@#/ /dbu ma rtsa ba shes rab kyi bsdus don dka' 'grel zab mo'i de
nyid gsal byed ces bya ba bzhugs so/ /

@01b @#/ /na mo manydzu g+ho ShA ya/ rgyal ba nyid kyis zab mo'i
don/ /ji bzhin 'grel bar lung bstan pa/ /klu sgrub zla ba bla ma
rjer/ /btud nas zab don nye mkho bri/ /'dir rje btsun

btsong kha chen pos mdzad pa'i dbu ma rtsa ba shes rab kyi
TIkka nas 'byung ba'i don 'ga' zhig zur du brjod par bya ste/
de yang rab byed dang por bdag las ma yin zhes sogs kyis mtha'

bzhi'i skye ba bkag pa'i dam bca' dang/ rkyen rnam bzhi ste sogs
rkyen brtag pa'i skabs su rgyu rkyen rang bzhin med par bsgrubs
pa ni tshig don du bshad zin la/ 'dir spyi don tsam

ni 'grel bar de kho na nyid shes pa'i don bsgoms pas ma rig pa
spong bar gsungs pas de kho na nyid kyi don rig mi rig gnyis kyi
dbang gis 'khor 'das gnyis su 'gyur ro/ /de la ma

rig pa ngos ma zin na de ji ltar spong ba'i thabs mi shes ste/
'ben ma mthong ba'i mnga' brdog pa dang 'dra'o/ /de'i phyir ma
rig pa ngos gzung bar bya ste zhes sogs kyis yul rang bzhin gyis
grub par

@02a @#/ /'dzin pa'i rtogs pa ma rig par bshad nas/ de la gnyis
las chos kyi bdag tu rmongs pa'i ma rig pa ni/ dmigs pa mig rna
la sogs pa'i chos la dmigs nas rnam pa

rang gi mtshan nyid kyis grub par 'dzin pa'o/ /gang zag gi bdag
tu rmongs pa'i ma rig pa ni/ dmigs pa gang zag la dmigs nas rnam
pa rang gi mtshan nyid kyis grub par 'dzin

pa'o/ /zhes gsungs pa ltar ro/ /ma rig pa la las 'bras la rmongs
pa'i ma rig pa yang yod mod/ 'dir de kho na nyid la rmongs pa'i
ma rig pa ngos 'dzin pa ste/ de'i dbye ba la rang

gi dmigs pa'i chos dang gang zag gang rung zhig la dmigs nas
yang dag par rang ? bden par 'dzin pa'i ma rig pa gnyis yod
cing/ gang zag gi bdag 'dzin yang rang rgyud kyi nga la dmigs

nas nga'o snyam du rang bzhin gyis grub par 'dzin pa dang/ rang
rgyud kyi nga yi ba la dmigs nas nga yi'o snyam du rang bzhin
gyis grub par 'dzin pa'i ma rig pa gnyis te/ gnyis ka'ang

'jig ltas bsdus pa'i shes rab nyon mongs can no/ /'dir bdag med
ces pa'i bdag ni dgag bya'i bdag ste/ de yang rang bzhin gyis
grub pa dang rang ngos nas grub pa dang rang dbang

@02b gis dang/ rang gi mtshan nyid gyis grub tsam pa rnams dgag
bya'i bdag gi ming gi rnam grangs yin la/ de lta bu'i bdag ni
gang zag gi steng du bkag pa gang zag gi bdag med dang chos
gzhan gyi steng du bkag pa chos

kyi bdag med do/ /dgag bya la phra rags kyi khyad par med kyang
khyad gzhi'i dbang gis de ltar du brjod pa yin te/ bzhi brgya
pa'i 'grel pa las/ de la bdag ces bya ba na gang zhig dngos po
rnams kyi gzhan la rag ma

las pa'i ngo bo'i rang bzhin te/ de med pa ni bdag med pa'o/ /de
ni chos dang gang zag gi dbye bas gnyis su rtogs te chos kyi
bdag med pa dang gang zag gi bdag med pa'o/ /zhes gsungs pa ltar
ro/ /'di'i rag ? ma

las pa'i don ni/ gzhan la ltos med rang dbang gis grub pa zhig
la byed de dgag bya'o/ /yang de nyid las/ des na rang gi ngo bos
med pas yod mtha' thams cad dang de la rang bzhin med pa'i rgyu
'bras 'jog nus pas

med mtha' thams cad las grol ba ni/ slob dpon 'di gnyis kyis
'phags pa'i dgongs pa bkral ba'i kyang chos su snang bas yod pa
gnyis dang med pa gnyis phyed pa shin tu gal che'o/ /rang gi
mtshan nyid

gyis yod pa dang tha snyad kyi dbang gis bzhag pa tsam ma yin
pa'i yod pa gnyis ni 'dra la/ kun rdzob tu yod pa thams cad tha
snyad kyi dbang gis yod par gsungs pa'i tha snyad kyi dbang gis
bzhag lugs ni/ ngas

@03a @#/ /las bsags so/ /'bras bu myong ngo zhes tha snyad 'dogs
pa 'di la tha snyad btags pa'i gzhi de ji 'dra zhig tu yod btsal
ba na/ mig rna la sogs pa re re ba dang tshogs pa gang yang nga
min la/ de dag las don

gzhan yang nga med pa ni gang zag ngo bo nyid kyis med tshul yin
la/ de ltar yin kyang ngas mthong ba sogs med na tha snyad pa'i
tshad mas gnod pa yod par ni grub la/ don rang gi ngo bo nyid
kyis yod par ma song ba na tha snyad kyi dbang

gis yod par 'grub bo zhes dang/ yang rnam bcad yongs gcod kyi
don 'chad pa na/ de nyid las/ dngos 'gal gcig rnam par bcad na
cig shos yongs su gcod pa dang gcig 'gog na cig shos sgrub dgos
pa dbu

ma thal rang gnyis khyad par yod pa ma yin no/ /rang bzhin yod
pa tshad mas rnam par bcad pa na dgag bya bcad pa de tshad mas
nges par byed pas yongs su gcod par byed de/ zhes dang/ rigs
shes kyis rang bzhin med

pa rtogs kyang de'i yod pa ma rtogs pa'i tshul ni de lta na'ang
bar du tshad ma gzhan brgyud pa la mi ltos par rigs shes kyi
stobs la brten nas rang bzhin med pa med par 'dzin pa'i sgro
'dogs dang 'dzin stangs dngos su

'gal ba'i blo bskyed nus shing/ de nyid kyis de gcod pas rigs
shes la brten nas sgro 'dogs gcod mod kyang rigs shes kyi sgro
'dogs de gcod pa min no/ /zhes dang/ myu gu la sogs pa mthar
thug dpyod pa'i rigs

@03b pas dpyad bzod du yod med btsal ba'i tshe yang dpyad bzod ma
rnyed la/ dpyad bzod du med pa de nyid dpyad bzod du yod med
btsal ba'i tshe yang de nyid mi rnyed pas rigs shes kyis rnyed pa
dang des dpyad bzod gnyis kyang mi mtshungs so/ /

des na ci tsam zhig tu grub na bden grub tu 'gro ba'i ma mtha'i
sa tshigs rtogs pa la bsgrub bya dang gzhal bya med dgag yin par
bstan nas dogs pa 'di zlog dgos la/ rigs she kyis rang bzhin med
pa yod pa grub bo snyam

pa'i dogs pa ma bzlog par gzhal bya med dgag yin par yang sgrub
ma nus so/ /zhes dang/ rang gi mtshan nyid kyis grub pa la rgyu
'bras khegs pa na rgyu 'bras ming du btags pa tsam dang ming gi
tha snyad kyi dbang gis bzhag

pa tsam du 'gyur to/ zhes pa nas/ de nas rgyu 'bras de dag ming
du btags pa tsam du 'char la phan gnod byed pa'i rgyu 'bras la
ni bsnyon du med pas btags pa tsam gyi rgyus 'bras bu bskyed par
'dug pa la/ bdag gis

rang gi mtshan nyid kyis grub pa kho na la de dag bzung ba ni
phyin ci log go snyam du nges par byas la/ rgyu 'bras rten 'brel
gyi nges pa la mi gnod par bya ste zhes gsungs pa ltar ro/ /mdor
na rtsa bar dngos po rnams kyi rang bzhin ni/ /

rkyen la sogs pa yod ma yin/ /zhes sogs kyis 'bras bu rnams rang
gi rkyen re re ba dang tshogs pa dang dus su de la yod pa min pas
rang bzhin gyis mi skye bar 'chad tshul shes dgos so// //rab byed
gnyis pa 'gro'ong brtag

@04a @#/ /ba'i skabs su rgya cher rol pa las/ sa bon yod na myu
gu ji bzhin te/ /sa bon gang yin myu gu de nyid min/ /de las
gzhan min de yang ma yin te/ /de ltar rtag min chad min chos
nyid do/ /zhes gsungs te/

