@01a @#/ /theg chen gso sbyong gi sdom pa len pa'i cho ga nag 'gros su bkod pa byang chen khang bzang 'dzegs pa'i them skas zhes bya ba bzhugs so// @01b rab 'byams rgyal ba kun gyi dngos/ /bla ma'i zhabs la gus btung nas/ /theg pa chen po'i gso sbyong gi/ /sdom pa len pa'i cho ga 'god/ (/'dir gang zhig gting mtha' med pa'i sdug bsngal dang kun 'byung gi nyes dmigs rig ching rang nyams la dpag nas mkha' khyab kyi ma rgyan nyam thag pa'i ngang tshul dran te snying nas byang chub don du gnyer ba'i skal bzang gi skye bo dag gis theg pa chen po'i gso sbyong ji ltar bya ba'i tshul ni/ tho rengs lag ris mthong tsam gyi dus der khrus legs @02a @#/ /par byas/ gtsang zhing yid du 'ong ba'i sa phyogs su dkon mchog gi rten dgram/ bzang la gya nom pa'i mchod pa ci 'byor ba sham/ mdun du gus pa'i spyod la ma gyis 'khod de/) sangs rgyas chos dang tshogs mchog la/ /byang chub bar du skyabs su mchi/ /bdag dang gzhan don bsgrub slad du/ /bdag gis byang chub sems bskyed do/ / phyogs bcu dag na bzhugs pa yi/ /sangs rgyas byang chub sems dpa' gson/ /bdag gis rdzogs @02b pa'i byang chub phyir/ /deng nas byang chub sems bskyed do/ (/zhes lan gsum gyi sgo nas skyabs 'gro sems bskyed nan tan du byas la/) thams cad du ni sa gzhi dag /gseg ma la sogs med pa dang/ /lag mthil ltar mnyam bai DU ya'i/ /rang bzhin 'jam por gnas gyur cig /lha dang mi yi mchod pa'i rdzas/ /dngos su bshyams dang yid kyis sprul/ kun bzang mchod sprin bla na med/ /nam mkha'i khams kun khyab gyur cig /oM na mo b+ha ga wa te/ badzra sA ra pra marda ne ta thA ga tA ya/ arha te samyaksaM budd+hA ya/ tadya thA/ oM badzre badzre/ mahA badzre/ mahA te dza badzre/ mahA bidya badzre/ mahA bod+hi tsittha badzre/ mahA bod+hi mando pa saM kra ma Na badzre/ sarba karma a' wa ra Na bi sho d+ha na badzre swA hA/ (lan gsum) @03a @#/ /dkon mchog gsum gyi bden pa dang/ sangs rgyas dang byang chub sems dpa' thams cad kyis byin gyi brlabs dang/ tshogs gnyis yongs su dzogs pa'i mnga' thang chen po dang/ chos kyi dbyings rnam par dag cing bsam gyis mi khyab pa'i stobs kyis de bzhin nyid du gyur cig/ (ces sa gzhi dang mchod rdzas byin gyis brlab) ma lus sems can kun gyi mgon gyur cing/ /'dud sde dpung bcas mi zad 'joms mdzad lha/ /dngos rnams ma lus yang dag mkhyen gyur pa'i/ /bcom ldan 'khor bcas gnas 'dir gshegs su gsol/ (ces rang gi drin can rtsa ba'i bla ma ston pa thub pa'i dbang por gsal ba la phyogs bcu'i rgyal ba sras bcas thams cad kyis bskor ba spyan drangs nas mdun gyi nam mkhar mngon sum @03b lta bur bzhugs par mos la/ spro na/) ji snyed su dag/ (ces pa nas/) phir bsngo 'o/(/'i bar dang/ bsdu na/) sgo gsum gus pa'i sgo nas phyag 'tshal lo/ /dngos bshams yid sprul mchod sprin ma lus 'bul/ /thog med nas bsags sdig ltung thams cad bshags/ /skye 'phags dge ba rnams la rjes