@iw-01

@#/ /tshad ma rnam 'grel gyi dgongs pa rgyas par bshad pa zhes bya ba
le'u bzhi pa bzhugs so/

@iw-02 @#/ /rang gzhan kun gyi 'khor rtsa ma rig pa'i/ /

dpung tshogs 'joms byed sgrub ngag sun 'byin mtshon/ /

ltar snang bcas pa ji bzhin rgyas mdzad pa'i/ /

gzhan don le'u yi rnam bshad 'dir bshad do/ /

rang nyid nges pa'i thabs bshad zin nas gzhan rjes su 'dzin pa'i

thabs bstan pa la 'bru 'grel dang/ mtha' dpyod pa gnyis las

thog mar 'bru 'grel gtso bo 'chad pa la/

@iw-03


! rjod byed kyi ngag dang/ brjod bya'i don bshad pa gnyis/

dang po kun btus su gzhan don rjes dpag gi mtshan nyid 'chad pa'i
tshig zur du

rang gis mthong ba zhes pa'i don 'chad pa la/

rtsa bar/


gzhan la bstan par bya nyid phyir/ /bdag mthong

min yang gzhan dag gis/ /mthong ba sgrub byed ces kha cig  /

de spang phyir bdag mthong ba'i tshig


/ces pas/



rang gis mthong ba smos pa'i dgos pa


snga rgol

rang gis mthong ba smos pa'i dgos pa bshad de/ ser skya pa kha
cig

gis/ gzhan don gyi gtan tshigs rnams ni phyi rgol gzhan la

bstan par bya ba nyid yin pas/ gzhan dag sangs rgyas pa'i lung
tsam

las mthong ba'i rtags de sgrub byed yang dag yin no/ /snga rgol

bdag gis mthong ba min yang gzhan don rjes dpag go zhes smos so/
/

de 'dra de sgrub ngag yang dag yin pa spang ba'i phyir/ mtshan
nyid

kyi zur du bdag gis mthong ba'i tshig smos pa'o//



lung tsam sgrub byed ma yin par bstan pa


lung tsam

sgrub byed min par bstan pa ni/ rtsa bar/


yongs brtags

yongs su len pa'i phyir/ /rjes su dpag pa'i yul la tshig  /

tshad ma nyid du 'dod ma yin/ /der ni rjes dpag 'jug mi 'gyur/ /

lung la gnod phyir gzhan la ni/ /sgrub byed brjod phyir de yi
tshe/ /

de ni tshad ma de bas na/ /des grub ma lus grub ma yin/ /

@iw-04 gal te lung de ldan la grub/ /ce na gang gi lung gang yin/ /

tshad mas gnod par gyur pa yi/ /lung de ji ltar grub pa yin/ /

de dang 'gal ba khas len pa/ /de nyid kyis ni ji ltar 'gyur/ /

de las gzhan pa khas len na/ /de dor yan lag tshad ma min/


/

zhes pas/ gzhal bya'i gnas dang po gnyis la yongs su

brtags zin nas/ shin lkog gi sgrub byed du yongs su len

pa tsam yin pas/ sangs rgyas pa'i lung tshig dngos po stobs

zhugs kyi rjes su dpag pa'i yul la sgrub byed tshad ma nyid du

'dod pa ma yin no/ /blo bde skye 'jig can der ni dngos

stobs rjes dpag 'jug pa mi 'gyur te/ lung tsam gyis grub pa

khyod kyis khas len pas so/ /skye 'jig can gyi rtags kyis

blo bde sems med du sgrub pa de'i tshe/ blo bde skye 'jig can du

brjod pa'i sangs rgyas pa'i lung de ni/ sgrub byed tshad ma min
par thal/

de'i tshe blo bde sems yod du ston pa'i sangs rgyas pa'i lung don la

gnod byed bstan pa'i phyir du gzhan blo bde sems med la ni

@iw-05 skye 'jig can sgrub byed du brjod pa yin pa'i phyir/ de bas na

sangs rgyas pa'i lung des grub pa'i rtags skye 'jig can/ rtags
des

grub pa'i blo bde sems med la sogs pa ma lus pa grub pa ma

yin no/ /gal te lung de khas blang pa dang ldan pa la tshad ma

grub bo zhe na/ sangs rgyas pa gang gi lung de ji ltar tshad mar
grub

ste ma grub par thal/ tshad mas gnod par gyur pa'i lung yin

pa'i phyir/ sangs rgyas pas de ltar khas len no zhe na/

sangs rgyas pa chos can/ sangs rgyas pa'i lung khas blangs pa de
nyid

kyis ni/ blo bde skye 'jig can du ji ltar grub ste 'grub

par mi 'gyur bar thal/ sangs rgyas pa'i lung de dang 'gal ba
khas

len rigs pa'i phyir/ khyab ste lung de las gzhan pa khas len

na/ lung de dor bya'i yan lag yin gyi tshad ma min pa'i phyir/


! grangs can rang la sgrub byed 'god par gdams pa ni/ rtsa bar/




rang rtogs gang las byung gyur pa/ /sgrub byed des ni cis ma
brjod/ /

rig pa gang gis lung 'dzin pa/ /de ni 'dis kyang cis mi 'dzin/ /

@iw-06 sngar ni sgrub byed gang dag gis/ /tha mal par gyur rtogs pa
dang/ /

dbang po 'byung ba'i sgrub de dag  /de'i don nus shes la nus
yin/ /

gang yang 'brel ba rnam chad can/ /spyis kyang spyod yul ma yin
pa'i/ /

don de dag la bsgrub bya dang/ /sgrub byed dpyod pa cung zad
med/


/

ces pas/ grangs can rang gis blo bde sems med du rtogs pa

gang las byung bar gyur pa'i sgrub byed de ni/ sangs rgyas pa la cis
ma brjod

de brjod rigs par thal/ sangs rgyas pa la blo bde sems med du
sgrub pa'i

snga rgol yin pa'i phyir/ khyod kyis grangs can gyi lung khas mi len

pas ma brjod ce na/ lung de tshad ma min na/ de las blo bde sems

med du sgrub mi nus/ tshad ma yin na/ rigs pa gang gis khyod tshad mar

'dzin pa'i rigs pa de ni/ sangs rgyas pa 'dis kyang cis mi 'dzin te

'dzin rigs par thal/ lung tshad ma yin pa'i phyir/ blo bde sems

med du rnal 'byor mngon sum gyis rtogs so zhe na/ grangs can
khyod

sngar ni tha mal par gyur pa las sgrub byed gang gis rnal 'byor
mngon

sum rtogs pa dang/ dbang po ste rnal 'byor mngon sum 'byung ba'i
sgrub

@iw-07 byed de dag sangs rgyas pa la ston rigs te/ blo bde sems med

rnal 'byor mngon sum gyis rtogs pa'i snga rgol yin pas so/
/khyab ste/

sangs rgyas pas kyang rnal 'byor mngon sum de'i don sgrub pa'i
nus pa shes

la shes pa ltar sgrub nus pa yin pa'i phyir/ rnal 'byor mngon
sum

de sgrub byed gang dang 'brel ba rnam par chad pa can yin pas ma
bstan

to zhe na/ 'o na/ blo bde sems med kyi don de dag la bsgrub bya

dang sgrub byed kyi dpyod pa cung zad kyang med par thal/ rnal
'byor

mngon sum thabs gang dang yang 'brel ba rnam par chad pas/
mngon

sum gyi yul min pa ma zad/ spyi'i sgo nas kyang tshad ma'i spyod
yul

ma yin pa'i phyir/



khas blangs tsam sgrub byed yin na ha cang thal ba


khas blangs tsam sgrub byed yin na ha cang thal

ba ni/ rtsa bar/


skyes bu'i bsam pa'i dbang gis ni/ /de nyid de

nyid mi 'jog na/ /gtan tshigs der snang med 'gyur te/ /

de ni dngos bstan med phyir ro/ /don yod shes la ltos bcas yin/
/

med pa shes pas sgrub byed min/


/zhes pas/ skyes bu'i bsam pa'i
dbang

gis ni gtan tshigs yang dag de nyid dang/ de nyid min par 'jog

@iw-08 nus par thal/ phyi rgol gyis khas blangs pa tsam gyis rtags
yang dag

tu 'gyur ba'i phyir/ 'dod na/ gtan tshigs yang dag dang der snang

ste gtan tshigs ltar snang gnyis mtha' gcig tu nges pa med par

'gyur ro/ /khyab ste/ stong pa zhes 'dod pa de ni dngos po la
brten pa min pa'i phyir ro//


! rang lugs ni/ tshul gsum don la med par btags tsam sgrub

byed yang dag min te/ rtags yang dag yin na tshul gsum don la

yod pa tshad mas shes pa la ltos pa dang bcas pa yin pa'i phyir/


! bsgrub bya dgag pa ni/ rtsa bar/


yod kyang dngos dang 'brel med
pa'i/ /

rtogs pa rtogs pa med dang mtshungs/ /rang bzhin dang ni 'bras bu
'am/ /

snang ba mthong ba med nyid rtags/ /'brel de dngos la grub yin
na/ /

rang la ci yi phyir ma grub/ /gzhan gyis kyang gzhan las rtogs
par/ /

mi rigs/


/zhes pas/ blo bde sems med gal te yod kyang

khyod rtogs pa de rtogs pa med pa dang mtshungs par thal/ sgrub
byed kyi

dngos po dang 'brel ba med pa'i phyir/ skye 'jig can gyi rtags
de

blo bde sems med du sgrub pa'i rang bzhin dang ni 'bras bu'am/
snang ba

@iw-09 mthong ba med pa nyid kyi rtags gang rung du thal/ de sgrub
kyi rtags

yang dag yin pa'i phyir/ 'dod na/ rtags chos kyi 'brel ba de

chos can/ snga rgol rang la ci'i phyir ma grub ste grub par
thal/

dngos po la grub pa'i phyir/ de ma grub na/ sangs rgyas pa gzhan
gyis

kyang gzhan skye 'jig can gyi rtags las blo bde sems med du

rtogs par mi rigs par thal/ rtags chos 'brel ba med pa'i phyir/


! rang la mtshungs pa spangs pa'i nang gses

thal 'gyur gyi rnam gzhag bshad pa ni/ rtsa bar/


gzhan gyis brtags

pa yis/ /thal ba sgrub pa gnyis 'brel phyir/ /gcig med na

gzhan dgag phyir yin/


/zhes pas/ ser skya pas/ gzhan gyi khas

blangs rtags su mi rung na/ khyod dang slob dpon phyogs glang
sogs kyis de ltar

bkod do zhe na/ bye brag pa gzhan gyis btags pa'i ba lang gi

spyi rtag dngos chos can/ rang bzhin du mar thal/ gsal ba

du ma la don dam par 'brel ba'i phyir/ zhes pas mi 'dod pa'i
thal ba

sgrub pa chos can/ don yod de/ gcig rang bzhin du ma med na

gzhan gsal ba du ma la don dam par 'brel ba dgag pa'i ched yin

@iw-10 pa'i phyir/ cha bcas su med na/ gsal ba du ma dang 'brel ba

dgag nus te/ cha dang cha bcas gnyis 'brel dgos pa'i phyir/



don smos pa'i dgos pa


gnyis pa kun btus su gzhan don rjes dpag gi mtshan nyid 'chad pa'i 

tshig zur du don smos pa'i dgos pa ni/ rtsa bar/




don smos de ni sgra dag dang/ /rtog pas sgro btags bdag nyid

can/ /rtags nyid min par sgrub don te/ /don las don ni grub
phyir ro/ /

rtog dang lung dag byed pa po'i/ /'dod pa tsam dang rjes 'brel
dang/ /

dngos las gzhan du srid pa'i phyir/ /btags pa dag ni 'khrul pa
yin/


/

zhes pas/ gzhan don rjes dpag 'chad pa'i skabs su don smos pa

de ni chos can/ dgos pa yod de/ don la ma grub par sgra dag

dang rtog pas sgro btags pa'i bdag nyid can gyi rtags de rtags

yang dag nyid min par bsgrub pa'i don du yin pa'i phyir te/

tshul gsum don la yod pa las bsgrub bya don la yod pa ni grub pa

zhig dgos par bstan pa'i phyir ro/ /rtog pa dang lung dag gis
btags

pa'i rtags dag ni byed pa po'i 'dod pa tsam dang rjes su 'brel
ba dang

mthun phyogs kyi dngos po las gzhan du 'jug pa srid pas khyab pa

@iw-11 'khrul pa yin no/



gsal byed smos pa'i dgos pa


gsum pa kun btus su gzhan don rjes dpag gi mtshan nyid 'chad pa'i 

tshig zur du rab gsal byed smos pa'i dgos

pa las phyogs tshig sgrub ngag gi yan lag yin pa dgag pa ni/

rtsa bar/


don gyis don rtogs phyir don la/ /phyogs dang gtan

tshigs brjod nus med/ /des na de dag rang nyid las/ /sgrub par
byed pa

gnas ma yin/ /phyogs kyi tshig de smra ba po'i/ /bsam pa ston
par

byed pa la/ /tshad yin de las the tshom dag  /skye phyir dngos su
sgrub byed min/ /

bsgrub par bya ba brjod pa yis/ /brgyud pa yin kyang nus pa
med/ /

gtan tshigs brjod pa rang nyid la/ /nus pa med kyang nus ston
byed/ /

gtan tshigs don gyi yul nyid kyis/ /nus med de ni brjod par
bshad/


/

ces pas/ rab gsal byed ces pa ni phyogs tshig sgrub ngag gi

yan lag yin pa bcad pa'i ched yin te/ phyogs dang gtan

tshigs brjod pa'i tshig de dag chos can/ rang nyid las bsgrub
bya

sgrub par byed par gnas pa ma yin te/ tshogs don la

rtogs pa skye ba'i nus pa med pa'i phyir/ khyab ste/ rtags
yang dag

yin na tshul gsum pa'i don gyis bsgrub bya'i don rtogs pa dgos
pa'i

@iw-12 phyir/ sgra mi rtag ces pa'i phyogs kyi tshig de chos can/

rang smra ba po'i rgyud la bsam pa ston par byed pa la sgrub
byed tshad ma

yin te/ de sgrub kyi tshul gsum yin pa'i phyir/ sgra mi

rtag pa dngos su sgrub byed min te/ khyod las sgra mi rtag pa
la

the tshom dag skye ba'i phyir/ brgyud pa yis kyang sgra mi rtag
pa

sgrub pa'i nus pa med de/ bsgrub par bya ba sgra mi rtag pa
tsam

dngos su rjod pa yis so/ /gtan tshigs brjod pa'i sgrub ngag
chos can/

rang nyid la sgra mi rtag pa dngos su sgrub pa'i nus pa med
kyang

sgra mi rtag pa'i sgrub byed yin zhes brjod du rung ste/ sgra
mi rtag

pa dngos su sgrub nus kyi tshul gsum ston byed kyi ngag yin
pa'i phyir/

phyogs tshig dngos dang brgyud pa'i sgo nas bsgrub bya sgrub
byed min pa slob

dpon gyis bzhed de/ de las the tshom dag skye ba'i phyir zhes
dang/

de la dpag bya bstan pa ni/ /gtan tshigs don gyi yul du 'dod/ /

ces gsungs pa nyid kyis/ phyogs tshig phyogs sgrub pa'i nus pa
med

pa'i phyogs de ni brjod par bshad pa'i phyir/


! sgrub byed dgag pa ni/

@iw-13 rtsa bar/


gal te de la'ang nus yod de/ /gtan tshigs tshig

ni 'jug phyir na/ /de ni the tshom gyis shes par/ /'dod pas
skabs

la brten pa yin/ /mi mthun phyogs khas len na yang/ /de
mtshungs

phyir na thug med 'gyur/ /nang gi yan lag nus pa ni/ /tshul
gsum

dag la yang dag gnas/ /de la dran pa bskyed pa ni/ /de nyid
tshig la

yang dag gnas/ /gal te yul bstan med par ni/ /gtan tshigs

'jug pa med pa'i phyir/ /yul bstan pa dag nyid las ni/ /nus pa

bsgrub par 'dod ce na/ /khyab sngon can la de med kyang/ /sgra
ni

byas yin 'di 'dra kun/ /mi rtag ces ni brjod pas kyang/ /don
gyis

de ni 'jig blor 'gyur/ /phyogs bstan pa ni med na yang/ /'grub

pa la ni gegs med phyir/ /gsum las tshul gang rung ba nyid/ /

ma bstan ma tshang yin par brjod/


/ces pas/ gal te phyogs

tshig de la'ang phyogs sgrub pa'i nus pa yod de/ khyod la brten
nas gtan

tshigs kyi tshig ni 'jug pa'i phyir zhe na/ sgra de ni rtag mi
rtag

the tshom za ba'i rgyu mtshan gyis shes par 'dod pas/ snga rgol
la

@iw-14 'dri ba'i skabs sgrub ngag gi yan lag yin par thal/ de la brten
nas

gtan tshigs 'jug pa yin pa'i phyir/ gnyen po 'dren nus

kyi mi mthun phyogs sgra rtag par khas len pa'i tshig chos can/

sgrub ngag gi yan lag yin par thal/ khyod la brten

nas rtags tshig 'jug pa mtshungs pa'i phyir/ 'dod na/ sgrub ngag
gi

yan lag thug med du 'gyur ro/ /phyogs tshig la bsgrub bya

sgrub pa'i nus pa med de/ nang gi yan lag bsgrub bya dngos su

sgrub pa'i nus pa ni tshul gsum dag la yang dag par gnas la

tshul gsum de la dran pa bskyed pa ni/ tshul gsum de nyid brjod
pa'i

tshig la yang dag par gnas pa'i phyir/ gal te yul

phyogs bstan pa med par gtan tshigs 'jug pa med pa'i phyir/

yul phyogs bstan pa dag nyid las ni phyogs sgrub pa'i nus

pa grub par 'dod do zhe na/ gang byas pa de 'dra kun mi rtag  /

dper na bum pa bzhin/ sgra ni byas pa yin zhes

brjod pa khyab pa sngon 'gro can gyi sgrub ngag chos can/

@iw-15 phyogs dngos su bstan pa de med kyang don gyis sgra de ni 'jig

par rtogs pa'i blo skye bar 'gyur te/ phyogs dngos su bstan

pa ni med na yang/ sgra mi rtag par 'grub pa la ni gegs

med pa'i sgrub ngag yin pa'i phyir/ sgra ni mi rtag ste/ byas

pa'i phyir/ dper na bum pa bzhin zhes pa'i ngag chos can/

sgrub ngag ma tshang ba yin par brjod de/ tshul gsum las gang

yang rung ba khyab pa nyid dngos su ma bstan pa'i phyir/


! gnyis pa rang la mtshungs pa spang ba ni/ rtsa bar/




bsgrub bya brjod pa dam bcas na'ang/ /smra de la skyon 'thad
min te/ /

sgrub byed dbang du byas nyid kyis/ /gtan tshigs ltar snang
thal min

phyir/ /khyad par med par brjod na yang/ /rigs gcig the tshom
skye 'gyur

te/ /gzhan du bsgrub bya brjod pa kun/ /dam bca' ba ni thal
bar 'gyur/ /

gal te grub brjod sgrub byed phyir/ /gzhan dag la yang skyon
med na/ /

de ni sgrub byed bstan pa dag  /ci ltar sgrub byed yan lag yin/



/

zhes pas/ bsgrub bya brjod pa dam bca'i mtshan nyid du smra

@iw-16 na'ang/ sangs rgyas pa la dpe rtags ma grub brjod pa dam
bca'

thal ba'i skyon 'thad pa min te/ gtan tshigs dang dpe ltar 

snang bsgrub byar thal ba'i skyon yod pa min pa'i phyir te/
dpe

rtags ma grub pa de sgrub byed kyi dbang du byas pa nyid kyi
ma grub

pa yin la/ bsgrub bya de sgrub byed kyi dbang du ma byas pa'i
ma

grub pa yin pa'i phyir/ bsgrub bya brjod par dam bca' na'ang
zhes

pa brtags pa mtha' bzung yin/ dpe rtags ma grub pa brjod

pa dam bca' yin pa gcad pa'i phyir du nges gzung smos mi dgos

par thal/ nges gzung gi khyad par med par bsgrub bya rjod pa
dam

bca'o zhes rjod na yang/ rigs gcig pa la the tshom skye bar

'gyur gyi/ dpe rtags ma grub pa dang bsgrub bya gnyis rigs

mi gcig pa'i phyir/ de las gzhan du rigs mi gcig

pa la'ang the tshom skye na/ rdza bum bya'o zhes sogs bsgrub
bya

rjod pa kun chos can/ gzhan don rtags kyi dam bca' bar

ni thal bar 'gyur bar thal/ gzhan don bsgrub bya dang ma

@iw-17 grub pa rjod pa tsam du mtshungs pa'i phyir/ gal te rigs
pa can

gzhan dag la yang/ dpe rtags ma grub pa rjod pa sgrub

byed kyi yan lag tu thal ba'i skyon med de/ sgrub byed kyi yan

lag yin na/ phyi rgol gyis grub pa zhig brjod dgos pa'i phyir

zhe na/ de ni bsgrub bya bstan pa dag chos can/ ji ltar

sgrub byed kyi yan lag yin te ma yin par thal/ phyir rgol gyis
ma

grub pa brjod pa'i phyir/



gzhan gyi rtsod lan 'brel med du bstan pa


gsum pa gzhan gyi rtsod lan

'brel med du bstan pa ni/ rtsa bar/


ltar snang can sogs

bkod pa dang/ /lan ni 'brel med bzhad gad de/ /'di ltar de ni

rigs pa nyid/ /ma yin no zhes bshad zin to/


/zhes pas/

rigs sgo'i 'grel byed kha cig gis/ rigs pa can pa na re/ 

phyogs tshig chos can/ sgrub ngag gi yan lag yin te/

ltar snang dang bcas pa sgrub par byed pa'i dus su rjod pa'i
phyir zhes

sogs kyi sgrub byed bkod pa dang/ de la mngon sum gyis ma

nges zhes sogs kyi lan ni chos can/ mkhas pa'i bzhad

@iw-18 gad kyi gnas yin te/ 'brel med kyi dwogs pa bsus

nas 'brel med kyi lan btab pa'i phyir/ 'di ltar ldog

khyab ma grub pa de ni rtags yang dag tu rigs pa nyid ma yin
no zhes

bshad zin pa'i phyir/ TIk chen las/ 'brel med kyi dwogs

pa rim par bkod nas/ de la 'brel med kyi lan rim par

btab/ ces gsungs/ rigs sgo'i 'grel byed mang po len

gyi bu la byed/ rang don le'u'i skabs bshad zin zhes pa'o/ /


! gnyis pa brjod bya'i don bshad pa las

shugs kyi brjod bya gzhan don bsgrub bya'i mtshan nyid ni/ rtsa bar/




sgrub brjod rtogs pa'i don can nyid/ /yin yang rmongs med phyir
mtshan nyid/ /

ngo bo tshig phrad bdag nyid 'dod/ /tshig gis de yi mtshan nyid
bzhi/ /

ma grub sgrub byed min don brjod/ /rgol bas khas blangs pa
bzung ngo/


/

zhes pas/ sgrub byed brjod pa'i shugs la rtogs pa'i don can
nyid

yin yang bsgrub bya'i mtshan nyid bstan pa'i don yod de/ bsgrub
bya'i

mtshan nyid la rmongs pa med par bya ba'i ched yin pa'i phyir/ 

@iw-19 bsgrub bya'i mtshan nyid 'chad pa'i tshig zur du ngo bo kho na
ste tshig phrad

bdag nyid dang 'dod pa zhes tshig bzhi smos pa la don yod de/
de sgrub

kyi bsgrub bya yin na/ de sgrub kyi phyir rgol gyis ma grub pa
dang

sgrub byed du bkod pa min pa dang/ rgol bas don gyis brjod pa
ste

'dod pa dang/ rgol bas khas blangs pa zhig dgos zhes gzung
ba'i ched yin

pa'i phyir/



'dod pa rgyas bshad


'dod pa rgyas bshad ni/ rtsa bar/


ma brjod na yang

'dod pas khyab/ /bdag gi don bzhin bsgrub byar 'dod/ /gzhan

'dod thams cad bzlog na yang/ /'grel par bdag nyid sgra bshad
pa/ /

dwogs pa'i gnas ni bzlog pa ste/ /'di ni de don byas pa yin/ /

de ni ltos nas chos dag dang/ /chos can khyad par yin par
brjod/ /

ma brjod na yang 'dod pa ni/ /skabs las rtogs par 'gyur ba
yin/ /

de dpe rjes 'gro med pa yi/ /skyon yang ci skad bdag gzhan na/
/

de ma grub ces bshad bzhin te/ /der ni 'dod la gnod byed yin/



/

zhes pas/ gzhan don bsgrub bya yang dag gi mtshan nyid kyi zur

du 'dod pa zhes pa'i tshig chos can/ don yod de/ rgol bas

@iw-20 dngos su ma brjod na yang zhe 'dod la bsgrub byar 'dod pa
yod

ces rtogs pa'i ched yin pa'i phyir/ dper na mig sogs

gzhan don byed par sgrub pa la/ 'dus bsags rtags su bkod pa'i
tshe

na mig sogs bdag gi don byed pa bzhin no/ /'dod pa zhes pas/

rgol bas mi 'dod pa bsgrub bya yin pa bcad na/ rang nyid smos
pa ci'i

phyir na/ rgol bas khas blangs pa'i lung don thams cad bsgrub
bya

yin nam snyam pa'i dwogs pa'i gnas ni bzlog pa de'i don du
byas pa

yin pas/ kun btus kyi 'grel par bdag nyid sgra bshad pa'o/ /

bdag don byed pa de ni sgras brjod tshul la ltos nas chos dag
dang

chos can gyi khyad par yin par brjod pa'i phyir/ mig sogs bdag

don byed pa ngag tu ma brjod na yang bsgrub byar 'dod pa rtogs
nus te/

de lta na'ang de bsgrub byar 'dod pa ni khyod 'god pa'i skabs
las rtogs

par 'gyur ba yin pa'i phyir/ de bsgrub byar byas na skyon ci

yod ce na/ bdag don byed pa bsgrub bya'i chos yin na dpe la
rjes

'gro med pas so/ /dbyig gnyen gyis/ gzhan de bdag la 'dod 

@iw-21 na/ de dpe la ma grub ces bshad pa bzhin no/ /'dus

bsags kyi rtags kyis mig sogs gzhan don byed par sgrub pa der
ni

'gal rtags yin te/ de sgrub kyi phyogs chos gang zhig /

'dod yul gyi bsgrub bya'i chos la gnod byed yin pa'i phyir/

kun btus kyis gzhan don bsgrub bya'i mtshan nyid kyi zur

du ngo bo zhes pa ni/ gzhan don bsgrub bya yang dag yin na
skabs

kyi phyi rgol des tshad mas ma grub pa dgos par bstan/ kho na
zhes pa ni/

de yin na sgrub byed du bkod bzhin pa min pa dgos zhes bstan/

rang nyid ces pa ni/ rgol bas khas ma blangs pa'i bstan bcos
mkhan

pos 'dod pa rnams bsgrub byar bcad/ 'dod pa zhes pa ni/

rgol bas 'dod pa'i yul min pa rnams gzhan don bsgrub bya yin
pa

bcad pa yin/ ma bsal ba zhes pa ni/ gzhan don bsgrub

bya yang dag yin na tshad ma gang gis kyang ma gnod pa dgos

zhes bstan to/ /skabs 'dir dang po bzhi las ma bsal ba'i

tshig gi dgos pa ma gsungs pa ni/ de nyid gzhan las bshad

@iw-22 gzhi che bas/ rang lugs kyi dam bca' ltar snang gi dpe

rgyas par 'chad pa dang gcig tu ma bsal ba 'chad/



tshad mas bsal ba gzhan don bsgrub bya'i mtshan nyid 'jug mi 'jug
dpyad pa


TIk cher/ tshad mas bsal ba gzhan don bsgrub bya'i

mtshan nyid 'jug mi 'jug dpyod pa'i gzhir mi rung bas skabs

'dir ma smos pa yin zer ba la dgag pa dang/ mdor bstan

du ma bsal ba bstan pa med par ma bsal ba rgyas bshad bkod

na/ mdor bstan med pa'i rgyas bshad dang/ rgyas bshad med pa'i

don bsdu sogs ni lus med pa'i yan lag dang 'dra ba'o zhes

gsungs/ go'u bsod nams seng ge'i rnam 'grel 'grel pa las/

skabs 'dir bstan pa dang/ rigs sgor bsgrub byar khas blangs pa

bsgrub bya yang dag tu bshad pa gnyis don gcig dang/ de'i
steng du

ma bsal ba bsnan pas bsgrub bya yang dag gi mtshan nyid yin

zhes gsungs/ de ltar na/ skabs 'di dang/ rigs sgo gnyis re re

nas bsgrub bya yang dag gi mtshan nyid yongs rdzogs ma bstan
par

'dod dgos pas/ mdo dang rnam 'grel gnyis kar gzhan

don bsgrub bya yang dag gi mtshan nyid ma bstan par 'gyur ro//

@iw-23 go bo'i rnam 'grel las/ mdor bstan dang/ rgyas bshad mdzad
pa

la dgag pa byas nas/ mdor rang nyid sngon la bshad pa dang/

rgyas bshad la 'dod pa sngon bstan pa'i go rim dgos pa bshad
par

'dug kyang/ mkhas grub TIk chen las/ rang nyid dang

'dod pa gnyis mdor bstan rgyas bshad mi mthun par bshad

dgos pa'i rgyu mtshan gsal bar bstan pa de las go don

che ba su la'ang mi rnyed do/


! bsgrub bya min na ha cang

thal ba ni/ rtsa bar/


gal te gang la rtsod pa yis/ /

sgrub bkod de bsgrub bya min na/ /bsgrub bya ci yin gzhan du
na/ /

mi 'dod pa'am 'bras med 'gyur/


/zhes pas/ gal te bdag

yod med gang la rtsod pa'i skabs su bdag yod pa'i sgrub byed
bkod

pa de'i tshe mig sogs bdag don byed pa de bsgrub bya min na

de'i bsgrub bya ci yin dris pas/ de las gzhan du mig sogs

gzhan don byed pa bsgrub bya yin no zhe na/ mig sogs gzhan

don byed pa de chos can/ gzhan don bsgrub bya ma yin par thal/

@iw-24 khyod snga rgol gyis bsgrub mi 'dod pa'am/ phyi rgol gyi
ngor sgrub

pa la 'bras bu med par 'gyur ba'i phyir/


! gsum pa tshul des

rigs can gzhan yang khegs pa las dngos la/ rtsa bar/




'dis ni gnyis bcas sbyor ba la/ /rjes 'gro med dang 'gal ba
dag /

bstan pa yin no ci ste yang/ /bsgrub par bya ba spyir 'dod na/
/

de nyid don gzhan med pa'i phyir/ /lus mi 'gyur na grub ma
yin/ /

brjod byas stong pa brjod rnams kyi/ /'di de mi shes kyis
bslangs yin/


/

zhes pas/ grangs can

gyi zol sbyor 'gog pa'i rigs pa 'dis ni don yod de/

rgyang 'phen gyi gnyis bcas sbyor ba la/ chos dpe rjes 'gro

med pa dang/ rtags 'gal ba dag bstan pa yin pa'i phyir/

gnyis bcas kyi sbyor ba ni/ bum pa chos can/ lus

sems rdzas gcig pa'i skyes bu'i lus dang/ bum pa gang rung gi

zla bcas yin te/ utpala ma yin pa'i phyir/ rtsig pa

bzhin/ zhes pa'o/ /ci ste yang/ lus sems rdzas

@iw-25 gcig pa'i lus dang bum pa gang rung gi zla bcas kyi spyir

sgrub par bya ba 'dod do zhe na/ bum pa de lus sems rdzas gcig
pa'i

skyes bu'i lus bum gang rung gi zla bcas su grub pa ma yin par
thal/

bum pa de nyid bum pa las don gzhan du med pa'i phyir dang/
lus sems

rdzas gcig pa'i skyes bu'i lus kyang grub par mi 'gyur ba'i
phyir/

bum pa 'di lus sems rdzas gcig pa'i skyes bu'i lus dang bum pa
gang

rung gi zla bcas yin no zhes pa'i tshig de chos can/ mi shes

pa nyid kyis kun nas bslangs pa yin te/ brjod byas stong pa
brjod pa

rnams kyi tshig yin pa'i phyir/ gnyis bcas sbyor ba ni/ rgyang
'phen

pa rnams kyis lus sems rdzas gcig tu sgrub 'dod nas

bkod pa yin/ lus sems rdzas gcig tu sgrub nas skye

ba snga phyi med par sgrub 'dod pa'o//


! rtsod spang ni/

rtsa bar/


sgra dang bum pa'i khyad par gyis/ /rtog na 'jig
la'ang mtshungs

she na/ /ma yin 'jig pa sgrub pa yis/ /sgra ni de ltar grub
phyir

ro/ /de bzhin don gzhan yod gyur na/ /bum pa'ang de dang ldan
par 'gyur/ /

@iw-26 mi rtag sgra yi khyad par can/ /rjes 'gro med na ma 'brel ba/ /

bzlog phyir ma yin mi ldan dang/ /gzhan ldan rnam gcod rnam pa
gnyis/ /

mi ldan gcod phyir gzhan dang ni/ /rjes 'gro med par 'gyur ma
yin/ /

de spyi bsgrub par bya yin pas/ /grub pa sgrub pa nyid ma yin/
/

chos can khyad par can de ni/ /rjes 'gro med pa'i skyon ldan
min/


/

zhes pas/ gal te sgra dang bum pa'i khyad par gyis rtog na/

byas pa'i rtags kyis sgra 'jig pa sgrub pa la yang mtshungs te/

sgra'i byas pa bum pa la ma grub/ bum pa'i byas pa sgra la ma

grub pa'i phyir zhe na/ byas pa chos can/ sgra'i byas pa bum

pa la ma grub/ bum pa'i byas pa sgra la ma grub kyang/ sgra mi

rtag par sgrub pa'i rtags ltar snang ma yin te/ 'jig pa tsam

grub pa yis sgra ni mi rtag pa de ltar sgrub pa'i tshul gsum
yin

pa'i phyir/ de bzhin du spyi don gzhan yod par gyur na/

bum pa'ang spyi don gzhan de dang ldan par 'gyur na'ang/ spyi
don

gzhan med pa'i phyir/ de dang ldan pa ma yin no/

@iw-27 mi rtag pa chos can/ sgra la rjes 'gro med par thal/ bum
pa'i khyad

par can du byas pa'i phyir zhe na/ mi rtag pa de bum pa'i
khyad par can du

byas na'ang sgra la rjes 'gro med pas ma khyab ste/ bum pa la
ma 'brel ba

bzlog pa'i phyir/ mi ldan dang gzhan ldan rnam gcod rnam pa
gnyis

las sgras mi ldan rnam gcod kyis khyad par du byas pa'i phyir/

byas pa chos can/ sgra'i steng du mi rtag pa grub zin sgrub pa
ma

yin te/ sgra'i steng du spyi mi rtag pa bsgrub par bya ba'i
tshul gsum

yin pa'i phyir/ de ni chos can sgras khyad par can du byas pas

bum pa la rjes 'gro med pa'i skyon dang ldan pa min te/ sgras

ming ldan rnam gcod kyis khyad par du byas pa'i phyir/



'dod yul min pa bkag pas 'gal ba min pa


'dod yul min pa bkag pas 'gal ba min pa ni/ rtsa bar/




'dis ni chos can chos dag gis/ /chos dang chos can khyad par
can/ /

'gog pa dag ni bsal yin te/ /chos can de ltar mi bsgrub phyir/
/

chos can la ni tshogs pa dag /bsal ba 'gal ba ma yin te/ /

gang phyir de ltar sgrub 'dod min/ /'dir chos 'ba' zhig bsgrub
bya yin/


/

@iw-28 zhes pas/ 'dod yul bsgrub byar bstan pa 'dis ni/ sgra'i

steng du chos can gyi chos khyad par du byas pa dang/ chos dag
gis chos

can khyad par can du byas pa 'gog pa dag ni/ rtags 'gal ba

bsal ba yin te/ chos can sgra la tshogs pa de ltar mi

sgrub pa'i phyir/


! ngag don ni/ bye brag pas/ grangs can par

sgra mi rtag ste/ byas pa'i phyir/ zhes bkod pa na/ grangs can

pas/ rtags des sgra la rtag pa bkag pa na/ sgra'i spyi

rtag pa don gzhan yang bkag cing/ de bkag na chos can

sgra yang bkag par 'gyur la/ de lta na sgra dang mi rtag

pa'i tshogs don yang bkag par 'gyur ba'i phyir/ rtags de

zhe 'dod kyi bsgrub bya 'gog pa'i 'gal bar 'gyur ro zer

ba la/ slob dpon gyis de'i tshe/ bye brag pa'i zhe 'dod kyi
bsgrub

bya ma yin pas/ sgra'i spyi rtag dngos don gzhan bkag pas

zhe 'dod kyi bsgrub bya bkag pa'i 'gal bar mi 'gyur zhes lan

bstan pa yin/ grangs can gyis bye brag pa la skyon brjod pa

@iw-29 des mtshon pa rgol bas zhe 'dod kyi bsgrub byar khas ma
blangs kyang

de sgrub kyi bsgrub bya yin pa gcod pa nyid 'dod tshig gi rnam
bcad

kyi dgos pa yin zhes bya ba'i don no/ /byas pa chos can/

chos can sgra la ni tshogs pa don gzhan dag bsal bas

rtags 'gal ba ma yin te/ gang gi phyir sgra la tshogs

pa don gzhan de ltar sgrub par 'dod pa min pa'i phyir/ sgra
'dir

chos mi rtag pa 'ba' zhig bsgrub bya yin pa'i phyir/



rang nyid rgyas bshad


! rang nyid rgyas bshad las bstan pa ni/ rtsa bar/


chos can
gcig

la bstan bcos las/ /chos rnams du ma rnam bzhag kyang/ /bdag

nyid 'dod pa bsgrub bya zhes/ /bdag nyid kyi ni sgra smos so/



/zhes pas/

bsgrub bya'i mtshan nyid kyi tshig zur du bdag nyid kyi sgra
smos pa ni

chos can/ don yod de/ chos can gcig la bstan bcos las

rtag mi rtag sogs chos rnams du ma rnam par bzhag kyang/ rgol
ba bdag

nyid kyi 'dod pa bsgrub bya yin no zhes rtogs pa'i ched yin
pa'i phyir/


! gzhan sdes lung don bsgrub byar 'dod pa dgag pa las 'dod pa

@iw-30 brjod pa ni/ rtsa bar/


gal te bstan bcos khas blangs
phyir/ /

thams cad bzung bas de gcig la/ /rab tu gnod na'ang gtan tshigs

dang/ /dam bca' ba dag skyon 'gyur na/


/zhes pas/ gal te

rgol bas bstan bcos khas blangs pa'i phyir/ lung don thams cad
bsgrub

byar bzung bas/ lung don de gcig la gnod na'ang/ gtan

tshigs dang dam bca' ba dag 'gal ba'i skyon du 'gyur ro zhe na/


! de dgag pa ni/ rtsa bar/


sgra mi rtag par sgrub pa na/ /

dri sa'i yon tan bzlog pa'i phyir/ /gtan tshigs 'gal 'gyur
skabs min

phyir/ /min na de ni gzhan la'ang mtshungs/ /ci ste chos can
'dir skabs

yin/ /de la bstan bcos don gnod nyid/ /chos can chos sogs

sgrub byed kyis/ /ci ste rgol 'dod yin brjod na/ /gnas skabs
'ga'