'dis ni sa bon de nyid myu gu phar 'pho zhing 'gro ba dang myu
gu sa bon las gzhan zhig nas tshur 'ong ba bkag ste/ snga ma ltar
na rtag par 'gyur ba las de ltar min pas myu gu di dus na'ang mi
'jig par gnas pa'i rtag

pa min la/ phyi ma ltar na sa bon gyi rgyu la mi ltos par 'byung
bas sa bon rgyun chad par 'gyur ba las de ltar min pas sa bon
rgyun chad pa yang min no/ /rgya las rgya yi 'bur ni snang mod
kyi/ /rgya de 'phos pa dmigs

pa yod ma yin/ /de la de med gzhan na ma yin te/ /de ltar 'dus
byas rtag med chad pa med/ /zhes dang/ me long ngos dang 'bru
mar snod rnams la/ /bud med kha bzhin brgyan pas bltas pa na/
/byis pa de ni de la

chags skyes nas/ /'dod pa tshol ba'i phyir yang shin tu rgyug
/gzhin ni der yang 'pho ba ma yin te/ /gzugs brnyan la ni nam
yang bzhin mi rnyed/ /rmongs pa de dag 'dod pa skyed pa ltar/
/chos rnams thams cad de bzhin

shes par gyis/ /zhes dang/ ting nge 'dzin rgyal po las/ srid
pa'i 'gro ba rmi lam lta bu ste/ /'di la mi skye su yang 'chi ba
med/ /sems can mi dang srog kyang mi rnyed de/ /chos 'di rnams
ni dbu ba chu shing

@04b 'dra/ /sgyu ma lta bu nam mkha'i glog 'dra ste/ /chu yi zla
ba 'dra zhing smig rgyu bzhin/ /mi 'ga' 'jig rten 'dir yang shi
nas ni/ /'jig rten gzhan du 'pho zhing 'gro med kyang/ /las byas
rnams ni nam yang chud mi za/ /'khor

ba na yang dkar nag 'bras bu smin/ /rtag pa ma yin chad par mi
'gyur te/ /las bsags zhes sogs kyis mi rtag cing brten nas btags
pa'i gang zag tsam las rang dbang gis grub pa'i sems can zhig
'jig

rten 'di nas pha rol tu 'pho zhing 'gro ba med pa'i tshul ni/
dper na sgyu ma chu zla sogs dang 'dra bar bshad do/ /'dir re
shig song la mi 'gro ste/ /ma song ba la'ang 'gro ba min/ /song
dang ma song ma gtogs par/ /'gom

dang shes par mi 'gyur ro/ /zhes sogs kyis song ma song dang
'gro bzhin pa'i lam gsum rang bzhin gyis stong par 'chad cing de
bsdu na/ 'gro bo 'gro la brten byas shing/ /'gro ba nyid kyang
'gro bo la/ /brten nas 'byung bar

ma gtogs par/ /'grub pa'i rgyu ni ma mthong ngo/ /zhes dang/ de
bzhin du gnas po gnas la brten shing/ /zhes sogs sbyar bar
bya'o/ /yang dang po mngon du gyur pa'i 'gro 'ong rags pa dang
de nas 'jig rten snga ma nas 'dir 'ong

ba dang 'di nas pha rol tu 'gro ba rnams la yang sbyar nas rang
bzhin med pa'i tshul nges par bya/ de nas chos kyi dbang du byas
pa'i dngos po rnams la yang skye ba'i tshe gang nas mi 'ong ba
dang/ 'gags pa'i tshe gang du yang mi

@05a @#/ /'gro ba la rigs pa 'don pa sbos nas sbyar zhing bya
byed gzhan thams cad la yang de ltar bya'o zhes gsungs pa ltar
shes par bya'o// ! //rab byed gsum par dbang po brtag pa'i skabs
su yul drug 'dzin byed pa dang

dbang po drug 'dzin byed dang gang zag drug 'dzin pa por 'jog pa
na ming gi tha snyad kyi dbang gis bzhag pa tsam ma yin par/
chos de dag 'dzin pa rang gi ngo bos dbang gis yod par 'dzin
pa'i tshul ngos zin par byas la/ ji

ltar bzung ba de ltar yin na ni las dang byed pa dang byed pa po
gang yang bzhag tu med par rigs pas gtan la phab pa bzhin du
nges par bya/ zhes dang/ de'i tshe mig lta ba po sogs su 'jog pa
ni sgyu ma lta bu'i don de kho na la

chos shin du 'thad do snyam du nges pa drang bar bya ste/ zhes
dang/ 'dis lta de rang gi bdag nyid ni/ /de la lta ba nyid ma
yin/ /zhes sogs kyis mig gis gzugs la rang bzhin gyis mi lta ste
lta na mig gis rang la'ang lta dgos na/ /

mig gis mig la lta mi nus pas mig gis gzugs la lta ba rang bzhin
gyis med la/ de bzhin du rna bas sgra nyan pa sogs la yang sbyar
nas 'chad/ bsdu na lta bo lta ba la brten zhing/ /lta bo nyid
kyang lta bo la/ /brten nas

'byung ba ma gtogs par/ /'grub pa'i rgyu ni ma mthong ngo/ /zhes
gsungs pa ltar mi gis gzugs la lta ba sogs phan tshun ltos nas
'byung ba las rang gi ngo bos ma grub par nges par bya'o// !
//rab byed bzhi par phung sogs

@05b brtag pa'i skabs su/ mdo las/ gzugs ni dbu ba brngos pa
'dra/ /tshor ba chu bur dag dang mtshungs/ /'du shes smig rgyu
'dra ba ste/ /'du byed rnams ni chu shing bzhin/ /rnam shes sgyu
ma lta bu zhes/ /nyi ma'i gnyen gyis bka' stsal

to/ /zhes phung po lnga rang bzhin gyis med pa'i dbu ba brngos
pa sogs dang 'dra bar bshad de/ bdag gam gzugs lta bu gcig rang
bzhin gyis ma grub par rtogs na de'i rigs pa gzhan sbyar nas
shes dgos shing shes par

yang nus te/ ting nge 'dzin rgyal po las/ ji ltar khyod kyis
bdag gi 'du shes ni/ /shes pa de bzhin kun la blos sbyar bya/
/zhes dang/ sdud pa las kyang/ bdag ci 'dra ba de 'drar sems can
thams cad shes/ /

sems can thams cad ci 'dra de 'drar chos kun shes/ /zhes dang/
bzhi brgya pa las kyang/ gcig gi lta bo gang yin pa/ /de ni kun
gyi lta bo yin/ /zhes dang/ dngos gcig dngos po kun gyi ngo bo
nyid/ /dngos kun dngos po

gcig gi ngo bo nyid/ /gang gis dngos gcig de bzhin nyid mthong
ba/ /de yis dngos po de bzhin nyid du mthong/ /zhes gsungs pa
rnams 'dra'o/ /mdor na 'dir/ gzugs kyi rgyu ni ma gtogs par/
/gzugs ni dmigs

par mi 'gyur zhing/ /zhes sogs kyis rgyu gzugs 'byung ba bzhi la
ma ltos pa'i 'bras gzugs rnams med cing 'bras gzugs la ma ltos
pa'i rgyu gzugs kyang med pas 'byung ba dang 'byung 'gyur rnams
rang bzhin gyis med ?

@06a @#/ /ces 'chad pa ltar ro// ! //rab byed lnga par khams
brtag pa'i skabs su 'grel par/ khams rnams kyi mtshan mtshon dang
dngos po yod med gsungs pa la ming gi tha snyad kyi dbang gis
bzhag pa tsam ma

yin par rang gi ngo bos dbang gis yod na/ mtshan mtshon la sogs
par bzhag tu mi rung bar rigs pas gtan la phab pa'i don nges par
bya/ de nas ming gi tha snyad kyi dbang gis bzhag pa tsam la
mtshan mtshon dang dngos po

yod med du 'jog pa ches 'thad pa'i tshul gyis bden pa gnyis kyi
don rnams nges par bya'o zhes gsungs pa ltar shes dgos la/ 'di'i
skabs su rtsa bar nam mkha'i mtshan nyid snga rol na/ /nam mkha'
cung zad yod ma yin/ /

zhes sogs 'byung ba 'di/ sa khams sogs la sbyor bar gsungs te/
sa yi mtshan nyid snga rol na/ /zhes sogs su 'don pa bsgyur ba'o/
/nam mkha'i mtshan nyid ni thogs bcas bkag pa'am ma sgrib pa'i
rang bzhin can

gyi stong cha dang/ sa'i mtshan nyid ni srab sogs su grags pa
ltar ro// ! //rab byed drug par chags sogs brtag pa'i skabs su/
mjug bsdu ba na/ de ltar gang chags pa dang gang la chags pa
dang gang gis chags

pa sogs kun nas nyon mongs phyogs kyi chos gsum dang/ gang dad
pa dang gang la dad pa dang gang gis dad pa sogs rnam byang
phyogs kyi chos gsum rang gi ngo bos grub par 'dzin pa'i tshul
ltar yod na de dag gi tha

@06b snyad byar med par rigs pas gtan pa phab pa bzhin du nges
par bya/ de nas de dag gi tha snyad ni nges par khas blang dgos
la rang gi ngo bos grub pa la bzhag tu med pa na rang bzhin gyis
stong pa kho na la de dag gi rnam bzhag rnams

ches 'thad do snyam du rten 'byung gi nges pa drang bar bya ste/
chags pa 'dod chags la brten zhing/ /zhes sogs su 'don pa bsgyur
ba 'di nyid ltar khas blang ngo zhes gsungs pa ltar shes par
bya'o/ /bsgyur tshul ni rtsa bar gal

te 'dod chags snga rol na/ /'dod chags med pa'i chags yod na/
/zhes sogs kyi 'byung ba ni gzhan la sbyar na/ gal te chags pa'i
snga rol na/ /chags med 'dod chags yod na ni/ /zhes sogs dang/
gal te zhe sdang

snga rol na/ /zhe sdang med pa'i sdang yod na/ /zhes sogs su
bsgyur bar bya'o// ! //rab byed bdun par skye gnas 'jigs gsum
brtag pa'i skabs su rtsa bar/ skye ba 'di ni ma skyes pas/ /zhes
sogs kyis skye

gnas 'jigs gsum phan tshun brten nas bzhag pa'i phyir rang bzhin
gyis med par bshad de/ spyi don la 'grel par spyir skye rgyu'i
snam bu byed pa po rten yin pa dang de'i skye ba de la brten
pa'i bya ba yin pa dang/ snam bu

skye ba la mngon du phyogs pa'i dus su byed pa po rten snam bu
med cing de'i skye ba'i bya ba yod par yang rang gzhan gnyis kas
'dod dgos mod kyang/ snam bu skye ba don dam par grub na ni de
gnyis rten brten pa yin

