@01a @#/ /rnam grol lag bcangs su gtod pa'i man ngag zab mo
tshang la ma nor ba mtshungs med chos kyi rgyal po'i thugs bcud
byang chub

lam gyi rim pa'i nyams khrid kyi zin bris gsung rab kun gyi
bcud bsdus gdams ngag bdud rtsi'i snying po zhes bya ba bzhugs
so/ /

@01b {dd} /pra sA rI npa ra Na sya klu Ta ? ki ya nta/ tra
yaM gu hya Na TA ti go la ma ? e ka/

@#/ /rab 'byams skyabs kyi phung po ji snyed pa/ /gsang gsum
dkyil 'khor gcig tu rdzogs pa'i gar/ {dd}

{dd} @02a @#/ /su d+hI badzra d+ha ro tta raH mu ni a k+Sha/ pra
ya tstsha ta shu b+haM ba lA rug ko Ta/ / ???

@#/ /bla ma blo bzang thub dbang rdo rje 'chang/ /dge legs bye
ba'i char chen 'gro 'dir stsol/  /{dd}

@02b {dd} byams ? snying theg pa mchog gis zhi mtha' bcom/
/srid bder ma chags bslab gsum rgyal bstan 'dzin ?/ /bzang
po'i 'phrin las ? chos brgyad dri mas dben/ /bde legs

rgya mtsho'i ? 'byung gnas mgon der 'dud/ /gang de'i zhal lung
nad brgya drung 'byin sman/ /yon tan rin chen 'byung gnas
gsung gi mtsho/ /byis blo'i snod du chud min 'on

kyang 'dir/ /brjed par phangs blos cha tsam 'god la brtson/
/de la 'dir sngon byung ba'i sangs rgyas grangs med dpag tu
med pa rnams dang/ bskal bzang 'di'i 'dren mchog

stong gi dbus na pad dkar ltar mtho ba'i mgon po des kyang sku
dngos kyis 'dul bar mi 'os pa'i bdag sogs skal dman gyi 'gro
ba mtha' dag la dang por rnam par dkar {dd} ?? 

@03a {dd} @#/ /ba'i blo skad cig tsam tshun chad skye ru bcug pa
nas bzung/ rten bzang la bzhag ste tshang la ma nor ba'i lam
bstan pas rnam pa thams cad mkhyen

pa'i sar bgrod pa la rang dbang du byed pa'i bar/ mdor na nyes
rigs mtha' yas pa las ni yang nas yang du drangs/ phun sum
tshogs pa'i dngos po mtha' yas pa la ni nye

bar 'god par mdzad pa'i bka' drin can mtshungs med dpal ldan
bla ma dam pa don gyi slad du mtshan nas smos te rje btsun
byams pa bstan 'dzin 'phrin las rgya mtsho dpal bzang

po mchog nas grub pa'i gnas mchog dben gnas chu bzang ri khrod
du/ dmu rgod gdul dka'i skye bo mi bsrun pa bdag lta bus kyang
theg mchog gi gtam gyi dga' ston myong ba'i {dd}

@03b {dd} dus bzang po lcags bya ston zla ra ba'i gnam gang
nas dbu brtsams te nyin nyer bzhi'i ring/ gdan sa chen po gsum
dang/ dbus gtsang/ mdo khams bcas nas skom pas

chu don du gnyer ba bzhin gsung gi bdud rtsi myong ba kho na'i
ched du dka' spyad chen pos lhags pa'i bla sprul bcu phrag
gsum dang/ sde snod 'dzin pa du ma dang bcas tshogs pa brgya

phrag bdun brgal ba la/ byang chub lam gyi rim pa'i dmar khrid
'jam dpal zhal lung gi khrid rgyun rgyas pa dbus brgyud lugs
dang/ bsdus pa lho brgyud lugs/ myur lam

dmar khrid/ skyes bu chen po'i bdag gzhan mnyam brje'i skabs
blo sbyong don bdun ma bcas sbrags pa'i nyams khrid stsal ba
las/ de dag gi skabs don gyi cha shas re re nas {dd}

@04a {dd} @#/ /kyang mtshon byed kyi dpe dang/ sgrub byed kyi
rigs pa/ ngo mtshar ba'i gtam rgyud/ yid ches pa'i lung dang
bcas te snyan brgyud kyi man ngag gis

brgyan nas gsungs pas/ las dang po pa rnams la go bde zhing
rab 'bring tha gsum gyi blor 'tshams pa/ nyams myong rgyud thog
tu khel bas yid 'khul sla zhing sems la phan

pa; skabs re rgod bro bas gnyid rmugs bying 'thibs sangs
shing/ res 'gar du ? bro bas mchi ma dbang med du 'byin dgos
pa dang/ gzhan dag tu 'jigs shing yid

'byung bas da lta rang nas tshe blos btang gis nyams len kho na
byas nas ci'i phyir mi 'dug snyam du bzod glags med pa'i blo
nges par 'gyur ba lta bus mtshon 'chad tshul khyad {dd}

@04b {dd} par du 'phags pa'i gsung bshad mtha' dag pa ni bri
bar ga la nus/ 'on kyang nyams myong rgyud thog tu 'gel ba'i
man ngag gi gnad 'gag rnams brjed na shin tu phangs

pas rang blos gang spobs shig zin bris su bgyid par/ rjes su
rje bla ma mchog nas kyang/ chos gral du ma nges pa rnams la
ngos nas zur du 'chad par dka' zhing/ zin

bris 'debs mi mang yang cha tshang ba dang/ yid brtan rung ba
dka' bas khyod kyis gang nges pa rnams zin bris thobs shig ces
bka'i gnang ba phebs pa dang/ sgrub pa lhur len

'dod pa'i grogs gzhan la'ang bla ma'i gsung gi tshab ma lta bur
phan du re ba'i blos bcos lhad med par dgod par bya'o/ / ! de
la nyin dang por/ mtshungs med chos kyi {dd}

@05a {dd} @#/ /rgyal po'i zhal snga nas khrid kyi sngon 'gro
kun slong 'chos pa nas brtsams te 'di ltar gsungs te/ ! 'o
lags so/ /khams gsum

chos kyi rgyal po tsong kha pa chen po'i gsung las/ dal ba'i
rten 'di yid bzhin nor las lhag /'di 'dra rnyed pa da res tsam
zhig yin/ /rnyed dka' 'jig sla nam mkha'i glog dang

'dra; ;tshul 'di bsams nas 'jig rten bya ba kun/ /sbun pa
'phyar ba bzhin du rtogs gyur nas/ /nyin mtshan kun tu snying
po len pa dgos/ /rnal 'byor ngas kyang nyams len

de ltar byas/ /thar 'dod khyed kyang de bzhin bskyangs 'tshal
lo/ /zhes gsungs pa ltar/ rang cag tshe rabs thog ma med pa nas
da lta'i bar du 'khor ba na sdug bsngal 'di

@05b {dd} ma myong bya ba dang/ bde skyid kyang 'di ma spyad
bya ba gcig kyang med par lus ji snyed cig blangs kyang snying
po lon pa gcig kyang ma byung la/ da res kyi skabs 'dir dal
'byor gyi rten

rnam par dag pa thob pa 'di la snying po lon pa zhig bya dgos
te/ rang cag rnams kyis ma brtags ma dpyad pa'i tshe 'di lta
bu'i rten bzang po rnyed pa la dga' tshor ci yang med cing/ de

las dngul srang gang do rnyed pa la dga' tshor che ba tsam du
brtsi ba dang/ dal 'byor stong zad du song ba la phangs sems
cung zad kyang med par/ de las dngul srang gang do bor ba

phangs sems che bar byed 'dug mod/ rang res thob pa'i rten 'di
ni yid bzhin gyi nor bu 'bum 'gyur las kyang lhag pa yin te/
yid bzhin gyi nor bu de bkru ba gsum 

@06a {dd} @#/ /dang; phyi ba gsum gyi sgo nas dag par byas te
rgyal mtshan gyi rtser mchod na zas gos sogs tshe 'di'i bde skyid
'bad med du 'byung zhing/ de lta bu'i

nor bu rin po che brgya stong khri 'bum rnyed kyang/ des rten
'di'i steng nas bsgrub rgyu'i don chung shos phyi ma ngan song
du mi 'gro ba'i thabs tsam yang byed nus pa min la/ rten 'di la

brten nas phyi ma ngan song du mi 'gro ba zhig byed na'ang 'dis
byed nus/ de bzhin du/ tshangs pa dang/ brgya byin la sogs pa'i
rten zhig bsgrub 'dod na'ang 'dis sgrub par nus pa

dang/ mngon dga' dang/ bde ba can dang/ dga' ldan sogs dag pa'i
zhing khams su 'gro bar 'dod na'ang rten 'di'i sgo nas sgrub nus
pa dang/ der ma zad thar pa dang thams

@06b cad mkhyen pa'i go 'phang yang rang gis ma bsgrub pa ma
gtogs rten 'di la brten nas sgrub nus pa dang/ khyad par du yang
gzhan du bskal chen grangs med gsum du bsgrub dgos pa'i zung
'jug rdo rje 'chang gi go

'phang mchog de yang rten 'di nyid la brten nas snyigs dus kyi
tshe thung gcig la sgrub nus shing/ nor bu rin po che bye ba 'bum
phrag las kyang lhag pa yin pas/ de lta bu'i rten 'di thob nas
don med chud zos su

btang na/ nor bu rin po che bye ba 'bum phrag chud zos su btang
ba las kyang ches phangs pas/ de las gyong che ba dang/ de las
rmongs pa dang/ de las rang gis rang bslus tshabs che ba med de/
mgon po zhi ba

lhas; 'di 'dra'i dal ba rnyed gyur nas/ /bdag gis dge goms ma
byas na/ /'di las bslus pa gzhan med de/ /'di las rmongs pa'ang
gzhan med do/ /zhes gsungs pa'i phyir/ snying po len pa la

yang da lta nyid nas brtson dgos te/ de la ma brtson na 'chi bar
nges shing nam 'chi cha med pa yin/ de yang da lta rang re chos
gral du yod pa 'di dag kyang lo brgya song ba na gcig kyang lus
par mi 'gyur la/

sngon bdag cag gi ston pa bskal pa mang por tshogs gnyis kyis
bskrun pa'i rdo rje lta bu'i sku brnyes pa'ang mya ngan las 'das
pa'i tshul bstan/ de'i rjes su byon pa'i 'phags bod kyi mkhas
grub lo paN

@07a @#/ /rnams kyang de dang de byung ngo zhes pa'i ming tsam
las ma lus par zhi bar gshegs pa'i tshul bstan zin la/ mdor na
'di nyid ma shi bar lus pa'o zhes pa'i mtshan gzhi

da lta gang na'ang ston rgyu med cing/ de lta bu'i re ba'ang
byar med pas rang gcig pu ga la sdod/ 'chi bar nges pa de ltar
ma zad nam 'chi la nges pa med de/ sang phod da tshod tsam na
rang mi yul 'dir

lus la chos gos rnam gsum gyon nas bsdad yod dam/ yang na sang
phod da tshod rang dud 'gror skyes nas lus la spu zhol le ba'am/
mgo la rwa co zing nger gnas yod dam/ yang na yi dwags lta bur
skyes

nas zas chu thigs tsam yang ma rnyed par bsdad yod dam/ yang na
dmyal bar skyes nas tsha grang btso sreg gi sdug bsngal myong gin
yod nges pa med la/ 'chi ba'i rjes su rig pa rgyun chad de mi
'gro bas skye ba zhig

len dgos/ skye sa de yang bde 'gro dang ngan 'gro gnyis las med/
gal te mnar med kyi dmyal bar skyes na me dang lus dbyer med du
gnas dgos pa dang/ de las drag shos yang sos lta bur nyin re la

shi thengs brgya dang gson thengs brgya la sogs pas mnar bar
'gyur na/ da lta rang re lag pa mer bcug pa tsam yang mi bzod na
der ji ltar bzod/ de dag tu sdug bsngal myong ba yang da lta'i
lus 'di'i steng du

@07b myong ba ltar yin gyi/ 'di 'dra min pa'i myong lugs las sla
mo zhig e yod snyam na ni de 'dra med/ de bzhin du yi dwags su
skyes na lo mang por chu thigs gcig tsam yang mi rnyed pa yod/
da lta smyung gnas srung ba

sogs kyang dka' las su byed na der skyes tshe ji ltar bzod/ dud
'gro la yang khyi lta bur mtshon na/ sdod gnas dang/ zas tshol
lugs/ ji ltar rnyed pa sogs zhib tu dpyod dang der gyur tshe ji
ltar byed bzod thabs e

'dug /de yang ngan song zhes pa de thag ring po zhig yin snyam
ste/ ngan song dang rang gnyis kyi bar na chod pa dbugs gya gyu
'di tsam yin/ ma brtags ma dpyad pa'i tshe na rang re ngan song
du rang 'gro dogs med/ sdom pa 'dra

ni bsrungs/ kha ton 'dra yang byas/ sdig zer ba mi bsad rta
bsgyel lta bu'i stobs chen ni ci yang ma byas snyam pa yod mod
kyang/ legs par ma brtags pa'i skyon yin/ bsam blo zhib tu btang
na ngan 'gror 'gro mi 'gro

rang la rang dbang med/ las la rag las shing/ rang re'i rgyud la
dge mi dge'i las 'dres mar yod kyang las gang stobs che ba zhig
la 'chi khar sred len gyis gsos 'debs pa yin la/ de nyid rang
rgyud la gang stobs che

ba brtag na mi dge ba rang stobs che zhing/ stobs che chung ni
kun slong dang sbyor ba mjug rnams shugs drag zhan yin pas/ rang
res mi dge ba chung ngu zhig las ma byas snyam pa tsho yang shin
tu chen por 'gyur te/ dper

@08a @#/ /mtshon na/ dge phrug lta bur gtam bshad tshig gcig gtong
na'ang/ zhe sdang drag pos kun nas slong/ sbyor ba yang tshig
ngan gnad la gang phog shin tu rtsub mo smras/ mjug tu yang nga

rgyal dang khengs sems chen po byas pas sbyor dngos rjes gsum
nas dpus dag po zhig yod/ gzhan yang shig bsad pa lta bur yang
kun slong zhe sdang shin tu drag po byas/ sbyor ba mdzub mos
mnyed pa sogs sdug las

yun ring btang nas mthar gsod pa sogs byed/ mjug tu yang da phan
po byung snyam pa sogs rloms sems chen po byas pas mi dge ba
shin tu stobs dang ldan par song/ dge ba ni stobs chen zhig byas
yod snyam pa

rnams kyang shin tu mthu chung ste/ dge ba stobs chen du 'gro ba
la/ sbyor ba/ kun slong/ dngos gzhi/ mjug bsngo ba sogs rnam dag
zhig dgos rgyu la/ rang res byas pa'i dge ba la ni dang po kun
slong rab byang chub kyi

sems dang/ 'bring nges 'byung gi blo lta ci/ tha ma skye ba phyi
ma don gnyer gyi bsam pa tsam yang dkon par snang ste/ dang po
nas phal cher gyis tshe 'di snang gi bsam don 'grub pa sogs kyi
ched du smon la/ de dag

gang 'grub phyir smon pa'i don ni sdig las kho na yin/ dngos
gzhi yang gtsang nges pa'i spro seng nge ba med de/ ma Ni phreng
skor gcig 'don pa'i ring tsam la yang sems rnal du mi gnas/
gnyid dang/

@08b rnam g.yeng sha stag yin/ dga' ldan lha brgya ma tshar gcig
'don pa'i ring la yang yags po byed dka'/ mjug tu yang bsngo
smon tshe 'di par shor bas/ des na dge ba ni chen po zhig byas
yod snyam pa tsho yang

stobs chung ngu las med/ 'ga' zhig ni sbyor bas ma dag la/ 'ga'
zhig ni kun slong dang mjug gis ma dag pa/ 'ga' zhig tshang ma ma
dag pa sha stag yin pas rang re'i rgyud la mi dge ba'i las rang
stobs

che bas 'chi khar mi dge ba'i las la gsos 'debs pa las 'os med/
mi dge ba'i las la gsos btab na 'gro sa ngan song las med/ de'i
phyir ngan song du skye bar thag chod pa red/ da lta rang res
bla ma

mngon shes yod zer ba sogs la mo lung tshun chad byas nas phyi ma
gang du skye zhes 'dri/ des skye ba bzang zhes pa zer na blo bde
byed/ ngan zhes zer na 'jigs snang byed kyang gdeng khel ba'i
yid rton ga la rung/ de bas

phyi ma gang du 'gro ba la mo lung rtsis gsum byed mi dgos/ ston
pa thugs rje can gyis mdo sde rin po che dang/ 'phags bod kyi
paN grub du mas sngar nas lung bstan gnang zin yod pa red/ dper
na 'phags pa

klu sgrub kyis rin chen phreng ba las kyang/ mi dge ba las sdug
bsngal kun/ /de bzhin ngan 'gro thams cad do/ /dge las bde 'gro
thams cad dang/ /skye ba kun tu bde ba dag /ces gsungs pa red/
des na da lta

@09a @#/ /rang res skye ba phyi ma gang du 'gro ba sogs mngon sum
tshad mas nges mi nus kyang/ gzhal bya shin tu lkog gyur ji bzhin
du gzigs nas ma nor bar ston pa'i sangs rgyas kyi lung tshad ma
las yid

ches rjes dpag gis nges par byar yod pa de yin/ de ltar rang re
ngan song du skye bar thag chod 'dug na/ da ngan song der mi
skye ba'i thabs shig da lta nas tshol dgos/ de yang ngan song de
las thar bar 'dod na de las skyob

pa'i skyabs tshol dgos te/ dper na mi nag can gsod pa la thug pa
dag gis dbang che la kha drag pa'i dpon la skyabs zhu ba ltar/
sdig las mi bzad pas gos pa'i nyes can ngan 'gro'i khrims kyis
mnar bar nye ba la/

de las skyob nus pa ni dkon mchog nyid yin pas de la skyabs
bcol/ bcol ba tsam du ma zad des bstan pa'i blang dor gyi gnas
la 'jug ldog bya dgos/ gzhan du sangs rgyas kyis phyag gis 'dren
pa'am/ sdig sgrib chus

bkru ba ltar bya rgyu yod na sngar nas drangs zin pas da lta
rang cag sdug bsngal ba mi 'byung yang/ de ltar mdzad du med/
thub pas chos ston zhing las 'bras kyi 'jug ldog la ma nor bar
sbyor ba kho nas te/ mdo las/ thub rnams

sdig pa chu yis mi 'khru zhing/ /'gro ba'i sdug bsngal phyag gis
mi sel la/ /nyid kyi rtogs pa gzhan la spo min te/ /chos nyid
bden pa bstan pas grol bar mdzad/ /ces gsungs pas des na bdag
gis ngan song de las thar

@09b ba'i phyir dkon mchog la skyabs bcol nas ngan song de las
thar ba'i thabs las 'bras kyi spang blang la tshul bzhin du 'jug
ldog bya'o snyam du bsam pa ni skyes bu chung ngu dang thun mong
ba'i lam gyi rim pa'i sgo nas kun slong 'chos pa yin/ 'o

na ngan song las thar ba des chog gam zhe na/ des mi chog ste/
de las thar tsam gyis bde 'gro'i rten lan re lan gnyis shig thob
tu chug kyang/ slar las ngan pa zhig dang 'phrad na ngan song du
ltung bar 'gyur bas mtha' mi btsan

zhing yid brtan med/ sngon yang rang res bde 'gro'i rten mang po
thob kyang slar ngan song du lhung zhing/ da lta yang ltung nges
pa 'di 'dra red/ de yang rang res skye ba sngon ma rnams su
lha'i dbang po tshangs pa dang/ brgya byin gyi lus

blangs nas lha'i gzhal med khang na sdod pa yang mang du byas
te/ yang de nas tshe 'phos te dmyal ba'i lcags sreg gi sa gzhir
'gre ldog byed dgos pa mang du byung ba dang/ de bzhin du lha
yul du lha'i bdud rtsi la longs spyad spyad nas

yang de nas tshe 'phos te dmyal ba'i khro chu khol ma khar 'thung
dgos pa dang/ lha'i bu dang bu mo mang po dang mnyam du rtse
zhing spyad nas yang dmyal ba'i las mkhan 'jigs su rung bas
mtha' bskor nas sdod dgos pa dang/ skabs re

'khor los sgyur ba'i rgyal por skyes te 'bangs mi khyim 'bum
phrag gi bdag po byas nas yang 'jig rten gyi bran dang g.yog
po'i tha ma bong rdzi dang/ phyugs rdzi lta bur skye ba dang/
skabs re nyi ma dang zla bar skyes te rang gi 'od kyis gling

@10a @#/ /bzhi gsal bar byas nas yang gling bar gyi mun nag tu
skyes te rang gi lag pa brkyang bskum tsam yang mi mthong ba
sogs 'khor ba'i bde skyid 'di ji tsam thob kyang yid brtan med/
snying po med/

sngon chad sdug bsngal de tsam zhig myong/ da dung 'khor ba las
mthar phyin de las kyang ches mang ba myong dgos/ sngon chad
rang res dud 'gro khyi phag tu skyes te mi gtsang ba sa lud zos
pa rnams phyogs gcig tu ma god par bzhag

na ri'i rgyal po ri rab las lhag par 'gyur la/ da dung 'khor ba
las mthar phyin de las kyang mang tsam zhig za dgos pa red/
sngon chad dgras rang gi ske bcad shor ba'i mgo rnams phyogs
gcig tu spungs na tshangs pa'i

'jig rten las kyang brgal ba tsam yod mod da dung 'khor ba'i
phyi mtha' gcod thub pa zhig ma byung na de las kyang mang tsam
zhig shor dgos/ sngon chad dmyal bar skyes nas khro chu khol ma
khar blugs pa rnams phyogs gcig

tu bskyil na rgya mtsho chen po'i chu las kyang mang tsam zhig
btung zhing da dung 'khor ba las mthar phyin de las kyang mang
tsam zhig 'thung dgos pa red/ des na rang re phyin chad 'khor ba
mtha' med du 'khyams pa'i tshul la

bsams na snying rlung ldang ba'i tshod du 'dug /lha dang mi'i
rten kho rang la yang sdug bsngal gyi rang bzhin kho na las ma
'das te/ mir skyes kyang skye rga na 'chi'i sdug bsngal/ sdug pa
dang bral ba'i sdug bsngal/ mi sdug pa

@10b dang phrad pa'i sdug bsngal/ 'dod pa'i dngos po btsal kyang
mi rnyed pa'i sdug bsngal sogs yod/ lha ma yin du skyes kyang
'thab rtsod kyi skabs su lus bcad pa dang dral ba'i sdug bsngal/
dus gtan du phrag dog gis

yid gdungs pa'i sdug bsngal dang/ 'dod lhar skyes kyang 'chi
ltas phog pa'i sdug bsngal/ khams gong ma'i lha la sdug bsngal
mngon gyur ba med kyang khyab pa 'du byed kyi sdug bsngal gyi
rang bzhin dang gnas pa la rang dbang ma

thob pas mthar ltung ba sogs sdug bsngal las ma 'das/ mdor na
'khor ba 'di las gtan nas thar ba zhig ma byas phyin sdug bsngal
gyi rang bzhin kho na las ma 'das pas de las thar ba zhig nges
par bya dgos shing/ de yang

rten 'di'i thog nas byed dgos/ rang cag phal cher tshe 'di la ci
yang mi nus zer nas phyi ma la smon par byed mod/ da res kyi
rten 'dis nus te chos sgrub pa'i lus rten khyad par can dal
'byor gyi mi lus thob/ sangs rgyas kyi

bstan pa dang mjal ba sogs 'gal rkyen kun dang bral/ mthun rkyen
ma lus pa tsang bas da res mi nus na gang dus nus/ des na da res
bdag gis 'khor ba las thar ba zhig nges par byed dgos/ de yang
thar pa thob pa'i thabs

gzhan du mi 'gyur ba ni lhag pa'i bslab pa rin po che rnam pa
gsum yin pas des na da res bdag gis lhag pa'i bslab pa rin po
che rnam pa gsum la bslab nas 'khor ba sdug bsngal gyi rgya mtsho
chen po 'di las thar ba zhig ci nas

@11a @#/ /kyang bya'o snyam du bsam pa ni skyes bu 'bring dang
thun mong ba'i lam gyi rim pa'i sgo nas kun slong 'chos pa
yin/ 'o na de tsam gyis chog gam zhe na de tsam gyis mi chog
ste/ rang gcig

pu'i don du nyan rang dgra bcom pa'i go 'phang thob na'ang de
tsam gyis rang don yang yongs su ma rdzogs/ gzhan don yang nyi
tshe ba las med de/ spang bya shes sgrib dang mi shes pa'i rgyu
bzhi sogs ma spang ba'i phyir/ des na

rab brgal gcig la brdze bcang gnyis byed dgos pa ltar/ theg
dman gyi lam las dgra bcom pa'i bar thob kyang/ slar yang
byang chub kyi sems bskyed de theg pa chen po'i tshogs lam nas
bzung ste rgyal sras kyi

spyod pa la gzhi nas bslab dgos pas de ni dper na dgon pa gcig
la gsar zhugs byas/ lag bde nas mkhan po'i bar byas zin nas
slar yang dgon pa gzhan zhig tu gsar zhugs lag bde nas bzung
gzhi nas byed dgos

pa ltar 'gyur bas/ des na dang po nyid nas theg chen la 'jug
pa gal che/ de yang slob springs las/ nye du 'khor ba'i rgya
mtsho'i khongs su chud gyur pa/ /klong gi nang du lhung ba lta
bur snang bzhin du/ /skye shi 'phos pas

ngo ma shes pa de bor nas/ /gal te gcig thar byed na de las
khrel bor med/ /ces gsungs pa ltar rang re phan tshun ngo ma
shes pa tsam las sems can thams cad kyis bdag gi ma ma byas pa
gcig kyang med de/ bdag gi skye ba

@11b la grangs med pa bzhin du ma yang grangs med/ de'i phyir
bdag gi ma ma byas pa'i sems can gcig kyang med/ ma nam byas
res kyis da lta'i tshe 'di'i ma dang khyad par med par drin
gyis bskyangs pa sha stag yin pas sems can

thams cad dang tshe 'di'i ma gnyis ma byas pa dang drin gyis
bskyangs pa la khyad par cung zad kyang med cing/ yang 'ga'
zhig gis 'di ltar sems te/ sems can thams cad bdag gi ma min
te ma yin na ma yin par ngo shes dgos pa

las de ltar ngo mi shes pas so snyam na/ tshe 'di'i ma yang ngo
mi shes pa mang du srid pas ngo mi shes pa tsam gyis ma min
pa'i rgyu mtshan du mi 'gyur/ de bzhin du tshe snga ma'i ma
rnams dus 'das zin pas ma drin can yin par mi 'thad do snyam
na/ tshe snga

mar ma byas te drin gyis bskyangs pa dang tshe 'dir ma byas te
drin gyis bskyangs pa gnyis la ma byas pa dang drin gyis
bskyangs pa la khyad par cung zad kyang med de/ dper na na
ning phan btags te zas nor byin pa dang/ da lo de ltar byin pa
gnyis drin mnyam

pa bzhin dus snga phyi tsam gyis de ltar mi 'gyur bas sems can
thams cad ma drin can sha stag yin/ de lta bu'i ma drin can
rnams 'khor ba'i rgya mtsho'i klong du lhung pa ci dgar bor nas
bdag gcig pu ci thar byed pa ni/ dper

na ma sogs shin tu gces pa'i nye du 'ga' zhig rgya mtsho'i
klong gi nang du chud de lhung la khad du 'jigs pas ngu 'bod
byed pa la bus ci yang mi sems par chu klung 'gram du glu gar
gyis rtse ba bzhin du de las ma rabs dang khrel med pa

@12a @#/ /su zhig yod/ rgya mtsho'i klong ni chu 'khyil ba'i
'khor la zer zhing/ der gru gzings dang ko ba sogs tshud na
nges par nub par 'gyur bas 'jigs skrag chen po yod/ dpe de
bzhin du sems

can thams cad 'khor ba'i rgya mtsho chen po'i klong du chud pa
'di dag da lta bdag dang 'brel gang yang med pa 'dra zhig
snang mod/ de ltar min par bdag gi ma drin can sha stag yin/
des na drin can de dag la bdag gis drin

gzo bar byed dgos la/ de yang bkres pa la zas dang/ skom pa la
btung ba/ dbul ba la nor sogs sbyin te tshim par byed pa yang
drin gzo ba tsam yin mod/ 'on kyang de tsam gyis phan pa cher
mi 'gyur/ drin gzo ba

mchog tu gyur pa ni bde ba thams cad dang ldan par byas/ sdug
bsngal thams cad dang bral bar byas na de las lhag pa'i drin
gzo ba med pas des na ma sems can 'di rnams bde ba thams cad
dang ldan na snyam pa'i byams pa dang/

sdug bsngal thams cad dang bral na snyam pa'i snying rje
bskyed/ de yang ma de dag bde ba thams cad dang ldan pa dang/
sdug bsngal thams cad dang bral bar bya ba'i khur bu bdag la
babs pas/ de lta bu bdag gcig pus

bya'o snyam pa'i khur du khyer ba'i lhag bsam bskyed/ 'o na
khyod la da lta de lta bu'i nus pa yod dam zhe na/ da lta ni
sems can thams cad lta zhog /sems can gcig gi yang don bya
ba'i nus pa med mod/ 'o na su la yod na/ re

@12b zhig nyan rang dang dag sa la gnas pa'i byang chub sems
dpa' rnams kyis kyang sems can gyi don nus mod/ de yang nyi
tshe ba las sangs rgyas ltar nus pa min la/ des na sems can gyi
don mdzad pa la 'gran zla dang bral ba ni sangs

rgyas nyag gcig yin te/ de'i sku'i 'od zer re res kyang sems
can dpag tu med pa smin grol la 'god nus shing/ sems can re
re'i mdun du yang rang rang gi khams dang/ dbang po dang/ bsam
pa dang/ bag la nyal

dang mthun pa'i skur sprul/ rang rang gi skad du chos bstan pa
sogs mdzad nus pa'i phyir ro/ /'o na de lta bu'i sangs rgyas
kyi go 'phang de rang gis thob nus par 'dug gam mi 'dug ce na/
de nus te/ de sgrub pa'i rten gyi nang nas

mchog tu gyur pa ni dal 'byor gyi rten yin la/ de ni rang gis
ma byas pa ma gtogs tshe gcig la zung 'jug rdo rje 'chang gi go
'phang sgrub par nus pa'i lus rten khyad par can 'dzam bu
gling pa'i mi mngal skyes khams drug ldan gyi rten  

'di lta bu ni thob/ sangs rgyas sgrub pa'i thabs ni theg pa
chen po'i chos yin la/ de ni rang res tshang la ma nor ba'i
bstan pa'i snying po rje rgyal ba gnyis pa'i mdo sngags zung
'brel gyi bstan pa dri ma med pa 'di lta bu dang ni mjal/ mdor

na rang gis ma brtson pa kho nas bslus pa ma gtogs 'gal rkyen
thams cad dang bral/ mthun rkyen thams cad tshang ba 'di lta
bu'i rten bzang po thob dus mi nus na/ phyi nas 'di las bzang
ba'i rten dang chos mi 'byor nges pa yin/

@13a @#/ /rang cag 'ga' zhig gis deng sang snyigs ma'i dus/ dus
tshod ngan pa red zer mod/ 'o cag la dus tshod 'di las bzang ba
zhig sngon chad 'khor ba thog med nas deng phan la byung ma
myong ba red/

da res lan gcig 'di lta bu'i skabs rnyed pa'i dus 'dir sangs
rgyas kyi go 'phang de ci nas kyang sgrub dgos/ des na ched du
bya ba sems can thams cad kyi don du thob bya bla na med pa
rdzogs pa'i byang chub de bdag gis ci

nas kyang thob par bya'o snyam pa'i byang chub kyi sems kyi
dmigs rnam gsal 'debs/ de ni skyes bu chen po'i lam gyi rim
pa'i sgo nas kun slong 'chos pa yin/ de la rtsol med kyi myong
ba na ma thon pa na byang chub kyi sems skyes pa

yin; de lta bu'i sangs rgyas kyi go 'phang de thob pa la de
sgrub dgos/ de sgrub pa la sgrub tshul shes dgos/ de mi shes na
chos byed 'dod kyis dben pa'i gnas su song yang sngags 'dra
bgrang/ smon lam 'dra 'debs/ yang

na sems gnas thengs po re tsam sgom pa las ci yang byed mi
shes pa de 'byung ba yin/ chos sgrub tshul shes pa la tshang la
ma nor ba'i gdams ngag zhig la bslab dgos pas/ de lta bu'i
gdams ngag gi rgyal po lta bu ni byang chub

lam gyi rim pa 'di nyid yin par 'dug pas de'i phyir bdag gis
byang chub lam gyi rim pa 'di legs par nyan nas nyams su len
snyam pa'i kun slong bskyed dgos/ des na spyir kun slong 'chos
pa 'di gang gi'ang 'gor gnad

@13b che zhing/ lhag par byang chub lam gyi rim pa'i khrid
nyan pa na kun slong yang gang byung gis mi chog par byang
chub kyi sems ma mtha' bcos ma tshun chad kyis zin pa zhig dgos
pas/ de yang sems bskyed kyi nyams myong

yod pa rnams la ma sems can thams cad kyi don du zhes sogs
tshig nyung ngus gsal btab kyang chog mod/ las dang po pa la de
tsam gyis yid 'gyur mi thon pas/ dal 'byor don che rnyed dka'
nas brtsams te

rim bzhin gsal btab na byang chub kyi sems kyi dmigs rnam la
yid 'gyur thon 'ong/ de yang lam rim tsam ma zad rang re ri bo
dge ldan pa rnams kyis dbang lung khrid sogs gang 'chad na'ang
sngon 'gro kun slong

bcos skabs skyes bu gsum gyi lam gyi rim pa cha tshang ba re
'byung ba dang/ tha na smon lam lta bu tsam la'ang skyes bu
gsum gyi lam gyi rim pa mdor bsdus pa re ma tshang ba med pa
'byung ba 'di rang cag bka' gdams gsar rnying

gi bstan pa'i khyad chos bla na med pa yin zhes bdag gi ~ ?
bla ma rin po ches yang nas yang du gdams par mdzad pas khyed
bstan pa'i thugs khur theg pa rnams kyis de ltar slob par
mdzad dgos/ 'on kyang tshe dbang lta bu

byed skabs dal 'byor don che rnyed dka'i skor tsam las mi rtag
pa'i skor sogs rten 'brel gyi gnad 'phyug dogs mi gsung ba
phyag len yin/ 'dir bka' chos pa dag las/ la las ni thos na
skal ba bzang bzang lta bu yin

@14a @#/ /nyams len ni mi nus snyam nas 'ongs pa yang yod/ la
las ni khyed cag 'gro na nga yang 'gro zhes g.yam rgyug lta
bus 'ongs pa yang yod/ 'on kyang dbang chen sogs gzhan dang mi

'dra bar 'di zhus nas grong chog byed snyam pa sogs ni mi
'byung/ de min dbang chen sogs la yin na 'di zhus nas sngags
'dren pa sogs kyis 'dre gdon 'dul ba'i nus pa thon pa dang/
nad gdon zhi ba dang/

nor sgrub dbang sdud sogs byed bsam pa dang/ 'ga' zhig gis ni
thos rgya gang che zhig byas te chos la tshong zong gi ma rtsa
lta bur byas nas sog yul sogs su tshong byed sar 'gro bar snang
med/ de dag ni chos la

brten pa'i sdig pa tshabs po che gsog pa yin te/ ston pa sangs
rgyas kyis thar pa dang thams cad mkhyen pa sgrub pa'i thabs
su gsungs pa rnams tshe 'di'i don du khyer ba rgyal po khri
steng nas phab ste phyag bdar gyi las

bcol ba dang mtshungs pa yin no/ /de ltar sngar bshad pa'i kun
slong ngan pa rnams yod par snang na phar dor nas byang
chub kyi sems bcos ma tshun chad kyis gsal legs par btab nas
gsan par zhu/ des kun

slong 'chos pa'i skor song nas dngos gzhi gsan par bya ba'i
chos ni/ de la dang po nyams su blang bya'i chos kyang ston pa
sangs rgyas kyis gsungs/ paNDi ta rnams kyis bshad pas gtan la
phab/ grub pa'i dbang

@14b phyug chen po rnams kyis bsgoms pas nyams rtogs thugs
rgyud la 'khrungs pa zhig la nyams len byed dgos kyi/ gzhan du
sangs rgyas kyis ma gsungs pa mkhas grub gzhan gyis ma shes
pa'i man ngag zab zer ba ci tsam bsgoms

kyang 'bras bu yang sangs rgyas kyis kyang ma rnyed pa/ gzhan
la ma grub pa zhig 'ong nyen yod/ des na dang por nyams su len
bya'i chos la brtag cing dpyad dgos te/ rje sa skya paNDi tas/
rta dang nor bu la sogs pa'i/ /cung zad

tsam gyi nyo tshong la/ /kun la 'dri zhing brtag nas dpyod/
/tshe 'di'i bya ba cung zad la/ /de lta'i 'bad pa byed pa
mthong/ /skye ba gtan gyi legs nyes ni/ /dam pa'i chos la rag
las kyang/ /chos 'di khyi yi kha zas bzhin/ /

bzang ngan gang du'ang mi dpyod par/ /gang 'phrad de la gus
par 'dzin/ /zhes gsungs pa ltar rang cag rnams rta lta bu nyo
tshong byed na'ang brtag dpyad rnam grangs mang po byed/ thugs
dam brtag pa zhu/ gzhan mang po la'ang

'dri/ grwa rkyang lta bur mtshon na ja zhig nyo na'ang mdog
dang ljid dang/ dbyibs la lan du mar brtag /chu shor ba sogs
skyon e 'dug nan tan du blta/ gzhan dag la 'dri ste/ de stabs
nyes na'ang ja phor kha shas nyes pa yin/

de lta bu'i gnas skabs kyi don cung zad la de 'dra ba'i brtag
dpyad byed kyang/ tshe rabs gtan gyi 'dun ma'i gzhi rtsa nyams
su blang bya'i chos la ni brtag dpyad gang yang mi byed par
khyi'i kha zas bzhin du gang 'phrad zhig gis chog par

@15a @#/ /byed pa snang mod/ de ltar gtan nas mi rung ste de
'phyugs na tshe rabs gtan gyi mdun ma 'phyug 'gro /des na gang
nyams su blang bya'i chos de yang legs par brtag cing dpyad
nas de la 'jug dgos/ de

ltar dpyad pa na chos ni byang chub lam gyi rim pa 'di las
mchog tu gyur pa med de/ gsang sngags kyi zab khyad kyang lam
rim la rag las shing lam gtso gsum rgyud la ma skyes par
sngags lam gyis tshe gcig la 'tshang rgya mi

nus; kho bos snga nas dag snang dang gter chos sogs zab zab
mang po thos mod/ las tshogs sogs ngo mtshar ba mang du snang
yang lam gyi gtso bo rnam gsum la myong ba 'don lugs sam/ ngo
bo la khyad zhugs pa'i

gdams ngag ci yang mi snang/ byang chub lam gyi rim pa zhes pa
'di yang rje rin po ches mdzad pa'am/ jo bo rjes mdzad pa sogs
min par yang dag par rdzogs pa'i sangs rgyas kho na las brgyud
'ongs pa ste/ de yang

kha byang la lam rim zhes pa'i ming yod med tsam las go ba
chags na gsung rab kun lam rim yin te/ ston pa'i gsung rab kun
gyi nang nas rab dang mchog dang phul du gyur pa ni sher phyin
gyi mdo sde rin po che yin/

der chos phung brgyad khri bzhi stong gi gnad 'gag zab mo'i
lam gyi rim pa dngos bstan dang/ rgya che ba'i lam gyi rim pa
sbas don du mdzad nas bstan cing brgyud pa'i bka' babs kyang/
rgya che ba'i lam gyi rim pa ston pa'i sras

@15b kyi thu bo byams pa nas thogs med dang/ zab mo'i lam gyi
rim pa 'jam dbyangs nas klu sgrub la brgyud pa'i zab pa dang
rgya che ba'i lam rim gyi brgyud tshul mi 'dra ba gnyis su
byung/ de yang byams chos sde lnga dang/ thogs med

kyis sa sde lnga sogs dang/ klu sgrub kyis rigs tshogs drug
sogs mdzad nas lam gyi rim pa gsal bar mdzad cing/ de ltar zab
rgyas kyi lam gyi rim pa'i brgyud pa so sor byon pa dpal mnyam
med jo bo chen pos rgya che ba'i

lam gyi rim pa bla ma gser gling pa dang/ zab mo'i lam gyi rim
pa rig pa'i khu byug las gsan te gdams pa'i chu bo gcig 'dres
su gyur/ der ma zad 'jam dbyangs nas zhi ba lha la brgyud pa'i
rlabs chen spyod brgyud dang/

gsang sngags kyi brgyud pa sogs mdo sngags yongs rdzogs kyi
brgyud pa'i bka' babs/ jo bos bod du bstan pa yongs rdzogs kyi
gnad bsdus pa byang chub lam gyi sgron ma mdzad nas da lta'i
bar lam rim zhes pa'i ming 'dogs kyi

tha snyad de nas byung/ de phyin chad lta spyod brgyud pa'i
chu bo gcig 'dres yin mod/ de yang rgyas bsdus kyi dbang gis
bka' gdams gzhung pa ba dang/ lam rim pa dang/ gdams ngag pa
gsum du gyes shing/ slar yang

rje bdag nyid chen pos lho brag grub chen dang/ gra 'or mkhan
chen chos skyabs bzang po gnyis las de gsum gsan zhing/ de
man chad de gsum ga yang brgyud pa gcig tu gyur/ rje rin po
ches byang rwa sgreng gi brag 

@16a @#/ /seng ge 'dra ba'i zhol du gsol 'debs lam mchog sgo
'byed ljags rtsom mdzad de jo bo'i 'dra sku dbu yon ma gdan
drangs te gsol 'debs mdzad pa de'i tshe/ lam rim brgyud pa'i

bla ma kun gyi zhal gzigs/ chos kyi gsung gleng mdzad/ khyad par
jo 'brom gnyis/ po to ba/ sha ra ba bzhis zla ba gcig gi bar du
zhal gzigs/ mthar gzhan gsum jo bo la thim/ a ti shas phyag
spyi bor

bzhag ste bstan pa la bya ba gyis shig dang/ de'i grogs bdag gis
bya'o gsungs pa don gyis lam rim chen mo rtsom par bskul ba
bzhin lam rim chen mo'i zhi gnas yan mdzad/ phyis rje btsun 'jam
dpal dbyangs

kyis rtsom par bskul nas lhag mthong chen mo mdzad pas/ gzhan
lta ci bskul ba bo la bltos nas kyang byin rlabs kyi gter du yod
par shes so/ /de yang rtsom byang du sras bcas rgyal ba'i zhes
sogs kyis sbas nas

bstan pa yin/ phyis su lam rim chen mo'i spros bshad sogs dor
nas snying po bsdus pa'i lam rim chung ngu mdzad/ 'di snyan
brgyud dang/ snga ma bshad brgyud gtso bor mdzad pas man ngag gi
gnad mi 'dra ba phan tshun

bsnan du yod par gsungs/ de nas de dag kyang nyams len du dril
ba mi shes pa na rje rang nyid kyis/ bshad pa thams cad nyams
len du khyer shes pa srid mtha' ru snang bas skyong rgyu nye bar
bsdus pa re yang gud du bya'o

@16b zhes zhal 'phangs mdzad pa bzhin ?rgyal ? dbang bsod nams
rgya mtshos lam rim gser zhun ma dang/ de'i 'grel pa lta bur lnga
pa chen pos lam rim 'jam dpal zhal lung mdzad/ paN chen blo
bzang chos rgyan gyis bde

lam; de'i 'grel pa lta bur rje btsun blo bzang ye shes kyis myur
lam mdzad/ de ltar rje'i lam rim che 'bring chung ba nyams mgur
bcas gsum dang/ dmar khrid de bzhi'i steng dwags po ngag dbang
grags pa'i

legs gsung nying khu bsnan pas de brgyad la lam rim khrid chen
brgyad du grags/ de dag rtsa 'grel gcig 'thus min pas khrid
rgyun so sor thob dgos shing/ khyad par 'jam dpal zhal lung
khrid rgyun rgyas bsdus

gnyis las/ brgyud 'dzin dbus pa dang lho pa'i khyad par gyis
dbus brgyud dang/ lho brgyud gnyis su phye ba gnyis kyang khrid
rgyun so so nas thob dgos/ drung pa rta phug pa yab sras kyis
rjes su 'jam dpal zhal lung

mjal ba na/ 'di snga tsam nas mjal na dmigs skor de dag la dka'
las de tsam mi dgos par 'dug pa la gsungs pa ltar/ myur lam dmar
khrid dang/ 'jam dpal zhal lung gnyis gcig la med pa'i zab khyad
gcig la yod/

ston pa sangs rgyas kyis gsungs pa na lung rgyun las khrid rgyun
logs su med kyang phyis su des mi go ba na khrid rgyun zur du
byung/ khrid la bshad khrid ces pa tshig gi 'bru gnyer te spros
bshad rgyas par byed pa la zer/ dmar khrid

@17a @#/ /ces pa sman pa mkhas pas rang gi slob bur ro dmar po
kha phye nas don lnga snod drug sogs chags tshul dmar rjen du ngo
sprod pa ltar tshig gi spros bshad mi byed par man ngag gi snying
po dmar

bcangs su 'doms pa la zer/ nyams khrid ces pa bla mas nyams
myong gi thog nas slob ma'i rgyud thog gang khrel du 'chad pa la
zer/ myong khrid ces pa slob ma sgrub khang gi nye skor phan
tshun du bzhag nas dmigs skor re

re bstan cing de'i myong ba ma skyes bar dmigs skor phyi ma mi
ston par sgom du 'jug /de skyes pa na dmigs skor phyi ma ston pa
la zer/ khrid 'di dag la nyams myong gi byin rlabs kyi rgyun
yang 'jug rgyu yod cing rgyud 'dul ba la de phan

che; da lam 'dir yang nyams khrid kyi tshul du 'bul ba yin/ des
na skal ba chung ba 'ga' zhig thengs gcig gnyis las zhu long med
par phyogs phan tshun du thon 'gro ba'i don gnyer can dag la phan
pa'i phyir myur lam dang/

'jam dpal zhal lung rgyas bsdus gnyis/ rjes su bdag gzhan mnyam
brje'i mtshams su blo sbyong don bdun ma rnams sbrags nas zhu ba
yin/ de yang da lan sbyin pa'i bdag po sku ngo gung 'das po rnam
gnyis kyi dge rtsa dang/ rang

yang lam rim 'chad na gzhan dbang bka' lta bu'i bla slob gnyis
kar khe nyen mgo sbrel med pa'i don che 'byung nges snyam 'chad
pa la mi mtsher bas/ thams cad kyis lag len la ci theb theb dang/
sbyin bdag 'das gson

@17b la'ang skyabs 'jug dgos gsungs nas lam rim gsum gyi dbu nas
lung cung zad re gnang nas grol// //! nyin gnyis par/ bla ma rin
po che'i zhal nas/ chos kyi rgyal po tsong kha pa chen po'i
gsung las/ rgyal

ba'i gsung rab kun gyi snying po'i don/ /rgyal sras dam pa rnams
kyis bsngags pa'i lam/ /skal ldan thar 'dod rnams kyi 'jug ngogs
de/ /ji ltar nus bzhin bdag gis bshad par bya/ /zhes gsungs pa
ltar/ rgyal ba'i

gsung rab thams cad kyi snying po'i bcud bsdus pa lta bu/ skyes
bu chung ngu'i skabs ngan song las yid 'byung ba'i nges 'byung
dang/ 'bring gi skabs 'khor ba mtha' dag las yid 'byung ba'i
nges 'byung sogs kyang lam gyi

rim pa 'di lta bu lam brten na mi 'byung zhing/ rgyal sras dam
pa rnams kyis bsngags pa'i lam byang chub kyi sems rin po che
dang/ thar 'dod skye bo'i 'jug ngogs mtha' bral gyi lta ba lam
gyi rim pa'i 'khrid tshul 'di lta bu

la ? ma brten na mi 'byung bas sangs rgyas thob pa la lam gyi
gtso bo de gsum rgyud la skye dgos/ de gsum rgyud la skye ba lam
rim la brten dgos pas/ des na thog mar kun slong la bdag gis
sems can thams cad kyi don du

sangs rgyas kyi go 'phang thob par bya/ de'i phyir du skyes bu
gsum gyi lam gyi rim pa'i nyams khrid zhus nas nyams su len
snyam pa sogs kun slong dang kun spyod thams cad legs par gsal
btab nas gsan par zhu /

@18a @#/ /de yang gang gsan par bya ba'i chos ni/ skal ldan gyi
skyes bu sangs rgyas kyi sar bgrod pa'i theg pa mchog gi chos
lugs/ shing rta chen po klu sgrub dang thogs med gnyis kyi lam
srol/ dpal

mnyam med jo bo chen po dang khams gsum chos kyi rgyal po tsong
kha pa chen po'i thugs kyi bcud phyung ba lta bu'i gdams pa zab
mo/ chos kyi phung po brgyad khri bzhi stong gi snying po'i gnad
thams cad ma tshang ba med par gang zag

gcig 'tshang rgya ba'i nyams len gyi rim par bsgrigs pa/ byang
chub lam gyi rim pa'i nyams khrid mdor bsdus su 'chad pa la/ de
la sa bcad kyi dbang du byas na/ dngos gzhi sa bcad gcig gzhir
bzhag /de'i steng nas

lam gyi rim pa'i ngo bo nges pa/ grangs nges pa/ go rim nges par
byas nas/ sa bcad 'di'i nang dmigs skor 'di/ gsung bshad 'di
ltar/ lung rigs 'di dang/ gtam rgyud 'di/ man ngag 'di yod ces
nges par byas nas

bsgom dgos kyi/ sa bcad med par gang byung byung du bsres nas
nyan cing sgom na rgyud la phan thogs par dka' ba dper na/ ja
mar dang tshwa bul sogs snod so sor med par bsres nas 'jog cing
longs spyod pa bzhin no/ /de yang

lam rim che chung gi sa bcad sogs mang yang/ rang gang gi steng
nas thob pa'i sa bcad gzhir byas nas skyong dgos/ da lam bdag gi
7skyabs ? rje bla ma rin po che'i phyag bzhes myur lam gtsor
bzung thog /man ngag du mas brgyan

@18b pa'i sa bcad 'di sngon yi ger 'khod pa med kyang kho bos
nan tan gyis tshogs su zhus pa dang/ sger du bcar nas zhu ba sogs
kyis brtson pa chen pos phyogs gcig tu bsgrigs nas yi ger 'khod
pa 'di bzhin rgyas bsdus 'tshams shing

myong ba 'don lugs kyi khyad chos gzhan dang mi 'dra ba'i gnad
mang du yod pas 'di'i steng nas zhu na/ de la dpal nA len dra'i
mkhas pa rnams ni slob dpon gyi ngag dag pa dang/ slob ma'i
rgyud dag pa dang/ bshad bya'i chos dag

pa ste/ dag pa gsum gyi sgo nas 'chad la/ bri ka ma la shI la'i
mkhas pa rnams ni chos rtsom pa po'i che ba dang/ chos kyi che
ba dang/ de ji ltar bshad cing nyan pa'i tshul gsum sngon du gal
che bar bzhed pa'i tshul gnyis las 'dir

phyi ma ltar 'chad par bya ba la/ byang chub lam gyi rim pa'i
khrid la bzhi/ chos khungs btsun par bstan pa'i phyir mdzad pa
po'i che ba/ gdams ngag la gus pa bskyed pa'i phyir chos kyi che
ba/ che ba gnyis ldan gyi chos la nyan

bshad ji ltar bya ba'i tshul/ gdams pa dngos kyis slob ma ji ltar
bkri ba'i rim pa dang bzhi'o/ /sa bcad bzhi po 'di lam rim chen
mo'i sa bcad yin zhing/ bde myur sogs lam rim rgyas bsdus ji
'dra zhig 'chad kyang 'di med

na nges pa mi bskyed pas thog mar sbyar dgos pa gsung rgyun du
yod/ des na thog mar/ chos khungs btsun par bstan pa'i phyir
mdzad pa po'i che ba ni/ de yang kha sang zhus pa ltar nyams su
blang bya'i chos ni rgya gar mkhas pa'i lugs

@19a @#/ /bzhin ston pa sangs rgyas kyis gsungs/ paNDi tas gtan
la phab/ grub pa'i dbang phyug rnams kyis bsgoms nas nyams rtogs
thugs rgyud la 'khrungs pa zhig dgos kyi/ rang gi ngos nas kyang
dad pa dang shes

brtson gyis mi yong ba'i khar/ chos kyang ltar snang zhig nyams
su blang na 'bras bu gang yang mi 'byung zhing/ shes rab dang
brtson 'grus can mang po chud zos su song ba mthong chos ltar
yin/ gzhan du zab zab ltar smra ba'i dag snang sogs

ji ltar yin yang sngar zhus pa ltar lha'i sgrub thabs 'dra dang/
de la brten nas las tshogs 'dra sgrub pa'i thabs tsam las lam gyi
gtso bo rnam gsum la myong ba 'don lugs lta ci/ skyabs gsum gyi
ngos 'dzin khyad par ba zhig kyang mi

'byung/ des na 'dir chu 'go gangs la thug dgos pa ltar chos kyi
'go yang ston pa sangs rgyas la thug pa zhig dgos pas/ 'di la
long yod cing rgyas par 'chad shes na ston pa sangs rgyas nas
bzung/ brgyud pa'i bla ma kun gyis

lam 'di nyid la brten nas go 'phang brnyes pa'i tshul gyi rnam
par thar pa 'chad dgos kyang ha cang mang bas zhu ma khom zhing/
mdor bsdus tsam zhu na/ zhes ston pa nas jo bo'i bar gyi brgyud
pa'i bka' babs mi 'dra ba gnyis su

byung lugs dang/ jo bo nas brgyud pa'i chu bo gcig 'dres su gyur
tshul rnams mdor bsdus te gsungs/ de ltar jo bo nas brgyud pa'i
chu bo gcig 'dres su gyur te jo bos bod du byang chub lam sgron
mdzad/ lam rim lam rim

@19b zhes pa'i ming gi tha snyad kyang de nas byung/ de phyin
chad lam rim/ lam mchog /bstan rim sogs thams cad kyi bshad bya
rtsa ba'i gzhung de lam sgron yin pas jo bo yang de rnams don
gyis mdzad pa por song bas/ rje bdag nyid chen pos kyang

de mdzad pa po nyid 'di'i yang mdzad pa po'o zhes gsungs pa red/
des na 'dir jo bo'i rnam thar rgyas par 'chad dgos mod/ de tsam
mi lcogs kyang mdor bsdus tsam zhu na/ de la gsum/ rigs phun sum
tshogs

par skye ba bzhes pa'i tshul/ rten de la yon tan brnyes pa'i
tshul/ brnyes nas bstan pa la bya ba mdzad pa'i tshul lo/ /dang po
rigs phun sum tshogs par skye ba bzhes pa'i tshul la/ jo bo chen
po 'khrungs pa'i yul ni/

rgya gar shar phyogs za hor gyi yul b+haM ga la zhes bya ba'i
grong khyer chen po nye skor gyi 'bangs mi khyim 'bum phrag gcig
/'bangs kyi skye bo stong phrag so lnga yod pa/ pho brang gser
gyi rgyal mtshan can zhes bya ba gser gyi rgya phubs bcu

gsum dang/ gser gyi rgyal mtshan stong phrag nyer lnga yod pa/
longs spyod mnga' thang shin tu che ba zhig yin/ der yab rgyal
po dge ba'i dpal dang/ yum dpal mo 'od zer can gnyis kyi sras su
ngo mtshar ba'i ltas du ma dang bcas sku bltams

so; ;gnyis pa rten de la yon tan brnyes pa'i tshul ni/ de nas
rgyal sras gzhon nu de 'khrungs nas zla ba bco brgyad lon pa na/
nye 'gram gyi gtsug lag khang bi kA ma la pu rir yab yum gyis
gdan drangs pa na/ lam du grong khyer gyi skye bo thams cad

@20a @#/ /rgyal sras gzhon nu de mjal ba'i phyir lhags pa'i mi
khrom chen po gzigs pa na/ 'di dag su yin zhes yab yum la dris
pas/ yab yum gyis 'di dag khyod nyid kyi 'bangs 'khor yin no
zhes zhus pa na/ snying rje chen pos

gzigs te/ 'di dag bdag bzhin pha ma phun tshogs shing/ /rgyal
srid mnga' thang bsod nams 'bar ba yi/ /mi dbang sras kyi thu
bor rab bskrun te/ /thams cad dam pa'i chos kyis 'tsho bar shog
/ces gsung snyan pos

brjod pa na thams cad shin tu ngo mtshar bar gyur/ de nas gtsug
lag khang du phebs pa na yab yum sogs gzhan thams cad kyis ni
tshe ring zhing nad med pa dang/ longs spyod phun sum tshogs pa/
phyi ma ngan song du mi ltung ba/ bde

'gror skye ba sogs smon lam btab/ rgyal sras bdag nyid chen po
'dis ni/ bdag ni dal 'byor mi dbang lus thob cing/ /skyon med
dbang pos dkon mchog gsum mthong zhing/ /rtag tu gus pas dkon
mchog spyi bor blang/ /de ring

nyid nas skyabs gnas mdzad du gsol/ ! /nam yang khyim pa'i chos
kyis ma bcings par/ /dge 'dun dbus su chos 'byor thob pa dang/
/nga rgyal med par dkon mchog mchod byed cing/ /skye bo yongs la
snying rjes blta bar shog /ces smon lam

mdzad/ rgyal sras 'khrungs nas zla ba bco brgyad las ma song
ba'i sku chung ngu des skyabs 'gro dang/ sems bskyed las brtsams
te gsungs 'di lta bu gsungs pa'i rnam thar 'di tsam yang shin tu
dad pa'i gnas yin/ de nas rim gyis sku nar son te bka'

@20b gdams ? glegs bam las/ de nas rgyal bus lo gsum lon pa na/
/rtsis dang yi ge sgra la mkhas par gyur/ /de nas rgyal bus lo
drug lon pa na/ /phyi nang gnyis kyi bye brag phyed par gyur/
/zhes gsungs pa ltar mkhas par gyur/ phyi nang gi bye brag

'byed shes pa shin tu dka' ba zhig yin tshod gda' ste/ jo bos
rgya gar na phyi nang gi bye brag 'byed shes pa nga dang/ nA ro
pa/ shAnti pa gsum las med/ nA ro pa 'das/ nga bod du 'ong/ da
tsa na rgya gar na yang ngan te mchi zhes gsungs pas/ jo bos

dgung lo drug lon pa na phyi nang gi bye brag phyed pa ni de dus
nas shin tu mkhas pa'i rtags yin par snang/ de nas rgyal sras
dgung lo bcu gcig lon pa na/ rgyal po'i bu mo btsun mor 'os pa
mang pos glu gar sogs rgyal bu chags pa'i sbyor ba sna tshogs
bsgrubs

kyang thugs yid 'byung skyo shas kyi bskul mar gyur/ lhag par
sgrol ma'i sprul pa bu mo sngo sangs ma zhig gis/ lha cig ma
chags ma chags skal ba can/ /'dam bu'i tshal du glang po bying ba
ltar/ /'dod pa'i 'dam 'dir dpa' bo khyod bying na/ /tshul

khrims gos can bsnubs par mi 'gyur ram/ /zhes bskul ba/ ma chags
dang po tshe 'di dang/ gnyis pa 'khor ba la bya/ de yang glang po
bying ba dper gsungs pa ni lus che bas srog chags gzhan 'dam du
bying ba las thon dka'/ dpe de bzhin du dpa'

bo khyod bying na zhes pa'ang/ mi phal pa zhig spyod pa ngan par
shor yang rang tsam las bstan 'gro la cher gnod mi nus/ bla
sprul chen po dag gi mdzad spyod nyes na yul tsho re'i bstan pa
nyams smad par byed/ re re'i mdzad spyod tshul bzhin gyur na yul

@21a @#/ /de'i bstan pa rgyas par byed pas/ des na khyed cag
skyes chen rnams kyis mkhas btsun bzang gsum dang/ dge ldan lta
grub gtsang mar skyong ba shin tu gal che zhes 'phros bshad kyi
tshul du zhus pa yin/ de ltar ba skul ba la

rgyal sras gzhon nu de yang shin tu dgyes pa'i lan mdzad/ de nas
ma 'gyangs par rgyal bu rta pa brgya dang sum cu bcas dmag gi
chas su zhugs te thabs mkhas kyi mdzad pas ri brag bskor ba ltar
mdzad nas don du bla ma 'tshol du byon pas

ri brag gcig na bram ze dze tA ri bzhugs pa dang mjal/ des
skyabs sems gnang nas nA len drar thog med nas 'brel ba'i bla
ma byang chub bzang po yod der song gsungs/ de nas bla ma byang
chub bzang po dang mjal/ rin po che'i mchod pas mnyes

par mdzad/ bla mas mnyam gzhag mdzad nas sgo gsum byin gyis
brlabs/ sems bskyed kyi gdams pa mang du gnang/ des bla ma rin
pa'i khu byug gi drung du btang/ des kyang sems bskyed dang
gdams pa gnang nas sngon gyi bla ma a wa d+hU tI pa

mjal du btang/ de dang mjal ba na/ bla mas de ring rgyal po'i
khab tu song/ khyim gyi nyes dmigs ltos la shog gsungs/ de ltar
phebs phan yab yum dgyes nas/ zla ba'i snying po khyod ni gang
du phyin/ dub par ma gyur tam/ shes pa ma skyo'am/

slebs pa legs/ zhes zhus pa dang lan du/ thub pa'i skyabs gnas
bla ma 'tshol du phyin/ /ri brag dag tu dben gnas 'tshol du phyin/
/gang du phyin kyang 'khor ba'i nyes dmigs mthong/ /su dang
'grogs kyang 'khor ba'i nyes dmigs bshad//

@21b ji ltar byas kyang shes pa ma phebs pas/ /go skabs phye
zhig bdag ni chos la 'gro /zhes gsungs pa dang/ yab yum gyis/
'khor bas skyon rgyal srid bzung la dkon mchog la mchod pa/ dbul
phongs la sbyin pa/ gtsug lag khang bzhengs la/

dge 'dun spyan 'dren pa sogs byas na kun tu bde bar 'gyur tshul
zhus pa na/ nged kyis 'khor ba 'di la cher bltas pas/ rgyal srid
la chags pa'i snang ba ni rdul tsam yang mi gangO/ /gser gyi
pho brang dang btson rwa la khyad med/ btsun mo dang bdud kyi

bu me la khyad med/ kha zas mngar gsum dang/ khyi sha rnag khrag
la khyad med/ dar zab gos rgyan gyis mdzes pa dang/ mi gtsang
khrod du lwa ba gyon pa la khyad par cung zad kyang mi gda' bas
da nags su bsam gtan sgom du 'gro/ nyi ma

de ring nga la sha dang 'o ma sbrang rtsi bu ram cung zhig thugs
la thogs/ rje btsun a wa d+hU tI pa'i drung du 'gro gsungs nas
glur blangs pa dang/ yab yum gnyis kyis gang 'dod byed du gnang/
de nas rta pa stong dang bcas nags su phebs/ a wa

d+hU tI pa'i zhabs la gtugs/ des sems bskyed theg chen dbang
bskur yang mdzad/ ri nag po'i gtsug lag khang du dpal ldan rA
hu la'i drung du song/ de yang sngon gyi bla ma yin gsungs/ de
nas bla ma rA hu la'i drung du byon pa na/ bla

mas rgyud gsung gin yod pas tshur gzigs/ chos 'dod nas 'ongs pa
mkhyen yang bsdigs par bya ba'i phyir rgyal bu'i steng du thog
cig phab pa na/ thog de mu stegs nag po'i mchod rten ri la song/
'khor gyi rnal 'byor ba rnams kyis bla ma la su

@22a @#/ /yin zhus pas/ 'di skye ba lnga brgya lnga bcu rtsa
gnyis su mkhas pa paN chen gyi lus sha stag tu legs par brgyud
pa/ deng sang b+haM ga lar chos rgyal dge ba dpal gyi sras su
gyur kyang/ rgyal srid la

ma chags par/ dka' ba spyod par 'dod pa yin 'dug gsungs pas kun
ngo mtshar skyes nas bzhengs te bsu ba byas/ mjal ma thag /bla ma
dam pa gsan du gsol/ khyim nas byung ste thar pa sgrub 'dod
kyang/ /'di ltar grags pa'i rigs

brgyud thob pa yis/ /b+hMa ga la ru kho bo 'ching nyen gda'/ /dze
tA ri dang byang chub bzang po dang/ /rig pa'i khyu byug a wa
d+hU tI pa/ /dngos grub brnyes pa'i bla ma bsten gyur kyang/
/da dung rgyal srid gnas las grol ma gyur/ /da ni bla ma khyed
kyi

drung du btang/ /bdag la theg chen sems bskyed dbang bskur gyis/
/nges par 'ching ba 'di las bsgral du gsol/ /zhes zhus pas nyin
zhag bcu gsum bar du dgyes bzhin du rgyal bu gcig pu la yi dam
dgyes pa rdo rje'i dbang bskur gdams

ngag tshang bar gnang/ gsang mtshan ye shes gsang ba'i rdo rjer
btags/ de nas bla ma rA hu las/ 'jigs pa'i grub thob pho mo
gcer bu brgyad la rgyal bu 'di'i phyi 'brang byas la b+hMa ga lar
song/ yab rgyal po'i bsam pa bsgyur/ rgyal bu

'di rgyal srid phrol la bla ma a wa d+hU tI'i drung du slar
skyol gsungs/ rgyal bus kyang de'i tshe he ru ka'i chas mdzad nas
phebs pas pho brang gi nye 'khor du slebs pa'i tshe/ kun gyis
bltas pas ngo yang shes/ 'jigs pa yang skyes/ zla ba gsum du

@22b smyo spyod bskyangs te rnal 'byor pho mo rnams mchod zhing
brgyugs/ kun gyis rgyal srid spong bar kho thag bcad/ thams cad
'phreng zhing rang sar mchim 'byin/ lhag par du yab kyi zhal
nas/ e ma bu khyod legs par btsas pa'i tshe/ /ya

mtshan ltas mthong rgyal srid skyong snyam nas/ /dga' ba'i sems
kyis yid dbang sos par gyur/ /da ni nags khrod bsten blo ji ltar
lags/ /zhes gsungs pa dang/ rgyal bus de'i lan du/ ci gsung bdag
gis rgyal srid bzung gyur na//

tshe 'dir yud tsam yab dang 'grogs mod kyang/ /skye ba gtan du
pha bur mi shes shing/ /phan gnod med na shin tu mtshang ba yin/
/bdag gis rgyal srid chen po rab spangs nas/ /nges par rnam grol
byang chub lam bsgrubs na/ /skye ba gtan du dga'

bder 'grogs su 'ong/ /de phyir bdag la go skabs stsal du gsol/
/zhes zhus pa dang/ yum gyi zhal nas/ ci phan bu 'di shin tu
'phreng na yang/ /skye dgu kun la las kyi 'phen pa gtso/ /skyes
mchog gang du bde bar chos la thong/ /phyis

nas gtan du 'grogs pa'i smon lam 'tshal/ /zhes gsungs nas gnang
ba byin/ de nas rgyal bus nang par tho rangs rnal 'byor pho mo
rnams dang lhan cig nags khrod du bla ma a wa d+hU tI'i sar
byon dbu ma'i chos rnams bslab/ las

'bras phra zhib kyang bstan/ dgung lo nyer gcig nas nyerX dgu'i
bar a wa d+hU tI'i spyod pa bskyangs/ mdor na bla ma'i drung
du thos bsam sgom gsum stan thog gcig tu sgrub par mdzad de/ be
bum sngon po las/ lo bdun rjes su 'brang

@23a @#/ /ba'i a d+hU/ /zhes gsungs/ rgyal po'i pho brang rgyal
mtshan can na mi khyim 'bum phrag gcig dang/ khrus kyi rdzing bu
stong phrag nyi shu rtsa lnga/ skyed mos tshal bdun brgya nyi
shu/ tA la'i ljon shing stong phrag nga drug /

'bangs kyi skye bo stong phrag so lnga dang/ rwa ba rim pa bdun
gyis bskor ba/ bar gyi zam pa sum brgya re gsum/ gser gyi rgyal
mtshan stong phrag nyer lnga/ dbus kyi pho brang rgya phubs bcu
gsum pa/ longs spyod spyi rgya nag stong khun

rgyal po dang mnyam pa yod 'dug /jo bo chen po des de lta bu'i
rgyal srid stobs 'byor mnga' thang 'gran zla med pa de 'chil
ma'i thal ba bzhin dor nas chos la gshegs shing/ bdag cag gi
ston pas 'khor los bsgyur ba'i rgyal srid phyag mthil

na yod pa mchil ma'i thal ba bzhin dor nas rab tu byung bar
mdzad 'dug na/ de dag gi rnam thar la mig yar bltas kyis slob
dgos/ da lta rang cag rnams khyod tshangs spyod thongs dang
rdzong dpon zhig tu bsko zer na the tshom med

par nus tshod du 'dug /rgyal srid ltar bzhag /shag sna khung tsam
gyi ka cha yang blos thong dka'/ de ltar jo bo chen pos rgyal
srid mchil ma'i thal ba bzhin dor nas lo bdun ring bla ma a wa
d+hU tI pa gtso bor bsten cing/

gzhan yang dngos grub brnyes pa'i bla ma du ma'i spyan sngar rdo
rje theg pa la sbyangs pas gzhung dang gdams ngag ma lus pa la
mkhas par gyur te gsang sngags la nga nyid mkhas so snyam du
dgongs pa byung ba na/ DA ki ma rnams kyis

@23b sngags kyi glegs bam sngar mthong ma myong ba mang po mnal
lam du bstan nas thugs rgyal bcag go /da ni tshe 'di la sngags
kyi brtul zhugs kyi spyod pa spyad de phyag rgya chen po mchog
gi dngos grub thob pa zhig bya snyam du dgongs pa na/ bla

ma rA hu la gupta rdzu 'phrul gyis rtsig pa la yang ma thogs
par thal byung du byon nas/ khyod kyis sems can bzhag nas gar
cha/ rab tu byung zhig dang bstan pa dang 'gro ba mang po la
phan par 'dug gsung/ dpal he ru ka mdun

gyi nam mkhar dngos su byon nas kyang bskul/ bdag cag gi ston pa
thub pa'i dbang po dang/ mgon po byams pas kyang mnal lam du rab
tu byung bar bskul te/ phal chen sde pa'i mkhan po sbyor lam
bzod pa ba tshul khrims srung

ba zhes bya ba las rab tu byung zhing bsnyen par rdzogs par
mdzad/ de ltar dgung lo nyi shu rtsa dgu la rab tu byung/ bla ma
brgya dang lnga bcu rtsa bdun bsten nas rig gnas mtha' dag dang/
mdo sngags kyi gsung rab gdams pa

dang bcas pa thams cad sbyangs/ khyad par bla ma d+harmA rak+Shi
ta'i spyan sngar 'dul ba lung sde bzhi'i gnad kun bsdus shing/
mngon pa sde bdun kun bsdus pa'i bstan bcos bye brag tu bshad pa
chen po zhes bya ba bam po brgyud brgya

tsam yod pa'i bstan bcos chen po de lo bcu gnyis kyi bar du gsan
nas mtha' chod par sbyangs/ sde pa bco brgyad po so so'i byin
len rung chu sogs phyag len phra mo mtha' dag ma 'dres par
mkhyen nas 'phags yul gyi sde pa bco brgyad po

@24a @#/ /thams cad kyi gtsug gi nor bur gyur to/ /de ltar mdo
sngags kyi chos 'phags yul na de dus bzhugs pa mtha' dag gsan
cing thugs nyams su bzhes nas myur du 'tshang rgya ba la lam gang
zhig myur snyam pa nar mar yod

pa na ri nag po'i khong gseng na bzhugs pa'i bla ma rA hu la
guptasa mngon par shes pas mkhyen te/ der byon nas ji bo la
gsungs pa/ yi dam gyi lha zhal mthong ba dang/ dkyil 'khor gyi
lha tshogs mang po mngon du gyur pa dang/ thun

mong gi dngos grub mang po thob pa dang/ ting nge 'dzin ri rgyud
tsam yod pas gar yang mi phyin/ byams pa dang snying rje byang
chub kyi sems la blo sbyongs/ thugs rje chen po snying rje'i lha
yin pas yi dam du zungs/ 'khor ba

ma stongs kyi bar du sems can gyi don byed par dam 'chos shig
gsungs/ yang rdo rje gdan gyi khor sa na phar skor ba mdzad pa'i
tshe lder bzo gcig gis gcig la dri ba dang lan 'debs pa'i tshul
dang/ rdo rje

gdan gyi lho phyogs kyi nam mkha' la mi'i lus las 'das pa'i bu
mo gnyis gcig gis gcig la dri ba'i tshul du/ myur du mngon par
rdzogs par 'tshang rgya bar 'dod pas chos gang la bslab par bya
zhes zer ba la/ cig

shos na re/ byang chub kyi sems la bslab par bya'o zhes gsungs
nas/ byang chub kyi sems sbyong thabs bzang ba cig gsung gi 'dug
pa la/ skor ba 'phro bcad nas gsan pas snod gcig nas gcig tu byo
ba bzhin

@24b thugs su chud/ slob dpon klu sgrub kyis bzhengs pa'i rdo
rwa na bzhugs ce na/ bud med rgan gzhon gnyis 'dug pas/ gzhon pa
de la rgan pa des myur du mngon par rdzogs par 'tshang rgya bar
'dod pas byang chub

kyi sems sbyongs gsungs pa dang/ yang rdo rje gdan gyi gand+ho
lar skor ba mdzad pa'i tshe/ bya 'dab 'og na de bzhin gshegs pa'i
sku gcig bzhugs pa'i zhal nas/ he b+ha danda myur du mngon par
rdzogs par 'tshang

rgya bar 'dod pas/ byams snying rje byang chub kyi sems sbyong
shig gsungs/ yang rdo rwa khang bu la skor ba mdzad pa'i tshe/ ba
so'i rgyal ba shAkya thub pa gcig 'dug pa de'i zhal nas/ dzo
ki/ myur du mngon par

rdzogs par 'tshang rgya bar 'dod pas byang chub kyi sems sbyongs
gsungs/ de nas jo bo rjes byang chub kyi sems rin po che ma
skyes pa bskyed pa dang/ skyes zin gong 'phel du byas te mthar
phyin pa'i phyir de'i man ngag yongs su

rdzogs pa mnga' ba zhig su yod snyam rtsad bcad pa na/ dus de'i
tshe bla ma gser gling pa chen po byang chub kyi sems kyi bdag
por grags pas bla ma gser gling pa chen po'i zhabs drung du
byang chub kyi sems gdams ngag rdzogs

par gsan pa'i phyir gser gling du 'byon par bzhed nas 'dzam bu
gling nas gser gling du tshong la 'gro ba'i tshong pa lam rgyus
can dang bcas rgya mtsho la gru gzings bcas nas zla ba bcu gsum
gyi ring mtsho'i steng la byon te de'i

@25a @#/ /tshe bdud dga' rab dbang phyug gis sangs rgyas kyi bstan
pa dar bar ma bzod nas jo bo'i byang chub kyi sems la bar chad
bya ba'i phyir mi mthun pa'i rlung btang ste gru gzings lam log
par bsgyur

ba dang/ chu srin nya mid chen po ri lta bus gru gzings kyi mdun
bkag pa dang/ nam mkha' las thog babs pa sogs gnod pa tshabs chen
po byas pa na/ paNDi ta sa'i snying pos jo bo rje la thugs dam
bskul ba'i gsol

'debs shugs drag tu byas pas/ jo bo rjes gshin rje gshed dmar
po'i ting nge 'dzin gyi sgo nas bdud sde dpung dang bcas pa btul
te rim gyis gser gling du phebs/ jo bo chen po lta bu mkhas grub
de lta bur gyur/

'khrungs zla bco brgyad lon tsam nas kyang byang chub kyi thugs
'byongs pa'i gsung rang chas su byon pa des kyang/ da dung dka'
spyad 'di tsam gyis nan tan mdzad pa 'di la brtag na'ang byang
chub kyi sems rin po che 'di las lhag pa'i

theg pa chen po'i lam gyi gtso bo med par nges pa rnyed dgos so/
/de ltar jo bo chen po lam du zla ba bcu gsum gyi bar phebs par
yang rab byung gi rtags cha lugs ma nyams par byon 'dug pa las/
rang re ltar dgon pa'i gling

thon pa dang chas bsgyur nas phebs pa ma red/ phyi nas mig ltos
tsam gyis kyang bstan pa la phan pa'i ched phyogs su 'gro ba
la'ang rab byung gi rtags cha lugs ma dor bar bya dgos/ /deng
sang grwa pa gnas skor sogs phyogs

@25b la 'gro ba dag dgon pa'i lcags ri thon ma thon nas skya
chas sprad/ mdung ring khyer nas rgyus med kyis mthong na 'dis
gsod 'phrog byed mi yong ngam snyam 'jigs zhum zhum pa byed dgos
pa snang/ mkhas grub thams cad

mkhyen pas kyang/ ngur smrig chos gos zung dag gis/ /rab byung
rnams kyi lus mdzes kyi/ /rab byung khyim pa'i rtags 'chang ba/
/bstan pa 'jig pa'i brtul zhugs lags/ /zhes gsungs/ 'ga' zhig
gis nang nas smin dgos zer

nas phyi rol gang byung byed mkhan 'dug kyang/ bstan pa spyi'i
mig ltos la gnod pas dge 'dun rnams kyis phyi'i kun spyod zhi
zhing dul ba mdzad dgos/ 'phags pa rta thul gyis spyod lam kho
nas shA ri'i bu bden pa la bkod pa red/

da ni dkyus nas zhun/ de ltar jo bo gser gling du phebs nas/
gling de'i sne zin pa na gser gling pa chen po'i slob ma bsam
gtan pa 'ga' zhig bzhugs pa dang mjal/ der zhag bcu bzhi'i ring
dpon slob tshang ma ngal bso zhing/

bsam gtan pa de dag la bla ma gser gling ba'i rnam thar rtsad
gcod cing bzhugs/ rang re lta bu yin na lam sang sku mdun du
'gro 'os pa la/ de ltar ma mdzad par rnam thar rtsad gcod mdzad
pa ni/ bla ma legs par brtag dgos

pa'i mtshon byed du mdzad/ bsam gtan pa de dag 'ga' shas bla ma
gser gling pa'i drung du myur bar phyin te/ deng sang rgya gar
shar nub gnyis na 'gran zla med pa'i mkhas pa chen po dI pMa
kA ra shrI dznyA na bya ba de slob ma brgya dang nyi shu rtsa

@26a @#/ /lnga'i tshogs dang lhan cig rgya mtsho chen po la zla ba
bcu gsum gyi bar du dka' ba spyad nas/ bla ma khyed kyi drung du
dus gsum gyi rgyal ba thams cad skyed par byed pa'i yum gtso bor
nyan pa dang/ smon 'jug gi

sems bskyed de theg pa chen po'i blo sbyong ba'i ched du phebs
'dug ces gsol/ gser gling pas kyang mkhas pa chen po de lta bu
rang re'i yul 'dir phebs pa shin tu legs kyis bsu ba zhu dgos
gsungs/ de nas jo bo rje dpon slob

rnams bla ma gser gling pa chen po'i pho brang dang nye bar
phebs pa na/ bla ma gser gling pas dge slong chos gos rnam gsum
kha dog mthun par gsol ba/ thams cad mthun par ril pa spyi blugs
'dzin pa/ 'khar gsil mdzes

par bsnams pa shin tu dang ba 'dren pa dgra bcom pa lta bu lnga
brgya dang sum cu rtsa lnga'i sna bla ma gser gling pas drangs
nas dge tshul drug cu rtsa gnyis kyis brten te/ mdor na rab tu
byung ba lnga brgya dang dgu bcu rtsa bdun gyis rgyang ring

po nas bsu ba'i phyir nar gyis byung ba gzigs so/ /de ma thag tu
bcom ldan 'das zhal bzhugs pa'i dus na dgra bcom pa rnams kyis
bskor ba ltar shin tu dang ba 'dren zhing thugs nyams dga' ba'i
mthar thug par gyur to/ /

de nas jo bo rjes paNDi ta sa'i snying po la sogs rig pa'i gnas
lnga la mkhas pa'i paNDi ta dang/ sde snod gsum la mkhas pa'i
dge slong rnams phyags lham 'bring mig ma gsol ba/ kha che gur
kum gyis legs par kha bsgyur

@26b ba'i chos gos rnam gsum phal chen sde pas legs par bsngags
pa mdzes par gsol ba/ thams cad kyang rten 'brel gyi che bas
lcags kyi lhung bzed rab tshad bug rdol med pa bsnams pa/ zangs
kyi ril pa spyi blugs

ma ga d+ha'i bre gang shong ba dang/ bstan pa'i bdag pos rab tu
bsngags pa'i 'khar gsil la sogs pa'i rtags mtshan thams cad legs
par tshang ba yod pa/ thams cad kyang paNDi ta'i zhwa nga rgyal
med pa gsol ba/

rnga yab dkar po re phyag na bsnams pa brgya dang nyi shu rtsa
lngas jo bo'i rjes la bar du mi re shong tsam du ma 'byar ba/
rgyang ches ma drags pa/ bar ma chad par 'ja' tshon sna lnga'i
gur bzhin du mgon po gser gling pa gang

na bzhugs pa der byon pa dang/ thams cad phun sum tshogs pa sha
stag tu gyur pas dkar phyogs kyi lha rnams dga' zhing mgu nas me
tog gi char pa phab/ gser gling na gnas pa'i skye bo thams cad
bla ma gnyis kyi mdzad pa la ngo

mtshar rmad du byung ba'i dad pa thob bo/ /de nas jo bo rjes rin
po che'i bum pa nang na dngos po ci yod phyi nas gsal ba zhig
rin po che gser dang/ dngul dang/ mu tig dang/ byu ru dang/
baiDU ryas bkang ste bla ma gser gling pa chen

po'i phyag tu phul/ byang chub sems sbyong gi gdams ngag bum pa
gang byo'i tshul du gsan pa'i rten 'brel de nas 'grig pa yin 'dug
/de nas bla ma'i gzim khang pho brang dngul gdugs can gyi nang
du byon/ der bla ma gser gling

@27a @#/ /pas kyang rten 'brel gyi che bas chos kyi thog mar
mngon par rtogs pa'i rgyan man ngag dang bcas pa chos thun bco
lnga tsam gyis legs par bkral nas bshad par mdzad/ dpon slob
shin tu thugs

dag par gyur nas dbu sngas sbrel te lo bcu gnyis tsam gyi ring
la man ngag khol du phyung ba tsam min pa'i byams pa nas thogs
med la brgyud pa'i yum sher phyin gyi sbas don yongs su rdzogs
pa dang/ 'jam dbyangs nas zhi ba lha la

brgyud pa'i bdag gzhan brje ba'i byang chub sems sbyong gi gdams
pa thun mong ma yin pa la gsan bsam sgom pa mthar phyin par
mdzad de/ bla ma'i zhabs drung du bdag gzhan brje ba'i byang
chub kyi sems bcos ma ma yin pa thugs la

'khrungs/ bla mas kyang bstan pa'i bdag por mnga' gsol/ lha cig
'di ru ma bzhugs byang du byon/ /byang phyogs kha ba can gyi yul
du byon/ /zhes sogs kyis bod du byon nas gdul bya skyong bar
lung bstan to/ /gsum pa de lta

bu'i yon tan brnyes nas bstan pa la bya ba mdzad pa'i tshul la
gnyis/ rgya gar du mdzad tshul dang/ bod du mdzad tshul lo/ /dang
po rgya gar du mdzad tshul ni/ de nas jo bo dbus su phebs; ? rdo
rje gdan du bzhugs nas/ mu stegs kyi smra ba

ngan pa lan gsum du chos kyis pham par mdzad nas nang pa'i bstan
pa la btsud pa sogs bstan pa'i srol bzung/ rgyal po ma hA ba
las bri ka ma la shI la'i gtsug lag khang du gdan drangs/ jo bo
rang nyid phal chen sde pa'i lugs gtso bor mdzad kyang

@27b sde pa gzhan thams cad kyi lugs la mkhas pa dang/ kun la
nye ring mi mnga' ba'i dbang gis rgya gar shar nub yul dbus dang
bcas pa'i dge 'dun thams cad kyi gtsug gi nor bu ltar gyur te/
rgyal ba'i bstan la rgyal ba rang nyid slar byon pa ltar

sde snod gsum dang rgyud sde bzhis bsdus pa'i mdo sngags kyi
bstan pa yongs rdzogs kyi bdag por bzhugs so/ /gnyis pa bod du
mdzad tshul ni/ de skabs bod du bstan pa snga dar nub/ phyi dar
rim bzhin 'phel kyang/ 'ga' zhig 'dul ba la

mos blos sngags khyad du gsod/ 'ga' zhig sngags la mos blos 'dul
ba khyad du gsod/ mdo sngags tsha grang ltar ya 'gal du song/
rgya gar nas paNDi tar grags pa gser tshol ba mang po bod du
lhags nas chags lam dang/ ngan sngags mang pos

bod kyi skye bo rnams bslus te rgyal ba'i bstan pa rnam par dag
pa shin tu dar dka' ba byung nas/ bod kyi rgyal po lha bla ma ye
shes 'od thugs ma bde bar bod du bstan pa rnam dag zhig dar
phyir/ bod la phan thogs pa'i paNDi ta spyan 'dren par bod phrug

rig pa rno ba nyi shu rtsa gcig rgya gar du btang bas gzhan
rnams tshad pas shi /lo chen rin bzang dang/ lo chung legs she
gnyis kyis chos mkhas par mkhyen/ jo bo spyan 'dren ni zhu ma
nus/ slar bod du byon nas rgya gar gyi mkhas pa thams cad kyi

mdzad spyod dang bzhed pa mdo sngags la nang 'gal med tshul rgyal
po'i snyan du gsol/ bod la phan thogs pa'i paNDi ta gzhan ni mi
'dug /bri ka ma la shI lar rgyal rigs las thar par gshegs pa
dpal mar me mdzad ye shes bya ba bzhugs /

@28a @#/ /de spyan 'drongs na bod la nges par phan thogs zhes
paNDi ta thams cad mthun par gleng zhus pas rgyal po'i the tshom
yang chod/ khyad par jo bo'i mtshan thos pa tsam gyis mi tshugs
pa'i dad pa shugs drag skyes nas

rgya brtson seng 'khor brgyad dang bcas gser mang du bskur nas
jo bo spyan 'dren pa la btang bas spyan ma 'drongs/ de nas chos
rgyal rang paNDi ta spyan 'dren pa'i cha rkyen gser 'tshol du
byon pas/ gar log gi rgyal pos bstan pa la bya ba byed

pa'i chos rgyal du shes nas chos mi gtong na srog mi gtong bar
byas te sku lus dar gyis gcun nas bsdams/ btson du bzung ba na/
lha btsun byang chub 'od kyis khu bo btson nas 'don thabs su
phebs pa dang gar log gi rgyal pos khyed rang

paNDi ta gdan 'dren pa'i 'phro bshol la khyed rang nga'i 'og tu
zhugs/ yang na gser rgyal po dang mnyam pa khyer la shog /rgyal
po btang gi zer ba la/ gser gtod pa 'dam nas gser srang brgya
tham pa khyer te rgyal po bslus pas kyang kho ma

nyan; lus dang mnyam pa tsam khyer nas bslus pas kyang mgo bo
tshang ba dgos zer nas kho ma nyan/ de nas thabs gzhan ma byung
bar rgyal po gang du bcug pa'i btson gyi sgo drung du byon/ khu
bo la bos te/ bka' drin chen po/ sngon gyi las thog

tu bab pa yin pas/ ngas kho la dmag brgyab nas bzlog na ni skye
bo tshan po che phung la btang nas ngan song du 'gro dgos par
snang/ paNDi ta gdan mi 'dren par khyed rang nged kyi 'og tu
zhugs zer ba la ni/ chos blos btang nas sdig rgyal gyi 'og tu

@28b zhugs pa las/ khyed chos ldan du gshegs pa drag snyam du
bsam/ de nas gser khyed rang tsam pa zhig dgos zer ba la gser
btsal bas/ khyed kyi sku lus dang mnyam pa'i tshod tsam zhig
rnyed/ de la yang kho ma nyan pas da ngas dbu tsam zhig

rnyed pa dang blur 'ong gis/ de bar du sngon gyi las la sems pa
dang/ dkon mchog la gsol ba 'debs pa dang/ snying po che brang
'og tu bcug pa'i bsod nams mdzad dgos pa yin/ zhes zhus pa dang/
khu bo ye shes 'od kyis bzhad

cig mdzad nas/ khyod la'ang gces phrug snum zan ma'i bag cig
yod/ dka' spyad dang snying rus mi nus snyam pa yin te/ nga shi
yang khyod kyis pha mes kyi srol skyong bar snang/ khyod kyi de
go ba che/ nga la des chog /nga'i bsam pa la

bod 'dir chos khrims skyon med cig ma tshugs par nga shi na mi
rung ba 'dug snyam pa yin te/ da na so yang rgas/ 'dir da lan ma
shi yang tshe lo bcu las med/ de tsam gyi phyir gser mang po
btang yang dkon mchog thugs khrel/ sngar tshe

'khor ba thog ma med pa nas chos kyi phyir gcig kyang shi ba
med/ da lan chos kyi phyir shi na legs pa yin pas rgyal po 'di
la gser se ba ra ti gcig kyang ma ster/ gser nga rang tsam rnyed
pa shin tu rngams che na/ da mgo bo tsam pa ga na rnyed/ gser
thams

cad rgya gar du khyer la da dung jo bo paNDi ta de gdan ci
'drongs gyis/ paNDi ta de'i snyan du yang/ nga na re/ ngas khyed
dang sangs rgyas kyi bstan pa'i phyir lus srog gar log gi rgyal
po la byin yod pas tshe rabs thams cad du bdag la thugs rjes
'dzin pa

@29a @#/ /dang; nga'i bsam pa'i gtso bo khyed bod du byon nas
sangs rgyas kyi bstan pa dar bar byed pa yin pas de kho na bzhin
du mdzad pa dang/ skye ba 'di'i 'og rol tu khyed dang nges par
mjal bar byin gyis brlab tu gsol

zhes nga'i 'phrin 'di skyel mdzod cig /de ltar lags pas nga blos
thongs la sangs rgyas kyi bstan pa la soms shig gsungs/ de ltar
khu bo de lus kyi stobs shor/ gsung gi gdangs chag /shin tu nyam
thag par gyur na'ang/ da dung bod

kyi sems can dang/ sangs rgyas kyi bstan pa dang/ jo bo 'ba'
zhig thugs la sems pa'i snying stobs la yid ches te 'bral mi
phod bzhin du phyir byon/ de nas lha btsun byang chub 'od kyis
snying rus bskyed de khu bo'i thugs dgongs yongs su

rdzogs par bya ba dang/ bod 'dir yang A ? tsarya ? dmar po
dang/ paNDi tar grags pa sham thabs sngon po can dang/ ar tsho
bande bco brgyad sogs kyis gsang sngags la bsnyad pa'i rtsing ?
chos mang du byung ba rnams thabs kyis bsnub pa'i phyir du jo bo
spyan

'dren pa'i bang mi su 'os dkon mchog la gsol btab dang mo rtsis
ci mdzad kyang nag tsho lo tstsha ba la babs/ de dus lo tstsha ba
gung thang gser gyi lha khang na stan la blo phab ste bzhugs mus
nas rgyal pos mnga' ris su 'bod par mdzad/ rgya gar du

'gro rgyu khas ma blangs kyis dogs nas/ rgyal po lha btsun rang
gi bzhugs gdan gyi gung la lo tstsha ba bzhag nas bsnyen bkur/
mkhas btsun bzang gsum gyi che bstod mdzad nas/ pha mes rgyal
blon gong ma rnams kyis sangs rgyas kyi bstan pa'i dbu

@29b brnyes/ srol btod/ dar zhing rgyas par mdzad pa yin pa la/ dus
ding sang sangs rgyas kyi bstan pa nyams smad/ bdud rigs kyi
sems can kha rgyal/ mkhas pa thams cad gshegs nas shes pa skyo
bar byung bas/ nged khu dbon gnyis

kyis mi dang gser mang po rgya gar du btang yang/ mi shi nor
gron che ba las jo bo gdan ma 'drongs/ de la yang blos ma bzod
par lha chen po des gser 'tshol du byon pas rgyal po ngan pas
btson du bzung sku srog kyang blos btang/ de

ltar nged bod mtha' 'khob kyi sems can ma rig pa rnams kyi
snying stobs kyang de 'dra na/ khyed 'gro ba'i skyabs gnas thugs
rje can ci tsug song zhes 'u thug gis zhus shig /da 'di na gser
srang bdun brgya yod de/ 'di phar khyer la bla ma'i

phyag tu phul/ nged bod pre ta pu ri'i grong khyer lta bu na/
gser lug shig tsam pa re la'ang dka' las chen po yod pa yin pa
la/ da 'dis bod kyi mi nor thams cad yongs su rdzogs nas 'dug
lags kyi/ da res 'di la mgon

po bod du ma byon na khyed dam pa rnams kyi thugs rje yang de
ltar zad pas/ nged kyang bya ba ci bder spyad par bgyi'o/ /zhes
khyed 'dul ba 'dzin pas lo rgyus 'di rnams jo bo la dngos su
zhus pa'i mjug tha ma la 'byon par ma

bzhed na'ang snyan du thebs pa zhig nges par mdzod gsungs nas/
spyan chab kyis pang khebs dang lcog tse bang tsam du bshums pa
na/ nag tsho lo tstsha ba tshul khrims rgyal ba rang yang sngar sa
mtha' mang po bgrod ma myong ba dang bcas phebs

@30a @#/ /snyam pa cher med kyang yin min gyi tshig zur tsam yang
zhu ma nus/ 'jig rten gyi kha ngag la yang/ du ba'i kha la bltas
na du bro zer ba ltar/ lha btsun pa'i gsung de rnams shin tu
bden pa dang/

ye shes 'od de ma mjal yang rnam pa dran pa dang/ khong khu dbon
gyi mi nor mang po zad pa de rgyus yod pa dang/ bod kyi don du
khu dbon gnyis sdug ches pa dang/ rang re skyid ches pa dang/
lha btsun mi chen gcig gis bshums

shing gsung byon pa'i stobs kyis lus 'dar/ gdong mchims gang ste
lha btsun pa'i zhal la yang blta ma nus par lus srog gi dka'
tshegs dang/ tshe 'di'i bde skyid gang la'ang ma chags par/ lan du
'o lags kyis byas nas/

dpon g.yog bdun gyis gser srang bdun brgya khur te rgya gar gyi
lam la zhugs/ lha btsun pas kyang thag ring por skyel thung
mdzad de dge slong khyod kyis nga'i phyogs kyi bya ba byas/ da
res dka' ba che na'ang phar byon la 'bad brtson

chen pos lus dang srog la bsdos/ 'khor nas byas shes drin du gzo
bar bya/ zhes gsungs nas/ rgyang tsam sleb pa na slar yang skad
btang nas/ jo bo thugs rje chen po la gsol ba 'debs shing gshegs
par zhu gsungs/ de nas

nag tsho lo tstsha ba 'khor bcas rnams bal po rdzong la phebs tsa
na mi reng gcig dang phrad pas/ khyod yul sa thag ring por don
chen por 'gro bar snang bas/ 'di skad zer zhing song dang don
'grub nas 'ong gi /dkon mchog gsum la phyag

@30b 'tshal lo/ /kha ba can gyi rgyal khams su dus gsum gyi sangs
rgyas kyi 'byung gnas dam pa'i chos 'phel bar gyur cig /ces zer
zhing song dang/ lam du nye zho mi 'byung ba yin gyi zer ba la/
khyod su lags byas pas/ rim gyis shes par

'gyur zer/ de ltar nag tsho dpon g.yog rnams la lam bar gyi
'jigs pa mang du byung ba rnams 'brom rang nyid kyi sprul pa'i
rnam pa mang pos bsal te rim gyis bri ka ma la shI la'i sgo
spe'i 'og tu byon/ der rgya brtson seng gis bod kyi skad kyis

sgo spe'i rdzog khung gcig na mar bod kyi tshe dang ldan pa kun
gang nas byon zer/ nged mnga' ris stod nas 'ongs pa yin byas
pas/ de na sgo srung byis pa gcig yod pa de la khyod rang tsho'i
'brang chas kun bcol la skyibs shig tu 'bol le gzim

la bzhugs skya rengs gnyis pa'i mjug tsam la sgo 'byed pa yong ?
gsungs/ de nas sgo srung byis pa de la gser rnams bcol bas/ des
gser rnams phug cig tu bzhag nas/ blo gtad thub pa grogs kyi
mchog bya ba yin/ khyed rang rnams

blo phebs par gzim zer ba la/ chung chung 'di'i kha nas 'di 'dra
yong ba gang zag tha mal pa rang min nam snyam nas sems bag
phebs pa byung/ nangs par sgo phye ma thag tu byis pa gzhon nu
zhwa spyi ring dang 'brog snam gyi gos nyis brtsegs gyon pa/

phor chung khyer ba cig byung nas/ khyed bod rnams gang nas
byon/ lam du 'jigs pa'i skyon mi snang ngam zer nas bod kyi
'brog pa'i skad du lhang lhang byung bas skyo ba sangs pa snyam
byed pa byung/ nged mnga' ris stod nas 'ongs/ lam 'jam par

@31a @#/ /byung; khyod ga tsug yin/ gar 'gro byas pas/ des nga
yang bod pa yin/ bod du 'gro/ 'o cag bod 'di kha mang la gting
lhod/ gtam mtshang can sbed mi shes/ bya ba gal can gsang nas
sgrub

dgos pa yin/ rgya brtson seng bod kyi spyi khang na bzhugs yod
pas der rtsad bcad na yong zer nas yud kyis song/ de nas srang
nang ring po zhig tu zhugs nas phebs pas/ drang srong rgad po
chu shing gi 'khar ba thogs pa zhig

dang phrad de/ khyed gang nas byon/ gal ci byed du 'gro sogs
'dri ba la/ nged bod mnga' ris stod nas jo bo a ti sha spyan
'dren du 'ongs/ rgya brtson seng gi khang pa gang na yod byas
pas/ kho 'khar ba la brten nas mig gcu ba zhig

byas te/ da nang gi byis pa de bden/ bod kyi mi la ol mdud
med pa srang nang gi 'khyams po tshun chad la'ang snying gtam
'chad pa khyod kyis don 'grub tu re ba ang/ da res nga'i
rtsar byas pa drag /da jo bo min pa gzhan gyi rtsar ma 'don/

sgo ngas bstan zer nas kho'i rjes la byon pas/ kho ga ler song
ba'i rjes la nag tshos mgyogs pos ma slebs/ kho bod kyi spyi
khang gi sgo phug na sgugs nas bsdad de bya ba chen po sgrub
pa la ga ler byed dgos pa yin/ rings na sos bdal

dgos pa yin/ 'dod thag ma nye bar ri bor bags kyis 'dzegs/
khang pa 'di yin zer/ de nas nang du byon/ lo tstsha ba rgya
brtson seng la gser gyi phyag rten phul te mjal bas/ khong gis
khyed rnams phyogs gang nas byon gsungs pa

@31b la lo rgyus rnams zhib par zhus pas/ khyod nga'i slob mar
snang ste ngo mi shes par 'dug /da a ti sha gdan 'dren pa
skad ye ma zer bar slob gnyer la 'ongs pa yin zer ba kun la
smros/ 'di na gnas brtan ratna a kar bya ba yod/ de 'di na

dbang che zhing a ti sha'i yang bdag po yin/ des tshor du ye
mi btub pas/ da lta kho rang la gser srang phyed phul la/ nged
bod nas 'ongs pa yin/ paNDi ta spyan ma 'drongs/ da khyod kyis
paNDi ta dang khyad med pa'i slob gnyer zhig bdag la thugs

la 'dogs par zhu zer ba'i zhu ba phul/ de nas kyang rings
rings blo ma phebs pa ye ma byed par sos dal gyis/ de nas 'o
cag thabs mkhas pos jo bo 'dir phebs pa'i dus su zhu ba byed
pa yin gsung/ de nas nag tsho dang rgya brtson seng gnyis

kyis gnas brtan ratna a ka ra'i drung du gser srang phyed
phul te nag tshos rgyas bslab pa ltar gyi zhu ba byas pas/ gnas
brtan gyis de shin tu legs/ nged 'dir mi la rtseg pa min te/
paNDi ta gzhan gyis sems can mi thul/ 'di na

a ti sha med na rgya gar sangs rgyas kyi bstan pa'i 'byung
gnas yin pa la/ 'di btang na sems can spyi'i bsod nams nyams
'gro ba yin mod/ ces sogs gsung snyan po mang po byon/ re zhig
jo bo'i zhal mjal ba shin tu dka' ba byung/

de nas thugs rje chen po'i sprul pas jo bo bod du 'byon pa'i
rten 'brel sgo du ma nas bsgrigs te/ nyin gcig rgya gar gyi
paNDi ta dang rgyal po gzhan gyis ma tshor bar dben pa zhig gi
dus rgya brtson seng gis nag tsho lo tstsha ba la shog gsungs

@32a @#/ /nas jo bo'i gzim khang du khrid/ maNDal khru gang pa
cig yod pa'i steng du gser ling ba de bzhag /sil ma rnams tshom
bur bkod nas jo bo la phul te/ lo tstsha ba rgya brtson 'grus
seng ges gtam gtang ba/

bod kyi rgyal po byang chub sems dpa' yin lugs/ chos rgyal mes
dbon gsum gyi ring la chos ji ltar dar lugs/ glang dar mas
bstan pa bsnubs lugs/ bla chen po'i drin las dge 'dun ji ltar
'phel lugs/ lha bla ma khu

dbon gyis jo bo spyan 'dren pa'i phyir dka' spyad byas lugs/
ye shes 'od kyis zhu 'phrin bskur lugs/ da lta bod na chos log
ji ltar dar lugs zhib rgyas dang bcas pa zhus nas/ da yang bod
kyi rgyal po byang chub sems dpa' des tshe

dang ldan pa 'di mgon po khyed spyan 'dren du btang nas gda'
bas/ na ning skad mi gsung bar bod la thugs rjes gzigs par zhu
zhus pas/ jo bo'i zhal nas/ bod kyi rgyal po byang chub sems
dpa' yin par 'dug /chos rgyal mes dpon ?

rnam gsum yang byang chub sems dpa'i rnam 'phrul yin te/ de
bas bla chen po yang byang chub sems dpa'i rnam 'phrul yin/ de
min na bstan pa'i me ro bslang bar mi nus/ lha bla ma de kun
byang chub sems dpa' yin par 'dug /byang chub

sems dpa'i bka' bcag tu yang mi rung ba yin/ rgyal po de la
ngo yang gnong par yod/ khong gi mi nor mang po chud zos la
song/ khyed bod rnams snying rje bar yang 'dug ste/ nga yang
na so rgyas/ lde mig mang po'ang 'dzin/ bya ba mang po'i ?

@32b 'phro yang yod pas bod du thon re mi 'ong ngam/ 'on kyang
ngas brtag pa cig bya yi/ re zhig khyed rang gi gser tshags
gyis gsungs nas phyir la gtod par mdzad/ de nas jo bo rjes bod
khams kyi gdul bya rnams la thugs brtse bas bod du byon na

sangs rgyas kyi bstan pa la phan mi phan dang/ rang gi sku
tshe'i bar chad du 'gyur mi 'gyur brtag pa mdzad pas/ thugs rje
chen po dang rje btsun sgrol ma sogs kyis bod du byon na bstan
pa dang sems can la shin tu phan thogs pa 'ong/ khyad par

du u pa si ka gcig la brten nas phan thogs te 'ong/ tshe ni
bod du byon na thung bar 'dug gsungs/ ji tsam gyis thung zhus
pas/ bod du ma byon na dgu bcu go gnyis thub/ byon na bdun cu
rtsa gsum las mi thub gsungs/ don la nyi shu tham

pas thung du song ba yin skad/ de'i tshe jo bo'i thugs dgongs
la bod la phan thogs na tshe thung na'ang thung/ tshe la mi lta
snyam pa'i thugs stobs chen po skyes so/ /de nas jo bo rje
rgya gar gyi dge 'dun gyi sde rnams dang sbyin bdag rnams kyis
bod

du byon na rgya gar bstan pa'i 'byung gnas nyams par 'gyur
zhes thams cad kyis mthun par bkag nas bod du 'byon mi 'jug pa
la/ jo bo rjes thabs mkhas kyis bod du 'byon pa'i 'phros med
par rdo rje gdan sogs gnas chen

rnams su mchod pa rgya gang che ba re bgyid pa yin gsungs nas
gnas rnams su phar phebs tshur phebs mdzad/ jo bo 'jam dpal rdo
rje sogs sku rten byin rlabs can mang po dang/ gsung rten
glegs bam mang du yod pa rnams 'brom chos kyi rgyal

@33a @#/ /po'i thabs mkhas kyi sprul pa tshong pa'i rnam pa can
zhig gis sus kyang ma tshor bar gdan drangs/ de nas jo bos bal
yul dang bod du yang gnas rten khyad par can mang du yod 'dug
par mjal ba dang sbrags

yud tsam zhig phebs chog par gnas brtan la gsol bas/ gnas
brten gyis jo bo yang bod la phebs par dgyes/ bod pa rnams
kyis kyang gdan 'dren u tshugs che bas da bod du hrib tsam
zhig phebs chog /'on kyang lo gsum gyi

gong la rgya gar du tshur gdan thub pa byed rgyu nag tsho lo
tstsha ba la mna' bsgags/ de nas jo bo dpon slob rnams rgya gar
nas bal po rdzong du phebs pa na/ lha btsun pas rta pa sum
brgya tsam gyis phebs bsu rgya cher mdzad/ skye bo'i tshogs
rnams

kyis mjal ba tsam gyis dad pa glo bur du skye zhing rgyud dul
te 'gro tshul/ lo chen rin bzang dang mjal tshul sogs zhib par
bka' stsal/ de nas lha bla ma byang chub 'od kyis jo bo rje la
gsol ba 'di ltar btab ste/ byang phyogs kha ba can

gyi ljongs 'dir sngon dus chos rgyal mes dbon rnam gsum gyis
dka' ba brgya phrag du ma'i sgo nas sangs rgyas kyi bstan pa
btsug lugs/ de nas glang dar mas bstan pa bsnubs lugs/ de nas
rang gi yab mes mnga' ris chos rgyal rnams

kyis lus srog khyad du bsad nas bod du sangs rgyas kyi bstan
pa btsugs kyang/ da lta 'ga' zhig sngags la brten nas 'dul ba
ca 'byid/ kha cig 'dul ba la brten nas sngags ca 'byid de/ mdo
sngags gnyis tsha grang ltar 'gal bar

@33b bzung/ rang rang gang dgar spyod cing/ khyad par A
tsar+ya sham thabs dmar po can dang/ sngon po can bya ba gnyis
kyis sngags rgan ral pa can rnams la sbyor ba dang sgrol ba
bya ba'i chos bstan nas/ bstan pa nyams shin tu dma' ba cha la

chol 'di bzhin du song tshul sogs spyan mchi ma 'khrugs bzhin
du zhib tu zhus nas/ da jo bo thugs rje can khyod kyis bod kyi
gdul bya dmu rgod can 'di rnams la chos zab zab mo dang/ mtshar
mtshar po mi 'tshal gyi/ las rgyu 'bras kyi

chos kyis bskyang bar zhu/ lhag par mgon po nyid kyis thugs
nyams su bzhes pa'i rgyal ba'i gsung rab mdo rgyud dgongs
'grel dang bcas pa thams cad hril gyis dril la la ma tshang la
ma nor ba nyams su blang bde ba bod spyi la phan

pa'i chos shig thugs rjes 'dzin par zhu zhus/ yang 'jug sdom
gyi rten la so thar gyi sdom ldan dgos sam mi dgos/ thabs shes
ya bral gyis sangs rgya'am mi rgya/ dbang ma thob pa la rgyud
bshad chog gam mi chog /tshangs spyod la shes

rab ye shes kyi dbang dngos dbang du bskur chog gam mi chog
/rdo rje slob dpon gyi dbang ma thob par gsang sngags kyi las
kyi bya ba rnams byas chog gam mi chog /ces sogs kyi dri ba
bcas zhus pas/ zhu ba de la jo bo rje shin tu dgyes nas/ dus

gsum rgyal ba thams cad dag dang de yi chos/ /dge 'dun rnams
la gus pa chen pos phyag byas te/ /slob ma bzang po byang chub
'od kyis bskul gyur bas/ /byang chub lam gyi sgron ma rab tu
gsal bar bya/ /zhes sogs mdo rgyud dgongs 'grel

@34a @#/ /dang bcas pa'i dgongs don shog bu gsum gyi nang du
hril gyis dril ba byang chub lam gyi sgron ma mdzad/ byang
chub 'od la slob ma bzang po zhes gsungs pa yang 'bul ba mang
po phul ba de la gsungs pa

min; chos zhu lugs des mnyes nas de ltar gsungs pa yin/ de dus
byang chub 'od kyis dbang zhig gnang rogs /rjes gnang zhig
gnang rogs zhes zhus na jo bo mi mnyes pa yin zhes bdag gi bla
ma rin po che sa gsungs/ de ltar

dris lan dang sbrags nas lam sgron mdzad pa na/ de 'phral bod
kyi chos log rnams dang/ rtsing chos rnams rang yal du song ba
yin/ de ltar jo bos mnga' ris stod du bstan pa'i bya ba rgya
cher mdzad nas lo gsum rdzogs par nye ba na/ lo tstsha

ba la gnas brtan gyi dam tshig la bkar ba'i mna' yod pas lo
tstsha bas da rgya gar du 'byon dogs zhes bskur/ jo bos kyang
'byon pa ltar byas te pu hreng du phebs/ jo bo la sngar nas
rje btsun sgrol mas bod du dge bsnyen chen po zhig la brten

nas bstan pa la phan pa rgya chen po 'ong zhes yang dang yang
du gsungs shing/ de skabs kyang dge bsnyen myur du 'ong zhes
yang yang gsungs pas jo bo rjes nyin star bya ra mdzad cing/
nga'i u pa si ka ma byung tA re rdzun ni can gsung ngam zhes

gsung bar mdzad/ nyin gcig sbyin bdag cig gis jo bo gdan
drangs pa'i shul du 'brom rin po che phebs/ jo bo'i gzim khang
du phebs pa na/ jo bo sbyin bdag zhig gis gdan drangs song bas
da lta phebs yod zhes brjod pa na/

@34b 'brom rin po ches nga theg pa chen po'i dge ba'i bshes
gnyen dang mjal ba skad cig ma snga phyi la'ang snga ma 'dam
pas sgug mi thub gar bzhugs kyi sar 'gro zhes phebs pas srang
bar zhig tu mjal/ 'brom rin po ches brkyangs phyag mdzad

de jo bo'i sku mdun du phebs pa na jo bo rjes 'brom gyi dbu
thog tu phyag bzhag nas saM skr-i ta'i skad du shis brjod mang
du mdzad/ de nyin sbyin bdag de la'ang nga'i u pa si ka'i
skal ba dgos zhes bsna mas ? nas yod pa de gnang/ jo

bo rje ni nam yang sha mi bzhes pas de nyin gyi ston skal de
la zan dang mar sbrags nas yod pa 'brom gyis zan de bzhes/ mar
de ma bzhes par mar me kong bu mtshan thub cig bzos nas jo bo'i
dbu sngas su phul/ de nas bzung ste sku tshe

hril por jo bo'i dbu sngas su mar me mtshan thub rgyun ma chad
par phul ba yin gsungs/ jo bos nub mo de rang la 'broms rin po
che la dbang bskur te sras kyi thu bor bzung/ de nas pu hreng
nas rim gyis phebs te mang yul skyid grong du phebs/ de nas

bal yul brgyud de rgya gar du gdan 'dren rtsis byas kyang lam
du dmag zings chen po langs pas lam 'gags nas phebs ma thub/
de'i tshe 'brom gyis bod du mar gdan 'dren thabs gtso bor
mdzad/ nag tshos ni rgya gar du gdan 'dren thabs

gtso bor mdzad/ lam gyi dmag 'khrugs kyis gdan 'dren ma thub
pas lo tstsha ba ci drag la thug ste yid blong blong por gyur
pa na/ jo bos lo tstsha ba la de tsam sems las mi dgos sgrub ma
nus pa la nyes pa med gsungs pas/ lo tstsha ba

@35a @#/ /shin tu dga' nas 'o na bod du mar 'byon par zhu zhes
zhus pas/ de nas jo bo bod du mar 'byon pa thugs thag bcad/ de
dus lam du 'khrugs pa byung ste jo bo phebs ma thub pa ni bod

spyi'i bsod nams yin pa red/ de ltar jo bo phebs ma thub pas
rgya gar du bang chen brdzangs nas/ gnas brtan gyi bka' bzhin
jo bo bal po bar gdan drangs kyang lam du dmag 'khrug gis gdan
'dren ma thub bar re zhig phyir log

phebs dgos byung/ slar dus zings 'jag mtshams gdan 'dren zhus
chos pa dang/ jo bo bod du phebs nas bstan bcos kyang 'di 'dra
ba mdzad/ 'gro don yang shin tu che bas rab tu bod du bzhugs
chog pa 'dra mi yong ngam zhes

zhu yig dang/ lam sgron jo bo'i phyag bris ngo ma zhig dang/
gser mang po bcas rgya gar du brdzangs/ de'i tshe rgya gar du
rang re bod dang mi 'dra bar lo gcig gi nang du bstan bcos
gsar pa gang byung ba rnams paNDi ta rnams tshogs

nas gral gsham nas shog bu re re bzhin gral la btang nas tshang
mas re re bzhin gzigs nas tshig don la skyon med pa rnams rgyal
po la zhus te rtsom pa po la bya dga' gnang/ bstan bcos de
khyab gdal du byed chos pa'i dril

bsgrag /tshig sbyor legs kyang don la skyon yod rigs kyi bstan
bcos de khyi'i mjug mar btags te grong khyer gyi srang bar
khrid de rtsom pa po dang bcas pa dma' phab/ rgyal po la zhus
nas phyin chad bstan bcos de bsgrag mi chog pa'i

@35b dril bsgrag byed srol yod pas jo bo chen po'i gsung la de
'dra'i brtag dpyad mi dgos kyang yul gyi lugs srol bzhin paNDi
ta'i gral du btang bas/ lam sgron shog bu gsum po de'i nang du
bka' mdo rgyud thams cad kyi brjod bya ma tshang

ba med par bsdus nas bstan cing/ 'di la brten nas gsung rab
thams cad gdams ngag tu shar bas paNDi ta rnams la thugs nges
chen po 'khrungs pas/ thams cad ha las nas mgrin gcig tu jo bo
bod du phebs pas bod pa rnams

la legs pa ma zad/ nged rgya gar ba rnams la'ang shin tu legs
pa byung/ jo bo rgya gar du bzhugs na rgya gar ba rnams shes
rab dang brtson pa che bas bstan bcos 'di lta bu mi gsung/ bod
glen zhing brtson 'grus chung ba la dgongs

nas tshig nyung la don che ba'i bstan bcos 'di lta bu mdzad/
ces jo bo bod du bzhugs pa la bsngags brjod mang du gsungs
pas/ gnas brtan ratna a ka ras/ da 'o na paNDi ta rnams kyis
kyang bsngags brjod de ltar mdzad/ jo bo

yang bod du bzhugs pa la dgyes/ 'gro don yang che ba de 'dra
yod na da jo bo bod du bzhugs chog pa gyis/ sku tshab tu lam
sgron 'di la rang 'grel zhig mdzad nas bskur shog ces pa'i yi
ge tshur 'byor ba na/ nag tsho shin tu dga'

nas gnas brtan gyis khur ri tsam zhig bskur ba nyi ma de ring
nas sangs song zhes gsungs pa red/ deng sang bstan 'gyur khrod
du bzhugs pa'i rang 'grel du grags pa 'di jo bo'i gsung la
lhad zhugs pa zhig yin pa red gsungs/ de 

@36a @#/ /ltar jo bo dbus su 'byon par nye ba na/ 'brom ? rin po
ches sngon nas dbus kyi mi chen rnams la/ nged kyis jo bo dbus
su gdan ci 'drong byed/ yi ge byung na khyed rnams 'phral du
phebs bsu la 'ong

dgos zhes gsungs yod pa ltar ka ba shAkya dbang phyug la sogs
pa'i dbus ston rnams 'phral du jo bo'i phebs bsu la shog ces
pa'i phyag bris gnang bas/ ka bas dbu mdzad pa'i bod ston rnams
phebs bsu la chas pa na/

khu ston gyis nga'i ming mi 'dug gsungs par/ sogs khongs na 'dug
zhus pas/ sogs khongs su 'jog 'os pa'i mi de nga min zhes sngon
la byon pas thams cad 'ur lang ba ltar phebs bsur byon/ de'i tshe
bod ston rnams kyis bod

kyi bla chen gyi cha byad thang zhwa dang/ rta phying sogs gyon
nas phebs pa jo bos rgyang nas gzigs ma thag  /bod kyi 'dre mang
po slebs byung zhes dbu gtums nas bzhugs par/ de nas bla chen
rnams rta las babs te chos gos rnam

gsum bzhes nas phebs pas jo bos kyang mnyes nas phyag lan mdzad/
de nas rim bzhin dbus su phebs nas chos kyi 'khor lo rgya chen
po bskor/ bstan 'gro'i don rlabs po che mdzad/ de yang mnga' ris
stod du lo gsum/ snye

thang du lo dgu /dbus gtsang gzhan du lo lnga bcas khyon lo bcu
bdun gyi bar du bod du bzhugs pa red/ bka' gdams chos 'byung
sogs su lo bcu gsum las ma bzhugs par gsungs pa sogs yod kyang/
rang lugs rje

@36b btsun tsong kha pa chen pos bzhed pa 'di rang yin te/ nag
tshos rgya gar du lo gnyis/ bod du lo bcu bdun bsten pas/ lo ni
bcu dgu bsten cing 'grogs na yang/ /zhes gsungs pa ltar yin/ de
ltar jo bo chen po bod du 'bad pa

chen pos gdan drangs pa'i dgos don gyi snying po jo bos gsungs
pa'i chos kyi gtso bo ni byang chub lam gyi sgron ma 'di nyid
yin/ de yang jo bo bod du phebs khar rje btsun sgrol ma dang/ jo
bo'i bla ma paNDi ta ha la nag po zhes pas jo bo

bod du phebs na pha las bu rdzig  /bu las tsha bo rdzig  /tsha bo
las yang tsha rdzig  /yang tsha las sum tsha rdzig pa yong/ de nas
'chal te 'gro zhes lung bstan pa'i pha ni jo bo rang nyid/ bu ni
'brom ston dang legs pa'i shes rab

sogs/ tsha bo ni sku mched gsum dang/ yang tsha ni glang shar
gnyis sogs/ sum tsha ni sangs rgyas dbon ston dang/ sangs rgyas
sgom pa sogs kyi dus yin/ rdzig pa'i don ni snga ma snga ma las
phyi ma phyi ma'i dus su bstan pa khyab gdal

je cher song ba'i don yin/ de nas lam gyi rim pa 'dis go mi chod
par sngags re dang rjes gnang re snon pa brgyab pas cung zad
'chal te song ba yin/ de ltar jo bo chen pos bstan pa'i srol nub
pa rnams gsar du btsugs/ srol cung

zad yod pa rnams 'phel bar mdzad/ log par rtog pa'i dri mas
sbags pa rnams legs par bsal te bstan pa rin po che dri ma dang
bral bar mdzad/ de lta bu'i byang chub lam gyi rim pa 'di nyid
jo bos 'brom la gnang ste/ 'brom

@37a @#/ /gyis khong gzhan la sngags kyi gdams pa gnang nas/ ngos
la lam rim 'di gnang ba gang yin zhus pas/ ngas khod min pa
gzhan la gtad sa ma rnyed ces gsungs nas 'brom la lkog chos su
gnang/ 'brom

nas tshogs bshad du mdzad cing/ de yang brgyud pa gsum du byung
ste/ byang chub lam rim gzhung chen mo'i steng nas 'chad pa po
to ba nas sha ra ba la brgyud pa'i bka' gdams gzhung pa dang/ de
las cung bsdus pa'i lam rim bstan rim

dang sbyar nas 'chad pa dgon pa ba nas sne'u zur par brgyud pa
bka' gdams lam rim pa dang/ rten 'brel snying po'i khrid sogs
bla ma'i man ngag dang sbyar nas 'chad pa spyan snga ba nas bya
yul ba la brgyud pa'i bka' gdams man ngag pa dang brgyud pa

gsum byung/ de yang ming dngos su ma btags kyang deng sang med
pa min te/ gzhung bka' pod lnga la slob gnyer gyis de rnams lam
rim du dril te nyams su len pa ni bka' gdams gzhung pa ba dang/
de tsam ma nus kyang blo gros dang brtson pa che bas lam rim

che chung lta bur thos bsam byas te nyams su len pa ni bka'
gdams lam rim pa dang/ de yang mi nus pas bde lam dang myur lam
lta bu'i man ngag nyung bsdus kyi steng nas lam gyi rkang grangs
tshang bar byas te nyams su len pa ni

bka' gdams man ngag pa yin zhes khri chen ngag dbang nor bu'i
gsung rgyun yin tshul bdag gi skyabs mchog bla ma rin po ches
gsungs zhes gsungs/ de ltar bka' gdams kyi brgyud pa gsum po
yang sngar zhus pa ltar rje

@37b btsun tsong kha pa chen po nas chu bo gcig 'dres su gyur/
rje btsun tsong kha pa chen pos lam rim che 'bring chung gsum
mdzad tshul sngar zhus pa ltar la/ de yang rje rin po che la 'jam
dpal dbyangs dus rtag tu bla ma dang slob ma'i tshul du

mjal nas mdo sngags kyi zab chos mtha' yas pa zhig stsal tshul
rnam thar las 'byung ba ltar yin/ des na lam rim 'di rje rin po
ches rje btsun 'jam dpal dbyangs las gsan pa yin byas kyang chog
mod/ rje rin po ches chos kyi mthar

thug ston pa thub pa'i dbang po la thug pa'i ring brgyud la gtso
bor mdzad pa ma gtogs dag snang dang/ nye brgyud byung byung
sogs gtan nas mi gsung ba de rnam thar ngo ma tshar che/ lam rim
chen mo'i lhag mthong yan mdzad nas rje btsun la

zhus pas/ nged ? kyis bstan pa'i lam gtso gsum gyi nang du ma
'dus pa 'dug gam zhes rje btsun nas ku re gsung tshul mdzad par/
rje btsun gyis gsungs pa'i lam gtso gsum srog tu byas/ lam sgron
bshad bya tsa ba'i gzhung du byas/

de'i steng du bka' gdams kyi man ngag gzhan du mas kha bskangs
nas bsgrigs pa yin tshul zhus/ lhag mthong chen mo ni mdzad kyang
'gro don cher mi yong dgongs nas ma mdzad pa na/ lhag mthong gi
skor yang rtsoms shig dang 'gro don

'bring zhig yong zhes gsungs pa sogs gsang ba bsam gyis mi khyab
pa'i rnam thar mang du ma chis pa sogs mtshams 'dir rje'i rnam
thar rgyas par zhu dgos kyang/ da lam zhu khom ma byung bas rnam
thar gyi phyag dper zhib tu

@38a @#/ /gzigs par mdzod/ de ltar rje btsun tsong kha pa chen
po'i bstan pa 'di ni jo bo'i bstan pa thams cad ma tshang ba med
par yod pa'i thog tu/ snyigs dus kyi tshe thung gcig la mi slob

pa'i zung 'jug sgrub pa'i man ngag zab khyad bla na med pa dang
ldan pa yin/ rje'i gsung gi lam rim rnams la yang bka' gdams
gong ma'i lam rim la med pa'i zab khyad mang du mchis pa zhib tu
bltas na shes/ de ltar

rje rin po che nas lam rim brgyud tshul mang du mchis kyang/
yongs su grags pa'i brgyud pa'i gtso bo khrid chen brgyad du
gsung tshul kha sang zhus pa ltar yin/ de yang gser zhun ma dang/
'jam dpal zhal lung gnyis mdo

rkyang pa'i dbang du byas nas gsungs/ bde lam dang/ myur lam
gnyis sngags dang 'brel bar gsungs/ de yang zhal lung gi khrid
rgyun bsdus pa lho brgyud kyi brgyud tshul ni/ ^gong ? sa rgyal
dbang lnga pa mchog nas 'jam

dpal zhal lung rgyas pa la mtshal rtags phab ste lam rim bsdus pa
zhig bton nas/ skyabs yul/ tshogs zhing/ khrus khang sogs zhal
lung dbus brgyud dang mi 'dra ba'i man ngag dang bcas e pa bla
ma byams pa rin

chen la gnang/ des gzim shag mkhan chen blo bzang mkhas btsun la
gnang/ 'di mkhyen rab kyi rtsal che bas mtshal rtags phab lugs la
rgyas bsdus sna tshogs shig thugs la shar bas thugs dogs ma chod
par chos

@38b 'di'i bdag po ^lnga ? pa chen po rang la zhu dgongs nas sku
mdun rang du dngos mjal gyis ja sbyor gcig gi yun la cha tshang
gsan pa'i rnam thar rmad du byung/ 'dis rtse tshogs pa'i mkhan po
mdzad/ sku tshe'i smad la dben gnas lam

rim chos sdings su sgrub pa la gzhol bas grub pa'i go 'phang
mthon por gshegs/ des yer pa'i grub chen phun tshogs rgya mtsho la
gnang/ de yang myong khrid zla ba gsum la rdzogs par mdzad/ zhi
lhag gi rtogs pa khyad par can thugs

rgyud la 'khrungs nas yer par slob ma mang po myong khrid kyis
bskyangs/ bde mchog lus dkyil gyi sgo nas grub pa thob ste lho
brgyud kyi bla ma phal che ba de ltar yin gsungs/ des e bla ma
mkha' spyod bstan dar la gnang/ des mkhan

chen dge bdun 'jam dbyangs la gnang/ 'dis lho brgyud zhal lung
rgyas par rtags phab rgyu ma dag rgyun 'byams byung dogs le tshan
logs su yod pa 'di bkod par mdzad/ 'di sngar bris ma las med
kyang skyabs rje sgrub

khang rin po che nas par du bskrun gnang mdzad/ mkhan chen dge
'dun 'jam dbyangs kyis rje ngag dbang mthu stobs la gnang/ des
dwags grwa mkhan chen bstan pa rgya mtsho la gnang/ 'dis dwags
grwar slob gnyer skabs gzhon

khral gyis shing gshag dus dbu ma'i lta ba rnyed par gsungs/ des
se mtho bla ma skal ldan la gnang/ 'di la dngul dar snam bu sogs
'bul mkhan gang byung 'dzin chags kyang mi mdzad/ gtong bar yang
mi mdzad par nye 'gram

@39a @#/ /gyi brag gseb cig tu bskyur bar mdzad/ rjes su mi rabs
kha shas song na yang der btsal na snam rul dang TaM ka sogs
rnyed rgyu yod pa'i rnam thar ya mtshan/ mchod sbyin mi mdzad pa
yang rjes su

rloms sems skye ba'i nyes dmigs la dgongs pa red/ des rje blo
bzang chos 'phel la gnang/ des dge ba'i bshes gnyen thub bstan
rab rgyas la gnang/ 'dis thugs dam skabs lam rim gsol 'debs la
gdangs

btang nas gsungs rjes 'jam chag ger bzhugs/ gzhan gyis mnal ?
khug pa 'dra snyam nas bltas pas rtse gcig tu sgom la bzhugs par
mthong/ des dge slong byang chub thogs med ces par gnang/ 'di
dge

bshes dang bla ma sogs gang yang min par bam chos kyi grwa
rkyang rang ga ba zhig yin/ 'brang ri ri khrod du bzhugs nas
nyin re bzhin ne'u gsing chung du zhig yod par gsung gtor gnang
rjes lam rim la thugs dam rtse

gcig tu mdzad/ byams snying rje thugs rgyud la 'khrungs pas
bshums pa kho na mdzad pa lug rdzi byis pas mthong nas rgan po
gcig pur du ba ya mtshan snang gis nyin ltar phag tu ltad mo blta
bar 'ongs/ de dus zhal lung lho

brgyud kyi khrid rgyun dge slong 'di gcig pu la ma gtogs mi
bzhugs pas chad par nye ba na/ dwags grwa mkhan zur blo bzang
sbyin pa zhes bdag gi skyabs mchog bla ma rin po ches rab byung
gi sdom pa bzhes sa des/ lho brgyud

@39b kyi khrid rgyun gzhan du zhib tu btsal kyang khrid rgyun
thob pa dge slong 'di las med pas/ dge slong gis nyams khrid ma
btub kyang khrid rgyun tsam ma zhus na chad par dogs nas nyin
gcig dge slong dang mjal 'dzoms skabs/ da cha zhal

lung lho brgyud kyi khrid rgyun bzhugs pa nyid las med pas/
'di'i rgyun chad na shin tu phangs pas nyid nas rgyun tsam zhig
ngos la gnang na/ slar ngos nas lung rigs kyis brgyan te rgyas
par phar phul chog zhus par/ dge slong

gis bdag lta bus ga la 'bul nus zhes gnang mi nus nus kyi khul
mdzad kyang rjes su gnang ba'i skabs man ngag zab la 'dril ba
myong thog 'ba' zhig nas gnang bas/ rje blo bzang sbyin pa ha
las pa'i tshul mdzad de/ ngas

khong la phar 'bul rgyu yin zhus pa ngo tsha bar 'dug /khong bka'
gdams man ngag pa'i dge bshes chen po red ces bsngags brjod
mdzad/ rje blo bzang sbyin pa yang zhi lhag gi ting nge 'dzin
khyad par can rnyed cing/ lus dkyil

gyi sgo nas grub pa brnyes pa zhig red/ 'di dwags smad bang rim
chos sder gtan bzhugs mdzad cing/ rje bskal bzang bstan 'dzin
'di'i sku mched chung ba yin pas dwags stod lha sdings ri khrod
du bzhugs par/ rje blo bzang sbyin

pa lha sdings ri khrod du phebs dgos yang yang zhus kyang phebs
ma thub par rjes su mnyam gzhag gi ngang nas gzigs pas ri khrod
kyi phyi nang kun gsal bar gzigs/ thengs gcig bskal bzang bstan
'dzin sku mdun du phebs par ngas

@40a @#/ /khyod kyi ri khrod la bltas pas tshang ma mthong byung
zhes khang pa'i g.yas g.yon gyi shing shug pa tshun chad kyi
yod lugs zhib tu gsungs/ khyod kyi ka phigs nang du dkar po chen
po zhig 'gul

tsam 'gul tsam byed pa zhig 'dug pa de ci yin gsungs/ de ni ras
yol rlung gis bskyod pas 'gul tsam byed pa mnyam gzhag gi ngang
nas gzigs par 'dug /des gcung bskal bzang bstan 'dzin la gnang/

de yang mdo sngags kyis grub pa'i go 'phang mthon por gshegs/
bka' chos gnang skabs spyan g.yas gyon nas 'od zer dkar po re
spros te slob ma'i tshogs la g.yas skor gyon skor du byas te
grol ran pa na

slar thim pa sogs yang yang mjal ba byung/ bka' chos gnang ba
dang gling skor du phebs pa sogs dus mnyam du byung bas mjal mi
rnams ngo mtshar du gyur/ bla mchod tshogs zhing yongs rdzogs kyi
zhal gzigs/

gshegs dus dbu thod la yang rje bla ma mchod pa'i rang byon
byung ba da lta yang lha sdings ri khrod du bzhugs/ des grub
dbang skal bzang mkhas grub la gnang/ 'di yang 'khor lo sdom
pa'i sgo nas grub pa brnyes pa zhig

yin/ de'i mdun nas bdag gi ^skyabs ? mgon bla ma rin po ches
gsan/ de dag ni zhal lung lho brgyud kyi brgyud tshul mdor bsdus
tsam zhus pa yin/ rgyas par rnam thar gyi yig cha zur du yod pa
las mkhyen par mdzad

@40b dgos/ zhal lung dbus brgyud ni/ kun gzigs lnga pa chen pos
khri chen sbyin pa rgya mtsho la stsal/ de nas rim bzhin brgyud
de khri chen blo bzang lhun grub kyi drung nas rje blo bzang
sbyin pas gsan/ myur lam dmar khrid ni/ kun

gzigs paN chen blo bzang ye shes nas bka' rtsom grub nas khrid
rgyun zhu mkhan ma byung bar sku bgres nas spyan gyis mi gzigs
par lung shog ldeb re gnyis gal che gnang dgos kyang yi ge shin
tu chen po ched bris

kyis 'bul dgos pa la/ grub mchog blo bzang rnam rgyal bya bral
ri khrod 'grim nas bzhugs skabs myur lam gzigs nas 'di'i khrid
rgyun zhu ma thub na rjes 'jug khas zhan dgongs nas bdog khres
khyer nas

bkras lhun du phebs/ mgron gnyer brgyud nas lha rab gsung 'bum
spyi dang/ khyad par myur lam 'di'i khrid zhig gnang dgos zhus
par/ khong pa grwa rkyang yin pa dang/ zhu rgyu che ba dang/
spyan mi gsal ba bcas mgron

gnyer ha las te bsgyur bshad mang po btang/ slar log nas phebs/
yang thugs kyis ma bzod par sngar bzhin zhu ba lan gsum gyi bar
du byas kyang mgron gnyer gyis bdag bzung ma byas par 'u thug
ste/ ngas khyed rang

la chos gnang bar zhu ba ma gsol gyi snyan gsan 'di paN chen rin
po che'i snyan du 'khyol ba zhig mdzod dang byas pas/ khong
khros bzhin du sku mdun du zhus par dgyes bzhin zhal gyis bzhes
te spyan gyis mi gzigs pa'i tshul sogs

@41a @#/ /med par rdzogs par gnang ba red ces bdag gi bla ma rin
po ches yang yang gsungs/ 'on kyang rang re'i brgyud par blo
bzang rnam rgyal yongs grags su ma bzhugs/ rang re'i brgyud pa
rje ngag

dbang byams pa nas rim bzhin brgyud tshul sbyor chos skal bzang
mgrin rgyan du gsal ba ltar yin/ de dag ni mdzad pa po'i che ba
rags bsdus tsam zhus pa yin zhing/ bla slob tshang ma brel ba med
pa rgyas par byed na bla ma

yongs 'dzin rin po che'i gsung gi bla brgyud rnam thar pod gnyis
bzhugs pa ltar 'chad dgos zhes bdag gi bla ma rin po ches gsungs
zhes gsungs/ de ltar da lam 'chad ma thub kyang phyag dpe blus
nas rgyun du bklag ste

rnam thar re re'i mjug tu'ang dpal ldan bla ma khyed sku ci 'dra
dang sogs smon lam 'debs shing rjes su yi rang bsgom dgos zhes
gsungs// // ! nyin gsum par/ ji skad du/ mgon po zhi ba lhas/

dal 'byor 'di ni shin tu rnyed par dka'/ /skyes bu'i don sgrub
thob par gyur pa la/ /gal te 'di la phan pa ma bsgrub na/ /phyis
'di yang dag 'byor par ga la 'gyur/ /zhes gsungs pa ltar rang
cag rnams kyis dal 'byor

gyi lus rten 'di lta bu rnyed pa'i skabs 'dir tshe 'di'i bde
skyid tsam la chags nas dgra 'dul gnyen skyong sogs dud 'gros
kyang nus pa de 'dra la mgo mi 'khor bar dud 'gro las khyad
zhugs pa'i 'jig rten phyi ma phan chad la phan nges

@41b kyi chos shig ma byas na/ phyis nas 'di lta bu'i lus rten
thob dka' bas/ da res lan gcig rnyed pa'i skabs 'dir nan tan du
byed dgos/ de yang chos byang chub lam gyi rim pa 'di lta bu
nyams su len pa la rag las

pas; des na bdag gis ma sems can thams cad kyi don du sangs
rgyas kyi go 'phang thob par bya/ de'i phyir du byang chub lam
gyi rim pa'i gdams pa zab mo nyan nas legs par nyams su len
snyam pa'i byang chub kyi sems kyi

kun slong legs par gsal btab nas gsan par zhu/ de yang gang gsan
par bya ba'i chos ni/ skal ldan gyi skyes bu sangs rgyas kyi sar
bgrod pa'i theg pa mchog gi chos lugs zhes sogs sngar nyin ltar
gsungs/ de

la sa bcad kyi dbang du byas na/ byang chub lam gyi rim pa'i
khrid la bzhi sogs dngos gzhi'i sa bcad sngar bzhin gsungs nas/
sa bcad dang po ni kha sang phan la zhus pa bzhin ston pa sangs
rgyas nas rim par brgyud de byung

tshul; phyis nas lam rim dang bstan rim sogs mang du byung yang
rtsa ba lam sgron nyid la brten pa yin tshul sogs skyar bshad
mdor bsdus gsungs nas/ rgyas par ni lam rim bla ma brgyud pa'i
rnam thar ltar yin/ des

kha sang gi bshad pa rnams la skyar bshad mdor bsdus song nas de
ring sa bcad gnyis pa gdams ngag la gus pa bskyed pa'i phyir
chos kyi che ba 'di zhu ba la/ byang chub lam gyi rim pa 'di che
ba bzhi dang/ khyad chos gsum

@42a @#/ /gyi sgo nas gzhung gzhan las khyad du 'phags te/ de
yang che ba bzhi ni/ bstan pa thams cad 'gal med du rtogs pa'i
che ba/ gsung rab ma lus gdams ngag tu 'char ba'i che ba/ rgyal
ba'i

dgongs pa bde blag tu rnyed pa'i che ba/ nyes spyod chen po rang
'gag su 'gro ba'i che ba ste bzhi rnams yin/ de la dang po bstan
pa thams cad 'gal med du rtogs pa'i che ba dang ldan te/ bstan
pa ni rgyal ba'i gsung rab

rnams yin/ de yang shes rab sgron me'i 'grel pa las/ bstan pa
zhes bya ba ni/ lha dang mi bdud rtsi'i go 'phang thob par 'dod
pa rnams yongs su shes par bya ba dang spang bar bya ba dang
mngon sum du bya ba dang bsgom

par bya ba dag la phyin ci ma log par ston pa ste bcom ldan 'das
kyi gsung rab ces bya ba yin no/ /zhes pa ltar dang/ de thams
cad 'gal med du rtogs pa ni gang zag gcig 'tshang rgya ba'i nyams
len du go ba ste/

'gal ba med pa ni gzhi mthun yod pa la zer bas/ theg pa che
chung dang/ 'dul ba dang/ sngags sogs la sgras zin la 'gal ba
ltar snang yang don du gang zag gcig 'tshang rgya ba'i gtso bo
dang/ de sgrub pa'i yan lag

'ba' zhig yin pas mi 'gal ba dper na tsha ba'i nad drag pos thebs
pa zhig la sman pas dang po sha dang/ chang sogs spang dgos/ ma
spangs na srog la bsdo zhes bstan/ rjes su tsha ba ri thang ma
tshams su slebs nas

@42b rlung shas che bar byung dus sha chang sogs bsten dgos par
smra bas na/ smra yul nad pa gcig la smra ba po sman pa gcig gis
sha chang za mi za sman pa'i skad cha snga rting gnyis po de
'gal ba ltar snang mod kyang/ don du nad pa gcig

gso ba la gnyis ka dgos pa mi 'gal ba bzhin du theg pa che chung
dang/ mdo sngags sogs gdul bya so so'i ched las gang zag gcig
'tshang rgya ba'i nyams len du tshang ma mi dgos snyam pa yod
na'ang/ de ltar min par gsung

ba po gcig gis gang zag gcig 'tshang rgya ba'i nyams len du
gsungs pa ste/ de yang skyes bu chung 'bring gi skabs la thog
mar theg dman gyi sde snod nas bshad pa'i mi rtag /sdug bsngal
sogs bsgom pa dang/ de las cung

zad drag tu song nas skyes bu chen po'i skabs sems bskyed dang/
phyin drug sogs theg chen gyi sde snod nas bshad pa rnams dang/
sngags kyi snod du gyur nas rdo rje theg pa nas bshad pa'i rim
gnyis spyod pa dang bcas pa sogs

rim bzhin rang nyid lta bu gang zag gcig 'tshang rgya ba'i nyams
len du gzhi mthun pa yin/ des ni rgyal ba'i gsung rab thams cad
lam gyi gtso bo dang yan lag ci rigs par gang zag gcig 'tshang
rgya ba'i nyams len du mi mkho

ba gcig kyang med/ der ma zad byang chub sems dpa' rnams kyi
bzhed don gyi gtso bo ni sems can gyi don mdzad pa yin la/ de la
gdul bya rigs can gsum la rang rang gi thar par bgrod pa'i lam
ston dgos shing/

@43a @#/ /de yang rang gis ma shes par gzhan la bstan par mi nus
te/ rnam 'grel las/ thabs byung de rgyu lkog gyur pa/ /de 'chad
pa ni dka' ba yin/ /zhes gsungs/ des na byang chub sems dpas
theg pa

gsum gyi lam shes pa'i lam shes rgyud la skyed pa ni gzhan don
sgrub pa'i yan lag tu nges par dgos pa mdo las kyang/ rab 'byor
byang chub sems dpa' rnams kyis ni nyan thos kyi lam gang yin pa
dang/ rang sangs

rgyas kyi lam gang yin pa dang/ sangs rgyas kyi lam gang yin
pa'i lam thams cad bskyed par bya zhing lam thams cad shes par
bya'o/ /zhes dang/ rgyan las kyang/ 'gro la phan par byed rnams
lam shes nyid kyis 'jig rten

don sgrub mdzad pa gang/ /zhes gsungs pa ltar dang/ gzhan yang
thob bya sangs rgyas ni skyon kun zad yon tan kun ldan yin pas/
de sgrub pa'i lam theg pa chen po yang skyon gyi rigs mtha' dag
'gog cing yon tan gyi

rigs mtha' dag sgrub par byed pa zhig dgos la/ skyon sna re sel
ba dang yon tan sna re bskyed par mi byed pa'i gsung rab gang
yang med pas de thams cad theg pa chen po'i yan lag tu nges par
'du ba de ltar red/ de yang

zhib tu byas na rjod byad lung gi bstan pa thams cad 'gal med du
rtogs tshul dang/ brjod bya rtogs pa'i bstan pa thams cad 'gal
med du rtogs tshul gnyis yod cing/ sngon du zhus pa ltar sde snod
gsum dang rgyud sde bzhi

@43b sogs gsung rab dgongs 'grel dang bcas pa gang zag gcig
'tshang rgya ba'i nyams len du gzhi mthun pa las 'gal rkyen du
'gro ba cung zad tsam yang med par go ba de lung gi bstan pa
thams cad 'gal med du rtogs tshul

yin/ de dag gi brjod bya mngon mtho lha mi'i go 'phang thob byed
kyi rgyu mi dge bcu spong gi tshul khrims sogs skyes bu chung ngu
dang/ bden bzhi'i 'jug ldog dang bslab pa gsum sogs nges legs
thar pa thob byed rnams skyes

bu 'bring dang/ sems bskyed phyin drug sogs nges legs thams cad
mkhyen pa thob byed rnams skyes bu chen po'i lam du bsdus nas
brjod bya de thams cad gang zag gcig 'tshang rgya ba'i nyams len
du gzhi mthun pa las

'gal rkyen du 'gro ba cung zad tsam yang med par go ba de rtogs
pa'i bstan pa thams cad 'gal med du rtogs tshul yin/ de yang
'brom chos kyi rgyal pos bstan pa thams cad gru bzhi lam gyis
khyer shes pa nga yi bla ma zhes

gsungs pa ltar red/ de 'di'i rtsa tshig lta bu yin te/ 'di la gru
bzhi skyes bu gsum dang/ sngags bcas bzhi la gsung ba dang/ sho
rde'u ji ltar 'phangs kyang gru bzhi lam lam 'byung ba ltar
dmigs skor re re'i nang du yang lam

cha tshang ba re bsdus pa'i don yin tshul sogs mang du gsungs pa
de ltar du bshad du yod mod/ bdag gi ? skyabs mgon bla ma rin po
ches/ gdan kha gang ma gru bzhi lta bu zhig ling gis khyer ba
ltar gsung rab dgongs 'grel

@44a @#/ /dang bcas pa'i brjod bya gang zag gcig 'tshang rgya ba'i
nyams len du bsdus nas ling gis khyer ba la zer ba yin zhes
gsungs pa de gnad che ba yin/ gnyis pa gsung rab ma lus

gdams ngag tu 'char ba'i che ba ni/ byang chub lam gyi rim pa
'di lta bu dang ma mjal na gsung rab thams cad gdams ngag tu mi
'char te/ de yang gdams ngag gi mchog ni rgyal ba'i gsung rab
dang/

de'i dgongs 'grel gzhung chen mo rnams te/ de yang 'jig rten 'di
na gdams ngag ston pa'i bla ma zhig la thub pa sangs rgyas bcom
ldan 'das las lhag pa med cing/ gdams ngag kyang de'i gsung rab
rnams

mchog tu gyur pa yin te/ rgyud bla ma las/ gang phyir rgyal las
ches mkhas 'ga' yang 'jig rten 'di na yod min te/ /ma lus de
nyid mchog ni tshul bzhin kun mkhyen gyis mkhyen gzhan min pa/
/de phyir drang srong rang nyid

kyis bzhag mdo sde gang yin de mi dkrug /thub tshul bshig phyir
de yang dam chos la ni gnod pa byed par 'gyur/ /zhes gsungs pa
red/ des na deng sang rgyal ba'i gsung rab bka' 'gyur rin po che
lta bu la rim gro byed

pa'i dus mkho ba tsam las de la nyams len byed rgyu'i 'du shes
tsam yang mi 'khor ba dang/ de'i dgongs 'grel shing rta chen
po'i gzhung lugs rnams la'ang thos pa dang/ rtsod pa'i tshe mkho
ba tsam ma gtogs/ slob gnyer

@44b mthar phyin pa tshos kyang da gzod nyams len byed ran pa na
rang gis mi tshe hril por thos bsam gyis gang gtan la phab pa de
nyams len du dril mi shes par gang yang mi shes pa'i sgom chen
du 'bod pa sogs kyi drung du phyin nas lha'i sgrub

thabs dang sems ngo sogs bslab nas nyams su len khul byed pa de
ni/ rje tsong kha pa chen pos/ mang du thos kyang chos kyis
phongs pa ni/ /gsung rab gdams par shar ba med pas nongs/ /zhes
gsungs pa ltar gsung

rab gdams ngag tu ma shar ba'i skyon de lta bu byung ba red/
rang re grwa sa'i dge bshes shig gis khams su pha yul du phyin
nas rnying ma'i bla ma zhig gi drung nas nyams len byed rgyu'i
gdams ngag zhus nas man ngag

chung chung 'dra bsgoms pas/ yul de'i mi rnams nas dge lugs pa
la bshad chos tsam las nyams len byed rgyu'i chos med thag chod
yin pa red ces tshang ma yid log pa byung 'dug pa de ni bstan
pa'i rkang 'dren po byung

'dug snyam kho bo yang shin tu yi mug pa byung/ gang thos bsam
gyis gtan la phab pa de nyid nyams len du 'khyer dgos/ gang
nyams su len rgyu de nyid thos bsam gyis gtan la dbab dgos/ thos
bsam gyis gzhan

zhig gtan la phab/ nyams len gzhan zhig byas na/ rta rgyug byed
pa'i tshe dkyus sa gzhan du bstan nas/ rgyug sa gzhan du byed pa
dang 'dra bar lam rim chen mor gsungs shing/ de ni rta rgyug
byed pa'i tshe sang nyin rta

@45a @#/ /rgyug sa 'di na yin zhes sa shur bstan nas/ sang nyin
ngo ma rgyug dus de min pa zhig tu rgyug pa dang 'dra bar gsungs
pa red/ de ltar gsung rab rnams gdams ngag tu 'char mi thub

pa ni byang chub lam gyi rim pa la go ba ma chags pa'i skyon
yin/ 'di la go ba chags na rgyal ba'i gsung rab sogs gzhung chen
mo thams cad lam rim du 'dus nas nyams len du hril gyis khyer
shes pa zhig 'ong/

sngar khri chen ngag dbang mchog ldan gyis grwa sar slob gnyer
grub nas rje 'jam dbyangs bzhad pa'i drung du lam gtso rnam gsum
gyi bshad pa sogs gdams pa mang du gsan nas bka' mdo rgyud ma
lus pa'i dgongs

pa stan thog gcig tu nyams su len tshul ngo 'phred pas sngar
gzhung lugs rab 'byams la slob gnyer brgyab pa mtha' dag byang
chub lam rim la slob gnyer brgyab pa yin 'dug snyam du go ba
zhig byung gsungs te/ de gsung rab

gdams ngag tu 'char ba'i rtags yin/ de bzhin du grub mchog blo
bzang rnam rgyal gyis brgyad stong pa'i lung zhig gnang ba na
skabs skabs su a rdzi lo na rgas pas ma gtogs nyams len byed
rgyu zhig rang 'di na

'dug ces dbu zhabs thams cad du yang yang gsungs pa red/ lam rim
la go ba chags na chos grwar rtsod pa khyab 'go gcig tsam byas
na'ang thams cad lam rim du 'dus te gdams ngag tu 'char 'ong/
dper na

@45b sems bskyed rtsod pa'i tshe skyes bu chen po'i byang chub
sems sbyong gi skabs dang sbyar/ rten 'brel rtsod pa de 'bring
gi skabs dang sbyar/ bsam gzugs rtsod pa zhi gnas kyi skabs dang
sbyar chog chog 'ong/ chos 'don tsam la 'gro

ba'i tshe gsung rab gang zhal phye na'ang nyams len du 'dril thub
pa zhig 'ong/ tha na tstsha khang nang gi shog 'khyar gcig rnyed
pa tshun chad kyang rang gi nyams len gyi dmigs skor du bsnon
chog chog 'ong/ kho bos sngar chung ngu'i skabs

dgon pa'i gling skor gyi tstsha khang nang gi shog 'khyar zhig la
bltas pas ? rgyal mchog bskal bzang rgya mtsho'i gsung mgur/ stag
chung gi bung ba gzhon nu des/ /mdangs ldan gyi me tog gcig nas
gcig /yud tsam la 'dor len

byed pa mthong/ /dpe 'di dang mtshungs pa'i don gyi glu/ /snyigs
dus kyi skye bo mang po zhig /sems ma dag rang gi snang tshul
gyis/ /skad cig la dgra gnyen 'gyur ba mthong/ /blo brtan pa'i
grogs po ngas ma rnyed/ /ces 'dug pa skyes bu

'bring gi nges pa med pa'i nyes pa la sbyar chog chog red/ de
ltar bka' dang dgongs 'grel thams cad las yi ge na gcig kyang
'dor du med par gdams ngag tu 'char thub pa la bka' gdams zhes
bya ste/ rje bdag nyid chen pos

dka' bcu rin chen 'phel la bka' gdams zhes pa'i don gang yin
bka' 'dri gnang bar/ rgyal ba'i bka' las yi ge na gcig kyang
'dor du med par gdams ngag tu 'char ba la zer ba yin zhus pas/
rje rin po che shin

@46a @#/ /tu mnyes nas bka' chos kyi tshogs su yang/ de ring dka'
bcus blo skyed chen po byin byung/ 'di ltar zer zhes gsungs nas
bsngags brjod mdzad/ de ltar byung na tstsha ? khang nang gi shog
'khyar gcig

tshun chad kyi gsung rab thams cad gang zag gcig 'tshang rgya ba'i
man ngag tu hril gyis 'dril/ de yang rang gcig pu 'tshang rgya
ba'i man ngag tu hril gyis 'dril/ de thams cad sangs rgyas la
sogs pas rang kho na'i ched du gsungs pa lta

bu zhig go nas de thams cad la gus pa yang shin tu chen po skye
yong/ rnal 'byor pa byang chub rin chen gyis gdams ngag la nang
byan chud pa ni/ be'u bum lag mthil tsam zhig la nges pa rnyed
pa la mi zer gyi gsung rab thams cad gdams ngag tu go

ba la zer ba yin gsungs pa yang 'di ltar go dgos/ tshig de 'di'i
rtsa ba lta bu'ang yin/ de yang gsung rab thams cad gdams ngag
tu 'char ba'i gnad ji 'dra zhig dgos/ lam rim thos pa tsam gyis
chog gam snyam na/ de ni gsung rab dgongs

'grel dang bcas pa'i don bshes gnyen bsten tshul nas zhi lhag gi
bar gyi lam gyi rim par bsdus/ de sa bcad rgyas bsdus ji ltar
yin kyang rkang grangs cha tshang ba zhig blo yul du nges par
byas nas dpyad sgom dgos pa la dpyad sgom/ 'jog

sgom dgos pa la 'jog sgom gyis nyams len du 'khyer shes pa zhig
byung na gsung rab gang mjal yang rang gi nyams len gyi dmigs
skor de dang de'i thad so sor sbyar chog chog yong ba gsung rab
gdams ngag tu 'char ba'i tshad de yin/ de yang

@46b go bde phyir bdag gi bla ma rin po che'i gsung bzhin dper
bshad na/ mi zhig la 'bras dang; gro dang/ sran ma sogs gang
yang med na/ 'bras lta bu sbar ba gang rnyed kyang gang yang
byed rin med pas 'dor ba las 'os med/

de bzhin du lam gyi rkang grangs ma tshang na gsung rab mjal yang
gang gi thad du sbyar dgos mi shes pas nyams su len mi shes/
'bras dang/ gro dang/ sran ma sogs de dag so so nas bre gang re
tsam yod na de la 'bras sbar ba

gang rnyed na'ang rang gi de'i steng du bsnon chog /de bzhin du
dmigs skor gyi rkang grangs tshang na gsung rab nas gang mjal
de'i thad du sbyar chog chog yong ba ltar yin/ rkang grangs
tshang na rgyas bsdus gang gis kyang lam bgrod

nus par sde dpon dang/ grwa rkyang gi shag chas kyi dpe dang
sbyar nas rgyas par gsungs/ bstan pa thams cad 'gal med du rtogs
pa dang/ gsung rab ma lus gdams ngag tu 'char ba'i khyad par
yang de yin/ snga ma de

yin na phyi ma de yin pas ma khyab cing/ phyi ma de yin na snga
ma de yin pas khyab bo/ /gsum pa rgyal ba'i dgongs pa bde blag
tu rnyed pa'i che ba ni/ rgyal ba'i bka' dang de'i dgongs 'grel
rnams sngar zhus pa bzhin gdams ngag

gi mchog yin pas de dag gi brjod byar rgyal ba'i dgongs pa mthar
thug bzhugs kyang bla ma'i man ngag byang chub lam gyi rim pa
'di lta bu la ma brten par gzhung chen po de dag la brten nas
rgyal ba'i dgongs pa mthar thug rnyed par mi

@47a @#/ /nus la/ gal te rnyed du chug kyang dus yun ring po dang
dka' tshegs shin tu che ba la ltos dgos/ lam rim 'di la brten nas
gzhung chen po de dag las gsungs pa'i rgyal ba'i dgongs pa

dka' tshegs med par bde blag tu rnyed par 'gyur ro/ /'o na de lta
bu'i rgyal ba'i dgongs pa de gang yin snyam na/ bdag gi skyabs
mchog bla ma rin po ches/ skyes bu gsum gyi lam spyi dang/ khyad
par lam gyi gtso bo

rnam gsum la byed dgos gsungs/ de nges par yin te yang dag pa'i
lta ba la rgyal ba'i dgongs pa mthar thug tu rje tsong kha pa
chen pos gsal bar gsungs te/ lam gtso las/ snang ba rten 'brel
bslu ba med pa dang/ /

stong pa khas len bral ba'i go ba gnyis/ /ji srid so sor snang
ba de srid du/ /da dung thub pa'i dgongs pa rtogs pa med/ /ces
yang dag pa'i lta ba ma rtogs na rgyal ba'i dgongs pa mi rtogs
par dngos su gsungs pas/ shugs

la de rtogs na rgyal ba'i dgongs pa rnyed par gsungs pa dang/
rgyal ba'i gsung rab kun gyi snying po'i don/ /zhes nges 'byung
dang/ rgyal sras dam pa rnams kyis bsngags pa'i lam/ /zhes sems
bskyed dang/ skal ldan thar

'dod rnams kyi 'jug ngogs ? de/ /zhes yang dag pa'i lta bar
gsungs pas/ nges 'byung byang sems kyang zhar la 'phangs pa yin
no/ /des na lam rim 'di la brten nas gzhung chen po rnams kyi
brjod bya lam gyi gtso bo rnam gsum rgyud

@47b la skye tshul gyi gnad rnams bde blag tu rnyed cing/ rnyed
pa ltar dka' tshegs la ma ltos par rgyud la skyes pa na rgyal
ba'i dgongs pa bde blag tu rnyed pa yin/ de yang dper na gzhung
chen po ni rgya mtsho lta bu/ lam gtso gsum sogs rgyal ba'i

dgongs pa ni de'i nang gi nor bu lta bu/ byang chub lam gyi rim
pa ni gru gzings lta bu/ de ston pa'i bla ma ni ded dpon lta bu
red/ rgya mtsho'i nang du nor bu yod kyang gru gzings la ma brten
par zhugs na nor bu mi lon pa'i khar srog shor ba las 'os

med; de bzhin du lam rim la ma brten par gzhung chen por zhugs
kyang rgyal ba'i dgongs pa rnyed dka' zhing/ ded dpon mkhas pa
lta bu'i bla ma la brten nas byang chub lam rim gyi gru gzings
su zhugs na gzhung lugs rgya mtsho chen po'i nang

nas rgyal ba'i dgongs pa mthar thug gi nor bu bde blag tu rnyed
pa 'ong gsungs/ bzhi pa nyes spyod chen po rang 'gags su 'gro
ba'i che ba ni/ de yang lam rim chen mo sogs su dngos bstan la
chos spong gi las sgrib 'gogs pa la gsungs shing/ de

yang che ba dang po gsum ga la nges pa ma rnyed na rgyal ba'i
bka' la theg pa mtho dman dang/ bshad chos dang sgrub pa'i chos
sogs gus pa che chung gi khyad par du ma zhig 'byed pas chos
spong gi las tshabs po che zhig rgyun mi chad par 'byung zhing/
de ltar

chos spong gi las kyi sgrib pa ni shin tu lci ste/ rnam par
'thag pa thams cad bsdus pa'i mdo las/ 'jam dpal dam pa'i chos
spong ba'i las kyi sgrib pa ni phra'o/ /'jam dpal gang de bzhin
gshegs pas gsungs pa'i bka' la la ni bzang

@48a @#/ /bar 'du shes/ la la ni ngan par 'du shes pa ni chos
spong ba'o/ /gang chos spong ba des chos spangs pas de bzhin
gshegs pa la skur pa 'debs pa yin/ dge 'dun la ngan du brjod pa
yin no/ /

'di ni rigs pa'o 'di ni mi rigs pa'o zhes zer na chos spong
ba'o/ /'di ni byang chub sems dpa' rnams kyi ched du gsungs pa'o
'di ni nyan thos rnams kyi ched du gsungs pa'o zhes zer na chos
spong ba yin no/ /'di ni

rang sangs rgyas rnams kyi ched du gsungs pa'o zhes zer na chos
spong ba yin no/ /'di ni byang chub sems dpa' rnams kyi bslab pa
ma yin no zhes zer na chos spong ba yin no zhes gsungs/ chos
spangs na de'i nyes pa shin

tu lci ba ni ting nge 'dzin rgyal po las/ gang gis 'dzam bu'i
gling 'dir ni/ /mchod rten thams cad 'jig byed pas/ /gang gis
mdo sde spong byed pa'i/ /sdig pa de ni ches khyad 'phags/ /gang
gis ganggA'i ? bye sned kyi/ /dgra

bcom bsad par gyur pa bas/ /gang gis mdo sde spong byed pa'i/
/sdig pa de ni ches khyad 'phags/ /zhes gsungs/ che ba dang po
gsum la nges pa rnyed na rgyal ba'i bka' las 'dor rgyu na gcig
kyang med par nyams su blang byar gus

pa mtshungs par skye bas bzang ngan du dbye ba'i chos spong gi
sgo che shos 'di rang 'gags su 'gro ba yin/ gzhan yang bshes
gnyen bsten tshul tshul bzhin bsam na dge ba'i bshes gnyen la
brten pa'i las sgrib rnams dang

@48b gis spong zhing/ dal 'byor dang/ mi rtag pa'i skor lta bu
nges na tshe 'dir zhen pa'i nyes spyod rang 'gags su 'gro ba nas/
sems bskyed kyi dmigs skor bskyang na rang gces 'dzin la brten
pa'i nyes spyod dang/ bdag med kyi dmigs skor

la sbyang na bdag 'dzin gyi bar dmigs skor re re bzhin rgyud la
skyes na de dang de'i mi mthun phyogs kyi nyes spyod chen po
rang 'gags su 'gro ba yin/ de lta bu'i che ba de dag skye rim
dpe'i sgo nas bshad na/ dper na lha bris pa zhig

gis thang ga bri ba la de la dgos nges kyi ras gzhi dang/ tshon
dang/ pir la sogs pa tshang tshang rug rug byed dgos/ de 'dra'i
lag cha dang yo byad thams cad thang ga de 'bri ba'i cha rkyen
du gyur pa sha stag ma gtogs 'gal rkyen du gyur pa

cung zad kyang med par shes pa de bstan pa thams cad 'gal med du
rtogs pa'i dpe yin/ de ltar shes nas lag cha dang yo byad de dag
la brten nas thang ga 'dri shes pa lta bu de gsung rab gdams
ngag tu shar ba'i dpe yin/ de la brten

nas thang ga legs par grub pa de rgyal ba'i dgongs pa bde blag
tu rnyed pa'i dpe yin no/ /de ltar che ba bzhi po de la rjod
byed tshig gi che ba bzhi dang/ brjod bya don gyi che ba bzhi'i
tha snyad thob cing/ rjod byed tshig gi che ba bzhi po bstan

bcos kho rang la ldan mod/ brjod bya don gyi che ba bzhi gang
zag rang nyid la ldan pa gal che gsungs/ des che ba bzhi song
nas byang chub lam gyi rim pa 'di ni che ba bzhi po de dag ldan
par ma zad/ khyad chos chen po gsum dang yang

@49a @#/ /ldan te/ khyad chos gsum ni/ mdo sngags kyi gsung rab
thams cad kyi brjod bya bsdus nas bstan pas brjod bya ma tshang
ba med pa/ sems 'dul ba'i rim pa gtso bor byas nas bstan pas lag
tu blang

bde ba/ shing rta chen po gnyis kyi lugs la mkhas pa'i bla ma
gnyis kyi gdams pas brgyan pas lugs gzhan las khyad par 'phags
pa gsum yin/ de'i dang po ni/ gsung rab dgongs 'grel dang bcas
pa'i tshig bsdu mi nus

kyang don gyi gnad mtha' dag ma tshang ba med par 'dir bsdus nas
bstan pa yin te/ gsung rab dgongs 'grel dang bcas pa'i don mtha'
dag skyes bu gsum gyi lam gyi rim par bsdus/ de 'dir lam rim
nyung ngu zhig gi nang du

bsdus nas bstan pas gsung rab thams cad kyi brjod bya 'dir bsdus
nas bstan pa yin/ de yang rje btsun tsong kha pa chen pos bla ma
dbu ma par phul ba'i chab shog tu/ dpal mar me mdzad ye shes kyi
gdams pa byang chub

lam gyi rim pa'i man ngag 'di gsung rab dgongs 'grel gyi bstan
bcos man ngag mtha' dag lam gyi rim pa gcig tu dril nas ston par
snang bas/ 'chad shes pa dang nyan shes pa gnyis kyis bshad cing
nyams su blangs

na man ngag chad chung du ma zad/ gsung rab mtha' dag gi gung
'grig nas 'ong bar snang bas khrid kyi rnam grangs mang po ston
par ma byas zhes gsungs/ des na grub mtha' gzhan du skyabs 'gro
sogs sngon 'gro'i khrid chen bzhi dang/

@49b dngos gzhi sogs khrid kyi rnam grangs kyi tha snyad so so
nas yod kyang rang re bka' gdams gsar rnying gi lugs 'dir khrid
kyi rnam grangs mang po mi dgos par thams cad lam rim gyi nang
du bsdus nas bstan pa yin/ lam sgron shog bu

gsum gyi nang du gsung rab thams cad kyi brjod bya hril gyis
dril nas bstan cing/ 'di nyid bshad bya rtsa ba'i gzhung du byas
pas lam rim gzhan thams cad kyis kyang de bzhin du bsdus nas
bstan pa yin no/ /de'i phyir rje btsun tsong

kha pa chen pos/ gsung rab kun gyi snying po bsdu bsdu ba/ /tshul
'di thun re ston dang nyan pas kyang/ /dam chos 'chad dang thos
pa'i phan yon tshogs/ /rlabs chen sdud par nges pas de don bsam/
/zhes gsungs pa ltar byang chub lam gyi

rim pa la thos bsam 'chad nyan byas na gsung rab dgongs 'grel
dang bcas pa'i don mtha' dag la thos bsam slob gnyer byed par
'gro zhing/ shar sgom tshar gcig byas kyang gsung rab dgongs
'grel dang bcas pa'i don nyams su

blangs par 'gro'o/ /de yang bka' gdams pa'i dge bshes stod lung
pa chen pos/ ngas byang chub lam gyi rim pa 'di bshad pa'i dus
na 'dzam bu gling 'di na yod pa'i po ti dang glegs bam thams cad
kyi rtog pa la/ bam rgan se bo

'dis nga tsho'i snying thams cad bton gi 'dug snyam nas 'dar sgur
re yod pa yin zhes gsungs pa red/ don la'ang de ltar yin te
byang chub lam rim 'di'i bshad nyan legs par song na 'dzam bu
gling gi po ti thams cad kyi snying po thams

@50a @#/ /cad bshad tshar ba yin/ des na byang chub lam gyi rim pa
ni tshur gsung rab thams cad kyi don 'dus shing/ phar gsung rab
sgo brgya 'byed pa'i lde mig lta bu yin pas chos kyi 'gag sdom
'di las che ba med/

de'i phyir yang khong gis lam rim gsungs pa na/ ngas chos kyi
g.yag po che bsha' ba yin zhes gsungs pa yang 'di lta bu la
dgongs nas gsungs/ blo dman pa tshos lam rim gyi gzhung rgyas par
mi shes kyang dmigs skor gyi rkang grangs tshang na

dmar khrid lta bu nyung ngu zhig la brten nas kyang lam bgrod
nus shing/ dmigs skor gang yang rung ba gcig ma tshang na bgrod
mi nus pa ni/ dper na tsha ba'i sman ga pur nyer lnga'i sman re
re nas khur po longs pa yod kyang de kun za mi dgos par sman sna
nyi shu rtsa lnga

tshang ma 'dzoms na sman thun chung ngu zhig gis tsha ba'i nad sel
ba dang/ sman sna gcig ma 'dzoms na gzhan rnams mang po zos
kyang nad sel mi nus pa bzhin no/ /des na gdams ngag gi rgyal po
'di lta bu dang mjal ba'i skal bzang rnyed pa'i dus 'dir chig

dril byed dgos/ khyad chos gnyis pa ni/ rang re rnams 'khor ba
'dir sdug bsngal sna tshogs shig myong ba dang/ yar thar pa'i bde
ba thob pa sogs kun gyi byed po sems 'di nyid yin la/ de 'dul ba
la lam rim 'di las lhag pa med cing sems

'dul thabs gtso bor byas nas gsungs pas nyams len du khyer bde
bas lag tu blang bde ba yin/ khyad chos gsum pa ni/ klu sgrub
kyi lugs la mkhas pa'i bla ma rig pa'i khu byug dang/ thogs med
kyi lugs la mkhas pa'i bla ma gser gling pa gnyis

@50b kyi man ngag gis brgyan nas bstan pas lugs gzhan las khyad
par du 'phags pa yin/ de ltar yang rje btsun tsong kha pa chen
pos/ 'dzam gling mkhas pa yongs kyi gtsug gi rgyan/ /snyan pa'i
ba dan 'gro na lhang nge ba/ /klu sgrub thogs med gnyis las

rim bzhin du/ /legs brgyud byang chub lam gyi rim pa ni/ /zhes
gsungs pa ltar ro/ /de ltar khyad chos gsum po 'di lta bu ni
bstan bcos mngon par rtogs pa'i rgyan la'ang med cing/ rgyud kyi
rgyal po dpal gsang ba 'dus pa la'ang med de/ de

gnyis la mdo sngags kyi brjod bya cha tshang 'dus pa yang med la/
sems 'dul ba'i rim pa gtso bor byas pa'ang med do/ /de ltar che
ba bzhi dang khyad chos chen po gsum gyi sgo nas khyad par du
'phags pa'i byang chub lam gyi rim pa 'di lta bu la

thos bsam sgom gsum byed du yod pa'i skal bzang 'di lta bu'i
skabs gdams ngag ltar snang re dang/ phyogs re ba tsam res tshim
nas mi sdod par lam 'dir brtson pa chen pos 'jug pa shin tu gal
che ba 'dug go/ des sa bcad gnyis pa chos

kyi che ba song nas/ sa bcad gsum pa che ba gnyis ldan gyi chos
la nyan bshad ji ltar bya ba ni/ de yang sa bcad 'di shin tu gal
che ste/ dwags po sgom chen ngag dbang grags pas/ bshad nyan lam
du gtong ba'i gnad 'di ni/ /sngon 'gro'i gdams

pa mchog yin gces par zungs/ /zhes gsungs pa ltar 'og gi 'chad
nyan mtha' dag rgyud thog tu 'gel ba'i lam du 'gro mi 'gro 'di
la rag las shing de yang tshes gcig nas 'phyugs na bco lnga'i bar
'phyug pa bzhin 'di nas 'phyugs na 'chad

@51a @#/ /nyan bsam sgom tshang ma gnad du 'gro bar dka' ba yin/
des na 'di la gsum/ chos nyan pa'i tshul/ bshad pa'i tshul/ mjug
tu thun mong du ji ltar bya ba'i tshul lo/ /dang po la gsum/ chos
thos pa'i phan yon bsam pa/

chos dang chos smra ba la rim gro bskyed pa/ nyan tshul dngos so/
/de'i dang po thos pa'i phan yon ni/ de yang thog mar thos pa
byed 'dod chen po skye ba la thos pa'i phan yon bsam pa shin tu
gal che/ phan yon legs par bsam na thos pa la shin

tu spro shugs skye bas phan yon bsam dgos/ de yang thos pa'i
tshoms las/ thos pas chos rnams shes par 'gyur/ /thos pas sdig
las ldog par byed/ /thos pas don ma yin pa spong/ /thos pas mya
ngan 'das pa 'thob/ /ces gsungs pa ltar

thos pa la brten nas blang dor gyi gnad thams cad shes pa dang/
'dul ba'i sde snod kyi don shes nas lhag pa tshul khrims kyi
bslab pas sdig pa las ldog par byed/ mdo sde'i sde snod kyi don
shes nas ting nge 'dzin gyi bslab pas rnam g.yeng sogs

don ma yin pa rnams spong/ mngon pa'i sde snod kyi don shes nas
shes rab kyi bslab pas nyon mongs pa spangs te mya ngan las 'das
pa thob par byed pa yin/ gzhan yang skyes rabs las/ thos pa gti
mug mun sel sgron me yin/ /rkun po

la sogs mi 'khyer nor gyi mchog /kun tu rmongs pa'i dgra 'joms
mtshon cha yin/ /thabs tshul man ngag ston pas grogs kyi mchog
/phongs par gyur kyang mi 'gyur mdza' bo yin/ /gnod pa med pa
mya ngan nad kyi sman/ /nyes pa chen po'i dpung 'joms dpung

@51b gi mchog /grags dang dpal dang gter gyi mchog kyang yin/
/ya rabs rnams dang phrad na skyes kyi mchog /tshogs kyi nang na
mkhas pa mgu bar 'gyur/ /zhes gsungs pa ltar thos pa ni gti mug
gi mun pa sel ba'i sgron me dang 'dra ba yin te/ bdag gi

bla ma rin po ches/ yi ge ka lta bu gcig tsam shes pas kyang ka
mi shes pa'i mun pa sangs nas de shes pa'i shes rab kyi snang ba
gcig skyes pa yin/ de bzhin ka mad sum cu shes dus mun pa sum cu
sangs nas shes rab kyi snang ba sum cu skyes pa yin par

gsungs kyin yod/ rang res thos pa ma byas na gzhan phar bzhag ka
bong bu'i mgo tsam yod kyang ngo mi shes par mgo ril ril byas
nas lus rgyu de red/ rang gi spun khyim na yod pa gang yang mi
shes pa de la soms dang shes yong/ de bzhin du thos pa

ji tsam byas pa tsam gyis ma rig pa'i mun pa je sangs dang/ shes
rab kyi snang ba rgya je cher 'gro/ de yang tshoms las/ ji ltar
khyim ni legs g.yogs pa/ /mun pas khebs pa'i nang zhugs na/
/gzugs rnams yod par gyur kyang ni/ /mig

ldan bzhin du mi mthong ba/ /de bzhin 'di na rigs skyes pa'i/
/mi ni blo gros ldan gyur kyang/ /sdig pa dang ni dge ba'i chos/
/ma thos par du shes mi 'gyur/ /mig ldan mar me yod pa yis/
/gzugs rnams mthong ba ji lta bar/ /de bzhin dge dang

sdig pa'i chos/ /thos pas rnam par shes par 'gyur/ /zhes gsungs
pa ltar khang pa mun nag cig gi nang du nyer mkho'i ca lag mang
po yod par mig bgrad nas bltas kyang ci yang mi mthong ba bzhin
shes rab kyi mig dang ldan yang thos pa'i

@52a @#/ /sgron me med na blang dor gyi gnad gang yang mi shes
la/ mun pa de'i nang du mar me sbar na rang gi mig yod pa des ca
lag gang yod gsal ting nge mthong ba ltar thos pa'i sgron me la
brten nas shes rab

kyi mig gis chos thams cad shes par 'gyur ba de yin/ byang sa
las/ 'phral 'phral du shes rab je cher skyed pas mig gi 'du shes
dang/ shes rab kyi mig byin pa des ji lta ba dang ji snyed pa
rnams mthong bar 'gyur bas snang ba'i 'du shes

dang/ 'jig rten na 'byung bar dkon pa'i rin po che'i 'du shes
dang/ mthar byang chub chen po'i 'bras bu ster bas phan yon che
ba'i 'du shes dang/ da lta nas zhi gnas dang lhag mthong gi bde
ba thob par byed pas kha na ma tho ba med pa'i 'du shes

dang lngas mnyan dgos tshul dang phan yon sogs rgyas par gsungs/
thos pa ni rkun po la sogs pas khyer mi nus pas nor gyi mchog
kyang yin te/ 'jig rten gyi nor rnams la ni rkun mas khyer ba
dang/ dgras 'phrog pa sogs yod kyang

thos pa sogs 'phags pa'i nor bdun dang/ mkhas btsun bzang gsum
gyi yon tan ni rku la shor ba sogs mi srid/ ku re'i tshul du pha
yul lta bu 'gro na yang nor gzhan khyog mi khyog gi dka' ngal
che yang 'di dag la de 'dra mi dgos/ shi

na'ang khyer rgyu yod pa 'di rnams red/ des na khyed cag grwa
rkyang rnams nas 'dong mo rag shan ma dang/ zangs ldig sogs la
dwang 'dod mi byed par 'phags pa'i nor bdun 'di dag la dwang
'dod byed pa gal che gsungs/ rmongs pa'i dgra po 'joms

@52b pa'i mtshon cha dang yang 'dra zhing thos pa la brten nas
nyon mongs pa'i dgra thams cad rtsad nas 'byin rgyu yod/ rang la
bslab bya ma nor ba byed mkhan gyi grogs kyi mchog kyang thos pa
yin te/ bya ba zhig la 'jug ran pa na bya rung mi rung dang/
rung ba byed lugs/

mi rung ba 'gog lugs/ phan yon dang nyes dmigs sogs sngar thos
pa byas pa des rang la bslab 'ong/ lha bla ma ye shes 'od btson
khang du bzhugs dus blo stobs che ba de 'dra yong ba yang thos
pa'i grogs kyi gros btab pa yin zhes bdag gi bla ma

rin po ches gsungs zhes gsungs/ phongs kyang 'gyur ba med pa'i
mdza' bshes yin te/ 'jig rten 'di'i mdza' bshes rnams ni rang
phun sum tshogs pa'i tshe mthun mdog byed la/ rang nyam thag pa'i
skabs ngo yang mi shes mdog byed

kyang; thos pas ni sdug bsngal gyis mnar ba dang/ na ba dang/
'chi ba sogs nyam thag pa'i skabs lhag par phan 'dogs pa'i mdza'
bshes kyi mchog yin/ sngar tshe gling yongs 'dzin rin po che bya
bral 'khos med kyi rnam pas phebs skabs

lam zhig tu/ zhang po zhig tshong la 'gro ba dang phrad par phar
gsung mol mdzad kyang ngo mi shes pa'i tshul bshad/ rjes su rgyal
ba'i yongs 'dzin mdzad sku bsod rgyas dus sku mdun du 'ongs nas
zhang po yin skad zhus pa red/ de bzhin du sngon mi zhig

dang po dbul po'i skabs nye 'brel yin zer mkhan sogs med pa la/
khos tshong byas nas dngul phran bu bsogs pa na/ 'ga' zhig gis a
zhang yin zer ba sogs nye 'brel mang du byung bas/ de rnams gung
tshigs la bos/ dngul rnams gral 'gor

