@1a @#/ /rwa ba stod kyi bsdus grwa'i dka' gnad rnams phyogs gcig tu bkod pa gzhung bzang stong gi sgo 'byed legs bshad gser gyi lde'u mig ces bya ba bzhugs so// @1b @#/ /ldog pa ngos 'dzin bshad pa ni/ don byed nus pa chos can/ khyod kyi btags yod chos gsum tshang ba de/ khyod kyi mtshon bya'i mtshan nyid yin par thal/ khyod mtshan nyid yin pa'i phyir/ dngos po chos can/ khyod kyi rdzas yod chos gsum tshang ba de/ khyod kyi mtshan nyid kyi mtshan nyid yin par thal/ khyod mtshon bya yin pa'i phyir/ dngos po chos can/ khyod kyi mtshan nyid gcig nas brgya stong gi bar brtsegs rgyu yod de/ khyod mtshon bya yin pa'i phyir/ de chos can/ khyod kyi mtshon bya gcig yan chad brtsegs rgyu med de/ khyod bdag med yin pa'i phyir/ de chos can/ khyod kyi rdzas yod chos gsum tshang ba gcig yod la/ gcig las lhag brtsegs rgyu med par thal/ khyod mtshon bya yin pa'i phyir/ don byed nus pa chos can/ khyod kyi mtshon bya gcig las lhag brtsegs rgyu med par thal/ khyod bdag med yin pa'i phyir/ don byed nus pa chos can/ khyod kyi btags yod chos gsum tshang ba gcig nas brgya stong gi bar du brtsegs rgyu yod par thal/ khyod mtshan nyid yin pa'i phyir/ des na dngos po'i rdzas yod chos gsum tshang ba gcig po de'i btags yod chos gsum tshang ba brgya stong gi bar du brtsegs rgyu yod/ dngos po'i rdzas yod chos gsum tshang ba gcig po de'i btags yod @2a @#/ /chos gsum tshang ba du brtsegs kyang de'i mtshon bya yod pa sogs rigs 'gro/ khyod mtshon bya yin na/ de kho rang gi mtshan nyid gang yin yang ngo thog de'i ming smos te/ de'i btags yod chos gsum tshang ba de/ khyod kyi ldog pa dang yin khyab mnyam yang yin mtshan nyid kyang yin pa'i gzhi mthun pa yin pas khyab/ dper na/ dngos po chos can/ don byed nus pa'i btags yod chos gsum tshang ba de/ khyod kyi ldog pa dang yin khyab mnyam yang yin/ mtshan nyid kyang yin pa'i gzhi mthun pa yin par thal/ khyod don byed nus pa'i mtshon bya yin pa'i phyir/ gzhan rnams rigs 'gre/ des na khyod de'i mtshon bya yin na/ de'i btags yod chos gsum tshang ba de/ khyod kyi ldog pa dang yin khyab mnyam yang yin/ mtshan nyid kyang yin pa'i gzhi mthun pa yin pas khyab/ khyod de'i mtshon bya yin na/ de'i mtshon bya de khyod kyi ldog pa dang yin khyab mnyam yang yin/ mtshon bya yang yin pa'i gzhi mthun pa yin pas khyab/ khyod de'i mtshan nyid yin na/ de'i rdzas yod chos gsum tshang ba de khyod kyi ldog pa dang yin khyab mnyam yang yin/ mtshan nyid kyang yin pa'i gzhi mthun pa yin pas khyab/ khyod de'i mtshan nyid yin na de'i mtshan @2b nyid de/ khyod kyi ldog pa dang yin khyab mnyam yang yin/ mtshon bya yang yin pa'i gzhi mthun pa yin pas khyab/ mtshan mtshon gang rung yin na/ khyod dang gcig de khyod kyi ldog pa dang yin khyab mnyam yang yin/ mtshan mtshon gang rung ma yin pa'ang yin pa'i gzhi mthun pa yin pas khyab/ don byed nus pa'i btags yod chos gsum tshang ba brgyad po'i [@#pa'i] mtshon bya chos can/ don byed nus pa'i btags yod chos gsum tshang ba dgu po de'i btags yod chos gsum tshang ba de/ khyod kyi ldog pa dang yin khyab mnyam yang yin/ mtshan nyid kyang yin pa'i gzhi mthun pa yin par thal/ khyod de dgu po de'i mtshon bya yin pa'i phyir/ de brgyad po chos can [@#/] khyod kyi btags yod chos gsum tshang ba de/ khyod kyi mtshon bya'i mtshan nyid yin par thal/ khyod mtshan nyid yin pa'i phyir ro/ /des na don byed nus pa'i btags yod chos gsum tshang ba dgu po de'i mtshon bya ni/ brgyad po de'i ldog pa dang yin khyab mnyam yang yin/ mtshon bya yang yin pa'i gzhi mthun pa yin/ de'i phyir btags yod chos gsum tshang ba du brtsegs kyang/ kho rang las gnyis kyi [@#kyis] mang ba de/ kho'i mtshon bya'i ldog pa dang yin khyab mnyam yang yin/ mtshan nyid kyang yin pa'i gzhi mthun pa yin pas khyab/ btags yod chos gsum tshang ba du brtsegs kyang kho las de gcig gis lhag pa de'i mtshon bya de/ kho'i mtshon bya'i ldog pa dang yin khyab mnyam yang yin/ mtshon bya yang yin pa'i gzhi mthun pa yin pas khyab/ btags yod chos gsum tshang ba du brtsegs kyang/ kho rang las gcig gis nyung ba de'i mtshon bya'i mtshan @3a @#/ /nyid de/ kho'i ldog pa dang yin khyab mnyam yang yin/ mtshon bya yang yin pa'i gzhi mthun pa yin pas khyab/ btags yod chos gsum tshang ba du brtsegs kyang/ kho rang las gcig gis nyung ba de'i mtshon bya'i rdzas yod chos gsum tshang ba de/ kho'i ldog pa dang yin khyab mnyam yang yin/ mtshan nyid kyang yin pa'i gzhi mthun pa yin pas khyab/ mtshan nyid kyi mtshan nyid kyi ldog pa dang yin khyab mnyam yang yin/ mtshon bya yang yin pa'i gzhi mthun pa la/ mtshan nyid kyi rdzas yod chos gsum tshang ba'i mtshon bya 'jog /de bzhin du mtshan nyid kyi mtshan nyid kyi ldog pa dang yin khyab mnyam yang yin/ mtshan nyid kyang yin pa'i gzhi mthun pa la/ mtshan nyid kyi rdzas yod chos gsum tshang ba 'jog /mdor na mtshan nyid du brtsegs kyang kho rang las gcig gis nyung ba de'i rdzas yod chos gsum tshang ba'i btags yod chos gsum tshang ba de/ khyod kyi ldog pa dang yin khyab mnyam yang yin/ mtshan nyid kyang yin pa'i gzhi mthun pa yin pas khyab/ mtshan nyid du brtsegs kyang kho rang las gcig gis nyung ba de'i rdzas yod chos gsum tshang ba'i mtshon bya de/ khyod kyi ldog pa dang yin khyab mnyam yang yin/ mtshon bya yang yin pa'i gzhi mthun pa yin pas khyab/ de rnams gong gi khyod de'i mtshon bya yin na sogs dang/ khyod de'i mtshan nyid yin na zhes sogs de dag gis bsgrub na 'grub bo// //smras pa/ ldog pa ngos 'dzin dka' gnad kyi/ /bdud rtsi'i sbrang char 'dir phab pas/ /blo gsal blo gros myu gu gsar/ /rang @3b dbang med par da skyes shig /khyab skor shin tu mang pos kyang/ /gsal bar bstan pa ma nus pa/ /kho bos nyung ngu'i tshig dag gis/ /go 'di rgyal kun 'phrin las yin// ! //yin log min log bshad pa ni/ bum pa ma yin pa las log pa dang/ bum pa yin pa don gcig /de bzhin du bum pa ma yin pa las log pa du brtsegs kyang bum pa yin pa dang don gcig yin/ tshul de rang gi yin pa yod pa thams cad la rigs 'gres/ bum pa yin pa las log pa dang/ bum pa ma yin pa don gcig /de yin pa las log pa gnyis po dang/ bum pa yin pa don gcig /de gsum po dang bum pa ma yin pa don gcig /bzhi po dang bum pa yin pa don gcig /yin pa las log pa cha byung na yin pa dang/ ya byung na ma yin pa ni brtsegs nas brgya stong gi bar rigs 'gres pa 'di chos kun la shes par byed do/ /yang yin pa las log pa ma yin pa las log pa gnyis po de yang gcig ma yin pa dang/ de gnyis brtsegs na yin pa sogs de yang ya dang cha la rigs 'gres so/ /ma yin pa las log pa yin pa las log pa gnyis po de yang du brtsegs kyang gnyis sogs gong dang 'dra'o/ /des na yin pa las log pa ci tsam brtsegs pa'i steng la ma yin pa las log pa brtsegs pa sogs la yang legs par brtsegs na shes sla'o/ /skabs 'dir brtsi bzhag rdzas ldog sogs la khyer nas bkod pa 'dir ma bris so/ /skabs 'dir ma yin pa ma yin pa de/ yin pa dang don gcig gsungs shing ma yin pa ma yin pa dang @4a @#/ /yin pa gnyis ka min par bshad pa cung nang 'gal lam snyam ste/ phyi ma la ma yin par rtsod gzhir bkod nas/ bdag med kyi khyab pa bcad 'dug pas snga ma yang de bcad chog pas so/ /'on kyang brtsi bzhag dang mi 'gal bar zin mtshams byed na snga ma la khyab pa de bcad pa'i tshe/ rtsod gzhi bcad nas 'dod lan gdab ba [@#pa] ma brtag go /brtsi bzhag tu ma yin pa ma yin pa dang yin pa gnyis ka yin par thal/ ma yin pa ma yin pa gang zhig /yin pa'i phyir la/ sdom rtags ma grub kyi lan btab 'dug go /yang 'dir btags yod chos gsum tshang ba yin pa las log pa yin pa las log pa'i mtshan nyid yin gsungs 'dug pas/ de ltar na mtshon bya yin pa las log pa yin pa las lag pa'i mtshan nyid yin dgos/ de ltar na don byed nus pa ma yin pa dngos po ma yin pa'i mtshan nyid yin pa gyur pa'i chos mang ngo/ /yin log min log bshad zin to// ! //yin gyur min gyur ni/ brtsi bzhag nang ltar na/ yin par gyur pa'i rtag pa yin na/ rtag pa yin pas khyab zer na/ rtag pa kho nas ma nges te/ rtag pa kho na yin pa dang/ rtag pa gnyis ka yin pas so/ /dngos po yin par gyur pa'i rnam mkhyen gyis gzhal bya yin kyang/ dngos po ma yin no/ /des na gzhi grub na/ dngos po yin par gyur pa'i rnam mkhyen gyis gzhal bya yin pas khyab/ ma yin par gyur pa'i rnam mkhyen gyis gzhal bya yin na ma yin pas khyab zer na/ rtag pas ma nges te/ gzhi grub na rtag pa ma yin par gyur pa'i rnam mkhyen gyis gzhal @4b bya yin pas khyab pas so/ /yin par gyur pa'i dngos po yin na/ dngos po yin pas khyab par thal/ bum pa chos can gyi steng du dngos po kho na chos can la rtsod gzhi skyon can yin zer 'dug pas de ltar khyab zer rgyu yin pa 'dra la/ de ltar bum pa rtag pa ma yin pa rnams la brtag go /bum pa chos can gyi steng du dngos po kho na med de/ de'i steng du rtag pa yod pa'i phyir ro/ /rtag pa yin par gyur pa'i blo'i yul du bya rung dang/ rtag pa yin par gyur pa'i tshad mas dmigs pa sogs med nges yin/ rtag pa'ang yin blo'i yul du bya rung yang yin pa'i gzhi mthun pa de/ rtag pa yin par gyur pa'i shes bya'i mtshan nyid yin pa sogs rigs 'gres/ mtshon bya yin par gyur pa'i rnam mkhyen gyi gzhal bya dang/ mtshon bya ma yin par gyur pa'i rnam mkhyen gyi gzhal bya gnyis ka khas blangs 'dug /'di dag dang 'og gi bar shun sogs bsgrel na da dung khas blang mtshams la brtag rgyu mang ngo/ /yin gyur min gyur gyi rnam bzhag bshad zin to// ! //rgyu 'bras chung ba ni/ dngos po yin na rgyu yin pas khyab/ de yin na 'bras bu yin pas khyab/ dngos po yin na brgyud rgyu yin pas khyab/ yang de yin na dngos rgyu yin pas khyab/ de yin na brgyud 'bras yin pas kyang khyab/ de yin na dngos 'bras kyang yin pas khyab/ de bsgrub pa ni/ dngos po chos can/ brgyud rgyu yin par thal/ rang gi phyi logs su byung ba'i phyi logs su byung ba'i brgyud rgyu yin pa'i phyir/ zhes sogs kyis shes nus so/ /gzhi gcig la sbyar na de ltar ma yin te/ bum pa'i dngos rgyu dang bum pa'i brgyud rgyu gnyis 'gal/ bum pa'i rgyu dang bum pa'i @5a @#/ /'bras bu gnyis 'gal/ bum pa'i dngos 'bras dang bum pa'i brgyud 'bras gnyis 'gal ba'i phyir/ bum pa'i snga logs su byung ba de bum pa'i dngos rgyu yin/ bum pa'i snga logs su byung ba'i snga logs su byung ba gnyis brtsegs na/ bum pa'i brgyud rgyu yin/ gsum brtsegs na bum pa'i brgyud rgyu'i rgyu yin zhing/ de bum pa'i dngos rgyu'i brgyud rgyu yin pa'i phyir/ der thal/ de gsum po de gnyis po de'i dngos rgyu dang/ gcig po de'i brgyud rgyu dang/ bum pa'i brgyud rgyu'i rgyu yin pa'i phyir ro/ /rtags dang po ma grub na/ bum pa'i snga logs su byung ba gnyis po chos can/ khyod kyi snga logs su byung ba khyod kyi dngos rgyu yin par thal/ khyod dngos po yin pa'i phyir/ 'dod na/ brtsis pas dngos su 'gal lo/ /gong gi rtags gnyis pa ma grub na/ bum pa'i snga logs su byung ba chos can/ khyod kyi snga logs su byung ba'i snga logs su byung ba khyod kyi brgyud rgyu yin par thal/ khyod dngos po yin pa'i phyir/ 'dod na/ brtsis pas 'gal lo/ /rtags gsum pa ma grub na/ gsum po de'i phyi logs su byung ba gcig ni bum pa'i snga logs su byung ba gnyis po de yin pa'i bum pa'i brgyud rgyu yin/ gsum po de'i phyi logs su byung ba gnyis po de bum pa'i dngos rgyu dang gsum po de'i phyi logs su byung ba gsum po ni/ bum pa dang dus mnyam du grub pa dang/ gsum po de'i phyi logs su byung ba bzhi po ni bum pa'i dngos 'bras yin pa sogs yin no/ /de bsgrub pa ni/ de ltar @5b yin te/ bum pa'i snga logs su byung ba gsum po'i phyi logs su byung ba gcig po de/ bum pa'i snga logs su byung ba gnyis po de dang dus mnyam du grub pa'i dngos po yin pa gang zhig /gsum po'i phyi logs su byung ba gnyis po bum pa'i snga logs su byung ba dang dus mnyam du grub pa'i dngos po yin pa sogs yin pa'i phyir/ rtags dang po ma grub na/ bum pa'i snga logs su byung ba gnyis po chos can/ khyod kyi snga logs su byung ba'i phyi logs su byung ba de/ khyod dang dus mnyam du grub pa'i dngos po yin par thal/ khyod dngos po yin pa'i phyir/ 'dod na/ dngos su 'gal lo/ /gong gi rtags gnyis pa ma grub /na; bum pa'i snga logs su byung ba chos can/ khyod kyi snga logs su byung ba'i phyi logs su byung ba de/ khyod dang dus mnyam du grub pa'i dngos po yin par thal/ khyod dngos po yin pa'i phyir/ 'dod na/ 'gal lo/ /bum pa chos can/ khyod kyi snga logs su byung ba gsum po'i phyi logs su byung ba bzhi pa khyod kyi dngos 'bras yin par thal/ khyod dngos po yin pa'i phyir/ gzhan yang de bsgrub pa ni/ de ltar yin par thal/ dang po bum pa'i snga logs su byung ba gsum po grub/ de'i rjes su bum pa'i lnga logs su byung ba gsum po'i phyi logs su byung ba gcig po dang/ bum pa'i snga logs su byung ba gnyis po de dang dus mnyam du grub/ de'i rjes su bum pa'i snga logs su byung ba gsum po'i phyi logs su byung ba gnyis po dang/ bum pa'i snga logs su byung ba gnyis dus mnyam du grub/ de'i rjes su bum pa'i snga logs su byung ba gsum po'i phyi logs su byung ba gsum po @6a @#/ /dang bum pa gnyis dus mnyam du grub/ de'i rjes su bum pa'i snga logs su byung ba gsum po'i phyi logs su byung ba bzhi po dang/ bum pa'i phyi logs su byung ba gnyis dus mnyam du grub pa'i phyir/ de bzhin du bum pa'i phyi logs su byung ba bum pa'i dngos 'bras yin par thal/ bum pa'i phyi logs su byung ba gnyis po bum pa'i brgyud 'bras yin/ bum pa'i phyi logs su byung ba gsum po bum pa'i brgyud 'bras kyi dngos 'bras dang/ bum pa'i phyi logs su byung ba gsum po'i snga logs su byung ba de/ bum pa'i brgyud 'bras yin pa nas bzung ste/ bum pa'i phyir logs su byung ba gsum po'i snga logs su byung ba bzhi po de/ bum pa'i dngos rgyu yin pa'i bar gong gis rigs 'gre zhing/ de'i bsgrub byed kyang gong gi rigs 'gres kyis bsgrub nus pa'i phyir ro/ /ka ba'i dngos 'bras yin na; ka ba las dngos su skyes pa'i 'bras bu yin pas khyab zer na/ ka ba las dngos su skyes pa chos can/ der thal/ de'i phyir/ 'dod na/ de chos can/ khyod khyod kyi 'bras bu ma yin par thal/ khyod bdag med yin pa'i phyir/ 'dod na/ dngos su 'gal lo/ /dngos po chos can/ khyod kyi snga logs su byung ba khyod dang dus mnyam ma yin par thal/ khyod dngos po yin pa'i phyir/ smras pa/ 'di 'dra'i don la thos bsam ma byas par/ /dben pa'i gnas su ting 'dzin bsgom skad kyang/ /dpyid dus zhing sar sa bon ma btab pa/ /ston dus lo tog re bzhin 'phywa [@#'phya] ba'i rgyu/ ! //spyi bye brag bshad pa ni/ rang gi gsal ba la @6b rjes 'gro can gyi chos/ rang nyid spyi yin pa'i mtshan nyid/ yang na rtsod pa'i tshe/ gsal ldan gyi chos/ spyi'i mtshan nyid/ go ba ltar na/ khyab byed du 'jug pa'i rang gi rigs yod pa can gyi chos/ rang nyid bye brag yin pa'i mtshan nyid/ rang nyid chos de yin/ rang nyid chos de dang bdag gcig tu 'brel/ rang nyid ma yin zhing chos de yang yin pa'i gzhi mthun du ma grub pa yang yin pa'i gzhi mthun du dmigs pa de/ rang nyid chos de'i bye brag yin pa'i mtshan nyid/ de la kho na re/ yod pa chos can/ rang nyid bye brag yin par thal/ khyab byed du 'jug pa'i rang gi rigs yod pa can gyi chos yin pa'i phyir/ de la khyab byed du 'jug pa'i yod pa yod pa'i phyir zer na ma khyab ste/ de'i zur du rang gi rigs yod pa zhes pa la tshig nus pa lhag po yod pa'i phyir/ bum pa'i spyi yin na/ ka ba'i spyi ma yin pas khyab zer na/ shes byas ma nges te/ de'i sgrub byed ni/ shes bya chos can/ khyod bum pa'i spyi yin par thal/ bum pa khyod kyi bye brag yin pa'i phyir/ ma grub na/ bum pa chos can/ der thal/ khyod shes bya yin/ khyod shes bya dang bdag gcig tu 'brel/ khyod ma yin zhing shes bya yang yin pa'i gzhi mthun pa du ma grub pa'i phyir/ dang po sla/ gnyis pa ma grub na/ de chos can/ der thal/ shes bya dang bdag nyid gcig pa'i sgo nas tha dad gang zhig /shes bya med na khyod med dgos pa'i phyir/ dang po grub ste/ shes bya dang bdag nyid gcig pa'i sgo nas yod pa gang zhig /de dang bdag nyid gcig pa'i sgo nas gcig ma yin pa'i phyir/ dang po der thal/ shes bya dang @7a @#/ /bdag nyid gcig yin pa'i phyir te/ shes bya dang ngo bo gcig yin pa'i phyir te/ de dang rang bzhin gcig yin pa'i phyir/ zhes pa rnams brtsi bzhag nang ltar yin/ da dung de bsgrub pa la gal cung zad che bas/ bum pa chos can/ shes bya dang bdag nyid gcig yin par thal/ shes bya yin pa'i phyir/ de bzhin du bum pa'i ldog pa chos can/ rtag pa dang bdag nyid gcig yin par thal/ rtag pa yin pa'i phyir/ de chos can/ rtag pa dang bdag gcig 'brel yin par thal/ rtag pa dang 'brel ba yin pa'i phyir/ yang de chos can/ rtag pa dang 'brel ba yin par thal/ khyod rtag pa dang tha dad gang zhig /rtag pa med na khyod med dgos pa'i phyir/ der thal/ yod pa shes bya rtag pa sogs rtag pa'i rigs de dag gang yin kyang/ bum pa chos can/ bum pa'i ldog pa chos can/ yod pa sogs de dang 'brel ba yin par thal/ zhes sogs khyab pa bcad chog /yang khyod dngos po dang 'brel ba yin par thal/ zhes sogs khyab pa bcad mi nyan de/ dngos po'i rgyu dngos po dang tha dad gang zhig /dngos po med na dngos po'i rgyu med dgos kyang/ dngos po'i rgyu dngos po dang 'brel ba min pas so/ /des na khyod dngos po de dang bdag gcig 'brel yin par thal/ khyod dngos po de dang tha dad kyang yin/ khyod dngos po de dang dus mnyam du grub pa yang yin/ dngos po de med na khyod med dgos pa yang yin pa'i gzhi mthun pa yin pa'i phyir/ de ltar khyab pa bcad nas gong gi rtag pa la bshad tshul dang dbyibs mtshungs gyis 'grig go /dngos po'i rgyu ni dngos po dang 'brel med rdzas gzhan dang dngos po'i 'bras bu @7b ni dngos po dang de byung 'brel yin pa'i de dang bdag gcig 'brel min pa'i phyir/ de'i bye brag ma yin no/ /da dung 'brel pa gnyis bsgrub tshul la dpyad rgyu mang yang 'dir de tsam las ma spros so/ /gong gi rtsa rtags gsum pa ma grub na/ bum pa chos can/ khyod ma yin zhing shes bya yang yin pa'i gzhi mthun pa du ma grub par thal/ tsan dan gyi ka ba de 'ang de yin/ shug pa'i ka ba de'ang de yin/ de gnyis phan tshun tha dad du grub pa'i phyir/ rtags rnams sla/ shes bya ka ba'i spyi yin tshul yang de ltar du bsgrubs so/ /kha cig na re/ dngos po'i spyi'i spyi yin na/ dngos po'i spyi'i bye brag yin pas khyab zer na/ yod pas ma nges/ yod pa dngos po'i spyi'i bye brag ma yin par thal/ yod pa ma yin zhing dngos po'i spyi yang yin pa'i gzhi mthun pa med pa'i phyir ro/ /gzhan yang mi 'thad de/ yod pa bye brag ma yin pa'i phyir/ kha cig na re/ bum pa'i spyi'i spyi yin na/ bum pa'i spyi'i bye brag yin pas khyab zer na/ don byed nus stong gis ma nges/ bum pa'i spyi med na/ don byed nus stong med mi dgos pa'i phyir/ ma grub na/ bum pa'i dgag gzhi chos can zhes sogs kyis bsgrubs/ kha cig na re/ mi rtag pa'i bye brag yin na/ mi rtag pa'i bye brag gi bye brag yin pas khyab zer na/ mi rtag pa'i bye brag tu gyur pa'i dngos po chos can gyis ma nges te/ mi rtag pa'i bye brag tu gyur pa'i dngos po ma yin zhing mi rtag pa'i bye brag yang yin pa'i gzhi mthun pa med pa'i phyir ro/ /kha cig na re/ bum pa'i bye brag yin na/ dngos po'i bye brag yin pas khyab zer na/ dngos po'i 'bras bu gyur ba'i gser bum chos can gyis ma @8a @#/ /nges te/ de bum pa'i bye brag yin kyang dngos po'i bye brag ma yin pa'i phyir te/ dngos po dang bdag gcig 'brel ma yin pa'i phyir te/ dngos po dang de byung 'brel yin pa'i phyir/ 'di la brtag rgyu cung zad yod/ kha cig na re/ rtag pa'i spyi'i spyi yin na/ rtag pa'i spyi'i bye brag yin pas khyab zer na/ tshad mas dmigs pa sogs kyis ma nges/ kha cig na re/ bum pa'i spyi de rdzas chos yin zer na/ mi 'thad de/ de kho kho rang ma yin pa'i phyir te/ bum pa de bum pa'i spyi'i bye brag ma yin pa'i phyir te/ bum pa de bum pa'i spyi ma yin pa'i phyir ro/ de rang yin ldog chos yin zer na/ yang kho kho rang yin dgos pa'i skyon mtshungs so/ /de rang ma yin gyi ldog chos yin zer na/ mi 'thad de/ bum pa'i spyi ma yin pa bum pa'i spyi yin pa'i phyir/ des na bye brag phal cher gyi spyi ldog chos phung sum tsam po ba yin dgos kyang de ltar yin pas ma khyab ste/ shes bya dang tha dad kyang yin/ gzhal bya dang tha dad kyang yin pa'i gzhi mthun pas ma nges/ der thal/ de'i spyi ma yin pa de'i spyi ma yin pa'i phyir te/ de 'dra'i gzhi mthun pa ma yin zhing/ de'i spyi ma yin pa yang yin pa'i gzhi mthun pa med pa'i phyir te/ de 'dra'i gzhi mthun pa ma yin pa la shes bya dang gzhal bya gnyis re re nas bzhag dgos de las gzhan pa med/ de gnyis re re nas de'i spyi yin pa'i phyir ro/ /kha cig na re/ mtshan nyid ma yin pa/ ka ba ma yin pa'i spyi'i bye brag yin zer na/ mi 'thad de/ ka ba ma yin pa'i spyi med na/ de med mi dgos pa'i phyir te/ ka ba'i dgag gzhi chos can/ @8b de med par thal/ ka ba ma yin pa'i spyi med pa'i phyir te/ ka ba ma yin pa bye brag ma yin pa'i phyir te/ ka ba ma yin pa ma yin zhing shes bya yang yin pa'i gzhi mthun pa med pa'i phyir ro/ /des na ka ba ma yin pa'i spyi'i bye brag yod de/ yod par thal/ yod pa'i phyir zhes pa'i thal 'gyur dang tha dad du gyur pa'i dngos po dang/ bum pa dang gcig gang rung 'jog /ka ba ma yin pa'i spyi med na de med dgos byas pa la/ kho na re/ ka ba'i dgag gzhi chos can/ der thal/ de'i phyir zer na/ rtsod gzhi sbugs su 'tshang song bas/ ka ba ma yin pa'i spyi med pa rtags ma grub ces lan 'debs rigs/ de yin te/ de 'phang 'ong ba'i tshe 'phang rgyu'i thal 'gyur 'di la rtsod gzhi med pa 'phang rgyu'i thal 'gyur de'i gsal ba la ka ba'i dgag gzhi'i rtsod gzhi yod par thal gyi gsal ba yod pa'i phyir gyis rtags byas pa'i thal 'gyur dang tha dad du gyur pa'i dngos po dang/ ka ba ma yin pa dang gcig gang rung med par thal/ zhes bkod nas/ rtags la ka ba med pa'i phyir/ zhes bkod pa song bas de la ka ba med pa rtags ma grub zhes zer rigs so; /ka ba'i spyi'i bye brag kyang yin/ bum pa'i spyi'i bye brag kyang yin pa'i gzhi mthun pa la yang/ ka ba dang phan tshun tha dad du gyur pa'i bum pa dang/ bum pa dang phan tshun tha dad du gyur pa'i ka ba gang rung bzhag zer na yang/ ka ba'i dgag gzhi dang/ bum pa'i dgag gzhi so sor yod pas mi 'grig go /des na de la dngos po yin par thal/ dngos po yin pa'i phyir/ zhes pa'i thal 'gyur dang tha dad du gyur pa'i ka ba dang @9a @#/ /bum pa gang rung bzhag chog go /ka ba'i dgag gzhi'am bum pa'i dgag gzhi chos can du 'phang nas bsgrub pa la sngar ltar rtsod gzhi sbugs 'tshangs su song bas lan de ltar btab bo/ / khyod khyod dang gcig kyang yin rtag pa'i spyi'ang yin pa'i gzhi mthun pa chos can/ khyod ma yin zhing rtag pa'i spyi'ang yin pa'i gzhi mthun pa du ma med par thal/ rtag pa'i spyi yin na/ khyod yin pas khyab pa'i phyir zer na/ rtsod gzhi skyon can no zhes zer 'dug pas/ de ltar na de 'dra'i gzhi mthun pa med/ khyod khyod dang gcig dang rtag pa'i spyi gnyis 'gal ba yin/ rtag pa'i spyi yin na/ khyod khyod dang gcig yin pas khyab/ de ltar bzung mtshams byed dgos pa 'dra bas brtag go /des na gzhan gyi blo gros rgyas pa'i phyir/ rang gis bsam tshul cung zad brjod na dngos med kyi spyi'i bye brag yin na/ rtag pa'i spyi'i bye brag yin pas ma khyab pa'i skyon la/ rtag pa dang tha dad kyang yin/ shes bya dang tha dad kyang yin/ yod pa dang tha dad kyang yin pa'i gzhi mthun pa bzhag /des rigs 'gres/ rtag pa'i spyi'i spyi yin na/ dngos med kyi spyi yin pas ma khyab pa'i skyon la/ dngos med dang tha dad bzhag /des rigs 'gres/ rtag pa'i spyi'i bye brag kyang yin/ dngos med kyi spyi'i bye brag kyang yin na/ 'dus ma byas kyi spyi'i bye brag kyang yin/ ma byas pa'i spyi'i bye brag kyang yin pas ma khyab ste/ 'dus ma byas dang tha dad kyang yin/ ma byas pa dang tha dad kyang yin/ shes bya dang tha dad kyang yin/ yod pa dang tha dad kyang yin pa'i gzhi mthun pa yin pa de bzhag chog pa'i phyir/ des rigs 'gres/ dngos po'i spyi'i bye brag yin na/ rtag @9b pa'i spyi'i bye brag yin pas ma khyab pa'i skyon la/ chos dang skad cig ma ma yin pa'i gzhi mthun pa'i mtshon bya ma yin pa'ang yin/ gcig kyang yin pa'i gzhi mthun pa bzhag /des rigs 'gre/ 'dus ma byas dang dngos med gnyis kyi spyi'i bye brag yin na/ rtag pa'i spyi'i bye brag yin pas ma khyab pa'i skyon la/ tha dad bzhag /des rigs 'gre/ rtag pa'i spyi'i bye brag yin na/ 'dus ma byas dang dngos med gnyis kyi spyi'i bye brag yin pas ma khyab pa'i skyon la/ gcig bzhag /des rigs 'gre/ khyod kyi bye brag yod na/ khyod kyi bye brag gi bye brag yod pas khyab zer na/ bum pa dang tha dad kyang yin/ ka ba dang tha dad kyang yin/ shes pa dang tha dad kyang yin pa'i gzhi mthun pa ma yin pa chos can gyis ma nges/ de bsgrub pa la/ de'i bye brag gi bye brag yod na/ ka ba de de yin dgos pa la ma yin te/ de med na/ ka ba med mi dgos pa'i phyir te/ bum pa'i dgag gzhi chos can/ zhes sogs bsgrub pa ni/ der de 'dra'i gzhi mthun pa'i bye brag med pa'i phyir te/ der ka ba ma yin zhing de'ang yin pa/ shes pa ma gtogs med pa'i phyir ro/ /des rigs 'gre/ 'di cung mtshar ro/ /bum pa'i spyi'i spyi'ang yin/ ka ba'i spyi'i spyi'ang yin na/ tsan dan gyi ka ba'i spyi'i spyi'ang yin pas ma khyab pa'i skyon la/ tsan dan gyi ka ba'i spyi dang tha dad bzhag /des rigs 'gre/ de 'dra'i skyon la/ tsan dan gyi ka ba dang phan tshun tha dad bzhag mi nyan te/ ka ba'i dgag gzhi bum pa'i spyi yod kyang/ tsan dan gyi ka ba dang phan tshun tha dad med pas so/ /des rigs 'gre/ khyod rtag pa'i bye brag yin na/ @10a @#/ /khyod kyi spyi rtag pa'i spyi yin pas khyab zer na/ bum pa'i ldog pas ma nges [@#/] ma yin pas khyab zer na/ mtshan nyid kyis ma nges te/ rtag pa ma yin zhing mtshan nyid kyi spyi yang yin pa'i gzhi mthun pa la/ gang zag gi bdag med du rtogs pa'i tshad ma mi rtag pa de'ang de yin/ yod med gang rung rtogs pa'i tshad ma mi rtag pa de yang de yin pa'i phyir ro/ /des rigs 'gre/ yod pa yin na/ spyi dang bye brag gang rung ma yin pa'i spyi dang bye brag gang rung ma yin pa'i spyi dang bye brag gang rung yin pas khyab zer na/ shes byas ma nges/ ma yin pas khyab zer na/ rtag pas ma nges/ des rigs 'gres shing/ 'di mang po brtsegs na mtshar ro/ /rtag pa'i spyi dang dngos po'i spyi gang rung dang/ bum pa'i spyi dang rtag pa'i spyi gang rung yin na/ rtag pa'i spyi dang dngos po'i spyi gang rung yin pas khyab zer na/ bem pos ma nges te; bum pa'i spyi yin pa'i phyir/ kho na re/ de chos can/ de ma yin par thal/ rtag pa'i spyi dang dngos po'i spyi gang rung dang/ bum pa'i spyi ma yin pa gang zhig /rtag pa'i spyi ma yin pa'i phyir zer na/ khyab med kyi lan 'debs dgos pa 'dra/ 'on kyang 'di la 'gros shin tu mang zhing dpyad par bya ba che bas 'dir de phyogs tsam mgo smos byas pa yin pas blo gros can rnams kyis dpyad par bya'o/ /des rigs 'gres so; /de ltar 'di dag gi rigs 'gres ded na/ phra zhing zhib pa'i blo gros dang ldan par 'gyur bar bsam nas/ phyogs gcig smos pa yin gyi rgyas pa na ches mang ngo/ /de ltar spyi bye brag sogs 'di bdag gis @10b btsal na ma khyab khyab ches mi srid pa'i skyon mang du rnyed pas rigs lam gyi sgo yangs por byed par 'gyur ro/ /kho bo'i blo gros nam mkha' las/ /rigs lam char rgyun phabs tsam gyis/ /dpyod ldan blo mtsho rgyas par 'gyur/ /blun smras rmig rjes chu dag skyed// //rdzas ldog thog mar brtsi bzhag ltar ni/ ldog chos su gyur pa'i dngos po/ rdzas chos kyi rjes mthun yin/ de ma yin pa kho kho rang min pa'i rigs dang; kho ma yin pa kho yin pa'i rigs dang/ rdzas chos rnams la mi 'grigs pas so/ /ka bum gnyis ma yin pa rang yin ldog chos yin/ rang yin ldog chos de rang ma yin gyi ldog chos yin/ khyod gzhi grub [@#/] khyod khyod rang ma yin/ khyod ma yin pa khyod ma yin/ khyod kyi ldog pa rang ma yin pa'i ldog chos dang mi 'gal ba yang yin pa'i gzhi mthun pa de/ khyod rang ma yin pa'i ldog chos yin pa'i mtshan nyid/ gzhi mthun pa ma sbyar na ri bong rwas ma nges/ des 'gre/ rdzas chos dang 'gal ba de/ rdzas chos kyi rjes mthun yin/ rang yin ldog chos ma yin pa de/ rang yin ldog chos kyi rjes mthun yin/ khyod khyod rang ma yin pa gang zhig / khyod ma yin pa khyod yin na/ khyod ldog chos phung sum tsam po ba yin pas khyab zer na/ rtag pa kho nas ma nges/ yang rigs 'gres/ khyod khyod rang yin pa gang zhig /khyod ma yin pa khyod ma yin na/ khyod rdzas chos yin pas khyab zer na/ med pas ma nges/ gzhi grub phyin chos de dang phan tshun tha dad de/ rang yin ldog chos yin dgos/ khyod dang tha dad la yang rigs 'gre/ gzhal bya dang shes bya sogs rdzas chos yin/ khyod @11a @#/ /rdzas chos yin pa'i mtshan nyid sogs shes sla/ de nas rang gis dpyad par/ gong du rang yin ldog chos de/ rang ma yin gyi ldog chos dang rang yin ldog chos ma yin pa de/ rang yin ldog chos kyi rjes mthun yin par bshad pas/ des na rang yin ldog chos ma yin pa gnyis po de/ rang ma yin gyi ldog chos dang gsum po rang yin ldog chos kyi rjes mthun yin pa sogs brgya stong gi bar rigs 'gre zhing/ tshul de rdzas ldog gzhan la 'ang kha spo shes par bya 'o/ /rdzas chos rang ma yin gyi ldog chos yin/ rdzas chos ma yin pa rang yin ldog chos yin/ rdzas chos ma yin pa gnyis po rang ma yin pa'i ldog chos dang/ gsum po rang yin ldog chos yin/ rang ma yin pa'i ldog chos/ rang ma yin pa'i ldog chos kyi rjes mthun yin/ rang ma yin ldog chos ma yin pa de/ rang yin ldog chos yin/ ldog chos phung sum tsam po ba de/ ldog chos phung sum tsam po ba'i rjes mthun yin/ ldog chos phung sum tsam po ba ma yin pa de/ ldog chos phung sum tsam po ba yin/ yang na de rang ma yin gyi ldog chos dang/ de ma yin pa rang yin ldog chos su khas blang [@#blangs] kyang 'grig go /rdzas chos kyi rjes mthun de/ rang ma yin gyi ldog chos yin/ rdzas chos kyi rjes mthun ma yin pa de/ rang yin ldog chos yin/ rang yin ldog chos kyi rjes mthun de/ rang ma yin gyi ldog chos dang/ rang yin ldog chos kyi rjes mthun ma yin pa de/ rang yin ldog chos yin no/ /rang ma yin gyi ldog chos kyi rjes mthun de/ rang ma yin gyi ldog chos yin zhing/ rang ma yin gyi ldog @11b chos kyi rjes mthun ma yin pa de/ rang yin ldog chos yin par khas blang/ ldog chos phung sum tsam po ba'i rjes mthun de/ ldog chos phung sum tsam po ba yin pa dang/ ldog chos phung sum tsam po ba'i rjes mthun ma yin pa de/ ldog chos phung sum tsa me po ba'i rjes mthun yin par khas blangs kyang 'grig go /smras pa/ kye ma mi bzang 'khor ba'i chu gter che/ /'jigs rung ngan 'gro'i rba rlabs 'khrug pa'i klong/ / nyes brgya'i chu srin gtum po'i gre ba nas/ /dal 'byor rin chen rnyed pa da res tsam/ /tshe 'di 'ba' zhig don gnyer slob bu'i dbus/ /chags sdang khong khro 'du 'dzis dus 'da' zhing/ /bdag bstod gzhan smod chos kyi 'chad nyan la/ /kho bo snying gi dkyil nas skyo ba skyes// ! //gnyis pa dbang po 'bring la rigs lam 'bring gi rnam bzhag bshad pa la/ 'gal 'brel/ yod rtogs med rtogs/ zhar byung bar shun dang/ rgyu 'bras che ba/ rjes 'gro ldog khyab/ zhar byung dgag gshags sgrub gshags kyi rnam bzhag bshad pa'o/ /dang po 'gal 'brel 'chad pa la/ phan tshun mi mthun par gnas pa 'gal ba'i mtshan nyid/ go ba ltar na/ khyod dad tha dad kyang yin/ khyod yin pa mi srid pa 'ang yin pa'i gzhi mthun du dmigs pa/ rang nyid 'gal ba yin pa'i mtshan nyid/ dbye na phan tshun spang 'gal dang; lhan cig mi gnas 'gal gnyis/ rnam gcod yongs gcod kyi sgo nas mi mthun par gnas pa/ phan tshun spang 'gal gyi mtshan nyid/ de dang 'gal ba don gcig /dbye na dngos 'gal dang/ @12a @#/ /brgyud 'gal gnyis/ phan tshun dngos su mi mthun par gnas pa/ dngos 'gal