@07a @#/ /pa de rang gi ngo bo nyid kyis grub pa'i rang bzhin yin
pas dus nam yang de la mi 'khrul dgos pa'i phyir dus der yang
snam bu yod pas/ skyes pa'i snga rol du grub zin slar yang snam
bu rang skye dgos par 'gyur ste sngar

yang bshad zin to/ /'di mgo mjug kun tu 'byung ba'i rigs pa gnad
che ba zhig tu snang ngo/ /zhes dang/ 'dir rgyun dang skad cig
ma gang la yang rang grub pa'i dus las dus gnyis par gnas pa ni
tha snyad du yang med

pas/ mi rtag pa'i mtshan nyid du gsungs pa'i skad cig ma ni rang
grub pa'i dus las dus gnyis par mi sdod pa yin gyi/ lud tsam
zhig las mi sdod pa ni skad cig ma'i don min no/ /de'i phyir lo
rdzogs pa la

zla ba bcu gnyis rdzogs dgos shing de'i 'og tu lo de mi gnas pas
rgyun thams cad rang grub pa'i dus las dus gnyis par mi sdod
pa'i skad cig ma yin no/ /dper na/ sgras khyad par byas pa'i mi
rtag

pa bum pa la rjes su mi 'gro yang mi rtags ni sgra bum gnyis ka
la rjes su 'gro ba bzhin du/ dus snga na yod pa'i bum pa dus gyi
na med kyang bum pa dus snga phyi gnyis su gnas pa yang mi 'gal
lo/ /des na de 'dra

ba'i gnas pa dang dngos po thams cad rang dus na gnas pa dang sa
la gnas pa lta bu'i gnas pa ni tha snyad du yod pas ngo bo nyid
kyis yod pa dgag par bya'o/ /zhes dang/ 'dir lo phyi ma gsar ma
tha ga pa'i tshe lo de

@07b rim po ma rdzogs kyang lo de grub ces 'dod pa'am/ yang na
de'i stobs kyis grub ces khas len dgos te/ gzhan du rdzogs ma
zin par du'ang lo de yang bzhag dka'o/ /der ma zad nyin zhag gi
thog ma shar ba'i tshe yang nyin

zhag ma rdzogs kyang de shar ba na nyin zhag de grub par khas
len dgos mi dgos pa dang/ nyi ma'i dkyil 'khor shar ba na bgrod
pa ma rdzogs kyang nyin mo de grub par khas len mi len sogs 'dra
ste/ 'on kyang de'i dus su grub ma grub dang de

stobs kyis grub ma grub gnyis mi 'dra bas dpyad par bya'o/ /cha
can gyi lo zla zhag dus rnams ni rang rang gi cha shas rnams kyi
steng du btags pa yin pas de rnams la rjes su 'gro bar 'dod dgos
te/ mtshon na lo ni zla ba bcu gnyis

la rjes su 'gro ba dang/ bum pa ni mchu zhabs sogs la rjes su
'gro ba dang/ dngos po ni ka bum sogs dngos po bye brag pa thams
cad la khyab pa'i tshul gyis rjes su 'gro ba bzhin no/ /'de
'dra'i rigs kyi dpyad pa ma zad mtha' med

kyang mang du dogs pas de tsam mo/ /rab byed 'de'i gal te mar me
rang dang gzhan/ /snang bar byed pa de bzhin du/ /zhes sogs kyis
mar mes mun pa tha snyad du sel yang don dam par mi sel bar
bshad pa'i 'phros su ye shes kyi sgrib pa spong

tshul zhig 'grel bar 'chad pa ni/ gal te gnyen po ye shes kyis
spang bya spong ba mar mes mun pa sel ba dang 'dra na de'i tshul
ji ltar yin snyam na/ yul gcig na snang ba skye ba la mngon du
phyogs pa'i skye bzhin pa dang/ mun pa 'gag pa la

@08a @#/ /mngon du phyogs pa gnyis dus mnyam pas snang ba skyes
pa dang mun pa 'gags pa gnyis kyang dus mnyam mo/ /de ltar na
yul de na mar me'i dus na de'i gsal bya'i mun pa med kyang mar
me mun pa sel byed du mi

'gal te/ skad cig ma snga ma'i dus na phyi ma med kyang snga ma
skyed byed du mi 'gal ba bzhin no/ /zhes dang/ de'i phyir mthong
lam gyi bar chad med lam dang de'i spang bya mthong spang gnyis
rgyud gcig la dus gcig tu med kyang lam de spang bya de

spong bzhin pa yin la/ sgom lam bar chad med lam gyi rang gi
spang bya'i sgom spang spong ba yang de dang 'dra'o/ /zhes dang/
de ltar yin kyang bar chad med lam gyi dus na spang bya de
spangs pa min gyi rnam grol lam gyi tshe spangs pa yin no/ /

zhes dang/ shes rgyud gang la mthong spang dang sgom spangs kyi
rigs 'dra phyi ma brten nas skye mi rung du song ba ni de dag
spangs pa'i don yin la/ de la spang bya'i sa bon gyi sngon du
gnyen po sngon du 'gro dgos te/ sngar ltar spangs pa'i

rnam grol lam gnyen po des byas pa'i phyir ro/ /spang gnyen yang
lhan cig mi gnas 'gal yin la/ lhan cig mi gnas pa'i tshul yang
tsha grang ltar rgyun 'grogs su mi rung sgo nas min gyi/ snang
mun ltar dus kyi sgo nas lhan cig mi gnas

pa ma yin pa'i phyir ro/ /zhes gsungs pa ltar ro/ /'dir sgrib
pa'i bag chags gang la bsgo ba'i gzhi gsungs pa'i tshig rnams
drangs na mang du dogs pas don bsdu na/ mthong sgom bar chad med
lam gnyis su sgrib pa'i bag chags

@08b bsgo gzhi ni/ kun gzhi dang nyon yid dang dbang shes dang
ye shes kyang mi rung bas ji ltar zhe na/ 'di nyid las thal
'gyur pa'i lugs la yang bdag gi tha snyad gang la 'jug pa'i gzhi
tsam zhig de'i tshe sgom spangs kyi bag la nyal gyi rten yin la/
de yang

shes rgyud la btags pa'i nga tsam mam gang zag tsam mo/ /zhes
gsungs te mthong spangs la'ang 'dra'o/ /'jug 'grel las gang gis
sems kyi rgyud 'bag par byed cing sgo bar byed ces sems rgyud
bag chags kyi bsgo bzhir bshad pa dang

mi 'gal te/ nga yang sems rgyud la brten nas bzhag pa yin pa'i
phyir ro/ /rab byed 'dir zhig pa dngos por sgrub pa'i rigs pa
gsungs pa ni 'di dang 'jug pa'i rnam bshad las kyang shes par
bya'o// ! //rab byed brgyad

par byed pa po dang las brtag pa'i skabs su rtsa bar/ byed po
yin par gyur pa de/ /las su gyur pa mi byed do/ /zhes sogs kyis
byed pa po dang byed las dang bya ba'i las phan tshun ltos nas
bzhag pas rang bzhin gyis med par bshad

pa'i skabs su 'grel bar/ des na me yang du ba skye ba yin pa la
brten nas 'jog gi/ rang gi ngo bos rang dbang du grub pa med pas
lugs gzhan las me du ba la mi ltos par bshad pa sogs dang mi
'dra'o/ /rab byed thams cad la

de ltar du go dgos pas phan tshun ltos nas grub dgos pa'i phyir
na de rnams rang rang gi ngo bo'i dbang gis yod pa'i tshugs thub
pa med pas/ /brten 'byung gi gtan tshigs nyid kyis rang bzhin med
pa 'grub bo/ /de lta

@09a @#/ /na rgyu 'bras kyi nges pa drangs pa nyid la brten nas
mtshan mar 'dzin pa'i dmigs gtad thams cad 'jig par byed pas/
yang dag pa'i lta ba'i go sa rtag chad sgro skur gyi mtha' thams
cad de nas chod pa yin no/ /zhes gsungs

pa ltar ro/ /mdor na las su gyur pa'i bya ba gang yin pa de ni
byed pa po la brten nas bzhag cing/ byed pa po la nga las su bya
ba de dang de byas pa sogs kyi sgo nas tha snyad byas pa ste/
gcig la cig shos ma ltos par bzhag mi nus so/ /

de'i phyir bya byed thams cad kyang rang bzhin gyis stong bar
bshad cing mjug bsdu na/ byed po las la brten byas shing/ /las
kyang byed pa po nyid la/ /brten nas 'byung ba ma gtogs pa'i/
/'grub pa'i rgyu ni ma mthong ngo/ /zhes

pa bzhin shes par bya'o// ! //rab byed dgu bar snga rol na gnas
pa brtag pa'i skabs su lta dang nyan la sogs pa dang/ /tshor ba
la sogs nyid kyi ni/ /snga rol gang gnas pa dngos po/ /de ni
gang gis gdags par bya/ /zhes sogs

kyis lta ba dang nyan pa la sogs pa'i sngar lta ba po dang nyan
pa po sogs med cing lta ba po sogs kyi snga rol na lta ba'i bya
ba sogs med par bshad kyang/ lta ba po sogs kyis rang dus su lta
ba sogs yod pas lta ba'i bya ba sogs kyang

tha snyad du yod de phan tshun ltos nas grub pa'i phyir lta ba
dang lta ba po dang lta ba'i bya ba sogs rang bzhin gyis med par
'chad do/ /yang 'dir gzhan sdes mthong ba sogs kyi gang zag ni
gdon mi za bar khas blangs dgos la/ 'on kyang

