyu tshogs bskal pa brgya'i bar du tshogs gsog pas de ltar na de dag la dbang po rno rtul gyi khyad par mi 'thad par 'gyur ba'i phyir/ dang po der thal/ rang rgyal slob pa rnams kyi nang nas rang @25a @#/ /rgyal slob pa dbang rnon de tshogs gsog pa shin tu myur ba yin pa'i phyir zer na ma khyab/ 'dod mi nus so/ /kha cig /tshogs spyod che chung gi rang rgyal slob pa gnyis kyis rang rgyal gyi byang chub kyi rgyu tshogs bskal pa brgya'i bar du tshogs gsog par mi 'thad par thal/ bse ru lta bu'i rang rgyal slob pa des rang rgyal gyi byang chub kyi rgyu tshogs bskal pa brgya'i bar du tshogs gsog dgos pa gang zhig / bse ru lta bu'i rang rgyal de rang rgyal rnams kyi nang nas ches dbang po shin tu rno ba yin pa'i phyir/ khyab ste/ theg chen sbyor lam pa des tshogs gnyis kyi goms pa yun ring du bsring nus pas nyan thos sbyor lam pa las dbang po rno ba dang/ nyan thos sbyor lam pas de ltar mi nus pas theg chen sbyor lam pa las dbang po rtul ba yin pa'i phyir/ zer na ma khyab/ kha cig /rang rgyal slob pa rnams kyis rang rgyal dgra bcom pa'i go 'phang thob pa dang rang byung gis bsnyen par rdzogs pa dus mnyam par thal/ me tog 'phreng rgyud las/ ji ltar gnas pa shes pa na/ /rang sangs rgyas ni rang byung gi'o/ ? /zhes gsungs pa'i phyir zer na skyon med de/ de'i don ni rang rgyal slob pa rnams kyis rang rgyal dgra bcom pa'i go 'phang thob pa dang/ rang byung gis bsnyen par rdzogs par gsungs pa'i don no/ /kha cig /sgra med lus kyi rnam 'gyur gyi sgo nas chos ston pa'i longs sku yod par thal/ sprul bsgyur sna tshogs bstan pa'i sgo nas gzhan rgyud la rtogs pa khyad par can skyed par byed pa'i longs sku yod pa gang zhig /khyod kyi rang rgyal gyi sgra med lus kyi rnam 'gyur gyi sgo nas chos ston tshul de 'thad pa'i phyir/ 'dod mi nus te/ longs sku yin na/ gsung gi brjod pa rgyun mi 'chad pas khyab pa'i phyir/ der thal/ rgyud bla ma las/ brjod don ston mdzad rgyun mi 'chad/ /ces gsungs pa'i phyir zer na re zhig ma khyab/ kha cig / sprul bsgyur sna tshogs bstan pa'i sgo nas gzhan rgyud la rtogs pa khyad par can bskyed par byed pa'i longs sku med zer na/ de yod par thal/ sprul bsgyur sna tshogs ston pa'i longs sku yod pa'i phyir/ ma khyab na/ longs sku la gdul bya'i don du mi 'gyur ba'i mdzad pa mnga' bar thal lo/ /ma grub na der thal/ rgyud bla ma las/ ji ltar tshon ni sna tshogs kyis/ /nor @25b bu de dngos mi snang ltar/ /de bzhin 'gro rkyen sna tshogs kyis/ /khyab bdag de dngos min par snang/ /zhes gsungs pa'i phyir// ! gzung don rtog pa spong phyir dang/ /'dzin pa mi spong phyir dang ni/ /zhes sogs la/ /rang rgyal gyi lam chos can/ khyod khyad chos gsum dang ldan te/ gzugs phyi rol don du 'dzin pa'i bden 'dzin rang lam gyi gnas skabs su spong ba dang/ nang shes pa bden par 'dzin pa'i bden 'dzin rang lam gyi gnas skabs su mi spong zhing/ gnas skabs rang rgyal gyi rigs la brten pa rnams yin pa'i phyir/ kha cig /rang rgyal gyi lam chos can/ gsal ba sngar ltar thal/ gzung ba bden zhen rang lam gyi gnas skabs su spong/ 'dzin pa la bden zhen rang lam gyi gnas skabs su mi spong/ gnas skabs rang rgyal gyi rigs la brten pa yin pa'i phyir zer na/ rang rgyal dgra bcom pas gzung ba la bden zhen spangs par thal/ rang rgyal slob pas gzung ba la bden zhen rang lam gyi gnas skabs su spong ba'i phyir/ rtags khas/ 'dod na/ des gzung ba bden par 'dzin pa'i bden 'dzin spangs par thal/ 'dod pa'i phyir/ 'dod na/ des bden 'dzin spangs par thal lo/ /kha cig / gzung don rtog pa spong phyir dang/ /zhes pa'i gzhung 'dis rang rgyal gyi lam shes pa'i lam shes gyi khyad chos gsum dngos su bstan pa yin zer na/ rang rgyal gyi lam shes pa'i lam shes kyis nang shes pa bden par 'dzin pa'i bden 'dzin rang lam gyi gnas skabs su mi spong bar thal/ khyod kyi dam bca' 'thad pa'i phyir/ 'dod mi nus te/ de rgyud ldan gyi byang sems 'phags pas nang shes pa bden par 'dzin pa'i bden 'dzin rang lam gyi gnas skabs su spong ba'i phyir/ der thal/ des de spang bya'i gtso bor byas nas spong ba'i phyir/ der thal/ des bden 'dzin spang bya'i gtso bor byas nas spong ba'i phyir/ gzhan yang/ rang rgyal gyi lam shes pa'i lam shes chos can/ khyod gnas skabs rang rgyal gyi rigs lam brten par thal/ khyod lam shes yin pa'i phyir/ 'dod na 'gal lo/ /kha cig /rang rgyal dang sems tsam pa gnyis lta ba mi mtshungs zer na/ de mi 'thad par thal/ gzugs phyi rol don gyis stong par rtogs pa'i lta ba de sems tsam pa dang rang rgyal gnyis ka'i lta ba yin pa'i phyir te/ de 'dra ba de grub mtha' smra ba bzhi'i nang nas sems tsam @026a @#/ /ba'i lta ba dang theg pa gsum gyi nang nas rang rgyal gyi lta bar gsungs pa'i phyir dang/ de lta ba mthar thug tu 'dzin cing ba sgom bya'i gtso bor byas nas bsgoms pa'i sems tsam pa dang rang rgyal gnyis ka yod pa'i phyir/ kha cig/ rang rgyal rnams kyis gzung ba la bden zhen rang lam gyi gnas skabs su spong/ 'dzin pa la bden zhen rang lam gyi gnas skabs su mi spong/ sems tsam pa rnams kyis gnyis stong gi shes pa bden grub tu 'dod pas de gnyis lta ba mi mtshungs zer na/ rang rgyal rnams kyis gzung ba la bden zhen rang lam gyi gnas skabs su spong/ 'dzin pa la bden zhen rang lam gyi gnas skabs su mi spong ba'i don de/ rang rgyal rnams kyis gzugs sogs phyi'i chos rnams kyi steng du bdan grub chad mas khegs nas/ nang shes pa'i steng du bden grub tshad mas ma khegs pa la byed dam/ gzugs sogs phyi'i chos rnams med par mngon sum du rtogs nas nang shes pa rnams med par mngon sum du ma rtogs pa la byed dam/ gzugs gzugs 'dzin chad ma dang rdzas gzhan yin pa khegs nas/ gzugs 'dzin tshad ma gzugs dang rdzas gzhan yin pa ma khegs pa la byed pa dag las gang yin/ dang po ltar na mi 'thad par thal/ gzugs lta bu'i chos can tshad mas grub pa gcig gi steng du bden grub tshad mas khegs na/ rigs pa de'i byed pa la brten nas chos gzhan gyi steng du yang bden par grub ma grub snyam du blo kha phyogs pa tsam gyis bden med tshad mas nges nus pa'i phyir te/ bzhi brgya pa las/ gcig gi lta po gang yin pa/ /zhes gsungs pa'i phyir/ gnyis pa ltar na/ gzugs sogs phyi'i chos rnams med par thal/ rang rgyal slob pa rnams kyis gzugs sogs phyi'i chos rnams med par mngon sum du rtogs pa'i phyir/ rtags khas/ 'dod na/ thug med du 'gyur ro/ /byang sems 'phags pa rnams kyi nang shes pa med par mngon sum du rtogs par thal/ rang rgyal rnams kyis gsugs sogs phyi'i chos rnams med par mngan sum du rtogs/ nang shes pa med par mngon sum du ma rtogs pa de nyan thos las khyad par 'phags chos dang/ byang sems las dman khyad yin pa'i phyir/ rtags khas/ 'dod na/ nang shes @026b pa'i chos rnams med par thal lo/ /gsum pa ltar na mi 'thad par thal/ gang zag su dbang po rtul yang gzugs gzugs 'dzin tshad ma dang rdzas gzhan yin pa khegs na/ rigs pa de'i byed pa la brten nas/ gzugs 'dzin tshad ma gzugs dang rdzas gzhan yin pa khegs nus pa'i phyir te/ rnam 'grel las/ de la gcig ni med pas kyang/ /gnyis ka'ang nyams par 'gyur ba yin/ /zhes pa dang/ de yang rtsod pa mtshungs phyir te/ /zhes gsungs pa'i phyir/ kha cig /gzugs gzugs 'dzin tshad ma dang rdzas gzhan yin pa khegs pa'i gang zag yin na/ gzugs 'dzin tshad ma gzugs dang rdzas gzhan yin pa khegs pa'i gang zag yin pas khyab zer na/ gzugs gzugs 'dzin tshad ma dang rdzas tha dad du 'dzin pa'i rtog pa dang/ gzugs 'dzin tshad ma gzugs dang rdzas tha dad du 'dzin pa'i rtog pa gnyis mngon 'gyur ba mgo gnon dka' sla'i khyad par med par thal/ de gnyis kyi zhe na yul gyis stong pa'i stong nyid gnyis po de la tshad mas nges dka' sla'i khyad par med pa'i phyir/ rtags grub/ 'dod mi nus te/ mdo sde rgyan las/ de tshe de yi gzung ba yi/ /rnam par g.yeng ba de spong 'gyur/ /'di ltar de yi mjug thog tu/ /'dzin pa'i rnam par g.yeng ba spong/ /zhes gsungs pa'i phyir/ kha cig /gzugs 'dzin rdzas gzhan gyis stong ba de rang rgyal mthong lam bar chad med lam gyi dngos gzhal yin zer na/ de chos can/ khyod chos kyi bdag med rags pa yin par thal/ khyod rang rgyal mthong lam par chad med lam gyi dngos gzhal yin pa'i phyir/ 'dod na/ gzugs 'dzin rdzas tha dad du 'dzin pa'i rtog pa de chos kyi bdag 'dzin rags pa yin par thal/ 'dod pa'i phyir/ 'dod mi nus te/ de nyon sgrib mngon 'gyur ba yin pa'i phyir/ der thal/ gzung ba rdzas grub tu 'dzin pa'i rtog pa de nyon sgrib mngon 'gyur ba yin pa'i phyir/ der thal/ gzung ba dngos por 'dzin pa'i rtog pa nyon sgrib mngon 'gyur ba yin pa'i phyir/ kha cig/ rang rgyal gyi lam shes pa'i lam shes yin na/ gzung don rtog pa spong phyir dang/ /zhes pa'i skabs nas dngos su bstan pa'i rang rgyal gyi lam shes pa'i lam shes yin pas khyab zer na/ gang zag gi bdag med mngon sum du rtogs pa'i theg chen gyi mthong lam chos can/ der @027a @#/ /thal/ de'i phyir/ der thal/ rang rgyal gyi rtogs rigs su gnas pa'i theg chen 'phags pa'i mkhyen pa yin pa'i phyir/ rtags sgrub zin/ 'dod mi nus te/ chos can de yin pa'i phyir/ gnyis pa rang lugs la/ rang rgyal gyi rtogs rigs su gnas pa'i theg chen 'phags pa'i mkhyen pa/ rang rgyal gyi lam shes pa'i lam shes kyi mtshan nyid/ rang rgyal gyi rtogs rigs su gnas pa'i thabs shes gnyis su phye ba'i shes rab kyi char gtogs pa'i mnyam gzhag gi sas bsdus pa'i chos kyi bdag 'dzin rags pa'i gnyen po'i rigs su gnas pa'i byang sems mthong lam pa'i mkhyen pa/ skabs 'dir dngos su bstan pa'i rang rgyal gyi lam shes pa'i lam shes kyi mtshan nyid/ byang sems 'phags pa rnams kyis rang rgyal gyi lam shes pa'i lam shes sgom tshul yod de/ sngon 'gro'i gnas skabs su sems bskyed dngos gzhi'i gnas skabs su stong nyid rtogs pa'i shes rab sgom rjes kyi gnas skabs su rdzogs byang du bsngo ba'i bsngo bas zin pa'i sgo nas nyams su len pa'i phyir/ de ltar nyams su blangs pa la dgos pa yod de/ gdul bya rang rgyal gyi rigs can rjes su 'dzin pa'i phyir dang/ rang rgyud kyi gzugs phyi rol don du 'dzin pa'i rtog pa dbal gzhoms pa'i ched du yin pa'i phyir/ rtsod pa spong ba la/ kha cig/ gzung don rtog pa spong phyir dang/ /zhes pas rang rgyal gyi lam shes pa'i lam shes dang/ rang rgyal gyi lam mtshan nyid pa gnyis ka dngos bstan bstan bya'i gtso bor byas nas bstan par thal/ rang rgyal gyi lam mtshan nyid pa'i khyad chos gsum po dngos su bstan pa'i phyir zer na/ ma khyab/ 'dod mi nus so/ /kha cig/ rang rgyal slob pa rnams kyis gzugs phyi rol gyi gzung bar bden par zhen pa'i bden zhen spang bya'i gtso bor byas nas spong bar thal/ des gzugs phyi rol don gyi gzung bar bden par 'dzin pa'i bden 'dzin spang bya'i gtso bor byas nas spong ba'i phyir zer na ma khyab/ ma grub na der thal/ des gzugs phyi rol don 'dzin gyi rtog pa spang bya'i gtso bor byas nas spong ba'i phyir/ 'dod na/ des gzugs bden par 'dzin pa'i bden 'dzin spang bya'i gtso bor byas nas spong bar thal/ 'dod pa gang zhig/ gzugs phyi rol gyi gzung @027b pa yin pa'i phyir/ dang po khas/ phyi ma der thal/ gzugs phyi'i chos yin pa'i phyir/ ma khyab na 'gal lo/ /ma grub der thal/ gzugs bden pas stong pa phyi stong pa nyid yin pa'i phyir/ 'dod na/ des bden 'dzin spang bya'i gtso bor byas nas spong bar thal lo/ /kha cig/ rang rgyal dang theg chen dbu ma pa gnyis lta ba mthun par thal/ gzugs sogs bden med du lta ba'i lta ba de de gnyis ka'i lta ba yin pa'i phyir/ khyab pa khas/ ma grub na der thal/ de lta ba mthar thug tu 'dzin pa'i rang rgyal slob pa 'phags pa dang theg chen dbu ma pa gnyis ka yod/ de bsgom bya'i gtso bor byas nas sgom pa'i rang rgyal slob pa 'phags pa dang theg chen dbu ma pa gnyis ka yod pa'i phyir/ de bsgom bya'i gtso bor byed pa'i rang rgyal slob pa 'phags pa yod par thal/ stong nyid rtogs myong gi rang rgyal mthong lam pa des stong nyid bsgom bya'i gtso bor byas nas sgom pa'i phyir/ der thal/ des stong nyid dang gzugs phyi rol don gyi stong pa'i stong nyid gnyis kyi khyad par rtogs pa'i phyir zer na ma khyab/ 'dod mi nus so/ /kha cig/ gzugs gzugs 'dzin tshad ma dang rdzas gzhan gyis stong par mngon sum du rtogs pa'i byang sems mthong lam pa'i rgyud la stong nyid rtogs pa'i shes rab yod par thal/ de'i rgyud kyi rang rgyal gyi lam shes pa'i lam shes de dngos gzhi'i gnas skabs su stong nyid rtogs pa'i shes rab kyis zin pa'i phyir zer na ma khyab/ 'dod mi nus te/ de'i rgyud la stong nyid rtogs pa'i mkhyen pa med pa'i phyir/ kha cig/ theg chen sbyor lam de theg chen mthong lam bar chad med lam gyi zin par thal/ byang sems mthong lam pa'i rgyud kyi gzugs dang gzugs 'dzin pa'i tshad ma rdzas gzhan gyi stong par rtogs pa'i ye shes de rjes thob kyi tshe bsngo bas zin pa'i phyir zer na ma khyab/ 'dod na/ rgyun mtha'i bar chad med lam rnam mkhyen skad cig dang pos zin par thal lo/ /kha cig/ rang rgyal gyi lam chos can/ khyod kyis rang rgyal gyi rtogs rigs rtogs par thal/ khyod rang rgyal gyi rigs la brten pa'i phyir/ khyab ste/ skabs 'dir rten brten pa'i don rtogs bya rtogs byed la byed pa'i phyir te/ brten pa'i chos kyi bye brag gi/ zhes pa'i skabs su/ rten brten pa'i don rtogs bya rtogs byed la byed pa'i phyir zer na @028a @#/ /ma khyab/ 'dod mi nus so/ /btags pa'i chos nyid mi 'gal bar/ /zhes sogs la/ rang rgyal gyi lam shes pa'i lam shes kyi rgyu nges 'byed cha mthun chos can/ khyod la du ma yod de/ khyod la der gyur ba'i theg chen gyi sbyor lam drod sogs bzhi yod pa'i phyir/ mtha' dpyad pa la gsum las/ dang po la/ kha cig/ /gzugs sogs kyi chos rnams ming brdas bzhag tsam du rtogs pa'i theg chen gyi nges 'byed cha mthun/ rang rgyal gyi lam shes pa'i lam shes kyi rgyu nges 'byed cha mthun gyi mtshan nyid zer na/ de mi 'thad par thal/ de med pa'i phyir/ der thal/ gzugs sogs kyi chos rnams ming brdas bzhag tsam du med pa'i phyir/ ma grub na/ gzugs sogs kyi chos rnams chos can/ khyod ming brdas bzhag tsam ma yin par thal/ khyod tha snyad btags pa'i btags don btsal ba'i tshe na rnyed pa'i chos yin pa'i phyir/ der thal/ gzhi grub pa'i phyir/ kha cig/ gzugs sogs kyi chos rnams blo gnod med la snang ba'i dbang gis bzhag tsam du rtogs pa'i theg chen gyi nges 'byed cha mthun/ rang rgyal gyi lam shes pa'i lam shes kyi rgyu nges 'byed cha mthun gyi mtshan nyid zer na/ de mi 'thad par thal/ de rang rgyal kyi rtogs rigs su mi gnas pa'i phyir/ der thal/ gzuD sogs kyi chos rnams blo gnod med la snang ba'i dbang gis bzhag tsam ma yin par yul rang gi sdod lugs kyi ngos nas ma grub par rtogs pa'i theg chen gyi sbyor lam de rang rgyal gyi rtogs rigs su mi gnas pa'i phyir/ cha cig/ btags pa'i chos nyid mi 'gal bar/ zhes pa'i dngos bstan bstan bya'i gtso bo med zer na/ de mi 'thad par thal/ des gzugs phyi rol don gyis stong pa'i stong nyid don spyi'i tshul gyis rtogs pa'i theg chen gyi sbyor lam dngos bstan bstan bya'i gtso bor byas nas bstan pa'i phyir te/ des rang rgyal gyi lam shes pa'i lam shes kyi rgyu nges 'byed cha mthun dngos bstan bstan bya'i gtso bor byas nas bstan pa'i phyir/ de ltar ston byed kyi mngon rtogs rgyan gyi gzhung tshig yod pa'i phyir/ rang lugs la/ rang rgyal gyi rtogs rigs su gnas pa'i theg chen gyi don mngon rtogs/ rang rgyal gyi lam shes pa'i lam shes kyi rgyu nges 'byed cha mthun gyi mtshan nyid/ de la @028b kha cig/ rang rgyal gyi lam shes pa'i lam shes kyi 'bras bur gyur pa'i rang rgyal gyi rtogs rigs su gnas pa'i theg chen gyi sbyor lam chos can/ mtshon bya der thal/ mtshan nyid de'i phyir/ 'dod na/ de'i rgyu yin par thal/ 'dod pa'i phyir zer na ma khyab/ kha cig/ rang rgyal gyi lam shes pa'i lam shes kyi rgyur gyur pa'i stong nyid rtogs pa'i theg chen gyi sbyor lam chos can/ mtshan nyid der thal/ mtshon bya de'i phyir/ der thal/ de'i rgyu gang zhig/ nges 'byed cha mthun yin pa'i phyir zer na ma khyab/ 'dod na/ rang rgyal gyi rtogs rigs su gnas par thal lo/ /kha cig/ btags pa'i chos nyid mi 'gal bar/ zhes sogs kyi gzugs phyi rol don gyis stong par rtogs pa'i theg chen gyi sbyor lam drod sogs bzhi dngos su ma bstan par thal/ des zin byed kyi stong nyid rtogs pa'i theg chen gyi sbyor lam drod sogs bzhi dngos su bstan nas/ des zin bya'i gzugs phyi rol don gyis stong pa'i stong nyid don spyi'i tshul gyis rtogs pa'i theg chen gyi sbyor lam drod sogs bzhi shugs la bstan pa rnam bshad las gsungs pa'i phyir zer na skyon med de/ de gnyis kyi nang nas phyi ma shugs la