@1a @#/ /mkhas grub smra ba'i khyu mchog dge 'dun bstan dar ba
chen bo'i gsung rten 'brel gyi mtha' dpyod bzhugs so//

@1b @#/ /bla ma dang rje btsun 'jam pa'i dbyangs la gus pas phyag
'tshal zhing dwang bas skyabs su mchi'o/ /brtse ba chen pos dus
dang gnas skabs thams cad du rjes su bzung du gsol/ rten cing
'brel 'byung lugs mthun dang/ lugs

mi mthun la rtogs par byed/ zhes sogs kyi skabs su/ byang sems
mthong lam pas theg chen mthong lam rnam grol lam las langs rjes
su rten 'brel lugs 'byung lugs ldog du bsgom pa la dgos pa yod
de/ rang rgyud kyi nyon mongs dpal gzhoms [@#gzhom]

pa dang/ gdul bya rang rgyal gyi rigs can rjes su 'dzin pa dang/
'khor ba la yid 'byung bskyed pa'i ched du yin pa'i phyir/ 'di'i
skabs su mtha' dpyad pa la/ rten 'brel gyi dbye ba bshad pa/
bsdu ba bshad pa/ tshe du la rdzogs bshad pa/ sa mtshungs bshad pa
dang

bzhi/ dang po la/ dbye ba dngos bshad pa dang/ phye ba so so'i
don bshad pa gnyis/ dang po ni/ kun nas nyon mongs phyogs kyi
rten 'brel de la dbye na rnam pa bcu gnyis yod de/ yan lag dang
po ma rig pa nas/ rga shi'i bar bcu gnyis yod pa'i phyir/ kho na
re/ rang gi rgyu rkyen

la ltos nas grub pa rten 'brel gyi mtshan nyid zer na/ nam mkha'
chos can/ mtshan nyid der thal/ mtshon bya de'i phyir/ der thal/
rang gi cha shas la ltos nas grub pa'i phyir te/ gzhi grub pa'i
phyir/ 'dod mi nus te/ 'dus ma byas yin pa'i phyir/ kha cig na
re/ rang gi rgyu rkyen

dang phrad nas grub pa 'dus byas kyi rten 'brel gyi mtshan nyid
zer na/ gzugs chos can/ mtshan nyid der thal/ mtshon bya de'i
phyir te/ 'dus byas yin pa'i phyir/ rtsa bar 'dod na/ gzugs kyi
rgyu yin na/ gzugs dang phrad pas khyab par thal/ 'dod pa'i
phyir/ 'dod na/ gzugs

kyi rgyud rgyu chos can/ der thal/ de'i phyir/ 'dod mi nus so/
/gnyis pa phye ba so so'i don bshad pa la rnam pa gsum las/ dang
po la/ kha cig na re/ nyon mongs can ma yin pa'i ma rig pa yin
na/ ma rig pa yin pas khyab zer na/ nyan thos dgra bcom pa'i
rgyud kyi bden

@2a @#/ /'dzin gyi bag chags chos can/ der thal/ de'i phyir/ der
thal/ shes sgrib yin pa'i phyir/ 'dod na/ shes pa yin par thal/
ma rig pa yin pa'i phyir/ 'dod na/ nyan thos dgra bcom pa'i
rgyud kyi bden 'dzin chos can/ khyod kyi bag chags shes pa ma

yin par thal/ khyod gzhi grub pa'i phyir/ kha cig na re/ nyon
mongs can ma yin pa'i ma rig par gyur pa'i sems byung yin na/ ma
rig pa yin pas khyab zer na/ bden 'dzin du gyur pa'i sems byung
chos can/ der thal de'i phyir te/ chos can de yin pa'i phyir/
'dod na/

nyon mongs yin par thal/ ma rig pa yin pa'i phyir/ 'dod mi nus
te/ shes sgrib yin pa'i phyir/ kha cig  /rang gi 'gal zlar gyur
pa'i rig pa ye shes kyi 'gal zla mi mthun phyogs su gyur pa'i
sems byung ma rig pa'i mtshan nyid zer na/ bden 'dzin du gyur
pa'i sems

byung chos can/ mtshon bya der thal/ mtshan nyid de'i phyir te/
rang gi 'gal zlar gyur pa'i rig pa stong nyid rtogs pa'i ye shes
kyi 'gal zla mi mthun phyogs su gyur pa'i sems byung yin pa'i
phyir te/ chos can de yin pa'i phyir/ 'dod na/ gong du bkag zin
no/ /kha cig na

re/ rang gi 'gal zlar gyur pa'i rig pa bdag med rtogs pa'i ye
shes kyi 'gal zla mi mthun phyogs su gyur pa'i sems byung rmongs
pa ma rig pa'i mtshan nyid zer na/ las 'bras kyi 'brel ba rags pa
la rmongs pa'i ma rig pa chos can/ mtshan nyid der thal/

mtshon bya de'i phyir te/ chos can de yin pa'i phyir te/ de yod
pa'i phyir/ kun las btus las/ rmongs pa ni rnam pa gnyis te/
'bras bu rnam par smin pa la rmongs pa dang/ de kho na nyid kyi
don la rmongs pa'o/ /zhes gsungs pa'i phyir/ 'dod mi nus te/
chos can de

yin pa'i phyir/ kha cig na re/ rang gi 'gal zlar gyur pa'i rig
pa bdag med rtogs pa'i ye shes kyi 'gal zla mi mthun phyogs su
gyur pa'i sems byung rmongs pa de/ gang zag gi bdag med pa'i de
kho na nyid la rmongs pa'i ma rig pa'i mtshan nyid zer na/ gang
zag

@2b gi bdag 'dzin dang mtshungs ldan du gyur pa'i rmugs pa chos
can/ mtshon bya der thal/ mtshan nyid de'i phyir te/ chos can de
yin pa'i phyir/ 'dod na/ ma rig pa yin par thal/ 'dod pa de'i
phyir/ 'dod na/ rtsa nyon yin par thal/ ma rig pa yin pa'i
phyir/ 'dod mi nus te/ nye nyon yin

pa'i phyir te/ rmugs pa yin pa'i phyir/ kha cig na re/ gang zag
gi bdag med pa'i de kho na nyid la rmongs pa'i ma rig pa yin na/
de kho na nyid la rmongs pa'i ma rig pa yin pas khyab zer na/
gang zag gi bdag 'dzin chos can/ der thal de'i phyir te/ gang
zag gi bdag 'dzin

yin pa'i phyir/ 'dod na/ gang zag gi bdag med de kho na nyid yin
par thal/ 'dod pa'i phyir/ 'dod na/ de chos can/ don dam bden pa
yin par thal/ de kho na nyid yin pa'i phyir/ 'dod mi nus te/ kun
rdzob bden pa yin pa'i phyir/ kha cig na re/ bdag 'dzin la dbye
na/ chos kyi bdag 'dzin

dang/ gang zag gi bdag 'dzin gnyis kyi dbye ba 'thad zer na/ 'o
na/ chos kyi bdag 'dzin bdag 'dzin par thal/ de bdag 'dzin gyi
dbye ba'i ya gyal yin pa'i phyir/ 'dod na/ chos kyi bdag 'dzin
chos can/ khyod kyi zhen yul med par mngon sum du rtogs pa'i ye
shes yin na/ gang zag gi

bdag med phra mo mngon sum du rtogs pa'i ye shes yin dgos par
thal/ khyod bdag 'dzin yin pa'i phyir/ 'dod na/ theg chen gyi
mthong lam bar chad med lam chos can/ der thal de'i phyir te/
theg chen gyi mthong lam bar chad med lam yin pa'i phyir/ 'dod
na/ gang zag gi bdag med chos

can/ khyod theg chen mthong lam bar chad med lam gyi dngos gzhal
yin par thal/ de khyod mngon sum du rtogs pa'i ye shes yin pa'i
phyir/ 'dod mi nus te/ nyan thos kyi bar chad med lam gyi dngos
gzhal yin pa'i phyir/ kha cig  /gang zag gi bdag 'dzin yin na/
'jig lta yin pas khyab zer na/

lhas sbyin gyi rgyud kyi mchod sbyin rang rkya thub pa'i rdzas
yod du 'dzin pa'i rtog pa chos can/ der thal de'i phyir te/
mchod sbyin la dmigs pa'i gang zag gi bdag 'dzin yin pa'i phyir
te/ rtsa bar 'dod na/ rang rgyud la ldan pa'i gang zag gi rgyud
kyi phung po zhig la dmigs par thal/ 'dod pa'i phyir/

@3a @#/ /'dod mi nus te/ chos can de yin pa'i phyir/ kha cig na
re/ 'jig lta lhan skyes kyi dmigs yul yin na/ chos dang gang zag
gnyis su phye ba'i gang zag yin pas khyab zer na/ khyi rgan rgya
bo'i yid kyi rnam par shes pa chos can/ der thal de'i phyir te/
khyi rgan rgya bo'i rgyud

kyi 'jig lta lhan skyes kyi dmigs yul yin pa'i phyir te/ khyi
rgan rgya bo'i bdag yin pa'i phyir te/ de khyi rgan rgya bo'i
nga yin pa'i phyir/ rtog ge 'bar ba las/ kho bo cag kyang/ tha
snyad du rnam par shes pa la bdag gi sgra dngos su 'dogs te/
zhes gsungs pa'i phyir/ 'dod mi nus te/ de gnyis

su phye ba'i chos yin pa'i phyir te/ khyi rgan rgya bo'i rnam
shes kyi phung po yin pa'i phyir/ kho na re/ gang zag yin na/
'jig lta lhan skyes kyi dmigs yul yin pas khyab zer na/ sangs
rgyas 'phags pa chos can/ der thal de'i phyir/ 'dod mi nus te/
sangs rgyas 'phags pa'i rgyud la 'jig lta lhan

skyes med pa'i phyir/ kho na re/ 'jig lta lhan skyes yin na/
rang rgyud kyi nga la dmigs pas khyab zer na/ 'o na/ khyi rgan
rgya bo'i rgyud kyi 'jig lta lhan skyes chos can/ der thal de'i
phyir te/ chos can de yin pa'i phyir/ 'dod na/ khyi rgan rgya
bo'i rgyud kyi 'jig lta lhan skyes kyi rgyud kyi nga yod par
thal/

des rang rgyud kyi nga la dmigs pa gang zhig  /de'i dmigs yul
yod pa'i phyir/ 'dod na/ de chos can/ khyod kyi rgyud la nga med
par thal/ khyod sems byung yin pa'i phyir/ kha cig na re/ khyod
shes pa yin na/ khyod kyi rgyud la nga med pas khyab zer na/
khyi rgan rgya bo'i shes pa chos can/ der thal

de'i phyir/ 'dod na/ de yod par thal/ khyi rgan rgya bo'i shes
rgyud la nga yod pa'i phyir te/ khyi rgan rgya bo'i rgyud kyis
bsdus pa'i nga yod pa'i phyir/ kha cig na re/ bum pa bden par
'dzin pa'i bden 'dzin 'khor ba'i rtsa ba yin zer na/ 'o na/
'khor ba'i rtsa ba la 'dzin stangs mi mthun pa gnyis yod par

thal/ bum pa bden par 'dzin pa'i bden 'dzin de yang 'khor ba'i
rtsa ba yin/ gang zag rang rkya thub pa'i rdzas yod du 'dzin
pa'i rtog pa de yang 'khor ba'i rtsa ba yin pa gang zhig  /de
gnyis 'dzin stangs mi mthun pa'i phyir te/ de gnyis kyi zhen yul
gyis stong pa'i bdag med gnyis po de mi mthun

@3b pa'i phyir te/ gang zag gi bdag med phra mo dang/ chos kyi
bdag med phra mo gnyis 'gal ba'i phyir/ 'dod mi nus te/ 'khor
ba'i rtsa ba la 'dzin stangs mi mthun pa gnyis med par tshad ldan
gyi gzhung las gsungs pa'i phyir/ gzhan yang/ nyan thos dgra
bcom pas 'khor ba rtsa ba nas ma spangs

par thal/ bum pa bden par 'dzin pa'i bden 'dzin 'khor ba'i rtsa
ba yin pa gang zhig  /des bum pa bden par 'dzin pa'i bden 'dzin
ma spangs pa'i phyir te/ bum pa bden par 'dzin pa'i bden 'dzin
shes sgrib yin pa'i phyir/ ma grub na/ bum pa chos can/ khyod
bden par 'dzin pa'i bden

'dzin shes sgrib yin par thal/ khyod gzhi grub pa'i phyir/ rtsa
bar 'dod mi nus te/ des 'khor ba'i rtsa bar gyur pa'i bdag 'dzin
gyi sa bon spangs pa'i phyir te/ rnam 'grel las/ bdag lta'i sa
bon spangs pa'i phyir/ slar mi gshegs pa nyid yin no/ /zhes
gsungs pa'i phyir/ gzhan yang/ des

'khor ba rtsa ba nas spangs par thal/ sangs rgyas 'phags pas
shes sgrib rtsa ba nas spangs pa'i phyir/ kha cig na re/ khyi
rgan rgya bo'i rgyud kyi khyi rgan rgya bo bden par 'dzin pa'i
bden 'dzin de khyi rgan rgya bo'i 'khor ba'i gzhi rtsa mthar
thug min zer na/ de yin par thal/ de de'i 'khor ba'i rtsa bar
gyur pa'i ma rig

pa'i rtsa ba gang zhig  /legs bshad snying po las/ 'khor ba'i
gzhi rtsa mthar thug ma log kyang 'khor ba log pa lugs 'di la mi
'gal zhes gsungs pa'i phyir/ kha cig na re/ las 'bras kyi 'brel
ba la rmongs pa'i rmongs pa yin na/ ma rig pa yin pas khyab zer
na/ nyan thos dgra bcom pa'i rgyud kyi

las 'bras kyi 'brel ba phra mo la rang stobs kyis rmongs pa'i
rmongs pa chos can/ der thal de'i phyir/ de yod pa'i phyir te/
de'i rgyud la rgyu 'bras kyi 'brel ba phra shing phra ba la
rmongs pa'i rmongs pa yod pa'i phyir te/ sras sgra gcan 'dzin
gyis zhus pa'i mdo las/ rma bya'i mdongs khra la sogs pa'i/ /rgyu
yi dbye ba

ji snyed pa/ /kun mkhyen min pa'i rtogs bya min/ /zhes gsungs
pa'i phyir/ 'dod na/ nyan thos dgra bcom pa chos can/ khyod kyi
rgyud kyi rgyu 'bras kyi 'brel ba phra mo la rang stobs kyis
rmongs pa'i rmongs pa de ma rig pa ma yin par thal/ khyod ma rig
pa spangs pa'i gang zag yin pa'i phyir te/ dgra bcom

@4a @#/ /pa yin pa'i phyir/ kha cig na re/ dgra bcom pa yin na/
nyon sgrib du gyur pa'i ma rig pa spangs pas khyab kyang/ ma rig
pa spangs pas ma khyab zer na/ de khyab par thal/ dgra bcom pa
ma rig pa'i sgo nga'i sbubs las grol kyang gzhan phan gyi snyan
pa sgrog mi nus pa

dang/ byang chub sems dpa' ma rig pa'i sgo nga'i sbubs las ma
grol kyang gzhan phan gyi snyan pa sgrog nus pa de dpe dang bcas
nas gsungs pa'i phyir/ kha cig na re/ nga yi ba la dmigs pa'i
'jig lta lhan skyes des nga yi ba la dmigs nas rang rkya thub
pa'i rdzas yod du 'dzin pa yin zer

na/ 'o na/ nga yi ba chos can/ khyod skyes bu'i shes rgyud kyis
bsdus par thal/ nga yi ba la dmigs pa'i 'jig lta lhan skyes kyi
dmigs yul gyi gtso bo yin pa'i phyir/ rtags khas/ 'dod mi nus
te/ skyes bu gang du gnas pa'i gnas de skyes bu'i nga yi ba yin
pa'i phyir te/ skyes bu de la 'di ni nga yi gnas so

snyam pa'i blo lhan skyes yod pa'i phyir/ kha cig na re/ 'jig
lta lhan skyes kyi dmigs yul yin na/ gang zag yin pas khyab zer
na/ sdug bden chos can/ der thal de'i phyir te/ de la dmigs pa'i
'jig lta lhan skyes yod pa'i phyir te/ bden bzhi la dmigs pa'i
lta ba lnga lta min lnga

yod pa'i phyir/ kha cig na re/ 'jig lta lhan skyes yin na/ yan
lag bcu gnyis kyi thog mar gyur pa'i ma rig pa yin pas khyab zer
na/ rgyun zhugs 'bras gnas kyi rgyud kyi 'jig lta lhan skyes
chos can/ der thal de'i phyir te/ chos can de yin pa'i phyir te/
de yod pa'i phyir/ de'i rgyud

la nyon mongs lhan skyes yod pa'i phyir/ rtsa bar 'dod na/ rgyun
zhugs 'bras gnas des yang srid phyi ma'i rnam smin gyi phung po
'phen byed kyi las gsar du bsog pa yod par thal/ 'dod pa'i
phyir/ 'dod mi nus te/ rten 'brel mdo 'grel las/ bden pa mthong
la 'phen pa med/ /srid

dang bral la yang srid med/ /zhes gsungs pa'i phyir/ kha cig na
re/ yan lag gnyis pa 'du byed kyi las gsar du kun nas slong byed
kyi 'jig lta yan lag dang po ma rig pa'i mtshan nyid zer na/ yan
lag gnyis pa 'du byed kyi las kyi 'bras bur gyur pa'i yan lag
dang po ma rig pa

