@#/ /chos mngon pa'i mdzod kyi dgongs don gsal bar byed pa legs
bshad nyin byed dbang po'i snang ba las/ lam dang gang zag bstan
pa zhes bya ba gnas drug pa'i rnam par bshad pa bzhugs so//

@01a @##/ /bden pa mthong dang sgom pa las/ /zhes sogs kyi skabs
su/ lam dang gang zag bstan pa ste/ de yang bden pa mthong ba
las mthong lam dang/ mthong don bsgoms pa las sgom lam zhes
bshad na/ mthong sgom de dag

zag bcas zag med gang du gtogs zhe na/ sgom lam rang gi ngo bo
zag med yin kyang sgom lam gyis sgras brjod pa tsam la ni zag
bcas zag med gnyis su yod de/ 'jig rten pa dang 'jig rten las
'das pa'i sgom lam gnyis yod pa'i

phyir/ mthong lam ni mtha' gcig tu zag med yin te/ khams gsum
gyi mthong spang gi gnyen po yin pa'i phyir dang/ mthong spang
chen po'i chen po sogs dgu cig car du spong la/ 'jig rten pa'i
lam la de 'dra'i mthu med pa'i phyir/ mthong sgom

gnyis kyi khyad par la/ ngo bo'i khyad par ni/ mthong lam zag
med kho na yin pa dang/ sgras brjod rigs kyis dbye ba'i sgom lam
la zag bcas zag med gnyis ka yod pa'i khyad par/ dmigs pa'i sgo
nas bden bzhi gang rung kho na la

dmigs pa dang/ bden pa dang gong sa 'og sa ci rigs la dmigs pa'i
khyad par/ rnam pa yang bden pa kho na'i rnam pa can dang/ bden
pa dang zhi rags gang rung gi rnam pa yod med kyi khyad par/
dbye ba la bzod shes gnyis ka yod pa dang

bzod shes gnyis las shes pa kho na yin pa'i khyad par/ spang bya
spong tshul la/ dmigs pa shes pas che 'bring chung ngu dgu cig
car du spong ba dang/ gnyen po goms pas rim gyis spong ba'i
khyad par/ rten gyi sgo nas 'dod pa kho na dang/ khams gsum ga'i
rten la

yod pa'i khyad par/ rgyud kyi sgo nas mthong lam 'phags pa kho
na/ sgom lam zag med 'phags pa kho na dang zag bcas skye 'phags
gnyis ka'i rgyud la yod pa'i khyad par/ skye tshul gyi sgo nas/
stan cig kho na dang/ skye ba gzhan la yang skye ba'i khyad par
rnams dang/

@02a @#/ /gzhan yang mang ngo// ! bden pa dag ni bzhir bshad do/
/zhes sogs kyi skabs su/ 'o na/ bden pa mthong dang bsgom pa
las/ /zhes bshad na/ bden pa de yang gang zhe na/ /de ni bzhi
ste/ sdug bsngal dang/ kun 'byung dang/ 'gog pa

dang/ lam gyi bden pa ste bzhi'o/ /'di dag ni gnas dang por
yang/ zag med lam gyi bden pa dang/ /zhes dang/ so sor brtags
pa'i 'gog pa gang/ /zhes dang/ sdug bsngal kun 'byung 'jig rten
dang/ /zhes pa rnams kyis bstan la/ 'on kyang go rim ni skabs

'dir bstan pa dang mi mtshungs te/ 'dir ni bden pa mngon par
rtogs pa'i go rim dang mthun par bstan pa yin no/ /ci'i phyir/
de dag la bden pa zhes bya zhe na/ de dag 'phags pa rnams kyis
ji ltar gzigs pa ltar du bden pas na bden pa zhes brjod pa ste/
'phags pa

rnams kyis zag bcas rnams sdug bsngal gsum po ci rigs pas sdug
bsngal ba dang/ sdug bsngal kun 'byung ba'i rgyu byed pa dang/
'gog pa ni sdug bsngal dang bral ba'i zhi ba/ lam bden ni 'gog
pa de thob byed kyi thabs dam po gzigs shing/ gzigs pa ltar du
bden

pa'i phyir dang/ byis pa rnams kyis 'dzin tshul ni sdug bsngal la
bde ba sogs phyin ci log tu 'dzin pas na 'dzin pa ltar du mi
bden pa'i phyir ro/ /des na lugs 'dir zag bcas 'bras bu'i cha
rnams la sdug bden dang/ rgyu'i cha rnams la kun 'byung zhes

ming so sor btags pa tsam las rdzas su bye brag med de/ sdug
bsngal snga ma rnams sdug bsngal phyi ma'i rgyu byed pa'i cha
nas kun 'byung dang/ sdug bsngal snga ma'i 'bras bur gyur pa'i
cha nas sdug bden du 'jog pas na bden pa dang po gnyis yin khyab

mnyam du 'dod do/ /'gog bden ni 'dus ma byas so sor brtags 'gog
dang/ lam bden ni/ zag med 'dus byas mthong sgom mi slob pa'i
lam gsum gang rung du nges pas na/ bden pa phyi ma gnyis ni ming
dang rdzas gnyis ka'i sgo nas so so ba

@02b yin no/ /zag bcas thams cad sdug bsngal gsum po ci rigs pas
sdug bsngal ba'i cha nas sdug bden du 'jog tshul yod de/ spyir
zag bcas thams cad khyab pa 'du byed kyi sdug bsngal gyis bcings
pa ni sha dag yin la/ de'i steng du zag bcas kyi tshor ba bde ba
lta bu yid du 'ong bar btags pa

rnams ni ngo bo gnas skabs bde ba yin kyang 'gyur ba na sdug
bsngal bskyed pa'i phyir 'gyur ba'i sdug bsngal dang/ tshor ba
sdug bsngal lta bu'i yid mi 'ong rnams ni sdug bsngal gyis sdug
bsngal ba ste/ de dag ni sdug bsngal gnyis kyis bcings pa yin
la/ gnyis po de las gzhan pa'i 'du

byed zag bcas thams cad ni khyab pa 'du byed kyi sdug bsngal kho
nas sdug bsngal ba yin no/ /des na zag bcas kyi tshor ba bde ba
dang btang snyoms rnams sdug bden yin kyang sdug bsngal ma yin
zhes/ sngar gnas gnyis pa'i skabs su bshad pa ltar gyi khas len
'dzin mtshams de skabs 'dir

yang shes par bya dgos te/ btsun pa dpal len gyis bde ba'i tshor
ba med par 'dod pa sogs la skyon dang bcas pa brjod pa'i phyir
te/ zhib pa 'grel pa rnams su blta'o// ! gang la bcom dang blo
yis gzhan/ /zhes sogs kyis skabs su/ lugs 'di'i bden gnyis 'jog
tshul ni/ /chos

gang bcom pa dang blos gzhan bsal na chos de'i blo mi 'jug pa ni
kun rdzob ste/ dper na/ bum pa lta bu tho bas bcom pa na bum
'dzin gyi blo 'dor ba dang/ yang/ rkyen gyis ma bcoms kyang sa
la sogs pa rdul rdzas brgyad du phye ba lta bu'i blos cha shas
so sor bsal na chos de'i blo mi 'jug pa

gang rung ste/ de gnyis la ni 'joms pas 'jig pa dang/ blos 'jig
pa zhes kyang bya la/ dbyibs kyi kun rdzob dang/ tshogs pa'i kun
rdzob zhes kyang brjod do/ /de las gzhan pa'i chos gang bcoms pa
dang blos chos gzhan bsal na yang de'i blo mi 'dor ba gzugs kyi
chung mtha' rdul phra rab

dang/ dus kyi thung mtha'i skad cig ma lta bu don dam du 'dod pa
ste/ de dag la cha shas med pas bcoms pa dang blos gzhan bsal
bar mi nus pa'i phyir snyam du bsam pa'o/ /des na shes pa rnams
kyang tshogs pa dang rgyun ni kun rdzob dang/ skad cig ni don dam
du 'dod pa ste/ mdor bsgril na/

@03a @#/ /cha shas dang bcas pa rnams ni kun rdzob dang/ cha shas
med pa'i chos rnams don dam du 'jog la/ 'dus ma byas gsum ni cha
shas dang bcas kyang don dam du 'dod dgos sam snyam mo// ! tshul
gnas thos dang bsam ldan pas/ /zhes sogs kyi skabs su/ mngon par
rtogs

pa'i rim pa nyams su len tshul la/ mdor bstan rgyas bshad gnyis
las/ dang po ni/ thog mar rnam par mi g.yeng ba'i rgyu so thar
ris bdun gang rung gi tshul khrims la gnas te/ mi rmongs pa'i
rgyu bden pa mthong ba dang mthun pa'i thos pa la brtson par
byed pa dang/ de nas/ gtan la 'bebs pa'i

rgyu thos pa'i don phyin ci ma log par sems par byed pa dang/ de
nas nyon mongs pa dang 'brel ba'i rgyu bsam pa'i don de bsgom
pas ting nge 'dzin la rab tu sbyor ba'i sgo nas nyams su len
pa'o// ! thos sogs las byung blo rnams ni/ /zhes sogs kyi skabs
su/ 'o na/ thos byung gi shes rab la

sogs pa de dag ji ltar zhe na/ bye brag smra bas thos byung gi
shes rab ni ming gi yul can dang/ bsam byung ni res 'ga' yi ges
don 'dren la/ res 'ga' don gyis yi ge 'dren pas ming don gnyis
ka'i yul can dang/ sgom byung ni yi ge la ma ltos par don la
'jug pas don kho

na'i yul can du 'dod do/ /slob dpon nyid kyis bzhed pa ni/ de
ltar na/ ming la dmigs pa thos byung dang/ don la dmigs pa sgom
byung yin pa'i phyir/ de gnyis las bsam byung mi 'grub par 'gyur
bas/ des na yid ches kyi lung dang/ rig pas dpyad pa dang/ ting
nge 'dzin la mnyam

par bzhag pa gsum las don rtogs pa'i shes rab gsum ni rim pa
ltar thos byung gi shes rab sogs gsum du bzhed pa ltar don la
gnas so// ! bsrings gnyis ldan chog mi shes dang/ /zhes sogs kyi
skabs su/ gnyis pa mngon par rtogs pa'i rim pa rgyas par bshad
pa la/ tshogs

lam/ sbyor lam/ mthong lam gsum las/ de yang dang po lam sgom
pa'i rten gyi gang zag ni/ lus 'du 'dzi las bsrings te gcig pur
gnas pa dang/ sems nyon mongs can gyi rnam rtog las bsrings pa
gnyis dang ldan pa dang/ 'dod chung chog shes la gnas pa zhig
kyang dgos

@03b te/ 'dod chen can dang/ chog mi shes pas ni ma yin no/
/'dod chen dang/ chog mi shes pa'i khyad par la bshad tshul mang
yang/ don ni/ rnyed bkur sogs sngar ma rnyed pa la 'dod pa ni
'dod chen can yin la/ rnyed kyang da dung mang ba dang bzang ba
'dod pa ni chog mi shes pa yin no/ /de dag las

bzlog pa ni de gnyis kyi gnyen po 'dod pa chung ba dang/ chog
shes pa dag yin no/ /'dod chen dang chog mi shes pa gnyis ni
chags pa mi dge ba yin pas 'dod pa'i sas bsdus yin la/ 'dod
chung chog shes ni ma chags pa'i dge ba yin pas khams gsum char
gyi sas bsdus dang/ zag med kyi

sas bsdus kyang yod do/ /ma chags pa de dag la ni 'phags pa'i
rigs zhes bya ste/ de dag las 'phags pa rnams 'byung ba'i phyir/
'phags pa'i rigs de la'ang mdo las bzhir gsungs te/ chos gos la
ma chags pa dang/ bsod snyoms la ma chags pa dang/ mal cha dang
stan

la ma chags pa dang/ spong ba dang bsgoms pa la dga' ba'i 'phags
pa'i rigs rnams su gsungs pa'i phyir/ de las dang po gsum ni
chog shes pa'i rang bzhin yin la/ bzhi pa yang 'dod pa dang srid
pa la rgyab kyi phyogs pas ma chags pa'i rang bzhin te/ 'di'i
dngos bstan gyi spong

ba ni 'gog bden dang/ bsgom pa ni lam bden yin la/ de dag la
dga' ba ni ma chags pa dang mtshungs ldan gyi dad pa yin pa'i
phyir/ yang/ 'phags pa'i rigs bzhis ci zhig bstan zhe na/ dang
po gsum gyis thar pa sgrub pa'i kun tu spyod pa'i tshul bstan la/
mtha' mas ni thar

pa sgrub pa'i bya ba'i las bstan to/ /yang/ 'di ltar chos gos la
sred pa dang/ de bzhin du bsod snyoms dang/ mal stan dang/
'byung 'jig la sred pa bzhi skye ba'i gnyen por yang 'phags pa'i
rigs bzhi bstan pa ste/ srid pa dang po gsum ni go sla la/
'byung 'jig la

sred pa ni sngar yang bshad zin pa ltar/ bdag dbang po dang
'khor los bsgyur ba sogs su gyur na ci ma rung snyam pa lta bu
skye ba la sred pa ni 'byung ba la sred pa dang/ yang/ bdag shi
ba dang med par gyur kyang ci ma rung snyam pa lta bu chad pa la
chags pa ni 'jig pa la sred pa

@04a @#/ /ste/ 'di gnyis gyi gnyen por 'phags pa'i rigs bzhi pa
bstan to/ /yang na/ bdag gir 'dzin pa'i dngos po chos gos sogs
gsum la sred pa dus su zhi bar bya ba'i phyir dang po gsum bstan
la/ bdag tu 'dzin pa'i dngos po lus la sred pa dang/ bdag

gir 'dzin pa'i chos gos la sred pa sogs bdag dang bdag gir sred
pa gnyis ka gtan du zhi bar bya ba'i phyir rigs bzhi pa bstan
pa'o/ /'di'i skabs kyi dus su zhi ba zhes pa ni re zhig spong
ba'i don yin la/ gtan du zhi ba zhes pa ni ye mi skye ba'i chos
can du byed pa'i don no/ /

! de la 'jug pa mi sdug pa/ /zhes sogs kyi skabs su/ zhi gnas
sgom tshul dang/ lhag mthong sgom tshul gnyis/ dang po la/ mdor
bstan rgyas bshad gnyis las/ dang po ni/ gong gi gzhung des
bstan pa ste/ de yang/ zhi gnas bsgom pa la 'jug pa'i tshe/ de'i
gegs su gyur pa

'dod chags lhag par spyad pa'i gnyen por mi sdug pa dang/ rnam
rtog lhag par spyad pa'i gnyen por dbugs 'byung rdub dran pa'i
sgo nas 'jug go zhes bstan pa'o// ! keng rus chags bcas thams
cad la/ /zhes sogs kyi skabs su/ 'dod chags kyi gnyen por mi
sdug pa

bsgom tshul rgyas par bshad pa ste/ de yang 'dod chags ni bzhi
ste/ kha dog la chags pa dang/ dbyibs dang/ reg pa dang/ bsnyen
bkur la 'dod chags pa'o/ /de dag gi gnyen por mi sdug pa'i 'du
shes dgu bsgom par bya ste/ dang po'i gnyen por rnam par sdos pa
dang/

rnam par rnag pa dang/ rnam par dmar ba gsum la dmigs nas mi
sdug pa'i 'du shes bsgom pa dang/ gnyis pa'i gnyen por rnam par
zos pa dang/ rnam par 'thor ba gnyis la dmigs nas sgom pa dang/
gsum pa'i gnyen por rnam par 'bus gzhigs pa dang/

rgyus pas brang breng du sprel ba'i keng rus gnyis la dmigs nas
bsgom pa dang/ bzhi pa'i gnyen por shi ba'i ro g.yo ba med pa
la dmigs nas bsgom pa dang/ keng rus kyi 'du shes ni chags bcas
thams cad la bsngags pa yin pas kha dog la chags pa sogs 'dod
chags thams cad kyi

@04b gnyen por sgom par byed do/ /mi sdug pa bsgom pa 'di ni
sgro btags pa'i mos pa yid byed yin pa dang/ kha dog dang dbyibs
nyi tshe ba la dmigs pa'i phyir nyon mongs rnam par gnon pa tsam
yin gyi gtan nas spong bar byed pa ni ma yin no/ /keng rus kyi
'du shes sgom tshul de la yang las dang po pas sgom

tshul dang/ yongs su sbyang ba byas pa'i sgom tshul dang/ yid la
byed pa yongs su rdzogs pa'i sgom tshul gsum las/ dang po ni/
rang gi lus kyi dpral ba sogs gang yang rung bar sha 'theb gang
myags te bog nas rus pa nyid du sems shing goms par byed pa nas
rim gyis lus ril po dang/

gnas khang dang/ mthar gyis phyi'i rgya mtsho'i bar keng rus su
spro zhing bsgom pa dang/ yang/ dmigs pa mtha' nas rim gyis sdud
de rang gi lus 'ba' zhig rus pa yin pa la sems sdud nas bsgom
pa'o/ /gnyis pa ni/ spro tshul sngar bzhin la/ bsdu ba'i tshe
rkang pa'i rus pa rnams bor nas

lus lhag ma rus pa nyid du dmigs pa nas bzung/ rim gyis lus
phyed dang/ de nas thod pa'i phyed kyi bar rus par btang zhing
bor ba'i lhag ma thod phyed rus pa yin pa la sems 'dzin nas
bsgom pa'o/ /gsum pa ni/ spro bsdu byings sngar bzhin la/ thod
phyed rus par dmigs pa yang bor

nas smin ma gnyis kyi bar du rus pa ma theb gang tsam la sems
bzung nas bsgom pa'o// ! mi sdug ma chags sa bcu dang/ /zhes
sogs kyi skabs su/ mi sdug pa'i 'du shes sam yid byed 'di dag
ngo bo ma chags pa'i dge ba dang/ 'khor dang bcas na phung po
bzhi'am lnga/ /sa ni bsam

gtan gyi dngos gzhi bzhi dang/ nyer bsdogs bzhi/ bsam gtan khyad
par can te dgu/ 'dod pa dang bcu na yod la/ dmigs pa ni/ 'dod
pa'i snang ba'i kha dog dang dbyibs la dmigs shing/ rten ni
gling gsum gang rung gi mi las gzhan med do/ /de yang sngar
'dris pa rnams ni 'dod pa

las 'dod chags dang bral ba tsam gyis thob la/ ma 'dris pa rnams
kyis ni sbyor ba'i stobs kyis thob bo// ! dbugs rdub dbugs
'byung dran pa ni/ /zhes sogs kyi skabs su/ rnam rtog gi gnyen
por dbugs 'byung rdub sgom tshul rgyas par bshad pa la/ 'di'i
dngos bstan gyi dran pa zhes pa

@05a @#/ /ni dbugs 'byung rdub ji lta ba shes pa'i shes rab la
dran pa'i ming gis btags pa'o/ /de ni sa lnga na yod de/ rang
grogs tshor ba btang snyoms 'ba' zhig dang mtshungs par ldan pas
na/ bsam gtan dang po gsum gyi nyer bsdogs gsum

dang/ bsam gtan khyad par can dang/ 'dod pa rnams su yod pa'i
phyir/ tshor ba bde sdug dang mtshungs ldan du song ba ni med la/
'on kyang 'ga' zhig gis ni/ dngos gzhi dang po gsum gyi'ang tshor
ba btang snyoms dang mtshungs ldan du 'gro ba srid pas sa brgyad
pa yin no/ /zhes

'dod do/ /de'i spyod yul te dmigs pa ni rlung yin la/ de kho na
nyid yid la byed pa'ang yod do/ /thob tshul ni 'dris pa dang ma
'dris pa'i khyad par las rim pa bzhin 'dod chags dang bral ba
dang sbyor ba'i stobs kyis thob ste/ mi sdug pa bsgom pa'i shes
rab bzhin no/ /

gang zag ni 'dod pa'i rten can kho na yin te/ 'dod pa ba rnam
rtog mang ba'i phyir/ de yang lha dang/ gling gsum gyi mi ma
gtogs 'gro ba gzhan dang sgra mi snyan pa mi 'byung ste/ blo mi
gsal ba'i phyir dang/ mthong lam gyi rten du mi rung ba'i phyir/
man ngag 'di ni chos 'di pa kho na

ma gtogs phyi rol mu stegs pa la med de/ de dag la la chos zab
mo lung ston pa med pa'i phyir/ dbugs 'byung rdub dran pa'i man
ngag la drug ste/ bgrang dang rjes 'gro 'jog pa dang/ rtog pa
dang ni bsgyur ba dang/ /yongs dag rnam pa drug tu 'dod/ /ces pa
ltar ste/ bgrang ba ni/ dbugs rdub pa

dang 'byung ba la sems rtse gcig tu gtang nas gcig nas bcu'i bar
grangs ma 'chol zhing chad lhag med par yid kyis bgrang ba ste/
de las nyung na bying ba dang mang na rgod pa skye ba'i phyir mi
bgrang ngo/ /rjes su 'gro ba ni/ dbugs nang du 'jug pa na lus
stobs che chung gis phyi rol

'doms gang nas mtho gang bar gyis nas lkog ma snying ga sogs nas
rkang mthil gyi bar lus kyi cha shas gang du rim gyis 'jug pa
dang/ 'byung ba na yang rkang mthil nas rim gyis sna'i bu gnas
phyi rol tu stobs chung na mtho gang nas/ che na 'doms gang gi
bar

@05b du 'byung ba la sems gtad nas shes par bya ba dang/ 'jog pa
ni/ sna rtse nas rkang mthil gyi bar/ gnas par lta ba sogs dang/
nye bar rtog pa ni/ rdub pa dang 'byung ba'i dbugs 'di dag rlung
yin mod kyang de 'ba' zhig ma yin par gzugs rdzas brgyad 'dus
kyi rang

bzhin yin pa dang/ de la brten pa'i sems dang sems byung gi chos
kyi rjes 'brang dang bcas na phung po lnga pa can yin pa sogs
khyad par gyi chos la nye bar rtog pa'o/ /bsgyur ba ni/ blo rim
gyis goms pa na rlung la dmigs pa'i blo bsgyur te drod nas chos
mchog gi bar gong

nas gong du dge ba'i rtsa ba rnams la dmigs pa yang dag par
sbyar ba'o/ /yongs su dag pa ni/ de bas kyang mchog tu gyur pa
mthong sgom gyi lam la 'jug pa'o/ /bsgyur ba dang/ yongs su dag
pa'i bshad tshul la mi 'dra ba gzhan yang yod do/ /yang/ spyir
dbugs rdub pa

dang/ 'byung ba de dag sa gang du gtogs zhe na/ lus kyi phyogs
gcig yin pa'i phyir lus sa gang du gtogs pa de'i sar gtogs te/
'dod pa'i lus la brten na 'dod pa'i sar gtogs pa nas/ bsam gtan
gsum pa'i lus la brten na gsum pa'i sar gtogs pa'i bar du'o/ /

bzhi pa'i sar gtogs pa med de/ de ni rlung rgyu ba med pa'i
phyir/ 'o na/ gong du 'dod pa'i rten la ma gtogs med par bshad
pa dang 'gal lo/ /zhe na/ mi 'gal te/ de ni dbugs 'byung rdub la
dmigs pa'i shes rab kyi lus rten gyi dbang du byas pa yin la/
'dir ni dbugs 'byung rdub nyid

sa gang du yod dpyad pas mi mtshungs so/ /dbugs 'byung rdub de ni
lus sems khyad par can sbubs dang bcas pa la brten pa yin pas/
nur nur po sogs dang/ sems med pa dang/ gzugs med pa rnams la ni
ma yin no/ /mi sdug pa dang/ dbugs 'byung rdub ni rgyud kyis
bsdus pa

sems can zhes bya ba'i grangs su gtogs la/ 'on kyang dbang po
dang tha dad par 'jug pas na sems kyis ma zin pa zhes bya'o/
/rlung de dag byung ba gsum gyi nang nas rgyu mthun las byung ba
yin la/ rnam smin dang rgyas byung ni med do/ /de yang rang sa
dang gong ma'i sems kyis rtogs kyi/

@06a @#/ /'og ma'i sems kyis gong ma'i rlung de gnyis mi rtogs
so/ /gong ma'i lus la 'og ma'i sprul sems dang/ spyod lam pa'i
sems gnyis 'byung yang/ nges kyang gong ma'i lus sems mi rtogs
so/ /zhes 'dod do/ /yang/ sems gnas pa'i thabs dgu'i sgo

nas zhi gnas sgrub tshul sogs ni gzhan las shes so// ! dran pa
nyer gzhag bsgom par bya/ /zhes sogs kyi skabs su/ de ltar lam
la 'jug pa'i sgo gnyis kyis zhi gnas 'grub kyang/ lhag mthong gi
shes rab med na nyon mongs pa rnams rtsa ba nas spong mi nus pas
na

de bskyed pa'i phyir du lus dran pa nye bar gzhag pa dang/ tshor
ba dang/ sems dang/ chos dran pa nye bar gzhag pa bzhi bsgom par
bya la/ sgom tshul yang lus tshor sems chos rnams la rang rang gi
mtshan nyid dang/ 'dus byas thams cad mi rtag pa dang/ zag bcas
thams cad sdug

bsngal ba sogs spyi'i mtshan nyid gnyis su yongs su brtags pas
bsgoms pa'o/ /dran pa nyer gzhag de dag gi ngo bo ni shes rab
yin la/ shes rab des dran pa nye bar 'jog par byed pa'i phyir
'bras ming rgyu la btags pa'o/ /de la yang sbyor byung ni thos
bsam sgom gsum gyi shes

rab gsum yod la/ skyes thob ni med do/ /yang/ dran pa nyer gzhag
la sgras brjod rigs sam dngos btags ma phye bar dbye na/ rang
bzhin dran pa nyer gzhag dang/ 'brel pa dran pa nyer gzhag dang/
dmigs pa'i dran pa nyer gzhag gsum las/ dang po ni/ bshad ma
thag pa'i thos sogs kyi shes

rab rnams dang/ gnyis pa ni/ shes rab de dag dang mtshungs ldan
gyi sems sems byung rnams dang/ gsum pa ni/ de dag gi dmigs yul
du gyur pa'i lus tshor sems chos rnams so/ /go rim ni skye ba'i
rim pa dang mthun pa dang/ grangs nges ni/ lus la gtsang ba
dang/ tshor ba la bde ba dang/

sems la rtag pa dang/ chos la bdag tu 'dzin pa'i phyin ci log gi
rtog pa bzhi'i gnyen por lus dran pa nyer gzhag sogs bzhir bstan
pa'o/ /de las dang po gsum ni rang rang gi dmigs yul lus sogs so
so ba la dmigs bsan ma 'dres pa la dmigs pa yin la/ bzhi pa des
chos

@06b thams cad la dmigs na 'dres pa dang/ 'du shes dang/ 'du
byed dang/ 'dus ma byas sogs re re ba kho na la dmigs nam 'dres
pa la dmigs pa yin no/ /de yang dang por lus sogs ma 'dres pa la
dmigs pa'i dran pa nyer gzhag la goms par byas nas/ de la goms
pa na chos dran pa nyer

gzhag gi dmigs yul lus tshor sems chos rnams spyir bsdus te 'dres
par dmigs pa la sems gnas nas dmigs pa de dag la rnam pa mi rtag
pa dang/ sdug bsngal ba dang/ stong pa dang/ bdag med par blta
zhing dpyod par byed pa'o/ /des na rang mtshan kho na la dmigs pa
dang/

spyi mtshan la dmigs pa dang/ 'dras pa la dmigs pa gsum rim pa
bzhin tshogs lam chung 'bring che gsum du 'jog go/ de lta bu'i
zhi lhag gnyis ni tshogs lam gyi gtso bo yin pa'i phyir 'dir
dngos su smos pa yin gyi/ gzhan ni theg pa gsum po rang rang gi
byang chub tu sems bskyed pa'i

dge ba sbyor lam gyi snga rol tu yod pa thams cad de dang de'i
tshogs lam du 'jog go/ 'o na/ lugs 'dir tshogs sbyor gyi lam gnyis
lam mtshan nyid pa yin nam ma yin zhe na/ tshogs lam ni lam dngos
la 'jug pa'i sgo dang/ sbyor lam ni lam dngos la sbyor byed yin
pas rgyu mtshan gyis lam

du btags pa tsam las lam dngos yin par mi 'dod de/ 'grel pa
mngon pa'i rgyan las/ des na lam dang po gnyis ni rim pa ltar
lam dngos la 'jug pa'i sgo dang/ dngos su sbyor ba yin pas lam
du btags pa yin la/ phyi ma gsum ni rim pa ltar bden pa mngon
sum du mthong ba dang/ de'i rgyun

goms par byed pa dang/ goms pa mthar phyin pa'i phyir lam mtshan
nyid pa yin no/ /zhes gsungs pas na lam dngos ni mthong sgom mi
slob lam gsum po gang rung du nges par 'dod do/ /des na lam lnga
yod kyang de lnga po gang rung yin na lam yin pas ma khyab pa
dang/ tshogs sbyor gang rung

yin na lam ma yin pas khyab pa dang/ lam dang lam bden gnyis don
gcig tu 'dod dgos pa yin no/ /'o na lam du zhugs pa la 'phags
lam du zhugs dgos par thal/ tshogs sbyor gnyis po de lam ma yin
pa'i phyir zer na ma khyab ste/ tshogs lam de lam dngos la 'jug
pa'i sgo

@07a @#/ /yin pas der nam zhugs pa nas/ lam du zhugs par 'jog
dgos pa'i phyir dang/ tshogs lam du zhugs pa'i dus mtshams kyang
theg pa rang rang gi byang chub tu sems bskyed ma thag pa'i dus
nyid nas 'jog dgos pa'i phyir ro/ /de la kho na re/ tshogs lam pa
chos can/ lam

thob par thal/ lam zhugs gang zag yin pa'i phyir zer na ma
khyab/ yang de chos can/ lam ma zhugs yin par thal/ lam rgyud la
mi ldan pa'i gang zag yin pa'i phyir zer na yang ma khyab bo/
/de bzhin du lam la/ mkhyen pa dang ye shes gnyis re re nas ma
khyab ste/ de gnyis gang rung

la shes pas khyab pa gang zhig  /lam la thob pa dang zag med kyi
sdom pa yang 'jog dgos pa'i phyir/ mkhyen pa la lam gyis kyang
ma khyab ste/ gnas dang gnas min mkhyen pa'i stobs sogs kyi ngo
bor gyur pa'i kun rdzob shes pa lam ma yin pa'i phyir/ 'di dag
sogs skabs mang por

grub mtha' gong 'og gi khas len ma 'dres par lan 'debs shes pa
gal che'o/ /tshogs lam gyi rtogs pa'i khyad par ni/ chos thams
cad bdag med par spyi'i tshul du rtogs pa dang/ spangs pa'i khyad
par nyon mongs pa la dgrar blta ba'i sgo nas bsun 'byin pa dang/
lus rten

ni/ gling gsum gyi skyes pa bud med dang/ klu dang/ 'dod gzugs
kyi lha sogs kyang yod la/ gzugs med pa dang/ sgra mi snyan pa
dang/ dmyal ba pa sogs ni med par 'dod do/ /'o na/ bdag cag gi
ston pa dmyal ba'i shing rta 'dren pa'i gyad du gyur pa'i tshe
byang chub tu sems

bskyed bar bshad pa ma yin nam zhe na/ lugs 'dir/ de'i tshe sems
bskyed kyi rten gzhan sdug bsngal ba la dmigs pa'i snying rje
bskyed pa yin kyang/ de la brten pa'i byang chub tu sems bskyed
pa min zhes smra dgos so// ! de las dro bar gyur pa 'byung/
/zhes sogs kyi skabs su

sbyor lam bstan pa ste/ tshogs lam gyi gnas skabs su chos dran pa
nyer gzhag spyi la dmigs pa'i shes rab de las ni sbyor lam dro
bar gyur pa 'byung ste/ mthong spang nyon mongs kyi bud shing
sregs byed mthong lam gyi me 'byung ba'i snga ltas su gyur pa'i
phyir dro ba zhes brjod pa'o/ /

@07b ye shes de ni bden pa bzhi'i spyod yul can yin la/ de yang
skad cig ma gcig gis ni bzhi char la dmigs mi nus pas rgyun
chags pa'i sgo nas yin no/ /des na tshogs lam nas bden bzhi la mi
dmigs la sbyor lam drod nas dmigs pa yin no/ /de la kho na re/
tshogs lam nas bden

bzhi gang rung la dmigs par thal/ dmigs yul phung po sogs bden
pa la dmigs pa'i phyir/ zer na/ de'i dmigs yul phung po sogs
bden bzhi gang rung yin mod kyang/ de dag la bden pa'i khyad par
du ma phye bar dmigs pas na bden pa'i rnam pa can ma yin la/
sbyor lam nas

bden ba'i bye brag tu so sor phye nas dmigs pa'i phyir ro/ /drod
kyi ye shes de'i rnam pa la ni mi rtag la sogs bcu drug gi rnam
pa can yod la/ ye shes de chung 'bring chen por 'phel ba las
rtse mo'i ye shes 'byung ste/ de yang dmigs rnam drod dang
mtshungs par bden bzhi mi rtag la

sogs pa bcu drug gi dmigs rnam can no/ /'on kyang drod las chos
mchog tu gyur pas na rtse mo zhes ming du btags so/ /drod rtse
gnyis ni nyams pa srid pas g.yo ba zhes bya ba yin la/ de yang
g.yo ba chung ngu ni drod dang/ chen po ni rtse mo'o/ /bzod pa
dang chos mchog gnyis ni shas cher

nyams pa mi srid pas mi g.yo ba zhes bya la/ de yang mi g.yo
ba chung ngu ni bzod pa dang/ chen po ni chos mchog go/ drod
rtse gnyis ka'ang dang por chos dran pa nyer gzhag nyid kyis
dmigs pa la 'jug cing rnam pa btod par byed la/ phyis ni lus
dran pa nyer gzhag sogs gzhan

gsum gyis kyang 'phel bar byed do/ /de'i rnam pa btod pa zhes pa
ni thog mar bsgom pa'i don yin la/ 'phel ba zhes pa ni bsgom pa
de goms shing byang bar byed pa'i don no/ /rtse mo de chung
'bring chen por rim gyis 'phel ba las bzod pa'i ye shes skye ste
bden pa la ches cher bzod pa'i don

no/ /bzod pa la'ang gsum yod pa'i nang nas chung 'bring gnyis
ni/ thog mar bden pa la rnam pa btod pa'i tshe drod rtse gnyis
dang mtshungs par chos dran pa nyer gzhag kho nas rnam pa btod
cing 'god par byed la/ 'phel ba ni drod rtse dang mi mtshungs te/
bzod pa chung 'bring chen po thams cad chos

@08a @#/ /dran pa nyer gzhag kho nas 'phel bar byed pa las lus
dran pa nyer gzhag sogs gzhan gyis ma yin te/ de ni chos mchog
dang nye zhing/ chos mchog ni mthong lam dang nye la/ mthong lam
de chos dran pa nyer gzhag gi ngo bo yin pas de dang 'dra bar

bstan pa'i phyir ro/ /bzod pa chung ngu de ni 'dod pa'i bden
bzhi'i rnam pa mi rtag sogs bcu drug dang/ khams gong ma gnyis
bsgril ba'i bden bzhi'i rnam pa bcu drug ste rnam pa'i skad cig
ma sum cu rtsa gnyis tshang bar bsgom pa'o/ /bzod pa 'bring la
ni/ rnam pa so gnyis po de dag las

dang por rnam pa re re nas phri ba'i mthar dmigs pa dor nas
bsgom pa dang/ dmigs yul bden pa dang rnam pa dus mnyam du phri
nas lhag ma bsgom pa'i lugs gnyis bshad pa las/ dang po ni/ gong
du bzod pa chung ngu'i rnam pa so gnyis tshang bar bsgom pa'i
rjes su thog mar khams gong ma

gnyis kyi gnyen po lam bden gyi rnam pa bzhi'i dang po lam gyi
rnam pa bor te lhag ma sum cu rtsa gcig bsgom pa dang/ de nas
rig pa bor te sum cu dang/ de nas sgrub pa bor te nyer dgu /nges
'byin bor te nyer brgyad/ de nas gong ma'i lam bden la dmigs pa
bor te gong ma'i

'gog pa dang/ kun 'byung dang/ sdug bden gyi rnam pa dang dmigs
pa rnams kyang rim gyis re re nas dor ba dang/ de nas 'dod pa'i
gnyen po lam bden nas sdug bden gyi bar gyi dmigs rnam rnams
kyang sngar ltar re re nas dor ba'i mthar/ 'og nas 'byung ba
ltar gang zag dbang po rno

rtul bzhi'i gnyen po sgom tshul gyi dbang las sdug bden gyi rnam
pa bzhi las gang rung gcig lan gnyis su bzlas te bsgom pa'i bar
rnams bzod pa 'bring ste/ bsdoms pas skad cig ma bzhi brgya dang
dgu bcu rtsa bdun no/ /'di'i dbang du byas pa'i grangs kyi sdom
tshig tu/ dang po gsum la dgu

bcu ste/ de nas dgu nyid phri ba dgu /mtha' ma'i rnam pa gnyis
bsnan pa/ /'di yi grangs su nges par bzung/ /zhes 'grel pa mngon
pa'i rgyan du 'dren par mdzad 'dug ba 'di'i rtsi tshul ni/ gong
du bshad pa ltar gyi rnam pa re re nas dor nas bsgom pa'i grangs
gsum tshan gsum tshan du bsdoms nas bgrang ba ste/