bstan pa'i don no/ /?bden dang bden la bzod pa dang/ /zhes sogs la/ dmigs pa bden bzhi mi rtag la sogs bcu drug la dmigs nas rnam pa bden stong spros bral du mngon sum du rtogs pa'i theg chen gyi bden pa mngon rtogs chos can/ skabs 'dir dngos su bstan pa'i theg chen mthong lam gyi mtshan nyid yin te/ de'i 'jog byed yin pa'i phyir/ mtha' dpyad pa la/ ngan song gsum dang tshe de la mtshams med dang chos spong gi las stobs chen bsags lam sbyangs pa rnams kyi rgyud la theg chen gyi mthong lam skye ba med zer na/ de mi 'thad par thal/ de rnams gang rung yin na theg chen mthong lam skye bas khyab pa'i phyir/ kha cig/ de rnams kyi rten la theg chen gyi mthong lam gsar du skye ba yod zer na/ de mi 'thad par thal/ ngan song gsum dang tshe de la mtshams med kyi las dang chos spong gi las stobs chen bsags la ma sbyangs pa ni las kyi sgrib pa shas chen pos bsgribs/ za ma dang ma ning la mthong lam skye ba la gegs byed kyi nyon mongs kyi sgrib pa shas chen pos bsgribs/ byang sgra mi snyan pa rnams rnam smin gyi sgrib pa shas @029a @#/ /chen pos bsgribs pas mthong lam skye ba'i rten du mi khom pa yin pa'i phyir/ kha cig/ rnam smin gyi sgrib pa yin na/ sgrib pa yin pas khyab zer na/ sgra mi snyan pa'i rgyud kyi dge ba zag bcas kyi rnam smin gyi 'bras bur gyur pa'i longs spyod chos can/ der thal/ de'i phyir/ der thal/ chos can de yin pa'i phyir/ kha cig/ khams gong gi rten la mthong lam gsar du skye ba yod zer na/ de mi 'thad par thal/ khams gong gi rten can gyi so so skye bo rnams 'khor ba la skyo ba shas chung bas thar pa don gnyer gyi blo shugs drag mi skye ba'i phyir/ der thal/ mdzod las/ gong na mthong lam med/ /mi skyo/ zhes gzungs pa'i phyir/ kha cig/ khams gong na theg dman gyi mthong lam gsar du skye ba med kyang/ theg chen gyi mthong lam gsar du skye ba yod zer na/ de mi 'thad par thal/ mthong lam gnyis kyi nang nas theg chen gyi mthong lam skye ba la 'khor ba la skyo shas che ba dgos pa gang zhig/ khams gong ma'i so so skye bo rnams 'khor ba la skyo shas chung ba yin pa'i phyir/ gzhan yang khams gong gi rten la theg chen sbyor lam chos mchog chen po gsar du skye ba yod par thal/ de'i rten la theg chen gyi mthong lam gsar du skye ba yod pa'i phyir/ 'dod na/ bkag zin/ theg chen mthong lam bar chad med lam gyi sems rten yin na/ de dang ngo bo gcig pas khyab zer na/ theg chen gyi sbyor lam chos mchog skad cig tha ma'i ye shes chos can/ der thal/ de'i phyir/ der thal/ de sems rten de la bsten nas skye ba'i phyir/ der thal/ de'i sems rten las skye ba'i chos can yin na/ de yin mi dgos pa'i phyir/ der thal/ gzugs med kyi dngos gzhi'i sems rten las skyes na de yin mi dgos pa'i phyir/ ma grub na/ byang chub sems dpa'i rgyud kyi gzugs can gzugs la lta ba'i rnam thar chos can/ der thal/ de'i phyir/ rtags 'og tu sgrub bo/ /rtsa bar 'dod na/ de chos can/ gzugs yul du mi byed par thal/ slob pa'i rgyud kyi gzugs med kyi dngos gzhi yin pa'i phyir/ 'dod mi nus te/ chos can de yin pa'i phyir/ kha cig/ theg chen mthong lam par chad med lam bsam gtan bzhi pa'i dngos gzhi'i sems rten las skyes pa yin zer na/ de de las skyes par thal/ dam bca' 'thad pa'i phyir/ 'dod na/ de de dang ngo bo tha dad yin par thal/ @029b 'dod pa'i phyir/ 'dod mi nus te/ de de'i bye brag yin pa'i phyir/ der thal/ de de'i ngo bor skyes pa'i phyir/ kha cig/ de bsam gtan bzhi pa'i dngos gzhi las skye zer ba yang des khegs so/ kha cig/ theg chen mthong lam bsam gtan gyi dngos gzhi'i sems rten las skyes zer na/ 'o na/ byang sems mthong lam pa'i rgyud kyi gzugs med kyi dngos gzhi de rang gi sems rten gzugs med kyi dngos gzhi las skyes na/ theg chen mthong lam de las skyes dgos par thal/ de'i rgyud kyi bsam gtan gyi dngos gzhi de rang gi sems rten bsam gtan gyi dngos gzhi las skyes na/ theg chen mthong lam bar ched med lam de las skye dgos pa'i phyir te/ de de las skyes pa'i phyir/ 'dod na/ theg chen gyi mthong lam gzugs med kyi dngos gzhi las skyes par thal lo/ /'dod mi nus te/ de bsam gtan gyi dngos gzhi las skyes pa'i phyir/ kha cig/ theg chen mthong lam bar chad med lam 'dod sems kyi sems rten las skyes pa yod cing/ rten brten pa'i don nge bo gcig pa la byed zer na/ 'dod sems dang theg chen mthong lam bar chad med lam gyi gzhi mthun yod par thal/ dam bca' 'thad pa'i phyir/ 'dod na/ de chos can/ mnyam gzhag gi sas bsdus yin par thal/ zhi lha gzung 'brel gyi rnal 'byor yin pa'i phyir/ 'dod mi nus te/ mnyam par ma gzhag pa'i sas bsdus yin pa'i phyir te/ slob pa'i rgyud kyi 'dod sems yin pa'i phyir/ kha cig/ dmigs pa bden bzhi mi rtag la sogs bcu drug la dmigs nas rnam pa bden stong spros bral du mngon sum du rtogs pa'i theg chen gyi bden pa mngon rtogs/ theg chen gyi mthong lam gyi mtshan nyid zer na/ byang sems mthong lam pa'i rgyud kyi theg chen sems bskyed chos can/ mtshan nyid der thal/ mtshon bya de'i phyir/ 'dod na/ mngon sum yin par thal lo/ /kha cig/ de 'dra'i bden pa mngon rtogs/ skabs 'dir dngos su bstan pa'i theg chen gyi mthong lam gyi mtshan nyin zer na/ dmigs pa bden bzhi ma rtag la sogs bcu drug la dmigs nas rnam pa bden stong spros bral du mngon sum du rtogs pa'i ye shes su gyur pa'i nyan thos kyi mthong lam gyi ma nges so/ /kha cig/ dmigs pa bden bzhi mi rtag la sogs bcu drug la dmigs nas rnam pa bden stong @030a @#/ /spros bral du mngon sum du rtogs pa'i theg chen gyi bden pa mthon rtogs/ skabs 'dir dngos bstan bstan bya'i gtso bor gyur pa'i theg chen gyi mthong lam gyi mtshan nyid zer na/ nyan thos dgra bcom pa'i rtogs pa sngon su song ba'i theg chen gyi mthong lam bar chad med la gyis ma nges so/ /rtags gsal chos can gyis sgrub bo/ /kha cig/ 'jig rten pa'i chos kyi mchog gi mjug thog su byung ba'i mi dmigs pa'i ting nge 'dzin mtshungs ldan dang bcas pa de/ theg chen mthong lam gyi mtshan nyid zer na/ theg chen gyi mthong lam chos can/ mtshan nyid der thal/ mtshon bya de'i phyir/ 'dod na/ mi dmigs pa'i ting nge 'dzin rgyud ldan yin na/ theg chen gyi mthong lam rgyud ldan yin dgos par thal/ theg chen gyi mthong lam de dang mtshungs ldan rnam pa lnga mtshungs yin pa'i phyir/ kha cig/ 'jig rten pa'i chos kyi mchog gi mjug thog su byung ba'i rang gi grogs mi dmigs pa'i ting nge 'dzin shes rab mtshungs ldan dang bcas pa skabs 'dir dngos bstan gyi mthong lam gyi mtshan nyid zer na/ 'jig rten pa'i chos kyi mchog gi rgyur gyur pa'i theg chen gyi mthong lam bar chad med lam chos can/ mtshan nyid der thal/ mtshon bya de'i phyir/ 'dod na/ de'i mjug thogs su myung ba ma yin par thal/ de'i rgyu yin pa'i phyir/ kha cig/ tshe 'di phyi'i phan yon can gyi bden pa mngon rtogs skabs 'dir dngos bstan gyi mthong lam gyi mtshan nyid zer na/ theg chen mthong lam pa'i rgyud kyi theg chen sems bskyed chos can/ mtshon bya der thal/ mtshan nyid de'i phyir/ der thal/ theg chen gyi mthong lam yin pa'i phyir/ 'dod mi nus te/ stong nyid rtogs pa'i ye shes ma yin pa'i phyir te/ slob pa'i rgyud kyi sems bskyed yin pa'i phyir/ kha cig/ tshe 'di phyi'i phan yon can gyi stong nyid rtogs pa'i theg chen gyi bden pa mngon rtogs/ skabs 'dir dngos bstan kyi mthong lam gyi mtshan nyid zer na/ stong nyid don spyi'i chul gyis rtogs pa'i theg chen gyi mthong lam chos can/ mtshon bya der thal/ mtshan nyid de'i phyir/ der thal/ chos can de yin pa'i phyir/ 'dod na/ stong nyid mngon sum du rtogs pa'i mkhyen pa yin par thal/ 'dod pa'i phyir/ 'dod mi nus te/ chos can de yin pa'i @030b phyir/ kha cig/ theg chen gyi mthong lam shes bzod skad cig bcu drug po de cig car rim can gang rung du ma skyes zer na/ de gang rung du ma grub par thal/ dam bca' 'thad pa'i phyir/ 'dod na/ de gang rung du don byed nus pa ma yin par thal/ 'dod pa'i phyir/ 'dod na/ don byed nus stong yin par thal/ 'dod pa'i phyir/ 'dod mi nus te/ don byed nus pa yin pa'i phyir/ kha cig/ cig car rim can gang rung du don byed nus stong yin na/ don byed nus stong yin pas khyab zer na/ me du gnyis chos can/ der thal/ de'i phyir/ ma grub na/ cig car gyi don byed nus par thal/ ma grub pa de'i phyir/ 'dod mi nus so; ;kha cig/ theg chen gyi mthong lam shes bzod skad cig ma bcu drug cig car cu skye zer na/ 'o na/ theg chen gyi mthong lam bzod pa brgyad dang/ shes pa brgyad cig car du skye bar thal/ dam bca' 'thad pa'i phyir/ 'dod na/ theg chen gyi mthong lam bar chad med lam dang/ rnam grol lam gnyis cig car du skye bar thal lo/ /kha cig/ theg chen gyi mthong lam bar chad med lam gyis yul bden bzhi'i chos nyid mngon sum du rtogs pa'i cha nas chos bzod dang/ de nyams myong gi rang rig mngon sum rjes bzod du 'jog go zer na/ de nyams myong gi rang rig chos can/ rnal 'byor mngon sum yin par thal/ theg chen gyi mthong lam rjes bzod yin pa'i phyir/ 'dod mi nus te/ rang rig yin pa'i phyir/ gzhan yang/ de chos can/ stong nyid mngon sum du rtogs pa'i ye shes yin par thal/ theg chen gyi mthong lam rjes bzod yin pa'i phyir/ khyab ste/ 'grel chen las/ bzod pa dang shes pa rnam pa thams cad la rnal 'byor pa mtshan ma med pas/ mtshan ma'i rnam par gnas par rig par bya'/ /zhes gsungs pa'i phyir/ 'dod mi nus te/ chos can de yin pa'i phyir/ kha cig/ theg chen mthong lam bar chad med lam de yul bden bzhi'i chos nyid rtogs pas chos bzod dang/ yul can rang nyid rtogs pas rjes bzod du 'jog zer na/ de chos can/ rang gi gzhal bya bden gnyis dus cig car du mngon sum du rtogs par thal/ yul bden bzhi'i chos nyid mngon sum du rtogs pa gang zhig/ yul can rjes bzod yin pa'i phyir/ rtags khas/ 'dod na/ rnam mkhyen du thal lo/ @031a @#/ /gzhan yang/ rnal 'byor mngon sum yin na/ rang gi gzhal byar gyur pa'i don dam bden pa mngon sum du rtogs pas khyab par thal/ de yin na rang gi gzhal byar gyur pa'i kun rdzob bden pa mngon sum du rtogs pas khyab pa'i phyir te/ theg chen gyi mthong lam bar chad med lam yin na yang de yin pas khyab/ theg dman gyi bar chad med lam la yang de yin pas khyab pa'i phyir/ 'dod na/ nyan thos kyi mthong lam bar chad med lam chos can/ der thal/ de'i phyir/ der thal/ bar chad med lam yin pa'i phyir/ 'dod mi nus te/ gang zag gi bdag med mngon sum du rtogs pa'i slob lam yin pa'i phyir te/ chos can de'i phyir/ gzhan yang/ mngon sum tshad ma yin na/ rang nyid kyis rang nyid mngon sum du rtogs pas khyab par thal/ theg chen gyi mthong lam bar chad med lam rang nyid kyis rang nyid mngon sum du rtogs pa'i phyir/ 'dod na/ tshur mthong gi rgyud kyi sngon 'dzin dbang po'i mngon sum chos can/ der thal/ de'i phyir/ 'dod na/ de chos can/ sngon po yin par thal/ so skye'i rgyud kyi sngon 'dzin dbang mngon gyi dngos gzhal yin pa'i phyir/ khyab ste/ rnam 'grel las/ dbang po'i sems ni nges phyir ro/ /zhes gsungs pa'i phyir/ kha cig /theg chen mthong lam bar chad med lam gyis theg chen mthong lam bar chad med lam mi 'grub zer na/ de 'grub par thal/ de tshad ma gzhan la ltos mi dgos par rang nyid nges pa'i nges shes 'dren nus pa'i phyir/ der thal/ chos can de yin pa'i phyir/ kha cig /des de grub zer na/ des de rtogs par thal/ des de grub pa'i phyir/ 'dod mi nus te/ des de mngon sum du yang ma rtogs/ shugs la yang ma rtogs pa'i phyir/ dang po ma grub na/ de'i gzhal byar gyur pa'i don dam bden pa chos can/ ma yin dgag yin par thal/ dgag pa gang zhig /rang nyid brjod pa'i sgras rang gi dgag bya bden grub bkag shul du theg chen mthong lam bar chad med lam 'phangs pa'i phyir/ yang gnyis pa ma grub na/ bden stong sgyu ma lta bu bden med du mngon sum du rtogs pa'i theg chen mthong lam bar chad med lam gyis bden stong sgyu ma lta bu rtogs par thal/ theg chen mthong lam bar chad med lam bden med du mngon @031b sum du rtogs pa'i theg chen mthong lam bar chad med lam gyis theg chen mthong lam bar chad med lam rtogs pa'i phyir/ 'dod na/ de chos can/ sgyu ma lta bu ma rtogs par thal/ theg chen gyi bar chad med lam yin pa'i phyir/ gzhan yang/ bden 'dzin bden med du mngon sum du rtogs pa'i theg chen mthong lam bar chad med lam gyi gzigs ngor bden 'dzin yod par thal/ theg chen mthong lam bden med du mngon sum du rtogs pa'i theg chen mthong lam bar chad med lam gyi gzigs ngor theg chen mthong lam bar chad med lam yod pa'i phyir/ 'dod na/ de'i gzigs ngor bden snang gi spros pa ma chod par thal/ de'i ngor bden 'dzin yod pa'i phyir/ 'dod na/ de chod par thal/ de'i gzigs ngor dri ma mtha' dag dang bral ba ltar snang yang der snang dang des stong gi tshogs pa rdzun pa slu ba'i chos can yin pa'i phyir/ der thal/ rgyud bla ma las/ spang phyir slu ba'i chos can phyir/ /zhes sogs gsungs pa'i phyir; kha cig /theg chen mthong lam bar chad med lam gyis theg chen mthong lam bar chad med lam mngon sum du ma rtogs kyang rtogs zer na/ des de mngon sum dang don spyi'i tshul gang rung du rtogs par thal/ des de rtogs pa'i phyir/ 'dod na/ don spyi'i tshul gyis rtogs par thal/ gang rung du rtogs/ mngon sum du ma rtogs pa'i phyir/ 'dod na/ de rtog pa yin par thal lo/ /kha cig /'da' bya 'da' byed kyi theg chen gyi mthong lam gnyis kyi nang nas dang por gang zag gi bdag med rtogs pa'i 'da' bya'i mthong lam skye/ de rjes stong nyid rtogs pa'i 'da' byed kyi mthong lam skye zer na/ dman lam sngon ma song gi byang sems sbyor lam pa'i rgyud la de ltar skye bar thal/ dam bca' 'thad pa'i phyir/ 'dod mi nus te/ dman lam sngon ma song gi theg chen mthong lam bar chad med lam ma skyes bar gang zag gi bdag med rtogs pa'i theg chen gyi mthong lam rgyud la skyes pa'i de 'dra'i gang zag med pa'i phyir/ kha cig /de gnyis cig car du dman lam sngon ma song gi byang sems sbyor lam pa'i rgyud la skye zer na/ dman lam sngon du ma song ba'i byang sems tshogs lam pa'i rgyud la gang zag gi bdag med rtogs pa'i lhag mthong dang/ stong nyid rtogs pa'i lhag mthong gnyis cig car du @032a @#/ /skye bar thal/ dam bca' 'thad pa'i phyir/ 'dod mi nus te/ dang por gang zag gi bdag med rtogs pa'i lhag mthong skye de rjes cig shos skye ba'i phyir/ der thal/ gang zag gi bdag med dang/ stong nyid gnyis la nges dka' sla'i khyad par yod pa'i phyir/ kha cig /'da' bya'i mthong lam la rjes thob ye shes kyis khyab/ 'da' byed kyi mthong lam la mnyam gzhag ye shes kyis khyab zer na/ dang po la/ gang zag gi bdag med mngon sum du rtogs pa'i theg chen gyi mthong lam chos can/ der thal/ de'i phyir/ 'dod mi nus te/ mnyam gzhag ye shes yin pa'i phyir/ der thal/ chos can de yin pa'i phyir/ kha cig /theg dman gyi rtogs rigs su gnas pa'i theg chen gyi bden pa mngon rtogs/ 'da' bya'i theg chen gyi mthong lam gyi mtshan nyid/ theg chen gyi rtogs rigs su gnas pa'i theg chen gyi bden pa mngon rtogs/ 'da' byed kyi theg chen gyi mthong lam gyi mtshan nyid zer ba dang de gnyis 'gal zer na/ bslab pa gsum nyams su len pa'i theg chen gyi mthong lam chos can/ mtshan nyid dang po ma yin par thal/ mtshan nyid gnyis pa de yin pa'i phyir/ rtags gsal gnyis ka der thal/ theg pa che chung gi gang zag gnyis kas thar pa thob pa la bslab pa gsum nyams su len dgos pa'i phyir/ der thal/ sangs rgyas 'phags pa yin na/ bslab pa gsum gtso bor nyams su blangs pas khyab pa'i phyir/ kha cig /byang chub sems dpa'i 'da' bya'i mthong lam yin na/ byang chub sems dpas rang rgyud la bskyed nas sgom pas khyab zer na/ nyan thos kyi mthong lam chos can/ der thal/ de'i phyir/ byang chub sems dpa' shes mthong gis bltas nas 'da' ba'i lam yin pa'i phyir te/ byang chub sems dpas shes mthong gis bltas nas 'da' ba'i lam la dman pa sa brgyad dang/ byang sems kyi sa dang po dgu gcig tu byas pa'i dgu yod pa'i phyir/ der thal/ rtsa ba las/ sa dgu 'das nas ye shes ni/ /gang gi sangs rgyas sar gnas pa/ /zhes gsungs pa'i phyir/ kha cig /theg chen mthong lam bar chad med lam pa'i rgyud la theg chen sems bskyed yod kyang mngon 'gyur du med zer na/ de'i rgyud la de mngon gyur du yod par thal/ de'i shes rgyud la de mngon 'gyur @032b du yod pa'i phyir te/ de'i rgyud kyi theg chen sems bskyed mngon sum du rtogs pa'i de'i rgyud kyi shes pa gcig yod pa'i phyir te/ de'i rgyud la de'i rgyud kyi theg chen sems bskyed mngon 'gyur du skyed byed kyi rgyu zhig yod pa'i phyir te/ de'i thugs rgyud kyi theg chen sems bskyed mngon gyur du skyed byed kyi rgyu zhig yod pa gang zhig/ de las rgyud