@#/ /rdo rje 'chang pha bong kha pa dpal bzang pos lam gtso'i zab
khrid stsal skabs kyi gsung bshad zin bris lam bzang sgo 'byed ces
bya ba bzhugs so/ /

@01a @##/ /na mo gu ru manydzu g+hoShA ya/ rgyal kun gsang gsum gcig
bsdus ngur smrig gar/ /mtshungs med drin can bla ma la btud de/ /'jam
dbyangs zhal lung lam gtso

rnam gsum gyi/ /zin tho nyung ngur bri la 'dir brtson bya/ /de la; rab
'byams rgyal ba ma lus pa'i mkhyen brtse nus gsum gcig tu bsdus pa'i
rang gzugs/ bdag cag mchog dman bar

ma'i 'gro ba yongs kyi ma 'dris pa'i mdza' bshes gcig pu/ snyigs dus kyi
'khor lo'i mgon gcig rje btsun bla ma khyab bdag pha bong kha'i
rdo rje 'chang chen po bka' drin mtshungs zla med pa mchog gi zhal
snga

nas; dus gsum sangs rgyas thams cad kyi bstan pa'i snying po byang
chub lam gyi rim pa'i yang snying/ 'jam dbyangs bla ma'i legs gsung
gi bdud rtsi lam gyi gtso bo rnam gsum gyi zab khrid rtsa tshig gi
steng

@02a @#/ /nas zab cing gnad 'dril ba dgyes pa chen pos snga phyir stsal
ba rnams brjed par phangs te dran tho gang zin thor bu 'ga' zhig
phyogs gcig tu dgod pa la/ 'o lags so/ de

yang ni ji skad du/ khams gsum chos kyi rgyal po tsong kha pa chen
po'i gsung las/ dal ba'i rten 'di yid bzhin nor las lhag /ces sogs las
brtsams pa'i sngon 'gro'i gsung bshad lam yongs rdzogs dang 'brel

bar kun slong bcos tshul rgyud 'khul nges dang/ lhag par snod kyi
skyon gsum spong/ 'du shes drug bsten te nyan lugs dang/ snod kyi
skyon dri ma can thog mar gsungs pa 'di chos nyan pa tsam du ma
zad bsam

sgom gzhan la'ang gal che tshul sogs mdor bsdus re stsal te/ dus
gsum gyi rgyal ba thams cad kyang gang nas gshegs pa'i lam po che/
sa gsum gyi sgron me gcig pu ni byang chub lam gyi rim pa nyid

@02b yin cing/ de'i snying po'am srog lta bu ni lam gyi gtso bo rnam
gsum yin la/ de yang gzhan don du 'tshang rgya ba la sangs rgyas kyi
go 'phang de bsgrub dgos/ de bsgrub pa la sgrub tshul shes dgos/ de
la chos thos dgos/

thos pa de yang lam ma nor ba zhig la byed dgos pa yin pas da lam
'dir 'jam mgon tsong kha pa chen pos drang don gdul bya'i snang
ngor shar phyogs rgyal mo rong du tsha kho dbon po ngag dbang
grags pa la gnang ba'i lam gyi

gtso bo rnam gsum gyi rtsa tshig 'di'i steng nas zab khrid mdor bsdus
tsam 'bul ba skabs su bab pa yin/ lam gtso 'dir lam gyi gtso bo rnam
gsum dang/ lam rim la skyes bu gsum zhes mtshan 'dogs lugs dang sa
bcad

kyi khyad par tsam las don lam rim dang 'dra yang/ sa bcad phye
tshul gyis khrid rgyun zur du mdzad pa red/ lam gtso gsum ni mdo
sngags kyi chos gang byed kyang lam gyi srog shing lta bu yin pas
nges par 'di gsum gyi rtsis

zin pa zhig dgos/ de yang nges 'byung gi rtsis zin na thar pa'i rgyu
dang/ byang chub kyi sems kyi rtsis zin na thams cad mkhyen pa'i
rgyu dang/ yang dag pa'i lta ba'i rtsis zin na 'khor ba'i gnyen por
'gro ba yin/ gzhan du na

bsod nams ma yin pa'i mi dge ba'i las kyis ngan 'gro dang/ bsod nams
kyi las kyis 'dod khams kyi lha mi/ mi g.yo ba'i las kyis gzugs gzugs
med kyi lhar skye/ lam gtso gsum gyis ma zin na/ rtsa rlung thig le/

@03a @#/ /phyag chen/ rdzogs chen/ bskyed rdzogs sogs ga 'dra zhig
bsgom lo byas kyang de thams cad 'khor ba'i rgyu las/ thar pa dang
thams cad mkhyen pa'i rgyur phyogs tsam du yang mi 'gro ste/ dge
bshes

phu chung bas spyan snga ba la/ rig pa'i gnas lnga la mkhas/ ting
nge 'dzin brtan po thob/ mngon shes lnga dang ldan/ grub chen
brgyad thob pa gcig dang/ jo bo'i man ngag 'di rgyud la ji lta ba
bzhin ma skyes kyang/ 'di la nges

shes brtan po gzhan gyis blo bsgyur du mi btub pa gnyis/ khyod gang
la 'dam zhes gsung ba la/ spyan snga ba'i zhal nas/ slob dpon/ ngas
lam gyi rim pa rgyud la skyes pa lta zhog  /lam gyi rim pa 'di tsug yin
snyam du kha phyogs

tsam du go ba yang 'di la 'dam ste/ rig pa'i gnas lnga la mkhas pa
dang/ ting nge 'dzin la bskal pa'i bar du mnyam par bzhag thub pa
dang/ mngon par shes pa lnga dang ldan pa dang/ grub pa chen po
brgyad thob pa de rnams sngon

chad grangs med pa zhig byas kyang 'khor ba las ma 'das ma 'phags/
jo bo'i byang chub lam rim la nges pa rnyed na nges par 'khor ba las
bzlog ste mchi zhes gsungs pa dang/ gzhan yang/ bram ze'i khye'u
tsa na kya dang/

kye rdo rje'i rnal 'byor pa sogs kyi sngon byung lo rgyus ltar yin/
rje btsun 'jam pa'i dbyangs kyis 'jam mgon tsong kha pa chen po la/
'khor ba'i nyes dmigs dang thar pa'i phan yon mthong ba'i dran shes
na re bsten nas

@03b snang shas la blo 'gror mi ster bar srid pa'i mtshang bcar zhing/
thar pa'i phan yon la sems 'dzin pa'i dmigs rnam goms nas nges
'byung la myong ba ma bton par sbyin pa/ tshul khrims/ bzod pa/
brtson 'grus/ bsam gtan gyi dge rtsa gang

goms kyang thar pa'i rgyur gtan nas mi 'gro bas thar 'dod kyis thog
mar gdams ngag gang zab zer ba gzhan thams cad bzhag nas nges
'byung la rtog bsgom bya dgos/ theg chen sgrub pa pos rang don yid
byed kyi skyon dang/ gzhan don gyi phan yon la dran shes

thun re bsten nas sems bskyed la myong ba 'don pa'i dmigs rnam nas
goms par ma byas na gzhan gang byas kyang lam du mi 'gyur te/
gzhan du na dge rtsa rnams rang don yid byed kyis dbang byas nas
dman pa'i byang chub kyi rgyu 'ba' zhig tu 'gyur ba'i phyir te/ dper

na nges 'byung la dran shes bsten pa'i dmigs rnam goms par ma byas
na dge ba thams cad snang shas kyis dbang byas nas 'khor ba 'ba'
zhig gi rgyu byed pa bzhin no/ /des na sngags la sogs pa'i gdams ngag
gang zab zer ba rnams bzhag nas thog mar nges

'byung dang byang sems la myong ba thon pa re nges par bya dgos/
de skyes pa dang de nas dge ba thams cad thar pa dang thams cad
mkhyen pa'i rgyur dbang med du 'gro bas/ des na 'di la sgom rin mi
chog par byed pa ni lam gyi gnad gtan nas ma shes pa yin

gsungs/ rtog sgom zhes dpyad sgom byed pa la bya/ lam gyi gtso bo
rnam gsum 'di ni rgyal ba'i gsung rab thams cad kyi snying po'i bcud
phyung ba ste/ de yang gsung rab dgongs 'grel dang bcas pa'i don
skyes bu gsum gyi lam rim du 'du/ de byang chub lam

@04a @#/ /gyi rim par 'du/ de lam gtso gsum du 'dus pa yin/ 'o na de 'du
lugs ji ltar yin snyam na/ gsung rab dgongs 'grel dang bcas pa'i don
mtha' dag gdul bya rnams sangs rgyas thob pa'i thabs 'ba' zhig tu
gsungs

shing; de thob par byed pa la rgyu thabs shes gnyis la bslab dgos
pas/ de gnyis kyi gtso bo ni/ byang chub kyi sems dang yang dag pa'i
lta ba gnyis yin/ de gnyis rgyud la skye ba la thog mar rang nyid
'khor ba'i phun tshogs la yang zhen pa gting nas log ste rang 'khor

ba las thar 'dod kyi nges 'byung gi bsam pa mtshan nyid tshang ba zhig
ma skyes na/ sems can gzhan 'khor ba las sgrol 'dod kyi snying rje
chen po skye mi srid pas nges 'byung 'di med thabs med/ gzugs sku
sgrub byed bsod nams kyi tshogs gsog pa gtso bo byang

chub kyi sems dang/ chos sku sgrub byed ye shes kyi tshogs kyi gnad
che shos ni yang dag pa'i lta ba la thug pas na lam gyi gnad thams
cad lam gtso gsum du bsdus nas nyams su len pa 'di 'jam dbyangs kyis
rje rin po che la dngos su stsal ba'i gdams pa khyad par can

yin; de yang thog mar blo chos su 'gro ba la nges 'byung/ chos theg
pa chen po'i lam du 'gro ba la byang chub kyi sems/ sgrib pa gnyis
yongs su spong ba la yang dag pa'i lta ba med thabs med pas de gsum
la lam gyi gtso bo rnam gsum zhes gsungs/ lam gtso

gsum po 'di la myong ba zhig thon phyin chad byas tshad chos su
'gro ba zhig 'ong/ 'di gsum gyis ma zin na ci byas 'khor ba'i rgyu las
ma 'das pa yin te/ lam rim chen mo las/ de ltar na 'khor ba la rnam
grangs du mar nyes dmigs su brtags te bsgoms

@04b pas 'khor ba'i phun tshogs la sred pa sun 'byin pa'i gnyen po yang
ma rnyed/ bdag med pa'i don la so sor rtog pa'i shes rab kyis tshul
bzhin du yang ma dpyad/ byang chub kyi sems gnyis la goms par byed
pa dang bral ba'i dge sbyor rnams ni zhing gi mthu la brten pa 'ga'
re

ma gtogs pa kun 'byung rang dga' bar 'gro bas 'khor ba'i 'khor lo
bskor ba yin no/ /zhes gsungs pa yin/ don 'di la dgongs nas bka'
gdams gong mas kyang/ bsgom rgyu'i lha gzugs re dang 'dren rgyu'i
sngags re ta kun la 'ong ste bsam rgyu'i chos shig

med pas lan pa yin/ zhes gsungs so/ /de'i phyir rang cag rnams kyang
chos gsha' ma zhig byed bsam na ci byas thar pa dang thams cad
mkhyen pa'i rgyur 'gro ba zhig dgos/ de 'ong ba la lam gtso gsum la
myong ba thon pa zhig dgos/ 'di gsum ni byang

chub lam gyi rim pa'i snying po'am srog lta bu yin te/ rje thams cad
mkhyen pas/ lam sgron bshad bya rtsa ba'i gzhung dang/ 'di gsum
lam gyi srog tu byas nas bshad pa yin gsungs/ des na da lam 'dir
yang rje'i gsung lam gtso rnam gsum gyi rtsa tshig

gi steng nas 'khrid mdor bsdus tsam 'bul ba la/ thog mar sa bcad kyi
dbang du byas na/ lam gyi gtso bo rnam gsum gyi 'khrid la gsum/
bstan bcos brtsom pa la 'jug pa'i yan lag dang/ bstan bcos spyi'i lus
dngos/ bshad pa

mthar phyin pa'i bya ba'o/ /dang po la gsum/ mchod par brjod pa/
rtsom par dam bca' ba/ nyan par bskul ba'o/ /dang po ni/ rje btsun bla
ma rnams la phyag 'tshal lo/ /zhes pas bstan/ de yang bstan bcos
rtsom pa'i thog mar rang gi

@05a @#/ /lhag pa'i lha la phyag bya dgos te/ slob dpon daNDIs/ shis
brjod phyag bya ngo bo ni/ /nges par bstan pa'ang de yi sgo/ /zhes
dang/ rang nyid 'dod pa'i lha la phyag bya'o/ /zhes gsungs/ 'di ni
bstan bcos rtsom

pa'i bya ba mthar phyin pa dang/ bar chad mi 'byung ba'i phyir yin/ 'dir
bla ma rnams zhes pa'i rnams sgras spyir rgya chen spyod brgyud
dang/ zab mo lta brgyud sogs dngos brgyud kyi bla ma rnams dang/
thun mong ma yin pa ni mkhyen srid ma ltar rgyal ba rdo rje
'chang/ rje

btsun 'jam dpal dbyangs/ dpa' bo rdo rje rnams yin/ rje btsun 'jam pa'i
dbyangs ni rje tsong kha pa chen po la rtag tu zhal gzigs pa yin/
zhal gzigs tshul la'ang rmi lam du gzigs pa dang/ nyams la gzigs pa/
dngos su

gzigs pa gsum yod/ dngos la'ang dbang shes la gzigs pa dang/ yid
shes la gzigs pa gnyis las/ 'jam mgon tsong kha pa chen po la ni bla
ma dang slob ma'i tshul du dbang shes la gzigs nas mdo sngags kyi
chos thams cad gsan

pa red/ gzhan 'ga' shas kyis rje bla mas mkhas pa dang btsun pa tsam
gyis bstan bcos mdzad pa red bsam pa yod kyang/ rje tsong kha pa
chen po'i gsung ni bstan bcos che chung ga 'dra zhig yin yang rje
btsun 'jam pa'i dbyangs kyis ma gsungs

pa gcig kyang med/ ma mthar bzhugs gnas dang zhabs phyi du tsam
'khrid tshun chad kyang rje btsun la zhu gnang gis bka' ltar mdzad
pa red/ mdo sngags kyi zab gnad khyad par can sngar gyi mkhas pa
kun gyis ma rtogs pa thams cad kyang rje bla mas gtan la

@05b phab nas gsungs/ de yang rje btsun gyi gsung las rje bla ma
rang nyid kyis 'ol tshod du gsungs pa gtan nas med/ spyir bstan bcos
rnams su mchod brjod mdzad yul snying rje dang/ mkhyen gsum
sogs mang yang/ 'dir bla ma la bstod phyag mdzad pa ni

spyir lam rim/ khyad par lam gtso rnam gsum rgyud la skye ba bshes
gnyen bsten tshul la rag las par go ba'i ched du bla ma la bstod
phyag mdzad pa yin/ de yang chos byed pa'i thog mar bla ma gal che
ste/ dge bshes po to bas/ rnam grol bsgrub

pa la bla ma las gal che ba med de/ tshe 'di'i bya ba bltas nas byas pas
chog pa la'ang slob mkhan med par mi 'ong na/ ngan song nas 'ongs
ma thag pa 'gro ma myong ba'i sar 'gro ba la bla ma med par ga na
'ong gsungs/ des na dpe cha blta shes pa tsam gyis

mi 'ong bas bla ma zhig nges par bsten dgos/ bla ma med par dpe cha
bltas pa tsam gyis grub pa thob pa sngon yang gcig kyang ma byung
zhing/ phyis kyang 'byung ba mi srid pa yin/ bla ma de yang dper na
nyin gcig gi 'gro sa'i lam ston mkhan kyang lam rgyus la

mkhas pa zhig dgos pa ltar thar pa dang thams cad mkhyen pa'i go
'phang du 'khrid pa'i bla ma de yang mtshan nyid dang ldan pa zhig
dgos/ de med na bla ma bzang ngan ji 'dra zhig yod na slob ma yang
de dang 'dra bar sAtstsha brkos phor nas bton pa ltar 'ong bas bla
ma

mtshan ldan gal che/ bla ma'i mtshan nyid kyang 'dul ba la/ yon tan
'byung gnas sogs ltar brtan mkhas kyi yon tan gnyis dang ldan pa
zhig dang/ sngags la/ sgo gsum legs bsdams sogs ltar dang/ mdo
sngags spyir btang la/ gang dang ldan na sogs @06a @#/ /ltar yon tan
bcu dang ldan pa/ ma mtha'ang bslab pa gsum gyis thugs rgyud dul
ba/ lung dang ldan pa/ rtogs pa dang ldan pa zhig nges par dgos te/
mdo sde rgyan las/ bshes gnyen dul ba zhi ba nyer zhi ba//

yon tan lhag pa brtson bcas lung gis phyug /de nyid rab tu rtogs
pa smra mkhas ldan/ /brtse ba'i bdag nyid skyo ba spangs la brten/
/zhes gsungs/ bla ma'i mtshan nyid de dag ni slob mas kyang shes par
byas te de dang ldan pa'i bla ma btsal dgos/ bla

ma yon tan che chung sogs ji 'dra zhig yod kyang slob ma yang skal
ba bzang zhan de dang mthun pa zhig yong ste/ bla ma mdo sngags
kyi lam yongs rdzogs la 'khrid thub pa zhig bsten na slob ma de
yang lam yongs rdzogs thos pa dang/ go ba chags pa'i skal ldan

zhig 'byung/ lam yongs rdzogs la go ba tsam chags na'ang yon tan
gzhan dang gzhan yod pa las bsod nams che/ de lta bu'i bla ma
rnyed nas tshul bzhin du bsten dgos/ de la sangs rgyas kyi go 'phang
la nye ba sogs bsten pa'i phan yon brgyad dang/

de las ldog pa ma bsten pa'i nyes dmigs brgyad yod/ rje tsong kha pa
chen pos kyang/ de nas 'di phyi'i legs tshogs ji snyed pa'i/ /rten 'brel
legs par 'grigs pa'i rtsa ba ni/ /lam ston bshes gnyen dam pa 'bad pa
yis/ /bsam dang sbyor bas tshul

bzhin bsten pa ru/ /mthong nas srog gi phyir yang mi gtong bar/ /bka'
bzhin sgrub pa'i mchod pas mnyes par byed/ /rnal 'byor ngas kyang
nyams len de ltar byas/ /thar 'dod khyed kyang de bzhin bskyang
'tshal lo/ /zhes gsungs/ sngar gyi jo 'brom

@06b sogs kyang rtogs pa dang mdzad 'phrin 'gran zla med pa byung
ba de rang rang gi bla ma rnams la bshes gnyen bsten tshul tshul
bzhin mdzad pa las byung ba red/ der ma zad sngar gyi rje mid la
sogs kyang de ltar yin/ bshes gnyen bsten tshul 'di nas rten 'brel

legs nyes kyi khe nyen che/ nA ro pa'i drung nas mar pa yang rten
'brel 'phyugs/ mid las mar par zangs stong pa dri med cig phul bas
rten 'brel legs nyes de bzhin du ma 'chol bar byung/ khri chen bstan
pa rab rgyas kyis yongs 'dzin ngag dbang chos

'byor la snyun g.yog rlabs chen mdzad pas dbu ma'i lta ba rtogs/
sa paN gyis rje btsun grags rgyan gyi snyun g.yog tshul bzhin
bsgrubs pas bla ma 'jam pa'i dbyangs su mthong/ rig gnas lnga thogs
med mkhyen/ rgya bod hor sogs kyi che rgu du mas

gtsug tu bkur ba sogs byung ba yin/ bsten tshul log pa'i nyes dmigs
kyang/ dgra nag gi dka' 'grel du drangs pa las/ tshigs bcad gcig tsam
mnyan pa la/ /gang gis bla mar mi 'dzin pa/ /khyi yi skye gnas brgyar
skyes nas/ /sme sha can du skye bar