@08b gsum tshan dang po bsdoms pa la dgu bcu/ de nas rim gyis dgu
re dgu re phri ba'i gsum tshan dgu ste/ phyi ma'i gsum tshan dang
po la sngar las dgu phri bas brgyad cu gya gcig  /gnyis pa la de
las dgu phri bas bdun cu don gnyis sogs rtsis kyi dgu zla'i
grangs bzhin rim gyis

phri ba'i mtha' ma gsum tshan dgu pa la grangs dgu rkyang gcig
'byung ba bcas khyon gsum tshan bcu'i grangs bsdoms pa'i thog
/'dod pa'i sdug bden gyi rnam pa gcig la lan gnyis bzlas pa
bsnan pas skad cig ma bzhi brgya dang dgu bcu rtsa bdun tshang
ba'i don yin no/ /bshad tshul

gnyis pa ltar na/ bzod pa 'bring skad cig ma brgya dang bcu dgu
ste/ de yang bzod pa chung ngu rnam pa sum cu rtsa gnyis tshang
bar bsgoms pa'i rjes la/ khams gong ma gnyis bsdoms pa'i gnyen
po lam bden gyi rnam pa bzhi por te lhag ma nyi shu rtsa brgyad
bsgom pa dang/ de nas 'dod pa'i gnyen

po lam bden gyi rnam pa bzhi por te lhag ma nyi shu rtsa bzhi
dang/ de nas gong ma gnyis kyi 'gog bden gyi rnam pa bzhi por te
lhag ma nyi shu dang/ de nas 'dod pa'i 'gog bden gyi rnam pa
bzhi por te lhag ma bcu drug dang/ de nas gong ma gnyis kyi kun
'byung gi rnam pa bzhi por te lhag ma

bcu gnyis/ de nas 'dod pa'i kun 'byung gi rnam pa bzhi por te
lhag ma brgyad/ de nas gong ma gnyis kyi sdug bden gyi rnam pa
bzhi por nas lhag ma 'dod pa'i sdug bden gyi rnam pa bzhi bsgom
pa'i bar dbang po rno rtul 'dra zhing/ de nas sgom pa po de la
dbang rnon lta ba spyad pa dang/ dbang rtul

sred pa spyad pa gnyis yod pa'i dang po de yin na/ 'dod pa'i
sdug bden gyi rnam pa dang po gnyis las gang rung zhig dor nas
lhag ma gsum bsgom pa dang/ de nas rnam pa dang po gnyis ka dor
nas/ phyi ma gnyis bsgom pa dang/ de nas dbang rnon lta ba spyad
pa de la yang bdag tu lta ba spyad pa

dang/ bdag gir lta ba spyad pa gnyis yod pa'i dang po de yin na
bdag lta'i gnyen po bdag med pa'i rnam pa lan gnyis su bsgom la/
gnyis pa de yin na bdag gir lta ba'i gnyen po stong pa'i rnam pa
lan gnyis su bsgom mo/ /yang/ dbang rtul srid pa spyad pa yin na
ni 'dod pa'i sdug bden gyi

@09a @#/ /rnam pa bzhi las phyi ma gnyis gang rung zhig dor nas
lhag ma dang po gsum bsgom pa dang/ de nas phyi ma gnyis ka dor
nas dang po gnyis bsgom pa dang/ de nas sred pa spyad pa de la
yang/ nga rgyal shas che ba dang/ le lo shas che ba gnyis las
dang po yin na

nga rgyal gyi gnyen po mi rtag pa'i rnam pa lan gnyis su bsgom
la/ gnyis pa yin na le lo'i gnyen po sdug bsngal gyi rnam pa lan
gnyis su bsgom pa ste/ de la dbang po rno rtul gang gi dbang du
byas kyang skad cig ma brgya dang bcu dgu'o/ /'di'i sdoms su/
nyer brgyad rtsa bzhi nyi shu dang/ /bcu drug bcu gnyis

brgyad dang bzhi/ /gsum gnyis rnam pa mtha' ma gcig  /lan gnyis
bsnan pa 'di yi grangs/ /zhes gsungs te go sla'o/ /de ltar bshad
tshul gnyis las 'grel pa'i dgongs pa ni phyi ma yin par mkhas pa
rnams gsung ngo/ /'o na/ bzod pa chung ngu'i skabs su dmigs rnam
tshang

bar bsgo la/ 'bring gi tshe rim gyis phri nas mthar 'dod pa'i
sdug bden kho na la dmigs shing de kho na'i rnam pa bsgom pa'i
rgyu mtshan ci zhe na/ khams gsum po sun 'byin pa la dang por
mtha' dag la dmigs kyang/ phyis ni 'dod khams kho na dang por
shes shing spangs dgos par

mthong nas de kho na la dmigs pa'o/ /des na bzod pa 'bring gi
mthar bshad tshul snga phyi gang ltar na'ang mtha'i skad cig ma
bcu gcig 'dod pa'i sdug bden kho na la dmigs pa ltar/ bzod pa
chen po yang 'dod pa'i sdug bden kho na dmigs yul du byed la/
bzod pa chen po de ni

skad cig ma gcig yin pa las snga ma rnams ltar skad cig ma rgyun
chags pa ma yin zhing/ de bzhin du sbyor lam chos mchog kyang
'dod pa'i sdug bden kho na la dmigs shing skad cig ma gcig yin
la/ des zag med kyi skal mnyam gyi rgyu mi byed kyang rang gi
stobs kyis mthong

lam dngos su 'dren pas na 'jig rten pa'i chos kyi mchog ces
bya'o/ /'di thad 'grel pa mngon pa'i rgyan du/ bzod pa 'bring gi
mthar bshad tshul snga ma ltar na skad cig ma drug dang zhes pa
ni yig skyon du nges te/ de ltar yin min rtsis na shes pa'i
phyir ro/ /bzod pa 'bring gi skad cig

@09b mtha' ma gnyis kyi tshe sngar bshad pa'i gang zag gi dbang
po'i bye brag ltar 'dod pa'i sdug bden gyi rnam pa bzhi las gang
rung zhig lan gnyis su bsgom par bshad pa'i dmigs rnam gang yin
pa de bzhin du de dang rgyun gcig pa'i bzod pa chen po dang/
chos mchog dang/ mthong

lam sdug bsngal chos bzod dang/ chos shes rnams kyang dmigs rnam
de kho na dang mthun pa yin no/ /'di dag gi snga phyi'i skad cig
ma zhes pa rnams ni bya rdzogs kyi thung mtha'i skad cig ma la
byed pa las/ dus kyi thung mthong mtha'i skad cig ma la byed pa
ni min te/ 'og tu dpyad do// ! thag pa

gong ma ba rnams ni/ sbyor lam chos mchog la yang chung 'bring
chen po'i dbye ba 'thad pa ma zad/ sbyor lam bzhi po thams cad
kyis bden pa bzhi char la dmigs shing/ de dag gi rnam pa yid la
byed par yang mi 'gal la/ 'dir drod rtse bzod pa rnams la chung
'bring chen

po'i dbye ba yod kyang/ chos mchog la de 'dra'i dbye ba med par
skad cig ma gcig tu 'dod pa dang/ de yang 'dod pa'i sdug bden
gyi rnam pa can kho nar 'dod pa sogs ni bye brag smra bas kun
brtags yin no zhes bzhed do/ /drod sogs kyi ye shes bzhi po
thams cad kyang gtso bo ni

shes rab yin la/ 'khor dang bcas na phung po lnga pa ste/ de dag
gi rjes 'brang gi gzugs ni bsam gtan gyi sdom pa kho na'o/ /yang
de dag gi thob pa ni sbyor lam du ma gtogs te/ mthong lam pa'i
rgyud la sbyor lam gyi thob pa yod pa gang zhig  /thob pa sbyor
lam yin na mthong lam pas sbyor lam mngon

du byed par thal ba'i skyon yod pa'i phyir/ ! nges 'byed cha
mthun rnam pa bzhi/ /zhes sogs kyi skabs su/ sbyor lam drod sogs
bzhi po de dag la nges 'byed cha mthun zhes kyang bya ste/ nges
par 'byed pa ni mthong lam yin la/ de'i cha ni mthong lam gyi
phyogs gcig sdug bsngal chos bzod la byed cing/ de nyid

drod sogs bzhi pos dngos brgyud ci rigs pa'i sgo nas 'dren par
byed pa'i phyir de dang mthun pa zhes brjod pa'o/ /drod sogs
bzhi po thams cad kyang sgom byung yin la sa ni bsam gtan sa
drug po gang rung la brten pa'o// ! gnyis ni 'og na'ang yod
pa'am/ /zhes pas/ btsun pa dbyangs sgrog gis

@10a @#/ /drod rtse gnyis la 'dod pa'i sas bsdus kyang yod par
'dod pa'i tshul bshad pa yin kyang skabs 'di'i rang lugs su ni
khas mi lan te/ drod sogs bzhi char sgom byung du 'dod pa'i
phyir ro/ /lus rtan ni 'dod pa'i rten can kho na las gong ma'i
rten can yod par mi 'dod la/

de yang sbyor lam dang po gsum ni thog mar skye ba'i tshe gling
gsum gang rung gi mi'i rten la bskyed cing/ phyis ni 'dod pa'i
lha'i rten la yang skye ba yod la/ bzod pa chen po dang/ chos
mchog gnyis ni/ 'dod lha'i rten la dang por gsar du skye ba yod
do// ! gnyis ka'i rten can thob par 'gyur/ /zhes

pa'i don ni/ 'grel pa mngon pa'i rgyan du/ dang po gsum ni skyes
pas kyang bud med kyi rten can dang/ bud med kyis kyang skyes
pa'i rten can thob pas gnyis ka'i rten can thob par 'gyur la/
chos mchog ni bud med kyis skyes pa dang bud med gnyis ka'i rten
can thob par 'gyur gyi/

skyes pas ni gnyis ka'i rten can thob pa ma yin te/ chos mchog
thob pa'i skyes pa ni bud med la so sor brtags min gyi 'gog pa
thob pas bud med du mi skye ba'i phyir ro/ /zhes gsungs pa ltar
te/ de yang sbyor lam dang po gsum gyi skyes pa dang/ bud med
phan tshun mtshan gyur pa srid pa

dang/ chos mchog thob pa'i skyes pa ni slar bud med du mtshan
gyur pa mi srid la/ bud med ni slar skyes par 'gyur ba yod pas
de dag la bsams nas gnyis ka'i rten can thob pa yod med dpyad
par snang mod/ 'on kyang yig cha rnams kyi spam bshad ltar khas
blangs na 'dzin mtshams

dka' bar 'ong bas tshig skyon bcad pa'i dbang du byas na/ de la
kho na re/ sbyor lam drod thob pa'i skyes pa chos can/ khyod
kyis bud med kyi rten can gyi sbyor lam thob par thal/ des bud
med kyi rten can gyi sbyor lam thob pa srid pa'i phyir na ma
khyab/ der thal/ de gnyis ka'i rten can gyi sbyor

lam thob pa srid pa'i phyir/ byes pa la/ kho na re/ 'o na/ de
'dra'i skyes pa chos can/ khyed bud med du mtshan gyur pa'i tshe
na bud med kyi rten can gyi sbyor lam thob par thal/ 'dod na/
mtshan gyur pa de'i tshe de'i skyes pas bud med kyi rten can gyi
sbyor lam thob par thal/ rtags de'i phyir zer na

@10b ma khyab ste/ de'i tshe bud med kyis bud med kyi rten can
gyi sbyor lam thob pa'i phyir/ yang kho na re/ sbyor lam drod
thob pa'i skyes pa mtshan gyur pa'i bud med de chos can/ khyod
kyis skyes pa'i rten can gyi sbyor lam thob par thal/ de gnyis
ka'i rten can gyi sbyor lam thob pa'i phyir/ 'dod na/ de 'dra'i
bud med de

chos can/ khyod skyes pa'i rten can gyi sbyor lam dang ldan par
thal/ 'dod pa'i phyir/ 'dod na/ de chos can/ khyod skyes pa'i
rten can yin par thal/ skyes pa'i rten can gyi sbyor lam dang
ldan pa'i phyir na ma khyab/ 'o na/ kho rang la/ de 'dra'i bud
med de chos can/ khyod skyes pa'i rten can gyi sbyor lam btang

bar thal/ des sngar skyes pa'i rten can gyi byor lam thob pa ni
gang zhig  /mtshan gyur nas de dang mi ldan pa'i phyir/ 'dod na/
mtshan gyur pa de skyes pa'i rten can gyi sbyor lam dang/ bud med
kyi rten can gyi sbyor lam gnyis ka'i gtong rgyu yin par thal/
'dod mi nus te/ mtshan gyur ba sbyor lam gang

gi yang gtong rgyur ma bshad pa'i phyir/ gzhan yang de 'dra ba'i
bud med chos can/ khyod kyi gnyis ka'i rten can gyi sbyor lam ma
thob par thal/ des skyes pa'i rten can gyi sbyor lam ma thob
pa'i phyir/ 'dod na/ gnyis ka'i rten can gyi sbyor lam thob pa
med par thal/ 'dod na/ gong gi 'grel pa mngon

pa'i rgyan gyi lung sogs dang 'gal lo/ /yang/ kho na re/ de
'dra'i bud med de'i rgyud la skyes pa'i rten can gyi sbyor lam
yod par thal/ de dang ldan pa'i phyir na yang ma khyab bo/
/yang/ kho na re/ sbyor lam chos mchog thob pa'i bud med chos
can/ khyod kyis skyes pa'i rten can gyi sbyor lam chos mchog
thob pa srid par thal/

des gnyis ka'i rten can gyi sbyor lam chos mchog thob pa srid
pa'i phyir/ der thal/ 'dod rten chos mchog bud med kyis/ /gnyis
ka'i rten can thob par 'gyur/ /zhes gsungs pa'i phyir/ rtsa bar
'dod na mi 'thad par thal/ des skyes pa'i rten can gyi sbyor lam
chos mchog thob pa'i dus mtshams med pa'i

phyir/ der thal/ chos mchog gis de ma thag tu mthong lam mngon
du byed pa gang zhig  /mnyam bzhag la gnas bzhin du mtshan gyur
pa mi srid pa ma yin nam/ zhe na/ 'di la dngos su gsal kha bshad
pa ma mthong yang/ shugs kyi bsam don ltar na/ chos mchog thob
pa'i bud med de slar

@11a @#/ /sgom lam gyi gnas skabs su skyes par mtshan gyur pa
dang/ skyes par skye ba len pa yang 'dod pas/ de'i tshe sbyor lam
mngon du mi byed kyang ldan pa ni yin la/ skyes pa'i rten can
yang yin pa la bsams nas gnyis ka'i rten can thob pa'i tha snyad

byed pa yin zhes smra'o/ /des na 'di dag la grub mtha' gong ma'i
'dod tshul gyis gzhal na/ rigs pa'i gnod pa du ma 'bab pas don la
mi 'thad pa ma zad/ bye brag smra ba rang lugs kyi 'dod tshul
dang bstun na'ang/ gnas skabs khas len 'dzin tshul mi mdzes tsam
mchis rung/

grub mtha' rang gis rnam par brtags pa'i 'dod tshul yin pa'i
phyir lan de ltar 'debs pa las 'os med la/ da dung 'di 'dra ba
'ga' zhig mchis pa 'og tu 'chad do// ! 'phags pas de dag sa bor
nas/ /zhes sogs kyi skabs su/ 'o na/ sbyor lam de dag gang gis

gtong zhe na/ lugs 'dir sbyor lam dang ldan pa'i 'phags pa yod
par 'dod pas na/ de 'dra'i 'phags pa rnams kyis ni sngar sbyor
lam sa gang la brtan nas thob pa'i sa de bor nas sa gong du
'phos pa na gtong ste/ dper na/ bsam gtan dang po'i sas bsdus
pa'i sbyor lam

ni bsam gtan gnyis pa sogs su 'phos na gtong ba lta bu'o/ /de
yang shi 'phos nas gong du skyes pas gtong ba yin gyi/ 'dod
chags dang bral bas sa 'phos pa tsam gyis ni mi gtong ngo/
/yang/ sbyor lam thob pa'i 'phags pa gong sa nas 'og sar skyes
pas sbyor lam gtong

ba ni med de/ sbyor lam dang ldan pa'i rgyun zhugs dang phyir
'ong lta bu 'dod par skye ba blangs kyang 'dod pa nas 'dod par
skye ba yin pa las/ gong sa nas 'og sar skye ba ma yin pa'i
phyir dang/ 'phags pa de dag 'dod par skye ba blangs pas sbyor
lam gtong ba yang ma yin pa'i

phyir dang/ gong ma'i rten can gyi 'phags pa ni phyir mi 'ong
dang/ dgra bcom pa gang rung du nges la/ de gnyis ni 'og sar
skye ba mi srid pa'i phyir ro/ /byas pa la/ kho na re/ sbyor lam
dang ldan pa'i rgyun zhugs chos can/ khyod 'dod par skye ba
blangs pa na sbyor lam gtong bar

@11b thal/ de'i tshe sa 'phos pa yin pa'i phyir/ der thal/ des
sngar bsam gtan dang po'i nyer bsdogs la brten pa'i sbyor lam pa
gang zhig  /'dod pa dang bsam gtan dang po sa mi mtshungs pa'i
phyir zer na/ ma khyab ste/ skabs 'di'i dngos bstan gyi sa 'phos
pa zhes pa gong du bshad ma thag pa ltar/

sbyor lam sa gang la brten pa de'i gong sar 'phos pa la byed pa
gang zhig  /de bsam gtan dang po'i gong sar skyes pa ma yin pa'i
phyir/ yang/ 'di'i thad kyi 'grel pa mngon pa'i rgyan gyi mchan
bur/ 'di 'og tu sa 'phos pas gtong ba ni med de/ gong ma'i rten
la sbyor lam med pas so/ /

zhes gsungs pa'i dngos bstan ltar gong ma'i rten la sbyor lam
med pa ni nges par khas len dgos mod/ 'on kyang des sbyor lam
dang ldan pa'i gong ma'i rten can med par bstan pa ni ma yin te/
sbyor lam dang ldan pa'i gong ma'i rten can gyi 'phags pa yod
pa'i phyir te/ dper na/

'bras bu rim gyis pa'i phyir mi 'ong gzugs su nyer 'gro zhig
bsam gtan dang por skye ba blangs na/ des sngar 'dod pa'i rten
la bsam gtan dang po'i nyer bsdogs la brten pa'i sbyor lam thob
pa de la bar du gtong rgyu gang yang ma byung ba'i phyir/ der
thal/ de la sa 'phos pas gtong rgyu ni ma byung

ste/ sbyor lam de dang skye ba len sa gnyis bsam gtan dang por
sa mtshungs pa'i phyir dang/ sa ma 'phos na so skye bzhin du 'chi
'phos pa tsam gyi 'phags pas sbyor lam mi gtong zhing/ yongs su
nyams pas sbyor lam gtong ba yang 'phags pa la med pa'i phyir
te/ 'grel pa mngon pa'i

rgyan gyi mchan bur/ gzhan yang so so skye bo ltar 'chi ba'am/
yongs su nyams pas kyang ma yin te/ de'i dge ba'i rtsa ba'i
rgyud ni/ mthong lam gyis nye bar brtan par byas pas so/ /zhes
gsungs pa'i phyir/ des na de 'dra'i phyir mi 'ong bsam gtan dang
po'i rten can des sngar sbyor lam thob pa

nas bar du gtong rgyu ma byung bas na sbyor lam dang ldan par
'dod pa las 'os med la/ da dung de 'dra ba gzhan yang mchis te
dpyad na shes so// ! 'phags min 'chi bas so/ zhes gsungs pas/
'phags min so so skye bos ni sa bor ma bor la ma ltos par 'phags
lam ma thob gong du

@12a @#/ /shi 'phos na nges par sngar thob pa'i sbyor lam gtong
ba yin no/ /'di la yang sngar thob pa zhes pa'i khyad par sbyor
dgos te/ gzhan du tshe phyi ma la slar yang sbyor lam mngon du
byed pa'i phyir/ sbyor lam dang po drod rtse gnyis ni so skyes
yongs

su nyams pas kyang gtong ba yod la/ phyi ma gnyis shes cher
yongs su nyams pas gtong ba med par bshad kyang/ nang bsres kyis
phye na bzod pa 'bring man chad la gnas pa'i so skyes ni shi ma
'phos kyang yongs su nyams pas gtong ba yod la/ bzod pa chen po
dang chos mchog thob nas ni de ltar

med de/ tshe de la bden pa mthong bar nges pa'i phyir/ de bzhin
du/ dngos gzhis de nyid la bden mthong/ /zhes pa yang/ phal che
ba'i dbang du byas pa ste/ de yang bsam gtan gyi dngos gzhi
gzhan la brten pa'i sbyor lam thob pa ni tshe de la bden pa
mthong bar nges kyang/ dang po'i dngos gzhi khyad

par can la brten na ma nges te/ nyams pa srid pa'i phyir/ der
thal/ 'grel pa mngon pa'i rgyan gyi mchan bur/ mi lcog med dang
bsam gtan khyad par can la brten pa'i sbyor lam gyis ni tshe de
nyid la bden pa mthong bar ma nges te/ nyams pa srid pas so/
/zhes gsungs pa'i phyir/ yang/

'grel pa mngon pa'i rgyan gyi mchan du/ des na dngos gzhi'i
sbyor lam thams cad 'phags pas gtong bar nges so/ /zhes pa zhig
gsungs 'dug pa de'i don ni/ bsam gtan khyad par can las gzhan
pa'i dngos gzhi la brten pa'i sbyor lam yin na 'phags lam thob
pa dang btang bar nges pa'i

don ni ma yin no/ /des na 'dir so skyes sbyor lam 'chi 'phos pa
dang nyams pa gang rung gis gtong ba dang/ 'phags pas sa gong du
'phos pas gtong bar bshad pa yang phal che ba'i dbang du byas pa
las khyab mtha' bzung ba ma yin te/ tshe de la bden pa mthong bar
nges pa'i so skye rnams kyis

sbyor lam 'chi 'phos pa dang/ nyams pa gang rung gis mi gtong
ba'i phyir dang/ bse ru lta bu'i rang rgyal dang/ byang chub
sems dpa' rnams ni sbyor lam drod nas zad mi skye shes pa'i bar
stan thog gcig la mngon du byed pas na dgra bcom thob nas kyang
gtong rgyu ma byung bas sbyor lam

@12b dang ldan par 'dod dgos la/ des na de 'dra ba'i 'phags pa
rnams kyis ni sbyor lam de dag lhag med myang 'das kyi tshe gtong
ba las sa 'phos pas mi gtong ba'i phyir te/ dgra bcom thob nas
sa gong du skye ba len pa mi srid pa'i phyir/ ! rnam par nyams
na sngon med thob/ /ces pa ste/ sngar bshad pa ltar

bzod pa 'bring man chad thob pa'i so skyes yongs su nyams pa'am/
'chi 'phos pa gang rung gis sbyor lam btang ba las/ slar sbyor
lam thob pa na sngon med kho na gsar du thob pa las sngar 'das
pa ni mi thob ste/ 'bad pas sgrub par bya dgos pa las 'dod chags
dang bral ba tsam gyis thob mi nus

pa'i phyir/ zhes pa'o/ /skabs 'dir yongs su nyams pa dang/ rnam
par nyams pa zhes pa gnyis bshad pa de gnyis kyi khyad par ci
zhe na/ nyams pa de gnyis char gyis chos de mi ldan par byed pa
la khyad par med mod/ 'on kyang nang bsres su/ yongs nyams ni
nyon mongs pa'i nyes pas nyams

par byas pa kho na yin la/ rnam nyams ni/ nyon mongs pas ma
nyams kyang/ mthong lam thob pa na so skye btang ba dang/ sgom
lam thob pa na mthong lam btang ba lta bu yon tan gong ma skyes
pa na 'og ma'i ming nyams pa'am btang ba la yang byed pa yin
pas/ des na yongs nyams la rnam nyams

kyis khyab kyang/ rnam nyams la yongs nyams kyis ma khyab bo// !
rtse mo thob pa rtsa mi chad/ /zhes sogs kyi skabs su/ de la
drod nas yongs su nyams kyang nges par mya ngan las 'da' nga'i
chos can las mi nyams la/ rtse mo thob pa nyams kyang dge rtsa
chad pa mi srid cing/ bzod pa thob pa

'ga' zhig nyams pa srid kyang ngan song gsum du mi skye'o/ /des
na bzod pa thob pa'i gang zag des ngan 'gro ba gsum dang/ sgong
skyes dang drod gsher gyi skye gnas gnyis dang/ 'du shes med
pa'i sems can dang/ sgra mi snyan dang/ tshangs chen gyi skye ba
gsum dang/ za ma/ ma ning/ mtshan gnyis

pa ste lus gsum dang/ brgyad pa phan chad la sogs pa'i srid pa
dang/ mthong spang gi nyon mongs te 'gro ba dang/ skye gnas
dang/ skye ba dang/ lus dang/ srid pa dang/ nyon mongs pa bshad
ma thag pa de rnams la brtags min thob pas na mi skye ba'i chos
can drug thob pa zhes bya'o/ /'dir brgyad pa

@13a @#/ /phan chad la sogs pa'i srid pa zhes pa'i don ni bzod pa
thob nas srid par lan bdun lhag mi skye ba'i don no// ! gnyis
slob rigs las bzlog nas ni/ /sangs rgyas su 'gyur gzhan gsum
yang/ /zhes pa'i skabs su/ rigs can gsum

yod pa'i nang nas slob ma nyan thos kyi rigs can ni drod rtse
gnyis thob nas kyang nyan thos kyi rigs las bzlog nas sangs
rgyas kyi rigs su 'gyur ba srid kyi bzod pa thob nas mi srid la/
yang rang sangs rgyas kyi rigs su ni chos mchog ma gtogs nyan
thos kyi sbyor lam

gzhan gsum thob nas kyang 'gyur ba srid la/ chos mchog thob nas
ni ma yin te/ chos mchog ni skad cig ma gcig yin pa'i phyir
dang/ de'i 'jug thogs de ma thag tu mthong lam skye bas de nas
rigs nges pa'i phyir/ de nas bzod pa la yang zhib tu phye na
bzod pa 'bring man chad du

'gyur ba srid kyi bzod pa chen po nas mi srid de/ de yang skad
cig ma gcig yin cing/ 'jug thogs de ma thag tu chos mchog 'dren
pa'i phyir// ! ston dang bse ru byang chub bar/ /zhes sogs kyi
don gzhan ni gong du bshad zin la/ bsam gtan mtha' rten zhes pa
ni bsam

gtan gyi rab mtha' bzhi pa la brten pa'i don no/ /'dir bse ru
lta bu'i rang rgyal las dngos su ma gsungs pa ni/ de la lam
bgrod tshul khyad par can yod pa dang rigs gzhan du bsgyur bar mi
nus pas dmigs kyis bkar nas gsungs pa las/ lugs 'dir tshogs

spyod che chung gi rang rgyal mi bzhed pa ni min 'dra zhing/ de
ltar na tshogs spyod pa gnyis kyang drod rtse gnyis nas sangs
rgyas kyi rigs su 'gyur ba srid pa nyan thos dang mtshungs te/ de
dag gi lam bgrod tshul nyan thos dang mtshungs par gsungs pa'i
phyir/ yang/ kho na re/

'o na lugs 'dir sbyor lam dang ldan pa'i 'phags pa mthong sgom
mi slob pa gsum char yod par 'dod pa ltar tshogs lam dang ldan
pa'i 'phags pa yang yod par 'dod dam/ zhe na/ de yang 'dod dgos
te/ dper na/ rang rgyal tshogs lam srid pa mtha' ma pa dang/
byang

@13b sems tshogs lam srid pa mtha' ma pa lta bu rnams sbyor lam
drod ma thob gong du tshogs lam la gnas pa yin la/ drod nas zad
mi skye shes kyi bar mngon du byed pa'i tshe na yang sbyor lam
bzhin du tshogs lam gyi gtong rgyu yang ma byung bas na de dang
ldan par 'dod pa las 'os med pa'i phyir/ 'on

kyang 'phags pa de dag gi rgyud la tshogs lam yod par ni khas mi
len no/ /des na tshogs lam dang ldan na tshogs lam pa yin pas ma
khyab la/ de ni sbyor lam la yang mtshungs shing/ 'phags pa'i
rgyud la tshogs lam ldan yang 'phags pa'i rgyud la ldan pa'i
tshogs lam med pa'i

khyad par 'byed dgos pa dang/ sbyor lam gyi thob pa sbyor lam ma
yin pa bzhin du tshogs lam gyi thob pa yang tshogs lam ma yin no/
/yang/ 'o na/ lugs 'dir mthong lam skyes pas so skye gtong ba
dang/ sgom lam skyes pas mthong lam gtong ba dang/ mi slob lam
thob pas sgom

lam gtong bar 'dod bzhin du 'phags lam thob pas tshogs sbyor
dang/ so skye'i lam gtong bar mi 'dod pa'i rgyu mtshan ci zhe na/
yod de/ lugs 'dir mthong lam thob pas so skye gtong zhes pa'i so
skye ni sngar bshad pa ltar lam bden gyi ma thob pa la byed pa
yin pa las tshogs sbyor

gyi lam la byed pa min la/ ma thob pa de ni lam bden thob pa
dang btang ba'i phyir mthong lam skyes pas so skye gtong bar
'dod pa dang/ zag med kyi lam gsum ni snga ma snga ma phyi ma
phyi ma'i skal mnyam gyi rgyu byed pas mthong lam gyi rigs
'dra'i rgyun phyi ma sgom lam du gyur pa dang mthong lam gyi

ming btang ba dang/ sgom lam gyi rigs rgyun phyi ma mi slob lam
du gyur pa na sgom lam gyi ming btang ba la bsams nas de dang de
gtong bar 'dod pa yin la/ tshogs sbyor gyi lam gnyis ni zag bcas
yin pas zag med kyi skal mnyam gyi rgyur mi rung bas rigs rgyun
phyi ma mthong lam sogs su

mi 'gyur la/ zag med lam bden tshogs sbyor gyi gtong rgyur yang
mi rung ba'i phyir/ des na/ sa 'phos pa sogs kyi gtong rgyu ma
byung gi bar du ldan par 'dod pa'o/ /'on kyang rigs pa 'dis ni
tshogs lam gyis sbyor lam gyi skal mnyam gyi rgyu byed pa na
tshogs lam btang ba dang/ drod

@14a @#/ /sogs bzhi po yang snga ma snga ma phyi ma phyi mas
gtong ba dang/ sgom lam 'bring gis sgom lam chung ngu gtong ba
sogs su thal ba'i rigs pa'i gnod byed 'jug mod kyang/ grub
mtha'i 'dod tshul yin pa'i phyir rigs 'gre khyon gcig tu ma btang
ba'i 'dzin

mtshams shes par bya ste mtha' dag 'god par ma langs so/ /yang so
skye'i lam zhes pa ni grub mtha' gong ma ltar tshogs sbyor gang
rung la byed pa las 'jig rten pa'i lam thams cad la mi byed do/
/'o na tshogs lam gtong tshul ji ltar zhe na/ de'i dpyad pa ni 'og
tu 'chad do// ! de yi

sngon du thar cha mthun/ /zhes sogs kyi skabs su/ sbyor lam gyi
sngon du de'i rgyu thar pa'i cha dang mthun pa'i dge ba 'gro
dgos la/ de yang thar pa zhes pa'i gtso bo ni myang 'das la byed
pa yin mod kyang/ myur ba srid pa gsum gyis thar/ /zhes pa'i
dngos bstan gyi thar pa la ni rgyun zhugs

kyi 'bras bu sogs dge sbyong tshul gyi 'bras bu thams cad 'jog
par snang ste/ 'grel pa mngon pa'i rgyan las/ skye ba dang po la
thar pa'i cha mthun dang/ gsum pa la dge sbyong tshul gyi 'bras
bu rnams bskyed par byed de/ zhes gsungs pa'i phyir/ srid pa'am
skye ba gsum gyis

thar pa ni dbang rnon brtson pa dang ldan pa dag gi dbang du
byas pa yin gyi gzhan dag la ni ma nges shing/ de bas kyang shin
tu myur ba 'ga' zhig ni tshe gnyis la thar pa'ang yod de/ tshe
dang po la thar pa'i cha mthun gyi tshogs bsags/ tshe gnyis pa de
kho na la nges 'byed cha mthun

dang 'phags lam gnyis ka mngon du byed pa srid pa'i phyir te/
dngos gzhi de nyid la bden mthong/ /zhes pa'i don dang mtshungs
pa'i phyir/ thar pa'i cha mthun bskyed nas tshe gsum dang gnyis
la thar tshul bshad pa de yang nyan rang 'ga' zhig gi dbang du
byas kyi/ byang sems la ni

ma yin te/ byang sems kyis ni sems can thams cad kyi don du
sangs rgyas thob 'dod kyi sems bskyed pa'i thar pa'i cha mthun
gyi dge ba bskyed nas tshogs lam gyi gnas skabs su grangs med
gsum gyi tshogs dang mtshan rnam par smin pa can gyi las mthar
phyin par bsags dgos

@14b pas tshe gsum dang gnyis la 'phags lam thob mi nus pa rigs
pas 'grub pa'i phyir/ 'o na/ nyan rang las byang sems dbang po
rtul ba dang/ brtson 'grus chung bar thal ba'i skyon du 'gyur
ro/ /zhe na/ mi 'gyur te/ byang sems ni nyan rang las dbang po
ches cher rno zhing/ brtson 'grus dang sems bskyed

kyang brgya 'gyur stong 'gyur gyis che ba yin la/ de lta na yang
nyan rang gi 'phags lam dang/ byang chub ni de tsam gyis thob
dka' ba ma yin pas brtson 'grus che zhing dbang po rno ba rnams
kyis tshe gnyis dang gsum la thob pa'ang srid la/ sangs rgyas kyi
sku gsung thugs kyi yon tan gyi cha shas

re re 'grub pa la yang bsod nams rgya che grangs med pa gsogs
dgos pa'i phyir te/ blo gros mi zad pas bstan pa'i mdo las/ dus
gsum gyi so so'i skye bo dang nyan rang thams cad kyi bsod nams
bcu 'gyur gyis sangs rgyas kyi ba spu'i khungs bu gcig dang/ ba
spu'i khung bu thams cad

'grub pa'i bsod nams brgya 'gyur gyis dpe byad gcig dang/ dpe
byad brgyad cu po thams cad 'grub pa'i bsod nams stong 'gyur
gyis mdzod spu dang gtsug tor ma gtogs pa'i mtshan sum cu gang
rung gcig 'grub pa sogs gsungs pas nyan rang thams cad kyi bsod
nams gcig tu

bsgril kyang sangs rgyas kyi ba spu'i khung bu gcig kyang mi
'grub na yon tan mtha' dag pa ni smos kyang ci dgos pa'i phyir/
des na dus ring du thogs pa'ang tshogs rgya che tshad med pa gsogs
dgos pa'i dbang gis yin pa las/ dbang po rtul ba dang brtson
'grus chung bas thogs pa ma yin no//

yang/ kho na re/ sangs rgyas kyi go 'phang thob pa la da ltar
yin du chug kyang byang sems kyi 'phags lam thob pa la yun de
tsam mi thogs so/ /zhe na/ grub mtha' gong ma ltar na byang sems
kyi 'phags lam dang sangs rgyas thob pa gnyis la yun ring thung
gi khyad par che yang/ lugs

'dir de tsam gyi khyad par med de/ ci'i phyir na/ tshogs lam gyi
gnas skabs su grangs med gsum gyi tshogs dang/ mtshan rnam par
smin pa can gyi las sogs tshang ma bsags te/ gzhon nu srid pa
mtha' ma pa'i tshe mtshan dpe sogs 'grub zin cing/ de'i rjes su
sbyor lam drod nas

@15a @#/ /zad me skye shes kyi bar stan thogs gcig la bgrod par
'dod pas na/ byang sems kyi 'phags lam dang/ zad mi skye shes
kyi bar la yud tsham 'ga' zhig tsam gyi khyad par las med do/
/sangs rgyas su ma zad bse ru lta bu'i rang rgyal gyi 'phags

lam yang thar pa'i cha mthun bskyed nas tshe gnyis gsum la thob
par mi nus te/ bse ru bskal pa brgya yi rgyus/ /zhes bskal pa
brgyar tshogs bsags dgos par bshad pa'i phyir/ ! thos bsam las
byung las gsum mo/ /zhes sogs kyi skabs su/ thar pa'i cha mthun
gyi dge ba

de yang ngo bo thos byung dang/ bsam byung gang rung gi dge ba
gtso che ba yin gyi sgom byung ni med de rnam g.yeng gi sa pa
yin pa'i phyir/ sgo gsum gyi nang nas ni yid gtso bor gyur pa
yin la/ des kun nas bslangs pa'i lus ngag gi las kyang thar pa'i
cha mthun yin no/ /rten ni dang

por gling gsum gang rung gi mi kho na'i nang nas 'phen par byed
kyi lha dang/ ngan song ba dang/ sgra mi snyan pa rnams kyi rten
la ni ma yin no/ /'o na thar pa'i cha mthun dang tshogs lam gnyis
don gcig gam mi gcig zhe na/ lugs 'dir ni don mi gcig ste/ thar
pa'i cha mthun ni gtso

bor thos bsam gang rung gis bsdus pa'i 'dod pa'i sas bsdus yin
la/ tshogs lam la ni bsam gtan sa drug gi ngo bor gyur pa'i sgom
byung yod pa'i phyir dang/ tshogs lam gyi gtso bo yang dran pa
nyer gzhag gi ngo bor gyur pa'i zhi lhag la byed par gong du
bshad zin pa ltar yin pa'i phyir/ des

na thar pa'i cha mthun gyi dge ba yin na tshogs lam yin pas khyab
kyang/ tshogs lam yin na thar pa'i cha mthun yin pas ma khyab
zhes bya la/ lugs 'di'i bsam don ltar na/ thar pa gsum po gang
rung gi byang chub tu sems bskyed pa nas/ tshogs lam gyi ngo bor
gyur pa'i sgom byung ma thob bar gyi

thar pa don gnyer gyi bsam pas zin pa'i dge ba thams cad dang/
de nas kyang sbyor lam ma thob bar gyi thos bsam las byung ba'i
dge ba rnams thar pa'i cha mthun du 'jog la/ sgom byung rnams
thar pa'i cha mthun du mi 'jog par mngon no/ /'di dag kyang grub
mtha'i 'dod tshul