tha dad pa'i gang zag gi rgyud la de med pa'i phyir/ rtags dang po der thal/ de blo mngon 'gyur ba yin pa'i phyir/ gzhan yang/ lhag bsam dag pa'i sems bskyed rgyud la skyes ma thag pa'i gang zag yin na/ de mngon 'gyur du rgyud la ldan pas khyab par thal mos pas spyod pa'i sems bskyed rgyud la skyes ma thag pa'i gang zag yin na/ de mngon 'gyur du rgyud la ldan pas khyab pa'i phyir/ 'dod na/ theg chen mthong lam bar chad med lam pa chos can/ der thal/ de'i phyir/ de'i rgyud la lhag bsam dag pa'i sems bskyed yod pa gang zhig/ byang sems sbyor lam pa'i rgyud la lhag bsam dag pa'i sems bskyed med pa'i phyir/ dang po der thal/ de'i rgyud kyi theg chen sems bskyed de de ltar yin pa'i phyir/ ma grub na/ de'i rgyud kyi theg chen sems bskyed chos can/ lhag bsam dag pa'i sems bskyed yin par thal/ sa thob pa'i sems bskyed yin pa'i phyir/ rtsa bar 'dod na/ de'i rgyud la theg chen sems bskyed mngon 'gyur du yod par thal/ 'dod pa'i phyir/ kha cig /theg chen mthong lam bar chad med lam pa'i rgyud la theg chen sems bskyed yod kyang/ de de'i rgyud kyi theg chen sems bskyed ma yin zer na/ de'i rgyud kyi theg chen sems bskyed de theg chen sems bskyed du yod par thal/ de'i rgyud la de yod pa'i phyir/ 'dod na/ de dmigs rnams 'dzin pa'i blo yin par thal/ 'dod pa'i phyir/ 'dod na/ de theg chen sems bskyed yin par thal/ 'dod pa'i phyir/ gzhan yang/ de'i rgyud la theg chen sems bskyed sngar skyes shing phyis skye ba'i nus pa ma nyams par yod na de'i rgyud la theg chen sems bskyed yod dgos par thal/ de'i rgyud la theg chen sems bskyed yod pa'i phyir/ 'dod na/ gang zag de'i rgyud la bden 'dzin sngar yang skyes shing phyis kyang skye ba'i nus pa ma nyams par yod na/ gang zag de'i rgyud la bden 'dzin mngon 'gyur @033a @#/ /du yod dgos par thal/ 'dod pa'i phyir/ 'dod na/ theg chen mthong lam bar chad med lam pa chos can/ der thal/ de'i phyir/ de'i rgyud la bden 'dzin mngon 'gyur du sngar yang skyes shing/ phyis skye ba yang yod pa'i phyir/ dang po der thal/ de dang rgyu gcig tu gyur pa'i bden 'dzin mngon 'gyur du rgyud la ldan pa'i so skye yod pa'i phyir/ phyi ma der thal/ de dang rgyud gcig tu gyur ba'i bden 'dzin mngon 'gyur ba rgyud la ldan pa'i byang sems mthong lam pa yod pa'i phyir/ 'dod mi nus te/ stong nyid mngon sum du rtogs pa'i gang zag yin pa'i phyir/ khyab ste/ rnam 'grel las/ nges pa dang ni sgro 'dogs yid/ /gnod bya gnod byed ngo bo'i phyir/ /'dis ni sgro 'dogs dben pa la/ /'jug ces bya ba shes pa yin/ /zhes gsungs pa'i phyir/ kha cig /theg chen mthong lam bar chad med lam pa'i rgyud la theg chen sems bskyed yod par thal/ stong nyid mngon sum du rtogs pa'i byang sems kyi rgyud la de yod pa'i phyir te/ rnam bshad las/ gang zag de'i rgyud la theg chen sems bskyed kyang yod mod kyi/ sems can thams cad kyi don du sangs rgyas thob par bya'o snyam pa'i blo mngon 'gyur du yod pa ga la dgos/ zhes gsungs pa'i phyir zer na ma khyab/ gsung de'i don de'i rgyud la theg chen sems bskyed sngar yang bsgoms shing phyis kyang bsgom pa'i nus pa ma nyams par yod pa la byed pa'i phyir/ de yang yin te/ de'i kyang sgra'i snyegs mtshams shig yod pa'i phyir/ de ltar yod na/ sems can thams cad kyi don du sangs rgyas thob par bya'o snyam pa'i blo mngon 'gyur du yod mi dgos zhes pa'i don no/ /de yang yin te/ theg chen sems bskyed kyang zhes pa'i kyang sgra'i gong du kun 'byung rjes shes la gnas pa'i sems dpa'i rgyud la byams sogs tshad med bzhi sngar bsgoms shing phyis bsgom pa'i nus pa ma nyams par yod pa la bshad pa de la snyegs pa'i phyir/ der thal/ de'i snyegs mtshams shig yod pa'i phyir/ kha cig /theg chen mthong lam bar chad med lam pa'i rgyud la theg chen sems bskyed dbang ldan gyi tshul gyis yod par thal/ de'i rgyud la de sngar bsgoms shing phyis bsgom pa'i nus pa ma nyams par yod pa gang zhig /dbang ldan @033b gyi tshul gyis yod pa'i don zhig yod pa'i phyir/ 'dod na/ de'i rgyud la theg chen sems bskyed yod par thal/ 'dod pa'i phyir zer na ma khyab/ 'o na/ khyi rgan rgya bo'i rgyud la rnam mkhyen yod par thal/ de'i rgyud la rnam mkhyen ldan pa'i phyir/ der thal/ de'i rgyud la rnam mkhyen sa bon gyi tshul du ldan pa'i phyir/ khyab pa khas/ ma grub na der thal/ ldan tshul rnam pa gsum yod pa'i phyir/ der thal/ kun las btus las/ dbye ba ni sa bon la ldan pa dang/ dbang dang ldan pa dang/ kun tu 'byung ba'i tshul gyis ldan pa'o/ /zhes gsungs pa'i phyir/ kha cig /de'i rgyud la theg chen sems bskyed dbang ldan gyi tshul du med par thal/ de'i rgyud kyi theg chen sems bskyed kyang de'i rgyud la dbang ldan gyi tshul du med/ de dang rgyud gcig tu gyur pa'i de'i snga logs su byung ba'i sems dpa'i rgyud kyi theg chen sems bskyed kyang de'i rgyud la dbang ldan gyi tshul du med/ de dang rgyud gcig tu gyur pa'i de'i phyi logs su byung ba'i sems dpa'i rgyud kyi sems bskyed kyang de'i rgyud la dbang ldan gyi tshul gyis med/ de dang rgyud tha dad du gyur pa'i sems dpa'i rgyud kyi de yang de ltar med pa'i phyir na ma khyab/ ma grub na/ dang po mi 'thad de/ de'i rgyud kyi theg chen sems bskyed med pa'i phyir/ gnyis pa mi 'thad de/ de dang rgyud gcig tu gyur pa'i byang sems tshogs lam pa'i rgyud kyi theg chen sems bskyed de'i rgyud la skye mi srid pa'i phyir/ gsum pa yang mi 'thad de/ de dang rgyud gcig tu gyur pa'i de'i phyi logs su byung ba'i byang sems kyi rgyud kyi theg chen sems bskyed de'i rgyud la skye ma myong ba'i phyir/ bzhi pa yang mi 'thad de/ de dang rgyud tha da du gyur pa'i gang zag gi rgyud kyi theg chen sems bskyed de de las gzhan pa'i gang zag gi rgyud la skye ba med pa'i phyir/ zer na/ 'o na/ de'i rgyud la theg chen sems bskyed mngon 'gyur du sngar yang skyes shing/ phyis kyang skye ba'i nus pa ma nyams par med par thal/ kho rang gi rgyud kyi de yang kho rang gi rgyud la mngon 'gyur du sngar yang skyes shing phyis kyang skye ba'i nus pa ma nyams par med/ de'i snga logs su byung ba'i theg chen sems bskyed kyang de'i rgyud la de sngar yang skyes shing phyis kyang skye bar 'gyur ba'i nus pa ma nyams par med/ de'i phyi logs su byung ba'i theg chen sems bskyed kyang de'i @034a @#/ /rgyud la sngar yang skyes shing phyis kyang skye bar 'gyur ba'i nus pa ma nyams par med/ de dang rgyud tha dad du gyur pa'i sems dpa'i rgyud kyi theg chen sems bskyed kyang de'i rgyud la mngon 'gyur du sngar yang skyes shing phyis kyang skye ba'i nus pa ma nyams par med pa'i phyir/ rtags rnams gong bzhin sgrub bo/ /kha cig /de'i rgyud la sems bskyed yod par thal/ stong nyid mngon sum du rtogs pa'i sems dpa'i rgyud la de yod pa'i phyir/ der thal/ theg chen sems bskyed rgyud la ldan pa'i byang sems 'phags pa'i rgyud kyi stong nyid mngon sum du rtogs pa'i shes rab yod pa'i phyir zer na/ rnam pa gcig tu ma khyab/ ma grub na der thal/ de'i rgyud la 'dus byas bden med du ston pa'i bstan bcos kyi bzhed don rtogs pa'i tshad ma yod pa'i phyir/ der thal/ byang sems 'phags pa des theg chen sems bskyed kyis kun nas bslangs te brtsams pa'i 'dus byas bden med du ston pa'i bstan bcos de rang gi bzhed don rang smra ba bos tshad mas grub pa'i bstan bcos yin pa'i phyir/ zer na ma khyab/ ma grub na/ de 'dra ba'i bstan bcos chos can/ rang gi bzhed don rang smra ba po'i tshad mas grub pa'i bstan bcos yin par thal/ byang 'phags kyis brtsams pa'i bstan bcos yin pa'i phyir/ zer na/ 'o na/ stong nyid mngon sum du rtogs pa'i byang sems 'phags pa'i rgyud la theg chen sems bskyed mngon 'gyur du yod par thal/ theg chen sems bskyed mngon 'gyur du rgyud la ldan pa'i byang sems 'phags pa'i rgyud la 'dus byas bden du du rtogs pa'i shes rab mngon 'gyur du yod pa'i phyir/ khyab pa khas/ ma grub na der thal/ de'i rgyud la 'dus byas bden med du stong pa'i bstan bcos kyi bzhed don rtogs pa'i tshad ma mngon 'gyur du yod pa'i phyir/ der thal/ des theg chen sems bskyed kyis kun nas bslangs te brtsams pa'i 'dus byas bden med du ston pa'i bstan bcos de rang gi bzhed don rang smra ba pos tshad mas nges pa'i bstan bcos yin pa'i phyir/ khyab pa khas/ ma grub na/ de 'dra ba'i bstan bcos chos can/ khyod rang gi bzhed don rang smra ba pos tshad mas grub pa'i bstan bcos yin par thal/ khyod byang sems 'phags pas brtsams pa'i bstan bcos @034b yin pa'i phyir/ kha cig /theg chen mthong lam bar chad med lam pa'i rgyud la theg chen sems bskyed yod par thal/ de byang sems 'phags pa yin pa'i phyir/ khyab ste/ lam rim las/ theg chen pa yin min sems de yod med kyi rjes su 'gro ldog byed do/ /zhes gsungs pa'i phyir/ zer na/ ma khyab/ kha cig /de'i rgyud la lhag bsam dag pa'i sems bskyed yod par thal/ dman lam sngon du ma song ba'i byang sems sbyor lam chos mchog skad cig tha ma pa des/ don dam pa'i sems bskyed ma thag tu lhag bsam dag pa'i sems bskyed kyis nyan rang zil gyis gnon par byed pa'i phyir/ der thal/ sa bcu pa'i mdo las/ sems bskyed ma thag tu lhag pa'i bsam pa'i che ba nyid kyis nyan thos dang rang sangs rgyas thams cad zil gyis gnon gyi/ zhes gsungs pa'i phyir zer na ma khyab/ 'o na/ sems bskyed ma thag tu zhes pa'i sems bskyed de don dam sems bskyed la byed rigs par thal/ khyod kyi dam bca' 'thad pa'i phyir/ 'dod mi nus te/ lhag bsam dag pa'i sems bskyed la byed pa'i phyir te/ rnam bshad dgongs pa rab gsal las/ sems bskyed ma thag tu zhes pa ni sa dang po'i skabs yin pas lhag pa'i bsam pa dag pa'i sems bskyed pa'o/ /zhes gsungs pa'i phyir/ kun 'byung rjes shes la gnas pa'i sems dpa'i rgyud la byams sogs tshad med bzhi yod par thal/ rnam bshad las/ yon tan 'di dag rjes thob kyi gnas skabs su ma zad mnyam gzhag gi gnas skabs su yang ldan dgos par shes par bya'o/ /zhes gsungs pa'i phyir zer na/ skyon med de/ de'i don ni/ byams sogs tshad med bzhi sngar bsgoms shing phyis kyang bsgom pa'i nus pa ma nyams pa de rjes thob kyi gnas skabs su ma zad mnyam gzhag gi gnas skabs su yang ldan dgos zhes pa'i don no/ /kha cig mdo las/ theg chen mthong lam skad cig ma gcig dang/ skad cig ma bcu drug tu gsungs pa'i dang po ni stong nyid mngon sum du rtogs pa'i theg chen mthong lam bya rdzogs kyi thung mtha'i skad cig ma gcig yin pa'i don dang /phyi ma rjes kyi gnas skabs su nges shes mi 'dra ba bcu drug rim can du 'dren pa'i don yin zer na/ 'o na/ theg chen mthong lam bar chad med lam dang /theg chen @035a @#/ /mthong lam rnam grol lam gnyis bya rdzogs kyi thung mtha'i skad cig ma gcig yin par thal/ dam bca' 'thad pa'i phyir/ 'dod mi nus te/ theg chen mthong lam bar cad med lam gyi gnas skabs su bden 'dzin kun btags kyi sa bon 'joms byed kyi nus pa'i bya ba rdzogs dgos/ theg chen mthong lam rnam grol lam gyi gnas skabs su bden 'dzin kun btags kyi sa bon spangs pa'i spangs pa la dbang 'byor pa'i bya ba rdzogs dgos pa'i phyir/ der thal/ theg chen mthong lam bar chad med lam gyis bden 'dzin kun btags kyi sa bon 'joms pa'i bya ba byed; theg chen mthong lam rnam grol lam gyis bden 'dzin kun btags kyi sa bon spangs pa la dbang byed pa'i phyir/ des rjes thob kyi gnas skabs su nges shes mi 'dra ba bcu drug rim can du 'dren pa'i don ni/ bden bzhi mi rtag la sogs bcu drug bden med du nges pa'i nges shes mi 'dra ba bcu drug rim can du 'dren pa'i don yin zer na/ mi rtag sogs bcu drug bden med du nges pa'i nges shes mi 'dra ba bcu drug po de rigs mi 'dra bar thal/ de dag mi 'dra ba'i phyir/ 'dod mi nus te/ de dag bden med nges pa'i nges shes su mtshungs pa'i phyir/ kha cig /theg chen mthong lam rnam grol lam las langs rjes kyi stong nyid mngon sum du rtogs pa'i theg chen mthong lam yod zer na/ de med par thal/ theg chen mthong lam rnam grol lam pa ba des rnam grol lam las langs rjes su bden 'dzin lhan skyes spong phyir du stong nyid la rtse gcig tu mnyam par ma gzhag pa tshun chad mthong lam pa dang/ mnyam par gzhag nas sgom lam du 'pho ba rnam bshad las gsungs pa gang zhig/ des rnam grol lam las langs rjes su bden 'dzin lhan skyes spong ba'i phyir du stong nyid mngon sum du rtogs pa'i mthong lam rang rgyud la mi bskyed pa'i phyir/ des stong nyid bsgom bya'i gtso bo byas nas sgom pa de bden 'dzin lhan skyes spang bya'i gtso bor byas nas spong ba'i phyir du bsgom pa yin pa'i phyir/ kha cig /stong nyid mngon sum du rtogs pa'i theg chen gyi mthong lam yin na/ theg chen mthong lam bar chad med lam dang rnam grol lam gang rung yin pas khyab zer na/ de @035b gnyis chos can/ der thal/ de'i phyir/ gzhan yang/ stong nyid mngon sum du rtogs pa'i theg chen gyi mthong lam chos can/ der thal/ de'i phyir/ rtags sla'o/ kha cig /theg chen pa dang bye brag smra ba gnyis bcu drug pa lam rjes shes sgom lam du 'dod mi 'dod ma gtogs/ nyan thos kyi mthong lam skye tshul la khyad par med zer na/ 'o na/ theg chen pas nyan thos kyi mthong lam bzod pa brgyad rim can du skye bar 'dod par thal/ dam bca' 'thad pa'i phyir/ 'dod mi nus te/ de cig car du skye bar 'dod pa'i phyir/ nyan thos kyi mthong lam shes bzod skad cig ma bcu drug 'chad pa'i skabs su/ rig pa drug cu pa las/ chos shes pa yi mjug thogs su/ /'di la bye brag yod na ni/ /dngos po shin tu phra ba yang/ /rnam par mi mkhas de yi ni/ /rkyen las skyes pa'i don ma mthong/ /zhes gsungs pa'i phyir/ kha cig /rang rgyal mthong lam shes bzod skad cig ma bcu drug gi nang nas 'gog pa chos bzod 'jog pa'i tshul ni/ 'gog bden dang 'gog bden 'dzin pa'i tshad ma rdzas gzhan gyis stong ba dang/ 'gog bden phyi rol don gyis stong bar rtogs pa'i cha nas 'jog pa yin zer na/ mi 'thad de/ 'gog bden dang 'gog bden 'dzin pa'i tshad ma rdzas gzhan gyis stong ba dang/ 'gog bden phyi rol don gyis stong pa chos kyi bdag med rags pa ma yin pa'i phyir/ ma grub na/ 'gog bden chos can/ khyod dang khyod 'dzin pa'i tshad ma rdzas gzhan gyis stong ba dang/ khyod phyi rol don gyis stong pa chos kyi bdag med rags pa ma yin par thal/ khyod 'dus ma byas yin pa'i phyir/ kha cig /rang rgyal gyi mthong lam bar chad med lam dang nyan thos kyi mthong lam bar chad med lam gnyis la gzhal bya rtogs tshul la khyad par med do zer na/ de yod par thal/ rang rgyal gyi mthong lam bar chad med lam des gzugs phyi rol don gyis stong pa mngon sum du rtogs pa'i phyir/ der thal/ des gzugs phyi rol don 'dzin gyi rtog pa kun btags kyi dngos gnyen bar chad med lam yin pa'i phyir/ der thal/ rang rgyal mthong lam bar chad med lam pas gzugs phyi rol don 'dzin gyi rtog pa spang bya'i gtso bor byas nas spong ba'i phyir/ der thal/ gzung don rtog pa spong phyir dang/ zhes gsungs pa'i @36a @#/ /phyir gnyis pa rang gi lugs bzhag pa la/ /mthong lam gsar du skye ba'i lus rten gyi khyad par yod de/ ngan song gsum/ byang gi sgra mi snyan pa/ tshe de la mtshams med dang chos spong gi las stobs chen bsags la ma sbyangs pa dang/ za ma dang/ ma ning ma gtogs gling gsum gyi mi dang/ 'dod lha'i rten la skye ba yod/ khams gong ma'i rten la skye ba med/ mthong lam gsar du skye ba la 'khor ba la skyo shas che ba dgos pa gang zhig /khams gong ma'i so so skye bo rnams 'khor ba la skyo shas chung ba'i phyir/ kun las btus las/ re zhig skyo shas chung ngus kyang bden pa rnams rnam par mi rtogs na skyo ba shas chung ngu yang thams cad kyi thams cad du med pa la lta ci smos/ zhes gsungs pa'i phyir/ mthong lam gsar du skye ba'i sems rten gyi khyad par yod de/ rgyun du zhugs pa dang 'bras bu thod rgal ba'i phyir 'ong zhugs pa'i rgyud kyi mthong lam gnyis bsam gtan dang po'i nyer bsngogs mi lcogs med kyi sems rten la brten nas skye/ 'bras bu thod rgal ba'i phyir mi 'ong zhugs pa'i mthong lam bsam gtan gyi dngos gzhi la brten nas skye/ rang rgyal dang theg chen gyi mthong lam gnyis rab mtha'i bsam gtan bzhi pa'i dngos gzhi'i sems rten la brten nas skye ba'i phyir/ bden pa mngon rtogs/ mthong lam gyi mtshan nyid/ de la nyan thos kyi mthong lam/ rang rgyal gyi mthong lam/ theg chen gyi mthong lam rnams su yod/ theg chen gyi bden pa mngon rtogs/ theg chen gyi mthong lam gyi mtshan nyid/ tshe 'di phyi'i phan yon chen po can gyi theg chen gyi bden pa mngon rtogs/ phan yon chen po can gyi theg chen gyi mthong lam gyi mtshan nyid/ dmigs pa bden bzhi mi rtag la sogs bcu drug la dmigs nas rnam pa bden stong spros bral du mngon sum du rtogs pa'i theg chen gyi bden pa mngon