@4b chos can/ mtshan nyid der thal/ mtshon bya de'i phyir/ chos
can de yin pa'i phyir te/ rten 'brel yan lag bcu gnyis po de
snga phyi'i go rim med par 'gal me'i 'khor lo bzhin du 'khor ba
yin pa'i phyir te/ rin chen phreng ba las/ lam gsum thog mtha'
dbus med par/

'khor ba'i dkyil 'khor 'gal me yi/ /dkyil 'khor lta bur phan
tshun du/ /rgyu rkyen gyis ni 'khor bar 'gyur/ /zhes gsungs pa'i
phyir/ rtsa bar 'dod mi nus te/ chos can de yin pa'i phyir/ kha
cig na re/ yan lag gnyis pa 'du byed kyi las kyi dus kyi kun
slong du gyur pa'i ma rig pa yin na/ yan

lag bcu gnyis kyi thog mar gyur pa'i ma rig pa yin pas khyab zer
na/ 'o na/ de'i dus kyi kun slong du gyur pa'i las 'bras kyi
'brel ba rags pa la rmongs pa'i ma rig pa chos can/ der thal
de'i phyir/ chos can de yin pa'i phyir te/ de yod pa'i phyir te/
kun las btus las/ rmongs pa ni rnam

pa gnyis te/ 'bras bu rnam par smin pa la rmongs pa/ zhes gsungs
pa'i phyir dang/ phyi rol pa kha cig  /mtho ris kyi phyir du
dbang phyug gi mchod sbyin byed pa yang yod pa'i phyir/ rtsa bar
'dod na/ gang zag gi bdag med pa'i de kho na nyid la rmongs pa'i
ma rig pa yin par thal/ 'dod pa'i phyir/

'dod mi nus te/ chos can de yin pa'i phyir/ kha cig na re/ yan
lag bcu gnyis kyi thog mar gyur pa'i ma rig pa kun btags
[@#brtags etc throug+hout] med zer na/ de yod par thal/ ma rig pa
kun btags kyis bsags pa'i yan lag gnyis pa 'du byed kyi las yod
pa'i phyir te/ nyon mongs kun btags kyis bsags

pa'i dge mi dge gang rung gi las yod pa'i phyir/ gzhan yang/ de
yod par thal/ mthong spangs su gyur pa'i yan lag bcu gnyis kyi
thog mar gyur pa'i ma rig pa yod pa'i phyir te/ rgyun zhugs
'bras gnas kyis spangs pa'i yan lag bcu gnyis kyi thog mar gyur
pa'i ma rig pa yod pa'i phyir te/

rnal 'byor dpyod pa las rgyun zhugs zhugs pas yan lag du zhig
spangs zhe na thams cad kyi phyogs gcig spangs pa yin gyi/ gang
yang ril gyis spangs pa ni ma yin no zhes gsungs pa'i phyir/ kha
cig na re/ yan lag bcu gnyis kyi thog mar gyur pa'i ma rig pa
yin na/ gang zag rtag gcig

@5a @#/ /rang dbang can du 'dzin pa'i rtog pa yin pas khyab zer
na/ grub mthas blo ma bsgyur ba'i gang zag gi rgyud kyi yan lag
bcu gnyis kyi thog mar gyur pa'i ma rig pa chos can/ der thal
de'i phyir/ chos can de yin pa'i phyir/ 'dod mi nus te/ chos can
de yin pa'i phyir/ ! /gnyis

pa rang lugs ni/ rang gi dmigs yul du gyur pa'i gang zag dang
las 'bras kyis 'brel ba rags pa gang rung la dmigs nas rang
stobs kyis rang rkya thub pa'i rdzas yod du 'dzin pa dang/ rang
stobs kyis rmongs pa'i rmongs pa gang rung gis bsdus pa'i sems
byung rmongs pa ma rig

pa'i mtshan nyid/ de la sgras brjod rigs kyi sgo nas dbye na/
nyon mongs can ma yin pa'i ma rig pa dang/ nyon mongs can gyi ma
rig pa gnyis yod/ dang po dang shes sgrib don gcig  /nyon mongs
can gyi ma rig pa la dbye na/ las 'bras kyi 'brel ba rags pa la
rmongs pa ma rig pa dang

gang zag gi bdag 'dzin dang gnyis/ gang zag gi bdag 'dzin la
yang/ nga dang nga yi ba la dmigs pa'i 'jig lta dang/ de las
gzhan pa'i gang zag gi bdag 'dzin dang gsum/ dang po ni/ rang
rgyud la ldan pa'i gang zag gi rgyud kyi nga'am yid kyi rnam par
shes pa gang rung la

dmigs nas gang zag rang rkya thub pa'i rdzas yod du 'dzin pa'i
rtog pa lta bu yin/ gnyis pa ni/ rang rgyud la ldan pa'i gang
zag gi rgyud kyi mig sna sogs la dmigs nas rang rkya thub pa'i
ngar snang ba'i nga de'i dbang bsgyur byar 'dzin pa'i rtog pa
lta bu'o/ /gsum pa ni/ lhas sbyin gyi rgyud

kyi chos sbyin rang rkya thub pa'i rdzas yod du 'dzin pa'i rtog
pa lta bu yin/ rang nyid kyi kun nas slangs byar gyur pa'i yan
lag gnyis pa 'du byed kyi las gsar du kun nas slong byed kyi
'jig lta yan lag dang po ma rig pa'i mtshan nyid/ de la sgras
brjod rigs kyi sgo nas dbye na/

rgyu'i kun slong gi ma rig pa dang/ dus kyi kun slong gi ma rig
pa gnyis/ dang po dang yan lag dang po gnyis don gcig  /de'i
chos kyi khyad par yod de/ dge sogs gsum gyi nang nas lung ma
bstan kho nas khyab/ mthong spangs dang sgom spangs gnyis ka'i
cha yod/ skye 'phags gnyis

@5b kyi nang nas so skye kho na'i rten la yod/ gsum pa rtsod pa
spong ba la/ kho na re/ yan lag bcu gnyis kyi thog mar gyur pa'i
ma rig pa yin na/ ma rig pa kun btags yin dgos par thal/ de yin
na mthong spangs su gyur pa'i yan lag bcu gnyis kyi thog mar
gyur pa'i ma rig pa yin

dgos pa'i phyir te/ yan lag bcu gnyis kyi thog mar gyur pa'i ma
rig pa rgyud la ldan pa'i 'phags pa med pa'i phyir zer na ma
khyab/ kha cig na re/ yan lag bcu gnyis kyi thog mar gyur pa'i
ma rig pa kun btags med par thal/ de la lhan skyes kyis khyab
pa'i phyir te/ stongs mthun chen

mo las/ kun btags ni lus can 'khor bar 'ching byed kyi rtsa bar
mi rung/ zhes gsungs pa'i phyir zer na skyon med de/ ma rig pa
kun btags de grub mthas blo bsgyur ma bsgyur gyi lus can kun
'khor bar 'ching byed kyi rtsa bar mi rung zhes pa'i don yin
pa'i phyir/ de yang yin te/ de 'dra'i gzhung

de grub mthas blo bsgyur ma bsgyur gyi lus can kun 'khor bar
'ching byed kyi ma rig pa ngos 'dzin pa'i gzhung yin pa'i phyir/
kho na re/ 'khor ba'i rtsa bar gyur pa'i ma rig pa yin na/ khyod
rgyud la ldan pa'i 'phags pa med dgos par thal/ yan lag bcu
gnyis kyi thog mar gyur pa'i ma rig

pa yin na/ khyod rgyud la ldan pa'i 'phags pa med dgos pa'i
phyir/ 'dod na/ ma rig pa chos can/ der thal de'i phyir te/ ma
rig pa'i dbang gis las bsags/ las de'i dbang gis 'khor bar skye
ba len pa yod pa'i phyir zer na ma khyab/ 'dod mi nus so/ kha
cig  /sangs rgyas 'phags pa

la dmigs pa'i 'jig lta yod par thal/ sangs rgyas 'phags pa ngar
snang nas de rang rkya thub pa'i rdzas yod du 'dzin pa'i rtog pa
yod pa'i phyir zer na ma khyab/ ma grub na der thal/ sangs rgyas
'phags pa gang zag tu snang nas/ de rang rkya thub pa'i rdzas
yod du 'dzin pa'i rtog pa yod pa'i phyir/ sangs

rgyas 'phags pa la dmigs pa'i gang zag gi bdag 'dzin yod pa'i
phyir/ kha cig na re/ 'og min pa'i rten la yan lag bcu gnyis kyi
thog mar gyur pa'i ma rig pa yod par thal/ de khams gsum gyi
rten la yod pa'i phyir na ma khyab/ 'dod mi nus te/ 'og min pa
yin na 'phags pa yin pas khyab

@6a @#/ /pa gang zhig  /'phags pa'i rten la yan lag bcu gnyis kyi
thog mar gyur pa'i ma rig pa med pa'i phyir/ kha cig na re/ gang
zag gi bdag med pa'i de kho na nyid la rmongs pa'i ma rig pa yin
na/ de kho na nyid la rmongs pa'i ma rig pa yin dgos par thal/
de kho na nyid la rmongs pa'i

ma rig pa yin na/ de kho na nyid la rmongs pa'i ma rig pa'i sgra
bshad du yod pas ma khyab pa'i phyir te/ bden pa mngon rtogs yin
na/ bden pa mngon rtogs kyi sgra bshad du yod pas ma khyab pa'i
phyir zer na ma khyab/ ma grub na/ nyan thos kyi mthong lam bar
chad med lam chos can/ der

thal de'i phyir/ mthong lam yin pa'i phyir/ 'dod na/ des bden pa
mngon sum du rtogs par thal/ 'dod pa'i phyir/ 'dod mi nus te/
chos can de yin pa'i phyir/ kha cig na re/ nyon mongs yin na/
nyon mongs can gyi ma rig pa yin dgos par thal/ shes sgrib yin
na/ nyon mongs can ma yin

pa'i ma rig pa yin dgos pa'i phyir na ma khyab/ 'dod na/ zhe
sdang chos can/ der thal de'i phyir te/ zhe sdang yin pa'i
phyir/ 'dod na/ lung ma bstan yin par thal/ ma rig pa yin pa'i
phyir/ 'dod mi nus te/ mi dge ba yin pa'i phyir te/ zhe sdang
yin pa'i phyir/ kha cig na re/ chos kyi bdag 'dzin

bdag 'dzin yin par thal/ bdag 'dzin la dbye na/ chos kyi bdag
'dzin dang/ gang zag gi bdag 'dzin gnyis kyi dbye ba 'thad pa'i
phyir/ der thal/ bdag med la dbye na chos kyi bdag med dang/
gang zag gi bdag med gnyis kyi dbye ba 'thad pa'i phyir na ma
khyab/ ma grub na der thal/ chos kyi bdag med

yin na/ bdag med yin pas khyab/ gang zag gi bdag med yin na/
bdag med yin pas khyab pa'i phyir/ kha cig na re/ 'jig lta lhan
skyes yin na/ sems byung rmongs pa yin pas khyab par thal/ de
yin na/ ma rig pa yin pas khyab pa gang zhig  /khyod kyi ma rig
pa'i mtshan nyid 'thad pa'i

phyir/ dang po der thal/ ma rig pa la dbye na 'jig lta lhan
skyes dang/ gang zag gi bdag 'dzin gnyis kyi dbye ba 'thad pa'i
phyir/ 'dod na/ khyi rgan rgya bo'i rgyud kyi 'jig lta lhan
skyes chos can/ der thal de'i phyir/ 'dod na/ sems byung rmongs
pa ma yin par thal/ shes rab yin pa'i phyir/ der thal/

@6b shes rab nyon mongs can yin pa'i phyir na ma khyab/ ma grub
na der thal/ 'jug 'grel las/ de lta bu'i rnam par zhugs pa'i
shes rab nyon mongs can/ zhes gsungs pa'i phyir/ gzhan yang/
snyoms 'jug nyon mongs can chos can/ snyoms 'jug yin par thal/
snyoms 'jug nyon mongs

can yin pa'i phyir/ khyab pa khas/ 'dod na/ dge ba yin par thal/
'dod pa'i phyir/ khyab ste/ mdzod las/ snyoms 'jug dge ba rtse
gcig pa zhes gsungs pa'i phyir/ 'dod mi nus te/ nyon mongs can
yin pa'i phyir/ ! /yan lag gnyis pa 'du byed kyi las bshad pa
la/ dgag bzhag

spangs gsum las/ dang po la/ kha cig na re/ zag bcas kyi las yin
na yan lag gnyis pa 'du byed kyi las yin pas khyab zer na/ zag
bcas kyi lung ma bstan gyi las chos can/ der thal de'i phyir te/
chos can de yin pa'i phyir/ der thal/ de yod pa'i phyir/ 'dod mi
nus te/ lung ma bstan yin

pa'i phyir/ kha cig na re/ las bya byed gnyis su phye ba'i las
yin na/ las yin pas khyab zer na/ yum rgyas 'bring bsdus gsum
chos can/ der thal de'i phyir te/ ston pa shAkya thub pa de las
su bya ba rgyas 'bring bsdus gsum gsung ba po yin pa'i phyir/
'dod na/ sems byung yin par

thal/ 'dod pa'i phyir/ 'dod mi nus te/ brjod byed kyi tshig yin
pa'i phyir/ kha cig na re/ rang rgyu ma rig pas kun nas slangs
pa'i zag bcas kyi las yin na/ spangs bya yin pas khyab zer na/
so so skye bo'i rgyud kyi rang rgyu ma rig pas kun nas slangs
pa'i zag bcas kyi dge ba'i las chos can/ der thal

de'i phyir te/ chos can de yin pa'i phyir te/ de yod pa'i phyir
te/ so skye'i rgyud la las yod pa gang zhig  /de'i rgyud la zag
med kyi las med pa'i phyir/ 'dod mi nus te/ blangs bya yin pa'i
phyir te/ dge ba yin pa'i phyir/ kha cig na re/ rang gi rgyur
gyur pa'i rten 'brel yan lag bcu gnyis kyi thog mar

gyur pa'i ma rig pas bskyed cing/ rang 'bras rten 'brel yan lag
bcu gnyis kyi nang mtshan [@#tshan/ etcH other cases corrected
below] du gyur pa'i 'bras dus kyi rnam shes bskyed byed kyi sems
pa/ yan lag gnyis pa 'du byed kyi las kyi mtshan nyid zer na/ zag
med kyi las chos can/ mtshon bya der thal/ mtshan nyid de'i phyir
te/ chos

@7a @#/ /can de yin pa'i phyir/ 'dod mi nus te/ chos can de yin
pa'i phyir/ kha cig rang rgyu rten 'brel yan lag bcu gnyis kyi
thog mar gyur pa'i ma rig pas kun nas slangs shing/ rang 'bras
rten 'brel yan lag bcu gnyis kyi nang tshan du gyur pa'i 'bras
dus kyi rnam

shes kyi rten 'brel bskyed byed kyi zag bcas kyi sems pa/ yan
lag gnyis pa 'du byed kyi las kyi mtshan nyid zer na/ bcu pa srid
las chos can/ mtshon bya der thal/ mtshan nyid de yin pa'i phyir
te/ chos can de yin pa'i phyir/ 'dod mi nus te/ chos can de yin
pa'i phyir/ kha cig na re/

de gang zhig  /srid las las gzhan pa de de'i mtshan nyid zer na/
rtags dngos chos can/ rang rgyu rten 'brel yan lag bcu gnyis kyi
thog mar gyur pa'i ma rig pas kun nas slangs shing/ rang 'bras
rten 'brel yan lag bcu gnyis kyi nang tshan du gyur pa'i 'bras
dus kyi rnam shes

kyi rten 'brel bskyed byed kyi zag bcas kyi sems pa gang zhig
/srid las las gzhan yin pa de ma yin par thal/ yan lag gnyis pa
'du byed kyi las ma yin pa'i phyir/ khyab pa khas/ 'dod mi nus
te/ srid las las gzhan yin pa'i phyir te/ srid las ma yin pa'i
phyir/ kha cig na re/

rang rgyu ma rig pas kun nas slangs pa'i sems pa/ zag bcas kyi
las kyi mtshan nyid zer na/ 'o na/ zag bcas kyi dge ba'i las chos
can/ mtshan nyid der thal/ mtshon bya de'i phyir/ chos can de yin
pa'i phyir/ 'dod na/ mi 'thad par thal/ zag bcas kyi dge ba'i
las kyi rgyu rgyud la ldan pa'i

byang sems 'phags pa dang sangs rgyas 'phags pa yod pa'i phyir
te/ rnam mkhyen gyi 'bras bur gyur pa'i zag bcas kyi dge ba'i
las yod pa'i phyir/ kha cig na re/ rang gi rgyur gyur pa'i ma
rig pas gsar du bskyed pa'i zag bcas kyi rig pa/ zag bcas kyi
las kyi mtshan nyid zer na/ zag

bcas kyi las dang mtshungs ldan du gyur pa'i rnam shes chos can/
mtshon bya der thal/ mtshan nyid de'i phyir/ zag bcas kyi las de
de ltar yin pa'i phyir/ khyab ste/ de gnyis mtshungs ldan rnam pa
lnga mtshungs yin pa'i phyir/ ma grub na/ 'gal lo/ /'dod na/ sems
byung yin par thal/ 'dod pa'i