@15b yin pa las don la gnas par ni ma mngon te/ ci'i phyir na/
thar pa'i cha mthun gyi sgra bshad 'jog pa na/ thar pa ni myang
'das dang de'i cha ni thob byed kyi rgyu nges 'byed cha mthun
yin la/ de la phan pa'i rgyu mtshan gyis 'jog pa gang zhig  /de ni
tshogs lam gyi ngo bor gyur pa'i sgom

byung la yang mtshungs pa'i phyir/ yang 'o na/ thar pa'i cha
mthun la tshogs lam gyis khyab na gong du tshogs lam skye ba'i
rten la klu dang 'dod gzugs kyi lha yang 'jog pa dang/ 'dir thar
pa'i cha mthun skye ba'i rten la gling gsum gyi mi ma gtogs mi
'jog pa gang zhe na/ gong du bshad pa ni tshogs

lam spyi tsam skye ba'i dbang du byas la/ 'dir ni dang por skye
ba'i dbang du byas pa'i phyir mi 'gal lo/ /'o na/ thar pa'i cha
mthun dang tshogs lam de dag ji ltar gtong zhe na/ 'di ni rtsa
'grel rnams las dngos su gsal kha ma gsung yang/ grub mtha'i
'dod tshul ltar na tshogs lam gyi

ngo bor gyur pa'i 'dod pa'i dge ba gzugs can so thar gyi sdom pa
lta bu rnams ni rang rang gi gtong rgyus gtong ba dang/ der gyur
pa'i 'dod gtogs dge ba gzugs can ma yin pa rnams ni/ rtsa chad
gong du skyes pa las/ /zhes pa ltar dang/ de'i ngo bor gyur pa'i
sgom byung rnams ni/ bsam gtan

gtogs pa'i dge ba ni/ /sa 'phos nyams pa dag gis gtong/ /zhes
dang/ 'phags pas de dag sa bor nas/ /gtong ngo 'phags min 'chi
bas so/ /zhes sngar sbyor lam gyi gtong tshul bshad pa rnams dang
mtshungs par 'dod chog pa 'dra snyam yang da dung dpyad par mdzod
cig  /tshogs sbyor gyi

skor lugs 'di'i 'dod tshul thun mong ma yin pa rnams yig cha phal
cher du ha cang gsal bar bkod pa mi snang bas dogs dpyod dang
bcas cung zhig spros te bkod pa'o/ /yang/ sbyor lam gyi mnyam
bzhag gi blo de dag blo rigs gang du gtogs zhe na/ lugs 'dir ni
yid dpyod dang/ bcad

shes gang rung du gtogs par bzhed pa 'dra'o// ! 'jig rten pa yi
chos mchog las/ /chos kyi bzod pa zag pa med/ /ces sogs kyi
skabs su mthong lam bshad pa ste/ 'jig rten pa'i chos mchog de
las ni/ de dang dmigs pa mtshungs pa 'dod pa'i sdug bden la dmigs
pa'i chos kyi

@16a @#/ /bzod pa zag pa med pa'i ye shes skye la/ 'dis ni so so
skye bo la brtags min thob pas spangs par byed do/ /de'i rjes su
'dod pa'i sdug bsngal la dmigs pa'i chos shes skye la/ de nas
rim pa bzhin gong ma gnyis kyi sdug bden la dmigs pa'i rjes bzod

dang; rjes shes dang/ /'dod pa'i kun 'byung chos bzod/ chos shes
gnyis/ gong ma'i kun 'byung rjes bzod/ rjes shes gnyis/ 'dod
pa'i 'gog pa chos bzod/ chos shes gnyis/ gong ma'i 'gog pa rjes
bzod/ rjes shes gnyis/ 'dod pa'i lam chos

bzod chos shes gnyis/ gong ma'i lam rjes bzod rjes shes gnyis te
bzod shes skad cig ma bcu drug mnyam bzhag thun gcig la rim can
du skye bar 'dod cing/ bcu drug po de dag la bden pa mngon par
rtogs pa zhes kyang bya ste/ de ltar bden pa mngon rtogs 'di/
/sems bcu drug go /

zhes gsungs pa'i phyir/ des na lugs 'dir bden pa mngon rtogs yin
na mthong lam yin pas ma khyab ste/ bcu drug pa lam rjes shes
sgom lam du 'dod pa'i phyir/ skad cig ma dang po bco lnga ni
mthong ba'i lam yin te/ bzod pa brgyad po ni rang rang gi dmigs
yul bden

pa sngar ma mthong ba las gsar du mngon sum du mthong ba'i phyir
dang/ shes pa snga ma bdun yang mthong ba'i bya ba ma rdzogs
pa'i phyir mthong lam du 'jog la/ bcu drug pa lam rjes shes ni
snga ma rnams kyis mthong zin goms par byas pa las gsar du
mthong ba ma yin zhing/

bco lnga pa nas mthong ba'i bya ba yang rdzogs pa'i phyir bcu
drug pa ni sgom lam du 'dod do/ /'dir 'grel pa mngon pa'i rgyan
du/ bcu bzhi man chad kyis ni khams gong ma'i lam ma mthong ba'i
phyir mthong lam du ma bshad do/ /zhes pa zhig gsungs 'dug pa
ni/ mthong ba'i bya ba rdzogs pa'i

mthong lam du ma bshad pa'i don yin pa las/ spyir mthong lam ma
yin pa'i don ni ma yin te/ de ltar yin na mthong lam la bco lnga
pa lam bzod kyis khyab par thal ba dang/ rtsa bar/ de la skad
cig bco lnga ni/ /ma mthong mthong phyir mthong ba'i lam/ /zhes
gsungs pa dang

@16b 'gal ba ma zad/ 'grel pa mngon pa'i rgyan rang du yang/ bcu
drug po de dag las skad cig ma dang po bco lnga ni mthong ba'i
lam yin te/ bden pa rnams sngar ma mthong ba mngon sum du mthong
ba'i phyir ro/ /zhes gsungs pa dang yang 'gal bar 'gyur la/ grub
mtha' gong 'og thams cad

kyis mthong lam gyi rnam bzhag mtha' dag dang yang 'gal bar
'gyur bas mkhas pa'i gsung rlings pa la 'khrul bar mi bya'o/
/mthong lam gyi skad cig ma 'di dag kyang sngar bshad pa ltar
bya rdzogs kyi skad cig ma la byed pa las/ dus kyi thung mtha'i
skad cig ma ni ma yin

te; 'grel pa mngon pa'i rgyan las/ skad cig ma yang shes bya la
shes pa skye ba'i bya ba rdzo-Da pa'i skad cig ma yin gyi/ dus
mtha'i skad cig ma ni ma yin te/ zhes gsungs pa'i phyir/ gzhan
yang lam bgrod tshul 'di dag gi skad cig ma rnams dus mtha'i skad
cig mar 'dod na ni rigs pa'i

gnod byed kyang du ma 'jug ste/ dper na/ rang cag gi ston pa
thugs rje can gyi dbang du byas na/ srod la bdud brtul gung la
mnyam par bzhag /tho rangs mngon par rdzogs par sangs rgyas zhes
khyim pa tshun la rlung ltar grags pa yin mod/ gung la mnyam par
bzhag ces

pa'i gung ni mtshan gyi gung dang/ mnyam bzhag gi thog ma sbyor
lam drod nas byed dgos la/ lugs 'dir drod nas zad mi skye shes
kyi bar lam bgrod tshul gyi skad cig ma ji tsam yod na/ drod
chung 'bring che gsum re re la 'dod pa'i bden bzhi'i mi rtag
sogs bcu drug dang/ gong

ma gnyis bsdoms pa'i bcu drug ste sum cu rtsa gnyis re tshang bar
sgom pas drod chung 'bring che gsum bsdoms par skad cig ma dgu
bcu rtsa drug /de bzhin du rtse mo chung 'bring che gsum bsdoms
par yang dgu bcu rtsa drug /bzod pa chung ngu la sum cu rtsa
gnyis/ bzod pa 'bring la bshad

tshul gnyis las/ mang bar 'dod pa'i lugs ltar na skad cig ma bzhi
brgya dgu bcu rtsa bdun/ bzod pa chen po dang/ chos mchog la
skad cig ma re re ste bsdoms pas sbyor lam gyi gnas skabs su
skad cig ma bdun brgya nyi shu rtsa gsum/ de'i steng du mthong
lam bzod pa brgyad dang/

@17a @#/ /shes pa brgyad de bcu drug /srid rtsi'i gnyen pa sgom
lam bar chad med lam dgu dang/ rnam grol lam dgu ste skad cig ma
sum cu rtsa b+hi bsnan pa dang bcas khyon bsgril bar sbyor lam
drod nas zad mi shes kyi bar skad cig ma bdun brgya lnga

bcu rtsa bdun bar ma chad du bskyed pa'i skad cig ma mtha' ma la
sangs rgyas pa gang zhig /de thams cad dus kyi thung mtha'i skad
cig ma yin na chu srang gcig gi bzhi cha'i yun la du mtha'i skad
cig ma dgu brgya 'byung ba'i phyir dang/ mtshan gung nas tho
rengs kyi bar la yud

tsam lnga'i yun 'byung zhing/ yud tsam lnga la dus mtha'i skad
cig ma sa ya gcig dang brgyad khri 'byung ba ni/ skad cig ma
brgya nyi shu la/ /de yi skad cig de dag kyang/ /drug cu la ni
thang gcig go /yud tsam nyin zhag zla gsum ni/ /gong nas gong du

sum cu 'gyur/ /zhes pa ltar gyis rtsis na shes pa'i phyir/ des
na gung la mnyam par bzhag nas chu srang gi bzhi cha ma rdzogs
gong du sbyor mthong sgom gsum gyi skad cig ma thams cad bskyed
zin nas/ da dung tho rengs ma zin bar du sangs ma rgyas par 'dod
mkhan ni su yang mi

srid pa'i phyir na de dag dus mtha'i skad cig ma ma yin pa ni
rigs pas kyang 'grub pa yin no// ! mthong dmigs bya ba zhes
bya'o/ /zhes sogs kyi skabs su/ bden pa mngon rtogs de dag kyang
rjes 'brang dang bcas pa'i dbang du byas na mthong ba'i mngon
par rtogs pa dang/ dmigs

pa'i mngon par rtogs pa dang/ bya ba'i mngon par rtogs pa gsum
ste/ dang pe ni/ bden bzhi'i rnam pa bcu drug po gang rung mngon
sum du rtogs pa'i zag med kyi shes rab rnams dang/ gnyis pa ni/
shes rab de dag dang mtshungs ldan gyi sems sems byung rnams
dang/ gsum pa ni/

shes rab mtshungs ldan dang bcas pa dang/ de dag gi rjes 'brang
mtshungs ldan ma yin pa'i tshul khrims dang/ mtshan nyid ske sogs
dang/ thob pa la sogs pa rnams kyang yin la/ des na bden pa
mngon sum du rtogs pa'i shes rab rnams ni mthong dmigs bya ba
gsum char

@17b yin pa dang/ shes rab de dang mtshungs ldan rnams ni dmigs
pa dang bya ba'i mngon rtogs gnyis char yin kyang dang po ma yin
pa dang/ shes rab de dag dang lhan cig tu 'byung yang mtshungs
ldan ma yin pa rnams ni bya ba'i mngon rtogs kho na las dang po
gnyis ma yin par 'dod do//

bden pa mngon rtogs de dag ni chos mchog dang sa gcig pa'i phyir
bsam gtan sa drug la brten pa yod do/ /bzod pa brgyad dang/ shes
pa brgyad po de dag ni go rim bzhin du bar chad med lam dang/
rnam grol lam yin te/ sdug bsngal chos bzod ni 'dod pa'i sdug
bsngal

mthong spang gi gnyen po bar chad med lam dang/ sdug bsngal chos
shes ni des drangs pa'i rnam grol lam yin pa sogs rigs 'gres
shes so/ /mthong lam skye ba'i lus rten ni gling gsum gyi skyes
pa bud med dang/ 'dod lha drug gi rten la skye ba yod la/ de las
gzhan pa

la ni med do/ /mthong lam gyi mtshan nyid ni/ tshig skyon bcad na/
rang gi dmigs yul du gyur pa'i bden pa'i de kho na nyid sngar ma
mthong ba mngon sum du mthong ba'i rigs su gnas pa zhes bya'o/
/gzhan yang rten gyi gang zag gi sgo nas dbye na nyan rang byang
sems gsum dang/

yul gyi sgo nas sdug bsngal mthong ba sogs bzhi dang/ ngo bo'i
sgo nas bzod shes gnyis dang/ rnam pa'i sgo nas sdug bsngal chos
bzod sogs bco lnga dang/ khams ki gnyen po'i sgo nas chos shes
dang rjes shes gnyis rnams so/ /yon tan gyi khyad par ni/ rang
rang gi spang bya

mthong spang ma lus spangs pa dang/ bden pa'i chos nyid mngon
sum du rtogs pa dang/ mi skye ba'i chos nyid drug gam brgyad
thob pa sogs dang/ 'bras bu'i khyad par ni sgom lam 'dren par
byed pa'o// ! dbang po rno rtul de dag tu/ /zhes sogs kyi skabs
su/ zhugs pa dang

'bras gnas kyi gang zag bshad pa ste/ de la spang bya cig car ba
dang/ spang bya rim brgyud pa gnyis/ phyi ma de la yang chags
bral sngon song dang/ 'bras bu rim brgyud pa gnyis yod la/ de
dag gang gi dbang du byas na'ang zhugs pa kho na yin pa ni nyan
thos kyi mthong lam sdug

@18a @#/ /bsngal chos bzod nas/ skad cig bco lnga pa man chad la
gnas pa rnams te/ des na lugs 'dir zhugs pa la yang 'phags pa'i
gang zag gis khyad par 'dod do/ /kun btus sogs gong ma'i lugs la
spang bya cig car ba yod par dngos su bshad la/ lugs 'dir

rtsa 'grel las dngos su ma gsungs pa la brten nas phal cher gyis
med pa'i khas len 'dzin spol ltar yig car cig car ba yod pa'i
zhal gsal 'khod pa dag gis kyang/ med par khas blangs pa'i kha
rjes su 'brang dgos pa zhig yod par snang yang/ rtsod pa'i tshe
gcig tsam gnyis tsam

la rtsis su 'dzin pa las/ gzhung rtsa 'grel dngos shugs kyi don
'grel tshul rang rang gi yig char gsal ba bzhin khas blangs na
gzhung don gyi go ba chags pa la khyad che bar snang bas/ de'i
dbang du byas na/ rang re'i mkhas grub chen pos dge 'dun nyi
shu'i spyi don du/ kha cig spang bya cig car ba'i rgyun zhugs

mngon pa gong ma ba kho na'i lugs yin gyi 'og ma ba la ma grags
zer na mi 'thad de/ mdzod las/ nyer bsdogs mi lcogs med pa yis/
/thams cad las ni 'dod chags bral/ /zhes pa'i gzhung gis grub
pa'i phyir te/ nyer bsdogs mi lcogs med la brten nas khams gsum
po thams cad la

chags bral byed pa dang byas pa bar pa gnyis la med pa'i phyir/
zhes gsungs pa ni nges par don la gnas te/ ji ltar zhe na/ gsung
'dis nyer bsdogs mi lcogs med la brten nas khams gsum po thams
cad la cig car chags bral byed par 'gyur ba dang cig car chags
bral byas zin pa 'bras

gnas par pa gnyis la med par dngos su bstan nas/ de ltar chags
bral byed par brtson bzhin pa'i cig car ba'i rgyun zhugs dang/
byas zin pa'i cig car ba'i dgra bcom yod par shugs la bstan par
drangs ma thag pa'i mdzod rtsa ba'i lung gis sgrub par mdzad

[@#line break?]
pa'i phyir/ de lta ma yin par/  gsung 'dis nyer bsdogs mi lcogs
med la brten nas 'dod nyon spong phyir du brtson bzhin pa'i
phyir 'ong dang/ gong ma gnyis kyi nyon mongs spong phyi du
brtson bzhin pa'i phyi mo 'ong med par bstan pa tsam yin na/ de
gnyis yod bzhin du med par bstan pa cig car ba yod pa'i sgrub
byed lta

@18b bzhog mkhas pa'i gsung du mi rung ba'i phyir ro/ /de yang
yin te/ de 'dra'i 'bras gnas bar pa gnyis so so nas yod pa gnas
lnga par; mi lcogs med 'bras thams cad do/ /zhes pas nyer bsdogs
mi lcogs med kyi 'bras bu la sgom spang spangs pa'i yongs shes
gsum ga

yod par gsungs pas shes pa'i phyir/ gzhan yang mang ngo/ /spang
bya cig car ba yod pa'i rigs pa'i sgrub byed gzhan yang 'god du
yod de; gnas bzhi bar/ 'jig rten pa yi dge ba la/ /srid rtse'i
sems pa 'bras rab che/ /zhes dang/ de'i thad kyi 'grel pa mngon
pa'i rgyan las/ bral 'bras kyi dbang

du byas na 'jig rten las 'das pa'i sgom lam rdo rje lta bu'i
ting nge 'dzin 'bras bu che ste/ khams gsum gyi nyon mongs
spangs pa'i spang pa 'thob pa'i phyir/ zhes sogs rtsa 'grel gyi
don 'grel ba'i tshe rang rgyal dang byang sems kyi theg pa gnyis
kyi dbang du byas pa las/ nyan thos kyi dbang du byas pa min
zhes

mkhas pa'i gzhung du ma grags pas/ de ltar yin zhes byung rgyal
du smra mi rung ba'i phyir dang/ nyan thos sgom lam rdo rje lta
bu'i ting nge 'dzin gyi bral 'bras la khams gsum ga'i nyon mongs
spangs pa'i spang ba yod na/ de cig car ba'i rgyud la 'jog pa
las rim gyis pa'i rgyud la 'jog mi shes pa'i

phyir/ /de la kho na re/ rim gyis pa'i dgra bcom pa des khams
gsum gyi nyon mongs spangs pa'i spang pa dang ldan par thal/ des
khams gsum gyi nyon mong spangs pa'i phyir zer na ma khyab/ 'dod
na mi 'thad par thal; des dgra bcom pa'i 'bras bu thob pa'i tshe
sngar gyi spang pa so so ba rnams btang nas

spang bya zad pa bsdoms pa'i thob pa gcig rnyed pa'i phyir te/
de 'dra ba'i dgra bcom pa'i 'bras bu de la/ 'bras la sngon lam
btang ba dang/ /gzhan thob pa dang zad bsdoms dang/ /zhes sogs
rang nyid 'jog byed kyi rgyu mtshan lnga ka tshang dgos pa'i phyir
ro/ /der ma zad gnas 'dir dgra bcom zhugs pa

'chad pa na/ dgu pa'i bar chad med lam yang/ /de ni rdo rje lta
bu yin/ /zhes dang/ de'i thad kyi 'grel pa mngon pa'i rgyan las/
dgu pa'i bar chad med lam de ni rdo rje lta bu'i ting nge 'dzin
yin te/ khams gsum gyi phra rgyas 'joms par nus pa'i phyir dang/
zhes sogs rtsa 'grel kyi don/ nyan thos

@19a @#/ /sgom lam rdo rje lta bu'i ting nge 'dzin gyis khams
gsum gyi phra rgyas 'joms par nus na/ /des 'dod pa'i phra rgyas
kyang 'joms par nus dgos/ de ltar na 'dod pa'i phra rgyas 'joms
byed nyan thos kyi sgom lam rdo rje lta bu'i ting nge 'dzin yod
dgos/ de yod

na; cig car ba'i rgyud la 'jog pa las/ rim gyis pa'i rgyud la
'jog tu med pa rim gyis pas spang bya spong tshul gyis shes pa'i
phyir ro/ /gzhan yang/ bsam gtan dag gis len rnams sla/ /sa gzha
dag gis dka' ba yin/ /zhes bsam gtan gyi dngos gzhi thob na lam
sla ba bsam

gtan gyi dngos gzhi la brten du yod bzhin du/ lam dka' ba nyer
bsdogs la brten nas khams gsum gyi nyon mongs spong bar byed pa
'di rim gyis ba la 'byung ring zhing/ cig car ba la 'byung nye
ba'i rigs pa 'di yang cig car ba yod pa'i sgrub byed du song ba
yin no/ 'o na; gong du nyer

bsdogs mi lcogs med la brten nas khams gsum gyi nyon mongs spong
ba'i rim gyis pa yod par bshad pa ma yin nam zhe na/ de ni yin
te/ 'dod pa'i rten can gyi rim gyis pa'i 'phags pa 'ga' zhig
sngar 'dris pa'i nyer bsdogs mi lcogs med la brten nas khams
gsum gyi nyon

mongs spong ba srid pa tsam dang; nyer bsdogs mi lcogs med la
brten nas khams gsum gyi nyon mongs spong ba'i cig car ba yod pa
mi 'gal ba'i phyir ro/ /cig car ba des khams gsum gyi nyon mongs
spong tshul ji ltar zhe na/ yod de/ nyer bsdogs mi lcogs med kyi
ngo bor gyur pa'i 'gog

lam chos shes gang rung la brten nas khams gsum gyi nyon mongs
chen po'i chen po dgu cig car du spong ba nas/ chung ngu'i chung
ngu dgu cig car du spong ba yin pa'i phyir dang/ da ltar spangs
pa'i dgra bcom de cig car ba'i dgra bcom dang/ bcu drug pa lam
rjes shes la gnas pa'i cig car ba'i rgyun

zhugs 'bras gnas tsam po ba des khams gsum gyi nyon mongs dang
po skor dgu spong phyir du brtson pa'i rgyun zhugs 'bras gnas
khyad par can du gyur pa na cig car ba'i dgra bcom zhugs par
yang 'jog dgos pa'i phyir ro/ /skabs 'dir 'gog lam chos shes
dmigs kyi bkar ba'i don ci

@19b yin zhe na/ yod de/ 'di dbang po rno bas khams gsum gyi
gnyen po gcig car du bsgoms la/ 'gog lam chos shes kyis khams
gsum ga'i gnyen po byed nus kyi sdug kyun chos shes gong ma
dang/ rjes shes kyi 'og ma'i gnyen po byed mi nus pa lugs 'di'i
grub mtha' yin pa'i phyir te/ gnas

bdun pa las/ sgom pa'i lam la 'gog pa'am/ lam la chos shes gang
yin de/ /khams gsum gyi ni gnyen po yin/ /'dod pa'i khams kyi
rjes ma yin/ /zhes gsungs pa'i phyir/ 'o na/ cig car ba'i zhugs
'bras de dag gi dbang po'i khyad par ji ltar zhe na/ de 'dra'i
rgyun zhugs zhugs pa de chos

kyi rjes 'brangs dang 'bras gnas de mthong thob pa/ dgra bcom pa
de dus mi sbyor dang mi g.yo ba'i chos can du 'jog dgos shing/
cig car ba'i dgra bcom thob ma thag pa de shes rab rgyas pas
rnam grol dang dgra bcom rgyan med du yang 'jog dgos pa ni/
snyoms 'jug dbang po 'bras rnams kyis/ /slob

pa yongs rdzogs shes bya'o/ /gnyis kyis mi slob yong-su rdzogs/
/zhes pa'i don ltar/ rgyun zhugs de slob pa rdzogs byed kyi chos
gsum las dbang po kho nas rdzogs pa dang/ dgra bcom thob ma thag
pa de mi slob pa rdzogs byed kyi chos gnyis las dbang po kho nas
rdzogs pa ste gzhung rtsa ba'i tshig

'grel gyis shes pa'i phyir/ de la kho na re/ cig car ba'i dgra
bcom pa des dngos gzhi yang thob par thal lo zer na/ 'dod ces
bya ste/ 'og ma'i nyon mongs spangs pa dang gong ma'i dngos gzhi
thob pa dus mnyam pa rtsa ba'i grub mtha' gang zhig /des ni sa
dgu'i nyon mongs spangs zin pas dngos

gzhi brgyad ka thob par 'dod dgos pa'i phyir ro/ /'o na de dbang
po rno bas rnam grol dgu pa'i tshe nyer bsdogs kyi tshor ba las
dngos gzhi'i tshor bar spo nus pas/ de'i tshe dngos gzhi mngon du
gyur par thal lo zer na/ spyir tshor ba spo nus na/ spo bas khyab
pa yang med la/ 'di ni nges par nyer

bsdogs kyi ngo bor gyur pa'i mi skye ba shes pa mngon du gyur pa
zhig yin te/ 'grel pa mngon pa'i rgyan las/ khams gsum gyi 'dod
chags dang bral ba dag gis kyang dang po'i dngos gzhi yang
bskyed par mi nus pa ste zhes bshad pas bsam gtan dang po'i nyer
bsdogs kho na la brten pa

@20a @#/ /yin la zhes gsungs pa'i phyir/ yang kho na re/ cig car
ba'i rgyun zhugs kyi rgyud gyi sgom lam rdo rje lta bu'i ting
nge 'dzin da ltar ba la 'gog lam chos shes gang rung du nges pa
mi 'thad par thal/ de la cig car ba'i dgra bcom pa'i rgyud kyi
mi skye ba shes pa dang

dmigs pa gcig pa zhig dgos pa gnas bdun par/ de gnyis dang por
skyes pa ni/ /sdug bsngal rgyu rjes shes pa yin/ /zhes gsungs
pa'i phyir zer na ma khyab ste/ de gnyis dmigs pa gcig pa nges
par dgos na de ltar bden mod kyang/ sgom lam rdo rje lta bu'i
ring nge 'zin la zad

mi skye shes gang rung dang dmigs pa mi gcig pa'ang yod pa/ sgom
pa'i lam la 'gog pa'am/ zhes sogs drangs ma thag pa'i lung gis
grub pa'i phyir/ kho na re/ cig car ba'i dgra bcom pa thob ma
thag pa chos can/ mi g.yo ba'i chos can ma yin par thal; shes
rab rkyangs pas rnam grol

yin pa'i phyir zer na ma khyab/ de la khyab par thal/ mi slob pa
dgu 'dren pa'i tshe de gnyis so sor 'dren pa'i phyir zer na yang
ma khyab ste/ shes rab rkyangs pas rnam grol gyi dgra bcom da la
yang/ dbang pos gsum dang rigs kyis drug rten gyis nyer dgu ste/
dbye ba lnga brgya nyi shu rtsa gnyis

yod par 'grel pa mngon pa'i rgyan las bshad pa'i phyir ro/ /de
la kho na re/ cig car ba'i dgra bcom thob ma thag pa chos can;
shes rab rkyangs pas rnam grol gyi dgra bcom ma yin par thal/
bdag med rtogs pa'i shes rab kyis nyon mongs pa'i sgrib pa 'ba'
zhig las rnam par grol ba

ma yin pa'i phyir/ der thal/ de'i rgyud kyi mi skye ba shes pa
da lta ba'i ngo bor gyur pa'i shes rab de bdag med rtogs pa'i
shes rab ma yin pa gang zhig /de dang rgyud gcig pa'i rgyud kyi
sgom lam rdo rje lta bu'i ting nge 'dzin da ltar ba'i ngo bor
gyur pa'i shes rab de yang bdag med rtogs pa'i shes

rab ma yin pa'i phyir zer na ma khyab/ dang po der thal/ de
'dra'i shes rab de bdag med rtogs pa'i shes rab yin na bzod shes
lta ba gsum gyi nang tshan gyi lta ba yin dgos pa las de ma yin
pa'i phyir te/ gnas bdun par/ zad dang mi skye blo lta min/
/zhes gsungs pa'i phyir/ gnyis pa der

@020b thal/ de 'dra'i shes rab de bdag med rtogs pa'i shes rab
yin na srid rtse'i zag bcas la dmigs pa'i bdag med pa'i rnam pa
can gyi rjes shes yin dgos/ de yin na de 'dod nyon dgu pa'i
gnyen por mi rung ba'i phyir te/ gnas bdun par/ 'dod pa'i khams
kyi rjes ma yin/ /zhes gsungs pa'i phyir ro/ /'o na/

'grel pa mngon pa'i rgyan sogs las/ gang zhig bsam gtan dang
po'i nyer bsdogs tsam la brten nas bdag med rtogs pa'i shes rab
kyi stobs kyis nyon mongs pa'i sgrib pa 'ba' zhig las rnam par
grol ba de shes rab rkyangs pas rnam grol gyi dgra bcom pa'i
'jog byed du bstan pa ma yin nam zhe na/

de ni yin mod kyi/ 'on kyang/ sdug bden gyi rnam pa bzhi pa bdag
med rtogs pa'i shes rab bsgoms stobs kyis nyon mongs pa'i sgrib
pa las rnam par grol na/ nyon mongs pa'i sgrib pa 'ba' zhig las
rnam par grol ba'i ma khyab pa'i phyir te/ 'ba' zhig gis sgras
snyoms 'jug gi sgrib pa gcod rgyu yin pa'i phyir

dang/ dgra bcom pa yin na/ bdag med rtogs pa'i shes rab kyis
nyon mongs pa'i sgrib pa las rnam par grol bas khyab pa'i phyir
te/ bdag med rtogs pa'i shes rab kyis nyon mongs pa'i sgrib pa
las rnam par grol na/ de las dngos su rnam par grol bas ma khyab
pa'i phyir ro/ /de la kho na re/

cig car ba'i dgra bcom pa la shes rab rkyangs pa'i rnam grol
gyis khyab par thal/ de 'dra'i dgra bcom thob ma thag pa de la
khyab pa'i phyir zer na ma khyab/ cig car ba'i dgra bcom thob ma
thag pa des nam ring nge 'dzin gyi snyoms 'jug gi sgrib pa las
rnam par grol ba'i tshe 'gog snyosm thob ste gnyis

ka'i las rnam grol gyi dgra bcom du 'jog pa'i phyir ro/ /'on
kyang de gnyis ka'i cha las rnam grol du gyur kyang cig car ba
yin pa mi 'gal te/ de ni sa dgu'i nyon mongs spang tshul la brten
nas btags pa yin pas ming gzhan du 'pho ba med pa'i phyir ro/
/gong ma'i lugs la spang bya cig car

ba rang rgyal lam du 'jug pa yod kyang/ lugs 'dir/ gnyis slob
rigs las ldog nas ni/ /sangs rgyas su 'gyur gzhan gsum yang/
zhes pa rtsa 'grel gyi don ltar 'phags lam thob nas rang lam du
rigs nges pas spang bya cig car ba rang rgyal lam du 'jug pa med
ces bya'o/ /gzhan

@21a @#/ /yang 'grel pa mngon pa'i rgyan du/ kun btus las/ rgyun
du zhugs pa cig car nges par 'byin pa zhes gsungs pa ni/ bsam
gtan dang po'i nyer bsdogs mi lcogs med la brten nas mthong lam
thob pas mthong spang spangs te rgyun zhugs kyi 'bras bu thob
par byas te/ de'i

rjes la 'jig rten las 'das pa'i sgom lam gyis khams gsum gyi
bden pa la cig car dmigs nas 'dod pa'i sgom spang chung ngu'i
chung ngu la sogs pa spangs nas srid rtse'i yang sgom spang
chung ngu'i chung ngu la sogs pa spangs pas phyir 'ong dang
phyir mi 'ong thob pa med par dgra bcom pa mngon du

byed pa'o/ /zhes gsungs snang ba mkhas pa'i gsung brling bas
mtha' gcig tu dpyod dka' bar snang yang/ bsam tshod kyi rig pas
dpag na/ gsung 'dis mngon pa 'og ma'i lugs kyi spang bya cig car
bas lam sgom tshul dang spang bya spong tshul shugs la go bar bya
ba'i phyir du/ gong

ma'i lugs kyi cig car bas lam gyi dmigs rnam sgom tshul dang
spang bya spong tshul gyi khyad par gsal bar bstan pa yin nam
snyam ste/ ci'i phyir na/ 'grel ba de nyid kyi gzhung gong du
drangs pa las/ khams gsum gyi 'dod chags dang bral ba dag gis
kyang/ dang po'i dngos gzhi yang bskyed par mi nus

pa ste zhes bshad pas bsam gtan dang po'i nyer bsdogs kho la
brten pa yin la/ zhes dang/ gang zhig bsam gtan dang po'i nyer
bsdogs tsam la brten nas bdag med rtogs pa'i shes rab kyi stobs
kyis nyon mongs pa'i sgrib pa 'ba' zhig las rnam par grol ba de
ni gnyis ka'i cha las rnam grol

las cig shos shes rab kyis rnam par grol ba ste/ zhes sogs ni
cig car ba yod pa'i khungs su ma zad/ khyad par lung bar pa de
ni nges par cig car ba yod par gsal bar bstan pa zhig ste/ de
lta bu 'bras gnas bar pa gnyis la sbyor du med pa ni/ khams gsum
gyi 'dod chags dang bral ba dag

gis kyang zhes pa'i tshig zin rang gis shes pa'i phyir/ da dung
gzhung 'di rim gyis pa la sbyor du yod ces smra na/ de la 'di
skad ces bya ste/ 'o na/ chags bral sngon song dang mthar gyis
pa gang gis dbang du byas kyang thog mar bsam gtan gyi dngos
gzhi thob pa nas/ mthar dgra bcom pa'i 'bras bu

@21b la gnas kyi bar bsam gtan dang po'i dngos gzhi tsam yang
bskyed mi nus pa zhig yod na/ des dngos gzhi thob pa'i dgos don
gang yang ma grub pa'i phyir dang/ ci ste bar der spong lam gyi
ngo bor gyur pa'i dngos gzhi mngon du gyur ba med kyang/ yon tan
mngon par 'grub byed kyi rten du dngos gzhi

skye bar srid do zhe na/ srid mtha' tsam ni su zhig gi 'gog mi
nus kyang/ khams gsum kyi 'dod chags dang bral ba dag gis kyang
zhes pa'i lung gi gnod pa spong mi nus pa'i phyir ro/ /de ltar
gzhung rtsa 'grel gong 'og gis dngos su bstan pa'i spang bya
spong tshul rnams ni phal che ba spang bya rim gyis pa'i dbang du
byas

nas gsungs kyang/ spang bya cig car ba yod pa ni gong du rim par
drangs pa'i rtsa 'grel rnams kyis shugs bstan gyi don du snang
bas/ dngos bstan la bsam nas shugs bstan dor bar bya mi rigs pa
rang re mkhas grub chen po'i dgongs par ma zad/ mdo sngags rab
'byams smra ba'i mkhas dbang bsod

nams grags pa'i yang dgongs pa yin te/ de nyid kyis mdzad pa'i
mdzod kyi 'grel bshad shes bya rab gsal las/ de yang rgyun zhugs
'bras gnas la spang bya spong tshul gyi sgo nas spang bya cig car
ba dang spang bya rim gyis pa gnyis yod/ 'di gnyis kyi khyad par
rgyun zhugs yin pa gzhir bzhag pa las/

bsam gtan dang po'i snyoms 'jug gis 'jig rten pa'i sgom spang du
gyur pa'i 'dod nyon la chags bral sngon du ma btang bar bsam
gtan dang po'i nyer bsdogs mi lcogs med la brten nas khams gsum
gyi sgom spang nyon mongs spong ba de snga ma'i ngo bo dang/
zhes dang/ dang po spang bya cig car ba'i

rgyun zhugs 'bras gnas khyad par can 'dod nyon dgu pa dang srid
nyon dgu pa'i dngos gnyen la gnas pa dang/ mi gnas pa'i tsam po
gnyis las dang po dgra bcom zhugs pa dang/ des 'dod nyon dgu pa
dang srid nyon dgu pa spangs pa'i tshe dgra bcom 'bras gnas su
'jog ste/ dgra bcom thob pa la nges par

bsam gtan gyi dngos gzhi thob mi dgos pa'i gnad kyis so/ /zhes
sogs gsal bar gsungs pa'i phyir ro/ /'on kyang cig car ba'i
rgyun zhugs mthong chos zhi dang bar 'da' ba dang skye 'da' ba'i
rnam gzhag 'jog mi 'jog dang/ rim gyis pas khams gsum gyi sgom
spang spong tshul gyi rnam gzhag

@22a @#/ /cung zad mi mthun pa yod kyang/ rtsod pa'i tshe gnas
skabs thos bsam 'phel byed mkhas grub so so'i dgongs pa bzhin
khas blangs pa la 'gal ba ci yang yod par ma mngon te/ dper na/
bye smra'i mkhas pa rnams kyis rang gi grub mtha'i dbang gis

bzhed tshul sna tshogs gsungs pa la 'gal ba med pa bzhin yin pa'i
phyir ro/ /de ltar spang bya cig car ba'i skor 'di gzhung rtsa
'grel dngos shugs kyis bstan tshul dang/ des lam bgrod tshul dang
spang bya spong tshul gsal bar bstan pa 'di ni/ mkhas grub chen
po rnam gnyis kyi

gsung gi zhabs 'degs kyi tshul du bkod nas dkyus kyi don la 'jug
pa ni/ spang bya rim gyis pa de la yang rgyun zhugs la zhugs pa
dang/ chags bral sngon song gi phyir 'ong la zhugs pa dang/
chags bral sngon song gi phyir mi 'ong la zhugs pa gsum las/
'dod pa'i sgom spang nyon mongs

gcig kyang ma spangs pa'i 'ching ba kun ldan nas lnga pa tsam
gyi bar spangs pa'i nyan thos mthong lam pa rnams rgyun zhugs la
zhugs pa zhes bya ste/ rgyun zhugs kyi 'bras bu thob phyir
brtson pa yin pa'i phyir/ mthong lam gyi snga rol tu 'dod nyon
drug pa nas/ dgu pa tshun chad de brgyad pa tsam

gyi bar spangs pa'i nyan thos mthong lam pa rnams ni chags bral
sngon song gi phyir 'ong la zhugs pa dang/ 'dod nyon dgu pa
spangs pa nas ci yang med man chad kyi nyon mongs spangs pa'i
nyan thos mthong lam pa rnams ni chags bral sngon song gi phyir
mi 'ong la zhugs pa zhes bya'o/ /zhugs

pa de dag dbang brtul la dad pa'i rjes 'brang dang/ dbang rnon
la chos kyi rjes 'brang zhes bya la/ dbang rtul kyang rim gyis
pa'i rgyun zhugs zhugs pa la yod kyi spang bya cig car ba'i
zhugs pa dang chags bral sngon song gi phyir 'ong zhugs pa dang
phyir mi 'ong zhugs pa la ni med de/ de rnams

ni dbang rnon yin pa'i phyir/ chags bral sngon song ni phyir
'ong dang phyir mi 'ong gnyis la ma gtogs rgyun zhugs dang dgra
bcom pa gnyis la med do/ /de la kho na re/ rgyun zhugs la chags
bral sngon song yod par thal/ mthong lam gyi snga rol tu 'dod
nyon lnga pa'i bar spangs pa yod pa'i