yis 'dod 'gyur zhing/ /de rtogs pa yang de dag gis/ /nan gyis
khyod

'di 'dod ces pa/ /gsal bar dbang phyug spyod pa yin/ /'bras
bu'i

rtags can min brjod de/ /'khrul pa yis ni gnod par 'gyur/ /

med na mi 'byung min don la/ /gnod kyang gzhan la ci zhig
gnod/


/ 

@iw-31 ces pas/ byas pa de sgra mi rtag par sgrub pa na/

dri rtag pa sa'i yon tan bzlog pa'i sgo nas kyang/ gtan

tshigs 'gal bar 'gyur bar thal/ de'i sgo nas kyang lung don

gcig la gnod pa'i phyir/ dri rtag pa sa'i yon tan bkag pas

rtags 'gal ba min te/ de'i skabs su bab pa min pa'i phyir zhe

na/ byas pa chos can/ sgra rtag pa bkag pas kyang rtags 'gal

ba ma yin par thal/ skabs su ma bab pa de ni sgra rtag pa

la'ang mtshungs pa'i phyir/ ci ste 'dir sgra rtag pa skabs su bab pa

yin te/ chos can sgra skabs su bab pa'i phyir/ dri rtag pa sa

yon skabs su ma bab ste/ chos can dri skabs su ma bab pa'i phyir

zhe na/ byas pa chos can/ dri rtag pa sa yon bkag pas kyang

rtags 'gal bar thal/ dri rtag pa sa yon bkag pa de la'ang

bstan bcos kyi don gcig la gnod pa nyid yin pa'i phyir/


! de dag gi don ni grangs can sogs kyis/ byas pa lta bu'i

rtags kyis/ bstan bcos las bshad pa'i don gcig la gnod na/

@iw-32 bstan bcos de lung tshad ma yin pa khegs par 'gyur zhing/

bstan bcos de lung tshad ma yin pa khegs na/ de las bshad

pa'i don rnams khegs dgos/ de ltar na/ sgra mi rtag pa yang

khegs pas rtags de 'gal rtags su 'gyur zhes pa'o/ /

bye brag pas sgra nam mkha'i yon tan du khas len pas rtag pa yin

dgos/ sgra mi rtag sgrub la byas pa rtags su bkod pa na/

rtag pa tsam bkag pas nam mkha'i yon tan yang bkag cing/

bye brag pa rang gi bstan bcos la sgra mi rtag par bstan pa la

gnod/ de lta na byas pa sgra mi rtag sgrub la 'gal rtags su

'gyur zhes pa de yin/ rang lugs kyis/ byas pas dri sa'i

yon tan du gyur pa'i rtag pa bkag pa la mtshungs zhes 'gog pa

yin no/ /gzhung don la/ ci ste chos can sgra'i chos sogs

yin pa'i sgrub byed kyis/ sgra mi rtag par sgrub pa'i snga rgol

la/ sgra'i steng du rtag pa nam mkha'i yon tan la dpag 'dod yod
par

brjod do zhe na/ de mi 'thad de/ phyi rgol sgra rtag mi rtag the tshom

@iw-33 za ba la sogs pa'i gnas skabs 'ga' yis/ snga rgol sgra mi

rtag pa la dpag 'dod skye bar 'gyur zhing/ dpag 'dod de rtogs

pa yang sgrub byed 'god pa'i skabs de dag gis rtogs pa'i phyir/

nan gyis sgra mi rtag par sgrub pa'i snga rgol khyod rtag pa nam
mkha'i yon tan

'di 'dod ces pa ni gsal bar dbang phyug ngan pa'i spyod pa dang
mtshungs

pa yin pa'i phyir/ sgra'i chos yin pa de ni/ snga rgol sgra'i

steng du rtag pa nam mkha'i yon tan la dpag 'dod yod par sgrub
pa'i

'bras bu'i rtags can min par brjod de/ de sgrub kyi khyab pa

'khrul pa yis rtags yang dag yin pa la gnod par 'gyur ba'i

phyir/ gzhan mi rtag pa chos can/ rtag pa nam yon gyi

don la gnod kyang/ khyod la ci zhig gnod de mi gnod par thal/

rtag pa nam yon med na khyod mi 'byung ba min pa'i phyir/



dngos stobs yul la lung gis mi gnod pa


dngos stobs yul la lung gis mi gnod pa ni/ rtsa bar/




rjes dpag rang gi spyod yul la/ /lung la ltos pa med par bshad/
/

de sgrub de ni legs par grub/ /de tshe bstan bcos ltos ma yin/ /

@iw-34 de tshe rtsod dor 'gyur zhe na/ /de tshe khas blangs med phyir
min/ /

'di ni khas len thabs yin te/ /de tshe yod kyang yan lag min/


/

zhes pas/ sgra mi rtag rtogs kyi rjes dpag chos can/

rang gi spyod yul la lung gis mi gnod de/ lung la ltos pa med pa

rang yul grub par bshad pa'i phyir/ de chos can/ sgra mi

rtag pa 'jal ba'i tshe bstan bcos khas len pa la ltos pa ma yin
te/

khyod kyis grub pa'i sgra mi rtag pa de ni dngos stobs tshad mas
legs

par grub pa'i phyir/ de'i tshe lung khas ma blangs na rtsod pa
dor bar

'gyur ro zhe na/ de'i tshe sgra mi rtag par sgrub pa'i snga rgol
chos

can/ lung dang 'gal ba khas blangs na rtsod pa dor ba min par
thal/

lung khas blangs pa med pa'i phyir/ dngos stobs yul la dpyod pa
de'i tshe

lung khas blangs pa yod kyang/ gnod byed kyi yan lag

min te/ dngos stobs yul la dpyod pa 'di ni lung khas len pa'i

thabs tsam yin pa'i phyir/



lung gis gnod pa'i yul ngos bzung ba


lung gis gnod pa'i yul ngos gzung ba ni/

rtsa bar/


de ltar yul gnyis rnam dag na/ /de ni bstan

@iw-35 bcos yongs 'dzin par/ /'dod pa'i dus yin de yi tshe/ /bstan bcos

kyis ni gnod par 'gyur/ /des grub don la de dang ni/ /

'gal bar sems pa mi rung phyir/ /gnas gsum par ni 'pho ba na/ /

bstan bcos len par rigs ldan yin/ /der yang bsgrub bya'i chos
dang ni/ /

med na mi 'byung la gnod nyid/ /spang bar bya yi gzhan min te/ /

thug pa med par thal phyir ro/ /dpyod pa kun la bstan bcos dag  /

gzung zhes lung 'di gang gis byas/ /de ni grub mtha' med rnams
kyis/ /

du bas me ni rtogs mi 'gyur/ /skye bo reng bur skyes 'gyur
zhing/ /

yon tan nyes pa ma mthong la/ /grub mtha' mi zad gdon 'di ni/ /

kye ma su yis bskos pa yin/


/zhes pas/ shin lkog la dpyod

pa de'i tshe bstan bcos kyis ni gnod par 'gyur te/ de

ltar yul dang po gnyis la dpyad pa rnam par dag pa na/ shin

lkog la dpyod pa de ni bstan bcos yongs su 'dzin par 'dod pa'i

dus yin pa'i phyir te/ lung des grub pa'i don la lung de dang

ni 'gal bar sems pa mi rung ba'i phyir/ gzhal bya'i

@iw-36 gnas gsum pa ni 'pho ba na/ bstan bcos khas len

par rigs pa dang ldan pa yin te/ lung ma gtogs pa shin

lkog gi sgrub byed med pa'i phyir/ lung khas len pa der yang

bsgrub bya'i chos dang ni med na mi 'byung ba la gnod pa nyid

rtags yang dag yin pa spang bar bya'i/ gzhan la gnod pas

rtags yang dag yin pa spang bar bya ba min te/ de lta na thug

pa med par thal ba'i phyir/ lung don la dpyod pa kun la bstan

bcos dag  /sgrub byed du gzung dgos zhes pa'i lugs 'di/ rigs

pa gang gis byas te ma byas par thal/ de lta na de ni grub mtha'

khas len pa med pa'i skye bo rnams kyis du bas me ni rtogs par
mi

'gyur ba'i skyon yod pa'i phyir te/ lung khas len pa med pa'i
phyir

te/ skye bo de 'brel med ring bur skyes par 'gyur zhing/

lung khas blangs pa'i yon tan dang ma blangs pa'i nyes pa ma
mthong ba'i phyir/

lung don la dpyod pa kun la lung sgrub byed du khas len dgos
zhes

pa'i grub mtha' mi bzad pa'i gdon dang 'dra ba 'di ni/ kye ma

@iw-37 su yis bskos pa yin zhes dpyas par bya'o//


! lung don bkag

pa rtags kyi nyes pa min pa ni/ rtsa bar/


gal te dpe

la bstan bcos kun/ /sgrub par byed pa gcig nyid la/ /

bstan pa sgrub byed 'gyur zhe na/ /'di ni 'jig rten 'das lugs
yin/ /

'brel med chos ni ma grub pas/ /ma grub par ni ji ltar 'gyur/ /

de grub yin na de grub brjod/ /gtan tshigs skyon ldan ji ltar
yin/ /

chos can chos ni ma lus pa/ /dper blangs med pa kho nar ni/ /

skye bos tshig dang dud sogs las/ /sems ldan med dang rjes dpog
byed/ /

mi 'khrul pas na rang bzhin dang/ /rgyud dag sgrub par byed pa'i
don/ /

'ga' yi smra ba la gnod pas/ /ngo bo nyid las ldog ma yin/ /

de ni 'dod pa'i bsgrub bya yi/ /don dang med na mi 'byung bar/ /

rtogs pa gzhan dag gtan tshigs des/ /ci ltar rtogs par 'gyur ma
yin/


/

zhes pas/ gal te mthun dpe la bstan bcos kun gyis sgrub

par byed pa gcig nyid la khyab par bstan pa/ sgrub byed yang dag tu

'gyur ro zhe na/ rtags yang dag yin na lung don kun gyis

@iw-38 mthun dpe'i steng du khyab pa bstan dgos so zhes pa 'di ni
chos can/

mi 'thad de/ 'jig rten gyi tha snyad las 'das pa'i lugs ngan yin pa'i

phyir/ byas pa chos can/ 'brel med kyi chos rtag pa nam mkha'i yon
tan

ni ma grub pas/ sgra mi rtag par ma grub par ni ji ltar 'gyur

te mi 'gyur bar thal/ rtag pa nam yon ma grub kyang/ sgra mi

rtag par sgrub pa'i tshul gsum grub pa yin pa'i phyir/ byas pa
rtag pa

nam yon la gnod kyang/ sgra mi rtag par sgrub pa'i gtan tshigs

skyon ldan ji ltar yin te ma yin par thal/ de la gnod kyang

de sgrub kyi sgrub byed yang dag tu brjod pa'i phyir/ rtags yang dag
yin

na/ chos can gyi chos ma lus pas/ mthun dpe'i steng du khyab pa

bstan pa dgos so zhe na/ de mi dgos par thal/ chos can gyi chos

ni ma lus pas mthun dpe'i steng du khyab pa khas blangs pa med
pa

kho nar ni skye bos tshig dang dud sogs las sems ldan dang me
sogs

rjes su dpog par byed pa'i phyir te/ rang bzhin mi rtag pa dag
sgrub

par byed pa'i don byas pa des/ rgol ba 'ga' yi smra ba rtag pa
nam

@iw-39 yon la gnod pas/ sgra mi rtag par sgrub pa'i ngo bo nyid las

ldog pa ma yin te/ mi rtag pa dang 'brel ba mi 'khrul bas so/ /

du ba des/ du ldan la la me med pa la gnod pas/ la la rgyu me

dag yod par sgrub pa'i ngo bo nyid las ldog pa ma yin te/ de
sgrub

kyi phyogs chos gang zhig me la mi 'khrul ba'i phyir/ gtan

tshigs byas pa de ni chos can/ phyi rgol gzhan dag khyod las sgra

mi rtag par ji ltar rtogs par 'gyur ba ma yin te yin par

thal/ de sgrub kyi phyogs chos gang zhig 'dod pa'i bsgrub bya'i

chos kyi don mi rtag pa dang med na mi 'byung bar rtogs pa'i
phyir/


! lung don bkag pa rgol ba'i nyes pa min pa ni/ rtsa bar/




gtan tshigs brjod dam ma brjod kyang/ /'gal na rgol bas 'dir ci
byas/ /

des brjod nyes pas bstan bcos la/ /gnod byed du ni de skyes min/ /

gnod byed brjod phyir skyon ce na/ /gal te ma brjod na de ci/ /

gnod pa min nam mi rigs byed/ /min te cis na skyon can yin/ /

gtan tshigs ltar snang gzhan dag la/ /rang 'dod nyid ni sgrub med
phyir/ /

@iw-40 don med brjod pas skyon 'gyur na/ /de sgrub phyir na 'dir ma
yin/


/

zhes pas/ rtag pa nam yon la byas pa gnod byed du brjod

pas rgol ba skyon can yin no zhe na/ de 'dra'i rgol ba chos

can/ byas pa de gnod byed du brjod pa'i nyes pas bstan bcos

la gnod byed du ni byas pa de gsar du skyes pa min par thal/

byas pa gnod byed du brjod pa 'dir nyes pa ci byas te ma byas
pa'i

phyir te/ gtan tshigs byas pa de gnod byed du brjod dam ma brjod

kyang/ rtag pa nam yon dang 'gal ba'i phyir/ ma brtags par

gnod byed brjod pas rgol ba skyon can no zhe na/ de chos can/

de ltar brjod pas cis na skyon can yin te ma yin par thal/

byas pa gnod byed du brjod pa mi rigs pa byed pa min pa'i phyir
te/

gal te de ltar ma brjod na byas pa de ci rtag pa nam yon la gnod

pa min nam ste yin pa'i phyir/ rtags yang dag 'god par khas

blangs nas don med pa'i gtan tshigs ltar snang brjod pas rgol ba

skyon can du 'gyur te/ gtan tshigs ltar snang gzhan

@iw-41 dag la rang gi 'dod yul nyid ni sgrub pa'i nus pa med pa'i phyir/

sgra mi rtag sgrub pa'i snga rgol chos can/ byas pas rtag pa nam
yon

la gnod pa 'dir rgol ba skyon can ma yin te/ byas pa sgra mi

rtag par sgrub pa'i tshul gsum yin pa'i phyir/


! lung don bkag

pas 'gal na ha cang thal ba ni/ rtsa bar/




gal te bstan bcos la la 'ga'/ /rigs min pas na rigs smra ba/ /

gzhan pa dag kyang 'gog byed ces/ /bya ba rgyal rigs lugs yin
no/ /

don kun mtshungs par byas nas ni/ /sgrub byed brjod par nus ma
yin/ /

des na kun tu bsgrub bya dang/ /sgrub byed rnam gzhag 'di nyams
'gyur/ /

chos can gcig la 'gal ba dang/ /mi rung phyir na 'gal nges la/ /

gnod 'gyur 'di ni de 'dra ba'i/ /'gal ba yod pa ma yin no/ /

de dag gnod bya gnod byed ni/ /min yang bstan bcos don slad
phyir/ /

'brel ba med kyang gnod ce na/ /thams cad thams cad kyis gnod
'gyur/ /

'brel yod des na de nyid la/ /gnod 'gyur zhe na ma yin te/ /

rtags kun rang gi bsgrub bya la/ /skyon dang yon tan dpyad phyir
ro/ /

@iw-42 med na bsgrub bya mi 'byung ba'i/ /'brel ba de ni 'dir
rtogs med/ /

'dir ni bstan bcos gnod 'ba' zhig  /skyon yin de gzhan byas
la'ang mtshungs/


/

zhes pas/ gal te bstan bcos la lar rtag pa nam yon

lta bu 'ga' zhig rigs pa min pa bkag pas na/ rigs pa smra ba

gzhan pa dag kyang 'gog par byed ces bya ba chos can/

mi 'thad de/ rgyal rigs ngan pa'i chos lugs dang mtshungs pa yin

pa'i phyir/ lung don kun dang bsgrub byar mtshungs par byas

nas ni/ sgrub byed yang dag brjod par nus pa ma yin pa

des na'i phyir/ kun tu bsgrub bya dang sgrub byed kyi rnam gzhag

'di nyams par 'gyur ro/ /sgra chos can gcig la rtag mi

rtag 'gal ba dag gzhi mthun du 'du ba mi rung ba'i phyir/

chos can de dngos su 'gal ba'i rtag mi rtag gnyis ka yin

par nges pa la gnod par 'gyur ro/ /rtag pa nam yon bkag

pas sgra mi rtag par 'grub pa mi 'gal te/ rtag pa

nam yon min pa dang mi rtag pa 'dir ni/ rtag mi rtag

@iw-43 de 'dra ba'i 'gal ba yod pa ma yin pa'i phyir/ rtag mi

rtag 'brel ba med kyang rtag pa nam yon bkag na/ sgra mi

rtag pa la gnod de/ rtag pa nam yon min pa dang mi rtag

pa de dag gnod bya gnod byed min yang/ rtag pa nam yon

bkag na bstan bcos kyi don bslad par 'gyur ba'i phyir zhe na/

rtags thams cad kyis bsgrub bya thams cad la gnod par 'gyur bar
thal/

'brel med kyi lung don la gnod pas/ skabs kyi bsgrub bya

la gnod pa'i phyir/ rtag pa nam yon de sgra dang 'brel ba yod

pa des na de nyid la gnod na rtags 'gal bar 'gyur gyi

gzhan la gnod pas 'gal ba min no zhe na/ byas pa des

rtag pa nam yon la gnod pas sgra mi rtag par sgrub pa'i rtags

'gal ba ma yin te/ de la gnod kyang sgra mi rtag par sgrub

pa'i bsgrub bya sgrub pa la mi gnod pa'i phyir/ khyab ste/

rtags kun rang gi bsgrub bya la ltos nas skyon can dang yon tan

can du dpyad par bya ba yin pa'i phyir ro/ /rtag pa nam yon

@iw-44 med na bsgrub bya'i chos mi 'byung ba'i 'brel ba de ni 'dir rtogs

pa med kyi/ rtag pa nam yon la gnod pas sgra mi rtag

pa la gnod pa 'dir ni/ bstan bcos kyi don la gnod pa

'ba' zhig skyon yin pa de ltar na chos can/ rtsol byung gis

dri rtag pa sa yon la gnod pas kyang rtags 'gal bar thal/

bstan bcos kyi don la gnod pa de ni/ gzhan rtsol byung

gis dri rtag pa sa yon la gnod pa byas pa la'ang mtshungs pa'i
phyir/


! thun mong lung don bsgrub byar 'dod pa dgag pa las 'dod pa

brjod pa ni/ rtsa bar/


gal te bstan bcos khas blangs

phyir/ /bstan bcos mthong ba ma lus bsgrub/


ces pas/

gal te rang gzhan gyi sde pas/ rgol bas bstan bcos khas

blangs pa'i phyir/ bstan bcos las mthong ba ma lus pa bsgrub

bya yin no zhe na/


! de dgag pa las dpe rtags ma grub

pa brjod pa dam bca' thal ba ni/ rtsa bar/

@iw-45 


dpe dang gtan tshigs ma grub smra/ /dam bca' ba ni thal bar
'gyur/ /

gal te sgrub byed nyid brjod pa/ /ma yin 'dod pa smos phyir na/
/

bsgrub bya rig pas thob pa ni/ /tshig las ldog pa ma yin no/ /

mi 'dod bsgrub bya min zhe na/ /rgol ba mi 'dod chos gzhan yang/ /

bsgrub min de tshe bsgrub bya ba/ /min la gnod pas ci zhig 'gal/



/

zhes pas/ bstan bcos las bshad pa'i dpe dang gtan tshigs

ma grub pa smra ba chos can/ dam bca' bar ni thal bar

'gyur bar thal/ bsgrub bya rjod pa yin pa'i phyir/ gal te sgrub

byed nyid du brjod pa'i dpe rtags ma grub pa chos can/ bsgrub
bya

ma yin te/ bsgrub bya yin pa bcad pa'i phyir du/ kun btus

su kho na dang rigs sgor 'dod pa smos pa'i phyir zhe na/

gong gi de chos can/ bsgrub byar rigs pas thob pa ni yin

pas/ kho na dang 'dod pa'i tshig las ldog pa ma yin no/ /

yang rgol bas bsgrub byar mi 'dod pas bsgrub bya min no zhe na/

chos gzhan rtag pa nam yon yang rgol bas bsgrub byar mi

@iw-46 'dod pas bsgrub bya min no/ /'dod pa de'i tshe rtag pa nam yon

bsgrub bya min pas/ byas pa des rtag pa nam yon la gnod pas

rtags ci zhig 'gal te mi 'gal lo//


! rang sgra smos pa

don med du thal ba las thal ba dgod pa ni/ rtsa bar/




phyogs mtshan phyi rol don can yin/ /rang nyid sgra yang don med
'gyur/


/

zhes pas/ rang nyid ces pa'i sgra yang chos can/ phyogs kyi

mtshan nyid las phyi rol du gyur pa'i don can yin par thal/

lung don bsgrub byar bcod pa'i phyir du smos pa gang zhig lung
don

bsgrub bya yin pa'i phyir/ 'dod na/ khyod smos pa don med du
'gyur

ro//


! bstan bcos la 'dod pas 'jug pa'i don du smos pa

dgag pa ni/ rtsa bar/


bstan bcos 'dod 'jug don zhe na/ /

'o na dwogs 'di gang las yin/ /de ni tshad mas bkag med na/ /

'dzin pa gang gis bzlog par nus/ /gal te tshad mas bkag na yang/
/

tshig las gang gis 'jug par 'gyur/ /de dag sngar yang grub mtha'
ni/ /

rang nyid 'dod pa nyid kyis 'dzin/ /de ni phyis kyang ji zhig
ltar/ /

@iw-47 gzhan 'dzin pa ni cis mi thob/ /'dod gnod med dang bsgrub bya
min/ /

thug pa med par bstan pas na/ /log par rtog pa bsal ba'i phyir/
/

'dir ni rang nyid sgra mdzad do/


/zhes pas/ bstan bcos la 'dod

pas 'jug pa'i don du rang sgra smos so zhe na/ rgol ba dbang
rnon

bstan bcos la 'dod pas mi 'jug gam snyam pa'i dwogs pa 'di sel

dgos pa gang las yin te ma yin par thal/ rgol ba dbang rnon

de ni lung don tshad mas bkag pa med na lung 'dzin pa gang gis

kyang bzlog par mi nus la/ gal te lung don tshad mas bkag

na yang/ rang nyid kyi tshig las gang gis lung la 'jug par 'gyur

ba ma yin pa'i phyir/ rgol ba dbang rtul bstan bcos la 'jug

pa'i don du rang sgra smos mi dgos par thal/ rgol ba dbang rtul

de dag sngar yang grub mtha' ni rang gi 'dod pa nyid kyis 'dzin

cing/ de ni phyis kyang ji zhig ltar bstan bcos gzhan 'dzin

pa ni cis mi thob ste thob pa'i phyir/ khyod rang la'ang rang
sgra

smos pa don med du 'gyur ro zhe na/ bsgrub bya'i mtshan nyid

@iw-48 'chad pa'i skabs 'dir ni/ rang nyid kyi sgra mdzad pa chos can/

don yod de/ lung don bsgrub bya yin nam snyam pa'i log par

rtog pa bsal ba'i phyir/ sel nus te/ lung don la gnod pas

'dod yul gyi bsgrub bya la gnod pa med pa dang/ lung don bsgrub

bya min pa dang/ lung don la gnod pas skabs kyi bsgrub bya la

gnod na thug pa med par bstan pas so//


! grags pa chos

can du gzung ba'i don du smos pa dgag pa ni/ rtsa bar/




gzhung lugs kyis byas khyad par dag  /yongs su spangs nas rab
grags pa'i/ /

chos can dag ni zung don du/ /gzhan ni rang nyid sgra brjod zer/
/

dpyad pa nyid kyi skabs kyi ni/ /rang grags rten ni grub gyur
te/ /

rang 'dod brtags pa'i khyad par can/ /dngos po rnams rtsod med
phyir ro/


/

zhes pas/ rang rang gi gzhung lugs kyis byas pa'i khyad par dag

chos can yongs su spangs nas/ rab tu grags pa'i chos can

dag ni gzung ba'i don du rang nyid kyi sgra brjod ces kun btus

kyi 'grel byed gzhan ni zer ro/ /khyad chos la dpyad pa

@iw-49 byed pa nyid kyi skabs kyis ni/ rgol phyi rgol gnyis ka la

rab tu grags pa'i rten chos can ni grub par gyur te/

rang gi 'dod pas brtags pa'i chos can khyad par can gyi

steng du khyad chos kyi dngos po rnams la rtsod pa med pa'i
phyir/


! grub zin chos can bsgrub bya min par rtogs pa'i don

du rang nyid smos pa dgag pa ni/ rtsa bar/




ci ste grub par bstan pa yi/ /chos can bsgrub bya min brjod na/
/

rang gi ngo bo nyid bstan pa/ /zhes bya 'di nyid kyis de rtogs/
/

grub dang sgrub pa'i ngo bo ni/ /bstan pa dag ni yod yin na/ /

bsgrub bya nyid du bstan pa zhes/ /bya ba 'di na 'bras ldan
'gyur/


/

zhes pas/ ci ste/ chos can grub par bstan pa'i sgo

nas bsgrub bya min par rtogs pa'i don du rang sgra brjod do zhe
na/

rang gi ngo bo nyid brtan pa zhes bya ba 'di nyid kyis/ grub zin gyi
chos

can bsgrub bya ma yin pa de rtogs te/ grub zin pa dang sgrub par

byed pa'i ngo bor ni bstan pa dag ni bsgrub byar dgos pa yod pa
yin

@iw-50 na/ de bcad phyir du bsgrub bya nyid du bstan pa zhes

bya ba 'di ni 'bras bu dang ldan par 'gyur ba'i phyir/



phyogs skyon du mi 'gyur tshul dang rtags skyon phyogs skyon
bshad pa


phyogs skyon du mi 'gyur ba'i tshul dang rtags skyon phyogs skyon
bshad pa ni/ /rtsa bar/




rjes su dpag pa spyi yi ni/ /yul can nyid du bshad pa yin/ /

'dir ni de skad ma bstan kyang/ /phyogs la 'gal ba cung zad med/ /

gal te chos can bsgrub byar byas/ /de las cir 'gyur de mi nus/ /

ci phyir rtags rjes 'gro med phyir/ /'di de dag gi skyon min
nam/ /

yan lag phyi ma la bltos pa/ /phyogs skyon 'dod min de lta
na'ang/ /

gtan tshigs la sogs nyes pa yang/ /phyogs kyi skyon du thal 'gyur te/
/

thams cad phyogs la gnod phyir ro/ /de phyir de tsam dang 'brel
ba/ /

phyogs kyi skyon 'dod gzhan min te/ /mngon sum la sogs 'gal ba
bzhin/


/

zhes pas/ slob dpon gyis rjes su dpag pa tshogs spyi'i ni yul

can nyid du bshad pas ma grub pa'i chos nyid yan gar ba bsgrub

bya min par rtogs nus pas so/ /chos can yan gar ba bsgrub

bya min par rtogs pa'i don du rang sgra smos pa mi 'thad de/
bsgrub bya'i

@iw-51 mtshan nyid 'chad pa'i skabs 'dir ni/ ma grub pa'i chos can yan

gar ba bsgrub bya ma yin par rtogs pa'i don du rang nyid ces
de skad

ma bstan kyang/ phyogs yang dag gi mtshan nyid 'grub pa la 'gal

ba cung zad kyang med do/ /gal te ma grub pa'i chos can yan

gar ba bsgrub byar byas na/ de las skyon cir 'gyur dris pas/

de rtags kyis bsgrub mi nus pa'i phyir zhe na/ ci'i phyir byas
pas

rtags phyogs chos ma grub pa dang/ chos dpe la rjes 'gro

med pa'i phyir zhe na/ rtags phyogs chos ma grub pa dang chos

dpe la rjes 'gro med pa 'di chos can/ phyogs skyon ma yin

par thal/ rtags dpe de dag gi skyon min nam te yin pa'i phyir/

khyab ste/ yan lag phyi ma rtags dpe la ltos pa'i skyon phyogs

skyon du 'dod pa min pa'i phyir/ yang/ phyogs skyon yin te/

phyogs 'grub pa la gnod pa'i phyir zhe na/ de lta'ang gtan
tshigs

la sogs pa'i nyes pa thams cad chos can/ phyogs kyi skyon du
thal

bar 'gyur te/ phyogs 'grub pa la gnod pa'i phyir/

@iw-52 'o na/ phyogs skyon gang zhe na/ sgra mnyan byar

sgrub pa'i phyogs su bzung nas/ phyi rgol gyis grub zin pa
chos

can/ phyogs kyi skyon du 'dod kyi/ gzhan rtags skyon

min te/ dam bca' de tsam dang 'brel ba'i nyes pa yin pa'i
phyir/

dper na/ mngon sum dang 'gal ba sgra mnyan bya ma yin par dam 
bcas pa bzhin no/


! ma grub chos can bsgrub bya

min par rtogs pa'i don du rang sgra smos pa dgag pa dngos ni/

rtsa bar/


rgyu sogs mtshan nyid bsal bya la/ /ltos pa med

par ma khyab dang/ /ldog pa dag ni spang pa'i phyir/ /phyogs
kyi

mtshan nyid bshad pa yin/ rang nyid tshig phrad ngo bo'i sgra/
/ma bsal

ba dang bcas pa dag /ldog pa sel bar byed pa yin/ /'dod sgras
ma

khyab sel bar byed/ /bsgrub byar khas blangs phyogs mtshan
nyid/ /de rnams

la ni phyogs nyid med/ /bsal ba gnod dang lhag ma la/ /mtshan
nyid

'jug pa med phyir ro/


/zhes pas/ rgyu rtags dpe sogs kyi

mtshan nyid kyi bsal bya sel ba la ltos pa med par/ ma khyab

@iw-53 pa dang/ ldog pa khyab ches pa dag ni spang ba'i phyir du
phyogs kyi

mtshan nyid bshad pa yin pa'i phyir/ tshig gang gis sel na/

mtshan nyid kyi zur du rang nyid tshig phrad ngo bo'i sgra ma
bsal ba dang

bcas pa dag chos can/ gzhan don bsgrub bya'i ldog pa

khyab ches pa sel bar byed pa yin te/ rgol bas mi 'dod pa'i

lung don dang/ sgrub byed du bkod bzhin pa dang/ phyi rgol
gyis

grub zin pa dang/ tshad mas bsal ba gzhan don bsgrub bya

yin pa sel ba'i phyir/ tshig zur gyi 'dod pa'i sgras gzhan

don bsgrub bya'i ma khyab pa sel bar byed de/ ngag tu ma brjod
 
kyang/ zhe bas 'dod pa bsgrub byar yod pa bstan pa'i phyir/


! mdor bsdu na/ tshad mas ma bsal zhing/ rgol ba rtogs ldan gyis

bsgrub byar khas blangs pa de gzhan don phyogs yang dag gi
mtshan

nyid yin no/ /tshad mas bsal ba sogs de rnams la ni/

phyogs kyi mtshan nyid de 'jug pa med pa'i phyir te/ tshad mas

bsal ba la tshad mas gnod pa'i phyir/ de gnyis don gcig pa la
dgongs so/ /lhag ma phyi rgol