@7b phyir/ 'dod mi nus te/ gtso sems yin pa'i phyir te/ rnam par
shes pa yin pa'i phyir/ kha cig na re/ rang rgyu nyon mongs pas
kun nas slangs pa'i sems pa/ zag bcas kyi las kyi mtshan nyid/
rang rgyu nyon mongs pa'i bag chags kyis kun nas slangs pa'i
sems pa/ zag med kyi las kyi mtshan

nyid zer na/ zag med kyi las chos can/ mtshon bya dang po der
thal/ mtshan nyid dang po de'i phyir te/ rang rgyu nyon mongs
pa'i bag chags kyis kun nas slangs pa'i sems pa gang zhig  /nyon
mongs pa'i bag chags yin na/ rang rgyu nyon mongs pas kun nas
slangs pas khyab pa'i phyir/ dang po ma grub

na 'khor gsum yod/ 'dod mi nus te/ zag med kyi las yin pa'i
phyir/ gzhan yang/ zag bcas kyi las chos can/ mtshon bya phyi ma
der thal/ mtshan nyid phyi ma de'i phyir te/ rang rgyu nyon mongs
pas kun nas slangs pa gang zhig  /nyon mongs yin na rang gi
rgyur gyur pa'i nyon mongs pa'i bag chags

kyi dbang gis bzhag pas khyab pa'i phyir/ dang po ma grub na
'gal lo/ /'dod mi nus te/ zag bcas kyi las yin pa'i phyir/ kha
cig na re/ las kyi kun 'byung yin na/ yan lag gnyis pa 'du byed
kyi las yin pas khyab zer na/ bcu pa srid las chos can/ der thal
de'i phyir/ chos can de yin pa'i phyir/

'dod mi nus so/ /kha cig  /'phags pa'i rten la yang srid phyi
ma'i rnam smin gyi phung po 'phen byed kyi las gsar du bsog pa
yod zer na/ de med par thal/ rten 'brel mdo 'grel las/ bden pa
mthong la 'phen pa med/ /srid dang bral la yang srid med/ /zhes
gsungs pa'i phyir/ kha cig  /'phags

pa'i rten la yang srid phyi ma'i rnam smin gyi phung po 'grub
byed kyi las gsar du bsog pa med zer na de yod par thal/ 'phags
pa'i rten la yang srid phyi ma'i rnam smin gyi phung po 'grub
byed kyi las gsar du bsog pa yod pa'i phyir/ de'i rten la yang
srid phyi ma'i rnam smin gyi phung po 'phen byed

kyi las la sred len gnyis kyis gsos 'debs pa yod pa'i phyir te/
yang srid phyi mar skye ba len pa'i 'phags pa yod pa'i phyir te/
yang srid phyi mar skye ba len pa'i nges pa'i rgyun zhugs srid
pa lan bdun pa ba yod pa'i phyir/ nges pa'i rgyun zhugs srid pa
lan bdun pa ba yod pa'i phyir/ kha

@8a @#/ /cig na re/ yan lag gnyis pa 'du byed kyi las rgyud la
ldan pa'i 'phags pa med zer na/ de yod par thal/ yang srid phyi
mar skye ba len pa'i 'phags pa yod par sgrub zin phyir/ kha cig
/yan lag gnyis pa 'du byed kyi las yin na/ nges pa'i las yin pas
khyab zer na/ /

lhag bcas myang 'das la gnas pa'i nyan thos dgra bcom pa'i rgyud
kyi yan lag gnyis pa 'du byed kyi las chos can/ der thal de'i
phyir/ de yod pa'i phyir te/ mdzod kyi 'grel pa don gsal las/
dgra bcom pa dag la yang sngon so so skye bo'i gnas skabs su
byas pa'i las dge ba'am

mi dge ba ma nges pa dag ni med pa ma yin mod kyi phra rgyas med
pa'i phyir/ de dag gis srid pa mngon par 'grub mi nus so/ /zhes
gsungs pa'i phyir/ 'dod mi nus te/ dgra bcom pa'i rgyud kyi yan
lag gnyis pa 'du byed kyi las yin pa'i phyir/ khyab ste/ dgra
bcom pa yin na srid pa spangs pas khyab pa'i

phyir te/ rnam 'grel las/ srid pa'i sred las rnams rgyal ba/
/las gzhan 'phen nus ma yin te/ /lhan cig byed pa zad phyir ro/
/zhes gsungs pa'i phyir/ kha cig  /yan lag gnyis pa 'du byed kyi
las su gyur pa'i mi g.yo ba'i las dang/ bsod nams kyi las gnyis
'gal zer na/

yan lag gnyis pa 'du byed kyi las su gyur pa'i mi g.yo ba'i las
chos can/ bsod nams kyi las yin par thal/ yan lag gnyis pa 'du
byed kyi las su gyur pa'i mi g.yo ba'i las yin pa'i phyir te/
chos can de yin pa'i phyir/ 'dod na/ bsod nams kyi las yin par
thal/ dge ba'i

las yin pa'i phyir te/ chos can de yin pa'i phyir/ kha cig na
re/ khyi'i rnam smin gyi phung po 'phen byed kyi myong nges kyi
las yin na/ rang nyid kyis 'phangs pa'i khyi'i rnam smin gyi
phung po yod pas khyab zer na/ de mi 'thad par thal/ khyi'i rnam
smin gyi phung po 'phen byed kyi las des dus kyi rkyen ma tshang

ba'i dbang gis dom gyi rnam smin gyi phung po 'phen pa yod par
mdo las gsungs pa'i phyir/ kha cig na re/ ngan 'gro'i rnam smin
gyi phung po 'phen byed kyi myong nges kyi las yin na/ rang nyid
kyis 'phangs pa'i rnam smin gyi phung po yod pas khyab zer na/
ngan 'gro'i rnam smin gyi phung po 'phen byed kyi myong nges

@8b kyi las dang/ gnyen po stobs bzhis 'dags nges kyi las kyi
gzhi mthun chos can/ der thal de'i phyir te/ chos can de yin
pa'i phyir te/ de yod pa'i phyir te/ sher phyin la spyod pa'i
gnyen po kun tu spyod pa'i stobs kyis myong nges kyi las kyang
'dags par gsungs pa'i phyir/ rtog ge 'bar ba las/ dmyal

bar skye ba'i las rnams ni tshe 'dir mgo bo tsha ba tsam du 'gyur
ro/ /zhes gsungs pa'i phyir/ 'dod mi nus te/ chos can de yin
pa'i phyir/ kha cig na re/ yan lag gnyis pa 'du byed kyi las yin
na/ rang nyid kun nas slong byed ma rig pas gsar du kun nas
slangs pa'i las yin pas khyab zer na/

dang po ma rig pas kun nas slangs shing 'bras bu'i bar du bskal
pa brgyas bar du chod pa'i yan lag gnyis pa 'du byed kyi las
chos can/ der thal de'i phyir/ chos can de yin pa'i phyir te/
mdo las/ lus can rnams kyi las rnams ni/ /bskal pa brgyar yang
chud mi za/ /tshogs zhing dus la babs pa na/ /'bras

bu smin pa nyid du 'gyur/ /zhes gsungs pa'i phyir/ 'dod mi nus
te/ chos can de yin pa'i phyir/ kha cig  /yan lag gnyis pa 'du
byed kyi las kyis bsdus pa'i zag bcas kyi rig pa yin na/ yan lag
gnyis pa 'du byed kyi las yin pas khyab zer na/ rgyu dus kyi
rnam shes kyi rten 'brel chos can/

der thal de'i phyir/ chos can de yin pa'i phyir/ 'dod na/ sems
byung yin par thal/ 'dod pa'i phyir/ 'dod mi nus te/ rnam par
shes pa yin pa'i phyir/ kha cig na re/ myong nges kyi las su
gyur pa'i mi g.yo ba'i las dang/ 'bras bu che ba'i rnam smin
gyi phung po 'phen byed kyi las kyi gzhi mthun yin na/ rang

nyid kyis 'phags pa'i rnam smin gyi phung po de 'bras bu che ba
las gzhan du mi g.yo bas khyab zer na/ phyir mi 'ong 'og min
mthar thug 'gro dang rgyud gcig tu gyur pa'i so so skye bo'i
rgyud kyi 'bras bu che ba'i rnam smin gyi phung po 'phen byed
kyi las su gyur pa'i mi g.yo ba'i las chos can/ der thal de'i
phyir te/

chos can de yin pa'i phyir/ 'dod na/ de g.yo ba yin par thal/
des gnas gtsang gi rnam smin gyi phung po yang 'phen pa'i phyir/
phyir mi 'ong 'og min mthar thug 'gro des sngon so so skye bo'i
gnas skabs su 'bras bu che ba'i rnam smin gyi phung po 'phen
byed kyi las bsags pa de nyid phyis phyir mi 'ong gi

@9a @#/ /rten la bsam gtan spel sgom byas pa la brten nas gnas
gtsang du skye ba len pa'i rgyur 'gyur bar gsungs pa'i phyir/ !
/gnyis pa rang lugs ni/ rang nyid gtso bor kun nas slong byed
nyon mongs pa dang nyon mongs pa'i bag chags gnyis kyi nang nas

gtso bor nyon mongs pa'i bag chags kyis kun nas slangs pa'i nyon
mongs las gzhan pa'i rtsol ba phra mo'i ngo bor gyur pa'i rnam
rtog du gyur pa'i sems byung sems pa zag med kyi las kyi mtshan
nyid/ mtshan gzhi ni/ nyan rang dgra bcom pa'i rgyud kyi rjes
thob kyi gnas skabs su gzhan la

chos ston 'dod kyi sems pa lta bu/ rang nyid gtso bor kun nas
slong byed nyon mongs pa dang nyon mongs pa'i bag chags gnyis
kyi nang nas nyon mongs pas gtso bor kun nas slangs shing nyon
mongs las gzhan pa'i zag bcas su gyur pa'i sems pa/ zag bcas kyi
las kyi mtshan

nyid/ spyir las de la kun slong gi sgo nas dbye na/ dge mi dge
lung ma bstan gyi las dang gsum yod/ 'jug sgo'i sgo nas dbye na/
lus ngag yid gsum gyi las gsum yod/ spong byed gnyen po'i sgo
nas dbye na/ mthong spangs bsgom spangs kyi las gnyis yod/ 'bras
bu 'byin tshul gyi

sgo nas dbye na/ myong nges kyi las dang myong bar ma nges pa'i
las gnyis yod/ dang po dang byas la bsags pa'i las gnyis don
gcig  /phyi ma dang byas la ma bsags pa'i las gnyis don gcig
/myong nges kyi las de la yang mthong chos myong 'gyur gyi las
dang/ skyes nas myong 'gyur

gyi las dang/ lan grangs gzhan la myong 'gyur gyi las gsum/
mtshan gzhi rim pa bzhin/ tshe stod la bsags pa'i las tshe smad la
myong nges kyi las lta bu dang po dang/ tshe 'di la bsags pa'i
las skye ba stings ma la myong nges kyi las lta bu gnyis pa
dang/ tshe 'di la bsags pa'i las

skye srid gnyis pa phan chad la myong nges kyi las lta bu gsum
pa yin no/ /gzhan yang/ las de la byed las kyi sgo nas dbye na/
'phen 'grub rdzogs gsum gyi las gsum yod/ 'grub byed kyi las de
la 'phen byed dge bas 'phangs shing rdzogs byed mi dge bas
rdzogs pa dang/ 'phen byed

@9b mi dge bas 'phangs shing rdzogs byed dge bas rdzogs pa dang/
de gnyis 'dres mar rdzogs pa dang gsum/ mtshan gzhi rim pa bzhin/
bde 'gro'i rten la sdug bsngal shas cher spyod pa dang po/ ngan
'gro'i rten la zag bcas kyi bde ba shas cher spyod pa gnyis pa/
de gnyis 'dres mar spyod pa

gsum pa'o/ /rang nyid kun nas slong byed yan lag dang po ma rig
pas gsar du kun nas slangs shing rang 'bras rten 'brel yan lag
bcu gnyis kyi nang tshan du gyur pa'i 'bras dus kyi rnam shes kyi
rten 'brel bskyed byed kyi rab tu phye ba'i rigs su gnas pa'i
zag bcas kyi las/ yan lag

gnyis pa 'du byed kyi las kyi mtshan nyid/ de la ngo bo'i sgo nas
dbye na/ der gyur pa'i bsod nams dang bsod nams ma yin pa'i las
mi g.yo ba'i las dang gsum yod/ mtshan gzhi ni/ 'dod pa'i bde
'gro'i rnam smin gyi phung po 'phen byed kyi las lta bu dang po/
'dod pa'i ngan 'gro'i rnam

smin gyi phung po 'phen byed kyi las lta bu gnyis pa/ khams gong
gi rnam smin gyi phung po 'phen byed kyi las lta bu gsum pa'o/
/yan lag gnyis pa 'du byed kyi las kyi chos kyi khyad par yod
de/ dge mi dge gang rung yin pas khyab/ mthong spangs sgom
spangs gnyis ka yod/ skye 'phags gnyis

ka'i rgyud la yod/ khams gsum ka'i rten la yod/ ! /gsum pa rtsod
pa spong ba la/ kha cig  /lha'i rnam smin gyi phung po 'phen
byed kyi las chos can/ spangs bya ma yin par thal/ dge ba'i las
yin pa'i phyir/ khyab pa khas/ ma grub na der thal/ chos can de
yin pa'i phyir/ 'dod na/

spang bya yin par thal/ grol ba don gnyer gyi skyes bu'i spang
bya yin pa'i phyir zer na ma khyab/ ma grub na der thal/ grol ba
don gnyer gyi skyes bus las nyon gyi dbang gis lhar skye ba len
pa spong dgos pa'i phyir te/ des lha'i 'khor ba spong dgos pa'i
phyir/ des 'khor ba mtha' dag spong dgos

pa'i phyir/ kha cig na re/ phyir mi 'ong gi bsam gtan spel sgom
byas pa la brten nas gnas gtsang du skye ba len pa'i 'grub byed
kyi rgyur 'gyur rung yang yin/ 'bras bu che ba'i rnam smin gyi
phung po 'phen byed kyi myong nges kyi mi g.yo ba'i las kyang
yin pa'i gzhi mthun pa chos can/ khyod mi g.yo