@22b phyir/ zhe na/ de tsam gyis chags bral sngon song gi ming
mi 'thob cing/ 'bras bu dang po thob phyir du brtson pa'i 'phags
pa yin pas 'ching ba kun ldan dang mtshungs pa'i phyir zhes
gsungs so/ /mthong lam la gnas pa'i zhugs pa de dag rang rang gi
'bras bu gang thob phyir du

brtson pa la zhugs nas ni bcu drug pa lam rjes shes thob pa de'i
tshe na rgyun zhugs sogs rang rang gi 'bras bu la gnas pa yin
pas/ de dag la ni zhugs pa dang dad pa'i rjes 'brang dang/ chos
kyi rjes 'brang zhes mi bya bar rim pa bzhin rgyun zhugs 'bras
gnas dang/ phyir 'ong 'bras

gnas dang/ phyir mi 'ong 'bras gnas zhes bya la/ de'i tshe dbang
brtul la dad pas mos pa dang/ dbang rnon la mthong bas thob pa
zhes kyang bya zhing/ de nas bzung ste dgra bcom pa'i 'bras bu
ma thob kyi bar du yang dbang rtul dang dbang rnon gyi ming de
ltar ro/ /chags bral sngon song gi

zhugs pa skad cig bco lnga pa la gnas pa dang/ 'bras gnas skad
cig bcu drug pa la gnas pa gnyis rtogs pa la ni khyad par yod
de/ bco lnga pa dang/ bcu drug pa'i khyad par yod pa'i phyir
dang/ rang gi spang bya sgom spang nyon mongs spangs pa'i spang
pa la ni khyad par med de/ bco lnga pas

gang spangs pa de bzhin bcu drug pa la yang mtshungs pa yin pa'i
phyir te/ bco lnga pa'i tshe 'dod nyon lnga pa man chad las ma
spangs par bcu drug pa la drug pa spangs pa dang/ bco lnga pa la
brgyad pa man chad las ma spangs par bcu drug pa la dgu pa
spangs pa sogs mi srid pa'i phyir/ de la

kho na re/ de gnyis spang pa la khyad par yod par thal/ bco lnga
pa'i tshe gong ma'i lam mthong spang spong bzhin pa las spangs ma
zin pa'i phyir dang/ bcu drug pa'i tshe rdzogs par spangs zin
pa'i phyir zer na ma khyab ste/ skabs 'dir sgom spang nyon mongs
spang tshul gyi dbang du byas pa'i

phyir/ skabs 'dir spang bya rim brgyud pa'i rgyun zhugs 'bras
gnas la lam dang/ spang bya dang/ rigs dang/ rten sogs kyi sgo
nas dbye na nyis stong bdun brgya lnga bcu sogs nas/ phyir mi
'ong la 'bum nyis khri dgu stong drug brgya sogs kyi dbye ba
bshad pa rnams ni/ de tsam gyi gal gnad che

@23a @#/ /bar ma mngon zhing/ mang bas 'jigs nas kyang ma bkod
la/ shes par 'dod na 'grel pa mngon pa'i rgyan sogs su blta bar
byos shig  /bcu drug pa lam rjes shes la gnas pa'i rgyun zhugs
dang/ phyir 'ong dang/ phyir mi 'ong de dag la ni 'bras gnas

tsam po ba zhes bya yi/ khyad par can ni ma yin te/ rang rang gi
'bras bu la gnas pa tsam las 'bras bu gong ma thob phyir du
brtson pa la zhugs pa ma yin pa'i phyir/ de 'dra'i rgyun zhugs
des skad cig bcu drug pa'i rjes su nam 'bras bu gong ma phyir
'ong sogs thob phyir du brtson pa la zhugs

pa de nas ni rgyun zhugs 'bras gnas khyad par can dang/ phyir
'ong sogs kyi zhugs par yang 'gyur la/ de bzhin du phyir 'ong
dang/ phyir mi 'ong de dag kyang 'bras bu gong ma thob phyir du
nam brtson pa nas 'bras gnas khyad par can dang/ rim pa bzhin
phyir mi 'ong zhugs pa dang/ dgra bcom

zhugs par yang 'gyur ro/ /tshul de dag la dgongs nas/ rtsa bar
yang/ 'bras gnas khyad par bya ba'i phyir/ /mi brtson pa ni
zhugs ma yin/ /zhes gsungs pa yin no/ /des na rgyun zhugs zhugs
pa la 'bras gnas med kyang/ phyi ma gsum gyi zhugs pa la ni
'bras gnas yod pas zhugs

pa dang 'bras gnas mi 'gal bar yang shes par bya'o/ /de ltar na
rgyun zhugs zhugs 'bras gnyis/ /phyir 'ong zhugs 'bras gnyis/
phyir mi 'ong zhugs 'bras gnyis te drug gi steng du/ phyir mi
'ong khyad par can ni dgra bcom zhugs pa'ang yin pas slob pa'i
gang zag rdzas bdun du 'gyur ro// ! sa dang

sa na nyes rnams dgu /zhes sogs kyi skabs su/ mthar gyis pa'am/
'bras bu rim gyis pa bshad pa ste/ de ni sngar mthong sgom gyi
spang bya gcig kyang ma spangs pa'i 'ching ba kun ldan zhig gam/
'dod nyon lnga pa'i bar tsam spangs pa yang rung ste/ des dang
por mthong lam gyis khams gsum

gyi mthong spang spangs/ de nas sgom lam zag bcas zag med gang
rung gis sgom spang rnams rim gyis spangs te 'bras bu bzhi rim
gyis tshang bar thob pa'o/ /'di'i thad kyi 'grel pa mngon pa'i
rgyan du/ 'bras bu bzhi rim gyis tshang bar thob pa dang/ gsum
mam gnyis thob pa'ang yod do/ /

@23b zhes pa zhig gsung 'dug pa'i phyir ma gnyis kyi don ni/
'bras bu bzhi rim gyis tshang bar thob pa'i dgra bcom yod pa
dngos su bstan pa'i zhar la/ 'bras bu gsum rim gyis thob pa'i
phyir mi 'ong dang/ gnyis rim gyis thob pa'i phyir 'ong gnyis
kyang 'bras bu rim gyis pa'am mthar gyis

pa yin par bstan pa yin no/ /'o na/ rgyun zhugs kyang smos dgos
par 'gyur ro zhe na/ de la yang 'bras bu rim gyis pa ni yod mod/
'on kyang gong gi 'grel pas ni/ gang zag gang gis 'bras bu bzhi
las rim gyis brgyud nas ji tsam thob pa yod par bstan pa yin na/
rgyun zhugs ni gnas skabs

der 'bras bu gcig tsam las ma thob la/ gcig tsam thob pa la rim
gyis brgyud nas thob pa'i don dngos su ma tshang ba'i phyir ma
smos pa'o/ /mthar gyis pa de la yang rgyun zhugs zhugs gnas
gnyis dang/ de bzhin du lan gcig phyir 'ong dang/ phyir mi 'ong
dang/ dgra bcom zhugs gnas

gnyis re ste gang zag zung bzhi ya brgyad yod do/ /de yang spang
bya'i khyad par ni/ 'dod pa'i sas bsdus kyi sgom spang nyon
mongs che 'bring chung ngu dgu yod pa bzhin du/ bsam gtan dang
po nas srid rtse'i bar gyi sa brgyad po re re la yang nyes pa
rnam pa dgu re sdom pas sgom spang nyon

mongs brgyad cu rtsa gcig yod la/ de dag gi gnyen po sgom lam
bar chad med lam yang brgyad cu rtsa gcig yod pas gnyen po rnams
chung rim gyis skyes ba dang/ spang bya rnams che rim gyis spong
ba'o/ /de la dang po mthar gyis pa'am rim gyis pa la rgyun zhugs
zhugs pa gnas gnyis

las/ nyan thos mthong lam gyi snga rol tu 'dod pa'i sgom spang
nyon mongs gcig kyang ma spangs pa nas lnga tsam gyi bar gang
rung spangs ba'i rim gyis ba gang zhig  /skad cig bco lnga pa
man chad la gnas pa'i nyan thos mthong lam pa rnams ni rim gyis
pa'i rgyun zhugs zhugs pa dang/

bcu drug pa la gnas pa ni rim gyis pa'i rgyun zhugs 'bras gnas
tsam po ba yin par sngar gyis rigs pas shes par nus shing/ rgyun
zhugs 'bras gnas de la yang srid pa lan bdun pa ba dang/ rigs
nas rigs skye/ de gnyis las gzhan pa'i rgyun zhugs dang gsum/
dang po'i rgyun zhugs

@24a @#/ /'bras gnas gang zhig  /sngar 'dod pa'i sgom spang nyon
mongs gcig kyang ma spangs pa zhig yin na/ de ni re ltar te rab
tu thogs na 'dod par lan bdun skye ba srid pa'i phyir srid pa
lan bdun pa ba zhes bya'o/ /srid pa lan bdun pa ba'i rigs can de
la skye ba

bdun len par nges pa dang ma nges pa gnyis yod pa rtsa ba nas
dngos su ma bshad kyang/ re ltar thogs na zhes pa'i tshig gi
shugs kyis ma nges pa zhig kyang yod par bstan pa ste/ re ltar
thogs na zhes pas dgra bcom pa thob pa la 'gor yun ring shos des
'dod par skye srid bdun len

dgos par bstan pa'i shugs la 'gor yun thung bas mtha' gcig tu de
ltar len dgos pa ma nges par bstan pa yin pa'i phyir/ nges pa'i
rgyun zhugs srid pa lan bdun pa ba des ni/ 'dod par lha'i srid
pa bdun dang/ mi'i srid pa bdun/ de dag gi bar srid bdun bdun te
srid

pa nyi shu rtsa brgyad len kyang bdun tshan du mtshungs pa'i phyir
srid pa lan bdun pa zhes bya ste shing lo ma bdun pa bzhin no/
/zhes bye brag smra ba 'dod do/ /de ni las nges pa'i stobs kyis
'phangs pa'i phyir srid pa bdun po de dag las lhag par yang mi
len la/ srid pa bdun ma rdzogs gang

du dgra bcom mngon du yang mi byed do sbrul goms pa bdun pas zin
pa dang/ rims nyin bzhi pas zin pa bzhin no/ /des na bdun tshan
du ma phye na lha mi bsdoms pas skye srid bcu bzhi nges par len
cing/ bcu bzhi pa de'i tshe myang 'das mngon du byed la/ mi'i
rten can gyi nges pa'i rgyun zhugs

srid pa lan bdun pa ba yin na de'i tshe dgra bcom thob pa dang
mnyam du sangs rgyas 'jig rten du ma byon kyang chos nyid kyi
stobs kyis thob pa'i dge slong du yang 'gyur ro/ /des na 'dis ni
phyir mi 'ong dang  /dgra bcom pa'i 'bras bu gnyis char skye ba
bcu gcig pa de rang la mngon du byed par 'dod dgos kyi

de'i gong du phyir mi 'ong gi 'bras bu yang mngon du byed mi nus
pa'i phyir te/ ci'i phyir na/ phyir mi 'ong thob pa la 'dod nyon
dgu pa spangs dgos pa gang zhig  /'dod nyon dgu pa spangs pa'i
'phags pa slar 'dod par skye ba mi srid pa'i phyir ro/ /ma nges
pa'i rgyun zhugs srid pa lan bdun pa ba de ni

@24b srid pa bdun len pa'i rigs can yin kyang srid pa bdun len
par nges pa ni ma yin zhes bya la/ 'on kyang/ de ltar thogs na
lan bdun pa/ zhes pa'i dngos bstan gyi srid pa lan bdun pa ba la
ni/ nges pa'i srid pa lan bdun pa ba yin pas khyab pa yin no/
/kho na re/ 'o na/ sgom spang 'dod nyon

gcig kyang ma spangs pa'i rim gyis pa'i rgyun zhugs de yin na
srid pa lan bdun pa ba yin pas khyab par thal/ khyod kyis srid
pa lan bdun pa ba la nges pa dang ma nges pa gnyis phye ba la
rgyu mtshan yod pa'i phyir zer na/ de la ni/ 'dod lan 'debs dgos
te/ 'bras gnas sgom spang bya ma zad/ /

re ltar thogs na lan bdun pa/ /zhes pa'i dngos shugs kyi lung
don grub pa'i phyir/ nges pa'i rgyun zhugs srid pa lan bdun pa
ba de dang por mi'i rten la rgyun zhugs kyi 'bras bu thob na/
mthar yang mi'i rten la myang 'das mngon du byed la/ dang por
'dod pa'i lha'i rten la rgyun zhugs thob na/ mthar

yang lha'i rten la myang 'das mngon du byed pa yin te/ de'i skye
ba len tshul dang por mi'i rten can yin na/ de'i phyi ma lha
dang/ yang de'i phyi ma mi ste lha mi'i skye ba spel ma'i sgo
nas bdun bdun len pa'i phyir dang de bzhin du dang por lha'i
rten can yin na/ de'i phyi ma mir skye ba sogs rigs 'gre ba'i
phyir/

yang/ ma nges pa'i srid pa lan bdun pa ba ni/ dang por mi'i rten
can yin na/ mthar yang mi'i rten la myang 'das mngon du byed pas
ma khyab bam snyam yang dpyad do/ /srid pa lan bdun pa ba de la
ni 'phags par ma zad/ so skye rgyud smin pa dag kyang yod de/
dge 'dun nyi shu chen mo las/ lan bdun pa

la skye 'phags gnyis/ /zhes gsungs pa ltar ro/ /de la so skye'i
gang zag ji ltar 'jog ce na/ yod de/ rgyun zhugs srid pa lan
bdun pa ba dang lus rten gcig bsdus kyi sbyor lam chos mchog pa
lta bu yang de yin pa'i phyir/ ! rnam gsum rnam bzhi las grol
ba/ /zhes sogs kyi

skabs su/ rgyun zhugs 'bras gnas gang zhig  /'dod pa'i sgom
spang nyon mongs gsum mam bzhi tsam gyi bar spangs la rigs mthun
gyi skye srid gnyis sam gsum tsam du len par nges pa'i rgyun
zhugs de la ni rigs nas rigs su skye ba zhes bya la/ de la yang
lha'i rigs nas rigs su skye ba dang/

@25a @#/ /mi'i rigs nas rigs su skye ba gnyis yod cing/ lha mi
gang rung gi rigs mthun gyi skye srid gnyis ni nges par lan pas
khyab/ gsum pa len mi len ci rigs yod/ bzhi pa nges par mi len
pas khyab la/ 'on kyang de ni rigs mthun gyi dbang du byas pa
las rigs

mi mthun gyi lha mi'i skye srid bzhi len pa ni yod par bzhed do/
/de bzhin du rigs nas rigs skye'i nyon mongs spangs tshul yang
'dod nyon gsum pa nges par spangs pas khyab/ bzhi pa spangs ma
spangs ci rigs yod/ lnga pa nges par ma spangs pa dgos te/ lnga
pa spangs na drug pa tshe

de la nges par spong bar 'gyur bas/ de spangs na phyir 'ong du
'gyur ba las rgyun zhugs su mi gnas la/ rigs nas rigs skyer yang
mi rung ba'i phyir/ 'o na/ mthong lam gyi snga rol tu 'dod nyon
gsum pa'am/ bzhi pa tsam spangs la rigs mthun gyi skye srid
gnyis gsum tsam len par

nges pa'i rgyun zhugs dang/ srid pa lan bdun pa ba dang rgyud
gcig tu gyur pa'i 'dod par rigs mthung yi skye srid gnyis gsum
tsam len par nges la 'dod nyon bzhi pa'i bar tsam spangs pa'i
rgyun zhugs de dag kyang rigs nas rigs skye yin nam/ zhe na/ yin
te/ 'grel pa mngon pa'i rgyan

du/ 'di ni bden pa mthong ba'i sngon nam phyir spangs kyang rung
ngo/ /zhes gsungs pa'i phyir/ yang/ mthong lam gyi snga rol tu
'dod nyon lnga pa man chad spangs pa'i rgyun zhugs de ni rigs
nas rigs skye ma yin te/ des bcu drug pa lam rjes shes kyi tshe
'dod nyon drug pa mi spong yang/ tshe de la

nges par spangs pas phyir 'ong du 'gyur ba gong du bshad pa ltar
yin pa'i phyir/ yang/ sngon gyi slob dpon 'ga' zhig  /'dod nyon
gcig tsam spangs pa dang/ gnyis tsam spangs pa'i rgyun zhugs
rnams kyang tshe drug gam/ lngar rigs nas rigs su skye bar bzhed
pa'ang yod kyang/ rang lugs su ni mi 'dod

do// ! rnam pa lnga yi bar bcom pa/ /zhes sogs kyis rim gyis
pa'i phyir 'ong zhugs 'bras bshad pa ste/ de la rim gyis pa'i
rgyun zhugs 'bras gnas gang zhig  /'dod pa'i sgom spang nyon
mongs dang po spong ba'i sbyor ba la brtson pa nas/ drug pa
spong ba la brtson pa'i bar chad med lam la

@25b gnas pa'i bar gyi rim gyis pa ni 'bras bu dang po la gnas
pa ma zad 'bras bu gnyis pa phyir 'ong la zhugs pa'ang yin la/
des nam 'dod nyon drug pa spangs pa na lan gcig phyir 'ong gi
'bras bu la gnas pa ste/ 'dod nyon chung ngu gsum tsam gyis ni
'dod par lan gcig las

mi skye bas lan gcig phyir 'ong zhes brjod do/ /'bras bu gong ma
thob phyir du brtson pa la zhugs pa ma yin par phyir 'ong gi
'bras bu tsam la gnas pa de la ni phyir 'ong 'bras gnas tsam po
ba zhes bya'o/ /phyir 'ong 'bras gnas khyad par can gang zhig
/'dod nyon bdun pa nges par

spangs la brgyad pa spangs ma spangs gang yin kyang phyi ma 'dod
pa'i skye srid gcig tsam blangs pa'i rten de la myang 'das mngon
du byed par nges pa'i phyir 'ong de la ni phyir 'ong tshe gcig
bar chad gcig pa zhes bya ste/ dgra bcom thob pa la tshe gcig gis
bar du chod cing/ phyir mi 'ong thob pa

la 'dod nyon dgu pas bar du chod pa'i phyir/ de la ni phyir 'ong
'bras gnas khyad par can zhig dgos te rtsa bar/ gsum pa la ni
zhugs pa'ang yin/ /zhes gsungs pa'i phyir/ 'di la yang 'dod nyon
bdun pa ni nges par spangs pas khyab/ brgyad pa spangs ma spangs
ci rigs yod/ dgu pa nges par ma

spangs pas khyab pa'i phyir/ yang/ 'dod nyon bdun pa dang brgyad
pa'i bar spangs zin pa'i phyir 'ong yin na/ tshe gcig bar chad
gcig pa yin pas ni ma khyab te/ tshe gcig bar chad gcig pa yin na
phyir mi 'ong zhugs pa dang/ 'bras gnas khyad par can yin pas
khyab pa gang zhig  /'dod nyon brgyad pa spangs pa'i phyir 'ong

yin na 'bras gnas khyad par can yin pas ma khyab pa'i phyir/ der
thal/ mthong lam gyi snga rol tu 'dod nyon brgyad pa'i bar
spangs pa'i bcu drug pa lam rjes shes la gnas pa'i phyir 'ong de
'bras gnas khyad par can ma yin pa'i phyir/ der thal/ de 'bras
bu gong ma thob phyir du brtson pa la zhugs pa

ma yin pa'i phyir/ des nam 'bras bu gong ma thob phyir du brtson
pa la zhugs pa nas 'bras gnas khyad par can dang/ phyir mi 'ong
zhugs par yang 'gyur ba yin la/ de nas tshe gcig bar chad gcig pa
yang yod par 'dod kyang 'gal ba med pa'i phyir/ 'o na/ phyir
'ong tshe gcig bar chad gcig pa

@26a @#/ /de la nges pa'i rgyun zhugs srid pa lan bdun pa ba
dang/ rigs nas rigs skye sogs dang rgyud gcig tu gyur pa yod
dam zhe na/ yod par ni khas blangs mod/ 'on kyang rtsa 'grel
rnams su gsal kha ma gsungs yang/ dge 'dun nyi shu chen mo
sogs su/ tshe 'phos

'dod lha'i rten de la/ myang 'das mngon du byed par nges/
/zhes phyir 'ong tshe gcig bar chad gcig pa de phyi ma nges par
'dod pa'i lha'i rten la myang 'das mngon du byed par gsungs
la/ de ltar na de dang rgyud gcig tu gyur pa'i nges pa'i rgyun
zhugs srid pa lan bdun pa ba de yin na/ dang por lha'i

rten la rgyun zhugs kyi 'bras bu thob pa zhig yin pas khyab
par 'dod dgos te/ dang por mi'i rten la rgyun zhugs thob pa'i
nges pa'i rgyun zhugs srid pa lan bdun pa ba de ni mthar yang
mi'i rten la myang 'das mngon du byed par gsungs pas na de
dang rgyud gcig pa 'byung mi shes pa'i phyir

de bzhin du de dang rgyud gcig pa'i rigs nas rigs skye la yang
lha'i rigs nas rigs skye nges par dogs 'dra zhing/ yang de
dang rgyud gcig pa'i ma nges pa'i srid pa lan bdun pa ba la ni
dang por mi'i rten la rgyun zhugs thob pa bzhag kyang 'gal ba
med 'dra ste/ des rigs mthun gyi skye srid

bdun len par ma nges pa'i phyir/ 'on kyang 'di'i thad kyi dge
'dun nyi shu'i yig cha rnams su/ phyir 'ong tshe gcig bar chad
gcig pa de 'dod par rigs mthun gyi skye srid gcig kho na
blangs nas/ 'dod pa'i lha'i rten la myang 'das mngon du byed
nges/ zhes dang/ yang de la dbye na lha mi'i rten

can gnyis yod par yang gsungs 'dug pas/ des na tshe gcig bar
chad gcig pa la mi'i rten can yod na/ des phyi ma lha'i skye
ba len pa'i tshe lha mi rigs mi mthun pa'i skye ba blangs par
song ba lta bu zhig 'dug kyang/ 'dod pa'i lha mi gnyis 'dod
par rigs mthun pa la dgongs pa'am/

yang na de'i skye ba sngon ma lhar skye ba blangs pa yod pas
de'i rigs mthun la dgongs sam snyam ste dpyad do/ /gang ltar
yang tshe gcig par chad gcig pa la mi'i rten can yod par ni
'dod dgos te/ 'dod pa'i lha'i rten la rgyun zhugs thob pa'i
nges pa'i rgyun zhugs srid pa lan bdun pa ba dang

@26b rgyud gcig tu gyur pa'i phyir 'ong tshe gcig bar chad gcig
pa de mi'i rten can yin pa'i phyir/ der thal/ de 'dra'i rgyun
zhugs srid pa lan bdun pa ba des mi'i rigs mthun gyi skye srid
bdun blangs pa'i bdun pa mi'i rten de la phyir 'ong tshe gcig
bar chad gcig par gyur pa'i phyir/ der thal/

de 'dra'i phyir 'ong de dgra bcom thob pa la tshe gcig phyir mi
'ong thob pa la 'dod nyon dgu pas bar du chad pa'i 'bras gnas
khyad par can gang zhig /des skye ba phyi ma 'dod pa'i lha'i
rigs mthun gyi skye srid gcig blangs nas rten de la phyir mi
'ong gi 'bras bu dang myang 'das gnyis ka mngon

du byed pa'i phyir/ yang kho na re/ mthong lam gyi snga rol tu
'dod nyon brgyad pa'i bar spangs pa'i bcu drug pa lam rjes
shes la gnas pa'i phyir 'ong de chos can/ tshe gcig bar chad
gcig pa yin par thal/ des dgra bcom thob pa la tshe gcig dang/
phyir mi 'ong thob pa la 'dod nyon dgu pas bar

du chad pa'i phyir zer na rtags zur dang po ma grub ste/ des
dgra bcom thob pa la tshe gcig tsam gyis bar du chod pa'i nges
pa med pa'i phyir dang/ de la phyi mar 'dod lhar skye ba'i
nges pa'ang med pa'i phyir dang/ tshe gcig bar chad gcig pa la
de gnyis kyi steng du phyir mi 'ong gi 'bras bu thob phyir du
brtson

ba'i 'bras gnas khyad par can yin dgos pa gong du bshad pa
ltar yin pa'i phyir/ der thal/ de'i mtshan nyid kyi zur du/
gsum pa la ni zhugs pa'ang yin/ /zhes gsungs pa'i phyir/ gzhan
yang/ phyir 'ong yin na/ 'dod par lan gcig phyir 'ong yin pas
kyang ma khyab ste/ 'dod nyon

dgu pa spong phyir du de'i dngos gnyen par chad med lam la
gnas pa'i phyir 'ong lta bu 'dod par lan gcig phyir 'ong ma
yin pa'i phyir/ der thal/ des slar 'dod par skye ba mi len
pa'i phyir te/ des tshe de la nges par phyir ma 'ong gi 'bras
bu mngon du byed pa'i phyir/ 'o na/ de la phyir 'ong gi don ma

tshang bar 'gyur ro/ /zhe na/ de'i rigs can yin pa'i phyir
phyir 'ong nyid du 'jog go/ ! de dgu zad pas phyir mi 'ong/
/zhes pa'i skabs su/ phyir mi 'ong zhugs 'bras bshad pa ste/
de la gnyis las chags bral sngon song ni sngar bshad zin la/
'bras bu rim gyis pa'i dbang du byas na/

@27a @#/ /'bras bu rim gyis pa'i phyir mi 'ong gi 'bras bu thob
phyir du brtson bzhin pa'i phyir 'ong 'bras gnas khyad par can
ni 'bras bu rim gyis pa'i phyir mi 'ong zhugs pa yin la/ des
'dod nyon dgu pa zad par nam spangs pa na 'bras bu rim gyis
pa'i phyir mi 'ong gi

'bras bu la gnas pa yin no/ /yang/ chags bral sngon song gi
phyir 'ong 'bras gnas khyad par can lta bu phyir mi 'ong zhugs
pa yin kyang/ chags bral sngon song gi phyir mi 'ong zhugs pa
dang/ 'bras bu rim gyis pa'i phyir mi 'ong zhugs pa gang yang
ma yin la/ de'i stobs kyis thob pa'i

phyir mi 'ong de yang chags bral sngon song gi phyir mi 'ong
dang/ 'bras bu rim gyis pa'i phyir mi 'ong gang yang ma yin
no/ /de la kho na re/ mthong lam gyi sngon du 'dod nyon drug
pa la chags pa dang bral bas/ chags bral sngon gi phyir 'ong
'bras gnas khyad par can chos can/ chags bral

sngon song gi phyir mi 'ong zhugs pa yin par thal/ chags bral
sngon song gang zhig /phyir mi 'ong zhugs pa yin pa'i phyir
zer na ma khyab bo// ! de ni bar skyes 'du byed dang/ /zhes
sogs kyi skabs su/ phyir mi 'ong spyi tsam pa de la dbye na/
gzugs su nyer 'gro dang/ gzugs med du nyer 'gro dang/

mthong lam thob pa'i tshe de la mya ngan las 'da' ba gsum/ phyi
ma 'di la phyir mi 'ong mthong chos zhi zhes kyang bya'o/
/gzugs nyer 'gro'i phyir mi 'ong de la yang bar 'da' ba dang/
skyes 'da' ba dang/ gong du 'pho ba gsum/ skyes 'da' ba la
skyes tsam nas 'da' ba dang/ mngon par 'du byed

dang bcas te 'da' ba dang/ mngon par 'du byed med par 'da' ba
gsum du phye na lnga'o/ /de la bar 'da' ba ni/ 'dod pa nas shi
'phos nas tshangs chen ma gtogs pa'i gzugs khams gnas ris bcu
drug po gang rung gi bar srid du skye ba gcig kho na blangs
nas rten de la myang 'das mngon

du byed nges kyi gzugs nyer 'gro'i phyir mi 'ong de yin la/ de
la yang nang bsres su dbye na zhogs ma'i me stag chung ngu
mngon par grub bzhin du 'chi ba sogs dpe gsum gyis bstan pa
ltar/ myur bar 'da' ba dang/ myur ba ma yin par 'da' ba/ yun
ring mo zhig nas 'da' ba gsum ste/

@27b gzugs kyi bar srid grub pa'i dus skad cig gnyis par myang
'das mngon du byed nges kyi phyir mi 'ong par 'da' ba de dang
po dang/ bar srid kyi tshe'i phyed tsam la myang 'das mngon du
byed nges kyi bar 'da' ba de gnyis pa dang/ de'i tshe'i 'jug tu
myang 'das mngon du byed nges kyi bar 'da'

ba de gsum pa yin no/ /'dod pa nas shi 'phos nas gzugs khaMs
gnas ris bcu drug po gang rung du skye srid gcig kho na blangs
nas rten de la myang 'das mngon du byed nges kyi gzugs nyer
'gro'i phyir mi 'ong de la ni skyes 'da' ba zhes bya la/ de
yang gong du bshad pa ltar gsum yod

pa las/ gzugs kyi skye srid grub pa'i dus skad cig gnyis par
myang 'das mngon du byed nges kyi phyir mi 'ong skyes 'da' ba
de dang po dang/ skye srid grub pa'i rten la 'bad rtsol rags
pa dang bcas te myang 'das mngon du byed nges kyi skyes 'da'
ba ni gnyis pa dang/ rten de la 'bad rtsol rags pa la mi ltos

par myang 'das mngon du byed nges kyi skyes 'da' ba de gsum pa
yin pa'i phyir/ myur bar 'da' ba dang/ skyes tsam nas 'da'
gnyis la yig cha rnams su bar srid grub ma thag dang/ skye
srid blangs ma thag tu zhes gsungs pa ni dus myur ba'i spam
bshad mdzad pa las/ srid pa gnyis grub ma thag tu myang 'das

mngon du byed pa mi srid de/ skye ba'i srid pa ni nyon mongs
can yin pas de dang dus mnyam du zag med kyi lam mngon du byed
mi nus pa'i phyir/ des na tshig skyon gong ltar gcod dgos so/
/'dod pa nas shi 'phos nas gzugs su dma' mtha' skye srid gnyis
blangs nas khams gong ma gnyis gang rung gi rten

la myang 'das mngon du byed nges kyi gzugs nyer 'gro'i phyir
mi 'ong de la ni gong du 'pho ba zhes bya la/ de la yang 'og
min mthar thug 'gro dang/ srid rtse mthar thug 'gro gnyis/
'dod pa nas shi 'phos nas gzugs khams su skye srid gnyis yan
chad 'phar mar blangs nas gnas gtsang gi rten

la myang 'das mngon du byed nges kyi phyir mi 'ong gong 'pho
de ni/ gong 'pho 'og min mthar thug 'gro zhes bya ba yin la/
de la yang dbye na 'phar ba dang/ phyed du 'phar ba gnas thams
cad du 'chi 'pho ba dang gsum/ dang po ni/ 'dod pa'i rten can
gyi phyir mi 'ong bsam gtan bzhi pa'i dngos gzhi spel sgom

@28a @#/ /'grub pa zhig /bsam gtan dang po'i bde ba'i ro myangs
pas gong ma gsum las nyams te shi 'phos nas tshangs ris la sogs
par skyes/ der sngon goms pa'i shugs kyis bsam gtan bzhi pa'i
spel sgom bco lnga spel bsgoms pas 'og min du skyes nas dgra
bcom

mngon du byed nges kyi phyir mi 'ong gang 'pho lta bu'o/
/gnyis pa ni/ 'dod pa'i rten can gyi phyir mi 'ong bsam gtan
spel sgom las nyams pa zhig shi 'phos nas dang por tshangs ris
sogs su skyes/ rten de la spel sgom gsum spel lam drug spel
gang rung bsgoms pas gnas gtsang 'og ma gnyis

po gang rigs su skyes/ rten de la bco lnga spel bsgoms pas
phyi ma 'og min tu skyes nas dgra bcom mngon du byed nges kyi
phyir mi 'ong gong 'pho lta bu dang/ gsum pa ni sngar bzhin
spal sgom las nyams pa'i phyir mi 'ong zhig shi 'phos nas
tshangs chen ma gtogs pa'i gzugs khams gnas

rigs bcu drug po thams cad du rim bzhin skyes nas mthar 'og
min gyi rten la myang 'das mngon du byed nges kyi phyir mi
'ong gong 'pho lta bu'o/ /gong du bshad pa 'di dag kyang mtshan
gzhi ngos 'dzin pa tsam yin pa las 'phar ba sogs gsum po gang
rung yin na tshul de ltar du nges pa'i

khyab pa ni med de/ 'phar ba dang phyed 'phar ba gang rung yin
na bsam gtan gong ma gsum char las nyams nges yin pas kyang ma
khyab cing/ shi 'phos nas nges par changs ris sogs bsam gtan
dang po kho nar skye bas kyang ma khyab la/ nges par 'og min
gyi rten la myang 'das mngon du

byed bas kyang ma khyab pa'i phyir/ der thal/ phyir mi 'ong
gong 'pho 'phar ba zhig bsam gtan bzhi pa'i dngos gzhi las
nyams kyang gsum pa dang gnyis pa las ma nyams na shi 'phos
nas bsam gtan gsum pa'i gnas gang rung du skyes rten de la
spel sgom lnga po gang rung bsgoms

pa las gnas gtsang lnga po gang rung du skyes nas myang 'das
mngon du byed pa srid pa'i phyir dang/ gnas gtsang 'og ma bzhi
po gang rung gi rten la myang 'das mngon du byed pa yod par
yang dge 'dun nyi shu'i yig cha rnams su bshad pa'i phyir/
gzhan yang gong 'pho 'phar ba dang phyed

@28b 'phar gang rung yin na bzhi pa'i dngos gzhi spel sgom las
nyams nges yin pas kyang ma khyab pa 'dra ste/ phyir mi 'ong
gong 'pho 'phar ba bsam gtan bzhi pa'i dngos gzhi chung ngu
gsum spel thob la ma nyams pa zhig 'dod pa nas shi 'phos nas
gnas gtsang lnga'i 'og mar skyes/

rten de la bce lnga spel bsgos par byas pa las/ 'og min du
skyes nas myang 'das mngon du byed pa zhig kyang srid dam
snyam mo/ /'on kyang phyir mi 'ong gnas thams cad du 'chi 'pho
ba de yin na ni/ dang por bzhi pa'i dngos gzhi spel sgom thob
nas rjes su bsam gtan gong ma gsum char las nyams

nges yin pas khyab ste/ de shi 'phos nas skye ba phi ma la
nges par tshangs ris nas bzung gzugs khams gnas ris bcu drug po
mtha' dag tu skye ba brgyud nas blangs dgos pa gang zhig /gong
ma gsum las mnyams bzhin du bsam gtan dang por skye ba mi srid
pa'i phyir/ de ni mthar yang 'og

min gyi rten la myang 'das mngon du byed nges yin pas khyab
ste/ bar ma dor myang 'das mngon du byed na gnas thams cad du
'chi 'pho ba'i don ma tshang ba'i phyir/ de tshangs chen du ni
skye ba mi len te/ tshangs chen log lta'i gnas yin pas 'phags
pa rnams kyis spong ba'i phyir/ dge 'dun nyi shu'i

yig cha rnams su/ gnas thams cad du 'chi 'pho ba 'di yang
gzugs khams gnas ris bcu drug gi nang nas gnas gcig la 'phar
dgos te/ 'phar ba gsum zhes bshad pa'i phyir zhes gsungs kyang
lugs 'dir rtsa 'grel rnams su gsal kha ma gsungs pas nges par
'phar ba 'dod dgos

pa min 'dra'o/ /gong 'pho 'phar ba sogs gsum po gang rung yin
na/ dang por 'dod pa'i rten la bzhi pa'i dngos gzhi spel sgom
lnga po gang rung thob dgos pas khyab bam/ zhe na/ khyab pa
yin te/ de gsum gang rung yin na mthar gnas gtsang du skye ba
len pas khyab pa gang zhig  /gnas gtsang du skye

ba la bzhi pa'i spel sgom lnga po gang rung 'grub dgos pa'i
phyir te/ rtsa bar/ gong du 'pho ba rnams de ni/ /bsam gtan
spel na 'og min 'gro/ zhes dang/ de ni rnam pa lnga yi phyir/
/gnas gtsang skye ba lnga kho na/ /zhes gsungs pa'i phyir
dang/ de yang dang por bzhi pa'i dngos gzhi kho na spel

@29a @#/ /dgos te/ dang por bzhi pa spel bar byed/ /zhes gsungs
pa'i phyir/ rten yang dang por gling gsum gang rung gi mi'i
rten la spel dgos te/ 'grel pa mngon pa'i rgyan du/ de yang
dang por 'dod khams kyi gling gsum du spel bar byed la/ phyis
nyams pa dag gis ni

gzugs su yang spel bar byed do/ /zhes gsungs pa'i phyir/ yang/
phyir mi 'ong gong 'pho 'og min mthar thug 'gro yin na/ 'phar
ba sogs gsum po gang rung yin pas ma khyab ste/ de gsum gang
rung yin na mthar gnas gtsang gi rten la myang 'das mngon du
byed nges yin pas khyab dgos pa

gang zhig /'og min mthar thug 'gro la de ltar dgos pas ma
khyab pa'i phyir te/ 'od gsal man chad du skyes nas rten de
dag la myang 'das mngon du byed nges kyi 'og min mthar thug
'gro yod pa'i phyir/ der thal/ 'grel pa mngon pa'i rgyan las/
gang dag 'od gsal man chad du rim gyis skyes nas

de'i rten la dgra bcom thob pa la sogs pa yod par rigs pa'i
phyir 'di gsum du nges pa ni ma yin par gsal lo/ /zhes gsungs
pa'i phyir/ de la kho na re/ de 'dra'i phyir mi 'ong de dag
'og min mthar thug 'gro ma yin par thal/ phyir mi 'ong de dag
'og min du ma skyes par sa 'og ma'i rten la myang 'das

mngon du byed pa'i phyir/ zer na ma khyab ste/ 'og min mthar
thug 'gro dang/ srid rtse mthar thug 'gro zhes pa'i don/ gzugs
kyi pha mtha' 'og min dang/ gzugs med kyi pha mtha' srid rtse
yin pas gong du skyes pa'i pha mtha' 'dzin pa'i dbang du byas
pa las/ de gnyis gang rung yin na nges par 'og min

dang srid rtse gang rung du skye dgos pa'i khyab mtha' bzung
ba ma yin pa'i phyir/ der thal/ mdzod 'grel las/ bar skabs su
yongs su mya ngan las 'da' bar rung bar blta'o/ /'og min dang
srid pa'i rtse mo'i mthar thug par 'gro ba ni/ de phan chad du
'gro bar med pa'i phyir/ dper na/ rgyun zhugs

mchog tu thogs na lan bdun pa ba nyid bzhin no/ /zhes rgyun
zhugs srid pa lan bdun pa ba la nges pa dang ma nges pa gnyis
yod pas nges par srid pa bdun len pa'i khyab pa med na yang de
lhag mi len pa'i dbang du byas nas/ ma nges pa de la yang srid
pa lan bdun pa ba zhes brjod pa dang mtshungs par

@29b gsungs pa'i phyir/ yang/ phyir mi 'ong zhes pa yang 'dod
pa kho nar phyir mi 'ong ba'i don yang ma yin te/ sa gang dang
gang du skyes pa de dang dar phyir mi 'ong zhing/ de'i 'og sar
yang phyir mi 'ong ba yin pa'i phyir/ der thal/ 'grel pa mngon
pa'i rgyan las/ bsam gtan dang por skyes pa'i phyir mi 'ong ba