@09b phung po dang ngo bo gcig pa mi rung bar mthong nas phung
po las ngo bo tha dad pa'i gang zag gi bdag 'dod par byed do/
/rang gi sde pa gzhan gyis ni las gsog pa sogs kyi gang zag tsam
zhig ni gzhag dgos par mthong zhing/ phung po las

ngo bo tha dad pa'i bdag yod pa la gnod byed mthong nas/ tshogs
rgyun dang lus 'dor len byed pa'i rnam shes nyid bdag gam gang
zag tu smra bar byed do/ /rang lugs ni ngar 'dzin lhan skyes
kyis ni gang la dmigs pa'i

gzhi'i dmigs pa ni nga dang gang zag tu bzhag dgos la/ zhes
dang/ 'jig rten gyi tha snyad la ni nga'i gzugs dang nga'i sems
zhes bdag ni phung po'i rje po dang phung po ni de'i khol ltar
'dzin pas/ zhes dang/ 'jig rten na

nga'i rkang lag sogs na bas nga na bar 'dod kyang rkang lag sogs
la ngar mi 'dzin te/ lag pa na ba dang sos pas bdag de na ba
dang sos par 'jog pa'i don yin gyi lag pa bdag tu 'jog pa ma yin
pa'i phyir/ lag pa

la nga'o snyam du mi 'dzin pa'i phyir ro/ /lhas byin gyi dus
snga phyi'i bdag so sor ma phye bar nga'o snyam du 'dzin pa'i
dmigs pa'i gzhir gyur pa'i bdag ni thogs ma med pa nas zhugs
pa'i nga tsam yin la/ lha la sogs

pa'i lus blangs dus kyi 'gro ba so so'i bdag rnams ni snga ma'i
bye brag re re'o/ /lhas byin gyis skye ba so sor phye ba'i bdag
la nga'o snyam du bzung ba'i bdag ni tshe re re'i bdag phyogs re
ba yin no/ /zhes dang/ de 'dra'i

@10a @#/ /bdag gam nga tsam de tha snyad btags pa tsam las rang
ngos nas grub pa med kyang mi 'gal te/ bum sogs kyang nga ltar
btags don rigs pas btsal ba'i tshe mi rnyed kyang tha snyad du
yod par 'jog nus su

mtshungs pa'i phyir ro/ /bzhi brgya pa las/ khyod kyi bdag gang
nga'i bdag min/ /des de bdag min ma nges phyir/ /zhes sogs kyis
don 'chad pa na bdag de rang gi ngo bos yod na gang zag gcig gis
de la nga'o snyam du 'dzin

pa bzhin du thams cad kyis kyang 'dzin pa'i nges pa dgos pa las
khyod kyi ngar 'dzin skye ba'i bdag de rang la ngar 'dzin mi
skye ba'i phyir ro/ /zhes gsungs pa ltar shes par bya'o// !
//rab byed bcu par me dang bud shing brtag pa'i

skabs su rtsa bar/ bud shing gang de me yin na/ /byed pa po dang
las gcig 'gyur/ /gal te bud shing me gzhan na/ /shing med par
yang 'byung bar 'gyur/ /zhes sogs kyis me dang bud shing phan
tshun ltos pa yin te/ bud shing zhes

pa ni me 'byung ba'i rgyu yin pas bzhag la me yang bud shing la
brten nas 'byung bas phan tshun ltos nas bzhag pa tsam yin pa'i
phyir rang bzhin gyis ma grub par nges so zhes ston te/ skabs
'di'i bud shing ni shing kho na bya ba'i nges pa

med do/ /shing yin kyang rang 'bras me'i rgyur mi 'gyur ba ni
bud shing du mi rung ste/ gzhan du na sa rdo thams cad bud shing
du thal bar gsungs pa'i phyir ro/ /'dir me nyid bud shing min
la/ me bud shing la ltos med kyi gzhan yang min zhing/

@10b me bud shing dang ngo bo nyid kyis mi ldan pa dang/ me la
bud shing ngo bo nyid kyis ma brten pa dang/ bud shing dang ? me
ngo bo nyid kyis med pa'i tshul gyis 'tshol lugs rnam pa lnga
bshad nas de gang zag dang phung po dang bum snam sogs gzhan
rnams la sbyor

bar gsungs pa ltar shes par bya'o// ! //rab byed bcu gcig par
sngon dang phyi mtha' brtag pa'i skabs su rtsa bar/ de la sngon
dang phyi ma med/ /'khor ba thog ma tha ma med/ /ces pa'i don
bud d+ha pA li ta las/ don dam bstan pa'i dbang gis ni/ /

de la sngon med phyi ma med/ /ces gsungs pa ltar drangs nas don
dam par 'khor ba la ni thog mtha' gnyis ga med kyang/ bzhi brgya
pa las/ ji ltar sa bon mtha' mthong zhing/ /de la thog ma yod
min ltar/ /zhes sogs drangs nas kun rdzob tu 'khor

ba la thog ma'i mtha' med kyang phyi ma'i mtha' yod par gsungs
te/ 'dir dngos po'i de kho na nyid sems pa'i dbang du byas na
thog mtha' med par 'dra yang tha snyad du thog mtha' yod med mi
'dra'o/ /zhes gsungs pa ltar ro/ /'on kyang 'khor ba la

phyi mtha' yod pas 'khor ba la mtha' yod pa'i go chod mi chod
'dod pa'i tshul gnyis yod kyang/ rang lugs ni go chod pa'i lugs
ltar yin no/ /skabs 'dir dper na tshe snga mar lha tshe 'phos nas
'dir mir skyes pa'i mi de skye ba snga mar ma shi

bar 'dir skyes pa yin kyang/ zhes dang/ tshe 'dir mir skyes pa de
tshe snga mar shi bar 'dod na ni shin tu mi rigs te/ tshe snga mar
de med pa'i phyir dang tshe snga mar shi ba de lha shi ba ma yin
par 'gyur ba'i phyir ro/ /tshe 'dir skyes pa de nyid snga mar

@11a @#/ /shi ba yin na/ 'dir shi ba de nyid phyi mar skye bar
'gyur bas 'gro ba gang shi ba de nyid 'gro ba der skye dgos par
'gyur ro/ /zhes 'byung ba'i rje'i gsung 'di rigs pa phra ba'o/
/yang tshe gcig gi skye 'chi la snga phyi yod kyang rgyud gcig

gi skye 'chi gnyis la snga phyi med par gsungs te/ yod na skye
pa snga dgos na'ang skye ba'i sngon du 'chi ba zhig ma song na
skye ba de rgyu med du thal ba'i gnod pa bstan pa'i phyir ro/
/tshe 'di'i mi de tshe 'dir 'chi dgos pas tshe snga ma nas shi ba
min

kyang/ de nyid kyi tshe sngon ma'i mi 'am lha sogs gang rung zhig
shi nas 'dir skyes zhes 'dod dgos te/ de'i rigs pa gzhan la
'khyer tshul yang shes dgos la/ de'i tshe tshe snga ma'i skye ba
dran lugs kyang shes dgos so/ /'o na de ji

ltar zhe na/ skabs 'dir TIkkar gsungs pa'i dpe ni/ sgra lta bu
cig sngar rtag par khas blangs la/ phyis sngar gyi khas blangs
ma dran par mi rtag par khas blangs na/ rtsod zlas 'gal bar
bsgrig pa'i tshe dran par 'gyur la/

de'i tshe ngas ? sngar rtag par khas blangs 'dug snyam du dran
gyi/ dus phyi ma'i tshe na yod ba'i nga 'dis sngar rtag bar khas
blangs so snyam du mi dran no/ /zhes pa nas/ de bzhin du tshe
'di'i mi lhas byin gyis sngon gyi skye ba dran pa na nga sngar

de dang der skyes 'dug snyam du dran pa yin gyi/ tshe 'di'i dus
kyi khyad par du byas nas nga sngar de der skyes 'dug snyam du
mi dran no/ /des na tshe 'di'i lhas byin gyis gang la dmigs nas
nga'o snyam pa skye ba'i dmigs pa'i gzhir gyur pa'i

@11b bdag ni tshe snga ma rnams su yod pas de ltar dran pa mi
'gal la/ tshe 'di'i lhas byin tshe snga mar yod na rtag bar 'gyur
ba dang mi 'dra'o/ /de bzhin du ma 'ongs pa'i skye ba la yang
tshe 'di'i dus kyi gang zag de nyid skye ba phyi mar mi 'gro yang
nga'o

snyam pa'i dmigs pa nga tsam zhig der yang rjes su 'gro bas/
rang nyid skye ba phyi mar sdug bsngal gyis dogs nas de'i rgyu
mi dge ba spong ba dang bde bar bya ba'i phyir du 'dir dge ba la
brtson pa yang 'thad de/ dper na de ring gi dus kyi mi