@53a @#/ /bzhag ste de la phyag 'tshol bzhin du/ a zhang med pa'i
a zhang byung/ /rdog rdog khyod la phyag 'tshal lo/ /zhes sogs
brjod pa ltar 'jig rten 'di'i mdza' bshes la blo gtad mi thub pa
de lta bu red/ rang res

mdza' bshes shig 'tshol na thos bsam sgom gsum la bcol ba legs/
skyed tshang lam rim du ja sud khyod la sogs gsungs kyang/ bdag
gi bla ma rin po ches gong ltar gsung gi na yod pas bla ma'i
gsung la bcos slad med par zhus pa

yin; de bzhin du thos pa ni nyon mongs pa'i nad kyi sman dang/
mi dge ba'i dpung 'joms pa'i dpung grogs/ snyan grags dang/ dpal
dang/ gter gyi mchog kyang 'di yin/ dam pa rnams kyi drung du
legs skyes dang/ tshogs kyi nang du

mkhas pa mgu bar bskyed pa'i mchog kyang 'di yin/ gzhan yang
skyes rabs las/ gang zhig thos pas yid ni dad gyur nas/ /legs
par dga' la brtan pa nyid du 'gyur/ /shes rab skye zhing gti mug
med par 'gyur/ /rang gi shas kyang de ni nyo ba'i

rigs/ /zhes gsungs pa ltar de lta bu thos pas/ dkon mchog gi yon
tan la yid dad pas sangs rgyas mchod pa sogs la brtson cing/ las
nges pa sogs la yid ches kyis blang dor byed pa la dga' zhing/
bden bzhi'i skyon yon rig nas mngon

'dod bsgrub pa la brtan par 'gyur ba sogs phan yon mtha' yas
pas/ thos pa 'di ni rang gi sha nas bcad de nyo dgos na'ang nyo
bar rigs so/ /zhes gsungs na sha nas bcad mi dgos par lhod bder
thos pa byed chog pa'i skabs 'dir hur

@53b thag byed dgos/ tshigs bcad 'di ni rgyal sras zla bas tshig
rkang re la gser srang stong phrag re phul nas zhus pa de red/
de yang thos pa gang rgya che ba tsam gyis bsam pa'i rnam grangs
mang/ bsam pa'i rnam grangs ji tsam mang ba tsam gyis sgom pa'i
nyams myong skye myur

bas; shes rab che ba dang/ lo na gzhon pa dag gis grwa sa chen
por bzhugs nas gzhung po ti lnga la slob gnyer byed dgos/ slob
gnyer byas pa dang ma byas pa gnyis dkon mchog gsum ngo shes
lugs tsam la yang khyad par shin tu che ba

yod; dge rgan dpe cha mi blta mkhan zhig yin kyang dge phrug
rang dang cha bsgrigs mi dgos par slob gnyer byed bcug na rang
la skye ba phyi mar de'i tshod kyi shes rab skye ba'ong/ yang lo
rgan pa dang/ dbang po rtul po sogs kyis gzhung chen mo la slob
gnyer bya

dgos byas kyang sgro 'dogs ma chod pa'i ngang nas 'chi ba la
thug pas/ de 'dra'i rigs kyis thos pa rgya che bar ma nus na
yang byang chub lam gyi rim pa lta bu la thos bsam byas nas lam
yongs rdzogs la go ba chags pa byed/ paN chen chos rgyan gyi
mtshan lam du rje tsong kha pas/ rang

dang gzhan la phan pa'i phyir/ /thos pas ngoms par mi bya ste/
/sa gsum brnyes pa'i sems dpa' yang/ /thos pas ngoms pa med la
ltos/ /zhes gsungs pa ltar bya dgos pa yin/ blo ji ltar dman
kyang lam rim dmar khrid lta bu la thos pa byed mi shes pa dang/
byed

long med pa ga la yong/ nged tsho dpe cha ba min zhes chos kyi
skal pa bcad nas sdod ga la dgos/ rta glang/ lug sogs pa la rang
rang gi stobs dang bstun pa'i khal 'gel rgyu yod pa ltar thos pa
yang rang gi blo dang bstun nas byed dgos pa yin/ 'on

@54a @#/ /kyang rgyas bsdus ji ltar yang 'go bshes gnyen bsten
tshul nas mjug mi slob pa'i zung 'jug gi bar gyi dmigs skor gyi
rkang grangs cha tshang ba zhig nges par dgos/ de ma tshang na
dmigs skor 'ga' zhig

shin tu rgyas pa shes kyang/ dmigs skor ma tshang ba'i rkang
grangs stongs na dper na shag chas lta bur/ gdan brgya tsam yod
kyang gos gcig kyang med pa lta bu/ gos brgya tsam yod kyang
gdan gcig kyang med pa lta bur 'gyur/ cha tshang na thos pa rgya
che chung

ji ltar yang lam bgrod nus pa ni/ dper na sde dpon che khag gi
shag chas dang/ grwa rkyang gi shag chas ltar rang la thabs mi
chag pa bzhin no/ /gnyis pa chos dang chos smra ba la rim gro ji
ltar bskyed pa ni/ sa'i snying po'i mdo las/ gcig tu dad cing

gus pas chos mnyan gyi/ /de la 'phya zhing skur bar mi bya'o/
/chos smra ba la mchod pa bya ba ni/ /sangs rgyas 'dra bar de la
'du shes bskyed/ /ces gsungs pa ltar ston pa sangs rgyas la gus
pa dang rim gro ji ltar bskyed pa dang 'dra bar chos smra ba la
bkur

sti dang gus pa byed dgos/ byang sa las/ kun nas nyon mongs pa
med pa dang gnas lnga yid la mi byed par nyan dgos par gsungs
pas/ de la khengs pa dang bral ba ni/ dus su nyan pa dang bkur
sti byed pa dang sri zhu byed pa dang mi khro ba dang rjes su
sgrub pa

dang klan ? ka mi tshol ba dang drug gis nyan par gsungs/ de'i
dang po dus su nyan pa ni/ bla ma thugs bde zhing thugs brel med
pa sogs dang bstun nas zhu dgos pa las rang la skabs gang 'grigs
kyis ham pa dang rang shed byed mi nyan/ sngon dge

@54b bshes po to ba dbus stod ka khang dgon du gsung rab mang po
bsgrigs pas dbu rnyogs nas bzhugs pa'i skabs mi zhig gis chos
zhus pas/ dge bshes pa thugs rgyal bzhengs tshul gyis yar bzhengs
nas ded pas bros 'gro dgos byung ba yin pas

dus la mkhas pa dgos/ bkur sti byed pa ni phyag dang/ ldang ba
sogs dang/ sri zhu ni phyag dang zhabs bsil ba sogs dang/ mi
khro ba ni bla ma'i bya ba sgrub pa la mi khro ba/ klan ka mi
tshol ba ni yus mi byed pa yin/ de bzhin du chos dang chos smra
ba la khyad

gsod mi byed pas khyad gsod kyi nyon mongs dang bral ba yin/
gnas lngar yid la mi byed pa ni/ tshul khrims nyams pa dang/ rigs
dma' ba dang/ cha byad ngan pa dang/ tshig 'bru ngan pa ste tshig
gsung lugs ngan pa dang/ tshig mi snyan par smra ba

ste lnga la skyon du bltas te 'dor bar mi byed pa dgos/ gsum pa
nyan tshul dngos la gnyis/ 'gal rkyen snod kyi skyon gsum spong
ba dang/ mthun rkyen 'du shes drug bsten pa'o/ /dang po snod kyi
skyon gsum ni/ snod kha sbub pa lta bu'i skyon/

snod dri ma can lta bu'i skyon/ snod zhabs rdol ba lta bu'i
skyon gsum yin/ dang po ni/ snod kha sbub na bcud bzang po ji
tsam blugs kyang de'i nang du mi 'gro ba ltar lus chos gral du
bsdad kyang rna ba legs par mi gtod par sems yengs nas bsdad na

gang gsungs pa yang mi shes par chos gral du ma bsdad pa dang
'dra ba yong/ des na ri dwags sgra la chags pa bzhin du bsam pa
thams cad kyis nyan dgos/ bsam pa thams cad ces pa ni bsam pa
phyed kyis chos nyan/ phyed gzhan du yengs pa lta bu

@55a @#/ /mi bya bar thams cad hril gyis sgrim dgos pa'i don yin/
ri dwags sgra la chags nas nyan skabs zur nas rngon pas mda'
'phangs kyang mi shes pa ltar dgos pa yin/ gnyis pa ni/ snod kha
sbub pa ma yin kyang de'i

nang du mi gtsang ba dang dug sogs yod na bcud bzang po blugs
kyang longs spyod mi rung ba ltar rna ba legs par gtad kyang kun
slong 'ga' zhig gis thos rgya chen po byed snyam pa dang/ 'ga'
zhig gis gzhan la bshad snyam pa sogs kyis

nyan pa yod kyang de rnams phar bzhag nas rang nyid gcig pu zhi
bde don gnyer gyi kun slong lta bus nyan kyang 'dir snod dri ma
can gyi skyon du gsungs pas/ des na byang chub kyi sems ma mtha'
bcos ma tshun chad kyis kun nas bslang ste nyan

dgos/ gsum pa ni/ snod kha sbub pa dang dri ma can sogs ma yin
kyang mthil rdol na bcud ji tsam blugs kyang cung zad kyang mi
sdod pa ltar/ rna ba legs par gtad cing/ kun slong la skyon
chags pa ma yin kyang dran pas ma bzung bar de ma thag

brjed du bcug pa yin/ rang res mi brjed par byed pa shin tu dka'
yang sa bcad dang dpe cha lta bu zhig rtsa ba byas nas 'di'i
thad du 'di 'dra gsung snyam du yang yang yid bshar byed dgos pa
yin/ lhag par chos thun grol nas chos grogs phan tshun gros

bsdur gyis tshig bshar byed pa gnad che/ de ltar snod kyi skyon
gsum spong ba ni/ bcom ldan 'das kyis mdo las kyang legs par rab
tu nyon la yid la zungs shig ces nan tan du gsungs pa yin/ de
yang legs par nyan pa ni snod dri ma can gyi skyon spong ba
dang/

@55b rab tu nyan pas ni snod kha sbub pa'i skyon spong ba dang/
yid la zungs shig gces pas snod zhabs rdol ba lta bu'i skyon
spangs te nyan dgos gsungs/ gnyis pa mthun rkyen 'du shes drug
bsten pa ni/ rang la nad pa lta bu'i 'du shes/ dam pa'i chos la

sman gyi 'du shes/ dge ba'i bshes gnyen la sman pa mkhas pa lta
bu'i 'du shes/ nan tan nyams su blang ba la nad 'tsho ba'i 'du
shes/ de bzhin gshegs pa la skyes bu dam pa'i 'du shes/ chos kyi
tshul la ring du gnas pa'i 'du shes dang

drug go /de'i dang po rang la nad pa lta bu'i 'du shes 'di shin
tu gal che ste 'di yod na 'du shes gzhan rnams shugs kyis yong/
de yang rang nad pa min pa la nad pa yin par bsgom na phyin ci
log tu 'gro ste rang nyon mongs pa'i nad tshabs chen gyis btab

pa'i nad pa yin/ ka ma bas/ don la min na de ltar bsgom pa phyin
ci log tu 'gro ste dug gsum gyi gcong nad chen pos thebs nas nad
tshabs shin tu che ba la 'o skol gyis na bar ye ma shes gsungs/
'o na nad pa yin na rang gis na bar shes dgos pa la de ltar mi

shes pa gang yin snyam na/ tsha ba'i nad shin tu thu ba'i tshe
'khrul nas rang nad pa yin snyam pa med par glu len pa sogs byed
pa ltar 'o skol nyon mongs pa'i nad ha cang tshabs che zhing yun
ring bas na bar ma shes pa yin/ 'o na nad cig yod na gzer dang
zug rdu lta bu

dgos pa la de mi 'dug pa snyam na yod de dug gsum gyi gzer zug
drag po yang dang yang du yong ba de yin/ de ji ltar yin snyam
na dper na khrom lta bur phyin nas dngos chas yid du 'ong ba
mthong nas nyo yang ma nus shing shag tu slebs pa'i tshe de byung
na

@56a @#/ /snyam du yid mi bde kam ka ma yong ba de 'dod chags kyi
gzer brgyab pa yin/ tshig ngan thos pa lta bu yid du mi 'ong ba
mthong thos dran pa sogs kyi tshe yid mi bde kam kam sdod mi bzod
pa lta bu 'byung ba de zhe

sdang gi gzer brgyab pa red/ de bzhin du nga rgyal dang phrag
dog sogs la zhib tu dpyod dang gzer nad drag po bzod dka' ba
yang yang 'ong ba de yin/ des na 'dod chags kyi nad/ zhe sdang
gi nad/ phrag dog gi nad sogs nad sna mang pos btab pa yin/

tha mal gyi nad sna gcig tsam la'ang 'jigs par byed dgos na/
nyon mongs pa'i nad sna mang po de tsam gyis btab pa la ci ste
'jigs par byed mi dgos te/ spyod 'jug las/ tha mal nad kyis btab
pa yang/ /sman pa'i ngag bzhin bya dgos na/ /

'dod chags la sogs nyes brgya yi/ /nad kyis rtag btab smos ci
dgos/ /zhes gsungs/ de yang rang re nad kyis mnar te zla ba re
gnyis lta bu yun ring tsam song na yang shin tu 'jigs dgos na/
nyon mongs pa'i nad kyis 'khor ba thog ma med pa nas

da lta'i bar mnar zhing da dung yang 'khor ba las ma thar bar
drag dka' bas des na dge bshes po to bas/ sos dus med pa'i nad
pa/ sleb dus med pa'i mgron po zhes gsungs pa de ngo ma rang
yin/ gnyis pa dam pa'i chos la sman gyi

'du shes bskyed pa ni/ nad pa nad kyis mnar ba shes na sman zhig
tshol dgos pa ltar de lta bu'i nyon mongs pa'i nad de zhi bar
byed pa'i sman ni dam pa'i chos kho na yin pas de tshol dgos
gsungs/ gsum pa dge ba'i bshes gnyen la

@56b sman pa mkhas pa lta bu'i 'du shes bskyed pa ni/ de yang
nad pas sman pa med par sman zos na tsha grang dang snga rjes
sogs nor nas mi phan pa'i steng du srog la rgol bas na sman pa
mkhas pa zhig nges par du bsten dgos pa ltar/ dge ba'i bshes
gnyen

la ma bsten par dpe cha gcig pu'i steng nas chos byas chog snyam
nas kha ton dang bsgom sogs byas na rtogs pa'i nyams myong gang
yang mi skye bar shes rgyud rengs su rengs su 'gro bas des na
chos shig byed snyam na sman pa mkhas pa dang 'dra ba'i

dge ba'i bshes gnyen nan tan du bsten dgos/ nad pas sman pa
rnyed na dga' ba chen po skye/ ci zer nyan/ gus pas bsnyen bkur
ba ltar dge ba'i bshes gnyen rnyed nas kyang de bzhin du byed
dgos te/ yon tan rin po che sdud pa las/ de lta bas na byang
chub

dam pa tshol ba yi/ /bsam pa drag ldan mkhas pas nga rgyal nges
bcom ste/ /nad pa'i tshogs kyis gso phyir sman pa bsten pa ltar/
/g.yel ba med par dge ba'i bshes gnyen bsten par bya/ /zhes
gsungs/ bzhi pa nan tan nyams su blangs pa la nad

'tsho ba'i 'du shes bskyed pa ni/ nad pa'i nad la phan byed sman
nyid yin kyang/ nad pas sman pa las sman bzang la mang ba blangs
nas ma zos par sngas 'gor bzhag /sman pas gyis zer ba rnams mi
byed/ ma byed zer ba thams cad byas na nad la gtan nas

ma phan pa ni sman pas ma lan/ sman gyis ma lan par nad pa rang
nyid kyis ma byung ba ltar/ sman pa mkhas pa dang 'dra ba'i dge
ba'i bshes gnyen las nyon mongs pa'i nad zhi bar byed pa'i sman
dang 'dra ba'i gdams ngag mang du thos kyang nyams su

@57a1 @#/ /mi len na gdams pa zab la rgyas pa ji tsam thob kyang
rgyud thog mi phan pa ni bla mas ma lan/ chos kyis ma lan par
slob ma rang nyid kyis nyes pa yin te/ ting nge 'dzin gyi rgyal
po las/

yang dang yang du de yis btsal ba yis/ /sman pa mkhas shing rig
pa de rnyed de/ /des kyang snying rje nye bar bzhag nas ni/
/sman 'di gtang bar gyis zhes byin pa dang/ /sman mang bzang
zhing phangs pa de blangs

nas; ;na ba 'tsho bar 'gyur ba'i sman mi 'thung/ /sman pas ma lan
sman gyis ma nyes te/ /nad pa de nyid kyis ni nyes pa yin/ /de
bzhin bstan pa 'di la rab byung ste/ /stobs dang bsam gtan dbang
po kun rig

nas; ;sgom pa la ni mngon par brtson mi byed/ /rigs par mi
brtson ga la mya ngan 'da'/ /zhes dang/ ngas ni rab tu bzang
po'i chos bshad kyang/ /khyod kyis thos nas yang dag ma spyad
na/ /nad pa sman gyi rkyal ? pa

thogs pa dag /bdag gi nad ni gso bar mi nus bzhin/ /zhes dang/
spyod 'jug las kyang/ lus kyis 'di dag spyad par bya/ /tshig tsam
brjod pas ci zhig 'grub/ /sman dpyad bklags pa tsam gyis ni/
/nad pa

dag la phan 'gyur ram/ /zhes gsungs pa ltar ro/ /des na nad gso
ba la sman blangs pa tsam gyis mi chog par legs par za dgos
shing/ de yang sman pa'i ngag bzhin byed dgos pa ltar/ nyon
mongs pa'i

@57b1 nad zhi ba la gdams ngag gi don rgyud thog tu sbyar nas
nyams su blang dgos pa yin/ lam rim chen mo las kyang/ thos nas
shes par byas pa'i dgos pa yang byed pa yin pas thos pa'i don la
nus pa dang bstun

pa'i lag len re gnad du che'o/ /zhes gsungs/ nyams len med pa'i
thos rgya dang/ thob rgya rnam grangs mang po bsags pa'i tshig
tsam lhur len pa ni/ lhag bsam bskul ba'i mdo las/ bu ram shing

shun snying po ci yang med/ /dga' bar bya ba'i ro ni nang na
'dug /shun pa zos pas mis ni bu ram ro/ /zhim po rnyed par nus
pa ma yin no/ /ji ltar shun pa de bzhin smra ba ste/ /ro lta bu
ni 'di la don sems

yin; ;zhes bu ram don du gnyer bas bur shing gi shun pa tsam gyi
ro la chags nas za ba dang 'dra ba dang/ gar la lta ba'i khrod
na 'dug pa zhig /dpa' bo gzhan gyi yon tan brjod pa bzhin/ /bdag
nyid nan tan

nyams par 'gyur ba ste/ /smra la dga' ba'i nyes pa 'di dag go
/zhes zlos gar mkhan gzhan gyi lad mo byed pa dang 'dra bar
gsungs pas thos pa tsam lhur mi len par nyams len la 'bad dgos/
de ltar

min na chos dred du khyer ba'i rgyu yang 'di las thu ba med de/
thos grangs mang la sgom grangs nyung ba chos dred kyi rgyu yin
zhes gsungs pa ltar/ dang po thos pa'i tshe na sems la cung zad
phan pa ltar snang yang/ de'i

@57a2 @#/ /mjug bskyang ste yang dang yang du yid la byed pa dang/
bsgom par ma byas na/ de'i rjes su thos pa'i skabs sngar las
zhan tsam dang/ de'i rjes su de las zhan tsam gyis mthar gdams
zab ci

tsam thos kyang rgyus yod snyam pa lta bur song nas rgyud la cir
yang mi phan pa zhig yod/ de'i tshe na chos dred du khyer ba yin/
de khyer na/ slob dpon mchog sred kyis tshigs bcad brgya par/ rab
tu byung nas slar log dang/ /bud med khyo gsum mthong ba

dang; ;ce spyang rnyi las shor ba ste/ /'di gsum g.yon can shes
par bya/ /zhes gsungs pa dang/ bka' gdams gong ma'i gsung las/
sdig can chos kyis thul kyang/ /chos dred chos kyis mi thul/
/gyong po snum gyis thul kyang/ /

mar kog snum gyis mi thul/ /zhes gsungs pa ltar shin tu tha chad
pa yin/ chos gzhan gyis chos dred shor ba la byang chub lam rim
'di bstan na 'dul nus kyang/ lam rim la blo dred na gang gis
kyang 'dul thabs med pa

lta bu yin pas gnad 'di la gzab dgos/ des na gang nyams su len
byar thos pa legs par byed/ gang thos pa'i don rgyud la sbyar te
thos bsam sgom gsum ya ma bral ba dgos pa ni/ 'brom chos kyi
rgyal pos kyang/ nga

thos dus tshe na bsam sgom bdo/ /nga bsam dus tshe na thos sgom
bdo/ /nga sgom dus tshe na thos bsam bdo/ /gzhi gcig tu ma lus
bsdoms byas nas/ /chos lam du khyer nas 'gro shes pa/ /nga bka'
gdams phyogs char ma lhung bas/ /

@57b2 don rgya 'bag mig bzhin 'phrul shes pa'i/ /legs kun tu
rtogs de bka' gdams yin/ /zhes gsungs pa ltar ro/ /de yang mdze
can rkang pa lag pa chad pa la sman thun re gnyis bsten pas cir
yang mi 'gyur bar sman yun ring la stobs che ba mang

du za dgos pa ltar/ rang cag thog ma med pa nas nyon mongs pa'i
nad gzhi tshabs can gyis thebs pa la/ gdams ngag gi don lan re
gnyis nyams su blangs pas mi chog par chu bo'i rgyun bzhin nan
tan du 'bad dgos te/ slob dpon tsandra go mis/

der yang rgyun du sems ni rnam rmongs la/ /yun ring dus su nad
gzhi sten byed cing/ /mdze can rkang pa lag pa chad pa la/
/thang 'ga' sman bsten pa yis ci bgyir mchi/ /zhes gsungs pa
ltar ro/ /'phral 'phral lag len la 'debs pa dge bshes

spyan snga ba lta bu dgos te/ khong gis 'dul ba gzigs pas ko
lpags kyi gzhi'i skabs su rab byung gis ko lpags 'chang mi chog
par gsungs pa gzigs pa tsam gyis bzhugs gdan 'og tu kom gdan
zhig yod pa de ma thag phyir

'phang bar mdzad/ yang mar gzigs pas yul mtha' 'khob tu ko lpags
'chang chog pa'i dmigs bsal gnang ba gzigs pas sngar gyi kom
gdan yar blangs nas bzhugs gdan du bting ba lta bu dgos zhes
gsungs/ lnga pa

de bzhin gshegs pa la skyes bu dam pa'i 'du shes bskyed pa ni/
chos 'di dang por gsung ba po ston pa sangs rgyas ni lam 'bras
bu dang bcas pa rang gis mngon du byas/ gzhan la de bzhin du
gsungs pa yin pas blang dor gyi gnad

@58a @#/ /ston pa la 'khrul pa cung zad tsam yang mi mnga' ba'i
tshad ma'i skyes bu yin/ des bstan pa'i chos 'di la 'khrul pa ga
la yod snyam du sangs rgyas rjes su dran dgos/ gsung tshul gcig
la/ skyes bu dam pa la de bzhin

gshegs pa'i 'du shes zhes sbyar te/ skyes bu dam pa ste rang gi
bla ma de ni de bzhin gshegs pa shAkya thub pa'i sprul pa yin
snyam du bsam dgos/ drug pa chos kyi tshul la ring du gnas pa'i
'du shes bskyed pa ni/ chos 'di lta bu nyan pa la brten nas

rgyal ba'i bstan pa 'jig rten du yun ring du gnas na ci ma rung
snyam du bsam pa yin/ gang ltar yang 'du shes lnga pa ni de
bzhin gshegs pa'i bka' drin rjes su dran pa dang/ drug pa ni
sangs rgyas la drin gzo bsgom pa yin/ lhag par chos nyan pa'i

tshe shin tu gal che ba ni/ rang gi rgyud thog tu 'gel bzhin nyan
dgos/ de min rang gi rgyud logs shig tu bzhag /chos nyan pa de
logs shig tu bzhag na gdams ngag zab la rno ba ci tsam thos
kyang rang rgyud la gang yang mi phan pas/ dper na byad

bzhin la nag nog yod med me long gi nang du bltas te 'dug na
bsal dgos pa ltar/ chos kyi me long gi nang du rang gi shes
rgyud dang spyod pa la skyon chags ma chags zhus dag btang nas
nyan cing/ skyon chags pa zhig mthong na bdag gi rgyud 'di

lta bu zhig tu song ngo snyam du yid la gdung ba bskyed de skyon
de rnams sel ba'i thabs la 'bad ci thub byed dgos pa yin/ de
ltar skyes rabs las/ bdag gi spyod pa ngan pa'i gzugs/ /chos kyi
me long gsal mthong na/ /yid la gdung ba rab

@58b skyes te/ /bdag ni chos la phyogs par 'gyur/ /zhes su dA
sa'i bu rgyal bu rkang khras rgyal sras zla ba la zhus pa ltar
bya dgos pa yin/ de ni sngon bcom ldan 'das slob pa lam gyi gnas
skabs su rgyal bu zla ba zhes par 'khrungs pa'i tshe/ su dA sa'i
bu zhes bya ba mi

gson po bsad nas za ba zhig yod de/ lan cig rgyal bu skyed mos
tshal du phebs pa na/ bram ze legs par smra ba zhig 'ongs te de
la rgyal bus chos nyan pa'i tshe/ glo bur du ca co chen po byung
ba ci yin bltar bcug pas su dA sa'i bu 'ongs ba shes nas/ chab
sgo ba

rnams kyis su dA sa'i bu rkang khra mi zan de 'dir 'jigs bzhin
du mchis te/ rta dang glang po che dang shing rta dang dmag mi
mang po'i dpung yang byer bar 'gyur zhing mchis na/ de las ci
legs par mdzad cing bka' bgros mdzad pa'i dus la babs so zhus pa
na de dgyes

bzhin du btsun mo sogs kyis bkag kyang ma gsan par ca co chen po
gang na yod pa der byon pas/ kho khros te ral gri dang phub
'phyar zhing rgyal po'i dpung gi rjes su bsnyegs pa gzigs nas
'jigs pa dang the tshom med par bu zla ba nga yin te nga 'dir yod
pas tshur

shog cig gsungs pa na/ kho yang tshur log ste/ nga la yang khyod
nyid dgos so zer nas brgyugs te 'ongs nas rgyal sras zla ba
phrag pa la bskyon te bros nas/ kho rang gi gnas mi'i keng rus
mang pos gang ba/ sa gzhi dmar ba/ ce spyang la sogs pa'i gcan
gzan

gdug pa can dang bya rgod dang khwa ta la sogs pa'i sgra mi
snyan pa/ ro bsregs pa'i dud pas mdog nag por gyur pa sogs 'jigs
su rung ba de'i nang du rgyal sras zla ba bzhag ste/ de'i byad
gzugs bzang po la chags nas mig bgrad de blta zhing ngal bso bar

@59a @#/ /byed do/ /de'i tshe rgyal sras zla bas skyed mos tshal du
bram ze legs par smra ba de la chos kyi yon 'bul rgyu ma byung
snyam du dgongs nas spyan chab shor bar/ de nas su ngA sa'i bus
khyod cung zhig sdod cig khyod rgyal bu zla ba zhes blo brtan

pa'i tshad du grags pa la/ ngas bzung ba'i tshe na mchi ma 'tshor
ba ya re mtshan/ nyams nyes byung na blo brtan po don med 'gyur/
mya ngan byung na thos pas mi phan/ brdeg na g.yo bar mi 'gyur
ba gang yang med zer ba de bden par snang/ de bas na khyod drang
por smros shig /

ngas bsad dogs pa'am/ gnyen bshes dang btsun mo dang bu dang pha
ma dang bral dogs nas khyod mchi ma byung ngam gang yin drang
por smros shig zer ba la/ rgyal sras des de'i lan du/ ngas bram
ze zhig la chos zhus par yon 'bul rgyu ma byung bas nga thongs
dang

yon phul nas slar nges par slebs 'ongs zhes gsungs pa na/ khyod
kyis ji tsam smras kyang mi bden te 'chi bdag gi kha nas lan cig
thar bar slar bsam bzhin du 'chi bdag gi drung du su zhig 'ongs
zhes sogs zer ba la/ nga'i tshig gis

slar 'ong ngo zhes khas ma blangs sam nga ni bu zla ba zhes bya
ba yin te bden pa srog dang 'dra bar mi 'dor ro zhes gsungs pa
na/ kho yid ma ches bzhin du nyams sad pa'i phyir 'o na songs
shig khyod bden pa khas 'ches par blta'o/ /song la bram ze de la

ci 'dod pa byos la slar myur du shog cig /nga yang khyod sreg
pa'i me sta gon byed cing sdod do zhes zer ro/ /de nas rang gi
khyim du byon te bram ze de la tshigs bcad bzhi'i yon du gser
srang bzhi stong byin/ de nas yab kyis thabs sna tshogs kyis bkag

@59b kyang ma gsan par su dA sa'i bu'i sar phebs pa na/ khos
rgyang ring po nas mthong ste ya mtshan par gyur/ de nas da zo
zhig gsungs pa na/ za ba'i dus nga rang gis shes/ da lta me la
dud pa mang du 'dug pas dud pa can gyi me la sha bsreg na sha
yang dud dri dang

bcas shing mi zhim par 'gyur bas re zhig khyod kyis bram ze de
las gal che mdog gis nyan pa de nga la ston cig ces zer ba na/
bram ze'i legs bshad de chos dang chos ma yin pa'i dbye ba 'byed
par byed pa yin pas/ srin po las kyang spyod tshul ngan pa

khyod la thos pa'i yon tan gyis ci zhig bya zhes gsungs pas khos
de ma bzod nas slar yang/ khyod cung zhig sdod cig /khyod rang
rgyal po rnams mtshon cha thogs te ri dwags gsod pa de chos dang
'gal ba yin zer/ rgyal sras zla bas lan du/ ri dwags

gsod pa'i rgyal po rnams kyang chos dang 'gal ba yin mod/ mi sha
za ba de bas kyang smad de mi ri dwags las rigs mtho bas de rang
bzhin gyis shi ba'i sha yang zar mi rung na/ zas kyi phyir du
gsod pa ga la rung zhes gsungs/ de nas su dA sa'i

bus/ khyod nga'i drung du 'ongs pa 'di khyod gzhung lugs kyi
tshul la mi mkhas so zer ba la/ ngas bden pa'i tshig bsrung ba'i
phyir 'dir 'ongs pas nga nyid gzhung lugs la mkhas zhes gsungs/
de nas khos mi gzhan rnams nga'i dbang du gyur na

skrag /khyod ni dpa' brtan dal gyis ma btang bas/ khyod 'chi
ba'i 'jigs pa med pa 'dra zer ba la/ rgyal sras zla bas/ mi
rnams sdig pa byas par 'gyod par 'gyur/ ngas ni sdig pa'i las
byas pa mi dran pas de'i phyir 'jigs pa med do/ /

@60a @#/ /de bas na da mchod sbyin byed do zo zhig ces gsungs
pas/ kho dad pa skyes nas mig mchi mas gang/ lus kyi ba spu
ldang/ sdig pa'i rang bzhin brjod nas gus par bltas te/ khyed
lta bu la shes bzhin du sdig pa byed pa ni mi

bzad pa'i dug 'thung ba yin pas/ de bas khyod kyis bram zes legs
par smras pa de bdag la bstan du gsol zhes sogs dang/ bdag gi
spyod pa ngan pa'i gzugs/ /zhes sogs gong gi tshigs bcad 'di yang
smras pa na/ rgyal sras zla bas kho snod

du gyur par gzigs nas/ rab tu dma' ba'i stan la 'dug /dul ba'i
dpal ni rnam par bskyed/ /dga' dang ldan pa'i mig gis blta/
/tshig gi bdud rtsi 'thung ba bzhin/ /gus pa bskyed cing rtse
gcig btud/ /rab tu dang la dri med

yid; ;nad pas sman pa'i tshig mnyan bzhin/ /rim gro bskyed de
chos nyon cig /ces gsungs/ de nas su dA sa'i bus rdo leb mthon
po zhig gi steng du kho rang gi stod g.yogs bting/ de la rgyal
sras zla ba bzhugs su bcug /kho rang de'i mdun

du bsdad nas zhal ras la bltas te 'phags pa da gsungs shig zer
ro/ /rgyal sras zla bas/ dam pa dag dang lan gcig tsam/ /ji ltar
'dod pa 'phrad kyang rung/ /'dris par bya ba mi dgos par/ /rab
tu brtan pa nyid du 'gyur/ /zhes sogs

chos gsungs pas kho'i rgyud dul nas bka' drin bsab phyir za ba'i
don du rgyal po'i bu dgu bcu go dgu btson du bcug yod pa rnams
phul nas phyin chad bden pa'i brtul zhugs 'dzin pa/ sems can
gsod pa spong ba/ mi sha za ba rnams spong ba'i

@60b dam bca' phul ba lta bu yin/ des na chos nyan pa'i tshe rang
gi shes rgyud dang ra sprod byed bzhin du nyan nas su dA sa'i
bu ltar shes rgyud shin tu rtsub pa yang rgyud dul bar 'gyur
zhing/ chos dang sems gnyis logs su byas nas nyan na bla ma ji
tsam bzang

yang; gdams ngag ji tsam rno yang rgyud la cung zad tsam yang mi
phan/ 'ga' zhig gis chos nyan pa'i tshe rang gis sngar ma shes pa
dang/ ma thos pa ji 'dra gsung snyam nas nyan pa de 'dras shes
rgyud la mi phan/ 'ga' zhig gis gdams ngag

gi zab gnad rnams la nan tan du mi byed par gtam rgyud snyan po
sogs la yid gtod par byed pa dper na sngon rgyal mchog bskal
bzang rgya mtshos lam rim gsung ba'i skabs mi zhig gis de ring
blo skyed chen po byung 'phan yul rma yi phya

mkhar zer ba lhun grub rdzong red gsungs byung zer ba lta bur ma
song ba dgos/ 'ga' zhig bla mas gang gsung gzhung dang mthun mi
mthun brtags nas bla ma la zhus dag byed pa ltar nyan/ bla ma
tshe gling yongs 'dzin rin po ches deng sang gi slob

ma rnams bla ma la zhus dag byed mkhan dang 'dra zhes gsungs/ de
'dra'i rigs kyi rgyud la gtan nas mi phan pas rang gi rgyud thog
tu 'gel bzhin nyan pa gal che/ des na byang chub lam rim 'di bla
mas 'chad pa'i tshe na'ang tshig skyon gcod pa

gtso bor mi byed par slob ma'i rgyud 'dul thabs gtso bor byas
nas bshad/ nyan mkhan slob ma rnams kyis kyang nyan lugs gong gi
de 'dra mi byed par gang gsungs thams cad rang gi rgyud thog tu
bkal/ rang rgyud 'dul ba gtso bor byas nas nyan

@61a @#/ /dgos/ de ltar byas na rtogs pa'i sne dang po chos gral
'dir skye ba yin/ bla mas kyang chos khri'i steng nas bshad pa
lta bu shag tu gdan drangs ja phul nas zhus kyang mi yong/ slob
mas kyang chos gral du yid 'khul

ba lta bu lkog tu blo sbyong ba la yang mi 'byung ba yin/ sngon
dge bshes po to bas chos gang gsung dang tha na bya sgrung
gsungs pa tshun kyang sems la shin tu phan pa zhig yod cing/ de'i
tshe dge bshes chos kyi 'od zer zhes pa mkhas pa chen po zhig yod
pas gdams

ngag zab la rgyas pa ji tsam gsungs kyang sems la mi phan par
tshul de 'ga' zhig gis po to ba la zhus par/ po to bas khong gis
legs par bshad pa 'ba' zhig gsungs pa yin kyang ngos gnyis kyis
'chad lugs kyi khyad par yin gsungs/ de

ji 'dra yin zhus par/ khong gis shes bya gtan la 'beb pa'i dbang
du byas nas gsungs/ nged kyis chos thams cad kyi mdel rtse nang
du bstan nas bshad pa'i khyad par yin gsungs/ rjes su gsung de
dge bshes chos kyi 'od zer gyis

gsan nas po to ba'i drung du chos gsan par phebs par thugs rgyud
la shin tu phan pa byung ste sngar ma shes pa zhig shes rgyu ma
byung yang/ sngar ma go ba zhig go rgyu byung zhes gsungs pa
ltar dgos pa red/ des na dge bshes ston pa'i zhal nas/

theg chen gyi bla ma bya ba bshad pa na 'byams klas par go ba
skyed la lag tu len pa na bstan pa'i tha ma la gang phan dang
thad kar don du gang 'gyur ston pa zhig dgos zhes gsungs pa yang
'di lta bu la bya dgos/ de yang bstan pa'i tha ma zhes pa la
gsungs

@61b lugs sna tshogs yod kyang bdag gi bla ma rin po che'i gsung
rgyun la chos mang du bshad kyang chos bstan pa'i mjug gi 'gag
sdom slob ma'i rgyud la gang phan zhig dgos pa la byed gsungs/
sa bcad 'di 'chad nyan lam du gtong ba'i man ngag ste sngar zhus
pa

ltar 'di nas 'phyugs na tshes gcig nas 'phyugs na bco lnga'i bar
zhes zer ba ltar chos zab la rgyas pa ji tsam thob kyang lha
bdud du babs pa ltar gyur nas chos de nyid nyon mongs pa'i grogs
su 'gro ba ches mang bar snang bas 'di la nan tan byed

pa gal che gsungs/ gnyis pa chos bshad pa'i tshul la bzhi/ chos
bshad pa'i phan yon bsam pa/ ston pa dang chos la rim gro bskyed
pa/ bsam pa dang sbyor ba ji lta bus bshad pa/ yul gang la bshad
pa dang mi bshad pa'i khyad par ro/ /de'i dang po

chos bshad pa'i phan yon bsam pa ni/ chos 'chad pa pos kyang
mdzod las/ chos sbyin nyon mongs can min pas/ /mdo sogs yang
dag ji bzhin ston/ /zhes gsungs pa ltar chos sbyin nyon mongs
can du mi 'gyur ba gal che/ de ni 'bul ba

sogs e yong snyam pa rnyed pa la re ba dang/ slob ma mang pos
bkur sti sogs e yong snyam pa dang/ mkhas grags dang snyan
grags sogs e yod snyam pas 'chad na phan yon las nyes dmigs che
zhing bsod nams chen po nyams nas 'gro ba

yin; tha na rnam smin tsam la yang mi blta bar snying rje chen
pos slob ma la e phan re bas 'chad pa zhig dgos/ chu bzang rje
ye shes rgya mtshos/ chos bshad dbang bskur byed dus rnam dpyod
'dra zhig 'dug ste/ /'bul ba a nyan byed dus

@62a @#/ /bsam pa gting nas skyo 'dug /ces gsungs pa lta bur ma
song ba dgos/ de ltar zang zing la mi blta bar chos 'chad pa ni
phan yon che ste/ lhag bsam bskul ba'i mdo las/ byams pa/ nyi
shu po 'di ni zang zing med

pa'i chos kyi sbyin pa rnyed pa dang bkur sti mi 'dod par chos
kyi sbyin pa sbyin pa gang yin pa de'i phan yon yin te/ nyi shu
gang zhe na 'di lta ste/ dran pa dang ldan par 'gyur ba dang/
blo gros dang ldan par 'gyur ba dang/ blo dang ldan par

'gyur ba dang/ brtan pa dang ldan par 'gyur ba dang/ shes rab
dang ldan par 'gyur ba dang/ 'jig rten las 'das pa'i shes rab
rjes su rtogs par 'gyur ba dang/ 'dod chags chung bar 'gyur ba
dang/ zhe sdang chung bar 'gyur ba dang/

gti mug chung bar 'gyur ba dang/ bdud kyis de la glags mi rnyed
par 'gyur ba dang/ sangs rgyas bcom ldan 'das rnams kyis dgongs
par 'gyur ba dang/ mi ma yin pa rnams de la srung bar 'gyur ba
dang/ lha rnams de la gzi byin skyed par

'gyur ba dang/ mi mdza' ba rnams kyis de la glags rnyed par mi
'gyur ba dang/ de'i mdza' bshes rnams mi phyed par 'gyur ba
dang/ tshig btsun par 'gyur ba dang/ des mi 'jigs pa thob par
'gyur ba dang/ yid bde ba mang bar 'gyur ba dang/

mkhas pas bsngags par 'gyur ba dang/ de'i chos kyi sbyin pa de
yang rjes su dran par bya bar 'os par 'gyur ba ste/ zhes gsungs
pa ltar phan yon nyi shu 'byung/ de'i dang po dran pa dang ldan
pa ni/ chos mi brjed pa dang/ blo gros dang ldan pa ni

@62b don dam sgom byung gis nges pa dang/ blo dang ldan pa ni
kun rdzob bsam byung gis nges pa dang/ brtan pa dang ldan pa ni
mi 'phrog pa dang/ shes rab dang ldan pa ni tshogs sbyor gyi
skabs kyi 'jig rten pa'i shes rab dang/ 'jig rten las 'das pa'i
shes

rab ni mthong sgom gyi skabs kyi shes rab yin tshul dang/ nyi shu
po 'di la rgyu mthun gyi 'bras bu drug /bral 'bras bzhi/ bdag
'bras dgu /rnam smin gyi 'bras bu gcig bcas yod tshul sogs rgyas
par gsungs/ phan yon gzhan yang drag shul

can gyis zhus pa'i mdo las/ khyim pas zang zing dpag tu med pa
byin pa bas/ rab tu byung bas chos tshigs su bcad pa gcig tsam
byin pa bsod nams lhag par gsungs so/ /de ltar phan yon de rnams
dran nas de rnams bdag gi bde ba'i yo byad do

snyam nas 'chad dgos/ phan yon 'di rnams chos khri'i steng nas
chos bshad pa kho na tsam min par dge rgan lta bus dge phrug la
dpe cha tshul bzhin khrid pa tshun la yang 'byung/ chos 'don lta
bu'i tshe yang mtha' skor du lha klu dang/ mi ma yin sogs mang du

'dus pa la 'chad par mos pas bton na phan yon de ltar 'byung/
dpe cha 'dzin skyor byed pa'i tshe yang de dang 'dra/ gzhan la
skad cha bshad pa tshun chad du yang blang dor gyi gnad bstan na
phan yon khyad par can 'byung/ 'on kyang bla mar 'gro mi

'gro'i khyad par ni yod gsungs/ gnyis pa ston pa dang chos la
rim gro bskyed pa ni/ dwags po ngag dbang grags pas/ rgyal yum
gsung tshe ston pas nyid gdan bshams/ /zhes gsungs pa ltar bcom
ldan 'das kyis sher phyin gyi mdo sde

@63a @#/ /gsungs pa'i tshe na nyid kyi phyag mtshan bzang dpe byad
kyis brgyan pa gser gyi yal 'dab brkyang ba lta bus chos 'chad
pa'i gdan bshams par mdzad pa sogs chos ni sangs rgyas kyis
kyang bkur ba'i zhing yin

pas gus pa chen pos 'chad dgos/ de bzhin du bka' bsdu dang po'i
tshe yang dgra bcom pa lnga brgya'i snam sbyar brtsegs pa'i steng
du kun dga' bo sogs bzhugs nas gsungs pas chos kyi che ba de lta
bu mdzad pa red/ gzhan du chos gos sogs sangs rgyas

kyi na bza' yin pas gzan gyis 'phyi brdar gtong ba dang/ gdan du
bting ba sogs byed mkhan mang yang shin tu nas mi rung/ chos kyi
che ba'i ched ni de ltar dgos/ ston pa'i yon tan dang bka' drin
dran nas kyang gus pa bskyed dgos/ gsum pa bsam pa

dang sbyor ba ji lta bus bshad pa la/ bsam pa ni/ dwags po
ngag dbang grags pas/ dpe mkhyud bdag nyid sgrog dang 'chad pas
ngal/ /gzhan skyon gleng dang phyi bshol phrag dog spang/ /'khor
la byams bsgom 'du shes lngas zin pas/ /tshul

bzhin bstan dge bde ba'i yo byad bsam/ /zhes gsungs pa ltar
gdams ngag gi gnad gal che ba rnams ser sna byas te mi ston pa'i
dpe mkhyud dang/ chos 'chad pa'i zhor la ngas kyang sngar 'di
dang 'di byas zhes bdag nyid sgrog pa dang/ 'chad

pas ngal ba dang/ chags sdang gis kun nas bslang ste gzhan gyi
skyon brjod pa dang/ 'chad mi 'dod par phyi bshol gyis le lo
byed pa dang/ gzhan mtho bar dogs pa'i phrag dog sogs spangs te
nyan pa po rnams la byams pa dang snying rje shugs

@63b drag pos 'du shes lnga bzhag ste bshad dgos/ 'du shes lnga
ni rang la sman pa/ chos la sman/ nyan pa po la nad pa sogs
sngar gyi 'du shes drug nas nan tan nyams su blangs pa la nad
'tsho ba'i 'dus shes ma gtogs pa'i 'du shes kyis zin cing tshul

bzhin bstan pa'i dge bde dag bdag gi bde ba'i yo byad do snyam
du bsam/ 'du shes gcig pu de ni slob ma rnams kyis nan tan du
bya dgos pa yin/ sbyor ba ji lta bus bshad pa ni/ khrus sogs
gtsang sbra dang ldan pas gos gsar pa gyon/ khri

stan mthon po la 'dug / bzhin gyi mdangs gsal/ don nges pa'i
phyir du dpe dang/ lung dang/ gtan tshigs dang ldan par 'chad
dgos pa yin/ de yang bdag lta bu khri mthon po 'di 'dra'i steng
du 'dug / mchog sprul rnam pa 'og tu dma'

bar bzhugs pa rang yang shin tu mtsher zhing dga' rgyu mi 'dug
kyang chos kyi che bar bsams nas sdod khul byas/ deng sang dbus
gtsang du phyag bzhes ma nyams par yod pa shin tu legs po yin/
de min bla chen 'ga' zhig nas chos rgyun blang ba yin zhes bla
ma

khri dma' bar bzhag nas chos phul ba'i lo rgyus ya mtshan can
yang gsungs/ bzhin gyi mdangs gsal zhes pa'ang slob ma la 'dzum
dang bcas te 'chad dgos/ 'on kyang klong rdol bla ma rin po ches
be dbyug phyag tu bsnams nas bka' bkyon

mdzad tshul kyang yod/ sa bcad 'khrugs nas 'chad pa sogs zing
zing po bya rog gi tshang bca' ba lta bu dang/ dka' gnad rnams
bzhag ste las sla ba rnams ston pa mi rgan gyis zas za ba lta bu
dang/ don gyi ngo bo legs par mi shes par 'ol

@64a @#/ /tshod kyis ston pa long ba 'khar ba la brten te 'gro ba
lta bu mi rung/ de yang bdag gi skyabs mchog bla ma rin po ches
'di ltar gsungs te chos 'chad pa po shag nas tshur yong dus kun
slong legs par bcos/ rang gis chos

khri'i steng du chos gang 'cad pa de'i rtsa brgyud kyi bla ma
rnams mtho brtsegs su bzhugs par bsams la khri phyag lan gsum
'tshal/ de thams cad gcig la gcig thim gyis rang gi rtsa ba'i bla
mar thim/ rang chos khri'i steng du 'dzegs pa na bla ma rang

la bstim/ khri la 'dug khar skar ma rab rib mar me dang/ /zhes
sogs mi rtag pa'i tshig bton cing se gol gtog ste 'di lta bu mi
rtag pa skad cig ma yin snyam du khengs sems zil gyis gnon dgos/
de min khri mthon po'i steng du 'dug

skabs da res rang a pho nga yin snyam du nga rgyal skye yong
gsungs/ de nas bdud tshar gcod pa'i sngags 'don par gsungs kyang
phyag bzhes su de'i dod du shes rab snying po zlog pa bcas
mdzad/ de nas sbyor ba'i chos drug rta 'dur dbyangs

dang bcas te rgyas par gsungs pa 'di rje sgrub khang pa dge legs
rgya mtsho'i phyag bzhes yin/ de yang rje sgrub khang pa chen pos
lam rim gsung skabs sbyor chos gdangs dbyangs ring por gsungs
pas yun ring 'gor bar/ 'ga' zhig gis

gsung bshad kyi yun la gnod pas sbyor chos 'di las bsdus tsam
mdzad na zhus par/ khyed cag ci zer dngos gzhi'i bshad pa gnad
du 'gro mi 'gro 'di la rag las pa yin gsungs nas bsdu bar ma
gnang/ sngar zhus pa ltar byang chub lam gyi rim

@64b pa'i rtogs pa'i sne dang po chos gral 'di nas e sgye re ba
byed dgos pa la/ de ltar skye ba tshogs bsags sgrib sbyong dang/
gsol 'debs sogs la rag lus pa'i ched du dgongs pa yin pas sbyor
chos kyi skabs kha yeng mig yengs yun bsgug

mi bzod pa sogs mi byed par chos thun 'di'i ring gi dmigs skor
gyi nyams myong chos gral 'di rang la skye ba'i ched du bsags
sbyang dang gsol 'debs nan tan du byed pa gal che/ de nas
maNDal grub nas phyag dpe dbu la gtugs nas kun slong

'chos pa dang/ rgyud la phan pa'i thugs smon mdzad pa 'di yang
rje sgrub khang pa chen pos phyag dpe 'am dbu zhwa zhal ras la
bkab ste thugs smon mdzad pa'i phyag bzhes ltar yin/ de nas
sangs rgyas chos tshogs ma'i skabs bla mas bdag

gis chos sbyin zhes pa dang/ slob mas bdag gis chos nyan bgyis
pa zhes kha bsgyur dgos pa yongs grags ltar yin/ de nas lam rim
gang gnang gi brtsi bzhag rab tu nyin thams cad dang/ de min
nyin gcig gnyis gsum sogs gang

nus gtong zhing slob ma'i gtso bo zhig gis yar skyor/ brtsi
bzhag gnang ba stabs ma 'grigs kyang/ phyag bzhes 'di ltar yin
zhes nges par gsung dgos/ de nas chos 'chad kyi phyag rgya dang
bcas/ lha dang lha min sogs gsung ba'i

tshe brgya byin sogs lha klu mi ma yin chos nyan par 'du ba'i mos
pa byed/ lha rnams sa la 'dug mi bzod pas bar snang la bsdad nas
nyan chog pa'i bla mas gnang ba sbyin pa'i mos pa yang byed dgos
par gsungs pas 'di rnams bstan pa'i

@65a @#/ /thugs khur theg pa'i dam pa rnams kyis thugs la 'jog
par mdzod/ bzhi pa yul gang la bshad pa dang mi bshad pa'i khyad
par ni/ spyir 'dul ba las/ ma gsol bar mi bya'o/ /zhes gsungs pa
ltar gsol ba ma

btab par 'chad du mi rung zhing gsol ba btab na'ang de ma thag
mi byed par bdag gis legs par mi shes pas 'chad mi nus zhes pa
dang/ khyed lta bu'i bdag nyid chen po'i mdun du bdag gis ji
ltar bshad nus zhes khengs skyung ba dang/ gzhan gyi mos pa
brtags

nas gzod snod du rung bar nges na 'chad par bya dgos pa yin te/
ting nge 'dzin gyi rgyal po'i mdo las/ rab rgyas bdag gis ma
bslabs zhes/ /thog mar tshig de brjod par bya/ /khyod ni shes
shing mkhas yin na/ /bdag nyid chen po'i mdun du ni/ /bdag gis
ji ltar bshad

nus zhes/ /khyod kyis de skad brjod par bya/ /zhes gsungs/ 'on
kyang dgos pa khyad par can 'ga' zhig la ma gsol bar 'chad dgos
pa'ang yod pa ni de nyid las/ gal te snod ni shes gyur na/ /gsol
ma btab kyang bshad par bya/ /zhes

gsungs pa ltar ro/ /kun spyod kyi khyad par 'dug pa la 'greng
ste mi bshad pa dang/ nyal ba la 'dug ste mi bshad pa dang/ stan
mthon po la dma' ba nas mi bshad pa sogs nyi shu rtsa drug 'dul
ba nas gsungs pa ltar mdzad dgos gsungs/ gong gi sa

bcad gsum pa mjug tu thun mong du ji ltar bya ba ni/ gtang rag
gi maNDal ? gyi mjug tu chos nyan bshad byas pa'i dge rtsa rnams
ring 'bad ma sogs kyi sgo nas bstan pa rgyas pa'i rgyu dang/
rdzogs byang gi rgyur bsngo bar mdzad cing/ grol ba'i tshe sdebs

@65b 'ur mi byed par bla ma dang chos la 'phreng bzhin du rim
gyis rim gyis grol ba phyag len yin gsungs so// ! //nyin bzhi
par/ dpal ldan zla ba grags pas/ gang tshe rang dbang 'jug cing
mthun gnas pa/ /gal te 'dir bdag

'dzin par mi byed na/ /g.yang sar lhung bas gzhan dbang 'jug
'gyur ba/ /de las phyi nas gang gis slong bar 'gyur/ /zhes
gsungs pa ltar rang cag rnams mi khom pa'i gnas las thar te dal
'byor gyi rten thob nas chos byed pa'i rang dbang yod

pa'i skabs 'dir gtan gyi mdun ma zhig ma bsgrubs na phyis nas
ngan song gi g.yang sar lhung/ sdug bsngal gyi gzhan dbang du
gyur/ chos kyi sgra tsam yang thos pa'i skal ba med pa'i gnas su
lhung na/ ngan song de las slong ba'i thabs

tsam yang sus byed/ de bas rang dbang yod pa'i skabs 'dir ci nas
kyang gtan gyi mdun ma zhig bsgrub par bya/ de yang lam gyi rim
pa 'di lta bu las 'byung ba yin pas bdag gis sems can thams cad
kyi don du sangs rgyas kyi go 'phang

thob par bya/ de'i phyir du byang chub lam gyi rim pa'i khrid
nyan te nyams su len snyam pa'i kun slong gsal btab ste gsan par
zhu/ gang gsan par bya ba'i chos ni/ skal ldan gyi skyes bu
sangs rgyas kyi sar bgrod pa'i theg pa mchog gi chos

lugs zhes sogs nas sa bcad bkram pa'i bar sngar ltar la/ kha
sang gi bshad pa rnams la skyar bshad mdor bsdus gsungs nas/ de
ring gi bshad pa la/ bzhi pa gdams pa dngos kyis slob ma ji ltar
bkri ba'i rim pa la gnyis/ lam gyi rtsa

@66a @#/ /ba bshes gnyen bsten pa'i tshul dang/ bsten nas blo ji
ltar sbyang ba'i rim pa'o/ /de yang rje btsun tsong kha pa chen
po'i gsung gi sa bcad 'dren tshul tsam la yang nyams len gyi gnad
shin tu che ba ston te/ lam gyi rtsa ba zhes

gsungs pa ni/ dper na shing gi lo 'bras sogs thams cad rtsa ba
la rag las pa ltar/ dal 'byor rnyed dka' nas mi slob pa'i zung
'jug gi bar gyi rtogs pa'i nyams myong thams cad bshes gnyen
bsten tshul kho na la rag lus par bstan/

bsten nas blo ji ltar sbyang ba zhes pa'i nas ni 'byung khungs
kyi sgra yin pas bshes gnyen tshul bzhin bsten pa las dal 'byor
nas zung 'jug gi bar 'byung bar bstan cing/ des na bshes gnyen
bsten tshul ni thog mar shin tu gal che/ sa bcad dang po

gsum lam rim chen mo ltar yin kyang/ 'di man gyi sa bcad rnams
dmar khrid ltar yin pas chen mo'i sa bcad dang mi 'dra/ des na
dang po lam gyi rtsa ba bshes gnyen bsten pa'i tshul la gnyis/
thun gyi ngo bo la ji ltar bya ba dang/ thun mtshams

su ji ltar bya ba'i tshul lo/ /sa bcad thun dang thun mtshams su
phye ba 'di ni shin tu gnad che ste/ mi tshe hril po'i bya ba
nyin zhag phrugs re'i nang du 'dus shing/ nyin zhag phrugs gcig
po de thun dang thun mtshams gnyis su 'du bas sgo gsum gyi

bya ba thun dang thun mtshams gnyis su bsdus nas thun dang thun
mtshams gnyis po don ldan du byas na nyin zhag phrugs re don ldan
du 'gro/ de 'dras zla ba dang lo sogs mi tshe hril po don ldan du
'gro ba la gnad che/ de ltar dang po

@66b thun gyi ngo bo la ji ltar bya ba'i tshul la'ang/ sbyor ba'i
chos/ dngos gzhi ji ltar bskyang ba dang/ mjug tu ji ltar bya
ba'i rim pa dang gsum/ de yang sbyor ba la gal chung du byed mi
nyan te dper na ja zhim po zhig bzo ba la thog mar nyo dus

nas nan tan byed dgos pa bzhin dngos gzhi'i nyams myong rgyud la
skye ba'i rgyu tshogs sbyor ba'i chos la nan tan byed dgos/ des
na dang po sbyor ba'i chos 'di la drug /sbyor ba'i chos dang po
gnas khang byi dor byas la sku gsung thugs kyi

rten dgram pa/ gnyis pa mchod pa g.yo med cing bkod pa mdzes
par bsham pa/ gsum pa stan bde ba la lus rnam snang gi chos bdun
ldan du 'khod de dge sems khyad par can gyi ngang nas skyabs
sems sogs bya ba/ bzhi pa

tshogs zhing gsal 'debs pa/ lnga pa bsags sbyang gi gnad bsdus pa
yan lag bdun pa maNDala dang bcas pa 'bul ba/ drug pa gsol ba
'debs pa man ngag bzhin rgyud dang 'dres nges su bya ba'o/ /dang
po gnas khang byi dor bya ba

'di bla ma gser gling pa'i rnam thar yin la/ 'di'i khungs ni mdo
las/ byang chub sems dpa' sa phyogs gtsang mar skyil mo krung
bcas te zhes gsungs pa 'di yin/ byi dor bya dgos pa'i rgyu mtshan
ni/ dper na bla ma'am dpon po chen

po zhig rang gi khyim du gdan drangs pa na thog mar gad bdar
sogs legs par byed dgos pa ltar/ rang gi gnas khang der yang bla
ma rgyal ba sras bcas gdan 'dren pa la gus par bya ba'i ched du
yin/ kun slong rang skyid 'dod dang mdzes

@67a @#/ /chos sogs kyi ched du byas na po ta la dang/ se 'bras
kyi gad pa ltar phan yon gang yang mi 'byung/ de ltar min par
sems can thams cad kyi don du sangs rgyas kyi go 'phang thob
phyir lam gyi rim pa'i khrid dmigs

skyong ba'i sngon 'gro tshogs zhing la sri zhu dang bkur sti'i
bsam pa dang ldan par byas na phan yon shin tu chen po 'byung/
mdo las phan yon lnga gsungs te/ rang gi sems dwang bar 'gyur ba
dang/ gzhan gyi sems dwang bar 'gyur ba dang/ lha rnams

dga' bar 'gyur ba dang/ mdzes pa'i las gsog pa dang/ lus zhig
nas lha yul du skye ba dang lnga yin/ de yang bdag gi bla ma rin
po ches/ dkar phyogs kyi lha rnams mi yul du yang dang yang du
'ongs nas chos tshul bzhin sgrub pa rnams la srung skyob

byed pa yin pas rang gi gnas gtsang ma ma byas par bsdad na lha
rnams mi gtsang ba la 'dzems pas 'khor mi nus shing srung skyob
byed mi nus/ dkar phyogs kyi lha rnams dga' ba tsam du ma zad
bla ma dang sangs rgyas la sogs pa rnams kyang mnyes pa la bya

gsungs/ mdzes pa'i las gsog pa yang lus mdzes pa tsam ma zad
tshul khrims dag pa la'ang bya ste tshul khrims dag na lus mi
mdzes kyang rgyal ba sras bcas kyi gzigs ngor shin tu mdzes pa
yin/ rje btsun tsong kha pa chen pos/ blo dang ldan pa rnams kyi

ngo tsha'i gos/ /tshul khrims yin gyi du klu la yis min/ /mgrin
rgyan legs bshad yin gyi do shal min/ /gtsug rgyan bla ma yin
gyi nor bus min/ /zhes gsungs pa dang 'dra/ lha yul du skye ba
yang gtso bo dag zhing du skye ba la bya dgos gsungs/ 'phags

@67b pa lam chung zhes pa yang gnas khang byi dor byas pa la
brten nas dgra bcom pa'i go 'phang thob pa red/ de'i lo rgyus
mdor bsdus tsam zhu na/ mnyan yod du bram ze zhig gi bu byung
tshad shi ba na de'i nye skor du rgan mo zhig yod pa des da bu
byung na kho

mo sbron cig byas pa ltar yang khye'u zhig byung bar rgan mo bos
pa dang/ des khye'u de khrus byas ras dkar gyis dkris/ kha mar
gyis bkang ste bu mo zhig gi lag tu byin nas/ 'di lam po che'i
bzhi mdor zungs la dge sbyong dang bram ze byung ba la

gus pa byas te khye'u 'di 'phags pa dag gi zhabs la phyag 'tshal
lo/ /zhes gyis shig nyi ma nub pa na gson na khyer shog /shi na
dor cig byas par/ bu mo de grims pa zhig yin pas lam po che'i
bzhi mdor bsdad par/ dang po mu stegs

pa dag byung ba de dag la rgan mo'i ngag bzhin byas par/ de
rnams kyis yun ring du 'tsho bar gyur cig /tshe ring du skyong bar
gyur cig /pha ma gnyis kyi yid la bsams pa rdzogs par gyur cig
/ces brjod do/ /de nas dge slong

dag byung bas sngar bzhin brjod do/ /de nas rgyal byed kyi tshal
gyi lam du khyer ba dang bcom ldan 'das bsod snyoms su gshegs pa
mjal bas kyang gzhan sngar ltar la/ pha ma gnyis kyi chos dang
ldan pa'i yid la bsams pa yongs su rdzogs

par gyur cig /ces brjod par mdzad do/ /nyi ma nub pa dang gson
par mthong nas khyim du khyer 'ongs pa dang/ 'di lam po cher
bzung bas lam chen pa zhes ming btags so/ /de chen por gyur te
bram ze'i rig byed yan lag dang

@68a @#/ /bcas pa la mkhas par gyur te bram ze'i khye'u brgya
tsam la gsang tshig slob bo/ /yang khye'u zhig byung bar rgan mo
de bos nas sngar bzhin byas par/ bu mo de le lo can yin pas
khye'u de lam phran zhig tu bzung nas

bsdad par/ der dge sbyong dang bram ze sogs gang yang ma 'ongs
pa na/ bcom ldan 'das ni nyin mtshan dus drug tu 'gro ba la gzigs
pa 'jug pas der su yang 'gro ba med par gzigs nas lam der ched
du phebs pa na bu mo des smon

lam zhus pa snga ma bzhin du gsungs/ des kyang gson par mthong
nas nang du khyer 'ongs pa na ming lam phran pa zhes btags so/
/de chen por gyur nas yi ge bslabs pas/ thog mar sidd+haM ?  zhes
sogs slob dgos pa la sid brjod na d+haM brjed/ d+haM

brjod na sid brjed pas/ slob dpon des bram ze la/ kho bo bram
ze'i khye'u mang po la klog tu gzhug dgos pas 'di la slob mi nus
so zer ro/ /yang rig byed klog mkhan la gtad de rig byed slob tu
bcug pas/ thog mar oM b+hu zhes sogs slob

dgos pa la/ oM bzung bas b+hu brjed/ b+hu bzung bas oM brjed
pas/ slob dpon de skyo nas khyod kyi bu lam chen pa la cung zad
bstan pas shes la/ kho bos gzhan la yang slob dgos pas 'di la
slob mi nus so zhes smras so/ /de bul ba/

mchog tu bul ba/ chung ba/ mchog tu chung ba yin pas de'i ming
lam chung pa zhes bya bar gyur to/ /nam zhig de gnyis kyi pha ma
shi nas/ lam chen pa thub pa'i bstan par zhugs te/ sde snod gsum
la mkhas shing dgra bcom par gyur to//

@68b lam chung ba ? yang khyim gyi 'byor pa zad de phu bo'i gan
du song bar/ des de la chos skal yod med brtag pa na yod pa
dang/ de yang rang la rag las par mthong nas rab tu byung bsnyen
par rdzogs nas/ lus ngag yid kyis sdig pa mi bya zhing/ /'jig

rten kun las yongs 'dzin 'dod bral ba/ /dran dang ldan zhing
shes bzhin can gyis ni/ /gnod ldan sdug bsngal gang yin bsnyen
mi bya/ /zhes bslab pa zla ba gsum du yang ma lob cing/ der gnas
pa'i ba lang rdzi dang phyugs rdzis thos nas lobs

pa de dag gis kyang slob par byed do/ /dus gzhan zhig na 'phags
pa lam chen pas 'di bstod smad gang gis 'dul snyam du bsam na
smad pas 'dul ba mthong nas des de'i gnya' ba nas bzung ste
rgyal byed tshal gyi phyi rol du bskrad nas khyod ni bul ba

mchog tu bul ba yin na rab tu byung ste ci bya/ 'di nyid na 'dug
cig byas par/ da ni bdag dge sbyong yang ma yin/ bram ze'ang ma
yin no snyam du ngus pa dang/ de nas ston pa thugs rje chen pos
bskul te der byon nas/ lam pa khyod ci'i phyir du/

bdag mkhan pos smad do zhus par/ de'i tshe ston pas/ byis pas
bstod pa gang yin dang/ /mkhas pas smad pa gang yin pa/ /'di ni
mkhas smod mchog yin gyi/ /byis pas bstod pa de ltar min/ /bu
khyod kyi mkhan pos ni bskal pa grangs med

gsum du dka' ba du mas phar phyin drug rdzogs te gsung rab 'di
bsgrub pa ma yin gyi/ ngas ni de ltar du bsgrubs pa yin na/
khyod de bzhin gshegs pa las klog nus sam gsungs pa la/ btsun pa
bdag ni bul ba shin tu bul ba/

@69a @#/ /chung ba shin tu chung ba lags na ji ltar klog ces zhus
pas/ ston pas gsungs pa/ gang gis byis pa byis nyid rig /de la
des na de mkhas yin/ /byis pa mkhas par rlom byed pa/ /de 'dir
shin tu

byis pa yin/ /zhes gsungs nas/ lam pa la rdul spang ngo dri ma
spang ngo/ /zhes bya ba'i tshig gnyis stsal ba de yang ma zin pa
la/ bcom ldan 'das kyis 'di'i las sbyang bar bya'o snyam du
dgongs te/ lam pa khyod kyis dge slong rnams kyi mchil lha ma
dag

dbyi nus sam/ btsun pa de nus so zhus par/ 'o na song la dge
slong rnams kyi mchil lha ma dang/ lham sgro gu can dag phyis
shig /dge slong rnams nas kyang 'di'i las sbyang ba'i phyir de
ltar byed du chugs la/ tshig gnyis kyi kha ton dag kyang rjes

su slobs shig /ces bka' stsal ba ltar byas pas/ nam zhig na kha
ton gnyis po lobs pa na/ ston pas da mchil lham 'phyi mi dgos
pas kha ton gnyis po 'don cing gtsug lag khang du phyag bdar
gyis shig ces phyag bdar byed du bcug

pa na khos kyang brtson 'grus bskyed nas gad bdar byas par/
sangs rgyas kyi mthus gtsug lag khang gi g.yas phyogs gad ?
bdar tshar res g.yon phyogs rdul gyis khengs/ g.yon tshar res
g.yas rdul gyis khengs pa sogs byung yang 'bad pas

lam pa'i las sgrib byang nas 'di snyam du sems te/ ston pas/
rdul spang ngo/ /dri ma spang ngo zhes pa de nang gi rdul la
dgongs sam/ phyi'i rdul la dgongs snyam pa na/ sngon ma thos
pa'i tshigs bcad gsum po 'di blo la snang ste/ rdul 'dir 'dod
chags de ni sa rdul

@69b min; ;rdul ni 'dod chags ming ste rdul gyi min/ /mkhas pa
dag gis rdul de rnam spangs pa/ /de dag bde gshegs bstan la bag
yod 'gyur/ /rdul 'dir zhe sdang sogs dang/ rdul 'dir gti mug
sogs rigs 'gre'o/ /des de rnams kyi don 'bad de bsgoms

pas dgra bcom pa thob bo/ /tshigs bcad 'di mdo rang du 'di ltar
snang yang/ sbyor chos khrid yig dang bla ma rnams kyi gsung
rgyun du/ rdul ni sa rdul ma yin 'dod chags rdul/ /zhes snang ba
lag len skabs go bde'i ched 'gyur bcos mdzad par

snang ba ltar byas na legs so/ /de nas bcom ldan 'das kyis lam
pa'i yon tan bsgrags par bzhed nas/ kun dga' po song la lam pa
la khyod kyis dge slong ma la chos ston cig ces dang/ dge slong
ma rnams la yang/ khyod rnams kyi ston pa lam

pa yin no zhes gyis shig /ces bka' stsal ba ltar byas pas/ lam
pas ni bdag gi yon tan bsgrags par shes nas bka' bzhin 'tshal lo
zhes khas blangs so/ /dge slong ma rnams kyis ji ltar bud med
kyi yul la brnyas pa la ltos/ des zla ba

gsum du tshigs bcad gcig kyang ma lob na bdag cag sde snod gsum
pa dag la ji ltar ston par 'gyur/ zhes ha las pa ltar gyur te
phyin chad thos pa nyung ngu dag 'dir 'ongs mi nus pa'i thabs
shig bya'o zer nas dge slong ma bcu gnyis sdes la las

chos ston pa'i khri shin tu mtho ba 'dzeg skas tsam yang med pa
bshams/ la las mnyan yod kyi grong khyer chen po'i skye bo phal
mo che la/ sang nged kyi ston pa nyan thos chen po khyad 'phags
shig 'ongs pa de las chos thos nas bden pa ma mthong ba ni yun

@70a @#/ /ring 'khor bar 'khyam dgos pas chos nyan par yong dgos
so/ /zhes dril bsgrags pas srog chags 'bum phrag du ma kha cig
ni ltad mo dang/ kha cig dge ba'i rtsa bas bskul nas 'dus so/
/de nas sang lam

pas bsod snyoms byas/ nang du yang dag 'jog las langs te phyi
bzhin 'brang ba'i dge slong dang lhan cig dge slong ma'i dbyar
khang du chos ston pa'i phyir khri'i logs su song bas khri shin
tu mtho bar mthong nas 'di dad pas sam mtho 'tsham pas

yin snyam cung zad mnyam par bzhag pa na mtho 'tsham par shes nas
phyag glang po che'i sna lta bu brkyang ste khri de mnan nas la
las mthong/ la las ma mthong bar khri la 'dug ste/ sems mnyam
par bzhag bzhin du stan las mi snang bar nam mkhar

'phags te phyogs bzhir rdzu 'phrul gyi cho 'phrul rnam pa bzhi
bzhi bstan pa phyir bsdus te sengge'i khrir 'dug ste/ sring mo
dag  kho bos zla ba gsum du tshigs bcad gcig bzung ba de'i don
nyin mtshan bdun gyi bar du 'chad par spro'o/ /de la

bcom ldan 'das kyis lus ngag yid kyis sdig pa mi bya zhing/
/zhes pas mi dge ba bcu spong ba bstan to/ /'jig rten kun las
zhes pas phung po lnga dang/ yongs 'dzin zhes pas ni 'dod chags
zhe sdang gti mug gsum gyi yongs 'dzin

bstan to/ /zhes sogs tshigs bcad phyed tsam gyi don rgya cher
bstan pas srog chags khri nyis stong gis bden pa mthong nas kha
cig gis 'bras bu bzhi po ci rigs mngon du byas/ kha cig gis ni
nyan thos dang/ rang sangs rgyas/ theg pa chen po ste/

@70b so so'i byang chub tu sems bskyed/ phal cher ni dkon mchog
gsum la dad par byas so/ /de nas lam pa rgyal byed tshal du 'ongs
pa dang/ ston pas/ lam pa 'di nga'i nyan thos sems sgyur ba la
mkhas pa rnams kyi mchog yin no zhes lung bstan pa red/

des na sgom don gal che ba las gad bdar sogs gal mi che snyam pa
byed mi nyan/ khyim bdag mgon med zas sbyin gyis kyang rgyal
byed kyi tshal gyi kun dga' ra bar phyag bdar byed par nyin re
bzhin 'ongs pa la/ nyin gcig khyim bdag ma khom

zhing phyag bdar byed mkhan gzhan med pa la/ sangs rgyas rang
nyid kyi phyag gser gyi yal 'dab lta bus phyag bdar mdzad pa
mngon ? gsungs yod/ bdag gi bla ma rin po ches/ kun gzigs rgyal
ba'i dbang po sku na rim gyis sbyor chos nyams

bzhes mdzad pas byi dor gyi phyag ma'i phon po rtse mo zad nas
bong bu'i mjug ma ltar song ba yu bar bzang gos ser pos dkris pa
mang po nang rten du mjal rgyu yod pa shin tu gnad che ba'i rnam
thar yin par gsungs/ des na rang re las dang po pas nan

tan byed dgos/ gad snyigs yod med la ma ltos par rab thun re/
tha ma nyin re bzhin du byi dor bya/ ji ltar bya ba'i tshul yang
kun slong gong ltar gsal btab nas rang gzhan gyi rgyud kyi sgrib
pa'i nyal nyil rnams 'phyag pa'i mos pa dang/ rdzogs smin

sbyang gsum gyi ya gyal sangs rgyas kyi zhing sbyong ba'i rgyur
dmigs te lam chung gi rnam thar las 'byung ba ltar ngag nas rdul
spang ngo/ /dri ma spang ngo/ /zhes pa'am yang na/ rdul ni sa
rdul ma yin 'dod chags rdul/ /rdul ni 'dod chags ming

@71a @#/ /ste rdul gyi min/ /mkhas pa dag gis rdul de rnam spangs
pa/ /de ni sangs rgyas bstan la bag yod yin/ /zhes sogs zhe
sdang dang gti mug la sbyar te 'don bzhin du gad bdar byed/ de
yang 'dod chags

rdul sogs bshes gnyen bsten tshul la gtso bor byed skabs/ rdul ni
sa rdul ma yin ma dad rdul/ /zhes sogs nas mtshan 'dzin rdul gyi
bar ngag nas skyor tshul dang/ yid kyis dmigs tshul rang gang la
nyams len byed pa'i skabs dang bstun par

kha bsgyur shes par bya zhing/ na ba dang rgas pa sogs kyis
phyag bdar rang gis byed ma thub tshe dge phrug sogs kyis byed
skabs rang gis tshig skyor zhing yid kyis dmigs pa bya/ de ltar
kun slong rgya che chung gi khyad par gyis phyags ma re re
brgyab pa la'ang phan yon

gyi khyad par shin tu che/ sgo drung du tho bzhi brtsigs te
rgyal po chen po sde bzhir mos pa'am/ tho gcig la de ltar mos pa
dang/ yang na tho gcig la rnam thos sras su mos pa byas na bar
chad mi 'byung ba dang/ tshul khrims dag pa sogs kyi gnad

che gsungs/ grwa sa chen po sogs su tho brtsig pa mi bde bas
khang pa'i phyi'i logs bzhi rgyal chen sde bzhir bsam chog pa
rje byams mgon rin po che'i gsung rgyun du yod/ de nas sku gsung
thugs kyi rten bkram pa ni/ bla ma yi dam sogs tshogs

zhing gi gral bkod ltar bya dgos/ 'on kyang che chung bzhugs
stabs ma 'grigs na cung zad tsam ci bder bya/ 'ga' zhig gis chos
skyong rgyal btsan sogs kha tsha bar bsams nas sangs rgyas kyi
sku'i gral gong du 'jog pa mang du mthong/

@71b de ni skyabs 'gro rnam dag rgyud la med pa'i rtags bstan pa
red/ 'ga' zhig gis gser sku/ dngul sku/ li ma sogs gral gong du
byed/ 'jim sku rnams gral mjug tu 'jog pa ni sku brnyan la nor
gyi 'du shes las med pa'i rtags red/ thang ka

yang kha gsar rnying gi go rim byas nas bkram mi rung/ la las
thang kas yol ba'i go bcad nas sgor mor bkram pa/ de 'dra'i 'du
shes ga la rung/ sangs rgyas byang sems kyi snang brnyan la
rkang pa gtad de nyal ba la bag tsha ba ci yang med pa

'di yang skyabs 'gro med pa'i rtags yang dag bstan pa red/ 'ga'
zhig gis thang ka dang sku sogs rnying hrul rnams shag tu nyar
ba gad snyigs kyi 'du shes kyis tstsha khang du bskyel ba de rang
gi bsod nams phyir bskyel bar gsungs/ des na sku rten

sogs la sangs rgyas byang sems de dang de dngos kyi 'du shes
'jog dgos/ sku gsung thugs rten sogs mang po med na/ sku rten du
sangs rgyas rjes su dran phyir ston pa'i sku dang/ bla ma rjes
su dran phyir rje rin po che'i sku re nges par du dgos/

gsung rten yang mdo sdud pa dang/ byang chub lam rim lta bu
dang/ thugs rten ma mtha' sA tstsha tshun 'jog  rdo rje dril bu
sogs yod na'ang thugs rten du 'jog dgos/ 'ga' zhig gis rdo rje
dril bu la phyag mtshan gyi 'du shes ma gtogs

mi 'jog par snang ste/ 'di ni thugs kyi mtshan ma yin pas mnangs
chung byas na nyes pa shin tu lci/ gral bkod 'grem pa nyin dang
po las nyin star bya mi dgos kyang/ sa bcad 'di'i mtshams dngos
kyi 'du shes bzhag nas mjal bar

@72a @#/ /byed dgos/ rang gi shag gi sku brnyan rgyus yod yin pas
blta rgyu gang yod snyam pa bya mi rung/ nyin star mjal na mjal
thengs re la'ang bag chags khyad par can 'jog  sku dngos las sku
gzugs mjal

ba phan yon bcu drug 'gyur gyis lhag par gsungs/ mdo pad ma dkar
po las kyang/ bde gshegs sku gzugs rtsig ngos bris pa la/
/'khrugs bzhin pa yi sems kyis bltas na yang/ /de dag rim gyis
sangs rgyas bye ba mthong/ /zhes

gsungs/ mdo ngo mar mchod na yang/ zhes snang yang gsung rgyun
du 'di ltar 'byung/ de ltar sangs rgyas kyi sku la khro bzhin
bltas na'ang phan yon de ltar gsungs na da lta rang res dad pas
mjal na phan yon de lta bu los 'byung/ 'phags

pa shA ri'i bu sangs rgyas kyi mchog zung du gyur nas sku dngos
dang 'bral ba med pa byung ba yang/ sngon sangs rgyas kyi sku
gzugs ri mo bris pa la ngo mtshar nyams kyis bltas pa'i 'bras bur
gsungs te/ de yang 'phags pa shA ri'i bu

sngon bang mi zhig gi skye ba bzhes par/ nub gcig lha khang
stong pa zhig gi nang du bsdad/ mar me shin tu gsal bar byas nas
lham la rdog pa brgyag bzhin du ngal bso ba'i skabs gyang logs
su de bzhin gshegs pa'i sku gzugs kyi ldebs ris

mthong bas 'di lta bu'i skyes bu ngo mtshar can yod pa dngos su
mjal na ci ma rung snyam du yid la smon pa yang yang byas pa'i
'bras bu yin par gsungs/ sku rten rnams rang res 'dam dang/
zangs sogs su mthong ba 'di chos rgyun gyi ting

@72b nge 'dzin thob na mchog gi sprul skur mjal zhing/ sa dang
po thob na longs skur dngos su mjal ba yin/ des na sku dngos kyi
'du shes 'jog pa gal che gsungs/ ! gnyis pa mchod pa gyo med
cing bkod pa mdzes par bsham pa

ni; de yang g.yo med cing zhes pa'i g.yo la rgyu'i g.yo dang
kun slong gi g.yo gnyis/ rgyu'i g.yo ni mchod pa'i rgyu de
bsgrub pa'i skabs su skyon zhugs pa ste/ rab byung rnams kyis
log 'tsho lnga'i sgo nas bsgrubs pa dang/ khyim pas kyang

dmar khe dang/ bre log srang log 'dzug pa lta bu shin tu bya ba
ngan pas bsgrubs pa'i rgyu lta bu la zer/ de lta bu'i mchod pa
phul ba las ma phul ba legs/ mchod pa'i skad dod pU dza zhes pa
mnyes pa la 'jug pas dgos pa rgyal ba sras

bcas dgyes pa la bya dgos/ de lta bu phul na dgyes par ga la
'gyur/ 'on kyang de 'dra'i rgyu bsgrubs zin pa yod na rang gzhan
gyi sdig pa 'dag pa'i phyir du phul ba legs/ de yang log 'tsho
lnga ni/ kha gsag/ gzhogs slong/ rnyed pas rnyed

pa tshol ba/ thob kyis 'jal ba/ tshul 'chos lngas sgrub pa ste/
kha gsag ni/ sbyin bdag sogs kyis phran bu sbyin du re bas kha
ther ther byas pas des nor sogs byin na log 'tsho yin/ yang de
'dra'i kun slong med par rang bzhin drang pos kha

mkhas byas nas byin kyang log 'tshor mi 'gyur/ gzhogs slong ni/
rnyed bkur 'dod nas sbyin bdag sogs la nga la deng skabs ja mar
yod de 'bru cung dkon par 'dug zer ba lta bu/ sngar lo khyed
kyis byin pa'i rtsam pa de shin tu phan po

@73a @#/ /byung zhes pa lta bu 'bru dang rtsam pa shugs kyis
slong ba la zer/ yang rnyed 'dod kyi kun slong med par rang
bzhin drang por de 'dra brjod na gzhogs slong du mi 'gyur/ rnyed
pas rnyed pa tshol ba ni/ phar chung du zhig

sbyin nas tshur de las lhag zhig yong thabs byed pa yin/ sbyin
bdag lta bur kha btags dang/ ja ltir sogs khyer nas sne len byas
te blo phug tu gtong sgo lag rtags sogs chen po yong rgyu'i re
ba byed pa la zer/ deng sang rang res de 'dra byas nas

lcags kyu am zhig btang ba yin zer nas log 'tshol nan tan byed
pa yod/ yang de 'dra'i kun slong med par rang bzhin drang pos
sbyin bdag la sne len bzang po byas kyang log 'tshor mi 'gyur/
thob kyis 'jal ba ni/ mi 'dod bzhin du

nan gyis slong ba dang/ gzhan la 'bul rgyu rang la bsgyur ba
dang/ sbyin bdag che ge mos ngos la ja mar byin pa shinn tu phan
po byung zhes shugs kyis slong ba lta bu la zer/ yang rnyed 'dod
kyi kun slong med par rang bzhin drang pos de 'dra

brjod pa ni thob 'jal du mi 'gyur/ tshul 'chos ni/ shag tu gang
byung byas nas sbyin bdag sogs kyi mdun du bcas mtshams btsun
mdog  dul mdog byas nas phran bu sbyin e yong gi re ba byas pa
la zer/ yang de 'dra'i kun slong med

par khyim pa sun 'byin byas na mi rung snyam pas shag tu sdod
dus las btsun mdog kha ba byas kyang tshul 'chos su mi 'gro zhes
bdag gi skyabs mchog bla ma rin po ches gsungs/ de bzhin du rang
re rab byung rnams kyis sdom pa gsum gyi bcas mtshams

@73b kha ral sna ral du btang nas tshong sogs kyis rgyu bsgrub
nas mchod pa phul kyang phan yon las nyes dmigs lci ba 'byung/
kun slong gi g.yo ni/ mchod pa 'bul dus gtam 'dod dang/ mdzes
chos lta bu'i kun slong ngan pas bslad pa la zer te/ 'gro

mgon rin po ches/ tha na dkon mchog mchod pa re/ /byas kyang mi
yis mthong du re/ /zhes gsungs pa ltar/ rang res mchod pa re
phul yang khe 'dod grags 'dod sogs chos brgyad kho nar shor/
cung zad drag pa tshos kyang tshe ring ba/

nad med pa sogs kyi kun slong las mi 'byung/ dge 'dun la bsnyen
bkur lta bu zhig byed na'ang bsod nams la mi re bar btang song
zer ba'i snyan grags la gtso bor re/ de ring 'grul pa lta bu
zhig shag tu 'ong rgyu yin tshe gad bdar dang mchod

pa nam rgyun las lhag tsam byed/ mchod me zhig kyang phul/ spos
kyi dri ma mngar seng nge byas nas sgug sdod pa 'di kun slong
gang gi ched yin zhib tu soms dang/ de 'dra'i mchod pas phan yon
dang nyes dmigs gang che cha rtogs dka'/

dge bshes 'ban gyis nyin gcig yon bdag zhig mjal du yong zer
bas/ dkon mchog gi mchod pa ci bzang bshams/ stan la bzhugs nas
kun slong la brtags pas/ yon bdag gi ngor mdzes chos su song bar
gzigs nas/

har te bzhengs/ thal ba sbar gang gtor nas/ dge slong rang zog
ma byed par bzhugs shig gsungs nas thal ba phung nger bcos nas
bzhag  de la stod ding ri glang 'khor du pha dam pa sangs rgyas
kyis gsan pas/ bod kyi mchod pa

@74a @#/ /thams cad kyi nang nas 'ban gung rgyal gyi mchod pa de
bzang ba byung/ de ci yin zhe na khong gis 'jig rten chos brgyad
kyi kha la thal ba 'debs thub pa byung gsungs shin tu mnyes
mnyes mdzad de/ de

yang mchod pa phul ba de la bsngags brjod mdzad pa min/ thal ba
btab pa de la bsngags brjod gnang ba red/ des na kun slong tshe
'di'i chos brgyad lta zhog  rang nyid gcig pu mngon mtho nges
legs sogs kyi ched du'ang mi bya bar byang

chub kyi sems kyis zin gang thub bya ba gnad che/ bkod pa mdzes
par bshams zhes pa'ang/ 'ga' zhig gis mdzes chos mi dgos zhes
dbyibs dang bsgrig lugs sogs gang byung byung du byed par snang
yang mchod pa la de ltar mi

bya bar bzo dbyibs dang bsgrig lugs sogs gang mdzes bya dgos/
mchod pa bkod pas mdzes par bshams na rang nyid sangs rgyas pa'i
skabs kyi mtshan dpe'i rgyur 'gyur bar gsungs/ 'bul skabs kyang
rang gis lag bstar nas 'bul

dgos kyi/ dge phrug dang/ g.yog po sogs la 'bul du bcug na bsod
nams rang la mi thob/ jo bo chen po sku na shin tu mtho ba'i
skabs kyang sgyid pa 'dar phri li li yon chab 'bul bar mdzad
pas/ gzhan gyis jo bo'o brgyal bar 'dug pas

bdag cag gis 'bul zhes zhus pa na/ jo bo chen pos/ 'o na ngas
zas za ba'i tshe na'ang jo bo'o brgyal bar 'dug ces ngos kyi zas
skal khyod tshos za'am zhes gsungs pa red/ rgya gar na sngon gyi
chos rgyal chen po rnams kyis sbyin pa chen po mdzad

@74b pa'i tshe na'ang blon po sogs la sbyin du mi bcug par sbyin
pa'i khang pa brtsegs/ de'i nang du rgyal po bzhugs nas/ sbyin
bya'i nor rnams spungs te/ rgyal po rang gis phyag bstar nas
gnang ba red/ des na sbyin pa lag len gyi khyad par zhes rang

gis lag bstar nas 'bul ba gnad che/ mchod pa'i rdzas kyang rang
la 'byor pa yod na thud kyi sngo sa dang/ lo ma'i ser sa nas ma
song bar zas kyi phud gang bzang bzang nas 'bul dgos/ rang res
mar dang rtsam pa legs pa de rang gis

zos; mchod rtsam dang mchod mar yin zhes ngan pa zhig ched
mngags bsgrubs pa 'di rang gi bsod nams la phyags ma brgyab pa
e yin snyam/ 'on kyang mar me'i 'od phul ba yin gyi mar khu
phul ba min pas cung zad kha tsha tsam

yod kyang chog par gsungs/ bya bral dbul po rnams kyis bdag la
nor med pas mchod pa 'bul byed kyi nor med ces bag 'khums nas
sdod mi dgos te rang gi dad pas lcogs na mchod pa'i rdzas lag ma
'thog pa yod/ jo bo chen

pos; bod kyi chu 'di thams cad yan lag brgyad ldan yin pas bod
na mchod pa yon chab gcig pus chog par 'dug  me tog shang shang
'di rgya gar du yod na nged kyis gser sprad nas nyo zhes gsungs
pa ltar mchod pa

gzhan ma rnyed kyang yon chab gcig pu phul kyang bsod nams rlabs
po che gsog  de yang yan lag brgyad po re re la'ang phan yon mi
'dra ba re 'byung ba bdag gi bla ma rin po che'i gsung bshad
ltar zhu na/ yan lag brgyad ni

@75a @#/ /mchims mdzod las/ bsil dang zhim dang yang dang/ /'jam
dang dwang dang dri nga med/ /'thungs na mgrin dang lto ba la/
mi gnod yang lag brgyad ldan chu/ /zhes gdungs pa ltar/ chu bsil
ba phul

bas tshul khrims dag pa dang/ chu zhim pa phul bas zas kyi ro
mchog rnyed pa dang/ chu yang ba phul bas lus sems las su rung
ba dang/ chu 'jam pa phul bas shes rgyud 'jam pa dang/ chu
dwangs ba phul bas rig pa dwang bar 'gyur ba dang/

chu dri ming ba phul bas sgrib pa sbyong ba dang/ chu lto la mi
gnod pa phul bas lus la nad mi 'byung ba dang/ chu mgrin pa la
mi gnod pa phul bas ngag snyan pa bcas kyi phan yon brgyad
'byung bar gsungs/ rje sgrub khang pa dge legs rgya mtsho

de nyid thog mar se ra rtser rje'i sgrub khang du phebs 'phral
skabs sku chas dang yo byad bkren pas/ yon chab 'bul ba'i teng
tsam yang med par/ yon chab 'bul skabs khong rang gi bzhes spyad
chus yags po bkrus nas de la yon chab 'bul

ba gnang/ gsol chas bzhes skabs dkon mchog rin po che la g.yar
po zhus te longs spyad/ yang bkrus nas yon chab 'bul ba sogs
gnang ba yin 'dug   gzhan yang dbyar gyi skabs me tog ljon shing
legs pa dang/

'bras bu dang/ chu dwangs shing bsil ba sogs mchod pa'i dngos po
gang na 'dug pa blos blangs te phul chog de yang mchod pa'i
sprin gzungs bton nas byin gyis brlabs shing phul nas mthar dge
ba bsngo ba sogs bya ba khri dwags po tshe 'phel gyi

@75b rnam thar yin zhes bdag gi bal ma rin po ches gsungs/ des
na rang gi dad pas lag 'thog pa yin gyi mchod pa'i rdzas kyis
lag 'thog pa med/ de ltar byas na 'ga' zhig gis mchod pa ni chu
dang/ me tog sogs phul ba chog go

snyam nas dmar dmar tig tig rnams gsog 'jog byed gang thub byas
pas chog mod snyam na/ de ni phyi ma yi dwags sogs su kye bas
rang la yod na gang bzang bzang nas 'bul/ yang bya btang grwa
rkyang sogs kyis bdag la zang zing

gi mchod pa 'bul rgyu med rung/ rab tu byung ba la sgrub pa'i
mchod pa gtso por gsungs pas de kho na phul bas chog mod snyam
du zang zing gi mchod pa phra mo yang ma phul bar bsdad na tshe
rabs nas tshe rabs su 'bul rgyu med pa de ga rang las

mi yong zhing/ zhal zas mdzub mo tsam dang/ spos rkang phyed re
tsam las ma byung na'ang mnangs chung mi byed par phul na bsod
nams je 'phel gyis rjes su mchod pa shin tu stobs che 'bul rgyu
yong ba dge bshes phu chung ba'i rnam thar ltar

red/ de yang dge bshes phu chung ba'i zhal nas/ ngas dang po
spang spos sna tsha ting nge ba phul/ de nas ring bu bzhi sbyor
mngar song nge ba dbul rgyu byung/ da lta a ka ru dang du ru ka
la sogs pa bsung ching nge 'bul gsungs/ khong gis

res gcig la gser srang nyi shu rtsa gnyis kyis spos sbyor nas
phul ba red/ yang 'ga' zhig gis kho bo rtogs pa dang ldan pas
sgom don las/ phyi'i bya ba de lta bu la byang chub mi re zhes
smra ba ni chos rgyus shin tu chung ba ste/ sa thob pa'i

@76a @#/ /byang chub sems dpa' rnams kyis lus 'bum phrag du ma/
lag pa brgya stong la sogs pa sprul nas rgyal ba rnams la mchod
pa bskal par mdzad pa'i tshul la bsams nas rang lus gcig las med
pa 'dis

gang nus hur thag byed dgos/ mchod pa 'bul lugs ni/ yon chab lta
bur mtshon na ting rnams legs par phyis/ bar thag ring na bla ma
dang 'bral ba dang/ gcig gis gcig la thug na dbang po rtul ba
dang/ sgra 'byin na smyo ba sogs

'byung bas de ltar min cing yo kyog med par bsgrig dgos/ de yang
snod stong pa yun du bsgrigs na bsod nams nyams pas ting rnams
brtsegs pa'i steng mar chu cung zad blugs te 'bru gsum gyis byin
gyis brlab/ chu

de 'og ma 'og mar bgo bzhin du stong pa min par rim bzhin bkram/
de nas 'bul ba'i tshe lag pa ya gcig gis 'bul bar byed pa sogs ma
gus pa mi bya bar rgyal po chen po zhig la gsol ja zhu ba ltar
byed dgos/ de yang nas 'dra

ma zhes thog mtha' phra zhing dkyil sbom pa byas nas 'bul/ phyir
lud na tshul khrims 'chal zhing/ ma khengs na longs spyod nyams
pas nas 'bru re'i tshod tsam stong par 'jog /mar me ni snang gsal
yin pas shin tu gsal zhing/ tshe ring ba'i

rten 'brel du rgyun gang ring gnas pa zhig bya dgos gsungs/ me
tog sogs mchod pa gzhan yang 'bul lugs des rigs 'gre/ mchod pa
re rer phan yon bcu bcu yod pa mdo sde las gsungs/ sbyor ba'i
chos gsum pa stan bde ba la lus 'dug

@76b lugs brgyad dam spyod lam gang bder 'khod de dge sems khyad
par can gyi ngang nas skyabs 'gro sems bskyed rgyud dang 'dres
nges su bya ba la/ stan ni rgyab mtho zhing mdun dma' ba zhig
bya ste/ de la sngags kyi zab gnad khyad par can zhig yod cing

thun ring por bsdad kyang 'phongs min pa sogs kyi gnad kyang
yong/ stan gyi 'og sa dkar gyi g.yung drung chos skor du bris/
g.yung drung ni rdo rje rgya gram gyi dod yin pas ston pa rdo
rje'i gdan du mngon par sangs rgyas pa'i rnam thar rjes su dran
pa dang/ rang gi

sgrub pa brtan pa'i dgos pa yod/ rgya gram dngos ni lha'i mtshan
ma yin pas 'gom mi rung/ de nas rtswa dUr ba dang/ ku sha ma
'khrugs par rtse mo mdun du bstan nas bting /de yang ston pas
rtswa'i steng du mngon par sangs rgyas pa'i rnam thar dang/

dur bas tshe ni spel bar byed pa ste/ /zhes dur bstan du byas na
tshe 'phel ba dang/ ku sha 'di ni gtsang zhing dge /zhes grib
dang mi gtsang ba sel ba'i rdzas te/ rgya gar du A tsar+ya
rnams la grib byung na ku sha'i tshal du zhag re nyal du 'gro ba
ltar

grib dang mi gtsang ba sel ba'i ched du 'ding/ lus 'dug lugs
brgyad dam zhes pa'i 'dug lugs brgyad ni/ rnam snang chos bdun
gyi steng du dbugs bgrang ba bsnan pas brgyad yin/ de ni rgyal
ba dben sa pas/ rkang pa lag pa rked pa

gsum/ /so mchu lce rnams bsdoms pas bzhi/ /mgo mig phrag pa
dbugs dang bzhi/ /rnam par snang mdzad chos brgyad yin/ /zhes
gsungs pa ltar rkang pa gnyis rdo rje'i skyil krung/ 'di la
sngags kyi rdzogs rim bsgom pa'i skabs lta bu ma gtogs

@77a @#/ /sems skyil dang/ phyed skyil lta bus chog /lag pa gnyis
mnyam gzhag gi phyag rgya g.yas pa steng dang g.yon pa 'og tu
byas/ mthe bong gnyis rtse sbyar nas lte ba'i thad du bcar/ sked
pa drang por bsrang ba sgal

tshig rnams dong tse brtsegs pa ltar thad kar 'ong ba bya/ lus
drang na rtsa 'drong zhing/ de la rgyu ba'i rlung 'drong /des
sems las su rung bar gsungs/ so mchu ched du btsum pa dang
gdangs pa min par rang babs su bzhag /lce rtse ya rkan la sbyar

na kha mi skom pa dang/ mnyam gzhag 'thug po'i skabs kha chu mi
'dzag pa sogs kyi gnad yod/ mgo bo mgrin pa'i ol mdud non tsam
cung zad dgug /mig sna rtse la phab ces pa sna gshog phan tshun
mthong tsam gyi tshod du bya dgos/ de la

bying rgod gcod sla ba'i gnad yod/ 'ga' zhig gis dmigs pa nam
byas la mig btsum nas sdod pa de ltar mi rung zhing/ grub mtha'
gzhan la dbang po rab chos sku'i lta stangs mig nam mkha' la
blta ba sogs gsungs pa yod

kyang rang lugs la de ltar mi bya/ phrag pa gnyis mtho dma' med
par thad kar 'jog pa ste rnam snang gi chos bdun yin/ 'di dag la
rdzogs rim gyi zab gnad shin tu che ba yod kyang 'dir bshad du
mi rung/ lus gnad 'di

shin tu gal che ba ni/ lho brag mar pas/ bod kyi sgom thams cad
bsdoms kyang nga mar pa lo tsA'i 'dug lugs gcig pu la mi do
zhes gsungs pa ltar red/ rnam snang zhes gsungs pa ni sangs
rgyas rnam par snang mdzad de gzugs

@77b phung rnam par dag pa'i dag cha lhar shar ba yin pas de'i
cha nas gsungs pa yin/ chos brgyad pa dbugs bgrang ba ni/ gtso
sems mi dge ba dang mtshungs ldan du song 'dug na dge sems khyad
par can gsal thebs dka' ba dper na/ khong khro drag po langs

bzhin pa'i skabs ma sems can thams cad ces sems bskyed gsal
'debs khul byas kyang phyogs tsam yang gsal 'debs mi nus pa ltar
red/ des na sems mi dge ba dang mtshungs ldan du song 'dug na re
zhig dge sems gsal 'debs

mi bya bar lung ma bstan gyi sems su 'gyur bar byas te/ de nas
dge sems su bsgyur bde ba dper na snam bu dkar po yin kyang dri
mas nag por byas pa la tshos len dka' zhing/ de chu la legs par
bkrus pas snam bu dkar po dri ma med pa tshos

dmar ser sogs gang bsgyur kyang sla ba ltar yin/ de yang sems
lung ma bstan zhes pa dge ba dang mi dge ba gang du yang ma song
ba snam bu dkar po dri ma med pa lta bu la zer ba yin/ des na
dbugs bgrangs nas sems lung ma bstan du bsgyur

lugs ji ltar yin snyam na/ blo kha nang du phyogs nas kun slong
la brtags pas 'dod chags dang/ zhe sdang sogs kyi dbang du song
'dug na/ dbugs sna bug nas sgra can dang/ shugs can dang/ rgod
bag can sogs ma yin par dal bus phyir

gtong zhing phar song ngo snyam pa byed/ de bzhin du nang du
rngubs shing tshur 'ongs so snyam pa byed/ des lan gcig song
snyam pa byed/ de bzhin du gnyis nas bdun/ dgu/ bcu gcig /bco
lnga/ nyer gcig sogs bgrang phreng la mi bgrang bar

@78a @#/ /'gro 'ong sogs sems ma yengs par bgrangs pas/ so skye'i
blo gcig gis 'dzin stangs gnyis la 'jug mi nus pas chags sogs
zhi nas sems lung ma bstan du 'gyur 'ong/ dbugs gtong ba'i tshe
rang

rgyud kyi nyon mongs rnams 'od nag po'i rnam pa dang/ rngubs
pa'i tshe rgyal ba sras bcas kyi byin rlabs 'od dkar po'i rnam
par nang du zhugs pa'i mos pa bya bar gsungs pa ni bogs 'don
tsam las nges par dgos pa min/ de ltar lung ma bstan du

gyur nas dge sems gsal 'debs sla ba bdag gi bla ma rin po ches
dpe 'di ltar gsungs te/ dgun dus gnam grang sgang zhig la rang
gi gdan gcig las med pa'i steng du mi zhig bsdad 'dug na/ longs
zhes btsan thabs su ji tsam slong

yang mi lang na/ longs zhes mi brjod par phar tsam na ltad mo
chen po zhig 'dug ces brjod nas rang blta bar 'gro khul byas na
kho yang langs nas 'ong bas/ de ma thag stan gyi steng du rang
bsdad na sdod nus pa bzhin sems la chags

sogs mi dge ba dang bcas pa'i skabs u tshugs byas kyang 'gog
dka' zhing/ de bas dbugs 'gro 'ong la sems gtad na de la mgo
'khor nas nyon mongs kho zhi nas dge sems gsal 'debs bde ba yin
no/ /yang sems mi dge ba dang

mtshungs ldan du ma song bar dge sems gsal 'debs sla na dbugs
bgrangs pa nges par mi dgos pas chos bdun nam brgyad ces gsungs
pa'i gnad kyang de yin/ de nas dbugs bgrang dgos min ji ltar
yang thun gyi 'gor dge sems khyad

@78b par can gsal 'debs dgos pa yin pas/ de yang dge sbyor ji
'dra zhig byed kyang thog mar kun slong 'chos pa gal che ste/
rje btsun tsong kha pa chen pos bod kyi sgom chen rnams la sgom
gyi gnad las brtsams pa'i dri ba lhag bsam rab dkar du/

sgom gyi 'go rgya gar gyi skad dang 'dra ba de gang yin zhes dri
ba mdzad par/ rje btsun blo bzang chos rgyan gyis dris lan blo
bzang bzhad pa'i sgra dbyangs las/ sgom rnams kun gyi dang po'i
'go /rgya gar skad mtshungs rang rgyud la/ /legs par brtag pa

yin no zhes/ /zla med bla ma mchog khyed bzhed/ /ces gsungs pa
ltar sgom thams cad kyi thog mar kun slong bcos pa 'di shin tu
gal che ste/ mdo las/ chos rnams thams cad rkyen yin te/ /'dun
pa'i rtsa la rab tu gnas/ /zhes

dang/ slob dpon klu sgrub kyis kyang/ 'dod chags zhe sdang gti
mug gsum/ /des bskyed las ni mi dge ba/ /ma chags mi sdang gti
mug med/ /des bskyed las ni dge ba'o/ /zhes dang/ jo bo chen
pos/ rtsa ba dug yin na yal ga dang lo ma'ang

dug; rtsa ba sman yin na yal ga dang lo ma'ang sman du yong ba
bzhin du/ rtsa ba 'dod chags zhe sdang gti mug la ci byas mi dge
ba yin/ zhes gsungs pa ltar kun slong nyon mongs sogs kyis kun
nas bslang ste thos bsam sgom gsum byas

kyang 'bras bu rnam smin yid du mi 'ong ba chen po 'byin cing/
dge sems bzang pos kun nas bslang na srog gcod sogs mi dge ba
byas kyang tshogs rlabs po che rdzogs pa yod de/ sngon ston pas
slob pa lam gyi gnas skabs su ded dpon snying stobs

@79a @#/ /chen por skye ba bzhes pa'i tshe tshong pa lnga brgya
dang mnyam du rgya mtshor zhugs pa rin po che lon nas tshur phebs
pa'i tshe mi nag mdung thung can zhes pa'i g.yon can zhig gis
tshong pa lnga brgya gsod par brtsam pa na/

ded dpon gyis gnas skabs tshong pa lnga brgya'i srog bskyab pa
dang/ phug mi nag mdung thung can ngan song las skyob pa'i phyir
snying rje chen pos bsgral bar mdzad pas bskal chen bzhi khri'i
tshogs 'dum par gsungs/ de yang srog gcod kyi las

kho rang gi 'bras bur tshogs rdzogs pa mi srid kyang/ kun slong
snying rje stobs chen de'i 'bras bus tshogs rlabs chen rdzogs pa
red/ dge mi dge dang rnam smin yid du 'ong mi 'ong stobs che
chung sogs tshang ma kun slong gis byed de/ sngon rgya

gar du sprang po rgyal rigs dang/ bram ze'i khye'u gnyis yod
pas/ bram ze'i khye'u dus ma shes par phyin pas dge 'dun rnams
kyis zhal zas ma gsol gong phud mi sbyin pas ci yang ma byin/
rgyal rigs kyis dus la mkhas pas zhal zas gsol zin nas

lhag ma 'pho ran pa'i dus su slong bas shin tu mang po thob pa
dang/ des bram ze'i khye'u la/ khyod kyis cung zad rnyed dam
byas pas/ de khros nas kho bo la dbang yod na shAkya'i dge
sbyong thams cad kyi mgo drung nas bcad de sa la 'dor

ba zhig 'dod zer/ rgyal rigs des lhag ma mang du rnyed pas dad
pa thob pa des smras pa/ kho bo la 'byor pa yod na nyin re bzhin
sangs rgyas dge 'dun dang bcas pa la zhal zas ro brgya dang ldan
pa bstab pa zhig 'dod

@79b zer; de gnyis gcig la gcig smra zhing mnyan yod nas byung
ste shing drung zhig tu nyal ba dang/ shing rta 'khyams pa zhig
gi 'khor los bram ze'i khye'u de'i mgo bcad do/ /de'i tshe mnyan
yod na tshong dpon zhig bu med

par shi ba dang/ khyim pa thams cad 'dus nas su bsod nams che ba
de dpon du bzhag go zhes de rnams kyis brtag par brtsams pa las
rgyal rigs kyi khye'u de shing gi grib ma la nyal ba na shing
gzhan rnams kyi grib ma yol kyang shing de'i grib ma

ma yol bar mthong nas de tshong dpon gyi rgyal por dbang bskur/
des kho rang gis smras pa ltar sangs rgyas dge 'dun dang bcas
par bsnyen bkur/ chos nyan pas bden pa mthong ste/ de'i tshul mdo
las kyang/ chos rnams sngon

du yid 'gro ste/ /yid mgyogs yid ni gtso bo yin/ /ji ltar yid
rab gdug pa yis/ /smras sam yang na byas kyang rung/ /de yis de
ni sdug bsngal thob/ /'khor los mgo bo bcad pa bzhin/ /ji ltar
yid rab dang ba yis/ /

smras sam yang na byas kyang rung/ /de yis de ni bde ba thob/
/grib ma rjes su 'brang ba bzhin/ /zhes gsungs pa ltar kun slong
bzang ngan gyi 'bras bu mthong chos su de 'dra byung ba red/ des
na dge sbyor gyi 'go'i kun slong tsam min par dus rgyun

du'ang kun slong bzang po byed pa gal che/ deng dus rang re'i
lus bde'am zhes khams 'dri byed pa'i tshod du jo bo chen pos/
sems bzang po byung ngam zhes gsungs kyin yod pa red/ rje btsun
tsong kha pa chen pos kyang/ dkar nag las

@80a @#/ /rnams bsam pa bzang ngan lags/ /bsam pa bzang na sa
dang lam yang bzang/ /bsam pa dman na sa dang lam yang dman/
/thams cad bsam pa dag la rag las pas/ /zhes gsungs/ des na kun
slong

gi khyad par gyis dge 'bras thob tshul stobs che chung gi khyad
par shin tu che ste/ dper na mi bzhis sgrol ma tshar gcig mnyam
du bton na/ gcig gis kun slong byang chub kyi sems dang/ gcig
gis nges 'byung dang/ gcig gis

'jig rten phyi ma don gnyer tsam dang/ gcig gis tshe 'dir tshe
ring ba dang nad med pa sogs kyi don du smon cing bton na tshig
'don pa mang nyung 'dra yang/ 'bras bu thob tshul shin tu mi 'dra
ste/ dang po de sems bskyed kyis

zin pas rdzogs byang gi rgyu dang/ rgyal sras kyi spyod par
'gyur zhing theg pa chen po'i chos su song/ gzhan gsum de ltar
mi 'gyur/ 'on kyang gnyis pa de nges 'byung gis zin pas thar
pa'i rgyu dang 'khor ba'i gnyen po skyes bu

'bring gi chos su song/ gzhan gnyis po de thar pa'i rgyu tsam du
yang ma song zhing kun 'byung rang ga bar song/ gsum pa de thar
pa dang thams cad mkhyen pa'i rgyur ma song yang ngan 'gro las
ldog pa'i thabs dang skyes bu chung ngu'i chos su song/

bzhi pa de ni tshe 'di pa tsam du song bas chos su yang ma song/
'bras bu yang tshe 'dir re ba de tsam las 'byung dka' ste/ de
yang jo bo la/ tshe 'di'i bde skyid dang rnyed bkur 'dod nas las
byas pa rnams la 'bras bu ci

@80b mchis zhus pas/ 'bras bu de kho na nyid mchi gsungs/ tshe
phyi ma la ci mchis zhus pas/ dmyal ba mchi/ yi dwags mchi/ dud
'gro mchi gsungs pa ltar red/ des na rang re grwa sa ba tshos
kyang tshogs dang chos

ra 'grims pa'i tshe kun slong byang chub kyi sems kyis zin na gom
pa gang 'dor ba tshun chad kyang gser srang 'bum gyis mi do ba'i
rgyal sras kyi spyod par 'gro/ 'gyed dang ja thug sogs dang/ las
sne'i ngo srung tsam la bsams nas phyin na gong du jo bos

gsungs pa ltar du 'gro/ sgom mkhan gyi sgom gnad du 'gro mi 'gro
yang 'di la rag las te/ jo bo'i zhal nas kyang/ kho bo'i sgom pa
rin chen bla ma bsgom skad/ bsgom tsa na bsgoms pas dar yug dang
ja sig sogs mang po yong

sems na ji tsam bsgoms pa sdig pa yin/ bsgom tsa na skye ba'i
rgya mtsho mthar dbyung/ byang chub mchog gi sa bon gdab sems na
sems pa tsam zhig byas pa'i bsod nams kyang nam mkhar mi shong
gsungs/ des na thos

bsam bsgom bsgrub bsnyen bkur mchod sbyin sogs dge ba che chung
gang la yang kun slong ma bcos na 'dis thams cad med par byed pa
yin/ 'dir yang thog mar kun slong nan tan du bcos dgos shing/ de
yang theg pa chen po'i chos yin

pas dge sems tsam gyis mi chog par dge sems khyad par can byang
chub sems kyis zin dgos/ byang chub kyi sems bcos min rang shugs
kyis yod na 'di ltar mi dgos kyang/ bcos ma gsal 'debs bya dgos
tshe/ ma sems can thams cad kyi

@81a @#/ /don du zhes lam seng brjod kyang yid 'gyur mi then pas/
ga re bdag gis dal 'byor nas ma sems can thams cad kyi don du
rdzogs pa'i sangs rgyas kyi go 'phang thob par bya/ de'i phyir
du byang chub lam gyi rim pa'i

khrid bsgom par bya'o/ /zhes sogs khar seng zhus pa ltar dal
'byor don che rnyed dka' nas sems bskyed kyi bar rim bzhin gsal
'debs byas na yid 'gyur thon pa yong/ sngon gyi dam pa rnams
kyis kun slong bcos tshul rgyas bsdus sna tshogs

gsungs pa 'ga' zhig gis blo la bzung nas yid 'gyur ci yang ma
thon par 'don pa kho nas chog par byed kyang kun slong sems la
'chos dgos kyi kha la 'chos pa min pas/ ngag nas brjod pa ltar
gyi sems dang 'dres pa'i yid 'gyur gang thon byed dgos/

de ltar kun slong dge sems khyad par can gyi ngang nas skyabs
'gro sems bskyed bya ba ste/ da lan lam rim gsum sbrags pa yin
pas sbyor chos la yang/ skyabs yul tshogs zhing sogs mi 'dra bar
so sor yod pas ma 'khrugs pa bya dgos/ da lta

tshogs su phyag len ltar lho brgyud kyi sbyor chos 'jug pa bde
phyir 'don pa yin kyang rgyun gyi zhal 'don myur lam gyi sbyor
chos steng nas mdzad dgos/ skyabs 'gro bya ba la thog mar skyabs
yul gsal 'debs dgos pas myur lam lugs

kyi skyabs yul ni/ mdun gyi nam mkhar ha cang mtho na rgod pa
dang/ ha cang dma' na bying ba skye bas/ ran pa'i mtshams smin
mtshams kyi thad du seng ge chen po brgyad kyis bteg pa'i rin po
che'i khri shin tu che ba zhig gsal gdab/ de'i steng du dbus
dang

@81b phyogs bzhir khri chung lnga yod pa'i dbus ma cung zad mtho
ba'i khar ngo bo rang la chos 'di ston pa'i drin can rtsa ba'i
bla ma yin pa la rnam pa ston pa thub pa'i dbang po 'don cha
ltar bskyed/ de yang lam 'bras kyi rtogs pa thams cad bla ma la
brten nas skye dgos

pas ngo bo bla mar bya dgos/ rnam pa thub dbang du byed pa ni
bstan pa'i bdag po yin pas chos kyi khungs ston pa'i ched du
yin/ phyag g.yas sa gnon gyis lha'i bu'i bdud bcom pa dang/
lhung bzed nang gi bdud rtsi de yang na ba med pa sman gyi

bdud rtsis phung po'i bdud/ 'chi ba med pa tshe'i bdud rtsis 'chi
bdag gi bdud dang/ zag pa med pa ye shes kyi bdud rtsis nyon
mongs pa'i bdud 'joms pa mtshon/ de yang ston pa rang gi ngos
skal gyi bdud bzhi bcom zin pa dang/ rang cag gi bdud

bzhi myur du 'joms par 'gyur ba'i don du bsam dgos/ ston pa'i
thugs kar ye shes sems dpa' rdo rje 'chang dang/ de'i thugs kar
ting nge 'dzin sems dpa' hu'M yig sngon po ste 'dir sngags dang
'brel ba yin pas sems dpa' sum brtsegs gsal

gdab dgos/ 'o na lam rim ston pa'i bla ma mang po yod na gang
gsal 'debs snyam na rang rgyud la phan che ba'i bla ma de gtso
bor byed dgos/ g.yas kyi khri la rje btsun byams pa/ khri chung
gi mtha' skor du rgya chen spyod brgyud kyi bla ma rnams kyis
bskor ba/

g.yon gyi khri chung la rje btsun 'jam dpal dbyangs dang/ gong
bzhin zab mo lta brgyud kyi bla ma rnams kyis bskor ba/ rgyab
kyi khri chung la rgyal ba rdo rje 'chang la/ gong bzhin nyams
len byin rlabs brgyud kyi bla mas bskor ba/ mdun gyi khri chung
la rang gi rtsa ba'i

@82a @#/ /bla ma de nyid zhal mjal dus kyi rnam pa can la/ spyan
zhar ba lta bu'i skyon yod na skyon de gsal mi gdab/ phyag
g.yas chos 'chad dang/ g.yon mnyam gzhag gi steng du 'chi med
bdud rtsis gang ba'i tshe yi bum pa bsnams

pa; de gnyis ni zab mo stong nyid la mnyam par bzhag bzhin du
chos ston pa ste sangs rgyas nyid yin pa'i brda dang/ yang chos
'chad kyis gdul bya thos pa la bskul ba dang/ mnyam gzhag gis
thos don sgrub pa la bskul bar mdzad pa dang/ yang rje

btsun tsong kha pa chen pos/ skal ldan thar lam sgrub la gtso
bo'i gegs/ /sems 'joms rmongs pa lus 'joms gshin rje yin/ / zhes
gsungs pa ltar chos sgrub pa'i bar chad kyi gtso bo sems 'joms
par byed pa'i rmongs pa dang/ lus

'joms par byed pa 'chi bdag yin pas de gnyis kyi gnyen por chos
'chad kyis chos ston pas rmongs pa 'joms pa dang/ tshe bum gyi
'chi med bdud rtsis 'chi bdag 'joms par mtshon/ 'di la brten nas
zhi rgyas dbang drag gi las tshogs sgrub pa'i

dmigs pa'i zab gnad kyang mang du yod/ de'i mthar klog slob pa'i
dge rgan nas brtsams te chos 'brel dngos thob kyi bla ma rnams
kyis bskor ba/ rang re khyod la bla ma du yod dris na phreng ba
bzung nas gzhi nas grangs bgrang dgos

pa yod/ dngul khug nang du dngul ji 'dra yod byas na blo thog
nas bshad chog chog yod pa de ni lam gyi rtsa ba la don na mi
byed pa'i rtags yin/ bzhugs gdan bla ma zhal bzhugs pa rnams la
'bol gdan dang/ ma bzhugs pa rnams

@82b la pad zla bya dgos/ de ltar bla ma khag lnga po de la bla
ma sde lnga zer/ de'i mthar sngar gyi khri chen po de'i steng yi
dam nas srung ma'i bar gyi tshogs zhing rnams kyis bskor ba ste/
de yang bla ma sde lnga'i mthar yid ma 'god lugs bdag gi bla ma
rin po che'i

gsung rgyun tshe gling yongs 'dzin gyi phyag bzhes nang skor du
bla med/ de'i phyir rnal 'byor rgyud/ de'i phyir spyod rgyud/
de'i phyir bya rgyud bcas phreng bzhi mdzad/ chu bzang rje ye
shes rgya mtsho'i phyag bzhes rgyud sde bzhi phyogs bzhir bgos
nas mdun du bla med/

g.yas su rnal 'byor rgyud sogs skor gcig mdzad/ chu bzang par
ma'i tshogs zhing du bla med las mi gsal ba yang de'i gnad kyis
yin/ gang ltar yi dam gyi mthar sangs rgyas mchog gi sprul sku'i
rnam pa can/ de yang bskal bzang gi sangs rgyas stong

dang; bde gshegs brgyad/ ltung bshags kyi sangs rgyas so lnga
sogs gtso bor byed dgos/ de ni spyir sangs rgyas la mtha' yas
kyang bskal bzang 'di'i sangs rgyas rnams rang la 'brel che ba
dang/ bde gshegs bdun gyi smon lam shA kya'i

bstan pa'i mtha' 'dir 'grub par gsungs pa dang/ ltung bshags kyi
sangs rgyas so lnga sdig ltung sbyong ba la stobs che ba'i gnad
kyis yin/ de'i mthar nye sras brgyad sogs byang sems rnams lha'i
bu'i rnam pa/ de'i mthar rang rgyal bcu gnyis sogs rang rgyal/

de'i mthar 'phags pa'i gnas brtan bcu drug sogs nyan thos rnams
dge slong gi rnam pa can sbyangs pa'i yon tan la gnas pa/ phyag
na lhung bzed/ 'khar gsil/ pu ti sogs bsnams pa/ mi 'dra ba'i
khyad par rang rgyal rnams dbu la gtsug

@83a @#/ /tor cung zad yod pa sogs mtshan dpe rjes mthun pa dang
ldan pa/ nyan thos kyi mthar khaND ka pA la dang/ rab gtum ma
sogs dpa' bo dang dpa' mo rnams bde mchog las gsungs pa ltar
gyis bskor ba/

de'i mthar skyes bu gsum gyi chos bdag gis gtsor byas pa'i 'jig
rten las 'das pa'i chos skyong rnams kyis bskor ba/ de'i phyogs
bzhir rgyal chen bzhi ste/ de yang khri steng du 'god pa dang/
khri steng du mi 'god par 'og tu sprin 'bur po

re'i steng du 'god pa gsung rgyun gnyis yod pa snga ma ni 'jig
rten las 'das pa dang/ phyi ma ni 'jig rten pa'i dbang du byas
pa yin/ rgyal btsan sogs 'jig rten dregs pa'i tshul bzung ba
rnams 'god du mi rung/ sngar tshe chog gling bla ma

yongs 'dzin rin po cher tshogs zhing zhig gzigs su phul bar/
srung ma'i nang btsan zhig bris yod pa la phyag mdzub gtad nas
'di'i tshab nor bu zhig bris na ang/ zhes gsungs pa red/ skyabs
yul rnams rang rang gi mdun na ngo bo rtogs

pa'i chos dkon mchog yin pa la rnam pa lung gi chos pu ti'i rnam
par shar ba gdong dar khra che ma me mdun rang la bstan pa gsal
'debs/ skyabs yul la kun 'dus nor bu'i lugs dang mtho brtsegs
sogs mang du gsungs kyang rang lugs

'di ltar mdzad pa skyabs yul dkon mchog gsum ga tshang ba'i don
du yin/ de dag kyang sku thang ltar leb bcar ma yin pa/ lder sku
ltar gdos bcas ma yin pa dwangs gsal 'od kyi rang bzhin can gyi
'ja' lus/ sku mngon sum

@83b pa shin tu 'od 'bar ba/ 'dul ba lung las/ me lus kyi dbyibs
su 'dug pa lta bu/ me lce mar gyis gtams pa lta bu/ mar me gser
gyi snod du bzhag pa lta bu zhes dpe gsum gyis bsngags pa'i sku/
phan tshun chos kyi dri ba dris lan mdzad

bzhin pa/ rgyal po'i pho brang gi sgo rtsar rgyal srid kyi bya
ba bsgrubs zin nas tshur 'ongs pa dang/ sgrub dgos phar 'gro ba
mang po ru 'dzings yod pa ltar/ 'dir yang sems can gyi don du
thub dbang nas rgyal chen bzhi'i bar sprul pa'i

rol gar sna tshogs phar spro ba dang/ tshur bsdu ba sogs mdzad
bzhin pa/ sku'i ba spu'i khung bur yang sangs rgyas kyi zhing
gis gtams pa sogs rang gi blos gang lcogs bsam dgos/ de ltar
tshogs zhing rnams kyang rang la thugs shin tu

dgyes bzhin bzhugs par bsam/ 'di la rje sgrub pa khang pa dge
legs rgya mtshos 'di ltar gsungs te/ spyir rgyal ba sras bcas
kyis bya dgos gsungs pa rang gis mi byed/ mi bya gsungs pa thams
cad byas pas rang la dgyes pa'i skabs med kyang/ da lam

dgyes rgyu cung zad yod de/ dper na ma zhig la bu gshis ngan bya
ba ma yin pa sha stag byed mkhan zhig yod na/ des skabs shig bya
ba legs pa lan gcig byas na ma de gzhan las dga' ba ltar/ rang
res kyang rgyun du bya ba ma rungs pa sha stag byed pa la da

lan lam rim sgom khul lan gcig byed pa 'di la rgyal pa sras bcas
gzhan las thugs dgyes par 'gyur gsungs/ 'don char/ des na bdag
dang ma sems can thams cad thog ma med pa nas da lta'i bar du
spyir 'khor ba dang/ zhes

@84a @#/ /pa nas skyabs 'gro'i rgyu gsal gdab pa ste/ skyabs 'gro
rnam par dag mi dag 'di la rag las/ de 'dra'i rgyu ni 'jigs pa
dang dad pa gnyis te/ snga ma ni 'khor ba spyi dang bye brag gi
sdug bsngal dran nas 'jigs pa dang/ phyi ma

ni de las skyob pa'i nus pa dkon mchog la yod par yid ches pa
gnyis yin/ theg chen thun mong ma yin pa'i skyabs 'gro la/ de'i
steng gzhan sdug bsngal gyis mnar ba la snying brtse ba ste rgyu
gsum yin/ 'on kyang de dag rgyas par 'og gi skyabs

'gro dngos gzhi'i skabs su ston par byed do/ /rang gi mtha' skor
du pha mas mtshon sems can thams cad ngo bo 'gro ba rang rang gi
sdug bsngal myong bzhin pa la rnam pa smra shes don go mi'i rnam
pa can du smug shig ge 'khod pa gsal gdab/ skyabs

'gro 'don pa'i tshe rang gis byang 'dren byas nas sems can thams
cad kyis kyang skyabs 'gro byed par bsam dgos/ de'ang tshogs 'don
lta bur skyabs 'gro bzhi skor sprel nas gsungs kyang/ lam rim
khrid dmigs skyong skabs dmigs

pa 'char bde khyad re re nas grangs gsog  de yang/ bla ma la
skyabs su mchi'o/ /zhes pa'i tshe bla ma sde lnga la dmigs nas
skyabs su 'gro zhing bdud rtsi 'bebs sbyang byed/ de yang phreng
skor gcig lta bu 'don na lnga bcu tsam la

mi mthun phyogs sbyong ba'i dmigs pa dang/ lnga bcu tsam la
mthun phyogs yon tan rgyas pa'i dmigs pa byed dgos/ de'i dang po
ni bdud rtsi dkar po shas che ba'i sna lnga 'od zer dang bcas pa
babs nas rang gzhan thams cad kyi lus

@84b sems la zhugs pas thog med nas bsags pa'i sdig sgrib spyi
dang/ khyad par du bla ma'i sku la bsdos pa/ gsung bcag pa/
thugs dkrugs pa/ ma dad brnyas smod bgyis pa la sogs pa mdor na
bla ma la brten pa'i sdig sgrib thams cad dud khu

dang sol khu'i rnam par phyir thon pas sangs te dag pa'i mos pa
byed/ de nas gnyis pa mthun phyogs rgyas pa ni ngo bo bla ma'i
sku gsung thugs kyi yon tan rnams rnam pa bdud rtsi ser po shas
che ba'i sna lnga 'od zer dang bcas pa babs nas rang

gzhan sems can thams cad kyi tshe dang bsod nams lung rtogs kyi
yon tan spyi dang khyad par bla ma'i sku gsung thugs kyi byin
rlabs thob par bsam/ de bzhin du sangs rgyas la skyabs su
mchi'o/ /zhes pa'i skabs sngags lugs kyi rgyud sde bzhi'i

yid ma dang/ mdo lugs kyi mchog gi sprul sku'i rnam pa can rnams
las bdud rtsi 'bebs sbyang byed/ sangs rgyas la brten pa'i sdig
pa ni/ de bzhin gshegs pa'i sku la ngan sems kyis khrag 'byin
pa/ sku la legs nyes kyi

dpyas gdags pa/ gta' mar 'jog pa/ zong gi 'du shes kyis nyo
tshong byas pa/ thugs rten ngan sems kyis bshigs pa sogs yin/
de'i dang po ni lhas byin gyis rdo sgyogs 'phangs te sku las
khrag phyung ba lta bu yin

pas rang rer mi 'byung yang gzhan rnams 'byung ste/ legs nyes
kyi dpyas btags pa ni sku 'dra'i bzo dbyibs la skyon btags pa
ste/ sngar rnal 'byor pa chen pos jo bo la 'jam dbyangs kyi sku
zhig gzigs su phul nas

@85a @#/ /'di legs nyes ji 'dra legs na rong pa mgar dge bas byin
pa'i gser zho bzhi sbyin nas len pa lags zhus pas/ jo bo'i zhal
nas rje btsun 'jam pa'i dbyangs kyi sku la mi legs pa med/ lha
bzo

ni 'bring gsungs pa ltar lha bzo legs nyes brjod pa las sku la
skyon 'dogs mi rung/ gta' mar 'jog pa dang/ nyo tshong byed pa
shin tu mang ba mthong chos ltar red/ de 'drar shin tu 'dzem
dgos/ rgyas pa'i skabs stobs bcu/ mi

'jigs pa bzhi/ ma 'dres pa bco brgyad sogs bdud rtsi'i rnam par
babs pa'i mos pa byed pa las gzhan rnams sngar dang 'dra/ chos
la skyabs su mchi'o/ /zhes pa'i skyabs su mchi'o/ /zhes pa'i
skabs ngo bo rtogs pa'i chos la rnam pa pu ti rnams las bdud

rtsi 'bebs sbyang byed cing/ chos la brten pa'i sdig pa ni/ dam
pa'i chos spangs pa/ gsung rab zong du byas pa/ gsung rab la ma
gus pa/ gsung rab kyi blus zos pa sogs yin/ 'di dag ni rang re
la shin tu 'byung nye zhing nyes

pa'ang shin tu lci/ dang po chos spong ba ni/ theg chen rgyu
mtshan du byas nas theg dman la smod pa dang/ theg dman rgyu
mtshan tu byas nas theg chen la smod pa/ de bzhin du mdo dang
sngags/ rgyud sde bzhi/ sa dge/ kar rnying sogs rang rang

gi grub mtha' rgyu mtshan du byas nas gzhan la smod pa mtha' dag
yin/ de bzhin du dpe cha dang yi ge la 'gom yug sogs gang byung
byed pa mtha' dag chos spong gi las yin/ 'ga' zhig gis yi ge
gdan 'og tu 'jug pa sogs las ngan

@85b ched du gsog pa yod/ chos spong gi las ni nyes pa shin tu
lci ba ting nge 'dzin gyi rgyal po sogs su gsungs pa sngon du
rgyas par zhus pa ltar yin/ gsung rab zod du byas pa ni nor gyi
'du shes bzhag nas nyo tshod byed pa dang/ ma gus pa ni sa sgre
bor

bzhag pa ste sa rjen la bzhag pa/ so dreg byugs pa/ mchil ma
bskus te ldeb bsgyur byed pa/ chos kyi gseb dang pu ti'i steng
du dngos po 'jig pa sogs kyang nyes pa shin tu lci/ jo bo mnga'
ris su byon pa na sngags pa zhig khong la chos mi

nyan pa la yig mkhan zhig so dreg gis chos la bskus pa gzigs pas
jo bos ma bzod nas a tsa ma mi rung mi rung gsungs pas sngags
pa de dad nas chos tan par gsungs/ rang re rgyun par dpe cha
dang mnyam 'grogs byed pa rnams nyes pa

'di dag gis thum nas yod nyen che bas gzab dgos/ blus zos pa ni
gsungs rab tshong ba'i rin longs spyad pa ste/ 'di yang shin tu
lci ba ni/ sngar dbon ston skyer sgang pa zhes pa shangs pa rin
chen rnam bdun gyi lnga pa span ras

gzigs kyi grub thob chen po des sbyin bdag khyim pa zhig gud nas
'bum zhig yod pa btsongs/ de'i sdig bshags su skyer sgang pa
sogs bzhi grwa zhig gdan drangs/ de nyin khong rnams kyi gsol
chas 'bum gyi rin thog

nas phul bas/ de nub skyer sgang pa la snyun gzhi shin tu drag
po byung/ ting nge 'dzin gyi dad nas gzigs pas a dkar po zhig
sku lus kyi nang du phar thal tshur thal du rgyug pas gzer drag
po langs pa gzigs/ yi dam la gsol ba

@86a @#/ /btab pas spyan ras gzigs byon nas/ khyod rnams kyis
gsung rab kyi blus zos pa de shin tu nas ma legs/ khyod sdig
sgrib srab pas tshe 'di la smin pa yin/ khong gzhan rnams 'gro sa
dmyal ba min pa med/ da khyod kyis

sdig bshags su gser bris kyi 'bum zhig bzhengs/ brul gtor gsungs
nas 'di mang du gtong dgos gsungs/ skyer sgang pas de bzhin du
mdzad pas snyun las grol ba red/ rgyas pa'i dmigs pa'i skabs
chos 'gog lam la sogs pa bdud

rtsi'i rnam par babs pa'i mos pa byed dgos/ dge 'dun la skyabs
su mchi'o/ /zhes pa'i tshe mdo lugs kyi dge 'dun nyan rang byang
sems gsum dang/ sngags kyi dge 'dun mkha' 'gro chos skyong rnams
las bdud rtsi 'bebs sbyang byed/ dge

'dun la brten pa'i sdig sgrib ni/ dge 'dun gyi dbyen byed pa/
dkor 'phrog pa/ skur ba btab pa/ srung ma rnams kyi dus gtor
chag pa sogs yin/ dge 'dun la brten pa'i sdig sgrib 'di dag ni
stobs bzhis bshags kyang rnam smin cung zad

ma myong bar mi 'dag par chos smra ba me tog zla mdzes kyi lo
rgyus ltar yin pas/ chos dang sangs rgyas la brten pa'i sdig pa
las kyang thu tshabs che ba yod/ yul du dge 'dun mang zhing rang
re dge 'dun dang mnyam 'grogs byed dgos pas

'byung yang shin tu nye bas gzab dgos/ de yang dge 'dun 'khor
lo'i dbyen ni sangs rgyas zhal bzhugs dus las deng skabs mi
'byung yang/ de dang cha 'dra ba'i dge 'dun sde dkrugs byed pa
shin tu mang/ 'phags pa'i dge 'dun ni stong nyid mngon sum du

@86b rtogs pa'i gang zag yin pas ser skya gang rung re res chog
la/ so skye yin na dge 'dun rnam dag bzhi sde gcig la dge 'dun
du 'jog  /des na so skye yin kyang dge 'dun bzhi bzhir tshan pa
gnyis su bcad nas thugs mi mthun pa ste dbye ba'i phra ma byas
na sde

dkrugs su 'gyur/ sde dkrugs byas na rang nyid lta ci de'i phyogs
phan tshun du gtogs tshad ngan song du lag sbrel nas 'gro/ sngar
bka' gdams pa'i dge bshes gsal shes zer ba zhig sde 'khrugs byas
nas shi bas dge bshes ston pa'i zhal nas/ nga'i gsal

shes lo gsum gyi gong du shi na sde snod gsum pa zhig shi ba yin
pa la/ lo gsum gyis shi ba 'phyis gsungs/ kho'i rtod phur dgon
pa des byas zhes gsungs shing gsal shes da lta yang dmyal ba na
yod par lam rim 'chad pa'i bla ma rnams kyi gsung rgyun

rtsis sprod lta bu mdzad/ sa phyogs de yang sdig pa'i mes tshig
nas gzhan zhig der sgrub pa lo bcu gnyis byas kyang rtogs pa mi
skye bar gsungs/ rang cag gzhan dang lar rgya ang zhig yin zer
nas nga tsho dang khyod tsho zhes dge 'dun gyi sde ris su bcad nas

chags sdang byed pa 'di sde dkrugs kyi rtsa ba 'dzug pa yin nam
snyam/ dge 'dun thugs ma mthun na klog pa thos bsam dang/ spong
ba bsam gtan mi 'phel bas bstan pa nyams pa'i skyon che shos
yin/ des na mdo las/ dge 'dun mthun pa bde

ba ste/ /mthun pa rnams kyi dka' thub bde/ /zhes gsungs pa ltar
dge 'dun rnams thugs mthun pa gtso bor mdzad dgos gsungs/ dge
'dun gyi dkor 'phrog pa ni/ gtong sgo bcag pa dang/ dge 'dun la
'bab nges kyi khral mi 'bul ba dang/ spyi rdzas

@87a @#/ /dge 'dun gyis ma gnang bar longs spyad pa sogs yin/ 'di
dag spyi gnyer sogs la 'byung nye zhing/ sbyin bdag gi sne shan
grwa pa 'ga' zhig gis kyang sbyin bdag la sha tsha yin khul
gyis 'di tsam mi dgos zhes 'phri ba

yod de/ mar gri gzhogs gcig tsam 'phris kyang zhal du 'du ba'i
sgo 'phrog pa red/ zhal du 'du ba'i sgo 'phrog pa ni dmyal ba
mnar med kyi rgyu dang/ gzhan dag ni nyi tshe ba'i rgyur 'gyur/
de ni 'phags pa dge 'dun 'tsho'i gtam rgyud las 'byung ba lta bu
ste/

'phags pa dge 'dun 'tsho klu yul nas tshur phebs pas rgya mtsho'i
'gram na thag pa lta bu'i sems can dmyal ba dang/ phru ba lta
bu'i sems can dmyal ba dang/ de bzhin du/ phyags ma lta bu dang/
gtun lta bu dang/ ka ba lta bu dang/ rtsig pa lta bu dang/ chu
rgyus sbrel ba lta

bu'i sems can dmyal ba sogs dbyibs de dang de lta bu la nyam
thag pa'i smre sngags 'don pa'i nyi tshe ba'i dmyal ba dag gzigs
nas/ de dag las gang gi rnam smin yin zhes sangs rgyas la dri ba
zhus par/ thag pa dang/ phyags ma lta bu'i sems can

dmyal ba ni sngon sangs rgyas 'od srung gi bstan pa'i dus dge
'dun gyi spyi rdzas thag pa dang/ phyags ma gang zag gis ma
gnang bzhin du longs spyad pa'i rnam smin dang/ phru ba lta bu
ni/ 'bangs shig sman bskol ba na dge slong rnams kyis mi snyan
par smras

pas de khros nas phru ba bcag pa'i 'bras bu dang/ gtun lta bu
ni/ dge tshul dam bzhag par bskos pa la dge slong zhig gis 'bru
mar gyi tshig ma rdungs shig byas pa la/ de brel bas cung zad nas
'bul lo smras pas/ dge slong khros nas/ kho

@87b bos gtun la reg tu rung na khyod nyid gtun du bcug nas
brdung nus na 'bru mar gyi tshig ma lta ci zhes ngan smras kyi
'bras bu dang/ ka ba dang rtsig pa lta bu ni/ dge 'dun gyi gtsug
lag khang la mchil snabs kyis ma rungs par byas pa'i 'bras bu
dang/ chu

rgyus kyis sbrel ba lta bu ste sked pa shin tu phra ba ni/ zhal
ta ba zhig gis dge 'dun gyi gtong sgo dbyar dus kyi thog nas
ston dus kyi gtong sgor 'phri ba lta bu gtong sgo nyag phra bar
byas pa'i rnam smin du gsungs pa ltar/ des na dge 'dun gyi tshogs
shing lta

bu nas ma gnang bar yog shing tsam longs spyad kyang nyi tshe
ba'i dmyal bar nges par du skye/ dge 'dun la skur ba 'debs pa
ni/ dngos dang lkog ci rigs par ming ngan nas brjod pa sogs tshig
rtsub mos skur ba 'debs pa yin/ bram ze shed bu ser skya zhes
bya

bas sangs rgyas 'od srung gi dge 'dun rnams la tshig rtsub kyis
skur ba btabs pas/ chu srin nya'i rigs can du skyes pa'i lo
rgyus ltar red/ de mdor bsdus zhu na/ sngon 'phags yul gyi chu
klung yid 'ong ldan la nya pa lnga brgyas nya rgya bcug nas nya
dang rus

sbal sogs 'dzin par/ lan cig nya rgyar chu srin nya'i rigs bongs
? tshod chen po zhig chud de rgyun phyogs su song ba na nya pa
lnga brgyas bzung ma thub par phyugs rdzi dang/ rtswa shing
'thu ba dang/ lam du 'khod pa sogs mi brgya stong du ma rogs su
sbran nas 'then

te skam la phyung ba na/ de la mgo bco brgyad dang/ mig sum cu
rtsa drug yod pa mthong bas/ der srog chags brgya stong du ma
dang/ mu stegs ston pa drug sogs ltad mo la 'dus so/ /sangs
rgyas ni gzigs pa dus las mi yol bas las

@88a @#/ /kyi rgyu ba lung bstan phyir dge slong gi dge 'dun mang
pos bskor nas gshegs pa na/ ma dad pa dag ni/ dge sbyong go'u
tam ltad mo dang bral lo zhes zer na 'dir 'ongs so zer ro/ /dad
pa dag ni/ sangs rgyas ltad mo dang

bral yang 'di las brtsams te skye bo'i tshogs la ngo mtshar rmad
du byung ba'i chos ston par bzhed do/ /zhes zer/ de nas ston pa
'khor gyi dbus su gdan bshams pa la bzhugs nas/ chu srin nya'i
riD can gyis sngon gyi skye ba dran cing smra shes par byin
gyis

brlabs nas de la/ khyod shed bu ser skya yin nam gsungs pa/ des
bdag ser skya lags so/ /khyod lus ngag yid kyi nyes par spyad
pa'i rnam smin myong ngam/ myong ngo/ /khyod kyi mi dge ba'i
bshes gnyen su yin/ bdag gi ma lags so/ /de gar

skyes; dmyal bar skyes so/ /khyod gang du skyes/ dud 'gror skyes
so/ /'di nas shi nas gang du skye/ dmyal bar skye'o/ /zhes zer
nas ngus so/ /de nas 'khor de dag mchog tu ngo mtshar skyes nas
sngon gyi skye ba dran cing mi'i skad du smra ba 'di su

yin kun dga' bo bskul nas zhur bcug pas/ ston pas 'di ni sngon
sangs rgyas 'od srung gi dus/ rgyal po kr-i kris rgyal srid byed
pa na/ yul gzhan nas bram ze rgol ba dag byung ba na/ bram ze
ser skya zhi ba zhes bya bas gzhan gyi smra ba tshar

bcad pas/ rgyal pos ri brags shig de la rgol ba'i longs spyod du
byin no/ /de la bu ral pa ser skya yod pa zhig btsas pas ming
shed bu ser skya zhes btags so/ /des yi ge sogs la sbyangs pas
mkhas par gyur te gzhan gyi smra ba tshar gcod nus par

@88b gyur to/ /de'i pha shi bsams rgol ba'i longs spyod gzhan
gyis 'phrog tu dogs nas bu la smras pa/ khyod kyis smra ba thams
cad tshar gcod nus sam/ 'od srung gi dge sbyong rnams ma gtogs
nus so/ /de dag kyang tshar chod cig / de ma la gus pas song ba
dang/ dge

slong zhig dang phrad nas des tshigs bcad gcig gi don dris pa na/
lan gyi spobs pa dang bral nas dad de khyim du song ba dang/ mas
smras pa/ dge sbyong de rnams tshar bcad dam/ yum gzu bo yod na
bdag deng nyid du tshar bcad do/ /bu de lta na sangs

rgyas kyi bka' lhogs shig  /khyim pa la mi ston no/ /rab tu
byung la mkhas par gyur nas phyir bobs shig ces mas nan gyis
bskul bas de rab tu byung nas sde snod gsum la mkhas par gyur
to/ /yang mas dge sbyong dag tshar bcad dam/ yum bdag ni

lung tsam dang ldan la/ de dag ni lung dang rtogs pa ldan pas
tshar gcod mi nus so/ /bu khyod kyis chos ji tsam pa bstan nas
rgol ba na tshig gis mtshon thob cig  /de dag ni nyes pas 'jigs
nas cang mi smra bar 'dug pas skye bo rnams kyis tshar bcad do
snyam

du sems par 'gyur ro/ /zhes smras pas/ ser skyas de bzhin du
byas pas dge slong rnams kyis rgol ba na/ de mi bzod pa cher
skyes te glang po che'i mgo can khyod kyis chos sam chos ma yin
pa ci shes zhes dang/ de bzhin du rta'i mgo can dang/ rnga mo
dang/ bong bu

dang; ba lang/ spre'u dang/ seng ge dang/ stag gi mgo can sogs
bco brgyad smras pas de'i nyes pas 'dir chu srin nya'i rigs mgo
bco brgyad par skyes so/ /zhes lung bstan pa'i lo rgyus gsungs/
so skye'i dge 'dun la'ang brnyas pa mi rung ste dper na/ grwa
pa 'bar

@89a @#/ /gog 'di tshos zhes pa lta bu brjod na so skye dge 'dun
bzhi grwa 'phags pa'i dge 'dun dang khyad med pa gong du zhus
pa ltar yin na byams 'jam dbyangs la de ltar lab pa dang khyad
par ci yod/ da lta rang dang kha mnyam lag mnyam du yod pa'i dge

'dun 'di rnams la mnangs chung byas nas/ ngag nas dge 'dun la
skyabs su mchi'o/ /zhes brjod kyang rgyab 'gal du 'gyur/ bdag gi
bla ma rin po ches grwa pa rnams g.yas gral g.yon gral du
bzhugs pa'i tshe phan tshun gcig gis gcig la skyabs yul du 'dzin

dgos kyi/ de ltar min par yar bltas nas gral gyi dbu'i bla rgan
'di ni che ge mo zhes bya ba ser sna shin tu che ba zhig yod pa
de yin/ de'i 'og ma 'di de las kyang gdug pa khong khro shin tu
che ba che ge mo bya ba yin sogs dge 'dun tshang mar 'di de dang
de yin snyam du

rgyud tshod lon mdog byas nas 'di'i nang na a pho nga rang las
drag pa mi 'dug snyam pa byas na dge 'dun la skyabs su mchi'o
zhes pa phyogs bcu'i dge 'dun thams cad la yin gyi phyogs re ba
la min kyang/ 'di ltar na 'di dang 'di ma gtogs pa'i dge 'dun

zhes skyabs 'gro'i tshig gsar rtsom dgos par 'gyur ro/ /des na
rje dkon mchog yan lag gis/ grogs bzang 'phags pa'i dge 'dun
mthong ba'i tshe/ /lam grogs bzang po'i skyel ma dran pa byung/
/zhes gsungs pa ltar skye 'phags kyi dge 'dun gang

mjal yang 'jigs sar skyel ma 'phrad pa lta bu'i skyabs rnyed
pa'i 'du shes byed dgos gsungs/ mthun phyogs rgyas pa'i skabs/
byang sems rnams kyi byang chub kyi sems spyod pa phyin drug
dang bcas pa dang/ nyan rang gi sbyangs pa'i yon tan bcu gnyis/
lhag pa'i

@89b bslab pa gsum/ dpa' bo mkha' 'gro'i bde stong gi ye shes/
srung ma rnams kyi las bzhi'i 'phrin las sogs bdud rtsi'i rnam
par babs par mos/ skyabs 'gro grangs gsog rgyas par byed skabs
mdor bstan/ rgyas bshad/ don bsdu'i tshul du bdud rtsi 'bebs

sbyang byed pa ste/ de yang dang po bla ma sde lnga char las
mnyam du byed pa mdor bstan dang/ de nas sde lnga so sor dmigs
te bdud rtsi 'bebs sbyang so sor byed pa rgyas bshad dang/ yang
thun mong du byed pa don bsdu ste de re re la phreng skor re lta
bu byed na phreng skor bdun

du 'gyur/ 'og ma rnams la yang de'i rigs 'gre zhing sangs rgyas
la rgyud sde bzhi dang/ mdo lugs bcas lnga/ chos la nyan thos/
rang rgyal/ theg chen thun mong ba/ rgyud sde 'og ma bya spyod
rnal 'byor/ gong ma bla med bcas lnga/ dge 'dun la byang sems/
nyan

rang; dpa' bo mkha' 'gro/ chos srung bcas lnga la gong bzhin
sbyor/ dper mi gsal yang mtshams 'dir/ bla ma yi dam dkon mchog
gsum la skyabs su mchi'o/ /zhes sogs bdud rtsi 'bebs sbyang dang
bcas gsung ba'i phyag len yod/ bdud

rtsi 'bebs sbyang byed pa sngags lugs dang/ 'od zer 'bebs sbyang
byed pa mdo lugs kyi khyad par du gsungs/ bdud rtsi 'bebs sbyang
'od kyi sbu gu'i nang nas byed pa dang/ 'od zer la 'khril nas
'bebs pa/ drag char ltar 'bebs pa dang gsum yod/

de nas sangs rgyas chos tshogs ma'i skabs skyabs 'gro gong ltar
la/ bdag gis sbyin sogs sems bskyed de bdag gi sbyin pa sogs gtong
ba las byung ba dang/ tshul khrims sogs bsrung ba las byung ba
dang/ bzod pa sogs bsgom pa las byung ba'i

@90a @#/ /dge rtsa 'di dag gi mthu la brten nas/ sems can thams
cad kyi don du sangs rgyas thob par bya'o snyam du sems bskyed
pa yin/ 'di dag gi dmigs rnam rgyas par rjes su 'byung bas 'dir
zhu ma dgos/ skyabs 'gro ni rgyal po'i mnga' 'og tu 'dzul ba lta
bu

dang; sems bskyed ni rgyal po la dpya khral 'bul ba lta bu yin/
mtshams 'dir sems bskyed 'bras bu la ma byed kyi dmigs pa byed
dgos pas de'i tshul ni/ bla ma thub pa'i dbang po las rang 'dra
gnyis pa chad nas rang la thim pas rang nyid thub pa'i dbang
po'i ngo bor sangs rgyas/ rang

las thub dbang dpag tu med pa spros sems can rnams la thim/ sems
can thams cad thub pa'i dbang po'i ngo bor sangs rgyas/ bdag gis
sems can thams cad sangs rgyas kyi sa la 'god par bya'o snyam du
sems bskyed pa'i don de 'grub song snyam pa'i dga' ba bsgom/ de
ni sems

bskyed 'bras bu lam byed de sngags kyi dkyil 'khor rgyal mchog
dang rnam pa mthun zhing phan yon 'dra/ gzhan du 'khor ba dong
sprugs dang/ rigs drug gnas sbyong sogs gsungs pa'i don yang 'di
la tshang ba'i zab gnad khyad par can yin/ de nas tshad med bzhi
bsgom pa la/ bdag

gis sems can rnams de ltar bkod pa'i mos pa byas pa tsam ma
gtogs dngos su de ltar gyur ma thub pa 'di gang gis lan na/ rang
phyogs la chags pa dang/ gzhan phyogs la sdang ba 'dis lan pas/
des na sems can thams cad nye ring chags sdang dang bral ba'i
btang snyoms la gnas na

ci ma rung snyam pa sogs tshad med la 'jug  /tshad med bzhi'i
dmigs rnam ni rjes su 'byung zhing/ cho ga'i tshig zin tshad med
bzhi re re la'ang tshad med bzhi ldan du byed pa ste/ de yang ci
ma rung snyam pa ni so so'i 'dun pa tshad med/ gyur cig snyam pa
so so'i smon pa tshad med/ bdag gis

@90b bya'o snyam pa so so'i lhag pas ma tshad med/ de ltar byed
nus par bla ma lhas byin gyis brlab tu gsol snyam pa ni so so'i
gsol 'debs tshad med yin zhes gsung rgyun du yod/ de nas khyad
par ma sems can thams cad sogs khyad par gyi sems bskyed de/ 'di
dang gong

gi tshad med bzhi sogs sems gsar du bskyed pa ma yin kyang sems
bskyed kyi nus pa gong 'phel du gtong ba'i man ngag yin/ de yang
btang snyoms ni/ pham 'thabs pa'i bu ltar sems can thams cad
chags sdang dang bral ba'i btang snyoms chen po la 'god phyir
bdag gis

sangs rgyas thob par bya'o snyam pa dang/ de bzhin du tsha dmyal
ba rnams bsil ba'i bde ba la 'god pa nas thams cad rdzogs byang
gi bde ba la 'god pa'i bar gyi phyir bdag gis sangs rgyas thob
par bya'o snyam pa dang/ dmyal ba'i sdug bsngal nas shes sgrib
phra mo'i bar bral

bar bya ba'i phyir bdag gis sangs rgyas thob par bya'o snyam pa
ste sems bskye je rgyas su btang ba yin/ 'di dag re re'i nang du
yang skyes bu gsum gyi lam cha tshang tshul yod/ 'o na 'dir skyes
bu chung ngu'i lam la blo ma sbyangs pa'i sngon du sems

bskyed sogs 'byung ba ci yin snyam na/ 'dir skyes bu chung
'bring gi lam la blo sbyong ba yang rang mtshan pa min par theg
pa chen po'i sems bskyed kyi rten du sbyong ba yin pas/ dang po
nas sems de'i rtsis zin dgos pa dper na la rtser 'gro 'dod kyi
bsam pas la

gsham nas gom pa 'dor ba dang/ bris sku bzheng dus thog mar
tshangs thig sogs btab ste cha tshad nges par byed pa bzhin no/
/myur ba gnyis kyi dang po ni phar phyin theg pa las ches myur
ba tshe gcig la 'tshang rgya ba dang/ myur ba gnyis pa ni de las
kyang ches myur ba snyigs

@91a @#/ /dus kyi tshe thung gcig la 'tshang rgya ba ste/ snga ma
ni rgyud sde 'og ma gsum dang/ phyi ma ni bla med kyi myur khyad
yin/ yang myur ba dang po ni sngags bla med la brten nas snyigs
dus kyi tshe thung gcig la 'tshang rgya ba ste/

sa dge rnying gsum sogs grub mtha' spyi'i bla med kyi khyad chos
dang/ myur ba phyi ma ni/ de las kyang myur ba dga' ldan snyan
brgyud kyi man ngag ltar bla ma'i rnal 'byor lam gyi srog tu
byas/ yi dam gsang bde 'jigs gsum ya ma

bral bar nyams su blangs na mi lo bcu gnyis tsam la 'tshang rgya
ba la byed/ nyams len byed mkhan kho nas phung ba ma gtogs/
rgyal ba tsong kha pa'i bka' srol snyan brgyud 'di la sngon gyi
rje btsun mid la dang/ rgyal ba rgod tshang pa lta bu'i dka'
spyad

nus na 'tshang rgya ba la lo gsum las mi 'gor zhes drung pa rta
phug pa'i gsung rgyun du yod/ de'i shes byed kyang/ dben sa yab
sras sogs dge ldan bka' brgyud gong ma rnams dka' spyad snying
rus mi dgos par tshe gcig la sangs rgyas kyi sar

gshegs pa mang du byung ba ltar red/ de rnams ni myur lam lugs
kyi skyabs sems bya tshul yin la/ 7zhal lung dbus brgyud kyi lugs
'dir tshogs zhing las skyabs yul logs su gsal 'debs lugs ma
gsungs shing/ lho brgyud kyi

lugs 'dir tshogs zhing las logs su skyabs yul snga ma dang mi
'dra ba zhig gsungs te snyan brgyud kyi gsung rgyun mi 'dra ba
zhig yin par nges/ de ji ltar gsal 'debs tshul ni/ rang gi mdun
du sa nas yar skyes pa lta bu'i 'ja' sprin yid du

@91b 'ong ba'i gseb tu padma'i mgo lcog mang po gsal btab pa'i
dbus kyi che ba'i steng du thub pa'i dbang po/ de'i g.yas
g.yon sku dpung gi thad du padma'i mgo lcog re'i steng du byams
'jam dbyangs/ de gnyis so so'i sku rgyab na zab rgyas brgyud
pa'i

bla ma rnams gcig rgyab tu gcig a long bskor ba ltar thub dbang
la bskor ba'i tshul du bzhugs pa'i brgyud pa gnyis kyi bla ma
rjes ma gnyis gral mtshes su 'gro/ de dag kyang re re bzhin
padma'i mgo lcog gi steng du bzhugs par mos dgos/ thub

dbang gi mdun cung zad dma' bar chos 'brel dngos thob kyi bla
ma/ nyams len byin rlabs brgyud gsal 'debs mi dgos/ steng gi nam
mkhar 'ja' sprin gyi gseb dang/ bla ma rnams kyi g.yas g.yon
nas sangs rgyas rnams/ de 'og byang

sems/ nyan rang/ de 'og chos skyong dang/ chos 'brel dngos thob
kyi bla ma'i 'og padma'i mgo lcog sna tshogs padma'i rnam pa gsum
yod pa'i dbus mar nyi gdan gyi steng du skyes bu chen po'i chos
bdag myur mdzad ye shes kyi mgon po/ g.yas

mar pad zla'i steng skyes bu 'bring gi chos bdag rnam sras/
g.yon mar nyi gdan gyi steng skyes bu chung ngu'i chos bdag las
gshin bcas/ de gsum la skyes bu gsum gyi chos bdag tu 'jog pa'i
rgyu mtshan ni/ myur mdzad ye shes kyi mgon po rgyal kun

snying rje'i rang gzugs spyan ras gzigs dngos yin pas 'di nyid
chos skyong du bsten na skyes bu chen po'i skabs byams snying
rje skye myur ba la gnad che/ 'bring gi skabs bslab pa gsum
dang/ lhag par tshul khrims kyi bslab pa gtso bor nyams su

@92a @#/ /len dgos shing/ rgyal chen rnam thos sras kyis sde snod
gsum las 'dul ba dang/ bslab pa gsum las tshul khrims kyi bslab
pa srung bar ston pa'i spyan sngar zhal gyis bzhes pas 'di nyid
chos skyong du bsten na

de lta bu'i lam rgyud la skye ba la gnad che/ chos rgyal gshin
rje ni skye 'gro kun la mi rtag pa ston cing dge sdig gi stang
'dzin las 'bras kyi rnam dbye ston pa po yin pas 'di nyid chos
skyong du bsten na mi rtag las 'bras sogs skyes bu chung ngu'i

rtogs pa rang rgyud la skye sla ba'i dgos pa yod/ chos skyong
lam gyi 'gros dang mthun pa sbyar tshul de ltar yin cing/ shin tu
myur bar sangs rgya ba la bla ma yi dam sogs kyang lam gyi 'gros
dang mthun pa bya tshul rje btsun 'jam dbyangs kyis tsong kha

pa chen po la gsungs pa'i zab gsang mtha' yas pa yod kyang 'dir
brjod du mi rung/ gong gi g.yas g.yon gyi chos skyong rnams
dang/ skyes bu gsum gyi chos bdag 'di rnams gong 'og thad kar
khel ba bya dgos/ skyabs 'gro'i dmigs

rnam sngar bstan pa dang/ 'og nas kyang 'byung zhing/ bla ma
dang dkon mchog rin po che zhes pa nas/ mdzad du gsol zhes pa'i
bar ni skyabs gsol zhes dpal ldan sa skya pa'i man ngag 'dir
sbyor bar mdzad par gsungs so// //

! nyin lnga par/ dpal ldan 'phags pa klu sgrub kyi gsung las/
gang zhig gser snod rin chen spras pa yis/ /ngan skyug 'phyag
par bgyid pa de bas kyang/ /gang zhig mi ru skyes nas sdig pa'i
las/ /bgyid pa de ni ches

@92b rab blun pa lags/ /zhes lung drangs te kun slong 'chos pa
mdor bsdus shig gsungs nas/ kun slong dang kun spyod legs par
gsal btab nas gsan par zhu/ gsan bya'i chos ni/ skal ldan gyi
skyes bu sangs rgyas kyi sar bgrod pa'i/ zhes

sogs sa bcad 'dren pa'i bar sngar ltar la/ bzhi pa gdams pa
dngos kyis slob ma ji ltar bkri ba'i rim pa la gnyis yod pas/
dang po bshes gnyen bsten tshul gyi sbyor ba la sbyor ba'i chos
drug las/ myur lam dmar khrid skabs sbyor chos

drug ka sngon du 'byung ba ltar zhu na/ gsum kha sang zhus zin
cing/ sbyor ba'i chos bzhi pa tshogs zhing gsal gdab pa la/ rje
tsong kha pa chen pos/ mnyan na tshig mi zin/ bsams na don mi go
/bsgoms na rgyud la mi skye ba'i blo'i mthu shin tu

chung ba'i dus su zhing gi mthu la brten pa man ngag yin gsungs
pa ltar/ rang re rnams las kyi sgrib pa 'thug pos non pas thos
pa byas kyang tshig mi zin/ bsams kyang don ji bzhin mi go
/bsgoms kyang rtogs pa rgyud la mi skye bar 'u

thug pa'i skabs 'dir zhing khyad par can la gsol ba 'debs shing
tshogs bsags sgrib sbyang byas na myur du gnad du 'gro ba yin/ de
yang rje btsun 'jam dpal dbyangs la tsong kha pa chen pos/ rtogs
pa myur du rgyud la skye ba'i thabs

gang la 'bad dgos zhus par/ bla ma yi dam dbyer med du byas nas
gsol ba 'debs pa dang/ tshogs bsags sgrib sbyang la 'bad pa dang/
nyer len gyi rgyu dmigs rnam skyong ba gsum sgril la 'bad dgos
par gsungs pa ltar/ tshogs

@93a @#/ /gsog sgrib sbyang gis rgyud smin pa dang/ gsol ba btab
pas byin rlabs zhugs pa med par dmigs rnam skyong ba la brtson
khul byas kyang rtogs pa skye ba la shin tu bul zhing/ rgyud
smin na dka' tshegs la mi

ltos par rtogs pa skye myur ba skyon smin pa rnag smin pa rdol
sla ba lta bu dang/ yon tan smin pa shing thog smin na rang
shugs kyis sa la ltung zhing longs spyod du rung ba lta bu yin/
rje tsong kha pa chen pos kyang rang cag la gdams pa'i phyir

'ol dga' chos lung du phyag dang manDal sogs bsags sbyang rlabs
po che mdzad pa na 'phags pa yab sras lnga zhal gzigs te/ de'i
nang gi sangs rgyas bskyangs kyis 'grel pa budd+ha pA li ta'i
rgya dpes byin gyis brlabs pa'i gzigs

snang byung bar/ de nyin 'grel ba budd+ha pA li ta gzigs 'dod
byung ba bzhin gzigs pas rab byed bco brgyad pa'i thad du dbu ma
thal 'gyur ba'i lta ba dri ma med pa rtogs pa'i tshul bstan/
'grel pa 'di sngar nas gzigs gzigs pa yin

kyang 'di res thugs rgyud smin pas de ltar rtogs pa'i tshul bstan
pa yin/ de bzhin du dam pa gong ma'i rnam thar mang zhing/ rang
re'i chos brgyud 'di'i rje skal bzang bstan 'dzin gyis kyang
nyin gcig dwags po b+hrum par grong chog la phebs par

rje skal bzang mkhas grub la dpe klog rgyu zhig khyer shog
gsungs par/ bka' gdams gces btus shig phul bas/ de'i nang gi blo
sbyong gyer sgom rdo rje'i glu dbyangs gzigs ma thag byang chub
kyi sems bcos min thugs rgyud la 'khrungs/

@93b phyi nyin sbyor chos gsol 'debs skabs/ 'gro kun brtse bas
rjes 'dzin dge ba can/ /zhes 'di mdzad pa po'i mtshan brjod pa
na'ang dpral kog tsha ling ling byas gsungs/ des na rgyud smin pa
na rkyen phra mo la brten nas rtogs pa glo bur du skye sla ba de
lta

bu red/ dol pa'i zhal nas kyang/ zhar la tshogs gsog pa dang
sgrib pa sbyong/ lha dang bla ma la gsol ba 'debs shing rus
shing dang bcas nas nan tan gyis bsams na lo brgyar yang mi skye
snyam pa zhig kyang 'dus byas so na mi sdod pas ci zhig

ltar la skye ba yin/ zhes dang/ dam pa gong ma'i man ngag gi
gsung rgyun du'ang/ tshogs gsog med na rlan med sa bon 'dra/
/zhes gsungs pa ltar/ bsags sbyang dang gsol 'debs 'di shin tu
gal che/ grwa sa chen por rtsod pa kho

na byed pa min par tshogs dang/ chos grwa sogs su zhal 'don mang
du gsungs pa yang de'i gnad yin pas de dag la nan tan mdzad
dgos/ de lta bu'i bsags sbyang gsol 'debs gang la byed yul tshogs
zhing nyid yin pas tshogs zhing

bsgom pa shin tu gal che bas 'dir sa bcad gcig logs su mdzad pa
yin/ tshogs zhing zhes pa yang tshogs gsog pa'i zhing yin pas
tshogs zhing zhes bya zhing/ de yang 'jig rten na zhing ston thog
legs po skye ba zhig yod na de la gces

spras su 'dzin pa ltar/ 'dir yang bsags sbyang gsol 'debs rlabs
po che'i zhing 'di lta bu nan tan du gsal 'debs dgos/ 'jig rten
gyi zhing la thon skyed bre khal phul khal las lhag mi 'byung
yang/ 'dir ni sa bon phra mo bskrun pa

@94a @#/ /la'ang 'bras bu rlabs po che dpag tu med pa 'byung/
'jig rten pa'i zhing la so nam dus re las mi 'byung/ 'dir ni bde
legs kyi sa bon dus bzhi rgyun chad med par btab chog pa 'di lta
bu'i zhing sa la bsod

nams kyi sa bon bskrun rgyu ma byung bar lus na shin tu phangs
pa yin te/ rje tsong kha pa chen pos/ 'di phyi'i bde legs thams
cad 'byung ba'i zhing sa dam pa dus bzhi thams cad du rgyun chad
med par bde legs kyi sa bon btab pas

chog pa 'di la yang dad pa'i gshol gyis bsod nams kyi zhing rmed
par gyur cig ces mdo las gsungs pa ltar bya rgyu ma byung na
ches shin tu phangs pa yin no/ /zhes dang/ zhing gi mchog la tha
mal pa'i zhing gi mthong tsam yang

med pa 'di'o skol stangs bzang bar mi 'dug ces gsungs pa ltar
red/ 'o na tshogs zhing gsal 'debs pa shin tu gal che ba de ltar
yin na de gsal 'debs tshul ji ltar bya dgos snyam na sbyor chos
so so la tshogs zhing mi 'dra ba re gsungs

pas thog mar myur lam ltar zhu na/ tshogs zhing ma bskyed gong
sngar gyi skyabs yul bsdu lugs yig char gsal kha ma gsungs pa ji
ltar yin snyam na/ bsdu lugs man ngag mi 'dra ba gsum yod pas
'dam nga bde bas gsal kha ma gsungs

pa yin/ de gsum ni/ skyabs yul rnams 'od ser por gyur te rang gi
smin mtshams su bstim pa gcig  /mi dmigs pa'i rgyas 'debs pa gcig
/yang 'dir skyabs yul rnams nam mkhar bteg nas 'og gi tshogs
zhing gsal

@94b btab zin nas ye shes pa bcug pa'i skabs bstim pa gcig ste
gsum man ngag zhal la ltos phyir gab pa yin/ tshogs zhing gsal
'debs pa la/ dang por sa gzhi byin rlabs ni/ thams cad du ni
sogs kyis rang gi shag gu dog po de 'drar

mi bsam par sa gzhi shin tu yangs pa thang yangs po'i dkyil lta
bu khod snyoms pa/ gser gyi sa gzhi la baiDUr+yas mig mang ris
su bris pa'am baiDUr+ya'i sa gzhi la gser gyis mig mang ris su
bris pa/ mnan na nems shing/ bteg na spar byed

pa; reg na bde ba skyed pa/ bar bar du rin po che'i ljon shing
la sprul pa'i bya sna tshogs kyis chos kyi sgra dbyangs sgrog pa/
khrus kyi rdzing bur gser gyi bye ma gdal ba/ mtha' skor du rin
po che'i ri bos bskor ba sogs dag zhing gi bkod pa mdo

las gsungs pa ltar gsal 'debs/ gseg ma ni gram gseg dang/ rdo
hrob/ gyo mo ni rdza snod chag dum ste/ rgya gar du snod spyad
rnying pa phyir dor ba de lta bu'i gyo dum mang pos gang ba/
ngam grog ni gad g.yang ste snod skyon de lta bus ma gos

pa'o; ;de nas mchod pa byin gyis brlab dgos pas dngos su bshams
pa yon chab bdun tshar dang/ spos rkang re lta bu las med kyang/
sgom don la bar snang nam mkha' sa gzhi thams cad mchod pa'i
sprin chen pos yongs su gang ba 'phags pa

kun tu bzang po'i mchod sprin ltar bsam na de'i chod kyis tshogs
gsog  /de yang mdo sde phal po che las gsungs pa/ mchod yon phal
cher mchod yon bla bre dang/ /zhes sogs ltar mchod yon gyi gdugs
dang/ bla bre dang/ rgyal

@95a @#/ /mtshan sogs dang/ de bzhin du me tog  /bdun spos/ mar
me/ dri chab/ zhal zas sogs la sbyar dgos tshul gsungs/ zhal zas
lta bu bya mi bde ba'i rigs la 'od zer gyi dra ba'i gseb nas
thon pa bya

dgos/ mchod pa'i sprin gzungs 'dis mchod pa byin rlabs dang/
'bul sngags gnyis ka'i go chod cing/ 'di brjod pas dngos su
mchod pa nyung zad las med kyang rgyal ba sras bcas kyi spyan
sngar mchod pa'i char chen po 'bab

par gsungs/ bden stobs brjod de de bzhin nyid du gyur cig ces
pa'i skabs rang gi blo yul du rgya che chung ji ltar dmigs pa de
bzhin du 'gyur/ tshogs zhing dngos gzhi gsal 'debs tshul la/ myur
lam las/ dmar khrid

'di ga'i lugs kyi tshogs zhing gsal 'debs tshul dang/ bla ma mchod
pa'i lugs kyi tshogs zhing gsal 'debs tshul gnyis gsungs pa las/
'dir bla mchod tshogs zhing ltar bya bar gsungs pa 'di gnad che
ste rgyal ba dben sa pa dang

grub chen chos kyi rdo rje rnams bla ma'i rnal 'byor sems dpa'
sum brtsegs 'di la brten nas tshe gcig la zung 'jug gi go 'phang
brnyes pa'i dga' ldan sprul pa'i glegs bam las phyung ba'i man
ngag khyad par can yin/ de yang bde stong dbyer med

ces sogs ni/ rang sems bde stong gnyis su med pa'i ye shes kyi
gzung rnam lha lam ste nam mkha'i gzugs su bkod nas de'i ngos su
tshogs zhing rnams bskyed pa ste/ dgos pa ni de thams cad bde
stong gi rnam rol du blta ba'i ched yin/

@95b 'di la/ e waM gyi don dang sbyar nas bde stong la nges pa
drangs te gzung rnam lhar 'char tshul gyi zab bshad mang du bya
rgyu yod kyang 'dir nyan pa po dbang ma thob pa mang zhing
sngags kyi bshad pa'i skabs min pas re zhig de tsam gyis chog
par byas nas/

gang ltar yang rang gi mdun gyi nam mkhar kun bzang mchod sprin
'khrigs pa'i ngogs su gsal 'debs dgos pa yin/ de yang rin po
che'i sa gzhi'i dbus su 'o ma'i rgya mtsho chen po'i nang nas
dpag bsam gyi shing/ rtsa ba gser/ sdong po dngul/

yal ga baiDUr+ya/ lo ma shel/ 'dab ma spug  /me tog mu tig dmar
po/ 'bras bu rdo'i snying po ste rin po che sna bdun las grub
pa/ rtsa ba sogs tshang ma bdun tshan bdun tshan du yod pa/ yid
bzhin gyi nor bu ltar dgos 'dod

thams cad dpag pa dang bsam pa tsam gyis 'byung ba/ yal ga sogs
bskyod pa'i sgra las mi rtag  /bdag med sogs chos kyi sdom
bzhi'i sgra 'byin pa/ dbus su shing de'i me tog shin tu che ba
zhig gi steng du seng ge chen po brgyad kyis

bteg pa'i rin po che'i khri/ de yang seng ge ni byang chub sems
dpa' chen po rnams kyis bkur sti sogs kyi ched seng ge'i tshul du
byas nas bteg pa dang/ seng ges ri dwags kyi tshogs thams cad zil
gyis gnon pa ltar/ bdud dang 'jig

rten pa'i lha chen po dag dang/ mu stegs pa'i tshogs zil gyis
gnon pa mtshon/ grangs brgyad du byas na dbang phyug brgyad dang
bzhir byas na mi 'jigs pa bzhi mtshon pa yin/ de'i steng du
padma'i gdan rim pa bcu gcig ste rgya je chung dang/ dpangs

@96a @#/ /je mthor song ba bang rim ltar yod pa/ pad 'dab dang po
'dab ma bzhi pa/ de'i dbus padma'i ze'u 'bru'i steng rgyu nor bu
me shel las grub pa'i nyi ma'i gdan/ de'i steng du rgyu nor bu
chu shel las grub pa'i zla ba'i gdan/

de gnyis dbyibs rnga yu ba med pa brtsegs pa lta bu/ de yang
padma ni 'dam las skyes kyang 'dam gyi skyon gyis ma gos pa ltar
'khor ba'i skyon gyis ma gos pa'i nges 'byung mtshon byed dang/
nyi ma ni ma smin pa smin par byed pa ltar don dam byang chub
kyi

sems kyis rgyud smin par byed pa de mtshon/ zla ba ni tsha gdung
sel zhing 'od dkar ba ltar kun rdzob byang chub kyi sems de zhe
sdang gi tsha gdung sel zhing ngo bo dkar ba de mtshon/ de rnams
gdan du byed pa ni de lta bu'i lam gtso gsum la dbang sgyur

bar mdzad pa'i mtshon byed yin/ des na padmas skyes bu chung
'bring dang/ nyi zlas chen po'i lam yang mtshon/ de'i steng du
gtso bo gsal 'debs dgos shing/ de yang bla ma mchod pa'i tshogs
zhing gi gtso bo gang yin byas na/ 'ga' zhig

gis rje rin po che yin zer/ 'ga' zhig gis rang gi rtsa ba'i bla
ma yin zer/ 'ga' zhig gis rje bla ma mchod pa bya ba yin zer ba
sogs sna tshogs smra yang/ 'di ni bla ma blo bzang thub dbang rdo
rje 'chang zhes pa de yin/ de yang bla ma zhes pa rang gi bla ma

dang/ blo bzang zhes pa rgyal ba tsong kha pa dang/ thub dbang
zhes pa ston pa shAkya thub pa dang/ rdo rje 'chang zhes pa
rgyal ba rdo rje 'chang bzhi ste/ de bzhi ngo bo dbyer med du
byas pa de 'dir tshogs zhing gi gtso bor gsal 'debs pa yin/ de
'dra rgyud tha dad

@96b pa bzhi gcig tu 'dres par bsam dgos pa yin nam zhe na/ de
'dra gtan nas ma yin te/ rgyud tha dad pa bzhi rang gis gcig tu
byed ga la nus/ des na dang po nas ngo bo gcig yin yin pa la
rang gi rgyud tha dad du bzung ba de 'dir lung dang rigs pas
rang gi blo ngor

gcig tu bsgrub pa'i nges shes 'dren pa yin/ de bzhi ngo bo gcig
yin te/ rang cag gis rdo rje 'chang zhes pa sku mdog sngon po
rdor dril bzung ba longs sku'i cha byad can gcig dang/ shAkya
thub pa zhes dbu reg zhabs rjen sprul sku'i rnam pa can du bzung

nas de gnyis phan tshun gtan nas ma 'dres pa lta bu bsam yang/ de
'dra min par sangs rgyas kyis 'dul ba dang mdo sde gsungs pan
mchog gi sprul sku'i rnam par bstan/ sngags kyi rgyud gsungs pa
na rdo rje 'chang gi rnam par bstan/ de bzhin du gsang 'dus

kyi rgyud gsungs pa na rdo rje 'chang zhal gsum phyag drug gi
sku'i rnam par bstan/ bde mchog gi rgyud gsungs pa na he ru ka
zhal bzhi phyag bcu gnyis pa'i rnam par bstan pa sogs mdo rgyud
rang rang dang mthun pa'i sku'i rnam pa mi 'dra ba mtha' yas pa
zhig

bstan kyang don du shAkya thub pa rang yin pas rdo rje 'chang
dang shAkya thub pa zhes ngo bo gcig nyid las rgyud tha dad med
pa de ltar yin/ shAkya thub pa rang nyid sku dngos kyi gdul bya
rdzogs nas mya ngan las 'das zin nas kyang 'phags yul du paN
grub mang

po'i skur bstan nas chos gsungs/ bod du bstan pa snga dar la
mkhan slob sogs kyi skur bstan nas chos gsungs/ phyi dar la jo
bo chen po dang/ rje tsong kha pa la sogs pa'i mkhas grub du
ma'i skur bstan nas chos gsungs pa yin pas rje btsun

@97a @#/ /blo bzang grags pa nyid kyang ngo bo shAkya thub pa
rang yin/ sangs rgyas kyis ma 'ongs pa snyigs ma lnga bdo ba'i
dus thub dbang rdo rje 'chang rang nyid bla ma'i rnam par bstan
nas 'byon par gsungs pas/ deng dus rang gi

don mdzad pa'i thub dbang rdo rje 'chang gi sprul pa de gang yin
snyam na bla ma las logs su mi rnyed/ nam mkha' dang mnyam pa'i
rgyud las/ 'gro ba 'di kun sangs rgyas lnga bdag nyid/ /gar
mkhan dag dang ri mo bzang ltar snang/ /gang du bde chen zhes

bya gcig pu nyid/ /gcig pu nyams ni du ma'i gar mdzad do/ /zhes
pa 'di lus dben la sbyar tshul dang/ bshes gnyen bsten tshul la
sbyar tshul sogs mang du yod pa las/ 'dir bshes gnyen bsten tshul
la sbyar te zhu na/ dper na 'chams

dpon gcig zhwa nag gi chas gyon nas phyir thon pa na zhwa nag
byung zer yang 'chams dpon kho rang yin/ yar log nas chos rgyal
gyi 'bag chas lta bu sprad nas phyir thon pan chos rgyal red zer
yang don du 'chams dpon kho rang yin/ de bzhin du

chas mi 'dra ba re gyon pan ming mi 'dra ba re 'dogs kyang don
du 'chams dpon gcig pu kho rang yin pa ltar/ rgyal ba rdo rje
'chang gcig nyid shAkya thub pa dang/ rje btsun blo bzang grags
pa dang/ rang gi bla ma'i rnam par bstan pa yin pas

rnam pa mi 'dra ba tsam las ngo bo gcig rang yin/ de 'dra'i nges
pa rnyed nas de nyid tshogs zhing gi gtso bor gsal btab pa de la
bla ma blo bzang thub dbang rdo rje 'chang zhes mtshan chags pa
yin/ der ma zad sangs rgyas kun gyi ngo bo nyid/ /ces bla ma