gyi mtshan nyid/ brgyud nas mi mthun par gnas pa/ brgyud 'gal gyi mtshan nyid/ mi rtag pa dang/ mi rtag pa ma yin pa gnyis dang po/ gnyis pa ni tsha grang gnyis dang/ bdag 'dzin dang/ bdag med rtogs pa'i shes rab gnyis lta bu/ rgyun gcod bya gcod byed kyi sgo nas mi mthun par gnas pa [@#/] lhan cig mi gnas 'gal gyi mtshan nyid/ mtshan gzhi ni bya rog dang 'ug pa gnyis lta bu dang/ gnyen po dang spang bya gnyis lta bu'o/ /kha cig na re/ dngos po dang 'gal ba yin na/ dngos po dang 'gal ba dang/ 'gal ba yin pas khyab zer na/ rtag pa'i ldog pa chos can/ der thal/ de'i phyir/ der thal/ khyod dngos po dang tha dad gang zhig /khyod kyang yin dngos po'ang yin pa'i gzhi mthun pa med pa'i phyir/ rtsa bar 'dod na/ de chos can/ de ma yin par thal/ khyod kyang yin dngos po dang 'gal ba yang yin pa'i gzhi mthun pa yod pa'i phyir te/ rtag pa de de yin pa'i phyir ro/ /bsgrub tshul kun la 'khyer shes par bya'o/ /khyod de dang 'gal ba yin na/ khyod kyi ldog pa de de dang 'gal ba dang mi 'gal ba yin pas khyab/ 'on kyang de dang 'gal ba yin na khyod kyi ldog pa de de dang 'gal ba yin pas ma khyab ste/ bum pa'i ldog pa de rtag pa dang 'gal ba yin kyang/ bum pa'i ldog pa'i ldog pa de rtag pa dang 'gal ba ma yin pa'i phyir/ mi rtag pa dang 'gal ba dang 'gal ba dang 'gal ba yin na/ mi rtag pa dang 'gal ba yin pas khyab zer na/ ka ba'i @12b ldog pas ma nges/ 'di'i rigs 'dra la 'ang rigs mi 'dra ba mang/ dngos po dang mi 'gal ba yin na/ dngos po dang mi 'gal ba dang mi 'gal ba yin pas khyab zer na/ ka bum gnyis kyi ldog pas ma nges/ des na khyod yin pa mi srid pa'i shes bya yin na/ khyod kyi ldog pa de shes bya dang mi 'gal ba'ang yin shes bya dang mi 'gal ba dang 'gal ba 'ang yin pa'i gzhi mthun pa yin pas khyab/ khyod yin pa mi srid pa'i rtag pa yin na dang dngos po yin na sogs sbyar yang rtag pa dang dngos po sogs la de bzhin du khyab pa rigs 'gre/ dngos po dang mi 'gal ba dang mi 'gal ba yin na/ dngos po dang mi 'gal ba yin pas khyab zer na/ shes bya'i ldog pas ma nges/ khyod de'i spyi yin na/ khyod kyi ldog pa de dang mi 'gal ba dang mi 'gal ba yin pas khyab ste/ shes bya de rtag dngos gnyis dang de ltar ma nges pas so/ /khyod de'i spyi yin de yin par srid pa'i shes bya yin na'ang de ltar ma khyab ste/ rtag pa de bum pa'i ldog pa dang de ltar ma nges pas so/ /yod pa dang 'gal ba dang mi 'gal ba yin na/ rtag pa dang 'gal ba yin pas khyab zer na/ ma byas pas ma nges/ rtag pa yin na/ shes bya dang mi 'gal ba yin pas khyab zer na/ rtag dngos gnyis kyis ma nges/ dngos po dang 'brel ba yin na/ dngos po dang 'brel ba dang 'brel ba yin pas khyab zer na/ dngos po dang 'brel ba chos can/ der thal/ de'i phyir/ der thal/ dngos po dang bdag gcig 'brel yin pa'i phyir/ ma grub na/ dngos po chos can/ khyod dang 'brel ba de/ khyod dang bdag gcig tu 'brel ba yin par thal/ @13a @#/ /khyod dang 'brel ba yod pa'i phyir/ rtsa bar 'dod na/ dngos po dang 'brel ba chos can/ khyod khyod dang 'brel ba ma yin par thal/ khyod bdag med yin pa'i phyir/ dngos po dang 'brel ba yin na/ dngos po dang bdag gcig 'brel yin pas khyab zer na/ dngos po'i phyi logs su byung ba chos can/ phyogs gnyis ka der thal/ dngos po dang de byung 'brel yin pa'i phyir/ bum pa dang 'gal ba dang 'gal ba dang/ bum pa dang mi 'gal ba dang mi 'gal ba'i gzhi mthun pa yin na/ bum pa dang 'gal ba yin pas khyab zer na/ lto ldir zhabs zhum chu skyor gyi don byed nus pa dang gcig gis ma nges/ de mtshan mtshon kun la rigs mi 'dra ste/ yin pa mi srid pa'ang yin/ blo'i yul du bya rung yang yin pa'i gzhi mthun pa dang/ yin pa mi srid pa'i shes bya gnyis de ltar ma yin pa'i phyir dang/ btags yod chos gsum tshang ba dang mtshon bya gnyis kyang de ltar ma yin pa'i phyir ro/ /yin pa mi srid pa'i shes bya dang 'gal ba yin na/ de dang 'gal ba dang 'gal ba yin pas khyab zer na/ mtshan nyid kyi ldog pas ma nges; ka bum gnyis dang gcig dang 'gal ba dang 'gal ba'ang yin/ ka bum gnyis dang gcig dang mi 'gal ba dang mi 'gal ba'ang yin pa'i gzhi mthun med zer na/ yod de shes bya'i rdzas yod chos gsum tshang ba de de yin pas so/ /yang ka bum gnyis dang gcig dang mi 'gal ba de yang de yin/ ka bum gnyis dang gcig dang gcig de yang de yin/ de la rigs 'gres kyang sgo du ma nas mang ngo/ / @13b de 'dra'i gzhi mthun pa/ rdzas chos dang rang yin ldog chos dang de gnyis kyi rjes mthun rnams ma yin te/ kho kho rang ma yin pa'i phyir te/ de 'dra'i gzhi mthun pa'ang yin/ ka bum gnyis dang gcig dang 'gal ba'ang yin pa'i gzhi mthun pa la shes bya'i rdzas yod chos gsum tshang ba bzhag chog pa'i phyir ro/ /gzhan yang ka bum gnyis dang gcig dang gcig kyang de la bzhag chog pas so/ /de ldog chos phung sum tsam po pa'ang ma yin te/ de 'dra'i gzhi mthun ma yin pa'ang yin/ ka bum gnyis dang gcig dang 'gal ba'ang yin pa'i gzhi mthun la bum pa bzhag chog pa'i phyir ro/ /dngos po dang 'gal ba dang 'gal ba'ang yin/ dngos po dang mi 'gal ba dang mi 'gal ba'ang yin/ dngos po dang 'brel ba dang 'brel ba'ang yin/ dngos po dang ma 'brel ba dang ma 'brel ba'ang yin pa'i gzhi mthun pa yod zer na/ mi 'thad de/ de yod na dngos po dang ma 'brel ba de/ de 'dra'i gzhi mthun pa yin dgos/ gzhan med pa'i phyir ro/ /dngos po dang ma 'brel ba de de 'dra ba'i gzhi mthun min te/ de dngos po dang 'gal ba dang 'gal ba ma yin pa'i phyir te/ de'ang yin dngos po dang 'gal ba'ang yin pa'i gzhi mthun pa la'ang/ dngos po'i rgyur gyur pa'i tshad ma dang bcad shes gnyis bzhag chog pa'i phyir ro/ /rtag pa dang 'gal ba dang 'gal ba sogs de 'dra'i gzhi mthun yod de/ rtag pa dang ma 'brel ba de de yin pa'i phyir/ de'i rgyu mtshan rtag pa dang ma 'brel pa la/ rtag pa kho rang ma gtogs bzhag rgyu med pa'i dbang gis yin te/ des na rtag pa dang ma @14a @#/ /'brel ba de kho kho rang dang ma 'brel ba yin zhing/ de rtag pa dang 'gal ba dang 'gal ba yin pas so/ /de shes bya dang yod pa dang dngos med sogs la rigs 'gre/ dngos po rnams la ma nges so/ /shes bya dang 'gal ba dang mi 'gal ba dang/ shes bya dang mi 'gal ba dang 'gal ba dang/ shes bya dang 'brel ba dang ma 'brel ba dang/ shes bya dang ma 'brel ba dang 'brel ba'ang yin pa'i gzhi mthun pa yod zer na/ mi 'thad de/ shes bya dang 'brel ba dang ma 'brel ba la/ shes bya dang 'brel ba kho rang min pa bzhag rgyu med/ de shes bya dang mi 'gal ba dang 'gal ba ma yin pas so/ /ka ba dang 'gal ba dang/ mi 'gal ba sogs de lta bu yod de/ ka ba dang 'gal ba de de ltar yin pa'i phyir te/ gzhan rnams bsgrub sla zhing/ ka ba dang 'gal ba de/ ka ba dang 'brel ba dang ma 'brel ba yin pa'i rgyu mtshan ka ba'i dgag gzhi ka ba dang 'brel ba med cing de dang 'gal ba yod pa'i rgyu mtshan gyis yin pas so/ /ka bum gnyis dang gcig dang 'gal ba dang 'gal ba'ang yin/ ka bum gnyis dang gcig dang mi 'gal ba'ang yin pa'i gzhi mthun pa de/ rang ma yin gyi ldog chos yin te/ gong du bshad pa ltar kho kho rang ma yin/ kho ma yin pa kho ma yin pas shes pa'i phyir ro/ /'di yin pa mi srid pa'i shes bya kun la rigs 'gre/ rtag pa dang 'gal ba dang 'gal ba dang/ rtag pa dang mi 'gal ba dang mi 'gal ba dang/ rtag pa dang 'brel ba dang 'brel ba dang/ rtag pa dang ma 'brel ba dang ma 'brel pa'ang [@#ba'ang] yin pa'i gzhi mthun pa/ rang ma yin gyi ldog chos @14b yin te/ de'i rgyu mtshan de la rtag pa dang ma 'brel ba kho rang ma gtogs bzhag rgyu med pa'i phyir ro/ 'di'ang shes bya sogs la rigs 'gre/ ka ba dang 'gal ba dang mi 'gal ba'ang yin/ ka ba dang mi 'gal ba dang 'gal ba'ang yin/ ka ba dang 'brel ba dang ma 'brel ba'ang yin/ ka ba dang ma 'brel ba dang 'brel ba yin pa'i gzhi mthun pa de/ yang rang ma yin gyi ldog chos yin te/ de kho kho rang ma yin tshul ni/ de 'dra'i gzhi mthun pa'ang yin/ ka ba dang mi 'gal ba'ang yin pa'i gzhi mthun pa la/ ka ba dang 'gal ba de bzhag chog pa'i phyir ro/ /de ma yin pa'ang de ma yin te/ de ma yin pa dang ka ba dang mi 'gal ba'i gzhi mthun pa la/ ka ba kho rang bzhag chog pa'i phyir ro/ /des na rang gis bsam tshod cung zad brjod na/ khyod dang 'gal ba khyod dang 'gal ba yin pa du ma yod/ khyod dang 'gal ba khyod dang mi 'gal ba'ang du ma yod/ yin pa srid pa'i shes bya la'ang de gnyis so sor yin min du ma yod/ gzhi grub na khyod dang 'gal ba yod pas khyab/ de la khyod dang 'gal ba ma yin pa/ khyod dang 'gal ba yin min ci rigs yod/ yin pa srid pa'i shes bya la'ang de ltar yin min ci rigs yod/ de bzhin du khyod dang 'gal ba dang 'gal ba khyod dang 'gal ba yin min dang/ khyod dang 'gal ba dang 'gal ba ma yin pa khyod dang 'gal ba yin min dang/ khyod dang 'gal ba dang 'gal ba rdzas ldog gang rung yin min sogs 'gal ba'am mi 'gal ba'am/ 'brel ma 'brel sogs du ma brtsegs pa dang/ kho kho rang dang de ltar brtsegs pa rnams yin @15a @#/ /min sogs rang gi blo gros kyi mthu ma zad phyin dpyad bya dang/ rtsod pa bya rgyu la zad rgyu med pas blo gros dang ldan pa dag gis zhib tu bsam zhing brgal brtag la 'bad par bya'o/ /khyab skor cha shas dag las thon tsam gyis/ /rigs lam rnyed pa rlom rnams mgo bo 'khor/ /kho bos phyogs tsam bstan 'di'i rjes zhugs na/ /ngo mtshar ltad mo mang po mthong bar 'gyur// ! //yod rtogs med rtogs bshad pa ni/ thog mar spyi'i 'gro tshul 'chad na/ rtag pa yin na/ rtag par rtogs pa'i tshad ma yod pas khyab/ rtag par rtogs pa'i tshad ma yod na rtag pa yin pas khyab/ dngos por rtogs pa'i tshad ma yod na/ dngos po yin pas khyab/ dngos po yin na dngos por rtogs pa'i tshad ma yod pas khyab/ de bzhin du 'dus ma byas su rtogs pa'i tshad ma/ gang zag gi bdag med rtogs pa'i tshad ma kun la rigs 'gre/ des na spyir rtsod gzhi med par dngos por rtogs pa'i tshad ma med/ dngos po rtogs pa'i tshad ma yod/ de bsgrub na/ dngos por rtogs pa'i tshad ma med par thal/ rtag pa yin pa'i phyir/ rjes ma bsgrub na/ dngos po chos can/ khyod rtogs pa'i tshad ma yod par thal/ khyod gzhi grub pa'i phyir/ dngos por rtogs pa'i tshad ma dngos med du rtogs pa'i tshad ma yod de/ de bsgrub na/ dngos por rtogs pa'i tshad ma chos can/ dngos med du rtogs pa'i tshad ma yod par thal/ dngos med yin pa'i phyir/ der thal/ med pa yin pa'i phyir/ dngos por rtogs pa'i tshad ma dngos med du rtogs pa'i tshad ma dngos med du rtogs pa'i tshad ma med/ de bsgrub na/ dngos por rtogs pa'i tshad ma dngos med du rtogs @15b pa'i tshad ma chos can/ dngos med du rtogs pa'i tshad ma med par thal/ dngos med ma yin pa'i phyir te/ dngos po yin pa'i phyir/ des na dngos por rtogs pa'i tshad ma dngos med du rtogs pa'i tshad ma dngos med du rtogs pa'i tshad ma dngos med du rtogs pa'i tshad ma gsum po de yod/ bzhi sogs cha med lnga sogs ya rnams yod pa brgya'i bar rigs 'gres kyis shes sla'o/ /des na khyod dngos med yin na/ khyod dngos med du rtogs pa'i tshad ma yar gyur pa yod cha du brtsegs kyang med pas khyab/ dngos por rtogs pa'i tshad ma'i steng la med par rtogs pa'i tshad ma yar gyur pa dang/ char brtsegs pa sogs yod med mtshungs/ de bzhin du dngos por rtogs pa'i tshad ma'i steng du/ 'dus ma byas su rtogs pa'i tshad ma'am/ ma skyes par rtogs pa'i tshad ma sogs kun la rigs 'gre/ dngos por rtogs pa'i tshad ma'i steng du rtag par rtogs pa'i tshad ma du brtsegs kyang med/ des na gnyis brtsegs pa de med tshul bsgrub na/ dngos por rtogs pa'i tshad ma rtag par rtogs pa'i tshad ma chos can/ rtag par rtogs pa'i tshad [@#tshad ma] med par thal/ rtag pa ma yin pa'i phyir te/ med pa yin pa'i phyir/ ma grub na/ dngos por rtogs pa'i tshad ma chos can/ rtag par rtogs pa'i tshad ma med par thal/ rtag pa ma yin pa'i phyir te/ med pa yin pa'i phyir/ zhes bsgrub bo/ /yang dngos por rtogs pa'i tshad ma dngos med du rtogs pa'i tshad ma ya re'i steng la/ dngos por rtogs pa'i tshad ma du brtsegs kyang yod cha re'i steng la dngos por rtogs pa'i tshad ma du brtsegs kyang med do/ /bum pa dngos por rtogs pa'i tshad ma dngos med du rtogs pa'i @16a @#/ /tshad ma ya du brtsegs kyang med cing cha du brtsegs kyang yod pa sogs sngar las ldog nas rigs 'gre/ de bsgrub na/ bum pa dngos por rtogs pa'i tshad ma chos can/ dngos med du rtogs pa'i tshad ma med par thal/ dngos med ma yin pa'i phyir te/ dngos po yin pa'i phyir/ ma grub na/ bum pa dngos por rtogs pa'i tshad ma/ dngos po yin par thal/ bum pa dngos por rtogs pa'i tshad ma yod pa'i phyir/ bum pa chos can/ dngos por rtogs pa'i tshad ma yod par thal/ dngos po yin pa'i phyir/ spyir rtag par rtogs pa'i tshad ma yod/ rtag par rtogs pa'i tshad ma'i steng la dngos por rtogs pa'i tshad ma du brtsegs kyang yod/ rtag par rtogs pa'i tshad ma'i steng la dngos med du rtogs pa'i tshad ma ya brtsegs na med cha brtsegs na yod pa sogs rigs 'gre/ de'i steng la rtag par rtogs pa'i tshad ma du brtsegs kyang med pa sogs shes sla; des na de dag gi bar du med par rtogs pa'i tshad ma'am/ ma yin par rtogs pa'i tshad ma'am/ dngos po ma yin par rtogs pa'i tshad ma'am/ 'dus byas su rtogs pa'i tshad ma sogs brtsegs nas brtsegs lugs ci 'dra byas byung na'ang legs par brtags la shes par bya'o/ /de ltar spyi'i 'gro tshul zhib tu bshad nas rigs 'gres shes pa'i phyir/ brtsi bzhag ltar bshad na/ yod par rtogs pa'i tshad ma yod na/ rtag par rtogs pa'i tshad ma yod pas khyab zer na/ bum pas ma nges te/ rtag pa ma yin pa'i phyir/ shes byar rtogs pa'i tshad ma yod na/ dngos por rtogs pa'i tshad ma yod pas khyab zer na/ 'dus ma byas kyis ma nges/ @16b yin par rtogs pa'i tshad ma yod na/ rtag par rtogs pa'i tshad ma yod pas khyab zer na/ rtag pa kho nas ma nges te/ rtag pa kho na yin pa'i phyir/ 'dod mi nus te/ rtag pa kho na med pa yin pa'i phyir ro/ /ma yin par rtogs pa'i tshad ma yod na/ dngos por rtogs pa'i tshad ma yod pas khyab zer na/ rtag dngos gnyis kyis ma nges/ rtag par rtogs pa'i tshad ma dngos por rtogs pa'i tshad ma yod na/ dngos por rtogs pa'i tshad ma yod pas khyab zer na/ bum pa'i ldog pas ma nges te/ phyogs gnyis ka der thal/ rtag pa yin pa'i phyir/ dngos med du rtogs pa'i tshad ma dngos med du rtogs pa'i tshad ma yod na/ dngos med du rtogs pa'i tshad ma yod pas khyab zer na/ rnam mkhyen gyis ma nges/ phyogs gnyis ka der thal/ dngos po yin pa'i phyir/ yod par rtogs pa'i tshad ma dngos por rtogs pa'i tshad ma yod par rtogs pa'i tshad ma yod na/ dngos por rtogs pa'i tshad ma yod par rtogs pa'i tshad ma yod pas khyab zer na/ shes byas ma nges/ rtags der thal/ yod pa yin pa'i phyir/ 'dod mi nus te/ rtag pa yin pa'i phyir/ ma byas par rtogs pa'i tshad ma/ ma byas pa [@#par] rtogs pa'i tshad ma yod na/ ma byas par rtogs pa'i tshad ma yod pas khyab zer na/ ka ba chos can gyis ma nges/ phyogs gnyis ka der thal/ byas pa yin pa'i phyir/ med par rtogs pa'i tshad ma med pa [@#par] rtogs pa'i tshad ma yod na/ med par rtogs pa'i tshad ma yod pas khyab zer na/ sgras ma nges te/ yod pa yin pa'i phyir/ rtag pa [@#par] rtogs pa'i tshad ma yod na/ rtag par rtogs pa'i tshad ma rtag par rtogs pa'i tshad ma yod pa rtogs pa'i tshad ma yod pas khyab zer na/ bum pa'i mtshan nyid kyis ma @17a @#/ /nges te/ rtags der thal/ rtag pa yin pa'i phyir/ 'dod mi nus te/ bdag med yin pa'i phyir/ dngos po yin par rtogs pa'i tshad ma yod na/ yin par rtogs pa'i tshad ma yod pas khyab zer na/ ka bum gnyis kyis ma nges/ rtags der thal/ dngos po yin pa'i phyir/ 'dod mi nus te/ bdag med yin pa'i phyir/ rtag pa yin par rtogs pa'i tshad ma yod na/ yin par rtogs pa'i tshad ma yod pas khyab zer na/ mtshan mtshon gnyis kyis ma nges te/ rtag pa yin pa'i phyir/ 'dod mi nus te/ bdag med yin pa'i phyir/ des na khyod chos de yin na/ khyod chos der rtogs pa'i tshad ma yod pas khyab/ khyod de ma yin na/ khyod chos der rtogs pa'i tshad ma med pas khyab bo// ! //zhar byung bar shun gyi rnam bzhag bshad pa la/ khyod yod na khyod dang khyod gnyis ka yod pas khyab zer na/ rtag par rtogs pa'i tshad ma/ dngos por rtogs pa'i tshad ma chos can gyis ma nges te/ rtag par rtogs pa'i tshad ma chos can/ dngos por rtogs pa'i tshad ma dang/ rtag par rtogs pa'i tshad ma/ dngos por rtogs pa'i tshad ma gnyis ka med par thal/ dngos po dang dngos po gnyis ka yod pa'i phyir te/ dngos po yin pa'i phyir/ gzhan yang de chos can/ der thal/ dngos por rtogs pa'i tshad ma dang/ dngos por rtogs pa'i tshad ma gnyis ka yin pa'i phyir te/ dngos por rtogs pa'i tshad ma yin pa'i phyir te/ tshad ma yin pa'i phyir ro/ /yang khyod yod pa yin na/ khyod yod pa dang khyod yod pa gnyis ka yin pas khyab zer na/ dngos med du rtogs pa'i tshad mas ma nges te/ rim bzhin du bsgrub na/ @17b dngos med du rtogs pa'i tshad ma chos can/ yod pa dang/ dngos po gnyis ka yin par thal/ dngos po yin pa'i phyir/ zhes pa dang/ yang de chos can/ dngos med yin par thal/ yod pa dang dngos med gnyis ka yin pa'i phyir/ ma grub na/ dngos med du rtogs pa'i tshad ma chos can/ yod pa dang dngos med gnyis ka yin par thal/ yod pa dang dngos med du rtogs pa'i tshad ma yod pa gnyis ka yin pa'i phyir/ ma grub na/ dngos med du rtogs pa'i tshad ma chos can/ khyod yod pa dang khyod yod pa gnyis ka yin par thal/ khyod yod pa yin pa'i phyir/ rtsa khyab la song/ kha cig na re/ bdag med yin na khyod yod pa dang khyod med pa gang rung yin pas khyab zer na/ med par rtogs pa'i tshad mas ma nges te/ med par rtogs pa'i tshad ma chos can/ yod pa dang med par rtogs pa'i tshad ma med pa gang rung ma yin par thal/ yod pa ma yin pa gang zhig /med par rtogs pa'i tshad ma med pa ma yin pa'i phyir ro/ /yang kha cig na re/ bdag med yin na khyod yod pa dang/ khyod med pa gnyis ka ma yin pas khyab zer na/ rtag par rtogs pa'i tshad ma/ yod par rtogs pa'i tshad mas ma nges te/ rtag par rtogs pa'i tshad ma yod par rtogs pa'i tshad ma yod pa dang dngos po gnyis ka yin pa'i gnad kyis so/ /khyod med pa yin na/ khyod med pa dang khyod med pa gnyis ka yin pas khyab zer na/ med par rtogs pa'i tshad ma dngos por rtogs pa'i tshad mas ma nges te/ med par rtogs pa'i tshad ma dngos por rtogs pa'i tshad ma med pa dang med pa gnyis ka yin pa'i rgyu mtshan gyis so/ /'di la med par @18a @#/ /rtogs pa'i tshad ma bzhag kyang 'grig go /kha cig na re/ khyod med na khyod dang khyod gang rung med pas khyab zer na/ rtag par rtogs pa'i tshad ma dngos med du rtogs pa'i tshad ma chos can/ der thal/ de'i phyir/ bsgrub sla'o/ /de la rtag par rtogs pa'i tshad ma dngos med du rtogs pa'i tshad ma dang/ rtag par rtogs pa'i tshad ma dngos med du rtogs pa'i tshad ma gang rung med par thal/ rtag par rtogs pa'i tshad ma dngos med du rtogs pa'i tshad ma med pa gang zhig /rtag par rtogs pa'i tshad ma dngos med du rtogs pa'i tshad ma med pa'i phyir zer na/ sdom rtags ma grub zer dgos sam snyam mo/ /kha cig na re/ bdag med yin na khyod yod pa dang khyod med pa gang rung yin pas khyab zer ba la/ skyon 'phen pa kha cig gis/ dngos po ma yin par rtogs pa'i tshad ma/ dngos med du rtogs pa'i tshad ma chos can du 'phang nas bsgrub pa la/ dngos po ma yin par rtogs pa'i tshad ma chos can/ dngos med du rtogs pa'i tshad ma yod pa dang/ dngos po ma yin par rtogs pa'i tshad ma dngos med du rtogs pa'i tshad ma med pa gang rung ma yin par thal/ dngos med du rtogs pa'i tshad ma yod pa ma yin pa gang zhig /dngos po ma yin par rtogs pa'i tshad ma/ dngos med du rtogs pa'i tshad ma med pa ma yin pa'i phyir zer na/ rang lugs la sdom rtags ma grub kyis lan 'debs par bshad 'dug ;rang lugs la rtag par rtogs pa'i tshad ma dngos med du rtogs pa'i tshad ma de'i skyon du bzhag /kha cig [@#/] khyod dang khyod gang rung yod na/ khyod yod pas khyab zer na/ med par rtogs pa'i tshad ma yod par rtogs @18b pa'i tshad mas ma nges/ kha cig /khyod yod pa dang khyod med pa gang rung yin na/ khyod med pa dang khyod yod pa gang rung yin pas khyab zer na/ rtag par rtogs pa'i tshad ma dngos por rtogs pa'i tshad mas ma nges te/ bsgrub sla/ skabs 'dir rnam mkhyen drug sgra dang sbrel nas bshad pa zhig 'dug kyang re zhig 'dir ma bris/ 'dir dngos med du rtogs pa'i tshad ma dngos por rtogs pa'i tshad ma dang/ dngos med du rtogs pa'i tshad ma/ dngos por rtogs pa'i tshad ma yod zer ba la/ dngos med du rtogs pa'i tshad ma chos can/ dngos por rtogs pa'i tshad ma dang/ dngos med du rtogs pa'i tshad ma/ dngos por rtogs pa'i tshad ma gnyis ka med par thal/ zhes sogs kyis bsgrubs 'dug /yang dngos po ma yin par rtogs pa'i tshad ma dang/ rtag par rtogs pa'i tshad ma gnyis ka yod par bshad kyang/ de la dngos po chos can/ ma yin par rtogs pa'i tshad ma dang dngos por rtogs pa'i tshad ma gnyis ka yod par thal/ ma yin par rtogs pa'i tshad ma yod pa gang zhig /dngos por rtogs pa'i tshad ma yod pa'i phyir zer na/ ma khyab/ kha cig /de la sdom rtags ma grub zer na/ mi 'thad de/ dngos po ma yin par rtogs pa'i tshad ma yod pa dang/ dngos po gnyis ka yin pa'i phyir te/ de dngos po yin pa'i phyir ro/ /de la rtag par rtogs pa'i tshad ma chos can/ khyod dang dngos por rtogs pa'i tshad ma gnyis ka yod par thal/ khyod yod pa gang zhig /dngos por rtogs pa'i tshad ma yod pa'i phyir/ khyab pa 'grigs/ rtags sla/ zhes bshad pa'i rtags bsgrub na/ bum pa yin par rtogs pa'i tshad ma chos @19a @#/ /can du bkod nas bsgrub rgyu yin pa 'dra/ khyab 'grigs la 'dod na mi 'thad de/ bum pa ma yin pa dang rtag pa gnyis ka yin pa'i phyir te/ rtag pa yin pa'i phyir ro/ /de la kho na re/ bum pa chos can/ rtag pa yin par thal/ ma yin pa dang rtag pa gnyis ka yin pa'i phyir zer na/ ma khyab/ yang rtag dngos gnyis ma yin par rtogs pa'i tshad ma yod pa'ang yin/ dngos por rtogs pa'i tshad ma yod pa'ang yin pa'i gzhi mthun pa min byas pa la/ kha cig na re/ rtag dngos gnyis ma yin par rtogs pa'i tshad ma chos can/ der thal/ yod pa dang dngos por rtogs pa'i tshad ma yod pa gnyis ka yin pa'i phyir zer na/ ma khyab gsung 'dug /rtags der thal/ rtag dngos gnyis ma yin par rtogs pa'i tshad ma de dngos po yin pa'i phyir/ de dag ni brtsi bzhag gzhir bzhag yin la/ 'di la gnad go ba'i phyir cung zad bshad na/ rtag par rtogs pa'i tshad ma sogs du brtsegs nas khyod yod pa dang/ gzhan 'di lta bu gnyis ka'am gang rung sogs yin min dang yod min ci zer nas 'phang yang yod pa dang zer ba des snga log de ma thag pa de/ 'chad gzhir go nas de yod pa dang cig shos de dag yin min sogs dpyad dgos pa yin/ yang de brtsegs nas khyod dang gzhan 'di dang 'di yin min yod med sogs 'phang ba la/ dper na rtag par rtogs pa'i tshad ma gsum brtsegs nas khyod dang zer ba'i tshe rtag par rtogs pa'i tshad ma gnyis po rtsod rgyu'i gzhi lta bur go nas/ de rtag par rtogs pa'i tshad ma gcig po de dang gzhan de dag yin min yod med sogs dpyad dgos pa de'i rigs 'gre ded pas shes so/ /des @19b na gong du bshad [@#pa] ltar bum pa ma yin pa dang rtag pa gnyis ka yin par bshad/ yang bum pa ma yin pa'i tshad ma [@#ma yin par rtogs pa'i tshad ma] yod pa dang dngos po gnyis ka yin par bshad/ phyi ma bum pa ma yin par rtogs pa'i tshad ma kho rang la go ba yin 'dug ;ka ba bum pa ma yin pa dang/ dngos po'i gzhi mthun yin te/ de lta bu ka ba la go dgos so/ /ma yin pa dang dngos po'i gzhi mthun yin na/ dngos po yin pas ma khyab byas nas ka ba bum pa bzhag na 'grigs pa 'dra; dngos po chos can/ ma yin pa dang/ dngos po'i gzhi mthun yin par thal/ ma yin pa gang zhig /dngos po yin pa'i phyir la/ sdom rtags ma grub yin pa 'dra/ smras pa/ yon tan bye ba'i mdzod gyur pa/ /mkhas pa'i khang bzang 'dzeg 'dod na/ /tshad ma'i rigs pa'i them skas la/ /mi brten bya thabs gzhan du ci/ /thos bsam phyogs rer ma song zhing/ /mdo sngags gzhung lugs gdams par shar/ /don mthun rigs pa'i lam smra ba// de la snying gi dkyil nas dad// ! //mtshan mtshon che ba ni phal cher bdag gis ldog pa ngos 'dzin gyi skabs su bshad zin cing/ brtsi bzhag kyang zur du gnang srol med pas de'i phyir re zhig bzhag go /[/ ! //] rgyu 'bras che ba ni bdag gi zur du yod pas 'dir rtsa tshig lta bu'i nyung ngu zhig bshad na/ rgyu; rkyen; 'bras bu bshad pa dang gsum/ dang po la mtshan nyid dang/ dbye ba bshad pa gnyis so/ /dang po ni/ chos de'i skyed byed/ chos de'i rgyu'i mtshan nyid/ yang na/ chos de'i phan 'dogs byed/ chos de'i rgyu'i mtshan nyid/ kha cig /chos de la phan 'dogs byed chos de'i rgyu'i mtshan nyid zer na/ ston pa sangs rgyas chos can/ sems can gyi rgyu yin par thal/ @20a @#/ /sems can la phan 'dogs byed yin pa'i phyir/ mtshan nyid de khas/ gnyis pa dbye ba bshad pa la/ rgyu la dngos rgyu dang/ brgyud rgyu gnyis su dbye ba/ nyer len dang/ lhan cig byed rkyen gnyis su dbye ba/ sgras brjod rigs kyi sgo nas drug tu dbye ba/ zhar byung 'das ma 'ongs yod med la dpyad pa dang bzhi/ dang po ni/ dngos su skyed byed/ dngos rgyu'i mtshan nyid/ yang na dngos su phan 'dogs byed/ dngos rgyu'i mtshan nyid; dngos po yin na/ dngos rgyu yin pas khyab ste/ dngos po yin na/ mtshan nyid gnyis po re re nas yin dgos pa'i phyir ro/ /dngos po yin na rgyu las skyes pas khyab byas pa la/ kho na re/ rgyu chos can/ rgyu las skyes par thal/ dngos po yin pa'i phyir/ 'dod na/ rgyu chos can/ khyod khyod las ma skyes par thal/ khyod bdag med yin pa'i phyir zer na 'ang rtsod gzhi bcad nas 'dod do/ /brgyud nas skyed byed/ brgyud rgyu'i mtshan nyid/ yang na/ brgyud nas phan 'dogs byed/ brgyud rgyu'i mtshan nyid/ dngos po yin na brgyud rgyu yin pas khyab/ de 'ang gzhi la sbyar na/ du ba'i dngos su skyed byed du ba'i dngos rgyu'i mtshan nyid/ yang na/ du ba'i dngos su phan 'dogs byed du ba'i dngos rgyu'i mtshan nyid/ mtshan gzhi ni/ me lta bu la byed de/ me mtshan gzhi/ du ba'i dngos rgyu yin par mtshon/ du ba'i dngos su skyed byed yin pa zhes pa'i mtshon sbyor 'di/ mtshon sbyor rnam dag yin pa'i phyir/ du ba'i brgyud nas skyed byed/ du ba'i brgyud rgyu'i mtshan nyid/ yang na/ du ba'i brgyud nas phan 'dogs byed/ du ba'i brgyud rgyu'i mtshan nyid/ mtshan gzhi ni/ bud shing lta bu la byed de/ bud shing mtshan gzhi/ du ba'i brgyud @20b rgyu yin par mtshon/ du ba'i brgyud nas skyed byed yin pa zhes pa'i mtshon sbyor 'di/ mtshon sbyor rnam dag yin pa'i phyir/ du ba'i skye [@#skyed] byed du ba'i rgyu yin pa'i mtshan nyid/ du ba'i dngos su skyed byed du ba'i dngos rgyu yin pa'i mtshan nyid/ du ba'i brgyud nas skyed byed/ du ba'i brgyud rgyu yin pa'i mtshan nyid du 'jog ste/ drug sgra yod med kyi khyad par yod pa'i phyir/ kha cig me dang du ba gnyis rgyu 'bras ma yin par thal/ de gnyis dus mnyam du yod pa'i phyir zer na/ zhib mor ma dpyod par yin te/ me yin na du ba'i rgyu yin pas khyab/ du ba yin na me'i 'bras bu yin pas khyab pa'i phyir na/ me du ba'i rgyu yin no/ /'on kyang me dang rang gi 'bras bu gyur pa'i du ba gnyis rgyu 'bras yin tshul shes dgos so/ /gnyis pa nyer len dang lhan cig byed rkyen 'chad pa ni/ rang gi nyer 'bras/ rang gi rdzas rgyun du gtso bor skyed byed/ rang nyid nyer len yin pa'i mtshan nyid/ go ba byas na/ nyer len gyi mtshan nyid du'ang 'jog /mtshan gzhi ni zag bcas kyi phung po lnga lta bu/ gzhi la sbyar na/ bum pa rang gi rdzas rgyun du gtso bor skyed byed/ rang nyid bum pa'i nyer len gyi mtshan nyid/ mtshan gzhi ni/ bum pa skad cig snga ma lta bu/ rang gi lhan cig byed 'bras/ rang gi rdzas rgyun ma yin par gtso bor skyed byed/ rang nyid lhan cig byed rkyen gyi mtshan nyid/ dngos po yin na lhan cig byed rkyen yin pas khyab/ rgyun du gyur pa'i dngos po yin na/ nyer len yin pas khyab/ gzugs kyi rdzas rgyun yin na/ bem po yin pas khyab byas pa la/ kho na re @21a @#/ /gzugs kyi nyer len gyi 'bras bu chos can/ bem po yin par thal/ gzugs kyi rdzas rgyun yin pa'i phyir na/ rtags ma grub ste/ bem po'i rdzas rgyun dang nyer len yin na/ bem po yin pas khyab pa'i phyir/ der thal/ shes pa'i nyer len yin na/ shes pa yin pas khyab pa'i phyir byas pa la kho na re/ bem po yin na khyod kyi nyer len bem po yin pas khyab par thal/ bem po'i nyer len yin na/ bem po yin pas khyab pa'i phyir zer na/ ma khyab/ 'dod na/ gzugs chos can/ der thal/ de'i phyir/ 'dod na/ gzugs chos can/ khyod kyi nyer len bem po ma yin par thal/ khyod kyi nyer len ldan min 'du byed yin pa'i phyir/ ma grub na/ gzugs chos can/ khyod kyi nyer len dang rdzas rgyun 'bras bu rgyu rnams ldan min 'du byed yin par thal/ khyod 'dus byas yin pa'i phyir ro/ /yang rang lugs bum pa de bum nang gi chu'i rgyu dang rten yin byas pa la/ kho na re/ bum pas bum nang gi chu mi skyor bar thal/ skyor byed bum pa'i dus su/ skyor bya bum nang gi chu ma grub/ skyor bya bum nang gi chu'i dus su skyor byed bum pa bkag zin pa'i phyir na ma khyab/ 'dod mi nus te/ bum pas rang nang gi chu phyi rol tu mi gtong bar nang du skyor bar byed pa'i phyir ro/ /gsum pa rgyu la sgras brjod rigs kyi sgo nas dbye na/ byed rgyu/ lhan cig 'byung ba/ skal mnyam/ mtshungs ldan/ kun 'gro/ rnam smin gyi rgyu dang drug go /so so'i mtshan nyid dang/ mtshan gzhi ni/ bum pa dang rdzas tha dad kyang yin/ bum pa skye ba la gegs mi byed pa'ang yin pa'i gzhi mthun du dmigs pa/ bum pa'i byed rgyu'i mtshan nyid/ @21b mtshan gzhi ka ba lta bu/ byed rgyu la sgras brjod rigs kyi sgo nas dbye na/ byed rgyu nus ldan dang/ nus med gnyis/ dang po ni/ bum pa dang ka ba sogs 'dus byas mtha' dag la byed/ gnyis pa ni/ shes bya/ rtag pa; spyi mtshan sogs 'dus ma byas kyi chos rnams la byed/ sgras brjod rigs zhes brjod pa'i rgyu mtshan yod de/ byed rgyu nus med yin na/ byed rgyu ma yin pas khyab pa shes pa'i ched du yin pa'i phyir/ phan tshun dus mnyam rdzas tha dad kyang yin/ phan tshun skye ba la gegs mi byed pa'ang yin pa'i gzhi mthun par dmigs pa/ lhan cig 'byung ba'i rgyu'i mtshan nyid/ mtshan gzhi ni/ lhan cig tu skyes pa'i 'byung ba bzhi dang/ dngos rgyu tshogs pa gcig pa'i mig sogs dbang po lnga dang/ dngos rgyu tshogs pa gcig pa'i bu ram gyi ro gzugs gnyis lta bu la byed/ rang gi rigs 'dra phyi ma rang dang 'dra ba skyed byed/ rang nyid skal mnyam gyi rgyu'i mtshan nyid/ mtshan gzhi bum pa lta bu'o/ phan tshun mtshungs ldan rnam pa lnga mtshungs kyang yin/ phan tshun skye ba la gegs mi byed pa'ang yin pa'i gzhi mthun du dmigs pa mtshungs ldan gyi rgyu'i mtshan nyid/ mtshan gzhi ni/ mig gi rnam par shes pa dang/ de'i 'khor du byung ba'i tshor ba gnyis lta bu/ rang gi 'bras bur gyur pa'i rang dang sa gcig pa'i nyon mongs can phyi ma skyed byed kyi nyon mongs can de/ rang nyid kun 'gro'i rgyu'i mtshan nyid/ mtshan gzhi ni 'dod chags lta bu/ mi dge ba dang/ dge ba zag bcas gang rung gis bsdus pa/ rnam smin gyi rgyu'i mtshan nyid/ mtshan gzhi ni/ srog gcod kyi las lta bu/ rang lugs la byed rgyu yin na/ dngos po yin pas khyab byas pa la/ @22a @#/ /kho na re/ shes bya bum pa'i byed rgyu yin par thal/ bum pa'i byed rgyu yin na/ bum pa'i rgyu yin pas ma khyab pa'i phyir te/ rang las gzhan pa byed rgyu'i rgyu/ /zhes gsungs pa'i phyir na ma khyab ste/ lung gi don ni rang las rdzas gzhan pa la bshad pa'i phyir/ kha cig bum pa'i byed rgyu yin na/ byed rgyu yin pas ma khyab par thal/ bum pa'i lhan cig 'byung ba'i rgyu yin na/ lhan cig 'byung ba'i rgyu yin pas ma khyab pa'i phyir na ma khyab/ ma grub na/ ka ba chos can/ lhan cig 'byung ba'i rgyu yin par thal/ bum pa'i lhan cig 'byung ba'i rgyu yin pa'i phyir/ rtags grub ste/ khyod bum