@#/ /bstan bcos mngon par rtogs pa'i rgyan rtsa 'grel gyi spyi
don rnam bshad snying po rgyan gyi snang ba zhes bya ba las
skabs brgyad pa bzhugs so/ /

@01a @##/ /oM swa sti/ bla ma dang lhag pa'i lha la phyag 'tshal
lo/ /gsum pa blangs pa'i 'bras bu chos sku bshad pa la/ gzhung
spyi'i bsdu ba bshad pa dang/ gzhung don so sor bshad pa gnyis/
dang po la/ sbyor ba bzhi bshad zin pa'i

rjes su 'bras bu chos sku 'chad pa'i rgyu mtshan/ de mtshon byed
kyi chos dus mtshon nas gtan la 'bebs pa'i tshul/ mtshon tshul dngos
bshad pa dang gsum/ dang po la/ sbyor bzhi bshad zin pa'i rjes
su 'bras bu chos sku 'chad pa'i rgyu mtshan yod de/ sbyor

bzhi rdzogs pa'i skad cig gnyis pa'i dus su sbyor ba dang po
gnyis kyis lag rjes bzhag pa'i spangs pa mthar thug dang/ phyi
ma gnyis kyis lag rjes bzhag pa'i rtogs pa mthar thug rdzogs
pa'i 'bras bu chos sku thob pa'i rgyu mtshan gyis de ltar bshad
pa'i

phyir/ gnyis pa la/ slob dpon ltar na chos bzhi dang/ 'phags pa
ltar na 'phrin las dang bcas pa'i mtshon byed kyi chos bzhis
mtshon nas gtan la 'bebs shing/ de'i tshul la bsdus don lus rnam
gzhag dang/ tshig don yan lag rgyas bshad kyi

bstan tshul lo/ /dang po yod de/ ngo bo nyid ces pas ngo bo nyid
sku dang/ longs rdzogs bcas/ zhes pas longs spyod rdzogs pa'i
sku dang/ sprul pa ni/ zhes pas sprul pa'i sku dang/ chos sku
mdzad pa dang bcas pa/ zhes pas ye shes chos sku de nyid

bstan pa'i phyir/ kha cig na re/ de mi 'thad par thal/ chos sku
mdzad pa dang bcas/ zhes pas chos sku'i lus bstan bshad sbyor
ba'i gzhung yin pa'i phyir/ zhe na/ skyon med de/ chos sku'i
bstan bshad sbyor ba'i gzhung dang/ ye shes chos sku 'chad

byed gnyis ka yin pa'i phyir/ tshig don dang go rim gnyis mi
mthun kyang skyon med de/ mdzad pa 'phrin las ye shes chos sku'i
bdag rkyen la rag las par shes pa'i phyir du de dang sbyar nas
bstan pa'i phyir/ gnyis pa la bzhi las/ dang po khyad chos

@02a @#/ /gsum ldan gyi ngo bo nyid sku 'chad pa la/ thub pa'i
ngo bo nyid sku ni/ zhes pa nas/ de dag rang bzhin mtshan nyid
can/ zhes pa'i bar gyis 'chad/ chos can gyi sku lhag ma gsum po
ngo bo nyid kyi sku las ngo bo tha dad ma yin

kyang/ tha dad du 'jog pa'i rgyu mtshan dgos pa dang bcas pa
'chad pa la/ sku lhag ma gsum po don dam par chos nyid kyi ngo
bo// zhes pa nas/ tha dad par rnam par gzhag pa/ zhes pa'i bar
gsungs/ gnyis pa ye shes chos sku 'chad pa la/ sangs

rgyas kyi sa'i zag med ye shes kyi sde tshan nyer gcig po ye shes
chos sku ngo bo nyid sku las logs su spyir bstan pa dang/ de
ltar 'chad mi rung ba dgag pa gnyis las/ dang po 'chad pa la/
byang chub phyogs mthun tshad med dang/ zhes pa nas/ chos kyi sku

zhes brjod pa yin/ zhes pa'i bar gsungs/ de ltar mi rung ba dgag
pa la phyogs snga ma brjod pa dang/ rang lugs dang/ rtsod pa
spong ba dang gsum las/ dang po 'chad pa la/ gzhan dag ni thub
pa'i/ zhes pa nas/ tshig le'ur byas pa la 'jug

par byed do/ /zhes pas 'chad/ gnyis pa ni/ gzhan dag na re de
dag gi ltar na/ zhes pa nas/ ji ltar gsungs zhes zer ro/ /zhes
pa'i bar gyis 'chad/ gsum pa rtsod pa spong ba la/ rtsod pa
dang/ lan gnyis las/ dang po 'chad pa la/ kha

cig gis zhes pa nas/ sku ni gsum po kho na'o zhes zer ro/ /zhes
pa'i bar gsungs/ gnyis pa 'chad pa la/ gzhan dag na re/ zhes pa
nas/ phyogs gzhan dang yang mi 'gal bar 'gyur ro zhes zer ro/
/zhes pa'i bar gyis 'chad/ nyon mongs

med pa'i ting nge 'dzin dang/ smon gnas mkhyen pa'i ting nge
'dzin gnyis bye brag tu bshad pa la/ nyon mongs med pa'i ting
nge 'dzin bshad pa dang/ smon gnas mkhyen pa'i ting nge 'dzin
bshad pa dang gnyis las/ dang po la/ nyan rang gi nyon

@02b mongs med pa'i ting nge 'dzin dang/ sangs rgyas kyi nyon
mongs med pa'i ting nge 'dzin gyi khyad par bshad pa la/ nyan
thos nyon mongs med pa'i lta/ zhes pa nas/ rgyun gcod rgyal ba'i
nyon mongs med/ ces pa'i bar gsungs/ gnyis pa la dngos dang/
rtsod pa spong ba gnyis las/ dang po la/

nyan rang dang sangs rgyas 'phags pa'i smon gnas mkhyen pa'i
ting 'dzin gyi khyad par bshad pa la/ sangs rgyas smon gnas
mkhyen pa ni/ zhes pa nas/ 'dri ba kun lan 'debs par bzhed/ ces
pa'i bar gsungs/ gnyis pa la/ chos sku rtag pa ba la rtsod pa
spong ba dang/ khyab rtag

gnyis ka la rtsod pa spong ba'o/ /dang po la ye shes chos sku
thugs rje chen po la dus rtag tu mnyam par gzhag par bshad pa de
mi 'thad par thal/ de ltar na 'ga' zhig la sku dngos su snang
ba'i sgo nas don mdzad/ 'ga' zhig la sku dngos su snang ba'i sgo
nas don mi mdzad pa de mi rigs pa'i

phyir/ zer na skyon med de/ 'ga' zhig la rkyen tshang bas sku
dngos su snang ba'i sgo nas don mdzad/ 'ga' zhig la rkyen ma
tshang ba'i dbang gis sku dngos su snang ba'i sgo nas don mi
mdzad pa dpe don gnyis kyi sgo nas 'chad pa la/ rgyu ni yongs su
smin gyur nas/ zhes pa nas/ skal ba med pas

bzang mi myong/ /zhes pa'i bar gsungs/ gnyis pa la/ kha cig /ye
shes chos sku de sangs rgyas re re'i rgyud la yod pas khyab pa
dang/ skad cig gnyis par mi bsdod pas rtag par bshad pa mi rigs
pa'i phyir zhe na de ni skyon med de/ rgya che bas na khyab pa
dang/ rgyun mi 'chad pas rtag pa zhes

brjod pa'i phyir/ zhes 'chad par byed pa la/ de ltar mdzad pa
rgya che'i phyir/ /zhes pa nas rtag pa zhes kyang brjod pa yin/
zhes pa'i bar gsungs/ gsum pa longs sku bshad pa la/ mtshan nyid
kyi sgo nas mdor bstan/ yon tan gyi sgo nas rgyas par bshad pa
gnyis las/ dang po 'chad par

byed pa la/ mtshan ni sum cu rtsa gnyis dang/ zhes pa nas thub
pa'i longs spyod rdzogs skur bzhed/ ces pa'i bar gyis 'chad/
gnyis pa la/ mtshan bshad pa dang/ dpe byad bshad pa dang gnyis
las/ dang po la 'bras bu mtshan gyi dbye ba/ rgyu 'bras kyi 'brel
ba mdo las bstan tshul rnams rim

@03a @#/ /pa bzhin du 'chad pa la/ phyag zhabs 'khor lo'i mtshan
dang rul sbal zhabs/ /zhes pa nas mdo las ji skad 'byung ba
bzhin/ /zhes pa'i bar gsungs/ gnyis pa 'chad pa la/ thub pa'i
sen mo zangs mdog dang/ /zhes pa nas sangs rgyas dpe byad bzang
por

bzhed/ ces pa'i bar gyis 'chad/ bzhi pa sprul sku bshad pa la/
dus kyi sgo nas mdor bstan/ 'phrin las kyi sgo nas rgyas par
bshad pa gnyis las/ dang po 'chad pa la/ gang gi srid pa ji srid
bar/ /zhes pa nas thub pa'i sprul sku rgyun mi 'chad/ ces pa'i
bar gyis 'chad/ 'phrin las kyi

sgo nas rgyas par 'chad pa la/ de bzhin 'khor ba ji srid 'dir/
/zhes pa nas rnam pa nyi shu bdun du bzhed/ ces pa'i bar gyis
'chad/ gsum pa mtshon tshul dngos bshad pa la/ sku bzhi po des
'bras bu chos sku ji ltar mtshon pa'i tshul yod de/ ngo bo'i sgo
nas mtshon pa yin pa'i phyir/

gnyis pa gzhung don so sor bshad pa la/ skad cig ma gcig gis
mngon par rdzogs par byang chub pa zhes sogs kyi skabs su/ mtha'
dpyad pa la/ chos sku 'grub pa'i dus mtshams bshad pa/ mtshan nyid
bshad pa/ dbye ba bshad pa/ grangs nges bshad pa/ de la log rtog
bsal ba

dang lnga las/ dang po la/ srid pa tha ma pa'i byang chub sems
dpa' rnams gnas gang du dus nam gyi tshe tshul ji ltar du 'tshang
rgya ba yin zhe na/ 'di la kha cig  / gzugs khams gnas rigs bcu
bdun gyi nang tshan gyi gnas 'og min der byang sems thams cad
'tshang rgya'o zer na/ de mi 'thad

par thal/ de lta bu'i 'og min de sdug bsngal bden pa yin pa'i
phyir dang/ phyir mi 'ong rnams der skye ba len pa'i phyir/ der
thal/ lang kar gshegs pa las/ gtsang ma'i gnas lnga spangs nas
ni/ /'og min shin tu nyams dga' bar/ /yang dag rdzogs sangs der
'tshang rgya/ /sprul pa po

gcig 'dir 'tshang rgya zhes pa dang/ dbang phyug chen po'i gnas
kyi mchog  / 'og min shin tu rnam par bkra/ mi mjed 'jig rten ji
bzhin du/ /yid 'ong zhi bar rab 'byung ba/ /de yi 'od zer sna
tshogs dang/ /'jig rten khams ni rnams su 'phro/ /zhes gsungs
pa'i phyir dang/ rgyud zla

@03b gsang thig le las/ 'dod pa khams dang srid rtse na/ /sangs
rgyas rnam par 'tshang mi rgya/ /gzugs kyi khams kyi 'og min du/
/'dod chags bral de 'tshang rgya'o/ /zhes gsungs pa'i phyir/ kha
cig  / longs sku rnam snang chen po gang du bzhugs pa'i gnas 'og
min stug po bkod pa 'am gzhi dang snying ngo/ ?

me tog gis brgyan pa zhes bya ba'i 'jig rten gyi khams der byang
sems thams cad 'tshang rgya ba yin te/ paNDi ta skal ldan grags
pas/ dpal ldan stug po bkod par don dam rnam par thugs chud nas/
'dzam gling skye bo'i don mdzad de ni dam pa tog dkar 'gyur/
zhes gsungs pa'i phyir/ zhes zer

ro; ;'o na byang chub sems dpa' rnams kyis zhing dag sbyor ba so
sor sgom mi dgos par thal/ dam bca' 'thad pa'i phyir/ 'dod mi
nus te/ byang chub sems dpa' rnams kyis sku gsum 'grub byed kyi
sbyor ba khyad par can sgom dgos pa'i phyir/ der thal/ rnam
rdzogs sbyor ba rdzogs pa sgom dgos

pa'i phyir dang/ gzhan yang de mi 'thad par thal/ de sdug bsngal
bden pa yin pa'i phyir/ der thal/ de 'jig rten gyi khams yin
pa'i phyir/ rtags khes/ kha cig  / rgyun mtha'i bar chad med lam
pa de rang gi skad cig gnyis pa'i dus su rnam mkhyen skad cig
dang po thob pa dang/ 'tshang rgya ba dus

mnyam pa yin zer na/ de mi 'thad par thal/ de'i dus su sangs
rgyas zin pa'i phyir/ der thal/ de'i dus su chos sku mngon du
byas zin pa'i phyir/ kha cig gis/ rgyun mtha'i bar chad med lam
la mnyam par gzhag pa'i ngang nas ji snyed pa'i chos thams cad
mngon sum du rtogs pa dang/ chos sku

mngon du byas pa sogs dang/ mtshan dpes spras pa'i lus kyi rigs
'dra phyi ma longs skur gnas gyur pa dus mnyam mo zer na/ de mi
'thad de/ byang sems rgyun mtha' ba'i lus kyi rigs 'dra phyi ma
longs skur 'gyur ba mi srid pa'i phyir/ der thal/ de gang zag tu
'gyur ba'i dus mi srid pa'i phyir/

rang lugs la/ gnas gang du dus nam gyi tshe tshul ji ltar du
'tshang rgya ba'i tshul yod de/ rang gi zhing dag sbyor gyis
bsgrubs pa'i gnas 'og min dang/ dus rgyun mtha'i bar chad med
lam la mnyam par gzhag bzhin pa'i ngang nas ji snyed pa'i chos
thams cad mngon sum du rtogs pa dang/ yang dag

@04a @#/ /mtha' mngon du byas pa dang/ chos sku mngon du byas pa
dang/ chos thams cad la sangs rgyas pa dang/ rgyun mtha' ba'i
lus kyi rigs 'dra phyi ma longs sku'i lus su gnas gyur pa dang/
longs sku dang dngos rgyu tshogs pa tshar gcig la rag las pa'i
'brel ba

grub pa'i tshul gyis 'grub pa'i sprul sku grangs med grub pa dus
mnyam pa'i tshul gyis 'tshang rgya ba yin pa'i phyir/ de'i tshe
longs skus sprul gzhi byas pa'i sprul sku med kyang/ longs sku
dang dngos rgyu tshogs pa tshar gcig la rag las kyi 'brel ba grub
pa'i tshul du 'grub pa'i sprul pa'i sku du

ma yod de/ rgyud bla ma las/ dag las nye dang ring rnams la/
/'jig rten rgyal ba'i dkyil 'khor du/ /chu dang nam mkhar zla
gzugs bzhin/ /de mthong ba ni rnam pa gnyis/ /zhes gsungs pa'i
phyir/ kha cig  / longs sku dang dngos rgyu tshogs pa tshar gcig
la rag las pa'i sprul pa'i sku de longs

sku dang sprul sku gnyis ka yin pas de gnyis mi 'gal ba yin no/
/zer na/ de mi 'thad de/ de lta bu'i sprul sku de yin na gnas
nges pa 'og min kho nar bzhugs pas ma khyab pa'i phyir/ der
thal/ byang chub sems dpa' rnams kyis sngon slob pa lam gyi gnas
skabs su/ longs sku dang

dngos rgyu tshogs pa tshar gcig la rag las pa'i 'brel ba grub pa'i
tshul du 'grub pa'i sprul sku/ du ma'i sgo nas gdul bya la gang
'tshams kyi don mdzad pa'i smon lam grub pa yin pa'i phyir/ kha
cig gis/ de lta bu'i sprul sku de gnas 'og min du grub pa dang/
'dod khams su 'phos pa

dus mnyam pa yin no/ /zer na/ de 'og min du grub pa dang 'dod pa
khams su 'phos pa'i skad cig ma de/ bya rdzogs kyi skad cig ma
ma yin par thal/ skad cig ma de la 'og min du grub pa dang/ 'dod
pa khams su 'pho ba'i bya ba ma rdzogs pa'i phyir/ der thal/ de
'og min du grub pa dang/ 'dod

pa khams su 'phos pa dus mnyam pa'i phyir/ rtags khes/ 'dod mi
nus te/ de lta bu'i skad cig ma de khyod kyi lugs la sangs rgyas
kyis mdzad pa ston pa'i skad cig ma yin pa'i phyir/ der thal/ de
'dra ba'i mdzad pa de sangs rgyas kyi mdzad pa yin pa'i phyir/
der thal/ bdag cag gi