rtogs/ skabs 'dir dngos su bstan pa'i theg chen gyi mthong lam gyi mtshan nyid/ de la dbye na/ mthong lam shes bzod skad cig ma bcu drug yod/ theg chen gyi mthong lam shes bzod pa brgyad ngo bo gcig la ldog pa tha dad yin la/ mtshan gzhi ni theg chen gyi mthong lam bar chad med lam lta bu/ de la chos @36b bzod ces brjod pa'i rgyu mtshan yod de/ yul bden bzhi'i chos nyid mngon sum du rtogs pa la skrag rigs pa la mi skrag pa'i rgyu mtshan gyis de ltar bshad pa'i phyir/ de la rjes bzod ces brjod pa'i rgyu mtshan yod de/ yul can chos bzod bzhi'i chos nyid mngon sum du rtogs pa la skrag rigs kyang mi skrag pa'i rgyu mtshan gyis de ltar bshad pa'i phyir/ shes pa brgyad ngo bo gcig la ldog pa tha dad cing/ mtshan gzhi ni theg chen mthong lam rnam grol lam lta bu/ de la chos shes zhes brjod pa'i rgyu mtshan yod de/ bden 'dzin kun btags spangs pas khyad par du byas nas bden bzhi'i chos nyid mngon sum du rtogs pa'i rgyu mtshan gyis de ltar bshad pa'i phyir/ de la rjes shes zhes brjod pa'i rgyu mtshan yod de/ /bden 'dzin kun btags spangs pas khyad par du byas nas chos shes bzhi'i chos nyid mngon sum du rtogs pa'i rgyu mtshan gyis de ltar bshad pa'i phyir/ 'da' bya 'da' byed kyi mthong lam gnyis rim can du skye ba yin te/ dang por 'da' byed kyi theg chen gyi mthong lam skye/ de rjes 'da' bya'i theg chen gyi mthong lam skye ba'i phyir/ de ltar yin kyang thug med du thal ba'i skyon med de/ theg chen gyi mthong lam rnam grol lam las langs rjes su bden 'dzin spong ba'i phyir du stong nyid la rtse gcig tu mnyam par mi 'jog tshun chad mthong lam dang/ de la mnyam pa gzhag pa nas sgom lam du 'phos par 'jog pa'i phyir/ de gnyis kyi mtshan gzhi ni/ bden bzhi mi rtag la sogs bcu drug bden med du mngon sum du rtogs pa'i theg chen gyi mthong lam dang po dang/ mi rtag la sogs bcu drug mngon sum du rtogs pa'i theg chen gyi mthong lam gnyis pa yin pa'i phyir/ skad cig ma gcig dang/ skad cig ma bcu drug tu gsungs pa'i don yang/ stong nyid mngon sum du rtogs pa'i theg chen gyi mthong lam bya rdzogs kyi mnyam gzhag thun gcig yin pa'i don dang/ bcu drug tu gsungs pa ni rjes kyi gnas skabs su chos can mi rtag sogs bcu drug la nges shes mi 'dra ba bcu drug rim can du 'dren pa'i don no/ /gsum pa rtsod pa spong ba la/ kha cig /khams gong gi rten la theg chen gyi mthong lam gsar du skye ba yod par thal/ de'i rten @37a @#/ /la lam shes gsar du skye ba yod pa'i phyir te/ de'i so so skye bo rnams lam shes skye rung du byed pa'i phyir du de bzhin gshegs pa'i rang bzhin gyi 'od zer gyis de dag gi rnam par smin pa las byung ba'i 'od mog mog por mdzad pa'i phyir na ma khyab/ ma grub na der thal/ mdo las/ de bzhin gshegs pa'i rang bzhin gyi 'od kyi drung na lha rnams kyi las kyi rnam par smin pa las byung ba'i 'od ni lhan ni ma yin/ lhang nge ma yin/ zhes gsungs pa'i phyir/ kha cig /lam shes dngos su skye rung ma yin par skye rung du sgrub pa'i phyir du de ltar mdzad pa la dgos pa med par thal/ de ltar ma mdzad kyang de dag gi rgyud la lam shes skye rung ba'i phyir na ma khyab/ 'dod mi nus so/ /zer na/ khams gong gi rten la theg chen gyi mthong lam gsar du skye ba med par thal/ theg dman gyi mthong lam gsar du skye ba med pa gang zhig /theg dman gyi mthong lam gsar du skye ba'i rkyen las/ theg chen gyi mthong lam gsar du skye ba'i rkyen du 'khor ba la skyo ba shas che dgos shing/ de'i skye bo rnams 'khor ba la skyo ba shugs drag med pa'i phyir/ dang po khas/ gnyis pa der thal/ de gnyis kyi nang nas theg chen gyi mthong lam rgyud la skye dga' ba'i phyir te/ de gnyis kyi nang nas phyi ma khyad par du 'phags pa'i phyir/ kha cig /theg chen mthong lam bar chad med lam de sems rten bsam gtan gyi dngos gzhi las skyes par thal/ de la brten nas skyes pa'i phyir na ma khyab/ 'o na/ bum pa chos can/ bden stong las skyes par thal/ de la brten nas skyes pa'i phyir/ der thal/ de bden pas stong bzhin du skyes pa'i phyir te/ de skyes pa'i phyir/ kha cig /theg chen gyi mthong lam de sems rten bsam gtan gyi dngos gzhi la brten nas skye ba'i lam yin par thal/ de la brten nas skyes pa'i lam yin pa'i phyir/ der thal/ de dang por bsam gtan gyi dngos gzhi la brten nas skyes pa'i lam yin pa'i phyir na ma khyab/ ma grub na der thal/ theg chen gyi mthong lam bar chad med lam de sems rten bsam gtan gyi dngos gzhi la brten nas skyes pa'i phyir/ kha cig /mthong lam @37b bar chad med lam de 'dod sems kyi sems rten las skye ba yod par thal/ theg chen gyi sgom lam la de'i phyir na ma khyab/ ma grub na der thal/ de khams gsum sa dgu'i rten las skye ba yod pa'i phyir te/ sa dgu la ni chen po yi/ /zhes gsungs pa'i phyir zer na/ theg chen gyi mthong lam bar chad med lam dang/ sgom lam bar chad med lam gnyis la gnyen po sgom pa la shugs drag mi drag gi khyad par dang/ yun ring thung sogs kyi khyad par med par thal/ theg chen sgom lam bar chad med lam 'dod sems kyi sems rten la brten nas skye ba yod na/ theg chen gyi mthong lam bar chad med lam la de ltar yod dgos pa'i phyir/ 'dod na/ de gnyis spang bya spong ba la nus pa che chung gi khyad par med par thal lo/ /kha cig /theg chen gyi mthong lam chos can/ dmigs pa bden bzhi mi rtag sogs bcu drug la dmigs nas rnam par bden stong spros bral du mngon sum du rtogs pa'i theg chen gyi bden pa mngon rtogs yin par thal/ skabs 'dir mngon su bstan pa'i theg chen gyi mthong lam yin pa'i phyir/ der thal/ bden dang bden la bzod pa dang/ zhes pas theg chen gyi mthong lam dngos su bstan pa'i phyir na ma khyab/ kha cig /theg chen gyi mthong lam bar chad med lam des chos bzod rtogs pa'i cha nas rjes bzod bzhag par thal/ rnam bshad las/ chos bzod rtogs pa'i cha nas rjes bzod 'jog la/ zhes dang/ 'grel chen las/ chos shes pas ni bzod pa dang chos shes pas gzung ba rtogs so/ /rjes su shes pas ni bzod pa dang rjes su shes pas 'dzin pa rtogs so/ /zhes gsungs pa'i phyir na ma khyab ste/ de chos bzod bzhi'i chos nyid rtogs pa'i cha nas rjes bzod bzhag ces pa'i don no/ /de lta ma yin na theg chen gyi mthong lam chos bzod dang rjes bzod gnyis kyis gzung ba rtogs/ chos shes dang rjes shes gnyis kyis 'dzin pa rtogs par thal lung des de ltar gsungs pa gang zhig /de ltar gsungs na theg chen mthong lam bar chad med lam des chos bzod rtogs dgos pa'i phyir/ 'dod na/ bzod pa brgyad po des gzung ba mngon sum du rtogs par thal lo/ /des gzung ba rtogs pa'i phyir/ 'dod na/ des shes bya thams cad mngon sum du rtogs par @38a @#/ /thal lo/ /kha cig /theg chen mthong lam bar chad med lam des theg chen mthong lam bar chad med lam rtogs par thal/ de la de rtogs pa'i cha gcig yod pa'i phyir zer na ma khyab/ ma grub na der thal/ de nyams myong gi rang rig gis de rtogs pa gang zhig /de nyams myong gi rang rig de'i cha shas yin pa'i phyir/ kho na re/ thal 'gyur dang po la khyab ste/ skyes bu lhas sbyin la gzugs rtogs pa'i cha gcig yod na des gzugs rtogs dgos pa'i phyir zer na ma khyab/ skye na cig car dang rim can gang du skye dgos par thal/ 'da' bya 'da' byed kyi mthong lam gnyis rim can du skye ba'i phyir; 'dod na/ 'dus byas thams cad chos can/ der thal/ de'i phyir/ 'dod na/ rim can du skye bar thal/ de gang rung du skye cig car du mi skye ba'i phyir/ 'dod na/ byas mi rtag gnyis kyang rim can du skye bar thal lo/ /zer na/ 'dus byas thams cad chos can/ cig car rim can gang rung du skye bar thal/ de gang rung gi don byed nus pa yin pa'i phyir/ der thal/ don byed nus pa yin pa'i phyir/ kha cig /theg chen gyi mthong lam bar chad med lam des yul bden bzhi'i chos nyid mngon sum du rtogs pa'i cha nas theg chen mthong lam bar chad med lam grub par thal/ theg chen mthong lam bar chad med lam des theg chen mthong lam bar chad med lam 'grub pa'i phyir/ 'dod na/ theg chen mthong lam bar chad med lam des yul bden bzhi'i chos nyid rtogs pa'i cha nas des de grub par thal/ 'dod pa'i phyir na ma khyab/ 'dod mi nus so/ /zer na/ des yul bden bzhi'i chos nyid rtogs pa'i cha nas de grub par thal/ des yul bden bzhi'i chos nyid rtogs pa'i cha nas theg chen mthong lam bar chad med lam nyams su myong ba'i rang rig gis de grub pa'i phyir te/ de nyams myong gi rang rig gis de grub pa'i phyir/ ma grub na/ de chos can/ khyod nyams myong gi rang rig gis khyod grub par thal/ khyod 'phags pa'i rgyud kyi shes pa yin pa'i phyir/ kha cig /khyod shes pa yin na/ khyod nyams myong gi rang rig gis khyod grub pas khyab zer na/ so skye'i rgyud kyi dus kyi thung mtha'i shes pa chos can/ der thal/ de'i phyir/ 'dod mi nus te/ so skye la lkog gyur yin pa'i phyir te/ so skye la lkog gyur cig yod @38b pa'i phyir/ so thar gyi sdom pa rgyud ldan gyi gang zag yin na/ spong sems mngon gyur du rgyud la ldan pas khyab par thal/ theg chen sems bskyed la de'i phyir na/ ma khyab bo/ /'dod na/ stong nyid mngon sum du rtogs pa'i slob pa'i dge slong rnam dag chos can/ der thal/ de'i phyir/ 'dod mi nus te/ chos can de yin pa'i phyir/ gzhan yang/ so thar gyi sdom pa yin na/ spong sems mngon gyur pa yin dgos par thal/ khyod kyi thal 'gyur la khyab 'brel yod pa'i phyir/ 'dod na/ bcas ldan dge slong gi rgyud kyi so thar gyi sdom pa'i sa bon chos can/ der thal/ de'i phyir/ rnal 'byor spyod pa dang/ rnal 'byor spyod pa'i dbu ma pa rnams so thar sdom pa'i ngo bo spong sems sa bon dang bcas pa la 'dod pa 'dul ba rgya mtsho'i snying po dang/ chos mngon rgya mtsho'i snying po gnyis las gsungs pa'i phyir/ kha cig /so thar gyi sdom pa'i sa bon yin na so thar gyi sdom pa yin pas khyab zer na/ so thar gyi sdom pa rgyud la skye ma kha'i gang zag gi rgyud kyi so thar gyi sdom pa'i sa bon chos can/ der thal/ de'i phyir/ der thal/ de yod pa'i phyir/ der thal/ de'i rgyud la so mthar gyi sdom pa skye ba gang zhig /de rgyu med las mi skye ba'i phyir/ kha cig /theg chen rigs nges kyi byang sems tshogs lam pa'i rgyud la/ dang por stong nyid rtogs pa'i lhag mthong skye/ de rjes gang zag gi bdag med rtogs pa'i lhag mthong skye bar thal/ dman lam sngon du ma song gi byang sems sbyor lam pa'i rgyud la/ dang por stong nyid mngon sum du rtogs pa'i 'da' byed kyi mthong lam skye/ de rjes gang zag gi bdag med mngon sum du rtogs pa'i 'da' bya'i mthong lam skye ba'i phyir zer na ma khyab/ kho na re/ 'da' bya 'da' byed kyi theg chen gyi mthong lam 'jog byed med par thal/ theg chen gyi rtogs rigs su gnas pa'i theg chen gyi bden pa mngon rtogs/ 'da' byed kyi theg chen gyi mthong lam gyi mtshan nyid dang/ theg dman gyi rtogs rigs su gnas pa'i theg chen gyi bden pa mngon rtogs/ 'da' bya'i theg chen gyi mthong lam gyi mtshan nyid ma yin pa'i phyir zer na ma khyab/ kha cig /nyan thos kyi mthong lam shes bzod skad cig ma bcu drug rim can du skye bar thal/ kun btus las/ rgyun tu zhugs pa'i 'bras bu @39a @#/ /la zhugs pa gang zhe na/ zhes sogs gsungs pa'i phyir zer na/ skyon med de/ nyan thos kyi mthong lam shes bzod bco lngar bshad pa ni chos bzod nas rim gyis drangs pa'i dbang du byas pa yin gyi/ rim gyis skye ba'i dbang du byas pa ma yin pa'i phyir ro// ! kun nas zhi dang thams cad la; ;zhes sogs la/ theg chen gyi sgom lam gyi byed pa chos can/ khyod la dbye na du ma yod de/ der gyur pa'i rnam pa drug yod pa'i phyir/ kha cig /theg chen gyi sgom lam gyi byed pa chos can/ khyod la dbye na du ma yod de/ khyod la skyes bu byed pa'i 'bras bu bzhi/ bdag po'i 'bras bu dang/ rgyu mthun gyi 'bras bu dang drug yod pa'i phyir zer na/ bdag 'bras de theg chen sgom lam gyi byed pa'i dbye ba'i ya gyal yin par thal/ khyod kyi sbyor ba de 'thad pa'i phyir/ 'dod na/ bdag 'bras yin na/ theg chen sgom lam gyi byed pa yin dgos par thal/ de de'i dbye ba'i ya gyal yin pa'i phyir/ 'dod na/ dmyal ba pa'i lcags bsregs kyis gzhi chos can/ der thal/ de'i phyir/ de dmyal ba'i sems can gyi mi dge ba'i bdag po'i 'bras bu yin pa'i phyir/ der thal/ bdag 'bras yul la smin pa yin pa'i phyir/ 'dod mi nus te/ chos can de yin pa'i phyir/ kha cig /theg chen sgom lam gyi byed pa yin na/ de'i 'bras bu yin pas khyab zer na/ theg chen sgom lam bsgoms stobs kyis thob pa'i nyon mongs ci rigs spangs pa'i phan yon chos can/ der thal/ de'i phyir/ der thal/ de yod pa'i phyir te/ kun nas zhi dang/ zhes gsungs pa'i phyir/ 'dod mi nus te/ theg chen sgom lam bsgoms stobs kyis thob pa'i nyon mongs ci rigs spangs pa'i spangs pa de de'i 'bras bu ma yin pa'i phyir/ der thal/ 'dus ma byas yin pa'i phyir/ kha cig /theg chen gyi sgom lam gyi byed pa yin na/ skyes bu'i shes rgyud kyis bsdus pas khyab zer na/ byang sems sgom lam pa gang du bzhugs pa'i gnas mchod rten yin pa chos can/ der thal/ de'i phyir/ rten mchod nyid/ ces gsungs pa'i phyir/ 'dod mi nus te/ byang sems sgom lam pa bzhugs pa'i gnas skyes bu'i shes rgyud kyis ma bsdus pa'i phyir/ kha cig /skyes bu'i shes rgyud kyis bsdus pa'i theg chen gyi sgom lam gyi byed pa yin na/ byang sems @39b sgom lam pa'i rgyud kyi yon tan yin pas khyab zer na/ theg chen sgom lam bsgoms stobs kyis thob pa'i bla med rdzogs pa'i byang chub chos can/ der thal/ de'i phyir/ der thal/ chos can de yin pa'i phyir/ der thal/ de yod pa'i phyir/ byang chub dang ni/ zhes gsungs pa'i phyir/ 'dod mi nus te/ chos can de yin pa'i phyir/ kha cig /theg chen sgom lam bsgoms stobs kyis thob pa'i phan yon/ sgom lam gyi byed pa'i mtshan nyid zer na/ nyan thos sgom lam pa'i rgyud kyi sgom lam gyi byed pa chos can/ mtshan nyid der thal/ mtshon bya de'i phyir/ der thal/ chos can de yin pa'i phyir/ der thal/ de yod pa'i phyir/ der thal/ nyan thos sgom lam gyis nyon sgrib spong ba'i bya ba yang byed/ nyon sgrib spangs pa'i spangs pa thob pa'i bya ba yang byed pa'i phyir/ der thal/ nyan thos dgra bcom pas nyon sgrib spangs pa'i phyir/ rtsa bar 'dod mi nus te/ chos can de yin pa'i phyir/ rang lugs la/ theg chen sgom lam bsgoms stobs kyis thob pa'i phan yon theg chen sgom lam gyi byed pa'i mtshan nyid/ de la dbye na/ der gyur pa'i skyes bu byed pa'i 'bras bu bzhi/ der gyur pa'i rgyu mthun gyi 'bras bu gcig /der gyur pa'i bdag 'bras gcig rnams su yod pa'i phyir/ de la kha cig /theg chen sgom lam bsgoms stobs kyis thob pa'i bla med rdzogs pa'i byang chub chos can/ gnas skabs kyi yon tan yin par thal/ byang sems sgom lam pa'i yon tan yin pa'i phyir/ zer na ma khyab byas pa la khyab ste/ byang sems kyi sgom lam gnas skabs kyi yon tan yin pa'i phyir na yang ma khyab/ 'dod mi nus te/ mthar thug gi yon tan yin pa'i phyir/ der thal/ chos can de yin pa'i phyir/ kha cig /gnas yin na mchod rten yin dgos par thal/ de yin na byang sems sgom lam pa bzhugs pa'i gnas yin dgos pa'i phyir dang/ byang sems sgom lam pa bzhugs pa'i gnas mchod rten yin pa'i phyir/ dang po der thal/ byang sems sgom lam pa tshad mas ma dmigs pa'i sa phyogs med pa'i phyir zer na ma khyab/ ! byed pa'i 'og tu sgom pa'i lam/ zhes sogs la/ mtha' dpyad pa la gsum las/ skabs 'dir bstan gyi zag bcas yin na/ zag bcas yin pas khyab zer na/ byang sems sgom lam pa'i rgyud kyi theg chen @40a @#/ /sems bskyed chos can/ der thal/ de'i phyir/ der thal/ sgra don 'dres rung du 'dzin pa'i theg chen gyi rjes la mngon rtogs yin pa'i phyir te/ chos can de yin pa'i phyir/ 'dod mi nus te/ zag med yin pa'i phyir/ der thal/ lam bden yin pa'i phyir te/ mdzod las/ zag med lam gyis bden pa dang/ zhes gsungs pa'i phyir/ kha cig /zag bcas kyi dngos po yin na/ spang bya yin pas khyab zer na/ phyi rol pa'i rgyud kyi bsam gtan dang po'i nyer bsngogs su gyur pa'i sems byung sems pa chos can/ der thal/ de'i phyir/ de zag bcas kyi las yin pa'i phyir/ ma grub na; de chos can/ zag bcas kyi las yin par thal/ so so skye bo'i rgyud kyi mi g.yo ba'i las yin pa'i phyir/ rtsa bar 'dod mi nus te/ dge ba yin pa'i phyir/ der thal/ chos can de yin pa'i phyir/ kha cig /zag pa dang bcas pa'i gang zag yin na/ zag pa rgyud ldan gyi gang zag yin pas khyab zer na/ lhag bcas myang 'das la gnas pa'i nyan thos dgra bcom pa chos can/ der thal/ de'i phyir/ der thal/ de'i nyer len gyi phung po de zag bcas nyer len gyi phung po yin pa'i phyir/ der thal/ de nyer len gyi phung po dang bcas pa'i gang zag yin pa'i phyir/ ma grub na/ der thal/ de lhag bcas myang 'das la gnas pa'i nyan thos dgra