pa dang phan tshun dus mnyam rdzas tha dad gang zhig /khyod dang bum pa gnyis phan tshun skye ba la gegs mi byed pa'i phyir/ ma grub na/ ka ba chos can/ rtags re re nas der thal/ ka ba dang gcig yin pa'i phyir ro/ /kha cig mig gi rnam par shes pa'i skal mnyam gyi rgyu yin na/ skal mnyam gyi rgyu yin pas ma khyab par thal/ de'i mtshungs ldan gyi rgyu yin na/ mtshungs ldan gyi rgyu yin pas ma khyab pa'i phyir na ma khyab/ ma grub na/ mig gi rnam par shes pa'i 'khor du gyur pa'i tshor ba chos can/ mtshungs ldan gyi rgyu yin par thal/ mig gi rnam par shes pa'i mtshungs ldan gyi rgyu yin pa'i phyir/ der thal/ de dang mtshungs ldan rnam pa lnga mtshungs gang zhig /khyod kyis de skye ba la 'gal rkyen gyi gegs mi byed pa'i phyir/ gong du 'dod mi nus te/ mig gi de phan tshun mtshungs ldan ma yin pa'i phyir te/ phan tshun du med pa'i phyir te/ so so ba ma yin pa'i phyir te/ tha mi dad yin pa'i phyir ro/ /rtsa ba'ang 'dod mi nus te/ mig gi rnam par shes pa'i skal mnyam gyi rgyu yin na/ skal mnyam gyi rgyu yin pas khyab/ de'i nyer @22b len yin na nyer len yin pas khyab pa'i phyir ro/ /lung ma bstan rnams rnam smin gyi rgyu ma yin te/ de rnams kyis rnam smin gyi 'bras bu 'byin mi nus pa'i phyir te/ sa bon rul bas myu gu mi bskyed pa lta bu yin pa'i phyir/ dge ba zag med kyis rnam smin gyi 'bras bu mi 'byin te/ nyon mongs kyi rlan dang bral ba'i phyir/ dper na/ rlan dang bral ba'i nas rdog skam hril bas myu gu mi bskyed pa lta bu yin pa'i phyir/ rnam smin gyi rgyu yin na/ mi dge ba dang dge ba zag bcas gang rung yin pas ma khyab ste/ mi dge ba dang dge ba zag bcas gnyis rnam smin gyi rgyu yin kyang/ de gnyis gang rung ma yin pa'i phyir/ rgyu drug gi yin pa yod de/ kun 'gro mi dge bar gyur pa'i sems dang/ de'i 'khor du gyur pa'i tshor ba sogs kun 'gro lnga po de yin pa'i phyir ro/ /rnam par 'jog byed kyi rgyu mtshan nyid dang/ rnam par bzhag bya'i 'bras bu mtshon bya dang don gcig yin no/ /'das ma 'ongs yod med la dpyad pa ni/ spyir 'das pa dang ma 'ongs pa med de/ gzhi grub na da ltar ba yin pas khyab pa'i phyir/ gzhi la ltos nas 'jog na/ bum pa'i dus su skyes zin pa'ang yin/ bum pa'i dus su 'gags zin pa'ang yin pa'i gzhi mthun pa/ bum pa'i dus su 'das pa'i mtshan nyid/ de dang bum pa'i snga logs su byung ba don gcig /bum pa'i dus su grub zin pa'ang yin/ bum pa dang dus mnyam pa'ang yin pa'i gzhi mthun par dmigs pa/ bum pa'i dus su da ltar ba'i mtshan nyid; bum pa'i dus su skye bzhin pa'ang yin/ bum pa'i dus su ma skyes pa'ang yin pa'i gzhi mthun par dmigs pa/ bum pa'i dus su ma 'ongs pa'i mtshan nyid/ bum pa'i ma 'ongs pa/ bum pa'i rgyu/ bum pa'i dus su 'das @23a @#/ /pa; bum pa la ltos te 'das pa rnams don gcig /bum pa'i 'das pa/ bum pa'i 'bras bu/ bum pa'i dus su ma 'ongs pa/ bum pa la ltos te ma 'ongs pa rnams don gcig /spyir 'gags pa med/ zhig pa med/ skye kha ma med/ skye bzhin pa med/ skye ba la mngon du phyogs pa med/ du ba 'das pa yod/ du ba 'gags pa yod/ du ba ma 'ongs pa yod/ du ba skye kha ma yod/ du ba skye bzhin pa yod/ du ba skye ba la mngon du phyogs pa yod/ skye ba la mngon du phyogs pa'i du ba med/ skye bzhin pa'i du ba med/ skye kha ma'i du ba med/ 'gags pa'i du ba med/ zhig pa'i du ba med/ 'das pa'i du ba med/ ma 'ongs pa'i du ba med/ dngos po/ mi rtag pa/ skad cig ma/ 'jig bzhin pa/ 'gags bzhin pa/ 'das pa la mngon du phyogs pa/ zhig pa la mngon du phyogs pa rnams don gcig /dam bca' 'di dag ni/ rigs pa'i rjes 'brang gi mdo sde ba'i [@#pa'i] dbang du byas so/ /gzhan la ni ma nges te/ bye brag smra bas/ 'das pa'i las dang/ ma 'ongs pa'i las sogs khas len cing/ thal 'gyur bas zhig pa dngos po [@#por] bzhed pa sogs bzhed tshul bsam gyis mi khyab pa yod pa'i phyir/ kha cig /'das pa'i dus yod par thal/ sngon gyi dus yod pa'i phyir na ma khyab ste/ dus gsum rig pa'i dgra bcom pa yod pa'i phyir/ kha cig /ri bong rwa chos can/ ma 'ongs pa yin par thal dang/ ma rig pa yin par thal/ mi shes pa yin par thal/ ma 'ongs pa'i phyir dang/ ma rig pa'i phyir/ mi shes pa'i phyir na ma khyab/ yang ri bong rwa chos can/ 'ongs pa yin par thal/ ma 'ongs pa @23b ma yin pa'i phyir na'ang ma khyab/ byas pa la kho na re/ de khyab par thal/ bdag med yin na/ 'ongs ma 'ongs gang rung yin pas khyab pa'i phyir zer na'ang ma khyab ste/ ri bong rwa ma 'ongs pa'i phyir ro/ /gnyis pa rkyen 'chad pa la/ mtshan nyid dang dbye ba gnyis/ dang po ni/ grogs byed pa rkyen gyi mtshan nyid/ gnyis pa de la dbye na/ rgyu rkyen/ dmigs rkyen/ bdag rkyen/ de ma thag rkyen dang bzhi/ dang po ni/ rkyen dang don gcig / gnyis pa ni/ sngon 'dzin mngon sum sngon po'i rnam ldan du gtso bor dngos su skyed byed/ sngon 'dzin mngon sum [@#gyi] dmigs rkyen gyi mtshan nyid/ yang na/ sngon 'dzin mngon sum rang gi rnam ldan du gtso bor dngos su skyed byed; rang nyid sngon 'dzin mngon sum gyi dmigs rkyen gyi mtshan nyid/ mtshan gzhi sngon po lta bu/ mdor na sngon po dang yul dus rang bzhin gang la ltos te/ grub bde rdzas gcig yin na/ sngon 'dzin mngon sum gyi dmigs rkyen yin pas khyab/ gsum pa ni/ sngon 'dzin mngon sum rang dbang du gtso bor dngos su skyed byed/ sngon 'dzin mngon sum gyi bdag rkyen gyi mtshan nyid/ mtshan gzhi ni/ sngon 'dzin dbang po'i mngon sum gyi thun mong ma yin pa'i bdag rkyen du gyur pa'i mig dbang dang/ de'i thun mong ba'i bdag rkyen du gyur pa'i yin [@#yid] dbang lta bu/ bzhi pa ni/ sngon 'dzin mngon sum myong ba gsal rig tsam du gtso bor dngos su skyed byed kyi rig pa [@#/] sngon 'dzin mngon sum gyi de ma thag rkyen gyi mtshan nyid/ mtshan gzhi ni/ sngon 'dzin mngon sum gyi snga logs de ma thag tu byung ba'i sngon po yid la byed pa'i shes pa lta bu/ mdor na dbang shes yin na/ khyod kyi @24a @#/ /rkyen gsum ka yod pas khyab/ shes pa yin na/ khyod kyi de ma thag rkyen dang/ khyod kyi bdag rkyen gnyis ka yod pas khyab/ dbang shes yin na khyod kyi thun mong ma yin pa'i bdag rkyen du gyur pa'i dbang po gzugs can pa yod pas khyab/ yid shes yin na/ khyod kyi thun mong ma yin pa'i bdag rkyen du gyur pa'i yid dbang yod pas khyab pa'i phyir ro/ /gsum pa 'bras bu bshad pa la/ mtshan nyid dang/ dbye ba dngos/ sgras brjod rigs kyi sgo nas dbye ba dang gsum/ bskyed bya 'bras bu'i mtshan nyid/ yang na/ phan 'dogs bya 'bras bu'i mtshan nyid/ dngos po yin na 'bras bu yin pas khyab ste/ dngos po yin na/ mtshan nyid gnyis po re re nas yin pas khyab pa'i phyir/ de yang/ gzhi la sbyar na/ me'i skyed bya [@#/] me'i 'bras bu'i mtshan nyid/ yang na/ me'i phan 'dogs bya [@#/] me'i 'bras bu'i mtshan nyid/ gnyis pa dbye ba ni/ dngos 'bras dang/ brgyud 'bras gnyis; dngos su bskyed bya/ dngos 'bras kyi mtshan nyid/ yang na/ dngos su phan 'dogs bya/ dngos 'bras kyi mtshan nyid/ brgyud nas bskyed bya/ brgyud 'bras kyi mtshan nyid/ yang na brgyud nas phan 'dogs bya/ brgyud 'bras kyi mtshan nyid/ dngos po yin na/ dngos 'bras dang/ brgyud 'bras gnyis ka yin pas khyab/ gzhi la sbyar na/ bum pa'i dngos 'bras dang/ bum pa'i brgyud 'bras gnyis 'gal ba yin/ des 'dus byas thams cad la rigs 'gre/ 'bras bu la sgras brjod rigs kyi sgo nas dbye na/ rnam smin gyi 'bras bu/ bdag po'i 'bras bu/ rgyu mthun gyi 'bras bu/ skyes bu byed pa'i 'bras bu/ bral ba'i 'bras bu dang lnga/ @24b dang po yod de/ zag bcas nyer len gyi phung po lnga lta bu la byed pa'i phyir/ rnam smin gyi 'bras bu dang rnam smin gnyis don gcig /gnyis pa bdag po'i 'bras bu yod de/ ma dag pa'i snod kyi 'jig rten lta bu la byed pa'i phyir/ gsum brgya [@#gsum pa rgyu] mthun gyi 'bras bu la gnyis yod de/ myong ba rgyu mthun gyi 'bras bu dang/ byed pa rgyu mthun gyi 'bras bu dang gnyis yod pa'i phyir/ dang po yod de/ bde 'gror skyes kyang tshe thung ba lta bu la byed pa'i phyir; gnyis pa yod de/ bde 'gror skyes kyang srog gcod pa la dga' ba lta bu la byed pa'i phyir/ bzhi pa skyes bu byed pa'i 'bras bu yod de/ zhing pas rtsol bas sgrub pa'i lo tog lta bu'o/ /lnga pa bral ba'i 'bras bu yod de/ so sor ba rtags 'gog [@#brtags 'gog] rnams la byed pa'i phyir/ rang lugs su gzhi gcig la ltos te 'gal rkyen dang mthun rkyen 'gal yang spyir de ltar mi 'gal te/ dngos po yin na lhan cig byed rkyen dang mthun rkyen yin pas khyab pa'i phyir te/ grogs byed pa rkyen gyi mtshan nyid gang zhig /dngos po yin na grogs byed pas khyab pa'i phyir ro/ /smras pa/ rgyu 'bras dbye ba ma 'dres rdzogs pa ni/ /kun mkhyen min pas shes byar ma gyur mod/ /tshul 'di blo gsar blo gros rgyas phyir dang/ /phyogs glang chos grags dgongs don gsal phyir spel// ! //rjes 'gro ldog khyab bshad pa ni/ rtags gsal dang bcas pa'i thal 'gyur gang dang gang gi rtags de yin na/ gsal ba de yin pas khyab pa nges pa ni/ rjes khyab nges pa yin te/ dper na dngos po yin par thal/ bum pa yin pa'i phyir/ zhes pa'i thal 'gyur lta bu/ gsal ba de yin na/ rtags de @25a @#/ /yin pas khyab pa nges pa ni/ thur khyab nges pa ste/ bum pa yin par thal/ dngos po yin pa'i phyir/ zhes pa lta bu/ gsal ba de ma yin na/ rtags de ma yin pas khyab pa ni/ ldog khyab nges pa ste/ dper na shes bya yin par thal/ rtag pa yin pa'i phyir/ zhes pa lta bu/ rtags de yin na gsal ba de ma yin pas khyab pa ni/ 'gal khyab nges pa ste/ dper na rtag pa yin par thal/ dngos po yin pa'i phyir/ zhes pa lta bu ste/ de rnams ni khyab pa sgo bzhi rnal mar nges pa yin no/ /rtags de yin na/ gsal ba de ma yin pa'i khyab pa ni rjes khyab phyin ci log yin te/ dper na/ rtag pa yin par thal/ dngos po yin pa'i phyir/ zhes pa lta bu/ gsal ba de yin na/ rtags de ma yin pas khyab pa ni/ thur khyab phyin ci log yin te/ dper na/ rtag pa yin par thal/ dngos po yin pa'i phyir/ zhes pa lta bu/ gsal ba de ma yin na/ rtags de ma yin pa ma yin pas khyab pa ni/ ldog khyab phyin ci log yin te/ dper na/ yod pa yin par thal/ med pa yin pa'i phyir/ zhes pa lta bu/ rtags de yin na/ gsal ba de ma yin pa ma yin pas khyab pa ni/ 'gal khyab phyin ci log yin te/ dper na/ dngos po yin par thal/ byas pa yin pa'i phyir/ zhes pa lta bu ste/ de rnams la khyab pa phyin ci log bzhi zer te/ snga phyi de rnams la khyab pa sgo brgyad ces zer ro/ /des na 'gal khyab kyi thur khyab lta bu ni/ dper na/ ka bum gnyis yin par thal/ gang zag gi bdag med yin pa'i phyir/ zhes pa'i thal 'gyur gyi thog mar 'gal khyab slong ba'i tshe/ gang zag gi bdag med yin na/ ka bum gnyis ma yin pas @25b khyab ces slong rigs/ de rjes/ ka bum gnyis ma yin par thal/ gang zag gi bdag med yin pa'i phyir/ zhes pa'i thal 'gyur de byung/ de'i thur khyab slong ba'i tshe/ ka bum gnyis ma yin na/ bdag med yin pas khyab ces slong rigs shing de ltar khyab pa'i phyir/ des na de'i ldog khyab ni/ bdag med yin par thal/ ka bum gnyis ma yin pa'i phyir/ zhes pa'i thal 'gyur de byung [@#/] de'i ldog khyab slong ba'i tshe/ bdag med ma yin na/ ka bum gnyis ma yin pa ma yin pas khyab ces slong rigs shing de ltar khyab pa'i phyir/ des na de'i rjes khyab phyin ci log nges te/ ka bum gnyis ma yin pa ma yin par thal/ bdag med ma yin pa'i phyir/ zhes pa'i thal 'gyur 'di byung/ de'i rjes khyab phyin ci log slong ba'i tshe/ bdag med ma yin na/ ka bum gnyis ma yin pa ma yin pas khyab ces slong rigs shing de ltar khyab pa'i phyir/ des na de dag ni gong gi ka bum gnyis yin par thal/ bdag med yin pa'i phyir zhes pa'i thal 'gyur de'i 'gal khyab dang/ 'gal khyab kyi thur khyab dang/ 'gal khyab kyi thur khyab kyi ldog khyab dang/ 'gal khyab kyi thur khyab kyi ldog khyab kyi rjes khyab phyin ci log yin zhing/ de la 'gal khyab rnal mar nges pa'i thur khyab rnal mar nges pa'i ldog khyab rnam mar nges pa'i rjes khyab phyin ci log nges pa zhes kyang zer ro/ /de dag gi skabs snga mar khyab pa slong ba'i tshe/ chos de yin na/ ma yin na zer rgyu der thal 'gyur rjes ma'i skabs rtags su 'god rgyu dang/ snga ma'i skabs chos de yin pas khyab pa ma yin pas khyab zer rgyu de thal 'gyur rjes ma'i skabs gsal bar 'god rgyu yin pas @26a @#/ /de'i rigs 'gres pas shes sla'o/ /de ltar spyi'i 'gro tshul la go ba chags pa'i phyir cung zad bshad nas/ da ni brtsi bzhag gi bsdus don 'chad na/ kha cig gis khyod thal 'gyur gang zhig /khyod kyi rjes khyab rnal mar nges pa'i thur khyab rnal mar nges na/ khyod kyi 'gal khyab rnal mar nges pa'i ldog khyab rnal mar nges pas khyab zer na/ sgra chos can/ mi rtag pa yin par thal/ byas pa yin pa'i phyir/ zhes pa'i thal 'gyur chos can/ der thal/ rtags gnyis ka de'i phyir/ dang po ma grub na/ de chos can/ der thal/ thal 'gyur yang dag yin pa'i phyir te/ chos can de yin pa'i phyir/ gong gi rtags gnyis pa ma grub na/ der thal/ dang po de 'dra'i thal 'gyur gyis rjes khyab slong ba'i tshe/ byas pa yin na mi rtag pa yin pas khyab ces khyab pa slong rigs/ de rjes yang/ mi rtag pa yin par thal/ byas pa yin pa'i phyir zhes pa'i thal 'gyur de byung/ de'i thur khyab slong ba'i tshe/ mi rtag pa yin na/ byas pa yin pas khyab ces khyab pa slong rigs/ de lta bu'i rjes khyab rnal mar nges pa'i thur khyab nges pa'i phyir/ rtags dang po der thal/ rtags gsal gang dang gang gi rjes khyab slong ba'i tshe; rtags de yin na gsal ba de yin pas khyab pa slong rigs pa'i phyir/ rtags rjes ma rnams der thal/ de 'dra'i thal 'gyur gyi rjes khyab rnal mar nges pa'i thur khyab slong tshul zhig yod pa'i phyir/ gzhan yang des rjes khyab rnal mar nges pa'i thur khyab rnal mar nges par thal/ des thur khyab nges pa'i phyir/ khyab ste/ rjes khyab rnal mar nges pa'i thur khyab dang thur khyab gnyis don gcig yin pa'i phyir ro/ /rtsa bar 'dod na/ mi rtag pa @26b ma yin pa ma yin na/ byas pa ma yin pas khyab par thal/ de 'dra'i thal 'gyur gyi 'gal khyab rnal mar nges pa'i ldog khyab rnal mar nges pa'i phyir/ rtags khas/ khyab ste/ de 'dra'i thal 'gyur gyi dang po 'gal khyab slong ba'i tshe/ byas pa yin na mi rtag pa yin pas khyab pa slong rigs/ de rjes mi rtag pa ma yin par thal/ byas pa yin pa'i phyir zhes pa'i thal 'gyur 'di byung/ de'i ldog khyab slong ba'i tshe/ mi rtag pa ma yin pa ma yin na/ byas pa ma yin pas khyab pa slong rigs pa'i phyir/ 'dod na/ bum pas ma nges/ de ltar bsgrub tshul 'dir cung zad phye ba yin gyi bsgrub tshul rgyas pa ni brtsi bzhag che ba las shes par bya dgos pas 'di man chad skabs don ma gtogs mi 'chad do/ /khyod thal 'gyur gang zhig /khyod kyi ldog khyab rnal mar nges pa'i rjes khyab rnal mar nges na/ khyod kyi thur khyab rnal mar nges pa'i 'gal khyab rnal mar nges pas khyab zer na/ dngos po yin par thal/ don byed nus pa yin pa'i phyir zhes pa'i thal 'gyur gyis ma nges/ de thal 'gyur yin par thal/ de thal 'gyur ltar snang yin pa'i phyir/ rtsod gzhi dang mi ldan pa'i thal 'gyur yin pa'i phyir ro/ /des de nges par thal/ dngos po ma yin na/ don byed nus pa ma yin pas khyab pa'i phyir/ gong du 'dod mi nus te/ dngos po yin na/ don byed nus pa yin pas khyab pa'i phyir/ khyod thal 'gyur gang zhig /khyod kyi rjes khyab phyin ci log tu nges pa'i ldog khyab phyin ci log tu nges na/ khyod kyi thur khyab phyin ci log nges pa'i 'gal khyab phyin ci log tu nges pas khyab zer na/ shes bya chos can/ yod pa yin par thal/ yod pa yin pa'i phyir zhes pa'i thal 'gyur chos can/ der thal/ de'i phyir/ dang po @27a @#/ /der thal/ rtags gsal tha mi dad kyi thal 'gyur yin pa'i phyir/ phyi ma der thal/ yod pa ma yin pa ma yin na/ yod pa ma yin pa ma yin pas khyab pa'i phyir/ 'dod mi nus te/ yod pa yin na yod pa ma yin pa ma yin pa ma yin pas ma khyab pa'i phyir/ khyod thal 'gyur gang zhig /khyod kyi khyab pa sgo bzhi rnal mar nges na/ khyod kyi khyab pa phyin ci log bzhi nges pas khyab zer na/ mtshan mtshon gnyis yin par thal/ ka bum gnyis yin pa'i phyir zhes pa'i thal 'gyur chos can/ der thal/ de'i phyir/ 'dod mi nus te/ ldog khyab phyin ci log ma nges pa'i phyir te/ mtshan mtshon gnyis ma yin na/ ka bum gnyis ma yin pa ma yin pas ma khyab pa'i phyir; khyod rtags gsal dang bcas pa'i thal 'gyur yin na/ khyod kyi khyab pa sgo brgyad po gang rung nges pas khyab zer na/ dngos po chos can/ byas pa yin par thal/ yin par srid pa'i shes bya yin pa'i phyir zhes pa'i thal 'gyur chos can/ der thal/ de'i phyir/ rtags gsal rtsod gzhi gsum ka dang bcas pa'i thal 'gyur yin pa'i phyir/ 'dod mi nus so/ /thal 'gyur yin na/ khyod kyi khyab pa sgo brgyad ka ma nges pas khyab zer na/ rtag dngos gnyis gang zhig /gang zag gi bdag med yin par thal/ ka bum gnyis gang zhig /gang zag gi bdag med yin pa'i phyir zhes pa'i thal 'gyur chos can/ der thal/ de'i phyir/ der thal/ rtags gsal khyab gsum tshang ba'i thal 'gyur yin pa'i phyir/ 'dod mi nus te/ rtag dngos gnyis gang zhig /gang zag gi bdag med yin na gang dran dran yin pas khyab/ ma yin na'ang gang dran dran yin pas khyab cing cig shos la yang de mtshungs yin @27b pa'i phyir/ de la ri bong rwa'am/ bum pa lta bu/ rtag dngos gnyis gang zhig /gang zag gi bdag med yin kyang/ de chos can/ gang dran dran yin par thal/ rtags de'i phyir zer na/ rtags dang po ma grub zer dgos tshul shes par bya'o/ /rjes khyab rnal mar nges pa'i ldog khyab dang/ ldog khyab gnyis don gcig cing/ ldog khyab rnal mar nges pa'i rjes khyab dang/ ldog khyab gnyis ha lam mtshungs kyang don mi gcig ste/ khyod kyi ldog khyab rnal mar nges pa'i rjes khyab rnal mar nges na/ khyod kyi ldog khyab rnal mar nges pas ma khyab pa'i phyir/ gal te khyab zer na/ rtag pa yin par thal/ bum pa chos can/ dngos po yin pa'i phyir zhes pa'i thal 'gyur chos can/ der thal/ de'i phyir/ rim bzhin bsgrub nas/ der thal/ bdag med yin na/ bum pa chos can/ rtag pa yin pas khyab pa'i phyir/ rtsa bar 'dod mi nus te/ de 'dra'i thal 'gyur gyi thog mar ldog khyab slong ba'i tshe/ rtag pa ma yin na/ bum pa chos can/ dngos po ma yin pas khyab ces khyab pa slong rigs/ de'i khyab pa de gcig pa la/ bum pa chos can/ dngos po ma yin par thal/ rtag pa ma yin pa'i phyir zhes pa'i thal 'gyur 'di byung ba'i de'i rjes khyab rnal mar ma nges te/ rtag pa ma yin na/ dngos po ma yin pas khyab ces slong dgos pa la de ltar ma khyab pa'i phyir/ de ltar dgos te/ thal 'gyur rjes ma'i skabs su bum pa rtsod gzhir song ba yin pa'i phyir ro/ /yang rjes khyab rnal mar nges pa'i thur khyab dang thur khyab gnyis don gcig cing thur khyab rnal mar nges pa'i rjes khyab dang/ thur khyab gnyis ha lam mtshungs kyang don mi gcig ste/ khyod kyi thur khyab rnal mar nges pa'i rjes khyab rnal mar nges na/ khyod kyi thur khyab @28a @#/ /rnal mar nges pas ma khyab pa'i phyir/ gal te khyab zer na/ byas pa yin par thal/ ka ba chos can/ byas pa yin pa'i phyir zhes pa'i thal 'gyur chos can/ der thal/ de'i phyir/ der thal/ byas pa yin na byas pa yin pas khyab pa gang zhig /de de'i thur khyab rnal mar nges pa'i rjes khyab slong tshul yin pa'i phyir te/ gong gi rigs pa dang mtshungs pa 'dir thur khyab gshags pa'i thal 'gyur skabs su bum pa rtsod gzhir 'gyur ba'i phyir ro/ / 'dod mi nus te/ byas pa yin na/ ka ba chos can byas pa yin pas ma khyab pa'i phyir ro/ /rjes khyab dang ldog khyab don gcig ste/ tshul gsum ka don gcig yin pa'i phyir ro/ /khyod thal 'gyur gang zhig /khyod kyi rjes khyab rnal mar nges na/ khyod kyi ldog khyab rnal mar nges pas khyab zer na/ yod pa yin par thal/ yod pa yin pa'i phyir zhes pa'i thal 'gyur kyi rtags dang phan tshun tha dad du gyur pa'i bum pa yod par thal/ bdag med yin pa'i phyir zhes pa'i thal 'gyur chos can/ der thal/ de'i phyir/ bdag med yin na de yod pas khyab pa'i phyir/ kho na re [@#/] bum pa'i dgag gzhi chos can/ der thal/ de'i phyir zer na/ rang lugs la de la khyab pa'ang med cing 'dod lan kyang theb bo/ /khyab med kyi dngos 'gal la mi 'gro ste/ 'dir khyab pa slong ba'i tshe/ bdag med yin na bum pa'i dgag gzhi chos can/ yod pa yin par thal/ yod pa yin pa'i phyir zhes pa'i thal 'gyur gyi rtags dang phan tshun tha dad du gyur pa'i bum pa yod pas ma khyab ces lan 'debs rigs pa'i phyir/ der thal/ de'i tshe rtsod gzhi sbugs su 'tshang ba yin pa'i phyir/ rtsa bar 'dod mi nus te/ de 'dra'i bum pa ma yin na/ bdag med ma yin pas ma khyab pa'i phyir/ gal te khyab na bum pa tshad @28b mas ma dmigs pa'i sa phyogs na chos can/ der thal/ de'i phyir/ ma grub na/ bum pa tshad mas ma dmigs pa'i sa phyogs chos can gyi steng du yod pa ma yin par thal/ bum pa tshad mas ma dmigs pa'i sa phyogs chos can gyi steng du yod pa yin pa'i phyir zhes pa'i thal 'gyur gyi rtags dang phan tshun tha dad du gyur pa'i bum pa/ bum pa tshad mas ma dmigs pa'i sa phyogs chos can gyi steng du med par thal/ de 'dra'i bum pa med pa'i phyir te/ de chos can gyi steng du yod pa dang phan tshun tha dad du gyur pa'i bum pa med pa'i phyir ro/ /ldog khyab rnal mar nges pa'i ldog khyab dang rjes khyab don gcig cing/ khyod kyi ldog khyab rnal mar nges pa'i ldog khyab rnal mar nges na/ khyod kyi rjes khyab rnal mar nges pas khyab byas pa la/ kho na re/ dngos po yin par thal/ rtag pa yin par thal/ mi rtag pa yin pa'i phyir zhes pa'i thal 'gyur chos can/ der thal/ de'i phyir zer na/ rang lugs la rtsod gzhi skyon can no/ /ma grub na/ mi 'thad de de'i khyab pa gshags pa'i thal 'gyur gyi ldog khyab skabs su mi rtag pa ma yin par thal/ dngos po ma yin na/ rtag pa ma yin pa ma yin pas khyab ces slong dgos shing de ltar nges pa'i phyir/ de yang yin te thal 'gyur rjes ma'i skabs su bkod lugs kyis dngos po yin par thal gsal ba song ba yin pa'i phyir ro/ /rtsa bar 'dod mi nus te/ mi rtag pa yin na dngos po yin par thal/ rtag pa yin pas ma khyab pa'i phyir ro/ /khyod thal 'gyur gang zhig / khyod kyi thur khyab rnal mar nges pa'i thur khyab rnal mar nges na/ khyod kyi rjes khyab rnal mar nges pas khyab byas pa la/ kho na re/ dngos po yin pa'i phyir zhes pa'i thal 'gyur yin par thal/ rtags gsal dang bcas pa'i thal @29a @#/ /'gyur yin par thal/ dngos po yin pa'i phyir zhes pa'i thal 'gyur chos can/ der thal/ de'i phyir zer na/ rang lugs la skyon can no/ /rtags dang po sla/ phyi ma ma grub na/ mi 'thad de/ de'i thur khyab gshags pa'i thal 'gyur gyi thur khyab skabs su dngos po yin par thal/ dngos po yin pa'i phyir zhes pa'i thal 'gyur yin na/ rtags gsal dang bcas pa'i thal 'gyur yin pas khyab ces slong rigs shing de ltar khyab pa'i phyir/ de yang yin te/ thal 'gyur rjes ma'i skabs su bkod lugs kyis dngos po yin pa'i phyir zhes pa'i thal 'gyur gsal ba song ba yin pa'i phyir ro/ /rtsa bar 'dod mi nus te/ dngos po yin na/ dngos po yin pa'i phyir zhes pa'i thal 'gyur yin par thal/ rtags gsal dang bcas pa'i thal 'gyur yin pas ma khyab pa'i phyir ro/ /de bsgrub sla'o/ /khyod thal 'gyur gang zhig /khyod kyi shugs khyab rnal mar nges na/ khyod kyi dngos khyab rnal mar nges pas khyab zer na/ rnam mkhyen chos can/ yod pa gang zhig /don dam par don byed nus pa yin par thal/ spyi mtshan ma yin pa'i phyir zhes pa'i thal 'gyur chos can/ der thal/ de'i phyir/ dang po der thal/ rtsod gzhi dang ldan pa'i rtags gsal tha dad kyi thal 'gyur yin pa'i phyir/ phyi ma der thal/ khyod kyi ldog khyab nges pa gang zhig /ldog khyab dang shugs khyab don gcig yin pa'i phyir/ dang po der thal/ yod pa gang zhig /don dam par don byed nus pa ma yin na/ spyi mtshan ma yin pa ma yin pas khyab pa'i phyir/ rtsa bar 'dod mi nus te/ des rjes khyab rnal mar ma nges pa gang zhig /rjes khyab dang dngos khyab don gcig yin pa'i phyir/ de'i dang po der thal/ spyi mtshan ma yin na/ @29b yod pa gang zhig /don dam par don byed nus pa yin pas ma khyab pa'i phyir/ der thal/ ri bong rwas ma nges pa'i phyir ro/ /khyod thal 'gyur gang zhig /khyod kyi thur khyab rnal mar nges pa'i ldog khyab rnal mar nges pa'i 'gal khyab rnal mar nges na/ khyod kyi ldog khyab phyin ci log tu nges pa'i thur khyab phyin ci log tu nges pas khyab zer na/ gser bum chos can/ tshad ma yin par thal/ gang zag gi bdag med yin pa'i phyir zhes pa'i thal 'gyur chos can/ der thal/ de'i phyir/ dang po sla/ gnyis pa der thal/ de slong ba'i tshe/ gang zag gi bdag med ma yin na/ tshad ma ma yin pa ma yin pas khyab pa slong rigs pa gang zhig /de ltar khyab pa'i phyir/ rtsa bar 'dod mi nus te/ gang zag gi bdag med ma yin pa ma yin na/ tshad ma ma yin pa ma yin pas ma khyab pa gang zhig /de ltar khyab pa slong ba de de'i ldog khyab phyin ci log tu nges pa'i thur khyab phyin ci log slong tshul yin pa'i phyir ro/ / ka ba khyod kyi rjes khyab rnal mar nges na/ bum pa khyod kyi rjes khyab rnal mar nges pas khyab zer na/ yod par thal/ ka ba yod pa'i phyir zhes pa'i thal 'gyur chos can/ der thal/ de'i phyir te/ ka ba yod na ka ba yod pas khyab pa'i phyir/ rtsa bar 'dod mi nus te/ ka ba yod na bum pa yod pas ma khyab pa'i phyir ro/ /thal 'gyur khyod kyi ldog khyab rnal mar nges na/ thal 'gyur khyod kyi thur khyab rnal mar nges pas khyab zer na/ dngos po yin par thal/ dngos po yin pa'i phyir zhes pa'i thal 'gyur chos can/ der thal/ de'i phyir te/ thal 'gyur dngos po ma yin na/ dngos po ma yin pas khyab pa'i phyir/ rtsa bar 'dod mi nus te/ thal 'gyur dngos @30a @#/ /po yin na/ dngos po yin pas ma khyab pa'i phyir/ ma grub na/ shes bya chos can/ dngos po yin par thal/ thal 'gyur dngos po yin pa'i phyir te bdag med yin pa'i phyir/ 'dod mi nus te/ rtag pa yin pa'i phyir te; khyod dang rtag pa'i gzhi mthun yod pa'i phyir ro/ /'di'i zhar byung la dgag gshags sgrub gshags yod mod brtsi bzhag tu'ang gnang srol med pas re zhig bzhag go /'jig rten bya ba skom pas chu 'thung ltar/ /ji tsam spyad kyang tshim pa'i dus kyis dben/ /de lta'i ngang las 'chi ba glo bur slebs/ /mi bzad 'jigs kyang ha cang phyis te thal/ /snyigs dus skye bo'i spyod pas gting nas bsun/ /don med tshe 'di'i bya ba dug ltar mthong// mang po'i ngo bsrung blun po'i khol po shes/ /des na da ni gcig po sgrub la smon// ! //gsum pa dbang po rab la rigs lam chen po'i rnam bzhag bshad pa la/ rnam mkhyen drug sgra/ zhar byung khas blangs song tshul/ dgag gzhi dris 'phangs/ thal 'gyur/ gzhan sel/ sel 'jug sgrub 'jug /yul yul can/ mtshon sbyor/ rtags sbyor dang bcas pa'i rnam bzhag bshad pa'o/ /dang po rnam mkhyen drug sgra bshad pa ni/ 'di la rkyang rtsis/ gzhi rtsis/ phyed gzhi rtsis gsum yod/ rnam mkhyen chos can/ dngos por rtogs pa'i tshad ma yin par thal/ tshad ma yin pa'i phyir la/ rnam mkhyen rnam mkhyen dngos por rtogs pa'i tshad ma yin par 'dod ces rtsi rigs te/ rnam mkhyen chos can/ dngos por rtogs pa'i tshad ma yod par thal la/ rnam mkhyen gcig rtsi rigs pa gang zhig /de gnyis yin 'god dang/ yod 'god la rtsi tshul mi 'dra ba'i khyad par yod pa'i phyir ro/ @30b kha cig [/] rnam mkhyen chos can/ dngos por rtogs pa'i tshad ma dang/ dngos por rtogs pa'i tshad ma gnyis ka yin par thal la/ rnam mkhyen dngos por rtogs pa'i tshad ma dang/ dngos por rtogs pa'i tshad ma gnyis yin par 'dod zer na/ mi 'thad de/ de ltar khas blang ba'i rnam mkhyen de dngos por rtogs pa'i tshad ma dang/ rnam mkhyen dngos por rtogs pa'i tshad ma gnyis ka yin par khas blang song ba gang zhig /rnam mkhyen dngos por rtogs pa'i tshad ma ma yin pa'i phyir te/ tshad ma ma yin pa'i phyir te/ rtag pa yin pa'i phyir ro/ /kha cig gzhi rtsis byed zer ba dang/ dngos po yin na/ dngos po dang/ dngos po gnyis ka yin pas khyab zer na/ nang 'gal yin te/ rtag par rtogs pa'i tshad ma chos can/ dngos po dang dngos po gnyis ka yin par thal/ dngos po yin pa'i phyir la/ gzhi rtsis kyi rtag par rtogs pa'i tshad ma dngos po dang/ rtag par rtogs pa'i tshad ma dngos po gnyis ka yin par 'dod zer dgos kyang de ma yin pa'i phyir te/ rtag par rtogs pa'i tshad ma dngos po dang rtag par rtogs pa'i tshad ma med pa gnyis ka yin pa'i phyir ro/ /rang lugs la/ phyed gzhi rtsis byed pa yin te/ rnam mkhyen chos can/ dngos por rtogs pa'i tshad ma dang/ dngos por rtogs pa'i tshad ma gnyis ka yin par thal/ tshad ma yin pa'i phyir la/ rnam mkhyen rnam mkhyen dngos por rtogs pa'i tshad ma dang/ rnam mkhyen dngos por rtogs pa'i tshad ma gnyis ka yin par 'dod ces rtsi rigs pa'i phyir/ 'dis rnam mkhyen dang po gcig ni/ sngar gyi rtsod gzhi dang rjes la 'phang ba de dag ni/ gsal ba'i khongs su 'phang ba yin no/ /dngos po yin na/ yod par rtogs pa'i tshad ma dang tha dad @31a @#/ /yin pas khyab/ de dang 'brel med rdzas gzhan yin pas khyab byas pa la kho na re/ yod par rtogs pa'i tshad ma'i 'bras bu chos can/ zhes rim bzhin sgrub te/ yod par rtogs pa'i tshad ma dang de byung 'brel yin par thal/ de'i 'bras bu yin pa'i phyir zhe na/ yod par rtogs pa'i tshad ma'i 'bras bu de/ yod par rtogs pa'i tshad ma'i 'bras bu yod par rtogs pa'i tshad ma'i 'bras bu yin par rtags ma grub bo/ /yang yod par rtogs pa'i tshad ma chos can/ khyod kyi 'bras bu khyod kyi 'bras bu yin par thal/ khyod dngos po yin pa'i phyir zer na/ 'dod byas pa dngos su 'gal lo zer na ma yin te/ 'dod lan brtsi ba'i tshe yod par rtogs pa'i tshad ma'i 'bras bu yod par rtogs pa'i tshad ma'i 'bras bu yin par 'dod ces rtsi ba'i phyir ro/ /des na yod par rtogs pa'i tshad ma'i 'bras bu chos can du bkod nas/ yod par rtogs pa'i tshad ma'i 'bras bu yin par thal la/ drug sgra 'phang nas ci'i phyir zer dgos te/ dngos po yin na yod par rtogs pa'i tshad ma'i rgyu yin pas khyab pa'i phyir ro/ /de bzhin du bum pa chos can/ rtag par rtogs pa'i tshad ma dang tha dad yin par thal la/ bum pa bum pa rtag par rtogs pa'i tshad ma dang tha dad yin par 'dod dang; yang dngos po yin na rtag par rtogs pa'i tshad ma'i dgag gzhi yin pas khyab byas pa la/ kho na re/ rtag par rtogs pa'i tshad ma chos can/ der thal/ de'i phyir zer na/ rtag par rtogs pa'i tshad ma de/ rtag par rtog pa'i tshad ma/ rtag par rtogs pa'i tshad ma'i dgag gzhi yin par 'dod byas pa la/ rtag par rtogs pa'i tshad ma chos can/ khyod rtag par rtogs pa'i tshad ma'i dgag gzhi ma yin par thal/ rtag par rtogs pa'i tshad ma khyod @31b kyi dgag gzhi yin pa'i phyir zer na/ rtag par rtogs pa'i tshad ma/ rtag par rtogs pa'i tshad ma de/ rtag par rtogs pa'i tshad ma'i dgag gzhi yin par rtags ma grub ces lan gdab rigs pas dngos 'gal la mi 'gro'o/ /rtags der thal/ rtag par rtogs pa'i tshad ma rtag par rtogs pa'i tshad ma de dgag gzhi ma yin pa'i phyir ro/ /kho na re/ rtag par rtogs pa'i tshad ma/ rtag par rtogs pa'i tshad ma de dgag gzhi yin par thal/ rtag par rtogs pa'i tshad ma rtag par rtogs pa'i tshad ma'i dgag gzhi yin pa'i phyir/ der thal/ khyod rtag par rtogs pa'i tshad ma/ rtag par rtogs pa'i tshad ma'i dgag gzhi yin pa'i phyir na ma khyab bo/ /don byed nus pa chos can/ rtag par rtogs pa'i tshad ma khyod dang tha dad yin par thal la don byed nus pa rtag par rtogs pa'i tshad ma de/ don byed nus pa dang tha dad yin pa ci'i phyir zer rigs so/ /yang rnam mkhyen chos can/ dngos por rtogs pa'i tshad ma yin par rtogs pa'i tshad ma yin par thal la/ rnam mkhyen rnam mkhyen rnam mkhyen dngos por rtogs pa'i tshad ma yin par rtogs pa'i tshad ma yin par 'dod ces rtsi rigs pa'i phyir te/ yang rnam mkhyen chos can/ dngos por rtogs pa'i tshad ma yin par thal la/ mgor rnam mkhyen gnyis brtsi dgos pa'i phyir/ yang rnam mkhyen chos can ma yin par rtogs pa'i tshad ma dngos po rtogs pa'i tshad ma yin par thal la/ 'dod lan btab pa'i mgor rnam mkhyen