@#/ /chos mngon pa'i rdzod kyi dgongs don gsal bar byed pa'i legs
bshad nyin byed dbang po'i snang ba las 'jig rten bstan pa zhes
bya ba gnas gsum pa'i rnam par bshad pa bzhugs so/ /

@01a @##/ /gsum pa 'jig rten bstan pa'i gnas bshad pa la/ sems can
gyi 'jig rten dang/ sned kyi 'jig rten gnyis las/ dang po ni/
dmyal ba yi dwags dud 'gro dang/ /zhes sogs kyis bstan pa ste/
de yang 'dod khams dang/ gzugs

khams dang/ gzugs med khams gsum las/ dmyal ba yi dwags dud
'gro/ mi dang/ 'dod lha ris drug po rnams ni snod dang bcas pa
'dod pa'i khams yin la/ de la yang rgyas par dbye na dmyal ba la
tsha dmyal brgyad dang/ mi la gling bzhir dbye ba las

nyi shur 'gyur te/ dmyal ba pa brgyad dang/ yi dwags dud 'gro
ste ngan 'gro'i gnas bcu dang/ gling bzhi'i mi dang 'dod lha ris
drug ste mtho ris kyi gnas bcu yod pa'i phyir/ grang dmyal
brgyad dang/ nye 'khor ba dang/ nyi tshe ba'i dmyal ba rnams ni
tsha dmyal gyi

'khor du gtogs pa dang/ lha ma yin kyang yi dwags dud 'gro rnams
su 'du ba'i phyir 'dir logs su ma bgrang ngo/ /gzugs kyi khams
su ni gnas bcu bdun yod de/ bsam gtan dang po gsum so sor gsum
gsum te dgu dang/ bsam gtan bzhi pa la so

skye'i gnas gsum dang/ gnas gtsang ma 'am 'phags pa'i gnas lnga
ste brgyad yod la/ sdom pas bcu bdun ni/ /gzugs med khams na ni
snyoms 'jug gi bye brag las nam mkha' mtha' yas la sogs pa bzhi
yod kyang gnas gzhan tha dad pa ni med

de/ gzugs med pa'i phyir ro/ /'di dag nang bsres kyi dbye ba
dang/ ming dang/ sgra don sogs ni grags che ba ma zad/ 'grel pa
dang yig cha phal cher du gsal bar 'khod snang bas 'dir ma spros
so/ /'dir 'gro ba la dmyal ba/ yi dwags/ dud 'gro/ mi; lha ste

lngar phye ba'i khongs su 'gro ba mtha' dag 'dus par 'dod de/
lha ma yin ni shas che ba yi dags dud 'gro gang rung dang/ 'ga'
zhig lhar gtogs pa yod par bshad la/ klu dang nam mkha' lding
dang/ mi'am ci sogs dud 'gro dang/ sha za dang/ smyo byed sogs

@02a @#/ /yi dwags dang/ srin po ni mi dang/ gnod sbyin sogs ni
lhar gtogs pa'o/ /'gro ba de dag kyang ma bsgribs lung ma bstan
kho na yin pa las dge mi dge sogs su 'dod pa ni ma yin no/ /bar
srid pa ni 'gro bar ma gtogs te/ srid pa

bdun bstan pa'i mdo las/ srid pa bdun te/ dmyal ba'i srid pa
dang/ dud 'gro'i srid pa dang/ yi dwags kyi srid pa dang/ lha'i
srid pa dang/ mi'i srid pa dang/ las kyi srid pa dang/ srid pa
bar ma'o/ /zhes bar srid 'gro ba lnga las logs su gsungs pa'i
phyir ro/ /

dri za yang bar srid par gtogs so/ /'di'i las kyi srid pa zhes
pa ni 'gro ba de dag 'grub byed kyi rgyu'am las la byed pa'o// !
lus dang 'du shes tha dad dang/ /zhes sogs kyi skabs su rnam
shes gnas pa bdun bshad pa ste/ lus dang 'du shes gnyis ka tha
dad pa dang/

lus tha dad cing 'du shes gcig pa dang/ lus gcig cing 'du shes
tha dad pa dang/ lus dang 'du shes gnyis ka gcig pa bzhi dang/
de'i steng du gzugs med dang po gsum dang bcas pa la rnam shes
gnas pa bdun zhes bshad do/ /de dag las dngos bstan gyi