yi rang/ /'khor ba ma stong bar du legs bzhugs nas/ /'gro la chos kyi 'khor lo bskor ba dang/ /bdag gzhan dge rnams byang chub chen por bsngo/ (/zhes soks yan lag bdun pa rgyas bsdus gang rigs song rjes/ phyag gsum btsal nas sdom pa zhu ba'i yon du maNDal rgyas bsdus gang ru bzhig phul/ bla gos phrag pa gcig tu gzer/ pus mo ga yas pa'i lha ngas la btsugs/ lag pa gnyis thal mo sbyar ste bsam pa 'di snyam du/ ga re/ bdag sogs nam mkha'i mtha' dang mnyam pa'i sems can rnams thog ma med pa nas da lta'i bar du spyir 'khor ba dang phyad par ngan song gsum gyi sdug bsngal yod rgyu zhig grangs med par myong @04a @#/ /du zin kyang/ da dung skyo ba dang sun pa'i blo skad cig kyang mi skye bar/ /sdug bsngal la bde ba dang/ bdag med la bdag tu 'dzin pa'i blo ngan lang shor 'di'i mthus las dang nyon mongs pa'i gzhan dbang du song nas/ slar yang 'khor ba dang ngan song gi sdug bsngal bzod dka' ba sngar las kyang ches cher mang bzhig rang dbang med par myong dgos pa'i ngang tshul 'di bsam na nges par snying rlung ldang 'os pa'i tshod tsam du 'dug/ 'on kyang bcom ldan 'das shA khya thub pa la sogs pa sngon byon zin pa'i sangs rgyas bcom ldan 'das de dag kyang/ gdod ma nas sangs rgyas zin zin pa zhig min gyi/ sngon bdag cag dang mtshungs par 'khor bar gnas pa las dge ba'i bshes gnyen re dang mjal ba'i drin las 'khor bas yid 'gyur zhing/ sems can kun la'ng brtse ba skyes nas byang chub tu thugs bskyed de 'di lta bu'i theg pa chen po'i gso sbyong gyi sdom pa bzhes nas yang dag par bsrungs shing/ lam la bslab nas sangs rgyas pa yin/ de bzhin du bdag gis kyang dge ba'i gshes gnyen gyi sku drin las theg pa chen po'i chos @04b dang mjal ba'i skabs 'dir byang chub tu sems bskyed nas lam la bslab na nges par sangs rgyas kyi go 'phang thob nus/ de lta na'ng/ gzhi dang lam dang 'bras bu'i gnas skabs thams cad du med du mi rung ba'i 'dza' bshes kyi gtso bo/ 'di phyi'i legs tshogs tham cad gang las 'byung ba'i yid bzhin nor bu/ thog ma med pa nas 'khor ba'i phyi mtha' ma rdzogs kyi bar du drin gyis bskyangs shing skyong bar 'gyur ba'i mkha' khyab kyi ma rgan nyam thag pa 'di dag yal bar dor nas/ rang nyid gcig bu'i bde thabs tsam lhur len pa ni rmongs pa mi bzad dud 'gro rnams dang khyad par cung zad kyang mi 'dug/ des na bdag gis ma nam mkha' dang mnyam pa'i sems can tham cad kyi don du yang dag par rdzogs pa'i sangs rgyas kyi go 'phang rin po che ci nas kyang thob par bya/ de'i phyir du rgyal ba sras dang bcas pa 'di rnams kyi spyan sngar theg pa chen po'i gso sbyong gi sdom pa blangs la/ sang nyi ma ma shar gyi bar du legs par bsrung bar bya'o snyam pa'i bsam pa mig nas mchi ma 'khrug pa dang/ lus kyi bspu ldang ba'i tsod tsam gyi dung @05a @#/ /dung ba dang bcas/ bla ma thub pa'i dbang po'i rjes su zlos par mos la/) phyogs bcu