gnyis brtsi dgos te/ de chos can/ dngos por rtogs pa'i tshad ma dag [@#tshad ma dang/] dngos por rtogs pa'i tshad ma dang dngos por yin par thal la/ mgor rnam mkhyen gsum brtsi rigs pa'i phyir te/ de chos can/ dngos por rtogs pa'i tshad @32a @#/ /ma dang/ dngos por rtogs pa'i tshad ma yin par thal la mgor rnam mkhyen gsum brtsi rigs pa sogs yin pa'i phyir/ rnam mkhyen chos can/ dngos por rtogs pa'i tshad ma dang/ dngos por rtogs pa'i tshad ma dang/ dngos por rtogs pa tshad ma gnyis ka yin par thal la/ 'dod lan btab pas rnam mkhyen rnam mkhyen rnam mkhyen dngos por rtogs pa'i tshad ma dang/ dngos por rtogs pa'i tshad ma dang/ rnam mkhyen dngos por rtogs pa'i tshad ma gnyis ka yin par 'dod ces rtsi rigs te/ de chos can/ dngos por rtogs pa'i tshad ma dang/ dngos por dang dngos por rtogs pa'i tshad ma gnyis ka yin par thal la/ 'dod lan btab pas/ rnam mkhyen rnam mkhyen dngos por rtogs pa'i tshad ma dang/ dngos po dang/ rnam mkhyen dngos por rtogs pa'i tshad ma gnyis ka yin par 'dod ces rtsi rigs pa'i phyir te/ der thal/ rnam mkhyen chos can/ dngos por rtogs pa'i tshad ma dang gcig dang/ dngos por rtogs pa'i tshad ma gnyis ka yin par thal la/ 'dod lan btab pas kyang de ltar brtsi rigs pa'i phyir te/ rnam mkhyen chos can/ dngos por rtogs pa'i tshad ma dang/ dngos por rtogs pa'i tshad ma gnyis ka yin par thal la/ rnam mkhyen rnam mkhyen dngos por rtogs pa'i tshad ma dang/ rnam mkhyen dngos por rtogs pa'i tshad ma gnyis ka yin par 'dod ces rtsi rigs pa'i phyir/ yang rnam mkhyen chos can/ dngos por rtogs pa'i tshad ma dang/ dngos por rtogs pa'i tshad ma dang/ dngos por rtogs pa'i tshad ma gsum ka yin par thal la rnam mkhyen rnam mkhyen dngos por rtogs pa'i tshad ma dang/ rnam mkhyen dngos por rtogs pa'i tshad ma dang/ @32b dngos por rtogs pa'i tshad ma dang/ rnam mkhyen dngos por rtogs pa'i tshad ma gsum ka yin par 'dod ces brtsi rigs/ yang rnam mkhyen chos can/ yod par rtogs pa'i tshad ma dang/ yod par rtogs pa'i tshad ma dang/ tha dad du rtogs pa'i tshad ma gnyis ka yin par thal la rnam mkhyen rnam mkhyen yod par rtogs pa'i tshad ma dang/ rnam mkhyen rnam mkhyen yod par rtogs pa'i tshad ma dang tha dad du rtogs pa'i tshad ma gnyis ka yin pa 'dod ces rtsi rigs pa'i phyir [@#/] yang rnam mkhyen chos can/ yod par rtogs pa'i tshad ma dang/ tha dad du rtogs pa'i tshad ma dang/ yod par rtogs pa'i tshad ma gnyis ka yin par thal la/ rnam mkhyen rnam mkhyen rnam mkhyen yod par rtogs pa'i tshad ma dang/ tha dad du rtogs pa'i tshad ma dang/ rnam mkhyen yod par rtogs pa'i tshad ma gnyis ka yin par 'dod ces rtsi rigs/ yang de bzhin du rigs 'gres pas/ rnam mkhyen chos can/ yod par rtogs pa'i tshad ma dang/ gcig tu rtogs pa'i tshad ma dang/ dngos por rtogs pa'i tshad ma gang rung yin par thal la/ yang rnam mkhyen/ rnam mkhyen/ rnam mkhyen yod par rtogs pa'i tshad ma dang/ gcig tu rtogs pa'i tshad ma dang/ rnam mkhyen dngos por rtogs pa'i tshad ma gang rung yin par 'dod ces rtsi rigs/ yang rnam mkhyen chos can/ dngos por rtogs pa'i tshad ma yin par gyur pa'i dngos por rtogs pa'i tshad ma yin par thal la/ rnam mkhyen rnam mkhyen rnam mkhyen dngos por rtogs pa'i tshad ma yin par gyur pa'i dngos por rtogs pa'i tshad ma yin par 'dod ces rtsi rigs/ yang rnam mkhyen chos can/ dngos por rtogs pa'i tshad ma chos can gyi steng du dngos por rtogs pa'i tshad ma yin par thal la/ yang mgor rnam @33a @#/ /mkhyen gsum rtsi rigs/ yang rnam mkhyen chos can/ yin par rtogs pa'i dngos por rtogs pa'i tshad ma yod par thal la'ang mgor rnam mkhyen gnyis rtsi rigs/ yang rnam mkhyen chos can/ ma yin par gyur pa'i rtag par rtogs pa'i tshad ma yin par thal la 'ang/ mgor rnam mkhyen gnyis rtsi rigs/ yang rnam mkhyen chos can/ don byed nus par gyur pa'i dngos por rtogs pa'i tshad ma yin par thal la'ang rnam mkhyen gnyis rtsi rigs/ yang rnam mkhyen chos can/ shes bya rtag par rtogs pa'i tshad ma yin par thal la/ rnam mkhyen gcig rtsi rigs so/ /kha cig gis/ rnam mkhyen chos can/ yin par rtogs pa'i tshad ma dang/ dngos por rtogs pa'i tshad ma gang rung yin par thal/ dngos por rtogs pa'i tshad ma yin pa'i phyir zer na ma khyab/ 'dod na/ rtsis dang byas pas rnam mkhyen rnam mkhyen yin pa'i [@#par] rtogs pa'i tshad ma dang/ rnam mkhyen dngos por rtogs pa'i tshad ma gang rung yin par 'dod zer na/ rtsi lugs de ltar yin kyang phugs mi 'thad de/ rnam mkhyen dngos po yin par rtogs pa'i tshad ma dang/ rnam mkhyen dngos por rtogs pa'i tshad ma gang rung ma yin pa'i phyir/ ma grub na/ der thal/ rnam mkhyen dngos por rtogs pa'i tshad ma dang/ rnam mkhyen dngos por rtogs pa'i tshad ma gang rung ma yin pa'i phyir te/ rnam mkhyen dngos por rtogs pa'i tshad ma ma yin pa'i phyir ro/ /kha cig /rnam mkhyen chos can/ ma yin par rtogs pa'i tshad ma yin par thal/ tshad ma yin pa gang zhig /ma yin pa khyod kyi gzhal bya yin pa'i phyir zer na ma khyab/ dang po sla/ gnyis pa ma grub ste/ rnam mkhyen ma yin pa yod pa'i phyir/ 'dod mi nus te/ rnam mkhyen/ rnam mkhyen ma yin par rtogs pa'i tshad ma ma @33b yin pa'i phyir te/ rim bzhin bsgrub nas rnam mkhyen dngos med du rtogs pa'i tshad ma ma yin pa'i phyir te/ bdag med yin pa'i phyir/ kha cig /rnam mkhyen chos can/ yin par rtogs pa'i tshad ma yod par thal/ yin par rtogs pa'i tshad mas [@#ma'i] gzhal bya yin pa'i phyir na ma khyab/ rtags der thal/ rnam mkhyen rnam mkhyen yin par rtogs pa'i rnam mkhyen yod pa'i phyir sogs bsgrub sla/ kha cig /tshad ma chos can/ dngos por rtogs pa'i dngos por rtogs pa'i tshad ma yin par thal/ dngos por rtogs pa'i dngos po khyod kyi gzhal bya yin pa'i phyir/ rtags dang po sla/ gnyis pa rim bzhin bsgrub nas/ de chos can/ der thal/ dngos por rtogs pa'i dngos po yin pa'i phyir te/ tshad ma yin pa'i phyir ro/ /rtsa bar 'dod na/ rtsis dang byas pa'i mgor tshad ma gnyis brtsi na mi 'thad de/ mgor tshad ma gsum brtsi rigs pa'i phyir te/ de chos can/ dngos por rtogs pa'i dngos por rtogs pa'i tshad ma yod par thal la/ gnyis rtsi dgos pa'i phyir te/ de chos can/ dngos por rtogs pa'i dngos po yin par thal la gnyis brtsi dgos pa sogs kyis shes pa'i phyir ro/ /kha cig /rnam mkhyen chos can/ ma yin par gyur pa'i rtag par rtogs pa'i tshad ma yin par thal/ de dang ma yin par gyur pa'i dngos por rtogs pa'i tshad ma gang rung yin pa gang zhig /phyi ma ma yin pa'i phyir zer na/ rang lugs la dang po ma grub ste/ brtsi lugs ni/ rnam mkhyen rnam mkhyen ma yin par gyur pa'i rtag par rtogs pa'i tshad ma dang/ rnam mkhyen ma yin par gyur pa'i dngos por rtogs pa'i tshad ma gang rung yin pa rtags ma grub ces rtsi rigs pa'i phyir/ rtags gnyis pa ma grub na/ rnam mkhyen chos can/ ma yin par gyur pa'i dngos por rtogs @34a @#/ /pa'i tshad ma ma yin par thal/ ma yin par gyur pa'i tshad ma ma yin pa'i phyir/ zhes sogs nas rtag pa yin pa'i phyir gyi bar du bsgrubs 'dug pas 'di brtag go /rtsa bar 'dod mi nus te/ rnam mkhyen rnam mkhyen ma yin pa dang/ rtag par rtogs pa'i tshad ma gnyis ka ma yin pa'i phyir te/ rnam mkhyen dngos po ma yin pa dang/ rtag par rtogs pa'i tshad ma gnyis ka ma yin pa'i phyir zhes sogs kyis bsgrub/ kha cig /rnam mkhyen chos can/ dngos por rtogs pa'i tshad ma yin par rtogs pa'i tshad ma chos can gyi steng du/ rtag par rtogs pa'i tshad ma ma yin par rtogs pa'i tshad ma yin par thal/ tshad ma yin pa'i phyir zhes pa'i thal 'gyur la 'dod lan btab pa'i mgor rnam mkhyen gsum brtsis nas/ 'dod lan btab rigs par thal/ rnam mkhyen chos can/ yin par rtogs pa'i tshad ma/ dngos por rtogs pa'i tshad ma chos can gyi steng du ma yin par rtogs pa'i tshad ma/ dngos por rtogs pa'i tshad ma yin par thal/ tshad ma yin pa'i phyir zhes pa'i thal 'gyur la 'dod lan btab pa'i mgor rnam mkhyen gsum rtsi rigs pa'i phyir zer na ma khyab/ 'dod na mi 'thad de/ de la mgor rnam mkhyen lnga rtsi rigs pa'i phyir/ der thal/ de chos can/ dngos por rtogs pa'i tshad ma yin par gyur pa'i tshad ma chos can gyi steng du rtag par rtogs pa'i tshad ma ma yin par thal la bzhi dang/ de chos can/ dngos por rtogs pa'i tshad ma yin par rtogs pa'i tshad ma chos can gyi steng du rtag par rtogs pa'i tshad ma med par thal la gsum dang/ de chos can/ dngos por rtogs pa'i tshad ma/ yin par rtogs pa'i tshad ma chos can yin par thal la gsum dang/ de chos can/ dngos por rtogs pa'i tshad ma yin par thal la gnyis rtsi rigs @34b pa'i phyir/ gong gi rtsa ba'i rtags der thal/ de chos can/ yin par rtogs pa'i tshad ma dngos por rtogs pa'i tshad ma chos can la gnyis rtsi rigs pas/ de'i steng du ma yin pa rtogs pa'i tshad ma/ dngos por rtogs pa'i tshad ma yin par thal la/ gcig las 'phar mi dgos pa'i phyir/ de la gnyis rtsi rigs te/ rtsod gzhi gcig dang/ de rjes gcig las 'phar mi dgos pa'i phyir ro/ /mdor na rtsod gzhi gcig dang/ de'i rjes su du 'phar rnams gsal ba'am/ rtags kyi khong yin pas de lugs kyi brtsi tshul mang zhing/ zhib cha ngag las shes par bya dgos kyi/ 'di ni brtsi gzhag rnying pa ltar bsdus nas bkod pa yin no/ /smras pa/ rigs gzhung nam mkha'i nor bu 'di 'char tshe/ / phyogs lhung mun par brten pa'i skal ngan bya/ /mgo bo rmongs yang legs bshad nyi 'od la/ /brten pa'i gzur gnas pad tshal bzhad par 'gyur// ! //khas len song tshul bshad pa ni/ khyod kyi rgyu yod na/ gang dran dran yin dgos par thal/ khyod rtag pa yin pa'i phyir zer na/ ma khyab ste/ khyod skyon du bzhag chog ces chos de yang bzhag chog go /'dod na/ bum pa chos can/ der thal/ de'i phyir sogs bsgrub sla/ khyod kyi rgyu chos can/ khyod yod na/ gang dran dran yin dgos par thal/ khyod med pa'i phyir zer na ma khyab ste/ skyon du dngos por rtogs pa'i tshad ma bzhag chog pa'i phyir ro/ /'di la khas blangs med nges su 'dzin pa dang/ dngos por 'dzin pa'i lugs ci rigs yod kyang; 'di ni rtag par 'dzin pa'i lugs yin no/ /kha cig gis/ dngos por rtogs pa'i tshad ma yod par thal/ bum pa dang/ dngos por rtogs pa'i tshad ma gnyis ka yod pa'i phyir te/ bum pa chos can/ khyod dang dngos por rtogs @35a @#/ /pa'i tshad ma gnyis ka yod par thal/ khyod yod pa gang zhig /dngos por rtogs pa'i tshad ma yod pa'i phyir na ma khyab ste/ gzhan yang rtags dang po dang/ gnyis pa dang/ sdom rtags sogs ma grub pa'i lan gang yang mi theb bo/ /bum pa chos can/ khyod dang rdzas su gnyis ka rdzas su grub par thal/ khyod rdzas su grub pa gang zhig /rdzas su rdzas su grub pa'i phyir na ma khyab/ rtags phyi ma ma grub na/ rdzas su rdzas su grub par thal; rdzas dngos po yin pa'i phyir/ yang bum pa tshad mas ma dmigs pa'i sa phyogs chos can/ ma yin par thal/ bum pa tshad mas ma dmigs pa'i sa phyogs dang gcig yin pa'i phyir zer na ma khyab/ 'dod mi nus te; brtsi ba'i tshe bum pa tshad mas ma dmigs pa'i sa phyogs chos can gyi steng du bum pa tshad mas ma dmigs pa'i sa phyogs bum pa tshad mas ma dmigs pa'i sa phyogs chos can gyi steng du ma yin pa 'dod zer dgos pas min 'thad de bum pa tshad mas ma dmigs pa'i sa phyogs chos can gyi steng du bum pa tshad mas ma dmigs pa'i sa phyogs yin pa'i phyir/ de chos can/ khyod chos can gyi steng du bum pa tshad mas ma dmigs pa'i sa phyogs yin par thal/ khyod bum pa tshad mas ma dmigs pa'i sa phyogs yin pa'i phyir/ gzhan yang bum pa tshad mas ma dmigs pa'i sa phyogs chos can gyi steng du/ bum pa tshad mas ma dmigs pa'i sa phyogs yin par gyur pa'i dngos po bum pa tshad mas ma dmigs pa'i sa phyogs chos can gyi steng du yin no/ /rtag pa yin par thal/ rtag pa yin pa'i phyir zhes pa'i thal 'gyur gyi rtags grub pa dang/ rtag pa gnyis ka yin la/ de bzhin du de 'dra'i thal 'gyur gyi rtags yin pa dang/ rtag pa gnyis ka yin zhing/ dngos po yin par thal/ dngos po yin pa'i phyir zhes pa'i thal 'gyur gyi @35b rtags yin pa dang/ dngos po gnyis ka yin/ de 'dra'i thal 'gyur gyi rtags ma grub pa dang/ med pa gnyis ka yin/ de yang de 'dra'i thal 'gyur gyi rtags yin pa dang/ dngos po gnyis kar khas blangs pas dngos po de yin par thal/ dngos po yin pa'i phyir zhes pa'i thal 'gyur gyi rtags yin pa dang/ dngos po dngos po gnyis ka yin par khas blangs song ngo/ /dngos po chos can/ khyod yin par thal/ khyod yin pa'i phyir zhes pa'i thal 'gyur gyi rtags yin par thal/ khyod bdag med yin pa'i phyir byas pa la/ kho na re/ bum pa chos can/ chos can/ khyod yin par thal/ khyod yin pa'i phyir zhes pa'i thal 'gyur gyi rtags yin par thal/ bdag med yin pa'i phyir zer na skyon can no/ /'dod mi nus te/ 'dod lan btab pas bum pa de/ chos can yin par thal/ bum pa chos can yin pa'i phyir zhes pa'i thal 'gyur gyi rtags yin par khas blangs song kyang de ma yin pa'i phyir ro/ /des rigs 'gre zhing/ ka ba la'ang mtshungs/ 'di la rigs pa 'gro ba cung zad mang ngo/ /dngos po rtags dang dngos po gnyis ka yin par khas blangs pa dang/ dngos po yod pa dang dngos po gnyis ka yin pa dang/ dngos po yod pa dang/ /dngos po dang gcig gnyis ka yin pa dang/ dngos po dngos po dang/ dngos po dang gcig gnyis ka yin pa dang/ dngos po dngos po dang gcig dang/ dngos po dang gcig gnyis ka yin pa dang/ dngos po dngos po dang gcig gnyis ka yin pa dang/ dngos po dngos po dang gcig dang/ dngos po dngos po dang tha dad gnyis ka yin pa rnams kyi khas blangs song tshul ni/ dngos po de rtags dang dngos po dngos po gnyis ka yin par khas blangs song ba nas/ dngos po de dngos po dang gcig dang/ dngos po dngos po dngos po dang tha dad gnyis ka yin par khas blangs song ba'i bar/ @36a @#/ /yin no/ /yang dngos po chos can/ khyod khyod dang gcig dang/ khyod khyod dang tha dad gnyis ka yin par thal/ khyod gzhi grub pa'i phyir ro/ /kho na re/ dngos po yin par thal/ dngos po yin pa'i phyir zhes pa'i thal 'gyur gyi rtags yin par khas blangs pas dngos po de/ de ltar yin par khas blangs song bar thal/ de ltar khas blangs pas de 'dra'i thal 'gyur gyi rtags de yin par khas blangs song ba'i phyir te/ de 'dra'i thal 'gyur gyi rtags yin pa dang/ yin pa gnyis ka yin par khas blangs pas de 'dra'i thal 'gyur gyi rtags de yin pa dang/ de 'dra'i thal 'gyur rtags yin pa gnyis kar khas blangs song ba'i phyir na ma khyab bo/ /de ltar shes bya yin pa dang yin pa gnyis kar khas blang bas shes bya de yin pa dang/ shes bya yin pa gnyis kar song ngo/ /dngos po ma yin pa dang ma yin pa gnyis kar khas blangs pas dngos po de ma yin pa dang dngos po ma yin pa gnyis kar khas len song ba'i phyir te/ phyi ma der thal/ de ltar khas blangs pas dngos po de ma yin pa dang/ spyir ma yin pa gnyis ka yin par ma song ba'i phyir te/ spyir yin pa'i phyir ro/ /des na shes bya yin par khas blangs pas spyir shes bya yin par khas blangs song zhing/ shes bya ma yin par khas blangs pas kyang spyir shes bya ma yin par song/ shes bya yin pa dang yin pa gnyis kar khas blangs pas/ shes bya de yin pa dang/ shes bya yin par song/ shes bya ma yin pa dang ma yin pa gnyis ka yin par khas blangs pas/ shes bya de ma yin pa dang shes bya ma yin pa gnyis kar song/ de bzhin du rtag pa yin pa dang yin pa gnyis ka dang/ rtag pa yod pa dang/ yod pa gnyis ka dang/ rtag pa rtag pa dang/ rtag pa gnyis ka dang/ rtag pa ma yin pa dang ma yin pa gnyis ka dang/ rtag pa med pa dang med pa @36b gnyis ka yin par khas blangs pa rnam [@#rnams] song tshul ni/ rim pa bzhin du rtag pa de yin pa dang/ rtag pa yin pa gnyis ka dang/ rtag pa de yod pa dang rtag pa yod pa gnyis ka dang/ rtag pa de rtag pa dang rtag pa rtag pa gnyis ka dang/ rtag pa de ma yin pa dang/ rtag pa ma yin pa gnyis ka dang/ rtag pa de med pa dang/ rtag pa med pa gnyis ka yin par khas blangs song ba'i bar yin no/ /dngos po ma yin pa dang rtag pa gnyis ka yin par khas blangs pas dngos po ma yin pa dang spyir rtag pa gnyis ka yin par khas blangs song/ shes bya yin pa dang rtag pa gnyis ka yin pa khas blangs pas/ shes bya yin pa dang/ spyir rtag pa gnyis kar song/ rtag pa yin pa dang rtag pa gnyis ka yin pa khas blangs pas/ rtag pa yin pa dang spyir rtag pa gnyis ka yin par song/ dngos po ma yin pa dang/ dngos po ma yin pa gnyis ka yin par khas blangs pas/ dngos po ma yin pa dang spyir dngos po ma yin pa gnyis ka khas blangs song/ yang shes bya yin par khas blangs pas spyir shes bya yin pa dang/ shes bya yin par gyur pa yin par khas blangs pas spyir shes bya yin par gyur pa yin par dang/ de ma yin par khas blangs pas spyir de ma yin pa dang/ de ma yin par gyur pa yin par khas blangs pas/ spyir de ma yin par gyur pa yin pa dang/ de yin pa'i phyir zhes pa'i thal 'gyur yin par khas blangs pas/ spyir de yin pa'i phyir zhes pa'i thal 'gyur yin pa dang/ de ma yin par gyur pa'i chos yin pa khas blangs pas/ spyir de ma yin par gyur pa'i chos yin pa dang/ de yin par gyur pa'i chos yin pa khas blangs pas/ spyir de yin par gyur pa'i chos yin par khas blangs song/ tshul de rtag pa dang dngos po sogs la rigs 'gres/ @37a @#/ /yin pa yin par khas blangs pas/ yin pa de/ yin par khas blangs song/ de bzhin du yin pa de yin par gyur pa'i chos dang/ ma yin pa de ma yin pa dang/ ma yin pa de ma yin par gyur pa'i chos dang/ yin pa'i phyir zhes pa'i thal 'gyur de/ yin pa'i phyir zhes pa'i thal 'gyur dang/ ma yin pa'i phyir zhes pa'i thal 'gyur de/ ma yin pa'i phyir zhes pa'i thal 'gyur dang/ ma yin par gyur pa'i chos de/ ma yin par gyur pa'i chos dang/ yin par gyur pa'i chos de yin par gyur pa'i chos dang/ yin par rtogs pa'i tshad ma de yin par rtogs pa'i tshad ma dang/ ma yin par rtogs pa'i tshad ma de ma yin par rtogs pa'i tshad ma dang/ dngos por rtogs pa'i tshad ma de/ dngos por rtogs pa'i tshad ma dang/ rtag par rtogs pa'i tshad ma de/ rtag par rtogs pa'i tshad ma dang/ yod par rtogs pa'i tshad ma de/ yod par rtogs pa'i tshad ma dang/ med par rtogs pa'i tshad ma de/ med par rtogs pa'i tshad ma yin par khas blangs song ba'i bar yin zhing/ spyir de rnams de rnams su khas blangs ma song ngo/ /rtsod spong skor la/ sngar bshad pa ltar yin pa yin par khas blangs pas ni/ spyi de ma song bar yin pa de yin par song kyang/ ma yin pa yin par khas blangs pas ni/ spyi ma yin par khas blangs song ngo/ /yin pa ma yin par khas blangs pa'i spyir yin pa ma yin par song ste/ rtag dngos gnyis ma yin par khas blangs pas/ spyir rtag dngos gnyis ma yin par khas blangs song/ shes bya ma yin pa'i spyi yin pa khas blangs pa'i spyir shes bya ma yin pa'i spyi yin par khas blangs song yang/ ma yin pa shes bya'i bye brag tu khas blangs pas/ spyir de de'i bye brag tu ma song bar ma yin pa de de'i bye brag tu song ste/ ma yin pa yod par khas @37b blangs pas ma yin pa de yod par song bas so/ /shes bya ma yin par khas blangs pas spyir de ma yin par song ste/ shes bya ma yin pa'i dgag gzhir khas blangs pas spyir de der song ba yin te/ med pa'i dgag gzhi yin pa'i phyir te/ gzhi grub pa'i phyir ro/ /shes bya de ma yin pa'i dgag gzhi ma yin te/ yin na/ shes bya chos can/ ma yin pa med par thal/ rtags de'i phyir/ 'dod mi nus te/ de chos can/ yin pa dang/ ma yin pa gnyis ka yod pa'i phyir te/ bdag med yin pa'i phyir ro/ /yang shes bya ma yin pa'i spyi ma yin te/ shes bya ma yin pa'i dgag gzhi yin par bsgrub zin pa'i phyir ro/ /rtag pa yin par gyur pa'i chos su khas blangs pas spyir de de yin par song kyang/ rtag pa chos su khas blangs pas rtag pa de chos su song bas mi 'dra'o/ /rnam mkhyen chos su khas blangs pas/ rnam mkhyen de chos su song mod kyang/ rnam mkhyen tshad mas dmigs pa'i chos su khas blangs pas/ spyir rnam mkhyen der song ba'i mi 'dra ste/ rnam mkhyen rtogs pa'i tshad ma yin par khas blangs pas/ spyir rnam mkhyen der song ba'i phyir ro/ /yin par rtogs pa'i tshad ma yin par rtogs pa'i tshad mar khas blangs pas spyir yin par rtogs pa'i tshad ma der ma song zhing/ yin par rtogs pa'i tshad ma de der song yang/ dngos por rtogs pa'i tshad ma yin par rtogs pa'i tshad mar khas blangs pas spyir der song bas mi 'dra'o/ /ma yin par rtogs pa'i tshad ma yin par rtogs pa'i tshad mar khas blangs pas/ spyir de der song ngo/ /de bzhin du rtag par rtogs pa'i tshad ma/ dngos med du rtogs pa'i tshad ma/ tha dad du rtogs pa'i tshad ma/ yod par rtogs pa'i tshad ma rnams re re nas/ spyir de rnams re re nas der song ngo/ @38a @#/ /de rnams re re nas ma yin par rtogs pa'i tshad ma dang/ de rnams re re nas dngos por rtogs pa'i tshad ma yin par khas blangs pas/ spyir de rnams re re nas de gnyis re rer song/ yang yin par rtogs pa'i tshad ma yin par rtogs pa'i tshad ma dang gcig yin par khas blangs pas/ yin par rtogs pa'i tshad ma de de dang gcig yin par song/ yang shes bya yod pa yin par khas blangs pas ni/ shes bya de yod par yin par song kyang/ shes bya yod pa yod pa yin par khas blang [@#blangs] pas ni/ shes bya yod pa de/ yod pa yin par song zhing/ shes bya rtag pa shes bya rtag pa dang gcig tu khas blangs pas shes so/ /de la'ang shes bya yod pa yod pa dang gcig tu khas blang pas [@#bas] ni/ shes bya yod pa de/ de ltar ma song kyang shes bya yod pa dang gcig dang/ yod pa yod pa dang gcig gnyis kar khas blang bas/ shes bya de yod pa dang gcig dang/ shes bya yod pa yod pa dang gcig gnyis kar khas blangs song bas mi 'dra'o/ /de yang yin te/ shes bya shes bya dang gcig dang shes bya shes bya dang tha dad gnyis kar khas blang bas shes bya de shes bya dang gcig dang/ shes bya shes bya shes bya dang tha dad gnyis kar song yang mdun gyi gzhi 'dir shes bya shes bya dang gcig yin zhing de ltar khas blangs pas/ mdun gyi gzhi 'dir shes bya de/ mdun gyi gzhi 'dir shes bya dang gcig yin par song zhing des rigs 'gres pas bum pa chos can gyi steng du shes bya yod par khas blang bas de chos can gyi steng du shes bya de de chos can gyi steng du yod par khas blangs song ba yin zhing/ bum pa chos can du gyur pa'i shes bya yod par khas blangs pas ni/ bum pa chos can du gyur pa'i @38b shes bya de yod par khas blangs song bas mi 'dra'o/ /de bzhin du shes bya dang ldan pa'i gzhir shes bya shes bya dang gcig yin zhing/ /de ltar khas blangs pas shes bya dang ldan pa'i gzhi shes bya de shes bya dang ldan pa'i gzhir shes bya dang gcig tu song ngo/ /smras pa; rnam mang rang spyi'i rang bzhin so so ru/ /rnam dag rigs pas rigs te khas blangs tshul/ /rnam dpyod re rnams re ba skong ba'i phyir/ /rnam 'grel mkhas pa'i mkhas srol ji bzhin spel// ! //dgag gzhi drug sgra bshad pa ni/ kha cig na re/ bum pa'i dgag gzhi chos can/ khyod khyod dang gcig yin par thal/ khyod gzhi grub pa'i phyir zhes pa'i thal 'gyur la/ 'dod lan btab pa'i tshe/ bum pa'i dgag gzhi bum pa'i dgag gzhi dang gcig yin par 'dod zer na/ 'o na khyod rang gi lan btab tshul de gzhir zhog /bum pa'i dgag gzhi chos can/ bum pa'i dgag gzhi yin par thal/ bum pa'i dgag gzhi dang gcig yin pa'i phyir/ 'dod na/ de chos can/ bum pa med par thal/ bum pa'i dgag gzhi yin pa'i phyir/ 'dod mi nus te/ bum pa shes bya'i bye brag yin pa'i phyir/ ma grub na/ de chos can/ der thal/ shes bya bum pa'i spyi yin pa'i phyir/ ma grub na/ de chos can/ yod pa yin na; bum pa'i spyi ma yin pas khyab par thal/ shes bya bum pa'i spyi ma yin pa'i phyir/ 'dod na/ shes bya chos can/ bum pa'i spyi ma yin par thal/ bum pa'i dgag gzhi yod pa yin pa'i phyir/ khyab pa dngos/ gzhan yang bum pa'i dgag gzhis bum pa bkag par thal/ bum pa'i dgag gzhi bum pa'i dgag gzhi yin pa'i phyir/ 'dod na/ des bum pa skye ba bkag par thal lo/ /'dod na/ bum pa ma skyes par thal/ bum pa'i dgag gzhis bum pa skye ba @39a @#/ /bkag pa'i phyir ro/ /gzhan yang 'di la bsgrub byed gtong rgyu mang yang re zhig de tsam mo/ /yang kha cig /de la 'dod lan btab pa'i tshe/ bum pa'i dgag gzhi chos can gyi steng du bum pa'i dgag gzhi bum pa'i dgag gzhi dang gcig yin par 'dod zer na/ 'o na bum pa'i dgag gzhi chos can gyi steng du bum pa'i dgag gzhi de bum pa'i dgag gzhi yin par thal/ de bum pa'i dgag gzhi dang gcig yin pa'i phyir/ 'dod na/ bum pa'i dgag gzhi chos can gyi steng du/ bum pa'i dgag gzhi yin na/ bum pa'i dgag gzhi yin pas khyab par thal/ de bum pa'i dgag gzhi yin pa'i phyir/ 'dod na/ shes bya chos can/ der thal/ de'i phyir/ bsgrub sla/ gzhan yang bum pa'i dgag gzhi yin par thal/ de chos can gyi steng du de yin pa'i phyir/ 'dod na/ bum pa med par thal lo/ /de dag ni dgag gzhi nus pa 'phar dgos pa go ba'i phyir/ brtsi gzhag che ba las kyang cung zad rgyas par bkral pa'o/ /des na gong gi de la bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi dang gcig bum pa'i dgag gzhi chos can gyi steng du yin par 'dod ces lan btab rigs so/ /de bzhin du bum pa'i dgag gzhi chos can [@#/] bum pa'i dgag gzhi yin par thal la'ang/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du yin par 'dod ces brtsi rigs so/ /yang bum pa'i dgag gzhi chos can/ bum pa med par thal la/ bum pa'i dgag gzhi chos can gyi steng du bum pa/ @39b bum pa'i dgag gzhi chos can gyi steng du med par 'dod ces rtsi rigs so/ /yang bum pa'i dgag gzhi chos can/ rtag par rtogs pa'i tshad ma'i dgag gzhi yin par thal/ rtag par rtogs pa'i tshad ma'i dgag gzhi yin par rtogs pa'i tshad ma'i dgag gzhi yin pa'i phyir zer na/ ma khyab/ ma grub na/ de chos can/ der thal/ yod pa gang zhig /rtag par rtogs pa'i tshad ma'i dgag gzhi yin par rtogs pa'i tshad ma med pa'i phyir te/ phyi ma der thal/ de rtag par rtogs pa'i tshad ma'i dgag gzhi ma yin pa'i phyir ro/ /bsgrub sla/ des na bum pa'i dgag gzhi chos can du bkod nas rtag par rtogs pa'i tshad ma'i dgag gzhi'i steng du yin par rtogs pa'i tshad ma'i dgag gzhi gcig byung na yin/ gnyis min shing [@#zhing] des rigs 'gre bas/ cha byung na ma yin zhing ya byung na yin no/ /kho na re/ rnam mkhyen chos can/ rtag par rtogs pa'i tshad ma'i dgag gzhi yin par rtogs pa'i tshad ma'i dgag gzhi/ yin par rtogs pa'i tshad ma'i dgag gzhi/ ma yin bar [@#par] rtogs pa'i tshad ma'i dgag gzhi yin par thal/ dngos por rtogs pa'i tshad ma'i dgag gzhi/ yin par rtogs pa'i tshad ma'i dgag gzhi/ ma yin par rtogs pa'i tshad ma'i dgag gzhi yin pa'i phyir zer na/ ma khyab/ phyogs gnyis ka bsgrub sla/ des na rtag par rtogs pa'i tshad ma'i dgag gzhi yin na/ rtag par rtogs pa'i tshad ma'i dgag gzhi'i steng du yin par rtogs pa'i tshad ma'i dgag gzhi cha byung na yin zhing ya byung na ma yin/ yang de yin na de'i steng du ma yin par rtogs pa'i tshad ma du brtsegs kyang yin no/ /yang bum pa tshad mas ma dmigs pa'i sa phyogs chos can/ shes bya rtag par rtogs pa'i tshad mas gzhal bya yin par @40a @#/ /thal la/ 'dod lan btab pas/ bum pa tshad mas ma dmigs pa'i sa phyogs chos can gyi steng du/ bum pa tshad mas ma dmigs pa'i sa phyogs bum pa tshad mas ma dmigs pa'i sa phyogs chos can gyi steng du/ shes bya rtag par rtogs pa'i tshad ma'i gzhal bya/ bum pa tshad mas ma dmigs pa'i sa phyogs chos can gyi steng du yin par 'dod ces brtsi rigs pa'i phyir/ yang bum pa tshad mas ma dmigs pa'i sa phyogs chos can/ tshad ma'i gzhal bya yin par thal/ bum pa tshad mas ma dmigs pa'i sa phyogs chos can gyi steng du/ bum pa tshad mas ma dmigs pa'i sa phyogs/ bum pa tshad mas ma dmigs pa'i sa phyogs chos can gyi steng du/ tshad ma'i gzhal bya/ bum pa tshad mas ma dmigs pa'i sa phyogs chos can gyi steng du yin par 'dod ces rtsi rigs/ yang de chos can/ shes bya rtag par rtogs pa'i tshad ma'i gzhal bya yin par thal la/ gong dang 'dra/ de chos can gyi steng du de/ de chos can gyi steng du shes bya rtag par rtogs pa'i tshad ma'i gzhal bya/ de chos can gyi steng du yin par 'dod ces rtsi rigs/ yang bum pa'i dgag gzhi chos can/ yod na yod pas khyab pa bum pa [@#bum pa'i] dgag gzhi yin par thal/ yod na yod pas khyab pa gang zhig /bum pa med pa'i phyir zer na/ 'dod de/ rtsi ba'i tshe de chos can gyi steng du yod na/ de chos can gyi steng du yod pas khyab pa de chos can gyi steng du de bum pa'i dgag gzhi chos can gyi steng du yin par 'dod ces rtsi rigs/ de la bum pa'i dgag gzhi chos can gyi steng du med na med pas khyab byas pa la/ bum pa chos can/ med par thal/ de chos can gyi steng du med pa'i @40b phyir zer na/ rang lugs la 'di la khyab pa mi gshog ces bya'o/ /yang ka ba'i dgag gzhi chos can gyi steng du shes bya chos can/ dngos por rtogs pa'i tshad ma yin par rtogs pa'i tshad ma'i dgag gzhi yin par thal/ dngos por rtogs pa'i tshad ma'i dgag gzhi yin pa'i phyir na/ 'dod pa yin te/ rtsi lugs ka ba'i dgag gzhi chos can gyi steng du/ shes bya chos can gyi steng du/ ka ba'i dgag gzhi chos can gyi steng du shes bya/ ka ba'i dgag gzhi chos can gyi steng du shes bya chos can gyi steng du ka ba'i dgag gzhi chos can gyi steng du shes bya/ ka ba'i dgag gzhi chos can gyi steng du shes bya chos can gyi steng du/ ka ba'i dgag gzhi chos can [@#gyi] steng du shes bya/ ka ba'i dgag gzhi chos can gyi steng du shes bya chos can gyi steng du/ dngos por rtogs pa'i tshad ma yin par rtogs pa'i tshad ma'i dgag gzhi ka ba'i dgag gzhi chos can gyi steng du shes bya chos can gyi steng du yin par 'dod ces rtsi rigs pa'i phyir/ yang kho na re/ bum pa dgag gzhi chos can gyi steng du ri bong rwa'i dgag gzhi chos can/ dngos por rtogs pa'i tshad ma yin par rtogs pa'i tshad ma'i dgag gzhi yin par thal/ rtag pa yin pa'i phyir la/ 'dod lan btab pas sngar ltar dgag gzhi'i nus pa 'phar ba'i rtsi rigs par thal/ 'dod pa'i phyir zer na/ sngar gyi de dang 'di gnyis mi mtshungs te/ bum pa'i dgag gzhi chos can gyi steng du ri bong rwa med pa'i phyir/ kho na re/ 'o na bum pa'i dgag gzhi chos can gyi steng du bum pa'i dgag gzhi chos can/ rtag pa yin par thal la'ang/ dgag gzhi nus pa 'phar nas 'dod lan btab mi rigs par thal/ de chos can gyi steng du bum @41a @#/ /pa dang ri bong rwa gnyis med par mtshungs pa'i phyir na ma khyab/ 'dod mi nus te/ 'dod lan btab pas bum pa'i dgag gzhi chos can gyi steng du/ bum pa'i dgag gzhi chos can gyi steng du/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du/ bum pa'i dgag gzhi chos can gyi steng du rtag pa/ bum pa'i dgag gzhi chos can gyi steng du bum pa'i dgag gzhi chos can gyi steng du yin par 'dod ces rtsi rigs pa'i phyir/ yang bum pa dang rdzas tha dad kyang min/ bum pa'i dgag gzhi'ang yin pa'i gzhi mthun pa'ang yod/ bum pa tshad mas ma dmigs pa'i sa phyogs de/ de 'dra'i gzhi mthun pa yin/ bum pa'i dgag gzhi yin na/ de 'dra'i gzhi mthun pa ma yin pas khyab/ de la bum pa tshad mas ma dmigs pa'i sa phyogs chos can/ bum pa dang rdzas tha dad kyang yin/ bum pa'i dgag gzhi'ang yin pa'i gzhi mthun pa ma yin par thal/ bum pa'i dgag gzhi yin pa'i phyir zer na/ 'dod de/ rtsi ba'i tshe/ bum pa tshad mas ma dmigs pa'i sa phyogs chos can gyi steng du/ bum pa dang rdzas tha dad kyang yin/ bum pa tshad mas ma dmigs pa'i sa phyogs chos can gyi steng du/ bum pa'i dgag gzhi'ang yin pa'i gzhi mthun pa bum pa tshad mas ma dmigs pa'i sa phyogs chos can gyi steng du ma yin pa 'dod ces rtsi rigs/ de ltar na chos can ma 'phang pa'i tshe yin yang/ chos can du 'phang pa'i tshe min pa'i dris 'phang gi khyad par shes par bya'o/ /smras pa/ deng dus chos bar [@#par] rlom pa phal cher yang/ /la la bsgom lugs mi shes sgom la dad/ /'ga' zhig thos pa mang yang nyams len bral/ /bshad sgrub rgyal mtshan 'dzin pa srid mthar [@#mtha'] tsam/ ! /dris 'phang