@097b ni sangs rgyas kun gyi ye shes kyi rang gzugs gcig tu
bsdus pa'i ngo bo yin par nges pa rnyed dgos pas zhib par 'og tu
bshes gnyen bsten tshul gyi skabs su 'chad par 'gyur zhing/ 'di
la go ba legs par ma chags na bla ma'i rnal 'byor zab zab

ji 'dra bsgoms kyang gzugs brnyan tsam yin te/ lam rim chen mo
las/ de ltar na bla ma'i rnal 'byor zhes yongs su grags pa'i
gdams pa'ang sngar bshad pa ltar go dgos kyi/ dmigs pa thun re
tsam la sbyangs pas ni gar yang mi phyin

la zhes gsungs pa ltar ro/ /bka' drin gsum ni/ mdo lugs la bslab
pa lung khrid gsum stsal ba dang/ sngags lugs la dbang bskur/
rgyud bshad/ man ngag gnang ba ste/ de gsum bla ma gcig las thob
pa la bka' drin gsum ldan zer/

sku'i rnam pa phyi rgyal ba tsong kha pa chen po dge slong ngur
smrig 'dzin pa'i rnam pa/ ngur smrig ni bya ngur pa'i kha dog
lta bu'i na bza' 'chang ba la zer/ de yang phyag g.yas chos
'chad dang g.yon mnyam gzhag la lhung bzed bdud rtsis gang ba
bsnams

pa'i mtheb mdzub kyis utpa la'i yu ba 'dzin pa'i 'dab ma snyan
gyi thad du kha bye ba'i g.yas kyi steng du shes rab kyi ral
gri rtse mo me cung zad 'bar ba dang/ g.yon gyi steng du brgyad
stong pa'i glegs baM rang sgra sgrog pa/ dmigs bsal rang gang la
thos bsam

sgom gsum gyis 'jug pa'i gsung rab de'i glegs bam du mos/ gur
kum gyi mdangs dang ldan pa'i chos gos rnam gsum gsol ba/ de
yang gur kum la tshos ser po dang/ dmar ser dang/ dmar po gsum du
yod pa'i mdangs can gyis

@98a @#/ /rim bzhin snam sbyar/ bla gos/ mthang gos bcas gsol ba/
paN zhwa gser gyi mdog can rtse mo rno zhing mtho ba dbu la gsol
ba/ 'di dag gi mtshon don mang du yod kyang da lam zhu ma khom
pas dga' lha dang/ bla

mchod kyi khrid las 'byung ba ltar yin/ de'i thugs kar thub pa'i
dbang po/ de'i thugs kar rgyal ba rdo rje 'chang/ de'i thugs kar
ting nge 'dzin sems dpa' hUM yig sngon po bcas gsal gdab/ de
dag kyang rang re'i snod spyad ltar gcig nang du gcig

bcug pa lta bu ma yin par/ bla ma phyi ltar dge slong gi rnam pa
can 'di ltar snang yang nang ltar na rgyal ba shAkya thub pa
yin zhes ston pa'i phyir thugs kar thub dbang bkod cing/ gsang
ba ltar na rgyal ba rdo rje 'chang nyid yin zhes ston phyir de'i
thugs kar

rdo rje 'chang bkod pa yin no/ /bla ma sems dpa' sum brtsegs
zhes pa 'di gsum yin 'gro bsam shas kha yang/ dang po gnyis dam
tshig sems dpa' dang/ rgyal ba rdo rje 'chang ye shes sems dpa'
dang/ thugs ka'i hUM yig la ting nge 'dzin

sems dpa' bya dgos/ sems dpa' sum brtsegs bsgoms pa 'di la
sngags kyi zab gnad khyad par can yod kyang 'dir zhu mi spobs/
de lta bu'i bla ma zhabs rdo rje skyil krung gis bzhugs pa'i
phung sogs bde gshegs lnga sogs su bsgoms pa 'di

gsang ba 'dus pa'i lus dkyil rtsa rgyud du mdo tsam gsungs pa/
bshad rgyud rdo rje phreng bar rgyas par bkral ba'i man ngag
yin/ de bskyed tshul rgyas par na zhal gsum phyag drug pa gsang
'dus lus dkyil ltar dang/ de tsam blos ma lcogs

@98b na rnal 'byor gyi rgyud las gsungs pa ltar zhal gcig phyag
gnyis su gsal 'debs/ de yang spyi gtsug nas skra mtshams par bla
ma'i gzugs phung gi ngo bo rnam snang/ de nas mgrin pa'i bar 'du
shes kyi phung po'i ngo bo 'od dpag med sogs phung po lnga

bde gshegs lnga gong ma gong ma'i pad gdan la 'og ma 'og ma'i
gtsug tor reg tsam gyis sku lus kyi dbus gzhung shing gi tshul du
bskyed/ khams bzhi yum bzhi de dag dang zhal sprod kyi tshul/ mig
sogs skye mched drug gi steng/ rtsa rgyus tshigs

rnams bcas bsnan pa'i brgyad sa snying sogs sems dpa' brgyad/
rtsa rgyus kyi ngo bo byams pa spyi gtsug dang/ kun bzang tshigs
chen brgyad la 'god/ gzugs sogs lnga rdo rje ma lngar bskyed pa
tshig zin la mi gsal yang gsang 'dus lus dkyil

ltar rang rang gi yab sems dpa' so so dang phan tshun 'khyud pa'i
tshul du bskyed/ ba spu dgra bcom zhes pa ni nyan rang dgra bcom
min par theg chen dgra bcom sangs rgyas 'phags pa nyid de/ de
yang ba spu'i khung bu rer yang sangs rgyas kyi zhing khams re/

la lar bdud btul ba dang/ la lar chos 'khor bskor ba sogs mdzad
pa bcu gnyis kyi rnam par rol pa mtha' yas par bsam pa zhing
khams thams cad sku la snang ba'i don yin/ spyan ras gzigs kyi
rgyud cig tu ba spu'i khung bu re rer sangs rgyas kyi

zhing 'di dang 'di zhes bya bar de bzhin gshegs pa 'di dang 'di
zhes bya ba sogs gsungs pa de 'dra sangs rgyas thams cad la
sbyar dgos/ nyi khri tshig stong zhes pa mang tshig smos pa las
grangs nges can du mdzad pa min/ lag pa g.yas la de'i ngo bo
gshin

@99a @#/ /rje gshed sogs yan lag bcur khro bo bcu bskyed/ thugs
kar lha lnga yod pa 'god lugs ni che ba mi bskyod pa/ de'i thugs
kar thub dbang/ de'i thugs kar rdo rje 'chang/ mi bskyod pa'i
mdun du

zhal sprod kyi tshul du mA ma kI/ mi bskyod pa'i sku rgyab zhal
gtad nas 'jam dpal bcas 'god/ sku las spros pa'i 'od zer gyi
sner phyogs skyong sogs sprul pa sna tshogs spro zhing/ gnod
sbyin dang/ gsang ba pa sogs lha chen

po rnams zhabs 'og tu gdan gyi tshul du yod par bsam/ 'di dag
dmigs pa gsal thebs min ji ltar yang nges ngor bla ma'i phung
khams skye mched sogs bde gshegs rigs lnga yab yum zhi khro sogs
dngos yin snyam pa'i

nges shes 'dren pa gnad che/ de rnams gtso bo gsal 'debs tshul
yin/ 'khor gsal 'debs tshul la gtso bo'i thugs ka nas 'od zer
g.yas phyogs su spros pa rtse mo rgya je cher song ba'i steng
du rgya chen spyod brgyud/ g.yon du

de bzhin du zab mo lta brgyud/ mdun du de bzhin du chos 'brel
dngos thob kyi bla ma/ rgyab tu cung zad mtho bar nyams len byin
rlabs brgyud bcas 'god/ 'di'i nyams len byin rlabs brgyud 'god
lugs la man ngag gi zab gnad

mang du yod/ de yang yongs grags rdo rje 'chang/ te lo/ nA ro/
DoM b+hi pa/ jo bo sogs dang/ rje sgrub khang pas zab rgyas kyi
brgyud pa nyid la/ bla ma gcig nas gcig tu byin rlabs kyi rgyun
ma nyams par yod pas/ de las logs su

@99b mi dgos par bzhed/ mkhar rdo blo bzang sgom chung gis gsang
bde 'jigs gsum gyi brgyud pa la bzhed/ rje ngag dbang byams pa
dang bla ma yongs 'dzin rin po che gnyis kyis bka' gdams thig le
bcu drug gi brgyud pa dang/

dga' ldan snyan brgyud kyi brgyud pa gnyis gtso bor bzhed/ de
dag dkyus gcig tu 'god tshul gyi man ngag zab gnad bdag gi bla
ma'i zhal shes snyan brgyud kyi man ngag khyad par can dpe
mkhyud med par zhu na/ de yang dbus su rdo

rje 'chang ma gtogs pa rje btsun 'jam dbyangs nas rang gi bla ma
la thug gi bar 'jam dbyangs kyi rnam pa mtho brtsegs dang/ de'i
g.yas su pha rgyud gsang 'dus dang/ 'jigs byed kyi bla brgyud
gnyis so so nas mtho brtsegs/ g.yon du

ma rgyud bde mchog gi bla brgyud dang/ thig le bcu drug gi bla
brgyud so so nas mtho brtsegs re bcas mtho brtsegs lngar gsal
'debs pa yin/ 'di dang phyogs 'dra rje shes rab rgya mtsho'i
gsung zin du'ang yod/ da dung man ngag

gzhan yang yod pa'i shes byed bka' gdams glegs bam dang/ dka'
chen nam mkha' rdo rje'i gsung bla mchod/ tshe gling yongs 'dzin
rin po che'i gsung bla mchod khrid dang/ bla brgyud rnam thar/
sngar zhus pa'i rje shes rab

rgya mtsho'i gsung zin sogs na yod pas de dag gzigs dgos/ bka'
gdams gsar rnying gi bla ma 'god lugs la'ang man ngag gi khyad
par che ba zhig yod/ de ltar bla ma rnams gsal btab/ de nas pad
rim dang po'i 'dab

@100a @#/ /ma bzhir mdun du gsang ba 'dus pa 'phags lugs mi
bskyod pa lha so gnyis/ g.yas su rdo rje 'jigs byed lha bcu
gsum/ gyon du 'khor lo sdom pa lU i pa lha re gnyis/ rgyab tu

kyai rdor thod pa can lha dgu 'god pa'am/ yang na man ngag ltar
g.yas su pha rgyud kyi rgyal po gsang ba 'dus pa/ g.yon na ma
rgyd kyi rgyal po khor lo bde mchog /mdun du pha rgyud ma rgyud
gnyis ka'i bnad tshang ba rdo rje 'jigs

byid rnams gsal 'debs pa'i lugs kyang yod/ gang ltar yang blos
lcogs na rten dang brten pa'i dkyin 'khor yongs rdzogs/ de tsam
ma nus kyang brten pa lha gtso 'khor yongs rdzogs/ de yang ma
nus na gtso rkyang

gsal btab kyang chog /de nas pad rim gnyis par dus 'khor gtso
bor byas pi bla med kyi yi dam/ gsum par rnal 'byor rgyud/ bzhi
par spyod rgyud/ lnga par bya rgyud bcas kyi lha tshogs dang/
drug par sangs rgyas mchog

gi sprul sku'i rnam pa can/ bdun par byang sems/ brgyad par rang
rgyal/ dgu par nyan thos/ bcu par dpa' bo mkha' 'gro /bcu gcig
par chos srung rnams gsal 'debs/ tshogs zheng de thams cad kyi
gnas gsum du spyi

bor sku rdo rje rnam snang gi ngo bo oM dkar po sogs rdo rje
gsum gyi rang bzhinn gyi yi ge 'bru gsum 'god/ 'don thar mi gsal
yang/ lte bar ren 'bying gi ngo bo swA ser po dang/ gsang gnas
du don grub kyi ngo bo kA ljang gu yang 'god

@100b par gsungs/ rdo rje gsum ni sangs rgyas kho na'i khyad
chos yin pas tshogs zhing gi nyan rang sogs kyang rnam pa der
bstan pa tsam ma gtogs ngo bo sangs rgyas kho na dang/ de yang
bal ma kho na'i rnam sprul du shes dgos/ thams

cad sems dpa' sum brtsegs su bya ba'i man ngag kyang yod/ de
ltar tshogs zhing rnams snang ngor gsal legs par thebs pa dang/
mos ngor de dang de dngos yin snyam pa dang/ dad ngor yon gnas
phul du byung ba'i 'du

shes gsum bskyed dgos gsungs/ de ltar gsal 'debs zin nas ye shes
pa spyan 'dren pa yin cing/ de'ang spyan 'dren nges par dgos pa
min te/ rang gis mos pa byas pa tsam gyis mdun na bzhugs te/ mdo
las/

gang gis mos pa gtsor byas na/ /de yi mdun na thub pa bzhugs/
/zhes gsungs/ rang res rtsod pa byid pa'i tshe sangs rgyas tshad
mas ma dmigs pa'i sa phyogs med ces smra ba de 'dir phan thogs
dgos pa yin/ sngags kyi gnad/

dang sbyar na'ang 'char bde ba zung 'jug pa rnams sku thugs ngo
bo gcig tu song bas mkhyen pas gar khyab tu skus khyab dgos pa
ni/ mkhyen pa'i skad cig gcig gis kyang/ /ches bya'i dkyol 'khor
kun khyab can/ /zhes dang/

ye shes ji snyed khyab gyur pa/ /sku yis kyang ni de snyed
khyab/ /ces gsugs pa ltar rang gi mdun gyi gzhir yang sangs
rgyas thams cad kyi mkhyen pas khyab pas skus kyang khyab pa
yin/ des na rang gi las sgrib kyis ma mthong ba ma

@101a @#/ /gtogs tshogs zhing gi lha mos pas gsal btab pa tsam
gyis mdun na bzhugs pa thogs med kyis byams pa dang/ tsandra go
mis spyan ras gzigs sgrub pa'i lo rgyus ltar red gsungs/ de ltar
thub pa

la 'byon bzhugs kyi rtsol ba mi mnga' ba nam mkha'i zla ba'i
gzugs brnyan chu snod du 'char ba ltar yin pas tshogs zhing
bskyed ma thag tu mdun du yod kyang/ rang cag gis mi mthong ba/
dper na chu mig dang sku mkhar la klu btsan

sogs gnas kyang mi mthong ba bzhin no/ /dngos su yod pa'i 'du
shes yod med kyis byin rlabs dang/ bsod nams kyang de'i rjes su
'brang ba yin/ des na skyabs yul mdun du bzhugs bzhin pa la de
ltar med snyam pa'i dogs

pa sel ba'i phyir ram/ mos pa brtan pa'i phyir spyan 'dren pa
yin/ ngag tu ma lus sems can sogs brjod de tshogs zhing rnams
mkhyen brtse nus gsum gyi yon tan mnga' ba'i sgo nas/ ma ga d+ha
bzang me'i gtam rgyud ltar re res

kyang rdzu 'phrul gyi bkod pa mtha' yas pas byon byung snyam pa
byed/ de'i tshe tshogs zhing rnams kyi thugs ka'i sa bon las 'od
zer 'phros pas phyogs bcu'i sangs rgyas re re'i thugs ka nas
tshogs zhing cha tshang re spyan drangs te tshogs zhing cha tshang
gcig tu

gyur; slar yang de las mang po spros nas tshogs zhing gi lha re
rer cha tshang re thim pas re re yang skyabs gnas kun 'dus kyi
ngo bor mos/ 'di ltar byed pa rang rer tshogs zhing la bzang ngan
gyi rnam rtog mi 'byung ba dang ma 'ongs pa na lam dang 'bras

@101b dus kyi rten 'brel zhig yod/ dgug gzhug bcing mnyes byed
pa sngags lugs yin/ de ltar zin pa na khrus gsol ba ni/ tshogs
zhing la sdig sgrib dang nag nog sogs dag bya med kyang ji skad
du/ chos kyi sku la dri ma mi mnga' yang/ /

sri zhu bkur sti rim gro'i tshul tsam du/ /zhes sogs ltar rang gi
las sgrib sogs sbyong phyir byed/ khrus khang bskyed lugs sna
tshogs yod kyang/ 'dir bla med dang 'brel bas gru bzhi sgo bzhi
rta babs dang bcas pa/ thog gzhan med pa/

nang du rin po che'i ka ba bzhi'i steng du rgya phibs dang de'i
'og tu mu tig gi bla bres brgyan pa/ dkyil du khrus kyi rdzing
bu shel gyi sa gzhi la gser gyi bye ma brdal ba dbus cung mtho
zhing mtha' dma' ba rus sbal gyi rgyab 'dra ba la bla med spyi

'gro ltar shing stan nam seng khri tshogs zhing gi grangs mnyam
bkod/ phyogs gsum na 'bab stegs gsum re rer yang them skas bzhi
re yod pa/ mtha' skor du rin po che'i stegs bu/ na bza' 'gel
gzhi rin po che'i gdang/ na

bza' gsar pa 'bul rgyu dang/ bum pa sogs bskyed/ khrus chas yod
na khrus gzhong du khrus rdzing mtshon byed bum chu cung zad
blugs/ me long la bum chus 'phred du ri mo gnyis dang/ gyen du
ri mo gnyis te re'u mig dgu 'byung ba bris pa'i

dbus dang phyogs bzhir bum chus thig le re bya/ de yang re'u mig
dgu khrus khang dang/ thig le lngas rgyal ba rigs lnga mtshon/
bres pa der/ zhes pa'i tshig mtshams nas tshogs zhing rnams 'ur dir
gyis 'phur ba'am/ skas gdang btsugs

@102a @#/ /pa nas gshegs pa'i mos pa gang rigs byed/ de dag byon
zin nas re re'i sku mdun du 'di sngags dang 'brel bas khrus
dang/ byug pa dang/ na bza' 'bul mkhan gyi mchod lha gsum gsum
spros/

khrus kyi tshe rdzing bu nas bcus te phul bas thugs rgyud la bde
ba chen po 'khrungs pa'i mos pa byed/ khrus zin nas phyi ba'i
tshe/ rab gnas skabs kyi khrus dar gyi sngags 'god lugs ltar byas
te dpral mgrin thugs ka dpung mgo gnyis

bcas gnas lnga la reg pas rlan thams cad sku'i gnas lngar 'dus
te de dag phyi ba yin gyi/ rang res khrus byed pa ltar mgo mjug
thams cad du phyi ba de 'dra mi dgos/ byug pa'i tshe mdog gser
lta bu dang/ dri shin tu

bzang po/ rgyu ni mar min pa'i byug pa 'bul/ de zin nas zhi khro
rab 'byams so so'i cha lugs kyi na bza' gsar pa re phul ba'i mos
pa byed/ 'brom la ni g.yi lpags kyi slog pa phyi ras sngon po
can la skyes bu gsum gyi

lam phyin drug tu bsdus nas ston pa'i mtshon byed du ska rags sku
sked la lan drug 'khor ba zhig 'bul ba'i mos pa byas na rten
'brel gyi gnad shin tu che/ de rjes so so'i rgyan dang phyag
mtshan yang 'bul/ bdag dang 'gro la zhes

sogs kyi tshe slar yang da gin ? 'byon pa'i gnas so sor yar
gshegs te sngar bzhin bzhugs pa'i mos pa byed/ na bza' rnying pa
rnams 'od ser po'i rnam par rang gi smin mtshams su bstim pa'am/
rigs drug so so'i gtso bo re re 'ong

@102b ste rten skal du khyer bar bsams na'ang chog /khrus chu
rnams khrus rdzing la yur rka drug yod pa nas rigs drug so so'i
gnas su song ste/ gzhan rnams la so so'i sdug bsngal sel byed du
gyur song snyam pa byed/ mi rnams

'dod pa che bas mkho rgu'i yo byad du gyur par mos shing/ khrus
khang sogs mi dmigs par bsam/ sbyor chos lnga pa ni/ dge bshes
dol pas/ zhar la tshogs gsog pa dang sgrib pa sbyong/ lha dang
bla ma la gsol ba 'debs shing

rus shing dang bcas te nan tan gyis bsams na lo brgyar mi skye
snyam pa zhig kyang 'dus byas so na mi sdod pas ci zhig ltar la
skye ba yin/ zhes pa ltar bsags sbyang gal che zhing/ de'i gnad
bsdus pa yan lag bdun pa maNDal dang bcas

pa 'di thog mtha' kun tu gal che/ kha cig gis 'di dge sbyor rgya
chen po mi nus pas bya rgyu'am/ dge sbyor gyi sngon 'gro lta bu
las dngos gzhi la mi mkho snyam du mnangs chung byed pa 'ong
srid kyang/ de 'dra min/ yan lag bdun po 'di'i sgo

nas tshogs kyi zhing mchog bla ma rgyal ba sras dang bcas pa la
tshogs gsog pa dang sgrib pa sbyong tshul 'di las lhag pa mdo dang
rgyud sde gang na'ang med/ sngags kyi skabs su'ang yan lag bdun
pa 'di gal che ste/ rgyud sde bzhi ka nas

bdun rnam dag bya bar gsungs shing/ bla med kyi bskyed rim rnams
su yang tshogs zhing la phyag mchod sogs yan lag bdun gyi sgo nas
tshogs bsags sgrib sbyang bya dgos par gsungs/ 'jam mgon tsong
kha pa chen pos kyang

@103a @#/ /'ol dgar bsags sbyang mdzad pas nyams rtogs khyad par
can 'khrungs pa ltar rgyud smin na rtogs pa myur du skye ba sogs
dang/ sa chen po la gnas pa'i byang chub sems dpa' rnams kyang
bsags

sbyang la gtso bor 'bad pa yin te/ sa dang po la gnas pa'i byang
sems des sku lus brgyar sprul nas sangs rgyas kyi zhing brgya la
phyin te mchod pa 'bul zhing/ de bzhin sa gnyis pa sogs nas
sangs ma rgyas bar du lus rim bzhin mang

por sprul te mchod pa je rgyas je mang la btang bar mdzad na/
rang res smos su med tshul sogs rgya cher gsungs/ des na/ chos
spyod yan lag bdun pa 'di ni mdo sngags gnyis kar bsags sbyang
gi 'gag sdoms chen po zhig ste/ dper

na; skyon smin pa rnag brtol rung dang/ yon tan smin pa shing
tog longs spyod rung ltar yin/ dam pa gong ma'i man ngag las/
tshogs gsog med na rlan med sa bon 'dra/ /zhes pa ltar yan lag
bdun pa'i sgo nas bsags sbyang

la nges par 'bad nas lam gyi dmigs rnam skyong dgos kyi/ lam
ltar snang re nyams len byed pas mi 'ong gsungs/ yan lag bdun
zhes pa dper na/ 'phrul gyi yan lag bdun dang ldan pa'i shing
rta de yan lag gcig ma tshang

ba na mi 'gro ba bzhin/ 'dir yang yan lag gcig ma tshang na bsags
sbyang gnad du mi 'gro ba yin/ de ltar yan lag bdun las/ dang po
phyag la lus ngag yid kyi phyag gsum yod pa/ ji snyed su dag ces
sogs kyis rim

@103b bzhin bstan/ khrid yig rnams nas gsungs pa'i lus re re la
mgo dpag med sogs 'char ma bde na/ thog med nas blangs pa'i lus
dpag med yod pa rnams mi'i rnam pa can du blos blangs pas chog
/rdul gcig steng na rdul

snyed sangs rgyas rnams/ /zhes pa rdul phra mo gcig gi steng du
sangs rgyas ji snyed yod pa bzhugs nus pa'i don te/ dper na/ nas
rdog gcig gi steng du mi brgya tham pa'i mig shes kyis dus gcig
tu bltas na mi brgya'i mig shes

brgya; nas rdog gcig gi steng du 'jug nus pa bzhin du sangs
rgyas thams cad kyi ye shes rdul gcig gi steng du 'jug nus/ rdul
gcig gi steng du ye shes ji tsam zhugs pa de tsam gyi gzugs sku
yang 'jug pa zung 'jug pa'i

yon tan yin zhing/ de yang rlung sems 'jug pa gcig pa'i gnad
kyis yin/ tshogs zhing la gus pas mdzub mo bsgreng ba tshun yang
lus kyi phyag yin/ de la rnam grangs 'ga' shas yod pa las/ bskum
phyag ni/ yan lag lnga sa la reg

pa dang/ brkyang phyag ni lus thams cad sa la phab pa la zer/
brkyang phyag gi khungs sdong po bkod pa'i mdo las/ gzhon nu nor
bzang gis shing sdong po sa la 'gyel ba bzhin du lus thams cad
sa la phab ste phyag 'tshal ba la ltos/ zhes

pa de yin/ phyag 'tshal ba'i phan yon yang/ las rnam 'byed kyi
mdo las gzugs bzang zhing gser gyi kha dog lta bur 'gyur ba sogs
phan yon bcu gsungs pa dang/ gzhan yang mdo sde las/ lus kyis ji
tsam non pa'i sa'i rdul

@104a @#/ /grangs kyi 'khor los bsgyur ba stong 'gyur re'i bsod
nams 'thob par gsungs/ brkyang phyag 'di rgyud nas kyang bshad
cing/ paN chen nA ro pas kyang phyag bzhes su mdzad/ phan yon
la yid ches na gzugs

dang rkang lag kyang 'di las ring tsam yod na snyam pa 'byung
zhes phur lcog ngag dbang byams pas gsungs tshul/ thal mo bcar
leb ni mu stegs pa'i lugs yin pas rang res de mi bya bar thal mo
khong stong mthe bong nang du bcug pa'i nor bu'i

dbyibs lta bu byed/ de spyi bor bzhag pas sangs rgyas kyi gtsug
tor dang/ smin mtshams su bzhag pas mdzod spu/ mgrin par bzhag
pas gsung dbyangs yan lag drug cu/ snying gar bzhag pas thugs
'grub pa'i nus pa 'jog

cing; 'dis bsags sbyang gnyis ka 'byung bas lus ngag yid gsum
gyi sdig sgrib 'dag /lus sa la phab pa dang ldang ba'i skabs
mdzub mo bskum na dud 'gro rmig zlum du skye ba'i rgyu byed par
gsungs pas sor mo rnams gshib ste

sa la bkram pa las khu tshur mi bya/ des phyag zhabs kyi sor mo
dra bas 'brel ba 'grub/ lag pa dang dpral ba sa la gtug /yar
ldang ba'i skabs 'khor ba las myur du ldang ba'i rten 'brel gyi
gnad yod pas yar myur du ldang ba wa 'khyug

pa ltar dgos/ yar myur du ma ldang bar nyal ba ltar byas na/ lto
'phye sogs brang 'gro'i rigs su skye bas ngal bso dang sbrags
nas mgo gtugs te 'dug pa mi bya/ phyag snga phyi'i bar du lus
legs par ma bsrangs par sgur tsam sgur tsam

@104b byas na dud 'gro lta bu sgur por skye bas lus legs par
bsrang/ tshogs gsog pa'i phyir phyag re re nas tshul mthun 'tshal
ba las/ grangs gang mang ched du mgyogs chos mi byed/ rje'i bka'
srol la sngon 'gro 'bum sogs grangs la gtso

bor mi mdzad pas grangs mang po ma byung yang spus legs pa zhig
bya/ 'ga' zhig sngon 'gro btang ba yin zer nas/ phyag 'bum btang
ba'i tshe las sla chos chen po byed pa de 'dra mi rung/ sangs ma
rgyas kyi bar tshogs bsags sgrib sbyang

dgos pas rang re las dang po bas mi tshe hril por bsags sbyang la
'bad dgos/ sgom dang bsags sbyang rnams las bsags sbyang gtso
che/ sngon 'gro btang zin zhes zer nas blo bde 'bol gyis sos dal
du bsdad pas gar yang mi sleb/

tshogs bsags sgrib sbyang byung na 'bum mi long ba'i ngal ba dang
sems khral bya mi dgos pa sngar mtshams pa bzhi las gcig gis
grangs ma longs pa na/ gzhan gsum gyis de la grangs ji tsam song
dris pas/ khong gis khyed cag grangs

gtso bor byed kyin yod dam zer ba'i lo rgyus ltar yin/ de yang
rab na 'tshal tshul bzang la grangs mang ba zhig dgos/ grangs
brtsi ba rjes su yi rang gi dge ba 'ong ched yin/ spyir na phyag
ces pa zhar dang zhor la byed du yod de/ lam du 'gro

ba'i tshe sku gsung thugs rten sogs mthong na/ gus tshul gyis thal
mo sbyar ba tshun chad phyag byas par 'gro/ nyams len byed shes
pa zhig yin na/ lus kyis g.yo 'gul byas so cog chos su 'gro ba
zhig bya rgyu yod gsungs/ gnyis pa

@105a @#/ /mchod pa'i yan lag ni/ me tog dam pa zhes sogs te/
dper na/ nged tsho'i lo tog bzang po skye ba'i zhing de la sa bon
ma btab par lo gcig lus na shin tu phangs par brtsi yang de la
de tsam phangs

rgyu med/ tshogs kyi zhing la bsod nams bsags rgyu ma byung na
snga ma de bas brgya 'gyur stong 'gyur gyis phangs pa yin/ dma'
mthar phyi ma don gnyer gyi bsam pa tsam gyis ma zin na dge rtsa
gang bsags thams cad chos su mi

'gro yang/ de ltar 'gro ba gcig yod de/ sangs rgyas kyi zhing la
phyag mchod sogs kyis bsod nams bsags na skye ba phyi ma bsam
pa'i kun slong tsam med kyang sangs rgyas 'thob pa'i rgyur nges
par 'gro/ de ltar sangs rgyas kyi

zhing la mchod pa phul ba sogs la bsam pa kun slong ngan pas zin
kyang sangs rgyas 'thob pa'i rgyur 'gro ba'i rgyu mtshan ni/ 'di
la zhing gi mthus dmigs bsal gyi 'bras bu thob pa yin/ dper na
zhing bzang por sa bon btab tshul ma

legs kyang 'bras bu nges par 'byung ba bzhin no/ /spos zhim po'i
lde gu ni spos la sogs pa dri zhim po rnams bkol ba'i khu ba
rnams byugs pa'o/ /me tog dam pa sogs bla na yod pa'i mchod pa
ste/ bkod pa khyad par 'phags pa

sogs mchod pa lnga ma kun la sbyor dgos/ bdug spos sna gcig pa
ni tsandan gyi dri lta bu'o/ /phye ma ni/ tsandan la sogs pa'i
dri bzang gi phye ma dang/ phur ma ni bdug spos kyi phye ma
spungs pa'o/ /lugs gcig la/ phye ma ni dri bzang gi

@105b phye ma dang/ phur ma ni ras kyi khug ma lta bur dri bzang
po 'thul ba'i phye ma blugs pa bla rer btags te rlung gis bskyod
tshe bsung zhim po 'thul ba'o/ /bzang spyod las gsungs pa'i mchod
pa rnam pa bdun ni/ me tog dam pa sogs bdun no/ /sangs

rgyas dang byang sems rnams kyis thugs bskyed dang smon lam gyis
bzang dgur sprul pa ni bla na med pa'i mchod pa ste/ 'di rang
cag gis 'bul mi nus mod/ 'on kyang rang res 'bul rgyu zhig mchis
te/ blo gros rgya mtshos zhus

pa'i mdo las gsungs pa dam pa'i chos 'dzin pa dang/ byang chub
mchog tu sems bskyed pa gnyis/ snying rje pad dkar las gsungs
pa'i thos don sgrub pa la gzhol ba dang gsum/ bla ma'i man ngag
gis kha bskangs pa dge

rtsa mchod rdzas su bsgyur nas phul ba ste bla na med pa'i mchod
pa bzhi gsungs pa las/ lung rtogs kyi chos 'dzin pa nas/ tha na
gzungs tshig gcig 'dzin pa tshun chad dam chos 'dzin pa'am bla na
med pa'i mchod pa yin/ thos don

sgrub pa la gzhol ba ni/ gang thos shing bzung ba'i don lag len
du 'gel ba spyan snga ba sa 'dul ba'i dpe gzigs pas ko lpags dor
ba'i dpe ltar dgos/ nyams len gyi 'go 'dzugs gza' tshes bzang po
sogs bsgrig 'dod

na ma shi bar du mi 'grig gsungs/ tha na byi dor byed lugs shes
nas lag len byed pa tshun sgrub pa'i mchod pa yin pas/ gzhung
chen mor slob gnyer gnang ba tshos kyang thos don lag tu blangs
te sgrub pa nyams len la gzhol ba ma

@106a @#/ /gtogs/ bu ston rin po ches/ rang nyid rgyal 'dod gzhan
dag dma' dbab 'dod/ /g.yo sgyu'i spyod pa tshig rtsub ngan sems
can/ /ngag 'khyal sna tshogs smra zhing gzhan rgyud bsreg /de
'dra'i

rtsod pa de yang dmyal ba'i rgyu/ /zhes gsungs pa ltar ma song
ba dgos/ dge rtsa mchod rdzas su bsgyur ba ni/ rnam dag khrims
kyi chu gter chen po'i dbus/ /zhes sogs dang/ thos pa rgya
mtsho'i mchod yon kun nas 'khyil/ /zhes

sogs ltar thos sogs kyi dge ba mchod rdzas kyi gzugs su bkod pa
ste/ bla mchod skabs/ dngos bshams yid sprul yid bzhin rgya
mtsho'i ngogs/ /sogs kyang dge rtsa rnams dga' tshal gyi gzugs
su bkod de 'bul ba yin/

byang chub mchog tu sems bskyed pa ni/ sems bskyed nas de nyid
rgyal ba sras bcas la mnyes phyir 'bul ba ste/ de bzhi ka yang
bla na med pa'i mchod pa yin pas 'di 'bul du yod/ 'di las lhag

pa'i mchod pa zhig med pas rang cag rab tu byung ba rnams kyis
med bzhin log 'tsho mi sgrub par/ yod bzhin pa 'di kho na la
brtson te sgrub pa'i mchod pa gtso bor 'bul dgos/ gzhan yang
gro lung pa'i bstan rim las/ sku dang mchod rten

mngon sum mngon sum min/ /byas dang byed 'jug rnyed bkur rgya
chen dang/ /nyon mongs can min sgrub pa'i mchod pa bcu/ /zhes
pa rnams kyang 'bul dgos gsungs/ 'di mtshams maNDal 'bul ba 'di
bde myur dang/ 'jam dpal zhal

@106b lung mi 'dra zhing/ bde myur la sngon du mchod pa phul
nas de rjes maNDal 'bul/ zhal lung skabs bla ma sogs la 'bul
ba 'bul ba'i phyag len bzhin sngon la maNDal phul nas rjes su
mchod pa 'bul ba yin gsungs/ maNDal zhes pa

bod skad du dkyil 'khor zhes bya/ de yang dkyil snying po
dang/ 'khor len pa la 'jug pas snying po len pa la zer te/ go
rgyu chen po zhig yod/ maNDal gyi dbyibs la las mthun gru bzhi sogs
byed du rung/ kha shas kyis nang gi mnyam

gzhag las phyi'i mchod pa gtso mi che zer yang/ sngags kyi skabs
lnga bcu pa las/ dkyil 'khor me tog bcas thal mos/ /ston pa bla
ma bsnyen bkur zhing/ /zhes dang/ rnal 'byor dbang phyug dpal
ldan dgon pa ba nyin gcig ting nge 'dzin

la 'byams nas maNDal 'bul rgyu lus te rdul phung nger yod pa'i
skabs 'brom rin po che phebs te/ khyod maNDal mi 'bul ba ci
yin gsung/ nang du an cig bsams pas g.yengs 'tshal zhus pas/
'brom gyi zhal nas/ khyod ci zer/ khyod las

a ti sha sgom bzang ste maNDal nyin rer dus gsum du 'bul bar
mdzad ces bka' bkyon/ rnal 'byor pas de nas bzung maNDal 'bul
ba la lhag par du brtson pas rtogs pa 'khrungs tshul/ maNDal
gyi rgyu ni 'byor na gser dngul zangs sogs dang/ 

ma byung na rdo g.yam gyo mo shing gis kyang rung/ 'ol dga'
la yod pa'i rje'i maNDal yang rdo yin/ tshom bu'ang rab rin po
che dang/ 'bru sman/ de min rde'u dang/ bye ma sogs kyis rung
yang/ 'byor na gang bzang ba phul bas tshogs rdzogs

@107a @#/ /tshabs che/ che chung ni gang che che zhig ste/ ma
mtha' rang gi kha phor las ma chung ba dgos/ maNDal la ma
mtha' lo re dang/ zla ba re re nas nges par ba byung dang/ dri
bzang gi chu mdzub mo'i rtses thigs pa

gcig blangs te mthe bong dbus su bzhag ste mdzub mos mtha' nas
bskor/ yang mthe bong gis blangs te mdzub mo maNDal gyi dbus
su bzhag ste mthe bong gis mtha' nas bskor dgos/ 'bul tshul lag
g.yon pas 'bru bcas maNDal

bzung ste/ g.yas pa'i lag ngar gyis phyir lan mang du phyi
skabs sdig sgrib phyi ba'i mos pa dang/ tshur lan gsum phyi
ba'i tshe sku gsung thugs kyi byin rlabs thob pa'i mos pa byed/
tshom bu 'god tshul phyag len ltar la/ shar 'bul

yul la bstan pa dang/ rang gi mdun du shar byed pa gnyis yod
pas mchod pa'i maNDal skabs shar tshogs zhing ngos dang/ gsol
'debs maNDal skabs shar rang ngos la byed pa byin rlabs tshur
zhu ba'i dbang du byas pa'i phyi ma de bzang/ ri

rab; gling/ gling phran/ rin po che'i ri sogs dang/ sna bdun/ gter bum/
sgeg sogs brgyad/ nyi zla/ gdugs rgyal mtshan bcas kyi maNDal
so bdun ma 'di 'gro mgon chos 'phags kyi phyag srol bzhin
dang/ rje'i rang lugs ni

nyer gsum ma yin/ maNDal tshom bu nyer gsum dang nyer lnga'i
khyad par dbang chen gser gyi sa gzhi dang/ phyi'i lcags ri'i
tshom bu gnyis grangs su bgrang min gyi khyad yin/ maNDal skabs
gling bzhi ri rab dang bcas pa mdzod kyi lugs ltar

@107b byed dgos pas de dag gi chags tshul yang rgyas par mdzod
ltar dang/ ma mtha'ang rags rim shes dgos zhes mdor bsdus
stsal/ mtsho dang ri re res ri rab la lcags ri bskor ba bzhin
la/ dbus su rin chen sna bzhi las grub pa'i ri

rab; shar gling dkar/ de bzhin du lho sngo/ nub dmar/ byang
ser/ gling de dang de dag tu rin po che'i ri bo sogs mang po
phyur bur spungs par bsam/ rin po che'i ri bo sogs bzhi po ni
gling so so'i khyad nor lta bu yin pas gling gi tshom

bu'i steng du 'god/ 'dod 'jo'i ba ni rin po che'i rang bzhin
can/ gcin dang lci ba thams cad gser du 'bab pa zhig yin/ ma
rmos pa'i lo tog ni/ nangs brngas na nub skye/ nub brngas NA
nangs par skye la shun pa sogs med pa'i

'bras zhig go /tshom bu nyer lnga mar gling phul bas de dag don
gyis 'bul ba la dgongs nas tshom bu logs su ma mdzad pa yin/ rin
chen bdun ni/ 'dzam bu chu bo'i gser las legs byas shing/ /sogs
ltar te/ de dag gling

bzhi'i ri rab la nye ba'i bar snang la phyogs mtshams su 'god/
sgeg sogs brgyad ni ri rab kyi bang rim la yod cing sngar gyi de
dag gi nang du steng la 'god/ nyer lnga mar ri rab phul bas de
dag logs su mi dgos par mdzad/ nyi zla ni g.yas g.yon dang/

rin po che'i gdugs rgyab dang/ rgyal mtshan rang mdun rten
'brel gnad kyis 'god/ yang na nyi ma nub/ zla ba shar/ gdugs
byang/ rgyal mtshan lhor 'god pa yod de/ de la'ang rten 'brel
yod/ lha mi'i gces nor yod dgu thams

@108a @#/ /cad ri rab kyi dbus su spungs nas 'bul/ tshe gling
yongs 'dzin rin po ches bkras lhun nas ja'i lbu ba chung ngur
mi'i gdong yongs rdzogs chud pa gzigs pa'i dpe ltar ram/ shel
sgo'i nang du gdong

chud pa dang/ khab mig nas ri mthong ba bzhin maNDal che ru ma
song ba'i nang du gling bzhi lha gnas dang bcas pa chung du ma
song bar gsal gdab/ stong gsum/ rab 'byams/ rgya mtsho/ rgya
mtsho'i rgyud gsum go rim bzhin stong

'gyur du bsgres nas brtsi dgos/ sa gzhi spos kyis sogs rtag tu
ngus chos 'phags la phul ba'i skabs kyi tshig yin snyam pa
brtag 'di'i skabs sangs rgyas zhing la dmigs te zhes pa dang/
sangs rgyas zhing du dmigs te

zhes 'don tshul gnyis yod pa'i sangs rgyas zhing la zhes pa ni/
sangs rgyas tshogs kyi zhing la zhes yul la bsgyur du rung
yang/ ri rab gling bzhi dang bcas pa ma dag pa'i zhing rnams
'bul du mi rung ba'i skyon yod pas/ skad

cig dang po ma dag pa'i zhing gling bzhi ri rab dang bcas pa
skad cig gnyis par dag zhing du bsgyur nas phul ba sangs rgyas
zhing du dmigs te phul ba zhes pa'i don yin zhing/ de ltar mos
te phul na phan yon de bzhin 'thob/ dwags

po'i maNDal tshigs bcad mar 'bul grogs tshangs dbang sdom ldan
zhes rang sdom ldan yin na rogs la tshangs pa dang/ sdom ldan
min na rogs la dge slong dang tshangs pa dgos par gsungs kyang/
ri rab gling bzhi dang bcas pa

@108b sems can spyi mthun gyi las las grub pa yin pas/ des na
rang gi las kyi cha shas las grub pa'i bdag 'bras ri rab gling
bzhi cha tshang zhig yod pa de phul ba yin pas 'bul grogs
tshangs dbang mi dgos so/ /dmigs pa

'char thub na gling bzhi sogs bye ba phrag brgya dang/ ma thub
na cha tshang gcig dbul kyang rung/ maNDal 'di legs par phul
na/ gling bzhi ri rab sogs de dang de phul ba'i phan yon 'thob
ste/ dper na chos rgyal mya ngan med sku skye snga ma

zhig la byis pa'i skabs sangs rgyas rnam gzigs kyi lhung bzed
du thal ba gser du mos nas phul ba'i tshe gser phul ba'i phan
yon thob cing/ rjes su nub gcig la mchod rten bye ba gcig
bzhengs rgyu byung ba'i rabs ltar yin/ de'i

phyir maNDal 'di ni tshogs rdzogs pa/ tshegs chung ba/ g.yo med
pa sogs bsod nams gsog pa zhig la 'di las lhag pa med pas/
zangs sgor mo 'di la de 'dra ba'i gnad chen po yod/ mjug tu
maNDal tshom bu phar tshur gshegs pa

byin rlabs tshur zhu ba dang/ bar chad phar bsal ba skabs bstun
so sor sbyar/ de yang grangs la gtso bor mi byed par dmigs pa
la gtso bor byed/ gal te grangs gsog byed 'dod na mchod pa'i
skabs 'dir bas ga chog /de yang sangs

rgyas chos tshogs ma dang sa gzhi spos byugs sbrags te ri rab
dang gling bzhi/ nyi zla gnyis bcas bdun 'bul dgos/ dge slong
ma dpal mos mandal phul nas 'phags pa'i zhal gzigs pa/ rje
tsong kha pas 'ol dga' chos lung du

@109a @#/ /maNDala phul ba sogs la thugs brtson cher mdzad de
lta ba 'khrungs pa yin pas 'di la thams cad kyis brtson par
byed gsungs// ! //nyin drug par/ slob dpon tsandra go mis/

ji ltar glang bu khron zab kha nas 'khrungs pa yi/ /rtswa lo
kham 'ga' la ni yid ni chags gyur nas/ /rnyed pa grub pa med
par g.yang du lhung ba ltar/ /'tsho ba'i 'jig rten bde ldan
'dod pa'ang de dang 'dra/ /gsungs pa ltar glang po che zhig

g.yang sa 'jigs su rung ba'i khar rtswa skyes pa la chags nas
der song ba na g.yang du lhung ba ltar/ rang re rnams kyang
tshe 'di'i bde skyid tsam la chags nas mi dge ba'i las sna
tshogs la spyad de/ nam zhig ngan song gi g.yang sa chen por

lhung na phyis nas thar dka' bas na gtan gyi 'dun ma zhig
sgrub dgos/ de sgrub pa'i thabs mchog tu gyur pa ni byang chub
lam gyi rim pa'i tshul la 'jug pa las gzhan med pas/ des na
sems can gyi don du bdag gis sangs rgyas kyi

go 'phang thob par bya/ de'i ched du byang chub lam gyi rim
pa'i khrid zhus nas nyams su len snyam pa'i kun slong dgos
tshul/ de yang sa bcad sngon du ji ltar song ba rnams gsungs
nas/ thun la sbyor dngos mjug gsum las/ sbyor

ba'i chos drug gi lnga pa yan lag bdun pa maNDal dang bcas pa
'bul ba'i yan lag gzhan gnyis bshad zin nas/ gsum pa sdig pa
bshags pa'i yan lag ni/ rang cag rnams kyi rgyud la rtogs pa
sngar ma skyes pa gsar du mi

@109b skye zhing/ skyes zin nyams pa ni sdig sgrib 'dis byed
pa yin la/ der ma zad tshe 'di phyi'i mi legs pa thams cad sdig
pas byas pa yin/ de dag mi 'dod na sdig pa bshags dgos/ bshags
pa byas na ni mtshams med kyi las dang/ myong 

nges kyi sdig chen po'ang 'dag thub/ bye smra'i lugs la mi 'dag
par gsungs kyang/ de ltar 'dag thub pa 'di thal 'gyur ba'i bzhed
pa yin/ bshes springs las kyang/ gang zhig sngon chad bag med
gyur pa la/ /phyis nas bag dang ldan par

gyur de yang/ /zla ba sprin bral lta bur rnam mdzes te/ /dga'
bo sor phreng mthong ldan bde byed bzhin/ /zhes gsungs/ mkhas
pa'i sdig pa lci yang yang/ /blun po'i sdig pa yang yang lci/
/zhes pa'ang bshags pa bya tshul mkhas mi mkhas

la byed/ bram ze bde byed kyis rang gi ma bsad pa dang/ sor
phreng can gyis mi chig stong dgu brgya go dgu bsad pa dang/
ma skyes dgras pha bsad pa'i mtshams med kyi las byas nas phyis
bden pa mthong ba'ang bshags pa shugs drag byas

pa las byung/ des na bshags pa stobs chen gyis sdig pa rtsa ba
nas 'dag /'bring gis yang du 'gro/ thams 'phel kha 'chad pa
yin/ bshags pa ma byas na nyin bzhin sdig pa ldab 'gyur du
'gro bas sdig pa chung du'ang chen por

'gyur ba/ dper na shig gcig bsad pa'i sdig pa yang ma bshags
na nyin bco lnga la srog gcod chig khri drug stong sum brgya
brgyad cu gya bzhir 'gyur 'gro bas/ mi bsad pa'i sdig tsam du
gyur pa yin/ rang cag sdig pa bshags

@110a @#/ /'dod med cing/ sdig la 'jigs pa mi skye ba las 'bras
la yid ches ma skyes bas la na/ de skyes na sdig pa phra mo
la'ang 'dzem pa/ dper na/ jo bos phebs lam du nyes byas phra'u
zhig byung bar

yang 'grul pa'i sna bskyil nas bshags pa shugs drag mdzad 'dug
pa de ltar 'ong ba yin/ rang re phal che bas sdig bshags bya
rgyu yod bsam pa cher med mod/ de ni sdig pa byas tshul la ma
bsams bas lan te/ zhib tu bsam

na da nangs nam langs nas bzung yid dang ngag sogs kyis gnod
sems dang/ ngag 'khyal tshig rtsub sogs ji tsam byas 'dug /rang
cag rab byung lta bu yin na pham pa yar bcad/ lhag ma man zhu
dag cig byas na nyes ltung char

'bab pa bzhin byung yod/ der ma zad 'di tsam la gnad 'gag ci
yod ces sham thabs zlum por ma bgos pa lta bur gsang sngags
kyi rtsa ltung tshang 'gro ba yang yod/ de bzhin du byang sems
kyi rtsa ltung yang char

bzhin 'bab/ so thar gyi pham pa dang/ byang sems kyi nyes
byas/ byang sems kyi rtsa ltung/ gsang sngags kyi sbom po/
gsang sngags kyi rtsa ltung rnams snga ma snga ma las phyi ma
phyi ma 'bum 'gyur gyis lci/ da nangs nam langs

nas da lta'i bar bsngo bgrang zhig byas na rang cag gis ngan
song gi rgyu cha tshang mang po bsgrub zin yod pas nyin rer
yang mi dge bcu dang/ sdom gsum bcas 'gal gyi nyes pa sogs
mang po 'byung zhing/ de dag chen pos dmyal

@110b ba; 'bring gis yi dwags/ chung ngus dud 'gror skye bar
gsungs/ chen po zhes pa de yang mi bsad rta bsgyel zhig mi
dgos kyi/ bsam pa khong khro shin tu drag pos/ dge phrug la
khyi rgan zhes lab pa tshun mi dge ba chen po yin/ zhing khyad
par

can la skur pa gdab pa sogs zhing gi sgo nas cher song ba yin
pas/ de ring gcig pur yang ngan song gsum ga'i rgyu cha tshang
re bsags zin yod pa red/ 'o na de 'dra yin na da ji ltar bya
snyam na/ de yang skrag nas bsdad pa gcig pus mi

phan par tshe 'dir ma shi tshun phyag dang yig brgya 'bum sogs
kyis 'khor ba thog med kyi sdig pa 'dag pa'i rtags ma byung
bar bshags sdom la 'bad/ rtags kyang skul byed kyi gzungs las
bshad pa lam rim chen mo sogs las

shes dgos/ de nas dgong mo nyal khar rdor sems sgom bzlas dang
'brel ba'i yig brgya nyer gcig re bzla ba dang/ ltung bshags kyi
sgo nas brkyang phyag sogs la 'bad de sdig ltung nangs byung ba
nub bshags/ nub byung ba nangs

bshags te/ ltung ba dang zhag tu mi 'grogs pa zhig bya/ nyams
len gzhan mang po ma byung yang/ 'di gcig pur 'bad na'ang des
'tshengs/ des na tshe 'di dang phyi ma'i sdug bsngal thams cad
kyi 'byung khungs sdig pa 'di bshags

thub na sdug bsngal sel zhing nyams rtogs ngang gis 'byung/
tshe 'dir na tsha byung ba sogs kyi tshe/ na tsha myong byed kyi
rgyu mi dge ba bsags zin pa yin pas/ rim gro byed pa sogs kyis
btsan thabs su phan pa byar med cing/ rim gro byas pa'i

@111a @#/ /'bras bu phyis nas logs su smin pa 'ong/ des na des mi
phan pa sogs la log lta yang mi byed/ dper na zhing la sran ma'i
'bras bu grub zin nas/ de bzlog thabs su nas gtor ba dang 'dra/
de'i

bar 'bras bu grub zin pa na ci byar med pas de ma myong gong nas
sa bon bcom pa ltar sdig pa bshags par bya/ bshags pa byas na/
sdig chung ba rnams rtsa ba nas 'dag /che ba rnams kyang bsrab
tu 'gro/ ngan song myong nges rnams tshe

'di'i na tsha drag pos go chod pa sogs 'byung/ spyir sdig pa la
yon tan med kyang/ bshags nas dag rgyu yod pa de sdig pa'i yon
tan yin pas bshags pas mi 'dag pa'i sdig pa med/ sdig pa dag che
chung ni bshags pa'i bsam

sbyor drag zhan gyis yin pas/ 'gyod sdom sogs shugs drag po bya
dgos/ 'di ni chos byed pa 'ga' re tshe 'dir mi 'dod pa du mas
mnar ba yod mod/ de dag skye ba phyi mar myong 'gyur gyi las
ngan pa rnams tshe 'dir smin pa yin pas

shin tu legs/ longs spyod shor god mang po byung ba'ang/ yi
dwags su myong 'gyur rnams 'dir smin pa yin/ sdig pa byed pa kha
cig tshe ring ba sogs re zhig lam 'gro che ba ltar snang ba ni/
tshe sngon ma'i dge ba'i 'bras bu lhag mar lus

pa rnams tshe 'dir snga bsnur du smin nas slad sdug bsngal 'ba'
zhig gis mnar ba'i gnas su ltung ba yin/ 'brom chos kyi rgyal po
yang sku tshe'i smad du mdze nad byung tshul bstan pas/ des na log
lta mi byed par na tsha sogs la'ang dga' ba

@111b bsgom/ dge ba khong khros bcom pa dang/ sdig pa bshags pas
'dag pa gnyis gyong dang khe shin tu che ba zhig yin/ de yang
bshags pa la gnyen po stobs bzhi tshang dgos/ rten gyi stobs
bshags yul la ngos 'dzin pa yod kyang/

rang lugs sa la 'gyel ba sa gzhi la brten nas ldang dgos pa
ltar/ gang la brten nas bsags pa'i sdig sgrib de/ de la brten
nas sbyong ba'i rten la bya dgos te/ sdig pa ni sangs rgyas dang
sems can gnyis la brten nas byas pas de la skyabs

sems byed pa rten gyi stobs yin/ 'di gnyis gong du bshad zin/
rnam par sun 'byin pa'i stobs ni 'gyod sems te/ 'di yod na sdom
sems kyang 'byung/ de stobs chen 'ong ba la las 'bras shes dgos/
dper na mi gsum gyis

dug dang 'dres pa'i zas mnyam du zos te gcig shi/ gcig na bar
gyur na/ gcig ma na ba de shin tu nas 'gyod cing/ dug de phyir
'don thabs gang drag ci drag byed/ phyin chad mi za bar thag
chod pa ltar/ sems can rnams sngon chad

dug dang 'dra ba'i sdig pa mnyam du bsags nas/ kha cig shi nas
ngan 'gror skyes zin/ kha cig na ba dang 'dra bar dug gsum gyi
gcong nad tshabs po ches rgyun du mnar te ngan song du lhung la
khad du yod na/ rang cag rnams kyang las de byas

zin pa la khyad med pas/ de la 'gyod pa dang/ sdom sems byed/
nyes pa las slar ldog pa'i stobs sdom sems 'di legs par shin tu
brtan par bya dgos kyi/ bshags pa'i phan yon thos nas ji mi
snyam par mi 'jog /sdom

@112a @#/ /sems byed lugs kyang tshig rtsub sogs ha cang 'ong nye
ba rnams slan chad gtan nas mi byed ces pa'i tshig tsam brjod pas
rdzun du 'gror nye zhing/ sdom sems shig med na stobs bzhi mi
tshang bas/ rtsa ba

nas spong nus pa dag rtsa ba nas dang/ lo dang/ zla ba dang/ de
ring gi nyi ma 'di la mi byed snyam pa sogs nyin re zhing yang
blos gang thag chod pa de gang thub spang na/ nyin gcig bzhin
spong thub pa'i gnad yod/ de ltar sbyangs pas rgyun

gcod nus pa bdag gi bla ma rin po che'i man ngag thabs mkhas kyi
'phrul chen po yin gsungs/ gnyen po kun spyod kyi stobs la gtso
bor drug gsungs pas sngar byas pa la 'gyod pa'i sgo nas dngos su
'dag par byed pa'i thabs/ de

bzhin gshegs pa'i mtshan dang/ gzungs sngags dang/ mdo dang/
stong nyid dang/ mchod pa dang/ sku gzugs la brten pa rnams gang
'grub cig bya/ de tsam ma zad mthol lo/ /bshags so/ /zhes pa'i
tshig dngos su

ma brjod kyang sdig pa 'dag pa'i phyir du ma Ni bgrang ba tshun
dge ba ci byas kyang gnyen po kun tu spyod pa'i stobs su 'gro
bas rang cag grwa rkyang lta bus chos grwa la 'gro ba'i tshe/ tsha
grang dka' spyad byas pa kun kyang sdig pa 'dag pa'i ched du
bsam

na de'i rgyur 'gro/ de yang stobs bzhi tshang bar byed dgos/ gong
gi drug po'i nang nas mtshan la brten pa'i gras 'jug pa bde
zhing/ dam pa gong ma'i phyag srol bzhin ltung bshags dang 'brel
ba'i phyag 'tshal ba rang byed/ ltung bshags 'di'i

@112b tshig zin la stobs bzhi ka tshang yod/ rje bdag nyid chen po
'phrin las nam mkha' dang mnyam pa yang phung po gsum pa'i mdo'i
sgo nas bsags sbyang mdzad pa sogs kyi phan yon red/ de'i phyir
ltung bshags dang phyag sbrags te bshags pa byed

pa rje tsong kha pa chen po'i bka' srol yin/ lho brag grub chen
gyis kyang 'di'i sgo nas sgrib sbyang mdzad/ de bzhin phyis kyi
mkhas grub kun kyang 'di ga mdzad/ grub mchog blo bzang rnam
rgyal gyis kyang 'di rang bzang bar gsungs/ des na bu

lon shin tu che bas skyed bkag byed pa bzhin sdig sbyang blo bde
ba zhig 'di'i sgo nas byed/ phyag gsog mkhan dag gis kyang phyag
'tshal ba'i yan lag skabs bsam blo legs par btang ste/ lus kyis
thal mo sbyar ba tsam byas nas/ phyag

grangs gsog ngo ma bshags pa'i skabs dang sbrags na bzang/ de'i
tshul ni/ dang po 'gyur sngags dang sbrags nas lan gsum 'tshal/ de
rjes ltung bshags pa dang sbrags nas bya/ ltung bshags kyi lha
rnams tshogs zhing du

yod mod/ 'dir nan tan gyi tshul gyis bla ma'i thugs ka nas 'od
zer so bzhi spros/ steng 'og tu bcu bcu/ g.yas g.yon du bdun
bdun te glang chen gyis bteg pa'i rin po che'i khri mu tig gis
brgyan pa so bzhi re bsgom/ glang chen

dud 'gro gzhan las stobs che ba'i rgyu mtshan gyis des bzhugs
khri 'degs pa skabs 'dir sdig pa 'dag pa la stobs che ba'i rten
'brel gyi gnad yod/ lha so lnga'i sku mdog phyag mtshan ni mi
'dra ba mang mod/ 'on kyang 'char bde bar byed

@113a @#/ /na bdun tshan re re de bzhin gshegs pa lnga'i sku mdog
phyag mtshan can du byed de/ dang po mi bskyod pa'i rnam pa can
bdun/ de nas rim bzhin rnam snang/ rin 'byung/ 'od dpag med/ don
grub rnam can

bdun re bya/ dang po bdun las shAka thub ni bla ma'i thugs ka'i
des chog /klu dbang rgyal po mgrin pa yan dkar la gzhan sngon
po/ klu 'dul ba'i phyag rgya zhes phyag gnyis khu tshur sbyar
ba'i dkyil mdzub gnyis gyen du sgreng ba ste 'di

gnyis dmigs bsal yin/ de dag tshogs zhing las mdun du tshur thon
tsam bya/ ltung ba bshags pa 'don lugs la zhal shes gsum las/
lugs gcig la dbu nas mjug rdzogs par tshar re bton nas gsog pa
dang/

yang na ston pa nas ri dbang rgyal po'i bar la tshar re brtsis te
mtshan rnams 'ba' zhig ldab bskyor du 'don/ yang na ltung bshags
nyer lnga tsam thun gcig la 'don pa lta bur cha bzhag na/ de
bzhin gshegs pa re re bzhin

mtshan nyer lnga re 'don/ phyi ma 'di dmigs pa gsal bde ba dang/
so so'i phan yon 'char bde ba man ngag yin/ 'don lugs gnyis ka
la mjug tu mtshan rnams zin nas de dag la sogs pa man chad kyis
mjug bsdu

ba tshar gcig gis chog /de bzhin gshegs pa de dag gi mtshan re rer
yang brjod pa'i phan yon mang po yod pas/ de dag TIkka sogs su
bltas nas nges par byed/ de bzhin gshegs pa so lnga'i mtshan gyi
steng du bde bar

@113b gshegs pa mched bdun gyi mtshan bsnan na/ bstan pa 'di'i
dus snyigs mar smon lam rnams 'grub par gsungs/ rang cag phan
yon dang byin rlabs myur ba don du gnyer bas bde gshegs mched
bdun gyi mtshan yang der bcug

ste phyag bya/ ltung bshags kyi de bzhin gshegs pa zhes pa mang
ba mdo las dngos su mi 'byung yang/ bstod pa med par mtshan rjen
par 'don pa mi rung bas rje'i phyag srol ltar tshad ma'i dbur de
bzhin gshegs pa zhes pa'i che

bstod 'di sbyar dgos/ de'i rjes spyi bshags lta bu bton nas/
'dod chags zhe sdang zhes sogs gzhung ltar 'jug cing/ de yang
rgyu dug gsum dang/ sgo lus ngag yid gsum/ ngo bo mi dge ba/ so
sor bshags zhes pa sdom

gsum so so'i lugs ltar bshags pa'i don yin/ rgyun du sdig pa
byas pa rnams de skabs yid yul du byas te bshags pa nan tan
byed/ bzhi pa rjes su yi rang ba'i yan lag ni/ yi rang 'di byang
chub sems dpa'i nyams len

yin pas rang re'i blo la cung zad 'bab dka' yang/ 'di legs po
byung na tshogs gsog pa zhig la 'di las lhag med/ sngar dbul po
des pas yi rang byas pas rgyal po gsal rgyal gyis sangs rgyas
nyan thos dang bcas pa la bsnyen

bkur dngos byas pa bas lhag pa'i phan yon thob tshul dang/ rje
tsong kha pas/ 'bad pa chung ngus rlabs chen tshogs sdud la/ /dge
la rjes su yi rang mchog tu gsungs/ /zhes gsungs pa ltar lus
ngag gi bsgul bskyod mi dgos par

@114a @#/ /dal bar sdod bzhin du tshogs dpag med sdud pa zhig yin/
sngon rgyal po gsal rgyal gyis sangs rgyas la zhus te rgyal srid
skyong bzhin chos byed chog pa'i chos la/ rjes su yi rang dang/
byang chub tu

sems bskyed pa/ bsngo ba ste gsum gnang ba ltar phrag dog dang
'gran sems med pa'i yi rang byed dgos/ rang la mi dga' ba zhig
gis dge ba byas na/ rang tshos khos byed khul byas pa red/ gang
yang phan dogs med ces phrag

dog byed mod/ de ltar mi bya bar rang tsho grwa rkyang lta bus
rang gi shag 'gram du gnas pa des brgya mchod cig phul song
na'ang de la yi rang legs pa zhig byas na/ rang las khong yul
rten dma' na bldab 'gyur dang/ mnyam na de

mtshungs/ yul de rten mtho yang phyed tsam phul ba'i phan yon
nges par 'thob pas/ de las khe che ba ci zhig byed/ des na sangs
rgyas byang sems sogs snga ma rnams kyi mdzad pa la yi rang byas
na rgyud tshod mtho dma'i dbang gis

de'i phan yon bcu cha tsam 'thob/ sangs rgyas kyi dge rtsa lta
zhog /rang res mi tshe hril por dge sbyor la 'bad kyang byang
sems sa dang po ba'i nyin gcig gi dge rtsa'i cha shas tsam yang
mi 'byung zhing/ yi rang bgyis na de'i phyed cha

tsam 'thob pas 'di ni sems kyi khyer lugs gcig gis tshogs rlabs
po che sdud pa'i thabs mkhas kyi 'phrul chen po zhig yin/ dbus
phyogs 'dir rgyal bstan dar ba'i stobs kyis phyag mchod/ skor
ba/ bsnyen bkur/ sgom

@114b sgrub; slob gnyer sogs byed pa mang bas de dag la yi rang
byas na dge rtsa rlabs chen 'thob pa 'ong/ bla ma'i phyag bzhes
la 'di'i mtshams sangs rgyas rnams kyis dang po thugs bskyed pa
sogs dang/ rgya bod mkhas grub rnams kyi mdzad pa

dang; shag mtshes pas kha ton byed pa tshun gyi dge ba byas tshad
la rim bzhin yi rang byed/ gzhan yang 'di la bsgom lugs gnyis
te/ rang gi dge ba dang/ gzhan gyi dge ba la yi rang bsgom pa'o/
/dang po la gnyis/ tshe snga ma'i dge

ba la rjes dpag tshad mas gzhal ba'i sgo nas yi rang ba dang/ tshe
'di'i dge ba la mngon sum tshad mas gzhal te rjes su yi rang
bsgom pa'o/ /dang po ni/ tshe 'dir rten bzang po thob pa dang/
chos kyi mthun rkyen 'byor pa sogs la dmigs

nas; bdag gi skye ba snga ma'i rten der tshul khrims bsrung ba/
sbyin pa btang ba/ bzod pa bsgom pa sogs shin tu legs 'dug snyam
du yang yang bsam/ spyir na tshe snga ma des don sgrub lugs ma
nor bas da res dal 'byor phun tshogs

'di 'dra byung ba red/ da skye ba phyi ma la ji 'dra zhig tu
skye ba dge slong lags rang gis shes te/ dam pa snga ma 'ga'i
zhal nas/ tshe sngon skye ba rin po ches/ /da lta'i mi lus rin
chen stsal/ /da lta'i dge slong rin po ches/ /phyi ma g.yang du

ma bskyur ang/ /zhes gsungs/ des na da lta rang gi spyod tshul
la brtag na skye ba phyi mar gar skye shes nus kyi/ mngon shes
yod pa sogs la mo brtag zhu mi dgos gsungs/ gnyis pa ni/ rang
gis mngon sum du myong ba'i kha ton gang byas

@115a @#/ /pa dang/ sbyin gtong dang bsnyen bkur gang byas pa
dang/ thos bsam gang byas pa dang/ tshogs chos rar dka' spyad ji
ltar byas pa dang/ tshul khrims ji ltar bsrung ba sogs dran te
rlom sems med

par dga' ba bsgom/ rlom sems byas na dge rtsa chung du 'gro/
rtsis bshar byed na de dag la byed dgos/ rang res dngul sogs la
rtsis rgyag mang po byed mod de/ des yar skyel na ji ltar lhag
kyang tshe 'di'i bde skyid phran bu tsam

las 'ong sa med/ dge bas yar skyel na lha mi'i rten bzang nas
bzung ste 'tshang rgya ba'i bar du 'gro/ sdig pas dpag tshad mang
po'i 'og rdo rje'i dmyal ba sogs su skyel ba'i phyir rtsis rgyag
de dag la gyis/ sngon dge bshes 'ban gyis

dge sdig rtsis rgyag byas pa'i rabs gsungs/ rtsis rgyag da lta
nas rang gis byed na bzang zhing/ phyi mar gshin rje'i drung du
rtsis rgyag chen mo tshugs skabs ci byar med pa 'ong/ gnyis pa
gzhan gyi dge bar yi rang ba la/ dgra'i

dge ba/ gnyen gyi dge ba/ bar ma'i dge ba/ gang zag lnga'i dge
bar yi rang ba dang/ skyes bu dam pa'i rnam thar bklags nas de
dag gi mdzad pa la yi rang byed/ 'dis bsod nams gsar du bskyed
la/ rang gi dge bar yi

rang bas ni/ gong 'phel du 'byung ba yin/ rje gung thang pas/
nyal bzhin dge chen zhig byed na/ /rjes su yi rang rang sgoms
shig /gsungs pa bzhin/ rang re bod chos ldan gyi zhing du sdod
pa 'dis 'gro zhor 'dug zhor dang nyal te nyan

@115b nas yi rang byas pas chog /byang chub sems dpa'i yi rang
gi rgyu la gzhan don don gnyer gyi blo dgos/ dper na/ mi tshang
de'i mi thams cad kyi lto gos pha gcig pu des bsgrub dgos pa la/
de'i bu che bas rang gi lto gos rang gis sgrub thub

pa zhig byung na pha des bu de la gzhan las lhag pa'i dga' ba
byed pa bzhin yin pas/ yi rang bya lugs spyi dang rnam pa cung
zad mi 'dra/ lnga pa chos 'khor bskor bar bskul ba'i yan lag ni/
ston pa sangs

rgyas nas thog mar zhag bdun phrag bdun bar chos 'khor ma bskor
ba na/ skye bo 'di dag tshangs la dad pa ste/ /de yis gsol ba
btab la 'khor lo bskor/ /zhes pa ltar/ lha tshangs pas bskul nas
thog mar 'khor lnga sde la bden bzhi'i

chos 'khor gsungs/ de yang lnga sde la bden bzhi lan gsum rnam
grangs bcu gnyis su bzlas te lung gi chos 'khor bskor bas dang
por kun shes ko'u di n+yas dgra bcom thob/ gzhan bzhis rgyun
zhugs thob ste rtogs pa'i chos 'khor gdul

bya'i rgyud la bskor ba'am thob pa yin/ de thob pa lung gi chos
'khor la ltos/ lung gi chos 'khor de gsol ba btab pa la ltos
dgos pas des na chos 'khor bskor bar bskul ba'i yan lag 'di
byung/ 'di'i skabs/ mdzod las/

chos kyi 'khor lo mthong ba'i lam/ /zhes sogs las brtsams pa'i
'phros bshad mdzad/ chos 'khor bskor bar bskul tshe/ maNDal yod
na tshom bu dgu bkod nas gser gyi 'khor lo rtsibs stong dang ldan
pa phul nas gsol ba 'debs

@116a @#/ /pa'i mos pa dang/ de yang rang nyid tshangs pa chen por
mos/ de las rang 'dra grangs med par spros te phyogs bcu'i sangs
rgyas sam/ de yang ma lcogs na tshogs zhing gi grangs dang/ de
yang ma lcogs

na gcig gis 'khor lo phul ba'i mos pa bya/ drug pa mya ngan las
mi 'da' bar gsol ba 'debs pa'i yan lag ni/ mdo las/ sangs rgyas
mya ngan yongs mi 'da'/ /zhes sogs ltar/ spyir sangs rgyas mya
ngan las 'da' ba

dang; chos nub pa med kyang/ mchog gi sprul sku mya ngan las
'da' bar ston pa la mya ngan las mi 'da' bar gsol ba 'debs dgos/
de ma btab na skyon che ste/ sangs rgyas mya ngan las 'da' khar/
de bzhin gshegs pa ni mi

'jigs pa bzhi dang/ rdzu 'phrul gyi rkang pa bzhi la brten goms
mang du mdzad/ rdo rje lta bu'i sku brnyes pas sangs rgyas kyis
bzhugs par bzhed na bskal pa'am bskal pa bas lhag pa'ang bzhugs
zhes kun dga' bo la gsungs

kyang kun dga' bo bdud kyis byin gyis brlabs pas don ma go nas
gsol ba ma btab pas ston pa dgung lo brgyad cu par mya ngan las
'das pa ltar yin pas gsol 'debs dus las mi yol ba gal che/ 'di'i
skabs maNDal la tshom

bu lnga bkod de rdo rje'i khrir mos/ de yang tshogs zhing gi
grangs sam/ ma nus na khri gcig phul ba tshogs zhing gi khrir
thim pa'i mos pa bya/ chos 'khor bskor bar bskul ba dang 'di
gnyis la zhal gyis bzhes pa'i mos pa re 'ang byed/

@116b bdun pa bsngo ba'i yan lag ni/ rjes su bsngo ba byed pa
'di gal che ste/ 'di dang kun slong bcos pa gnyis la bka' gdams
blo sbyong las/ thog mtha' gnyis la bya ba gnyis/ /zhes gsungs/
bsngo smon gnyis snga mas phyi mar khyab/

bsngo ba la bsngo bya'i rdzas yod nas bsngo ba dgos/ de yang
bsngo ba'i sa bcad drug las/ gang bsngo ba ni dge rtsa/ gang gi
ched du bsngo ba ni dge rtsa mi zad pa'i ched dang/ gang du
bsngo ba ni bla med rdzogs byang du dang/ gang gi don du bsngo
ba ni sems

can thams cad kyi don du/ tshul ji ltar bsngo ba ni rgyan las/
thabs dang mi dmigs pa dag gis/ /zhes pa ltar 'khor gsum mi
dmigs pa sogs thabs shes zung 'brel gyi blos bsngo bya'i rdzas
la bden zhen bkag ste bsngo ba/ bsngo ba'i

ngo bo ni dge rtsa mi zad pa'i 'dun pas zin pa'i dge ba rdzogs
byang gi rgyur sgyur ba'i sems pa zhig la byed pa yin/ des na
smon lam 'di stobs shin tu che ba ni/ dper na ston pa'i smon lam
gyi mthu las/ da lta rang cag chos kyis mi phongs

pa 'di ltar yin/ shA ri'i bu shes rab can gyi mchog tu gyur pa
yang bsngo smon sogs kyi mthus yin/ dge ba rta dang/ smon lam
srab dang 'dra tshul dang/ der ma zad dper na rgyu gser dngul lta
bu lha skur bzhengs sam/ snod du 'chos bzo

bo'i byed las la rag las pa ltar/ dge bar yang 'bras bu mchog
dman gang du bsgyur bsngo smon la rag las te/ bram ze las drug
par skye ba len pa'i rgyu dge rtsa stobs che ba ldan pa'i mi
zhig 'chi khar glang po che legs pa zhig mthong nas

@117a @#/ /de la sred de brgya byin gyi bzhon pa glang chen sa la
rab brtan du skyes pa lta bu yin/ kho bos kyang sngar byis pa
chung ngu'i skabs nas/ bstan pa rin chen mchog gis ma khyab
pa'am/ /zhes sogs kyi smon lam

sha stag btab pas da lta rtag par 'chad nyan zin pa med pa'i
brel ba can 'di byung/ de'i tshe dben pa'i ri sul du sgrub pa
rtse gcig byed rgyu'i smon lam ma btab pa phangs/ smon lam yang/
tshe 'di'i bde skyid kyi ched du mi bsngo/ bsngo ba ma byas na
khong

khros 'joms 'gro ba yin/ spyod 'jug las/ bskal pa stong du bsags
pa yi/ /sbyin dang bde gshegs mchod la sogs/ /legs spyad gang
yin de kun kyang/ /khong khro gcig gis 'joms par byed/ /ces
bskal pa stong gi dge rtsa 'joms

pa dang/ 'jug pa las/ gang phyir rgyal sras rnams la khros pa
yis/ /sbyin dang khrims byung dge ba bskal pa brgyar/ /bsags pa
skad cig gis 'joms de yi phyir/ /mi bzod las gzhan sdig pa yod
ma yin/ /zhes bskal pa brgyar bsags

pa'i dge rtsa 'joms par gsungs pa khong khro byed mkhan dang/
bya yul gnyis rtogs pa mtho dman gyi khyad par gyis bskal pa
brgya dang stong gi dge rtsa 'joms pa ste/ de yang byang sems ma
yin pas byang sems la khros na bskal pa stong du

bsags pa dang/ byang sems stobs che bas chung ba la khros na
bskal pa brgyar bsags pa'i dge rtsa 'joms par gsungs pa yin/
khong khros dge rtsa mi 'joms pa'i thabs ni/ blo gros rgya mtshos
zhus pa'i mdor/ ji ltar rgya mtsho che nang

@117b chu thigs lhung/ /rgya mtsho ma zad bar du de mi 'dzad/ /de
bzhin byang chub yongs bsngo'i dge ba yang/ /byang chub ma thob
bar du de mi 'dzad/ /ces sogs gsungs pa bzhin/ rang gi dge rtsa
chu thigs lta bu de rgyal ba sras bcas kyi dge rtsa rgya mtsho
dang 'dra

bar bsngo bas bsre bar byas na byang chub ma thob bar du mi
'dzad par bang chen pa gnyis kyis rtsam pa bsres pa'i dpe bcas
gsungs/ mdo lung 'di deng sang gi mdo yongs grags na med kyang/
sangs rgyas kyi gsung gi mdo shin tu mang bas mdo

zhig tu blo gros rgya mtshos zhus pa zhig yin nges gsungs/ ji
ltar bsngo na mdo las/ sems can thams cad dang thun mong du byas
te zhes pa dang/ rgyan las/ yongs su bsngo ba khyad par can/
/nas/ phyin ci ma log mtshan nyid do/ /zhes

gsungs pa ltar/ bden zhen bkag pas khyad par can du byed pa'o/
/dge ba rdzogs byang du bsngo ba spyir yongs grags ltar dge ba
'di gzhan don du rdzogs byang thob pa'i rgyur gyur cig snyam pa
de yang yin mod/ 'on kyang rang re'i dge rtsa

de sems can thams cad dang thun mong du byas te rgyal ba rnams
kyi gzhan don rgya cher mdzad pa'i dge rtsa zad mi shes pa de'i
nang du bsres pa lta bu'am/ gzhan don mdzad pa'i cha rkyen du
phul te/ de la brten nas 'gro kun byang chub la 'god

pa'i rgyur smon pa de gnad che/ mdo sde rgyan las/ brtan pa
rnams kyi bsngo ba ni/ /sems pa 'dun dang bcas pa'o/ /zhes bsngo
ba ni gong smos ltar dge rtsa mi zad par byed pa'i sems byung
sems pa zhig la byed/ bsngo ba'i dpang po ni/ ra mdar

@118a @#/ /sbran pa lta bu ste bla ma rgyal ba sras bcas bsngo
ba'i dpang por gsol ba yin/ gsang 'dus kyi nyer bsdu ma byas
gong smon lam 'don pa yang dpang por byed pa'i don yin/ des na
rang cag gi dge ba chung

du yang rdzogs byang gi rgyur bsngo na de ma thob par mi 'dzad/
dge ba bsngo tshul la gsum ste/ rang gzhan gyi rgyud la sangs
rgyas kyi bstan pa rgyas pa dang/ tshe rabs thams cad du dge ba'i
bshes gnyen gyis rjes su bzung ba dang/ bla

med rdzogs byang 'thob pa'i rgyur bsngo ba bcas bsngo ba chen po
de gsum gang rung zhig byed dgos/ de yang/ rgyal sras smon lam
ganggI klung rnams ni/ /sogs ltar dam chos 'dzin pa ni bstan
pa rgyas pa'i rgyur song ba yin zhing/ dam

chos ni lung rtogs kyi bstan pa gnyis la byed pas de rgyas pa'i
rgyur bsngo ba dang/ yang na/ phyag 'tshal ba dang mchod cing
bshags pa dang/ /sogs ltar 'bras bu rdzogs byang thob pa'i rgyur
bsngo ba dang/ yang na rgyu dam chos 'dzin

pa dang 'bras bu rdzogs byang thob pa gnyis ka bshes gnyen dam
pas rjes su 'dzin pa la rag las pas/ ston pa bla na med pa'i
bstan pa dang/ /sogs ltar bla mas rjes su 'dzin pa'i rgyur
bsngos kyang chog pas de gsum gang rung du bsngo bar

byed; dge ba cung zad ces pa khengs skyungs pa ste nga rgyal med
pa/ bdag gis ci bsags pa zhes pa byas bsags tshang ba'i las dang/
thams cad bdag gis sogs dge ba de rdzogs byang 'thob pa'i rgyur
bsngos pa yin/ rgyur bsngo ba

@118b dang 'bras bur bsngo ba la khyad par med de/ rgyu nas
slong ba dang/ 'bras bu rtsam pa slong ba la khyad med pa lta bu
yin/ 'on kyang rang cag gis bsngo ba sogs ji ltar byed pa mi
shes pas/ 'jam dpal dpa' bos sogs bton te bsngos na/

dus gsum gyi sangs rgyas rnams kyis smon lam gyi mchog gang la
gsungs shing/ ji ltar smon pa mdzad pa dang/ 'jam dpal dbyangs
dang/ kun tu bzang po sogs kyis bsngo ba ji ltar gnang ba'i
rgyal sras rnams kyi smon lam 'bum

phrag grangs med bcur gsungs pa rnams shlauka gnyis po 'dir 'dus
pa yin/ de yang grogs mi dmigs pa'i lta bas zin pa dgos/ de ltar
yan lag bdun pa 'di dug gsum gyi gnyen por 'gro tshul phyag 'tshal
ba nga rgyal gyi/

mchod pa ser sna'i/ sdig bshags ni dug gsum ga'i/ yi rang phrag
dog gi/ chos 'khor bskor bar bskul ba chos spong gi/ mya ngan
las mi 'da' bar gsol ba ni bla ma la brnyas smod shor ba sogs
kyi/ bsngo ba ni khong khro'i gnyen

por 'gro/ gzhan yang yan lag bdun pa 'di bsags sbyang spel gsum
du 'du ste/ yan lag phyed lnga tshogs bsags dang/ bshags pa
sbyang ba/ yi rang gi phyogs gcig dang bsngo bas dge rtsa gong
du spel ba'o/ /yig char mi

gsal yang/ skyabs mchog dwags po bla ma rin po che'i gsung rgyun
la/ yan lag bdun la lag rjes mi 'dra ba yod de/ phyag 'tshal bas
gtsug tor 'grub pa'i lag rjes 'jog pa sngar bshad pa bzhin dang/
mchod pas ni longs

@119a @#/ /spyod nam mkha' mdzod la mnga' brnyes pa dang/ bshags
pas sgrib gnyis zad par spang ba dang/ yi rang gis mthong na mi
mthun pa med pa'i sku 'grub pa dang/ chos 'khor bskor bar bskul
bas gsung

tshangs pa'i dbyangs dang/ mya ngan las mi 'da' bar gsol ba 'debs
pas sku tshe'i rig 'dzin nam/ rdo rje'i sku brnyes pa dang/ bsngo
bas sangs rgyas kyi yon tan spyi thob pa'i lag rjes 'jog /gsol
'debs kyi maNDal 'di yar sbyar

ba dang/ mar bcad pa'i lugs gnyis yod kyang/ yar sbyar ba phyag
bzhes kyi rgyun yin/ 'di ni rgyal po chen po'i mdun du don gal
chen zhig zhu na/ 'bul ba gtos che ba zhig sngon du phul nas zhu
dgos pa ltar/ rang re rnams

tshogs zhing la don gal shin tu che ba gsum zhu dgos pas de'i don
du maNDal 'bul ba yin/ don chen po gsum ni/ tshe ring ba dang nad
med pa lta bu'i rang don zhig la mi zer gyi/ bshes gnyen la ma
gus pa sogs phyin ci log gi

blo sna 'gag pa don gcig /phyin ci ma log pa'i blo mtha' dag
skye ba don gcig /phyi nang gi bar chad zhi ba don gcig ste gsum
yin/ sngags dang sbyar na/ bshes gnyen la ma gus pa nas bzung
ste snang mched thob gsum gyi gnyis snang

phra mo'i bar gyi zhes sbyar/ sbyor chos 'dir bshes gnyen la gus
pa sogs zhes gsungs kyi/ 'di'i bar zhes ma gsungs pa sngags kyi
de'ang 'jug chog pa la dgongs/ 'di 'dra'i don gsum du ma 'dus
pa'i chos mthun gyi don med

@119b gsungs/ bar chad ni chos sgrub pa'i phyi'i bar chad rgyal
po chos bzhin du mi byed pa dang dmag 'khrugs sogs/ nang gi bar
chad na tsha sogs dang/ gsang ba'i bar chad blo chos la bkol du
mi btub cing las su mi rung ba la byed/ re re la'ang

byin gyis brlab tu gsol/ zhes sbyar ba phyag bzhes yin/ sbyor
chos drug pa gsol ba 'debs pa man ngag bzhin rgyud dang 'dres
nges su bya ba ni/ de la sngar zhus pa bzhin rtogs pa rgyud la
skye ba'i thabs mchog tu gyur pa bla ma yi dam dbyer med du

byas te gsol ba 'debs pa nyid de/ rang cag gi rgyud la nyams
rtogs skye ba ni byin rlabs zhugs pa la rag las/ rgyal ba sras
bcas kyi byin rlabs rang rgyud la zhugs pa gsol 'debs la rag las
pas so/ /gsol 'debs kyi tshig kyang mi

'dra ba mang mod/ 'dren pa mnyam med sogs 'di byin rlabs kyi
tshan kha shin tu che bas 'di mi 'don par 'jog pa phangs pa lta
bu yin zhes gsungs/ rgya chen spyod brgyud dang/ zang mo lta
brgyud gnyis kyi dbu'i ston pa'i gsol 'debs la rim bzhin

'dren pa mnyam med dang smra ba zla med ces so sor sbyar ba de
zab rgyas kyi lam dang mthun par brtse ba dang/ mkhyen pa phun
tshogs la sbyar zhing/ smra ba zla med kyi don thub pas rten
'byung gsungs pa la bsngags pa yin tshul sogs gsungs/

de nas don chen po dpon la zhu bar ngo chen zhu ba po dgos pa
bzhin du mdun gyi rtsa ba'i bla ma zhal mjal dus kyi rnam pa can
las rang 'dra gnyis pa zhig 'thon te/ rang gi spyi bor bzhugs
nas gsol 'debs mnyam du mdzad de/ rgyal ba sras

@120a @#/ /bcas la dbu 'dren gyi tshul du mdzad pa'i mos pas/ dpal
ldan rtsa ba'i bla ma zhes sogs bya/ sku gsung thugs kyi dngos
grub stsal du gsol/ /lan dang po'i skabs bla ma rang 'dra zhig
rang gi spyi bor byon/

gnyis pa'i skabs de las bdud rtsi 'bebs sbyang dang rang 'dra
bstim/ 'jam zhal sbyor chos su tshig rkang bzhi pa lan gnyis 'don
pa phyag bzhes mi mdzad kyang/ bde myur sbyor chos skabs rkang
pa tha ma lan gnyis

'don pa'i dang por/ rtsa bla'i skabs zab rgyas gnyis dang/ gzhan
rgya chen spyod brgyud kyi bla ma'i skabs rgya che ba'i lam
dang/ zab mo lta brgyud kyi skabs zab mo'i lam gyi rim pa rgyud
la skye ba'i mi mthun phyogs sbyang ba'i mos pa dang/ gnyis

pa'i skabs bla ma de rnams las rang 'dra re rang la bstim pas
zab rgyas gang yin gyi rtogs pa skye ba'i mos pa bya/ brgyud pa
yang spyir btang bka' gdams lam rim pa'i brgyud pa/ rnal 'byor
dbang phyug dpal ldan dgon pa ba/ /zhes

sogs rgya chen spyod brgyud kyi bla ma'i mjug tu sbyar bas/ de
dag rgya chen spyod brgyud yin nam snyam pa 'byung yang de ltar
min la/ grwa gor mkhan chen gyi gsol 'debs/ zab cing rgya che'i
chos la mnga' brnyes pas/ /zhes sogs kyi rjes su/ grub

pa'i dbang phyug chen po tshul khrims 'bar/ /zhes 'byung bas de
gnyis 'dres pa lta bur snang mod/ de ni de ltar min te/ 'don
lugs man ngag bzhin rgya chen spyod brgyud kyi jo bo'i bar slebs
zin nas brgyud pa'i chu bo 'dres rjes kyi bka'

@120b gdams pa mi 'jug par/ lta brgyud kyi jo 'brom yab sras la
thug gi bar 'don/ de nas bgres gzhon gyi dbang gis dgon pa ba
dang por byas pas bka' gdams lam rim pa nam mkha' rgyal mtshan
gyi bar dang/ de mtshams gzhung

pa ba po to ba nas chos skyabs bzang po'i bar/ de nas man ngag
pa spyan snga tshul khrims 'bar nas nam mkha' rgyal mtshan bar
'don/ de mtshams brgyud pa'i chu bo gsum gcig 'dres su gyur pa
rje rin po che'i gsol 'debs gcig las

mi 'byung la/ de yang byin rlabs kyi khyad dmigs brtse ma 'don/
des na tshogs zhing du yang byams 'jam dbyangs la lta spyod kyi
brgyud pa'i bla ma jo 'brom la thug gi bar gyis bskor ba dang/
dgon pa ba la sne'u zur pa sogs bdun gyis

bskor ba'i lam rim pa'i bla ma lta spyod gnyis ka'i mdun du
'dzin grwa 'tshogs pa bzhin gsal btab/ lam rim pa'i g.yas g.yon
gang rung du gzhung pa ba'i bla ma po to ba la gzhan dgus bskor
ba/ lam rim pa'i g.yas g.yon gang rung

du spyan snga bar bdun gyis bskor ba gsal 'debs/ de 'dra ba'i
brgyud pa gsum ga'i mdun du rje bla ma dang/ de'i g.yas g.yon
du bka' gdams gsar ma'i bla ma rnams gral du bsgrigs/ des na
gsol 'debs 'dir tshig nyung

yang tshig bzhi re'i nang bla ma so so'i rnam thar gyi 'gag sdom
lta bu tshang yod pas shes na de dag dran te yi rang dang/ slob
'dod bskyed cing/ gsol 'debs kyi tshig tha ma lan gnyis brjod
pa'i phyi ma la de dang de'i rnam thar bzhin lung rtogs

@121a @#/ /kyi yon tan thob byung snyam pa byed/ mjug tu dpal
ldan bla ma'i rnam par thar pa la/ /sogs shlau ka gcig sbyar ba
phyag len yin/ de dag zin nas lam rim la bshar sgom logs su mi
byed pa sogs

kyi tshe; yon tan gzhi gyur ma bton nas bshar sgom byed/ bshar
sgom logs su byed pas ni 'don mi dgos par tshogs zhing bsdu bas
chog /de ni bla ma rdo rje 'chang gi thugs ka nas 'od zer 'phros
pas gzhan rnams gsal bar

byas te me long la has btab pa bzhin 'og gi rgyal chen sogs rim
bzhin 'og ma 'og ma gong ma gong ma la pad 'dab bzhi'i steng du
bzhugs pa'i yi dam gyi bar dang/ de bzhi yang thub dbang rdo rje
'chang gi thugs kar bsdu/ de nas lta brgyud

kyi bla ma 'jam dbyangs la dang/ spyod brgyud kyi bla ma byams
pa la/ byin rlabs brgyud pa'i bla ma rdo rje 'chang la/ chos
'brel dngos thob kyi bla ma rtsa ba'i bla ma zhal mjal dus kyi
rnam pa can la bsdu zhing de lnga la dmigs te/ sangs rgyas byang
sems dngos

su mjal ba'i skal ba can de nga'o snyam du gsal snang bton/ de
nas byams 'jam dbyangs gnyis 'od du zhu nas gtso bor bstim/ rdo
rje 'chang ye shes sems dpa'i tshul du thim/ dbus kyi rtsa ba'i
bla ma zhal mjal dus kyi rnam pa can de

'od zhu byas na rten 'brel gyi gnad la gnod pas/ rtsa ba'i bla
ma zhal bzhugs ma bzhugs gang ltar yang 'od zhu mi byed par mar
rdog la nas 'bru bcug pa ltar gtso bo'i thugs ka'i rdo rje
'chang la bstim/ seng khri dang dpag bsam

@121b gyi shing bcas gtso bo'i pad gdan la thim/ gtso bo yang
'od du zhu ste rang gi spyi bo'i bla ma la thim/ gtso bo'i pad
gdan yang spyi bo'i bla ma'i pad gdan la thim/ spyi bo'i bla ma
ston pa shAkya thub pa'i rnam par gsal ba la skyabs gnas kun
'dus

su bltas nas yan lag bdun pa maNDala dang bcas pa mdor bsdus
phul rjes/ gzhi gcig la nan tan gyis 'debs pa'i phur pa bzhin/
bla ma gcig pu la gsol ba 'debs pa'i phur tshugs gsol 'debs bya
yi/ 'di las 'di e

drag snyam nas gsol ba 'debs yul brje bar mi bya/ 'debs yul mang
drags na don mi 'grub/ de yang mchog gsum dang skyabs gnas kun
'dus kyi sgo nas gsol ba 'debs/ sku bzhi'i bdag nyid kyi gsol
'debs 'di dga'

ldan sprul pa'i glegs bam las byung ba'i tshig yin pas byin rlabs
kyi tshan kha che/ gsol 'debs de yang tshig rkang rnams mnyam par
bya yi/ sgrib bral chos sku'i bdag nyid bla ma lhag pa'i lha/
/zer ba lta bu ring thung sna tshogs mi bya/

'di'i tshe blo sbyong bdag gzhan mnyam brje lta bur slob skabs
snying rje'i lha mchog 'phags pa spyan ras gzigs yin pas/ sku
bzhi'i bdag nyid bla ma lhag pa'i lha/ /bla ma spyan ras gzigs
la gsol ba 'debs/ /zhes bsgyur/

lta ba'i skabs 'jam dbyangs la bsgyur ba rigs 'gre/ 'di yan
sbyor ba yin pas 'go bshes gnyen bsten tshul nas zhi lhag bar
'dra/ bla ma de nyid mi bsdu bar spyi bor bzhugs bzhin pa'i
ngang nas dmigs skor rnams sbyang/ mi

@122a @#/ /'char na slar maNDala 'bul zhing gsol ba 'debs/ 'di'i
bar la dngos gzhi 'jug dgos pa yin pas/ lam rim che chung bde
myur sogs blo dang bstun nas/ de thog nas blo sbyang/ de yang
skabs so

so'i rtogs pa skye ba'i gsol 'debs byas pas sku las bdud rtsi
sna lnga'i rgyun babs nas/ de dang de'i skabs kyi gegs byed
sbyangs/ de dang de'i lam rgyud la skyes par bsam/ de ltar/ thub
dbang rdo rje 'chang la gsol ba 'debs/ /

zhes pa yan gyi sbyor ba rnams 'og gi dmigs skor kun la 'dra/ de
nas bdag dang ma sems can thams cad 'khor bar skyes nas yun ring
la shugs drag pa'i sdug bsngal sna tshogs pa zhig myong ba 'di
zhes sogs bde lam las 'byung ba

bzhin dang/ skyes bu chen po'i skabs 'khor bar skyes nas yun
ring la zhes pa dor nas gsol 'debs bya/ de nas dngos gzhi bsgom
dgos pa yin la/ sgom zhes bya ba ni dmigs pa zhig la sbyar te
'dris thabs byed pa'i ched du yin

pas de yang bshes gnyen la ma dad pa'i sems de dad pa'i sems la
sbyar te de la 'dris thabs byed pas sems de rang gi dbang du bya
ba'i phyir du bsgom pa ste/ rang sems nyon mongs pa'i dbang du
song pa de ldog nas dmigs pa

la sbyar ba'i ched yin/ de la'ang dpyad 'jog gi sgom gnyis yod/
dpyad sgom ni lung rigs dpe dang gtan tshigs sogs mang po bsams
nas bsgom pa la zer/ de yang go sla bar brjod na/ rang re tshos
rgyun du dpyad sgom sha

@122b stag byas kyang/ byed sa nor zhing dug gsum la dpyad sgom
byas pa yin/ dper na khong khro la mtshon na/ dang por dgra bo de
mi dran pa na khong khro mi skye la/ de dran nas des ni na ning
tshig 'di lta bu zhig smras/ las 'di 'dra byas/ de nas

yang 'di 'dra ba'i brnyas bcos byas/ tha na mi 'dis mig gis
kyang 'di bzhin bltas pa ste zhes sogs yang yang dran pa na/
gdong dmar phyur phyur ba dang/ mchan khung nas rngul yang don
zhing/ de'i tshe dgra de mig sngar yod na/ mgo bo la de

lta rang khu tshur brdeg pa the mi tshom pa lta bu'i khong khro
skye ba de/ de la dpyad sgom byas pa yin/ de bzhin du 'dod chags
sogs la'ang 'dra zhing/ rang res rtags gsal la bsam mno btang ba
na'ang/ gzhan tshar gcod pa'i thabs

'ba' zhig lhur blangs pas ma byung ba ma gtogs rang gi sems
steng la blo kha nang du bskor te dpyad na/ 'di nas bshad pa'i
dpyad sgom rang yin/ rang re ni sgom chen dang sgom chen mi 'dra
zhing nyon mongs dug gsum la dpyad sgom

'ba' zhig byas pas 'grub thag kyang gzhan las nye/ zhing khams
kyang ri klung thams cad padma rA ga ltar dmar ba'i gnas ngan
zhig tu sleb nyen yod gsungs/ des na rang res don ma yin pa'i
phyogs la dpyad sgom byas pa'i tshab/

ga re dal 'byor ni ci/ rnyed dka' tshul ni ci/ ji ltar don che/
zhes sogs dpyad dgos/ de yang sa bcad so sor nges par byas nas/
dal 'byor don che rnyed dka' bsgom pa'i skabs de kho nar byed
dgos kyi/ tshwa snod kyi nang

@123a @#/ /du bul bsre ba ltar chos yin pas skyon med snyam nas
mgo mjug gang zin zin nas dmigs pa bskyang na ngan lang du song
nas gegs chen po byas te sems bying rgod du 'gro ba'i sgom skyon
yin pas des mi tshe

hril por dge sbyor skyon can du 'gro/ de song na rang gis 'di
bsgoms so snyam pa'i cha 'jog sa mi rnyed pas/ de ltar min par
'chi ba mi rtag pa lta bur mtshon na/ der gtogs pa'i lung dang
rigs pa dpe dang gtan tshigs/ tha na de

ring grong pa'i nang gi mi shi ba tshun bsnan te bsgom chog /de
yang bla mas gsungs pa rnams rtsa bar byas te/ tstsha khang nang
gi shog bu gcig rnyed kyang de'i don tshun de steng du bsnan nas
bsgom/ sgo mang po nas bsams pas skye sla ba/

sngar sgo mang po nas bsams pas zhe sdang skye ba bzhin yin/ des
na zhi gnas la thug pa'i bar gyi sgom rnams dpyad sgom dang/ zhi
gnas grub nas dmigs pa gcig la sems 'dzin pa lta bu ni 'jog sgom
yin/ kha cig gis

'jog sgom ku sA li'i sgom dang/ dpyad sgom mkhas pa'i sgom du
bshad pa dang/ yang dpyad sgom gyis 'jog sgom la gnod par bshad
pa sogs ni mi 'thad gsungs// ! //nyin bdun par/ ji skad du/
rgyal

sras chen po zhi ba lhas/ mi yi gru la brten nas ni/ /sdug
bsngal chu bo che las sgrol/ /gru 'di phyis nas rnyed dka' bas/
/rmongs pa dus su gnyid ma log /ces pa'i lung 'dren mdzad nas
'khor ba'i rgya mtsho chen po las

@123b sgrol bar byed pa'i gru dang 'dra ba'i mi'i lus rten rnam
par dag pa 'di rnyed nas ma shi tshun chad kyi bde ba la chags pa
ma yin par/ tshe rabs gtan gyi 'dun ma zhig ma bsgrubs na/ phyi
nas sdug bsngal gyi rgya mtsho chen po las sgrol ba'i gru

lta bu'i rten 'di rnyed par dka' bas da res gtan gyi 'dun ma
zhig sgrub par byed dgos/ de sgrub pa la sgrub tshul shes dgos
pas/ des na bdag gis ma sems can thams cad kyi don du rdzogs
pa'i sangs rgyas kyi go 'phang thob par bya/

de'i ched du skyes bu gsum gyi lam gyi rim pa'i zab khrid nyan
nas legs par nyams su len snyam pa'i kun slong bcos tshul dang/
de la sa bcad 'di ltar yod pa las/ zhes sogs sngar sa bcad song
zin pa rnams gsungs nas/

bzhi pa gdams pa dngos kyis slob ma ji ltar bkri ba'i rim pa la
lam gyi rtsa ba bshes gnyen bsten pa'i tshul dang/ bsten nas blo
ji ltar sbyang ba'i rim pa gnyis las/ 'dir bshes gnyen bsten
tshul nas 'chad pa yin la/ de yang

sbyor chos la bshad pa bzhi bshad ma thub kyang/ dngos gzhi'i
khrid bshes gnyen bsten tshul nas bzung bskyar bshad dang bcas
khrid thengs bzhi 'bul dgos pa yin la/ rjes su phyag bzhes kyang
de ltar du dgos/ de yang 'jig rten na

shing bzo lha bzo sogs mig gis bltas te byas chog pa'i las
la'ang/ dang por slob mkhan la brten dgos na/ tshe rabs gtan gyi
'dun ma sgrub byed kyi sangs rgyas kyi sar bgrod pa'i lam gyi
tshul shes pa la/ bshes gnyen la

@124a @#/ /brten dgos pa lta smos kyang ci dgos/ kha cig gis bla
ma med kyang dpe cha la bltas na shes snyam yang des mi chog par
bla ma mtshan nyid dang ldan pa zhig bsten dgos te/ dper na 'di
nas rgya gar lta bur 'gro

ba'i tshe sa mkhan zhig nges par btsal dgos la/ de yang gang
byung gis mi chog par/ sngar 'gro myong ba sogs rgyus yod cig la
brten dgos pa bzhin du lam ston mkhan gyi dge ba'i bshes gnyen
de yang sangs rgyas su bgrod pa'i lam der

'khrid thub pa zhig dgos/ gzhan sdig grogs sogs gang byung la
brten na/ lam ji lta bar mi bkri zhing/ log par gol bar 'gyur ba
yin pas/ thog mar bshes gnyen bsten pa 'di gal che/ rje rin po
ches kyang lam gyi rtsa ba

zhes gsungs pa gnad che/ de la thog mar bshes gnyen bsten pa'i
tshul la bzhi/ bsten pa'i phan yon/ ma bsten pa dang bsten tshul
log pa'i nyes dmigs/ bsam pas bsten tshul/ sbyor bas bsten tshul
lo/ /de yang sngon du bsten

ba'i phan yon dang/ ma bsten pa'i nyes dmigs bsam dgos shing/ de
bsam na de bsten pa la spro shugs che ba 'byung/ dang po bshes
gnyen bsten pa'i phan yon la'ang myur lam las gsungs pa bla ma'i
gsung rgyun ltar bkod pa sa

bcad brgyad yod/ de'i dang po sangs rgyas kyi go 'phang la nye
ba la'ang bla mas gdams pa bstan pa rang gis nyams su blangs pas
sangs rgyas kyi go 'phang la nye ba dang/ bla ma mchod cing
bsnyen bkur bas kyang sangs rgyas kyi go 'phang

@124b la nye ba zhes sa bcad gnyis su phye nas 'khrid pa bdag gi
skyabs mgon dwags po bla ma rin po che'i gsung rgyun yin/ de la
dang po ni/ spyir sangs rgyas kyi go 'phang la nye ba yang bshes
gnyen bsten pa'i phan yon yin te/ lam gzhan la

bskal chen grangs med du mar bsgrub dgos pa'i sa lam rnams/ 'ga'
zhig gis tshe gcig la bgrod thub pa'ang bshes gnyen bsten tshul
tshul bzhin byas pa las byung/ sngags bla med kyi myur khyad
kyang bla ma'i rnal 'byor lam gyi srog tu byas

pa las byung ba rje mid la sogs kyi rnam thar ltar yin/ gang gi
drin gyis bde chen gnas/ /sogs dang/ gang gi thugs rjes bde ba
chen po'i dbyings/ /zhes sogs 'dren par mdzad nas/ bla ma gang
gi bka' drin dang thugs rje las/ bde

ba chen po'i dbyings chos sku'i go 'phang yang bla ma bsten tshul
tshul bzhin byas na skad cig ste snyigs dus kyi tshe thung gcig la
ster bar mdzad pa yin/ 'di'i skad cig ma 'di mar dmyal ba dang/
yar lha'i tshe tshad la ltos na mi'i tshe 'di skad

cig tsam yin pa 'phags pa thogs med dga' ldan du byon pa'i rabs
bcas gsungs/ der ma zad rang re'i 'khor ba'i snga phyi'i mtha'
la ltos na'ang tshe thung 'di skad cig tsam yin/ bla ma bsten
tshul tshul bzhin ma byung na/ sngags

bla med sogs ci 'dra zhig la brten kyang sa lam gyi rtogs pa
cung zad kyang mi skye/ de bsten tshul legs na zung 'jug gi go
'phang bskal pa mang por bsgrub dgos pa de yang myur du 'thob
nus par lam rim bdud rtsi'i snying po las/ grangs

@125a @#/ /med bskal pa rgya mtshor brtson pa brgyas/ /bsgrubs
kyang shin tu rnyed dka' zung 'jug che/ /bla ma'i mthu la brten
na snyigs dus kyi/ /tshe thung gcig la bde blag 'grub par gsungs/
/zhes pa ltar dang/

mdo lugs la yang bla ma bsten tshul khyad par du 'phags pa byung
na lam shin tu myur te/ byang chub sems dpa' rtag tu ngu'i rnam
thar gsungs nas/ rang res sangs rgyas lta bu mjal na/ bla ma las
lhag pa'i sangs rgyas mjal snyam

nas des chog par byed tshod yod kyang/ rtag tu dus sangs rgyas
dpag med mjal yang des ma tshim par bla ma tshol ba gnad che ste/
rang dang tshe rabs las kyis 'brel ba'i bla ma dang ma mjal na/
gzhan sus kyang rang la don che ba zhig

mi 'byung bas yin/ de'i tshe mchod pa 'bul ba'i rgyu tsam ni
brgya byin gyis rin po che zhig byin na des chog kyang/ rang gi
tshogs rdzogs pa la stobs che bas chos 'phags la bkur sti'i ched
du rtag tu ngu rang gi sku lus kyi sha bcad cing/

khrag gtar ba sogs mdzad/ dang por sangs rgyas mang po'i zhal
gzigs skabs chos rgyun gyi ting nge 'dzin thob pa theg chen
tshogs lam chen po ba yin pa la/ chos 'phags mjal te chos bstan
pa na/ sa brgyad pa non cing mi skye ba'i

chos la bzod pa thob pa de bshes gnyen bsten tshul 'gran zla med
par mdzad pas de ltar lam myur du song ba yin gyi/ gzhan du ma
dag sa bdun gyi gnas skabs na bskal chen grangs med kyi tshogs
rdzogs dgos par bshad pas

@125b so; ;des nas sangs rgyas kyi go 'phang la bgrod pa myur mi
myur ni/ bla ma bsten tshul tshul bzhin byung ma byung la rag las
shing/ de la brten na ni gdams ngag sna re bstan cing nyams su
blangs na yang/ de'i tshod kyis sangs rgyas kyi go

'phang la nye/ de yang skyes bu chung ngu'i lam tsam du 'khrid
nus pa zhig bsten pa bas lam yongs rdzogs ston nus pa zhig bsten
na phyi ma ches myur te/ lam yongs rdzogs ston nus pa'i bla ma
zhig dang/ slob ma dka' spyad nus

pa'i snod ldan zhig mnyam du phrad na/ sangs rgyas lag pas bzos
pa ltar dka' tshegs med par 'byung bar gsungs/ pha dam pas kyang/
bla mas bskyal na gang 'dod gnas su slebs/ /rkang glar mos gus
phul cig ding ri ba/ /zhes

gsungs/ klu sgrub kyis/ ri dbang rtse nas gang zhig lhung gyur
na/ /ltung bar mi bya snyam yang ltung bar 'gyur/ /bla ma'i drin
gyis phan pa'i lung thob na/ /grol bar mi 'gyur snyam yang grol
bar 'gyur/ /ces gsungs pa ltar/ ri bo

mthon po'i rtse nas mar lhung ba na/ slar log snyam yang ldog
par mi nus pa bzhin/ bla ma bsten tshul ji bzhin byung nas des
drangs pa na 'khor ba las mi grol snyam yang grol bar 'gyur la/
de la ma brten nas lam cung zad tsam

yang bgrod par mi nus gsungs/ gnyis pa bla ma la mchod cing
bsnyen bkur ba kyang sangs rgyas kyi go 'phang la nye ba yin te/
sangs rgyas su bgrod pa la tshogs dpag tu med pa zhig bsag dgos
la/ de 'dra ba'i tshogs rgya chen po

@126a @#/ /bde blag tu 'dum pa ni/ bla ma la mchod pa nyid las
lhag pa med/ gang phyir phyogs bcu'i sangs rgyas dang/ /byang
chub sems dpa'i bsod nams pas/ /slob dpon ba spu'i khung gcig
mchog /

de phyir slob dpon mchod byed pa/ /sangs rgyas byang chub sems
dpas gzigs/ /zhes pa ltar rgyud dang bstan bcos mang por
phyogs bcu'i rgyal ba sras bcas thams cad la mchod pa phul ba
las/ bla ma'i sku'i ba spu'i

khung bu gcig mchod pa phan yon lhag par gsungs shing/ rje sa
paN gyis kyang/ bskal pa stong du pha rol phyin pa'i tshul/
/mgo dang rkang lag bdog pa gtong ba'i tshogs/ /bla ma'i lam
'dis skad cig gcig la sdud/ /rim

gro byos la dga' ba sgoms shig ang/ /zhes bskal pa stong
phrag tu mgo dang rkang lag sogs gtong ba'i tshogs rgya chen
po'ang bla ma la mnyes pa sgrub pa'i tshegs chung ngu gcig gis
'dum par gsungs/ tshogs ji tsam rdzogs pa

myur ba de tsam gyis sangs rgyas kyi go 'phang la nye/ de yang
dud 'gro dang/ mi dang/ nyan thos dang/ rang rgyal dang/ byang
chub sems dpa' dang sangs rgyas thams cad dang/ bla ma rnams
snga ma snga ma las phyi ma phyi ma mchod pa'i

yul stobs che/ sngon dge bshes stod lung pas/ stod lung gi dge
'dun rnams la mchod ston drangs pa las/ lo pa'i khyi la zan
byin pa bsod nams che zhes phor pa'i nang gi mar khu tshun chad
bsags te/ lo pa'i khyi la

@126b bskur skad/ de yang rgyud las/ dus gsum sangs rgyas kun
mchod pas/ /bla ma'i ba spu gcig mchod lhag /ces pa ltar bla
ma'i ba spu'i khung bu mchod pa ste/ de ni bla ma'i chibs rta
dang/ sgo khyi dang/ 'khor g.yog sogs la byed kyi/

spu rang ga ba la mi zer gsungs/ /gnyis pa rgyal ba rnams
dgyes par 'gyur ba la'ang bsam lugs gnyis las/ dang po ni/
phyogs bcu'i sangs rgyas rnams kyis rang la chos ston par
bzhed kyang/ longs sku lta zhog /so skye las dag

yan chod la snang du rung ba'i mchog gi sprul sku dngos su
mjal ba'i skal ba tsam yang med pas/ sku dngos su bstan nas
chos ston pa rang cag gi skal bar ma gyur cing/ des na rang gi
skal ba dang 'tshams pa'i sku zhig bstan nas chos

ston dgos/ de'i phyir/ deng sang 'dus sde rnams kyis 'thus mi
btang ba bzhin du/ phyogs bcu'i rgyal ba rnams kyis rang re'i
ched du bla mar sprul la/ de la bsten tshul tshul bzhin byas na
sangs rgyas rnams kyis kyang mkhyen cing dgyes

par 'gyur pa yin/ dgyes tshul yang bdud rtsi'i snying po las/
bshes gnyen dam pa tshul bzhin bsten byas tshe/ /'di ni myur du
srid las grol 'gyur zhes/ /bu la phan pa sgrub pa mas mthong
bzhin/ /rgyal ba ma lus thugs yid gting

nas dgyes/ /zhes gsungs pa bzhin rgyal ba rnams kyis mas bu
gcig pa la brtse ba ltar/ rang cag rnams 'khor ba dang ngan
song gi sdug bsngal las grol ba'i thabs kho na mdzad pa de'i
phyir legs tshogs thams cad kyi rtsa ba bla ma

@127a @#/ /bsten tshul ji bzhin byung ba na/ de mkhyen nas bzhed
don 'grub pas mnyes pa yin/ gnyis pa ni bla ma tshul bzhin ma
bsten par/ sangs rgyas la mchod pa ji ltar phul yang mi dgyes
la/ de bsten

tshul ji bzhin byung na 'jam dpal zhal lung las/ 'di yi don
ldan 'ga' zhig la/ /nga ni de yi lus gnas te/ /sgrub po gzhan
la mchod pa len/ /de yis de mnyes rang gi rgyud/ /las kyi
sgrib pa dag byed do/ /zhes pa ltar rgyal

ba rnams spyan ma drangs kyang bla ma'i sku la bzhugs nas/
rang gi mchod pa dgyes bzhin bzhes par 'gyur/ des na rgyal ba
sras bcas la mchod pa phul kyang phul ba'i phan yon las dgyes
bzhin bzhes pa'i phan yon mi 'byung la/

bla ma la phul bas ni/ phul ba dang bzhes pa'i phan yon gnyis
ka 'byung/ gsum pa bdud dang sdig grogs kyis mi tshugs pa ni/
mdo las gsungs pa bzhin bshes gnyen tshul bzhin du bsten pas ni
bsod nams chen po

'phel la/ de 'phel bas ni/ bdud dang sdig grogs kyis tshugs par
mi 'gyur te/ rgya cher rol pa las/ bsod nams ldan pa'i mi yis
bsam pa rnams kyang 'grub/ /bdud bcom nas ni byang chub myur
du reg par 'gyur/ /

ces dang/ gzhan yang/ bsod nams ldan pa'i mi dag la/ /lha'am
bdud kyi rigs dag gis/ /bar chad bya bar mi nus so/ /zhes
gsungs pa ltar yin gsungs/ bzhi pa nyon mongs nyes spyod thams
cad rang shugs kyis

@127b 'gags pa ni/ bshes gnyen la brten pas spang blang rnams
tshul bzhin shes nas de ltar byed la/ der ma zad/ da ltar bshes
gnyen gyi mdun du sdod pa dang/ dge rgan gyi rtsar sdod pa
rnams nyes spyod rang shugs kyis 'gags pa bzhin

yin te/ sdong po bkod pa las/ dge ba'i bshes gnyen gyis yongs
su bzung ba'i byang chub sems dpa' rnams ni las dang nyon
mongs pa rnams kyis thub par dka' ba yin no/ zhes dang/ bdud
rtsi'i snying po las/ de la rtag tu gus pas

bsten byas na/ /nyon mongs nyes spyod thams cad rang shugs
kyis/ /'gag cing/ zhes pa ltar ro/ /lnga pa sa lam nyams rtogs
thams cad gong 'phel du 'gyur ba ni/ sngar jo bo'i mdun du
phyag phyir brtson pa'i 'brom dang/ a mes byang

chub rin chen gnyis kyis/ rnal 'byor pa chen po sgom 'ba' zhig
la gzhol ba dang rtogs pa bsdur bas snga ma gnyis nyams rtogs
lhag pa byung ba bzhin sa lam gyi skyed kyang 'di che/ jo bos
mngon shes kyis gzigs nas/ 'brom la khyod

kyis bla ma se btsun la zhabs tog byas pa kho na lam du song
bar gsungs/ 'di dag 'ga' zhig gis bsnyen rdzogs kyi mkhan po
dang/ dbang bskur ba'i rdo rje slob dpon lta bu chos khri'i
steng nas chos bshad pa'i bla ma kho na la bsam pa

'ong ste/ de 'dra ma yin par/ rang gi shag tu rang dang kha
mnyam lag mnyam mnyam gshib byed pa'i dpe cha slob mkhan
gyi dge rgan de la yang bsten tshul tshul bzhin byed dgos/ 'brom
gyis jo bo bsnyun skabs shig tu chab chen la

@128a @#/ /mi gtsang bar ma bltas par lag pas bcus te phyir
bskyal bas de'i mthus bya rgod kyis nyin lam bco brgyad bgrod
pa'i sa cha'i srog chags grog sbur tshun gyi sems kyi rgyu ba
phra mo shes pa'i gzhan sems

shes pa'i mngon shes wa la gyis 'khrungs shing/ da lta'i skabs
su'ang bka' gdams kyi bstan pa'i spyi mes chen po zhes mtshan
snyan phyogs bcur grags pa dang/ jo bo chen po 'phags bod
gnyis kar mdzad 'phrin nam mkha' dang

mnyam pa yang bla ma bsten tshul ji bzhin mdzad pa kho na'i
mthu yin/ de'i phyir skyes bu dam pa sogs kyi mdzad 'phrin
rgyas mi rgyas kyang 'di la rag las/ bya yul ba gzhon nu 'od
kyis spyan snga ba tshul bzhin bsten/ zhabs zhu tshul bzhin

bsgrubs pas nyin gcig gad snyigs 'pho sar byon skabs skas
gdang gsum pa'i khar slebs pa na chos rgyun gyi ting nge 'dzin
'khrungs tshul/ sa paN gyis rje btsun grags pa rgyal mtshan la/
dang por bla ma'i rnal 'byor rtsom par

zhus pa na/ khyod kyis nga la khu bo'i 'du shes las bla ma'i
'du shes mi skye zhes bla ma'i rnal 'byor ma mdzad la/ phyis
grags rgyan bsnyun skabs shig tu sa paN gyis bsnyun g.yog
legs par byas pas bla ma'i rnal 'byor

gnang zhing/ de phyin chad khu bo'i 'du shes med par sangs
rgyas dngos kyi 'du shes skyes pas rig pa'i gnas lnga la mkhas
pa'i paNDi tar gyur/ khri chen bstan pa rab rgyas kyang rang
gi yongs 'dzin bsnyung ba na/ de la thugs

@128b ngal gyis rang yang 'das grabs byas/ bsnyun g.yog legs
par byas pas de'i mthus lta ba rtogs/ phur lcog ngag dbang
byams pas nyin gcig rje sgrub khang pa'i rtsar lci ba sgyed mo
shin tu che ba zhig bskyal te dka' spyad cher mdzad

pa'i skabs rje sgrub khang pas byin gyis brlabs pa'i nang
mchod rnying pa ka li gang stsal ba bzhes pas/ des thugs rgyud
byin gyis brlabs te/ de nas bzung nges 'byung skyo shas mnan
pas mi bzod pa skyes/ de'i phyir/ sa lam gyi

rtogs pa yang 'di la brten na 'phel che ste/ lam rim bdud
rtsi'i snying po las/ sa lam nyams rtogs mod la skye zhing
'phel/ /zhes gsungs/ drug pa tshe rabs thams cad du dge ba'i
bshes gnyen gyis mi phongs pa ni/ po to bas be'u

bum sngon po las/ de bas chos 'brel ma brtags mang min/
/brtags nas bzung la bla mar gus bya/ /ma 'ongs bla mas mi
phongs chos nyid/ /las rnams chud mi za ba yin phyir/ /zhes
gsungs pa bzhin bshes gnyen bsten tshul ji

bzhin byas na/ de'i byed pa rgyu mthun gyi 'bras bus tshe rabs
thams cad du dge ba'i bshes gnyen gyis mi phongs pa 'byung/ da
lta so skye'i bshes gnyen rang ga ba zhig la sangs rgyas dngos
kyi 'du shes bskyed nas bsten tshul ji bzhin byas

na; phyi mar byams 'jam dbyangs lta bu'i bla ma dang mjal
zhing chos thos pa 'ong/ de ltar yang bdud rtsi'i snying po
las/ tshe 'dir bla ma tshul bzhin mnyes byas pa'i/ /rgyu mthun
'bras bus tshe rabs thams cad du/ /dge ba'i bshes gnyen

@129a @#/ /mchog dang mjal 'gyur zhing/ /tshang la ma nor dam
chos thos par 'gyur/ /zhes so/ /bdun pa ngan song du mi ltung
ba ni/ bshes gnyen bsten tshul tshul bzhin byas na/ des bka'
bkyon pa tshun gyis ngan song du 'phen

byed kyi las zad nas/ der mi skye ba yin/ dge bshes lha bzo
bas dge bshes stod lung pa nam mjal res kyis/ lha bzo ba la
bka' bkyon 'ba' zhig mdzad pas/ rang gi slob ma nyag mo bas
skur ba btab pa na/ de skad ma zer/ nga la de

ltar mdzad res kyis he ru kas byin gyis brlabs pa 'dra ba re
'ong ba yin/ zhes dang/ 'gro mgon gtsang pa rgya ras kyis/
brdung gtag byung na dbang bskur yin/ /byin rlabs 'jug na de
la 'jug /bka' bkyon drag po drag sngags yin/ /bar chad thams

cad de yis sel/ /gsungs pa bzhin ngan song gi las zad byed du
'gyur ba dang/ sa'i snying po'i mdo las/ des zin pa ni bskal
pa bye ba dpag tu med par ngan 'gror 'khyam par 'gyur ba'i las
rnams tshe 'dir rims la sogs pa'am mu

ge la sogs pa lus dang sems la gnod pa 'byung bas byang bar
'gyur te tha na brgyad bkag gam rmi lam tsam gyis kyang byang
bar 'gyur ro/ /de la sangs rgyas bye ba dpag tu med pa la dge
ba'i rtsa ba bskyed pa sbyin pa'am bslab pa bsrung ba las
byung ba rnams

snga dro gcig gis zil gyis gnon to/ /zhes sogs kyi lung ltar
bsam/ brgyad pa gnas skabs dang mthar thug gi don thams cad
'bad med du 'grub pa ni/ sdoms lta bu ste/ mdor na bla ma
bsten tshul tshul bzhin byed pa 'di 'jig rten dang 'jig rten

@129b las 'das pa'i yon tan thams cad kyi rtsa ba yin zhing/
tha na ngan song du mi ltung ba'i legs tshogs nas bzungs/ ya
ki'i sangs rgyas thob pa'i legs tshogs kyi bar thams cad bshes
gnyen la brten nas 'bad med du 'grub pa yin te/ rje

bla mas/ yon tan kun gyi gzhir gyur drin can rje/ /zhes sogs
dang/ bdud rtsi'i snying po las/ mdor na bshes gnyen bsten pas
gnas skabs su/ /mi khom las thar lha mi'i rten bzang rnyed/
/mthar thug 'khor ba'i sdug bsngal kun zad de/ /

nges legs go 'phang dam pa thob par 'gyur/ /ces dang/ jo bo
chen pos bla ma brgya dang lnga bcu rtsa gnyis bsten kyang
gcig gis kyang thugs la ma btags pa med gsungs ba ltar bshes
gnyen bsten tshul legs par mdzad pas rgya bod gnyis na

mdzad 'phrin nam mkha' dang mnyam pa byung ba sogs ltar yin
no/ /de nas gnyis pa ma bsten pa'i nyes dmigs ni/ gong gi
bsten pa'i phan yon brgyad las ldog pa ste/ sangs rgyas kyi go
'phang la mi nye ba sogs so/ /bsten tshul log pa'i

nyes dmigs la brgyad yod/ bla ma dang por bsten nas mjug tu
bsten tshul log na shin tu nyes pa che bas dang por bsten rung
ngam mi rung sogs legs par brtags nas chos zhu ba dgos/ nyes
dmigs dang po bla ma la brnyas smod shor na

rgyal ba kun la brnyas pa ni/ bla ma ni sangs rgyas thams cad
kyi spyi gzugs rang 'dul ched du byon pa 'thus mi lta bu yin
pas de la brnyas smod shor na ni/ sangs rgyas thams cad la
brnyas smod byas pa ste/ re zhig sangs rgyas gcig

@130a @#/ /la'ang yul mnyan par blta dgos na/ sangs rgyas kun
la smod par byed pas ji ltar 'gyur/ de 'dra'i bla ma ni 'chad
pa pos 'chad 'dod dang/ nyan pa pos nyan 'dod kyis tshig gcig
tsam yan chad nyan yul zhig

la zer bas/ nged tshos bla ma gang snyan grags che ba zhig la
bsten tshul gzab gzab byed/ gzhan ka kha slob mkhan sogs la
snang chung byed kyang de ltar mi rung ste/ rje sgrub khang
pa'ang ka kha slob mkhan gyi btsun log la dag snang ma skyes

kyi bar du rtogs pa'i yon tan ma skyes pa dang 'dra/ bdud
rtsi'i snying por yang/ dge ba'i bshes rnams rgyal kun 'phrin
las de/ /rang gi bla mar shar ba nyid yin phyir/ /de la ma gus
rgyal kun ma gus par/ /gsungs phyir de las

rnam smin lci ba gang/ /sogs dang/ dgra nag gi dka' 'grel du
drangs par/ tshigs bcad gcig tsam mnyan pa la/ /gang gis bla
mar mi 'dzin pa/ /khyi yi skye gnas brgyar skyes nas/ /rme sha
can du skye bar 'gyur/ /ces dang/ bla

ma snga bcu pa las/ de 'dra'i mgon la bsams byas nas/ /slob
mar gyur nas brnyas na ni/ /sangs rgyas thams cad brnyas pas
na/ /des ni rtag tu sdug bsngal 'thob/ /ces sogs gsungs pa
ltar ro/ /nyes dmigs gnyis pa bla

ma la khro sems skyes na de'i skad cig ma'i grangs dang mnyam
pa'i dge rtsa bcom nas bskal par dmyal bar skye ba ni/ bla ma
la khong khro skyes na/ khong khro ji tsam skyes pa'i yun gyi
thung mtha'i skad cig ma'i grangs dang mnyam par dge

@130b rtsa bcom nas/ de'i grangs kyi mnar med du gnas dgos par
dus 'khor gyi rgyud las/ bla ma la khros skad cig grangs/
/bskal par bsags pa'i dge bcom nas/ /de snyed bskal par dmyal
sogs kyi/ /sdug bsngal tshor ba drag po

myong; ;zhes gsungs/ dper na se gol gcig gi yun la khros na/
bskal chen drug cu re lngar bsags pa'i dge rtsa bcom zhing/
de'i tshod kyi mnar med du gnas dgos pa bzhin yin pas ma gus
brnyas smod khong khro sogs byas pa

dang; ma mnyes pa byung ba rnams bla ma de zhal bzhugs yod na
de'i drung dang/ med na na bza' tshun gyi drung du bshags pa
byed dgos/ gsum pa sngags la brten kyang mchog mi 'grub pa ni/
'dus pa'i rtsa rgyud las/ sems can mtshams

med la sogs pa'i/ /sdig pa chen po byed pa yang/ /rdo rje theg
pa rgya mtsho che/ /theg pa mchog ni 'di la 'grub/ /snying nas
slob dpon smod pas ni/ /sgrub kyang 'grub par mi 'gyur ro/
/zhes mtshams med lnga byas pa sogs ji 'dra'i

sdig pa chen po byas pa zhig nyin yang/ gsang ba 'dus pa'i lam
'di lta bu la brten na myur du mchog 'grub la/ snying nas slob
dpon smod pas ni ji tsam bsgrubs kyang mchog mi 'grub par
gsungs pa yin/ bzhi pa rgyud don brtson

pas bsgrubs kyang dmyal ba sogs sgrub pa dang 'dra ba ni/ slob
dpon la dam tshig nyams pa des rgyud kyi don ji ltar bsgrubs
kyang dmyal ba sgrub pa nyid yin par rdo rje snying po rgyan
gyi rgyud las/ gang gis slob dpon yang dag smad/ /des n 

@131a @#/ /rgyud kun sgrub pa'i mchog /gnyid dang 'du 'dzi rnam
spangs te/ /bskal pa stong du legs bsgrubs kyang/ /dmyal sogs
sgrub par byed pa'o/ /zhes gsungs pa ltar ro/ /lnga pa yon tan
sngar ma skyes pa

rnams gsar du mi skye zhing skyes zin nyams pa ni/ bla ma la
brnyas smod shor na/ tshe der rtogs pa gsar du skye ba'i gegs
byed cing/ sngar skyes pa rnams nyams par 'gyur ba/ slob dpon
nag po spyod pas bla ma dza lan d+ha ra pa'i

bka' cung zad bcags pas sku tshe de la mchog ma 'grub/ ras
chung pas kyang/ mid la'i bka' lan gsum bcags pas sku tshe de
la mchog ma 'grub par skye ba gsum len dgos par gsungs pa
dang/ sngon slob dpon rigs

ngan zhig la slob ma rigs bzang zhig yod cing/ slob ma des nam
mkhar 'phur nus pas/ nyin gcig bla ma'i thad kyi nam mkhar
'phur te/ kho rang gi bla ma la'ang 'di 'dra med bsams pas de
ma thag nus pa nyams te sar lhung

ba dang/ paN chen nA ro pas bla ma'i bka' brjed nas mu stegs
pa dang brtsod pas sku tshe der mchog ma 'grub par bar dor
'tshang rgya dgos byung ba dang/ 'jam dpal dbyangs kyis tshe de
la mchog 'grub par lung bstan pa'i li yul

gyi dge tshul gnyis kyis chos rgyal srong btsan la log lta
skyes/ the tshom zos pas/ mchog gi dngos grub 'grub rgyu'i tshab
tu rang yul la sleb pa dang gser rkyal pa gang gi dngos grub
las ma grub pa yin pas/ bla ma la log

@131b lta shor na nyams rtogs skye ba 'gyangs shing/ dngos
grub chen po 'ong rgyu de chung ngur 'gyur 'gro ba yin/ de
yang sdig grogs la brten na yang nyams rtogs 'grib par byed
pas de la 'dzem dgos/ deng sang gi mi phal cher tshe 'di par
zhen pa

sha stag yin pas/ thams cad kyis tshe 'di'i gros 'debs par byed
cing/ rang gis kyang des sha tsha byed pa dang/ phan 'dogs byed
pa lta bur mthong yang de 'dra ba'i mi de sdig pa'i grogs po
yin/ sdig grogs zhes bya ba de gos su

re ba gyon/ mgo la rwa zing nge ba zhig mi 'ong/ sha tsha mdog
gis mi dge ba la sbyor zhing/ dge ba las nyams su 'jug mkhan
de la zer/ de 'dra gang gi'ang kha la mi nyan par sdig grogs
de glang chen smyon pa dang/ stag gzig

lta bur 'jigs skrag gi yul du bltas nas spong dgos/ da lta
'ga' zhig gis 'dod chung chog shes byed pa dag la/ 'di tsam
blos ma gtongs shig /blos btang che drags na mi 'ong zhes sogs
snyan snyan ltar smra ba yod mod/ don

du sdig grogs nyid yin zhing/ de la dngos su tshig rtsub pos mi
bzlog cing/ rang gis lag len la de bzhin mi byed pa dgos
gsungs/ drug pa tshe 'dir nad sogs mi 'dod pas gtses pa ni/ bla
ma lnga bcu pa las/ slob dpon 

la ni smod pa de/ /yams dang 'tshe ba'i nad rnams dang/ /gdon
dang rims dang dug rnams kyis/ /rmongs chen de ni 'chi bar
'gyur/ /rgyal po me dang sbrul gdug dang/ /chu dang mkha' 'gro
rkun po dang/ /gdon dang log 'dren rnams kyis

@132a @#/ /kyang; ;bsad nas sems can dmyal bar 'gro/ /nam yang
slob dpon dag gi ni/ /kun tu sems dkrugs mi bya ste/ /gal te
rmongs pas byas gyur na/ /dmyal bar nges par 'tshed par 'gyur/
/mnar

med la sogs 'jigs rung ba'i/ /dmyal ba bstan pa gang yin pa/
/slob dpon la ni smod pa rnams/ /der ni gnas par yang dag
bshad/ /ces gsungs pa bzhin slob dpon la brnyas smod shor na/
tshe 'dir yang mi 'dod sna

dgu 'byung ste/ sngon 'phags yul na slob dpon sangs rgyas ye
shes kyis chos gsungs pa'i tshe/ khong rang gi bla ma grub chen
phag tshang pa der byon pa ma mthong ba'i tshul du brdzus nas/
rjes su bla mar ngas ma mthong zhes rdzun zhus pas

mig 'bras dngos su phyir don nas sar lhung ba'i lo rgyus dang/
dwags po 'jam dpal lhun grub rin po che'i nye gnas tshul khrims
lags zhes pa dad gus med pa zhig rjes su rgod dkar lar rkun
mas mgo bo brdzog rdos bcom nas shi ba

dang; sne'u zur pa'i slob ma dam tshig nyams pa zhig shi khar
'jigs snang byung tshul sogs stsal/ bdun pa phyi mar ngan song
mu mtha' med par 'khyams pa ni/ nyes dmigs che shos te/ bla ma
la brnyas smod byed pa de ni/

lag na rdo rje dbang bskur ba'i rgyud las gsungs pa ltar yin
zhing/ gzhan dmyal ba'i rabs mang po mdo las gsungs kyang/ bla
ma la brnyas smod byed pa de dmyal ba 'dir skye zhes ma bstan
la/ rgyud der lag na rdo rjes/ bcom

@132b ldan 'das gang dag slob dpon la brnyas par bgyid pa de
dag gi rnam par smin pa ji lta bu lags/ zhes de'i rnam smin
gsung bar bskul ba na/ bcom ldan 'das kyis bka' stsal pa/ lag
na rdo rje/ lha dang bcas pa'i 'jig rten skrag

par 'gyur gyis de skad ma smra zhig  gsang ba pa'i bdag po 'on
kyang cung zhig brjod par bya'i/ dpa' bo bsgrims te de nyon
cig /mtshams med la sogs mi bzad pa/ /dmyal ba gang dag ngas
bshad pa/ /de rnams kyi ni gnas su brjod/ /

de ni bskal pa mtha' yas so/ /de lta bas na rnam kun tu/ /nam
yang slob dpon brnyas mi bya/ /zhes lha dang bcas pa'i 'jig
rten skrag par 'gyur zhing byang sems bdag nyid chen po rnams
kyang brgyal bar dgongs nas/ zhib tu gsungs

ma phod pa'i tshul gyis/ mnar med du lo grangs mang por gnas
dgos pa tsam zhig bstan/ des na bla ma la brnyas smod nam yang
mi rung bar gsungs la/ bla mar brnyas smod byed pa lta zhog
/brnyas smod byed pa'i mi yang mthong du mi

rung zhing/ grub chen gling ras pas chos gsung skabs/ chag
lo'i slob ma dam nyams shig der sleb pas/ de ma thag zhal
'grigs nas chos gsungs ma thub par gshegs pa'i lo rgyus ltar
yin gsungs/ brgyad pa tshe rabs

thams cad du dge ba'i bshes gnyen gyis phongs pa ni/ sngar gyi
bshes gnyen bsten pa'i phan yon bshad pa de las ldog pa ste/
de ma mjal bas ni/ chos kyi sgra tsam yang mi go ba'i mi khom
pa'i gnas kho nar skye zhing/ mdor na

@133a @#/ /rje tsong kha pas/ de nas 'di phyi'i legs tshogs ji
snyed pa'i/ /zhes sogs ltar 'jig rten na legs tshogs ji snyed
cig yod pa thams cad ni bshes gnyen tshul bzhin du bsten pa'i
'bras bu dang/ mi mthun

pa'i rgud pa ji snyed cig mchis pa thams cad bshes gnyen ma
bsten pa dang bsten tshul log pa gang rung gi 'bras bu yin/ bla
ma la bsten tshul log na/ tshe 'dir ma zad/ skye ba gzhan du'ang
dge ba'i bshes gnyen dang mi mjal te/

bdud rtsi'i snying po las/ gal te brgya la bde 'gro'i rten
thob kyang/ /ma gus pa yi rgyu mthun 'bras bu des/ /mi khom
gnas su skyes nas dam chos dang/ /dge ba'i bshes kyi sgra yang
thos mi 'gyur/ /zhes gsungs/ des na bshes

gnyen bsten tshul 'di ni bsam bzhin du byed pa lta ci/ ma
brtags ma bsams par rang gar byas pa'i bya byed kyi rten 'brel
phra mos kyang rten 'brel bzang ngan sna tshogs 'ong ba mid las
mar par zangs stong pa phul bas rten 'brel

'phyugs pa dang/ thog mar mar pas gnang ba'i chang lhag med
gsol bas rten 'brel 'grigs pa sogs dang/ mar pas yi dam la
phyag 'tshal bas rten 'brel 'phyugs pa sogs dang/ 'brom gyis se
btsun dang/ jo

bo bsten pa dang/ jo bos gser gling pa/ mid las mar pa bsten
pa/ rje tsong kha pas khyung po lhas pa'i dbang khang gi logs
la gser leb byugs mdzad pa sogs kyis mdzad 'phrin rgyas tshul
sogs gsungs nas bshes

@133b gnyen bsten tshul 'di gnad shin tu che bas rten 'brel
'grigs legs nyes cung zad tsam gyis kyang de ltar byung ba
yod/ rgyal tshab chos rjes thog mar rje dang ma mjal gong rtsod
pa'i bsam pas/ rje rin po che'i mdun byon skabs kyi rabs

gsungs nas/ de ltar kun slong ngan yang rten 'brel bzang po
'grigs pa dang/ kun slong bzang yang rten 'brel 'phyugs pa sna
tshogs 'ong bas gzab dgos gsungs/ rang cag bla ma'i mtshan brjod
pa na/ sku zhabs su zhig ma dang

sku zhabs ci zhig pa zhes zer mod/ de ltar mi bya bar zhal
snga nas zhes sogs zhe sa dang bcas mtshan brjod dgos/ jo bos
gser gling pa'i mtshan brjod pa na phyag thal mo sbyar zhing
che brjod mdzad/ gzhan gyis gser gling pa'i mtshan dngos

bsgrags pa byung na har gyis bzhengs par mdzad/ kho bos kyang
bdag nyid sgrogs pa min yang/ bla ma rin po che'i mtshan thol
byung du sgrogs pa mthong ba na yid mi bde ba chen po 'ong ba
yin/ de yang zhal bzhugs pa'i tshe mtshan brjod

par dka' ba zhes mi bya gsungs/ de nas slar yang gong gi sa
bcad rnams la bskyar bshad 'bring bsdus gnyis mdzad do// !
//nyin brgyad par/ rje bdag nyid chen pos/ gang dag srid pa'i
bde la ma chags shing

dal 'byor don yod bya phyir brtson pa yis/ /rgyal ba dgyes
pa'i lam la yid rton pa'i/ /skal ldan de dag dwang ba'i yid
kyis nyon/ /zhes pa'i lung 'dren dang bcas/ rkang pa dang po
skyes bu 'bring gi yang dag pa'i lta ba dang/ gnyis pa

@134a @#/ /skyes bu chung ngu dang thun mong ba'i lam dang/
rkang pa gsum pa byang chub kyi sems la sbyar ba sogs kyi sgo
nas sngon 'gro kun slong 'chos pa song rjes/ sngon du ji ltar
song ba'i sa bcad rnams 'dren cing/

dngos gzhi bshes gnyen bsten tshul gyi sa bcad dang po dang
gnyis pa gnyis la bskyar bshad gnang ste/ de la sa bcad 'dir
dmigs pa skyong rgyu kho na'i dbang du byas pas bshes gnyen
brtag pa'i tshul gyi skor bde myur gyi sa bcad

la mi gsal yang/ 'jam dpal zhal lung las 'byung ba bzhin 'di'i
bar na 'chad dgos/ de yang 'o na sngar bshad pa ltar bshes
gnyen bsten pa la phan yon dang/ ma bsten pa la nyes dmigs de
ltar yod na/ ji lta bu

zhig la brten par bya zhe na/ bshes gnyen de yang gang byung
gis mi chog par lam yongs rdzogs la 'khrid nus pa zhig bsten
dgos kyi/ dper na/ thugs shin tu bzang ba tsam lta bu yon tan
phyogs re ba zhig gis lam yongs

rdzogs la 'khrid mi nus/ slob ma dad pa dang shes brtson ldan
yang/ bla ma de mdo sngags yongs rdzogs la nang byan chud pa
zhig ma byung tshe/ des de skyabs 'gro'i khrid dang/ lha'i
sgrub thabs dang/ rtsa rlung bsgom pa sogs

nyams len phyogs re ba sna gcig tsam la mi tshe hril por sbyor
bas/ dal ba thob pa la don chen po 'grub par mi 'gyur bas
bshes gnyen mtshan nyid tshang ba zhig bsten dgos/ mtshan nyid
kyang/ so thar gyi sdom pa 'bogs pa po dang/

@134b byang sems dang/ gsang sngags kyi sdom pa 'bogs pa po'i
mtshan nyid sogs so sor mang yang/ 'dir lam gyi rim pa yongs
rdzogs ston nus pa'i bshes gnyen gyi mtshan nyid bstan par bya
la/ mtshan nyid dang ldan mi ldan yang ma bsten

gong nas brtag /bla ma'i mtshan nyid brtag pa 'di bshes gnyen
bsten par 'dod pas bya bar ma zad/ 'dul mdo sngags gsum gyi
bshes gnyen byed par 'dod pas kyang 'dul mdo sngags gsum gyi
bla ma'i yon tan rnams rang la

tshang ma tshang brtag ste ma tshang na tshang bar bya dgos kyi/
tshe bum dang/ byabs khrus kyi yo byang tshang ba tsam dang/ cho
ga blo thog nas gtong shes pa tsam gyis bla ma'i mtshan nyid
tshang ba min/ de yang bla ma'i mtshan nyid la/ 'dul ba

nas bshad pa'i mkhan slob kyi mtshan nyid/ theg chen thun mong
ba'i dge ba'i bshes gnyen gyi mtshan nyid/ gsang sngags kyi rdo
rje slob dpon gyi mtshan nyid so sor yod pa las/ da lam 'dir
theg chen thun mong ba'i bla ma'i mtshan

nyid gtso bor smos na/ de yang mdo sde rgyan las/ bshes gnyen
ngul ba zhi ba nyer zhi ba/ /yon tan lhag pa brtson bcas lung
gis phyug /de nyid rab tu rtogs pa smra mkhas ldan/ /brtse
ba'i bdag nyid skyo ba spangs la brten/ /zhes

gsungs pa'i yon tan bcu tshang ba ste/ de'i nang gi dul ba ni/
tshul khrims kyis rgyud btul ba dang/ ting nge 'dzin gyis rnam
g.yeng zhi ba/ shes rab kyis bdag tu 'dzin pa nye bar zhi ba
dang/ spos kyi gseb tu shing gzhan bcug

@135a @#/ /na de la spos dri 'go ba ltar/ bla ma'i yon tan dang
skyon rnams rang la 'go bar 'gyur ba yin pas/ rang las yon tan
lhag pa zhig dang/ de nyid rtogs pa ni thos byung gi shes rab
kyis lta ba rnyed pa ste/

'di thal 'gyur ba'i lta ba dang/ gong gi shes rab ni rang
rgyud pa man chad kyi lta ba rnyed pa'i shes rab la yang byed
pas mi zlos so/ /gzhan sla/ 'di thams cad ma tshang na'ang/
bslab gsum gyis rgyud dul ba dang/ rnying brtse ba dang/ de
nyid

rtogs pa lnga nges par ldan dgos/ po to bas/ nged kyi slob
dpon yer pa'i zhang btsun kun la mang du thos pa yang med skyo
ba bzod pa yang med pas gla bo drin du gcags pa re byed pa
yang med de snga ma lnga yod pas drung na su yod pa la

phan; gnyan ston la smra mkhas pa ye med yon bshad re byed pa
yang 'di kun gyis da res mi go snyam pa las mi shes te lnga po
yod pas su nye ba la phan gsung ngo/ /gla bo drin du gcags pa
zhes gsungs pa ni/ 'dis 'grigs

'dug snyam pa'am/ thugs rje che zhes skad cha legs so ster ba
la byed/ dus mthar de lta bu yang dkon na/ skyon yon gnyis las
yon tan gtso che ba zhig dang/ tshe 'di las phyi ma gtso che ba
dang/ bdag gzhan gnyis las

gzhan gtso bor byed pa zhig la brten dgos pa gnad yin/ de lta
min par mi dge ba'i bshes dang 'phrad na sor mo'i phreng ba
can la log pa'i bshes gnyen gyis lam log par bstan nas sdig
tshabs po che bsags dgos byung ba

@135b ltar 'gyur bas/ dang po nas legs par brtags te 'os par
mthong ba na bla mar brten par bya'o/ /slob ma yang/ rang
phyogs la chags pa dang gzhan phyogs la sdang ba'i phyogs zhen
med cing gzu bor gnas pa dang/ legs nyes 'byed pa'i

shes rab dang/ don gnyer chen po can/ bla mar gus pa chen po
dang ldan pa/ yid legs par gtad de nyan pa dang lnga tshang na/
chos mthar phyin pa 'ong/ de lta bu'i slob mas bla ma bsten
tshul ji ltar byed ce na/ gsum pa bsam pas

bsten tshul la gnyis/ rtsa ba dad pa sbyang ba dang/ bka' drin
rjes su dran nas gus pa bskyed pa'o/ /'di gnyis lung rigs kyis
mtha' bskor ri bskor byas te bsgrom na bshes gnyen bsten tshul
tshul bzhin byed snyam pa'i spro shugs

chen po 'ong/ de min chos zhu snyam pa las mi yong bas/ des na
dang po rtsa ba dad pa sbyang ba la gsum yod/ 'di'i dad pa ni
sangs rgyas dngos kyi 'du shes bskyed pa'i dad pa ste/ 'di
dang mar shes gnyis dmigs skor gzhan las skye

dka' shos shig yin la/ dka' yang 'bad de ma brtson na 'di man
chad kyi lam gzhan rnams rgyud la mi skye'o/ /de la spyir dad
pa ni/ dkar chos thams cad bskyed pa'i gzhi'am rtsa ba yin te/
dkon mchog sgron me'i mdo las/

dad pa sngon 'gro ma ltar bskyed pa ste/ /yon tan thams cad
bsrung zhing 'phel bar byed/ /ces sogs dang/ sngon jo bo chen
po la mi zhig gis/ a ti sha gdams ngag zhu zhes lan gnyis
zhus kyang cang ma gsungs pa na/ khos 

@136a @#/ /skad chen pos bos pa'i tshe/ he he; kho bo la rna ba ta
bzang po bzang po bdog ste/ man ngag bya ba dad pa yin/ dad pa
dad pa zhes gsungs pa dang/ rgyal ba dben sa pa chen pos/ mdor
na nyams

rtogs che chung gang skyes kyang/ /dad pa che chung bsgom pa'i
mthu yin pas/ /dngos grub 'byung gnas drin can bla ma la/ /yon
tan bsam zhing skyon nas mi blta ba'i/ /gdams pa 'di nyid mthil
du 'dzin pa dang/ /dam bca'

'di 'dra gegs med mthar phyin shog  ces pa ltar rang la rtogs pa
skye mi skye sogs bla mar dad pa yod med dang/ dad pa che chung
la rag las/ mchog gi dngos grub 'grub pa la ni bla ma la sangs
rgyas dngos su blta ba'i dad pa

dang; gdams ngag kyang ma nor ba nges par dgos/ gdams ngag nor
kyang dad pas yid ches na thun mong gi dngos grub phran bu 'grub
nus te/ rgya gar na mi zhig gis bla mar gdams ngag zhus pa la/
bla mas ma ri le dza

zhes; don du mar song gsung ba yin pa la/ khos de ma go bar
gdams ngag tu bzung nas tshig de bgrangs pas rang gzhan gyi nad
sos pa sogs byung/ yang gcig gis/ oM ba le bu le bunde swahA
zhes lha mo tsunda'i sngags

kyi tsa dang/ ba nor nas bgrangs te mu ge'i skabs rdo btsos nas
zos pa'i rabs bzhin yin/ dad pa med na shes rab kyis gang yang
mi 'ong/ dad pa la gsum yod pa las 'di'i skabs sbyang rgyu'i dad
pa ni/ bshes gnyen

@136b la sangs rgyas dngos su mthong ba'i dwang ba'i dad pa yin/
de bskyed thabs sked tshang yab sras nas brgyud pa'i man ngag
ltar dang po rtsa ba dad pa sbyang ba la bla ma sangs rgyas su
blta dgos pa'i rgyu mtshan sogs gsum las/ dang po bla

ma sangs rgyas su blta dgos pa'i rgyu mtshan ni/ sangs rgyas su
blta dgos te/ rang nyid khe 'dod la gyong mi 'dod pa'i phyir/
rang gis khe zhig 'dod phyin chad/ bla ma sangs rgyas yin nam
min yang rung ste/ sangs rgyas su bltas

na tshe 'di dang phyi ma'i 'dod don kun 'bad med du 'grub pa sogs
khe che ste/ dper na/ ma rgan mos khyi so la dad pa byas pas
ring bsrel babs pa bzhin yin/ be'u bum sngon po las/ bla ma byin
rlabs che dang chung ba/ /dngos la ma yin

rang la rag las/ /zhes pa ltar bla ma byin rlabs che chung gang
'dra zhig yod kyang/ rang gi ngos nas sangs rgyas dang byang
sems sogs ji tsam gyi tshod du mthong ba de tsam gyi byin rlabs
'byung/ des na dngos grub 'byung mi 'byung bla mar

mos gus che chung la rag las par jo bo chen pos kyang/ bod na
grub thob mi 'byung ba bla ma la tha mal pa'i 'du shes las med
pas lan par gsungs/ sangs rgyas dngos yin yang dad pa ma sbyangs
na yon tan mi mthong zhing/ gyong

sdug bsngal sna tshogs pa bskyed de/ sangs rgyas la yon tan mtha'
yas pa yod mod/ lhas byin dang legs skar gyis 'od 'dom gang ba
gcig pu ma gtogs yon tan gzhan yod pa ma mthong bas gyong byung
ba dang 'dra bas na/ dge

@137a @#/ /bshes po to bas/ bla ma dag la gus pa med na/ /sangs
rgyas nyid la brten yang mi phan/ /dper na legs pa'i skar ma
bzhin te/ /zhes sogs gsungs pa ltar yin/ gnyis pa blta nus pa'i
rgyu

mtshan ni/ de ltar blta dgos pa tsam du ma zad/ blta mi nus pa
min te/ 'di la blos yon tan gyi phyogs bzung na ma dad pa bzlog
nus shing/ skyon phran pu mthong yang zil gyis mnan nas dad pa
la gegs mi byed pa dang/ skyon

mthong ba dad pa'i grogs su 'khyer ba'i rgyu mtshan gnyis bsam/
de yang lag na rdo rje dbang bskur ba'i rgyud las/ slob dpon gyi
ni yon tan bzung/ /skyon ni nam yang bzung mi bya/ /yon tan
bzung na dngos grub 'thob/ /skyon rnams

bzung na dngos mi 'grub/ /ces gsungs pa bzhin rang res bag chags
ngan pa'i shugs kyis bla ma la skyon shas cher bsams pas ma
byung ba las/ gnam gang la zla ba shar yod kyang nyi 'od kyis
zil gyis non te zla ba mi mngon pa

bzhin du yon tan shas cher bsam na skyon mthong ba'i blo rang
shugs kyis 'gag par 'gyur ba ni/ dper na rang gi yon tan gyi
ngos nas bsams pas rang gis rang la skyon mi mthong ba bzhin
dang/ skyon cung zad mthong yang gdul

bya 'dul ba'i thabs mkhas su bsams nas dad pa'i grogs su bsgyur
chog pa'i phyir dang/ der ma zad bla ma rnams rang re da lta las
dang po ba'i skabs tha mal pa dang/ chos rgyun gyi ting 'dzin
thob skabs mchog gi sprul sku/

@137b de nas sa dang po sogs kyi skabs longs sku sogs su rim
bzhin mjal zhing/ nam zhig snod bcud rnams kyang dag pa rab
'byams su shar ba yod pas so/ /gsum pa tshul ji ltar blta tshul
la/ 'dir gzhan gyis mi phyed pa'i nges shes

brtan pa'i phyir lung rigs kyis bsgrub dgos/ de la bzhi las/
dang po bla ma sangs rgyas yin par rdo rje 'chang gis bzhed pa
ni/ kha cig gis/ bshes gnyen rnams sangs rgyas dngos ni min mod/
bshes gnyen bsten tshul

skabs gsar du bcos dgos kyin yod snyam pa 'ong nyen yod kyang/
de 'dra'i skyon rtog rnams zhe phugs su mi bzhag pa gnad yin/
des na/ 'di ltar bsam ste/ bla ma sangs rgyas yin yang rang gis
ngos mchod pa yin/ de yin

pa'i rgyu mtshan/ deng sang gi skabs 'dir rdo rje 'chang gis bla
ma'i rnam par bstan nas bzhugs yod pa'i phyir te/ rgyud brtag
gnyis las/ phyi ma'i dus su gyur pa na/ /nga nyid slob dpon
gzugs kyi sku/ /zhes dang/ gzhan yang/

lnga brgya tha mar gyur pa na/ /nga nyid slob dpon gzugs su
'dzin/ /nga yin snyam du shes byos la/ /de tshe de la gus pa
bskyed/ /ces dang/ ma 'ongs snyigs ma'i dus su ni/ /nga ni byis
pa'i gzugs dang ni/ /sna tshogs thabs kyi

gzugs su ston/ /zhes dang/ mdo las kyang/ kwa ye mthong ba don
yod kye/ /phyi ma'i dus su gyur pa na/ /nga ni mkhan po'i lus
kyis ston/ /nga ni slob dpon gzugs su gnas/ /zhes sogs ltar mdo
rgyud du ma nas ma 'ongs

@138a @#/ /snyigs ma'i dus su rdo rje 'chang nga nyid tha mal
pa'i slob dpon gyi gzugs su 'ong bas/ nga dang ma mjal zhes yid
ma pham par ngo shes par gyis zhes brtse bas gdams pa 'di dag
nges don sgra ji bzhin

pa yin cing/ de'i snyigs ma'i dus zhes pa deng sang gi dus la
byed dgos pa'i phyir re/ /de 'dra'i rdo rje 'chang gi sprul pa'i
slob dpon de yang rang gi bla ma'i gseb tu nges par yod de/ rang
re las nyon gyis nyam thag pa 'di 'dra bar

gyur pa rdo rje 'chang gis brtse bas gzigs shing mkhyen pa'i
phyir dang/ rang re deng sang blang dor gyi gnas shes nus shing
gdams don sgrub nus pa'i rten sogs 'byor bas nges par don du
'gyur ba gzhan las lhag pa'i skabs yin

pa mkhyen pa'i phyir/ de yang da lta'i bla ma 'di kun yin te/ de
ltar min par re re la rgyu mtshan re bkod nas min lugs bsam na/
re re bsal shul du rdo rje 'chang gi sprul pa gcig kyang mi lhag
pa zhig red 'ong/ de ltar na sngar

gyi lung dang 'gal ba'i skyon 'bab pas sangs rgyas kyi sprul pa
zhig yod dgos/ des na sangs rgyas min pa'i rgyu mtshan sha stag
bkod nas ma rnyed pa de rang gi blo skyon yin 'dug pas bla ma
'di thams cad sangs rgyas kyi sprul pa

sha stag yin snyam du bsam/ de ltar gang zag yid ches skye sla
ba dag la ni lung gis chog mod/ da dung rigs pa'i sgrub byed
bkod pa na nges pa ster che bas/ gnyis pa bla ma sangs rgyas
thams cad kyi phrin las kyi

@138b byed pa por sgrub pa ni/ sngar tshogs zhing skabs zhus pa
bzhin ji ltar nam mkha' na gnas pa'i zla ba gcig nyid chu snod
du mar gzugs brnyan tha dad pa 'char ba ltar sangs rgyas thams
cad kyi thugs bde stong gnyis su med pa'i ye shes

ni; thams cad chos kyi dbyings su ro gcig yin zhing/ de nyid
gdul bya'i mdun du nyan thos kyis 'dul ba la nyan thos/ rang
rgyal gyis 'dul ba la rang rgyal/ byang sems dang sangs rgyas
kyis 'dul ba la de dang de'i rnam par ston

cing; der ma zad/ yab sras mjal ba'i mdo las/ brgya byin tshangs
pa'i cha byad dang/ /la lar bdud kyi cha byad kyis/ /sems can
rnams kyi don mdzad de/ /'jig rten rnams kyis rtogs mi nus/
/zhes segs gsungs pa

bzhin bdud dang tshangs pas 'dul ba la bdud dang tshangs pa/ tha
na bya dang ri dwags kyis 'dul ba la bya dang ri dwags sogs de
dang de'i rnam par bstan pa las/ rang cag la skal pa dang 'tshams
par tha mal pa'i bshes gnyen gyi

tshul bstan cing/ de las gzhan pa'i 'dren thabs rang cag la mdzad
rgyu ma byung ba kho na ste/ bla ma tha mal pa'i rnam pa las
lhag pa'i longs sku sogs kyi sku'i rnam pa bstan kyang rang cag
gis mi mthong zhing don du mi 'gyur la/ de

las gzhan mchog gi sprul sku dang/ byang sems sogs kyi rnam pa
bstan kyang mthong ba'i las skal med cing/ da lta'i 'di las dman
pa'i bya ri dwags sogs kyi rnam par bstan na ni de las kyang yid
mi ches pas phan mi thogs/

@139a @#/ /des na/ bde gshegs sku gsum rgyan gyi 'khor lo ni/
/zhes sogs ltar/ sangs rgyas thams cad kyi sku gsum bla ma'i
gsang ba gsum du bsdus pas/ bla ma ni sangs rgyas thams cad kyi
rnam 'phrul

lam 'phrin las yin te/ dper na 'cham dpon gcig nyid a tsa ra'i
chas su zhugs nas de'i 'cham byed pa dang/ chos rgyal gyi chas
su zhugs nas de'i 'cham byed pa na chas brje ba las/ don du
'cham dpon gcig po de rang yin

pa bzhin dang/ mtshal lta bu gcig gis bkod pa'i bye brag 'dra mi
'dra mang po bris kyang/ don du mtshal gyi rang bzhin nyid yin pa
ltar/ rang re 'dul ba'i thabs mkhas su rdo rje 'chang gis sprul
pa kho na yin snyam du bsam/ gzhan yang

me shel la brten nas spra bas me 'dzin pa ltar ram/ zas sna
tshogs rnyed na'ang kha nas ma song bar ltor mi 'jug pa bzhin du
sangs rgyas kyi byin rlabs dang rnam dkar gyi phrin las bla ma
la brten nas 'byung bas sam/ rnam dkar

gyi las thams cad byed du 'jug pas na bla ma ni sangs rgyas
thams cad kyi phrin las kyi byed pa po yin/ de yin na sangs
rgyas yin dgos dogs med bsam na sangs rgyas kyi phrin las te
sangs rgyas kyis sems can gyi don mdzad

skabs byin rlabs de bla ma la brten nas 'jug dgos/ de dgos na
bla ma sangs rgyas yin pa las tha mal pa yin thabs med/ de yin
na sangs rgyas thams cad kyi phrin las 'jug pa'i sgo sems can la
re dgos par 'gyur/ de

@139b dgos na so skye la re nas kyang don byed par 'gyur ba'i
phyir de mi dgos te/ sangs rgyas kyis sems can gyi don mdzad
skabs nyan rang dang byang sems bdag nyid chen po rnams la'ang
mi re na so skye la re ba lta ci smos/ des na sems

can gyi mthong skal tsam du tha mal par sprul ba/ gzings dang
zam pa sogs sprul kyang rang cag rnams la ni shing bzo bas bzos
pa ltar snang ba las gzhan mi mthong/ sa paN gyis/ nyi ma'i 'od
zer rab tsha yang/ /me shel med

par me mi 'byung/ /de bzhin sangs rgyas byin rlabs kyang/ /bla
ma med par 'jug mi nus/ /zhes gsungs pa dang/ bka' brgyud pa zla
'od rin chen gyis kyang/ bar gyi sgrib byed dag pa na/ /khri
gdugs nyi ma'i 'od zer de/ /me shel

dwangs ma'i rten 'brel gyis/ /bud shing steng du phebs pa yin/
/zhes sogs ltar me shel gyi dpe bcas drangs te sangs rgyas kyis
gdul byar phrin las 'jug pa bla ma la brten dgos pas/ bla ma
sangs rgyas min na/ sangs

rgyas kyis de la re mi dgos pa phyug po dang dbul po'i dpe ltar
dang/ sangs rgyas kyis bla mar ltos dgos pa'i rgyu mtshan gyis
bla ma sangs rgyas kho na las mi 'da' bar bsam dgos tshul sogs
gsungs/ sa bcad gsum pa deng

sang gi dus su yang sangs rgyas byang sems rnams kyis sems can
gyi don mdzad pa ni/ rdo rje 'chang gis deng sang gi dus su
sprul pas 'gro don nges par mdzad de/ sangs rgyas kyis sems can
thams cad kyi gnas skabs

@140a @#/ /rnams ma 'dres par mkhyen cing/ mas bu gcig pa la
brtse ba las kyang lhag pas dus rgyun chad med par phrin las ci
drag mdzad bzhin pa yin pa deng sang gi dus su'ang 'dra bas rang
re rnams kyi

don yang ci'i phyir mi mdzad/ gzhan yang sangs rgyas rnams kyis
dang por thugs bskyed pa nas bzung rang cag gi don 'ba' zhig gi
phyir zhugs shing/ tshogs bsags pa'ang rang cag la don bya ba
yongs su rdzogs pa'i phyir

yin la/ sangs rgyas pa'ang sems can gyi don du rgyas pa yin pas/
da lta 'bras bu grub nas rang re'i don mi mdzad pa ni gnas med
cing sangs rgyas thams cad kyis rang re'i don mi mdzad par dor
na de bas thabs rdugs pa

med pas/ nges par rang re'i don mdzad/ des na sangs rgyas thams
cad kyis rang cag gi don mdzad nges na/ don mdzad tshul yang/
thub rnams sdig pa chu yis mi 'khru zhing/ /'gro ba'i sdug
bsngal phyag gis mi sel

la; ;nyid kyi rtogs pa gzhan la spo min te/ /chos nyid bden pa
bstan pas grol bar mdzad/ /ces gsungs pa ltar las gzhan mdzad du
med la/ de mdzad pa po'i sangs rgyas kyi sprul pa ni don gyi
mchog mngon mtho dang nges

legs kyi thabs ston pa po'i bla ma nyid las gzhan 'gro sa med
do/ /des na/ sked tshang 'jam dbyangs smon lam gyis/ sngon byon
sgyi sangs rgyas byang sems rnams/ /da dus kyi 'gro ba'i don
mdzad pa/ /khas len tsam min

@140b par bsams shes na/ /mtshan ldan gyi bla ma'i thog tu 'dzom/
/zhes dang/ bdag gi bla ma'i zhal nas kyang/ sems can re re'i
mgo thog na sangs rgyas cha tshang ba re yod ces gsungs/ bzhi pa
rang gi snang ba la nges pa med pa ni/ 'o

na de ltar bla ma ni sangs rgyas dngos dang/ de yang sangs rgyas
thams cad kyi phrin las kyi byed pa po yin par khas lan dgos
mod/ 'on kyang bla ma sangs rgyas su mi mthong zhing/ tha mal
par mthong ba ni/ skyon gyi rnam pa 'di dang 'di

lta bu mthong ba'i phyir zhes rtags su bkod na/ rang gis mthong
ba la yid brtan med cing nges pa med de/ 'o cag gi mthong tshod
Ni las kyi rjes su 'brangs pa yin pas/ las 'di bsags pa dang 'di
ma bsags bya ba med pas/

las kyi mthong snang la yang 'di yod pa dang/ 'di med pa med de
'jug par/ chu 'bab klung la yi dwags rnag blo yang/ /zhes sogs
gsungs pa ltar/ rlan zhing gsher ba chu phor ba gang la/ las can
gyi lha mi yi dwags gsum

gyis bltas ba'i tshe/ bdud rtsi dang/ chu dang/ snag khrag tu
snang ba dang/ yi dwags rnams la dbyar zla ba'ang tsha zhing/
dgun nyi ma'ang grang ba dang/ dus 'khor dang mngon pa'i ched du
bya ba'i 'dul bya gnyis la ri rab zlum po dang

gru bzhir snang ba sogs yod pa ltar dang/ gzhan yang 'phags pa
thogs med kyis rje btsun byams pa khyi mo smad khog rul zhing
'bus g.yeng bar gzigs/ sangs rgyas ye shes kyis slob dpon 'jam
dpal bshes gnyen

@141a @#/ /khyim btsun zhing rmo zhing/ 'bu thug 'thung ba zhig
tu gzigs/ tai lo pa'ang lung pa'i mi thams cad kyis nya pa zhig
las grub chen du dogs pa tsam yang ma byung zhing/ nA ro pas
kyang nya gson

sreg mdzad par mthong/ nag po pas kyang rdo rje phag mo mdze mor
gzigs 'dug na/ rang cag gis bshes gnyen mir mthong ste/ rta khyi
bong bur mi snang ba dga' rab yin te/ spyan snga blo gros rgyal
mtshan gyis/ rang re'i las ngan

sgrib pa'i che tshod la/ /bla ma mi ru mthong ba'ang dga' tshad
yin/ /khyi dang bong bur ma mthong bsod nams che/ /mos gus
snying nas bskyed cig shAkya'i sras/ /zhes gsungs/ der ma zad
snang ba tsam la cha 'jog na chos thams cad bden

grub tu snang bas bden grub tu thal ba'i skyon yod/ sngon dge
slong zhig skom pas gdungs nas chu 'tshol du phyin pas yi dwags
kyi snang ba byung ste chu bo ganggA ma mthong zhing rkang gis
bgrod pa byung tshul dang/ sha za ma mthong

bas med par sgrub mi nus pa rnam 'grel gyi mi snang ba ma dmigs
pa'i gtan tshigs kyi skabs su bshad pa rnams kyang 'dir mkho/ de
yang bla ma sangs rgyas dngos su mthong ba'i bskal don du song
ba'i gang zag gi rgyud la bla

ma sangs rgyas dngos su mthong ba'i skal pa med de/ bla ma sangs
rgyas dngos su mthong ba'i dmigs byed kyi tshad ma med pa'i
phyir/ zhes rtags bkod pa ltar yin/ sangs rgyas su ma snang yang
sangs rgyas min mi dgos/ sangs

@141b rgyas dngos ltar snang yang sangs rgyas yin pa'i nges pa
med de/ sngon gtad rabs bzhi pa dgra bcom pa nyer sbas kyis chos
gnang skabs bdud dga' rab dbang phyug gis gnod pa byas pas nyer
sbas kyis bdud btul nas nga yis sangs

rgyas mjal ma myong ba'i stabs khyod kyis sangs rgyas ji bzhin
du sprul cig gsungs pas bdud kyis sangs rgyas kyi mtshan bzang
sogs sangs rgyas kyi sku lhag chad med par sprul bas nyer sbas
kyis sangs rgyas dngos su mthong nas phyag

'tshal grabs byas pas bdud kyis sprul pa myur du bshig pa lta bu
yin/ des na sngon gyi grub chen dpal mgon klu sgrub sogs kyang
mthong tshul la dge slong tha mal par snang yang/ don la sangs
rgyas dngos yin pa ltar dang/ 'on

kyang skyon rtog gi blo ngang gis 'char na/ de de ma thag mi
dgag par/ dper na gos kyi dri ma 'khrud par rtsom pas re zhig
dri ma de slong dgos pa bzhin skyon rtog gi blo de 'char du bcug
nas/ ga re; skyon 'di bla ma la yod nas snang ba'am/

med nas snang ba gang yin mi shes te/ sngar bshad pa ltar las
snang gis 'khrul pa'ang ci'i phyir min te/ mkhris nad can la
dung ser por snang ba dang/ rlung nad can gyis gangs ri sngon
por mthong ba dang/ grur zhugs pa la ljon

shing 'gro bar snang ba dang/ rab rib can la skra shad snang ba
sogs 'phral gyi 'khrul rgyu cung zad tsam gyis kyang de ltar
sgrib na/ rang re phugs kyi 'khrul rgyu las nyon dpag tu med pas
ril gyis 'thums nas yod pa la ci'i phyir mi

@142a @#/ /'khrul/ nga rang gis shes pa'i sprul sku zhig gnas
skor song skabs mkhris nad bsnyun pas gnas tshang der dngul ga
gsum yod pa de gser ga gsum du snang zhing/ phyir nang mkhris
nad sel

bas dngul gyi ga'u gsum du gyur pa dang/ rgyal ba dben sa pa
rong byams chen la phebs pas sa skya'i mkhas pa 'ga' zhig gis
sgra'i dka' gnad cig ma shes par rtsod pa byed skabs dben sa pas
sgra don thams cad bkrol nas brgyad

stong pa saM skr-i ta'i skad du gsungs kyang khong tsho yid ma
ches te 'di dge lugs pa'i mi ma red 'dre red byas pa ltar phyi'i
dbyibs la mi blta bar nang gi spangs rtogs kyi yon tan la blta
dgos/ chos sku ni sangs rgyas nang phan tshun las byang

'phags kyis kyang mi mjal/ longs sku mjal ba la byang 'phags
dang/ mchog gi sprul sku mtshan dpes spras pa mjal ba la'ang ma
mtha' so skye las dag cig nges par dgos pa lam rim bdud rtsi'i
snying po las/ las ngan

sgrib g.yogs 'di dang ma bral ring/ /sangs rgyas ma lus mngon
sum mdun byon yang/ /da lta'i snang ba 'di nyid ma gtogs pa/
/mtshan dpes brgyan pa'i sku mchog mthong skal med/ /ces gsungs
pa ltar dang/ sangs rgyas zhal

bzhugs dus kyang mu stegs pa rnams kyis mtshan bzang sogs ma mjal
zhing skyon gyi gong bur mthong/ lhas byin gyis sangs rgyas kyi
mdzad pa rnams g.yo zol 'ba' zhig tu mthong/ rang res bla ma
'di rang rang gi tshod tsam du

@142b mthong ba mthong tshul bzang po yin te/ mgo log a rig stod
pa'i jag dpon zhig lha ldan gyi jo bo mjal bar song bas jo bo
lta zhog /mar me sogs kyang ma mjal bas 'on rgyal sras gong mas
las sgrib sbyongs gsungs pas khos khri mchod dang

phyag skor byas kyang slar mar me tsam las jo bo ma mthong ba
dang/ sgo mang bka' 'gyur bla ma blo bzang don ldan rin po ches
bka' 'gyur ljags lung stsal skabs de'i nang gi zhu mkhan grwa pa
zhig gis ljags lung ma thos shing po

ti ma mthong bar sha gzhong pa gang mdun du bzhag pa mthong nas
lung gsungs pa de sha de bla mas zhal du gsol zhing/ dgong mo
grol khar sha de bsdus 'gro ba'i snang ba byung ba sogs ltar/
las snang gi mthong tshul ci yang srid

pas; las sgrib ji tsam byang ba de tsam gyi tshod cig snang 'ong/
rang gis snang tshul la cha mi 'jog ste/ bla ma phar zhog /gral
rogs grogs mched/ sgo rtsa'i khyi tshun lha dang bdud sogs gang
yin tshod mi thengs/ tshod thengs

pa ni rang gcig pu ste/ de las gom gang phyir song na the tshom
gyi yul yin/ rgyal ba dben sa pa zung 'jug 'grub khar dben sa
smyon pa zhes ming ngan btags mkhan yang byung/ rje'i mdun du
dam can chos rgyal gyis slob bur brdzus/

skabs shig gsang sngags kyi zab gnad bka' dog pa 'ga' snod min
la gsung bar nye ba na/ bkag par byas shing/ rgyal mtshan bzang
pos 'gyod par mkhas grub kyis tsab tsub ma mang gsungs pa dang/
bcom ldan 'das

@143a @#/ /kyis kyang nga'am nga 'dra bas gang zag gi tshod zungs
zhes gsungs tshul/ rgya gar na dge tshul zhig gis/ ba tsi gi ra
gling gi pho skyes thams cad dpa' bo dang/ mo skyes thams cad
dpa' mo yin

par go nas rtsad gcod du phyin pas/ dngos su mthong skabs mi de
rnams thams cad la yon tan yod par ma mthong bar gzhan zog po
zhig la dad pa byas/ rje mid la la'ang/ nA ro bon chung gis/
mid la ras pa skad pa de/ /ma

mthong gong nas sgra che ba/ /rgya gar grub chen 'dra 'o skad/
/mthong nas drung du sleb tsa na/ /mi rgan gcer nyal byed pa cig
/ces sogs ltar rang ga bar mthong ste 'phya smod byas tshul/ de'i
phyir kha mnyam lag mnyam gyi grogs

mched dag kyang ci yin mi shes pas/ gang yin yang rung khe che
nyen chung dag snang sbyang/ rgyal sras chen po zhi ba lha yang
mkhas pa mang pos 'du shes gsum pa can zhig las yon tan ma
mthong ba bzhin mthong tshul tsam la nges

pa med/ yang na/ skyon du mthong ba de skyon yin pa'i nges pa
med par/ blta lugs dang mthong lugs gcig gis 'gro ste/ sangs
rgyas kyis ji bzhin gzigs nas las kyi rgyu ba bstan pa rnams/
rang don du g.yo zol byed

par mthong zhing/ skyon kun zad la'ang mi bden no snyam pa'i
bsam tshul dang blta lugs kyis sde snod gsum pa dge slong legs
skar la'ang 'khrul pa zhugs na/ rang rer lta ci smos/ gzhan yang
dge phrug nyal rgyu la

@143b dga' che ba des/ dge rgan dgong mo phyi mo'i bar du mi
nyal bar kha ton byed par snying thag pa nas skyon du mthong
zhing/ dge phrug chang 'thung ba dag gis dge rgan gyis kyang
chang gsol na/ stabs legs snyam nas yon tan du

'dzin pa bzhin rang gis skyon du mthong ba 'di skyon min par ma
zad yon tan min pa'i nges pa ci zhig yod/ yang na/ skyon de bla
ma la med bzhin du rang cag gi don du ched du bcos nas bstan pa
min pa'i nges pa'ang med de/ de bzhin

gshegs pas don du 'gyur na/ zhe sdang can dang/ ser sna can
dang/ zha ba dang/ smyo ba dang/ tshul khrims 'chal ba sogs su
ston par yab sras mjal ba'i mdo dang myang 'das chen mo sogs las
rgya cher gsungs tshul/

spyir mdo rgyud rnams las drang nges dang/ sgra ji bzhin pa yin
min sna tshogs gsungs kyang rgyal ba rdo rje 'chang gis rdo rje
'chang rang nyid ma 'ongs pa na bla ma'i rnam par byon gsungs pa
ni/ nges don sgra ji bzhin par khas blang bya nyid

yin te/ rang cag la thar pa dang thams cad mkhyen pa'i lam ston
mkhan bla ma 'di las gzhan mi 'dug pa 'dis kyang shes/ des na/
rang res rdo rje 'chang gis sangs rgyas yin par gsungs pa'i bla
ma la/ sangs rgyas ma

yin te/ skyon 'di dang 'di 'dug snyam pa ni/ ma nges pa dang
'gal rtags su song ba yin pas/ gong gi sgrub byed de dag gis
mtha' bskor ri bskor byas te/ bla ma sangs rgyas sngar nas yin
yin pa de yin par ngo shes par

@144a @#/ /byed; de ltar lung rigs kyis bsgrubs pas bla ma sangs
rgyas yin par nges shes rnyed de/ bla ma dang sangs rgyas thams
cad 'dres pa lta bu'i nyams 'char na bshes gnyen bsten tshul gyi
rtogs

pa skyes pa yin/ bla ma dang thugs yid gcig tu 'dres pa ni/ rang
mngon par rdzogs par sangs rgyas pa'i tshe na rang gi sems dang
bla ma'i thugs bde chen chos sku gnyis ro gcig tu 'dres/ de'i
tshe rang bla ma'i ngo bor sangs rgyas pa

dang; bla ma'i go 'phang thob pa/ bla ma'i sku gsung thugs dang
rang gi sgo gsum dbyer med du 'dres pa la byed/ de'i rten 'brel
gyi gnad la da lta nas bla ma'i thugs sems dang nye ba dang
mthun par byed pa zhig dgos pa yin

gsungs/ gnyis pa bka' drin rjes su dran te gus pa bskyed pa la/
sked tshang yab sras kyi gsung rgyun ltar sa bcad bzhi ste/ bla
ma sangs rgyas las lhag pa'i bka' drin/ chos gsungs pa'i bka'
drin/ shes rgyud byin

gyis brlabs pa'i bka' drin/ zang zing gis 'khor du bsdus pa'i
bka' drin no/ /dang po la gnyis las/ dang po spyir sangs rgyas
thams cad las lhag pa'i bka' drin ni/ de ltar yon tan gyi ngos
nas sangs rgyas dang mnyam

mod; bka' drin ni/ spyir sangs rgyas thams cad las lhag ste/
sngon dpag tu med pa'i bskal pa rnams su sangs rgyas mtha' yas
pas grangs med pa'i sems can 'dren par mdzad kyang/ rang cag ni
de dag gis 'dren

@144b pa'i yul du ma gyur la/ sangs rgyas grangs med byon pas
mthul ba'i/ /sogs ltar ston pa'i tshogs bsags yul gcig pur sangs
rgyas bdun khri lnga stong/ bdun khri drug stong/ bdun khri bdun
stong sogs dang/ der ma

zad bskal pa 'dir yang/ 'khor ba 'jig /gser thub/ 'od srung sogs
kyis gdul bya mu med pa drangs kyang rang cag 'dul bar ma nus/
da lta bla ma 'dis sangs rgyas dngos byon kyang de lhag mdzad du
med pa'i tshang la ma nor

ba'i lam bstan pas na/ bla ma de yon tan gyi ngos nas sangs
rgyas dang mnyam yang bka' drin gyi ngos nas sangs rgyas thams
cad las bka' drin che ste/ dge bshes po to bas bla ma ni mi zhig
mu ges shi la khad par zan sbyin mkhan

lta bu dang/ sangs rgyas rnams ni de skyid rgyags pa'i dus su
sha rgya ri ster mkhan dang 'dra bar gsungs pa ltar sangs rgyas
rnams ni/ dper na rang re dbul ba las thar te phyug por gyur
skabs zas nor sbyin pa bzhin rang gis

lam ya tshad thob skabs sangs rgyas mang pos zhal bstan dbugs
dbyung sogs mdzad pa las da lta nyam thag pa'i dus su mi phan/
bla ma ni rang re dbul po'i skabs zas sbyin pa bzhin ngan song
gi g.yang sa chen por lhung bar nye ba'i

dus su zhal bstan nas 'dren thabs mdzad pas da res sangs rgyas
kyi go 'phang 'thob pa'i re ba byed rgyu byung ba 'di bla ma'i
bka' drin yin/ des na mkhas grub rjes kyang/ rgyal ba kun las
lhag pa'i thugs rje can/ /zla med bla ma mchog /