'gyur/ /zhes dang/ dus 'khor rtsa rgyud las/ bla ma la khros skad cig
grangs/ /bskal par bsags pa'i dge bcom nas/ /de snyed bskal par dmyal
sogs kyi/ /sdug bsngal tshor ba drag po myong/ /zhes gsungs pa ltar
skyes bus se gol gcig gtog pa'i

yun la bya rdzogs kyi skad cig ma drug cu re lnga yod pas/ bya
rdzogs kyi skad cig ma drug cu rtsa lnga'i ring bla ma la khro sems
skyes na bskal pa drug cu rtsa lnga'i yun la dmyal bar gnas dgos/
'di theg pa 'og ma'i lugs ltar yin/ theg chen gyi lugs la de

@07a @#/ /las kyang yun ring ba yod/ der ma zad bshes gnyen bsten
tshul log na bla ma lnga bcu pa las gsungs pa ltar tshe 'dir yang nad
gdon sogs kyis gtses pa dang/ 'chi khar gnad gcod 'jigs skrag tshad
med

pas mnar ba dang/ dus min 'chi rkyen bcu gsum gang rung gis 'chi ba
sogs dang/ gzhan yang/ slob dpon sangs rgyas ye shes kyi spyan
lhung ba dang/ dge bshes sne'u zur pa'i slob ma la 'chi rkyen byung
bsogs ltar/ mdor na bla ma la brnyas smod byas

pa'i rnam smin ni sangs rgyas kyis kyang gsung bar mi nus pa'i tshul
tsam gyis che phyi mar dmyal ba mnar med du skye bar gsungs/ bla
ma bsten tshul yang bka' chos gnang mkhan dang/ ka kha slob mkhan
gnyis la khyad med dgos/ bla ma bsten pa'i

ring rang don du kha ton byas pa lta bu ma gtogs pa sri zhu bkur
sti sogs zhabs tog sgrub tshad bla ma'i rnal 'byor yin pas bla ma'i
rnal 'byor gyi dmigs pa gzhan nas tshol mi dgos/ bla ma de bsten tshul
legs nyes ji ltar byas pa bzhin phan yon brgyad dang

nyes dmigs rnams so sor 'byung/ bsten pa'i tshe yang bla ma sangs
rgyas yin par rdo rje 'chang gis bzhed pa sogs sa bcad rnams bkram
nas dpyad sgom byas te lung rigs kyis bsgrub dgos/ dpyad sgom 'di
med thabs med kyang bod 'dir dpyad sgom

sgom du mkhyen pa rje tsong kha pa tsam yin/ tshig gi steng nas yid
bshar byed pa bshar sgom dang/ sa bcad rnams 'di dang 'di'o snyam
nas 'dren pa lta bu ni grangs 'dren byas pa yin/ dpyad sgom ni bsgrub
bya re zhe phugs su rtsa bar bzhag ste de la lung

@07b rigs mang pos dpyad pa byas pa de dpyad sgom yin/ de yang dper
na rang cag gis chags yul sogs yang yang yid la byed pa de dpyad
sgom dang/ de la brten nas chags sogs nyon mongs pa shugs can
skyes pa de myong ba thon pa red/ de kha phar bslog nas bla ma
sangs rgyas

yin par rdo rje 'chang gis bzhed pa sogs la rim gyis dpyad sgom byas
na rtogs pa'i nyams myong myur du skyes pa 'ong/ lam gtso'i skabs
'dir bshes gnyen bsten tshul tshig 'dis bstan pa yin/ rje/ btsun/ bla ma
zhes pa gsum skyes bu chung/ 'bring/

chen po gsum la sbyar tshul yang yod/ gnyis pa rtsom par dam bca'
ba ni/ rgyal ba'i gsung rab kun gyi snying po'i don/ /rgyal sras dam
pa rnams kyis bsngags pa'i lam/ /skal ldan thar 'dod rnams kyi 'jug
ngogs de/ /ji ltar nus bzhin bdag

gis bshad par bya/ /zhes pas bstan te/ rgyal ba'i gsung rab kun gyi
snying po'i don gyi gtso bo nyams su len bya de lam gtso rnam gsum
mam lam gyi rim pa 'di yin/ rgyal ba'i gsung rab thams cad lam gyi
rim pa gcig tu dril te gang zag gcig

gis nyams su len byar yod pa ni byang chub lam rim 'di kho na las/
gzhan sa dge rnying gsum sogs kyi mdo sngags zur pa gang la'ang
med de/ gung thang 'jam pa'i dbyangs kyis/ drang nges gsung rab ma
lus 'gal med du/ /zhes sogs dang/

rje thams cad mkhyen pas bla ma dbu ma par phul ba'i chab shog las
kyang/ sems dpa' chen po dpal mar me mdzad ye shes kyi gdams pa
byang chub lam gyi rim pa'i mtshan nyid dang sngags kyi theg pa'i lam
gyi rim pa phyin ci ma log par gtan la phab pa nyid ya

@08a @#/ /mtshan par mthong nas slob ma bkri ba'i rim pa rnams de kho
na'i steng nas byed kyin yod/ gdams ngag de yang gsung rab dgongs
'grel gyi bstan bcos man ngag mtha' dag lam gyi rim pa gcig tu dril
nas ston par snang

bas 'chad shes pa dang/ nyan shes pa gnyis kyis bshad cing nyams su
blangs na man ngag chang [@#chung] chung du ma zad gsung rab
mtha' dag gi gung 'grig nas 'ong bar snang bas 'khrid kyi rnam
grangs mang po ston pa ma byas/ zhes gsungs pa red/ de'i phyir

lam rim 'di 'chad nyan tshar gcig byas pas kyang 'dzam gling na yod
pa'i gsung rab po ti yongs rdzogs kyi snying po bton nas 'chad nyan
byas pa yin/ de yang rgyal ba'i gsung rab thams cad sde snod gsum
du 'du/ de lam rim gyi skyes bu gsum gyi lam du 'du/

de lam rim mdor bsdus re'i nang du'ang cha tshang 'du bas na 'jam
mgon tsong kha pas kyang/ gsung rab kun gyi snying po bsdu bsdu
ba/ /zhes sogs dang/ bshes gnyen 'brom ston pas/ ngo mtshar bka' ni
sde snod gsum po ste/ /gdams pa skyes

bu gsum gyis mdzes pa yi/ /bka' gdams rin chen gser gyi phreng pa ni/
/'gro ba gang gis bgrangs kyang don yod yin/ /zhes gsungs/ des na
lam rim 'di ni gsung rab gzhan dang gzhan las khyad chos gsum
dang che ba bzhi'i sgo

nas khyad par du 'phags pa yin pas khyad chos 'di lta bu ni dpal
gsang ba 'dus pa dang bstan bcos mngon rtogs rgyan sogs la'ang
med/ 'di la go ba legs po zhig chags na tstsha khang nang gi yi ge
shog gyar gcig tshun kyang nyams su len byar go nus pas phar

@08b gsung rab sgo brgya 'byed pa'i 'phrul gyi lde mig lta bu dang/
tshur gsung rab thams cad 'dir 'dus pa yin/ bstan pa yongs rdzogs la
go ba chags pa'ang de lta bu la bya ba yin pas thub bstan yongs
rdzogs kyi bdag po zhes pa yang gsar rnying

ban bon gyi grub mtha' yongs rdzogs bsres nas nyams su len pa zhig
la mi bya/ de yin te/ thu'u bkwan d+harma badzra pa'i zhal nas kyang/
gsar rnying thams cad gcig tu bsres pas gnyis ka'i gral du mi chud
pa dang/ zhes gsungs pas kyang shes pa yin/

lam gyi rim pa 'dir gsung rab thams cad 'dus lugs kyang sde snod
gsum gyi brjod bya bsdus nas bstan pas gsung rab thams cad kyi
gnad 'dus pa yin/ lam rim 'di lha bla ma byang chub 'od kyis jo bo la
bstan pa spyi la phan pa'i chos shig gnang bar

gsol ba btab pa na jo bos byang chub lam sgron gsungs te de nas
bzung lam gyi rim pa'i mtshan gyi tha snyad gnang ste dar rgyas su
byung ba las/ jo bo dang rje tsong kha pas gsar bzo mdzad pa gtan
min par dus gsum gyi sangs rgyas thams cad

gshegs pa'i gzhung lam yin te/ sher phyin mdo sdud pa las/ rgyal ba
'das dang ma byon da ltar gang bzhugs pa/ /kun lam pha rol phyin
pa 'di yin gzhan ma yin/ /zhes gsungs/ lam rim zhes pa'i mtshan gyi
khungs kyang 'di yin/

de ltar na lam rim 'di bod spyi'i chos yin yang/ kha cig dge ldan pa'i
sger chos su 'dod de 'di la mi mos pa ni rang rang bsod nams kyi
bsags rgyab chung bas lan pa red/ der ma zad sangs rgyas thams cad
gshegs sa'i shul lam de la zhugs

@09a @#/ /na sangs rgyas thams cad kyis brnyes pa'i go 'phang der slebs
te 'ong/ gzhan du na sangs rgyas sogs sngar dam pa rnams kyis ma
thob pa'i sa lam khyad mtshar zhig tu slebs pa las 'os med/ rang cag

la de lta bu'i gol sar shor dogs med par lam gyi rim pa 'di lta bu
nyams su len byar yod pa ni jo bo dang rje tsong kha pa chen po'i
bka' drin yin/ chos shig byed bsam pa tshos lam ma nor ba 'di lta bu la
slob dgos pa las khyi'i kha zas bzhin du

gang byung byung bya ba mi rigs te/ 'jam mgon sa paNDi tas/ rta dang
nor bu la sogs pa'i/ /cung zad tsam gyi nyo tshong la/ /kun la 'dri
zhing brtag nas dpyod/ /tshe 'di'i bya ba cung zad la'ang/ /de 'dra'i 'bad
pa byed par mthong/ /skye ba

gtan gyi 'dun ma ni/ /dam pa'i chos la rag las kyang/ /chos ni khyi yi
zas bzhin du/ /bzang ngan gang du'ang mi dpyod par/ /gang 'phrad
de la gus par 'dzin/ /zhes gsungs/ de yang dper na tshe 'di'i bya ba nyo
tshong lta bu cung zad re la'ang

thabs sna tshogs kyis gzhan la'ang dris/ rang gis kyang brtag dpyad
nan tan byed kyang/ de ji tsam 'phyug na'ang tshe phyi mar phan
gnod gang yang mi 'byung/ chos nor ba zhig dang 'phrad na skye ba
gtan gyi 'dun ma 'phyug 'gro /spyir dben pa'i

gnas su sgrub pa byed lo byas kyang gdams ngag tshang la ma nor ba
la nyams len rdo rus thug pa zhig byed pa med na/ phal cher ngal
ba don med nyid las ma 'das pa yin te/ rje mid las kyang/ don snyan
brgyud kyi gdams pa mi bsgoms na/ /gnas

@90b ri khrod bzung yang rang sdug yin/ /zhes gsungs/ sngar gyi lo
tsA ba chen po dag gis kyang dka' spyad du mas thag ring rgya gar
gyi yul nas chos tshad ldan bod 'dir gdan drangs pa yang bod kyi
chos log de tshos go ma chod pa red/ des na chu 'go'i phugs gangs

la thug dgos pa bzhin du rang gis nyams su len bya'i chos kyi thugs
de yang ma nor ba bstan pa'i bdag po ston pa sangs rgyas la thug pa
zhig dgos/ chos khungs med la lo stong du sgrub pa byas kyang
rtogs pa tshad ldan sne gcig mi skye ste/ mar 'dod nas chu

bsrub pa dang 'dra ba yin/ de ltar na nyams su len bya'i chos de ston
pa sangs rgyas kyis gsungs pa/ paNDi tas bar du log chos kyi skyon
zhugs ma zhugs rtsod pas gtan la phab ste skyon bsal ba/ grub pa'i
dbang phyug rnams kyis thos bsam sgom gsum mdzad

de rtogs pa thugs rgyud la 'khrungs/ de nas rim gyis brgyud pa bcas
khyad chos de gsum dang ldan pa zhig dgos/ de byung na chos tshad
ldan yin pas rang gi snying rus dang nyams len gyis phar ma bslus
na chos kyis tshur bslu dogs mi dgos/ de ni lam rim 'di yin te/

sangs rgyas kyi gsung rab kun gyi rab dang mchog sher phyin gyi
mdo sde rin po che yin la/ de'i dngos bstan zab mo'i don rnams lam
rim du zab mo'i lam gyi rim par bsdus/ sher mdo'i rgya che ba'i don
rnams rgya che ba'i lam rim du bsdus nas bstan pas nyams su

len bya'i chos tshang la ma nor ba ni byang chub lam gyi rim pa 'di
kho na yin pas chos nyams len zhig 'ong du re ba rnams kyis ni nges
par lam rim 'di la 'jug dgos/ 'ga' zhig pha ma rigs rus sogs kyi zhen
khog blos mthongs pas bon la sogs pa'i log chos kyis

@10a @#/ /bslus pa ni 'di phyi'i don chen po rlung la bskur ba red/
mkhas grub khyung po rnal 'byor yang dang po bon yin/ rjes su bon
chos kyi khungs phyin ci log tu gzigs te sngags rnying ma la zhugs/
de la yang skyon yod par

mkhyen nas rgya gar du phebs/ sngags gsar ma la sbyangs pa mthar
phyin pa mdzad de grub pa thob pa red/ sa chen kun snying sogs
gzhan yang de ltar mdzad pa mang du yod/ rgyal sras dam pa thams
cad kyis bsngags pa brjod cing de rnams gang nas gshegs

pa'i lam bzang po ma nor ba/ ma 'khrul ba/ skal ba dang ldan pa'i
gang zag thar pa 'dod pa rnams kyi 'jug ngogs te 'jug pa'i sgo dam pa/
de lta bu'i lam gyi gtso bo rnam pa gsum po de ji ltar nus bzhin bdag
gis bshad par bya zhes

gsungs/ ji ltar nus bzhin zhes pa ni spyir btang la rje rang nyid kyis
khengs skyungs pa'i tshig dang/ don du 'dir tshig nyung ngu zhig gi
nang du don rgya gang che zhig 'chad gang thub mdzad ces gsungs
pa yin/ yang na de'i 'grel lugs gcig

la rgyal ba'i gsung rab ces sogs tshig rkang dang pos ni mtshan brjod
las/ theg pa gsum gyis nges 'byung la/ /theg pa gcig gis 'bras bur gnas/
/zhes pa ltar sangs rgyas kyis drang don du theg pa gsum gsungs pa
de nges don mthar thug la

ltos te theg pa gcig tu gnas shing/ de bzhin du rgyal ba'i gsung rab
thams cad gdul bya'i rgyud la mthar thug gi nges 'byung skyed pa'i
thabs su gsungs pas/ thog mar 'khor ba las yid 'byung nas thar pa
thob 'dod kyi blo skye ba yang nges

@10b 'byung gis bskul te skye bas na 'dir yang thog mar nges 'byung
gi bsam pa bstan/ rgyal sras dam pa sogs tshig rkang gnyis pas ni/
rgyal dang rgyal sras rnams kyis thugs dam gyi mthil du mdzad
cing bsngags pa brjod pa/ theg pa chen po'i lam gyi srog

shing lta bu byang chub kyi sems bstan/ skal ldan thar 'dod sogs
tshig rkang gsum pas ni thar 'dod kyi gdul bya rnams kyi 'jug ngogs
gcig pu yang dag pa'i lta ba bstan/ de yang thar pa thob pa la 'khor
ba'i rtsa ba ma rig pa gcod dgos/

de gcod pa la bdag med rtogs pa'i shes rab skye dgos/ de skye ba la
yang dag pa'i lta ba ma nor ba zhig dgos/ yang dag pa'i lta ba ni zhi
ba myang 'das thob pa'i sgo gcig pu yin/ de yan gyis yang dag pa'i lta
ba bcas lam gtso gsum

bshad par dam bca' mdzad pa yin/ bshad par dam bca' ba 'dis slob
dpon daNDI'i dgongs pa ltar/ gzhung dngos kyi brjod bya'am bshad
bya'i lam gyi lus yongs su rdzogs pa'i ngo bo tshang ma 'di'i nang du
bsdus nas gsungs pas na ngo bo nges par

bstan pa'ang yin gsungs/ gsum pa nyan par bskul ba ni/ gang dag srid
pa'i bde la ma chags shing/ /dal 'byor don yod bya phyir brtson pa
yis/ /rgyal ba dgyes pa'i lam la yid rton pa'i/ /skal ldan de dag dwang
ba'i yid kyis nyon/ /zhes

pas bstan/ de yang gang dag srid pa'i bde ba la yid skad cig kyang ma
chags par thar pa thob 'dod can dal 'byor thob pa don yod bya
phyir rten las snying po len par 'dod pa rnams kyis ni lam log dang/
lam gol dang/ lam gyi yan lag

@11a @#/ /gam cha shas tsam ma yin par sangs rgyas kyang thugs dgyes
pa'i bzhed pa mthar thug lam ma nor ba/ ma gol ba/ cha tshang ba
zhig la slob dgos/ de lta bu'i lam la slob par 'dod pa'i slob ma de
yang

bzhi brgya pa las/ gzur gnas blo ldan don gnyer ba/ /nyan po snod
ces bya bar bshad/ /ces gsungs pa ltar gyi mtshan nyid dang ldan pa'i
slob ma chos la yid rab tu rton pa'i skal ldan gyi gdul bya rnams
kyis nyan tshul 'gal rkyen snod kyi skyon gsum

dang bral zhing/ mthun rkyen 'du shes drug bsten pa'i sgo nas
dwang ba'i yid kyis nyon zhes nyan par bskul ba'o/ /yang 'di'i don
'grel tshul gcig la/ gang dag srid pa'i bde la ma chags shing/ /zhes pa
nges 'byung dang/ dal 'byor don

yod sogs ni byang sems te byang chub kyi sems la blo sbyangs na dal
'byor la snying po rab cig lon pa yin/ rgyal ba dgyes pa'i sogs ni lta
ba la sbyar dgos pa lam gtso'i gzhung nyid las/ gang zhig 'khor 'das
chos rnams thams cad

kyi; ;rgyu 'bras nam yang bslu ba med mthong zhing/ /dmigs pa'i gtad
so gang yin kun zhig pa/ /de ni sangs rgyas dgyes pa'i lam la zhugs/
/zhes gsungs so/ /de dag gis ni mchod brjod dang/ rtsom par dam
bca'/ nyan par

bskul ba rnams song/ lam rim che 'bring sogs ltar na rje btsun bla
ma rnams la phyag 'tshal lo/ /zhes pas chos khungs btsun par bstan
pa'i phyir mdzad pa po'i che ba dang/ rgyal ba'i gsung rab nas/ bshad
par bya/ /bar gyis chos kyi che ba