'di sang gi dus su med kyang sang bkres skom gyi sdug bsngal
byung gi dogs nas de ring nas bza' btung sog pa dang/ rgas pa'i
tshe sdug bsngal gyis dogs nas gzhon dus nor sog pa bzhin no/
/'di thams cad kyang yul dus 'di'i

bdag ces so sor mi 'byed par spyir bdag bde ba thob pa dang sdug
bsngal dang bral bar 'dod nas byed la/ bdag tsam yang de dag
rjes su 'gro bas nges yul la 'khrul pa yang min no/ /des ni
nga'o snyam du tha snyad 'dogs mkhan gyi

mi dang tha snyad btags pa'i gzhi bdag gnyis khyab mnyam du mi
bzung bar mi de bdag de'i cha gcig yin par shes par gyis shig
/'di rnams ni rten 'brel spyi dang khyad par du las dkar nag gi
'bras bu bde sdug 'byung ba'i nges

pa la khyad che bar snang bas bkod pa'o/ /zhes gsungs pa ltar
shes pa gal che'o// ! //rab byed bcu gnyis par las bdag dang
gzhan gyis byas pa brtag pa'i skabs su rtsa bar/ kha cig sdug
bsngal bdag gis byas/ /gzhan gyis byas dang

@12a @#/ /dang gnyis kas byas/ /zhes sogs kyis sdug bsngal rang
gi phung po dang ngo bo gcig cing phung po la brten nas btags pa
tsam yin pas rang gis ma byas la gzhan gyis byas nas ster blta
bu yang ma yin pas gzhan gyis

kyang ma byas so/ /yang sdug bsngal bdag las mi skye bas bdag
gis ma byas shing/ gzhan las mi skye bas gzhan gyis kyang ma
byas la/ de ltar na gnyis kas kyang ma byas zhing rgyu med las
kyang skye ba ma yin zhes 'chad do/ /

'o na ji ltar byas zhe na rtsa bar/ gal te bdag gis byas gyur
na/ /de phyir brten nas 'byung mi 'gyur/ /gang phyir phung po
'di dag la/ /brten nas phung po de dag 'byung/ /zhes gsungs pa
ltar sdug bsngal sogs rgyu rkyen brten nas

'byung ba yin no zhes khas blang bar bya ste/ ji skad du/ sdug
bsngal bdag gis byas pa dang/ /gzhan gyis byas dang gnyis kas
byas/ /rgyu med par ni rtog ge 'dod/ /khyod kyis brten nas
'byung bar gsungs/ /zhes gsungs

pa ltar ro/ ! /rab byed bcu gsum par 'du byed brtag pa'i skabs
su/ rtsa bar 'du byed thams cad bslu ba'i chos/ /des na de dag
brdzun pa yin/ /zhes gsungs pa'i don 'chad pa na/ de ltar na
rang bzhin gyis ma skyes bzhin

du der snang ba ni/ bslu ba dang brdzun pa'i lung gi don du
bshad do/ /zhes 'dir 'dus byas thams cad rang bzhin gyis ma grub
bzhin du rang bzhin gyis grub par snang ba ni brdzun pa bslu
ba'i don du 'chad la/ nyan thos sde

@12b pas ni mi rtag cing 'jig pa'i chos yin pas na bslu ba dang
brdzun pa'i don du 'dod de phyogs gcig go  /'du byas thams cad
slu ba'i chos yin pa dang las 'bras mi slu bar bshad pa mi 'gal
te/ las 'bras mi slu ba'i don ni rgyu

las 'bras su so sor ma nor bar 'byung ba'i don yin pas so/ /mdo
las/ dge slong dag 'dus byas slu pa'i chos can gang yin pa de
dag ni brdzun pa yin la/ mi slu ba'i chos can mya ngan las 'das
pa gang yin pa de ni don dam

pa'i bden pa'o/ /zhes 'dus byas rnams slu ba'i chos can dang
rang bzhin gyis stong ba'i don dam bden pa ni mi slu ba'i chos
su gsungs pa ltar ro/ ! /rab byed bcu bzhi par phrad par brtag
pa'i skabs su/ brgya pa las/ gang la brten

nas 'byung yod pa/ /de ni rang dbang mi 'gyur ro/ /'di kun rang
dbang med pa ste/ /des na bdag ni yod ma yin/ /zhes bdag gam
gang zag ni gzhan la brten nas 'byung bas rang dbang du grub pa
yod ? ces bshad pa ni chos gzhan thams cad

la'ang sbyor rung la/ chos gzhan zhig gi chos gzhan pa cig dang
phrad ces pa'i gzhan dang phrad pa gnyis ka'ang ltos nas grub
pas rang bzhin gyis med de/ rtsa bar/ phrad 'gyur gzhan dang
gzhan du na/ /zhes sogs dang/ gal te gzhan ni gzhan

las gzhan/ /zhes sogs dang/ gang la brten nas gang yin pa/ /de
ni de las gzhan mi 'thad/ /ces gsungs pa'i phyir ro/ /'dir 'grel
bar bum pa snam bu las gzhan yin pa de snam bu la ltos la/ bum
pa'i ngo bo 'grub

@13a @#/ /pa snam bu la mi ltos par gsungs pa bzhin ltos 'grub
yin min gyi khyad par rnams byed par bya'o/ /mgo mjug kun tu
'ong ba'i rigs pa thun mong ma yin pa dka' ba'i gnas yin pas
yang yang dran par bya'o/ /

zhes gsungs pa ltar shes pa gnad che'o/ ! /rab byed bco lnga par
rang bzhin brtag pa'i skabs su/ rang bzhin dag ni bcos min dang/
/gzhan la ltos pa med pa yin/ /zhes rang bzhin dngos ni chos
rnams kyi rang bzhin stong pa nyid

de/ de ni rgyu rkyen gyis ma bcos pa dang/ ring thung ltar ltos
pa med pa dang/ dus gsum du yang chos can rnams la ma 'khrul bar
gnas la/ me tsha ba dang chu gsher ba sogs ni gnas skabs kyi rang
bzhin du 'jig rten na grags

kyang rang bzhin dngos min no/ /'dir ma mthong ba ni mthong ba
dam pa'o zhes pa'i don 'chad pa na sdud pa las gzugs rnams mi
mthong zhes sogs kyi lung drangs pa'i don bshad pa'i tshig don
bsdus na/ dper na 'jig rten na

nam mkha' la bltas pa'i tshe sgrib byed kyi sprin la sogs pa'i
thogs bcas kyi dngos po ma mthong ba na nam mkha' mthong zhe
brjod pa ltar/ ye shes kyis dgag bya bden grub ma mthong ba na
stong nyid don dam bden pa mthong ngo zhes

'jog ces don dang sbyar ba ltar shes dgos so/ /yang rtsa bar/
yod ces bya ba rtag par 'dzin/ /med ces bya ba chad par lta/
/zhes sogs kyis dngos po sogs rang bzhin gyis grub par 'dod na
rtag mthar ltung zhing/ tha snyad du

@13b med par 'dod na chad ltar ltung la/ 'on kyang sngon byung
da lta med ces pa/ /des na chad par thal bar 'gyur/ /zhes pas
sngar rang bzhin gyis grub par khas blangs nas phyis zhig pa'i
tshe rang bzhin gyis grub bzhin du zhig ces 'dod na'ang chad

par lta bar gsungs so/ /yang dbu ma pa'i lta ba kho na la yod
med kyi mthar ma ltung ba dang rtag chad kyi skyon dang bral ba
yod kyi gzhan la ma yin no/ /zhes dang/ ji srid du rang gi ngo
bos grub pa'i rang bzhin med pa la las 'bras

dang 'ching grol la sogs pa yod par 'jog mi shes pa de srid du
rtag chad kyi lta ba spong tshul ji 'dra ba zhig byas kyang de
gnyis las mi 'da' ste/ zhes gsungs pa ltar shes par bya'o/ !
/rab byed bcu drug par bcings thar brtag

pa'i skabs su/ rtsa bar/ gal te 'du byed 'khor zhe na/ /de rtag
na ni mi 'khor te/ /mi rtag na yang 'khor mi 'gyur/ /zhes sogs
kyi don bsdu na/ tha snyad du 'du byed kyi phung po dang bcas
pa'i sems can 'khor bar 'khor zhes

'dod kyang/ 'khor bar bcings pa dang grol bar rang bzhin gyis
med de/ rtag pa'i sems can 'khor du mi rung zhing bcing bar yang
mi nus la/ mi rtag pa'i sems can ngo bo nyid kyis 'khor ba ma
yin te/ skad cig re re

bzhin skye zhing 'jig pas snga ma snga ma'i dus kyi bdag de phyi
ma phyi ma'i dus kyi bdag ma yin pa'i phyir ro/ /de bzhin du
'ching ba yang ma yin te/ skad cig re re la skye 'jig byed pa'i
bdag snga phyi rnams so so ba yin pas

@14a @#/ /re re nas ma bcings la/ ma bcings na grol ba 'ang mi
'thad pa'i phyir ro/ /gal te yan lag bcings pas bdag bcings bar
'jig rten na grags so zhe na/ tha snyad du yin mod ngo bo nyid
kyis min te/ yan lag

lnga po bdag ma yin pa'i phyir dang/ yan lag kyang rang gi cha
shas la brten nas btags pas cha shas thams cad re re nas bcings
bar mi nus pa'i phyir ro/ /gal te rgyun dang tshogs pa 'khor
zhing bcing so zhe na mi 'thad de/ rgyun

dang tshogs pa'ang cha shas la brten nas bzhag pa'i phyir ro/ !
/rab byed bcu bdun par las brtag pa'i skabs su las dge sdig gi
dbye ba dang/ de la rtag chad spong tshul gnyis gsungs pa'i phyi
ma la rtsod pa dang lan gnyis/ dang po

rtsod pa ni/ rtsa bar/ gal te las de smin pa'i dus/ /bar du gnas
na rtag par 'gyur/ /gal te 'gags na 'gags gyur pas/ /'bras bu ji
ltar skyed par 'gyur/ /zhes las dge sdig gnyis byas nas rnam
smin byung ba'i bar gtshung ?