na bzhugs pa'i sangs rgyas dang/ byang chub sems dpa' tham cad bdag la dgongs su gsol/ ji ltar sgnon gyi de bzhin gshegs pa dgra bcom pa yang dag par rdzogs pa'i sangs rgyas rta cang shes lta bu/ glang po chen po/ bya ba byas shing byed pa byas pa/ khur bor ba/ rang gi don rjes su thob pa/ srid par kun tu sbyor ba yongs su zad pa/ yang dag pa'i bka'/ legs par rnam par grol ba'i thugs/ legs par rnam par grol ba'i shes rab can de dag gis/ sems can tham cad kyi don gyi phyir/ phan par bya ba'i phyir dang/ grol bar bya ba'i phyir dang/ mu ge med par bya ba'i phyir dang/ nad med par bya ba'i phyir dang/ byang chub kyi @05b phyogs kyi chos rnams yongs su rdzogs par bya ba'i phyir dang/ bla na med pa yang dag par rdzogs pa'i byang chub nges par rtogs par bya ba'i phyir gso sbyong yang dag par mdzad pa de bzhin du/ bdag ming 'di zhes bgyi bas kyang/ dus 'di nas bzung ste/ ji srid sang nyi ma ma shar gyi bar du/ sems can thams cad kyi don gyi phyir dang/ phan par bya ba'i phyir dang/ grol bar bya ba'i phyir dang/ mu ge med par bya ba'i phyir dang/ nad med par bya ba'i phyir dang/ byang chub kyi phyogs kyi chos rnams yongs su rdzogs par bya ba'i phyir dang/ bla na med pa yang dag par rdzogs pa'i byang chub nges par rtogs par bya ba'i phyir gso sbyong yang dag par blang bar bgyi'o/ (/zhes lan gsum brjod cing/ gsum pa rdzogs pa dang dus mnyam dus rang gi rgyud la sdom pa thob byung snyam pa'i dga' ba bsgom/ de nas sngar bshad pa @06a @#/ /lta bu'i byang chub kyi sems kyi kun slong gsal btab ste/ ji ltar sngon gyi dgra bcom pa rnams kyis srog gcod la sogs pa'i lus ngag gi nyes spyod thams cad spangs shing yid kyis de dag las slar log pa de bzhin du bdag gis kyang sems can thams cad kyi don du nyes spyod de rnams nyin zhag gcig gi bar du spangs nas bslab bya rnams la tshul bzhin du bslab par bya'o snyam du bsams la/) deng nas srog gcod mi bya zhing/ gzhan gyi nor yang blang mi bya// 'khrig pa'i chos kyang mi spyod cing/ /rdzun gyi tshig kyang mi smra'o/ /skyon ni mang po nyer bsten pa'i/ /chang ni yongs su spang bar bya// khri stan che mtho mi bya zhing/ /de bzhin du sa ma yin pa'i zas/ /dri dang phreng ba rgyan dang ni/ /gar dang glu sogs spang bar bya/ / ji ltar dgra bcom rtag tu ni/ /srog gcod la sogs mi byed ltar/ /de bzhin srog gcod la sogs spang/ /bla med byang chub @06b myur thob shog/ sdug bsngal mang 'khrugs 'jig rten 'dir/ /srid pa'i mtsho las sgrol bar shog/ (/ces lan gcig brjod/) oM a mo g+ha shI la saM b+ha ra/ b+ha ra b+ha ra/ ma hA shudd+ha satwa padma bi b+hU Shi te/ b+hu dza/ d+ha ra d+ha ra/ /sa manta/ a wa lo ke te hUM phaT swA hA/ (zhes tshul khrims rnam dag gi gzungs lan nyer gcig 'zlas rjes/) khrims kyi tshul khrims skyon med cing/ /tshul khrims rnam par dag dang ldan// rlom sems med pa'i tshul