@11b dang; gang dag srid pa'i nas/ yid kyis nyon/ /bar gyis nyan bshad
ji ltar bya ba'i tshul rnams bstan pa yin/ bstan bcos spyi'i lus dngos
kyis gdams pa dngos kyis slob ma ji ltar bkri ba'i rim pa bstan pas/
gnyis pa bstan bcos

spyi'i lus dngos bshad pa la bzhi/ nges 'byung bshad pa/ byang chub
kyi sems bshad pa/ yang dag pa'i lta ba bshad pa/ nges pa rnyed nas
sgrub pa la bskul bar gdams pa'o/ /dang po la gsum/ nges 'byung
bskyed dgos pa'i rgyu

mtshan/ nges 'byung bskyed pa'i tshul/ de skyes pa'i tshad do/ /dang po ni/
rnam dag nges 'byung med par srid mtsho yi/ /bde 'bras don gnyer zhi
ba'i thabs med la/ /srid la brkam pa yis kyang lus can rnams/ /kun nas
'ching phyir thog

mar nges 'byung btsal/ /zhes pas bstan te/ rang cag 'khor ba las thar
bar byed pa la thar 'dod kyi blo skye dgos/ de ma skyes par 'khor ba'i
phun tshogs la chags na 'khor ba las thar thabs mi 'byung ba/ dper na
btson pa btson

khang nas thar 'dod dang thar ba'i thabs la ma 'bad na btson las
mi thar ba bzhin du 'khor ba las thar ba'i thabs la ma 'bad na 'khor
ba las thar ba'i dus mi 'byung zhing/ de las thar 'dod kyi blo skyes na
nam zhig 'khor ba 'di las thar ba zhig

'ong; de la sngon du 'khor bar 'khor tshul shes dgos pas/ zag bcas
nyer len gyi phung po'i rgyun yang nas yang du len pa ni 'khor ba
yin/ 'khor ba der gang gis bcings na las nyon gyis bcings/ gang du
bcings na nyer len gyi phung por

@12a @#/ /bcings pa yin/ de las thar bar byed pa la 'khor ba mtha' dag
sdug bsngal gyi rang bzhin can du mthong nas de la skyo shas
dang zhen log drag pos nges 'byung skye dgos/ nges 'byung rnam
dag cig med na

srid pa'i bde 'bras don du gnyer ba'i blo mi ldog pa'i steng du/ 'dir
brkam pa zhes pa sred pa'i ming ste srid pa'i bde ba la sred zhen gyi
blo skyes pa'i dbang gis lus can thams cad bcings na/ rang ci'i phyir
mi bcing ste 'ching bar byed pas na phyin chad

'khor ba las thar bar byed pa la thog mar nges 'byung rnam par dag
pa zhig btsal dgos pa yin/ 'di la skyes bu chung 'bring gnyis kyi lam
'du/ 'ga' zhig gi sems la 'tshang rgya ba la byang chub kyi sems ma
gtogs nges 'byung bsgom

pa mi dgos bsam mkhan yod kyang/ nges 'byung ni thar pa tsam thob
pa la yang nges par dgos bar ma zad/ de yang shugs drag po dgos te/
'jam mgon tsong kha pa chen pos/ bsam pa 'di sha ra ba gsung ba
ltar/ sing skyur la btab pa'i phye

bzhin kha na phar yam me ba zhig las mi 'dug na/ 'khor ba'i rgyu kun
'byung la mi 'dod par blta ba yang de 'dra zhig las mi 'ong/ de ltar
na sdug kun 'gog pa'i 'gog pa thar pa don du gnyer ba yang de dang
'dra/ de'i phyir thar pa'i

lam la sgrub pa byed par 'dod pa yang tshig tsam du 'gro zhing/ sems
can gzhan 'khor bar 'khyams pa'i sdug bsngal mi bzod pa'i snying rje
yang 'ong sa med la/ bla na med pa'i byang chub kyi sems ma bcos pa
yid skul bar byed nus pa'i shugs

@12b can yang mi skye bas/ theg pa chen po yang tshig rjes 'brangs pa'i
go ba tsam du 'gyur ba yin no/ /zhes gsungs pa ltar byang chub kyi
sems rgyud la skye ba la sngon du sems can sdug bsngal gyis mnar
ba la mi bzod pa'i snying rje skye dgos/ de skye ba la rang steng du
sbyar

nas nges 'byung ma skyes na gzhan steng du bsgom pa'i snying rje
skye thabs med/ jo bo chen pos kyang/ byams pa dang snying rje
sbyong mi shes pa'i byang chub sems dpa' bod kyis shes gsungs nas
bka' bkyon pa'i tshul mdzad pa yang don 'di la dgongs

pa yin gsungs/ gnyis pa nges 'byung bskyed pa'i tshul la gnyis/ tshe 'di'i
snang shas ldog tshul dang/ phyi ma'i snang shas ldog tshul lo/ /dang
po ni/ dal 'byor rnyed dka' tshe la long med pa/ /yid la goms pas tshe
'di'i snang shas

ldog ;ces pas bstan/ rang tshe 'di la su las lhag pa'i lto gos snyan
grags sogs phun sum tshogs pa zhig byung na snyam du tshe 'di'i bde
skyid dang khe grags 'dod pa 'di tshe 'di'i snang shas red/ chos byed
pa la tshe 'di'i snang shas ldog pa zhig

dgos/ de ldog pa la dal 'byor don che rnyed dka' dang 'chi ba mi
rtag pa gnyis bsam na tshe 'di'i snang shas log ste tshe 'di blos thongs
pa zhig 'ong/ rang res da lta chos ma byas na lta ci/ byas kyang
chos su mi 'gro ba 'di tshe 'di'i snang shas ma ldog pas

lan pa yin/ blo sbyong zhen pa bzhi bral las kyang/ tshe 'di la zhen na
chos pa min/ /'khor ba la zhen na nges 'byung min/ /zhes gsungs pa
red/ chos dang chos ma yin pa'i sa mtshams dang/ chos gsha' ma yin
min tshe 'di blos thongs ma

@13a @#/ /thongs la byed/ chos kha ton byed pa dang 'jig rten gnyis
mnyam du 'ong yang/ chos tshe 'di blos btang ba dang 'jig rten tshe 'di
lhur len pa gnyis mnyam du mi 'ong bas chos dang 'jig rten gnyis
zung 'brel du 'ong

thabs med pa yin/ de la dgongs nas dge bshes 'brom rin po ches
kyang btsun pa zhig la/ jo bo bskor ba byed pa yang glo ba dga' ste/
de bas kyang chos shig rang byas na dga' zhes sogs phyag dang kha
ton dgom pas thams cad la de ltar gsungs pa na des

chos ji ltar yin ma shes par 'o na chos ji ltar bya ba zhus pas/ tshe 'di
blos thongs shig ces lan gsum gyi bar nan tan du gsungs pa yin/ bka'
gdams pa'i dge bshes zhang sna chung ston pas/ jo bo la chos zhus
kyang tshe 'di blos thongs/

byams snying rje byang chub kyi sems bsgom bya ba re las mi gsungs
byas pas/ de 'brom gyis gsan nas de ga jo bo'i gdams ngag gi mthil
phyung ba yin pa la/ zhang lta bus kyang chos zhu mi mkhyen pa
gsungs/ rjes su khong gis kyang chos byed pa la

tshe 'di blos gtong ba 'di rang gal che gsungs pa yin/ de la rgyas par
na 'jig rten chos brgyad dang/ de dag tshur bsdu na tshe 'dir zhen pa'i
lto gos gtam gsum du 'du bas 'di gsum blos btang dgos/ 'di gsum gyi
nang nas kyang

gtam 'di sdug shos yin te/ mkhas pa dang btsun pa dang sgom chen
phal che bas kyang lto la gyong bskur nas me tog bcud len dang
rde'u bcud len tsam gyis 'tsho bar byed/ gos la gyong bskur nas sdug
tshal bem po gyon/ sgal pa brag la sbyar/ bug

@13b sgo 'dag sbyar byas te mtshams bsnyen sgrub la bzhugs kyang/
sems kyi gting de nas lung pa'i mi kun gyis nga mtshams pa sgom chen
bzang po zhig red zer du re ba'i gtam snyan grags 'dod/ mkhas pa
paNDi ta dang dge slong tshul khrims rnam dag kyang de bzhin du

bslu ba mang ste/ rje 'gro ba'i mgon pos/ mtshams bcad ya them yi ge
bris/ /mi dang mi 'phrad sgom chen yang/ /tshe 'di'i sgom chen bzang lo
'dod/ /ces dang/ rnam rtog mi dran dgu dran 'dis/ /ci byed rnams la
'dis slebs pas/ /dge sbyor ci

byas lo lor 'chor/ /thams cad lo pa'i rta pas khyer/ /des na tshe 'di'i
rnam rtog la/ /mdung re 'debs dgos skyes bu kun/ /'di la mdung re ma
thebs na/ /mkhas btsun ston sgom thams cad kyis/ /ngan song gsum
gyi sgo mi khegs/ /zhes dang/

mnga' ris pa chen pos/ rang gis byas pa'i chos thams cad tshe 'di'i che
thabs 'di don du gnyer bar song ste/ des rang gi nga rgyal phrag
dog zhe sdang 'dod pa rgyas par byed pa'i kun 'byung 'khor ba'i
rgyur song bas/ chos byas snyam tsa na des ngan song du bskyur

bas; sdig pas ngan song du song ba dang khyad med/ ces gsungs pa
red/ des na bshes springs las/ 'jig rten mkhyen pa rnyed dang ma
rnyed dang/ /bde dang mi bde snyan dang mi snyan dang/ /bstod smad
ces bgyi 'jig rten chos brgyad po/ /bdag gi

yid yul min par mgo snyoms mdzod/ /ces dang/ grub chen gling ras
pas kyang/ 'khor ba rnam rtog gi grong khyer na/ /'jig rten chos
brgyad kyi ro langs rgyu/ /dur khrod 'jigs su rung ba zhig de na
gda'/ /bla ma ro snyoms shig mdzad na de ru

@14a @#/ /mdzod/ /ces gsungs pa ltar rnyed bkur byung na dga'/ ma
byung na mi dga' ba dang/ bde ba byung na dga'/ ma byung na mi dga'
ba/ snyan grags byung na dga'/ ma byung na mi dga' ba/ bstod ra
gtong mkhan

byung na dga'/ smad ra byed mkhan byung na mi dga' ba ste 'di
brgyad la 'jig rten chos brgyad ces zer ba yin/ chos byed pa la 'jig
rten chos brgyad 'di mgo snyoms pa dgos/ mkhas btsun ston sgom
su yin yang 'jig rten chos brgyad dang 'dres te

chos zab zab mo ji 'dra zhig byed khul byas kyang snying po med de/
rgyal ba rgod tshang pa'i slob ma yang dgon pa'i zhal nas/ chos
rdzogs pa chen po yin pas mi phan/ gang zag rdzogs pa chen por
'gro dgos/ chos skad la rta ri ba mang po byas nas gang zag

la khyi mi ri ba mang po mthong/ chos tshig rkyang du song nas lag
len la mi 'debs pa de ne tso'i 'don pa dang khyad med/ sems dang
chos kyi phye chu ma 'dres par chos dang gang zag gi bar na har ba
mi shong ba tsam byas/ chos glo ba'i tshod ma bzhin kha

la ca le byas pa des chos kyi dgos don ma 'grub pa lags mod/ ngas ni
tshe blos gtong ba la sgrub ba'i mthil du byas pa yin no skyes bu kun/
zhes gsungs pa ltar yin/ de'i phyir tshe 'di'i chos brgyad blos ma
thongs na chos 'ong rgyu phar bzhag /ngan song gi

skye sgo tsam yang khegs par dka'/ chos byed pa la 'jig rten chos
brgyad mgo snyoms/ tshe blos gtong ba'i man ngag bka' gdams phugs
nor bcu nyams su len dgos/ phugs nor bcu zhes pa gtad pa bzhi/ rdo
rje gsum/ bud snyegs thob gsum ste

@14b bcu yin/ gtad pa bzhi ni/ blo phugs chos la gtad/ chos phugs
sprang la gtad/ sprang phugs shi la gtad/ shi phugs grog po skam po
la gtad pa dang bzhi/ rdo rje gsum ni/ thebs med rdo rje sngon la
btang/ khrel med rdo rje rjes la bzhag /

ye shes rdo rje rang dang 'grogs pa dang gsum/ bud snyegs thob
gsum ni/ mi gral nas bud/ khyi gral bsnyegs/ lha gral thob pa ste
gsum mo/ /de yang blo phugs chos la gtad pa ni/ da res rnyed dka'
don che'i dal 'byor gyi rten bzang po lan

gcig tsam rnyed pa 'di yun ring por mi gnas par 'chi bar nges shing
nam 'chi cha med pa dang/ 'chi ba'i tshe yang dam pa'i chos kho na ma
gtogs tshe 'di'i rnyed bkur snyan grags sogs dpal 'byor longs spyod
ji tsam yod kyang cung zad tsam yang mi phan

par bsams nas chos byed pa yin/ chos phugs sprang la gtad pa ni/ 'o
na tshe 'di'i bde thabs ma bsgrubs par chos byas na chos kyi mthun
rkyen tsam yang med par sprang po byas mi yong ngam snyam na/
ngas chos kyi phyir du dka' ba spyad nas sprang po byas na'ang byas/

zas gos ngan ngon slong mo brgyab pa tsam gyis 'tsho bar byas nas
chos sgrub nus par byed snyam pa'o/ /sprang phugs shi la gtad ba ni/
ngas ca lag phran bu ma bsags par de ltar sprang po byas te chos
sgrub khul bgyis na mi tshe yang 'khyol thabs mi 'dug /

lto gos med par shi yong snyam pa byung na/ ngas tshe rabs snga ma
mang por chos kyi don du srog gtong ma myong ba la/ da res chos
bsgrubs nas shi thub na go bcad/ lar nas phyug po dang sprang po
tshang ma 'chi rgyu yin pa 'dra ba la/ phyug po yong rgyu'i don du

@15a @#/ /sdig bsags nas 'chi ba las/ chos la dka' ba spyad nas 'chi rgyu
byung na don chen po grub pas na/ chos kyi phyir du 'khyag ris shi
na'ang shi /ltogs ris shi na'ang shi snyam du chos blos mi gtong ba

yin; shi phugs grog po skam po la gtad pa ni/ rang la yo byad gtan
nas med na/ rang na ba dang/ rgas pa dang/ 'chi dus tshun chad la ga-
yog byed mkhan dang/ ro skyel byed tshun chad dgos snyam pa yang
tshe 'di'i phun tshogs la zhen pa yin/ rang

nyid lo rgas rgas bar du tshe ring por sdod pa'i nges pa gtan nas med
pas/ de bas chos bsgrubs nas rang la blta mkhan med par grog po
skam po'i nang du khyi shi ba ltar ro la 'bu brgyab kyang rung
snyam du gang la'ang ma chags par dben pa'i ri

khrod du chos sgrub pa yin/ thebs med rdo rje sngon la btang ba ni/
rang gis de ltar blos btang nas chos sgrub pa la/ pha ma nye 'brel
mdza' grogs la sogs pas ji tsam bshol btab kyang bshol thebs mi
thub par gnyen bshes brtse gdung che

ba snying dang 'dra ba rnams mya ngan dang bcas bzhin mig mchi
ma tsa re lus kyang yid rdo rje ltar mi 'gyur bas gdung sems dang
chags sems med par dben pa'i ri khrod du song nas chos rnam dag
byed pa zhig dgos/ khrel med rdo rje rjes la bzhag pa ni/

tshe blos btang nas 'gro ba na/ mi tshos kho sprang 'khyams tha chad
red zer ba sogs zhe khrel 'phya smod gang 'dra zhig byas kyang/
bzang po lha lta bu red zer na'ang zer/ ngan pa 'dre lta bu red zer
na'ang zer/ nga la khyad med/ tshe 'di pa'i mdza'

@15b bshes kyi ngo bsrung byed pa ni nyes pa mang po'i 'byung gnas/
chos sgrub pa'i bar chad yin snyam du blos btang ba zhig dgos/ ye
shes rdo rje rang dang 'grogs pa ni/ ji ltar brtsams pa'i dam bca' las
nam yang mi 'da' bar snying po med pa'i 'di snang gi bya

bzhag thams cad gtan du spangs te/ chos kyi bsam pa brtan pos tshe
dang sgrub pa snyoms par byed pa yin/ mi gral nas bud pa ni/ 'di
snang gi phun tshogs la dgrar bltas nas tshe 'di don gnyer can gyi
mtho dman su dang yang snang ba mi bstun par

smyon pa'i spyod pa ltar tshe 'di pa'i mi'i gral nas bud pa yin/ khyi gral
snyegs pa ni/ lto gos gtam gsum la gyong bskur/ chos kyi phyir du
bkres skom ngal dub ji tsam byung yang bsran bzod par byed pa de
red/ lha gral thob pa ni/ dben pa'i

gnas su 'jig rten gyi bya bzhag thams cad blos btang ste sgrub pa
mthar bskyel ba na lha yi yang lha sangs rgyas kyi go 'phang tshe 'di
la thob pa yin/ de ltar blos btang nas chos sgrub na sprang por
song ste mu ges shi yong ba'i dogs pa bya mi dgos/ 'jig rten

pa ltogs nas shi ba srid kyang chos pa ltogs ris shi ba gtan nas mi
srid de/ ston pa thugs rje can mngon par rdzogs par sangs rgyas pa'i
tshe 'khor sgyur drug khri'i skye ba bzhes rgyu'i bsod nams lhag por
lus pa rnams ston pa'i rjes 'jug rnams kyi 'tsho

ba'i mthun rkyen du bsngos pa dang/ snying rje pad dkar du/ sangs
rgyas kyis thugs bskyed pa'i skabs su/ nga'i bstan pa la chos gos ngur
smrig sor bzhi 'chang ba la yang bza' btung bsam pa bzhin ma byung
na/ bdag gis sangs rgyas bslus pas sangs rgyas mi

@16a @#/ /thob par gyur cig /ces gsungs pa dang/ ma 'ongs pa na 'jig
rten na mu ge byung ste mu tig bre gang dang rtsam pa bre gang
brje dgos pa'i dus byung yang ston pa'i rjes 'jug rnams 'tsho bas mi
phongs par gsungs

pa dang/ khyim pa'i skye bo thams cad kun/ /sen mo'i steng du zhing
rmos kyang/ /nga yi rab tu byung ba rnams/ /'tsho bas phongs par mi
'gyur ro/ /zhes tshad ma'i bka' slu ba med pas mdo sde sogs las gsungs/
tshe blos gtong zhes pa'i blos gtong

rgyu'i gtso bo 'di snang chos brgyad kyi zhen pa de blos thong ba
dgos/ de thongs na yo byad thams cad gtor nas sprang po byed pa
zhig nges par mi dgos te/ dam pa tshos tshe blos thongs pa'i tshad la
rgyal mchog bskal bzang rgya mtsho dang/ paN chen blo bzang

ye shes sogs 'jog par mdzad pa yin/ gzhan yang bdag cag gi ston pa
thugs rje can gyis 'khor sgyur gyi rgyal srid spangs te rab tu byung
ba dang/ rgyal sras zhi ba lha dang/ jo bo chen po dpal ldan a ti
sha sogs kyang rgyal srid spangs

te rab tu byung/ rje tsong kha pa chen pos kyang slob ma sde snod
'dzin pa stong phrag la nye ba sogs mig mchi ma dzar re bzhag ste
'jam dbyangs kyi bka' bzhin 'khor dag pa rnam brgyad tsam las med
par bya bral la gshegs pa dang/ de dus kyi rgya nag

gong mas gser yig pa dang tA zhin sogs ched du brdzangs te gdan
'dren zhus kyang gdan ma 'drongs pa dang/ dam pa de dag gis 'tsho
ba dka' thub dang bsod snyoms tsam la brten/ sgrub pa lhur mdzad
pa sogs kyang jo bo bka' gdams pa'i