bcom pa yin pa'i phyir/ rtsa bar 'dod mi nus te/ zag pa spangs pa'i gang zag yin pa'i phyir/ der thal/ dgra bcom pa yin pa'i phyir/ kha cig /zag bcas sgom lam yin na/ theg chen gyi zag bcas sgom lam yin pas khyab zer na/ nyan thos sgom lam pa'i rgyud kyi nyan thos kyi byang chub don gnyer gyi 'dun pa chos can/ der thal/ de'i phyir/ der thal/ sgra don 'dres rung du 'dzin pa'i zhen rig dang bcas pa'i rjes la mngon rtogs yin pa'i phyir/ der thal/ de 'dra ba'i nyan thos kyi rjes la mngon rtogs yin pa'i phyir/ der thal/ chos can de yin pa'i phyir/ 'dod na sla'o/ kha cig /rnam grangs pa'i zag bcas la zag bcas kyis khyab zer na/ rgyu lam shes chos can/ der thal/ de'i phyir/ der thal/ nyon mongs spang bya'i gtso bor byas nas mi spong ba'i byang sems 'phags pa'i lam yin pa'i phyir te/ chos can @40b de yin pa'i phyir/ 'dod mi nus te/ zag med yin pa'i phyir/ der thal/ lam bden yin pa'i phyir/ kha cig /zag pa dang 'brel ba'i chos yin na/ zag bcas yin pas khyab zer na/ zag pa'i gnas lugs chos can/ der thal/ de'i phyir/ ma grub na/ zag pa chos can/ khyod kyi gnas lugs khyod dang 'brel ba'i chos yin par thal/ chos gzhi grub pa'i phyir/ 'dod mi nus te/ 'dus ma byas yin pa'i phyir/ kha cig /mngon pa mdzod pa ba rnams kyis ngo bo dang mtshungs ldan gang rung gi sgo nas zag pa rgyas rung gi chos/ zag bcas kyi mtshan nyid du 'jog pa yin no zer na/ khyi rgan rgya bo'i zag bcas nyer len gyi gzugs phung chos can/ mtshan nyid der thal/ mtshon bya de'i phyir te/ zag bcas nyer len gyi gzugs phung yin pa'i phyir/ 'dod na/ ngo bo'i sgo nas zag pa rgyas rung gi chos yin par thal/ de gang rung gang zhig mtshungs ldan gyi sgo nas zag pa rgyas rung gi chos ma yin pa'i phyir/ der thal/ shes pa ma yin pa'i phyir/ 'dod mi nus te/ zag pa'i ngo bo ma yin pa'i phyir/ der thal/ gzugs yin pa'i phyir/ kha cig /zag pa dang bcas bral gyi don gnyis snang gi zag pa dang bcas ma bcas la byed zer na/ khyi rgan rgya bo'i zag bcas nyer len gyi gzugs phung chos can/ zag med yin par thal/ gnyis snang gi zag med yin pa'i phyir/ der thal/ gnyis snang med pa'i gzugs phung yin pa'i phyir/ gzhan yang/ sangs rgyas 'phags pa'i rgyud kyi mig shes chos can/ zag bcas su thal/ gnyis snang gi zag bcas yin pa'i phyir/ der thal/ gnyis snang gi shes pa yin pa'i phyir/ yul yul can tha dad du snang ba'i shes pa yin pa'i phyir/ der thal/ chos can de yin pa'i phyir/ 'dod mi nus te/ sangs rgyas kyi shes pa yin pa'i phyir/ kha cig /zag bcas zag med kyi don bden snang gi zag pa dang bcas ma bcas la byed zer na/ khyi rgan rgya bo'i nyer len gyi phung po chos can/ zag med yin par thal/ bden snang gi zag med yin pa'i phyir te/ bden snang med pa'i chos yin pa'i phyir/ der thal/ gzugs phung yin pa'i phyir/ 'dod na bkag zin/ gzhan yang/ lhag med myang 'das la gnas pa'i nyan thos dgra bcom pa'i rgyud kyi bden snang can gyi ye shes chos can/ zag bcas yin par thal/ bden snang @41a @#/ /can gyi shes pa yin pa'i phyir/ der thal/ chos can de yin pa'i phyir/ ma grub na/ der thal/ de yod pa'i phyir/ rtsa bar 'dod mi nus te/ zag med yin pa'i phyir/ ma grub na/ de chos can/ zag med yin par thal/ lhag med myang 'das la gnas pa'i nyan thos dgra bcom pa'i ye shes yin pa'i phyir/ kha cig/ byang sems sgom lam pa'i rgyud kyi rjes thob yes yin na/ theg chen gyi zag bcas sgom lam yin pas khyab/ de'i rgyud kyi mnyam gzhag ye shes yin na/ theg chen gyi zag med sgom lam yin pas khyab zer na/ /byang sems sgom lam pa'i rgyud kyi myu gu bden stong sgyu ma lta bur mngon sum du rtogs pa'i rjes thob ye shes chos can/ theg chen gyi zag bcas sgom lam yin par thal/ byang sems sgom lam pa'i rgyud kyi rjes thob ye shes yin pa'i phyir/ der thal/ chos can de yin pa'i phyir/ 'dod na/ rtog pa yin par thal/ 'dod pa'i phyir/ 'dod mi nus te/ mngon sum yin pa'i phyir/ gzhan yang/ byang sems sgom lam pa'i rgyud kyi theg chen sems bskyed la mnyam bar gzhag pa'i ye shes chos can/ gnyis pa der thal/ de'i phyir/ der thal/ de yod pa'i phyir/ der thal/ de'i rgyud la byams sogs tshad med bzhi la mnyam par gzhag pa'i mnyam gzhag yod pa'i phyir/ der thal; de'i rgyud la byams sogs tshad med bzhi sgom pa yod pa'i phyir/ 'dod na/ mngon sum yin par thal/ 'dod pa'i phyir/ 'dod mi nus te/ rtogs pa yin pa'i phyir/ kha cig/ zag pa dang bcas pa'i theg chen gyi rjes la mngon rtogs/ theg chen gyi zag bcas sgom lam gyi mtshan nyid/ zag pa dang bral ba'i theg chen gyi rjes la mngon rtogs/ theg chen gyi zag med sgom lam gyi mtshan nyid yin zer na/ byang sems sgom lam pa'i rgyud kyi theg chen sems bskyed chos can/ mtshan nyid dang po der thal/ mtshon bya dang po de'i phyir/ der thal/ sgra don 'dres rung du 'dzin pa'i zhen rig dang bcas pa'i theg chen gyi rjes la mngon rtogs yin pa'i phyir/ der thal/ chos can de yin pa'i phyir/ 'dod na/ zag bcas yin par thal/ 'dod pa'i phyir/ 'dod mi nus te/ zag med yin pa'i phyir/ gzhan yang/ dman lam sngon du ma song ba'i sa gnyis pa'i bar chad med lam chos can/ mtshan nyid gnyis pa @41b der thal/ mtshon bya gnyis pa de'i phyir/ der thal/ sgra don 'dres rung du 'dzin pa'i zhen rig dang bral ba'i theg chen gyi mngon rtogs yin pa'i phyir/ der thal/ chos can de yin pa'i phyir/ 'dod na/ nyon mongs dang bral ba'i rjes la mngon rtogs yin par thal/ 'dod pa'i phyir/ 'dod mi nus te/ chos can de yin pa'i phyir/ ! /gnyis pa rang lugs la/ sbyir zag pa dang bcas bral gyi don 'jog tshul la/ thams cad kyang dgra bcom pa zag ba zad pa zhes pa'i skabs su nyon mongs spangs ma spangs la byed/ skabs 'ga' zhig tu spang bya la zag bcas dang/ gnyen po la zag med du byed pa dang/ skabs 'ga' zhig tu sgra don 'dres rung du 'dzin pa'i zhen rig dang bcas ma bcas la byed pa dang/ skabs 'ga' zhig tu nyon mongs spang bya'i gtso bor byas nas spong mi spong la byed pa dang/ skabs 'ga' zhig tu bden grub la zag bcas dang/ bden stong la zag med du byed pa du ma yod pa las skabs 'dir ni sgra don 'dres rung du 'dzin pa'i zhen rig dang bcas ma bcas la byed pa yin pa'i phyir/ der thal/ 'grel bshad tshig gsal las/ zag pa dang bcas pa dang zag pa med pa'i bye brag ni rnam par rtog pa dang bcas pa dang de dang bral ba gtso bor gyur ba'o/ /zhes gsungs pa'i phyir/ sgra don 'dres rung du 'dzin pa'i zhen rig dang bcas pa'i theg chen gyi rjes la mngon rtogs/ theg chen gyi zag bcas sgom lam gyi mtshan nyid/ de dang bral ba'i theg chen gyi rjes la mngon rtogs/ theg chen gyi zag med sgom lam gyi mtshan nyid/ dang po'i mtshan gzhi ni/ byang sems sgom lam pa'i rgyud kyi theg chen sems bskyed lta bu/ gnyis pa'i mtshan gzhi ni sa gnyis pa'i sgom lam bar chad med lam lta bu/ rtog pa dang bcas bral gyi don ni/ sgra don 'dres rung du 'dzin pa'i zhen rig yin mi la byed pa yin no/ /rtsod pa spong ba la/ kha cig/ khyi rgan rgya bo chos can/ rtog bral yin par thal/ sgra don 'dres rung du 'dzin pa'i zhen rig ma yin pa'i phyir/ 'dod mi nus te/ rtog bcas yin pa'i phyir/ der thal/ phyin ci log gi rtog pa dang bcas pa'i phyir na ma khyab/ /kha cig/ sa gnyis pa'i sgom lam bar chad med lam chos can/ zag pa med pa'i theg chen gyi rjes la mngon rtogs yin par thal/ zag pa med pa'i theg chen gyi sgom lam yin @42a @#/ /pa'i phyir/ ma grub na/ der thal/ theg chen gyi zag med sgom lam yin pa'i phyir zer na/ ma khyab/ kha cig/ sa gnyis pa ba'i rgyud kyi theg chen sems bskyed chos can/ zag bcas su gyur pa'i theg chen gyi sgom lam yin par thal/ theg chen gyi sgom lam zag bcas yin pa'i phyir na ma khyab/ 'o na/ nyan thos kyi mthong lam bar chad med lam chos can/ mi mthun phyogs su gyur pa'i gzhi shes yin par thal/ mi mthun phyogs kyi gzhi shes yin pa'i phyir/ 'dod na/ mi mthun phyogs yin par thal/ 'dod pa'i phyir/ 'dod mi nus te/ gnyen po phyogs yin pa'i phyir te/ bar chad med lam yin pa'i phyir/ kha cig/ sa gnyis pa pa'i rgyud kyi theg chen sems bskyed chos can/ zag med sgom lam yin par thal/ zag med gang zhig/ sgom lam yin pa'i phyir na ma khyab/ 'o na/ rnam mkhyen chos can/ rgyu lam shes yin par thal/ rgyu gang zhig/ lam shes yin pa'i phyir/ /kha cig/ zag bcas yin na/ spang bya yin dgos par thal/ de yin na/ sdug bden yin dgos pa'i phyir/ der thal/ mdzod 'grel las/ zag pa dang bcas pa thams cad sdug bsngal/ zhes gsungs pa'i phyir na ma khyab/ 'dod na/ sa dang po ba'i rgyud kyi gang zag gi bdag 'dzin chos can/ sdug bden yin par thal/ zag bcas yin pa'i phyir te/ bdag 'dzin yin pa'i phyir/ rtsa bar 'dod na/ 'khor ba'i sdug bsngal gyis gdungs ba'i sa dang po ba yod par thal lo/ 'dod na/ skye rga na 'chi'i sdug bsngal gyis gdungs pa'i de yod par thal lo/ /'dod na/ bkag zin/ gzhan yang/ sdug bden yin na/ spang bya yin dgos par thal/ khyod kyi sgrub byed 'thad pa'i phyir/ 'don na bkag zin/ ! /mos pa rang gi don dang ni/ /zhes sogs la/ mtha' dpyad pa la/ kha cig/ mos pa sgom lam yin na/ mos pa yin pas khyab zer na/ mos pa sgom lam dang mtshungs ldan du gyur pa'i gtso sems chos can/ der thal/ de'i phyir/ der thal/ chos can de yin pa'i phyir/ 'dod na/ sems byung yin par thal/ mos pa yin pa'i phyir/ 'dod mi nus te/ gtso sems yin pa'i phyir/ kha cig/ mos pa dang sgom lam gyi gzhi mthun yin na/ mos pa sgom lam yin pas khyab zer na/ nyan thos sgom @42b lam pa'i rgyud kyi nyan thos kyi byang chub la mos pa'i mos pa chos can/ der thal/ de'i phyir te/ mos pa gang zhig/ sgom lam yin pa'i phyir te/ chos can de yin pa'i phyir/ 'dod mi nus te/ theg chen gyi sgom lam ma yin pa'i phyir/ kha cig/ yum don gsum gyi 'byung gnas su yid ches pa'i zag/ pa dang bcas pa'i theg chen gyi rjes la mngon rtogs/ mos pa sgom lam gyi mtshan nyid yin zer na/ sa gnyis pa ba'i rgyud kyi rang don mos pa sgom lam chos can/ mtshan nyid der thal/ mtshon bya de'i phyir/ der thal/ chos can de yin pa'i phyir/ 'dod mi nus te/ chos can de yin pa'i phyir/ gzhan yang yum rang don gyi 'byung gnas yin par thal/ byang sems sgom lam pa'i rgyud la yum rang don gyi 'byung gnas su yid ches pa'i yid ches shig yod pa'i phyir/ 'dod na/ yum las rang don 'byung bar thal/ 'dod pa'i phyir/ 'dod na/ yum las rang don mthar thug 'byung bar thal/ 'dod pa'i phyir/ 'dod na/ yum las rang don mthar thug skye bar thal/ 'dod pa'i phyir/ 'dod na/ rang don mthar thug chos can/ khyod yum las mi skye bar thal/ khyod 'dus ma byas yin pa'i phyir/ kha cig/ yum rang don gyi 'byung gnas su yid ches pa'i ying chos kyi dad pas zin pa'i mos pa sgom lam de/ rang don mos pa sgom lam gyi mtshan nyid/ yum gzhan don gyi 'byung gnas su yid ches pa'i yid ches kyi dad pas zin pa'i mos pa sgom lam de/ gzhan don mos pa sgom lam gyi mtshan nyid/ yum rang gzhan gnyis ka'i don gyi 'byung gnas su yid ches pa'i yid ches kyi dad bas zin pa'i mos pa sgom lam de/ gnyis don mos pa sgom lam gyi mtshan nyid zer na/ mos pa sgom lam gsum po yin khyab mnyam yin par thal/ mos pa sgom lam yin na/ yid ches kyi dad pa de gsum gas zin pas khyab pa gang zhig/ mtshan nyid 'thad pa'i phyir/ dang po der thal/ byang sems sgom lam pa'i rgyud la dad pa de gsum ga yod pa'i phyir/ 'dod na/ rang don mos pa sgom lam ma dag sa bdun dang gnyis don mos ba sgom lam sa brgyad pa dang dgu pa gnyis la bzhag pa dang/ gzhan don mos pa sgom lam de sa bcu par bzhag pa de gtso che chung gi sgo nas bzhag @43a @#/ /pa de mi 'thad par thal/ de gsum yin khyab mnyam yin pa'i phyir/ 'dod mi nus te/ de ltar tshad ldan gyi gzhung las gsungs pa'i phyir/ kha cig/ rang don yid ches kyi dad pas zin pa'i mos pa sgom lam de rang don mos pa sgom lam gyi mtshan nyid/ gzhan don yid ches kyi dad pas zin pa'i mos pa sgom lam de/ gzhan don mos pa sgom lam gyi mtshan nyid/ rang gzhan gnyis ka'i don yid ches kyi dad pas zin pa'i mos pa sgom lam de gsum pa'i mtshan nyid zer na/ mos pa sgom lam gsum po yin khyab mnyam yin par thal/ mos pa sgom lam yin na bsam pa de gsum gas zin pas khyab ba gang zhig/ khyod kyi mtshan nyid 'thad pa'i phyir/ 'dod na bkag zin/ kha cig/ mos pa sgom lam gyi mos yul yin na/ gzhung lam 'bras bu sher phyin gsum po gang rung yin pas khyab zer na/ longs sku chos can/ der thal/ de'i phyir/ der thal/ mos pa sgom lam rgyud la ldan pa'i byang sems sgom lam pa'i mos yul yin pa'i phyir/ 'dod mi nus te/ chos can de yin pa'i phyir/ kha cig/ de'i mos yul yin na/ blang bya yin pas khyab zer na/ sgrib gnyis spang bya yin pa chos can/ der thal/ de'i phyir/ rtags ma grub na/ de chos can/ de'i mos yul yin par thal/ lung rigs kyi gtan la phab pa'i don yin pa'i phyir/ rtsa bar 'dod mi nus te/ spang bya blang bya ma yin pa'i phyir/ kha cig/ mos pa sgom lam bsgom pa'i byang sems la sangs rgyas dang byang chub sems dpa' thugs dgyes pa'i cha dang / dngos gnas kyi yon tan brjod pa'i cha/ mos pa sgom lam gyi phan yon gyi mtshan nyid zer na/ de mi 'thad par thal/ mos pa sgom lam gyi phan yon yin na/ sangs rgyas byang sems thugs dgyes pa'i cha dang/ dngos gnas kyi yon tan brjod pa'i cha gnyis ka yin mi dgos pa'i phyir/ der thal/ de gnyis so sor smos pa la dgos pa yod pa'i phyir/ kha cig/ mos pa sgom lam bsgom pa'i byang chub sems dpa' la sangs rgyas dang byang sems thugs dgyes pa'i cha dang dngos gnas kyi yon tan brjod pa'i cha gang rung du dmigs pa de'i mtshan nyid zer na/ mos @43b ba sgom lam bsgom pa'i byang sems la byang sems sa bcu pa ba thugs dgyes pa'i cha de chos can/ mtshan nyid der thal/ mtshan bya de'i phyir/ 'dod na/ sangs rgyas dang byang sems thugs dgyes pa'i cha yin par thal/ de gang rung gang zhig/ phyi ma ma yin pa'i phyir/ 'dod na sangs rgyas 'phags pa thugs dgyes pa'i cha yin par thal lo/ /'dod mi nus te/ byang chub sems dpa' thugs dgyes pa'i cha yin pa'i phyir/ der thal/ chos can de yin pa'i phyir// ! //gnyis pa rang lugs la/ yum don gsum po gang yang rung pa'i 'byung gnas su yid ches pa'i rigs su gnas pa'i sgra don 'dres rung du 'dzin pa'i zhen rig dang bcas pa'i theg chen gyi rjes la mngon rtogs/ mos pa sgom lam gyi mtshan nyid/ de la dbye na/ rang don mos pa sgom lam sogs gsum yod/ mtshan nyid rim pa bzhin du rjes kyi gnas skabs su rang don gyi bya ba la 'jug pa'i byed las dang ldan pas rab tu phye ba'i mos pa sgom lam dang po dang/ rjes kyi gnas skabs su gzhan don gyi bya ba la 'jug pa'i byed las dang ldan pas rab tu phye ba'i mos ba sgom lam gnyis pa'i mtshan nyid/ rjes kyi gnas skabs su rang gzhan gnyis ka'i bya ba la 'jug pa'i byed las dang ldan pas rab tu phye ba'i de gsum pa'i mtshan nyid/ de gsum po re re la yang chung 'bring chen po gsum gsum yod/ 'dir dngos su bstan pa'i mos pa sgom lam gyi mos yul gyi khyad par yod de/ gzhung lam 'bras bu shes phyin gsum po de'i mos yul yin pa'i phyir/ mos pa sgom lam sgom pa'i byang chub sems dpa' la sangs rgyas dang byang chub sems dpa' gang yang rung ba thugs dgyes pa'i cha dang/ de gang yang rung bas dngos gnas kyi yon tan brjod pa'i cha gang rung du dmigs pa/ mos pa sgom lam gyi phan yon gyi mtshan nyid/ de la dbye na/ der gyur ba'i bstod pa dgu/ bkur ba dgu/ bsngags pa dgu dang nyer bdun yod// ! //rtsod pa spong ba la/ rang don gyi bya ba la 'jug pa'i byang sems sgom lam ba yod par thal/ mtshan nyid dang po de'i phyir/ 'dod mi nus te/ byang sems sgom lam ba yin na rang don la mi @44a @#/ /lta bar gtso bor gzhan don byed pas khyab pa'i phyir/ zer na ma khyab ste/ rang don gyi bya ba la 'jug pa'i byang sems sgom lam pa yod pa'i phyir te/ rnam mkhyen don du gnyer pa'i byang sems sgom lam pa yod pa'i phyir/ kha cig/ sgrib pa gnyis chos can/ mos pa sgom lam gyi mos yul yin par thal/ lung rigs rnam dag gis gtan la phab pa'i don yin pa'i phyir/ der thal/ de bstan pa'i lung rnam dag yod pa gang zhig/ de gtan la phab pa'i rigs pa rnam dag kyang yod pa'i phyir/ 'dod mi nus te/ dor bya yin pa'i phyir zer na ma khyab/ de mos yul yin pa'i don spang bya yin pa la byed do/ /kha cig/ mos pa sgom lam gyi mos yul yin na/ gzhung lam 'bras bu sher phyin gsum po gang rung yin dgos par thal/ skabs 'dir dngos su bstan pa'i mos pa sgom lam gyi mos yul la de'i phyir zer na/ rdzas spyi dang nyis mgo ma bcad pa'i dbang du byas na ma khyab po/ /yongs su bsngo ba khyad par can/ zhes sogs la/ bsngo ba sgom lam chos can/ khyod la dbye na du ma yod de/ khyod la dbye