'dod pa dang bsam gtan dang por phyir mi 'ong ba la sogs pa
lta bu ste/ zhes gsungs pa'i phyir/ 'on kyang gsung 'di ni
spyir btang rags pa tsam gyi dbang du mdzad pa yin gyi/ zhib
tu phye na/ bsam gtan dang po la gnas gsum yod pa'i bar par
skyes pa'i phyir mi 'ong lta bu slar gnas bar pa de dang

'og sar mi skye yang/ gong sa'i bsam gtan dang por skye ba ni
yod pas/ dang po'i gnas gsum gang rung du skyes phyin chad
slar bsam gtan dang por mi skye ba'i don ni ma yin te/ de ltar
yin na gnas thams cad du 'chi 'pho ba mi rung bar thal ba'i
phyir ro/ /'dod pa nas shi 'phos nas changs chen

dang gnas gtsang lnga ma gtogs pa'i gzugs kyi gnas bcu gcig
dang/ gzugs med kyi gnas rnams kyang rim gyis brgyud nas mthar
srid rtse'i rten la myang 'das mngon du byed nges kyi gzugs
nyer 'gro'i phyir mi 'ong de la ni srid rtse'i mthar thug 'gro
zhes bya ba yin la/ 'di la gzugs su nges par skye ba len

dgos pas ni khyab kyang gzugs kyi gnas bcu gcig po thams cad
nges par rim gyis brgyud dgos pa'i khyab pa ni med la/ gzugs
med du yang nges par skye dgos kyang gzugs med dang po gsum po
gang rung gi rten la myang 'das mngon du byed pa yang yod pas
srid rtser skye dgos pa ni ma yin zhing/ 'on kyang

srid rtse mthar thug 'gror 'jog pa'i rgyu mtshan ni gong du
bshad zin pa ltar ro/ /srid rtse mthar thug 'gro de dag gnas
gtsang du skye ba mi len pa'i rgyu mtshan yod de/ gnas gtsang
'phags pa'i gnas yin pas der skyes zin nas slar gzugs med byis
pa'i gnas su skye ba mi len pa'i phyir ro/ /yang kho

na re/ phyir mi 'ong srid rtse mthar thug 'gro de chos can/
gzugs nyer 'gro'i phyir mi 'ong ma yin par thal/ gzugs med kyi
rten la myang 'das mngon du byed nges yin pa'i phyir/ zer na
ma khyab ste/ 'dod pa nas shi 'phos nas gzugs su nges par skye
ba len dgos pa'i phyir gzugs nyer 'gro'i phyir

@30a @#/ /mi 'ong nyid du 'jog go /'o na/ phyir mi 'ong srid
rtse mthar thug 'gro de yin na/ dang por 'dod pa'i rten la
gzugs med kyi dngos gzhi thob pas khyab bam zhe na/ 'di la
gsal kha ma byung yang mtha' gcig tu nges pa med 'dra ste/
dang por 'dod pa'i rten la gzugs med kyi

dngos gzhi thob/ de las nyams nas gzugs su skye ba blangs/
slar gzugs kyi rten la gzugs med kyi dngos gzhi bskyed pa zhig
dang/ yang/ 'dod pa'i rten la gzugs med kyi dngos gzhi ma thob
kyang/ slar gzugs kyi rten la gzugs med kyi dngos gzhi gsar du
thob pa ci rigs yod dam snyam me/ /

! gzhan ni gzugs med 'gro rnams bzhi/ /zhes pa'i skabs su/
phyir mi 'ong gzugs la 'dod chags dang bral ba zhig slar 'dod
pa nas shi 'phos nas gzugs med du nyid mtshams sbyar nas gzugs
med kyi rten la myang 'das mngon du byed nges kyi 'dod pa'i
rten can gyi phyir mi 'ong de la ni gzugs

med nyer 'gro'i phyir mi 'ong zhes bya ba yin la/ de la dbye
na skyes tsam nas 'da' ba dang/ mngon par 'du byed dang bcas
ta 'da' ba dang/ 'du byed med par 'da' ba dang/ gong 'pho dang
bzhi las/ dang po gsum gyi 'jog tshul ni gzugs nyer 'gro'i
phyir mi 'ong dang mtshungs shing/ gong 'pho la

'dod pa nas shi 'phos nas gzugs med du skye srid gnyis brgyud
mar len pa ni nges par dgos la/ gsum dang bzhi len mi len ci
rigs yod par sems shing/ 'on kyang 'phar ba sogs gsum gyi rnam
bzhag ni ma mdzad do/ /gzugs med nyer 'gro la bar 'da' ba ni
med de/ gzugs med

na bar srid med pa'i phyir ro// ! gzhan ni 'di la mya ngan
'da'/ /zhes pa'i skabs su/ mthong lam thob pa'i tshe de la
myang 'das mngon du byed nges kyi phyir mi 'ong de la ni
mthong chos zhi 'am/ mthong chos la 'da' ba zhes bya ba yin
no/ /phyir mi 'ong de dag bdun du 'dren pa'i tshe gzugs nyer
'gro'i

bar 'da' ba dang/ gong 'pho la gsum du ma phye bar re re
bgrang/ skyes 'da' ba la gsum du phye bas lnga/ de'i steng du
gzugs med nyer 'gro dang/ mthong chos la 'da' ba bsnan pas
bdun/ gzugs nyer 'gro yang ma phye bar gcig tu bgrang na gsum
mo/ /gzhan yang phyir mi 'ong de dag la rten

@30b dang/ rigs dang/ dbang po dang/ 'dod chags dang bral tshul
sogs kyi sgo nas bye na gzugs nyer 'gro'i phyir mi 'ong khri
nyis stong dgu brgya drug cu dang/ gzugs med nyer 'gro la nyis
stong lnga brgya dgu bcu rtsa gnyis/ mthong chos la 'da' ba la
khri chig stong drug brgya drug cu rtsa bzhi phye tshul sogs
zhib

pa 'grel pa rnams su blta'o// ! gsum la yang rnam gsum phye
nas/ /zhes sogs kyi skabs su/ mdo las/ gzugs nyer 'gro'i phyir
mi 'ong dgur gsungs pa ni/ sngar bshad pa ltar bar 'da' ba la
myur bar 'da' ba sogs gsum dang/ skyes 'da' ba la skyes tsam
nas 'da' ba

sogs gsum/ gong 'pho la 'phar ba sogs gsum ste dgu'o/ /de dag
kyang las dbang nyon mongs gsum gyi sgo nas phye ba ste/ bar
'da' ba gsum ni bar srid 'grub byed kyi las dang ldan gyi/
skyes nas myong 'gyur dang/ lan grangs gzhan la myong 'gyur
gnyis dang mi ldan/ skyes

'da' ba gsum skyes nas myong 'gyur dang ldan la phye ma dang
mi ldan/ gang 'pho gsum lan grangs gzhan la myong 'gyur dang
ldan pa'i phyir/ de la kho na re/ gzugs nyer 'gro'i phyir mi
'ong bar 'da' ba de skyes gnas myong 'gyur gyi las dang ldan
par thal/ de'i len byar gyur ba'i

gzugs kyi bar srid pa'i rnam smin gyi phung po de skyes gnas
myong 'gyur gyi las kyi 'bras bu yin pa'i phyir zer na rtags
ma grub ste/ skye gnas myong 'gyur gyi las zhes pa ni rang gi
'bras bu skye srid pa'i rten la smin par 'gyur ba zhig la byed
dgos par gsungs pa'i phyir/ de'i len byar gyur pa'i

gzugs kyi bar srid pa'i rnam smin gyi phung po de myong 'gyur
gsum po gang gi yang 'bras bu ma yin zhes smra'o/ /de bzhin du
gsum po de rim pa bzhin dbang po rno 'bring rtul gsum dang/ nyon
mong chung 'bring che gsum gyi sgo nas kyang 'jog go /da dung
zhib tu phye na gsum tshan dang po gnyis so so la yang nang

bsres dbang po dang nyon mongs pa'i bye brag yod la/ las kyi bye
brag ni med par gsungs te bar 'da' ba gsum po de bar srid mngon
par 'grub byed tsam gyi las dang ldan par mtshungs shing/ skyes
'da' ba gsum skyes nas myong 'gyur tsam dang ldan par mtshungs
pa'i phyir zhes gsungs so/ /gong 'pho

@31a @#/ /'pho gsum la ni nang bsres las dbang nyon mongs gsum
ga'i khyad par yod par gsungs la/ de yang gsum po de lan grangs
gzhan la myong 'gyur gyi las dang ldan par mtshungs mod kyang/
gzugs khams su skye ba gnyis gsum tsam dang/ de phan chad du

len pa'i las kyi khyad par yod pa la dgongs pa'o/ /dam pa'i 'gro
ba bdun du 'dod/ /ces pa'i dngos bstan gyi skyes bu dam pa'i
'gro ba bdun ni/ gzugs nyer 'gro'i phyir mi 'ong dgu po de las
gong 'pho la gsum du ma phye bar gcig tu bgrang pas bdun no/ /de
dag dam par

'jog pa'i rgyu mtshan ni/ las dam pa dge ba la 'jug cing/ dam min
mi dge ba la mi 'jug  /sa gong du 'gro ba der slar phyir mi 'ong
ba'i rgyu mtshan gyis yin par gsungs la/ de ltar na gzugs med
nyer 'gro'i phyir mi 'ong rnams kyang 'di'i dngos bstan gyi bdun
po gang rung ma yin

kyang/ spyir 'di'i dngos bstan gyi dam par 'jog gam snyam zhing/
des na spyir skyes bu dam pa la mang du yod kyang skabs 'di'i
dngos bstan la ni gzugs gzugs med gang rung du nye bar 'gro ba'i
phyir mi 'ong kho nas khyab ste/ so so skye bo dang slob pa
chags bcas rnams gang du skyes pa der

phyir mi 'ong bar ma nges pa'i phyir dang/ mi slob pa rnams
khams gong mar 'gro ba ma yin pa'i phyir zhes 'grel pa mngon
pa'i rgyan du gsungs pa'i phyir/ 'o na; gzugs gzugs med du nyer
'gro'i phyir mi 'ong de dag la 'bras bu rim gyis pa dang/ chags
bral sngon song gnyis ka yod dam

zhe na/ dge 'dun nyi shu'i yig cha rnams ltar na gnyis ka yod
par 'dod dgos mod/ 'on kyang de 'dra'i 'bras bu rim gyis pa la
ni rgyun zhugs srid ba lan bdun pa dang/ rigs nas rigs skye
dang/ phyir 'ong tshe gcig bar chad gcig pa sogs kyi 'bras bu
sngon du song ba ni med kyang/ de dag las

gzhan pa'i rgyun zhugs dang phyir 'ong dang phyir mi 'ong gi
'bras bu rnams tshe gcig la rim gyis brgyud ba zhig yod par 'dod
dgos la/ de ltar 'dod na rim gyis pa de la yang gzugs nyer 'gro
dgu dang/ gzugs med nyer 'gro bzhi rnams re re nas yod par 'dod
kyang 'gal ba med

@31b 'dra zhing/ chags bral sngon song la dge 'dun nyi shu'i yig
cha 'ga' zhig ltar na gzugs nyer 'gro'i bar 'da' ba dang/ skyes
'da' ba dang/ gong 'pho 'phar ba dang/ phyed 'phar ba/ gzugs med
nye 'gro rnams yod kyang/ gnas thams cad du 'chi 'pho ba med par
bzhed pa lta bu zhig snang ste/ chags

bral sngon song gis bsam gtan bzhi pa'i dngos gzhi thob nas gsum
pa man chad du mi skye bar gsung 'dug pa'i phyir/ 'on kyang de
ni grub mtha' gong ma'i bzhed tshul yin nam snyam ste dpyad par
bya la/ lugs 'dir ni chags bral sngon song la yang gnas thams
cad du 'chi 'pho ba yod par 'dod dgos

te/ bsam gtan bzhi pa'i dngos gzhi thob pa'i chags bral sngon
song gi phyir mi 'ong bsam gtan gong ma gsum las nyams pa srid
pa'i phyir/ der thal/ mthong lam gyi snga rol tu khams dang sa
gang la chags bral byas pa'i 'phags pa de 'jig rten dang 'jig
rten las 'das pa'i lam gnyis kyis

brtan par byas zin pas nyams mi srid kyang/ mthong lam gyi snga
rol tu 'dod pa tsam la chags bral sngon song gi phyir mi 'ong
slar bsam gtan bzhi pa'i nyon mongs spangs zin pa zhig yin kyang
de las nyams nas bsam gtan dang por skye ba yod par chags bral
sngon song gi phyir mi 'ong gong 'pho gnas

thams cad du 'chi 'pho ba 'jog pa'i rig pas shes pa'i phyir ro/
/'di la brten nas mthong lam gyi snga rol tu ci yang med man
chad kyi nyon mongs spangs zin pa'i phyir mi 'ong dang/ 'dod pa
tsam la chags bral sngon song gi phyir mi 'ong slar ci yang med
man chad kyi nyon mongs spangs zin pa gnyis la khams dang sa de

dang de'i chags bral las nyams pa yod med kyi khyad par shes par
bya'o/ /de la kho na re/ chags bral sngon 'gro'i phyir mi 'ong
la nang bsres dbang po rno rtul gnyis yod par thal/ de la sa de
dang de la chags bral las nyams mi nyams gnyis yod pa'i phyir
zer na/ 'dod byas pa la/ kho na re/ chags bral

sngon song gi phyir mi 'ong dbang rtul chos can/ dbang rtul yin
par thal/ chags bral sngon song gi phyir mi 'ong dbang rtul yin
pa'i phyir zer na ma khyab/ 'o na kho rang la/ chags bral sngon
song gi phyir mi 'ong nyams pa'i chos can gyi rigs can de chos
can/ nyams pa'i chos can gyi rigs can yin

@32a @#/ /par thal/ chags bral sngon song gi phyir mi 'ong nyams
pa'i chos can gyi rigs can yin pa'i phyir/ khyab pa 'grig go/
chags bral sngon song gi phyir mi 'ong nyams pa'i chos can gyi
rigs can med zer na/ de yod par thal/ chags bral sngon song gi
phyir mi 'ong zhugs gnas

de dag spyir dbang rnon yin kyang nang bsres dbang po rno rtul
gnyis re yod pas dbang rtul la rigs kyi sgo nas dbye na nyams
pa'i chos can sogs lnga yod par 'grel pa mngon pa'i rgyan du
gsungs pa'i phyir/ des na sngar 'dod pa'i rten la bsam gtan bzhi
pa'i dngos gzhi spel sgom thob pa'i chags bral sngon

song gi phyir mi 'ong dbang rtul zhig rjes su bsam gtan gong ma
gsum las nyams nas shi 'phos te tshangs ris nas bzung rim bzhin
skye ba len pa srid pa'i phyir/ der ma zad lugs 'di ltar na
gzugs nyer 'gro'i phyir mi 'ong 'og min mthar thug 'gro dang/
srid rtse mthar thug 'gro rnams gtso

che ba chags bral sngon song la 'jog par gsal te/ 'grel pa mngon
pa'i rgyan las/ gzugs kyi tshe yongs su gyur pa'i phyir mi 'ong
ni res 'ga' khams gzhan gzugs med du yang 'gro ste/ gong du 'pho
ba srid rtse mthar thug par 'gro ba bzhin no/ /zhes pa'i mchan
bur/ 'di ni mthar

gyis pa'i 'bras bu la dka' bar bshad pas chags bral sngon 'gro'i
phyir mi 'ong gong du 'gro bar srid par gsal lo/ /zhes gsungs pa
gang zhig  /gzugs kyi tshe yongs gyur gyi phyir mi 'ong de gzugs
nyer 'gro ma yin kyang/ de'i skye ba sngon mar gyur pa'i 'dod
pa'i rten can gyi phyir mi 'ong de gzugs

nyer 'gro las ma 'das pa'i phyir dang/ gzugs med du yang 'gro
ste zhes pa'i yang gi sgras srid rtse mthar thug 'gro ma zad/
'og min mthar thug 'gro dang rgyud gcig pa yod par yang shugs la
bstan nas/ de gnyis 'bras bu rim gyis pa la 'jog dka' bar gsungs
pa'i phyir ro// ! 'dod par tshe yongs

gyur ba'i 'phags/ /zhes sogs kyi skabs su/ 'dod par tshe dang po
la rgyun zhugs sam lan gcig phyir 'ong gi 'bras bu thob nas shi
'phos te slar yang tshe gnyis pa sogs su 'dod par skyes pa de la
ni 'dod par tshe yongs su gyur pa'i 'phags pa zhes bya la/ de ni
khams gzhan du 'gro ba mi srid

@32b de; 'dod pa sdug bsngal mang bas shin tu skyo zhing yid
'byung bas tshe de'am/ phyi ma gang rung la nges par 'dod pa'i
rten la phyir mi 'ong gi 'bras bu mngon du byed cing  /phyir mi
'ong thob pa'i tshe de rang la dgra bcom pa'i 'bras bu yang mngon
du byed pa'i phyir/ des na rgyu mtshan 'di'i sgo nas kyang gzugs
nyer 'gro'i

phyir mi 'ong sogs la 'bras bu rim brgyud pa 'jog na de dang
rgyud gcig pa'i rgyun zhugs dang phyir 'ong gang rung la/ nges
par tshe de la phyir mi 'ong gi 'bras bu mngon du byed nges yin
pas khyab pa khas len dgos kyi/ skye ba phyi ma la mngon du byed
na slar yang 'dod par skye dgos la/ de ltar na 'dod par

tshe yongs gyur gyi 'phags par song bas gzugs khams sogs su 'gro
ba mi srid pas na/ nyer 'gro gnyis la 'bras bu rim gyis pa 'jog
dka' ba dang chags bral sngon song gtso che ba ni rigs pa 'dis
kyang 'grub pa yin no/ /gzugs kyi tshe yongs gyur ni khams gzhan
du 'gro ba gong du bshad zin

to// ! de dang gong mar skyes pa ni/ /yongs nyams dbang po 'pho
mi brten/ /zhes pas 'dod par tshe yongs gyur gyi 'phags pa dang/
khams gong ma gnyis gang rung du skyes pa'i 'phags pa rnams ni
yongs su nyams pa yang mi srid la/ dbang po yongs su smin par
byas zin pas slar dbang po

'pho ba yang med par gsungs la/ de ltar na mthong lam thob nas
'dod par skye ba gcig sogs blangs pa'i 'bras gnas bzhi po gang
rung dang/ gong ma'i rten can gyi phyir mi 'ong dang/ dgra bcom
rnams gang rung yin na yongs su nyams pa'i chos can ma yin pas
khyab bo/ /byas pa la kho na re/ 'bras

gnas dbang rtul la mthong lam gang du gsar du thob pa de dang
rten gcig gis bsdus pas khyab par thal/ des dbang po sbyangs pa
na mthong lam thob pa'i rten de rang sbyangs dgos pa'i phyir zer
na ma khyab/ 'dod mi nus te/ gong ma'i rten can gyi gnas pa las
mi bskyod pa'i dgra bcom yod

par 'grel pa mngon pa'i rgyan du gsungs pa gang zhig  /de 'dra
ba'i dgra bcom pa dang/ de dang rgyud gcig pa'i phyir mi 'ong
gnyis ka 'bras gnas dbang rtul du 'dod dgos pa'i phyir/ yang kho
na re/ gong ma'i rten can gyi phyir mi 'ong la rigs kyi sgo nas
drug dang dbang po'i sgo nas gsum sogs kyi

@33a @#/ /dbye ba 'thad par thal/ gong ma'i rten can gyi phyir mi
'ong dbang rtul yod pa'i phyir zer na ma khyab ste/ nyer 'gro'i
phyir mi 'ong dbang rtul phal cher ni mthong lam gsar du thob
pa'i mi'i rten la dbang po sbyangs nas gong du skye ba len par
byed la /'ga' zhig

mthong lam thob pa'i rten de la dbang po sbyangs pa ma byung
yang de nas skye ba gcig blangs phyin chad dbang po smin par
gyur zin pas de nas dbang po 'pho ba yang mi srid la yongs su
nyams pa yang mi srid pa/ de dang gong mar skyes pa ni/ /yongs
nyams dbang po 'pho mi brten/ /zhes sogs rtsa

'grel gyis 'grub pa'i phyir/ de la kho na re/ nyer 'gro'i phyir
mi 'ong rigs drug po gang rung yin na mi'i rten la mthong lam
gsar du thob pa'i 'dod rten pa yin pas khyab par thal/ dbang po
sbyangs pa na mthong lam gang du thob pa'i mi'i rten la sbyangs
dgos pa'i phyir zer na ma khyab ste/ nyer 'gro'i

phyir mi 'ong rigs drug las dang po nyid nas mi g.yo ba'i chos
can gyi rigs can des dbang po sbyangs mi dgos pa'i phyir dang/
de 'dra'i mi'i rten can gyi rigs can dang po gsum dang lnga pa
rnams mthong lam gang du thob pa'i rten de las ma 'phos gong der
dbang po sbyangs dgos pa dang/ bzhi pa

gnod pa las mi bskyod pa'i rigs can de la dbang po sbyangs pa
zhig dang/ ma sbyangs par gong du skye ba'i tshe 'phags pa'i skye
ba brgyud stobs kyis dbang po smin pa zhig ste gnyis 'jog dgos
pa'i phyir ro// ! dang por bzhi pa spel bar byed/ /ces sogs kyi
skabs su bsam gtan spel sgom

bshad pa la/ de ni dang por bsam gtan bzhi pa spel bar byed de/
bzhi pa skyon brgyad las grol bas spel sla ba'i phyir/ phyis
goms nas ni bsam gtan dang po sogs kyang spel ba yod la/ spel
tshul ni dgra bcom mam phyir mi 'ong gang yin yang rung ste/ dang
po sbyor ba'i tshe

bzhi pa'i dngos gzhi zag med rgyun ldan la snyoms par 'jug  /de
rjes zag bcas rgyun ldan dang/ de nas zag med rgyun ldan te
rgyun dang bcas par spel la/ de la goms nas skad cig ma gnyis
re'i yun la zag med re dang zag bcas re spel ba nas/ nam skad
cig ma re re la

@33b zag med dang zag bcas spel te sbyor ba gcig la skad cig ma
gsum bsres nas snyoms par 'jug nus pa de'i tshe spel ma'i dngos
gzhi 'grub pa yin no/ /'di'i skabs kyi skad cig ma ni bye brag
smra bas dus kyi thung mtha'i skad cig ma la 'dod la/ slob dpon
nyid sogs gong ma ba rnams ni

dus mtha' skad cig mar spel ba ni sangs rgyas ma gtogs pas mi
nus pas rgyun spel ba la rung ngo/ /zhes gsungs pas bya rdzogs
kyi thung mtha'i skad cig ma nyid la bzhed do/ /'o na; bye brag
smra bas sbyor mthong sgom gsum gyi skad cig ma rnams kyang dus
mtha'i skad cig mar 'dod rigs te mtshungs

pa'i phyir/ zer na/ mi mtshungs te/ de dag dus mtha'i skad cig
mar 'dod mi rigs pa gong du lung rigs kyis bsgrubs pa ltar yin
pa'i phyir/ spel sgom gyi rten ni gong du bshad zin la/ spel
ba'i dgos pa ni/ phyir mi 'ong dbang rnon rnams ni gnas gtsang
du skye ba len pa dang/ mthong chos la

bde bar gnas pa'i ched du yin la/ dbang rtul rnams ni de gnyis
kyi steng du nyon mongs pas 'bras bu las mi nyams par bya ba'i
phyir du'ang yin no/ /de bzhin du dgra bcom pa dbang rnon rnams
ni mthong chos la bde bar gnas pa'i ched du spel la/ dbang rtul
rnams ni de'i steng du 'bras bu las mi

nyams pa'i ched du yang yin no/ /rgyun zhugs dang phyir 'ong gis
spel ba mi srid de/ de dag gis bsam gtan gyi dngos gzhi ma thob
pa'i phyir/ spel sgom gyi grangs ni lnga ste/ chung ngu gsum
spel/ 'bring drug spel/ chen po dgu spel/ shin tu chen po bcu
gnyis spel/ ches shin tu chen po bco lnga spel rnams su

nges la/ de'i phyir 'bras bu gnas gtsang gi skye ba lnga kho nar
nges pa yin no/ /spel tshul yang zag med gnyis dang/ zag bcas
gnyis sogs spel ba ma yin par/ zag med zag bcas re re nas spel
dgos la/ des na zag med gnyis kyi bar du zag bcas gcig tsam spel
ba chung ngu gsum spel/

zag med gsum dang zag bcas gsum tsam re re nas spel ba 'bring
drug spel/ zag med lnga dang zag bcas bzhi tsam spel ba chen po
dgu spel/ zag med drug dang zag bcas drug tsam spel ba bcu gnyis
spel/ zag med brgyad dang zag bcas bdun spel ba bco lnga spel
lo/ /de dag kyang sbyor ba

@34a @#/ /gcig gi byed pa la brten nas spel nus pa dgos kyi/
sbyor ba tha dad pas spel bas ni go mi chod do/ /gnas gtsang du
skye ba len pa la dngos gzhi spel sgom 'grub dgos kyang/ der
skye ba len pa'i cha rkyen ni spel sgom gyi nang tshan zag bcas
rnams kyis byed pa yin

gyi zag med rnams kyis ni ma yin te/ zag med rnams skye ba gcod
byed yin pa'i phyir/ dngos gzhi zag bcas de dag kyang gnas
gtsang gi skye ba 'grub byed dam rdzogs byed kyi cha rkyen yin
pa las 'phen byed ni ma yin te/ 'phags pa'i rten la 'phen byed
kyi las gsar du gsog pa med pa'i phyir/

des na sngon so skye'i rten la 'phen byed kyi las bsags pa de
nyid phyir mi 'ong gi rten la dngos gzhi spel sgom byas pa na
dngos gzhi zag bcas rnams kyis 'grub byed kyi las su bsgyur ba
yin no/ /lugs 'di ltar na gnas gtsang gi 'phags pa la phyir mi
'ong dang nyan thos dgra bcom pa gang rung gis

khyab dgos te/ rang rgyal dang byang sems 'phags pa de dag tu
skye bar mi 'dod pa'i phyir ro// ! 'gog pa thob pa'i phyir mi
'ong/ /zhes sogs kyis skabs su/ 'gog pa'i snyoms 'jug thob pa'i
phyir mi 'ong de la ni lus kyis mngon sum du byed pa zhes bya
ste/ snyoms 'jug de sems med pa'i lus kyis

mngon du byed pa'i phyir zhes lugs 'di 'dod do// ! yang mdo las
slob pa bco brgyad dang/ mi slob pa dgu zhes gsungs pa'i slob pa
bco brgyad ni/ rgyun zhugs zhugs 'bras gnyis/ phyir 'ong zhugs
'bras gnyis/ phyir mi 'ong zhugs 'bras gnyis/ dgra bcom zhugs pa
ste bdun/ dad pa'i rjes

'brang dang/ chos kyi rjes 'brang gnyis/ dad mos dang mthong
thob gnyis/ rigs nas rigs skye/ bar chad gcig pa/ phyir mi 'ong
bar 'da' ba sogs lnga ste bco brgyad do/ /dad pa'i rjes 'brang
man chad rnam grangs kyi sgo nas zur du bgrang ba las slob pa
zhugs 'bras bdun po gang rung ma

gtogs pa ni med do/ /mi slob pa dgu ni/ dgra bcom pa yongs su
nyams pa'i chos can/ 'chi bar sems pa/ rjes su srung ba/ gnas pa
las mi bskyod pa/ rtogs pa'i skal ba can/ mi g.yo ba'i chos
can/ yongs su mi nyams pa'i chos can/ shes rab kyis rnam grol/
gnyis ka'i cha las

@34b rnam grol te dgu'o// ! srid rtse'i bar cha brgyad zad pa/
/zhes sogs kyi skabs su/ dgra bcom zhugs 'bras bshad pa ste/ de
la 'bras bu rim gyis pa'i dbang du byas na/ phyir mi 'ong gang
zhig bsam gtan dang po'i nyon mongs gcig spangs ba nas bzung
ste/ srid rtse'i nyon mongs dgu 'spong ba'i

bar chad med lam la gnas pa'i bar rnams dgra bcom pa la zhugs pa
yin te/ de ni chags bral sngon 'gro'i phyir 'ong gi rtogs pa
sngon song gi phyir mi 'ong la yang mtshungs/ /chags bral sngon
song gi phyir mi 'ong dgra bcom zhugs par 'gyur mtshams ni gong
du bshad zin la/ 'di yang la

mtha' srid nyon dgu pa'i dngos gnyan bar chad med lam la gnas
pa'i bar ro/ /dgu pa'i bar chad med lam de la ni rdo rje lta
bu'i ting nge 'dzin ces bya la/ de la yang sa'i sgo nas dbye na
bsam gtan sa drug dang/ gzugs med dang po gsum ste dgu /dmigs
pa'i sgo nas bden bzhi la dmigs

pa bzhi/ rnam pa'i sgo nas mi rtag sogs bcu drug gi rnam pa can
bcu drug  /sa dang dmigs pa rnam pa gsum char gyi sgo nas dbye
na shin tu mang ste/ nyer bsdogs mi lcogs med kyi ngo bor gyur
pa'i rdo rje lta bu'i ting nge 'dzin la mtshon na/ des 'og sa'i
zag bcas la ni mi dmigs pas srid rtse'i

sdug bden gyi rnam pa bzhi dang/ kun 'byung gi rnam pa bzhi la
dmigs pa'i rjes shes brgyad/ 'gog pa ni sa 'og ma'i 'gog pa
thams cad la'ang dmigs pa srid pas na/ 'dod pa'i 'gog pa la
dmigs pa'i chos shes bzhi dang/ sa gong ma brgyad kyi 'gog pa la
dmigs pa'i rjes shes

bzhi tshan brgyad de bsdoms pas sum cu rtsa drug  /'dod pa'i lam
bden la dmigs pa'i chos shes pa zhi dang/ gong ma'i lam spyi la
dmigs pa'i rjes shes bzhi ste lam bden la dmigs pa brgyad/ de
thams cad bsdoms pas lnga bcu rtsa gnyis/ de bzhin du bsam gtan
lhag ma sngar?

brten pa la yang mtshungs shing/ gzugs med dang po gsum la brtan
pa ni rim pa bzhin nyi shu rtsa brgyad dang/ rtsa bzhi dang/ nyi
shu 'byung ste/ de dag gis 'dod pa'i lam bden dang rang rang
bzhi sa 'og ma'i 'gog pa thams cad la yang mi dmigs pa'i phyir/
de ltar na bsam gtan sa

@35a @#/ /drug la brten pa sum brgya bcu gnyis dang/ gzugs med
dang po gsum la brten pa bdun cu rtsa gnyis te bsdoms pas sum
brgya brgyad cu rtsa bzhir 'gyur la/ de dag rigs drug dang dbang
po gsum gyis bsgyur na drug stong dgu brgya bcu gnyis su 'gyur
ro/ /rdo rje lta

bu'i ting nge 'dzin gyi dmigs pa sdug kun ni srid rtse kho na
dang/ 'gog lam spang bya'i dbang gis sa dgu char gyi gnyen po
'gog lam la dmigs par 'dod pa ni rang gi grub mtha'i lugs so/
/'di'i skabs su dogs pa dpyad pa la/ 'o na; khyod kyis gong du
spang bya cig car ba'i rgyun zhugs 'jog

pa ltar na/ nyer bsdogs mi lcogs med kyi ngo bor gyur ba'i sgom
lam rdo rje lta bu'i ting nge 'dzin mngon du byas pa'i cig car
ba'i rgyun zhugs zhig yod par 'dod dgos la/ des na de'i rgyud
kyi rdo rje lta bu'i ting nge 'dzin des khams gsum sa dgu'i sgom
spang nyon mongs chung ngu dgu cig car du spong ba yin na

'og sa'i nyon mongs rnams la yang dmigs par thal lo/ ? de ltar
na gong du zag bcas srid rtse'i sdug kun kho na la dmigs pa las/
'og sa'i sdug kun la mi dmigs par bshad pa dang 'gal lo/ /zhe
na; mi 'gal te/ de 'dra'i rdo rje lta bu'i ting nge 'dzin des
'og sa'i nyon mongs la

ma dmigs kyang de'i dngos gnyen byas nas spang ba mi 'gal ba'i
phyir/ der thal/ spang bya de'i dngos gnyen yin na spang bya de
la dmigs pas ma khyab pa'i phyir/ der thal/ dper na/ bco lnga pa
lam rjes bzod kyis gong ma'i gnyen po lam bden la dmigs pa las
mthong spang

nyon mongs la ma dmigs kyang/ des gong ma'i lam mthong spang gi
dngos gnyen byas nas spong ba dang mtshungs pa'i phyir ro// ! de
zad thob dang zad pa shes/ /zhes sogs kyi skabs su/ dgra bcom
'bras gnas bshad pa ste/ /rdo rje lta bu'i ting nge 'dzin gyis
srid rtse'i sgom spang

dgu pa zad pa'am/ spangs pa'i spang pa thob pa dang/ de zad pa
shes pa'i rnam grol lam lhan cig tu skye la/ de'i tshe 'phags pa
de mi slob pa dang/ dgra bcom pa'i 'bras bu la gnas pa zhes bya
ste/ 'bras bu thob phyir du slob mi dgos pa'i phyir ro/ /de ltar
'bras bu rim gyis pa'i dbang

@35b du byas na yang slob mi slob bsdoms pas gang zag zung bzhi
la brgyad de/ zhugs 'bras zung du bgrang na bzhi dang/ so sor
bgrang na brgyad// ! 'jig rten 'das kyis srid rtse las/ /zhes
sogs kyi skabs su/ srid rtse'i nyon mongs ni 'jig rten las 'das
pa'i zag med kyi

lam kho nas spong bar byed pa yin gyi 'jig rten pa'i lam zag
bcas kyis spong ba mi srid la/ 'og sa brgyad kyi nyon mongs ni
'jig rten pa dang 'jig rten las 'das pa'i lam gnyis ka sa ci
rigs par spong ba yod la/ 'jig rten pa'i lam gyis spong ba'i tshe
rang rang gi gong sa'i nyer bsngogs ?

kyis spong bar byed do/ /mthong lam gyi snga rol lam/ sgom lam
gyi gnas skabs su yang rung ste/ 'jig rten pa'i lam gyis sa gang
la 'dod chags dang bral ba'i 'phags pa de la ni bral ba'i thob
pa zag bcas zag med gnyis gnyis skye la/ de ni byis pa ltar
spangs pa slar ldog par mi

'gyur ro/ /rgyu mtshan 'di yi sgo nas kyang/ /khams dang sa de
dang de'i chags bral las nyams nges dang nyams pa'i 'phags pa
gang rung la 'jig rten las 'das pa'i lam kho nas khams dang sa
de dang de la chags bral byas pa'i 'bras bu rim gyis pa yin pas
khyab par bstan pa yin no// ! kha cig

'jig rten 'das kyis kyang/ /zhes sogs kyi skabs su/ sde pa kha
cig  /'jig rten las 'das pa'i lam gyis sa gang la 'dod chags
dang bral ba na yang/ de'i bral thob zag bcas zag med gnyis ka
'dren te/ de lta min na/ 'jig rten las 'das pa'i lam gyis ci
yang med la 'dod chags dang

bral ba'i phyir mi 'ong dbang rtul zhig bsam gtan gyi sems la
brten nas dbang po sbyangs te rnon por 'pho ba ni/ zag med kyi
lam sngon ma btang zin pas bral thob zag med ni med la/ bral
thob zag bcas kyang med na nam mkha' mtha' yas sogs 'og sa'i
nyon mongs dang ldan par 'gyur ro/ /

zhe na; mi 'gyur te/ dper na/ srid nyon brgyad pa man chad ci
rigs par spangs pa'i phyir mi 'ong dbang rtul zhig sngar bzhin
dbang po 'pho ba na/ srid rtse'i gnyen po 'jig rten pa'i lam med
pas 'jig rten pa'i bral thob ni med la/ 'jig rten las 'das pa'i
bral thob ni dbang po 'pho bas

@36a @#/ /btang zin pas bral thob gnyis ka med kyang sngar spangs
zin pa'i srid rtse'i nyon mongs rnams dang mi ldan pa bzhin
dang/ de bzhin du bsam gtan dang po'i nyer bsdogs kyis 'dod pa
las 'dod chags dang bral ba'i so skye zhig bsam gtan gnyis pa
sogs

su skyes pa ni sngar gyi bral thob ni bsam gtan dang po'i dge ba
yin pas sa 'phos pas gtong yang 'dod pa'i nyon mongs dang mi
ldan pa bzhin no/ /'di dag gi skabs kyi 'jig rten dang 'jig rten
las 'das pa zhes pa'i khyad par ni/ lam zag bcas zag med kyi
khyad par la byed pa

las/ so skye dang 'phags pa'i khyad par la byed pa min no// !
nyer bsdogs mi lcogs med pa yis/ /thams cad las ni 'dod chags
bral/ /zhes pa'i don ni gong du bshad zin la/ nyer bsdogs mi
lcogs med pa zhes pa de ni bsam gtan dang po'i nyer bsdogs zag
bcas zag

med gang rung kho na yin no// ! sa gsum rgyal la bsam gtan nam/
/zhes sogs kyi skabs su/ 'o na; nyer bsdogs rnams kyis 'og sa
las 'dod chags dang bral bar byas pa'i tshe rnam grol gyi lam
mtha' ma de nyer bsdogs kyi ngo bor skye'am/ dngos gzhi'i ngo
bor skye zhe na/ de ni sa

dang po gsum la dbang po rno rtul gyi khyad par las 'jig ste/
'dod pa dang/ bsam gtan dang po dang/ gnyis pa gsum gyi nyon
mongs rnams nyer bsdogs la brten nas spong bar byed na/ gang zag
de dbang rnon yin na rnam grol lam mtha' ma de dngos gzhi'i ngo
bor skye ste/ tshor ba

btang snyoms de dngos gzhi'i yid bde dang/ bde ba'i ngo bor spo
nus te dngos gzhi la gus shing nyer bsdogs la dga' ba chung ba'i
phyir/ gal te dbang rtul yin na rnam grol mtha' ma yang nyer
bsdogs kho na'i ngor skye ba las dngos gzhi'i ngo bor skye mi
nus te/ tshor ba btang snyoms las yid bde dang bde bar 'pho dka'
ba'i phyir/ yang

gong ma bsam gtan gsum pa yan chad kyi nyon mongs rnams nyer
bsdogs kyis spong ba la ni dbang po rno rtul gang yin kyang rnam
grol lam mtha' ma de nges par dngos gzhi'i ngo bor skye ste/
nyer bsdogs dang dngos gzhi de dag tshor ba btang snyoms su gcig
pas dngos gzhi skye sla ba'i phyir ro/ /bsam gtan dang po yan
chad