khrims kyis/ /tshul krims pha rol phyin rdzogs shog/ (/ces sogs bsngo ba dang smon lam gyis mtha' brgyan par bya/ 'di ni rang gcig pus rten gyi drung du len tshul gtso bor byas pa yin gyi/ bla ma'i drung nas len skabs maNDal 'bul ba dang/ bla mas kyang thog mtha' bar gsum gyi dmigs rnam legs par brda sprod cing/ dngos gzhi sdom pa len chog skabs/ slob dpon dgongs su gsol/ ji ltar sngon gyi sogs dang/ mjug gi deng nas srog gcod ces sogs @07a @#/ /rjes zlos bya ba dang/ dngos gzhi'i mjug thabs legs brjod pa sogs mthong ba brgyud pa'i phyag len ltar bya dgos so/) /de ltar sdom pa blangs zin nas nyin zhag gcig gi bar du bsrung chu'i yan lag gi grangs ni mdzod las/ tshul khrims yan lag bag yod pa'i/ yan lag brtul zhugs yan lag ste/ /bzhi gcig de bzhin gsum rim bzhin/ /zhes gsungs pa ltar/ so thar bsnyen gnas kyi skabs ? bsam bzhin du srog chags grog spur yan chad kyi srog gcod pa dang/ gzhan gyis bdag tu bzung ba'i rdzas shing gi 'dab ma yan chad ma pyin mar len pa dang/ mi tshangs par spyod pa dang/ rdzun tshig ste bzgi spong ba'i yan lag bzhi dang/ myos 'gyur gyi rigs mtha' dag spong ba'i yan lag dang/ dkon mchog mchod pa sogs chos @07b ldan gyi dgos pa med par rgod bag la sogs pa'i zlos gar dang glu dang/ rol mo'i sgra sogs byed pa dang/ rgod bag dang chags pa la sogs pa'i bsam pas rgyun du 'dogs bzhin ma yin pa'i 'phreng ba dang rgyan 'dogs pa dang/ lus la dris byug pa sogs spong ba gar sogs 'phreng sogs spong ba'i yan lag dang/ dgos med du rin po che la sogs pa rin thang can gyi khri dang stan chen po dang/ shing la sogs pa dngos pod sman pa'i khri stan khru gang longs pa yan chad kyi khri stan mthon po la 'dug pa spong ba khri stan che mtho spong ba'i yan lag dang/ nyi ma phyed yol ba nas zho 'o ma sogs dang/ 'bras chan dang zan la sogs pa'i bza' btung spong ba dus ma yin pa'i kha zas spong ba 'i yan lag ste brgyad dang/ de rgyad kyi dang po bzhi tshul khrims @08a @#/ /dang/ lnga pa bag yod dang/ lhag ma gsum brtul zhugs kyi yan lag tu 'jog pa theg chen gso sbyong gi skabs 'dir yang 'dral/ 'o na te sdom pa 'di dang bsnyen gnas gnyis khyad med par 'gyur ro snyan na/ 'di gnyis ni khyad par shin tu che ste/ len pa'i yul mi 'dra/ rten gyi khyad par mi 'dra/ bsam pa'i khyad par mi 'dra/ ji ltar len pa'i cho ga mi 'dra/ blangs nas srung tshul mi 'dra/ mthar 'bras bu grub tshul mi 'dra ba'i khyad par du ma yod do/ len pa'i yul mi 'dra ba ni/ bsnyen gnas ni dge bsnyen yan chad so thar gyi sdom pa ldan gang yang rung ba zhig gi drung du blangs pas skye la/ theg chen gso sbyong gi sdom pa len pa'i yul ni/ theg pa chen po'i sdom ldan zhig dgos shing/ rang nyid kyis @08b rten gyi drung du blangs kyang skye bas so/ rten gyi khyad par mi 'dra ba ni/ bsnyen gnas kyi sdom pa ni dge tshul dang dge slong rnam tag gis len du