@16b phugs nor bcu'i don phyag bzhes su mdzad pa red/ der ma zad/
tshe gcig lus gcig la sangs rgyas pa rgyal ba dben sa pa chen po'i
zhal nas/ sngon dus kyi mid la ras pa dang/ /da dus kyi blo bzang
don grub la/ /'phral chas kyi zas gos ma

gtogs pa/ /nor dngos po 'dzin pas dgos pa med/ /tshe gcig la sangs
rgyas bsgrub pa la/ /de 'dra'i spyod la legs gnas nas/ /chags sdang
spangs pa'i dben gnas su/ /dal 'byor la snying po len par shog /ces
dang/ rnal 'byor

gyi dbang phyug mid la'i zhal nas kyang/ bu snying nas lha chos bya
bsams na/ /dad pa zhig gting nas skyes pa na/ /tshe 'di la phyi mig mi lta
na/ /bden par nga phyir 'brang ba na/ /gnyen 'dun bdud kyi bshol
'debs yin/ /bden no ma snyam 'khri

ba chod/ /zas nor bdud kyi so pa yin/ /'dris shing ngan no 'dzin chags
spongs/ /'dod yon bdud kyi zhags pa yin/ /'ching bar nges so zhen pa
thongs/ /gzhon grogs bdud kyi bu mo yin/ /slu bar nges so khong
zon gyis/ /pha yul

bdud kyi btson ra yin/ /thar bar dka' yis myur du bros/ /lar thams cad
bzhag nas 'gro dgos na/ /dus da lta bzhag na don can lags/ /sgyu lus
kyi tho yor cis kyang 'gyel/ /dus da lta rten 'brel bsgrigs na legs/
/sems

kyi bya rgod cis kyang 'phur/ /dus da lta nam dpangs bcad na legs/
/mi nga zer de tsho nyan spyod na/ /bu khyod la lha chos kyi skal ba
yod/ /ces dang/ nga skyid pa gnyen gyis mtshor zhing/ /sdug pa dgra
yis ma tshor bar/ /ri khrod 'di ru 'chi

@17a @#/ /nus na/ /rnal 'byor bsam pa rdzogs pa yin/ /rgas pa grogs kyis
ma tshor zhing/ /na ba sring mos ma tshor bar/ /ri khrod x  rnal 'byor
x  shi ba mi yis ma tshor zhing/ /ro rul bya yis ma mthong bar/ /ri

khrod x  rnal 'byor x  sha rus sbrang mas 'jib pa dang/ /rtsa rgyus 'bu
yis za ba ru/ /ri khrod x  rnal 'byor x  nga sgo na mi rjes med pa dang/
/nang na khrag rjes med pa ru/ /ri khrod x  rnal 'byor x  ro la 'khor
mi med pa dang/ /shi na

du mi med pa ru/ /ri khrod x  rnal 'byor x  nga gar song 'dri mi med
pa dang/ /'dir song gtad so med pa ru/ /ri khrod x  rnal 'byor x  mi
med lung pa'i brag phug tu/ /sprang po shi ba'i smon lam 'di/ /'gro ba'i
don du thebs par shog/

thebs na bsam pa rdzogs pa yin/ /zhes gsungs pa red/ 'di dag kyang tshe
blos btang ba'i gsung mgur yin/ 'di snang gi chos brgyad blos gtong
ba'i man ngag gi snying po lta bu ni 'chi ba mi rtag pa bsgom pa nyid
yin kyang/ rang

cag gis dang por dal 'byor don chen rnyed dka' nas rim gyis blo
sbyang na gnad du smin pa yong/ rje thams cad mkhyen pa'i zhal nas/
dal ba'i rten 'di yid bzhin nor las lhag /'di 'dra rnyed pa da res tsam
zhig yin/ /rnyed dka'

'jig sla nam mkha'i glog dang 'dra/ /tshul 'di bsams nas 'jig rten bya ba
kun/ /sbun pa 'phyar ba bzhin du rtogs gyur nas/ /nyin mtshan kun tu
snying po len pa dgos/ /rnal 'byor ngas kyang nyams len de ltar
byas/ /thar

@17b 'dod khyed kyang de bzhin bskyang 'tshal lo/ /zhes gsungs pa
ltar 'jig rten chos brgyad blos btang ste sgrub pa nyams len gsha'
ma zhig yong ba la dal 'byor don che rnyed dka' dang/ 'chi ba mi
rtag pa gnyis kyi rtogs pa skye ba zhig dgos/ de skyes

na ri thams cad gser dang/ chu thams cad 'o ma/ mi thams cad rang
gi bran du gyur kyang mi mkho ba skyug nad can la btso zan byin
pa ltar zhen pa gting nas log pa zhig yong/ rtogs pa de yang thos
byung gzhan stobs kyis skyes pas mi chog par/

bsam byung rang stobs kyis skyes na gzhan du mi 'gyur bar brtan po
'ong ba yin/ de yang gzhung du/ dal 'byor rnyed dka' zhes pas dal
'byor ngos bzung ba dang/ don che ba bsam pa/ rnyed dka' ba bsam
pa rnams bstan/ dal ba ni mi khom pa

brgyad dang bral zhing chos byed pa la khom pa dang/ 'byor pa ni
rang mir skyes shing sangs rgyas kyi bstan pa'i sgor zhugs pa sogs
chos sgrub pa'i phyi nang gi mthun rkyen rang la tshang ba'am ldan
pa/ lus rten 'dir phyi ma'i don sgrub pa nas sangs rgyas kyi go 'phang

sgrub pa man chad rang lag na yod pas don che ba/ rnyed dka' ba
la gsum las rgyu'i sgo nas dal 'byor thob pa'i rgyu tshul khrims rnam
par dag pa bsrung ba sogs dkon pas 'bras bu dal 'byor gyi rten rnyed
dka'/ ngo bo'i sgo nas spyir ngan 'gro las bde 'gro

nyung; 'gro ba gzhan las mi nyung/ mi'i nang nas 'dzam bu'i gling pa
nyung/ 'dzam bu gling pa'i nang nas kyang dal 'byor thob pa shin tu
nyung bas rnyed dka'/ dpe'i sgo nas gser gyi gnya' shing bu ga gcig
pa zhig rgya mtsho chen po'i khar rgya

@18a @#/ /mtsho'i rlabs kyis phyogs kun tu khyer ba la/ rus sbal long ba
gcig rgya mtsho'i gting du gnas pa lo brgya re'i mtshams nas rgya
mtsho'i khar mgo rdog tsam du lan re 'ong ba'i mgrin pa gnya' shing
gi bu ga

dang 'phrad pa srid mtha' tsam yin pa bzhin du sangs rgyas kyi bstan
pa 'jig rten gyi khams gzhan dang gzhan du res kyis dar ba la/ rang
ma rig pas mig ldong ste 'khor ba'i rgya mtsho'i gting du gtan sdod
byas kyang da res dal 'byor gyi mi lus

thob pa ni ches rnyed par dka' ba srid mtha' tsam zhig rnyed pa yin/
de ltar dal 'byor don che zhing rnyed par dka' ba lan cig tsam
rnyed pa'i skabs 'dir snying po khyad par can zhig nges par len dgos
pas de ni theg pa chen po'i chos nyams su

len pa kho na yin/ de yang da lta nyid nas ma blangs na ring por mi
thogs par 'chi ba mi rtag pa 'ong/ 'chi ba dran pa'i blo de yang rang
gar 'chi ba 'ong lugs shes pa tsam dang bsam pa tsam gyis 'chi ba
gsha' ma dran pa zhig 'ong dka' bas blo

zhib tu sbyong ba dgos/ gzhung 'dir yang tshe la long med ces pas
'chi ba dran tshul bstan pa yin/ de la 'chi ba dran pa'i phan yon/ ma
dran pa'i nyes dmigs/ 'chi ba dran tshul dngos kyi rtsa ba gsum dang/
rgyu mtshan dgu/ thag bcad pa gsum/ 'chi

ba'i rnam pa bsgom pa rnams yun bsring ste sbyang na 'chi ba dran
pa'i blo rnal ma skyes te tshe 'di'i snang shas ldog pa zhig 'byung/ 'chi
ba mi rtag pa dran pa'i bsam byung gi blo nam rgyud la skyes pa na
chos dge sbyor gyi rkang tshugs zhes pa de byung ba yin/ 'chi

@18b ba sgom tshul dang/ 'og nas 'byung ba'i skyabs 'gro las 'bras la
sogs pa'i rnam gzhag rgyas pa ni byang chub lam gyi rim pa'i khrid
las byung ba ltar shes dgos/ gzhung 'dir ngan song gi sdug bsngal
bsam pa dang/ skyabs 'gro'i chos skor rnams tshig zin la dngos su ma

gsungs kyang/ shugs la bstan pa yin gsungs/ gnyis pa phyi ma'i snang
shas ldog tshul ni/ las 'bras mi bslu 'khor ba'i sdug bsngal rnams/
/yang yang bsams pas phyi ma'i snang shas ldog /ces pas bstan te/
rang phyi mar tshangs pa brgya byin dang 'khor sgyur lta bu'i lus
longs spyod sogs

gnas dang yo byad phun sum tshogs pa'i bde skyid bzang po zhig
byung na snyam pa ni phyi ma'i snang shas yin/ kun slong sems can
gyi don bya rgyu'i bsam blo med par/ dag zhing du skyes na sdug
bsngal mi myong bas rang skyid pa 'ong snyam pa tsho yang phar

ded na phal cher phyi ma'i snang shas kyi dbang du 'gro tshod snang/
lam rim du skyes bu chung ngu'i las 'bras kyis tshe 'di dang/ 'bring gis
phyi ma'i snang shas ldog tshul gsungs kyang/ lam gtso 'dir dal 'byor
dang mi rtag pas tshe 'di dang/ las 'bras dang

'khor ba'i sdug bsngal bsam pa gnyis zung 'brel gyis phyi ma'i snang
shas ldog thabs su gsungs pa'i gnad gcig ni las 'bras phra zhing
phra ba yin pas 'khor ba las gtan nas ma thar na slar yang sdig pa'i
'bras bus 'khor bar 'khor bas dang/

gcig ni 'khor ba las ldog pa la ma rig pas kun nas bslangs pa'i las kyi
rigs mtha' dag ldog dgos pas de'i don du mdzad pa yin/ des na 'khor
ba las thar ba la dkar nag gi las 'bras la blang dor dgos/ de la
dang por las

@19a @#/ /'bras la yid ches dgos/ de la las 'bras bsam dgos/ bsam tshul
yang sangs rgyas kyis las nges pa'i tshul/ las 'phel che ba/ las ma byas
pa dang mi 'phrad pa/ byas pa chud mi za ba ste

las kyi tshul bzhi'i sgo nas gsungs pa rnams zhib tu bsam na las 'bras
la yid ches kyi dad pa skyes te blang dor lag len byed pa rang shugs
kyis 'ong ba yin/ lam rim du mi rtag pa'i rjes su ngan song gsum dang
skyabs 'gro'i skor

gsungs shing/ gzhung 'di'i yang dgongs pa ltar da res lam rim nas
kha bskang ste cung zad zhu na/ 'chi ba'i 'og tu rnam shes mar me shi
ba ltar med de mi 'gro bar skye ba zhig len dgos/ skye sa de yang
ngan 'gro dang bde 'gro gnyis

yin; de gnyis gang du skye rang la rang dbang med par las kyi rjes
su 'gro dgos pas dge bas bde 'gro dang mi dge bas ngan 'gror 'phen/
de yang las mi dge ba chen pos dmyal ba/ 'bring gis yi dwags/ chung
ngus dud 'gror skye/

las dge ba chen pos khams gong ma gnyis kyi lha/ 'bring gis 'dod pa'i
lha/ chung ngus 'dod khams kyi mir skye ba yin/ de ltar yang dpal
mgon klu sgrub kyis/ mi dge ba las sdug bsngal kun/ /de bzhin ngan
'gro thams

do; ;dge las bde 'gro thams cad dang/ /skye ba kun tu bde ba dag /ces
gsungs/ de ltar na rang re la dge ba ni stobs chung zhing mi dge ba
ni shin tu stobs che bas 'di ga'i ngang nas 'chi na ni phyi mar ngan
'gror skye ba thag chod/

@19b ngan song du skyes tshe dmyal ba pa la tsha grang btso bsreg la
sogs pa dang/ yi dwags la bkres skom ngal 'jigs la sogs pa dang/ dud
'gro la glen zhing gti mug pa dang/ bkol spyod la sogs pa'i sdug
bsngal bzod glags med/ de lta bu'i ngan

song du mi 'gro ba'i thabs su dkon mchog gsum la snying nas skyabs
bcol/ las 'bras kyi blang dor la tshul bzhin du 'bad dgos/ skyabs 'gro'i
bslab bya'i gtso bo yang las 'bras la blang dor byed pa 'di yin/ las
'bras 'di ma

bsrungs na ngan 'gror skye ba thag chod chod pa red/ de yang
rang cag phal che ba 'di chos rang gis ma shes pa gcig pus ngan
song du song ba min yang/ chos shes kyang lag tu ma blangs pa
dang/ las 'bras khyad du bsad pas ngan song du 'gro ba

ches mang ba yin/ las 'bras khyad du bsad na mkhas pa dang btsun
pa ji 'dra zhig yin kyang ngan song du 'gro  /las 'bras 'di la nan tan
ma byas na/ mkhas pa sde snod 'dzin pa dang/ grub pa thob pa'i rnal
'byor pa dang/ mngon shes dang rdzu

'phrul la mnga' brnyes pa yin kyang sdug bsngal myong dgos pa/
dper na dge slong legs skar gyi blor sde snod bcu gnyis dang/ lhas
byin gyi blor chos phung gcig yod pas kyang ma phan par dmyal bar
skyes pa de chos shes kyang nyams su ma blangs

pa dang/ las 'bras khyad du bsad pa dang/ las 'bras la dad pa ma
skyes pa las byung ba dang 'dra ste de lta bu'i sngon byung gi lo
rgyus ches mang du yod pa las shes/ des na 'dir las 'bras spyir bsam
pa la bzhi las/ rgyu dge ba byas pa'i

@20a @#/ /'bras bu bde ba kho na las sdug bsngal mi 'byung/ rgyu mi dge
ba byas pa'i 'bras bu sdug bsngal kho na las bde ba mi 'byung bas las
nges pa'i tshul/ rgyu dge sdig gnyis chung ngu re las ma byas kyang/
'bras bu bde sdug

gnyis ka shin tu stobs chen po 'byung bas las 'phel che ba/ rgyu dge
sdig gnyis ma byas na/ 'bras bu bde sdug gang yang mi myong bas las
ma byas pa dang mi 'phrad pa/ rgyu dge sdig gnyis bsags pa de dge ba
khong khro sogs kyis ma bcom zhing/

sdig pa gnyen pos ma bcom na las byas pa chud mi za ba yin/ de yang
dge sdig gnyis ka zhing gi sgo nas stobs che ba dang/ de bzhin du
bsam pa dang/ dngos po dang/ rten gyi sgo nas stobs che bar gsungs
pa rnams la yid ches kyi dad pa brtan po skyed de/

las 'bras phra zhing zab pa'i tshul rnams zhib tu bsams nas lag len
byed/ lag tu len pa na bsrung sa ni mi dge bcu spong gi steng nas
bsrung dgos/ 'jig rten pa'i yang dag pa'i lta ba zhes pa'ang 'di yin/ 'di
ser skya tshang mas nyams su

len dgos te/ 'jig rten pa zhes pa de khyim pa skya bo gcig pu la
gsungs pa min cing/ 'phags lam ma thob bar du tshang ma so so skye
bo yin pas so skye yin na 'jig rten pa yin pas khyab/ des na chos lag
len las 'bras nas bya dgos/

de yang lam gyi 'go bshes gnyen bsten tshul/ lam rim gyi 'go dal 'byor/
sgom gyi 'go kun slong/ chos lag len gyi 'go las 'bras nas tshugs pa
yin gsungs/ de'i phyir rang gi sgo gsum nyes pas ma gos pa byed/
brgya la gos na'ang

@20b bshags pas 'dag par byed dgos/ spyir las 'bras bsams pas phyi ma'i
snang shas ldog nus kyang/ gtso bo ni 'khor ba'i sdug bsngal bsam
pa 'di yin/ nges 'byung ni spyir dmyal ba yang sos pa'i sdug bsngal
bsgoms nas de la yid skrag pa

skyes pa na nges 'byung gi sne dang po skye yang/ nges 'byung gi
rtsal yongs su rdzogs pa ni 'khor ba'i phun tshogs la'ang zhen pa
log pa na rdzogs pa yin/ 'khor ba'i sdug bsngal bsam pa la spyir bsam
pa dang so sor bsam pa gnyis las/ 'jam dpal

zhal lung la so sor bsam pa sngon dang/ spyir bsam pa rjes su gsungs
shing/ bde myur la spyir bsam pa sngon dang/ so sor bsam pa rjes su
gsungs pa de re re la'ang gnad re yod/ da lam zhal lung ltar zhu
na/ skyabs 'gro dang las 'bras kyi

blang dor la 'bad pas ngan song las thar yang/ 'khor ba 'di las gtan
nas thar ba zhig ma byung na ngan song du skyes na ta a cang ste
bde 'gro'i rten bzang po zhig thob kyang sdug bsngal kho na las ma
'das te/ mi la skyes kyang skye ba'i sdug bsngal/

rga ba'i sdug bsngal/ na ba'i sdug bsngal/ 'chi ba'i sdug bsngal/ gnyen
sdug pa dang bral ba'i sdug bsngal/ dgra mi sdug pa dang phrad pa'i
sdug bsngal/ 'dod pa'i dngos po btsal kyang mi rnyed pa'i sdug
bsngal sogs dang/ lha ma yin du

skyes na 'thab rtsod dang/ phrag dog gis yid gdungs pa dang/ lus
bcad pa dang dral ba sogs kyi sdug bsngal/ lhar skyes kyang 'dod
lha la skyes na/ 'chi ltas phog pa dang gnas 'og mar ltung ba la
sogs pa'i sdug bsngal che zhing/ lha rnams @21a @#/ /kyang phal cher
shi nas ngan 'gror 'gro ste sngon dge ba bsags pa'i las bzang po
rnams ni lha'i bde skyid des 'dzad/ rten de la dge ba ni gsar du mi
gsog cing/ mi dge ba ni chags sogs nyon mongs

pa stobs chen yod pas des ngan song du 'phen pa yin/ khams gong
ma'i lhar skyes na sdug bsngal mngon 'gyur ba med kyang khyab pa
'du byed kyi sdug bsngal gyi rang bzhin can yin pa dang/ gnas pa la
rang dbang med pas nam zhig sngar gyi

las bzang po'i 'phen pa de zad/ las ngan pa zhig dang phrad nas
ngan 'gror 'gro /de ltar na 'khor ba'i phun tshogs ji ltar byung yang
yid gtan med pas mtho srid rtser skyes kyang dma' dmyal ba'i zangs
kha na yod pa dang khyad med pa yin/ sdug

bsngal spyir bsam pa la lam rim chen mor sdug bsngal brgyad bsam
pa dang/ drug bsam pa/ gsum bsam pa rnams gsungs kyang dang po
brgyad ni mi la sbyar/ phyi ma gsum mjug bsdu la gsungs pas/ des na
sdug bsngal drug

bsam pa la sdug bsngal drug ni/ nges pa med pa'i nyes pa/ ngoms pa
med pa'i nyes pa/ lus yang nas yang du 'dor ba'i nyes pa/ yang yang
nying mtshams sbyor ba'i nyes pa/ yang yang mtho dman du 'gyur ba'i
de/ grogs med pa'i de

bcas lam rim ltar yin/ 'jig rten 'di na 'dod pas mi ngoms pa 'di las
skyon che ba mi 'dug ces rgyal po nga las nus kyang zhal chems su
mdzad/ rang re rab byung rnams la klog pa thos bsam dang/ spong
ba bsam gtan te bya ba