@iw-54 gyis grub zin sogs bzhi la/ phyogs kyi mtshan nyid rgol

ba rtogs ldan gyis bsgrub byar khas blangs 'jug pa med pa'i
phyir/


! de la rtsod spang ni/ rtsa bar/


rang nyid 'dod pa

brjod pa yis/ /nges gzung don ni rtogs na yang/ /byed pa'i
mtha'

dang 'brel ba'i phyir/ /dus gzhan bcad phyir bshad pa yin/
/'dod rkyen

'dir ni yan lag min/ /'dod par gyur pa'i tshig dag la/ /

yan lag nyid yin de yis ni/ /gtan tshigs ma grub la sogs 'gog


/

ces pas/ kun btus su/ bsgrub bya'i mtshan nyid

'chad pa'i tshig zur gyi rang nyid dang 'dod pa brjod pa chos
can/

bstan bya ba dang khyad gzhi khyad chos su ma 'brel na yang/
nges gzung

gi don rtogs nus te/ de lta na yang/ rang nyid 'dod par gyur

pa phyogs yin zhes pa'i tshig yin pa'i phyir dang/ byed pa'i
mtha'

bstan bya dang khyad gzhi khyad chos su 'brel ba'i rang nyid
'dod tshig

yin pas rang nyid dang 'dod pa brjod pa

des/ nges gzung gi don rtogs mi nus so/ /

@iw-55 kho na zhes pa'i tshig gis/ dus gzhan ma 'ongs pa na bsgrub

byar 'gyur rung gi dpe rtags ma grub pa bsgrub bya yin pa gcad

do/ /rang nyid dang 'dod tshig gis dpe rtags ma grub pa bsgrub

bya yin pa gcod nus te/ rang nyid 'dod par gyur pa phyogs

yin zhes pa'i tshig yin pa'i phyir zhe na/ kun btus su/

'dod pa'i skad kyi byings la rkyen byin pas/ 'dod par gyur pa

zhes pa'i tshig 'dir ni chos can/ dpe rtags ma grub

pa bsgrub bya yin pa gcod nus pa'i yan lag min

te/ bstan bya ba dang khyad gzhi khyad chos su 'brel ba'i 'dod

tshig yin pa'i phyir/ rigs sgo'i 'dod par gyur pa'i tshig de

yis ni chos can/ gtan tshigs ma grub pa la sogs

pa bsgrub bya yin pa 'gog ste/ de bsgrub bya yin pa gcod

nus kyi yan lag nyid yin pa'i phyir/ mdor na/

kun btus su bstan bya ba zhes pa'i tshig yod pa dang/ rigs

sgor tshig de med pas rkyen gyis yin no/ /

@iw-56


! don bsdu ba ni/ rtsa bar/


rjod byed min phyir yang mi
rigs//

des na rang nyid bdag nyid 'dod/ /bstan bcos kun la bltos med
par//

de 'dod pa ni bsgrub bya nyid/ /des na mi 'dod dang 'brel
ba'i//

'dod pa la yang gnod pa na/ /ji ltar sgrub la gnod med phyir//

phyogs dang gtan tshigs skyon med nyid/


/ces pas/ rang nyid
ces pa'i sgra chos can/ bstan bcos la 'dod pas

'jug pa sogs ston byed du mi rigs te/ de dag rjod byed

min pa'i phyir/ des na/ des rgol ba bdag nyid kyi 'dod

pa bsgrub byar ston te/ bstan bcos kun la bltos pa

med par rgol ba de 'dod pa ni bsgrub bya nyid du bstan pa'i
phyir/

des na/ byas pa chos can/ rgol bas mi 'dod pa dang 'brel

ba'i bstan bcos mkhan po'i 'dod pa la yang gnod pa na

sgra mi rtag par sgrub pa'i phyogs dang gtan tshigs skyon med

pa nyid yin te/ de la gnod kyang ji ltar sgra mi rtag

par sgrub pa la gnod pa med pa'i phyir/

@iw-57



bsal kha rgyas bshad


gsum pa ma bsal ba rgyas par bshad pa ni/ rtsa bar/




khas blangs de yang tshad ma ni/ /dag gis bkag med yin par
'dod//

gtan tshigs the tshom la brjod phyir/ /bsal ba gtan tshigs

rten ma yin/ /rjes su dpag pa'i dbye ba yis/ /gnod pa de ni

rnam bzhir bshad/ /de la khas blangs 'bras rtags te/ /'gro la

grags pa rang bzhin rtags/


/zhes pas/ rgol bas khas

blangs pa de yang/ mngon rjes kyi tshad ma ni dag gis bkag

pa med pa zhig bsgrub bya yin par 'dod de/ tshad mas bsal

ba gtan tshigs 'jug pa'i rten ma yin pa'i phyir te/ gzhan don

gyi gtan tshigs yang dag yin na/ tshad mas ma gsal zhing

phyi rgol the tshom dang ldan pa'i tshogs don la sgrub byed du
brjod pa'i

phyir/ dam bca' ltar snang la gnod pa'i tshad ma de ni bzhir

bshad du rung ste/ gnod byed tshad ma la mngon sum dang/ rjes
su

dpag pa la gsum du dbye ba yis so/ /gsum yod pa de la

rgol bas khas blangs pa'i yid ches kyi tshig chos can/ rang gi
brjod

@iw-58 bya'i 'bras bur khas len pa'i ngor/ rang gi brjod bya
sgrub pa la 'bras

rtags yang dag yin zhes bshad du rung ste/ de'i ngor de sgrub
kyi 'bras

bu'i tshul gsum yin zhes brjod du rung ba'i phyir/ 'gro ba la
grags

pa rtog yul na yod pa chos can/ ri bong can zla ba'i sgras

brjod rung du sgrub pa'i rang bzhin gyi rtags yang dag yin te/

de sgrub kyi sgrub rtags yang dag gang zhig zla ba'i sgras
brjod

rung la bdag gcig tu 'brel ba'i phyir/



yid ches kyis ma bsal ba rgyas bshad la lung gnod gegs su 'gyur
tshul



yid ches kyis ma

bsal ba rgyas bshad la lung gnod gegs su 'gyur ba'i tshul ni/

rtsa bar/


yang dag nges ldan brjod 'dod pa/ /bdag gzhan yid
ches mtshungs

pa yi/ /phyir na rang gi tshig dang ni/ /bstan bcos gcig tu
bshad pa yin/ /

ji ltar bdag ni tshad min na/ /tshig ni 'jug par mi 'gyur pa//

de bzhin bstan bcos mi rten na/ /der grags don la dpyod pa
yang//

mtshungs par bstan phyir bstan bcos de'i/ /skabs rten nyid la
gnod byed ces//

don 'di bstan pa'i ched du 'di/ /rang gi tshig dang lhan cig
bshad//

des na 'di la dpe dag kyang/ /mtshungs pa nyid du bstan pa yin/
/

@iw-59 tshad ma rnams ni yod min na/ /bstan bcos tshig mi rung
phyir ro/ /

rang tshig 'gal la gsal ba'i dpe/ /lung la phyogs tsam bstan pa
yin//

de la ma 'ongs pa na chos/ /bde ba mi 'grub ces bya yin/


/

zhes pas/ yid ches pa dang de'i tshig gang zhe na/ rgol ba bdag

dang gzhan bstan bcos mkhan po chos can/ yid ches pa yin

te/ don yang dag par nges pa dang ldan pa brjod par 'dod pa'i
phyir/

rang gi tshig dang bstan bcos gnyis kun btus su yid ches zhes

sel byed gcig tu bshad pa'i rgyu mtshan yod de/ yid ches pa'i
tshig

tu mtshungs pa'i phyir/ ji ltar rgol ba bdag nyid kyi tshig

ni rang gi brjod bya la mi slu ba'i tshad mar khas len pa min

na rang gi bsam pa'i don gzhan la bstan pa'i ched du/ rang gi
tshig

ni 'jug par mi 'gyur ba de bzhin du bstan bcos rang gi brjod

bya la mi slu ba'i tshad mar khas blangs pa la mi brten na
bstan bcos

des grags pa'i don shin tu lkog gyur la dpyod pa yang mi 'jug

go zhes mtshungs par bstan pa'i phyir du/ rang tshig dang lung

@iw-60 tshig gnyis ka yid ches zhes pa'i tshig gcig gis bstan pa
yin

pa'i phyir/ dgos pa ni/ skabs kyi rten shin lkog

nyid la bstan bcos de khas blangs pa tsam gyis gnod byed dang
sgrub

byed yin no zhes pa'i don 'di bstan pa'i ched du/ bstan bcos

'di rang gi tshig dang lhan cig bshad pa yin no/ /rang tshig
dang

bstan bcos 'di chos can/ gzhal bya'i don can gyi tshad

ma dag med do zhes khyod la rang 'gal gyi dpe dag kyang
mtshungs pa

nyid du bstan pa la rgyu mtshan yod de/ khyod rang 'gal gyi dam

bca' la khas blangs pa tsam gyis gnod byed yin pa des na'o//

gzhal bya'i don can gyi tshad ma dag med do zhes pa'i tshig de

rang tshig dang bstan bcos dang 'gal ba gnyis ka'i dper rung
ste/

tshad ma rnams ni yod pa min na/ bstan bcos dang rang tshig

tshad mar mi rung ba'i phyir/ gzhal bya'i don can gyi tshad ma

dag med do zhes pa'i tshig chos can/ rang gi tshig dang 'gal

ba la rnam pa gsal ba'i dpe yin te/ ngag dngos shugs 

@iw-61 'gal ba'i dam bca' gang zhig brjod bya'i ldog phyogs 'grub

pa lung la mi ltos pa'i phyir/ lung dang 'gal ba la phyogs

tsam mtshon nas bstan pa'i dpe yin gyi/ lung dang 'gal ba'i

rnam pa gsal ba'i dpe ma yin/ dkar po'i chos ni ma 'ongs

pa na bde ba mi 'grub ces bya ba ni/ lung dang 'gal ba de

la rnam pa gsal ba'i dpe yin no//


dngos stobs kyis grub pa la lung gis mi gnod pa


dngos stobs kyis

grub pa la lung gis mi gnod pa ni/ rtsa bar/




de la rten min dngos po la/ /bstan bcos dang 'gal brjod na
yang//

gnod pa ma yin gnyis po dag  /nus pa mtshungs phyir gegs byed
'gyur//

dper na rang gi tshig bzhin te/ /de yang de tshe rang tshig bdag  /

de dag gang la tshad ma yod/ /de ni gzhan la gnod byed 'gyur//

de lta min na rigs bral gyi/ /dam bca' nus pa mtshungs pa yi//

dam bca' ji bzhin don can gyi/ /rjes dpag la ni ji ltar gnod//

lung rnams tshad ma yin pa ni/ /sngar nyid rnam par bzlog pa
yin/


/

zhes pas/ lung de la brten pa min pa'i dngos po sgra la

@iw-62 spyod pa bas sngar sgra rtag par khas blangs nas phyis
tshad mas ma

grub bzhin du/ bstan bcos dang 'gal ba sgra mi rtag par

brjod na yang gnod pa ma yin te/ dam bca' gnyis po de

dag phan tshun gegs byed tsam du 'gyur ba'i phyir te/ de gnyis
dam

bca' 'gal ba nus pa mtshungs pa yin pa'i phyir/ dper na/

nga'i ma mo sham mo zhes pa'i rang gi tshig bzhin no/ /sngar
sgra rtag

ston gyi bstan bcos tshad mar byas nas/ phyis tshad mas ma grub

bzhin du sgra mi rtag par khas blangs pa de'i tshe sgra rtag
ston gyi bstan

bcos de yang sgra mi rtag par dam bca' pa la gnod pa ma yin

te/ rang tshig 'gal ba'i bdag nyid yin pa'i phyir/ sgra mi

rtag pa dang rtag par dam bcas pa de dag las/ mi rtag par tshad

mas grub nas dam bcas pa de ni/ gzhan sgra rtag par dam bcas

pa la gnod byed du 'gyur te/ sgra rtag pa'i ldog phyogs dam

bcas pa dang rgyab rten tshad ma yod pa'i dam bca' yin pa'i
phyir/

de lta min par sgra rtag ston gyi bstan bcos kyis/ sgra

@iw-63 mi rtag par dam bcas pa la gnod na/ sgra rtag ston gyi

bstan bcos kyis sgra mi rtag par dam bcas pa la mi gnod de/

bstan bcos de rgyab rten rigs pa dang bral ba'i sgra mi rtag
pa'i

dam bca' dang nus pa mtshungs pa'i dam bca' yin zhing/ sgra mi

rtag pa ji lta ba bzhin gyi don can gyi rjes dpag la ni ji
ltar

gnod de mi gnod do/ /lung rnams tshad ma yin pa ni sngar nyid
rnam

par bzlog zin pa yin pa'i phyir/


! chos can lung gis

grub pa la lung gis gnod pa ni/ rtsa bar/


de yi phyir

na khas blangs nas/ dpyod pa dag la skyon 'di 'dod/ /

des na gnod phyir rjes dpag las//

khas blangs phyi rol gyur min yang/ /yul gyi khyad par bstan
pa yi//

phyir na tha dad byas pa yin/ /de lta min na thal ches pa'am//

logs shig byas pa don med 'gyur/ /rang gi tshig kyang tha dad
pa//

tshig tsam brjod la gegs byed yin/ /de yis bstan bcos tshad mar
ni//

khas blangs phyir na dngos kun la/ /gnod byed ce na gal te
de//

@iw-64 mi 'dod gnod byed yin nam ci/ /rang tshig 'gal na rang tshig
dang//

bstan bcos 'gal tha dad mi 'gyur/ /skyes bu'i 'dod pas byas na
'di//

yongs su rdzogs pa'i tshad ma nyid/ /des na rang grags don dag
la//

bstan bcos dor na'ang nyes pa med/ /lkog gyur dag la bstan
bcos ni//

mi 'dod dpyod pa nyid mi 'jug


/ces pas/ lung khas blangs

nas dpyod pa'i dkar po'i chos kyis bde ba mi ster bar dam bcas

pa la/ lung gis gnod pa'i skyon 'di yod de/ dkar chos

kyis bde ba ster bar lung gis grub pa de'i phyir/ des na/

khas blangs pa'i yid ches rjes dpag ni rjes dpag las phyi rol

du gyur pa min te/ rtags la brten nas dam bca' ltar snang

gi don la gnod byed kyi tshad ma yin pa'i phyir/ de ltar yin

yang/ yid ches rjes dpag gi yul gyi khyad par bstan pas

rjes dpag las tha dad du byas pa la don yod do/ /de lta min
par

rjes dpag gi gsal ba'i dbye ba rtogs pa'i phyir du/ tha dad du

byas pa yin na/ 'bras rang gi rtags la brten pa'i rjes

@iw-65 dpag kyang/ bstan dgos pa ha cang thal ches par 'gyur te/ 

rjes dpag gi dbye ba rtogs pa'i phyir du tha dad du bstan par
khas blangs

pa'i phyir/ skyon med de rjes dpag gi nang du 'dus pa'i phyir

zhe na/ yid ches rjes dpag kyang logs shig tu byas pa don med

du 'gyur te/ mtshungs pa'i phyir/ 'o na/ rigs sgor

rang tshig bstan bcos las tha dad du byas pa la dgos pa ci yod

ce na/ tshig tsam rjod pa rang 'gal gyi dam bca' la gegs

byed yin par bstan pa'i ched yin pas/ rang gi tshig kyang bstan

bcos las tha dad du byas pa'o/ /rgol ba de yis bstan bcos

tshad mar ni khas blangs pa'i phyir na/ dngos po kun la lung

gnod byed yin no zhe na/ gal te lung de chos can/

rgol bas mi 'dod na'ang gnod byed yin nam ci ste yin par thal/

dngos po'i stobs kyis gnod byed yin pa'i phyir/ bstan bcos
dang

'gal na rgol ba'i rang tshig dang 'gal lo zhe na/ 'o na/

rang tshig dang bstan bcos gnyis rang 'gal gyi dam bca' la

@iw-66 gegs byed tsam du tha dad med par 'gyur bar thal/ 'dod pa de'i

phyir/ lung de skyes bu'i 'dod pas tshad mar byas so zhe na/

rang tshig kyang 'dod pas tshad mar byas pa 'di yongs su rdzogs pas

tshad ma nyid yin par 'gyur ro/ /mngon sum la rab tu grags

pa'i don dag ni dngos stobs kyis grub pa des na/ khyod la

bstan bcos sgrub byed du dor na'ang nyes pa med/ shin tu lkog

gyur dag la ni lung kho nas grub pas/ bstan bcos ni

tshad mar mi 'dod na khyod la dpyod pa nyid mi 'jug go //



tshad mar gyur pa'i lung ngos bzung ba


tshad mar gyur pa'i lung ngos gzung ba ni/ rtsa bar/




'di la brtag pa phal cher ni/ /'gal ba brjod yin 'di lta ste//

chags sogs chos min rtsa ba dang/ /khrus kyis chos dag 'gyur
ba'o/ /

mthong dang ma mthong ba dag la/ /rig pas grub dang rang tshig
gis//

gnod med gtan tshigs gang yin de/ /gzung bar bya phyir dpyod
 'jug 'gyur/


/

zhes pas/ lung yin pa tsam gyis mi slu bar yin pas ma khyab

ste/ lung 'di dag gi don la brtag pa na/ phal cher ni nang

@iw-67 'gal brjod pa mthong ngo/ /'di lta ste/ chags sogs chos
min pa'i

rtsa ba dang/ khrus kyis chos min sdig pa rtsa ba nas dag par
'gyur

bar brjod pa de'o/ /mthong ba mngon gyur dang lkog gyur dag

la rigs pas grub pa dang/ ma mthong ba shin tu lkog gyur la

rang tshig 'gal ba sogs kyis gnod pa med pa'i bstan bcos gang

yin pa de ni/ khyod la brten nas shin lkog la dpyod pa 'jug

par 'gyur te/ khyod shin lkog gi sgrub byed du gzung bar bya

ba'i lung yin pa'i phyir/ zhes pa ni tshad mar gyur pa'i lung

ngos bzung ba'o//



grags pas ma bsal rgyas bshad la brjod rung grags pa yin pa bstan
pa


grags pas ma bsal ba rgyas par

bshad pa las brjod rung grags pa yin par bstan pa ni/ rtsa
bar/




skyes bu'i 'dod dang rjes 'brel ba/ /'dod sgra'i brjod bya
nyid don la//

bkag med phyir na gnod med ngag  /skye bo rnams 'dod yid ches
yin//

tha snyad las ni skyes pa yi/ /chos de grags pa'i sgra yis
brjod//

mngon sum sogs kyi gzhal bya yang/ /'jal byed sgra sgro btags
nas brjod/


/

ces pas/ gzhan don bsgrub bya la grags pas ma

@iw-68 bsal ba dgos pas/ grags pa gang zhe na/ skyes bu'i 'dod

pa dang rjes su 'brel ba'i 'dod rgyal ba'i zla ba zhes pa'i
sgra chos can/

ri bong can khyod kyis brjod du rung bar skye bo rnams 'dod
cing

yid ches pa yin te/ khyod kyis don thams cad brjod du rung ba

la gnod pa med pa'i ngag yin pa'i phyir te/ khyod kyi brjod

bya rung ba nyid don thams cad la bkag pa med pa'i phyir/ zla
ba zhes

pa'i tha snyad las ni skyes pa'i chos ri bong can zla ba'i
sgras brjod

rung de chos can/ grags pa'i sgra yis brjod pa'i rgyu mtshan
yod

de/ grags pa mtshan nyid pa de'i yul yin pa'i phyir/ brjod

rung gis brjod mi rung la gnod mod/ /sgra 'dzin mngon sum gyis
sgra

mnyan bya ma yin pa la ji ltar gnod ce na/ yul gyis gnod

pa la yul can gyis gnod ces bshad pa ste/ mngon sum sogs

gyi gzhal bya la yang 'jal byed kyi sgra sgro btags nas

brjod pa yin no//


! brjod rung gnod byed yin par bstan pa ni/

rtsa bar/


de la brten nas 'byung ba can/ /'dod pas 'jug phyir

@iw-69 dgag med pa/ /byas dang ma byas pa rnams su/ /sna tshogs
rang bzhin nyid

kyis rung/ /don tsam dang ni rjes 'brel can/ /byung ba 'am ni
'byung

'gyur ba/ /sgra yi rung ba nyid de yis/ /mi mthun pa dag gnod
par 'gyur/


/

zhes pas/ 'dod pa de la brten nas 'byung ba can gyi zla ba
zhes

pa'i sgra chos can/ don thams cad la 'jug tu rung ba dgag tu
med

pa yin te/ 'dod pas 'jug pa'i sgra yin pa'i phyir/ sna tshogs

pa'i ri bong can chos can/ sngar brda byas pa zla ba zhes pa
dang

sngar brda ma byas pa bum pa zhes pa sogs rnams kyis brjod rung
yin

te/ rtog yul na yod pa'i rang bzhin nyid yin pa'i phyir/

don sna tshogs la brda bya rung ba zla ba zhes pa'i sgra chos
can/

sngar brda byung ba zla ba zhes pa'am 'byung bar 'gyur ba bum
pa'i sgras brjod

du rung ba de yis/ de dang mi mthun pa brjod mi rung dag la
gnod

par 'gyur te/ rtog yul na yod pa'i don tsam dang ni rjes su
'brel

ba can yin pa'i phyir/


! brjod rung grags par slob dpon gyis
bzhed pa ni/

rtsa bar/


grags pa med kyang dngos po la/ /rung nyid de yi
stobs nyid las//

@iw-70 de la sgra kun 'brel des na/ de la de ni grub pa yin//

gzhan du 'dir ni gnod pa yi/ /gtan tshigs thun mong nyid mi
'gyur/


/

zhes pas/ bum pa'i dngos po de chos can/ zla ba grags pa

med kyang khyod la zla ba'i sgras brjod rung de ni grub pa yin
te/ de

med kyang rtog yul na yod pa de'i stobs nyid las khyod la sgra
kun

brjod rung nyid du 'brel ba des na'o/ /brjod rung grags par
bzhed pa

las gzhan du grags zin kho na la grags par rjod na/ ri bong

can la zla ba'i sgras brjod rung 'dir ni/ gnod byed du brjod pa'i gtan

tshigs rtog yul na yod pa chos can/ ri bong can zla ba'i sgras
brjod mi

rung du sgrub pa'i thun mong min pa nyid du mi 'gyur bar thal/
zla bar

grags ma zin pa du ma la yod pa'i phyir/


! mdo'i tshig gi dgongs

pa bshad pa ni/ rtsa bar/


de 'gog rjes dpag las 'gyur te//

sgra don med pa'i 'jug med phyir/ /gang la yod rjes 'gro med
de//

rtags rnams thun mong min nyid ces/ /de ltar gtan tshigs dper
brjod pa//

'bras bu dang ni ldan par 'dod/ /sgra ni brda la brten pa can/

@iw-71 /de yang 'dod tsam brten pa yin/ /sgra yi grub pa mi 'grub min/
/

de ltar sgra byung grags pa gsungs/ /rjes su dpag pas bsgrub
rnams la/ /

'gal ba 'khrul pa med pa can/ /med par ston yin de lta bu'i/ /

grags pa'i rjes dpog yin phyir ro/


/zhes pas/ tshad ma mdor

gang la thun mong ma yin pa'i phyir/ rjes su dpag pa med la/
sgra

las byung ba'i grags pa dang 'gal ba'i don gyis na/ bsal ba

de yang phyogs ma yin no/ /dper na ri bong can ni

zla ba ma yin te/ yod pa'i phyir/ zhes pa'i don 'chad pa las
brjod

mi rung la sbyar te bshad pa ni/ ri bong can zla ba'i sgras
brjod

rung de/ rjes dpag las 'gog par 'gyur te/ tshad mas 'gog

cing mngon sum gyis mi 'gog pa'i phyir te/ sgra don la dbang
po

ste mngon sum gnod sgrub tu 'jug pa med pa'i phyir/ 'dod mi

nus te/ yod pa ri bong can zla ba'i sgras brjod mi rung du
sgrub pa'i

rtags thun mong ma yin pa yin pa'i phyir/ yod pa thun mong ma

yin pa yin mod/ rtags gzhan yod pa ma yin nam zhe na/

@iw-72 ri bong can ni zla ba ma yin te/ yod pa'i phyir/ zhes
pa'i

gtan tshigs dper brjod pa chos can/ 'bras bu dang ni ldan

par 'dod de/ ri bong can zla ba'i sgras brjod mi rung du sgrub
pa

gang la/ yod pa de mthun phyogs la rjes 'gro med pa de ltar 

rtags gzhan rnams kyang thun mong min pa nyid do zhes de ltar
rtogs

pa'i ched yin pa'i phyir/ ri bong can zla ba'i sgras brjod
rung la

gnod byed med mod/ sgrub byed gang zhe na/ sgra las byung ba'i

grags pa zhes gsungs pa chos can/ don yod de/ zla ba'i sgra
yis

brjod rung du grub pa de don thams cad la yang ma grub pa min
no

zhes de ltar rtogs pa'i ched yin pa'i phyir te/ zla ba zhes
pa'i

sgra ni brda la brten pa can yin la/ brda de yang 'dod pa

tsam la brten pa yin pa'i phyir/ sgra byung grags pa zhes
gsungs

pa chos can/ dngos po stobs zhugs kyi rjes su dpag pas bsgrubs

pa rnams la/ 'gal ba la 'khrul pa med par ston pa yin te/

ri bong can zla ba'i sgras brjod rung de lta bur rtogs pa'i

@iw-73 grags pa'i rjes dpag la 'gran zla med par bstan pa yin
pa'i phyir/

de dag gi don gsal bar brjod na/ rjod byed kyi sgra

don thams cad la 'jug tu rung ba 'gog pa'i rjes su dpag pa med
de/

rtags gang bkod kyang/ thun mong ma yin pa'i rtags ltar snang

du 'gyur ba'i phyir/ de ltar 'gog pa ni/ sgra las byung ba'i

grags pa dang 'gal ba'i don gyis na/ rjod byed kyi sgra don
thams

cad la 'jug tu mi rung ba de nyid grags pas gsal ba yin pa'i 

phyir phyogs ma yin no/ /dper na ri bong can zla ba ma

yin te/ yod pa'i phyir zhes pa lta bu'o/ /brjod rung grags

pa la rjes dpag gzhan gyis gnod byed med par bstan cing

brjod rung grags pas bsal ba phyogs min par bstan nas

tshad ma thams cad la yang gnod byed med par bstan te/ 'dod

pa tsam gyis gzhag pa'i don 'jal ba'i tshad ma la yang gnod

byed kyi tshad ma gzhan med na/ dngos po stobs shugs kyi tshad

ma la lta ci smos zhes pa'o/ /de ni mdo'i don bshad

@iw-74 pa de/ de 'gog rjes dpag las 'gyur te/ /ces pa nas rnam
rtsas

mdo'i don rgyas par bshad pa yin no//


! brjod rung la sbyar te

bshad pa ni/ rtsa bar/


yang na 'jig rten brjod pa la//

rjes dpag med par brjod pa la/ /des na rjes su dpag pa las/ /

grags pa tha dad yul can nyid/ /des na dngos rnams yod med
pa'i/ /

rjes su 'jug can rjes dpag las/ /tha dad de dbang mi 'jug pa/
/

de 'dod las skyes yin zhes bstan/ /ri bong can zlar mi 'dod
pa/ /

de grags gang zhig 'dod par 'gyur/ /de phyir de la dpe med
can/ /

de ni thun mong ma yin 'dod/


/ces pas/ lung dang pos ri

bong can zla ba'i sgras brjod rung la gnod pa med par bstan pa
las/

yang na/ lung dang pos/ 'jig rten na ri bong can zla ba'i
sgras

brjod pa dngos po ba la rjes dpag med par brjod pas/ dngos
stobs rjes

dpag las grags pa'i rjes dpag yul tha dad pa can nyid du ston
te

ri bong can la zla ba zhes pa'i sgras dngos dbang gis mi 'jug
par

bstan/ dgos pa ni/ dngos stobs rjes dpag las grags

@iw-75 pa'i rjes dpag dpyod yul tha dad par bstan pa la/ don yod
de/

dngos po rnams yod pa dang med pa'i rjes su 'jug pa can gyi
dngos

stobs rjes dpag las tha dad par grags pa'i rjes
dpag de dngos po'i

dbang gis mi 'jug par 'dod pa las skyes pa yin no zhes bstan
pa'i

ched yin pa'i phyir/ yod pa de ni/ ri bong can zla sgras brjod
rung

dngos po bar sgrub pa'i thun mong ma yin pa'i rtags su 'dod
de/

de sgrub kyi phyogs chos grub cing/ de ltar sgrub pa de la
mthun dpe med pa

can yin pa'i phyir te/ zla ba'i sgras brjod rung dngos po ba
gang zhig

'dod par 'gyur te mi 'gyur ba'i phyir te/ zla bar ches grags
pa'i

ri bong can yang zla ba'i sgras brjod rung dngos po bar mi
'dod pa'i phyir/

de dag gis/ zla ba'i sgras brjod rung de 'jig rten 'dod tsam
gyis

bzhag pa dang/ dngos dbang gis de ltar mi 'jug pas/ dngos

stobs rjes dpag dang/ grags pa'i rjes dpag yul tha dad par
bstan no/ /

dpe gzhan la ma khyab par thal ba ni/ rtsa bar/




dpe 'di nyid dbang byas nas ni/ /de skad bshad min mtshan nyid
phyir/ /

@iw-76 de bzhin da trig shing min zhes/ /brjod pa la yang gnod
phyir ro/


/

zhes pas/ yod pa'i rtags kyis ri bong can zla ba ma yin par

sgrub pa'i dpe gcig po 'di nyid kyi dbang du byas nas ni

sgra las byung ba'i grags pa zhes de skad du bshad par 'gyur
te

khyod kyi 'dod pa de'i phyir/ 'dod na mi 'thad de/ lung gnyis

pas de skad du bshad pa min par 'gyur ba las/ grags pas gnod

pa'i mtshan nyid kyis mtshan gzhi la khyab par bstan pa'i

phyir te/ ri bong can zla ba'i sgras brjod mi rung la grags

pas gnod pa de bzhin du/ da trig shing sgras brjod rung min
zhes

brjod pa la'ang grags pas gnod par bstan pa'i phyir/


! skabs kyi dpe la mthun dpe yod par bstan pa ni/

rtsa bar/


'dir yang ga bur dngul sogs la/ /'jig rten na ni
mthong

ba'i phyir/ /brda las 'jug par 'gyur ba la/ /thun mong min pa
nyid kyang ci/ /

gal te la lar de grub na/ /de ni dngos stobs las grub yin/ /

grags grub khas len ri bong can/ /ma yin pa la'ang bzlog med
phyir/ /

@iw-77 dngos po la ni grub pa de/ /ri bong can la'ang bzlog pa
med/ /

dngos de med na ri can la/ /bzlog kyang nyes pa yod ma yin/ /

de'i phyir dngos des med brda can/ /sgra las byung ba'i chos
rnams kyi//

rung ba don rnams nyid yin te/ /'dod la gegs byed med phyir
ro/ /

gal te la lar de grub na/ /de ni dngos stobs las grub yin/ /

grags pas grub par khas len na/ /ri bong can la'ang bzlog med
phyir/ /

rung ba nyid de 'gog pa la/ /brda 'gog med las skyes pa yin/ /

grags pa zhes bya'i rjes su dpag  /rung ba yul can gyis gnod
byed/ /

'dis ni brda rjes 'jug pa yin/ /sgra rnams la ni don nges pa/
/

yod med ces brjod de dag rnams/ /der 'gog pa ni 'gal ba yin/


/

zhes pas/ 'jig rten 'dir yang ga bur dang dngul chu sogs la

zla ba'i sgras brjod pa mthong bas/ ri bong can la zla ba'i
sgras brjod rung

du sgrub pa'i mthun dpe med pa ma yin/ zla ba zhes pa'i sgra
de

brda las 'jug par 'gyur ba yin pas/ ri bong can la thun

mong min par 'jug rung nyid kyang ci yin te ma yin

@iw-78 no/ /gal te ri bong can la lar kho nar zla ba zhes pa'i

sgra de grub bo zhe na/ de ni chos can/ ri bong can la 

dngos stobs las grub pa yin par thal/ ri bong can kho na la

grub pa'i phyir/ ri bong can la grags pas grub par khas len
no 

zhe na/ ri bong can min pa la'ang grags pas 'jug pa bzlog tu
med

de/ ri bong can la de ltar grub pa de gzhan la'ang mtshungs
pa'i phyir/

ga bur dang dngul chu sogs la dkar bsil sogs dngos po la ni

grub pas/ zla ba zhes pa'i sgra rgyu mtshan gyi dbang gis 'jug
ce

na/ ri bong can la'ang zla ba zhes pa'i sgra rgyu mtshan gyi
dbang gis

'jug pa bzlog pa med par thal/ 'dod pa de'i phyir/ ri bong can
la

dngos po de ltar med do zhe na/ ri bong can la zla ba zhes
pa'i sgra

bzlog kyang grags pas gnod pa'i nyes pa yod pa ma yin par
thal/

zla ba zhes pa'i sgra de rgyu mtshan can gyi sgra gang zhig
/khyod la

zla ba zhes pa'i sgra 'jug pa'i rgyu mtshan med pa'i phyir te/
rgyu mtshan

can gyi sgra rgyu mtshan med par mi 'jug pa de'i phyir/

@iw-79 dngos po la 'jug pa'i nges pa med par/ brda la ltos pa
can gyi

zla ba zhes pa'i sgra las byung ba'i chos rnams kyis brjod du
rung ba don

rnams nyid yin te/ zla ba zhes pa'i sgra 'dod pas 'jug pa la
gegs

byed pa med pa'i phyir ro/ /gal te ga bur sogs la la kho nar

zla ba zhes pa'i sgra de rgyu mtshan gyi dbang gis grub bo zhe
na/

zla ba zhes pa'i sgra de ni ga bur sogs la dngos stobs las
grub pa yin

par thal/ de la rgyu mtshan gyis 'jug pa'i phyir/ de la

grags pas grub par khas len no zhe na/ ri bong can la'ang

zla ba'i sgra rgyu mtshan gyi dbang gis 'jug kyang grags pas
grub pa

bzlog tu med par thal/ rgyu mtshan mtshungs pa'i phyir/ ri
bong

can la zla ba'i sgras brjod du rung ba nyid de 'gog pa la/ zla
ba

zhes pa'i brda 'gog pa med pa las skyes pa'i grags pa zhes bya
ba'i

rjes su dpag pa zla ba'i sgras brjod du rung ba'i yul can gyis
gnod

par byed pa'i phyir/ bshad ma thag pa'i rigs pa 'dis ni

brda'i rjes su 'jug pa'i sgra rnams la ni don mtha' gcig tu

@iw-80 nges pa yod pa min no zhes brjod pas/ ri bong can sogs de dag

rnams zla ba'i sgra brjod rung der 'gog pa ni 'gal ba bstan pa
yin

no//


! don bsdu ba ni/ rtsa bar/


des ni rgyu mtshan can

sgra yin/ /don nam sgra rnams kyi ni don/ /don dam pa nyid
'gog pa la/ /

gnod pa med par bstan pa yin/


/zhes pas/ ri bong can

de 'tshed byed ma yin pas/ ri bong can la 'tshed byed ces pa'i
rgyu

mtshan can gyi sgra'i don yin pa 'gog pa la grags pas gnod pa

med do/ /ri bong can la zla ba zhes pa'i sgra rnams kyi ni
don/

don dam pa nyid 'gog pa la grags pas gnod pa med par bstan pa
yin

te/ don dam par zla ba'i sgras brjod rung ma yin pa'i phyir/


! grags pa logs su 'chad pa'i rgyu mtshan ni/ rtsa bar/




des na yul gyi khyad par ni/ /bstan phyir grags pa rjes dpag
las/ /

phyi rol gyur pa ma yin yang/ /tha dad byas yin snga ma bzhin/
/

grub pa tha dad bshad pa la/ /dgos pa bstan phyir 'di gnyis
ni/ /

rgyu dang bcas pa rab brjod de/ /mngon sum rjes dpag gnod la
min/


/ 

@iw-81 zhes pas/ grags pa'i rjes dpag de rjes dpag las phyi rol du gyur

pa ma yin te/ grags pa'i rjes dpag de yang rtags la brten nas

don rtogs pa des na'o/ /de lta na'ang/ tha dad du byas pa'i dgos pa
ni/

grags pa'i rjes dpag gi thun mong ma yin pa'i yul gyi khyad par
ni bstan

pa'i phyir du yin te/ dper na/ snga ma yid ches rjes dpag bzhin
no/ /

yid ches dang grags pa'i rjes dpag 'di gnyis ni/ rjes dpag tu
grub

pa yin yang rjes dpag las tha dad du bshad pa la dgos pa yod de/

rim pa bzhin du rang 'gal gyi dam bca' la khas blangs dang grags

pas gnod pa'i dgos pa bstan phyir du rang 'gal gyi dam bca'