@145a @#/ /ces gsungs pa ltar rang cag sangs rgyas byang sems
gzhan su dang yang ma mjal bar chos kyis phongs pa'i dus 'dir
bla ma 'dis chos de 'dra gsungs pas thugs rje ches che ba yin/
gnyis pa

sgos sangs rgyas shAka thub las kyang bka' drin lhag ste/ sngon
'khor bsgyur rtsi bas kyi mu khyud kyi sras stong po re res gdul
zhing re gzung nas thugs bskyed skabs rtsod dus tshe lo brgya
pa'i dus 'di'i gdul bya 'dul dka' bar

gzigs nas btang snyoms su lus pa'i tshe/ ston pa'i sku skye bram
ze rgya mtsho'i rdul gyis rtsod dus kyi sems can rnams 'dul bar
thugs bskyed pas tshe lo brgya pa'i gdul bya rnams la spyir sangs
rgyas gzhan las ston pa

shAkya thub pa bka' drin che mod/ ston pa des kyang ma thul
ba'i gdul dka'i skye bo bdag dang bdag 'dra bar bla ma 'di nyid
kho na sgos su bka' drin lhag par che tshul sogs dang/ de'i rjes
rgya gar na bstan pa'i gtad rabs bdun dang/

grub chen brgyad cu/ rgyan drug mchog gnyis sogs paN grub mang
po dang/ bod du'ang bstan pa snga dar gyi skabs su mkhan slob
chos gsum/ rje 'bangs nyer lnga sogs dang/ phyi dar gyi skabs sa
skya gong ma rnam lnga/ mar

mi sogs dang/ jo bo yab sras/ rje tsong kha pa yab sras sogs
mkhas grub kyi skyes bu ji snyed cig byon kyang/ rang nyid la
sdug bsngal gyi rgya mtsho chen po las 'dren pa'i thabs dam pa
chos kyi bdud rtsi dngos su ma bstan

@145b cing; mdor na spyod 'jug las/ sems can thams cad phan
mdzad pa'i/ /sangs rgyas grangs med 'das gyur kyang/ /bdag ni
rang gi nyes pas de'i/ /gso ba'i spyod yul ma gyur to/ /zhes pa
ltar rang re skye sar ma skyes/ slebs sar ma

slebs pas skyes bu dam pa sngon byon sus kyang 'dren ma nus
shing dor nas/ snyigs ma'i yang snyigs su bzhag pa la/ da lta
bla ma 'dis bdag 'dren thabs 'di 'dra mdzad pa thugs rje re che
snyam du bsam gsungs/ gnyis pa chos gsungs

pa'i bka' drin ni/ der ma zad/ sngon byang chub sems dpas chos
tshigs bcad gcig gi phyir sras dang sras mo mchis brang rang nyid
dang bcas pa gnod sbyin gtum por bzar bcug pa dang/ ston pa byi
ling ga li tar 'khrungs

dus sku lus la lcags gzer stong btab pa dang/ rgyal po ga na sha
bar 'khrungs tshe mar me stong btsugs pa dang/ me dong du mchong
ba dang/ rgyal po kha dog dam pas pags pas shog bu dang/ rtsib
mas snyug gu byas te chos nyan

pa sogs dang/ jo bo chen po'ang lam rim 'di gsan pa'i phyir
rlung dang chu srin sogs kyi 'jigs pa khyad du bsad nas rgya
mtshor zla ba bcu gsum gyi bar dka' ba spyad/ mar mi sogs kyis
kyang chos btsal ba'i phyir dka' ba mang

po spyad/ rgya gar du yang deng sang ltar bde mor bgrod sa med
kyang sngon gyi lo tsA ba rnams kyis srog dang bsdos nas chos
btsal bar byon nas/ bla ma rnams la chos kyi yon du gser gyi
maNDal kho na phul te chos zhus/ rjes su lam gyi

@146a @#/ /dka' spyad dran pa na skyi g.ya' dgos par mdzad 'dug
na/ rang re dka' ba cung zad kyang spyad mi dgos par/ bla ma
'dis sangs rgyas dngos byon kyang 'di las lhag gsung du med pa'i
lam yongs

rdzogs kyi tshul ston par mdzad pa ni bka' drin ji ltar mi che/
jo bo rjes khyod tshos dka' ba ma spyad par chos zab mo thos pa
bsod nams re che/ legs par nan tan du gyis shig /ces gsungs/
gzhan yang dper na mi zhig gis

sman dang/ zas dang/ dug gsum ga zos nas 'chi bar nye ba la/
sman pa zhig gis/ dug zos pa de skyugs su bcug /zas zos pa de
sman du bsgyur/ sman zos pa de 'chi med tshe'i bdud rtsir bsgyur
na/ drin shin tu che ba

bzhin rang cag gis ngan song du 'gro ba'i las mi dge ba dug zos
pa 'dra ba mang po byas pa rnams/ bla mas bshags su bcug /tshe
'di'i tshe ring nad med rnyed bkur snyan grags kyi ched du dge ba
gsog pa rnams kun slong bzang

ba dang/ bsngo smon rnam dag gis kha bsgyur du bcug ste phyi ma
la phan pa'i chos su bsgyur/ phyi ma mngon mtho dang thar pa
thob phyir bsags pa rnams bla med rdzogs byang du bsgyur bcug
pas na/ de las drin che ba su zhig yod de/

bdud rtsi'i snying por/ tshigs bcad gcig bstan yi ge'i grangs
snyed kyi/ /bskal par mchod kyang bka' drin mi 'khor bar/
/gsungs na yongs rdzogs lam bzang nyer bstan pa'i/ /bka' drin
'di ni gang gis gzhal bar nus/ /

@146b zhes dang/ ji ltar mi zhig btson rwar sdug bsngal tshe/
/gang gis btson khang de las blus nas ni/ /longs spyod phun
tshogs gnas la sbyar byas na/ /de yang bka' drin che bar byed
dgos mod/ /des na bla ma rnams kyis bdag cag la/ /ngan

song gsum las thar ba'i thabs bstan te/ /re zhig lha dang mi yi
dpal 'byor la/ /'dod dgur spyod pa'i bka' drin sbyin par mdzad/
/de nas 'khor 'das rgud pa kun zhi ba'i/ /thabs tshul bla na med
pa legs bstan nas/ /sku

gsum go 'phang dam par 'khrid mdzad pa'i/ /bka' drin 'di ni ci
yi phyir mi che/ /zhes gsungs pa ltar ro/ /gsum pa shes rgyud
byin gyis brlabs pa'i bka' drin ni/ rtogs pa rgyud la gang skyes
thams cad bla ma la gsol ba

'debs pa sogs kyis shes rgyud byin gyis brlabs pa las byung ba
yin zhing/ bla ma'i rnal 'byor lam gyi srog tu byas na/ lam la
sa chod shin tu che ba'ang bla mas byin gyis brlabs pa'i gnad
kyis so/ /te lo pas nA ro'i zhal ras

la maNDala gyi 'jim pa brgyabs pas de ma thag ting 'dzin la zhag
bdun 'byams pa dang/ rang re sngar chos mi dran par da lta dran
pa sogs kyang bla mas shes rgyud byin gyis brlabs pa red/ 'di lo
zla ba bzhi pa'i tshes nyer bzhi la skyabs

mgon bla ma rin po ches bdag la byin gyis brlabs pa'i mtshan ma
bzang po zhig byung bas de'i byin rlabs las da lam lam rim sogs
kyi 'chad nyan bzang po yong ba 'di byung/ sngar skyabs mgon bla
ma rin po ches dwags por

@147a @#/ /dge bshes nyer lnga tsam dang mnyam du tshogs 'khor
gnang skabs nga rang yang bcar bas nga rang la bla mchod bde
stong dbyer med ma'i dbu 'dzugs pa nas rgyun ring tsam par mig
nas mchi ma 'khrugs

pa sogs yid 'byung bsran mi bzod pa byung ba'ang bla mas byin
gyis brlabs pa yin zhes gsungs/ 'di phyi'i legs tshogs dang 'dod
don thams cad bla ma la gsol ba btab na 'grub ste/ grub chen tai
lo pas/ bogs 'don

kun gyi mchog gyur pa/ /bla ma yin no nA ro pa/ /zhes dang/
rgyal ba rgod tshang pas/ bskyed rim bsgom pa mang lags te/ /bla
ma bsgom pa'i gong na med/ /bzlas brjod byed pa mang lags te/
/gsol ba 'debs pa'i gong na med/ /

rgyun du gsol ba btab pa na/ /'bral med nyams myong 'ong bar
nges/ /zhes gsungs/ sngon rwa sgreng nas mi zhig gis 'brom ston
gyi skur mchod me phul te don sgrub tshul dang/ jo bo la Dom b+hi
pas byin gyis brlabs pa dang/

sgrub khang pas bla ma byams pa rin po che byin gyis brlabs tshul
bcas gsungs/ bzhi pa zang zing gis 'khor du bsdus pa'i bka' drin
ni/ deng sang gi mi rnams ni zang zing la blta bas dang por zang
zing gis 'khor du bsdus nas

chos la 'dzud pa yin pas/ bdag gi skyabs mgon dwags po bla ma
rin po che ri khrod du bzhugs skabs kong stod dri med steng
kha'i g.yog po zhig gsung brtag zhu ru btang ste mar ltang gcig
'bul rgyu bskur bas bla ma bzhugs

@147b sa mtho ba'i dbang gis kho thang chad pa'i sdug bsngal
gyis bla ma ri dwags 'dra ba de ri mtho mo 'di 'dra la sdod dgos
pa zer nas kha btang gin bla ma'i sku mdun du slebs/ bla mas ja
dang zas bzang po/ tshogs zan bcas gnang bas kho rang

dad pa skyes te bla ma yang byin rlabs che/ tshogs ni tshogs zhim
zer dgos pa byung ba de zang zing gis 'khor du bsdus nas dad pa
skyes pa yin/ grwa sar dge rgan gyis dge phrug skyong ba lta bu
zang zing gis bsdu ba'ang tshad med/

jo bos/ nga la yon tan gang yod bla ma'i yin gsungs pa yon tan
thams cad bla ma'i bka' drin la brten nas byung ba la dgongs pa
red/ rang cag gis ma brtags ma dpyad pa na/ da lta'i bde skyid
snyan gsum a pho nga rang gis

byas bsam mod/ de lta min par dper na/ spun gnyis yod pa las/
gcig chos sgor zhugs nas cig shos des skyabs su 'gro yul du byed
pa dang/ rab tu byung ba gzhan dag dang lhan cig gtsug lag khang
du 'tshogs te/ chos

dang zang zing gi bgo skal la spyod/ don nyung ba bya ba nyung
ba la gnas pa'ang/ ston pa rang byung gis bsnyen par rdzogs pa
ltar min par/ mkhan po dang/ slob dpon gyis sdom pa ster ba'i
drin yin/ da lta nyin rer shog bu brgya

phrag mang po klog cing/ de'i don la dpyod pa yang/ ka kha slob
mkhan de'i drin dang/ smin byed kyi dbang sogs ma thob na dpe
blta ba'ang mi rung ba'i sangs rgyas las kyang ches cher dkon
pa'i gsang sngags kyi sgor zhugs te/ dam tshig

@148a @#/ /ma nyams na skye ba bcu drug tshun la sku bzhi'i 'bras
bu smin nges pa'i sa bon rgyud la 'jog pa yang rdo rje slob dpon
gyi drin yin/ rang gi bla ma 'di dang 'dis bka' drin 'di 'dra ba
re stsal snyam du

phreng ba la bshar nas dran dgos/ der ma zad mi lus thob pa
dang/ rten 'dir bde skyid dang/ 'byor pa byung ba sogs thams cad
tshe sngon mar tshul khrims bsrung/ sbyin pa btang ba'i 'bras bu
yin la/ de dag kyang sgrub

tu bcug pa po'i slob dpon gyi drin yin pas/ bde skyid yod do cog
bla ma'i drin yin/ 'on kyang de dag ni bla ma gcig gi min te/
snga phyi tha dad pa mang pos drin phyogs re ba las ma byas so
snyam na/ bla ma de dag kun gyi

sprul gzhi sangs rgyas thams cad kyi thugs bde stong gnyis su
med pa'i ye shes chos kyi dbyings su ro gcig yin pas na/ de dag
thams cad rgyal ba rdo rje 'chang gcig nyid sku'i rnam rol mi
'dra bar bstan pa ste/ dper na

bod 'dir/ mi spel ba po dang/ khrims 'dzugs pa po dang/ chos
bsgyur ba dang/ bstan pa spel zhing 'dzin pa'i rgyal blon/ lo
paN/ 7rgyal ba rim byon sogs thams cad 'phags mchog phyag na
padmo 'ba' zhig gi

rnam rol yin pa ltar/ rang gi bla ma thams cad ngo bo gcig yin/
rje rin po ches kyang/ bla ma'i rnal 'byor zhes yongs su grags
pa'i gdams pa yang sngar bshad pa ltar go dgos kyi/ dmigs pa
thun re tsam la sbyangs

@148b pas ni gar yang mi phyin la/ zhes gsungs pa ltar rang gi
bla ma nyid sangs rgyas thams cad kyi rang gzugs dang/ sangs
rgyas thams cad bla ma'i rnam rol du shes par byas nas bla ma
mchod pa sogs la 'jug dgos kyi/ de ltar

ma shes par tshig tsam 'don pas ni gar yang mi slebs/ de ltar
sangs rgyas thams cad thugs bde stong chos sku'i ngo bor ro gcig
pa dang/ de las bla mar bzhengs pa sogs shes na/ rigs brgya/
rigs lnga/ rigs gsum/

rigs gcig thams cad bla ma'i rnam rol du shes par 'gyur ba yin/
'di ma shes na chos khri'i steng nas 'chad pa po'i bla ma snyan
grags che rigs la gus pa che mdog byas kyang/ nyam chung gi grwa
sa'i dpe cha'i dge rgan

lta bu la ma gus par byed nyen che/ sngar gyi tshul de shes na/
bla ma gcig la dag snang sbyangs pas kun la 'byongs shing/ mnyes
pa sgrub pa'ang de bzhin du 'byung/ mi mnyes par byas pa la'ang
gcig la mi mnyes par byas

na; kun la mi mnyes par bgyis pa'i tshul khong du chud de bla ma
thams cad la bka' drin khyad med du 'dzin zhing bsten tshul
phyogs ris med par 'gyur ro/ /de ltar drin che tshul bsams nas
bka' drin dran pa'i tshig ngag nas

brjod pa tshun gyis sbyang dgos par gsungs pas gzhon nu nor bzang
gis bshes gnyen bsten skabs bka' drin dran pa'i tshigs bcad/ 'di
ni bdag gi dge bshes chos smra ba/ /chos kun yon tan yongs su
ston byed de/ /byang

@149a @#/ /chub sems dpa'i spyod lam yongs ston pa/ /yin zhes
sems gcig bsams nas 'dir 'ongs so/ /'di dag bskyed pas bdag gi
ma lta bu/ /yon tan 'o ma ldud pas ma ma 'dra/ /byang chub

yan lag yongs su sbyong ba yin/ /dge bshes 'di dag gnod pa rnam
par bzlog /rga shi thar byed sman pa lta bu ste/ /bdud rtsi'i
char 'bebs lha dbang brgya byin 'dra/ /zla nya lta bur dkar po'i
chos kyis rgyas/ /zhi ba'i phyogs ston

nyi ma gsal ba 'dra/ /dgra dang grogs la ri bo 'dra ba ste/
/rgya mtsho bzhin du mi 'khrugs sems dang ldan/ /yongs su skyong
dang mnyan pa 'dra ba zhes/ /de 'dra'i sems kyis bdag ni 'dir
'ongs so/ /byang chub sems dpa' bdag

gi blo bskyed pa/ /sangs rgyas sras po byang chub skyed byed pa/
/'di dag bdag bshes sangs rgyas bsngags pa zhes/ /de ltar dge
ba'i sems kyis 'dir 'ongs so/ /'jig rten skyob pas dpa' bo lta
bu ste/ /ded dpon mgon dang

skyabs su gyur pa yin/ /'di dag bdag la bde stob mig yin zhes/
/de 'dra'i sems kyis dge bshes bsnyen bkur byed/ /ces dang/ lam
rim bdud rtsi'i snying po las gsungs pa'i/ me dong 'dra ba'i
khyim las rab

byung nas/ /dben par drang srong spyod pas gnas bcas te/ /dam
chos bdud rtsi'i ro mchog myong ba yang/ /rje btsun bla ma rnams
kyi bka' drin no/ /bskal mang stong du btsal yang rnyed dka' ba/
/'jam mgon bla ma'i bstan dang

@149b mjal ba dang/ /bstan pa'i tshul der yid ches rnyed pa yang/
/yongs 'dzin dam pa rnams kyi bka' drin no/ /de phyir bdag gi
bshes gnyen 'di dag ni/ /ngan song gnas las skyob pa'i skyob
pa'o/ /'khor ba'i mtsho las sgrol ba'i

ded dpon no/ /mtho ris thar par 'khrid pa'i sa mkhan no/ /nyon
mongs gcod nad gso ba'i sman pa'o/ /sdug bsngal me chen zhi byed
chu rgyun no/ /ma rig mun pa sel ba'i sgron me'o/ /thar lam gsal
bar ston pa'i nyi ma'o/ /'khor

ba'i btson rwar bcings pa'i 'grol byed do/ /dam chos gru char
'bebs pa'i char sprin no/ /gnod sel phan pa sgrub pa'i gnyen
bshes so/ /rtag tu byams pas skyong ba'i pha ma'o/ /zhes sogs
kyi tshigs bcad brjod pa yan la

'khris nas bla ma'i bka' drin dran dgos gsungs/ sbyor bas bsten
tshul la 'jam dpal zhal lung du/ 'di skabs sbyor chos bzhi pa man
'byung ba yin pas ma 'dres par byed dgos/ 'di sogs dmigs skor re
re'i dbur yang

gsol 'debs dang/ bdud rtsi 'bebs sbyang/ mjug tu thag bcad pa re
bya bar gsungs// ! //nyin dgu par/ ji skad du/ mnyam med jo bo
chen po'i zhal nas/ tshe 'di yun thung shes bya'i rnam pa mang/
/tshe yi tshad

kyang ji tsam mi shes pas/ /ngang pas chu las 'o ma len pa ltar/
/rang gi 'dod pa dang du blang bar bya/ /zhes 'dren par mdzad
de/ kun slong 'chos pa mdor bsdus shig stsal nas/ sngon du sa
bcad gang song ba rnams gsungs rjes/

@150a @#/ /bshes gnyen bsam pas bsten tshul gyi bskyar bshad mdor
bsdus mdzad/ bzhi pa sbyor bas bsten tshul ni/ mdo sde rgyan las/
bkur sti rnyed pa dag dang rim gro dang/ /sgrub pa'i sgo nas
bshes

gnyen bsten par bya/ /zhes gsungs pa ltar gyi sbyor bas bsten
tshul rab 'bring tha gsum yod pa las/ dge phrug gis dge rgan
bsten pa lta bu la gsum ga tshang du yod pas dge rgan la bla ma
bsten tshul tshul bzhin byed pa de ga bla

ma'i rnal 'byor yin/ bla ma dang mnyam du 'grogs nas bsten pas
ni bla ma'i rnal 'byor gyi dmigs pa zur du 'tshol mi dgos/ bla ma
dngos su med na/ tshogs zhing bskyed nas khrus gsol phyag mchod
sogs byed/ dge

ba'i bshes gnyen mnyes par byed pa'i thabs mchog ni/ bka' bzhin
sgrub pa'i mchod pa nyid yin te/ rje mid las/ nor zang zing gi
'bul ba bdag la med/ /pha bla ma'i drin lan sgrub pas 'jal/
/zhes dang/ snying rus

sdug bsran gyi sgrub pa 'di/ /pha bla ma mnyes pa'i zhabs tog
yin/ /zhes gsungs/ de yang 'jam dpal zhal lung rgyas bsdus gnyis
kyi lugs la sbyor chos bzhi pa'i khongs su bshes gnyen sbyor bas
bsten tshul rnams

bsdus nas 'chad pa yin pas sbyor chos gsum pa zin nas bshes
gnyen bsam pas bsten tshul gsungs shing/ sbyor bas bsten tshul gyi
dbur bla ma tshogs kyi zhing du gdan drangs te mchod pa sogs
sbyor chos phyi ma gsum

@150b 'byung ba ni bla ma dang mnyam du mi 'grogs pa sogs bla ma
med pa'i sar zang zing gis mnyes pa sgrub pa'i lugs so/ /'di la
sa gzhi byin rlabs sogs sngar bzhin byas la bden stobs brjod/
bai DUrya'i sa gzhir gser gyi rdo rje rgya

gram bris pa bltas na 'bur dod lta bu la/ reg na 'bur kong sogs
med pa/ de'i dbus su rin po che'i khang bzang gru bzhi sgo bzhi
rta babs med pa sman bla'i pho brang lta bu/ rgya shin tu che
ba/ de'i dbus su seng khri chen po steng du bang

rim bzhi yod pa mchod rten bum pa med pa bzhin gyi bang rim dang
po'i steng gi rgyab ngos seng khri sum tshom steng dbus su rgyal
ba shAkya thub pa/ g.yas g.yon du byams 'jam dbyangs/ so so'i
sku rgyab tu phar la lta spyod brgyud

pa'i bla ma/ mdun ngos seng khri gsum la jo rngog 'brom gsum/
bang rim gnyis par seng khri sum tshom la dbus su rgyal ba tsong
kha pa dang/ g.yas su rje sher seng/ g.yon du dge 'dun grub/
bang rim gsum par

seng khri gsum tshom gyi steng dbus su rgyal dbang lnga pa chen
po dang/ g.yas su khri sbyin pa rgya mtsho/ g.yon du dpal ldan
bla ma byams pa chos ldan/ bang rim bzhi par seng khri sum tshom
steng dbus su rtsa ba'i bla ma/ g.yas g.yon

du thugs sras gtso bo gsungs kyang man ngag ltar bla ma'i bla ma
dang de'i bla ma gsal btab/ bla ma gzhan rnams la za 'og gi
rkyong gdan/ g.yas g.yon sogs kyi bang rim steng sde snod gsum
gyi bla ma thams cad dang/ rgyab kyi

@151a @#/ /bang rim steng sangs rgyas byang sems nyan rang chos
srung sogs bkod pa lugs gcig dang/ yang lugs gcig la mdun du bla
ma gsum gsum yod pa'i g.yas g.yon du lta spyod kyi brgyud pa'i

bla ma rnams mthar chags su bkod/ 'dul mngon mdo sde'i brgyud
pa'i bla ma gzhan rnams g.yas g.yon dang rgyab kyi bang rim du
gsal btab/ yi dam sogs gsal 'debs mi dgos/ gal te bsgom par 'dod
na/ de

rnams dngos su bzhugs kyang mi gsal ba'i tshul du yod par bsam
chog /rgyab kyi kun kyang seng khris mi bsgrib pa'i zhal tshur
gzigs su byed/ khrus khang dkyil du khrus rdzing med cing sa
gzhi dbus mtho ba/ sgo bzhi kar

khrus khang re/ tshogs zhing gi grangs mnyam khri bshams pa ste/
yan lag bdun pa sogs gzhan 'dra/ lho brgyud kyi lugs la de dang
mi 'dra ste/ rang gi mdun du seng ges bteg pa'i khri chen bang
rim bdun pa bka'

gdams mchod khri bzhin rin chen bdun las grub pa 'don cha ltar
dang/ seng ge sa gzhi la gnas pa/ seng khri'i mdun nas yar la
sgrom skas gsum btsugs pa/ bang rim steng ma la gzim sgrom gyi
rgyab yol lta bu'i rgyab

yol de'i g.yas g.yon gyi zur sne la lcags mda' khug ces pa lag
pa 'chang sa lta bu rin po che las grub pa'i rtser tog yod pa/
bang rim re rer yang gser gyi them skas chung ngu re yod pa ste/
skas

@151b 'di ni g.yas g.yon dang/ sngar gyi skas gsum seng khri'i
dkyil du bsgrig ste btsugs/ rgyab yol gyi 'bur dbus mar gser gyi
gnyji ra/ g.yas g.yon du rgyal mtshan/ bang rim dang po'i steng
thub dbang bzhugs gzhir

khri rgyab yol can/ phyin drug mtshon pa'i klu dang khyung sogs
drug 'gyogs/ bzang gos kyi 'bol lnga brtsegs/ g.yas g.yon du
byams 'jam dbyangs bzhugs gzhi seng ge med pa'i khri 'bol gsum
brtsegs/ mdun du rtsa

ba'i bla ma zhal mjal dus kyi rnam pa can bzhugs gdan la khri mi
dgos par 'bol nyis brtsegs/ g.yas g.yon du bla ma'i bla ma
dang/ de'i bla ma'i bzhugs gdan 'bol re/ gzhan rnams la rkyong
gdan du byed pa zhal shes

yin; dbus su 'gro lam lta bu'i stong pa/ rtsa ba'i bla ma zhal
mjal dus kyi rnam pa can phyag g.yas chos 'chad dang/ g.yon
glegs bam thum dang gdong dar lnga brtsegs can bsnams pa/ byams
'jam dbyangs kyi g.yas

g.yon du lta spyod brgyud pa'i bla ma ste/ spyod brgyud kyi
mtshams lam rim pa mthud/ gral mthar rten 'brel gyi gnad che bas
bzhugs gdan stong pa re dang/ bang rim dang por ma chud pa'i bla
ma gzhan rnams gnyis pa gsum pa bar cha bsgo /

bzhi par spyan snga bas gral dbur byas te man ngag pa/ lnga par
byang sems/ sangs rgyas rnams bang rim dang po bzhi'i zur g.yas
g.yon gyi thad/ drug par nyan rang/ bdun par chos srung ngo/
/nyams len byin rlabs brgyud pa'i bla ma gsal

@152a @#/ /'debs pa mdo lugs 'dir mi 'byung mod/ bskyed par 'dod
na mi mngon pa'i tshul gyis gsal 'debs/ 'jam dpal zhal lung rgyas
bsdus gnyis ka mdo lugs yin pas dam tshig pa

bskyed pa sogs mi dgos par mgron thabs su spyan 'dren pa yin/
dper na nged tshos da lta mgron zas phyir gdan 'dren pa ltar
sngon du gdan bsham/ mchod pa byin gyis brlabs nas tshogs zhing
ye shes pa spyan drangs te

khri stan so sor bzhugs pa yin/ spyan 'dren pa na'ang byon pa'i
tshul sogs ma ga d+ha bzang mos ston pa 'khor bcas spyan drangs pa
ltar mos dgos zhes/ de'i gtam rgyud gsung pa'i phyag bzhes bzhin
rgyas par gsungs/

de'i rjes su sku khrus gsol ba la/ khrus khang snga ma dang mi
'dra bar khrus khang gru bzhi phyogs bzhir shel gyi sgo sha stag
can/ khrus rdzing med cing khrus bum mang po bzhag pa/ steng du
dra mig dang rgya phibs/ de dag la dri bzang

gi lde gu'am 'dam thum por byas pa btags la/ de las khrus chu
bum pa'i drang thad du babs par bsam/ khrus gsol ba'i tshe/ dge
slong gsum gsum spros te/ bzhugs khri snga ma'i steng bzhugs
bzhin par na bza' rnams

'od ser po'i rnam par tshur bsdus te khrus gsol/ gzhan snga ma
dang 'dra/ rgyun du bum pa sogs ma 'byor tshe/ sbyor chos skabs
khrus gsol nges par dgos pa min zhing/ skabs skabs su byas na
des grib dang mi gtsang ba sogs

@152b sel; khrus gsol bya tshul gzhan sngar myur lam skabs zhus
pa ltar la/ zhal lung rkyang pa'i khrid kyi skabs go rim 'di
ltar bya zhing tshogs zhing mi bsdu bar blo sbyong/ sbyor chos
grangs gsog lta bur thun phyi ma la yon tan gzhir gyur ma'i

bar btang/ tshogs zhing mi bsdu bar mchod pa'i sprin gzungs bton
nas de man 'don/ bsdu na yan lag bdun pa nyid grangs gsog /da
res zhal lung dang sbrags pas de'i sbyor chos 'chad pa las/
rgyun gyi nyams len sbyor chos

skal bzang mgrin rgyan gyi steng nas bgyis na byin rlabs dang
man ngag zab khyad gzhan las lhag pa yod gsungs/ gsum pa mjug tu
ji ltar bya tshul ni/ lam rim dmigs skor re re bzhin zin pa'i
thun mthar shAkya'i rgyal

po'i mtshan dang sngags 'don zhing bsngo smon byed pa yin/ gnyis
pa thun mtshams su ji ltar bya ba ni/ thun dang thun mtshams gnyis
su ma 'dus pa'i dus shig med pas/ thun mtshams su ji ltar bya ba
'di gal che ste/

thun gyi skabs blo sbyangs nas thun mtshams su rig pa rgya yan du
btang na/ thun dngos gzhi'i nyams len la'ang gnod tshabs che/
thun mtshams legs po byung na dal 'byor don ldan yang 'di nas
yong/ de'i phyir rje bla ma'i

gsung khrid yig rnams su thun dang thun mtshams su bcad pa 'di
gnad che/ dmigs skor 'di la mtshon na/ nA ros tai lo dang/ mid
las mar pa/ 'brom ston pas bla ma se btsun pa dang jo bo rje
bsten tshul sogs bshes

@153a @#/ /gnyen bsten tshul ston pa'i gsung rab dgongs 'grel tshad
ldan blta ba las/ gzhan 'dra min mang po bklag na shes rab 'chal
'gro bar gsungs/ dper na sgrung gi dpe cha la bltas na zhe sdang
che

ru 'gro bas de 'dra'i rigs mi blta bar shes rab 'phel thabs bya/
thun mtshams la nyon mongs mi skye ba'i phyir du dbang po'i sgo
bsdams pa na nyon mongs skye yul la dbang pos kyang mi mthong
bar byas te bsdom tshul yod kyang/

de rang re la mi 'byung bas na/ dper na yid 'ong gi gzugs lta bu
mig gi dbang pos mthong yang yid de'i rjes su mi 'brang bar bya/
dran shes kyis dus rtag tu rang gi sgo gsum la bya ra byed/
rgyas par na zhi ba lhas spyod

'jug tu shes bzhin bsrung ba'i skor le'u gcig logs su mdzad/
de'i 'gag sdoms su/ lus dang sems kyi gnas skabs la/ /yang dang
yang du brtag bya ba/ /de nyid kho na mdor na ni/ /shes bzhin
bsrung ba'i mtshan

nyid do/ /zhes gsungs pa ltar shes bzhin bsrung ba 'di shin tu
gnad che/ lus kyi 'gro 'dug dang/ ngag gi smra brjod dang/ yid
kyi 'char sgo sogs sgo gsum gyi bya ba la bsam bzhin du spyod/
dper na sgo gnyis yod

pa'i khang pa'i nang du 'gro na/ 'ong sa dang 'gro sa sgo gnyis
su nges pas/ de bsrung na rkun po khegs pa ltar sgo gsum gang
dran du mi btang bar bsrung na nyes pa 'byung ba'i sgo khegs pa
yin/ des na/ dge bshes 'ban

@153b gyis sems bsrungs nas zho ma bzhes pa'i rabs dang/ rkun ma
yin par sgrogs pa bzhin bsrung dgos kyi/ mi dran dgu dran du
bcug nas bsdad na/ mi zhig gis bu ma skyes gong nas ming zla ba
grags pa btags te/ gar 'khrab

pas de'i rkyen gyis de ma thag shi ba bzhin 'ong nyen yod/ jo bo
rjes/ mang po'i nang du ngag la brtag /gcig pur 'dug dus sems la
brtag /ces gsungs pa bzhin dgos/ rang cag ni dran pas mi zin par
yengs bzhin du sdig

pa byed la/ de'i tshe sdig pa yin min yang mi shes/ 'gro zhor
'dug zhor dang/ skad cha lab bzhin pa'i ngang nas shig sogs bsad
pa la snang ba med/ de'i tshe dran pas bzung nas 'di mi byed sdig
pa yod snyam nas tsam ste 'jog

de bzhin du mi mang po dang 'grogs nas gtam sna tshogs bshad pa'i
tshe yang sems zur gcig gis/ bdag gis ci zhig smra bar rtsom gyi
na 'dug snyam nas brtag /tshig rtsub ngag 'khyal sogs smra grabs
'dug na lce nas zin/

rang gcig pur 'dug pa na sems kyis ci zhig dran gyin 'dug snyam
nas brtag /sems bsrung rgyu brjed pa nyid kyang rang gis 'phral
du mi shes pas mi brjed par byed dgos snyam pa'i dran shes la
bya ra thu re byed/ sngon dge bshes

kha rag pas phyogs bzhir tho yig bris pa bzhin/ rtsig pa tshun
chad la sems ma yengs zhes bri/ rang res ni mi 'di 'dra zhig nas
dngul srang gang 'ong dgos zhes pa lta bu'i rtsis bshar dang/
brjed tho gtso bor byed kyi na

@154a @#/ /'dug pa 'dis mi 'ong/ des na/ thun mtshams 'di gtso
shin tu che/ mtshams 'dug pa na'ang/ sgo 'gram du mtshams tho
gangs ri lta bur bzhag ste/ yid kyis 'di mi dran bya ba med

pa de 'dra mi bya/ bdag gi bla mas/ lus kyi mtshams khang na sems
kyi sgrub pa po dran shes kyi mtshams la 'dug tshul gsungs pa ltar
rtag tu dran shes bzhin gyis zin te ma yengs pa'i thabs la mkhas
par byed/ rje

mid las/ snang srid dpe char shar bar gsungs pa bzhin/ gang
mthong yang byams snying rje nges 'byung sogs kyi bskul 'debs su
'gro ba byed dgos/ sngon rje sgrub khang pas grog mas sbrang bu
la so btab pa gzigs

nas las 'bras la nges pa rnyed pa lta bu yin/ des na rang res
khrom bskor lta bur 'gro tshe/ chags sogs nyon mongs skyes bzhin
du gom pa re dang sdig pa re sbrags nas/ tshur log pa na sdig
pa'i khur shin tu lci ba zhig

khyer nas 'ong mod/ legs par brtags nas dran shes kyis zin bzhin
'gro na nges 'byung dang mi rtag pa'i bskul 'debs bla na med pa
yod pa yin/ des mtshon nas gang snang chos kyi bskul mar song ba
dgos/ zas kyi

tshod rig par bya tshul/ gzhan yang zag pa rgyun gtor la yi dwags
la bsngo ba sogs nyin zhag phrugs gcig gi dpe gzhan las gsal ba
bzhin byas na/ bya sla la phan yon shin tu che tshul sogs gsungs/
gnyis pa

@154b bsten nas blo ji ltar sbyang ba'i tshul la gnyis/ dal ba'i
rten la snying po blang ba'i phyir du bskul ba dang/ snying po
ji ltar len pa'i tshul lo/ /dang po ni/ dal 'byor don chen rnyed
dka'i skor bsam pa ste/ 'di la nges pa bskyed pa'i

phyir cung zad spros te bshad pa dang/ skyong tshul mdor bsdus te
bstan pa gnyis/ zhes sa bcad bkram ste 'og gi dmigs skor thams
cad la rigs 'gre sbyar dgos pa bshad khrid dang nyams khrid
sbrags tshe mdzad srol

yod; 'di'i mtshams kyis bcad las gsungs pa bzhin dmigs skor dngos
gzhi sa bcad brje ba las sbyor ba dang rjes sogs kyi sa bcad
bshes gnyen bsten tshul skabs bshad pa bzhin sbyor dgos/ rang re
nyin

ltar ngag 'khyal kha bslad kyis dus 'das na'ang phangs sems med
pa 'di dal 'byor don chen rnyed dka' ma bsams pa'i skyon yin/ de
bsam na chos la snying nas bskul ma 'debs 'ong/ des na/ dal
'byor don chen rnyed

dka' bsams nas dga' lhang lhang ba dang/ 'chi ba mi rtag pa
bsams nas sdug lhang lhang 'ong ba zhig byed/ de la gsum/ dal
'byor ngos bzung ba/ de don che bar bsam pa/ rnyed dka' bar bsam
pa'o/ /dang po la dal

ba dang 'byor pa gnyis las/ dang po ni/ de yang dang por dal
ba'i rten la snying po len 'dod 'byung ba la dal 'byor ngos zin
pa dgos kyi/ thab rdo gser las byas kyang ngo mi shes na/ dbul
po so na gnas pa bzhin yin

@155a @#/ /phyir thog mar ngos zin dgos pas dal ba zhes pa chos
byed pa la mi khom pa brgyad dang bral ba ste/ mi khom pa brgyad
ni/ bshes springs las/ log par lta ba 'dzin dang dud 'gro nyid/
/yi

dwags nyid dang dmyal bar skye ba dang/ /rgyal ba'i bka' med pa
dang mtha' 'khob tu/ /kla klor skyes dang glen zhing lkugs pa
nyid/ /tshe ring lha nyid gang yang rung bar ni/ /skye ba zhes
bgyi mi khom skyon brgyad po/ /de dag dang

bral khom pa rnyed nas ni/ /skye ba zlog pa'i slad du 'bad par
mdzod/ /gsungs pa ltar mi ma yin pa'i mi khom pa bzhi dang/ mi'i
mi khom pa bzhi'o/ /de la dang po bzhi las/ dmyal ba ni tsha
grang gi sdug bsngal che bas chos byed du mi khom ste/ mgo la me

btsa' bzhag nas de'i ring la bsgom byed du bcug na/ na tshas
bsgom long med pa bzhin yin/ rang cag da lta dmyal bar skyes yod
tshe lcags kyi sla nga dmar hur re ba'i nang du byi ba bcug ste
bsreg pa las kyang brgya 'gyur stong

'gyur gyis lhag pa'i sdug bsngal myong bar 'gyur bas chos byed
pa lta zhog /chos kyi sgra tsam mi go ba'i steng/ sdug bsngal
'ba' zhig yid la brnags nas sdod rgyu las mi 'ong bas chos mi
'ong/ de ltar ma skyes pa 'di

stabs legs snyam pa byed/ yi dwags su skyes na ni bkres skom che
bas chos byed du mi khom ste/ rang cag shin tu bkres shing ltogs
pa zhig gi skabs su bla ma lta bu 'ga' zhig gis chos la bskul
yang/ dang por bza'

@155b btung don du gnyer ba las chos byed du mi khom pa bzhin
yin/ de ltar na yi dwags su ma skyes pa yang stabs legs pa yin/
dud 'gror skyes na ni glen zhing gti mug pas chos byed du mi
khom ste/ dper na/ khyi dang bong bu sogs la/

ma Ni tshar gcig bgrongs dang khyod da lta 'tshang rgya zhes smras
kyang/ go tshor ci'ang med cing/ tha na ma Ni tshig gcig bgrang
ba'ang mi shes na/ chos gzhan ga nas shes/ de bzhin dud 'gro
rang rang gi sdug bsngal gyis mnar nas chos

byed du mi khom pas de dag tu ma skyes pa yang shin tu stabs
legs/ da lta rang re dngul srang gang do rnyed pa la stabs legs
zer kyang de 'dra la stabs legs rgyu de tsam med/ dud 'gro khyi
bong sogs mthong ba na/ ltad mo blta ba bzhin

ma byed par/ bdag 'di lta bu zhig tu ma gyur pa stabs legs snyam
pa byed/ lha tshe ring po ni/ gzugs med dang gzugs khams na 'bras
bu che ba'i phyogs gcig na yod cing/ de na dang por skye ba'i
tshe lhar skyes song snyam pa dang/

mthar 'chi ba'i skabs lha las 'chi 'pho bar 'dug snyam pa tsam
las gnyid log pa bzhin ting nge 'dzin la g.yengs te don cung
zad tsam yang med pa'i ngang nas tshe 'phos te 'gro/ lha gnas
gzhan rnams kyang nyan sa las gsungs pa

ltar dge ba'i bag chags chen po yod pa kha shas las/ gzhan phal
cher dus rtag tu 'dod pas g.yengs nas chos mi 'ong ste/ dper na
mi'i skabs shA ri'i bu mthong ba na glang chen gyi steng du yod
kyang dal bur sa la babs long med

@156a @#/ /bar mchod par byed pa'i slob ma sman pa'i rgyal po
'tsho byed gzhon nu de/ phyis lha yul du skyes pa na/ der shA
ri'i bus chos gsung bar byon kyang 'tsho byed lha'i bde skyid
la g.yengs te mdzub mo

ker ba tsam re byas nas rtsed mo rtse bar song bas shA ri'i
bus chos gsungs sa ma rnyed pa bzhin du chos byed blo dang
nges 'byung sogs gsha' ma mi 'byung zhing/ lha'i rnga dang
sprul pa'i bya sogs kyis chos sgra sgrog tsam las

rang re ltar bla mas gdams ngag zhib mor ston pa med/ mi'i mi
khom pa ni/ kla klo la sogs pa'i yul mtha' 'khob tu skyes na
ni chos kyi sgra tsam yang mi go zhing/ sangs rgyas ma byon
pa'i yul du skyes na rgyal ba'i bka'

med pas chos bya mi shes la/ chos byas kyang ji bzhin mi
'byung/ da ltar rang re de lta bu zhig yin na ji ltar byed/ de
ltar ma gyur pa yang stabs legs snyam pa byed/ yul dbus su
skyes kyang yid mi gsal ba'i

glen pa dang/ ngag mi gsal ba'i lkugs par skyes na ni chos ci
'dra zhig byed dgos mi shes shing byed khul byas kyang byed
tshul ji bzhin mi 'byung la/ log lta can ni chos la 'jug pa'i
gegs che shos yin pas bshes

springs las kyang log lta can dang por gsungs/ da lta'i kha
che lta bu yin na tshe ring po zhig bsdad kyang ma Ni tshar gcig
'dren pa'i dge rtsa yang mi gsog pas 'di thabs rdugs shos shig
yin/ de'i phyir rang cag la don

@156b gal chung brgyad sgrub tu yod na'ang ji bzhin tshang ba
'grub dka' na/ stabs legs zhes zer dgos pa'i don gal che la/
'dzoms dka' ba sna brgyad 'dzoms pa 'di ches shin tu stabs
legs pa ci'i phyir min/ gnyis pa 'byor pa

la rang 'byor lnga dang gzhan 'byor lnga ste bcu las/ rang
'byor lnga ni/ nyan sa las/ mi nyid dbus skyes dbang po tshang/
/las mtha' ma log gnas la dad/ /ces pa ste/ dang po mi nyid
yin pa ni/ phyi ma'i don sgrub pa la 'gro

ba gzhan las mi khyad par du 'phags pa yin te/ rang cag da lta
mi nyid yin pa ni the tshom med mod de/ mi yi go mchod pa yin/
yul dbus ni chos tshigs kyi dbang du byas pa'i yul dbus te
'khor rnam bzhi yod sar

skyes pa/ dbang po tshang pa ni/ dang por skye dus nas dbang po
tshang ba dang/ za ma ma ning sogs so thar gyi sdom pa'i rten
du mi rung bas rang de ltar ma skyes pas dbang po tshang ba
yin/ las mtha' ma log pa ni/ mtshams

med byas na tshe der dgra bcom mi thob kyang rang cag gis de
ltar ma byas pas las mtha' ma log pa/ gnas la dad pa ni 'dul
bar dad pa la gsungs kyang/ 'dir sde snod gsum dang/ byang
chub lam gyi rim pa'i tshul la dad pa'o/ /'di

ni rang la ldan dgos pa'i 'byor pa yin pas rang 'byor te/ nged
tsho la de lnga dngos su tshang ba yin/ gzhan 'byor lnga ni/
sangs rgyas byon dang des chos gsungs/ /bstan pa gnas dang de
rjes 'jug /gzhan phyir snying ni brtse ba'o//

@157a @#/ /zhes gsungs pa ltar/ sangs rgyas 'jig rten du ma
byon na dam pa'i chos mi 'byung la/ byon kyang chos ma gsungs
pa'i gong du 'chi ba lta bu ni/ sangs rgyas byon pa'i don ma
byung ba'o/ /

de gnyis dngos su mi tshang mod/ sangs rgyas kyi zhal tshab bla
ma bzhugs shing chos bstan pas na de gnyis don gyis tshang ba
yin/ bstan pa ma nyams par gnas pa ni/ sgrub pa'i bstan pa ste
'phags lam dngos

su thob pa la byed/ de yang deng sang lnga brgya phrag bcu'i
lung gi dus yin zhing/ 'on kyang sangs rgyas kyi bstan pa lung
gi dus yin yang/ rang rgyud la rtogs pa'i bstan pa skyes na/
rang la 'bras bu'i bstan pa dar ba

yin; de lta med par bka' gdams gong ma tshos/ spyir gyi bstan
pa 'o cag gi rgyud la med/ 'o cag gi bstan pa sgos nub tu ma
song ba dgos gsungs pa ltar sangs rgyas kyi bstan pa spyir dar
yang rang rgyud la bstan

pa nub na/ sgos nub tu gyur pa yin/ de yang sangs rgyas kyi
bstan pa gnas pa tsam du ma zad/ bstan pa de la zhugs pa yang
tshang ste/ 'phags bod kyi snga phyi'i grub mtha' kun las gces
bsdus lhad bsal gyi

mdo sngags lta spyod rnam dag zung du 'brel zhing/ dag ther
mgon po 'jam dbyangs nyid kyis mdzad pa'i bstan pa gser
sbyangs btso ma byi dor byas pa lta bu 'di dang mjal ba ni
dkon pa las kyang dkon pa ste/ de yang

@157b mdo sngags kyi skor la sngon med pa'i legs bshad yod
par/ stag tshang lo tsA bas sku tshe'i smad du rje'i bstan pa'i
khyad chos gzigs nas thugs 'phrogs te gnad phig par gsungs
pa'i bstod tshig mang du yod pa bzhin

lugs gzhan las ji ltar khyad zhugs tshul sogs mdo dang sngags
kyi skor la zhib par 'chad na/ nyin mang por mi rdzogs shing/
sngon paN chen rin po cher/ sog po zhig gis phyag rten phul
nas/ phyi ma mi lus

'thob pa dang/ sangs rgyas kyi bstan pa dang mjal ba'i smon
lam zhus pas de ltar 'ong bar gsungs la/ rje'i bstan pa dang
mjal ba'i smon lam zhus pa na zhal gyis ma bzhes pa yin/ des
na/ de lta bu'i bstan

pa dang yang mjal/ mjal ba tsam du ma zad 'gal rkyen gzhan med
par bde blag tu khyim nas khyim med par rab tu byung ba la
sogs pa 'dis gzhan 'byor bzhi pa de rjes 'jug pa yang tshang
ste/ de ni 'bras bu bzhi po

gang rung thob pa dngos su mthong nas de'i rjes su 'jug pa yin
pas/ nyan sa nas dngos su gsungs pa'i gzhan 'byor bzhi ni dge
slong 'char ka lta bu la tshang ba las mgon po klu sgrub la
yang tshang ba med kyang/

rtogs pa'i bstan pa'i skabs 'bras bu bzhi thob pa la kha mig
yar blta byed pa ltar/ da skabs kyang skyes bu dam pa'i mdzad
spyod la kha mig yar blta bya sa yod pas da lta dod thub tu
tshang ba yin/ gzhan 'byor

@158a @#/ /lnga pa ni/ chos byed pa la sbyin bdag sogs mthun
rkyen 'dzoms pas gzhan phyir snying brtse ba ste/ de yang
tshang ba'i phyir/ rang cag 'jig rten 'di'i don chen po bco
brgyad

bsgrub rgyu yod na/ de'i nang nas 'ga' zhig tsam las thams cad
'grub pa shin tu dkon na/ de las lhag pa tshe lnga ma'i mi des
'di ltar 'ong bar shog ces pa bcu dang/ 'di 'dra mi 'ong bar
shog ces pa

brgyad de/ don sne khag chen po bco brgyad kyi smon lam btab
pa thams cad 'grub ste dal brgyad 'byor bcu thams cad tshang ba
yin/ gnyis pa don che bar bsam pa la gsum/ gnas skabs la ltos
te don che

ba dang/ mthar thug la ltos te don che ba/ mdor na skad cig ma
re re la'ang don che bar bsam pa'o/ /dang po ni/ phyi ma ngan
song du mi skye bar bde 'gro lha mi'i go 'phang ji 'dra zhig
'dod kyang 'dis sgrub nus te/ mngon

mtho'i rten 'grub pa la tshul khrims dgos la/ de yang rten
'di'i thog nas bsrung nus/ mngon mtho'i longs spyod kyi rgyu
sbyin pa yin pas de'ang rten 'dis sgrub nus/ 'khor phun sum
tshogs pa 'ong ba'i rgyur

bzod pa dgos shing/ de yang rten 'di lta bus bsgom dgos pas
na/ mngon mtho lha mi'i lus rten dang bde 'byor ci 'dra zhig
sgrub snyam yang/ ma bsgrubs pa ma gtogs bsgrub na 'grub par
the mi tshom ste/ phyi

@158b mar tshangs pa brgya byin dang 'khor bsgyur gyi lus rten
zhig 'dod na'ang sgrub tu yod/ der ma zad rnam smin yon tan
brgyad ldan dang/ mtho ris yon tan bdun ldan gyi lus rten/
theg mchog 'khor lo bzhi'i rten bzang

yang sgrub nus/ bde ba can dang shamb+ha la sogs dag zhing du
skye ba'i rgyu'ang rten 'dis sgrub nus/ sngon klong rdol bla
mas sku tshe der phor rtsam tshun bdag tu ma sprad par ri khrod
na dal 'byor don ldan mdzad cing/ sku tshe phyi mar

shamb+ha la'i rgyal por skye ba'i rgyu tshogs bsgrub cing/ smon
lam mdzad nas rjes su de la dgongs pas paN chen dpal ldan ye
shes la skyabs rten 'bul rgyur bskur te bsam don e 'grub zhus
par/ paN chen gyis mkhyen

te bla rgan 'dod pa rang che/ don 'grub par 'dug gsungs pa
ltar 'byung ba yin/ gnyis pa ni/ thar pa sgrub pa la de sgrub
byed kyi chos lam bslab pa gsum la brten dgos la/ de'i dang po
tshul khrims la so

thar gyi sdom pa lta bur mtshon na/ de nges 'byung la brten nas
skye dgos shing/ lha sogs 'gro ba gzhan gyi rten la nges
'byung sogs skye bar dka'/ sgra mi snyan pa sdom pa'i rten du
mi rung zhing/ gling gzhan gsum

las 'dzam bu gling pa'i mi mchog yin/ byang chub kyi sems yang
mi'i rten la bskyed pa nyid stobs che ste/ slob springs las/
sems kyi stobs chen mi yis rnyed pa gang yin pa/ /lam de lha
dang klu yis rnyed min lha min

@159a @#/ /dang; ;mkha' lding rig 'dzin mi'am ci dang lto
'phyes min/ /zhes gsungs/ gsang sngags kyi sdom pa'ang de dang
'dra/ thams cad mkhyen par bgrod pa'ang rten 'di'i steng nas
stobs che zhing

bzang la/ der ma zad las dang po bas gsang sngags kyi lam nas
tshe gcig lus gcig la 'tshang rgya ba'i rten la/ las kyi sa pa
'dzam bu gling pa'i mi mngal skyes khams drug ldan dgos pas
de'ang rang res rnyed/ rang cag

gis smon lam gyi yul du byed pa'i/ bde ba can gyi byang chub
sems dpa' rnams kyis gling 'dir skye ba'i smon lam 'debs/ des
na/ rang cag rnams a pho rang gis ma byung ba kho na ma
gtogs/ rten 'di las lhag

pa zhig rnyed du med/ 'ga' zhig gis nor bu dgos 'dod kun
'byung jo bo'i zhabs pus la 'khor zhing/ der smon lam btab
tshad 'grub ces zer nas de thad smon lam 'debs par byed mod/
nor bu dgos 'dod

kun 'byung 'bum phrag mang po zhig rnyed nas 'ga' zhig gis
sngas dang 'ga' zhig gis 'gram skyor byas nas bsdad kyang 'chi
tshe ngan song du mi 'gro bar mi phan la/ rten 'dis ni gtan gyi
don chen po de ltar sgrub tu yod/

nyin gcig la phan pa'i nor bu dang/ mi lo brgya la phan pa'i
nor bu gnyis las phyi ma lhag pa ltar gtan bde sgrub nus pa da
res kyi rten 'di yin/ rang cag rnams so sos chos nyams len ma
byung ba ma gtogs

@159b rje mid las thob pa'ang mi lus 'di 'dra zhig rang thob
pa yin/ mid la ras pa'i rten dang nged tsho'i lus rten la bzang
ngan gyi dbye ba med/ dper na rje btsun mid la dang/ klu'i
rgyal po gnyis kyi khyad par la bltas

na shes te/ klu'i rgyal po'i bang mdzod du yid bzhin gyi nor
bu'i phung po spungs shing/ spyi gtsug sogs nor bu'i rgyan cha
byas nas bsdad yod kyang 'tshang rgya rgyu phar zhog /ngan song
gi skye sgo tsam yang bkag mi

thub; mid la ni rtsam pa yang bzhes rgyu med pa'i sprang po
yin kyang dal rten rin po che 'di thob pas tshe de la sangs
rgyas pa yin pas de ltar bsam ste dal 'byor don ldan byed lugs
rnal 'byor pa chen pos spyan

snga ba la bag re chogs gsungs pa la/ de ltar 'tshal ba la dal
'byor 'di rnyed par dka' bas gsungs pa ltar dgos gsungs/ des
na de lta bu'i rten rnyed pa don med du song na dbul po zhig
gis gser rkyal

pa gang rnyed de kha gang tsam yang longs spyod rgyu ma byung
bar brlag pa ltar shin tu nas phangs/ gsum pa ni/ don che tshul
gnyis kyi steng du dpe char mi gsal ba'i man ngag la/ nyi ma
re re dang skad cig ma re re'i

don che ba zhes pa bsnan na phan che bas/ de yang spos rkang
gcig 'bar yun tsam la'ang don med du mi btang bar tshogs bsags
sgrib sbyang lta bur brtson na/ thar pa dang thams cad mkhyen
pa'i rgyu dpag tu

@160a @#/ /med pa 'grub yong/ rang res dal 'byor stong zad du
btang ba la phangs sems med par dngul TaM ka re gnyis chud zos
pa la phangs sems byed pa 'di nor ba yin/ 'phags pa dpa'

bos kyang/ rin chen gling phyin tshong pa ni/ /lag pa stong pas
rang khyim bzhin/ /zhes pa ltar rin po che'i gling du phyin
nas rin po che ma blangs pa'i steng bu lon mang po blangs nas
lag pa stong par khyim nang log pa bzhin

da res dal 'byor lan cig thob pa'i lus rten 'dir chos ma byas
par sdig pa sha stag bsags nas ngan song du phyin na ni/ de
las phangs pa med/ gsum pa rnyed dka' ba bsam pa la gsum las/
dang po rgyu'i sgo

nas rnyed dka' bar bsam pa ni/ de ltar dal 'byor gyi rten
rnyed pa 'di don chen po yin zhing/ der ma zad rnyed kyang
shin tu dka' bas yang yang mi 'thob/ rnyed dka' ba zhig min na
ni/ da res don med du song

yang; phyin chad thob pa'i skabs gzab gzab kyis don ldan du
byas pas chog mod kyang/ da res dal 'byor thob pa 'di rgyu
rkyen mang po zhig 'dzoms te bsod nams dang smon lam gyi dbang
gis stabs legs

byung ba las/ phyi nas 'di 'dra rnyed dka'/ sngar sog po'i bla
ma zhig gis chos gnang skabs rgya mi zhig gis/ bla ma nyid
rgya nag tu 'gro ma myong bas yin/ rgya nag na mi mang po yod
zer ba ltar ma song ba dgos/

@160b spyir mi mang yang rang ngan 'gror song na mi phan pas
phyi rol du mi gzhan dag mang nyung sogs la mi blta bar/ rang
gis phyis nas rnyed dka' ma mi dka' rang rgyud la dal 'byor
gyi rgyu tshang min rjes dpag tshad mas gzhal

dgos te/ dper na phyi rol gyi nas dang gro la sogs pa'i ston
thog spar ba gang skye ba'ang dpyid sa bon btab pa la rag las
shing/ der ma zad me tog rdza ma gang skye ba la'ang sngon du
sa bon ma btab par mi 'byung

ba bzhin du dal 'byor thob pa la'ang rgyu mang po zhig 'dzoms
dgos te/ spyir mngon mtho'i lus rten tsam po ba lha lta bu'i
bde 'gro tsam 'thob pa la'ang/ tshul khrims sna re bsrung dgos
shing/ dal 'byor gyi rten

'di lta bu 'thob pa'i rgyu ni/ klu sgrub kyis/ sbyin pas longs
spyod khrims kyis bde/ /zhes dang/ sher phyin mdo sdud pa las
kyang/ khrims kyis dud 'gro'i 'gro ba du ma'i ngo bo dang/ /mi
khom brgyad spong de yis

dal ba rtag tu rnyed/ /gsungs pa ltar tshul khrims rnam par dag
pas gzhi gzung/ sbyin sogs kyis grogs byas/ smon lam dri ma
med pa ma mtha'ang tshe 'di par zhen pa'i dri mas ma gos pa
zhig gis mtshams sbyar

ba bcas dgos/ yang sbyin pa btang yang tshul khrims ma bsrungs
na klur skye ba dang/ tshul khrims bsrung yang sbyin pa ma
btang na dbul por skye ba sogs gsungs yod/ rang cag da lta ma
brtags ma dpyad pa na/ tshul 

@161a @#/ /khrims gtsang mdog kha po byed kyang/ sngon sog po dge
bshes shig gis/ sdom pa yod dus 'dul ba mi 'dug  /'dul ba yod
dus sdom pa mi 'dug ces smras pa ltar legs par

brtags na blo bde sing nge ba'i tshul khrims sna gcig kyang
bsrung ba dkon te/ bsam rgyu nyon mongs dang/ byed rgyu sdig pa
kho na las med cing/ gsang sngags dang byang sems la sogs pa'i
rtsa ltung dang/ nyes byas

sogs kyi grangs kyang legs par mi shes na/ bsrung ba lta ci
smos/ de ltar dal 'byor 'thob pa'i rgyu med pa la 'bras bu yong
rgyur re ba ni/ dpyid kyi dus su dug gi sa bon btab nas ston kar
nas len rgyu'i re ba

byas pa dang 'dra/ der ma zad spyod 'jug las/ skad cig gcig byas
sdig pas kyang/ /bskal par mnar med gnas gsungs na/ /thog med
'khor bar bsags sdig gis/ /bde 'gror mi 'gro smos ci

dgos/ /gsungs pa ltar sdig pa sna res kyang ngan song de 'drar
'phen na/ rang rgyud la thog ma med pa'i dus nas bsags pa'i sdig
pa'i phung po rgyal po'i bang mdzod ltar yod pas 'di lta'i mus
nas bde 'gro 'thob rgyu'i re ba

med; da lta rang re'i bsam par bla ma rin po che'i bka' drin
las/ skye ba phyi ma mi skyon tsam zhig e yong snyam pa yod
mod/ rang gis chos ma byas na/ bla ma rin po ches ci yang mdzad
du med de/ sku mched lhas

@161b byin dmyal bar lhung ba sangs rgyas kyis bskyab ma nus pa
bzhin yin/ da res lan cig thob pa'i rten bzang 'di chud zos su
btang nas/ slar dal 'byor thob nas don ldan byed 'dod pa ni/
dbul po zhig gis gser khur

po gcig rnyed pa chur 'phangs nas/ yang gcig rnyed par shog
/rnyed nas de longs spyod par shog snyam pa bzhin yin/ tshe 'di
par mi re ba'i smon lam ni dka' ste/ rang cag lha sa'i jo bo lta
bu mjal te/ smon

lam 'debs skabs/ tshe ring ba/ nad med pa/ lam 'gro 'ong ba zhes
pa zhig dang po kho na nas 'byung ba yin/ des na spyod 'jug las/
bdag gi spyod pa 'di 'dras ni/ /mi yi lus kyang 'thob mi 'gyur/
/

mi lus thob par ma gyur na/ /sdig pa 'ba' zhig dge ba med/
/gsungs pa ltar nged tshos rten 'di la chos rnam dag cig ni mi
yong ba phal cher thag chod la/ de ma byung na phyi ma ngan song
du lhung zin nas rten der slar

yang ngan song gi rgyu bsgrubs nas ngan song mu mtha' med par
'khyams par 'gyur te/ dad pa dang shes rab dang/ nges 'byung
sogs dge ba'i phyogs ni cung zad tsam yang med la/ 'dod chags/
zhe sdang/ nga rgyal

sogs mi dge ba'i las sgrub byed ni cha tshang gra ma nyams par
yod de/ dper na khyi lta bur bltas pas kyang shes nus/ ngan song
du skyes zin nas mi lus sgrub pa ni/ rten 'di nas sangs rgyas
sgrub pa las kyang dka'

@162a @#/ /tshegs che ste/ da lta mi lus thob pa 'di zangs kyi
rbab rdo ri sked la slebs pa'i tshod tsam yin/ zangs rbab ri sked
la yar slebs pa de/ de nas yar drangs ma thub na'ang mar ma shor
ba byed

dgos kyi/ shor na slar ri sked du bskyal ba'ang dka' ba bzhin/
rten 'dir thar pa dang thams cad mkhyen pa sogs lam gong ma'i
rtogs pa thob pa zhig ma byung na'ang ngan song du ma lhung tsam
zhig dang/ dal 'byor gyi

ang ka ma 'khrugs pa zhig ma byas na/ der gcig lhung tshe ngan
song nas ngan song du 'khyams pas slar thar ba'i skabs bral ba
lta bu yin/ lam kha phrag nas 'phyug na rim gyis je cher 'phyug
'gro ba ltar yin pas/ da

res rten 'di'i steng nas ma 'chol ba byed dgos/ rang gis ma
byung bas lan pa ma gtogs/ rang gis byung nan so rgas kyang
sgyid lug mi dgos pa/ khyim bdag dpal skyes lta bu yin/ gnyis pa
dpe'i sgo

nas rnyed dka' ba ni/ po to ba'i dpe chos las/ mkhar thog rtswa
dang rus sbal mgrin/ /zhes sogs gsungs pa bzhin/ bde 'gro'i rten
spyir btang ni/ ri klung la skyes pa'i rtswa ltar mang la/ dal
'byor tshang ba'i rten

ni khang pa'i thog gi rtswa tho re ba bzhin shin tu nyung bar
dper mdzad/ rus sbal mgrin zhes pa/ rgya mtsho chen por rlung gis
g.yengs pa'i gser gyi gnya' shing bu ga gcig pa zhig tu rus
sbal long ba lo brgya brgya nas

@162b mtsho khar mgo rdog tsam re byed pa'i mgrin pa mi chud pa
bzhin du rang re rnams 'khor ba'i rgya mtsho chen po'i nang du
las dang nyon mongs pa'i dbang gis shes rab kyi mig ldongs nas
shas cher ngan song gi gnas nas ngan song gi

gnas su 'khyams te sdod pa/ brgya la gal te ngan song las thar
te mi'i gnas su yud tsam zhig skye ba len par srid pa'i dbang du
byas kyang/ 'jig rten gyi khams shin tu rgya che ba dag gi
phyogs dang phyogs mtshams

khol bu dag na nges med du dar zhing rgyu ba'i sangs rgyas kyi
bstan pa gser gyi gnya' shing lta bu dang 'phrad pa ni shin
tu'ang dkon/ rus sbal de rtag tu mtsho'i steng du 'ongs na skabs
shig la gser gyi gnya' shing dang

'phrad pa rung mod/ de'ang lo brgya brgya na lan re las mi rgyu/
dpe de bzhin du/ rang cag yang dang yang du mi'i rten zhig rnyed
na/ nam zhig na sangs rgyas kyi bstan pa 'byung ba dang 'phrad
pa srid kyang/ de lta min par mi'i

rten 'di brgya lam na re gnyis tsam las mi thob/ gser gyi gnya'
shing de phyogs gcig tu sdod pa zhig yin na rus sbal mtsho'i
steng du mi thon pa yun ring yang thon pa 'ga' zhig gi skabs su
'phrad srid mod/ de yang

min par gser gyi gnya' shing de/ rgya shin tu che ba'i mtsho'i
khar phan tshun du phyogs gcig tu mi nges par rgyu ba zhig yin/
dpe de bzhin du sangs rgyas kyi bstan pa de'ang 'jig rten gyi
khams gcig tu rtag tu gnas

@163a @#/ /pa zhig yin na/ dus re zhig na mi lus thob tshe bstan
pa de dang mjal ba srid kyang/ sangs rgyas kyi bstan pa 'jig
rten khams gcig tu gnas pa'i nges pa med cing/ gnas pa'ang

yun shin tu thung ba yin/ de ltar rus sbal dang gnya' shing
'phrad pa ni/ mi srid ces smrar mi btub tsam zhig red mod de/
dal 'byor gyi rten 'di thob pa de las dkon zhing srid mtha' ma
bkag tsam yin/ 'di'i dpe

don sbyor sa'i rgya mtsho ni 'khor ba'i gnas/ rus sbal ni rang
nyid/ long ba ni ma rig pa/ gnya' shing ni sangs rgyas kyi bstan
pa sogs dang sbyar te rnyed dka' bar bsam pa rje sgrub khang
pa'i gsung rgyun yin gsungs/

po to ba'i dpe chos su/ lo lding bu zhes pa 'brom lo lding pa'i
bu gser brko shes pa zhig yod pa gzhan gshed du tshong la phyin
pa na/ yul de'i mis lo lding bu'i snyan pa thos nas lo lding bu
de yin na A/ /gser

gyi ri la brko na A/ /zhes smras pa thos nas/ da gzod tshong la
'gro rgyu bshol te/ gser brko sems byung ba bzhin rang cag rnams
kyi rten bzang po bde ba can gyi byang sems kyis smon yul de
thob nas don med

du 'da' ba phangs tshabs che tshul/ yang gtsang pa'i nya dang/
zhes pa/ sngar gtsang pa zhig dbus su 'ongs nas nya'i sha zos
skabs/ ha cang zos ches pas skyugs su nye ba na/ ske bsdams nas
zhim po zos

@163b pa skyugs par phangs zer ba bzhin/ re shig zas zhim pa
skyugs pa la phangs na/ bskal mang rnyed dka'i rten lan cig thob
pa 'di don med du song na ci'i phyir mi phangs/ srin bus phyag
'tshal zhes pa mdun gyi sa

'og nas srin bu dmar rjen zhig thon nas sangs rgyas la phyag
'tshal lo zhes zer ba mi srid pa bzhin du rang cag kyang ngan
song gi sa 'og nas thon te srin bu mi gzugs kyis chos la thos
bsam gyi lad mo tsam byed rgyu

byung ba 'di mi srid pa'i tshod tsam yin/ de lta bu'i dpe sna
tshogs kyi sgo nas rang res thob pa'i dal 'byor gyi rten 'di shin
tu dkon zhing rnyed dka' bar bsam/ gsum pa ngo bo'i sgo nas
rnyed dka' ba ni/ de yang

'gro ba mi dge ba spyod pa mang zhing/ dge ba byed pa nyung bas
bde 'gro dang ngan 'gro nas 'phos te ngan 'gror 'gro ba ches
cher mang la/ de gnyis nas 'phos te bde 'gror 'gro ba ha cang
nyung bas na/ de bzhin gshegs pas/

bde 'gro nas ngan 'gro dang/ ngan 'gro nas ngan 'gror 'gro ba ni
sa chen po'i rdul tsam dang/ ngan 'gro nas bde 'gro dang/ bde
'gro nas bde 'gror 'gro ba ni phyag sen gyi rtse mos bzhes pa'i
rdul dang 'dra

bar 'dul ba lung gzhi las gsungs pa dang/ spyir rigs drug las
mi'i 'gro ba nyid shin tu nyung ste/ dmyal ba las yi dwags nyung
zhing/ de las dud 'gro nyung la/ de'i yang byings las kha 'thor
ba nyung

@164a @#/ /mod kyang/ mi bcu mi shong ba'i sar 'bu srin dung
phyur tsam yod pa bzhin yin/ bar srid pa'ang shin tu mang ste/
rta gcig shi ba'i ro la de ma thag 'bu srin brgya stong mang po
'byung la/

rta brgya shi ba na'ang 'bu srin de dang 'dra ba 'byung chog
chog gi bar srid pa'ang de 'dra ba yod/ mi'i nang du skye
ba'ang/ sangs rgyas byon pa'i sgron bskal du skye ba ni shin tu
nyung ste/ mun bskal khri khrag mang po'i bar

du sgron bskal re re tsam yin la/ sgron bskal re re'i skabs
su'ang/ stong bskal dang/ chags bskal/ 'jig bskal/ gnas bskal
rnams nyi shu re ste bar bskal brgyad cu las/ snga ma gsum gyi

skabs bar bskal drug cu'i ring la sangs rgyas mi 'byon zhing/
gnas bskal bar bskal nyi shu'i yang ya thog ring mo tshe lo dpag
med thub pa dang/ tshe lo yar 'phel gyi dus su sangs rgyas mi
'byon par/

tshe lo mar 'grib kyi dus sha stag la 'byon pa yin/ des na rang
cag rnams 'dzam gling 'dir skyes tshe/ bar gyi khug pa sangs
rgyas byon pa'i skabs kyang/ sangs rgyas snga ma mya ngan las
'das tshul bstan cing/

de'i bstan pa nub nas/ sangs rgyas phyi ma ma byon pa'i bar du
skyes na ni mun bskal dang khyad med yin pas der ni ma skyes/
bstan pa 'di nub nas rgyal ba byams pa ma byon gyi bar la mi lo
dung phyur zhe dgu yod par

@164b gsungs pas de lta bu'i mun pa'i bar du'ang ma skyes/ da
lta sangs rgyas kyi bstan pa yod pa'ang gling 'di kho na yin pas
der ni skyes/ de'i nang nas bstan pa dar ba'i yul/ bod dang sog
po sogs yul chung shos

'ga' las med pa la/ rang cag chos dar ba'i gzhi ma bod 'dir
skyes/ de'i nang nas dper na sngar kau shri ? bskal bzang zhes
pas/ ded a mdo bkra shis 'khyil na grwa tshogs stong phrag 'ga'
re yod pa la/

dge bshes lnga brgya tsam yod/ tshong pa lnga brgya tsam yod/ de
gnyis gang yang min pa lnga brgya tsam yod sogs zer ba ltar rang
re'i khyim gcig la bu spun bcu yod na/ chos sgor zhugs pa gnyis
gsum

las med/ de'i nang nas lam rim nyams su blangs te chos rnam dag
byed pa shin tu dkon kyang rang re rnams ni de 'dra'i rang dbang
med sar yang ma skyes/ der ma zad bdag gi bla ma'i gsung rgyun
man ngag ltar rgyu

bsgrub dka' bas kyang dal 'byor rnyed dka' ba/ ngo bo 'dzoms
dka' bas kyang rnyed dka'/ dpe srid dka' bas kyang rnyed dka' ba
zhes rgyu mtshan gsum bsam tshul gsungs nas/ des na da res rten
rnyed rnyed

pa 'di la 'dun ma gtan legs dang gtan nyes/ yar 'gro mar 'gro'i
sa mtshams/ de yang gzhan la re ba byed mi dgos par 'dam ga rang
lag na yod pas skyid sdug gi 'dam ga ma nor ba byed dgos/

@165a @#/ /'di nas 'phyugs na ni nyin zhag re gnyis kyi don
'phyug pa tsam min gyi/ tshe rabs gtan gyi 'dun ma 'phyug 'gro ba
yin/ de'i phyir da lta phan chad ma shi ba de shin tu legs 'dug
/

da ni tshe'i lhag ma lo gnyis gsum sogs ji tsam lus pa de'i ring
la/ nyin mtshan sbrel ba'i dka' ba spyad de dam pa'i chos shig
bya rgyu ma byung na/ slar yang ngan song du rang log byed pa
phod dam snyam du bsam

dgos/ rang re da res lan cig la rin po che rin thang med pa sne
bco brgyad 'dzoms pa dang 'dra ba'i dal rten rnyed pa 'di stong
log tu ma song ba gal che ste/ dper na/ mi zhig rin po che'i
gling du sleb nas/ der rin

po che len par mi byed par glu gar sogs kyis dus 'das te/ tshong
pa gzhan las bu lon yang mang po zhig blangs/ mthar rin po che
ma blangs par slar log na mi de ni smyo ba las gzhan ci zhig
/dpe de bzhin du/

thar pa dang thams cad mkhyen pa'i rin po che rang lag tu len
chog 'di lta bu'i skabs su de mi len par slar ngan song gi rgyu
sgrub na/ de las bslus pa'am/ lkugs rtags che ba med pa yin te/
zhi ba lhas/ 'di

'dra'i dal ba rnyed gyur nas/ /bdag gis dge goms ma byas na/
/'di las bslus pa gzhan med de/ /'di las rmongs pa'ang gzhan med
do/ /zhes gsungs pa bzhin no/ /des na ma mthar ja phor pa gang
'thung ba'i

@165b yun la'ang bsags sbyang sogs kyis snying po len chog pa'i
rten bzang lan cig rnyed pa 'di la/ rab na tshe gcig lus gcig la
sangs rgyas pa zhig dang/ de ma byung na'ang thar pa thob tsam
zhig  /de ma byung na'ang ma

mtha' phyi ma ngan song du mi 'gro ba zhig la nges par 'bad dgos
te/ mdo ting 'dzin rgyal po las/ sman mang bzang zhing phangs pa
de blangs nas/ /na ba 'tsho bar 'gyur ba'i sman mi 'thung/ /sman
pas ma lan sman

gyis ma nyes te/ /nad pa de nyid kyis ni nyes pa yin/ /de bzhin
bstan pa 'di la rab byung ste/ /stobs dang bsam gtan dbang po
kun rig nas/ /sgom pa la ni mngon par brtson mi byed/ /rigs par
mi brtson ga la mya

ngan 'da'/ /zhes dang/ ngas ni rab tu bzang po'i chos bshad
kyang/ /khyod kyis thos nas yang dag ma spyad na/ /nad pa sman
gyi rkyal pa thogs pa dag  /bdag gi nad ni gso bar mi nus bzhin/
/zhes dang/ spyod 'jug las/ lus

kyis 'di dag spyad par bya/ /tshig tsam brjod pas ci zhig 'grub/
/sman dpyad bklags pa tsam gyis ni/ /nad pa dag la phan 'gyur
ram/ /zhes gsungs pa ltar bla ma dge ba'i bshes gnyen gyis thar
pa dang thams cad mkhyen par bgrod

pa'i lam ji lta ba bzhin bstan kyang/ rang gis nyams su ma
blangs na/ sman pa mkhas pas sman mang du ster yang nad pas ma
zos na nad gso mi nus pa dang 'dra bas/ bla ma'i gdams ngag
bstan pa rnams de bzhin sgrub mi sgrub ni/

@166a @#/ /rang gcig pu la rag las pas na/ tshe mjug chos la
bsgril nas dal 'byor don ldan bya ba la 'bad gsungs/ de nas
bskyar bshad dang/ skyong tshul mdor bstan la/ spyi bo'i bla mar
gsol

'debs dang/ sa bcad bkram nas gong bzhin bsgoms pas rtogs pa
skyes pa'i tshad ni/ dge bshes po to bas/ dal 'byor rnyed par
dka' ba go gyur na/ /'chal ba blo bder sdod pa ga la srid/ /ces
dang/ rje tsong kha pas/ rnyed

dka' rig na gyi nar sdod thabs med/ /don chen mthong na don med
'da' ba phangs/ /'chi ba bsams na phyi mar 'gro grabs byed/ /las
'bras bsams na bag med gnas las ldog /ces dang/ dpal ldan dgon
pa bas brla sha la

spen ma yog shing tsam zug pa'ang 'don long ma byung bar sgom
mdzad pa sogs ltar byung na dal 'byor don chen rnyed dka'i rtogs
pa skyes pa yin gsungs// ! //nyin bcu par/ ji skad du mkhas grub
chen po dge

'dun bstan 'dzin rgya mtsho'i gsung las/ bka' bstan tshad ma'i
nying khu yin gyi rang bzo'i brdzun chos de ma yin/ /shing rta
che rnams bzhed gzhung yin gyi blun po'i ngag sgros de ma yin/
/mkhas grub dam pa'i nyams myong yin

gyi za zi'i 'khrul snang de ma yin/ /bla med byang chub gzhung
lam yin gyi nyam nga'i g.yang sa de ma yin/ /zhes 'dren par
mdzad nas/ 'chad bya'i chos kyi che brjod dang 'brel ba'i kun
slong 'chos tshul mdor bsdus shig stsal te/ sngon

@166b dus bcad ji ltar song ba rnams gsungs rjes/ lam gyi rtsa
ba bshes gnyen bsten tshul gyi sbyor bas bsten tshul yan la bskyar
bshad mdzad/ thun mtshams su dal 'byor gyi chos skor ston pa'i
dpe cha gtso bor blta/ de ltar dal 'byor don chen

rnyed dka' bsams nas rten de la snying po len 'dod skyes pa na/
skyes bu gsum gyi lam gyi rim pas blo sbyang ba ste/ de gsum la
ji tsam blo sbyangs pa zin na/ rim bzhin snying po chung 'bring
chen po de tsam du lon pa yin/ rang cag sangs

rgyas kyi go 'phang zhig thob 'dod na lam snga ma snga ma sngon
du skye ba dgos kyi/ de ma skyes par phyi ma phyi ma mi skye ste
dper na/ khams pa jo mjal yong ba tsho dang po khyim nas 'ong ba
nas bzung jo bo la dmigs te lam rim par bgrod nas 'ong

ba las/ jo bo mjal sar mchong brgyag gis yong thabs med pa dang
'dra/ de bzhin du lam gong ma snying rje sogs skye ba la 'og
ma'i nges 'byung sogs ma skyes par mi 'ong ba spyod 'jug las
kyang/ sems can de dag rnams la

sngon; ;rang gi don du 'di 'dra'i sems/ /rmi lam du yang ma rmis
na/ /gzhan gyi don du ga la skye/ /zhes gsungs/ skyes bu chung
'bring zhes pa'ang skyes bu chung 'bring thun mong ba'i lam gyi
rim pa la blo sbyong ba yin gyi chung 'bring

gi lam dngos la blo sbyong ba min la/ de yang dper na bkra shis
lhun po dang/ rong dang/ chu shur du 'gro mi gsum la sbyar na/
dang po de bkras lhun du 'gro dgos pa la/ der bgrod pa'ang gzhan
gnyis dang thun

@167a @#/ /mong ba'i lam nas bgrod dgos/ mi de gsum gyi bsam pa
mi 'dra ste/ chu shur dang rong la sdod 'dod nas 'gro ba dang/
der mi sdod par bkras lhun du 'gro ba'i bsam pa bzhin no//

de yang lam rim 'dir skyes bu chung 'bring skabs kyang dmigs yul
sems can don du sangs rgyas kyi go 'phang la dmigs dgos pas/
sems bskyed nyid dngos gzhi yin zhing/ chung 'bring dang thun
mong ba'i lam rnams

sems de skye ba'i sngon 'gro yin/ 'o na dang po nas chen po
bshad pas chog gi/ chung 'bring zhes 'dogs pa la dgos pa med
snyam na/ de ltar bshad pa la dgos pa gnyis yod de/ dang po nas
skyes bu chen po la blo sbyong mi nus pa rnams

blo rim par sbyang ba'i ched du chung 'bring nas sbyangs pas
gang zag blo rab 'bring tha gsum la phan che ba dang/ yang lam
sngon ma rnams la ma 'dris pas nges 'byung tsam yang rgyud la ma
skyes par/ bdag theg chen pa dang/ gsang

sngags par khas 'che ba'i nga rgyal gzhom pa'i dgos pa yod/ des
na/ dngos gzhi byang chub kyi sems skye ba la gzhan sdug bsngal
gyis mnar ba la mi bzod pa'i snying rje skye dgos shing/ de skye
ba la dang po rang nyid ji

ltar sdug bsngal gyis mnar ba shes dgos/ de yang 'khor ba mtha'
dag sdug bsngal gyi rang bzhin du shes pa la/ re zhig dang por
ngan song la 'jigs pa zhig dgos te/ ngan song la mi 'jigs par
lha mi'i bde ba la yid 'byung bar

@167b mi 'gyur bas/ dang por chung ngu dang thun mong ba'i lam
la blo sbyong dgos pa ni/ khang pa'i rmang gzhi'am 'og gi rtsig
pa ltar yin gyi/ sbyangs pa sngon song ltar 'bras bu thod rgal
ba rang cag la mi 'byung/ rje mid las kyang mar pa'i drung nas

thun mong lam sbyangs mdzad de rtogs pa skyes pa'i mgur mang po
yod/ der ma zad gsang sngags kyi myur khyad lam rim gyis 'don
dgos/ bde lam dang myur lam zhes pa'i mtshan sgra yang de ltar
yin/ mid la sku tshe der zung 'jug grub

pa sngags gcig pus min par tshe sngon mar skyes bu gsum gyi lam
la sbyangs zin pas yin te/ khong gi sku skye snga ma bka' gdams
pa phyag khri mchog yin par thog ma'i blo sbyong sogs las gsungs
yod/ de ltar thun mong lam sbyangs sngon

song gis gsang sngags la 'jug dgos kyang/ rang res de ltar mi
byed par dang po nas sngags la zhugs/ dam tshig mi bsrung bar rim
gnyis bsgom lo byas kyang/ rdo rje'i dmyal bar ched du 'jug
mkhan mang gsungs/ des na dang po nas bcos

la blo rgya bskyed nas dmigs skor gcig la'ang mi tshe sgril snyam
pa'i blo rgya bskyed dgos kyi/ rang cag 'jig rten la blo rgya
bskyed pa 'di go log tu song/ blo sna thung ba'ang 'jig rten gyi
bya ba la bstung ba las/ chos la blo sna thung ba de 'dra mi
byed/

chos ji 'dra zhig kyang mi 'grub pa mi srid snyam du snying rus
kyis bsgrub na/ dmigs skor gcig la lo zla bsgril dgos pa mi
'ong/ dge bshes ka ma bas/ rang cag bsams pas ma byung zer te/
khyod kyis nam bsam/ nyin mo ni yeng

@168a @#/ /yeng byed/ mtshan mo ni gnyid log kyin 'dug pas rdzun
ma zer/ zhes gsungs pa bzhin rang cag gis de ltar lta zhog /snga
thun gcig la'ang dmigs skor gcig tsam cha tshang zhig mi bsgom
par/

da dung rtogs pa mi skye ba 'dug snyam pa ni/ snang ba 'khrul
thag chod pa red/ nyams len rdo rus thug pa zhig gi rkang btsug
nas mi byed par/ yon tan gzhir gyur ma lta bu tshar re tsam 'don
skabs mig tshum tsam tshum tsam byed pa de

kho nas byang chub lam gyi rim pa'i nyams rtogs skye bar 'dod pa
ni/ 'dod thag ha cang nye ba'i skyon yin/ des na/ bka' gdams pa
sgom pa rin chen bla mas/ mig rgyang bsrings/ blo rgya bskyed/
khong gsang lhod ces gsungs

pa 'di gsum gnad che bas rgyang ring por rnam mkhyen gyi sa la
bltas/ skyes bu chung 'bring la blo rgya chen po bskyed/ grims
lhod ran por byas te khong gsang glod de bsgom dgos pa'i don
yin/ nyams len kyang thang lhod ran par bya yi/

bla ma'i zhal nas chos thos pa lta bu'i tshe/ nges 'byung sna
thung spu sud kyis nyin kha shas shig la mi byed dgu byed pa ni
mthar mi phyin pa'i rtags yin/ des na gnyis pa snying po ji ltar
len pa'i tshul la gsum/ skyes bu chung ngu dang thun

mong ba'i lam gyi rim pa la blo sbyang ba/ skyes bu 'bring dang
thun mong ba'i lam gyi rim pa la blo sbyang ba/ skyes bu chen
po'i lam gyi rim pa la blo sbyang ba'o/ /dang po la gnyis/ 'jig
rten phyi ma don gnyer gyi blo bskyed pa dang/ 'jig rten phyi

@168b mar bde ba'i thabs bsten pa'o/ /dang po la gnyis/ 'jig
rten 'dir ring du mi gnas par 'chi ba rjes su dran pa dang/ 'jig
rten phyi mar ji ltar 'gyur ba 'gro ba gnyis kyi bde sdug bsam
pa'o/ /dang po la gsum/ 'chi ba ma

dran pa'i nyes dmigs/ dran pa'i phan yon/ 'chi ba dran tshul
dngos so/ /dang po la drug las/ dang po chos mi dran pa'i nyes
dmigs ni/ 'di ma dran na tshe 'di kho na bsams nas/ de'i ring zas
gos sogs dgos dgos

mang po zhig la mgo 'khor nas chos mi 'byung zhing/ 'di legs par
dran pa zhig byung na/ khams pa'i 'grul pa 'gro ran pa des 'gro
chas kho na bsgrigs pa bzhin phyi ma'i grabs 'ba' zhig byed pa
'byung ba yin/ tshe 'di'i lto gos

gtam gsum sogs la ches cher zhen pa yang mi rtag pa ma dran pas
lan/ mi rtag pa dran pas ma zin na/ nyin gcig sogs ji tsam ma
zin pa de tsam tshe 'di par shor 'gro/ gnyis pa dran kyang mi
bsgrub pa'i nyes dmigs ni/

'di ma dran na/ rje tsong kha pas kyang/ mthar 'chi ba zhig 'ong
snyam pa kun la yod kyang de ring yang mi 'chi de ring yang mi
'chi snyam pa'i blo ngan 'di 'chi kha ma tshun la 'byung zhes
gsungs pa ltar/ blos mi 'chi ba'i phyogs bzung

ste chos sang phod byas chog gnang phod byas chog snyam pa'i
phyi bshol sha stag gi dbang du song nas/ chos dran kyang mi
bsgrub cing/ nor zhig dgos 'dug snyam pa sogs g.yeng ba kho nas
chos bsgrub rgyu ma byung ba'i ngang nas mi tshe

@169a @#/ /zad pa zhig 'ong/ gsum pa bsgrubs kyang rnam dag mi
bsgrub pa ni/ da lta rang res chos sgrub pa yin mod/ rnam dag
cig ma byung ba ni/ tshe 'di'i snang shes ma log pas skyon du
gyur pa ste/ thos

bsam byas pa'ang mkhas 'dod grags 'dod du shor/ bsgom bzlas sogs
kyang tshe 'di'i rkyen sel sogs su bsam/ mi dang mi 'phrad pa'i
sgom chen yang grags 'dod du shor ba sogs nyes spyod dang ma
'dres pa mi 'byung/

jo bo chen por/ tshe 'di kho na bsam pa la 'bras bu ci mchi zhus
par/ 'bras bu de kho na nyid mchi gsungs/ phyi mar ci mchi zhus
pas/ dmyal ba mchi/ yi dwags mchi/ dud 'gro mchi gsungs pa ltar
de'i 'bras bu tshe 'di'i

don cung zad 'grub cing/ phyi ma 'bras bu ngan song du 'gro bar
gsungs/ de song na khyim pa dang khyad ma thon pa yin/ chos byed
pa la thog mar tshe 'di blos thongs pa dgos/ de sprang po byed pa
la mi zer te/ des kyang

blos ma thongs par 'khyams pas blos gtong rgyu 'jig rten chos
brgyad yin/ 'di dang 'dres na chos min pas rnal 'byor pa chag
khri mchog gis jo bo la ngas sgom mam/ bshad dam/ res sgom res
bshad dam zhes re

re nas zhus par de dag la phan med gsung/ 'o na ji ltar bgyi
zhus pas 'jig rten blos thongs gsung ba dang/ rgya ma bas/ chos
kyi nyams len sna gcig ma 'grub kyang/ /khyod nyid chos par rlom
pa kye ma blun/ /chos kyi dang po tshe 'di blos

@169b thongs pa/ /rang gi rgyud la 'dug gam mi 'dug ltos/ /zhes
dang/ stodX lung pas gzhan zhig la/ jo bo sbyin pa gtong ba yang
bzang ste/ de bas kyang chos rang gyis gsungs pa ltar chos dang
'jig

rten rgyab 'gal yin bya ba yang 'di la zer ba yin/ po to bas
kyang/ khab rtse gnyis kyis tshem bu mi yong sogs gsungs/ 'chi ba
ma dran na tshe blos btang ba mi 'byung zhing/ tshe 'di blos btang
ba ma byung na/ rnyed pa byung na

dga' ba/ ma byung na mi dga' ba dang/ de bzhin du bde mi bde/
snyan mi snyan/ bstod smad de/ chos brgyad kyi dbang du 'gro/ da
brgyad ni/ klu sgrub kyis/ 'jig rten mkhyen pa rnyed dang ma
rnyed dang/ /bde dang mi bde snyan dang mi snyan

dang; ;bstod smad ces bgyi 'jig rten chos brgyad po/ /bdag gi
yid yul min par mgo snyoms mdzod/ /ces gsungs pa ltar dang/ po
to bar g.yu phul ba'i lo rgyus sbyar/ gling ras pas kyang/
'khor ba rnam rtog gi grong

khyer na/ /'jig rten chos brgyad kyi ro langs rgyu/ /dur khrod
'jigs su rung ba zhig de na gda'/ /bla ma ro snyoms shig mdzad
na de ru mdzod/ /ces gsungs/ des na tshe 'di blos btang nas blo
phugs chos la gtad/ de'i rjes su 'tsho ba

sogs 'byor mi 'byor gyi bsam pa byung na de 'dra ba ma byung
na'ang rung snyam pa'i chos phugs sprang la gtod dgos/ bdag cag
gi ston pas kyang khyim nas khyim med par rab tu byung zhing/
rgyal srid kyi dpal 'byor kun dor nas/

@170a @#/ /gad snyigs kyi khrod nas rnyed pa'i na bza' bzhes pa
sogs blo phugs chos la gtad/ chos phugs sprang la gtad pa yin/
rje rin po ches kyang de bzhin mdzad/ chos phugs sprang la gtad
pa'i

rjes su zas ma rnyed nas shi bar mi 'gyur ram snyam pa byung na/
chos phyir dka' spyad byas nas shi na'ang shi zhes sprang phugs
shi la gtad/ de ltar blos btang yang/ chos pa 'tsho ba chad nas
ltogs grir shi ba'i gtam med/

ston pa bka' drin can gyis 'khor bsgyur drug khri'i bsod nams
rang cag la bsngo bar mdzad pas/ 'jig rten na mu ges phye dang
mu tig brje ba'i skabs byung yang/ rjes 'jug su'ang ltogs grir
shi ba mi 'byung ste/ sgom chen

thur du ma 'dril na/ /zan gong gyen la 'dril nyen yod/ /ces pa
ltar yin/ dge bshes 'ban gyis kyang/ nga mi skya'i dus 'khor
gsum tsher ma 'dra ba btags kyang dgra mang zun nyung/ nga sngon
pho hreng mi gcig la 'bru khal

bzhi bcu 'gro ba'i zhing yod pas/ mi tshos nga'i ming bzhi bcu
sdigs su btags/ nyin mo la kha'i jag pa byas/ mtshan mo grong gi
rkun ma byas kyang/ da dung zas gos dkon ne ba las ma byung
zhing/ da lta ni chos byas pas zas gos phongs

pa med cing/ dgra rang zhir song gsungs pa dang/ zhen pa mi ro
bzhin du log gyur na/ /'dod yon bya rgod bzhin du 'thibs nas
'ong/ /zer ba ltar yin gsungs/ rje tsong kha pa sogs 'phrin las
nam mkha' dang mnyam pa yang

@170b tshe blos btang nas chos bzhin du mdzad pa las byung/ sa
skya ba zhig gis rje bla mas dbang sdud bsgrubs pa 'dra bsams
nas dbang sdud thams cad kyi nang nas gang zab ces zhus tshul/
shi ba'i tshe ro dor byed tshun la ka ca cung zad dgos

zhe na; shi ba'i tshe yang ji ltar byas nas shi na'ang shi zhes
shi phugs grog po stong pa la gtad pa sogs bka' gdams phugs nor
bcu dgos tshul rgyas par gsungs/ mid las kyang/ shi na ngu mi med
cing/ ro la 'khor mi med

na bsam pa rdzogs par gsungs tshul/ rang gi ro dor ba'i dngos
chas dgos snyam yang/ mi tsho skyug bro ste myur du 'bud thabs
byed pa las/ ro mal sar lus 'gro ba'i dogs pa gtan nas mi dgos/
de ltar chos brgyad blos btang ste

blo thag bcad thub pa byung na 'jig rten 'di'i bde skyid snyan
gsum spungs pa bzhin du 'ong/ des na 'jig rten chos brgyad don
du gnyer ba ni/ 'jig rten pa yin la/ tshe 'di blos thongs pa chos
pa yin te/ dge bshes po to bas

'brom ston la/ chos dang chos ma yin pa'i gnam thig gang lags
zhes zhus par/ nyon mongs pa'i gnyen por 'gro na chos yin/ mi
'gro na chos min/ 'jig rten pa kun dang mi mthun na chos yin/
mthun na chos min gsungs/

chos dang 'jig rten rgyab 'gal ba'i gnad de yin gyi/ kha ton
byed rgyu dang gzhis khang skyong rgyu gnyis ka sus kyang lcogs/
rang re chos brgyad la thugs dam gyi mthil du byas pas lus chos
pa'i gzugs brnyan tsam las sems 'jig

@171a @#/ /rten khyim pa dang khyad med pa 'di byung/ tshe blos
btang nas chos rnam dag yong thabs kyi gtso bo 'chi ba mi rtag
pa bsgom pa de yin/ tshe 'di blos ma btang na/ chos gang byas tshe
'di par shor 'gro

bas; rang gi ngos nas 'jig rten chos brgyad mgo snyoms/ lto gos
gtam gsum gyi zhen pa blos btang dgos/ de thongs pa'i tshad kyang
rgyal dbang bskal bzang dang/ paN chen blo bzang ye shes ltar
dgos te/ ^rgyal

dbang bskal bzang gis rdor dril dang/ chos gos rnam gsum las
rang gi yin snyam pa gzhan med gsungs/ paN chen blo bzang ye
shes la dngul rta rmig ma brgya phul ba la'ang ma mnyes tshul/
rang re lto gos gtam gsum gyi

zhen pa las/ 'ga' zhig gcig  /'ga' zhig gnyis/ 'ga' zhig ni gsum
gas 'ching ba yin/ de gsum gyi nang nas kyang spang dka' shos
gtam 'dod 'di yin te/ mkhas btsun ston sgom su yin yang gtam
snyan grags

'dod pa mang/ dgyer 'gro ba'i mgon pos/ tshe 'di'i mkhas btsun
sgom chen yang/ /tshe 'di'i mkhas lo btsun lo 'dod/ /mtshams bcad
ya them yi ge bris/ /mi dang mi 'phrad sgom chen yang/ /tshe
'di'i sgom chen bzang

lo 'dod/ /ces dang/ tha na dkon mchog mchod pa re/ /byas kyang
mi yis mthong du re/ /zhes sogs rgya cher stsal te/ kha cig sgom
chen dang grub thob tu rlom zhing lto gos la byed ? bskur te/ me
tog dang rde'u bcud len sogs

@171b dka' spyad la brtson yang/ gting nas gtam 'dod cung zad re
med pa dkon/ des na dpe chos las/ gong mo them rtsa lba dang
spre/ /sogs gsungs pa ltar/ them pa'i 'gram na yod pa'i me dong
la ma brtags par thag ring po'i

sa lam la rtsad bcad pa bzhin/ sangs rgyas kyi sa dang/ sngags
sogs lam mthon po'i rtsad gcod byed byed nas/ 'di snang gi zhen
pa ma thongs shing/ de'i 'ching ba ma grol ba ni de dang 'dra/
de lta bu'i nyes dmigs de yang

'chi ba ma dran pa'i nyes dmigs so/ /bzhi pa sgrub pa la nan tan
dang bral ba'i nyes dmigs ni/ 'chi ba ma dran na chos la nan tan
byed pa mi 'ong bas nyams len rgyun ma chad par bya mi nus/ da
lta rang re dge sbyor byed pa sogs

kyi tshe thang chad chog chog cig las brtson 'grus chen po mi
'byung ba ni 'chi ba mi rtag pa ma dran pa'i skyon te/ dge bshes
kha rag pas mi rtag pa dran te sgrub khang sgo 'gram gyi tsher
ma'ang gcod long ma byung ba dang/ mid las ras

gos dang/ rtsam sgye sogs mnabs ? nas rjes su tshal bar gyur
kyang tshem long ma byung bar dge sbyor mdzad pa bzhin du rang
res kyang mi rtag pa dran na/ las ka gzhan la mi brtson par dge
sbyor la rtag tu brtson zhing 'jug res

bzhin zhum pa med pa'i spro sing sing ba 'byung/ lnga pa rang
nyid ma rungs par byed pa'i nyes dmigs ni/ 'chi ba ma dran na
tshe 'di la shas cher zhen nas/ de'i don bsgrub pa'i phyir phan
gnod sogs byed pa la chags sdang rmongs

@172a @#/ /gsum skye/ de'i rkyen gyis gzhan la 'thab pa dang/
rtsod pa dang/ gzhan gyis ma rungs par smra ba'i gzhir gyur pa
sogs/ tha na mgo'i rma tshun gyis bdag nyid ma rungs par byed pa
sogs

'di phyi kun tu phung bar byed/ drug pa 'chi khar 'gyod bzhin du
'chi dgos pa'i nyes dmigs ni/ 'chi ba ma dran na chos kyi gzugs
brnyan tsam byas pa'ang tshe 'di'i don gnyer dang 'dres nas chos
ma grub par 'chi ba

zhes pa'i dgra de nyin gcig blo bur du byung ba na/ sngar don du
gnyer gnyer ba'i stobs gos/ rgyu nor sogs gang gis kyang mi phan
par mthong zhing/ phan nges pa'i lha chos ni ma byung bar shes
nas 'gyod pa shin tu mi bzod

pa skye yang de dus rang sdug nyid las phyis zin pa yin te/ dper
na/ smon 'gro chos grags zhes bya ba tsha ba'i nad kyis thebs te/
'chi bar shes nas 'gyod tshig smras pa dang 'dra/ ka ma bas/ da
lta 'chi bas 'jigs pa zhig

dgos/ 'chi khar mi 'tsher ba zhig dgos pa la 'o skol de las bzlog
nas da lta mi 'jigs 'chi khar brang la sen mo 'debs gsungs pa
ltar/ 'chi ba mi rtag pa 'di la dang por 'jigs/ 'chi khar mi
'jigs pa zhig

dgos kyang/ rang re de las go ldog ste da lta 'chi ba zhig 'ong
snyam pa tsam yang med par blo bde mor bsdad nas/ 'chi khar ci
drag gang drag la thug  /'chi khar ni phyug po gser bang pa
brgya yod pa dang/ rgyal po yul

@172b khams thams cad kyi bdag po'ang de'i dus su phan pa'i don
po cung zad kyang med pa'i stong pa kho na yin/ rang re yang
'chi khar phan nges pa'i blo gdeng 'cha' sa gcig kyang ma grub
pa'i ngang nas glo bur du 'chi nad drag pos zin

pa de'i tshe da lan ma shi tsam zhig byung na/ da ni chos nges
par byed snyam mod kyang de'i tshe phyis tshar ba yin te/ zas rang
lag tu yod pa'i tshe za rgyu ma byung na/ khyis khyer ba'i tshe
zas de za bar sems kyang des mi phan pa dang 'dra ste/

de dag ni nyes dmigs drug go /gnyis pa 'chi ba dran pa'i phan
yon la drug las/ don che ba'i phan yon ni/ 'chi ba dran pa ni
don che ste/ ston pas mdo myang 'das chen mor/ rjes thams cad
kyi nang nas ba lang gi rjes dang/ 'du

shes thams cad kyi nang na mi rtag pa dang 'chi ba'i 'du shes
mchog tu gsungs pa ltar 'chi ba dran pas chos gsha' ma byed pa
'ong ste/ phyi mar rten bzang po 'thob par 'dod nas sbyin pa
btang ba/ tshul khrims bsrung ba sogs

dang; mdor na/ skyes bu gsum nas zung 'jug gi bar gyi lam gyi
rim pa thams cad 'dis 'dren/ rje mid la yang g.yung ston gyi
sbyin bdag shi bas rkyen byas te chos la bskul/ grub chen mang
pos rkang gling dang thod phor sogs

bsnams pa 'chi ba mi rtag pa'i dran gso'i ched yin/ 'dul ba nas
chab khang du keng rus bri ba sogs gsungs pa'ang des yin/ spyan
snga rin po ches/ da na ngas mi rtag pa thun re ma bsgoms na
de'i nyin mo tshe 'di par 'gro bar snang/

@173a @#/ /zhes dang/ zhang btsun yer pas kyang/ snga dro mi rtag
pa ma dran na/ nyi ma phyed bar tshe 'di par cha/ nyin phyed la
ma skyes na dgong mo bar tshe 'di par cha/ tshe 'di par song na ci
byas chos

su mi 'gro gsungs/ stobs che ba'i phan yon ni/ 'chi ba mi rtag
pa dran na mi mthun phyogs 'dod chags khong khro sogs 'joms pa
dang/ tshogs rdzogs pa la stobs che ba dang/ nyon mongs dang nyes
spyod thams cad cig car

'joms pa'i tho ba dang 'dra bar gsungs/ dang por gal che ba ni/
'chi ba dran pas dang por chos la 'jug pa'i rgyu byed/ bar du
gal che ba ni/ bar du chos la brtson par bskul ba'i rkyen byed/
tha mar gal che ba ni/ mthar

'bras bu rdzogs te chos mthar phyin par byed/ 'chi khar dga'
bzhin spro bzhin du 'chi ba'i phan yon ni/ 'chi khar yang sngar
chos gsha' ma byas pa'i blo'i gdeng yod pas bu pha khyim du 'gro
ba ltar 'byung ste/ klong rdol bla

ma rin po ches/ nga la mi rtag pa byung na mi 'jigs/ snga dro
dge slong rgan po/ phyi dro lha'i lus su byed rgyu yin zhes
gsungs pa bzhin yin/ des na chos pa rab 'chi ba la brod/ 'bring
mi mtsher/ tha ma'ang da ni 'gyod pa med/

chos legs po byed rgyu byung/ da shi yang sla snyam du mi 'gyod
pa zhig 'ong ste/ rje mid las/ nga 'chi bas 'jigs nas ri la
bros/ /sems gnyug ma'i gnas lugs stong par rtogs/ /da 'chi ba
byung yang nyam nga med/ /ces

@173b gsungs pa ltar ro/ /gsum pa 'chi ba dran tshul dngos la
gnyis/ 'chi ba dgu phrugs su bsgom pa dang/ 'chi ba'i rnam pa
bsgom pa'o/ /'di'i zhib cha yang bka' gdams gong ma la med pa
rje tsong kha pa'i gsung las byung ba'i

man ngag yin/ rje'i gsung 'di la rgyud rgya gzhung gi dgongs pa/
myong ba gnad du bkar lugs/ sa bcad ma 'khrugs pa sogs gzhan
dang mi 'dra ba'i zab rgyas kyi gdams pa mang/ des na 'chi ba
dgu phrugs su bsam pa la

nges par 'chi bar bsam pa/ nam 'chi nges med bsam pa/ 'chi ba'i
tshe chos ma gtogs gang gis kyang mi phan par bsam pa ste rtsa ba
gsum/ rtsa ba re re la rgyu mtshan gsum gsum ste dgu las/ rtsa ba
dang po nges par 'chi

bar bsam pa la gsum gyi rgyu mtshan dang po 'chi bdag nges par
'ong la rkyen gang gis kyang bzlog tu med par bsam pa ni/ nges
par 'chi ste/ lus ji lta bu dang/ gnas gang du phyin pa dang/
thabs ji lta bus kyang 'chi bdag

bzlog tu med/ de yang lus bzang bas mi bzlog ste/ mi rtag pa'i
tshoms las/ gang yang sangs rgyas rang sangs rgyas/ /sangs rgyas
rnams kyi nyan thos kyang/ /sku lus 'di ni spong mdzad na/ /skye
bo phal pa smos ci dgos/ /zhes

gsungs pa ltar rdo rje'i sku brnyes sangs rgyas bcom ldan 'das
dang/ zung 'jug brnyes pa'i 'phags bod kyi grub thob mang po'ang
da lta gtam bshad pa na yod yod ltar snang yang/ don du mya ngan
las 'das zin/ ston pa

@174a @#/ /la sogs pa'ang rdo rje'i sku bshig nas 'das tshul bstan
na/ bdag cag lta bu ci'i phyir mi 'chi/ ston pa'ang mya ngan las
'da' bar nye ba na/ sngon la shA ri'i bu sogs 'khor khri phrag

mang po dang bcas 'das/ de'i rjes su ston pas rtswa mchog drung
na shing sA la zung gi bar du gzim khri'i tha ma shoms shig
gsungs nas gdul bya'i tha ma dri za'i rgyal po rab dga' dang/
phyi rol pa'i kun tu rgyu rab bzang

gnyis btul/ mya ngan las 'da' bar bltar ma bzod nas rab bzang
yang de ma thag 'das/ ston pa 'das par nye ba na/ sku stod kyi
na bza' bsal nas/ de bzhin gshegs pa ni mthong bar dka' bas ltos
shig par bskul

nas gsung gi tha ma mi rtag pa nyid la dmigs phug nas/ de nyid
bsgom pa gtso che bar bstan pa'i phyir/ 'dus byas thams cad mi
rtag pa'o/ /'di ni de bzhin gshegs pa'i gsung gi tha ma'o/ /zhes
gsungs nas mya ngan

las 'das/ de go ba na phyogs dang phyogs su yod pa'i rang dbang
thob pa'i dgra bcom pa phal cher gshegs nas/ lnga brgya la gcig
gis ma tshang bar gyur pa yin/ der ma zad bstan pa'i gtad rabs
bdun sogs

dang; grub chen brgyad cu/ rgyan drug mchog gnyis sogs rgya gar
gyi paN grub rnams dang/ bod kyi'ang mkhan slob chos gsum/ jo bo
yab sras/ 'jam mgon tsong kha pa yab sras sogs thams cad kyang
'das zin

@174b nas da lta gtam tsam las med na/ rang cag mi 'chi bar ga
nas sdod/ sngon tshe mchog gling bla ma yongs 'dzin rin po ches
lam rim bka' chos gsungs pa na/ tshogs pa stong phrag mang po yod
skad kyang da lta bla slob

tshang ma gcig kyang ma bzhugs pa dang/ sa cha 'dir yang chu
bzang bla ma rin po che sogs kyis da lta bzhin 'chad nyan mdzad
skad kyang da lta gtam tsam las ma lus/ da lta'i chos gral 'dir
yod pa rnams kyang lo brgya tshun la

thams cad 'chi 'gro zhing sa 'dir de 'dra byung zhes pa'i gtam
tsam zhig lus pa 'ong/ der ma zad rgya bod hor sogs 'dzam gling
na da lta yod pa'i de ring skyes pa'i byis pa tshun chad kyi mi
yongs rdzogs lo brgya tsam song ba na gcig

kyang mi sdod par 'chi nges na/ rang cag mi lhag pa mthong chos
yin/ de bzhin du dus la babs na 'chi bas mi tshugs pa'i sa phyogs
gang na'ang med de/ mi rtag pa'i tshoms las/ gang du gnas na 'chi
bas mi tshugs pa'i/ /sa phyogs

de ni yod pa ma yin te/ /bar snang la med rgya mtsho'i nang na
med/ /ri bo rnams kyi gseb tu zhugs na'ang min/ /zhes gsungs pa
dang/ sngon rgyal po gsal rgyal gyi bu 'phags skyes pos shAkya
rnams gsod par brtsams pa'i skabs/

maunggala bus 'phags skyes po dmag dang bcas pa rdzu 'phrul gyis
phyi'i lcags ri'i phyi rol du skyel bar bsams kyang bzlog thabs
med par sangs rgyas kyis gsungs shing/ shAkya'i bu bu mo 'ga'
zhig de bzhin gshegs pa'i lhung bzed

@175a @#/ /kyi nang du sbas pa dang/ nyi ma'i khang bzang du
bzhag pa'ang shAkya rnams bsad pa de'i nyin shi zin pa ltar
yin/ 'chi ba 'ong ba na mgyogs pas bros pa dang/ 'byor pas glu
ba dang/ stobs kyis

g.yul 'gyed pa sogs gang gis kyang mi phan/ tshe mas las kyang/
drang srong chen po lnga mngon shes/ /mkha' la rgyang ring 'gro
ba yang/ /gang na spyod yul 'chi med pa'i/ /gnas der phyin par
nus ma yin/ /gsungs pa ltar

bros pas thar na drang srong mngon shes lnga thob cing rdzu
'phrul yod pa de 'chi bdag la bros pas chog kyang/ de yang bros
te mi thar bar 'chi bar 'gyur la/ stobs kyis kyang bzlog mi nus
te/ stobs chen seng ge la glang po che'i mgo bo

sbar mos bcom nus pa'i stobs yod kyang/ 'chi ba byung tsa na
sbar mo 'khums nas 'chi 'gro/ stobs ldan 'khor los sgyur ba'i
rgyal po yang stobs kyis mi phan par 'chi dgos/ rang re rgyu nor
rdzas la dga' ba 'dir dpags na 'chi

ba de nor gyis blur yod pa'i tshod tsam byed kyang/ 'khor sgyur
gyi rgyal po'i nor bu rin chen gyis kyang blu thabs med par
gsungs na/ gzhan gyis blu bar mi nus pa smos mi dgos te/ rgyal
po la gdams pa'i mdo las/ dper na phyogs

bzhi nas ri chen po sra ba brtan pa snying po dang ldan pa ma
zhig ma ma gas pa 'phan med pa shin tu mkhregs pa gcig tu stug
po bzhi gnam la reg cing sa brlog ste/ rtswa dang shing dang
shing gel pa dang yal ga dang lo ma thams cad dang

@175b sems can srog chags 'byung po thams cad phye mar 'thag
cing 'ong ba la ni mgyogs pas bros pa'am stobs kyis bzlog pa'am
nor gyis bzlog pa'am rdzas dang sngags dang sman rnams kyis
bzlog par sla ba ni ma yin no/ /rgyal po chen

po de bzhin du 'jigs pa chen po bzhi 'di dag 'ong ste de dag las
mgyogs pas bros pa'am stobs kyis bzlog pa'am nor gyis bzlog
pa'am rdzas dang sngags dang sman gyis bzlog par sla ba ma yin
no/ /bzhi gang zhe na/ rga ba dang nad

dang 'chi ba dang rgud pa'o/ /rgyal po chen po/ rga ba ni dar la
bab pa 'joms shing 'ong/ na ba ni nad med pa 'joms shing 'ong/
rgud pa ni phun sum tshogs pa thams cad 'joms shing 'ong/ 'chi ba
ni srog 'joms shing 'ong

ste; de dag las ni mgyogs pas bros pa'am stobs kyis bzlog pa'am
nor gyis bzlog pa'am rdzas dang sngags dang sman rnams kyis zhi
bar sla ba ma yin no/ /zhes gsungs pa ltar phyogs bzhi nas ri
chen po sra ba mgyogs pa bzhi

tshur rub ste/ rtswa dang shing sogs thal bar byed bzhin 'ong na/
thabs gang gis kyang bzlog dka' ba bzhin/ rga ba dang/ rgud pa
dang/ na ba dang/ 'chi ba'i ri bzhi ni bzlog dka' bar gsungs pa
bzhin yin/ rgyu mtshan gnyis

pa tshe la bsnon pa med cing 'brid byed par ma chad du yod par
bsam pa ni/ 'chi bar nges te/ snga ma'i las kyis gang 'phangs pa
de las lhag pa bsnon pa ni cung zad tsam yang rgyag tu med la/
skad cig re re bzhin 'chi bdag la

@176a @#/ /je nyer je nyer bcar te 'gro bar/ spyod 'jug las/ nyin
mtshan sdod pa yong med pa/ /tshe 'di rtag tu god 'gyur zhing/
/snon pa gud nas yong med na/ /bdag lta 'chi bar cis mi 'gyur/ /

zhes dang/ tshoms las/ dper na thag ni brkyangs pa la/ /spun ni
gang dang gang bcug pa'i/ /spun gyis gting la gtugs pa ltar/ /mi
rnams srog kyang de bzhin no/ /zhes dang/ rgyal mchog bskal
bzang gis/ skyes nas

skad cig tsam zhig sdod dbang yang med par/ /'chi bdag gshin
rje'i drung du bang rtsal gyis brgyug pas/ /gson po zer yang
'chi ba'i lam chen la chas 'dug /nyes can gsod sar khrid pa'i
snang tshul 'di skyo ba/ /zhes gsungs

pa bzhin skyes nas bzung 'chi ba'i sar dbugs re re'i yun tsam
yang sdod pa'i skabs med par rta bang rtsal gyis brgyug pa las
kyang mgyogs par brgyugs nas 'gro zhing/ rta brgyug pa'ang ngal
bso ba sogs cung zad tsam

sdod srid kyang/ 'chi ba ni skad cig gcig kyang mi sdod par
brgyugs nas 'ong bas skad cig ma re res kyang 'chi ba la nye ru
'gro/ tshoms las/ dper na nges par gsad pa dag /gom pa gang dang
gang bor bas/ /gsad pa'i

drung du bsten pa ltar/ /mi rnams srog kyang de bzhin no/ /zhes
gsungs pa ltar/ lug gcig gsod sar khrid na gom pa re re bzhin
yang 'chi bar nye ba bzhin rang cag kyang skyes nas bzung 'chi
ba la kha phyogs te shar brgyag mi

@176b 'gro ba'i dus med la/ sngar tshe ? ji tsam song zin pa'i
lhag po ni shin tu nas nyung zhing/ de yang dbugs dang chu tshod
zhag zla ba lo song bas 'dzad cing/ nyin gcig da ni shi ran
song/ 'gro ran 'dug zer ba zhig glo bur du 'ong

bas 'chi mi 'ong snyam du blo bde mor sdod pa'i gnas med/ tha na
gnyid nyal skabs rang re lhod bder skyid nyal byed kyang tshe
'chi bdag la kha bltas nas brgyugs te 'gro gsungs/ rgyu mtshan
gsum pa gson pa'i tshe yang chos bya long

med par nges par 'chi bar bsam pa ni/ tshe shin tu thung ba de'i
ring la'ang chos bya long med par 'chi ba la thug 'gro ste/ lo
drug cu tsam sdod pa'i dbang du btang na mtshan mo'i cha kun tu
nyal bas tshe phyed ka ni nyal bas zad la/ sum cu

po de'ang/ zas za ba'i yun sogs phar bcad na/ mtshams bsdad nas
thun bzhi'i rnal 'byor lta bu byed na'ang chos bya long lo lnga
las med/ rang cag lo sar tshes pa na/ rten 'brel ama ?  zhig yin
zer nas dga' ston byed/ de

nas smon lam chen mo'i dus chen sogs zla ba re la'ang ming re
btags nas za zir la yengs te lo 'gro tshe hrib tsam yin/ gung
thang rin po ches/ nyams len byed rgyu ma dran nyi shu thal/
/byed do byed do'i ngang la nyi shu thal/ /ma byung

ma byung zer zhing bcu lhag thal/ /mi tshe stong par zad pa'i
rnam thar yin/ /gsungs pa ltar dang por byis pa'i tshe chos mi
dran/ de'i rjes su chos byed 'dod byung ba na'ang/ byed dgos
byed dgos snyam nas lag len la ma khel bas chos

@177a @#/ /mi yong/ rgas zin nas phyi mar smon lam 'dra 'debs pa
las da byung ma song zhes ci byar med pa 'byung/ des na/ da lta
'ga' zhig ni chos byed do byed do snyam pa'i ngang nas g.yeng
ba dang/ 'ga'

zhig ni chos ma byung zer nas 'gyod pa byed pa'i dus la slebs
tshar ba mang po yod pa/ rang res de dag mthong ba na/ de dag la
skyon du blta zhing nyi ma re re nas chos byed long med pa'i don
med kyi bya ba gal chen re bzos nas mi sdod par

snying la rus pa bcug ste 'chi bdag gshin rje rang gi thog la ma
babs pa'i gong du chos byed gang thub dgos te/ rje ngag dbang
byams pas kyang/ dper na thang chen po'i steng du nas phung chen
po zhig spungs yod na/ lung pa'i phu nas

chu chen po zhig byung bas nas phung chus 'phyag grabs byed pa
de la rang gis bltas nas rang gar bsdad na/ nas 'bru gcig kyang
mi lon par chus khyer 'gro la/ de bas rang gis hur thag gi
brtson pas ma yengs par ci nus su tshur

bskyal nam mtha'ang nas phung de las ru gcig dang/ ru gnyis tsam
lon pa 'ong/ stabs legs na yongs rdzogs lon nas dgos pa chen po
'grub pa ltar rang res kyang 'chi ba ma 'ongs gong skyes bu gsum
gyi lam la nyams

len gang thub byed dgos gsungs/ de ltar rgyu mtshan gsum bsams
nas/ de'i rjes su nges par 'chi bar 'dug snyam nas chos byed
dgos par thag bcad/ gnyis pa nam 'chi nges med bsam pa la rgyu
mtshan gsum las/ dang po

@177b spyir 'dzam bu gling pa dang sgos snyigs dus kyi tshe la
nges pa med pa ni/ de yang nam 'chi la nges pa zhig yod na/ dang
por dgra 'dul gnyen skyong sogs 'jig rten gyi las ka rnams byas/
skyid por bsdad nas 'chi ba'i snga rol tsam

du chos byed chog mod/ de ltar nges pa med pas nam 'chi cha med
bsam pa 'di gal che/ de yang mdzod las/ sgra mi snyan pa lo
stong ste/ /gnyis na phyed phyed spangs pa'o/ /zhes pa ltar
gling gzhan phal cher zhig tshe la nges pa can

mang yang/ 'di na ma nges tha ma ni/ /lo bcu dang po dpag tu
med/ /ces 'dzam bu'i gling par dang por tshe lo dpag med thub
pa'ang byung mod/ mthar lo bcu la ring mtha' byed dgos par
gsungs pas spyir 'dzam bu'i gling pa'i tshe la nges

pa med cing/ sgos snyigs dus kyi tshe la nges pa med pa ni/ spyir
rang cag la gtan nas mi 'chi snyam pa'i bsam pa med kyang/ 'chi
rang 'chi mod/ da lo tsam mi 'chi snyam pa'i blo zhig ma shi'i
bar du 'ong la/ de'i rgyu mtshan yang/

'ga' zhig gis re zhig mi 'chi ste lo gzhon pa'i phyir snyam na/
des kyang mi phan te/ 'chi ba ni lo rgan gzhon go rim med par bu
phrug sngon du shi nas pha mas dur 'debs dgos byung ba'ang mang
du yod/ de bzhin du rang las chung ba mang

po sngar shi zin la/ kha cig ni skyes ma thag tu shi ba yod/
'ga' zhig na tsha med pas mi 'chi snyam yang/ de'ang nges pa med
de nad pa mal sar nyal nas sdod pa mi 'chi bar/ nad med kyi mi
mang po glo bur du 'chi 'gro ba'ang yod cing/

@178a @#/ /kha cig zas za 'phro la lus te shi ba yod de/ de 'dra
des kyang dang por zas de ma rdzogs pa nas 'chi 'ong snyam pa
sems kyi zur la'ang med/ tshogs pa mang por 'ga' zhig 'du khang
du yar rang gi

rkang pas phyin nas/ mar lam ro de gzhan gyis 'do li la btegs
nas 'ong ba dang/ dpon chen po dag kyang srid kyi las ka mang
po'i sa bcad bkram nas mjug bskyel long med par las ka byed
'phro la 'chi ba dang/ skyes

bu dam pa 'ga' zhig gi gsung 'bum du'ang rtsom 'phro zhes yod pa
rnams/ ming snyan mdog kha ba las don du de nyid kyi rtsom mjug
bsdu ma thub par mdzad 'phro la lus te sku gshegs pa rang yin/
rang gi g.yas

g.yon lung pa'i phu mda' sogs nas che ge mo shi song zer yang/
rang cag rnams rang la de lta bu zhig 'ong snyam du mi sems par
de dag la ltad mo blta ba bzhin byed cing/ da dung kho'i chos
gos de legs po zhig yod/ de

byung na bsams nas ang nyan byed mod/ de 'dra'i 'chi ba de nam
zhig rang steng du 'ong bar nges shing/ de yang nam 'ong nges pa
med de/ sang dang 'jig rten phyi ma gnyis/ /sngon du gang 'ong
gtol med pas/ /sang gi tshis la mi

'bad par/ /phyi ma'i don la 'bad par rigs/ /zhes dang/ tshoms
las/ snga dro skye bo mang mthong ba/ /phyi dro kha cig mthong
mi 'gyur/ /phyi dro skye bo mang mthong ba/ /snga dro kha cig
mthong mi 'gyur/ /zhes sogs ltar ro/ /de

@178b 'dra'i 'chi ba de sang nyin rang mi 'ong ba'i nges pa ci
zhig yod/ rang cag gis 'ong bar nges shing nam 'ong cha med pa'i
'chi ba la grabs gshom mi byed par/ lo rgas rgas bar du sdod
pa'i nges pa med kyang/ rgas pa'i skabs

skyid 'dod kyi shom ra mang po bsgrig pa 'di 'khrul nges pa yin
snyam du bsam/ de'ang de ring sang nyin sogs bsam ma nus na'ang
sang phod da tshod tsam na 'chi res su la 'bab ma nges tshul bsam
dgos te/ da lta'i chos gral

'dir yod pa'i mi rnams kyang gral mgo'am/ gral rked dam/ gral
mthar sdod mkhan tsho nas sngon du 'chi ba'i 'gro res dang po su
la 'khor yong nges pa med/ 'chi ba'i sngon du da 'gror na song
zer ba'i sngon 'gro cha 'phrin

btang ba sogs mi 'ong bar/ nyin gcig glo bur du thog babs pa
ltar las 'phro tsa re lus/ grwa rkyang tshun chad la ja mar dang
rtsam pa yan dang tha na thug pa 'thung 'phro tshun chad lus nas
tshe pha rol tu 'gro ba 'di nam 'chi nges pa

med pa'i rtags red/ lo mang por sdod rgyu'i rtag 'dzin gyis 'chi
kha bar bslus te/ nyin gcig da 'chi ran song zhes pa zhig 'ong/
de ring 'chi mkhan gyi nad pas kyang de ring mi 'chi snyam pa
zhig las mi 'char/ 'ga'

zhig gis skeg thog slebs pa na/ da lo 'chi mi 'ong ngam snyam pa
zhig dran mod/ skeg thog min yang lo gcig nas brgya'i bar la 'di
lo mi 'chi zer ba'i lo med de/ dper na/ lo nyer brgyad lon pa
lta bus/ 'di lo 'chi

@179a @#/ /las che/ lo 'di la 'di dang 'di 'dra ba 'chi 'dug pas
so zhes bsam dgos/ rang rer 'di lo nges par mi 'chi ba'i mna'
zhig skyol zer na/ de mi nus pas the tshom log ge ba zhig

las med/ des na/ rang cag gis ma bsams pa ma gtogs 'dus sde chen
po dang/ mi tshogs chen po'i grong khyer du bsdad nas yid la
bskor na/ 'chi ba mi rtag pa 'di bdag med pa'i don lta bu go
dka' ba zhig min par mig

gis mthong zhing/ lag pas reg tu yod pa bzhin yin/ des na bdag
gi skyabs mgon bla ma rin po ches/ zla gcig zla gnyis ma shi na/
skye ba phyi ma'i don 'grub pa dang/ lo gcig lo gnyis ma shi na
skye ba gtan gyi 'dun ma

'grub pa zhig smon lam zhu/ zhes lung 'dren dang sbrags nas
gsungs pa bzhin bsam dgos/ rgyu mtshan gnyis pa 'chi rkyen mang
zhing gson rkyen nyung bas kyang nam 'chi la nges pa med pa ni/
da lta rang re rnams sngon gyi smon

lam dang/ bsod nams/ sangs rgyas kyi thugs rjes bskyabs pa las/
'chi rkyen shin tu mang ste/ rang la sha rul la sbrang ma 'khor
ba bzhin 'chi rkyen bgegs rigs stong phrag brgyad cus 'di nam
zhig za nus pa dang/ dbugs

len nus na snyam ste gzir nas bsdad yod la/ nad rigs bzhi brgya
rtsa bzhi ni na bun 'thibs pa bzhin dang/ gdon rigs sum brgya
drug cu/ byis pa'i gdon chen bco lnga/ ye 'brog sum brgya drug
cu sogs kyis rang gi tshe srog la

@179b rngams nas bsdad yod/ phyi'i rkyen de ltar ma zad/ sbrul
bzhi snod gcig tu mnyam du bcug na gang stobs che ba des gzhan
rnams za ba ltar/ rlung mkhris bad kan sogs dang 'byung ba bzhi
cung zad cha ma snyoms na'ang des srog 'phrog nas

'chi rkyen byed de/ 'chi ba'i rkyen ni mang ba ste/ /gson pa yi
ni nyung zad cig /de dag thams cad 'chi ba'i yang/ /de bas rtag
tu chos mdzod cig /ces gsungs/ phyi nang gi 'chi rkyen mang bar
ma zad/ gson rkyen yang 'chi rkyen du 'gro

ba mang ste/ khang pa rdib pa dang/ gru zhig cing bub pa/ rtas
bskyur zhing brdab pa/ gnyen grogs kyis bslus pa/ zas ma 'phrod
pa sogs du mas 'chi rkyen byed/ des na rang re'i tshe srog ni
rlung dmar nang gi mar me dang mtshungs te/ klu

sgrub kyis/ 'chi bdag rkyen gyi nang gnas pa/ /rlung dmar nang
'dug mar me bzhin/ /zhes gsungs/ rgyu mtshan gsum pa lus shin tu
nyam chung bas kyang nam 'chi la nges pa med pa ni/ de ltar 'chi
rkyen mang zhing gson rkyen nyung na'ang/

rang cag gi lus 'di sra zhing mkhregs pa zhig yod na/ 'chi rkyen
mang yang mi skyon mod/ 'di ni chu'i wbu ba ltar tsher ma zug pa
tsam gyis kyang 'chi ba sogs rkyen chen po mi dgos par 'chi/ sra
mkhregs shig yin kyang mi phan te/ bshes

spring las/ sa dang lhun po rgya mtsho nyi ma bdun/ /'bar bas
bsregs pa'i lus can 'di dag kyang/ /thal ba yang ni lus par mi
'gyur na/ /shin tu nyam chung mi lta smos ci 'tshal/ /zhes dang/
tshe 'di gnod mang rlung gis btab pa yi/ /chu

@180a @#/ /yi chu bur bas kyang mi rtag na/ /dbugs rngub dbugs
'byung gnyid kyis log pa las/ /sad khom gang lags de ni ngo
mtshar che/ /zhes rang gnyid log pa'i skabs dbugs rags pa 'byung

rngub rnams bsdus te 'byung ba phra mo'i rlung sna bug gi rgyu
ba ma chad par/ 'byung ba rags pa'i rlung gi dbugs 'byung rngub
bsdus pa sad nas ma shi ba de ngo mtshar che bar gsungs/ des na
nam 'chi nges med 'di bsams nas/

gsod byed kyi dgra 'ong bar nges nas nam 'ong cha med na/ de
ring nas de bzlog pa sogs la brtson pa ltar da lta rang chos
byed snyam pa bya yi/ chos byed dgos mod/ da lo sang phod tsam
du las ka'i mjug cig bsdu bya yod pas de

zin nas chos bya snyam pa ni rang gis rang bslus pa yin te/ rje
gung thang pas/ lo zla ba 'di la 'di snang gi /las bya byed
tshags su tshud byas nas/ /slar gtsang ma'i chos shig byed snyam
pa/ /'di thams cad bslu ba'i phung 'dre yin//

zhes gsungs/ nga tshos las ka 'di dang 'di'i mjug zin nas chos
byed snyam pa 'ong yang/ las 'phro mi rgan kha spu bzhin/ /bcad
kin bcad kin je mang yin/ /gsungs pa ltar las ka gcig zin long
med par de nas yang

las ka gzhan zhig byung nas de mjug bsdu/ yang gzhan zhig byung
ste de mjug bsdu snyam pa las 'jig rten gyi las ka chu gnyer
bzhin tshar rgyu cung zad kyang med/ gung thang pas/ chos byed
kyi sang nyin 'char gyi bar/ /'chi dus

@180b kyi de ring slebs nyen che/ /da rang mgo rang gis ma bskor
bar/ /chos byed na de ring nyid nas gyis/ /zhes gsungs pa bzhin/
'di tshar nas chos byed ces pa'am/ sang nyin chos byed ces sogs
dus sgo bsgrigs nas las ka ma

tshar bar/ da de ring 'chi ran song zhes pa de thog bab pa ltar
'byung nges/ de ltar rgyu mtshan gsum gyis nam 'chi la nges pa
med par bsams nas da lta nas 'jig rten gyi las ka cam gyis bzhag
ste/ sang bya gnang byar ma song bar

chos da lta nyid du byed par thag bcad/ de yang slob gnyer bas
tshogs chos rwa 'grim 'phro bzhag nas ri phug tu 'gro mi dgos
kyi/ da lta byed bzhin pa'i chos de chos su bsgyur dgos pa yin/
dper na/ sngon chad tshig tsam bton pa

la byas na/ sangs rgyas chos tshogs ma yang stong tshar tsam bton
tshar mod/ bsam ma no legs par btang nas tshar gcig kyang bton
'dug gam bltas na de ltar ches dkon pa yod/ des na/ tshong dang
zhing gi so nam la

brtson pa sogs ni chos su bsgyur du med kyang/ rang re rab tu
byung ba rnams kyis byed bzhin pa 'di ga rang chos su bsgyur
dgos te/ rang re phal cher gyis chos ma bsgrubs pas phongs pa ma
gtogs/ ma shes pa gcig pus phongs

pa min gsungs/ rtsa ba gsum pa 'chi ba'i tshe chos ma gtogs gang
gis kyang mi phan par bsam pa la rgyu mtshan gsum las/ dang po
nor gyis mi phan pa ni/ tshangs pa brgya byin dang 'khor sgyur
lta bu yin yang 'chi ba'i tshe g.yog

@181a @#/ /po gcig kyang 'khrid sa med/ rgyu nor rdzas sne gcig
kyang 'khyer dbang med pas de dus mi phan/ yul khams kun nas
dbang che ba'i rgyal po yang 'chi ran pa na/ nas 'bru tsam yang

'khyer du med la/ sprang pos 'bral med du khyer ba'i ber ka yang
bzhag nas 'gro ste/ rgyal po rgyal gzhis bzhag nas 'gro/ /sprang
po ber ka bzhag nas 'gro/ /zhes dang/ mdo ljon shing las/ lo
brgyar 'dang ba'i

zas yod kyang/ /'chi ba'i nang par ltogs par 'gro/ /lo brgyar
'dang ba'i gos yod kyang/ /'chi ba'i nang par gcer pur 'gro/
/zhes dang/ spyod 'jug las/ thams cad bor te cha dgos par/ /bdag
gis de ltar ma shes

nas; ;mdza' dang mi mdza'i don gyi phyir/ /sdig pa rnam pa sna
tshogs byas/ /zhes dang/ skye na gcig pur skye 'gyur zhing/ /'chi
na'ang de nyid gcig 'chi ste/ /sdug bsngal skal gzhan mi len na/
/gegs byed mdza' bas ci zhig bya/ /

zhes gsungs/ sngar mi gcig gis rdo chen po gcig gru bzhir brdar
ba la/ gzhan zhig gis 'dis ci byed dris pas/ bskyur 'jog pa las
gzhan gang yang mi byed zer ba bzhin/ 'jig rten 'dir bzos bzos
pa'i nor

longs spyod thams cad bzhag nas 'gro/ gnyis pa gnyen bshes kyis
mi phan pa ni/ 'khor g.yog /slob ma/ gnyen 'brel snying dang
'dra ba mang pos mtha' bskor te rkang 'ju lag 'ju byas kyang mi
'chi ba la mi phan zhing/

@181b de dag gcig kyang 'khrid sa med par rang gcig pu bar do'i
'phrang 'grims nas 'gro ste/ grub chen mi tra dzo kis/ lha gcig
ji ltar khyod 'byor kyang/ /gshegs nas 'jig rten gzhan bzhud
tshe/ /mya ngam thang la dgras bcom

ltar; ;gcig pu sras med btsun mo min/ /zhes sogs dang/ spyod
'jug las/ gshin rje'i pho nyas zin pa la/ /gnyen gyis ci phan
bshes ci phan/ /zhes dang/ paN chen chos rgyan gyis/ brtse zhing
gdung ba'i gnyen dang gtan bral byas/ /zhes

sogs gsungs pa ltar ro/ /da lta 'ga' zhig da lo'i dgun thog tu
'chi nges pa yod na/ des sang phod kyi las don rtsom nas ci
byed/ da lta rang re rgya gar rgya nag sogs su 'gro ba la ha las
nas do gal chen po byas te 'gro chas

la brtson mod/ der rta drel 'khor g.yog dang bcas te 'gro rgyu
yod la/ 'jig rten pha rol tu bskyas chen po 'degs pa na/ grogs
med cing rang gcig pur longs spyod spu tsam yang 'khyer du med
par 'gro/ gsum pa lus

kyis kyang mi phan pa ni/ shi ba'i tshe ri thams cad gser du
phyin/ mi thams cad gnyen du gyur kyang phan pa med cing nor
longs spyod/ nye 'brel sogs lta zhog /mngal nas rang dang mnyam
du skyes shing/ nga'i lus zhes 'khyag

dogs ltogs dogs dang/ tsher ma zug pa tsam yang mi phod par/ yid
bzhin nor bu ltar gces par bskyangs bskyangs pa'i lus 'di yang
shul du bzhag ste 'gro ba yin/ des na rje chos rgyan gyis/ gces
par bskyangs pa'i

@182a @#/ /lus kyis dgos dus bslus/ /gsungs pa ltar tha na gces
par bskyangs pa'i lus 'di dang yang 'bral dgos tshul sogs bsam/
de ltar rgyu mtshan gsum bsams pa'i mjug tu/ de ltar

bsams nas 'jigs zhum mer bsdad pas mi phan pas/ gung thang bstan
pa'i sgron mes/ lam rgyus med kyis mkhan chos yin zhing/ /lam
shul ring gi lam rgyags chos yin la/ /lam bgrod dka'i ded dpon
chos yin

pas; ;dus da nas sgo gsum chos la sbyor/ /zhes dang/ rje mid
las/ ang ge nya ma dpal dar 'bum/ /gsen dang phyug mo dad pa
can/ /tshe 'di bas phyi ma bshul thag ring/ /rgyags phye grabs su
tshud lags sam/ /rgyags

phye grabs su ma tshud na/ /sbyin pa yin pas btang yang 'tshal/
/zhes dang/ ang ge nya ma dpal dar 'bum/ /tshe 'di bas phyi ma
'jigs pa che/ /skyel ma grabs su tshud lags sam/ /skyel ma grabs
su ma tshud na/ /lha chos

yin pas byed kyang 'tshal/ /zhes gsungs pa ltar rang 'chi ba'i
dus su lam bgrod pa'i sa mkhan dang/ ded dpon lam rgyags kyang
chos yin/ chos byed rgyu ma byung bar srang bar gyi khyi rgan
rgya bo shi ba dang khyad med du 'chi na ci

drag bsam ste/ 'grul pa pha yul du 'gro mkhan tshos sdod rgyu'i
grabs gshom mi byed par 'gro chas 'ba' zhig tshags su tshud thabs
byed pa bzhin/ tshe 'di'i 'khri bas ma gos pa'i chos kho na byed
par thag gcad dgos

@182b so; ;gnyis pa 'chi ba'i rnam pa bsgom pa ni/ bdag gi bla
ma rin po che'i man ngag yin/ 'di gtso bo myong khrid skyod tshul
yin pas skyong skabs kyang 'di ltar bsam na legs par gsungs/ de
yang/ skyabs thugs rje ma dang/ paN

chen chos rgyan gyis par do 'phrang sgrol gyi gsol 'debs las
gsungs pa rnams kyang dran par byas nas/ bdag nyid 'chi ni 'chi
la/ de'i tshe ji ltar byed par 'dug brtag pa na/ 'chi ba la nye
ba'i tshe/ bar do gsol 'debs

las; sman pas bor zhing rim gros bzlog tu med/ /gnyen rnams gson
du re ba'i re thag chad/ /rang nyid ci bya gtol med gyur pa'i
tshe/ /bla ma'i gdams ngag dran par byin gyis rlobs/ /zhes pa
ltar sman dpyad rim gro ji ltar byas

kyang nad je thur song/ sman pas kyang gtam nyis 'gro zhig
bshad/ gnyen bshes rnams kyis kyang dngos su skad cha snyan po
re bshad kyang/ lkog tu bsdu gsog 'dra brgyag cing shi rgyur
thag gcod/ rang lus kyi drod sdud/ dbugs

brtsegs/ sna zhom/ mchu brdzes/ mdangs shor ba sogs phyi nang gi
rnam 'gyur mi sdug pa sna tshogs ston/ sngar byas kyi sdig pa la
ni 'gyod/ bshags sdom dang dge ba rnam dag bsgrubs pa'i gdeng ni
med/ gnad gcod

kyi sdug bsngal dang/ 'byung ba thim rim gyi rtags rnams shar
zhing/ 'khrul snang 'jigs skrag sna tshogs kyi ngang nas tshe
'di'i snang ba bkra lam pa de 'gag 'gro/ phung po ni khang pa'i
zur khug cig la nyal gzan gyis bsgril

@183a @#/ /te bzhag /yol bas bres te mar me nag khog ge ba zhig
spar/ bla ma lta bu yin na dbang rdzas sogs bkon te 'dra chags
po zhig bzos/ da lta khang bzang dang gos stan 'jam zhing dro ba

la brtson kyang 'chi ba'i dus rang lus sum bltab byas nas 'breng
thag lta bus bsdam pa dang/ sa rdo rjen pa'i steng du bskyur ba
sogs byed/ da lta zas gang zhim la longs spyod kyang nam zhig
gsur gyi dri tsam la re nas sdod

dgos pa dang/ da lta snyan pa'i ming dge bshes dang sku zhabs
dang dge slong lags sogs zer yang/ nam zhig lus 'di la ro zhes
bya ba dang/ ming de'i thog mthar tshe 'das dang de nyid zer ba'i
dus shig 'ong/ bla ma tshos dbang rdzas mthong

na; gshegs tshe gdung la dbang rdzas bkon lugs dang/ rang re nyal
gzan mthong tshe'ang ro nyal gzan gyis bsgril ba de dran dgos
pa'i tshod yin/ rje mid las/ ro zhes 'jigs su rung ba de/ /rnal
'byor lus kyi

rtsa na gda'/ /gsungs pa'ang lus 'di nyid yin/ shi nas bar dor
'gro zhing de'i tshe sa rlung log pa dang/ me rlung log pa sogs
kyis/ ri bo ral ba dang sa chen po'i 'og tu non pa/ me 'bar ba'i
klong du tshud pa/ chu dang rlung

gis khyer ba sogs 'khrul snang dang 'jigs skrag bsam gyis mi
khyab pa yid/ bla ma 'ga' zhig gis bar do'i ngo sprod a ma zhig
byed pa yin zhes/ ro'i mgor ngo sprod byed kyang/ bar do ngo
sprod ngo ma zhig byed tshe da lta ma shi'i gong du

@183b byas na don che ba 'ong ste/ nged tshos bza' btung la longs
spyod pa sogs nam rgyun rtag tu 'ong nges shes pa'i bya ba rnams
kyang/ 'chi ran te nga yar 'then zhes zer dgos pa'i skabs mi
'ong na/ ma shi gson po'i skabs mi 'ong ba'i chos/

de'i dus su mi 'ong bar thag chod/ 'on kyang de'i ngo sprod pa
sogs sangs rgyas kyi byin rlabs bsam gyis mi khyab pas cung zad
re phan tsam 'byung ba ni srid/ 'chi ba'i rnam pa bsgom pa'i
khungs kyang spyod 'jug las/ dur khrod song

nas gzhan dag gi /rus gong dag dang bdag gi lus/ /'jig pa'i chos
can dag tu ni/ /nam zhig 'go snyoms byed par 'gyur/ /gsungs pa
'di yin/ da lta gzhan shi nas dur du gtor ba'i rus pa dang/ rang
gi rus pa gnyis khyad

med par nam zhig 'go snyoms pa 'ong ste/ dur khrod na yod pa'i
ro de yang dang por bdag gi lus bzhin du mi gcig gis gces par
bzung ba zhig yin/ rgya gar grub chen rnams kyis mi rkang dang
mi thod bsnams pa yang 'jigs rngams

ston pa dang/ bsdigs re byed pa'i phyir min par 'chi ba'i rnam
pa dran pa'i ched yin la/ thod pa de yang sngar mi zhig gi mgo
la yod pa sen mo cung zad btsugs na'ang a tsha tsha zer dgos pa'i
shin tu gces pa byed sa zhig yin/ grwa

rkyang lta bu yin na/ rang gi shag de'ang khang stong ltar byas
te/ der gzhan zhig sdod 'ong ba dang/ kho shi nas zhag grangs
'di snyed cig lon song zer ba dang/ rang gi lus la gyon pa'i
chos gos kyang gzhan zhig gis gyon nas/

@184a @#/ /'di tshe 'das che ge mo'i red/ bdag gis nyos pa yin zer
ba 'ong/ de bzhin du da lta'i rang gi ca lag gos sogs longs
spyad ma nus pa rnams nyin gcig mi gzhan gyis nyos nas longs

spyod pa'i dus shig nges par 'ong bas/ 'di dag kyang rgyal mchog
bskal bzang rgya mtshos/ 'byor pa 'di yang dus kyis 'dor nges
brnyan po'i rgyan la dga' snyam bzhin/ /zhes pa ltar/ yun ring
thung tsam las g.yar

po nyid yin/ rang 'chi ba'i blo mi 'char na/ mi gzhan shi ba'i
mdun du song ste blta bar bya/ man ngag 'dis ni mi 'char ba mi
srid/ rang cag gis ma bsams pa ma gtogs dres ma'i thag pa mthong
na'ang ci'i phyir mi 'jigs

te; 'jigs dgos pa'i tshod yin/ chos gos lta bu gcig ma zad pa nas
'chi bar 'gyur ba la bsam na tshe shin tu thung/ 'di rgyal po la
gdams pa'i mdo las gsungs shing/ zas gos sogs gya nom par spyod
pa'i tshe

rgyags pa skye ba'i gnyen por mi rtag pa bsgom tshul zhwa dmar
lam rim nas 'byung ba ltar rgyun du bsam ste/ rang gi gos sogs
longs spyod mthong ba na/ 'di dag ni/ da lta rang gi yin mdog
mdog byed khul tsam las/ nam

zhig na gzhan dag gis phan tshun 'khyer zhing/ 'di tshe 'das de'i
red ces smra bar gdon mi za/ rang gi lus la'ang da lta 'di nyid
bdag gis gces par bskyangs bskyangs pa las/ nam zhig na/ ro zhes
pa mthong na 'jigs

@184b shing; reg na skyug bro ba'i gnas su gyur te/ thag pas
bsdam pa sogs kyi rnam 'gyur 'di dang 'di lta bur byed par 'gyur
snyam pa dang/ rtsam lhag gis mchod rtsam dang/ sngas mgo nas
bar do ngo sprod byed tshul sogs bsam/

ka li sogs kyang gzhan gyis blangs te/ 'di de'i ka li red/ legs
nyes ga 'dra 'dug zer ba'i dus shig nges par 'ong bas na/ sngon
tshud nas 'gyod mi dgos pa zhig nges par byed/ 'chi ba mi rtag
pa'i rtogs pa rgyud la skyes

pa'i tshad dge bshes kha rag pa lta bu dgos gsungs nas/ slar yang
'bring du spros pa'i bskyar bshad mdzad// ! //nyin bcu gcig par/
ji skad du mdo sde rgya cher rol pa las/ srid gsum mi rtag ston

ka'i sprin dang 'dra/ /'gro ba'i skye 'chi gar la blta dang
mtshungs/ /'gro ba'i tshe 'gro nam mkha'i glog 'dra ste/ /ri gzar
'bab chu bzhin du myur mgyogs 'gro/ /zhes gsungs pa bzhin/ srid
pa gsum/ sa gzhi ri rab dang bcas

pa yang ston ka'i sprin dang 'dra ba dang/ 'gro ba rnams kyi
skye 'chi ni gar la blta ba ltar skad cig skad cig la 'gyur nas
'gro zhing/ rang cag rnams kyi tshe'ang ring du mi gnas par glog
'khyugs pa tsam zhig dang/ de'ang

skad cig re re bzhin 'jig cing sdod pa med par ri gzar gyi 'bab
chu ltar myur du rgyug 'gro ba yin pas/ de'i phyir da lta nyid
nas chos byed snyam pa dang/ de yang dus gsum sangs rgyas thams
cad kyi bgrod pa gcig

@185a @#/ /pa'i lam byang chub lam gyi rim pa lta bu la 'jug pa
nyid mchog yin pas/ des na sems cad thams cad kyi don du sangs
rgyas kyi go 'phang 'thob par bya ba'i phyir byang chub lam gyi
rim pa'i khrid zhus

nas nyams su blang dogs tshul sogs kun slong 'chos pa dang/ sngar
sa bcad ji ltar song tshul rnams gsungs shing/ kha sang gi mi
rtag pa'i skor la bskyar bshad mdzad mtshams/ 'jig rten phyi ma
don gnyer gyi bsam pa

bskyed pa la gnyis yod pa'i/ gnyis pa 'jig rten phyi mar ji ltar
'gyur ba 'gro ba gnyis kyi bde sdug bsam pa la/ bde 'gro'i sdug
bsngal bsam pa 'og tu skyes bu 'bring gi skabs nas 'byung bas/
'dir ngan 'gro'i sdug

bsngal 'chad pa yin/ de ltar 'chi bar nges shig nam 'chi cha med
na/ shi ba'i rjes su rnam shes rgyun mi 'chad par nges par skye
ba len dgos/ len sa yang mtho ris dang ngan 'gro gnyis las med/
de gang du 'gro rjes dpag

gis gzhal nus/ sngar zhus pa ltar rang res phyi mar gar skye
thugs brtag zhu ba dang rtsis sogs byed kyang/ de mi dgos te/
dge ba byas pas bde 'gro dang/ mi dge ba byas pas ngan 'gror
'gro bar ston pa sangs rgyas kyis sngar nas lung

bstan zin pa red/ skyes rabs las kyang/ dge dang mi dge'i las
las 'jig rten pha rol tu/ /bde dang mi bder 'gyur bar rab tu
nges byas nas/ /sdig pa spong zhing dge ba'i las la rab tu 'jug
/ces gsungs/ rang res phugs

@185b kyi bsam ma no yin zer nas tshe 'di'i bde sdug la dpyad pa
mang po byed kyang/ de phugs kyi ma no bsam ma yin pas/ de bas
blo rgya bskyed de phyi mar gar 'gro la brtag dgos/ de brtag pa
na skye ba phyi mar bde 'gro ngan 'gro gang rung zhig

tu 'gro ba las ma 'das shing/ de gnyis kyi gang du 'gro rang la
rang dbang med/ de yod na da tshod ngan 'gro ba su yang mi
'byung/ des na phyi mar gang du skye ba ni las kyi rjes su
'brang dgos la/ las dge mi dge 'dres ma mang du

yod na gang stobs che ba dang/ de mnyam na gan la goms pa che ba
dang/ de'ang mnyam na sngon du gang byas pa de sngon la smin nas
'ong ste/ mdzad 'grel las/ las kyis 'khor bar lci gang dang/
/nye ba gang dang goms pa dang/ /

sngon byas gang yin de kun las/ /snga ma snga ma rnam smin
'gyur/ /zhes gsungs/ rang cag la dge mi dge gnyis las mi dge ba
nyid stobs che ste/ ma no bsam phal cher chags sogs kyi bsam pa
zhig las med/ de med na des bskyed

pa'i las thams cad ni mi dge ba yin zhing/ dge ba byas pa'ang mi
dge ba'i bsam pa'i dbang du 'chor la/ tshe phyi ma'i don du bsngo
ba shin tu nyung/ dper na/ dge phrug la gtam bshad btang ba lta
bur mtshon na/ bsam pa

khong khro shin tu chen pos/ sbyor ba tshig pha rol po'i gnad la
gang phog dang/ mthar yi rang sogs sbyor dngos rjes gsum ga
stobs che ba sha stag 'byung ba ltar/ sdig pa byas tshad phal
cher stobs che/ dge ba byas pa ni/ sngon mi
 
@186a @#/ /zhig gis dga' ldan lha brgya ma zhig bton pa na/ sems
gzhan du yengs/ gzhan la gtam lab nas yang dbu nas mar 'don
bskyor lan grangs mang por byas pa bzhin/ kha nas 'don pa

zhig bton kyang sems 'jig rten gyi phyogs la yengs/ dge ba phran
bu yod pa yang khong khro dang log ltas bcom/ mi dge ba chung
ngu'ang nyin re zhag rer ldab 'gyur ldab 'gyur du 'phel/ de tsam
ma zad/ sngon srin po dang/

mi ma yin dang/ chu srin/ gcan gzan gdug pa can sogs su skyes
nas sdig pa tshabs po che byas pa mang du yod pa'i khar/ tshe 'dir
yang gong du smos pa ltar sdig pa stobs chen grangs mang zhig
bsags yod/ de dag la ma shi tshun

chad bshags bsdams kyis gtsang sing nge ba bzo mi nus pa ni/ da
lta'i kha stabs 'dis shes/ des na dge mi dge gnyis nas mi dge ba
rang goms stobs che ba mngon sum tshad grub yin pas phyi mar ngan
song du 'gro ba las

'os med/ ngan song du mi 'gro ba'i gdeng ni sbyor lam bzod pa ma
thob par mi skye la/ byang sems bdag nyid chen po'ang der skye
ba yod par gsungs/ dper na/ do dgong shag skyid po'i nang du
gdan 'jam po'i steng/ dge

slong lags su byas nas nyal/ glo bur gyi rkyen ngan zhig gis
rgyu byas te shi/ sang gnyid sad pa'i tshod der/ ri klung thams
cad mes gang ba zhig tu slebs tshar 'dug na ji ltar byed/ de ltar
ngan 'gror skye lugs kyang phar ltad mo blta

@186b ba ltar byas na yid 'byung mi skye zhing/ klu sgrub kyis/
rab tu tsha zhing grang ba yi/ /dmyal ba nyi ma gcig bzhin dran/
/zhes sogs gsungs pa ltar yi dam gyi lha'i bskyed rim bsgom pa
bzhin rang ngan song de dang der skyes zin

pa'i nyams bton nas bsgoms te 'jigs skrag skyes pa dgos/ rang
res yi dam gyi lha sku bsgom pa la gtsigs chen po byed kyang/
dang por re zhig dmyal ba'i lus de bsgom na phan sleb che ba
'ong ste/ tsha dmyal gyi sdug bsngal

la yid 'gyur dang por thon pa na nges 'byung dang por skye ba
rtsom pas 'bras bu bzang zhing/ skyo shas skyes te nga rgyal gyi
dregs pa sel ba sogs yon tan che ste/ zhi ba lhas/ gzhan yang
sdug bsngal yon tan ni/ /skyo bas dregs

pa sel bar byed/ /'khor ba pa la snying rje skye/ /sdig pa 'dzem
zhing dge la dga'/ /zhes gsungs/ dal 'byor gyi lus rten 'dir
nges 'byung dang snying rje skye sla bas de'i rgyu'i gtso bo
sdug bsngal bsgom dgos/ des na/ ngan 'gro

ba'i sdug bsngal bsgom pa la gsum/ dmyal ba/ yi dwags/ dud
'gro'i sdug bsngal bsam pa'o/ /dang po dmyal ba'i sdug bsngal
bsam pa la bzhi las/ dang po sems can dmyal ba chen po'am tsha
dmyal gyi sdug

bsngal bsam pa ni/ tsha dmyal ba gnas pa'i gzhi ni/ rgya gar rdo
rje gdan gyi 'og dpag tshad sum khri nyis stong na yang sos yod
la/ de nas 'og rim du dpag tshad bzhi stong bzhi stong gis chod
pa na tsha dmyal gzhan rnams

@187a @#/ /yod de/ sa gzhi thams cad dang ri thams cad kyang
lcags sreg dmar hu re ba 'ba' zhig las/ mi yul gyi sa gzhi 'di
lta bu lag mthil tsam yang med cing/ der skye bar nye ba na/

rje gung thang pas/ tshe mi rtag gnyid kyi thun chung la/ /don
med kyi dga' sdug rmi lam 'khrug /glo bur du sad dus ngan song
gi /tsher dong der yod na ci rang byed/ /gsungs pa ltar 'chi khar
grang ba'i snang bas tsha ba la sred

pa skyes nas tsha dmyal du skye ba'i las la gsos btab/ 'chi ba de
gnyid log pa bzhin du byung/ bar do rmi lam rmis pa bzhin myong
ste/ gnyid sad pa ltar hri ba tsam gyis tsha dmyal der slebs
'gro/ dmyal ba'i me ni mi'i me

las bdun 'gyur gyis tsha bas/ de dang mi'i me gnyis bsdur na/
mi'i me dmyal ba'i me'i tshod la tsandan gorshi sha'i chu'i tshod
tsam du bsil ba yod de/ sngon maunggal la bus tsha dmyal gyi me
stag chung ngu zhig mi yul du bsnams te rgya

mtsho'i 'gram na bzhag pas/ mi thams cad tsha bas myos nas sdod mi
chags pa lta bu byung ba bzhin yin/ de 'dra'i me'i dkyil du
skyes kyang de ma thag lhag med du 'tshig 'gro ba'i gzugs bongs
chung ngu zhig yin na drag mod/

gzugs bong ? sa ? ni ri rgyud tsam du ha cang chen po yod/ de
yang rang cag 'ga'i rkang mthil gyi pags pa mkhregs pa yod pa de
'dra zhig yin na cung drag byas chog kyang/ de ltar min par rang
lus 'o 'thung gyi byis pa'i sha bzhin du yod/

@187b des na tsha dmyal ba spyir bsreg bya'i lus shin tu che ba'i
sdug bsngal/ de'ang sha'u gsar pa ltar bzod bsran chung ba'i
sdug bsngal/ sreg byed kyi me mchog tu tsha ba sogs kyi sdug
bsngal gtan mi bzod pa yod/ de lta bu'i tsha

dmyal la brgyad las/ yang sos ni/ gnas der skyes pa na dmyal
srung gzhan med par las ngan pa'i dbang gis der skyes pa'i sems
can rnams phan tshun mthong ma thag khong khro skyes te/ lag tu
byung tshad mtshon char gyur nas phan

tshun bsnun res kyis lus dum bu dum bur gtubs te thams cad brgyal
nas sa la 'gyel/ yang nam mkha' nas khyed rnams sos par gyur cig
ces pa'i sgra byung ba na/ rlung bsil bur ldang ba lus la phog
pa'i rkyen gyis sha rus

'thor ba rnams 'dus nas lus sngar ltar sos/ yang sngar bzhin
byed pas nyin rer brgyal ba la shi ba'i tha snyad byas pa'i shi
thengs brgya phrag mang po dang/ gson thengs brgya phrag mang po
byed pa yod pas rang res kyang da lta der skyes

pa'i nyams dang/ mtshon brdeg cing brgyal ba dang sos pa sogs kyi
nyams 'don dgos/ tshe 'dir rang lus la gri chung ngu zhig btsugs
nas 'chi thengs gcig byed pa la'ang 'jigs pa dang na tsha bsam
gyis mi khyab pa yod na/ der

ni nyin re la'ang lan grangs mang por de ltar myong dgos shing/
tshe tshad kyang ring bas snga ma des dper mi mtshon/ bshes springs
las/ 'di na nyin gcig mdung thung sum brgya yis/ /rab tu drag
btab sdug bsngal gang

@188a @#/ /lags pa/ /des ni dmyal ba'i sdug bsngal chung ngu
la'ang/ /'ol yang mi dbyi char yang mi phod do/ /zhes pa ltar
yin/ thig nag ni/ 'di nas bzung dmyal ba'i srung ma a wa glang
mgo dang/

yag sha phag mgo zer ba sogs yod pas/ dmyal srung las mkhan ri
ltar che ba/ mig dmar ba/ 'jigs su rung ba dag gis rgyob sod kyi
sgra bsgrags pa na'ang rang 'jigs shing skrag nas lus zhig 'gro
ba'i nyams

'char/ de nas de dag gis bzung ste lcags sreg gi sa gzhir gan
rkyal du bsgyel nas/ lus chen por lcags thag bsregs pas thig
mang por btab nas/ des tshig pa'i shul du thig nag po byung ba
na/ shing bzo bas shing

la ji ltar byed pa bzhin du 'ga' zhig sog les dra/ 'ga' zhig sta
gris gsheg /'ga' zhig ste'us gzhog /de ltar gsheg pa na/ phan
tshun du 'thor ba'i sha kham tshad dang khrag thigs pa tsam lcags
sreg steng lhung ba tshun la

rang gi rnam shes kyis ma btang bar zin te sdug bsngal rang thog
tu myong/ der skye ba'i rgyu ni mi dge ba bcu char dang/ mi la
rta lcag btang ba sogs kyis kyang byed pa yin/ bsdus 'joms ni/
der skyes pa phal cher srog

gcod byas pa'i rnam smin te/ ri ra lug gi gdong pa lta bu phan
tshun gnyis ka nas brgyugs te gzhan du bros sa med par de'i bar
du btsir/ slar de gnyis bye ba na rang lus sngar ltar sos te/
yang yang de bzhin du byed pa dang/

@188b 'ga' zhig ni rang 'thag tu phye mar btags/ 'ga' zhig ni
gtun du til brdung ba bzhin brdung/ 'ga' zhig lcags kyi 'jur mig
nas 'dren pa dang/ sngar srog bcad skabs phar gsad bya gang yin
pa de'i rnam par shar te rang de'i bar du

'tshir ba sogs mi 'dra ba mang po yod/ dper na/ da lta shig sen
mos bsad na/ rjes su dmyal bar ri sen mo 'dra ba'i bar du 'tshir
te gsod pa 'ong gsungs/ ngu 'bod ni/ lcags sreg gi khang pa sgo
med pa phyi nang kun

tu me 'bar ba'i nang du bcug ste sdug bsngal myong zhing/ 'di
las thar ba'i thabs mi rnyed snyam yid kyi sdug bsngal chen pos
ngu 'bod byed/ ngu 'bod chen po ni/ de 'dra'i lcags khang nyis
rim du bcug pas sdug bsngal ldab

'gyur du che zhing/ lcags khang gcig las thar kyang gcig las mi
thar snyam pa'i sdug bsngal/ der skye ba'i rgyu ni/ mi dge ba
bcu ka dang/ chang bag med du 'thung ba rnams kyis byed de/ mdo
las/ chang 'thung ngu 'bod

gnas su skye/ /ldud mkhan de yi 'khor du skye/ /zhes sogs gsungs
pa ltar yin gsungs/ tsha ba ni/ lcags kyi gsal shing me 'bar bas
'phongs nas spyi bo'i bar phug ste nang khrol thams cad tshig
cing/ kha mig sogs nas me

lce lhab lhab tu 'bar te bsreg pa dang/ zangs kyi snod chen por
khro chu bskol ba'i nang du 'tshod pa dang/ yang rus pa lhu
bsgrigs nas lus sngar ltar skye/ slar de bzhin du 'tshod pa sogs
byed pa'o/ /rab tu tsha ba ni/ de

@189a @#/ /las nyis 'gyur gyis tsha zhing/ sha rgyus nang khrol
thams cad tshos shing nur te rus pa 'ba' zhig tu lus pa na sngar
bzhin lhu bsgrigs nas sos pa sogs dang/ 'ga' zhig lus ring

por gyur pa lcags sreg leb mo sa dkri ba dang/ kha cig lcags
sreg gi skud pas lus dkris te bcings pas lus kyi sha rus rnams
zan 'tshir ba bzhin phyir don pa dang/ kha cig lcags kyi gsal
shing mi 'bar ba'i rtse

gsum gyis 'phongs nas spyi gtsug par phug pa dang/ lce dpag tshad
mang por 'then nas de'i steng thong gsol gyis rmod pa sogs dang/
'ga 'zhig lcag sreg glegs shing lta bu gnyis kyi bar ru rang lus
dpe cha

bzhin bsdam pa sogs sdug bsngal myong lugs rigs mi 'dra ba shin
tu mang/ lhas byin gyi 'khor ko ka li ka 'dir skyes pa'i lo
rgyus kyang stsal/ mnar med ni/ bde ba'i go skabs med par tsha
dmyal gong ma thams

cad las ches che ba'i sdug bsngal can zhig ste/ nga tshos me'i
nang du rdo dang lcags sogs bsregs pa na me dang dbyer med ltar
'byung ba bzhin dmyal ba 'dir skyes pa rnams me dang lus dbye ba
mi phyed la/ nyam thag pa'i

skad tsam gyis sems can yin par shes pa tsam yod cing/ de yang
phyogs bzhi mtshams brgyad steng 'og gnyis/ lus kyi nang ste me
bcu gcig gis mchod me'i sdong shing ltar 'tshig pa sogs sdug
bsngal la tshad med

@189b de; bshes springs las/ bde ba kun gyi nang na sred zad pa/
/bde ba'i bdag po bgyid pa ji lta bar/ /de bzhin sdug bsngal kun
gyi nang na ni/ /mnar med dmyal ba'i sdug bsngal rab mi bzad/
/ces gsungs pa ltar rab tu tsha ba

yin gyi khams gsum pa'i sdug bsngal thams cad bsdoms pa las
kyang mnar med kyi sdug bsngal 'di che ba yod/ dmyal bar sdug
bsngal de 'dra yod kyang rang cag der ma skyes tsam 'ong snyam
na/ tshe 'phos ma thag

dmyal ba de 'drar mi skye ba'i nges pa gtan nas med de/ rang re
la ngan song du mi 'gro ba'i gdeng ni med/ dmyal bar skye nges
kyi rgyu ni bsgags la ma nyams pa stobs chen mang po yod de/ mi
dge bcu gang rung che ba re byas pas

dmyal ba/ 'bring re res yi dwags/ chung ngu re res dud 'gror
skye/ dmyal bar yang so thar gyi nyes byas khyad du bsad pas
yang sos su skye ba nas/ pham pa khyad du bsad na mnar med du
skye bar gsungs pa'i bar sbyor dgos/

rang cag gi rgyud la so thar dang sngags kyi nyes ltung/ byang
sems la khros pa/ bla mar mgus pa sogs nyes pa tshabs che ba ha
cang mang po yod/ gsang sngags kyi rtsa ltung byung na bshags
sdom sogs kyis sor ma chud pa'i bar

gyi skad cig ma'i grangs dang mnyam pa'i bskal par mnar med du
skye/ so thar gyi ltung ba sde lngar khyad du bsad de bcas
mtshams las 'das pas ni rim bzhin tsha dmyal brgyad kar skye ba'i
las bsags zin la/ de ltar skyes na las

@190a @#/ /ngan gyi 'bras bu ma zad bar du lus dang rnam shes kyi
'brel ba chad mi thub par sdug bsngal myong dgos te/ bshes
springs las/ de ltar sdug bsngal shin tu mi bzad lo/ /bye ba
phrag brgyar

nyams su myong yang ni/ /ji srid mi dge de zad ma gyur pa/ /de
srid srog dan bral bar mi 'gyur ro/ /zhes pa ltar yin/ tshe tshad
kyang dus ches ring bar gnas te/ tsha dmyal brgyad nas tshe thung
shos ni yang sos pa yin/ de yang

rang re mi'i lo lnga bcu la rgyal chen rigs bzhi pa'i lha'i zhag
gcig /de sum cu la za ba/ de bcu gnyis la lor brtsis pa'i lo
lnga brgya ni rgyal chen ris bzhi pa'i tshe tshad dang/ de yongs
rdzogs la zha ggcig tu byas/ de sum cu

la zla ba/ de bcu gnyis la lor brtsis pa'i rang lo lnga brgya ni
dmyal ba yang sos pa'i tshe tshad yin zhing/ don la mi lo khrag
khrig chen po gcig dang/ khrag khrig drug /ther 'bum chen po
gnyis bcas thub/ 'jam dpal zhal

lung par rnying du ther 'bum chen po drug gsal ba par skyon yin
pas/ 'di zhal lung rme ru'i par ma dang/ lho brgyud lam rim ltar
bya dgos/ de lta bu'i tsha dmyal de dag dpag tshad mang po'i pha
rol na yod

mdog kha ba lta bur snang yang/ rang dang ngan song gnyis kyi
bar na thag ring po med par dbugs gyu gyu ba 'di tsam yin pas/
zhib tu bsams na lo rjes ma tsam dang sang nyin da tshod tsam
la'ang rang dmyal ba de 'dra zhig tu mi sleb

@190b pa'i nges pa med/ de ltar slebs 'dug na ji ltar byed/ da
lta rang re lus la me btsas bsreg pa dang/ khab btsugs pa tsam
yang mi bzod na/ dmyal ba de 'drar skyes tshe ji ltar bzod/ bka'
gdams gong mas gsungs pa ltar

rang re'i rkang pa ya gcig mi yul dang/ ya gcig dmal ba'i zangs
po che'i khar bzhag zin pa dang 'dra bar dmyal bar skye ba'i
rgyu bsgrubs tshar ba yin/ ngan 'grer skyes zin na de las thar
ba'i thams dang skyabs gang yang

rnyed thams med pas/ der ma skyes gong tshe'i lhag ma cung zad
gnas pa'i skabs 'dir rab sangs rgyas pa dang/ 'bring grub pa
thob pa sogs pa sogs ma byung yang/ ma mtha' ngan song gi skye
ba ldog thams bshags pa sogs la 'bad

dgos gsungs/ gnyis pa nye 'khor ba ni/ tsha dmyal gyi phyi rol tu
lcags ris bkor ba ltar tsha dmyal ba'i 'khor me ma mur gyi 'obs/
ro myags gyi 'dam/ spu gris gtams pa'i thang/ 'gyur byd kyi
chung klung rab med de bzhi

yod; de yang tsha dmyal du skyes pa dag nam zhig las cung zad
bsrab tu song ba na dmyal ba chen po las thar nas nye 'khor ba'i
dmyal bar 'gro ba dang/ dang po nas der skye ba gnyis yod pas
'ga' zhig tsha dmyal las

thar ran pa na/ bros pa'i bsam pa rnyed de sgo nas phyir thon te
'ongs pa'i tshe/ me ma mur gyi 'obs su slebs te rkang pa pus mo
man nub nas 'tshig cing/ slar 'degs pa na sos/ de ltar gom pa re
re spos rim bzhin rkang pa re

@191a @#/ /bsreg /de ltar sdug bsngal chen pos mnar bzhin du de
las thar du re bas lo 'bum phrag mang por me mur brgal brgal
te song ba na/ nam zhig de las thar te yang ro myags kyi 'dam
dang

phrad nas/ der ske man chad nub ste 'gre ldog byed cing/ 'bu
mchu rnon bya ba khab lta bu mang pos lus khrol ma bzhin phug
ste za bar byed/ da dung de las thon res lo 'bum phrag mang
por brgal te song bas/ lcags kyi so gri rnon

po lta bu rtse mo gyen du bstan pa 'ba' zhig gis gang ba'i spu
gris gtams pa'i thang du slebs nas/ des rkang pa bcad cing
phug pa'i sdug bsngal yun ring myong ste/ ring zhig nas de las
phyir thar pa na/ ral gri lo ma'i nags

tshal dang phrad de/ der ljon shing du 'khrul nas de'i 'og tu
phyin pa na/ lo ma ral grir gyur pa rnams lhags te lus gtub pa
dang/ yang gsos pa sogs kyi sdug bsngal myong/ de nas thon pa
na/ shal ma li'i sdong

po zhes pa lcags kyi so rnon mang po yod pa dang phrad de/
de'i rtse nas rang gi spun dang grogs sogs snying nye brtse
gdung can dag gis 'bod par thos te/ de la yar 'dzegs pas lcags
so mang po yod pa rnams rtse thur du

bstan te lus gsheg cing phug pa sogs kyi sdug bsngal myong
bzhin song song nas rtser sleb pa na/ bya 'jigs su rung ba dag
gis mig dang klad pa sogs 'dru zhing za/ yang gsham nas 'bod
pa na/ mar babs pas

@191b lcags so gyen du bstan te lus phug cing/ rtsa bar slebs
pa'i skabs khyi dang gcan gzan sogs kyis rkang pa nas yar za
bar byed pa ste las ma zad bar du 'bab 'dzegs byed pa'i sdug
bsngal myong tshul/ 'di'i mtshon cha'i gnod pa

'bab pa gsum gcig tu brtsi dgos gsungs/ de dag las thar nas/
chu klung rabs med kyi nang du sleb pa na/ 'gyur byed kyi chu
bo me dang 'dres pa'i nang du rang lus sran ma chu khol du
btab pa ltar bsreg cing 'tshod pa'i sdug bsngal

yun ring myong dgos shing/ rang re rnams tsha dmyal de rnams su
skye chog chog lta bur yod pas/ da lta nas de 'drar mi skye
ba'i thabs dge sdig gi blang dor la 'bad pa gal che/ gsum pa
grang ba'i dmyal ba'i sdug bsngal

bsam pa la/ grang dmyal ni/ tsha dmyal de dag gi thad ka byang
phyogs su yod cing/ de'i phyir rang cag gi sa 'dir grang ngad
che ba byung ba yin/ grang dmyal rnams steng 'og tu dpag tshad
nyis stong nyis stong gis chod cing gnas so/ /

'o na tsha dmyal rnams dpag tshad bzhi stong gi sa chod cing
gnas pas grang dmyal rnams dang thad kar mi 'grigs snyam na/
tsha dmyal rnams sa gzhi nas sa gzhi'i bar du dpag tshad bzhi
stong re yod la/ grang dmyal gyi gangs ri'i

dpangs su dpag tshad nyis stong re yod pa'i phyir tsha dmyal
rnams dang drang thad ma yin par mi 'gyur ro/ /der skye bar
nye ba na/ 'chi khar reg bya grang ba zhig 'dod nas de'i las
la gsos btab/ bar do rmi lam rmis pa bzhin

@192a @#/ /du myong nas/ gnyid sad pa ltar grang dmyal du skye/
de'i gnas ni gangs ri dpag tshad du ma re yod pa/ nyi zla'i
snang ba dang me 'od sogs med pas lag pa brkyang bskum tsam
yang mi mthong

ba'i mun pa nag pa/ sa gzhi 'khyag rom dang/ steng nas bu yug
'tshub cing/ bar nas rlung grang mo ldang/ dro ba'i thabs me
dang nyi ma/ gos stan sogs cung zad kyang med/ de lta bu'i
grang dmyal la brgyad de/ rim bzhin

grang drags nas lus la chu bur skye bas chu bur can dang/ de
las kyang grang bas chu bur rnams rdol te khrag dang chu ser
'dzag pas chu bur rdol ba dang/ de las grang du song nas lus
rdo ltar rengs te 'gul bskyod mi nus par

kha nas a chu 'ba' zhig zer ba tsam las gzhan gang yang smra
mi nus par sdod pa dang/ de las kyang grang du song nas de
yang smra mi nus par rkan gyi sbug nas kyi hud zer ba'i sgra
chung ngu tsam 'byin pa dang/ de nas sgra de yang 'byin mi

nus par kha gdangs tsam re byas so tham ste 'grig pa dang/ de
las kyang grang bas lus ro ltar gyur cing/ mdog sngo la khag
sgra dang bcas te utpal ltar gas pa dang/ de las grang nas
lus sha'u dmar po padma ltar gas pa dang/

de las kyang mang ba'i kha brgya dang stong du padma ltar las
cher gas pa rnams so/ /a chu zer ba man chad la gangs ri dang
'khyag pa'i thang la dmyal ba pa'i lus mchod rten la phra btab
pa ltar 'byar nas g.yo 'gul med par rengs

@192b shing; slob springs las/ lhags pa dpe med rus pa la yang
things pa yis/ /lus sbrebs 'dar zhing bsgur nas kum kum por
'dug pa/ /chu bur brgya byung rdol ba las skyes srog chags
kyis/ /zos shing dbad nas zhag dang chu ser rkang

bcas 'dzag /ces pa ltar lus kyi ser ka nas babs pa'i chu ser
la 'khor ba'i sbrang bu dug gi mchu can du mas gtses pa dang/
khrag thigs pa sar lhung ba'ang rnam shes kyis ma btang bas
'khyags shing gas pa'i sdug bsngal myong ba

dang; da dung de'i steng rims nad sna tshogs pas mnar ba sogs
kyi sdug bsngal yod/ der skye ba'i rgyu ni skyes rabs las/ med
par lta ba tshe rabs phyi ma la/ /gnas pa de na mun nag rlung
grang ldang/ /des ni rus pa'ang 'jig pa'i

nad slong na/ /bdag la phan 'dod su zhig de ru 'jug /ces
gsungs pa ltar las 'bras sogs med par lta ba'i lta log chad
lta 'dzin pa sogs yin/ gzhan yang rang cag la der skye ba'i
rgyu bas gas la ma nyams pa mang po

yod de/ gzhan gyi gos 'phrog pa dang/ rten gyi na bza' bshus
pa/ shig la sogs pa'i sems can 'khyags grir btang ba sogs yin/
tshe tshad ni/ sa'i dngos gzhir sems can dmyal ba chen por skyes
pa'i sems can rnams

las phyi ma phyi ma phyed khyad zhugs par gsungs pa dang/ yang
mdzod las/ til sbyang nang nas lo brgya na/ /til gcig phyung
bas zad gyur pa/ /chu bur can gyi tshe yin te/ /gzhan gyi tshe
ni nyi shus 'gyur/ /zhes pa ltar yul ma ga d+ha'i

@193a @#/ /khal brgyad cu 'gro ba'i bang ba nas lo brgya brgya
na til re phyir bton pas til ma lus pa zad pa dgos shing/ til
phul gang la chig khri lnga stong tsam yod/ de grang dmyal
dang po chu bur can gyi tshe tshad

de; 'og ma rnams ni de las nyi shu nyi shu 'gyur gyis ring bar
gsungs/ bzhi pa nyi tshe ba'i dmyal ba'i sdug bsngal bsam pa
ni/ dmyal ba de ni mi yul dang rgya mtsho'i 'gram sogs su yod
cing/ sngon tshong pa 'ga' zhig gis 'phags

pa dge 'dun 'tsho rgya mtsho'i gling du gdan drangs te byon pa
na/ skabs shig nas tshong pa gzhan rnams sngon la thal te/
'phags pa nyid rgya mtsho'i 'gram du rkang gis byon pas gtsug
lag khang yid du 'ong ba zhig na dge 'dun lnga

brgyas gdan drangs/ nyin gung du dge slong rnams 'thab cing/
nyin gung yol nas sngar bzhin gyur pa gzigs shing/ de'i rgyu
dris pa na sngon 'od srung gi bstan pa la dge slong de rnams
kyis gdugs tshod skabs ma 'cham par

'thab rtsod byas pa'i 'bras bu yin zer ba dang/ gzhan yang
rtsig pa dang/ ka ba dang/ gtun dang/ thag pa/ phyags ma/ chu
rgyus sbrel ba/ phru ba lta bu'i dmyal ba yang gzigs nas slar
byon te/ shAka thub la zhus pa na/ ka ba lta bu sogs

sngar sbyor chos skabs zhus pa bzhin dang/ gtun lta bu yang
'od srung gi bstan pa'i dus dge slong gis dge tshul la khros
nas gtun du 'jug rgyu zhes tshig rtsub smras pa'i 'bras bu
dang/ 'di dag sangs rgyas 'od srung gi bstan pa

@193b nas da lta'i bar myong bar gsungs tshul/ gzhan yang skyes
tsam nas rna ba la rin po che'i rgyan gser gyi dong tse bye ba
ri ba'i rna cha btags pa'i ded dpon rna ba bye ba ri nor bu
len du chas te phyir 'khor ba na rgya mtsho'i 'gram du ngal nas

gnyid du song bas/ tshong pa gzhan gyi rjes su lus nas gnyid
sad pa na rlung 'tshubs kyis lam bsub ste mi snang zhing/ khal
'gel sa'i bong bu yang brdeg ches pas rdzi 'khrul te/ lam ma
rnyed pa na 'khyams te phyin pas/ khang pa

gzhal med khang lta bu gcig na/ mi zhig la lha mo bzhis bskor
nas mtshan mor lha'i bde skyid 'dra ba myong/ nyin mor lcags
sreg me 'bar ba'i khang par gyur cing bud med bzhi khyi sre bo
bzhir gyur pas skyes pa de kha sbub tu

bsgyel te sha la kham kham bcad cing za ba gzigs/ yang nyi ma
nub pa dang sngar bzhin mthong nas mi de la rgyu dris pas/
sngon gnas pa'i grong khyer du bshan par gyur skabs 'phags pa
ka tyA ya na'i bka' ltar mtshan mor srog

gcod mi byed pa'i sdom pa blangs/ nyin mor de len ma nus par
srog bcad pa'i 'bras bu yin par smras shing/ gnas pa'i grong
khyer du nga'i bu bshan pa zhig yod pa la srog gcod mi byed pa
dang/ 'phags par bsod snyoms

phul nas nga la dge rtsa bsngo dgos zhes pa'i gtam bskur/ yid
ches pa'i phyir ral gri'i 'jog gnas su gser bum pa gang sbas
te yod par smras pa dang/ yang byon pa na/ khang bzang zhig tu
skyes pa bud med gzugs bzang ba gnyis

@194a @#/ /dga' mgur rtse zhing bde skyid la spyod cing yod pa
la/ nyin mtshan snga ma las go ldog ste/ bud med de sbrul du
gyur pas skyes pa de'i spyi bo nas za ba zhig gzigs/ skyes pa
de la rgyu dris pas/ gnas

pa'i grong gi bram zer gyur skabs bdag gis byi bo byed pa la/
ka tya ya na las nyin mo byi bo mi byed pa'i sdom pa blangs
tsam gyi 'bras bu yin par smras shing/ gnas pa'i grong na bdag
gi bu zhig yod pa la gsung bar mdzod ces

gtam snga ma bzhin bskur te/ yid ches pa'i phyir thab kyi 'og
tu gser bum pa gang sbas nas yod pa smras/ yang phyin pa na/
khri zhig gi rkang pa bzhir yi dwags re btags pa zhig kyang
gzigs pa sogs kyi sngon byung bcas stsal te/ de 'dra

ba'i dmyal ba nyi tshe ba yod pa yin/ mi yul na'ang yod de/
sngar rgya gar du tshe dang ldan pa dpal ldan nyin mor spyod du
'gro ba'i skabs/ bshan pa zhig bar snang du gzugs khang bzang
tsam pa la me dmar 'ur 'ur 'bar ba zhig tu skyes

par gzigs pa dang/ de'i g.yog de rus pa'i ri lta bur skyes
te sdug bsngal myong ba dang/ yang; sems can bya gcod mkhan
zhig 'bras bu shin tu che ba ri bo tsam yod pa zhig tu skyes
tshul/ rang re yang de 'dra myong nges kyi las mang

po bsags zin pas de thams cad 'byung chog chog gi gta' mar
bzhag pa'i tshod du yod gsungs/ yang grub chen zhig gis yar
'brog gi mtsho nang du/ gtsang rtsa nag bla ma zer ba shi gson
gyi dkor mang po za ba'i dkor zan pa zhig