gi rnam bzhag bshad pa ni/ bum pa'i dgag @41b gzhi chos can/ khyod khyod dang gcig yin par thal/ gzhi grub pa'i phyir zer na/ 'dod de/ rtsi ba'i tshe/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi dang gcig yin par 'dod ces rtsi rigs te/ de ni dris pa'o/ /rtsi tshul gong du dgag gzhi'i skabs su bshad pa ni/ mtha' skyor ma'i brtsi tshul la/ dris 'phang skabs 'dir ni/ yi ge nyung ba'i ched du bzhi bsgrag ma'i rtsi tshul yin no/ /gong gi dris pa de 'phang pa ni/ bum pa'i dgag gzhi chos can/ khyod khyod dang gcig yin par thal/ gzhi grub pa'i phyir zhes pa'i thal 'gyur la 'dod lan 'debs pa'i tshe/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi dang gcig yin par 'dod ces rtsi rigs par thal/ zer na/ ci'i phyir te/ de brtsis pa'i tshe/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi dang gcig yin par thal/ bum pa'i dgag gzhi chos can gyi steng du gzhi grub pa'i phyir zhes pa'i thal 'gyur la/ 'dod lan 'debs pa'i tshe/ bum pa'i dgag gzhi chos can gyi steng du bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi chos can gyi steng du/ bum pa'i dgag gzhi dang gcig yin par 'dod ces rtsi rigs pa ci'i phyir ro/ /yang bum pa'i dgag gzhi chos can/ khyod khyod dang gcig yin par thal/ gzhi grub pa'i phyir zhes pa'i thal 'gyur la/ 'dod lan btab pa'i tshe/ khyod khyod dang gcig yin par 'dod ces rtsi rigs par thal zer na/ 'dod de/ brtsi ba'i tshe/ bum pa'i dgag gzhi chos can gyi steng du bum @42a @#/ /pa'i dgag gzhi/ bum pa'i dgag gzhi chos can gyi steng du bum pa'i dgag gzhi dang gcig yin par thal/ bum pa'i dgag gzhi chos can gyi steng du gzhi grub pa'i phyir zhes pa'i thal 'gyur la 'dod lan btab pa'i tshe/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi dang gcig yin par 'dod ces brtsi rigs par 'dod zer dgos so/ /de ltar dris 'phang gi tshul 'di legs par shes na 'og ma rnams la'ang legs par brtags na shes sla'o/ /kha cig na re/ bum pa'i dgag gzhi chos can/ khyod chos can/ khyod khyod dang gcig yin par thal/ gzhi grub pa'i phyir zhes pa'i thal 'gyur la 'dod lan btab pas khyod chos can gyi steng du/ bum pa'i dgag gzhi chos can gyi steng du bum pa'i dgag gzhi/ khyod chos can gyi steng du bum pa'i dgag gzhi chos can gyi steng du bum pa'i dgag gzhi dang gcig yin par 'dod ces rtsi mi rigs par thal/ khyod chos can; khyod khyod dang gcig yin par thal/ gzhi grub pa'i phyir zhes pa'i thal 'gyur la 'dod lan btab pa'i tshe/ khyod chos can gyi steng du khyod/ khyod chos can gyi steng du khyod dang gcig yin par 'dod ces rtsi rigs pa'i phyir zer na/ ma khyab/ 'dod mi nus te/ rtsi ba'i tshe bum pa'i dgag gzhi chos can gyi steng du bum pa'i dgag gzhi chos can/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi dang gcig yin par thal; bum pa'i dgag gzhi chos can gyi steng du gzhi grub pa'i phyir zhes pa'i thal 'gyur la 'dod lan btab pa'i/ bum pa'i dgag gzhi chos can gyi steng du bum pa'i dgag gzhi chos can gyi steng du bum pa'i dgag gzhi chos can gyi steng du @42b bum pa'i dgag gzhi bum pa'i dgag gzhi chos can gyi steng du bum pa'i dgag gzhi chos can gyi steng du bum pa'i dgag gzhi chos can gyi steng du bum pa'i dgag gzhi dang gcig yin par 'dod ces brtsi rigs par 'dod zer dgos pa la/ de de dang gcig ma yin pa'i phyir/ rtags ma grub ces rtsi na'ang/ de kho na ltar brtsis nas rtags ma grub zer dgos pas mi 'thad do/ /gal te 'thad na/ bum pa'i dgag gzhi chos can gyi steng du/ bum pa'i dgag gzhi chos can/ bum pa'i dgag gzhi chos can gyi steng du/ bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi dang gcig yin par thal/ bum pa'i dgag gzhi chos can gyi steng du gzhi grub pa'i phyir/ 'dod na/ dngos su 'gal lo/ /gong gi de la phar khyab 'grigs 'phen pa la/ ka ba'i dgag gzhi chos can/ khyod khyod dang gcig yin par thal/ gzhi grub pa'i phyir zhes pa'i thal 'gyur la 'dod lan btab pas/ ka ba'i dgag gzhi ka ba'i dgag gzhi dang gcig yin par 'dod ces rtsi mi rigs par thal/ khyod khyod dang gcig yin par thal/ gzhi grub pa'i phyir zhes pa'i thal 'gyur la 'dod lan btab pas/ khyod khyod dang gcig yin par 'dod ces rtsi rigs pa'i phyir/ khyab pa 'grigs/ 'dod dang rtags ma grub gang byas kyang 'dra bas mi 'thad do/ /yang kha cig /bum pa'i dgag gzhi chos can/ khyod rtag pa yin par thal/ yod pa gang zhig /mi rtag pa ma yin pa'i phyir zer na/ bum pa'i dgag gzhi chos can gyi steng du/ bum pa'i dgag gzhi/ bum pa'i dgag gzhi chos can gyi steng du rtag pa yin par 'dod byas pa la/ de 'dra'i thal 'gyur gyi gsal ba la 'dod lan btab pas/ de ltar rtsi mi rigs par thal/ bdag med yin pa'i phyir zer na @43a @#/ /'ang 'dod de/ brtsi ba'i tshe dgag gzhi nus pa 'phar nas brtsi bas dngos 'gal la mi 'gro ba gong dang 'dra'o/ /yang khyod chos can/ bum pa'i dgag gzhi chos can/ khyod khyod dang gcig yin par thal/ khyod gzhi grub pa'i phyir zhes pa'i thal 'gyur la 'dod lan btab pas/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi dang gcig yin par 'dod ces brtsi rigs par thal la 'dod lan thebs so/ /gal te mi 'thad zer na/ de ltar 'dod lan thebs par thal/ bum pa'i dgag gzhi chos can/ khyod yin par thal/ khyod gzhi grub pa'i phyir la/ 'dod lan btab pa'i bum pa'i dgag gzhi chos can gyi steng du/ bum pa'i dgag gzhi yin par 'dod ces brtsi rigs pa'i phyir ro/ /ma grub na/ khyod chos can/ de ltar brtsi rigs par thal/ bum pa'i dgag gzhi chos can/ khyod yin par thal/ khyod gzhi grub pa'i phyir zhes pa'i thal 'gyur la 'dod lan 'debs tshul yod pa gang zhig /de la 'dod lan 'debs tshul gzhan med pa'i phyir/ phyi ma ma grub na/ 'debs tshul phyed du bcug na mi 'grig go / 'di thad kyi brtsi bzhag rnying pa nang gi sgrub byed de la khyab pa ngo thog mi snang ngo; /yang bum pa'i dgag gzhi chos can/ khyod khyod dang gcig yin par thal/ gzhi grub pa'i phyir zhes pa'i thal 'gyur la 'dod lan btab pas/ bum pa'i dgag gzhi/ bum pa'i dgag gzhi dang gcig yin par 'dod ces rtsi rigs par thal zer na/ 'dod do/ /yang bum pa'i dgag gzhi chos can/ shes bya chos can/ khyod khyod dang gcig yin par thal/ khyod gzhi grub pa'i phyir zer na/ ma khyab byas pa la/ bum pa'i dgag gzhi chos can/ shes bya chos can/ khyod khyod @43b dang gcig yin par thal/ khyod gzhi grub pa'i phyir zhes pa'i thal 'gyur la khyab pa yod par thal/ de 'dra'i thal 'gyur gyi rjes khyab rnal mar nges pa'i phyir zer na/ 'dod de/ brtsi ba'i tshe/ bum pa'i dgag gzhi chos can gyi steng du shes bya chos can/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du/ bum pa'i dgag gzhi dang gcig yin par thal/ bum pa'i dgag gzhi chos can gyi steng du bum pa'i dgag gzhi/ gzhi grub pa'i phyir zhes pa'i thal 'gyur la khyab pa yod par 'dod cing brtsi ba yin no/ /de ltar rtsi rigs par thal/ de 'dra'i thal 'gyur la khyab pa yod par thal/ bdag med yin pa'i phyir zhes pa'i thal 'gyur 'di shes bya chos can/ bum pa'i dgag gzhi bum pa'i dgag gzhi dang gcig yin par thal/ bum pa'i dgag gzhi gzhi grub pa'i phyir zhes pa'i thal 'gyur la khyab pa yod pas gsal ba bdag med kyis rtags byas pa'i thal 'gyur yin pa'i phyir/ yang ka ba'i dgag gzhi chos can/ gzhal bya chos can/ rtag pa yin par thal/ bdag med yin pa'i phyir zer na/ 'dod de/ brtsi ba'i tshe/ ka ba'i dgag gzhi chos can gyi steng du gzhal bya chos can/ ka ba'i dgag gzhi chos can gyi steng du rtag pa yin par 'dod ces brtsi'o/ /mi 'grig na/ khyod chos can/ de 'dra'i thal 'gyur la 'dod lan btab pas de ltar brtsi rigs par thal/ de 'dra'i thal 'gyur 'di ka ba'i dgag gzhis rtsod gzhi/ gzhal bya chos can rtag pas gsal ba/ bdag med kyis rtags byas pa'i thal 'gyur yin pa'i phyir/ kho na re/ de 'dra'i thal 'gyur gyi gsal ba la 'dod lan btab pas/ de ltar brtsi mi rigs par thal/ bdag med yin pa'i phyir zer na'ang/ 'dod de brtsi'o// @44a @#/ /yang bum pa'i dgag gzhi chos can/ rnam mkhyen chos can/ rtag par rtogs pa'i tshad ma ma yin par thal/ rtag pa yin pa'i phyir zer na/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du rnam mkhyen chos can/ rtag par rtogs pa'i tshad ma ma yin par 'dod ces brtsi rigs pa'i phyir/ ma grub na/ khyod chos can/ de la de ltar brtsi rigs par thal zhes rim bzhin bsgrub nas/ bum pa'i dgag gzhi chos can/ rnam mkhyen chos can/ rtag pa yin par thal/ bdag med yin pa'i phyir zhes pa'i thal 'gyur gyi gsal ba la 'dod lan btab pas/ bum pa'i dgag gzhi chos can gyi steng du rnam mkhyen chos can/ bum pa'i dgag gzhi chos can gyi steng du rtag pa yin pa 'dod ces brtsi rigs pa'i phyir/ kho na re/ de 'dra'i thal 'gyur gyi gsal ba la 'dod lan btab pas de ltar brtsi mi rigs par thal/ bdag med yin pa'i phyir zer na/ 'dod de/ zhib tu 'phar nas brtsis na 'grig go /yang bum pa'i dgag gzhi chos can/ rnam mkhyen chos can/ dngos por rtogs pa'i tshad ma yin par rtogs pa'i tshad ma dang/ dngos por rtogs pa'i tshad ma yin par rtogs pa'i tshad ma gnyis ka ma yin par thal/ rtag pa yin pa'i phyir zer na/ 'dod de/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du rnam mkhyen chos can/ dngos por rtogs pa'i tshad ma yin par rtogs pa'i tshad ma dang/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi/ bum @44b pa'i dgag gzhi chos can gyi steng du/ dngos por rtogs pa'i tshad ma yin par rtogs pa'i tshad ma gnyis ka ma yin par 'dod ces brtsi rigs so/ /mi rigs na khyod chos can/ de la de ltar rtsi rigs par thal/ bum pa'i dgag gzhi chos can/ rnam mkhyen chos can/ dngos por rtogs pa'i tshad ma/ yin par rtogs pa'i tshad ma ma yin par thal/ rtag pa yin pa'i phyir zhes pa'i thal 'gyur la 'dod lan btab pas/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du rnam mkhyen chos can/ dngos por rtogs pa'i tshad ma yin par rtogs pa'i tshad ma ma yin par 'dod ces brtsi rigs pa'i phyir/ de la kho na re/ de 'dra'i thal 'gyur la 'dod lan btab pas de ltar rtsi mi rigs par thal/ bdag med yin pa'i phyir zer na'ang 'dod de/ de brtsi tshul ni/ bum pa'i dgag gzhi chos can gyi steng du rnam mkhyen chos can/ dngos por rtogs pa'i tshad ma yin par rtogs pa'i tshad ma dang/ bum pa'i dgag gzhi chos can gyi steng du/ dngos por rtogs pa'i tshad ma/ yin par rtogs pa'i tshad ma gnyis ka ma yin par thal/ bum pa'i dgag gzhi chos can gyi steng du rtag pa yin pa'i phyir zhes pa'i thal 'gyur gyi gsal ba la 'dod lan btab pas/ bum pa'i dgag gzhi chos can gyi steng du bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi chos can gyi steng du rnam mkhyen chos can/ dngos por rtogs pa'i tshad ma yin par rtogs pa'i tshad ma dang/ bum pa'i @45a @#/ /dgag gzhi chos can gyi steng du bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi chos can gyi steng du bum pa'i dgag gzhi/ bum pa'i dgag gzhi chos can gyi steng du bum pa'i dgag gzhi chos can gyi steng du/ dngos por rtogs pa'i tshad ma yin par rtogs pa'i tshad ma gnyis ka ma yin par 'dod ces rtsi mi rigs pa 'dod cing rtsi rigs pa'i phyir ro/ /'di la 'dod lan theb pa 'phang na; bum pa'i dgag gzhi chos can/ rnam mkhyen chos can/ dngos por rtogs pa'i tshad ma/ yin par rtogs pa'i tshad ma dang/ dngos por rtogs pa'i tshad ma yin par rtogs pa'i tshad ma gnyis ka ma yin par thal/ rtag pa yin pa'i phyir zhes pa'i thal 'gyur gyi gsal ba la 'dod lan btab pas/ rnam mkhyen chos can gyi steng du bum pa'i dgag gzhi chos can gyi steng du rnam mkhyen/ rnam mkhyen chos can gyi steng du bum pa'i dgag gzhi chos can gyi steng du rnam mkhyen/ rnam mkhyen chos can gyi steng du bum pa'i dgag gzhi chos can gyi steng du rnam mkhyen/ rnam mkhyen chos can gyi steng du dngos por rtogs pa'i tshad ma yin par rtogs pa'i tshad ma dang/ rnam mkhyen chos can gyi steng du bum pa'i dgag gzhi chos can gyi steng du rnam mkhyen/ rnam mkhyen chos can gyi steng du bum pa'i dgag gzhi chos can gyi steng du rnam mkhyen/ rnam mkhyen chos can gyi steng du bum pa'i dgag gzhi chos can gyi steng du dngos por rtogs pa'i tshad ma yin par rtogs pa'i tshad ma gnyis ka ma yin par 'dod ces rtsi rigs par thal/ bdag med yin pa'i phyir zhe na/ 'dod de/ brtsi tshul ni/ bum pa'i dgag gzhi chos can gyi steng du rnam mkhyen chos can/ dngos @45b por rtogs pa'i tshad ma yin par rtogs pa'i tshad ma dang/ bum pa'i dgag gzhi chos can gyi steng du/ dngos por rtogs pa'i tshad ma/ yin par rtogs pa'i tshad ma gnyis ka ma yin par thal/ bum pa'i dgag gzhi chos can gyi steng du bdag med yin pa'i phyir zhes pa'i thal 'gyur gyi gsal ba la 'dod lan btab pas/ bum pa'i dgag gzhi chos can gyi steng du rnam mkhyen chos can gyi steng du/ bum pa'i dgag gzhi chos can gyi steng du rnam mkhyen/ bum pa'i dgag gzhi chos can gyi steng du rnam mkhyen chos can gyi steng du bum pa'i dgag gzhi chos can gyi steng du rnam mkhyen/ bum pa'i dgag gzhi chos can gyi steng du rnam mkhyen chos can gyi steng du bum pa'i dgag gzhi chos can gyi steng du rnam mkhyen/ bum pa'i dgag gzhi chos can gyi steng du rnam mkhyen chos can gyi steng du dngos por rtogs pa'i tshad ma yin par rtogs pa'i tshad ma dang/ bum pa'i dgag gzhi chos can gyi steng du rnam mkhyen chos can gyi steng du/ bum pa'i dgag gzhi chos can gyi steng du rnam mkhyen/ bum pa'i dgag gzhi chos can gyi steng du rnam mkhyen chos can gyi steng du bum pa'i dgag gzhi chos can gyi steng du rnam mkhyen/ bum pa'i dgag gzhi chos can gyi steng du/ rnam mkhyen chos can gyi steng du dngos por rtogs pa'i tshad ma yin par rtogs pa'i tshad ma gnyis ka ma yin par 'dod ces rtsi rigs pa'i phyir/ yang bum pa'i dgag gzhi chos can/ rnam mkhyen chos can/ dngos por rtogs pa'i tshad ma chos can/ dngos po yin par thal/ dngos po yin pa'i phyir zhes pa'i thal 'gyur dngos por rtogs pa'i tshad ma ma yin par thal/ rtag pa yin pa'i phyir zer na/ 'dod de/ bum pa'i dgag gzhi chos can gyi steng du bum @46a @#/ /pa'i dgag gzhi/ bum pa'i dgag gzhi chos can gyi steng du rnam mkhyen chos can/ dngos por rtogs pa'i tshad ma chos can/ bum pa'i dgag gzhi chos can gyi steng du dngos po yin par thal/ bum pa'i dgag gzhi chos can gyi steng du dngos po yin pa'i phyir zhes pa'i thal 'gyur dngos po rtogs pa'i tshad ma ma yin pa 'dod do/ /yang bum pa chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i phyir zer na/ bum pa yin par thal/ bum pa yin pa'i phyir zhes pa'i thal 'gyur rtags gsal tha mi dad kyi thal 'gyur yin par 'dod do/ /yang bum pa chos can/ ka ba chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i phyir zer na/ ka ba chos can/ bum pa yin par thal/ bum pa yin pa'i phyir zhes pa'i thal 'gyur rtags gsal tha mi dad kyi thal 'gyur yin pa 'dod do/ /yang bum pa chos can/ dngos po yin par thal/ dngos po yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal la 'dod lan btab pa'i tshe/ dngos po yin par thal/ dngos po yin pa'i phyir zhes pa'i thal 'gyur chos can/ bum pa yin par thal/ bum pa yin pa'i phyir zhes pa'i thal 'gyur rtags gsal tha mi dad gyi thal 'gyur yin par 'dod ces rtsi rigs par thal/ zer na/ ci'i phyir te/ bum pa chos can/ dngos po yin par thal/ dngos po yin pa'i phyir zhes pa'i thal @46b 'gyur yin par thal/ bum pa chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur rtags gsal tha mi dad kyi thal 'gyur yin par 'dod zer dgos pa'i phyir/ yang bum pa chos can/ khyod yin par thal/ khyod yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal la/ bum pa yin par thal/ bum pa yin pa'i phyir zhes pa'i thal 'gyur chos can/ bum pa yin par thal/ bum pa yin pa'i phyir zhes pa'i thal 'gyur rtags gsal tha mi dad kyi thal 'gyur yin par 'dod do/ /yang bum pa chos can/ dngos po yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal la/ dngos po yin pa'i phyir zhes pa'i thal 'gyur chos can; bum pa yin par thal/ bum pa yin pa'i phyir zhes pa'i thal 'gyur rtags gsal tha mi dad kyi thal 'gyur yin par 'dod ces rtsi rigs/ bum pa yin par thal/ chos can dngos po yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal la/ bum pa yin par thal/ chos can dngos po yin pa'i phyir zhes pa'i thal 'gyur yin par thal/ bum pa yin par thal/ chos can dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur rtags gsal tha mi dad kyi thal 'gyur yin par 'dod do/ /yang bum pa yin par thal/ chos can khyod yin pa'i @47a @#/ /phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal la/ bum pa yin par thal/ chos can khyod yin pa'i phyir zhes pa'i thal 'gyur yin par thal/ bum pa yin par thal/ chos can khyod yin pa'i phyir zhes pa'i thal 'gyur yin pa'i phyir zhes pa'i thal 'gyur rtags gsal tha mi dad kyi thal 'gyur yin par 'dod zer dgos so/ /shes bya chos can/ gzhal bya chos can/ rtag pa yin par thal/ rtag pa yin pa'i phyir zhes pa'i thal 'gyur yin par thal/ rtag pa yin pa'i phyir zhes pa'i thal 'gyur chos can/ khyod khyod dang gcig yin par thal/ khyod gzhi grub pa'i phyir zer na/ chos can phyi mar rtsod gzhi bzung nas 'dod lan btab bo/ /yang shes bya chos can/ gzhal bya chos can/ rtag pa yin par thal/ rtag pa yin pa'i phyir zhes pa'i thal 'gyur yin par thal/ rtag pa yin pa'i phyir zhes pa'i thal 'gyur yin par thal/ rtag pa yin pa'i phyir zhes pa'i thal 'gyur yin pa'i phyir zer na/ rtag pa yin pa'i phyir zhes pa'i thal 'gyur yin pa rtags ma grub ces brtsi rigs so/ /khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i phyir zer na/ 'dod de/ brtsi tshul ni/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i @47b phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur/ rtags gsal tha mi dad kyi thal 'gyur yin par 'dod ces brtsi rigs so byas pa la/ kho na re/ de 'dra'i thal 'gyur gyi gsal ba la 'dod lan btab pas/ de ltar brtsi mi rigs par thal/ bdag med yin pa'i phyir zer na/ 'dod pa yin te/ brtsi lugs ni/ de 'dra'i thal 'gyur gyi gsal ba la 'dod lan btab pas/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ @48a @#/ /dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal; dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur rtags gsal tha mi dad kyi thal 'gyur yin par 'dod ces brtsi mi rigs pa 'dod ces brtsi rigs pa'i phyir/ kho na re/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i @48b phyir zhes pa'i thal 'gyur gyi gsal ba la 'dod lan 'debs tshul med par thal/ khyod yin par thal/ khyod yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i phyir zhes pa'i thal 'gyur gyi gsal ba la 'dod lan btab pas/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur rtags gsal tha mi dad kyi thal 'gyur yin par 'dod ces rtsi mi rigs pa gang zhig /khyod yin par thal/ khyod yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i phyir zhes pa'i thal 'gyur gyi gsal ba la 'don [@#'dod] lan btab pas/ khyod yin par thal/ khyod yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal @49a @#/ /'gyur rtags gsal tha mi dad kyi thal 'gyur yin par 'dod ces brtsi mi rigs pa'i phyir na/ rang lugs la rtsa ba'i rtags phyi ma 'di ma grub ste/ brtsi lugs ni/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal; dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i phyir zhes pa'i thal 'gyur gyi gsal ba la 'dod lan btab pas/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin @49b par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin par phyir zhes pa'i thal 'gyur yin pa'i phyir zhes pa'i thal 'gyur yin par thal/ khyod yin par thal [@#/] khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur rtags gsal tha mi dad kyi thal 'gyur yin par 'dod ces brtsi mi rigs pa rtags ma grub ces brtsi rigs pa'i phyir/ ma grub na/ khyod chos can/ de ltar brtsi rigs par thal/ de 'dra'i thal 'gyur chos can/ khyod yin par thal/ khyod yin pa'i phyir zhes pa'i thal 'gyur gyi gsal ba la 'dod lan btab pas/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal @50a @#/ /'gyur yin par thal/ khyod yin par thal/ khyod yin pa'i phyir zhes pa'i thal 'gyur chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur yin par 'dod ces brtsi rigs pa'i phyir/ ma grub na/ khyod chos can/ de ltar brtsi rigs par thal/ khyod yin par thal/ bdag med yin pa'i phyir zhes pa'i thal 'gyur gyi gsal ba la 'dod lan btab pas/ khyod yin par 'dod ces brtsi rigs pa'i phyir/ 'dod na/ brtsis dang byas pas/ brtsi na dngos 'gal lo/ /'di nas brtsi bzhag rnying pa'i nang gi rigs pa'i dka' gnad rnams la rang gi bsam tshul la dpyod gnas [@#nas] snang [@#gnang] bas bsam tshul bri na/ bum pa'i dgag gzhi chos can gyi steng du khyod chos can/ khyod dang gcig yin par thal/ bdag med yin pa'i phyir zer na/ 'dod lan mi thebs kyang gal te 'dod lan 'debs na/ bum pa'i dgag gzhi chos can gyi steng du khyod chos can gyi steng du bum pa'i dgag gzhi chos can gyi steng du khyod chos can/ bum pa'i dgag gzhi chos can gyi steng du/ khyod chos can gyi steng du bum pa'i dgag gzhi chos can gyi steng du/ khyod dang gcig yin par 'dod zer dgos/ de yin te/ bum pa'i dgag gzhi chos can gyi steng du khyod chos can/ khyod yin par thal/ bdag med yin pa'i phyir zer na/ 'dod lan btab pas/ bum pa'i dgag gzhi chos can gyi steng du/ khyod chos can gyi steng du/ bum pa'i dgag gzhi chos can gyi steng du/ khyod chos can/ bum pa'i dgag gzhi chos can gyi steng du khyod chos can gyi steng du/ bum pa'i dgag gzhi chos can gyi steng du khyod yin par 'dod @50b zer dgos/ de gnyis so sor 'dod lan btab pas/ de ltar brtsi rigs par thal zer na/ 'dod lan mi theb kyang/ brtsi bzhag rnying par theb par bshad pas/ don la 'di ka gnas so/ /bsgrub byed du de ltar 'thad de/ khyod chos can/ khyod yin par thal la/ khyod yin par 'dod ces brtsi rigs pa'i phyir/ mi rigs na 'phang nas brtsi ba'i tshe/ dngos 'gal 'bud ces bshad 'dug /yang khyod khyod dang gcig tu gyur pa'i shes bya chos can; khyod khyod dang gcig tu gyur pa'i yod pa chos can/ khyod khyod dang gcig yin par thal/ khyod gzhi grub pa'i phyir zer na 'dod lan mi 'theb cing/ gal te 'debs na/ khyod khyod dang gcig tu gyur pa'i shes bya/ khyod khyod dang gcig tu gyur pa'i shes bya dang gcig tu gyur pa'i yod pa chos can/ khyod khyod dang gcig tu gyur pa'i shes bya/ khyod khyod dang gcig tu gyur pa'i shes bya dang gcig yin par 'dod zer dgos/ de 'dra'i thal 'gyur gyi gsal ba la 'dod lan theb par thal/ zer na/ 'dod de/ khyod khyod dang gcig tu gyur pa'i shes bya/ khyod khyod dang gcig tu gyur pa'i shes bya dang gcig tu gyur pa'i yod pa chos can/ khyod khyod dang gcig tu gyur pa'i shes bya/ khyod khyod dang gcig tu gyur pa'i shes bya dang gcig yin par thal/ khyod khyod dang gcig tu gyur pa'i shes bya gzhi grub pa'i phyir zhes pa'i thal 'gyur gyi gsal ba la 'dod lan theb pa 'dod do/ /de 'dra'i thal 'gyur gyi gsal ba la 'dod lan btab pas/ khyod khyod dang gcig tu gyur pa'i shes bya/ de 'dra'i shes bya dang gcig yin pa 'dod zer dgos te/ gong gi rtsod gzhi'i khyod dang gcig tu @51a @#/ /gyur pa'i shes bya khyod bzhag tu bshig na 'grig pa yin no/ /yang khyod chos can/ khyod khyod dang gcig tu gyur pa'i shes bya chos can/ khyod khyod dang gcig tu gyur pa'i yod pa chos can/ khyod khyod dang gcig yin par thal zhes pa'i thal 'gyur la/ khyod khyod dang gcig tu gyur pa'i shes bya/ khyod khyod dang gcig tu gyur pa'i shes bya dang gcig tu gyur pa'i yod pa chos can/ khyod khyod dang gcig tu gyur pa'i shes bya khyod khyod dang gcig tu gyur pa'i shes bya dang gcig yin par 'dod zer dgos shing/ de lta bus 'dod lan mi theb bo/ /de yang yin te/ khyod chos can/ khyod khyod dang gcig tu gyur pa'i shes bya chos can/ khyod yin par thal zhes pa'i thal 'gyur la/ khyod khyod dang gcig tu gyur pa'i shes bya yin par 'dod ces brtsi dgos shing/ de ltar lan theb pa'i phyir te/ khyod chos can/ khyod yin par thal la/ khyod yin par 'dod ces brtsi rigs pa'i phyir ro/ /des re zhig dris 'phang bshad zin to/ /smras pa/ dris 'phang rtsi tshul tsam la'ang rmongs bzhin du/ /rigs pa smra ba rloms rnams mgo bo 'khor/ /kho bos phyogs tsam ston 'di'i rjes zhugs na/ /mi ring rnam mkhyen rang rgyud 'byung ngo kye;/ ! //thal 'gyur gyi rnam bzhag bshad pa la/ bdag med yin na/ rtag pa yin par thal/ rtag pa yin pa'i phyir zhes pa'i thal 'gyur gyi rtags grub pas khyab kyang/ rnam mkhyen chos can/ rtag pa yin par thal/ rtag pa yin pa'i phyir zhes pa'i thal 'gyur gyi rtags grub par thal/ bdag med yin pa'i phyir na ma khyab bo/ /bdag med yin na khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal @51b 'gyur yin pas khyab byas pa la/ kho na re/ bum pa chos can chos can/ der thal/ de'i phyir zer na/ rtsod gzhi skyon can no/ /'dod mi nus te/ de 'dra'i thal 'gyur 'di/ rtsod gzhi dang ldan pa'i rtags gsal tha dad kyi thal 'gyur yin pa'i phyir te/ bum pas rtsod gzhi/ yin pas gsal ba/ bum pa chos can yin pas rtags byas pa'i thal 'gyur yin pa'i phyir ro/ /kha cig gis/ dngos po yin par thal/ dngos po yin pa'i phyir zhes pa'i thal 'gyur chos can/ bum pa chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i phyir zer na ma khyab/ 'dod na rtsis dang byas pas/ brtsis na mi 'thad de/ de 'dra'i thal 'gyur de/ rtsod gzhi dang mi ldan pa'i rtags gsal tha mi dad kyi thal 'gyur yin pa'i phyir te/ bum pa chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ bum pa chos can/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur 'di/ bum pa chos can/ dngos po yin par thal/ dngos po yin pa'i phyir zhes pa'i thal 'gyur gyis rtags gsal gnyis ka byas pa'i thal 'gyur yin pa'i phyir ro/ /des na bdag med yin na/ khyod yin par thal/ khyod yin pa'i phyir zhes pa'i thal 'gyur/ khyod kyis rtags gsal gnyis ka byas pa'i thal 'gyur yin pas khyab bo/ /kha cig gis bdag med yin na/ bum pa chos can khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin @52a @#/ /pa'i phyir zhes pa'i thal 'gyur la 'dod lan btab pas/ bum pa chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin par 'dod ces brtsi mi rigs pas khyab zer na/ dngos po yin par thal/ dngos po yin pa'i phyir zhes pa'i thal 'gyur gyis ma nges te/ de chos can du bkod na/ de 'dra'i thal 'gyur la 'dod lan btab pas/ bum pa chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ dngos po yin par thal/ dngos po yin pa'i phyir zhes pa'i thal 'gyur yin pa'i phyir zhes pa'i thal 'gyur/ rtags gsal tha mi dad kyi thal 'gyur yin par 'dod ces rtsi rigs pa'i phyir/ de rtsi rigs par thal/ bum pa chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ bdag med yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i phyir zhes pa'i thal 'gyur la 'dod lan btab pas/ bum pa chos can/ dngos po yin par thal/ dngos po yin pa'i phyir zhes pa'i thal 'gyur yin par thal/ bdag med yin pa'i phyir zhes pa'i thal 'gyur rtags gsal tha mi dad kyi thal 'gyur yin par 'dod ces rtsi rigs pa'i phyir/ der thal/ bum pa chos can; dngos po yin par thal/ dngos po yin pa'i phyir zhes pa'i thal 'gyur yod par thal/ bdag med yin pa'i phyir zhes pa'i thal 'gyur la 'dod lan btab pas/ bum pa chos can/ dngos po yin par thal/ @52b dngos po yin pa'i phyir zhes pa'i thal 'gyur yod par 'dod ces rtsi rigs pa'i phyir ro/ /kha cig gis/ khyod thal 'gyur gang zhig /khyod kyi rtags gsal gnyis tha mi dad yin na/ khyod rtags gsal tha mi dad kyi thal 'gyur yin pas khyab zer na/ bum pa chos can/ dngos po yin par thal/ rtag pa yin pa'i phyir zhes pa'i thal 'gyur chos can/ der thal/ de'i phyir/ 'dod na/ de 'dra'i thal 'gyur chos can/ khyod kyi rjes khyab rnal mar nges par thal/ khyod rtags gsal tha mi dad kyi thal 'gyur yin pa'i phyir [/] rtags khas/ 'dod mi nus so/ /rang res bdag med yin na/ dngos po yin par thal/ dngos po yin pas khyab/ dngos po yin par thal/ dngos po yin na gang dran dran yin pas khyab byas pa la/ kho na re/ gang dran dran yin par thal/ dngos po yin par thal/ dngos po yin pa'i phyir zer na/ gang dran dran yin par thal/ dngos po yin pa 'dod ces lan 'deb bo/ /de bzhin du rnam mkhyen yin par thal/ dngos po yin par thal/ dngos po yin pa'i phyir zer na'ang/ rnam mkhyen yin par thal/ dngos po yin pa 'dod zer dgos te/ thal ngag gnyis dang phyir sgra gcig byung na gnyis gsal ba gsum byung na'ang gnyis gsal ba bzhi byung na gsum gsal ba/ lnga byung na'ang gsum gsal ba ste ci tsam brtsegs kyang de'i rigs 'gres te shes par bya'o/ /thal 'gyur 'god tshul la rtags chos don gsum re re ba'i 'god tshul/ chos can du ma brtsegs pa'i 'god tshul/ gsal sbungs [@#spungs] kyi 'god tshul/ rtags sbungs [@#spungs] kyi 'god tshul/ sbugs 'tshangs kyi 'god tshul dang lnga las/ mtshan gzhi ni rim bzhin/ rnam @53a @#/ /mkhyen chos can/ shes bya yin par thal/ dngos po yin pa'i phyir lta bu/ dang po dang/ rnam mkhyen chos can/ bum pa chos can/ ka ba chos can/ shes bya yin par thal/ dngos po yin pa'i phyir lta bu gnyis pa dang/ tshad ma chos can/ shes bya yin par thal/ byas pa yin par thal/ dngos po yin par thal/ don byed nus pa yin pa'i phyir lta bu gsum pa dang/ sgra chos can/ gzhal bya yin par thal/ tshad mas rtogs par bya ba yin pa'i phyir/ yod pa yin pa'i phyir/ dngos po yin pa'i phyir lta bu bzhi pa dang/ rnam mkhyen chos can/ yod pa yin par thal/ tshad mas dmigs pa yin pa'i phyir zhes pa'i thal 'gyur dngos po yin par thal/ dngos po yin pa'i phyir zhes pa'i thal 'gyur gyis rjes khyab rnal mar nges par thal/ sgra chos can/ ma byas pa yin par thal/ rtag pa yin pa'i phyir zhes pa'i thal 'gyur mi rtag pa yin pa'i phyir lta bu lnga pa yin no/ /'di so so'i mtshan gzhi brtsi bzhag tu bkod pa rnams 'dir ma bris kyang/ tshul 'di'i rtags gsal dang bcas pa'i thal 'gyur gzhan rnams kyang 'god tshul la ltos te/ thal 'gyur de lnga'i khongs su 'du tshul la mkhas par bya'o/ /kha cig gis/ bum pa chos can/ ka ba chos can/ sgra chos can/ khyod yin par thal/ khyod yin pa'i phyir zhes pa'i thal 'gyur yin par thal/ ka ba chos can/ sgra chos can/ khyod yin par thal/ khyod yin pa'i phyir zhes pa'i thal 'gyur rtags gsal tha mi dad kyi thal 'gyur yin zer na/ mi 'thad de/ de 'dra'i thal 'gyur de rtsod gzhi dang ldan pa'i rtags gsal tha dad kyi thal 'gyur yin pa'i phyir te/ de 'dra'i thal 'gyur 'di/ ka @53b bas rtsod gzhi/ sgra chos can/ bum pa yin par thal/ bum pa yin pa'i phyir zhes pa'i thal 'gyur gyis gsal ba/ ka ba chos can/ sgra chos can/ bum pa yin par thal/ bum pa yin pa'i phyir zhes pa'i thal 'gyur gyis rtags byas pa'i thal 'gyur yin pa'i phyir/ ma grub na/ de 'dra'i thal 'gyur chos can/ der thal/ ka ba chos can [@#/] yin par thal/ ka ba chos can yin pa'i phyir zhes pa'i thal 'gyur 'di/ ka bas rtsod gzhi/ yin pas gsal ba/ ka ba chos can yin pas rtags byas pa'i thal 'gyur yin pa'i phyir ro/ /kha cig gis ka ba chos can/ sgra chos can/ shes bya yin par thal/ shes bya yin pa'i phyir zhes pa'i thal 'gyur yin par thal/ sgra chos can/ shes bya yin par thal/ shes bya yin pa'i phyir zhes pa'i thal 'gyur yin pa'i phyir zhes pa'i thal 'gyur rtags gsal tha mi dad kyi thal 'gyur ma yin zer na mi 'thad de/ de 'dra'i thal 'gyur de/ ka bas rtsod gzhi/ sgra chos can/ shes bya yin par thal/ shes bya yin pa'i phyir zhes pa'i thal 'gyur gyis rtags gsal gnyis ka byas pa'i thal 'gyur yin pa'i phyir ro/ /yang bum pa chos can/ ka ba chos can/ sgra chos can/ shes bya chos can/ gzhal bya yin par thal/ gzhal bya yin pa'i phyir zhes pa'i thal 'gyur yin par thal/ dngos po yin pa'i phyir zhes pa'i thal 'gyur yin par thal/ mi