la gnod pa 'bab tshul rgyu mtshan dang bcas pa rgyas pa rab tu
brjod

pa'i phyir/ mngon sum dang dngos stobs rjes dpag gnyis rang 'gal

gyi dam bca' la gnod pa 'bab tshul rgyas par bshad pa min te/

rang 'gal gyi dam bca' la dngos po'i stobs kyis gnod pa'i phyir/



mngon sum gyis ma bsal ba rgyas bshad


mngon sum gyis ma bsal rgyas par bshad pa las don smos

pa'i dgos pa ni/ rtsa bar/


mngon sum gyis gnod 'di la yang/ /

@iw-82 sgra ni du ma'i dngos nyid du/ /grags pa'i ngo bo nyid gang
zhig  /

sna tshogs su ni snang ba yin/ /blo ni skye ba med pa'i phyir/ /

nyan la gnyis med snang gyur pa/ /de don don bshad 'di nyid ni/
/

spong na mngon sum gyis gnod 'gyur/ /ngo bo de nyid de la don/ /

lhag ma ldog pa'i mtshan nyid can/ /spyi ni dngos med ngo bo yin/ /

de phyir de dbang spyod yul min/


/zhes pas/ mngon sum gyis gnod
pa

rtogs sla bas slob dpon gyis rgyas par ma gsungs mod/ 'di la
yang

brjod par bya ba yod do/ /ji ltar yod ce na/ don zhes bshad pa

chos can/ don yod de/ sgra de nyan shes la spyi gsal gnyis

med par gsal bar snang bar gyur pa de rtogs pa'i don yin pa'i
phyir/

shes bya chos can/ sgra de nyan shes la spyi gsal gnyis su snang

ba med de/ sgra ni ldog pa du ma'i dngos po nyid du grags pa'i
ngo bo nyid

gang zhig  /spyi gsal sna tshogs su snang ba'i blo nyan shes skye ba
med pa'i

phyir/ sgra mnyan bya yin pa 'di ni chos can/ khyod spong na

mngon sum gyis gnod par 'gyur te/ khyod mngon sum gyis grub pa'i
phyir/

@iw-83 sgra'i ngo bo de nyid chos can/ khyod la don zhes bshad de/

don dam par grub pa'i phyir/ /lhag ma ldog pa'i mtshan nyid can
gyi

spyi ni chos can/ dbang mngon gyi dngos kyi spyod yul min te/

dngos med kyi ngo bo yin pa de'i phyir/


! mnyan bya smos pa'i dgos pa ni/

rtsa bar/


des na spyi yi chos rnams ni/ /mngon sum min par grub
pa'i phyir/ /

spong yang gnod pa yod min zhes/ /mnyan bya smos pas bstan pa
yin/ /

rnam kun brjod bya'i dngos min phyir/ /grub pas de la brten
phyir dang/ /

de yi stobs kyis gnod pa'i phyir/ /mnyan byas dbang po'i spyod
yul bshad/


/

ces pas/ sgra la mnyan bya'i ming gi smos pa'i don yod de/
spyi'i

chos rnams ni spong yang mngon sum gyis gnod pa yod pa min no
zhes

bstan pa yin pa'i phyir te/ spyi'i chos rnams ni mngon sum gyi
yul

min par grub pa'i phyir/ sgra rang mtshan min no zhes smos

pas chog mod/ ci'i phyir sgra mnyan bya min zhes smos zhe na/

sgra chos can/ don dam par rang ming gis brjod mi nus te/

don dam par rnam pa kun tu sgras brjod bya'i dngos po min pa'i
phyir/

@iw-84 mnyan bya'i ming gi smos pa la dgos pa lhag po yod te/

dbang po'i mngon sum gyi spyod yul sgra la mnyan bya'i ming

gi bshad pa chos can/ don yod de/ sgra mnyan byar grub

pa nyan shes de la brten pa'i phyir dang/ nyan shes de yi stobs

kyis sgra mnyan bya min pa la gnod pa rtogs pa'i ched yin

pa'i phyir/ mkhas grub TIk cher bltas na gsal/


! chos can gang la ma bsal ba las

skabs kyi chos can la gnod pas bsgrub bya la gnod pa ni/ rtsa
bar/




kun tu rgol ba bdag nyid kyi/ /bsgrub bya 'dod pa'i chos gang
yin/ /

chos de ldan la gnod 'gyur gyi/ /chos gzhan gyi ni chos can min/ /

gzhan du chos can gzhan la ni/ /gnod kyang 'di la ci zhig bkag
/

don 'di mtshan nyid kyis rtogs kyang/ /rang gi chos can smos pas
ni/ /

chos can la ni gnod pas kyang/ /gnod 'gyur zhes ni grub don te/
/

rten ni 'gal bar gyur pa yis/ /de brten pa ni 'gal ba'i phyir/ /

gzhan du de lta'i rnam can chos/ /bsgrub bya yin zhes brjod pa'i
phyir/ /

de gnod nyid yin par sems la/ des na rang gi chos can smos/


/

@iw-85 zhes pas/ slob dpon gyis rang rten la/ zhes smos pa ci

zhe na/ de ltar smos pa la don yod de/ kun tu rgol ba bdag

nyid kyis bsgrub byar 'dod pa'i chos gang yin pa'i chos de dang
ldan pa'i

chos can la gnod na bsgrub bya la gnod par 'gyur gyi/ chos

gzhan gyi ni chos can la gnod pas bsgrub bya la gnod pa min

no zhes rtogs pa'i ched yin pa'i phyir/ skabs bab las gzhan du

chos can gzhan la ni gnod kyang/ sgra mi rtag pa 'grub pa

'di la ci zhig bkag pa med pa yin pa'i phyir na/ byas pa des

rtag pa nam yon la gnod pas sgra mi rtag par sgrub pa'i rtags
'gal

ba ga la yin/ 'brel med kyi chos can la gnod pas bsgrub

bya la mi gnod pa'i don 'di bsgrub bya'i mtshan nyid 'chad pa'i
tshig

zur gyi rang nyid dang 'dod pa zhes pa'i tshig gis rtogs kyang/
rang gi

chos can smos pas ni don yod de/ skabs kyi chos can la ni

gnod pas kyang bsgrub bya la gnod par 'gyur ro zhes ni grub

pa'i don yin pa'i phyir te/ rten ni 'gal bar gyur

@iw-86 pa yis de la brten pa ni 'gal ba'i phyir/ rang rten smos pa

las gzhan du tshogs don de gnod pa nyid bsgrub bya la gnod pa yin

par sems pa srid de/ rgol bas 'dod pa de lta bu'i rnam pa can

gyi chos/ chos can gyi steng du bsgrub bya yin zhes brjod pa'i
phyir/

rang gi chos can smos pa chos can/ don yod de/ tshogs don

la gnod pa kho na bsgrub bya la gnod pa yin nam snyam du sems pa

bzlog pa'i ched yin pa des na'o//


! 'brel med kyi chos can

la gnod pas bsgrub bya la mi gnod pa ni/ rtsa bar/




'di yang don gyis grub min nam/ /bden te 'ga' zhig chos can ni/
/

'ba' zhig bkag pa la yang ni/ /skyon dang ldan pa khas len to/ /

dper na mkha' sogs gzhan dag gis/ /sngon med rang bzhin skyed
med min/ /

cig car sgra sogs rgyu yin phyir/ /zhes bshad pa la sun 'byin
pa/ /

de bzhin mkha' sogs chos can gyi/ /ngo bo'ang dngos med ces
brjod bzhin/ /

de ltar 'dod pa'i bsgrub bya la/ /gnod pa 'ga' yang med pa nyid/ /

'dis ni gnyis ka bsgrub bya nyid/ /yin na chos can la gnod gang/ /

@iw-87 bsgrub par bya ba'i chos 'gog pas/ /de la gnod ces bstan pa yin/
/

de lta nyid du chos can yang/ /bsgrub bya nyid phyir 'ba' zhig
min/


/

zhes pas/ chos can la gnod pas bsgrub bya la gnod pa 'di

yang rang nyid dang 'dod pa'i tshig gis don gyis grub pa min nam
zhe na/

bden te/ 'on kyang rgol ba 'ga' zhig chos can ni 'ba' zhig

pa bkag pa la yang ni rtags skyon dang ldan par khas len te/

dper na/ sangs rgyas pas mkha' sogs chos can/ rkyen gzhan dag

gis sngon med pa'i rang bzhin bskyed du med pa'i rtag rdzas min
te/

cig car sgra sogs kyi rgyu min pa'i phyir zhes bshad pa la

bye brag pas sun 'byin pa/ cig car sgra sogs kyi rgyu min pa

chos can/ nam mkha' rtag rdzas ma yin par sgrub pa'i rtags 'gal

bar thal/ rtag rdzas bkag pa de bzhin du mkha' sogs chos can

gyi ngo bo'ang dngos med du bstan pa'i phyir/ zhes brjod pa bzhin
no/ /

@iw-88 lan ni dngos gyur gyi nam mkha' bkag pas/ de ltar

sgrub pa'i 'dod pa'i bsgrub bya la gnod pa 'ga' yang med pa nyid yin
pa'i

phyir/ rang rten la zhes pa 'di ni chos can la gnod pa gang

gis bsgrub par bya ba'i chos 'gog pas/ bsgrub bya de la gnod

ces bstan pa yin te/ chos dang chos can gnyis ka'i tshogs

don bsgrub bya nyid yin pa'i phyir/ rgol bas zhe bas 'dod pa de
lta

nyid du chos kyis khyad par du byas pa'i chos can yang bsgrub
bya nyid

yin pas/ 'brel med kyi chos can 'ba' zhig pa la gnod

pas/ bsgrub bya la gnod pa min no/ /de ni/ mi rtag pa'i

khyad par du gyur pa'i sgra bsgrub bya yin yang sgra bsgrub bya
ma yin par

bstan no//


! de la rtsod pa spang ba ni/ rtsa bar/




gal te de lta na 'dir gnod/ /cig car sgra sogs rgyu min phyir/ /

bde sogs gzhan gyis bskyed nus min/ /ma yin zhes bya snga ma
bzhin/ /

gal te 'di la gtan tshigs ni/ /des na 'gal bar 'gyur ba nyid/ /

rim bzhin byas dang mi rtag gnyis/ /'gal ba med phyir mi mthun
phyogs/ /

@iw-89 ldog la the tshom za bas na/ /'di ni lhag ldan khyad par
'dod/


/

ces pas/ gal te skabs kyi chos can la gnod pas

bsgrub bya la gnod pa de lta na/ sangs rgyas pas grangs can

la gnod byed brjod pa 'dir gnod byed yod de/ bde sogs chos

can/ rkyen gzhan gyis skyed nus min pa'i rtag rdzas ma yin te/

cig car sgra sogs kyi rgyu ma yin pa'i phyir/ zhes bya ba la
snga

ma bye brag pa bzhin du rgol lo/ /gal te sbyor ba 'di la med

dgag gtan tshigs su ni nges na/ rtags 'gal bar 'gyur

ba nyid yin yang/ rim bzhin don byed pa rtags yin la/

rim bzhin don byed pa chos can/ bde sogs mi rtag par sgrub

pa'i rtags 'gal ba ma yin te/ khyod dang mi rtag pa nyid 'gal

ba med pa'i phyir/ 'o na bkod tshod kyi rtags de ci 'gyur zhe na/

cig car sgra sogs kyi rgyu min pa 'di ni chos can/

de sgrub kyi lhag ldan gyi khyad par du 'dod de/ de sgrub kyi

ldog khyab la the tshom za bas na'o//


! don bsdu ba ni/ rtsa bar/

@iw-90 


gang phyir rang nyid 'dod pa'i chos/ /bsgrub bya de phyir de rten ni/
/

gnod yin 'ba' zhig pa nyid dam/ /gzhan rten la min zhes bstan
to/ /

rang nyid sgra yis chos gzhan la/ /gnod pas gnod min zhes bstan
pa/ /

de bzhin rang gi chos can gyis/ /chos can gzhan la yang zhes
brjod/


/

ces brjod pas/ rang rten zhes smos pa chos can/ skabs

kyi chos de'i rten la ni gnod na bsgrub bya la gnod pa yin gyi

chos can 'ba' zhig pa nyid dam/ chos gzhan gyi rten la gnod

pas bsgrub bya la gnod pa min no zhes bstan te/ gang gi phyir

rgol ba rang nyid 'dod pa'i chos chos can gyi steng du bsgrub
bya yin pa de'i

phyir/ rang gi chos can zhes smos pa chos can/ don yod de/

chos can gzhan la gnod na yang skabs kyi bsgrub bya la gnod

pa min no zhes brjod pa'i phyir/ dper na/ rang nyid kyi sgra yis

chos gzhan la gnod pas/ skabs kyi bsgrub bya la gnod pa min

no zhes bstan pa de bzhin no//



dam bca' ltar snang gi dpe las 'gal rtags ngos bzung ba


dam bca' ltar snang gi dpe las

khyad par ma grub pa la sogs pa phyogs skyon min pa'i tshul khyad
par

@iw-91 ma grub pa ni/ rtsa bar/


sgrub byed skyon ni thams

cad kyis/ /phyogs nyid la ni gnod 'gyur ba/ /de lta na yang dam

bca' ba/ /tsam dang 'brel ba phyogs skyon yin/ /yan lag phyi

ma la bltos skyon/ /gang yin de ni de nyid dang/ /rjes 'brel
zhes

bshad de yi phyir/ /rten sogs ma grub phyogs skyon min/


/zhes
pas/

grangs can gyi ngor sgra mi rtag ces pa dang/ khyad par can ma

grub pa dang/ bdag ni thams cad la

khyab pa'o zhes pa dang/ gnyis ka ma grub pa ni/ bdag ni

'phro ba 'du ba can gyi rgyu'o zhes pa lta bu de dag phyogs
skyon yin te/

phyogs 'grub pa la gnod pa'i phyir zhe na/ sgrub byed skyon ni
thams

cad chos can/ phyogs skyon yin par thal/ phyogs 'grub pa

la gnod pa'i phyir/ 'dod pa de lta na'ang/ rten chos can sogs

ma grub pa phyogs skyon min par thal/ dam bca' ba tsam dang
'brel

ba'i nyes pa de phyogs skyon yin gyi/ yan lag phyi ma rtags

dpe la ltos pa'i skyon gang yin pa de ni/ rtags dpe de nyid

@iw-92 dang rjes su 'brel ba'i skyon yin no zhes bshad pa de'i
phyir/


! khyad par can ma grub pa ni/ rtsa bar/


'dis sgrub yan lag

gyur pa yi/ /chos can chos kyi khyad par dang/ chos can

rang gi ngo bo la/ gnod pa dag ni bstan pa yin/


/zhes pas/

kun btus su/ chos kyi ngo bo la gnod pa'i dam bca' ltar snang

la mngon sum sogs kyis gnod pa 'bab tshul rgyas par bstan la/

chos kyi khyad par dang/ chos can gyi khyad par dang/ chos can

rang gi ngo bo la gnod pa'i dam bca' ltar snang la mngon sum
sogs

kyis gnod pa 'bab tshul rgyas par mi ston pa'i rgyu mtshan ci zhe

na/ kun btus su tshul 'di ltar bstan pa 'dis ni chos can/

bsgrub bya'i yan lag tu gyur pa'i chos can gyi

khyad par dang/ chos kyi khyad par dang/ chos can rang gi ngo bo

la gnod pa'i dam bca' dag ni/ dam bca' ltar snang du bstan

pa yin te/ 'dod yul gyi bsgrub bya la gnod pa'i dam bca'

thams cad dam bca' ltar snang du bstan pa'i phyir/

@iw-93 TIk chen las rang 'grel drangs nas/ dam bca' ltar snang gi

gnod byed dngos su bstan nas dam bca' ltar snang shugs la

'phangs par gsungs so//


! dam bca' ngos gzung ba ni/ rtsa bar/




de la don ni bstan pa yi/ /don du dpe ni phyogs tsam brjod/ /

ldan don rdzas kyi mtshan nyid can/ /mthong ba la brten gzhan yod
min/ /

ma mthong khyad par can min pa/ /dam bca' ba la dgos pa med/ /

ma mthong ba la 'bras med pa/ /mthong na yan lag can sgrub 'dod/
/

khyad par can min gzhan yod ni/ /bsgrub na grub pa sgrub pa
nyid/


/

zhes pas/ bye brag pa'i chos kyi khyad par la gnod pa'i dam bca'

ltar snang gi dpe la gnod pa'i tshul ni phyogs tsam brjod

pa chos can/ don yod de/ bye brag pa'i chos can gyi

khyad par dang/ chos can rang gi ngo bo la gnod pa'i dam bca'

de la/ gnod tshul gyi don ni bstan pa'i don du yin pa'i phyir/

'o na/ chos gyi khyad par la gnod pa'i dam bca' de gang

zhe na/ shes bya chos can/ bye brag pas rdul phan tshun

@iw-94 ldan pas brtsams pa'i don rdzas kyi mtshan nyid gsum gyi
khyad

par du byas pa can/ mngon sum gyis mthong ba la brten pa'i yan

lag can yan lag las rdzas gzhan du dam bca' pa yin te/

mngon sum gyis ma mthong zhing chos gsum gyis khyad par du byas
pa can

min pa'i yan lag can/ yan lag las rdzas gzhan du dam bcas

pa la dgos pa med pa'i phyir te/ ma mthong ba rdul phra rab la
sgrib

thogs sogs kyi 'bras bu med par mthong nas/ sgrib thogs sogs

bsgrub pa'i phyir du/ yan lag can rdzas gzhan bsgrub par 'dod

pa'i phyir dang/ chos gsum gyis khyad par can du byas pa min
pa'i

yan lag can yan lag las gzhan du yod pa ni bsgrub na/

grub zin sgrub pa nyid du 'gyur ba'i phyir/


! gnod byed bstan pa las/ dngos ni/ rtsa bar/




gal te 'di lci 'og 'gror 'gyur/ /srang ni dma' ba dag tu 'gyur/

des na yon tan bya med pa/ /de phyir 'du ba can rgyu min/ /

de phyir 'bras bu ngo bo dag  /mthong ba med phyir de mthong
min/ /

@iw-95 des na med na mi 'byung ba/ /khyad par gzhan la gnod pa yin/



/

zhes pas dam bca' de la gnod pa 'bab tshul ji lta bu zhe na/

lci mnyam gyi 'jim ril bcu tshan gnyis la/ sdom thebs dgu

byas pa'i 'jim ril 'di chos can/ yan lag la med pa'i

yon tan lcid dang/ des drangs pa'i bya ba med par thal/ gal te

yan lag la med pa'i yon tan lcid dang/ des drangs pa'i 'og tu

'gro ba'i bya ba yod par 'gyur na/ ma bsdoms pa'i 'jim ril

bcu po de dang/ srang grangs mnyam po la bcal ba na/ khyod

srang mgo ni dma' ba dag tu 'gyur dgos pa la de ltar mi

'gyur ba'i phyir/ 'dod na/ de chos can/ yan lag la

med pa'i yon tan lcid dang/ des drangs pa'i bya ba 'phro ba 'du
ba can

gyi rgyu min par thal/ 'dod pa de'i phyir/ chos gsum gyis khyad
par

du byas pa'i yan lag can de tshad mas mthong ba min te/

de'i 'bras bu dang ngo bo dag tshad mas mthong ba med pa'i phyir/ bye

brag pas yan lag can yan lag las rdzas gzhan du dam bcas

@iw-96 pa chos can/ mi rigs te/ chos gsum gyis khyad par du byas nas

yan lag can rdzas gzhan du dam bcas pa gang zhig gang med

na mi 'byung ba'i khyad par gzhan chos gsum po la tshad mas gnod
pa

yin pa'i phyir/ TIk chen las/ 'di ni yan lag dang

yan lag can gnyis gzhan tsam sangs rgyas pas khas len pas

sgrub mi dgos/ rdzas gzhan sgrub pa yin la/ de yang bye brag

pas rdul phran la sgrib thogs byed pa sogs 'bras med du mthong
nas

sgrib thogs byed pa'i yan lag can de yan lag las rdzas gzhan du

'dod la/ de yang chos gsum gyis khyad par du byas pa'i sgo nas
rdzas

gzhan du sgrub/ chos gsum ni/ lcid kyi yon tan dang/ des drangs

pa'i 'gro ba'i bya ba dang/ de gnyis kyi 'phro 'du'i rgyu byed
pa gsum mo

zhes sogs kyis shin tu gsal bar gsungs so/ /gal te

de ltar na/ 'jim ril lnga ma bsres pa'i gnas skabs dang/

bsres ba'i gnas skabs kyi 'jim ril lnga tshan gnyis la lcid yang

gi khyad par yod dgos pa la de ltar med pa'i phyir/

@iw-97


! de'i lan dgag pa ni/ rtsa bar/


phra mo nas brtsams rdzas
'phreng dag  /

gcal nyid phyir na rdzas gzhan gyi/ /lci nyid mi rtogs ras bal
gyi/ /

'dab bzhag bzhin zhes gzhan dag zer/ /de yi cig car ldan pa
dang/ /

so sor ldan pa'i rdul tshogs dag  /so sor lhan cig gcal ba na/ /

de phyir lcid ni tha dad 'gyur/ /ma sha la sogs rim pa yis/ /

grangs mtshungs pa ni mi rung ngo/ /gal te yungs kar nas brtsams
te/ /

tshogs chen gong nas gong du ni/ /'phel ldan 'bras bu'i 'phreng
ba yi/ /

lci ba rtogs pa ma yin na/ /yungs kar bar gyi lcid dag kyang/

chung ngu shin tu rtogs dka' bas/ /'bras bu'i lcid ni mi rtogs
phyir/ /

de yi rgyu nyid gzhal byar 'gyur/ /don de mthong med ras 'dab
bzhin/ /

de yi 'bras bu'ang rtogs pa med/ /lcid nyid rtogs med bzhin du
de'i/ /

yon tan thams cad rtogs med phyir/ /ma sha la sogs lhag yod min/
/

dma' med de ni nyer mtshon te/ /gzugs sogs lhag dang lhag ci
bzhin/ /

rang gi dbang pos mthong med phyir/


/zhes pas rdul phra mo nas

brtsams te rdzas kyi 'phreng ba dag  /srang la bcal ba nyid kyi
phyir

@iw-98 na/ yan lag can rdzas gzhan gyi lcid nyid mi rtogs

te/ ras bal gyi 'dab ma phra mo nyid bzhag pa'i lcid srang gis

mi rtogs pa bzhin zhes bye brag pa gzhan dag zer ro/ /

shes bya chos can/ rgol ba de'i lugs la lcid mnyam pa'i 'jim

ril bcu tshan gnyis las gcig cig car ldan pa dang/

gcig so sor ldan pa'i rdul sogs dag  /so sor lhan cig bcal

ba na lcid ni che chung tha dad du 'gyur bar thal/ de gnyis la
srang gis

rtogs pa'i lcid du ma yod med tha dad pa de'i phyir/ lcid lhag
po

yod pa'i skyon med de/ yan lag can phyi ma skyes pa'i tshe snga

ma zhig pa'i phyir zhe na/ rim gyis bsdoms pa'i gser ma sha

ka lnga po de chos can/ khyod dang ma bsdoms pa'i ma sha ka lnga
po de

ma sha ka lnga tsam la sogs pa'i rim pa yis grangs mtshungs par
ni

mi rung bar thal/ khyod la yan lag can gyi lcid gcig las

med/ de la yan lag can gyi lcid lhag po lnga yod pa'i phyir/

gal te rdul yungs kar tsam nas brtsams te tshogs pa chen

@iw-99 po gong nas gong du ni 'phel ba dang ldan pa'i 'bras bu'i
phreng ba'i

lci ba srang gis rtogs pa med de/ chung ba'i phyir zhe na/ rdul
phra

rab nas yungs kar tsam gyi bar gyi lcid dag kyang chos can/

shin tu rtogs par dka' bar thal/ shin tu chung ba'i phyir/

shes bya chos can/ yan lag can de'i rgyu yan lag gi

lci ba nyid srang gis gzhal byar 'gyur bar thal/ srang gis gzhal

ba'i lcid yod/ 'bras bu yan lag can gyi lcid ni srang gis mi

rtogs pa'i phyir/ rtags khas blangs/ ras 'dab bzhin zhes pa'i

dpe don mi mtshungs te/ ras 'dab mngon sum gyis mthong zhing

de'i lcid srang gis rtogs pa gang zhig  /yan lag can rdzas gzhan

pa'i don de mthong ba med cing/ de'i 'bras bu'ang rtogs pa med
pa'i phyir/

yon tan lcid lhag po med kyang gzugs sogs lhag po yod do zhe na/

ma sha ka la sogs pa chos can/ yan lag la med pa'i

yon tan lhag po med par thal/ yan lag la med pa'i yon

tan lcid nyid rtogs pa med pa bzhin du/ yan lag can de'i

@iw-100 yon tan thams cad rtogs pa med pa'i phyir/ 'o na/ srang
dma' ba'i

khyad par 'dzin pa med pa'i phyir zhes lcid kho na 'gog pa ci
zhe na/

de ni/ yan lag la med pa'i yon tan lcid kho na 'gog 'dod

pa min te/ gzhan thams cad med pa nye bar mtshon thub pa'i phyir/

gser ma sha ka chos can/ yan lag la med pa'i yon tan

gzugs sogs lhag po med par thal/ de yod na lhag po ji

lta ba bzhin du/ rang gi dbang po'i mngon sum gyis mthong dgos
pa

las mthong ba med pa'i phyir/


! chos can la gnod tshul gnyis kyang

rtogs par bya ba ni/ rtsa bar/


khas blangs rang gi tshig sogs
kyis/ /

gnod pa dag ni srid pas na/ /ji skad bshad pa'i phyogs kyis ni/
/

dper brjod gzhan yang rtogs par bya/


/zhes pas bye brag pas

yan lag rnams las yan lag can rdzas gzhan du yod pa'i

dam bca' chos can/ dam bca' yang dag ma yin te/ khyod kyi

don la bye brag pa'i khas blangs dang rang gi tshig 'gal ba dang/

mngon sum dang rjes dpag dang grags pa sogs kyis/ ci rigs par

@iw-101 gnod pa dag ni srid pa'i phyir/ bye brag pa'i chos kyi
khyad par la

gnod pa'i dam bca' la gnod tshul ji skad bshad pa'i phyogs kyi ni

chos can/ don yod de/ bye brag pa'i chos can gyi khyad par dang

chos can rang gi ngo bo la gnod pa'i dam bca'i dper brjod la
gnod

pa 'bab tshul dang bcas pa gzhan yang rtogs par bya ba'i ched yin

pa'i phyir/


! mtshan nyid dgag pa ni/ rtsa bar/




bya ba dus gsum yul can phyir/ /de lta'i bdag min gzhan dag la/
/

de ltar bkod de de yi tshe/ /mi 'dod na yang sgrub byar 'gyur/ /

shes byed skabs kyis ma grub pa/ /thams cad rtogs par byed pa
yin/ /

de phyir bsgrub par bya ba'i sgra/ /'dod pa'i khyad par la brten min/
/

des na dpe dang gtan tshigs dag  /ma grub dper ni byas pa yin/ /

gzhan du ri bong rwa la sogs/ /ma grub kun kyang bsgrub byar
'gyur/ /

thams cad rnam 'gas ma grub phyir/ /des na las la sogs pa yi/ /

khyad par nye bar bkod pa yi/ /lan gyis rnam 'byed nus ma yin/ /

sngar ma grub pa'i rang bzhin phyir/ /bsgrub bya'i yan lag ces
rung min/ /

@iw-102 gang gis khas blangs mtshan nyid 'gyur/ /de yang bsgrub bya
nyid du mtshungs/