@194b nya shin tu che ba yar 'brog mtsho'i phyed tsam 'khor
ba'i gzugs la srog chags gzhan mang pos za ba zhig tu skyes
par gzigs nas/ 'khor tsho la bstan te dkor ma za dkor ma za
zhes gsungs pa yin/ nged tshos grwa pas dkor 'ju/ rma byas dug

'ju zer yang/ chos nyams su blangs te dkor 'ju lugs shes pa
zhig brtan brtan byed pa ma byung na/ grwa pa yin pa tsam gyis
las sla mor 'ju chog chog med/ 'dul ba lung las/ lcags gong me
lce 'bar ba dag /zos par gyur pa

mchog yin gyi/ /tshul 'chal yang dag mi bsdom par/ /yul 'khor
bsod snyoms za ba min/ /gsungs pa ltar tshul khrims 'chal bas
dad zas zos pa lcags gong dmar 'bar ba za ba bzhin dang/ tshul
khrims ldan pas dad zas

zos na/ klog pa dang spong ba la tshul bzhin brtson na 'ju la/
ma brtson na mi 'ju ba'i bu lon lta bu yin/ de ltar legs par
ma byas na/ 'gyed dang 'bul ba sogs da lta dngul khug nang du
blug chog chog gi las sla mo 'di phyi mar

lus kyi sha nas 'jal dgos pa zhig 'ong dus dka' mo yin/ bla ma
rnams nas kyang bsngo rten byung bar 'byor lan bri thub tsam
las bsngo smon sogs ma byas na/ phyi mar sku lus kyi steng nas
bu lon 'jal dgos par thag chod/ de bzhin

du sngar rdo pha bong zhig gi nang du sbal ba che ba gcig la
chung ba mang pos za ba dang/ yang sde dge'i bla ma zhig gis
nye gnas la de ring chus khyer ba ci byung yang tshur bton la
'khyer shog gsungs pa/ shing sdong zhig byung ste

@195a @#/ /khog pa gshags pa na de'i nang du sbal pa che ba
zhig la chung ba mang pos za ba zhig thon pa/ snga ma dang 'di
gnyis dkor zan gyi bla ma zhig dang/ sde dge'i gnyer chen zhig
gi skye ba yin par gsungs

yod gsungs/ bla ma rdo rje 'chang chen po nyid khams phebs
skabs rdo shul zhes pa'i lung pa'i phur mtsho zhig na sbra gur
'dra ba'i sems can chen po zhig dbyar dus mtshor nub cing/ dgun
kha mtsho bris nas 'khyag rom chags

skabs sgal pa mtsho khar thon par bya sogs srog chags mang pos
za ba zhig yod pa dngos su gsan tshul/ de 'dra ba dag kyang nyi
tshe ba'i dmyal ba yin la/ de lta bur skye ba'i rgyu yang rang
res grangs med pa zhig bsgrubs dang sgrub

bzhin pa yin pas de 'dra'i sdug bsngal rang thog tu myong tshul
yang yang bsam dgos gsungs/ gnyis pa yi dwags kyi sdug bsngal
bsam pa la/ 'jam dpal zhal lung las dud 'gro dang por gsungs
pa ni/ dud 'gro las

yi dwags shes rab che bas rigs mtho la/ 'ga' zhig la chos
bstan na go nus pa yod cing/ dud 'gro glen zhing rmongs pas
rten dma' la/ chos la bar gcod yi dwags las che bas dud 'gro'i
sdug bsngal dang por bstan pa yin

zhing; myur lam las yi dwags dang por mdzad pa ni spyi khyab
la dud 'gro las sdug bsngal che bas yin/ 'di la gnyis/ yi
dwags spyi'i sdug bsngal tsha ba/ grang ba/ bkres pa/ skom pa/
ngal ba/ 'jigs pa'i sdug bsngal bsam pa

@195b ste drug dang/ yi dwags so so'i sdug bsngal bsam pa'o/
/dang po spyi'i sdug bsngal bsam pa la 'di ltar bsam dgos/ nga
da lta dmyal bar ma skyes kyang/ yi dwags su skyes yod na tsha
grang bkres skom ngal 'jigs kyi sdug bsngal bzod

dka' bas mnar nas chos byed rgyu lta bzhag /byed do bsam pa
tsam yang dran mi thub kyang/ da res bla ma'i bka' drin gyis
der ma skyes par/ chos byang chub lam gyi rim pa bsgom khul
tsam byed rgyu byung ba 'di bsod nams re che/ stabs

legs/ 'on kyang rang re'i rgyud la der 'phen byed kyi las
bsags la ma nyams pa stobs ldan mang po zhig yod pas de dag ma
shi tshun la lhag med du sbyong mi thub pa ni da lta'i kha
stabs 'dis shes/ der ma zad/ spyir na 'chi kha'i sems de

shin tu gal che ste/ tshe 'dir sdig pa chen po byed pa'i sdig
can yang 'chi khar dge sems sha stag gi ngang nas 'chi na/
sngon gyi dge ba'i las shig la gsos 'debs la/ chos pa dag
kyang 'chi khar khong khro sogs kyi ngang nas 'chi na mi

dge ba'i las la gsos 'debs par 'gyur zhing/ de yang phal cher
tshe 'dir blo gang la goms pa che ba de 'chi khar yang mngon du
'gyur bas/ rang re rtag tu nyon mongs dug gsum la goms shugs
che bas 'chi khar yang mi dge

ba'i las la gsos 'debs par thag chod/ des na 'chi khar bza'
btung la yid 'byung nas/ de'i ming yang mi thos pa zhig byung
na snyam pa lta bu sogs chags sdang gang rung gis yi dwags su
skye 'gyur gyi las la gsos btab na 

@196a @#/ /yi dwags kyi gnas ngan du mi skye ba'i nges pa med
cing/ phal cher skye bar thag chod/ der skyes na yi dwags kyi
gnas ni/ 'di nas dpag tshad lnga brgya 'das pa'i 'og tu yi dwags
kyi grong khyer ser skya

bya ba yod/ gnas der ni spang dang shing dang chu sogs cung zad
kyang med par sa gzhi thams cad zangs gog nyi mas tshig pa lta bu
zhig yod/ yi dwags kyi lus dang yan lag rnams kyang shin tu cha
mi snyoms pa mgo che la skra zing ba/ gdong

gnyer mas khebs pa/ ske ha cang phra bas mgo bo mi theg pa dang/
lus ri ltar che la rkang lag 'jag ma ltar phra bas lus mi theg
pa rang re mi yul gyi rgan 'khog rnams byin pas lus po mi theg
pa'i dka' las las brgya 'gyur gyis che

ba yod/ yan lag rnams kyang grangs mang nyung mi snyoms shing/
lo mang por skom ma rnyed pas lus la khrag dang chu ser sogs
rlan cung zad tsam yang med par/ sdong dum skam por ko ba dmar
skam gyis gtums pa lta bur rgyus pa dang rtsa

sogs skam po pags pa skam pos g.yogs pa/ 'gul bskyod byed pa na
rkang lag gi tshigs 'thab pa'i tshe shing skam 'thab pa dang rdo
dang rdo 'thab pa ltar khrog sgra dang/ me stag dmar 'tshub 'tshub
byed pa yod/ lo brgya stong mang por

bza' btung ma byung bas bkres skom gyi sdug bsngal shin tu che
ba'i thog /da dung bza' btung rnyed du re bas 'tshol sar ma phyin
ka med la/ song na lus nyam chung bas ngal ba dang/ gshin rje'i
skyes bu dag mthong nas skrag ste lus zhig

@196b pa lta bu'i 'jigs pa dang/ dbyar tsha ba'i dus su zla bas
kyang tshig la/ dgun grang ba'i skabs nyi mas kyang grang bar
byed pas tsha grang gi sdug bsngal ches che ba yod gsungs/ gnyis
pa yid dwags so so'i sdug bsngal bsam pa la gsum

las; phyi'i sgrib pa can ni/ ljon shing 'bras bu can dang/ chu
sogs mthong nas rgyang ring por ngal ba chen pos phyin phyin nas
'gram du slebs pa na de dag med par 'gyur ba dang/ 'ga' zhig der
slebs pa na/ skyes bu go mtshon can gyis bsrungs

nas longs spyod du mi ster/ de'i tshe bkres skom gyi sdug bsngal
sngar yod thog /lus ngal ba dang yid pham pa'i sdug bsngal bsam
gyis mi khyab/ nang gi sgrib pa can ni/ brgya la zas rnyed kyang
kha nas mi thar ba dang/ mgrin par mdud pa

yod pas zas 'gro dka' ba dang/ 'ga' zhig ske la lba ba yod pa
las rnag smin pa 'thung dgos pa sogs dang/ zas skom nyid la
sgrib pa yod pa ni/ rna ba bye ba ri'i gtam rgyud las byung ba
bzhin zas za ba na/ lcags gong me 'bar ba

dang; phub ma dang/ rnag khrag dang/ rang sha la za ba sogs/ las
mi 'dra ba ji ltar bsags pa dang mthun pa'i 'bras bu mi bzad pa
du ma myong bar 'gyur ba dang/ 'ga' zhig gis bza' btung byas pa
mgrin pa nas thar kyang

khog pa'i nang du slebs pa na khro chu khol ma sogs su gyur te
bkres skom sel ba la mi phan pa'i steng du sdug bsngal tshad med
pa skyed pa dang/ yang kha cig la de ltar ma gyur kyang pho ba
che drags pas zas kyis mi khengs pa dang/ yi

@197a @#/ /dwags la lar kha nas ltogs pa'i me lhab lhab tu 'bar
ba ste/ 'dre me zhes pa'ang yi dwags kyi kha nas 'bar ba'i me
yin/ 'jur 'gegs ni/ kun dga' bo nyin mo spyod du phebs skabs yi

dwags mo ske la mdud pa gsum yod pa/ kha nas 'jigs pa'i sgra
rnam pa lnga sgrog pa sogs gzigs pa lta bu yin/ de 'dra'i rigs
kyi yi dwags la mgrin par mdud pa sum brtsegs yod pa sogs dang/
de dag la brten

pa'i sdug bsngal yang mtha' med pa ltar myong dgos te/ bshes
spring las/ yi dwags na yang 'dod pas phongs pa yis/ /bskyed
pa'i sdug bsngal rgyun chags mi 'chos pa/ /bkres skom grang dro
ngal dang 'jigs pa yis/ /

bskyed pa shin tu mi bzad bsten 'tshal lo/ /kha cig kha ni khab
kyi mig tsam la/ /lto ba ri yi gtos tsam bkres pas nyen/ /mi
gtsang gyi nar bor ba cung zad kyang/ /'tshal ba'i mthu dang ldan
pa ma lags so/ /kha cig pags rus lus

shing gcer pu ste/ /ta la ya thog bskams pa lta bu lags/ /kha
cig mtshan zhing kha nas 'bar ba ste/ /zas su 'bar ba'i khar babs
byed pa 'tshal/ /dmangs rigs 'gas ni rnag dang phyis dang/ /khrag
sogs mi gtsang ba yang

mi rnyed de/ /phan tshun gdong du 'tshog cing mgrin pa nas/ /lba
ba byung ba smin pa'i rnag la 'tshal/ /yi dwags rnams la sos ka'i
dus su ni/ /zla ba'ang tsha la dgun ni nyi ma'ang grang/ /ljon
shing 'bras bu med 'gyur 'di dag gis/ /

@197b bltas pa tsam gyis klung yang skam par 'gyur/ /zhes dang/
slob spring las kyang/ mi bzad skom pas rgyang nas chu klung dri
med pa/ /mthong nas btung bar 'dod de song na de nyid kyang/
/skra shad nya lcibs tshogs dang rnag bsung 'dres pa dang/ /

'dam rdza ba khrag dang phyi sas gang ba'i chur 'gyur ro/ /dus
rlabs rlung langs chu 'thor ri rtse bsil 'gyur zhing/ /tsan dan
ljon pa sngo 'khrungs ma la yar song na/ /de yang 'di la nags
bsregs me lce rnos 'khrigs shing/ /mgal dum 'gyel

ba mang pos rang rong can du 'gyur/ /chu gter rlabs 'jigs 'phang
mtho gyes pa las byung ba'i/ /dbu ba 'tsher ba lhag ger 'dug par
song na yang/ /de yang 'di la bye tshan khug rna dmar rtsub pa'i/
/rlung dmar 'jebs pa 'tshub pa'i

mya ngam nyid du 'gyur/ /'di ni der gnas char sprin ldang bar
'dod na yang/ /sprin las lcags mda'i char pa dud 'thul 'dag mar
bcas/ /tsha tsha rdo rje'i pha bong rnams 'phro gser mdog lta bu
yi/ /glog phreng dmar ser 'gyu ba lus

la char du 'bab/ /tsha bas nyen la bu yug kyang ni tshar 'gyur la/
/lhags pas nyam thag pa la me yang grang byed de/ /shin tu mi
bzad las yongs smin pas rnam rmongs pa/ /'di la sna tshogs 'di
kun phyin ci log tu snang/ /khab

mig tsam gyi kha la dpag tshad mang 'jigs pa'i/ /lto can nyam
thag rgya mtsho chen po'i chu 'thungs kyang/ /mgul phug yangs pa
nyid du phyin par ma gyur par/ /kha yi dug gis chu yi thigs
pa'ang skam par 'gyur/ /zhes dang/ rgyal

@198a @#/ /mchog bskal bzang rgya mtshos/ lto ba ri mtshungs mgrin
pa 'gag cing yan lag rtswa phran bzhin du phra/ /lus skabs thal
bas rab g.yogs lhu tshigs 'thab las me yi tsha tsha 'bab/ /chu
klung dag kyang

bltas pa tsam gyis skem 'gyur rtag tu ngal ba dang/ /bkres pas
gdung ba'i yi dwags rnams la zas skom bdud rtsi'i char pa stsol/
/zhes gsungs pa ltar yin/ rang re yang sang phod da tshod tsam na
yi dwags de 'dra zhig tu mi skye ba'i

nges pa med de/ der skye ba'i rgyu ni/ nor rdzas la ser sna
dang/ brnab sems shin tu che ba dang/ rang gi nor rdzas la yang
dang yang du nom nyug byed cing shas cher chags pa dang/ gzhan
gyis sbyin pa gtong ba la gegs byed pa dang/ gzhan

nor 'phrog pa dang/ rku ba/ dge 'dun gyi zhal du 'du ba'i sgo
'phrog pa dang/ 'gyed nyis len byed pa sogs ma byin len dang/
gzhan la yi dwags zhes brjod pa sogs te/ lhag par dge 'dun la yi
dwags zhes zer ba ni yi dwags

kyi skye ba lnga brgya len pa'i rgyu yin/ 'jur 'gegs la chu
thigs gcig sbyin du yod pa ni/ sngar chu byin pa la ser sna ma
byas pas yin/ gzhan longs spyod pa'i skal ba med/ slob dpon
sangs rgyas ye shes yi dwags kyi yul du byon pa

na; yi dwags mo shin tu nyam thag pa zhig la phru gu lnga brgya
skyes nas yod pas/ slob dpon nyid mi yul du gshegs na kho mo'i
khyo zas 'tshol du phyin nas lo bcu gnyis song/ de'i ring du bdag
la phru gu lnga brgya skyes/ zas chu thigs

@198b pa gcig kyang ma byung bar dka' las dang sdug bsngal chen
po yod pas khyod kyis mi yul nas zas rnyed pa khyer la mgyogs
par yong grogs gyis zhes slob dpon nas 'phrin skyel bar mdzod
zhus par/ yi dwags mang po yod na khyod kyi kho su

yin mi shes gsungs pas/ de gzhan dang mi 'dra ba'i rtags mtshan
mig ya gcig zhar ba/ rkang lag ya re yang mi bde ba yod zer/ de
nas slob dpon mi yul du byon te yi dwags rnams gzigs pa na/
sngar gyi 'phrin bskur sa'i

yi dwags de ji lta ba zhig yod pa la lo rgyus dang 'phrin gsung
ba na/ yi dwags des bdag kyang de ltar phyir 'gro ba la ha cang
rings kyang ngas lo bcu gnyis kyi ring btsal bas zas 'di las ma
rnyed ces lag pa'i sbar mo dam du bcangs

pa'i nang du lud pa skam po cung zad cig rtsis chen po byas te
nyar nas yod/ de yang khrims ldan dge slong zhig gis lud pa dor
nas bsngo ba mdzad pa la yi dwags mang po zhig gis hab thob byas
skabs 'di rnyed pa yin zhus pa ltar/ rang

res kyang brtan brtan ma mdzad na/ lud pa skam po la gung tshigs
byed dgos pa zhig mi 'ong ba'i nges pa gtan nas med/ dge tshul
chu smad skyes kyi a ma shi nas lo nyer lnga song ba na/ nyin
gcig dge tshul gyis yi dwags 'jigs su rung

ba zhig mthong nas skrag ste bros par rtsom pa na/ ma bros zer/
khyod su yin dris pas/ bu gcig gang las skyes pa yi/ /byams pa'i
ma ni nga yin te/ /zas dang skom dang bral ba yi/ /yi dwags
rnams kyi nang du skyes/ /bdag ni shi ba'i

@199a @#/ /dus byas nas/ /lo grangs nyi shu lnga lon te/ /chu yi
bag kyang ma mthong na/ /kha zas lta zhig ga la mthong/ /zhes
zer/ dge tshul gyis sangs rgyas la bsngo smon zhus te sangs rgyas
kyis thabs mdzad pas/

de las tshe 'phos pa na yi dwags mthu mo che zhes pa nor rdzas ha
cang phyug pa zhig tu skyes/ de yang sngar las ser sna drug
'gyur gyis che ba byung bas sbyin pa ma btang ba na/ dge tshul
gyis ras yug gcig thabs kyis blangs nas sangs rgyas

la phul kyang/ yi dwags mo des phangs sems kyis slar brkus te
lan mang por khyer ba'i rabs dang/ sngon dge slong zhig chos gos
legs pa gcig yod pa la chags pas/ de shi nas yi dwags chos gos
gyon pa zhig tu skyes pa'i lo rgyus

ltar yin gsungs/ deng sang ser sna byed pa la kho grim po yod
ces bsngags pa byed mod/ ser sna ni yi dwags su skye ba'i rgyu
thun mong ma yin pa yin pas/ rang re ser sna che lugs dang byed
stangs 'dis sang phod da tshod tsam mam/ ring mtha'

lo bzhi bcu lnga bcu tsam nas dmyal bar ma skyes na'ang yi dwags
su skye nges pa lta bu yin gsungs/ gsum pa dud 'gro'i sdug
bsngal bsam pa la gnyis/ spyi'i sdug bsngal bsam pa dang/ so
so'i sdug bsngal bsam pa'o/ /dang po la/

gcig la gcig za ba dang/ glen zhing gti mug pa/ tsha grang/ bkres
shing skom pa/ bkol zhing spyod pa'i sdug bsngal te lnga yod/
ngan song gsum las sdug bsngal chung shos dud 'gro lta bur skyes
na/ gcig la gcig za ba'i sdug

@199b bsngal yang/ dud 'gro gzugs bongs che ba chu srin sogs ni/
chu srin nya'i rigs can dang/ de khyur mid byed thub pa'i chu
srin nya mid dang/ de yang khur mi byed nus pa'i nya mid mid pa
bya ba sogs lus dpag tshad mang po can yod cing

de'i lus la dud 'gro chung ba gzhan mang pos tshang 'cha' zhing
kho'i lus la zos pas/ mtshams shig nas kho ma bzod nas gzugs po
brag ri lta bu la brdar ba na/ lus la gnas pa'i srog chags de
dag bsad nas rgya mtsho yang dpag tshad

tsam dmar por byed pa dang/ yang srog chags che ba dag gis chung
ba rnams mid/ chung ba mang pos che ba zos te lus mi bzod na'ang
rang sar sdod pa las 'gul ba tsam yang mi nus/ rgya mtsho chen
por phung por spungs pa rnams gcig gi

rgyab tu gcig gis zos nas sdod dgos pa dang/ gling bar gyi mun
par skyes pa rnams ni skyes tshar rjes ma bu yang phan tshun mi
shes par/ rang gi kha rtsar gang byung ba de gcig la gcig za res
byas nas sdod dgos/ mi yul na yod pa 'di

dag kyang khras bye'u dang/ bye'us 'bu gzhan za ba sogs dang/
gcan gzan dang/ ri dwags sogs gcig gis gcig gsod pa dang/ sha
khyis ri dwags 'dod cing gsod pa sogs yin/ sdug bsngal ba'i sems
can de dag la phar

ltad mo blta ba lta bu ma yin par sdug bsngal myong ba'i sems
can de lta bur rang nyid skyes na ci 'dra yong gi nyams bton nas
bsgom dgos/ glen zhing gti mug pas gzhan lta ci/ gsod sar 'khrid
pa dang/ lto ster sar 'khrid pa gang yin tsam

@200a @#/ /yang mi shes pa dang/ tsha grang gi sdug bsngal dbyar
gyi dus su 'tshig la/ dgun gyi dus su 'khyags nas shi ba sogs
sdug bsngal bsam gyis mi khyab pa yod tshul/ sngar bla ma zhig
gis 'bu dmar po

ring po zhig phyag tu bsnams nas/ khyod khams pa dge slong yin
nam gsungs pas/ des mi skad smras te yin lags zer ba byung ba
bzhin rang cag kyang 'bu de 'drar mi skye ba'i nges pa med/
sngon bon po'i mi khyim zhig gi pha shi ba/

de'i lung pa'i phu zhig tu lci ba'i 'og gi 'bu la skyes par rje
mid las lung bstan te drangs tshul/ rang re rnams kyis de 'drar
ga la skye snyam pa yong mod kyang/ der skye ba chu tshod tsam
yin pas sku skye rjes ma 'bur skyes nas sa 'og tu dbugs

ma chad tsam 'gul shig shig byas te sdod dam/ yang na 'bu la
skyes nas bya sogs kyis zos nas khog stod zos zin kyang shi ma
thub par khog smad kyis 'gul nas bsdad yod med kyi nges pa med/
gzhan ma byung na'ang de 'dra'i gnas ngan

du mi skye ba'i thabs shig la 'bad dgos/ der ma zad dud 'gro
phal cher dbyibs dang mdog kyang mi sdug la/ bkres shing skom
pas nyin gang zas 'tshol sar 'gro yang zas mi rnyed pa'i sdug
bsngal sogs yod/ da lta gzhan gyis

rang la khyi rgan zer ba tsam yang mi bzod pa byed na/ khyi lta
bur dngos su gyur na ji ltar byed/ zas skom dang nyal sa sogs la
ltos dang/ lto 'tshol sa ni khang pa'i nang du mi'i rtsar yongs
pa ma gtogs gzhan med/ khyi khang pa'i nang

@200b du 'ongs pa na/ tshang mas khyi sleb byung zer nas/ rgyu
mtshan med par bdud sleb pa tsam byed/ 'di yang kho rang gi las
ngan pa'i 'bras bu zhig min na gang yin/ dgon pa 'ga' zhig tu
tshogs dung btang ba na ngu ba'i khyi yang de'i grwa pa

'ga' khyir skyes pa'i rtags yin/ dud 'gro 'ga' zhig rkang lag
sogs gang yang med pa'i sha sgor mo'i dbyibs can du yod/ sngon
dwags por bla ma zhig la rgyun du sbyin bdag mi tshang gcig gis
mar dang/ mi tshang gcig gis sha phul/ bla

mas dkor sbyang ma byas par shi ste/ mar phul ba'i khyim der 'o
ma shin tu mang ba'i 'bri zhig tu skyes/ rjes su g.yang du
lhungs pa chus khyer nas sha phul ba'i mi tshang des rnyed/ sha
rnams zos zin pa na/ rtsib ma'i rus pa'i ldebs su mi tshang

che ge mo'i sha dang/ mi tshang che ge mo'i mar gyi skyin pa
'phrod song zer ba'i yi ge byung/ des na/ bla ma/ las sne/ dka'
bcu dge bshes sogs la dgon pa nas dmigs bsal btang yang/ las
'bras kyis dmigs bsal btang rabs

med; da res ma gzab na sgo 'gram gyi khyi dang bong bu dang nang
gi mi gtso bdag gnyis go sa brje ba la dka' tshegs med/ sngar mi
tshang gcig gis khang pa'i rgyab tu mu stegs pa'i lha rten yod pa
la dmar mchod byas pas stabs nyes te lam

'gro chen po byung/ khyim gyi pha des 'chi khar yang dmar mchod
gyis shig ces kha chems bzhag pas/ rjes su pha kho rang glang du
skyes te rang gi bus dmar mchod thengs drug byas tshul/ yang mi
tshang zhig gi pha khang rgyab kyi mtsho nang du nya la

@201a @#/ /skyes tshul/ rang re la'ang de ltar mi 'byung ba'i nges
pa med/ bkol spyod kyi sdug bsngal ni/ dper na bong lta bu la
mtshon na/ sgal pa thams cad rmar song yang da dung khal 'gel/
'chi bar nye ba

na gar bab bab tu bskyur nas/ dbugs ma chad gong nas bya rog gis
mig 'don pa sogs byas te 'chi tshul/ rang re de 'drar skyes na
sdug bsngal bzod thabs med pa'i nyams bton te bsam dgos gsungs/
gnyis pa so so'i

sdug bsngal bsam pa la/ byings na gnas pa dang kha 'thor ba'i
dud 'gro'i sdug bsngal bsam pa gnyis las/ dud 'gro byings na
gnas pa phal cher rgya mtsho chen po'i gting dang/ gling bar gyi
mun nag rnams su chang 'gag gi sbang ma

spungs pa bzhin gcig steng du gcig mnan nas yod pa/ 'og ma rnams
steng mas mnan te dbugs kyang mi thar ba sogs dang/ dud 'gro kha
'thor ba ni mi yul na yod pa'i dud 'gro rnams yin pas de dag
la'ang sdug bsngal myong tshul mi 'dra

ba mtha' yas pa yod/ de lta bu'i skye ba len pa'i rgyu cha tshang
stobs ldan mang po rang re la yod cing/ de'i nang nas kyang thu
shos ni/ chos dang chos smra ba la ma gus pa dang/ tshangs par
spyod pa nang phan tshun la dud 'gro'i ming gis btags pa sogs

te; shed bu ser skya'i byung ba ltar yin/ gzhan yang/ rgya gar
na/ gcig gis sbyin bdag gi dbyar gnas pa'i dge 'dun gyi gtong
sgo nyag phrar btang bas/ 'dam rdzab dring ba zhig na 'bu dge
slong gi mgo can zhig tu skyes te sdug bsngal

@201b myong ba dang/ yang sngon ma gcig gis dge slong zhig la
spre'u dang 'dra zhes smras pas/ spre'u'i skye ba lnga brgyar
blangs pa sogs mdo las gsungs tshul/ mi dge ba chen pos ni dmyal
ba dang/ 'bring gis yi dwags/ chung dus dud 'gror 'phen

la; che lugs kyang bsam pa dang/ zhing dang dngos po sogs kyis
che ba yin gyi/ mi bsad pa lta bu mngon mtshan che ba zhig la mi
zer/ da lta zhing khyad par can lta bur rtsed mo byed zhor dang/
mchu 'gul tsam zhig byas pa'i las kyis

kyang phyi ma ngan song du thibs kyis 'gro ba yod/ ngan 'gror mi
skye ba'i gdeng yong ba la/ mdzod las/ bzod thob ngan 'gror
yongs mi ltung/ /gsungs pa ltar sbyor lam bzod pa thob dgos pas/
rang re la de 'dra med pa'i thog /ngan

'gror skye ba'i rgyu sngar bsags rnams ma shi gong du bshags mi
thub pa ni da lta'i byed lugs 'dis shes pa/ ngan song du gcig
skyes na de las thar ba'i thabs dang skyabs mi rnyed de/ spyod
'jug las/ su zhig 'jigs chen 'di las

bdag /legs par skyob par byed 'gyur zhes/ /bred sha 'thon pa'i
mig bgrad nas/ /phyogs bzhir skyabs dag 'tshol bar byed/ /phyogs
bzhir skyabs med mthong nas ni/ /de nas kun tu yi mug 'gyur/
/gnas der skyabs yod ma yin

na; ;de tshe bdag gis ji ltar bya/ /zhes gsungs/ 'di ngan song
gsum nas drag shos dud 'gro la bltas kyang shes te/ ma Ni tshig
gcig tsam 'don pa'i thabs med/ nyon mongs dug gsum shugs drag po
rang chas su yod pas

@202a @#/ /las ngan mang po gsar du gsog ste ngan song nas ngan
song du 'gro/ gzhan yang de nyid las/ gang tshe dge spyad skal
ldan yang/ /dge ba bdag gis ma byas na/ /ngan song sdug bsngal
kun rmongs pa/ /

de tshe bdag gis ci byar yod/ /dge ba dag kyang ma byas la/ /sdig
pa dag kyang nyer bsags na/ /bskal pa bye ba brgyar yang ni/
/bde 'gro'i sgra yang thos mi 'gyur/ /zhes pa ltar da res kyi
rten 'dir ma mtha'ang phyi mar ngan song las thar

ba'i skyabs dang thabs 'tshol ba zhig lam 'bad na/ ngan song du
lhung zin song na phyis tshar ba red/ ngan song gsum zer ba'i
sgra bo che de dang rang gnyis kyi bar na dbugs chad ma chad kyi
bar khyad tsam las med/ de yang thung na da lo'i

lo mjug dang/ ring na sang phod da tshod tsam mam/ lo kha shas
song mtshams nas/ gcig tu na dmyal bar skyes te lus dang me dbyer
med du byas nas bsdad yod dam/ gcig tu na yi dwags su skyes nas
zas chu thigs gcig tsam

yang ma rnyed par bsdad yod dam/ yang na dud 'gror skyes nas mgo
la rwa co zing nge ba dang lus la spu zhol le ba zhig tu/ rmi
lam rmis pa las sad pa bzhin du mi skye ba'i nges pa med/ de dag
dran pa na yang thag ring po zhig tu de 'dra yod

pa'i gtam nyan pa dang/ ltad mo blta ba lta bu mi byed par/ dang
por skyes zin pa'i nyams dang/ de'i rjes su skye nges kyi nyams
'don pa gnad de/ dper na rgyal po'i khrims rar nag can mang por
chad pa gcod skabs rang ltad mo blta

@202b bzhin par yod pa la/ de ma thag ltad mo ba'i khrod nas
rang nyid bzung ste/ snga ma de ltar khrims gcod drag po myong
ba bzhin/ da lta ngan song zhes bya ba ga shed cig na sems can
mang po zhig sdug bsngal 'di 'dra myong gin yod pa red snyam pa

tsam dang/ bshan pas lug gsod sar ltad mo blta bzhin pa lta bu'i
mur glo bur du ngan song der slebs pa'am/ lug lta bur gyur nas
bshan pa'i lag 'og tu mnan nas ral gris brang gsheg pa sogs
mngon sum du myong bar gyur na

'jigs skrag dang sdug bsngal ji ltar 'byung ba de lta bu'i nyams
'don/ sangs rgyas bcom ldan 'das kyis ma 'ongs pa na/ nga'i nyan
thos rnams bye ma'i sgro ba kha thur du bltas pa bzhin ngan song
du 'gro zhes rang cag la lung bstan gnang

ba yin pas/ nag can g.yang du bskyur bar nges pa zhig g.yang
khar ngal bso ba bzhin du yod/ rang res de ltar mi shes par dgra
bcom pa bya ba byas pa zhig las kyang blo bde mdog kha ba 'di
ngan song du 'gro ba'i snga ltas yin/ des

na; bye sgro'i tshem srub la lus pa'i bye ma nyung zad dang 'dra
ba zhig e yong blta dgos/ ngan song de dag tu 'ang skyes zin
pa'i nyams bton te bsgoms na 'dis nges 'byung 'dren 'ong bas/
rang res re zhig yi dam bsgom pa bas

ngan song gi sdug bsngal bsgom na legs tshod yod/ ngan song gi
sdug bsngal dran pa'i tshad la kun dga' bo'i sring mo'i bu gnyis
maunggal gyi bu la gtad pas klog pa ma byas pa'i skabs maunggal
gyi bus dmyal ba bstan pa na

@203a @#/ /de gnyis kyis dmyal ba dran pas yid 'byung rang shugs
kyis skyes pa ltar dgos gsungs/ de nas 'bring du spros te bshad
pa dang/ skyong tshul mdor bsdus te bstan pa bcas stsal// !
//nyin

bcu gnyis par/ chos kyi rgyal po tsong kha pa chen po'i gsung/
dal 'byor rnyed dka' tshe la long med pa/ /yid la goms pas tshe
'di'i snang shas ldog /ces sogs 'dren par mdzad nas kun slong
'chos pa mdor bsdus shig stsal

te; sngon du sa bcad rnams gsungs rjes/ 'jig rten phyi mar ji
ltar 'gyur ba 'gro ba gnyis kyi bde sdug bsam pa'i ngan 'gro'i
sdug bsngal gyi skor la bskyar bshad mdzad cing/ de lta bu'i sgo
nas dal rten la snying po len 'dod

dang; ngan song gi sdug bsngal bsams nas 'jigs skrag chen po
byung nas de las skyob pa'i skyabs dang/ phyi mar bde ba'i thabs
'tshol 'dod byung na/ phyi mar ngan song las skyob pa'i skyabs
ni/ bla ma dkon mchog gsum la

skyabs su 'gro ba yin zhing/ thabs ni bde legs thams cad kyi
rtsa ba las 'bras la yid ches kyi dad pa bskyed de spang blang
tshul bzhin byed pa nyid yin/ des na/ gnyis pa 'jig rten phyi mar
bde ba'i thabs bstan pa la gnyis/

bstan pa la 'jug pa'i sgo dam pa skyabs 'gro bya ba dang/ bde
legs thams cad kyi rtsa ba las 'bras la yid ches kyi dad pa
bskyed pa'o/ /de la dang po skyabs su 'gro ba la lnga/ rgyu gang
la brten nas skyabs su 'gro ba/ yul gang la

@203b skyabs su 'gro ba/ ji tsam gyis skyabs su song ba'i tshad/
skyabs su song ba'i phan yon/ skyabs su song ba'i bslab bya'o/
/dang po ni/ skyabs 'gro rnam dag 'ong mi 'ong rang rgyud la
skyabs 'gro'i rgyu rnam dag yod med la rag

las shing/ skyabs 'gro'i rgyu ni/ dri ba lhag bsam rab dkar gyi
dris lan blo bzang bzhad pa'i sgra dbyangs las/ skyabs 'gro'i
ngo bo i thi ba/ /rang nyid lhag par 'jigs pa dang/ /dkon mchog
skyob pa'i nus ldan du/ /

shes las byung ba'i skyabs 'gro la/ /thams cad mkhyen pa khyod
nyid bzhed/ /ces gsungs pa ltar rang 'khor ba dang ngan song gi
sdug bsngal la yid 'jigs pa dang/ rang gis blo 'gel nus na/
'jigs pa de las

skyob pa'i nus pa dkon mchog la yod par yid ches pa gnyis yin
pas rgyu de gnyis ka tshang dgos/ de min skyabs 'gro rnam dag mi
'ong ste/ sdug bsngal la 'jigs shing skrag pa med na skyabs
'tshol 'dod kyi blo mi skye/

skyabs yul la yid ches med na skyabs su bsten rgyu mi dran
pa'am/ dran kyang tshig tsam las snying nas blo 'gel ba mi 'ong/
de yang rang nyid ngan song la 'jigs pa dang/ 'khor ba la 'jigs
pa dang/ gzhan 'khor bar mnar ba

la mi bzod pa'i snying brtse ba gsum rim bzhin skyes bu chung
'bring chen po so so'i skyabs 'gro'i rgyu yin/ des na gong du
ngan song gi sdug bsngal la 'jigs pa bskyed pa de skabs 'di'i
skyabs 'gro'i rgyu gcig red/ gnyis

@204a @#/ /pa yul gang la skyabs su 'gro ba la gnyis/ skyabs yul
ngos gzung ba dngos dang/ de skyabs su 'os pa'i rgyu mtshan no/
/dang po ni/ bstod pa brgya lnga bcu pa las/ gang zhig la ni
nyes pa kun/ /gtan

nas yong ye mi mnga' zhing/ /gang la rnam pa thams cad du/ /yon
tan thams cad gnas gyur pa/ /gal te sems shig yod na ni/ /de
nyid la ni skyabs 'gro zhing/ /de bstod de ni bkur ba dang/ /de
yi bstan la gnas pa'i rigs//

zhes gsungs pa ltar/ rang nyid la skyabs dang skyabs ma yin pa
'byed pa'i sems shig yod na ni/ nang pa sangs rgyas pa'i ston pa
dang/ de'i bstan pa dang/ bstan pa de la gnas pa rnams la skyabs
su 'gro ba dgos/ 'jig

rten phal pa dag gis/ 'jig rten pa'i rgyal po dang/ lha klu
btsan la sogs par skyabs bcol zhing/ phyi rol pas ni tshangs pa
dang brgya byin sogs la skyabs bcol bar byed kyang/ de dag kho
rang yang 'khor ba pa yin pas skyabs su

mi 'os/ 'o na skyabs su 'os pa de su yin zhe na/ skyabs 'gro
bdun cu pa las/ sangs rgyas chos dang dge 'dun ni/ /thar pa 'dod
pa rnams kyi skyabs/ /zhes gsungs pa ltar/ sangs rgyas/ chos/
dge 'dun te dkon mchog

gsum kho na yin la/ de gsum yang legs par ngos ma zin na skyabs
'gro rnam dag mi 'byung zhing/ rang cag gis ma brtags ma dpyad
pa na/ theg chen rig pa 'dzin pa lta bu yin mdog mdog byed
kyang/ na tsha sogs gra ma 'grigs

@204b pa byung ba'am/ bya ba gal can la thug pa'i tshe 'jig rten
pa'i chos skyong dang rgyal btsan yul lha sogs la skyabs bcol
nas bsang shing gru mo gang khyer te lha rten sku mkhar gang yod
kyi rtsar rgyug 'gro ba 'di/ nang na dkon mchog la blo

ma khel bar/ de las rgyal btsan sogs lhag par 'dzin pa'i nang
rtags phyir mngon pa ste/ don du dgon pa'i sgrigs su yod kyang/
theg chen rig 'dzin lta zhog /nang pa sangs rgyas pa'i sgrigs la
med pa yin/ gzhan yang klu

dang rgyal btsan sogs la mkhyen brtse nus gsum gyi yon tan med
cing/ kho rang nam 'chi tsam yang mi shes/ phal cher dud 'gro
dang yi dwags kyi rigs su gtogs pa yin pas rang re las rten
dma'/ rang re ji ltar thabs zhan kyang mi

yin pas/ des de la skyabs bcol ba las thabs sdug pa ci zhig yod
de/ 'khor ba dang ngan song gi sdug bsngal las skyob pa lta ci/
gnas skabs kyi don chung ngu la'ang phan pa las gnod tshabs che/
dper na sngar mi lba ba yod pa zhig

sha ru brag btsan gnas pa'i sar song ba brag btsan des mi min
gzhan la sha khral 'khyer bar bab pas mi de'i lba ba khyer te
med par byas/ yang mi lba ba can gzhan zhig gis de tshor nas ched
du song ste skyabs bcol yang lba ba snga ma ma

zhi ba'i steng du lba ba lhag por byas tshul/ de bzhin du 'jig
rten pa'i lha 'dres skabs re phan 'dogs la/ skabs re gnod pa
byed pas nam yang mi bslu ba min/ phyi rol pas tshangs pa/ brgya
byin/ dbang phyug /drag po/ gdong drug sogs

@205a @#/ /la skyabs yul byed pa de sngar gyi de tsho las cung
drag mod/ de dag kyang rang nyid 'khor ba dang ngan song las ma
grol bas gzhan skyob par mi nus shing/ nang pa sangs rgyas pa'i
ston pa ni de dag dang mi 'dra

bar; bsngags 'os bsngags bstod las/ nga ni mgon med khyed rnams
kyi/ /grogs su gyur pa zhes sgrogs shing/ /thugs rje chen pos
'gro ba ni/ /mtha' dag 'khyud pa bzhin du bzhugs/ /ston pa thugs
rje che mnga' ba/ /brtse

bar ldan zhing thugs brtser mdzad/ /der brtson le lo mi mnga'
ba/ /khyod dang 'dra ba gzhan su mchis/ /khyod ni sems can kun
gyi mgon/ /spyi yi rtsa lag bzang po lags/ /zhes gsungs pa dang/
'og nas yon tan so so'i

skabs su 'chad 'gyur ltar mkhyen brtse nus pa phun sum tshogs pa
dang ldan pa yin/ rgyal btsan sogs la de 'dra'i yon tan gyi kha
phyogs tsam yang med par ma zad/ lha klu sogs 'jig rten pa'i
skyabs gnas gang yod kyi yon

tan thams cad bsdoms kyang nang pa'i nyan thos rgyun zhugs pa
gcig gi yon tan la'ang do zla med/ des na/ sangs rgyas ni don
gnyis mthar phyin pa'i skyabs gnas mthar thug /skyon kun zad yon
tan kun ldan gyi ston pa ste/ go sla

la; chos sku gnyis don dam pa'i sangs rgyas dkon mchog dang/
gzugs sku gnyis kun rdzob pa'i sangs rgyas dkon mchog tu 'jog
/chos dkon mchog la/ don dam pa'i chos dkon mchog ni/ 'gog lam
gang rung gis bsdus

@205b pa'i 'phags pa'i thugs rgyud kyi rnam byang bden pa ste/
'gog bden zhes pa rang 'dren byed kyi bar chad med lam gyi ngo
skal gyi sgrib pa las grol ba'i cha la byed/ lam bden zhes pa
'gog pa de thob byed kyi thabs su gyur pa'i 'phags

rgyud kyi mngon rtogs la 'jog /gzhung chen por ma sbyangs pa'i
blo dman rnams la rags pa tsam dper mtshon na skyes bu gsum gyi
lam gyi rim pa 'di nyid la ngos gzung chog /gsung rab yan lag
bcu gnyis lta bu ni brdar btags

pa'i chos dkon mchog yin/ dge 'dun dkon mchog ni/ rig grol gyi
yon tan brgyad po gang rung dang ldan pa'i 'phags pa'i gang zag
de don dam pa'i dge 'dun dkon mchog dang/ so skye dge slong gi
sdom ldan bzhi sde tshang na brdar

btags pa'i dge 'dun dkon mchog yin/ 'di la phan gnod byas na dge
'dun la brten pa'i dge mi dge'i 'bras bu 'byung/ de yang 'jigs
pa sna re tsam las skyob pa la skyabs de gsum ga mi dgos par/ re
res kyang skyob nus te/

sngar mdo khams na mi zhig stag gis khyer skabs spyan ras gzigs
la gsol ba btab pas de ma thag sa la bzhag ste song bas stag gi
'jigs pa las thar ba dang/ gang po rab tu byung nas dgra bcom
thob rjes de'i spun dang

tshong pa 'ga' zhig rgya mtshor song ste tsandan nas mchog blangs
skabs de'i srung mas gru bshig par brtsams pa na/ gang po'i spun
gyis dgra bcom pa gang po la gsol ba btab pas chu'i 'jigs pa las
thar ba dang/ rgyal po gsal

@206a @#/ /rgyal la klu'i rgyal pos mtshon cha'i char phabs pa
maunggal gyi bus me tog gi char du bsgyur ba ltar yin/ 'on kyang
'khor ba dang ngan song mtha' dag las skyob pa la dkon mchog
gsum ga tshang

dgos te/ dper na nad pa nad chen pos zin pa de nad las thar ba
la sman dang sman pa nad g.yog gsum ga dgos pa bzhin/ rang re
'khor ba dang ngan song gi sdug bsngal dang/ srid zhi'i 'jigs pa
chen po'i nad las

thar ba la ni/ grol byed kyi lam ston mkhan sman pa lta bu'i
sangs rgyas dang/ grol byed skyes bu gsum gyi lam sman lta bu'i
chos dang/ chos sgrub pa'i zla grogs nad g.yog lta bu'i dge
'dun rnams nges par tshang dgos shing/

des na gang la skyabs su 'gro ba'i yul ni de gsum yin/ gnyis pa
skyabs su 'os pa'i rgyu mtshan ni/ 'di gtso bo sangs rgyas dkon
mchog gi yon tan yin/ 'di la rgyu mtshan bzhi las/ dang po ni/
rang 'jigs pa thams

cad las grol ba ste/ de min na chus khyer ba nang phan tshun
dang/ 'dam du byings pa nang phan tshun de las 'don mi nus pa
bzhin du 'dren mkhan skyabs yul rang nyid 'jigs pa thams cad las
ma grol na/ gzhan 'jigs pa

thams cad las sgrol mi nus/ ston pa sangs rgyas ni 'jigs pa
thams cad las grol ba yin te/ sngon lhas byin gyis sangs rgyas
bkrong bar bsams te sgyogs rdo 'phangs kyang gnod ma thub pa
dang/ rgyal po'i khab tu ma skyes

@206b dgras glang po che nor skyong gtum po smyon pa rbad pa na/
dgra bcom gzhan thams cad 'jigs nas nam mkha' la 'phur yang/
sangs rgyas nyid ni 'jigs pa med par nor skyong btul bar mdzad
pa dang/ khyim bdag dpal

sbas kyis me dong du bskyur ba'i thabs bshams kyang/ des ma
tshugs shing/ zhal zas la dug btab kyang glags ma rnyed pa'i rabs
rgyas par gsungs nas/ de'i tshe dpal sbas dang/ de'i chung mar
bcas pas ston par gang zag

tha mal pa me dong dug gis 'jigs chog chog cig las gzhan pa'i
'du shes ma byung ba rnams kyang bshes gnyen bsten tshul skabs
rang gi snang ba la nges pa med pa la'ang sbyar chog ces gsungs/
de dag kyang sgrib gnyis bag chags

dang bcas pa spangs pa'i stobs kyis rang 'jigs pa thams cad las
grol ba'i rtags yin/ rgyu mtshan gnyis pa ni/ gzhan 'jigs pa
thams cad las sgrol ba'i thabs la mkhas pa ste/ rang 'jigs pa
thams cad las grol

kyang gzhan skyob stangs shes pa'i thabs la mi mkhas na/ ma lag
rdum ma'i bu chus khyer ba ltar gzhan skyob mi nus mod/ sangs
rgyas bcom ldan 'das ni gdul bya 'dul ba'i thabs la mkhas pas/
zhe sdang can sor phreng

can lta bu'i sdig po che dang/ nga rgyal can dri za'i rgyal po
rab dga' dang lteng rgyas 'od srungs lta bu dang/ gnod sbyin
'phrog ma dang/ gnod sbyin 'brog gnas lta bu'i stobs chen gyi mi
ma yin dang/ gti mug can la ma chung ba lta bu'i

@207a @#/ /dbang po rtul po dang/ khyim bdag dpal skyes lta bu'i
rgas 'khog dge rtsa chung ba dang/ gcung dga' bo lta bu'i 'dod
chags shin tu che ba yang sgrol bar mdzad pas sangs rgyas ni de
ltar gdul

bya 'dul ba'i thabs la mkhas pa yin/ rgyu mtshan gsum pa ni/ kun
la thugs rje chen po nye ring med par 'jug pa ste/ de med na
gnyen gyi don mdzad la/ dgra'i don mi mdzad kyang/ sangs rgyas
la ni 'gro ba kun la nye ring mi

mnga' bas sku la bdo ba'i dgra lhas byin dang/ rang gi rigs kyi
sras sgra gcan 'dzin gnyis la thugs nye ring dang phan btags ma
btags kyi khyad par med de/ lhas byin gyis sangs rgyas la 'gran
sems kyis sman mar zos pas

ma zhu ba'i nad kyis mnar ba na/ ston pas lhas byin dang sgra
gcan 'dzin gnyis la byams pa'i thugs mnyam pa'i bden tshig gsungs
pas nad las grol ba yin/ sangs rgyas shAka thub 'di da res 'jig
rten du byon pa yin pas

de la dpe sbyar na sangs rgyas gzhan gyi yon tan yang des 'gre
gsungs/ rgyu mtshan bzhi pa ni/ phan btags ma btags thams cad kyi
don mdzad pa ste/ de med na/ dper na rang re da lta stobs 'byor
cung zad che ru song ba'i tshe

nyam thag dag la phan 'dogs pa lta ci/ de dag la gtam tsam yang
bshad nyan mi 'os pa'i tshod du byed pa ltar rang la tshur phan
btags pa'i don mdzad la/ ma btags pa'i don mi mdzad pas nyam
thag rnams la skyabs mi

@207b mdzad kyang/ sangs rgyas ni de ltar min par phan btags ma
btags thams cad kyi don mdzad de/ sngon dge slong nad kyis nyam
thag pa zhig gi lus bshang gcis gos pa'ang 'khru ba sogs kyi nad
g.yog mdzad pa dang/ yang

bram ze'i khye'u mi sdug pa'i rtags mtshan bco brgyad dang ldan
pa sprang po'i khyur yang mi tshud pa de lta bu yang rjes su
bzungs shing/ rgyal po gsal rgyal gyi bu mo rdo rje ma zhes pa
phag pa'i gdong 'dra ba'i mtshan ngan pa dang ldan pa de lta

bu'i mi sdug pa dang/ khyim bdag rtogs ldan gyi bu legs 'ong
zhes pa shin tu bsod nams dman pas/ skyes nas khyim mi nor thams
cad rim par stongs la/ sprang por gyur pa'i skabs de dang lhan
du yod pa'i sprang po'i tshogs

kyis kyang zas mi rnyed cing/ ming yang nyes 'ong du thogs pa/
gang du phyin kyang 'khor sa med par sprang po'i khyur yang ma
tshud cing/ nye skor na'ang 'ong du mi bcug pa sogs bkra mi shis
pa sha stag byung ba de yang sangs rgyas kyis

bskyangs shing rjes su bzung ste skyabs mdzad tshul rgyas par
gsungs/ de'i phyir sangs rgyas ni kun la thugs rje chen po nye
ring med par ma zad/ phan btags ma btags thams cad kyi don mdzad
cing/ 'gro ba nyam thag pa la lhag par

brtse ba yin/ de yang brtse ba snying rje chen po med na skyabs
bcol yang skyabs mi mdzad pa srid mod/ sangs rgyas la de yod pas
skyabs ma bcol yang skyabs nges par mdzad pa yin gsungs/ de ltar
skyabs 'gro'i rgyu dang yul la bshad

@208a @#/ /pa mdor bsuds tsam song zin nas/ sa bcad gsum pa ji
tsam gyis skyabs su song ba'i tshad la bzhi las/ dang po yon tan
shes pa'i sgo nas skyabs su 'gro ba ni/ dkon mchog gsum so so'i
yon

tan shes nas skyabs su 'gro dgos pas/ de la gsum/ sangs rgyas
kyi yon tan/ chos kyi yon tan/ dge 'dun gyi yon tan no/ /dang po
sangs rgyas kyi yon tan la sku gsung thugs 'phrin las kyi yon
tan bzhi las/ dang po sku'i

yon tan ni/ mngon rtogs rgyan las/ phyag zhabs 'khor lo'i mtshan
dang rus sbal zhabs/ /sogs ltar mtshan so gnyis dang/ thub pa'i
sen mo zangs mdog dang/ /sogs ltar dpe byad brgyad cus brgyan pa
ste/ mtshan zhes

pa rang rgyud ldan gyi gang zag skyes bu chen por mtshon pa dang/
dpe byad ni/ nang na yon tan de ltar yod pa'i dpe'am rtags la
bya/ de'ang mtshan dpe'i ngo bo'i yon tan dang/ rgyu'i yon tan
sogs bsams na stobs che bas/ rin chen

phreng ba las gsungs pa ltar rang rgyal dang/ nyan thos slob mi
slob dang/ 'khor los bsgyur ba sogs 'jig rten gyi bsod nams
thams cad bsdoms pa gcig gis sangs rgyas kyi sku'i ba spu'i bu
ga gcig 'grub pa dang/ ba spu'i bu

ga thams cad 'grub pa'i bsod nams brgyar bsgyur bas dpe byad
gcig 'grub/ dpe byad brgyad cu po thams cad 'grub pa'i bsod nams
brgyar bsgyur bas mtshan bzang gcig 'grub/ mtshan sum cu 'grub
pa'i bsod nams stong

@208b du bsgyur bas mdzod spu 'grub/ de 'grub pa'i bsod nams
stong phrag brgyar bsgyur bas gtsug tor 'grub/ de 'grub pa'i
bsod nams bye ba 'bum phrag brgyar bsgyur bas sangs rgyas kyi
gsung tshangs dbyangs 'grub pa yin/ gzhan

yang de bzhin gshegs pa'i mtshan dang dpe byad sogs sku'i cha
shas re res kyang gsung gi bya ba mdzad nas chos ston pa dang/
de bzhin du gtsug tor dang ba spu sogs kyis kyang thugs kyi bya
ba mdzad nas shes bya ji lta ji snyed thams cad

gzigs pas/ lam rim 'di'i brgyud pa'i bla ma gong ma'i phyag srol
ltar/ phun tshogs dge legs bye bas bskrun pa'i sku/ /zhes sogs
kyi tshig rkang gsum ga sku gsung thugs re re la sbyar du yod/
de'i phyir shes bya thams cad

la skus khyab/ skus gar khyab la gsung dang thugs kyis khyab pas
na/ zhing khams thams cad sku la snang zhing/ skus zhing khams
thams cad la khyab pa zhes sku'i gsang ba bsam gyis mi khyab pa
yin te/ mdo las/ ye shes

ji snyed khyab gyur pa/ /sku yis kyang ni de snyed khyab/ /ces
gsungs/ sangs rgyas kyi dbu'i gtsug tor yang rgyun du yongs
grags mjal ba'i tshe sor bzhi tsam du yod kyang/ tshad gzhal ba
na/ byang sems shugs 'chang zhes pas steng

phyogs kyi 'jig rten khams dpag tu med par rdzu 'phrul gyis song
ste bltas kyang da dung de bzhin gshegs pa'i dbu'i gtsug tor gyi
rtse mo bltar mi mngon pas ngal nas tshad ma rtogs par gsang ba
bsam gyis mi khyab pa'i mdo las

@209a @#/ /gsungs pa dang/ na bza' sku la sor bzhi tsam gyis mi
reg kyang phyi nas mjal ba'i tshe sku'i dbyibs dod pa dang/ zhabs
sa la mi reg kyang 'khor lo'i ri mo sogs kyi rjes sa la bkra ba
dang/ srin

bu sogs zhabs 'og tu tshud na zhag bdun gyi bar du bde ba chen po
dang ldan pa dang/ de nas dud 'gro'i gnas ngan las 'phos te lha
yul du skye bar 'gyur ba sogs yod/ des na dpe la bstod pa las
kyang/ khyod sku mtshan

gyis spras gyur pa/ /mdzes gyur mig gi bdud rtsi ni/ /sprin med
ston gyi nam mkha' la/ /skar ma'i tshogs kyis spras pa 'dra/
/thub pa gser gyi mdog ldan pa/ /chos gos kyis g.yogs mdzes
gyur pa/ /gser gyi ri bo'i rtse mo ni/ /

mtshams kyi sprin gyis dkris pa 'dra/ /mgon khyod rgyan gyis ma
brgyan yang/ /zhal gyi dkyil 'khor mdangs gang yin/ /zla ba'i
dkyil 'khor rgyas gyur pa/ /sprin dang bral la'ang de ma mchis/
/khyod kyi zhal gyi padma dang/ /padma nyi

mas kha bye ba/ /bung bas mthong na padma ni/ /the tshom dpyang
thag la 'jug 'gyur/ /khyod zhal gser gyi mdog ldan par/ /tshems
dkar mdzes par gyur pa ni/ /gser gyi ri gseb ston ka yi/ /zla
zer dri med zhugs pa 'dra/ /mchod

'os khyod kyi phyag g.yas ni/ /'khor lo'i mtshan gyis mdzes gyur
pa/ /'khor bas skrag pa'i mi rnams la/ /phyag gis dbugs 'byin
mdzad pa lags/ /thub khyod gshegs par gyur pa'i tshe/ /zhabs
gnyis dpal gyi padma 'dras/ /

@209b sa gzhi 'di ni bris gyur pa/ /padma can gyis ji ltar
mdzes/ /zhes gsungs pa'i yon tan rnams kyang yid la dran par
byed cing/ 'di dag gi skabs su rgyas par na/ mngon rtogs rgyan
sogs las bshad pa bzhin tshur sbyar dgos

gsungs/ gnyis pa gsung gi yon tan ni/ yan lag drug cu dang ldan
pa ste/ gtso bo ni rgyud las/ gsung gcig nyid du gsung gyur
kyang/ /du ma nyid du so sor snang/ /zhes dang/ bden pa po'i
le'u las gsungs pa ltar 'jam

mgon tsong kha pa chen pos kyang/ 'jig rten kun gyi sems can
thams cad kyis/ /dus gcig nyid du the tshom don zhus kyang/ /de
dag re re'i mdun du 'ang de snyed kyi/ /sku dang gsung gi bkod
pa dus gcig tu/ /mdzad pa mdzad kyang rtog

pa nyer zhi ba/ /zhes 'gro ba sna tshogs pas dri ba mi 'dra ba
mang po dus gcig tu zhus kyang/ de bzhin gshegs pa'i gsung gcig
gis 'gro ba so so'i skad du/ so so'i dbang po dang 'tshams par
dri ba thams cad kyi lan dus gcig tu

mdzad par gsungs pa/ yum rgyas 'bring bsdus gsum yang dus gcig
tu gsungs pa gdul bya'i dbang gis rgyas 'bring bsdus gsum du
byung ba lta bu yin/ de yang thag nye ring med par kun tu go ba
zhig yin te/ gsang ba

bsam gyis mi khyab pa'i mdor/ maunggal gyi bus sangs rgyas kyi
gsung gi tshad rtog pa'i phyir rdzu 'phrul gyis bgrod de zhing
khams mang po brgal yang da dung drung na gnas pa ji lta ba
bzhin du thos te gsung gi tshad ma rtogs par

@210a @#/ /gsungs pa dang/ gsung gi yon tan gzhan yang bstod pa
brgya lnga bcu pa las/ khyod zhal blta na rab sdug pa/ /de las
mnyan na snyan pa yi/ /gsung 'di dag ni zla ba las/ /bdud rtsi

'dzag pa bzhin du 'byung/ /khyod kyi gsung ni 'dod chags kyi/
/rdul rab zhi mdzad char sprin 'dra/ /zhe sdang sbrul ni dbyung
ba la/ /nam mkha' lding dang 'dra ba lags/ /yang dang yang du mi
shes pa'i/ /rab rib 'joms pas

gdugs dang 'dra/ /nga rgyal ri bo mngon 'joms pas/ /rdo rje dang
yang 'dra ba lags/ /don gzigs pas ni mi bslu ba/ /nongs mi mnga'
phyir rjes su mthun/ /legs par sbyar bas go sla ste/ /khyod kyi
gsung ni legs

gsung ldan/ /re shig dang por khyod kyi gsung/ /nyan pa rnams
kyi yid 'phrog mdzad/ /de nas yid la bsam bgyis na/ /'dod chags
gti mug rnams kyang sel/ /phongs pa rnams kyi dbugs 'byin zhing/
/bag med rnams

kyi skyabs kyang mdzad/ /bde ba can dag skyo bgyid pas/ /khyod
gsung kun dang 'tsham par 'jug /mkhas pa rnams kyi dga' ba skyed/
/bar ma rnams kyi blo yang spel/ /tha ma'i rab rib rnam 'joms
pas/ /gsung 'di skye bo

kun la sman/ /zhes gsungs pa ltar dang/ de tsam du ma zad/ gsung
gis kyang sku thugs kyi bya ba mdzad pa sogs gsung gi gsang ba
la mtha' med pa yin gsungs/ gsum pa thugs kyi yon tan ni/ rgyas
par na gzhung

@210b chen mo las bshad pa ltar stobs bcu dang/ ma 'dres pa bco
brgyad sogs zag med ye shes kyi sde tshan nyer gcig gi yon tan
rnams shes par byed cing/ gzhung chen por thos bsam mdzad pa dag
gis kyang/ de dag nas rgya

cher bstan pa rnams 'dir phan thogs par byas nas bsam dgos/ mdor
bsdu na/ mkhyen brtse'i yon tan gnyis las/ mkhyen pas ni/ ji lta
ba la mnyam par bzhag bzhin du shes bya ji snyed pa thams cad
lag

mthil du skyu ru ra bzhag pa bzhin mkhyen cing gzigs pa yin te/
bsngags 'os bsngags bstod las/ bcom ldan dus kun gtogs pa'i
chos/ /rnam kun 'byung gnas thams cad ni/ /lag mthil skyu ru ra
lta bur/ /khyod

kyi thugs kyi spyod yul gyur/ /chos rnams g.yo dang mi g.yor
bcas/ /gcig dang sna tshogs so so la/ /mkha' la rlung dag rgyu ba
bzhin/ /khyod kyi thugs dag thogs mi mnga'/ /zhes gsungs/ de'i
shes byed kyang sngon shAkya dga'

byed zer ba shi nas/ kun tu rgyu rnams kyis gshin chos byed
skabs gshin po de bkug nas gzugs dngos su ston pa la bza' btung
ster ba sogs bya srol yod pa de bzhin byas te/ nye du rnams kyis
de shAkya dga' byed dngos yin

bsam pa na/ ston pas dri za khyab byed dang/ gnod sbyin gtogs
'dod sogs kyis gshin por brdzus pa yin gsung ba la de dag yid ma
ches par/ ston pas shAkya ba rnams la 'bru'i thum po khyim so
so'i ming byang bcug pa

@211a @#/ /re khyer nas shog gsungs pas/ shAkya'i mi khyim ha
cang mang po zhig gis de ltar phul bas/ 'bru'i thum po glang
chen gyi rgyab khal longs pa tsam byung ba rnams sangs rgyas
kyis 'di dang 'di'i

yin zhes gcig kyang ma nor bar ngos 'dzin mdzad pas yid ches
pa byung bar mdo las gsungs pa dang/ gzhan yang 'dul ba lung
las byung ba ltar/ shing thams cad mer bsregs nas rgya mtsho'i
nang du yun ring mor dkrugs

te sangs rgyas la phul na/ 'di ni lung pa 'di dang 'di'i shing
'di lta bu'i mgo mjug 'di 'dra zhig gi thal ba'o zhes de tsam
tshun chad kyang so sor ma 'dres par mkhyen zhing/ der ma zad/
sku rjes su bstan pa'i cho 'phrul gdul

bya bye ba ther 'bum sogs ji snyed yod pa re re'i mdun du de
snyed kyi sprul pa bstan pa dang/ gsung kun tu brjod pa'i cho
'phrul yang/ sngar bshad pa bzhin sems can re re'i skad dang
bsam pa dang mthun pa'i chos dus gcig

tu ston pa dang/ thugs ting nge 'dzin gyi cho 'phrul zhes/
ston pas 'jig rten pa'i thugs bskyed par mdzad pa na/ sems can
srog chags grog sbur yan chad kyis kyang gzhan gyi sems shes
par 'gyur zhing/ de bzhin gshegs

pa'i thugs dgongs kyang shes pa dang/ 'jig rten las 'das pa'i
thugs bskyed tshe srid pa tha ma'i byang sems kyis kyang sangs
rgyas kyi dgongs pa mi shes pa sogs dang/ yum gsungs pa na
'jig rten gyi khams thams

@211b cad dag pa'i 'jig rten du bsgyur bar mdzad pa sogs ltar
yon tan mtha' yas pa yod gsungs/ brtse ba'i yon tan ni/ rgyal
mchog bdun pa chen pos/ skye bo gang dag rang sdug nyid kyang
res 'ga' khro ba'i dbang gyur te/ /

gsod par brtsams mod khyod kyis 'gro rnams bu dang 'dra bar
rtag dgongs nas/ /gnod 'gyur cha tsam thugs kyi dgongs pa ring
mo zhig nas btang bas na/ /bdag 'dra rang la brtse ba des
kyang khyed thugs snying rje'i char mi

phod; ;ces gsungs pa bzhin/ rang cag rnams rang gis rang la
brtse ba ji ltar yod pa des/ sangs rgyas kyis sems can la
brtse ba'i cha shas tsam la'ang bsgrun du med la/ de yang sdug
bsngal can gyi sems can mthong na skye la/

mi mthong na mi skye ba'i 'phel 'grib res 'ga' ba'i snying rje
rang re la yod pa lta bu min par/ sems can thams cad sdug
bsngal gyis mnar bar dus rtag tu gzigs pas de dag la brtse ba
snying rje chen po yang rgyun chad pa med

par dus rtag tu 'jug ste/ sangs rgyas kyi snying rje ni thog
mar lam ma zhugs nas sbyangs pas goms pa mthar thug pa'i stobs
kyis yin zhing/ de dag la dgongs te brgya lnga bcu pa las
kyang/ 'gro ba 'di dag thams cad ni/ /

khyad med nyon mongs rnams kyis bcings/ /khyod ni 'gro ba'i
nyon mongs dag /dgrol slad yun ring thugs rjes bsdams/ /zhes
dang/ bden pa po'i le'u las kyang/ gti mug mun pa mun nag gis
rtag tu/ /sems ni bsgribs

@212a @#/ /par gyur pa'i skye dgu dang/ /'khor ba'i btson rar
chud par rnam gzigs na/ /drang srong dam pa de ni thugs rje
skye/ /zhes sogs gsungs pa yin gsungs/ bzhi pa 'phrin las kyi
yon tan ni/

rgyud bla ma las/ brgya byin rnga sprin tshangs pa dang/ /nyi
ma nor bu rin chen bzhin/ /de bzhin gshegs pa sgra brnyan
bzhin/ /nam mkha' dang ni sa bzhin no/ /zhes dpe dgu'i sgo nas
bstan pa ltar bsams la/ brgya byin gyi

gzugs brnyan 'bad rtsol dang rnam rtog la ma bltos par bai
DUr+ya'i sa gzhi'i steng du snang ba'i tshe lha chung ba rnams
kyis mthong ba na/ 'di ltar thob par bya'o snyam ste lha'i
dbang po brgya byin gyi go 'phang de 'dra 'thob pa'i rgyu

gsog pa bzhin du/ sangs rgyas kyi sku mtshan dpes spras pa
mthong nas de thob par bsams nas de'i rgyu bsags pa ni sangs
rgyas kyi sku'i 'phrin las dang/ sum cu rtsa gsum gyi lha yul
du lha rnams kyi bsod nams

las grub pa'i rnga bo che shugs 'chang zhes bya ba rdung mkhan
med par chos kyi sdom bzhi ston pa'i sgra bsgrags pas lha
rnams thar pa la bskul ba dang mtshungs par sangs rgyas rnams
kun slong gi 'bad rtsol dang bral yang 'gro ba rnams

la mngon mtho dang nges legs la 'god pa'i gsung gis khyab par
mdzad de skal ldan 'os su gyur pa rnams la chos ston pa ni
gsung gi 'phrin las dang/ sprin las char babs pas lo tog rnams
bskrun pa bzhin gdul bya'i

@212b rgyud kyi dge ba'i lo tog bskrun par byed pa thugs kyi
'phrin las sogs dang/ gzhan yang sku'i cho 'phrul bstan nas
sems can 'dul ba/ gsung gi 'phrin las chos gsungs pa/ nyon
mongs med pa'i ting nge 'dzin la

brten nas thugs kyi 'phrin las mdzad pa yin/ mdor na/ sa
brgyad pa man la 'bad rtsol rags pa dang/ de yan gyi byang
sems kyis kyang kun slong phra mo la ltos shing/ de ltos na
sems can thams cad la dus gcig pa'i

'phrin las mi 'byung mod/ sangs rgyas kyi 'phrin las ni/ bdag
gis sems can gyi don bya'o dgongs pa'i kun slong dang 'bad
rtsol sogs la mi ltos par/ dper na nam mkha'i zla ba rang nyid
la rnam par rtog pa med bzhin

du rtswa rtse'i zil pa tshun dang chu snod 'bum phrag mang por
chu'i ngos nas dwangs shing ma g.yos na gzugs brnyan 'char ba
ltar/ gdul bya'i rgyud dag nas 'dul ba'i dus la bab pa na/
sangs rgyas kyi 'phrin las 'bad med lhun

grub tu 'jug pa yin/ don du sangs rgyas kyi 'phrin las zhes pa
rang rgyu ye shes chos skus bdag rkyen byas pa la brten nas
byung ba'i rnam dkar gyi yon tan zhig la byed gsungs/ gnyis pa
chos kyi yon tan ni/ gzhung chen

mor thos pa byas pa yin na/ mthong lam bar chad med lam lta
bus rang gi ngos skal gyi sgrib pa spong tshul sogs bsam zhing/
de ltar mi shes pas ni/ sngar bsam gyis mi khyab pa'i yon tan
dang ldan par bshad pa'i sangs

@213a @#/ /rgyas de gang las byung na/ 'gog lam sogs rtogs pa
dang lung gi chos la brten nas byung zhing 'byung bas na/ chos
la de ltar skyed pa'i yon tan yod snyam du bsam/ spyir chos
dkon

mchog ni/ 'gog bden dang/ mthong sgom bar chad med lam lta bu
sa bcu lam lnga sogs la byed kyang/ 'dir rgyud 'dul ba gtso
che phyir mtshon byed tsam rags pa go sla bar bshad na lam rim
'di lta bu la byar rung ba

sngon zhus ltar yin gsungs/ gsum pa dge 'dun gyi yon tan ni/
nyan thos tshogs lam pa lta bur mtshon na/ srid pa la yid 'byung
skyes nas tshogs lam du zhugs pa ste byang chub kyi tshogs bcu
gsum spel ba dang byang chub kyi

phyogs dang po gsum thob pa dang/ gzhan don du sprul pa dang
mngon shes 'byung ba sogs dang/ sbyor lam pas bden bzhi'i rnam
pa bcu drug don spyi'i tshul du rtogs pa dang/ mthong lam pas
stong nyid mngon sum du rtogs

pa sogs dang/ sgom lam la sgom spang gya gcig rim gyis spangs/
dgra bcom thob na de las kyang yon tan rgya che ste/ gzugs
mang po nyung ngur byed pa dang/ zad par sa chu me rlung nam
mkha'i ting nge 'dzin gyi sgo nas sprul

bsgyur mang po ston pa/ gdul bya gang yod sar gshegs pa sogs
dang/ nyan thos dgra bcom pa'i yon tan yang dpag tu med pa lta
bu yod de/ ston pa 'das rjes kun dga' bos mu stegs pa btul nas
zhag bdun gyi ring la

@213b skye bo khri phrag brgyad bden pa la bkod/ nyer sbas
kyis chos gsungs skabs bdud sdig to can gyis zas nor gyi char
phab/ gar mkhan sprul te gar 'khrab pa la 'phags pas me tog gi
phreng ba bskon nas shin tu mi sdug par byin

gyis brlabs tshul/ deng sang nyan thos zhes dman pa'i tshad du
byed kyang/ 'di'i yon tan tsam yod na grub thob chen po'i tshad
du 'jog dgos pa yod/ rang rgyal ni bskal pa brgyar tshogs bsags
pa sogs nyan thos las yon tan

brgya 'gyur stong 'gyur gyis lhag /byang chub sems dpa'i yon
tan ni mtha' med pa lta bu yin te/ tshogs sbyor gyi gnas skabs
su mos pa spyod pa'i sa la stong nyid kyi don thos bsam sgom
pas gtan la phab/ snying rje byang

sems zab mo'i lta ba rnams sbyangs pas gzung 'dzin rtog pa
mngon gyur nyams smad par byas te grangs med dang po'i tshogs
rdzogs/ mthong lam skabs sa dang po la sbyin pa'i phar phyin
gyi nyams len ches lhag par thob/ sgom

lam sa dgu'i skabs chos nyid gzigs tshul gyi dbang tsam gyis
phar phyin lhag ma dgu po rnams ches lhag par thob pa dang/
yang byang sems sa dang po bas lus brgya phrag sprul ba dang/
lus re re la byang sems brgya phrag res

bskor ba/ bskal pa brgya gzigs pa/ 'jig rten gyi khams brgya
g.yo ba/ ting nge 'dzin gyi sgo brgya phrag la 'jug pa/ sangs
rgyas brgya mthong ba/ des byin gyis rlob pa/ sangs rgyas kyi
zhing brgya sprul ba dang/ zhing brgyar

@214a @#/ /'gro ba/ chos kyi sgo brgya phrag 'byed pa/ sems can
brgya smin pa/ bskal pa brgyar gnas pa rnams skad cig re la
'byung ba'i yon tan brgya phrag bcu gnyis thob/ de bzhin du
bcu gnyis po re re nas

sbyar bas sa gnyis par stong phrag /gsum par 'bum phrag /bzhi
par bye ba brgya phrag /lnga par bye ba stong phrag /drug par
bye ba 'bum phrag /bdun par bye ba khrag khrig 'bum phrag
/brgyad par stong gsum 'bum phrag gcig gi rdul

grangs/ dgu par stong gsum grangs med 'bum phrag bcu'i rdul
grangs/ sa bcu pa bas brjod du med pa'i yang brjod du med pa'i
stong gsum gyi rdul gyi grangs dang mnyam pa'i yon tan thob/
mdor na/ ma dag sa bdun gyi

skabs su grangs med gnyis pa dang/ dag pa sa gsum gyi skabs
nas grangs med gsum pa'i tshogs rdzogs par nus pa'i yon tan
thob pa sogs gzhung chen mo rnams las shin tu rgya chen por
gsungs pa ltar dge 'dun gyi

yon tan tshad med pa yin gsungs/ gnyis pa khyad par shes pa'i
sgo nas skyabs su 'gro ba la drug las/ mtshan nyid las gyur
pa'i khyad par la/ sangs rgyas ni mngon par byang chub pa'i
mtshan nyid can te/ chos thams cad

kyi gnas tshul gang gis kyang ma sgrib par rjen par gzigs pa/
byang zhes pa kha ton byang ba la byang ba'i tha snyad 'dogs
pa ltar/ rtogs pa mthar phyin par grub pa la de ltar brjod/
chos ni sangs rgyas byon pa'i 'bras bu'i

@214b mtshan nyid can te/ de yang sangs rgyas kyis bden bzhi'i
chos 'khor bskor ba na/ lnga sde bzang po'i rgyud la mthong
lam sogs ci rigs par skyes pa bzhin/ gnas skabs gzhan dang
gzhan gyi dbang du byas pa'o/ /dge 'dun ni

chos de sgrub pa'i mtshan nyid can no/ /'phrin las kyi khyad
par ni/ sangs rgyas ni lung 'bogs pa ste chos ston pa'i mdzad
pa can/ chos ni spang bya spong ba'i khyad par can/ dge 'dun
ni chos nyams su blangs pas 'bras bu thob pa'i

tshe gzhan gyis de mthong nas de la 'jug pa sogs mnyam du rogs
byed pa ltar dge ba la mngon par spro ba'i 'phrin las can no/
/mos pa'i khyad par ni/ skyabs su 'gro ba'i tshe mos pa mi 'dra
ba ste/ dper na chu las sgrol ba na/

gru pa dang/ ko gru dang/ mnyam du 'gro ba'i grogs ltar/ sangs
rgyas ni mchod pa dang bsnyen bkur bya ba/ chos ? rang rgyud
la mngon du byed pa/ dge 'dun dang tshul bzhin du 'grogs par
mos pa'o/ /sgrub pa'i khyad par ni/ de

gsum lag len la gzhol ba'o/ /rjes dran gyi khyad par ni/ 'di
ltar sangs rgyas bcom ldan 'das zhes sogs dkon mchog rjes dran
gyi mdo las ji skad gsungs pa ltar gyi dkon mchog gi yon tan
dran pa yin/ bsod

nams 'phel ba las gyur pa'i khyad par ni/ sangs rgyas ni gang
zag gcig la brten nas bsod nams 'phel ba dang/ dge 'dun ni
gang zag mang po la brten nas bsod nams 'phel ba ste/ sangs
rgyas dang dge 'dun ni gang

@215a @#/ /zag gi dbang du byas pa dang/ chos ni gang zag ma
yin pa'i dbang du byas pa'i bsod nams 'phel ba'i khyad par ro/
/des na skyabs su 'gro ba na yang sangs rgyas la skyabs su
'gro ba ni mchod

pa dang rim gro bya ba'i bsam pas yin la/ chos ni rang rgyud
la skyed par byed pas so/ /gsum pa khas blangs pa'i sgo nas
skyabs su 'gro ba la gsum ste/ sangs rgyas la skyabs ston pa
po dang/ chos la skyabs dngos dang/

dge 'dun la skyabs sgrub pa'i zla grogs su khas len pa ste/
dper na nad pas sman pa dang/ sman dang/ nad g.yog gsum la re
ba bcol lugs mi 'dra ba gsum byed pa ltar yin/ des na spangs
rtogs kyi chos re re rgyud la skyes

pa na; 'jigs pa sna re las grol bas skyabs dngos ni chos yin/
bzhi pa gzhan du mi smra ba'i sgo nas skyabs su 'gro ba ni/
sngon rgya gar na/ slob dpon tho btsun grub rje spun gnyis yod
pa dang po phyi rol pa yin/ khong

gnyis dbang phyug mchod phyir ri bo gangs can la song ba na/
lha dbang phyug chen pos sangs rgyas la skyabs 'gro byed pa
mthong nas nang par zhugs te theg chen gyi slob dpon chen por
gyur pa des sangs rgyas kyi che ba'i yon tan

brjod pa khyad par 'phags bstod mdzad pa las gsungs pa ltar
rang re'i ston pa la skyabs su 'dzin cing/ de'i bstan pa la
slob pa nyid gzhan du bsgyur mi btub par brtan por bzung ba
dang/ bon dang mu stegs sogs chos

@215b 'di las phyi rol du gyur pa la skyabs su mi 'dzin pa
ste/ nang pa dang phyi ba'i ston pa dang/ bstan pa/ de la slob
pa'i dge 'dun rnams kyi mchog dman gyi khyad par yang de nyid
las/bdag ni ston pa gzhan spangs nas/ /bcom

ldan khyod la skyabs su mchi/ /de ci'i slad du zhe na khyod/
/skyon mi mnga' la yon tan ldan/ /zhes dang/ mu stegs gzhan
gyi gzhung lugs la/ /ji lta ji ltar rnam bsams pa/ /de lta de
ltar mgon khyod la/ /bdag gi sems

'di dad par gyur/ /ces dang/ bsngags 'os bsngags bstod las
kyang/ 'jug dang ldog pa gang lags dang/ /kun nas nyon mongs
rnam byang gang/ /de nyid dpa' bo khyod bka' dang/ /gzhan gyi
tshig gi khyad par lags/ /

zhes sogs gsungs pa ltar yin/ bod 'dir mu stegs pa dngos med
kyang/ deng dus chos pa dang mkhas par khas 'ches pa 'ga' zhig
'gag la thug pa'am/ yang 'khor mang sdud pa dang/ gzhan gyi
ngo srung ched du

bon dang kla klo'i chos lugs tshun la 'jug pa la ji mi snyam pa
'di dag ni skyabs la gnyis 'dzin byas pas de'i rgyud kyi
skyabs 'gro btang ste nang pa'i gral nas bud pa yin/ kha cig
ban dga' bon dga' byed zer mkhan yod

kyang; bon gyi ston pa dang chos dang de'i rjes su zhugs pa
rnams la skyabs su 'os pa'i rgyu mtshan med de/ de'i ston pa la
skyon kun zad sogs yon tan mi ldan/ chos la nyon mongs pa kha
bri ba'i thabs tsam med/ dge 'dun 

@216a @#/ /ni so thar la brten pa yin khul byed kyang de'i sdom
rgyun med pas de gsum ga la yon tan ma tshang/ bon la nang pa'i
skyabs 'gro yang med pas skyabs su mi 'os/ de yang ban bon phan
tshun chags

sdang gi gtam bshad de lar rgya rtsod pa lta bu ma yin par/
sngon byon mkhas pa'i gsung gi lo rgyus tshad ldan rnams las
byung ba ltar bon gyi khungs ji 'dra yin shes par byed pa gal
che bas/ thu'u bkwan d+harma badzra'i gsung

grub mtha' thams cad kyi khungs dang 'dod tshul ston pa legs
bshad shel gyi me long sogs las shes dgos pa yod gsungs/ des na
bon gyi ston pa bstan pa lta ba gsum ga'ang phyi rol pa'i lta
sgom bsres pa dang/ nang pa'i

gsung rab nas phar brkus te brdzun chos sbyar ba sogs dus ches
snga ba zhig nas byung ste khyab gdal du gyur pa'i lugs ngan dar
ba yin pas/ grol ba don gnyer gyi skyes bu'i skyabs su 'os pa
dang yid rton rung ba'i gnas ma yin

zhing; don de dag la dgongs te 'bri gung 'jig rten mgon pos/ bon
po'i lta sgom gyi skabs snod bcud thams cad sgo nga las skyes
pa'i lugs dang/ phywa dang dbang phyug sogs kyis byas pa'i lugs
su snang ba rnams mu stegs

pa'i lta ba 'khyar ba yin/ zhes dang/ bka' gdams bu chos las/ mu
stegs bon ni dngos grub myur/ /'phral dga' phugs su ngan 'gror
skyur/ /mu stegs bon ni me dang 'dra/ /cung zad nye bas bder
gyur na'ang/ /nges par

@216b gtugs na 'tshig par 'gyur/ /ces dang/ rnal 'byor gyi dbang
phyug rje mid la'i zhal nas kyang/ bon gyi 'byung khungs log
chos dang/ /klu dang 'byung po stobs ldan gyis/ /byas pas mthar
thug lam mi bgrod/ /bon ni shin tu smad

pa'i rigs/ /phyi nang gnyis kyi khyad par ni/ /skyabs gnas dag
la 'dzol ba'o/ /nang pa'i skyabs gnas dkon mchog gsum/ /phyi
pa'i tshangs dbang khyab 'jug go/ rang nyid 'khor ba las grol
nas/ /gzhan dag sgrol bar nus

pa ni; ;rdzogs pa'i sangs rgyas nyid yin no/ /dbang phyug la
sogs 'jig rten lha/ /rang yang 'khor bar bcings gyur pas/ /gzhan
la gnas skabs dngos grub tsam/ /stsol bar nus kyi thar pa yi/
/rnam grol ster bar ga la nus/ /zhes

dang; klu 'bum dkar mo la sogs na/ /rigs lnga klu yi dkyil 'khor
du/ /sangs rgyas thob par gyur cig lo/ /klu ni dud 'gro'i grangs
su bgrangs/ /phal cher bon sku kun bzang sogs/ /dkyil 'khor sna
tshogs byed na yang/ /sham

sngon can gyis bzos pa yi/ /log chos 'ba' zhig yin par snang/
/zhes sogs rgya cher gsungs so/ /deng sang kha cig gis bon gyi
gshen lha 'od dkar nang pa'i spyan ras gzigs dang gcig yin/ sems
can thams cad sangs rgyas

kyi gdul bya yin phyir sangs rgyas byang sems kyi sprul pa mang
po bon po'i gras su'ang byon pas/ bon lugs byed pa la yon tan ma
gtogs skyon med zer ba yod kyang/ de ltar smra ba ni rang nyid
lta log gi bag chags ngan pas rgyud

@217a @#/ /bslad pas shas cher rmongs par byas pa'i gtam chen po
zhig ste/ de lta ma yin na/ sangs rgyas byang sems kyi sprul pa
dud 'gro'i nang du'ang byon srid pas khyi phag gi lugs byas na
yon tan ma gtogs

skyon med par thal bar 'gyur bas/ bdag legs su 'dod pa rnams
kyis de 'dra'i skyugs bro ba'i lugs ngan mtha' dag 'phongs phyis
pa'i rdo bzhin du dor nas/ nang pa sangs rgyas pa'i skyabs dkon
mchog gsum kho na la skyabs

gnas yang dag tu bzung ste blo lings 'gel byed pa gal che/ mdor
na skyabs 'gro ni tshig bton pa tsam la mi zer gyi/ nyes can kha
drag pa'i dpon la skyabs bcol ba ltar/ ngan song dang 'khor ba
sogs la 'jigs te dkon

mchog gis skyob nus pa'i yid ches rnyed nas dpung gnyen re ltos
'cha' ba'i sems byung sems pa zhig la byed dgos pas/ de ni ji
tsam gyis skyabs su song ba'i tshad yin/ skyabs 'gro rgyud la
skye mi skye yang de rgyud la skyes ma skyes

kyis yin la/ de'i phyir skyabs 'gro'i tshig 'bum ther bsags kyang
skyabs 'gro'i ngo bo rgyud la ma skyes pa de 'dra mi bya bar/
'di'i rgyu dang ngo bo sogs bcos ma min pa zhig rgyud la skye
thabs la 'bad dgos/ de la'ang gzhan rgyud

la grub zin gyi dkon mchog la dmigs nas skyabs 'cha' ba skyabs
'gro tsam po ba dang/ rang rgyud la 'byung 'gyur gyi dkon mchog
la dmigs nas de nyid thob byar thag bcad pa'i skyabs 'gro khyad
par ba gnyis las/ re re la'ang

@217b skyes bu gsum so so'i skyabs 'gro byed lugs re yod cing/
rang re gzhung chen por thos bsam byas pa ngag gis skyabs 'gro
khyad par can de nyid la gtso bor 'bad dgos kyi/ skyabs 'gro
byed ran pa na slob gnyer byas byas pa des

phan mi thogs par/ phal pa khyim pa rgan po'i skyabs 'gro dang
khyad par ma byung ba ni/ thos bsam byas pa kha nang du ma
phyogs pas nongs pa yin/ gzhung chin mo mi shes pas kyang/ rgyu
gnyis tshang ba'i sgo nas dkon mchog la

blo lings 'gel byed/ de'i tshul ni/ nad pa dag gis sman dang sman
pa dang nad g.yog la re ltos 'cha' ba na blo'i tshul ji ltar
'byung ba bzhin du byas te/ rgyu gnyis tshang ba'i sgo nas skyabs
gnas dkon mchog la snying nas blo

khel ba na/ skyabs 'gro rnam dag rgyud la skyes pa yin pas de
nyid gtso che ba yin gyi/ de min skyabs 'gro'i tshig grangs gsog
dang/ byang sems dang rig 'dzin du khas 'chebs ci yang mi 'byung
ste/ bka' gdams gong ma tsho'i zhal

nas; gnas brtan zhal mar gzigs cig 'dug pa la/ da dung nang pa
sangs rgyas pa'i gral du ma tshud ces gsungs pa bzhin 'gro ba
yin/ bzhi pa skyabs su song ba'i phan yon la/ nang pa sangs
rgyas par tshud pa/ sdom pa thams cad kyi

rten byed pa/ sngon bsags pa'i las kyi sgrib pa rnams zad par
'gyur ba/ bsod nams rgya chen po bde blag tu gsog pa/ mi dang mi
ma yin gyi gnod pas mi tshugs pa/ ngan song du mi ltung ba/ gnas
skabs dang mthar thug gi

@218a @#/ /don thams cad 'bad med du 'grub pa/ myur du 'tshang
rgya ba ste brgyad las/ de ltar skyabs 'gro byed skabs gzhan gyi
lad mo lta bu'i kha tsam dang/ tshig tsam min par snying thag pa
nas skyabs su

song ste/ skyabs 'gro rnam dag rgyud la nam skyes pa na/ nang pa
sangs rgyas par tshud cing/ de med par skyabs 'gro 'bum bsags
kyang nang par mi tshud/ deng skabs 'gro gsog dgos zer ba las
rgyud la skye dgos zer

mkhan dkon/ sngar dwags por dge slong a thar zhes pa zla bo
bcas kyis skyabs 'gro bsags pas/ a thar gyis skyabs 'gro'i don
la ma no bsam legs par bskor nas bsags pas yun ring 'gor/ gzhan
rnams kyis

skyabs 'gro'i tshig grangs gsog pa zhig las ma byung bas mgyogs
pa byung ste 'bum ther zin du nye ba na/ khong tshos a thar gyis
grangs ma longs dogs nas ji tsam song dris pas/ a thar gyis/
khyod tshos skyabs 'gro grangs

ka gsog gi na yod dam zer ba ltar/ skyabs 'gro'i dmigs pa skyong
bzhin grangs bsags na gnad du smin pa 'ong gsungs/ sdom gsum
gang khas blangs kyang skyabs 'gro rtsom byed du byed dgos kyi/
de med par mi skye ba dper na

sa gzhi ni khang khyim dang/ lo tog /rtsi shing nags tshal sogs
skye ba'i rten yin pa ltar skyabs 'gro ni sdom pa thams cad skye
ba'i gzhi rten yin/ skyabs 'gro yod na sngon bsags pa'i las kyi
sgrib pa'ang mang po 'dzad pa rgyal po ma

@218b skyes dgras rang gi yab gzugs can snying po phyir mi 'ong
ba'i 'bras bu thob pa bkrongs pa sogs mtshams med dang/ nye ba'i
mtshams med byas pa'ang sangs rgyas la skyabs su song bas las
sgrib byang ba dang/ sangs rgyas kyi mtshan

tsam brjod pa dang/ sher phyin gyi mdo sde lta bu tshar re bklag
na'ang bskal pa mang po'i sdig sgrib byang bar mdo sde nas phan
yon yang yang gsungs pa ltar yin zhing/ phar phyin bsdus pa las
kyang/ skyabs song bsod nams gzugs

mchis na/ /khams gsum 'di yang snod du chung/ /zhes pa ltar
skyabs 'gro byas pa'i phan yon dang bsod nams dpag gis mi lang
ba yod/ lhag par sangs rgyas ni zhing khyad par can du song bas
de la bskrun pa'i dge rtsa kun slong

rnam dag gis ma zin kyang rdzogs byang thob pa'i rgyur nges par
'gro ste/ snying rje pad ma dkar po'i mdo las/ kun dga' bo 'di
lta ste dper na/ khyim bdag zhing pa'i zhing do med pa/ sdong
dum dang tsher ma med pa/ gyo mo dang gseg ma

med pa/ sa snag che ba zhig yod par gyur te/ legs par rmos shing
lag byed kyis phyin par byas la/ de'i sa bon yang sar pa grung
po tshes legs par byas pa/ rlung dang nyi mas ma snad pa/ ma chag
ma grugs shing ma rul te chud

ma zos par gyur la/ sa bon de dag dus dang tshigs su zhing la
btab ste dus dus su chus bcus/ dus su bskams/ thams cad las legs
par bsrungs nas/ kun dga' bo de nas khyim pa zhing pa de dus
gzhan zhig na zhing gi

@219a @#/ /drung du song ste zhing gi mur 'dug nas/ kye sa bon
khyed sa bon du ma gyur cig /kye sa bon khyed ma skye zhig /ma
'phel cig /nga la 'bras bu mi dgos/ rnyed pa mi dgos so zhes de
skad zer na/ kun dga'

bo de ji snyam du sems/ khyim bdag zhing pa de'i tshig gis sa bon
de dag sa bon ma yin par 'gyur ram/ gsol ba/ bcom ldan 'das ma
lags so/ /bde bar gshegs pa ma lags so/ /bka' stsal pa/ 'bras bu
de 'bras

bu ma yin par 'gyur ram/ rnyed pa mngon par mi 'grub bam/ gsol
pa/ bcom ldan 'das ma lags so/ /bde bar gshegs pa ma lags so/
/bka' stsal pa/ kun dga' bo de bzhin du srid pa la bstod cing
srid pa la dga'

bas sangs rgyas la yon phul nas dge ba'i rtsa ba 'dis bdag cag
nam yang yongs su mya ngan las 'da' bar ma gyur cig ces de skad
zer yang de yongs su mya ngan las 'da' bar mi 'gyur ba'i gnas
med go skabs med kyi/ kun

dga' bo sangs rgyas la bskyed pa'i dge ba'i rtsa ba de dag mi
'dod kyang 'bras bu mya ngan las 'das pa yin te/ tha ma mya ngan
las 'das pa'i bar du 'gyur bar nga smra'o/ /de ltar ji tsam du
sangs rgyas bcom ldan 'das la sems gcig

bskyed pa'i dge ba'i rtsa ba bskyed pa de dag thams cad kyi
'bras bu'ang mya ngan las 'das pa yin te/ tha ma mya ngan las
'das pa'i bar du 'gyur bar nga smra'o/ /zhes gsungs pa ltar yin/
mi dang mi min gyi gnod pas kyang mi

@219b tshugs te/ mu stegs rlung zhags grub pas nang pa'i dge
bsnyen gzhon nu zhig la rlung zhags 'phangs kyang glags ma rnyed
pa dang/ rgya gar nas mi gcig la rgyal po'i khrims phog ste dur
khrod du bor ba na/ gzhan ma dur khrod der bskyur

ba thams cad de nub nas mi min sha za lta bus khyer te za 'gro
ba las gcig kyang sdod pa mi 'ong ba la/ khos dge 'dun gyi na
bza'i tshal ba zhig spyi bor bzhag nas skyabs 'gro byas pas mi
min gyis gnod ma tshugs pa dang/ sngon 'brog

pa'i mi zhig sa stong du zhag gcig lus pa dred kyis bzung ste
shi la khad du byas/ phyis sos nas mgo rma ror song ba la/ bla
ma zhig gis de'i rgyu dris pa na/ khos lo rgyus bshad pas/ bla
mas skyabs 'gro'i man ngag bstan/ phyis

shig yang bskyar dred dang thug skabs skyabs 'gro byas pas/ dred
des sna snoms tsam byas nas mi'i dri tsam yang ma tshor bar song
ba dang/ khyim bdag mgon med zas sbyin gyis skyabs 'gro'i tshig
tsam bton bzhin du mtshan mor

dur khrod du song ba'i lam mthong zhing/ mi ma yin gyis gnod pa
bya ma nus la/ mu stegs pa'i lha rten zhig la phyag btsal bas
nyams pa'i lo rgyus ltar dang/ yang dge slong zhig la gzhan gyis
ras phul ba rkun mas mthong nas

mtshan mor brkur 'ongs pa'i tshe dge slong gis thabs byas nas
kho'i lag pa bkyigs/ dkon mchog gsum gyi mtshan nas smos te/
dbyug pas lan gsum du brgyab pas/ rkun ma de bros te mi ma yin
rgyu ba'i zam pa zhig gi 'og

@220a @#/ /tu sngar dge slong gis brjod pa bskyar gyin/ de gsum
las med pa stabs legs/ de las mang tsam yod na kho bo gsod pa
'dug zer lkog lab byas nas bsdad pas/ de nub zam pa'i steng du
mi

ma yin rgyu ma nus pa'i rabs sogs gsungs nas/ rang re'ang gal la
thug na 'jigs skrag mi byed par/ blo gdeng dkon mchog la gtad de
skyabs gnas gcig chog byas nas skyabs su 'gro ba dgos/ ngan song
gi skye ba bzlog

pa'ang/ phag tu skye nges pa'i lha'i bu zhig gis 'chi khar brgya
byin la skyabs bcol ba na/ des bskyab ma nus par sangs rgyas la
zhus/ sangs rgyas kyis skyabs 'gro'i gdams pa bstan pa bzhin
lha'i bus skyabs 'gro byed bzhin du shi/

rjes su brgya byin gyis de gang du skyes 'dug brtags pa na/ lha
rnams ni rang sa'i sems kyis gnas 'og ma rnams mthong la/ gong
ma mi mthong ba'i chos can yin pas de ma mthong nas sangs rgyas
la zhus par/ sangs rgyas

kyis lung bstan pa na/ dga' ldan gyi lha gnas su skyes nas yod/
de lta bu'i phag tu skye nges kyi lha'i bu ngan song gi skye ba
ldog pas mi tshad par/ lha gnas mthon po de tsam du skyes na/ da
lta rang res sangs rgyas chos tshogs ma sogs

'don skabs/ de la gnad chen po yod par mi shes par phar yengs
tshur yengs byas te sdod/ swa b+hA wa sogs kyi tshe sgom zab mdog
gis mig tshum tshum gyi zob byed pa ni/ nang pa'i 'jug sgo dang/
ngan song gi skye ba ldog

@220b pa'i thabs rmad du byung ba gang na yod ma shes pa'i rang
rtags bstan pa yin/ jo bo chen pos skyabs 'gro dang las 'bras
kho na gnad che bar gzigs nas bstan pas mtshan la'ang bla ma
skyabs 'gro ba dang/ bla ma las 'bras pa zhes

gsol ba byung/ de'i tshul jo bos gsan pas nga'i ming des kyang
bstan pa la phan gsungs/ des na rang res 'chi khar lag tu mi
khel ba'i bskyed rdzogs bsgom lo byed pa bas skyabs 'gro rnam
dag byas na/ res gcig la ngan song

du mi ltung ba thag chod pa yin te/ sangs rgyas dbon gyi zhal
nas/ mdor na 'chi ba mi rtag pa/ /bdag gi rgyud la ma skyes na/
/gsang ba 'dus pa mi zab ste/ /'chi ba rgyud la skye ba'i tshe/
/skyabs 'gro'i tshig gsum zab pa yin/ /zhes

gsungs/ ci bsam 'grub pa'i thabs kyang skyabs 'gro las lhag med/
byang sems rwa sgreng bas/ mi la re ba ma che/ lha la gsol ba
thob gsungs pa ltar sngon gyi skyes bu dam pa dag gis gnas skabs
mthar thug gi don thams

cad lha dkon mchog gsum la gsol ba btab nas sgrub la/ sngar rwa
sgreng du mi gcig gis kha mchu'i rtsod pa sogs kyang 'di la
brten nas rgyal ba byung/ myur du 'tshang rgya ba yang/ da lta
skyabs 'gro byas pa la brten nas byed pa rgyu mthun

gyi 'bras bur tshe 'dir rkyen ngan gang byung yang de ma thag
skyabs 'gro la gzhol ba dang/ blo ni gang goms pa de'i rjes su
'gro ba chos nyid yin pas 'chi khar yang sangs rgyas rjes su
dran pa sogs 'byung ste/ mdo ting 'dzin rgyal po las

@221a @#/ /de bzhin rgyal ba yi ni sku byad dang/ /ye shes dpag
tu med par thub dbang dran/ /rtag par rjes su dran pa bsgom
byas na/ /de la sems gzhol rab tu 'bab par 'gyur/ /ces dang/
lus dang ngag

dang yid rab dang ba yis/ /rtag tu sangs rgyas dag gi bsngags
pa brjod/ /de ltar des ni sems kyi rgyud bsgoms pas/ /nyin
mtshan du yang 'jig rten mgon po mthong/ /nam zhig de ni na
zhing mi bde nas/ /shi la thug pa'i sdug

bsngal tshor byung na/ /sangs rgyas la ni dran pa mi nyams te/
/sdug bsngal tshor bas 'phrog par yong mi 'gyur/ /zhes gsungs
pas so/ /der ma zad skye ba thams cad du dal 'byor 'thob/
skyabs dang mjal/ skyabs 'gro byed pa

dang mi 'bral zhing/ mthar thug lam la bslab nas dkon mchog
gsum rang rgyud la 'grub ste myur du 'tshang rgya ba 'ong
gsungs/ lnga pa skyabs su song ba'i bslab bya la gnyis/ so
so'i bslab bya dang/ thun mong gi bslab bya'o//

dang po so so'i bslab bya la'ang dgag pa'i bslab bya dang/
sgrub pa'i bslab bya gnyis las/ dang po ni/ sangs rgyas la
skyabs su song nas 'jig rten pa'i lha la skyabs bcol ba sogs
mi byed/ da lta dge slong 'ga' res kyang

gra ma 'grigs pa zhig byung ste 'u thug pa na/ 'jig rten pa'i
lha rten rtsar song nas/ phyag dmar sgur sgur du 'tshal ba ni
chos pa'i rkang drangs pa ste/ sngar bshad pa ltar skyabs la
gnyis 'dzin tsam byung na rang rgyud kyi skyabs

@221b 'gro'i sdom pa 'jig 'gro bas nang pa'i gral nas bud tshar
ba yin/ 'on kyang lha klu rgyal btsan sogs la gtor ma dang
bsang gsur btang nas chos mthun gyi grogs bcol ba tsam rung
yang/ skyabs su 'gro mi dgos te/ gzhan

la rngan pa ster nas las ka'i rogs bcol ba la skyabs su 'gro
mi dgos pa dang 'dra/ chos la skyabs su song bas ni sems can
la gnod 'tshe mi byed/ gnod 'tshe yang srog gcod brdung brdeg
'phrog pa sogs gnod pa byed pa

lta ci; mi 'os pa'i khral 'gel ba dang/ dud 'gro lta bur lugs
dang mi mthun pa'i khal lci mi 'gel ba tshun yang gnod 'tshe yin
pas mi rung/ dge 'dun la skyabs su song bas grogs mu stegs can
dang mi 'grogs pa ste/

bod 'dir mu stegs pa dngos med kyang de dang cha 'dra ba dkon
mchog dang las 'bras zer ba de cang e bden na/ de 'dra bla ma
dang dge bshes kha bde ba dag gis bshad pa tsam yin zer ba yod
pas de dag dang 'grogs 'dris mi nyan/

rang re sems la brtan pa ma thob pas/ de dag gi kha la bltas
nas blo 'gyur nyen yod pas/ grogs ngan de 'dra dang rgyang
bsring dgos/ po to ba'i drung na/ sangs rgyas byon pa mi bden
par smra ba byung ba na/ de la dge bshes kyis

thabs mdzad de/ 'o na khyed rang gi pha mes te'u rna gong
yang ma byung gsungs pas/ de byung ste des bzhag pa'i lag rjes
'di/ yig ris 'di zhes smras par/ po to bas kyang de bzhin du rigs
mtshungs bkod de/ sangs rgyas byon pa'i

@222a @#/ /phyag rjes 'di/ gsung rab 'di zhes sogs gsungs pa
na/ gzhi nas khos sangs rgyas byon par yid ches pa byung tshul/
gnyis pa sgrub pa'i bslab bya ni/ dang po sangs rgyas la
skyabs su song

bas ni/ bshes spring las/ ji ltar bde gshegs sku gzugs shing
las kyang/ /bgyis pa ci 'dra yang rung mkhas pas mchod/ /ces
gsungs pa ltar sangs rgyas kyi sku gzugs rgyu dang bzo dbyibs
ngan pa lta bu dang/ ts+tsha

khang nang gi chag dum yan chad la sangs rgyas dngos kyi 'du
shes 'jog dgos/ rang res rgya gar li ma dang zangs gser sogs
kyi sku la dad pa cher byed cing lha khang gi phug tu bzhag
/'jim pa las byas pa sogs la dad pa chung zhing/

chag grum song ba lta bu ni lci rwa sogs su bzhag nas nam zhig
ts+tsha khang du bskyal ba de 'dra yod/ sku 'dra phyi rol tu
skyel ba 'di rang gi bsod nams phyir skyel ba yin zhes bla ma
gong ma rnams gsung/ de bzhin du sku thang sogs kyang brnyings

pa na gong gsham phral te me long bsgril nas 'jog pa sogs ni
rang gis dkon mchog la dad gus med par rtsa ba rul ba'i rtags
yin gsungs/ gnyis pa chos la skyabs su song bas ni/ yi ge na
gcig tshun chad la chos dkon

mchog dngos ltar gus pa bya dgos/ de ltar ma byas na/ tshe rabs
nas tshe rabs su glen zhing gti mug par 'gyur ba sogs skyon
shin tu che ste/ shar ba'i zhal nas/ rang cag chos la rtsed mo
ci yang byed par 'dug ste chos dang chos smra ba

@222b la ma gus pa shes rab 'chal ba'i rgyu yin/ rmongs pa da
lta'i 'di gas chog gi rmongs pa'i rgyu ma sog /'di las rmongs
na ci btub gsungs pa ltar yin/ de yang rang re rnams dngul
skar lnga dang yi ge shog 'dzar gnyis las dang po

mthong che ste/ dngul rdzab dong sogs su lhung ba mthong na/
dbyug pa ring po tshun gyi thabs byas te len la/ yi ge la ni de
ltar mi byed/ sngon rgyal dbang chos rjes spyi khyab mkhan po
gnang skabs/ sde pa gzhung nas lcags stag zhib

gzhung zer ba de gsar 'god mdzad pa'i spyi khyab tu khong
phebs dgos byung bar/ de'i tshe rdzong gzhis khag du ma'i gtan
khra yig rigs mang po bkram nas yod par chab gseng phebs skabs
sogs kyi tshe yi ge rnams phan tshun du bsal te byon

pa'i lo rgyus bzhin bya dgos/ gsum pa dge 'dun dkon mchog la
skyabs su song bas ni/ dge bshes ston pa rin po che dang rnal
'byor pa chen pos lhan pa ser po re 'gom pa'i sar yod kyang mi
'gom par sprugs nas sa gtsang sar

skyel bar gnang ba'i phyag bzhes ltar dge 'dun pa'i na bza'i
tshal bu dang lhan pa dmar ser tsam sa la lhung ba dang/ gyon
pa dag la'ang shin tu gus pa bya dgos te/ sa'i snying po 'khor
lo bcu pa'i mdo las/ tsam pa ka yi me tog

snyigs gyur kyang/ /me tog rnam pa gzhan pas shin tu lhag /dge
slong tshul khrims nyams shing sdig spyod kyang/ /mu stegs can
dag thams cad kun pas mchog /ces gsungs/ 'o na de 'dra tsam
la'ang ma gus na nyes pa cir

@223a @#/ /'gyur zhe na/ lhag bsam bskul ba'i mdo las/ yon tan
'dod pa nags na gnas pa yis/ /pha rol dag gi skyon la brtag mi
bya/ /bdag ni khyad par 'phags shing bdag mchog ces/ /de snyam

du ni sems bskyed mi bya'o/ /rgyags 'di bag med kun gyi rtsa
ba ste/ /dge slong dman la brnyas par yong mi bya/ /bskal pa
gcig gis thar pa thob mi 'gyur/ /'di ni bstan pa 'di la go rim
yin/ /zhes gsungs pa sogs ltar 'byung

gsungs/ gnyis pa thun mong gi bslab bya la drug las/ yon tan
dran pa'i sgo nas yang dang yang du skyabs su 'gro ba ni/ gong
du zhus pa ltar phyi nang gi ston pa dang bstan pa'i khyad par
dang/ mchog gsum nang phan tshun gyi yon

tan rnams dran te yang yang skyabs 'gro byed pa'o/ /bka' drin
dran pa'i sgo nas ci za ci 'thung gi phud kyis mchod pa ni/
sangs rgyas dang chos dang dge 'dun gsum yid yul nas ma brjed
par bza' btung gi skabs thams cad

du'ang phud kyis mchod pa 'bul ba ste/ de ltar mchod pa phul
na phan yon shin tu che ba mchog gsum ni zhing gong na med
pa'i rgyu mtshan gyis yin pas khyad gsod dang/ bag med/ le lo
sogs ma 'dres par tha na yon chab

ting gang 'bul ba tshun chad kyang rgyal ba thams cad mkhyen
pa'i mdun du gsol dpon gsar pas gsol ja zhu ba ltar dgos
gsungs/ gzhan skyabs 'gro la 'god pa ni/ mu stegs pa'i ston pa
rdzogs byed sogs dang/ bon

@223b ston pa gshen rabs dang/ de dag gi chos dang/ de'i rjes
'jug grogs ngan pa sogs la mos nas skyabs su bzung ba'i dbang
gis las ngan pa bsags pa rnams bzlog pa dang/ gzhan yang dkon
mchog la dad gus med pa'i rigs/

lam du bkrir rung ba rnams la skad cha'i zhor tshun chad du
dkon mchog gi yon tan brjod pa'i sgo nas skyabs 'gro la 'god
pa dang/ phan yon dran pa'i sgo nas nyin lan gsum mtshan lan
gsum du skyabs su 'gro ba ni/ dkon

mchog gsum la skyabs gnas yang dag tu 'dzin cing snying thag
pa nas dad pa bskyed de nyin mtshan dus drug tu skyabs su 'gro
ba yin/ bya ba gang byed kyang dkon mchog la blo bkal nas byed
pa ni/ bya ba che chung ji 'dra zhig byed kyang

mchog gsum la blo bkal nas dkon mchog mchod pa la brtson te
sgrub pa las/ bsam ngan g.yo sgyu dang/ yul 'dre rgyal btsan
mo bon sogs la skyabs 'gro mi byed pa'o/ /dkon mchog gsum srog
gam/ tha na bzhad

gad kyi phyir yang mi spong ba ni/ skyabs 'gro btang na nang
pa'i gral nas bud 'gro zhing/ nang pa ma yin na dge tshul slong
dang/ byang chub sems dpa'i rigs dang/ gsang sngags pa yang
min par 'gyur bas/ skyabs 'gro sdom pa

gtong ba'i gtong rgyu min yang/ skyabs 'gro btang na sdom pa
thams cad btang ba yin pas/ des na che ba srog gi phyir ram/
chung ba la tha na bzhad gad tsam gyi phyir mna' bskyal ba
tshun du dkon mchog mi spang ba yin/ lam

@224a @#/ /rim chen mo las/ srog gi phyir yang mi gtong ba dang
'gal ba ni skyabs 'gro gtong ba dngos yin la/ de bzhin du dkon
mchog gsum ma btang yang de dag dang mi mthun pa'i ston pa la
sogs

pa gsum la gnyis 'dzin byed na yang gzhan du mi smra ba dang
'gal zhing skyabs la blo ma khel bas gtong la/ zhes gsungs/
mchog gsum srog gi phyir yang mi gtong ba ni sngar nang pa'i
dge bsnyen zhig la mu stegs pa rnams

kyis khyod skyabs 'gro mi gtong na gsod byas pas dge bsnyen
gyis skyabs 'gro ma btang bar mu stegs pas bsad pa lha yul du
skyes pa lta bu yin gsungs nas/ slar yang bskyar bshad mdzad//
! //nyin bcu

gsum par/ chos kyi rgyal po tsong kha pa chen po'i gsung/ shi
nas ngan 'gror mi skye'i gdeng med cing/ /zhes sogs drangs te
sngon 'gro'i gsung bshad mdor bsdus shig stsal nas/ sngon du
sa bcad ji ltar song zin pa

rnams dang/ 'jig rten phyi mar bde ba'i thabs bstan pa la
gnyis kyi/ dang po skyabs 'gro'i skor la bskyar bshad mdzad/
skyong tshul mdor bsdus te bstan pa nas/ khrid kyis bcad skabs
ngan 'gro'i sdug bsngal bsam pa

dang; skyabs 'gro sa bcad so sor yod kyang/ myong 'khrid
skyong skabs 'og tu gsal ba ltar sbrags nas bsgom dgos/ de'i
tshul ni/ spyi bo'i bla ma la gsol ba btab rjes/ de'i thugs ka
nas skyabs yul tshogs zhing

@224b ltar cha tshang zhig mdun gyi nam mkhar spros te/ dmyal
ba so so dang/ dud 'gro/ yi dwags rnams kyi sdug bsngal so sor
shugs drag tu bsams nas/ re re'i mthar 'jigs skrag re byung ba
na/ skyabs 'gro re re byas te sbrags pa

yin; 'di'i skabs dper na/ 'jig rten na mi nag chen nyam thag
cig mgo 'dren dpon po chen po zhig rnyed pa na rang nyid 'khos
ka dman yang rgyab rten dpon po chen po zhig yod snyam du blo
bde 'bol gyis de la mgo 'dren

bcol ba ltar/ ngan song la 'jigs pa na de las skyob pa'i
skyabs bslu ba med pa dkon mchog gsum bdag gi mgon skyabs su
bzhugs yod snyam du blo lings kyis bkal te skyabs 'gro byed pa
zhig dgos/ skyabs 'gro grangs

gsog byed na sbyor chos kyi dbu der byas pas chog mod/ mtshams
'dir dmigs skor gsum dang sbrags te/ bla ma yi dam dkon mchog
gsum la skyabs su mchi'o/ /zhes pa lta bu'i sgo nas bsags
kyang rung gsungs/ de yang

dmyal ba yang sos pa lta bu'i sdug bsngal bsam skabs la mtshon
na dmigs skor gsum las/ dang por rang nyid der skyes zin pa'i
nyams bton te bzod thabs med pa'i tshul bsam/ de'i tshe da lta
rang re der skyes med

snyam pa byung mtshams/ dmigs skor gnyis pa/ da lta der skyes
ma zin kyang der skye 'gyur gyi las stobs che ba mang po bsags
la ma nyams par yod cing/ de dag ma shi tshun la sbyong mi nu
pa'i tshul dang/ de ma nus na des

@225a @#/ /der skye nges pa'i tshul bsams te 'jigs skrag gi blo
bskyed/ de nas dmigs skor gsum pa/ de lta bu'i ngan song de
las skyob pa'i skyabs yul 'di rnams la mkhyen brtse nus gsum
sogs

yon tan dpag med mnga' bas/ 'di lta bu'i skyabs btsal du yod
pa stabs legs snyam du skyabs 'gro bya ba sogs rigs 'gre
gsungs/ de yan gyis skyabs 'gro'i khrid rgyas 'bring bsdus
pa'i tshul du legs par zhus

zin nas/ gnyis pa bde legs thams cad kyi rtsa ba las 'bras la
yid ches kyi dad pa bskyed pa la/ de ltar dkon mchog la skyabs
su song bas ngan 'gro'i skye ba lan re lan gnyis tsam bzlog
par nges kyang/ ngan song las

gtan du thar ba ma yin pas/ phyin chad ngan song du mi 'gro
ba'i blo gdeng brtan po zhig rnyed 'dod na skyabs 'gro'i bslab
bya la 'bad dgos/ de ma 'bad na/ dper na mi nag chen zhig gis
kha drag pa'i dpon la skyabs bcol ba

na; des phyin chad blang dor 'di dang 'di gyis zer ba rnams mi
nyan par/ las tshabs po che sha stag byas na dpon des kyang
skyob thabs med par slar khrims kyis mnar ba bzhin du rang cag
gis kyang skyabs 'gro'i bslab bya tshul bzhin ma

bsrungs na/ dkon mchog gsum gyis ci yang mdzad du med pas/
de'i phyir ston pa des bstan pa'i ngan song las skyob pa'i
skyabs dngos ni chos yin zhing/ de yang las 'bras kyi blang
dor byed pa nyid yin/ las 'bras la

@225b yid ches kyi dad pa ma skyes na/ dge ba chung ngu nas
sgrub 'dod dang/ mi dge ba chung ngu nas spong 'dod mi skye
la/ las 'bras kyi blang dor tshul bzhin ma byas na mkhas pa sde
snod gsum pa dang/ grub pa thob pa'i rnal 'byor pa yin yang

dmyal bar 'gro ste/ bla ma a wa d+hU tI pas zam kha zhig nas
zhal phyir gzigs kyis jo bo rje la/ ji srid bdag tu 'dzin pa
ma spangs kyi bar du las 'bras la ma brtsis na/ mkhas pa 'di
zhes bya ba dang rnal 'byor pa 'di zhes bya

ba yang dmyal bar skyes 'dug ces gsungs pa dang/ rwa lo chen
po yang dmyal bar dar gyi pho long brdab pa'i yun tsam du
phebs dgos byung bar gsungs yod/ yang rgya gar nas rdo rje
'jigs byed kyi rnal 'byor pa zhig yi dam

de'i gzugs can gyi gdug 'dre yi dwags su skyes pa bod du 'ongs
pa la/ jo bo chen pos kho 'dir bsdad na bod la gnod gsungs te
gtor ma bsngos nas phyir skrod par mdzad pa dang/ lhas byin la
chos phung gcig blo la yod pas

kyang ma phan par dmyal ba rab tu tsha bar skyes/ bram ze'i
khye'u tsa na kya zhes pa gshin rje gshed grub pas mi mang po
mngon spyod kyi mthus bsad pas dmyal ba mnar med du skyes par
gsungs pa ltar yin/ las 'bras tshul bzhin

ma bsrungs na/ mtshams bsnyen sgrub byas kyang mi phan te/
'phan po phod mdo'i 'jigs byed kyi rnal 'byor pa zhig kyang yi
dam gyi gzugs can gyi yi dwags su skyes nas/ sgrub grogs rtsar
gsur slong bar 'ongs pa dang/ bri 

@226a @#/ /ka ma la shI la'i gnas brtan zhig kyang yi dwags lag
pa phyin ka log tu gyur pa zhig tu skyes tshul/ des na las 'bras
la yid ches kyis blang dor ma thub na/ mkhas pa dang grub pa
gang gis

kyang mi phan par ma zad/ las kyi rnam par smin pa bsam mi
khyab/ /brtse ba'i bdag nyid can yang dud 'gror skye/ /zhes
gsungs pa ltar las 'bras khyad du bsad na byang sems bdag nyid
chen po yang ngan song du skye ba len

par gsungs/ des na sgom gyi 'go kun slong 'chos pa dang/ lam rim
gyi 'go dal 'byor/ chos lag len gyi 'go las 'bras nas tshugs pa
yin/ 'di la 'jig rten pa'i yang dag pa'i lta ba zhes kyang zer
te/ 'di'i

'jig rten pa zhes pa so skye la byed cing so so skye bo rnams
kyis 'di nyid la gtso che ba byed dgos pa'i don yin/ da lta mang
po zhig gis lta ba la mos pa che mdog kha bar byed kyang/ dang
por las 'bras la yid ches kyi dad pa

skyes nas 'di la spang blang tshul bzhin du byed pa dgos kyi/ de
min chos dran khul gyi kha ton sum sum zhig dang/ lta ba bsgom
khul gyi mnyam gzhag 'dra byed par brtson pa ni/ chos zer ba ga
'dra byed dgos ma shes pa'i

rtags yin/ 'ga' shas rang gis kyang nyin mtshan thams cad du sdig
pa byed la/ 'khor g.yog dge phrug gzhan mang po yang phyogs
thams cad du mngags nas sdig pa'i las mang po rgya bkram ste/
snga langs phyi nyal gyis

@226b kha ton 'dra byed khul byed pa ni lag len phyin ci log go
/des na las 'bras la yid ches kyi dad pa skye ba la las 'bras
bsam dgos pas/ 'di la gsum/ las 'bras spyir bsam pa/ bye brag tu
bsam pa/ bsams nas

'jug ldog bya tshul lo/ /dang po la gnyis/ spyir bsam tshul dngos
dang/ so sor phye ste bsam pa'o/ /dang po la las nges pa'i tshul/
las 'phel che ba/ las ma byas pa dang mi 'phrad pa/ las byas pa
chud mi za ba

bzhi ste/ bcom ldan 'das kyis las kyi tshul bzhir gsungs pa de
dag yin pas gnad shin tu che la/ de'i dang po las nges pa ni/
'dul ba lung las/ ci 'dra ba yi las byas pa/ /'bras bu de 'dra
'byung bar 'gyur/ /

zhes gsungs pa ltar rgyu dge ba byas pa'i 'bras bu bde ba kho na
las sdug bsngal mi 'byung/ rgyu mi dge ba byas pa'i 'bras bu
sdug bsngal kho na las bde ba mi 'byung ba'i rgyu 'bras nges pa
yin te/ dper na sa bon ro tsha ba

las 'bras bu sogs ro tsha ba dang/ de bzhin du kha ba las kha ba/
mngar ba las mngar ba 'byung ba nges pa ltar da lta rgyu'i skabs
su gzab dgos pa las/ 'bras bu grub tshar nas 'chos thabs med/
rang re'i na tsha

sogs 'ga' zhig la rim gros mi phan pa yang rgyu 'bras so sor
song ba ste/ sa bon sir pan lta bu kha che ba zhig btab nas
skyes zin na/ de mngar mo 'ong thabs kyis g.yas g.yon du rgun
'brum/ kham bu sogs btab

@227a @#/ /kyang sir pan mngar bar byed mi thub par so so nas
skye ba bzhin no/ /des na rgyu gang 'dra zhig bsags na 'bras bu
de lta bu zhig 'byung bas las 'bras ni shin tu phra ba yin/ de
yang sngon tshe dang ldan

pa snyan pa bzang ldan gyi lus mi sdug pa dang/ skad shin tu
snyan pa byung ba gnyis ka sngon rgyal po zhig gis mchod rten
chen po gcig bzhengs skabs de'i las byed pa'i gla mi'i gras su
skyes te/ mchod rten bongs tshad che bas khos

mchod rten chen po 'di 'dra bzos nas ci byed/ tshar dus mi 'ong
zhes ngan smras byas pa dang/ rjes su mchod rten zin pa na sngar
smras pa de'i nongs bshags su mchod rten la dril bu phul ba'i
'bras bur gsungs pa'i rabs dang/

yang jo bo rje bod du phebs skabs bod kyi mis jo bo'i gzigs sar
yang mnangs med kyis sdig pa chung ngu 'dra byed pa na/ jo bos
thugs kyis ma bzod nas/ pha la pha la snying kham cher mi rung/
las 'bras phra/ las 'bras zab

gsung ba dang/ sngon dge slong zhig gis dge 'dun gyi tshogs gdan
la zhag bo bas tshe rjes mar mi sgal pa nag po can zhig tu skyes
tshul/ yang dge slong zhig gis chos gos tshos btso ba na be'u'i
shar gyur te be'u brkus pa'i khag

ngan byung nas zla ba drug gi yun btson du sdod dgos byung ba
sngon rang rgyal nyes med cig la be'u'i rkun khag bkal nas nyin
zhag drug gi ring yul de'i rgyal po'i btson khang du bcug pa'i
'bras bur gsungs pa dang/ mnyan yod na

@227b blon po ri dwags 'dzin gyi ma sa ga ma la bu gyad kyi rigs
sum cu rtsa gnyis yod pa/ rgyal po gsal rgyal la blon po gzhan
gyis dbyen byas pas rgyal pos bu de thams cad bsad de/ mgo rnams
spungs pa ma la bskur ba yang sngon

rkun ma so gnyis kyis glang zhig brkus nas bsad pa'i 'bras bu
dang/ glang gsod skabs kyi gnas tshang khyim bdag mo de/ sa ga ma
rang nyid yin pa'i rabs rgyas par gsungs te/ de ltar las nges pa
yin gsungs/ gnyis pa las

'phel che ba ni/ phyi'i rgyu 'bras las nang gi rgyu 'bras 'phel
che/ phyi'i rgyu 'bras kyang dper na/ kham bu'i sa bon tshi gu
chung ngu gcig las shing sdong chen po dang/ lo ltar shing lo
dang 'bras bu brgya stong tsam 'byung ba bzhin 'phel chen po

yod na/ de las kyang nang gi rgyu 'bras 'phel che ste/ bcom ldan
'das n+ya gro d+ha'i grong khyer du phebs pa'i tshe/ bud med cig
gis til gyi la du sbar ba gang phul bas bud med de ma 'ongs pa
na rang sangs rgyas legs smon zhes par skye bar lung

bstan/ de'i khyo des sangs rgyas la bshos tsam gyi phyir rdzun
mi gsung bar zhu zhes skur ba btab pa na/ sangs rgyas kyis/
shing n+ya gro d+ha'i sa bon yungs kar tsam las/ shing grib kyi
'og tu shing rta 'khor lo lnga brgya phan tshun du ma reg par

'khod nus pa'i shing sdong chen po skye zhing 'phel ba la dper
mdzad nas/ de bzhin du las chung ngu las kyang 'bras bu chen po
'byung bar gsungs te kho yid ches par mdzad pa dang/ yang dge
slong zhig gis gzhan la khyod kyi dbyangs ni

@228a @#/ /khyi zug pa dang 'dra zer ba dang/ sbal pa dang 'dra
zer ba dang/ spre'u 'dra zer ba tsam gyis tshig ngan ji ltar
smras pa dang mthun par so so'i skye ba lnga brgya re len dgos
byung ba dang/ sngar rgya nag tu gcig

gis deng sang gi mkhas pa rnams sbrul dang 'dra zhes pa'i sbrul
dpe'i bstan bcos zer ba brtsams pas rtsom pa po rang nyid nam
zhig lus la na tsha tshad med pa byung nas rkang lag rnams lus kyi
rdza ma la 'byar te sbrul gyi lus su gyur/ mgo

bo gas pa'i nang nas sbrul mgo thon te tshe de nyid la sbrul
dngos su gyur pa dang/ sngon rgya gar nas nya pa lnga brgyas nya
chen po mgo bco brgyad yod pa zhig dra bas zin pa na sangs rgyas
kyis kho sngon shed bu ser skyar gyur pa na/ a mas

bskul te dge 'dun la khyod ni khyi dang 'dra'o sogs tshig ngan
smras pa'i 'bras bur gsungs/ bcom ldan 'das de la las kyi rgyu
ba lung ston pa'i phyir byon pa na/ mu stegs pa rnams kyis dge
sbyong gau'u ta ma ltad mo la dga'o zhes kha

btang ba sogs sngar sbyor chos skabs rgyas par zhus zin pa ltar
yin/ de dag kyang tshig ngan pa cung zad smras pa las gzhan mi
bsad rta bsgyel lta bu gang yang ma byas/ gzhan yang dge slong
ma utpa la'i mdog can zhes pa sngar rab

tu ma byung gong du bu che chung gnyis skyes pa gcig chus khyer/
gcig spyang kis zos/ khyo sbrul gyis bsad/ rang gi pha ma khyim
dang bcas pa yang mes tshig  yang kun tu rgyu gcig gis chung mar
byas te/ bu gcig skyes pa'i skabs khyo

@228b khyim bdag de gzhan zhig nas chang gis smyos te 'ongs pas
bu de bsad nas de'i sha ma la zar bcug  de nas bros te song ba
na/ khyim bdag gzhan zhig gi chung ma shi ba dang thug ste yang
khyim bdag de'i chung ma byas/ der yang khyo shi ste yul chos

kyis khyim bdag gi ro dang mnyam por dur du sbas pa na/ dur rkun
gyis brus te de'i chung ma byas/ yang rjes su rkun dpon khyo de
rgyal pos bsad nas de'i ro dang lhan cig dur du bcug pa sogs de
lta bu'i sdug bsngal byung ba yang utpa la'i

mdog tshe sngon mar rgyal po zhig gi btsun mo chen mor gyur pa'i
skabs/ chun ma'i bu bsad nas/ mna' mang po bskyal ba'i 'bras bur
gsungs/ de ltar sngon byung shin tu mang bas las 'bras kyi tshul
'di stong nyid las kyang phra zhing

dpog dka' ste/ stong nyid kyi don phra zhib nyan rang dgra bcom
pas kyang rtogs shing ston nus la/ las 'bras kyi tshul phra mo
sangs rgyas kho na'i spyod yul lung tshad ma kho nas gzhal dgos
pas na/ las 'bras 'di shin tu phra bas sdig

pa chung ngu nas 'dzem dgos te/ tshoms las/ sdig pa chung byas
bdag nyid kyi/ /phyi bzhin mi 'ong ma sems shig  chu yi thigs pa
lhung ba yis/ /snod chen gang ba de bzhin du/ /cung zad bsags
pa'i sdig pas kyang/ /byis pa rab

tu gang bar 'gyur/ /ces gsungs/ dge ba'ang chung ngu tsam gyis
kyang 'bras bu bzang por 'phel ba/ 'khor bsgyur nga las nus
gling bzhi lha gnas bcas la dbang bsgyur ba yang sangs rgyas
rnam gzigs la sran ma sbar ba gang

@229a @#/ /gtor ba bzhi lhung bzed kyi nang dang/ gcig dbu'i
gtsug tor du chags pa'i 'bras bur gsungs/ sngon sangs rgyas zhal
bzhugs skabs bram ze'i khye'u gser dbyig ces pa lag pa nas

gser Tam zad mi shes pa 'byung ba zhig byung ba'ang skye ba
sngon mar shing 'tshong du gyur skabs shig tu shing rin gser Tam
gcig byung ba rdza'i bum pa chus bkang ba'i nang du blugs te
sangs rgyas 'od srung la phul ba'i 'bras

bur gsungs pa dang/ gnas brtan gser be'u 'khrungs pa na/ de dang
lhan cig mdzod sbug tu gser gyi glang po bdun rang byung du
skyes te/ de'i gcin dang lci ba thams cad gser du gyur par longs
spyad chog pa zhig byung ba

rgyal po ma skyes dgras lan bdun du 'phrog kyang sa la nub nas
sngar ltar gyur te 'phrog ma nus pa byung ba'ang/ skye ba snga
ma zhig la sangs rgyas gser thub kyi chibs pa glang chen gyi
'dra sku 'jim pa las byas pa la zhig gsos

byas shing/ ba blas byugs pa'i 'bras bur gsungs/ dge slong ma
dkar mo yang/ ma'i mngal nas skyes pa'i dus ras ka shi ka'i gos
dang bcas te skyes la/ rab tu byung ba na/ gos de chos gos su
'gyur ba byung ba'ang

sngar dbul po khyo shug gnyis la gos gcig las med pa phyir 'gro
skabs gyon res byed dgos pa zhig yod pa/ khong gnyis kyis shi ba
la ma 'dzem par gser thub la phul ba'i 'bras bur gsungs shing/
khong

@229b gnyis por tshe de la yang rgyal po btsun mo dang bcas pas
gos ster nas mthong chos su 'bras bu smin pa byung bas/ dge ba
chung ngu la'ang ma brnyas par sgrub dgos te/ tshoms las/ dge ba
chung byas bdag nyid kyi/ /phyi bzhin mi

'ong ma sems shig  chu yi thigs pa lhung ba yis/ /bum chen gang
ba ji bzhin du/ /cung zad bsags pa'i dge ba yis/ /brtan pa rab
tu gang bar 'gyur/ /ces gsungs/ las nges pa dang 'phel che ba
'di gnyis kyi skabs/

dge ba nges par sgrub/ sdig pa nges par spong bar thag bcad pa
dang/ dge ba chung ngu'ang sgrub/ mi dge ba chung ngu'ang spong
ba'i thag bcad bya gsungs/ gsum pa las ma byas pa dang mi 'phrad
pa ni/ dmag sogs kyi skabs

'ga' zhig gis nga la mtshon srung gang yang med/ me mda' mang po
thebs byung yang skyon ma byung zer nas ya mtshan par 'dzin mod/
de yang las ma byas pa dang ma phrad pa yin/ 'ga' zhig dang por
mtshon gyis ma thub la/

phyis bsad par gyur pa na/ kha cig gis mtshon srung nyams pa yin
zer yang/ de ni las 'bras ma shes pa'i rtags bstan pa ste/ de
lta min par sngar las dang ma phrad la/ phyis kyi de las dang
'phrad pa yin/ las dang ma

phrad na mer bsregs kyang mi 'chi ste/ sngar khyim bdag me skyes
zhes pa ma'i ro dang mnyam du mer bsregs kyang ma shi bar/ phyis
dgra bcom thob tshul/ gong gi gser gyi glang po ma skyes dgras
'phrog skabs lan bdun gyi bar

@230a @#/ /sa 'og tu nub nas ma skyes dgra la phan ma thogs pa
dang/ rgyal po shar pa'i btsun mo sngo bsangs mas phyir mi 'ong
gi 'bras bu thob la/ 'khor bud med lnga brgya po rnams kyis bden
pa mthong ba

yin yang bram ze ma dus khyim la me sbar ba na rgyang ring por
'phur du med par cung zad tsam 'phur te/ sngo bsangs mas/ rang
gis byas shing bsags pa'i las rang gis bdag gir mi byed na sus
byed ces brjod de phye ma le ba ?

me la lceb pa bzhin du thams cad me nang du lhung ste mes tshig
cing/ bran mo sgur mchog ces pa rdzu 'phrul ma thob kyang chu
khung nas bros te thar tshul/ 'phags skyes pos shAkyar dmag
drangs pa na/ shAkya bdun khri bdun stong

po thams cad rgyun zhugs thob pa sha stag yin yang ma thar bar
bsad cing/ las ma byas pa 'ga' zhig shAkya ming chen chur nub
pa'i ring la bros nas thar pa dang/ grong khyer sgra sgrog sa
char gyis non te rgyal blon 'bangs bcas non

pa na; blon po gnyis thar pa sogs kyang las ma byas pa dang ma
phrad pa yin/ bzhi pa las byas pa chud mi za ba ni/ mdo las/ lus
can dag gi las rnams ni/ /bskal pa brgyar yang chud mi za/
/tshogs shing dus la bab pa na/ /

'bras bu smin pa nyid du 'gyur/ /ces gsungs pa bzhin/ yun ring
nas rnying par 'gyur ba dang/ chung nas med par 'gyur ba sogs
gang yang med par/ chung zhing yun ring ba yang nam zhig 'bras
bu smin par 'gyur te/ 'phags

@230b pa sgur chung dgra bcom thob kyang bsod snyoms ma rnyed
cing/ rnyed pa rnams rkyen gyis med par gyur nas gshegs khar
thal skyo bzhes ? te sku 'das pa'i rabs ltar dang/ khyim bdag
dpal skyes rgyud kyi thar pa cha mthun gyi dge rtsa dgra/

bcom pas mthong mi nus pa lta bu shin tu chung ngus kyang 'bras
bu 'byin pa sngon dpal skyes kho rang sbrang bu'i skye ba blangs
skabs dud 'gro'i lci sbang skam po zhig gi dri la 'khor nas
bsdud pa sbang chus khyer nas de'i zhor du mchod rten zhig la

skor ba thebs pa tsam las byung ba dang/ yang; phag cig khyis
ded de mchod rten la skor ba 'khor ba shi nas lhar skyes pa
dang/ rgyal po 'phags skyes pos shAkya ba rnams kha btags pa na
bcom ldan 'das rang nyid kyang sku rgyab bsnyung ba'i tshul

bstan/ de'ang sngon nya pa mang pos nya chen po gnyis shig gson
za byas skabs nya pa'i phru gus yi rang byas pa'i 'bras bu yin
zhing/ 'phags skyes po chu'i dkyil du bsdad kyang mes tshig pa'i
rabs dang/ sangs rgyas kyis gcer bu ba sdug

bsngal 'gyur ma zhu ba'i nad kyis thebs te 'chi bar lung bstan
pa na/ khos zan bcad kyang chu dang bu ram ma 'ju bar shi ba
dang/ dpal mgon klu sgrub sku tshe'i rig 'dzin brnyes kyang sku
tshe snga ma zhig tu rtswa gcod pa'i zhar la 'bu grog ma

gcig ske chad pa'i las kyis dbu slong ba byung ste sku 'das pa
dang/ nyan thos maunggal bu rdzu 'phrul can gyi mchog kyang kun
tu rgyu dbyug thogs spyi phud can rnams kyis dbyug pas brdung
ste/ sha rdzog rus rdzog 'dam bu ltar bcom pa zhes sku

@231a @#/ /lus tshang ma 'dam rtswa brdung ba ltar byas pa'i tshe
shA ri'i bus maunggal la rdzu 'phrul mi ston pa ci yin zhes
dris par/ de skabs las kyis non pas brdzu ba tsam yang ma dran
na 'phrul ba lta ci gsungs tshul/ de yang

sku skye snga ma zhig gi skabs ma la tshig ngan smras pa chud ma
zos pa'i 'bras bu yin/ des na las ngan pa'i 'bras bu ni stobs
bzhi'i bshags sdom byas te dag thub pa zhig ma byung na/ srid pa
tha ma par gyur pa na'ang las kyis mi gtong

ba sogs zhib par mdzangs blun dang/ mdo sde las brgya pa/ rtogs
brjod brgya pa/ 'dul ba lung sogs las gsungs pa ltar/ las dge
sdig gnyis bsags zin nas 'bras bu chud zos te med par 'gyur ba
mi srid pas blang

dor phra zhing phra ba nas byed dgos gsungs/ des na phyi ma 'di
gnyis kyi skabs sdig pa bshags pa dang/ dge ba khong khros mi
'joms pa'i thabs bsam ste/ las 'bras kyi blang dor tshul bzhin du
byed par thag bcad dgos/ sa bcad

'di bzhi las 'bras la yid ches skyed pa la gtso che bas/ de la
brten nas las 'bras la blang dor byed 'dod pa byung ba'i tshe
blang dor bya sa 'jug pa bde ba'i ched du dge sdig che long rags
pa tsam bsdus te las lam bcu bcu bsam

pa yin zhing/ 'jug pa las kyang/ so so skye bo rnams dang gsung
skyes dang/ /rang byang chub la bdag nyid nges rnams dang/
/rgyal sras rnams kyi nges par legs pa dang/ /mngon mtho'i rgyu
ni tshul khrims las gzhan med/ /

@231b ces pa ltar dge ba'i tshogs las lam bcu ni lam ma zhugs kyi
gang zag gi mngon mtho'i rtsa ba'i rten dang/ nyan rang gi rigs
can rnams kyi de'i byang chub kyi rtsa ba'i rten dang/ byang
chub sems dpa' rnams kyi bla na med pa yang dag

par rdzogs pa'i byang chub kyi rtsa ba'i rten yin pas/ thog mar
skyes bu chung ngu'i skabs 'dir dkar nag gi las 'bras la blang
dor gyi tshul khrims bsrung ba gal che/ des na/ gnyis pa so sor
phye ste bsam pa la gsum/ nag

po'i las 'bras bsam pa/ dkar po'i las 'bras bsam pa/ zhar la
stobs ldan gyi las kyi sgo bsdus te bstan pa'o/ /dang po la
gsum/ nag po'i las lam dngos dang/ lci yang gi khyad par/ de dag
gi 'bras bu bstan pa'o/ /

dang po ni/ de ltar las 'bras gal che la phra zhing zhib pa de
ltar yin na/ de la blang dor bya sa'i gzhi gang zhe na/ mdzod
las/ de las che long bsdus nas ni/ /dge dang mi dge ci rigs par/
/las kyi lam ni bcur gsungs so/ /zhes

dge mi dge rags pa rnams bcur bsdus te gsungs par bshad la/ 'di
ni rab tu byung bar ma zad/ khyim pa tshun chad kyis kyang blang
dor bya dgos pas/ sngar klong rdol bla mas mi dge bcu'i mthol
bshags par thung brkos te bkye ba sogs

mdzad/ de yang spyod 'jug las/ sdug bsngal 'dor 'dod sems yod
kyang/ /sdug bsngal nyid la mngon par rgyug /bde ba 'dod kyang
gti mug pas/ /rang gi bde ba dgra ltar 'joms/ /zhes gsungs pa
ltar rang cag bde ba 'dod

@232a @#/ /kyang bde ba'i rgyu dge ba sgrub mi shes/ sdug bsngal
mi 'dod kyang sdug bsngal gyi rgyu sdig pa spong mi shes par
gang 'dod pa'i bde ba de nyid dgra ltar 'joms pas blang dor go
log tu song/ kha cig

blo dman pas mi dge bcu ngo mi shes snyam na/ rang re gzhas dang
glu bslab na nyi shu sum cu re tsam shes thub kyi 'dug pas mi
dge bcu yang ngo sprad na shes mi thub pa mi srid/ rang cag chos
ma bslab pa dang ma shes pa kho nas

ngan 'gror song ba min cing/ chos shes kyang lag len ma byung
bas ngan song du 'gro bas chos lag len byed pa gal che/ des na
spang bya mi dge ba bcu ni/ lus kyi las ni rnam pa gsum/ /ngag
gi rnam pa bzhi dag dang/ /

gang yang yid kyi rnam gsum po/ /mi dge bcu po so sor bshags/
/zhes pa ltar/ lus kyis srog gcod pa/ ma byin par len pa/ 'dod
pas log par g.yem pa ste gsum/ ngag gi rdzun/ phra ma/ tshig
rtsub/ ngag 'khyal

te bzhi/ yid kyi brnab sems/ gnod sems/ log lta gsum ste bcu'o/
/de re re la'ang gzhi/ bsam pa/ sbyor ba/ mthar thug bcas bzhi
re yod pas/ dang po srog gcod kyi gzhi ni/ gsad bya'i lug lta bu
rang las

gzhan pa'i pha rol po yin pa dang/ bsam pa la 'du shes/ kun
slong/ nyon mongs gsum las/ 'du shes ni de la der 'du shes shing
ma 'khrul ba dang/ kun slong ni gsod 'dod/ nyon mongs ni dug
gsum ga

@232b yod de/ zhe sdang gis bsad pa ni/ dgra lta bur khros te
mtshon brdeg pas shi ba dang/ 'dod chags kyis ni/ sha dang lpags
pa sogs la chags te lug gsod pa lta bu dang/ gti mug gis ni/ mu
stegs pa sogs kyis

sems can ched du bsad pa'i sha khrag gis mchod sbyin byed pa
nyes pa med par sems shing smra ba lta bu yin/ sbyor ba ni dug
mtshon rig sngags sogs ci rigs pas byas pa ste/ srog gcod zer ba
gri btsugs te bsad pa zhig

nges can du mi dgos par mthu dang ngan sngags sogs kyis kyang
'grub/ mthar thug ni/ rang gi snga rol du shi ba ste/ de dag
tshang na srog gcod kyi las lam rdzogs pa yin/ gzhan la gsod du
bcug na'ang rang gis bsad pa

dang khyad par med de/ mdzod las/ dmag la sogs pa don gcig
phyir/ /thams cad byed pa po bzhin ldan/ /gsungs pa ltar mi
brgyad kyis lug gcig bsad na/ de'i sdig pa bgo bsha' byed du med
par mi re re la lug re

bsad pa'i sdig pa cha tshang re 'byung/ dmag dpon lta bus dmag mi
mang po btang ste gsod pa'i skabs/ mi stong phrag gcig bsad yod
na/ dmag mi so so la re res ji tsam re bsad nus pa'i sdig pa re
re dang/ dmag

dpon la mi stong phrag gcig bsad pa thams cad kyi sdig pa cha
tshang re 'ong/ dbus phyogs 'dir mig ltos bzang yang phyogs phan
tshun du rab tu byung bas kyang mi gzhan rogs sbran pa am zhig
yin zer nas gzhan la phyugs

@233a @#/ /gsod du 'jug pa snang mod/ des ni gsod mkhan de dang/
gsod du 'jug mkhan gnyis kar srog gcod kyi sdig pa re re 'ong
zhing/ de las rang gis lag bstar te bsad na sdig pa gcig las mi

'ong bas/ sdig pa snon ma gsog mkhan rogs mi sbrel bar rang gcig
pus gsod pa dga' ba yod/ des na rang res dngos su ma bsad pas
srog gcod kyi sdig pa med bsam mkhan yod kyang/ sdig pa yod pas
mi tshad da

dung gsod du bcug pa sdig pa che/ sngon dge slong dge tshul 'ga'
res ra lug glang gsum rwa sgor du btags te gsod par nye ba na/
ra des gzhan gnyis la bdag cag gsum gsod par 'dod 'dug ces smras
par/ glang gis

'dis nyin re bzhin skyabs 'gro gsung zhing/ sems can thams cad
bde ba dang bde ba'i rgyu dang ldan par gyur cig /ces sogs phyag
thal mo sbyor zhing spyan btsum nas gsung gin 'dug pas mi gsod
zer/ lug gis/ khong

sangs rgyas kyi slob ma/ bstan pa la zhugs tshe skyabs 'gro'i
bslab bya bsrung bar khas blangs/ bslab bya'i gtso bo sems can
la gnod 'tshe mi byed pa yin pas rang cag la gnod pa mi byed thag
chod zer ba sogs mang po gleng/

nyi dros tsam la mi nag bshan pa gcig btsun pa'i rtsar 'ongs par
des mthong ste nyan pas/ bshan pa des nged mi khom pas gzhan la
gsung rogs zhes nan tan zhus kyang/ dge slong gis/ kho bo la
gung tshigs kyi rgyu lag

@233b thogs po yod pas/ khyed rang gis 'di gsum de ring rang cis
kyang gsod rogs gyis zhes u tshugs kyis smras pa na/ bshan pa
des khas blangs dgos pa byung ste gsod rgyu thag chod pa thos
nas gzhan gnyis la smras te de gsum mya ngan

gyis mchi ma shor bzhin yod pa'i skabs/ dge slong des lag pas
'phreng ba 'dren cing/ skyabs 'gro dang ma Ni bgrang bzhin par
ra lug glang gsum sha rgyags mi rgyags blta ba'i phyir 'ongs pa
na/ de gsum gyis/ btsun pas

sems can gsod mi rung ba dang/ gzhan la'ang gsod du 'jug mi rung
tshul sogs mang po brjod de/ rab na bdag cag gsum mi gsod pa
dang/ gal te gsod na dge slong rang gis gsod par zhus kyang ma
gnang ba'i mus nas/

bshan pa slebs te de gsum gyi rkang lag 'breng thag gis bsdams/
tho ba chen pos bsnun te glang gi klad pa bcom/ gri rnon pos ra
lug gi brang lpags gshags te khog par lag pa bcug /sen mo rnon
pos shin tu gces pa'i srog

rtsa bcad pa sogs sdug bsngal bsam gyis mi khyab pa myong/ glang
gis nyam thag pa'i skad bton pa phyogs bcu'i sangs rgyas thams
cad kyis gsan te/ yul 'di 'dra zhig na btsun pa'i gzugs brnyan
'di zhes bya bas ma rgan

sems can gsod du bcug pa'i sdug skad 'don pa red ces lung bstan
cing/ chos kyi rgyal mtshan bsnyil/ bdud kyi rgyal mtshan
bsgrengs/ sangs rgyas byang sems thams cad shin tu thugs mug pa
byung ba sogs btsun pa dang ra lug

@234a @#/ /glang gsum gyi 'bel gtam/ btsun pa 'ga' zhig gi gung
tshigs kyi de nyid gsal ba'i me long las byung ba ltar rgyas par
stsal te/ de lta bu ni bstan pa'i chom rkun pa yin pas srog gcod
la

'dzem pa gnad che/ bdag gi skyabs mgon bla ma rin po ches kyang
gzhan srog gcod spang ba byung na dgyes tshor gzhan las lhag pa
gnang gi yod/ kho bos kyang khams la 'gro skabs sog tsandan dgon
pa sogs kyis lo bstar

gsod pa'i srog gcod kyi rgyun chen po mang po gcod thub pa byung
song ba tshe 'di'i chos drag shos yin snyam pa yod gsungs/ gnyis
pa ma byin len la/ gzhi ni gzhan gyis bdag tu bzung ba'i nor/
bsam pa la gsum

las; 'du shes ni ma 'khrul ba/ kun slong ni ma byin bzhin du len
'dod/ nyon mongs ni gsum ga yod de/ khong khros dgra bo'i nor
'phrog pa dang/ chags pas gzhan gyi nor rdzas yid 'ong du mthong
ste 'jab bus brku ba

sogs dang/ gti mug la phyi rol pa'i chos lugs/ bram ze rgud tshe
rku ba chos su bshad/ /zer ba ltar gzhan gyi nor brku ba nyes
med du 'dzin pa lta bu'o/ /sbyor ba ni/ mtshan mor 'jab nas 'gro
ba lta bu nges par mi dgos

kyi; grwa pa kha cig gis 'gyed nyis len byed pa dang/ dpon pos
mi 'os pa'i nyes chad 'gel ba/ bre log srang log gis nor gtong
len byed pa sogs kyang ma byin len te/ 'dus sde rnams nas chad
pa gcod pa na/ phyag

@234b 'tshal ba sogs byed du 'jug pa'ang de 'dra'i nyes pa mi
'byung ba'i gnad kyis yin/ mdor na/ pha rol pos blos ma thongs
kyang rang la nor rdzas de dang de thob 'dod kyi bsam pas/ g.yo
sgyu'i thabs rnam pa sna tshogs bstan nas

khos mi ster rang dbang med par byas te rang la thob pa byung
ba'ang ma byin len du 'gro bas 'di rang re la ha cang 'byung
nyen che/ der ma zad gzhan gyi rdzas dang yo byad zho gang yan
gyi rin thang tshang ba gzhan la bcol ba'am snga g.yar bgyis

nas; phyis yun ring po lon pa na bdag po des brjed pa dang/ rang
gis kyang des brjed par gyur na ci ma rung snyam pas tshod bltas
nas brjed par shes te/ mthar thug rang la thob blo skyes pa lta
bu yang brku ba nyid yin te/ 'di la

dge tshul yin na pham 'dra dang/ dge slong yin na pham pa byung
zin pa yin gsungs/ gsum pa log g.yem gyi gzhi ni/ khyim pa yin
na mngal sgo ma gtogs pa'i lam ma yin pa dang/ sbrum ma dang
bsnyen gnas kyi skabs

sogs dus ma yin pa dang/ bla ma dang mchod rten gyi drung sogs
gnas min pa dang/ ma la sogs pa bgrod bya min pa rnams dang/ rab
byung gis ni mi tshangs spyad tshad log g.yem du 'gro/ 'du shes
ni log g.yem la ma

'khrul pa dgos pa dang/ mi tshangs spyod kyi pham pa la 'khrul ma
'khrul 'dra bar gsungs/ nyon mongs ni dug gsum ga /kun slong ni
log par spyod 'dod/ sbyor ba ni dbang po gnyis sprad pa sogs
dang/ mthar thug ni bde ba myong

@235a @#/ /ba na rdzogs pa yin gsungs/ bzhi pa rdzun ni/ mig gis
mthong ma mthong dang/ rna bas thos ma thos/ sna lce lus kyi
rnam shes gsum gyis bye brag phyed ma phyed dam/ myong ma myong/
yid kyi

rnam par shes pas nyams su myong ba'am rnam par shes ma shes
brgyad dang/ smra ba'i yul ni mi'i 'gro ba smra shes don go
ba'o/ /bsam pa la 'du shes ni/ mthong ba la ma mthong zhes pa
lta bu gzhan du bsgyur te smra bar 'du

shes pa/ kun slong ni de ltar smra 'dod pa/ nyon mongs ni dug
gsum ga /sbyor ba ni ngag gis rdzun tshig smra ba'am/ tshig ma
smras kyang mgo bo'i dbyibs sogs kyis rdzun byed pa yod/ mthar
thug ni pha rol pos don go ba'o/ /

gsod par 'ongs pa dag gis gsad bya gang na zhes dri ba lta bu la
drang por bshad du mi rung bas/ de 'dra'i dogs pa'i gnas yod pa
dag la'ang/ 'di nas mi 'di 'dra zhig song ngam zer na/ bdag do
nub che ge mo zhig tu 'gro

rgyu yin zer ba lta bu gtam ma 'brel ba bshad pas brjed du gzhug
pa'i thabs sogs bya dgos gsungs/ lnga pa phra ma la/ gzhi ni
mthun pa'am mi mthun pa ci rigs/ 'du shes ma 'khrul ba/ kun
slong dbye 'dod pa/ nyon mongs

dug gsum ga /sbyor ba mthun pa dbye ba dang mi mthun pa mi 'dum
par 'dod pa ste/ 'di la bden pa dang rdzun gyis phra ma byas pa
gang yin yang khyad med/ kha cig gis 'di dag yon tan du brtsi
yang 'di la yon tan med

@235b par ma zad/ skyon chen po yin pas byar mi rung/ mthar thug
ni tshig de'i don go ba ste/ de yang phra ma'i tshig smras pas pha
rol pos go nas rgyab 'gal du gyes par gyur na las lam rdzogs la/
tshig de ma go bar mi mthun pa sogs

dbye bar ma song na tshig kyal par 'gro ba las phra ma byas par
mi 'gro/ drug pa tshig rtsub kyi gzhi ni/ mnar sems skye ba'i
gzhir gyur pa'i sems can dang/ tsher ma sogs sems can min pa
gnyis ka yod/ 'du shes ma

'khrul ba/ nyon mongs dug gsum ga /kun slong ni smra 'dod pa/
sbyor ba mig zhar ba la zhar ba zhes brjod pa'am/ zhar ba min pa
la zhar ba zer ba lta bu bden rdzun gang yang rung bas pha rol
po'i tshul khrims dang rigs

dang lus kyi skyon sogs nas brjod pa ste/ pha rol po'i sems la
gnod na snyan par smra yang tshig rtsub smras pa'i nyes pa
'byung/ mthar thug ni des don go ba'o/ /'di la don go ba dgos
pas sems can min pa'i 'byung ba sogs

la smras kyang las lam mi rdzogs/ bdun pa ngag 'khyal gyi gzhi
ni/ don med dang ldan pa'i don/ 'du shes ni gang brjod par 'dod
pa'i don la der 'du shes pa'o/ /'di la yul yod med gang ltar
yang gtam dran tshad byung

rgyal du smras na dngos gzhi 'byung/ kun slong ni smra 'dod pa/
nyon mongs dug gsum pa/ /sbyor ba ni rgyal po dang dmag la sogs
pa'i gtam smra ba dang/ da ltar rang re grwa pa lta bus kyang
dgon pa'i gling bskor 'gro ba tshun gyi tshe

@236a @#/ /mi mang po zhig 'dus nas/ sde pa gzhung dang/ rgya nag
dang/ rgya gar sogs kyi the gtogs mang po gleng mo byed pa de
yin/ ngag 'khyal 'di mi dge ba bcu'i nang nas chung shos yin
yang/ rang re'i mi tshe

stong zad du gtong ba'i thabs bla na med pa ste/ tshogs gral tshun
chad du ngag 'khyal gyi gtam 'dre ba la brten nas grwa shag phan
tshun du 'tshogs te nyin sgang don med kyi skad cha mang po bshad
pas dus 'da' 'gro ba yang nas yang du 'ong/

des na jo bo chen pos/ mang po'i nang du ngag la brtag /ces
gsungs pa ltar grogs gcig yod tshun chad nas 'di la gzab dgos
gsungs/ gzhan yang/ sgrung dang/ phyi rol pa'i bstan bcos bshad
pa'ang ngag 'khyal yin/

log g.yem ma gtogs pa'i lus ngag gi mi dge ba drug ka gzhan la
byed du bcug pas kyang rang nyid la las lam du 'gyur bar gsungs/
brgyad pa brnab sems kyi gzhi ni/ gzhan gyi nor dang yo byad de/
de yang dper na khrom lta

bur 'gro ba na yo byad yid du 'ong ba mthong nas bdag la 'di
'dra byung na snyam du 'dod pa zug pa bzhin byung ba'o/ /'du
shes ni/ brnab sems 'byung ba'i gzhi de la der 'du shes pa/
'di'i kun slong/ sbyor ba/ mthar thug rnams

byed las sems gcig gi steng nas 'jog dgos pas/ kun slong ni nor
sogs de dang de bdag gir gyur na snyam pa/ nyon mongs ni dug
gsum ga /sbyor ba bsam pa de las shugs drag tu song nas bdag gir
byed 'dod pa/ mthar

@236b thug ni de las kyang shugs drag tu song nas rgyu nor sogs
de dang de yong thabs byed par thag bcad pa'o/ /rang gi nor
la'ang brnab sems skye ba yod cing/ rang cag lha sar khrom bskor
lta bu zhig 'gro ba na'ang brnab sems 'bum phrag

tsam skye bas de ltar byung skabs rang gi yid la gang byung dran
du mi 'jug par sgyu ma'i nor rdzas la snying po med par bsams
nas gnyen po bsten pa dgos gsungs/ dgu pa gnod sems kyi gzhi
dang nyon mongs sogs sngar tshig rtsub

kyi skabs su bshad pa ltar la/ kun slong gsod brdung sogs gnod
pa skyel 'dod dam/ pha rol po gud na ci ma rung snyam pa sogs
dang/ sbyor ba ni de la brtson pa/ mthar thug ni der thag bcad
pa yin/ rang re'i zhi rgyas

dbang drag gi las sbyor byed pa rnams kyang kun slong bzang pos
bstan pa dang sems can kho na'i don du byed pa zhig ma byung na/
brnab sems dang gnod sems sogs su 'gro nyen yod pas gzab dgos
gsungs/ bcu pa log

lta'i gzhi ni/ las 'bras/ bden bzhi/ dkon mchog sogs te yod pa
zhig dgos/ de med par blta ba log lta dang/ med par smra ba skur
'debs/ de yang phyi rol pa'i drang srong rkang mig gis rang gi
bu mo la chags te de

dang lhan cig spyod 'dod kyis 'jig rten snga phyi med par bshad
pa'i gzhung lugs 'bum phrag dang/ lta ngan drug cu sogs rang bzo
byas nas brtsams pa lta bu yin/ 'du shes ni skur ba 'debs pa'i
don la bden par 'du

@237a @#/ /shes pa las gzhan 'dra/ sbyor ba ni skur ba 'debs par
rtsom zhing/ mthar thug ni med par thag bcad pa'o/ /'di dngos
gzhi rang rer cung 'byung dka' yang/ bsod nams dman pa sdig
grogs kyi

dbang du song ba dag la yong nye'o/ /des na de dag legs par ngo
shes par byas te 'dzem bag bya ba gnad che gsungs/ gnyis pa lci
yang gi khyad par la drug las/ ngo bo'i sgo nas lci ba ni/ lus
ngag gi bdun las srog gcod

sogs snga ma snga ma lci la/ phyi ma phyi ma yang/ de'i rgyu
mtshan/ de dag gi tshe pha rol po la sdug bsngal che chung ji tsam
yod pa'i rim pas lci yang byung ba ste/ dper na nged tsho rang
gzhan su 'dra zhig yin yang srog la gces shing phangs pa

ji 'dra byed pa de tsam yo byad la mi byed pas srog gcod dang ma
byin len gnyis la pha rol po la sdug bsngal che chung 'byung ba
ltar yin/ yid kyi gsum snga ma snga ma yang la/ phyi ma phyi ma
lci ba yin/ bsam pa'i sgo nas lci ba ni/ bsam pa

nyon mongs shin tu drag pos byas pa ste/ tshig rtsub lta bu ngo
bo'i sgo nas yang yang khong khro shin tu chen pos khyi rgan
zhes brjod pa de lci ba lta bu'o/ /sbyor ba'i sgo nas lci ba ni/
sbyor ba gsod stangs ngan pa sdug las sna dgu btang nas

bsad pa lta bu yin/ yang 'bu bsad pa bas glang po che bsad pa
sdig lci ba lta bu dud 'gro gzugs bongs che ba dag gsod pa sdig
che ba'ang lus stobs che ba'i tshod kyi sdug bsngal che bas sbyor
ba'i sgo nas lci bar 'gro/ yul 'ga' shas na/ sbal

@237b pa dang/ khyim bya/ 'bu sogs mer bsregs nas gsod pa lta
bur ni/ ngo bo dang sbyor ba'i lci lugs gnyis ka tshang/ gzhi'i
sgo nas lci ba ni/ bla ma slob dpon byang sems dge 'dun pha ma
sogs zhing khyad par can la mig log blta ba lta

bu'ang sdig lci ba yin/ dus rtag tu byed pas lci ba ni/ ngag
'khyal lta bu dus rtag tu 'byung ba de lci ba'o/ /gnyen po med
pas lci ba ni/ dge ba sna gcig kyang mi byed pa'i gang zag gi
rgyud kyi sdig pa shin tu lci/ des na/ lci ba gcig

'dzoms pa nas drug ka 'dzoms pa'i bar yod/ byang sems la khong
khro chen pos mig log bltas pa dang/ sdug las sna dgu btang nas
dud 'gro bsad pa lta bu la gnyis tshang/ chags sems drag pos glu
blangs pa lta bu la gcig

tshang la/ de bzhin du sdig pa rtag tu byed cing dge ba mi byed
pa'i bshan pa lta bus/ pha ma sogs la khong khro drag pos sbyor
ba sdug las sna dgu btang nas bsad na drug ka 'dzoms/ des na/
rang re la mi lci ba med pa'i sdig pa gang lci

lcis rtag tu non nas yod/ gsum pa de dag gi 'bras bu bstan pa la
rnam smin/ rgyu mthun/ bdag 'bras gsum las/ mi dge ba bcu po de
dag gang byas kyang 'bras bu gsum po de nas rgyu mthun la myong
ba rgyu mthun dang/ byed pa rgyu

mthun gnyis su phye ba'i 'bras bu bzhi bzhi myong dgos/ de yang
mi dge ba chen pos dmyal ba/ 'bring gis yi dwags/ chung dus dud
'gror skye bas/ srog gcod la mtshon na/ rnam smin gyi 'bras bus
dmyal bar skye/ nam zhig

@238a @#/ /de las thar nas mir skyes kyang myong ba rgyu mthun
tshe thung zhing nad mang ba dang/ byed pa rgyu mthun byis pa'i
skabs nas bzung srog gcod pa la dga' ba/ bdag 'bras snod kyi
'jig rten la 'byung ste/ bza' btung

dang sman la sogs pa mthu chung ba 'ong/ rang re dmyal bar skyes
te lus dang me dbyer med du 'dres nas sdod pa las/ mi'i nang du
skyes te srog gcod la dga' ba 'di ngan te/ 'dis slar yang srog
gcod kyi rgyun mthun de ngan 'gror

'phen pas/ 'bras bu thams cad nas kha gnag shos ni byed pa rgyu
mthun 'di yin pas rang res mi dge ba'i byed pa rgyu mthun 'gog
thabs dang/ dge ba'i byed pa rgyu mthun yong thabs la 'bad dgos
gsungs/ ma byin len sogs

mi dge ba lhag ma dgu pos rim bzhin/ myong ba rgyu mthun longs
spyod dbul ba dang gzhan dang thun mong du 'gyur ba/ 'khor
g.yog dang chung ma bsrung mi thub pa dang/ gzhan gyis bden par
mi 'dzin pa dang/ mdza' bshes

nyung ba dang 'khor g.yog sogs dang 'bral ba/ gzhan gyis mi
snyan par smra ba dang/ gzhan gyis rang gi gtam la cha mi 'jog
pa'i tshig mi btsan pa dang/ don mi 'grub pa dang/ 'jigs skrag
can du 'gyur ba dang/ yang

dag pa'i lta ba la rmongs pa rnams 'byung/ sdig pa byed pa 'ga'
zhig tshe ring ba dang lam 'gro che la/ chos byed pa 'ga' zhig
tshe thung ba dang nad sogs yong rgyu mang ba ni skye ba snga
ma'i rgyu 'bras gzhan dang gzhan gyi yin/ rang

@238b cag la/ 'jig rten 'dir mi 'dod pa byung ba rnams tshe 'dir
'gro nyes 'dug nyes sogs rang gzhan gyi 'phral rkyen zhig gis
byas so snyam pa 'ong mod/ de ltar ma yin par phal cher tshe snga
ma'i las kyis byas pa yin/ byed pa rgyu

mthun ni/ ma byin len gyis tshe 'dir yang 'ga' zhig byis pa chung
ngu nas khab tshun chad rku ba dang/ byi ba dang byi la sogs rku
byed pa la mkhas pa ltar ma byin len la dga' zhing 'jug pa lta
bu ste/ des mtshon nas gzhan rnams go

sla; brnab sems gnod sems log lta gsum gyi byed pa rgyu mthun la
chags sdang rmongs gsum 'phel ba yin/ bdag 'bras ni/ ma byin len
sogs kyis rim bzhin lo 'bras nyung la/ sad ser than pa sogs
ldang zhing/ bzhon

'o zho nyung ba sogs dang/ 'dam rdzab ljan ljin sogs yod sar
gnas dgos pa dang/ bslu brid byed mkhan mang ba dang/ sa phyogs
mi snyoms par sdod dgos pa dang/ sdong dum dang tsher ma mang
ba'i gnas su skye ba dang/ shing

'bras dus su mi chags shing/ yang na dus min du chags pa dang/
phun tshogs thams cad 'grib 'gro ba dang/ dmag 'khrug dang nad ya
mas mang ba dang/ chu dang rin po che'i 'byung khungs nub pa
rnams yin/ de ltar mi dge

ba'i 'bras bu rnams 'byung tshul thos shing shes kyang da dung mi
dge bcu la shes bzhin du 'jug na/ mig ldan g.yang la mchong ba
dang 'dra/ sa gzhi dag kyang 'ga' shas sngar lo legs pa la/ deng
sang mi legs pa

@239a @#/ /yang sa bcud shor ba sogs gang yang min par/ las kyis
byas pa yin/ bskal pa bzang po'i skabs sa gzhi yangs shing phun
sum tshogs pa yod kyang/ rim gyis 'grib ste ngam grog dang

g.yang sa las med pa de 'drar 'gyur 'gro ba'i skabs yod/ gnyis
pa dkar po'i las 'bras bsam pa la gnyis/ dkar po'i las lam dngos
dang/ de dag gi 'bras bu bstan pa'o/ /dang po ni/ mi dge bcu ma
byas pa tsam

gyis dkar po'i las lam mi rdzogs te/ dkar po'i las lam tshang ba
la mi dge ba bcu po ngos gzung/ de la nyes dmigs su bltas te
yang dag par sdom pa'i sbyor ba dang/ bsdam pa mthar thug pa'i
spong sems kyi steng nas

'jog dgos/ de yang srog gcod spong ba'i dge ba lta bur/ gzhi/
bsam pa/ sbyor ba/ mthar thug bzhi ste/ dper na lug gsod pa
spong ba'i dkar po'i las lta bur mtshon na/ lug ni de 'dra'i las
kyi gzhi yin/ lug

gsod pa nyes dmigs su mthong nas de gsod du mi rung snyam du
gsod pa spong bar 'dod pa kun slong/ de shugs che ru song ste
lug gsod pa la nyes par mthong nas gsod pa yang dag par sdom pa
la brtson pa'i 'du byed ni lug

gsod pa spong ba'i dkar po'i las kyi sbyor ba dang/ gsod pa
spong bar thag bcad pa na las lam rdzogs pas/ lug gsod pa nyes
dmigs su mthong nas gsod pa yang dag par bsdams pa'i sems pa
yongs su rdzogs pa'i

@239b lus kyi las ni lug gsod pa spong ba'i dkar po'i las dngos
sam mthar thug yin/ ma byin len brku 'phrog lta bu'i skabs/ sdug
bsngal dang phung krol gyi gzhi nor rdzas 'di'i don du ngan
'gro'i rgyu bya ba ngan pa 'di 'dra byed mi rung snyam

pa kun slong/ las de spong ba la brtson pa sbyor ba/ spong bar
thag bcad pa na las lam tshang ba'o/ /de bzhin du log g.yem sogs
'og ma rnams la'ang rigs 'gre'o/ /gnyis pa de dag gi 'bras bu
bstan pa la gsum las/ dang po

rnam smin gyi 'bras bu ni/ dge ba'i las che 'bring chung ngus
rim bzhin khams gong gi lha dang/ 'dod lha/ mi sogs su skye la/
gnyis pa rgyu mthun gyi 'bras bu la gnyis las/ myong ba rgyu
mthun ni/ tshe ring ba/ longs spyod che ba/ chung ma

dang mthun pa/ gtam la cha 'jog pa/ grogs mthun pa sogs yin/
byed pa rgyu mthun ni/ dam pa'i skye sprul sogs 'ga' zhig skyes
tsam nas nges 'byung snying rje rnams rang shugs kyis 'byung ba
ltar dang/ gsum pa bdag 'bras

ni; bza' btung dang sman gyi nus pa che ba sogs te gong gi mi
dge ba bcu'i bdag 'bras rnams go bzlog pa yin pas go sla gsungs/
gsum pa zhar la stobs ldan gyi las kyi sgo bsdus te bstan pa la
bzhi las/ zhing gi sgo nas

stobs che ba ni/ pha pa rang ga ba dang/ pha ma/ dge sbyong/
byang sems khyim pa dang rab byung/ sangs rgyas/ bla ma rnams la
sbyin pa btang ba rnams snga ma snga ma las phyi ma phyi ma
stobs che zhing/ khams gsum gyi sems can thams

@240a @#/ /cad btson rar bcug ste mig bton pa las/ byang sems la
mig log blta ba sdig pa che la/ snga ma de dag btson ra las bton
te mig sbyin pa bas/ byang sems la dad pas thal mo sbyor ba phan
yon

che ba dper na/ dud 'gro bsad na ltung byed las mi 'byung bar mi
bsod ? na pham pa 'byung ba lta bu'o/ /rten gyi sgo nas stobs
che ba ni/ sdom pa ma blangs pa dang blangs pa gnyis kyi dge ba
rgya che chung shin tu che bar mdo las gsungs shing/ mi

dge ba'ang de dang 'dra ste/ khyim pas mi dge ba bcu ka 'byol
nyog tu spyod pa las rab byung gis nyes byas phra mo tsam byas
pa sdig lci/ de bas byang sems dang/ de bas kyang sngags kyi
sdom ldan gyis nyes pa byas pa shin tu lci/ kha cig

gis; sdom pa zhus na sdig pa che zer nas sdom pa la 'dzem mod/
de ni gtan nas ma yin te/ 'jug pa las/ mngon mtho'i rgyu ni tshul
khrims las gzhan med/ /ces gsungs pa ltar phyi ma'i lus rten
thob pa la da lta sdom pa nos te

tshul khrims bsrung ba nges par dgos/ de med par sbyin pa btang
ba tsam gyis dud 'gro klu lta bur skye/ der ma zad sdom pa khas
blangs na dge ba rgyun mi 'chad la/ sdom min khas blangs na mi
dge ba rgyun mi 'chad pa 'ong ste/ yul

gyi bshan pa dang/ chang 'tshong ? mar khas blangs pa lta bur
gnyid nyal ba dang/ rtse mo rtse ba'i gnas skabs tshun chad du
sdig pa 'phel ba rgyun mi 'chad/ srog gcod spong ba'i sdom pa
dang ldan mi ldan gnyis mnyam du bsdad de

@240b srog mi gcod par gnas pa'i skabs srog mi gcod pa tsam du
mtshungs kyang/ sdom pa med pa de la srog gcod spangs pa'i dge ba
mi 'byung zhing/ sdom ldan der nyin re bzhin du de spangs pa'i
dge ba 'phel/ de bzhin du sdom ldan dge bsnyen

dang/ dge tshul dang/ dge slong rnams kyis dge rtsa ched du ma
bsgrubs kyang tha na gnyid nyal ba'i skabs tshun la rim bzhin
lnga dang/ so drug dang/ nyis brgya lnga bcu rtsa gsum gyi dge
ba 'phel la/ de thams cad las kyang byang sems

kyi sdom ldan la ni/ dge ba grangs kyis mi chod de/ spyod 'jug
las/ de nas bzung ste gnyid log gam/ /bag med gyur kyang bsod
nams shugs/ /rgyun mi 'chad pa du ma zhig /nam mkha' mnyam par
rab tu 'byung/ /zhes gsungs

pa bzhin yin/ sngags sdom ldan pas ni de bas kyang brgya 'gyur
stong 'gyur gyis lhag pa 'phel 'gro/ des na sdom pa gang yang ma
blangs pa des dge rtsa ched mngags bsgrub na ma gtogs mi 'byung
la/ sdom ldan la nyin zhag rer yang

dge ba ngang gis 'phel ba'i khe sang chen po'i khyad zhugs pas/
blo chung gi log rtog mi byed par/ khyim pas kyang gso sbyong/
bsnyen gnas/ byang sdom sogs ldan par byed dgos/ kha na mtho ba
la rang bzhin gyi kha na ma tho ba dang/

bcas pa'i kha na ma thob pa gnyis yod/ dang po ni/ rgyu'i khyad
par dngos kyi kun slong mi dge bas kun nas bslang zhing/ ngo
bo'i khyad par rang gi ngo bo sdig pa mi dge ba dang bdag gcig
tu gyur pa/ 'bras bu'i khyad par rang gi ngo bo'i

@241a @#/ /cha nas rnam smin yid du mi 'ong ba 'byin nus pa/
sdom pa dang ldan mi ldan sus kyang gzhi de la zhugs na kha na
ma tho ba'i sdig pa skyed par byed pa zhig la 'jog cing/ gnyis
pa ni/ sangs rgyas kyi

bcas pa las 'gal ba'i las sgrib gang zhig /rgyu'i khyad par
dngos kyi kun slong dge ba'am lung ma bstan gyi bsam pas kun
nas bslang zhing/ ngo bo'i khyad par rang gi ngo bo lung ma
bstan dang bdag gcig tu gyur pa/ 'bras bu'i

khyad par rang gi ngo bo'i cha nas rnam smin yid du mi 'ong ba
'byin mi nus pa zhig la 'jog /bcas rkyang gi ltung ba la
rgyu'i kun slong bslab pa la khyad gsod kyi bsam pa sogs mi
dge ba dang 'brel na bcas pa dang rang bzhin gyi kha na ma

tho ba'i sdig ltung gnyis ka 'byung zhing/ kun slong lung ma
bstan rkyang pas byas pa yin na bcas 'gal gyi ltung ba las/
rang bzhin gyi kha na ma tho ba'i sdig pa mi 'byung ba yin/
dge slong gis dud 'gro bsad na srog gcod kyi rang

bzhin gyi kha na ma tho ba'i sdig pa zhig dang/ dud 'gro bsad
pa'i ltung byed kyi bcas pa'i kha na ma tho ba'i ltung ba zhig
bcas sdig ltung gnyis 'byung/ de 'dra'i sdig pa dang ltung ba
gnyis ngo bo gcig la ldog pa tha dad du yod pas/

de 'dra'i ltung ba der gnyen po stobs bzhi ji ltar byas kyang
des ni ltung ba de dang ngo bo gcig pa'i sdig pa de lhag ma
med par 'dag nus kyang/ de dang ngo bo gcig pa'i ltung ba ni
phyir bcos kyis dag par ma byas bar du mi 'dag /

@241b yang ltung ba phyir bcos kyis dag par byas kyang sdig pa
de gnyen po stobs bzhis ma bshags na mi 'dag /so thar gyi sdom
pa ni mkhan slob dge 'dun dang bcas pa las blangs pas dge 'dun
nam dge slong gi mdun du phyir bcos bya

dgos shing/ byang sdom dang 'gal ba'i nyes pa de bla ma rgyal
ba sras bcas kyi drung dang/ sngags sdom dang 'gal ba'i nyes
pa de dkyil 'khor pa'i lha tshogs kyi spyan sngar bshags pas
dag par bya dgos/ rang res mchod 'bul

tshogs gsog lta bu dge rtsa rgya chen po byed pa'i skabs/ ma
mtha'ang theg chen gso sbyong lta bu'i sdom ldan du byas nas
byed na phan yon che ba 'ong gsungs/ dngos po'i sgo nas stobs
che ba ni/ zang zing gi sbyin pa las chos kyi sbyin pa dang/

zang zing gi mchod pa las sgrub pa'i mchod pa lhag pa sogs so/
/bsam pa'i sgo nas stobs che ba ni/ byang chub kyi sems kyis
zin pa'i sgo nas sgrol ma tshar gcig bton pa'am/ mar me gcig
phul ba yang dge ba stobs chen por

song ste/ sems des ma zin par mar me 'bum phrag phul ba las
lhag pa yin/ sa bcad 'di rnams ni/ dge mi dge rnams las gtso
bor 'dzem dgos pa dang/ bsgrub dgos pa rnams bsdus te ston pa
yin/ des na bsgrub

mkhas po byung na tshegs chung ngus dge ba rgya chen po 'dum pa
dang/ mi dge ba yang chung du btang ba'i tshul yod pas de shes
dgos/ dge slong zhig gis bsam pa byang chub kyi sems kyis zin
pa'i sgo nas sbyor chos lta bu zhig btang

@242a @#/ /na rten bsam pa yul dngos po ste stobs che ba bzhi
tshang/ gzhan yang/ las la 'phen rdzogs kyi khyad par ni/ 'phen
byed la dge bas bde 'gro dang/ mi dge bas ngan 'gror 'phen/
rdzogs byed

la nges pa med de/ 'phen byed dge bas 'phangs nas rdzogs byed
dge bas rdzogs pa dang/ mi dge bas rdzogs pa gnyis/ 'phen byed
mi dge bas 'phangs nas rdzogs byed mi dge bas rdzogs pa dang/
dge bas rdzogs pa

gnyis te mu bzhi yod/ dang po ni/ 'khor los sgyur rgyal lta bu
mi tshe skyid kyis skyel ba rnams yin/ gnyis pa ni/ mir skyes
te ngal sdug gis tshe yol ba'i dbul po lta bu/ gsum pa ni/
dmyal ba pa lta bu/ bzhi pa ni/ rgyal

dbang yab sras sogs kyi chibs rta chibs drel dang/ gzim khyi
lta bu yin/ yang; gzhan la sbal pa 'dra zhes tshig ngan gcig
tsam smras pa'i 'bras bur sbal pa'i skye ba lnga brgya len
dgos byung ba lta bu las gcig gis lus

du ma 'phen pa dang/ de bzhin du las mang pos lus gcig 'phen
tshul sogs yod/ las de la'ang myong bar nges pa dang/ ma nges
pa/ byas la bsags pa dang/ byas la ma bsags pa/ bsags la ma byas
pa sogs dang/

myong nges kyi las la'ang 'bras bu myong ba'i dus gsum ste/
mthong chos myong 'gyur ni/ zhing dang bsam pa'i khyad par
gyis tshe 'di la bsags pa'i las kyi 'bras bu tshe 'di la myong
ba'o/ /skyes nas myong 'gyur ni/ tshe gnyis pa la