@04b ston pa dang rgyud gcig tu gyur pa'i byang sems srid pa tha
ma pa de/ dga' ldan du sprul pa bzhag nas 'og min du chos sku
mngon du byas/ slar yang sprul pa de nyid la zhugs nas rje btsun
rgyal tshab tu dbang bskur te/ dga' ldan nas 'pho ba sogs mdzad
pa bcu gnyis kyi tshul bstan pa'i phyir/ kha

cig gis/ de mi 'thad de/ bdag cag gi ston pa bskal bzang 'di la
sangs rgyas pa ma yin pa'i phyir/ zer na ma khyab/ rtags der
thal/ mdo las/ sngon tshe bskal pa dpag tu med pa ni/ /de yi
grangs ni nam yang med pa nas/ /bla med byang chub mchog ni nges
brnyes te/ /sems can rnams la chos

kyang rab tu bstan/ zhes gsungs pa'i phyir/ kha cig gis/ rnam
bshad las/ chos skus longs sku'i bdag rkyen byed/ longs skus
sprul sku'i bdag rkyen byed par gsungs pa dang/ dpe'i skabs su
yang nam mkha'i zla ba dang chu nang gi zla ba'i gzugs brnyan
rgyu 'bras su gsungs pas/ longs skus de

ma sprul na de gnyis dpe don mi 'grig pas/ longs sku de'i sprul
gzhi dang de gnyis rgyu 'bras yin zhing/ de ltar na'ang longs
sku dang dngos rgyu tshogs pa tshar gcig la rag las pa'i tshul gyis
'brel ba grub pa'i sprul sku zhes pa'i don longs sku dang de
gnyis grub pa 'jug pa shin tu myur bas/ dngos

rgyu tshogs pa tshar gcig la rag las kyi 'brel ba grub pa'i tshul
gyi grub/ ces smos pa yin zer ba yang snang bas dgongs par gang
song dpyod/ gnyis pa chos sku'i mtshan nyid ni/ sbyor bzhi bsgoms
stobs kyis thob pa'i thob bya mthar thug  / chos sku'i mtshan
nyid/ gsum pa de la dbye na/

rang don don dam pa'i sku dang/ gzhan don kun rdzob pa'i sku
gnyis yod pa'i phyir/ der thal/ rgyud bla ma las/ rang don gzhan
don don dam sku dang ni/ /de la brten pa kun rdzob sku nyid de/
zhes gsungs pa'i phyir dang/ rig pa drug cu pa las/ dge ba 'di
yis skye bo kun/ /zhes sogs gsungs

pa'i phyir/ bzhi pa sku la/ ngo bo nyid sku/ longs sku/ sprul
sku gsum du grangs nges te/ mdo sde rgyan las/ sku gsum dag gis
sangs rgyas kyi/ /sku bsdus par ni shes bya ste/ /sku gsum dag
gis rang bzhin gyi/ /don 'di rten dang bcas par bstan/ /zhes
gsungs pa'i phyir/ rgyud bla ma las/

@05a @#/ /de dbye zab dang rgya che dang/ /bdag nyid chen po'i
yon tan gyi/ /chos kyi rab phye rang bzhin la/ /sogs pa'i sku
gsum dag gis 'jug  / ces gsungs pa'i phyir/ gzhan yang sku de la
ngo bo nyid sku dang longs sku dang/ sprul sku dang/ ye shes
chos kyi sku dang bzhir

yang grangs nges pa'i phyir/ gzhan yang/ sku gsung thugs gsum
dang/ de'i mnyam nyid dang/ mdzad pa 'phrin las dang lngar
grangs nges shing/ gzhan yang/ ngo bo nyid sku/ ye shes chos
sku/ longs sku/ rnam par smin pa'i sku/ rnam par smin pa ma yin
pa'i sku dang lngar grangs nges

pa'i phyir/ der thal/ 'jam dpal mtshan brjod las/ sangs rgyas sku
lnga'i bdag nyid can/ /zhes gsungs pa'i phyir/ slob dpon rang
lugs la 'bras bu chos sku mtshon byed kyi sku la/ ngo bo nyid
sku/ longs sku/ sprul sku dang gsum du yang grangs nges/ ye shes
chos sku dang bzhir yang

grangs nges te/ nyi khri le'u brgyad ma las sku gsum gyi grangs
nges mdzad pa dang/ rgyan snang las/ yum gyi bshad sbyar byas pa
las byung bdag gi thob pa'i dge ba'i sa bon las/ rnam pa kun gyi
mchog tu gyur pa'i sku ni gsum po nges par thob par shog  / ces
gsungs pa'i phyir

dang/ 'grel pa che chung gnyis su yang sku bzhi'i grangs nges
mdzad pa'i phyir/ slob dpon rang lugs la sku gsum dang/ sku
bzhi'i grangs nges 'thad pa yin te/ de ltar dbye bsdu rung ba'i
phyir/ de la kha cig gis/ sku gsum gyi grangs nges byed pa mi
'thad par thal/ ye shes chos

sku de ngo bo nyid kyi sku yang ma yin la/ gzhan gnyis kyang ma
yin pa'i phyir/ zhe na/ 'o na/ sku bzhir yang bsdur mi rung bar
thal/ longs spyod rdzogs pa'i sku'i sen mo zangs mdog de/ khyod
'dod pa'i sku bzhi po gang rung ma yin pa'i phyir/ longs spyod
rdzogs pa'i sku yin no// zhe

na; 'o na cig shos kyang ngo bo nyid skur khas blangs pa la 'gal
ba ci zhig yod/ 'dus ma byas su'o/ /zhe na/ cig shos la yang
mtshan dpes spras pa'i sku yin par thal lo/ /'dod na/ cig shos
kyang mtshungs pa'i phyir ro/ /de longs sku'i cha shas yin gyi
dngos ma yin te/ longs

@05b spyod rdzogs pa'i sku de mtshan dpe ma lus par rdzogs pa la
'dogs pa'i phyir/ zhe na/ de yang ngo bo nyid kyi sku'i cha shas
yin la dngos ma yin te/ ngo bo nyid sku de ye shes chos sku'i
steng du dag pa gnyis ldan tshogs pa la 'jog pa'i phyir/ gzhan
yang/ slob dpon gyis sangs rgyas kyi sku la gsum du grangs

nges shing/ skabs brgyad pa'i 'bras bu chos sku mtshon byed kyi
sangs rgyas kyi sku yang/ ye shes chos sku ngo bo nyid sku'i yon
tan du bsdus nas gsum du yang bzhed pa'i phyir/ der thal/ rnam
bshad snying po rgyan las/ sku mi 'dra ba gnyis so sor bstan
kyang/ tshig don la ma zhugs pa'i nyes pa med pa'i

bzhad pa'o/ /zhes gsungs pa'i phyir dang/ slob dpon rang nyid
kyis nyi khri le'u brgyad mar yang de ltar bshad pa'i phyir/
gzhan yang/ ye shes chos sku ngo bo nyid kyi skur bsdu ba yang
'thad de/ rgyan snang gi mjug tu/ yum gyi bshad byar byas pa/
zhes sogs gsungs pa'i phyir dang/ slob dpon

gyis chos sku mtshon byed kyi sku la sku gsum gyi grangs nges
bzhed pa rnam bshad kyis kyang dgongs pa yin pa'i phyir/ der
thal/ rnam bshad snying po rgyan las/ rgyal ba'i sras po seng ge
bzang pos kyang/ sku bzhi par mdzad pa ni dbye bsdu tsam yin
gyi/ sku gsum du ma 'dus par bzhed pa ma yin no/ /zhes

gsungs pa yin pa'i phyir/ lnga pa log rtog dgag pa la/ ngo bo
nyid kyi skus gzhal bya ma gzhal bas sangs rgyas ma yin no/ /zhe
na/ 'o na/ de yon tan tsam yang ma yin par thal/ de mthar thug
gi yon tan kyang ma yin/ gnas skabs kyi yon tan tsam yang ma yin
pa'i phyir/ dang po ma grub

na sangs rgyas ma yin pa nyams/ gnyis pa der thal/ de rgyud la
ldan pa'i sems can med pa'i phyir/ rtsa bar 'dod na/ spangs pa
omthar thug yon tan ma yin par thal/ 'dod pa'i phyir/ 'dod na/
rtogs pa mthar thug kyang yon tan ma yin par thal lo/ /kha cig
gis/ ngo bo nyid sku de sangs

ma rgyas pa'i tshe na med cing/ sangs rgyas pa'i tshe na yod pas
de 'dus byas yin no/ /zhes zer na/ de mi 'thad de/ de ni mkhas
rmongs la grags pa'i rtag pa'i khyad par dang/ dngos po res 'ga'
ba dang 'dus ma byas res 'ga' ba'i khyad par ma phyed pa'i skyon
yin pa'i phyir/ der thal/ mkhas

@06a @#/ /pa rnams ni rang grub dus kyi skad cig gnyis pa'i dus
su ma zhig pa'i chos rnams rtag par 'dod/ rmongs pa rnams ni
rgyun ma chad bar yod pa la rtag bar 'dod pa'i phyir/ bum pa de
rang grub dus kyi skad cig gnyis pa'i dus su mi bsdod pa'i dngos
po res 'ga' ba dang// ngo

bo nyid kyi sku skad cig gnyis par bsdod pa'i 'dus ma byas res
'ga' ba yin pa'i phyir/ kha cig gis/ gzugs sku gnyis po de gdul
bya la gzhan snang tsam yin gyi/ sangs rgyas rang snang la med
pa dang/ sangs rgyas rang rgyud kyis ma bsdus so/ /zer na/ 'o
na/ gzugs sku gnyis po chos

can/ med par thal/ thams cad mkhyen pa'i ye shes kyi gzigs pa
las log pa'i phyir/ der thal/ sangs rgyas rang snang la med pa'i
phyir/ khyab pa bsgrubs zin/ kho na re/ sangs rgyas rang snang
la gzugs sku gnyis med par thal/ sangs rgyas ni dus rtag tu
mnyam par gzhag pa gang

zhig/ mnyam gzhag de'i ji lta ba gzigs pa'i gzigs ngor med pa'i
phyir/ zhe na/ skyon med de/ des de bzhin nyid gzigs pa'i gzigs
ngor ji snyed pa ma gzigs pa'i tshul gyis gzigs pa'i phyir/ gzhan
yang/ gzugs sku gnyis gang zag su gang gi rgyud kyis ma bsdus pa
'am/

gdul bya gzhan rgyud kyis bsdus pa dag las gang yin/ dang po
ltar na/ byang sems 'phags pas sbyin pa gtang ba dang/ tshul
khrims srung ba sogs bsod nams kyi tshogs goms par byas pas/
'bras bu mthar thug thob mi srid par thal/ 'dod pa'i phyir/ 'dod
na/ des sbyin sogs phar

phyin drug la spyad pa don med par thal/ 'dod pa'i phyir/ kho na
re/ sa bcu rgyun mtha'i bar du rang rgyud kyis bsdus pa'i sbyin
sogs kyi spyod pa goms par byas pa la brten nas sangs rgyas pa'i
tshe rig pa rgyun chad nas de bzhin nyid rnam par dag pa'i rang
bzhin 'ba' zhig tu 'gyur ro/ /zer na/ de

mi 'thad de/ de ltar 'dod pa ni/ rgyang 'phen gyis ma shi tshun
chad du rig pa 'byung zhing/ shi nas rig pa rgyun chad du khas
len pa dang mtshungs pas shin tu tha chad pa'i phyir/ gnyis pa
ltar na/ lhas sbyin gyis sbyin sogs spyod pa goms par byas pa'i
'bras bu mthar thug pa na/ de

@06b las gzhan pa'i mchod sbyin gdul bya'i snang ngo tshun chad
du yang grongs pa'i tshul mi ston pas tshe ring ba'i mthar thug pa
dang/ longs spyod che ba'i mthar thug sogs su 'gyur bar thal bar
'dod pa'i phyir/ 'dod na/ las ma byas pa dang phrad pa dang byas
pa chud zos pa sogs su 'gyur ro/ /rigs pa de

dag gis sangs rgyas kyi gzugs sku sangs rgyas ma yin pa dang/
'phags pa'i mnyam gzhag na blo med par khas len pa yang bkag par
shes par bya ste/ dogs pa de dag mtshungs par 'jug pa'i phyir/
kha cig gis/ sangs rgyas kyi sa na gzugs med par thal/ sher
phyin sum brgya pa las/

gang dag nga la gzugs su mthong/ /gang dag nga la sgrar shes pa/
/log pa'i lam du zhugs pa te/ /skye bo de dag nga mi mthong/
/zhes gsungs pa'i phyir/ zer na/ de mi 'thad par thal/ de ltar
gsungs na/ sangs rgyas kyi sa na gzugs sku gnyis med mi dgos
pa'i phyir/ der thal/ de mdo dang

dgongs 'grel gyi bstan bcos gang yang ma yin pa'i phyir/ der
thal/ de gsung ba po sangs rgyas 'phags pa yang ma yin/ sems can
yang ma yin pa'i phyir/ dang po der thal/ gzugs sku gnyis sangs
rgyas ma yin pa'i phyir/ de'i tshe sangs rgyas kyi sa na bem pos
bsdus pa'i rdul

bkag pa yin gyi/ sangs rgyas kyi sar gzugs yod pa ma bkag ste/
sangs rgyas kyi ye shes nyid gdags gzhir byas nas gzugs sku
gnyis su snang ba bskyed pa'i phyir/ de'i tshul la/ kha cig gis/
ye shes chos sku de nyid so so skye bo las dag yan chad la mchog
gi sprul pa'i skur snang

ba dang/ byang sems 'phags pa yan chad la longs spyod rdzogs
pa'i skur snang ba de/ gzugs sku gnyis su snang ba bskyed pa'i
don yin/ zer na/ longs sku dngos su snang ba'i byang 'phags kyi
mig shes de snang la ma nges pa yin par thal/ de la ye shes chos
sku longs skur snang ba gang zhig  / des

snang ba ltar du nges shes 'dren mi nus pa'i phyir/ phyi ma ma
grub na/ ye shes chos sku de longs sku de longs sku yin par
thal/ mig shes de la snang ba ltar du nges shes 'dren nus pa'i
phyir/ rtsa bar 'dod mi nus te/ byang 'phags kyi rgyud la snang
la ma nges pa med pa'i phyir/ der thal/ rnam 'grel las

@07a @#/ /blo gros chen pos mthong nyid la/ /rnam pa thams cad
nges par byed/ /ces gsungs pa'i phyir/ gzhan yang/ sangs rgyas
kyi sa na bem pos bsdus pa'i rdul med kyang/ rdul yod de/ rdul
nag po yod pa'i phyir/ der thal/ dbu skra bung ba ltar nag yod
pa'i phyir/

'on kyang sangs rgyas kyi sar phyi rol bem pos bsdus pa'i rdul
med de/ sangs rgyas kyi sa'i chos yin na nang ye shes chos sku'i
bdag nyid yin dgos pa'i phyir/ ! thub pa'i ngo bo nyid sku ni/
/zhes sogs kyi skabs su/ mtha' dpyad pa la/ ngo bo nyid kyi
sku'i mtshan nyid bshad pa/ dbye ba bshad pa/

sku lhag ma gsum po ngo bo nyid kyi sku las ngo bo tha mi dad
kyang tha dad du bzhag pa'i rgyu mtshan dang dgos pa bshad pa/
rtsod pa spong ba bzhi las/ dang po la/ dag pa gnyis ldan gyi
chos nyid kyi sku/ ngo bo nyid sku'i mtshan nyid/ gnyis pa de la
dbye na/ rang bzhin rnam dag gi char gyur pa'i ngo

bo nyid sku dang/ blo bur rnam dag gi char gyur pa'i ngo bo nyid
sku dang gnyis yod/ ngo bo nyid sku de mtshan nyid lnga/ yon tan
lnga dang ldan te/ rgyud bla ma las/ de las sangs rgyas rnams
kyi ni/ /ngo bo nyid sku mtshan nyid lnga/ /mdor na yon tan lnga
dang ni/ /ldan pa nyid du rig par bya/ /zhes gsungs pa'i phyir/

rang bzhin rnam dag gi char gyur pa'i ngo bo nyid sku de mtshan
nyid lnga dang ldan te/ skye 'jig gnas gsum gyi 'dus ma byas
pa'i yon tan dang/ rang gi chos can dang ngo bo dbyer mi phyed
pa'i yon tan dang/ rtag chad kyi mtha' dang bral ba'i yon tan
dang/ sgrib pa gsum spangs pa dang/ 'od gsal

ba'i yon tan dang ldan pa'i phyir/ 'di gsal ba'i yon tan dang
ldan te/ dri mas rnam par dag pa'i yon tan dang/ bden 'dzin gyis
rtogs byar med pa dang/ gnas lugs mngon sum du rtogs pa'i 'phags
pa'i mnyam gzhag gi yul yin pa dang/ chos dbyings yin pas 'od
gsal ba'i

yon tan dang ldan pa'i phyir/ de skad du/ rgyud bla ma las/ 'dus
ma byas shid rnam dbyer med/ /mtha' gnyis dag ni rnam par
spangs/ /nyon mongs shes bya snyom 'jug gis/ /sgrib gsum las ni
nges grol te/ /dri med rnam par rtog med dang/ /rnal 'byor rnams
kyi yul yin phyir/ /chos