/

zhes pas/ tshad ma mdor/ bsgrub bya ston pa zhes 'di la/ /zhes

sogs kyi don 'chad par/ rigs pa can pa na re/ bsgrub

par bya ba bstan par bya ba de/ bsgrub bya'i mtshan nyid yin no

zhe na/ dpe rtags ma grub pa de lta bu'i bdag nyid min bzhin

du/ phyi rgol gzhan dag la sgra mi rtag sgrub la byas pa rtags

su bkod pa de'i tshe/ dpe rtags ma grub pa de chos can/

rgol bas bsgrub byar mi 'dod na'ang bsgrub byar 'gyur bar thal/

bsgrub par bya ba bstan par bya ba yin pa'i phyir te/ ma 'ongs
pa

na bsgrub bya yin pa'i phyir/ khyab ste/ bstan bya ba de dus
gsum

ga la 'jug pa'i yul can yin pa'i phyir/ bsgrub par bya ba

bstan par bya ba zhes pas rgol bas bsgrub byar 'dod pa kho na
bsgrub

byar ston pa yin no zhe na/ bsgrub par bya ba bstan par bya ba

zhes pa'i sgra chos can/ rgol bas bsgrub byar 'dod pa'i khyad
par

kho na go ba la brten pa min te/ shes byed skabs kyi ma

@iw-103 grub pa thams cad rtogs par byed pa yin pa'i phyir/ rgyu
mtshan des

na/ rigs pa can pa'i bsgrub bya'i mtshan nyid la dpe dang gtan

tshigs dag ma grub pa sun 'byin gyi dper ni byas pa la rgyu mtshan

dang bcas pa'o/ /de las gzhan du ma grub pa tsam bsgrub bya'i

mtshan nyid yin na/ ri bong rwa la sogs pa ma grub pa kun kyang

bsgrub byar 'dod par 'gyur ro/ /dpe rtags ma grub pa chos can/

bsgrub bya ma yin te/ las bya byed gsum gyi nang nas las ma

yin pa'i phyir dang/ khyod brjod pa dam bca'i yan lag ma yin pa'i

phyir dang/ grub mtha' bzhi'i nang nas khas blangs pa'i grub
mtha'

ma yin pa'i phyir zhe na/ de thams cad chos can/ las min

pa la sogs pa'i khyad par nye bar bkod pa yi lan gyis/ bsgrub

bya las rnam par 'byed nus pa ma yin par thal/ phyi rgol

gyis rnam pa 'gas ma grub pa'i phyir/ chos can/ bsgrub

bya brjod pa dam bca'i yan lag go zhes pa'i lan gyis bsgrub

bya ma yin par rung ba ma yin par thal/ phyi rgol gyis sngar

@iw-104 ma grub pa'i rang bzhin yin pa'i phyir/ de yang chos can/

grub mtha' nyid du mtshungs par thal/ rgol bas khas blangs pa

yin pa'i phyir/ khyab pa khas blangs te/ rgol ba gang gis khas

blangs pa de/ khas blangs pa'i grub mtha'i mtshan nyid du 'gyur
ba'i

phyir/ grub mtha' bzhi ni/ TIk cher/ gzhal bya'i don

can gyi tshad ma dag yod de zhes pa/ rgyud thams cad kyi grub
mtha'

yin te/ grub mtha' smra ba thams cad kyis khas blangs pa'o/ /

bdag yod ces pa dang med ces pa lta bu/ so so'i rgyud kyi grub
mtha'

ste/ grub mtha' so so la nges pa'i 'dod pa'o/ /bdag shi nas

rnam smin la longs spyod ces pa/ skabs kyi grub mtha' ste/

bdag khas blangs pa'i skabs kyi 'dod pa khyad par ro/ /khyad
gzhi

tsam khas blangs nas de rjes khyad chos la dpyod pa de/ khas
blangs pa'i

grub mtha' ste/ ma brtags par khyad gzhi tsam dang po khas
blangs

pa'o/ /skyon spong gsum po re re nas rtsa ba dang sbyar nas

gsal bar gsungs pas der gzigs mdzod/

@iw-105



bsgrub bya'i mtshan nyid gang yin brtags la dgag pa


mtshan gzhi gang yin brtags la dgag pa ni/ rtsa bar/




tshogs pa sgrub bya nyid yin na'ang/ /gnyis po phan tshun khyad
par can/ /

bsgrub bya de tshe gtan tshigs dang/ /dpe yi mtshan nyid ma grub
'gyur/ /

mi srid phyir na bsgrub bya'i sgra/ /gal te chos can la 'jug
'dod/ /

bstan bcos ci bya ci rigs par/ /rang nyid 'jug par 'gyur ba min/



/

zhes pas sgra mi rtag par sgrub pa la skye ldan

rtags su bkod pa'i tshe na/ mi rtag pa dang sgra dang tshogs don

gang bsgrub bya yin/ dang po ltar na/ skye ldan chos can/

phyi rgol gyis khyod dang bum pa gnyis mi rtag par chos mthun pa

ma grub par thal/ mi rtag pa rtags de'i bsgrub bya yin pa'i
phyir/

gnyis pa ltar na/ sgra chos can/ sgra mi rtag par bsgrub

pa'i phyir du rtags bkod pa don med par thal/ khyod rtags de'i
bsgrub

bya gang zhig  /khyod phyi rgol gyis grub pa'i phyir/ tshogs don

bsgrub bya yin par 'dod na/ sgra dang mi rtag pa gnyis po

phan tshun khyad par can du byas pa bsgrub byar thal/

@iw-106 'dod na/ dpe dang chos mthun pas bsgrub bya sgrub par byed
pa gtan

tshigs kyi mtshan nyid dang/ bsgrub par bya ba dang chos mthun pas

de'i chos yod pa can mthun dpe'i mtshan nyid du ma grub par 'gyur

bar thal/ sgras khyad par du byas pa'i mi rtag pa bsgrub bya yin

pa'i phyir/ gal te dpe rtags kyi mtshan nyid kyi zur gyi bsgrub

bya'i sgra de tshogs don la 'jug pa mi srid pa'i phyir na/ chos
can

la 'jug par 'dod do zhe na/ rigs pa can pa'i dpe rtags

kyi mtshan nyid ston pa'i bstan bcos ci bya ste don med par thal/

dpe rtags kyi mtshan nyid la ci rigs par dpyad nas rgol

ba rang nyid 'jug par 'gyur ba'i phyir/ TIk cher/

sgra mi rtag sgrub la skye ldan rtags su bkod tshe/ chos can

sgra de bsgrub bya ma yin te/ de ltar na gtan tshigs bkod pa don

med par 'gyur/ gnyis ka bsgrub bya yin na/ re re bsgrub

bya yin pa la skyon de dag 'jug go  /chos dang chos can tshogs

pa bsgrub bya yin na/ rigs pa can pa la nang 'gal

@iw-107 ston pa ste/ phan tshun khyad par byas pa gnyis ka bsgrub bya
yin

dgos la/ de ltar na/ ji skad bshad pa'i skyon rnams 'jug go  /

chos dang chos can re re nas bsgrub byar 'gog pa kun btus su

gsungs kyang/ tshogs pa bsgrub byar 'dod pa la 'gog tshul dngos su

ma gsungs pa ni/ rigs pa can pas smras pa'i rtags dpe

mtshan nyid dang nang 'gal ston pa yin la/ khas blangs nang

'gal ston pa'i skyon de rtogs sla bas ma gsungs pa yin/ rnam
'grel

du kha bskang ste 'chad tshul ni/ khyod kyis tshogs pa bsgrub bya
nyid

du khas blangs na/ gnyis po phan tshun khyad par can bsgrub byar

'dod dgos la/ de ltar na/ rigs pa can pas

dpe dang chos mthun pas bsgrub bya sgrub par byas pa rtags so

zhes pa dang/ bsgrub par bya ba dang chos mthun pas de'i chos
yod pa

can dpe'o zhes gtan tshigs dang dpe'i mtshan nyid smos pa dang
'gal lo//


! kho na'i sbyar sa la brtags nas dgag pa ni/ rtsa bar/

@iw-108 


sgrub byed bstan pa'i shugs nyid las/ /don de bsgrub bya
nyid du rtogs/ /

gtan tshigs sogs mtshan gyis khyab phyir/ sgrub par byed la dwogs
pa'ang med/ /

sngar nges bzung na de yis ni/ /dam bca'i mtshan nyid brjod don
med/ /

de phyir shugs kyis der brjod pas/ /khyab pa'i 'bras can yin par rtogs/


/

zhes pas bsgrub par bya ba bstan par bya ba de dam bca'i mtshan

nyid yin na/ bsgrub par bya ba kho na bstan par bya ba zhes

bstan par bya ba'i sngar nges gzung smos sam/ bsgrub par bya ba
bstan par

bya ba kho na zhes bstan bya ba'i 'jug tu nges gzung smos/

dang po ltar na/ grub zin bsgrub bya yin pa bcad pa'i phyir du

smos sam/ sgrub byed bsgrub bya yin pa bcad pa'i phyir du smos/

dang po ltar na/ bsgrub bya nyid yin na phyir rgol gyis ma grub

pa'i don de chos can/ khyod rtogs pa'i phyir du rigs pa can

pa'i dam bca'i mtshan nyid kyi zur du nges gzung smos mi dgos

par thal/ sgrub byed dpe rtags kyi mtshan nyid bstan pa'i shugs

nyid las khyod rtogs pa'i phyir/ gnyis pa ltar na/ sgrub

@iw-109 par byed pa chos can/ khyod la bsgrub bya yin nam snyam
pa'i dwogs pa'ang