@10a @#/ /ba'i las ma yin par thal/ khyod g.yo ba'i las yin pa'i
phyir te/ khyod 'bras bu che ba'i rnam smin gyi phung po 'phen
byed gang zhig  /khyod kyis gnas gtsang gi rnam smin gyi phung
po yang 'grub pa'i phyir te/ chos can de yin pa'i phyir zer na
rtsa ba la ma khyab ste/ 'bras bu che ba dang

gnas gtsang ma gnyis po de sa mtshungs pa yin pa'i phyir te/ de
gnyis bsam gtan bzhi par sa mtshungs pa'i phyir/ kha cig na re/
ngan 'gro'i rnam smin gyi phung po 'phen byed kyi las dang gnyen
po stobs bzhis 'dags nges kyi las kyi gzhi mthun pa chos can/
khyod myong nges kyi las ma

yin par thal/ khyod myong bar ma nges pa'i las yin pa'i phyir
te/ ngan 'gro'i rnam smin gyi phung po 'phen byed kyi las gang
zhig  /khyod kyis 'phangs pa'i ngan 'gro'i phung po med pa'i
phyir zer na/ de gnyen po stobs bzhi'i 'dags byed ma byung na
ngan 'gro'i rnam smin gyi phung po 'phen par nges pa'i

phyir/ ! /yan lag lhag ma rnams bshad pa ni/ kha cig na re/ rgyu
dus kyi rnam shes kyi rten 'brel de yan lag bcu gnyis kyi nang
mtshan du gyur pa'i rnam shes kyi rten 'brel yin zer na/ de chos
can/ 'bras dus kyi rnam shes kyi rten 'brel yin par thal/ yan
lag bcu gnyis kyi nang tshan

du gyur pa'i rnam shes kyi rten 'brel yin pa'i phyir/ 'dod mi
nus te/ chos can de yin pa'i phyir/ kha cig na re/ yan lag bcu
gnyis kyi nang tshan du gyur pa'i rnam shes kyi rten 'brel de la
dbye na/ rnam shes tshogs drug yod zer na/ mig gi rnam par shes
pa chos can/ yan lag bcu gnyis kyi nang tshan

du gyur pa'i rnam shes kyi rten 'brel yin par thal/ de'i dbye
ba'i ya gyal yin pa'i phyir/ 'dod na/ mig gi rnam par shes pa
chos can/ khyod rgyud la ldan pa'i sangs rgyas 'phags pa med par
thal/ khyod rten 'brel yan lag bcu gnyis kyi nang tshan du gyur
pa'i rnam shes kyi rten 'brel yin

pa'i phyir/ 'dod mi nus so/ /kha cig na re/ rnam shes kyi rten
'brel yin na/ yan lag bcu gnyis kyi nang tshan du gyur pa'i rnam
shes kyi rten 'brel yin pas khyab zer na/ sangs rgyas 'phags
pa'i mig gi rnam par shes pa chos can/ der thal de'i phyir te/
rnam shes kyi ltos grub yin pa'i phyir/

@10b 'dod na/ sdug bden yin par thal/ 'dod pa'i phyir/ 'dod mi
nus te/ chos can de yin pa'i phyir/ kha cig na re/ 'bras dus kyi
rnam shes kyi rten 'brel yin na/ lung ma bstan yin pas khyab zer
na/ de mi 'thad par thal/ de dang dge sems kyi gzhi mthun yod
pa'i phyir te/ dge sems dang bcas bzhin du

yang srid du skye ba yod pa'i phyir te/ dge sems dang bcas bzhin
du 'chi 'pho ba yod pa'i phyir te/ mdo las/ las kyi 'khor bar
lci gang dang/ /nye ba gang dang goms pa gang/ /sngon byas gang
yin de las ni/ /snga ma snga ma rnam smin 'gyur/ /zhes gsungs
pa'i phyir/ kha cig rten 'brel tshar gcig gi

dbang du byas pa'i 'bras dus kyi rnam shes kyi rten 'brel dang
skye ba'i rten 'brel gnyis dus mi mnyam zer na/ de mnyam par
thal/ las nyon gyis yang srid du rnam shes nying 'tshams sbyar ma
thag tu yang srid du skye ba blangs pa'i phyir/ kha cig na re/
de gnyis mi 'gal zer na/ de gnyis 'gal bar thal/

'bras dus kyi rnam shes kyi rten 'brel yin na/ shes pa yin pas
khyab/ de'i skye ba'i rten 'brel yin na rnam par shes pa ma yin
pa'i ldan min 'du byed yin pas khyab pa'i phyir/ kha cig na re/
rang rgyu rten 'brel tshar gcig gi dbang du byas pa'i rnam shes
kyi rten 'brel rdzogs rjes su byung ba'i ming

gzugs gang rung du dmigs pa/ yan lag bcu gnyis kyi nang tshan du
gyur pa'i ming gzugs kyi rten 'brel gyi mtshan nyid zer na/ mi
'thad par thal/ de'i mtshan nyid med pa'i phyir te/ de'i nang
mtshan du gyur pa'i ming gzugs kyi rten 'brel yin pa med pa'i
phyir te/ de'i nang tshan du gyur

pa'i ming gzugs kyi rten 'brel gnyis po gcig yin la gcig min
gyis khyab pa'i phyir/ kha cig na re/ ming gzugs gnyis 'gal zer
na/ lhas sbyin zhes pa'i ming chos can/ gzugs ma yin par thal/
ming yin pa'i phyir/ der thal/ lhas sbyin gyi ming yin pa'i
phyir/ ma grub na/ lhas sbyin

chos can/ khyod zhes pa'i ming de khyod kyi ming yin par thal/
khyod gzhi grub pa'i phyir/ rtsa bar 'dod na/ de chos can/ gzugs
yin par thal/ sgra yin pa'i phyir/ kha cig na re/ rang rgyu rten
'brel tshar gcig gi dbang du byas pa'i 'bras dus kyi rnam shes
kyi rten 'brel rdzogs/ rang 'bras skye mched

@11a @#/ /kyi rten 'brel ma grub gong gi zag bcas rnam smin gyi
ngo bor gyur pa'i phung po yan lag bcu gnyis kyi nang tshan du
gyur pa'i ming gzugs gang rung gi rten 'brel gyi mtshan nyid zer
na/ rten 'brel tshar gcig gi dbang du byas pa'i mig gi skye mched
kyi rten 'brel

chos can/ mtshon bya der thal/ mtshan nyid de'i phyir/ chos can de
yin pa'i phyir/ 'dod mi nus te/ de re re nas ma yin pa'i phyir/
kha cig na re/ gzugs kyi rten 'brel yin na/ yan lag bcu gnyis
kyi nang tshan du gyur pa'i gzugs kyi rten 'brel yin pas khyab
zer na/ longs sku'i dbu skra

bung ba ltar gnag chos can/ der thal de'i phyir/ rtags gsal sla/
kha cig na re/ rten 'brel yan lag bcu gnyis kyi nang tshan du
gyur pa'i ming gzugs kyi rten 'brel de khams gsum ka'i rten la
tshang bar yod zer na/ gzugs med khams na gzugs yod par thal/
gzugs

med khams na gzugs kyi rten 'brel yod pa'i phyir te/ de na yan
lag bcu gnyis kyi nang tshan du gyur pa'i gzugs kyi rten 'brel
yod pa'i phyir te/ de na yan lag bcu gnyis kyi nang tshan du gyur
pa'i ming gzugs kyi rten 'brel tshang bar yod pa'i phyir te rtsa
ba'i dam bca' 'thad pa'i

phyir/ 'dod mi nus te/ mdzod las/ gzugs med khams na gzugs med
do/ /zhes gsungs pa'i phyir/ rang lugs ni/ rang rgyu las nyon
gyi dbang gis yang srid du nying 'tshams sbyar ma thag pa'i gang
zag gi rgyud kyi zag bcas rnam smin gyi ngo bor gyur pa'i rnam
par shes pa/ yan lag

bcu gnyis kyi nang tshan du gyur pa'i rnam shes kyi rten 'brel
gyi mtshan nyid/ de la der gyur pa'i rnam shes tshogs drug yod/
de'i chos kyi khyad par yod de/ dge sogs gsum ka yod/ skye
'phags gnyis ka'i rgyud la yod/ mthong spangs bsgom spangs gnyis
ka yod/ khams gsum ka'i rten la

yod pa'i phyir/ rang rgyu rten 'brel tshar gcig gi dbang du byas
pa'i 'bras dus kyi rnam shes kyi rten 'brel rdzogs/ skye mched
kyi rten 'brel ma grub gong gi zag bcas rnam smin gyi ngo bor
gyur pa'i ming gzugs gang rung du dmigs pa/ yan lag bcu gnyis
kyi nang tshan du gyur pa'i ming gzugs

@11b gang rung gi rten 'brel gyi mtshan nyid/ de la der gyur pa'i
ming gi rten 'brel dang/ der gyur pa'i gzugs kyi rten 'brel
gnyis/ ming gi rten 'brel de la der gyur pa'i tshor ba/ 'du shes/
'du byed/ rnam par shes pa dang bzhi yod/ de'i chos kyi khyad
par ni/ gzugs kyi rten 'brel la lung ma bstan gyis

khyab/ ming gi rten 'brel la/ dge sogs gsum ka yod/ mthong
spangs dang bsgom spangs gnyis ka'i cha yod/ skye 'phags gnyis
ka'i rgyud la yod/ khams 'og ma gnyis su de gnyis ka yod/ gzugs
med khams su ming gi rten 'brel ma gtogs gzugs kyi rten

'brel med pa'i phyir/ ! /gsum pa rtsod pa spong ba la/ kha cig
na re/ 'bras dus kyi rnam shes kyi rten 'brel yin na/ lung ma
bstan yin pas khyab par thal/ de yin na/ zag bcas kyi rnam smin
gyi ngo bor gyur pa'i phung po yin dgos pa'i phyir/ khyab ste/
mdzod las/ rnam smin lung du ma bstan

chos/ zhes gsungs pa'i phyir zer na ma khyab/ kha cig  /rten
'brel tshar gcig gi dbang du byas pa'i 'bras dus kyi rnam shes
kyi rten 'brel dang/ skye ba'i rten 'brel gnyis dus mnyam du
'byung ba mi 'thad par thal/ de gnyis snga phyi rim can du
'byung dgos pa'i phyir te/ mdo las/ sred pa'i

rkyen gyi skye ba/ zhes gsungs pa'i phyir zer na ma khyab ste/
de ni rten 'brel tshar gzhan gyis dbang du byas pa yin pa'i
phyir/ de ltar ma yin na/ rten 'brel tshar gcig po de'i srid pa'i
rten 'brel de len pa'i rten 'brel gyi rjes su 'byung bar thal/
len pa'i rkyen gyi srid pa/ zhes gsungs pa'i phyir/

'dod mi nus te/ yang srid phyi ma'i rnam smin gyi phung po 'phen
byed kyi las la sred len gnyis kyis gsos btab srid las nus pa
mthu can du byas nas yang srid phyi mar skye ba len pa'i phyir/
kha cig na re/ rten 'brel tshar gcig po de'i ming gzugs kyi rten
'brel rdzogs/ reg pa'i rten 'brel

ma grub gong gi skye mched du dmigs pa/ yan lag bcu gnyis kyi
nang tshan du gyur pa'i skye mched kyi rten 'brel gyi mtshan nyid
zer na/ gzugs med khams pa'i rgyud kyi rten 'brel yan lag bcu
gnyis kyi nang tshan du gyur pa'i yid kyi skye mched kyi rten
'brel chos can/ mtshan nyid der thal/

@12a @#/ /mtshon bya de'i phyir/ chos can de yin pa'i phyir/ 'dod
na/ de la ltos pa'i gzugs kyi rten 'brel yod par thal/ 'dod pa'i
phyir/ 'dod na/ gzugs med khams na gzugs yod par thal lo/ kha
cig  /yan lag bcu gnyis kyi nang tshan du gyur pa'i skye mched
kyi rten

'brel yin na/ spang bya yin pas khyab zer na/ dal 'byor gyi chos
bco brgyad dang ldan pa'i mi'i rgyud kyi yan lag bcu gnyis kyi
nang tshan du gyur pa'i mig gi skye mched kyi rten 'brel chos
can/ der thal de'i phyir/ chos can de yin pa'i phyir/ 'dod mi
nus te/ dal 'byor gyi chos bco

brgyad dang ldan pa'i mi'i lus spang bya ma yin par bsgrub zin
pa'i phyir/ kha cig na re/ khyi rgan rgya bo'i mig gi skye mched
yin na/ rten 'brel yan lag bcu gnyis kyi nang tshan du gyur pa'i
skye mched kyi rten 'brel yin pas khyab zer na/ khyi rgan rgya
bo'i rgyud kyi rten 'brel yan lag bcu

gnyis kyi nang tshan du gyur pa'i tshor ba rgyu dus kyi khyi rgan
rgya bo'i mig gi skye mched kyi rten 'brel chos can/ der thal
de'i phyir/ chos can de yin pa'i phyir/ 'dod mi nus te/ chos can
de yin pa'i phyir te/ skye mched drug gi rkyen gyi tshor ba zhes
gsungs pa'i phyir/ kha cig na re/ yul dbang rnam shes

gsum 'dus pa la brten nas yul gyi 'gyur ba yongs su dpyod pa'i
zag bcas kyi sems pa/ yan lag bcu gnyis kyi nang tshan du gyur
pa'i reg pa'i rten 'brel gyi mtshan nyid zer na/ yan lag bcu
gnyis kyi nang tshan du gyur pa'i reg pa'i rten 'brel dang
mtshungs ldan du gyur pa'i tshor ba chos

can/ mtshon bya der thal/ mtshan nyid de'i phyir te/ yan lag bcu
gnyis kyi nang tshan du gyur pa'i reg pa'i rten 'brel de de ltar
yin pa'i phyir/ khyab ste/ de gnyis mtshungs ldan yin pa'i phyir/
'dod na/ mi 'thad par thal/ chos can de yin pa'i phyir/ kha cig
na re/ yul dbang rnam shes gsum 'dus

pa la brten nas yul gyi 'gyur ba rang stobs kyis dpyod pa'i sems
pa/ yan lag bcu gnyis kyi nang tshan du gyur pa'i reg pa'i rten
'brel gyi mtshan nyid zer na/ sangs rgyas 'phags pa'i rgyud kyi
mig gi 'dus te reg pa chos can/ mtshon bya der thal/ mtshan nyid
de'i phyir/ sangs rgyas 'phags pa'i

@12b rgyud kyi reg pa yin pa'i phyir/ 'dod na/ sdug bden yin par
thal/ 'dod pa'i phyir/ 'dod mi nus te/ sangs rgyas 'phags pa'i
rgyud kyi shes pa yin pa'i phyir/ kha cig na re/ yan lag bcu
gnyis kyi nang tshan du gyur pa'i skye mched kyi rten 'brel dang/
reg pa'i rten 'brel gnyis khams gsum ka'i rten la

tshang bar yod zer na/ de mi 'thad par thal/ gzugs med khams na
yid kyi skye mched kyi rten 'brel dang/ yid kyi 'dus te reg pa
ma gtogs gzhan rnams med/ gzugs khams su sna lce'i 'dus te reg
pa med pa'i phyir/ dang po der thal/ gzugs med khams na gzugs
med pa'i phyir/ phyi ma der

thal/ gzugs khams pa'i so so skye bo rnams dri ro la 'dod chags
mngon gyur ba dang bral ba'i phyir/ ! /rang lugs ni/ rang rgyu
rten 'brel tshar gcig gi dbang du byas pa'i ming gzugs gang rung
gi rten 'brel rdzogs/ reg pa'i rten 'brel ma grub gong gi zag
bcas rnam smin gyi ngo bor gyur

pa'i phung po/ yan lag bcu gnyis kyi nang tshan du gyur pa'i skye
mched kyi rten 'brel gyi mtshan nyid/ de la der gyur pa'i skye
mched drug yod/ dge sogs gsum yod/ mthong spangs bsgom spangs
gnyis ka yod/ skye 'phags gnyis ka'i rten la yod/ khams 'og ma
gnyis su skye mched

drug kha yod/ gzugs med khams su yid kyi skye mched kho na yod/
rang rgyu rten 'brel tshar gcig gi dbang du byas pa'i skye mched
kyi rten 'brel rdzogs/ rang 'bras rten 'brel tshar gcig gi dbang
du byas pa'i tshor ba'i rten 'brel ma grub gong gi yul dbang rnam
shes gsum 'dus pa la

brten nas yul gyi 'gyur ba rang stobs kyis dpyod pa'i zag bcas
kyi sems pa/ yan lag bcu gnyis kyi nang tshan du gyur pa'i reg
pa'i rten 'brel gyi mtshan nyid/ de la der gyur pa'i mig gi 'dus
te reg pa nas yid kyi 'dus te reg pa'i bar drug yod/ chos kyi
khyad par yod de/ yid

kyi 'dus te reg pa la dge sogs gsum ka yod/ gzhan rnams la lung
ma bstan gyis khyab/ mthong spangs bsgom spangs gnyis ka yod/
skye 'phags gnyis ka'i rgyud la yod/ 'dod khams su de drug ka
yod/ gzugs khams su sna lce'i 'dus te reg pa ma gtogs gzhan
rnams