@21b 'di gnyis las med/ spong ba zhes tshul khrims bsrung ba la bya/ 'di
gnyis las mi 'da' ba zhig byung na mkhas pa dang grub thob gnyis ka
'dzoms pa zhig 'ong/ 'di gnyis med na don mang ba/ bya ba mang ba
la shor nas chos gang

yang mi 'byung/ de yang 'dod chung chog shes ma bsten pa'i skyon
red/ 'dir sdug bsngal gsum gsungs pas/ zag bcas kyi tshor ba sdug
bsngal thams cad sdug bsngal gyi sdug bsngal dang/ zag bcas kyi
tshor ba bde ba thams cad 'gyur ba'i

sdug bsngal yin/ de ni dper na tsha bas gdungs tshe bsil ba dang/
grangs bas gdungs tshe dro ba dang 'gro sdod sogs la bde bar snang
yang/ de bde ba rang mtshan pa ste ngo bo nyid kyi bde ba ma yin te
de yin na da dung ji tsam bsten kyang bde ba che ru 'gro

dgos pa la de mi 'gro bar slar de las sdug bsngal 'byung ba de bde
ba rang mtshan pa min pa'i rtags red/ 'gyur ba'i sdug bsngal yang de
la zer/ rigs drug gang du skyes kyang so so'i nyer len gyi lus grub
tsam nas de dang de'i sdug

bsngal rang chas su yod pa ni khyab pa 'du byed kyi sdug bsngal yin/
nyer len gyi phung po 'di grub phyin chad tshe 'di'i skye rga na 'chi la
sogs pa'i sdug bsngal tshang ma yong sa'i rten byed/ tshe 'di phyi gnyis
kar sdug bsngal gyi sdug bsngal dang/ 'gyur ba'i sdug

bsngal gnyis 'dren byed kyi snod lta bur byed pas na/ zag bcas nyer
len gyi phung po'i skye ba len mi dgos pa zhig ma byung na tsher ma'i
mal du nyal ba ltar sdug bsngal kho na las med/ 'khor ba las thar
zhes pa yang lung pa gcig nas

@22a @#/ /gzhan zhig tu thar ba lta bu la mi zer gyi/ 'khor ba ni zag
bcas nyer len gyi phung po'i rgyun nam cha de la bya bas/ de bdag
med rtogs pa'i shes rab kyis rtsa ba nas rgyun bcad pa na 'khor ba
las thar ba

zhes zer ba yin/ des phyi ma'i snang shas ldog tshul bshad zin nas/
gsum pa nges 'byung de skyes pa'i tshad ni/ de ltar goms pas 'khor ba'i
phun tshogs la/ /yid smon skad cig tsam yang mi skye zhing/ /nyin
mtshan kun tu thar pa

don gnyer blo/ /byung na de tshe nges 'byung skyes pa lags/ /zhes pas
bstan/ de ltar mi rtag pa dang/ ngan song dang/ las 'bras dang/ bde
'gro'i sdug bsngal rnams bsams pas/ 'khor ba 'di las gtan nas thar pa
zhig ma

byung phyin lha'i bde skyid thob kyang sdug bsngal kho na las
snying po med par mthong ba ma zad tshangs pa brgya byin dang
'khor los sgyur ba'i rgyal po'i dpal 'byor la'ang yid smon skad cig
tsam yang mi skye zhing/ nyin mtshan kun tu zhes pa dper na/

sems khral chen po yod pa'i mi des mtshan mo gnyid nam sad res
kyang de lhang lhang dran pa ltar nam bsams kyang ngam ngam
shugs kyis thar pa don gnyer gyi blo bcos ma ma yin pa skyes pa ni
nges 'byung skyes pa'i tshad yin/ lam gtso 'dir

dal 'byor rnyed dka' nas nges 'byung gi bar gyi chung 'bring gi lam
rnams nges 'byung gi khongs su bsdu ba ni gzhung 'di'i khyad chos
red/ nges 'byung ni snying rje chen po'i rgyu thun mong ma yin pas
snying rje 'di 'ong ba la sngon du nges 'byung gi

@22b bsam pa bcos ma ma yin pa zhig skye dgos/ rang sdug bsngal gyis
mnar tshul bsams pas ba spu g.yo 'gul med pa zhig la sems can gzhan
sdug bsngal gyis mnar ba la mi bzod pa'i snying rje 'ongs med de/
spyod 'jug las; sems can de dag

rnams la sngon/ /rang gi don du 'di 'dra'i sems/ /rmi lam du yang ma
rmis na/ /gzhan gyi don du ga la skye/ /zhes gsungs/ de yang rang
steng du bsgom pa nges 'byung dang/ gzhan steng du bsgom pa
snying rje yin/ 'di skye ba la 'jam mgon tsong kha pa'i legs

gsung byang chub lam rim la thos bsam gyis zhugs te blo sbyang
dgos/ rang cag rnams chags sogs nyon mongs pa je 'phel du 'gro ba
'di skyes bu chung 'bring gi lam tsam la'ang blo ma sbyangs pa'i
skyon yin pas/ blo gros dang ldan pa rnams kyis mngon

shes dang/ rdzu 'phrul/ gnas sgo 'byed zer ba sogs bon dang mu
stegs pa lta bus kyang bya bar nus pa'i log chos la yid mi phyogs par
bstan pa spyi'i gnad lung sde snod gsum dang/ lam bslab pa gsum gyi
snying po bsdus pa ni byang chub lam rim 'di

yin pas 'di la thos bsam sgom gsum bya dgos/ lam gyi rim pa 'di la
zhugs na zhi gnas dang lam gtso rnam gsum/ sngags kyi rim pa gnyis
man chad 'khrul med cig rnyed de 'ong bas sangs rgyas kyi go
'phang thob pa'i re ba'ang 'di

nas byar yod/ snying rje chen po ma skyes na byang chub kyi sems
rgyud la skye thabs med pas snying rje chen po rgyud la skye ba gal
che gsungs/ gnyis pa la gsum/ sems bskyed dgos pa'i rgyu mtshan/ sems
de bskyed pa'i tshul/ sems de skyes

@23a @#/ /pa'i tshad do/ /dang po ni/ nges 'byung de yang rnam dag sems
bskyed kyis/ /zin pa med na bla med byang chub kyi/ /phun tshogs bde
ba'i rgyu ru mi 'gyur bas/ /blo ldan rnams kyis byang chub sems
mchog bskyed/ /

ces pas bstan te/ de lta bu'i nges 'byung gi bsam pa shugs drag yod
kyang/ dge ba gang byas thar pa'i rgyu las thams cad mkhyen pa'i
rgyur mi 'gro ste/ nges 'byung ni nyan rang la'ang yod pas so/ /des
na 'tshang rgya ba la thog mar lam gtso gsum

dang; de'i nang nas kyang byang chub kyi sems 'di skye dgos/ byang
chub kyi sems rin po che 'di med na mngon shes dang rdzu 'phrul
sogs ji tsam yod kyang theg chen pa'i gral du mi tshud cing/ sems can
thams cad srid zhi'i rgud pa mtha' dag las

dgrol ba'i byang chub kyi rgyur gtan nas mi 'gro bas phun tshogs bde
ba'i rgyur mi 'gyur/ nyan rang dgra bcom pa rnams la stong nyid
mngon sum du rtogs pa sogs yon tan gser gyi ri lta bu yod kyang
lam des 'tshang mi rgya ba ni byang chub kyi

sems med pas lan pa yin/ byang chub kyi sems 'di yod na/ spyod 'jug
dang/ 'jug pa/ dkon brtsegs sogs las gsungs pa ltar 'gro ba lha mi
dang bcas pas phyag bya ba'i 'os su 'gyur ba dang/ nyan rang rigs kyi
sgo nas zil

gyis gnon pa dang/ gang zag des dge ba tha na bya rog la zan
chang gcig sbyin pa tshun chad theg pa chen po'i chos su 'gro /sangs
rgyas ba'i rgyur 'gro /rgyal sras kyi spyod par 'gro /sems 'di yod pa'i
gang zag de la phyogs bcu'i sangs rgyas rnams

@23b kyis sras dang 'dra bar dgongs/ byang chub sems dpa' chen po
rnams kyis kyang spun dang 'dra bar dgongs pa yin/ der ma zad theg
chen la zhugs ma zhugs dang/ tshe gcig la 'tshang rgya mi rgya yang
byang chub kyi sems yod med la rag las pas sangs rgyas kyi

go 'phang 'dod na byang chub kyi sems la blo sbyong dgos pa yin
gsungs/ gnyis pa sems de bskyed pa'i tshul ni/ shugs drag chu bo bzhi
yi rgyun gyis khyer/ /bzlog dka' las kyi 'ching ba dam pos bsdams/
/bdag 'dzin lcags kyi dra ba'i

spubs su tshud/ /ma rig mun pa'i smag chen kun nas 'thibs/ mu med srid
par skye zhing skye ba ru/ /sdug bsngal gsum gyis rgyun chad med
par mnar/ /gnas skabs 'di 'drar gyur pa'i ma rnams kyi/ /ngang tshul
bsams nas sems mchog bskyed bar

mdzod/ /ces pas bstan/ de yang spyod 'jug las/ sems can rnams kyi
klad nad tsam/ /bsal lo snyam du bsam na yang/ /phan 'dogs bsam pa
dang ldan pas/ /bsod nams dpag med ldan gyur na/ /sems can re re'i
mi bde ba/ /dpag

tu med pa bsal 'dod cing/ /re re'ang yon tan dpag med du/ /bsgrub par
'dod pa smos ci dgos/ /zhes dang/ dpa' byin gyis zhus pa'i mdo las/
byang chub sems kyi bsod nams gang/ /de la gal te gzugs mchis na/
/nam mkha'i

khams ni kun gang ste/ /de ni de bas lhag par 'gyur/ /zhes sogs byang
chub kyi sems bskyed pa'i phan yon mtha' yas par gsungs pa ltar ma
sems can rnams sdug bsngal shugs drag pa 'dod pa'i chu bo/ lta ba'i
chu bo/ srid pa'i chu bo/

@24a @#/ /ma rig pa'i chu bo ste rgyu dus kyi chu bo bzhi dang/ skye ba/
rga ba/ na ba/ 'chi ba ste 'bras dus kyi chu bo bzhi'i rgyun gyi phyogs
su khyer zhing/ chu bo'i rgyun de'i nang du khyer yang rkang lag
rnams thag pas

bsdams pa ltar bzlog dka' ba las kyi zhags pa'am 'ching bas dam por
bsdams/ des kyang mi tshad pa sdom byed kyi thag pa de 'breng pa
dang rtsid thag lta bu ma yin par gcod dka' ba'am thar dka' ba
lcags thag gis bsdams pa lta

bu'i bdag 'dzin lcags kyi dra ba'i sbubs su tshud/ der ma zad nyin mo
yin na gzhan la 'bod pa dang rogs sbrel ba tshun chad kyi re ba zhig
bya rgyu yod kyang/ de ltar min par mtshan mo nam gung mun pa'i
smag rum nas chu bo'i gzhung du khyer ba

lta bu'i ma rig pa'i mun pa'i smag chen gyis kun nas gtibs shing/ mtha'
med mu med kyi srid pa'i rgya mtshor skye zhing skye ba la sdug
bsngal gyi sdug bsngal/ 'gyur ba'i sdug bsngal/ khyab pa 'du byed kyi
sdug bsngal gsum gyis

rgyun chad med par dus rtag tu mnar nas sdug bsngal bzod par
dka' ba'i gnas skabs 'di 'drar gyur kyang; ma rang gi ngos nas ni bya
thabs med la/ de las 'don pa'i khur bu rang la babs shing/ 'don pa'i
thabs da lta rang la bsgrub tu

yod pas na/ ma rnams sdug bsngal gyis mnar ba'i ngang tshul bsams
nas de las sgrol ba'i khur 'khyer ba'i lhag bsam sogs la rim gyis blo
sbyangs te byang chub kyi sems rin po che skye ba'i thabs la 'bad
dgos/ de skye ba la bsam

@24b dgos/ bsam pa la thos dgos pa yin/ sems can thams cad bde ba
dang ldan 'dod lhang lhang yod pa byams pa dang/ sdug bsngal
dang bral 'dod lhang lhang yod pa snying rje/ de yang shin tu gces
pa'i bu gcig pu nad kyis zin pa'i ma des spyod

lam thams cad du bu de nad las myur du grol thabs shig byung na
ci ma rung snyam pa rgyun chad med par ngam ngam shugs kyis blo
la lhang lhang yod pa lta bu ni snying rje chen po skyes pa'i tshad
yin/ sangs rgyas kyi bstan pa 'di la byang chub kyi sems rin

po che la blo sbyong tshul rgyu 'bras man ngag bdun dang/ bdag
gzhan mnyam brje gnyis yod/ de gnyis gang gi sgo nas blo sbyang
na'ang byang chub kyi sems nges par skye/ de sbyong ba'i thabs tshang
la ma nor ba/ sa steng 'di na 'gran zla dang bral

ba ni 'jam mgon tsong kha pa chen po'i bstan pa'i snying po byang
chub lam gyi rim pa 'di yin pas 'di'i sgo nas byang chub kyi sems la blo
sbyang dgos/ byang chub kyi sems sbyong tshul mdor bsdus na/ thog
mar btang snyoms dang; de nas mar

shes sogs nas rim gyis bsgom/ mar shes/ drin dran/ drin gzo gsum ni
yid 'ong gi byams pa'i rgyu dang/ yid 'ong gi byams pa ni de gsum gyi
'bras bu dang/ snying rje chen po'i rgyu yin/ byang chub kyi sems
shugs drag yod med

kyang snying rje chen po shugs che chung gis 'byung ba yin/ snying
rje ma skyes na skye ba'i thabs bla ma spyan ras gzigs kyi rnal 'byor
bsgom/ gsol ba 'debs/ spyan ras gzigs kyi thugs dang rang sems dbyer
med du bsre ba'i rnal 'byor

@25a @#/ /la 'bad na byin rlabs zhugs te snying rje chen po skye ba la
khyad che ba man ngag yin/ zab gnad gzhan 'ga' re yod kyang tshogs
su mi 'chad gsungs/ snying rje chen po skyes pa na gzhan don khur
du 'khyer ba'i

lhag bsam skye/ de las byang chub kyi sems skye ba yin/ de yang
btang snyoms sgom pa la thog mar dgra gnyen gang yang ma yin
pa'i bar ma'i sems can zhig la chags sdang gi sems snyoms/ de nas
rang gi yid la 'bab pa'i gnyen zhig

dang; yid du mi 'ong ba'i dgra gnyis mdun du bsam ste/ gnyen 'dis
kyang tshe rabs mang por dgrar skyes te gnod pa byas/ dgra 'dis
kyang tshe rabs mang por gnyen du gyur nas phan btags tshul bsam
ste chags sdang gi sems snyoms/ de

nas sems can thams cad kyang rang rang gi ngos nas bde ba 'dod
pa'ang mnyam/ sdug bsngal mi 'dod pa'ang mnyam/ de thabs cad rang
gi dgra gnyen gnyis ka lan grangs mang po byas pa'ang mnyam na/
su la ni chags par bya/ su la ni sdang bar

bya snyam du mkha' khyab kyi sems can thams cad la sems snyoms pa
ma skyes kyi bar du bsam dgos/ mar shes sgom pa la rnam 'grel las
gsungs pa'i rig pa'i ya mtha' thug med du sgrub pa'i rigs pa 'di sbyar
na mar shes skye ba la phan che bas

'dir mdor bsdu na/ rang gi de ring gi rig pa 'di kha sang gi rig pa'i rig
rgyun dang/ da lo'i rig pa 'di lo snga ma'i rig pa'i rig rgyun yin pa
bzhin du/ rang gi tshe 'di'i rig pa 'di tshe snga ma'i rig pa'i rig rgyun
dang/ tshe snga ma'i rig pa

@25b de yang de'i tshe snga ma snga ma'i rig rgyun yin pas de ga nang
bzhin phar ded na 'di phan chad du med bya ba gtan nas med par rig
pa'i ya mtha' thug med du 'grub cing/ de bzhin du rang gi 'khor ba la
thog ma'i mtha' med pas skye ba la ya mtha' med/ sa phyogs 'dir ma
skyes

bya ba med/ sa phyogs re re la'ang grangs med pa re skyes/ sems can
'di lta bu'i lus ma blangs bya ba med/ blangs pa re re'ang grangs med
pa re blangs/ khyi gcig bu'i skye ba blangs pa'ang grangs kyis mi
chod/ sems can thams cad la de ltar yin/ des

na sems can 'dis rang gi ma ma byas bya ba gcig kyang med/ sems can
re res kyang rang gi ma grangs med pa re byas pa sha stag yin/ mi
gcig pu'i rten la rang gi ma byas pa'ang grangs kyis mi chod pas/ de
ltar sems can thams cad kyis rang gi ma

grangs med pa re yang dang yang du byas tshul la nges shes shugs
drag ma skyes bar yang nas yang du bsgom/ de nas drin dran tshul la/
rang gi tshe 'di'i ma la mtshon na/ rang a ma'i mngal du chags pa nas
bzung ste bu la gnod kyis dogs nas zas

spyod kha 'dzem pa tshun chad nad pa nang bzhin gyi dka' spyad lhur
blangs/ ma rang gi gzugs po nad pa nyam thag pa'i lus ltar gom pa
che ba zhig kyang 'dor ma phod par zla ba dgu dang zhag bcu'i ring
rang a ma'i mngal du nyar/ phyir skyes pa'i tshe'ang ma

rang la na tsha dang sdug bsngal tshad med pas gnod tshabs chen po
de tsam byung yang/ da dung yid bzhin gyi nor bu rin po che rnyed
pa ltar dga' tshor chen po byas/ rang de dus ngu rgyu dang lag pas
g.yab tsam g.yab tsam byed pa las gzhan gang yang mi

@26a @#/ /shes; ci yang mi nus pa'i/ lkugs pa/ zha bo; byi'u phrug kha
dmar lta bu zhig las med pa la a mas sor mo bcu'i rtse la g.yengs/
sha'i drod la sbyar/ brtse ba'i 'dzum gyis bsus/ dga' ba'i mig gis bltas/

snabs khas phyis/ mi gtsang ba lag pas phyis/ 'o ma'i skyo ma sogs
khas blud/ gnod pa gang nus las bsrung/ phan pa gang nus bsgrub/
de dag gi skabs su rang gi skyid sdug legs nyes tshang ma thams cad
ma de'i gdong la bltas te ma de gcig pu la

re ba byas nas sdod dgos pa byung/ rang de dus a mas drin gyis ma
bskyangs na chu tshod gcig kyang mi sdod de/ bya dang khyi sogs kyis
za 'gro ba sogs las/ gson por yong rgyu'i re ba med/ rang a mas
nyin re la yang srog mgo brgya brgya tsam bton pa'i

drin yod/ rang nar son nas kyang ma rang gis sdig sdug gtam ngan
la ma 'dzems par bsags bsags nas ma rang gis kyang longs spyad ma
bra ba'i rgyu nor gang yod bu'i lag tu bzhag  /rang la chos byed pa'i
skal ba yod na ma rang gis

nor rdzas la phangs pa med par mthun rkyen sbyar te chos sgor
gzhugs pa man chad 'khos ka gang yod pas drin gyis bskyangs pa la
tshad med/ tshe 'di'i mas drin gyis bskyangs pa yang tshe 'di gcig pu ma
yin par/ rang gi tshe rabs snga ma mang por drin

chen pos yang nas yang du grangs med par bskyangs/ tshe 'di'i ma 'di
tsam ma zad sems can thams cad kyang da lta skye 'chi 'phos pa'i
dbang gis ngo ma shes pa ma gtogs tshe rabs snga ma rnams su rang
gi ma byas pa'i skabs tshe 'di'i mas ji ltar drin gyis