nges gzung gis gcod dgos pa med par thal/ gtan tshigs dang sogs

pas dpe'i mtshan nyid kyis khyod bsgrub bya min pas khyab pa de
'phangs

pa'i phyir/ bstan bya ba'i sngar nges gzung smos na/ rigs pa can

pa de yis ni dam bca'i mtshan nyid brjod pa don med du 'gyur ba
de'i

phyir/ shugs kyis bstan bya ba'i 'jug der nges gzung brjod dgos
pas

khyab pa de mi ldan rnam gcod kyi 'bras bu can yin par rtogs

la/ gong gi skyon so na gnas so//


! 'gal ba'i don brtags

nas dgag pa ni/ rtsa bar/


'gal ba 'dod dang 'brel med de/ /

phan med lhan cig mi gnas pa/ /de lta na ni rtags kyi skyon/ /

thams cad dam bca'i skyon du 'gyur/ /phyogs skyon gzhan la ltos
pa ni/ /

ma yin zhes kyang bstan zin to/ /'dod la med na'ang ma grub yin/



/

zhes pas rigs pa can pas/ rtags dam bca' dang 'gal ba

dam bca'i skyon yin te/ dper na/ sgra rtag ste/

thams cad mi rtag pa'i phyir zhes pa lta bu'o/ /de rtags dam

@iw-110 bca' dang ji ltar 'gal na/ thams cad mi rtag na

sgra rtag par 'gal te/ sgra yang thams cad kyi nang du 'dus pa'i

phyir zhe na/ rtags dam bca' dang 'gal ba'i don 'dod yul

gyi bsgrub bya dang 'brel ba med pa de yin na/ de'i don bsgrub

bya sgrub pa la phan pa med pa'am/ /shes 'dod chos can la lhan

cig mi gnas pa yin/ dang po de lta na ni/ rtags kyi

skyon thams cad chos can/ dam bca'i skyon du 'gyur bar thal/

bsgrub bya sgrub pa la phan pa med pa'i phyir/ 'dod mi nus te/

phyogs skyon rtags dpe gzhan la ltos pa ni ma yin zhes kyang

bshad zin pa'i phyir/ gnyis pa ltar na/ rtags shes 'dod

chos can la med pa'ang chos can/ phyogs skyon ma yin par

thal/ phyogs chos ma grub pa'i rtags skyon yin pa'i phyir/


! mi rtag pa rtags su ma 'phangs pa ni/ rtsa bar/




mi rtag gtan tshigs dang ldan pas/ /sgra la de ltar brjod byed na/ /

de ltar de ni bzlog par 'gyur/ /'di la dpe bstan pa nyid las/ /

@iw-111 don gzhan ci zhig mthong ba yod/ /khyad par la ni gzhan
brjod nas/ /

spyi yi rjes su 'jug pas na/ /de khyab ma yin spyi rjes su/ /

'jug la 'bras bu'ang ci zhig yod/ /de phyir sgra la gnas pa
yi/ /

mi rtag nyid kyis sel zhes gsungs/


/zhes pas sgra rtag ste/

thams cad mi rtag pa'i phyir/ zhes pa'i sbyor ba 'dis/ mi rtag
pa'i

gtan tshigs dang ldan pas sgra la mi rtag pa de ltar brjod par

byed na/ de ltar sgra rtag pa de ni bzlog par 'gyur te/

rtag mi rtag dngos 'gal yin pa'i phyir/ 'on kyang de lta bu'i

sbyor ba 'di chos can/ mi rtag pa rtags su ma 'phangs par

thal/ thams cad ma yin pa'i rtags kyis/ sgra rtag par sgrub

pa'i chos mi mthun dpe'i sbyor ba ltar snang bstan pa nyid las

don gzhan ci zhig mthong ba yod de med pa'i phyir/

chos can/ sgra la mi rtag pas khyab pa 'phangs pa ma yin

par thal/ khyad par sgra la ni gzhan rtag pa brjod nas

thams cad mi rtag ces spyir btang gi tshig ni rjes su 'jug pas
na'o/ /

@iw-112 de chos can/ sgra rtag ces dmigs kyis bsal nas

thams cad mi rtag ces spyir btang gi tshig ni rjes su 'jug pa

'bras bu'ang ci zhig yod de med par thal/ sgra'ang mi rtag
par

'phangs pa'i phyir/ shes bya chos can/ sgra la gnas pa'i

mi rtag pa nyid kyis/ sgra rtag pa sel zhes gsungs pa'i rgyu
mtshan

yod de/ sgra mi rtag na rtag par 'gal ba de'i phyir/


! thams cad min pa rtags su 'phangs pa dngos ni/ rtsa bar/




yul gzhan la ni 'gal smra bas/ /sgra ni gzhan du brjod pa yin/



/

zhes pas sbyor ba des gang rtags su 'phangs zhe na/ sbyor ba
de

chos can/ sgra ni thams cad las gzhan du brjod pa yin te/

thams cad mi rtag par brjod nas yul gzhan sgra la ni de dang

'gal ba rtag pa smras pa'i phyir/


! shes bya thams cad min pa

rtags ma grub tu bstan pa ni/ rtsa bar/


spyi ni khyad

par mi spong phyir/ /de yang 'thad pa ma yin no/ /dper na
skabs

'gar shing sha pa/ /nyid ni shing min zhes pa bzhin/ /thams
cad

@iw-113 mnyan pa gcig nyid la/ /'jug pa 'gog 'gyur de tsam gyis/ /

thams cad min min khyad par kun/ de med na de med 'gyur phyir/




/zhes pas thams cad min pa rtags su 'phangs par nged kyang

'dod do zhe na/ shes bya thams cad min pa rtags yin nam/

sgra min thams cad min pa rtags yin/ dang po ltar na/ sgra
shes

bya thams cad min pa de yang 'thad pa ma yin par thal/ sgra
yang

thams cad kyi nang du 'dus pa'i phyir/ khyab ste spyi sgra ni
khyad par mi

spong ba'i phyir/ rtags ma grub ste/ sgra kho na thams cad min
zhes pa'i

tshig gis sgra thams cad ma yin par bstan pa'i phyir zhe na/ 

sgra kho na thams cad min zhes pa'i tshig chos can/ sgra thams
cad

min par bstan pa min par thal/ thams cad ces pa'i mnyan

pa sgra gcig nyid la 'jug pa 'gog par 'gyur ba de tsam yin

pa'i phyir/ dper na/ skabs 'gar shing sha pa nyid ni shing min

zhes pa'i sgras/ shing gi sgra sha pa kho na la 'jug pa bkag
gi/

sha pa la 'jug pa ma bkag pa bzhin no/ /sgra chos can/

@iw-114 thams cad du ma 'dus par thal/ thams cad ni ma lus pa yin la/

khyod thams cad kyi phyogs gcig yin pa'i phyir zhe na/ sgra
las

gzhan pa'i khyad par kun chos can/ thams cad du 'dus pa de med

par thal/ thams cad kyi phyogs gcig yin pa'i phyir/

'dod na/ der 'dus pa med par 'gyur bar thal/ sgra dang sgra
las

gzhan pa'i khyad par kun thams cad du ma 'dus pa'i phyir/


! sgra min thams cad min pa rtags ma grub tu bstan pa dngos ni/

rtsa bar/


shes bya shes byed tha dad phyir/ /chos can gtan
tshigs dngos gyur ni/ /

shes byed nyid du ma grub phyir/ /chos can rang sgrub byed ma
grub/


/

zhes pas shes bya chos can/ chos can sgra de rang rtag pa'i
sgrub

byed du ma grub ste/ chos can gtan tshigs kyi dngos por gyur pa
ni

shes byed phyogs chos nyid du ma grub pa'i phyir/ phyogs chos
yin

na shes bya shes byed tha dad pa'i phyir/


! de la rtsod spang ni/

rtsa bar/


dngos po kun la chos dang ni/ /chos can rnam dbye
med pa'i phyir/ /

kun la nyes mtshungs she na min/ /ldog pa khyad par yod phyir
ro/ /

@iw-115 don dam par ni rnam dpyad na/ /de lta bur gyur ma grub
phyir/ /

kun rdzob pa yi dngos rnams la/ /de nyid gzhan nyid 'gog par
'gyur/ /

dpag bya dpog par byed pa yi/ /don gyi tha snyad gnas pa 'di/
/

shes pa la grub tha dad la/ /brten nas rnam par brtags pa yin/
/

bdag nyid ci lta'i tha dad kyi/ /mthar thug shes la tha dad
par/ /

chos dang chos can snang gyur pa/ /de ni tha snyad rten yin
no/ /

'di ni tha snyad kyis bzhag pa/ /tha dad blo dang 'brel med
can/ /

chos can de nyid sgrub byed du/ /byas pa des na ma grub bstan/
/

des na bye brag spyi chos tha/ /dad phyir rtags dang rtags can
nyid/ /

dper na rtsol byung nyid kyi phyir/ /rtsol byung sgra ni mi
rtag bzhin/ /

phyogs yan lag na'ang gnod med phyir/ /chos can tha dad ma
grub min/ /

dper na gong bu rwa can 'di/ /rwa can nyid phyir rta min
bzhin/ /

yang na de rtogs nas ldog phyir/ /bsgrub bya'i dus su yan lag
min/ /

chos tha dad phyir khyad par yang/ /dam bca'i don du 'thad ma
yin/


/

zhes pas rang bzhin gyi rtags kun la'ang gzhi rtags tha

@iw-116 dad med pa'i nyes pa des mtshungs te/ sgra byas mi rtag
pa'i dngos po

kun la chos dang ni chos can gyi rnam dbye med pa'i phyir zhe
na/

byas pa chos can/ sgra dang tha dad med pa'i nyes pa mtshungs
pa ma yin

te/ sgra dang ldog pa tha dad pa'i khyad par yod pa yin pa'i
phyir/

kun rdzob pa'i dngos po sgra byas mi rtag tha dad pa'i cha
rnams chos can/

rdzas gcig de nyid dang rdzas gzhan nyid 'gog par 'gyur te/

don dam par ni rnam par dpyad na rdzas de lta bur gyur pa ma
grub

pa'i phyir/ sgra byas mi rtag rdzas tha dad min na/ dpag bya
dpog

byed kyi tha snyad mi 'thad do zhe na/ 'thad de/ dpag bya
dpog byed

kyi don gyi tha snyad gnas pa 'di/ shes pa la grub pa'i tha
dad la

brten nas rnam par brtags pa yin pa'i phyir te/ rang min las

tha dad kyi bdag nyid ci lta ba'i rang mtshan gyi mthar thug
pa'i shes

pa la/ chos dang chos can tha dad par snang bar gyur pa de ni/

dpag bya dpog byed kyi tha snyad 'jug pa'i rten yin pa'i
phyir/

chos can sgra de nyid sgra rtag pa'i sgrub byed du byas pa des
na/

@iw-117 phyogs chos ma grub par bstan te/ sgra dang sgra 'di ni
chos

chos can gyi tha snyad kyis bzhag pa'i blo la tha dad du snang
ba dang

'brel ba med pa can yin pa'i phyir/ 'dus byas de/

'dus byas kyi bum pa mi rtag par sgrub pa'i rtags yang dag yin

te/ rtags dang rtags can tha dad pa nyid de/ 'dus byas dang
'dus

byas kyi bum pa ldog chos tha dad pa ste/ spyi dang bye brag
yin pas

so/ /dper na/ rtsol byung de phyogs btags pa ba rtsol sgra'i

byed chos kyi yan lag yin na'ang/ chos can rtsol sgra dang tha

dad du ma grub pa ma yin par thal/ de lta na'ang de sgrub kyi

bsgrub bya 'grub pa la mi gnod pa'i phyir/ dper na/

gong bu rwa can 'di chos can/ rta min te/ rwa can nyid

yin pa'i phyir zhes pa bzhin no/ /khyab pa ma grub pa las

yang na/ gong bu rwa can 'di chos can/ rtsol byung gi sgra

mi rtag pa bsgrub byar song ba'i dus su/ rtsol byung gi sgra'i
mtshon

byed kyi yan lag min te/ de'i dus su de mtshon zin nas

@iw-118 mtshon byed yin pa ldog pa'i phyir/ mnyan bya yang sgra
rtag

par sgrub pa'i gzhi rtags tha dad med par 'gyur ro zhe na/

khyad par mnyan bya yang chos can/ sgra rtag par sgrub pa'i
dam

bca'i don gyi phyogs gcig chos can rtags su bkod pa'i ma

grub par 'thad pa ma yin te/ sgra dang ldog chos tha dad yin
pa'i

phyir/ TIk cher rgyan gyi lugs de kun btus rtsa 'gre dang

mthun par gsungs so/



dngos kyi brjod bya gtan tshigs bshad pa


dngos kyi brjod bya gtan tshigs bshad

pa ni/ rtsa bar/


gtan tshigs rab tu dbye ba'i don/ /

bde bar bzung ba grub bya'i phyir/ /phyogs chos rab tu dbye ba
yis/ /

mdor bsdus pa ni gsungs pa yin/ /chos kyi tshig phrad tha dad
par/ /

byed pas mi ldan gzhan ldan pa/ /shin tu mi srid rnam gcod
byed/ /

khyad par khyad par can dag dang/ /bya ba dag ni lhan cig
brjod/ /

de sbyar med kyang brjod 'dod las/ /de don nyid ni rtogs par
'gyur/ /

gang phyir ngag 'bras rnam gcod phyir/ /dper na nag pa 'phong
skyen pa/ /

srid sgrub 'phong skyen zhes pa'am/ /sngon po mtsho skyes 'gyur
zhes bzhin/ /

@iw-119 der yang zla bo rnams gcod pa/ /don rnams la ni rtogs
'gyur te/ /

de ltar grags dang nus pa dang/ /sgra ni brjod 'dod rjes
'brangs phyir/ /

des ni mi ldan rnam gcod pas/ /chos can chos kyi khyad par
yin/ /

de yi khyad par can gyi chos/ /rjes 'gro med pa'i skyon rten
min/


/

zhes pas tshad ma mdor/ gang phyir gtan tshigs dag dang ni/ /

zhes sogs kyi don 'chad pa la/ gtan tshigs kyi mtshan nyid

mi 'chad par ci'i phyir dbye ba 'chad ce na/ phyogs chos can

dgu'i rab tu dbye ba yis mdor bsdus pa ni gsungs pa chos
can/

don yod pa yin te/ gtan tshigs yang dag dang ltar snang gi

rab tu dbye ba'i don bde bar bzung ba grub par bya ba'i phyir
ro/



mi ldan rnam gcod dang gzhan ldan rnam gcod


/byas pa bum pa la rjes 'gro med par thal/ sgras khyad par du byas pa'i

phyir zhe na/ chos kyi tshig phrad sbyar sa tha dad par byed
pas/ mi

ldan rnam gcod dang/ gzhan ldan rnam gcod dang shin tu mi srid
rnam

gcod go bar byed de/ khyad par dang khyad par can dag dang bya
ba

dag dang ni nges gzung lhan cig brjod pas/ rnam gcod gsum

@iw-120 rim pa bzhin go ba'i phyir/ nges gzung dngos su ma sbyar yang
rnam gcod

go ba yod dam zhe na/ nges gzung de dngos su sbyar ba med
kyang brjod pa

po'i brjod 'dod las nges gzung de'i don nyid ni rtogs par
'gyur te/

gang gi phyir ngag gi 'bras bu ni rnam gcod go ba yin pa'i
phyir/

dper na/ nag pa 'phong skyen zhes pa'am/ srid sgrub 'phong
skyen zhes pa'am/

mtsho skyes sngon por 'gyur zhes pa bzhin no/ /de gsum gyis rnam
gcod

go ba'i rgyu mtshan ci yin zhe na/ nag pa 'phong skyen zhes pa
der yang

'phong skyen pa'i zla bo rnam par gcod pa'i don rnams la ni
rtogs pa

skye bar 'gyur te/ 'phong mi skyen pa gcod pa de ltar grags pa

dang/ de ltar gcod nus pa dang/ sgra ni brjod 'dod kyi rjes su
'brangs nas

don ston pa'i phyir/ des na byas pa chos can/ sgra de'i khyad
par

can gyi chos yin pas bum pa la rjes 'gro med pa'i skyon rten

pa min te/ chos can sgra de chos khyod kyis mi ldan pa rnam
par

gcod pa'i khyad par du byas pa yin pa'i phyir/



phyogs chos can gtan tshigs dgu'i dgos pa


phyogs chos can gyi gtan tshigs dgur bsdus pa'i dgos pa 

@iw-121 ni/ rtsa bar/


rang bzhin 'bras bu grub don du/ /

gtan tshigs gnyis dang ldog pa gnyis/ /rtsod phyir khyad par spyi dag
ste/ /

lhag ma ldog pa'i sgrub byed yin/


zhes pas/ ci'i phyir phyogs
chos

can gyi gtan tshigs dgu bstan zhe na/ phyogs chos can

gyi rab dbye 'chad pa'i skabs su/ gtan tshigs gnyis dang bzlog
pas

gnyis smos pa chos can/ don yod de/ rtags yang dag gi

mtshan gzhi la/ rang bzhin dang 'bras bu dang ma dmigs pa'i rtags

gsum du grangs nges par grub pa'i don du yin pa'i phyir/ khyad
par mnyan

bya dang spyi gzhal bya dag dper smos pa chos can/ don yod de/

ldog pa rkyang pa dang rjes 'gro rkyang pa can gyi rtags yang
dag

yod par rtsod pa bzlog nas/ rtags yang dag gi mtshan nyid

la tshul gsum du nges so zhes rtogs pa'i ched yin pa'i phyir/

lhag ma ma nges pa'i gtan tshigs gsum smos pa chos can/

don yod de/ rtags yang dag yin na mi mthun phyogs

mtha' dag las ldog pa'i sgo nas/ sgrub byed yin no

@iw-122 zhes rtogs pa'i ched yin pa'i phyir/


! rtogs dka' ba bye brag tu bshad pa las yang dag gnyis smos pa'i

dgos pa ni/ rtsa bar/


rang bzhin nyid las gzhan gyis ni/ /

go bya la khyab yod min te/ /rgyu ni 'khrul pa srid phyir ro/ /

de phyir 'bras rnams gnyis su 'jug  /sngar yod pa yi shes pa ni/ /

rtsal ma thag byung nges min te/ /sgrib byed dbang po sgra la
de/ /

rnam kun nyer sbyor min phyir ro/ /ltos pa med par 'ga' zhig
tshe/ /

'bras mi byed pa 'gal ba'i phyir/ /shes pa 'di 'dra res 'ga'
ba'i/ /

'bras bur grub pa'i de rtags yin/


zhes pas/ byas pa de mthun

phyogs la khyab byed du 'jug pa'i rang bzhin rtags kyi dper smos

pa'i rgyu mtshan yod de/ rang bzhin byas pa nyid las gzhan 'bras

rtags kyis ni go bya mthun phyogs la khyab byed du 'jug pa yod
pa

min pa'i phyir te/ rgyu ni 'bras bu la 'khrul pa srid pa'i phyir ro/ /

'bras bu rtsol byung nyan shes chos can/ rig byed kyi sgra thos
pa'i

nyan shes/ rang rgyu sgra mi rtag pa sngon du song bar sgrub
pa'i

@iw-123 mthun phyogs la rnam pa gnyis su 'jug ste/ mthun phyogs la
'jug pa

gang zhig  /khyab byed du mi 'jug pa de'i phyir/ rig byed kyi
sgra thos pa'i

nyan shes de rang rgyu sgra mi rtag pa sngon du ma song ste/ rig
byed kyi sgra

rtag pa yin pa'i phyir zhe na/ rig byed kyi sgra chos can/

khyod thos pa'i shes pa ni/ rkyen rtsol bas brtsal ma thag byung

bar nges pa min par thal/ rtsol ba'i sngar nas rtag par yod

pa'i phyir/ khyab ste/ sgra rtag pa thos pa'i sgrib byed sel ba

ba dang/ rna ba'i dbang po dang sgra rtag pa la phan pa rnam pa

kun tu nye bar sbyor ba min pa'i phyir ro/ /rig byed kyi

sgra chos can/ 'ga' zhig gi tshe na 'bras bu mi byed pa 'gal

bar thal/ rkyen la ltos pa med par 'bras bu skyed pa'i phyir/

rtsol byung nyan shes 'di 'dra chos can/ rig byed kyi sgra

thos pa'i nyan shes/ rang rgyu sgra mi rtag pa sngon du song bar

sgrub pa'i 'bras rtags yin te/ de sgrub kyi phyogs chos

gang zhig  /res 'ga' ba rang rgyu sgra mi rtag pa'i 'bras bur

@iw-124 grub pa'i phyir/



byas pa rang bzhin gyi dper smos pa'i dgos pa



byas pa rang bzhin rtags kyi

dper smos pa'i dgos pa ni/ rtsa bar/


'di nyid kyis ni rang bzhin
nyid/ /

grub kyang tha dad byas pa ni/ /'bras dang lhan cig bstan pa ni/ /

thams cad de 'drar shes mi 'gyur/ /rjes su dpag par bshad zin
don/ /

gtan tshigs brjod byas rtogs don du/ /rab tu dbye ba tsam bshad
de/ /

mtshan nyid la ni tha dad med/ /des 'dis 'bras bu'i rtags kyis
ni/ /

rang bzhin phyogs gcig rten pa'ang bshad/ /des na rtsol las gsal ba
dang/ /

skye ba 'dra bar dper brjod do/


zhes pas/ rtsol byung smos pas
rang

bzhin gyi rtags grub mod/ de las tha dad du byas pa smos pa'i ci bya

zhe na/ rtsol byung 'di nyid kyis ni rang bzhin gyi rtags nyid
du grub

kyang/ de las tha dad du byas pa rang bzhin rtags kyi dper byas
pa ni

chos can/ don yod de/ 'bras bu rtsol byung dang lhan cig tu

byas pa rang bzhin rtags kyi dper bstan pa ni/ rang bzhin gyi

rtags thams cad mthun phyogs la cha gnyis su 'jug pa de 'drar
shes

par mi 'gyur ba'i ched yin pa'i phyir/ gtan tshigs kyi dbye ba'i

@iw-125 don rang don rjes dpag tu bshad zin kyang/ 'dir gtan tshigs
kyi

dbye ba tsam bshad pa de chos can/ don yod de/ mthun phyogs la

khyab byed dang cha gnyis su 'jug pa'i dbye ba rtogs pa'i don du
brjod

par byas pa'i phyir/ 'dir rtags yang dag gi mtshan nyid mi 'chad

pa ni/ rtags yang dag gi mtshan nyid la ni rang don rjes dpag

tu bshad pa las don tha dad med pa'i phyir/ phyogs chos kyi rab
dbye

'chad pa'i skabs 'dir chos can/ mthun phyogs la cha gnyis su

'jug pa'i rtags ma bstan pa'i nyes pa med de/ 'bras bu'i rtags

rtsol byung nyid kyis ni/ rang bzhin gyi rtags mthun phyogs kyi

phyogs gcig la brten pa'ang bshad pa'i phyir/ des na shes bya

chos can/ 'bras rtags dang mthun phyogs la cha gnyis su 'jug

pa'i rang bzhin gyi rtags gnyis dper brjod gcig gis mtshon

nus te/ rtsol ba las gsal bar dmigs pa'i 'bras rtags

dang/ rtsol ba las skye ba'i rang bzhin gyi rtags gnyis rtsol

byung du 'dra ba'i phyir/


'bras rang gi rtags gnyis so

@iw-126 sor brjod pa la dgos pa ni/ rtsa bar/




yod pa gang med mi 'byung ba'am/ /rang bdag rnam dbyer med can
gang/ /

de ni de dang 'khrul mi 'gyur/ /zhes bya'i don du 'dir rab phye/ /

ldan pa can sogs gang dag la/ /de 'dra'i 'brel ba yod min pa/ /

de dag 'khrul pa srid pa'i phyir/ /gtan tshigs min zhes bshad pa
yin/ /

'brel ba yod pa yin na yang/ /de nyid rtogs pa'i sgrub byed yin/ /

nges pa med na mi 'byung yin/ /nges pa med pa sgrub byed min/


/

zhes pas/ 'bras rang 'di gnyis rab tu phye nas bshad pa la

don yod de/ bsgrub bya'i chos gang phan 'dogs byed du yod na
skye

med na mi 'byung ba'am/ bsgrub bya'i chos dang rang gi bdag nyid

rnam par dbyer med pa can gyi rtags gang yin pa de ni/

bsgrub bya'i chos de dang 'khrul par mi 'gyur ro zhes bya ba'i
don du

yin pa'i phyir/ de ltar rtogs pa la dgos pa ci yod ce

na/ ldan pa can sogs gang dag la brten pa'i gtan tshigs

de dag chos can/ gtan tshigs yang dag min zhes bshad pa

@iw-127 yin te/ bsgrub bya'i chos la 'khrul pa srid pa'i phyir te/

med na mi 'byung ba de 'dra ba'i 'brel ba yod pa min pa'i phyir/

de 'dra'i 'brel ba yod pa yin zhe na'ang/ shes bya chos can/

ldan 'du'i 'brel ba btags pa don med par thal/ med na

mi 'byung ba'i 'brel ba de nyid bsgrub bya rtogs pa'i sgrub byed yin

pa'i phyir te/ 'brel ba nges pa yin na/ med na mi 'byung ba'i

'brel ba yin la/ 'brel ba nges pa med pa sgrub byed yang dag

min pa'i phyir/



mnyan bya smos pa'i dgos pa


mnyan bya smos pa'i dgos pa las srog la

ldog pa grub pa dgag pa dngos ni/ rtsa bar/




ldog pa can ni nges pa nyid/ /med na mi 'byung yin par brjod/ /

de yang 'brel ba med la med/ /de nyid phyir na rjes 'gro gnas/ /

rang gi bdag gam rgyu dngos ni/ /grub na ldog pa grub 'gyur ba/
/

de yi phyir na khyad par ni/ /ldog med rjes 'gro'ang yod ma yin/ /

ma mthong ba tsam la brten nas/ /ldog pa'ang 'ba' zhig can du
bshad/ /

de yi phyir na ma nges pa/ /gzhan du go bar byed par 'gyur/


/

@iw-128 zhes pas/ rigs pa can gyis srog de gson lus bdag bcas

su sgrub pa'i ldog pa rkyang pa can gyi rtags yang dag yin no
zhe na/

srog chos can/ bdag dang med na mi 'byung ba'i 'brel ba grub

pa yin par brjod par thal/ de sgrub kyi ldog pa'i khyab pa nyid

ni nges pa nyid yin pa'i phyir/ khyab ste/ ldog khyab de yang
'brel

ba med pa la med pa'i phyir/ 'dod na/ de sgrub kyi rjes 'gro

gnas par thal/ 'dod pa de nyid kyi phyir/ khyad par srog ni chos

can/ de sgrub kyi ldog khyab med cing rjes 'gro'ang yod pa ma
yin

par thal/ bdag de rang gi bdag nyid dam rgyu'i dngos por ni grub
na/

ldog pa grub par 'gyur na yang bdag dang 'brel med yin pa'i
phyir/

'o na/ srog ldog pa can du bshad pa dang 'gal lo zhe na/

mi 'gal te/ mi mthun phyogs la ma mthong ba tsam la brten

nas/ ldog pa'ang 'ba' zhig pa can du bshad pa yin pa'i phyir/

khyad par srog chos can/ de sgrub

kyi ma nges pa'i rtags yin te/ phyogs chos gang zhig  /

@iw-129 mi mthun phyogs la ma mthong ba tsam yin pa'i phyir/ de'i
phyir

de las gzhan du ldog khyab grub na/ srog chos can/

go bar byed pa'i rtags yang dag tu 'gyur bar thal/

de sgrub kyi phyogs chos gang zhig  /ldog khyab grub pa'i phyir/

rtags khas blangs/


! de'i lan dgag

pa ni/ rtsa bar/


gal te bdag ni ldog pa yis/ /

srog sogs bdag ni ldog 'gyur na/ /srog sogs med pas bdag med la/ /

khyab 'gyur de yang yod ma yin/ /gzhan ldog par ni gyur pa yin/
/

gzhan ldog par ni mi rung phyir/ /de bdag de las byung zhe na/ /

gal te bdag ni dmigs pas na/ /de dmigs rtogs pa med par yang/ /

ma rtogs na 'di grub par 'gyur/ /shin tu lkog tu gyur pa la/ /

mthong dang ma mthong de grub med/ /gzhan la mthong med ngo
bo
can/ /

bum sogs la med ces gang las/ /ldog pa shes pa med pa yi/ /

ldog pa'i khyab pa'ang ci ltar yin/ /srog sogs la lar mthong ba
yis/ /

yod med nyid ni rtogs par 'gyur/ /gal te de ltar bdag mthong na/ /

@iw-130 yod med nyid ni rtogs par 'gyur/ /rgyu gang zhig ni med pa
yis/ /

bum pa la sogs mthong med pa/ /lus la'ang gal te de med na/ /

lus la med par rigs pa yin/ /gal te cung zad chos mthun phyir/ /

tha dad pa yang der rtog na/ /gzhal bya nyid phyir bum sogs
rnams/ /

bdag dang bcas pa cis mi dpog  /mi 'dod ce na tshad ma nyid/ /

'dod pa kun gyi rgyu yin te/ /de med pa ni dngos po dang/ /

dngos med rnam gzhag gang gis nus/ /srog dang mig 'byed la sogs
ni/ /

dran 'dod rtsol ba las skyes yin/ /de dag yul dbang blo las
byung/ /

de yang phan tshun rkyen la ni/ /bltos pa'i rang gi rigs las
byung/ /

de tsam las 'di bdag dngos 'di/ /rjes 'gro ldog pa la brten yin/ /

gzhan du rtog na thug pa med/


/ces pas/ gal te

bdag ni ldog pa yis srog sogs dag ni ldog par 'gyur te/ /

srog sogs med pas bdag med la khyab par 'gyur ba'i phyir zhe na/

bdag ldog na srog ldog pas khyab pa de yang yod par 'dod pa min
te/

gzhan dag ldog par ni gyur ba yis

@iw-131 gzhan srog ldog par ni mi rung ba'i phyir te/ bdag srog
'brel

med tha dad yin pa'i phyir/ rtags ma grub ste/ srog de bdag gi
bdag

nyid dam/ bdag de las byung ba'i phyir zhe na/ srog chos can/

bdag gi bdag nyid ma yin par thal/ khyod mi rtag la/ bdag de

rtag dngos yin pa'i phyir/ srog chos can/ bdag las ma byung
bar

thal/ bdag dang rgyu 'bras su ma grub pa'i phyir te/ bdag phan

'dogs byed du yod na skye bar mthong ba dang/ phan 'dogs byed
du med

na skye bar ma mthong ba de nyid grub pa med pa'i phyir te/
gal te/

bdag ni dmigs pa na khyod dmigs/ bdag rtogs pa med par yang

khyod mi rtogs na/ rjes su 'gro ldog 'di grub par 'gyur na
yang/

bdag de yod kyang mthong rung min pa'i shin tu lkog tu gyur pa
yin pa'i

phyir/ rtags khas blangs/ bum sogs chos can/ khyod la bdag

med ces gang las grub ste ma grub par thal/ bdag de gzhan la

yod kyang mthong rung du med pa'i ngo bo can yin pa'i phyir/

@iw-132 'dod na/ bdag ldog na srog ldog pa'i khyab pa'ang ji ltar
grub

pa yin te ma yin par thal/ bdag ldog pa shes pa med pa'i
phyir/

bum sogs chos can/ bdag med de/ bdag ma mthong ba'i phyir zhe
na/

srog sogs de la lar mthong ba yis/ gson lus la yod/ bum pa la

med pa nyid ni rtogs par 'gyur ba de ltar/ gal te bdag la lar 

mthong na gson lus la yod/ bum pa la med pa nyid ni rtogs par

'gyur na yang/ bum sogs chos can/ bdag ma mthong bas med

par mi 'grub par thal/ bdag de yod kyang mthong rung ma yin
pa'i

phyir/ gson lus chos can/ srog med par thal/ bdag

med pa'i phyir zhe na/ rgyu blo gang zhig ni med pa yis bum pa
la srog

mthong ba med pa ltar/ gal te gson lus la'ang blo de med na/

gson lus la srog med par rigs pa yin na'ang/ gson lus chos

can/ bdag med pas srog med par ma grub par thal/

bdag srog 'brel med tha dad yin pa'i phyir/ gson lus chos can/

srog bcas la tha dad pa der yang rtog rigs par thal/

@iw-133 gal te bum pa dang cung zad bdag med du chos mthun pa'i
phyir zhe

na/ bum sogs rnams chos can/ bdag dang bcas pa cis

mi dpog ste dpog rigs par thal/ gson lus dang gzhal bya nyid
du

chos mthun pa'i phyir/ de bdag bcas su mi 'dod do zhe na/ bum
sogs

rnams chos can/ bdag bcas su 'dod rigs par thal/ bdag bcas

su tshad mas grub pa'i phyir/ khyab ste/ tshad mas grub pa nyid
'dod par rigs

pa kun gyi rgyu yin pa'i phyir te/ tshad mas grub pa de med par
ni/

dngos po dang dngos med kyi rnam gzhag gang gis nus te mi nus
pa'i phyir/

bdag de blo'i rgyu yin no zhe na/ ma yin par thal/ srog dang
mig

'byed 'dzum la sogs pa ni dran 'dod rtsol ba las skyes pa yin la/

dran 'dod rtsol ba de dag yul dbang blo snga ma las byung/ yul
dbang

blo snga ma de yang phan tshun rkyen la ni ltos pa'i rang gi
rigs 'dra snga ma

las byung ba'i phyir/ nang gi bdag nyid kyi dngos po 'di chos
can/

rigs 'dra snga ma de tsam las byung ste/ de phan 'dogs byed du
yod pa dang/

med pa'i rjes su 'gro ba dang ldog pa la brten pa yin pa'i
phyir/

@iw-134 gong gsal de chos can/ rgyu thug pa med par thal/ rang gi
rigs

'dra snga ma las gzhan du bdag rtag pa rgyur rtog rigs pa'i
phyir/



srog dang mnyan bya mtshungs par bstan pa


srog dang mnyan bya mtshungs par bstan pa las mtshungs

pa'i tshul ni/ rtsa bar/


'khrul pa nyid kyi mnyan bya dang/ /

srog sogs 'di ni mtshungs par 'gyur/ /ma yin ldog pa can yin
yang/ /

'di ni 'khrul pa'i phyir zhe na/ ci ltar sgrub min nyid las
de/ /

ldog min 'o na don gyis de/ /bsgrub bya'i rjes 'jug min de
ltar/ /

brjod 'gyur de ni gzhan la'ang mtshungs/ /sgrub min nyid las
rnam gcad ces/ /

bsgrub bya la gnas brjod pa yin/ /de nyid phyir na don go bas/
/

gcig gis gnyis ka bstan par brjod/ /de phyir rjes 'gro med pa
las/ /

'di 'dra'i mi 'khrul grub ma yin/ /bkag pa 'gog par byed pa
ni/ /

sgrub pa las gzhan ci 'dra zhig


/ces pas mnyan bya dang 

srog sogs 'di ni chos can/ ldog khyab ma grub par mtshungs par

'gyur te/ ldog khyab 'khrul pa nyid kyis mtshungs pa'i phyir/

mtshungs pa ma yin te/ srog ldog pa can yin yang/

@iw-135 mnyan bya 'di ni ldog pa 'khrul pa'i phyir zhe na/ ji
ltar 'khrul

dris pas/ mnyan bya chos can/ ldog pa 'khrul te/ bsgrub min

nyid de mi mthun phyogs kho na las ldog pa min par/ mthun
phyogs

las kyang ldog pa'i phyir zhe na/ mnyan bya chos can/ 'o na
don

gyi bsgrub bya'i rjes su 'jug pa min pas ldog pa 'khrul pa de
ltar

brjod dgos par 'gyur bar thal/ mthun phyogs las ldog pas ldog

pa 'khrul pa'i phyir/ 'dod na/ gzhan srog chos can/ ldog pa

'khrul par thal/ mthun phyogs la mi 'jug pa de ni khyod la'ang
mtshungs

pa'i phyir/ don gyi go bas rjes su 'gro ldog gang rung gcig
gis

gnyis ka bstan par brjod de/ bsgrub min nyid las rnam par

bcad ces pa'i tshig gis/ bsgrub bya la gnas pa brjod pa yin

pa de nyid kyi phyir/ rjes 'gro med pa las mi 'khrul ba 'di
'dra

ba'i ldog khyab grub pa ma yin te/ rjes su 'gro ldog phan tshun

mi 'khrul ba de'i phyir/ srog chos can/ mthun phyogs la

bsgrub pa las gzhan ci 'dra zhig yin te ma yin par thal/

@iw-136 mthun phyogs la bkag pa 'gog par byed pa ni yin pa'i
phyir/


! de dag gi skabs su/ TIk chen rigs pa'i rgya mtshor zhib tu
bltas

na go ba chen po len thub bo//



mnyan bya dang srog sogs mi mtshungs par 'dod pa dgag pa


mnyan bya dang srog sogs mi

mtshungs par 'dod pa dgag pa ni/ rtsa bar/


bsgrub bya med las
ldog med pa/ /

des na sgrub min nyid la med/


/ces pas bsgrub min nyid de mi

mthun phyogs kho na la med de/ bsgrub bya mthun phyogs las
ldog

pa med pa'i phyir te/ mthun phyogs dngos med yin pa'i phyir/

khyab ste/ dngos med dgag sgrub kyi gzhir mi rung ba'i phyir
zhe na/


! dngos med dgag sgrub kyi gzhir mi rung ba dgag

pa ni/ rtsa bar/


med ces ldog pa de nyid ni/ ci ltar

med las ldog par 'dod/ /ldog pa med pa sgrub pa yin/ /dngos
yod med

na'ang yod yin la/ /dngos po med pa'ang yod min zhes/ blun po
yi ni

dpyod la ltos/ /gal te de las ldog med na/ /gtan tshigs 'jug
par

'dod dam ci/ /de yang min na ldog bkag ni/ /'di nyid yin na ci

ste 'gog


/ces pas gson lus bdag bcas su sgrub pa'i

@iw-137 mthun phyogs chos can/ srog med ces ldog pa de nyid ni ji

ltar khyod las ldog par 'dod de 'dod mi rigs par thal/ dngos
med yin

pa'i phyir/ srog chos can/ mthun phyogs la bsgrub pa yin par
thal/

mthun phyogs las ldog pa med pa'i phyir/ 'dod na/ rigs pa can
pa

chos can/ blun po yi ni dpyod tshul la ltos pa yin te/

srog gi dngos por yod pa mthun phyogs la med na'ang yod pa yin
la/

dngos po med pa yod na'ang yod pa min zhes 'dod pa'i phyir/
gal te/

gtan tshigs srog de mthun phyogs las ldog pa med na'ang mthun
phyogs

la 'jug par 'dod dam ci byas pas/ mthun phyogs la 'jug pa de
yang

min na/ srog chos can/ mthun phyogs la 'jug pa ci ste 'gog

ste 'gog mi rigs par thal/ mthun phyogs las ldog pa bkag pa

ni 'di nyid yin pa'i phyir/


! tha snyad rgyun chad par thal ba
ni/

rtsa bar/


sgrub dang dgag pa ma gtogs par/ /sgra las byung
ba'i tha snyad gzhan//

yod min de yang med pa la/ /med phyir 'dir ni mi smra thob/ /

yod pa rnams la dgag pa med/ /de ni med la'ang yod ma yin/ /

@iw-138 rigs pa 'di yis 'gro ba la/ /dgag pa'i don ni med par
'gyur/ /

gal te yul dus 'gog ce na/ /ci ltar de yod de ltar ni/ /

mi 'gog ci ltar de med pa/ /de ltar yang ni 'gog mi 'gyur/


/

zhes pas dngos po med pa 'dir ni chos can/ mi smra ba thob par
thal/

sgrub pa dang dgag pa ma gtogs par/ sgra las byung ba'i tha
snyad

gzhan yod pa min/ tha snyad de yang khyod la 'jug pa med pa'i
phyir/

rigs pa 'di yis 'gro ba la dgag pa'i don ni med par 'gyur bar

thal/ chos de yod pa rnams la chos de dgag pa med la/ chos de
dgag

pa de ni chos de med pa la'ang yod pa ma yin pa'i phyir/ gal
te

bum pa yul dus la ltos nas 'gog go zhe na/ bum pa de chos can/

yul dus la ltos nas kyang mi 'gog par thal/ yul dus la

ltos nas kyang ji ltar yod pa de ltar ni mi 'gog la/ ji ltar 

med pa de ltar yang ni 'gog par mi 'gyur ba'i phyir/



dgag sgrub kyi dngos rten sgra don du sgrub pa


rang la mtshungs pa spong ba las dgag sgrub kyi dngos rten sgra
don du sgrub

pa ni/ rtsa bar/


de phyir dngos dngos med rten can/ /

@iw-139 phyi rol rten min sgra don la/ /brten nas 'dir ni sgrub
pa dang/ /

dgag pa thams cad 'dod pa yin/ /de 'dra med na'ang chos can
de/ /

de dag dang ni 'brel bar snang/ /de yang sgra 'jug pa nyid
las/ /

yod ces tha snyad rten par 'dod/


/ces pas dgag sgrub kyi

tha snyad rgyun chad par thal/ chos de yod na sgrub mi dgos
shing/

dgag mi nus/ med na dgag mi dgos shing bsgrub mi nus pa'i
phyir

zhe na/ dgag sgrub kyi dngos rten phyi rol rang mtshan min te/

de yin pa la rigs pas gnod pa'i phyir/ de'i phyir dgag sgrub
kyi

dngos rten sgra don la brten nas 'dir ni sgrub pa dang dgag pa
thams

cad 'dod pa yin te/ dgag sgrub don dam par grub pa de 'dra med

na'ang/ chos can sgra de dgag sgrub de dag dang ni 'brel bar
snang

ba'i phyir/ sgra don chos can/ gsum yod de/ dngos po dngos med

dang gnyis ka la brten pa'i sgra don rnams su yod pa'i phyir/

sgra don de yang yod ces tha snyad rten par 'dod de/ sgra 'jug
pa nyid

yin pa'i phyir/ dgag sgrub kyi rten dngos po yin pa

@iw-140 'gog gi/ dgag sgrub kyi rten yin na dngos med yin

pas ma khyab bo//


! rang mtshan yin par dgag pa ni/ rtsa bar/




de lta min na don rnams kyi/ chos gcig bsgrubs sam bkag pa na/ /

bdag nyid thams cad bsgrubs pa dang/ /bkag 'gyur bdag tha dad
med phyir/ /

tha dad yin na gzhan dang gzhan/ /bkag pa dang ni bsgrubs pa
bzhin/ /

bsgrubs pa dang ni dgag pa dag  /chos can gcig la 'du mi
'gyur/


/

zhes pas de lta min par dgag bsgrub kyi dngos rten rang mtshan
yin

na/ don sgra rnams kyi steng du byas pa lta bu'i chos gcig
bsgrubs sam ma

byas pa lta bu gcig bkag pa na/ mi rtag pa la sogs pa'i bdag

nyid thams cad bsgrubs pa dang rtag pa la sogs pa thams cad
bkag par

'gyur bar thal/ byas mi rtag bdag nyid tha dad med pa'i phyir/

khyab pa khas/ rtags ma grub ste/ rdzas tha dad do zhe na/
byas mi rtag

bsgrubs pa dang ma byas rtag pa bkag pa dag chos can/ sgra
gcig

la gzhi mthun du 'du bar mi 'gyur bar thal/ byas mi rtag rdzas

tha dad yin pa'i phyir/ dper na/ bum snam gzhan dang gzhan bkag

@iw-141 pa dang ni bsgrubs pa gzhi mthun min pa bzhin no//


! tha snyad ji ltar byed tshul ni/ rtsa bar/


sna tshogs chos kyi
gzhir gyur pa//

chos can gcig gi dbang byas te/ /gcig sgrub pa na de rten
dang//

gzhan rnams btang snyoms lta bu dang/ /'gog na de yis dben pa
dang//

de las gzhan la ltos lta bu/ /med pa yi ni don can gyi//

tha snyad ji ltar blos bstan pa/ /de bzhin nyid de ma brtags
par//

tha dad don rten khas len pa/ /thog med bag chags las byung
ba'i//

'jig rten don la gnod mi 'gyur/ /de 'bras can dang de 'bras
med//

de de las tha dad don gcig  /tha dad rten can 'phel ba dang//

'grib pa lta bur byed pa yi/ /bslad pa de dang de dag gis//

'brel ba 'gal las de ldan nyid/ /min yang mthong bas sbyor des
na//

de dag bslad pa'ang shes ma yin/


/zhes pas khyod rang gi lugs

la dgag sgrub kyi tha snyad ji ltar byed ce na/ nged kyi lugs

la dgag sgrub kyi dngos kyi rten rang mtshan yin te/ sna tshogs

pa'i chos kyi gzhir gyur pa'i chos can sgra lta bu gcig gi
dbang

@iw-142 du byas te/ byas pa gcig bsgrubs pa na byas pa de gsar du
brten

pa lta bu dang/ mi rtag pa la sogs pa gzhan rnams btang snyoms

lta bu dang/ ma byas pa 'gog na ma byas pa de yis gsar du

dben pa lta bu dang/ de las gzhan byas pa la gsar du ltos pa

lta bur snang ba'i phyir/ rtog pa'i snang ba dngos por med na/

tshad mas gnod par 'gyur ro zhe na/ thog ma med pa'i bag chags

las byung ba'i 'jig rten dgag sgrub byed pa'i rtog pa'i don la
tshad

mas gnod par mi 'gyur te/ dngos po med pa'i don can gyi

tha snyad ji ltar blos bstan pa'i de bzhin nyid de dngos por
yod med

ma brtags par tha dad pa'i don rang mtshan la brgyud nas brten
pa'i tha

snyad don mthun khas len pa'i phyir/ rtog pa'i snang ba dngos
por

med na dgag sgrub kyi tha snyad ji ltar 'jug ce na/ don

bum pa gcig chos can/ dgag sgrub du ma 'jug ste/

chu mi skyor ba de las kyang tha dad/ grang ba skyob pa de las

kyang tha dad pa'i phyir te/ chu skyor ba de'i 'bras bu can
dang/

@iw-143 grang ba skyob pa de'i 'bras bu med pa can yin pa'i
phyir/ sgra'i steng

du mi rtag pa gsar du 'phel ba lta bu dang/ rtag pa gsar du

'grib pa lta bur byed pa'i bslad pa de dang de dag chos can/

gzung don de dang ldan pa min yang/ rang mtshan mngon sum du
mthong

ba la sbyor te/ de min yang tha dad pa'i rang mtshan la brten

pa'i 'brel ba 'ga' las de ltar sbyor nus pa'i phyir/ de dag
chos

can/ rang nyid bslad pa'ang rang gis shes pa ma yin te/

snang btags so sor mi phyed pa'i blo yin pa'i phyir/

TIk cher/ chu skyor ba'i 'bras bu can dang/ bzho bkal dang/

gdung 'degs pa sogs de'i 'bras bu med pa'i sgo nas log pa de
dang/

de las tha dad pa'i ldog pa du ma yod pa'i phyir zhes dang/
tha snyad de dag

'khrul par tshad ma gzhan gyis sgrub dgos zhes gsungs/


! mthun phyogs las ldog pa med pas ldog pa grub pa dgag

pa ni/ rtsa bar/


yod nyid sgrub byed 'jug pa'i phyir//

de med ma yin the tshom 'gyur/ /khas blangs tshad ma min pa
las//

@iw-144 med pa nyid kyang rigs ma yin/ /med las ldog pa med na
yang//

mthun phyogs las ldog the tshom za/ /de la the tshom za phyir
te//

mi mthun phyogs las ldog par yang/ /phung po nyid las gcig la
ni//

nges par grub na gzhan las ni/ /ldog grub ma mthong ba yin
yang//

mthong med dag la the tshom za/ /gsal la khyab byed ma yin
yang//

de yi rigs gyur don yod pas/ /ma mthong bas 'gar nges med de//

mkhregs pa mtshon gyis mi chod bzhin/


/zhes pas bum pa chos
can/

bdag de med pa ma yin par the tshom du 'gyur bar thal/ khyod
dang

gson lus bdag med par bsgrub dka' sla mtshungs pa gang zhig  /

gson lus la bdag yod pa nyid kyi sgrub byed 'jug pa'i phyir/

bum pa chos can/ bdag med de/ sangs rgyas pas de ltar khas
blangs

pa'i phyir zhe na/ bum pa chos can/ sangs rgyas pas bdag med
par

khas blangs pa las bdag med pa nyid kyang rigs pa ma yin par
thal/

sangs rgyas pa'i khas blangs tshad ma min pa'i phyir/ ma grub
na/

gson lus chos can/ bdag med par thal lo/ /mthun phyogs

@iw-145 dngos med las ldog pa med na yang/ srog chos can/

mthun phyogs las ldog pa la the tshom za bar thal/ bdag de

la yod med the tshom za ba'i phyir/ 'dod na/ mi mthun phyogs

las ldog par yang the tshom za bar thal lo/ /khyab ste/ bdag

yod med kyi phung po gnyis las gcig la ni nges par grub na/

gzhan las ni ldog pa grub pa'i phyir/ gson lus chos can/

mi mthun phyogs kha gcig la ma mthong bas mi mthun phyogs

la med nges su mi 'grub par thal/ mi mthun phyogs kha cig la

ma mthong ba yin yang/ yod kyang mthong rung du med pa'i mi
mthun

phyogs dag la the tshom za ba'i phyir/ mi mthun phyogs 'ga'
zhig

la ma mthong bas med par nges pa med de/ bdag med kyi gsal

ba la khyab byed ma yin yang/ bdag med pa'i rigs su gyur pa'i

don la yod srid pas so/ /dper na/ shing gi mkhregs pa mtshon

gyis chod kyang/ rdo rje pha lam gyi mkhregs pa mtshon gyis mi
chod

pa bzhin no//


! srog go byed yin pa dgag pa las 'gal ba med pas
go byed min pa ni/

@iw-146 rtsa bar/


yod la 'gal ba ma mthong na/ /the tshom gang las
ldog

par 'gyur/ /de yang la lar de 'bras dang/ /bdag tu nges las
gzhan ci yod//

des na bdag med pa las kyang/ /'di ni ldog pa the tshom za//

ldog tu chug pa de lta na'ang/ /bdag med med las bdag mi
'gyur//

gang gis de ni ldog med pa/ /nges par dngos por 'dod ma yin//

dper na srog sogs mthun phyogs la/ /ldog pa med kyang yod min
bzhin//

gal te gtan tshigs mthun phyogs las/ ldog med des rgyus rjes
'gro can//

rjes 'gro can min ldog min na/ /bdag med ma yin bdag bcas
min/


/

zhes pas srog chos can/ bdag med las ldog pa

la the tshom gang las ldog par 'gyur te mi 'gyur bar thal/

bdag med la yod pa la 'gal ba ma mthong ba'i phyir/

ma grub na/ srog chos can/ la lar bdag de'i 'bras bu

dang de'i bdag nyid du nges pa las gzhan ci yod de med par
thal/

bdag med dang 'gal ba de yang ma yin pa'i phyir/ 'di ni chos
can/

bdag med pa las kyang ldog par the tshom za bar thal/

@iw-147 bdag med dang 'gal ba ma yin pa'i phyir/ bdag med las

ldog tu chug pa de lta na'ang/ bdag med la med pa las

bdag bcas su mi 'gyur bar thal/ gang gis chos de ni

ldog pa med pa de nges par dngos por te yod par 'dod pa ma

yin pa'i phyir/ dper na/ srog sogs mthun phyogs las

ldog pa med kyang yod pa min pa bzhin/ gal te srog sogs chos

can/ mthun phyogs la rjes 'gro can yin par thal/

mthun phyogs las ldog pa med pa de'i rgyus so/ /ma khyab na/ 

bdag ma yin bdag bcas kyang min par thal/ mthun phyogs

la rjes su 'gro ba can min zhing ldog pa min pa'i phyir/


! 'brel ba med pas go byed min pa bstan pa las de byung 'brel

med pa bstan pa go byed 'brel ba la ltos pa ni/ rtsa bar/




'jug la gang gi rang bdag nyid/ /gang med mi 'byung can grub
pa//

de phyir de nyid ldog byed de/ /'jug pa na yang 'jug byed
yin//

med na mi 'byung de yang ni/ /sgrub par byed la ltos pa yin//

@iw-148 'bras bu mthong dang ma mthong ba/ /de dag rgyu dang
'bras bu nyid/


/

ces pas du ldan gyi la la me 'jug par sgrub pa la/ du ba gang
gi

rang gi bdag nyid rtags su bkod pa'i tshe na/ du ba chos can/

me de nyid log pa na ldog par byed de/ me gang phan 'dogs byed
du med

na mi 'byung ba can du grub pa de'i phyir/ me med na du ba mi

'byung ba'i 'brel ba de yang ni/ sgrub par byed pa khyad par
can la

ltos pa yin te/ me phan 'dogs byed du yod na 'bras bu du ba
skye bar

mthong ba dang/ me phan 'dogs byed du med na skye bar ma
mthong ba las

me du de dag rgyu dang 'bras bu nyid du grub pa'i phyir/


! de srog la ma grub pa ni/ rtsa bar/




de yod na yod nges med phyir/ /don gzhan rtogs pa yod ma yin//

rtag tu yod pa'am med pa na/ /de dag med par mi srid phyir//

'bras bu rang bzhin tha dad rnams/ /rgyu rnams las ni byung
ba'i phyir//

de dag med par gzhan las byung/ /ci ltar des bskyed rang bzhin
yin//

tshogs pa'i nus pa tha dad phyir/ /dngos rnams sna tshogs ngo bo
nyid//

@iw-149 gal te tha dad byed min na/ /'gro 'di ngo bo gcig tu
'gyur/


/

zhes pas srog de chos can/ khyod las gson lus la don

gzhan bdag rtogs pa yod pa ma yin par thal/ khyod yod na

bdag yod pa'i nges pa med pa'i phyir/ bdag de dag med pa na

srog de dag med par 'gyur ba mi srid de/ bdag de rtag tu yod

pa'i phyir/ ldog pa 'ba' zhig las rgyu 'bras 'grub pa min te/

rjes 'gro grub pas rgyu 'bras grub pa'i phyir zhe na/ srog de
chos

can/ ji ltar bdag des bskyed pa'i rang bzhin yin te ma

yin par thal/ bdag de dag med par rgyu gzhan las

byung ba'i phyir/ khyab ste/ 'bras bu'i rang bzhin tha dad pa
rnams

rgyu tha dad pa rnams las ni byung ba'i phyir/ de'i rgyu mtshan
ni

dngos po rnams chos can/ rdzas sna tshogs pa'i ngo bo nyid

yin te/ rgyu rkyen tshogs pa'i nus pa las ngo bo tha dad du
skyes

pa'i phyir/ gal te rgyu rkyen tha dad las skyes pa de rdzas
tha dad pa'i 'jog

byed min no zhe na/ 'gro ba dngos po 'di kun ngo bo gcig

@iw-150 tu 'gyur bar thal lo//


! de la rtsod spang ni/

rtsa bar/


'di tha dad byed tha dad byed/ /min na rang bzhin
gcig nyid

nyams/ /gcig ni rang bzhin du ma na/ /me dang me min rang
bzhin gnyis//

des na gzhan ni des bskyed pa'i/ /rang bzhin yin na de de
nyid//

des bskyed rang bzhin ma yin na/ /de ni de las ci ltar
'byung//

de ltar rgyu dang 'bras bu dag  /phan tshun rang bzhin nges pa
nyid//

des na rang bzhin mthong ba bzhin/ /'bras mthong na yang de
rtogs 'gyur/


/

zhes pas rgyu rkyen tha dad las skyes pa de rdzas tha dad du
'jog byed min

te/ du ba de me las kyang skyes de las tha dad pa brgya byin
gyi spyi bos

kyang skyed par byed pa de'i phyir zhe na/ brgya byin gyi spyi
bo gcig

ni chos can/ rang bzhin gcig nyid nyams nas me dang me min

gyi rang bzhin gnyis yin par thal/ du ba skyed byed dang me
min

rang bzhin du ma yin pa'i phyir/ gzhan brgya byin gyi spyi bo
ni

chos can/ me yod de nyid yin par thal/ du ba de skyed pa'i

rang bzhin yin pa'i phyir/ du ba de skyed pa'i rang bzhin min 

@iw-151 no zhe na/ du ba de ni ji ltar 'byung ste mi 'byung bar
thal

lo/ /me'i rang bzhin las du ba skye bar mthong ba bzhin du/

'bras bu du ba mthong na yang me de rtogs par 'gyur/ me du rgyu
dang

'bras bu dag tu phan tshun rang bzhin nges pa nyid yin pa'i phyir te/

du ba me las 'byung gi me min las mi 'byung ba de'i phyir/


! de'i lan dgag pa ni/ rtsa bar/


chu dang 'o ma rul 'gyur bzhin//

du ma las gcig ji ltar 'gyur/ /gsher nus gang las rul 'gyur te//

gnyis ka'ang gcig nyid ci 'di ni/ /tha dad gcig pa'i bdag nyid
dam//

tha dad gsher nyid ji ltar yin/ /rang rang ngo bo la gnas
phyir//

de yi rang bzhin can gyi blo/ /tha dad med phyir gcig ces
brjod//

de bzhin me ni tha dad kyang/ /cha gang gis ni mer rtogs pa'i//

rten yin des ni du bskyed pa/ /des ni de ltar rtogs pa yin/ /

mer shes yan lag gzhan las ni/ ltos pa nyid las byung ba'i
phyir//

du ba de la 'khrul med can/ /de ltar 'bras gzhan de bzhin grub//

du ba bud shing 'gyur ba yi/ /yan lag rten la mer 'jog phyir//

@iw-152 gal te me min de du min/ /gal te de du me de nyid/


/

ces pas rgyu du ma las 'bras bu gcig 'byung ste/ ji ltar

chu dang 'o ma las 'bras bu rul pa gcig 'byung bar 'gyur ba
bzhin no

zhe na/ chu dang 'o ma gnyis ka chos can/ rigs gcig nyid yin

te/ gsher ba'i nus pa gang las 'bras bu rul ba gcig skyed par

'gyur ba'i phyir/ ci chu 'o 'di ni rdzas tha dad dang rigs gcig
pa'i

bdag nyid gnyis ka yin par thal/ rigs gcig gang zhig  /

mngon sum la so sor snang ba'i phyir/ 'dod na/ rdzas tha dad na
gsher

ba nyid du rigs gcig pa ji ltar yin zhe na/ chos can/

rdzas tha dad yin te/ rang rang gi ngo bo la gnas pa'i dngos po
tha

dad yin pa'i phyir/ chu 'o gnyis rigs gcig ces brjod de/

rigs gcig pa de'i rang bzhin can gyi blo'i rgyur tha dad med
pa'i phyir/

de bzhin du tsan dan dang shug pa'i me ni/ rdzas tha dad kyang

rigs gcig yin te/ me min las log pa'i cha gang gis ni

mer rtogs pa'i rten yin pa'i phyir/ du ba chos can/

@iw-153 me yod pa de ltar rtogs pa yin te/ me des ni bskyed pa des na'o/
/

du ba chos can/ me de la 'khrul pa med pa can yin te/

mer shes pa'i yan lag gzhan bud shing las ni ltos

pa'i me nyid las byung ba'i phyir/ de ltar du 'bras bu gzhan
yang chos

can/ rang rgyu la mi 'khrul ba de bzhin du 'grub ste/ rang

rgyu las skyes pa'i phyir/ gal te brgya byin gyi spyi bo de chos can/

khyod las skyes pa'i sngo 'phyur ba de du ba min par thal/ khyod me
yod

min pa'i phyir/ spyi bo de chos can me yod de nyid yin par thal/

gal te khyod las skyes pa'i sngo 'phyur ba de du ba yin pa'i
phyir/

khyab ste/ du ba dang bud shing gi 'gyur ba'i yan lag gi rten

dmar 'bar ba de la mer 'jog pa'i phyir/


! bdag gcig

'brel med pas go byed min pa ni/ rtsa bar/


ci ltar rang rgyu la

ltos nas/ /rang bzhin med na mi 'byung bar/ shes bya 'jig dang
byas pa nyid/ /

gong du ji skad bshad bzhin no/


/zhes pas rang bzhin gyi gtan
tshigs

chos can/ rang gi bsgrub bya'i chos med na mi 'byung bar shes
par

@iw-154 bya ste/ rang gi bsgrub bya'i chos la 'brel ba'i rgyu mtshan ji

ltar rigs pa la ltos nas 'brel ba'i phyir/ 'jig pa dang byas

pa gnyis 'brel bar gong du ji skad bshad pa bzhin no/ /


! tshul des rigs can gzhan yang khegs pa ni/

rtsa bar/


ldog can mtshungs pa bstan pa'i phyir/ /mnyan bya nyid
ni brjod

mdzad las/ /gtan tshigs min nyid rtogs pa yi/ /tshul 'dis thams
cad dpag

par bya/


zhes pas phyogs chos can gyi rab dbye 'chad pa'i skabs
su

mnyan bya nyid ni dper brjod par mdzad pa chos can/ khyod las
srog

gtan tshigs yang dag ma yin par rtogs pa'i tshul 'dis/ ldog pa

rkyang pa can du 'dod pa'i rtags thams cad dpag par bya ste/
srog dang

mnyan bya ldog pa can du mtshungs par bstan pa'i phyir/




ma dmigs pa'i rgyu khyab byed ma dmigs pa logs su mi ston pa'i rgyu
mtshan


ma dmigs pa'i rgyu khyab byed ma dmigs pa logs su mi ston pa'i

rgyu mtshan ni/ rtsa bar/


rgyu dang ngo bo ldog nyid kyis/ don
ldog

par ni brjod pa las/ /mi dmigs dpe ni grub pa'i phyir/ tha dad
par

ni ma bshad do/ /de la'ang skyes bu mthong med las/ /srog sogs

@iw-155 ldog pa med pa'i phyir/ /gtan tshigs the tshom za bshad pas/ /

bltar rung don la de zhes bstan/ /'dis ni dngos la'ang dngos
po'i cha/

/khas blangs med par dgag pa nyid/ /sgrub byed snga ma dag gis
ni/

ma yin sgrub par byed phyir ro/


/zhes pas rang bzhin 'bras bu

grub don du gtan tshigs gnyis smos nas/ rgyu khyab byed ma dmigs

pa'i dper brjod mi 'chad pa'i rgyu mtshan ci zhe na/ rgyu khyab
byed

ma dmigs pa'i rtags chos can/ phyogs chos can rab dbye

'chad pa'i skabs su/ 'bras rang gi rtags las tha dad par ni

khyod kyi dper brjod ma bshad pa'i rgyu mtshan yod de/ snang rung

gi rgyu dang khyab byed kyi ngo bo ldog pa nyid kyis 'bras bu
dang khyab

bya'i don ldog par ni brjod pa las/ khyod kyi dpe ni grub

pa'i phyir/ rgyu khyab byed ma dmigs pa la snang rung gi khyad
par

de gang las thob ce na/ rgyu khyab byed ma dmigs pa de la'ang

bltar rung ba'i don la ma dmigs pa de med pa'i go byed yin

no zhes bstan te/ skyes bu ste bdag mthong rung du med pa

@iw-156 las srog sogs ldog pa med pa'i phyir te/ gtan tshigs srog

de gson lus bdag bcas su sgrub pa'i mi mthun phyogs las

ldog pa la the tshom za bar bshad pas so/ /rtags thams cad

rnam bcad tsam sgrub pa ma yin par thal/ rgyu khyab byed ma

dmigs pa 'dis ni chos can dngos po la'ang/ dngos po'i cha khas

blangs pa med par med dgag nyid sgrub byed yin la/ snga ma

'bras rang dag gis ni dngos su sgrub pa dang/ shugs la ma yin

dgag sgrub par byed pa'i phyir/



rang bzhin ma dmigs pa'i rtags bzhed pa


rang bzhin ma dmigs

pa'i rtags bzhed pa ni/ rtsa bar/


de la dmigs rung rnams kyi ni/
/

yod pa dmigs pa las gzhan min/ /de phyir mi shes shes bya'i
phyir/ /

mi dmigs dpe gcig bzhed pa yin/ yul med phyir der yul can ni//

shes brjod the tshom 'gog 'gyur te/ /dper na sreg par byed min
phyir/ /

me ma yin zhes bya ba bzhin/ /dmigs su rung ba'i med pa ni/ /

mi dmigs pa las gzhan ma yin/ /de phyir de yod pa las de'i/ /

rgyu mtshan can gyi sgra shes sgrub/ /snang ba ma mthong na med
ces/ /

@iw-157 bya ba'i tha snyad 'di grub pas/ /de 'bras yin yang de las ni/ /

blo sgra the tshom med par 'grub/ /yul yod na yang rmongs pas
'dir/ /

gzhan dag rjes su mi brjod pa/ /grub pa dang ni chos mthun las/
/

brda dran byed pa 'ba' zhig go / /ci ltar mthong dang ma mthong
las/ /

rgyu dang 'bras nyid sgrub bzhin te/ /de gnyis la ni 'bras sogs
sgra/ /

tha snyad don du bkod pa yin/


/zhes pas rang bzhin ma dmigs

pa'i rtags mi bzhed dam/ de'i dper brjod mi 'chad pa'i rgyu
mtshan

ci zhe na/ slob dpon phyogs glang chos can/ snang rung ma

dmigs pa la med pa'i tha snyad mi shes pa shes par bya ba'i
phyir

du/ rang bzhin ma dmigs pa'i dpe gcig bzhed pa yin te/

de la dmigs rung rnams kyi ni yod pa'i 'jog byed tshad mas

dmigs pa las gzhan yod pa min pa de'i phyir/ 'o na rang

bzhin ma dmigs pa'i dpe ji lta bu zhe na/ yul snang rung

dmigs pa med pa'i phyir/ gzhi der chos de'i yul can gyi

shes rjod the tshom 'gog par 'gyur te/ dper na/ gzhi 'ga'