@07b dbyings ngo bo nyid kyis ni/ /dag pba'i phyir na 'od gsal
ba/ /zhes gsungs pa'i phyir/ ngo bo nyid sku de yon tan lnga
dang ldan te/ yon tan rgya che bas gzhal du med pa'i yon tan
dang/ grangs mang bas grangs med pa'i yon tan dang/ sgra rtog
sogs kyis mdo don mngon sum du rtogs mi nus pas bsam du med

pa'i yon tan dang/ sgrib gnyis bag chags bcas pa spangs pa'i yon
tan dang/ sangs rgyas nang phan tshun kho na'i mngon sum nyid kyi
spyod yul du gyur pa'i yon tan dang ldan pa'i phyir/ der thal/
rgyud bla ma las/ gzhal med grangs med bsam med pa/ /mnyam med
dag pa'i mthar thug pa'i/ /yon

tan rnams dang yang dag par/ /ngo bo nyid kyi sku ldan te/ /rgya
che'i phyir dang grangs med phyir/ /rtog ge'i yul ni min phyir
dang/ /'ba' zhig bag chags bcas spangs phyir/ /gzhal med la sogs
go rims bzhin/ /zhes gsungs pa'i phyir/ ngo bo nyid kyi sku de
khyad chos gsum dang ldan te/ ldan pa'i khyad par

sangs rgyas kyi sa'i zag med ye shes kyi sde tshan nyer gcig bden
grub kyi zag pa med pa dang ldan pa dang/ spangs pa'i khyad par
sgrib gnyis bag chags dang bcas pa spangs pa dang/ ngo bo'i
khyad par chos can gyi sku lhag ma gsum bden pas stong ba dang
ldan pa'i phyir/ dri ma gnyen pos spang rung yin te/ dri ma

rnams 'bral rung blo bur ba yin pa'i phyir/ sku de lta bu de
thabs gang yang rung bas thob bam yin te/ 'jig rten pa'i lam
tsam la brten nas thob pa ma yin zhing/ thabs rgya chen pos zin
pa'i gnas lugs mngon sum du rtogs pa'i ye shes sgyu ma lta bu
rtogs shing bsgoms pa la brten nas thob dgos

pa'i phyir/ gsum pa la/ chos can gyi sku lhag ma gsum po ngo bo
nyid sku dang ngo bo tha dad ma yin kyang tha dad du 'jog pa'i
rgyu mtshan yod de/ sku'i rnam gzhag snang tshul mi 'dra ba'i sgo
nas 'jog pa gang zhig  / sku gsum po de la snang tshul mi 'dra ba
gsum yod pa'i phyir/ der thal/ mchog gi sprul pa'i sku

de so so skye bo las dag yan chad kyi mngon sum gyi spyod yul
dang/ longs spyod rdzogs pa'i sku de byang sems 'phags pa yan
chad kyi mngon sum gyi spyod yul yin pa'i phyir dang/ ye shes
chos sku de sangs rgyas nang phan tshun kho na'i mngon sum gyi
spyod yul yin pa'i phyir/ gzhan yang tha dad du bstan pa

@08a @#/ /la dgos pa yod de/ snang tshul mi 'dra ba gsum po de
rtogs pa'i phyir du de ltar bstan pa'i phyir/ sku lhag ma gsum
po de ngo bo nyid sku dang ngo bo tha dad ma yin te/ sku gsum po
de bden pas stong ba'i ngo bo can yin pa'i phyir/ de skad du
shing rta chen po'i gzhung las/ stong

nyid ces bya shes pa las/ gzhan ni 'ga' yang yod min te/ /gang
phyir dben pa ? dben gyur pa/ /tha mi dad pa nyid du 'dod/ /ces
gsungs pa'i phyir/ ngo bo nyid sku gnyis po de'i mtshan gzhi'i
khyad par yod de/ chos can gyi sku lhag ma gsum bden pas stong
ba de rang bzhin rnam dag gi char gyur pa'i ngo

bo nyid sku dang/ de dag gi steng gi sgrib gnyis spangs pa'i
spangs cha de blo bur rnam dag gi char gyur pa'i ngo bo nyid
sku'i mtshan gzhi yin pa'i phyir/ rang bzhin rnam dag gi ngo bo
nyid sku dang/ blo bur rnam dag gi ngo bo nyid sku la de gnyis
kyi char gyur pa'i ngo bo nyid sku yin pas ma khyab ste/ ngo bo
nyid sku

yin na blo bur rnam dag gi ngo bo nyid sku dang/ rang bzhin rnam
dag gi ngo bo nyid sku gnyis ka yin dgos pa'i phyir/ bzhi pa la/
kha cig gis/ blo bur rnam dag gi ngo bo nyid sku chos can/ chos
nyid kyi sku yin par thal/ ngo bo nyid sku yin pa'i phyir/ 'dod
na/ chos nyid yin par thal lo/ /zer na/

sgrib pa spangs pa'i spangs pa chos can/ ngo bo nyid yin par
thal/ ngo bo nyid kyi sku yin pa'i phyir/ 'dod na/ don dam bden
pa yin par thal lo/ /gzhan yang/ gzugs sku sogs la mtshungs so/
/kho na re/ ngo bo nyid kyi sku la blo bur rnam dag gi sku dang/
rang bzhin rnam dag gi sku gnyis kyi

dbye ba mi 'thad par thal/ ngo bo nyid sku yin na don dam bden
pa yin pas khyab pa'i phyir/ der thal/ rgyud bla ma las/ 'dus ma
byas shing rnam dbyer med/ /ces dang/ chos dbyings rang bzhin
gang yin de rtogs pa/ /mnyam par gzhag pa'i rnal 'byor pa yis
mthong/ /zhes pa dang/ legs bshad rin

po che gser gyi 'phreng ba las/ sku 'di ni sems kyi rang bzhin
de bzhin nyid lam bsgoms stobs kyi gnas ma lus par gyur pa'i
bdag nyid du lan cig ma yin par theg pa chen por bka' stsal bas
na/ 'di ni de bzhin nyid ma yin pa'i 'dus ma byas gzhan zhig tu
'dod pa ni dbu ma pa dang sems tsam pa

@08b gang dang mi mthun la/ kho bo cag gi dbu sems kyi gzhung
lugs rgya mtsho lta bu'i don shes pa lta zhog tshig tsam yang thos
re skan zhes gna' bor ba yang yin no/ /zhes gsungs pa'i phyir/
zhes zer na skyon med de/ lung dang po gnyis kyi don ni/ rang
bzhin rnam dag gi char gyur pa'i ngo bo nyid kyi sku la dgongs

lung phyi ma'i don ni/ thub pa'i ngo bo nyid sku ni/ zhes sogs
kyi dngos bstan bstan bya'i gtso bo'i ngo bo nyid sku la dgongs
pa'i phyir/ de'i dngos bstan bstan bya'i gtso bo'i ngo bo nyid
sku la don dam bden pas khyab ste/ rang gi chos can sku lhag ma
gsum po gang rung gi chos nyid du gsungs pa'i phyir te/ de dag

rang bzhin mtshan nyid can/ /zhes gsungs pa'i phyir/ de lta ma
yin na ngo bo nyid sku yin na mthar thug dpyod pa'i rigs shes
tshad ma'i rnyed don yin dgos par thal/ de yin na chos nyid yin
dgos pa'i phyir/ 'dod mi nus te/ de la rang bzhin rnam dag gi
cha dang/ blo bur rnam dag gi cha gnyis yod pa'i

phyir/ der thal/ rnam bshad snying po rgyan las/ gzugs kyi sku
dang ye shes chos kyi sku'i blo bur rnam dag gis khyad par du
byas pa'i rang bzhin rnam dag gi cha dang/ de'i steng gi blo bur
rnam dag gi cha ni 'dus ma byas kyi sku dang/ ngo bo nyid kyi
sku zhes bya la/ slob dpon ye shes snying pos bden gnyis su/

rigs pa'i rjes 'brangs ngo bo'i phyir/ zhes mthar thug dpyod
pa'i rigs shes kyi rnyed pa'i don du gsungs pa ni/ rang bzhin
rnam dag gi cha de nyid yin no/ /zhes gsungs pa'i phyir/ kha cig
gis/ sgrib pa spangs pa'i rnam mkhyen gyi chos nyid de ngo bo
nyid kyi sku yin kyang/ rnam mkhyen bden stong ngo bo nyid kyi
sku ma yin

te; de sems can gyi rgyud la yod pa'i phyir/ der thal/ sems can
gyi rgyud la rnam mkhyen bden stong yod pa'i phyir/ zer na/ ma
khyab/ der thal/ sems can gyi rgyud la rnam mkhyen bden par ma
grub pa'i phyir/ zer na/ 'o na/ rnam mkhyen rtag stong sems can
gyi rgyud la yod par thal/ sems can

gyi rgyud la rnam mkhyen rtag stong yod pa'i phyir/ zer na ma
khyab/ der thal/ sems can gyi rgyud la rnam mkhyen rtag pas
stong ba'i phyir/ 'dod na/ sems can gyi rgyud la rnam mkhyen mi
rtag pa yod par thal/ 'dod pa'i phyir/ 'dod mi nus te/ de'i
rgyud la rnam mkhyen med pa gang zhig  / rnam mkhyen

@09a @#/ /mi rtag pa dang rnam mkhyen gnyis grub sde rdzas gcig
yin pa'i phyir/ kho na re/ rnam mkhyen bden stong chos can khyod
sgrib pa spangs pa'i chos nyid ma yin par thal/ khyod dang sgrib
pa ma spangs pa'i gzhi mthun yod pa'i phyir/ zer na ma khyab/
sgrib pa spangs pas khyad

par du byas pa'i chos nyid mngon sum du rtogs pa'i slob pa med
kyang/ de yin na de mngon sum du rtogs pa'i slob pa med pas ma
khyab ste/ rnam mkhyen bden stong sgrib pa spangs pa'i khyad par
du byas pa'i chos nyid yin pa gang zhig  / rnam mkhyen bden
stong theg chen mthong lam bar chad med lam gyi gzhal bya

yin pa'i phyir/ der thal/ rnam mkhyen de'i dmigs pa yin pa'i
phyir/ sgrib pa spangs pas khyad par du byas pa'i chos nyid
mngon sum du rtogs pa'i slob pa med par thal/ chos nyid la slob
pa 'phags pas mngon sum du rtogs pa dang/ sangs rgyas 'phags pas
mngon sum du rtogs pa'i cha

gnyis yod pa'i phyir/ gzhan yang/ rnam mkhyen bden stong chos
can/ sgrib pa spangs pa'i chos nyid yin par thal/ rnam mkhyen
gyi chos nyid yin pa'i phyir/ ma grub na/ rnam mkhyen chos can/
khyod bden stong khyod kyi gnas lugs yin par thal/ khyod gzhi
grub pa'i phyir/ thal 'gyur snga ma

la ma khyab zer na/ khyod sgrib pa spangs pa'i chos yin na khyod
kyi chos nyid yin na sgrib pa spangs pa'i chos nyid yin pas ma
khyab pa 'bud do/ /! byang chub phyogs mthun tshad med pa dang/
zhes sogs kyi skabs su/ ye shes chos sku la mtshan nyid/ dbye ba/
phye ba so so'i don bshad pa dang

gsum las/ dang po la/ zag bcas gnas yongs su gyur te zag med du
gyur pa'i ye shes mthar thug  / ye shes chos sku'i mtshan nyid/
gnyis pa de la ngo bo'i sgo nas dbye na/ me long lta bu'i ye
shes sogs bzhi yod/ sde tshan gyi sgo nas dbye na der gyur pa'i
sde tshan nyer gcig yod/ me

long lta bu'i ye shes de rten dang gzhan rnams de la brten pa
yin te/ mdo sde rgyan las/ me long ye shes nga yi med/ /yongs su
ma chad rtag tu ldan// shes bya kun la ma rmongs la/ /rtag tu de
la mngon phyogs min/ /zhes gsungs pa'i phyir/ gzhan yang/ me
long ye shes de rang nyid

@09b ma gtogs gzhan gsum gyi gzugs brnyan 'byung zhing/ longs
sku'i gdags gzhi'i gtso bo yin pa'i phyir/ der thal/ mdo sde
rgyan las/ longs spyod rdzogs pa'i sangs rgyas nyid/ /ye shes
gzugs brnyan 'byung phyir te/ /zhes gsungs pa'i phyir/ mnyam
nyid ye shes de slob lam du sems can

la sems mnyam par bltas pa mthar phyin pa'i ye shes mthar thug
yin te/ mdo sde rgyan las/ sgom pa dag pas sems can la/ /mnyam
pa nyid kyi ye shes 'dod/ /mi gnas zhi bar zhugs pa ni/ /mnyam
nyid ye shes yin par 'dod/ /dus rnams kun tu byams pa dang/
/thugs rje chen po dag dang

ldan/ /zhes gsungs pa'i phyir/ so sor rtog pa'i ye shes de slob
lam du chos rnams kyi rang spyi'i mtshan nyid mngon sum du rtogs
pa'i ye shes mthar thug yin te/ mdo sde rgyan las/ so sor rtog
pa'i ye shes ni/ /shes bya kun la rtog mi thogs/ /ting nge 'dzin
dang gzungs rnams kyi/ /gter dang 'dra

ba kho na yin/ /zhes gsungs pa'i phyir/ bya grub ye shes de slob
lam du 'jig rten gyi khams thams cad du sprul pas sems can gyi
don bsgrubs pa'i bdag rkyen byed pa'i ye shes mthar thug yin te/
mdo sde rgyan las/ bya ba sgrub pa'i ye shes ni/ /khams rnams
kun tu sna tshogs shing/ /dpag med

bsam yas sprul pa yis/ /sems can don kun sgrub byed do/ /zhes
gsungs pa'i phyir/ de rnams rgyu gang las byung ba'i tshul yod
de/ mdo sde rgyan las/ 'dzin pa'i phyir dang sems mnyam phyir/
/yang dag chos rab ston phyir dang/ /bya ba sgrub pa nyid kyi
phyir/ /ye shes bzhi po yang dag 'byung/ /

zhes gsungs pa'i phyir/ kha cig gis/ de dag gang nas gyur ba las
byung ba'i tshul yod de/ tsandra go mis/ gang yang kun gzhi'i
rnam par shes/ ? /me long ye shes nyid gyur pa/ /de yang chos
kyi dbyings kyi ni/ /ngo bo nyid du 'ga' zhig 'dod/ /nyon mongs
can yid gnas gyur pa/ /mnyam nyid ye shes

brjod par bya/ /so sor rtog pa'i ye shes ni/ /yid kyi rnam shes
nyid de'o/ /zhes gsungs pa'i phyir/ kha cig gis/ 'bras bu chos
sku mtshon byed rnams kyi nang nas sku lhag ma rnams la mi 'dra
ba'i dbye ba ma gsungs par chos sku la sde tshan nyer gcig tu
phye nas 'chad pa'i rgyu mtshan gang yin/ zhe na/