na rnam pa bcu gnyis yod pa'i phyir/ kha cig/ rang gzhan gyi dge rtsa rdzogs byang du bsngo ba'i zag pa dang bcas pa'i theg chen gyi rjes la mngon rtogs/ bsngo ba sgom lam gyi mtshan nyid zer na/ byang sems sgom lam pa'i rgyud kyi rang gzhan gyi dge rtsa rdzogs byang du bsngo ba'i bsngo ba chos can/ mtshan nyid der thal/ mtshon bya de'i phyir/ der thal/ chos can de yin pa'i phyir/ 'dod mi nus te/ chos can de yin pa'i phyir/ kha cig/ rang gzhan gyi dge rtsa rdzogs byang du bsngo ba'i sgra don 'dres rung du 'dzin pa'i zhen rig dang bcas ba'i theg chen gyi rjes la mngon rtogs/ bsngo ba sgom lam gyi mtshan nyid zer na/ byang sems sgom lam pas skyes bu lhas sbyin gyi dge rtsa kho na rdzogs byang du bsngo ba'i bsngo ba chos can/ mtshan nyid der thal/ mtshan bya de'i phyir/ rtags gsal chos can gyis sgrub po/ /kha cig/ rang gzhan gang rung gi dge rdzogs byang du bsngo ba'i sgra don 'dres rung du 'dzin pa'i zhen rig dang bcas pa'i theg chen gyi rjes la mngon rtogs/ de'i mtshan nyid zer na/ byang sems sgom lam bas nyan thos rigs nges kyi nyan thos tshogs lam ba'i dge rtsa nyan thos kyi byang chub tu bsngo ba'i bsngo ba chos can/ mtshan nyid der thal/ @44b mtshon bya de'i phyir/ der thal/ chos can de yin pa'i phyir/ ma grub na/ der thal/ de yod pa'i phyir te/ byang sems sgom lam pas nyan thos rigs nges kyi nyan thos tshogs lam pa nyan thos kyi byang chub la 'god pa yod pa'i phyir te/ nyan thos rnams ni rnam grol sgra phyir 'gro/ zhes gsungs pa'i phyir/ 'dod na sla'o/ /kha cig/ bsngo ba sgom lam la bsngo bas khyab zer na/ bsngo ba sgom lam dang mtshungs ldan gyi gtso sems kyis ma nges so/ /kha cig/ byang sems sgom lam pas rang rgyud kyi dge rtsa nyan rang gi byang chub tu bsngo ba yod zer na/ de med par thal/ de byang sems lam la ltos te bsngo ba dug can gang zhig/ byang sems 'phags pa'i rgyud la byang sems lam la ltos te bsngo ba bdug can med pa'i phyir/ dang po der thal/ nyan rang gi lam rnams byang sems lam gyi gol sa mi mthun phyogs yin pa'i phyir/ kha cig/ bsngo ba dang smon lam yin khyab mnyam yin zer na/ bsngo rgyu'i rdzas dang mi ldan pa'i smon lam chos can/ bsngo ba yin par thal/ smon lam yin pa'i phyir/ der thal/ chos can de yin pa'i phyir/ der thal/ de yod pa'i phyir/ der thal/ yid smon tsam gyi smon lam yod pa'i phyir/ 'dod mi nus te/ chos can de yin pa'i phyir/ kha cig/ de gnyis 'gal zer na/ bsngo rgyu'i rdzas dang ldan pa'i rdzogs byang thob par smon pa'i smon lam chos can/ smon lam ma yin par thal/ bsngo ba yin pa'i phyir/ der thal/ de yod pa'i phyir te/ theg chen sems bskyed kyi grogs rdzogs byang don gnyer gyi bdun pa de smon lam yin pa'i phyir te/ mdo sde rgyan las/ brten pa rnams kyi smon lam ni/ sems dpa' 'dun dang bcas pa ste/ /zhes gsungs pa'i phyir/ /'dod mi nus te/ chos can de yin pa'i phyir te/ kha cig/ rdzogs byang du bsngo ba'i dge rtsa khong khro log lta sogs kyis 'joms pa med zer na/ theg chen sems bskyed kyis zin pa'i dge rtsa khong khros 'joms pa med par thal/ dam bca' 'thad pa'i phyir/ 'dod na/ byang chub sems dpa'i rgyud kyi dge rtsa khong khros 'joms pa med par thal/ 'dod pa'i phyir/ 'dod mi nus te/ sbyin dang khrims byung dge ba bskal pa brgyar/ /bsags pa skad cig gis 'joms de yi phyir/ /zhes pa'i thad kyi rang 'grel las/ byang sems bdag nyid chen bo des/ zhes sogs gsungs pa'i phyir/ kha cig/ gang zag gzhan @45a @#/ /gyis rdzogs byang du bsngos pa'i dge rtsa yin na/ rdzogs byang du bsngos pa'i dge rtsa yin pas khyab zer na/ 'o na/ dge rtsa yin na/ rdzogs byang du bsngos pa'i dge pa yin dgos par thal/ dam bca' 'thad pa gang zhig/ dge rtsa yin na sangs rgyas 'phags pas rdzogs byang du bsngos pas khyab pa'i phyir te/ sangs rgyas 'phags pas sems can thams cad rdzogs byang thob pa'i phyir du ma bsags pa'i dge rtsa med pa'i phyir/ kha cig/ rdzogs byang du bsngos pa'i dge rtsa 'bras bu phyung bas zad pa yod zer na/ de med par thal/ blo gros rgya mtshos zhus pa'i mdo las/ ji ltar rgya mtsho chen nang chu theg lhung/ /rgya mtsho ma zad par du de mi 'dzad/ /de bzhin byang chub yongs bsngos dge ba yang/ /byang chub ma thob par du de mi 'zad/ /ces gsungs pa'i phyir// ! //gnyis pa rang lugs la/ rang gzhan gang rung gi dge rtsa yul khyad par can du bsgyur par byed pa'i byed pa'i sgra don 'dres rung du 'dzin pa'i zhen rig dang bcas pa'i theg chen gyi rjes la mngon rtogs/ bsngo ba sgom lam gyi mtshan nyid/ rang gzhan gyi dge rtsa rdzogs byang du bsgyur par byed pa'i sgra don 'dres rung du 'dzin pa'i zhen rig dang bcas pa'i theg chen gyi rjes la mngon rtogs/ skabs 'dir dngos su bstan pa'i bsngo ba sgom lam gyi mtshan nyid/ de la rnam pa bcu gnyis yod/ bsngo ba'i rdzas/ bsngo pa'i sa/ bsngo ba'i rnam pa/ bsngo ba'i ngo bo/ /bsngo ba'i dgos pa rnam kyi khyod par yod de/ rang gzhan gyis du gsum du bsags pa'i dge rtsa rnams bsngo ba'i rdzas dang/ rdzogs pa'i byang chub bsngo bI sa/ bde med kyi rnam par shar ba bsngo ba'i rnam pa/ bsngo rgyu'i rdzas dang ldan pa'i sgom nas 'bras bu khyad par chan la re ba 'cha' ba'i sems ba bsngo ba'i ngo bo/ /'bras bu byung ? bas mi zad pa bsngos pa'i dgos pa yin pa'i phyir// ! //gsum pa rtsod pa spong ba la/ kha cig/ rdzogs byang du bsngos pa'i dge rtsa khong khros 'joms pa med par thal/ sems can thams cad kyi don du rdzogs byang du bsngos pa'i dge rtsa khong khros 'joms pa med pa'i phyir/ der thal/ de khong khros bstan med du 'jomd pa med pa'i phyir zer na/ ma khyab ma grub na/ der thal/ nam kha' la mtha' med de bzhin du sems can la yang grangs mi srid bas sems can thams cad kyi don du bsngos pa'i dge rtsa la yang grangs mi @45b srid cing/ de 'joms byed kyi khong khro skad cig ma la grangs srid pa'i phyir/ /kha cig/ rdzogs byang du bsngos pa'i dge rtsa yin na/ 'bras bu phyung bas mi zad pas khyab par thal/ rdzogs byang du bsngos pa'i dge rtsa 'bras bu phyung bas mi zad pa'i phyir/ 'dod na/ 'bras bu dman pa gcig phyung rjes su khong khros gtan med du 'joms ngas kyi rdzogs byang du bsngos pa'i dge rtsa chos can/ der thal/ de'i phyir/ 'dod na/ 'bras bu phyung bas zad par thal/ /'bras bu dman pa zhig phyung rdzes su zad pa'i phyir zer na ma khyab/ kha cig/ /khong khros bcom pa'i dge rtsas rnam smin gyi 'bras bu yid 'ong 'byin pa med zer na/ de yod par thal/ khong khros zad pa chung du byas pa'i dge rtsas rnam smin gyi 'bras bu yid 'ong 'byin pa yod pa'i phyir/ der thal/ khong khros dge rtsa 'joms tshul la zad pa chung du 'bring chen po gsum yod pa'i phyir/ kha cig/ gang zag gzhan gyis rdzogs byang du bsngos pa'i dge rtsa la/ rdzogs byang du bsngos pa'i dge rtsas khyab par thal/ byang chub sems dpas rdzogs byang du bsngos pa'i dge rtsa yin na/ rdzogs byang du bsngos pa'i dge rtsa yin dgos pa'i phyir/ der thal/ skyes bu lhas byin gyi sbyin pa las byung pa'i dge rtsa sbyin yul gyi byang chub sems dpas rdzogs byang du bsngos pa'i dge rtsa rdzogs byang du bsngos pa'i dge rtsas yin pa'i phyir zer na ma khyab/ kha cig/ dmigs med kyi bsngo ba yin na/ bsngo ba'i 'khor gsum bden med du rtogs pas khyab zer na/ de mi 'thad par thal/ slob pa'i rgyud kyi dmigs med kyi snying rje yin na/ rang gi dmigs yul du gyur pa'i sems can bden med du rtogs pas ma khyab pa'i phyir/ kha cig/ bsngo ba dang bsngo ba'i rdzas 'gal zer na/ byang sems sgom lam pa'i rgyud kyi lus longs spyed dge ba'i rtsa ba rnams rdzogs byang du bsngo ba'i bsngo ba chos can/ bsngo ba'i rdzas ma yin par thal/ bsngo ba yin pa'i phyir/ der thal/ chos can de yin pa'i phyir/ 'dod na/ bsngo ba'i rdzas yin par thal/ byang sems sgom lam pa'i lus longs spyod dge ba'i rtsa ba rnams ched du bya ba sems can thams cad kyi don du bsngo ba'i phyir/ thabs dang mi dmigs pa dag gi zhes sogs la/ rang gzhan gyi dge rtsa la dga' ba sgom pa'i theg chen gyi rjes la mngon rtogs rjes su yi rang sgom lam gyi mtshan nyid zer na/ theg chen sgom lam bar chad med lam pa'i rgyud kyi rang gzhan gyi dge @46a @#/ /rtsa la dga' ba bsgom pa'i ye shes chos can/ mtshon bya der thal/ mtshan nyid de'i phyir/ der thal/ de yod pa'i phyir/ der thal/ de'i rgyud la stong nyid bsgom pa la dga' ba'i dga' ba yod pa'i phyir te/ de'i rgyud la dga' ba yang dag byang chub kyi yan lag yod pa'i phyir/ 'dod na/ zag bcas sgom lam yin par thal/ 'dod pa'i phyir/ 'dod mi nus te/ zag med sgom lam yin pa'i phyir/ kha cig/ de 'dra ba'i zag ba dang bcas pa'i theg chen gyi rjes lam mngon rtogs/ rjes su yi rang sgom lam gyi mtshan nyid zer na/ byang sems sgom lam pas rang rgyud kyi dge rtsa kho na la dga' ba bsgom pa'i rje su yi rang sgom lam de chos can/ mtshan nyid der thal/ mtshon bya de'i phyir/ der thal/ de yod pa'i phyir/ der thal/ de gnyis byed las so so ba yin pa'i phyir/ der thal/ rang rgyud kyi dge rtsa la dga' ba sgom pas dge rtsa gong 'phel du 'gyur/ gzhan gyi dge rtsa la dga' ba bsgom pas dge ba thob mnyam du 'byung ba'i phyir/ 'dod mi nus so/ /kha cig/ gzhan gyi dge rtsa la dga' bsgom pas dge ba de dang che chung mnyam pa thob pa yin zer na/ mi 'thad par thal/ sangs rgyas 'phags pa'i dge rtsa la dga' ba bsgom pa'i byang sems sgom lam pa yod pa gang zhig/ sangs rgyas 'phags pa'i dge rtsa dang che chung mnyam pa thob pa'i byang sems sgom lam pa'i rgyud kyi dge rtsa med pa'i phyir/ kha cig/ rang gzhan gang rung gi dge rtsa la dga' ba bsgom pa'i yid bde dang mtshungs ldan du gyur pa'i theg chen gyi rjes la mngon rtogs/ rjes su yi rang sgom lam gyi mtshan nyid zer na/ sa gnyis pa pa'i rgyud kyi rjes su yi rang sgom lam chos can/ mtshan nyid der thal/ mtshon bya de'i phyir/ 'dod na/ de chos can/ yid bde rgyud ldan yin na/ khyod rgyud ldan yin dgos par thal/ khyod yid bde dang mtshungs ldan yin pa'i phyir/ 'dod na/ sa gsum pa ba sogs kyis ma nges so/ /rang lugs la rang gzhan gyi dge rtsa la dga' ba bsgom pa'i rang gi grogs yid bde dang mtshungs ldan du gyur pa'i sgra don 'dres rung du 'dzin pa'i zhen rig dang bcas pa'i theg chen gyi rjes la mngon rtogs/ skabs 'dir dngos su bstan pa'i rjes su yi rang sgom lam gyi mtshan nyid/ de la gnyis yod/ byang sems sgom lam pas rang rgyud kyi dge rtsa @46b la rloms sems med par dga' ba bsgom pa la dgos pa yod de/ dge rtsa gong nas gong du 'phel bar 'gyur pa'i phyir/ des gzhan rgyud kyi dge rtsa la dga' ba bsgom pa la dgos pa yod de/ bsod nams thob mnyam du 'byung ba'i phyir//rtsod pa spong ba la/ kha cig/ gzhan gyi dge rtsa la dga' ba sgom pas bsod nams de dang che chung mnyam pa thob par thal/ 'grel pa las/ rang dang gzhan gyi bsod nams bya ba mnyam pa nyid du thob po/ /zhes gsungs pa'i phyir zer na/ skyon med de/ de'i don ni gzhan gyi dge rtsa la dga' ba bsgom pas bsod nams thob mnyam du 'byung ba'i don no/ /de yi ngo bo nyid mchog nyid/ /ces sogs la dgag gzhag spang gsum las/ dang po la/ kha cig/ theg chen sgom lam mnyam gzhag ye shes/ sgrub pa sgom lam gyi mtshan nyid/ de rjes thob ye shes/ rnam dag sgom lam gyi mtshan nyid zer na/ byang sems sgom lam pa'i rgyud kyi theg chen sems bskyed la mnyam par gzhag pa'i mnyam gzhag ye shes chos can/ mtshon bya der thal/ mtshan nyid de'i phyir/ der thal/ chos can de yin pa'i phyir/ der thal/ de yod pa'i phyir/ der thal/ byang sems 'phags pa'i rgyud la byams sogs tshad med bzhi la mnyam par gzhag pa'i mnyam gzhag ye shes yod pa'i phyir/ ma grub na/ byang chub sems dpa'i rgyud kyi kun rdzob dngos yul byed pa'i shes pa yin na/ mnyam gzhag ye shes ma yin dgos par thal/ byang chub sems dpa'i rgyud kyi theg chen sems bskyed la mnyam par gzhag pa'i mnyam gzhag ye shes kyang med/ byang sems 'phags pa'i rgyud kyi byams sogs tshad med bzhi la mnyam par gzhag pa'i mnyam gzhag ye shes kyang med pa'i phyir/ 'dod na/ stong nyid rtogs ma myong ba'i lhag med myang 'das la gnas pa'i nyan thos dgra bcom pa'i rtogs pa sngon du song ba'i byang sems tshogs lam pa'i rgyud kyi khyab pa 'du byed kyi sdug bsngal nye bar zhi ba'i nyer zhi'i dbyings la mnyam par gzhag pa'i mnyam gzhag ye shes chos can/ der thal/ de'i phyir/ der thal/ chos can de yin pa'i phyir/ 'dod mi nus te/ khyab pa 'du byed kyi sdug bsngal nye bar zhi ba'i nyer zhi'i dbyings la mnyam par gzhag pa'i mnyam gzhag ye she yin pa'i phyir/ der thal/ de yod pa'i phyir te/ rnam @47a @#/ /bshad las/ yang dang yang du snyoms 'jug de la snyoms par 'jug par 'gyur mod kyi/ zhes gsungs pa'i phyir/ rtsa bar 'dod na/ theg chen gyi zag med sgom lam du thal lo/ /'dod pa'i phyir/ 'dod mi nus te/ theg chen gyi zag bcas sgom lam yin pa'i phyir/ phyi ma la stong nyid don spyi'i tshul gyis rtogs pa'i theg chen gyi sgom lam rjes thob ye shes chos can/ mtshon bya der thal/ mtshan nyid de'i phyir/ der thal/ chos can de yin pa'i phyir/ 'dod na/ theg chen gyi zag med sgom lam du thal lo/ /'dod mi nus te/ zag bcas sgom lam yin pa'i phyir/ kha cig/ theg chen kyi sgrub pa sgom lam yin na/ bar chad med lam yin pas khyab/ rnam dag sgom lam yin na/ rnam grol lam yin pas khyab zer na/ phyi ma la/ sa dang po'i ngo bo gyur pa'i sgom lam bar chad med lam thob ma thag pa'i ye shes chos can/ theg chen gyi sgom lam rnam grol lam du thal/ rnam dag sgom lam yin pa'i phyir te/ gtso bor spangs pa mthar thug gi lag rjes 'jog byed kyi theg chen gyi zag med sgom lam yin pa'i phyir te/ stong nyid mngon sum du rtogs pa'i theg chen gyi sgom lam yin pa'i phyir/ 'dod mi nus te/ chos can de yin pa'i phyir/ dang po la/ sa dang po'i ngo bor gyur pa'i sgom lam bar chad med lam thob ma thag pa'i bar chad med lam gyis dngos su drangs pa'i rnam grol lam chos can/ der thal/ de'i phyir/ gtso bor rtogs pa mthar thug gi lag rjes 'jog byed kyi theg chen gyi zag med sgom lam yin pa'i phyir/ rtags gong ltar sgrub bo/ /'dod mi nus te/ chos can de yin pa'i phyir/ kha cig/ gtso bor rtogs pa mthar thug gi lag rjes 'jog byed kyi theg chen gyi rjes la mngon rtogs/ theg chen gyi sgrub pa sgom lam gyi mtshan nyid/ gtso bo spangs pa mthar thug gi lag rjes 'jog byed kyi theg chen gyi rjes la mngon rtogs/ theg chen gyi rnam dag sgom lam gyi mtshan nyid zer na/ stong nyid don spyi'i tshul gyis rtogs pa'i theg chen sgom lam chos can/ mtshon bya gnyis ka der thal/ mtshan nyid gnyis ka de'i phyir/ der thal/ stong nyid rtogs pa'i theg chen sgom lam yin pa'i phyir/ 'dod na/ zag med sgom lam @47b yin par thal lo/ /kha cig/ theg chen sgrub pa sgom lam dang / rnam dag sgom lam gnyis 'gal lo zer na/ mi 'thad par thal/ theg chen gyi sgom lam bar chad med lam yin na/ sgrub pa sgom lam yin dgos pa gang zhig/ rnam dag sgom lam gyi dbye ba 'chad pa'i skabs su theg chen sgom/ lam bar chad med lam chung 'bring chen po dgu gsungs pa'i phyir/ der thal/ sa dgu la ni chen po yi/ /zhes sogs gsungs pa'i phyir/ /gnyis pa rang lugs la/ /gtso bor rtogs pa mthar thug gi lag rjes 'jog byed kyi theg chen gyi zag med sgom lam sgrub pa sgom lam gyi mtshan nyid/ de la dbyen lnga yod; gtso bor spangs pa mthar thug gi lag rjes 'jog byed kyi theg chen gyi zag med sgom lam/ rnam dag sgom lam gyi mtshan nyid/ de gnyis lag rjes mi 'dra ba so sor 'jog par byed pas bshad pa yin gyi/ de gnyis yin khyab mnyam yin no/ /rtsod pa spong ba la/ kha cig/ byang sems sgom lam pa'i rgyud kyi gang zag gi bdag med mngon sum du rtogs pa'i ye shes chos can/ sgrub ba sgom lam gyi mtshan nyid de yin par thal/ mtshon bya de'i phyir/ der thal/ chos can de yin pa'i phyir/ 'dod na/ gtso bor rtogs pa mthar thug gi lag rjes 'jog byed kyi rigs su gnas par thal/ 'dod pa'i phyir na ma khyab bo/ /'dod mi nus te/ rtogs pa nye tshe ba'i rigs su gnas pa'i phyir zer ba dang / rnam dag sgom lam gyi mtshan nyid la yang skyon de bzhin du ma nges so zer na/ 'o na/ de rang chos can/ gtso bor rtogs pa mthar thug gi lag rjes 'jog byed kyi rigs su gnas par thal/ gtso bor rtogs pa mthar thug gi lag rjes 'jog byed yin pa'i phyir/ khyab pa khas/ ma grub na der thal/ gzhi shes kyi rnam pa nyer bdun nyams su len pa'i mthar gyis sbyor ba de de ltar yin pa'i phyir/ der thal/ mkhyen gsum gyi rnam pa brgya bdun cu rtsa gsum sgom pa'i sbyor ba phyi ma gnyis de ltar yin pa'i phyir/ der thal/ gtso bor rtogs pa mthar thug gi lag rjes 'jog byed kyi sems dpa'i rnal 'byor yin pa'i