@13a @#/ /tshang bar yod/ gzugs med khams su yid kyi 'dus te reg
pa ma gtogs gzhan rnams med do/ /kha cig na re/ rang rgyu reg
pa'i rten 'brel rdzogs/ rang 'bras sred pa'i rten 'brel ma grub
gong gi rang yul sim gdung bar ma gsum gang rung rang stobs kyis

nyams su myong ba'i sems pa/ yan lag bcu gnyis kyi nang tshan du
gyur pa'i tshor ba'i rten 'brel gyi mtshan nyid zer na/ sangs
rgyas 'phags pa'i mig gi 'dus te reg pa'i rkyen gyi tshor ba chos
can/ mtshon bya der thal/ mtshan nyid de'i phyir te/ chos can de
yin pa'i phyir/ 'dod na/

sdug bden yin par thal lo/ /kha cig na re/ yan lag bcu gnyis kyi
nang tshan du gyur pa'i tshor ba'i rten 'brel la dbye na/ mig gi
'dus te reg pa'i rkyen gyi tshor ba nas/ yid kyi 'dus te reg pa'i
rkyen gyi tshor ba'i bar rnam pa drug yod zer na/ de drug po de
yan lag bcu gnyis kyi nang

mtshan du gyur pa'i tshor ba'i rten 'brel yin par thal/ de de'i
dbye ba'i ya gyal yin pa'i phyir/ 'dod na/ de drug po gang rung
yin na/ yan lag bcu gnyis kyi nang tshan du gyur pa'i tshor ba'i
rten 'brel yin dgos par thal lo/ /kha cig na re/ yan lag bcu
gnyis kyi nang tshan du gyur pa'i

tshor ba yid bde dang/ de'i nang tshan du gyur pa'i tshor ba bde ba
gnyis 'gal zer na/ de mi 'gal bar thal/ yan lag bcu gnyis kyi
nang tshan du gyur pa'i tshor ba yid bde yin na/ de'i nang tshan
du gyur pa'i tshor ba bde ba yin dgos pa'i phyir te/ tshor ba yid
bde yin na/ tshor ba bde ba

yin pas khyab pa'i phyir/ rtags 'bud do/ /kha cig na re/ tshor ba
bde ba'i dbang po yin na/ dbang shes 'khor gyi tshor ba yin pas
khyab/ tshor ba yid bde yin na/ yid shes 'khor gyi tshor ba yin
pas khyab zer na/ khyi rgan rgya bo'i rgyud kyi tshor ba bde ba'i
dbang po chos can/ dbang shes 'khor

gyi tshor ba yin par thal/ tshor ba bde ba'i dbang po yin pa'i
phyir te/ chos can de yin pa'i phyir te/ 'dod na/ dbang shes
gtso sems yin par thal/ 'dod pa'i phyir/ 'dod mi nus te/ dbang
shes dang sems byung gi gzhi mthun yod pa'i phyir/ kha cig na
re/ tshor ba bde dbang yin na/

@13b dbang po'i rnam par shes pa'i 'khor du gyur pa'i tshor ba
yin pas khyab/ tshor ba yid bde yin na/ yid kyi rnam par shes
pa'i 'khor du gyur pa'i tshor ba yin pas khyab zer na/ khyi rgan
rgya bo'i rgyud kyi tshor ba bde ba'i dbang po chos can/ dbang
po'i rnam par shes pa'i 'khor du gyur pa'i tshor ba

yin par thal/ tshor ba bde ba'i dbang po yin pa'i phyir/ 'dod na/
dbang po'i rnam par shes pa rgyud la ldan pa'i gang zag yin na/
khyod rgyud la ldan pa'i gang zag yin dgos par thal/ khyod de
dang mtshungs ldan rnam pa lnga mtshungs yin pa'i phyir/ 'dod na/
sangs rgyas 'phags pas ma

nges so/ dam bca' phyi ma la yang skyon sla'o/ /kha cig na re/
zag bcas kyi tshor ba'i myong bya yin na/ shes pa yin pas khyab
zer na/ khyi rgan rgya bo'i sngon 'dzin mig gi rnam par shes
pa'i 'khor du gyur pa'i tshor ba'i myong byar gyur pa'i sngon po
chos can/ der thal de'i phyir/ de yod pa'i phyir te/

de dang khyi rgan rgya bo'i sngon 'dzin mig gi rnam par shes pa
gnyis mtshungs ldan yin pa gang zhig  /khyi rgan rgya bo'i sngon
'dzin mig gi rnam par shes pa'i myong byar gyur pa'i sngon po
yod pa'i phyir te/ de la sngon po myong ba'i cha gcig yod pa'i
phyir te/ de'i rkyen gsum ka tshang bar yod pa'i

phyir/ 'dod mi nus te/ chos can de yin pa'i phyir/ kha cig na
re/ rang yul yid 'ong du snang nas de la rang stobs kyis mi
'bral bar 'dod pa'i sems pa yan lag bcu gnyis kyi nang tshan du
gyur pa'i sred pa'i rten 'brel gyi mtshan nyid zer na/ de'i yul
yod par thal/ de'i yul de la

yid 'ong du snang ba'i phyir/ 'dod na/ de'i gzhal bya yod par
thal/ 'dod pa'i phyir/ 'dod na/ de chos can/ khyod kyi gzhal bya
med par thal/ khyod nyon mongs yin pa'i phyir/ gzhan yang/ khyi
rgan rgya bo'i rgyud kyi 'jigs sred chos can/ mtshan nyid der
thal/ mtshon bya de'i phyir te/ chos can de yin

pa'i phyir/ 'dod mi nus te/ 'jigs sred yin pa'i phyir/ gzhan
yang/ zag bcas kyi tshor ba btang snyoms dang mtshungs ldan du
gyur pa'i sred pa chos can/ mtshan nyid der thal/ mtshon bya de'i
phyir/ 'dod mi nus te/ chos can de yin pa'i phyir/ kha cig na
re/ yan lag gnyis pa 'du byed kyi

@14a @#/ /las la gsos 'debs byed kyi rang gi dmigs pa la mi 'bral
bar 'dod pa'i sems pa yan lag bcu gnyis kyi nang tshan du gyur
pa'i sred pa'i rten 'brel gyi mtshan nyid zer na/ 'o na/ yan lag
bcu gnyis kyi nang tshan du gyur pa'i sred pa yin na/ 'dod sred

yin dgos par thal/ dam bca' 'thad pa'i phyir/ 'dod mi nus te/
der gyur pa'i 'jigs sred yod pa'i phyir/ gzhan yang/ de yin na
yan lag gnyis pa 'du byed kyi las kyi rgyu yin dgos par thal/ de
yin na/ de la gsos 'debs byed yin dgos pa'i phyir/ 'dod mi nus
te/ de'i 'bras

bur gyur pa'i sred pa yod pa'i phyir/ kha cig na re/ rten 'brel
tshar gcig po de'i dbang du byas pa'i sred pa'i rten 'brel dang/
len pa'i rten 'brel gnyis mi 'gal zer na/ de gnyis 'gal bar
thal/ rten 'brel tshar gcig gi dbang du byas pa'i len pa'i rten
'brel yin na/ de'i dbang

du byas pa'i sred pa'i rten 'brel cher 'phel ba'i gnas skabs kyi
'dod chags yin dgos pa'i phyir/ der thal/ sred pa chang 'thung
ba dang/ len pa shing thog len pa'i dpe gnyis so sor gsungs pa'i
phyir/ kha cig na re/ 'dod pa nye bar len pa la 'dod pas khyab/
lta ba nye bar

len pa la lta ngan gyis khyab/ bdag du smra ba nye bar len pa la
bdag 'dzin gyis khyab zer na/ bdag du smra ba nye bar len pa
chos can/ khyod bdag 'dzin ma yin par thal/ 'dod chags yin pa'i
phyir te/ len pa'i rten 'brel yin pa'i phyir/ ! /gnyis pa rang
gi lugs ni/ rang rgyu

rten 'brel tshar gcig gi dbang du byas pa'i reg pa'i rten 'brel
rdzogs/ rang 'bras rten 'brel tshar gcig gi dbang du byas pa'i
sred pa'i rten 'brel ma grub gong gi rang gi dmigs yul du gyur
pa'i sim gdung bar ma gsum ci rigs pa rang stobs kyis nyams su
myong ba'i

sems pa gang zhig  /zag bcas rnam smin gyi ngo bor gyur pa'i
phung po yan lag bcu gnyis kyi nang tshan du gyur pa'i tshor ba'i
rten 'brel gyi mtshan nyid/ de la der gyur pa'i mig gis 'dus te
reg pa'i rkyen gyi tshor ba nas/ yid kyi 'dus te reg pa'i rkyen
gyi tshor ba'i bar drug  /

@14b de re re la tshor ba bde sdug btang snyoms gsum gsum yod/
chos kyi khyad par reg pa'i rten 'brel dang mtshungs/ rang gi
gsos btab byar gyur pa'i yan lag gnyis pa 'du byed kyi las la
gsos 'deb byed kyi rang gi dmigs pa la rang stobs kyis sred pa'i
zag bcas kyi sems pa/

yan lag bcu gnyis kyi nang tshan du gyur pa'i sred pa'i rten
'brel gyi mtshan nyid/ de la der gyur pa'i 'dod sred/ srid sred/
'jig sred dang gsum yod/ yul yid 'ong la dmigs nas mi 'bral bar
'dod pa'i sred pa dang po/ yul yid mi 'ong la dmigs nas 'bral
'dod kyi sred pa

gnyis pa/ bdag chad dogs kyi 'jig pas phung po la sred pa'i sred
pa gsum pa'o/ /rten 'brel tshar gcig gi dbang du byas pa'i sred
pa'i rten 'brel cher 'phel ba'i gnas skabs kyi 'dod chags yan
lag bcu gnyis kyi nang tshan du gyur pa'i len pa'i rten 'brel gyi
mtshan nyid/ de

la dbye na/ 'dod pa nye bar len pa/ lta ba nye bar len pa/ bdag
du smra ba nye bar len pa/ tshul khrims brtul zhugs mchog 'dzin
nye bar len pa dang bzhi yod/ de gnyis kyi chos kyi khyad par
ni/ dge sogs gsum gyi nang nas lung ma bstan gyis khyab/ mthong
spangs bsgom spangs gnyis

ka yod/ skye 'phags gnyis ka'i rgyud la yod/ khams gsum ka'i
rten la yod/ kha cig  /yan lag bcu gnyis kyi nang tshan du gyur
pa'i sred len gnyis kyis gsos btab pa'i zag bcas kyi las/ yan
lag bcu pa srid las kyi mtshan nyid zer na/ yan lag bcu gnyis kyi
nang tshan

du gyur pa'i sred pas gsos btab len pas gsos ma btab pa'i yan
lag bcu pa srid las chos can/ mtshan nyid der thal/ mtshon bya
de'i phyir te/ chos can de yin pa'i phyir te/ de yod pa'i phyir
ste/ yan lag gnyis pa 'du byed kyi las de la dang por sred pas
gsos btab/ de rjes

len pas gsos 'debs pa yin pa'i phyir/ 'dod mi nus te/ chos can
de yin pa'i phyir/ kha cig na re/ 'grub byed dang las kyi gzhi
mthun pa yin na/ 'grub byed kyi las yin pas khyab zer na/ yan
lag gnyis pa 'du byed kyi las chos can/ der thal de'i phyir/
'grub byed gang zhig  /las

@15a @#/ /yin pa'i phyir/ dang po der thal/ 'phen byed kyi las
yin pa'i phyir/ khyab ste/ de yin na/ yang srid phyi ma'i phung
po gcig bskyed pas khyab pa'i phyir/ 'dod na/ 'grub byed kyi las
ma yin par thal/ 'phen byed kyi las yin pa'i phyir/ kha cig na
re/ srid pa'i rten 'brel dang skye

ba'i rten 'brel gnyis kyi bar du tshe gzhan gyis chod pa mi srid
zer na/ khyi rgan rgya bo'i srid pa'i rten 'brel dang/ skye ba'i
rten 'brel gnyis kyi bar du tshe gzhan gyis chod pa mi srid par
thal/ dam bca' 'thad pa'i phyir/ 'dod na/ de srid par thal/ de
gnyis kyi bar du khyi rgan rgya bo'i bar do'i tshes

chod pa'i phyir te/ khyi rgan rgya bo'i bar do'i tshe de khyi
rgan rgya bo'i tshe ma yin pa'i phyir te/ khyi rgan rgya bo'i bar
do ba de 'gro ba rigs drug po gang rung ma yin pa'i phyir/ phyi
ma der thal/ mdzod las/ srid pa bar ma 'gro ma gtogs/ /zhes
gsungs pa'i phyir/ kha cig na re/ de gnyis kyi bar du khyi rgan

rgya bo'i bar do'i tshe las gzhan pa'i tshes chod pa mi srid zer
na/ de srid par thal/ khyi rgan rgya bo'i bar srid du skye ba
gcig blangs/ skye srid du skye ba ma blangs par mir skye ba len
pa yod pa gang zhig  /khyi rgan rgya bo'i bar srid du skye ba
len pa la/ khyi rgan rgya bo'i rnam smin gyi phung po 'phen byed
kyi

las bsog pa sngon du 'gro dgos pa'i phyir te/ de la khyi rgan
rgya bo'i rnam smin gyi phung po 'phen byed kyi las la sred len
gang rung gis gsos btab srid las nus pa mthu chen du byas pa
gcig dgos pa'i phyir/ phyi ma der thal/ kun las btus las/ ci de
na ldog go de na gnas pas kyang

las bsog go  / zhes gsungs pa'i phyir/ kha cig na re/ las dang
nyon mongs pa'i dbang gis byung ba'i srid pa yin na/ yan lag bcu
gnyis kyi nang tshan du gyur pa'i srid pa'i rten 'brel yin pas
khyab zer na/ las dang nyon mongs pa'i dbang gis rang dbang med
par mngal du nying 'tshams

sbyar ba'i cha chos can/ der thal de'i phyir te/ las dang nyon
mongs pa'i dbang gis byung ba'i 'khor ba yin pa'i phyir/ der
thal/ chos can de yin pa'i phyir/ 'dod mi nus te/ chos can de
yin pa'i phyir/ kha cig na re/ yan lag bcu gnyis kyi nang tshan
du gyur pa'i srid pa'i rten 'brel la

@15b dbye na/ skye srid/ 'chi srid/ bar srid/ sngon dus kyi srid
pa dang bzhi yod zer na/ de mi 'thad par thal/ de bzhi po gang
rung yin na/ yan lag bcu gnyis kyi nang tshan du gyur pa'i srid
pa'i rten 'brel ma yin dgos pa'i phyir/ rtags 'bud do/ /kha cig
na re/ las dang nyon mongs

pa'i dbang gis ma'i mngal nas phyi rol du btsa' ba de yan lag
bcu gnyis kyi nang tshan du gyur pa'i skye ba'i rten 'brel yin
zer na/ de mi 'thad par thal/ de sngon dus kyi srid pa gang zhig
/rang rgyu las dang nyon mongs pa'i dbang gis nying 'tshams sbyar
ba de yan lag bcu

gnyis kyi nang tshan du gyur pa'i skye ba'i rten 'brel yin pa'i
phyir/ kha cig  /skye ba'i rten 'brel yin na/ yan lag bcu gnyis
kyi nang tshan du gyur pa'i skye ba'i rten 'brel yin pas khyab
zer na/ byang sems 'phags pa snying rje dang smon lam gyi dbang
gis padma'i sbubs su skye ba de chos

can/ der thal de'i phyir te/ skye ba'i ltos grub yin pa'i phyir/
'dod na/ sdug bden du thal lo/ /kha cig na re/ skyes bu lhas
sbyin na tshod gzhan nas gzhan du gyur pa'i cha yin na/ rgas pa'i
rten 'brel yin pas khyab zer na/ skye bu lhas sbyin byis pa nas
gzhon nur gyur pa'i cha chos

can/ der thal de'i phyir te/ chos can de yin pa'i phyir/ 'dod mi
nus te/ dar ba'i rten 'brel yin pa'i phyir te/ chos can de yin
pa'i phyir/ kha cig na re/ las dang nyon mongs kyi dbang gis
skyes bu lhas sbyin na tshod gzhan nas gzhan du gyur pa'i cha yin
na/ rgas pa'i rten 'brel yin pas

khyab zer na/ las dang nyon mongs kyi dbang gis skyes bu lhas
sbyin gzhon nu nas dar mar gyur pa'i cha chos can/ der thal de'i
phyir/ chos can de yin pa'i phyir/ 'dod mi nus te/ dar ba'i rten
'brel yin pa'i phyir/ kha cig na re/ khams gong ma gnyis su rgas
pa'i sdug bsngal med zer

na/ de yod par thal/ khams gong ma gnyis su las dang nyon mongs
pa'i dbang gis blangs pa'i 'du byed kyi phung po rnying pa'i
sdug bsngal yod pa'i phyir te/ khams gong ma gnyis su 'du byed
rnying pa lta bu'i sdug bsngal yod pa'i phyir/ khams gong ma
gnyis su khyab pa 'du byed kyi sdug bsngal yod