@10a @#/ /de'i rgyu mtshan yod de/ ye shes chos sku tsam 'chad na/
/chos kyi sku zhes brjod pa yin/ zhes smos pas chog kyang/ byang
chub sems dpa' rnams kyis ye shes chos sku thob pa la slob pa
lam gyi gnas skabs su mngon par rtogs pa'i rigs mtha'

dag nyams su len dgos so/ /zhes shes pa'i phyir du ye shes chos
sku la sde tshan nyer gcig tu phye nas bstan pa'i phyir/ ye shes
chos sku thob pa la zag med kyi sde tshan nyer gcig gi rigs rnams
nyams su len dgos par shes pa'i phyir du yin pa'i phyir/ de ltar
len dgos te/ mngon

par rtogs pa'i rigs mtha' dag thos bsam gyi gtan la phab nas
sgom dgos pas nyams su ma blangs na/ theg chen sgrub pa de dmigs
pa rgya che ba dang sgrub pa rgya che ba dang/ 'bras bu gzhan
don rgya che ba mi 'byung ba'i phyir/ gzhan yang/ ye shes chos
sku la sde tshan nyer gcig tu 'byed

pa'i tshul yod de/ lam gyi dbang du byas pa bdun/ 'bras bu'i
dbang du byas pa bcu gsum/ gnyis ka'i dbang du byas pa gcig
rnams su yod pa'i phyir/ dang po yod de/ lam gyi ngo bo'i dbang
du byas pa byang phyogs so bdun/ khyad par gyi dbang du byas pa
la gzhan don gyi dbang du

byas pa tshad med bzhi/ mngon shes drug dang/ rang don gyi dbang
du byas pa mthar gnas snyom 'jug  / rnam thar/ zad par zil gnon
rnams su yod pa'i phyir/ byang phyogs so bdun ngo bo'i dbang du
bya ba yin te/ rnam byang gi dmigs pa bden bzhi blang dor la
dmigs pa'i shes rab/

dran pa nyer gzhag  / de la dmig pa'i brtson 'grus/ yang dag
spong ba dang/ rtse gcig pa'i ting nge 'dzin/ rdzu 'phrul gyi
rkang pa dang/ rnam byang gi rgyu dbang stobs gnyis/ 'bras bu
byang chub yan lag bdun/ 'phags lam yan lag brgyad rnams su yod
pa'i phyir/ mthar

gnas snyom 'jug dgu sogs rang don gyi dbang du byas pa yin te/
snyom 'jug khyad par can du byed pa mthar gnas snyom 'jug dang/
de dag rang sa'i kun dkris kyis dag par rnam thar dang/ de'i
dmigs pas khyad par spro bar byed pa zad par dang/ de la 'dod
dgur byed pa zil gnon

@10b gyis rnam pa brgyad du nges pa'i phyir/ lam gyi 'bras bu'i
dbang du byas pa la bcu gsum yod de/ rang don gyi dbang du byas
pa bdun/ gzhan don gyi dbang du byas pa drug yod pa'i phyir/
dang po der thal/ rang don rtogs pa'i dbang du byas pa lnga/
spangs pa'i dbang du byas pa gnyis yod pa'i phyir/ der

thal/ ngo bo'i dbang du byas pa shes bya mkhyen pas rab tu phye
ba stobs bcu dang/ 'phags pa 'og ma pa rnams dang rtogs rigs ma
'dres pa'i ma 'dres pa bco brgyad dang/ spangs rtogs gzhan gyis
brdzi bar mi nus pa'i mi 'jigs pa bzhi dang/ ji ltar 'dod pa la
dbang byed pa dbang bcu dang/ rnam

par dag pa bzhi yod pa'i phyir/ spangs pa'i ngo bo'i dbang du
byas pa bag chags yang dag bcom pa dang/ yon tan gyi dbang du
byas pa la bsrung ba med pa rnam pa gsum yod pa'i phyir/ gzhan
don gyi dbang du byas pa la drug yod de/ gzhan don gyi ngo bo
thugs rje chen po// rgyu nyon mongs med pa

dang/ smon gnas mkhyen pa'i ting nge 'dzin/ gzhan don dus las mi
'da' ba mi mnga' ba'i chos nyid dang/ 'dul bya'i yul las nyon
mongs mi 'byung ba dran pa nyer gzhag gsum/ thabs so so yang dag
rig pa bzhi yod pa'i phyir/ lam 'bras gnyis ka'i dbang du byas
pa gnyis yod de/ lam

gyi dbang du byas ba gzhi shes/ lam shes/ rnam mkhyen dang bcas
pa rnams su yod pa'i phyir/ /! zad par bcu yi bdag nyid dang/
/zhes sogs kyi skabs su/ ngo bo// dbye ba/ rten/ sbyong tshul/
grub tshad dang bcas pa/ yid la byed tshul/ byed las/ sgra don/
skye mched gzhan la zad par mi

'jog pa'i rgya mtshan rnams las/ dang po la/ rnam thar thob pa'i
gang zag gi rgyud kyi rang gi dmigs pas khyab par byed pa la
yang dag par 'byor ba'i ting nge 'dzin shes rab mtshungs ldan
dang bcas pa/ zad par gyi skye mched kyi mtshan nyid/ gnyis pa/
de la dbye na sa sogs 'byung ba bzhi la dmigs pa

bzhi/ sngon po sogs 'byung gyur la dmigs pa bzhi dang/ nam mkha'
rnam shes la dmigs pa gnyis dang bcu yod pa'i phyir/ gsum pa/
rten la mngon pa mdzod pa ba rnams/ dang po brgyad/ bsam gtan
bzhi'i dngos gzhi la brten pa dang/ ngo bo ma chags pa dang/
'dod pa'i chos la dmigs pa

@11a @#/ /dang/ tha ma gnyis gzugs med dang po gnyis la brten par
'dod de/ mdzod las/ zad bar bcu 'o/ /brgyad ma chags/ bsam gtan
tha na spyod yul ni/ /'dod pa'o gnyis ni gzugs med pa/ /zhes
gsungs pa'i phyir/ rang lugs la/ dang po brgyad/ bsam

gtan bzhi ga la brten pa dang/ phyi ma gnyis gzugs med la brten
pa'o/ /bzhi pa sbyong tshul la sngar sbyangs pa byas pa'i sbyong
tshul dang ma byas pa'i sbyong tshul gnyis las/ dang po sngon po
sogs mthong ma thag tu skye ste/ dper na/ 'phags pa legs 'ongs
kyis dge 'dun gyi gral la

utpala sngon po mthong ma thag tu zad par sngon po'i ting nge
'dzin rten de nyid la skyes par lung las gsungs pa'i phyir/
sbyangs pa ma byas pa'i sbyong tshul yod de/ sa snum zhing khong
snyoms pa dang/ chu dang sa shing sbu ba med pa dang/ me gsal
zhing g.yo med du 'bar ba dang/ gnas khang gi phyogs

nas lus la reg pa'i rlung dang/ ras sngon po ser po dmar po dkar
po rnams rnga bo che'i mthil ltar du rgyangs pa dang/ gnas khang
gi bu ga'i nam mkha' dang/ bum nang gi mar me'i 'od rtsig ngos
la 'phog pa'i dkyil 'khor rnams la dmigs nas sa sogs kyi gzugs
can gyi go sa thams cad la

khyab par byas pa'i sgo nas sbyong ba'i phyir/ lnga pa grub pa
dang ma grub pa'i mtshan gzhi'i khyad par yod de/ gzugs can gyi
go sa thams cad la sa sogs kyis khyab par spro nus shing bsdu
nus pa'i tshe grub pa dang/ sa tshwa sgo can dang/ chu sbu ba can
dang/ me chad cing 'bar ba dang/ rlung 'tshubs

shing g.yo ba dang/ sngon po sogs ma gtogs gzhan dang 'dres pa
dang/ thogs rdugs dang bcas pa dang/ gsal rig las gzhan pa'i
snang ba 'char ba na ma grub pa'o/ drug pa yid la byed tshul yod
de/ dngos gzhi'i gnas skabs su de dag ming tsam gyi mtshan ma yid
la byas nas

sbyong ba'i phyir/ 'dun pa byed las la spyi dang bye brag gnyis
kyi khyad par yod de/ spyi'i byed las sprul sgyur sna tshogs kyi
sgo nas gzhan don la 'jug pa dang/ rang don ting nge 'dzin du ma
la rtsal sbyangs pa'i dgos pa yod pa'i phyir/ sa la chu la bya
ba bzhin du byed pa dang/ chu la yang sa la bya ba

@11b bzhin du byed pa dang/ me mdag gi char 'bebs pa dang/ rlung
ltar du 'gyogs pa dang/ sa gzhi g.yu dang/ gser dang/ padma ra
ga shel la sogs pa'i ngo bor sgyur bar byed pa dang/ ri dang nam
mkha' la thogs rdugs med par 'gro ba dang/ shes bya'i gnas gsal
bar rtogs pa'i byed las dang ldan

pa'i phyir zad par gyi me dang/ zad par gyi gser me dang gser
mtshan nyid pa yin te/ dang po des me'i bya ba byed nus pa lung
dang mdo sde las gsungs pa'i phyir/ zad par gyi gser des gser
gyi bya ba byed nus pa sa'i dngos gzhi las gsungs pa'i phyir/ me
dang chu go sa 'gog nus dang rgyun du gnod pa byed

cing 'grogs mi rung ba yin kyang/ zad par gyi me dang chu go sa
'gog nus sogs su ma yin te/ gzugs can gyi go sa thams cad la
sangs rgyas 'phags pa'i zad par gyis bsgrubs pa'i me dang chu sa
khyab pa'i phyir/ de dag gzugs can yin pa dang reg bya'i skye
mched yin kyang gzugs kyi skye mched ma yin

te/ gzugs can yin na gzugs kyi skye mched yin pas ma khyab pa'i
phyir/ brgyad po de rnams la zad par gyi skye mched ces 'chad
pa'i rgyu mtshan yod de/ rang gi dmigs pa'i rigs yod pa'i go sa
thams cad la zad par spro nus pa'i rgyu mtshan gyis de ltar bshad
pa'i phyir/ dgu pa 'dir skye mched bcu

gnyis kyi nang nas reg bya'i skye mched dang/ gzugs kyi skye
mched dang/ chos kyi skye mched dang/ rnam shes kyi skye mched
rnams la bzhag pa yin te/ 'byung ba bzhi la dmigs pa'i skye
mched rnams dang po dang/ sngon po sogs kha dog la dmigs pa
rnams gnyis pa dang/ nam mkha' la dmigs pa

gsum pa dang/ rnam shes la dmigs pa bzhi pa yin pa'i phyir/ zad
par sngon po'i skye mched dang de la sogs pa rnams dang por
gzugs kyi skye mched la dmigs pa yin kyang/ de la snang ba'i
sngon po sogs gzugs kyi skye mched ma yin te/ chos kyi skye
mched pa'i gzugs yin pa'i phyir te/ de

yid shes kho na'i yid yul du gyur pa'i gzugs yin pa'i phyir/
gzhan rnams la mi 'jog pa'i rgyu mtshan yod de/ rang gi dmigs
pa'i rigs yod pa rnams la spro nus/ med pa rnams la spro mi nus
pa gang zhig  /phyi snod kyi 'jig rten la dbang po lnga'i rigs
med/ gzugs khams na dri ro'i

@12a @#/ /skye mched med pa dang/ sgra la rigs 'dra'i rgyun med
pas ma bzhag pa'i phyir/ / ! zil gyi gnon pa'i skye mched dang/
zhes sogs kyis skabs su/ zil gnon la mtshan nyid/ dbye ba/ rnam
gzhag bshad pa dang gsum/ dang po la/ zad par thob pa'i gang

zag gi rgyud kyi rang gi dmigs pa zil gyis gnon pa yang dag pa
'byor pa'i rang gi grogs ting nge 'dzin shes rab mtshungs ldan
dang bcas pa/ zil gnon gyi mtshan nyid/ gnyis pa de la dbye na/
dbyibs zil gnon bzhi/ kha dog zil gnon bzhi dang brgyad yod pa'i
phyir/ dang po'i mtshan

nyid/ rang gi sems rten bsam gtan gyi dngos gzhi la brten nas
rang gi dmigs pa dbyibs zil gyis gnon pa yang dag pa 'byor pa'i
rang gi grogs ting nge 'dzin shes rab mtshungs ldan dang bcas pa/
dbyibs zil gnon gyi mtshan nyid/ de la dbye na/ rnal 'byor pa
rang lus la gzugs kyi 'du

shes bzhag ste/ gzugs che ba snang ba de'i tshe de zil gyis gnon
pa dang/ gzugs chung ba snang ba na de zil gyis gnon pa dang
gnyis/ dang po la/ gzugs med pa'i 'du shes bzhag ste/ che chung
zil gyis gnon pa gnyis yod/ gnon tshul la yang gzugs che ba snang
ba na yang de las kyang che ba

sprul te snga ma zil gyis gnon pa dang/ chung ba snang ba na
yang de las chung ba sprul nas snga ma mi snang ba byas te gnon
pa sogs yod do/ /sems rten snga ma bzhin du rang gi dmigs pa kha
dog zil gyis gnon pa yang dag par 'byor pa'i rang gi grogs ting
nge 'dzin shes rab mtshungs ldan dang bcas

pa; kha dog zil gnon gyi mtshan nyid/ de la dbye na bzhi yod/
sngon po zil gyis gnon pa'i tshul yod de/ sngar snang ba phyis mi
snang ba byas te gnon pa dang/ sngar las kyang lhag par sprul te
zhi gnas kyi shes/ lhag mthong gis mthong bar byed pa yin te/
'di yang mdo las/ nang gzugs

med par 'du shes pas phyi rol gyi gzugs sngon po kha dog sngon
po sngon po lta bur ston pa 'od sngon po 'byung ba rnams la blta
ste/ dper na zar ma'i me tog gam/ yul ba ra na se'i ras phun sum
tshogs pa sngon po/ /kha dog sngon po/ /sngon po lta bur ston pa/
'od sngon po 'gyur ba de bzhin du/

@12b nang gzugs med par 'du shes pas phyi rol gyi gzugs sngon po
kha dog sngon po/ /sngon po lta bur ston pa 'od sngon po 'byung
ba rnams la blta zhing/ gzugs de dag zil gyis mnon nas shes/ zil
gyis mnon nas mthong ste/ /de ltar 'du shes pa ni zil gyis gnon
pa'i skye mched lnga pa'o/ /zhes gsungs

pa'i phyir/ de bzhin du ras ser po la dong ka'i me tog dang/
dmar po la band+hu dzI ba ka'i me tog dang/ dkar po la skar ma
pa ba sangs sbyar nas gzhan gsum la 'don pa sgyur ro/ /gsum pa
rnam gzhag bshad pa la/ rnam thar zad par zil gnon gsum snga ma
rnams phyi ma'i rgyu dang phyi ma phyi ma snga ma snga

ma'i dag byed yin te/ snga ma rnams la brten nas phyi ma rnams
skye ba dang/ /rnam thar grub pa na gzugs can gyi go sa thams
cad la sa sogs kyis khyab par spro bas de rnam par dag par byed/
de grub pa na zil gnon gyis de'i dmigs pa la 'dod dgur dbang
byed pas de rnam par dag par byed pa'i

phyir/ de rnams kyi nang nas zil gnon rnams rnam thar gyi rgyu
las byung ba'i tshul yod de/ rnal 'byor ba rang lus la gzugs kyi
'du shes bzhag pa'i dbyibs zil gnon rnams gzugs can gzugs la
blta ba'i rnam thar gyi rgyu las byung ba dang/ rang lus la
gzugs med pa'i 'du shes bzhag pa'i

dbyibs zil gnon rnams gzugs med gzugs la blta ba'i rnam thar gyi
rgyu las byung ba dang/ kha dog zil gnon rnams sdug pa'i rnam
thar las byung ba dang/ yang kha dog zil gnon rnams zad par
sngon po'i skye mched sogs las byung ba'i phyir/ dag byed kyi
dbang du byas na phyi ma rnams snga ma

dag byed yin te/ zil gnon gyis dbang byas pa la brten nas zad
par gyis khyab par spros pas de rnam par dag par byed/ de la
brten nas rnam thar gyi dmigs pa dag par 'gyur ba'i phyir/ gzugs
can gyi rnam thar zil gnon gsungs nas/ gzugs med la ma gsungs
pa'i rgyu mtshan yod de/ gzugs

zil gyis gnon dka' bas de zil gyis gnon nus na gzugs med zil
gyis gnon sla ba la dgongs pa'i phyir/ zil gyis gnon tshul du ma
yod de/ che bas chung ba gnon pa dang/ stobs che bas chung ba
gnon pa dang/ sngar snang ba phyis mi snang ba byas pa'i sgo nas
gnon pa dang/ nyon mongs lta bu zhen yul