mtshan gzhi dang po ni/ mi rnams dang/ 'dod pa'i lha rnams dang;
bsam gtan dang por phyis skyes pa rnams te/ lus kha dog dang
rtags dbyibs tha dad cing/ 'du shes bde sdug btang snyoms tha
dad pa'i phyir/ gnyis pa ni/ bsam gtan dang por sngar skyes pa'i

tshangs chen dang/ de'i dang po'i 'khor rnams te/ lus che chung
tha dad cing/ 'du shes ri tshangs chen gyis 'di bdag gi 'dod pa
las byung ngo snyam pa dang/ 'khor rnams kyis kyang bdag cag ni
tshangs chen gyi 'dod pa las byung ba'o snyam du gcig pa'i phyir/

gsum pa ni/ bsam gtan gnyis pa'i lha rnams te/ lus 'ong kyi rang
bzhin du gcig cing kha dog dang dbyibs rtags kyang 'dra ba dang/
'du shes ni dngos gzhi'i yid bdes skyo na nyer bsdogs kyi btang
snyoms dang/ nyer bsdogs kyi btang snyoms kyis skyo na

@02b dngos gzhi'i yid bde la 'jug pas tha dad pa'i phyir/ bzhi
pa ni/ bsam gtan gsum pa'i lha rnams te/ lus 'od kyi rang bzhin
sogs su gcig cing/ 'du shes ni sems bder mtshungs pa'i phyir/
zhes gsungs so/ /des na skabs 'di'i dngos bstan gyi gcig pa dang
tha dad kyi don ni/ mtshungs pa'am

'dra ba la gcig pa dang/ mi mtshungs pa'am mi 'dra ba la tha dad
du byed pa las/ spyir btang gi gcig dang tha dad la byed pa ni
ma yin te/ de ltar na/ gong gi de dag phal che ba lus dang 'du
shes tha dad pa kho nar 'gyur te/ gang zag rgyud tha dad pa
gnyis kyi lus dang 'du shes gcig yin pa mi srid pa'i

phyir/ des na 'di'i dngos bstan gyi gcig pa yin na gcig ma yin
pas khyab la/ spyir btang gi tha dad yin na 'di'i dngos bstan
gyi tha dad yin pas ma khyab pas na/ rtsod pa'i skabs su dngos
bstan zhes pa'i khyad par ma sbyar na khas len 'dzin dka' bar
'ong ngo/ /dngos bstan gyi dbang du byas na yang/

mdo las gsungs pa'i mtshan gzhi 'di dag gtso che ba'am rags pa'i
dbang du byas pa'i mtshan gzhi ngos bzung ba tsam yin gyi khyab
mtha' ma ngas te/ lus kha dog dang rtags dbyibs tha dad cing/
'du shes bde sdug btang snyoms tha dad pa tsam gyis rnam shes
gnas pa dang por 'gyur na/

ngan 'gro ba la yang de dag srid pa'i phyir dang/ lus 'od kyi
rang bzhin du gcig cing/ 'du shes sems bder mtshungs pa tsam gyis
rnam shes gnas pa bzhi bar 'gyur na/ 'du shes med pa las gzhan
pa'i bsam gtan bzhi pa ba rnams kyang der 'gyur te/ lus 'od kyi
rang bzhin du gcig cing/ 'du

shes btang snyoms su gcig pa'i phyir/ gzhan yang zhib tu dpyad
na mang ngo/ /'grel pa mngon pa'i rgyan du/ rnam shes gnas pa
dang po'i mtshan gzhi bshad pa'i skabs su/ ngan song gsum dang/
zhes pa'i mchan bu zhig 'dug pa yang/ gong du bshad pa ltar
khyab mtha' khas blangs na ngan song

ba rnams kyang der 'gyur zhes pa'i rig pa'i 'phul mtshams ston
byed yin 'dug pa las/ ngan song ba rnams dngos bstan gyi rnam
shes gnas par 'jog pa ni ma yin te/ de ltar na rtsa bar/ lhag
ma/ de 'joms byed ldan zhes gsungs pa dang 'gal ba'i phyir te/
de'i don/ gong du bshad pa'i lhag