phyir/ 'dod na/ mi 'thad par thal/ /rtogs pa nye tshe ba'i rigs su gnas pa'i phyir/ 'khor gsum/ gzhan yang de rang chos can/ gtso bor spangs pa mthar thug gi lag rjes 'jog byed kyi rigs su gnas @48a @#/ /par thal/ gtso bor spangs pa mthar thug gi lag rjes 'jog byed yin pa'i phyir/ der thal/ gzhi shes kyi rnam pa nyer bdun nyams su len pa'i rnam rdzogs sbyor ba de de ltar yin pa'i phyir/ der thal/ mkhyen gsum gyi rnam pa brgya bdun cu rtsa gsum go rim ma 'chol bar sgom pa'i sbyor ba dang bo gnyis po de ltar yin pa'i phyir/ 'dod na/ 'khor gsum yod/ gzhan yang / byang chub sems dpa'i rgyud kyi gang zag gi bdag med mngon sum du rtogs pa'i ye shes chos can/ theg chen gyi rtogs rigs su gnas par thal/ theg chen gyi rtogs pa yin pa'i phyir/ khyab pa khas/ 'dod mi nus so/ /nyan thos mthong lam ba'i rgyud kyi stong nyid mngon sum du rtogs pa'i ye shes chos can/ nyan thos kyi rtogs rigs su gnas par thal/ nyan thos kyi rtogs pa yin pa'i phyir/ 'khor gsum/ / 'bras bu dag pa gzugs la sogs/ zhes sogs la/ sa gnyis pa'i sgom lam rnam grol lam chos can/ khyod rang gi ngos skal gyi drims rnam par dag pa na khyod kyi yul gzugs sogs kyang khyod kyi ngos skal gyi dri mas rnam par dag pa yin te/ khyod rang gi ngos skal gyi dri mas rnam par dag pa'i dag pa de dang / khyod kyi yul gzugs sogs rnams des rnam par dag pa'i dag pa gnyis po dag bya gcig gis dben pa'i dag pa rigs gcig yin pa'i phyir zer ba dang / rnam grol lam yin na/ rang gi ngos skal gyi dri ma med pas khyab zer na/ sa gnyis pa'i sgom lam rnam grol lam gyi ngos skal gyi dri ma yod par thal/ khyod kyi sbyor ba gzhung 'di'i sbyor ba rnam dag yin pa'i phyir/ 'dod na/ mi 'thad par thal/ rnam grol lam yin pa'i phyir/ gzhan yang / de'i yul gzugs sogs yod par thal/ sbyor ba 'thad pa'i phyir/ 'dod na/ de'i yul du gyur pa'i gzugs yod par thal/ 'dod pa'i phyir/ 'dod na/ de kun rdzo pa dngos yul du byed pa'i shes pa yin par thal lo/ 'dod mi nus te/ theg chen sgom lam rnam grol lam yin pa'i phyir/ kha cig/ sa gnyis pa'i sgom lam rnam grol lam chos can/ khyod rang gi ngos skal gyi dri mas rnam par dag pa na/ khyod kyi dmigs yul gzugs sogs rnams kyang khyod kyi ngos skal gyi dri mas rnam par dag pa yin te/ rnam dag de gnyis dag bya gcig gis dben pa'i @48b dag pa rigs gcig yin pa'i phyir/ de gnyis dag bya gcig gis dben pa yin te/ sa gnyis pa'i sgom lam rnam grol lam gyi ngos skal gyi dri ma med pa'i phyir zhes zer na/ 'o na/ 'bras bu dag pa gzugs la sogs/ /zhes pa'i skabs nas dngos su bstan pa'i dag bya'i dri ma shes bya la mi srid par thal/ khyod kyi dam bca' sgrub byed dang bcas pa 'thad pa'i phyir/ 'dod na/ nyon mongs shes bya lam gsum gyi/ /zhes pa'i skabs nas dngos su bstan pa'i dag bya'i dri ma shes bya la mi srid par thal/ 'dod pa'i phyir/ khyab ste/ 'bras bu dag pa gzugs la sogs/ /zhes pa'i skabs su 'bras bu rnam par dag tshul de 'chad/ nyon mongs shes bya lam gsum gyi/ / zhes pa'i skabs su 'bras bu rnam dag gi dbye ba 'chad pa'i phyir/ gal te 'dod na/ theg pa gsum gyi rang rang gi skabs kyi dag bya'i dri ma shes bya la mi srid par thal/ 'dod pa'i phyir/ 'dod na/ dag bya'i dri ma shes byal mi srid par thal/ 'dod pa'i phyir/ 'dod na/ 'gro ba thams cad 'bad med du grol bar thal lo/ /kha cig/ sa gnyis pa'i sgom lam bar chad med lam chos can/ khyod rang gi nges skal gyi dri mas rnam par dag pa na khyod kyi dmigs yul gzugs sogs kyang khyod kyi ngos skal gyi dri mas rnam par dag pa yin te/ dag pa de gnyis dag bya gcig gis dben pa'i dag pa rigs gcig yin pa'i phyir zer na/ 'bras bu dag pa gzugs la sogs/ /zhes pa'i skabs nas dngos su bstan pa'i 'bras bu de mtshon bya don gyi dge sbyong tshul dang / mtshon byed dpe'i dge sbyong tshul gnyis kyi nang nas mtshon byed dpe'i dge sbyong tshul la byed rigs par thal/ sbyor ba 'thad pa'i phyir/ 'dod na/ rgyal sras rnams kyi dag pa ste/ zhes pa'i skabs nas dngos su bstan pa'i 'bras bu la de ltar dgos par thal/ 'dod pa'i phyir/ 'dod mi nus te/ de gnyis kyi nang nas mtshon bya don gyi dge sbyong tshul gyi 'bras bu la byed pa'i phyir te/ de byang sems kyi 'gog bden la byed pa'i phyir/ kha cig/ sa gnyis pa'i sgom lam rnam brol lam chos can/ khyod bden grub kyi rnam par dag ba na/ khyod kyi dmigs yul gzugs sogs kyang bden grub kyis rnam par dag pa yin te/ rnam dag de gnyis dag bya gcig gis dben ba'i dag pa rigs @49a @#/ /gcig yin pa'i phyir zer na/ 'bras bu dag pa gzugs la sogs/ /zhes sogs kyi gzhung 'di dngos bstan stong nyid kyi rim pa dang / sbas don mngon rtogs kyi rim pa gnyis kyi nang nas/ dngos bstan stong nyid kyi rim pa gtan la 'bebs par byed pa'i gzhung yin par thal/ khyod kyi sbyor ba 'thad pa'i phyir/ 'dod mi nus te/ de de gnyis kyi nang nas sbas don mngon rtogs kyi rim pa gtan la 'bebs pa'i gzhung yin pa'i phyir/ der thal/ mngon rtogs rgyan de ltar yin pa'i phyir/ /gnyis pa rag lugs la/ sa gnyis pa'i sgom lam rnam grol lam chos can/ khyod rang 'dren byed kyi bar chad med lam gyi ngos skal gyi dri mas rnam par dag pa na/ khyod kyi dmigs yul gzugs sogs kyang khyod 'dren byed kyi bar chad med lam gyi ngos skal gyi dri mas rnamr dag pa yin te/ khyod rang 'dren byed kyi bar chad med lam gyi ngos skal gyi dri mas rnam par dag pa'i dag pa de dang / khyod kyi dmigs yul gzugs sogs khyod 'dren byed kyi bar chad med lam gyi ngos skal gyi dri mas rnam par dag pa'i dag ba gnyis dag bya gcig gis dben pa'i dag pa rigs gcig yin pa'i phyir/ de'i don yang sa gnyis pa'i sgom lam rnam grol lam des rjes kyi gnas skabs su gzugs sogs kyi chos la ji tsam bltas kyang / sa gnyis pa'i bar chad med lam gyis spang tshod kyi bden 'dzin slar skye mi rung du song ba'i don yin te/ yul yul can gyi mnyam rjes kyi dag pa 'chad pa'i skabs yin pa'i phyir/ /gsum pa rtsod pa spong pa la/ kha cig/ rnam mkhyen skad gcig dang po de rang 'dren byed kyi rgyun mtha'i bar chad med lam gyi ngos skal gyi dri mas rnam par dag ba na/ de'i dmigs yul gzugs sogs kyang de 'dren byed kyi bar chad med lam gyi ngos skal gyi dri mas rnam par dag pa yin par thal/ sa gnyis pa'i sgom lam rnam grol lam la de'i phyir/ 'dod na/ rnam mkhyen skad cig dang po'i dmigs yul gzugs sogs rgyun mtha'i bar chad med lam gyi ngos skal gyi dri mas rnam par dag par thal/ 'dod pa gang zhig/ rnam mkhyen skad cig dang po rgyun mtha'i bar chad med lam gyi ngos skal gyi dri mas rnam par dag pa yin pa'i phyir zer na/ ma khyab/ 'dod na/ rgyun mtha'i bar chad med lam gyi ngos skal gyi bdri @49b ma de yang / rgyun mtha' bar chad med lam gyi ngos skal gyi dri mas rnam par dag par thal/ de rnam mkhyen skad cig dang po'i dmigs yul gang zhig/ rnam mkhyen skad cig dang po'i dmigs yul gzugs sogs kyi chos thams cad rgyun mtha'i bar chad med lam gyi ngos skal gyi dri mas rnam par dag pa'i phyir/ 'dod na/ rgyun mtha'i bar chad med lam gyi ngos skal gyi dri ma chos can/ khyod khyod kyis rnam par ma dag par thal/ khyod gzhan dbang yin pa'i phyir zer na/ rnam mkhyen skad cig dang po skyes pa'i tshe sgrib pa slar mi skye ba'i chos can du song na/ sgrib pa slar mi skye ba'i chos can du song dgos par thal/ rnam mkhyen skad cig dang po rgyun mtha'i bar chad med lam gyi ngos skal gyi dri mas rnam par dag pa de'i tshe de'i dmigs yul gzugs sogs kyi chos rnams rgyun mtha'i bar chad med lam gyi dri mas rnam par dag pa na/ de'i dmigs yul gzugs sogs kyi chos rnams rgyun mtha'i bar chad med lam gyi ngos skal gyi dri mas dag dgos pa'i phyir/ 'dod na/ sgrib pa slar mi skye ba'i chos can du song bar thal/ rnam mkhyen skad cig dang po skyes pa'i tshe sgrib pa slar mi skye ba'i chos can du song ba'i phyir te/ de'i tshe sgrib pa slar mi skye ba'i chos can du byas pa'i phyir/ der thal/ de'i tshe sgrib pas bon dang bcas pa spangs pa'i phyir/ 'dod na/ 'gro ba thams cad 'bad med du grol bar thal lo/ /gzhan yang / myu gu rdzogs par skyes pa de'i tshes bon rdzogs par 'gags na/ sa bon rdzogs par 'gags dgos par thal/ dam bca' 'thad pa'i phyir/ 'dod na/ sa bon rdzogs par 'gags par thal lo/ /kha cig/ theg chen sgom lam bar chad med lam dang rnam grol lam gnyis 'gal bar thal/ khyod kyi sbyor ba 'thad pa'i phyir zer na/ ma khyab/ 'dod na/ sa brgyad pa thob ma thag pa'i ye shes chos can/ theg chen gyi sgom lam rnam grol lam ma yin par thal/ theg chen sgom lam bar chad med lam yin pa'i phyir te/ sa brgyad pa thob ma thag pa'i ye shes yin pa'i phyir/ 'dod mi nus te/ sa bdun pa'i skad cig tha ma'i ye shes des dngos su drangs pa'i rnam grol lam yin pa'i phyir te/ sa bdun pa'i skad cig tha ma'i ye shes de bar chad med lam yin pa'i phyir/ der thal/ sa bdun pa'i skad cig tha ma'i ya shes yin pa'i phyir/ @50a @#/ /khyab ste/ sa bcu pa'i skad cig tha ma'i ye shes yin na/ bar chad med lam yin dgos pa'i phyir/ kha cig/ theg chen sgom lam rnam grol lam dang bar chad med lam gnyis rnam dag yin zer na/ 'o na/ de gnyis 'gog bden yin par thal/ rnam dag yin pa'i phyir/ 'dod na/ 'dus ma byas yin par thal lo/ /'dod mi nus so/ /kha cig/ theg chen gyi rnam dag yin na/ rnam dag shin tu ba yin pas khyab zer na/ theg chen mthong lam rnam grol lam pa ba'i rgyud kyi 'gog bden chos can/ der thal/ de'i phyir/ der thal/ chos can de yin pa'i phyir/ 'dod mi nus te/ slob pa'i rgyud kyi 'gog bden yin pa'i phyir/ kha cig/ byang sems kyi rgyud kyi 'gog bden yin na/ byang sems kyi 'gog bden yin pas khyab zer na/ theg chen gyi mthong lam bar chad med lam pa'i rgyud kyi 'gog bden chos can/ der thal/ de'i phyir/ der thal/ chos can de yin pa'i phyir/ 'dod na/ de chos can/ rang thob byed kyi thabs su gyur pa'i theg chen gyi mthong lam bar chad med lam gyi stobs kyis thob par thal/ 'dod pa'i phyir/ 'dod mi nus so/ /kha cig/ nyon sgrib spangs pa'i spangs pa/ nyan thos kyi rnam dag gi mtshan nyid/ gzugs phyi rol don 'dzin gyi rtog pa spangs pa'i spangs pa rang rgyal gyi rnam dag gi mtshan nyid/ lam gsum gyi sgrib pa spangs pa'i spangs pa/ byang sems kyi rnam dag gi mtshan nyid/ sgrib gnyis ma lus par spangs pa'i spangs pa/ rnam dag shin tu ba'i mtshan nyid zer na/ sangs rgyas 'phags pa'i thugs rgyud kyi 'gog bden chos can/ mtshon bya dang po gsum po der thal/ mtshan nyid dang po gsum po de'i phyir/ der thal/ chos can de yin pa'i phyir/ 'dod mi nus te/ rnam dag shin tu ba yin pa'i phyir/ /kha cig/ nyon sgrib ma lus par spangs pa'i nyan thos kyi spangs pa/ nyan thos kyi rnam dag gi mtshan nyid zer na/ nyan thos mthong lam rnam grol lam pa pa'i rgyud kyi 'gog bden chos can/ mtshan nyid der thal/ mtshon bya de'i phyir nyan thos kyi 'gog bden yin pa'i phyir/ 'dod na/ nyan thos dgra bcom pa'i 'gog bden du thal lo// kha cig/ rang thob byed kyi thabs su gyur pa'i nyan thos kyi bar chad med lam gyi stobs kyis thob pa'i 'gog bden/ nyan thos kyi rnam dag gi mtshan nyid zer na/ nyan thos dgra bcom pa'i rtogs pa sgron @50b du song pa'i sangs rgyas 'phags pa'i rgyud kyi 'gog bden chos can/ mtshon nyid de'i phyir/ der thal/ chos can de yin pa'i phyir/ 'dod mi nus te/ chos can de yin pa'i phyir/ kha cig/ rang thob byed kyi thabs su gyur pa'i rang rgyal gyi bar chad med lam gyi ngos skal gyi spangs byar gyur pa'i gzugs phyi rol don 'dzin gyi rtog pa tsam spangs pa'i rang rgyal gyi spangs pa/ rang rgyal gyi rnam dag gi mtshan nyid/ lam gsum gyi sgrib pa gang rung spangs pa'i byang sems kyi spangs pa/ byang sems kyi rnam dag gi mtshan nyid zer na/ rang rgyal mthong lam rnam grol lam pa pa'i rgyud kyi 'gog bden chos can/ mtshan nyid der thal/ mtshon bya de'i phyir/ der thal/ rang rgyal gyi 'gog bden yin pa'i phyir/ 'dod mi nus te/ de thob byed kyi thabs su gyur pa'i rang rgyal gyi bar chad med lam gyi ngos skal gyi spang byar gyur pa'i nyon sgrib kun btags dang gzugs phyi rol don 'dzin gyi rtog pa kun btags gnyis yod pa'i phyir/ gzhan yang / theg chen mthong lam rnam grol lam pa pa'i rgyud kyi 'gog bden yang chos can/ mtshan nyid phyi ma der thal/ mtshon bya phyi ma de'i phyir/ 'dod mi nus te/ de gnyis gang rung spongs dgos pa'i phyir/ kha cig/ rang bzhin gyi rnam da la rnam dag gis khyab zer na/ bum pa bden stong chos can/ der thal/ de'i phyir/ der thal/ don dam bden pa yin pa'i phyir/ 'dod mi nus te/ bum pa'i gnas lugs mthar thug yin pa'i phyir/ kha cig/ rang bzhin gyi rnam dag yin na/ rnam dag ma yin pas khyab zer na/ don dam bden par gyur pa'i 'gog bden chos can/ der thal/ de'i phyir/ der thal/ don dam bden pa yin pa'i phyir/ 'dod mi nus te/ 'gog bden yin pa'i phyir/ rang lugs la/ rang thob byed kyi thabs su gyur pa'i bar chad med lam gyi stobs kyis thob pa'i spangs pa/ rnam dag gi mtshan nyid/ de la dbye nyan thos kyi rnam dag nas rnam dag shin tu ba'i bar bzhi yod/ rang thob byad kyi thabs su gyur pa'i nyan thos kyi bar chad med lam gyi stobs kyis thob pa'i nyan thos kyi spangs pa/ nyan thos kyi rnam dag gi mtshan nyid du 'jog pa nas/ sgrib gnyis ma lus par spangs pa'i spangs pa/ rnam dag shin tu ba'i mtshan nyid/ rtsod pa spong pa la/ kha cig/ nyon sgrib spangs pa'i @51a @#/ /spangs pa nyan thos kyi rnam dag gi mtshan nyid sogs su 'thad par thal/ mngon rtogs rgyan las/ nyon mongs shes bya lam gsum gyi/ zhes sogs gsungs pa'i phyir zer na ma khyab/ kha cig/ theg chen sgom lam rnam grol lam dang/ sgom lam bar chad med lam gnyis rnam dag yin par thal/ de gnyis kyi gzhal bya rnam dag lam gyi dmigs pa mthar thug yin pa'i phyir zer na/ 'o na/ de gnyis don dam bden par yin par thal/ de gnyis kyi dngos gzhal don dam bden pa yin pa'i phyir/ khyab pa dngos/ kha cig/ byang sems kyi rgyud kyi rnam dag yin na/ byang sems kyi rnam dag yin dgos par thal/ rang rgyal gyi rgyud kyi rnam dag yin na/ rang rgyal gyi rnam dag dgos pa'i phyir/ der thal/ nyan thos la de dgos pa'i phyir zer na ma khyab bo/ /'o na/ nyan thos 'phags pa rang rgyal lam dang theg chen lam du 'jug pa med par thal/ rang rgyal 'phags pa dang theg chen 'phags pa nyan thos lam du 'jug pa med pa'i phyir/ rigs pa stobs mtshungs so/ ! /sa dgu la ni chen po yis/ /zhes sogs la/ sangs rgyas 'phags pa'i rgyud kyi 'gog bden chos can/ rnam dag shin du ba yin te/ theg chen gyi sgom lam bar chad med lam chung 'bring chen po dgu rim gyi skyes stobs gyi bden 'dzin lhan skyes che 'bring chung ngu dgu rim gyis spangs pa'i spangs pa mthar thug yin pa'i phyir/ kha cig/ sa dang po'i ngo bor gyur pa'i sgom lam med zer na/ de yod par thal/ 'grel chen las/ sa dang po'i skad cig ma dang po mthong ba'i lam yin no/ /de las gzhan skad cig ma gnyis pa la sogs pa nas rdo rje lta bur brjod pa'i bar chad med pa'i lam gang las de ma thag sangs rgyas kyi sa kun tu 'od 'thob pa'i bar 'di dag thams cad ni sgom pa'i lam yin par shes par bya'o/ /zhes gsungs pa'i phyir dang/ theg chen sgo 'byed las/ sa dang po bskal pa la sogs pa'i yun gyis rdzogs dgos pas de'i ngo bor gyur pa'i sgom pa'i lam yod par rigs par bya'i/ /zhes gsungs pa'i phyir/ kha cig/ sa dang po'i ngo bor gyur pa'i sgom lam yod kyang de'i ngo bor gyur pa'i sgom lam bar chad med lam med zer na/ mthong lam thob ma thag pa'i ye shes yin na/ mthong lam bar chad med lam @51b yin mi dgos par thal/ sgom lam thob ma thag pa'i ye shes yin na/ sgom lam bar chad med lam yin mi dgos pa'i phyir te/ theg chen gyi sgom lam thob ma thag pa'i ye shes yin na/ de yin mi dgos/ theg dman gyi sgom lam thob ma thag pa'i ye shes yin na yang de yin mi dgos pa'i phyir/ ma grub na/ sa dang po'i ngo bor gyur pa'i sgom lam thob ma thag pa'i ye shes chos can/ der thal/ de'i phyir/ der thal/ chos can de yin pa'i phyir/ 'dod na 'gal lo/ /kha cig /sa dgu pa man chad kyi bar chad med lam rnams de dang de'i dang po kho nar skye/ sa bcu pa'i bar chad med lam de sa bcu pa'i skad cig tha ma kho nar skye zer na/ sa dang po'i rjes thob ye shes yin na/ sa dang po'i ngos skal gyi spang bya spangs pas khyab par thal/ khyod kyi dam bca' 'thad pa'i phyir/ 'dod na/ de yin na/ sa dang po'i yongs sbyong rdzogs pas khyab par thal/ 'dod pa'i phyir/ 'dod na/ sa dang po'i rjes thob ye shes des sa dang po'i yongs sbyong yongs su rdzogs par thal/ 'dod pa'i phyir/ 'dod mi nus te/ sa dang po'i yongs sbyor rdzogs pa dang/ sa gnyis par 'phos pa dus mnyam pa'i