@242b myong ba'o/ /lan grangs gzhan la myong 'gyur ni tshe gsum
pa phan chad du myong ba yin/ 'di dag kyang zhib par lam rim
che chung sogs las shes dgos gsungs/ gnyis pa las 'bras bye
brag tu bsam pa ni/ de ltar mi dge ba'i 'bras

bu myong ba la 'jigs shing skrag nas mi dge bcu spong gi
khrims bsrung/ dge ba bcu tshul bzhin bsgrub na/ phyi mar ngan
song du mi ltung bar lha mi'i lus rten tsam po ba tsam 'thob
nus kyang/ rang res thar pa dang thams cad mkhyen pa

sgrub pa la de tsam gyis mi chog par mngon mtho'i rten khyad
par ba rnam smin yon tan brgyad ldan zhig thob na lam bsgom
pa'i sa chod gzhan dang mi 'dra bas/ nges par yon tan brgyad
ldan gyi rten zhig 'thob dgos te/ rje tsong kha pa chen

pos; lam mchog sgrub la mtshan nyid tshang ba'i rten/ /ma rnyed
bar du sa chod mi 'ong bas/ /de yi ma tshang med pa'i rgyu la
bslab/ /ces gsungs/ des na 'di la gsum/ rnam smin gyi yon tan/
de'i byed las/ de'i rgyu bsgrub pa'o//

dang po la brgyad/ tshe ring ba/ gzugs bzang ba/ rigs mtho ba/
dbang phyug che ba/ tshig btsun pa/ dbang che bar grags pa/
skyes pa nyid yin pa/ lus sems stobs dang ldan pa rnams so/
/de yang dper na/ 'jig rten na zhing

gi so nam legs pa las 'bras bu bzang po 'byung ba bzhin rang
re rnams skye ba snga ma'i las bzang po'i mthu las da lta lus
longs spyod sogs gang yang ma bslus tsam byung ba yin la/ 'di
lo'i ston 'bras byung tsam gyis mi phan

@243a @#/ /par phyi lo'i ston thog gi so nam la brtson dgos pa
bzhin/ skye ba phyi ma la ji mi snyam pa dang/ phyi ma la bsam
blo gtong mkhan yin yang 'jigs te bsdad pas mi phan zhing/
mngon mtho phal pa tsam

gyi rgyu bsgrub pas kyang gang yang mi 'ong bas chos sgrub
pa'i lus rten khyad par can zhig 'thob pa'i rgyu bsgrub dgos
la/ de yang tshe ring ba/ gzugs bzang ba sogs rnam smin yon tan
brgyad ldan zhig dgos/ gnyis pa de'i byed las ni/

yon tan brgyad kyi dang pos rang gzhan gyi don dge rtsa yun
ring du bsgrub pas chos mthar phyin par byed/ gnyis pas ni/
mthong ba tsam gyis gdul bya 'du che ba jo bo rje lta bu yin/
gsum pas rang gis ji ltar bsgo ba ltar gzhan

gyis nyan pa dang/ bzhi pa dbang phyug che ba ste/ dpal 'byor
che zhing 'khor mang bas ni/ sems can rnams thog mar zang zing
gis dbang du bsdu/ mthar chos kyis smin par byas te gzhan don
rlabs chen byed nus pa dang/ lnga pas ni/

gzhan gyis bden par 'dzin par byed/ drug pas ni/ rgyal po'i
bka' ltar bya ba thams cad ji ltar bsgo ba las mi 'da' bar
myur du sgrub pa/ bdun pas ni/ 'khor gyi dbus su mi 'jigs
shing/ dben par gcig pur gnas

te chos sgrub pa sogs la bgegs dang bar chad nyung ba/ brgyad
pas ni/ lus stobs che bas rje mid la ltar dka' tshegs chen pos
sgrub dgos pa'i chos rnams kyang dka' spyad kyis sgrub nus
shing/ sems stobs che bas rang

@243b gzhan gyi don gang la'ang mi skyo zhing spro shugs che
la brtan pas so sor rtog pa'i stobs thob nas mngon shes myur
du 'char ba'i rgyu byed pa sogs 'byung/ gsum pa de'i rgyu
bsgrub pa ni/ chos byed pa la de dag byung na legs mod/ de
'dra

e yong snyam na/ de nges par 'ong ba dper na zhing pa tshos
ston kar 'bras bu 'ong bar shes nas dpyid dus sa bon btab pas
ston kar 'bras bu nges par 'ong ba ltar/ rang res kyang da res
rten 'di la rnam smin yon tan brgyad ldan

gyi rgyu bsgrubs nas smon lam rnam dag gis mtshams sbyar na
phyi mar 'bras bu nges par 'ong ste/ rgyu ma tshang ba med pa
las 'bras bu 'byung ba chos nyid yin pas so/ /de la brgyad
las/ tshe ring ba'i rgyu ni/ sems can la gnod 'tshe

dang srog gcod spong ba/ tshe thar gtong ba/ nye'u 'don pa lta
bu srog blu zhing 'tshe ba las ldog pa/ zas sbyin pa/ btson las
bton pa/ nad pa la sman ster zhing nad g.yog byed pa sogs so/
/gzugs bzang ba'i rgyu'i gtso bo ni/ bzod

pa bsgom pa yin/ gzhan yang rten la mar me gsal po 'bul ba
dang/ rten gsum gsar bzheng ngam/ rnying pa chag grum sogs la
nyams gso dang/ gser dang tshon gyis gso ba/ na bza' gsar pa
'bul ba/ gzhan la

gos rgyan gsar pa ster ba sogs yin/ rigs mtho ba'i rgyu ni/
ser skya gang yin yang yon tan dang/ rigs/ tshul khrims/ shes
rab/ 'khor/ go sa sogs kyi khengs sems mi byed par/ nga rgyal
dang che ba'i nga rgyal thams

@244a @#/ /cad spangs te dman sa gzung/ bla ma slob dpon mkhan
po dge 'dun sogs zhing khyad par can rnams la shin tu gus pa
byed pa dang/ rab byung tshos rang las bslab pa rgan pa rnams
la gus shing/ bslab

pa gzhon pas rang la phyag dang bkur sti byed pa sogs rang
rgyud kyi bslab pa la gus pas dwang du len dgos pa dge slong
gi sdom pa 'bogs chog skabs byung ba de 'og ma rnams la'ang
'dra ba yin/ sprul sku dang chos mdzad sogs

kyi lugs srol yod kyang bslab pa rgan pa la brtsi zhing gus pa
bya dgos pa sogs sangs rgyas kyi sku dus nas yod pas de dag
tshul bzhin byed dgos/ da lta gzhung sa dga' ldan pho brang pa
chen po'i chab srid la yongs su grags

pa'i mi chos gtsang ma bcu drug ces pa'i nang du'ang rgan
gzhon brtsi 'jog gi bkur sti dang/ pha ma sogs bka' drin che
ba'i yul rnams dang/ yon tan can gyi zhing la sri zhu byed pa/
dbul phongs dang nad pa nyam thag la phan

gdags pa sogs ha cang gnad che ba mang po yod/ de ltar byung
na yul spyi'i bde skyid la'ang phan te/ sngar mthun pa spun
bzhis rgan gzhon go rim ltar bkur sti byas/ khrims bsrungs pas
ka shi'i yul na bde skyid shin tu

che ba byung tshul 'dul ba lung sogs nas gsungs/ de ltar mthun
pa rnam bzhi lta bu dud 'gros kyang rgan gzhon brtsi 'jog byas
pa la de 'dra byung na/ nged cag rab tu byung ba sogs chos pa
tshos de 'dra bya dgos pa lta ci smos

@244b te; bde skyid lhag par du 'byung gsungs/ longs spyod
'byung ba'i rgyu ni/ rten gsum la tshon dang na bza' gsar pa
'bul ba/ slong mo ba la bza' btung rgyan gos sogs sbyin zhing/
mi slong yang phan 'dogs kyi zhing dang/ yon tan

gyi zhing dang/ sdug bsngal gyis mnar ba rnams la yar mchod
mar sbyin gang nus byed pa'o/ /tshig btsun pa'i rgyu ni/ ngag
bag dang ldan par byas te ngag gi mi dge ba rnams nan tan du
spong ba dang/ dbang che ba'i rgyu ni/ mkhan slob dang/

dkon mchog /pha ma sogs zhing khyad par can dang/ rang las
rgan pa sogs la gus shing mchod pa dang/ rang la yon tan sna
tshogs 'byung bar smon lam 'debs pa sogs so/ /skyes pa nyid kyi
rgyu ni/ skyes pa'i rten la dga' ba dang/

bud med kyi dngos po la mi dga' bar lus la nyes dmigs su bltas
te/ skye ba 'di lta bu ma blangs na ci ma rung snyam du de la
yid 'byung ba dang/ bud med kyi lus 'dod pa la 'dun pa rnams
bzlog pa dang/ ye shes bla ma 'od kyi tog

de bzhin smon lam blo gros dang/ /dbang po zhi dang 'jam
dbyangs la/ /bdag ni gus pas phyag 'tshal lo/ /zhes byang sems
chen po de dag gi mtshan brjod pa/ yul gnyan po la ngan smra mi
byed pa/ pho dbang gcod pa las thar bar

byed pa sogs so/ /lus sems stobs che ba'i rgyu ni/ gzhan gyis
lus dang bsam pa sogs kyis mi nus shing mi lcogs pa'i las
rnams rang gis sgrub pa dang/ gzhan gyi grogs byed cing/ gzhan
la brdung gtag mi byed

@245a @#/ /pa dang bza' btung ster ba sogs byed pa yin/ de yang
yon tan brgyad ldan gyi rten de dge ba'i snod du 'gyur ba'i
smon lam btab na jo bo chen po sogs dang/ sngon gyi chos rgyal
gong ma rnams

ltar 'byung zhing/ smon lam bzang po ma byung bar mi dge ba'i
rten du gyur na mtha' mi'i rgyal khab kyi rgyal po ltar rnam
smin brgyad ldan gyi lus de 'dra thob kyang des mi dge ba
stobs chen sgrub pa yod pas/ de ltar ma song bar dge ba'i

rten du 'gyur ba'i smon lam nan tan byed pa gal che/ des na mi
rtag pa'i chos skor sogs kyang thog mtha' bar gsum la gal che
mod/ skyes bu chung ngu'i skabs 'dir nyams len gyi mthil dngos
gzhi lta bu ni las 'bras la blang dor lag

len byed pa 'di yin gsungs/ gsum pa las 'bras bsams nas 'jug
ldog bya tshul la gnyis/ spyir bstan pa dang/ khyad par du
stobs bzhis sbyong ba'i tshul lo/ /dang po ni/ thun gyi skabs
dge sdig gi rnam gzhag yang yang

bsams pa de thun mtshams su dran shes bag yod kyis blang dor
byed pa dge bshes 'ban gyis dge sdig gnyis la rde'u dkar nag
gis rtsis rgyag mdzad nas spang blang mdzad pa ltar bya dgos/
de yang spyod 'jug las/ mi dge ba las sdug

bsngal 'byung/ /de las ji ltar nges thar zhes/ /nyin mtshan
rtag tu bdag gis ni/ /'di nyid 'ba' zhig bsam par rigs/ /zhes
dang/ dge ba'i phyogs ni thams cad kyi/ /rtsa ba mos par thub
pas gsungs/ /de'i yang rtsa ba rtag tu ni/ /

@245b rnam smin 'bras bu sgom pas so/ /zhes gsungs pa ltar
dkar nag gi las 'bras shes par byas nas rgyun du dran shes bag
yod bsten te/ srog gcod dang rdzun sogs byed par nye ba na/ de
ma thag tu mtshams bzhag /phra mo byung ba dag

kyang bshags sdom byed na/ bshes spring las/ gang zhig sngon
chad bag med gyur pa la/ /phyis nas bag dang ldan par gyur de
yang/ /zla ba sprin bral lta bur rnam mdzes te/ /dga' bo sor
phreng mthong ldan bde byed bzhin/ /zhes gsungs

pa sngar sbyor chos kyi skabs nas kyang bshad pa ltar/ 'dod
chags can gcung dga' bo/ sor phreng can mi dgu brgya dang dgu
bcu go dgu bsad pa dang/ ma skyes dgra pha phyir mi 'ong ba
bsad pa dang/ bde byed kyis rang gi a ma bsad pa yang

sdig pa dag pa bzhin du sngar sdig pa bsags pa rnams 'dag par
'gyur bas bshags sdom la chig dril byed pa gnad che/ mdor na
skyes bu chung ngu'i skabs 'dir nyams len gyi 'gag sdom lta
bur las 'bras la rtsis chen po bya/ 'di la

jo bo chen pos kyang rtsal du 'don par mdzad/ sngon 'phan yul
na mdo sde spang skong phyag brgya pa kha ton byed pa/ 'bum
gyi blus zos pa zhig shi ma thag tu gshin rje'i skyes bus sa
'og tu khrid de/ gshin rje chos rgyal gyi mdun du sleb

pa na khos rdzun smras pas/ me long bstan te/ 'bum tshong mkhan
dang/ nyo ba po/ rin sran ma blangs pa dang/ de 'thor ba byis
pas 'thu ba tshun gsal bas bya thabs ma rnyed par zangs mo cher
'dzud pa na/ spang skong phyag brgya par skyabs 

@246a @#/ /'gro byas pas shi ba las log pa byung/ po to bas lo
rgyus 'di gzhan la zlos shig ces gsungs tshul/ des na 'jig rten
'di nas rang gis sdig pa bsags pa mkhan slob dang dpon po sogs

kyis ma mkhyen pas skyon med snyam pa byed kyang/ mdo ting 'dzin
rgyal po las/ zla ba skar mar bcas pa gnas ltung zhing/ /ri dang
grong du bcas pa'i sa zhig la/ /nam mkha'i khams ni rnam pa
gzhan gyur kyang/ /khyod ni mi bden pa

yi tshig mi gsung/ /zhes pa ltar sangs rgyas kyis las 'bras kyi
rnam gzhag gsungs pa ni bden pa'i bka' nam yang bslu ba med pa
yin zhing/ des na dge sdig phra mo'ang chud zos su mi 'gro bas
blang dor tshul bzhin byed/ 'on

kyang thog ma med pa nas 'dris drags pas sdig pas cung zad re
gos na'ang gnyen po stobs bzhi'i bshags sdom tshul bzhin bya
dgos/ gnyis pa khyad par du stobs bzhis sbyong ba'i tshul la/
gong du sbyor chos skabs zhus zin

kyang 'di shin tu gal che zhing sa bcad kyi dngos zin ltar
mtshams 'dir yang bskyar mdo tsam zhu na/ 'di la bzhi las/ rnam
par sun 'byin pa'i stobs ni/ sngar byas kyi sdig pa la 'gyod
sems shugs drag byed pa ste/ stobs

bzhi nas gal che shos 'di yin/ stobs 'di byung na 'og ma rnams
rang shugs kyis 'ong/ de yang las 'bras la yid ches kyi dad pa
skyed pa la rag las/ gnyen po kun tu spyod pa'i stobs la sngar
zhus zin pa ltar gtso bo bslab btus

@246b nas gsungs pa drug dang/ gzhan yang sdig pa 'dag pa'i
phyir du dge sbyor gang byas rnams gnyen po kun spyod kyi stobs
su 'gro/ nyes pa las slar ldog pa'i stobs ni/ phyin chad srog la
bab kyang mi byed snyam pa'i sdom sems bsten

pa ste; de yang dang po nas nyes spyod tshang ma gtan du spong
thub pa dka' yang/ rtsa ba nas spong thub pa rnams rtsa ba nas
dang/ de ltar mi thub pa rnams kyang nyin re bzhin du de ring
yang mi byed/ de ring yang mi byed snyam pa'i sdom

sems bsten pa yin/ rten gyi stobs ni/ skyabs 'gro sems bskyed
byed pa yin pas/ rdor sems bsgom bzlas dang/ ltung bshags sogs
kyi dbur yang skyabs sems 'byung ba de'i gnad kyis yin/ rang rer
thog med nas

bsags pa'i sdig pa sna re re nas rgyal po'i bang mdzod ltar yod
kyang/ stobs bzhi'i bshags sdom shugs can byung na myong nges
kyi las kyang 'dag nus pa sbyor chos skabs zhus pa ltar yin/
gzhan yang bslab btus nas gsungs

pa'i nam snying gi bshags pa dang/ ltung bshags brkyang phyag
dang 'brel ba/ gser 'od dam pa'i bshags mdo 'jam mgon tsong kha
pa chen po'i bka' 'bum thor bu'i gras su bzhugs pa sogs ltar
byas na mchog yin/ bshags

pa byas pa'i mjug tu sdig pa lhag med du dag song snyam pa dang/
mi dmigs pa'i rgyas 'debs byas na sdig pa 'dag tshabs che gsungs/
sdig pa la snang chung byed pa dang/ 'jigs drags nas bsdad pa
gnyis kas mi phan par/

@247a @#/ /rang cag las dang po bas bshags pa byed pa 'di rang
gnad che bas skul byed kyi gzungs las gsungs pa'i sdig pa dag
pa'i rtags gsal po yang yang ma byung bar du bshags pa shugs
drag la rgyun

ring ba bya dgos/ sngar zhus pa bzhin grwa rkyang rnams kyis
tshogs chos rwa 'grim pa dang/ thos bsam slob gnyer/ rtags gsal
khyab skor gcig rtsod pa tshun chad kyang bsags sbyang gi don du
byas na sdig sbyang dang/ tshogs gsog

tu 'gro/ gsung rab la dpyad pa byas pa de dpyad sgom yang yin
pas/ sgom zhes pa logs su brag phug tu lus gnad bca' dgos pa'i
nges pa med/ de lta min par 'gyed phogs don gnyer dang/ gzhan
tshar gcod pa'i ched tsam du

thos pa byas na chos su'ang mi 'gro/ des na rtsod pa sogs kyi
tshe yang phyir rgol la dam bca' ba de kho nar mi bzung bar/ rang
rgyud la phyir rgol byas te de'i steng du rtags bkod/ des mtshon
nas rang cag rab byung rnams kyis nam rgyun

chos byed bzhin pa de nyid bsam pas chos su sgyur ba las lhag
pa'i chos byed par logs su 'gro mi dgos/ gzhan khyim pa skya bo
'jig rten pa dag ni logs su chos la brtson dgos pa yin/ 'on
kyang dge bcu ni khyim pa tshun chad

kyis kyang lag len la bkar/ skyes bu 'bring sogs phyi ma rnams
kyang las 'bras kyi lag len 'di rgya che ru song ba yin zhes
bdag gi bla mas gsungs/ lag len la 'gel lugs kyang shig lta bu
gsod par nye nas sen mo'i steng du bzhag

@247b zin pa na'ang 'di mi rung snyam nas spong la/ rdzun zhig
bshad par rtsom pa na'ang dran pas lce nas ma shor bar bzung bas
mtshon te sdig pa chung ngu nas spong gang thub dang/ dge ba
chung ngu nas bre gsog phul gsog byas te bsgrub dgos/ kha cig

gis sdig pa phran bu byas kyang bshags pa bya chog pas skyon med
snyam na/ sdig pa dang po nas ma byas pa dang/ byas nas bshags
pas dag pa gnyis khyad par shin tu che ste/ dang po nas rkang pa
ma chag pa dang/ chag nas 'ching sogs

byas te 'byor ba gnyis khyad par che ba ltar/ sdig pa byas pa
rnam smin myong mi dgos pa tsam gyi bshags sdom shugs drag byas
te sbyong thub pa byung yang/ sa lam thob pa la ha cang rgyang
thag bsring ba bskal pa'i yun tsam du 'gor 'gro ba'i

gnod tshabs chen po byed pa 'ong/ de ltar bshad pa de dag zhus pa
na/ sngar tshe 'di gtso bor byas te phyi ma don gnyer gyi blo
zhar byung tsam las med pa la/ da res dal 'byor/ mi rtag pa/
ngan song gi sdug bsngal/ skyabs 'gro dang las

'bras kyi chos skor rnams thos pa la brten nas/ da ni skye ba
phyi ma'i don zhig bsgrub dgos pa 'dug snyam du de phyin chad
phyi ma don gnyer gtso bo dang/ tshe 'di'i snang shas zhar byung
tsam du song na/ skyes bu chung ngu'i lam rim gyi rtogs pa'i

sne dang po skyes pa red/ de ltar skyes kyang da dung yang yang
goms par bya dgos te/ rje tsong kha pa chen pos/ 'on kyang brtan
par byed dgos pas de byung nas kyang 'bad de sbyang bar bya'o/
/zhes gsungs pa ltar ro/ /de'i phyir ngas byang chub

@248a @#/ /lam rim 'dir rtogs pa'i sne dang po chos gral 'di nas
skye 'ong bya ba'ang de yin gsungs/ de nas 'bring du spros te
bshad pa mdzad/ skyong tshul mdor bstan la/ sbyor chos sngon du
btang/ bla ma spyi bor bzhugs

pa la gsol 'debs byas nas/ las 'bras spyi bye brag rnams sa bcad
bkram ste bsam/ 'jug ldog bya ba ni rgyun gyi lag len yin pas
'dir dmigs pa skyong mi dgos/ thun mtshams su las 'bras kyi rnam
gzhag ston pa'i skor

mdo mdzangs blun dang/ las brgya pa/ rtogs brjod brgya pa/ dran
pa nyer gzhag /'dul ba lung sde bzhi sogs la yang nas yang du
mjal dgos pa sngar gong du yang mdo tsam zhus pa ltar yin
gsungs// ! //nyin bcu

bzhi par/ chos kyi rgyal po tsong kha pa chen po'i gsung/ lus
srog g.yo ba chu yi chu bur bzhin/ /zhes sogs shlau ka gnyis
'dren par mdzad nas sngon 'gro kun slong bcos tshul mdor bsdus
dang/ sngon du ji ltar song pa'i sa bcad

rnams gsungs te/ 'jig rten phyi mar bde ba'i thabs dngos las
'bras kyi skor la bskyar bshad mdzad/ gnyis pa skyes bu 'bring
dang thun mong ba'i lam gyi rim par blo sbyang ba la gnyis/ thar
pa don gnyer gyi blo bskyed pa dang/ thar

par bgrod pa'i lam gyi rang bzhin gtan la dbab pa'o/ /dang po la
gnyis/ 'khor ba spyi'i sdug bsngal bsam pa dang/ so so'i sdug
bsngal bsam pa'o/ /de yang sngar bshad pa'i skyes bu chung ngu
dang thun mong ba'i lam rim la brten nas

@248b mi dge bcu spong gi khrims bsrung na gnas skabs ngan song
gi sdug bsngal las thar te bde 'gror skye ba zhig 'byung yang/
de tsam gyis mi chog ste/ dper na mi nag can zla gcig nas gsod
rgyur thag chod pa zhig gzhan gyis ngo chen

zhus te/ rta lcag /la thigs sogs nyin bstar gyi khrims kyi nyes
pa re zhig yang du song yang/ phugs gsod rgyu las ma thar ba
bzhin du 'khor ba 'di las gtan nas thar pa zhig ma byung na/
spyod 'jug las/ bde 'gror yang dang

yang 'ong ste/ /bde ba mang po spyad spyad kyang/ /shi nas ngan
song sdug bsngal ni/ /yun ring mi bzad rnams su ltung/ /zhes pa
ltar nam zhig las bzang po'i 'phen pa zad nas slar ngan song du
'gro bar thag chod pa yin/ des na phyin chad

sdug bsngal gyi rgyun gcod pa zhig 'dod na 'khor ba 'di las gtan
nas thar ba zhig bya dgos/ de la skyes bu 'bring gi skabs 'dir
thar pa don gnyer gyi blo bskyed dgos pa yin la/ de bskyed tshul
la/ bden bzhi'i rang bzhin dang/

rten 'brel yan lag bcu gnyis bsam pa'i sgo nas bskyed pa gnyis
yod/ de la thar pa zhes pa ni bcings pa las grol ba ste/ dper na
thag pa la sogs pas bsdams pa las thar ba na/ de las thar ba
zhes zer ba ltar rang re zag bcas

nyer len gyi phung po'i steng du las nyon gyi thag pas bcings pa
yin/ bcing lugs ni/ de gnyis kyi dbang gis khams kyi dbang du
byas na 'dod khams sogs khams gsum dang/ 'gro ba'i dbang du byas
na rigs drug gam lam

@249a @#/ /rgyud lnga dang/ skye gnas kyi dbang du byas na mngal
skyes sogs bzhi la phung po nying mtshams sbyar ba ni bcings pa'i
ngo bo yin pas de las grol ba ni thar pa yin/ spyir 'khor ba
zhes pa'i don srid

rtse nas mnar med kyi bar lus blangs nas 'khor ba la byed/ slob
gnyer ma byas pa tshos 'khor ba zer dus khyim de 'khor ba yin
snyam pa dang/ rigs drug gi gnas de 'khor ba yin snyam du sems
pa sgras brjod rigs tsam du

rung yang de 'khor ba dngos min la/ mkhas pa 'ga' zhig gis 'khor
bar yang nas yang du nyid mtshams sbyor ba'i cha sogs la bzhed pa
yod kyang/ rgyal mchog bskal bzang rgya mtshos zag bcas nyer len
gyi phung po'i skye

ba'i rgyun gyi cha la bzhed pa ltar legs/ de'i phyir las nyon
gyi dbang gis yang srid du nying mtshams sbyor ba'i rgyun chad pa
na 'khor ba las thar ba yin/ de yang btson pa btson khang las
thar ba la de las thar 'dod skye dgos/ de la

btson rwa'i skyon ma bsams na mi 'byung ba bzhin du/ 'khor ba
las thar 'dod med na thar ba'i thabs la mi brtson zhing/ thar
'dod skye ba la/ bzhi brgya pa las/ mkhas pa rnams la mtho ris
kyang/ /dmyal ba dang mtshungs

'jigs bskyed 'gyur/ /zhes gsungs pa ltar 'khor ba la skyo shas
skye dgos/ de la 'khor ba'i sdug bsngal bsam dgos/ de bsam tshul
la bden bzhi'i sgo nas dang/ rten 'brel yan lag bcu gnyis kyi
sgo nas bsam

@249b tshul gnyis gsungs pa las/ 'dir dang po'i dbang du byas te
'chad na/ bcom ldan 'das kyis thog mar yul wA ra NA sir 'khor
lo dang po'i skabs 'khor lnga sde bzang po la/ dge slong dag
/'di ni sdug bsngal 'phags pa'i bden

pa'o; ;'di ni kun 'byung 'phags pa'i bden pa'o/ /'di ni 'gog pa
'phags pa'i bden pa'o/ /'di ni lam 'phags pa'i bden pa'o/ /zhes
sogs bden bzhi lan gsum rnam pa bcu gnyis su bzlas te bskor ba'i
bden bzhi'i chos 'khor

gsungs/ bden pa zhes pa 'phags pa rnams kyis ji ltar gzigs pa
bzhin bden pas na de ltar brjod/ de yang rgyu 'bras kyi dbang du
byas na kun 'byung sngon du gsungs dgos kyang/ 'dir bden bzhi'i
go rim ldog ste sdug bsngal

bden pa sngon du gsungs pa'i gnad ni/ rim bzhin sdug bsngal la
yid 'byung skye ba'i phyir dang por sdug bsngal bstan te/ de la
yid 'byung med par de'i rgyu spong 'dod mi 'byung bas so/ /bral
ba la thob 'dod dang por skyes nas de'i

rgyur lam la brtson par 'gyur bas na/ 'di gdul bya'i nyams len
gyi dbang du byas te gsungs pas/ 'di bzhi ni thar 'dod rnams
kyis spang blang bya rgyu'i gtso bo zhig yin/ de yang rje btsun
byams pas rgyud bla ma las sdug bsngal

shes par byas nas sdug bsngal gyi rgyu med par byed dgos pa sogs
kyi dpes gsungs te/ nad ni shes bya nad kyi rgyu ni spang bya
la/ /bder gnas thob bya sman ni bsten par bya ba ltar/ /sdug
bsngal rgyu dang de 'gog pa dang de bzhin lam/ /

@250a @#/ /shes bya spang bya reg par bya zhing bsten par bya/
/zhes gsungs pa bzhin/ rang re nad kyis na ba'i skabs de'i rgyu
ngos bzung nas/ rgyu de gcod pa'i phyir sman bsten pa bzhin yin/
'di lnga pa chen pos

chu la dper mdzad de/ thang bde bar nyal ba'i tshe 'og tu chu
shor ba dang/ de gang nas shor ba de nas bkag 'dod skye ba bzhin
yin par gsungs/ des na sdug bsngal gyi nad las thar ba'i thabs
la brtson pa la sdug bsngal gyi rgyu

dang bral 'dod dgos la/ de skye ba la sdug bsngal gyi rgyu rtsad
gcod pa dgos/ de 'byung ba la sdug bsngal gyis mnar ba de nyid
shes dgos te/ rje rin po ches/ sdug bden nyes dmigs bsams la ma
'bad na/ /thar pa don

gnyer ji bzhin mi skye zhing/ /kun 'byung 'khor ba'i 'jug rim ma
bsams na/ /'khor ba'i rtsa ba gcod tshul mi shes pas/ /srid las
nges 'byung skyo shas bsten pa dang/ /'khor bar gang gis bcings
pa shes pa gces/ /zhes

gsungs/ bden bzhi re re la'ang rim bzhin mi rtag sdug bsngal
stong pa bdag med bzhi/ rgyu kun 'byung rkyen rab skye bzhi/
'gog pa zhi ba gya nom nges 'byung bzhi/ lam rigs pa sgrub pa
nges 'byin bzhi ste khyad chos bzhi bzhi

yod; zag bcas nyer len gyi phung po la tshor ba bde sdug btang
snyoms gsum las/ zag bcas kyi sdug bsngal gyi sdug bsngal ma
gtogs gzhan gnyis la sdug bsngal yin par mi shes te/ sngar
sngags pa zhig gis

@250b kho rang gi bu smad rnams la/ khyod tsho sdug pa las nga
rang lta rig 'dzin zhing du 'gro chog chog yin zer/ rjes su
sngags pa de nad kyis thebs te 'chi la nye ba na/ bu smad tshos
sngags 'chang lags khyed lta rig 'dzin zhing du phebs chog

chog red de/ nged tsho sdug byas pas/ sngags pa na re/ nga la
sdod pa'i dbang med pa ma gtogs dbang zhig yod na lta rig 'dzin
zhing du 'gro ba las khyed rnams dang mnyam du sdod rgyu byung
ba rang dga' zer ba ltar dang/ a tsa ra ma nu'i gtam rgyud

ltar rang cag gis 'khor ba la skyid po 'dug snyam nas chags pa
las sdug bsngal gyi rang bzhin can du mi shes/ sdug bsngal gyi
rgyu kun 'byung bden pa yin par shes nas spang dgos/ kun 'byung
la las kyi kun 'byung dang nyon mongs

pa'i kun 'byung gnyis yod/ sdug bsngal dang bral ba'i 'bras bu'i
cha ni 'gog bden dang/ 'gog bden de thob byed kyi thabs su gyur
pa'i cha de lam bden yin/ 'gog bden thob pa la lam bden nyams su
blangs nas thob dgos/

des na sdug bsngal shes par bya ba la lam rim chen mo las gsungs
pa'i sdug bsngal brgyad dang/ drug dang/ gsum bsam pa rnams su
yod pa las/ brgyad mi'i sdug bsngal du bsdus/ gsum khyab pa 'du
byed kyi sdug bsngal

du bsdus te/ 'dir 'khor ba spyi'i sdug bsngal bsam pa la sa bcad
drug las/ dang po nges pa med pa'i nyes pa ni/ re zhig bde 'gror
skyes kyang/ 'khor ba 'dir skye ba zhig blangs phyin chad sdug
bsngal kho na las ma 'das

@251a @#/ /te; 'khor ba'i bde skyid la yid brtan cung zad kyang
med pa'i phyir/ de yang tshe snga phyi la mtshon na/ dgra gnyen
pha ma sogs go ldog ste 'gyur nas 'gro ba/ sngar mi tshang zhig
gi pha rgan des rtag

tu khang rgyab kyi rdzing gi nya zos pa las/ kho shi nas de'i
khang rgyab kyi rdzing du nyar skyes la/ ma de khyim la chags
pas mi tshang de ga'i khyir skyes shing/ chung ma la byi byas
pa'i dgra bsad pa chung ma la chags pa'i dbang gis de'i bur
skyes

nas yod pa las/ phyis pha de'i bus pha nya la skyes pa de bzung
nas bsad de/ de'i sha za ba'i tshe/ ma'i skye ba khyi des nya rus
za ba na bu des brdung ba dang/ dgra'i skye ba bu chung de pang
du khur ba gzigs nas shA ri'i bus/ pha sha za zhing ma

la 'tshog  /bsad pa'i dgra bo pang du khur/ /chung mas khyo yi
rus pa 'cha'/ /'khor ba'i chos la gad mo bro/ /zhes gsungs/ der
ma zad bshes spring las/ pha ni bu nyid ma ni chung ma nyid/
/skye bo dgrar gyur pa yang bshes nyid

dang; ;bzlog pa nyid du mchi bas de slad du/ /'khor ba dag na
nges pa 'ga' ma mchis/ /zhes gsungs pa bzhin/ rang res dgra
gnyen sogs rtag par de nyid du nges pa bzhin byed mod kyang nges
pa med/ tshe 'di'i tshe stod tshe

smad la'ang gnyen dgrar 'gyur ba dang/ dgra gnyen du 'gyur ba
sogs dang/ phyug dbul yang dgras 'phrog pa sogs kyis kha sang gi
phyug po de de ring sprang por 'gyur ba sogs mthong chos su yod
pa bzhin skad cig skad cig

@251b la 'gyur 'gro/ khyim bdag dpal skyes kyi rabs rgyas par
gsungs nas/ bud med cig gi ro la 'khor ba'i sbrul dang/ shing
chen po zhig srog chags mang pos za ba/ mi gcig la gshin rje'i
skyes bu mgo brnyan mi 'dra ba

mang pos brdeg pa/ chu srin gyi rus sgrom ri rgyud tsam nyi
ma'ang sgrib thub pa zhig rnams mthong ba las/ {maunggala} bus/
dang po ni rang gi lus la chags pa bud med cig gi skye ba dang/
gnyis pa ni dge 'dun gyi shing la bag med du

spyad pa dang/ gsum pa ni rngon pa zhig gi skye ba dang/ bzhi pa
ni dpal skyes rang gi skye ba snga ma'i rus pa yin la/ de yang
sngar rgyal po zhig la blon po rnams kyis mi nag can zhig zhal
lce ji ltar gcod dris par rgyal po mig mang

rtse ba la yengs nas yod pas khrims lugs ltar chod cig ces pa'i
gtam zhig shor bas/ de'i rkyen gyis mi zhig bsad/ slar mig mang
zin nas rgyal pos de ji ltar byas dris pa na/ blon po rnams kyis
bsad zin tshul

brjod par/ rgyal po shin tu 'gyod pa skyes kyang/ mi nag can de
bsad pa'i sdig pas chu srin du skyes nas yun ring song/ nam zhig
na kho'i khar rgya mtshor gru gzings kyis bgrod pa'i tshong pa
'ga' zhig sleb tu nye ba na/ tshong pa

rnams skrag nas sangs rgyas la skyabs 'gro byas pa'i sgra chu
srin des thos pas kha btsum ste ltogs grir shi ba/ de'i ro rgya
mtsho'i klu rnams kyis mtsho kha der bskyal bar gsungs la/ de ltar
dang por rgyal por skyes/ de nas

@252a @#/ /chu srin du gyur/ yang mir gyur pa ste nges pa med
lugs de ltar yin/ gnyis pa ngoms pa med pa'i nyes pa ni/ phye ma
leb gzugs dang/ ri {dwags} sgra dang/ bung ba dri dang/ glang
chen reg bya la

chags pas phung ba ltar 'khor ba'i bde skyid 'di ni lan {tshwa'i}
chu 'thung ba bzhin ji tsam byung na'ang ngoms pa med pa/ dper
na/ dngul srang gang do tsam las med pa zhig la/ srang bcu tsam
byung na bsam/ de byung ba'i tshe na/

yang brgya byung na bsam/ de byung na stong byung na bsams nas
ji tsam byung yang mi ngoms/ mdo rgya cher rol pa las kyang/
rgyal po lha yi 'dod pa gang yin dang/ /mi yi 'dod pa bzang po
gang yin pa/ /'dod pa de dag mi

gcig gis thob kyang/ /des kyang mi chog des kyang yang 'tshol lo/
/zhes gsungs pa ltar lha mi'i bde skyid lta bu la mtshon na/
rgyal po nga las nus gling bzhi lha gnas dang bcas par dbang ba
byung yang ma ngoms par/ mthar

bsod nams zad nas 'dzam gling 'dir mar lhungs pa'i skabs kha
chems bzhag pa bzhin 'dod pas mi ngoms pa las skyon che ba med/
de bzhin du yul gcig la dbang na yul gnyis la dbang byed du yod
na snyam pa dang/

de bzhin du ji tsam la dbang byar yod kyang mi ngoms shing/ ji
tsam gyi dpal 'byor zhig byung yang da dung byung na bsams nas
de'i don du ngal rtsol chen pos 'bad sgrub byed dgos pa 'ong/
chog shes med na nor longs spyod

@252b ji 'dra zhig 'dzoms kyang sprang po dang khyad med de/
sngon rgya gar na dbul po des pas nor bu rin thang bral ba zhig
rnyed pa su dbul ba de la sprod dgos zhes rgyal po gsal rgyal la
phul nas rgyal po khyod chog shes med pas dbul

shos yin zhus tshul/ nor rdzas med kyang chog shes yod na de
phyug po yin te/ bshes spring las/ kun tu chog shes mdzod cig
chog mkhyen na/ /nor mi bdog kyang yang dag 'byor pa lags/ /zhes
dang/ 'gro mgon gtsang

pa rgya ras pas/ chog shes can gyi sgo khang na/ /phyug po sgo
nyal byed kyin yod de/ /'dod pa can gyis ma tshor bar yod pa yin/
/zhes gsungs pa ltar chog shes ma byung na ngoms pa'i mtha' med/
des na chog shes dang ngoms pa

med pa 'di skyon che shos shig yin gsungs/ gsum pa lus yang nas
yang du 'dor ba'i nyes pa ni/ lus ji ltar blangs kyang yid brtan
med de/ bshes spring las/ lha yul 'dod bde shin tu chen po dang/
/tshangs nyid chags

bral bde ba thob nas slar/ /mnar med me yi bud shing gyur pa
yis/ /sdug bsngal rgyun mi 'chad pa bsten 'tshal lo/ /nyi ma zla
ba nyid thob rang lus kyi/ /'od kyis 'jig rten mtha' dag snang
byas te/ /slar yang mun nag smag tu phyin

gyur nas/ /rang gi lag pa brkyang ba'ang mi mthong 'gyur/ /ces
sngon chad tshangs pa dang brgya byin sogs kyi lus grangs med pa
blangs kyang don gang yang ma byung la/ slar yang mnar med sogs
dang/ yang bran sogs su skyes pa dang/

@253a @#/ /skabs skabs su nyi ma dang zla ba'i lhar skyes te lus
kyi 'od kyis gling bzhi gsal bar byas kyang/ de nas shi 'phos te
gling bar gyi mun nag tu skyes te rang gi lag pa brkyang bskum
tsam yang mi mthong

bar gsungs pa dang/ sngar lha mi'i longs spyod kyang 'di yod ma
myong zhes zer rgyu med pa lta bu gang yang longs spyod myong
yang yid brtan med de/ sngon chad lha yul du skyes nas gdan du
rdo rje pha lam sogs bting/ khang pa yang rin

po che 'ba' zhig las grub pa la lan mang por longs spyad kyang/
da lta kom gdan sogs las mi 'dug pa 'di bzhin yin la/ brgya byin
du skyes kyang slar dbul por gyur na brgya byin du skyes pa des
ma phan pa yin/ gzhan yang/

mtho ris bu mo'i nu ma rked pa la/ /reg pas bde ba yun ring
myong nas slar/ /dmyal bar 'thag gcod dbrad pa'i 'phrul 'khor
gyi/ /reg pa shin tu mi bzad bsten 'tshal lo/ /zhes sogs ltar
sngon chad lha yul du skyes te lha'i bu

mo rnams dang mnyam du bde ba yun ring myong nas/ de las tshe
'phos te dmyal bar skyes nas las mkhan 'jigs su rung bas mtha'
bskor te sdug bsngal myong ba dang/ lha'i 'chi med kyi bdud rtsi
la spyad spyad kyang/ de las 'phos

te dmyal ba'i khro chu khol ma 'thung sar skye dgos tshul/ sngon
chad 'khor los bsgyur rgyal sogs byas nas 'bangs mi khyim 'bum
phrag mang po dang rgyal srid sna bdun sogs la dbang bsgyur
yang/ da lta de skabs kyi lag rjes phan thogs

@253b pa gang yang ston rgyu med cing/ da dung sngar zhus pa
ltar 'dod yon la chags pa gong 'phel du song nas ngoms pa med
par de'i don du sdig pa bsags nas ngan 'gror 'gro bas nyes dmigs
de ltar yod/ bdag gi skyabs mgon bla ma rin po

che'i zhal nas/ sngar bla ma zhig 'da' khar gzhan gcig gis zhal
chems zhus par/ 'khor ba'i bya ba la snying po med ces pa lan
mang po bskyar te gsungs pa'i lo rgyus gsung gi na yod/ de bzhin
du rang re yang 'khor ba 'dir lus

ji 'dra zhig blangs te dpal 'byor longs spyod bzang po ji tsam
thob kyang de sngon nang bzhin las snying po gang yang mi
'byung/ sngar rang cag 'khor bsgyur gyi rgyal por skyes skabs
kyi lham gcig pu la'ang 'jig rten 'di'i 'byor pa thams cad

gyis rin thang mi chod pa tsam gyon myong ba mang po byung yang
ma phan/ rgyal po dang dbul po gnyis kyang bar do'i 'phrang
'grim pa'i tshe bzang ngan mi 'byung bar 'dra mnyam yin/ des na
spyan snga ba'i zhal nas/ jo bo ston pa thog ma med pa

nas ci 'dra'i lus shig blangs pa la/ da res bzhin du theg chen
gyi chos byed ma myong bas 'bung dgos/ zhes gsungs pa bzhin gzab
dgos gsungs/ bzhi pa yang yang nying mtshams sbyor ba'i nyes pa
ni/ bshes spring las/ ma

yi thug mtha' rgya shug tshi gu tsam/ /ri lus bgrangs kyang sa
yis lang mi 'gyur/ /ces dang/ mya ngan bsal ba las kyang/ yang
dang yang du dmyal ba na/ /zangs zhun bskol ba gang 'thungs pa/
/rgya mtsho'i nang gi chu la yang/ /de

@254a @#/ /yi tshad tsam yod ma yin/ /zhes gsungs pa ltar sngon
chad dmyal bar skyes nas/ zangs zhun khol ma 'thung ba'ang rgya
mtsho chen po'i chu las mang tsam btung zin kyang/ da dung 'khor
ba'i skye rgyun

gcod thub pa zhig ma byung na/ de las kyang lhag tsam 'thung
dgos par 'gyur ba dang/ khyi dang phag tu gyur pa na/ /mi gtsang
ba ni gang zos pa/ /ri yi rgyal po lhun po yi/ /tshad las shin tu
lhag par 'gyur/ /ces sngon chad khyi

dang phag tu gyur nas mi gtsang ba zos pa yang ri rab las che
tsam zhig za myong mod/ phyin chad kyang 'khor ba'i phyi mtha'
gcod ma thub na/ de las kyang lhag tsam za dgos pa dang/ mdza'
bshes rab tu bral ba yis/ /'khor ba'i

gnas su gang ngus pa/ /mig gi mchi ma'i thigs pa yi/ /snod du
rgya mtsho'ang rung ma yin/ /zhes sngon chad pha ma bu spun sogs
dang bral nas dus pa'i mchi ma rgya mtsho chen po las kyang lhag
la/ da dung yang 'khor ba'i phyi mtha'

chod pa zhig ma byung na/ de las mang ba zhig ngu ? rgyu bsdad
yod/ phan tshun dag tu rtsod pa'i phyir/ /mgo bo bcad pa gang yin
pa/ /spungs na de ltar mtho ba ni/ /tshangs pa'i 'jig rten las
kyang thal/ /zhes sngon chad 'thab mo

byas te/ dgras rang gi mgo bo bcad pa spungs na ri rab las kyang
mtho la/ phyi nas kyang 'khor ba'i skye rgyun 'di gcod ma thub
phyin snga ma bas lhag pa zhig gcod nges/ srin bur gyur cing rab
bkres pas/ /sa lud

@254b zos pa gang yin pa/ /'o ma'i rgya mtsho che nang du/ /de
yis bkang na shin tu 'geng/ /zhes pa ltar rang cag 'dam rdzab
kyi srin bur skyes te mi gtsang sa lud zos pa mtha'i rgya mtsho
chen po'i snod du bsags kyang mi shong ba'i tshod tsam zos

zin la/ da dung 'khor ba las ma thar na de bas mang tsam za dgos
pa dang/ klu sgrub kyis/ re res rgya mtsho bzhi bas lhag pa yi/
/'o ma 'thungs te da dung so so yi/ /skye bo'i rjes su 'brang
ba'i 'khor ba bas/ /de bas ches mang nyid

cig btung 'tshal lo/ /zhes pa ltar sngon chad 'khor ba 'dir lus
yang yang blangs te ma'i nu zho rgya mtsho chen po bzhi bas lhag
tsam btung zin cing/ da dung 'khor ba'i skye ba bzlog thub pa
zhig ma byung na/ de las ches mang ba zhig

'thung dgos/ sngar skyes bu chung ngu'i skabs bsams pa ltar 'chi
ba thengs re dang ngan song du skyes pa lan re la'ang sdug
bsngal dang 'jigs pa de ltar yod na/ slar de lta bu'i skye shi
sogs grangs med myong nges la sdug bsngal dang

'jigs pa chen po yod pa lta ci smos/ nged tshos da lta mthong
na'ang skrag pa skye ba'i sdig pa {rwa} can gyi lus blangs
pa'ang spungs na ri rab dang mnyam pa tsam du yod la/ slan chad
kyang 'khor ba 'di'i skye rgyun chod pa zhig bya ma nus tshe/

sdig pa {rwa} can gyi skye ba'ang de las mang tsam pa zhig len
nges gsungs/ lnga pa yang yang mtho dman du 'gyur ba'i nyes pa
ni/ 'dul ba lung las/ bsags pa kun gyi mtha' 'dzad cing/ /mthon
po rnams kyi mtha' ltung 'gyur/ /

@255a @#/ /phrad pa'i mtha' ni 'bral ba ste/ /gson pa'i mtha' ni
'chi ba yin/ /zhes nor rdzas bsags pa'i mthar 'dzad pa dang/
mthon po'i mthar ltung ba/ 'dus pa'i mthar 'bral ba/ skyes pa'i
mthar

'chi ba ste 'dus byas kyi mtha' bzhir gsungs pa ltar 'khor ba'i
phun tshogs ji 'dra ba zhig thob kyang mtha' rgud pas ma bsdus pa
med pas na/ dge bshes gsang phu bas/ 'khor ba 'dir gan bub mang
po zhig byed dgos pa

'di nyams la re ma babs/ zhes gsungs pa red/ der ma zad rtsol ba
du mas bsgrubs bsgrubs pa'i gnas khang 'byor pa sogs kyang/ yang
na dgras 'phrog gam/ yang na bdag po rang nyid shi ba lta bu
byung ste mtha'

mi 'khyol/ rang re bla slob sogs da lta mnyam du 'dzoms pa 'di
rnams kyang lo kha shas shig song mtshams nas nges par 'bral te
'gro/ rgyal mchog bskal bzang rgya mtshos/ mtho ba nyid kyang mi
ring dus su rkang pas bsnun

'os bran du 'gyur/ /zhes dang/ bshes spring las/ brgya byin 'jig
rten mchod 'os gyur nas ni/ /las kyi dbang gis phyir yang sa
steng lhung/ /'khor los sgyur ba nyid du gyur nas kyang/ /'khor
ba dag tu yang bran nyid du 'gyur//

ces gsungs pa ltar mtho ba la tshangs pa brgya byin sogs kyang de
ltar 'gyur/ dma' ba la rang re 'jig rten 'di'i thob go sa byung
ba sogs la'ang snying po med de/ rje gung thang pas/ ming go sa
skam po'i shing sdong la/ /je mtho

@255b je mthor 'dzeg ches na/ /phra sa nas chag pa a tsa ma/
/rked pa ru bsdad na chog pa la/ /zhes pa ltar tshe snga phyi ma
zad/ tshe 'dir yang yid brtan med par rgyal po btson khang du
sdod dgos pa sogs yod/ sngar sde srid sangs rgyas rgya

mtsho zhes gzhung sa mchog gi chab srid kyi lugs srol mang po
gsar du 'dzugs pa po/ stobs 'byor mnga' thang mkhyen pa shin tu
che ba de yang mthar rgyal po lha bzang dang 'khon nas mgul shor
te dbu yang stod lung khri zam khar

nyin mang por lus pa sus kyang bdag sprod bya ma phod pa dang/
sras dang btsun mo sogs kyang sa mthar sprang 'khyam du 'gro
dgos byung ba dang/ rgyal po lha bzang yang rjes su jun gar gyi
dmag byung ste bkrongs pa sogs ltar yin

gsungs/ drug pa grogs med pa'i nyes pa ni/ dang por a ma'i
mngal sgo nas skye ba'i skabs kyang rang gcig pur skye/ bar du
na tsha lta bu'i sdug bsngal byung na'ang rang gcig pus myong/
mthar shi ba'i tshe yang rang gcig pu mar

gyi dkyil nas spu bton pa ltar shi 'gro ba las/ grogs bya mkhan
med de/ spyod 'jug las/ skye ba gcig pur skye 'gyur zhing/ /'chi
na'ang de nyid gcig 'chi ste/ /sdug bsngal skal gzhan mi len na/
/gegs byed mdza' bas

ci zhig bya/ /zhes gsungs pas so/ /rje tsong kha pa chen pos/
yid brtan mi rung srid pa'i phun tshogs kyi/ /nyes dmigs rig nas/
zhes gsungs pa'ang 'khor ba'i bde skyed dang phun tshogs ji 'dra
zhig byung yang yid brtan med

@256a @#/ /pa'i don yin pas 'khor ba'i mdza' bshes 'di la phugs
brtan pa gcig kyang med/ de ltar 'khor ba'i sdug bsngal myong
lugs dang/ de yang mtha' med tshul la bsams na yi thang chad

dgos pa zhig yod pas/ spyir gyi 'khor ba la mtha' yod med ji
ltar yin yang/ rang gi 'khor ba 'di'i mjug rdzogs thabs shig bya
dgos/ rang gi 'khor ba mtha' can du byas te sdug bsngal la mtha'
yod pa zhig

byed 'dod na/ sngar zhus pa ltar 'khor ba'i skye rgyun gcod thub
pa dgos gsungs/ gnyis pa so so'i sdug bsngal bsam pa la gnyis/
ngan 'gro'i sdug bsngal bsam pa dang/ bde 'gro'i sdug bsngal
bsam pa'o/ /dang

po ni chang nad can chang la zhen pa log pa bzhin sngar skyes bu
chung ngu'i skabs bsams zin nas/ gnyis pa bde 'gro'i sdug bsngal
bsam pa la gsum/ mi'i sdug bsngal bsam pa/ lha ma yin gyi sdug
bsngal bsam pa/

lha'i sdug bsngal bsam pa'o/ /dang po la bdun las/ skye ba'i
sdug bsngal bsam pa ni/ sngar bshad pa'i ngan song gi sdug
bsngal de ltar yin na/ 'o na lha dang mir skyes na sdug bsngal
cung chung ngam snyam na/ 'khor ba 'dir

skyes phyin mngon mtho'i lus rten thob kyang sdug bsngal 'ba'
zhig las ma 'das te/ rang cag mir skyes kyang chos byas na don
che ba ma gtogs gzhan sdug bsngal shin tu che ste/ sngar skye
ba'i sdug bsngal ji ltar myong tshul mngal

@256b grib sogs kyi rkyen gyis tshang ma brjed zin pas da lta mi
dran mod/ phyis nas mi'i skye ba zhig len thub pa byung na de'i
tshe skye ba'i sdug bsngal cha tshang myong dgos/ de yang ma'i
mngal du zhugs pa nas phyir ma btsas pa'i bar la mngal gyi

gnas skabs lnga dang lus kyi cha shas re re skye ba'i skabs su
sdug bsngal re yod de/ dang po khu khrag gi dbus su rnam shes
zhugs pa'i skabs lus kyi tshod de zho lta bu zhig las med pas
de'i nang du rang gi rnam shes zhugs pa na/

dmyal ba'i zangs po che'i nang du 'tshod pa lta bu'i sdug bsngal
dang/ de nas yan lag gi 'bur mgo lnga don pa na/ rgyang shing
gis brgyang ba lta bu'i sdug bsngal dang/ yan lag rnams re re
dod pa na'ang sdug bsngal lhag po re re

yod; a mas btung ba tsha mo 'thung ba dang/ 'gul bskyod byed pa/
nyal ba sogs kyi tshe chu tshan du 'tshod pa dang/ rlung gis 'khyer
ba dang/ ri chen pos non pa lta bu'i sdug bsngal myong/ de dag
gi skabs kyang slob spring las/ shin tu

mi bzad dri nga mi gtsang bcer bas 'gags/ /rab tu dog pa mun nag
thibs por 'dug pa yi/ /mngal gnas dmyal ba lta bu'i nang du de
zhugs nas/ /lus yongs bskum la sdug bsngal chen po mnag dgos so/
/zhes gsungs

pa ltar dper na/ rang re lcags kyi bum pa mi gtsang ba sna tshogs
kyis bkang ba zhig tu bcug nas kha dam du bcad de nyin gcig tsam
bzhag na sdod tshugs thabs ye med pa ltar ma'i mngal dog cing mun
pa gnag la/ mi gtsang dri nga

@257a @#/ /ba'i nang du zla ba dgu dang ngo bcu'i ring sdod dgos/
de nas 'du shes lnga shar te mngal nang du skyugs bro ba'i rnam
pas phyir thon 'dod byung nas mngal sgo nas phyir skye ba'i
skabs kyang/ slob spring las/ de ni

rim gyis til mar btsir spyad sra ba yi/ /btsir ba ltar byas de
nas ci zhig ltar te btsas/ /zhes pa ltar rang gi lus 'jur mig
nas drangs pa lta bu'i sdug bsngal dang/ btsas pa'i skabs ba
glang gi pags pa dmar bshus byas pa lta bu

dang; stan ji tsam 'jam pa'i steng du bzhag kyang tsher dong du
bskyur ba lta bu dang/ phyi rol gyi rlung gis reg pa na gri
mtshon gyis brdeg pa lta bu dang/ ma'i lag pas bzung ste khyer ba
na bye'u khras khyer ba lta bu'i 'jigs skrag chen po 'byung/

gzhan yang tshe lnga ma'i yon tan thams cad 'grib nas shes rab
sogs gyang yang med par/ za nyal 'gro 'dug tshun chad gzhi nas
slob dgos pa yod/ skye ba'i sdug bsngal bsgom pa na'ang gzhan la
phar ltad mo blta ba lta bu ma yin par rang

nyid de ltar du skye nges pa dang/ skyes pa bzhin gyi nyams bton
te dga' bo mngal 'jug gi mdo las gsungs pa ltar gyi sdug bsngal
rnams bsam/ kha cig gis skye ba'i sdug bsngal myong tshar bas
skyon med snyam pa 'ong yang/ 'khor ba'i

phyi mtha' ma chod kyi bar du skye ba'i sdug bsngal gcig pu
mtha' med par myong dgos pas bzod dka' tshul sogs gsungs/ rga
ba'i sdug bsngal ni/ mdo rgya cher rol pa las/ rga bas gzugs
sdug gzugs ni mi sdug byed/ /rga bas

@257b gzi brjid 'phrog cing mthu stobs 'phrog /rga bas bde ba
'phrog cing brnyas par byed/ /rga bas 'chi byed rga bas mdangs
kyang 'phrog /ces sogs ltar/ gzugs bzang po yongs su nyams pa/
mthu stobs nyams pa/ dbang po nyams pa/

yul la longs spyod pa nyams pa/ tshe yongs su nyams pa sogs kyi
sdug bsngal te/ dbang po dang shes rab sogs rim gyis 'grib/ lus
ni gzhu ltar gug /mdangs nyams/ langs 'dug dka' zhing/ skra dkar
gnyer ma mang ba

sogs shin tu mi sdug pa skye ba 'phos pa lta bu 'byung ste/ rje
mid la'i zhal nas/ brtod phur 'don pa'i ldang lugs dang gcig
/bya la 'jab pa'i 'gro lugs dang gnyis/ /sa do chad pa'i sdod
lugs dang gsum/ /gsum de gsum

'dzom pa'i dus tshod na/ /a phyi sgyu lus rgud pa'i yid pham ma/
/zhes dang/ phyi pags pa 'dus pa'i gnyer ma dang gcig /nang sha
khrag zad pa'i rus 'bur dang gnyis/ /bar glen lkugs 'on long
thom yor dang gsum/ /gsum de

gsum 'dzom pa'i dus tshod na/ /a phyi mi sdug ston pa'i khro
gnyer ma/ /zhes gsungs pa ltar yin/ 'di thams cad kyang 'khor
bar gnas pa'i skyon red/ bka' gdams pa'i dge bshes ka ma ba'i
zhal nas/ rgas pa khad kyis

khad kyis 'ong bas drag /dus gcig la 'ong na bsran thabs med/
ces gsungs pa bzhin/ do nub gzhon nu bkrag mdangs lang tsho dang
ldan bzhin du nyal nas/ sang nam langs pa na dbang po mi gsal ba
dang/ lus rgas shing 'khog pa sogs

@258a @#/ /de ltar gyur 'dug na bsran thabs med/ des na da lta
dbang po dang shes rab dang lus sogs ma nyams pa'i dus 'dir chos
bya dgos kyi/ phyis nas rgas pa'i sdug bsngal gyis non te mi lus
'phos

pa bzhin du lus kyi gnas skabs 'gyur/ dbang po nyams shing langs
'dug tsam yang mi thub par gyur na/ de'i tshe chos ji ltar
'byung/ gung thang bstan pa'i sgron mes kyang/ rgas pa a b+hi
Sha'i nytsa'i chus/ /mgo nas dbang rab

bskur ba 'dra/ /skra lo dung ltar dkar ba 'di/ /nag nog dri ma
dag pa min/ /'chi bdag mchil ma'i rgyang mda' de/ /ba mo'i zol
gyis babs pa yin/ /dpral ba'i rwa gnyer khrig khrig 'di/ /bu
chung rgyag pa'i zho gnyer min//

tshe tshad lo mang 'das pa'i grangs/ /dus kyi pho nyas bris pa
yin/ /zhes pa dang/ sna chu thigs thigs 'bab pa 'di/ /mu tig do
shal bstar ba min/ /gsal 'tsher lang tsho'i chab rom de/ /gdung
byed nyi mas bzhus pa

yin; ;so yi phreng ba ltung ba 'di/ /skye 'dod se'u brjes pa
min/ /tshe 'di'i kha zas tshang ba yis/ /za byed lag cha bsdus pa
yin/ /zhes dang/ bzhin ras bsdus shing mdog ngan pa/ /spre'u'i
'dra 'bag gyon pa min/ /g.yar

po'i lang tsho phyir khyer bas/ /mi sdug rang mdog bstan pa yin/
/mgo bo yug yug byed pa 'di/ /gzhan gyi bya bar 'phya ba min/
/mthar byed dbyug pa'i sne phog pas/ /ma bzod klad pa 'dar ba
yin/ /lam la kha gtad bsgur

@258b ba 'di/ /rgya khab bor nas tshol ba min/ /sa la lang tsho'i
nor bu dang/ /dran bstor ba'i rnam 'gyur yin/ /langs tshe sug
bzhi 'dzug pa 'di/ /phyugs kyi lad mo byas pa min/ /byin pas lus
po ma theg pa'i/ /ram 'degs

lag pas byed pa yin/ /sdod tshe chem gyis lhung ba 'di/ /grogs la
'khang ra byed pa min/ /spro dga'i sems kyi dbyang thag dang/
/lang tsho'i zungs thag chad pa yin/ /'gro tshe yom yom 'khyor ba
'di/ /mi chen gom stabs

byed pa min/ /na tshod khur po ha cang rang/ /lci bas yo drang
shor ba yin/ /lag pa yab yab 'dar ba 'di/ /nor la hab sha byed
pa min/ /lag par 'ong tshad cig car du/ /gshin rjes phrogs kyis
dogs pa yin/ /bza' btung nyung shas

spyod pa 'di/ /zas la ser sna byed pa min/ /lto ba'i me drod
nyams pa yis/ /mi rgan sgyel gyis dogs pa yin/ /gos chung srab
bde gyon pa 'di/ /yang chas byas nas 'khrab rgyu min/ /nang gi
lus stobs shor ba yis/ /gos kyang khur

du song ba yin/ /stod dbugs 'tshang zhing phu 'deb pa/ /gzhan la
sngags lcag brdeg pa min/ /dbugs kyi 'gyu ba breng breng 'di/
/nam mkhar yal 'dod snga ltas yin/ /bya spyod thams cad 'gyur ba
'di/ /col chung gang dran

byed pa min/ /rgas pa'i gdon gyis zin pa yis/ /rang 'dod dbang
ni med pa yin/ /las don thams cad brjed pa 'di/ /snang chung
char rgyag byas pa min/ /rten gyi dbang po nyams pa yis/ /dran
rig shes pa rdib pa yin/ /zhes

@259a @#/ /gsungs pa bzhin skra dkar dang gnyer ma byung ba sogs
las kyi gshin rjes gsod rtags brgyab pa ltar yin/ gzhan yang
'chi bas 'jigs pa'i yid mi bde ba sogs kyi sdug bsngal mang du

yod; na ba'i sdug bsngal ni/ rgya cher rol pa las/ dper na dgun
smad rlung dang kha ba che/ /rtswa shing gel pa nags sman mdangs
kyang 'phrog /de ltar nad 'di 'gro ba'i mdangs 'phrog cing/
/dbang po gzugs dang stobs ni

nyams par byed/ /ces pa ltar/ lus kyi rang bzhin 'gyur ba/ sdug
bsngal dang yid mi bde ba 'phel zhing de la shas cher gnas pa/
yul gyi longs spyod yid du 'ong ba mi 'dod pa/ yid du mi 'ong ba
la mi 'dod bzhin du spyad

dgos pa/ srog dang 'bral bar 'gyur bas yid mi bde ba sogs kyi
sdug bsngal te/ lus kyi stobs shor kha sna bskams shing brdzes/
/zhes sogs ltar skyes pa dar ma zhig yin yang mal sa na lhung/
lus kyi stobs shor

zhing bkrag mdangs nyams pa sogs dang/ rgyas par na/ nad re re
bzhin gyis mnar lugs bsam ste/ gnad gcod drag po byung nas mthar
kha chems tsam yang 'jog mi thub pa'i tshul sems pa dang/ rgyal
bu gzhon nu

don grub kyis kyang na rgas 'chi ba sogs gzigs nas bsgoms te
thar pa la gshegs tshul sogs gsungs/ 'chi ba'i sdug bsngal ni/
rgya cher rol pa las/ 'chi dang 'pho dang 'chi 'pho dus byed pa/
/phangs shing sdug pa'i

@259b skye bo rtag tu 'bral/ /phyir mi 'ong zhing phrad par
'gyur ma yin/ /shing las lo 'brul 'dra zhing klung rgyun
mtshungs/ /zhes pa ltar/ longs spyod dang/ rtsa 'jing/ 'khor/ lus
rnams sdug pa phun sum tshogs pa dang 'bral ba dang/ 'chi

tshe sdug bsngal dang yid mi bde ba drag po myong ba sogs dang/
'chi ba byung tshe thabs gzhan gyis bzlog pa'ang mi nus par rgyal
po la gdams pa'i mdo las gsungs pa sngar 'chi ba dran tshul gyi
skabs su bshad zin pa ltar yin/

sdug pa dang bral ba'i sdug bsngal ni/ rang gi bla slob ma ched
grogs pha ma mdza' bshes sogs gces shing phangs pa ja phor gang
'thung ba'i tshe'ang 'bral mi phod tsam byed pa de dag dang/ go
sa stobs 'byor nor longs spyod sogs

dang bral ba dang/ rab byung yin yang 'ga' zhig tshul khrims dang
bral ba lta bu'i sdug bsngal sogs sna tshogs yod/ de dag kyang
rang rang sger la mi 'os pa zhig byung ba min gyi/ 'khor ba pa
la rang chas su yod pa'i rtags

yin; mi sdug pa dang phrad pa'i sdug bsngal ni/ mi sdug ces pa
yid du mi 'ong ba ste/ dgra sogs dang 'phrad de brdung 'phrog
byed pa dang/ nad gdon dang phrad nas mnar gcong smyo ba sogs
dang/ kham chu/ rgyal po'i chad pa/

rkun po dang phrad pa sogs sdug bsngal la mtha' med/ rkyen ngan
byung na brel ba'i dkyil du 'thum ste lus sems shin tu ngal dgos
pa yang 'khor bar gnas pa'i skyon rang chas su byung ba ste/
bong bu lta bur sgal rma bzo ba dang/

@260a @#/ /khal lci mo khur dgos pa tshun kho rang gi las dbang la
rang chas su yod pas yin gyi/ mi srid pa zhig byung ba min/ dge
bshes po to ba'i gsung las/ rigs drug gang du skyes phan chad na

tsha dang 'chi ba la sogs pa'i sdug bsngal 'byung ba ni na rgyu
cig na pa yin/ 'chi rgyu cig 'chi ba yin gyi/ de la mi 'os pa
zhig glo bur du byung ba min/ 'khor ba'i mtshan nyid dam rang
bzhin yin/ 'khor bar gnas ring la

de las ma 'das/ rang cag de la yid 'byung na skye ba spong dgos/
de la rgyu spong dgos/ zhes gsungs pa ltar yin pas rang cag
'khor ba'i sdug bsngal myong bar mi 'dod na 'khor ba las thar
thabs byed dgos gsungs/

'dod pa'i dngos po btsal kyang mi rnyed pa'i sdug bsngal bsam pa
la/ 'di ni bkres skom dang 'tsho thabs la brten pas tsha grang
ngal 'jigs sogs khyad du bsad nas sdug bsngal ba ste/ de yang
dper na/ dpon po la don

chen po zhig zhu ba na'ang/ dang por 'byung gi re ba'i sems ngal
dang dka' las byas kyang/ rjes nas don de ma byung ba'i sdug
bsngal chen po 'byung ba lta bu yin/ 'ga' zhig gis longs spyod
'byung ba'i rgyu zhing sa yod mkhan tsho

skyid snyam na/ de'ang sdug bsngal ba las ma 'das te/ zhing
pa'ang zhing las kyi phyir zhogs pa snga bar tho rangs nas langs
te las byed/ nyin mor nyi mas tshig bzhin lhags rlung gis gdungs
bzhin thal ba'i dkyil du 'gre/

@260b zhing khar sa bon btab zin nas 'bru bsdus te snod du blugs
ma zin par sad ser btsa' than sogs zhing kha la dgra 'byung du
dogs/ so nam byas kyang lo thog mi 'byung dogs pa'i sdug bsngal
rgyun chad med/ zhing pas tshong pa tsho skyid

snyam na/ tshong pa yang rang gi pha ma bza' zla bu phrug thams
cad bzhag nas srog 'ben du btsug ste mi yul sa mthar 'khyams/
mtshan mo yang gnyid lhod bde zhig kyang nyal mi phod/ la klung
chu 'phrang sogs brgal/ 'ga'

zhig tshong byas kyang khe spogs ma byung ba'i steng du ma rtsa
yang brlag shor ba sogs dang/ dgra jag chom rkun sogs kyis srog
tshun chad 'phrog pas sdug bsngal la/ de bzhin du rgyu nor longs
spyod med na'ang med pa'i sdug bsngal

yod de/ dbul pos de ring 'di zos nas sang nyin ci za snyam du de
la blo mi bde bar zas de 'tshol du 'gro zhing/ btsal kyang mi
rnyed pa'i sdug bsngal/ yod na yod pas sdug bsngal te/ phyug po
nor rdzas yod pa de la

sprang pos slong nas khyer/ gzhan gyis g.yar nas khyer/ dpon
pos 'phrogs te khyer/ tha na byi la dang byi ba tshun chad kyis
dgra byas te khyer bas de la gsog bsrung mi nus pa'i sdug
bsngal/ brlag dogs pa'i sdug

bsngal/ rna ba tsha ba'i sdug bsngal sogs yod/ shing bzo/ tshem
bzo lta bu'i lag shes kyis 'tsho ba yang lto gos gla sogs gra mi
'grigs pa dang/ mi ma mgu ba'i dogs pa/ nga rgyal phrag dog sogs
dang/ shing

@261a @#/ /dum tsam dang/ lhan pa'i tshal bu tshun chad brku ba
dang gsog mi thub pa'i sdug bsngal/ rang cag rab byung yin
yang 'dod chung chog shes kyis chos gsha' ma kho na byed pa
zhig ma byung na sku rim

grong chog tshun chad sdug bsngal yin/ dpon pos bltas na 'bangs
tsho skyid snyam pa yod kyang/ 'bangs tsho yang sdug bsngal las
ma 'das te/ lto skya la gos hrul ba/ rang nor la rang dbang
med par khral 'u lag /kha

ngan brdung gtag sogs kyi don du zad/ 'ga' zhig lto za long
tsam yang med par phu mda' bar gsum du ded 'gro ba/ 'ga' zhig
rtsam pa za rgyu med kyang khral/ chag sgo/ nyes chad drag po
bab pa sogs mdor na nyin mtshan

kun tu sems khral dang/ mi tshe ngal sdug gis skyel dgos pa
yod/ 'bangs kyis dpon po tsho skyid snyam pa byed kyang de 'dra
med de/ bzhi brgya pa las/ mchog la yid kyi sdug bsngal te/
/tha mal rnams la lus skyes so/ /

sdug bsngal gnyis kyis 'jig rten 'di/ /nyin re nyin re 'joms
par byed/ /ces gsungs pa ltar yul gyi rgyal po chen po zhig
yin yang/ lung pa de'i grwa ma 'grigs pa dang/ skad cha mi
snyan pa phal cher de'i rtsar khyer

nas; yul de'i sdug bsngal gyi khur len/ dgra ma thul gyis
dogs/ gnyen ma 'khyongs kyis dogs/ khrims ma non gyis dogs/
dbang shor gyis dogs pa sogs de lta bu'i sdug bsngal yod/ rang
res kyang

@261b tha na gung tshigs gcig las ma bzos na'ang las ka mang po
zhig gi ngal ba byed dgos/ mdor na nor rta tsam yod na sdug
bsngal yang rta tsam zer ba ltar/ dang por 'phrad skabs mi su
'dra yin yang skad cha snyan mdog kha ba re 

shod kyang/ phar tsam 'dris na gra ma 'grigs pa sha stag sdug
skad tser tser byed pa re las med/ rgyal mchog bskal bzang
rgya mtsho'i zhal nas kyang/ mtho dman skya btsun pho mo su
'dra la bltas kyang/ /cha lugs rnam 'gyur

pho sgrob che chung tsam ma gtogs/ /sdug gis mi tshe skyel ba
mnyam mnyam du 'dug pas/ /skal mnyam grogs mched rnams kyi
snang tshul 'di skyo ba/ /zhes gsungs pa bzhin phyi rol gyi gos
dang cha lugs sogs bzang ngan tsam

las; don du sdug bsngal myong ba mnyam/ da lta rang cag la
sdod sas mi 'grigs pa dang/ ka cas ma byung ba dang/ grogs
kyis ma byung ba sogs sna tshogs yong ba dang/ gnas dang/ grogs
dang/ longs spyod kyi nang

nas drag shos re byung yang sdug bsngal las ma 'das te/ g.yog
dang/ dge phrug /grogs sogs brgya stong tsam re brjes kyang mi
'grigs pa sha stag las/ yid dang mthun pa gcig kyang med pa de
yang grogs su dang

'grogs kyang sdug bsngal gyi grogs yin pa'i rtags red/ ja tshun
chad kyi longs spyod gang la longs spyod kyang sdug bsngal gyi
longs spyod yin/ dgon pa sogs gnas gang du gnas kyang sdug
bsngal gyi gnas te/ da lta

@262a @#/ /rang re dang por grwa sar gnas/ der skyid po ma
byung nas/ gzhan zhig tu song na e drag gi re bas ri khrod
lta bur song/ der yang yid dang mthun pa zhig ma byung bar/
gnas skor lta bur song/

de dag tu skyid pa ma byung nas/ pha yul du song bas e drag
bsams nas de ltar brel ba dang/ da lta rang gzhan gang la'ang
gtam myul na/ lto gos gtam gsum gyi ngal ba byas te grwa ma
'grigs pa'i skad ngan tser tser

las mi 'byung ba yang/ 'khor ba'i skyon te/ de rnams mi'i sdug
bsngal ngo sprad pa yin/ de ma sprad na sdug bsngal thams cad
gnas dang grogs sogs kyis byas nas byung ba dang/ 'khor ba zer
ba de pha tshad thag ring zhig

na yod par go nyen yod/ de ltar ma song bar sngar bshad pa'i
sdug bsngal thams cad kyi rtsa ba yang 'khor ba'i skyon yin
par shes dgos/ 'khor ba 'di las ma ldog phyin gang du song
yang sngar bzhin sdug bsngal mtha'

med du myong ba las mi 'byung gsungs/ gnyis pa lha ma yin gyi
sdug bsngal bsam pa ni/ 'o na lha min du skyes na/ bde tsam
zhig yod dam snyam na/ der skyes kyang sdug bsngal kho na las
med de/ bshes spring las/ lha

min dag na'ang rang bzhin gyis lha yi/ /dpal la sdang phyir
yid kyi sdug bsngal che/ /de dag blo dang ldan na'ang 'gro ba
yi/ /sgrib pas bden pa mthong ba ma mchis so/ /zhes gsungs/
gnas ni ri rab kyi chu mtshams man chad

@262b na 'od can dang/ zla ba'i 'phreng ba/ gnas bzang po/ mi
g.yo ba ste grong khyer bzhi yod cing/ lha dang rgyang ring
thung ma gtogs steng shag 'og shag gi tshod lta bu yod/ lha min
ni spyir lha dang cha 'dra tsam las/ lha la 'gran mi thub
kyang/

lha ma yin la bud med mdzes ma yod pa lhas 'phrog pa dang/ lha
la 'chi med kyi btung ba sogs dpal 'byor che bas/ lha ma yin
dus rtag tu phrag dog 'ba' zhig gi sdug bsngal gyi mes gdungs/
rang re dgra'i dpal 'byor chung ngu la

phrag dog cung zad skyes tshe'ang ma bde pa de tsam yod na/ lha
ma yin lha'i dpal 'byor chen po la mi bzod pa 'ong ba lta ci
smos pas nam zhig na nad ma thegs nas/ 'thab par phyin pa na/
lha'i glang chen sa srung gi bus sna sud tsam gyis

sgyogs rdo chen po'ang gtor ba dang/ mtshon 'phangs kyang lha
rnams ni ske ma chad kyi bar mi 'chi la/ lha ma yin ni mtshon
cha gnad gang du phog kyang 'chi 'gro bas lha ma yin dus rtag
tu pham pa sha stag ma gtogs rgyal ba'i dus med

pa lta bu yin/ rang re mi yul gyi dmag dpung stobs che chung
'dra ba gnyis 'thab pa la'ang 'jigs skrag chen po byed dgos
na/ lha dang de ltar dmag 'thab dgos pa la ci'i phyir mi 'jigs
te 'jigs skrag tshad med pa yod/

lha min gyi dmag rnams la ni ma shi'i bar de ltar rtag tu
'thab rtsod byed dgos pa'i sdug bsngal dang/ mtsho kun mthong
zhes pa'i nang du/ lha ma yin gyi dmag pham nas so so'i grogs
rnams bsad pa sogs thams cad mthong

@263a @#/ /bas de dag gi bud med rnams kyang khyim du sdug
bsngal gyis mnar tshul/ lha min ni shes rab dang ldan yang/ las
sgrib can gyi rten can yin pas/ rten de la bden pa mthong ba'i
skal ba med/

gsum pa lha'i sdug bsngal bsam pa ni/ 'o na lha zhes pa de la
bde ba zhig e yod ce na/ 'dod lha rnams la 'chi 'pho ltung ba
dang/ spa gong ba dang/ bcad dral gsong spyugs kyi sdug bsngal
yod/ dang po ni/ bshes spring

las; lus kyi kha dog mi sdug 'gyur ba dang/ /stan la mi dga'
me tog phreng rnyings dang/ /gos la dri ma chags dang lus la
ni/ /sngon chad med pa'i rdul 'byung zhes bgyi ba/ /mtho ris
'chi 'pho sbron byed 'chi ltas lnga/ /lha

yul gnas pa'i lha rnams la 'byung ste/ /sa steng mi rnams 'chi
bar 'gyur ba dag /sbron par byed pa'i 'chi ltas rnams dang
'dra/ zhes pa ltar ring ba'i 'chi ltas lnga dang nye ba'i 'chi
ltas lnga ste bcu phog pa'i sdug bsngal yod de/ lus kyi

bkrag mdangs nyams/ gdan steng 'dug snying mi 'dod pa/ lus kyi
me tog rnyings pa dang/ gos la dri ma chags pa/ rngul 'byung
ba sogs dang/ lus kyi 'od chung ba/ khrus kyi tshe lus la chu
chags pa/ gos rgyan las sgra mi snyan pa/ mig

tshum pa/ yul gcig la chags pa sogs 'chi ltas phog pa na/ gnas
khug khug cig tu nya bye tshan du 'gre ba ltar smre sngags 'don
bzhin lha so so'i zhag bdun re ste rgyal chen rigs bzhi pa lta
bu mi lo sum brgya lnga bcu'i ring

@263b sdug bsngal myong dgos/ lhag par lha rnams la skabs gsum
pa zhes sngar gang gi rgyus lhar skyes pa dang/ da lta gnas
skabs gang yin pa dang/ 'chi ba'i 'og tu gang du 'gro ba ste
gsum ga shes pas phyi mar gang du skye ba

shes; lha'i rten de la sngar rang rgyu mtshan du byas nas nges
'byung dang/ gzhan sdug bsngal ba rgyu mtshan du byas nas
snying rje sogs kyi dge ba sna gcig kyang mi byed/ bsod nams
sngar bsags pa ni spyad de zad par 'gyur/ de

yang dper na srang bcu ri ba'i gzan zhig gyon pa na/ gzhan
srang gang ri ba'i gzan zhig gyon pa de las bsod nams kyi
'bras bu bcu 'gyur gyis bde spyad pa yin pa ltar lha yul
na'ang/ bde skyid shin tu che bas bsod nams mang po zad par

'gyur/ des na rang re bsod nams bsags pa'i dus yin gyi/ bsod
nams kyi 'bras bu la bed spyad pa'i dus min zhes gsungs pa
ltar yin/ de'i phyir lha phal cher phyi mar ngan song du 'gro
bas/ de rig nas sdug bsngal lhag

par du 'phel/ lha'i gnas/ lus/ longs spyod grogs sogs phun sum
tshogs pa de las bral te/ ngan song du skye bar mthong nas/
sems kyi sdug bsngal dmyal ba las bcu drug 'gyur gyis che/
rang re phyi ma'i skye ba

bzang ngan the tshom bzhin du shi na'ang sdug bsngal dang yid
mi bde ba de ltar yod na/ der nges par ngan song du skye bar
thag chod par mthong bas/ kyi hud shing rta sna tshogs tshal/
/sogs skad 'don ching/ 'chi ltas phog pa'i lha de la

@264a @#/ /lha'i bu dang bu mo sogs lha gzhan sus kyang mig gis
blta ba tsam yang mi byed par ro bzhin du spangs te gcig pur
bskyur/ sngar 'dris pa'i grogs dag la re zhig nga'i rtsar cung
zhig sdod dang/

kho bo 'jig rten pha rol du skyas chen 'degs nas nyam thag pa
dag tu skye bar 'gyur na da lta khyed cag mthong bar 'dod ces/
snying rje rje'i skad du smra ba na'ang/ mig gis blta ba tsam
yang mi byed la/ sngar 'dris pa'i grogs brtan

pa dag gis/ rgyang ring po nas dbyug pa sogs kyi rtse mos me
tog mgo bor bzhag ste/ khyod 'di nas 'chi 'phos nas mi yul du
skyes te/ der bsod nams bsags nas slar yang lhar skye bar gyur
cig ces smon lam tsam

'debs pa las gzhan mi byed/ de'i tshe'ang mya ngan gyi bsnon
par song ste yid mi bde ba chen po 'ong/ gzhan yang lha bsod
nams che ba rnams kyis gzi brjid dang phun tshogs rnams lha
bsod nams chung bas mthong na spa gong zhing/

gzhi de las sdug bsngal dang yid mi bde ba chen po myong ba
dang/ lha dang lha ma yin 'thab tshe yan lag sogs bcad dral
gsod pa'i sdug bsngal dang/ lha dbang che bas chung ba rnams
rang gi gnas nas skrod pa sogs kyi sdug

bsngal yod/ khams gong ma'i lhar skyes na ni 'chi ltas phog
pa'i sdug bsngal med mod/ 'du byed kyi sdug bsngal gyis non
la/ nyon mongs dang ldan zhing/ sgrib pa dang bcas la/ 'chi
'pho ba dang gnas pa la rang

@264b dbang med pas gnas ngan len gyis sdug bsngal ba yin/
tshogs kyi gtam las/ gang zhig gzugs can gzugs med pa'i/ /sdug
bsngal sdug bsngal las 'das shing/ /ting 'dzin bde ba'i bdag
nyid can/ /bskal par

g.yo ba med par gnas/ /de yang shin tu nges grol min/ /de las
slar yang ltung bar 'gyur/ /zhes pa ltar gzugs med lta bur
dang por skyes tshe/ skyes song bsam pa zhig byung ba las/ ting
'dzin la mnyam par bzhag nas/

bskal pa mang po song mthar 'chi ba'i tshe gnas 'og mar ltung
bas gnas pa la rang dbang ma thob pa'i sdug bsngal/ lha'i rten
de la sngar bsags pa'i bsod nams zad/ der slar bsod nams gsog
pa med pas tshe 'phos nas

gnas 'og tu skyes pa na/ sngar so sor rtog pa'i shes rab kyi
rgyun bkag pas/ shes rab med pa'i blun po gzhan las thu ba
zhig 'byung/ 'ga' zhig ni bsam gtan gyi dngos gzhi la thar par
'khrul nas de thob pa'i

tshe thar pa thob song snyam/ phyis skye ba len par mthong ba
na/ thar pa la skur 'debs kyis mnar med du skye/ de'i phyir
der skyes kyang gnas skabs kyi mgo bskor lta bu las dmyal ba'i
zangs kha na sdod pa dang khyad

par med pas/ de las ni mi yul gyi dbul po rgan mo ma Ni bgrang
mkhan zhig dga'/ des na rgyal mchog bskal bzang rgya mtshos/
khams gsum 'khor ba zhes grags lcags sreg gi khang pa/ /phyogs
bcu gang

@265a @#/ /du phyin kyang sdug bsngal gyis bsreg pas/ /snying
la gzan kyang rang gi snang tshul du 'dug pa/ /gnas ngan 'di
'drar 'khyams pa'i snang tshul 'di skyo ba/ /zhes gsungs pa
ltar 'khor ba 'dir ni/

mtho srid rtse nas dma' mnar med par gang du skyes kyang/
lcags sreg gi khang pa thog drug ldan gyi nang du gnas pa
bzhin sdug bsngal kho na las ma 'das/ dper na/ sngar mu ge
byung ba na byis pa dag gis rtsam pa

slong ba la nyung ma'i rigs 'ga' sprad par/ thams cad len du
ma 'dod par de yo nyung ma red zer ba ltar/ rnam pa mi 'dra ba
tsam las gang du skyes kyang sdug bsngal gyi rang bzhin te/
thams cad skyid sdug gcig pa

bzhin no/ /mdor na sdug bsngal gsum gyis bar mtshams med par
mnar bas sdug bsngal gyi mjug bsdu la sdug bsngal gsum gsungs/
rang cag gis da lta 'khor ba 'dir bde ba yin bsam pa rnams
kyang/

don du sdug bsngal gyi rang bzhin sha stag dang/ btang snyoms
yin snyam pa rnams kyang don du sdug bsngal gyi rang bzhin te/
rma 'bras tsha ba de la chu bsil ba btab na gnas skabs bde ba
ltar snang ba lta bu ni 'khor

ba pa rnams kyi tshor ba bde ba ste/ 'di ni nam zhig pa na yang
sdug bsngal bskyed pas na 'gyur ba'i sdug bsngal yin/ de bzhin
zag bcas kyi tshor ba bde ba thams cad dang de dang mtshungs
ldan gyi sems sems byung

@265b thams cad dang gang la dmigs nas skye ba'i yul zag bcas
rnams ni 'gyur ba'i sdug bsngal/ rma 'bras tsha ba de dang por
skyes tsam na tsha ba'i gdung ba dngos su med kyang tsha ba'i
rang bzhin du yod mod/ 'on kyang de la chu la sogs

pa tsha grang gi reg pa gnyes ka dang ma phad pa'i gnas skabs
lta bu ni zag bcas kyi tshor ba btang snyoms dang/ de dang
mtshungs ldan gyi sems sems byung yul dang bcas pa rnams kyang
las nyon snga ma'i gzhan dbang du gyur

cing; sdug bsngal dang nyon mongs pa phyi ma rnams skye ba'i
sa bon rjes su 'brel zhing kun tu 'gro ba'i gnas ngan len dang
rjes su 'brel bas na khyab pa 'du byed kyi sdug bsngal/ rma
'bras tsha ba de la tsha chu lta bus reg pa na tsha

ba'i sdug bsngal mngon gyur du skyes te ches sdug bsngal ba
lta bu ni tshor ba sdug bsngal te/ de ltar lus sems gdung bar
byed pa'i zag bcas kyi tshor ba sdug bsngal rnams dang/ de dang
mtshungs ldan gyi sems sems byung yul

dang bcas pa ni sdug bsngal gyi sdug bsngal te/ de yang rang
tshos sdug bsngal yin snyam pa rnams sdug bsngal gyi sdug
bsngal/ bde bar rlom pa rnams 'gyur ba'i sdug bsngal yin/ de
bde ba min pa'i rtags kyang bde bar

rlom pa de yun ring drags na sdug bsngal bskyed pas 'di sdug
bsngal snga ma chung rim nas 'gag /phyi ma chung rim nas skye
ba'i bar du bde bar rlom pa yin/ dper na/ da lta rang re grib
mar bsdad drags nas 'khyags pa na/ nyi 

@266a @#/ /mar song bas re zhig bde ba ltar snang mod/ de yang
bde ba min te/ de yin tshe/ dper na sdug bsngal de ji ltar bsten
pa tsam gyis sdug bsngal ji 'phel du 'gro ba bzhin du nyi mar ji
tsam bsdad

kyang mi bde ba med par bde ru 'gro dgos pa las/ de ltar mi
'byung bar cung zad nas sdug bsngal te/ slar grib mar 'gro dgos
pa'i phyir/ de'ang ma mngon pa ma gtogs sdug bsngal chung rim
nas skyes pa yin/ de

bzhin du phyin phyin nas thang chad pa na bsdad pas bde ba ltar
snang mod/ de ni langs pa'i sdug bsngal che rim nas 'gag /bsdad
pa'i sdug bsngal chung rim nas skye bas mi mngon pa yin gyi/
de'i skabs su sdug bsngal med pa

min la/ de bzhin du bsdad bsdad pa las yang sdug bsngal bar
mngon pa na/ bcam bcam dgos zhes langs shing/ langs pa na bsdad
pa'i sdug bsngal che rim nas 'gag /langs pa'i sdug bsngal chung
rim nas

skyes pa ma mngon pa yin/ bzhi brgya pa las/ 'phel bzhin pa yi
bde ba la/ /ji ltar bzlog pa mthong gyur pa/ /de ltar sdug
bsngal 'phel bzhin la/ /bzlog pa yod pa ma yin no/ /zhes gsungs/
zag bcas nyer

len gyi phung po ni khyab pa 'du byed kyi sdug bsngal te/ 'di
grub pa'i rkyen gyis sdug bsngal thams cad kyi snod du gyur pa
yin/ mdor na 'khor ba 'di'i sdug bsngal thams cad 'di blangs pas
ma byung ba ste/ dmyal ba'i

@266b tsha grang gi sdug bsngal yang dmyal ba'i zag bcas nyer len
gyi phung po blangs pa de'i rkyen gyis byung la/ yi dwags kyi
bkres skom gyi sdug bsngal yang/ yi dwags kyi nyer len gyi phung
po de nyid bzung bas byung/ dud 'gro bong bu lta

bur yang bong bu'i lus grub na khal 'gel ba dang/ bong dbyug
bzed pa sogs kyi sdug bsngal myong ba'i snod du rang shugs kyis
grub zin pa ste/ mdor na tsher ma gcig btsugs pa na'ang mi bzod
pa'i na tsha 'byung ba tshun chad kyang

nyer len gyi phung po 'di blangs pas byung ba yin/ des na mi
gcer bu'i rgyab tu tsher ma'i khur zhig bskur ba na/ de'i khur
phog ma zin pa de srid du sdug bsngal dang mi 'bral ba bzhin/ ji
srid zag bcas nyer len gyi phung po'i

khur 'di dang ma bral ba de srid du/ sdug bsngal gang yang rung
bas mi mnar ba'i skabs med pa yin/ khyim bdag dpal skyes rab tu
byung tshul dang/ mkhan po maung gal gyis dpal skyes rgya mtsho'i
'gram du khrid de skye ba snga ma'i ro

dang; rus pa sogs bstan nas yid dbyung ba'i lo rgyus gsungs/
nyer len gyi phung po zhes pa'ang/ tsher ma las byung ba'i me la
tsher ma'i me zhes brjod pa ltar/ snga ma'i nye bar len pa nyon
mongs pa las byung ba'i phung po yin

pas rgyu ming 'bras la btags pa dang/ rgyal po la rag las pa'i
mi la rgyal po'i mi zhes pa bzhin du nye bar len pa nyon mongs
pa la rag las pa'i phung po yin pas na/ grogs ming grogs can la
btags pa dang/ sman dang me

@267a @#/ /tog 'byung ba'i shing la sman dang me tog de dang de'i
shing zhes brjod pa bzhin/ rang nyid las nye bar len pa nyon
mongs pa 'byung bas na/ 'bras ming rgyu la btags pa ste rgyu
mtshan gsum mo/ /phung

po 'di la sdug bsngal dang nyon mongs kyi gnas ngan len gtan
chags par yod pas 'du byed kyi sdug bsngal/ de yod phyin chad
tshor ba sdug bsngal da lta med pa'i skabs re byung yang de ma
thag yang sgo sna tshogs nas sdug bsngal

mang po bskyed par byed pas na 'du byed kyi sdug bsngal ni sdug
bsngal thams cad la khyab pa dang/ sdug bsngal gzhan gnyis kyi
rtsa ba yin/ des na 'dis ni skye ba 'di'i sdug bsngal gyi snod
byed la/ skye ba phyi ma'i sdug bsngal

gyi sne 'dren pa'i rten byed pa'i phyir/ phung po 'di ni sdug
bsngal kun gyi nang nas ngan pa ste/ 'khor ba zhes pa'ang rang
la rang dbang med par las nyon gyi dbang gis zag bcas nyer len
gyi phung po'i khur bzung nas srid rtse nas

mnar med kyi bar du skye ba blangs te yang nas yang du 'khor ba
la zer bas/ zag bcas nyer len gyi phung po 'di nyid 'khor bar
'jog pa yang rung ba de'i phyir 'khor ba la skyo shas skye ba
ni/ zag bcas nyer len gyi phung po 'di la

skyo shas skye dgos shing/ khyab pa 'du byed kyi sdug bsngal 'di
la skyo ba ma skyes kyi bar 'khor ba la skyo ba rnal ma mi 'ong
gsungs/ gnyis pa 'bring du spros te bshad pa mdzad// ! //nyin
bco lnga par/ slob dpon chen

@267b po 'phags pa lha'i zhal nas/ sdug bsngal rgya mtsho 'di la
mtha'/ /rnam pa kun tu yod min na/ /byis khyod 'dir ni bying ba
la/ /'jigs pa cis na skye mi 'gyur/ /zhes 'dren par mdzad de/
sngon 'gro kun slong 'chos pa mdor

bsdus dang/ sngon du ji ltar song ba'i sa bcad rnams 'dren par
mdzad nas/ 'khor ba las thar 'dod kyi blo skyed pa la bskyar
bshad mdzad/ skyong tshul mdor bsdus te bstan pa la/ sbyor chos
sogs 'dra/ spyi bo'i bla ma lha

bsgom bzhin du 'khor ba'i sdug bsngal bsam/ thun mtshams su 'khor
ba'i nyes dmigs ston pa'i skor mdo dran pa nyer gzhag sogs blta/
de ltar bsams nas nges 'byung skyes pa'i tshad ni/ 'khor ba'i bde
skyid

stobs 'byor sogs gang mthong yang/ 'di dag ni bslu ba'i chos can
yin/ sdug bsngal yin snyam du zhen pa log pa zhig dgos kyi/ kha
nyes god kha sogs 'khor ba'i gra ma 'grigs pa 'ga' zhig gi sdug
bsngal byung

nas yid 'byung ba tsam ni sna thung spu sud kyi nges 'byung
gzugs brnyan tsam yin/ 'khor ba 'dir skyes phan chad sdug bsngal
gyi rang bzhin kho na las ma 'das pas phyin chad sdug bsngal
myong ba mi 'dod na skye ba'i rgyun gcod

dgos/ 'khor ba la skyo shas skyes nas nges par 'byung bar 'dod
na nges 'byung gi bsam pa dang/ thar pa don gnyer gyi blo yang
de yin/ des na rje tsong kha pa chen pos/ de ltar goms pas 'khor
ba'i phun tshogs la//

@268a @#/ /yid smon skad cig tsam yang mi skye zhing/ /nyin mtshan
kun tu thar pa don gnyer blo/ /byung na de tshe nges 'byung skyes
pa lags/ /zhes dang/ kho bo la gzhan gyis stan bzang po btab pa
dang/ sri

zhu bkur sti sogs byed pa la/ 'di thams cad mi rtag pa yin/ 'di
thams cad sdug bsngal ba yin snyam du yid 'byung mnan pas mi non
pa 'ong ba zhig snga mo nas yod ces gsungs pa bzhin/ 'khor ba'i
phun tshogs

ji tsam mthong ba de tsam du skyo shas che ru 'gro ba zhig dgos/
de bzhin du 'chi ba'i tshe tshe 'di'i grogs dang 'byor pa sogs
dang 'bral bar mthong nas yid mi bde ba'ang sna thung gi mi rtag
pa zhes tshe 'di'i snang shas mngon du

gyur pa yin no/ /des na/ nges 'byung gi bsam pa rnam dag cig
rgyud la skye thabs byed pa gal che ste/ rang re'i don du gnyer
bya'i gtso bo sangs rgyas kyi go 'phang yin/ de 'ong ba la byang
sems/ de 'ong ba la snying rje/ de

'ong ba la mar shes rnams rim bzhin sngon du 'gro dgos/ 'khor
ba'i sdug bsngal rang steng du bsgoms pas nges 'byung dang/
gzhan la bsgoms pas snying rje skye dgos pas skyes bu chen po'i
skabs kyang nges 'byung bsgom

pa med thabs med/ lhag par skyes bu 'bring skabs nges 'byung 'di
lam gyi gtso bo zhig ste/ 'di rgyud la skyes pa nas bzung ste
dge ba ci byas thar pa'i rgyur 'gro zhing/ lam gyi gtso bo 'di
lta bu bcos ma tshun rgyud la ma skyes

@268b kyi bar gyi dge ba gang byed/ zhing gi mthu la brten pa
'ga' re ma gtogs/ phal cher 'khor ba'i 'khor lo bskor ba yin te/
lam gyi gtso bo gsum la nan tan mi byed par logs su bzhag nas
chos zab zab mo rtsa rlung bsgom pa dang/

lha bsgom/ sngags bzlas sogs la ji tsam brtson kyang/ thar pa
dang thams cad mkhyen par bgrod pa'i lam gyi phyogs tsam du'ang
mi 'gro bas/ de lta bu'i don med pa'i ngal ba dang/ zab zab mo
skad zer ba rnams re zhig bzhag

nas; thog mar nges 'byung byang sems/ yang dag pa'i lta ba gsum
la ci nus su 'bad pa gal che/ gnyis pa thar par bgrod pa'i lam
gyi rang bzhin gtan la dbab pa la gnyis/ kun 'byung 'khor ba'i
'jug rim bsam pa dang/

thar par bgrod pa'i lam gyi rang bzhin gtan la dbab pa dngos so/
/dang po la gsum/ nyon mongs pa skye tshul/ des las gsog tshul/
'chi 'pho ba dang nying mtshams sbyor tshul lo/ /dang po la bzhi/
nyon mongs ngos gzung ba/ de

ji ltar skye ba'i rim pa/ nyon mongs pa'i rgyu/ nyon mongs pa'i
nyes dmigs so/ /kun 'byung 'khor ba'i 'jug rim bsam pa'i sa bcad
'di sa bcad snga mar yar sbyar ba dang/ phyi mar sbyar ba'i lugs
gnyis yod pa las/ 'dir ni bde myur

gyi khrid srol ltar thar par bgrod pa'i lam gyi rang bzhin gtan
la dbab pa'i nang du mar bsdus yod pa yin la/ de yang sngar
'khor ba spyi dang so so'i nyes dmigs bsams pas 'khor ba las yid
'byung ste thar

@269a @#/ /'dod skye ba na de ltar 'khor ba'i rgyu gang gis byas
'dug snyam du rgyu rtsad bcad nas ngo shes par byas te/ de'i
rgyun gcod dgos/ des na kun 'byung la las kyi kun 'byung dang
nyon mongs

pa'i kun 'byung gnyis yod/ nyer len gyi phung po'i khur thogs
dgos pa 'di las kyis byas shing/ las de nyon mongs pas skyed/
sngar bsags kyi las grangs med yod kyang lhan cig byed rkyen
nyon mongs pa'i

sred len med na rlan dang bral ba'i sa bon bzhin du las rkyang
pas skye ba 'phen mi thub cing/ nyon mongs yod na las sngar
bsags med kyang de ma thag nyon mongs pas las gsar du bsags nas
'khor ba'i phung po phyi ma

len par byed pas/ rnam 'grel las kyang/ srid pa'i sred las rnam
brgal ba'i/ /las gzhan 'phen nus ma yin te/ /lhan cig byed pa
zad phyir ro/ /zhes dang/ sred pa ni/ /yod na slar yang 'byung
phyir ro/ /zhes

gsungs/ des na 'khor ba skyed byed kyi rtsa ba ni nyon mongs
nyid yin no/ /nyon mongs zhes pa rang nam skyes ma thag tu/ rang
stobs kyis rang rgyud ldan gyi gang zag sems rgyud ma zhi zhing
ma dul bar byed pa'i byed las can

zhig yin/ de yang ngos zin dgos kyi/ ngos ma zin na dgra ngos ma
zin par gsod byed kyi mda' 'phen pa bzhin/ gang la gnyen po
bsten dgos pa mi shes pas/ dang po nyon mongs ngos gzung ba la
gnyis/

@269b rtsa nyon dang/ nye nyon no/ /dang po la/ mdzod las/ srid
pa'i rtsa ba phra rgyas drug /'dod chags de bzhin khong khro
dang/ /nga rgyal ma rig lta ba dang/ /the tshom yin te/ zhes
gsungs pa bzhin rtsa nyon drug las/ dang po

'dod chags ni/ yul yid du 'ong ba nor dang lus/ zas skom sogs
mthong ba na/ de la dmigs nas de dang mi 'bral bar 'dod pa'i
sems pa lta bu ste/ dper na nyon mongs gzhan ras la rdul zhugs
pa ltar

dbyung sla yang/ 'dod chags ni yul la zhen cing chags pa ras la
snum zhugs pa snum gyis je cher khyab ste dbyung dka' ba bzhin
yul de dang de blta ba dang reg pa la sogs par 'dod pas sems zug
pa bzhin du chags

yul la sred zhen je cher song ste dbral bar dka'/ 'dod sred
zhags pas 'khor ba'i btson rwar bcings/ /gsungs pa ltar 'khor ba
la yid 'byung skye mi 'jug pa'i rtsa ba yang 'dod chags yin pas/
'khor bar

'ching byed kyi gtso bo yin/ 'di'i gnyen por mi sdug pa bsgom pa
sogs bsten/ de la mi sdug pa ni/ rnam par dmar ba dang/ rnam par
'thor ba dang/ rnam par bam pa dang/ rus gong gi 'du shes bskyed
de/

yul sems can sogs la chags pa na/ mi gtsang ba'i rdzas so drug
gis gang ba'i rkyal par bsam/ sha sogs zos nas chags pa na'ang/
de'i rgyu la mi gtsang ba dang/ sbyor ba srog gcod lugs sogs
bsams pas

@270a @#/ /chags sred chung du 'gro/ gnyis pa khong khro ni/ sems
can dang sems can ma yin pa la dmigs nas kun nas mnar sems pa
sems rtsub mo yul de rnams la gnod pa bya 'dod pa ste/

dgra sogs yid du mi 'ong ba mthong ba na/ sems shin tu rtsub
pa'i rnam pa can zhig yin/ de yang dper na me 'bar ba ltar khong
khro 'di skyes pa na dge rtsa 'joms pa sogs byed pas skyon che/
srog gcod brdeg 'tshog

sogs 'byung ba'ang khong khros byed/ deng sang kha cig gis/ nged
kyi bla ma thugs gtum zer ba lta bu khong khro la ming snyan po
btags nas skyon du mi brtsi yang/ zhe sdang lta bu'i sdig pa
med/ /bzod pa lta bu'i dka' thub med/ /

ces dang/ khong khro'i mtshon gyis mtho ris srog 'phrog cing/
/zhes sogs ltar khong khro yod na nyon mongs kyi nang nas dge
rtsa 'joms byed thu shos dang/ ngan 'gror 'phen byed kyi gtso bo
zhig yin pas skyon che/ dge rtsa

'joms lugs la yul rten gyi khyad par yod/ de la bzod pa bsgom pa
sogs gnyen po bsten dgos/ bzod pa'i skor 'og tu phyin drug skabs
nas kyang 'chad/ dge phrug la khong khro mi byed par phan sems
kho nas brdung

brdeg byed pa lta bu rung bar gsungs/ gsum pa nga rgyal ni/ rang
nyid kyi stobs 'byor yon tan rigs rus shes rab/ tshul khrims
gtsang ba sogs dang/ tha na skad bzang ba dang shed mo che ba
tshun chad kyis yul

@270b bzang ngan gang la'ang dmigs nas sems khengs pa/ dper na/
ri mthon po nas blta ba na/ gzhan dma' zhum zhum pa byed pa
bzhin rang nyid mchog tu 'dzin cing gzhan pha rol po dma' bar
bzung nas sems khengs pa ste/

mtho ba'i rnam pa can du 'jug pa'o/ /'di ni dmigs yul rgyu mtshan
cung zad las mi dgos par skye/ bka' gdams gong ma'i gsungs las/
dpyid kyi dus su ri mgo gang mtho ba nas sngo phyur gyis 'ong
ngam/ gshong bu gang

dma' ba nas 'ong ltos gsung ba dang/ nga rgyal gyi sgang bu la
yon tan gyi chu mi 'brub gsungs pa ltar nga rgyal yod pa la yon
tan gang yang skye dka' zhing/ bla mas chos gsung yang nga rgyal
chen po yod pa'i mi de la phan mi

thogs/ des na 'di'i gnyen por khams kyi rab dbye la dmigs nas
rang gis mi shes pa'i rnam grangs bsams nas/ re zhig rang gi
spyi bo nas rkang pa'i bar re re la'ang phyi nang gi gnas lugs
ji yod rang gis mi

shes pa shin tu mang po yod pa rnams bsam ste nga rgyal gcog
dgos/ bzhi pa ma rig pa ni/ spyir ma rig ces pa mthong ma mthong
rig ma rig zer ba ltar rig pa la dgag sgra ma rig sbyar ba ste
ma rig pa/ ma

mthong ba/ mi shes pa/ mi gsal ba sogs te/ dper na mig btsum pa
lta bu'i nag thom me ba'am/ mun pas khyab pa'i dngos po mi
mthong ba bzhin du bden bzhi dang/ las 'bras/ dkon mchog sogs
la dmigs nas

@271a @#/ /rang gi ngo bo'am gnas lugs mi mthong ba'i rmongs pa
ste/ 'di ni nyon mongs thams cad kyi rtsa ba yin/ de yang 'jig
lta dang/ ma rig pa gcig tu bzhed pa'i lugs ltar na/ 'jig

lta nyid ma rig pa dang/ tha dad du bzhed pa'i lugs ltar na/
dper na/ thag pa la sbrul lo snyam du 'khrul ba lta bu 'jig lta
dang/ de'i rgyu thag khra'i steng du mun pa bab ste thag pa'i
gnas lugs mi gsal ba lta

bu ni ma rig pa yin/ lugs snga ma dpal ldan zla grags dang/ chos
kyi grags pa sogs kyis bzhed/ phyi ma 'di thogs med sku mched
bzhed pa yin/ lnga pa the tshom ni/ bden bzhi dang/ dkon mchog
dang/ las 'bras

sogs la dmigs nas yod dam med/ yin nam min snyam pa lta bu ste/
dkon mchog gsum la the tshom pa'i rkyen gyis rtogs pa skye ba la
gegs byed/ de yang rje rgyal ba'i dbang po dge 'dun grub pas/
kun tu rmongs pa'i

mkha' la rab rgyu zhing/ /nges pa don du gnyer la lhag par 'tshe/
/thar pa'i srog la rgol ba'i gdug pa can/ /the tshom sha za'i
'jigs pa bskyab tu gsol/ /zhes gsungs pa lta bu yin/ las 'bras
la the tshom

pas ni mngon mtho dang/ bden bzhi la the tshom pas ni/ thar pa
thob pa'i gegs byed pas skyon che/ 'di yan la lta min lngar 'jog
/drug pa lta ba la lta ba nyon mongs can lnga las/ 'jig lta ni/
'jig

@271b pa'i chos can gyi phung po'i tshogs pa la dmigs nas nga
dang nga'i zhes bdag dang bdag gir blta ba'i shes rab nyon mongs
pa can te/ dper na rang la gzhan gyis bstod smad sogs phan gnod
byed pa na/ nga la de ltar byed

pa ci zhes/ blo phugs su ling ling ba zhig shar yong ba de ltar
du yod par 'dzin pa ste/ de ni nyes pa'i rtsa ba yin/ 'jig lta
'di srog chags grog sbur yan chad la yod de/ 'bu 'gro ba'i snar
rtsa thur btsug na de ma

thag nga gcig byed 'gro snyam du skrag nas 'khums te shi ba ltar
bcos/ re zhig nas kha tshur slog ste bros yong ba de 'jig ltas
byas pa red gsungs/ mthar lta ni/ 'jig ltas gang bzung ba'i nga
de nyid rtag brtan ther zug

bden grub sogs su blta ba'am/ shi nas nga de nyid rgyun chad par
lta ba sogs te/ 'di ni gtso bo phyi rol pa dag la yod mod/ rang
cag gis kyang bden grub dang/ cang med du lta ba sogs yod do/
/lta ba mchog

'dzin ni/ 'jig lta dang log lta dang rtag chad kyi lta ba sngar
bshad pa de dag gang rung dang/ de dag gang la brten nas 'byung
ba'i lta ba po'i phung po la dmigs nas mchog tu 'dzin pa'i shes
rab nyon mongs pa can

no; ;tshul khrims dang brtul zhugs mchog 'dzin ni/ rkang pa ya
gcig gis 'greng ba'i tshul khrims dang/ me lnga bsten pa dang/
mdung rtse gsum gyi steng du mchong ba sogs thar lam du 'dzin pa
dang/ g.yang

@272a @#/ /gzhi 'chang ba'i brtul zhugs sogs la mchog tu 'dzin pa
dang/ 'ga' zhig gis mngon shes phra mos bltas nas/ tshe snga ma
khyir skyes par mthong nas rmongs te/ phyi mar yang mi lus

'dod pas/ khyi skad dang/ khyi'i cha lugs su bsgyur ba sogs cha
byad mang po dang/ de la mchog tu bzung nas lus ngag gi 'jug pa
ngan pa byed pa dang/ de bsrung ba'i tshul khrims ngan pa ste de
dag grol byed kyi rgyu'i gtso

bor 'dzin pa lta bu'o/ /log lta ni/ bden bzhi dang dkon mchog
las 'bras sogs med par lta ba gtso bo dang/ gzhan yang med pa la
yod par sgro 'dogs pa dang/ yod pa la med par lta ba chad lta
skur 'debs

te gnyis las/ phyi rol pa 'ga' zhig gis 'jig rten 'di khyab 'jug
gi 'jug pa bcus byas pa dang/ grangs can pas shes bya la grangs
nyer lngar phyes nas spyi gtso bos byas pa dang/ dbang phyug gis
byas pa sogs su

mos pas/ de dag gis ma byas pa la byas par 'dod pa'i sgro btags
nas log par lta ba dang skur ba btab pa'o/ /gong gi lta min lnga
dang/ de'i steng du lta ba lnga gcig tu brtsis pa'i drug po de
dag ni rtsa ba'i nyon

mongs pa phra rgyas drug go /des na/ de dag so sor skyes pa na/
gnyen po bsten cing/ 'on kyang bzhi brgya pa las/ lus la lus
dbang ji bzhin du/ /gti mug kun la gnas gyur te/ /gsungs pa ltar

@272b gti mug gis nyon mongs gzhan thams cad la khyab cing rgyu
byed pas/ de ni ngos 'dzin dka' bas 'og tu 'chad gsungs/ gnyis
pa/ nyon mongs pa ji ltar skye ba'i rim pa ni/ rtsa nyon drug
sogs nyon mongs thams

cad kyang bdag 'dzin dang 'jig lta las byung ba'i phyir sdug
bsngal dang las nyon thams cad kyi rtsa ba 'jig lta dang ma rig
pa gcig tu bzhed pa ltar na 'jig lta las byung la/ mi bzhed pa'i
lugs la ma rig pa nyid

gtso bo'o/ /des na/ dbu ma thal 'gyur ba'i lugs ltar na/ 'jig
lta nyid rtsa ba yin la/ de la'ang kun btags dang lhan skyes
gnyis las phyi ma dang/ de la'ang nga dang nga yir 'dzin pa
gnyis las/ ngar

'dzin pa'i 'jig lta nyid do/ /de ni nga la snyan par smra ba
sogs kyi tshe/ nga la de smra ba legs 'dug snyam pa sogs/ nga
dang nga zhes pa'i ling po zhig blo phugs su bzhag pa de nyid
de/ de yod pas de nyid la bdag tu bzung

ste longs spyod pa por shar/ de yod pas nga la sred/ gzhan la
sdang ba skyes te phan btags pa la 'dod chags/ gnod pa byed
mkhan la khong khro/ bar ma la gti mug skye ba'i phyir/ rnam
'grel las/ bdag yod na ni

gzhan du shes/ /bdag gzhan cha las 'dzin dang sdang/ /'di dag
dang ni yongs 'brel las/ /nyes pa thams cad 'byung bar 'gyur/
/zhes dang/ 'jug pa las/ nyon mongs skyon rnams ma lus 'jig
tshogs

@273a @#/ /la; ;lta las byung bar blo yis mthong gyur cing/ /zhes
dang/ dang por nga zhes bdag la zhen gyur cing/ /bdag gis 'di
zhes dngos la chags bskyed pa/ /zhes sogs gsungs/ phra rgyas
drug gi

rtsa ba ma rig pa'am/ 'jig lta la brten nas chags sdang/ the
tshom sogs skye/ de la brten nas las bsags/ de la brten nas 'khor
bar 'khor/ 'khor ba'i rtsa ba 'jig lta ma rig pa ngar 'dzin lhan
skyes nyid yin pas/

nyon mongs gtan nas spong ba la bdag 'dzin ma rig pa'i gnyen po
bdag med rtogs pa'i shes rab bskyed pa la 'bad dgos/ de'i phyir/
nyes brgya 'joms pa'i sman dkar po chig thub lta bu ni/ bdag med
rtogs pa'i shes

rab yin te/ bzhi brgya par/ de phyir nyon mongs thams cad kyang/
/gti mug bcom pas bcom par 'gyur/ /zhes dang/ sa bcu pa'i mdo
las kyang/ 'jig rten du nyes par spyod pa skye ba gang ji snyed
pa de thams cad ni

bdag tu mngon par zhen pa las byung ba yin te/ bdag tu mngon par
zhen pa dang bral na mi 'byung ngo/ /zhes gsungs/ 'on kyang de
ma rtogs gong nas/ mgo gnon thabs 'phral sel du byed dgos la/ de
la rgyu 'gog dgos

pas; gsum pa nyon mongs pa'i rgyu la drug las/ dang po rten ni/
sa bon nam bag la nyal te rang re nad kyi sa bon drungs 'byin ma
thub pa na zas sogs cung zad tsam gyis slong ba bzhin/ rkyen
dang phrad na nyon mongs pa'i sa bon

@273b yod pa'i rkyen gyis rang rgyud la nyon mongs skye chog
chog gi rten nam bag chags yod pa de yin/ rgyu gnyis pa dmigs
pa'am yul ni/ yid du 'ong ba dang yid du mi 'ong ba sogs te/ de
dag dang 'phrad na/ rang re nyon mongs kyi

sa bon ma spangs pas/ mdzod las/ phra rgyas spangs pa ma yin
dang/ /yul ni nye bar gnas pa dang/ /tshul bzhin ma yin yid byed
las/ /nyon mongs rgyu ni tshang ba yin/ /zhes pa ltar nyon mongs
skye bas/ de dag dang

rgyang bsring gang thub byed pa ste/ rab byung rnams dgon pa
dang ri khrod sogs na sdod pa'ang yul las byol ba yin/ rang re
las dang po pas re zhig yul ma mthong na nyon mongs mi skye ba
la phan pas/ de las byol gang thub byed/

blo sbyong rnams las/ gnyen po bsten pa pas yul ngan spong ba
gtso/ zhes dang/ rgyal sras thogs med pas/ yul ngan spangs pas
nyon mongs rim gyis 'grib/ /rnam g.yeng med pas dge sbyor ngang
gis 'phel/ /rig pa

dwangs pas chos la nges shes skye/ /dben pa bsten pa rgyal sras
lag len yin/ /gsungs pa ltar nyon mongs skye ba'i yul spangs te
mthun yul la gnas pa gal che gsungs/ rgyu gsum pa 'du 'dzi ni/
grogs ngan pa'i

g.yeng ba spong ba ste/ de yang chang dang/ rtsed mo sogs nyon
mongs pa dang mthun pa'i gtam bshad nas tshe 'dir sbyor ba thams
cad grogs ngan pa yin pas kho'i khar mi nyan pa dang/ kho'i
dbang du mi 'gro ba dgos/ de lta min par

@274a @#/ /grogs ngan pa'i dbang du song na/ des nyon mongs skyed
cing bya ba ma yin pa la zhugs par 'gyur/ sngon 'phan po rgyal
du chang 'thung ba dang mi 'thung ba'i mi gnyis yod pa las/
chang 'thung ba de

rwa sgreng du phyin/ mi 'thung ba de lha sar phyin pa na/ rwa
sgreng du song ba de bka' gdams pa'i dge bshes rnams dang mjal/
lha sar song ba de grogs ngan pa dang 'grogs pas/ grogs bzang
ngan gyi dbang gis de gnyis phyis

mnyam du phrad pa na/ sngar chang 'thung ba des phyis mi 'thung
ba dang/ sngar mi 'thung ba phyis chang 'thung mkhan zhig tu
gyur pa lta bu yin/ rang re ser sna la ru ngar zhes dang/ khong
khro la thugs gtum po dang/ sna thung ba sogs

ming snyan po re 'dogs kyang de dag skyon che/ dge rgan nor
rdzas la kun 'dzin dam pa lta bu ru ngar po zhig bsten na dge
phrug kyang ser sna che bar 'gyur la/ khong khro can yang de
dang 'dra/ grogs ngan gyi spyod pa 'go sla bas/

grogs ngan pa spong dgos/ 'on kyang/ deng sang phal cher tshe 'di
don gnyer can gyi grogs ngan pa sha stag yin pas thams cad spang
ma thub kyang de dag la bag zon byas te ha cang 'grogs 'dris mi
byed pa gal che/

sngon lung pa zhig na/ gzhan thams cad kyis smyo chu 'thungs bas
myos la/ rgyal po 'ba' zhig ma smyo bar lus pa na/ gzhan gyis
rgyal po myos 'dug ces smras pa bzhin/ deng sang chos byed pa
rnams mi khyur mi tshud mod/ bud

@274b snyegs thob gsum lag tu len dgos pas/ de tsam du skyon
med/ grogs ngan pas bslab bya byed pa na/ de'i kha rjes su mi
gtong bar g.yag rgan gyi 'jing pa bzhin byas te thebs med rdo
rje sngon du btang/ ye shes rdo rje rang dang

'grogs/ khrel med rdo rje rjes la bzhag pa sogs bka' gdams phugs
nor bcu la nyams len byed/ rgyu bzhi pa bshad pa ni/ gdams ngag
ltar snang nyon mongs skye ba'i dpe blta ba ste/ gling ge sar
gyi sgrung bshad pa sogs dang/

chags lam gyi bstan bcos dang/ las tshogs dang 'khyud dpyad kyi
be'u bum sogs bshad pa ngan pa la bltas na chags sdang gti mug
'phel zhing rgyas par byed pa'i rgyur 'gyur la/ skyes bu dam
pa'i mdzad pa rnam thar yid la byas

na thar pa'i sa bon thebs nus pas na skyes bu dam pa'i rnam thar
sogs blta dgos/ gzhan yang mi mang po dang mnyam du/ rgyal po
dang/ dmag dang/ bud med/ kha mchu sogs chags sdang 'phel ba'i
skad cha mang du shod pa yang nyon

mongs skye ba'i rgyu yin/ rgyu lnga pa goms pa ni/ zhang rin po
ches/ blo ngan goms kyi bag chags shog dril 'dra/ /gsungs pa
ltar nyon mongs la goms 'dris ches pas sems yengs pa'i skabs
kyang chags sdang sogs ngam ngam shugs

kyis 'byung/ rang re'ang skye ba snga ma'i goms pa che chung gi
dbang gis/ tshe 'dir nyon mongs shas che chung yod de/ 'ga' zhig
yul chung ngu re la'ang chags sdang sogs chen po skye ba dper
na/ khong khro la goms pa dag gis mig log

@275a @#/ /blta ba tsam yang mi bzod pa sogs ltar ro/ /'di dag la
ni gnyen po bsten nas 'phro gcod ci thub byed pa las gzhan med/
rgyu drug pa yid la byed pa ni/ 'dod chags kyi yul dang/ zhe

sdang gi yul sogs la yang nas yang du sgro btags te tshul bzhin
ma yin pa yid la byed pa ste/ 'dod chags kyi yul gos lta bur/
mdog legs pa/ dbyibs mdzes pa/ thag bzang ba sogs bsams pa dang/
zhe

sdang gi yul dgra lta bus rang la gnod pa 'di dang 'di byas/
de'i rjes su yang 'di dang 'di 'dra byas snyam pa sogs yul yid
du 'ong ba dang mi 'ong ba la yang yang sems pa dang/ mi 'dis ni
chos byed pa yin mod/ sdug

bsngal dang gra ma 'grigs pa de 'dra 'ong 'dug pas las 'bras e
bden bsam pa sogs te/ rgyu de dag skye ba na nyon mongs 'byung
ba yin pas/ de dag dgag ci thub byed/ gnyen po ma bsten na nyon
mongs je cher 'gyur la/ bsten

pas ni je 'grib tu 'gyur bas/ de la 'bad do/ /bzhi pa nyon mongs
pa'i nyes dmigs ni/ mdo sde rgyan las/ nyon mongs rnams kyis
bdag 'joms sems can 'joms shing tshul khrims 'joms/ /nyams bcas
rnyed pas

dman zhing srung dang de bzhin ston pas smad/ /rtsod pa mi snyan
de ni gzhan du mi khom gnas su skye/ /thob dang ma thob nyams
pas yid la sdug bsngal chen po 'thob/ /ces gsungs pa bzhin nyon
mongs pa'i nyes dmigs mang du

@275b yod de/ nyon mongs skyes pa na sems de mi dge ba'i ngo bor
'gyur ba dang/ yul dmigs pa las phyin ci log tu byed pa dang/
nyon mongs pa'i sa bon bag la nyal ba de brtan par byed pa dang/
chags sdang sogs ris mthun

kyi nyon mongs rgyun mi 'chad pa skye ba dang/ skyes bu dam pas
smad pa'i gnas kha na ma tho ba la zhugs te 'di phyi gnyis kar
mi bde ba'i las bskyed pa dang/ thar pa dang thams cad mkhyen pa
gnyi ga las phyir nur te rgyang ring du byed

pa dang/ dge ba'i bya ba nyams par byed pa sogs kyis rang dang
gzhan ma rungs par byed/ tshul khrims nyams par byed/ rnyed pa
dang bkur bsti'ang chung du 'gro/ sangs rgyas dang chos skyong
rnams kyis kyang smad/ 'ga' zhig gis

gsod res sogs byed pas rang gzhan sdug bsngal ba dang/ tshe 'dir
kha mchu rtsod pa sogs kyis grags pa mi snyan pa 'phel ba dang/
phyi mar mtha' 'khob dang ngan song du skye ba sogs te/ mdor na
nyes dmigs mtha' yas pa thams

cad nyon mongs pas bskyed pa yin gsungs/ des na 'di dag skyes
pan skyes ma thag tu dgra'i dwangs mar shes nas dgag thabs bya
dgos te/ spyod 'jug las/ gal te lha dang lha min rnams/ /thams
cad bdag la dgrar langs

kyang; ;de dag gis kyang mnar med pa'i/ /me nang 'khrid cing
'jug mi nus/ /nyon mongs stobs chen dgra 'dis ni/ /gang dang
'phrad na ri rab kyang/ /thal bar yang ni mi lus pa/ /der bdag
skad cig gcig la 'dor/ /zhes gsungs

@276a @#/ /pa bzhin/ dgra zhig la 'di las thu ba med de/ tha mal
pa'i dgra bor phar bstun na khro ba zhi zhing gnod pa mi byed
la/ nyon mongs la phar bstun kyang tshur gnod pa byed/ sngon chad
mnar med kyi

mer bsreg pa yan gyi sdug bsngal ji snyed cig myong ba thams cad
nyon mongs pas byas shing/ phyin chad kyang myong bar byed pa
sogs 'khor ba na sdug tu 'jug mkhan nyon mongs yin pas khams
gsum gyi dgra las nyon mongs

pa 'di thu/ bka' gdams gong ma'i zhal nas/ nyon mongs la zur
bstan nas ci gnod dang/ sems can la mthil bstan te ci phan du
sbyong/ gsungs pa dang/ dge bshes 'ban gyis nga ni sems kyi
mkhar sgo na gnyen

po'i mdung thung zhig bzung nas sdod pa min pa gzhan med/ kho
bsgrim na nga yang bsgrim/ kho glod na nga yang glod gsungs pa
bzhin nyon mongs la dgra'i drangs mar bltas te 'phral du gnyen
po bsten dgos/ gnyis pa des

las gsog tshul ni/ las la sems pa'i las dang/ bsam pa'i las
gnyis/ dang po sems pa'i las ni/ kun btus las/ sems pa gang zhe
na/ sems mngon par 'du byed pa'i yid kyi las te/ dge ba dang mi
dge

ba dang lung du ma bstan pa rnams la sems 'jug par byed pa'i las
can no/ /zhes pa ltar dper na tshig rtsub lta bu smra snyam du
g.yo bar byed pa'i sems dang/ tshig rtsub smra bzhin pa la g.yo
zhing bskul bar byed pa'i sems byung yid

@276b kyi las de sems pa'i las yin/ bsam pa'i las ni/ sems pa
des kun nas bslang ba'i lus ngag gi las rnams te/ mdzod las/ las
ni sems pa dang des byas/ /sems pa yid kyi las yin te/ /des
bskyed lus dang ngag gi las/ /

zhes gsungs pa ltar ro/ /nyon mongs pas bsod nams ma yin pa
dang/ bsod nams dang/ mi g.yo ba'i las gsum bskyed pa las/ rim
bzhin tshe 'di don gnyer gyi bsam pas srog gcod sogs kyi las
bsags pa ni bsod nams

ma yin pa'i las te 'dis ngan song du skye bar byed/ phyi ma'i
'dod bde don gnyer gyis bsod nams kyi las bsags pas 'dod khams
kyi lha mir skye/ mi g.yo ba'i las la/ phyi 'dod pa'i bde bas
yid sun te nang ting nge 'dzin gyi tshor ba

bde ba la gzhol bas bsam gtan gsum pa man chad nas dang po'i bar
gyi lhar skye/ ting nge 'dzin las skyes pa'i tshor ba bde bas
kyang yid sun nas tshor ba btang snyoms don gnyer gyi sgo nas las
bsags pa ni bsam gtan bzhi pa yan chad du skye

ba'i rgyu byed/ 'dod pa'i skye ba 'phen byed kyi bsod nams kyi
las dang/ bsod nams ma yin pa'i las ni 'bras bu g.yo ba'i las
te/ dper na dmyal ba'i bar do grub zin yang bla ma dang cho ga
/gsang sngags sogs kyi nus pa'i mthus

bar do'i gnas bsgyur te bde 'gror skye thub pa 'byung ba lta bu
yin/ 'brom rin po ches/ {rwa} sgreng gi dge bsnyen thams cad
rgyu rdzas gcig tu sgril na/ shi nas dge rtsa byed pa la phan
pa'i khyad yod par gsungs pa ltar rgyu rdzas gcig pa'i dge

@277a @#/ /rtsas gshin po bar dor yod pa la phan che bar gsungs/
khams gong ma'i skye ba 'phen byed kyi las ni/ dper na/ bsam
gtan dang po'i las bsags tshar nas bsam gtan dang por skye ba

las bsam gtan gnyis pa sogs sa gzhan du mi 'gyur ba yin pas na
mi g.yo ba'i las zhes bya ste/ mdzod las/ bsod nams 'dod khams
dge ba'i las/ /mi g.yo gong ma las skyes pa/ /gang phyir sa
rnams de dag tu/ /las

rnam smin phyir mi g.yo'i phyir/ /zhes gsungs/ lam gtso gsum
gang rung gis ma zin pa'i las ji 'dra zhig bsags kyang 'khor
ba'i rgyu yin zhing/ khams gsum la yid 'byung ste las gang byas
thar pa'i rgyu las 'gros

med; nges 'byung sogs kyis ma zin na chos bya snyam du tshe blos
btang nas ri khrod du zhi gnas bsgoms te bsdad kyang/ stabs legs
na/ bsam gzugs kyi rgyu byed pa las lhag mi 'ong bas chos byed
par 'dod na tshang la ma nor ba'i

gdams ngag tshol ba gal che gsungs/ gsum pa 'chi 'pho ba dang
nying mtshams sbyor ba'i tshul la gsum las/ dang po 'chi ba ji
ltar 'byung tshul ni/ 'chi ba'i rkyen tshe zad pa/ bsod nams zad
pa/ ya nga ba ma spangs par

'chi ba'i rkyen mdo nas gsungs pa'i 'chi rkyen dgu sogs kyis
byed/ 'chi ba'i sems ni/ 'chi khar skye ba phyi mar 'phen byed
kyi las la gsos 'debs la/ 'debs byed sred pa dang len pas 'debs/
ji ltar 'debs pa ni/

@277b lus 'di dang bral bar 'dug snyam du da lta'i lus 'di la
sred pa dang/ len pa ni tsha dmyal du skyen tsha ba 'dod pa sogs
so/ /gsos 'debs yul ni/ las dkar nag mang po'i nang nas las gang
stobs che ba dang/ de mnyam na/ gang

goms pa che ba dang/ de mnyam na/ gang sngon la byas pa de nyid
la gsos 'debs so/ /gsos 'debs pa'i dus ni/ 'chi khar rang gis
dran pa'am gzhan gyis dran du bcug pa gang rung gi sgo nas dad
pa dang snying rje 'dod chags khong

khro sogs dge ba dang mi dge ba'i chos gang rung 'du shes rags
pa 'byung ba'i bar du sems la spyod pa yin/ 'du shes rags pa
'gags nas 'chi sems phra mo'i skabs sems lung ma bstan du 'gyur
bas dge mi dge gang yang dran

mi nus/ des na/ 'chi kha ma'i sems la dad pa sogs byung na/ dge
ba la gsos btab par 'gyur bas 'chi kha'i sems la gsos btab ran
pa na dge sems gsal 'debs pa gnad che ste/ rgyun du dge ba byed
mkhan gyi chos pa

zhig yin kyang/ 'chi khar khong khro lta bu skyes te 'chi sems
mi dge ba la gsos btab na sngon du mi dge ba smin nas ngan song
du 'gro/ rgyun du sdig pa byed mkhan la'ang des rigs 'gre/ de'i
skabs su bde 'gro dang ngan 'gro gang du

'gro ba sogs ni/ bde 'gror 'gro na drod smad nas yar snying gar
bsdu ba dang/ ngan 'gror 'gro na de las ldog pa sogs drod stod
smad nas bsdu lugs dang/ gnad gcod che chung sogs la brtag pas
shes/ gnad gcod ni

@278a @#/ /lus kyi gnad che sa dag gi srog chad pa la zer/ 'ga'
zhig 'chi ka nas 'khrul snang shar te/ steng du ja brtsigs pa
dang/ mis mnan pa lta bu shar ba/ sngar lha sar gzhung sa'i
phyag mdzod

nang zan ja brku ba zhig 'chi khar ja sgam mang pos mnan 'ong
ba'i 'khrul snang ngan pa byung ste shi ba gzigs tshul dang/
gtsang nas dpon po zhig 'chi khar nga'i steng nas mi mang pos
mnan byung zer te 'jigs skrag gi ngang nas tshe

'phos pa sogs dang/ dge ba byed pa'ang sngar sprang po lam zan
bsgugs nas sdod pa zhig 'chi bar nye ba na/ khang bzang dang 'od
dkar po'i snang ba byung ba dang/ chu bzang du ma Ni mang po
bton pa'i rgan mo zhig 'chi khar dge ba'i snang

ba bzang po byung tshul/ de lta bu'i rtags rnams ma 'chi'i gong
nas sngon 'gro ltar 'byung ba yin/ gnyis pa shi nas bar do 'grub
lugs ni/ 'chi srid 'gags pa dang dus mnyam du srang mda'i mtho
dman bzhin du sngon dus kyi srid

pa'i gzugs can te/ skye ba phyi ma'i lus kyi byad dbyibs can du
grub la/ sngon dus kyi srid pa zhes pa'i don gang du skye 'gyur
gyi skye ba phyi ma de'i 'chi srid kyi sngon du 'byung ba'i skye
ba'i phung po de'i byad dbyibs can yin/ kha cig gis

gshin po de gson pa'i skabs kyi rnam pa dang cha byad ji 'dra
yod pa bzhin bar do la bsdad 'dug pas 'phrin dang lan bskur tshul
sogs zer ba zog rdzun yin/ de 'dra re gnyis mthong ba srid kyang
gshin po ma yin par mi ma yin gyis

@278b gshin po'i gzugs bzung nas 'jig rten phal pa slu bar byed
pa yin zhes rje mid las bon po'i khyim tshang zhig gi pha shi ba
drangs pa'i rnam thar bcas gsungs/ des na bar do ba ni dbang po
kun tshang ba/ mngon shes yod pa/ las

kyi rdzu 'phrul dang ldan pas rten byin can dang/ skye gnas ma
gtogs gang la'ang mi thogs pa/ dmyal ba/ yi {dwags/} dud 'gro/
'dod pa'i lha mi rnams kyi bar do mas rim bzhin/ sdong dum mes
tshig pa dang/ chu dang/ du ba

dang; gser bzang po lta bu'i mdog ltar dang/ gzugs khams pa'i
bar do dkar por yod la/ gzugs med du skye na bar do med/ mi dge
ba byed pa'i bar srid ni mtshan mo mun nag tu snang ba lta bu
dang/ dge ba byed pa'i

bar srid ni snam bu dkar po'am/ zla 'od dang bcas pa'i mtshan
mo'i snang ba lta bur yod/ bar do ba'i tshe tshad la gsungs tshul
mang yang/ phal cher zhag bdun du bshad pa phyi ma'i tsho'i zhag
yin 'dra/ zhag bdun nas 'chi chung re byas te

skye gnas ma rnyed tshe/ lan bdun gyi bar de ltar 'chi chung re
byed gsungs/ gsum pa skye srid du nying mtshams sbyor tshul ni/
mngal skyes la mtshon na pha ma'i khu khrag la pha ma nyal po
byed par mthong/ der chags sdang gis rgyugs pas pho mo'i

mtshan ma las mi snang ba na/ khong khros shi ste skye srid du
nying mtshams sbyor/ de dag gis lam rim 'bring po dang/ bde myur
nas 'byung ba ltar kun 'byung 'khor ba'i 'jug rim bsam pa song
la/ da ni lam rim bde myur

@279a @#/ /gyis bcad du mi gsal zhing/ lam rim chen mo nas gsungs
pa ltar rten 'brel yan lag bcu gnyis kyi sgo nas/ kun 'byung
'khor ba'i 'jug rim bsam tshul 'jam dpal zhal lung

las gsungs pa bzhin/ sa bcad tsam zhu ba la/ de ltar kun 'byung
'khor ba'i 'jug rim bsam tshul bsdus pa byed na sngar bshad pa
des chog mod/ 'on kyang mtshan nyid kyi gzhung la sbyangs pa song
ba sogs kyis rten 'brel

'di las brtsam ste bsam na/ gang zag gi khyad par 'ga' zhig la
'di legs te/ sngon yul dbus kyi rgyal pos mtha' 'khob kyi rgyal
po u tra ya na la ston pa'i bka' bzhin srid pa 'khor lo'i ras
bris skyes lan du bskur ba

las skyo shas skyes pa'i rabs dang/ dge bshes phu chung bas rten
'brel la blo sbyong mdzad cing 'di'i sgo nas skyes bu chung
'bring la 'khrid tshul gsungs/ 'dir yang skyo ba shugs drag pa
sogs kyi phyir spros nas rten 'brel yan

lag bcu gnyis kyi sgo nas/ kun 'byung 'khor ba'i nyes dmigs bsam
pa ste/ 'di ston pas sa lu ljang pa'i mdo gsung ba'i skabs
gsungs shing/ de yang/ 'di yod pas 'di 'byung/ 'di skyes pas 'di
skye ba ste

'di ltar/ ma rig pa'i rkyen gyis 'du byed ces sogs ltar rten
'brel yan lag bcu gnyis las/ dang po ma rig pa ni/ 'khor bar
'khor ba'i rtsa ba yin/ shes rab kyis bdag med par bzung ba la
ma rig pas gang

@279b zag gam chos la dmigs nas bdag yod pa dang rang gi mtshan
nyid kyis grub par 'dzin pas/ rig pa ye shes dang 'dzin stangs
dngos 'gal du zhugs pa la ma rig pa zer te/ de ni rmongs pa long
ba lta bu zhig go/ de la las

'bras la rmongs pa dang/ de kho na nyid la rmongs pa'i ma rig pa
gnyis/ gnyis pa 'du byed ni/ las ka byed pa ltar ma rig pas kun
nas bslang ste/ yang srid phung po mngon par 'du byed pa'i las
byed pa yin pas/ las

'bras la rmongs pa'i ma rig pas kun nas bslang ste bsod nams ma
yin pa'i las 'du byed/ gnas lugs la rmongs pa'i ma rig pas kun
nas bslang ste bsod nams kyi las dang/ mi g.yo ba'i las 'du
byed/ gsum

pa rnam shes la rgyu dus dang 'bras dus kyi rnam shes gnyis las/
dang po ni/ 'du byed kyi las kyi bag chags bzhag ma thag pa'i
rnam shes dang/ gnyis pa ni skye srid du nying mtshams sbyar ma
thag pa'i dus kyi rnam shes de yin/

dper na ma rig pas kun nas bslang ste srog gcod kyi las 'du byed
pa'i tshe/ las lam rdzogs pa'i de ma thag de 'dra'i las kyi bag
chags bzhag sa de rgyu dus kyi rnam shes yin/ las de'i mthu la
brten nas dmyal ba'i skye srid du

nying mtshams sbyar ma thag pa'i gnas skabs kyi rnam shes de
'bras dus kyi rnam shes yin/ mi dge ba'i las re res kyang ngan
song gi skye ba mang po 'phen nus/ de bzhin bsod nams kyi las
sogs la rigs 'gre/ de ltar

@280a @#/ /bye ma la snum zhugs pa'am shog bu la thel tshe brgyab
pa ltar rnam shes la las kyi bag chags bsgos pa'am bzhag pa la
sred len gyis gsos btab na skye ba nus pa mthu can du song ba
yin/ bzhi

pa ming gzugs la mngal skyes kyi dbang du byas na tshor ba 'du
shes 'du byed rnam shes bzhi ni ming gi rten 'brel dang/ rnam
shes zhugs pa'i khu khrag gi mer mer po sogs ni gzugs kyi rten
'brel te de lta bu'i rten 'brel de la ming

gzugs ci rigs pa'i rten 'brel zer/ lnga pa skye mched kyi rten
'brel ni/ mig rna sogs kyi skye mched drug grub pa nas bzung yul
dbang rnam shes gsum 'dus nas yul gyi 'gyur ba gcod mi nus pa
tshun chad yin/ lus

dang yid kyi dbang po ni mer mer po'i skabs nas yod par gsungs/
rdzus skyes lta bur khams 'og ma gnyis su ming gzugs kyi rten
'brel dang/ skye mched kyi rten 'brel cig car du 'grub/ gzugs
med la ming gi

rten 'brel dang/ yid kyi skye mched kyi rten 'brel tsam las
gzugs dang skye mched gzugs can lnga'i rten 'brel med/ drug pa
reg pa ni/ de ltar grub pas yul dang dbang po rnam shes gsum
'phrad cing 'dus nas yul yid

du 'ong mi 'ong bar ma gsum yongs su gcod pa reg pa'i rten
'brel/ bdun pa tshor ba ni/ reg pa'i rkyen gyis tshor ba bde sdug
btang snyoms gsum ci rigs skye ba ste/ yul yid du 'ong ba dang
'phrad pa la brten nas tshor ba

@280b bde ba skye ba lta bu/ brgyad pa sred pa ni/ tshor ba bde
ba la mi 'bral bar 'dod pa'i sred pa dang/ sdug bsngal ba la
'bral 'dod kyi sred pa ste 'bral bar zhen pa/ btang snyoms la mi
nyams pa'i phyir du sred pa yin/ tshor ba'i

rkyen gyis sred pa skye bar bshad pa ni ma rig pa'i 'dus te reg
pa'i rkyen gyis byung ba'i tshor ba las sred pa skyed par dgongs
kyi/ ma rig pa med na tshor ba yod kyang sred pa mi skye/ dgu pa
len pa ni/ sred pa je cher 'phel bas yul

la 'dun cing chags pa ste/ 'di la bzhi las 'dod pa nye bar len
pa ni 'dod yon la chags pa/ lta ba nye bar len pa ni 'jig lta ma
gtogs pa'i lta ngan la chags pa/ tshul khrims dang brtul zhugs
nye bar len pa ni lta ngan dang

'brel ba'i tshul khrims dang brtul zhugs dman pa la chags pa/
bdag tu smra ba nye bar len pa ni bden par zhen pa dang/ gtso
bor phung po'i 'jig tshogs la zhen pa yin/ bcu pa srid pa ni/
sngar 'du byed kyis rnam shes la las kyi

bag chags bsgos pa de srid len gyis gsos btab nas phyi ma'i lus
'phen pa'i nus pa mthu can du song ba de yin/ bcu gcig pa skye
ba ni/ de ltar gsos btab pas yang srid 'grub pa'i las nus pa
mthu can du song ba de la

brten nas skye gnas bzhi po gang rung du dang por rnam shes
nying mtshams sbyar ma thag pa de yin/ de nas bcu gnyis pa rga
shi ci rigs pa'i rten 'brel rim gyis 'grub pa yin/ de yang rga
ba ni phung po'i gnas skabs rim gyis gzhan

@281a @#/ /du 'gyur zhing smin pa yin/ shi ba ni phung po'i ris
mthun dor ba'am 'jig pa la zer/ de ltar rten 'brel yan lag bcu
gnyis kyi dbye ba legs par ngos bzung nas/ de yang yan lag bzhir

bsdu lugs shes dgos/ de ni 'phen byed kyi yan lag /'grub byed
kyi yan lag /'phangs pa'i 'bras bu'i yan lag /mngon par grub
pa'i 'bras bu'i yan lag ste bzhir bsdu zhing/ de yang ma rig pa
ni sa bon 'debs pa po

lta bu dang/ des kun nas bslang ba'i 'du byed kyi las ni sa bon
lta bu dang/ sa bon sa la bzhag pa lta bu ni/ rgyu dus kyi rnam
shes la las bsags pa de'i bag chags bzhag pa ste/ ma rig pa/ 'du
byed/ rnam shes la rgyu 'bras

kyi rnam shes gnyis su dbye ba'i rgyu dus kyi rnam shes te rten
'brel dang po phyed dang gsum ni 'phen byed kyi yan lag dang/ sa
bon la chu lud/ drod gsher gyis bskyangs pa lta bu ni las la
'bras bu skyed nus su gsos 'debs

par byed pa'i sred len gnyis dang/ chu lud drod gsher sogs kyis
myu gu skyed pa'i nus pa mthu can du byas pa'i sa bon bzhin sred
len gyis gsos btab nas las de nyid yang srid phyi ma'i skye ba'i
phung po 'phen nges

su byed pa ni srid pa ste/ sred len srid pa gsum ni 'grub byed
kyi yan lag  /sa bon gyi myu gu skyes pa bzhin skye srid du nyid
mtshams sbyor ba ni skye ba'i rten 'brel te grub pa'i yan lag ya
gcig yin/ gong du bshad pa ltar

@281b gyi 'bras dus kyi rnam shes dang ming gzugs ci rigs pa'i
rten 'brel/ skye mched/ reg pa/ tshor ba ste rten 'brel phyed
dang lnga ni 'phangs pa'i 'bras bu'i yan lag dang/ rga shi ci
rigs pa'i rten 'brel ni grub pa'i

yan lag ya gcig ste/ skye ba dang/ rga shi'i rten 'brel gnyis ni
mngon par grub pa'i yan lag yin/ des na lhar skye ba lta bu la
mtshon na/ de kho na la rmongs pa'i ma rig pa'i dbang gis lha'i
skye ba 'phen byed kyi skyes

nas myong 'gyur gyi las bsags pa'i bag chags rnam shes kyi steng
du bzhag pa la/ der skyes na ci ma rung snyam du smon lam sogs
kyis 'dun pa byed pa ni sred pa dang/ 'dun pa de nyid che ru
brtson pa ni len pa dang/ de gnyis

kyis 'chi khar las de nyid 'phen nges su byas pa'i las ni srid
pa ste/ 'phen byed gsum dang/ 'grub byed gsum bcas rgyu dus kyi
rten 'brel drug tshe 'dir rdzogs/ de nas phyi mar lhar skye ba na
ming gzugs skye mched reg

tshor te 'phangs 'bras bzhi dang/ skye ba dang rga shi bcas grub
'bras gnyis te 'bras bu'i rten 'brel drug skye ba phyi ma lha'i
rten de la rdzogs pa ste/ 'di ni rten 'brel tshar gcig gi dbang
du byas pa'i yan lag bcu gnyis tshe gnyis

la rdzogs tshul yin/ ngan 'gro lta bur mtshon na/ las 'bras la
rmongs pa'i ma rig pas mi dge ba'i las gsog cing/ de la sred len
gyis gsos 'debs pa sogs gong gis rigs 'gre/ des na las gcig gi
dbang

@282a @#/ /du byas pa'i rten 'brel cha tshang gcig tshe gcig la
rdzogs mi srid pas/ mgyogs kyang tshe gnyis ni nges par dgos la/
yang las la sred len gyis gsos btab ma nus par 'gyangs

na; 'phen byed kyi yan lag gsum tshe gcig la dang/ 'grub byed
gsum tshe gcig dang/ 'phangs 'bras bzhi dang/ grub 'bras gnyis
tshe gcig ste/ tshe gsum du tshang ba'ang yod de/ de yang dper na/
tshe

'dir ngan song gi las bsags nas bag chags bzhag kyang/ 'chi khar
bla ma sogs kyis dge sems la btsud de/ mir skye 'gyur gyi las
shig la gsos btab nas phyi ma mir skyes/ de 'chi khar sngon gyi
mi dge ba'i

las der sred len gyis gsos btab/ de nas ngan song du skyes pa
lta bu yin/ des mtshon nas 'phen byed dang 'grub byed kyi bar du
tshe du mas chod kyang/ rten 'brel gzhan gyi tshe yin pas grangs
su mi 'dren/ mdor na rten

'brel tshar gcig gi dbang du byas pa'i yan lag rnams myur na tshe
gnyis/ yun ring na tshe gsum ste/ de las myur 'gyang mi srid/
rten 'brel 'di dag snga ma snga ma las/ phyi ma phyi ma bskyed
nas/ skye ba rga shi sogs sdug

bsngal thams cad 'khor mor myong ba yin zhing/ las gcig gi 'bras
bu'i rten 'brel gyi yun la/ las gzhan gyi rgyu dus kyi rten
'brel sna tshogs skye zhing/ rga shi skye ba las 'byung ba nas/
'du byed ma rig pa las

@282b 'byung ba sogs yin pas/ gcig gis gcig drangs nas 'khor
ba'i 'khor lo 'khor ba'i rtsa ba ni ma rig pa nyid yin/ des na
mgon po klu sgrub kyis/ gsum po dag las gnyis 'byung ste/ /gnyis
las bdun 'byung bdun las

kyang; ;gsum 'byung srid pa'i 'khor lo de/ /nyid ni yang dang
yang du 'khor/ /zhes gsungs pa ltar/ nyon mongs gsum las las
gnyis dang/ de las sdug bsngal bdun 'byung zhing/ bdun po las
kyang nyon mongs gsum

'byung ba sogs sngar bzhin 'khor bas srid pa'i 'khor lo rgyun mi
'chad par 'khor zhing sdug bsngal gyi 'khor lo bskor ba yin/ de
dag lugs ldog tu 'gog nus pa'i lam zhig nyams su len na/ ma rig
pa 'gag pas 'du

byed 'gags pa nas rga shi'i bar sdug bsngal thams cad 'gag par
'gyur ro/ /mdor bsdu na/ rten 'brel yan lag bcu gnyis las dang
nyon mongs sdug bsngal gyi rten 'brel gsum du 'du ste/ ma rig pa
dang/ sred pa/

len pa gsum nyon mongs dang/ 'du byed dang srid pa gnyis las
dang/ lhag ma bdun sdug bsngal yin te klu sgrub kyis/ dang po
brgyad pa dgu nyon mongs/ /gnyis pa bcu pa las yin te/ /lhag ma
bdun ni sdug bsngal yin/ /

zhes gsungs pa ltar ro/ /'di'i tshig rkang dang po'i de gsum kun
slong dang/ gnyis pa'i 'du byed dang srid pa gnyis lus ngag gi
las/ gsum pa'i de rnams longs spyod yin/ rten 'brel bcu gnyis
lugs 'byung ldog tu

@283a @#/ /bsams pa'i sgo nas 'khor ba spyi'i sdug bsngal bsgoms
pas btson pa btson khang nas thar 'dod 'byung ba bzhin 'khor ba
las thar 'dod byung na nges 'byung skyes pa yin/ de lta bu'i

thar 'dod kyi blo skyes na thar par bgrod pa'i lam la bslab dgos
pas/ gnyis pa thar par bgrod pa'i lam gyi rang bzhin gtan la
dbab pa dngos bshad pa la gnyis/ rten ji lta bu zhig gis 'khor
ba las ldog pa

dang; lam ji lta bu zhig gis 'khor ba las ldog pa gnyis las/
dang po ni/ de ltar 'khor ba'i nyes dmigs bsams nas/ 'khor ba'i
mtshan nyid ni snod bcud kyi 'khor ba rlung gis bskyod pa'i chu
zla ltar skad cig

kyang mi sdod par 'jig pa'i mi rtag pa dang/ 'khor ba'i bde
'byor rnams ni dug sbrul gyi gdengs ka'i grib ma dang 'dra bar
mnog chung la nyen che ba/ 'gro ba lnga gang du skyes kyang sdug
bsngal gyis bar

med du mnar bar mthong nas/ me 'bar ba'i khyim dang/ btson rar
chud pa rnams gnas de dag la mi 'dod cing/ de las thar 'dod skye
ba ltar/ 'khor ba las thar 'dod kyi blo bcos min skyes pa na/

'khor ba'i rgyu rtsad bcad pa na las nyon gnyis dang/ de'i nang
nas kyang nyon mongs dang/ de'i rtsa ba ma rig pa nyid yin par
shes nas/ de gzhom pa'i thabs la 'bad dgos/ de yang rten ni dal
'byor

@283b tshang zhing tshangs spyod bslab gsum ldan pa'i dal 'byor
kyi mi lus thob pa'i dus 'dir 'khor ba las bzlog dgos te/ po to
bas/ sngar de tsam zhig 'khyams pa la rang log ma byung tsa na
da yang rang log mi 'ong bas bzlog

dgos zlog pa'i dus kyang da res dal 'byor thob pa'i dus 'dir yin
zhes gsungs pa ltar lus rten 'di nyid las lhag pa med la/ gnyis
pa ni/ rang cag gis 'khor ba'i rtsa ba gcod pa la/ 'khor ba'i
rtsa ba de kho

na nyid la rmongs pa'i ma rig pa ngar 'dzin lhan skyes nyid yin
pas kho rtsa ba nas gcod dgos/ de ma bcad na gnyen po gzhan gyis
nyon mongs pa re zhig 'grib kyang gtan du mi zad pa'i phyir/ des
na ngar 'dzin lhan

skyes la dge ba gzhan gyis gnod mi nus par de dang 'dzin stangs
dngos 'gal du song ba'i blo zhig gis bzlog nus/ de yang bdag med
rtogs pa'i shes rab nyid kyis nga rang bzhin gyis med par rtogs
pas/ nga

rang bzhin gyis grub par 'dzin pa'i blo dang 'dzin stangs dngos
su 'gal ba yin pas bdag 'dzin lhan skyes rtsa ba nas gcod pa la
bdag med rtogs pa'i shes rab dgos/ 'di med na dge ba gzhan ji
'dra zhig la

'bad kyang bdag 'dzin gyi grogs su 'gyur ba las kho la gnod mi
nus/ shes rab de rgyud la legs par bskyed par byed pa la/ lhag
pa ting nge 'dzin gyi bslab pa ma skyes par mi 'byung ste/ dper
na shing

@284a @#/ /gi sdong po gcod pa la sta re rnon po zhig dang de
'dzin byed dpung pa brtan po gnyis 'dzoms dgos/ de yang sta re
rnon po med na shing sdong gcod mi nus la/ dpung pa brtan po med

na sta re gnas gcig tu mi 'bab pa dang/ mtshan mor gyang ris blta
ba la/ mar me gsal zhing rlung gis mi bskyod pa zhig dgos pa
bzhin/ bdag med rtogs pa'i shes rab sta re rnon po dang 'dra
ba'am yin

lugs gsal ba'i mar me lta bu de nyid kyis/ bden 'dzin gyi shing
gi sdong po gcod cing/ gnas lugs ji bzhin mthong ba la ni sta re
'dzin byed kyi dpung pa brtan po dang/ mar me rlung gis mi g.yo
ba lta bu'i

sems nang gi g.yeng ba phra mo las kyang ldog cing rtse gcig
pa'i ting nge 'dzin brtan po zhig dgos/ sems nang gi g.yeng ba
dang bral ba'i ting nge 'dzin brtan po rgyud la skye ba la'ang/
sems phyi rol gyi g.yeng ba

rags pa dang bral byed lhag pa tshul khrims kyi bslab pa skye
dgos so/ /mdor na/ tshangs pas zhus pa sa'i dngos gzhir drangs pa
las/ rtsa ba shin tu brtan pa dang/ /zhi ba'i sems la dga' ba
dang/ /'phags

pa'i lta dang sdig pa'i lta/ /ldan par bya zhing bral bar bya/
/zhes gsungs pa ltar/ bdag 'dzin gyi gnyen po yang dag pa'i gnas
lugs stong nyid rtogs pa'i 'phags pa'i lta ba dang ldan pa'i
lhag mthong

@284b skye ba la/ de'i sngon du zhi gnas 'grub pa dgos shing/
tshul khrims kyi bslab pa med par zhi gnas kyi rgyu tshogs mi
tshang ngo/ /des na bshes spring las/ mgo'am gos la glo bur me
shor na/ /de dag phyir bzlog bgyi

ba btang nas kyang/ /yang srid med par bgyi slad 'bad 'tshal te/
/'di las ches mchog dgos pa gzhan ma mchis/ /tshul khrims dag
dang shes rab bsam gtan gyis/ /mya ngan 'das zhi dul ba dri med
pa'i/ /go

'phang mi rga mi 'chi zad mi 'tshal/ /sa chu me rlung nyi zla
bral thob mdzod/ /ces gsungs pa ltar/ skyes bu 'bring gi nyams
su blang bya ni/ lhag pa'i bslab pa gsum yin pas skyes bu chen
po'i chos skor mi 'khrid na skabs 'dir

bslab pa gsum ka 'chad dgos/ 'on kyang/ skyes bu 'bring dang/
thun mong ba'i lam la 'khrid pa las/ 'bring gi lam dngos la
'khrid pa min pas/ ting nge 'dzin dang shes rab kyi bslab pa
gnyis skyes bu chen

po'i zhi lhag gi skabs su 'chad pas/ 'dir tshul khrims kyi bslab
pa rtsal du bton nas 'chad pa'i phyag bzhes yod la/ de yang
bshes spring las/ khrims ni rgyu dang mi rgyu'i sa bzhin du/
/yon tan kun gyi gzhi rten lags

par gsungs/ /zhes pa ltar yon tan thams cad kyi gzhi yin pas
tshul khrims rnam par dag pa gal che/ 'di ni sangs rgyas kyi
bstan pa'i rtsa ba/ bsrung na phan yon che zhing/ ma bsrungs na
nyes dmigs kyang shin tu che

@285a @#/ /ste/ gsrung ba'i phan yon/ sangs rgyas kyi bstan pa
yod med kyang rtsa ba so thar gyi tshul khrims la rag las/ dge
slong 'dul ba 'dzin pa bstan pa yod la/ de med na byang

sems rig 'dzin su 'dra zhig yod kyang/ bstan pa yod pa'i go mi
chod/ des na/ so thar gyi mdo las/ nga ni mya ngan 'das gyur na/
/'di ni khyod kyi ston pa zhes/ /zhes gsungs pa bzhin/ rang
rgyud kyi tshul khrims la

ston pa'i sku tshab yin snyam du gces spras byas nas bsrung dgos/
bslab pa gsum nas shes rab dang/ ting nge 'dzin gyi bslab pa
rang cag las dang po pas 'phral du lag tu lon dka' yang/ rang
re'i rgyud la yod nges dang lag

tu lon nges kyi rtogs pa'i bstan pa rang rgyud kyi so so thar
pa'i tshul khrims yin pas sangs rgyas kyi bstan pa yod med dge
'dun la rag las zhes pa'ang de yin zhing/ sdom pa gong ma gnyis
kyi gzhi'am snod lta bu'ang so

thar yin/ bstan pa 'dzin zhes pa chos khri'i steng nas chos
bshad pa gcig pu la mi zer bar/ rang rgyud kyi sdom pa tshul
bzhin du bsrung na bstan pa 'dzin pa de nyid yin te/ lung chos
la thos bsam byas na

lung gi bstan pa 'dzin pa dang/ khas blangs pa'i tshul khrims
rnam dag bsrung na rtogs pa'i bstan pa 'dzin pa yin/ sdom pa
gsum nas kyang rang res lag tu lon nges so thar yin/ mdo las/
tshul khrims ldan

@285b pa'i dge slong 'od dang ldan/ /zhes sogs dang/ gang na dge
slong 'dul ba 'dzin pa yod pa'i phyogs der snang ba dang bcas/
'od dang bcas/ sa phyogs de nga nyid kyis ma stongs par mthong/
sa phyogs der nga'ang

thugs las chung ngur bzhugs gsungs pa sogs ltar khyad chos che/
rang re bod gangs can la phyi'i rgyal khab na med pa'i khyad
chos 'phral dang yun gyi phan bde'i rtsa ba gcig pu ni/ sangs
rgyas kyi bstan pa 'di yin la/

de dag mi dag ni/ khang pa dang/ mi mang ba dang/ mchod rdzas
bkra ba sogs min gyi/ bstan pa'i rtsa ba so so thar pa'i tshul
khrims 'di nyid la rag las/ de nyid rnam par dag pa zhig ma
byung bar rang rgyud kyi tshul

khrims nub na spyir 'jig rten na bstan pa sa dar rdo dar yin
yang rang la bstan pa sgos nub tu 'gyur ba yin/ mdo ting 'dzin
rgyal po las/ bskal pa bye ba {ganggA'i} bye snyed du/ /dang
ba'i sems kyis zas dang skom rnams

dang; ;gdugs dang ba dan mar me'i 'phreng ba yis/ /sangs rgyas
bye ba khrag khrig rim gro byas/ /gang gis dam chos rab tu 'jig
pa dang/ /bder gshegs bstan pa 'gag par 'gyur ba'i tshe/ /nyin
mtshan du ni bslab

pa gcig spyod pa/ /bsod nams 'di ni de bas bye brag 'phags/
/zhes pa ltar nyin mtshan dus drug tu dus gsum gyi sangs rgyas la
mchod pa phul ba las snyigs dus 'dir tshul khrims bsrung ba phan
yon che ba dang/

@286a @#/ /byang shar sangs rgyas dbang phyug rgyal po'i zhing
na/ tshul khrims bskal pa'i bar bsrung ba las/ mi mjed 'jig rten
gyi khams su ston pa shAkya thub pa'i bstan pa 'dir tshul khrims
nyin

gcig la bsrung ba phan yon che ba dang/ bskal pa snga dus bslab
gzhi yongs rdzogs bsrung ba las/ deng sang bslab pa sna gcig
bsrung pa phan yon che bar gsungs pas sangs rgyas mang por bskal
pa bye bar mchod

pa las kyang de lhag la/ tshul khrims ldan pa sangs rgyas 'byung
dang 'phrad/ /ces sogs/ zla ba phyed phyed na 'don pa'ang/ mdo
'don pa pos rgyug sprad pa dang grangs gsog pa sogs min gyi/
dran pa gso ba'i

phyir yin pas/ de las 'byung ba bzhin bsam ste/ khas blangs pa'i
bcas mtshams rnams tshul bzhin bsrung/ bstan pa'i snying po ring
du gsal byed shog /ces dang/ blo bzang rgyal ba'i bstan pa rgyas
gyur cig /ces

sogs ltar bstan pa'i snying po yang thog mar rang rang gi rgyud
la rgyas pa zhig dgos/ ma bsrungs na ni/ dge slong la rab tu
gces pa'i mdo las/ la la'i tshul khrims bde ba ste/ /la la'i tshul
khrims sdug bsngal

yin; ;tshul khrims ldan pa bde ba ste/ /tshul khrims 'chal ba sdug
bsngal lo/ /zhes dang/ tshul khrims yang dag par ldan pa'i mdo
las/ dge slong dag srog dang bral zhing shi ba ni bla'i/ tshul
khrims

@286b nyams shing zhig pa ni de lta ma yin no/ /de ci'i phyir
zhe na/ srog dang bral zhing shi bas ni skye ba 'di nyid kyi tshe
zad par 'gyur gyi/ tshul khrims nyams shing zhig pas ni skye ba
'bum phrag brgya'i bar du rigs dang bral zhing

bde ba spangs te rnam par ltung ba chen po nyams su myong bar
'gyur ro/ /zhes gsungs pa bzhin/ skye ba 'bum phrag mang por
sdug bsngal myong la/ lung ma rnam 'byed las/ gang zhig ston pa
thugs rje'i bstan pa la/ /yang

bar sems shing cung zad 'da' byed pa/ /de ni de las sdug bsngal
gzhan dbang 'thob/ /smig tshal bregs pas a mra'i tshal nyams
bzhin/ /'di na la las rgyal po'i tshig chen yang/ /'das na lan
'ga' chad pa 'thob

mi 'gyur/ /thub pa'i bka' lung tshul min 'da' byas na/ /dud 'gror
'gro 'gyur e la'i 'dab klu bzhin/ /zhes pa ltar/ 'jig rten 'dir
dbang che ba rgyal po chen po'i bka' las 'das na/ dus 'ga'

zhig gi tshe chad pa 'byung la/ 'ga' zhig la mi 'byung ba'i skabs
yod mod/ ston pa thugs rje can gyi bcas mtshams las 'das na/ gang
zhig gang gi tshe 'das na'ang kun la chad pa myong ste/ klu e
la'i

'dab ma'i byung ba ltar yin tshul/ klu e la'i 'dab kyang ltung
byed tsam khyad du bsad pas der skyes pa yin na/ rang res pham
lhag sbom po sogs mang po khyad du gsod pa 'di ltar na/ phyi
ma'i 'gro ba ji ltar

@287a @#/ /'gyur/ des na chos zab zab mo dang rgya chen po'i skad
grags can gzhan ma rgya cher ma byung na'ang/ rang rang gi rgyud
kyi dge tshul slong gi sdom pa legs par bsrung na/ rang re dge
'dun

du byed pa'i byed chos su 'gro/ bstan pa 'dzin pa yang de nyid
yin/ dge tshul slong gi sdom pa sogs lta ci/ khyim pa sogs kyis
kyang bsnyen gnas kyi sdom pa nyin gcig tsam bsrung na'ang phan
yon che ba 'dul

ba lung dang/ mdo mdzangs blun sogs su sngon gyi byung ba'i lo
rgyus gsal ba ltar yin/ des na/ bsnyen gnas dang/ dge bsnyen/
de'ang sna bzhi/ sna gsum/ sna gcig sogs blo nus ci yod

kyis bsrung ci thub byed/ rab byung sogs kyis theg chen gso
sbyong yang len ci thub byas na 'di nyin zhag gcig gi sdom pa
yin pas rnam par dag par 'gyur ba sogs dgos pa che/ rang res
bslab pa gsum

sogs kyi gtam yang yang shod khul byed mod/ gzhan gnyis ni rang
rgyud la gzugs brnyan tsam yang med kyang/ so thar gyi bslab pa
dngos su bsrung du yod pas 'di la 'bad dgos/ bslab pa bsrung ba
la'ang

ltung ba 'byung ba'i sgo dgag dgos/ de la bzhi las/ dang po mi
shes pa ltung ba 'byung ba'i sgo yin pas de bkag pa ni/ bslab
gzhi gang zhig bsrung dgos pa ma shes na/ ltung ba byung ma
byung mi shes pas na/

@287b blo dang bstun te/ 'dul ba'i gzhung chen mo dag gam/ bslab
bya'i sdom tshig /gzhi gsum bslab bya/ lung gzhi'i bar sdoms sogs
bltas nas bcas mtshams rnams kyi grangs 'dren tshun chad shes par
byed/

ma gus pa ltung ba 'byung ba'i sgo yin pas ston pa dang/ de'i
bcas pa dang/ grogs tshangs pa mtshungs par spyod pa rnams la gus
pa dang/ lhag par rang rgyud kyi bslab pa la ston pa sangs rgyas
kyi 'du shes bzhag cing

gus pa byed dgos kyi/ de la mnangs chung mi bya ste/ ston pa mya
ngan las 'das rjes kyi sku tshab lta bu yin/ nyon mongs mang
ba'ang ltung ba 'byung ba'i sgo yin pas/ nyon mongs 'dod chags
zhe sdang sogs gang shas che

ba de la brten nas ltung ba'ang de'i rjes su 'brang bar 'gyur
bas/ dgra mgo gnon pa na/ dpa' bo dmag dpon sogs gang shugs che
ba de sngon la btul dgos pa ltar/ gang mgo mtho ba'i rang rgyud
kyi nyon mongs

pa de dang de'i gnyen po bsten/ de yang 'dod chags shas che ba
la mi sdug pa bsgom ste/ lus mi gtsang ba'i rkyal pa yin pa
dang/ rnam par dmar ba dang/ rnam par bam pa dang/ 'bus gzhig pa
dang/

rus gong gi 'du shes sogs bskyed pa dang/ zhe sdang gi gnyen por
byams pa bsgom pa/ nga rgyal gyi gnyen por na rga 'chi ba dang/
nges pa med pa dang/ yang yang mtho dman du 'gyur ba'i nyes pa
sogs

@288a @#/ /dang; khams kyi rab dbye bsam ste/ de la re zhig rang
lus la'ang phung po dang khams dang/ skye mched dang/ dbang po
dang lus kyi 'dus te reg pa sogs rang nyid kyis phyogs

tsam yang mi shes pa mang po yod na gzhan ci shes zhes bsgom pa
dang/ gti mug gi gnyen por rten 'brel dang/ nyon mongs spyi'i
gnyen por stong nyid kyi lta ba bsgom/ bag med pa ltung ba
'byung ba'i sgo yin

pas; rang 'gro 'chag nyal 'dug bza' btung sogs spyod lam gyi
skabs kun tu blang dor mi brjed pa'i dran pa dang/ 'phral 'phral
du rang gi sgo gsum la nyes ltung gis gos ma gos brtag cing/
nyes ltung

'byung ba'i sgo rnams bkag ste/ dran pa dang shes bzhin dang/
ngo tsha shes pa dang/ khrel yod pa'i sgo nas/ brgya la gal te
ltung bas gos pa byung na'ang/ gso sbyong sogs su yang yang song
nas bshags/

'dul ba'i gzhung las lhag ma sogs spo mgu dbyung gsum gyis
bshags dgos par gsungs kyang/ dben sa pa yab sras kyis 'gyod
sdom legs par byed na lhag ma man chad 'dag nus par bzhed/ rang

res mnyam med jo bo chen po dang/ 'jam mgon tsong kha pa chen po
yab sras sogs ltar tshul khrims cha thams cad nas nyes pas ma gos
pa'i bsrung sdom byed mi nus kyang/ rtsa bzhi chang dang bcas pa
srog dang

@288b bsdos te bsrung/ so thar gyi sdom pa ni mkhan slob dge
'dun dang bcas pa las khas blangs pa yin pas/ de'i bslab bya
dang 'gal ba'i sdig ltung bshags pa'i tshe'ang dge 'dun gyi mdun
du bshags dgos kyi/

rang gcig pur bshags pas sdig pa 'dag thub kyang/ ltung ba 'dag
mi thub pas mi phan/ de'i nang nas kyang chab len lham phud tshun
mi byed pa dang/ gos phu dung can gyon dgos byung ba tshun la/ de
las

lhag pa bsrung mi nus pa dper byas nas mnangs chung mi bya ste/
pham lhag sogs las/ phra mo gong smos de dag bstan pa'i mig ltos
la gnod tshabs che ba yin/ spang ltung byin rlabs sogs kyang ci
nus kyis

byed; 'jig rten 'di na gung tshigs dang ja sogs bzo pa la'ang/
mar dang tshwa dang sha sogs sne grangs mang po zhig tshang dgos
pa bzhin/ rang res phyi mar don du gnyer bya'i rten sgrub pa
la'ang tshul khrims

bsrung ba dang/ sbyin pa btang ba sogs sna res mi chog pas/ rab
byung dag gis kyang tshul khrims gtsang ba'i ngos nas/ sbyin
gtong sogs kyang gang 'grub byed dgos/ 'ga' zhig gis/ so thar
gyi 'dul ba'i

spyod pa ni/ dbang po dman pa rnams kyi spyod yul yin gyi/ dbang
rnon yang rab rnams kyis/ de 'dra'i gu dog byed mi dgos par
gsang sngags kyi myur lam dug gsum lam 'khyer byed pas chog ces/
bslab pa la

@289a @#/ /cir yang mi brtsi ba'i bag med du spyod par byed mod/
gsang sngags pa yin yang so thar gyi sdom ldan yin na tshul bzhin
bsrung dgos te/ dpung bzang gi rgyud las/ rgyal ba ngas gsungs
so so

thar pa yi/ /tshul khrims rnam dag 'dul ba ma lus las/ /sngags pa
khyim pas rtags dang cho ga spang/ /lhag ma rnams ni nyams su
blang bar bya/ /zhes dang/ 'jam dpal rtsa rgyud las/ tshul khrims
'chal la thub dbang gis/ /

sngags 'grub par ni ma gsungs te/ /mya ngan las 'das grong 'gro
ba yi/ /yul dang phyogs kyang ma yin no/ /byis pa ngan pa 'di la
ni/ /sngags 'grub pa ni ga la yod/ /skye bo tshul khrims 'chal
'di la/ /de la bde 'gro ga la yod/ /

mtho ris su yang mi 'gyur zhing/ /bde ba mchog tu'ang mi 'gyur
na/ /rgyal bas gsungs pa'i sngags rnams ni/ /'grub par 'gyur ba
smos ci dgos/ /zhes gsungs/ yang 'ga' zhig gis nges 'byung byang
sems yang dag pa'i

lta ba gang yang med par sems ngo bskyangs pa'i sgom zhig la mi
tshe bskyal ba ni/ brtson pa don med du song ba ste/ des ni rab
na mi g.yo ba'i las su 'gro tshul sogs dang/ bskyar bshad bcas
stsal// ! //nyin bcu

drug par/ dang por rtsis bzhag gnang ba sogs phyag bzhes ltar
zin nas/ ji skad du/ khams gsum chos kyi rgyal po tsong kha pa
chen po'i zhal nas/ nges 'byung de yang rnam dag sems bskyed
kyis/ /zhes sogs 'dren par

@289b mdzad nas nges 'byung gi steng du byang sems dgos tshul las
brtsams pa'i sngon 'gro kun slong 'chos tshul/ sa bcad song zin
pa rnams ji ltar song tshul dang/ thar par bgrod pa'i lam gyi
rang bzhin gtan la dbab pa nas bskyar bshad

mdzad/ rang re 'khor bar gang gis 'khor na las kyis 'khor la/ de
yang nyon mongs kyis bskyed/ nyon mongs pa'i nang nas kyang rtsa
ba ma rig pas bskyed pa nyid yin zhing/ de rtsad nas gcod pa la
lhag pa shes rab kyi bslab pa

bskyed dgos la/ de bskyed pa la ting nge 'dzin dang tshul khrims
kyi bslab pa sngon du 'gro dgos pa'i phyir tshul khrims ni yon
tan gyi gzhi ma yin tshul dang/ nyon mongs pa'i gnyen po bsten
skabs/ dang po nyon mongs pa skyer bcug /de

nas nyon mongs de ngos zin par byas te gnyen po bsten na/ yengs
na'ang ngos zin pa'i gnad yod tshul sogs gsungs/ gsum pa skyes bu
chen po'i lam gyi rim par blo sbyang ba la gsum/ theg chen gyi
'jug sgo sems bskyed kho nar

bstan pa phan yon dang bcas pa/ byang chub tu sems bskyed pa'i
tshul/ sems bskyed nas spyod pa la slob tshul lo/ /dang po ni/ de
ltar skyes bu chung 'bring gi skabs su nges 'byung gi bsam pas
kun nas bslangs/ lhag pa'i bslab pa

gsum la 'bad pas rang gcig pus thar ba'i go 'phang thob tsam
dang 'khor ba las ldog tsam 'byung yang/ de tsam gyis mi chog
ste/ spang bya thams cad ma spangs/ thob bya yon tan thams cad
kyang yongs su ma rdzogs pas rang don dang

@290a @#/ /gzhan don yang nyi tshe ba las mi 'byung zhing/ slar
theg chen la gzhi nas 'jug dgos la/ de ni phar phyin bsdus pa
las/ 'jig rten don sgrub tshul la mthu med pa'i/ /theg pa gnyis
po gtan du spang

byas shing/ /thub rgyal theg pa snying rjes bstan pa la/ /gzhan
phan ro gcig rang bzhin de dag 'jug /ces dang/ dge bshes po to
bas/ rab brgal gcig la brdze bcang gnyis min/ /dang po nyid nas
theg chen lam 'jug /ces

pa ltar chu gcig la brgal thengs gnyis byed dgos byung ba ltar
'gyur la/ der ma zad dgra bcom pa de dag zhi bde'i dbyings la
snyoms par zhugs pa na bde ba'i nyams bsam gyis mi khyab pa yod
pas/ de las slar mi ldang snyam nas de

la bskal pa mang po'i bar mnyam par bzhag ste/ de'i yun ring
thung dmyal ba na gnas pa 'ga' zhig dal 'byor thob cing theg
chen gyi lam la zhugs nas 'tshang rgya thub pa'i tshod tsam du
sdod pas/ sangs rgyas kyi go 'phang thob pa

la 'gyangs shin tu che bas na theg chen rigs can theg dman gyi
lam du zhugs te dgra bcom thob pa las/ theg chen gyi chos thos
nas bag chags bzhag cing log lta skyes te dmyal bar skyes na/
'tshang rgya bar myur ba la de bzang

ba byung ba yin te/ dper na sngon nyan thos 'od srung gis theg
dman gyi chos bstan na dgra bcom pa 'thob rgyu'i dge slong drug
cu la 'jam dpal dbyangs kyis sngon du phebs te theg chen gyi
chos bstan pas blor ma chud par log lta

@290b byas te/ dmyal bar skyes pa 'od srung gis ston pa la zhus
pa na/ ston pas 'jam dbyangs kyis thabs mkhas bstan pa de nyid
legs par gsungs pa bzhin du/ nyan rang dgra bcom rnams zhi mthar
mnyam gzhag skabs sangs rgyas

kyis bskul te theg chen la btsud na'ang/ sngar zhi bde'i ro la
mnyam par bzhag pa la goms ches pas/ sems bskyed sogs rgyud la
bskyed par mi brtson zhing/ brtson kyang rang sdug bsngal las
grol bas snying rje sogs skye dka'/ mchog

zung gis ston pas theg chen gyi lam 'bras bu dang bcas pa bstan
pa shin tu ngo mtshar ba 'dug kyang bdag cag ni sdong dum mes
tshig pa bzhin du gyur pas ci byar mi 'dug ces gsol bar gsungs pa
'phags pa shA ri'i bu lta bu sprul pa'i

nyan thos yin pas de 'dra mi 'byung yang/ nyan thos rang mtshan
pa gzhan la dgongs nas gsungs pa bzhin 'tshang rgyab la bar chad
che/ des na/ rang res nges 'byung gi blo la myong ba thon pa na
theg chen gyi lam la nges par 'jug

dgos/ skyes bu 'bring dang thun mong ba'i lam la blo sbyangs pa
ni/ nges 'byung rgyud la skye ba'i ched yin gyi/ lam dngos la
'gro ba'i phyir min no/ /lam gyi dngos gzhi ni/ skyes bu chen
po'i byang chub sems sbyong ste/ chung 'bring gnyis

sngon 'gro dang/ spyod pa spyi bslab ni mjug bsdu yin/ des na
skyes bu chen po'i lam la slob pa la dang po spro ba bskyed pa'i
phyir du/ 'jam dpal zhal lung las gsungs pa bzhin phan yon sngon
du blangs nas 'chad pa phyag len du

@291a @#/ /yod pas de ltar bshad na 'di la bcu/ theg chen gyi
'jug sgo sems bskyed kho na ra bstan pa/ rgyal ba'i sras zhes
bya ba'i ming thob pa/ nyan rang rigs kyi sgo nas zil gyis non
pa/ mchod pa'i

zhing mchog tu 'gyur ba/ tshogs rgya chen po bde blag tu rdzogs
pa/ sdig sgrib myur du sbyang ba/ ci bsam pa 'grub pa/ gnod pa
dang bar chad kyis mi tshugs pa/ sa lam thams cad myur du rdzogs
pa/ 'gro ba'i bde skyid ma

lus pa 'byung ba'i zhing sar 'gyur ba'o/ /dang po ni/ de la theg
chen gyi gral du chud mi chud kyang/ byang chub kyi sems 'di
rgyud la skyes ma skyes kyis byed pa yin/ rje bla mas kyang/
chos theg chen yin pas mi chog gi/ gang zag

theg chen par tshud pa zhig dgos/ theg chen par byed pa yang
byang chub kyi sems nyid la rag las pas sems de go ba tsam las
med na theg chen pa yang de dang 'dra la/ zhes sogs gsungs pa
bzhin/ byang chub kyi sems 'di rgyud la

med na rgyud rgyal mthar thug dpal gsang ba 'dus pa lta bu'i
bskyed rdzogs nyams su blangs kyang 'tshang rgya rgyu lta zhog
/theg chen tshogs lam tsam du'ang zhugs mi thub/ de phar zhog
/theg pa chen po'i chos su'ang mi 'gro la/ sems

'di yod na ma Ni tshar gcig bton pa'ang theg chen gyi chos su
'gro/ 'tshang rgya ba'i rgyur 'gro ste/ rin chen phreng ba las/
bdag nyid dang ni 'jig rten 'dis/ /bla med byang chub thob 'dod
na/ /de yi rtsa ba byang chub sems/ /ri dbang

@291b rgyal po ltar brtan dang/ /zhes gsungs/ sems 'di med na
ni/ gsang sngags kyi bskyed rim bsgom pa lha khang la ltad mo
blta ba lta bu dang/ rdzogs rim bsgom ste/ rngub dang dgang dang
gzhil ba dang/ /zhes pa ltar rlung sbyor

sogs byed pa'ang sbud pa bus pa lta bu las mi 'ong/ gsang sngags
kyi myur khyad kyang sems 'di lhag tu btang ba las 'byung ba
yin/ lcang skya rol rdor gyis/ phur lcog ngag dbang byams pa la
chos gsan te/ bla ma byams pas dbang

chen gnang ba na'ang/ dbang bshad du lam rim sha stag gnang ba
la/ gzhan gyis bltas na gsang sngags kyi gsung bshad byed rgyu
med pa ltar snang mod/ khong gi de lam gyi gnad mkhyen pa'i
gsung yin zhes bsngags pa mdzad/

byang chub kyi sems med pa'i kyai rdo rje'i rnal 'byor pa zhig
rgyun zhugs thob pa'i gtam jo bo chen pos gsan pas/ ya mtshan du
mdzad nas/ nga'i byang chub kyi sems med pas lan/ he bdzra bsgom
pa dmyal bar 'gro ba yang yod gsungs

pa re/ da dung de yang drag shos yin gyi/ byang chub kyi sems
'di med na/ yi dam khro bo mang po'i sngags 'don 'don sgrub
sgrub mang na/ gdug 'dre dang dmyal ba sogs su skye ba'ang mang
zhing/ chu shur gyi gzhi bdag kyang sngar bsnyen

chen btang ba zhig gzhi bdag tu skyes tshul/ gong gi rgyun zhugs
thob pa'i kye rdor gyi rnal 'byor pa de la byang chub kyi sems
yod na tshe der 'tshang rgya rgyu yin yang kho la 'tshang rgya
rgyu'i tshod du theg dman gyi 'bras bu thob pa sems de med pas