mi rung ste/ dge tshul dang dge slong gis bsnyen gnas kyi sdom pa blangs nas bdag bsnyen gnas yan lag brgyad par gzung du gsol zhes bsnyen gnas par khas blangs na sdom pa gong ma gtong bas shin tu mi rung la/ theg pa chen po'i gso sbyong gi sdom pa ni/ dge slong rnam dag gis len du rung bar gsungs so/ bsam pa'i kyad par mi 'dra ba ni/ bsnyen gnas gyi sdom pa ni nges 'byung gi bsam pa tsam gyis blangs na skye la/ theg pa chen po'i gso sbyong gi sdom pa ni/ nges par byang chub kyi sems bcos ma tshun chad du bskyed pa dgos pa ni gong du bshad zin pa ltar ro/ /ji ltar len pa'i cho ga mi 'dra ba ni/ @09a @#/ /bsnyen gnas kyi sdom pa ni 'dul ba lung dang/ gnas 'jog gi mdo nas bshad pa ltar skyabs 'gro rtso ma byed du byas nas bsnyen gnas yan lag brgyad par khas len lan gsum byas pas thob pa yin la/ theg pa chen po'i gso sbyong gi sdom pa ni/ sangs rgyas rnams kyis lam dus su ji ltar mdzad pad per byas te/ rang nyid kyang de lta bu'i rnam thar gyi rjes su slob par khas len pa yin pas khyad par shin tu che'o/ /blangs nas srung tshul mi 'dra ba ni/ bsnyen gnas la sha nges par spang sgos par bshad pa med la/ theg pa chen po'i gso sbyong gi sdom pa blangs pas ni sha nges par spang dgos/ mthar 'bras bu mi 'dra ba ni bsnyen gnas pas theg pa gang yang rung bar sems bskyed du rung @09b bas theg dman du sems bskyed na theg dman gyi 'bras bu 'grub la/ theg chen du sems bskyed na theg chen theg gyi 'bras bu 'grub/ theg chen gso sbyong gi sdom pa blangs pas ni sems bskyed nyams na ma gtogs rdzogs byang gi 'bras bu nges par 'grub bo/ des na sangs rgyas kyi bcas pa'i dbang gis dge slong sogs kyis kyang len du rung bas smyung gnas dang 'brel ba'i skabs gzhan du 'ng rab byung gi sdom pa dang ldan mi ldan thams cad kyis bla ma'm rten gyi drung du gong du bshad pa'i cho ga bzhin blangs nas bsrungs bya rnams legs par bsrung na phan yon rlabs po che 'byung zhing ma bsrungs na nyes dmigs ches lci ba 'byung ba/ sngar tshul khrims sna gcig nyin zhag phyed tsam bsrungs dang ma bsrungs kyi dbang gis bde sduk gi 'bras bu ma 'chol bar 'gyur ba'i tshul gro @10a @#/ /bzhin skyes dang/ dge 'dun bsrung gi rtags brjod sogs 'dul ba lung dang/ mdo sda las brgya pa sogs las ji ltar 'byung ba rnams rig par byas la/ 'o skol rnyed par dka' ba'i dal 'byor gyi lus rten bzang po ni thob mjal bar dka' ba'i sangs rgyas kyi bstan pa rin po che dang ni mjal/ yang dag pa'i dge ba'i bshes gnyen gyi mngon gyis ni zin/ blang dor gyi gnas phran bu ni shes/ lus sems la rkyen ngan gyis ma zin/ rang gzhan gyi don gnyis gang yang sgrub nus pa'i gnas skabs yud tsam lan gcig tsam zhig rnyed pa 'dir don ma yin pa'i bya ba 'ba' zhig gis nyin mtshan 'da' ba ni nor bu'i gling nas lag stong du log pa'i dbul po'i ngang tshul ltar shes par byas nas bya sla la don @10b che