@iw-158 zhig chos can/ me ma yin te/ sreg par byed pa min pa'i
phyir

zhes bya ba bzhin no/ /snang rung ma dmigs

pas med nges sgrub nus pa'i rgyu mtshan ci zhe na/

snang rung ma dmigs pa de yod pa las med pa de'i rgyu mtshan can
gyi

sgra shes sgrub nus te/ dmigs su rung ba'i med pa 'jog byed ni/

snang rung mi dmigs pa las gzhan yod pa min pa de'i phyir/

bum pa snang rung ma mthong ba chos can/ khyod kyis bum med

sgrub mi nus par thal/ bum med de khyod kyi rnam gzhag gi 'bras

bu yin pa'i phyir/ khyab ste rgyu ni 'bras bu la 'khrul ba'i
phyir

zhe na/ bum pa snang rung ma mthong ba chos can/ bum med de

khyod kyi rnam gzhag gi 'bras bu yin yang/ khyod las bum pa'i

blo sgra the tshom gyi yul bum pa med par 'grub ste/ khyod yin na

bum pa med ces bya ba'i tha snyad 'di gnag rdzi'i bar gyi grub
pas so/ /

'o na/ bum pas dag pa'i sa phyogs chos can/ bum med bsgrub

mi dgos par thal/ bum pa snang rung ma dmigs pa grub pa'i

@iw-159 phyir zhe na/ 'dir chos can/ yul bum pa snang rung ma

dmigs pa grub zin du yod na yang/ phyir rgol gzhan dag

bum pa med par rjes su mi brjod pa'i rgyu mtshan yod de/ bum pa
med

pa'i tha snyad la rmongs pa srid pa'i phyir/ bum med kyi don
bsgrub

mi dgos te/ snang rung ma dmigs pa la med pa'i tha snyad

grub pa dang ni chos mthun par bstan pa las/ bum med kyi

brda dran par byed pa 'ba' zhig yin pa'i phyir/ ji ltar

me phan 'dogs byed du yod na du ba skye bar mthong ba dang/

me med na du ba skye bar ma mthong ba las/ me rgyu dang du ba
'bras

bu nyid du sgrub pa bzhin te/ don gzhan snga ma yod med kyi

rjes su 'gro ldog byed pa po dang/ don gzhan phyi ma yod med

kyi rjes su 'gro ldog byas pa de gnyis la ni/ 'bras bu dang

sogs pa rgyu'i sgra bkod pa chos can/ don yod de/ tha snyad

zor yang bar bya ba'i don du yin pa'i phyir/


! de logs su mi ston pa'i rgyu mtshan dngos ni/ rtsa bar/

@iw-160 


rgyu las 'bras bu bsgrub pas na/ /'di ni rang bzhin nang
'dus phyir/ /

gtan tshigs dbye ba bshad pa las/ /tha dad par ni dper ma bstan/



/

zhes pas rang bzhin ma dmigs pa'i dper brjod logs su mi

'chad pa'i rgyu mtshan/ rang bzhin ma dmigs pa'i rtags 'di ni

gtan tshigs kyi dbye ba 'chad pa'i skabs su 'bras rang gi rtags

las tha dad par ni/ dper brjod ma bstan te/ rang

bzhin gyi rtags nang du 'dus pa'i phyir te/ rnam 'jog gi rgyu
las

rnam 'jog gi 'bras bu sgrub pa'i rtags yin pa'i phyir/


! rtsod spang dngos las phyogs chos mngon sum gyis grub par bstan
pa ni

rtsa bar/


gcig dmigs nyams su myong ba las/ /'di ni dmigs so
zhes bya 'am/ /

ma dmigs so zhes rtog can gyi/ /blo ni skye bar 'gyur ba yin//

myong ba khyad par can nyid las/ /don rnams khyad par can du
rtogs/


/

zhes pas bum pa snang rung ma dmigs pa chos can/ /

khyod kyis bum med sgrub mi nus par thal/ khyod tshad mas ma

dmigs pa'i phyir zhe na/ bum pa snang rung ma dmigs

@iw-161 pa tshad mas ma grub pa'i skyon med de/ gcig sa phyogs dag

pa ba dmigs pa'i dbang mngon nyams su myong ba'i rang rig mngon
sum

las/ sa phyogs 'di ni dmigs so zhes bya ba 'am bum pa 'di ni

ma dmigs so zhes bya bar rtog pa can gyi blo gnyis ni skye bar

'gyur ba yin pa'i phyir/ ci dmigs zhes pas chog mod

nyams su myong ba zhes smos pas ci bya zhe na/ nyams su myong ba

zhes smos pa'i don yod de/ myong ba khyad par can nyid las don

rnams khyad par can du rtogs pa'i ched yin pa'i phyir/


! sgrub pa'i tshul ni/ rtsa bar/


de lta'i bdag nyid can myong ni/ /

'di ni tha dad blo rgyu yin/ /de phyir blo dbye rang nyid las/ /

grub 'gyur de dag gi de'i don/ /de lta min na thug med phyir/ /

'ga' yang tha dad grub mi 'gyur/ /rang bzhin khyad par can myong
las/ /

gzhan gsal ba ni gzhan ma yin/ /de phyir de mi dmigs pa yang/ /

de las khyad par can dmigs nyid/ /des na mi dmigs pa 'di ni//

rang nyid mngon sum las rtogs pas/ /rang nyid tsam gyis 'jug pa
can//

@iw-162 de min rnam gzhag go byed yin/


/zhes pas bum 'dzin dbang

mngon dang dag 'dzin dbang mngon gyi blo'i dbye ba rang rig nyid
las

grub par 'gyur la/ blo de dag gis de'i don gyi dbye ba 'grub

par 'gyur te/ sa phyogs dag pa ba de lta bu'i bdag nyid

kyi rnam pa can gyi dbang mngon myong ba'i rang rig ni/

dag 'dzin mngon sum 'di ni bum 'dzin mngon sum las tha dad du

'byed pa'i blo'i rgyu yin pa'i phyir/ de lta min na/ sa phyogs

dag pa ba 'ga' yang chos can/ bum pa med pa'i sgrub byed thug

med du thal/ bum pa snang rung ma dmigs pa mngon sum gyis

ma grub pa'i phyir/ 'dod na/ de chos can/ bum pa yod

pas tha dad du 'grub par mi 'gyur bar thal lo/ bum pa

snang rung ma dmigs pa 'di ni rang nyid mngon sum las rtogs pa

yin te/ bum pa 'di snang rung mi dmigs pa yang/

bum pa de las khyad par can gyis phyogs dmigs pa nyid dang/

tshad ma gcig gi byed pa 'jug pa'i yul yin pa'i

@iw-163 phyir te/ bum pa'i rang bzhin las khyad par can gyi sa
phyogs

myong ba'i mngon sum las gzhan bum 'dzin gsal ba ni gzhan

ma yin pa'i phyir te de gnyis tshad ma gcig byed pa

'jug pa'i yul yin pa'i phyir/ TIk cher sa phyogs las dgag bya
gzhan

bum pa bsal ba'i dgag pa ni zhes 'grel/ bum pa snang rung ma dmigs

pa chos can/ bum pas dag pa'i sa phyogs su rang nyid yod

tsam gyis 'jug pa can gyi bum pa de med pa'i rnam gzhag

go byed yin te/ de sgrub kyi tshul gsum yin pa'i phyir/


! de las gzhan du thug med du thal ba ni/ rtsa bar/




gzhan du don gyi med pa nyid/ /mi dmigs pa las rtogs par 'gyur//

gzhan gyis dmigs pa med pa nyid/ /yin pa'i phyir na thug med
'gyur/


/

zhes pas gzhan du rjes dpag gis grub na/ bum pas dag

pa'i sa phyogs chos can/ bum pa med pa'i don gyi sgrub byed thug

med du 'gyur bar thal/ bum pa med par bum pa snang rung ma dmigs

pa las rtogs par 'gyur la/ bum pa dmigs pa med pa nyid de

yang gtan tshigs gzhan gyis bsgrub dgos pa'i phyir/

@iw-164



ma mthong ba tsam gyis med nges su sgrub mi nus par bstan pa


ma mthong ba tsam gyis med nges sgrub mi nus par bstan pa
ni/

rtsa bar/


mi snang nges pa mi rung phyir/ /gzhan du gzhag pa
'gog 'gyur dper//

sems can gzhan la rtags med pa'i/ /rnam rtog la sogs mi 'grub
bzhin//

'bras bu nges med can 'dis ni/ /ldog pa sgrub par nus ma yin//

nges pa bsgrub phyir gtan tshigs la/ /dang po'i dbang du byas pa
yin/


/

zhes pas ma mthong ba tsam gyis med nges las gzhan du yod nges

kyi tha snyad bzhag pa 'gog par 'gyur te/ mi snang ba tsam

gyis med par nges pa mi rung ba'i phyir/ dper na/ sems can

gzhan la rtags med par rnam rtog la sogs pa rgyu ba'i grangs ma

mthong ba tsam gyis med par mi 'grub pa bzhin no/ /bum pa ma

mthong ba tsam 'dis ni/ bum pa ldog pa sgrub par nus pa ma yin
te/

'bras bu bum pa med par nges pa med pa can yin pa'i phyir/

ma dmigs pa'i gtan tshigs las med nges sgrub nus pa de

dang po snang rung ma dmigs pa'i dbang du byas pa yin te/

snang rung ma dmigs pas med par nges pa sgrub nus pa'i phyir/

@iw-165


! 'gal zla dmigs pa'i rtags logs su mi ston pa'i rgyu mtshan
ni/

rtsa bar/


rang gi sbyor ba dag la de'i/ /rang gi ngo bo sbyor
ba'am//

don la gnod byed ngo bo ste/ /yod na yod pas med phyir ram//

phan tshun tha dad grub phyir te/ /brten dngos dang ni 'jig pa
bzhin//

tshad ma gzhan gyis gnod phyir yang/ /nges gyur dang ni ltos bcas
bzhin//

rgyu gzhan las skye nye bar ni/ /gdon mi za bar ga la yod//

dngos po rgyu las byung yin na/ /brgyud pa'i dub pas ci zhig
bya//

gal te rgyu de 'jig pa gzhan/ /bskyed pas de ni 'jig 'gyur na//

dngos po de nyid 'jig pa yi/ /ngang du bskyed na ci zhig 'gyur//

de ni bdag nyid grub gyur na/ /bdag la phan 'dogs byed pa gang//

bdag la phan 'dogs byed min na/ /de yis ltos bya gang ci zhig  /

ltos med dngos po nam yang ni/ /de lta min par ci ltar 'gyur//

dper na de nyid 'jig ka mar/ /sdod la brten pa mi 'dod bzhin//

ltos pa med na skad cig kyang/ /dngos po yod min 'gyur zhe na//

de ltar gyur te dngos nyid yin/ dngos med de ltar ci ltar 'gyur/
gang dag de yod gzhan ltos med//

@iw-166 de dag de yod la des yin/ /'bras bu las la gegs byed pa//

med pa can gyi tshogs pa bzhin/


/zhes pas phyogs chos can

gyi rab dbye 'chad pa'i skabs su/ 'gal zla dmigs pa'i rtags kyi

dper brjod mi 'chad pa'i rgyu mtshan gang zhe na/ de rang bzhin
ma

dmigs pa'i nang du 'dus la/ rang bzhin ma dmigs pa logs su

mi 'chad pa'i rgyu mtshan bshad zin to/ /ma dmigs pa'i rtags la

du zhe na/ ma dmigs pa rang gi sbyor ba dag chos can/

gnyis su yod de/ ma dmigs pa de'i rang gi ngo bo rtags su

sbyor ba'am/ dgag bya'i chos kyi don la gnod byed kyi ngo bo
rtags

su sbyor ba gnyis yod pa'i phyir/ dgag bya'i chos la gnod byed

de/ lhan cig mi gnas 'gal dang/ phan tshun spangs 'gal

gnyis las dang po ni/ tsha reg des grang reg la gnod byed

yin te/ grang reg rgyun ma gtags par yod pa na tsha reg

nye bar yod pas/ grang reg med par song ba'i phyir/ TIk cher/

gnod bya grang reg rgyun ldan du 'byung bzhin pa yod pa na gnod
byed

@iw-167 mi nye bar yod pa'i stobs kyis grang reg rgyun med par song
ba mthong

ba'i phyir/ mi rtag pa rtag pa dang dngos 'gal/ de gnyis phan

tshun grub pas te rnam gcod yongs gcod kyi sgo nas dngos su mi

mthun par gnas pa yin pa'i phyir te/ brten dngos dang ni 'jig

pa bzhin no/ /'jig nges su gyur ba dang ni 'jig pa phyis byung
gi

rgyu la ltos bcas bzhin te/ 'jig nges chos can/ 'jig pa

phyis byung gi rgyu la ltos bcas dang brgyud 'gal yin/ de la
tshad

ma gzhan gyis gnod pa'i sgo nas 'gal ba'i phyir/ ji ltar

'gal zhe na/ bum pa chos can/ nye bar gdon mi za

bar ni 'jig pa ga la yod de med par thal/ 'jig pa

phyis byung gi rgyu gzhan las skyes pa'i phyir/ ma khyab ste/

bum pa'i dngos po'i rgyu la 'jig rgyu skye/ de las 'jig pa

byung ba yin pa'i phyir zhe na/ chos can/ rang rgyu las 'jig
rgyu 'byung la/ des

'jig pa'i brgyud pa'i dub pas ci zhig bya ste don med par thal/
rang grub

tsam nas 'jig nges yin pa'i phyir/ gal te 'jig rgyu des 'jig pa

@iw-168 gzhan skyed pas/ bum pa de ni 'jig par 'gyur na bum pa'i dngos
po de nyid

'jig pa'i ngang du skyed na skyon ci zhig tu 'gyur dris pas/
gnas tshul dang

mi mthun pa yin zhe na/ de ni chos can/ 'jig rgyu don gzhan des
bdag

la phan 'dogs byed pa gang las yin te ma yin par thal/ bdag nyid
grub

par gyur pa yin pa'i phyir/ 'dod na/ chos can/ 'jig rgyu don
gzhan

de'i ltos bya gang ci zhig yin ste ma yin par thal/ de bdag la
phan

'dogs byed min pa'i phyir/ chos can/ nam yang 'jig nges de lta
min par

ji ltar 'gyur te mi 'gyur bar thal/ 'jig pa phyis byung gi rgyu
la ltos

med kyi dngos po yin pa'i phyir/ dper na/ bum pa de nyid 'jig
kha mar

skad cig gnyis par sdod pa la brten par mi 'dod pa bzhin no/
/phyis

byung gi rgyu la ltos pa med par 'jig na skad cig kyang

dngos por yod pa min par 'gyur zhe na/ chos can/ ltos med du

'jig pa de ltar gyur pa de dngos po nyid yin te/ dngos med bltos med

du 'jig pa de ltar ji ltar 'gyur te mi 'gyur ba'i phyir/ gang
dag

chos de la yod pa gzhan la ltos pa med pa de dag rang grub tsam
nas chos

@iw-169 de la yod nges yin te/ 'bras bu myu gu skye ba'i las la
gegs byed pa med

pa can gyi myu gu'i rgyu tshogs pa tha ma bzhin du/ bum pa 'di
yang phyis

byung gi rgyu la ltos med du 'jig pa yin no zhes bya ba ni rang
bzhin

gyi gtan tshigs so



mi rtag pa sgrub pa'i rang bzhin rtags kyis mjug bsdu mdzad pa'i dgos
pa



mi rtag pa sgrub pa'i rang bzhin gyi rtags
kyis

mjug bsdu bar mdzad pa ni dgos pa che te/ de phyir mi rtag las

sdug bsngal/ /sdug bsngal las ni bdag med gsungs/ /zhes pa ltar/
'khor

ba'i sdug bsngal thams cad zhi ba'i mya ngan las 'das pa 'thob
pa yang/

gang zag gi bdag med pa rtogs pa'i shes rab kyis srid pa'i sdug
bsngal thams

cad kyi rtsa ba 'jig tshogs la lta ba'i ri bo mthon po bcom par
byas pa nyid

la rag las shing/ de lta'i mya ngan las 'das pa'i go 'phang rin
po che'i gling

du phyin par bya ba'i phyir/ bdag med rtogs pa'i gru gzings dam
pa 'tshol bar

byed pa yang 'khor ba'i 'brog dgon pa sdug bsngal brgya phrag du
ma'i 'byung gnas

su rig pa'i rtsa ba can yin zhing/ de thams cad kyang phung po
mi rtag par rtogs pa

la rag las pa yin pas/ bstan bcos 'dir lta ba bkar btags kyi
phyag brgya

bzhi'i nang nas kyang 'dus byas mi rtag pa nyid sgrub pa'i rigs
pa rgyas par bshad pa yin no//

@iw-170


! mjug bsdu ba las gzhung 'di rtogs dka' ba dang  rtogs na
don che ba bstan pa ni

rtsa bar/ 


blo yi nus pa chung ba med pa de dag gis kyang zab mo'i
de nyid rtogs med can//

brtson 'grus shin tu lhag par gyur pa de dag gis kyang mchog gi

de nyid mthong med ldan/ /'gro ba rnams la mtshungs par legs
bshad slar

'dzin byed pa mi rnyed pa can kho bo'i gzhung/ /rgya mtsho la ni
chu bo bzhin du rang

gi lus la thim zhing nub pa nyid du 'gyur/ /tshul dang tshul min
rnam par 'byed

mkhas lta ba ngan pa'i tshang tshing bsreg  /'phags pa nyid kyi
rjes su bzung bas yang

dag rig pa'i lam ston pa/ gzhung lugs nyin byed yon tan brgya
ldan blo ngan

nyid spong 'jigs pa spangs/ de lta mod kyi blo mig rnam dag
mkhas pa'i padmo

rgyas byed yin/ tshad ma rnam 'grel las gzhan gyi don gyi tshig
le'ur

byas pa ste le'u bzhi pa'o/





! mthar phyin pa'i tshul ni rtsa

bar/


tshad ma rnam 'grel gyi tshig le'ur byas pa 'di ni yul lho
phyogs

kyi rgyud du byung ba gzhung lugs ngan pa thams cad ches shin tu
'khrul par 'jug pa

snyan pa'i grags pas sa'i steng ma lus par khyab pa 'gran zla
med pa'i

mkhas pa chen po dpal chos kyi grags pas mdzad pa rdzogs so////




@iw-171



gong gi gzhung don de dag gi mtha' dpyod rgyas par bshad


gnyis pa mtha' cung zad dpyad pa la/ sgrub ngag

dang sun 'byin gnyis kyi khyad par/ thal 'gyur yang

dag gis mtha' gcig tu 'dzin pa'i log rtog bsal nas/

don 'gyur gyi the tshom 'dren par byed/ sgrub ngag gis

the tshom de yang bsal nas rjes dpag tshad ma 'dren par byed pa

ste/ dper na/ rtag na ma byas pas khyab pa nges shing

sgra byas pa yang nges la/ sgra rtag par khas len pa'i

rgol ba de la/ sgra chos can/ ma byas par thal/

rtag pa'i phyir zhes bkod pa na/ rgol ba de yi blor mi 'dod pa

sgra ma byas par 'phen pa na/ sgra rtag pa mtha' gcig tu

'dzin pa'i log rtog bzlog ste/ phal cher sgra mi rtag snyam

pa'i the tshom 'dren/ slar yang/ rgol ba de la/ rtag na

ma byas pas khyab/ dper na/ nam mkha' bzhin/ sgra ni

byas zhes pa'i sgrub ngag bkod pa na/ the tshom de yang bzlog par

byas nas/ bsgrub bya sgra mi rtag pa la go ba bskyed pas

@iw-172 sgrub ngag dang/ sun 'byin gnyis byed las mi 'dra ba

yin/ de 'dra'i thal 'gyur la brten nas the tshom skye

ba dang/ sgrub ngag la brten nas

rjes dpag skye ba yod na/ thal 'gyur dang/ sgrub

ngag gnyis po re re nas/ de 'dra'i the tshom dang/ rjes dpag

gnyis po re re nas skyed byed yin mi dgos te/

rtsa'i me dang/ tsan dan gyi me las du ba skye ba yod kyang/

de gnyis du ba skyed byed yin mi dgos pa bzhin no/ /

gzhan du na/ byams pa'i ma las bu mi skye bar khas

len dgos pa sogs skyon du ma 'byung ba'i phyir/


! le'u dang po dang le'u bzhi pa gnyis logs su brtsams pa'i dgos

pa dngos kyi 'bras bu tha dad pa'i phyir zhes 'god/ le'u dang
pos

tshul gsum pa'i rtags sbyor dngos bstan bstan bya'i gtso bor byas

nas bstan/ le'u bzhi par sgrub ngag bstan bya'i gtso

bor byas nas bstan pas/ de gnyis kyi dngos kyi 'bras

@iw-173 bu tha dad pa ste/ rtags sbyor gyis rtags can rjes dpag

dang/ sgrub ngag gis tshul gsum cig car du dran pa'i shes pa

'dren par byed/ sgra thos pa'i nyan shes ni/ rtags sbyor dang

sgrub ngag gnyis kar 'dra ba'i phyir/ rnam nges dar TIk las

kyang/ thal ba'i rtags blo yul du song ba'i dngos kyi 'bras bu

ni/ mi 'dod pa 'phen pa yin la/ rang rgyud kyi rtags blo

yul du song bas ni/ bsgrub bya la dngos su nges pa bskyed par
byed

pa yin no/ /de yang khyab pa nges pa sngon du song na yin gyi/

mtha' gcig tu ni ma nges so/ /rgyud gcig dang/ rgyud

tha dad kyi dbye ba ma phyed par dngos 'bras dang brgyud 'bras
la

bsam na/ le'u gnyis par dgra bcom 'chi kha ma'i sems

de'i 'bras bur gyur pa'i kun mkhyen ye shes yod par gsungs

pa de dngos 'bras yin pa las gzhan med/


! grangs can la/

blo bde chos can/ sems med bem po yin te/

skye 'jig can yin pa'i phyir zhes pa'i rtags la dgag

@iw-174 pa byed pa na/ gzhan gyi khas blangs tsam rtags su mi rung
ba

bstan/ grangs can pas/ 'o na

bye brag pas ba lang gi spyi cha med rang gi gsal ba kun la

dus gcig tu 'phro 'du 'brel ba byed pa khas len pa la/ ba lang
gi spyi

chos can/ cha du ma dang bcas par thal/ rang gi

gsal ba du ma la dus gcig tu 'phro 'du 'brel ba'i phyir zhes

pa'ang/ bye brag pa'i khas blangs rtags su bkod nas dgag pa

de mi 'thad par 'gyur ro zhe na/ de gnyis mi 'dra ste/

rang gi gsal ba du ma dang dus gcig tu 'brel na/ cha dang bcas

pas khyab la/ skye 'jig can yin na sems med bem po

yin pas ma khyab ces pa'o/ sangs rgyas pa'i lung rtags su/

mi rung na/ le'u gsum pa'i skabs su/ rigs mi mthun rnams

rtsom med phyir/ /zhes bye brag pa'i lung rtags su bkod nas

sgrub pa ji ltar yin/ gzhan yang/ rdul phran cha med

chos can/ cha dang bcas par thal/ rang gi gsal

@iw-175 ba du ma la dus gcig tu 'brel ba'i phyir/ rtags khyab gnyis

ka khas len dgos/ rdul phran cha med gsal ba du ma'i spyi

yin pa 'dod dgos/ khyab pa yang grub ste/ rnam bshad las

de ltar gsungs so/ /go ram pa'i tshad ma las/ ba lang gi

spyi chos can/ gsal ba du ma la don la khyab pa ma yin

te/ du ma min pa'i phyir zhes bkod/ 'o na/ bum pa chos

can du byas nas 'phen na lan ji ltar brjod/


! phyogs kyi mtshan nyid kyi skabs su tshad mas bsal ba ma smos

pa ni/ phyogs kyi mtshan nyid mtshan gzhi gang la zhugs

dpyod par bzhed pa yin la/ tshad mas bsal ba ni/ mtshan nyid

gang la 'jug mi 'jug dpyod pa'i gzhir mi rung ba'i phyir zhes

gsungs/ de la/ TIk chen rigs pa'i rgya mtshor/ bod snga

ma kha cig gi 'dod pa bkod nas de ni mi 'thad de/ grangs can

gyis sgra rtag pa gzhan don bsgrub byar khas len pa'i

tshe/ sgra rtag pa gzhan don bsgrub bya yin pa 'gog pa dang/

@iw-176 ma yin par sgrub pa'i rtags yang dag mi srid par thal/

tshad mas bsal na gzhan don bsgrub bya'i mtshan nyid 'jug mi

'jug dpyod pa'i gzhir mi rung dgos pa'i phyir/ zhes gsungs

yang/ thar lam gsal byed las/ rgyas bshad la/

'dod pa rgyas bshad/ rang nyid rgyas bshad/ ma bsal ba'i rgyas
bshad/

ces 'chad pa la/ TIk cher/ gzhung gi tshig tsam la yang

ma brtags pa ste/ de ltar na/ mdor bstan du/ ma bsal ba

mdor bstan pa med par de nyid kyi rgyas bshad bkod na/ rtsom pa

po bstan bcos kyi brda ma byang bar 'gyur te/ mdor bstan

du yod kyang rtogs sla ba la bsams nas de'i rgyas bshad mi byed
pa ni/

bstan bcos mkhan po dag gi lugs la yongs su grags kyang/

mdor bstan med pa'i rgyas bshad dang/ rgyas bshad med pa'i bsdus
don

sogs ni lus med pa'i yan lag dang 'dra bar/ rang nyid

ngo tsha ba'i gnas su byed pa yin no/ /gzhan yang mdor bstan

du ma bsal ba mi smos pa'i rgyu mtshan tshad mas bsal ba gzhan

@iw-177 don bsgrub bya'i mtshan nyid 'jug mi 'jug dpyod pa'i gzhir mi

rung ba nyid yin par smras nas/ rgyas bshad du/ bsdus don de
ltar

'god pa ni/ khas blangs nang 'gal ba yin te/ shes bya chos can/

'dod pa dang/ rang nyid kyi rgyas bshad dang/ ma bsal ba'i rgyas

bshad rgyun gcig tu 'chad mi rigs par thal/ tshad mas

bsal ba gzhan don bsgrub bya'i mtshan nyid 'jug mi 'jug dpyod

pa'i gzhir mi rung ba'i phyir/ rtags gsal dngos/ zhes gsungs/

TIk chen rang gi dgongs pa ni/ tshig gis de yi mtshan nyid

bzhi/ /zhes pa'i skabs 'dir ma bsal ba'i tshig gi dgos pa ma
gsungs

pa ni/ bshad gzhi che bas zur du bshad pa yin/ de yang

dam bca' ltar snang gi dpe rgyas par 'chad pa dang byed pa gcig
pas

dgag bya dang de dgag pa gnyis dkyus gcig tu 'chad par gsungs

la/ tshig gis de yi mtshan nyid bzhi/ /zhes pa'i skabs su ma

bstan kyang/ khas blangs de yang tshad ma ni/ /zhes pa'i tshig
bzhi

ma bsal ba mdor bstan dang/ de man chad rgyas bshad do/ /

@iw-178 sras mchog gnyis dgongs pa gcig tu gnas te/

rgyal tshab rjes/ tshig gis de yi mtshan nyid bzhi/ /zhes pa'i

skabs ma bsal ba'i ma bshad pa'i rgyu mtshan 'chad/

mkhas grub rjes/ khas blangs de yang tshad ma ni/ /zhes sogs kyis

ma bsal ba mdor bstan pa 'chad la/ de gnyis sras mchog

gnyis kas zhal gyis bzhes pa'i phyir/ TIk cher gsungs

pa der zhib tu gzigs na thar lam gsal byed kyi dgongs don

gsal bar 'gyur ro/ /go bo'i tshad ma kun tu bzang por/

tshad ma mdor gzhan don bsgrub bya yang dag gi mtshan nyid

yongs rdzogs bstan/ tshig gis de yi mtshan nyid bzhi/ /

zhes pa'i skabs dang/ rigs sgor/ bsgrub par bya ba nyid du 'dod
pa

'gal ba'i don gyis ma bsal ba phyogs yin no/ /zhes pas

bstan pa'i bsgrub bya gnyis don gcig tu byas nas/ gzhan

don bsgrub bya tsam gyi mtshan nyid bstan pa dang/ de'i steng du

ma bsal ba tshang na phyogs yang dag tu gyur/ de'i phyir

@iw-179 ma bsal ba skabs 'dir ma smos zhes 'chad/ rgyas bshad dang/

mdor bstan gnyis kyi go rim mi 'dra bar bshad pa ni/ mdor

bstan gyi skabs mdo'i go rim dang mthun par bshad/ rgyas bshad
skabs

'dod pa zhes pa zhe 'dod skabs kyi bsgrub byar bstan pa na/ rgol

bas khas blangs pa'i lung don thams cad zhe 'dod kyi bsgrub bya
yin

nam snyam pa'i dwogs pa bzlog pa'i ched du rang nyid smos dgos
pa'i

dbang du byas/ zhes gsungs/ des na/ rigs sgo dang/ rnam 'grel

gnyis ka'i mdor bstan gyi tshig des bsgrub bya yang dag gi mtshan

nyid ma bstan par bshad do/ /rigs sgor bshad pa'i phyogs

de phyogs yang dag ma yin na/ phyogs yang dag gi mtshan nyid

bstan pa'i rigs sgo'i tshig gcig kyang med par 'gyur ba dang/

tshad ma bslu med can shes pa/ /zhes pas tshad ma'i mtshan nyid
ma bstan/

ma shes don gyi gsal byed kyang/ /zhes pas tshad ma'i mtshan
nyid

ma bstan na/ tshad ma'i mtshan nyid yongs rdzogs bstan pa'i

rnam rtsa'i tshig gcig kyang med par 'gyur/ de tsam

@iw-180 ma zad/ ston pa bcom ldan 'das grol ba don gnyer la tshad

ma'i skyes bur sgrub pa'i thog mar tshad ma spyi'i don gang zhe
na/

tshad ma bslu med can shes pa/ /zhes pa'i gzhung de byung ba yin
pas/

'brel ma chags par 'gyur ba'i skyon yod do//


! rang gi lugs

la/ rigs sgo las bsgrub bya yang dag gi mtshan nyid yongs rdzogs
bstan

kyang  dgos pa'i dbang gis kun btus las bshad pa dang mi

'dra'o//


! grangs can pa'i mig sogs chos can du bzung

ba de'i sogs khongs nang shes bya nyer gsum ma 'dus na grangs
can

gyi 'dod don mi sgrub pa thar lam gsal byed las gsungs/

tshad ma sde bdun yid kyi mun sel las/ mig sogs

zhes pa mig sogs dbang po lnga dang/ gzugs sogs don lnga tsam

chos can bzung bar 'dod/ de la shes bya nyer bzhi

chos can du bzung na/ phyogs chos grub ma grub dpyad dgos/

bde sdug btang snyoms gsum cha mnyam pa'i cha dang/ blo tsam
rang

lugs la'ang khas blangs pas/ phyogs chos grub gsungs pa der

@iw-181 ri bong gi rwa dang/ de'i don spyi gcig tu bzung ba'i gang zag
gis/

ri bong gi rwa chos can/ yod de/ tshad mas dmigs pa'i phyir/

zhes bkod na phyogs chos grub par thal/ smos pa'i chos can

med na'ang/ zhe 'dod kyi chos can yod pa'i phyir/ der thal/ ri
bong

rwa'i don spyi yod pa'i phyir/ ma khyab na/ spyi gtso bo med
kyang/

bde sdug btang snyoms gsum cha mnyam pa yod pa'i rgyu mtshan gyis

phyogs chos grub par 'dod pa'i phyir/ blo 'am chen po la yang

dpyad do/ /rgyang phan gyi gnyis bcas sbyor ba de la/

utpala ma yin pa'i dngos po yin pa'i phyir zhes pa'i rtags la

bsam blo zhib tu dpyad dgos/


! gal te bstan bcos

khas blangs phyir/ /zhes sogs kyis skabs su/ phyogs snga

rigs pa can pa bzhag pa de la/ TIk cher/ kha cig

rigs pa can skabs 'di'i phyogs smra ba por 'chad pa ni/

rigs pa can rang nyid kyis bkod pa'i rtags la rang nyid kyis

sun 'byin brjod pa shin tu ngo mtshar ro/ /zhes bkag nas

@iw-182 rang lugs la/ skabs 'di'i phyogs snga smra ba po/ sgra mi

rtag sgrub la byas pa rtags su bkod pa'i grangs can pa dang/

dpyod pa ba sogs 'jog  /


! rtags kun rang gi bsgrub

bya la/ /skyon dang yon tan dpyad phyir ro/ /zhes pa'i skabs

rtags yang dag dang rtags yon tan can don gcig dang/ rtags ltar

snang dang rtags skyon can don gcig tu bshad/ rtsa bar/

'di de dag gi skyon min nam/ /yan lag phyi ma la bltos pa/ /

phyogs skyon 'dod min de lta na'ang/ gtan tshigs la sogs nyes pa

yang/ /phyogs kyi skyon du thal 'gyur te/ /thams cad phyogs la
gnod

phyir ro/ /de phyir de tsam dang 'brel ba/ /phyogs kyi skyon
'dod

gzhan min te/ /mngon sum la sogs 'gal ba bzhin/ /zhes

sogs kyi skabs phyogs skyon dang rtags dpe'i skyon 'gal bar
bshad/

rnam bshad las/ des na phyogs skyon gyi don ni/

phyogs su gzung bya de phyogs skyon can du 'jog pa'i thun mong

ma yin pa'i chos dang/ de bzhin du rtags kyi skyon yang

@iw-183 rtags su gzung bya rtags skyon can du

'jog pa'i thun mong ma yin pa'i chos so/ /zhes dang/

mig shes kyi gzung bya sgra'i steng du 'god tshul dang mthun par
ma

grub pa'i cha/ sgra mi rtag par sgrub pa'i ma grub pa'i rtags

kyi skyon yin gyi phyogs kyi skyon min te/ de khyad chos

su ldan pa'i cha nas ma grub pa'i gtan tshigs skyon can du

song ba yin gyi/ de yod pa dang med pas phyogs skyon can

dang skyon med du sgrub mi nus pa'i phyir/ rtsod gzhi la

'god tshul ltar ma grub pa phyogs chos kyi skyon du 'dod pa ni/

de'i skyon dang mtshan nyid kyi bsal bya ma phyed pa'i 'khrul pa
yin la/

de ma grub pa'i rtags kyi yon tan du 'dod pa ni/ khyad par gyi

chos dang/ yon tan ma phyed pas nongs pa'o/ /zhes gsungs/

paN chen bsod nams grags pa'i gsung las/

rtags yon tan can dang/ rtags skyon can gzhi mthun

yod gsungs/ de sgrub kyi tshul gsum gang rung tshang na de sgrub

@iw-184 kyi rtags yon tan can du 'jog  /rtags skyon

yin na rtags skyon can gyi mtshan nyid yin pas

khyab/ sgra mi rtag par sgrub pa'i rtags skyon yin

na/ sgra mi rtag par sgrub pa'i rtags skyon can

gyi mtshan nyid yin pas khyab par gsungs/

mig shes kyi gzung bya 'jog byed rang nyid yin pa'i cha nas de
mig

shes kyi gzung bya'i rtags kyis sgra mi rtag par sgrub pa'i
rtags skyon can

du song ba/ rang nyid mig shes kyi gzung bya'i rtags kyis de
sgrub kyi

rtags skyon can gyi mtshan nyid/ mig shes kyi gzung bya 'jog byed

rang nyid yin pa'i cha nas/ de sgra mi rtag par sgrub pa'i rtags skyon

can du song ba/ rang nyid sgra mi rtag par sgrub pa'i rtags
skyon

yin pa'i mtshan nyid/ dper na/ sgra mi rtag par sgrub

pa'i rtags su bkod pa yang yin/ de sgrub kyi tshul gsum ma yin

pa yang yin pa'i gzhi mthun pa lta bu/ gzhan rnams la yang

rigs 'gre/ rnam bshad las gsungs pa de

@iw-185 mig shes kyi gzung bya'i rtags kyis de sgrub kyi rtags su bkod

pa yang yin/ de sgrub kyi tshul gsum ma yin pa yang yin pa'i

gzhi mthun pa de/ de sgrub kyi rtags skyon yin zhes pa'i don

yin gsungs/ mdor na/ phyogs skyon dang/ rtags skyon

dang/ dpe skyon gsum po re re nas yin na/ phyogs skyon

can dang/ rtags skyon can dang/ dpe skyon can gsum po

re re'i mtshan nyid yin pas khyab par zhal gyis bzhes so/ /

tshad ma rigs rgyan las/ de sgrub kyi rtags skyon

gyi mtshan nyid/ de sgrub kyi rtags su gzung bya de rtags skyon
can

du sgrub byed do/ /rtags skyon can la gsum yod pa ltar rtags
skyon

la yang gsum yod par zhal gyis bzhes/ ltar snang gsum po rang
rang

gi mtshan nyid dag  /rang rang gi rtags skyon du bzhed/

rtags skyon la gzhi grub pas khyab/ rtags skyon can la gzhi

grub ma grub gnyis yod/ mig shes kyi gzung byas sgra

mi rtag par sgrub pa lta bu la mtshon na/ sgra mi rtag

@iw-186 sgrub pa'i rtags su bzung nas phyogs chos ma grub pa de
rtags skyon dang/