rtag pa yin pa'i phyir zhes pa'i thal 'gyur chos can/ mtshon bya yin par thal/ btags yod chos gsum tshang ba yin pa'i phyir zhes pa'i thal 'gyur yin par thal/ mi rtag pa yin pa'i phyir zhes pa'i thal 'gyur chos @54a @#/ /can/ mtshon bya yin par thal/ btags yod chos gsum tshang ba yin pa'i phyir zhes pa'i thal 'gyur yin pa'i phyir zhes pa'i thal 'gyur rtags gsal tha mi dad kyi thal 'gyur ma yin te/ de rtags gsal tha dad kyi thal 'gyur yin pa'i phyir/ der thal/ chos can phyi ma phyi ma rnams/ phyir sgra snga ma snga mas drangs nas/ mtshon byas gsal ba btags yod chos gsum tshang ba yin pa'i phyir zhes pa'i thal 'gyur gyis rtags de yan chad kyis rtsod gzhi byas pa'i thal 'gyur yin pa'i phyir ro/ /yang bum pa chos can/ ka ba chos can/ sgra chos can/ shes bya chos can/ gzhal bya yin par thal/ gzhal bya yin pa'i phyir zhes pa'i thal 'gyur yin par thal/ dngos po yin pa'i phyir zhes pa'i thal 'gyur yin par thal/ don byed nus pa yin pa'i phyir zhes pa'i thal 'gyur yin par thal/ mi rtag pa yin pa'i phyir zhes pa'i thal 'gyur chos can/ mtshan nyid yin par thal; mtshan nyid yin pa'i phyir zhes pa'i thal 'gyur rtags gsal tha mi dad kyi thal 'gyur yin te/ sngar bzhin sbugs su 'tshangs pas/ mtshan nyid kyis rtags gsal gnyis ka dang de yan chad kyis rtsod gzhi byas pa'i thal 'gyur yin pa'i phyir ro/ /rtsod gzhi la khyod yod med ji ltar yin rung/ rtags gsal la khyod yod na sbugs su mi 'tshangs shing/ de dag gi rigs 'gres na mang ngo/ /rang res dngos por yin par thal/ dngos po yin pa'i phyir zhes pa'i thal 'gyur gyi rgyu'i dus su dngos po yin par thal/ dngos po yin pa'i phyir zhes pa'i thal 'gyur med/ de'i dus su de 'dra'i thal 'gyur de 'dra'i thal 'gyur dang gcig kyang min te/ de'i dus @54b su de 'dra'i thal 'gyur grub ma zin pa'i phyir ro/ /dngos po yin par thal/ dngos po yin pa'i phyir zhes pa'i thal 'gyur dang gcig yin na/ rtags gsal tha mi dad kyi thal 'gyur yin pas khyab/ rtags gsal tha mi dad kyi thal 'gyur yin na/ ldog khyab rnal mar nges pas khyab po/ /yang bum pa chos can/ ka ba chos can/ dngos po yin par thal/ dngos po yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i phyir zhes pa'i thal 'gyur 'di/ bum pas rtsod gzhi/ ka ba chos can/ dngos po yin par thal/ dngos po yin pa'i phyir zhes pa'i thal 'gyur rtags gsal tha mi dad kyi thal 'gyur yin pas gsal ba/ bdag med kyis rtags byas pa'i thal 'gyur yin/ de bzhin du bum pa chos can/ ka ba chos can/ shes bya chos can/ dngos po yin par thal/ dngos po yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i phyir zhes pa'i thal 'gyur 'di/ bum pas rtsod gzhi/ ka ba chos can/ shes bya chos can/ dngos po yin par thal/ dngos po yin pa'i phyir zhes pa'i thal 'gyur rtags gsal tha mi dad gyi thal 'gyur yin pas gsal ba/ bdag med kyis rtags byas pa'i thal 'gyur yin te/ chos can du ma dang ldan pa'i thal 'gyur gang bkod kyang snga ma des rtsod gzhi bya rigs pa'i phyir/ byas pa la kho na re/ dngos po yin par thal/ dngos po yin pa'i phyir zhes pa'i thal 'gyur chos can/ rtag pa yin par thal/ rtag pa yin pa'i phyir zhes pa'i thal 'gyur chos can/ yod par @55a @#/ /thal; yod pa'i phyir zhes pa'i thal 'gyur chos can/ bdag med yin par thal/ bdag med yin pa'i phyir zhes pa'i thal 'gyur rtags gsal tha mi dad kyi thal 'gyur yin par thal/ bdag med yin pa'i phyir zhes pa'i thal 'gyur 'di dngos po yin par thal/ dngos po yin pa'i phyir zhes pa'i thal 'gyur gyis rtsod gzhi bya rigs par thal/ dam bca' 'thad pa'i phyir na/ chos can snga ma snga ma/ phyir sgra phyi ma phyi ma'i sbugs su 'tshangs song bas ma khyab bo/ /yang kho na re/ sgra chos can/ khyod ma byas pa yin par thal/ rtag pa yin pa'i phyir zhes pa'i thal 'gyur sgrub byed 'phen pa'i thal 'gyur yang dag yin par thal/ dril bu'i mnyan bya chos can; mnyan bya ma yin par thal/ khyod ma yin pa'i phyir zhes pa'i thal 'gyur sgrub byed 'phen pa'i thal 'gyur yang dag yin pa'i phyir na ma khyab [@#/] 'dod mi nus te/ de 'dra'i thal 'gyur la 'dod lan btab pas/ sgra ma byas pa yin par thal/ rtag pa yin pa'i phyir zhes pa'i thal 'gyur sgrub byed 'phen pa'i thal 'gyur yang dag yin par 'dod ces rtsi rigs pa gang zhig /de sgrub byed 'phen pa'i thal 'gyur yang dag ma yin pa'i phyir/ ma khyab mtshams la ma grub na mi 'thad de/ de 'dra'i thal 'gyur la rtags ma grub kyis lan btab pas/ dril bu'i mnyan bya chos can/ mnyan bya ma yin par thal/ sgra ma yin pa'i phyir zhes pa'i thal 'gyur sgrub byed 'phen pa'i thal 'gyur yang dag yin par rtags ma grub ces rtsi rigs pa gang zhig /de sgrub byed 'phen pa'i thal 'gyur yang dag yin pa'i phyir/ des na rtsod gzhi dang mi ldan pa'i thal 'gyur yin na/ thal 'gyur ltar snang yin pas @55b khyab bo/ /kho na re/ rtag pa yin par thal/ rtag pa yin pa'i phyir zhes pa'i thal 'gyur chos can/ dngos por rtogs pa'i tshad ma khyod kyi 'bras bu yin par thal/ dngos po yin pa'i phyir zhes pa'i thal 'gyur gyi gsal ba la 'dod lan btab pas/ de 'dra'i thal 'gyur dngos po rtogs pa'i tshad ma/ de 'dra'i thal 'gyur gyi 'bras bu yin pa 'dod ces rtsi rigs shing 'dod lan thebs par thal/ 'dod pa gang zhig /khyod dngos por rtogs pa'i tshad ma'i rgyu yin par thal/ dngos po yin pa'i phyir zhes pa'i thal 'gyur la khyab pa yod/ dngos por rtogs pa'i tshad ma khyod kyi 'bras bu yin par thal/ dngos po yin pa'i phyir zhes pa'i thal 'gyur la'ang khyab pa yod pa'i phyir; 'dod na/ rtag pa yin par thal/ rtag pa yin pa'i phyir zhes pa'i thal 'gyur dngos por rtogs pa'i tshad ma rtag pas gsal ba dang/ rtag pas rtags byas pa'i thal 'gyur yod par thal/ shes bya rtag par rtogs pa'i tshad ma rtag pas gsal ba dang/ rtag pas rtags byas pa'i thal 'gyur yod pa'i phyir/ rtags grub ste/ de 'dra'i thal 'gyur de/ de lta bu'i thal 'gyur yin pa'i phyir/ gong du 'dod na/ rtag pa yin par thal/ rtag pa yin pa'i phyir zhes pa'i thal 'gyur/ dngos por rtogs pa'i tshad ma rtag pa yin par thal/ rtag pa yin pa'i phyir zhes pa'i thal 'gyur de/ rtag pa yin par thal/ rtag pa yin pa'i phyir zhes pa'i thal 'gyur/ dngos por rtogs pa'i tshad ma rtag pas gsal ba dang/ rtag pas rtags byas pa'i thal 'gyur yin par thal/ de 'dra'i thal 'gyur yod pa'i phyir/ 'dod na/ rtag pa ma yin par thal/ dngos po yin pa'i phyir/ ma grub na/ der @56a @#/ /thal/ rtag pa yin par thal/ rtag pa yin pa'i phyir zhes pa'i thal 'gyur/ dngos por rtogs pa'i tshad ma rtag pa yin par thal/ rtag pa yin pa'i phyir zhes pa'i thal 'gyur gyi 'bras bu yin pa'i phyir/ ma khyab na/ de 'dra'i thal 'gyur chos can/ khyod kyi 'bras bu yin na/ dngos po yin dgos par thal/ khyod dngos po yin pa'i phyir/ rang lugs ni/ sbyar lugs la ltos pas chos can skyon can yin no/ / kha cig gis/ khyod thal 'gyur gang zhig /khyod kyi bkod tshod kyi rtags grub na/ khyod kyi rtags grub bas khyab zer na/ rnam mkhyen chos can/ 'dus byas yin par thal/ rtag pa yin pa'i phyir zhes pa'i thal 'gyur chos can/ der thal/ de'i phyir/ der thal/ rtag pa yin pa'i phyir/ 'dod mi nus te/ rnam mkhyen rtag pa ma yin pa'i phyir/ kha cig /khyod thal 'gyur gang zhig /khyod kyi rtags grub na/ khyod kyi bkod tshod kyi rtags grub pas khyab zer na/ bum pa chos can/ dngos po yin par thal/ dngos po yin pa'i phyir zhes pa'i thal 'gyur gyis ma nges/ des na khyod kyi bkod tshod kyi rtags gsal gnyis ka grub na/ khyod kyi rtags gsal gnyis ka grub pas ma khyab/ khyod kyi rtags gsal gnyis ka ma grub na/ khyod kyi bkod tshod kyi rtags gsal gnyis ka ma grub pas kyang ma khyab ste/ ka ba chos can/ rtag pa yin par thal/ rtag pa yin pa'i phyir zhes pa'i thal 'gyur gyis mtshon nas ma nges so/ /des na thal 'gyur de'i song tshod kyi rtags grub na/ thal 'gyur de'i rtags grub pas khyab/ thal 'gyur de'i song tshod kyi rtags yin na/ thal 'gyur de'i rtags yin pas ma khyab/ sgra @56b chos can/ rtag pa yin par thal/ rtag pa yin pa'i phyir zhes pa'i thal 'gyur gyi bkod song gi rtags gsal la khyad yod kyang dngos po yin par thal/ dngos po yin pa'i phyir zhes pa'i thal 'gyur gyi bkod song gi rtags gsal la khyad med/ des na rtsod gzhi dang mi ldan pa'i thal 'gyur yin na/ bkod song gi rtags gsal la khyad med pas khyab pa sogs kyi rigs 'gres te shes par bya'o/ /kha cig /bum pa chos can [@#/] khyod kyi rtags grub na/ khyod kyi rtags grub pas khyab zer na/ dngos po yin par thal/ bum pa dang gcig yin pa'i phyir zhes pa'i thal 'gyur gyis ma nges/ kha cig /khyod thal 'gyur gang zhig /khyod kyi rtags dang po ma grub na/ khyod kyi rtags ma grub pas khyab zer na/ sgra chos can/ rtag dngos yin par thal/ rtag dngos gang zhig /gang zag gi bdag med yin pa'i phyir zhes pa'i thal 'gyur gyis ma nges te/ dang po sla/ gnyis pa der thal/ de'i rtags dang po la rtags ma grub kyis lan thebs pa'i phyir te/ sgra rtag dngos ma yin pa'i phyir/ rtsa ba'ang 'dod mi nus te/ de'i sdom rtags grub pa'i phyir ro/ /kha cig [@#/] khyod rtags zur gnyis yod pa'i thal 'gyur gang zhig /khyod kyi rtags dang po 'ang grub/ khyod kyi rtags gnyis pa'ang grub na/ khyod kyi rtags grub pas khyab zer na/ sgra chos can/ rtag dngos yin par thal/ sgra dang gcig gang zhig /blo'i yul du bya rung shes bya'i mtshan nyid yin pa'i phyir zhes pa'i thal 'gyur chos can/ der thal/ de'i phyir/ dang po sla/ rtags zur dang po grub ste/ sgra sgra dang gcig yin pa'i phyir/ rtags zur gnyis pa grub ste/ /blo'i yul du bya rung shes bya'i mtshan nyid yin pa'i phyir te/ gang zag gi @57a @#/ /bdag med yin pa'i phyir/ rtsa bar 'dod mi nus te/ de 'dra'i thal 'gyur gyi sdom rtags ma grub pa'i phyir/ ma grub na/ bum pa chos can/ sgra dang gcig yin par thal/ shes bya yin pa'i phyir; khyab pa zur 'gog la dngos/ smras pa/ kho bo'i blo gros kun gsal ngos/ /dbyangs can byin rlabs chu 'dzin 'khrigs/ /rigs lam char rgyun 'babs pa na/ /kun bzod snod kyang chung ngu 'gyur// ! // rang lugs thal 'gyur la mtshan nyid/ dbye ba/ rtags chos don gsum ngos bzung ba/ lan 'debs tshul dang bzhi/ dang po la/ thal 'gyur du bkod pa/ thal 'gyur gyi mtshan nyid/ gnyis pa thal 'gyur la dbye na; thal 'gyur yang dag dang/ thal 'gyur ltar snang gnyis su dbye ba/ bkod tshod kyi sgo nas dbye ba dang gnyis/ rang nyid thal 'gyur yang dag tu song ba'i rgol ba yod pa'ang yin/ rang nyid thal 'gyur yang dag tu song ba'i rgol bas rang nyid la lan don mthun mi thebs pa'ang yin pa'i gzhi mthun du gyur pa'i thal ngag rnam dag tu dmigs pa/ rang nyid thal 'gyur yang dag tu song ba'i rgol ba la/ rang nyid thal 'gyur yang dag yin pa'i mtshan nyid/ de la dbye na/ sgrub byed 'phen pa'i thal 'gyur yang dag dang/ sgrub byed mi 'phen pa'i thal 'gyur yang dag gnyis/ tshul gsum 'phen nus kyi thal ngag rnam dag tu dmigs pa/ sgrub byed 'phen pa'i thal 'gyur yang dag gi mtshan nyid/ sgrub byed 'phen pa'i thal 'gyur yang dag yin na/ rang nyid kyi rtags pha rol pos khas blangs shing/ rtags tshad mas ma grub pa zhig dgos te/ rtags tshad mas grub na/ rang rgyud @57b kyi sgrub bya mi 'grub pa'i phyir/ de yin na rang nyid kyi khyab pa tshad mas grub pa zhig dgos te/ khyab pa tshad mas ma grub na rang rgyud kyi rjes khyab mi 'grub pa'i phyir/ de yin na/ rang nyid kyi dam bca' la tshad mas bsal ba zhugs pa zhig dgos te/ dam bca' la tshad mas bsal ba ma zhugs na rang rgyud kyi phyogs chos mi 'grub pa'i phyir ro/ /des na sgra chos can/ ma byas pa yin par thal/ rtag pa yin pa'i phyir zhes pa'i thal 'gyur/ sgrub byed 'phen pa'i thal 'gyur yang dag tu song ba'i gang zag yin na sgra rtag par khas blangs/ rtag na ma byas pas khyab pa tshad mas nges/ sgra byas par tshad mas grub pa zhig dgos pa'i phyir ro/ /rang rgyud 'phen pa'i thal 'gyur yang dag la dbye na/ ldog pa rang rig [@#rigs] 'phen pa'i thal 'gyur yang dag dang/ ldog pa gzhan rig [@#rigs] 'phen pa'i thal 'gyur yang dag gnyis/ rang dang rigs gcig pa'i tshul gsum 'phen nus kyi thal ngag rnam dag tu dmigs pa dang po'i mtshan nyid/ rang dang rigs mi gcig pa'i tshul gsum 'phen nus kyi thal ngag rnam dag tu dmigs pa gnyis pa'i mtshan nyid/ ldog pa rang rig [@#rigs] 'phen pa'i thal 'gyur la dbye na/ rang bzhin dang 'gal ba'i rang bzhin dmigs pa'i rang rgyud 'phen pa'i rang bzhin dang 'gal ba'i rang bzhin dmigs pa'i thal 'gyur/ rgyu dang 'gal ba'i 'bras bu dmigs pa'i rang rgyud 'phen pa'i rgyu dang 'gal ba'i 'bras bu dmigs pa'i thal 'gyur/ khyab byed dang 'gal ba'i khyab bya dmigs pa'i rang rgyud 'phen pa'i khyab byed dang 'gal ba'i khyab bya dmigs pa'i thal 'gyur/ 'gal khyab dmigs pa'i rang rgyud 'phen pa'i 'gal khyab @58a @#/ /dmigs pa'i thal 'gyur dang bzhi/ mtshan gzhi ni rim bzhin/ me stobs chen pos khyab par non pa'i shar gyi dngos po chos can/ me stobs chen pos khyab par non pa'i dngos po ma yin par thal/ grang reg rgyun chags su gnas pa yod pa'i phyir zhes pa'i thal 'gyur lta bu dang po dang/ du ba drag phyur bas khyab par non pa'i shar gyi dngos po chos can/ du ba drag phyur bas khyab par non pa'i dngos po ma yin par thal; grang 'bras spu long byed rgyun chags su gnas pa yod pa'i phyir zhes pa'i thal 'gyur lta bu gnyis pa dang/ tsan dan me stobs chen pos khyab par non pa'i shar gyi dngos po chos can/ tsan dan me stobs chen pos khyab par non pa'i dngos po ma yin par thal/ kha ba'i reg pa rgyun chags su gnas pa yod pa'i phyir zhes pa'i thal 'gyur lta bu gsum pa dang/ sgra chos can/ ma byas par thal/ rtag pa yin pa'i phyir zhes pa'i thal 'gyur lta bu bzhi pa'o/ /dang po de bsgrub na/ me stobs chen pos khyab par non pa'i shar gyi dngos po chos can/ me stobs chen pos khyab par non pa'i dngos po ma yin par thal/ grang reg rgyun chags su gnas pa yod pa'i phyir zhes pa'i thal 'gyur chos can/ khyod rang bzhin dang 'gal ba'i rang bzhin dmigs pa'i rang rgyud 'phen pa'i rang bzhin dang 'gal ba'i rang bzhin dmigs pa'i thal 'gyur yin par thal/ khyod kyis 'phangs pa'i me stobs chen pos khyab par non pa'i dngos po de/ me stobs chen pos khyab par non pa'i shar gyi dngos po'i steng du grang reg rgyun chags su gnas pa med par sgrub par byed pa'i rang bzhin dang 'gal ba'i rang bzhin dmigs @58b pa'i rang rgyud kyi rtags yang dag gang zhig /khyod rang bzhin dang 'gal ba'i rang bzhin dmigs pa'i thal 'gyur yin pa'i phyir/ gnyis pa ma grub na/ de 'dra'i thal 'gyur chos can/ rang bzhin dang 'gal ba'i rang bzhin dmigs pa'i thal 'gyur yin par thal/ khyod kyi chos log tu me stobs chen pos khyab par non pa'i dngos po de song/ de'i rang bzhin du tsha zhing sreg pa stobs chen pos khyab par non pa'i dngos po de song/ de dang 'gal bar bsil reg rgyun chags su gnas pa de song/ de'i rang bzhin du grang reg rgyun chags su gnas pa de song/ khyod grang reg rgyun chags su gnas pa yod pa rtags su bkod pa'i thal 'gyur yin pa'i phyir ro/ /sgrub tshul gzhan rnams kyang de'i rigs 'gres pas brtsi bzhag sogs nas shes par bya dgos te 'dir bsdus don tsam zhig 'chad pa yin no/ /ldog pa gzhan rig [@#rigs] 'phen pa'i thal 'gyur yang dag la dbye na/ rgyu dang 'gal ba'i rang bzhin dmigs pa'i rang rgyud 'phen pa'i rang bzhin dang 'gal ba'i 'bras bu dmigs pa'i thal 'gyur/ khyab byed dang 'gal ba'i 'bras bu dmigs pa'i rang rgyud 'phen pa'i rang bzhin dang 'gal ba'i khyab bya dmigs pa'i thal 'gyur/ rang bzhin dang 'gal ba'i 'bras bu dmigs pa'i rang rgyud 'phen pa'i rgyu dang 'gal ba'i rang bzhin dmigs pa'i thal 'gyur/ khyab byed dang 'gal ba'i 'bras bu dmigs pa'i rang rgyud 'phen pa'i rgyu dang 'gal ba'i khyab bya dmigs pa'i thal 'gyur/ rang bzhin dang 'gal ba'i khyab bya dmigs pa'i rang rgyud 'phen pa'i khyab byed dang 'gal ba'i rang bzhin dmigs pa'i thal 'gyur/ rgyu dang @59a @#/ /'gal ba'i khyab bya dmigs pa'i rang rgyud 'phen pa'i khyab byed dang 'gal ba'i 'bras bu dmigs pa'i thal 'gyur/ rgyu ma dmigs pa'i rang rgyud 'phen pa'i 'bras bu dmigs pa'i thal 'gyur/ khyab byed ma dmigs pa'i rang rgyud 'phen pa'i rang bzhin dmigs pa'i thal 'gyur dang brgyad/ de las log pa brgyad dang bcu drug yod/ dang po brgyad kyi mtshan gzhi rim bzhin/ me stobs chen pos khyab par non pa'i shar gyi dngos po chos can/ me stobs chen pos khyab par non pa'i dngos po ma yin par thal/ grang 'bras spu long byed rgyun chags su gnas pa yod pa'i phyir zhes pa'i thal 'gyur lta bu dang po dang/ de chos can/ de ma yin par thal; kha ba'i reg pa rgyun chags su yod pa'i phyir zhes pa'i thal 'gyur lta bu gnyis pa dang/ du ba drag phyur bas khyab par non pa'i shar gyi dngos po chos can/ des khyab par non pa'i dngos po ma yin par thal/ grang reg rgyun chags su yod pa'i phyir zhes pa'i thal 'gyur lta bu gsum pa dang/ de chos can/ de ma yin par thal/ kha ba'i reg pa rgyun chags su yod pa'i phyir zhes pa'i thal 'gyur lta bu bzhi pa dang/ tsan dan me stobs chen pos khyab par non pa'i shar gyi dngos po chos can/ des khyab par non pa'i dngos po ma yin par thal/ grang reg rgyun chags su yod pa'i phyir zhes pa'i thal 'gyur lta bu lnga pa dang/ de chos can/ de ma yin par thal/ grang 'bras spu long byed rgyun chags su yod pa'i phyir zhes pa'i thal 'gyur lta bu drug pa dang/ mtshan mo'i rgya mtshor chos can/ me yod par thal/ du ba yod pa'i phyir zhes pa'i thal 'gyur lta bu bdun pa dang/ shing med pa'i brag ljong na @59b chos can/ shing yod par thal/ sha pa yod pa'i phyir zhes pa'i thal 'gyur lta bu brgyad pa yin no/ /de las log pa brgyad kyang yod de/ 'bras bu dang 'gal ba'i rang bzhin dmigs pa'i rang rgyud 'phen pa'i rang bzhin dang 'gal ba'i rgyu dmigs pa'i thal 'gyur/ 'bras bu dang 'gal ba'i khyab bya dmigs pa'i rang rgyud 'phen pa'i khyab byed dang 'gal ba'i rgyu dmigs pa'i thal 'gyur/ rang bzhin dang 'gal ba'i rgyu dmigs pa'i rang rgyud 'phen pa'i 'bras bu dang 'gal ba'i rang bzhin dmigs pa'i thal 'gyur/ khyab byed dang 'gal ba'i rgyu dmigs pa'i rang rgyud 'phen pa'i 'bras bu dang 'gal ba'i khyab bya dmigs pa'i thal 'gyur/ 'bras bu dang 'gal ba'i rgyu dmigs pa'i rang rgyud 'phen pa'i rgyu dang 'gal ba'i 'bras bu dmigs pa'i thal 'gyur/ rgyu dang 'gal ba'i rgyu dmigs pa'i rang rgyud 'phen pa'i 'bras bu dang 'gal ba'i 'bras bu dmigs pa'i thal 'gyur/ 'bras bu ma dmigs pa'i rang rgyud 'phen pa'i rgyu dmigs pa'i thal 'gyur/ rang bzhin ma dmigs pa'i rang rgyud 'phen pa'i khyab byed dmigs pa'i thal 'gyur dang brgyad yod pa'i phyir/ mtshan gzhi rim bzhin/ me stobs chen pos khyab par non pa'i shar gyi dngos po chos can/ me stobs chen pos khyab par non pa'i dngos po ma yin par thal/ grang reg gi dngos rgyu nus pa mthu can yod pa'i phyir zhes pa'i thal 'gyur lta bu dang po dang/ tsan dan me stobs chen pos khyab par non pa'i shar gyi dngos po chos can/ tsan dan me stobs chen pos khyab par non pa'i dngos po ma yin par thal/ grang reg gi dngos rgyu'i nus pa thogs med yod pa'i phyir zhes pa'i thal 'gyur lta bu gnyis @60a @#/ /pa dang/ me stobs chen pos khyab par non pa'i dngos po'i dngos rgyur gyur pa'i me stobs chen pos khyab par non pa'i shar gyi dngos po chos can/ des khyab par non pa'i dngos po ma yin par thal/ grang reg rgyun chags su gnas pa yod pa'i phyir zhes pa'i thal 'gyur lta bu gsum pa dang/ chos can dang gsal ba sngar bzhin la/ kha ba'i reg pa rgyun chags su gnas pa yod pa'i phyir zhes pa'i thal 'gyur lta bu bzhi pa dang; chos can dang gsal ba sngar bzhin la/ grang reg gi dngos rgyu'i nus pa thogs med yod pa'i phyir zhes pa'i thal 'gyur lta bu lnga pa dang/ chos can dang gsal ba sngar bzhin la/ grang 'bras spu long byed rgyun chags su gnas pa yod pa'i phyir zhes pa'i thal 'gyur lta bu drug pa dang/ du ba'i [@#bas] dben pa'i rtsig skor na chos can/ du ba yod par thal/ du ba'i dngos rgyu yod pa'i phyir zhes pa'i thal 'gyur lta bu bdun pa dang/ bum pa tshad mas ma dmigs pa'i sa phyogs chos can/ bum pa tshad mas dmigs par thal/ bum pa yod pa'i phyir zhes pa'i thal 'gyur lta bu brgyad pa yin pa'i phyir/ tshul gsum 'phen mi nus pa'i thal ngag rnam dag tu dmigs pa/ rang rgyud mi 'phen pa'i thal 'gyur yang dag gi mtshan nyid/ sgra chos can/ mi rtag pa yin par thal/ byas pa yin pa'i phyir zhes pa'i thal 'gyur lta bu/ thal 'gyur du bkod pa'ang yin/ thal 'gyur yang dag gi mtshan nyid dang mi ldan pa'ang yin pa'i gzhi mthun pa/ thal 'gyur ltar snang gi mtshan nyid/ dpal ldan chos grags kyi ngor/ sgra chos can/ ma byas par thal/ rtag pa yin pa'i phyir zhes pa'i thal 'gyur lta bu/ @60b gnyis pa bkod tshod kyi sgo nas dbye ba bshad pa la/ rtags kho na ma tshang ba'i thal 'gyur/ khyab pa kho na ma tshang ba'i thal 'gyur/ rtags khyab gnyis ka ma tshang ba'i thal 'gyur/ de gnyis ka tshang ba'i thal 'gyur dang bzhi; mtshan gzhi rim bzhin/ sgra chos can/ mi rtag pa yin par thal/ bum pa yin pa'i phyir zhes pa'i thal 'gyur lta bu dang po dang/ sgra chos can/ mi rtag pa yin par thal/ shes bya yin pa'i phyir zhes pa'i thal 'gyur lta bu gnyis pa dang/ sgra chos can/ mi rtag pa yin par thal/ rtag pa yin pa'i phyir zhes pa'i thal 'gyur lta bu gsum pa dang/ sgra chos can/ mi rtag pa yin par thal/ byas pa yin pa'i phyir zhes pa'i thal 'gyur lta bu bzhi pa yin no/ /brtsi bzhag tu 'di'i mtshan gzhi dang po gsum la tshig skyon cung 'dug pa mchan bur gsungs pas 'dir ma bris/ rtags khyab gnyis ka tshang ba'i thal 'gyur la dbye ba sogs ni brtsi bzhag tu'ang sgrub byed rgyas po med pas der blta bde ba bsam nas 'dir ma bris so/ /gsum pa/ rtags chos don gsum ngos bzung ba la/ rtag pa de/ sgra chos can/ ma byas par thal/ rtag pa yin pa'i phyir zhes pa'i thal 'gyur gyi rtags yin/ rtag pa ma yin pa de/ thal 'gyur de'i rtags log yin/ ma byas pa de thal 'gyur de'i thal chos yin/ byas pa de thal 'gyur de'i chos log yin/ sgra de thal 'gyur de'i rtsod gzhi yin/ des gzhan la'ang rigs 'gres/ bzhi pa lan 'debs tshul la/ rang lugs thal 'gyur gyi lan la/ 'dod; rtags ma grub/ rtags dang po ma grub/ rtags gnyis pa ma grub ces sogs dang/ khyab pa 'gal khyab la 'bud ces @61a @#/ /sogs dang/ chos can skyon can yin zhes sogs dang/ thal 'gyur de'i lan dang lan rnam par phye nas lan 'debs tshul sogs du ma yod pa'i phyir ro/ /smras pa/ gang gi lhag bsam gyis bskul bas/ /bdag blo'i dga' bo gnyid sad de/ /thal 'gyur sbrang rtsi'i char phab pas/ /rigs lam gsal ba'i dbyar dus byung// ! //gzhan sel gyi rnam bzhag bshad pa la dgag bzhag gnyis las/ dang por kha cig gis/ chos de'i don rang mtshan gyi gzhan sel yin na/ chos de'i gzhan sel yin pas khyab zer na/ blo ma yin pa las log pa chos can/ blo'i gzhan sel yin par thal/ blo'i don rang mtshan gyi gzhan sel yin pa'i phyir/ khyab pa khas/ ma grub na/ blo chos can/ khyod ma yin pa las log pa/ khyod kyi don rang mtshan gyi gzhan sel yin par thal/ khyod yin pa srid pa'i dngos po yin pa'i phyir/ rtsa bar 'dod mi nus te/ de rtog pas sgro btags ma yin pa'i phyir te/ rang mtshan yin pa'i phyir ro/ /kha cig [@#/] chos de'i blo'i gzhan sel yin na [@#/] chos de'i gzhan sel yin pas khyab zer na/ don rang mtshan 'dzin pa'i rtog pa la don rang mtshan ma yin pa las log pa snang ba chos can/ don rang mtshan gyi gzhan sel yin par thal/ don rang mtshan gyi blo'i gzhan sel yin pa'i phyir/ khyab pa khas/ ma grub na/ don rang mtshan chos can/ khyod 'dzin rtog pa la khyod ma yin pa las log pa snang ba/ khyod kyi blo'i gzhan sel yin par thal/ khyod bdag med yin pa'i phyir/ rtsa bar 'dod mi nus te/ de rang mtshan ma yin pa'i phyir te/ spyi mtshan yin pa'i phyir ro/ /kha cig /chos de'i med dgag gi gzhan sel yin na/ chos de'i @61b gzhan sel yin pas khyab zer na/ don rang mtshan dang don rang mtshan ma yin pa'i gzhi mthun pas stong pa chos can/ don rang mtshan gyi gzhan sel yin par thal/ don rang mtshan gyi med dgag gi gzhan sel yin pa'i phyir/ khyab pa khas/ ma grub na/ don rang mtshan chos can/ khyod dang khyod ma yin pa'i gzhi mthun pas stong pa khyod kyi med dgag gi gzhan sel yin par thal/ khyod bdag med yin pa'i phyir/ rtsa ba [@#bar] 'dod mi nus te/ de med dgag gi gzhan sel yin pa'i phyir ro/ /kha cig /chos de'i gzhan sel yin na/ chos de'i gzhan sel gsum po gang rung yin pas khyab zer na/ bum pa ma yin pa las log pa chos can/ don rang mtshan gyi gzhan sel gsum po gang rung yin par thal/ don rang mtshan gyi gzhan sel yin pa'i phyir/ khyab pa khas/ rtags grub ste/ bum pa'i don rang mtshan gyi gzhan sel yin pa'i phyir/ rtsa bar 'dod na/ bum pa ma yin pa las log pa chos can/ don rang mtshan gyi gzhan sel gsum po gang rung ma yin par thal/ don rang mtshan gyi don rang mtshan gyi gzhan sel ma yin pa gang zhig /don rang mtshan gyi gzhan sel phyi ma gnyis po gang rung ma yin pa'i phyir/ dang po grub ste/ ldan min 'du byed ma yin pa'i phyir/ gnyis pa grub ste/ dngos med ma yin pa'i phyir ro/ /kha cig [@#/] khyod kyi gzhan sel gsum ka yod na/ khyod kyi gzhan sel la/ khyod kyi don rang mtshan gyi gzhan sel sogs gsum du grangs nges pas khyab zer na [@#/] don rang mtshan chos can/ khyod kyi gzhan sel la khyod kyi don rang mtshan gyi gzhan sel sogs gsum du grangs nges par thal/ khyod kyi gzhan sel gsum ka yod pa'i phyir te/ don rang mtshan ma yin pa las log pa don rang mtshan gyi @62a @#/ /don rang mtshan gyi gzhan sel dang/ don rang mtshan 'dzin pa'i rtog pa la don rang mtshan ma yin pa las log pa [@#par] snang ba/ don rang mtshan gyi blo'i gzhan sel dang/ don rang mtshan dang don rang mtshan ma yin pa'i gzhi mthun pas stod [@#stong] pa don rang mtshan gyi med dgag gi gzhan sel yin pa'i phyir/ rtsa bar 'dod na/ don rang mtshan gyi gzhan sel la/ don rang mtshan gyi don rang mtshan gyi gzhan sel sogs gsum du grangs mi nges par thal/ don rang mtshan gyi gzhan sel phyi ma gnyis po gang rung yin na/ don rang mtshan gyi gzhan sel ma yin dgos pa'i phyir te/ don rang mtshan gyi gzhan sel yin na/ rang mtshan yin dgos pa gang zhig /phyi ma gnyis po gang rung yin na/ spyi mtshan yin dgos pa'i phyir ro/ /kha cig khyod med na/ khyod kyi blo'i gzhan sel med pas khyab zer na/ ri bong rwa chos can/ der thal/ de'i phyir/ 'dod na/ ri bong rwa chos can/ khyod kyi blo'i gzhan sel yod par thal/ bdag med yin pa'i phyir ro/ /kha cig [@#/] khyod med na/ khyod kyi med dgag gi gzhan sel med pas khyab zer na'ang ri bong rwas ma nges so; /kha cig [@#/] dgag pa'i rnam pa shar na/ dgag pa yin pas khyab zer na/ rjes dpag chos can/ der thal/ de'i phyir te/ dgag pa'i rnam pa shar nas dgag pa la gsar du mi bslu ba'i rig pa yin pa'i phyir/ ma grub na/ de chos can/ der thal/ dgag pa dngos su rtogs pa'i tshad ma yin pa'i phyir/ khyab ste/ dgag pa'i rnam pa shar nas dgag pa la gsar du mi bslu ba'i rig pa de/ dgag pa dngos su rtogs pa'i tshad ma'i sgrub byed yin pa'i @62b 'jog byed rnam dag yin pa'i phyir/ rtsa bar 'dod mi nus te/ sgrub pa yin pa'i phyir ro/ /kho na re/ rjes dpag yin na/ dgag pa ma yin pas khyab par thal/ rjes dpag dgag pa ma yin pa'i phyir na ma khyab ste/ rjes dpag ma yin pa las log pas ma nges so/ /kha cig dgag pa yin na/ rang gi dngos ming gi mthar dgag tshig sbyar bas khyab zer na/ bum pas dag pa'i sa phyogs kyis ma nges so/ /kha cig [@#/] rang gi dngos ming gi tshig zin la dgag tshig sbyar ba dgag pa'i mtshan nyid zer ba la skyon 'phen pa kha cig gis/ chos nyid chos can/ der thal/ de'i phyir na/ 'dod de/ nyid ces pa'i tshig de dgag tshig yin pa'i phyir te/ dgag tshig de la stong tshig gi dgag tshig dang med tshig gi dgag tshig dang/ nyid tshig gi dgag tshig sogs du ma yod pa'i phyir/ gzhan yang/ chos nyid chos can/ rang gi dngos ming gi tshig zin la dgag tshig sbyar ba'i chos yin par thal/ khyod ces pa'i tshig de/ khyod kyi dngos ming gang zhig /khyod ces pa'i tshig de dgag tshig yin pa'i phyir te/ khyod 'dzin rtog pa dgag rtog yin pa'i phyir te/ khyod dgag pa yin pa'i phyir/ kha cig [@#/] sgrub chos der ma gyur pa'i chos/ dgag pa'i mtshan nyid zer na/ rtag pa ma yin pa'i chos/ mi rtag pa'i mtshan nyid yin par thal lo/ /kha cig /blos rang gi dgag bya dngos su bcad pa'i tshul gyis rtogs par bya ba yin na/ dgag pa yin pas khyab zer na/ sgra mi rtag pa chos can/ dgag pa yin par thal/ rtags de'i phyir te/ blos rang gi dgag bya sgra rtag pa dngos su bcad pa'i tshul gyis rtogs par bya ba @63a @#/ /yin pa'i phyir te/ blos sgra mi rtag pa'i dgag bya/ sgra rtag pa dngos su bcad pa gang zhig blos sgra mi rtag pa dngos su rtogs pa'i phyir/ dang po grub ste/ blos sgra rtag pa ma yin pa dngos su rtogs pa'i phyir/ gnyis pa grub ste/ sgra mi rtag pa blo'i yul du bya rung yin pa'i phyir/ rtsa bar 'dod mi nus te/ sgrub pa yin pa'i phyir/ kha cig /dgag pa gang zhig /rang brjod pa'i sgras rang gi dgag bya bkag shul du chos gzhan 'phen pa de/ ma yin dgag gi mtshan nyid dang/ de la mi 'phen pa sbyar ba med dgag gi mtshan nyid zer na/ bum pa ma yin pa las log pa chos can/ med dgag yin par thal/ dgag pa gang zhig /rang brjod pa'i sgras rang gi dgag bya bkag shul du chos gzhan mi 'phen pa yin pa'i phyir/ khyab pa khas/ ma grub na/ bum pa ma yin pa las log pa chos can/ rang brjod pa'i sgras rang gi dgag bya bkag shul du chos gzhan mi 'phen pa yin par thal/ de lta 'phen pa ma yin pa'i phyir te/ des chos gzhan ma brjod pa'i phyir te/ rang gi 'phangs byar gyur pa'i chos gzhan brjod na chos gzhan brjod pas ma khyab pa'i phyir/ rtsa bar 'dod mi nus te/ ma yin dgag yin pa'i phyir/ des mtshan nyid dang po'ang mi 'thad pa shes nus so/ /kha cig /rang zhes brjod pa'i sgras rang gi dgag bya bkag shul du chos gzhan dngos su 'phen pa de/ ma yin dgag gi mtshan nyid zer na/ skyon 'phen pa kha cig gis/ lhas sbyin tshon po nyin par zas mi za ba chos can/ rang zhes brjod pa'i sgras rang gi dgag bya bkag shul du chos gzhan dngos su 'phen pa yin par thal/ ma yin dgag yin pa'i phyir te/ dgag pa gang zhig /dngos po yin pa'i phyir na mi @63b 'thad de/ de rtag pa yin pa'i phyir/ rtsa bar 'dod mi nus te/ lhas sbyin tshon po nyin par zas mi za ba zhes pa'i ngag des chos gzhan dngos su mi 'phen pa ma zad/ des rang gi 'phangs byar gyur pa'i chos gzhan lhas sbyin tshon po mtshan mor zas za ba'ang dngos su ma 'phangs pa'i phyir te/ des de dngos su ma brjod pa'i phyir/ kha cig /rang zhes brjod pa'i sgras rang gi dgag bya bkag shul du rang gi 'phangs byar gyur pa'i chos gzhan dngos su 'phen na/ ma yin dgag yin pas khyab zer ba dang/ rang zhes brjod pa'i sgras rang gi dgag bya bkag shul du rang gi 'phangs byar gyur pa'i chos gzhan dngos su 'phen na/ rang zhes brjod pa'i sgras rang gi 'phangs byar gyur pa'i chos gzhan sgrub pa dngos su 'phen pas khyab zer na/ gnyis ka la bdag med ma yin pa las log pa'i bdag med kyis ma nges te/ dang po'i sgrub byed ni/ bdag med ma yin pa las log pa'i bdag med chos can/ ma yin dgag yin par thal/ rang zhes brjod pa'i sgras rang gi dgag bya bkag shul du rang gi 'phangs byar gyur pa'i chos gzhan dngos su 'phen pa'i phyir te/ rang zhes brjod pa'i sgras rang gi dgag bya bdag med ma yin pa bkag shul du rang gi 'phangs byar gyur pa'i chos gzhan bdag med dngos su 'phen pa'i phyir te/ de 'dra'i ngag des rang gi dgag bya bdag med ma yin pa bkag pa gang zhig /rang gi 'phangs byar bdag med dngos su 'phen pa'i phyir/ dang po sla/ phyi ma grub ste/ bum pa ma yin pa las log pa'i bum pa zhes pa'i ngag des/ bum pa dngos su 'phen pa'i phyir/ rtsa bar 'dod mi nus te/ med dgag yin @64a @#/ /pa'i phyir/ des phyi ma la'ang sgrub byed rigs 'gres kyis shes nus so/ /kha cig gis/ dgag pa gang zhig /rang zhes brjod pa'i sgras rang gi dgag bya bkag shul du chos gzhan sgrub pa 'phen pa de; ma yin dgag gi mtshan nyid/ dgag pa gang zhig /rang zhes brjod pa'i sgras rang gi dgag bya bkag shul du chos gzhan sgrub pa mi 'phen pa de med dgag gi mtshan nyid zer na/ bum pa ma yin pa las log pa chos can/ rang zhes brjod pa'i sgras rang gi dgag bya bkag shul du chos gzhan sgrub pa 'phen par thal/ ma yin dgag yin pa'i phyir te/ dgag pa dang dngos po'i gzhi mthu [@#mthun] yin pa'i phyir/ rtsa bar 'dod na/ bum pa ma yin pa las log pa chos can/ rang zhes brjod pa'i sgras chos gzhan sgrub pa brjod par thal/ des chos gzhan sgrub pa 'phen pa'i phyir/ rtags khas/ 'dod na/ bum pa brjod na/ sgrub pa brjod pas khyab par thal/ bum pa brjod pa'i sgras sgrub pa brjod pa'i phyir/ rtags khas/ 'dod mi nus te/ bum pa tshad mas nges pa'i gang zag yin na/ sgrub pa tshad mas nges pa'i gang zag yin mi dgos pa'i phyir te/ bum pa sgrub par mtshon pa'i mtshon sbyor rnam dag 'god dgos kyi gang zag yod pa'i phyir/ gzhan yang/ rtag dngos gnyis kyis stong pa'i bum pa chos can/ rang brjod pa'i sgras sgrub pa brjod par thal/ rang brjod pa'i sgras rang gi 'phangs byar gyur pa'i sgrub pa brjod pa'i phyir na ma khyab/ 'o na de chos can/ rang brjod pa'i sgras bdag med brjod par thal/ des rang gi 'phang byar gyur pa'i bdag med brjod pa'i phyir/ khyab @64b pa 'grig /kha cig /khyod khyod rang yin na/ khyod ma yin pa las log pa khyod ma yin pa las log pa yin pas khyab zer na/ sgrub par gyur pa'i bum pa chos can/ der thal/ de'i phyir te/ sgrub pa dang bum pa gnyis ka yin pa'i phyir/ rtsa bar 'dod na/ de chos can/ sgrub par gyur pa'i bum pa ma yin par thal/ dgag par gyur pa'i bum pa yin pa'i phyir te/ dgag pa dang bum pa gnyis ka yin pa'i phyir ro/ /kha cig [@#/] rgyal rigs dang bram ze'i rigs gang rung gang zhig /rgyal rigs ma yin pa zhes pa'i ngag des rang gi dgag bya bkag shul du chos gzhan sgrub pa 'phen par thal/ de 'dra'i ngag des/ rgyal rigs bkag shul du bram ze'i rigs 'phen pa gang zhig /bram ze'i rigs sgrub pa yin pa'i phyir na ma khyab/ kha cig [@#/] ma yin dgag gi gzhan sel yang yin/ don byed nus pa'ang yin pa'i gzhi mthun du dmigs pa/ don rang mtshan gyi gzhan sel gyi mtshan nyid zer na/ de chos can/ khyod thal 'gyur bas khas mi len par thal/ khyod don rang mtshan gyi gzhan sel gyi mtshan nyid yin pa'i phyir/ rtags khas/ 'dod mi nus te/ thal 'gyur pas rtag dngos gnyis kyis stong pa'i bum pa de/ de 'dra'i gzhi mthun du khas len pa'i phyir ro/ /kha cig /rang 'dzin rtog pa'i rang gi dgag bya dngos su bcad na/ rang zhes brjod pa'i sgras rang gi dgag bya la dngos su gnod pas khyab zer na/ sgra rtag pa ma yin pa chos can/ der thal/ de'i phyir te/ sgra rtag pa ma yin par rtogs pa'i rjes dpag des sgra rtag pa dngos su bcad pa'i phyir/ der thal/ sgra rtag pa ma yin par rtogs pa'i @65a @#/ /rjes dpag de/ sgra rtag pa ma yin par dngos su rtogs pa'i tshad ma yin pa'i phyir/ rtsa bar 'dod mi nus te/ sgra rtag pa ma yin pa zhes pa'i sgra des/ sgra rtag pa la dngos su gnod par thal sogs rim bzhin sgrub na/ sgra rtag pa ma yin par rtogs pa'i dngos stobs rjes dpag gi yul la lung sgrub byed rnam dag tu 'jug par thal lo/ /kho na re/ sgra rtag pa ma yin par rtogs pa'i rtog pa des/ sgra rtag pa la dngos su mi gnod par thal/ sgra rtag pa ma yin pa zhes pa'i sgra des/ sgra rtag pa la dngos su mi gnod pa'i phyir na ma khyab bo/ /kha cig /khyod 'dzin rtog pa dgag rtog yin na/ khyod dgag pa yin pas khyab zer na/ gang zag gi bdag chos can/ der thal/ de'i phyir te/ khyod 'dzin rtog pa de/ rang yul du gyur pa'i dgag pa'i rnam pa shar ba'i zhen rig yin pa'i phyir te/ khyod med nges yin pa'i phyir zhes zer; rtsa bar 'dod na/ gang zag gi bdag med par thal/ gang zag gi bdag med yin pa'i phyir/ kho na re/ bdag med par thal/ bdag med yin pa'i phyir na ma khyab ste/ bdag yod par thal/ gang zag yod pa'i phyir/ khyab ste/ bdag dang nga dang gang zag gsum don gcig yin pa'i phyir ro/ /kha cig /khyod 'dzin rtog pa la khyod ma yin pa las log pa de mi snang na/ khyod 'dzin rtog pa la khyod ma yin pa las log par mi snang bas khyab zer na/ bum pas ma nges so/ /kha cig /yod pa dang gzhan sel gnyis ka yin na/ yod pa'i gzhan sel yin pas khyab zer na/ ri bong rwa 'dzin rtog pa la ri bong rwa ma yin pa las log @65b par snang bas ma nges so/ /kha cig /ka bum gnyis ma yin pa las log pa ka bum gnyis gyi don rang mtshan gyi gzhan sel yin par thal/ ka ba ma yin pa las log pa ka ba'i don rang mtshan gyi gzhan sel yin pa gang zhig /bum pa ma yin pa las log pa/ bum pa'i don rang mtshan gyi gzhan sel yin pa'i phyir na rang lugs su sdoms rtags ma grub bo/ /kha cig [@#/] yin pa mi srid pa'i dngos po yin na/ khyod kyi don rang mtshan gyi gzhan sel med pas khyab zer na/ ka bum gnyis chos can/ der thal/ de'i phyir/ 'dod mi nus te/ rtag dngos gnyis kyis stong pa'i ka bum gnyis de de ltar yin pa'i phyir/ des na dngos po yin na/ khyod kyi don rang mtshan gyi gzhan sel yod pas khyab bo/ /rang gi lugs la/ dgag pa dang gzhan sel gnyis/ byas mi rtag lta bu don gcig yin pa gzhir bzhag nas/ mtshan nyid/ dbye ba/ nges tshig /gzhan sel gsum gyi rnam bzhag /gzhan sel gtan la phab pa'i dgos pa bshad pa dang lnga/ dang po ni/ rang 'dzin rtog pas dgag bya dngos su bcad pa'i tshul gyis rtogs par bya ba/ rang nyid dgag pa yin pa'i mtshan nyid/ yang na/ rang 'dzin rtog pas rang gi dgag bya bcad pa'i sgo nas dngos su rtogs par bya ba/ rang nyid dgag pa yin pa'i mtshan nyid/ gnyis pa gzhan sel la dbye na/ ma yin dgag gi gzhan sel dang/ med dgag gi gzhan sel gnyis/ rang zhes brjod pa'i sgras rang gi dgag bya bkag shul du rang 'dzin rtog pa'i gzhal byar 'phangs pa'ang yin/ sgrub pa'ang yin pa'i @66a @#/ /gzhi mthun pa yod pa'ang yin dgag pa'ang yin pa'i gzhi mthun par dmigs pa/ rang nyid ma yin dgag gi gzhan sel gyi mtshan nyid/ ma yin dgag gi gzhan sel dang/ ma yin dgag gnyis don gcig /ma yin dgag gi gzhan sel la dbye na/ don rang mtshan gyi gzhan sel dang/ blo'i gzhan sel gnyis/ ma yin dgag gi gzhan sel yang yin/ don dam par don byed nus pa'ang yin pa'i gzhi mthun par dmigs pa/ don rang mtshan gyi gzhan sel gyi mtshan nyid/ mtshan gzhi ni bum pa ma yin pa las log pa lta bu/ ma yin dgag gi gzhan sel yang yin/ rtog pas sgro btags kyang yin pa'i gzhi mthun pa/ blo'i gzhan sel gyi mtshan nyid/ gzhi la sbyar na/ bum pa'i ma yin dgag gi gzhan sel yang yin/ rtog pas sgro btags kyang yin pa'i gzhi mthun pa; bum pa'i blo'i gzhan sel gyi mtshan nyid/ mtshan gzhi ni/ bum 'dzin rtog pa la/ bum pa ma yin pa las log pa snang ba lta bu/ ma yin dgag la dbye na/ rang zhes brjod pa'i sgras rang gi 'phangs byar gyur pa'i chos gzhan sgrub pa dngos su 'phen pa'i ma yin dgag dang/ de bzhin du sbyar te/ shugs la 'phen pa'i dang/ dngos shugs gnyis ka la 'phen pa'i dang/ skabs stobs kyis 'phen pa'i ma yin dgag dang bzhi/ mtshan gzhi ni rim bzhin/ bum pa tshad mas ma dmigs pa'i sa phyogs dang/ ri med pa'i thang lta bu dang po dang/ bum pa ma yin pa las log pa lta bu gnyis pa dang/ nyin par @66b zas mi za ba lhas sbyin tshon po rid pa ma yin par yod pa lta bu gsum pa dang/ rgyal po don 'grub rgyal rigs dang bram ze'i rigs gang rung gang zhig /bram ze'i rigs ma yin pa lta bu/ bzhi pa yin te/ dgag pa don gyis bstan pa dang/ /tshig gcig sgrub par byed pa dang/ /de ldan rang tshig mi ston pa/ /ma yin gzhan pa gzhan yin no/ /zhes pa'i nang tshan gyi dgag pa zhes pas dbye gzhi dgag pa dngos su bstan/ don gyis bstan pa zhes pas shugs la 'phen pa'i de dngos su bstan/ tshig gcig sgrub par byed pa dang zhes pas dngos su 'phen pa'i de dngos su bstan/ de ldan zhes pas dngos shugs gnyis ka la 'phen pa'i de dngos su bstan/ rang tshig mi ston pa zhes pas skabs stobs kyis 'phen pa'i de dngos su bstan/ ma yin zhes pas de bzhi po gang rung du gyur pa'i dgag pa thams cad ma yin dgag tu bstan/ gzhan pa gzhan yin no zhes pas de bzhi po gang rung las gzhan pa'i dgag pa thams cad med dgag tu bstan pa yin no/ /rang zhes brjod pa'i sgras rang gi dgag bya bkag shul du rang 'dzin rtog pa'i gzhal byar 'phangs pa'ang yin sgrub pa'ang yin pa'i gzhi mthun pa med pa'ang yin/ dgag pa'ang yin pa'i gzhi mthun pa [@#par] dmigs pa/ med dgag gi gzhan sel gyi mtshan nyid/ mtshan gzhi ni/ bum pa dang bum pa ma yin pa'i gzhi mthun pas stong pa lta bu/ med dgag dang/ med dgag gi gzhan sel gnyis don gcig /med dgag la dbye na/ rang gi dgag bya shes bya la srid pa'i med dgag dang/ rang gi dgag bya shis bya la mi srid pa'i med dgag @67a @#/ /gnyis; bum pa med pa dang/ dngos po med pa lta bu dang po'i mtshan gzhi/ gang zag gi bdag med dang/ ri bong rwa med pa lta bu gnyis pa'i mtshan gzhi yin te/ bum pa yod pa bum pa med pa'i dgag bya gang zhig /bum pa yod pa shes bya la srid pa'i phyir dang/ gang zag gi bdag yod pa/ gang zag gi bdag med kyi dgag bya gang zhig /gang zag gi bdag yod pa shes bya la mi srid pa'i phyir ro/ /gsum pa nges tshig bshad pa la/ bum pa ma yin pa las log pa chos can/ khyod la gzhan sel zhes brjod pa'i rgyu mtshan yod de/ rang gi bsal bya'i rigs mi mthun sel ba'i gzhi'am/ sel byed dngos sam/ bsal ba'i char gyur pa gang rung yin pas na/ gzhan sel zhes brjod pa'i phyir/ de chos can/ khyod la don rang mtshan gyi gzhan sel zhes brjod pa'i rgyu mtshan yod de/ rang gi rigs mi mthun sel ba'i gzhi'ang yin/ rang mtshan yang yin pa'i gzhi mthun pa yin pas na de ltar brjod pa'i phyir/ shes bya ma yin pa las log pa chos can/ khyod la blo'i gzhan sel zhes brjod pa'i rgyu mtshan yod de/ rtog blo'i ngor rang gi bsal bya'i rigs mi mthun sel byed dngos kyang yin/ rtog blos sgro btags kyang yin pa'i gzhi mthun pa yin pas na/ de ltar brjod pa'i phyir/ bum pa med pa dang gang zag gi bdag med sogs chos can/ khyod la med dgag gi gzhan sel zhes brjod pa'i rgyu mtshan yod de/ rang gi bsal bya'i rigs mi mthun bsal ba'i cha'ang yin/ med dgag kyang yin pa'i gzhi mthun pa yin pas na de ltar brjod pa'i phyir/ dngos po ma yin pa las log pa chos can/ khyod la ma yin dgag ces @67b brjod pa'i rgyu mtshan yod de/ rang gi dgag bya bcad tsam ma yin par/ rang brjod pa'i sgras rang gi dgag bya bkag shul du rang gi 'phangs byar gyur pa'i chos gzhan sgrub pa 'phen pas na de ltar brjod pa'i phyir/ ri bong rwa med pa chos can/ khyod la med dgag ces brjod pa'i rgyu mtshan yod de/ rang gi dgag bya bkag shul tsam yin gyi/ rang brjod pa'i sgras rang gi dgag bya bkag shul du rang gi 'phangs byar gyur pa'i chos gzhan sgrub pa 'phen pa med pas na/ de ltar brjod pa'i phyir ro/ /bzhi pa ni/ gzhan sel la gnyis su yod par ma zad/ don rang mtshan gyi gzhan sel dang/ blo'i gzhan sel/ med dgag gi gzhan sel gsum du'ang grangs nges pa'i phyir/ don rang mtshan gyi gzhan sel 'di'ang/ brjod byed kyi sgra dang/ rtog pa don mthun gyi thob bya'i rten nyid du bzhag pa yin gyi/ brjod byed kyi sgras tshul ji lta ba bzhin du brjod par bya ba ma yin no/ /lnga pa gzhan sel gtan la phab pa'i dgos pa ni/ mdo sde pa'i skabs su ma yin dgag gi gzhan sel dang/ med dgag gi gzhan sel gnyis kyi rnam bzhag chos can/ gtan la phab pa la dgos pa yod de/ gang zag gi bdag med rtogs pa'i rjes dpag dang/ rjes dpag de'i rgyun goms pa las byung ba'i 'jig rten pa'i sgom byung gi ye shes kyi dngos kyi gzhal bya yin na/ med dgag yin pas khyab cing/ ma yin dgag dang sgrub pa gang rung ma yin pa zhig dgos pa shes pas dgos pa yod pa'i phyir/ sems tsam pa'i skabs su de gnyis kyi rnam bzhag chos can/ gtan la phab pa la dgos pa yod de/ gzung 'dzin rdzas gzhan gyis stong pa'i stong nyid rtogs pa'i @68a @#/ /rjes dpag dang/ rjes dpag de'i rgyun goms pa'i 'jig rten pa'i sgom byung gi ye shes dang/ de'i rgyun goms pa'i 'jig rten las 'das pa'i bar chad med lam rnams kyi dngos kyi gzhal bya yin na; med dgag yin pas khyab la/ ma yin dgag dang/ sgrub pa gang rung ma yin pa zhig dgos pa shes pa'i dgos pa yod pa'i phyir ro/ /yang gang zag gi bdag med ces pa'i sgra des 'du byed kyi phung po ma brjod cing/ gang zag gi bdag med rtogs pa'i rjes dpag des/ gang zag gi bdag gis dben pa'i 'du byed kyi phung po ma rtogs kyang/ gang zag gi bdag med rtogs pa'i rjes dpag gi rgyun goms pa byas pa la brten nas/ gang zag gi bdag gis dben pa'i 'du byed kyi phung po la gsal snang rab kyi mthar thug pa 'byung ba yin te/ de ltar goms pa byas pa la brten nas/ gang zag gi bdag med mngon sum gyis rtogs pa mthar phyin pa'i kun mkhyen ye shes 'byung ba yin pa'i phyir ro/ /smras pa/ sngon byon mkhas pa'i gsung rnams sa khung du/ /gzims tshe smra la bdag yid ci ste spro/ /'on kyang kho bo'i blo gros lha rnga la/ /bskul po'i lhag bsam dbyug gis bsnun pa'i tshe/ /legs bshad sgra 'di mi 'byung dbang ci yod/ /da ni skal bzang legs bris tshogs rnams kyis/ /gcig tu phan pa nges pa'i bslab bya 'di/ /tshul bzhin bsten na e ma skal pa [@#ba] bzang// ! //sel 'jug gi rnam bzhag bshad pa la/ kha cig /rang yul la cha shas su phye nas 'jug pa'i rig pa sel 'jug gi mtshan nyid zer na/ bum pa zhes brjod pa'i sgra chos can/ rang yul la cha shas su phye nas 'jug pa'i rig pa yin @68b par thal/ sel 'jug yin pa'i phyir te/ brjod byed kyi sgra yin pa'i phyir/ 'dod mi nus te/ rig pa ma yin pa'i phyir te/ bem po yin pa'i phyir te/ sgra yin pa'i phyir ro/ /'di la brtsi bzhag tu phyi'i bem po yin pa'i phyir te; sgra yin pa'i phyir zhes khyab pa bcad 'dug kyang/ mchan bur/ sgra yin na phyi'i skye mched yin pas khyab kyang/ phyi'i bem po yin pas ma khyab ces gsungs pa de 'thad do snyam/ sel 'jug gi blo yin na/ rang yul la cha shas su phye nas 'jug pa'i rig pa yin pas khyab byas pa la/ kha cig gis/ rtog pa chos can/ rang yul la cha shas su phye nas 'jug pa'i rig pa yin par thal/ sel 'jug gi blo yin pa'i phyir te/ rtog pa yin pa'i phyir/ rtsa bar 'dod na/ rtog pa chos can/ rang yul 'ga' zhig la 'jug /rang yul 'ga' zhig la mi 'jug par thal/ rang yul la cha shas su phye nas 'jug pa'i phyir na ma khyab/ kho rang la/ sel 'jug chos can/ rang yul 'ga' zhig la 'jug /'ga' zhig la mi 'jug par thal/ rang yul la cha shas su phye nas 'jug pa'i phyir/ khyab pa 'grig /'dod mi nus te/ rang yul 'ga' zhig la mi 'jug pa mi 'thad pa'i phyir te/ gzhi grub na khyod kyi yul yin pas khyab pa'i phyir ro/ /kha cig /sgra rtog sel 'jug yin zer na/ mi 'thad de/ sgra sel 'jug gi sgra ma yin pa'i phyir te/ sgra brjod byed kyi sgra ma yin pa'i phyir te/ chu'i sgra de sgra yin pa'i phyir/ kha cig /gzugs dngos su rtogs pa'i yul can yin na/ sel 'jug ma yin pas khyab zer na/ so so'i skye bo chos can/ der thal/ de'i phyir/ ma grub na/ de chos can/ der thal/ khyod gzugs gzugs 'dzin mngon sum gyis dngos @69a @#/ /su rtogs pa'i yul can yin pa'i phyir/ rang lugs/ rang yul la cha shas su phye nas 'jug pa/ sel 'jug gi mtshan nyid/ de la dbye na/ sel 'jug gi sgra/ sel 'jug gi blo/ sel 'jug gi skyes bu dang gsum/ rang yul la cha shas su phye nas 'jug pa'i mnyan bya/ sel 'jug gi sgra'i mtshan nyid/ de la dbye na/ sel 'jug gi sgra don mthun dang/ sel 'jug gi sgra don mi mthun gnyis/ mtshan nyid ni rim bzhin/ rang yul la cha shas su phye nas 'jug pa'i mnyan bya don mthun dang [@#/] de don mi mthun gnyis re re nas 'jog /mtshan gzhi rim bzhin bum pa zhes pa'i sgra dang/ ri bong rwa zhes pa'i sgra lta bu/ sel 'jug gi sgra dang/ brjod byed kyi sgra gnyis don gcig /de gnyis don mthun gnyis kyang don gcig /don mi mthun gnyis kyang don gcig yin no/ /rang yul la cha shas su phye nas 'jug pa'i rig pa/ sel 'jug gi blo'i mtshan nyid/ de dang rtog pa don gcig /de la dbye na/ de'i blo don mthun dang/ de'i blo don mi mthun gnyis/ mtshan nyid rim bzhin/ rang yul la cha shas su phye nas 'jug pa'i rig pa don mthun dang/ de don mi mthun gnyis re re nas 'jog /mtshan gzhi rim bzhin/ bum 'dzin rtog pa dang/ ri bong rwa 'dzin rtog pa lta bu/ rang yul la cha shas su phye nas 'jug pa'i skyes bu/ sel 'jug gi gang zag gi mtshan nyid/ dper na tshur mthong lta bu'o// ! //sgrub 'jug gi rnam bzhag bshad pa la/ kha cig /rang yul la cha shas su ma phye bar 'jug pa'i rig pa/ sgrub 'jug gi mtshan nyid zer na/ sangs rgyas 'phags pa chos can/ rang yul la cha shas su ma phye bar 'jug pa'i rig pa yin par thal/ sgrub 'jug yin @69b pa'i phyir te/ sgrub 'jug gi skyes bu yin pa'i phyir/ 'dod mi nus te/ rig pa ma yin pa'i phyir te/ ldan min 'du byed yin pa'i phyir te/ gang zag yin pa'i phyir ro/ /rtog med log shes yin na/ sgrub 'jug gi blo yin pas khyab byas pa la/ kho na re/ zla ba gnyis snang gi dbang shes chos can/ sgrub 'jug gi blo yin par thal/ rtog med log shes yin pa'i phyir/ 'dod na/ zla ba gnyis snang gi dbang shes de/ zla ba gcig la sgrub 'jug gi blo yin par thal/ de sgrub 'jug gi blo yin na/ de zla ba gcig la sgrub 'jug gi blo yin dgos pa'i phyir/ 'dod na/ zla ba gnyis snang gi dbang shes chos can/ khyod la zla gcig sna [@#snang] bar thal dang/ khyod la zla gcig zla gcig yin pa snang bar thal zer na/ 'dod de/ zla gcig dang/ zla gcig zla gcig yin pa gnyis yul dus rang bzhin gang la ltos te grub bde rdzas gcig yin pa'i phyir/ kho na re/ zla ba gnyis snang gi dbang shes chos can/ khyod la zla gcig zla gcig yin pa mi snang bar thal/ khyod la zla gcig zla gcig yin par mi snang ba'i phyir na ma khyab/ ma grub na/ zla ba gnyis snang gi dbang shes chos can/ khyod la zla gcig zla gcig yin par mi snang bar thal/ khyod la zla gcig zla gnyis su snang ba'i phyir te/ zla ba gnyis snang gi dbang shes zhes pa/ zla gcig zla gnyis su snang ba'i dbang shes la go dgos pa'i phyir/ yang kho na re/ zla ba gnyis snang gi dbang shes chos can/ khyod la zla gcig zla gcig tu snang bar thal/ khyod la zla gcig zla gcig yin pa snang ba'i phyir na ma khyab/ 'dod mi nus te/ khyod la zla gcig zla gnyis su snang ba'i phyir ro/ /rang lugs/ rang yul la cha shas su ma phye bar 'jug pa/ sgrub 'jug gi mtshan nyid/ de la dbye na/ sgrub 'jug gi blo dang/ sgrub 'jug @70a @#/ /gi skyes bu gnyis/ rang yul la cha shas su ma phye bar 'jug pa'i rig pa/ sgrub 'jug gi blo'i mtshan nyid/ de la dbye na/ sgrub 'jug gi blo don mthun dang/ sgrub 'jug gi blo don mi mthun gnyis/ mtshan nyid rim bzhin/ rang yul la cha shas su ma phye bar 'jug pa'i rig pa don mthun dang/ de don mi mthun gnyis re re nas 'jog /snga ma dang mngon sum don gcig /dper na rnam mkhyen lta bu/ phyi ma dang rtog med log shes don gcig / dper na zla ba gnyis snang gi dbang shes lta bu/ rang yul la cha shas su ma phye bar 'jug pa'i skyes bu/ sgrub 'jug gi gang zag gi mtshan nyid/ dper na sangs rgyas 'phags pa lta bu'o/ /smras pa/ kho bo rigs gzugs 'byor pa'i nyam chung yang/ /'chad rtsod rtsom pa'i skal ba cung zhig thob/ /'di yang stes dbang yin snyam dga' ba yis/ /dang po'i sa thob ji ltar de bzhin gyur// ! //yul yul can zhib tu blo rig gis shes 'gro bar bsam nas/ 'dir brtsi bzhag nas tshig sna shin tu nyung bar bsdus te 'god pa la/ yul rig pa blo'i mtshan nyid zer na/ tshad ma chos can/ yul rig pa yin par thal/ blo yin pa'i phyir/ 'dod na/ de chos can/ yul rig pa ma yin par thal/ yul rtag pa yin pa'i phyir te/ gang zag gi bdag med yin pa'i phyir/ gzhan yang blo yin na/ yul rig pa'i blo yin pas khyab zer na/ yul ma rtogs pa'i gang zag gi rgyud kyi blo chos can/ mtshan nyid der thal/ mtshon bya de'i phyir/ 'dod na/ mi 'thad de/ de yul ma rtogs pa'i gang zag gi rgyud kyi blo yin pa'i phyir/ skabs 'dir de'i rgyud la yul rtogs pa'i yid dpyod yod pa'i phyogs mchan bur gsung pa rang res gzhung dang mthun 'dug kyang brtag go /ri bong @70b rwa de/ rang 'dzin rtog pas btags kyang spyir rtog pas ma btags la/ rang 'dzin rtog pas btags tsam yin zhing/ de rang 'dzin blo dang rang 'dzin rtog pa'i yul kyang yin no byas pa la/ kho na re/ tshad ma chos can/ yul rig pa yin par thal/ yul tshad mas rig pa'i phyir zer na ma khyab/ blos gang zag gi bdag med mngon sum du ma rtogs te/ mngon sum gyi mngon sum du rtogs pa dang/ des mngon gyur du rtogs pa dang/ des mngon du gyur pa'i tshul gyis rtogs na/ mngon gyur dang dngos po yin dgos so/ /rjes dpag gis mngon sum du rtogs pa dang/ mngon gyur du rtogs pa dang/ gsal bar rtogs pa sogs med pa'i phyir/ phyi ma der thal/ rjes dpag de rtog pa yin pa'i phyir/ 'on kyang gzhi grub na/ rjes dpag gi [@#gis] dngos su rtogs pas khyab ste/ gzhi grub na/ des dngos gzhal yin pas khyab pa'i phyir/ shes pa yin na yul dang yul can gnyis su phye ba'i yul can yin pas khyab shing/ brjod byed kyi sgra dang gang zag yul can yin kyang/ de gnyis su phye ba'i yul yin no/ /ri bong rwa 'dzin rtog pa'i yul dang/ snang yul yod de de shes pa yin pa'i phyir te/ de'i zhen yul dang gzhal bya dang rtog pa med de/ de rtog pa log shes yin pa'i phyir/ spyir yod pa yin na/ yul yin pas khyab kyang/ yul dang yul can gnyis su phye ba'i yod pa yin na/ de gnyis su phye ba'i yul yin pas ma khyab ste/ yod pa yin na/ bzung ba yin pas khyab kyang; gzung 'dzin gnyis su phye ba'i yod pa yin na/ de gnyis su phye ba'i bzung ba yin pas ma khyab pa'i phyir te/ rang rig de de gnyis su phye ba'i 'dzin pa kho na yin pa'i phyir/ des na snga ma de gnyis su phye ba'i yul dang/ de @71a @#/ /de gnyis su phye ba'i yul can gnyis kyang 'gal zhing/ gong gi phyi ma de gnyis su phye ba'i bzung ba dang/ de gnyis su phye ba'i 'dzin pa gnyis kyang 'gal ba yin no/ /sgra rtag pa'i don spyi sgra rtag 'dzin rtog pa la snang ste/ de'i snang yul yin pa'i phyir te/ sgra rtag pa chos can/ khyod kyi don spyi khyod 'dzin rtog pa'i snang yul yin par thal/ khyod bdag med yin pa'i phyir/ de des snang nas rig par bya ba ma yin te/ des rig par bya ba ma yin pa'i phyir te/ des rig par bya ba med pa'i phyir te/ des rtogs pa med pa'i phyir te/ de log shes yin pa'i phyir ro/ /gzhan yang zla gcig de zla ba gnyis snang gi dbang shes kyi yul yin te/ de'i snang yul yin pa'i phyir te; de de la snang ba'i phyir/ ma khyab na/ de chos can/ khyod la snang na khyod kyi snang yul yin dgos par thal/ khyod rtog med kyi shes pa yin pa'i phyir te/ khyod dbang shes yin pa'i phyir/ zla gcig de des rig par bya ba ma yin te/ de'i gzhal bya ma yin pa'i phyir te/ de'i gzhal bya med pa'i phyir te/ de log shes yin pa'i phyir/ gang zag yin na/ rang gi phung po lnga la brten nas btags pa'i nga yin pas ma khyab ste/ gzugs med khams pa'i gang zag de de ma yin pa'i phyir te/ gzugs med khams pa'i gzugs phung med pa'i phyir te/ gzugs med khams na gzugs med pa'i phyir/ mi bslu ba'i rig pa tshad ma'i mtshan nyid zer na/ bcad shes chos can/ mtshon bya der thal/ mtshan nyid de'i phyir te; rang gi bcad don thob byed kyi rig pa yin pa'i phyir/ khyab ste/ de rang nyid mi bslu ba'i shes pa yin pa'i mtshan nyid yin pa'i phyir/ yang rang gi gzhal bya la mi bslu ba'i rig pa tshad ma'i mtshan nyid zer na/ @71b bum pa chos can/ mtshan nyid de yod par thal/ mtshon bya de yod pa'i phyir/ 'dod mi nus te/ bum pa'i gzhal bya med pa'i phyir/ ma grub na/ de chos can/ khyod kyi gzhal bya med par thal/ khyod bem po yin pa'i phyir/ kha cig / rtog pa dang bral zhing ma 'khrul ba'i gsar du mi bslu ba'i rig pa/ mngon sum tshad ma'i mtshan nyid zer na/ sngon 'dzin rtog pa chos can/ mtshan nyid der thal/ mtshon bya de'i phyir te/ mngon sum yod pa'i phyir te/ bdag med yin pa'i phyir/ 'dod mi nus te/ de rtog pa dang ma bral ba'i phyir te/ de rtog pa yin pa'i phyir/ gzhan yang de chos can/ mi bslu ba'i rig pa ma yin par thal/ bslu ba'i rig pa yin pa'i phyir te/ yid dpyod yin pa'i phyir/ ma grub na/ sngon po chos can/ khyod 'dzin rtog pa yid dpyod yin par thal/ khyod gzhi grub pa'i phyir/ gzhan yang de chos can/ ma 'khrul ba'i rig pa ma yin par thal/ 'khrul shes yin pa'i phyir te/ rtog pa yin pa'i phyir/ rtog bral gyi rig pa/ mngon sum gyi mtshan nyid zer na/ gangs ri sngon po snang ba'i dbang shes kyis ma nges/ de rtog bral yin te/ dbang shes yin pa'i phyir/ de mngon sum ma yin te/ de 'khrul shes yin pa'i phyir/ yang ri bong rwa chos can/ rjes dpag tshad ma yin par thal/ rjes dpag rjes dpag yin pa'i phyir/ rjes dpag dang/ rjes su dpag pa'i tshad ma/ rang don rjes dpag gsum don gcig yin pa'i phyir/ kha cig /rtog bral yin na rtog pa'i rdzas dang bral bas khyab zer na/ rtog pa nyams su myong ba'i rang rig gis ma nges/ ma grub na/ der thal/ de mngon sum yin pa'i phyir/ 'dod mi nus te/ de rtog pa'i rdzas yin pa'i phyir te/ rtog pa dang rdzas gcig @72a @#/ /yin pa'i phyir te/ rtog pa dang yul dus rang bzhin gang la ltos te grub bde rdzas gcig yin pa'i phyir/ ma grub na/ rtog pa chos can/ khyod nyams myong gi rang rig mngon sum khyod dang de ltar yin par thal/ khyod shes pa yin pa'i phyir byas pa la/ kho na re/ mi 'thad de/ rtog med kyi shes pa'i rdzas yin pa'i phyir na/ ma khyab ste/ de rtog med kyi shes pa dang rdzas gcig yin pa'i phyir/ de rtog med kyi shes pa'i bye brag yin pa'i phyir/ zla gcig zla gnyis su snang ba'i dbang shes de mngon sum ltar snang yin kyang mngon sum min zhing/ med pa gsal snang can gyi shes pa yin no/ /de la kho na re/ de 'dra'i dbang shes med pa chos can/ shes pa yin par thal/ gsal snang can gyi shes pa yin pa'i phyir zer na/ rtsod gzhi skyon can no/ /'o na bum pa sngar med chos can/ dngos po yin par thal/ gsar skyes yin pa'i phyir/ khyab pa 'grig /kha cig /tshad min gyi shes pa yin na/ rang gi zhen yul la 'khrul ba'i rig pa yin pas khyab zer na/ mngon sum skad cig gnyis pas ma nges te/ bcad shes yin pa'i phyir/ 'dod mi nus te/ gzhi grub na/ de'i gzhal bya yin pas khyab pa'i phyir te/ rnam mkhyen skad cig gnyis pa la de ltar khyab pa'i phyir ro/ /yid dpyod skad cig gnyis pa rtogs zin rtogs pa'i rig pa ma yin te/ de gsar rtogs kyi rig pa yin pa'i phyir te/ de yid dpyod yin pa'i phyir ro/ kho na re/ de rtogs zin rtogs pa yin par thal/ des yid dpyod skad cig dang po'i gzhal bya rtogs pa gang zhig /yid dpyod skad cig dang pos kyang rtogs pa'i phyir zer na ma khyab/ rtags re re nas der thal/ gzhi grub na/ de gnyis @72b re re nas rtogs pas khyab pa'i phyir ro/ /des na yid dpyod skad cig gnyis pa yid dpyod yin kyang tshad ma dang mngon sum rjes dpag rnams re re nas skad cig gnyis pa bcad shes yin pa'i phyir ro/ /yid dpyod yin na/ myong ba dang rang gi rten rtags yang dag gang la'ang ma brten pas khyab/ myong ba la ma brten pas ma khyab ste/ myong ba'i 'bras bu gyur pa'i yid dpyod kyis ma nges pa'i phyir ro/ /snang la ma nges kyi blo'i mtshan nyid kyi zur du rang gi 'jug yul zer dgos shing rang yul zer mi nyan te/ gangs ri sngo snang gi dbang shes snang la ma nges su 'gyur ba'i phyir/ rang yul la dogs pa yin na the tshom yin pas ma khyab ste/ rang yul la dogs pa'i gang zag yod pa'i phyir/ kha cig /bum 'dzin rtog pa chos can/ khyod rang gi zhen yul la 'khrul bar thal/ khyod bum pa dang bum pa'i don spyi gnyis 'dres par 'dzin pa'i rig pa gang zhig /de gnyis 'dres pa ma yin pa'i phyir zer na/ ma khyab; rtags dang po der thal/ de snang btags gcig 'dzin yin pa gang zhig /skabs 'dir snang ba ni rang mtshan dang/ btags pa ni de'i don spyi la byed pa'i phyir/ gong gi rtsa rtags gnyis pa der thal/ rang mtshan dang spyi mtshan 'dres pa med pa'i phyir/ rtsa bar 'dod mi nus te/ des rtogs pa yod pa'i phyir te/ bum pa de de yin pa'i phyir/ der thal/ bum pa de des lkog tu gyur pa'i tshul gyis rtogs par bya ba yin pa'i phyir te/ de lkog gyur yin pa'i phyir te/ de gzhi grub pa'i phyir/ rang lugs la/ blos rig par bya ba yul gyi mtshan nyid/ yul la dbye na/ snang yul/ zhen yul/ 'jug yul/ bzung yul dang bzhi yod/ rang yul ci rigs dang ldan @73a @#/ /pa'i dngos po de/ rang nyid yul can yin pa'i mtshan nyid/ yul can la dbye na/ gang zag dang blo dang brjod byed kyi sgra dang gsum/ rang gi phung po lnga po gang rung la brten nas btags pa'i skyes bu de/ rang nyid gang zag yin pa'i mtshan nyid/ mtshan gzhi ni khams gsum so so'i rten can gyi skyes bu lta bu/ rig pa blo'i mtshan nyid/ gsal zhing rig pa shes pa'i mtshan nyid/ blo la dbye na/ tshad ma dang tshad min gyi shes pa gnyis/ gsar du mi bslu ba'i rig pa tshad ma'i mtshan nyid/ tshad ma de la dbye na/ mngon sum gyi tshad ma dang/ rjes su dpag pa'i tshad ma gnyis yod/ rtog pa dang bral zhing ma 'khrul ba'i rig pa mngon sum gyi mtshan nyid/ rtog pa dang bral zhing ma 'khrul ba'i gsar du mi bslu ba'i rig pa mngon sum gyi tshad ma'i mtshan nyid/ rang gi rten du gyur pa'i rtags yang dag bkod pa la brten nas skyes pa'i rang gi gzhal bya lkog gyur la gsar du mi bslu ba'i zhen rig /rang nyid rjes dpag yin pa'i mtshan nyid/ sgra don 'dres rung du 'dzin pa'i zhen rig dang bral ba de/ rtog bral gyi mtshan nyid/ gsar du mi bslu ba ma yin pa'i rig pa/ tshad min gyi shes pa'i mtshan nyid/ de la dbye na/ bcad shes/ yid dpyod/ snang la ma nges/ the tshom/ log shes dang lnga/ rtogs zin rtogs pa'i rig pa bcad shes kyi mtshan nyid/ bcad shes la dbye na/ mngon sum bcad shes/ rtog pa bcad shes/ de gnyis gang rung ma yin pa'i bcad shes dang gsum/ mngon sum skad cig gnyis pa lta bu dang po/ rjes dpag skad cig gnyis pa lta bu gnyis pa/ tshad ma skad cig gnyis pa lta bu gsum pa yin/ @73b myong ba dang rang gi rten rtags yang dag gang la'ang ma brten par rang yul bden par mtha' gcig tu gsar du nges pa'i zhen rig /rang nyid yid dpyod yin pa'i mtshan nyid/ mtshan gzhi ni bum 'dzin rtog pa lta bu/ rang gi 'jug yul du gyur pa'i rang mtshan gsal bar snang ba'ang yin/ rang gi 'jug yul du gyur pa'i rang mtshan la nges pa 'dren mi nus pa'ang yin pa'i gzhi mthun par gyur pa'i rig pa/ rang nyid snang la ma nges kyi blo'i mtshan nyid/ mtshan gzhi ni kho bos sngon po mthong ngam ma mthong snyam du the tshom 'dren par byed pa'i sngon 'dzin dbang po'i mngon sum lta bu'o/ rang yul la dogs pa'i rig pa/ rang nyid the tshom yin pa'i mtshan nyid/ mtshan gzhi ni/ sgra rtag gam mi rtag snyam du 'dzin pa'i blo lta bu/ rang gi zhen yul la 'khrul ba'i rig pa/ rang nyid log shes kyi mtshan nyid/ log shes la dbye na/ rtog pa log shes dang/ rtog med log shes gnyis/ dang po ni/ sgra rtag 'dzin rtog pa lta bu/ gnyis pa ni/ gangs ri sngon por snang ba'i dbang shes lta bu/ da ni yul can brjod byed kyi sgra 'chad pa la/ kho na re/ ri bong rwa zhes brjod pa'i sgra chos can/ brda'i dbang gis rang gi brjod bya go bar byed pa'i mnyan bya yin par thal/ brjod byed kyi sgra yin pa'i phyir te/ brjod byed kyi sgra don mi mthun yin pa'i phyir te/ ri bong rwa med pa'i phyir/ rtsa bar 'dod na/ mi 'thad de/ de'i brjod bya med pa'i phyir te/ ri bong rwa med pa'i phyir zer na/ ma khyab ste/ ri bong rwa 'dzin rtog pa'i yul yod pa'i phyir te/ de shes pa yin pa'i phyir/ chos de'i dngos ming dang chos de'i btags ming gnyis 'gal te/ chos de'i ming gtso phal gnyis 'gal ba'i phyir/ spyir dngos ming dang btags ming gnyis mi 'gal te/ seng ge zhes @74a @#/ /brjod pa'i sgra de/ seng ge'i dngos ming dang/ bram ze'i khyi'u kha che sna nyag la btags ming