@36b kyi nyon mongs spong byed kyi nyer bsdogs bshad pa 'di dag
ni gtso bo rang rang gi gong sa'i 'jig rten pa'i nyer bsdogs la
byed pa las/ nyer bsdogs zag med mi lcogs med la byed pa ni ma
yin la/ 'on kyang nyer bsdogs mi lcogs med zag med la brten nas
gzugs kyi nyon mongs spangs pa'i phyir mi 'ong yod pa/ gnas lnga
par

mi lcog med 'bras thams cad do/ /zhes dang/ de la brtan nas
khams gsum char gyi nyon mongs cig char du spong ba yod par/
nyer bsdogs mi lcogs med pa yis/ /thams cad las ni 'dod chags
bral/ zhes pas lung gis grub par gong du bshad zin pa'i phyir
dang/ 'og tu'ang 'chad par 'gyur ro// ! brgyad kyi rang gong sa

las rgyal/ /zhes pa'i skabs su/ zag med sa dgu las nyer bsdogs
mi lcogs med kyis sa thams cad las 'dod chags dang bral bar byed
kyang/ zag med kyi sa lhag ma brgyad kyis ni rang sa dang gong
sa'i nyon mongs las rgyal bar 'gyur gyi 'og sa las ni ma yin te/
nyer bsdogs kho nas rgyal zin pa'i phyir ro/ /zhes

'grel pa mngon pa'i rgyan du gsungs pa 'di'i nyer bsdogs kho nas
rgyal zin pa'i phyir ro/ /zhes pa ni gtso che ba 'og sa 'dod
pa'i dbang du byas pa dang/ de'i gong ma rnams kyang 'jig rten
pa'i lam la brtan na nyer bsdogs kho nas spong ba dang/ dngos
gzhi zag med rnams kyis rang sa dang gong sa'i nyon mongs las/
'og sa'i

nyon mongs gsar du spong mi dgos pa'i don yin pa las/ srid rtse
man gyi 'og sa'i nyon mongs thams cad nyer bsdogs kho nas spong
dgos pa'i don ni ma yin te/ de ltar yin na/ brgyad kyis rang
gong sa las rgyal/ /zhes pa dang 'gal bar 'gyur ro// ! 'jig rten
pa yi rnam grol dang/ /zhes sogs kyi skabs su/ 'jig rten pa'i

bar chad med lam ni gong sa la ltos nas 'og sa la rags pa dang/
skyon du lta ba'i rnam pa can te 'og sa'i spyod yul can dang/
rnam grol lam ni 'og sa la ltos te gong sa la zhi ba dang/ gya
nom par lta ba'i rnam pa can yod pa'i phyir te/ de gnyis kas
gong sa dang 'og sa la dmigs pa yod pa'i phyir te/ rig pas sgrub
sla'o/ /

! gal te mi g.yo'i zad shes las/ /zhes sogs kyi skabs su/ 'o
na/ zad pa shes pa'i mjug thogs su shes pa gang skye zhe na/
dgra bcom pa dbang rnon mi g.yo ba'i chos can zhig yin na ni/
zad pa shes pa'i mjug thogs su mi skye ba shes pa skye ste/ de
la nyon mongs slar mi skye ba'i phyir/ gal te mi g.yo ba'i chos
can

@37a @#/ /min na ni/ zad pa shes pa las zad pa shes pa'i rgyun
nam/ yang na mi slob pa'i yang dag pa'i lta ba gang rung skye ba
las/ mi skye ba shes pa ni mi skye ste/ de la nyon mongs pa skye
ba'i skabs yod pas nyams pa srid pa gang zhig  /mi skye ba shes
pa las nyams pa mi

srid pa'i phyir ro/ /yang mi slob pa'i yang dag pa'i lta ba ni
dgra bcom pa dbang po rno rtul thams cad la skye ste/ mi g.yo
ba'i chos can la yang res 'ga' mi skye ba shes pa las mi skye ba
shes pa kho na dang/ res 'ga' mi slob pa'i yang dag pa'i lta ba
skye ba'i phyir ro// ! dge sbyong tshul ni dri med lam/

zhes sogs kyi skabs su/ 'di'i dngos bstan gyi dge sbyong ni/
nyan thos 'phags pa'i gang zag rnams dang/ dge sbyong gi tshul ni
de dag gi rgyud kyi zag med lam rnams dang/ dge sbyong tshul de'i
'bras bu ni bar chad med lam de dag gi drangs pa'i 'dus byas
rnam grol lam dang/ 'dus ma byas

'gog bden rnams so/ /de dag re re la brgyad cu rtsa dgu re yod
de/ khams gsum gyi mthong spang brgyad dang/ sgom spang dgu dgu
brgyad cu rtsa gcig yod pas de dag spong byed kyi bar chad med
lam brgyad cu rtsa dgu/ spang bya de dag la grol ba'i rnam grol
lam dang/ de dag zad par spangs pa'i 'gog bden so so

nas brgyad cu rtsa dgu re yod pas rnam grol lam rnams bar chad
med lam de dag gis bskyed pa'i skyes bu byed 'bras dang/ 'gog
bden rnams thob pa'i skyes bu byed 'bras so// ! 'bras bu bzhir
rnam bzhag pa ni/ /zhes sogs kyi skabs su/ dge sbyong tshul gyi
'bras bu la rnam grangs mang yang de dag

bsdus nas rgyun zhugs sogs kyi 'bras bu bzhir rnam par bzhag
pa'o/ /de ltar 'jog pa la rgyu mtshan rnam pa lnga tshang dgos te/
'bras bu rang rang gi zhugs lam sngon du btang ba dang/ zhugs
lam de las gzhan pa'i 'bras gnas kyi lam thob pa dang/ spang bya
zad pa sdoms pa'i thob pa

gcig rnyed pa dang/ chos shes bzhi dang rjes shes bzhi ste shes
pa brgyad tshan thob pa dang/ mi rtag pa la sogs pa'i ye shes kyi
rnam pa bcu drug tshang bar thob pa'o/ /zad pa sdom tshul de
spangs pa so so ba rnams btang nas thams cad sdom pa'i bral thob
zag med gcig rnyed pa ste/ 'bras bu

@37b dang po la mthong spang gi zad pa sdom pa'i thob pa gcig
rnyed pa dang/ gnyis pa la mthong spang dang 'dod pa'i sgom
spang drug ? zad pa sdom pa la sogs pa'o/ /des na mthong lam
skad cig ma bco lnga pa man chad la gnas pa'i zhugs pa dang po
la ni rgyu mtshan lnga ka ma chang zhing/ zhugs pa phyi ma gsum
la rgyu

mtshan phyi ma gnyis yod kyang snga ma gsum gsar thob med pa'i
phyir 'bras bu gsar du thob par ma bshad do zhes bye brag smra
ba 'dod la/ de dag la rgyu mtshan de dang de gsar du med pa'i
tshul ? sogs tshig skyon bcad nas zhib par bshad du yod kyang mang
bas 'jigs pas ma spros te zhib tu dpyad na shes mi sla ba

yang mi snang ngo/ /kha cig  /'bras bu dang po gnyis la gnas pa
la yang spangs pa bsdoms pa med de/ yongs shes khams las 'das pa
las/ /zhes spangs pa sdom pa la khams las 'da' dgos na de gnyis
khams las ma 'das pa'i phyir/ zer na; de ni yongs shes su 'jog
tshul yin pas 'bras

bu bzhir 'jog tshul dang mi mtshungs so// ! 'jig rten pa yi thob
'bras ni/ /bsres dang zag med thob 'dzin phyir/ /zhes pa ni/ 'o
na chags bral sngon song 'jig rten pa'i lam gyis brgyud nas
'bras bu bar pa gnyis thob pa srid na/ de dag dge sbyong tshul
gyi 'bras bu yin nam zhe na yin te/ de dag

la sgom lam zag bcas kyi spangs pa kho na ma yin par mthong lam
zag med kyi spangs pa'ang der bsres nas thob pa'i phyir dang/
'bras bu bar pa gnyis gang rung gis bsdus pa'i zag med kyi thob
pa gcig kyang gsar du 'dzin pa'i phyir ro/ de la kho na re/
chags bral sngon song gi 'bras bu bar pa gnyis las

nyams srid par thal/ 'di'i thad kyi 'grel pa mngon pa'i rgyan
du/ bral thob zag med de'i stobs kyis 'jig rten pa'i lam gyi
spangs pa de 'dzin par byed pas yongs su nyams kyang mi 'chi
ste/ zhes gsungs pa'i phyir ro zer na ma khyab ste/ de'i don ni/
chags bral sngon song gi 'bras bu bar pa gnyis po de sgom lam

zag bcas kyi spangs pa kho na ma yin par mthong lam zag med kyi
spangs pa'ang der bsres nas thob pas nyams mi srid par dngos su
bstan nas/ sgom lam zag med kho nas thob pa'i rim gyis pa'i
'bras bu ni nyams pa'ang srid la/ gal te yongs su nyams kyang
bral thob zag med kyi stobs kyis tshe de rang la

@38a @#/ /sor chud par 'gyur ba/ 'bras lam nyams pa 'chi ba med/
/ces pa'i dgongs pa yin par shugs la bstan pa'i phyir/ mkhas
pa'i gsung brling bar dgongs pa len tshul ma 'khrul bar gal
che'o/ /gal te chags bral sngon song gi 'bras bu las nyams pa
yod par

'dod do zhe na/ de ni mi 'thad de/ rang 'grel las/ 'dod chags
bral ba sngon du 'gro ba la ni yongs su nyams par 'gyur ba'ang
med de/ de'i 'dod chags dang bral ba ni lam gnyis kyis thob pa'i
phyir ro/ /zhes dang/ 'grel pa mngon pa'i rgyan rang las kyang/
'dod chags dang bral ba sngon du 'gro ba'i phyir mi

'ong la ni nyams pa mi srid pa'i phyir te/ de ni 'jig rten dang
'jig rten las 'das pa'i lam de gnyis kyis 'bras bu de brtan par
byas pa'i phyir ro/ /zhes dang/ de ni byis pa ltar spangs pa
slar bzlog par mi 'gyur ro/ /zhes gsungs pa'i phyir ro/ /gzhan
yang de gnyis las nyams pa yod na/ chags bral sngon

song gi 'bras bu las nyams nges kyi phyir mi 'ong dang rgyud
gcig tu gyur pa'i rgyun zhugs de 'bras bu rim gyis pa dang de
dang rgyud gcig tu gyur ba'i phyir 'ong de rim gyis pa dang
chags bral sngon song gang yang min pa dang/ de dang rgyud gcig
pa'i phyir mi 'ong la de gnyis ka yod pa dang/ de dang rgyud

gcig pa'i dgra bcom de mtha' gcig tu rim gyis par khas len dgos
pas khas len 'tshol ba mang po zhig smra dgos pa'i phyir dang/
gzhan yang chags bral sngon song gi 'bras bu las nyams nas slar
yang sor chud ma thag pa'i phyir mi 'ong chos can/ chags bral
sngon 'gro'i phyir mi

'ong gi 'bras bu slar sor chud par thal/ rang nyid gang las
nyams pa'i 'bras bu de slar sor chud pa'i phyir/ 'dod mi nus te/
sngar gang las nyams ba'i 'bras bu de chags bral sngon song gi
'bras bu yin pa gang zhig  /phyis sor chud pa'i 'bras bu de rim
gyis pa'i 'bras bu yin pa'i phyir sogs

kyi gnod byed mang du 'jug go/ ! de nyid tshangs tshul tshangs pa
yi/ /'khor lo tshangs pas bskor phyir ro/ /zhes pa'i skabs su/
sngar dge sbyong gi tshul du bshad pa'i zag med bar chad med lam
dang/ de dag gi 'bras bu 'dus byas rnam grol lam sogs zag med
kyi lam rnams la

@38b ni tshangs pa'i tshul zhes bya ste/ bar chad med lam rnams
rang rang gi spang bya rnams spong bar byed pas tshangs pa'i tshul
dang/ rnam grol lam rnams spang bya de dang do spangs pas tshangs
pa zhes so so nas phye ste bshad na yang rung mod/ don du ni
'phags lam zag med thams cad skabs

'di'i dngos bstan gyi tshangs pa'i tshul du 'jog dgos te/ de'i
rgyu mtshan 'og tu 'chad par 'gyur ro/ /tshangs pa'i tshul de dag
la ni tshangs pa'i 'khor lo zhes kyang bya ste/ tshangs pa bcom
ldan 'das kyis bskor ba'i phyir/ zhes so/ /des na 'di'i 'grel
pa'i tshig ris rnams la zhib tu brtags na

de nyid tshangs tshul zhes pa'i dngos bstan gyi tshangs pa dang/
tshangs pa'i tshul ni zag med bar chad med lam dang/ rnam grol lam
sogs 'phags lam zag med rnams kho na la byed pa yin te/ 'grel pa
mngon pa'i rgyan las/ dge sbyong gi tshul du bshad pa'i bar chad
med pa'i lam zag

med rnam grol 'dus byas dang bcas pa gang yin pa de nyid ni/
sdig pa mi dge ba'i chos rnam pa du ma spangs pas tshangs pa
dang/ nyon mongs pa spong ba'i zag med kyi lam yin pas tshangs
pa'i tshul yang yin te/ zhes gsungs pa'i phyir/ yang; 'khor lo
tshangs pas bskor phyir ro/ /zhes pa'i

dngos bstan gyi tshangs pa ni sangs rgyas bcom ldan 'das la byed
pa yin te/ mdo las/ bcom ldan 'das de ni tshangs pa zhes kyang
bya/ zhes dang/ 'grel pa mngon pa'i rgyan las/ das na tshangs pa
dang/ zhi ba dang/ bsil bar gyur pa zhes bya ba ni bcom ldan
'das yin te/ zhes gsungs pa'i

phyir; yang; de'i dngos bstan gyi tshangs pa'i 'khor lo ni sngar
bshad pa'i tshangs pa'i tshul zag med kyi lam nyid la byed pa yin
te/ de nyid las/ de ni tshangs pa'i 'khor lo'ang yin te/ 'khor lo
dang 'dra ba'i phyir dang/ tshangs pa bcom ldan 'das kyis bskor
ba'i phyir ro zhes gsungs

pa'i phyir/ des na 'di'i dngos bstan gyi tshangs pa'i tshul dang/
tshangs pa'i 'khor lo gnyis ni don gcig yin cing/ de la ni dge
sbyong tshul dang de'i 'bras bu rnams su ma zad/ ya mtha' sangs
rgyas bcom ldan 'das kyi thugs rgyud kyi zad mi skye shes kyi ye
shes sogs kyang 'jog ste/ 'grel pa mngon

@39a @#/ /pa'i rgyan du/ bsil bar gyur pa zhes bya ba ni bcom
ldan 'das yin te/ tshangs pa'i tshul zag med kyi lam bla na med pa
dang ldan pa'i phyir/ zhes gsungs pa'i phyir/ des na rgyun zhugs
zhugs pa nas sangs rgyas kyi sa'i bar gyi zag med kyi lam mtha'

dag dar 'jog pa ni lung rig 'di dag gis 'grub pa yin no// ! chos
kyi 'khor lo mthong ba'i lam/ /zhes sogs kyi skabs su/ bye brag
smra bas/ rtogs pa'i chos 'khor ni mthong lam nyid la 'dod cing/
mthong lam chos kyi 'khor lor 'jog pa'i rgyu mtshan/ 'khor los
bsgyur ba'i rgyal po'i

'khor lo rin po che dang chos bdun gyi sgo nas mtshungs pa'i rgyu
mtshan gyis yin la/ chos bdun ni/ 'khor lo rin po che de la myur
bar 'gro ba dang/ 'dor ba dang/ 'jug pa dang/ ma rgyal ba las
rgyal bar byed pa dang/ rgyal ba rnal du 'god pa dang/ 'phar ba
dang/ 'bab pa zhes bya ba'i yon tan rnams dang ldan pa bzhin du

mthong lam skad cig bco lnga po snga ma snga ma'i rjes su phyi
ma phyi ma myur du skye ba dang/ bden pa'i dmigs rnam snga ma
snga ma rnams 'dor ba dang/ bden pa'i dmigs rnam phyi ma phyi ma
rnams la 'jug pa dang/ bar chad med lam rnams kyis rang gi spang
bya mthong spang ma rgyal ba las rgyal bar byed pa dang/ rnam
grol

lam gyis bral thob 'dzin pas rgyal ba rnal du 'god pa dang/
khams gong ma'i bden pa la dmigs pa rnams ni 'phar ba dang/ 'dod
pa'i bden pa la dmigs pa rnams 'bab pa yin pa'i phyir/ yang na/
btsun pa dbyangs sgrog ltar na/ mthong lam gyi ngo bor gyur pa'i
'phags lam yan lag brgyad

po rnams 'khor lo'i rtsibs dang lte ba dang mu khyud rnams dang
chos mtshungs pas de'i sgo nas mthong lam chos kyi 'khor lor 'jog
pa ste/ 'phags lam yan lag brgyad kyi nang tshan yang dag pa'i
lta ba dang/ rtog pa dang/ rtsol ba dang/ dran pa rnams ni shes
rab kyi bslab pa yin cing/ de dag

rtsibs dang chos mtshungs te phan tshun du 'jug pa'i phyir dang/
mthong spang gcod par byed pa'i phyir/ yang dag pa'i ngag dang/
las kyi mtha' dang/ 'tsho ba rnams ni tshul khrims kyi bslab pa
ste lte ba dang mtshungs shing/ de la brten nas thob pa'i yang
dag pa'i ting nge 'dzin nam/ sems kyi bslab pa

@39b ni mu khyud dang 'dra ste gzhan dag nye bar 'dzin par byed
pa'i phyir/ zhes so/ /des ni gzhung 'di'i myur bar 'gro sogs
zhes pas 'khor lo dang chos bdun gyis mtshungs tshul bstan/ rtsibs
sogs phyir zhes pas btsun pa dbyangs sgrog gi 'dod pa ltar bstan
pa'o/ /dogs pa dpyad pa la/ 'o na;

mthong lam skad cig ma bco lnga po gang rung yin na chos bdun ka
tshang bas khyab bam zhe na/ chos snga ma gsum phal cher tshang
bas khyab kyang/ lhag ma bzhi ga tshang bas ma khyab ste/ mthong
lam bar chad med lam rnams mthong spang ma rgyal ba las rgyal
bar byed pa yin kyang/ rgyal ba rnal

du 'god pa ma yin pa'i phyir dang/ rnam grol lam rnams mthong
spang de dang de las rgyal ba rnal du 'god pa yin kyang/ ma
rgyal ba las rgyal bar byed pa ma yin pa'i phyir dang/ 'dod pa'i
bden pa la dmigs pa'i bar chad med lam rnams 'bab pa yin kyang
'phar ba ma yin la/ gong ma'i bden pa

la dmigs pa'i rnam grol lam rnams 'phar ba yin kyang 'bab pa ma
yin pa'i phyir/ yang 'phar ba dang 'bab pa gnyis ka yin pa yang
yod de/ gong ma'i bden pa la dmigs pa'i bar chad med lam dang/
'og ma'i bden pa la dmigs pa'i rnam grol rnams 'phar ba dang
'bab pa gnyis ka yin pa'i phyir/

der thal/ gong ma'i bden pa la dmigs pa'i bar chad med lam rnams
dmigs pa'i sgo nas 'phar ba dang lam rang gi ngo bo'i sgo nas
'bab pa gnyis ka dang/ 'og ma'i bden pa la dmigs pa'i rnam grol
lam rnams dmigs pa'i sgo nas 'bab pa dang lam rang gi ngo bo'i
sgo nas 'phar ba gnyis ka yin

pa'i phyir/ der thal/ 'grel ? pa mngon pa'i rgyan las/ 'phar ba
ni rnam grol gyi lam mam khams gong ma'i bden pa la 'jug pa'i
phyir ro/ /'bab pa ni bar chad med pa'i lam mam 'dod pa'i bden
pa la 'jug pa'i phyir ro/ /zhes gsungs pa'i phyir ro/ /des na
'phar ba dang 'bab pa la mu bzhi 'jog tu

yod do/ /'o na; chos bdun ka tshang ba'i mthong lam med dam zhe
na/ mthong lam spyi tsam pa de ni chos bdun ka tshang bar khas
blangs chog ste/ myur bar 'gro sogs gsungs pa yang de la dgongs
pa'i phyir ro/ /rdzas spyi nyis mgo spangs te skad cig bco lnga
po re re nas smos na ni/ chos drug tshang

@40a @#/ /ba ni yod la bdun ka tshang ba ni med ces bya'o/ /drug
tshang ba ni yod de/ sdug bsngal rjes bzod dang/ sdug bsngal chos
shes lta bu rnams yin pa'i phyir te/ dang po de la rgyal ba rnal
du 'god pa ma gtogs gzhan tshang zhing/ phyi ma la ma rgyal ba
las rgyal bar byed pa

ma gtogs gzhan tshang ba'i phyir ro/ /chos bdun ka ma tshang yang
chos kyi 'khor lo ma yin pa'i skyon ni med de/ 'khor lo dang
mtshungs pa'i chos ci rigs par ldan pa'i phyir skad cig bco lnga
po thams cad chos kyi 'khor lor ni 'jog go /'o na/ mthong spang
ma rgyal ba las rgyal bar

byed pa de yin na bar chad med lam yin pas khyab pa dang/ rgyal
ba rnal du 'god pa yin na rnam grol lam yin pas khyab par thal/
blo rtse 'thad pa'i phyir zer na/ rdzas spyi nyis mgo spangs na
khyab ces brjod rgyu yin no/ /bye brag smra bas rtogs pa'i chos
'khor mthong lam du

'dod pa'i rgyu mtshan ni/ bdag cag gi ston pas yul lba ra Na sir
lnga sde bzang po la/ bden bzhi la lan gsum du bzlas shing rnam
pa bcu gnyis su bskor ba na/ kun shes ko'u di n+ya dang lha
brgyad khri'i rgyud la mthong lam skyes pas/ de 'dra ba'i mthong
lam rnams rtogs

pa'i chos 'khor dang/ bden bzhi'i chos 'khor de lung gi chos
'khro du 'jog pa ma zad/ rtogs pa'i chos 'khor la mthong lam
dang/ lung gi chos 'khor la bdan bzhi'i chos 'khor gyis khyab
par 'dod pa yang rang gi grub mtha'o/ /de la kho na re/ rtogs
pa'i chos 'khor la mthong lam dang

lung gi chos 'khor la bden bzhi'i chos 'khor gyis khyab par 'dod
pa mi 'thang par thal/ sgom lam dang mi slob lam gnyis kyis
bsdus pa'i rtogs pa'i chos thams cad la rtogs pa'i chos 'khor
dang/ gsung rab yan lag bcu gnyis kyis bsdus pa'i lung gi chos
thams cad la lung gi

chos 'khor gyi don tshang ba'i phyir zer na ma khyab ste/ lung
rtogs kyi chos de gnyis so so la lung rtogs kyi chos 'khor de
dang de'i don tshang yang de gnyis la chos 'khor zhes mi bya ba
ni rang gi grub mtha'i dbang gis yin pa'i phyir te/ dper na/
bden bzhi shes pa thams cad la bden pa

@40b mngon rtogs kyi don tshang yang bden pa mngon rtogs zhes mi
bya ba rang gi grub mtha' yin pa bzhin no/ /des na lugs 'dir
rtogs pa'i chos dang rtogs pa'i chos 'khor gnyis dang/ lung gi
chos dang lung gi chos 'khor gnyis la'ang khyad par 'byed dgos
par mngon no/ /yang kho na re/ lung gi chos

'khor la dus dang por gsungs pa'i mdo yin pas khyab pa dang/
rtogs pa'i chos 'khor la 'dus pa dang po'i 'khor gyi nyan thos
kyi rgyud kyis bsdus pas khyab par thal/ de las gzhan chos 'khor
gyi mtshan gzhi 'jog rgyu med pa'i phyir zer na rtags ma grub
ste/ mdo las dngos su gsungs pa de dag

ni bdag cag gi ston pa mngon par rdzogs pa sangs rgyas nas dang
por bskor ba'i chos 'khor gyi mtshan gzhir 'jog pa tsam las der
nges pa ni ma yin te/ sangs rgyas rnams kyis gdul bya'i mos ngo
dang mtshams par brjod bya bden pa bzhi las brtsams te bka' stsal
pa'i chos kyi rnam

grangs mtha' dag lung gi chos 'khor dang/ de'i don tshul bzhin du
yid la byed pa la brten nas thob pa'i theg pa gsum gyi mthong
lam mtha' dag rtogs pa'i chos 'khor du 'jog dgos pa'i phyir/ de
ltar ma yin na/ lung rtogs kyi chos 'khor gnyis po de bdag cag
gi ston pa'i bstan pa la

ma gtogs sangs rgyas gzhan gyi bstan pa la mi 'byung bar 'dod
dgos na ha cang gu dogs pa'i skyon du 'gyur zhing/ bdag cag gi
ston pas kyang sku tshe de la lung gi chos 'khor theng gcig las
ma bskor ba dnag/ de yang sangs rgyas nas ring por ma lon par
bskor nas de phan chad chos 'khor

gtan nas ma bskor bar btang snyoms su bzhugs par 'dod dgos pas
mi mdzes la/ der ma zad 'khor lo'i dbyen bye nas ma 'dum par
mthong lam gsar du skyes mi srid pa la bsams nas dbyen de la
chos kyi 'khor lo'i dbyen zhes brjod pa'i rgya mtshan gyis kyang
mthong lam mtha'

dag rtogs pa'i chos 'khor du go nus pa'i phyir ro/ /des na lugs
'dir bden bzhi la lan gsum du bzlas shing rnam pa bcu gnyis su
bskor ba'i chos 'khor la lung rtogs kyi chos 'khor gnyis ka 'jog
dgos te/ dang por bcom ldan 'das kyis dge slong dag nga sngon ma
thos pa'i

@41a @#/ /chos rnams la 'di ni sdug bsngal 'phags pa'i bden pa'o
zhes tshul bzhin du yid la byed pa na mig skyes so/ /shes pa dang
rig pa dang blo skyes so/ /zhes pa nas/ sdug bsngal shes par bya
zhes sogs nas mig la sogs pa skyes so zhes dang/ sdug bsngal
shes

so zhes sogs nas mig la sogs pa skyes so zhes bka' stsal pa'i
chos kyi rnam grangs de nyid/ bden bzhi la lan gsum du 'das
shing rnam pa bcu gnyis su bskor ba'i lung gi chos 'khor dang/
chos kyi rnam grangs 'di bshad pa la brten nas ko'u di n+ya la
sogs pa'i rgyud la sdug bsngal 'phags

pa'i bden pa sogs bden bzhi'i ngo bo la bzlas pa'i mthong lam
dang/ sdug bsngal shes par bya ba sogs bden bzhi'i bya ba la
bzlas pa'i sgom lam dang/ sdug bsngal yongs su shes pa sogs bden
bzhi'i mthar thug la bzlas pa'i mi slob lam sogs skye la/ de
bzhin du bden pa bzhi po re re la

bzlas pa re re'i tshe de dang de'i ngo bo mngon sum du mthong
ba'i mig dang/ the tshom med pa'i shes pa dang/ yang dag pa'i don
shes pa'i rig pa dang/ rnam par dag pa'i blo bzhi bzhi tshang bar
skye zhing/ de 'dra'i bzlas pa dang po'i rnam pa bzhi tshan
mthong lam du 'jog pa nas/ bzlas pa gnyis pa'i rnam pa bzhi

tshan sgom lam dang/ bzlas pa gsum pa'i rnam pa bzhi tshan mi slob
lam du 'jog pas/ de 'dra'i gdul bya'i rgyud kyi bden bzhi'i ngo
bo la bzlas pa'i mthong lam dang/ de dang ngo bo gcig pa'i rnam
pa bzhi tshan dang bcas pa bden bzhi la lan gsum du bzlas shing
rnam pa bcu gnyis su bskor

ba'i rtogs pa'i chos 'khor du 'jog rgyu yin pa'i phyir dang/ de
'dra ba'i lung rtogs kyi chos 'khor gnyis po bden bzhi la lan
gsum du bzlas shing rnam pa bcu gnyis su bskor ba brjod bya dang
rjod byed kyi cha nas 'jog go/ de la kho na re/ ko'u di n+ya la
sogs pa'i lnga sde'i rgyud kyi mthong lam rtogs pa'i chos

'khor ma yin par thal/ de dag gi rgyud la mthong lam med pa'i
phyir te/ de dag dgra bcom pa yin pas mthong lam sngar nas btang
zin pa'i phyir zer na rtags ma grub ste/ gang zag lnga po de la
rgyal bu gzhon nu don grub khyim nas gshegs te dka' ba spyod
pa'i 'khor du lhags pa nas lnga sde'i ming chags pa

@41b yin pas lnga sde la thog mar kun tu rgyu'i cha byad can gyi
lnga sde/ bar du bden bzhi'i chos 'khor bskor yul gyi lnga sde/
bden bzhi'i chos 'khor bskor ba la brten nas mthar dgra bcom
thob pa'i lnga sde sogs yod pas lnga sde spyi tsam pa de skye
'phags gang yang min zhes smra dgos pa'i phyir ro/ /byas pa

la kho na re/ mchog zung gnyis dgra bcom pa ma yin par thal/
lnga sde dgra bcom pa ma yin pa gang zhig  /de gnyis rgyu mtshan
mtshungs pa'i phyir zer na/ rgyu mtshan mtshungs par ma grub ste/
bstan pa 'di'i dbang du byas pa'i mchog zung gnyis zhes pa'i
ming de shes rab can gyi mchog shA ri'i bu dang rdzu 'phrul

can gyi mchog mo'u 'gal gyi bu gnyis la btags pa gang zhig
/shA ri'i bu la shes rab can gyi mchog shA ri'i bu dang/ mo'u
'gal kyi bu la rdzu 'phrul can gyi mchog mo'u 'gal gyi bu yin
pas ma khyab pa'i phyir dang/ des gzhan la yang mtshon dgos pa
rtsod pa'i tshe khas len 'dzin mtshams tsam ma yin par don

la yang de ltar yin pa'i phyir ro/ /yang kho na re/ bcom ldan
'das kyis bden bzhi'i chos 'khor thog mar bskor yul gyi lnga sde
dge slong yin par thal/ dge slong dag nga sngon ma thos pa'i
chos rnams la zhes sogs gsungs pa'i phyir zer na ma khyab ste/
de dge slong du 'gyur ba la de dag gis mthong lam thob dgos pa'i

phyir te/ de dag gi bsnyen par rdzogs tshul ye shes khong chud
kyi bsnyen par rdzogs tshul las gzhan ma gsungs pa'i phyir/ 'o
na/ de'i tsha dge slong dag ces 'bed mi rigs par thal/ de'i tshe
de dag dge slong ma yin pa'i phyir zer na ma khyab ste/ de dag
ring por ma lon par dge slong du 'gyur nges pa la dgongs nas nye
tshig

gis 'bod pa yin pa'i phyir te/ dper na/ tshur shog gi bsgrub bya
bsnyen par rdzogs kha ma de la dge slong tshur shog tshangs pa
mtshungs par spyod cig ces pa lta bu yin pa'i phyir/ 'o na/ bden
pa bzhi po re re la bzlas pa gsum re dang rnam pa bcu gnyis re
tshang bas bsdoms nas bzlas pa bcu gnyis dang rnam pa bzhi bcu
rtsa brgyad du longs

na/ de la bzlas pa gsum dang rnam pa bcu gnyis su ji ltar nges
zhe na/ de'i skyon med de/ bden pa re re la bzlas pa gsum tshan
re dang/ rnam pa bcu gnyis tshan pa re mtshungs pas bzlas pa gsum
dang rnam pa bcu gnyis su bsdus nas brjod pa yin pa'i phyir ro/
/de la kho na re/ mthong lam kho na rtogs pa'i chos 'khor ma yin
par

@42a @#/ /thal/ de la bzlas pa gsum ma tshang ba'i skyon yod pa'i
phyir te/ de la bzlas pa gsum ma tshang ba'i phyir zer na ma
khyab/ 'o na kho rang la/ mthong lam kho na rtogs pa'i chos
'khor ma yin par thal/ de la rnam pa bcu gnyis su ma nges pa'i
skyon yod pa'i phyir te/ de la rnam pa bcu gnyis las

lhag yod pa'i phyir/ khyab pa 'grig  /yang 'di'i skabs su bden
bzhi la lan gsum du bzlas pa'i tshe kun shes ko'u di n+ya sogs
kyi rgyud la mthong lam sogs skye bar bshad pa yang/ bcom ldan
'das kyi bden bzhi la lan gsum du bzlas shing rnam pa bcu gnyis
su bskor ma thag tu mthong lam sogs

skyes pa ni ma yin te/ bcom ldan 'das kyis de lta bu'i chos
'khor bskor ba'i tshe dang por kun shes ko'u di n+ya sogs kyis
nyan shes kyis thos shing/ de'i don la bsam byung gi shes rab
bskyed/ de nas sgom pa la 'jug dgos pa gang zhig  /thos bsam gyi
shes rab bskyed pa'i tshe de dag bden pa la mnyam

par ma bzhag pa'i gang zag yin pa'i phyir/ gzhan yang/ bcom ldan
'das kyis bden bzhi la lan gsum du bzlas pa'i 'jug thog de ma
thag tu mthong lam sogs skyes pa yang ma yin te/ de ltar skyes
na bcom ldan 'das kyis bzlas pa gsum po de sbyor lam chos mchog
pa de la bzla dgos

pa gang zhig  /des na sbyor lam chos mchog pa de mnyam bzhag pa
ma yin par thal ba dang/ sbyor lam bzod pa chung ngu'i skad cig
ma sum cu rtsa gnyis nas bcu drug pa lam rjes shes kyi bar mnyam
bzhag thun gcig la bgrod dgos par gsungs bzhin du bar der mnyam
bzhag las ldang dgos na/

de dag la mnyam bzhag thun gcig pa'i don ma tshang ba'i phyir/
'on kyang de dag gang zag dbang po myur ba'i stobs kyis dbang
rtul bzhin du nyan sems sgom gsum yun ring byed pa la ltos dgos
pa min pas/ bcom ldan 'das kyi bden bzhi chos 'khor bskor ba'i
mod la de dag gi don

sems shing khong du chud de myur ba myur bar stan thog de nyid
la mthong lam mngon du byed par 'dod dgos so/ /de la kho na re/
bcom ldan 'das kyis bden bzhi'i chos 'khor bskor ba la mngon du
phyogs pa'i tshe lnga sde tshogs lam pa yin par thal/ lnga sde
tshogs lam du zhugs pa la bden

@42b bzhi'i chos 'khor bskor mi dgos pa'i phyir/ 'dod na ston pa
sangs rgyas nas zhag bdun phrag bdun ma lon pa'i bar der lnga
sde tshogs lam pa yin par thal/ 'dod pa'i phyir/ 'dod na mi 'thad
par thal/ de'i tshe de dag kun tu rgyu'i rigs can gyi lam ma
zhugs yin pa'i phyir zer na rtags

ma grub ste/ nyan thos kyi rigs can dbang rnon brtson pa dang
ldan pa rnams kyis kyang thar pa cha mthun gyi lam du zhugs nas
rgyun zhugs kyi 'bras bu thob pa la ji ltar myur yang srid pa
gsum mam gnyis nges par brgyud dgos pa lugs 'di'i grub mtha' yin
pa'i phyir te/ de yi sngon du

thar cha mthun/ /myur ba srid pa gsum gyi mthar/ /zhes gsungs
pa'i phyir/ 'o na de dag la kun tu rgyu lnga zhes brjod pa dang
'gal lo zhe na/ mi 'gal te/ de dag kun tu rgyu'i rigs sam de'i
tshe de dag ral pa ring por 'jog pa sogs kun tu rgyu'i cha byad
dang ldan pa la der btags pa tsam yin pa'i

phyir/ 'o na/ de dag de'i sngon nas tshogs lam du 'jug pa yin na/
de dag gi tshogs lam sogs sangs rgyas gang gi bstan par gtogs pa
yin zhe na/ 'di dag cung zhig gsal bar 'god dgos par snang bas
'og tu gnas brgyad par 'chad par bya'o/ /gzhan yang bcom ldan
'das kyis

bden bzhi'i chos 'khor bskor ba la mngon du phyogs pa'i tshe de
dag tshogs lam pa yin par thal/ de dag gi rgyud la bden bzhi'i
don la 'jug pa'i sgo byung gi shes rab skye ba la/ bden bzhi'i
ming don gnyis ka'i yul can gyi bsam byung sngon du 'gro dgos/
de'i sngon du bden bzhi'i ming gi

yul can gyi thos byung 'gro dgos pa'i phyir dang/ de lta bu'i
thos bsam gnyis po de yang thar pa cha mthun gyi dge bar 'jog
dgos pa'i phyir te/ thos sogs las byung blo rnams ni/ /ming dang
gnyis ka'i don yul can/ /zhes dang/ thos bsam las byung las gsum
mo/ /zhes gsungs pa'i phyir/

gzhan yang/ bye smra'i lugs 'dir/ bden bzhi'i ngo bo la bzlas
pa'i tshe kun shes ko'u di n+ya'i rgyud la mthong lam dang gzhan
bzhi'i rgyud la sbyor lam skye/ bzlas pa gnyis pa'i tshe kun shes
ko'u di n+ya'i rgyud la sgom lam dang gzhan bzhi'i rgyud la
mthong lam skye/ bzlas pa gsum pa'i tshe kun