@16a @#/ /pa'i phyir/ kha cig na re/ rang rgyu skye ba'i rkyen
las byung ba'i rga shi gang rung du dmigs pa/ yan lag bcu gnyis
kyi nang tshan du gyur pa'i rga shi'i mtshan nyid zer na/ de'i
nang tshan du gyur pa'i rga shi'i yin pa srid par thal/ 'dod pa'i
phyir/ 'dod mi nus so/ kha cig

na re/ rang rgyu las nyon gyis srog dbang 'gags pa de yan lag
bcu gnyis kyi nang tshan du gyur pa'i 'chi ba'i rten 'brel gyi
mtshan nyid zer na/ las nyon gyi dbang gis srog dbang 'gags pa
chos can/ sdug bden yin par thal/ yan lag bcu gnyis kyi nang
mtshan du gyur

pa'i 'chi ba'i rten 'brel yin pa'i phyir/ 'dod mi nus te/ 'dus
ma byas yin pa'i phyir te/ srog dbang 'gags pa 'dus ma byas yin
pa'i phyir/ ma grub na/ srog dbang chos can/ khyod 'gags pa 'dus
ma byas yin par thal/ khyod gzhi grub pa'i phyir/ kha cig na re/
yan

lag bcu gnyis kyi nang tshan du gyur pa'i shi ba'i rten 'brel
srog dbang 'gags pa la byas nas de rgyud la ldan pa'i gang zag
yod pa'i phyir zer na/ shi ba'i gang zag yod par thal/ khyod kyi
dam bca' 'thad pa'i phyir/ 'dod na/ de kho kho rang yin par
thal/ kho yod pa'i phyir/ 'dod

mi nus te/ gang zag yin na/ ma shi ba'i gang zag yin dgos pa'i
phyir te/ gang zag yin na/ tshe dang ldan pa'i gang zag yin dgos
pa'i phyir/ ! /rang gi lugs ni rang nyid la gsos 'debs byed/ yan
lag bcu gnyis kyi nang tshan du gyur pa'i sred len gang rung gis
gsos btab pa'i

yang srid phyi ma'i rnam smin gyi phung po 'grub byed kyi las
nus pa mthu can/ yan lag bcu gnyis kyi nang tshan du gyur pa'i
srid las kyi mtshan nyid/ de la ngo bo'i sgo nas dbye na/ der
gyur pa'i bsod nams dang bsod nams ma yin pa'i las mi g.yo ba'i
las dang gsum yod/ de'i chos kyi khyad

par ni yan lag gnyis pa 'du byed kyi las dang mtshungs/ spyir
srid pa tsam la dbye na/ skye srid 'chi srid bar srid sngon dus
kyi srid pa bzhi yod/ rang rgyu las nyon gyi dbang gis rang
dbang med par yang srid du nying 'tshams sbyar ba'i cha dang po
dang/ rang rgyu las nyon gyi dbang gis rang dbang med

@16b par srog dbang 'gags pa'i cha gnyis pa/ 'chi srid 'gags
skye srid ma grub gong gi srid pa gsum pa dang/ skye srid grub
pa'i dus skad cig gnyis pa nas bzung ste 'chi srid ma grub gong
gi srid pa bzhi pa yin no/ rang rgyu las nyon gyi dbang gis yang
srid du nying 'tshams sbyar ba'i char gyur pa'i zag

bcas rnam smin gyi ngo bor gyur pa'i phung po/ yan lag bcu gnyis
kyi nang tshan du gyur pa'i skye ba'i rten 'brel gyi mtshan nyid/
spyir skye ba tsam la dbye na/ mngal skyes/ rdzus skyes/ sgong
skyes/ drod gsher las skyes pa dang bzhi yod/ lha dang dmyal ba
dang/ srid pa bar do ba rnams la rdzus skyes yin pas

khyab; mi dang yi dwags rnams la skyes gnas bzhi yod de/ mdzod
las/ dmyal ba rnams dang lha rnams dang/ /srid pa bar ma rdzus
te skye/ /yi dwags mngal nas skye ba'ang yod/ /zhes gsungs pa'i
phyir/ rang rgyu las nyon gyi dbang gis blangs pa'i rnam smin
gyi phung po rnying pa'i cha/ yan lag bcu gnyis kyi

nang tshan du gyur pa'i rgas pa'i rten 'brel gyi mtshan nyid/ de
la dbye na/ skra dkar ba gnyer tshogs mang ba sogs yod/ rang rgyu
las nyon gyi dbang gis srog dbang 'gags pa'i cha/ yan lag bcu
gnyis kyi nang tshan du gyur pa'i 'chi ba'i rten 'brel kyi mtshan
nyid/ de la yang tshe zad pa drod nyams

pa sogs du ma yod/ rga shi gnyis yan lag gcig tu byed pa'i rgyu
mtshan yod de/ skyes bu 'ga' zhig ma shi bar rgas pa yod 'ga'
zhig ma rgas par 'chi ba yod pa'i rgyu mtshan gyis de gnyis yan
lag gcig tu bshad pa'i phyir/ phyi ma rnams kyi chos kyi khyad
par ni/ sred len gnyis dang mtshungs/

mdo las/ mya ngan dang/ smre sngags 'don pa dang/ sdug bsngal ba
dang yid mi bde ba dang 'khrugs pa la sogs pa sdug bsngal gyi
phung po 'ba' zhig pa rnams 'byung ngo/ /zhes gsungs kyang/ de
dag 'dir dngos su ma bstan pa'i rgyu mtshan yod de/ tshangs spyod
rnam par dag pa dang ldan pa'i dge slong

yid bde bzhin du 'chi ba yod pa'i rgyu mtshan gyis ma drangs pa'i
phyir/ ! /rtsod pa cung zad spong ba la/ kha cig na re/ khyi'i
bar srid du skye ba blangs nas skye srid du skye ba mi len pa
med par thal/ khyi'i rnam smin gyi phung po 'grub byed kyi las
yin na/ myong nges kyi las yin dgos pa'i phyir te/ de yin na/
khyir skye ba

@17a @#/ /len pa'i 'gal rkyen dang bral zhing mthun rkyen tshang
ba'i las yin dgos pa'i phyir te/ de yin na/ khyi'i rnam smin gyi
phung po 'phen byed kyi las la sred len gang rung gis gsos btab
srid las nus pa mthu chen du byas pa de yin dgos pa'i phyir zer
na ma khyab/ 'dod mi nus

so; ;kha cig  /khyi'i bar srid du skye ba blangs skye srid du
skye ba mi len pa med par thal/ mi bzlog de ni dri za'o/ /zhes
gsungs pa'i phyir zer na/ skyon med de/ de ni bye brag smra bas
'dod pas btags pa tsam yin pa'i phyir/ kha cig na re/ khams gong
ma gnyis su rgas pa'i sdug bsngal med

par thal/ rgas pa'i sdug bsngal 'chad pa na/ rten 'brel gyi mdo
las/ skra dkar ba gnyer tshogs mang ba sogs gsungs pa gang zhig
/khams gong ma gnyis su de dag med pa'i phyir/ zer na skyon med
de/ de ni 'dod khams pa'i dbang du byas pa yin pa'i phyir/ kha
cig na re/ shi ba'i gang

zag yod par thal/ 'chi ba'i gang zag yod pa'i phyir/ zer na ma
khyab/ 'o na/ srog dbang 'gags pa'i gang zag yod par thal/ gang
zag srog dbang 'gags pa yod pa'i phyir/ khyab pa khas/ ma grub
na der thal/ 'chi ba'i gang zag yod pa'i phyir/ 'dod mi nus te/
gang zag yin na srog

dbang dang bcas pa yin dgos pa'i phyir/ kha cig na re/ skye ba'i
rkyen gyis rga shi/ zhes gsungs pa mi 'thad par thal/ yan lag
bcu gnyis kyi nang tshan du gyur pa'i shi ba'i rten 'brel rgyud
la ldan pa'i gang zag med pa'i phyir zer na ma khyab/ ! /rang gi
lugs la/ rten 'brel yan

lag bcu gnyis kyi byed las kyi khyad par yod de/ 'dra ba'i byed
las dang/ mi 'dra ba'i byed las gnyis kyi khyad par yod pa'i
phyir/ dang po der thal/ yan lag snga ma snga mas phyi ma phyi
ma bskyed pa 'dra ba'i byed las yin pa'i phyir/ phyi ma der
thal/ yan lag dang pos gang zag gi bdag

med pa'i de kho na nyid la sgrib par byed/ yan lag gnyis pas
yang srid phyi ma'i sa bon 'debs par byed/ yan lag gsum pas yang
srid phyi mar 'khrid par byed/ yan lag bzhi pas yang srid phyi
ma'i rnam smin gyi phung po 'dzin par byed/ yan lag lnga pas
yang srid phyi ma'i rnam smin gyi

@17b phung po rdzogs par byed/ yan lag drug pas yul dbang rnam
shes gsum 'dus pa la brten nas yul gyi 'gyur ba rang stobs kyis
spyod par byed/ yan lag bdun pas sim gdung bar ma gsum gang rung
rang stobs kyis nyams su myong bar byed/ yan lag brgyad pas yang
srid phyi ma'i rnam

smin gyi phung po bsdud par byed/ yan lag dgu pas yang srid phyi
mar nye bar sbyor bar byed/ yan lag bcu pas yang srid phyi mar
mngon par 'du byed par byed/ yan lag bcu gcig pa dang bcu gnyis
pas rang rgyud la ldan pa'i gang zag sdug bsngal bar byed pa'i
phyir/ de skad du yang dbus

mtha' las/ sgrib pa'i phyir dang 'debs pa'i phyir/ 'khrid pa'i
phyir dang kun 'dzin phyir/ rdzogs byed phyir dang gsum spyod
phyir/ /myong byed phyir dang bsdud pa'i phyir/ sbyor ba'i phyir
dang mngon 'du'i phyir/ /du kha'i phyir ni 'gro nyon mongs/
/zhes gsungs pa'i phyir/ ! /gnyis pa bsdu ba bshad

pa la/ yan lag bcu gnyis po de bsdu tshul yod de/ rgyu 'bras
gnyis su 'du/ sdug kun gnyis su 'du/ nyon mongs gsum du 'du ba
yin pa'i phyir/ dang po der thal/ yan lag dang po gnyis 'phen
byed kyi rgyu dang/ rnam shes kyi rten 'brel nas bzung ste/ tshor
ba'i rten 'brel gyi bar

rnams 'phangs pa'i 'bras bu dang/ sred len srid pa gsum ni 'grub
byed kyi rgyu dang/ skye ba'i rten 'brel nas rga shi'i rten
'brel gyi bar rnams mngon par 'grub pa'i 'bras bu yin pa'i
phyir/ gnyis pa der thal/ yan lag dang po gnyis sred len srid pa
gsum dang bcas pa rnams

kun 'byung bden par 'du ba dang lhag ma rnams sdug bsngal bden
par 'du ba'i phyir/ gsum pa der thal/ ma rig pa sred len gsum po
de nyon mongs pa'i kun nas nyon mongs pa dang/ 'du byed srid pa
gnyis ni las kyi kun nas nyon mongs pa dang/ lhag ma bdun po
gzhi'i kun nas nyon

mongs pa dang/ skye ba'i kun nas nyon mongs pa dang /tshe'i kun
nas nyon mongs par 'du ba'i phyir/ de skad du yang dbu ma rten
'brel snying po las dang po brgyad pa dgu nyon mongs/ /gnyis pa
bcu pa las yin no/ /lhag ma bdun ni sdug bsngal yin/ /zhes
gsungs pa'i phyir/ yan lag

@18a @#/ /rkyen du 'gyur ba'i tshul yod de/ shes par gyur pa'i yan
lag snga ma snga mas shes par gyur pa'i yan lag phyi ma phyi
ma'i rgyu rkyen bdag rkyen de ma thag rkyen ci rigs byed/ gzugs
can du gyur pa'i yan lag snga ma snga mas gzugs can du gyur pa'i
yan lag phyi

ma phyi ma'i rgyu rkyen dang bdag rkyen ci rigs byed/ shes par
gyur pa'i yan lag snga ma snga mas gzugs can du gyur pa'i yan
lag phyi ma phyi ma'i bdag rkyen dang/ rgyu rkyen ci rigs byed/
gzugs can du gyur pa'i yan lag snga ma snga mas shes par gyur
pa'i yan lag phyi ma phyi

ma'i dmigs rkyen dang/ rgyu rkyen ci rigs byed pa'i phyir/ !
/gsum pa tshe du la rdzogs bshad pa la/ kha cig na re/ yan lag
bcu gnyis po de tshe gcig la rdzogs pa yod zer na/ de mi 'thad
par thal/ skye ba sngon ma nas ma shi bar 'dir skye ba med pa'i
phyir dang 'di nas ma shi bar

phyi mar skye ba len pa med pa'i phyir/ kha cig na re/ yan lag
bcu gnyis po de tshe mi 'dra ba gnyis la rdzogs pa med zer na/ de
yod par thal/ mi'i rten la lha'i rnam smin gyi phung po 'phen
byed kyi las bsags/ las de la sred len gnyis kyis gsos btab srid
las nus pa mthu chen du

byas nas skye ba gzhan gyis bar ma chod par lhar skye ba len
pa'i tshe yan lag bcu gnyis po de tshe mi 'dra ba gnyis la rdzogs
pa yin pa'i phyir te/ yan lag dang po gnyis sred len srid pa
gsum mi'i tshe de la rdzogs/ lhag ma rnams lha'i tshe de la rdzogs
pa yin pa'i phyir/ kha cig na re/

rten 'brel yan lag bcu gnyis po de tshe mi 'dra ba gsum la rdzogs
pa med zer na/ de yod par thal/ mi'i rten la lha'i rnam smin gyi
phung po 'phen byed kyi las bsags las de la sred len gnyis kyis
gsos ma btab par shi 'phos las gzhan gyi dbang gis mir skye ba
blangs rten

de la/ sngar gyi lha'i rnam smin gyi phung po 'phen byed kyi las
la sred len gnyis kyis gsos btab srid las nus pa mthu chen du
byas nas lhar skye ba len pa'i tshe yan lag bcu gnyis po de tshe
mi 'dra ba gsum la rdzogs pa'i phyir te/ yan lag dang po gnyis
mi'i tshe dang po la rdzogs/ sred

@18b len srid pa gsum mi'i tshe gnyis pa la rdzogs/ lhag ma rnams
lha'i tshe la rdzogs pa yin pa'i phyir/ kha cig na re/ rten 'brel
yan lag bcu gnyis po de ji ltar bul yang tshe mi 'dra ba bzhi la
rdzogs pa med zer na/ de yod par thal/ mi'i rten la lha'i rnam
smin gyi phung po 'phen

byed kyi las bsags/ las de la sred len gang gis yang gsos ma
btab par las gzhan gyi dbang gis mir skye ba blangs/ rten de la
lha'i rnam smin gyi phung po 'phen byed kyi las de la sred pas
gsos btab len pas gsos ma btab par shi 'phos las gzhan gyi dbang

gis mir skye ba blangs/ rten de la sngar gyi las de la len pas
gsos btab srid las nus pa mthu chen du byas nas lhar skye ba
blangs pa'i tshe/ yan lag bcu gnyis po de tshe mi 'dra ba bzhi la
rdzogs pa'i phyir te/ yan lag dang po gnyis mi'i tshe dang po la
rdzogs/ sred pa mi'i tshe gnyis pa la

rdzogs/ len pa mi'i tshe gsum pa dang/ lhag ma bdun po lha'i tshe
la rdzogs pa yin pa'i phyir/ ! /gnyis pa rang gi lugs la/ rten
'brel yan lag bcu gnyis po de ji ltar myur yang tshe mi 'dra ba
gnyis la rdzogs dgos pa yin te/ mi'i rten la lha'i rnam smin gyi
phung po 'phen byed

kyi las bsags/ las de la sred len gnyis kyis gsos btab srid las
nus pa mthu chen du byas nas skye ba gzhan gyis bar ma chod par
lhar skye ba blangs pa de'i tshe yan lag bcu gnyis po de tshe mi
'dra ba gnyis la rdzogs pa yin pa'i phyir/ sgrub byed gong dang
mtshungs/ rten 'brel yan

lag bcu gnyis po de/ tshe mi 'dra ba gsum la rdzogs pa yod de/
mi'i rten la lha'i rnam smin gyi phung po 'phen byed kyi las
bsags las de la sred len gnyis kyis gsos ma btab par shi 'phos
las gzhan gyi dbang gis mir skye ba blangs/ rten de la lha'i
rnam smin gyi phung po 'phen byed

kyi las de la sred len gnyis kyis gsos btab srid las nus pa mthu
chen du byas nas lhar skye ba blangs pa'i tshe yan lag bcu gnyis
po de tshe mi 'dra ba gsum la rdzogs pa yin pa'i phyir te/ yan
lag dang po gnyis mi'i tshe dang po dang sred len srid pa gsum
mi'i tshe gnyis pa dang/