na mi 'jig pa'i rtag bar 'gyur la/ de'i bar du mi sdod par sngar
nas 'jig na chad par 'gyur bas de gnyis kyis 'bras bu rnam smin
'byin pa ji ltar 'thad ces pa'o/ /lan la gzhan gyi lan dang/
rang gi thun mong ma yin pa'i lan

gnyis kyi dang po ni/ bye brag smra ba dang mdo sde ba dang sems
tsam pa dang rang rgyud ba rnams kyis lan 'debs tshul gtso che
la/ byi ma ni thal 'gyur ba'i rang lan te/ de yang rtsa bar/
gang phyir las ni skye ba med/ /'di ltar rang bzhin

@14b med de'i phyir/ /zhes las rang bzhin gyis ma skyes pa'i
rgyu mtshan gyis rang bzhin gyis mi 'gags la/ rang bzhin gyis mi
'gags pas tha snyad du las dang de'i 'bras bu'i bar du bskas pa
la sogs pas chod kyang sngar 'gags pa'i las de

las 'bras bu 'byung ba mi 'gal lo/ /'jug pa las/ gang phyir rang
bzhin gyis de mi 'gag pa/ /de phyir kun gzhi med kyang 'di nus
phyir/ /la lar las 'gags yun ring lon las kyang/ /'bras bu yang
dag 'byung bar rig par gyis/ /

zhes dang/ de bzhin 'gags shing rang bzhin yod med pa'i/ /las
las kyang ni 'bras bu yod pa yin/ /zhes sogs kyis kyang las
sngar 'gags zin pa las phyis rnam smin 'byin par bshad pa bzhin
shes pa gnad che'o/ ! /

rab byed bco brgyad par bdag dang chos brtag pa'i skabs su/ rtsa
bar/ gal te phung po bdag yin na/ /skye dang 'jig pa can du
'gyur/ /gal te phung po rnams las gzhan/ /phung po'i mtshan nyid
med par 'gyur/ /ces bdag

rang gi phung po dang rang gis mtshan nyid kyis grub pa'i gcig
yin na/ phung po rnams skad cig re re la skye 'jig byed pa ltar
bdag kyang de ltar du 'gyur zhing/ phung po 'di rnams skye ba
phyi mar mi 'byung ba ltar bdag kyang skye ba

phyi mar mi 'byung bar thal bar 'gyur ro/ /gzhan yang bdag phung
po dang gcig yin na/ bdag phung po'i rnam grangs tsam du 'gyur
ba'i phyir/ nye bar len pa po dang blang bya'i rnam gzhag mi
'thad pa sogs mang ngo/ /bdag phung po dang rang bzhin gyis

@15a @#/ /tha dad na/ bdag de phung po 'dus byas su mtshon pa'i
mtshan nyid skye 'jig gnas gsum dang mi ldan par 'gyur te/ de lta
na bdag phung po la ltos med yan gar du yod dgos pa las de
mthong ngo/ /zhes sogs kyis

rigs pa la brten nas bdag med kyi lta ba rnyed par 'gyur te/
'di'i skabs su 'grel bar de ltar bdag ngo bo nyid kyis grub na
bdag dang phung po gnyis rang gi mtshan nyid kyis grub pa'i gcig
dang tha dad gang rung du grub dgos pa dang/

de gnyis ka la yang rigs pas gnod pa mthong ba na bdag ni rang
gi ngo bos grub pa cung zad kyang med do snyam du nges pa rnyed
pa ni/ 'jig lta lhan skyes kyis ngar 'dzin pa'i yul rang bzhin
med par rtog pa'i 'dir rnyed pa rnyed pa yin no/ /

zhes gsungs pa ltar ro/ /de lta bu'i lta ba rnyed pa na dbu ma
par bzhag tu rung ste/ de kho na nyid rtogs pa'i theg dman
pa'ang dbu ma pa yin pa'i phyir te/ 'grel par/ theg dman pa gang
zag dang chos kyi de kho na nyid rtogs pa rnams

ni rtag chad kyi g.yang du ltung ba'i mtha' ni mtha' bral gyi
lta bas spangs ba yin pas dbu ma pa'o/ /zhes gsungs pa ltar shes
par bya'o/ ! /rab byed bcu dgu par dus brtag pa'i skabs su/ rtsa
bar/ da ltar byung dang ma 'ongs pa//

zhes sogs kyis dus rang bzhin gyis grub na dus gsum po thams cad
cig car tu grub dgos bar bshad la phyi rol las ni/ dus kyis
'byung ba smin par byed/ /dus kyis skye rgu sdud par byed/ /dus
kyis gnyid log sad par byed/ /

@15b dus las 'da' ba shin tu dka'/ /zhes pa'i khyad chos dang
ldan pa'i dus rtag pa zhig yod par 'dod cing/ de yang skad cig
dang thang cig dang yud tsam dang nyin mtshan dang zla ba dang lo
la sogs pa'i tshad don gzhan dang

ldan par khas len no/ /sangs rgyas pas ni dus zhes pa spyi tsam
zhig ni snga phyi thams cad du yod par 'dod kyang rtag par mi
'dod de/ dper na bum pa spyi tsam zhig snga phyi kun tu yod par
khas len kyang rtag par

khas len mi dgos pa bzhin no/ /des na rang sde gzhan gyis ni
phyi rol pas 'dod pa'i dus rtag ba de lta bu zhig med kyang skad
cig sogs la brten nas bzhag pa'i rang bzhin gyis grub pa'i dus
zhig ni yod par smra la/

thal 'gyur ba ni/ dus zhes pa skad cig sogs la brten nas btags
pa'i btags yod ming rkyang tsam zhig tu khas len no/ /'di pa'i
dus gsum 'jog lugs ni/ myu gu lta bu la mtshon na myu gu ni da
ltar ba dang de

zhig ba ni 'das pa dang spyir skye ba'i rgyu yod kyang skabs su
rkyen ma tshang bas myu gu ma skyes pa ni ma 'ongs pa'o/ /zhes
gsungs pa ltar ro/ ! /rab byed nyi shu par tshogs pa brtag pa'i
skabs su/ rtsa bar/ gal te rgyu dang

rkyen rnams kyi/ /tshogs pa nyid la skye 'gyur zhing/ /tshogs la
'bras bu yod na ni/ /zhes sogs kyis rgyu rkyen tshogs pa la 'bras
bu rang bzhin gyis skye ba 'gog go /de yang phyi rol pa rnams
ni/ spyir yod pa zhig skye'i med na ?

@16a @#/ /mi skye ba ltar rgyu'i dus su yod pa'i 'bras bu skye'i
med na mi skye bar 'dod la/ rang sde bye brag smra bas kyang
'bras bu 'ga' zhig rang gi rgyu'i dus su yod cing/ 'ga' zhig gi
rdzas rang gi rgyu'i dus su yod par 'dod

do/ /de la 'dir grub zin slar skye mi dgos shing dgos na thug
med du skye bar thal ba'i gnod pa ston la/ 'bras bu rgyu rkyen
gyi tshogs pa la yod pa ma mthong bas de la yod pa zhig mi skye
bar 'bras bu sngar med gsar du skye bar

bsgrub po/ /rgyu rkyen tshogs pa las 'bras bu skye yang tshogs pa
rdzas su med pa'i phyir rang bzhin gyis med la/ de med pas de
las 'bras bu yang rang bzhin gyis mi skye'o zhes bshad de/ rtsa
bar/ rgyu rnams dang ni rkyen

dag gi/ tshogs pa gang yin de yis ni/ /bdag gis bdag nyid mi
skyed na/ /'bras bu ji ltar skyed par byed/ /de phyir tshogs pas
byas pa med/ /zhes 'byung ba ltar ro/ ! /rab byed nyer gcig par
'byung 'jig

brtag pa'i skabs su/ rtsa bar/ 'jig pa 'byung ba med par ni/
/zhes sogs kyis 'byung 'jig gnyis rang bzhin gyis yod par bkag
cing/ 'dir bshad pa'i 'byung ba ni skye ba yin la/ 'jig pa ni
'gag bzhin pa dang

'gags zin ci rigs la bshad cing/ dngos po gcig gi skye ba dang
gnas pa de 'gags zin pa'am zhig zin pa dang 'gal yang/ spyir
skye 'jig gnas gsum mi 'gal te/ bum pa lta bu ni slar mi skye
yang skye ba tsam yin

@16b la/ zhig pa min yang 'jig bzhin pa dang 'gag bzhin pa yin
pas 'jig pa yin te/ 'jig pa 'dus byas kyi mtshan nyid yin pa'i
phyir ro/ /go rim gyi dbang du byas na 'dus byas gcig dang por
skye/ bar du gnas/ mthar

'jig ces pa'i tha snyad byed la de'i tshe 'jig pa ni zhig pa la
byed pa mang la/ de'i dbang du byas pa'i skye 'jig gnas gsum ni
rim can du 'ong bas khyad par dbye'o/ /rtsa 'grel gnyis kar
'gyur 'jig lhan cig gam dus gcig

rang bzhin gyis mi gnas par bshad pa ni de lta bu la dgongs
shing/ skye 'chi gnyis dus cig car med pa'i tshul yang de dang
'dra'o/ /'byung 'jig tha snyad du yod kyang rang bzhin gyis med
de/ 'byung ba'am skye ba ni 'jig pa la ltos shing