@13a @#/ /sun phyung ba'i tshul gyis gnon pa/ rje bos bran la
dbang byas pa'i sgo nas gnon pa rnams las 'dir gsum pa dang lnga
pa ltar du zil gyis gnon pa yin no/ / ! gzhan dag na re de dag
gi ltar na/ zhes sogs kyi skabs su/ tshigs bcad snga phyi mdor
bstan rgyas

bshad du 'dod pa'i lugs brjod pa dang/ sku mi 'dra ba gnyis so
sor bstan kyang rgyan gyi tshig don la ma zhugs pa'i nyes pa med
pa'i tshul/ de la rtsod pa spong ba dang gsum/ dang po la lus
rnam gzhag gis bstan tshul/ tshig don yan lag rgyas bshad kyis
bshad tshul gnyis/ dang po la/ skabs

brgyad pa'i lus rnam gzhag gis chos sku mtshon byed ji ltar bstan
pa'i tshul yod de/ chos sku mdzad pa dang bcas pa/ zhes des chos
sku'i lus bstan bshad sbyar ba ma gtogs gzhan ye shes chos sku
bstan par mi 'chad pas slob dpon dang mi mtshungs te/ nyi snang
las/ de ni chos kyi sku brjod par

bya ba yin la/ de ni rnam pa gsum du rig par bya ste/ ngo bo
nyid kyi sku dang/ longs spyod rdzogs pa'i sku dang/ sprul pa'i
sku'o/ /zhes gsungs pa'i phyir/ gnyis pa tshig don yan lag rgyas
bshad kyis 'chad tshul yod de/ thub pa'i ngo bo nyid sku ni/ zhes
pa des khyad chos gsum ldan gyi ngo bo nyid sku mdor

bstan/ byang chub phyogs mthun tshad med dang/ zhes pas rgyas par
bshad pa dang/ mdzad pa 'phrin las sprul sku dang sbyar ba ma
gtogs gzhan rnams phal cher slob dpon dang 'dra ba yin pa'i
phyir/ 'phags pa'i 'chad tshul de ltar du 'thad de/ nyi snang
las/ gang dag gi shin tu rnam par dag

par 'gyur pa'i ngo bo nyid kyi skur 'gyur ba'i zag pa med pa'i
ye shes de dag gang yin zhe na/ byang chub phyogs mthun tshad med
dang/ zhes sogs gsungs pa'i phyir/ gnyis pa/ kha cig gis/ tshigs
bcad snga phyi gnyis mdor bstan rgyas bshad yin na sde tshan nyer
gcig po ngo bo nyid sku yin nam

ma yin ma yin na 'brel pa med par 'gyur ro/ /zhe na/ ngo bo nyid
sku ma yin kyang/ skyon med de/ ngo bo nyid skus chos nyid kyis
chos can bsdus pa'i tshul gyis bsdus pa'i phyir/ de ltar yin
kyang bstan bshad du ma 'brel ba'i skyon med de/ zag pa med pa'i
chos gang dag  /ces pa'i skabs su/ zag

@13b med ye shes sde tshan nyer gcig bden pas stong pa de ngo bo
nyid kyi skur bstan pa na/ 'o na/ zag pa med pa'i ye shes gang
dang gang bden pas stong ba ngo bo nyid sku yin zhe na/ byang
phyogs so bdun nas mkhyen gsum gyi sde tshan gyi bar rnams bden
pas stong ba ngo bo nyid sku yin no/ /zhes/ byang chub phyogs

mthun tshad med dang/ zhes pa'i gzhung gis 'tshad pa la 'jug pa'i
phyir/ byang chub phyogs mthun tshad med dang/ zhes sogs kyis sde
tshan nyer gcig gis chos nyid ngo bo nyid skur bstan na mjug
rdzogs pa'i skabs su/ chos nyid sku zhes brjod pa yin/ zhes
'byung rigs pa las mi 'byung bas mi

rigs/ zhe na/ skyon med de/ de ltar 'byung rigs kyang rgyan gyi
tshig sbyar sla ba'i dbang du byas nas/ chos kyi sku zhes brjod
pa yin/ zhes gsungs pa'i phyir/ sbyar dka' sla 'byung ba'i rgyu
mtshan yod de/ bod skad la sbyar dka' sla'i khyad par med kyang/
saM skre ta'i skad la chos kyi sku zhes brjod pa yin/ zhes

pa la d+harma ta kA ya zhes pa las mi 'byung/ chos nyid sku zhes
brjod pa yin/ zhes pa la d+harma ta kA ya zhes pa gcig 'byung
bas ngo bo'i rkyen te phyis te mi mngon par byas nas/ chos kyi
sku zhes brjod pa yin/ zhes pa'i tshig tu mdzad pa'i phyir/ de
ltar ma yin na/ skabs brgyad pa'i gzhung gis bstan

bya'i gtso bor gyur pa'i ngo bo nyid sku med par thal/ byang
chub phyogs mthun tshad med dang/ zhes pa dang/ thub pa'i ngo bo
nyid sku ni/ zhes pa gnyis mdor bstan rgyas bshad gang zhig
/byang chub phyogs mthun tshad med dang/ zhes pa'i dngos bstan
bstan bya'i gtso bor gyur pa'i ngo bo nyid sku med pa'i phyir/

dang po der thal/ 'bras bu chos sku mtshon byed kyi sku lhag ma
gnyis la/ mdor bstan rgyas bshad gsungs nas/ ngo bo nyid sku la
mi gsung ba mi rigs pa'i phyir/ de lta ma yin par sde tshan nyer
gcig po ngo bo nyid sku yin no/ /zhe na/ ngo bo nyid sku chos
can/ 'dus byas yin par thal/ slob lam du

spyod pa nyams su blangs pa'i 'bras bu mthar thug yin pa'i phyir
te/ sde tshan nyer gcig po ngo bo nyid sku gang zhig  /nyer gcig
po spyod pa nyams su blangs pa'i 'bras bu yin pa'i phyir/ 'dod
mi nus te 'dus ma byas shing rnam dbyer med/ ces pa'i lung dang
'gal ba'i phyir/ ngo bo nyid sku 'dus ma byas yin

@14a @#/ /kyang skur bzhag pa la 'gal ba'i skyon med de/ dper na/
slob lam du yan lag du ma tshogs pa la lus zhes brjod pa de bzhin
du 'dir yang rang bzhin rnam dag dang/ blo bur rnam dag gi cha
du ma tshogs pa'i cha shas la btags pa'i cha can yin pas skur
bzhag pa'i phyir/

nyi snang las/ rkyen phyis pas chos nyid kyi sku la chos kyi sku
zhes bya ste/ gzhan du na chos rnams kyi sku ni chos kyi sku
zhes bya ba yin pa'i phyir/ ngo bo nyid bkag par 'gyur ba dang
spyod pa'i don yin pa'i phyir 'dus byas su 'gyur ba'i nyes pa
yod de/ /de la sku zhes brjod pa ni mngon gyi gnas skabs kyi
rjes

su 'brangs nas nye bar btags pa yin par rigs par bya'o/ /zhes
gsungs pa'i phyir dang/ nyi snang las/ zag pa med pa'i chos gang
dag  /ces pa de sgra ji bzhin du byas nas sde tshan nyer gcig po
bden pas stong pa ldan pa'i yon tan du ma bshad par/ nyer gcig
po ldan pa'i yon tan du ldan par bstan

pa yin gyi/ tshigs bcad snga phyi gnyis mdor bstan rgyas bshad du
ma sbyar bar bshad du mi rung bar bstan pa ma yin te/ 'phags
pa'i lugs la ngo bo nyid sku ye shes chos sku la dbye bsdu rung
ba gang zhig  /sde tshan nyer gcig po ye shes chos skur bzhed
pa'i phyir/ der thal/ de la ye shes chos

sku'i don ma tshang na rang nyid kyis ngo bo nyid skur 'jog pa'i
don gsungs pa dang 'gal zhing/ rgyal ba'i gsung rab dang/ dgongs
'grel las/ sde tshan nyer gcig po la ye shes chos skur gsungs
pa'i phyir/ der thal/ yum rgyas pa las/ gzhan yang phyogs bcu'i
'jig rten gyi khams tshad med

grangs med pa dag na bcom ldan 'das gang ji snyed cig bzhugs
shing mtsho skyong ba de dag la gzugs kyi sku dang chos kyi sku
dang ye shes kyi sku mthong ba 'tshal zhing/ mchod par 'tshal bas
shes rab kyi pha rol tu phyin pa 'di nyid mnyan par bya/ gzung
bar byas/ zhes dang/ 'phags pa thogs med kyi

chos kyi sku yang rnam pa gnyis te spangs pa dang ye shes so/
/zhes dang/ slob dpon dbyig gnyen gyis sangs rgyas bcom ldan
'das rnams kyi sku rnam pa gsum ste/ chos dang longs spyod
rdzogs pa dang sprul pa'i sku'i/ /chos kyi sku yang rnam pa
gnyis te 'dus byas dang 'dus ma byas so/ /zhes gsungs

@14b pa'i phyir/ sde tshan nyer gcig po la ye shes chos sku'i don
'thad de/ rang gi cha shas du ma tshogs pa'i cha can yin pas
'thad pa'i phyir/ gzhan yang/ 'phags pas sangs rgyas sa'i zag
med kyi sde tshan nyer gcig po ye shes chos skur bzhed de/ nyi
snang las/ chos kyi skur gyur ba zag pa med pa'i chos de

rnams kyang gang gi yin zhe na/ zhes sogs dang/ rgyan snang gi
'phags pa'i bzhed pa 'god pa'i skabs su/ gal te chos nyid kyi
sku bstan pa nyid kyis gnyis su med pa'i bdag nyid can gyi ye
shes kyi sku bstan pa yin no/ 'o na/ longs spyod rdzogs pa'i sku
dang/ sprul pa'i sku yang tha dad par bstan par 'gyur

ba ma yin nam/ zhes pa dang/ rnam bshad du 'phags pa'i bzhed pa
'god pa na yang ye shes chos sku'i tha snyad gsungs pa dang/ yum
rgyas pa dang/ rin chen phreng ba las/ chos kyi sku ni mdor bsdu
na/ /rgyal po ye shes tshogs las 'khrungs/ /zhes pa rnams sgra ji
bzhin du khas len dgos pa'i phyir/ kha

cig gis/ tshigs bcad snga phyi mdor bstan rgyas bshad du ma sbyar
ba 'chad pa de dag gi lugs la/ zag pa med pa'i chos gang dag
/cas pa sgra ji bzhin du khas blangs pa ma yin nam/ zhe na/ ma
yin te/ sde tshan nyer gcig bden grub kyi zag med du ldan pa'i
yon tan bshad pa'i phyir/ de ltar ma

yin par sde tshan nyer gcig tsam ldan pa'i yon tan du 'tshang na
mdor bstan rgyas bshad du khas len dgos pa'i phyir/ gnyis pa sku
mi 'dra ba gnyis so sor bstan kyang rgyan gyi tshig don la ma
zhugs pa'i nyes pa med par bstan pa la/ tshigs bcad snga phyi
gnyis mdor bstan rgyas bshad du sbyar nas 'bras

bu chos sku mtshon byed kyi sku la gsum du byas nas 'chad rung du
chug kyang/ byang chub phyogs mthun tshad med dang/ /zhes pas sde
tshan nyer gcig ngo bo nyid sku las logs su byas nas sku la
bzhi'i dbye ba byas te/ bstan pa la rgyan gyi tshig don la ma
zhugs pa'i nyes pa med de/ de ltar bstan pa la lung

rigs kyis gnod byed med cing/ sgrub byed dang dgos pa lhag po
dang bcas pa'i phyir/ gsum du byas nas bshad du rung ste skabs
brgyad pa'i lus la dbye bsdu rung ba'i phyir/ der thal/ mngon
rtogs rgyan gyi lus la dbye bsdu rung ba'i phyir/ tshigs bcad
snga phyi gnyis mdor bstan rgyas bshad du sbyar

@15a @#/ /nas bshad du rung ba dang/ ma sbyar ba bshad du rung ba
mi 'gal yang sbyar nas bshad pa dang/ ma sbyar ba bshad pa gnyis
mi mthun te/ dper na/ mngon rtogs rgyan gyi lus la dngos po
brgyad dang/ drug dang/ gsum du byas nas 'chad du rung ba rnams
mi

'gal yang/ de ltar bshad pa'i mngon rtogs rgyan gsum 'gal ba lta
bu yin pa'i phyir/ de ltar ma yin na sangs rgyas kyi sku la gsum
kho nar grangs nges par thal/ sangs rgyas sa'i sde tshan nyer
gcig po de ngo bo nyid sku las logs su sangs rgyas kyi skur
bzhag tu mi rung ba'i phyir/ 'dod

na; sangs rgyas sar nges par khas len dgos pa'i ye shes rnams
chos can/ sangs rgyas kyi sas bsdus ma yin par thal/ sku gsum po
gang gis kyang ma bsdus pa'i phyir/ khyab pa grangs nges kyi
steng du song/ kho na re/ ngo bo nyid skus bsdus pas de las logs
su 'chad mi rigs she na/ 'o

na; longs sprul gnyis kyang logs su 'chad mi rigs par thal/ de
gnyis kyang ngo bo nyid skus bsdus pa'i phyir/ khyad par gsum
dang ldan te/ spangs pa'i khyad par sgrib gnyis spangs pa dang/
ldan pa'i khyad par sde tshan nyer gcig bden pas stong ba dang
ldan/ ngo bo'i khyad par gzung 'dzin gnyis su

med pa'i sgyu ma lta bu dang ldan pa'i phyir/ sde tshan nyer gcig
po ye shes chos skur lung gis grub ste/ yum chen mo dang/ thogs
med sku mched kyi lung gis grub pa'i phyir/ kho na re/ lung gis
gnod par thal/ gser 'od dam pa dang/ sku gsum la 'jug pa'i sgo
dang/ mdo sde rgyan dang/ rgyud bla ma

sogs kyi lung gis gnod pa'i phyir/ zer na/ 'o na/ sku la gsum du
byas pa mi rigs par thal/ de la yang yum chen mo sogs kyis gnod
pa'i phyir/ de ltar na 'grel chen gnyis las sku bzhir bshad pa
gnod byed dang/ gsum du bshad pa la gnod byed brjod pa ltar
gsungs pa dang

'gal ba'i skyon med de/ nyi khri snang bar/ ngo bo nyid bkag pa
sogs kyi gnod byed de sku gsum du bshad du mi rung ba la brjod/
'grel pa che chung gnyis las sku bzhir bshad du mi rung ba la
gnod byed brjod pa'i phyir dang/ gsum dang bzhir kho nar bshad
pa la gnod byed brjod pa'i phyir/ mdor

@15b bsdu na byang chub phyogs mthun/ zhes sogs kyis sde tshan
nyer gcig ngo bo nyid sku las logs su bstan pa la rgyan gyi tshig
don la ma zhugs pa'i nyes pa med de/ de la lung rigs kyis gnod
byed med cing sgrub byed dang bcas pa'i phyir/ gsum pa rtsod pa
spong ba la/ kha cig gis/ sde tshan nyer gcig po ngo bo nyid

sku las logs su sku bzhi par 'chad mi rigs par thal/ de 'chad na
skabs brgyad pa'i lus rnam gzhag gi skabs su/ 'bras bu chos sku
mtshon byed kyi ye shes chos sku de'i lus 'chad byed kyi gzhung
'byung rigs pa las de mi 'byung ba'i phyir/ zer na/ mi 'thad de/
chos sku mdzad pa dang bcas pa/ zhes

pa de ye shes chos sku'i lus 'chad byed yin pa'i phyir/ kho na
re/ ma yin te/ lus la bstan bshad sbyor ba'i gzhung yin pa'i
phyir/ zer na ma khyab/ der thal/ thub pa'i rnam kun mkhyen pa
nyid/ /ces pa dang/ lam shes nyid ni de 'drar bshad/ /ces pa lta
bu yin pa'i phyir/ zer na ma khyab

ste; ye shes chos sku'i lus 'chad byed dang/ chos sku'i lus
bstan bshad sbyor byed gnyis ka yin pa'i phyir/ kho na re/ ye
shes chos sku'i lus 'chad byed ma yin par thal/ de ltar yin na
tshig don yan lag rgyas bshad kyi go rim dang mi mthun pa'i
phyir/ zer na/ skyon med de/ dgos pa khyad

par can la bltos nas mjug tu mdzad pa'i phyir/ kho na re/ mi
'thad de/ de ltar yin na/ ye shes mdzad pa dang bcas pa/ zhes
'byung rigs pa las mi 'byung ba'i phyir/ zer na/ skyon med de/
de bstan bshad sbyor ba'i gzhung yin pa gang zhig  /ye shes
mdzad pa dang bcas pa/ zhes pa tsam gyi bstan

bshad sbyor mi nus/ gnyis ka smos na tshig tshogs che bar 'gyur
ba'i phyir/ yang kho na re/ sde tshan nyer gcig de ngo bo nyid
sku las logs su bshad mi rigs par thal/ de la chos sku'i tha
snyad gang du yang ma gsungs pa'i phyir/ zer na/ mi 'thad de/
rnam pa thams cad mkhyen nyid dang/ /chos kyi

sku zhes brjod pa yin/ /zhes gsungs pa'i phyir/ kho na re/ skyon
med de/ chos kyi sku zhes pa de chos nyid sku zhes pa'i don du
'gyur ba'i tshig sbyar sla ba'i dbang du byas nas chos sku zhes
gsungs pa'i phyir/ zer na/ mi 'thad de/ dgongs gzhi len pa rtsod
gzhi so na gnas pa'i phyir dang/ rang nyid sde