mig shes kyi gzung bya rtags skyon can yin/

rtags bkod na/ mig shes kyi gzung bya chos can/

sgra mi rtag par sgrub pa'i rtags skyon can yin te/

sgra mi rtag par sgrub pa'i rtags su bkod pa gang zhig  /de
sgrub

kyi phyogs chos ma grub pa'i phyir zhes pa'o/ /de bzhin du

dpe skyon dang/ phyogs skyon sogs la'ang sbyar bar bya'o/ /

rtags skyon dang/ phyogs skyon gnyis kyi gzhi mthun zhal gyis
bzhes/

rtsa ba'i don ni/ rtags dpe kho na'i skyon rnams phyogs skyon

ma yin zhes pa'i don yin gsungs so/ /gong gsal gzhung

de dag gi don la dpyad rgyu shin tu mang ste/ blo gros can rnams

9kyis zhib tu dpyad pa mdzod/ /


! de la khas blangs 'bras rtags te/ /

'gro la grags pa rang bzhin rtags/ /zhes pa'i skabs

rnam bshad las/ 'bras rtags dang/ rang bzhin gyi rtags

@iw-187 dngos gnas pa 'jog cing/ dang po de/ tshad mar khas blangs
pa'i

lung de rang gi bstan bya'i don sgrub pa'i 'bras rtags su 'dod
na/

le'u gnyis par/ smra ba po yi byed pa'i yul/ /don gang blo la

rab gsal ba/ de la sgra ni tshad ma nyid/ /don gyi de nyid rgyu

can min/ /zhes dang/ le'u dang por/ sgra rnams dngos dang

lhan cig tu/ /med na mi 'byung nyid med phyir/ /de las don grub

min de dag  /smra po'i bsam pa ston par byed/ /ces pa rnams

kyis/ tshig rnams rang gi brjod bya dang med na mi 'byung ba'i
'brel ba

med pas/ rang gi brjod bya sgrub byed kyi rtags yang dag ma yin
par

sgrub pa dang ji ltar mi 'gal/ dpyad gsum gyis dag pa'i

lung/ sbyin pa'i longs spyod khrims kyis bde/ /zhes pa'i lung
rang

gi bstan bya'i don la mi slu bar sgrub pa'i rtags yang dag yin

pa'i rgyu mtshan gyis/ rang gi bstan bya'i don sgrub pa'i 'bras
rtags yang

dag tu 'dod na/ 'god tshul yin 'god mi rigs pas/

yod 'god las ma 'das/ de ltar na/ rang gi bstan

@iw-188 bya'i don yod de/ dpyad gsum gyis dag pa'i lung yin pa'i phyir/
zhes

bkod dgos/ de ltar na/ rtags dang chos su bzung ba de gnyis

rgyu 'bras su 'dod dgos pas/ lung dang bstan bya'i don gnyis
rgyu

'bras bu ga la 'gyur/ de la mkhas grub thams cad

mkhyen pas/ TIk chen las/ 'o na/ yid ches pa'i tshad ma dang/

grags pa'i tshad ma de dag rjes dpag tshad ma yin na/ de dag rtags

gang la brten pa yin zhe na/ de la yid ches pa'i tshad ma ni/

lung rnam dag rang gi bstan bya'i don gyi 'bras bu'am/ de la mi
'khrul

bar khas blangs pa'i sgo nas de nyid bsgrub pa'i phyir du bkod
pa'i

lung gi rtags la brten pa yin zhing/ grags pa'i rjes dpag gi

rten du gyur pa'i rtags ni/ 'gro ba la grags pa'i ming can

brjod rung grags pa'i khyab bya'i rang bzhin yin no/ /yang na/

slob dpon phyogs glang gis rang lugs la lung rnam dag rang gi

brjod bya'i sgrub byed yang dag tu 'gyur ba mi bzhed kyang/

gsung rab la dpyad pa shas cher ma rdzogs pas/ lung dpyad

@iw-189 gsum gyis dag par tshad ma'i stobs kyis da lta nges mi nus

pa'i gdul bya 'ga' zhig shin tu lkog gyur la 'jug ldog

byed pa'i thabs su gdul bya de 'dra'i dbang du byas nas/

sbyin pa'i longs spyod khrims kyis bde/ /zhes pa lta bu'i lung

rang gi brjod bya'i 'bras bur khas blangs pa'i sgo nas/ lung de

rang gi brjod bya'i sgrub byed du gyur pa'i 'bras rtags su gzhan

ngor re zhig khas blangs pa'i rnam gzhag mdzad pa yin pa

de'i phyir/ rnam 'grel 'di nyid du'ang/ de la khas blangs 'bras
rtags

te/ /zhes gsungs pa yin la/ 'on kyang yid ches kyi rtags

yang dag med pa dang/ lung rnam dag rang gi brjod bya'i sgrub
byed

yang dag yin pa gnyis ka'ang/ yang dag pa ma yin par kho bos

tshad ma yid kyi mun sel du rgyas par bshad zin cing/ de lta na

yang yid ches pa'i rtags yang dag gi rtags sbyor ji ltar 'god

pa'i tshul la sogs pa ni/ rang don le'ur bshad zin to/ /

de bzhin du grags pa'i rtags yang dag kyang rang bzhin

@iw-190 gyi rtags yang dag yin par slob dpon mi bzhed de/ bsgrub bya'i

chos dngos med sgrub pa'i sgrub rtags yang dag yod pa rigs

pa'i dbang phyug gi dgongs pa ma yin no zhes kho bos bshad

zin to/ /de lta na yang/ rtog yul na yod pa thams cad

'dod pa'i dbang gis brjod byed kyi sgra gang yang sbyar du rung
ba'i rang bzhin

yin par shes pa'i phyir du 'gro la grags pa rang bzhin rtags

zhes bya ba 'di gsungs pa yin par shes par bya'o/ /zhes gsungs

so// 


! de dag la 'di ltar bsam ste/ yid ches kyi rtags

yang dag gal che ste/ shin lkog shin tu rtogs dka' bas

yid ches kyi rtags la brten dgos/ tshe 'dir sbyin pa

gtong ba dang/ tshul khrims srung ba sogs dge rtsa rnams/ tshe
phyi

mar longs spyod 'byung ba dang/ bde 'gror skye ba sogs khas mi

len na las dge mi dge las 'bras bu bde sdug 'byung ba

khas mi len pa yin pas/ las rgyu 'bras la skur ba

'debs pa'i log lta can du 'gyur bas dge rtsa ma lus pa

@iw-191 gcod par 'gyur ba dang/ sdom ldan yin na sdom pa yang

gtong bar 'gyur/ gong gi de dag khas len na/

sbyin pa dang/ tshul khrims sogs las/ tshe phyi mar

longs spyod dang/ bde 'gror skye ba sogs mngon sum tshad mas

ma nges la/ mngon stobs rjes dpag gis rtogs mi nus

pas/ yid ches rjes dpag kho na las gzhan med cing/

des rtogs tshul yang/ sbyin pa las longs spyod 'byung ba sogs
ston

pa bcom ldan 'das kyis gsungs zhing/ don de la mngon sum

tshad mas gnod pa med de/ sbyin pa sogs las longs spyod sogs

mi 'byung ba mngon sum tshad mas ma shes pa'i phyir/ dngos stobs

rjes dpag gis/ sbyin sogs las bde ba 'byung bar ma rtogs

te/ rjes dpag ni rtags la brten dgos zhing/ sbyin sogs

las bde sogs mi 'byung bar sgrub byed kyi dngos stobs kyi rtags

med pa'i phyir/ des na/ sbyin sogs las bde sogs

'byung bar bstan pa la/ mngon sum tshad ma dang/ dngos stobs

@iw-192 rjes dpag gis mi gnod cing/ de ltar bstan pa la/

rang tshig snga phyi 'gal ba dang/ khas blangs snga phyi 'gal ba

sogs ma mthong ba na/ gsung de dpyad pa gsum gyis dag par

khas len dgos/ de lta na/ rang gi bstan bya'i don

la mi slu bar sgrub pa'o/ /tshad ma sde bdun yid kyi mun

sel las/ sbyin pas longs spyod khrims kyis bde/ /zhes pa'i

lung de shin lkog kho na bstan pa'i lung dang/ dpyad gsum gyis

dag pa'i tshul yang mthong ba mngon gyur bstan pa'i cha la zhes

sogs ma sbyar bar/ rang gi brjod bya de ltar bstan pa la/

tshad ma gsum gyis gnod pa med pa zhes brjod dgos gsungs/

sbyin pas longs spyod khrims kyis bde/ /zhes pa'i lung des

sbyin pa dang/ tshul khrims ma bstan na mngon sum dang 'gal la/

bstan na/ de dag shin lkog ma yin pas/ lung de shin

lkog kho na bstan pa 'gal ba'i phyir dang/ sbyin pa ma

bstan par/ sbyin pa las longs spyod 'byung bar bstan

@iw-193 mi srid pa'i phyir te/ me ma bstan par me las du ba 'byung

ba bstan mi srid pa'i phyir/ des na/ bstan bya'i gtso bor

shin lkog kho na bstan na'ang/ mngon gyur dang/ cung zad

lkog gyur yang bstan pa la 'gal ba med do/ /gzugs sogs

don lnga bstan pa'i mdo mthong ba mngon gyur bstan pa'i mdo
dang/

bden bzhi mi rtag la sogs bcu drug bstan pa'i mdo cung

zad lkog gyur bstan pa'i mdo/ mi dge bcu spong gi tshul

khrims las phyi mar bde 'gror skye bar bstan pa'i mdo/ shin lkog

bstan pa'i mdo yin/ sangs rgyas la gzhan dring mi 'jog pa'i

dad pa brtan po med na/ shin lkog rtogs pa'i thabs dang bral

bas rtogs dka' la ma rtogs na nyes pa shin tu che ba

gsog par 'gyur/ tshe 'di'i dge sdig las phyi

mar bde sdug 'byung bar tshad mas nges na/ sdig spong dge

sgrub la brtson par 'gyur nas don chen po bsgrub pas

shin tu gal che/ de yang yid ches kyi rtags kho

@iw-194 nar rag las so/ /TIk cher/ bsgrub bya'i chos dngos med

sgrub pa'i rang bzhin gyi rtags med par gsungs pas/ 'gro la

grags pa rang bzhin rtags/ /zhes pa de/ rtags chos rang bzhin gcig
pa tsam yin

gyi rang bzhin gyi rtags yang dag ma yin gsungs/ shes bya dang/

yod pa/ gzhi grub/ rtag pa sogs bsgrub bya'i chos su bzung

ba'i rang bzhin gyi rtags med par 'gyur ba dang/ me yod pa

rtag pa yin nam min/ yin na/ du ldan gyi la chos

can me yod de/ du ba yod pa'i phyir/ zhes pa de/ sgrub

rtags yang dag ma yin par 'gyur ba dang/ rtag pa min na/

shes bya rtag pa yin pa'i rgyu mtshan med par 'gyur ro/ /

thar lam gsal byed las/ de ji lta bu zhe na/ 'di lta ste/

chags sogs chos min sdig pa'i rtsa bar khas

blangs nas khrus kyis chos min sdig pa dag par 'gyur bar ston

par mthong ba'i phyir/ de ni khas blangs 'gal bar ji ltar

'gyur zhe na/ gang zhig gang gi rgyu la mi gnod pa de ni

@iw-195 de'i rgyu bkag pa'i sgo nas 'joms nus pa ma yin te/

snum pa'i rdzas kyis bad kan 'gog mi nus pa bzhin khrus

kyis chags sogs mngon gyur la yang mi gnod do zhes bya

ba'o/ /chags sogs kyis sdig pa bskyed pa'i nus pa mngon sum gyis

mi 'grub cing/ de la khrus kyis mi gnod pa yang mngon sum

gyis ma grub kyang/ khrus byas pas chags pa mngon gyur chung du

mi 'gro ba rang rig mngon sum gyis grub pas khas blangs snga
phyi

'gal bar shes so/ /de lta na yang shin tu lkog gyur gyi don

la mngon sum gnod sgrub tu 'jug pa ma yin te/ chags sogs

kyis sdig pa bskyed pa'i nus pa'i khyad par dang/ nus pa'i khyad par

de la khrus kyis mi gnod pa mngon sum gyis mi 'grub pa'i phyir/

zhes gsungs pa la cung zad dpyad na/ rgyal ba'i sku la khrus
gsol

nas sems can gyi sdig pa dag pa yod dam med/ yod na

khrus kyis sdig pa la mi gnod pa'i phyir te/ rgyu chags sogs la

mi gnod pa'i phyir/ med na/ de ltar smon lam btab

@iw-196 pa de/ ri bong gi mgor rwa nor bu 'byung bar shog /ces pa
dang

khyad par ci yod/ 'jog po'i gtsug rgyan len pa'i bstan

bcos de dgos pa sgrub mi nus pa dang 'dra/ gzhan yang/

srog gcod kyi sdig pa gnyen po stobs bzhi'i sgo nas bshags

na sdig pa dag par mdo rgyud du mar gsungs shing/ bshags

pa des sdig pa'i 'bras bu 'byin mi nus par byas nas dag

dgos pas srog gcod pa'i sdig pa de la gnod dgos/

de gnod na/ de'i rtsa ba bdag 'dzin ma rig pa la gnod

par 'gyur bar thal/ de la gnod pa'i phyir/ bshags

pas/ ma rig pa la gnod na/ tshogs bsags sgrib sbyang

byed pa mtha' dag ma rig pa la gnod par 'gyur ro/

der 'dod na/ khrus gsol byed pa yang ma rig pa la gnod

par khas blangs dgos so/ /gzhan yang/ rgyu chags sogs

la gnod pa'i stobs kyis/ 'bras bu sdig pa rgyu bkag pa'i

stobs kyis gnod na/ rgyu chags sogs la gnod na/ de'i

@iw-197 'bras bu rnam smin gyi phung po la gnod dam mi gnod/

gnod na/ bdag med mngon sum du rtogs pa'i ye shes kyis

dal brgyad 'byor bcu tshang ba'i rnam smin gyi lus rten khyad par
can la yang

gnod dgos/ der gnod na/ lus rten des thar pa thob

pa la gegs byed yin par thal lo// 'dod mi nus te/

thar pa thob pa la phan 'dogs byed yin pa'i phyir/ mi gnod

na/ de'i rgyu bdag 'dzin la gnod pa'i phyir/ le'u gnyis

par/ de ni gtan du ba min te/ /rgyu la gegs sogs

srid phyir ro/ /zhes sogs dran par gyis/ khrus byas pas chags

sogs mngon gyur chung du mi 'gro ba rang rig mngon sum gyis grub

ces pas/ rang rig de gang nyams su myong ba'i rang rig yin

dpyad do/ /de dag gang la tshad ma yod/ /de ni gzhan la

gnod byed 'gyur/ /zhes pa yang gang la rgyab rten tshad ma yod

pa de ni/ gzhan la gnod byed du 'gyur ba yin gyi

rgyab rten tshad ma med na/ gzhan la gnod byed du mi 'gyur

@iw-198 ro//


! mngon sum sogs kyi gzhal bya yang/ /

'jal byed sgra sgro btags nas brjod/ /ces sogs kyi skabs

gnod byed mtshan nyid pa dang/ grags pa mtshan nyid pa bshad/

zla ba'i sgra brjod rung de/ brjod mi rung ba la gnod byed mtshan

nyid pa yin gyi/ brjod rung zhes pa'i sgra dang/ brjod rung
rtogs

pa'i shes pa rnams grags pa mtshan nyid pa yin gyi/ gnod

byed mtshan nyid pa ma yin te/ dngos stobs yul la grags

pas gnod pa mi 'jug pa'i phyir/ zhes gsungs/ yang rnam bshad

las/ 'o na grags pas gnod pa'i dper smos pa ji lta bu zhe na/

de ni da trig shing zhes pa'i sgras brjod du mi rung ba la

grags pas gnod par bstan pa yin no/ zhes dang/ yang

gzhung de dag gis yul can la gnod byed kyi ming gis

bstan pa ma yin gyi/ yul gnod byed la yul can

gyi ming gis btags nas bstan pa'i don to/ /zhes gsungs/

mdor na/ sgra mnyan bya yin pa de/ de nyid rtogs pa'i mngon sum

@iw-199 gyi gzhal bya dang/ sgra mnyan bya ma yin pa la dngos su

gnod byed yin/ de la mngon sum gyis gnod ces brjod pa dang/

de bzhin du/ dngos stobs rjes dpag dang/ yid ches rjes dpag
dang/

grags pa'i rjes dpag sogs kyi yul la 'jal byed tshad ma'i

ming gis btags nas brjod/ sgra mi rtag par rtogs pa'i

tshad ma des/ sgra rtag pa la mi gnod/ sgra mi rtag pa des

sgra rtag pa la gnod par bshad/ zla ba'i sgras brjod rung des

zla ba'i sgras brjod mi rung la gnod pa la grags pas gnod ces

btags pa'o/ /le'u dang por/ gnod bya gnod byed ngo bo

phyir/ /zhes sogs kyi skabs la bsam par bya'o/ /tha snyad tsam

la 'khri na/ sangs rgyas kyis sgrib pa spangs pa des/ sems can kyis

sgrib pa ma spangs pa la gnod mi gnod dpyad/ yang

brjod rung de 'dod pa'i dbang gis don thams cad la 'jug tu

rung ba gsungs pa der/ nyi ma la zla ba zhes pa'i sgras brjod

rung ba dang/ sangs rgyas la sems can zhes pa'i sgras brjod rung

@iw-200 ba dang/ nyan rang dgra bcom par nyon sgrib ma spangs

zhes pa'i sgras brjod rung bar thal/ 'dod mi nus te/

de ltar brjod na nyes ltung chen po gsog pa'o/ /


! rang rten la'o/ zhes pas/ rang rten gyi chos

can dang/ chos can 'ba' zhig pa gnyis kyi khyad

par/ rang rten gyi chos can bkag na skabs kyi bsgrub bya'i

chos la gnod par 'gyur gyi/ chos can 'ba' zhig pa

bkag pas skabs kyi bsgrub bya la gnod par mi 'gyur

te/ rnam bshad las/ bsgrub bya'i chos dang 'brel med kyi

chos can 'ba' zhig pa bkag pas skabs kyi bsgrub bya la gnod

pa'i 'gal bar 'gyur ba'i log rtog dgag pa'i ched du yang smos
so/ /

de la chos can 'ba' zhig pa ji lta bu de bkag pas nyes par

mi 'gyur ba'i don ci yin zhe na/ dngos por gyur pa'i nam

mkha' chos can/ rtag pa'i rdzas ma yin te/ yon tan

don gzhan gyi rten mi byed pa'i phyir/ ces bkod pa na/

@iw-201 dngos por gyur pa'i nam mkha' ni bsgrub bya'i chos kyi rten
gzhi

ma yin pas 'ba' zhig pa zhes bya la/ de bkag kyang bsgrub

bya la gnod pa'i nyes par mi 'gyur te/ mngon gyur gyi nam

mkha' khegs pa nyid rtag rdzas khegs pa'i yan lag tu 'gyur

zhing/ de khegs na/ de rtag rdzas kyis stong pa bde blag tu

'grub pa'i phyir ro/ /zhes par/ chos can dang bsgrub bya'i

chos 'brel med kyi rtags yang dag yod na/ chos can dang rtags

gnyis 'brel med kyi rtags yang dag khas len dgos de ltar

na rtags de'i phyogs chos ji ltar 'grub/ phyogs chos kyi

mtshan nyid la dpyad do/ / yang sangs rgyas pa dang bye

brag pa gnyis rtsod pa na/ nam mkha' mthun snang du grub pa

med cing/ sgra mthun snang du grub pa yod ces par/

rang rang gi thun mong ma yin pa'i khyad par dor nas nam mkha'

tsam zhig gnyis kas khas len pas/ de tsam gyis mthun snang

du grub par mi 'jog na/ sgra las mtshungs pa'i phyir/

@iw-202 nyan shes kyis thos pa tsam gnyis kas khas len pa'i

phyir zhe na/ yid shes kyi yul du gyur pa gnyis kas

khas len pa'i phyir zhes brjod/ de bzhin du dbu ma'i

skabs chos can mthun snang du grub ma grub la dpyod pa'i skabs

rang rgyud kyi tshul gsum grub pa khas len pa rnams chos can
mthun snang

du grub dgos/ dbu ma thal 'gyur ba dang grub mtha' gzhan

rtsod pa na chos can mthun snang du grub pa med par khas len

dgos/ de lta na/ sangs rgyas pa 'og ma dang bye brag pa rtsod

pa na/ rang bzhin gyis grub pa'i nam mkha' gnyis kas mthun

snang du grub pa'i phyir te/ gnyis kas nam mkha' yod par

'dod pa'i phyir/ nam mkha' la ming tsam zhig ma

gtogs don mthun snang du grub pa cung zad kyang med pa'i phyir/

des na gzhan 'ba' zhig gis khas blangs pa'i dngos por gyur pa'i

nam mkha' chos can bzung nas/ de yon tan don gzhan

du ma'i rten byed pa'i rdzas yin pa dgag par bya ba yin no//

@iw-203 zhes gsungs par/ bye mdo gnyis kyis/ gzhan sder

nam mkha' chos can du bzung nas dngos med du sgrub

pa'i rtags bkod pa na/ rtags de rang rgyud kyi rtags las

ma 'das shing/ rang rgyud kyi rtags yin na/ rtags de'i rtags

chos don gsum rgol ba gnyis kyis mthun snang du grub pa dgos

pa'i phyir dang/ rang gzhan gyi sde pa de gnyis nam mkha'

rang gi mtshan nyid kyis grub pa'ang mthun snang du khas len pa'i

phyir/


! chos kyi tshig phrad tha dad par/ /byed pas

mi ldan gzhan ldan pa/ /shin tu mi srid rnam gcod byed//

ces sogs skabs/ mi ldan rnam gcod kyi sgra dang/

gzhan ldan rnam gcod kyi sgra/ mi srid rnam gcod kyi sgra

gsum bshad/ tshig phrad sbyar sa tha dad par sbyar bas rnam gcod

du ma'i bya ba byed par gsungs pas/ dper na/ byas pa

sgra la yod pa kho na zhes pa mi ldan rnam gcod dang/

byas pa kho na sgra la yod ces pa gzhan ldan rnam gcod

@iw-204 dang/ ba las be'u 'byung srid pa kho na zhes pa mi srid
rnam

gcod du 'jog /le'u dang por/ yal ga lo 'dab dang ldan

pa 'di yang shing yin zhes pa mi ldan rnam gcod dang

yal ga lo 'dab dang ldan pa 'di kho na shing yin zhes pa'i gzhan

ldan rnam gcod gnyis las ma 'das/ dang po ltar

sbyar na/ nyes pa yod par gsungs/ le'u dang po dang/

le'u bzhi par gsungs pa gnyis phyogs gcig tu lta

bar bya'o/ /de sbyar med kyang brjod 'dod las/ /zhes sogs kyis

tshig phrad ma sbyar yang/ sgra rnams brjod 'dod kyi dbang gis mi
ldan/

gzhan ldan/ mi srid gsum gyi don go bar gsungs so//

bum pa chos can/ mtshon bya yin te/ btags yod chos gsum

tshang ba yin pa'i phyir/ zhes bkod pa'i tshe na/ btags yod chos

gsum tshang ba de/ bum pa la yod pa kho na yin nam min/

yin na/ bum pa la khyab byed du 'jug dgos pas/ bum pa yin

na/ btags yod chos gsum tshang ba yin pas khyab par 'gyur/

@iw-205 min na/ phyogs chos ji ltar grub/ byas pa sgra la

yod pa kho na min na phyogs chos grub tshul med pa bzhin

yin no/ /de bzhin du/ don byed nus pa mtshan nyid yin par

sgrub pa'i rtags yang dag dang/ shes bya rtag par sgrub pa'i
rtags

sogs phyogs chos grub dgos pas/ rtsod gzhi la yod pa

kho na yin min dang/ yin na rtsod gzhi la khyab byed du

'jug par 'gyur ba 'phen no//

@iw-206



de ltar tshad ma'i dgongs rgyan le'u bzhi rtsom pa mthar phyin te
dge ba bsngo ba


! smras pa/ kun lhan mthar 'dzin gdung bas

'gro ba rnams/ /sgrol mdzad brgyad khri bzhi stong 'o ma'i
mtsho//

rigs lam bye bas bsrubs las nying khu'i bcud/ /sbyin mdzad

phyogs glang chos grags gtsug tu bkur/ /phyi rgol sgro

'dogs skur 'debs nags stugs po/ /sun 'byin gnam

lcags thogs mde'u zhib mor byas/ /zhi sgo lam bzang ma

nor 'khrid mdzad pa'i/ /'phags yul mkhas grub

mdzad bzang rmad du byung/ /ston mchog zhabs kyis ma

bcag mtha' khob tu/ /log smra wa skyes 'byung pos

lta ngan spel/ /rigs lam du ma las drangs seng ge'i

sgra/ /sgrogs pas gzhan bskrad lo paN bka' drin

can/ /jo bo'i lung gis zin pa'i gsang

phu ru/ /chos kyi seng ges grwa bskor srol gtod pas/

kha ba can pa smag rub dus 'das nas/ /tshad ma'i

rigs lam sgo 'byed mig tu gyur/ /'phrog byed

@iw-207 dga' bo la sogs mu stegs kyis/ /bod du mu stegs grub

mtha' spel bar bsams/ /sa paN chen pos pha rol

rtsod pas bskrad/ /gangs can kun la bka' drin bsam

mi khyab/ /sde bdun mdo bcas phyi rol rtsod phyir

tsam/ /ma yin theg gsum sa lam brjod bya bstan//

nang don rig par sgrub pa'i tsong kha pa/ /lugs

bzang 'gran med zur gnas kun gyis bsngags/ /

rang gzhan grub mtha' rgya mtsho'i pha mthar son/ /'chad

rtsod rtsom pa'i mkhas pa'i rgyan gyis spud/ /dpal ldan

mkhas dbang rnams kyis gtsug tu bkur/ /mi pham bla

ma gnyis par yongs su grags/ /mdo rgyud gsung rab mkha'

la thogs med 'jug  /rigs lam gnam lcags 'bum

du legs spros pas/ /sra brtan dam bca' kun kyang

'joms mdzad pa/ /phyogs las rnam par rgyal ba dge legs

dpal/ /lung 'dren rigs pa yal ga ma rgyas shing/

@iw-208 tshig tshogs bskyungs nas tshad ma rnam 'grel gyi/ 'bru 'grel

bde blag go ba'i bsdus don de/ /dge 'dun grub kyi

gzhung bzang drin du che/ /gang la'ang sbyangs 'bras smin

ma nus/ /skyes stobs blo gros nyin skar 'dra/ /snyan

ngag sdeb sbyor ro ma myong/ /bdag blo byis pa nang byis

pa/ shes bya mkha' dbyings bgrod thabs bral/ /mig

med gzugs kyi bzang ngan 'byed/ mig ldan bzhad

gad gnas lags kyang/ rang gi bgo skal cung zad

brjod/ /mun khang dog pa'i gnas bca' ste/ /

kun gsal shes bya 'jal nus bral/ /'on kyang blo

gsar re skong phyir/ /bris pas 'ga' la phan pa'ang srid/ /

sngon bsags bsod nams mthu yis rgyal bstan mjal/ /gzhung chen

dag la dka' spyad cung zad byas/ /shes rab dman pas

zab don ma myong yang/ /tshig gi lo ma tsam zhig jus

'gro byas/ /phyag dar khrod du rin chen rnyed srid ltar/ /

@iw-209 tshig rnyog 'di las legs cha re rnyed srid/ mkhas

mang gzhung las legs bshad bsdu rub byas/ rang nus

gang dpog ma sbas gsal bar bshad/ rmongs 'char

nongs pa gang bgyis de dag rnams/ /gzur gnas dpyod

ldan rnams kyi spyan sngar 'chags/ /'dis mtshon dus

gsum bsags pa'i rnam dkar ches/ /bdag 'dra nyam thag sems

can rigs lam mig  /phye ste shes bya'i gnas lugs

rtogs pa dang/ /kun mkhyen ye shes thob pa'i rgyur

gyur cig  /ces tshad ma rnam 'grel gyi dgongs pa rgyas par bshad
pa dpal chos kyi

grags pa mnyes par byed pa'i mchod sprin legs bshad blo gsar re
skong

zhes bya ba 'di/ bod yul

shar phyogs yul thar lam zhes par skyes pa'i ser smad

spom ra dge ming ye shes dbang phyug gis/ rgya bod

kun tu dge phrug tu gtogs pa'i don gnyer can

'ga' zhig gis 'bod bskul gnang ba'i rkyen byas/ rang

@iw-210 yang/ tshe stod ser smad du chos grwa 'grim skabs mkhas mang

dbus su tshad ma'i gzhung la brgal brtag cung zad byas pa'i

'bras bur smin pa dran gso ba dang/ drin can dge

ba'i bshes gnyen byams pa'i mtshan can gyi zhal bzang

las byung ba rnams gang dran bkod pa/ mkhas dbang yig

cha'i bdag po rnams kyi legs cha bsdu rub byas shing/

le'u dang gnyis skabs thar lam gsal byed kyi tshig 'bru

dang/ gsum bzhi gnyis rje dge 'dun grub kyi tshad ma'i

bsdus don bzhin byas la/ dka' gnad phra mor thug

skabs mkhas grub thams cad mkhyen pa'i TIk chen rigs

pa'i rgya mtsho yang yang mjal nas mtha' bcad/ rigs pa'i

dbang phyug mkhas grub bstan pa dar rgyas kyi gzhung dang 'grig
gang thub

byas nas sbyar ba'o/ /le'u dang gnyis kyi dpe deb

thon zin cing/ gsum pa snga lor zin/ bzhi pa

bod rab byung bcu bdun pa'i lcags lug zla 6 pa'i tshes 10 phyi lo 1991
phyi zla 7 tshes 21 rgyal spyi'i bod kyi lor

lha sa nor gling rang shag tu rdzogs par zin pa dge'o/

bkra shis bde legs//