@26b bskyangs pa ltar drin chen po'i sgo nas bskyangs pa sha stag
yin te/ dper na da lta'i dud 'gro khyi la sogs pa dang/ bya byi'u tshos
rang rang gi bu la snying brtse lugs dang/ drin gyis ji ltar bskyang
lugs la bltas kyang shes par nus gsungs/ drin

gzo ba ni/ de ltar rang la thog ma med pa'i dus nas yang yang drin
gyis bskyangs pa'i ma sems can rnams gong du bshad pa'i chu bo
bzhi'i rgyun gyis 'khor ba'i rgya mtsho chen po'i klong du khyer nas
sdug bsngal gsum la sogs pas rgyun chad med par mnar

te shin tu nyam thag pa la/ da lta/ bu rang la de dag 'khor ba'i rgya
mtsho las thar ba'i thabs bya rgyu yod bzhin du ci yang mi sems par
bsdad na shin tu ma rabs khrel med tha chad yin pas na/ da ni sems
can rang rang gi ngos nas zas gos gnas mal

rnyed pa sogs gnas skabs kyi 'khor ba'i bde ba de tsam ma yin par
mthar thug gi bde ba la bkod na drin gzo'i mchog tu 'gyur bas/ des
na sems can thams cad bde ba thams cad dang ldan pa dang/ sdug
bsngal thams cad dang bral ba

zhig bya dgos par 'dug snyam du bsam/ de yang sems can 'di dag la
zag med kyi bde ba ta ga la yod de/ zag bcas kyi bde ba tsam yang mi
'dug  /sems can kho rang tshos bde ba yin snyam pa 'di rnams kyang
ngo bo 'gyur ba'i sdug bsngal sha

stag yin/ 'dod rgyu bde ba 'dod kyang bde ba'i rgyur dge ba sgrub mi
shes/ mi 'dod rgyu sdug bsngal mi 'dod kyang/ sdug bsngal gyi rgyu
sdig pa spong mi shes/ blang dor go log tu spyad de sdug bsngal gyis
nyam thag pa'i ma rgan sems can 'di

@27a @#/ /dag thams cad bde ba dang bde ba'i rgyu thams cad dang
ldan na ci ma rung/ ldan par gyur cig  /ldan pa zhig nga rang gis
byed/ sems can thams cad sdug bsngal dang sdug bsngal gyi rgyu
thams cad dang bral

na ci ma rung/ bral bar gyur cig  /bral ba zhig nga rang gis byed
snyam du yang yang bsgoms pas byams pa dang snying rje shugs can
bskyed/ yang kha cig la/ sems can thams cad kyi khur rang gis byed
mi dgos te/ sems can 'dren mkhan

sangs rgyas byang sems mang po yod snyam pa lta bu 'byung srid
kyang de ni shin tu ma rabs khrel med tha chad yin pas de 'dra bsam
pa gtan nas mi rung ste/ dper na tshe 'di'i rang gi ma'i bkres skom sogs
kyi sdug bsngal sel ba'i thabs bu gzhan gyis

byas na yang/ rang la drin gyis bskyangs pa'i drin lan gzo ba'i khur
de rang nyid la bab pa bzhin du/ rang la sems can thams cad kyis
thog ma med pa nas ma lan grangs mang po byas shing/ de dag gi
skabs thams cad du tshe 'di'i ma

ltar drin chen po'i sgo nas bskyangs pa sha stag yin pas/ de'i drin
lan gzo ba ni sangs rgyas byang sems gzhan su la'ang khag mi 'khri
bar rang gcig pu'i khur du babs pas na/ sems can bde ba dang ldan pa
dang sdug bsngal dang bral

bar byed mkhan de'ang gzhan la rag ma las par sems can thams cad
bde ba thams cad dang ldan pa yang nga rang gcig bus byed/ sdug
bsngal thams cad dang bral ba yang nga rang gcig pus byed/ bla ma
sangs rgyas kyi go 'phang la'ang nga

@27b rang gcig pus bkod snyam pa'i lhag pa'i bsam pa shugs drag tu
bsgom/ de lta bu'i sems bskyed na'ang da lta ni rang la sems can
thams cad lta zhog  /sems can gcig tsam 'dren pa'i nus pa yang mi
'dug  /'o na de lta bu'i nus pa de su la yod ce na/

de ni yang dag par rdzogs pa'i sangs rgyas nyag gcig la yod pa ma
gtogs gzhan su la'ang med/ rang gis kyang sangs rgyas kyi go
'phang de thob na don gnyis mthar phyin te sku gsung thugs kyi 'od
zer re res kyang sems can grangs med pa'i don bya

bar nus pas/ des na sems can thams cad kyi don du sangs rgyas kyi
go 'phang de nyid dus myur ba nyid du thob pa zhig ci nas kyang bya
snyam du byang chub kyi sems bcos ma ma yin pa bskyed/ byang sems
sbyang skabs sangs rgyas thob na de'i zhor du rang don yang

'bad med du 'byung bar bsam na theg dman du mi lhung ba'i gnad
yod par rje'i lam rim du gsungs yod gsung/ rgyu 'bras man ngag
bdun gyi dang po gsum ni snying rje chen po'i gzhi sgrub pa yin/ yid
'ong gi byams pa ni de gsum gyi 'bras bur

'ong bas dmigs pa logs su skyong tshul med kyang/ de'i tshab tu sems
can thams cad bde ba dang ldan 'dod kyi byams pa bsgom dgos/
byams pa de dang/ snying rje/ lhag bsam gsum ni gzhan don don
gnyer gyi blo yin/ sems bskyed dngos

ni de dag gi 'bras bu yin/ lam rim yang skyes bu chung 'bring gi lam
ni sems skye ba'i sngon 'gro dang/ byang chub kyi sems sgom tshul ni
dngos gzhi/ mjug spyod pa'i skor rnams de'i bslab bya yin/ byang chub
kyi sems sbyong ba'i skabs su sems

@28a @#/ /bskyed nyer gnyis dang/ smon 'jug sogs kyi ngo bo khyad par
rnams shes par byas te blo sbyang dgos/ byang chub kyi sems rin po
che 'di ni rgyal ba'i gsung rab thams cad kyi snying po dang/ rgyal
sras byang chub sems

dpa' thams cad kyi thugs dam gyi mthil gcig pu yin te/ spyod 'jug las/
dam chos 'o ma bsrubs pa las/ /mar gyi nying khu phyung ba yin/ /zhes
dang/ bskal pa du mar rab dgongs mdzad pa yi/ /thub dbang rnams
kyis 'di nyid phan par

gzigs/ /zhes dang/ 'jam mgon tsong kha pa chen pos kyang/ sems
bskyed theg mchog lam gyi gzhung shing ste/ /zhes pa nas/ de ltar
shes nas rgyal sras dpa' bo rnams/ /rin chen sems mchog thugs dam
mthil du mdzad/ /ces

gsungs/ rje thams cad mkhyen pas byang chub kyi sems rin po che 'di
kho na ma gtogs gzhan gang la'ang thugs dam gyi mthil du ma
gsungs pas/ rang cag kyang theg pa chen po ba zhig byed 'dod na
byang chub kyi sems la nyams len gyi mthil du bya

dgos/ deng sang thugs dam gyi mthil gang la byed ces dris na yi dam
zhig la byed zer ba las/ byang chub kyi sems la byed zer mkhan phar
zhog  /byang sems 'di la thugs dam gyi mthil du byed dgos par shes
mkhan yang dkon par 'dug  /

kha shas kyis thugs dam gyi mthil de bsangs dang/ gser skyems dang/
kha mchu nag po zhi bar byed pa'i gzungs/ nyes pa kun sel/ lug
gzungs/ rta gzungs/ nor gzungs/ bar chad lam sel/ rgya nag skag
bzlog  /mi kha dgra

@28b bsgyur sogs la byed/ de la bltos na yi dam gyi lha tshad ldan re
la thugs dam gyi mthil du byed zer ba de yang dga' rab yin/ yang
lung pa kha cig tu/ mna' bshags rin chen phreng ba dang/ sdig
bshags gser gyi spu gri /khyi mdo/ spyang mdo/

wa mdo/ dred mdo/ sbrul mdo zer ba sogs gang dran dran byas pa
lta bu de 'dra dar srol 'dug kyang/ de tsho la khungs rnam dag yod
pa gtan nas ma mthong zhing/ gal te sdig bshags su bton rgyu zhig
nges par dgos na'ang dpe cha brdzun ma/ ngal ba don

med de 'dras lag mi thogs par phung po gsum pa'i mdo dang/ sman
bla'i mdo/ thar pa chen po'i mdo/ mdo sde bskal bzang la sogs pa
rgyal bas mdo rgyud rnams su mang du gsungs pa'i tshad ldan
khungs dag de 'dra la klog 'don byed dgos gsungs/

yang 'ga' shas kyi sems la/ byang chub kyi sems los yod/ cho ga'i 'gor
sangs rgyas chos tshogs ma bton nas sems can thams cad kyi don du
sangs rgyas thob par shog cig snyam pa de yin bsam yang de ni
byang chub kyi sems la yid smon byas pa tsam dang/

smon lam btab pa tsam las dngos ma yin te/ de yin na dge sbyor byed
khul byas pa gzhan dang gzhan las kyang byang chub kyi sems las
sla shos su snang ba'i phyir ro/ /de ltar na byang chub kyi sems ni
gong du bshad pa ltar blo rim gyis sbyangs te skye dgos pa

yin gsungs/ gsum pa sems de skyes pa'i tshad ni/ sgom rim dang po las
gsungs pa lam rim che chung sogs las zhib tu gsal zhing/ mdor bsdu
na/ shin tu gces pa'i bu me dong du lhung ba'i ma des/ bu yis sdug
bsngal myong ba la skad cig

@29a @#/ /kyang mi bzod par bu me dong nas 'don pa la shin tu rings pa
ltar/ ma rgan sems can rnams 'khor ba dang ngan song gi sdug
bsngal bzod glags med pas mnar ba la skad cig kyang mi bzod par/
sems can

thams cad kyi don du rdzogs pa'i sangs rgyas kyi go 'phang myur ba
nyid du thob 'dod kyi blo bcos ma ma yin pa zhig skyes na byang
chub kyi sems skyes pa'i tshad yin gsungs/ gsum pa yang dag pa'i lta ba
bshad pa la lnga las/ dang po lta ba bsgom dgos

pa'i rgyu mtshan ni/ gnas lugs rtogs pa'i shes rab mi ldan na/ /nges
'byung byang chub sems la goms byas kyang/ /srid pa'i rtsa ba gcod
par mi nus pas/ /de phyir rten 'brel rtogs pa'i thabs la 'bad/ /ces pa 'dis
bstan/ de yang

zab mo de kho na nyid kyi lta ba'am gnas lugs don dam bden pa
rtogs pa'i shes rab dang mi ldan na/ nges 'byung byang sems sogs
thabs kyi cha la ji tsam 'bad kyang bdag 'dzin gyi dngos gnyen du mi
'gro bas srid pa'i rtsa ba bdag 'dzin

gcod par mi nus/ der ma zad zab mo'i lta ba med na nges 'byung dang
byang sems gnyis rkyang pas ni theg chen tshogs lam man chad las/
de yan chad rnams 'thob par mi nus pa dang/ theg dman yin na theg
dman gyi sbyor lam yang mi 'thob/ de gnyis

kyis zin pa'i steng du zab mo'i lta ba zhig rtogs na theg chen sbyor
lam yan gyis lam rnams kyang 'thob nus pa dang/ thar pa dang
thams cad mkhyen pa'i rgyur 'gro ba la khyad zhugs pa yin/ rang
cag gis 'gro ba sgrol bar khas blangs pa la sgrol ba'i thabs

@29b shig med na bsam pa bzang ba tsam zhig las mi yong bas thog
mar 'khor ba'i rtsa ba gcod byed zab mo'i lta ba phu thag chod pa
zhig e rnyed blta dgos/ las 'bras nges pa'i 'jig rten pa'i yang dag pa'i
lta ba tsam gyis mi phan/ de yang mthar gtugs na bdag med par
rtogs pa'i lta

ba 'di la thug  /bdag med rtogs pa'i lta ba 'di med par phyi rol pa kha
cig ting nge 'dzin bsgoms te bsam gzugs brgyad ka thob na'ang nyon
mongs spong ba lta ci/ nyon mongs pa kha phri ba tsam yang ma
byung ste/ mdo ting nge 'dzin gyi rgyal po las/ 'jig rten

dag ni ting 'dzin sgom byed kyang/ /des ni bdag tu 'du shes 'jig mi
byed/ /des ni nyon mongs phyir zhing rab 'khrug ste/ /lhag spyod kyis
ni ting 'dzin 'dir bsgoms bzhin/ /zhes gsungs pa red/ de'i phyir 'khor
ba'i rtsa ba bdag 'dzin gcod pa

la nges par bdag med pa'i lta ba dgos te/ de nyid las/ gal te chos la
bdag med so sor rtog  /so sor de brtags gal te sgom pa ni/ /de ni mya
ngan 'das thob 'bras bu'i rgyu/ /rgyu gzhan gang yin des ni zhir mi
'gyur/ /ces gsungs pa ltar

thar pa thob pa la bdag tu 'dzin pa rtsa ba nas spang dgos/ de spong
ba la bdag 'dzin dang 'dzin stangs dngos 'gal du gyur pa'i lam bdag
med bsgom dgos/ bdag med bsgom pa 'di med na sbyin pa gtong ba
dang tshul khrims bsrung ba sogs ji 'dra zhig

la 'bad kyang thar pa 'thob par mi nus te/ bzhi brgya pa las/ zhi sgo
gnyis pa yod ma yin/ /zhes gsungs/ des na 'khor ba las thar ba la
bdag med rtogs pa'i shes rab 'di med thabs med pa yin/ de gcig pus
kyang mi chog bar thabs

@30a @#/ /snying rje yang med thabs med pas thabs shes ya ma bral ba
zhig nges par dgos/ dri ma med par grags pas bstan pa'i mdo las/
thabs kyis ma zin pa'i shes rab ni 'ching ba'o/ /thabs kyis zin

pa'i shes rab ni thar pa'o/ /shes rab kyis ma zin pa'i thabs ni 'ching
ba'o/ /shes rab kyis zin pa'i thabs ni thar pa'o/ /zhes gsungs pa ltar/
'bras bu chos gzugs kyi sku gnyis thob pa la'ang thabs shes ya ma
bral ba'i sgo nas tshogs

gnyis zung 'brel du bsags pa nges par dgos te/ dpal mgon  'phags pa
klu sgrub kyis/ dge ba 'di yis skye bo kun/ /bsod nams ye shes tshogs
rdzogs shing/ /bsod nams ye shes las byung ba'i/  /dam pa gnyis ni
thob par shog

ces dang/ dpal ldan zla bas kyang/ kun rdzob de nyid gshog yangs
dkar po rgyas gyur pa/ /ngang pa'i rgyal po de ni skye bo'i ngang pa
yis/ /mdun du bdar nas dge ba'i rlung gi shugs stobs kyis/ /rgyal ba'i
yon tan rgya mtsho'i pha rol mchog tu 'gro /

zhes kun rdzob ni thabs byang chub kyi sems dang/ de nyid ces pa
shes rab yang dag pa'i lta ba ste/ dper na bya gshog pa gnyis ldan
nam mkha' la thogs med du 'gro ba ltar/ rgyal ba'i yon tan yongs
su rdzogs pa'i pha rol tu bgrod pa la byang chub kyi

sems dang yang dag pa'i lta ba'i thabs shes gnyis ya ma bral ba dgos
pa las/ thabs shes ya bral bya gshog chag lta bus bgrod par mi nus
gsungs/ 'o na lta ba de ji 'dra byas nas bsgom snyam na/ de yang
gang byung gis mi chog par bcom

@30b ldan 'das kyi bka' tshad ma nges don ston pa'i mdo sde zhig gi
rjes su 'brang dgos/ spyir drang nges kyi don la nges don ni mthar
thug gi don de ga rang du gnas pa dang/ drang don ni don de
mthar thug gi don la mi gnas pa la byed/ drang nges kyi mdo yang
don dam bden pa bstan bya'i gtso bor

byas nas bstan pa nges don gyi mdo dang/ de las gzhan pa'i mdo
rnams drang don gyi mdo yin/ drang nges kyi mdo'i dgongs pa'ang
paNDi ta su rung rung gis 'grel bar mi nus pas/ nges don gyi dgongs
pa 'grel bar rgyal ba rang nyid kyis lung bstan pa ltar mgon po klu
sgrub

kyis blo gros mi zad pa'i mdo la brten te rtsa ba shes rab sogs dbu
ma rigs tshogs kyi sgo nas nges don zab mo'i lta ba rgyal ba'i dgongs
pa ltar srol phye bar mdzad/ de'i rjes su slob dpon sangs rgyas
bskyangs kyis budd+ha pA li ta dang/ 'phags pa lhas dbu ma bzhi

brgya pa sogs mdzad/ lhag par slob dpon zla ba grags pas 'phags pa
klu sgrub kyi dgongs pa bzhin du rtsa she'i tshig la 'jug pa tshig gsal
dang/ don la 'jug pa dbu ma la 'jug pa sogs mdzad/ de dag gi dgongs
pa phyin ci ma log par 'khrul pa'i dri ma cung zad kyang med

par bod gangs can gyi ljongs 'dir gsal bar mdzad pa ni 'jam mgon
tsong kha pa chen po kho na ma gtogs gzhan su yang ma byung bas/
rang cag rnams 'phags mchog klu sgrub yab sras kyi lugs bzang/ rje
thams cad mkhyen pa'i legs bshad rmad du byung

ba'i gzhung chen mo rnams la brten dgos te/ 'jug pa las/ slob dpon
klu sgrub lugs kyi lam las ni/ /phyi rol gyur la zhi ba'i thabs med do/
/de dag kun rdzob de nyid bden las nyams/ /de las nyams pas thar pa
grub yod min/ /zhes dang/

@31a @#/ /mnyam med jo bo chen pos kyang/ klu sgrub slob ma zla
grags yin/ /de las brgyud pa'i man ngag gis/ /chos nyid bden pa rtogs
par 'gyur/ /zhes gsungs/ des na zab mo'i lta ba 'di mdo sngags gnyis
ka la

med thabs med pa yin/ spyir rgya gar 'phags pa'i yul du grub mtha'
smra ba bzhi byung ba las/ rang sde bye smra gnas ma bu pas rtag
gcig rang dbang can gyi bdag de dgag byar 'dod/ bye brag smra ba
gzhan dang mdo sde pas rang skya thub pa'i rdzas yod kyis

grub pa de dgag byar 'dod/ sems tsam pas gzung 'dzin rdzas gzhan
gyis grub pa de dgag byar 'dod/ rang rgyud pas blo gnod med la
snang ba'i dbang gis bzhag tsam ma yin par yul rang gi thun mong
ma yin pa'i gdod lugs su grub pa de

dgag byar 'dod/ thal 'gyur bas ni/ rtog pas phar btags tsam min par
yul kho rang gi steng nas tshur grub pa de dgag byar 'dod pa yin/
lam gtso 'dir 'jam mgon tsong kha pa chen pos/ de phyir rten 'brel
rtogs pa'i thabs la 'bad//

ces rten 'brel rtogs pa'i thabs la 'bad gsungs pa las/ stong nyid
rtogs pa'i thabs la 'bad ma gsungs pa 'di dgos pa shin tu che ste/ rten
'brel 'jog tshul la dngos smra bas ni/ rgyu rkyen la brten nas 'byung
ba'i rgyu mtshan gyis rten 'brel 'jog pa

las; rtag pa la rten 'brel mi 'jog /rang rgyud pas de las 'jog tshul
cung drag pa rang gi cha shas la brten nas grub pa rten 'brel gyi
don du 'jog pas rtag mi rtag gnyi ga'i steng du rten 'brel 'jog /dbu
ma thal 'gyur bas ni/ 'jog byed de dag

@31b las phra ba gdags gzhi dang 'dogs byed rtog pa tshad ma gnyis
la brten nas btags chos de 'byung ba la rten 'brel gyi don du 'jog
pas/ rten 'brel phra mo ni stong nyid rtogs pa'i thabs ma yin kyang/
grub mtha' thun mong du khas len pa'i rgyu 'bras kyi rten