@43a @#/ /shes ko'u di n+ya'i rgyud lam slob lam dang gzhan
bzhi'i rgyud la sgom lam skye bar 'dod pa yig cha sogs las
'byung bar ma zad/ 'grel pa mngon pa'i rgyan du yang/ de la bden
pa bzhi char gyi bzlas pa gsum gyis rim pa ltar mthong sgom mi
slob lam gsum ston

to/ /zhes zer ro/ /zhes de ltar du 'dod par gsungs la/ des na
bden pa bzhi la lan gsum du bzlas pas mthong sgom mi slob lam
gsum char bstan pa dang/ bstan pa ltar du gdul bya'i rgyud la
skye bar 'dod na mthong lam kho na rtogs pa'i chos 'khor du 'dod
pa la rgyu mtshan yang dag med

par 'gyur zhing/ tshul de la slob dpon rang gnyis kyis kyang/ de
lta na mthong lam kho na chos kyi 'khor lo ma yin par 'gyur te/
bzlas pa gcig dang rnam pa bzhi las med pas/ lan gsum du bzlas
pa dang rnam pa bcu gnyis ma tshang ba'i phyir te/ zhes gsungs pa
yang nges par yin te/ 'dod

tshul de ltar na mthong lam skye ba la bden bzhi re rer ngo bo la
bzlas pa tsam ma gtogs bzlas pa gzhan gnyis ma tshang zhing/ rnam
pa skye ba na yang ngo bo la bzlas pa'i rnam pa bzhi tshan re las
gzhan rnams ma skyes pas bden bzhi re re la bzlas pa gsum dang
rnam pa bcu gnyis re ma tshang bar

'gyur la/ de ma tshang yang mthong lam kho na rtogs pa'i chos
'khor du 'gyur na/ sgom lam dang mi slob lam gnyis la yang de
'dra ba re tshang bas de gnyis kyang rtogs pa'i chos 'khor du
'gyur ba'i phyir/ gzhan yang/ dge sbyong tshul dang dge sbyong
tshul gyi 'bras bu rnam grol lam rnams

tshangs pa bcom ldan 'das kyis bskor ba'i 'khor lor 'dod bzhin du
mthong lam ma gtogs gzhan rnams rtogs pa'i chos 'khor du mi 'dod
pa dang/ mthong sgom mi slob lam gsum ga'i ngo bor gyur pa'i
'phags lam yan lag brgyad yod bzhin du phyi ma gnyis chos 'khor

du mi 'dod pa dang/ bcom ldan 'das kyi lung gi chos phung brgyad
khri sogs gsungs par 'dod bzhin du lung gi chos 'khor la bden
bzhi'i chos 'khor gyis khyab par 'dod pa sogs rigs pa dang khas
blang gnyis ka nang 'gal du song ba yin kyang/ gnas skabs grub
mtha'i 'dod

@43b tshul yin pas de ltar du khas blangs pa las 'os med de/ /de
la kho na re/ bden bzhi'i ngo bo la bzlas pa'i tshe kun shes ko'u
di n+ya sogs kyi rgyud la mthong lam sogs skye bar bshad pa mi
'thad par thal/ bcom ldan 'das kyis bden bzhi la lan gsum du
bzlas ma thag pa'i tshe de dag gi

rgyud la mthong lam sogs ma skyes pa'i phyir zer na ma khyab
ste/ gong du bshad pa ltar bden bzhi la lan gsum du bzlas shing
rnam pa bcu gnyis su bskor ba'i chos 'khor de la/ bcom ldan 'das
kyis bskor ba'i lung gi chos 'khor gcig dang kun shes ko'u di
n+ya la sogs pas chos kyi rnam grangs de'i

don la tshul bzhin du yid la byed pa'i rtogs pa'i chos 'khor
gnyis yod pas/ bden bzhi'i ngo bo la bzlas pa'i tshe kun shes
ko'u di n+ya sogs kyi rgyud la mthong lam skye bar shin tu 'dod
chog pa'i phyir/ gzhan yang/ yig char bden bzhi'i ngo bo la
bzlas pa'i tshe kun shes ko'u di n+ya'i rgyud la mthong

lam dang/ lnga sde gzhan bzhi'i rgyud la sbyor lam skye bar
bshad pa mi 'thad par thal/ gdul bya de dag gis bden bzhi'i ngo
bo la bzlas pa'i don bden bzhi'i ngo bo tshul bzhin du yid la
byed pa la 'dod dgos pa gang zhig  /bden bzhi'i ngo bo tshul
bzhin du yid la byed pa'i tshe mthong lam skye ba kun shes

ko'u di n+ya dang lnga sde gzhan bzhi 'dra ba'i phyir zer na ma
khyab ste/ yig char de ltar gsungs pa'i don ni dbang po myur bul
gyi dbang gis kun shes ko'u di n+ya'i rgyud la bden bzhi'i ngo
bo la bzlas pa'i mthong lam skyes ma thag pa'i tshe gzhan bzhi'i
rgyud la sbyor lam las mi skye ba'i don yin gyi/ lnga sde

gzhan gzhis 'den bzhi'i ngo bo la bzlas pa'i tshe de dag gi rgyud
la mthong lam yang skye ste/ de'i tshe de dag gi rgyud la skye
ba'i mthong lam de bzlas pa dang po'i bsdus pa'i rtogs pa'i chos
'khor yin pa'i phyir/ de ltar ma yin na lnga sde gzhan bzhis
bden bzhi'i ngo bo la bzlas pa'i tshe skyes pa'i sbyor

lam de rtogs pa'i chos 'khor du thal ba dang/ de bzhis bzlas pa
gnyis pa'i tshe mthong lam dang gsum pa'i tshe sgom lam las mi
skye bas de dag gis bzlas pa gsum pa la mthar thug gi don ma
tshang bar thal ba'i phyir te/ de'i tshe de dag gi rgyud la lam
mthar thug ma skyes pa'i phyir/ 'on kyang

@44a @#/ /bden bzhi'i ngo bo la bzlas pa'i tshe lnga sde gzhan
bzhi'i rgyud la mthong lam mi skye bar thal/ de'i tshe kun shes
ko'u di n+ya'i rgyud la mthong lam dang gzhan bzhi'i rgyud la
sbyor lam skye ba'i phyir zer na yig cha'i tshig zin dang mi 'gal
bar bya ba'i phyir ma khyab

zhes brjod do/ /'o na de'i tshe sbyor lam dang mthong lam gnyis
char skye bar thal/ de'i tshe sbyor lam skye ba gang zhig
/mthong lam yang skye ba'i phyir/ 'dod na mi 'thad par thal/
de'i tshe mthong lam skye ba gang zhig  /mthong lam skye ba'i tshe
sbyor lam 'das dgos pa'i phyir zer na ma khyab bo/ /de

bzhin du rnam pa bcu gnyis kyi don la yang yig char bzlas pa re
re'i tshe rig pa sbyor lam/ mig mthong lam/ shes pa sgom lam/ blo
mi slob lam sogs su gsungs pa yang/ gong du bshad pa ltar bzlas
pa re re'i rnam pa re re dang rnam grangs tsam yin gyi 'gal ba
ni ma yin no/ /de la kho na re/ sbyor

mthong sgom gsum mi slob lam dang bcas pa dus mnyam du thob pa
zhig yod par thal/ bden bzhi'i ngo bo la bzlas pa'i tshe de bzhi
dus mnyam du thob pa'i phyir te/ bden bzhi'i ngo bo la bzlas
pa'i tshe bden pa de dang de'i ngo bo la dmigs pa'i rig pa sbyor
lam/ mig mthong lam/ shes pa sgom

lam/ blo mi slob lam bzhi dus mnyam du thob pa'i phyir zer na ma
khyab ste/ de ni rnam pa bzhi po re re la lam de dang der brtags
pa tsam las dngos ma yin pa'i phyir ro/ /de dag kyang bye brag
smra ba'i 'dod tshul las slob dpon nyid kyi bzhed pa ni/ mthong
sgom mi slob lam gsum ga rtogs pa'i chos

'khor dang/ bka' thams cad lung gi chos 'khor du bzhed par gsal
te/ 'grel pa mngon pa'i rgyan du slob dpon gyi bzhed pa 'chad
pa'i skabs su/ yang na mthong sgom mi slob lam thams cad gdul
bya'i rgyud la 'jug pa'i rtogs pa'i chos 'khor yin no/ /zhes
dang/ des na chos kyi rnam grangs

de nyid chos kyi 'khor lo rab tu bstan pa'i phyir chos kyi 'khor
lo dang/ bzlas pa gsum dang rnam pa bcu gnyis kyi don rab tu
bstan pas lan gsum du bzlas pa dang rnam pa bcu gnyis dang/ gdul
bya'i rgyud la de'i don shes par byed pa'i sgo nas gtad cing go
bar byed pa'i phyir bskor ba'ang yin no/ /

@44b zhes gsungs pa'i phyir/ bden bzhi'i chos 'khor de nyid la
bzlas pa gsum dang rnam pa bcu gnyis tshang tshul yang/ 'di ni
sdug bsngal 'phags pa'i bden pa'o zhes sogs bden bzhi'i ngo bo
la bzlas pa dang/ sdug bsngal shes par bya'o zhes sogs bya ba la
bzlas pa dang/ sdug bsngal shes so

zhes sogs mthar thug la bzlas pa ste bzlas pa gsum dang/ rnam pa
bcu gnyis ni/ bden bzhi'i dbang du byas nas bden bzhi'i rang gi
ngo bo la dmigs pa'i rnam pa bzhi/ bden bzhi'i bya ba la dmigs
pa'i rnam pa bzhi/ bden bzhi'i mthar thug la dmigs pa'i rnam pa
bzhi ste bcu gnyis su bzhed par gsungs pas/

bzlas pa gsum dang rnam pa bcu gnyis su bskor ba'i chos 'khor de
nyid la lung rtogs kyi chos 'khor gnyis su bzhed pa'ang gong du
drangs ma thag pa'i slob dpon gyi bzhed pa 'chad pa'i lung rnams
kyis grub pa yin no/ /'di rnams gzhung don rtsa ba che ba rang
min 'dug kyang gong 'og gi skabs mang por mkho che ba'i

phyir cung zhig spros te bshad pa'o// ! 'dod par gsum thob mtha'
ma ni/ /zhes sogs kyi skabs su/ 'bras bu bzhi las dang po gsum
ni 'dod pa kho nar gsar du thob pa las/ khams gong gi rten la
gsar du thob pa ni med la/ mtha' ma dgra bcom pa'i 'bras bu ni
khams gsum char na gsar du thob pa

yod cing/ phyir mi 'ong bar 'da' ba la sogs pa lnga yang dang
por 'dod pa'i rten la phyir mi 'ong gi 'bras bu thob nas de'i
skye ba phyi ma la gong ma rnams su skye nas lam mthar phyin par
byed pa gong du bshad pa ltar ro// ! dgra bcom drug 'dod de dag
las/ /zhes sogs kyi skabs su/ dgra bcom pa yongs su nyams

pa'i chos can nas mi g.yo ba'i chos can gyi bar drug las/ dang
po lnga char la nyams pa ni srid kyang/ nang bsres kyis 'jog
tshul ni/ rkyen chung ngus rang gi rtogs pa las nyams pa dang/
nyams par dogs pas mya ngan las 'da' bar sems pa dang/ nyams par
dogs pas lam srung ba la brtson pa dang/ rkyen chung

ngus rtogs pa las mi bskyod pa dang/ dbang po 'phos te mi g.yo
ba rtogs pa'i skal ba can dang/ dbang po rno bas rtogs pa las
nyams pa mi srid pa dang bcas pa'i sgo nas 'jog go/ de dag las
dang po la ni slob pa dbang rtul dad mos pa'i rgyu las byung
zhing lnga po de dag gi nang nas sems kyi rnam par grol ba

@45a @#/ /ni zas gos dang gnas sogs mthun rkyen tshang ba dang/
nad dang dgra la sogs pa'i 'gal rkyen med pa la ltos pas na dus
dang sbyor ba'am/ dus kyi rnam grol zhes bya la/ drug pa ni 'gal
rkyen yod med sogs la ma ltos pas dus dang mi sbyor pa'i rnam
par grol ba zhes bya ste/

de ni spyir dbang rnon mthong thob pa'i rgyu las byung ba yin
zhes bya la/ 'on kyang zhib tu phye na/ slob pa'i tshe dad mos
mthong thob par dbang po 'phos pa'am/ dang po nas rang bzhin gyi
dbang rnon las byung ba'i mi g.yo ba'i chos can de ni mthong
thob kyi rgyu las byung ba yin gyi/ slob pa'i tshe dbang po ma
'phos pa'i dgra

bcom pa dbang rtul dbang po sbyangs te mi g.yo ba'i chos can du
song ba de ni mthong thob kyi rgyu las byung ba ma yin no/ /'o
na/ mi g.yo ba'i chos can spyi tsam pa de mthong thob kyi rgyu
las byung ba ma yin par thal/ de la gnyis yod pa'i phyir zer na
ma khyab zhes brjod do/ /mi slob pa'i tshe dbang rtul dang dbang

rnon gyi ming spyi tsam du dus sbyor dang/ dus mi sbyor zhes bya
la de gnyis kyi khyad par ni gong du bshad pa ltar ting nge
'dzin 'dod rgur mngon du 'gyur mi 'gyur ram/ dus gzhan gyi bar
du rnam par grol ba dang/ gtan du rnam par grol ba'i khyad par
ro/ /'o na dgra bcom drug po de dag dang po nas

rigs de dang de dag tu nges pa'am/ 'on te phyis de dag tu gyur
pa yin zhe na/ kha cig dang po nas rigs de dang de dag tu nges
pa'ang yod la/ kha cig phyis rigs sbyangs pa las gyur pa'ang yod
de/ yongs su nyams pa'i chos can rigs dang dbang po sbyangs pas
'chi bar sems pa'i chos can du

'gyur ba sogs yod pa bzhin no/ /rigs drug tu 'gyur ba'i rgyu ni
rim pa bzhin slob pa'i tshe lam sgom pa la rgyun sbyor gus sbyor
gnyis ka med pa dang/ gnyis ka med la khyad par du gus sbyor med
pa dang/ rgyun sbyor tsam dang ldan pa dang/ gus sbyor tsam dang
ldan pa dang/ sbyor ba gnyis

ka dang ldan pa'i dbang rtul dang/ gnyis ka dang ldan pa'i dbang
rnon las gyur pa'o/ /'o na/ dgra bcom pa rigs drug po de khams
gsum char na yod dam/ zhe na/ lugs 'dir ni/ sngar bshad pa ltar
de dang gong mar skyes pa ni/ yongs nyams dbang po 'pho mi
brtan/ /zhes khams

@45b [@##lines apparently missing this page] gong na yongs su nyams
pa med pas dang po gsum med cing/ dbang po 'pho ba med pas lnga
pa yang med pas bzhi pa gnas pa las mi bskyod pa dang/ drug pa mi
g.yo ba'i chos can gnyis yod par 'dod la/ gong ma'i rten can gyi gnas
pa las mi bskyod pa'i rigs can yod na/ de nyid dbang rtul du ni 'dod
dgos

shing/ yang de dbang po smin par yang ni 'dod dgos pas/ des na
dbang po smin pa la dbang rnon gyis ma khyab par 'dod pa las ma
'das so/ /gzhan yang 'bras bu las yongs su nyams pa srid pa tsam
ni dgra bcom dang po lnga char la yang yod pa 'og tu 'chad par
'gyur la/ lnga po de dang de'i rigs

can yin na nyams nges yin pas ma khyab par yang mtshungs pa bzhin
du gong ma'i rten can la dang po gsum dang lnga pa med pa dang/
bzhi pa yod par 'dod pa la rgyu mtshan yang dag zhig yod par ma
mngon yang grub mtha'i 'dod tshul lo// ! bzhi ni rigs las lnga
'bras las/ /nyams

'gyur dang po las ma yin/ /zhes pa'i skabs su/ dgra bcom dang po
lnga po thams cad rang gi rigs dang 'bras bu las nyams par 'gyur
ram/ zhe na/ 'chi bar sems pa nas rtogs pa'i skal ba can gyi bar
bzhi ni rang rang gi rigs las nyams pa srid la/ dang po ni rigs
las nyams

pa mi srid de/ de las dman pa'i rigs med pa'i phyir/ bzhi po des
rigs las nyams pa'ang dper na/ nyams pa'i chos can 'chi ba sems
par dbang po sbyangs pa lta bu las nyams pa srid pa yin gyi dang
po nas rigs de dang der nges pa las ni nyams pa mi srid de/ slob
pa dang mi slob pa'i

lam gnyis kyis brtan par byas pa'i phyir ro/ /tshul de ni slob pa
la'ang mtshungs te/ slob pa yang rigs dang po las nyams pa ni mi
srid cing/ ba

[@##data incomplete here]

@46a @#/ /rab tu phye ba yin pa'i phyir ro/ /des na rigs las
nyams na 'bras bu las nyams pas ma khyab cing/ 'bras bu las
nyams na yang rigs las nyams pas ma khyab bo/ /mdo sde pa la
sogs pa gong ma rnams ni dgra bcom pa dang/ slob pa 'phags

pa 'bras bu las nyams mi srid la/ /yongs su nyams pa'i chos can
sogs gsungs pa ni/ mthong chos la bde bar gnas pa'i rtogs pa las
nyams pa sogs la dgongs pa yin zhes gsungs pa ni don la gnas
so// ! slob dang 'phags min rigs drug ldan/ /zhes sogs kyi

skabs su/ 'o na rigs drug po de dgra bcom pa kho na la ldan nam/
gzhan dag la yang ldan zhe na/ de ni dgra bcom par ma zad slob
pa dang/ 'phags min so skye la yang de dag ldan pa yod do/ /'o
na/ dbang po rtul po dbang rnon du 'pho ba yod na gnas skabs
gang gi tshe 'pho zhe na/ mthong

lam gyi gnas skabs na ni 'pho ba med de/ de mnyam gzhag gi rgyun
gcig yin pa'i phyir/ de las gzhan so so skye bo dang/ slob pa
dad mos dang/ mi slob pa dus sbyor gyi gnas skabs na dbang po
'pho bar bshad pas mthong lam las gzhan tshogs sbyor sgom lam mi
slob lam bzhi ga'i

gnas skabs su 'pho ba yod pa'o// ! thob dang ma thob nyer spyad
las/ /zhes sogs kyi skabs su/ yongs su nyams pa la sgras brjod
rigs tsam gyis phye na gsum ste/ yon tan thob pa las nyams pa
dang/ ma thob pas nyams pa dang/ thob pa nye bar spyad pa las
nyams pa gsum mo/ /de las dang po ni yon

tan rnyed pa las nyams pa ste nyams pa dngos yin la/ phyi ma
gnyis ni mi ldan pa dang/ ldan kyang mngon du ma byas pa tsam la
nyams pa zhes btags pa las nyams pa dngos ni ma yin no/ /gsum po
de dag las thub pa sangs rgyas bcom ldan 'das la ni/ thob pa
nyer spyad las nyams pa yod

de/ gdul bya'i don la brtson pas mthong chos la bder gnas kyi
yon tan 'gog snyoms thob kyang mngon du mi mdzad pa'i phyir ro/
/dgra bcom pa mi g.yo ba'i chos can la ni nyams pa mtha' ma
dang ldan pa ma zad/ bar pa dang yang ldan te sangs rgyas kyi
chos ma 'dres pa la sogs

@46b pa ma thob pa'i phyir ro/ /dgra bcom pa gzhan lnga dang
slob pa sgom lam pa dang so skye dbang rtul rnams la ni nyams pa
gsum ka yod la/ mthong lam pa la dang po dang mtha' ma med la
bar pa yod par mngon no/ /'di'i skabs kyi 'grel pa rnams su
nyams pa bar pa la/ ma thob pa las nyams pa zhes

gsungs pa'i don/ yon tan de dang de ma thob pa la de las nyams
pa zhes btags pa'i bar gyi tshig bsdus nas ma thob pa las nyams
pa zhes gsungs pa yin 'dug kyang/ tshig 'khri'i gnod pa 'jug pas
ma thob pas nyams pa zhes brjod na legs pa yin no/ /tshig 'khri'i
gnod pa ji ltar 'jug

ce na/ 'jug ste/ de ltar brjod na/ 'o na/ dgra bcom pa mi g.yo
ba'i chos can de sangs rgyas kyi chos ma 'dres pa sogs ma thob
pa las nyams pa yin par thal/ 'dod pa'i phyir/ 'dod na/ mi g.yo
ba'i dgra bcom pa chos can/ sangs rgyas kyi yon tan ma 'dres pa
sogs ma thob pa las nyams pa ma yin par thal/

ma thob pa las ma nyams pa yin pa'i phyir/ der thal/ de'i ma
thob pa dang ldan pa'i phyir te/ de'i rgyud la sangs rgyas kyi
yon tan ma 'dres pa sogs kyi ma thob pa yod pa'i phyir sogs zer
na khas len 'dzin dka' bar 'ong ngo/ /gzhan yang nyams pa gsum
po de la gong du bkod pa ltar sgras brjod rigs

sam dngos btags phye nas/ nyams pa phyi ma gnyis gang rung yin
na yongs su nyams pa yin pas ma khyab pa yang nges par 'dod dgos
kyi/ de lta min na sangs rgyas bcom ldan 'das kyang yongs su
nyams par 'dod dgos pa dang/ gang zag yin na yongs su nyams pa
yin pas khyab par 'dod dgos

pa sogs mi mdzes pa du ma zhig 'byung ngo/ yang mdo las/ dgra
bcom pa mi g.yo ba'i chos can mthong chos bder gnas las nyams
par gsungs pa yang thob pa nyer spyad las nyams pa la dgongs pa
las yon tan las nyams par bstan pa ma yin te/ de ltar yin na mi
g.yo ba'i chos can du mi

rung bar 'gyur ro// ! 'bras las nyams pa 'chi ba med/ /ces sogs
kyi don ni gong du bshad zin to// ! mi g.yo rnam grol bar chad
med/ /ces sogs kyi skabs su/ 'o na/ dbang po 'pho ba'i tshe bar
chad med lam dang/ rnam grol lam ji tsam la brten dgos zhe na/
dgra bcom pa rtogs

@47a @#/ /pa'i skal ba can mi g.yo ba'i chos can du 'pho ba'am/
yongs su nyams pa'i chos can zhig 'chi ba sems par 'pho ba sogs
gang yang rung ste/ dgra bcom pa dbang rtul dbang rnon du 'pho
ba thams cad ni bar chad med lam dgu dang/ rnam grol

lam dgu ste bco brgyad la brten nas 'pho dgos te/ mi slob pa
dbang rtul gyi rigs de slob pa dang mi slob pa'i lam gnyis kyis
shin tu bsten cing goms par byas pas spangs dka' ba'i phyir ro/
/slob pa dad mos pa mthong thob tu 'pho ba la ni bar chad med
lam dang/ rnam grol lam re res chog ste/ goms pa chung

bas spangs sla ba'i phyir ro/ /mi slob pas bar chad med lam dgu
sogs la brten pa yang dbang po sbyangs ba'i lam dngos la yin
gyi/ de'i sbyor ba'i lam ni slob mi slob gang yin kyang re re la
brten pa kho na yin no/ /dbang po sbyangs pa'i lam de dag kyang
'phags pas ni zag med kho na la brten la/

so skye ni zag bcas la brten te zag med ma thob pa'i phyir ro/
/dbang po sbyangs pa dang 'pho ba'i lus rten ni mi kho na'i nang
du yin te/ ngan song ba la ni lam mi brtan pa'i phyir dang/ 'dod
pa'i lha bden pa mthong ba rnams ni dbang rnon yin pas nyams pa
mi srid la/ khams gong ma na yang nyams pa dang dbang po 'pho ba
med

pa sngar bshad pa ltar ro/ /yang dbang po sbyangs pa'i sems rten
ni/ mi slob pa yin na zag med kyis bsam gtan sa drug dang/ gzugs
med dang po gsum ste zag med sa dgu gang rung la brten la/ slob
pa ni rgyun zhugs dang phyir 'ong gang rung yin na nyer bsdogs
mi lcogs med kho na dang/ phyir mi 'ong yin na

bsam gtan sa drug gang rung la brten gyi/ gzugs med la brten pa
ni med/ ?slob pa dbang rtul rnams sems rten sa drug gang rung la
brten nas dbang po sbyangs pas dbang rtul dbang rnon du 'pho ba
na dbang po rtul pos bsdus pa'i phyir 'ong dang phyir mi 'ong gi
'bras bu tsam po dang khyad par can rnams btang

ste/ dbang po rnon pos bsdus pa'i phyir 'ong dang phyir mi 'ong
gi 'bras bu tsam thob dang khyad par can thob par 'gyur ba'i
phyir dang/ phyir mi 'ong gi 'bras bu tsam po la gzugs med kyi
sas bsdus pa med de/ gzugs med kyi dngos gzhi la brten nas phyir
mi 'ong gi 'bras bu gsar du thob

@47b pa med pa'i phyir ro/ /'dir 'grel pa rnams su rgyun zhugs
dbang po 'pho tshul dngos su ma gsungs yang dbang po 'pho ba ni
yod par mngon no// ! sangs rgyas gnyis dang nyan thos bdun/
/zhes sogs kyi skabs su/ yang/ spyir dgra bcom pa la dbye na dgu
ste/ sangs rgyas dang rang sangs rgyas gnyis dang/ nyan thos la
yongs su

nyams pa'i chos can sogs lnga dang/ mi g.yo ba la dbang po
sbyangs pa las gyur pa dang/ dang po nas mi g.yo ba'i chos can
du gnas pa gnyis su phye bas bdun te dgu'o/ /sangs rgyas gnyis
ni spyir mi g.yo ba'i chos can gyi bye brag yin la/ gnyis ka'i
cha las rnam grol kyang yin no/ /de ltar dgur bzhag pa ni nang
bsres

dbang po rno 'bring rtul gsum re re la gsum gsum du phye ba'i
sgo nas bzhag pa ste/ dgra bcom pa nyams pa'i chos can dang/
'chi bar sems pa dang/ rjes su srung ba gsum ni dbang rtul gyi
chung 'bring che gsum dang/ gnas pa las mi bskyed pa dang/ rtogs
pa'i skal ba can dang/ sbyangs pa'i mi g.yo ba ni 'bring gi
chung

'bring che gsum dang/ dang po nas mi g.yo ba dang/ rang sangs
rgyas dang/ sangs rgyas gsum ni rnon po'i chung 'bring che gsum
mo// ! gang zag bdun po sbyor ba dang/ /zhes sogs kyi skabs su/
yang/ 'phags pa'i gang zag rnams bsdu na bdun du 'du ste/ dad
pa'i rjes 'brang dang/ chos kyi rjes 'brang gnyis/ dad

mos dang/ mthong thob gnyis/ lus mngon byed dang/ shes rab
rkyang pa'i rnam grol dang/ gnyis ka'i cha las rnam grol dang
bdun du 'du ste/ sangs rgyas gnyis kyang phyi ma 'dir 'du ba'i
phyir ro/ /bdun po de dag ni sbyor ba dang/ dbang po dang/
snyoms 'jug dang/ rnam grol dang/ gnyis kas byas pa dang

bcas pa'i sgo nas 'jog pa ste/ de yang dang po gnyis ni sbyor
bas byas pa las 'jog ste/ dang po sbyor lam gyi dus nas gzhan
gyi dring 'jog pa dang mi 'jog pa'i sgo nas bzhag pa'i phyir/
gsum pa dang bzhi pa gnyis ni dbang pos byas pa las 'jog ste/ de
gnyis char la dad pa dang shes rab yod mod

[@##data apparently missing this line] kyang/ dad pa lhag pa
dang/ shes rab lhag pa'i sgo nas dbang po rno rtul du 'jog
pa'i phyir/ lnga pa ni/ snyoms 'jug gis byas pa las te/ 'gog snyoms
lus kyis mngon sum du byed nus pa'i sgo nas 'jog pa'i phyir/ drug
pa ni/ shes rab 

@48a @#/ /shes rab kyis khams gsum gyi nyon mongs las grol ba'i
sgo nas 'jog pa'i phyir/ bdun pa ni/ snyoms 'jug dang rnam grol
gnyis kas byas pa yin te/ ting nge 'dzin dang shes rab kyis rim
pa ltar snyoms 'jug dang nyon mongs pa'i sgrib pa'i cha gnyis ka
las grol

ba'i sgo nas 'jog pa'i phyir ro// ! 'di ltar lam gsum la gnyis
gnyis/ /zhes pas/ bdun po de dag kyang ming gi 

[@##data incomplete here]

m pa rnams la yang dbye ba'i rnam grangs
mang du gsungs pa rnams zhib par shes 'dod na 'grel pa rnams su
blta'o// ! 'gog thob gnyis ka las rnam grol/ /zhes sogs kyis
skabs su/ 'o na/ gnyis ka'i cha las rnam grol dang/ shes rab
rkyangs pa'i rnam grol

zhes bshad na/ de gnyis kyi khyad par gang zhe na/ gang zhig
bsam gtan gyi dngos gzhi la brten nas 'gog snyoms thob pa'i dgra
bcom de ni gnyis ka'i cha las rnam grol yin te/ shes rab kyis
nyon mongs pa'i sgrib pa dang ting nge 'dzin gyis snyoms 'jug gi
sgrib pa gnyis ka las grol ba'i phyir ro/ /

snyoms 'jug gi sgrib pa ni/ le lo dang/ dmigs pa brjed pa dang/
bying ba dang/ rgod pa dang/ rtsom pa dang/ mi rtsom pa'i nyes
pa lnga la sogs pas bskyed pa'i lus dang sems kyi gnas ngan len
gyi char gtogs pa ste/ ngo bo ni shes sgrib nyid du 'dus so/ /'o
na/ nyan thos dgra bcom pas shes sgrib

spangs par 'gyur ro/ /zhe na/ shes sgrib mtha' dag spangs pa med
kyang 'ga' zhig slangs pa ni yod do/ /gang zhig bsam gtan dang
po'i nyer bsdogs tsam la brten nas bdag med rtogs pa'i shes rab
kyis nyon mongs pa'i sgrib pa 'ba' zhig las rnam par grol ba de
la ni shes rab rkyang pa'i rnam grol te/

@48b 'dis kyang spang bya cig car ba'i dgra bcom yod par bstan
pa yin no/ /gnyis ka'i cha las rnam grol dang/ /shes rab rkyangs
pa'i rnam grol gnyis las rim pa bzhin dgra bcom pa rgyan can
dang/ rgyan med zhes su 'ang grags so/ /zhes 'grel pa rnams su
gsungs la/ dge 'dun nyi shu'i yig cha rnams su mngon shes

thob ma thob kyi sgo nas rgyan can dang rgyan med du bzhag go /
! snyoms 'jug dbang po 'bras rnams kyis/ /zhes sogs kyi skabs
su/ nyan thos kho na'i dbang du byas pa'i slob pa dang mi slob
pa'i rdzogs tshul bshad pa ste/ de la nyan thos slob pa snyoms
'jug gis rdzogs pa ni phyir mi 'ong lus mngon byed de/ de bas
lhag

pa'i snyoms 'jug thob tu med pa'i phyir/ dbang pos rdzogs pa ni
mthong thob pa ste/ de las lhag pa'i dbang rnon du 'pho rgyu med
pa'i phyir/ 'bras bus rdzogs pa ni phyir mi 'ong gi 'bras bu la
gnas pa ste/ de las lhag pa'i nyan thos slob pa'i 'bras bu med
pa'i phyir/ des na chos gsum po des slob pa yongs su rdzogs par

byed la/ de yang slob pa 'bras bus rdzogs pa ni phyir mi 'ong
thams cad yin cing/ dbang po dang 'bras bu gnyis tsam gyis
rdzogs pa ni phyir mi 'ong mthong thob pa lus mngon byed ma yin
pa dang/ 'bras bu dang snyoms 'jug gnyis tsam gyis rdzogs pa ni
phyir mi 'ong dad mos pa lus mngon byed dang/ gsum

char gyis rdzogs pa ni phyir mi 'ong mthong thob lus mngon byed
dang/ dbang po kho nas rdzogs pa ni 'dod pa las 'dod chags dang
ma bral ba'i 'phags pa mthong thob pa dang/ 'bras bu kho nas
rdzogs pa ni phyir mi 'ong dad mos pa lus mngon byed ma yin
pa'o/ /dbang po dang snyoms 'jug gnyis tsam

gyis rdzogs pa dang/ snyoms 'jug kho nas rdzogs pa ni mi srid
de/ rigs pas bsgrub na shes so// ! gnyis kyis mi slob yongs su
rdzogs/ /zhes pas mi slob pa la 'bras bus ma rdzogs pa mi srid
pas na 'bras bus rdzogs tshul dngos su ma bshad par dbang po dang
snyoms 'jug gnyis kyis

rdzogs tshul bshad pa ste/ de la dbang po kho nas rdzogs pa ni/
shes rab rkyang pa'i rnam grol ba dus mi sbyor dang/ snyoms 'jug
kho nas rdzogs pa ni gnyis ka'i cha las rnam grol dus sbyor ba
dang/ de gnyis kas rdzogs pa ni gnyis ka'i cha las rnam grol dus
mi sbyor ba'o// ! mdor na lam

@49a @#/ /ni rnam bzhi ste/ /zhes sogs kyi skabs su/ lam gyi bsdu
tshul bshad pa ste/ gong 'og rnams su lam gyi rnam grangs mang du
bshad pa de dag bsdu na/ sbyor ba dang/ bar chad med pa dang/
rnam grol dang/ khyad par can gyi lam bzhi po gang rung du 'du
ste/ mthong lam lta bu

la mtshon na sbyor lam nges 'byed cha mthun bzhi mthong lam gyi
sbyor ba'i lam dang/ bzod pa brgyad bar chad med lam dang/ shes
pa brgyad rnam grol lam dang/ sgom lam rnams de'i khyad par can
gyi lam ste/ de bzhin du gzhan la yang shes so/ /'di'i dngos
bstan gyi sbyor ba'i lam zhes pa ni lam

de dang de sgom pa la 'jug pa'i snga rol gyi sbyor ba rtsom pa'i
lam phal che ba la byed pas na/ sbyor lam nges 'byed cha mthun
kho nar 'khrul bar ni mi bya'o// ! bsam gtan dag gi lam rnams
sla/ /zhes sogs kyi don ni gong du bshad pa ltar bsam gtan gyi
dngos gzhi la brten pa'i lam rnams ni skye ba

dang goms par sla ba yin te/ yan lag gis yongs su zin pa dang/
zhi lhag cha mnyam pa'i phyir/ sa gzhan nyer bsdogs mi lcogs med
dang/ bsam gtan khyad par can dang/ gzugs med kyi sa la brten pa
rnams ni skye ba dang goms par dka' ba yin te/ dang po gnyis
lhag mthong shes che zhing/

gzugs med rnams zhi gnas shes che bas 'bad pas sgrub dgos pa'i
phyir/ 'di'i skabs su dogs pa dpyad pa la/ 'o na/ sa gzhan nyer
bsdogs mi lcogs med dang/ gzugs med la brten pa sogs lam dka' ba
yin pa dang/ de'i rgyu mtshan gyis bsam gtan gyi dngos gzhi thob
nas lam

sla ba bsam gtan gyi dngos gzhi la brten du yod bzhin du/ lam
dka' ba nyer bsdogs dang gzugs med la mi brten pa 'di'i gong 'og
kun tu mang por bshad mod/ de ltar na gong du nyer bsdogs mi
lcogs med dang/ gzugs med dang po gsum gyi dngos gzhi'i ngo bor
gyur pa'i sgom lam

rdo rje lta bu'i ting nge 'dzin 'jog pa mi 'thad par thal/ bsam
gtan gyi dngos gzhi thob nas lam dka' ba de dag la brten pa mi
rigs pa'i phyir/ de la khyod kyis nyer bsdogs mi lcogs med la
brten nas khams gsum ka'i nyon mongs cig car du spong bar byed
pa'i nyan thos slob pa de spang bya

@49b cig char ba'i rgyun zhugs su 'dod pa ltar na/ des dngos
gzhi ma thob pas re zhig de ltar yin du chug kyang/ gzugs med
kyi dngos gzhi'i ngo bor gyur pa'i rdo rje lta bu'i ting nge
'dzin 'jog pa mi 'thad de/ gzugs med kyi dngos gzhi thob pa'i
'phags pa yin na bsam gtan gyi dngos gzhi thob pas khyab pa gang
zhig

bsam gtan gyi dngos gzhi thob na/ lam sla ba la mi brten par
dka' ba la brten par dgos pa med pa'i phyir zer na/ de ni spyir
btang dang dmigs bsal gyi dbye ba phye na 'gal ba med de/ de
yang nyer bsdogs mi lcogs med la brten nas khams gsum ka'i nyon
mongs spong ba ni spang bya cig char bar

bzhag pa'i phyir dngos gzhi thob pa'i gnod pa 'jug don med la/
bsam gtan gyi dngos gzhi thob nas lam dka' ba gzugs med la mi
brten par gsungs pa ni/ spyir btang 'dod gzugs kyi rten can gyi
'phags pa'i dbang du mdzad pa ste/ de yang 'dod gzugs kyi rten
can gyi phyir mi 'ong lta bu la gzugs

med dang po gsum gyi dngos gzhi zag bcas dang zag med thob pa
dang/ skabs 'gar mngon du byed pa yang yod mod kyang/ rten gyi
dbang gis 'bad pas sgrub dgos pas lam dka' bar 'jog pa la 'gal
ba med de/ lam dka' ba dang mngon du byed pa yod pa mi 'gal ba'i
phyir/ yang/ gzugs med kyi rten can

gyi phyir mi 'ong rnams kyis ni gzugs med dang po gsum po gang
rung gi dngos gzhi'i ngo bor gyur pa'i sgom lam rdo rje lta bu'i
ting nge 'dzin la brten nas nyon mongs spong bar byed de/ rten
gyi dbang gis bskyed par sla ba'i phyir/ der ma zad 'dod gzugs
kyi rten la yang gzugs med dang po gsum gyi dngos gzhi'i ngo

bor gyur pa'i rdo rje lta bu'i ting nge 'dzin thob pa tsam ni
yod de/ bsam gtan gyi dngos gzhi'i ngo bor gyur pa'i de thob pa
na gzugs med dang po gsum gyi ngo bor gyur pa'i rdo rje lta bu'i
ting nge 'dzin ma 'ongs pa mi skye ba'i chos can thob pa'i
phyir/ des na gzugs med kyi dngos gzhi'i ngo bor gyur pa'i srid
nyon dgu pa'i bar

chad med lam yod par gsungs pa ni/ 'dod gzugs kyi rten can phal
che ba'i dbang du byas na ma 'ongs pa thob pa la dgongs pa dang/
gzugs med kyi rten can gyi dbang du byas na mngon 'gyur ba yang
yod pa dmigs bsal la dgongs pa yin la/ bsam gtan gyi dngos gzhi
thob nas lam dka' ba gzugs