@16a @#/ /tshan nyer gcig la chos sku'i tha snyad gang du yang ma
gsungs par bshad pa dang 'gal ba'i phyir/ chos sku'i tha snyad
gsungs pa'i don chos nyid kyi sku la dgongs par 'dod pa'i phyir/
gzhan yang/ de la chos sku'i tha snyad mi 'thad pa'i don de/ tha
snyad

gsal por ma byung ba la byed dam/ don mi 'thad pa la byed/ dang
po ltar na mi 'thad de/ chos kyi sku zhes brjod pa yin/ zhes
pa'i don chos nyid sku zhes pa'i don du 'chad mi rigs pa'i
phyir/ der chos nyid sku zhes pa'i tha snyad gsal par ma byung
ba'i phyir/ don mi 'thad na/ nyer

gcig po de ngo bo nyid sku/ longs sku/ sprul sku gang rung yin
par thal/ de la de gsum las gzhan pa'i sku'i don ma tshang ba'i
phyir/ sde tshan nyer gcig po ngo bo nyid skus chos nyid kyis
chos can bsdus pa'i tshul gyi bsdus par thal/ sde tshan nyer gcig
po sgrib pa spangs pa'i spangs pa

de dang nyer gcig po de rnams ngo bo nyid sku'i rten pa 'am yon
tan dang/ ngo bo nyid sku de'i rten dang/ longs sku'i mtshan dpe
rnams longs sku'i yon tan dang/ longs sku de'i rten pa yin pa
gang zhig /longs sku'i mtshan dpe rnams longs skus bsdus pa'i
phyir/ gang zhig der thal/ rgyud

bla ma las/ dang po'i sku ni stobs la sogs/ /bral ba'i yon tan
rnams dang ldan/ /gnyis pa skyes bu chen po'i mtshan/ /rnam smin
yon tan dag dang ldan/ /zhes gsungs pa'i phyir/ byang chub
phyogs mthun tshad med dang/ /zhes pa'i gzhung 'dis sde tshan nyer
gcig po ngo bo nyid sku las

logs su sangs rgyas kyi skur bstan pa la dogs pa gzhan yang yod
de/ de ltar bstan pa la lung rigs kyis gnod byed med cing/
phyogs gzhan sngags kyi theg pa dang mi 'gal ba'i dgos pa yod
pa'i phyir/ /! nyan thos nyon mongs med pa'i lta/ /zhes sogs kyi
skabs su/ mtha'

dpyad pa la/ nyan rang gi nyon mongs med pa'i ting nge 'dzin
dang/ sangs rgyas kyi nyon mongs med pa'i ting nge 'dzin dang/
smon gnas mkhyen pa'i ting nge 'dzin gyi khyad par la dgag gzhag
spang gsum las/ dang po la/ kha cig gis/ nyan rang dgra bcom
pa'i nyon mongs med pa'i ting

@16b nge 'dzin la mnyam par gzhag pa'i tshe/ gzhan rgyud la nyon
mongs skye ba'i dmigs rkyen mi byed pa tsam yin gyi/ sangs rgyas
'phags pas nyon mongs med pa'i ting nge 'dzin la mnyam par gzhag
pa'i tshe/ dmigs rkyen mi byed par ma zad gzhan rgyud kyi nyon
mongs drung 'byin par byed pa de gnyis kyi khyab par

yin zer ba mi 'thad de/ gdul bya gzhan rgyud kyi nyon mongs
drungs 'byin pa la gnyen po bar chad med lam bsgoms stobs kyis
drungs 'byin dgos pa'i phyir/ kha cig gis/ de gnyis kyi khyad
par yod de/ nyan rang gi de la mnyam par ma gzhag na dmigs rkyen
byed/ gzhag na mi byed/ sangs 'phags

kyis de la dus rtag tu mnyam par gzhag pas/ gzhan rgyud la nyon
mongs skye ba'i dmigs rkyen mi byed pa de'i khyad par yin zer
na/ mi 'thad de/ sangs 'phags la dmigs pa'i nyon mongs yod pa'i
phyir/ de la dmigs pa'i gang zag gi bdag 'dzin yod pa'i phyir
te/ de la dmigs pa'i bden

'dzin yod pa'i phyir/ der thal/ rgyan las/ rgyal la sogs la
chags pa phra/ zhes gsungs pa'i phyir/ gnyis pa/ rang lugs la/
de gnyis kyi khyad par yod de/ nyan rang gi de ltar gzhag pa'i
cha gzhan rgyud la khong khro dang zhe sdang sogs kyi mi dge
ba'i nyon mongs skye ba'i dmigs rkyen mi byed pa tsam

dang/ sangs rgyas kyis dus rtag tu mnyam par gzhag pa'i mthus
khong khro dang zhe sdang sogs skye ba'i dmigs rkyen mi byed par
ma zad/ sangs rgyas la dmigs pa'i nyon mongs drungs 'byin pa'i
sa bon 'jog pa de'i khyad par yin byas pa la/ kho na re/ 'o na/
de bzhin gshegs pa'i sku la ngan sems

kyis khrag phyung ba'i mtshams med kyi las med par thal/ sangs
rgyas 'phags pas dus rtag tu de la mnyam par gzhag pa gang zhig
/de la dmigs pa'i mi dge ba skye ba med pa'i phyir/ 'dod na/
mtshams med lnga med par thal/ 'dod pa'i phyir/ zer na ma khyab/
kho na re/ sangs rgyas 'phags

pas gzhan gyi rgyud kyi nyon mongs drungs 'byin par thal/ rgyun
gcod rgyal ba'i nyon mongs med/ /ces gsungs pa'i phyir/ zer na/
skyon med de/ des gzhan gyi nyon mongs drungs 'byin pa'i sa bon
khyad par can 'jog pa'i don yin pa'i phyir/ sangs rgyas 'phags
pa'i smon gnas mkhyen pa dang/ nyan

@17a @#/ /rang gi smon gnas mkhyen pa gnyis la khyad par yod de/
sangs rgyas kyis des 'bad rtsol spangs pas lhun gyis grub par
'jug pa dang/ gzugs sogs la bden par mi zhen pas chags pa med pa
dang/ 'khor ba ji srid ma stongs kyi bar du mya ngan las

'da' tshul mi ston pa dang/ shes bya thams cad la gzigs pa 'jug
pas khyab pa dang/ 'dri ba kun gyi lan 'debs pa'i khyad chos
dang ldan/ nyan rang gi smon gnas mkhyen pa de las log pa yin
pa'i phyir/ gsum pa rtsod pa spong ba la/ chos sku rtag pa la
rtsod pa spong ba/ khyab rtag gnyis

ka la rtsod pa spong ba gnyis las/ dang po la/ kha cig gis/
sangs rgyas 'phags pas gdul bya 'ga' zhig la sku dngos su snang
nas don mdzad/ 'ga' zhig la sku dngos su mi snang bar don mdzad
pa mi rigs par thal/ sangs rgyas 'phags pas dus rtag tu smon
gnas mkhyen pa'i ting nge 'dzin la

mnyam par gzhag pa'i phyir/ zer na/ skyon med de/ sku dngos su
snang ba de sangs rgyas la dmigs pa'i dad pa dang smon lam tshogs
pa la ltas/ sku dngos su mi snang ba de nang gi rkyenn ma tshang
ba'i dbang gis yinn pa'i phyir/ dper na/ lha'i rgyal pos char
phab kyang sa bon mi rung ba las myu gu sngon po mi

'byung ba bzhin yin pa'i phyir/ yang; ye shes chos sku de rtag
pa dang khyab pa zhes bshad pa mi rigs par thal/ 'og min du
bzhugs pa'i longs sku sogs re re'i rgyud la yod/ de las rgyud
tha dad pa'i rgyud la med pa'i phyir dang/ rang grub dus kyi
skad cig gnyis pa'i dus su zhig pa'i phyir/ zer na/

skyon med de/ 'khor ba ji srid ma stongs kyi bar du ting nge
'dzin gyi byed pa rgyun mi chad pas rtag pa dang/ shes bya thams
cad la gzigs pas khyab pas de skad ces gsungs pa'i phyir/ /!
mtshan ni sum cu rtsa gnyis dang/ /zhes sogs kyi skabs su/ /nges
pa lnga ldan gyi gzugs sku mthar

thug /longs spyod rdzogs pa'i sku'i mtshan nyid/ de nges pa lnga
dang ldan te/ gnas nges pa 'og min kho nar bzhugs/ 'khor nges pa
byang sems 'phags pa sha stag gis bskor ba dang/ sku nges pa
mtshan dpe gsal rdzogs kyis spras pa dang/ chos nges pa theg pa
chen po'i chos 'ba'

@17b zhig gsungs pa dang/ dus nges pa 'khor ba ji srid ma stongs
kyis bar du mya ngan las 'da' tshul mi ston par bzhugs pa yin
pa'i phyir/ kha cig gis/ longs spyod rdzogs sku nges pa lnga
ldan du byed pa mi rigs par thal/ sku nges pa ma yin pa'i phyir
te/ gdul bya'i dbang gis sku sna tshogs su snang

yang sna tshogs su ma grub pa'i phyir dang/ mtshan dpes spras pa
tsam gyis sku nges par 'jog na/ mchog gi sprul pa'i sku yang
nges pa lnga ldan du 'gyur ro/ /don bsdus sgron me las/ longs
sku khyad chos bzhi ldan du bshad pa ma gtogs/ nges pa lnga ldan
du tshad ldan gyi gzhung gang las gsal bar

ma gsungs pa'i phyir/ rang lugs la/ longs sku khyad chos lnga
dang ldan te/ sku ston pa rgyun mi chad/ gsung brjod pa rgyun mi
chad/ thugs mdzad pa rgyun mi chad/ de thams cad la 'bad rtsol
med pa dang/ gdul bya'i mos pa'i dbang gis sku sna tshogs su
snang yang sna tshogs su ma grub pa'i phyir/

rgyud bla ma las/ brjad ston mdzad rgyun mi chad dang/ /mngon
par 'du byed med pa dang/ /de yi ngo bor min ston la/ /'dir ni
sna tshogs rnam lngar brjod/ /ji ltar mtshon ni sna tshogs kyis/
/nor bu de dngos min snang ltar/ /de bzhin 'gro rkyen sna tshogs
pas/ /khyab bdag de dngos min par snang/ /zhes

gsungs pa'i phyir/ kha cig gis/ nyi khri snang ba sogs las sa
bcu pa la gnas pa'i byang chub sems dpa' rnams dang thabs cig tu
bzhugs te/ zhes gsungs pas de'i sku dngos kyi gdul bya'i byang
sems yin no/ sa bcu pa ba yin pas khyab zer na/ mi 'thad de/
de'i 'khor du gyur pa'i

sa bcug la gnas pa'i byang sems yod pa'i phyir te/ skyabs 'gro
bdun cu pa las/ sangs rgyas rnams kyi gzugs sku ni/ /mtshan dang
dpe byad rab 'bar zhing/ /skye bo rnams la sna tshogs gzugs/
/rang mos dbang gis 'dzin par byed/ /bsod nams tshogs ni dpag med
las/ /byung ba de ni rgyal ba'i

sras/ /sa bcu pa ni gnas rnams kyis/ /de lta bu yi skur gzigs
so/ /'di de chos rdzogs longs spyod las/ /rgyal sras rnams kyi
sbyad bya'o/ /chos rnams rang bzhin kho na la/ /gnas pa'i blo la
sangs rgyas brjod/ /'og min gzhal yas khang du ni/ /de nyid
mngon du bya bar bzhed/ /rnam par rtog

@18a @#/ /med sangs rgyas kyi/ /gzugs kyi sku rnams yang dag
'byung/ /sprul pa'i sku rnams byang chub pa/ /sa yi steng du
ston par byed/ /ces gsungs pa'i phyir/ de la longs sku zhes
'chad pa'i rgyu mtshan yod de/ theg chen gyi chos la rdzogs par
longs spyod pa'i rgyu

mtshan gyis de ltar bshad pa'i phyir/ der thal/ rgyud bla ma las/
chos rgyal srid che ldan pa'i phyir/ /rdzogs par 'khor los
bsgyur ba bzhin/ /zhes gsungs pa'i phyir/ /! phyag zhabs 'khor
los mtshan dang/ zhes sogs kyi skabs su/ phyag zhabs 'khor los
mtshan pa dang/ /sen

mo zangs kyi mdog sogs la dpe byad ces 'chad pa'i rgyu mtshan
yod de/ rang rgyud ldan gyi gang zag skyes bu chen por mtshan par
byed pa dang/ sku la mdzes pa skyed par byed pas de ltar bshad
pa'i phyir/ mtshan rnams gtso bo dang dpe byad rnams 'khor yin
zhing/ 'khor lo sgyur rgyal dang rang rgyal dgra

bcom la yang mtshan dpe yod kyang/ de dag la khyad par yod de/
sangs rgyas kyi mtshan dpe dag pa dang gsal ba dang rdzogs pa
sogs kyi sgo nas de rnams las khyad par 'phags pa'i phyir/ rin
chen phreng ba las/ 'khor los bsgyur ba thams cad la/ /'di dag
yod par 'dod med kyang/ /

dag dang gsal dang rdzogs pa ni/ /sangs rgyas rnams kyi char mi
'phod/ /ces gsungs pa'i phyir/ mtshan dpe rnams rgyu gang las
'byung ba'i tshul yod de/ sngon slob lam du theg chen dge ba'i
bshes gnyen skyel ba dang bsu ba la sogs pa las 'byung ba'i
phyir/ /! gang gi 'khor ba ji

srid par/ /zhes sogs kyi skabs su/ mtha' dpyad pa la/ sprul sku
la ngo bo// dbye ba/ phye ba so so'i don bshad pa dang gsum/
dang po la/ so so skye bo las dag ma dag la dngos su snang ba'i
sgo nas gzhan don rgya chen po la 'jug pa'i gzugs sku gnyis pa
sprul pa'i sku'i mtshan nyid/

de la dbye na/ bzo bo sprul sku mtshan dang/ skye ba sprul sku/
mchog gi sprul sku dang gsum yod de/ rgyud bla ma las/ bzo dang
skye ba byang chub che/ /mya ngan 'das pa'i rtag ston pa/ /sangs
rgyas sprul pa'i sku de ni/ /rnam par phrel ba'i thabs chen po/
/zhes gsungs pa'i phyir/ gsum pa la/ sangs

@18b rgyas kyis rdzings dang zam pa sogs sprul nas de dag gi bya
ba ma rdzogs bar du byin gyis brlabs pa rnams ni sangs rgyas kyi
sprul pa yin kyang/ sprul sku ma yin te/ gang zag ma yin pa'i
phyir/ sprul sku dang po gnyis kyi mtshan gzhi yod de/ bdag cag
gi ston pa dri za'i rgyal po rab dbyang ?