@19a @#/ /lhag ma bdun po lha'i tshe de la rdzogs pa yin pa'i
phyir/ rten 'brel yan lag bcu gnyis po de ji ltar bul yang/ tshe
mi 'dra ba bzhi la rdzogs nus te/ mi'i rten la lha'i rnam smin
gyi phung po 'phen byed kyi las bsags/ las de la sred len gang
rung gis gsos ma

btab par las gzhan gyi dbang gis mir skye ba blangs/ rten de la
lha'i rnam smin gyi phung po 'phen byed kyi las de la sred pas
gsos btab len pas gsos ma btab par las gzhan gyi dbang gis mir
skye ba blangs/ rten de la sngar gyi las de la len pas gsos btab
srid las

nus pa mthu chen du byas nas lhar skye ba blangs pa na/ yan lag
bcu gnyis po de tshe mi 'dra ba bzhi la rdzogs pa yin pa'i phyir
te/ yan lag dang po gnyis mi'i tshe dang po la rdzogs/ sred pa
mi'i tshe gnyis pa dang/ len pa dang srid pa mi'i tshe gsum pa
dang/ lhag ma bdun lha'i tshe la

rdzogs pa yin pa'i phyir/ lha'i rnam smin gyi phung po 'phen
byed kyi las la sred pas gsos btab len pas gsos ma btab par shi
'pho ba yod par thal/ de'i rten la bdag chad dogs kyi 'jig pas
phung po la sred pa'i sred pa skyes sred pa des lha'i rnam smin
gyi phung po 'phen byed

kyi las la gsos btab len pas gsos ma btab par shi 'phos lha'i
bar srid du skye ba blangs/ skye srid du skye ba ma blangs par
mir skye ba yod pa'i phyir te/ lha'i bar srid du skye ba blangs
na/ lha'i skye srid du skye ba len pas ma khyab pa'i phyir/ kun
las btus las/ ci de na ldog go

de na gnas pas kyang las bsog go  /zhes gsungs pa'i phyir/ !
/gsum pa rtsod pa spong ba la/ kha cig na re/ lha nas mir skye
ba blangs pa'i 'bras bu'i rten 'brel bdun po de mi'i rten la
yongs su rdzogs par thal/ khyod kyis dam bca' 'thad pa'i phyir
zer na ma khyab/

'dod mi nus te/ lha nas mir skye ba blangs nas ma rgas par shi
ba yod pa'i phyir te/ rga shi gnyis yan lag gcig tu byed pa la
rgyu mtshan yang dag yod pa'i phyir/ kha cig na re/ yan lag bcu
gnyis po de ji ltar bul yang tshe mi 'dra ba bzhi la rdzogs nus
pa mi 'thad par

@19b thal/ 'phen byed kyi las gcig gis khyi'i rnam smin gyi
phung po brgya 'phen pa yod pa'i phyir na ma khyab/ ma grub na
der thal/ tshigs bcad gcig tsam nyan pa la/ /gang gi bla mar mi
'dzin pa/ /khyi yi skye ba brgya blangs nas/ /rme sha can du
skye bar 'gyur/ /zhes gsungs pa'i phyir/ zer na/ 'o na/ de

'dra'i khyi'i tshe brgya po de rten 'brel gzhan gyi tshe yin par
thal/ khyod kyi bsgrub byed de la khyab 'brel yod pa'i phyir/
'dod mi nus te/ de 'dra'i khyi'i tshe brgya po de 'phen byed kyi
las gcig gis 'phangs pa'i khyi'i tshe de'i cha shas yin pa'i
phyir te/ khyi'i tshe la cha shas du ma yod pa'i phyir/

kha cig na re/ de 'dra'i khyi'i tshe brgya po de rten 'brel gzhan
gyi tshe yin par thal/ de 'dra'i khyi'i tshe gnyis pa de khyi'i
tshe dang po las rten 'brel gzhan gyi tshe yin pa'i phyir te/ de
khyi'i tshe dang po las gzhan pa'i tshe yin pa'i phyir zer na ma
khyab/ 'dod mi nus so/ /kha cig na re/ rten 'brel

yan lag bcu gnyis po de ji ltar bul yang/ tshe mi 'dra ba bzhi la
rdzogs par mi 'thad par thal/ mi'i rnam smin gyi phung po 'phen
byed kyi las dang 'bras bu'i bar du bskal pa brgya phrag du mas
chod pa yod pa'i phyir/ zer na ma khyab/ ma grub na der thal/
mdo las/ lus can rnams kyi las

rnams ni/ /bskal pa brgyar yang chud mi za/ /zhes gsungs pa'i
phyir/ zer na skyon med de/ de 'dra'i bskal pa brgya'i bar gyi
tshe rnams rten 'brel tshar gzhan gyis rdzogs pa'i tshe yin gyi
rten 'brel tshar gcig po de'i dbang du byas pa'i tshe rdzogs pa ma
yin pa'i phyir/ ! /bzhi pa sa mtshungs

bshad pa la gsum las/ kha cig  /las kyi rten 'brel gnyis sred
len gnyis 'bras bu'i rten 'brel bdun dang bcas pa rnams gang du
skye ba'i skyes sas bsdus/ ma rig pa la nges pa med de/ nyon yid
kyi 'khor du gyur pa'i ma rig pas yan lag gnyis pa 'du byed kyi
las gsar du

bsags pa na/ ma rig pa de las gang du bsog pa'i rten gyi sas
sdus/ ye shes kyi 'khor du gyur pa'i ma rig pas yan lag gnyis pa
'du byed kyi las gsar du bsog pa na 'og sa nas gong sar skye ba
len pa'i tshe/ ma rig pa 'og sas bsdus/ rang sa nas rang sar skye
ba len

@20a @#/ /pa'i tshe/ ma rig pa 'og sas bsdus/ srid rtse nas ci
yang med du skye ba len pa'i tshe/ ma rig pa rnam shes kyi sas
bsdus/ bsam gtan gnyis pa nas bsam gtan dang por skye ba len pa
de'i tshe/ ma rig pa 'dod pa'i sas bsdus/ khams gsum sa dgu po
gang nas kyang

'dod par skye ba len pa de'i tshe/ yan lag bcu gnyis po thams cad
'dod par sa mtshungs pa kho na yin no/ /nyon yid kyi 'khor du
gyur pa'i ma rig pas yan lag gnyis pa 'du byed kyi las gsar du
bsog pa na/ ma rig pa de gang du las bsog pa'i rten gyi sas
bsdus pa yin

par thal/ nyan sa las/ gang du skyes pa de'i 'o/ /zhes gsungs
pa'i phyir/ zer ba dang/ gong sa'i rten la 'og sa'i snyoms 'jug
mngon du 'gyur ba dang/ gong sa'i rten la 'og sa'i nyon mongs
mngon du 'gyur ba dang/ gong sa'i rten la 'og sa'i rnam smin gyi
phung po 'phen byed kyi las bsog pa

dang/ rang sa'i rten la rang sa'i rnam smin gyi phung po 'phen
byed kyi las gsar du bsog pa yod dam med dris pa na/ gong sa'i
snyoms 'jug las ma nyams par 'og sa'i snyoms 'jug mngon du 'gyur
ba med kyang/ gong sa'i snyoms 'jug las nyams nas ni gong sa'i
rten la

'og sa'i snyoms 'jug mngon du 'gyur ba yod cing gzhan rnams med
do/ /zer na/ rtsa ba'i dam bca' dang po mi 'thad par thal/ kun
gzhi dang nyon yid yod na nyon mongs phyogs kyi 'grel rkang
'chad pa na/ rnam shes tshogs brgyad kyi 'grel rkang 'byung rigs
pa la rnam shes tshogs drug

gi 'grel rkang las mi 'byung ba'i phyir/ gzhan yang/ kun gzhi
dang nyon yid med par thal/ slob dpon gyis 'grel chen gyi chos
sku'i 'tshams sbyar du kun gzhi 'dod pa'i gzhan lugs bkod pa tsam
ma gtogs/ rang lugs la kun gzhi dang nyon yid yod pa gang du
yang

ma gsungs pa'i phyir/ gzhan yang/ gong sa'i rten la gong sa'i
snyoms 'jug las ma nyams par 'og sa'i snyoms 'jug mngon du 'gyur
ba yod par thal/ srid rtse'i dngos gzhi thob la ma nyams pa'i
phyir mi 'ong gi rgyud la ci yang med kyi dngos gzhi mngon du
'gyur ba yod

@20b pa'i phyir/ mdzod las/ srid rtse'i 'phags pa ci yang med/
/mngon du byas nas zag pa zad/ /zhes gsungs pa'i phyir/ 'dod na/
'gal lo/ /gzhan yang/ gong sa'i rten la 'og sa'i rnam smin gyi
phung po 'phen byed kyi las gsar du bsog pa yod par thal/ tshangs
chen gyi rten la 'dod pa'i

rnam smin gyi phung po 'phen byed kyi las gsar du bsog pa yod
pa'i phyir te/ tshangs chen gyi rten la log lta mngon du 'gyur ba
yod pa'i phyir te/ tshangs chen gyi rten la log lta yod pa'i
phyir te/ tshangs chen log lta'i gnas yin pa'i phyir/ kha cig na
re/ thar pa la thar pa min par lta ba

de mi dge ba yin kyang/ thar pa min pa la thar par lta ba mi dge
ba min no zer na/ de mi 'thad par thal/ thar pa ma yin pa la
thar par lta ba de sdig pa yin pa'i phyir/ ma khyab na/ 'gal lo/
/ma grub na der thal/ chos la chos min zhes smras pa dang/ chos
min pa la chos yin zhes smras pa

gnyis sdig pa mnyam par tshad ldan gyi gzhung las gsungs pa'i
phyir/ gzhan yang/ gong sa'i rten la 'og sa'i rnam smin gyi
phung po 'phen byed kyi las gsar du bsog pa yod par thal/ khams
gong ma'i rten la dmyal ba'i rnam smin gyi phung po 'phen byed
kyi las gsar du bsog pa

yod pa'i phyir te/ bsam gtan bzhi pa'i dngos gzhi thob la ma
nyams pa'i phyi rol pa kha cig  /thar pa thob par rloms nas bsam
gtan bzhi pa'i bar srid du skye ba blangs/ rten de la thar pa la
yid brtan du mi rung ba'i log lta skyes/ de'i dbang gis dmyal
bar skye ba yod pa rnam nges

las gsungs pa gang zhig  /bsam gtan bzhi pa'i bar srid kyi rten
khams gong gi rten yin pa'i phyir te/ bsam gtan bzhi pa'i bar
srid kyi rten la myang 'das mngon du byed pa'i phyir mi 'ong de
khams gong gi rten la myang 'das mngon du byed pa'i phyir mi
'ong yin pa'i phyir te/ gzugs

nyer 'gro'i phyir mi 'ong bar 'da' ba des khams gong gi rten la
myang 'das mngon du byed pa'i phyir/ ma grub na/ de chos can/
khyod kyis khams gong gi rten la myang 'das mngon du byed par
thal/ khyod khams gong gi nyer 'gro'i phyir mi 'ong yin pa'i
phyir/ gzhan yang/ rang sa'i rten la

@21a @#/ /rang sa'i rnam smin gyi phung po 'phen byed kyi las
gsar du bsog pa yod par thal/ bsam gtan dang po'i rten la bsam
gtan dang po'i rnam smin gyi phung po 'phen byed kyi las gsar du
bsog pa yod pa'i phyir te/ tshangs ris kyi rten la tshangs pa mdun
na 'don

gyi rnam smin gyi phung po 'phen byed kyi las gsar du bsog pa
yod pa'i phyir te/ tshangs ris kyi rten la rgyu snyoms 'jug gi
bsam gtan dang po'i dngos gzhi 'bring sgom pa yod pa'i phyir te/
de la chung 'bring chen po gsum gyi dbye ba 'thad pa'i phyir/
gzhan yang/ rang sa'i rten

la rang sa'i rnam smin gyi phung po 'phen byed kyi las gsar du
bsog pa yod par thal/ 'dod pa'i rten la rang sa'i rnam smin gyi
phung po 'phen byed kyi las gsar du bsog pa yod pa'i phyir te/
'dod pa'i rten la 'dod pa'i rnam smin gyi phung po 'phen byed
kyi las gsar du bsog pa yod pa'i

phyir te/ 'dod pa'i rten la dmyal ba'i rnam smin gyi phung po
'phen byed kyi las gsar du bsog pa yod pa'i phyir te/ mi'i rten
la mtshams med kyi las gsar du bsog pa yod pa'i phyir/ de ltar
byas nas/ khams gsum sa dgu po gang nas kyang 'dod par skye ba
len pa'i tshe/

yan lag bcu gnyis po thams cad 'dod par sa mtshungs pa kho na yin
pa mi 'thad par thal/ tshangs chen gyi rten la 'dod pa'i rnam
smin gyi phung po 'phen byed kyi las bsags nas 'dod par skye
ba'i tshe ma rig pa tshangs chen gyi sas bsdus pa'i phyir/ der
thal/ ma rig pa

rten gyi sa pa yin pa'i phyir te/ nga'o snyam pa'i ngar 'dzin
lhan skyes rten gyi sa pa yin pa'i phyir/ kha cig na re/ thar pa
thob par rloms pa'i bsam gtan bzhi pa'i dngos gzhi thob la ma
nyams pa'i phyi rol pa de las nyon gyi dbang gis bsam gtan bzhi
par skye ba blangs/ de nas shi

'phos nas bde 'gro'i bar srid gang yang rung ba zhig du skye ba
blangs/ rten de la thar pa la yid brtan du mi rung ba'i log lta
skyes/ de'i dbang gis dmyal bar skye ba yod pas de la dgongs
nas/ don gsang rnam nges las/ bsam gtan bzhi pa'i dngos gzhi
thob la ma nyams

@21b pa'i phyi rol pa kha cig  /bsam gtan bzhi pa'i bar srid du
skye ba blangs rten de la thar pa la yid brtan du mi rung ba'i
log lta skyes/ de'i dbang gis dmyal bar skye ba yod pa gsungs pa
yin no/ zer na/ 'o na/ de 'dra'i bde 'gro'i bar srid de khams
gong gi bar srid la byed dam/ 'dod pa'i bde 'gro'i

bar srid la byed dam/ 'dod pa'i ngan 'gro'i bar srid la byed pa
dag las gang yin/ dang po ltar yin zer na/ 'o na/ khams gong gi
rten la 'dod pa'i rnam smin gyi phung po 'phen byed kyi las gsar
du bsog pa yod par thal/ khams gong gi bar srid pa de khams gong
ma ba yin pa gang zhig  /

de'i rten la dmyal ba'i rnam smin gyi phung po 'phen byed kyi
las gsar du bsog pa yod pa'i phyir/ 'khor gsum/ gnyis pa ltar
yin zer na/ mi 'thad par thal/ 'dod pa'i bar srid kyi rten la
thar pa la yid brtan du mi rung ba'i log lta skyes de'i dbang
gis dmyal bar skye ba yod pas/ bsam

gtan bzhi pa'i rten la thar pa la yid brtan du mi rung ba'i log
lta skyes/ de'i dbang gis dmyal bar skye ba bshad pa la 'brel
cung zad kyang med pa'i phyir/ gsum pa ltar na yang/ mi 'thad
par thal/ bde 'gro'i bar srid gang yang rung ba zhig la byed par
khas blangs pa dang 'gal ba'i phyir

dang/ ngan 'gro'i bar srid kyi phung po dang ngan 'gro'i rnam
smin gyi phung po gnyis po de 'phen byed kyi las gcig gis
'phangs pa gang zhig  /ngan 'gro'i bar srid du skye ba blangs
nas/ rten de la ngan 'gro'i bar srid de nyid kyi phung po 'phen
byed kyi las gsar du bsog pa mi rigs pa'i phyir/ dang po der
thal/

mdzod las/ de ni 'phen pa gcig pa'i phyir/ /sngon dus srid
'byung sha tshugs can/ zhes gsungs pa'i phyir/ gzhan yang/ lugs
de mi 'thad par thal/ tshangs chen gyi rten las gzhan pa'i bde
'gro'i bar srid gang yang rung ba'i rten la log lta skyes pas
tshangs chen log lta'i gnas su byed

pa la 'brel cung zad kyang med pa'i phyir/ gzhan yang/ 'dod pa'i
rten la ci yang med kyi rnam smin gyi phung po 'phen byed kyi
las bsags las de la sred len gnyis kyis gsos ma btab par las
gzhan gyi dbang gis srid rtser skye ba blangs/ rten de la sngar
gyi ci yang med pa'i rnam smin gyi phung po