yin pa'i phyir/ nyi ma'i 'od zer nyi ma'i 'bras bu yin pa'i de de dang rdzas gzhan kyang/ dri ldan gyi dngos po yin na/ khyod kyi dri dang khyod gnyis rdzas gcig yin pas khyab pa'i me tog dang de'i dri gnyis rdzas gcig yin zhing/ rgya mtsho'i rba rlabs rgya mtsho las byung yang/ nam mkha' 'dus ma byas yin pas de las 'ja' tshon mi 'byung ba'i khyad par yod do/ / rnam 'grel las/ tshig sogs kun btags dngos med la/ zhes gsungs pa'i don ni/ tshig sogs kyi don nam brjod bya'i rang ldog dngos med yin zhes pa'i don yin la/ yi ge yin na rang gi rgyur gyur pa'i skyes bu'i kun slong gi shes pa las skyes pas khyab bo/ /gzhan yang tshig dngos po yin te/ rdzun tshig spang bya dang mi dge ba yin pa'i phyir/ yang shes bya zhes brjod pa'i sgra rigs brjod kyi sgra yin pa'i rgyu mtshan shes bya rigs spyi yin pa'i rgyu mtshan gyis yin zhing shes bya'i rigs kun dngos su brjod pa'i rgyu mtshan gyis ma yin te/ des gser bum dngos su ma brjod pa'i phyir ro/ /bum pa zhes brjod pa'i sgra de gser bum la ltos te rigs brjod kyi sgra yin te/ bum pa de gser bum gyi rigs spyi yin pa'i phyir te/ de de'i spyi yin pa'i phyir ro/ /yang de zhes pa'i sgra de bum pa'i gzugs la ltos te/ tshogs brjod kyi sgra yin te/ bum pa de rdul rdzas brgyad 'dus kyi gong bu yin pa'i phyir/ de la khyab pa yod de/ bum pa de rang gi cha shas la/ rdul rdzas brgyad kyi tshogs spyi yin pa'i phyir ro/ /rang lugs la brda'i dbang gis rang gi brjod bya go bar byed pa'i mnyan bya rang nyid brjod byed kyi sgra yin pa'i mtshan nyid/ de la ngo bo'i sgo nas dbye na ming tshig @74b yi ge gsum/ rang gi don de go bar byed pa'i mnyan bya/ rang nyid ming gi mtshan nyid/ ming la dbye na/ dngos ming dang btags ming gnyis/ don de la 'dod rgyal thog mar brda' sbyar ba'ang yin/ don de'i ming gi gtso bo'ang yin pa'i gzhi mthun par dmigs pa/ don de'i dngos ming gi mtshan nyid/ mtshan gzhi ni ri dwags kyi rgyal po la seng ge zhes brjod pa'i sgra lta bu/ don de la rjes grub tu brda' sbyar ba'ang yin/ don de'i ming phal pa'ang yin pa'i gzhi mthun par dmigs pa/ don de'i btags ming gi mtshan nyid/ btags ming la dbye na/ 'dra ba rgyu mtshan du byas pa'i btags ming dang/ 'brel ba rgyu mtshan du byas pa'i btags ming gnyis/ dang po ni/ bram ze'i khye'u kha che sna nyag la seng ge zhes brjod pa'i sgra lta bu/ gnyis pa la dbye na/ de byung 'brel rgyu mtshan du byas pa'i btags ming dang/ bdag gcig 'brel rgyu mtshan du byas pa'i btags ming gnyis/ dang po la rgyu ming 'bras la btags pa'i btags ming dang/ 'bras ming rgyu la btags pa'i btags ming gnyis/ dang po ni/ nyi ma'i 'od zer la nyi ma zhes brjod pa'i ngag lta bu/ gnyis pa ni/ sgrub ngag yang dag la rjes dpag ces brjod pa'i ngag lta bu/ gong gi gnyis pa bdag gcig 'brel rgyu mtshan du byas pas btags ming ni/ ras yug gi kha tshar tshig pa la ras yug tshig ces brjod pa'i ngag lta bu yin/ gnyis pa tshig gi mtshan nyid/ khyad gzhi khyad chos sbyar nas ston pa'i nyan [@#mnyan] bya/ tshig gi mtshan nyid/ mtshan gzhi ni/ kye ma 'dus byas rnams mi rtag /skye zhing 'jig pa'i chos can yin/ /zhes pa lta bu/ gsum pa yi ge'i mtshan nyid ni/ ming tshig gnyis kyi rtsom gzhir gyur pa'i skad kyi gdangs de yi ge'i mtshan nyid/ dper na @75a @#/ /a zhes pa skad kyi gdangs lta bu yin/ yang brjod byed kyi sgra la brjod bya'i sgo nas dbye na/ rigs brjod kyi sgra dang/ tshogs brjod kyi sgra gnyis/ rigs brjod kyi mnyan bya/ rigs brjod kyi sgra'i mtshan nyid/ tshogs brjod kyi mnyan bya/ tshogs brjod kyi sgra'i mtshan nyid/ rigs brjod kyi sgra dang/ tshogs brjod kyi sgra la mu bzhi yod de/ shes bya zhes brjod pa'i sgra de rigs brjod yin la tshogs brjod ma yin pa'i mu yin te/ shes bya de rigs spyi yin la/ bem po ma yin pa'i phyir/ ka bum gnyis zhes brjod pa'i sgra de/ tshogs brjod kyi sgra yin la rigs brjod kyi sgra ma yin pa'i mu yin te/ ka bum gnyis bem po dang/ bye brag kho na yin pa'i phyir/ bum pa zhes brjod pa'i sgra de/ tshogs brjod kyi sgra dang/ rigs brjod kyi sgra gnyis ka yin te/ bum pa de bem po dang spyi gnyis ka yin pa'i phyir/ rtag dngos gnyis zhes brjod pa'i sgra de tshogs brjod kyi sgra dang/ rigs brjod kyi sgra gnyis gang yang ma yin te/ rtag dngos gnyis de/ bem po dang/ spyi gnyis gang yang ma yin pa'i phyir ro/ /smras pa/ tshad ma gsum gyi gzhal bya'i gnas gsum don/ /ci yang mi shes mdos chog glud chog tsam/ /shes la mkhas pa rlom yang blun po ste/ /blun po de 'dra phyugs dang khyad ci yod// ! //mtshon sbyor gyi rnam bzhag bshad pa la/ de phyir gzhal bya rtogs pa yin [@#yi]/ /sgrub byed gzhal bya'i rang bzhin nyid/ /zhes pa'i skabs su kha cig gser bum mtshan gzhi/ bum pa yin par mtshon/ lto ldir ba zhes pa'i mtshon sbyor 'di mtshon sbyor rnam dag yin zer na/ mi 'thad de/ gser bum bum pa'i mtshan @75b gzhi ma yin pa'i phyir te/ gser bum tshad mas nges nas bum pa tshad mas ma nges pa'i gang zag med pa'i phyir ro/ /gser bum tshad mas nges pa'i gang zag yin na/ gser bum gser bum du tshad mas nges pa'i gang zag yin dgos pa'i phyir/ gzhan yang de mi 'thad de/ lto ldir ba bum pa'i mtshan nyid ma yin pa'i phyir te/ bum pa'i mtshan nyid kyi zur du chu skyor gyi don byed nus pa'ang sbyor dgos pa'i phyir ro/ /kha cig gis/ lto ldir ba dang/ lto ldir zhabs zhum chu skyor gyi don byed nus pa gnyis re re nas bum pa'i mtshan nyid yin zer na/ mi 'thad pa ldog pa ngos 'dzin skabs kyis shes/ kha cig /tsan dan gyi ka ba mtshan gzhi/ ka ba yin par mtshon/ gdung stegs kyi don byed nus pa yin pa zhes pa'i mtshon sbyor 'di/ mtshon sbyor rnam dag yin zer na/ mi 'thad par thal/ tsan dan gyi ka ba tshad mas nges pa'i gang zag yin na/ tsan dan gyi ka ba tsan dan gyi ka ba tshad mas nges pa'i gang zag yin dgos pa'i phyir/ mi rtag pas khyad par byas pa'i sgra/ mi rtag pa'i mtshan gzhi ma yin te/ de tshad mas nges pa'i gang zag yin na/ mi rtag pa tshad mas nges pa'i gang zag yin dgos pa'i phyir te/ de yin na sgra dang mi rtag pa'i tshogs don gnyis ka tshad mas nges pa'i gang zag yin dgos pa'i phyir te/ de gnyis ka sgra mi rtag par bsgrub par byed pa'i bsgrub bya yin pa'i phyir te/ sgra dang mi rtag pa'i tshogs don sgra mi rtag par bsgrub par byed pa'i bsgrub bya yang dag yin pa'i phyir/ khyab ste/ rnam 'grel las/ tshogs pa bsgrub bya nyid yin na/ /gnyis po phan tshun khyad par can/ /bsgrub @76a @#/ /bya zhes gsungs pa'i phyir/ mi bslu ba'i rig pa/ tshad ma'i mtshan nyid ma yin te/ mes btso bsregs kyi don byed nus par mjal ba'i me 'dzin dbang po'i mngon sum skad cig gnyis pa de/ mi bslu ba'i rig pa dang bcad shes gnyis ka yin pa'i phyir ro/ gzhan yang mi bslu ba'i rig pa tsam gyis tshad ma'i mtshan nyid mi 'jog ste/ de'i mtshan nyid kyi zur du gsar rtogs nges par sbyor dgos pa'i phyir te/ rnam 'grel las/ ma shes don gyi gsal byed kyang/ /zhes gsungs pa'i phyir/ yang sgra mi rtag rtogs kyi rjes dpag de/ rjes dpag gi mtshan gzhi ma yin te/ bsgrub tshul gong bzhin shes sla ba'i phyir/ kho na re/ gang zag gi bdag med ma yin par thal/ gang zag gi bdag yod pa'i phyir te/ bdag yod pa'i phyir na/ ma khyab bo/ /gang zag gi bdag yod par thal/ gang zag yod pa'i phyir zer na/ ma khyab ste/ bdag dang nga dang gang zag gsum don gcig yin pa'i phyir/ rang lugs la; gser gyi lto ldir zhabs zhum chu skyor gyi don byed nus pa de bum pa mi shes shing lto ldir zhabs zhum chu skyor gyi don byed nus pa/ bum pa'i mtshan nyid du mi shes pa'i rgol ba la mtshon sbyor rnam dag cig 'god dgos pas de la 'god rgyu'i mtshon sbyor ni/ gser gyi lto ldir zhabs zhum chu skyor gyi don byed nus pa mtshan gzhi/ bum pa yin par mtshon lto ldir zhabs zhum chu skyor gyi don byed nus pa yin pa zhes pa lta bu/ yang shar phyogs kyi gdung stegs kyi don byed nus pa mtshan gzhi sogs dang/ yang sgra mtshan gzhi/ mi rtag pa yin par mtshon/ skad cig ma yin pa zhes pa lta bu/ yang sngon 'dzin mngon sum mtshan gzhi/ tshad ma yin par mtshon sogs dang/ byas pa'i rtags las @76b sgra mi rtag par gsar du rtogs pa'i mi bslu ba'i rig pa mtshan gzhi/ rjes dpag yin par mtshon/ gsar du mi bslu ba'i zhen rig yin pa zhes pa'i mtshon sbyor lta bu dang/ go ba ltar na/ byas pa'i rtags las/ kha dog mi rtag par gsar du rtogs pa'i rig pa yin pa mtshan gzhi/ rjes dpag yin par mtshon/ rang gi rten rtags yang dag bkod pa la brten nas skyes pa'i rang gi gzhal bya lkog gyur la gsar du mi bslu ba'i zhen rig yin pa zhes pa lta bu/ yang byas pa mtshan gzhi/ rtags yang dag yin par mtshon/ tshul gsum yin pa zhes pa'i mtshon sbyor 'di/ mtshon sbyor rnam dag yin te/ byas pa rtags yang dag gi mtshan gzhi yin pa gang zhig /tshul gsum yin pa rtags yang dag gi mtshan nyid yin pa'i phyir/ rtsod spong la/ kha cig /tshul gsum rtags yang dag gi mtshan nyid yin par thal/ khyod kyi mtshon sbyor 'god tshul 'thad pa'i phyir zer na/ ma khyab ste/ de sgrub kyi tshul gsum yod na/ de sgrub kyi rtags yang dag yod pas ma khyab pa'i phyir/ der thal/ sgra rtag pa sgrub par byed pa'i tshul gsum yod pa'i phyir te/ de sgrub kyi phyogs chos kyang yod/ de sgrub kyi rjes khyab kyang yod/ de sgrub kyi ldog khyab kyang yod pa'i phyir te/ byas pa sgra rtag par sgrub pa'i phyogs chos yin zhing/ mnyan bya de yang de sgrub kyi phyogs chos yin pa'i phyir te/ der thal/ dang po de de sgrub kyi 'gal rtags dang/ phyi ma de de sgrub kyi thun mong ma yin pa'i ma nges pa'i gtan tshigs yin pa'i phyir byas pa la/ kho na re/ tshul gsum yin pa/ byas pa rtags yang dag tu sgrub par byed pa'i rtags yang dag yin par thal/ tshul gsum yin pa rtags yang dag gi mtshan nyid dang/ byas pa rtags yang dag gi mtshan gzhi @77a @#/ /yin pa'i phyir/ 'dod na/ sgra mi rtag pa sgrub par byed pa'i tshul gsum yin pa/ byas pa sgra mi rtag pa sgrub par byed pa'i rtags yang dag tu sgrub par byed pa'i rtags yang dag yin par thal/ 'dod pa'i phyir; 'dod na/ byas pa'i rtags kyis sgra mi rtag par sgrub par byed pa'i tshul gsum yin pa byas pa byas pa'i rtags kyis sgra mi rtag par sgrub par byed pa'i rtags yang dag tu sgrub pa byed pa'i rtags yang dag yin par thal; 'dod pa'i phyir zer na/ ma khyab/ 'dod mi nus so/ /byas pa la kho na re/ de de ltar du sgrub par byed pa'i rtags yang dag yin par thal/ byas pa'i rtags kyis sgra mi rtag pa sgrub par byed pa'i ngo bo'i don sogs chos lnga tshang ba; sgra dang mi rtag pa'i tshogs don/ byas pa'i rtags kyis sgra mi rtag par bsgrub par byed pa'i gzhan don bsgrub bya yang dag tu bsgrub par byed pa'i rtags yang dag yin pa'i phyir zer na/ ma khyab/ de 'dra'i rtags chos gnyis ldan gyi mthun dpe la/ skad cig mas khyad par du byas pa'i sgra bzhag chog pa'i phyir/ sgra mi rtag par sgrub par byed pa'i ngo bo'i don sogs chos lnga tshang ba/ sgra dang mi rtag pa'i tshogs don sgra mi rtag par bsgrub par byed pa'i gzhan don bsgrub bya yang dag tu bsgrub par byed pa'i rtags yang dag ni ma yin te/ de la de 'dra'i rtags chos gnyis ldan gyi mthun dpe med pa'i phyir te/ sgra skad cig ma de de 'dra'i mthun dpe ma yin pa'i phyir te/ skad cig ma de de 'dra'i dngos kyi bsgrub bya yang dag ma yin pa'i phyir te/ de de sgrub kyi tha snyad 'ba' zhig bsgrub kyi rtags yang dag yin pa'i phyir te/ de mi rtag pa'i mtshan nyid yin pa'i phyir/ bum pa'i ming ngam tha snyad mi shes kyang/ don lto @77b ldir zhabs zhum chu skyor gyi don byed nus pa shes pa'i gang zag la/ mtshon sbyor bkod pa na/ gser gyi lto ldir zhabs zhum chu skyor gyi don byed nus pa bum pa shes pa'am bum pa'i mtshan gzhi shes shing/ lto ldir zhabs zhum chu skyor gyi don byed nus pa dang/ bum pa gnyis mtshan mtshon gyi 'brel ba'am/ de gnyis ming don gyis 'brel ba shes par 'gyur ba'i dgos pa yod pa'i phyir ro/ /smras pa/ bka' dang bka' yi dgongs 'grel thams cad las/ thos pa bsgom pa'i don du gsungs pas na/ /nyams len med pa'i brgya shes stong shes las/ /gcig shes gnyis shes nyams len byed pa mchog / ! //'dir rtags sbyor gyi rnam bzhag la/ 'di nyid zhib tu rtags rigs kyi skabs su shes 'gro bar bsam nas/ 'dir brtsi bzhag rgyas pa las shin tu bsdus par btus nas 'dzin pa re zhig 'god pa la/ rnam 'grel las/ phyogs chos de chas khyab pa yi/ /gtan tshigs zhes sogs kyi skabs su/ du ldan gyi la la chos can/ me yod de/ du ba yod pa'i phyir zhes pa'i sbyor ba 'di/ du ba du ldan gyi la la me yod pa sgrub par byed pa'i 'bras rtags yang dag tu song ba'i sbyor ba min kyang du ba du ba'i rtags kyis de sgrub kyi rtags yang dag tu song ba'i rtags sbyor rnam dag yin zer dgos pa dang/ yang du ba yod pa du ba yod pa'i rtags kyis de sgrub kyi rang bzhin gyi rtags yang dag tu song ba'i rtags sbyor yin kyang de du ba yod pa'i rtags kyis de sgrub kyi rang bzhin gyi rtags yang dag tu song ba'i rtags sbyor min zer dgos sam snyam mo/ /yang bdag med yin na du ba yod pa'i rtags kyis de sgrub kyi rang bzhin gyi rtags ma yin pas khyab @78a @#/ /ste; yod pa'i rtags kyis de sgrub kyi rtags yin na/ yod pa dang gcig yin pas khyab pa'i phyir/ du ba rang gi rgyur gyur pa'i me snga ma la 'brel kyang/ rang gi rgyur gyur pa'i me snga ma de med na du ba med mi dgos so; /gzhi grub na/ khyod rtags yang dag tu song ba'i rtags sbyor rnam dag yod pas khyab ste/ mdun gyi gzhi 'dir chos can/ gang zag gi bdag med yin te/ shes bya shes bya dang gcig tu rtogs pa'i tshad ma yod pa'i phyir zhes pa'i rtags sbyor 'di/ shes bya shes bya dang gcig tu rtogs pa'i tshad ma rtags yang dag tu song ba'i rtags sbyor dang/ shes bya dang ldan pa'i gzhir chos can/ ka bum gnyis gang zag gi bdag med yin te/ ka bum gnyis yod pa'i phyir zhes pa'i sbyor ba de/ ka bum gnyis rtags yang dag tu song ba'i rtags sbyor dang/ yang shes bya dang ldan pa'i gzhir chos can/ ka bum gnyis kyi rgyu yod de/ ka bum gnyis yod pa'i phyir zhes pa'i sbyor ba 'di/ ka bum gnyis shes bya dang ldan pa'i gzhir ka bum gnyis kyi rgyu yod par bsgrub par byed pa'i 'bras rtags yang dag tu song ba'i rtags sbyor yang dag yin/ rtags yang dag gi rtags sbyor rnam dag yin na/ khyod kyi rtags chos don gsum tshad mas grub dgos te/ rtags tshad mas ma grub na/ de'i phyogs chos tshad mas ma grub dgos/ bsgrub bya'i chos tshad mas ma grub na/ de'i bsgrub bya tshad mas ma grub dgos/ shes 'dod chos can tshad mas ma grub na/ phyogs chos kyi ltos gzhi tshad mas ma grub dgos pas/ sgra chos can/ mi rtag ste/ byas pa'i phyir zhes pa'i rtags sbyor 'di/ dpal ldan chos grags kyi ngor/ byas pa'i rtags kyis de sgrub kyi de sgrub kyi rtags sbyor rnam dag min te/ de'i ngor de med pa'i phyir te/ @78b de'i ngor byas pa sgra mi rtag par bsgrub par byed pa'i rtags yang dag ma yin pa'i phyir/ de'i ngor de de sgrub kyi ma grub pa'i gtan tshigs yin pa'i phyir te/ des de bsgrub zin ma brjed pa'i phyir te/ de de sgrub par byed pa'i sngar rgol yang dag yin pa'i phyir sogs 'dir mtshan bu [@#mchan bu] bcas kyi bshad tshul bzung mtshams brtag go /de 'dra'i sbyor ba de de sgrub kyi phyir rgol yang dag gi ngor rtags sbyor rnam dag yin kyang/ de'i ngor sbyor ba des rtags chos don gsum tshad mas ma grub ste/ de'i ngor sbyor ba des gsal ba la the tshom za ba'i phyir gsungs 'dug kyang cung zad brtag bya zhig yod/ rtags sbyor bkod pa'i dgos pa ni/ de 'dra'i phyir rgol yang dag gis don de la the tsham [@#tshom] bsal nas don de rtogs pa'i rjes dpag skye ba'i dgos pa yod pa'i phyir/ mi snang ba ma dmigs pa'i rtags sbyor 'god pa'i tshe/ sha za nges pa'i dpyad shes don mthun mi 'jug ste zhes mi 'god de/ sha za bskal don du song ba'i gang zag gi rgyud la de 'jug pa'i phyir te/ de'i rgyud la sha za nges pa'i tshad ma skye ba'i phyir te/ de 'tshang rgya nges yin pa'i phyir/ rgyu ma dmigs pa'i rtags sbyor la me med yin pa'i phyir/ zhes 'god mi nyan te; me med yin na du ba med pas ma khyab pa'i phyir te/ shes bya me med yin pa'i phyir te/ de dngos med yin pa'i phyir ro/ /de bzhin du khyab byed ma dmigs pa'i rtags sbyor 'god pa'i tshe/ shing med yin pa'i phyir zhes 'god mi nyan pa'ang rigs 'gres so/ /yang dngos 'bras du ba med pa de/ du ba'i [@#bas] dben pa'i rtsig skor du du ba'i dngos rgyu med par bsgrub par byed pa'i 'brel yul ma dmigs pa'i rtags yang dag ma yin te/ du ba de du ba'i dngos rgyu'i @79a @#/ /'brel yul ma yin pa'i phyir ro/ /rang lugs la/ du ldan gyi la la chos can/ me yod de [@#/] du ba yod pa'i phyir zhes pa lta bu rgyu dngos bsgrub kyi 'bras rtags yang dag gi rtags sbyor dang/ bar snang gi du ba sngo long po chos can/ rang gi rgyur gyur pa'i me snga ma sngon du song ba yin te/ du ba yin pa'i phyir zhes pa lta bu/ rgyu sngon song bsgrub kyi 'bras rtags yang dag gi rtags sbyor dang/ nyer len gyi phung po chos can/ rang rgyud [@#rgyu] dang bcas pa yin te/ res 'ga' ba'i dngos po yin pa'i phyir zhes pa lta bu/ rgyu spyi sgrub pa'am rgyu rang ldog sgrub kyi 'bras rtags yang dag gi de dang/ sngo snang dbang shes lta bu chos can/ rang gi dmigs rkyen dang bcas pa yin te/ dbang shes yin pa'i phyir zhes pa lta bu/ rgyu khyad par bsgrub kyi 'bras rtags yang dag gi de dang/ kha nang gi bu ram gong bu'i steng du chos can/ bur ro snga ma'i bur gzugs phyi ma bskyed pa'i nus pa yod de/ bur ro phyi ma yod pa'i phyir zhes pa lta bu/ rgyu chos rjes dpog gi 'bras rtags yang dag gi rtags sbyor rnam dag ste/ 'bras rtags yang dag gi rtags sbyor de lnga dang/ rang bzhin gyi rtags yang dag gi rtags sbyor ni/ sgra chos can/ mi rtag ste/ byas pa'i phyir zhes pa lta bu ste/ rang bzhin gyi rtags yang dag gi rtags sbyor la/ khyad par ltos pa ba'i rang bzhin gyi rtags yang dag gi rtags sbyor rnam dag dang/ khyad par dag pa ba'i de gnyis yod/ sgra chos can/ mi rtag ste/ skyes pa yin pa'i phyir zhes pa lta bu dang po dang/ sgra chos can/ mi rtag ste/ dngos po yin pa'i phyir zhes pa lta bu gnyis pa yin/ ma dmigs pa'i rtags yang dag gi rtags sbyor rnam dag la dbye na/ mi snang ba ma dmigs pa'i rtags @79b yang dag gi rtags sbyor rnam dag dang/ snang rung ma dmigs pa'i rtags yang dag gi rtags sbyor rnam dag gnyis/ mdun gyi gzhi 'dir chos can/ sha za bskal don du song ba'i gang zag gi rgyud la sha za nges pa'i dpyad shes don mthun med de/ sha za bskal don du song ba'i gang zag gi rgyud la sha za dmigs byed kyi tshad ma med pa'i phyir zhes pa lta bu dang po/ gnyis pa la/ snang rung gi 'brel zla ma dmigs pa'i de dang/ snang rung gi 'gal zla dmigs pa'i de dang gnyis/ de'i dang po la dbye na/ snang rung gi 'brel zla'i rgyu ma dmigs pa'i de dang/ de bzhin du de'i khyab byed ma dmigs pa'i de dang/ rang bzhin ma dmigs pa'i de dang/ de'i dngos 'bras ma dmigs pa'i de dang bzhi yod/ mtshan mo'i rgya mtshor chos can/ du ba med de/ me med pa'i phyir lta bu dang po/ shing tshad mas ma dmigs pa'i brag ljong na chos can/ sha pa med de/ shing med pa'i phyir lta bu gnyis pa/ bum pa tshad mas ma dmigs pa'i sa phyogs chos can/ bum pa med de/ bum pa tshad mas ma dmigs pa'i phyir lta bu gsum pa/ du bas dben pa'i rtsigs skor na chos can/ du ba'i dngos rgyu med de/ du ba med pa'i phyir lta bu bzhi pa yin no/ /gong gi gnyis pa snang rung gi 'gal zla dmigs pa'i rtags yang dag gi rtags sbyor rnam dag la dbye na/ lhan cig mi gnas 'gal la brten pa'i snang rung gi 'gal dmigs kyi rtags sbyor dang/ phan tshun spang 'gal la brten pa'i snang rung gi 'gal dmigs kyi rtags sbyor dang gnyis/ dang po la dbye na/ bzhi bzhi bcu drug yod pa las/ bzhi tshan dang po ni/ rang bzhin dang 'gal ba'i rang bzhin dmigs pa/ rgyu dang 'gal ba'i rang bzhin dmigs pa/ khyab byed dang 'gal ba'i rang bzhin dmigs pa/ @80a @#/ /'bras bu dang 'gal ba'i rang bzhin dmigs pa dang bzhi/ rim pa ltar/ me stobs chen pos khyab pa non pa'i shar gyi dngos po chos can/ grangs reg rgyun chags su gnas pa med de/ me stobs chen pos khyab par non pa'i dngos po yin pa'i phyir dang/ gzhan 'dra bar bsgrub bya'i chos su grang 'bras spu long byed rgyun chags su gnas pa med de dang/ kha ba'i reg pa rgyun chags su gnas pa med de dang/ grang reg gi dngos rgyu'i nus pa mthu can med de zer ba rim pa ltar 'jog /bzhi tshan gnyis pa la/ rang bzhin dang 'gal ba'i 'bras bu dmigs pa/ rgyu dang 'gal ba'i 'bras bu dmigs pa/ khyab byed dang 'gal ba'i 'bras bu dmigs pa/ 'bras bu dang 'gal ba'i 'bras bu dmigs pa dang bzhir rim pa ltar/ du ba drag phyur bas khyab par non pa'i shar gyi dngos po chos can/ grang reg rgyun chags su gnas pa med de/ du ba drag phyur bas khyab par non pa'i dngos po yin pa'i phyir zhes pa dang/ gzhan 'dra ba la/ grang 'bras spu long byed rgyun chags su gnas pa med de dang/ kha ba'i reg pa rgyun chags su gnas pa med de dang/ grang reg gi dngos rgyu'i nus pa mthu can med de zer ba rnams rim pa ltar 'jog /bzhi tshan gsum pa la/ rang bzhin dang 'gal ba'i khyab bya dmigs pa/ rgyu dang 'gal ba'i khyab bya dmigs pa/ khyab byed dang 'gal ba'i khyab bya dmigs pa/ 'bras bu dang 'gal ba'i khyab bya dmigs pa dang bzhir rim pa ltar/ tsan dan me stobs chen pos khyab par non pa'i shar gyi dngos po chos can/ grang reg rgyun chags su gnas pa med de/ des khyab par non pa'i dngos po yin pa'i phyir/ zhes pa dang/ gzhan 'dra ba la/ grang 'bras spu long byed rgyun chags su gnas pa med de dang/ kha ba'i reg pa rgyun chags su gnas @80b pa med de dang/ grang reg gi dngos rgyu'i nus pa mthu can med de zer ba rnams rim pa ltar 'jog /bzhi tshan bzhi pa la/ rang bzhin dang 'gal ba'i rgyu dmigs pa/ rgyu dang 'gal ba'i rgyu dmigs pa/ khyab byed dang 'gal ba'i rgyu dmigs pa; 'bras bu dang 'gal ba'i rgyu dmigs pa dang bzhi rim pa ltar/ me stobs chen po'i dngos rgyus khyab par non pa'i shar gyi dngos po chos can/ grang reg rgyun chags su gnas pa med de/ me stobs chen po'i dngos rgyus khyab par non pa'i dngos po yin pa'i phyir zhes pa dang/ gzhan 'dra ba la/ grang 'bras spu long byed rgyun chags su gnas pa med de dang/ kha ba'i reg pa rgyun chags su gnas pa med de dang/ grang reg gi dngos rgyu'i nus pa mthu can med de zer ba rnams rim pa ltar 'jog /sgrub byed kyang thal 'gyur gyi skabs ltar dang brtsi bzhag rgyas pa ltar shes sla/ me stobs chen pos khyab par non pa'i dngos po de la/ des khyab par non pa'i shar gyi dngos po'i steng du/ grang reg rgyun chags su gnas pa med par sgrub par byed pa'i lhan cig mi gnas 'gal la brten pa'i snang rung 'gal dmigs kyi gtan tshigs zhes brjod pa'i rgyu mtshan yod de/ de grang reg dang lhan cig mi gnas 'gal yin pa gang zhig /de ltar sgrub par byed pa'i snang rung 'gal dmigs kyi gtan tshigs yin pa'i rgyu mtshan gyis de ltar brjod pa'i phyir/ de la de sgrub kyi snang rung 'gal dmigs kyi gtan tshigs zer ba'i rgyu mtshan yod de/ de de sgrub kyi snang rung ma dmigs pa'i rtags yang dag yin pa gang zhig /de ma yin dgag dang sgrub pa gang rung yin pa'i phyir/ rtsod spong la/ kha cig me stobs chen pos khyab par non pa'i dngos po chos can/ me stobs chen pos khyab par non pa'i shar gyi dngos po'i @81a @#/ /steng du grang reg rgyun chags su gnas pa med par bsgrub pa'i lhan cig mi gnas 'gal la brten pa'i 'gal dmigs kyi rtags yang dag ma yin par thal/ de ltar sgrub pa'i tshul gsum ma yin pa'i phyir la/ 'dod lan theb ste/ brtsi tshul dgag gzhi brtsi tshul ltar byas nas 'dod zer na/ mi 'thad de/ 'o na de chos can/ de sgrub kyi gtan tshigs ltar snang yin par thal/ de sgrub kyi rtags su bkod pa gang zhig /de gtan tshigs yang dag ma yin pa'i phyir na/ ma grub/ 'dod mi nus te/ de sgrub kyi 'gal ba dang/ ma nges pa dang/ ma grub pa'i gtan tshigs gsum po gang yang ma yin pa'i phyir ro/ /rang gi dmigs rkyen med pa'i dngos po/ sngo snang dbang shes/ rang gi dmigs rkyen dang bcas par sgrub byed kyi rtags yang dag ma yin te/ sngo snang dbang shes rtags der tshad mas nges na sgrub bya'i chos der tshad mas nges pa'i phyir/ byas pa'i rtags kyis sgra mi rtag par sgrub par byed pa'i tshul gsum dran pa'i dran shes rgyud la ldan zhing; sgra rtag gam mi rtag phal cher mi rtag snyam pa'i the tshom rgyud ldan gyi byas rtags kyis sgra mi rtag par sgrub par byed pa'i phyir rgol yang dag la/ byas pa'i rtags kyis sgra mi rtag par sgrub pa'i rtags sbyor 'god pa'i skabs su babs pa yin no// 'dir 'bras rtags yang dag gi rnam bzhag shes pa la dgos pa yod de/ me du sogs rgyu 'bras kyi 'brel ba shes pas/ 'dus byas thams cad mi rtag pa dang/ zag bcas thams cad sdug bsngal ba/ chos thams cad bdag med du nges pa'i nges shes rnams dang/ bslab pa gsum dang/ thar pa mya ngan las 'das pa thob pa rnams ris bzhin gcig la brten nas gcig 'byung ba dang/ de ltar ma shes na 'khor bar 'khor ba sogs kyi rim par mi shes par 'gyur ba'i phyir ro/ thar @81b pa dang thams cad mkhyen pa rigs pas bsgrub tshul ni/ so skyes 'khor ba'i sdug bsngal spang [@#spangs] pa'i thar pa thob nus su rigs pas 'grub nus par thal/ des 'khor ba'i rtsa ba bdag 'dzin spong nus su 'grub nus pa'i phyir/ der thal/ bdag 'dzin de'i zhen yul med par rtogs nus pa'i phyir te/ dper na du med la la du ba med par 'dzin pa'i blo bzhin/ rtags der thal/ gang zag gi bdag med rigs pa'i bsgrub nus pa'i phyir/ ji ltar nus na/ nyer len gyi phung po de chos can/ rang rkya thub pa'i rdzas yod kyi bdag tu med de/ skye 'jig byed pa'i phyir zhes pa la sogs pas sgrub par nus pa'i phyir/ gzhan yang thar pa rigs pa'i sgrub tshul ni/ tha mal pa'i sdug bsngal gyi phung po 'di chos can/ gnyen po'i stobs kyis/ rigs [@#kyis rigs] rgyun ma lus par zad par yod de/ rang gi rgyu'i rigs la/ gnod byed stobs ldan yod pa'i phyir/ dper na grang 'bras spu long bzhin zhes pas bsgrub pa yin te/ rnam 'grel las/ de ni gtan du ba yin te/ /rgyu la gegs sogs srid phyir ro/ /zhes gsungs/ thams cad mkhyen pa rigs pas bsgrub tshul ni/ slob pa'i rgyud kyi bdag med rtogs pa'i shes rab chos can; rang gi rigs rgyun la gnod byed mtha' dag zad pa dang lhan cig tu 'tshogs pa'i rigs yod de/ gnod byed stobs ldan yin pa'i phyir/ dper na me stobs chen po bzhin/ zhes 'grel lo/ /de lta bu'i bsgrub bya de 'grub pa na de ni thams cad mkhyen pa'i ye shes yin pa'i phyir/ gzhan yang slob pa'i rgyud kyi brtse ba snying rje chen po chos can/ khyod bsgom bya'i don la mtha' med du 'phel te/ gsal ba rab kyi mthar thug pa 'gro rung ste/ rten brten gom zin 'bad pa bskyar ma la @82a @#/ /mi ltos par 'bad pa snga ma'i rigs 'dra phyi ma la phan 'dogs nus yin pa'i phyir/ dper na 'dod chags goms pa bzhin/ thub pa sangs rgyas bcom ldan 'das chos can/ tshad ma'i skyes bu mthar thug yin te/ sngar bshad pa ltar slob lam gyi skabs su bsam pa phun tshogs snying rje chen po dang/ sbyor ba phun tshogs bdag med rtogs pa'i shes rab bsgoms pa'i stobs kyis rang don khyad par gsum dang ldan pa'i spangs pa phun tshogs dang/ rtogs pa phun tshogs gnyis dang/ gzhan don 'phrin las phun tshogs ste/ phun sum tshogs pa gsum mnga' ba'i skyes bu 'khrungs pa'i phyir te/ tshad ma mdo las/ tshad mar gyur pa 'gro la phan bzhed pa/ /ston pa bde gshegs skyobs la phyag 'tshal te/ /zhes gsungs pa'i phyir/ tshul 'di dag rgyas pa ni tshad ma kun btus dang/ rnam 'grel le'u gnyis pa las rgyas par bshad pas/ blo gros kyi mthu chen po thob pa na de dag la nan tan du bslabs nas dal ba'i rten bzang po la snying po mchog yang dag par len par byos shig /'dir smras pa/ stobs bcu'i dpal mnga' thub pa'i dbang po dang/ /rig pa'i dbang phyug phyogs glang chos kyi grags/ /kun mkhyen blo bzang grags pa yab sras sogs/ /chos 'di'i brgyud pa'i bla ma lhar bcas mchod; /thos bsam bsgom pa'i gru gzings la brten nas/ /kun mkhyen ye shes rgya mtshor 'jug 'dod pa'i/ /ded dpon rnams la thub pa sangs rgyas kyi/ /go 'phang dgos 'dod kun 'byung 'di ru zhes/ /'jam dpal dbyangs kyi thugs bskyed lha lam du/ /dge 'dun rgya mtsho'i tshu [@#chu] 'dzin 'khrigs dbus nas/ /bsdus gzhung dbyar rnga dal bus 'di bsgrags tshe/ /dpyod ldan rma bya gzhon nu khyed dag gis/ /rnam g.yeng zad med tshang du mi nyal bar/ /mgrin pa @82b btegs te nyon la don nges tshe/ /'chad rtsod rtsom pa'i dbyangs snyan sgrog bzhin du/ /dga' ba'i mdangs mtha' bsgyur te gar byos shig /'di 'bad dge ba'i bsod nams gang thob des/ /mtha' yas 'gro ba kun gyi phan bde'i gzhi; /thub bstan spyi dang khyad par tsong kha pa'i/ /bstan pa yin [@#yun] ring gnas pa'i rgyu ru bsngo/ /zhes pa 'di ni mkhas dang grub pa kun gyi gtsug gi rgyan du gyur nas gnam bskos 'jam dbyangs gong ma chen po'i lung gis stong 'khor manydzu shrI ho thog thug no mi han zhes bsngags pa mtshan dngos 'jam dpal dge 'dun rgya mtsho'i dpal gyis drag po zhes pa lcags sprel lor 'di ka mtshan nyid kyi bshad grwa gsar btsugs mdzad skabs su/ 'dzin grwa so sor bsdus tshan re gnyis khrid lta bu mdzad nas gnang ba'o/ /'di'i nang gi rgyu 'bras che ba dang/ thal 'gyur che chung/ gzhan sel/ sel 'jug sgrub 'jug bar skabs kyi tshigs bcad phal che mjug rtsom rnams kha skongs dang bcas te zhu dag legs par bgyi shig ces lha sras phun tshogs stobs rgyal nas bka' phebs pa ma lcogs par ~ zhabs drung yongs 'dzin gyi ming 'dzin blo bzang chos grags nas bgyis pas nor 'khrul yod na bzod par mdzod// //mangga laM/ @#/ /mkhas mang gser ri'i phreng ba'i dbus na mkhas mchogs [@#mchog sa] 'dzin dbang po zhig /dge legs bye ba'i dpal ldan 'jam dpal dge 'dun rgya mtsho zhes grags pas/ /tshad ma sde bdun gzhung las legs btus tshad thub bsdus gzhung spar gyi 'phrul/ /blo bzang rgyal bstan 'phel phyir lha sras blo bzang rab rgyas gang de yis/ /'byor pa'i rgyu dang tshegs kyis 'bad pa dang/ /rab dkar lhag bsam phan tshun 'gran bzhin du/ /spar du bskrun pa'i dge @83a @#/ /tshogs zla ba'i 'od/ /lung rtogs chu gter 'phel zhing rgyas phyir bsngo/ /zhes pa 'di'ang brag dkar sprul ming nas bris pa dge'o// //@#/ /bla ma dang mgon po 'jam pa'i dbyangs la phyag 'tshal lo/ /gang gi blo gros sgrib gnyis sprin bral nyi ltar rnam dag rab gsal bas/ /ji snyed don kun ji bzhin gzigs phyir nyid kyi thugs kar glegs bam 'dzin/ /gang dag srid pa'i btson rar ma rig mun 'thoms sdugs [@#sdug] bsngal gyis gzir ba'i; /'gro tshogs kun la bu gcig ltar brtse yan lag drug cu'i dbyangs ldan gsung/ /'brug ltar cher sgrogs nyon mongs gnyid slong las kyi lcags sgrog 'grol mdzad cing/ /ma rig mun sel sdug bsngal myu gu ji snyed gcod mdzad ral gri bsnams/ /gdod nas dag cing sa bcu'i mthar son yon tan lhun rdzogs rgyal sras thu bo'i sku/ /bcu phrag bcu dang bcu gnyis rgyan spras bdag blo'i mun sel 'jam pa'i dbyangs la 'dud/ (/shes rab blo 'phel gyi gzungs ni/) byang chub sems dpa' 'jam pa'i dbyangs la phyag 'tshal lo/ /na mo manydzu shrI ye ku mA ra b+hu tA ya/ bo d+hi sa twA ya/ ma hA sa twA ya/ ma hA kA ru Ni kA ya/ ta dya thA/ oM a ra dza/ bi ra dza/ shudd+he pi shu dd+he/ sho d+ha ni; bi sho d+ha ni/ a ma le/ bi ma le/ ni rma ye dza ye ba hi ni ru ru tsa le hUM hUM hUM phaT phaT phaT swA hA/ oM wA kye daM na maH oM bA kye te dzA ya/ oM bA kye Sha She swa/ oM bA kye kha na dza ye/ oM bA kye ni ShTha a/ oM bA kye ya na maH/ oM bA kye daM na maH a A/ i I/ u U/ r-i r-I/ l-i l-I/ e ai/ o au/ aM aH ka kha ga g+ha nga/ tsa tsha dza dz+ha nya/ Ta Tha Da Dha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+ShaH ye d+harmA he tu bra b+ha wA he tunte ShAnta thA ga to hya ba da ta/ te ShA nytsa yo ni ro d+ha e waM pA dI ma hA shra ma NaH