sprul pa'i sprul sku lta bu dang po/ /ri dwags ru ru'i rnam par
bstan pa'i sprul sku lta bu gnyis pa yin pa'i phyir/ mchog gi
sprul sku la ngo bo// yon tan gyi khyad par rnams las/ dang po
la/ mdzad pa bcu gnyis po gang yang rung ba'i sgo nas gzhan don
rgya chen po la 'jug pa'i sprul sku

mthar thug /mchog gi sprul sku'i mtshan nyid/ gnyis pa yon tan
gyi khyad par la/ mchog gi sprul sku de sku gsungs thugs mdzad
pa 'phrin las kyi yon tan khyad par can dang ldan te/ sku dge
slong gi rten la mtshan dpe yongs su rdzogs/ gsung gsung dbyangs
yan lag drug cu'i

sgo nas gdul bya rigs can gsum la chos 'khor rdzogs par bskor/
thugs thugs rje chen pos 'jig rten gyi khams la nyin mtshan dus
drug tu su ni smin su ni ma smin snyam du ye shes kyi gzigs pa
'jug /mdzad pa 'phrin las gtso bo'i dbang du byas na mdzad pa
bcu gnyis/ gsung

gis gdul bya smin grol la rim gyis 'god pa sogs kyi mdzad pa
rgya chen po la 'jug pa'i phyir/ mdzad pa bcu gnyis kyi tshul
ston tshul yod de/ rgyud bla ma las/ thugs rje chen pos 'jig rten
mkhyen/ /'jig rten kun la gzigs nas ni/ /chos kyi sku las ma
g.yos par/ /sprul pa'i

rang bzhin sna tshogs kyis/ /skye ba mngon par skye ba dang/
/dga' ldan nas ni 'pho ba dang/ /lhums su 'jug dang bltams pa
dang/ /bzo yi gnas la mkhas pa dang/ /btsun mo'i 'khor dgyes rol
ba dang/ /nges 'byung dka' ba spyod pa dang/ /byang chub snying
por gshegs pa dang/ /bdung sde 'joms

dang rdzogs par ni/ /byang chub chos kyi 'khor lo dang/ /mya
ngan 'das par gshegs mdzad rnams/ /yongs su ma dag zhing rnams
su/ /srid pa ji srid gnas par ston/ /zhes gsungs pa ltar yin
pa'i phyir/ de yang bye brag smra ba ltar na mdzad pa dang po
dgu byang sems kyi mdzad pa dang/ phyi ma gsum

@19a @#/ /sangs rgyas kyi mdzad par byed pa yin te/ byang sems so
skye srid pa tha ma pa gcig gis srod la bdud btul/ gung la mnyam
par gzhag /tho rangs lus rten de nyid ma dor bar 'tshang rgya bar
'dod pa'i phyir/ mdzod las/ ston dang bse ru byang chub pa/
/zhes sogs dang/ rgya cher

rol pa las kyang/ dka' ba spyad pa'i skabs su/ so so skye bo yin
kyang nga mi 'chi/ zhes gsungs pa rnams kyang de dag rjes su
'dzin pa'i ched du gsungs pa'i phyir/ theg chen pa'i lugs la ni
mdzad pa dang po dgu yang sangs rgyas kyi mdzad pa yin te/ 'og
min du chos sku brnyes nas mdzad pa bcu gnyis kyi tshul

ston pa'i phyir te/ chos kyi sku las ma g.yos par/ /zhes dang/
mdo las/ sngon tshe bskal pa dpag tu med pa nas/ bla med byang
chub mchog 'di nges brnyes te/ /zhes sogs kyang gsungs pa'i
phyir/ gsungs gis chos bstan nas gdul bya smin grol gyi lam la
rim pa bzhin 'god tshul yod de/ dang por

chos kyi sdom bzhi bstan nas 'khor ba la dga' ba'i sems can
rnams skye ba bskyed de rgyud smin par byed/ de'i rjes nyan rang
gi rigs can rnams rang rang gi byang chub la 'god/ nyan rang
dgra bcom zhi ba'i dbyings su zhugs pa pad dkar las 'byung ba
ltar theg chen du 'khrid de rdzogs byang du lung ston pa sogs

mdzad pa'i phyir te/ rgyud bla ma las/ mi rtag sdug bsngal bdag
med dang/ /zhi ba'i sgra yis thabs mkhyen pas/ /sems can srid
gsum skyo bskyed nas/ /mya ngan 'das la rab 'jug mdzad/ /zhi
ba'i lam la rab zhugs pa/ /mya ngan 'das thob 'du shes can/ /dam
chos padma dkar la sogs/ /chos kyi de nyid bstan

pa yis/ /de dag ngar 'dzin las bzlog ste/ /thabs dang shes rab
yongs bzung bas/ /theg pa mchog la smin mdzad de/ /byang chub
mchog tu lung ston te/ /zhes gsungs pa'i phyir/ sprul sku la
mthar thug gi sprul skus ma khyab ste/ ri dwags kyis rnam par
bstan pa'i sprul sku mthar thug gi sprul sku ma yin pa'i

phyir te/ mtshan dpes spras pa sogs ma yin pa'i phyir/ sprul sku
khyad par can la mthar thug gi sprul skus ma khyab ste/ bde ba
can gyi mgon po 'od dpag med lta bu sprul sku khyad par can yin
kyang mchog gi sprul sku ma yin te/ lhums su zhugs pa dang
bltams pa sogs kyi mdzad pa mi ston pa'i phyir/

@19b ! de bzhin 'khor ba ji srid 'dir/ /zhes sogs kyi skabs su/
dgag bzhag gnyis las/ dang po la/ kha cig gis/ sangs rgyas kyi
'phrin las yin na sangs rgyas rang rgyud kyis bsdus pas khyab
zer na/ ches mi 'thad de/ sangs rgyas kyi 'phrin las la bya ba
yul la yod pa'i sangs rgyas kyi 'phrin las dang/ byed pa po la

yod pa'i sangs rgyas kyi 'phrin las gnyis yod pa'i phyir/ ma
grub na rigs chad kyi sems can yod par thal/ sangs rgyas kyi
'phrin las 'jug yul ma yin pa yod pa'i phyir/ ma grub na 'gal/
'dod mi nus so/ /gzhan yang/ gdul bya'i rgyud kyi sangs rgyas
kyi lung rtogs kyi bstan pa med par thal/ de'i rgyud la sangs

rgyas kyi 'phrin las med pa'i phyir/ gzhan yang/ sangs 'phags
kyi gdul bya lam la 'god pa'i mdzad pa de sangs rgyas kyi 'phrin
las ma yin par thal/ bkad pas gdul bya'i rgyud kyi lam de sangs
rgyas kyi 'phrin las ma yin pa'i phyir/ ma grub na 'gal/ 'dod
na/ 'phrin las nyer bdun gzhi ma grub par thal/ gdul

bya myang 'das la 'god pa'i 'phrin las med pa'i phyir/ kho na
re/ gdul bya'i rgyud la sangs rgyas kyi 'phrin las med pa'i
phyir/ de yod na sangs rgyas kyi sku gsung thugs kyi 'phrin las
yod dgos pa las de med pa'i phyir/ der thal/ de gsum gang rung
yin na rnam par rtog pa med cing rgyun mi chad pa dang/ lhun
gyis

grub pa yin dgos pa'i phyir/ rgyud bla ma las/ brgya byin rnga
sprin tshangs pa dang/ /zhes sogs dang/ dag ldan las/ mdzad pa
dang mdzad pa ba tha mi dad pa'i phyir/ thams cad kyang chos kyi
skur rnam par gzhag go /zhes gsungs pa'i phyir/ zer na/ skyon
med de/ lung dang po// byed pa po la yod pa'i 'phrin las kyi
dbang

du mdzad/ phyi ma ni chos sku mtshon byed kyi 'phrin las kyi
dbang du mdzad pa'i phyir/ 'di ltar 'dod pa ni chen po dag gi
bzhed pa yin kyang shin tu tha chad de/ /gnyis pa rang lugs la/
mtshan nyid/ dbye ba/ phye ba so so'i don dang gsum las/ dang po
ni/ rang rgyu ye shes chos sku'i bdag rkyen las byung ba'i rnam
par dkar ba'i bya

ba; ye shes chos sku'i 'phrin las kyi mtshan nyid/ gnyis pa la/
'jug sgo'i sgo nas dbye ba/ yul rten gyi sgo nas dbye ba/ dpe
don gyi sgo nas dbye ba/ 'god bya'i sgo nas dbye ba dang bzhi
las/ dang po la/ gsum yod de/ rgyal ba'i sku gsung thugs kyi
'phrin las rnam pa gsum yod pa'i phyir/ gnyis pa la gnyis

@20a @#/ /yod de/ bya ba yul la yod pa dang/ byed pa pa la yod
pa'i 'phrin las gnyis yod pa'i phyir/ gsum pa la/ dgu yod de/
dpe dbus mtshon pa'i don rnam pa dgu yod pa'i phyir/ bzhi pa la/
nyer bdun yod de/ lam gyi rten la 'god pa gcig /lam gyi ngo bo
la 'god pa nyer

lnga; lam gyi 'bras bu la 'god pa gcig dang bcas pa rnams su yod
pa'i phyir/ dang po gsum gyi mtshan gzhi yod de/ spyod lam bzhis
gdul bya 'dul ba lta bu dang/ rigs can gsum la chos ston pa lta
bu dang/ nyon mongs med pa'i ting nge 'dzin la snyom par 'jug pa
lta bu rnams/ rim pa bzhin du de

rnams kyi mtshan gzhi yin pa'i phyir/ gnyis pa gnyis kyi mtshan
gzhi yod de/ sems can gyi rgyud kyi dge ba bcu dang po dang/
sangs rgyas kyi thugs rgyud kyi ye shes lnga po lta bu gnyis pa
yin pa'i phyir/ gsum pa'i mtshan gzhi la/ mdor bstan pa/ rgyas
par bshad pa gnyis las/ dang po la/ sangs

rgyas sa'i 'phrin las rnams rnam par rtog pa med cing rgyun mi
chad pa dang/ lhun gyis grub pa sogs dpe rnam pa dgu'i sgo nas
ston pa yin te/ rgyud bla ma las/ brgya byin rnga sprin tshangs
pa dang/ /nyi ma nor bu rin chen bzhin/ /de bzhin gshegs pa sgra
brnyan bzhin/ /nam mkha' dang ni sa bzhin no/ /zhes gsungs

pa'i phyir/ gnyis pa rgyas par bshad pa la/ baidU rya'i sa gzhi
la lha dbang gi gzugs brnyan 'bad rtsol dang rnam rtog med par
'char ba bzhin du/ gdul bya'i sems dag pa la longs sku'i gzugs
brnyan sprul sku 'bad rtsol dang rnam rtog med par 'char ba yin
te/ rgyud bla ma las ji ltar baidU rya'i sa gzhi

gtsang ma la/ /lha dbang lus kyi gzugs brnyan 'char ba ltar/ /de
bzhin 'gro sems sa gzhi gtsang ma la/ /thub pa'i dbang po'i sku
yi gzugs brnyan 'char/ /zhes gsungs pa'i phyir/ sum cu rtsa gsum
gyi lha'i nang na lha rnams kyi sngon gyi dge ba'i las kyis 'bad
rtsol dang/ lce rkan gyi byed pa dang/ yid dang/

gzugs dang/ rnam rtog med par chos kyi sdom bzhi ston pa'i sgra
'byung ba de bzhin du thub pas kyang 'bad rtsol sogs med par
gdul bya la chos ston pa mdzad de/ rgyud bla ma las/ ji ltar lha
nang lha rnams la/ /sngon gyi dkar po'i mthu yis ni/ /'bad dang
gnas dang yid gzugs dang/ /rnam par rtog pa med bzhi

@20b dang/ /mi rtag sdug bsngal bdag med dang/ /zhi ba'i sgra
yis bag med pa'i/ /lha rnams thams cad yang nas yang/ /chos kyi
rngas ni skul byed ltar/ /de bzhin khyab bdag 'bad sogs dang/
/bral yang 'gro ba ma lus pa/ /sangs rgyas gsung gis khyab mdzad
de/ /skal ldan rnams la chos ston no/ /zhes gsungs pa'i phyir/
dbyar

dus su nam mkha' las lo thog phun sum tshogs pa'i rgyu chu'i
phung po 'bad rtsol med par sa la 'bab pa bzhin du/ thub pas
kyang thugs rje'i sprin las 'gro ba'i dge ba'i lo thog gi phyir
du chos char 'bad med lhun grub tu 'bebs pa yin te/ rgyud bla ma
las/ ji ltar dbyar gyi dus na sprin/ /lo thog phun sum

tshogs pa'i rgyu/ /chu yi phung po 'bad med par/ /sa la rgyun tu
'bebs pa ltar/ /de bzhin thugs rje'i sprin las ni/ /rgyal ba'i
dam chos chu yi char/ /'gro ba'i dge ba'i lo tog rgyu/ /rnam par
rtog pa med par 'bebs/ /zhes gsungs pa'i phyir/ tshangs pa tshangs
pa'i gnas bsam gtan dang po las ma skyod bzhin

du; ;'bad rtsol med par 'dod lha'i gnas rnams snang bar byed pa
de bzhin du/ thub pa yang chos sku las ma g.yos bzhin du 'jig
rten gyi khams su sprul pa sna tshogs kyis 'gro don mdzad pa yin
te/ rgyud bla las/ ji ltar tshangs pa tshangs pa yi/ /gnas las
'pho ba med bzhin du/ /lha yi gnas ni thams

cad du/ /snang ba 'bad med ston par ltar/ /de bzhin thub pa chos
sku las/ /bskyod pa med par khams kun tu/ /skal ldan rnams la
'bad med par/ /sprul pa dag ni ston par mdzad/ /ces gsungs pa'i
phyir/ nyi mas rtog med du 'od zer cig car spros te padmo rgyas
par byad/ ku mu ta zum par byed/ lo thog smin par byed

pa bzhin rgyal ba'i dam chos kyi 'od zer gyis kyang gdul bya'i
blo gros kyi padmo rgyas par byed/ log rtog rnams zum par byed
cing dge ba'i lo thog smin par byed de/ rgyud bla ma las/ ji
ltar nyi ma rtog med par/ /rang 'od cig car spros pa yis/ /padmo
rgyas par byed pa dang/ /gzhan dag smin par byed pa ltar/ /de
bzhin de bzhin

gshegs pa yi/ /nyi ma'i dam chos 'od zer dag /gdul bya'i skye
bo'i padmo la/ /rnam par rtog pa med par 'jug /ces gsungs pa'i
phyir/ nor bu rin po che de la/ 'di la sbyin par bya'o snyam
pa'i rtog pa med kyang/ mchod cing gsol ba btab na de dag las
dgos 'dod so sor 'byung ba de bzhin du/ de bzhin gshegs

@21a @#/ /pa'i thugs yid bzhin nor bus kyang rnam rtog med par
rigs can gsum gyi don so sor thob par mdzad pa yin te/ rgyud
bla ma las/ ji ltar yid bzhin nor bu ni/ /rtog pa med kyang
cig car du/ /spyod yul gnas pa rnams kyi ni/ /bsam kun so sor
rdzogs byed ltas/ /de

bzhin sangs rgyas yid bzhin la/ /brten nas bsam pa tha dad
rnams/ /sna tshogs chos ni thos gyur kyang/ /de ni de la rnam
mi rtog /ces gsungs pa'i phyir/ sgra brnyan gyi sgra de gzhan
gyi dag gi rig byed las byung zhing gzhan la lan bya'o snyam
pa'i rtog pa med cing lce rkan gyi bzo med/ phyi skyes bu'i
rgyud dang nad

brag gseb sogs na med kyang lan gyi sgra 'byung ba bzhin du/
sangs rgyas kyi gsung gi 'phrin las kyang gdul bya'i dad
brtson las byung zhing/ lce rkan gyi bzo byas pa la mi bltos
shing rtog med du gdul bya'i rgyud la 'jug pa'i phyir/ rgyud
bla ma las/ ji ltar sgra brnyan gyi ni sgra/ /gzhan gyi rnam
rig las byung

ba/ /rnam rtog med cing bzo med la/ /phyi dang nang na mi gnas
ltar/ /de bzhin de bzhin gshegs pa'i gsung/ /gzhan gyi rnam
rig las byung ba/ /rnam par rtog med bzo med cing/ /phyi dang
nang na gnas ma yin/ /zhes gsungs pa'i phyir/ spyir dngos por
ma grub cing de ma thag rkyen/ dmigs rkyen/ bdag rkyen du

med la mig gi yul las 'das pas bzung du med pa'i nam mkha' la
mtho ba dang dma' bar de ltar bstan dgos snyam pa'i rtog pa
med pa de bzhin du/ sangs rgyas la dga' ldan nas 'pho bar
bya'o snyam pa sogs kyi rtog pa med par mdzad pa ston pa yin
te/ rgyud bla ma las/ cung zad med cing snang ba med/ /dmigs
pa med

cing rtan med la/ /mig gi lam las rab 'das pa/ /gzugs med
bsten du med pa yi/ /nam mkha' mtho dang dma' mthong yang/ /de
bzhin de ltar yod min pa/ /de bzhin thams cad sangs rgyas la/
/mtho yang de ni de lta min/ /zhes gsungs pa'i phyir/ sa la
brten nas skye ba kun sa la 'di bskyed par bya'o snyam pa'i

rtog pa med kyang sa las skye ba dang gnas pa dang 'phel zhing
rgyas par 'gyur ba bzhin du/ sangs rgyas kyi thugs rje chen po
la yang 'di dag gi dge rtsa ma skyes pa bskyed pa dang/ gnas
pa 'phel zhing rgyas par bya'o snyam pa'i rtog pa med kyang de
ltar mdzad pa yin te/ rgyud bla ma las/ ji ltar sa las skye ba
kun/