'brel 'di thog mar bstan na chad lta las bsrung ba dang/ stong nyid
rtogs pa'i thabs su 'gyur bas na/ stong nyid rtogs pa'i thabs su thog
mar rten 'brel nas khrid pa 'di gnad shin tu che ba yin gsungs/ gnyis
pa lta ba gtan la 'beb tshul ni/ gang

zhig 'khor 'das chos rnams thams cad kyi/ /rgyu 'bras nam yang bslu
ba med mthong zhing/ /dmigs pa'i gtad so gang yin kun zhig pa/ /de
ni sangs rgyas dgyes pa'i lam la zhugs/ /zhes pas bstan/ de yang gang
zhig sogs kyis stong gzhi chos can dang/

rgyu 'bras sogs kyis rten 'brel gyi gtan tshigs dang/ dmigs pa'i sogs
kyis bsgrub bya bstan/ chos thams cad ces gzugs nas rnam mkhyen
gyi bar gyi chos thams cad rang gi cha shas la brten nas grub pas
na tha snyad du rgyu 'bras bslu ba med pa dang/ dgag bya

rang bzhin gyis grub pa'i dmigs gtad zhig nas bden par grub pa'am/
rang bzhin gyis grub pa'i dngos po cung zad tsam yang med par
rtogs pa de rgyal ba dgyes pa'i lam yin/ rang cag 'khor bar 'khor
byed kyi rtsa ba bdag 'dzin ma rig pa 'di la thug /de

gcod pa la bdag med rtogs pa'i shes rab bskyed dgos/ bdag med gtan
la 'beb lugs rgyas par ni lam rim las gsungs pa ltar gnad bzhi'i
dpyad pa sogs dang sbyar na legs kyang/ 'dir rten 'brel gyi gtan
tshigs la brten nas lta ba'i

@32a @#/ /gnad 'gag mdor bsdus tsam zhus na/ de yang chos thams cad
dgags gzhi dang 'dogs byed la brten nas byung ba las/ de la ma ltos
par rang ngos nas grub pa rdul tsam yang med pas/ nga yang lus
sems gnyis tshogs kyi steng du phar btags pa tsam la

brten nas byung ba las/ lus sems gnyis tshogs pa'i steng du phar btags
pa la ma ltos par nga kho rang gi ngos nas tshur grub pa med/ lus
sems gnyis re re nas kyang rang rang gi ngos nas tshur grub pa med/
'di la rtags bkod na/ 'khor 'das kyi chos rnams chos can/ bden 'dzin

gyi dmigs pa'i gtad so rang gi ngo bos grub pa cung zad tsam yang
med de/ rten 'brel yin pa'i phyir/ de yang rten 'brel zhes gzhan la
brten nas 'brel ba'am gzhan la brten nas 'byung na rang ngos nas
grub thabs med pa dper na/ dgon pa'i

dbu mdzad dang yul gyi dpon po sogs bsko ba na/ dbu mdzad du 'os
pa'i dbu mdzad kyi gdags gzhi tshad ma'i mi zhig la/ mkhan po lta bus
'di dbu mdzad yin no zhes ming brdas phar ma btags bar du dbu
mdzad kyi gdags gzhi tshogs kyang dbu

mdzad du grub mi thub/ ming brdas phar ma btags par dang po nas
dbu mdzad rang steng nas grub grub pa zhig yod na a ma'i khog pa
la yod dus nas gang zag de dbu mdzad yin dgos pa dang/ a ma'i
mngal nas skye dus kyang dbu mdzad skyes song zer dgos pa

la/ de ltar mi zer bar rkyen gzhan la brten nas dbu mdzad du grub
dgos te/ gdags gzhi dbu mdzad 'os pa'i grwa pa zhig la 'dogs mkhan
tshad ma zhig gis 'di dbu mdzad yin zhes phar ma btags bar dbu mdzad
mi zer zhing/ kho rang gis

@32b kyang dbu mdzad yin snyam pa med kyang/ khyod dbu mdzad
yin no zhes rtog pas phar btags tsam nas bzung dbu mdzad dang
dbu mdzad zer zhing/ kho rang gis kyang nga dbu mdzad yin snyam
pa de byung ba red/ rta lta bu yang rta kho rang gi phung po dang
shes pa gnyis

'dzoms te rgyu rkyen tshogs pa'i steng du rta zhes phar btags pa tsam
yin/ khang pa yang gdags gzhi tshogs pa la brten nas btags pa tsam
red/ de bzhin du chos thams cad rang rang gi gdags gzhi tshogs pa
la brten nas chos de dang de

zhes phar ming brdas bzhag pa tsam las/ gdags gzhi la ma bltos par
yul kho rang gi ngos nas tshur grub pa rdul phran tsam yang med/
'o na chos thams cad phar btags tsam yin na gser la rag dang/ ka
ba la bum pa lta bu btags na der grub chog

gam snyam na/ de mi chog ste phar btags tsam yin kyang de btags pa
la gdags gzhi tshad ma zhig dgos/ btags pa de'ang khyad chos gsum
ldan zhig dgos/ khyad chos gsum ni/ tha snyad pa'i shes pa la grags
pa yin pa dang/ de la tha snyad

pa'i tshad ma gzhan gyis mi gnod pa/ don dam dpyod byed kyi rigs pas
kyang mi gnod pa ste de gsum dang ldan dgos/ tha snyad pa'i tshad
ma gzhan gyis gnod tshul yang rgyang ring po'i tho yor lta bu la
gzhan zhig gis pha gi mi zhig yin zhes smras pas de yid

ches kyang/ tho yor dngos su nges pa'i mi zhig gis de tho yor yin par
smras pa na/ snga ma'i tho yor mir bzung ba de gtan yal du 'gro ba
ni gdags gzhi tshad ma min pa'i rtags red/ der ma zad/ ri bong la rwa
yod ces phar btags kyang gdags gzhi

@33a @#/ /tshad ma min pas der grub tu med/ de ltar na tha snyad kyi
blo tshad mas gdags gzhi yang de dang de'i tshogs pa tshad ma dngos
su yod pa zhig la btags dgos/ des na yul gyi dpon po yang 'os pa'i mi
gdags

gzhi tshad ma zhig la btags pa las/ mo rang ma'i bu glen lkugs lta bu
la dpon du mi bsko ba yin/ de thams cad rang ngos nas grub na
gdags gzhi'i tshogs pa la bltos mi dgos par rang rang gi ngos nas
tshur grub pa zhig dgos kyang/ de

ltar min par gdags gzhi tshogs pa la bltos nas grub dgos pas na rang
ngos nas ma grub pa dang/ rang bzhin gyis ma grub pa/ bden par ma
grub pa red/ dper na yul gyi rgan po yang phar btags nas grub pa
las/ kho rang gi ngos

nas tshur grub pa med kyang/ rang tshos rgan po kho rang gi ngos
nas tshur grub pa ltar snang zhing zhen pa ltar grub pa de dgag bya
yin/ de bzhin du nga de yang lus sems gnyis kyi ngos nas tshur grub
pa med par/ gdags gzhi tshogs pa la sgra

rtog gis tha snyad tsam du phar btags tsam gyis snang rgyu yod
tsam zhig yod/ btags lugs kyang phar ngos nas gdags gzhi de grub/
tshur ngos nas 'dogs byed rtog pa dang sgra gnyis kyis btags tsam pa
de yin/ khang pa lta bur mtshon na/

khang pa gsar pa bzo dbyibs bkod pa legs pa 'dra 'dra gsum gsar du
bzos yod na de gsum so sor ming ma btags pa'i snga rol tu dang po
nas gzim chung sogs su ma grub kyang/ khang pa'i bdag po des 'di
gzim chung yin/ 'di rung khang

@33b yin zhes pa lta bu ming gis phar btags pa na gzhi nas 'di gzim
chung ngo/ /'di rung khang ngo snyam pa sogs de dang de so sor
grub/ gdags gzhi khang pa gsum tshogs kyang 'dogs byed kyis phar ma
btags na mi grub pas khang pa de yang ming dang rtog pas btags

pa tsam yin/ des na khang pa tsam ma yin par chos gang dang gang
yang gdags gzhi la mi byed par btags chos de la bya dgos/ de bzhin
du tha snyad pa'i nga de rtog pas phar btags tsam yin kyang/ nged
tsho la phar btags tsam min par nga kho rang gi ngos

nas tshur dga' sdug sogs thams cad shugs can myong mkhan gyi ling
ling po zhig shar/ de 'dzin mkhan gyi blo de bden 'dzin lhan skyes
sam/ 'jig lta lhan skyes yin/ de ltar 'dzin pa'i nga tshugs thub ling nge
ba de dgag bya'i bdag yin/

'di la dpal ldan zla ba grags pas kyang/ de la bdag ces bya ba ni
gang zhig dngos po rnams kyi gzhan la rag ma las pa'i ngo bo rang
bzhin te de med pa ni bdag med pa'o/ /zhes gsungs/ tha snyad pa'i nga
ni gdags gzhi dang 'dogs byed la brten nas phar btags

pa tsam yin te/ 'jigs byed skabs chos thams cad brten nas btags pa yin
pa'i phyir/ zhes dang/ bde mchog las kun rtog gis btags pa tsam gyi
sgyu ma lta bu'o/ /zhes gsungs pa sogs kyang don 'di la dgongs pa
red/ zhib tu byas na snang

tshul la ma dpyad par zhen tshul la dpyad dgos pas dgag bya yang
snang yul mi bkag par/ zhen yul bkag dgos/ 'di dag la rtsa tshig lta
bu/ rtog pas phar btags yin pa/ gdags gzhi dang 'dogs byed la brten
dgos pa/

@34a @#/ /rkyen gzhan la brten nas byung ba/ rang ngos nas ma grub
pa rnams nges dgos/ dgag bya'i zhen yul yang zhen yul de yod med
brtag pa'i skabs su phar btags pa'i nga de min pa'i nga kho rang gi
ngos nas tshur

grub pa lta bu zhig 'char bas/ nga de lus sems la brten nas btags pa
tsam ma yin par/ lus sems gnyis kyi steng nas tshur grub pa de zhen
yul yin/ dper na thag khra la mun pa babs pa mthong ba na dang
por thag khra la sbrul lo snyam du phar

btags/ de rjes phar btags pa de brjed nas thag khra'i ngos nas sbrul
tshur grub par snang bas de ltar snang ba de dgag bya ma yin/ de
ltar snang ba ltar du grub par 'dzin pa'i zhen yul de dgag bya yin
pa bzhin du/ nga la dpyad pa byed pa'i

tshe yang rang gi ming nas 'bod mkhan lta bu byung ba na nga la bos
snyam du dang por tha snyad pa'i nga de shar/ de rjes khyod rkun
ma yin lta bu zer na/ nga de shugs che ru song ste ngas rkun ma ma
byas par nga la bsnyon 'dzugs/ ngas nad mi

theg snyam du nga dang nga zhes tshugs thub ling nge ba'i nga de
shar bas/ de ltar nga tha snyad du snang tsam de yang mi bkag /nga
tshugs thub bden grub tu snang ba de yang mi bkag /tshugs thub bden
grub tu snang ba'i nga de yang mi dgag par/ nga tshugs thub tu grub
pa'am/ nga rang

bzhin gyis grub pa'am/ rang bzhin gyis grub pa'i nga de bkag nas/ lus
sems gnyis la ma brten par nga kho rang gi ngos nas grub pa ling
ling po de med par stong cham gyis song ba na dbu ma'i lta ba dang
por rnyed par gsungs pas/ des

@34b rgyal ba dgyes pa'i lam rnyed pa yin/ de ltar bskyangs te brtags
don btsal na chos thams cad ngo bos grub pa rdul tsam yang mi
rnyed kyang/ tha snyad du snang rgyu yod tsam gyi rgyu 'bras bya
byed tshang ma bsnyon med du 'thad de/ dper na/ khang pa bden par
grub pa rdul tsam med kyang khang pa'i

rgyu rkyen tshogs te ming dang rtog pas btags tsam du grub pa na
khang pa'i bya byed thams cad bslu med du nus pa dang/ me long
nang gi byad bzhin gyi gzugs brnyan blo la snang ba tsam dang
sgras brjod pa tsam las 'di yin zhes ngos bzung bral yang gzugs
brnyan snang

ba tsam de'i steng du nag nog yod med sogs rgyu 'bras kyi bya bzhag
thams cad 'thad pa bzhin no/ /de'i phyir tha snyad du yod pas yod go
chod cing/ don dam du med pas med go mi chod pa yin/ rten 'byung
gi don 'di legs par shes na las 'bras

la nges pa shugs drag po rnyed de las 'bras la rtsis che ru 'gro /de
yin te/ rgyu dge sdig las 'bras bu bde sdug so sor ma 'chol bar 'byung
ba rten 'brel las byung zhing/ rten 'brel gyi don rang bzhin med par
shes pa na tha snyad tsam du rten 'byung rgyu 'bras bslu

med du 'thad par shugs kyis go ste 'khor 'das kyi las 'bras la nges pa
gting nas rnyed pa zhig 'ong/ de yang tshogs pa gzhan la brten pas
na rang bzhin gyis ma grub pa dang/ rang bzhin gyis ma grub pas na
rgyu 'bras 'thad pa 'di byung ba yin/ rgyu 'bras kyi bya

byed thams cad 'thad pa la brten nas sa bon myu gu dang/ myu gu
'bras bur 'gyur ba sogs byung ba red/ gzhan du na nas rang bzhin
gyis grub na nas myu gu 'gyur ba sogs dang/ gzhon nu rang bzhin
gyis grub na gzhon nu rgan por 'gyur ba sogs mi

@35a @#/ /'byung la/ bde 'gro rang bzhin gyis grub na bde 'gro ba dmyal
bar 'gro ba mi srid cing/ sems can rang bzhin gyis grub na sems can
sangs rgyas par mi srid pa sogs kyi skyon mang/ des na rgyu 'bras
rten 'byung dang/

rang bzhin gyis med pa gnyis gcig grogs su gcig 'gro ba 'di dbu ma
thal 'gyur ba'i khyad chos thun mong ma yin pa yin gsungs/ gsum pa
lta ba'i dpyad pa ma rdzogs pa'i tshad ni/ snang ba rten 'brel bslu ba
med pa dang/ /stong

pa khas len bral ba'i go ba gnyis/ /ji srid so sor snang ba de srid du/
/da dung thub pa'i dgongs pa rtogs pa med/ /ces pas bstan/ de ltar
bsgoms pas lta ba'i dpyad pa rdzogs na rten 'brel dang stong pa
gnyis gcig grogs gcig tu

'char ba zhig dgos kyang/ de ni rgya gar ba kha cig dang bod snga
ma tsho ltar rang bzhin med pa go mdog mdog byas kyang rten 'brel
'jog lugs ma shes pa lta bu/ snang ba rten cing 'brel 'byung dang/
stong pa rang bzhin gyis med pa

gnyis phyogs re tsam du shes kyang de gnyis gzhi gcig gi steng du
'gal 'dur song ste/ rgyu las 'bras bu mi 'chol bar 'byung ba'i rten
'brel bslu ba med pa dang/ chos thams cad rang gi ngo bos grub pa
rdul tsam yang med pa'i stong pa

khas len dang bral ba'i go ba gnyis po de dus nam zhig bar phan
tshun tsha grang ltar so sor 'gal bar snang ba de srid du da dung
thub pa'i dgongs pa'i don mthar thug pa de phyin ci ma log par ma
rtogs zhes pa yin gsungs/ bzhi pa lta ba'i dpyad

@35b pa rdzogs pa'i tshad ni/ nam zhig res 'jog med par cig car du/
/rten 'brel mi bslur mthong ba tsam nyid nas/ /nges shes yul gyi 'dzin
stangs kun 'jig na/ /de tshe lta ba'i dpyad pa rdzogs pa lags/ /zhes pas
bstan/ de yang nam zhig res 'jog

med pa zhes chos thams cad la ming rkyang btags yod tsam gyi dge
sdig bya byed thams cad 'thad pa dang/ btags don btsal ba'i tshe na
chos de dang de rang bzhin gyis grub pa rdul tsam yang med pa'i
stong pa gnyis res 'jog min par cig car du 'jog thub pa

byung na stong pa dang rten 'byung gnyis gzhi gcig la 'gal med du
'jog shes shing/ gdags gzhi'i tshogs pa la brten nas rtog pas phar
btags tsam gyi rten 'byung bslu ba med par mthong ba tsam nyid nas
bden 'dzin gyi 'dzin stangs gtan med du rtogs te stong

pa rten 'byung dang/ rten 'byung stong par shar ba zhig yod/ dam
pa 'ga'i zhal nas/ rten 'brel gyi gnad shes na stong nyid kyi don
lhang la 'bud gsungs pa yang 'di la dgongs pa red/ de ltar byung na
rten 'brel gyi don bden par med par rtogs la/ bden

par med pa'i don des rten 'brel bslu ba med pa la nges pa shugs drag
'dren thub pas de ni dbu ma thal 'gyur ba'i lta ba'i dpyad pa rdzogs
pa yin zhing/ klu sgrub kyi dgongs pa thun mong ma yin pa'ang 'di
yin gsungs/ lnga pa thal 'gyur

thun mong ma yin pa'i khyad chos ni/ gzhan yang snang bas yod
mtha' sel ba dang/ /stong pas med mtha' sel zhing stong pa nyid/
/rgyu dang 'bras bur 'char ba'i tshul shes na/ /mthar 'dzin lta bas
'phrog par mi 'gyur ro/ /zhes pas bstan

@36a @#/ /te; thal 'gyur ba min pa tshos snang bas med mtha' dang/
stong pas yod mtha' sel bar bzhed kyang/ thal 'gyur ba'i lugs la
chos gang dang gang yin kyang snang ba tsam las bden par ma
grub pas don dam du yod

pa'i yod mtha' dang/ snang ba tsam de rang gi ngos nas ma grub pa
la brten nas stong pas tha snyad du med pa'i med mtha' sel ba yin/
rten 'brel yin phyin chad rang bzhin gyis ma grub pa'am rang tshugs
ma thub pa las gzhan du 'gro sa med de/ gdags

gzhi'i tshogs pa la brten nas 'byung dgos pa'i phyir/ dper na/ mi rgan
'khog gis rang kher langs ma thub par gzhan la brten nas ldang
dgos pa ni rang gis tshugs ma thub pa yin pa ltar rkyen gzhan zhig
la brten dgos tshad rang bzhin gyis

tshugs ma thub pa yin/ spyir bdag med pa'i don gtan la 'beb pa'i rigs pa
mang du yod kyang/ rigs pa'i rgyal po lta bu ni rten 'brel gyi rigs pa
'di yin/ de yang/ myu gu chos can/ bden par ma grub ste/ rten 'brel
yin pa'i phyir/

ces rtags bkod na/ 'di la phyi rol pas ni chos thams cad spyi gtso bo'i
rnam 'gyur du 'dod de rtags ma grub kyi lan byed/ bod snga rabs pa
phal che bas gtan med du 'dod pas chad mthar lhung/ sems tsam pa
man gyi rang sde dngos smra thams

cad kyis rang bzhin gyis ma grub na rten 'brel 'jog ma shes pas rtag
mthar lhung/ rang rgyud pas rten 'byung khas len kyang rten 'brel
yin na rang gi mtshan nyid kyis ma grub pa'i khyab pa mi bzhed pas de
yang rtag mthar song/ mkhas pa dbu ma pas ni