ba'i nyams len 'di lta bu la ci nas kyang brtson par rigs so/ 'dir smras pa/ theg mchog bslab pa'i gru gzings kyis/ /rnam grol rin chen gling bgrod de/ don gnyis nor bu len brtson pa'i/ skal bzang de la rgyal ba dgyes/ sangs rgyas zhes ba'i sgra yang 'jig rten du/ 'byung ba dkon zhes thub pa mchog gsungs na/ /tshig tsam gyis kyang lam mchog 'di lta bur/ /spyod pa'i skal bzang bskal mang rnyed par dka'/ /de phyir grogs dag 'di snang rnam gyeng gis/ dal 'byor stong par zad na che phangs kyi/ nyin zhag re tsam thabs mkhas 'di sta bus/ /theg mchog snying po'i skal ba blangs na legs/ /'dir 'bad dge bas rlabs chen spyod pa yis/ /mtha' yas 'gro ba sgrol la mi zhum pa'i/ rgyal sras mthu chen dpa' por bdag gyur te/ ring min stobs bcu mnga' @11a @#/ bar son gyur cig/ (/ces ma 'di yang dad dam mtshung med sger spel gzhi ba'i rje btsun ma blo bzang 'phrin las chos skyid nas theg chen gso sbyong gi cho ga par ma deng skabs yod pa rnams phal cher 'gor padma'i rigs kyi dam rgya bcing ba dang/ oM sarba ta thA ga ta sogs phyag 'tshal zhing lus 'bul ba sogs smyur gnas lta bu bya rgyud kyi cho ga dang 'brel ba shes che bas/ de dag dang ma 'brel ba'i skabs gso sbyong rkyang pa bya tshul gyi lag len nag 'gros su 'khor ba zhig dgos zhes rten bcas bskul ma mdzad pa bzhin/ sku bcar mtshan zhabs dar tan ? dag 'ldan khri byang sprul ming pas shing sprel cho 'phrul zla ba'i yar tshes bzang por dam pa'i phyag bzhes ltar yi ger bkod pa'o/) theg mchog rlabs chen spyod pa'o ma'i mtsho/ mi nyams gso zhing gces 'dzin tshag dung/ kun/ /sbyong byed par gyi bdud rtsi'i zla ba 'di/ /blo bzang dar rgyas blo bzang lung rtog dang/ /phun tshogs lha dbang lhag pas ma @11b rlung gis drangs/ dge 'dis rgyu sbyor 'brel thogs 'das gson kun/ /byang chub spyod pa rgya mtsho'i 'jing zhugs nas/ /sku gsum rin chen gling du myur son te/ /mtha' klas 'gro ba'i re ba skong gyur cig// ces pa 'di yang gro stod dung dgon dge slong blo bzang rdo rjes dge bskul gyis shel dkar dzong khong la stod ______ dkar chos sde'i gra rigs dge slong blo bzang dang rgyas dang/ dge slong blo bzang lung rtogs/ srad rgyud dge slong phun tshogs lha dbang gsum gyis par bskrun zhu skabs lha sa'i dpe thung gi par byang smon tshig sor bzhag zhus pa la/ gong gsal sbyin bdag rnam gsum gyi mtshan bkod pa dge legs 'phel/ /par brkos pa ni phad? ma can gyi shar pa spen pa nor bu yin/ sgang tog bde bar gling du spyi lo 1966 mthar bzhings pa'o/ @12a @#/ / hor lugs zla grangs/ 1// tshe grangs/ 1(15// dus chen khag gi mtshan byang/ cho 'phrul dus chen// dge ba'i 'gyur khyad/ 100000000 hor lugs zla grangs/ 4// tshe grangs/ @1(15 (ka)9)(kha)15// dus chen khag gi mtshan byang/ @(ka) sku 'khrungs pa/ @(kha) sangs rgyas pa dang/ mya ngan las 'das pa// dge ba'i 'gyur khyad/ 100000000 hor lugs zla grangs/ 