phyir/ der thal/ rnam bshad las/ yongs sbyong gi chos ji srid ma rdzogs pa de srid du sa de yin la/ rdzogs nas sa gzhan du 'phos pa yin par shes par bya'o/ /zhes gsungs pa'i phyir/ gzhan yang/ sa bcu pa thob ma thag pa'i bar chad med lam med par thal/ dam bca' phyi ma 'thad pa'i phyir/ 'dod na/ de yod par thal/ stong nyid la rtse gcig tu mnyam par gzhag pa'i sa bcu pa thob ma thag pa'i ye shes yod pa'i phyir/ der thal/ sa dgu pa ba sa bcu par 'pho ba na mnyam gzhag nas mnyam gzhag du 'pho ba'i phyir/ der thal/ sa lnga ba ba sa drug par 'pho ba na mnyam gzhag nas mnyam gzhag tu 'pho ba'i phyir/ der thal/ sa bcu pa'i mdo las/ sa lnga pa ba de sa drug par 'jug pa na chos mnyam pa nyid bcu'i sgo nas 'jug go/ bcu gang zhe na/ 'di lta ste/ chos thams cad mtshan ma med pa mnyam pa nyid dang/ chos thams cad rang gi mtshan nyid med pa mnyam pa nyid dang/ zhes sogs gsungs pa'i phyir/ kha cig/ theg chen sgom lam bar chad med lam chung 'bring chen po dgu rim gyis skyes stobs kyis bden 'dzin lhan skyes chung 'bring chen po dgu rim gyis spong ba yin pa'i @52a @#/ /phyir zer na/ de mi 'thad par thal/ gnyen po chung rim nas skye zhing spang bya che rim nas 'gags pa yin pa'i phyir/ der thal/ dper na/ gos la chags pa'i dri ma sel pa na/ dri ma rags rim nas sel ba lta bu yin pa'i phyir/ kha cig/ theg chen sgom lam rnam grol lam chen po'i chen po'i bden 'dzin lhan skyes chung ngu'i chung ngu las dngos su grol ba'i rnam grol lam yin zer na/ de chos can/ rnam mkhyen skad cig dang po yin par thal/ bden 'dzin lhan skyes chung ngu'i chung ngu las dngos su grol ba'i rnam grol lam yin pa'i phyir/ 'dod mi nus te/ theg chen gyi sgom lam yin pa'i phyir/ kha cig/ rang 'dren byed sa bcu pa'i bar chad med lam gyis dngos su drangs pa'i rnam grol lam yin na/ sa bcu pa'i rnam grol lam yin pas khyab zer na/ rnam mkhyen skad cig dang po chos can/ der thal/ de'i phyir/ der thal/ de rgyun mtha'i bar chad med lam gyis dngos su drangs pa'i rnam grol lam yin pa'i phyir/ 'dod na; slob lam du thal lo/ kha cig/ sa bcu pa'i rnam grol lam de sa bcu pa'i bar chad med lam gyis dngos su drangs pa'i rnam grol lam yin zer na/ sa bcu pa'i bar chad med lam de/ sa bcu pa'i rnam grol lam dngos su 'dren byed kyi bar chad med lam yin par thal/ dam bca' 'thad pa'i phyir/ 'dod na/ sa bcu pa'i bar chad med lam chos can/ khyod dang rgyun mtha'i ye shes kyi gzhi mthun med par thal/ khyod sa bcu pa'i rnam grol lam dngos su 'dren byed kyi bar chad med lam yin pa'i phyir/ 'dod mi nus te/ rgyun mtha'i bar chad med lam de 'dra ba'i gzhi mthun yin pa'i phyir/ kha cig/ sa bcu pa'i rnam grol lam dngos su 'dren byed kyi bar chad med lam med zer na/ de chos can/ khyod dngos su 'dren byed kyi bar chad med lam yod par thal/ khyod rnam grol lam yin pa'i phyir/ khyab ste/ 'gog bden yin na rang thob byed kyi thab su gyur pa'i lam bden yod pas khyab pa'i phyir/ kha cig/ sa bcu pa'i bar chad med lam gyis dngos su drangs pa'i rnam grol lam med zer na/ de chos can/ khyod kyis dngos su drangs pa'i rnam grol lam yod par thal/ khyod rang gi ngos skal gyi spang byar gyur pa'i sgrib pa'i dngos gnyen par chad med lam yin pa'i phyir/ der thal/ khyod bar chad med lam yin pa'i phyir/ kha cig/ sa bcu pa'i bar @52b chad med lam gyis dngos su drangs pa'i rnam grol lam yin pa yod zer na/ de med par thal/ des dngos su drangs pa'i slob pa'i rgyud kyi rnam grol lam yang yin pa med/ des dngos su drangs pa'i sangs rgyas 'phags pa'i thugs rgyud kyi de yang med pa'i phyir/ dang po ma grub na/ de chos can/ khyod dang rgyun mtha'i bar chad med lam gyi gzhi mthun med par thal/ khyod kyi dngos su drangs pa'i byang chub sems dpa'i rgyud kyi rnam grol lam yin pa yod pa'i phyir/ 'dod mi nus te/ rgyun mtha'i bar chad med lam sa bcu pa'i bar chad med lam yin pa'i phyir/ gnyis pa ma grub na/ de dang sa bcu pa thob mthag pa'i bar chad med lam gyi gzhi mthun med par thal/ ma grub pa de'i phyir/ 'dod mi nus te/ sa bcu pa thob ma thag pa'i ye shes de sa bcu pa'i bar chad med lam yin pa'i phyir/ kha cig/ sa bcu pa thob ma thag pa'i ye shes sa bcu pa'i rnam grol lam yin zer na/ de chos can/ khyod dngos su 'dren byed kyis bcu pa'i bar chad med lam cig sngon du song bar thal/ khyod sa bcu pa'i rnam grol lam yin pa'i phyir/ 'dod mi nus te/ chos can de yin pa'i phyir/ kha cig/ de sa dgu pa'i rnam grol lam yin zer na/ de chos can/ sa dgu pa'i ye shes su thal/ sa dgu pa'i rnam grol lam yin pa'i phyir/ 'dod mi nus te/ sa bcu pa'i ye shes yin pa'i phyir/ kha cig/ gang zag gi bdag med phra mo yin na/ nyan thos bar chad med lam gyis mngon sum du rtogs pas khyab/ chos kyi bdag med rags pa yin na/ rang rgyal gyi bar chad med lam gyis mngon sum du rtogs pas khyab zer na/ dam bca' dang po la/ sgrib gnyis spangs pas khyad par du byas pa'i gang zag gi bdag med phra mo chos can/ der thal/ de'i phyir/ der thal/ chos can de yin pa'i phyir/ 'dod na/ nyan thos kyi bar chad med lam chos can/ rnam mkhyen du thal/ sgrib gnyis spangs pas khyad par du byas pa'i gang zag gi bdag med phra mo mngon sum du rtogs pa'i ye shes yin pa'i phyir/ dam bca' gnyis pa la/ myu gu don dam par gzhan las mi skye ba chos can/ der thal/ de'i phyir/ ma grub na/ myu gu chos can/ khyod don dam par gzhan las mi skye ba chos kyi bdag med rags pa yin par thal/ khyod 'dus byas yin pa'i phyir/ 'dod na/ rang rgyal gyi bar chad med lam chos can/ khyod kyis myu gu don dam par gzhan las mi skye ba @53a @#/ /mngon sum du ma rtogs par thal/ khyod rang rgyal kyi bar chad med lam yin pa'i phyir// gnyis pa rang lugs la/ theg chen sgom lam bar chad med lam chung 'bring chen po dgu rim kyis skyes stobs kyi bden 'dzin lhan skyes che 'bring chung ngu dgu rim gyis spong pa'i don yod de/ sa dang po'i ngo bor gyur pa'i sgom lam bar chad med lam nas/ sa gnyis pa'i skad cig tha ma'i bar chad med lam gyis bden 'dzin lhan skyes chen po'i chen po spong bar byed/ sa gsum pa thob ma thag pa'i bar chad med lam nas sa gsum pa'i skad cig tha ma'i bar chad med lam gyis bden 'dzin lhan skyes chen po'i 'bring gi spong gnyen byed pa nas bzung ste rim pa bzhin du/ sa bcu pa thob ma thag pa'i ye shes nas/ sa bcu pa'i skad cig tha ma'i bar chad med lam gyi bar gyis bden 'dzin lhan skyes chung ngu chung ngu'i spong gnyen byed de/ bden 'dzin lhan skyes chung ngu'i chung ngu las dngos su grol ba dang rnam mkhyen skad cig dang po thob pa dus mnyam pa'i phyir/ nyan thos kyi bar chad med lam chung 'bring chen po dgu rim gyis skyes stobs kyis gang zag gi bdag 'dzin lhan skyes che 'bring chung ngu dgu rim gyis spong ba'i don yod de/ nyan thos kyi mthong lam rnam grol lam las langs rjes su bdag 'dzin lhan skyes spong ba'i phyir du/ gang zag gi bdag med la rtse gcig tu mnyam par gzhag pa nas sgom lam du 'phos pa yin pa'i phyir/ der thal/ nyan thos kyi sgom lam bar chad med lam chung 'bring chen po dgu rim gyi skyes stobs kyis bdag 'dzin lhan skyes che 'bring chung ngu dgu rim gyis spong bar byed pa'i phyir/ rang rgyal gyi sgom lam bar chad med lam gyis gzugs phyi rol don 'dzin gyi rtogs pa lhan skyes dgu rim gyis spong pa'i don yod de/ rang rgyal gyi mthong lam rnam grol lam las langs rjes su gzugs phyi rol don 'dzin gyi rtog pa lhan skyes spong ba'i phyir du gzugs phyi rol don gyis stong ba la rtse gcig tu mnyam par gzhag pa nas sgom lam du 'phos pa yin pa'i phyir/ der thal/ rang rgyal gyi sgom lam bar chad med lam dgu sngar bzhin rim gyis skyes stobs kyis gzugs phyir rol don 'dzin gyi @53b rtog pa lhan skyes che 'bring chung ngu dgu rim gyis spong ba'i phyir/ /gsum pa rtsod pa spong ba la/ kha cig/ theg chen gyi sgom lam bar chad med lam chung 'bring chen po dgu rim gyis skyes stobs kyis bden 'dzin lhan skyes che 'bring chung ngu dgu rim gyis spong ba de mi 'thad par thal/ bden 'dzin lhan skyes chen po'i chen po spong ba la/ theg chen gyi sgom lam bar chad med lam chen po'i chen po rang rgyud la bskyed dgos pa'i phyir/ dper na/ dgra stobs ldan 'dul ba la gshed ma yang stobs ldan dgos pa'i phyir zer na ma khyab/ 'o na/ gos la chags pa'i dri ma phra rags gnyis kyi nang nas rags pa sel dka' ba yin par thal/ dgra stobs ldan 'dul ba la gshed ma yang stobs ldan dgos pa'i phyir/ stobs mtshungs so/ /'dod mi nus te/ de gnyis kyi nang nas dri ma rags pa sel sla ba mngon sum gyis grub pa'i phyir/ kha cig/ pa bcu pa'i bar chad med lam de sa bcu pa'i skad cig tha ma kho nar skye bar thal/ sa bcu pa'i ngos skal gyi bden 'dzin spong ba la bsod nams kyi tshogs rgya chen pos zin dgos pa'i phyir zer na ma khyab/ 'o na/ sa dgu pa man chad kyi bar chad med lam de yang de'i tha ma kho nar skye bar thal/ sa dgu pa man chad kyi ngos skal gyi spang bya'i bden 'dzin spong ba la bsod nams kyis tshogs rgya chen pos zin dgos pa gang zhig /sa bcu pa'i ngos skal gyi bden 'dzin las/ sa dgu pa man chad kyi ngos skal gyi spang bya spong sla ba de bzhin du sa bcu pa'i ngos skal gyi spang bya'i gnyen po las/ sa dgu pa man chad kyi spang bya'i gnyen po stobs chung pa'i phyir/ 'dod na 'gal lo/ /kha cig /sa gsum pa thob ma thag pa'i bar chad med lam chos can/ bden 'dzin lhan skyes chen po'i 'bring gi dngos gnyen bar chad med lam yin par thal/ rang gi ngos skal gyi spang byar gyur pa'i bden 'dzin lhan skyes chen po'i 'bring gi dngos gnyen bar chad med lam yin pa'i phyir zer na/ 'o na/ nyan thos kyi mthong lam bar chad med lam chos can/ sgrib pa'i dngos gnyen bar chad med lam yin par thal/ rang gi ngos skal gyi sgrib pa'i dngos @54a @#/ /gnyen bar chad med lam yin pa'i phyir/ kha cig /sa bcu pa'i bar chad med lam chos can/ khyod kyis dngos su drangs pa'i rnam grol lam yin pa yod par thal/ khyod bar chad med lam yin pa'i phyir/ 'dod na/ theg pa gnyis ka'i bar chad med lam chos can/ der thal/ de'i phyir/ 'khor gsum/ /mdor bsdu na/ sa gnyis pa'i sgom lam chos can/ sgrub pa sgom lam yin te/ gtso bor rtogs pa mthar thug gi lag rjes 'jog byed kyi rigs su gnas pa'i theg chen gyi zag med sgom lam yin pa'i phyir// ! //shes dang shes bya gcig tu gyur pa'i sku/ /shes pa'i snang ba rab tu rgyas mdzad gsung/ /shes bya thams cad mngon sum gsal ba'i thugs/ /shes rab lha mchog 'jam dbyangs mgon la 'dud/ /thog med dus nas las nyon gzhan dbang gis/ /sdug bsngal klong du mnar ba'i nyam thag bdag/ deng nas brtsams te bde ba'i lam bzang du/ /'dren pa'i bshes gnyen mdzod cig 'jam dpal dbyangs/ 'dod la zhen cing mi 'dod gnas la sang/ chos blo rtul zhing bag med rnam gyeng rno/ /rnam pa 'di lta'i nyon mongs cha tsam yang/ /'byung ba'i go skabs bcom gzhig 'jam dpal dbyangs/ nges 'byung snying rje mchog gis rgyud dul zhing/ /shes bya'i gnas kun mthong ba'i blo gros rgyas/ /khyad par mtha' bral gnas lugs de bzhin nyid/ /rtogs pa'i ye stsol zhig 'jam dpal dbyangs/ /stong dang bde chen thung du 'jug pa'i 'phrul/ /sgyu ma lta bu'i ting 'dzin rol pa la/ /gang shar dag pa'i 'khor lor 'byams klas te/ /tshe 'dir grol bar mdzod cig 'jam dpal dbyangs/ /rgyal ba'i dam chos ma lus 'dzin pa dang/ /'gro la phan byed yon tan kun thob nas/ /bgyi ba mtha' dag don ldan 'ba' zhig tu/ /spyod pa'i skal bzang stsol zhig 'jam dpal dbyangs/ /ris med 'grol phan bde 'byung ba'i gnas/ /thub bstan bshad sgrub dar zhing rgyas pa dang; ;jig rten khams 'dir skye dgu mtha' dag la/ /'de skyed dga' ston stsol zhig 'jam dpal dbyangs/ /'jam dbyangs mdzes sku mig dang mi 'bral zhing/ /mgon khyod gsung dbyangs rtag tu rnam bar snyan/ /yid la mkhyen brtse nus pa'i dpal thob nas/ /rang gzhan don gnyis lhun gyis 'grub gyur cig/ // @54b cas shing khyi hor zla bcu pa'i nang rje btsun 'jam dpal dbyangs kyi sku brnyan byin can du ma la gsol 'debs dang mchod 'bul spros skabs phul ba'i snyan dar zhal yig blo gros mchog gi snang ba ces bya ba 'di ni shAkya'i dge slong blo bzang bskal bzang rgya mtshos sbyar// ! na mo gu ru mnya-rdzu g+hoSh ya/ dus gsum gshegs pa kun gyi bgrod gcig lam/ /thub gsung sgo mo 'du ba'i yang snying mchog/ 'bras lam gtan la 'bebs byed sher phyin gzhung/ /ma lus skyabs kyi dam par phyag 'tshal lo/ /gang de'i 'phags gsum lam gyi shes bya'i gnad/ /gcig bcas bcu phrag rnam par 'grel ba'i gzung/ /smra ba'i nyi ma mkhas mchog bstan dar ba'i/ /zhal lung bar gyi rgyun du spel byed gang/ /lha btsun mchog sprul sku mched 'jam dbyangs mtshan/ /zung ldan lhag bsam mthun par 'jam mgon bstan/ /khyad par thos bsam nor gling blo gsal kun/ /gshad sgrub 'phrin las spel phyer 'phad pas bsgrubs/ /rab dkar nyi zla'i bgrod pa kun 'khor 'dis/ /thub bstan spyi sgos khyad par grawa ? tshang 'dir/ /blo gsal mkhas mang 'du zhing 'chad rtsod kyi/ /blo gros mun stug kun gang lung rigs gzhung/ /phra zhib rnam dpyod 'dab stong rab rgyas nas/ /mkha' mnyam rkang drug tshogs kun yongs tshim zhing/ /srid zhi'i rgud tshogs dag pa'i dpal 'bar shog/ /rnam dpyod mkhyen rab 'od zer brgya ba'i tshogs/ /tshul 'dir ngal med spro mdzad bka' drin can/ /grag pa'i dpal ldan mkhas grub zhal snga nas/ /zhabs brten bka' bzhin sgrub pas mnyes bgyid shog/ /bsil ldan rwa ba'i ljongs dang 'jig rten kun/ /shes nyon sgrib bral kun mkhyen dpal ldan cing/ /bsam sbyor dag pa'i sa bcu'i bgrod pa la/ /ma pham dgongs don 'khrul med mngon gyur shog /sde snod ma lus lung rigs skya bar nas/ /'byin cing bslab gsum sgrub pas yid chim dang/ /mdor na mkhas btsun bzang po'i dpal ldan pa'i/ /dam pas gnas 'di yongs gang 'phel gnas shog /lha btsun mched kyi legs bshad dga' ston du/ /phul ba'i dge rgyun gzhi 'dir 'brel ldan pa'i/ /dbu zur rab 'byams blo bzang legs bshad kyis/ /byas bsags sgrib byang gtan bde'i mchog thob shog /de ltar yid la smon bzhin 'grub pa dang/ /chos dang chos bzhin bsgrub pa 'phel pa la/ thog med mthu ldan tha 'og rgyal ba'i grogs bnyed shog /ji srid gling bzhir nyi zla'i bgrod pa yis/ /sbyi sgos mun stag @55a @#/ /sel ba de srid du/ /legs bshad 'dis kyang mtha' dbus gzhir gnas pa'i/ /thar 'dod yongs kyi rgud mun sel gyur cig/ ces bstan bcos mngon par rtogs pa'i rgyan 'brel ba dang bcas pa'i mtha' dpyod legs par bshad pa padma dkar po'i 'phreng ba zhes bya ba/ gnas lnga rig pa'i paNDi ta chen po dge 'dun bstan pa dar rgyas kyi gsung tshogs las skabs gnyis pa'i mtha' dpyod kyi par mig gi bdud rtsi lta bu 'di lha btsun sprul sku blo bzang 'jam dpal rab rgyas dang/ mched zla chos mdzad blo bzang 'jam dbyangs kyi grawa skor mthun rkyen du/ dbu zur rab 'byams ba blo bzang legs bshad nas dngos 'bul byung ba rnams rje zhal snga nas grags pa'i mtshan can dang/ phyag mdzod snge pa blo bzang bkra shis lhan rgyas kyi bka' sgos 'khur bzhes kyis/ grawa tshang 'chad nyan gyi gzhi ma yig cha'i dpe rgyun dkon pa'i dbul ngom zlog phyir par du bskrun pa'i par byang smon tshig 'di lta bu zhig dgos zhes bskul ngor/ dge sbyong bsod snyoms pas ser smad bla brang gi gzim chung bsam 'grub dag ldan du bris pa/ 'dis kyang bstan pa rin po che phyogs dus thams cad du bshad sgrub zung 'jug gi sgo nas 'phel ba'i rgyur gyur cig// // ! di ltar bgyis pa'i bsod nams dang/ /bdag gi legs spyad dus gsum dang/ /'brel pa ji snyed mchis pa yis/ /rgyal ba'i mkhyen rab thob par shog/ der ma son pa kun tu yang/ /rab 'byams gsung rab don rnams ni/ /ji bzhin 'byed la mnga' 'byor pa'i/ rlabs chen shes rab thob par shog/ /ji lta ji snyad don rnams kyi/ /phra pa'i gnas rnams 'byed pa la/ ku sha'i rtse mo dang 'dra'i blo/ /gsal ba'i shes rab thobb par shog/ /ma rtogs pa dang log rtog dang/ /the tshom dri mas yid bskyod tshe/ /de ma thag tu 'gog nus pa'i/ /myur ba'i shes rab thob par shog/ /zab dang rgya cha'i gnas rnams kyi/ /don bzang re re'i cha la yang/ /gtugs pa med par 'jug pa yi/ /zab pa'i shes rab thob par shog /mdor na 'chal ba'i shes rab kyi/ /skyon dang bral ba'i rnam dpyod kyis/ /rang gzhan don gnyis sgrub pa la/ /bdag ni 'jam pa'i dbyangs bzhin shog/ / gang tshe blta bar 'dod pa'am/ /cung zad dri par 'dod na yang/ /mgon po 'jam dbyangs de nyid ni/ /gegs med par yang mthong par shog /phyogs bcu nam kha'i mthas gtugs pa'i/ /sems can kun don bsgrub pa'i phyir/ /ji ltar 'jam dbyangs spyod mdzad pa/ bdag gi spyod pa'ang de 'drar shog/ mang-gA ? laM//