@50a @#/ /med la mi brten par gsungs pa ni/ spyir btang gtso che
ba 'dod gzugs kyi rten can gyi dbang du mdzad pa yin zhes brjod
na 'gal 'du'i khur 'dzin mi dgos sam snyam ste 'on kyang dpyad
par mdzod cig/ de la kho na re/ 'o na bsam gtan gyi dngos gzhi
thob nas lam sla ba bsam gtan

gyi dngos gzhi la ma brten par lam dka' ba gzugs med la brten pa
yod par thal/ gzugs med kyi rten can gyi phyir mi 'ong yin na
bsam gtan gyi dngos gzhi zag med thob pas khyab pa gang zhig
/des gzugs med kyi dngos gzhi zag med la brten nas nyon mongs
spong bar byed pa'i phyir/ zer na/ dmigs

bsal la bsam nas 'dod ces bya'o/ /gzhan yang bsam gtan gyi dngos
gzhi thob nas nyer bsdogs la mi brten par gsungs pa yang nyer
bsdogs zag med dang/ zag bcas rang sa'i nyer bsdogs kyi dbang du
byas pa yin gyi/ gong sa'i nyer bsdogs la ma nges te/ bsam gtan
dang po'i dngos gzhi thob

pa'i phyir mi 'ong gis bsam gtan gnyis pa'i nyer bsdogs 'jig
rten pa'i lam la brten nas bsam gtan dang po'i nyon mongs spong
ba yod pa'i phyir ro// ! blo rtul mngon shes bul ba ste/ /zhes
sogs kyi skabs su/ mngon shes bul la dka' ba'i lam sogs bzhi
gsungs pa ni/ dbang rnon gyis bsam

gtan gyi dngos gzhi las gzhan pa'i sa gzhan la brten pa ni lam
dka' la mngon shes myur ba dang/ dbang rtul gyis bsam gtan gyi
dngos gzhi la brten pa ni lam sla la mngon shes bul ba dang/
dbang rnon gyis bsam gtan gyi dngos gzhi la brten pa ni lam sla
la mngon shes kyang myur ba dang/ dbang

rtul gyis sa gzhan la brten pa ni lam dka' la mngon shes kyang
bul ba'o// ! zad dang mi skye shes pa ni/ /zhes sogs kyi skabs
su/ zad pa shes pa dang mi skye ba shes pa la ni byang chub ces
bya la/ de la gang zag gi sgo nas dbye na theg pa gsum gyi byang
chub gsum mo/ /byang chub de dag dang rjes su

mthun pa la ni byang chub kyi phyogs dang mthun pa'i chos zhes
bya ste/ de la ni dran pa nyer bzhag bzhi la sogs pa sum cu rtsa
bdun no/ /de dag kyang ming gi sgo nas dbye ba yin gyi rdzas kyi
sgo nas bsdu na bcu'am/ bye brag smra ba ltar na bcu gcig tu
'du'o/ /bcur 'du tshul ji ltar zhe na/ dad dang brtson 'grus dran

@50b pa dang/ shes rab ting 'dzin btang snyoms dga'/ /rtog dang
tshul khrims shin tu sbyangs/ /zhes pa bcur 'du ste/ 'phags lam
yan lag brgyad kyi yang dag pa'i lta ba dang byang chub yan lag
bdun gyi rab tu rnam 'byed yang dag byang chub kyi yan lag dang/
shes rab kyi dbang stobs gnyis dang/ dran pa nyer

bzhag bzhi ste brgyad ni shes rab kyi rdzas su 'du/ yang dag
spong ba bzhi dang/ brtson 'grus kyi dbang stobs gnyis/ brtson
'grus yang dag byang chub kyi yan lag dang/ 'phags lam yan lag
gi yang dag pa'i rtsol ba dang brgyad brtson 'grus kyi rdzas su
'du/ yang dag pa'i dran pa dang/ dran pa yang dag byang

chub kyi yan lag dang/ dran pa'i dbang stobs bzhi dran pa'i
rdzas dang/ yang dag pa'i ting nge 'dzin dang/ ting nge 'dzin
yang dag byang chub kyi yan lag dang/ rdzu 'phrul gyi rkang pa
bzhi/ ting nge 'dzin gyi dbang stobs gnyis te brgyad ting nge
'dzin gyi rdzas dang/ dad pa'i dbang stobs gnyis dad pa'i rdzas
dang/ yang

dag pa'i ngag dang/ las kyi mtha' dang/ yang dag pa'i 'tsho ba
gsum tshul khrims kyi rdzas dang/ btang snyoms dang/ dga' ba
dang/ shin tu sbyangs pa yang dag rnams dang/ yang dag pa'i rtog
pa rnams rdzas re re ste bcu'o/ /bye brag smra bas tshul khrims
kyi yan lag gsum la lus ngag gi rdzas tha dad pa

gnyis su phye bas bcu gcig tu 'dod do// ! gtso bo smos pa de dag
ni/ /zhes sogs kyis gong du dran pa nyer bzhag shes rab tu bsdu
tshul sogs de dag ni byang chub kyi phyogs kyi chos gtso che ba
rnams kyi bsdu tshul yin gyi/ gzhan du na skyes thob las gzhan
pa'i sbyor byung gyi yon tan thos bsam sgom gsum zag

bcas zag med sogs dang/ de dag gi mtshan nyid dang/ thob pa dang/
mnyam bzhag rig byed ma yin pa sogs kyang dran pa nyer bzhag
sogs ci rigs par dngos dang rjes 'brang gi sgo nas 'dus so/
/byang chub phyogs kyi chos sum cu rtsa bdun po re re'i ming
dang/ ngo bo ngos 'dzin sogs grub mtha' gong 'og

kun gyi gzung du grags pas na mang bas 'jigs pas 'dir re re nas
ma bkod de/ zhib par shes 'dod na 'grel pa sogs su blta'o/
/gzhan yang byang chub yang lag bdun po de rang bzhin gyi yang
lag sogs lngar 'jog tshul dang/ 'phags lam yan lag brgyad yan lag
bzhir bsdu tshul sogs kyang gzhan las

@51a @#/ /shes so/ /rdzu 'phrul gyi rkang pa bzhi 'jog tshul la
bye smra gzhan dag 'ga' zhig gis rdzu 'phrul ting nge 'dzin la
byas nas rkang pa ni 'dun pa dang/ sems dang/ brtson 'grus
dang/ dpyod pa bzhir 'dod pa ni skabs 'dir rang lugs su mi
'dod do// ! sde tshan bdun

ni go rim bzhin/ /zhes sogs kyi skab-su/ byang phyogs so bdun
la sde tshan gyi sgo nas bdun yod pa de dag gnas skabs de dang
der gtso che ba'i dbang du byas nas/ las dang po pa tshogs lam
gyi gnas skab-su dran pa nyer bzhag bzhi/ sbyor lam drod kyi
gnas skab-su yang dag spong ba bzhi/ rtse mo'i skab-su rdzu

'phrul gyi rkang pa bzhi/ bzod pa'i skab-su dad sogs dbang po
lnga/ chos mchog gi skab-su stobs lnga/ mthong lam gyi skabs
su 'phags lam yan lag brgyad/ sgom lam gyi skab-su byang chub
yan lag bdun rnams 'jog la/ de yang gnas skabs kyi gtso bo'i
dbang du byas pa las lam de dang de dag tu

nges pa ni ma yin te 'og nas rim par shes par 'gyur ro// !
byang chub yan lag lam yan lag /zag pa med gzhan rnam gnyis
so/ /zhes sogs kyi skab-su sde tshan de dag las byang chub yan
lag bdun dang/ 'phags lam yan lag brgyad ni mthong sgom mi
slob lam gsum gyis bsdus pas mtha'

gcig tu zag med yin cing/ de las gzhan pa rnams la ni zag bcas
zag med gnyis ka yod de/ so skye'i rgyud la yod pa rnams zag
bcas dang/ 'phags rgyud la yod pa lam gsum gyis bsdus pa rnams
zag med yin pa'i phyir ro/ /yang/ byang phyogs so bdun pa de
la bsam gtan dang po'i dngos

gzhis bsdus pa ni thams cad yod la/ nyer bsdogs mi lcogs med
kyi sas bsdus pa ni dga' ba yang dag byang chub kyi yan lag ma
gtogs lhag ma thams cad yod/ dga' ba yang dag med de dga' ba
ni yid bde yin la/ nyer bsdogs kyi tshor ba la btang snyoms
kyis khyab pa'i phyir/ bsam gtan

gnyis pa'i sas bsdus pa ni yang dag pa'i rtog pa ma gtogs
thams cad yod/ rtog pa ni med de/ de rtog med dpyod med kyis
pa yin pa'i phyir/ bsam gtan gsum pa dang bzhi pa'i sas bsdus
pa ni dga' ba dang rtog pa gnyis ma gtogs pa'i sum cu rtsa
lnga yod/ dga' rtog gnyis ni med de/

@51b yid bde med pa'i phyir dang/ rtog med dpyod med kyis pa
yin pa'i phyir/ bsam gtan dang po'i dngos gzhi khyad par can
na yang de gnyis ma gtogs pa thams cad yod/ gzugs med dang po
gsum gyis bsdus pa yang dga' rtog gnyis dang/ tshul khrims kyi
yan lag gsum ma gtogs pa

thams cad yod/ tshul khrims kyi yan lag gsum med de/ de gsum
lus ngag gi las gzugs can pa yin pa'i phyir/ byang chub yan
lag bdun dang 'phags lam yan lag brgyad ma gtogs pa'i lhag ma
nyi shu rtsa gnyis la ni 'dod pa'i sas bsdus dang srid rtse'i
sas bsdus kyang yod

do/ /de la kho na re/ gzugs med kyi sas bsdus pa'i dran pa
nyer bzhag bzhi med par thal/ lus dran pa nyer bzhag med pa'i
phyir/ der thal/ lus dran pa nyer bzhag ni lus la dmigs dgos
pa la rang sa na lus med pa'i phyir dang/ gzugs med kyi dngos
gzhis 'og sa'i zag bcas la

mi dmigs pa'i phyir/ zer na/ rang sa na gzugs med kyang nam
mkha'i nyer bsdogs kyi ngo bor gyur pa'i dran pa nyer bzhag
gis 'og sa bsam gtan bzhi pa'i gzugs zag bcas la dmigs pa'i
phyir dang/ gzugs med dang po gsum gyi dngos gzhi zag bcas
dang zag med rnams kyis 'og

sa'i zag bcas la mi dmigs kyang bsam gtan sa drug la brten
pa'i zag med kyi sdom pa la dmigs pa'i phyir dang/ srid rtse'i
shes rab zag bcas kyis kyang zag med kyi sdom pa la dmigs pa'i
phyir zhes 'dod do/ /'on kyang de dag gi dmigs yul du gyur
pa'i zag med kyi sdom pa zhig yod par 'dod

na ni/ gang zag su'i rgyud la yod 'jog dka' bar snang bas/ des
na gzugs med kyi dngos gzhi'i dmigs yul du gyur pa'i zag med
kyi sdom pa yod par thal/ des zag med kyi sdom pa la dmigs
pa'i phyir/ zer na/ ma khyab ste/ des zag med kyi sdom pa spyi
tsam pa de la dmigs pa yin

zhes brjod dgos te grub mtha'i 'dod tshul gyi dbang gis so/
/yang/ kho na re/ khams gong ma gnyis na mi dge ba med pa'i
phyir/ mi dge ba skyes pa spong ba dang/ ma skyes pa mi bskyed
pa sogs kyi yang dag spong ba ji ltar 'jog ce na/ mi dge ba
dngos gnas pa med kyang/ gong ma'i nyon mongs

@52a @#/ /pa dang snyoms 'jug gi sgrib pa sogs don dam pa'i mi
dge ba yin pas/ de dag skyes pa spong ba sogs kyi sgo nas 'jog
go/ des na khams gong ma na mi dge ba skyes ba spong ba sogs
kyi yang dag spong ba med par thal/ de na mi dge ba skyes pa
med pa'i phyir zer na yang ma khyab

zhes brjod pa las 'os med do// ! bden gsum mthong na tshul
khrims dang/ /zhes sogs kyi skab-su/ mdo las/ sangs rgyas
dang chos dang dge 'dun la shes nas dang po thob pa dang/
'phags pa dgyes pa'i tshul khrims thob pa zhes shes nas dang po
thob tshul bzhi gsungs pa'i nang nas dang

por ches la shes nas dad pa dang 'phags pa dgyes pa'i tshul
khrims gnyis thob ste/ de yang bden pa dang po gnyis kyi don
bdag med pa'i de kho na nyid dang 'gog bden ni chos kyi mchog
yin pas/ bden pa dang po gsum ci rigs pa'i don mngon sum du
rtogs pa na bden pa'i don la yid ches

pa'i dad pa 'byung bas chos la shes nas dad pa thob pa yin la/
de dang dus mnyam du zag med kyi spong ba bdun yang thob pas
'phags pa dgyes pa'i tshul khrims yang thob pa ste/ 'phags pa
dgyes pa'i tshul khrims ni zag med kyi sdom pa nyid las gzhan
du med pa'i phyir ro/ /lam bden

mngon sum du rtogs pa'i tshe lam bden la dmigs pa'i chos la
shes nas dad pa thob pa ma zad/ mi slob pa dang slob pa'i lam
bden rnams sangs rgyas dang dge 'dun du byed pa'i chos yin pas
na/ sangs rgyas dang de'i nyan thos kyi dge 'dun la yang shes
nas dad pa thob pa

yin no/ /des na bden pa dang po gsum mngon sum du rtogs ma
thag pa'i tshe tshul khrims dang chos la shes nas dad pa thob
kyang sangs rgyas dang dge 'dun la shes nas dad pa ma thob la/
lam bden mngon sum du rtogs pa nas shes nas dad pa bzhi char
thob pa yin no/ /skabs

'dir zag med kyi tshul khrims thob pa de shes nas dad pa thob
pa'i grangs su mdzad pa ni/ sems dang ba'i stobs kyis tshul
khrims kyang dag par 'gyur ba'i phyir rgyu ming 'bras la btags
pa las dad pa dngos ni ma yin pas shes nas dad pa bzhi po gang
rung yin na dad pa yin pas

@52b ma khyab bo// ! chos bden gsum dang rang sangs rgyas/
/zhes sogs kyis skab-su/ 'o na/ spyir chos dkon mchog ni slob
mi slob kyi lam bden rnams la byed pa ma yin nam/ de yin na
bden pa dang po mngon sum du mthong ba tsam gyis chos la shes
nas dad pa thob par mi 'gyur ro/ /zhe na/ skabs

'di'i dngos bstan gyi chos ni/ rang sangs rgyas dang/ byang
chub sems dpa'i lam bden sogs kyang yin par ma zad/ bden pa
dang po gnyis kyi de kho na nyid dang/ 'gog bden dang bcas pa
la yang 'jog pas bden bzhi gang rung gi gnas lugs mngon sum du
rtogs pa nas chos la

shes nas dad pa thob par 'jog go/ shes nas dad pa bzhi po de
dag kyang yul dkon mchog gsum gyi bye brag gis ming gi sgo nas
bzhir phye ba ma gtogs rdzas kyi sgo nas gnyis yin te/ dad pa
gsum dad pa'i rdzas su gcig cing/ zag med kyi tshul khrims ni
tshul khrims kyi rang bzhin

no/ /dad pa dang tshul khrims de dag kyang zag med kho na yin
gyi/ zag bcas ni ma yin te/ zag pa'i gnyen po yin pa'i phyir/
'o na/ gong gi thob tshul de ltar na chos la shes nas dad pa
dang por smos dgos pa la/ mdo las/ sangs rgyas la shes nas dad
pa dang por smos pa'i rgyu

mtshan ci zhe na/ de ni ting nge 'dzin las langs rjes su yid la
mngon du byed pa'i go rim ltar bkod pa ste/ kye ma bcom ldan
'das ni yang dag par rdzogs pa'i sangs rgyas yin no/ /de'i
chos 'dul ba ni legs par gsungs pa yin no/ /de'i nyan thos kyi
dge 'dun ni legs par zhugs pa

yin no/ /zhes sogs sems pa'i go rim dang mthun par mdzad pa
yin zhes gsungs so/ /shes nas dad pa thob pa zhes pa'i don ni/
tshig rjes 'brang ba'i dad pa lta bu ma yin par/ dad pa'i yul
gyi yon tan yongs su shes pa'i sgo nas yid ches kyi dad pa
brtan por thob pa'i don

no// ! bcings phyir slob pa'i yan lag tu/ /zhes sogs kyi skabs
su/ 'o na/ mdo las/ slob pa ni slob pa'i yang dag pa'i lta ba
nas yang dag pa'i ting nge 'dzin gyi bar yan lag brgyad dang
ldan no/ /mi slob pa ni mi slob pa'i yang dag pa'i lta ba nas
ting nge 'dzin gyi bar brgyad dang/

@53a @#/ /mi slob pa'i yang dag pa'i rnam par grol ba dang/
yang dag pa'i shes pa ste yan lag bcu dang ldan no/ /zhes
gsungs na/ slob pa la yang dag pa'i rnam grol dang/ yang dag
pa'i shes pa mi 'jog pa'i rgyu mtshan ci zhe na/ yang dag pa'i
rnam grol dang

shes pa de gnyis ni nyon mongs pa'i 'ching ba las gtan du grol
ba dang/ grol ba de so so rang gis shes pa gnyis kyi sgo nas
'jog dgos la/ slob pa rnams ni nyon mongs pas bcings pa mtha'
dag las ma grol ba'i phyir slob pa'i yan lag tu de gnyis ma
gsungs so/ /mi slob pa'i

rnam grol de la yang/ 'dus ma byas dang/ 'dus byas gnyis te/
nyon mongs bcom pa'i so sor brtags 'gog ni rnam grol 'dus ma
byas dang/ rnam par grol ba la der nges pa'i mi slob pa'i mos
pa ni rnam grol 'dus byas so/ /de gnyis las skabs 'dir mi slob
pa'i yan lag tu

gsungs pa'i rnam grol ni rnam grol 'dus byas mos pa nyid yin
la/ de ni zag pa med pa'i tshul khrims kyi phung po la sogs pa
lnga'i nang gi rnam par grol ba'i phung po'ang yin no/ /zhes
bye brag smra ba 'dod la/ slob dpon nyid kyi bzhed pa ni mos
pa 'ba' zhig rnam grol ma yin te/ sems rnam

par grol ba dang/ shes rab rnam par grol ba dang/ mi slob pa'i
rgyud kyi zag med kyi 'dun pa dang brtson 'grus sogs sems dang
sems byung gzhan dag kyang yod par bzhed do/ /de la kho na re/
'dus byas dang 'dus ma byas kyi rnam grol gnyis po de mi slob
pa kho na'i dbang du byas nas bshad pa

mi 'thad par thal/ gong du dge sbyong gi tshul gyi 'bras bu la
bshad pa'i rnam grol lam brgyad cu rtsa dgu po de 'dus byas
rnam grol dang/ 'gog bden brgyad cu rtsa dgu po de 'dus ma
byas rnam grol yin pa'i phyir zer na rtags ma grub ste/ 'dus
ma byas rnam grol de khams gsum gyi

nyon mongs pa'i 'ching ba las grol ba'i so sor brtags 'gog
dang/ 'dus byas rnam grol de nyid nyon mongs pa'i 'ching ba
las grol ba shes pa'i zad pa shes pa la byed pa'i phyir/ zer
ba la kho na re/ 'o na zag med kyi phung po lnga po de mi slob
pa'i rgyud kyis bsdus pa yin par thal/ zag med

@53b kyi phung po phyi ma gnyis po de mi slob pa'i rgyud kyis
bsdus pa yin pa'i phyir zer na ma khyab te/ zag med kyi phung
po dang po gsum po de slob pa'i rgyud la yod pa'i phyir te/
slob pa'i rgyud kyi 'phags lam yan lag brgyad po de zag med
kyi phung po dang po gsum du 'du ba'i phyir ro/ /yang kho na
re/ yang dag pa'i shes

pa de yan lag bcu par byed pa mi 'thad de/ de yang dag pa'i
lta ba'i nang du 'dus pa'i phyir ro/ /zhe na ma yin te/ yang
dag pa'i rnam grol dang/ yang dag pa'i shes pa gnyis ni/ sngar
byang chub tu ji skad bshad pa'i zad pa dang mi skye ba shes
pa nyid la byed pa yin la/ de ni lta ba ma yin te/ /zad dang
mi

skye'i blo lta min/ /zhes 'chad par 'gyur ba'i phyir dang/
yang dag pa'i shes pa de ni zag med kyi phung po'i nang nas
rnam par grol ba'i ye shes gzigs pa'i phung por gsungs pa'i
phyir ro// ! mi slob sems ni skye 'gyur ba/ /zhes sogs kyi
skab-su/ 'o na/ sems rnam par grol ba zhes bshad na/ sems

'das pa dang/ da ltar ba dang/ ma 'ongs pa gang rnam par grol
bar 'gyur zhe na/ de ni nyon mongs pa'i sgrib pa'i thob pa la
ltos te mi slob pa'i sems skye bar 'gyur ba ma 'ongs pa de
nyon sgrib las rnam par grol bar 'gyur ba yin gyi/ nyon sgrib
kyi thob pa la ltos pa'i 'das pa'i gnas skab-su

ni nyon sgrib yod pa'i phyir dang/ de la ltos pa'i da ltar
ba'i gnas skab-su ni nyon mongs pa'i sgrib pa'i dngos gnyen
rdo rje lta bu'i ting nge 'dzin dang/ nyon sgrib kyi thob pa
dus mnyam du ldan pa'i phyir dang/ de'i rjes thogs de ma thag
tu nyon mongs pa'i sgrib pa las rnam par grol ba'i sems skye
ba'i

phyir/ 'di yang bye brag smra bas kun brtags yin te/ de'i bsam
don ni/ sgom lam pa'i rgyud la mi slob pa'i sems skye ba la
mngon du phyogs pa de nyon sgrib las rnam par grol bar 'gyur
ba yin/ zhes dang/ de da ltar ba'i ngo bor skyes pa de nyon
sgrib las rnam par grol ba yin zhes khyad par

'byed par snang la/ de lta na mi slob pa'i sems skye ba la
mngon du phyogs pa de sems zhig min na ni/ sems gang nyon
sgrib las rnam par grol bar 'gyur ba yin/ zhes pa'i mtshan
gzhir 'jog tu mi rung la/ sems zhig yin na ni de slob pa'i
sems su 'jog pa las mi slob pa'i

@54a @#/ /sems su 'jog mi shes te/ de'i tshe mi slob pa'i sems
ma thob pa'i phyir/ de la kho na re/ mi slob pa'i sems skye
bar 'gyur ba ma 'ongs pa de la slob sems dang mi slob pa'i
sems gnyis ka yod par thal/ de la slob sems yod pa gang zhig
/mi slob

pa'i sems yod pa'i phyir zer na rtags dang po ma grub ste/ mi
slob pa'i sems skye 'gyur ma 'ongs pa de mi slob pa'i sems ma
'ongs pa skye ba'i chos can la byed pa'i phyir/ byas pa la kho
na re/ mi slob pa'i sems skye 'gyur ma 'ongs pa de la slob
sems yod par thal/ nyon sgrib kyi thob pa la ltos te

mi slob pa'i sems skye 'gyur ma 'ongs pa slob sems yin pa'i
phyir zer na ma khyab/ ma grub na der thal/ de nyon sgrib las
grol ba la mngon du phyogs pa'i slob pa rdo rje lta bu'i ting
nge 'dzin gyi sems yin pa'i phyir te/ mi slob sems ni skye
'gyur ba/ /sgrib pa las ni rnam grol 'gyur/ zhes gsungs

pa'i phyir/ yang kho na re/ sgom lam rdo rje lta bu'i ting nge
'dzin pa ba'i rgyud kyi nyon sgrib kyi thob pa la ltos te mi
slob pa'i sems skye 'gyur ma 'ongs pa de chos can/ ma 'ongs pa
yin par thal/ nyon sgrib kyi thob pa la ltos te mi slob pa'i
sems skye 'gyur ma 'ongs pa yin pa'i phyir zer na ma

khyab/ 'dod mi nus te/ da ltar ba yin pa'i phyir te/ nyon
sgrib dngos su spong byed kyi lam 'gag pa la mngon du phyogs
pa'i da ltar ba yin pa'i phyir te/ 'gag par 'gyur ba'i lam
gyis ni/ /de de'i sgrib pa rab tu spong/ zhes gsungs pa'i
phyir/ 'o na/ de la ma 'ongs pa'i tha snyad mi

thob par thal/ de da ltar ba yin pa'i phyir/ 'dod na/ de la ma
'ongs pa'i tha snyad thob par thal/ de la mi slob pa'i sems
skye 'gyur ma 'ongs pa'i tha snyad thob pa'i phyir te/ de la
nyon sgrib kyi thob pa la ltos te mi slob pa'i sems skye 'gyur
ma 'ongs pa'i tha snyad thob pa'i phyir zer na ma khyab bo// !
'gag

par 'gyur ba'i lam gyis ni/ /zhes sogs kyi skab-su/ 'o na lam
'das pa dang/ da ltar ba dang/ ma 'ongs pa gang gis sgrib pa
dngos su spong bar byed ce na/ 'gags pa la mngon du phyogs pa
da lta ba'i lam gyis sgrib pa dngos su spong bar byed do zhes
pa'o// ! 'dus ma byas nyid khams zhes bya/

@54b zhes sogs kyi skab-su/ mdo dang bstan bcos las spangs
pa'i khams dang/ 'dod chags dang bral ba'i khams dang/ 'gog
pa'i khams zhes gsum bshad na/ de dag gi khyad par ji ltar zhe
na/ de ni gong du rnam grol 'dus ma byas su bshad pa de nyid
la spang bya spangs tshul gyi sgo nas ming so sor

btags pa las don gcig nyid de/ 'dus ma byas rnam grol de khams
gsum gyi 'dod chags ma lus pa zad cing spangs pa'i cha nas
'dod chags dang bral ba'i khams dang/ zhe sdang sogs 'dod
chags las gzhan pa'i nyon mongs pa mtha' dag kyang spangs pa'i
cha nas spangs pa'i khams dang/ nyon

mongs pa'i gzhi yang dag par zad pa'i cha nas 'gog pa'i khams
su bzhag pa yin la/ 'di'i dngos bstan gyi nyon mongs pa'i gzhi
zhes pa ni nyon mongs pa'i yul dang rgyu la byed pa ste/ de
dag 'dun pa la 'dod chags dang bral ba'i sgo nas spangs pa la
de ltar bshad do/ /de ltar yin kyang 'dus ma byas rnam

grol de nyid khams gsum gyi nyon mongs rnams spangs pa'i 'dod
chags dang bral ba'i khams sogs ni min te/ khams gsum gyi nyon
mongs spangs pa'i spangs pa rnams rdzas so so ba yin pa gang
zhig /nang gses khams re re'i nyon mongs de dang de spangs
pa'i spangs pa yang rdzas so so ba yin pa'i

phyir te/ so sor brtags pa'i 'gog pa gang/ bral ba'o so so so
so yin/ /zhes gsungs pa'i phyir/ byas pa la kho na re/ gong du
bshad pa'i 'dus ma byas rnam grol de nyid chos can/ khyod la
khams gsum gyi 'dod chags ma lus pa zad pa'i cha nas 'dod
chags dang bral ba'i khams sogs su

bshad pa mi 'thad par thal/ khyod khams gsum gyi 'dod chags
zad par spangs pa'i 'dod chags dang bral ba'i khams sogs ma
yin pa'i phyir zer na ma khyab ste/ des khams gsum gyi chags
sogs nyon mongs rnams zad par spangs kyang/ de de dag spangs
pa'i spangs pa ma yin te/ de dag

spangs pa'i 'gog bden gyi yin pa 'jog mi rigs pa'i phyir/ de
la kho na re/ khams gsum gyi nyon mongs spangs pa'i spangs pa
dang ldan pa'i gang zag yin pa med par thal/ de 'dra'i spangs
pa yin pa med pa'i phyir zer na ma khyab ste/ spang bya cig
car ba'i dgra bcom la khams gsum gyi nyon

@55a @#/ /mongs spangs pa'i spangs pa dang ldan pa'i gang zag
yin pas khyab pa'i phyir te/ de la khams gsum gyi nyon mongs
chung ngu'i chung ngu dgu spangs pa'i spangs pa dang ldan pas
khyab pa'i phyir/ kho na re/ 'o na/ spang bya rim gyis pa'i
dgra bcom la khams gsum gyi

nyon mongs spangs pa'i spangs pa dang mi ldan pas khyab par
thal/ khyod kyis spangs bya cig car ba zhes zhib cha byas pa
la dgos pa yod pa'i phyir zer na/ 'dod pa yin te/ spang bya
rim gyis pa'i phyir mi 'ong 'bras gnas khyad par can gyi rgyud
kyi 'dod nyon dang po spangs pa nas srid nyon brgyad pa

spangs pa'i bar gyi spangs pa dang/ spangs pa de dag gi thob
pa zag med dang bcas pa phyir mi 'ong gi 'bras bus bsdus pa
yin pas/ de dag dgra bcom thob pa'i tshe nges par btang dgos
pa'i phyir te/ khams las 'dod chags bral ba dang/ /'bras bu
thob phyir de dag sdoms/ /zhes dang/ gzhan thob pa

dang zad sdoms dang/ zhes sogs kyi don grub pa'i phyir/ 'o na/
spang bya rim gyis pa'i phyir mi 'ong gi rgyud kyi 'dod nyon
dang po spangs pa'i spangs pa nas bzhi pa'i nyon mongs brgyad
pa spangs pa'i bar gyi spangs pa rnams kyang dgra bcom thob
pa'i tshe cig car du btang bar thal lo zer na/ 'dod byas pa la
kho na re/

de ltar ma yin par thal/ de'i rgyud kyi 'dod nyon dang po
spangs pa'i spangs pa nas bzhi pa'i nyon mongs brgyad pa
spangs pa'i bar gyi spangs pa rnams gzugs kyi zag pa zad pa'i
yongs shes thob pa na btang dgos pa'i phyir te/ khams las 'dod
chags bral ba dang/ /zhes gsungs pa'i phyir zer na ma khyab
ste/

de'i tshe 'bras bu gsar thob ma tshang bas yongs shes sdoms mi
nus pa'i phyir/ de la kho na re/ 'bras bu dang po gnyis gsar
du thob pa'i tshe de gnyis kyi ngo bor yongs shes dang po drug
kyang sdoms par thal/ 'bras bu thob phyir de dag sdoms/ /zhes
gsungs pa'i phyir/ khyab pa 'grig /'dod na mi

'thad par thal/ de'i tshe khams las 'dod chags bral ba ma tshang
bas yongs shes sdoms mi nus pa'i phyir/ de bzhin du zhugs pa
dang po gnyis kyis 'bras bu gsar du thob pa'i tshe mthong spang
spangs pa'i spangs pa sdoms kyang yongs shes ma sdoms la slar
phyir mi 'ong gi 'bras bu thob pa'i tshe yongs

@55b shes dang po drug dang 'dod nyon brgyad pa man chad
spangs pa'i spangs pa yang de'i ngo bor sdoms pa yin no/ /yang
kho na re/ dgra bcom thob kha ma'i gang zag yin na spangs pa
rdzas tha dad pa bdun cu don gnyis gtong kha ma'i gang zag yin
pas khyab par thal lo zer na/ mthong lam gyi snga rol tu nyon
mongs

gang la chags bral byas pa'i spangs pa rnams ni mthong lam gyi
tshe zag med kyi lam gyis thob pa'i spangs pa rnams dang bsres
nas bcu drug pa lam rjes shes thob pa'i tshe 'bras bu de dang
de'i ngo bor sdoms nas thob pas/ de dang de'i ngo bor bsdoms
zin pa rnams ni dgra bcom thob pa'i tshe gsar du btang ba'i tha
snyad mi

byed do/ /de yang spang bya rim gyis pa'i dbang du byas pa yin
gyi/ spang bya cig car bas dgra bcom thob pa'i tshe spangs pa
rdzas tha dad pa don gnyis cig car du btang ba yin no/ /yang
kho na re/ khams gsum gyi nyon mongs spangs pa'i rnam grol lam
rnams rdzas tha dad yin par thal/ khams gsum gyi nyon mongs

spangs pa'i spangs pa rnams rdzas tha dad yin pa'i phyir zer
na/ 'dod pa yin te/ mthong spang spangs pa'i shes pa brgyad
rdzas tha dad yin pa nas/ sgom spang spangs pa'i rnam grol lam
dgu tshan dgu po de ni chung 'bring che sogs kyi sgo nas dbye
bas rdzas tha dad pa nges par yin no/ /de la kho na re/ mthong
lam

sdug bsngal chos shes chos can/ mthong spang spangs pa'i rnam
grol lam yin par thal/ de spangs pa'i rnam grol lam brgyad po
gang rung yin pa'i phyir zer na ma khyab ces bya la/ de bzhin
du sgom spang spangs pa'i rnam grol lam dang po rnams la yang
mtshungs so/ /yang kho na re/ dgra bcom pa chos can/ nyon

mongs pa'i gzhi yang dag par zad pa dang ldan par thal/ nyon
mongs pa'i gzhi yang dag par zad pa'i cha nas 'gog pa'i khams
su bzhag pa de dang ldan pa'i phyir/ 'dod na/ de dang mi ldan
par thal/ 'di'i dngos bstan gyi nyon mongs pa'i gzhi ni nyon
mongs pa'i yul dang rgyu la byed pa gang zhig /gang zag yin na

de gnyis char dang ldan pas khyab pa'i phyir zer na ma khyab
bo/ /'di dag kyang grub mtha'i khas len dang bstun na 'di ltar
smra dgos sam snyam yang dpyad par bya'o// ! sdug bsngal rgyu
bzod shes rnams kyis/ /zhes pa nas/ de lta na ni mu bzhi srid/
/ces pa'i bar gyis lam gang gis yul gang la yid

@56a @#/ /'byung bar byed pa dang/ 'dod chags dang bral bar
byed tshul ji ltar zhe na/ sdug kun la dmigs pa'i bzod pa dang
shes pa gang yin pa rnams ni yid 'byung bar byed pa yin te/
yul sdug kun gnyis ni zag bcas yid 'byung bya'i dngos po yin
pa'i phyir/ mthong lam bzod pa dang

sgom lam shes pa gang yin yang rung ste rang gi ngos skal gyi
spang bya dngos su spong byed kyi bar chad med lam gang yin pa
thams cad ni bden pa bzhi po gang la dmigs kyang rang rang gi
spang bya'i 'dod chags dang bral byed kho na yin la/ de lta na
yid 'byung ba dang rang gi spang bya'i 'dod chags dang bral
bar

byed pa la mu bzhi srid de/ yid 'byung byed yin la rang gi
spang bya'i 'dod chags dang bral byed ma yin pa ni/ spong lam
bar chad med lam las gzhan ba'i sbyor ba dang/ rnam grol dang/
khyad par can gyi lam sdug kun la dmigs pa rnams dang/ chags
bral sngon song gi phyir mi 'ong zhugs pa'i

rgyud kyi 'dod pa'i sdug kun la dmigs pa'i chos bzod gnyis lta
bu ste/ de dag yul sdug kun la dmigs pas yid 'byung byed ni yin
la/ rang gi ngos skal gyi 'dod chags dang bral byed ni ma yin
te/ sbyor ba'i lam sogs gsum ni spong lam bar chad med lam ma
yin pa'i phyir dang/ phyi ma gnyis par

chad med lam yin kyang rang gi ngos skal gyi 'dod nyon mthong
lam gyi snga rol nas spangs zin pa'i phyir/ rang gi spang
bya'i 'dod chags dang bral byed yin la yid 'byung byed ma yin
pa ni/ chags bral sngon song gi phyir mi 'ong zhugs pa'i 'gog
lam chos bzod gnyis las gzhan pa'i 'gog lam la

dmigs nas rang gi spang bya dngos su spong byed kyi bar chad
med lam thams cad de/ de dag rang rang gi spang bya'i 'dod
chags dang 'brel byed ni yin la/ yid 'byung byed ni ma yin te/
yul 'gog lam gnyis mchog tu dga' ba'i gnas yin pa las skyo
ba'i gnas ma yin pa'i phyir/ chags bral sngon

song gi phyir mi 'ong zhugs pa'i 'gog lam chos bzod gnyis ni
rang gi spang bya'i 'dod chags dang bral byed ma yin pa snga
ma dang mtshungs so/ /gnyis ka yin pa ni/ chags bral sngon song
gi phyir mi 'ong zhugs pa'i rgyud kyi sdug kun chos bzod gnyis
las gzhan pa'i sdug kun la dmigs pa'i rjes

@56b bzod sogs bden pa de gnyis la dmigs pa'i bar chad med lam
thams cad de/ yid 'byung ba'i dngos po la dmigs pa'i phyir
dang/ rang gi ngos skal gyi nyon mongs dngos su spong byed yin
pa'i phyir/ gnyis ka ma yin pa ni 'gog lam la dmigs pa'i sbyor
ba dang/ rnam grol dang/ khyad

par can gyi lam rnams dang/ chags bral sngon song gi phyir mi
'ong zhugs pa'i rgyud kyi 'gog lam chos bzod la sogs pa ste/
rgyu mtshan gong du bkod pa rnams kyis shes so/ /'di dag gi tshe
yang yid 'byung byed dang/ rang gi spang bya'i 'dod chags dang
bral byed zhes sogs tshig skyon ma bcad na rtsod pa'i tshe

khas len 'dzin dka' bar 'ong ngo/ /de la kho na re/ 'gog lam
gnyis yid 'byung bya yin par thal/ lam bden yid 'byung bya yin
pa'i phyir/ der thal/ yid nges par 'byung bya yin pa'i phyir
te/ nges par 'byung bya yin pa'i phyir zer na ma khyab/ der
thal/ de dag nyid dus gtam gzhi dang/ /nges par 'byung

bcas gzhi dang bcas/ /zhes pa'i 'grel par/ lam bden kyang nges
par 'byung bya yin te/ lhag med kyi tshe dor bar bya ba yin
pa'i phyir/ zhes gsungs pa'i phyir/ tshogs sbyor mthong sgom mi
slob lam rnams dang/ /zhugs dang gnas pa'i khyad par la sogs
pa'i/ /tshig don mtha' dpyod gsal bar bkod

pa 'di/ /blo gsal thar 'dod 'jug pa'i lam du spel/ /chos mngon
pa mdzod kyi dgongs don gsal bar byed pa legs bshad nyin byed
dbang po'i snang ba las/ lam dang gang zag bstan pa zhes bya
ba gnas drug pa'i rnam par bshad pa'o// //