6// tshe grangs/ 5(15// dus chen khag gi mtshan byang/ bka' dang po bdin bzhi'i chos 'khor dang/ lhums su bzhugs pa// dge ba'i 'gyur khyad/ 100000000 hor lugs zla grangs/ 9// tshe grangs/ 22// dus chen khag gi mtshan byang/ @lha las pa sam pa// dge ba'i 'gyur khyad/ 100000000 hor lugs zla grangs/ 7// tshe grangs/ 10// dus chen khag gi mtshan byang/ @om rgyan padma 'byung gnas slob dpon pra paha' ta sti'i spyan sngar sku rab tu byung ba hor lugs zla grangs/ 9// tshe grangs/ 10// dus chen khag gi mtshan byang/ @om rgyan sangs rgyas gnyis pa sku la 'khrungs pa dang/ rnga yab gling du gsheg pa/ tshe grangs/ [d]@// dus chen khag gi mtshan byang/ nyi 'dzin// dge ba'i 'gyur khyad/ 1000000000000 tshe grangs/ [d]@// dus chen khag gi mtshan byang/ zla 'dzin// dge ba'i 'gyur khyad/ 10000000 dus chen khag gi mtshan byang/ nyi zlag za' 'dzin dang/ du ma chen bzhi po gang rung 'dzoms pa// dge ba'i 'gyur khyad/ bsod nam khyad par 'phags/ hor lugs zla grangs/ 2// tshe grangs/ 9(11// dus chen khag gi mtshan byang/ 'gal zla kla klo rgya dmar gyis khrag sbyor gyi las ngan pod du 'go rtsho ma/ @12b (gong gi dus bzang so so dang/ lhag par bod chos ldan shing du bgal zla kla klo'i khrag sbyor gyi las ngan tshabs chis 'gro ba sems can ji snyed tshe las 'das pa la byams snying rjes kun nas bslangs te/ byang chub kyi sems bspyed rin po ches zin pa'i sgo nas nam dkar bsgrub pa la 'bad na'ng phan yon chen po 'thob pa? snyam ste/) de ltar yang mgon po zhi ba lhas/ /pan par bsams pa tsam gyis kyang/ / yangs rgyas ma chod las khyad 'phags na/ sems can ma lus thams cad kyi/ /bde don brcon pa smos cid gos/ zhes gsungs so// dge ba'i 'gyur khad grangs rtsis tshul ni/ /gcig bcu brgya stong khri'i bum dang/ /sa ya bye ba dung phyur te/ /dgu po rkyang pa'i krangs su brjod/ thor 'bum khrag khrig/ rab bkram dang/ /gta mad krigs mi 'gru gas khyand 'zin dang/ /spang rten ded 'drin mtha' snang dang/ rgyu rigs 'od ma dzes @13a @#/ /dbang po dang/ /legs phyin rtogs 'gro 'byin rdul dang/ rgya rtags dang ni stoas 'khor dang/ brda shes rnam byung stobs mig dang/ byams pa snying rjed ga' ba dang/ btang snyoms rnams te chen por bcas/ / lnga bcu khug pa'i grangs yin te// grangs med pa ni tha ma'o/ /gong nas gong du bcu/ 'gyur bsgre/ /gong gsal grangs gnas dung cu'i skor rcis pa bzhi bar bkA 'dre zhus pa lags so// bag? brgyun gthor gyi sngags ni/ 'di ltar mchi lam ___ oM AH shleThma A ha re b+hyaH swA hA (lud pa la) oM AH khrer A ha re b+hyaH swA hA/ (snabs la) oM AH bi g+ha na A ha re b+hyaH swA hA/ (lus kyi dri ma la) oM AHma ra A ha re b+hyaH swA hA/ (dri chen la) oM AH bi TA A ha re b+hyaH swA hA/ (dri chu la) oM A mu tra A ha re b+hyaH swA hA/ zhes pa rnams brjod cing se gol brdab? la bsngo'o// //par 'di sbags chos sgar thar 'dod gling du bzhug so//