@36b rang bzhin gyis med kyang gtan nas med pa ma yin pa dang/ tha
snyad tsam du yod kyang rang bzhin gyis yod pa ma yin pa'i dbye ba
bzhir phye/ dngos smra ba sogs kyi 'khrul gzhi yod med bzhi po 'di ma
phyed pa'i skyon yin/ thal 'gyur ba'i lugs la

bden par med de/ rten 'brel yin pa'i phyir/ zhes pa 'dis rtag chad kyi
mtha' gnyis ka sel zhing/ de yang dang pos rtag mtha' dang/ gnyis
pas chad mtha' sel ba yin/ co ne bla ma rin po ches 'di gnyis re res
kyang rtag chad kyi mtha'

gnyis ka sel bar gsungs kyin yod/ de sel lugs kyang bden par med de
zhes pa'i tshig zin gyis rtag mtha' dang/ bden par med pa'i shugs la
spyir med pa ma yin par bstan pas chad mtha' sel/ rten 'brel yin pa'i
phyir zhes pa'ang

'dis mtshon nus par gsungs/ des na dpal ldan zla bas kyang/ de phyir
rten 'byung rigs pa 'di yis ni/ /lta ngan dra ba mtha' dag gcod par
byed/ /ces gsungs pa red/ de ltar chos thams cad bden par med pa
dang rten 'brel yin pa'i rtags

kyis mtha' gnyis ka sel bas na/ rtsa she las/ gang la stong pa nyid
rung ba/ /de la thams cad rung bar 'gyur/ /ces dang/ mdo las kyang/
gzugs stong pa'o/ /stong pa nyid gzugs so/ /zhes sogs gsungs/ 'di yang
rten

'byung stong pa dang/ stong pa rten 'byung gi don du gsungs pa yin/
de bzhin du nga stong pa'o/ /stong pa nyid nga'o/ /zhes sbyar na go
bad [@#bde] bar 'dug  /mdor bsdu na/ rang bzhin gyis stong pa la rgyu
'bras thams cad 'thad/ mtha' gnyis la ma

@37a @#/ /lhung ba zhig byung na lta ba'i gol sa gzhan mi 'byung
gsungs/ bzhi pa nges pa rnyed nas sgrub pa la bskul bar gdams pa ni/
de ltar lam gyi gtso bo rnam gsum gyi/ /gnad rnams rang gis ji bzhin
rtogs pa'i tshe/ /

dben pa bsten te brtson 'grus stobs bskyed nas/ /gtan gyi 'dun ma
myur du sgrubs shig bu/ /zhes pas bstan te/ de ltar lam gyi gtso bo
rnam pa gsum gyi gnad rnams thos byung gis rtogs nas/ bsam byung
gi blos nges shes rnyed pa'i

mtshams su tshe 'di'i 'khri ba bcad/ 'dod chung chog shes dang/ don
nyung bya nyung la gnas te dben pa'i gnas su brtson 'grus kyi stobs
bskyed nas tshe rabs gtan gyi 'dun ma de phyi bshol gyi dbang du mi
gtong bar myur du sgrubs shig bu

zhes rang cag rjes 'jug rnams la thugs brtse ba chen pos gces par
gdams pa yin/ rje'i gsung 'di tsam la yang gnad chen po yod de/ dben
pa zhes pa phyi'i sdod sa'i gnas 'du 'dzis dben pa dang/ nang gi sems
chos brgyad dang rnam rtog

mang pos rgyal khams bskor ba de tsho las dben pa'i don/ brtson
'grus kyang mi dge ba la 'bad pa chen po byed pa brtson 'grus su mi
'gro /dge ba la spro bzhin du brtson pa dgos/ gtan gyi 'dun ma ni 'di
nas sangs rgyas pa'i bar gyi don la bya

bas; de sgrub pa yang tshe la nges pa med pas myur du 'bungs shig ces
gsungs pa red/ brtson 'grus kyi stobs bskyed lugs kyang rang re
rnams kyis de ring mtshams bsnyen sgrub lta bu'i 'go btsugs na do
nub tsam nas lha'i zhal gzigs lung

@37b bstan rmi ltas tshun chad kyi sgrub rtags thon rgyu'i re ba byed
pa de 'dras chos mi yong bas de lta bu ma yin par/ ston pa thugs rje
can gyis kyang sangs rgyas kyi go 'phang bskal pa grangs med gsum
du bsgrubs par gsungs na ngas skye ba 'bum phrag tsam du

bsgrub dgos pa byung yang bsgrub nus snyam par byas te/ byang
chub lam gyi rim pa la thos bsam sgom gsum yun bsrings te lam gyi
gtso bo rnam gsum gyi nyams rtogs bzang po rab zhag skyed/ 'bring
zla skyed/ tha mar lo skyed thon pa

zhig e yong blta dgos/ bka' gdams pa'i dge bshes dol pas kyang/ lam
rim lam rim zhes pa de'ang tshig gsum yin/ mig rgyang bsring/ blo rgya
bskyed/ khong gsang lhod/ ces gsungs pa ltar mig rgyang bsring ste
sangs rgyas kyi

sar 'gro ba'i 'dun pa btang/ blo rgya bskyed de ngas sangs rgyas kyi
go 'phang de skyes bu gsum dang/ sngags bskyed rdzogs kyi lam la
rim gyis sbyangs te nges par thob par bya dgos bsam par byed/ de
yang 'jig rten la mi tshe lo gcig las mi sdod pa

zhig yin yang shes rgyud ngang ring pos lo brgya tsam sdod rtsis
kyi grabs byed/ chos la nged tsho shes rgyud ngang thung thung
byas te/ thos bsam sgom gsum dang/ ma mthar kha ton bzlas brjod
phran bu re byed khul byas pa tshun chad gang nyung shos/

gang las sla shos shig la 'dam ga btang nas ngas 'di tsam ma gtogs
ga nas nus snyam du shes rgyud ngang thung thung byed kyang/ de
ltar min par rang gis byas na sangs rgyas kyi go 'phang yang nges
par 'thob nus te/ spyod 'jug las/ bdag gis

@38a @#/ /byang chub ga la zhes/ /sgyid lug par ni mi bya ste/ /'di ltar de
bzhin gshegs pa ni/ /bden pa gsung bas bden 'di gsungs/ /sbrang bu sha
sbrang bung ba dang/ /de bzhin srin bur gang gyur

pa; ;des kyang brtson pa'i stobs bskyed na/ /byang chub thob dka' bla
med 'thob/ /bdag lta rigs kyi mir skyes la/ /phan dang gnod pa ngo
shes nas/ /byang chub spyod pa ma btang na/ /bdag gis byang chub cis
mi 'thob/ /ces gsungs/ des na

'jig rten la blo rgya gang chung dang/ chos la blo rgya gang che
che byas te chos bsgrub dgos/ khong gsang lhod ces pa skabs rer
brtson pa shugs drag bskyed/ skabs rer skyid nyal bag yangs byas te
chos bskyur gcig byed pa de 'dra min par/

dge sbyor la brtson 'grus thang lhod ran pa zhig gi thog nas
nyams len chu bo'i rgyun ltar bskyangs pas dal ba'i rten la snying
po rab tu lon pa zhig ci nas kyang mdzad dgos pa yin gsungs/ gsum
pa bshad pa mthar phyin pa mjug gi bya ba ni/ zhes pa

'di ni mang du thos pa'i dge slong blo bzang grags pa'i dpal gyis tsha
kho dbon po ngag dbang grags pa la gdams pa'o/ /zhes pa'i mdzad
byang gis bstan pa yin/ de ltar lam gyi gtso bo rnam gsum la thos
bsam gyi nges shes dpyis phyin pa'i

'og tu/ rtogs pa don du gnyer ba dag gis bsgom ste dmigs pa skyong
bar 'dod na/ gzhung 'di'i thog mar/ rje btsun bla ma rnams la phyag
'tshal lo/ /zhes pas sngon 'gro tshogs zhing gsal 'debs dang; bsags
sbyang sogs bya dgos

@38b par don gyis bstan pa ltar sbyor chos sogs bde myur ltar dang/
kun slong gi dmigs skor du'ang lam gyi lus yongs rdzogs gsal 'debs
dgos/ kun slong khyad par can byang chub kyi sems kyis zin pa'i sgo
nas dal 'byor don chen rnyed dka' sogs

bsams pas de dag chung 'bring gi lam dngos su mi 'gyur bar thun
mong bar 'gyur ba'i khyad par thon pa 'ong/ skyabs yul bde myur
ltar ram 'di'i tshogs zhing ltar gang byed kyang chog /bdud rtsi 'od
zer la 'khril te 'bebs pa'i lugs dang/ 'od kyi sbu gu

las 'bebs pa'i lugs gnyis yod/ sdig sgrib rnams rtsa ba snying dbus kyi
bdag gces 'dzin las byung ba mtshon phyir snying gar nag phung
nger yod par bsam pa yin/ de dag bdud rtsis ded pas sa 'og nas 'chi
bdag phag mo nag po'i rnam par rang srog la

rngams stabs kyis 'ongs pa'i khar song bas kho tshims nas nam yang
mi 'tshe bar byas song bsam pa gnad che/ skyabs 'gro'i rgyu gnyis bcos
ma tsam du song na skyabs 'gro yang de dang 'dra/ de gnyis mtshan
nyid pa zhig byung na skyabs 'gro yang mtshan nyid pa

zhig 'byung/ sems bskyed 'bras bu lam byed kyi skabs bcud kyi sdig
sgrib sbyangs pas snod kyi skyon rnams kyang de'i bdag 'bras yin pas
sbyang bar bsam dgos/ 'di gnad che ba rgyud sde chen po'i dkyil
'khor rgyal ma chog dang khungs 'dra ba yin/ tshad

med skabs tshangs pa'i gnas pa bzhi tsam min par snying rje chen po/
byams pa chen po sogs kyi khyad par yod tshul yang shes dgos/ btang
snyoms sngon du byed pa rgyu 'bras man ngag bdun gyi skabs ltar
gnad che/ khyad par gyi sems bskyed 'di sems

@39a @#/ /bskyed dngos min yang sems bskyed spel ba la khyad che ba
yod/ tshogs zhing skabs/ dpag bsam gyi shing ni rang gi bsod nams
dang tshogs zhing rnams kyi thugs bskyed zung 'brel las byung ba
red/ sku mdog

dkar por byed pa sgrib gnyis dag pa'i khyad par mtshon/ g.yon gyi
glegs bam stong phrag brgyad par gsal dgos pa gdul bya dbang po
rno rtul gyi khyad par dang dgos pa yod par yongs 'dzin rdo rje
'chang gi gsung rgyun yin par gsungs gsungs/ glegs

bam gyis rang sgra sgrogs tshul la'ang nges 'byung dang sems bskyed
tshul sogs rang gis gang nyams su len pa de'i sgra sgrogs par bsam
dgos/ sems dpa' sum brtsegs kyi gnad kyang gsungs/ nyams len byin
brgyud skabs mkhyen srid ma ltar la/

rdo rje 'chang ma gtogs gzhan thams cad 'jam dbyangs kyi rnam par
bsam/ bla mchod skabs kyi nyams len byin brgyud kyang phyag chen
dang 'brel ma 'brel gyi khyad par yod/ yi dam sogs bde myur ltar yin
pas mdun phyogs bla med/ g.yas

phyogs rnal 'byor rgyud/ rgyab phyogs spyod rgyud/ g.yon phyogs
bya rgyud dam/ yang na mdun du gsang 'dus/ g.yas su 'jigs byed/ ga-
yon du bde mchog  /rgyab phyogs su kyai rdor sogs dang/ de'i phyir
rim bzhin rnal 'byor rgyud/

spyod rgyud/ bya rgyud sogs gsal 'debs/ khrus khang phyogs bzhir
bskyed pa dang/ shar phyogs su bskyed pa/ lho phyogs su bskyed pa
ste lugs gsum yod/ tshogs zhing re re'i spyan sngar rang lus gsum
gsum du spros/ 'di sogs rang lus

@39b mang por spro ba sa thob pa'i skabs rang lus mang por sprul
nas 'gro don byed pa'i smin byed du'ang 'gro/ /gsol 'debs skabs su 'dir
mkhyen srid ma gtso bor byed dgos/ gtso bo'i sku la lus dkyil bla
mchod ltar bkod kyang chog  /sbyor dngos

mjug gsum gzhan rnams kyang tshang ma lam khrid las byung ba
ltar 'dir sbyar zhing/ mjug tu/ dge 'dis mtshon nas dus gsum dang
'brel ba'i/ /zhes sogs kyi smon lam yang bgyis na legs/ de ltar lam gyi
gtso bo rnam gsum

'di'i khrid kyang byang chub sems kyi mnga' bdag mgon po gser gling
pa dang zhal mi gnyis pa bdag gi skyabs mgon bla ma rin po che'i
zhal snga nas dang/ skyabs rje sgrub khang rdo rje 'chang mtshan
brjod par dka' ba blo bzang ngag dbang bstan 'dzin

rgya mtsho dpal bzang po sogs mkhas grub dam pa mang po'i drung
nas rtsa 'grel gnyis ka'i thog nas yang yang thob pa las/ da res 'dir
lam gtso'i rtsa tshig 'di'i steng nas zab khrid mdor bsdus tsam phul
zin pa yin pas/ gang zhus pa de dag

tshang mas phyag len la thebs pa zhig cis kyang nas bka' drin skyong
bar mdzod/ bdag gis ji snyed sogs bcas dgyes bzhin du bka' drin stsal
to/ /'dir smon pa/ rgyal ba'i dgongs zab mgon po byams pa dang/ /'jam
dbyangs las

'ongs tshul gnyis bstan pa'i srol/ /'dzin la dus gsum rgyal ba'i phrin
las ni/ rgya mtsho rab 'byams spro dang sdud mdzad rgyal/ /mnyam
med stobs bcu'i dpal gyi thugs gsang mdzod/ /gang la brten pa
mkhyen gter smra ba'i lha/ /blo

@40a @#/ /bzang grags snyan rab 'bar zhal sgo las/ /skyugs pa'i dam
chos rin cen srid 'dir lham/ /rgyal ba'i yab kyis rgyal sras byis pa'i
skur/ /nyer bstan brgyad khri'i gsung gsang dwangs ma'i khu/ /snying
por

bsdus la lam gtso rnam gsum zhes/ /dri med bstan pa'i mkha' la nyi
ltar grags/ /zab zab phyogs re'i tshig gis mtshon min pa'i/ /yongs rdzogs
lam bzang don gyi brgyud pa yi/ /nyams rtogs gdams pa'i gter brgya
rdol ba'i sgras/ /srid zhi'i

khong kun dge ba'i snyan pa 'dzin/ /mkhas bya'i gnas la mi 'jigs dpa'
po yis/ /mdo rgyud tshad ma'i gzhung bzang gnam ru cher/ /'dzam
gling mkhas srol rigs pa'i nyag phran dag  /sbyor bas log smra'i
snying la 'big par mdzod/ /srid pa'i bde la

sred pas 'khyud pa'i dpal/ /gtan bde'i gshed ma gtan gyi mdza' grogs
su/ /brdzu ba'i 'di nang [@#snang] bya ba kun btang nas/ /tshe lhag don
ldan byed par nam zhig 'gyur/ /'di dang phyi mar sku gnyis sgrub pa'i
thabs/ /'phral dang yun gyi rgyu tshogs mi

dman zhing/ /rang dang gzhan yang lam bzang bgrod pa'i mig
/mkhas dang grub pa'i rjes su gtod na mdzes/ /'di lta bdag 'dra'i khur
du bzod min yang/ /'di 'bad dam pa'i legs bshad ri mor 'phos/ /'di yi tshig
don sug pas nyen

pa sogs/ /'di la nongs mchis bla ma'i spyan sngar 'chags/ /de slad 'di
bsgrubs kyis mtshon rnam dkar mthus/ /rang gzhan yongs kyi blo kha
chos la phyogs/ /tshe 'di'i 'khri ba chod nas dal 'byor la/ /snying po
mchog tu lon pa'i rgyur gyur cig  /ces pa 'di ni/

@40b rje bla ma bka' drin gsum ldan khyab bdag 'khor lo'i mgon po
rdo rje 'chang pha bong kha pa dpal bzang po'i zhal snga nas/ lam
gyi gtso bo rnam gsum rtsa tshig gi steng nas zab khrid lan mang du
nos skabs kyi zin bris kha 'thor snga phyi khag lnga tsam yod pa

rnams/ pha bla ma bka' drin 'khor med chen po'i zhabs rdul spyi bor
len pa'i bka' 'bangs yongs kyi tha shal ban gzugs chos med nad pa
'dan grwa su d+hI badzras/ rnam 'dren dam pa gang des yun ring mo'i
bar du byin gyis brlabs shing/ dus phyis rje de nyid kyi sku rus

ring bsrel rin po che byin rlabs kyi gzi 'od 'bar ba dngos su bzhugs
pa'i dben pa'i gnas mchog bkra shis chos gling du bsgrigs pa 'gro
don 'phel// //! (lam gtso'i zin bris gsang ba'i lde mig ni/) mchod brjod
kyis rtsa ba bshes gnyen bsten tshul dang

sbyor ba'i chos drug bstan/ rgyal ba'i gsung rab kun gyi snying po'i
don/ /zhes sogs lam gyi gtso bo gsum la so sor sbyor tshul dang thun
mong du sbyor tshul gnyis/ bshad tshe go rim yod kyang bsgom tshe
gcig gis gcig zin dgos pa rjes ma gnyi

ga'i mtshams sbyar gyis shes te/ de ma byas na dang po'i nges 'byung de
theg chen gyi lam du mi 'gro/ chos sgrub 'dod tsam re kun la yod
kyang phyi bshol gyis bslus pas dal 'byor dang mi rtag pa sbrel nas
gsungs/ 'khor ba'i sdug bsngal thams cad las mi dge ba las

byung bas 'khor ba'i nyes dmigs dang las 'bras sbrel nas gsungs/ jo
bo'i lugs dang zhi lha'i lugs bsres pa'i sems sgom tshul gsungs te/ ma
rnams zhes pa'i rnams kyi sgras sems snyoms pa dang/ ma zhes pas
mar shes tshig snga ma'i snying rje dang/

@41a @#/ /ngang tshul sngar phan btags pa'i ngang tshul mar shes kyi
drin bsam lugs dang/ slar phan 'dogs pa mnyam pa rje drin dran
lugs gnyis kyi phyi ma 'phrul che ste/ zhing bzang po la nas btab ma
thub kyi sems khral

ma gtogs 'di la mang po btab ces drin du brtse ba med pa ltar sems
can gyi don bsgrub kyang yus mi 'byung ba yin/ /rgyu las byung ba'i
rten 'brel las kyang/ lugs 'dir mdung khyim gyi tshul du rgyu mang
'bras bu la brten pas ltos nas btags

pa'i rten 'brel gtso bor mdzad de btags pa'i tshul yang/ sngar bkra
shis mi zer ba'i mi gcig la rang gis bkra shis zhes btags nas zhag shas
song ba na de la phar btags pa'i blo med par de'i ngos nas bkra shis
grub pa 'dra zhig skye ba'i ngang tshul phra mo

'di rtogs dka' ste/ glegs bam las nges nges 'dra ba na grub mtha' 'og
ma tsho'i bdag med bshad pa'i don blo ngor e 'dug mas nas bltas te
mi 'dug na lta ba'i phyogs na med do/ /don dam rtogs pa'i shes rab
med na gzhan gnyis kyis mi thar ba bshad

nas dngos la rten 'brel gsungs pa 'di go na go la/ min na gnas lugs
rtogs pa'i skabs med pa la dgongs shing snang bas yod mtha' sel bas
kyang yin te/ des med mtha' sel ba mthong ba la mi skur ba'i rgyang
phan yang 'dod na 'di ni thun mong ma yin no/ /

tshig nyung yang yongs 'dzin rin po che'i gsung gi nying khu bsdus
pa yin pas gces par zungs shig  / (//'di gung thang gsung las bris pa'o//)
! dad dam mtshungs med gzim lha klu dga' tshal bas spar bskrun mdzad
pa 'gro don 'phel// //