@292a @#/ /lan; chos zab ces pa de 'dra la zer/ gzhan yang sngar
bshad pa'i bram ze'i khye'u tsa na kya'i byung ba dang/ rgya gar
na gshin rje gshed sgrub pa'i rnal 'byor ba zhig gdug 'drer
skyes te bod du 'ongs

par jo bos gtor ma byin nas phar bskrad pa dang/ 'phan po'i
'jigs byed kyi rnal 'byor pa zhig yi dwags yi dam gyi gzugs can
zhig tu skyes te sngar gyi nye gnas la gsur bsgugs pa'i lo rgyus
ltar yin/ da lta'ang phal cher

gyis yi dam gyi zhal gzigs dang mngon shes rdzu 'phrul sogs la
rtsigs che bar byed kyang/ byang chub kyi sems med na ngan song
du 'gro ba'ang yod/ des na mngon shes rdzu 'phrul gang dang ldan
yang phan mi thogs/ sems 'di yod na ni

gzhan ci la'ang ma brtson kyang/ theg pa chen po'i chos kyi rtsa
ba byung ba yin te/ mdo sngags gang gi skabs kyang theg chen du
'gyur mi 'gyur sems 'di yod med kyi rjes su 'gro/ 'dis zin na/
dud 'gro la zan changs gcig byin pa

tshun dang/ kun spyod lung ma bstan rnams kyang rdzogs byang thob
pa'i rgyur 'gyur la/ byang sems bdag nyid chen pos ni/ mi dge
ba'ang 'dis zin nas dge bar bsgyur nus pa yin/ 'di med na ni/
stong nyid rtogs pa'i shes rab rkyen

dang phrad na/ theg pa gsum ga'i byang chub kyi rgyur 'gro bas
ma lta bu yin la/ byang sems ni bla med byang chub kho na'i
rgyur 'gyur bas pha dang 'dra ba yin no/ /des na snga ma la yum
yang zer/ mdor na sangs rgyas kyi go 'phang zhig

@292b don du mi gnyer na ma gtogs/ thams cad kyis byang chub kyi
sems la thugs dam gyi mthil du bya dgos te/ theg gsum gyi yon
tan sogs legs pa ci yod thams cad phar ded na byang chub kyi
sems las byung/ rang re la thugs

dam gyi mthil gang yin dris na/ rta mgrin yin/ phyag rdor yin/
'jigs byed 'dra 'don gyin yod zer mod/ phal che ba ni nyon mongs
dug gsum thugs dam gyi mthil du byed pa mang ngo/ /jo bo chen
pos kyang sngar chos thams cad

la mkhas par gyur kyang des thugs ma tshim par sems rin po che
'di'i phyir rgya mtshor gru gzings bcas te zla ba bcu gsum gyi
ring dka' ba spyad de byon/ bla ma gser gling pa la 'di'i gdams
ngag yongs rdzogs gsan te byang chub kyi sems la thugs

dam gyi mthil dang/ de ston pa'i bla ma la bla ma gzhan las gus
zhabs che bar mdzad/ gzhan lta ba ni gser gling pa sems tsam yin
pas dma' ba yin no/ /de'i phyir rang res byang chub kyi sems 'di
nyid rgyud la bskyed e thub blta dgos te/

sems skye ba'i lus rten da res las lhag pa 'byung du med cing/
chos kyang byang chub sems sbyong gi gdams pa gcig la/ chos
byang chub lam gyi rim pa 'di las mchog tu gyur pa med pas/ de
lta bu dang mjal nas byang chub kyi sems

rgyud la skye ba zhig bya rgyu ma byung na shin tu phangs pa
yin/ phyogs phan tshun du mi tshe gcig la 'tsho ba rde'u'i bcud len
gyi dka' thub tsam la brten nas/ chos pa'i yang rtser rloms
kyang byang chub kyi sems 'di la gal chung du song ste rdzogs

@293a @#/ /byang du bgrod pa'i lam las gol ba mang po mthong chos
su yod/ rang re'ang rab na sems 'di rgyud la bcos min zhig
bskyed thub pa/ de ma byung na rtsol bcas kyi myong ba thon pa/
de'ang ma byung na

nyams 'og tu tshud pa tsam e 'byung blta dgos kyi/ 'di la thun
gcig gi ring dmigs skor mi skyong bar/ lha bsgom sngags bzlas
kho na la brtson pa ni ngal ba don med de ha cang phangs pa yin
gsungs/ gnyis pa ni/ byang chub

sems skyes gyur na skad cig gis/ /'khor ba'i btson rar bsdams
pa'i nyam thag rnams/ /bde gshegs rnams kyi sras zhes brjod bya
zhing/ /zhes dang/ de ring sangs rgyas rigs su skyes/ /sangs
rgyas sras su da gyur to/ /

zhes pa ltar/ rgyal ba'i sras su 'gro mi 'gro 'di la rag las te/
de ma skyes na mngon shes rdzu 'phrul ldan pa'am/ rig gnas lnga
la mkhas pa/ stong nyid mngon sum du rtogs pa/ nyon mongs zad
par spangs pa sogs yin

kyang byang chub sems dpa' dang/ rgyal ba'i sras min zhing/ theg
chen pa'i gras su'ang mi tshud la/ sems 'di rgyud la skyes pa na/
de khyi phag sogs dud 'gro dang/ yon tan gzhan med pa'i glen pa
bong bu dang 'dra ba zhig yin yang

theg chen pa'i gras su tshud/ byang chub kyi sems skyes skabs sa
g.yo zhing sangs rgyas thams cad kyi bzhugs khri g.yo ba sogs
'byung ste/ de ni sa chen po 'di sems can spyi mthun gyi las
dbang las grub cing/ byang sems skyes pa

@293b des sems can mang po 'dren cing 'khor ba la bsgul bskyod
thongs pas sa 'dis ma bzod par g.yos pa yin/ sems de skyes pa'i
gang zag re byung na byang chub sems dpa' rnams kyis spun ltar
dgongs shing/ phyogs bcu'i

sangs rgyas thams cad la/ 'khor bsgyur la sras gsar pa re
'khrungs pa lta bu'i thugs dgyes pa 'byung bas rgyal ba'i sras
su 'gro/ sems de dang nam bral ba na theg chen gyi gral nas bud
pa yin/ rang res sngon chad mngon

shes rdzu 'phrul mang po thob kyang phugs su phan pa gang yang
ma byung bas de las byang chub lam rim la go ba chags pa dga' ba
yin/ mngon shes rdzu 'phrul ni dkon la don che ba zhig ma yin
par/ skye ba re 'phos te bar dor slebs

res bzhin 'thob 'ong gsungs/ gsum pa ni/ sdong po bkod pa'i mdo
las/ rgya mtsho'i nor bus 'dzam bu gling 'di'i mching bu thams
cad zil gyis gnon pa bzhin du/ byang chub kyi sems rgyud la
skyes pa des nyan rang gi tshogs

thams cad zil gyis gnon par gsungs/ byams pa'i rnam par thar
pa'i mdo las/ rgyal po'i sras chung ngus blon po'i tshogs rgan po
rnams kyang zil gyis gnon pa bzhin dang/ mkha' lding gi phru gus
kyang bya'i tshogs gzhan zil gyis

gnon pa bzhin/ byang chub kyi sems rgyud la skyes pa'i byang
sems las dang po pas kyang nyan rang gi tshogs thams cad zil gyis
gnon par gsungs la/ de'ang lhag pa'i bsam pa'i stobs kyis yin/
de bzhin du rdo rje rin po che

@294a @#/ /chag kyang/ rdo rje rin po che'i ming yang mi 'dor la/
gser gyi rgyan zil gyis gnon cing/ dbul ba sel ba bzhin du byang
chub kyi sems rgyud la skyes te rgyal sras kyi spyod pa la slob
mi nus pas kyang/

de'i rgyud kyi sems de'i mthus rgyal ba'i sras zhes pa'i ming mi
'dor zhing/ dge ba'i tshogs kyi rin po che thams cad las mchog tu
gyur pa dang/ nyan rang gi tshogs kyi gser gyi rgyan yang zil
gyis gnon la/ 'khor ba'i dbul

ba sel bar gsungs so/ /des na chos phung brgyad khri bzhi stong
gi snying po ngos 'dzin na 'di nyid las med/ jo bo rje lha cig
gis kyang/ tshe 'di blos thongs/ byams snying rje byang chub kyi
sems sgoms bya ba kho na gsung ba yin/

bzhi pa ni/ byang chub kyi sems rgyud la skyes na/ 'jig rten lha
mir bcas pas phyag byar 'gyur/ /ces pa ltar lha dang bcas pa'i
mchod pa'i zhing mchog tu 'gyur la/ sems de yang dus thung ngu
re la sbyangs pas mi skye ste/ jo bo

chen pos kyang lo bcu gnyis su sbyang bar mdzad/ 'ga' zhig gis
lha bsgom sngags bzlas tsam la'ang lo mang por brtson 'grus byed
pa la ltos na/ rang res 'di la dka' las byas kyang byed rin chog
pa yod/ bka' gdams gong

mas kyang bsgom rgyu'i lha gzugs re dang/ 'dren rgyu'i sngags re
kun la yod de bsam rgyu'i chos shig med pas lan par gsungs/ des
na sems 'di la bag chags 'jog thub pa tsam byung yang gnad che
ste/ sngar sangs rgyas kyi gsung

@294b gi sgra thos pa tsam gyis ngang pa lnga brgya lhar skyes
nas bden pa mthong ba dang/ rgyal po ma skyes dgra la stong nyid
kyi bag chags shin tu che ba yod pas/ gdugs tshod gcig gi skabs/
'jam dbyangs la gos gser srang stong ri ba zhig

phul bas/ de 'bul ba'i yul ma rnyed par stong par yal ba na/
rgyal po rang gis gyon pas rang nyid kyang yal te stong nyid
rtogs pa byung ba'ang sngon bag chags bzhag pa'i mthu sad pa
yin/ sems 'di skyes pa na tshangs pa dang/

brgya byin sogs kyang 'ongs nas mchod cing/ sku lus la mdangs
bskyed/ de'i bsam pa thams cad 'grub pa'i grogs byed/ rdzogs
pa'i sangs rgyas byang chub sems dpa' las dang/ de byang chub
kyi sems la brten nas byung bas sangs

rgyas kyis kyang byang chub sems dpa' la gus pa mdzad par gsung
ste/ mdo las kyang zla ba tshes pa la phyag bya yi/ nya ba la ni
ma yin no/ /de bzhin du gang dag nga la rab tu dang ba de dag
gis byang chub sems dpa' la phyag bya yi/ de bzhin

gshegs pa la ni ma yin no/ /zhes sogs dang/ byang chub sems dpa'
shing rtar zhugs nas 'dod yon lnga la dga' mgur spyod cing rtse
ste de'i shing rta 'dren pa gzhan med na/ sangs rgyas kyis kyang
shing rta 'dren pa'i thag pa dbu

la bzhes par gsungs shing/ 'phags pa shA ri'i bu lta bus nyer
zhi'i dbyings la bskal par mnyam gzhag tu gnas kyang/ de la de
bzhin gshegs pas bkur sti mi mdzad par gsungs pa dang/ sangs
rgyas kyis lhung bzed

@295a @#/ /kyi zas bsod pa'i phud 'jam dpal la ma phul bas lhung
bzed sar nub pa'i sngon byung bcas gsungs/ lnga pa ni/ snyug rum
pas/ byang chub kyi sems 'di gcig skye ru btub na dang po tshogs

kho rang gis gsog /sgrib pa yang kho rang gis sbyong/ bar chad
kyang kho rang gis sel/ zhes dang/ rje bla mas/ tshogs gnyis kun
la gser 'gyur rtsi lta bu/ /rab 'byams dge tshogs sdud pa'i bsod
nams gter/ /zhes gsungs

pa bzhin/ tshogs rgya chen po bde blag tu gsog la/ gser 'gyur
rtsi yi rnam pa mchog lta bu/ /mi gtsang lus 'di blangs nas
rgyal ba'i sku/ /rin chen rin thang med par bsgyur bas na/
/byang chub sems zhes bya ba rab brtan zungs/ /

zhes dang/ dge ba gzhan kun chu shing bzhin du ni/ /'bras bu
bskyed nas zad par 'gyur ba nyid/ /byang chub sems kyi ljon
shing rtag par yang/ /'bras bu 'byin pas mi zad 'phel bar 'gyur/
/zhes gsungs pa bzhin bsod

nams kyi tshogs rdzogs pa la 'di las lhag pa med de/ sems 'dis ma
zin par sems can 'bum phrag gcig la/ bskal pa 'bum phrag mang
por stong gsum nor gyis bkang ste sbyin pa byin pa yang 'bras bu
zad du yod la/ rgyal

sras kyi spyod pa min zhing/ sangs rgyas kyi rgyur mi 'gyur
yang/ sems 'dis zin nas dud 'gro la zan changs gcig sbyin pa
tsam yang 'bras bu zad du med cing/ rgyal sras kyi spyod pa
dang/ sangs rgyas pa'i rgyur 'gro/ sems 'dis

@295b zin pa'i sgo nas spos rkang gcig phul ba na/ sems can gyi
grangs dang mnyam pa'i spos phul ba'i phan yon yod par gsungs/
des na sems des zin pas ma Ni tshar gcig bton kyang sems can gyi
grangs dang mnyam pa'i phan yon 'thob/ sngon

sangs rgyas zhal bzhugs skabs/ dbul po gcig gis sems des zin
pa'i sgo nas mar me kong bu chung ngu gang phul ba/ kun dga' bos
bsad ma nus pa na/ de bzhin gshegs pas bskal pa'i 'thor rlung
gis kyang gsod mi nus par

gsungs pa'ang/ bsod nams 'phel bas yin/ spyod 'jug las kyang/
gang nas bzung ste sems can khams/ /mtha' yas rab tu sgrol ba'i
phyir/ /mi ldog pa yi sems kyis su/ /sems de yang dag blangs
gyur pa/ /de nas bzung ste/

gnyid log gam/ /bag med gyur kyang bsod nams shugs/ /rgyun mi
chad par du ma zhig /nam mkha' mnyam par rab tu 'byung/ /zhes pa
ltar 'jug sdom blangs nas bzung/ gnyid log pa'am bag med par
gyur kyang dge ba rgyun mi

'chad par 'byung la/ sems can gcig gi klad nad tsam bsal 'dod
bskyed kyang/ phan yon chen po yod na/ sems can thams cad sdug
bsngal gyi nad dpag tu med pa las sgrol 'dod kyi blo bskyed pa
ni bsod nams ci'i phyir mi che ste/

spyod 'jug las/ sems can rnams kyi klad nad tsam/ /bsal lo snyam
du bsams na yang/ /phan 'dogs bsam pa dang ldan te/ /bsod nams
dpag med ldan 'gyur na/ /sems can re re'i mi bde ba/ /dpag tu
med pa bsal

@296a @#/ /'dod cing/ /re re'ang yon tan dpag med du/ /sgrub par
'dod pa smos ci dgos/ /zhes dang/ 'gro ba nyung zad nar ma'i zas
sbyor ba/ /skad cig zas bcas sbyin par byed pa dang/ /brnyas
bcas

nyin phyed 'grangs par byed pa yang/ /dge ba byed pa yin zhes
skye bos bkur/ /sems can grangs mtha' yas la dus ring du/ /bde
bar gshegs kyi bde ba bla na med/ /yid la bsam pa mtha' dag
rdzogs byed pa/ /rtag tu sbyin pa

lta zhig smos ci dgos/ /zhes sogs gsungs pa ltar yin/ mdor na
sems des kun nas blangs te dge ba gang byas kyang/ de'i phan yon
sems can thams cad kyi grangs dang mnyam par 'byung gsungs/ drug
pa ni/ sdig

pa dag pa la'ang 'di las lhag pa med de/ spyod 'jug las/ sdig pa
stobs chen shin tu mi bzad pa/ /de ni rdzogs pa'i byang chub
sems min pa/ /dge gzhan gang gis zil gyis gnon par 'gyur/ /zhes
pa ltar/ bshags pa

gzhan gyis mi 'dag pa'i sdig sgrib shin tu che ba'ang/ 'di skyes
pas zad par 'gyur te/ 'phags pa thogs med kyis lo bcu gnyis su
bsgrub pa'i dge ba las snying rje lan cig bskyed pa de sdig
sgrib sbyong ba la ches lhag pa byung

tshul; gzhan yang/ sdig pa shin tu mi bzad byas na yang/ /dpa' la
brten nas 'jigs pa chen po ltar/ /gang la brten nas yud kyis
sgrol 'gyur ba/ /de la bag can rnams kyis cis mi brten/ /zhes
gsungs pa ltar/ sems

@296b de yod na sdig sgrib dang de'i 'bras bu 'jigs pa'i 'phrang
gang du 'grim pa na'ang/ grogs dpa' po chen po dang mnyam du
'grogs pa ltar 'jigs pa mi 'byung zhing/ des ni dus mtha'i me
bzhin sdig chen rnams/ /skad cig gcig gis

nges par sreg par byed/ /ces pa ltar sdig pa'i phung po ji ltar
che yang/ bskal pa'i mes bud shing sreg pa bzhin du 'dag par
byed de/ de'i phyir/ sdig pa 'joms par byed pa la'ang/ sems 'di
dang ma 'brel bar sdig sbyong

gzhan la lo brgyar brtson pa las/ 'di nyid thun gcig bsgom pa
mchog yin/ bdun pa ni/ sems 'di skyes pa na gnas skabs dang
mthar thug gi don thams cad 'bad med du 'grub ste/ don mchog tu
gyur pa sems can thams cad

kyi mi 'dod pa sdug bsngal spong ba dang/ 'dod pa'i bde ba 'grub
par byed pa'i phyir spyod 'jug las/ 'dis ni tshad med skye bo'i
tshogs rnams kyi/ /bde mchog bde blag nyid du thob par gsungs/
/zhes sogs gsungs/ gzhan yang sems

'di rgyud la skyes na rgyud sde sogs nas bshad pa'i rig sngags
dang las tshogs mi phal dang phal gyis mi 'grub pa thams cad
kyang tshegs med par 'grub mod/ nged tshos/ mdo dang/ rgyud sde/
be'u bum sogs las bshad pa'i char

'bebs ser srung sogs las phran tshegs rnams kyang bshad pa bzhin
mi 'grub pa 'di dag byang chub kyi sems med pas lan/ des na rang
gzhan gyi na tsha sogs bar chad sel zhing nus pa che bar 'dod na/
sems 'di bskyed dgos kyis/ las

@297a @#/ /mi 'grub pa de dag las tshogs ston pa'i man ngag gis
lan snyam pa lta bu bya mi rung/ der ma zad hUM hUM phaT phaT
sogs sngags dang rdzas sogs la ltos mi dgos kyi/ bden tshig tsam
gyis 'grub

ste; byang sems rtag tu dus bden tshig gis sku lus gsos pa dang/
lha sar gtsang chu shor ba sus kyang bzlog ma nus pa'i tshe rje
smon lam dpal bas smon lam dpal ba byang chub sems dpa' yin na/
bden pa 'dis chu khyod phar

myur du ldog cig /ces pa rdo la bris nas chu 'gram du bskyal bas
de ma thag chu bo phar log pa byung ba'ang bden tshig tsam gyis
bzlog pa yin/ de'i phyir/ don gyi gtso bo thams cad mkhyen pa'i
go 'phang nas ma mtha' las tshogs phra mo

zhig yan chad 'dis 'grub/ brgyad pa ni/ 'khor los bsgyur ba'i
rgyal po la lag na rdo rje dang tshangs pa brgya byin rgyal chen
bzhi sogs kyis gnyid nyal ba'i gnas skabs tshun chad du srung ba
yin la/ byang chub sems dpa' la 'khor

bsgyur gyi srung ma nyis 'gyur gyis nyin mtshan kun tu srung bar
'gyur bas/ gnod pa dang/ gdon dang/ bgegs sogs ci'ang mi 'byung
la/ sems 'di med na da lta bskang gso rnga rol sogs kyis de
rnams gdan drangs kyang 'byon mi

'byon nges pa med/ sems 'di skyes na rgyal po rnam thos sras
sogs rgyal chen sde bzhi spyan ma drangs kyang bran bzhin du
bsrung skyob byed/ sdong po bkod pa'i mdo las/ rnam par mi gdung
ba'i rtsi lus la 'chang na/ nad sogs kyis

@297b gnod mi nus pa dang/ rtsi'i rgyal po chu zhes bya ba lus
la bcang na/ sbrul byer ba dang/ rtsi'i rgyal po gzhan gyis mi
thub pa lus la 'chang na/ dgras mi thub pa bzhin byang chub kyi
sems 'di yod na nyon mongs pa'i nad sogs kyis mi thub

par gsungs pa dang/ dge bshes khams lung pa 'phan po yung ba'i
phur byang sems bsgom bzhin bzhugs skabs yul de'i mi ma yin
rnams kyis gnod skyel bar brtsams pa na/ btsan zhig gis/ khong
gis kho rang las nged

tsho la gces par byas nas rtag tu du bzhin 'dug pas gnod pa skyel
mi phod/ ces smras tshul dang/ gzhan yang ston pa thugs rje can
gyis bdud dmag byams pa'i mthus pham par mdzad pa/ rgyal po
byams pa'i stobs bzhugs yul

gyi phyugs rdzi rnams gnod sbyin lngas mdangs 'phrog par ma nus
pa/ pe har gyis bu ston dang bla ma dam pa gnyis la lcags smyug
phul zhing/ dngul chu rgyal sras pa la phul ma nus pa'i rabs
dang/ bu ston bsnyun skabs rgyal sras rin po che

gdan drangs nas des byang chub kyi sems bsgoms pas phan pa'i lo
rgyus sogs ltar gnod pa dang bar chad kyis mi tshugs pa'i phan
yon mtha' yas pa yod/ sems 'di bsgoms pas mi min gyi gnod pas mi
tshugs pa myong grub yin

byas pas chog gsungs/ dgu pa ni/ byang chub kyi sems med par
stong nyid kyi lta ba rkyang pas ye shes las bsod nams kyi tshogs
rdzogs mi nus la/ tshogs gnyis rdzogs shing sgrib gnyis bag chags
dang bcas pa spang ba ni/ gtso bor

@298a @#/ /kun rdzob byang chub kyi sems kyi mthu las byung ba
yin/ sems 'di yod na gsang sngags kyis tshe gcig la 'tshang rgya
bar nus kyang/ 'di med na sngags kyis theg chen gyi tshogs lam
chung ngu'ang 'thob

mi nus/ mdor na dge chos thams cad skyed pa'i rtsa ba byang chub
kyi sems 'di yod pas ni bya rog la zas kham gcig byin pa tshun
gyi dge ba kun sangs rgyas kyi go 'phang gi rgyu kho nar bsgyur
nus pas/ sa lam myur du rdzogs pa 'ong gsungs/

bcu pa ni/ 'jug pa las/ nyan thos sangs rgyas 'bring rnams thub
dbang skyes/ /sangs rgyas byang chub sems dpa' las 'khrungs
shing/ /zhes sogs ltar/ 'jig rten 'di'i bde skyid/ nyan rang/
'khor bsgyur sogs thams

cad sangs rgyas kyi mthus byung ba yin la/ sangs rgyas ni byang
chub sems dpa' las 'khrungs/ byang chub sems dpa' ni byang chub
kyi sems las 'byung bas na/ 'gro ba'i bde skyid thams cad kyi
rtsa ba byang chub kyi sems kho na yin zhing/

der ma zad chos kyi phung po thams cad kyi snying po/ rgyal sras
dam pa rnams kyi thugs dam gyi mthil/ gang gi mthus gsang sngags
la khyad thon par byed pa'ang sems 'di yin/ dge bshes ston pas
mi zhig la sku mched gsum gyi

lo rgyus dris par/ so so'i tshul zhus pas/ ngo mtshar che/ de yang
gcig yin gsungs/ khams pa lung pa'i gnas tshul/ khong grog po'i
khar bzhugs nas res spyan zim me pa dang/ res bshum pa 'ba' zhig
mdzad nas

@298b bzhugs 'dug zhus pas phyag thal mo sbyar/ chos bya ba
khong gis byas 'dug gsungs te/ bsngags pa mdzad tshul/ des na
spyod 'jug las/ dam chos 'o ma bsrubs pa las/ /mar gyi nying khu
byung ba yin/ /zhes pa ltar chos

kun gyi snying po'i yang snying lta bu ni byang chub kyi sems
'di yin pas/ thams cad kyis gang thub ci thub kyis 'di bskyed
thabs la gzhol bar zhu zhing/ theg chen gyi bstan pa yod med
kyang byang chub kyi sems yod med kyi rjes su 'gro ldog byed

pas; thams cad kyis chos zab zab mo yin zer ba gzhan rnams re
zhig bzhag nas/ 'di la nan tan mdzad dgos/ 'di lta bu'i gnad ma
shes par sa dge bka' rnying gi chos pa mang pos 'tshang rgya bar
'dod kyang byang chub kyi

sems mi dgos par gsang sngags kyi rim gnyis bsgom ste lam myur
mor bgrod du re ba ni/ 'jig rten khyim pa'i kha skad du/ ske
'dod la lba ba mi 'dod zer ba dang 'dra/ dus gsum gyi sangs
rgyas thams cad kyis byang chub kyi sems ma bskyed par sangs

rgyas pa med pas/ byang chub kyi sems mi dgos pa'i sangs rgyas
shig yod na sngar ma grags pa zhig 'ong nyen yod/ de'i phyir
sangs rgyas kyi go 'phang zhig 'dod phyin chad byang sems 'di
med na mi 'byung zhing/ 'di dang bral na sangs rgyas kyi go

'phang 'thob pa'i re ba bral ba yin pas 'di la nan tan byed
dgos/ re sgo a tsa ras rje sgrub khang pa la/ khyed 'ongs pa na
byang chub kyi sems kyi gtam stod khog yangs seng nge ba re byed
du yod/ gzhan deng sang gi mi la gtam de shod

@299a @#/ /sa med gsung/ de bzhin du rang re kha cig gis byang
chub kyi sems de dka' bas mi skye zer nas yar phud/ kha cig de
theg chen thun mong ba'i yin/ de bas zab pa rim gnyis sogs bsgom
zer

te mar phud nas don du nyams len byed mkhan nyung/ de ni dper na
yid bzhin gyi nor bu rgya mtshor mi btsal bar ba glang gi rmig
rjes kyi chu las tshol ba dang 'dra/ rje bla mas kyang/ de ltar
shes nas rgyal sras dpa' bo rnams/ /rin

chen sems mchog thugs dam mthil du 'dzin/ /ces thugs dam gyi
mthil du bsngags pa byang sems 'di kho na yin/ deng sang kha cig
thugs dam gyi mthil lha re la byed zer/ kha cig rgya nag skag
zlog dang/ kha mchu nag po zhi byed kyi

gzungs sogs la byed zer te/ byang chub kyi sems bsgom pa'i skal
ba med na sangs rgyas 'thob dus mi 'ong/ jo bos gser gling pa
bla ma rnams kyi mchog tu 'dzin pa dang/ phyag bsnyung skabs
'brom la khyod sems bzang bas

'di la byin rlabs kyis gsungs pa byang chub kyi sems la bsngags
brjod mdzad pa yin/ bla ma d+ha rma rak+Shi ta dang por bye smra'i
lta ba 'dzin kyang/ byang sems kyi stobs kyis mthar dbu ma par
gyur tshul/ jo bo rgya bod gnyis kar 'phrin

las dar rgyas che ba yang bshes gnyen bsten tshul dang/ byang
chub kyi sems kyi mthu las byung/ bka' gdams gong ma'i zhal nas/
sems 'di med na rna rtsar rnga bo che brdungs kyang mi go ba'i
ting nge 'dzin yod kyang gar yang

@299b mi phyin zhes dang/ bla ma rA hu la gu ptshasa kyang/ yi
dam gyi lha'i zhal mthong ba dang/ mngon shes dang rdzu 'phrul
thob pa dang/ ting nge 'dzin ri rgyud tsam yod pas gar yang mi
phyin/ byams snying rje sgoms gsungs/ gzhan yang

mdo las byang chub kyi sems ni 'khor bsgyur gyi 'khor lo rin po
che dang/ skyes bu'i srog gi dbang po dang/ lag pa dang yang
'dra bar gsungs pa dang/ rgyud bla ma las/ theg mchog la mos sa
bon shes rab ni/ /sangs rgyas chos

bskyed ma dang/ zhes gsungs pa ltar/ dper na/ pha ni rigs kyi
thun mong ma yin pa'i rgyu dang/ ma ni thun mong ba'i rgyu yin
pa ltar/ byang chub kyi sems rin po chen ni sangs rgyas kyi rgyu
thun mong ma yin pa dang/ stong nyid rtogs pa'i shes

rab ni byang chub gsum ga'i thun mong ba'i rgyu yin pas shes rab
stong nyid ni theg pa che chung gang dang phrad kyang de'i byang
chub kyi rgyur 'gro/ des na byang chub kyi sems med pa'i phyag
rdzogs dang/ rim gnyis bsgom pa/ lha tshogs mang po'i

zhal mthong ba sogs las kyang byang chub kyi sems la go ba tsam
chags pa ma 'ongs pa na 'tshang rgya ba la myur bas de gal che ba
yin/ bstan pa 'di'i dam chos thams cad mkhyen cing grub pa'i jo
bo chen po'i gsung gi mthil la/ byams snying

rje byang chub kyi sems sgoms gsungs 'dug na/ lha bsgom sngags
bzlas tsam la mi re bar 'di la brtson par mdzad dgos/ de 'dra
ba'i chos kyi snying po 'di rgyud la skye ba'i don du dka' ba
spyad de/ 'di la brtson na'ang brtson rin chog

@300a @#/ /pa yin zhing bsgom na mi skye ba'ang min te 'dus byas
so na mi gnas pas nges par skye la/ de yang jo bo chen po ma
byon gong bod du sems bskyed mchod ba'i cho ga 'bogs nas/ cho
ga'i 'gor/

ma sems can thams cad kyi don du sangs rgyas thob par bya/ zhes
brjod pa tsam gyis byang sems kyi go chod pa byed mkhan byung
yang/ byang sems rgyud la skye bar byed pa la blo sbyangs dgos
pa las/ blo ma sbyangs par so thar gyi sdom pa 'bogs

pa ltar byas pas sems skye ba lta ci/ de tsam gyis byang chub
kyi sems ngo shes pa'ang dka' ste/ sngon jo bo chen pos bod pa
rnams la/ byams pa dang snying rje ngos 'dzin mi shes pa'i byang
chub sems dpa' bod kyis shes par 'dug ces

mi mnyes pa'i tshul gsungs/ 'o na gang dgos zhus pas/ rim can du
sbyangs pa yin mod gsungs/ des na rang res kyang snying rje chen
po la myong ba ma thon par byang chub kyi sems skye thabs med
pas blo rim gyis sbyangs pa dgos gsungs/

gnyis pa byang chub tu sems bskyed pa'i tshul la gnyis/ byang
chub tu sems sbyong ba'i rim pa dngos dang/ sems bskyed cho gas
gzung ba'i tshul lo/ /dang po la rgyu 'bras man ngag bdun gyi sgo
nas blo sbyang ba dang/ bdag gzhan

mnyam brje'i sgo nas blo sbyang ba gnyis las/ rgyu 'bras man
ngag bdun gyi sgo nas sems can thams cad yid 'ong gi rnam pa can
du sgrub pa ni slob dpon zla ba grags pa dang/ tsandra go mi zhi
'tsho sogs kyi luD yin la/ bdag gzhan

@300b mnyam brje'i sgo nas blo sbyang ba ni zhi ba lha'i lugs te
de ltar ston pa nas byams 'jam dbyangs sogs la brgyud pa'i gdams
pa gnyis yod pa gang gi sgo nas sbyang na'ang skye mod/ gdams pa
'di gnyis ka mnga' ba'i bla ma gser gling

pa'i man ngag jo bos lam sgron sogs su bkral zhing/ bka' gdams
rnying ma'i skabs rgyu 'bras bdun ma khyab gdal du mdzad kyang/
mnyam brje'i man ngag lkog chos bka' rgya'i tshul du gnang ba
mtha' dag rje rin po che la brgyud

de; rje bla mas gdams pa gnyis ka dang sbyar ba'i blo sbyong
tshul gsungs pa'i man ngag ltar 'dir yang de gnyis ka gcig tu
dril nas nyams su len pa dgos/ de yang byang chub kyi sems
sbyong ba'i skabs man ngag gnyis bsres nas

bsgom dgos kyang bshad pa'i skabs so so nas bshad dgos pas/ de
yang rgyu 'bras man ngag bdun gyi sgo nas blo sbyang ba la/ tshad
med btang snyoms/ mar shes/ drin dran/ drin gzo/ yid 'ong gi
byams pa/ snying rje/ lhag bsam/

byang chub kyi sems te brgyad las/ mar shes nas lhag bsam bar
drug ni rgyu dang/ sems bskyed ni 'bras bu yin/ 'di dag rgyu
'bras su 'gro lugs kyang/ sems can thams cad kyi don du sangs
rgyas thob par 'dod pa'i sems bskyed

kyi sngon du/ gzhan don khur du khyer ba'i lhag bsam 'gro dgos
la/ de yang/ sems can thams cad sdug bsngal gyis mnar ba la mi
bzod pa'i snying rje med na mi skye/ de skye ba la sems can
thams cad bu yid du 'ong ba ltar gces

@301a @#/ /la phangs pa'i rnam pa can du 'char ba'i yid 'ong gi
byams pa bskyed dgos/ de lta bu'i byams pa'ang/ da lta gnyen la
yid 'ong skye zhing/ dgra la mi skye bas/ sems can thams cad
gnyen

du blta ba sngon du 'gro dgos shing/ gnyen gyi mthar thug kyang
a ma nyid yin pa'i phyir/ sems can thams cad mar bsgrubs nas
drin dran pa dang/ drin gzo ba byung na gces la phangs pa'i
byams pa'ang 'byung ngo/ /des na rgyu

'bras zhes pa'ang phyi ma phyi ma skye ba la/ snga ma snga ma
sngon du 'gro ba zhig dgos/ 'di la blo sna thung ngus ? lam thag
ring mo zhig tu mi sems par rim gyis sbyangs na nges par skye
nus te/ spyir bka' gdams kyi man ngag zab cing/

lhag par 'jam mgon tsong kha pa chen po'i bstan pa 'di ni rje
btsun 'jam pa'i dbyangs kyi zhal chab dron mo ltar mdo sngags
gang la'ang cha tshang zhing dri ma dang bral la/ snga ma dag las
kyang ches cher zab tu song ba yin pas/

bdag gi skyabs mgon bla ma rin po ches/ bod snga rabs kyi bstan
pa rnams rje bla ma'i bstan pa gser sbyangs btso ma lta bu 'di
ltar 'byung rgyu'i gra sgrigs kyi tshul du byung ba yin gsung/
blo gzu bor gnas na/ stag tshang lo tsA bas/

mdo sngags mtha' dag khyad par rdo rje theg /rgyud sde mtha' dag
khyad par bla med don/ /rim gnyis mtha' dag khyad par sgyu lus
la/ /sngon med legs bshad gter chen khyod la bstod/ /ces dang/
rdzogs chen dpal dge'i gsung

@301b las; mdo sngags legs bshad 'byung gnas tsong kha pa/ /zhes
pa lta bu don la gnas pa'i bsngags brjod yin/ gzhan du na/ sangs
rgyas sbar bcang zer ba'i kha po che'i chos yod kyang des tshogs
lam chung ngu'ang sbar

bcangs su gtod dka'/ lam rim 'di la brten na sangs rgyas sbar
bcangs su 'byung/ de yang lam gyi go rim ltar ma sbyangs na mi
skye bas de'i phyir 'dir/ dang po mar shes nas sbyang ba yin/
'di la nan tan mi byed pa ni/

gang dag bde ba 'dod pas sdig pa sgrub na go log tu song ba
ltar/ 'dod pa sangs rgyas kyi go 'phang 'dod la/ sems 'di sbyong
ba la mi 'bad na lag len go ldog pa yin pas/ gsang sngags kyi
myur lam la brtson kyang/ gtsang du

'gro dgos pa'i mi zhig rta lta bur zhon nas song song ste mthar
gtsang du slebs so snyam tsa na gtsang du ma slebs par kong po
rong du slebs pa ltar 'gyur bas byang chub kyi sems sbyong thabs
la 'bad dgos/ mar shes skye ba la'ang dper

na; ri mo bri ba la gzhi zhal ba 'jam por khod ma snyoms na mi
'ong ba bzhin du sems can thams cad la sems ma snyoms na/ byams
snying rje sogs gang bsgom kyang/ phyogs ris can las mi skye
bas/ dang por btang snyoms tshad med

bskyed dgos so/ /rgyu 'bras man ngag bdun gyi sgo nas blo sbyang
ba 'di la/ bdag gzhan mnyam brje'i sgo nas blo sbyang ba mi
tshang la/ bdag gzhan mnyam brje'i sgo nas blo sbyang ba la man
ngag bdun ma tshur tshang nas yod/ rgyu 'bras bdun

@302a @#/ /gyi thog mar bsgom rgyu'i btang snyoms 'di tshad med
btang snyoms yin pas/ 'di la rang ngos nas sems can thams cad la
sems snyoms pa dgos/ de yang rang re'i rgyud la 'ga' zhig la

sdang; 'ga' zhig la chags nas mi snyoms par yod pa yin la/ de la
dmigs yul/ dang po bar ma la dmigs te blo sbyangs/ de nas gnyen
dang dgra sogs la rim gyis dmigs nas bsgom pa dang/ dgra gnyen
bar ma

gsum ka la mnyam du dmigs pa'i lugs gnyis las/ phyi ma nyid
khyab che bar snang bas/ mdun du dgra gnyen bar ma gsum bsgoms
nas de la dmigs pa na/ yid la chags pa dang sdang ba dang/ btang
snyoms kyis yal bar

'dor blo bcas mi 'dra ba gsum 'char 'ong bas/ de'i tshe rang res
da ltar dgrar bzung ba de la khong khro sogs skyes te mi dga'
ba'i don gang yin snyam brtag na des sngar rang la gnod pa byas
pa'i rgyu mtshan la bsams nas byung ba yin

yang; de ni sngar 'khor ba spyi'i sdug bsngal bsam pa'i skabs
bshad pa ltar nges pa med pa'i tshul bsgom ste/ dgra des sngar
tshe rabs mang por gnyen byas tshul bsams nas zhe sdang dgag /da
lta gnyen du bzung ste dga' lhang

lhang ba bya sa ? de'i rgyu mtshan brtag na khos da lta zas gos
sbyin pa sogs gnas skabs kyi rgyu mtshan phran bu zhig gis byung
ba red mod de/ des kyang sngar dgra byas pa la grangs kyis mi
chod snyam du chags pa dgag /da lta dgra gnyen gang

@302b yang min pa'i bar ma'i sems can zhes yal bar 'dor ba 'dis
kyang sngar dgra gnyen gnyis ka byas pa yin pas kun kyang dgra
byas pa dang/ gnyen byas pa 'dra na de thams cad dgra gnyen bar
gsum byed mnyam yan 'dug

pas su la chags shing su la sdang/ gnyen la chags don ma mchis
te/ des sngar dgra mang du byas pa dang/ dgra la'ang sdang don
med de des sngar gnyen yang mang du byas pa'i tshul rnams bsam/
der ma zad da lta re zhig mig

sngar mthong ba 'dir dgra gnyen du snang ba tsam las/ dus gtan
du dgrar nges pa dang/ gnyen du nges pa ni gcig kyang med pas
rang gzhan gnyis las rang gi ngos la ltos nas chags sdang byed
don med par mnyam par ma zad/

sems can kho rang tsho'i ngos nas kyang mnyam ste nyam thag par
mnyam pa dang/ bde ba 'dod cing sdug bsngal mi 'dod par mnyam
pas gzhan ngos la ltos nas kyang sems can thams cad la phyogs ri
sa ? bya sa ? med par mnyam pa yin/ de mi

'dra ste/ 'di dag gis tshe 'di la phan btags pa dang/ gnod pa
byas pa yin pas khyad yod snyam na/ de yang min te/ sngar phan
btags pa dang/ da lta phan btags pa gnyis kyang mtshungs la/
sngar gnod pa byas pa dang/ da res gnod

pa byed pa gnyis kyang mtshungs pa/ dper na na ning mgo la dbyug
pas bsnun pa dang/ da lor mgo la dbyug pas bsnun pa gnyis gnod
pa byed par mtshungs la/ na ning ja sbag gcig byin pa dang/ 'di
lor ja sbag gcig byin

@303a @#/ /pa'ang mtshungs pa bzhin dang/ dper na sprang po bcu
slong bar 'ongs pa la/ de dag kho rang tsho'i ngos nas bkres skom
gyis nyam thag par mnyam la/ slong bar yang mnyam zhing rang gi
ngos nas kyang

phan gnod med par mnyam pa bzhin no/ /de ltar bsams pas dgra
gnyen bar ma gsum la sems snyoms pa byung na sems can thams cad
la kha spos nas sems snyoms pa bsgrub/ de dag la sems snyoms pa
na dgra gnyen

ris su mi gcod pas dgra 'dul gnyen skyong gi 'jig rten pa'i
spyod tshul ngan pa yang gtan 'gog tu 'gro/ de lta min par sems
can thams cad ces pa'i gseb nas 'di dang 'di ma gtogs snyam du
'ga' zhig dmigs

kyis bsal te phyir dor mkhan gyi rigs la byang chub kyi sems
skye ba'i gnas med/ btang snyoms 'di gcig pu la'ang lo dang zla
bar sbrel te dka' las brgyag dgos kyi/ dmigs pa thun re tsam
gyis rdzogs pa'i byang chub kyi rtsa

ba tshugs pa'i re ba byed pas ni sa chod ci yang mi 'byung/ byang
chub sems sbyong gi skor 'di lta bu la dka' ba spyad de 'bad na/
don chung ba'i lha bsgom/ sngags bzlas/ sems ngo skyong ba sogs
la mi tshe bskyal ba dang mi 'dra

bar dka' las byas rin dang bsgom rin chog pa yod gsungs te slar
yang bskyar bshad mdzad// ! //nyin bcu bdun par/ rgyal sras chen
po zhi ba lha'i zhal nas/ gang la sems kyi dam pa rin chen de//

@303b skyes pa de yi sku la phyag 'tshal zhing/ /gang la gnod pa
byas kyang bde 'brel ba/ /bde ba'i 'byung gnas de la skyabs su
mchi/ /zhes gsungs pa ltar/ gang zhig rgyud la skyes pa de la/
skur ba 'debs pa sogs ngan pa'i 'brel ba

bzhag pa tshun kyang gtan gyi bde bar 'god par mdzad pa'i phan
yon can zhes sogs kyi byang chub kyi sems kyi phan yon 'ga' zhig
gsungs nas/ mdor na sems 'dis zin pa'i byas tshad chos dang/
de'ang sangs rgyas kyi rgyu theg

chen gyi chos su 'gro ba yin pa'i phyir/ sgrub pa nyams len byed
pa la/ lha bsgom sngags bzlas tsam las byed rgyu med pa bzhin mi
byed par/ sgrub pa nyams su blang bya'i gzhi ma byang chub lam
rim dang/ de'i nang nas kyang byang chub kyi

sems 'di la byed dgos kyi/ 'di med par mi tshe ri stong du bskyal
te gzhan ji 'dra zhig bsgom khul byas kyang/ sangs rgyas kyi go
'phang dang cung zad kyang nye ru mi 'gro bas/ 'di nyid thugs
dam gyi mthil du gnang dgos tshul dang/

de lta bu'i sems de bskyed pa la'ang/ sems sbyong gi man ngag la
ltos dgos tshul sogs/ kun slong 'chos lugs mdor bsdus shig stsal
nas/ sngon du ji ltar song ba'i sa bcad rnams gsungs rjes/ byang
chub kyi

sems kyi phan yon dang btang snyoms bsgom pa la bskyar bshad
mdzad/ de nas byang chub sems sbyong gi man ngag bdun gyi dang
po ni mar shes yin la/ 'di rgyud la skye shin tu dka' zhing/ ma
skyes na drin dran sogs rgyu 'bras

@304a @#/ /phyi ma rnams mi 'byung bas 'di la nan tan 'bad dgos/
de la rgyu dang po mar shes ni/ sems can thams cad gnyen gyi
mthar thug mar shes pa ste/ 'di rgyud la ma skyes na byang chub
sems kyi

skal ba chad pa yin/ gzhan zab mo stong pa nyid sogs ni rigs
pa'i sgo rnam grangs mang po nas bsam chog pas/ de tsam du rtogs
par mi dka' mod/ 'di la lung zhig gis bsam na'ang/ bsam pa'i
gting nas nges

shes rnyed pa zhig 'byung dka' la/ dbang rnon chos kyi rjes
'brang la rigs pas bsgrub dgos shing/ 'dir rnam 'grel gyi/ skye
ba yongs su len pa na/ /'byung rdub dbang po blo dag ni/ /rang
gi rigs la ltos med can/ /zhes

sogs kyi rigs pa gcig las med pas rtogs dka' la/ 'di la dang po
rig pa'i ya mtha' thug med du bsgrub dgos pas/ de ring gi sems
'di kha sang gi sems kyi rgyun yin zhing/ de'ang kha nyin gyi
rig rgyun yin pa nas

bzung/ ma'i mngal nas skyes ma thag pa'i sems de/ skye kha ma'i
rgyun yin zhing/ mngal du zhugs ma thag pa'i sems de zhugs kha
ma'i rig pa'i rgyun yin pa'i phyir/ 'khor ba la thog ma'i mtha'
med pas sems

kyi 'go brtsom pa 'di'o/ /zhes pa zhig gang du'ang mi rnyed pas
na rang gi skye ba la'ang thog ma'i mtha' med par grub la/ de
grub pas skye ba grangs kyis mi chod pa zhig yod par grub pas
skye ba la ya mtha' med/ des na tshe

@304b 'di'i a ma yod pa bzhin du tshe snga ma'i mngal skyes dang
sgong skyes gnyis kyi skabs a ma re dgos pas de 'dra'i skye ba
gcig len pa la a ma gcig dgos pa bzhin du/ skye ba brgya len pa
na ma brgya/ stong len pa na ma stong sogs ma

grangs med dgos pas sems can thams cad kyis ma ma byas pa'i
thabs med/ de la 'di ltar/ a ma mang du dgos mod/ sems can ni
mtha' yas pas de thams cad ni a ma cang min no zhe na/ spyir
rang gi skye ba mang bar ma zad

kyi; bye brag ri dwags sha ba dgo ba/ 'bu srin sogs re re nas
kyi lus blangs pa'ang grangs med cing/ de ltar sems can gyi rigs
grangs med pa re re'i 'ang lus grangs med pa blangs pa'i phyir/
sems can las kyang grangs

mang ba'i skye ba blangs la/ de'i tshe na a ma'ang grangs de
mtshungs dgos pas/ sems can thams cad kyis a ma byas pa tsam ma
zad lan grangs mang po re ma byas na mi 'dang ba yin no/ /'dir
bshes spring gi/ ma yi thug mtha'

rgya shug tshi gu tsam/ /zhes sogs kyi dngos bstan ma'i ma/ de'i
ma sogs la sbyar yang/ skabs 'dir bla ma'i gsung rgyun ltar kha
bsgyur nas/ sa chen po 'di rgya shug gi tshi gu tsam gyi ril bur
byas te rang gi tshe 'di'i ma/ skye

ba sngon ma'i ma/ de'i sngon ma'i ma zhes ri lu re bzhag kyang
rdzogs te/ ma'i grangs kyi brgya stong gi char yang mi 'gro bas/
sems can thams cad kyis ma ma byas na mi 'dang ba dang/ der ma
zad sems can thams cad 'tshang

@305a @#/ /rgya nges yin pas sems can la zad rgyu yod cing/ rang
nyid kyi 'khor ba'i ya mtha' med pas na sems can las rang gi
skye ba mang bas sems can kun gyis ma grangs med re ma byas na

mi 'dang bas sems can thams cad kyis rang gi ma byas shing/ re
res kyang mang du byas te/ sems can 'di'i lus ma blangs bya ba
med/ blangs pa la grangs kyis mi chod tshul bsam/ de'ang mi'i
skye ba blangs pa lta bur

mtshon na gling 'di'i sa phyogs 'dir ma skyes bya ba med/ skyes
pa la grangs kyis mi chod/ de bzhin du shar lho nub byang sogs
'jig rten re re la'ang grangs med pa re blangs pas/ sems can las
kyang mang ba'i phyir/ ma byas pa

ma zad mi'i rten la a ma ma byas pa'ang med pas sems can thams
cad a ma cis kyang yin snyam du bsam/ de ltar bsams kyang ma
skyes na rang la ma gtan nas med dam zer na skye ba 'di'i ma
mngon sum yod snyam

pa 'ong bas/ des skye ba 'di'i snga ma sogs kyi ma la sbyar te
spogs chog bya/ mar shes bsgom tshul 'di dag bde myur du mdor
bsdus tsam las med kyang/ bdag gis bla ma'i mdun du dka' ba
spyad pa'i lag rjes/

man ngag ltar gyi sa bcad 'di rgyas su btang ba yin pas rgyun du
nyams len mdzad mkhan dang/ bstan pa'i khur bzhes pa rnams nas
phyag len ma nyams pa byung na lam gyi rim pa'i rtogs pa'i skyed
thon pa la khyad che ba yod

@305b 'di bsgom pa na/ dang por tshe 'di'i a mas skye ba snga
ma'i ma mang du byas par bsgom/ de nas pha la bsgom/ de nas
gnyen gzhan dang/ de nas bar ma dang/ de dag la myong ba legs
par thon na/ dgra la dmigs nas ma byas

par bsams rjes sems can thams cad la dmigs te sbyong/ 'o na ma
yin na ngo shes dgos pa la/ de mi shes pas ma min no snyam na/
sangs rgyas kyis kyang/ ma ma byas pa'i sems can gcig kyang ma
gzigs pas/ rang

res ngo ma shes pa ma gtogs ma dngos gnas yin te/ tshe 'di'i ma
yang phyis khyi lta bur skyes nas yod kyang rang gis mi shes la/
tshe 'di'i ma dngos gnas pa yang ngo mi shes pa yod pa/ dge slong
ma utpa la'i ? mdog gi lo rgyus

dang; pha sha za zhing ma la 'tshog /ces pa'i lo rgyus ltar yin
pas ngo mi shes pa tsam ma min pa'i rgyu mtshan du mi 'gyur/ 'das
zin pas na ma min par mi 'gyur te/ de 'gyur na tshe stod kyi ma
yang tshe smad kyi ma min par 'gyur

zhing; kha sang gi ma yang de ring gi ma min par 'gyur te/ de
'das zin pas so/ /'di ni phra ba'i mi rtag pa ste/ thos pa ma
byas pas rtogs par dka' mod/ dper na/ gzan 'di lta bu yang na
ning gsar pa'i

skabs dri ma can min zhing/ bug rdol yang med pa la/ de'i rgyun
deng sang gi gzan 'di dri ma can/ bug ral can du 'dug pas/ de
gnyis tha dad pa lta bu yin/ de lta na'ang skye ba snga phyi'i
ma gnyis kyis a ma byas pa la khyad med du bsam

@306a @#/ /dgos te/ na ning srog bskyabs na de'i drin da lo
yang dran dgos pa bzhin no/ /de ltar yang yang sbyangs pas mar
shes rgyud la skyes pa'i tshad ni/ sems can grog sbur gcig
mthong ba na'ang

rang de'i bur gyur skabs rang gi skyid sdug tshang ma de la re
dgos byung ba sogs lhang lhang dran pa ste/ mar shes rgyud la
'khrungs pa jo bo rje lta bu dgos tshul bcas gsungs/ gnyis pa/
drin dran pa ni/ de ltar sems can rnams

a ma yin par mnyam na/ a ma byas skabs drin shin tu che bar
bsam dgos pas/ da lta tshe 'di'i ma 'di lta bur mtshon na/ thog
mtha' bar gsum du drin che ste/ thog mar zla dgu ngo bcu'i bar
lus la khur ba na/ bu

la gnod kyis dogs nas ma rang nyid kyis zas skom 'gro 'dug
thams cad gzab ste gces par bskyangs/ de'i tshe mas de ltar
bskyangs mkhas pa zhig ma byung phyin/ rang re da lta chos
dang mjal zhing/ dam pa'i chos la

slob tu yod pa 'di mi 'byung zhing/ 'di dag kyang rang nyid
rgod drags nas byung ba min gyi/ a ma de nyid kyi drin yin/
bar du skyes pa na'ang gang yang mi shes pa sha'i 'bu lta bu
de sor bcu'i rtse la blangs/ gter rnyed pa lta

bu'i dga' tshor byas te/ sha'i drod la bcar/ 'jam pa'i stan la
bzhag /brtse ba'i 'dzum gyis bsus/ snabs lag pas phyi chog pa
yang gnod dogs nas khas phyis/ mi gtsang ba shing la sogs pas
brad chog pa'ang

@306b gnod dogs nas lag pas phyis/ de'i skabs su rang nyi ma
gcig gam chu tshod gcig tsam ring yal bar dor na'ang/ yang na
khyis za ba'am yang na byas 'thog pa/ g.yang du lhung ba sogs
kyis 'chi bar 'gyur ba las 'os med pas nyi ma

re rer yang srog mgo brgya brgya bton/ bu la sdug bsngal byung
ba las rang la sdug bsngal byung ba zhe nas 'dam zhing/ tha na
gnyid kyi tshe 'ang bu la sems pa 'ba' zhig gis sngar rgyun ltar
gyi lhod bder nyal ma phod/ der ma zad rkang

pa 'dzug pa tshun chad dang/ gtam smra ba/ zas za stangs tshun
nas rim bzhin bslab pas/ da lta 'gro 'dug dang/ gtam smra ba
sogs la thogs pa med pa 'di byung/ mthar rang gi dngul kha
gang tsam la'ang sdig dang/ gtam

ngan; sdug bsngal khyad du bsad nas bsags pa'i nor rang gi sha
las gces par bzung nas longs spyad mi bra ba'ang byin te/ bu
bu mo la khyim 'bogs pa/ mna' mar brdzangs pa/ rab tu byung
ba'i sgor bcug pa sogs ma rang

la 'khos ka gang yod pa'i bka' drin gyis bskyangs/ mdor na
rang gis shes tshad dang nus tshad kyis phan bde gang yin 'bad
pas sgrub/ gnod pa dang sdug bsngal sel bar byed pa sogs kyi
drin tshad mtha' med/ de bzhin du pha

sogs sems can gzhan thams cad kyis kyang drin gyis bskyangs pa
'dra ba yin/ de ltar sems can thams cad kyis mi'i rten la rang
gi ma byas pa gcig pu 'ang grangs kyis mi chod/ de'i tshe yang
da lta'i ma bzhin drin gyis bskyangs/

@307a @#/ /de bzhin du 'gro ba gzhan gyi ma byas skabs kyang ri
dwags lta bur skyes pa'i tshe/ de'i mar byas te byams pa'i las
tha na'ang lces bldag pa tshun chad kyis byams par bskyangs/
bya lta bu'i ma

byas skabs kyang zla ba gcig tsam gshog pas rum/ mis dbyug pa
sogs kyis dgra byas pa na'ang/ rang nyid gshog pa yod pas
'phur nus mod kyang/ bu la gces nas srog kyang yal bar dor nas
srung/ phyis nas

'bu gcig las ma rnyed na'ang byin nas gso bar byed/ de ltar
yang thang re thang gnyis tsam min par gnas skabs thams cad du
drin gyis bskyangs pa la grangs kyis mi chod cing/ sngar mgo
log gi jag pa zhig gis rta zhig la

gri btab pa lto ba la thebs te/ rte 'u sar lhung ba na/ shi kha
ma'i ma des kyang rte 'u la lces bldag ste byams par byed pa
mthong nas/ jag pa des jag las gcod pa byung ba red/ de'i dus
kyi rte 'u de rang yin la/ rta de gzhan 'di

min pa'i nges pa ci yod/ de ltar tshe 'di'i mas rang la drin
gyis ji ltar bskyangs pa ltar/ sems can thams cad kyis kyang
drin gyis de bzhin du bskyangs par bsam/ gsum pa drin gzo ba
ni/ bslab btus las/ nyon

mongs kyis smyo gti mug ldongs/ /g.yang sa mang po'i lam du
ni/ /gom pa re re rdeg 'cha' ba/ /bdag dang gzhan rtag mya
ngan gzhi/ /'gro ba rnams ni sdug bsngal mtshungs/ /zhes gsungs
pa ltar/ dper na/ tshe 'di'i a ma

@307b mig long zhing long khrid dang bral nas/ sems myos te
g.yang sa zhig gi khar mchong bar nye ba na/ bu de der yod na
a ma des kyang bu de la mi re na su la re/ bu des kyang a ma
de mi bskyab na su la bskyab/ de bzhin du sems can

thams cad kyang chos dang chos ma yin pa'i blang dor lta ba'i
mig dang ni bral/ skad cig re re zhing 'dod pa dang lag len
phyin ci log tu byed pa'i nyes spyod kyis gom pa rdeg 'cha'/
'di byed dang 'di ma byed zer ba'i slob mkhan bshes

gnyen gyi long khrid dang ni bral/ nyon mongs dug gsum gyi
gdon gyis sems dkrugs nas shes pa la rang dbang ma thob pas
smyo nas/ bskal pa mang por me dang lus dbyer med du 'gyur
ba'i ngan song gi g.yang sa chen por mchongs nas

'gro ba 'di la/ da lan rang cag dge ba'i bshes gnyen dang
mjal/ theg pa chen po'i chos dang phrad/ blang dor yang cung
zad shes phyir de dag las rang ches cher bzang bas na/ de dag
de las skyob thabs kyi khur byed mkhan rang

la babs tshul bsam pa dang/ yang slob spring las/ nye du 'khor
ba'i rgya mtsho'i khongs su chud gyur pa/ /klong gi nang du
lhung ba lta bur snang bzhin du/ /skye shi 'phos pas ngo ma
shes pa de bor nas/ /gal te gcig thar byed na de las

khrel bor med/ /ces pa ltar ma sems can 'khor ba'i rgya mtsho'i
klong du chud pa rnams da res rang la 'don pa'i thabs yod
bzhin du ma bton na ma rabs tha chad yin pas de dag 'don pa'i
khur da res rang nyid la babs 'dug

@308a @#/ /snyam du drin gzo bsgom/ drin gzo ba de yang dbu ma
snying po las/ gzhan yang sngon chad nyon mongs pa'i/ /gdon
gyis brlams pa bdag gis ni/ /rmas la 'gyur byed 'debs pa
bzhin/ /

sdug bsngal nad pa gang sdug byas/ /skye ba gzhan du gang dag
gis/ /byams dang bsnyen bkur phan pa byas/ /de la lan du phan
gdags pa/ /mya ngan bzla las gzhan ci yod/ /ces pa ltar zas
dang gos sogs ster ba tsam

gyis ni/ gnas skabs kyi bkres skom las grol tsam las phugs su
phan pa zhig mi 'byung/ bde ba thams cad dang ldan pa dang/
sdug bsngal thams cad dang bral ba zhig byung na/ sems can de
dag la'ang phan pa brtan cing

che la/ de yang sangs rgyas kyi go 'phang la bkod na bde ba
thams cad dang ldan zhing/ sdug bsngal thams cad bral ba'i
gnas thob pa yin pas sems can thams cad sangs rgyas kyi go
'phang la 'god par bya'o snyam pa

dgos/ dper na/ rang gi a ma smyo nas gri khyer te bu rang
nyid gsod par rtsom na'ang a ma la mi khro bar smyo nad de
sel thabs la brtson dgos pa bzhin du dgra la'ang drin gzo bya
dgos gsungs/ bzhi pa yid 'ong gi

byams pa bsgom pa la/ de'i rnam pa ni sems can rnams snying du
sdug cing gces la phangs pa'i rnam par 'char ba zhig ste/ dge
bshes po to bas a ma rgan mo zhig la yid 'ong gi byams pa ni
khyod kyi bu thod le kor la ji ltar

@308b byams pa de ltar yin gsungs pa ltar sems can thams cad
bu yid du 'ong ba dang 'dra bar mthong ba la yid 'ong gi byams
pa zer/ 'di la dmigs pa logs su mi dgos par gong gi mar shes
drin dran drin gzo gsum la sngon du

myong ba thon yod na 'di rang shugs kyis 'byung bas/ sems can
thams cad kyi rgyud la zag med kyi bde ba lta ga la yod de zag
bcas kyi bde ba tsam yang mi 'dug /da lta kho rang tshos bde
bar rlom pa de yang sdug bsngal gyi rang

bzhin las ma 'das pas/ da ni sems can thams cad bde ba thams
cad dang ldan na ci ma rung/ ldan par gyur cig /de lta bu dang
ldan pa zhig bdag gis bya'o snyam du bsam/ de ltar byams pa
bsgoms pa'i phan yon

ni; rin phreng las/ rdzi 'u tshos sum brgya'i kha zas dag /nyin
re dus gsum sbyin pas kyang/ /byams pa yud tsam thang gcig gi/
/bsod nams dag la char mi phod/ /lha mi byams par 'gyur ba
dang/ /de dag kyang ni srung ba

dang; ;yid bde ba dang bde mang dang/ /dug dang mtshon gyis
gnod med dang/ /'bad pa med par don 'thob dang/ /tshangs pa'i
'jig rten skye 'gyur te/ /gal te grol bar ma gyur kyang/
/byams chos yon tan brgyad 'thob

bo; ;zhes gsungs pa ltar/ byams chos yon tan brgyad 'thob pa
sogs phan yon shin tu che'o/ /byams pa bsgom pa 'di'i dmigs
yul du ci tsam khyab pas/ de tsam la dbang ba'i 'khor bsgyur
dang tshangs par skye bar 'gyur/

@309a @#/ /'di la tshangs pa'i gnas zhes bya ba'ang de'i phyir
yin la/ nam mkha'i mtha' khyab kyi sems can thams cad la dmigs
pas ni/ tshangs pa chen po mi gnas pa'i myang 'das 'thob par
'gyur ro/ /

lnga pa snying rje chen po ni/ sangs rgyas kyi thun mong min
pa'i nye rgyu grung po zhig yin la/ rje rin po ches kyang/ lam
rim chen po'i nang byang chub sems sbyong gi rim pa'i sa bcad
mdzad pa na/ snying rje chen po theg chen gyi lam gyi rtsa bar

bstan pa dang/ rgyu 'bras gzhan rnams de'i rgyu 'bras su 'gro
tshul zhes dmigs kyis bsal te gsungs la/ mdo las kyang/ 'khor
bsgyur gyi 'khor lo dang/ mi'i srog gi dbang po ltar theg chen
gyi lam 'bras bu dang bcas pa

thams cad kyang 'di la rag las par gsungs shing/ dpal ldan zla
bas kyang 'jug pa brtsams pa'i thog mar/ gang phyir brtse nyid
rgyal ba'i lo tog phun tshogs 'di'i/ /sa bon dang ni spel la
chu 'dra yun ring du/ /longs spyod

gnas la smin pa lta bur 'dod gyur pa/ /de phyir bdag gis thog
mar snying rjer bstod par bgyi/ /zhes gsungs pa bzhin/ thog
mar theg chen du nges par byed pa dang/ byang chub tu sems
bskyed pa'i rtsa bar gyur pas sa bon ltar

gal che ba/ bar du rgyal sras kyi spyod par mi zhum pa'i go
cha'i brtson 'grus skyed pas chu lud ltar gal che ba/ tha mar
sangs rgyas thob nas kyang gzhan don 'phrin las rgyun mi 'chad
par byed pas 'bras bu la longs spyod pa ltar

@309b gal che ba'o/ /byang chub kyi sems shugs drag lod kyang
'di'i rjes su 'gro zhing/ byang sems rnams kyang sa lam bgrod
tshul myur bul sna tshogs 'byung ba'i rtsa ba snying rje shugs
che chung las byung/ byang chub sems dpa' sngags la zhugs

nas myur lam 'tshol zhing/ bgrod pa shin tu myur ba yang snying
rje'i stobs te/ bu me dong du lhung na de'i pha mas myur du
'don la/ nye 'brel gyis de ma thag 'don mi nus pa lta bu'i
snying rje'i shugs drag zhan gyis byung ba yin/ snying rje

'di bsgom pa na thog mar bshan pas gsod bzhin pa'i lug lta bu
la dmigs nas bsgom na skye sla ste/ 'di ltar gnam sa mgo mjug
ldog pa ltar gan rkyal du bsgyel/ yan lag ni tha gus gcings/
shed rgyags kyang mi thub/

srog la bab par ni mngon sum du shes/ bros pas ni mi thar/
mgon dang skyabs med par mig mchi ma tsa rer bshan pa'i gdong
du rig rig tu blta bzhin 'jigs skrag dang sdug bsngal mi bzad
pa'i ngang nas gsod lugs ngan

pa sna tshogs zhig gis 'chi lugs la bsam dgos/ rang res de ltar
gsod par mthong ba na/ lug des cang bsam e shes na snyam
yang/ sngon bshan pa zhig gis lug mang po gsod skabs/ snga ma
'ga' bsad zin nas/

gcig gsod rgyur thag pas bsdams pa'i bar der/ bshan pa'i gri
de lug gcig gi nye 'gram na yod pa/ lug des gri de la lag pas
sa bkab ste sba ba'i tshul byas pa'i rabs ltar 'jigs skrag dang
sdug bsngal bzod dka'

@310a @#/ /ba yod/ de ltar ci drag la thug pa de bzhin du da
lta gsod sar ma slebs par/ ri la rtswa khar 'grim pa'i lug de
dag kyang/ snga phyi'i khyad tsam las de dang khyad par med pa
zhig 'ong/ de dag

tshe rabs snga ma'i rang gi ma byas tshul bsams nas snying rje
bsgom/ de la myong ba skyes pa na/ sngar rang steng du bsgoms
pa'i ngan song gi sdug bsngal rnams bsams te/ sems can gzhan
rnams kyang de ltar sdug bsngal myong dang myong

bzhin pa rnams bsgoms nas/ a ma de dag 'ga' zhig ni dmyal bar
lcags sreg tu bsreg /khro chur 'tshod/ 'ga' zhig ni yi dwags su
skyes nas bkres skom gyis gdung ba sogs bsams nas snying rje
bskyed/ de la snying rje skyes

pa na; dper na/ ri la yod pa'i lug dang gsod bzhin pa'i lug
gnyis gsod pa snga phyi tsam las khyad med pa bzhin/ da lta mi
yul na sdig pa byed par pho skyen mdog kha ba rnams kyang ngan
song du ltung bar nges pas da lta lhung zin

pa rnams dang khyad med tshul bsam/ de nas tshe 'di'i a mas
kyang sdug bsngal gyi rgyu la longs spyod pa la snying rje
bsgom/ de nas gnyen 'brel sogs gzhan rnams kyis kyang tshe
'di'i so tshis sdig ltung kho na la brtson zhing/ da lta

mtho ris kyi gnas skabs na'ang sdug bsngal gsum gyis mnar
bzhin du/ da dung de las ches che ba'i ngan 'gro'i sdug bsngal
myong 'gyur gyi rgyu la brtson pa dang/ der ma zad/ sems can
thams cad kyang sdug bsngal dang

@310b sdug bsngal gyi rgyu la spyad spyad pa yin pas a ma
drin can 'di dag sdug bsngal dang sdug bsngal gyi rgyu dang
bral na ci ma rung/ de ltar bdag gis bya'o/ /zhes snying rje
chen po bskyed cing/ skye dka' ba rnams la dmigs su bkar te

bsgom/ tshangs pa sogs la skye dka' na skyes bu 'bring gi skabs
ltar bsams pas skye ba 'ong/ snying rje chen po rgyud la skyes
pa'i tshad ni/ sems can thams cad sdug bsngal dang bral 'dod a
mas bu gces pa nad drag po lta bu'i

sdug bsngal can zhig la sems pa bzhin bza' btung gi tshe tshun
chad du byung na skyes pa yin zhing/ de yang sdug bsngal las
bral 'dod tsam gyi snying rje ni/ nyan rang dang thun mong
ba'i snying rje yin la/ sdug bsngal las skyob 'dod kyi

snying rje ni theg chen thun mong ma yin pa'i yin pas phyi ma
'di bskyed par byed/ des na/ 'di dag skye dka' yang skye thabs
la brtson pa chen po bskyed de 'bad dgos/ sngar rang nyid na
myong ba'i nad drag po de 'dra zhig mi gzhan na ba

mthong na rang nyid kyi myong ba rgyu mtshan du byas nas snying
rje skye ba bzhin/ skyes bu chung 'bring gi skabs su 'khor ba
dang ngan song gi sdug bsngal rang steng du legs par bsgoms pa
rnams la skye sla/ sems can la gces shing phangs pa'i

yid 'ong gi byams pa dang/ bde ba dang ldan 'dod kyi byams pa
gnyis byams par mtshungs kyang spyi bye brag lta bu'i khyad par
cung zad yod/ yid 'ong gi byams pa ni mar shes drin dran drin
gzo gsum gyis drangs shing/ des 

@311a @#/ /snying rje chen po skyed par byed pas snying rje chen
po'i sngon du nges par 'gro dgos/ bde ba dang phrad 'dod kyi
byams pa dang snying rje la rgyu 'bras go rim gyi nges pa med/
lam rim chen mor drin gzo'i

mjug thogs der bde ba dang phrad 'dod kyi byams pa bsgom tshul
gsungs pa ltar 'ga' zhig la de ltar snying rje'i sngon du bsgom
na'ang rung mod/ skyong tshul man ngag lugs ltar byed na bde ba
dang phrad 'dod kyi byams pa snying rje'i

rjes su bsgom/ de nas lhag bsam la 'jug pa yin pas de ltar na
bde ba dang ldan 'dod kyi byams pa gtso bor mtshams 'dir bsgom
zhing/ lam rim chen mo'i sa bcad ltar/ snying rje'i sngon du'ang
yid 'ong

gi byams pa dang sbrags nas cung zad bsam dgos gsungs/ drug pa
lhag bsam ni/ ma'i khur bu la babs pa bzhin/ sems can thams cad
kyi sdug bsngal sel ba dang/ bde ba thams cad sgrub pa'i khur
rang gis

khyer nas sangs rgyas kyi sa la bdag rang gis 'god ces thag bcad
pa ni/ nyan rang las lhag pa'i bsam pa ste/ dper na/ mi zhig
g.yang du lhung ba mthong ba ma bzod nas de 'don mkhan byung na
ci ma rung snyam pa lta bu ni

byams pa snying rje gnyis dang mtshungs shing/ de ltar ma bzhag
par rang gis 'don rgyur blo thag bcad pa ni lhag bsam dang 'dra
bas/ spyir byams pa dang snying rje tsam nyan rang la yod kyang/
lhag bsam de 'dra nyan rang la

@311b med; lhag bsam 'di dang drin gzo'i skabs kyi khur khyer
lugs ni/ dper na tshong pas nor rdzas nyo bar brtsom pa dang/
tshong thag bcad pa bzhin gyi blo thag bcad pa dang/ ma bcad pa'i
khyad par yin zhes bla ma rin po che gsung gsungs/

bdun pa sems bskyed ni/ de ltar khur du khyer ba na/ rang la de
'dra'i nus pa e yod brtag na/ rang la ni sems can gcig gi don
byed pa'i nus pa'ang med/ 'on kyang don byed par nus mkhan zhig
btsal nas/ de'i go 'phang thob par e

nus blta dgos pas/ re zhig 'jig rten 'dir che ba tshangs pa dang
brgya byin sogs kyis ni/ sems can gyi don cha tsam yang mi nus
shing/ nyan rang dgra bcom pa yang 'ching ba thams cad ma spangs
pas/ sems can gyi don yang de lta

bu zhig las mi nus/ byang sems sa dang po ba lta bur sems can
gyi don mdzad pa shin tu rgya che yang des skye ba gcig thogs
kyi byang sems kyis sems can gyi don mdzad pa'i cha tsam mi
bsgrun la/ des kyang byang sems srid pa tha ma pa byang chub

shing drung gi gnas skabs kyi nyin gcig gi sems can gyi don gyi
cha shas tsam yang mi bsgrun no/ /byang chub kyi shing drung gi
sems dpa'i sems can gyi don 'byung ba des ni/ sangs rgyas kyi
dper yang mi bzod pa nam mkha' dang lag

mthil tsam gyi khyad yod pas des na sems can gyi khams dang bsam
pa/ rgyud tshod dang mthun par gzhan don 'bad med lhun grub tu
'byung ba 'gran zla med pa ni/ sangs rgyas nyid yin zhing/ de'i
go 'phang thob na yon tan 'di dang 'di

@312a @#/ /zhes sngar skyabs 'gro'i skabs kyi yon tan rnams 'dir
sbyar nas/ gzhan don byed pa la rnam mkhyen thob pa med mi rung
du nges pa bskyed de/ gzhan don du rdzogs byang don gnyer gyi
blo bskyed/

'di dag nas btang snyoms/ mar shes/ drin dran/ drin gzo rnams ni
gzhan don don gnyer gyi blo skye ba'i gzhi sgrub pa yin la/
byams pa/ snying rje/ lhag bsam gsum ni/ gzhan don don gnyer gyi
blo bskyed pa dngos yin

pas; de nas rdzogs byang thob 'dod skyes pa na/ sems bskyed pa
ni gzhan don phyir/ /yang dag rdzogs pa'i byang chub 'dod/ /ces
gsungs pa ltar mtshan nyid yongs su rdzogs pa'i sems bskyed la ni
gzhan don la dgos

par mthong ba tsam gyis drangs pa'i sangs rgyas thob 'dod tsam
gyis mi chog par rang nyid spangs rtogs phun sum tshogs pa'i don
la yang sangs rgyas kyi go 'phang ma thob ka med du mthong nas
de thob 'dod dang/ de yang rang kho na'i don

min par sngar byams pa snying rje lhag bsam rnams kyi skabs
gzhan don don gnyer gyi blo ji ltar bskyed pa ltar gzhan don du
yang rdzogs byang thob 'dod kyi bsam pa zhig bskyed dgos/ de
ltar bsgoms kyang 'thob e thub snyam na/ de nges

par 'thob nus te byang chub kyi sems 'di bskyed pa'i dus da res
las lhag pa med de/ rten ni sangs rgyas kyi go 'phang lus rten
'di la sgrub pas chog pa'i rten thob/ chos ni sangs rgyas kyi
bstan pa/ de'i nang nas theg pa chen po'i chos

@312b dang; lhag par tshe gcig la 'tshang rgya bar nus pa'i gsang
sngags kyi bstan pa dang mjal/ 'di grub mtha' ris med la yod
pa'i khyad chos yin/ rje tsong kha pa chen po'i snyan brgyud kyi
bstan pa 'di la mi lo bcu gnyis tsam la 'tshang

rgya bar nus shing/ de las kyang ches myur ba lo gsum phyogs
gsum tsam la'ang zung 'jug gi go 'phang thob pa mang po byung ba
sngar rgyal ba yab sras sogs dam pa gong ma du ma'i rnam thar
ltar yin/ nga tshos deng sang snyigs dus

red zer yang rang la da res las dus bzang ba sngon chad rnyed ma
myong ba'i tshod yin la/ rje mid la dang dben sa bas thob pa'i
lus kyang rang gi lus rten 'di las lhag pa med pas/ gru gu zha
bos rkyang la zhon pa ltar da res 'bad

dgos/ rang res lam rim bsgom pa la shi ba las mtsher ba tsam
byed/ de bas dpe klog pa dang slob gnyer kha ton lta bus mi tshe
bskyel ba la dga' ba ni gnad ma shes pa yin/ phyis nas rten 'di
lta bu e rnyed mi shes/ rnyed kyang

bstan pa dang/ yang sgos tshang la ma nor ba'i rgyal ba gnyis
pa'i bstan pa 'di lta bu dang mjal ba shin tu dka' la/ de'i
phyir rten 'di dang ma bral ring de la rdzogs byang gi rgyu
byang chub kyi sems 'di e skye zhig blta dgos/ 'di

gcig skyes na des rang gzhan gnyis kyi don 'byung ste/ sngar yul
khams gcig la mu ge byung ste mi tshang zhig gi pha bu thams cad
shi bar nye ba na/ nyin gcig sha gzug cig byung ba dang/ pha des
bsam par/ de nyid thams cad la

@313a @#/ /bgos te zos kyang/ nyung ngu re las mi thob pas bkres
pa mi sel zhing yud tsam las mi brtan par shes nas/ de bas 'di
tshang ma rang gis zos nas zas tshol bar 'gro nus pa'i stobs
bskyed

la; de nas khong tsho gso snyam nas sha thams cad pha des zos te
zas tshol bar phyin nas thams cad gsos pa bzhin no/ /des na gsang
sngags nyams su len pa dang/ ma Ni phreng skor gcig bgrang ba
tshun dang/ grwa rkyang lta bus

tshogs chos grwa thengs gcig 'grim pa tshun kyang sems 'dis zin
pa'i sgo nas byed/ sems can gyi don du sangs rgyas thob 'dod kyi
rtsol bcas kyi myong ba thon na bu ram gyi shun pa lta bu'i
byang chub kyi sems skyes pa yin/ de tsam du

ma zad/ sems can mthong tsam nas de'i don du rdzogs byang thob
'dod kyi sems la rtsol med kyi myong ba nam thon pa na byang
chub kyi sems dngos gnas pa rgyud la skyes pa yin pas/ des theg
pa chen po'i tshogs lam du zhugs

shing; bskal chen grangs med gsum du tshogs gsog pa'i 'go rtsom
pa yin/ de lta bu'i myong ba thon na byang chub sems dpa' dang
rgyal ba'i sras zhes bya ba'i ming thob pa sogs yon tan mtha'
yas pa 'byung/ de'i thog sngags

lam gyi snon ma btab nas nyams su blangs na 'tshang rgya ba la
myur nges shes pa 'ong/ sems bskyed la ngo bo'i sgo nas smon
'jug gnyis dang/ sa mtshams kyi sgo nas mos spyod sogs bzhi dang/
sems bskyed tshul gyi sgo

@313b nas rgyal po lta bu sogs gsum dang/ gzhan yang sems bskyed
nyer gnyis sogs kyi rnam gzhag kyang shes pa gal che gsungs/ des
rgyu 'bras man ngag bdun gyi sgo nas sems bskyed pa song nas/ da
ni rgyal sras chen po zhi ba lha'i lugs

kyi bdag gzhan mnyam brje'i sgo nas blo sbyang ba 'chad pa la/
de yang rgyu 'bras bdun ma'i sgo nas sngar bshad pa ltar sbyangs
pas kyang byang sems skye mod/ 'on kyang blo de shugs drag pa'i
phyir bdag gzhan mnyam brje'i sgo nas blo sbyang

ba la/ phyi ma 'di sngar bka' dam par mdzad cing/ 'di dang gtong
len gnyis zur du bkol ba la/ blo sbyong zhes grags bdag gzhan
brje'i chos 'di/ spyod 'jug las/ gang zhig bdag dang gzhan rnams
ni/ /myur du bskyab par

'dod pa des/ /bdag dang gzhan du brje bya ba/ /gsang ba'i dam pa
spyad par bya/ /zhes gsungs pa ltar snod min gyi blor mi chud
pas/ jo bo chen po nas/ mchad kha ba'i bar lkog chos su mdzad
nas bka' rgya mar gnang/ blo

sbyong gi skor la/ rma bya dug 'joms sogs mang yang blo sbyong
gi lam gyi lus yongs su rdzogs pa ni/ don bdun mar grags pa 'di
nyid yin pas 'di bstan nas nyams su blang na snga ma bas kyang
phan tshabs che ba'i phyir da lam

'dir don bdun ma'i rtsa ba'i yig rnying gi steng nas khrid 'bul
ba yin/ 'di la bshad lugs mi 'dra ba mang yang da res 'dir dngul
chu yab sras kyi khrid rgyun ltar byed pa yin pas/ dang por
mdzad pa po'i che ba ston pa thub ba'i dbang

@314a @#/ /po nas brgyud de jo bo chen po'i bar dang/ des 'brom
rin po cher bka' rgya dang bcas gnang/ des slob ma rnams la lam
rim tshogs chos dang/ 'di gsang ba'i sgo nas po to ba sogs la
gnang

zhing; po to bas glang shar gnyis la gnang/ sha ra bas khong gi
slob ma byang chub sems kyi bka' bab pa dge bshes mchad kha ba
la gnang zhing/ mchad kha ba'i sku dus nas tshogs chos su byung
ba yin la/ dge bshes mchad

kha ba ni rnying ma'i sngags 'chang chen po zhig gi gdung rgyud
du 'khrungs/ rig gnas lnga sogs la shin tu mkhas kyang ma tshim
par/ khe dang rgyal kha gzhan la btang/ /gyong dang bub kha rang
gis len/ /zhes sogs glang thang pa'i blo sbyong

tshigs brgyad ma gzigs pa'i don rtsad bcad par byon pa na/ glang
thang pa gshegs zin shul sha ra ba dang mjal nas/ blo sbyong gi
gdams ngag zhus te bsgoms pas byang chub kyi sems thugs rgyud la
'khrungs/ mdze nad can

mang por yang gdams pa 'di gnang nas bsgoms pas nad las grol bas
mdze chos su grags pa'ang byung/ phyis gsang chos su byas na
shin tu phangs par dgongs nas tshogs bshad du gnang ste/ de nyid
yi ger bkod pa don

tshan bdun du bcad pa'i blo sbyong don bdun ma 'di mdzad/ man
ngag bdud rtsi'i snying po zhes pa ni/ 'chi ba med pa sangs
rgyas kyi go 'phang thob byed kyi gdams pa'i mthar thug blo
sbyong la byed/ chos kyi che ba/ rdo rje pha lam

@314b dang 'dra tshul sngar phan yon gyi skabs zhus pa ltar dang
nyi ma'i 'od kyi cha shas tsam gyis kyang mun pa sel nus pa
bzhin gces 'dzin gyi mun pa sel ba dang/ sman gyi ljon shing
cung zad tsam gyis kyang nad sel nus pa ltar gces

'dzin gyi nad sel ba dang/ snyigs ma lnga bdor chos lam du mi
'gro ba'i skabs blo sbyong gis grogs byas nas rkyen ngan gyis mi
'khrugs pa sogs kyi che ba du ma dang ldan/ 'di'i thog mar thugs
rje chen po la phyag 'tshal lo/ /

zhes pa ni 'phags pa spyan ras gzigs la phyag 'tshal ba min gyi/
slob dpon zla ba grags pas/ dbu ma 'jug pa'i dbur snying rje la
mchod brjod mdzad pa bzhin 'dir yang snying rje chen po la mchod
par brjod pa'o/ /de nas blo

sbyong dngos gzhi la don tshan bdun las/ dang po sngon 'gro rten
gyi chos bstan pa zhes pa skyes bu chung 'bring gi lam la blo
sbyangs pa de yin la/ de ni lam rim las bshad pa dang khyad med
pas gsar du bshad mi dgos so/ /gnyis

pa byang chub kyi sems gnyis sbyang ba la/ don dam sems bskyed
dang/ kun rdzob sems bskyed gnyis las/ theg chen gyi rigs can
dbang rnon dag gi dbang du byas nas/ snga rabs kyi khrid yig
rnams su dang por don dam sems

bskyed kyi sgo nas blo sbyang ba 'dir gsungs kyang/ sngon du
thabs kyi cha ma bstan par don dam sems bskyed kyi blo sbyong
tshul bshad na grub chen glang po'i ko ba pa'i lo rgyus ltar 'gro
ba yang srid pas/ 'dir tshe gling yongs 'dzin gyi

@315a @#/ /phyag srol ltar don dam sems bskyed kyi blo sbyong ba
sngon du mi 'chad par shes rab kyi phar phyin 'og tu 'byung bas
don dam sems bskyed de dang sbrags nas 'og tu 'chad gsungs/
gnyis pa

kun rdzob byang chub kyi sems la blo sbyong ba la/ 'di'i man
ngag gi khungs ni mdza' bo'i bu mo'i gtam rgyud ltar dang/ sogs
khongs su yod pa ston pa thugs rje can sngon slob pa lam gyi
gnas skabs su dmyal ba'i shing rta 'dren

pa'i gyad du 'khrungs skabs thugs bskyed pa sogs yin/ de la lnga
las/ dang po bdag gzhan mnyam par bsgom pa ni/ thog mar sngar
gong du bshad pa'i btang snyoms nas yid 'ong gi byams pa la ma
thug bar gong du bshad

pa ltar sngon du btang/ de nas bla mchod las/ sdug bsngal phra
mo tsam yang mi 'dod cing/ /sogs ltar bsam dgos pas da lta rang
res bdag zer ba na/ shin tu gces shing phangs la gzhan de ltar
du mi blta ba ni/ bdag

gzhan ma mnyam pa yin 'dug kyang/ bdag gzhan gnyis la khyad par
chen po de tsam mi rigs te/ bde ba 'dod cing sdug bsngal mi 'dod
pa rang dang gzhan gnyis ka mtshungs pas so snyam du bsam dgos/
dang po 'di la de

tsam las gzhan rigs pa'i rnam grangs mang po med/ blo sbyong gi
skabs 'dir mar shes drin dran drin gzo gsum dang/ mjug gi lhag
bsam dang/ byang sems la sngar rgyu 'bras bdun gyi skabs dang
khyad med kyang/ yid 'ong

@315b gi byams pa dang snying rje gnyis la stobs che chung gi
khyad par yod/ de gnyis la khyad 'don tshul yang/ drin dran gyi
skabs su/ snga ma la a ma byas pa'i skabs kyi drin dran tshul
las med la/ 'dir ni a ma ma byas pa'i gnas skabs

su'ang drin dran tshul yod/ bdag gzhan brje ba la de'i sngon du
'gal rkyen bdag gces 'dzin gyi skyon dang/ mthun rkyen gzhan
gces 'dzin gyi yon tan bsam dgos pas/ gnyis pa bdag gces 'dzin
gyi skyon sgo du ma nas bsam

pa ni/ bla mchod las/ rang nyid gces par 'dzin pa'i gcong nad
'di/ /mi 'dod sdug bsngal bskyed pa'i rgyur mthong nas/ /sogs
dang/ spyod 'jug las/ 'jig rten sdug bsngal ji snyed pa/ /de kun
bdag bde 'dod las

byung; ;zhes dang/ 'jig rten dag na 'tshe ba gang yod dang/
/'jigs dang sdug bsngal ji snyed yod gyur pa/ /de kun bdag tu
'dzin pa las byung na/ /'dre chen des ko bdag la ci zhig bya/
/zhes dang/ 'di'i rtsa tshig las kyang/ le lan

thams cad gcig la bda'/ /zhes pa ltar rang la mi 'dod pa gang
byung ba thams cad rang gces 'dzin las byung ba yin te/ mtshon
dang/ dug dang/ lha klu sogs mi ma yin gyi gnod pa dang/ dmyal
ba yi dwags dud 'gro sogs su skye

ba'ang rang bde thabs kyi khe zhig thob pa'i re ba byas nas
gzhan gyi srog bcad pa dang/ ser sna byas pa dang/ gzhan khyad
du bsad pa sogs kyi skyon yin/ de bzhin du da lta rlung mkhris
bad kan sogs na tsha/ dgra'i 'jigs pa dang/ gyod

@316a @#/ /kha mchu/ dpon po'i khrims kyi 'jigs pa sogs thams cad
rang gces par bzung nas zas kyi tshod ma zin pa sogs dang/ lto
gos gtam gsum blos ma thongs pa dang/ nad ma theg pa'i

skyon kho na yin zhing/ mtho sa nas 'jig rten gyi rgyal blon
dang rgyal khag phan tshun 'thab pa nas bzung ste/ dma' sa nas
'bangs mi khyim sogs mi mthun pa dang/ grwa rkyang phan tshun
'thab pa tshun rang gces par bzung ba'i

skyon te/ gces 'dzin ma byas par/ nga la khyad par med khyod
gang dga' gyis zer ba zhig byung na/ snga ma'i skyon de dag
thams cad mi 'byung/ rkun ma/ jag pa/ tha na byi bas rtsam khug
la bu ga phug nas mi bde ba

byung ba tshun kyang rang gces 'dzin gyis byas/ dug gis shi ba
dang/ zas ma 'phrod nas shi ba'ang rang gces par bzung nas zas
mi za dgu za mang po zhig zos pa las byung phyir dug gis bsad pa
min gyi/ rang gces

'dzin gyis bsad pa yin/ da res phar gang yang ma byas par rkun
khag byung ba lta bu yang rang gces 'dzin gyis gzhan la gnod pa
bskyal ba'i 'bras bu yin/ der ma zad/ mtho ris dang thar pa'i
srog gcod pa'i bshan

pa lta bu/ dug gsum gyi rkyal pa khur nas dge ba'i lo tog brku
ba'i chom rkun lta bu/ ma rig pa'i zhing sa la las ngan pa'i sa
bon btab nas 'khor ba'i lo tog 'grub par byed pa'i so nam mkhan
lta bu/ mda' mdung gri kha

@316b 'thab pa'i dkyil tshun nas khe zhig thob tu re ba'i brnab
sems mkhan/ gyong 'dug na bla ma mkhan po pha ma tshun gyi thog
tu'ang g.yug phod pa'i khrel med gzhung ngan po/ thog med nas
legs pa'i yon tan gang gi'ang don ma grub pa'i sgren

mo lag stong can/ re dogs med pa la re dogs byed mkhan/ mtho
mnyam dman gsum la phrag dog  'gran sems/ khyad gsod byed cing/
bstod na dregs shing smad na khro ba/ 'jig rten gyi mi legs pa
thams cad 'gugs

mkhan/ mi dge thams cad kyi 'byung khungs/ thog med nas rang
nyid sdug bsngal la sbyor mkhan phung byed 'ug pa'i mgo can dang
'dra ba'ang rang gces 'dzin yin pas/ gtad rang gi snying dbus su
yod pa la/ bskul dang gtor

ma brgyag na 'di thog tu brgyag dgos pa las/ nged tshos gtor
brgyag gi skabs dgra a ma zhig yin zer nas ma rgan sems can gyi
steng du gtor rgyag byed pa go nor ba red/ gces 'dzin la ltas
ngan bye'u mgo sngon dang/ blo sbyong la 'gong

po 'gong rdzong gi chos zhes gsungs pa'ang de'i gnad kyis yin/
sngar gcod pa zhig gis btsan gyi gnas sa 'phrogs te bsdad pa'i
'phrul gyis/ nyin gcig gcod pa'i sbyin bdag gnyis 'thab rtsod
byung ba na/ gcod pa des

sbyin bdag gnyis la bar 'dum byed par song bas sbyin bdag gcig
gis mtshon 'phangs pa gcod pa la thebs te bsad tshul bdag gi bla
ma rin po ches gsungs/ de lta bu'i grir shi ba sogs kyi rtsa
ba'am lan rtsa yang rang gces

@317a @#/ /'dzin 'di kho na la thug cing/ spyod 'jug las kyang/
yid khyod rang don byed 'dod pas/ /bskal pa grangs med 'das gyur
kyang/ /ngal ba chen po de lta bus/ /khyod kyis sdug bsngal 'ba'

zhig sgrub/ /ces gsungs pa bzhin rang re 'khor ba thog med nas
sdug tu 'jug mkhan ni rang gces 'dzin 'di nyid yin/ bdag gces
'dzin dang bdag 'dzin gnyis so so yin yang blo sbyong las gcig
lta bur gsungs

pa de gnyis phyogs mthun pas yin/ mdor na de gnyis ni nyes pa
kun gyi rtsa ba lta bu ste/ gcig gis nga nga snyam du nga bden
grub tu bzung zhing/ gcig gis nga blos ma thongs par gces par
bzung nas bsdad yod pa

yin; mdor na nyes pa thams cad nga bde ba zhig dgos zhes blo
phugs su bzhag pa de las byung/ de ltar rang gces 'dzin ma btul
na skyid mi 'byung bas/ de sngon rang la sdug bsngal byung ba'i
lan rtsa rtsad ma bcad pas lan par 'dug/

da phyin chad lan rtsa rtsad chod pas rang gces 'dzin 'di la
dgrar bltas te spong thabs bya dgos gsungs/ gsum pa gzhan gces
'dzin gyi yon tan sgo du ma nas bsam pa ni/ zhi ba lhas/ 'jig
rten bde ba ji snyed pa/ /de kun gzhan

bde 'dod las byung/ /zhes dang/ bla mchod las/ ma rnams gces
bzung bde la 'god pa'i blo/ /mtha' yas yon tan 'byung ba'i sgor
mthong nas/ /zhes sogs dang/ blo sbyong las/ kun la bka' drin
che bar bsgom/ /zhes pa

@317b ltar mngon mtho'i lus longs spyod/ 'khor phun tshogs thams
cad gzhan gces 'dzin las byung ste/ gzhan gyi srog la gces par
bzung nas srog gcod ma byas pas srog gcod spangs pa'i dge ba'i
'bras bu rnams smin te bde

'gro dang tshe ring ba sogs 'byung/ gzhan gces par bzung nas
sbyin pa btang ba dang ma byin len spangs pa sogs kyis 'byor ba
che ba sogs bskyed/ mdor na/ mang du bshad lta ci zhig dgos/
/byis pa rang gi don byed dang/ /thub pa gzhan

gyi don mdzad pa/ /'di gnyis kyi ni khyad par ltos/ /zhes dang/
bla mchod las/ mdor na byis pa rang don kho na dang/ /thub dbang
gzhan don 'ba' zhig mdzad pa yi/ /skyon dang yon tan dbye ba
rtogs pa'i blos/ /zhes sogs gsungs

pa bzhin ston pa dang rang gnyis dang por 'khor bar 'khyams pa
'dra mnyam yin yang/ thub pa mchog des ni sngon skabs shig nas/
gzhan gces par bzung bas skyon thams cad zad cing yon tan thams
cad rdzogs nas don gnyis

mthar phyin la/ rang res 'khor ba thog med nas rang gces 'dzin
sha stag byas te nga rang bde ba zhig dgos snyam du brtson
brtson kyang/ da lta rang don sne gcig tsam dang/ tha na ngan
song du mi 'gro ba'i thabs tsam yang bya ma thub pa tsam

du ma zad/ da dung sdug bsngal kho nas mnar ba 'di ltar yin/
rang res de las go ldog ste sngar zhig nas ston pa thugs rje can
gyis mdzad pa bzhin byas yod na/ da lta rang gi sdug bsngal kun
zad cing/ bde ba'i mchog dang ldan

@318a @#/ /la gzhan don yang phun sum tshogs par the tshom med de/
de ltar ma byung bas deng sang gi kha stabs 'di byung ba red/
bskang gso sogs kyi tshe dwags po dge bshes shig gis blo sbyong
mtshon cha

'khor lo'i/ de ltar lags pas dgra bo bdag gis zin/ /zhes pa nas/
e ma bdag 'dzin 'di yin the tshom med/ /ces sogs yod pa'i blo
sbyong gi bskul de dgon pa zhig tu bskang gso'i skabs 'dzud par
mdzad/ de

la 'tshub chen po byung bar dgra dngos gnas pa ngos zin pa'i gnad
kyis yin/ sngon sngags pa zhig gis mthu byas te rkun ma mang po
shi ba na/ lab sgron gyi sras rgyal ba don grub kyis gces 'dzin
la mthu thebs par smon te rang gces

'dzin ma byas pas sngags pa'i mthus gnod ma nus pa'i lo rgyus
ltar dang/ 'brug pa kun legs kyis gcung chos rgyal gyi rim gro
mdzad pa na gtor zor phyir ma 'phangs par/ gces 'dzin la brgyag
pa'i bsam pas gcung gi sku pang

du 'phangs pa'i rabs gsungs/ ston pa thugs rje can gyis gzhan
gces par bzung ba yang sngar rgyal po padma can du 'khrungs
skabs nad yams zhi ba'i phyir nya ro hi ta'i skye ba bzhes te/
de'i shas sems can mang po'i yams nad

gsos pa dang/ rus sbal du 'khrungs skabs rgya mtshor lhung ba'i
tshong pa lnga brgya rgya mtsho'i tshu rol tu bsgral zhing/ sku lus
sbrang 'bu brgyad khri la byin pa dang/ rgyal po dpal gyi sdes
sku lus kyi phyed byin pa dang/ gtsug na rin

@318b chen gyis dbu'i gtsug tor gyi nor bu sku sha las dngos su
bcad de gzhan la gnang ba dang/ rgyal sras snying stobs chen pos
stag mo bkres pa rang gi bu la zar nye ba zhig la lus byin pa
dang/ zla 'od kyis dbu byin pa sogs kyi rabs

rgyas par gsungs nas/ ston pa thugs rje can des de ltar mdzad
la/ nged tshos rang 'ba' zhig ma gtogs bsam rgyu med pa 'dis de
ltar dka' yang smon lam tshun btab ste sbyong dgos/ gzhan yang/
gzhan gces par bzung

'os te/ dper na 'bras bu phun sum tshogs pa skye ba'i zhing sa
lta bu dang/ yid bzhin gyi nor bu dang 'dra bar gnas skabs kyi
zas gos sogs kyang sems can la brten nas 'byung zhing/ sems can
gyis rang cag la a ma byas pa'i

tshe drin chan pas bskyangs par ma zad/ a ma ma byas pa'i gnas
skabs na'ang de dag gi drin kho nas rang cag 'tsho ba ste/ dper
na rtsam pa khug ma gang yang dang por sems can 'ga' zhig gis
rmos 'dren/ 'ga' zhig gis chu

btang/ 'ga' zhig gis phyugs bcag skor ba sogs dka' ba dpag med
byas/ sdod gnas 'di'ang sems can gyi drin te/ mi dang dud 'gro
mang pos sa bskyal/ rtsig pa brtsigs/ shing bzos/ chu bskyal ba
sogs las byung/

gzan 'di'ang dang por lug mang po zhig gi bal bton/ de rjes 'ga'
zhig gis 'thags/ 'ga' zhig gis btsem/ da lta gyon chog tu gyur/
gzhan yang gnas skabs dal 'byor gyi rten rnyed pa dang/ mthar
thug byang chub tu sems

@319a @#/ /bskyed cing/ spyod pa la slob pa/ sangs rgyas thob pa
man chad sems can gyi bka' drin te snying rje skye yul dang/
sems bskyed yul dang/ sbyin yul dang/ tshul khrims kyi gzhi dang/
bzod pa

bskyed yul sogs sems can yin pas/ de thams cad kyang sems can
gyi drin las byung/ des na spyod 'jug las/ sems can rnams dang
rgyal ba las/ /sangs rgyas chos 'grub 'dra ba la/ /rgyal la gus
bya de bzhin

du; ;sems can la min ci yi tshul/ /zhes gsungs pa bzhin sangs
rgyas kyi go 'phang yang phyed bla ma'i bka' drin dang/ phyed
sems can gyi drin gyis thob pa yin phyir glang thang pas kyang/
bdag ni sems can thams cad

la; ;yid bzhin nor bu las lhag pa'i/ /don mchog sgrub pa'i bsam
pa yis/ /shin tu gces par 'dzin par shog  ces pa ltar sems can
ni rang gi gnas skabs dang mthar thug gi don thams cad sgrub pa
la yid bzhin

gyi nor bu rin po che dang 'dra bas na gzhan gces par 'dzin 'os
pa yin gsungs// ! //nyin bco brgyad par/ chos kyi rgyal po tsong
kha pa chen po'i gsung/ shugs drag chu bo bzhi yi rgyun gyis
khyer/ /zhes sogs 'dren

par mdzad de/ sngon 'gro kun slong 'chos pa mdor bsdus dang/ sa
bcad sngon du ji ltar song ba rnams gsungs rjes/ byang chub sems
sbyong skor nas rgyu 'bras bdun la bskyar bshad mdzad/ dngos
gzhi byang chub kyi sems

@319b sbyong ba zhes pa'i don tshan gnyis pa la bdag gzhan mnyam
pa/ bdag gces 'dzin gyi skyon sgo du ma nas bsam pa/ gzhan gces
'dzin gyi yon tan sgo du ma nas bsam pa/ bdag gzhan brje ba'i
bsam pa dngos/ de la brten nas

gtong len bsgom tshul te lnga las/ dang po gsum la'ang bskyar
bshad mdzad/ bzhi pa bdag gzhan brje ba'i bsam pa dngos ni/
sngar skyon yon la bsams pa de lta bus brtags nas/ rang nyid
gces par 'dzin pa'i gcong nad

'di; ;zhes sogs shaul ka bzhis bstan pa bzhin/ skyon yon mthong
ba'i sgo nas rang gces par 'dzin pa'i blo dang/ gzhan yal bar
dor ba'i blo gnyis go sa spo ba ni bdag gzhan brje ba ste/ de
yang gzhan bdag dang/ bdag

gzhan du bsam pa min gyi/ sngar rang gces par bzung nas gzhan
yal bar dor ba yin pa la/ da de nyid go sa ldog ste/ rang gces
par 'dzin pa de gzhan la spo ba la brje ba zhes zer bas/ sngon
chad gzhan yal bar dor ba ltar da

phyin chad rang yal bar dor/ sngon chad rang gces par 'dzin pa
bzhin du phyin chad gzhan gces par 'dzin par bya'o snyam du blo
sbyong/ de ltar goms na brje nus pa 'ong ste/ dper na pha ri la
sdod pa na tshu ri go ldog pa'i blo 'byung ba lta

bu yin gsungs/ lnga pa de la brten nas gtong len bsgom tshul ni/
snying rje'i dmigs pa rtsal du bton nas len pa dang/ byams pa'i
dmigs pa rtsal du bton nas gtong ba sbyang ba ste/ rtsa bar/
gtong len gnyis po spel mar

@320a @#/ /sbyang; ;zhes gsungs la/ 'di ni snga ma'i bsam pa de
nyid gong 'phel du byed pa'o/ /gtong ba dang len pa gnyis las
snga ma sngon du byed par khrid yig mang po las 'byung yang/ lag
len la

phyi ma sngon du bya zhing/ gtong ba mi byed par len pa gcig pu
byed pa'ang rung/ dang por sdug bsngal ma blangs na bde ba btang
yang mi phan pas snying rje'i dmigs pa rtsal du bton nas ma sems
can thams cad sdug bsngal dang

bral bar bya snyam pa'i snying rje bskyed nas/ de'i sdug bsngal
thams cad spu gris skra bzhar ba ltar 'od nag po'i rnam par rang
gi snying gar gces 'dzin la thim par bsam zhing/ rgyas par na/
tsha dmyal ba'i tsha ba'i sdug bsngal me

dang bcas pa rang gi snying gar tsha 'ub kyis gces 'dzin gyi
'gong por thim par bsam/ de bzhin du grang dmyal ba dang/ yi
dwags/ dud 'gro/ lha min/ mi; lha sogs nas byang sems sa bcu pa
ba man gyi sdug bsngal dang/ sdig

sgrib sogs rang steng du len par bsams nas/ sdug bsngal dang
bral zhing sdig sgrib byang bar mos pa dang/ de ltar bdag la
smin par gyur cig ces kyang smon/ len pa'i skabs bla ma dang
sangs rgyas gnyis la len du med/ gang

zag gi rigs la blo'i nus pa mtho dman can mang bas na/ las dang
po ba kha cig gtong len bsgom pa mi nus pa'ang 'byung bas/ de
lta bu'i rigs la/ len pa'i go rim rang nas brtsams/ /zhes pa
ltar rang la phyi dro 'ong

@320b rgyu'i sdug bsngal de snga dro la len cing bsgom/ de nas
sang gi de de ring la len pa dang/ de nas zla ba rjes ma'i dang/
lo rjes ma'i dang/ mi tshe 'di dang/ skye ba phyi ma/ tshe rabs
gtan dang/ pha ma; nye 'brel/ bar ma/ dgra sogs

dang; sems can thams cad kyi bar sbyang ste/ snga ma snga ma la
'byongs pa na/ phyi ma phyi ma la dmigs pa spos kyi na sdug
bsngal sdig sgrib sogs rang steng du blang/ de ltar go rim 'di
bzhin du byas nas sbyong dgos kyi/ dang po nas dgra

sogs kyi sdig sdug len blo mi 'byung/ des na skabs rer rang nas
phar brtsams nas de ltar bsgom/ skabs rer dmyal ba nas byang
sems sa bcu pa ba'i bar dang/ skabs rer lung pa'i phu nas mar
dang/ skabs re mda' nas

yar rim 'ded kyis de ltar bsgom/ tha na khyi la rdo brgyab pa'i
sdug bsngal tshun blang/ blangs pa de nyid kyang yal ba'am/ 'gram
du bzhag pa lta bu min par/ snying gi dbus su len/ de dag gi tshe
'jigs dang ngas skyes na legs pa yin/

de ltar bsams na/ dngos su len ma nus kyang bsod nams kyi tshogs
rlabs po che rdzogs pa dang/ blo goms na dngos su len nus pa'ang
'byung ba byams pa'i rnal 'byor pa'i lo rgyus ltar yin gsungs/
byams pa'i dmigs

pa rtsal du bton nas gtong ba ni/ sems can rnams don sgrub pa'i
phyir/ /yid bzhin gyi ni lus su bsgyur/ /zhes dang/ sdong bkod
dang/ rdo rje rgyal mtshan gyi mdo sogs las kyang lus longs spyod
sogs gtong bar gsungs

@321a @#/ /pa bzhin rang gi lus gang 'dod kyi dngos por sprul
nas snod dang bcud la btang bas/ dang por bcud kyi sems can
tsha dmyal ba lta bur sbrang char gyi rnam par sprul te sdug
bsngal sbyang/

lus dal 'byor gyi rten du bsgyur nas de 'thob par byas/ de nas
gnas dang khang brtsegs yid du 'ong bar bsgyur nas btang bas
de la bde bar longs spyod pa dang/ zas skom phun tshogs su
bsgyur nas btang bas

tshim par byas/ gos su bsgyur nas bkon/ dge ba'i bshes gnyen du
bsgyur nas chos bstan pas 'tshang rgya la khad du byas par
bsam/ de nas grang dmyal ba la nyi 'od dang gos sogs kyi rnam
pa/ yi dwags la zas skom

sogs dang/ dud 'gro la chos rab tu rnam 'byed kyi shes rab/
lha min la go cha/ lha la 'dod pa'i yon tan lnga/ mi ni 'dod
pa che bas gang la gang 'dod du bsgyur nas btang/ de bzhin du
longs spyod dang/ dge rtsa sogs

kyang gtong zhing/ bla ma dang sangs rgyas la'ang lus mchod
sprin du sprul te phul bas/ bla ma'i sku tshe mdzad 'phrin
rgyas par bsam/ dge rtsa dus gsum ga'i de gtong chog cing/ lus
dang longs spyod gnyis ni 'di dang phyi ma

gnyis ma gtogs/ 'das tshar ba gtong du med/ gtong ba'i skabs
sems can rnams sngar bshad pa ltar bde bas phongs lugs bsams
nas byams pa gtso bor bskyed cing/ blo sbyong gi dmigs pa 'di
nyid la thugs dam gyi  

@321b gtso bor byed dgos/ gzhan yang/ de la dran pa bskul ba'i
phyir/ /spyod lam kun tu tshig gis sbyang/ /zhes pa ltar gtong
len la dran pa gso ba'i phyir gnas skabs thams cad du gtong
len gyi tshig 'don/ 'di la gser 'od

nas gsungs pa'i tshig 'ga' zhig yod kyang/ de rang res ma shes
na/ des na rje btsun bla ma thugs rje can/ /zhes sogs bton pas
rung/ sngon gyi bla ma 'ga' res 'di nyid grangs gsog tu mdzad
pa'i lo rgyus kyang yod/ der ma

zad spyod lam thams cad kyang byang chub kyi sems 'phel thabs
su 'gro ba bya dgos shing/ de ni mdo phal chen las gsungs pa
dang/ spyod yul yongs su dag pa'i mdo las gsungs pa sogs la
blta dgos/ gzhan yang byang chub kyi

sems la thugs dam gyi gtso bor byed 'dod pa dag gis 'jam mgon
tsong kha pa chen po'i rnam thar ltar mdo phal chen la yang
nas yang du thos bsam byed/ de gnyis rlung la bskyon par bya/
/zhes pa ltar gtong len gyi dmigs pa

cung zad 'byongs pa'i tshe dbugs phyir 'gro skabs gtong ba
dang/ nang du 'jug pa na len pa dang sbyar/ rlung la bskyon pa
'di dang por mi nus kyang/ yang yang goms nas rlung la bskyon
na rlung sems 'jug pa gcig pas bdag gzhan

mnyam brje'i byang chub kyi sems skye sla ba'i 'phrul 'degs
chen po yin/ 'di ni sngags kyi skabs nas bshad pa'i rdo rje'i
bzlas pa dang cha 'dra zhing/ mkhas grub rjes rje bla mar/
mgon po khyod kyi zhal gyi dbugs tsam yang/ /mtha'

@322a @#/ /dag 'gro la sman pa'i rgyur 'gyur na/ /zhes sogs
bstod pa mdzad pa'ang 'di la dgongs pa red/ 'di dag la man
ngag gzhan yang yod mod/ rgyun du chags med mi byed pa'i rigs
la 'chad

du mi rung gsungs/ gsum pa rkyen ngan byang chub kyi lam du
bsgyur ba ni/ snyigs ma'i dus 'dir 'di shin tu phan yon che
ste/ chos byed la bar chad mang zhing rkyen spang mi thub pa'i
skabs 'gal rkyen mthun rkyen du bsgyur thub pa

dgos/ de med na rkyen bzang ngan gang byung yang chos shor
'gro/ de yang chos pa 'ga' zhig ni go sa sogs byung bas dregs
nas chos shor/ 'ga' zhig nor byung bas de'i 'tsho tshis kyis
chos shor/ 'ga' zhig ni rkyen ngan

pa byung ba na yi chad nas chos shor bas/ de ltar byung na
chos byed par dka'/ chos cung zad byed khul byed pa yang shor
na shin tu nas tha chad pa yin pas/ des na rkyen ngan pa gang
byung chos la mi gnod pa'i lam du bsgyur thub pa

dgos/ de la bsam pas bsgyur ba dang/ sbyor bas bsgyur ba
gnyis/ dang po la spyod pas bsgyur ba dang/ lta bas bsgyur ba
gnyis las/ dang po ni bla mchod las/ snod bcud sdig pa'i 'bras
bus yongs gang ste/ /zhes sogs

dang; blo sbyong rtsa bar/ snod bcud sdig pas gang ba'i tshe/
/rkyen ngan byang chub lam du bsgyur/ /ces pa ltar na tsha dgra
'dre sogs yid dang mi mthun pa byung ba na/ da lta rang res le
lan gzhan la 'gel zhing/ nad byung

@322b ba thams cad las kyis bskyed par mi shes par zas dang
gdon sogs kyis bskyed par smra mod kyang/ rtsa ba'am lan rtsa
gang la thug bltas pa na/ sngar skyes bu chung ngu'i las 'bras
kyi skabs su bstan pa ltar mi 'dod pa

byung tshad las kyis byas pa yin la/ de'ang rang gces 'dzin
gyis byas pa yin pas/ le lan rtsa ba ni rang gces 'dzin la
thug /des na/ rkun mas nor brkus pa tshun chad kyang le lan
rkun ma la bda' sa med kyi/ rang gi las

ngan dang/ de skyed byed gces 'dzin la bda' dgos/ de'i phyir
na tsha dang sdug bsngal rkyen ngan sogs byung ba na/ byang
chub thob pa'i grogs su bsam dgos te/ na tsha sdig sgrib kyi
phyags shing yin/ /zhes pa bzhin na tsha sogs ci

byung yang sngon gyi las ngan sdig sgrib ngan song myong nges
rnams rten 'di la smin pas go bcad snyam du yid bde lhang
lhang ba bya zhing/ der ma zad/ ngas sngon gtong len byas te
sems can gyi sdig sdug bdag la blangs pa yin

pas da don grub song snyam du dga' ba bskyed nas/ slar sdug
bsngal gyi lhag ma rnams kyang smin par smon nas sems can
rnams kyis sdug bsngal myong 'gyur tshang ma des go chod par
bsgom zhing/ da dung sems can gyi sdug bsngal dngos su

len pa'i dus da res byung bas da legs po byung snyam du gtong
len byas nas blos rbad kyis btang na/ na tsha yang bar chad du
mi 'gyur bar/ dge sbyor spel byed du 'gro ba sngar kun spangs
grags rgyan pa'i slob ma mdze nad byung ba zhig skyi

@323a @#/ /mo rdza 'phreng nas nad sangs pa'i lo rgyus ltar
yin/ gzhan yang/ rkyen ngan dge ba'i bskul ma yin/ /zhes pa
ltar sdug bsngal mi 'dod na sdig pa spongs shig ces pa'i brdar
bsams nas tshogs

gsog sgrib sbyong la 'bad/ rang re la rkyen ngan pa ma byung
na snang ba skyid thag chod pas chos mi dran la/ kha nyes god
kha na tsha sogs rkyen ngan pa byung na/ des yid 'byung skyes
nas snyom las las bslangs te dge bar 'jug pa

'ong; 'dre gdon rgyal ba'i cho 'phrul yin/ /sdug bsngal chos
nyid kyi yo lang yin/ /zhes pa ltar rgyal 'gong 'dre gdon sogs
kyi gnod pa byung na/ ngas sngon chos ma dran par 'jig rten la
mgo 'khor nas yod pa

la da 'dis chos la bskul ba bka' drin che snyam du bsgom/ rang
gi blos 'khyer stangs shes na/ sdug bsngal gyis kyang chos
nyid rtogs pa'i rkyen lta bu byed pa srid/ na tsha sogs rang
gces 'dzin las byung bas/ nad

gdon rnams rang gi dgra btul ma thub pa'i dgra bo gces 'dzin
kho 'dul rogs byed mkhan yin pas drin che snyam pa dgos/ rang
tshos rkyen ngan pa zhig byung skabs nyams len bskyur rkyang
byed mod/ de lta mi bya bar dper

na; 'grul pas 'phrang dog por slebs dus gzab gzab byed pa
ltar/ na tsha rkyen ngan sogs byung skabs lhag par gzab ste
nyams len mi bshol bar gtong len sogs nan tan du byed pa gal
che gsungs/ spyod 'jug

@323b las gsungs pa'i/ gzhan yang sdug bsngal yon tan ni/
/skyo bas dregs pa sel bar byed/ /'khor ba pa la snying rje
skye/ /sdig la 'dzem zhing dge la dga'/ /zhes sdug bsngal
byung ba na skyo nas nga rgyal sel zhing rang sdug

bsngal ba rgyu mtshan du byas nas gzhan la snying rje ba dang/
de'i rgyu la spong 'dod sogs 'byung/ rang res sdug bsngal
byung ba las/ bde zhing skyid pa byung na legs par 'dzin
kyang/ de lta ma yin te/ skyid na mi dga' sdug

na dga'/ /skyid na sngon bsags bsod nams zad/ /sdug na las
ngan sdig sgrib byang/ /zhes gsungs pas/ go sa lta bu mtho na
rang gcig pu bzang btson du bcug pa dang 'dra bar gang 'dod
sar 'gro sa med pa bla chen dpon

chen tsho lta bu ste/ grub mchog blo bzang rnam rgyal gyis
kyang/ mtho na bzang btson du 'gyur bar gsungs pa dang/ dman
sa rgyal ba'i gdan sa yin/ /zhes pa ltar sngon gyi mkhas grub
thams cad dman bzung nas 7rgyal ?

ba'i go 'phang du gshegs shing/ 'brom rin po ches kyang/ zhang
'phrang ka ber chung la phyag 'tshal bar mdzad pa bzhin/ rang
re'ang dman sa bzung nas 'og tu 'gro ba chu las med pa byed
na/ grogs dang yang

mthun pa 'byung che/ bstod na mi dga' smad na dga'/ /smad na
rang skyon ther la 'bud/ /ces pa ltar gzhan gyis bstod ra
btang na nga rgyal je cher 'gyur zhing/ des 'di phyi gnyis kar
phung/ rang gi skyon mi mthong

@324a @#/ /la; smad na gnas skabs mi snyan yang/ phyis nas rang
gi las de la brtags nas 'dor len gzab par byed pa'ang 'dis
'byung la/ mi kha lha yi pham phab yin/ /zhes lha'i

dngos grub lta bu yin par gsungs/ des na mi kha sdang ba sogs
rkyen ngan ru 'dzings pa'i skabs 'dir de ltar bsam/ rang bde
zhing skyid pa byung na/ dge ba'i 'bras bu byung snyam du lhag
par byang chub kyi sems

bsgom pa la spro shugs bskyed pa sogs bya gsungs/ gnyis pa lta
bas bsgyur ba ni/ 'khrul snang sku bzhir lta ba yi/ /zhes sogs
kyi gzhung 'di yin zhing/ 'di ni snga rabs pa'i lugs yin pas/
rang res

brtags na cung mi bde ste/ sdug bsngal gang byung yang de'i
ngo bo la bltas na/ dang po gang nas ma skyes pa chos sku sogs
gsungs mod/ gnad che ba tsam mi snang bas/ mdor na rang la bde
sdug dang rkyen

bzang ngan ci byung yang rang rang gi ngo bo la dpyad de rgyu
rkyen rten 'brel tshogs tsam las rkyen bzang ngan dang bde sdug
ces tha snyad tsam mngon sum bsnyon med du snang ba las don du
ngo bos ma grub pa dang/ nga dang

gzhan zhes pa bden par med tshul la bltas nas yid mi bde ba
chags pa sogs dgag pas chog /lta ba ma shes na/ da lta rang
nyid la skyid sdug ci byung thams cad rang 'chi ba'i skabs rmi
lam rmis pa

@324b ltar dran pa'i yul tsam du 'gyur bas da lta tshe thung
yud tsam 'dir chags sdang byed don mi 'dug snyam pa dgos
gsungs// ! //nyin bcu dgu par/ byams pa'i smon lam las/ ngan
'gro'i

lam ni bzlog bgyid cing/ /zhes sogs las brtsams pa'i sngon
'gro kun slong 'chos pa mdor bsdus shig mdzad nas/ sngon du ji
ltar song ba'i sa bcad rnams gsungs rjes/ bdag gzhan brje ba'i
tshul

dang; de la brten nas gtong len bsgom tshul gnyis la bskyar
bshad dang/ don tshan bdun las/ dang po gnyis la'ang bskyar
bshad dang 'brel/ de ltar gces par 'dzin pa'i blo dang/ yal
bar

'dor ba'i blo gnyis po de gang la bskyed pa'i gzhi/ rang dang
gzhan go sa brje ba'am spos nas/ de'i rjes su gong 'phel du
bya ba'i phyir sngar zhus pa ltar snying rje'i dmigs pa rtsal
du bton nas sdug bsngal len

pa dang/ byams pa'i dmigs pa rtsal du bton nas lus longs spyod
dge rtsa dang bcas pa btang zhing/ de 'byongs pa na dbugs 'gro
'ong la gtong len sbyar/ de mi brjed pa'i phyir du spyod lam
kun tu tshig

gis dran pa gso/ des na byang chub sems sbyong gi man ngag
gnyis po gcig tu bsgril nas skyong tshul gyi go rim/ sa bcad/
dbye bsdu'i khyad par gyis grangs mang nyung byed tshul 'ga' re
yod kyang mdor

@325a @#/ /bsdu na/ dmigs skor bcu gcig tu byed tshul ni/ dang
por btang snyoms/ mar shes/ drin dran dang drin dran khyad par
ba/ drin gzo bzhi bsams rjes/ bdag gzhan

mnyam pa/ bdag gces 'dzin gyi skyon sgo du ma nas bsam pa/
gzhan gces 'dzin gyi yon tan sgo du ma nas bsam pa/ bdag gzhan
brje ba'i bsam pa dngos dang 'brel bar snying rje'i dmigs pa
rtsal

du bton te de dang sbrags nas len pa/ byams pa la gnyis yod
pa'i bde ba dang ldan 'dod kyi byams pa'i dmigs pa rtsal du
bton te/ de dang sbrags nas gtong ba rnams bya/ de'i mjug tu/
de ltar

bdag gis gtong len byas pa bzhin de ltar gyur 'dug gam mi 'dug
brtag pa'i tshe/ rang gi mos pa tsam las/ da lta dngos gnas par
phan bde dngos su grub pa de ltar gyur mi 'dug par mthong

nas da ni de ltar dngos su 'ong ba zhig byed snyam du rang gi
ngos nas khur du khyer ba'i lhag bsam bskyed/ de nas de'i
phyir rdzogs byang thob 'dod kyi sems dngos bskyed/ de ltar na
dmigs skor bcu

gcig po 'di rgyu 'bras bdun dang bdag gzhan mnyam brje'i man
ngag gnyis ka bsgril nas nyams su len tshul yin/ mthar gsang
sngags kyi dkyil 'khor rgyal mchog dang mthun par rten 'brel
gyi

@325b gnad dang/ ma 'ongs pa na bram ze rgya mtsho'i rdul dang
rgyal po rtsi bas kyi mu khyud kyi smon lam dang cha mthun
par/ sems can thams cad kyang bde ba thams cad dang ldan par
gyur song snyam pa re byas na tshogs

rdzogs tshabs che/ de lta bu'i sems bskyed 'bras bu lam byed
kyi dmigs pa byed tshul la/ rang thub dbang gi skur gyur/ de
las 'od zer 'phros pas sems can gyi sdug bsngal sbyang/ sems
can thams cad

kyang ston pa thub pa'i dbang po'i skur gyur par mos la dga'
spro bsgom/ yul gsum dug gsum dge rtsa gsum/ /zhes pa ni/ yul
yid du 'ong mi 'ong bar ma gsum la dmigs nas chags sdang sogs

skye ba na/ yul gsum po gang rung de dang de la dmigs nas sems
can gzhan rgyud la chags sdang sogs kyi nyon mongs gang skyes
pa de thams cad dang/ de gsum la brten pa'i ngan 'gro/ 'khor
ba'i

sdug bsngal rgyu dang bcas pa thams cad rang steng du blangs
nas/ sems can thams cad chags sdang gti mug med pa'i dge rtsa
dang ldan par byas song snyam pa'ang re re bzhin du byed/
rkyen ngan pa 'thab rtsod

dang na tsha sogs thams cad kyi lan rtsa gces 'dzin du mthong
nas/ rang gi las ngan pa'i 'bras bu zad pa'i rgyu dang/ gzhan
gyi sdug bsngal blangs pa rnams smin par shes nas yid bde ba
'ba' zhig byed pa de'i 

@326a @#/ /phyir blo sbyong bsgom pa de la rkyen ngan grogs su
shar nas yid mi bde ba mi 'byung bas/ blo sbyong la grong khyer
skyid pa'i 'byung gnas zhes pa'i tha snyad mdzad/ rkyen ngan
cung zad tsam yang mi theg

pa mi byed par/ dper na tshong pa lam du 'gro ba'i tshe char babs
pa rkun ma mi 'byung ba dang/ kha ba babs pa 'gel khal rmig pa
mi 'theng ba'i grogs su 'khyer ba bzhin dgos/ spyod 'jug las/
gal te

bcos su yod na ni/ /de la mi dgar ci zhig yod/ /gal te bcos su
med na ni/ /de la mi dga' byas ci phan/ /zhes pa ltar/ sdug
bsngal byung ba na yid mi bde ba byas kyang des ci'ang mi phan
pas grogs su

'khyer dgos/ de yang 'ga' zhig la na tsha sogs kyis mnar te ma
shi tsam byung ba na/ lam rim sogs la thos pa byas pa lta bu min
kyang mi rtag pa'i blo rang 'khrungs lta bur 'byung ba mthong
chos su yod/ de ltar

rkyen ngan pa byung tshe nga rang ci byung yang rung/ sems can
thams cad kyi chags che nyam nga bdag gi steng du 'bab par shog
snyam du bsam na phan yon de las che ba med tshul dang/ slar yang
rkyen ngan byang chub kyi lam du

bsgyur ba'i bsam pas bsgyur tshul yan gyi bskyar bshad gnang/ de
nas sbyor bas bsgyur ba la/ sbyor ba bzhi ni/ tshogs gsog /sgrib
sbyong/ 'byung por gtor ma btang ba/ chos srung la 'phrin las
bcol ba

@326b ste; blo sbyong la legs par goms pa des chos srung sogs
la'ang na tsha sogs byung ba'i tshe sems can thams cad kyi sdug
bsngal bdag la smin pa 'di ngas gtong len byas pa'i dgos pa grub
pa yin pas/ slar yang da lta'i

nad 'di las da dung je thur thongs shig ces phrin las bcol/
'byung po la gtor ma btang ba na/ khyed kyis bdag la gnod pa
byed pa des bdag gi sdig sgrib dag /tshogs rdzogs/ nyams len la
bogs thon pas drin che/ da dung yang

gnod pa sngar las kyang che ba dang mang ba thongs zhes bsam/
blo cher ma 'byongs pa dag gis de ltar mi nus shing 'jigs na/ na
tsha sogs mi 'byung ba'i grogs bcol ba sogs spyi ltar byed/ sdug
bsngal byung tshe rang sdod sar chu shor ba

na; rtsa ba rtsad gcod byas nas 'gog pa ltar sdug bsngal gyi
rgyu sdig pa spong zhing bde ba'i rgyu tshogs gsog dge ba sgrub/
gtor ma brgya rtsa'i mjug tu ltung bshags kyi sgo nas bshags pa
zhig byed na/ de la sbyor ba bzhi ka rgyas

par tshang zhing/ brgya rtsa'i mjug blo sbyong smon lam byed
pa'ang de dang bstun pa yin/ 'phral la gang thug sgom la sbyor/
/zhes pa ni glo bur du rkyen bzang ngan gang byung na'ang/ de
'phral lam du khyer te blo sbyong la sbyar ba dgos gsungs/

bzhi pa tshe gcig gi nyams len bsgril nas ston pa la/ stobs lnga
ste/ dkar po sa bon gyi stobs/ goms pa'i stobs/ 'phen pa'i
stobs/ rnam par sun 'byin pa'i stobs/ smon lam gyi stobs so/
/de'i nang nas 'phen

@327a @#/ /pa'i stobs 'di gal che ste/ nangs par langs ma thag
nas/ spyir tshe 'di dang/ yang sgos lo 'di dang/ khyad par de
ring gi nyi ma 'di don med du mi btang bar dgra bo bdag gces
'dzin btul te

don ldan byed snyam pa'i blo shugs drag bskyed dgos/ 'phen pa
'dis bya spyod dge mi dge dang theg pa che chung gi las thams
cad bskyed de/ tha na shig gcig bsad pa'am/ gung tshigs bzo ba
tshun 'phen pa btang nas byas pa

yin la/ rang cag da nangs yar ldang ste ske rags 'ching skabs
nas bzung/ lto gos gtam snyan sogs tshe 'di'i bde thabs shig la
'phen pa gtong mod/ de ltar mi bya bar rang gis mi brjed pa'i
phyir du ske rags la mdud pa

tshun gyi brjed tho btab nas sngar bshad pa'i 'phen pa btang ste/
blo phugs nas thag gcod/ dkar po sa bon gyi stobs ni/ byang chub
kyi sems 'phel ba'i phyir/ sbyor chos sogs kyi sgo nas tshogs
bsags sgrib sbyang byed pa

yin; rang tshos dge ba byas tshad tshe 'di pa la shor ba phal che
bas de ltar ma song ba gal che/ goms pa'i stobs ni/ 'gro 'chag
nyal 'dug gi skabs kun tu byang chub kyi sems gnyis 'phel thabs
la sbyangs te sgrub pa rgyun mi 'chad

pa byed pa yin/ byang sems bdag nyid chen po rnams kyis; rang
cag gi blor mi chud cing/ lag len du byed par dka' ba'i byang
sems kyi spyod pa mgo dang rkang lag sbyin par btang ba sogs
kyang blo goms pa las byung ba yin te/

@327b dang por mi shes pa'i lcags bzo/ shing bzo sogs kyang rjes
su shes pa na mi dka' ba bzhin du rang gi lus srog sbyin par
gtong ba'ang/ phyis goms pa na sngo tshod ster ba tsam du las sla
ba 'byung ste/ goms na sla bar

mi 'gyur ba'i/ /dngos de gang yang yod ma yin/ /zhes gsungs/
sngon gyi skyes chen 'ga' res chibs rta la chibs pa na/ zhabs ya
gcig yob tu btsud nas/ cig shos rgyab kyi yob la ma btsud pa'i
bar na'ang/ lam rim la

bshar sgom tshar ba yod par gsungs pa'ang goms pa las byung/ goms
pa dang bsgom pa don gcig cing/ rang res ja phor gang tsam
'thung ba la'ang ma goms na las sla ba ji ltar 'byung/ rnam par
sun 'byin pa'i stobs ni/ gces

'dzin kho na ma skyes pa na dgag ste khyi rkun brdung ba ltar
'bur 'joms byas la gces 'dzin sun dbyung ba yin/ smon lam gyi
stobs ni/ nyin re'i dge rtsa gang byas pa rnams do nub nyal khar
byang chub kyi sems gnyis 'phel ched

du bsngo ba'o/ /de ni tshe 'di'i stobs lnga yin la/ 'chi ka ma'i
stobs lnga ni/ blo sbyong gi 'pho ba ste/ theg chen 'pho ba'i
gdams ngag ni/ /stobs lnga nyid yin spyod lam gces/ /zhes gsungs
pa de yin/ blo sbyong gi 'pho ba la

hi ka dang phaD ? med kyang 'pho ba gzhan las 'di zab/ de la
grangs 'dren sngar bzhin la/ 'phen pa'i stobs ni/ bdag gis 'chi
kha dang bar do sogs su'ang byang chub kyi sems dang ma bral ba
byed snyam nas 'phen pa btang/ dkar

@328a @#/ /po sa bon gyi stobs ni/ gang la chags zhen che ba'i ka
cas mtshon/ ka ca thams cad yar mchod mar sbyin byed pa sogs
zhing khyad par can la btang ba'am yo byad gang yod phar bcad
tshur bcad

kyis gtong rgyur bsngos te chags zhen med par byas na shi ba'i
rjes su gzhan gyis dge rtsa btang ba dang mi 'dra bar de phan
tshabs che/ de ltar ma bsngos na/ lhung bzed la chags pa'i dge
slong zhig sbrul du skyes pa sangs rgyas kyis

nags su bskrad pa na/ kho khros nas khong khro'i mes nags tshal
dang kho rang gnyis ka tshig ste dmyal bar skyes shing dge slong
de'i skye ba snga phyi gsum gyi lus la me 'bar ba gsum dus mnyam
du byung ba dang/ yang gser sa 'og tu

sbas pa la yid chags pa zhig sbrul du skyes nas gser sangs rgyas
la phul du bcug pa'i rabs ltar yin/ de bzhin du rang gi lus la
chags na'ang/ de'i nang gi 'bur skye ba lta bu 'ong ste/ sngon
rgya mtsho'i 'gram du bud med kyi ro zhig

la srin bu sbrul 'dra ba zhig gis kha sna mig rna ba sogs su
phar thal tshur thal du 'dzul te ro de la 'khor nas sdod pa zhig
yod pa sngar bud med cig rang gi lus la chags te me long la rtag
tu blta ba zhig shi nas de 'dra zhig tu skyes par

gsungs pas/ 'chi khar tshogs gsog pa/ byang sems 'phel ba'i smon
lam shugs drag byed pa/ gtso bo lus la ma chags pa byed pa rnams
gal che/ yang grwa zhig dngul la shin tu chags pas shi nas sbal
par gyur te

@328b dngul de la sbar mos 'tham nas sdod pa zhig tu skyes tshul/
'ga' zhig ni chags pa'i dbang gis 'chi khar 'chi yang mi thub pa
lta bu byung ste/ a mdo'i grwa rgan zhig zhag la chags nas shi
dka' ba byung ba la/ gung thang 'jam dpal

dbyangs nas thabs mkhas kyis/ dga' ldan gyi zhing du 'dun pa
thongs dang der nga tsho'i rigs grwa'i zhag las ches bzang ba yod
par gsungs pas de ma thag tu dbugs chad thub pa byung/ rang cag
la'ang de ltar 'ong nyen yod pas chags

sogs spong ba gal che/ sun 'byin pa'i stobs ni/ 'chi khar bshags
sdom stobs chen byed pa ste/ gsang sngags pa yin na/ rang gis
bdag 'jug len pa'am/ dbang bskyar nas zhus te byang sdom sngags
sdom sor chud par byed/

de min yang bshags sdom gang nus legs par byed/ 'di ni spyir dus
rgyun du dang/ lhag par 'chi khar shin tu gnad che/ de ltar ma
byas na 'dis sgrib nas/ dag zhing sogs su 'gro chog chog yin
yang 'gro mi nus/ smon lam gyi

stobs la/ 'di ni dag zhing sogs la smon pa min gyi/ sems can
thams cad kyi sdug bsngal sdig sgrib rang la smin pa dang/ byang
chub kyi sems skye ba'i smon lam 'debs pa yin/ goms pa'i stobs
ni/ dus rgyun du byang chub kyi sems

la goms 'dris byas te 'chi khar yang blo goms pa'i stobs kyis
byang sems bsgom bzhin pa'i ngang nas 'pho thabs byed pa ste/ de
las lhag pa byar med/ spyod lam ni/ ston pa thugs rje can mya
ngan las 'das skabs bzhin du spyod

@329a @#/ /lam gzhogs g.yas sa la phab nas seng ge'i nyal stabs
kyis 'pho ba ste/ 'di tsam gyis kyang dag zhing du bgrod pa la
khyad che/ spyir na skyes bu chung du lta bu ni skyabs 'gro'i
ngang nas 'pho ? la/ skyes bu

chen po ni byang sems bsgom bzhin du 'pho ba sogs dgos/ des dag
zhing du bgrod lugs med snyam na/ de nges par yod de/ mchad kha
ba 'da' kar nye gnas la mchod pa la 'ur gshoms dang/ ngas sems
can thams cad kyi

don du mnar med du 'gro bar smon par byas kyang/ mi 'gro bar
'dug /dag zhing gi snang ba shar byung gsung ba dang/ dge bshes
po to bas kyang de bzhin mdzad tshul/ sngar ma smad gnyis chus
khyer ba'i tshe/ gnyis kas phan tshun

sems bzang po bskyed pas dga' ldan du skyes pa dang/ yang lho
kha'i bya sa'i ko ba thengs cig lci drags te rdib par nye ba na
bang chen pa zhig sems bzang po bskyed de chur mchongs kyang ma
shi bar 'ja' zug pa byung ba ltar sems bzang

tshul khyad par can byang chub kyi sems bcos ma tshun gsal btab na
ni/ gnas bzang bar skye bar the tshom med/ nga tshos hi ka dang
phaD zer ba'i 'pho ba la 'gangs cher byed cing/ 'pho ba'i rtags
thon pa la rtsa ba che bar brtsi

yang; dmigs pa gang yang med par hi ka mang du sbyang na spyi
gtsug tu 'pho rtags thon pa sogs 'byung bas de rlung gi 'phrul
yin pa las de tsam ngo mtshar che rgyu med/ blo sbyong gi 'pho ba
la/ hi ka dang phaD med kyang 'pho ba thams cad

@329b las zab shos 'di yin pas/ 'pho ba gzhan nyams su blangs
kyang 'chi khar ngan song gi skye sgo khegs mi khegs the tshom
yod la/ 'di'i stobs lnga'i sgo nas 'phos na ni/ skye gnas ngan
par mi ltung ba nges pa can yin gsungs/

don tshan lnga pa/ blo 'byongs pa'i tshad ni/ chos kun dgongs pa
gcig tu 'dus/ /zhes pa ste/ bcom ldan 'das kyis chos phung ji
snyed cig gsungs pa thams cad bdag gces 'dzin gyi gnyen por
gzhol zhing 'bab la/ chos dang

chos min pa'i gnam thig kyang nyon mongs kyi gnyen por song ma
song la gsungs shing/ grub rtags kyi mchog nyon mongs je chung
la song ba ste/ de min par gnam la bya rgod sogs kyis kyang
'phur/ sa la byi ba'ang 'dzul/ chu la

nyas kyang 'phyo ba'i phyir na grub rtags gzhan la tig po med/
blo sbyong 'di la chos dang chos min brtags pa'i srang du gsungs
pas/ chos byas pa'i lag rjes la bdag gces 'dzin chung du song
bar 'dug na 'byongs pa'o/ /dpang po

gnyis kyi gtso bor bzung/ /zhes pa ni/ rang gzhan gyi dpang po
gnyis te/ rang la nyams len gsha' ma med kyang tshul 'chos bgyis
te/ gzhan gyis tshad du 'dzin cing/ tshul khrims gtsang mdog kha
la bzang por brtsi ba tsam byung

yang; de tsam ni/ a mra'i 'bras bu phyi nang smin ma smin rigs
bzhir gsungs pa las phyi smin la nang ma smin pa dang 'dra bas/
byi la 'jab pa'i g.yo 'phrul can de lta bu la chos gzhan mi
shes pa dag gis bzang po'i gral du 'dzin

@330a @#/ /mod; de 'dra ba dag mi bya zhing/ gzhan yang nang smin
la phyi mi smin pa'ang min par/ phyi dul bas gzhan gyis khrel ma
dgos pa dang/ nang dul bas rang rgyud nyams len gyis phyug pa'i
phyi gtsang

nang gtsang ba dgos/ byang chub sems dpa' rnams ni/ grags pa
ngan pa spong mi byed/ /ces pa ltar/ phyi'i kun spyod kyang
grags pa ngan pa'i gzhi rnams spangs nas gzab ste gtso bor rang
gis rang la mi khrel ba zhig gal che

gsungs/ yid bde 'ba' zhig rgyun du bsten/ /zhes pa ni/ 'byor pa
sogs byung ba na spel ba dang srung ba'i rnam rtog mang pos yid
mi bde ba mi byed cing/ med na'ang 'tshol ba'i sems ngal med par
yod pa dag gi skyon

bsams la rkyen bzang ngan gang byung yang lam du 'khyer shes
pa'i yid bde dang/ chog shes bya/ de bzhin du bstod smad sogs
chos brgyad mgo snyoms par byed cing skyid na'ang de lugs dang/
sdug na'ang de lugs kyi rgyu mtshan

brtags pas yid mi bde ba med par 'gyur ba 'ong gsungs/ yengs
kyang thub na 'byongs pa yin/ /zhes pa ni/ rta rtsal cher med pa
dag sems ma yengs na rtas mi bskyur yang/ yengs na bskyur la/
rta rtsal can yengs

kyang mi bskyur ba bzhin du/ blo sbyangs kyang ma 'byongs pa ni/
rta rtsal med pas rta zhon pa bzhin/ sems yengs pa'i skabs gzhan
zhig gis tshig ngan smras na/ dang por khro ba skye zhing/ phyis
nas dran pas zin pa na khong khro zhi 'gro

@330b ba yin zhing/ blo 'byong ? sa pas ni/ sems yengs pa
na'ang/ gzhan gyi brdeg 'tshog ngan smra sogs la khong khro mi
skye ba ni blo 'byongs pa'i tshad do/ /byang ba'i tshad ni log pa
yin/ /zhes pa 'chi ba mi rtag pa dang/ nges 'byung gi blo
'byongs

pa'i tshad tshe 'di'i snang shas dang/ 'khor ba'i phun tshogs la
yid smon ldog pa sogs yin pa bzhin du 'dir bdag gces 'dzin log
pa ni byang ba'o/ /'byongs rtags chen po lnga ldan yin/ /zhes pa
sdug bsngal dang gnod pa sogs

gang byung yang nyon mongs pas yid mi bskyod pas bzod nus pa'i
dka' thub pa chen po/ bdag pas gzhan gces par 'dzin pa'i sems
dpa' chen po/ spyod lam kun tu chos spyod bcu'i nyams len las mi
'da' ba'i dge sbyong chen

po; sdig pa mi dge ba phra mos kyang ma gos par zhi dul du gnas
pa'i 'dul 'dzin chen po/ theg chen gyi lam rnal ma la 'byor ba'i
rnal 'byor pa chen po ste lnga po 'di blo sbyong 'di lta bu
bsgoms pa la 'ong gsungs/ don tshan drug pa

blo sbyong gi dam tshig la bco brgyad las/ spyi don gsum la rtag
tu bslab/ /ces gsungs pa'i/ dang po blo sbyong khas blang dang
mi 'gal ba ni/ blo sbyong la bsnyad btags nas 'dul ba sogs bslab
pa 'og ma la khyad du gsod pa mi byed pa

dang; gnyis pa blo sbyong thob cor ma shor ba ni/ blo sbyong la
bsnyad btags nas gces 'dzin med mdog gis mi dang mi min gyi phog
thug sogs la mi 'dzem par shing gnyan gcod pa sogs kyi tho co'i
spyod pa can min pa dgos/ gsum pa

@331a @#/ /blo sbyong phyogs re bar ma song ba ni/ gnyen la bzod
cing dgra la mi bzod pa dang/ mi la bzod cing mi min la mi bzod
pa sogs min pa ste/ de dag ni spyi don gsum mo/ /'dun pa bsgyur
la

rang sor bzhag /ces pa ni/ rang gi rgyud kyi sems gyong po sngar
gnas su 'jog pa min par je bzang du btang nas 'chos thabs byed
cing/ rab na zhag skyed/ 'bring zla skyed/ tha ma lo skyed tsam
e 'ong blta dgos/ de tsam yang

med na/ rab tu byung zin nas na tshod rgan por song yang/ sngar
rab tu ma byung gong gi sems de so na gnas pa/ khang ltag gi
brag gong bzhin mi byed par 'dun pa bsgyur/ gang gis bsgyur na/
byang sems/ nges 'byung/ mi rtag

pa sogs kyis bsgyur dgos kyang/ phyi'i kun spyod so na gnas pa
las/ nang du skye rgyu'i yon tan skar lnga tsam yang med par/
phyi rol gyi spyod pa mig lpags zing zing ba sogs nyams len yod
mdog gi 'dra gang chags mi byed cing/

nyams myod dang yar skyed sems kho na'i steng du bton nas mngon
mtshan med cing sa chod che ba su gang gis ma shes par spangs
rtogs mthon por gshegs pa rgyal sras zhi ba lha dang/ 'phags pa
lam chung ba lta bu dgos/ dpal ldan

zla ba'ang paNDi ta dkyus ma tsam las mthong chen po byed pa ma
byung zhing/ nang du ri mo'i ba las 'o ma bzho nus pa'i grub pa
brnyes pa'i rabs sogs gsungs/ de dag gis kyang mngon che ba ma
mdzad cing/ bka' gdams kyi lugs 'di

@331b la'ang bla ma gong ma rnams kyis sgrub pa byas byas/ grub
rtags bstan bstan sogs kyi skad grags cher med par mdzad pa ltar
bya/ gzhan du yid bzhin gyi nor bu mi gzhan la ngom pa ltar
bsgrags ches na bar chad mang/ rang res yang na 'jig

rten pa dang khyad med du tshe 'di la shor/ gal srid chos shig
byas kyang spo la dar bzhin du 'phyar bar snang yang/ de lta ma
yin par jo bo bka' gdams pa'i lugs 'dir yon tan bum nang gi mar
me bzhin sba dgos par gsungs/ yan

lag nyams pa brjod mi bya/ /zhes gzhan gyi skyon nas mi brjod
cing/ gzhan phyogs gang yang mi bsam mo/ /zhes gzhan gyi skyon
gyi phyogs gang la'ang mi dpyod par rang skyon la brtag dpyad
byed pa dgos/ de min chos grogs dang/ grwa

tshang; khams tshan gyi grwa pa sogs mi gzhan la skyon kho na
'tshol te bltas na ston pa sangs rgyas la'ang skyon mthong ba
chos nyid yin zhing/ de ltar byas na khyad gsod skur 'debs sogs
spel ba las ma 'das pas gzhan la skyon

gdags par mi bya/ nyon mongs gang che sngon la sbyang/ /zhes
rang rgyud la nyon mongs gang shas che ba sngon la sbyangs te/
de yang 'dod chags shas che ba la mi sdug pa bsgom pa sogs kyi
gnyen po bsten nas sbyang ba yin/ 'bras bu re ba

thams cad spang/ /zhes pa/ dge ba zhig sgrub pa na'ang bzang lan
'ong du re ba lta bu dang/ rnam smin bzang po 'ong du re ba lta
bu mi byed pa dang/ du gcan gyi zas spang/ /zhes sogs ni rim pa
ltar/ bdag gces 'dzin gyi dug dang

@332a @#/ /'dres pa'i dge ba'i zas mi bsten/ nyon mongs pa skyes
pa na gnyen po mi bsten par rgyun 'thud pa'i gzhung bzang po mi
byed/ dge sbyong gi byed chos bzhir gsungs pa ltar/ gzhan gyis
gshags ngan

smra ba na lan du gshags ngan mi 'debs/ chos bzhi'i byed chos mi
ldan na dge sbyong du mi 'gro ste/ 'di dag mkhan slob kyi mdun
nas khas blangs pas so/ /des na tshur khyi rgan zer ba na/ phar
rkun ma zer ba lta bu dang/ tshur gcig

brdeg pa na/ phar gnyis brdeg pa sogs mi byed/ gzhan la gnod lan
byed pa'i phyir 'phrang la bsgug pa bzhin gnod pa skyel ba'i dus
skabs sgug par mi byed/ 'di yang kha 'dzum gting nag gi g.yo
sgyu/ 'jig rten pa blun

po dag gis legs par brtsi ba de yin pas/ chos dang 'jig rten
'gal ba yang gnad de'o/ /gzhan gyi skyon chen po rang gis shes
pa na/ mang po'i dbus su dma' 'beb pa'am gnad nas dbab ste skyon
mtshang mi smra/ 'dis

mtshon mi ma yin sogs tshar gcod phyir drag sngags 'don pa sogs
kyang mi byed/ rang gis ma yin pa'i las byas pa g.yo thabs kyis
gzhan gyi steng du 'gel ba'am/ khag ngan byung ba thabs kyis
gzhan la 'gel bar mi byed pa ste

mdzo khal glang la mi 'byo/ blo sbyong 'di bdag gces 'dzin 'dul
ba'i phyir yin pa la/ mi min gyis mi gnod pa dang rnyed bkur
snyan grags kyi phyir byed pa sogs gces 'dzin 'phel ba'i rgyur
bsgom pa'i lto bcos log pa

@332b ltar mi bya/ thun mong du dbang ba'i ka ca lta bu mgyogs
por rang la 'ong thabs byed pa'am bzang shos de rang la sngon du
thob thabs byed pa'i mgyogs kyi rtse mi gtod/ blo sbyong bdag
gces 'dzin gyi gnyen por mi 'gro bar

grogs su 'gro ba lta bu lha bdud du mi dbab/ rang gi bde skyid
kyi phyir dgra gud na dang shi na snyam pa lta bu skyid kyi yan
lag tu sdug mi 'tshol ba ste/ de dag ni dam tshig bco brgyad do/
/bdun pa bslab bya nyer gnyis la/ rnal

'byor thams cad gcig gis bya/ /zhes sogs ni/ 'di nyams su len pa
pos dge sbyor sne mang po mi dgos par thams cad bdag gzhan mnyam
brje'i sems kyi steng du bsgril te/ zas za ba yang rang lus sems
can la byin zin pas/

sems can gyi don sgrub phyir lus 'di gso snyam pa lta bu spyod
lam gzhan thams cad la de bzhin sbyor zhing gzhan du rig sngags
dang bka' bsgo sogs thams cad 'di'i steng nas byed/ sman pas
sman gyis ma phan na gtar sreg byed

pa bzhin du/ na tsha nyon mongs kun gyi gnyen por mnyam brje'i
sems gcig pu 'dis brgya go gcig chod bya/ kun slong 'chos pa
dang bsngo ba gnyis dge ba kun gyi thog mthar bya zhing/ nyin
mor yang 'phen pa btang ba ltar byed kyin 'dug

mi 'dug blta ba gal che/ skyid sdug gnyis gang byung yang blo
sbyong gi nyams len ma shor ba byed dgos kyi/ 'ga' zhig go sa
dang 'byor pa sogs skyid kyis chos shor/ 'ga' zhig ni dgra sogs
byung ste sdug bsngal bas chos shor ba

@333a @#/ /yin pas/ de gnyis gang byung yang blo sbyong gi nyams
len ma shor ba dgos/ chos spyi'i dam tshig dang/ blo sbyong gi
dam tshig gnyis srog dang bsdos te bsrung/ nyon mongs ngos zin
dka'

ba dang/ gnyen po bsten dka' ba dang/ rgyun gcod dka' ba gsum la
nan tan du shes par byas nas bslab/ bla ma bzang po dang mjal ba
dang/ blo las su rung ba/ mthun rkyen zas gos tshang ba ste/ chos
byed pa'i rgyu'i gtso

bo gsum 'dzom thub pa'i smon lam 'debs/ bla ma la mos gus dang/
blo sbyong la spro ba dang/ dran shes kyis bslab bya bsrung ba
gsum nyams pa med par bya/ lus ngag yid gsum dal bar ma bzhag
par dge ba la bkol/

lus kyi dge ba ni phyag skor sogs rkyang pa min gyi/ lus 'dug
lugs drang por bsrang ba tshun kyang lus kyi dge bar 'gro/ blo
sbyong byed yul yang dgra dang gnyen zhes ris su bcad pa dang/
sems can dang sems can min pa sogs la

phyogs ris mi byed par sbyong ba dang/ de lta'i yul thams cad la
khyab par blo gting nas 'byongs par byed pa mchad kha ba ltar
dgos/ khyad par dgra la bzod pa sogs skye dka' ba dang/ yul
gnyan pa bla ma/ pha ma; shag rogs

lta bu la zur du bkol nas gting 'byongs par bsgom/ de yang zas
gos sogs mthun rkyen 'dzoms ma 'dzoms la ma bltos par bsgom pa
las/ lto 'grangs nyi mas dros tshe chos pa'i gzugs/ /rkyen ngan
thog tu babs tshe tha mal ba/ /

@333b zhes pa lta bur ma song ba bya/ da res bskyed dka' la don
che ba'i byang chub kyi sems bsgom pa sogs kyang rang gzhan gyi
don gnyis sgrub pa'i ched du byed pa dgos kyi/ tshe 'di pa'i ched
du bya mi rigs te/ tshe 'di las phyi ma dang/ 'jig rten

las chos/ chos bshad sgrub gzhan byed pa las blo sbyong bsgom pa
gtso bor bya dgos pa yin gsungs/ go log mi bya/ zhes sogs kyis
rim bzhin go log drug las/ chos kyi bya ba la snying rus dka'
spyad mi bzod par 'jig rten

gyi bya ba la dka' spyad bzod pa'i bzod pa go log dang/ thos
bsam sgom gsum sogs chos kyi ro myang dgos kyang/ de la mi rtog
par/ 'jig rten gyi gtam dang tshong dang dmag sogs rtog cing
dpyod la de'i ro myang ba ro myang go log

dang; sdig can la snying rje mi bsgom par/ chos phyir dka' ba
spyod pa la snying rje bar byed pa snying rje go log dang/ chos
rnam dag sgrub pa la yid mi 'dun par/ 'jig rten gyi bde skyid
stobs 'byor la yid smon pa 'dun pa go log dang/

rang la re ltos 'cha' ba dag phyi mar phan pa'i chos la mi sbyor
bar/ tshong dang kha mchu sogs phyi mar gnod tshabs che ba zhig
slob pa sogs gnyer sems go log dang/ rang gzhan gyi dge ba dang
gzhan gyi bde ba la yi rang mi byed par

mi dge ba dang/ dgra bor sdug bsngal byung ba la yi rang ba lta
bu yi rang go log ste/ sngar dge slong zhig gis rang gi 'gran
zla zhig la pham pa byung bar go nas yi rang byas pa dge bshes
po to bas gsan pas pham pa byung ba de bas kyang

@334a @#/ /yi rang byed pa de sdig che ba byung bar gsungs pa
bzhin no/ /bla mar chos thos pa sogs kyi tshe nges 'byung spu sud
skyes nas/ nyin kha shas bsgrims drags pa'i dge sbyor mi byed
dgu byed la 'bad kyang

skabs shig nas thang chad de dge sbyor la mi 'jug pas/ de ltar
res 'jog mi bya bar/ sgom pa rin chen bla mas/ mig rgyang
bsring/ yid rgya bskyed/ khong srang lhod gsungs pa ltar dge
sbyor la thang lhod ran par byas nas snyugs

bsrings te/ ldang ba'i rnal 'byor nas bzung ste rang gis rang la
bsgrig bzos nas/ phyis nas rgyas su btang/ de sa chod che ste/
shig dang lji ba'i dpe ltar yin gsungs/ dol chod du sbyang ba
ni/ blo sbyong la blo lings kyis

'gel ba la gsungs kyang/ sman pas khrag gtar ba na rtsa dang
lpags pa gting chod par mnyam du bcad pa bzhin blo sbyong dang
rang gi rgyud rdo rus thug par byed cing/ de yang blo sbyong la
rtog dpyod kyis dpyad sgom byed bzhin du mtha' chod par sbyang/

nyon mongs gang shas che ba'i gnyen po bsten/ sems can gyi don
rang gis bsgrub 'os shing/ bsgrub par khas blangs zin pas/ de
sgrub pa na gzhan su la'ang yus mi byed/ mang po'i dbus su gzhan
gyis dma' dbab pa sogs la

mi khro ba sogs ko long mi sdom/ rkyen phra mo res dga' chog
sdug chog dpyid ka'i gnam ltar yud tsam pa mi bya/ phan btags pa
la legs so'i gtam sogs re ba chen pos don du mi gnyer ba ste/ de
dag ni bslab bya'o/ /de ltar

@334b byas na tshe'i snyigs ma sogs snyigs ma lnga bdo ba yang
rkyen ngan byang chub kyi lam du bsgyur bar nus shing/ man ngag
'di gser gling pa nas brgyud pa yin la/ mchad kha ba rang nyid
kyis brod rnyed pas shi yang mi 'gyod

par gsungs so/ /de dag gis lta ba'i skor las gzhan zhus zin la/
'di'i 'grel pa mang por snga rabs pa'i lta ba ltar 'di yin gtang
so med pa zhig tu yod la/ blo sbyong nyi ma'i 'od zer ni lta
ba'i skor rnams dbu ma thal

'gyur ba dang mthun par yod pas na/ thal 'gyur ba ltar bsam
dgos/ gser gling pa ni dang por sems tsam pa'i lugs kyi lta ba
'dzin pa la/ phyis dbu ma par zhugs par gsungs yod/ lam rim
nyams 'khrid

'chad skabs sems bskyed yan ma gtogs/ de man la bshad pa gsum
bzhi bskyar ba'i phyag len mi mdzad gsungs// ! //nyin nyi shu
par/ yon tan rin po che sdud pa las/ rgyal ba 'das dang ma byon

da ltar gang bzhugs pa/ /kun lam pha rol phyin pa 'di yin gzhan
ma yin/ /zhes sogs 'dren par mdzad nas/ dus gsum gyi sangs rgyas
rnams gang nas gshegs pa'i gshegs shul phar phyin drug gi spyod
pa la ma 'dus pa'i

lam gzhan mdo rgyud gang na'ang med pa sogs dang/ de 'dra ba'i
lam de yang gzhung 'di lta bu las ston pa yin pas zhes sogs kyi
'grel mdzad de/ sngon 'gro kun slong 'chos pa mdor bsdus dang/
sngon du ji ltar song

@335a @#/ /ba'i sa bcad rnams kyi grangs tsam 'dren par mdzad
nas/ rkyen ngan byang chub kyi lam du bsgyur ba/ tshe gcig gi
nyams len dril nas bstan pa man la bskyar bshad mdzad/ des byang
chub mchog

tu sems bskyed pa'i tshul song nas/ gnyis pa sems bskyed cho gas
bzung ba rjes su gnang rgyu yin zhes 'jog par mdzad de/ byang
sems 'di med par sangs rgyas kyi go 'phang 'thob tu re bas phyag
rdzogs dbu ma bskyed rdzogs sogs ji

'dra zhig bsgoms kyang sangs rgyas kyi go 'phang la cung zad
kyang nye ru mi 'gro ba lta ci/ theg chen gyi sgor tshud pa tsam
yang mi 'byung la/ des na sems 'di la thams cad kyis nyams len
gyi mthil du byed dgos te/ sangs rgyas kyi rnam

pa thams cad mkhyen pa'i ye shes kyis bskal pa mang por gzigs
kyang/ 'di las lhag pa'i thabs dang/ 'di med pa'i lam gyi 'jug
sgo gzhan ma gzigs pa yin gsungs/ gnyis pa sems bskyed nas spyod
pa la slob

tshul la/ de ltar sems bskyed pa'i 'og tu/ dper na 'di nas rgya
gar du 'gro mi des 'gro ba'i bya ba la ma zhugs na mi slebs pa
bzhin du sems bskyed pa tsam gyis mi chog par spyod pa la slob
dgos/ de yang rgyal ba'i chos

gzugs kyi sku gnyis thob par byed pa la bsod nams dang ye shes
kyi tshogs gnyis zung 'brel du gsog cing/ thabs shes ya ma bral
ba la slob pa dgos la/ rgyal sras kyi spyod pa'ang bsdu na thabs
shes gnyis su 'du zhing/

@335b de'i thabs ni phar phyin dang po lnga dang/ shes rab ni
phar phyin tha ma lhag mthong du 'du/ des na gsum pa sems bskyed
nas rgyal sras kyi spyod pa la slob tshul 'chad pa la gnyis/ rang
rgyud smin par byed pa phar phyin drug la slob tshul dang/

gzhan rgyud smin par byed pa bsdu ba'i dngos po bzhi la slob
pa'i tshul lo/ /dang po la gsum/ rgyal sras kyi spyod pa spyi la
slob tshul dang/ khyad par du phar phyin tha ma gnyis la slob
tshul/ rdo rje theg pa la slob tshul lo/ /dang po la sbyin pa/
tshul

khrims/ bzod pa/ brtson 'grus/ bsam gtan/ shes rab la slob tshul
te drug /dang po sbyin pa la/ lus longs spyod dge rtsa bcas
gtong 'dod kyi sems pa ni sbyin pa'i ngo bo yin/ dbye na gsum
las/ zang zing gi sbyin pa ni/ che ba

lus srog nas chung ba rtsam pa thur ma gang sbyin pa tshun chad
yin/ gtong mi nus na/ sngon tshangs pa dang brgya byin 'khor
sgyur sogs su skyes skabs dpal 'byor rgya chen po yod kyang
sbyin pa ma btang bas snying po gang yang ma lon par brten deng

sang kha stabs 'di 'dra zhig tu gyur tshul sogs bsams nas/ da res
lan dang rnam smin la mi re bar gtong dgos/ dbul phongs sogs
dang 'bu grog ma tshun la bsam pa byang sems kyis zin pa'i sgo
nas zas kham gcig dang phye rtsa ma gtsang ma phran

bu re tsam sbyin pa yan chad sbyin pa'i phar phyin gyi nyams len
dang rgyal sras kyi spyod par 'gro/ de yang 'bras bu chung du mi
'gro ba'i phyir gang byin pa des sbyin yul 'tshengs pa zhig byed/
rang res dkon mchog la bsnyen bkur rgya chen po zhig 'bul

@336a @#/ /tshe ngas dga' rab gcig btang yod snyam pa'i khengs pa
'byung mod/ de yang ma dag pa'i sbyin pa yin la/ yang; btang zin
pa'i rjes su btang ches 'dug snyam pa dang/ gtong yul nor 'dug
snyam

pa sogs phyis nas 'gyod pa byed pa de 'dra'ang bya mi rung/
gtong skabs/ dang po dang tha mar sems can gyi don du 'gyur ba'i
kun slong legs par bcos shing/ smon lam shugs drag gdab/ sbyin
pa che chung gang gtong yang rnyed

bkur sogs rang don la mi re ba dgos gsungs/ chos kyi sbyin pa ni
nyan 'dod can la phan sems kyis chos tshig bzhi pa gcig bstan pa
yan dang/ dge phrug la dpe cha khrid pa tshun chad chos kyi sbyin
par 'dra ba las/ bla ma zer nas chos

khri'i steng du 'dzegs te 'chad pa zhig nges par dgos pa min
cing/ chos sbyin 'di sbyin pa gzhan las mchog yin/ dpe cha 'dzin
skyor sbyang sogs kyi tshe'ang rang gi mtha' skor du dkar phyogs
kyi lha sogs dang sems can thams cad 'khod

nas nyan par bsams nas byas na chos kyi sbyin par 'gro ste/ chos
sgra thos pas 'bu srin sogs kyi rgyud la'ang bag chags 'dzeg na
gzhan ci smos/ 'di ni sbyin bdag rtsar gsung rab klog 'don byed
pa tshun chad du'ang bsam/ grong chog skabs

lhag par gzab dgos te/ ston pa thugs rje can gyis tshe gcig la
'tshang rgya ba'i thabs su gsang sngags gsung ba grong chog gi
rnyed bkur dang brjes na nor phyir chos 'tshong pa ste/ rgyal po
khri las phab ste gad bdar byed bcug pa dang 'dra bas

@336b kun slong bzang pos zin dgos/ spyir chos dngos ston pa lta
ci/ skad cha sogs las 'phros nas gzhan dngos dang brgyud pas
chos la bkri thabs byed pa'ang chos sbyin du 'gro/ rab byung gis
ni chos sbyin gtso bor byed cing/ de'i steng 'bad med

'byor na zang zing sbyin pa'ang byed dgos/ 'on kyang rab byung
la bka' gdams dge bshes sha ra bas/ ngas ni khyed la gtong ba'i
phan yon mi brjod kyi/ 'dzin pa'i nyes dmigs brjod pa yin
gsungs/ gzhan yang btson rar sdug

bsngal ba btson nas 'don pa dang/ chus khyer ba de las 'don pa
lta bu dang/ dbyar dgun gyi dus su 'bu sogs tsha grang las bskyab
pa sogs kyang mi 'jigs pa'i sbyin pa ste/ mi 'jigs pa'i sbyin pa
zhes pa rgyang ring por mi dgos kyi/ lus kyi

shig tshun chad la'ang sbyin du yod/ srog chags chus khyer ba
'don pa lta bur ni/ lag pa 'gul tsam las mi dgos pas bya sla ba
yod/ blo sbyong gi nyams len skabs kyi gtong ba'i dmigs pa rnams
kyang sbyin pa'i nyams len yin/ gtso bo

ni sbyin pa'i phar phyin zhes pa spyod 'jug las/ gal te 'gro ba
dbul bor ba/ /sbyin pa'i pha rol phyin yin na/ /da dung 'gro
bkren yod na sngon/ /skyob pa ji ltar pha rol phyin/ /zhes pa
ltar/ sems can dbul ba bor ba tsam zhig min cing/

ser sna med pa tsam nyan rang dgra bcom la'ang yod pas 'dir ni
de tsam zhig min par/ spyod 'jug las/ bdog pa thams cad 'bras
bcas te/ /skye bo kun la btang sems kyis/ /sbyin pa'i pha rol
phyin gsungs te/ /de ltas de ni

@337a @#/ /sems nyid do/ /zhes gsungs pa ltar phan yon dang nyes
dmigs bsam pa'i sgo nas rang gi lus dang longs spyod dge rtsa
rnams la ser sna med par snying nas btang ba'i 'bras bu dang
bcas pa gzhan

la gtong ba'i blo'i goms pa yongs su rdzogs pa la sbyin pa'i
phar phyin du gsungs pas gtong sems spel bar byed pa ni gnad dam
pa ste/ chos gos gsum lta bu'ang dbul pos slong ba na/ de ma
thag gtong phod snyam pa'i blo thag chod pa

zhig dgos shing/ de'ang goms pa la rag las phyir chung rim nas
sbyangs te mthar lus kyang gtong nus pa tsam du ma goms kyi bar
gtong sems spel ba yin no/ /spel lugs kyang/ rang nyid shi ba'i
skabs nor rdzas rnams gcig kyang

'khyer du med par slad du lus te chud zos su 'gro ba sogs mi
rtag pa'i tshul bsam ste/ snying thag pa nas gzhan la bsngos na/
bdag 'brel gyi ltung ba sogs nyung bar 'gyur zhing/ sbyin pa'i
nyams len du 'gro ba yin/ 'on kyang de

tsam gyis chog par mi 'dzin par dngos su'ang gang thub btang
dgos/ des na sprang pos slong ba tshun la gang thub sbyin/ yang
sbyin rgyu'i rdzas med bzhin du log 'tshos bsgrubs nas ster ba mi
rung/ spyir phar phyin dang po gsum ni

khyim pa'i lag len gyi gtso bo yin te/ sbyin sogs chos gsum de
dag phal mo che/ /bde bar gshegs pas khyim pa rnams la bsngags/
/zhes gsungs/ gtong du mi rung ba'ang lus lta bu ni/ gtong sems
spel ba tsam las/ da lta

@337b ma goms pas lus btang bar mi bya zhing/ phyis nas spyod
'jug las gsungs pa ltar tshod ma btang ba tsam las dka' ba med
par byung tshe btang chog /sbyin du mi rung ba ni/ sbyin pa po
rab byung gis rang gi chos gos rnam gsum sogs sbyin

pa dang/ rab byung la phyi dro'i kha zas dang/ bram ze sogs
gtsang sbra can la sgog btsong sogs mi gtsang ba dang/ dri nga
ba'i rigs ster ba dang/ klan ka tshol 'dod la glegs bam sbyin pa
dang/ 'chi 'dod par dug dang mtshon sbyin pa dang/

snod min la gsang ba ston pa dang/ bstan pa dang sems can la
gnod pa byed nges kyi nag can khrims las bton pa sogs yul dang
dus dang dngos po sogs kyi sgo nas dmigs bsal gyi dgag bya can
rnams sbyin par mi bya/ sbyin pa byas

par 'bras bu med do snyam pa'i log lta dang/ 'gro ba gcig gi
ched du sems can gzhan mang po yal bar dor nas de gcig pu skyob
pa lta bu don chung dang/ phyugs kyi mchod sbyin lta bu lta ngan
dang/ brnyas smod/ 'gran 'dod/ khengs

sems/ grags 'dod/ zhum pa/ 'gyod sems/ phyogs ris sogs kyis ma
gos par bslab/ gzhan yang bslab btus las/ lus gtong sems spel ba
dang/ dus la ma bab kyi bar du 'gal rkyen las lus bsrung ba
dang/ mi

dge bar mi bkol bar dag par byed pa ste/ btang srung dag pa gsum
dang/ lus rten 'dis rgyu bsgrubs nas/ phyi ma'i rnam smin yon
tan brgyad ldan bskyed pa ni spel ba ste bzhi gsungs la/ longs
spyod la'ang btang ba dang/ gtong

@338a @#/ /sems spel ba dang/ zhing khyad par can la ma song gi
bar du bsrung ba dang/ log 'tsho dang sdig pas mi gos par byed pa
dag pa dang/ phyi nas kyang longs spyod 'byung ba'i phyir btang
ba bsgrubs nas

spel ba ste bzhi dang/ dge ba'ang sems can la snying thag pa nas
btang ba dang/ khong khros mi 'joms par bsrung ba dang/ tshe
'di'i bde ba don gnyer dang/ phyi ma ngan song ldog tsam gyi
ched sogs rang don kun slong dri ma can

gyis ma gos par dag pa dang/ yi rang gis spel ba ste/ de ltar
bzhi bzhi gsungs pa ltar slob dgos/ gnyis pa tshul khrims kyi
phar phyin gyi nyams len ni/ spyod 'jug las/ spong ba'i sems ni
thob pa las/ /tshul khrims pha

rol phyin par bshad/ /ces pa bzhin/ gzhan la gnod pa gzhi dang
bcas pa las yid log nas spong ba'i sems la byed cing/ 'di la
goms pa gong du yongs su rdzogs pas tshul khrims kyi pha rol tu
phyin par 'gyur ba yin/

tshul khrims la gsum las/ nyes spyod sdom pa'i tshul khrims ni/ sdom
pa gsum lta bu ste/ lam sgron las/ so so thar pa rigs bdun gyi/ /rtag
tu sdom gzhan ldan pa la/ /byang chub sems dpa'i sdom pa yi/ /skal
ba yod kyi gzhan du min/ /

zhes pa'i dngos zin la/ byang sdom len pa'i rten la so thar gyi
tshul khrims yod dgos pa lta bur gsungs pa ni/ sngags kyi skabs
sngags sgrub pa'i rten la dge slong mchog tu bshad pa bzhin
byang sems kyi bslab par slob pa'i rten mchog

@338b la dgongs pa las rnam pa thams cad la ni ma yin te/ byang
sems kyi bslab pa la slob pa'i rten du gyur pa'i lha dang klu
yang yod/ 'o na gang 'dra zhig dgos she na/ so thar gyi sdom
ldan byang sems kyi bslab par slob pa zhig yin na so thar

gyi sdom pa de dang thun mong ba'i spong sdom de skabs 'di'i
sdom pa'i tshul khrims la ngos 'dzin cing/ so thar sdom ldan min
na mi dge bcu spong gi spong sdom la sdom pa'i tshul khrims su
'jog /byang sems kyi rgyud kyi mi dge bcu spong gi tshul khrims
dang/ so

thar gyi sdom pa ni/ byang sems kyi sdom pa las ngo bo tha dad
par gsungs pa red/ dge ba chos sdud kyi tshul khrims ni/ byang
sems kyi bslab pa dang ldan pas zhing khyad par can la phyag
dang mchod pa/ bkur sti rim gro/ thos bsam sgom sgrub/

chos 'chad nyan byed pa sogs sgo gsum gyi dge ba'i bya ba la
brtson pa thams cad dang/ mdor na/ rang gzhan gyi rgyud smin par
byed pa'i phyin drug gi spyod pa kun de yin/ rgyal sras kyi
spyod pa thams cad tshul khrims rnam pa gsum du 'du zhing/

spyir na lam gyi rim pa thams cad tshul khrims rnam pa gsum nyid
je 'phel du btang ba yin/ sems can gyi don byed pa'i tshul khrims
ni/ bsdu bzhi'i spyod pa la sogs pa ste/ de la yang don byed
tshul/ bya ba byed pa dang sdug bsngal gyi

grogs byed pa/ thabs la rmongs pa'i don byed pa/ phan 'dogs pas
don byed pa/ 'jigs pas nyen pa'i don byed pa/ mya ngan gyis gzir
ba'i don byed pa/ phongs pa'i don byed pa/ gnas 'cha' bar 'dod
pa'i don byed pa/ blo

@339a @#/ /mthun par 'dod pa'i don byed pa/ yang dag par zhugs
pa'i don byed pa/ log par zhugs pa'i don byed pa/ rdzu 'phrul
gyis don byed pa ste rnam pa bcu gcig yod la/ de'i nang nas rdzu
'phrul gyis

don byed pa ma gtogs pa'i lhag ma bcu ni/ rang res nus pa kho na
ste/ mdor na gzhan phan gyi bsam pas kun nas bslangs pa'i sgo
gsum gyi bya ba kun kyang 'dir gtogs pa yin/ des na so thar gyi
sdom pa ma blangs kyang mi dge bcu

spong gi tshul khrims sogs la bslab ste/ rang rgyud smin pa'i
phyir phyin drug la slob cing/ de nas gzhan la gang phan gyi
spyod pa la slob pa ni/ tshul khrims gsum la slob tshul lo/ /gsum
pa bzod pa la slob tshul la/ bzod pa'i

ngo bo ni/ gnod byed dang sdug bsngal la yid mi 'khrugs pa'i
sems so/ /de yang spyod 'jug las/ sems can mi bsrun nam mkha'
bzhin/ /de dag gzhom gyis yongs mi lang/ /khro ba'i sems 'di
gcig bcom na/ /de dag thams

cad choms dang 'dra/ /zhes pa ltar khro ba bcom pa ste/ de ma
bcom par khong khros na nyes pa ches lci ba/ zhe sdang lta bu'i
sdig pa med/ /bzod pa lta bu'i dka' thub med/ /ces gsungs pa
ltar yin/ de la gsum las/ gnod byed la

ji mi snyam pa'i bzod pa ni/ dgra sogs gzhan gyis rang la gnod
par byed pa'i tshe na/ de la mi khro bar bzod pa bsgom/ de yang
khong khro'i nyes dmigs shes dgos/ 'di ni mi dge ba'i nang nas
thabs rdug shos te/ khong khro re res

@339b bskal pa stong gi dge rtsa yang 'joms par gsungs pas khong
khro la skyon du shes par byas nas/ rang re rgyun du bzod pa
bsgoms pa 'di la brtson pa bskyed dgos/ yul byang chub sems dpa'
gang na yod mi shes pas/ de la

khros na/ byang sems stobs chung bas che ba la khros tshe bskal
pa brgya'i dge ba 'joms la/ byang sems min pas byang sems la
khros na bskal pa stong gi dge ba 'joms pa dbu ma 'jug pa dang/
spyod 'jug las gsungs pa

ltar nyes dmigs shin tu che bas na/ bzod pa bsten dgos shing/ de
yang khong khro ma byung gong nas dang/ byung ba'i tshe rkyen
thub par byas te nyes dmigs bsams nas bzod pa bsgom dgos/ de min
rang gzhan tshang ma mi bde

bar byed pa dang/ gzhan lta zhog /rang srog rang gis bcad cing
lceb pa sogs kyang khong khros byed cing/ dgra mang ba'ang des
bskyed/ de lta mod de 'on kyang khong khro'i yul mang bas bzod
par mi nus snyam na/ spyod 'jug las/ sa steng

'di dag kos g.yog tu/ /de snyed ko bas ga la lang/ /lham mthil
tsam gyi ko bas ni/ /sa steng thams cad g.yogs dang mtshungs/
/gsungs pa bzhin/ dgra btul nas e rdzogs bltas na sems can gyi
mtha' ma zad bar du dgra

rdzogs dus dang thul dus med la khong khro btul na ni dgra gcig
kyang mi 'byung bar thams cad thul ba dang 'dra/ bzod pa'i ngo
bo dang rab dbye khong khro'i nyes dmigs sogs yang dag par shes
pa yin pa la/ khong khros lus ril

@340a @#/ /por khengs nas bsdad na ci yang ma byung ba yin/ sngon
du slob ma zhig gis rkun ma brdung ba'i tshe bla mas bar mdzad
kyang ma thub pa na kho'i sna la phyag mdzub btsugs te bzod pa
bzod pa zhes

gsungs pas gdod khos bzod pa dran pa bzhin/ khros nas las ka
tshar rgyu gang po zin nas bzod khul byas pas ci phan/ de yang
dang por dka' yang blo sbyangs te goms na bzod pa bsgom pa sla
bar 'byung/ gnod byed la

khro mi 'os pa'i rgyu mtshan yang/ dper na mi zhig gis dbyug pas
mgo la bsnun pa na/ bsnun mkhan la mi khro bar 'di dag bsam ste/
re zhig na tsha dngos su skyed pa po la kho na dbyug pa la kho
dgos/ de la dbang med par bskul

bas so snyam na/ bsnun pa po la'ang dbang med par/ de'i rgyud
kyi nyon mongs pas byas pa yin pas de la khro ba las mi kho la
khro bar mi rigs/ rnam pa gcig tu na/ dbyug pa phog pa 'phral
rkyen rang gi byed spyod ma legs pa dang/

rtsa ba ni sngon chad gzhan gnod byas pa sogs kyis las ngan
bsags pas lan pa yin pas/ rang gis byas pa'i las 'bras rang
steng du smin pa la ci'i phyir khro/ der ma zad bzhi brgya pa
las/ thub pas nyon mongs dag

gzigs kyis/ /nyon mongs dang 'brel gang zag min/ /zhes gsungs pa
ltar/ nad pa smyo nas sman par brdeg pa dang/ bu smyo nas pha la
brdegs kyang/ nad pa dang bu la mi khro ba/ smyo ba sel thabs la
brtson pa bzhin gnod

@340b byed de rnams kyang nyon mongs kyis smyos nas rang dbang
ma byung bas na kho la mi khro bar kho'i nyon mongs sel thabs la
brtson dgos/ gzhan yang lag pa mes tshig pa na rang gis phar reg
pas lan pa'i phyir/ me la khro mi rigs pa

bzhin/ rang gis bskul bas lan pas/ pha rol por khro ba mi rigs/
me rang bzhin tsha zhing sreg pa ltar sems can kho rang gi rang
bzhin yin na/ mes bsreg tshe me la mi khro ba ltar kho la khro mi
rigs/ kho'i rang bzhin yin na khro mi

rigs mod kyang kho las glo bur du byung ba yin pas khro snyam
na/ 'o na nam mkha' las ser ba byung ba na/ nam mkha' la khro
rigs pa la der khro don med pa bzhin yin pas khro mi rigs/ gzhan
gyis brdung brdeg dang/ tshig ngan smras

pa sogs kyis lus sems la mi bde ba'i sdug bsngal byung na/ slar
ngan lan slog ste ngan song gi sdug bsngal gyi rgyu mi bsgrub
par khong khro'i gnyen po bsten cing bzod par byed dgos pa spyod
'jug las/ da lta'i sdug bsngal 'di tsam

la'ang/ /bdag gis bzod par mi nus na/ /des na dmyal ba'i sdug
bsngal rgyu/ /khro ba ci ste bzlog mi byed/ /ces pa ltar yin/
gnod byed la ji mi snyam pa'i bzod pa 'di gnod byed la bsgoms pa
las/ phan byed la bsgom du med cing/

gnod byed mang na bzod pa bsgom rgyu mang bas gnod byed 'di
rnams rang gi bzod pa 'phel ba'i grogs su bsam dgos pa/ jo bo'i
mdun du rgyal po a sang g+ha bya ba'i a tsa ra gshis ngan zhig
rgyun du bsten par 'di 'dra mi bsten par zhu zhus pa