@22a @#/ /'phen byed kyi las la sred len gnyis kyis gsos btab
srid las nus pa mthu chen du byas nas/ ci yang med du skye ba'i
tshe ma rig pa rnam shes kyi sas bsdus par thal/ srid rtse nas ci
yang med du skye ba len pa'i tshe ma rig pa rnam shes kyi sas
bsdus pa'i phyir/

rtags khas/ 'dod mi nus te/ de'i tshe na ma rig pa 'dod pa'i sas
bsdus pa'i phyir te/ 'dod pa'i rten la ci yang med kyi rnam smin
gyi phung po 'phen byed kyi las gsar du bsog pa yod pa'i phyir
te/ 'dod pa'i rten la ci yang med kyi nyer bsdogs sgom pa yod
pa'i phyir te/ ci yang med kyi

dngos gzhi thob la ma nyams pa'i phyi rol pa yod pa'i phyir/ kha
cig na re/ bsam gtan dang po nas 'dod par skye ba len pa de'i
tshe/ sred len gnyis po bsam gtan dang po'i sas bsdus pa yin no/
/zer na/ de mi 'thad par thal/ sa gzhan gyi las kyis de las
gzhan pa'i sa'i

rnam smin gyi phung po 'phen pa med pa'i phyir dang/ sa gzhan
gyi nyon mongs pas de las gzhan pa'i sa'i las la gsos 'debs pa
med pa'i phyir te/ don gsang rnam nges las/ skye ba'i sa pa gang
yin pa mngon par 'grub par byed pa'i nyon mongs pa de'i sa'o/
/zhes gsungs

pa'i phyir/ gzhan yang/ 'dod pa nas 'dod par skye ba len pa de'i
tshe na/ ma rig pa 'og sas bsdus par thal/ rang sa nas rang sar
skye ba len pa de'i tshe na ma rig pa 'og sas bsdus pa'i phyir/
rtags khas/ 'dod mi nus te/ 'dod pa'i 'og sa med pa'i phyir te/
'dod pa'i khams de khams

tha ma yin pa'i phyir/ kha cig na re/ gzugs khams kyi 'bras bu'i
rten 'brel bdun po gang rung yin na/ gzugs khams kyi sas bsdus
yin pas ma khyab zer na/ de khyab par thal/ de gang rung dang
gzugs med kyi sas bsdus kyi gzhi mthun kyang med/ de dang 'dod
pa'i sas bsdus

kyi gzhi mthun kyang med pa'i phyir te/ dang po der thal/ gzugs
med khams pa'i lus sems gang rung yin na/ de min dgos pa'i
phyir/ kha cig na re/ sa de dang de na yod pa'i chos yin na/ sa
de dang de'i sas bsdus pa'i chos yin pas khyab zer na/ 'dod pa
[@#pa'i] khams na yod pa'i bsam

@22b gtan gyi dngos gzhi chos can/ 'dod pa'i sas bsdus yin par
thal/ 'dod pa [@#pa'i] khams na yod pa'i chos yin pa'i phyir te/
chos can de yin pa'i phyir te/ de yod pa'i phyir te/ bsam gtan
dang po'i dngos gzhi rgyud la ldan pa'i 'dod khams pa yod pa'i
phyir te/ de 'dra'i phyi rol pa yod pa'i

phyir/ 'dod mi nus te/ bsam gtan gyi dngos gzhi yin pa'i phyir/
kha cig na re/ 'dod pa'i gzugs sgra sogs yul du byed pa'i shes
pa yin na/ 'dod pa'i sas bsdus yin pas khyab zer na/ 'dod pa'i
nyer len gyi phung po rtogs pa'i bsam gtan gyi dngos gzhi chos
can/ der

thal de'i phyir/ chos can de yin pa'i phyir/ kha cig na re/ 'dod
pa'i sas bsdus yin na/ 'dod pa'i gang zag gi rgyud kyis bsdus
pas khyab/ gzhan ma rnams des rigs 'gre'o zer na/ tshangs chen
pa'i rgyud kyi log lta chos can/ 'dod pa'i gang zag gi rgyud
kyis bsdus par thal/ 'dod

pa'i sas bsdus yin pa'i phyir te/ 'dod pa'i nyon mongs yin pa'i
phyir te/ log lta yin pa'i phyir/ 'dod mi nus te/ chos can de
yin pa'i phyir/ gzhan yang/ bsam gtan gnyis pa ba'i mig shes
chos can/ bsam gtan dang po ba'i rgyud kyis bsdus par thal/ bsam
gtan

dang po'i sas bsdus yin pa'i phyir/ ma grub na der thal/ mdzod
las/ gnyis pa sogs na lus mig dang/ /rna ba'i rnam shes rnam rig
slong/ /gang yin de ni dang por gtogs/ /zhes gsungs pa'i phyir/
gnyis pa rang gi lugs la/ gang du mtshungs pa'i sa dang/ gang
mtshungs

rgyu'i chos kyi khyad par yod de/ khams gsum sa dgu po gang du
mtshungs pa'i sa dang/ yan lag bcu gnyis po de dang mtshungs
rgyu'i chos yin pa'i phyir/ rten 'brel yan lag bcu gnyis po de'i
sa mtshungs kyi khyad par yod de/ las kyi rten 'brel gnyis/ sred
len gnyis/ 'bras bu'i

rten 'brel bdun dang bcas pa rnams gang du skyes pa'i sas bsdus/
yan lag dang po ma rig pa gang du las bsog pa'i rten gyi sas
bsdus pa yin pa'i phyir/ dang po der thal/ sa gzhan gyi las kyis
de las gzhan pa'i sa'i rnam smin gyi phung po 'phen pa med/ sa
gzhan gyi

@23a @#/ /nyon mongs pas de las gzhan pa'i sa'i rnam smin gyi
phung po 'phen byed kyi las la gsos 'debs pa yang med pa'i phyir
te/ rnam nges las/ skye ba'i sa pa gang yin pa mngon par 'grub
par byed pa'i nyon mongs pa yang nges par de'i sa'o/ /'phen byed
kyi las la

nges pa med do/ /zhes gsungs pa'i phyir/ phyi ma der thal/ ma
rig pa rten gyi sa pa yin pa'i phyir te/ nga'o snyam pa'i ngar
'dzin lhan skyes rten gyi sa pa yin pa'i phyir/ nyon yid 'dod pa
rnams kyis nyon yid rten gyi sa par 'dod pa'i phyir/ de ltar
byas na/ rten 'brel yan lag bcu

gnyis po de las mtshungs mi mtshungs gnyis ka yod de/ 'og sa nas
gong sar skye ba len pa'i tshe/ sa mtshungs mi mtshungs gnyis ka
yod/ rang sa nas rang sar skye ba len pa de'i tshe/ yan lag bcu
gnyis po de la sa mtshungs mi mtshungs gnyis ka yod/ gong sa nas
'og sar

skye ba len pa de'i tshe/ yan lag bcu gnyis po de la sa mtshungs
mi mtshungs gnyis ka yod pa'i phyir te/ 'dod pa nas bsam gtan
dang por skye ba len pa de'i tshe yan lag bcu gnyis po de la sa
mtshungs mi mtshungs gnyis ka yod pa nas bzung ste/ ci yang med
nas srid rtser skye

ba len pa de'i tshe/ yan lag bcu gnyis po de la sa mtshungs mi
mtshungs gnyis ka yod/ 'dod pa nas 'dod par skye ba len pa de'i
tshe/ yan lag bcu gnyis po de la sa mtshungs mi mtshungs gnyis ka
yod pa nas bzung ste srid rtse nas srid rtser skye ba len pa
de'i tshe/ yan lag bcu

gnyis po de la sa mtshungs mi mtshungs gnyis ka yod/ srid rtse nas
ci yang med du skye ba len pa de'i tshe/ yan lag bcu gnyis po de
la sa mtshungs mi mtshungs gnyis ka yod pa nas bzung ste/ bsam
gtan dang po nas 'dod par skye ba len pa de'i tshe/ yan lag bcu
gnyis po

de la sa mtshungs mi mtshungs gnyis ka yod pa'i phyir/ 'dod pa nas
bsam gtan dang por skye ba de'i tshe/ yan lag bcu gnyis po de la
sa mtshungs mi mtshungs gnyis ka yod de/ bsam gtan dang po'i rten
la bsam gtan dang po'i rnam smin gyi phung po 'phen byed kyi

@23b las bsags/ las de la sred len gnyis kyis gsos ma btab par/
las gzhan gyi dbang gis 'dod par skye ba blangs/ rten de la
sngar gyi bsam gtan dang po'i rnam smin gyi phung po 'phen byed
kyi las bsags pa de la sred len gnyis kyis gsos btab/ srid las

nus pa mthu chen du byas nas/ bsam gtan dang por skye ba len pa
de'i tshe na yan lag bcu gnyis po thams cad bsam gtan dang po'i
sas bsdus/ 'dod pa'i rten la bsam gtan dang po'i rnam smin gyi
phung po 'phen byed kyi las bsags las de la sred len gnyis

kyis gsos btab/ srid las nus pa mthu chen du byas/ bsam gtan
dang por skye ba len pa de'i tshe ma rig pa 'dod pa'i sas bsdus
yin pa'i phyir/ dang po der thal/ ma rig pa bsam gtan dang po'i
sas bsdus yin pa'i phyir te/ ma rig pa rten gyi sa pa yin pa
gong

du sgrub zin pa'i phyir/ phyi ma der thal/ ma rig pa rten gyi sa
pa yin pa gang zhig  /sa gzhan gyi las kyis sa de las gzhan pa'i
rnam smin gyi phung po 'phen pa med pa dang/ sa gzhan gyi nyon
mongs pas sa de las gzhan pa'i sa'i las la gsos 'debs pa med pa
sgrub zin

pa'i phyir/ 'dod pa nas 'dod par skye ba len pa de'i tshe/ yan
lag bcu gnyis po de la sa mtshungs mi mtshungs gnyis yod de/ 'dod
pa'i rten la 'dod pa'i rnam smin gyi phung po 'phen byed kyi las
bsags/ las de la sred len gnyis kyis gsos btab srid las nus pa

mthu chen du byas nas/ 'dod par skye ba len pa de'i tshe yan lag
bcu gnyis po de 'dod pa'i sas bsdus/ bsam gtan dang po'i rten la
'dod pa'i rnam smin gyi phung po 'phen byed kyi las bsags/ las
de la sred len gnyis kyis gsos ma btab par/ las gzhan gyi

dbang gis 'dod par skye ba blangs/ rten de la sngar gyi 'dod
pa'i rnam smin gyi phung po 'phen byed kyi las de la/ sred len
gnyis kyis gsos btab srid las nus pa mthu chen du byas nas 'dod
par skye ba len pa de'i tshe/ yan lag dang po ma rig pa bsam gtan
dang po'i sas bsdus/

@24a @#/ /gzhan rnams 'dod pa'i sas bsdus pa yin pa'i phyir/
sgrub tshul gong gis rigs 'gre shing lhag ma rnams la yang rigs
'gre'o/ sas bsdus kyi don yang yod de/ sa de dang der gtogs pa'i
chos rnams la de dang de'i sas bsdus su 'jog pa yin pa'i phyir/
gsum pa rtsod

pa spong ba la/ kha cig na re/ bsam gtan gnyis pa ba'i rgyud kyi
'bras bu'i rten 'brel bdun po gang rung yin na/ bsam gtan gnyis
pa'i sas bsdus yin pas khyab par thal/ 'bras bu'i rten 'brel
bdun po de gang du skye ba'i sas bsdus pa'i phyir zer na ma
khyab/

'dod na/ bsam gtan gnyis par skyes ma thag pa'i mig shes chos
can/ der thal de'i phyir/ chos can de yin pa'i phyir/ 'dod mi
nus te/ bsam gtan dang po'i sas bsdus yin pa'i phyir te/ mdzod
las/ gnyis pa sogs na lus mig dang/ /rna ba'i rnam shes rnam

rig slong/ /gang yin de ni dang por rtogs/ /zhes gsungs pa'i
phyir/ kha cig na re/ srid rtse'i rten la ci yang med kyi rnam
smin gyi phung po 'phen byed kyi las gsar du bsog pa mi 'thad
par thal/ srid rtse'i rten la ci yang med pa'i nyer bsdogs bsgom
pa med pa'i phyir/ der thal

srid rtse'i dngos gzhi las ma nyams bzhin du ci yang med pa'i
nyer bsdogs bsgom pa med pa'i phyir/ zer na ma khyab/ ma grub na
der thal/ srid rtse'i dngos gzhi las ma nyams bzhin du ci yang
med pa'i nyer bsdogs bsgom pa la dgos pa med pa'i phyir zer na/
bsam gtan

dang po'i rten la 'dod pa'i nyon mongs mngon du 'gyur ba med par
thal/ bsam gtan dang po'i dngos gzhi las ma nyams bzhin du bsam
gtan dang po'i nyer bsdogs bsgom pa la dgos pa med pa'i phyir/
'khor gsum/ gal te 'dod na/ de yod par thal/ bsam gtan

dang po'i rten la 'dod pa'i rnam smin gyi phung po 'phen byed
kyi las la sred len gnyis kyis gsos btab pa yod pa gang zhig /sa
gzhan gyi nyon mongs kyis sa de las gzhan pa'i rnam smin gyi
phung po 'phen byed kyi las la gsos 'debs pa gcig med pa'i
phyir/ don gsang rnam

@24b nges las/ skye ba'i sa pa gang yin pa mngon par grub par
byed pa'i/ zhes sogs gsungs pa'i phyir/ dang po der thal/ bsam
gtan dang po nas 'dod par skye ba len pa yod pa'i phyir te/ bsam
gtan dang po'i rten la 'dod pa'i rnam smin gyi phung po 'phen
byed kyi

las bsog pa yod pa'i phyir/ mdor bsdu na rang lugs ni/ nyon
mongs phyogs kyi rten 'brel lugs 'byung lugs ldog gi khyad par
yod de/ ma rig pa'i rkyen gyis 'du byed 'byung ba nas bzung ste/
skye ba'i rkyen gyis rga shi 'byung ba'i bar ni/ nyon mongs
phyogs kyi rten

'brel lugs 'byung dang/ rga shi skye ba las 'byung ba nas/ yan
lag gnyis pa 'du byed kyi las ma rig pa las 'byung ba'i bar
rnams nyon mongs phyogs kyi rten 'brel lugs ldog yin pa'i phyir/
rnam byang phyogs kyi rten 'brel lugs 'byung lugs ldog gi khyad

par yod de/ ma rig pa 'gags pas yan lag gnyis pa 'du byed kyi
las 'gags pa nas bzung ste/ skye ba 'gags pa'i bar ni/ rnam
byang phyogs kyi rten 'brel lugs mthun dang/ rga shi 'gags/ gang
'gags pa ni skye ba 'gags pa'i 'gags pa nas bzung

ste; 'du byed 'gags gang 'gags pas 'gags pa ni/ ma rig pa 'gags
pa'i bar rnams ni/ rnam byang phyogs kyi rten 'brel lugs ldog
yin pa'i phyir/ de ltar rten 'brel lugs 'byung lugs ldog tu gtan
la phab pa la dgos pa yod de/ bden bzhi'i blangs

dor la gus pas 'jug par bya ba'i ched yin pa'i phyir// ! //mkhas
shing grub pa brnyes pa sems pa chen po dge 'dun bstan pa dar
rgyas kyis mdzad pa'i rten 'brel gyi mtha' dpyod padma dkar po'i
phreng ba zhes bya ba rdzogs so// /

! mkhas grub bye ba'i gtsug rgyan bstan dar ba'i/ /gsung rgyun
legs bshad bdud rtsi'i zil mngar 'di/ /thar pa 'dod pa'i gdul
bya'i tshogs rnams la/ /mi 'dzad chos kyi sbyin par spel ba'i
phyir/ /dad

@25a @#/ /dang gtong bas rab mdzes rgyal rong ba/ /bla phyag
mkhan po blo bzang rgya mtsho yis/ /bzang po'i rgyu tshogs dang
bcas par gyi gzhir/ /bskrun pa'i rab dkar dge ba gang mchis des/
/thub

bstan spyi dang gser mdog 'chang ba'i bstan/ /'phel rgyas yun
gnas de 'dzin skyes bu rnams/ /zhabs zung srid mthar brtan cing
'gro ba kun/ /rnam dag lam bzang bdag gir byed gyur cig  /mkhas
mang 'du ba'i bsti

gnas chos kyi sde/ /thos bsam nor bu'i gling du grags pa 'dir/
/mkhas dang grub brnyes dam pa'i skyes bu yis/ /'dus pa dang
po'i dus bzhin mdzes gyur cig  /tshul 'di sgrub la sgo gsum 'bad
byed pa'i/ /

'brel thog kun kyang deng nas byang chub bar/ /rgyal bas bsngags
pa'i lam la gnas nas kyang/ /sgrib gnyis mun pa'i g.yul las
rgyal gyur cig  /ces bdag nyid chen po mkhas grub bstan dar ba'i
gsung rgyun rten 'brel gyi mtha' dpyod 'di bzhin ser smad rgyal
rong ba bla phyag

mkhan po blo bzang rgya mtsho ltos bcas rnams nas rgyu sbyor ba
mdzad de par du bskrun pa'i par byang smon tshig zhig dgos zhes
gsungs pa ltar sprul ming blo bzang 'phrin las rnam rgyal gyis
sbyar ba dza yan tu//

@25b [bp]