@21b rtog med pa la brten nas ni/ /'phel dang brtan dang yongs
'gyur ltar/ /de bzhin rdzogs pa'i sangs rgyas sa/ /rnam rtog
med pa la brten nas/ /'gro ba'i dge ba'i rtsa ba ni/ /ma lus
pa ni 'phel bar 'gyur/ /zhes gsungs pa'i phyir/ kha cig gis/
gdul bya myang 'das la bkod pa'i gdul

bya'i myang 'das chos can/ 'phrin las kyi mtshan nyid der thal/
mtshon bya de'i phyir/ ma grub na der thal/ sangs rgyas kyi
gdul bya myang 'das la 'god pa ye shes chos sku'i 'phrin las
yin pa'i phyir/ zer na ma khyab ste/ 'o na/ dngos po zhig pa
'dus byas yin par thal/ dngos po 'jig pa

'dus byas yin pa'i phyir/ khyab pa khes/ gsum pa lam gyi rten
la 'god tshul dang/ lam gyi ngo bo la 'god tshul dang/ 'bras bu
la 'god tshul rnams ni TIka las shes par bya'o/ /sa bcu pa la
'god tshul la spyi dang/ sa bcu thob ma thag pa la 'god pa'i
'phrin las gnyis las/ phyi ma

la snang bas 'phrin las sgrub pa dang/ mchod pas dbang bskur
thob pa'o/ sa dang po la/ snod dag pa'i snang ba dang/ bcud
dag pa'i snang ba/ 'phrin las sgrub pa'i tshul gsum las/ dang
po la/ snod dag pa'i snang ba khyad par can 'byung tshul yod
de/ sa bcu pa thob ma thag pa'i tshe ting nge 'dzin

grangs med pa 'bum phrag bcu'i rjes la/ ting nge 'dzin rnam pa
thams cad mkhyen pa'i ye shes dang khyad par med pa dbang
bskur ba dang ldan pa/ zhes bya ba thob ma thag tu stong gsum
'bum phrag bcu'i brgya dang mnyam pa'i padma rin po che du mas
spras pa'i stan dang/ de'i 'khor du stong gsum gyi 'bum phrag

bcu'i rdul gyi grangs dang mnyam pa'i padma'i gdan gyi snang
ba 'byung ba'i phyir/ gnyis pa la/ bcud dag pa'i snang ba
khyad par can 'byung ba'i tshul yod de/ byang sems rang nyid
gdan de la 'tsham zhing rkyen du 'bab par 'dug la/ 'khor gyi
padma rnams la sa dgu pa man chad kyi byang sems kyis bskor

te bzhugs pa'i snang ba 'byung ba'i phyir/ gsum pa 'phrin las
sgrub pa'i tshul yang yod de/ byang sems de'i zhabs mthil gnyis
dang/ pus mo'i lha nga gnyis dang/ lte ba dang/ rtsib logs
gnyis phyag mthil gnyis las 'od zer grangs med 'bum phrag bcu
bcu 'phros pas/ rim pa

@22a @#/ /bzhin du phyogs bcu'i yi dwags dang/ dmyal ba dang/
dud 'gro dang/ mi dang/ lha dang/ lha ma yin gyi gnas thams
cad snang bar byas nas de dag gi sdug bsngal rnams zhi bar
byed pa'i phyir dang/ phrag pa gnyis/ rgyab mgul gnyis dang/
zhal

nas 'od zer grangs med pa 'bum phrag bcu bcu 'phros pas/ rim
pa bzhin du phyogs bcu'i nyan thos dang/ rang rgyal dang/ sems
dang po bskyed pa nas sa dgu'i bar gyi gnas rnams snang bar
byas shing chos snang ba'i sgo dang zhi ba'i ting nge 'dzin
gyi sgo'i tshul dang shes rab dang/ thabs mkhas pa'i

tshul yang rim pa bzhin du nye bar sgrub pa'i phyir/ gnyis pa
la gnyis las/ mchod pa dang/ dbang bskur ba'o/ /dang po la/
mchod pa'i tshul yang yod de/ byang sems de'i mdzod spu nas 'od
zer grangs med pa 'bum phrag bcu phyogs bcur 'phros pas/
phyogs bcu'i bdud thams cad

zil gyis mnan te dbang bskur thob pa'i byang sems rnams snang
bar byas te/ de dag gi lus su nub par byed pa'i phyir/ spyi
gtsug nas 'od zer stong gsum grangs med pa 'bum phrag bcu'i
rdul dang mnyam pa 'phros nas/ phyogs bcu'i de bzhin gshegs
pa'i dkyil 'khor snang bar byas/ 'jig

rten lan bcur bskor nas steng gi nam mkha' la 'od zer gyi dra
ba'i dkyil 'khor du byas te de bzhin gshegs pa mchod/ sems can
gyi don byas nas de bzhin gshegs pa rnams kyi zhabs kyi mthil
du nub par byed pa'i phyir/ gnyis pa la/ dbang bskur ba'i tshul
yang yod de/ rgyal ba sras

bcas de dag gi byang sems de dbang bskur ba'i dus la bab par
gzigs nas/ phyogs bcu nas sa dgu pa man chad kyi byang sems
mtha' yas pa 'ongs nas byang sems de la blta zhing mchod de/
ting nge 'dzin stong phrag du ma la snyom par 'jug cing/ byang
sems dbang bskur thob pa rnams kyi

dpal be'u dang/ rdo rje dang/ bkra shis las 'dud kyi dgra las
rgyal ba zhes bya ba'i 'od zer grangs med pa 'bum phrag bcu
dang bcas pa byung ste/ phyogs bcu snang bar byas cho 'phrul
mu med pa bstan te/ byang sems de'i dpal be'u sogs gsum du nub
pas mthu stobs lhag par 'phel lo/ /de

@22b bzhin gshegs pa rnams kyi mdzod spu nas thams cad mkhyen
pa'i mngon shes dang ldan pa zhes bya ba'i 'od zer gcig /
'khor grangs med pa 'bum phrag bcu dang bcas pa byung ste/
phyogs bcu thams cad snang bar byas 'jig rten lan bcur bskor/
ngan song gi gnas thams cad zil gyis mnon

nas byang sems de'i spyi bor nub la/ 'khor gyi 'od zer rnams
ni 'khor rnams kyi spyi bor 'od zer de dag gi phog ma thag tu
byang sems de dag gi/ sngon ma thob pa'i ting nge 'dzin stong
phrag bcu bcu thob cing/ 'od zer de dag kyang byang sems de'i
mgo la dus gcig la 'bab par 'gyur ro// //

don bdun cu'i thog ma sems bskyed nas tha ma 'phrin las nyer
bdun gyi skabs su theg chen gyi tshogs lam nas sangs rgyas sa'i
bar gyi nyams len dngos su bstan pa la dgos pa yod de/ de ltar
bstan pa la brten nas gzhung lhag ma phal cher brgyad pos
kyang/ dngos shugs ci rigs par theg

pa chen po'i lam 'bras bu dang bcas pa bstan par shes pa'i
phyir du yin pa'i phyir/ ! /mtshan nyid de yi sbyor ba dang/
/zhes sogs kyi skabs su/ mchod brjod dang dgos 'brel sngon du
btang nas/ shes rab pha rol phyin pa ni/ /dngos po drug gi
yang dag bshad/ /mtshan nyid de yi sbyor

ba dang/ /zhes pa nas/ don bsdus gzhan te rnam pa drug /sems
bskyed pa ni gzhan don phyir/ /zhes sbyor ba dang/ de gsum du
byad pa la yang sbyor dgos te/ mchod brjod dang/ dgos 'brel/
tshig don rnams rgyas bsdus gsum ga'i thun mong ba yin pa'i
phyir/ 'o na/ bsdus  don gsum du byas pa'i dgos pa gang zhe
na/ 

[@#line break?]
'di la lo tstsha ba bdag nyid chen po'i gsung na re/ mngon
par rtogs pa'i ngo bo nges pa'i phyir du brgyad/ de'i go rim
nges pa'i phyir du drug /de'i grangs nges pa'i phyir gsum du
bstan pa yin zhes gsung/ bsdus don gsum po 'di dbang po rno
'bring rtul

gsum gyi dbang du byas/ zhes gsungs/ kha cig gis/ mngon par
rtogs pa'i don rgyas pa dang/ 'bring po dang/ bsdus pa la dga'
ba'i dbang du byas nas rim pa bzhin du gsum po de bzhag pa yin
gsung/ snying po rgyan gyi bzhed pa ltar na/ bsdus don mi 'dra
ba gsum bstan

@23a @#/ /ba la dgos pa yod de/ bsdus don 'di tsam zhig bstan
pa la brten nas yan lag rgyas bshad kyi don rags pa la yid
dpyod kyi nges pa 'dren nus pa'i dbang du byas nas bsdus don
phyi ma gnyis gsungs/ de lta bu'i nges pa 'dren mi nus pa'i
dbang du

byas nas bsdus don brgyad du bshad pa yin te/ dper na/ rgyu
mtshan ma mthong bzhin du khron pa rnying par chu yod do snyam
du 'dzin pa dang/ rgyu mtshan mthong nas chu tshad ma'i stobs
kyis nges pa bzhin no/ /zhes gsungs pa yang dbang po rno rtul
las ma 'angs pa 'dra'o/ //

'dir smras pa/ bdag ni blo gros dman zhing brtson pa chung/
/khyad par na rga'i rgud pas rnam dpyod 'gribs/ /rgyal ba'i
yum don zab mo rtogs par dka'/ /de phyir nongs pa mchis na
mkhas la bshags/ /'dis mtshon dus gsum bsags pa'i dge ba'i
mthus/ /mar gyur mkha' khyab

sems can thams cad kyis/ /thog med dus nas bsags pa'i sgrib
byed nas/ /kun mkhyen rdzogs pa'i sangs rgyas myur thob shog /
de ma thob kyi tshe rabs kun tu yang/ /dal 'byor lus bzang tshul
khrims rgyan gyis mdzes/ /'chad rtsod brtsom pa'i blo gros
legs 'phel nas/ /rgyal yum

don la thos bsam byed par shog /de yang dngos bstan stong nyid
rim pa rnams/ /klu sgrub yab sras dgongs pa ji bzhin du/ /blo
bzang grags pa'i legs bshad la brten nas/ /tshul bzhin rtogs
nas bdag 'dzin drung 'byin shog /nyams su blang bya mkhyen pa
gsum gyi chos/ /theg chen dge

ba'i bshes kyis rjes gzung nas/ /sbyor bzhi'i rim pa nyams su
blangs pa las/ /'bras bu chos sku mngon du byed par shog /slu
med dkon mchog gsum gyi mthu stobs dang/ /rten 'brel slu ba
med pa'i bden pa yis/ /ji ltar bsam pa yid bzhin 'grub gyur
nas/ /lam bzang 'di dang

nam yang mi 'bral shog /dri med bstan pa rgyas pa'i bkra shis
shog /mthun rkyen yid bzhin 'grub pa'i bkra shis shog /gnas
skabs nyer 'tsho zhi ba'i bkra shis shog /mthar thug chos sku
'grub pa'i bkra shis shog /de ltar mkhas pa snga ma'i bzhed pa
la brten pa'i mngon par rtogs

@23b pa'i rgyan rtsa 'grel gyi spyi don rnam bshad snying po
rgyan gyi snang ba zhes bya ba 'di ni/ gdul bya dbang po
'bring po'i bsam pa dang mthun par dge slong dge 'dun bstan pa
dar rgyas zhes bgyi bas byang rtse chos kyi pho brang du lcags
bya hor zla bcu pa'i dkar po'i phyogs bzang po gnyis pa'i tshes
kyi nyin legs par grub

par byas te sbyar ba'i yi ge pa ni ngag dbang blo gros so/
/'dis kyang rgyal ba'i bstan pa rin po che bdag gzhan sems can
thams cad kyi rgyud la dar zhing rgyas par byed nus par gyur
cig / //oM swa sti/ 'og min gnas su nges pa lnga ldan du/
/mngon par sangs rgyas lnga

bde'i 'gro 'dren phyir/ /sgyu 'phrul las bltams rnam 'dren nyi
ma'i gnyen/ /gang gi gsung rab sher phyin dgongs pa'i gnad/
/sbas don ji bzhin gsal mdzad mi pham mgon/ /thog med sku
mched la sogs mkhas rnams kyi/ /zab rgyas legs bshad rin chen
'byung khung las/ /rnam bshad bsam

'phel dbang gi rgyal po rnyed/ /lung rigs dpyad gsum dag pa'i
rnam dpyod kyis/ /thub bstan rgyal mtshan rtser bkod rnam dkar
mthus/ /rgyal bstan spyi dang rje btsun btsong kha pa'i/
/bshad sgrub bstan pa nam yang mi nub shog /de nyid 'dzin pa'i
rtsa lag rnam 'dren rje/ /phyag na padma'i sku tshe rab brtan
cing/ /

bslab gsum gter mdzod thos bsam nor bu'i gling/ /bshad sgrub
sde bzhi'i 'phrin las rgyas par shog /'di'i ched sgo gsum ngal
ba bsten pa dang/ /bdog pa sbel sogs mthun rkyen bsgrubs pa
kun/ /gnas skabs lha mi'i srid pa rim brgyud de/ /ring min sku
gsum thob pa'i rgyu ru bsngo/ /dge legs

kun gyi 'byung gnas bla ma dang/ /dngos grub 'dzad med gter
gyur lhag pa'i lha/ /mthun rkyen spel mdzad li byin ha ra
ches/ /bsam don lhun grub bkra shis bde legs mdzod/ /ces
bstan bcos chen po mngon par rtogs pa'i rgyan gyi spyi don
mkhas grub bstan pa dar rgyas kyis mdzad pa'i rnam bshad
snying po rgyan gyi snang ba zhes

bya ba 'di snga son ser smad rang ngu bar bzhis yod par snang
yang lugs sgrul lo zhugs kyi rkyen dbang du song ba bcas/ spyi
don gyi bstan bcos 'di bzhin blo gsal rnams la phan thogs che
nges yod stabs bstan rgyun la bsams gzhung sa nas par gsar
bskrun bgyid rtsis yod thog rgyal khab pi cing nas g.yung
dgon khri pa rgyud stod shar pa chos rjes kyang bskul ma'i
nyer len la brten sngon

@24a @#/ /yod par ma la yig nor phran bu yod 'dug pa rnams rang
lugs khas len dang mthun khyad ser smad thos bsam nor bu'i
gling gi slob dpon las thog pa grags pa 'phrin las nas zhib
'jug bgyis shing/ dge bshes rab 'byams pa rin chen rgyal mtshan
dang/ dka' bcu 'phrin las

chos 'khor gnyes nas kyang ched du yig char dag ther skyon sel
legs par byas/ do dam rtse drung sbyang grong bskal bzang
'phrin las yar 'phel dang/ e snye'i bris brkos mkhas bsdus
bzhi bcu skor nas me khyi lo 'phags pa 'jig rten dbang phyug
gi gzhal med khang pho brang chen po po ta lar bar gsar bskrun
bgyis dus par byang smon

tshig tu sh'kya'i dge slong de mo na mon han ngag dbang 'jam dpal
bde legs rgya mtshos dga' ldan gsang sngags dga' tshal gyi gtsug
lag khang du sbyar ba 'dis kyang rgyal ba'i bstan pa rin po che
phyogs dus gnas skabs thams cad du dar zhing rgyas la yun ring
du gnas pa'i rgyur gyur cig  / bkra shis/ //