@341a @#/ /na; 'di la bsten nas bzod pa'i yon tan rdzogs pa yin
zhes gsungs pa ltar dang/ mdor na rang don sgrub pa'i nyan thos
kyang gnod byed la mi khro na bdag theg chen par khas 'ches pas
ga

la rigs snyam du drang srong bzod par smra ba'i lo rgyus ltar
slob dgos gsungs/ sdug bsngal dang len gyi bzod pa ni/ bde ba la
ma chags par ma zad/ sdug bsngal la rgyan du mthong nas sman
ltar bsten pa zhig dgos/ chos phyir

dka' spyad bzod pa dang/ gzhan yang na tsha dang/ mi 'dod pa'i
dgra dang/ tha na rmi lam gyi sdug bsngal sogs byung yang/ sngar
blo sbyong gi skabs su zhus pa bzhin/ de thams cad chos kyi
grogs su bsgyur te/ las ngan zad pa'i

rgyur bsam pa dang/ des dpags te/ gzhan la snying brtse ba dang/
'khor ba'i skyon bsam pa sogs spel nas bzod par byed/ sdug
bsngal byung ba na'ang phyi ma ngan song du myong dgos pa'i sdug
bsngal gyi go 'dis bcad do

snyam du yid dga' bar bya dgos pa dper na/ gsad bya'i mi lag pa
bcad de thar ba la yid dga' bar bya 'os pa bzhin yin/ gzhan yang
gtar sreg gi sdug bsngal bsten pas nad kyi sdug bsngal zhi ba
ltar/ rang res chos phyir

dka' ba spyad na des ngan song gi sdug bsngal mang po'i go bcad
pas legs snyam pa dang/ de'i skabs sdug bsngal gyi yon tan yang
dran dgos te/ spyod 'jug las/ gzhan yang sdug bsngal yon tan ni/
/skyo bas dregs

@341b pa sel bar byed/ /'khor ba pa la snying rje skye/ /sdig la
'dzem zhing dge la dga'/ /zhes gsungs/ der ma zad/ rab tu byung
bas ni gnas khang zas gos sogs dman pa re las ma byung yang chos
gos dang/ bsod snyoms dang

gnas mal sogs ngan ngon tsam gyis chog shes pa sogs 'phags pa'i
rigs bzhi la bslab tu yod pa skal ba re bzang snyam du dka' ba
spyad de 'dod chung chog shes byed pa sogs tshangs spyod 'phel
ba'i gnas la brten pa'i sdug

bsngal dang len byed dgos/ de ma byung na zas nor la sogs pa
legs pa zhig 'dod de/ rgyu nor spel ba'i thabs byed byed nas
chos mi bsam par mi tshe don med du 'da' ba las ma 'das te/ sngon
shing 'tshong zhig gis/ ston pas

gter gzigs nas dug myur du khyab pa'o/ /dug drag po'o/ /zhes
gsungs pa thos nas/ de'i rjes su bltas pas gser rnyed nas phyug
por gyur pas/ rgyal pos rgyu dris pa na/ rdzun smras pa/ rgyal
pos shes nas gsod par nye ba

na; dug myur du khyab pa'o/ /dug drag po'o/ /zhes brjod pas/
slar rgyu mtshan dris pa na sngar gyi lo rgyus bshad pas btang
ba'i rabs bzhin nor ni de lta bu'i dug yin/ des na/ 'dod chung
chog shes byas na/ rang cag grwa

rkyang rnams kyang mthun rkyen 'grigs nas 'ong ste/ rje rin po
ches kyang bya bral la gshegs skabs dpon slob dgu la dngul zho
brgyad las med par 'dod chung chog shes mdzad pa ltar dang/ gos
kyang shin tu ngan pa min tsam gyi

@342a @#/ /gang byung gis chog par byed/ zas gos sogs kyis nyams
len la mi gnod bzhin du rang gi bsod nams kyis rnyed na ni longs
spyad kyang chog /gzhan gyi smad ra sogs mi snyan pa byung
ba'ang

bzod par byed/ gzhan yang lus drang por bsrangs ba'i dka' spyad
sogs spyod lam gyi sdug bsngal dang len/ dkon mchog mchod pa
sogs chos yongs su 'dzin pa la brten pa'i sdug bsngal dang len/
gzugs mi sdug pa

dang gos ngan pa sogs ji 'dra byung yang de dag la dwangs 'dod
kyi chos spangs nas 'dod yon las ldog pa 'tsho ba la brten pa'i
sdug bsngal dang len/ dge ba la brtson pas dub pa la brten pa'i
sdug bsngal dang len/ gzhan

srog gcod pa las skyob pa'i phyir rang la sdug bsngal 'byung bar
rig na bzod par byed pa sogs sems can don byed la brten pa'i
sdug bsngal dang len/ tshong dang zhing las sogs nor spel thabs
byed pa'ang spang pa sogs

'phral gyi bya ba la brten pa'i sdug bsngal dang len sogs sdug
bsngal dang len gyi bzod pa 'di shin tu rgya che/ chos la nges
sems kyi bzod pa ni/ myur lam las rgyas par gsungs la/ dge sbyor
nyams len gyi gnad la bsgom

pa dang/ 'dzin skyor byed pa sogs kyi sgo nas gnas dang gnas ma
yin pa'i blang dor dang/ dkon mchog gi yon tan dang/ thob bya'i
byang chub dang/ der bgrod pa'i lam dang/ bdag med dang/ sde
snod zab cing rgya che

@342b ba'i don la dpyod pa dang/ skabs 'di lta bur lam rim gyi
tshig don nges par byed pa'ang chos la nges sems te mtshan nyid
pas rtags gsal rtsod pa'i skabs rtags gsal gyi don sems pa'ang
de ltar yin/ bzod pa 'di gsum

las; dang po ni gnod byed la brten nas 'byung ba dang/ gzhan
gnyis ni skabs kun tu 'byung ste/ bka' chos kyi dus su'ang rgyun
ring ba sogs bzod par byas te/ rtse gcig tu nyan nas don sems pa
dang/ tshogs

chos rar 'gro ba'i skabs/ lus kyi spyod lam gzab cing/ bkres
skom bzod la/ 'dzin skyor la rtse gcig tu sems pa dang/ der ma
zad tha na grong chog tu 'gro ba tshun la/ bzod pa phyi ma gnyis
tshang bar byar yod do/ /bzhi

pa brtson 'grus ni/ brtson gang dge la spro ba'o/ /zhes dge ba'i
bya ba la spro ba ni brtson 'grus kyi ngo bo yin/ 'di ni dge ba
gang yang mthar phyin par byed pa'i thabs mchog ste/ mdo sde
rgyan las/ dge ba'i tshogs kyi nang na brtson

'grus mchog /'di ltar de la brten nas de rjes thob/ /brtson
'grus kyis ni mod la bde gnas mchog /dngos grub 'jig rten 'das
dang 'jig rten gtogs/ /brtson 'grus kyis ni srid spyod 'dod pa
'thob/ /brtson 'grus kyis ni dag pa rab

'gyur ldan/ /brtson 'grus kyis ni 'jig tshogs 'das nas grol/
/brtson 'grus kyis ni byang chub mchog sangs rgyas/ /zhes brtson
'grus ni dge ba kun gyi mchog yin pa dang/ de las sangs rgyas
kyi go 'phang man chad 'byung bar gsungs

@343a @#/ /la; 'jug par yang/ yon tan ma lus brtson 'grus rjes
'gro zhing/ /zhes gsungs/ des na kha ton sogs kyi tshe bong bu
chad pa gyen du 'ded pa ltar mi byed par dge ba la spro shugs
dang ldan

par 'jug dgos/ 'di'ang dang po nas chung rim dang nyung rim nas
goms par byas te brtson pa je che je cher bya/ brtson 'grus kyi
bar chad le lo rnam pa gsum las/ sgyid lug pa'i le lo ni/ dge ba
gang yang phyi bshol gyi

dbang du shor nas zhag 'gyangs nyin 'phul gyis 'phral 'phral du
byed snying mi 'dod pa ste/ de'i gnyen por 'chi ba mi rtag pa
dang/ dal 'byor don che rnyed dka' bsgom dgos/ bya ba ngan zhen
gyi le lo ni/ rnyed bkur dang 'du 'dzi/

bre mo'i gtam dang/ zhing las dang/ tshong dang/ tshem bu dang/
skud pa 'khel ba sogs 'jig rten gyi bya ba dang mi dge ba'i las
la skyo dub med par zhen cing 'jug pa ste/ de dag la brtson
'grus mi zer gyi/ sdug rus zer ba

yin; 'di'i gnyen por spyod 'jug las/ dga' ba'i rgyu ni mtha' yas
pa'i/ /dam chos dga' ba'i mchog spangs nas/ /sdug bsngal rgyu yi
g.yeng ba dang/ /rgod sogs la khyod ci phyir dga'/ /zhes pa
ltar 'khor ba'i bya ba la snying

po med cing sdug bsngal gyi rgyur bsams nas bzlog dgos/ zhum
pa'i le lo ni/ nga lta bus sangs rgyas ga nas sgrub nus shing/
sems can thams cad kyi don byed pa'ang ga nas nus/ mgo dang
rkang lag gtong ba sogs kyang bdag lta bus

@343b ji ltar nus zhes pa lta bu snying zhum pa ste/ de'i gnyen
por sangs rgyas kyi chos re re ste/ dper na/ dal 'byor rnyed
dka' lta bu'i dmigs skor sne re re la'ang mi tsher bsgril te
sbyang dgos pa byung yang bzod snyam pa dang/ 'jig rten

'dir don min pa la brtson pa cher bskyed pa'i tshong pa sogs kyis
kyang khe cung zad tsam gyi phyir du dka' ba'i las ji ltar bzod
par byed pa'i tshod tsam zhig bdag gis kyang 'bad de byang chub
sgrub phyir brtson na nges par 'grub nus snyam

pa dang/ gzhan yang spyod 'jug las/ bdag gis byang chub ga la
zhes/ /sgyid lug par ni mi bya ste/ /'di ltar de bzhin gshegs pa
ni/ /bden par gsung bas bden 'di gsung/ /sbrang bu sha sbrang
bung ba dang/ /de bzhin srin bur gang

gyur pa/ /des kyang brtson pa'i stobs bskyed na/ /byang chub
'thob dka' bla med 'thob/ /bdag lta rigs kyi mir skyes la/ /phan
dang gnod pa ngo shes pas/ /byang chub spyod pa ma btang na/
/bdag gis byang chub cis mi 'thob/ /ces gsungs pa

bzhin ston pa bden par gsungs pas/ sbrang bus kyang sangs rgya
bar gsungs na/ nga lta bu'i mir skyes shing smra shes don go bas
byang chub cis mi 'thob ste 'thob nus snyam du bsam/ de lta mod
de mgo dang rkang lag gtong ba sogs bya

dka'i spyod pa rnams mi nus so snyam na/ spyod 'jug las kyang/
'on te rkang lag la sogs pa/ /btang dgos bdag ni 'jigs zhe na/
/lci dang yang ba ma dpyad par/ /rmongs pas bdag ni 'jigs par
zad/ /ces dang/ tshod ma la

@344a @#/ /sogs sbyin pa la/ /'dren pas thog mar sbyor bar mdzad/
/ces sogs dang/ gang tshe rang gi lus la yang/ /tshod sogs lta
bu'i blo skyes pa/ /de tshe sha la sogs gtong ba/ /de la dka' ba

ci zhig yod/ /ces gsungs pa ltar/ chung rim nas btang na goms
par gyur nas/ mgo dang rkang lag gtong ba la tshod ma btang ba'i
tshod tsam las mi sems pa 'byung bas de'i tshe gtong ba la dka' ba
med snyam spro ba

bskyed/ sangs rgyas kyi yon tan mtha' yas pas bsgrub dka' snyam
na/ de sgrub byed kyi lam yang zab cing rgya che mtha' yas pas
rang gis bsgrub na 'thob par nus nges su bsam/ 'o na sems can
gyi don du ngan song du 'gro

pa sogs kyi dka' las yod do zhe na/ spyod 'jug las/ sdig pa
spangs phyir sdug bsngal med/ /mkhas pa'i phyir na mi dga' med/
/ces sogs ltar sems can gyi don du mnar med du gnas kyang rang
gis sdig pa spangs

pas na/ las ma byas pa dang mi 'phrad par gsungs pas/ sdug
bsngal med cing mi bde ba med pas na/ der mi dga' ba med par dag
zhing du 'jug pa dang 'dra ba nyid do snyam du bsam/ brtson
'grus la gsum las/ go

cha'i brtson 'grus ni/ bla mchod las/ sems can re re'i phyir
yang mnar med pa'i/ /sogs ltar sems can re re'i phyir du bskal
pa 'bum phrag mang por dmyal mer gnas dgos kyang bzod pa'i bsam
pa sbyangs

@344b shing/ sngags kyi skabs/ rang ngos nas de ltar bzod nus
kyang/ sems can gyi ngos nas sdug bsngal yun ring bas/ bu sdug
pa chus khyer ba'i ma bzhin sdug bsngal las myur du 'don 'dod
kyi blos 'jug pa dgos/ go cha'i brtson

'grus skabs rang sems can gyi don du dmyal ba mnar med na'ang
'jug bzod pa'i sems sbyang ba dang/ skyes bu 'bring skabs rang
'khor ba las thar 'dod kyi blo bskyed pa gnyis 'gal lo zhe na/
mi 'gal te/ byang chub

sems dpa' yang las nyon gyi dbang gis ngan 'gror skye ba la
'jigs shing/ der ni gzhan don lta zhog /rang don yang mi 'grub
pa yin la/ byang sems la blo sbyangs sbyangs te rang mi 'jigs
pa'i gdeng thob nas snying rje dang smon

lam gyi dbang gis skye ba bzhes pa la ni spro bzhin du 'jug pa
las/ sdug bsngal dang yid mi bde ba cung zad kyang med/ gzhan
gyi don la rang gi dka' ba dang/ chos nyams pa la dmigs nas mi
sgrub pa sogs kyi tshe/ go cha'i brtson 'grus

la slob par gsungs/ dge ba chos sdud kyi brtson 'grus ni/ bsags
sbyang/ mchod 'bul/ phyin drug gi nyams len la brtson pa sogs
dang/ sems can don byed kyi brtson 'grus ni/ bsdu ba rnam pa
bzhi la brtson pa lta bu ste/ sems

can don byed kyi tshul khrims dang 'dra bar slob pa yin/ brtson
'grus phyi ma gnyis dang/ tshul khrims phyi ma gnyis dang/ bzod
pa phyi ma gnyis sogs khyad med 'dres 'gro ba lta bur mthongsrid
mod de/ gzhi gcig gi steng du spro ba dang/ sgrub

@345 @#/ /'dod dang/ mi mthun phyogs spong 'dod kyi cha so so nas
ma 'dres par bzhag chog cing/ des na/ bskyed rim thun gcig bsgom
pa lta bur yang sems bskyed kyis zin na phar phyin drug ka'i
nyams

len tshang ba zhig 'ong ba yin no gsungs/ de nas bsam gtan dang/
shes rab kyi phar phyin gnyis kyang ngo bo ngos 'dzin tsam re
mdzad de/ rgyas par phar phyin tha ma gnyis kyi skabs 'og tu
'chad gsungs// ! //nyin

nyer gcig par/ rgyal tshab byams pa mgon po'i gsung las/ 'di na
dang por thos la brten nas tshul bzhin yid la byed pa 'byung/
/tshul bzhin yid la byed pa las ni yang dag don yul ye shes
'byung/ /zhes gsungs

pa 'dren par mdzad nas/ sngon 'gro'i chos bshad mdo tsam gsungs/
ji ltar sngon du song ba'i sa bcad rnams drangs rjes/ rgyal sras
kyi spyod pa spyi la slob tshul la sbyin sogs dang po bzhi la
bskyar bshad mdor bsdus

gnang nas/ gnyis pa khyad par du phar phyin tha ma gnyis la slob
tshul la gnyis/ bsam gtan gyi ngo bo zhi gnas la slob tshul dang/
shes rab kyi ngo bo lhag mthong la slob tshul lo/ /dang po la
drug /zhi gnas

kyi tshogs bsten pa/ zhi gnas sgrub tshul dngos/ de la brten nas
sems gnas dgu sgrub tshul/ de stobs drug gis 'grub lugs/ de la
yid byed bzhi yod tshul/ de las zhi gnas dngos skye tshul lo/ /de
yang

@345b skyes bu 'bring skabs ting nge 'dzin dang shes rab kyi
bslab pa ma gsungs pa phar phyin tha ma gnyis kyi skabs 'chad
pa'i dbang du mdzad/ zhi gnas rang gi ngo bo ni/ phyi rol pa
dang thun mong ba ste/ phyi rol pa'i bsam gzugs kyi

nyams len nas dma' shos yin yang rang res 'dir nges 'byung gi
bsam pas zin na thar pa'i rgyu dang/ skyabs 'gros zin na chos su
'gro/ 'di med na mdo phyogs kyi stong nyid dang sngags kyi
bskyed rdzogs sogs sgom

byung gi rtogs pa chen po rnams mi skye la/ mdo sngags kyi ting
nge 'dzin gyi yon tan ji 'dra zhig skye bar 'dod kyang chu blugs
pa la chu sdod sa'i snod ltar med du mi rung ba ni zhi gnas nyid
yin pas/ thog mar 'di brtan

po zhig sgrub pa gal che/ de yang 'khor rtsa gcod pa dang/ thar
pa tsam thob pa la'ang stong nyid rtogs pa'i lhag mthong skye
dgos/ de skye ba la zhi gnas brtan po zhig thob dgos te/ yin
lugs kyi don gsal por

mthong ba la dang por gnas cha brtan po dgos pa dper na/ mun pa
bsal nas ldebs ris sogs blta ba la mar me gsal ba dang rlung gis
mi bskyod pa gnyis tshogs dgos pa ltar yin/ der ma zad zhi gnas
grub na

dal 'byor rnyed dka' dang mi rtag bsgom pa'i rtogs pa tshun la
skyed thon pa sla/ lam sgron las/ mngon shes sgrub pa'i phyir
skyed par gsungs kyang/ de mtshon pa tsam las/ dgos pa'i gtso bo
ni/ zhi ba lhas/ zhi gna

@346a @#/ /rab tu ldan pa'i lhag mthong gis/ /nyon mongs rnam par
'joms par shes byas nas/ /thog mar zhi gnas btsal bya zhes
gsungs pa 'di yin pas thog mar zhi gnas bsgrub dgos la/ de

yang sems bskyed kyi rjes kho nar mi dgos par snga phyi gang du
bsgrub kyang chog /de 'grub na/ theg pa gsum gyi nyams len gang
bsgoms kyang/ sa chod shin tu che ba 'ong/ de la thog mar zhi
gnas kyi tshogs bsten dgos

kyi; de med par mi 'grub ste/ lam sgron las/ zhi gnas yan lag
rnam nyams pas/ /rab tu 'bad de bsgom byas kyang/ /lo ni stong
phrag dag gis kyang/ /ting 'dzin 'grub par mi 'gyur ro/ /zhes
gsungs/ des

na dang po zhi gnas kyi tshogs bsten pa la drug /mthun pa'i yul
na gnas pa/ 'dod pa chung ba/ chog shes pa/ bya ba mang po'i 'du
'dzi yongs su spang ba/ tshul khrims dag pa/ 'dod pa la sogs pa'i
rnam rtog yongs

su spang ba'o/ /dang po ni/ 'di sgrub pa'i yul yang khyad par
lnga ldan te/ mdo sde rgyan las/ blo ldan gang du sgrub pa'i
yul/ /legs par rnyed dang gnas bzang dang/ /sa bzang ba dang
grogs bzang dang/ /rnal 'byor bde

ba'i yo byad ldan/ /zhes gsungs pa ltar dgos/ de yang/ chos
mthun gyi 'tsho ba rnyed sla ba zhig med na/ de'i phyir grong du
'bab dgos par 'gyur la/ de yang chos mthun gyi rnyed pa legs
rnyed cig dgos kyi/

@346b log 'tsho dang sdig zas phul ba'i rnyed pa byung yang nyes
rnyed yin par bla mas gsungs pas legs par rnyed ces pa sdig che
ba dang ma 'dres pa'i zas rnyed sla ba dgos/ sdod sa'i gnas
kyang/ dam pa gong mas zhabs kyis bcags

pa'i sa lta bu byin gyis brlabs pa'i gnas su bsdad na las dang
po par gnas kyis gang zag tshur byin gyis rlob par 'gyur ba dang/
de lta ma rnyed kyang gnas der dam sel can mi gnas pa/ dge 'dun
sde dkrug byas pa'i gzhi lta

bu ma yin pa/ gcan gzan dang/ chom rkun/ mi min gtum po mi gnas
pa/ byin dang ldan pa'i gnas bzang po dgos/ de min rang nyid mi
'jigs pa'i bsam pas bsdad kyang/ phyi nas gnod par 'gyur ba/
sngar bla ma zhig

la btsan gyis phyis nas glags rnyed pa'i rabs ltar yin/ rang
sdod gnas su mi min gnas na phyir mi skrod par 'jam po'i thabs
kyis kho'i rgyud 'dul thabs byed pa gal che/ sa bzang ba zhes
tsha grang gi nad mi bskyed cing sa chu

'phrod pa/ grogs kyang lta spyod mthun pa dang 'grogs/ de yang
grib ma gnyis pa'i grogs dang lhan cig tu/ /zhes gsungs pa grogs
gnyis las med pa dang/ gcig pur gnas dgos pa'i don min par rang
dang blo mthun pa

la byed/ las dang po pa grogs med gcig pur sdod pa skyon che bas
grogs gsum las mi nyung ba dang/ chos mthun byung na grogs mang
yang legs/ grogs mang nyung ji ltar yang mig zur na lci yor ba
re la brten dgos kyi/ gu

@347a @#/ /yangs bag med byed pa'i grogs la mi brten/ bsam gtan
gyi tsher ma ni sgra dag yin pas/ zhes gsungs pa bzhin/ nyin mo
mi dang mtshan mo khyi dang chu sgra sogs kyang med pa

dgos/ bdag gi bla mas gsungs pa ltar/ bsgom rgyu'i don la thos
bsam gyis sgro 'dogs chod pa dang rkang grangs 'grigs pa ni/ bde
ba'i yo byad ldan pa ste/ de yang dbang dang khrid dang dpe sogs
gang dgos kyang

'grigs pa dang/ gtso bo ni nyams len gyi gnas la mkhas par byed
pa yin/ deng sang 'tsho ba sogs gtso bor gra bsgrigs nas nyams su
blang bya dngos de 'di yin mi shes par 'u thug ste/ mo 'debs
dgos pa

sogs snang mod/ de ltar mi byed par nyams su blang bya'i chos la
gra sgrigs legs par byed dgos/ gnyis pa 'dod pa chung ba ni/ zas
gos sogs bzang po dang mang po la chags pa med pa'i 'dod pa
chung ba dang/

gsum pa chog shes pa ni/ zas gos ngan ngon tsam rnyed pas chog
shes pa ste/ 'dod chung chog shes byed pa zhig ma byung na/ 'dod
yon la chags te nor rdzas gsog srung sogs kyi don la g.yengs
nas ting 'dzin mi skye/

tshul khrims dag pa la/ spyir tshul khrims ni yon tan thams cad
kyi gzhi yin/ nang gi g.yeng ba phra mo zhi ba ni/ phyi rol gyi
g.yeng ba rags pa spong ba la ltos shing/ rnam rtog rags pa
shas che na sems rnal du

@347b mi gnas pas de tshul khrims kyis lus ngag gi nyes spyod
bsdams nas zhi bar byed/ 'du 'dzi ma spangs na/ don med kyi bya
byed dang/ gtam sogs kyis dus 'da' bar 'gyur la/ rnam g.yeng
med pa'i don nyung bya nyung byed dgos

pa'ang bsam gtan skye ba'i ched yin pas 'dod chung chog shes
byas na don nyung ba bya ba nyung ba zhig rang shugs kyis 'ong/
sgrub pa rtse gcig byed pa la/ skar rtsis dang/ sman/ mo 'debs/
grong chog sogs kyang 'du 'dzi yin

pas spong dgos/ 'dis rang re lta bu'i las dang po par lta ci/
skyes bu dam pa yin yang gnod tshabs che ste/ bu ston dang bla ma
dam pa gnyis la'ang rgyal po pe kar gyis mtho brtsams nas/ lcags
smyug phul bas sku tshe

de la lcags smyug stong phrag zad zad rtsis la g.yengs te mchog
ma 'grub par gsungs/ rgyal sras thogs med bzang pos byams snying
rje bsgoms nas bzhugs pas/ de la glags ma rnyed/ rje rin po ches
kyang gsung

pod bco brgyad po la'ang/ dbu la sum phab sogs ma mdzad pa khong
gis br-i tta dang dza ti ma mkhyen pa min/ sgrub pa nyams len la
gnod dogs te ma mdzad pa yin/ kho bos rtsa sgrub rnam dag gcig
pu'ang lo gcig

tsam sbyangs pas mdzub mo bug cing/ sam Ta'ang gnyis gsum tsam
rgyus pa hreng hreng du zad mod/ de dag kyang 'du 'dzir song ba
las/ nyams len la phan pa ma byung/ de ltar 'bad na bag chags
kyang de tsam zhig

@348a @#/ /las mngon mtho dang nges legs la bag chags thebs par
mi nus/ des na bu ram mi len par bur shing la chags pa ltar don
gyi snying po mi sgrub par/ rig gnas phran tshegs lta bu don

chung chung zhig la brtson pas ci byed/ kha cig rgas 'khog tu
gyur skabs kyang da dung 'dod yon la 'bad brtson byed pa ni
snying rje ba'i gnas yin zhes dbul po des pas yid bzhin gyi nor
bu rnyed pa rgyal po gsal rgyal la

ster nas khyod yul phyogs 'dir 'dod pa che shos dbul shos yin
zhes brjod tshul dang/ dge bshes 'ban gyi rub 'chos kyi lo rgyus
bcas gsungs/ 'dod pa la sogs pa'i rnam rtog yongs su spang ba
ni/ 'dod pa'i

nyes dmigs dang mi rtag pa'i tshul bsams nas de dag las blo log
pa ste/ des na rgyu tshogs 'di dag tshang ba zhig gis brtson pas
sgrub na/ zhi gnas 'grub pa la zla ba drug las mi 'gor bar
gsungs/ gnyis pa zhi

gnas sgrub tshul dngos ni/ dbus mtha' las/ nyes pa lnga spong 'du
byed brgyad/ /bsten pa'i rgyu las byung ba'o/ /le lo dang ni
gdams ngag rnams/ /brjed dang bying dang rgod pa dang/ /'du mi
byed dang 'du byed de/ /de

dag nyes pa lngar 'dod do/ /zhes nyes pa lnga'i gnyen por 'du
byed brgyad bsten par gsungs la/ ting 'dzin sgrub pa'i man ngag
ni/ byams chos dang sa sde dang dbu ma sgom rim sogs gzhung chen
mo rnams su gsungs pa

@348b las lhag pa med pas na/ rang cag gis man ngag 'di lta bu
btsal nas bsgom pa zhig dgos kyi/ de lta min par gzhung chen po
dag bshad chos su bzung nas de dag dang mi mthun pa'i bla ma'i
man ngag skad dang/ be'u bum

zin bris yig chung sogs chung chung zhig la rtsis chen po byed
pa ni/ yod sar mi btsal bar med sar btsal bas rnyed pa'i gnas
med par rje bla mas lam rim chen mo'i zhi gnas kyi bar skabs
tshigs bcad du gsungs pa

ltar yin/ des na/ gzhung chen po 'di lta bur ma brten par bla ma
gang byung byung re'i gsung dang man ngag yin zer ba la yid rton
te mi tshe ri phug tu skyel yang/ bying ba phra mo la sgom du
'khrul/ sems la dmigs pa'i zhi

gnas la gsang chen gyi lam du 'khrul ba ches mang ba yin pas gol
sa chen por shor ba ste/ de 'dra la ji tsam 'bad kyang mi tshe
stong zad du byed pa nyid las gzhan med/ bod kyi mkhas par grags
pa mang po'i lta sgom

sogs la nor 'khrul byung ba dpyod ldan rnams kyis rang rang gi
gzhung lugs la zhib tu bltas na shes par nus/ rje tsong kha pa
chen pos lta sgom spyod gsum gang gi cha la'ang rgya gar gyi paN
grub mthar thug rnams kyi gsung la gtugs

nas dbang por mdzad par ma zad/ rje btsun 'jam dpal dbyangs
dngos kyis dogs sel dang bcas gnang ste gtan la phab pa'i gsung
rab 'khrul pa'i dri ma med pa mang po 'jog gnang mdzad yod pas
rang res de 'dra'i man ngag

@349a @#/ /la brten dgos/ de lta bu nas ma gsungs shing mi mthun
pa'i man ngag cig snying por re na sngar ma grags pa'i rtogs pa
zhig skye nyen yod/ des na gsang sngags kyi bskyed rdzogs nas
bzung ste/

tha na ting nge 'dzin chung du re sgom pa yan la bstan bcos
khungs ma nas gsungs pa'i zhi gnas sgrub pa'i man ngag nyes pa
lnga spong zhing 'du byed brgyad bsten pa 'di med thabs med/ de
la nyes pa dang po le lo'i gnyen por ting nge

'dzin gyi yon tan mthong ba'i dad pa/ ting nge 'dzin la don
gnyer gyi 'dun pa/ ting nge 'dzin la rtsol ba'i brtson 'grus/
rtsol ba'i 'bras bu shin sbyangs te bzhi las/ gang bsgom bya'i
yul ni ting nge 'dzin te/ de la dang por ting

nge 'dzin bsgom pa la 'jug snying mi 'dod pa'am zhugs kyang
rgyun 'thud mi nus pa'i le lo nyes pa yin pas de sbyong byed
dngos ni shin sbyangs yin/ de da lta med kyang dad pa ste/ ting
nge 'dzin gyi yon tan bsam dgos shing/ de yang

spyod 'jug las/ bzlas brjod dang ni dka' thub kun/ /yun ring dus
su spyad byas kyang/ /sems gzhan g.yeng bas byas pa ni/ /de
nyid rig pas don med gsungs/ /zhes gsungs pa bzhin sems g.yeng
ba'i skyon rnams bsams

shing zhi gnas 'grub na dge ba la 'jug pa'i tshe/ yul dmigs pa la
'jug pa brtan cing/ de brtan pas dngos grub myur la/ thun mong
gi mngon shes rdzu 'phrul sogs kyang 'dis 'grub cing/ gnyid ting
'dzin du 'gro ba

@349b dang; nyon mongs shas chung du 'gro ba dang/ khyad par du
bshes gnyen bsten tshul nas brtsams te bskyed rdzogs bar gyi lam
thams cad myur du skye sla ba sogs 'byung ba'i yon tan rnams
bsams pas ting 'dzin gyi yon tan mthong

ba'i dad pa 'byung/ de byung na 'dun pa/ brtson 'grus/ shin
sbyangs rnams rim bzhin snga ma snga mas phyi ma phyi ma drangs
'ong bas 'di bzhi rgyu 'bras kyi tshul du 'gro/ nyes pa gnyis pa
gdams ngag brjed pa ni/ dmigs rten dran

pas shor ba la zer la/ de ni ting nge 'dzin la sbyor ba'i tshe
skyon du che/ de yang dbu ma snying por/ yid kyi glang po log
'gro ba/ /dmigs pa'i ka ba brtan po la/ /dran pa'i thag pas nges
bcings nas/ /shes rab lcags kyus rim

dbang bya/ /zhes pa ltar/ sems kyi glang po che dmigs pa'i ka ba
la btags dgos pas/ gang la 'dogs pa'i gzhi zhi gnas kyi dmigs pa
zhig dgos la/ de yang dmigs rten ni chos gang la dmigs kyang
'grub pa yin/

phyi rol pa dag gis rde'u dang shing bu la dmigs pa dang/ bon
gyis a la dmigs te zhi gnas sgrub pa rnams dmigs rten de dang
de yid yul du byed pa las mig gis bltas te sgrub pa min/ gzhan
phyogs kha cig gis dmigs

rten la mig gis bltas te sgrub pa ni snga ma gnyis las kyang
dman te/ zhi gnas yid shes la sgrub dgos kyi/ mig la sgrub pa ma
yin pas/ de dag la lnga pa chen po sogs mang pos dgag pa mdzad
yod/ sngon rgya

@350a @#/ /gar nas gcig gis sems gnas dmigs rten gzhan la ma
'grub par ba lang gi rwa la dmigs rten byas te bsgrubs pas 'grub
pa byung ba bzhin du yul gang goms pa la dmigs rten byas kyang

'grub/ 'on kyang rang cag rnams kyis rje bdag nyid chen po'i
bka' srol ltar/ zhi gnas sgrub pa'i tshe sangs rgyas kyi sku la
dmigs na tshogs gsog sgrib sbyong gi zhing dmigs pa la khyad che
ba dang/ gsang sngags kyi lha'i rnal

'byor sgom pa la khyad che ba dang/ sangs rgyas rjes su dran pa
sogs kyi phan yon che bas na/ spyi bo'i bla ma las bla ma
shAkya thub pa mtheb sor tsam zhig chad de smin mtshams kyi thad
dam/ lte ba'i thad gang rung du bzhugs pa la dmigs

pa'am/ yang na rang shAka ? thub tu gyur pa la dmigs pa dang/
yang gang zag 'ga' zhig la dmigs rten gzugs can las gzugs med
'char bde ba 'byung bas/ de 'dra dag gis ni/ rje'i lam rim chung
ngu'i dgongs pa

paN chen chos rgyan gyis srol phyes pa dga' ldan phyag rgya chen
po'i khrid las sems la dmigs pa'i zhi gnas sgrub tshul gsungs pa
ltar bya chog cing/ de ni grub mtha' gzhan phyogs kyis sems ngo
blta ba dang phyogs

mtshungs/ yang bskyed rim dang sbrags nas lha sku dang/ rdzogs
rim dang sbrags nas a shad la dmigs nas skyang sgrub tu rung
ngo/ /gzhan yang zhi gnas kyi dmigs pa la khyab pa dang/ mkhas
pa dang/ spyad pa dang/

@350b nyon mongs rnam sbyong gi dmigs pa rnams su yod pa las/
lag len la rang nyid gang 'char bde ba gcig la byas te ma grub
bar du dmigs pa kha ma spos par bsgom dgos pa las mdo las gsungs
pa'i dmigs pa bzhi po

tshang ma bsgom dgos pa min pas rang gi sems la gang 'phrod pa
gcig la sems bzhag dgos/ de'ang dpal ldan dpa' bos/ dmigs pa
gcig la brtan tshul du/ /yid kyi bsam pa brtan par bya/ /dmigs pa
mang po

brgyud pa las/ /yid ni nyon mongs 'khrug par 'gyur/ /zhes gsungs
pa ltar bsgom pa'i skabs dmigs pa gcig la bzhag pa las/ dmigs pa
spos na mi 'grub ste/ dper na gtsub shing gtsub pa'i tshe shing
spos pa na

me mi 'bar ba dang 'dra/ der ma zad zhi gnas bsgom pa na gnyid
dang zas dang/ bshang ? gci 'dor skabs tsam ma gtogs gzhan gtsub
shing bar ma chad par gtsub pa ltar bar ma chad du lo'am zla ba
drug sogs ji tsam bsgrub

pa de'i ring rgyun mi gcod par bya dgos kyi/ gcig la sun nas cig
shos la spo ba lta bu dang/ zhag re gnyis ngal bso ba sogs byas
na mi 'byung ngo/ /des na/ gdams ngag ste dmigs rten rgyal ba'i
bris 'bur gyi sku lta

bu de'i mtshan ma yid la bzung nas yid yul du 'char ba de la goms
su gzhug pa'am/ bla mas ngo sprad pa ltar dmigs rten gyi rnam pa
yid ngor 'char bcug ste/ de'i tshe dmigs pa'i don spyi rags pa
cha phyed tsam 'char thub pa

@351a @#/ /byung na dmigs rten rnyed pa yin/ de dran yul nas shor
ba de la nyes pa gnyis pa gdams ngag brjed pa zer/ de'i gnyen po
'du byed brgyad las lnga pa dran pa ste/ lag pas phreng ba bzung
ba

ltar dran pa shugs chen pos dmigs rten thu re bzung ba dgos la/
gang zag so so'i dran pa brtan mi brtan gyis kyang zhi gnas
'grub dka' sla'i khyad yod/ dran pa yang kun btus las/ dran pa
gang zhe na/ 'dris pa'i

dngos po la sems kyis brjed pa med pa'i las can no/ /zhes gsungs
pa ltar/ yul gyi khyad par dmigs rten sngar mthong myong ba'i
rnam pa yid ngor goms shing 'dris pa'i dngos po la dmigs pa/
'dzin stangs kyi khyad

par dmigs rten gyi rnam pa ma brjed par thu re 'char ba ste/
dper na ltogs tshe zas lhang nger dran pa bzhin dang/ byed las
kyi khyad par ni dmigs pa de las gzhan du sems mi 'phro bar byed
pa ste khyad chos gsum ldan zhig

dgos/ des na yid ngor rgyal ba'i sku lta bu mdun du gsal 'debs
pa de ni dmigs pa yin/ de la mi g.yeng bar 'dzin stangs dam
spring nge bas 'dzin cing/ dmigs pa de kho na 'char bar byed pa
dgos/ dngos gzhi'i tshe

dmigs rten dran pas zin pa na/ nyes pa gsum pa bying rgod gnyis
'byung la/ de yang bying rmugs rgod pa rnams ma phyed na dgra mi
sha bo ngos ma zin pa ltar skyon che bas de dag ngos zin pa
dgos/ de la rmugs pa ni lus

@351b sems lci yor yor ba gnyid du 'gro bar rtsom pa lta bu'i
shes pa sgrib lung ma bstan nam mi dge ba gang rung zhig yin/
'di la dge ba med cing bying ba'i rgyu byed do/ /bying ba la
phra rags gnyis las/ dmigs rten dran pas

zin pa na/ gnas cha yod kyang gsal cha med pa ni rags pa dang/
dmigs pa'i 'dzin stangs ma shor ba'i gnas cha dang gsal cha yod
kyang/ 'dzin stangs kyi shugs lhod nas gsal cha'i ngar med pa ni
bying ba phra mo ste/ sgom

byed pa'i gegs kyi gtso bo 'di yin/ ngar med pa zhes pa ni gnas
cha yod pa la sems lhod shig ge bar song ba la zer/ 'di'i skabs
su de la gnas cha brtan du song na bying ba phra mor 'gro ba'i
rgyu byed/ gsal cha'i ngar dang

ldan pa ni dmigs rten la sems grims seng nger gnas pa de yin/
gnas cha gsal cha dang gsal cha'i ngar yod med dper na lag pas
phreng ba dang phor pa 'dzin pa na lhod po dang dam por bzung
ba'i bzung khyad yod pa bzhin

nam; rang re bla ma zhig la rgyun du spyir dad pa yod kyang ha
cang shugs drag cig med pa la/ nam zhig skabs skabs su de las
lhag pa'i dad pa ngam ngam shugs drag po re skye ba na 'dzin
stangs snga ma las grim du song ba ste/ de

gnyis la khyad yod pa bzhin no/ /'di ni myong bsam brtags na ha
cang gsal ba zhig tshig gis 'chad thabs med gsung/ gsal cha dang
dwangs cha ni yul la mi byed par/ yul can shes pa la gsal cha'am
dwangs cha

@352a @#/ /yod med la bya dgos/ gsal cha mi 'byung ba'i tshe sgrib
byed kyis sgrib pa ltar yod/ des na bying ba phra mo dang/ ting
'dzin gnyis ka la gnas cha dang/ gsal cha yod pa 'dra phyir ting
nge 'dzin

dang; de gnyis khyad par dbye dka' zhing/ bying ba phra mo bsags
pa la'ang sna bug gi rlung rgyub chad cing nyin zhag gi bar du
sems brtan pa yod pas na bod snga ma 'gas de la 'khrul nas glod
rab la sgom rab ces sogs

bsngags brjod byed pa sgom gyi gnad ma mkhyen pa red/ bying ba
phra mo la sgom du 'khrul na/ 'bras bu gzugs gzugs med kyi rgyu
tsam du'ang mi 'gro zhing/ tshe 'dir yang brjed ngas che ba dang/
shes rab mi gsal du 'gro

bas dud 'gro'i sgrub thabs ched du bsgom pa lta bu las ma byung
bar gsungs/ rgod pa ni/ kun btus las/ rgod pa gang zhe na/ sdug
pa'i mtshan ma'i rjes su 'jug pa'i 'dod chags kyi char gtogs pa'i
sems rnam par ma zhi

ba ste zhi gnas kyi bar du gcod pa'i las can no zhes gsungs pa
ltar sdug pa'i yul lam/ 'dod chags kyi yul la sems 'phro ba la
byed pas yul sdug pa'i mtshan ma dper na/ lha mo'i zlos gar lta
bur nyin mor

bltas pa na/ mtshan mo'ang de'i snang ba lhang nger dran pa bzhin
du 'dod chags kyi yul yid du 'ong ba rjes su dran pa zhig go
/'phro ba dang rgod pa gnyis la khyad che ste/ dgra lta bu yul
yid du mi 'ong ba la mnar sems

@352b pa'i skabs kyi 'phro ba dang/ zhi gnas bsgom pa'i tshe
sbyin pa tshul khrims sogs dge ba'i yul la 'phro ba lta bu ni
'phro ba yin yang rgod pa min no/ /'o na 'phro rgod gnyis ka zhi
gnas kyi bar gcod yin mod/ rgod pa kho na bar gcod

du 'jog pa ci yin zhe na/ dge ba'i dmigs pa'i yul dang zhe sdang
gi yul la 'phro ba ni nyung ba dang/ rgyun thung la/ nam bzhag
rgyun du 'dod chags kyi yul la 'phro che bas na/ mang ba'i
phyogs nas sam/ skye sla ba la gtsor

mdzad de rgod pa kho na gsungs pa yin/ des na/ zhi gnas sgom pa
na/ yul yid du 'ong mi 'ong la 'phro ba dang/ sbyin gtong dang/
phyag 'tshal ba sogs dran pa lta bu dge ba la 'phro ba gnyis ka
zhi gnas bsgom pa'i

skabs su sems gnas pa la bar du gcod pas na de dag dgag dgos so/
/dmigs rten yid kyi yul nas shor te rang res lha sku bsgom pa na
je zhig nas brjed 'gro ba ltar dmigs rten shor ba ni rgod pa
rags pa dang/ 'khyags

'og nas chu rgyug pa ltar/ dmigs rten yid kyis ma shor bar/ sems
kyi zur cha zhig nas rtog pa 'og 'gyu'i tshul du yul yid du 'ong
ba'i rnam pa 'char la khad lta bu'i rgod pa byung ba ni rgod pa
phra mo ste/ des na 'gal

rkyen 'di dag gcod pa'i gnyen po dngos ni shes bzhin min kyang/
de'i char gtogs dper na/ dmag la so byed pa bzhin/ bying rgod
'byung mi 'byung rtogs pa'i phyir 'du byed brgyad kyi drug pa
shes bzhin bsten

@353a @#/ /dgos/ de'ang shes bzhin rgyun mi 'chad par bsten na
gnas pa la gegs su 'gyur zhing/ shes bzhin gtan nas ma bsten na/
ting nge 'dzin la skyon zhugs zin kyang mi shes pa rkun

mas nor khyer zin pa bzhin du 'gyur bas/ phyag chen las/ 'gyu ba
rig pa'i shes bzhin sdogs/ /zhes pa ltar shes bzhin gra bsgrigs/
skabs skabs su bying rgod 'ong mi 'ong gi rtog pa bcug nas bya
ra byed dgos te/

spyod 'jug las/ lus dang sems kyi gnas skabs la/ /yang dang yang
du brtag bya ba/ /de de kho na mdor na ni/ /shes bzhin srung
ba'i mtshan nyid do/ /zhes gsungs/ des na phor pa'i ja bzung ba
na lag pas zin

pa dang/ dam por bzung ba dang/ de yang yo 'khyogs su song ma
song mig gis brtags pa bzhin/ dran pas dmigs rten zin te 'dzin
stangs dam por byed/ shes bzhin gyis bying rgod byung ma byung
brtags nas

dmigs pa skyong dgos/ shes bzhin ni shes rab kyi char gtogs pa
yin/ nyes pa bzhi pa ni/ bying rgod gnyis gang rung byung ba na
gnyen po 'du mi byed pa nyes pa yin pas de'i gnyen por/ bying
rgod byung bar shes

bzhin gyis rig pa na/ de thog tu mi 'jog par byung ma thag bying
rgod phra rags gang byung ba so so'i gnyen po bsten dgos pas 'du
byed brgyad kyi bdun pa gnyen po mngon par 'du byed pa'i 'du
byed sems pa bsten

@353b dgos pa yin/ de dag ni so pas dgra byung ba mthong ba na
de bzlog pa la brtson pa bzhin no/ /'o na gnyen po gang 'dra
bsten dgos she na/ bying ba phra mo ni sems zhum pas yin zhing
bying zhum gnyis gang byas kyang 'gyur gcig tu

mdzad la/ des na gsal cha dang gnas cha yod kyang 'dzin stangs
kyi 'phangs dma' ru song ste gsal cha'i ngar med pa'i bying ba
phra mo de skyes na thun grol ba dang dmigs pa btang mi dgos par
sems kyi 'dzin stangs grim du btang

bas chog /de yang bsgrims drags na rgod pa skye bar 'gyur bas
grim lhod ran por bya ste/ bcom ldan 'das kyis kyang pi waM gi
rgyud skud ha cang grims drags pa dang/ lhod drags pa ma yin par
grims lhod ran pa'i mtshams nas

skad snyan pa 'byung bar gsungs pa ltar 'di ltar byas na rgod pa
skye bar 'dug snyam pa las cung lhod/ 'di tsam las bying ba skye
bar 'dug snyam pa las cung grim par byed dgos/ 'di gnyis kyi
mtshams de nyams myong la bkar te

shes bzhin spyang pos ma brtags na ha cang 'jog dka' bas slob
dpon tsandra gau mis kyang/ brtson pa bsten na rgod pa 'byung
'gyur zhing/ /de spangs na ni zhum pa skye bar 'gyur/ /'di yi
rigs par snyoms 'jug rnyed dka' na/ /bdag

gi sems dkrugs pas ni ci zhig bgyi/ /zhes thugs ngal ba'i tshul
mdzad cing/ 'on kyang dgra'i nang nas nang mi dang nor ba'i dgra
byung na ngos zin dka' bas nyen che ba bzhin/ bying ba nyid ting
'dzin dang nor ba'i skyon

@354a @#/ /'byung nyen che bas na grim pa nyid rtsal du 'don
dgos/ de ltar sems grim du btang yang da dung gsal cha'i ngar
shor nas sems zhig pa lta bu'am 'dzin stangs mi gsal ba'i nyams

byung nas mi sel na/ bying ba rags pa slebs pa yin pas dbu ma
snying po las/ zhum pa dmigs pa rgya chen dag /bsgoms pas yangs
pa nyid du bya/ /zhes pa ltar sems nang du bsdus ches pa'i skyon
yin pas dmigs

pa cung zad spros nas bsgom/ des kyang ma sel na/ dmigs pa btang
nas sems zhum pa de gzengs bstod thabs sam/ dga' ba'i thabs dal
'byor don che rnyed dka' 'am/ mchog gsum gyi yon tan dang/

bshes gnyen bsten pa'i phan yon; thos pa dang/ byang chub kyi
sems kyi phan yon sogs bsam ste sems gzengs bstod pa dang/ snang
ba'i mtshan ma yid la byed pa dang/ gtong ba'i dmigs pa sogs
bsgom/ de

ltar bsgoms pas sems 'phangs mtho bar gyur te sangs pa na slar
dmigs pa 'dzin/ rang re sngar blo la ma goms pas des 'phral du
phan pa 'ong dka' yang/ goms pa zhig yin na dal rten rnyed dka'
ba 'di 'dra

rnyed tshul sogs bsams pas gdong la chu grang mos btab pa bzhin
du dga' yal ler 'gro/ da dung mi sel na bying ba btsan thabs su
gcod thabs rang sems snying gar 'od dkar po'i rnam par gsal ba
phaT sgra dang

@354b bcas spyi gtsug nas bton pa nam mkha'i dbyings mthon por
song ste nam mkha' dang dbyer med du 'dres par bsam pa lan ji
ltar rigs par bya/ da dung mi sel na/ thun btang nas bying ba
skye ba'i rgyu rmugs pa dang/ gnyid dang/

sems 'thib po'i rnam pa can sogs sel ba'i thabs bsil ba'i sar
sdod pa dang/ sa khad mtho zhing yangs par 'gro ba dang/ phan
tshun 'chag pa dang/ gdong chus 'khru ba sogs bya zhing/ de ltar
byas nas sangs pa na sngar

bzhin dmigs pa 'dzin/ rgod pa phra mo ni dmigs rten ma shor bar
sems g.yengs pa ste/ de byung na sems bsgrims ches pa'i skyon
yin pas cung zad lhod pa'i 'dzin stangs byed/ da dung ma phan
par g.yengs na/

de las rags pa'i rgod pa byung ba yin la/ de ni sems dga' ba'i
rgyus bskyed pa yin pas dga' ches par mi bya/ dga' drags na
rgyal po zas gtsang ma yang rgyun zhugs ma thob pa'i rabs bzhin
skyon du 'gyur/ 'di

skabs thun mi grol bar dbu ma snying po las/ rgod pa mi rtag la
sogs pa/ /yid la byed pas zhi bar bya/ /zhes pa ltar 'chi ba mi
rtag pa dang/ 'khor ba dang ngan song gi sdug bsngal sogs sems
zhum pa dang skyo shas dang/

yid 'byung ba'i rgyu rnams bsam/ da dung mi sel na rgod pa btsan
thabs su gcod thabs rnam rtog shas che bas dbugs 'byung rdub la
dmigs par bshad pa ltar bya ste/ dbugs 'gro 'ong sogs kyi tshe
phar 'gro ba yin no snyam

@355a @#/ /pa dang/ tshur 'ong song snyam pa dang/ 'di dang po'o
snyam pa dang/ de bzhin du 'gro 'ong gi grangs yid kyis bgrangs
na dang por gsum bzhi tsam las mi thub kyang slar dbu nas
bgrangs/

de 'dra nyer gcig tsam re sems ma yengs par bzung thub na/ sems
gnas dang po grub tshad yin/ sngar yer pa'i grub chen phun tshogs
rgya mtsho yang/ rang gi sku mched cig sde srid sangs rgyas rgya
mtsho'i zhabs

'bring yin pas/ sde srid zhabs 'bring bcas la dbu nyes byung bas
sgom la thugs ma zin par gyur pa na dbugs bgrangs pa 'dis grub
pa'i rabs yod/ de ltar byas kyang rgod pa ma chod na re zhig
thun grol bar bya/

des na dang por 'phen pa btang nas yun thung ngu re bsgom/ yun
ring ches na rjes sor bsam gtan gyi gdan mthong ba na'ang sgyid
lug pa dang skyug bro bar 'gyur bas/ bsgom 'dod kyin 'phro bcad
ces pa ltar sgom dang

bzang gyes byed pa gal che ste/ dper na mi gnyis bzang gyes
byung na rjes sor mthong yang dga' ba ltar dang/ gsal na gsal du
'phro bcad/ mi gsal na mi gsal du 'phro bcad gsungs pa bzhin du
da dung

cung mthud nas bsgom na legs pa 'ong 'dra snyam pa nas mtshams
bzhag na/ rjes su'ang bsgom snying 'dod pa dang/ 'phro yang de
nyid nas 'byung bas de ltar byas te bsgom pa legs kyi/ mi gsal
ba byung bzhin du

@355b da dung bcos bcos kyang ma sel na/ slar u tshugs byas
kyang ngal du song nas/ rjes su'ang mi gsal ba'i 'phro nas
'byung ste sngar grub mchog blo bzang rnam rgyal gyis bka' gdams
gsung thor bu'i ljags lung stsal ba na/ deng sang snyigs ma'i

dus rang rgyud 'dul ba'i dus yin gyi gzhan rgyud 'dul ba'i dus
min zhes pa'i mtshams su bshum nas gnang ma thub par chos mtshams
bzhag pas phyi nyin dang yang nyin kyang tshig mtshams de kar
byung bas gnang ma thub pa'i rabs

bzhin yin/ da lta rang res gnas cha yun ring ba'i re ba byas
kyang dmigs pa la reg tsam las gnas mi nus pas nyin gcig la thun
bco brgyad sogs su gsungs pa bzhin yun thung ba zhig dang/ de'i
ring bying

rgod du mi shor ba'i spus dag pa zhig byas nas thun nyung la
grangs mang ba byed/ de ltar byas na phyis nas rang stobs kyis
gnas pa zhig 'ong bas de byung mtshams nas yun bsring/ nyes pa
lnga pa bying rgod gnyis

chod pa'i tshe na gnyen po mngon par 'du byed pa nyes pa yin/
de'i gnyen por 'du byed brgyad kyi brgyad par du mi byed pa'i
btang snyoms bsten dgos te/ de yang bying rgod rgyun chad pa ni
sems gnas brgyad pa'i bar

du med la/ de'i tshe bying rgod zhi nas kyang/ da dung de 'byung
mi 'byung brtags nas/ gnyen po'i 'bad rtsol bsten pa sems gnas
pa la bar du gcod pa'i nyes pa yin pas/ shes bzhin gyi rtsol ba
mi bsten

@356a @#/ /par glod pas chog pas 'du byed btang snyoms bsten/
sngon gyi dam pa mang pos kyang glod dgos par gsungs pa thams
cad sems gnas brgyad pa'i mthar sems bying rgod kyi dbang du

mi 'gro ba'i gnas skabs su shes bzhin gyi rtsol ba glod pa la
gsungs kyi/ mtshams 'dir ma slebs bar gyi gnas skabs gzhan du
dang/ dran pa dang/ dmigs pa'i 'dzin stangs kyi ngar glod pa
la gsungs pa

min pas/ bod snga ma dag gis glod rab la bsgom rab ces glod
mtshams ngos ma zin par 'di'i gong du dran pa glod pa ni 'khrul
ba yin pa'i phyir de'i rjes su mi 'brang ngo/ /de ci'i phyir
na/ gnas cha myur yang bying ba phra

mor shor nas ting 'dzin las rgyang ring bar 'gyur ba yin/ des
na/ 'di dag ni dmigs pa mi 'dra ba tsam las skyong tshul rdzogs
rim man chad la 'dra/ da ni skyong tshul bshad par bya ste/
gnas mtshan nyid lnga

ldan sogs su zhi gnas kyi tshogs rnams tshang bar byas te/ stan
bde bar rnam snang chos bdun gyis 'dug /spyi bo'i bla ma las
shAka thub tshon gang ba tsam zhig chad de lte ba'i thad kyi
bar snang la bzhag /de'ang dang po

nas dmigs pa gsal ba zhig mi 'byung zhing/ sgrub kyang mi dgos
la/ dbu dang phyag zhabs sogs cha shas spyi tsam dang/ ser
sbam me ba lta bu lam tsam zhig 'char byung na/ de la dran pas
ma brjed par

@356b 'dzin stangs dam por sems ma g.yengs par bskyangs na/
de 'dra'i dran pa gcig pu'i skyong lugs de la bying rgod gcod
tshul tshang ba'i phyir/ sgom chen rnams kyi snying la bcang
rgyu'i man ngag bla na med pa yin/ de yang bying

ba ni 'dzin stangs dam pas gcod la/ rgod pa ni ma g.yengs pas
gcod do/ /de ltar bsgom pa na gnas cha byung na bying ba dang
thag nye ru song bas bying zon byas nas gsal cha dang/ 'dzin
stangs dam du dam du btang/ gsal

cha byung na rgod pa dang nye bas rgod zon byas nas gnas cha
btsal/ des na sgrub pa zhig brgyag khul byed kyang sgrub
rgyu'i ting 'dzin la gang 'dra zhig dgos pa mi shes pa de lta
bu min par/ spyir gnas cha dang/ gtso bor gsal cha/

de yang 'dzin stangs dam par byed pa'i khyad chos gnyis ldan
gyi ting nge 'dzin zhig nges par du bsgrub dgos/ de yang gong
du zhib rgyas bshad pa ltar dmigs rten dran pas ma shor bar
bzung/ de'i tshe bying rgod phra rags gang byung

grabs byas kyang/ de ma thag shes bzhin gyis rig par byas te/
so so'i gnyen po 'phral du bsten nas 'gog /bying rgod chod pa
na gnyen po'i rtsol ba mi byed par dmigs pa la rtse gcig tu
gnas shing/ shin tu gsal ba

gsal cha'i ngar ldan du skyong dgos/ phyag chen ltar na ni/
dmigs pa dang/ dmigs pa 'dzin pa'i sems gnyis ka gcig gis byas
nas/ dper na/ rdzi bos ra lug ri la shor ba dang mi shor ba
gnyis ka la brtags pa

@357a @#/ /bzhin du rnam rtog skyes pa na de'i ngo bor brtags
nas rang zhir btang nas gcod pa dang/ rnam rtog gnyen pos bcad
nas zhi ba na sems gsal rig la dmigs pa ste rnam rtog gcod
tshul gnyis

su bshad la/ rgyas par ni dge ldan phyag rgya chen po'i khrid
kyi skabs su 'byung bas/ sems la dmigs nas zhi gnas sgrub 'dod
pa rnams kyis de las shes dgos gsungs/ gsum pa de las brten
nas sems gnas dgu

sgrub tshul ni/ sgom byed par 'dod na sems gnas la myong ba
thon pa dgos/ de la sems gnas dgu shes dgos/ de yang sems 'jog
pa/ rgyun du 'jog pa/ glan te 'jog pa/ nye bar 'jog pa/ dul
bar byed pa/

zhi bar byed pa/ rnam par zhi bar byed pa/ rtse gcig tu byed
pa/ mnyam par 'jog pa ste dgu las/ dang po ni/ bla ma las
dmigs pa'i gdams ngag thos stobs kyis 'grub cing/ de yang
dmigs pa la bzhag tsam

bzhag tsam las shas cher mi gnas pas rgyun mthud mi thub pa
ste/ de'i tshe sems la rtog dpyod zhugs pa'i stobs kyis 'phro
rgod kyi dbang du shor ba rig pas sngar las rnam rtog shas che
ba'i nyams 'byung yang/ 'di rnam

rtog mang du song ba min gyi/ rnam rtog ngos zin pa'i nyams
yin/ gnyis pa ni de ltar bsgoms pas sems dmigs pa la bzhag
tsam gyis rgyun cung zad mthud thub pa ni dper na ma Ni phreng
skor gcig tsam gyi ring bsgom

@357b na de'i ring mi g.yeng ba 'byung ba lta bu yin/ 'di'i
tshe skabs re rnam rtog zhi zhing skabs re rnam rtog skye bas
rnam rtog ngal bso ba'i nyams 'ong/ 'di bsam pa'i stobs kyis
'grub/ sems gnas dang po dang gnyis pa

'di gnyis la bying rgod mang zhing gnas pa nyung bas yid byed
bzhi'i dang po bsgrims te 'jug pa'i skabs yin zhing gnas pa
las g.yeng ba rgyun ring ba yin gsungs/ gsum pa ni/ gos lta
bu'i gzhi la lhan pa brgyag pa

bzhin/ rgyun mthud pa'i gzhi de'i steng nas sems dmigs pa las
g.yengs pa 'phral du shes nas slar dmigs rten la glan te 'jog
pa la zer bas 'di dang snga ma gnyis la g.yeng ba yun ring
thung yod/ 'di'ang dran

pa stobs ldan bskyed pa'i dus yin gsungs/ bzhi pa ni/ dran pa
shugs can du bskyed nas dmigs rten la 'jog pa ste/ 'di nas
dmigs rten shor mi srid pas snga ma gsum las khyad zhugs pa
yin/ 'on kyang dmigs

rten ma shor bzhin du bying rgod shugs chen po 'byung bas
bying rgod kyi gnyen po bsten dgos/ sems gnas gsum pa dang
bzhi pa 'di gnyis dran pa'i stobs kyis 'grub/ 'di nas nar son
pa'i mi ltar dran pa nar son

pa'am; dran pa'i stobs rdzogs pa yin gsungs/ lnga pa ni/ bzhi
pa'i skabs su sems nang du bsdus drags pas 'dir bying ba phra
mo'i nyen che bas shes bzhin stobs ldan bskyed nas/ des bya ra
byas te ting nge 'dzin gyi yon

@358a @#/ /tan bsams nas sems gzengs bstod/ 'di dang snga ma
gnyis la bying rgod rags pa 'byung mi 'byung gi khyad yod/
drug pa ni/ lnga pa'i skabs su sems gzengs bstod drags pa'i
rkyen

gyis 'dir rgod pa phra mo'i nyen che la/ rgod pa phra mo skyes
pa na/ de rig pa'i shes bzhin stobs ldan bskyed de rgod pa
phra mo la'ang skyon du bltas nas 'gog dgos/ snga ma las 'di
skabs bying ba phra mo'i nyen che ba med pa'i khyad yod/ lnga
pa dang drug pa

gnyis shes bzhin gyi stobs kyis 'grub/ 'di nas shes bzhin gyi
stobs rdzogs par gsungs/ bdun pa'i skabs su dran shes kyi
stobs rdzogs pas bying rgod skye dka' yang/ de nas brtson
'grus kyi stobs bskyed de bying rgod phra mo la'ang

skyon du bltas nas spong gang thub byed dgos/ 'di dang snga ma
gnyis la bying rgod phra mor shor ba'i nyen
dogs cher byed dgos mi dgos kyi khyad yod/ 'dir bying rgod
phra mo tsam gyi nyen cher med kyang/ da dung de gnyis spong

thabs la ni brtson dgos pa yin/ lnga pa dang drug pa'i skabs
bying rgod kyis tshur gnod pa'i dogs pa yod la/ bdun pa'i skabs
'dir bying rgod byung yang brtson 'grus kyis bkag thub pas
bying rgod kyis tshur bar du cher

gcod mi nus gsungs/ sems gnas gsum pa nas bdun pa'i bar gyi
lnga po 'dir ting 'dzin shas che yang bying rgod sogs kyis bar
du gcod pas chad cing 'jug pa'i yid byed kyi skabs yin/ brgyad
pa'i skabs su ni/

@358b thog mar gnyen po dran 'dzin gyi rtsol ba cung zad bsten
na thun gyi ring bying rgod phra mo'ang med par thun 'khyongs
thub pa 'byung zhing/ 'di dag gi skabs rim bzhin dper na dgra
bo stobs dang ldan pa dang/ stobs 'ga' zhig nyams

pa dang/ stobs rdzogs par nyams pa ltar bying rgod kyi stobs
rim bzhin nyams pa yin pas brgyad pa nas bzung shes bzhin gyi
rtsol ba bsten mi dgos so/ /sems gnas brgyad pa'i skabs 'dir
rtsol ba cung zad bsten na

thun gyi ring bying rgod sogs kyis bar du gcod pa med pas chad
pa med par 'jug pa'i yid byed kyi skabs yin/ sems gnas bdun pa
dang brgyad pa brtson 'grus kyis stobs kyis 'grub/ dgu pa ni
'bad rtsol dang bral bar

'jug pa ste/ de yang brgyad pa'i skabs yang yang 'dris pa la
brten nas 'dir 'bad rtsol med par lhun gyis grub pa yin pas
rtsol ba cung zad kyang mi dgos par kha ton byang ba zhig gis
'don pa bton pa ltar ting 'dzin

la hril gyis 'jug /de ni 'dod sems rtse gcig pa'i zhi gnas
rjes mthun pa yin/ dgu pa 'di yongs su 'dris pa'i stobs kyis
'grub/ de dag gi dang po'i skabs rnam rtog ngos zin pa'i nyams
dang/ gnyis pa'i

skabs rnam rtog res ngal bso ba'i nyams/ gsum pa'i skabs rnam
rtog thang chad pa'i nyams 'byung/ mdor na sems gnas dang po
dang gnyis pa gnyis ni gnas pa rgyun ring thung yod la/ gnyis
pa dang gsum

@359a @#/ /pa ni g.yeng ba rgyun ring thung yod/ gsum pa bzhi
pa gnyis ni dmigs rten shor srid mi srid kyi khyad par yod
cing/ bzhi pa dang lnga pa ni/ bying ba rags pa skye mi skye
dang/ lnga pa drug pa

gnyis ni bying ba phra mo la dogs zon dgos mi dgos dang/ der
ma zad drug par rgod pa phra mo skye ba'ang snga ma las nyung
ngo/ /drug pa dang bdun pa gnyis ni/ bying rgod phra mor shor
nyen gyi dogs zon chen po dgos mi dgos

dang; bdun pa dang brgyad pa ni bying rgod yod med dang/
brgyad pa dang dgu pa ni/ 'bad rtsol la ltos mi ltos kyi khyad
yod do/ /bdun pa'i skabs bying rgod 'gog tsam las/ der shor
dogs kyi nyen cher byed mi dgos la/

dper na dgra dang 'thab na/ de stobs zhan du btang zin nas
dogs zon cher mi dgos par bkag tsam gyis chog pa bzhin yin par
gsungs// ! //nyin nyer gnyis par/ ji skad du/ dpal ldan

zla ba grags pa'i gsung las/ kun rdzob de nyid gshog yangs
dkar po rgyas gyur pa'i/ /ngang pa'i rgyal po de ni skye bo
ngang pa yis/ /mdun du bdar nas dge ba'i rlung gi shugs stobs
kyis/ /rgyal ba'i yon tan rgya mtsho'i

pha rol mchog tu 'gro/ /zhes gsungs pa ltar kun rdzob dang don
dam pa'i byang chub kyi sems gnyis dang tshogs gnyis kyi sgo
nas rgyal ba'i sar bgrod par byed pa la/ de lta bu'i tshul thos
dgos pa sogs kyi gsung

@359b bshad dang 'brel sngon 'gro'i chos bshad mdor bsdus
dang/ sngon du song ba'i sa bcad rnams gsungs te/ zhi gnas la
slob tshul gyi tshogs bsten pa lnga'am drug dang/ sgrub tshul
dngos kyi/ nyes pa lnga'i gnyen po 'du

byed brgyad bsten tshul dang/ de la brten nas sems gnas dgu
bsgrub lugs rnams la bskyar bshad gnang/ bzhi pa/ de stobs
drug gis 'grub lugs ni/ sems gnas dang po thos pa'i stobs
dang/ gnyis pa

bsam pa'i stobs/ gsum pa dang bzhi pa gnyis dran pa/ lnga pa
drug pa gnyis shes bzhin/ bdun pa brgyad pa gnyis brtson
'grus/ dgu pa 'dris pa'i stobs kyis 'grub pa ste zhib pa sngar
sems gnas dgu so

so'i skabs su bshad zin/ lnga pa de la yid byed bzhi yod tshul
ni/ sems gnas dang po gnyis bsgrims te 'jug pa dang/ bar pa
lnga chad cing 'jug pa/ brgyad pa ni rtsol ba dang bcas te
chad pa med par 'jug pa/

dgu pa rtsol med du lhun gyis grub par 'jug pa yin/ de yang
sems gnas dang po dang gnyis pa gnyis kyi skabs bying rgod
shas che zhing ting 'dzin nyung shas las mi 'ong bas bying
rgod kyis ting 'dzin gyi bar du chod mi

chod kyi tha snyad 'jog rin med cing dran shes bsgrims dgos
pa'i skabs yin pas de ltar bzhag cing/ bar pa lnga'i skabs
dran shes bsgrims mi dgos pa min kyang ting 'dzin la gnas pa
rim gyis je cher song zhing bying

@360a @#/ /rgod kyis bar du chod kyin chod kyin 'jug pas na
chad cing 'jug pa dang/ brgyad pa'i skabs thun gyi 'gor gnyen
po'i 'bad rtsol cung zad bsten na bying rgod kyis mchod par
thun 'khyongs pas

chad med du 'jug pa dang/ dgu pa rtsol med du dmigs par 'jog
pas lhun gyis grub par 'jug pa zhes khyad par so sor bzhag pa
yin/ drug pa de las zhi gnas dngos 'grub tshul ni/ sems gnas
dgu pa

thob nas bying rgod phra mo dang bral bar ting 'dzin la 'bad
med du yun ring gnas thub pa byung na'ang de zhi gnas rjes
mthun pa las dngos min/ dngos thob pa la ting 'dzin la slar
yang goms shing 'dris par byas pas

lus sems shin sbyangs kyi dga' bde khyad par can thob dgos la/
de yang shin sbyangs gnyis las sems shin sbyangs sngon dang/
bde ba gnyis las lus shin sbyangs kyi bde ba sngar skye'o/ /de
yang lus kyi gnas ngan

len gyi rlung zhi bas bde nyams can mgo bo la'ang klad pa lci
bem pa lta bu zhes skra bzhar shul la lag pa tsha mos reg pa
lta bu zhig 'byung/ de ma thag sems nyon mongs pa'i phyogs su
gyur nas dge ba la gang 'dod du

bkol mi rung ba'i gnas ngan len zhi nas sems shin sbyangs
skye/ de'i mthus lus shin sbyangs 'dren pa'i rlung las rung
lus la khyab par brgyus pas na lus kyi gnas ngan len dang bral
nas lus dge ba'i bya ba la 'tsher

@360b snang med par ji 'dod du bkol nus pa/ shing bal bzhin
yang ba'i lus shin sbyangs skye/ de la brten nas reg bya shin
tu bde ba'i rang bzhin can gyi lus shin sbyangs kyi bde ba'i
nyams chen po skye/ da dung mnyam par bzhag pas

rang lus la sogs pa'i snang ba gzhan gang yang mi 'char bar
lus kyang dmigs rten la thim nyams can gyi sems shin sbyangs
kyi dga' bde'i nyams chen po skyes nas sems dga' yal yal ba/
dmigs par gnas

mi thub pa lta bu 'byung/ de nas sems shin sbyangs kyi dga'
yal yal ba de cung sangs nas/ bde ba chung du song snyam pa
lta bu'i ngang nas sems dmigs pa la brtan par gnas pa'i ting
'dzin dang rjes su mthun pa'i shin

sbyangs mi g.yo ba thob pa dang dus mnyam du bsam gtan dang
po'i nyer bsdogs mi lcogs med kyis bsdus pa'i zhi gnas thob pa
yin/ 'di ni 'jig rten dang 'jig rten las 'das pa'i rtogs pa
mang po 'thob pa la med

thabs med pa'i lam yin pas mi lcogs med zer/ de nas nyer
bsdogs phyi ma rnams bsgrubs nas rim gyis bsam gzugs brgyad ka
bsgrub na'ang thob nus mod/ 'on kyang dgos pa chung bas rang
res de skyed pa min zhing/

phyi rol pas ni ci yang med man chad kyi nyon mongs mngon gyur
thams cad spangs te srid rtse'i sems thob nas thar pa thob par
'dzin kyang de tsam gyis 'khor ba las mi grol ba bsngags 'os
bsngags bstod las/ khyod kyi chos la 

@361a @#/ /mi phyogs pa'i/ /skye bo gti mug gis ldongs pa/ /srid
rtse'i bar du song nas kyang/ /sdug bsngal yang 'byung srid pa
sgrub/ /ces dang/ mdo las/ 'jig rten dag ni ting 'dzin bsgom
byed kyang/ /

des ni bdag tu 'du shes 'jig mi byed/ /des ni nyon mongs phyir
zhing rab 'khrugs te/ /lhag spyod kyis ni ting 'dzin 'dir bsgoms
bzhin/ /zhes lhag spyod kyis srid rtse'i mnyam gzhag la lo mang
por gnas skabs ral

pa byi bas zos pa phyis mthong nas khros te/ bsam gtan nyams nas
ngan song du song bar gsungs pa lta bu yin gsungs/ de ltar zhi
gnas legs par grub na/ rtsig pa la sogs pa'i rdul phra rab tshun
kyang bgrang nus

pa'i tshod kyi sems gsal nyams dang/ phyi'i gzugs la sogs pa'i
yul lnga'i mtshan ma lnga dang/ dug gsum gyi mtshan ma gsum dang/
skyes pa bud med de mtshan ma bcu gang snang yang de'i nyes dmigs
dran nas mi

dga' ba dang/ nyon mongs skye ba nyung zhing skyes kyang shugs
zhan pa dang/ gnas cha 'thug pas gnyid kyang ting nge 'dzin dang
'dres 'gro ba snyam byed pa sogs kyi yon tan 'byung/ deng sang
gzhung chen po dag la ma

brten par tshig nyung zhing las sla ba zhig gis phyag rdzogs sogs
kyi lta ba tshol bar rlom pa dag la/ thun mong ba'i zhi gnas
kyang gzhung chen mo nas gsungs pa lta bu'i rnal ma zhig 'byung
dka'/ phyag chen rtsa ba las

@361b kyang; sems ngo blta ba sogs ni sems kyi kun rdzob pa'i
ngo sprod tsam yin par gsungs/ des na de 'dra la rang gis sgom
bzang po yin bsams kyang/ rag gi gong bu gser du bsgom pa bzhin/
lam gol lam log cig

tu 'phyan par 'gyur ba las gzhan 'os med/ bying ba bsags pa la
sgom du 'khrul nas bsgom pas ni/ khams gong mar yang 'phen mi
nus shing/ dud 'gro'i rgyu sgrub pa lta bu byung ba yin te/ sa
paN gyis/ blun pos phyag

rgya che bsgom pa/ /phal cher dud 'gro'i rgyu ru 'gyur/ /yang na
nyan thos 'gog par ltung/ /yang na gzugs med khams su skye/
/zhes gsungs/ des na lam gyi gtso bo rnam gsum gang rung gis ma
zin par sems kyi

ngo bo kha dog dang dbyibs su med par brtags nas/ snga ma'i rjes
mi gcod/ ma 'ongs pa'i rdun ? ma bsu zhes sogs su ngo sprad de/
de tsam bsgom khul byed pas ni mi tshe don med stong zad kyi rgyu
'ba' zhig tu 'gro ba las sa

lam gang yang bgrod mi nus/ byang sems dang/ nges 'byung dang/
yang dag pa'i lta ba dang/ skyabs 'gros zin na rim bzhin theg
chen gyi nyams len dang/ thar pa'i nyams len dang/ nang pa'i
chos su 'gro bas lam

ma nor ba de 'dra la 'jug dgos/ de 'dra med par sems kyi ngo bo
gsal stong 'dzin med sogs rtogs pa tsam gyis ni/ bdag 'dzin la
ci yang gnod mi nus pas rab na mu stegs lhag spyod ltar 'gyur
nyen yod/ de ltar

@362a @#/ /dman pa'i lam la bzang por mi 'dzin par/ lam yang dag
dang ltar snang 'byed shes pa dgos gsungs/ gnyis pa shes rab kyi
ngo bo lhag mthong la slob tshul la gsum/ gang zag

gi bdag med gtan la 'bebs pa/ chos kyi bdag med gtan la 'bebs
pa/ de las lhag mthong skye tshul lo/ /dang po la gnyis/ mnyam
gzhag nam mkha' lta bu'i skyong tshul dang/ rjes thob sgyu ma lta
bu'i

skyong tshul lo/ /dang po la dgag bya nges pa'i gnad/ khyab pa
nges pa'i gnad/ bden pa'i gcig bral nges pa'i gnad/ bden pa'i du
bral nges pa'i gnad de bzhi yod/ de ltar zhi gnas brtan po zhig
grub

mtshams nyon mongs mngon gyur mgo gnon pa'i 'jig rten pa'i lam
zhi rags rnam can gyi lhag mthong sogs mi bsgom par/ rang res
don du gnyer bya gtso bo ni thar pa yin pas 'khor ba'i rtsa ba
gcod byed

bdag med kyi don la dpyod pa'i 'jig rten las 'das pa'i lhag
mthong skyed dgos shing/ de bskyed na gong ma'i dngos gzhi sogs
ched du ma bsgoms kyang rim gyis srid pa'i nyes pa bzlog par
'gyur ba bsngags 'os bsngags

bstod las/ khyod kyi bstan pa'i rjes 'gro ba/ /bsam gtan dngos
gzhi ma thob kyang/ /bdud kyi mig ras btsa' bzhin du/ /srid pa
dag ni bzlog par bgyid/ /ces gsungs pa red/ de la zab mo stong
pa nyid kyi don

@362b gtan la 'bebs dgos/ 'di ma rtogs na thar pa thob pa'i
thabs med cing/ rgyal sras kyi spyod pa gzhan rnams kyang mtshan
'dzin dang bcas par 'gro/ gshog pa zung dang mi ldan pa'i bya
bzhin thabs shes phyogs re bas rgyal

ba'i sar 'gro mi nus pas thabs byang chub kyi sems dang/ shes
rab stong pa nyid gnyis ya ma bral ba la slob dgos te/ rje bla
mas/ gnas lugs rtogs pa'i shes rab mi ldan na/ /nges 'byung
byang chub sems la

goms byas kyang/ /srid pa'i rtsa ba gcod par mi nus pas/ /de
phyir rten 'brel rtogs pa'i thabs la 'bad/ /ces gsungs pa ltar
yin/ gzhan yang stong pa nyid la don 'gyur gyi the tshom zos pas
kyang/ bdag 'dzin

gos hrul po lta bu dang/ ser bas bcom pa'i lo tog bzhin du byed
par gsungs te/ bzhi brgya pa las/ bsod nams chung dus chos 'di
la/ /the tshom za ba yang mi 'gyur/ /the tshom zos pa tsam gyis
kyang/ /srid pa hrul

por byed par 'gyur/ /zhes gsungs pa red/ des na 'di la'ang tshogs
la gnas dgos pas/ gsung rab kyi gnad phyin ci ma log par mkhyen
pa'i skyes bu dam pa la brten nas stong nyid ston byed kyi gdams
pa thob pa/

tshogs gsog sgrib sbyong byed pa/ bla ma yi dam dbyer med du byas
nas gsol ba gdab pa sogs lta ba rnam dag rgyud la skye ba'i rgyu
tshogs rnams tshang dgos/ de dag ma tshang na rtogs mi nus/ 'phags
yul gyi grub

@363a @#/ /mtha' smra ba bzhi so so nas lta ba'i 'jog mtshams nang
? gses mi mthun pa mang yang/ gtso bo na dbu ma thal 'gyur ba'i
lta ba ste/ de ni stong pa rten 'byung gi don dang/ rten 'byung

stong pa'i don du bshad pa zhig la byed/ ston pa thugs rje can
gyis gdul bya'i blo'i mchog dman gyi rim pa bzhin 'di ltar gang
zag gi bdag la zhen pa bzlog pa'i phyir du dang por gang zag
rang rkya thub pa'i

rdzas yod kyis stong par bstan pa dang/ de nas blo rab tu gyur
pa na/ chos rnams las bden par yod med kyi khyad phye ba dang/
de nas blo mchog tu gyur pa na/ bden par med kyang rang bzhin
gyis grub par bstan pa

dang; yang rab la/ chos thams cad rang bzhin gyis med par bstan
pas na/ bcom ldan 'das kyi dgongs pa'i mthar thug mchog tu gyur
pa ni phyi ma 'di yin/ de yang ston pa nyid kyis/ lho phyogs
b+hai ta'i yul

du ni/ /dge slong dpal ldan cher grags pa/ /de ming klu zhes
'bod pa ste/ /yod dang med pa'i phyogs 'jig pa/ /zhes yod mtha'
dang med mtha' spangs pa'i rgyal ba'i dgongs pa 'grel ba la
'gran zla dang bral bar

lung bstan pa'i mgon po klu'i zhabs kyi rjes su 'brangs nas lta
ba btsal dgos kyi/ de min so so'i gang 'dod 'dod re gsar du byas
pa'i lta ba zab zab mo mang por smra yang/ klu sgrub kyi dgongs
pa dang mthun na lta

@363b ba mthar thug yin gyi/ de las gzhan du gyur pa ni/ rgyal
ba'i dgongs pa las log pa zhig tu smras par nges/ bod kyi blun
po dag lta ci/ rgya gar gyi mkhas pa chen po slob dpon legs ldan
'byed dang/ bod kyi paN

chen jo nang pa sogs mang po'ang lta ba'i gnad 'di la 'khrul
zhing/ de las gzhan pa 'ga' zhig gis ni/ klu sgrub kyi rjes su
'brangs kyang/ de'i dgongs pa ma rtogs pa dang/ 'ga' zhig ni/
klu'i rjes su mi 'brangs

par ma zad/ de la dgag par byed pa sogs kyang byung mod/ klu
sgrub yab sras kyi lugs la mi ltos par/ de las phyi rol du gyur
pa'i rang bzo'i lta ba ston pa ni/ zla bas/ slob dpon klu sgrub
zhabs kyi lam las ni/ /phyi

rol gyur la zhi ba'i thabs med do/ /de dag kun rdzob de nyid
bden las nyams/ /de las nyams pas thar pa 'grub yod min/ /zhes
gsungs pas/ zhi ba'i sgo gnyis pa zhig yod na ma gtogs de min
lugs 'di'i rjes

su ma 'brangs par bya thabs med do/ /klu sgrub kyi rjes 'brangs
rnams kyi nang nas/ jo bo chen pos/ stong nyid gang gis rtogs
she na/ /de bzhin gshegs pas lung bstan cing/ /chos nyid bden pa
gzigs pa yi/ /klu sgrub

slob ma zla grags yin/ /de las brgyud pa'i man ngag gis/ /chos
nyid bden pa mthong bar 'gyur/ /gsungs pa ltar slob dpon zla ba
grags pa mchog tu gyur cing/ bod du de'i rjes su 'brangs pa'i
bod snga rabs kyi grub

@364a @#/ /mtha' so so'i mkhas grub kyi slob dpon mang du byung
ba rnams las thog ma'i slob dpon rang rang gi dgongs pa thal
'gyur du gnas pa mang po yod kyang/ gdul bya la blo ngo dang
mthun par

khrid tshul sna tshogs gsungs pas phyis nas rjes 'jug mang pos
dgongs pa dngos ma lon par rim gyis 'khrul par zhugs pa mang
bas/ 'jam mgon tsong kha pas kyang lta ba mthar thug cig rtsad
gcod sa dkon

pa byung ste lta ba'i skor 'dir bod gzhan phal cher la thugs ma
ches nas/ 'phags yul du slob dpon klu byang dang grub chen mi
tra sogs mjal bzhed kyis phebs rtsis mdzad pa na/ lho brag grub
chen gyis nan gyis bshol

btab/ grub chen nyid kyis zhu brgyud mdzad de lta ba'i skor
phyag rdor la zhus nas/ des bstan pa'i zhu lan sman mchog bdud
rtsi'i phreng ba zhes pa de gnang/ 'di'ang deng sang gi dpe cha
ltar na dogs gzhi che ba yod pas/

des kyang thugs cung ma tshim par bla ma dang 'jam dbyangs dbyer
med la gsol 'debs dang/ bsags sbyang shugs drag la rgyun ring
ba/ dmigs rnam skyong ba rnams la chig dril mdzad pas phyis su
'jam dbyangs

dngos kyi zhal gzigs/ spyir zhal gzigs la/ rtsa nang du rlung
zhugs pa'i nyams snang la mthong ba dang/ bsgom pa'i nyams yid
shes la shar ba mthong ba/ dbang shes kyis mngon sum du mi dang
mi bzhin mthong ba ste gsum

@364b yod; rje rin po ches ni phyi ma ltar gzigs nas 'jam
dbyangs dang bla slob phrad pa bzhin du byung bar/ lta ba'i dka'
gnad skor dri ba zhus pa'i gsung lan rnams zab pas ma go ba'i
tshul du gyur pa na/ rje btsun gyis lta ba'i

dogs gcod kyi yul red mda' ba la gyis shig pa dang/ des kyang
dogs pa kun mi sel mod/ ngas bstan pa 'di gzhir byas nas/ brtson
'grus brtsam na nam zhig nas mkhas pa'i gzhung la brten nas zab
mo'i lta ba

phyin ci ma log pa rtogs par lung bstan pa bzhin/ phyis tshogs
bsags sgrib sbyangs sogs kyi mthus slob dpon sangs rgyas
bskyangs kyi zhal gzigs nas/ 'grel pa budd+ha pA li ta gzigs pas
thal 'gyur ba'i lta ba

mthar thug thugs rgyud la 'khrungs/ skabs de dag la 'phags yul
gyi paN grub mang po'i zhal gzigs pa'i tshe zhal mjal ba de dag
la snang chung mdzad pa na/ rtogs ldan pa brgyud de rje bla ma
la 'jam dpal gyis/

'di dag la snang chung ma byed dang/ 'di dag gi gzhung la brten
nas rang gzhan la phan pa rgya chen po 'byung bar 'gyur gsungs/
de ltar dbu ma'i lta ba phyin ci ma log pa rtogs pa na/ ston pa
la thugs dad cher 'khrungs

nas; rten 'byung gsungs pa'i sgo nas bstod pa legs bshad snying
po chung ba ljags rtsom mdzad/ 'di sprang po gnas bskor ba zhig
gis ngag nas skyor ba bo dong phyogs las rnam rgyal gyis gsan
nas/ dang por klu

@365a @#/ /sgrub kyis mdzad dam snyam pa dang/ de nas zla grags
kyis mdzad snyam pa sogs byung ba na/ mjug nas rim par klu sgrub
dang zla ba'i gzhung la brten tshul gyi gzhung tshig thon pa na/

de dag min par mkhyen te sprang po de la dri ba mdzad par/ rje
tsong kha pa chen pos mdzad zer bas rje bla ma la dad pa ldog tu
med pa skyes nas mjal bar byon kyang rje bla ma gzhan don du dag
zhing la gshegs zin pa

dang thug ste mjal ma thub kyang/ mjal rten gser dngul sogs nam
mkhar gtor te smon lam btab pas/ de dag dga' ldan gyi gdan sar
babs pa sogs kyi rnam thar ngo mtshar ba yod/ des na zab

mo'i don gsal ba'i dgongs 'grel bla na med pa ni/ rje bdag nyid
chen po'i legs bshad 'di rnams yin/ rje 'dis 'phags yul gyi
bstan bcos yin zer tshad nang nas lta ba gtan la 'bebs pa'i
gzhung

gzhan phal cher la tshad mar mi mdzad par/ rje rang gi yi dam
'jam pa'i dbyangs la bka' 'dri zhugs pa na/ 'jam dpal gyis rje
bla mar/ zla ba grags pa ni sangs rgyas kyi zhing khams shig nas
sa mthon po'i

byang chub sems dpa' rnam dpyod snying stobs can zhig mgon po
klu sgrub kyi zab mo lta ba'i bstan pa spel phyir bsam bzhin
byon pa yin pas de'i gzhung la nor 'khrul med tshul gsungs pa
bzhin/ zla grags kyi

@365b gzhung lugs dang/ bla ma 'jam pa'i dbyangs la tshad mar
mdzad pa yin/ rje'i gsung rab lta ba'i skor ston pa'i gzhung
rnams la rang cag gis thos bsam sogs byed pa'i tshe go dka' zhing
rtogs dka' ba 'byung ba gzhung ha cang

brling zhing zab mo'i gnas yin pas go ba sogs las sla mor mi
skye/ 'on kyang yang yang zhib tu mjal na gzhung gzhan na med
pa'i gsal kha dang zab khyad khyad par can du ma yod pas/ stong
nyid la thos byung gi shes rab

sogs skyes rim bzhin go ba ster tshabs gzhan las che ba 'ong/ des
na/ da lan rje bla ma'i dgongs pa gzhir bzhag ste mdor bsdus zhu
na/ 'dir dang po gang zag gi bdag med gtan la 'bebs tshul gsungs
pa ni/ bzhi

brgya pa las/ bsod nams min pa dang por bzlog /bar du bdag ni
bzlog pa dang/ /tha mar lta zhig kun bzlog pa/ /gang gis shes de
mkhas pa yin/ /zhes pa ltar las 'bras med par blta ba'i lta ba
sogs skyes bu chung 'bring

gi skabs su bzlog /bar du gang zag gi bdag dang/ tha mar chos
kyi bdag bzlog dgos pa'i go rim nyams len du 'khyer ba'i man
ngag dang mthun par mdzad pa yin/ bdag med gnyis po'i med rgyu'i
bdag la khyad

med kyang/ khyad gzhi gang zag gi steng gi bdag med de nges sla
bas dang por de nas 'khrid/ de yang stong nyid gtan la 'bebs
byed kyi rigs pa la rten 'brel gyi rigs pa dang/ rnam bdun gyi
rigs pa sogs mang yang/

@366a @#/ /las dang po pas go sla ba ni gcig du bral gyi rigs
pa nyid yin pas/ rje rin po che dang/ de'i rjes su 'brangs pa
mang pos kyang skabs 'dir rigs pa de nyid la gnad bzhi sbyar
nas

gsungs yod/ de la dang po ni dgag bya nges pa'i gnad de/ spyod
'jug las/ btags pa'i dngos la ma reg par/ /de yi dngos med
'dzin ma yin/ /zhes gsungs pa ltar/ gang 'gog rgyu dang med
rgyu'i bdag ngos

ma zin na/ de bkag pa'i med dgag ngo mi shes te/ dper na 'ben
ma mthong bar mda' mi phog pa dang/ rkun ma ngos ma zin na
'dzin mi thub pa bzhin du 'gyur bas 'gog rgyu'i bdag ngos zin
dgos la/ de la

bden par med ces pa'i bden pa dang/ rang bzhin gyis ma grub
rgyu'i rang bzhin dang/ rang ngos nas med rgyu'i rang ngos ni/
bzhi brgya pa'i 'grel par/ de la bdag ces bya ba ni/ gang zhig
dngos po rnams kyi gzhan la rag

ma las pa'i ngo bo rang bzhin te de med pa ni bdag med pa'o/
/zhes gsungs pa bzhin/ gzhan gyi rkyen la rag las pa min par
rang gi ngos nas yod pa'am/ gzhan la ltos pa med cing rag ma
las par rang gi ngo bo nyid

kyis tshugs thub pa la zer la/ 'di la tshig gi bshad yam tsam
gyis ni/ rtsod pa'i tshe pha rol po'i kha 'gog byed tsam du
rung mod/ myong thog nas ma nges na/ dgag bya ngos mi zin te/
dper na rkun ma ni mi'o/ /gos dkar

@366b po gyon pa'o/ /zhes sogs smras pas rkun ma ngos mi zin
pa bzhin no/ /des na gzhan gyis bshad pas go ba dang tshig spyi
dang/ sgra spyi tsam min par dpyad nas rang gi blo ngor nyams
myong rjen cer du ngos zin pa dgos so/ /dgag

bya ma nges na bden med sgrub byed kyi rigs pa mang po zhig
btang yang/ rten 'brel bshigs pa'i chad ltar 'gyur nyen yod/
dper na bum pa'i tha snyad blo phugs su bzhag nas/ bum pa'i
mchu bum pa min/ bum pa'i zhabs bum

pa min zhes sogs byas nas/ bum pa'i cha re re nas bsil ba'i
mthar bum pa ma rnyed pa tsam stong nyid du go nas bsgom khul
byas na/ stong gzhi 'di'i steng du dgag bya 'di 'dra zhig 'gog
zer ba'i rnam dbye med pas bum pa'i

tha snyad bshigs nas cang med kyi stong par shor ba dang/ blos
byas kyi stong pa'i gol sa che/ des na rang res dgag bya 'tshol
ba na ngar 'dzin lhan skyes kyis nga rang bzhin gyis grub par
'dzin tshul rtsad gcod dgos pas blo lhan skyes la

nga'i snang tshul dang 'dzin tshul ji ltar 'dug brtag pa na/
phung po'i steng na sems kyis btags pa tsam min par phung po
tshogs pa'i steng nas tshur grub pa lta bu'i ngo'o snyam pa zhig
tha na grog sbur yan chod kyi rgyud la rmi lam tshun chad du
blo phugs

su yod pa de ni ngar 'dzin lhan skyes yin/ spyir na gzhi gang
zag gi steng du nga zhes 'dzin pa'i 'dzin tshul gsum las/ stong
nyid kyi lta brgyud la skyes pa'i gang zag rnams kyis gdags
gzhi'i steng du rtog pas btags tsam dang/

@367a @#/ /bden med kyis khyad par du byas nas ngar 'dzin pa
gcig dang/ grub mthas rgyud ma bslad pa'i so skye rnams kyis
'dzin tshul ltar rang bzhin gyis grub ma grub gang gis kyang
khyad par du ma byas

pa'i ngar 'dzin tshul gcig  rang bzhin gyis grub pas khyad par
du byas nas ngar 'dzin pa gcig ste gsum yod pa las gnyis pa de
nga'i tha snyad 'jog pa'i blo tshad ma yin/ 'di'i yul gyi nga
tsam de tha snyad du yod/ las

'bras kyi rten du'ang rung/ gsum pa de gnyen pos 'joms rgyu'i
'khrul shes ngar 'dzin yin/ 'di'i rnam pa'i yul rigs pa'i dgag
bya yin/ lhan skyes kyi snang tshul de'i rjes su 'brangs nas
ngas zas zos snyam pa lta

bu de ngar zhen pa yin/ ma brtags ma dpyad pa'i blos brtags de
tsam des tshim par byas nas nga 'gro/ nga sdod ces 'gro sdod
kyi bya ba byed pa de ming rkyang btags yod tsam la bya byed
'thad pa'i tshul yin/ lhan skyes la nga'i

snang tshul gyi phyogs tsam zhig nga'i tha snyad 'jog pa'i blo
la'ang 'ong/ 'on kyang de la lhan skyes la snang tshul ji lta
ba bzhin yul snang gzhan dang ma 'dras par gsal por mi 'char
bas nga rang bzhin gyis tshugs thub tu grub

pa'i snang tshul dang/ nga'i snang tshul gnyis so sor 'byed shes
dgos/ ngar 'dzin lhan skyes de rang re'i rgyud la rgyun du rmi
lam gyi gnas skabs tshun chad du yod kyang rkyen dang ma 'phrad
pa'i gnas skabs su kho'i snang tshul gsal

@367b po mi 'ong zhing/ bstod smad sogs bde sdug gi rkyen chen
po zhig byung ba'i tshe gsal por mngon du 'gyur te/ dper na mi
gzhan pa zhig gis rang la brkus khag lta bu btsugs pa na/ nga
la nag med nag 'gel 'di lta bu byas byung

snyam zhe sdang drag po lang ste/ nga nad mi theg zer nas/
bkag kyang mi thub par shor shor byed pa'i skabs brkus khag
'dzugs yul dang/ nga nad theg gi ma red zer sa'ing nga snyam
pa zhig snying gi dkyil nas tshur ling ling dam spring

nge ba 'char ba de dgag bya'i 'char tshul yin/ de ltar dga'
'jigs dang bde sdug gi rkyen gang yang rung bal brten pa'i blo
mngon gyur zhig gis ngar 'dzin lhan skyes shugs can bskyed du
bcug nas de'i mtshams der kho'i

snang tshul la brtag dgos/ de ni dper na/ lam du mi gnyis
gshibs nas 'gro ba na/ mig zur gyis grogs dang lam gnyis kar
brtags nas 'gro ba ltar blo byings lhan skyes kyi ngo bor gnas
nas dgag bya'i snang ba 'char

du bcug la/ blo'i cha shas phra mo zhig gis lhan skyes kyi
snang tshul la brtag dgos/ snang tshul brtag pa'i blo shugs ches
na 'dzin stangs kyi ngar cha zhig nas stong par 'gro ba'am/ mi
gsal bar 'gyur bas thabs mkhas

pos brtag pa gnad che/ de'i tshe ngar 'dzin lhan skyes la nga
ji ltar snang gin 'dug bltas pa na/ skabs re lus kyi steng na
yod pa 'dra po dang/ skabs re sems kyi steng na yod pa lta bu
sogs 'char tshul sna tshogs 'ong yang/

@368a @#/ /de ngar 'dzin lhan skyes la nga'i rnam pa 'char tshul
rnam dag min la/ gdags gzhi lus sems dang btags chos gang zag
ma phye ba'i tshogs pa bam me bzhig gi stang nas nga ling nge
ba zhig ming

brdas phar btags tsam min par kho rang gi ngos nas tshugs thub
tu grub pa'i snang ba zhig lam gyis shar na de dgag bya'i
snang tshul 'phyug med yin pas/ de ngos zin na 'gog pa las
sla'o/ /des na gnad 'di phra bas 'ga'

zhig khyab che khyab chung la sogs par gol ba yin/ 'di ngos
'dzin ma byas pa na rtag tu 'char la/ ngos 'dzin byas pa na/
lus sems tshogs pa'i steng du yib ste sdod pas mi rnyed pa'i
phyir/ dper na g.yang sa chen

po zhig gi khar 'gro ba'i tshe/ nga lhung 'ong snyam pa'i skrag
pa skye ba na nga'i lus lhung 'ong snyam pa dang/ sems lhung
'ong snyam pa med kyi/ lus sems gnyis dbyer med 'o chu 'dres
pa 'dra ba'i steng nas g.yang du lhung rgyu'i

nga ling nge ba zhig shar 'ong ba de yin/ de bzhin du rta lta
bu rgyug pa'i tshe rta'i lus dang sems la rta zhes mi brjod
cing/ de gnyis tshogs pa'i steng du phar btags tsam min pa'i
rta zer sa'i ling nge ba zhig rtar bzung la/ se

ra; 'bras spungs sogs zer ba na'ang 'du khang sogs phyi'i
khang pa dang nang gi grwa pa sogs kyi khyad par ma phye bar/
gdags gzhi snod bcud tshogs pa'i steng du de dang rgya che
chung mnyam pa'i se ra dang 'bras spungs zer sa'i

@368b ling nge ba zhig shar 'ong ba de yin/ gzhan yang dka'
bcu zer ba na/ dka' bcu'i lus sems tshogs pa tsam de la gdags
gzhir byas nas gzhan gang la'ang ma ltos pa'i ling nge ba zhig
'char 'ong/ mdor na sked tshang 'jam

dbyangs smon lam gyis gsungs pa bzhin chos gang dang gang
la'ang de dang de zhes zer sa/ gdags gzhi dang rgya che chung
mnyam pa zhig yul steng nas 'char 'ong ba de nyid rigs pa'i
dgag bya mthar thug yin cing/ bden 'dzin

gyi dmigs pa'i gtad so zhes pa'ang 'di la zer/ bden snang 'di
ngos ma zin par dgag bya bden grub zer ba'i 'gog rgyu zhig zur
du yod par ngos bzung nas tshugs thub dang bden grub ces sgra
spyi tsam la dbu ma'i gzhung nas

gsungs pa'i rigs pa mang po zhig gis ji tsam dpyod khul byas
kyang tshig spyi tsam du song nas bden 'dzin la ci yang mi gnod
cing/ dgag bya rang bab tu 'char ba min par nga'o snyam pa'i
dgag bya gsar pa zhig blos bcos nas

de la dpyad pa byas na'ang blos byas kyi lta bar 'gro/ mdor
na/ rje btsun blo bzang chos rgyan gyis/ rang cag so skye la
da lta'i snang ba 'char tshul 'di las gzhan pa'i rtags kyi dgag
bya'i snang tshul gzhan med de/ so skye'i rgyud

kyi shes pa thams cad ma rig pas bslad pa'i dbang gis yul
snang ci snang yang bden par snang ba'i phyir/ zhes gsungs pa
ltar de lta rang cag tha mal pa rnams la bdag dang phung po ri
ra ba khang khyim sogs chos gang dang gang

@369a @#/ /snang yang kun rdzob kyi snang ba dang bden snang
'dres pa'i snang ba 'ba' zhig 'char te cha 'di tsam zhig bden
par snang la/ 'di tsam zhig bden par mi snang zer rgyu'i dbye
ba med par cha thams

cad nas bden par snang bas na rang re so skye'i blo la snang
ba gang shar thams cad dgag bya dang ma 'dres pa'i snang tshul
gcig kyang med pas/ rang rer snang lugs 'di ga rang dgag bya'i
snang tshul lam bden grub kyi snang

tshul yin/ 'di nyid rang sor bzhag nas gzhan zhig na dgag bya
'tshol ba'i ngal ba byed pa ni/ lcang skya rol pa'i rdo rjes/
da lta rang re yi blo gsal 'ga' zhig /tshugs thub bden grub
sogs brda la zhen nas/ /snang ba

ling ling de rang sor bzhag nas/ /dgag rgyu rwa can zhig 'tshol
bar snang ste/ /sgrib bral a ma yi bzhin ras de na/ /lang
lang ling ling de yod skad mi 'dug /gnad 'gag ma phigs pa'i
bshad bshad mang na/ /a ma

rgan mo de bros dogs 'dug go/ /zhes gsungs pa bzhin du 'gyur
nyen che bas/ phyi'i rkyen bla ma'i man ngag dang/ nang gi
rkyen bsags sbyang zung 'brel la brten nas phra zhing mdzangs
pa'i blos zhib mor brtag pa gal che/

dgag bya 'phyug med cig ngos zin thub pa byung na rten 'brel
gyi gtan tshigs lta bu'i rigs pa re re tsam gyis kyang bden
'dzin ri rab tsam thal bar byas nas stong nyid rtogs pa la
dka' las med tshod red/ lcang skya rin

@369b po ches kyang/ 'tshol dgos mi 'dug ste 'tshol mkhan rang
yin/ /zhes stong pa nyid de thag ring po nas 'tshol dgos mi
'dug ste 'tshol mkhan rang dang lhan cig tu gnas par gsungs/
des na dgag bya ngos 'dzin gcig pur

yang lo zla sbrel nas bsgom par bya'o/ /gnad gnyis pa khyab pa
nges pa ni/ de ltar sngar bshad pa bzhin gyi dgag bya'i don
spyi 'phyug med blo ngor lam gyis shar ba na de 'dra'i ngar
'dzin lhan skyes kyis bzung ba'i nga de rang

bzhin gyis grub na gdags gzhi'i phung po dang ngo bo gcig dang
tha dad gang rung du grub dgos kyi/ de gnyis gang rung las
gzhan pa'i phung gsum pa mi srid de/ spyir chos de yod na gcig
dang du ma gang rung du yod dgos

shing; spyi la de ltar khyab pa grub na bye brag bden par yod
na'ang bden pa'i gcig dang du ma gang rung du yod dgos pa'i
khyab par thag chod pas de 'dra'i nga de yod phyin chad phung
po dang rang bzhin gyis grub pa'i gcig dang tha dad

gang rung las 'os mi 'dug /de gnyis gang rung la med phyin kho
med par thag chod snyam du nges pa 'dren pa ni khyab pa nges
pa'i gnad yin/ gnad 'di la'ang nyin re gnyis tsam min par nges
pa brtan po ma rnyed kyi bar du bsgom

dgos/ gsum pa bden pa'i gcig bral du nges pa'i gnad ni/ dgag
bya'i gnas tshul gsal btab ste bdag dang phung po gnyis snang
tshul de ltar don steng nas grub pa'i gcig yin na blo la tha
dad du snang rgyu med pa dang/ dbye

@370a @#/ /ba tha dad gtan med kyi gcig yin dgos/ de'i rgyu
mtshan ngo bo gcig la ldog pa tha dad par snang ba'i snang tshul
dang gnas tshul mi mthun pa lta bu kun rdzob kyi rdzun tshul yin
zhing/ bden par grub pa

la de 'dra mi rung zhing snang tshul dang gnas tshul mthun dgos/
de lta na bdag khas blangs pa don med du 'gyur te/ bdag gi
phung po zhes brjod tshe phung po'i phung po dang/ bdag gi bdag
ces brjod pa dang khyad med du 'gyur bas

bdag dang bdag gi phung po zhes so sor 'jog pa don med cing/
rtsa shes las/ nye bar len pa ma gtogs pa'i/ /bdag yod ma yin
byas pa'i tshe/ /nye bar len nyid bdag yin na/ /khyod kyi bdag
ni med pa yin/ /zhes gsungs

pa ltar/ nye bar len bya'i phung po lnga las gzhan pa'i nye
bar len pa po'i bdag med par 'gyur ba'i skyon dang/ der ma zad
'jug pa las/ len po rang nyer len gcig rigs dngos min/ /de lta
na las byed po gcig

nyid 'gyur/ /zhes gsungs pa ltar/ nye bar blang bya dang/ nye
bar len pa po/ lus dang/ lus can/ yan lag dang/ yan lag can
rnams gcig tu 'gyur ba'i skyon 'byung/ der ma zad/ bdag phung
po dang gcig yin na

'jug pa las/ gal te phung po bdag na de phyir de/ /mang bas
bdag de dag kyang mang por 'gyur/ /zhes gsungs pa ltar/ phung
po lnga yod pa bzhin bdag kyang lngar 'gyur ba dang/ yang na
bdag gcig las med pa ltar

@370b phung po yang lngar mi 'thad cing gcig tu thal ba'i
skyon/ bdag phung po lnga yin bzhin du ma yi mngal du nying
mtshams sbyor ba don med pa'i skyon/ yang nga lus dang ngo bo
rang bzhin gyis gcig yin na shi ba'i 'og tu lus

mer bsregs nas thal bar 'gyur ba'i tshe nga yang mer bsregs nas
thal bar 'gyur ba'i skyon dang/ der ma zad/ nga skye ba phyi
mar nying mtshams sbyor ba bzhin du lus kyang nying mtshams
sbyor bar 'gyur ba'am/

yang na lus de phyi mar nying mtshams sbyor rgyu med pa ltar
nga yang nying mtshams sbyor rgyu med pa'i skyon/ bdag gzugs
med khams su skye ba mi srid pa'i skyon/ bdag bem po yin pa'i
skyon bcas 'byung/ nga sems

dang gcig yin na/ sems la 'khyags ltogs mi 'byung bas nga la
'khyags ltogs 'byung mi srid pa dang/ tsha grang bkres skom
sogs kyi tshe nga 'khyags nga ltogs zhes zer ba mi 'thad pa'i
skyon/ nga lus sems

gnyis dang gcig yin na/ nga'i lus dang/ nga'i sems zhes khyad
gzhi khyad chos so sor 'dzin pa don med pa'i skyon/ gzhan yang
bdag phung rang ngos nas grub pa'i gcig yin na yul dus dang
cha thams cad nas gcig

dgos shing/ de lta na rtsa shes las/ gal te phung po bdag yin
na/ /skye dang 'jig pa can du 'gyur/ /zhes gsungs pa ltar/
phung po skye 'jig byed pa ji lta ba bzhin bdag kyang skye
'jig byed par 'gyur zhing/ de lta na 

@371a @#/ /gzugs kyi phung po snga phyi rgyun chad pa'i tshul gyis
skye 'jig byed pa bzhin du bdag kyang rgyun chad pa'i tshul gyis
skye 'jig byed par thal ba'i skyon/ skye ba snga phyi'i nga de
skye ba snga phyi so so'i

phung po dang ngo bo rang bzhin gyi gcig yin na skye ba sngon
ma'i nga dang tshe 'di'i nga gnyis rang bzhin gyis gcig yin nam
tha dad yin/ gcig yin na skye ba sngon ma dud 'gror gyur pa'i
glen lkugs kyi sdug bsngal rnams kyang

tshe 'dir myong dgos pa dang/ da lta'i mi'i bde ba sngon ma'i dud
'gro la myong dgos par thal ba dang/ skye ba snga phyi'i nga
rang bzhin gyis tha dad na/ 'jug pa las/ byams pa nyer spas la
brten chos rnams ni/ /gzhan nyid

phyir na rgyud gcig gtogs min te/ /gang dag rang mtshan nyid kyis
so so ba/ /de dag rgyud gcig gtogs pa rigs ma yin/ /zhes byams
pa dang nyer sbas rgyud tha dad pa bzhin rang bzhin gyi 'brel
med tha dad yin dgos pas

skye ba snga ma'i tshe rabs du ma dran pa'i mngon shes mi 'thad
pa'i skyon dang/ rtsa shes las/ gal te 'di ni gzhan 'gyur na/
/de med par yang 'byung bar 'gyur/ /de bzhin du ni gnas 'gyur
zhing/ /de ma shi bar skye bar

'gyur/ /chad dang las rnams chud za dang/ /gzhan gyis byas pa'i
las rnams ni/ /gzhan gyis so sor myong ba dang/ /de la sogs pa
thal bar 'gyur/ /zhes gsungs pa ltar/ las byas pa chud zos par
'gyur ba'i

@371b skyon 'byung zhing/ gal te snga ma'i bdag dor yang bdag
phyi ma zhig gis 'bras bu myong bas so snyam na/ de lta na rang
bzhin gyis grub pa'i gang zag gzhan gyis bsags pa'i las kyi
'bras bu/ rang bzhin gyis grub pa'i

gang zag gzhan gyis myong bas las ma byas pa dang 'phrad par
'gyur ba'i skyon sogs gnod byed du ma 'bab pas bdag phung po
lnga dang rang bzhin gyis grub pa'i gcig tu grub lugs shig gtan
nas mi 'dug snyam du nges pa rnyed

pa ni bden pa'i gcig bral nges pa yin/ gnad bzhi pa bden pa'i du
bral nges pa ni/ de ltar gcig bral nges pa la brten nas da ni
bdag dang phung po gnyis rang bzhin gyis grub pa'i tha dad las
'os mi 'dug snyam na/ 'o na de

ltar rang bzhin gyis tha dad du grub na/ rtsa shes las/ bdag ni
nye bar len pa las/ /gzhan nyid 'thad pa ma yin te/ /gzhan nyid
yin na len med par/ /bzung yod rigs na'ang bzung du med/ /ces pa
ltar/ ra lug glang

gsum las ra lug gnyis logs su bkar ba'i shul du glang 'di zhes
ston rgyu yod pa ltar gzugs tshor 'du shes 'du byed rnam shes te
phung po lnga re re nas bsal ba'i shul du 'di ni nga'o zhes
phung po dang 'brel med cig

ngos 'dzin rgyu dgos pa la de ltar ngos bzung du med pa dang/
rtsa shes las/ gal te phung po rnams las gzhan/ /phung po'i
mtshan nyid med par 'gyur/ /zhes pa ltar/ bdag la phung po 'dus
byas su mtshon pa'i mtshan nyid skye

@372a @#/ /'jig sogs mi ldan pa dang/ phung po la skye rga na
'chi byung yang bdag la skye rga na 'chi sogs mi 'byung ba dang/
phung po la phan gnod kyis bdag la phan gnod med par 'gyur ba
sogs

'jig rten gyi tha snyad du ma dang 'gal ba dang/ phung po med
pa'i gzhi la'ang nga'o snyam pa 'byung bar 'gyur ba dang/ las
byas pa chud za ba dang/ ma byas pa dang 'phrad par 'gyur ba'i
skyon sngar bzhin 'bab pa sogs kyi

gnod byed du ma 'byung bas bdag phung po dang rang bzhin gyis
grub pa'i tha dad du med thag chod red snyam du nges pa rnyed pa
ni bden pa'i du bral nges pa'i gnad yin/ de ltar dgag bya nges
pa'i snang tshul de zhe la bzhag pa

ma shor ba'i dang nas gcig dang du bral gyi rigs pas dpyad de de
gnyis gang du'ang ma grub par nges pa na/ dper na 'gro sa lung
pa gnyis las med pa zhig tu ba lang bor ba na lung pa 'dir med
do zhes pa'i tshig tsam la cha

ma bzhag par so so rang gis lung pa gnyis kyi phu mda' bar gsum
du btsal nas ba ma rnyed pa na btsal rgyu'i ba yid la bzhag pa
de mi 'dug snyam pa lhang gis skye ba ltar/ ngar 'dzin lhan
skyes kyi zhen yul nga zhes da lta

phan chod mig gis mthong rgyu dang lag pas bzung rgyu yod pa lta
bu'i hreng hreng po de da mi 'dug snyam du stong cham gyis song
nas med par lhang gis nges pa na dbu ma'i lta ba rnyed pa yin/
de'i tshe dbang rnon goms pa che ba la

@372b gces nor rnyed pa lta bu'i nyams dang/ dbang rtul la gces
nor zhig glo bur du stor ba lta bu'i 'jigs skrag 'byung yang
skyon min/ sngar rje bdag nyid chen pos se ra chos sdings su lta
khrid gnang skabs rje shes rab sengges lta

ba rtogs pa na 'jigs skrag byung nas phyag gis na bza'i gong ba
la reg pa rjes mkhyen nas dgyes te/ snar thang pas kun rdzob
gong ba la bzhag pa red gsungs pa dang/ rje dngul chu bas lta
khrid gnang skabs slob ma 'ga'

shas la 'jigs skrag skyes pa'i rabs yod/ stong cham gyis song ba
na 'di stong nyid do/ /de rtogs so snyam pa sogs blo la shar na
ma yin dgag dang sgrub pa gang rung gi rnam pa shar ba yin pas
de'i rjes su mi 'brangs/ de ltar

dgag bya'i nga med par nges pa na nges ngor rang bzhin med par
nges pa'i nges shes dam sbring nge ba dang/ snang ngor dgag bya
bden grub bkag tsam gyi stong sang nge ba'i khyad chos gnyis
ldan gyi nges shes de nyid dran pas ma brjed par

bzung nas rgyun bskyang/ 'dzin stangs shugs zhan du song ba
dang/ mi gsal du 'gro bar rtsom pa na/ mnyam gzhag de las langs
dgos min skabs dang bstun te slar yang gnad bzhi'i dpyad pa
sngar bzhin byas nas nges

pa rnyed pa na nges shes de'i ngar bskyed cing/ ngar ldan gyi
rgyun der rtse gcig tu mnyam par bzhag ste/ de 'dra'i mnyam
gzhag gi ngor dgag bya bden grub bkag tsam gyi stong sang nam
mkha' lta bur 'char ba ni mnyam gzhag

@373a @#/ /nam mkha' lta bu'i skyong tshul yin la/ de'i tshe dgag
bya'i bdag khegs pa'i shugs kyis tha snyad pa'i nga'i snang ba
ldog ste ma rnyed pa na/ chad ltar lhung dogs kyis tha snyad
pa'i nga 'tshol ba'i

ngal ba bya mi dgos gsungs/ gnyis pa rjes thob sgyu ma lta bur
skyong tshul ni/ mnyam gzhag de las langs pa'i rjes thob tu dgag
bya bkag pa'i shul du lhag mar lus pa gang 'dug brtags pa na
nga'i ming tsam zhig

lhag par snang la/ tha snyad pa'i nga tsam de nyid kyis sgyu ma
bzhin du dge mi dge'i las gsog cing rnam smin dkar nag so sor
myong ba la nges shes brtan po 'drongs pa yin/ dper na sgyu ma'i
rta glang sgyu ma mkhan rang

nyid la snang yang rta glang med par yid shes kyis nges pa la
brten nas rdzun pa'i snang bar nges bzhin du/ rta glang gis 'gro
'ong la sogs pa'i bya ba byed pa mngon sum bsnyon med du mthong
ba ltar nga rang bzhin gyis med pa

ming rkyang btags yod tsam 'dis mi bden bzhin du las gsog/ /bde
sdug myong/ 'di'i steng du bya byed rten 'brel bsnyon med du
'thad par mthong nas snang bzhin du stong pa dang/ stong bzhin
du snang ba sgyu ma lta bur 'char ba

la slob pa yin/ rang re rnams lta ba 'tshol skabs su dang po'i
skabs bden zhen goms ches pas blo ngor stong pa 'jog dka' mod/
'di tsam nas snang ba 'jog dka' bas/ klu sgrub kyis/ dngos po
thams cad rang bzhin

@373b gyis; ;stong pa yin pas dngos rnams kyi/ /rten 'byung ba
'di ni de bzhin gshegs/ /mtshungs pa med pas nye bar bstan/ /zhes
gsungs pa ltar stong pa de nyid rten 'byung gi rgyu mtshan du
byas nas/ stong pa snang ba'i grogs su shar

ba zhig dang/ rten 'byung rgyu mtshan du byas nas rten 'byung
stong pa'i grogs su shar ba zhig bya dgos/ 'di la rten 'brel gyi
gtan tshigs gnad che bas/ dper na/ rten 'brel gyi rtags kyis myu
gu lta bu bden med du sgrub pa'i tshe

myu gu ming brda'i dbang gis bzhag tsam ma yin par yul kho rang
gi ngos nas yod par 'dzin pa'i blo lhan skyes kyi 'dzin tshul de
'gog dgos/ ji ltar 'gog na khos bzung ba ltar myu gu rang bzhin
gyis grub na rgyu rkyen dang rang nyid

'jog byed kyi ming brda sogs gzhan la rag ma las pa'i tshugs thub
cig yin dgos pa la de lta min par sa bon chu lud drod gsher sogs
rgyu rkyen du ma tshogs pa la brten nas skye bas gzhan la rag las
pa'i ltos grub yin

pa rang rer mngon sum du grub pas na rten 'byung yin la/ de
'dra'i rten 'byung gi rigs pa'am rgyu mtshan des gang la'ang mi
ltos par tshugs thub tu rang bzhin gyis grub pa'i mtha' dgag pa
ni snang bas yod mtha' sel zhing rten

'byung stong pa'i grogs su shar ba zhes pa de yin/ myu gu rang
bzhin gyis grub na rgyu rkyen gyis bcos su mi rung zhing/ myu
gu'i rang bzhin las gzhan du mi 'gyur ba zhig dgos na'ang/ rang
bzhin gyis ma grub pa yin pas

@374a @#/ /na; myu gu'i gnas skabs nas mthar sog ma dang/ nas kyi
bar gnas skabs gzhan du rim gyis 'gyur nas mi dang dud 'gros
longs spyod pa'i bar gyi bya byed kyi rnam gzhag thams cad

'thad pa'i rten 'byung la nges pa 'dren pa ni stong pas med
mtha' sel zhing stong pa rten 'byung du shar ba zhes pa de yin/
don 'di dag la dgongs nas ma dros pas zhus pa'i mdo las kyang/
gang zhig rkyen las skyes

pa de ma skyes/ /de la skye ba'i rang bzhin yod ma yin/ /rkyen
la rag las gang de stong par bshad/ /gang gis stong nyid shes de
bag yod yin/ /zhes dang/ rtsa shes las/ gang phyir rten 'byung
ma yin pa'i/ /chos 'ga'

yod pa ma yin na/ /de phyir stong pa ma yin pa'i/ /chos 'ga' yod
pa ma yin no/ /zhes dang/ 'jug pa las/ gang phyir dngos po brten
nas rab 'byung bas/ /rtog pa 'di dag brtag par mi nus pa/ /de
phyir rten 'byung

rigs pa 'di yis ni/ /lta ngan dra ba mtha' dag gcod par byed/
/ces dang/ rje bla mas kyang/ nam zhig res 'jog med par cig car
du/ /rten 'brel mi bslur mthong ba tsam nyid nas/ /nges shes yul
gyi 'dzin stangs

kun 'jig na/ /de tshe lta ba'i dpyad pa rdzogs pa lags/ /gzhan
yang snang bas yod mtha' sel ba dang/ /stong pas med mtha' sel
zhing stong pa nyid/ /rgyu dang 'bras bur 'char ba'i tshul shes
na/ /mthar 'dzin lta bas

@374b 'phrog par mi 'gyur ro/ /zhes gsungs pa red/ de ltar stong
dang rten 'byung gnyis 'gal med gcig grogs su gcig 'gro ba'i
tshul la nges pa rnyed na rgyu 'bras sogs bya byed rten 'brel la
nges shes dang/ rtsi 'jog che ru song

nas; sdig spong dge sgrub spyi dang/ byams snying rje byang chub
kyi sems bslab bya dang bcas pa lag len la 'debs gang thub byed
pa'i thabs shes ya ma bral ba'i nyams len la brtson pa zhig
yong/ de min 'ga' zhig gis

las 'bras brtsi ba sogs las dang po pa'i chos su bzung ste/ rang
rang gi slob ma dag la man ngag khyad par can gyi lugs su byas
nas/ las 'bras med par bstan pa sogs ni mu stegs rgyang 'phen pa
dang khyad par ma zhugs

pa yin gsungs/ gnyis pa chos kyi bdag med gtan la 'bebs pa la
gnyis/ 'dus byas rang bzhin gyis med par gtan la 'bebs pa/ 'dus
ma byas rang bzhin gyis med par gtan la 'bebs pa'o/ /dang po la

gsum/ gzugs rang bzhin gyis med par gtan la 'bebs pa/ shes pa
rang bzhin gyis med par gtan la 'bebs pa/ ldan min 'du byed rang
bzhin gyis med par gtan la 'bebs pa'o/ /dang po ni/ de ltar
sngar bshas

pa bzhin gang zag rang bzhin gyis ma grub pa'i don la nges shes
rnyed pa de nyid chos gzhan gang la'ang sbyar chog ste/ mdo las/
ji ltar khyod kyis bdag gi 'du shes ni/ /shes pa de bzhin kun la
blos sbyar bya/ /zhes dang/

@375a @#/ /bzhi brgya pa las kyang/ gcig gi lta po gang yin pa/
/de ni kun gyi lta po yin/ /gcig gi stong nyid gang yin pa/ /de
ni kun gyi stong nyid yin/ /zhes gsungs pa ltar yin/ des na dang

po gzugs rang bzhin gyis med par gtan la 'bebs pa ni/ rang cag
so skye rnams kyi rgyud kyi ma rig pas bslad pa'i shes pa la/
gzugs sogs snang ba'i tshe gzugs sogs rang ngos nas grub pa'i
snang tshul tsam

las snang tshul gzhan mi 'byung bas de ltar snang ba ni dgag
bya'i snang tshul yin zhing/ snang ba de ltar du grub pa 'gog
dgos/ de yang chos thams cad rang rang gi gdags gzhi cha shas
gzhan zhig la brten nas gdags

gzhi de'i steng du ming brdas bzhag pa tsam gyi rten 'byung yin
yang/ bum pa lta bur mtshon na/ lta ba ma rnyed pa'i so skye
rnams kyi shes pa'i ngor bum pa rang gi gdags gzhi la btags pa'i
btags chos tsam du mi snang

bar gdags gzhi dang btags chos dbyer med 'dres pa lta bu'i steng
nas bum pa ling nge bar grub par snang ba de dgag bya'i snang
tshul yin/ de ltar snang yang gdags gzhi dang btags chos tha dad
pa'i rgyu mtshan gyis/

bden 'dzin lhan skyes kyi 'dzin stangs ltar gyi bum pa de rang
gi gdags gzhi dang bden par grub pa'i gcig tu ma grub la/ yang
bum pa'i gdags gzhi logs su bsal ba'i shul na bum pa ni 'di zhes
zur du

@375b snang tshul med par rang gi lto ba mchu zhabs sogs tshogs
pa'i gdags gzhi tshad ma la brten nas bum pa de nyid tha snyad
pa'i tshad ma la snang zhing/ kun rdzob tsam du yod par 'jog dgos
pas bum pa rang gi gdags gzhi dang

bden par grub pa'i tha dad du ma grub/ de ltar na spyir yod na
gcig dang tha dad gang rung du yod dgos pa ltar bden par grub
na'ang bden grub kyi gcig tha dad gang rung las mi 'da' bas/ de
gnyis gang rung du med na

bden par med dgos pa'i rgyu mtshan gyis bum pa sogs bden par ma
grub pa yin/ mdor na bum pas mtshon gzugs sogs kyi chos thams cad
gdags gzhi la brten dgos shing rang tshugs mi thub pas bden par

med de/ bzhi brgya par/ 'di kun rang dbang med pa ste/ /des na
bdag ni yod ma yin/ /zhes gsungs/ gzhan yang/ spyir bum pa de
gcig yin yang/ rang gi cha shas du ma la brten dgos pas gcig yin
par

rang bzhin gyis ma grub cing/ bum pa de ka ba dang tha dad yin
la/ de gnyis tha dad du bzhag pa de yang/ cig shos la brten nas
cig shos de de las tha dad par bzhag pa tsam las ka bum gnyis
rang gi ngos nas tha dad

yin pa ma grub la/ gal te de grub na/ ka bum gnyis so so re re
nas kyang tha dad yin dgos pas/ de gnyis re re nas gcig min pa'i
skyon 'byung/ des na/ bum pa de ka ba dang tha dad yin yang/ bum
pa de gcig

@376a @#/ /rang yin pas bum pa'i steng gi gcig dang tha dad
gnyis kyang rtog btags tsam las rang ngos nas ma grub/ de yang
rtsa shes las/ gzhan ni gzhan la brten te gzhan/ /gzhan med
par ni

gzhan mi 'gyur/ /gal te gzhan ni gzhan las gzhan/ /de tshe
gzhan med par gzhan 'gyur/ /zhes gsungs pa ltar ro/ /gnyis pa
shes pa rang bzhin gyis med par gtan la 'bebs pa ni/ yul la
'jug pa'i gsal rig gi

dngos po zhig la shes pa zer zhing/ de la sems dang/ sems
byung sogs kyi rnam grangs ches shin tu mang la de dag thams
cad kyang yul gyi ngo bo dang khyad par myong ba'i cha nas
dang/ skad cig snga phyi'i cha mang po zhig tshogs pa'i

gdags gzhi'i steng nas rtog pas btags pa tsam ma gtogs shes pa
kho rang gi rang ngos nas cung zad kyang ma grub mod/ 'on
kyang rang re la de ltar mi snang bar gang la'ang ma ltos par
yul la rang dbang du spyod pa 'dra ba'i tshugs

thub bam/ yul steng du rnyed rgyu yod pa lta bu 'char ba de
dgag bya'i 'char tshul yin/ de ltar snang ba ltar grub na rang
rgyud kyi de ring gi shes pa lta bu la mtshon na'ang/ de'i skad
cig snga phyi'i cha shas rnams dang rang ngos nas

gcig tha dad gang rung du grub dgos pa dang/ tha dad du grub
na/ snga dro dang phyi dro'i shes pa gnyis bsal ba'i shul na
de ring gi shes pa de 'di zhes logs su dbyer med pas de ring
gi shes pa de snga phyi'i shes pa las bden pa'i tha dad du

@376b ma grub/ de ring gi shes pa de snga dro'i shes pa dang
phyi dro'i shes pa gnyis dang bden pa'i gcig tu grub na/ de
gnyis du ma yin pa bzhin du/ de ring gi shes pa nyid kyang du
mar thal ba dang/ de ring gi shes pa snga dror 'byung ba
bzhin/

phyi dro'i shes pa yang snga dror 'byung bar thal ba/ yang na/
phyi dro'i shes pa snga dror mi 'byung ba bzhin du/ de ring gi
shes pa snga dror med par thal ba sogs kyis/ rang nyid rang gi
cha shas dang bden pa'i gcig tha dad gang du'ang ma grub

pa'i phyir na/ bden med du nges pa rnyed pa'i tshul la 'bad
dgos/ gzhan yang shes pa'i 'khor gsum bden pa'i gcig tu grub
na bya byed gcig tu thal ba'i skyon du 'gyur zhing/ bden pa'i
tha dad du grub na shes bya med na'ang

shes byed 'thad pa dang/ shes byed med kyang de'i bya ba 'thad
pa sogs kyi skyon du 'gyur bas shes pa'i 'khor gsum rang ngos
nas grub pa med pa la/ skad cig snga phyi'i cha shas du ma
sogs rten 'brel tshogs tsam zhig la

gdags gzhir byas nas shes pa dang/ rig pa zhes tha snyad tshad
mas phar btags tsam gyi shes pa de la 'khor 'das kyi bya byed
thams cad 'thad pa yin/ gsum pa ldan min 'du byed rang bzhin
gyis med par gtan

la 'bebs pa ni/ 'dir dus la sbyar na zla ba bcu gnyis tshogs
tsam gyi steng du snang tsam gyi lo zhig grub pa ma gtogs med
kyang de las ldog pa'i dgag bya'i snang tshul nges par byas
nas/ lo de rang gi gdags gzhi zla ba

@377a @#/ /bcu gnyis dang rang bzhin gyis gcig tu ma grub ste/
de grub na/ gdags gzhi zla ba bcu gnyis yod pa bzhin du lo
yang bcu gnyis su thal ba dang/ yang na lo gcig yin pa bzhin
zla ba bcu

gnyis po yang gcig tu thal la/ de dang rang bzhin gyis tha dad
du grub na/ zla ba bcu gnyis bsal ba na/ de las logs su lo de
'di zhes ngos zin du med pas gdags gzhi zla ba bcu gnyis kyi
steng du 'dogs byed kyi blo tshad

mas lo zhes phar btags tsam zhig ma gtogs de kha'i ngang nas
tshur grub pa zhig gtan nas med/ gnyis pa 'dus ma byas rang
bzhin gyis med par gtan la 'bebs pa ni/ 'gog pa gnyis dang nam
mkha'/ stong nyid

sogs ni/ rgyu rkyen gyis 'du byed pa la brten nas ma byung bas
'dus ma byas zer la/ 'dir nam mkha' la mtshon na/ dgag bya
thogs reg bkag tsam gyi med dgag gcig la nam mkha' zhes tha
snyad tsam du bzhag

pa ma gtogs/ cha can nam mkha' nyid rang gi shar lho nub byang
gi cha shas rnams dang rang gi mtshan nyid kyis grub pa'i gcig
tu yod na/ shar nub kyi nam mkha' gnyis gcig tu 'gyur zhing/
de lta na/ shar gling lus

'phags po'i nam mkha' nas nyi ma shar ba'i tshe/ nub gling ba
lang spyod kyi nam mkha' nas nyi ma shar bar 'gyur la/ de dag
dang rang mtshan gyis tha dad du grub na cha dang cha can 'brel
med don gzhan du 'gyur bas/ phyogs

@377b mtshams steng 'og gi nam mkha'i cha shas rnams bsal ba'i
shul na nam mkha' 'di'o zhes ngos zin rgyu yod dgos pa las/ de
med pas na bden par med pa yin/ 'ga' zhig gis stong nyid bden
grub tu bzung ba ni ches

shin tu mi rigs te/ mdo las/ bdag tu lta ba ri rab tsam du
'dzin pa ni sla yi/ stong nyid bden par grub pa ni de lta ma
yin no/ /zhes gsor mi rung ba'i lta ba yin par gsungs pas/ de
yang stong nyid la'ang gdags gzhi'i

sgo nas phye ba'i cha du ma dang/ stong gzhi la phar khyab che
chung gi stong pa'i cha du ma yod pa de dag dang bden pa'i
gcig tha dad gang rung du grub ma grub dang/ stong gzhi chos
can dang phan tshun ltos med du grub ma grub dpyad pas shes

te; mdo las/ gzugs nyid kyang mi dmigs na/ gzugs kyi de bzhin
nyid dmigs par lta ga la 'gyur/ zhes gsungs/ gsum pa de las
lhag mthong skye tshul ni/ sngar sems gnas thabs kyi ting nge
'dzin dgu'i sgo nas

zhi gnas mtshan nyid pa grub zin ma nyams par yod pa'i shin
sbyangs de tsam gyis lhag mthong mi thob cing/ de'i steng gang
zag gi bdag med lta bur mtshon na/ sngar bshad pa bzhin gnad
bzhi'i dpyad pa la brten nas phung po lnga'i

steng du ngar 'dzin lhan skyes kyis bzung ba ltar gyi nga rang
bzhin gyis grub pa gtan nas med pa'i nges pa lhang gis byung
ba na/ de nyid kyi dmigs pa dran pas ma brjed par bzung/ shes
bzhin gyis bying rgod bkag la mnyam

@378a @#/ /par bzhag /'dzin stangs shugs zhan pa dang/ mi gsal
bar 'gro grabs byed na slar yang gnad bzhi'i dpyad pa la sogs
pa sngar bzhin byas nas nges pa shugs can rnyed pa'i tshe de la
rtse gcig tu

bzhag /de ltar stong nyid la gnas cha btsal/ gnas cha rnyed pa
na/ 'jog sgom brtan po'i ngang nas gnad bzhi la sogs pas dpyod
pa dper na mtsho shin tu dwangs pa rlung gis mi g.yo ba'i nang
nye'u chung 'khyug pa lta bu ste/ de ltar

gnas cha dang/ so sor rtog pa'i shes rab cha mnyam pa'i tshul
gyis yun ring goms par bgyis pas sngar bzhin sems gnas dgu rim
gyis bsgrubs pa'i mthar dpyad pa rang stobs kyis drangs pa'i
shin sbyangs khyad par can sngar

zhi gnas thob dus kyi de las kyang ches lhag pa zhig thob ste
dpyad sgom de nyid 'jog sgom du 'bad rtsol med par 'gro ba
zhig nam byung ba'i tshe stong nyid la dmigs pa'i lhag mthong
dngos gnas pa thob cing/ zhi lhag zung 'brel du

gyur pa yin gsungs// ! //nyin nyer gsum par/ chos kyi rgyal po
tsong kha pa chen po'i gsung/ de ltar lam gyi gtso bo rnam
gsum gyi/ /zhes sogs kyi lung 'dren mdzad de kun slong 'chos
tshul

mdor bsdus shig gsungs nas/ kha sa sngon du song ba'i sa bcad
rnams 'dren par mdzad rjes/ gsum pa thun mong ma yin pa rdo
rje'i theg pa la slob tshul zhu na/ de ltar sngar bshad pa'i
skyes bu chung 'bring gi lam la brten nas

@378b nges 'byung gi blo la myong ba thon pa na/ skyes bu chen
po'i lam la brten nas byang chub kyi sems la myong ba 'don/ de
la myong ba thon pa na/ stong pa nyid kyi lta ba la nges shes
rnyed par byas te de nas gsang sngags la 'jug dgos/ de ltar

sngon du ma song bar sngags la zhugs na ni/ rim pa bzhin thar
pa dang/ bla med rdzogs byang gi thabs su mi 'gro la/ bu chung
rta rgod la bskyon pa bzhin du khe med pa'i khar nyen shin tu
che zhing/ lam gyi gtso bo rnam gsum la

myong ba skyes nas gsang sngags kyi lam la zhugs na ni gsang
sngags kyi myur khyad kyang nges par thon pa 'ong/ gsang
sngags kyi bstan pa ni sangs rgyas las kyang dkon par gsungs
shing/ bla med kyi lam la brten na snyigs dus kyi

tshe thung 'di nyid la mi slob pa'i zung 'jug gi go 'phang thob
par nus pas/ nges par du lam de la slob dgos/ de yang 'phral
gyi rkyen sel ched tsam du rta mgrin dang phyag rdor sogs kyi
rjes gnang re tsam zhu ba de 'dras mi chog par rdo rje

slob dpon mtshan nyid dang ldan pa'i drung nas yi dam gsang bde
'jigs gsum gang rung gi dkyil 'khor du/ sku bzhi'i sa bon
thebs nges kyi dbang bzhi rnam par dag pa legs par nos/ dbang
dus su gang khas blangs pa'i dam sdom

rnams mig gi 'bras bu bzhin du bsrung ba'i thog nas/ rim gnyis
kyi zab khrid nyan te nyams su blangs na bstan pa yongs rdzogs
la lag len thebs pa yin pas don shin tu che/ de lta bu'i lam
gyi bgrod tshul legs par shes na/

@379a @#/ /dbu bshes gnyen bsten tshul nas mjug mi slob pa'i
zung 'jug gi bar gyi mdo sngags kyi lam bzang la go ba legs
par chags pa yin/ slob ma rnams gsang sngags bla med kyi dbang
ma

thob pa mang po yod tshe rdo rje'i theg pa la slob tshul gyi
skor 'di sa bcad tsam las zhib tu mi gsung ba phyag bzhes yin
gsungs/ gnyis pa gzhan rgyud smin par byed pa bsdu bzhi la
slob tshul ni/ mdo sde rgyan las/ sbyin mtshungs

de ston len 'jug dang/ /bdag nyid rjes su 'jug rnams kyi/
/snyan par smra dang don spyod dang/ /don mthun nyid du 'dod
pa yin/ /zhes gsungs pa ltar/ byang chub sems dpa' rnams ni
sems can gzhan gyi don byed pa

la brtson dgos shing/ de la bsdu ba rnam pa bzhi'i sgo nas
gzhan rgyud smin par byed pa la/ de yang dang po so so'i skye
bo rnams ni zang zing gis 'brid par sla ba yin pas/ lam la rim
gyis bkri ba'i phyir du thog mar

zang zing ster ba tshun gyis yid mgu bar byas nas 'khor du
bsdus/ gnyis pa 'dus pa de dag la 'jig rten gyi tshul dang
mthun pa'i gtsam dang/ gtso bor dbang po dang mos pa dang
mthun par chos kyi gtam bsnyad de snyan par smra

ba dang/ gsum pa gdul bya de dag la dbang po dang 'tsham par
dam pa'i chos kyi lam bstan pa de ltar rim gyis slob tu 'jug
pa'i don spyod dang/ bzhi pa rang gis kyang gzhan la ji ltar
bshad pa bzhin nyams su len

@379b pa'i don mthun pa ste bsdu ba rnam pa bzhi'i sgo nas
sems can gyi don bsgrub par bya dgos/ de dag gis dngos gzhi'i
bshad pa song nas/ da ni kha sang sngon du sems bskyed cho gas
bzung tshul rjes su zhu rgyur bzhag pa de zhu ba yin pas

gnyis pa sems bskyed cho gas bzung ba'i tshul la gnyis/ sdom pa
ma thob pa thob par byed pa dang/ thob pa mi nyams par bsrung
ba'i tshul lo/ /dang po ni/ sems bskyed cho gas bzung zhes
pa'ang/ sems de la myong ba sne zin

tsam skyes nas bzung na sdom pa skye ba yin gyi/ myong ba gang
yang med par tshig tsam rjes zlos byas pas mi phan/ 'on kyang
myong ba ma skyes pas kyang de ltar blangs na bag chags 'jog
par 'gyur bas de la nan tan byed pa gnad

che; myong ba skyes pa dag gis ni sang nyin dmigs pa sogs nan
tan du byas nas blangs na/ yul khyad par can la brten nas
byang sdom 'thob la/ sems bskyed gong nas gong du 'phel zhing
brtan por 'gyur ba yin/ de yang sems

bskyed cho ga la sta gon med par byed pa'i bsdus pa dang/ nyin
gcig la sta gon dngos gzhi gnyis ka rdzogs par byed pa'i
'bring po dang/ sta gon nyin gcig dang/ dngos gzhi nyin gcig
ste nyin so sor byed pa'i rgyas pa bcas

gsum las/ da lam 'dir phyi ma ltar byed pa yin/ de'i sbyor ba
zhes pa byang chub lam rim gyi khrid lta bu sngon du song ba
dang ma 'brel bar dbang dang khrid lung la sogs pa gzhan gyi
mjug tu sems bskyed kyi sbyor ba byed pa'i skabs thun

@380a @#/ /mong ba'i lam rim gyi bshad pa cha tshang rgyas par
zhu dgos pa phyag len yin mod/ da lan byang chub lam gyi rim
pa'i khrid dang 'brel pa yin pas/ sngar rgyas par bshad pa de
las

lhag tu slar zhu dgos med pas/ 'dir sngon 'gro'i bshad pa
rgyas bshad mi dgos pa yin/ rjes su sems bskyed mdzad po rnams
nas kyang lam rim gyi bshad pa dang 'brel ma 'brel gyi khyad
par de ltar mdzad

dgos gsungs nas sbyor chos skabs mchod phreng rgyas pa/ maNDal
? grangs gsog /gsol 'debs maNDal mjug /sngon 'gro'i kun slong
bcos pa mdor bsdus gsungs rjes/ des na sngar bshad pa de dag
la

do nub dang sang zhogs dmigs pa bskyar ci thub mdzad dgos/
sang nyin bla ma rgyal ba sras bcas sems bskyed kyi dpang ?
por spyan drangs te phyag mchod sogs bya dgos pas 'khor bsgyur
dbul po'i khyim dang/ mi

gtsang thal rdul gyi khrod du gdan drangs mi rung ba bzhin da
lta tshogs grol nas sa gzhir srog chags sogs la mi gnod par byi
dor legs par byas nas dri bzang gi chus chag chag gdab/ me tog
gtsal du

dgram/ slob dpon gyi khri me tog dang/ rin po ches brgyan pa
bsham/ mchod pa yang sngar jo bo chen pos/ bod mchod pa ngan
pas sems bskyed mi skye gsungs pa bzhin mchod pa ngan pa mi
byed par yo byad kyi drug

@380b cha gtong dgos par gsungs shing/ gang ltar grogs po'i
blor mi shong ba lta bu'i mchod pa gang rgyas bsham dgos/ sang
sems bskyed dngos bzhi'i skabs su byang chub kyi sems bskyed
pa la tshogs gsog sgrib sbyong/

bar chad bsrung ba sogs dgos pas/ sang nyin zhogs tshogs la rab
na bka' 'gyur dang/ de min mdo phal po che klog pa sogs byed
dgos pa gsungs mod/ de tsam ma lcogs kyang klog bde ba dag gis
brgyad stong pa dang/

mdo bskal bzang dag thon nges par byed cing/ gzhan yang chab
gtor dang/ 'byung po la gtor ma gtong bar gsungs pas cha gsum
sogs btang nas/ dngos gzhi la 'jug dgos/ de yang 'jig rten
khyim pa dag tshe 'di'i

dga' ston rten 'brel lta bu dang/ tshe zad pa'i lo gsar la'ang
dga' spro gzab sprod sogs byed na/ rang re bla na med pa'i
byang chub tu sems bskyed/ theg chen gyi lam du zhugs nas
rgyal ba'i sras su 'gyur ba la dga' spro ci'i phyir

mi byed pas/ sang zhogs gos kyang gsar pa zhig bgos/ rab tu
byung ba rnams kyis chos gos snam sbyar sogs bzhes/ khrus dang
gtsang spra dang ldan pa'i sgo nas sngon gyi sangs rgyas rnams
kyi rnam thar bzhin sems bskyed kyi rdzas gang

yang rung ba re bsnams nas phebs dgos/ 'dir phebs skabs
su'ang/ gnas khang tha mal pa 'di ltar min par gzhal yas khang
gru bzhi sgo bzhi pa/ sgo bzhir rgyal chen bzhi rang rang gi
'khor g.yog 'bum phrag dang bcas

@381a @#/ /pas bsrung ba dang/ phyi'i mtha' skor du dkar phyogs
kyi lha rnams sems bskyed nod pa'i phyir du 'khod pa/ nang gi
phyogs bzhi'i ldebs ris la'ang/ bdag cag gi ston pas sngon
slob pa

lam gyi gnas skabs su byang chub kyi spyad pa spyod pa'i rnam
thar rnams da lta mngon sum du mdzad bzhin pa lta bur gsal bar
bsam zhing/ de mthong bas de dag la yi rangs shing smon lam
'debs/ tshogs thengs

gnyis par/ bla ma gdan drangs nas byang chub kyi sems skye
ba'i gzhir tshogs gsog pa dang sgrib pa sbyang ba legs par bya
dgos pas/ sbyor chos rgyas par mdzad de tshogs gsog sgrib
sbyong gi dmigs pa

rnams nan tan du byed/ bla ma yang bcom ldan 'das shAkya thub
pa dngos su mos/ bla mas dmigs pa ngo sprad pa na so so'i
dmigs rnam legs par gsal 'debs dgos/ spyir sems can thams

cad kyi don du sangs rgyas thob 'dod tsam ni smon sems dang/
sems bskyed nas spyod pa la slob 'dod pa ni 'jug sems te/ de
yang dper na snga ma ni/ 'di nas rgya gar du 'gro bar rtsom pa
dang/ phyi ma ni lam du zhugs

pa lta bu yin/ sems bskyed cho gas bzung ba de la'ang byang sa
nas bshad pa ltar smon 'jug so sor bzung ba dang/ spyod 'jug
nas bshad pa ltar smon 'jug cig car du bzung ba'i tshul gnyis
yod pa gang byas

@381b kyang khyad med cing/ de gnyis dbu sems so so'i lugs su
kha cig 'chad mod/ sems bskyed bzung tshul la dbu sems mi mthun
pa med cing/ rang lugs snga ma sems bskyed pa tsam las spyod
pa la slob mi nus

pa'i dbang du byas la/ phyi ma ni de gnyis ka byed nus pa'i
dbang du byas par bzhed cing/ sang nyin smon 'jug cig car du
bzung ba'i lugs ltar byed pa yin gsungs nas gtang rag gi
maNDal dang/ lam rim smon lam mjug tu/

bla ma rin po ches dbu bskul mdzad de/ byang chub sems mchog
rin po che/ /zhes sogs lan gsum/ pha ma sems can thams cad bde
dang ldan gyur cig /sogs dang/ dpal ldan bla ma'i sku tshe
brtan pa dang/ /zhes sogs lan re/

gsungs shing/ de rjes rgyal ba ma lus ma gsungs nas sta gon
grol// ! //nyin nyer bzhi par/ tshogs thengs dang por mdo klog
pa dang  gtor ma btang ba sogs song rjes/ chos thun gnyis par/

bla ma rin po che bzhugs khrir gdan drangs; sbyor chos mchod
'phreng sogs rgyas par btang nas/ sems bskyed kyi sdom pa zhu
ba'i yon du maNDal 'bul skabs sems bskyed kyi rdzas rnams so
so'i phyag tu bzung ste/ maNDal mjug

bla ma'i sku mdun du phul nas spungs zin mtshams/ ji skad du/
khams gsum chos kyi rgyal po tsong kha pa chen po'i zhal nas/
sems bskyed theg mchog lam gyi gzhung shing ste/ /zhes sogs
'dren par mdzad nas/ sems

@382a @#/ /bskyed kyi phan yon rnams sngar bzhin gsungs shing/
dal 'byor rnyed dka' nas bzung ste go rim mthar chags yid
'khul nges kyis blo sbyangs nas/ dmigs pa gsal 'debs kyi

skabs rang gi mtha' skor du sems can thams cad 'khod par mos
dgos pas/ de yang 'gro ba rigs drug thams cad kyang mi'i rnam
can sha stag tu mos te/ pho rigs kyi sems can thams cad rang
gi pha dang/ mo rigs

kyi sems can thams cad rang gi ma rgan mo'i rnam par g.yas
g.yon du gsal 'debs/ de nas bla ma thub pa'i dbang por gsal
ba'i mtha' skor du bskal bzang sangs rgyas stong sogs kyis
bskor ba dang/ spyan drangs

pa'i bla ma rgyal ba sras bcas kyi spyan sngar pus mo g.yas
pa'i lha nga sa la btsugs te/ skyabs sems byed pa sangs rgyas
chos tshogs ma lan gsum dang/ smon sems bzung bar dam bca' ba
'gro kun srid

zhi'i 'jigs pa zhes sogs lan gsum/ de nas dngos gzhi smon 'jug
cig car du 'dzin pa/ bla ma rgyal ba sras bcas rnams/ /zhes
sogs dgongs gsol sngon du 'gro ba'i sdom gzung gi tshig lan
gsum/ deng

dus bdag tshe 'bras bu yod/ /ces sogs spro ba bskyed pa dang/
bslab bya 'dzin pa tshar gcig bcas bla ma rin po ches tshig don
gsung bshad sbrags te dbu bskul bcas gsungs shing slob ma
rnams kyis rjes zlos

@382b zhus; de nas rang res da res byang chub tu sems bskyed
pa na/ phyogs bcu'i zhing rab 'byams na bzhugs pa'i sangs
rgyas rnams kyi zhing khams bzhugs khri dang bcas pa 'ber gyis
g.yos shing/ 'khor rnams kyis de'i

rgyu rkyen zhus pa na/ bod kha ba can gyi ljongs su/ dben gnas
chu bzang ri khrod bya ba na/ bla ma byams pa bstan 'dzin
'phrin las rgya mtsho zhes bya ba'i spyan sngar/ slob ma che ge
mos byang chub mchog tu sems bskyed pa'i mthu

yin zhes gsungs shing  sems de mi nyams pa dang/ spyod pa
yongs su rdzogs pa'i smon lam mdzad par gsungs/ de nas sems
bskyed kyi rdzas las gang lcogs shig phyag tu bzhes shing/
'phros kyang mchod

g.yog pa rnams kyis bzung ba dang bcas/ rang cag rnams kyis
da lam byang chub lam gyi rim pa 'chad nyan bgyis pa'i dge
rtsa dpag tu med pa byung ba dang/ byang chub kyi sems bskyed
pa'i dge rtsa 'dis mtshon/ dus

gsum gyi dge tshogs rnams chud mi 'dza' ba'i phyir rje btsun
byams pa mgon po la bcol nas/ nam zhig gling 'dir byams mgon
gyis mchog gi sprul sku'i mdzad pa ston pa'i tshe/ dge rtsa de
dag gi mthus rang re rnams rgyal ba

byams pa mgon po'i 'khor gyi thog mar gyur nas gsung gi bdud
rtsi la longs spyad de/ bla med byang chub tu lung bstan thob
pa'i rgyur bsngo ba byed pa yin la/ lan gsum pa'i mthar nged
kyis mchod rdzas nam mkhar 'thor ba

@383a @#/ /dang khyed rang rnams kyi dge rtsa rnams bkra shis
rtags brgyad/ rgyal srid sna bdun sogs kyi mchod rdzas su gyur
nas/ dga' ldan du rje btsun gyi nye 'khor la babs shing/ byams
mgon gyis kyang

dge rtsa bdag gir bzhes te thugs smon mdzad song snyam par
byed dgos par gsungs te/ nam zhig rdor gdan ma dang/ de tshe
rgyal ba zhes sogs shlau ka gnyis ka dbu bskul gyis lan gsum
gsungs te gsum pa'i mthar rdzas

rnams 'thor tshul mdzad/ gnyis pa thob pa mi nyams par bsrung
ba'i tshul la smon 'jug gi bslab bya gnyis las/ dang por tshe
'dir sems bskyed mi nyams pa'i rgyu la bslab pa dang/ skye ba
gzhan du mi 'bral ba'i rgyu la bslab pa

gnyis/ dang por bzhi las/ dang po ni/ sems bskyed kyi phan yon
dran pa dang/ gnyis pa ni/ sems bskyed mi gtong bar spel ba'i
phyir nyin lan gsum mtshan lan gsum du bzung ba dang/ gsum pa
ni/ gzhan gyis log

sgrub byas par 'di'i don mi bya snyam pa lta bu'i blo ngan
skye ba 'gog pa dang/ bzhi pa ni/ sems bskyed 'phel ba'i rgyur
tshogs gsog pa rnams yin/ gnyis pa la bzhi tshan gnyis las/ dang
po ni/ rdzun gyis bla ma dang mkhan slob

sogs dbu bskor ba dang/ gzhan dge ba byed par 'gyod pa bskyed
pa/ byang sems la zhe sdang gis mi snyan pa/ brjod pa/ lhag
bsam ma yin pa'i g.yo sgyu byed pa ste nag po'i chos bzhi
spong ba dang/ gnyis pa ni/ shes bzhin rdzun smra

@383b spong ba/ sems can la g.yo sgyu med pa'i bsam pa drang
por gnas pa/ byang sems rnams la ston pa'i 'du shes bskyed
cing  don gnas kyi bsngags pa brjod pa/ rang gis smin par bya
ba'i sems can rnams la rdzogs byang

'dzin du 'jug pa ste dkar chos bzhi bsten pa yin/ gnyis pa
'jug pa'i bslab bya ni/ rtsa ltung bco brgyad dang/ nyes byas
zhe drug gis ma gos par byang chub sems dpa'i sdom pa tshul
bzhin du bsrung ba la bslab dgos tshul sogs

zhib par gsungs shing/ de nas slar yang/ ngas ni khyod la thar
pa'i thabs bstan gyi/ /thar pa rang la rag las shes par gyis/
/zhes gsungs pa bzhin du/ sngar zhus pa de dag phyi'i bshad
chos tsam du ma song bar nyams len la

'khyer ci thub dgos tshul dang/ dper na tshong pa la sogs pas
rta drel sogs la so sor 'tshams pa'i khal ci nus re 'gel ba
ltar blo rab 'bring tha gsum gyis nus tshod dang bstun pa'i
nyams len ma mtha' re cis kyang gnang dgos

shing; gtso cher byang chub kyi sems la thugs dam gyi mthil du
byas nas/ dmigs pa gzhan dang gzhan dag de'i grogs su shes
pa'i sgo nas bskyangs dgos la/ de yang dang por dge ba'i bshes
gnyen la bsten tshul tshul

bzhin byas pas/ des bstan pa'i gdams don nyams su len pa'i sgo
nas dal 'byor la snying po len 'dod bskyed cing/ snying po len
pa'ang nges par da lta nas byed pa ma byung na/ rten 'di yun
du mi gnas pa dang/ 'chi ba'i rjes su'ang

@384a @#/ /gar skye rang dbang med cing/ ngan 'gror skyes na
de'i sdug bsngal mi bzod pas/ de las skyob pa'i skyabs dang/
de las thar ba'i thabs btsal dgos shing/ thabs de dag la 'bad
pas

gal te ngan 'gror mi skye ba tsam byung yang/ bde 'gro'i rten
la sdug bsngal med pa min cing/ slar ngan song du mi skye
ba'ang min tshul zhib tu bsams pas nges par 'khor ba las thar
'dod kyi bsam pa 'byung la/

de yang rang gcig pu thar bas mi chog par sems can thams cad
drin can gyi pha ma sha stag yin pas/ de dag la ji mi snyam
par 'jog pa ma rabs kyi lugs su 'gyur bar ma zad/ rang yang
'khor ba las thar tsam gyis

mi chog par/ snga phyir ma ltos par theg chen gyi lam du 'jug
dgos pas na da lta nas theg chen la 'jug rigs shing/ 'jug sgo
yang sems bskyed kho na yin pas de bskyed pa'i thabs la 'bad
dgos/ de ltar byang chub

kyi sems la rtsol med kyi myong ba thon pa na/ rang gi ngos
nas sems can gyi don du yun ring por dka' ba spyad dgos kyang
bzod mod/ de'i bar ma rgan rnams sdug bsngal gyis mnar ba la
ches mi bzod pa'i byang chub kyi

sems khyad par can zhig gi sgo nas/ theg pa kun gyi mchog
gsang sngags kyi lam du 'jug dgos pas/ rdo rje slob dpon mtshan
nyid dang ldan pa zhig gi drung nas smin byed dbang bzhi nos
te/ 'od gsal dang sgyu lus

@384b zung du 'jug pa'i zung 'jug gi nye rgyu dngos su sgrub
pa dang/ de'i smin byed du bskyed rim bsgom pa sogs kyis
snyigs dus kyi tshe thung gcig la mi slob pa'i zung 'jug gi go
'phang thob pa zhig byed dgos/ de thob par byed pa la'ang de'i

sngon du de dag gi nye rgyu don gyi 'od gsal dang/ dag ma dag
gi sgyu lus sgrub pa sngon du 'gro dgos shing/ de la'ang de
dag gi smin byed bskyed rim rags pa tsam mthar phyin pa zhig
nges par dgos la/ de'i sngon du sku bzhi'i sa bon

thebs nges kyi dbang bzhi rnam par dag pa thob dgos/ de la'ang
de'i snod rung khyad par can lam thun mong ba byang chub kyi
sems kyis rgyud sbyangs pa sogs sngon du 'gro dgos/ de'i phyir
sems de skye ba'i rgyu sems can thams cad sdug

bsngal gyis mnar ba la mi bzod pa'i snying rje dang/ de skye
ba'i gzhi dang por/ rang nyid 'khor ba spyi dang bye brag gi
sdug bsngal la mi bzod pa'i yid 'byung dang/ de'i sngon du
ngan song gi sdug bsngal la 'jigs shing skrag pa zhig dgos

la; de'ang las 'bras dang nam 'chi nges med ma bsams par rnal
ma zhig mi skye bas de dag bskyed dgos/ lam de dag la 'jug blo
skye ba'i rgyu ni dal 'byor don che rnyed dka' bsam pa kho na
yin/ de dag thams cad kyang dge ba'i

bshes gnyen bsam sbyor gnyis kyis tshul bzhin du bsten pa la
brten nas skye dgos pa yin/ de'i phyir dang po nas mtho sa
zhig tu mi snyegs par bshes gnyen bsten tshul nas bzung rim
bzhin nyams 'og tu tshud par byas nas

@385a @#/ /blo sbyang/ nyams 'og tu tshud pa zhes pa de re zhig
bar sbyang na rgyud la skye bar 'dug snyam pa'i drod rnyed pa
la zer/ de nas dbu nas mar la/ lam gyi rim pa'i mgo ba shes

gnyen bsten tshul nas bzung ste dmigs skor re re bzhin la rtso
bcas kyi myong ba 'don/ myong ba thon zin pa rnams la bshar
sgom dang/ gang la myong ba ma thon pa de la de rtsal du bton
nas sbyang/ 'di dag gi tshe yang

rang cag tshang la ma nor ba'i mdo sngags kyi bstan pa dri ma
med pa 'di lta bu dang mjal ba'i dus 'dir gsang sngags la bag
chags 'jog pa tsam ma byung na shin tu phangs pa yin pas/ yi
dam gsang bde 'jigs gsum

gang yang rung ba zhig gi steng nas lam bskyed rdzogs gnyis
la'ang bshar sgom re cis kyang bya/ de ltar byed pa'i gang zag
des ni bstan pa yongs su rdzogs pa la bshar sgom byas pas/
stan thog gcig tu de dag thams

cad nyams len du 'khyer ba yin/ des na/ byang chub kyi sems
kyi bar gyi dmigs skor de dag la rtsol bcas kyi myong ba thon
pa na/ de nas yang dbu nas mar la/ dmigs skor re re bzhin nas
rtso la med kyi myong

ba 'don/ de ni lam lta bur mtshon na 'gro gcig ma lta bu yin
pas de lta bu'i tshul gyis byang chub kyi sems kyi bar la myong
ba thon par byas pa'i thob nas gsang sngags kyi lam rim pa
gnyis la tshul bzhin du 'bad

@385b na; rgyud dang grub chen gyi gzhung nas bshad pa'i rtogs
pa khyad par can rgyud la skye zhing ring por mi thogs par
rgyal ba dben sa pa yab sras ltar snyigs dus kyi tshe thung
gcig la zung 'jug rdo rje 'chang gi go 'phang mngon du byed

par nus pa yin/ da ni rang cag rnams byang chub tu sems bskyed
nas rgyal ba'i sras kyi spyod pa bla na med par 'jug pa'i
phyir nam mkha'i mtha' khyab kyi rigs drug gi 'gro ba kun so
so'i sdug bsngal zhi zhing/ bla med byang chub kyi

go 'phang la 'god par smon pa'i ched spyod 'jug gi smon lam
'don par mdzad dgos/ 'di ni bdag gi bla ma rin po che'i phyag
len la med kyang/ sngon khri chen yab sras sogs kyi skabs
mdzad par snang ba'i phyag srol bzang po

slar gso ba sogs kyi dgos pa khyad par can gyi phyir yin pas/
tshig don dang mthun par ma g.yengs pa'i ngang nas gsung bar
zhu gsungs nas/ spyod 'jug chen mo'i bsngo ba dbu bskul gyis
lhan du gsungs shing/ mjug

tu gtang rag gi maNDal dang smon lam/ shis pa brjod pa sogs
kyis yongs rdzogs bstan pa'i snying po byang chub lam gyi rim
pa'i srol bzang dus kyi mthar yang nub pa med par sa gsum gyi
mun sel mchog tu ches cher gsal

ba'i bka' drin mdzad do/ /smras pa/ byams ? brtse'i ral gris
srid pa ? gzhig pas bde gshegs bstaN ? la rdo rje 'dzin ? pa'i
rje bor snyems/ pha ? mtha' mi mngon blo chen rgyal ba'i
'phrin ? bzang sgrog pas 'gro kun mun pa'i mal 

@386a @#/ /las slong/ /stong nyid snying rje'i phyag rgya mchog
gi ri bong mtshan mas gtan bde'i rol mtsho spel ba'i dpyid/
/bdag blo rab rgyas padmo kha 'byed rigs kun bdag po spyi bo'i
rgyan du slar yang

bsten/ /mgon de'i zhal lung rin chen 'bum gyi dbyig /srid dang
zhi ba'i 'dod pa kun 'jo ba/ /skal bzang skye bo'i snying gi
gces nor du/ /reg gzigs gter gyi sgrom bu 'di na gtams/ /rjes
bstan rim pa du ma'i 'du 'god

ni; ;thams cad gzigs pa'i 'gal zla 'gog pa'i gar/ /zla med
dpal du che ba'i lung rtogs kyis/ /dbang po'i khams bzhin theg
pa mchog la gzho la/ /thub gsung rab 'byams ma smad lus can
nor/ /gdams pa'i

man ngag mchog tu rtogs pa'i blos/ /snang srid bla mar shar
ba'i gzigs mo la/ /longs su spyod 'di rgyal ba dgyes pa'i lam/
/bdud bzhi bcom pas rgyal rnga brdung ba'i dbyangs/ /thub
dgongs zab mo'i brjod pa ma 'khrul

bar; ;don gnyis bde blag ster ba'i 'phrin yig tu/ /spel bas
rnyed dka'i lam la spyod pa mang/ /nyes pas ma rnyog kun spyod
rgya chen mtshor/ /lam gyi snying po smin pa'i rang rig khams/
/skye 'gag bdag tu med pa'i

rten 'byung don/ /'gro la gsal ba lam bzang 'di las gang/
/bsam 'phel yod rgus mi mtshon rnyed dka'i rten/ /'di snang gyi
na'i gar la mi rol bar/ /rang gi gtan 'dun bde ba'i mtha' rtog
na/ /lam mchog 'di las gzhan du su

@386b zhig spyod/ /des na thar pa 'dod pa'i yid can rnams/ /ltar
snang lam gyis mchog tu mi rlom par/ /yongs rdzogs man ngag
gcig tu 'khyil ba'i bcud/ /'di la bsten dang re ba'i yi ga 'jo/ /tshul 'dir
'bad pa'i dge tshogs

gangga'i klung/ /zla ba'i mdzes ma mu tig do shal phreng/
/phyogs kyi mu khyud rgyan du ring ba yi/ /rten 'byung sgyu
ma'i ngo mtshar 'byams klas pas/ /dri bral rgyal ba'i ring lugs
bsil sbyin dbang/ /lha mi'i gtsug tor rtse la nor

bu'i mched/ /skal bzang kunda'i dpal du rgya che bas/ /khams
gsum gdung ba yun du sel gyur cig /bshad sgrub zad pa med pa'i
rlabs kyi sgo/ /kun gsal pha mthar phye ba'i gter gyi mdzod/
/gser gyi me tog 'dzum grol

padma'i mtsho/ /dge ldan lugs bzang ring du gnas gyur cig
/rgyal kun mkhyen brtse nus pa'i rin chen rdul/ /srid zhi'i
rtse mor spungs pa'i lhun po'i dbang/ /bstan 'dzin rgya mtsho
bskal brgyar mi g.yo zhing/ /'phrin las nyi zla'i

rna cha gsal gyur cig /mngon dga' rab rgyas skabs gsum grong
gi dpal/ /ljongs 'dir 'phos pa'i rdzogs ldan dbyar skyes
sprin/ /bsod nams mkha' la bla rer bres pa'i g.yang/ /phan
bde bdud rtsi'i char du 'je gyur cig /

bdag cag rnams kyang drin can bla ma mchog /spyi bor rin thang
med pa'i thig le ru/ /'bral med tshul bzhin bsten pas theg
mchog lam/ /rlabs chen mkha' lding 'phrul gyis bgrod gyur cig
/mdor na mkha' mnyam 'gro ba ma lus

@387a @#/ /pa; ;par mi ta'i spyod bzang yongs rdzogs shing/
/shing dbang drung du stobs bcu mnga' ba'i dpal/ /dpal ldan
byang chub rdo rje myur thob shog /ces pa 'di yang dus gsum
gyi rgyal ba sras dang bcas

pa thams cad kyi mkhyen brtse nus gsum mdzad pa 'phrin las
dang bcas pa gcig tu bsdus pa'i rang gzugs gcig pu/ brtse bas
bskyod pa'i thabs mkhas kyi mdzad pa bsam gyis mi khyab pas
bdag dang bdag 'dra'i

blun rmongs rnams kyang theg pa mchog gi skal bzang la sbyor
bar mdzad pa'i bka' drin mtshungs zla ma mchis pa'i rtsa ba'i
bla ma khyab bdag rdo rje 'chang pha bong kha pa don gyi slad
du mtshan nas smos te rje btsun byams pa bstan 'dzin 'phrin las
rgya mtsho dpal bzang

po'i zhal snga nas la gzim lha klu dga' tshal ba'i sku ngo dad
dam mtshungs pa med pa'i yon gyi bdag mo lha lcam dbyangs
'dzoms tshe ring nas sku gshegs gung 'jigs med rnam rgyal dang/
lha sras gung phun tshogs rab

rgyas gnyis kyi dge rtsar ched dmigs ji ltar gsol ba btab pa
bzhin rab byung bco lnga pa'i lcags bya lor dben gnas nyang
bran chu bzang ri khrod kyi chos rar byang chub lam gyi rim
pa'i dmar khrid myur lam dang/ 'jam

dpal zhal lung dbus brgyud dang/ lho brgyud bcas gsum sbrags
thog /blo sbyong skabs blo sbyong don bdun ma dang bcas kyi
nyams khrid zab mo smin rgyas su bka' drin stsal te rmongs
rtul gyi na ba bdag kyang zab rgyas

@387b gsung gi bdud rtsir longs su spyod pa'i skal bzang thob
skabs/ rwa stod brag g.yab gdong kong sprul sku rin po che
nas nyin re nyin re'i gsung bshad rnams zin bris lam rob tsam
phyogs gcig tu bkod 'dug pa ltar rje btsun bla

ma mchog nas ljags zhus dang 'brel sbyor chos bzhi pa tshogs
zhing gsal 'debs pa'i mjug yan chad la 'phri snon bka' bcos
sogs mdzad zin kyang/ de man chad bla ma rin po che gzhan don
'phrin las nam mkha'

ltar rgya che ba'i stabs kyis gzigs zhib mdzad ma grub pa'i
mur 'phro can du bzhugs par brten pha bla ma bka' drin can gyi
'phrin las kyi zhabs 'degs su bsams te 'phro skyong zhig thub
na ci ma rung snyam pa yid la gcags

mus thog /mgon po gang gi gsung las skyes pa'i slob bu bstan
pa'i thugs 'khur 'dzin pa'i bla sprul khag dang/ gzhung brgya
smra ba'i dge ba'i bshes gnyen phyogs dang phyogs na bzhugs pa
du mas yang yang bskul ma

mdzad par brten rtsa ba'i zin bris sngon ma'i thog bla ma rdo
rje 'chang nas lam rim snga rjes su stsal ba'i gsung zin
khungs dag 'ga' shas go bsdur te legs cha 'tshol zhib khu bsdu
bya rgyu sogs phran rang nyid rnam g.yeng lu gu

brgyud kyi gzhan dbang du song bas khom min stabs mtshungs med
rje btsun bla ma bka' bzhin sgrub pa'i mchod pas yun ring du
bsnyen cing/ thos pa 'dzin pa kun dga' bo dang mtshungs pa 'dan
ma drung yig dge slong blo bzang rdo rje

@388a @#/ /lags la zin bris rnams phran nas zhib 'jug bde khyad
phyogs gcig tu bsdus te gong 'og 'khrug sdeb dang/ sa bcad so
so'i thad kar skyel rgyur bskul ba bzhin drung

lags nas kyang yun ring ngal ba khyad bsad kyis grogs dan yang
dag par mdzad pa la/ slar yang rang nyid nas brel ba'i gseng
dbar nam byung la zhib tu dpyad de bla ma'i gsung dang mthun
min phran

bu yod rigs la dag bcos bya rgyu dang/ zin bris rnams su ma
'khod pa'i gsung rgyun man ngag rang blor nges rigs rnams gsar
'god sogs snon 'phri bya 'os rigs gang nus su bgyis te drin
can bla

ma mchog gi zhal tshab lta bur kun la sman du re ba'i lhag bsam
gyi ngal ba 'du byed pa po ni/ rang lo bdun brgyad kyi skabs
nas bzung mgon po mchog des mnyes bzhin rjes su bzung ste byin
rlabs bla na

med pa'i thugs rje'i zho shas 'tsho ba'i bka' 'bangs kyi tha
shal/ kha bshad lag len 'gal ba'i chos med snyoms las mkhan
yongs 'dzin dga' ldan khri byang skye ming pa blo bzang ye
shes bstan 'dzin

rgya mtshor 'bod pas rab byung bcu drug pa'i me bya lo hor 10 
zla tshes 15 spen pa snar ma'i 'grub sbyor sogs gza' tshes mchog
tu dge ba'i nyin mjug yongs su rdzogs par bgyis pa ste/ 'dis
kyang byang chub

@388b lam gyi rim pa'i bstan pa rin po che phyogs dus gnas
skabs thams cad du dar zhing rgyas la yun ring du gnas par
gyur cig // // ! oM swa sti/ rgyal

kun dgongs bcud ke la sha ri'i rgyun/ /sher phyin zab don nor
bus gang ba'i mtsho/ /man ngag mu tig dbu ba'i do shal can/
/skal bzang yi ga 'jo ba'i dpyid du sman/ /thar 'dod zhi ba'i

lam ston zla gzhon ma/ /dpar gyi rdzing bu'i khab tu mngon
bsus te/ /kun phan bdud rtsi'i bsil ba 'bum 'gyed pa'i/ /legs
byas 'dzum dkar mkha' dang mnyam 'jug pas/ /

mtha' yas thub pa'i gsung rab rgya mtsho'i bcud/ /blo bzang
rgyal ba'i ring lugs bsam 'phel dbang/ /dri bral lta sgom
spyod pa'i 'od snang gi  rtse dags 'jig rten yun du

srung gyur cig /rgyal kun brtse chen nor bu'i snying po'i
khams/ /'dod rgu char du bsnyil ba'i rdzogs ldan sprin/
/ljongs 'di'i bsod nams bla rer rtag gtibs pa'i/ /ngo mtshar

@389a @#/ /srid pa'i khong las brgal gyur cig /sdug kun mi bzad
lag ldan bye ba'i srog /'phrog byed bslab gsum sbar mo'i shugs
'chang zhing/ /bshad

sgrub g.yu ral gsig pa'i gdong lnga'i khyu/ /thub bstan gangs
ri'i rgyan du brjid gyur cig /rgyu sbyor 'brel thogs dge ba'i
bshes gnyen gyi/ /byin rlabs snying gi nyi ma rtag 'char

bas; ;rgyal. ? ba dgyes pa'i lugs bzang gdams pa'i phul/
/nyams su myong ba'i dge mtshan 'dzin gyur cig /de las sa lam
dbyig gi them skas la/ /gus rtag

brtson pa'i 'degs 'jog myur ba'i gar/ /sku gsum nor bu'i khyim
du legs bsgyur nas/ /don gnyis 'phro 'du'i 'jug pa rgyas gyur
cig /tshogs gnyis yongs rdzogs blo

gros nyi gzhon gsar/ /ma smad kun bzang rgyal ba'i mtshan nyid
du/ /grub pas bdud kyis mi thub bstan pa'i gnyen/ /kun dga'i
mkhyen rab 'od snang grol gyur cig /ces pa

@389b {dd} 'di yang blo bzang thub dbang rdo rje 'chang dang
dbyer ma mchis pa'i rtsa ba'i bla ma bka' drin 'khor med rje
pha bong kha pa dpal bzang po'i zhal snga nas byang chub lam
gyi

{dd} rim pa'i nyams khrid stsal skabs kyi gsung bshad zin bris
gdams ngag bdud rtsi'i snying po 'di nyid shog grangs brgya
tham pa'i bar dad ldan yon bdag

spom mda' las tshan nyi ma rgyal mtshan nas rgyu sbyar te par
brko sngon zin thog /de man yongs rdzogs phun tshogs lugs
brgya'i dpal gyis mngon par mtho

zhing dge ba'i bshes gnyen la mi phyed pa'i dad gus mchog tu
brtan pa gzim ram pa ba'i sku ngo bka' zur bla ma dge slong
blo bzang thub bstan kun mkhyen

@390a {dd} @#/ /mchog nas 'jungs pa med pa'i {dd} gtong ba'i
sgo 'phar yangs por. ? phye ste par brko mdzad pa'i

dge bsngo'i smon tshig tu yongs 'dzin khri byang skye ming pas
smon pa sidd+hi ra stu// //oM ye d+harmA@ he@ tu pra b+ha wA
he tun te ShAnta

thA ga to hya bad ta/ te ShAnytsa yo ni ro d+ha e waM bA
dI mahA shra ma NaH ye swAhA// ??? //lam rim khrid yig 'di
nyid 'gro don che

yang phyogs 'dir dpe rgyun dkon stabs don gnyer can rnams la
sman phyir khri byang zhabs khongs cha phreng dge slong blo
bzang ye shes nas lhag bsam che bskyed

@390b dpar bskrun rgyu sbyor gyis hin sgor 3115 lag 'don thog
dad ldan khag nas zhal 'debs byung ba/ mtsho sna ba tshe dbang
rig 'dzin nas hin sgor 2000 tham pa dang/ cha phreng ma Ni ba
bsod nams nas hin

sgor 1000 cha phreng g.yang dar chos 'dzin dang/ a chen
gnyis nas hin sgor 1000 rgyal thang mkhar 'go sde pa blo bzang
tshul khrims nas hin sgor 500 rgyal thang mkhar chen blo bzang
bstan 'phel nas

hin sgor 300 cha phreng 'gar lu rgyal mtshan nas hin sgor 300
cha phreng gnya' ba byang chub tshul khrims 'das po'i ched hin
sgor 300 cha phreng ra yong sangs rgyas nas hin sgor 300 cha
phreng 'bu tsha mgo lus

rgyal mtshan nas hin sgor 100 g.yu thog skyid tshal lcam rdo
rje g.yu sgron nas hin sgor 200 lha sa ba chos btsun ngag
dbang chos 'dzin nas hin sgor 100 cha phreng ang ga lha bris
'jam dbyangs nas hin sgor 100

cha phreng zhabs ma tshul khrims nas hin sgor 100 cha phreng ra
yong tshul khrims nas hin sgor 100 ser smad bang ring rin po
che dang gsol dpon lags gnyis nas hin sgor 110 rda sa sman
rtsi khang gi sman pa skyid grong 

@391a @#/ /gra khang dkar ba blo bzang sgrol ma dang/ btsun ma
blo bzang bde chen/ tshe ring bcas nas hin sgor 100 tre hor
dkar mdzes tshe dbang rig 'dzin dang/ thub bstan gnyis nas hin

sgor 100 lha sa ba tshe smon gling bde khang bsod nams bstan
'dzin dang/ bza' zla phag ri ba bkra shis dpal sgron/ gcung mo
bsod nams dbang mo/ bu rdo rje dbang 'dus/ rnam grwa bstan
'dzin bzod pa/ bu

bstan 'dzin mkhas mchog ? bu bstan 'dzin dbyig gnyen/ bu bstan
'dzin dar rgyas/ bu mo kun bzang dbyangs can/ bu mo bstan
'dzin sgrol dkar/ mchod g.yog rnam grwa thub bstan 'jam
dbyangs bcas

thun mong nas hin sgor 325 sho mdo 'jigs med rab rgyas nas hin
sgor 105 bkras lhun lo chen rin po che nas hin sgor 100 bkras
lhun bka' chen blo bzang rgyal mtshan nas hin sgor 10 cha
phreng

grags pa blo bzang dbang rgyal nas hin sgor 100 tshe 'das cha
phreng rgyas 'phags ye shes rgyal mtshan gyi ched cha phreng
bzod pa thogs med nas hin sgor 50 li thang lcags 'gu tshul
khrims nas hin sgor 30

@391b khri byang zhabs khongs rnam grol dbang 'dus nas hin
sgor 200 dang/ khri zhabs nor bu chos 'phel nas hin sgor 50
khri zhabs blo bzang skal ldan nas hin sgor 50 lho rdzong gzhi
bkrams dbu mdzad nas hin

sgor 48 dga' ldan shar rtse mkhan zur blo bzang chos 'phel nas
sku gshegs pha ma gnyis kyi ched hin sgor 50 dga' shar phu
khang khri sprul nas hin sgor 50 dga' shar rdo khang bsam
gling tshul

khrims yar 'phel nas hin sgor 25 dga' shar rdo bsam las rgyal
byams pa nas hin sgor 10 dga' shar rdo khang blo bzang lhun
'grub nas hin sgor 5 dga' shar rdo bsam dge bshes 'a yu blo
bzang

bstan 'dzin nas hin sgor 25 bcas byung zhing/ yi ge'i 'du byed
la lag sor gyi zlos gar bsgyur mkhas 'bras ljongs pha tam can
pa spen pa nor bu lags nas lo ngo bzhi'i ring 'tsho ba ngan
ngon tsam

gyi chog shes 'brel dpar brko'i 'khur 'gan gtso bor blangs
shing/ slob phrug pa dga' shar rdo khang yang steng blo bzang
lhun 'grub dang/ rdo khang bsam gling bzod pa thogs med gnyis
nas dpar

@392a @#/ /brko'i lag rtsal slob sbyong dang sbrags las rogs
rgyun 'khyongs bgyis pa bcas kyi rnam par dkar ba ji snyed cig
mchis pa de dag bdag gzhan skye 'phags thams cad kyi

tshogs gnyis kyi rgya mtsho chen po dang gcig tu bsdus shing
bzlums te bsdoms nas bla na ma mchis pa dang/ gong na ma mchis
pa dang/ gong ma'i yang gong ma/ bla ma'i yang bla mar yongs
su bsngo bas bla na med pa

yang dag par rdzogs pa'i byang chub tu yongs su bsngo bar
bgyi'o/ /ji ltar 'das pa'i sangs rgyas bcom ldan 'das rnams
kyis yongs su bsngos pa dang/ ji ltar ma byon pa'i sangs rgyas
bcom ldan 'das rnams kyi yongs

su bsngo bar 'gyur ba dang/ ji ltar da ltar bzhugs pa'i sangs
rgyas bcom ldan 'das rnams kyis yongs su bsngo bar mdzad pa de
bzhin du yongs su bsngo bar bgyi'o// //

 ! dpar 'di rgya gar lho phyogs kyi mnga' sde kar na Ta ka'i
khongs mon g+ho Tar bod mi gzhis chags kyi chos sgar gras dga'
ldan shar rtse nor gling grwa tshang du bzhugs//

@392b [bp]