'jig pa yang 'byung ba'am skye ba la ltos pa'i phyir te/ 'byung
ba med na 'jig pa med cing 'jig mi nus pa la skye ba dang 'byung
ba'i tha snyad mi 'thob pa'i phyir ro/ /gal te rma bya'i mdongs
dang tsher mi'i rno ba dang sran ma'i zlum pa

sogs skye ba'i rgyu ji ltar yin snyam na/ sems can de'i thun
mongs ma yin pa'i las dang rang gi rgyu'i nus pa so sor nges
pa'i khyad par las so/ /sgra dang mar me dang klog skad cig gis
'jig pas de la rgyu med do snyam na de la'ang

rgyu yod de/ tshig gsal las/ de rnams kyi 'jig pa yang skye ba'i
rkyen can yin pas rgyu dang bcas pa yin pa'i phyir dang/ zhes
gsungs pa ltar ro/ ! /rab byed nyer gnyis par de bzhin gshegs pa
brtag pa'i skabs su

@17a @#/ /de bzhin gshegs pa phung po min/ zhes sogs kyi don bsdu
na 'bras bu de bzhin gshegs pa yang rang bzhin gyis ma grub ste/
de rang gi phung po lnga la brten nas btags pa tsam yin pa'i
phyir/ 'di ltar de bzhin gshegs

pa ni rang gi phung po lnga dang rang gi mtshan nyid kyis grub
pa'i gcig min te/ yin na rab byed bcu par bshad pa ltar byed pa
po dang las su bya ba thams cad gcig tu 'gyur ba dang/ bco
brgyad par bshad pa bzhin du skye 'jig can du 'gyur

ro/ /de bzhin gshegs pa rang gi phung po las ngo bo tha dad pa
yang min te/ phung po la ma ltos par de bzhin gshegs pa zhig
logs su gzung du med pa'i phyir ro/ /rgyu mtshan de'i phyir de
bzhin gshegs pa la phung po dang phung po la yang

de bzhin gshegs pa ngo bo nyid kyis brten nas med do/ /lhas byin
gnag dang ldan pa dang de rna ba sogs dang ldan pa ltar de bzhin
gshegs pa rang gi ngo bo nyid kyis tha dad dang gcig tu med do/
/de'i don bsdu ba na/ de ltar phyogs lngar rang bzhin

gyis med pas de bzhin gshegs pa rang gi mtshan nyid kyis grub pa
gang zhig yin te yod pa min/ zhes gsungs shing/ rtsa bar yang/
gal te sangs rgyas phung po la/ /brten nas rang bzhin las yod
min/ /gang zhig rang bzhin las med pa/ /

de gzhan dngos las ga la yod/ /ces gsungs pa ltar ro/ /rdor gcod
las/ gang dag nga la gzugs su mthong/ /zhes sogs kyis de bzhin
gshegs pa rang gi phung po lnga la brten nas btags pa tsam yin
gyi/ rang bzhin gyis grub

@17b pa min pas de bzhin gshegs pa'i gzugs dang gsung gi sgra la
bden par zhen pa'i bden 'dzin gyis bcings ba'i gang zag nges de
bzhin gshegs pa'i chos nyid kyi chos sku mi mthong bar bshad pa
yin no/ ! /rab byed nyer gsum

par phyin ci log brtag pa'i skabs su/ /'dod chags zhe sdang gti
mug rnams/ /kun tu rtog las 'byung bar gsungs/ /zhes sogs kyis
dug gsum gyi mtshon pa'i nyon mongs rnams ni tshul bzhin ma yin
pa'i kun rtog las

'byung ba'i glo bu ba yin pa'i phyir/ rang bzhin gyis med par
'chad de/ dug gsum gang la brten nas skye ba yang/ 'dod chags ni
yul sdug pa la brten nas dang/ zhe sdang ni yul mi sdug pa dang/
gti mug ni bar ma la brten nas

ri mo ltar skye bas rang bzhin gyis med la yul sdug mi sdug sogs
kyang ltos nas bzhag pa'i phyir/ rang bzhin gyis med do/ /spyir
sdug mi sdug gnyis ltos par ma zad sems can rang gi blo ngo la
ltos nas kyang sdug mi sdug ltos

shing ma nges pa yin te/ sems can gcig la sdug cing yid du 'ong
ba de ni gzhan la ltos nas mi sdug par bzhag tu yod cing de las
bzlog pa dang/ yang dus gcig gi tshe sdug cing yid du 'ong la dus
gzhan gyi tshe mi sdug par mdor ?

bar yang yod pas rang bzhin gyis med do/ /de bzhin du mi rtag pa
la rtag par lta ba dang/ mi gtsang ba la gtsang bar 'dzin pa
dang/ bdag med pa la bdag tu 'dzin pa yul dang bcas pa yang rang
bzhin gyis med par shes

@18a @#/ /par bya'o/ ! /rab byed nyer bzhi par 'phags pa'i bden
pa'i brtag pa'i skabs su/ rtsa bar/ gal te 'di dag kun stong na/
/'byung ba med cing 'jig pa med/ /'phags pa'i bden pa bzhi po
rnams/ /

khyod la med par thal bar 'gyur/ /zhes sogs kyis sngar 'byung
'jig sogs rang bzhin gyis med par bstan pa la de ltar na bden
bzhi sogs kyi bya byed thams cad mi 'thad par thal ba'i rtsod pa
'god pa

dang/ de'i lan gal te 'di kun mi stong na/ /zhes sogs kyis bstan
pa'i sgor mang la lan gyi skabs su bden gnyis kyi rnam bzhag
rgyas par gsungs pa ni gzhan du shes par bya zhing/ bsdu na rtsa
bar/ sangs rgyas rnams kyi chos

bstan pa/ /bden pa gnyis la yang dag brten/ /'jig rten kun rdzob
bden pa dang/ /dam pa'i don gyi bden pa'o/ /zhes gsungs pa'i kun
rdzob bden pa ni blo kun rdzob pa ma rig pa'i ngo bor yod pa'i
don dam ma yin pa'i chos

rnams dang/ don dam bden pa ni kun rdzob pa'i chos rnams rang
bzhin gyis med pa nyid do/ /kun rdzob la'ang 'jig rten shes ngo
la ltos nas yang dag dang yang dag ma yin pa gnyis te byed bzhin
dang myu gu dang ka bum sogs

ni de la ltos pa'i yang dag dang/ gzugs brnyan dang smig rgyu
dang sgyu ma sogs ni de la ltos pa'i log pa ste mtshon pa tsam
mo/ /skabs 'dir rtsa bar/ rten cing 'brel bar 'byung ba gang/
/de ni stong pa nyid du bshad/ /de ni

@18b brten nas gdags pa ste/ /de ni dbu ma'i lam yin no/ /zhes
gsungs pa'i snga ma'i 'grel bar kho bo cag gis rgyu rkyen la
rten cing 'brel bar 'byung ba gang yin pa de ni rang bzhin gyis
ma skyes pas stong pa'i don nyid du bshad pa ltar 'dod pa'i
phyir ro/ /

gang las de ltar bshad pa ni ma dros pas zhus pa las/ gang zhig
rkyen las skyes pa de ma skyes/ /de las skye ba'i rang bzhin yod
ma yin/ /rkyen las rag las gang de stong par bshad/ /gang zhig
stong nyid shes de bag yod yin/ /zhes 'byung ba ltar dang/

stong ba'i don rten 'byung gi don du 'gro ba ni rang bzhin gyis
grub pa tshad mas khegs pa'i dbu ma pa rnams la yin gyi gzhan la
min no/ /de 'dra ba'i dbu ma pa yin phyi nang gi dngos po rnams
rgyu rkyen la rag las pa'i rten 'byung du nges pa na/ blo de
nyid

gyi mthu la rten nas rang bzhin gyis yod pas stong ba'i don du
nges par 'gyur te/ rang bzhin gyis grub pa gzhan la ltos par med
par rtogs shing de dang rten 'byung gnyis 'gal bar tshad mas
rtogs pa'i phyir ro/ /des na rten 'byung nyid kyis rang

bzhin gyis yod pa khegs pa'i stong nyid la nges pa rnyed pas ni/
nam myu gu la sogs rgyu rkyen la ltos par mthong ba dang thos pa
dang dran pa'i mod la rgyu mtshan de nyid kyi rang bzhin med pa
yin pa'i tshul sems pa la gos par bya'o/ /zhes gsungs

shing/ rang bzhin gyis grub pa la bya byed thams cad mi 'thad
cing/ rang bzhin gyis stong ba la bya byed thams cad 'thad tshul
dang bcas pa bshad do/ ! /rab byed nyer lnga bar myang 'das
brtag pa'i skabs su/ rtsa bar/ re zhig myang 'das dngos po

@19a @#/ /min/ /zhes sogs myang 'das rang bzhin gyis grub cing
gzhan dag myang 'das rtag dngos dang kun rdzob bden par 'dod pa
sogs kyang bkag nas don dam bden par bsgrubs la/ de yang lugs
gzhan gyis lhag bcas lhag med ni

nyon mong spangs shing sdug bsngal gyi phung po dang bcas ma
bcas la bzhed kyang 'di pas nyon mong spangs shing bden snang gi
lhag ma dang bcas ma bcas kyi sgo nas 'byed do/ /skabs 'dir rtsa
bar/ sangs rgyas rnams kyis gang du yang/ /

su la chos 'ga' ma bstan to/ /zhes 'byung ba ltar/ gsang ba bsam
gyis mi khyab ba dang/ rdor gcod sogs las 'byung zhing/ de'i don
ni de bzhin gshegs pa ni chos sku'i myang 'das don das bden pa
la dus rtag tu mnyam

par bzhag pa yin pas/ de'i tshe gzigs ngo na gnyis snang gi spros
ba thams cad nye bar zhi zhing nub pas de'i dbang du byas nas de
bzhin gshegs pas chos ma bstan par gsungs kyang/ tha snyad du
sangs rgyas kyi chos bstan

par 'dod dgos te/ 'grel bar/ sangs rgyas kyi su la'ang chos ma
bstan na gsung rab kyi tha snyad sna tshogs pa 'di dag mngon pa
ji ltar 'gyur zhe na/ ston pas kho bo cag la chos bstan to zhes
pa 'di ni gdul bya ma rig

pa'i gnyid dang ldan pa'i rmi lam rmi bzhin pa rnams kyis rang
gi rnam rtog las byung ba yin no/ /zhes pa nas/ de'i phyir myang
'das kyi don du chos bstan pa de kho na rtogs pa'i rigs ngor med
kyi tha snyad pa'i shes pa'i dor yod pa

@19b tsam yin/ zhes gsungs pa ltar te/ nam mkha' mdzod kyi zhus
pa'i mdo las/ brjod pa'i 'bad rtsol med kyang nam mkha' las chos
bstan pa'i sgra 'byung ba'i dpe don gsal ba zhig dang bcas nas
bshad pa ltar shes dgos pa yod do/ /

rdor gcod las/ ston pas ngas sangs rgyas mar me mdzad las gang
blangs pa'i chos de gang yang med do zhes gsungs pa yang don dam
par ma blangs pa'i don de tshul 'di dang 'dra'o/ ! /rab byed nyer
drug par yan lag bcu gnyis

brtag pa'i skabs su/ rtsa bar/ ma rig sgrib pa yang srid phyir/
/zhes sogs kyis rten 'brel yan lag bcu gnyis kyis/ 'khor bar
'khor tshul dang de las ldog tshul yang 'chad de/ 'khor tshul bsdu
na 'khor bar 'phen byed kyi

rgyu 'bras dang/ 'grub byed kyi rgyu 'bras gnyis bshad pa'i
'phen byed kyi rgyu ni ma rig pa dang 'du byed kyi las so/ /ji
ltar 'phangs na rgyu dus kyi rnam shes la las kyi bag chags
bsgoms pa'i tshul gyis so/ /gang 'phang nas ming gzla dang

skye mched drug dang reg pa dang tshor ba dang 'bras dus kyi rnam
shes kyang ngo/ /'grub byed kyi rgyu ni srid len gnyis so/ /ji
ltar 'grub na rnam shes la bsgos pa'i las kyi bag chags mthu can
du gyur pa'i tshul gyis so/ /gang 'grub na

skye ba dang rga shi'o zhes pa ni mtshon pa tsam mo/ /'khor ba
las ldog tshul ni/ 'khor ba'i rtsa ba 'du byed de/ zhes sogs kyis
bdag med rtogs shing bsgoms na de las grol bar 'gyur zhes bshad
pa ltar shes par bya'o/ /

@20a @#/ ! /rab byed nyer bdun par lta ba brtag pa'i skabs su/
rtsa bar/ sngon tshe rnams su shing byung na/ /de ni 'di ni ma
yin no/ /zhes tshe snga mar byung ba'i bdag de tshe 'di'i bdag ma
yin zhing/ yin na bdag rtag par

'gyur ba dang/ 'gro ba rigs drug ka'i gzhi mthun yod par thal ba
sogs su 'gyur ba'i gnod pa bstan la/ mdo las nga de'i tshe de'i
dus na 'khor los bsgyur ba'i rgyal po mang pos bkur ba zhes bya
bar gyur to/ /zhes pa ni tshe snga phyi

rnams kyi nga so sor ma phye bar spyi tsam dang tshe snga phyi'i
bdag rnams rgyud gcig yin pa la dgongs nas gsungs pas mi 'gal
zhing/ nga spyi dang bye brag pa rnams kyi khyad par byed dgos
te/ 'di la rab byed bcu gcig par bshad

pa'i rigs pa rnams shes dgos so/ /yang rtsa bar/ nye bar yin pa
ma gtogs par/ /khyod kyi bdag ni gang zhig yin/ /nye bar len pa
ma gtogs pa'i/ /bdag yod ma yin byas pa'i tshe/ /nye bar len pa
bdag yin na/ /khyod kyi bdag ni

med pa yin/ /zhes pa 'dis bdag dang bzhes pa ni rang gi phung po
la brten nas btags pa tsam ma gtogs/ phung po las ngo bo tha dad
pa'i bdag bzung du med cing/ bdag phung gcig tu 'dod na ni mi
'thad de/ nga'o snyam pa de'i tshe blo ngor

bdag dang phung po tha dad du 'char gyi gcig tu mi 'char ba'i
phyir ro/ /mdor na gang zag gcig gis tshe rabs dran pa'i dus su
nga spyi tsam la dmigs nas tshe rabs dran gyi/ nga bye brag pa re
re tsam la dmigs nas dran pa min

@20b la/ der ma zad de ring gi skyes bu des kha sang dang zla ba
sngon ma dang lo sngon ma rnams su ngas 'di dang 'di byas zhes
dran pa'i tshe nga bye brag bas khyad par du byas ste/ nga spyi
tsam la dmigs nas dran pa yin te/ nga spyi tsam pa de lo zla
zhag dus snga ma de dang

de'i tshe yod kyi de ring gi dus kyi nga de lo zla zhag dus snga
ma de dang de'i tshe med pa'i phyir ro/ /gal te yod na nga rtag
par thal zhing rgan gzhon gyi skabs thams cad ? gcig du 'gyur ba
dang/ 'gro ba thams cad kyi gzhi mthun yang yod par 'dod dgos

bar 'gyur na de ni sus kyang mi 'dod do/ /de bzhin du lo zla
zhag dus phyi ma rnams la'ang 'dra'o/ /de ltar shes dgos te/ mi
shes na sngon dang phyi ma'i mtha' la brten pa'i lta ba ngan pa
dus zhig 'byung la/ shes na lta ngan de thams cad

ldog cing yang dag pa'i lta ba rnyed nas 'khor ba'i 'ching ba
thams cad las grol bar 'gyur pa'i gsungs pa'i phyir te 'di'i
thad kyi Ti kkar/ rjes/ de ltar gang zag dang chos kyi rten
'brel rang gi mtshan nyid kyis grub pa'i rang bzhin yod pa

sngar rigs pas legs par bkag pa bzhin du rtogs na/ sngon gyi
mtha' la brten pa la sogs pa'i lta ba ngan pa rang gzhan gyi sde
pas kun btags pa'i log lta gang gis kyang bkri bar mi nus la/
yang dag pa'i don ji ltar nges pa de nyid

kyi don mdor bsdus pa'i bdag med pa'i don bsgoms na ni 'khor ba
las grol bar 'gyur zhing/ bdag med pa'i don rigs pa'i rnam
grangs mtha' yas pas gtan la phab pa'i don bsgoms na ni/ shes
bya'i sgrib pa zad par byed pa yin te/ zhes

@21a @#/ /gsungs pa'i phyir ro/ /gzhan yang/ sems can rnams kyis
rang gi sems rang bzhin med pa'i stong nyid ma rtogs pas 'khor
bar 'khor la rtogs na sems rgyud kyi ma rig pa'i dri ma sbyangs
nas 'khor ba las grol ba'i thar pa dang chos kyi

sku yang thob par 'gyur te/ mgon po klu sgrub kyis chos dbyings
bstod pa las/ gang zhig kun tu ma shes na/ /srid pa gsum du
rnams 'khor la/ /sems can kun la nges gnas pa'i/ /chos kyi
dbyings la phyag 'tshal 'dud/ /gang zhig

'khor ba'i rgyur gyur ba/ /de nyid sbyangs pa byas pa las/ /dag
pa de nyid mya ngan 'das/ /chos kyi sku yang de nyid do/ /zhes
gsungs pa'i phyir ro/ /rgyal yum rgyas 'bring bsdus gsum gyi/
/dngos bstan stong nyid zab mo'i don/ /ji bzhin gsal

mdzad klu sgrub kyi/ /gzhung mchog 'di las gzhan na gang/ /de
phyir bla ma'i man ngag la/ /brten nas klu sgrub dgongs zab don/
/legs par bkral ba'i dge des bdag  /myur du sangs rgyas nyid
gyur cig  /ces dbu ma rtsa ba shes

rab kyi dka' 'grel bsdus don 'di yang shA-kya'i dge slong grags
pa bshad sgrub ces bya bas/ sngar rtsa she'i TI kka zhig bris
zin kyang phyis dka' bcu 'jam dbyangs don yod kyis bskul bas
rkyen byas te/ 'dir yang nye bar mkho

ba'i spyi don 'ga' zhig bsdus nas co ne dgon nyid du sbyar ba
ste par gyi yi ge pa yang dka' bcu de nyid do// //tshul 'dis
bstan pa'i snying po zab mo stong pa nyid kyi lta ba rang gzhan
kun gyi rgyud la myur du skye bar gyur cig  /mangga laM/ /

@21b [bp]