@03a @#/ /ma ngan song ba rnams sdug bsngal gyis sems 'joms pa
dang/ bsam gtan bzhi pa na 'du shes med pa ba rgyu 'bras gnyis
dang/ srid rtse ba 'gog pa'i snyoms 'jug gis rnam shes 'joms par
byed pa dang ldan pa'i phyir zhes 'grel pa de nyid las gsungs
pa'i

phyir/ srid rtse ba dang bsam gtan bzhi pa ba rnam shes 'joms
byed dang ldan par gsungs pa'i rgyu mtshan de yang mtshan gzhi
ngos 'dzin gtso che ba'i dbang du byas pa las de gnyis su nges
pa ni ma yin te/ 'dod pa na sems med kyi snyoms 'jug gnyis ka
dang/ gzugs na 'gog pa'i

snyoms 'jug la gnas pa yod pas de dag kyang mtshungs pa'i phyir
ro/ /yang sems can gyi gnas dgu zhes pa 'dren pa'i tshe rnam shes
gnas pa bdun gyi steng du srid rtse ba dang/ 'du shes med pa ba
gnyis bstan te dgur byas par snang la/ 'du shes med pa smos pas
bsam gtan bzhi pa ba

thams cad bzung chog par gsungs la/ 'on kyang 'ga' zhig gis ni
mi 'jog go/ ngan song ba rnams dngos bstan gyi sems can gyi gnas
su mi 'jog ste/ 'di'i dngos bstan gyi sems can gyi gnas zhes
pa'i don/ rang rang gi sa der gnas mi 'dod pa med par rang dgar
gnas pa la

byed pa yin na/ ngan song ba rnams mi 'dod bzhin du las kyis
gnas pa las sdug bsngal gyis rang dgar gnas par mi 'dod pa'i
phyir ro/ /des na 'di la yang dngos bstan gyi khyad par sbyor
dgos so/ /yang/ rnam shes gnas pa bzhi zhes gsungs pa'i dngos
bstan bzhi po ni/ rnam shes

las gzhan pa'i zag bcas kyi gzugs phung sogs bzhi la byed pa
ste/ zag bcas kyi rnam shes kyi rten byed pa la dgongs pa'i
phyir/ de la zag med mi 'jog ste/ /zag med ni zag bcas kyi gnyen
po yin pa'i phyir/ zag bcas kyang sa mtshungs pa dgos te/ sa
gzhan gyi phung pos sa

gzhan kyi rnam shes kyi rten byed pa mi 'thad pa'i phyir zhes
gsungs la/ 'o na; 'dod pa'i gang zag gi gzugs phung de bsam gtan
dang/ gzugs med kyi dge ba'i rnam shes skye ba'i rten du mi rung
par thal lo sogs zer na/ de yang gtso che ba'i dbang du byas pa
yin zhes smra ba las

@03b 'os med do/ /bzhir bshad pa'i skabs 'dir rnam shes rang
nyid ni rnam shes gnas par ma bshad de/ rang nyid gnas pa po yin
pa'i phyir ro/ /rnam shes gnas pa bdun dang bzhis bsdu tshul la
mu bzhi ste bdun gyis bsdus la bzhis ma bsdus pa ni rnam shes
gnas pa bdun du gtogs

pa'i rnam par shes pa rnams te/ bdun du bshad pa rnams ni phung
po lnga'am bzhi'i dbang du byas pa'i phyir/ bzhis bsdus la bdun
gyis ma bsdus pa ni/ ngan song gsum dang/ bsam gtan bzhi pa
dang/ srid rtse ba rnams kyi rnam shes las gzhan pa'i zag bcas
kyi phung po rnams so/ /gnyis

ka yin pa ni rnam shes gnas pa bdun du gtogs pa rnam shes las
gzhan pa'i phung po bzhi'o/ /gnyis ka ma yin pa ni/ ngan song
gsum dang/ bsam gtan bzhi pa dang/ srid rtse ba rnams kyi rnam
shes dang/ zag med rnams// ! der ni sgo nga las skyes sogs/
/zhes sogs kyi skabs su/ sems can rnams kyi skye

ba'i gnas ni rnam pa bzhi ste/ sgo nga las skye pa dang/ mngal
nas skye ba dang/ drod gsher las skye ba dang/ rdzus te skye ba
rnams so/ /de la rdzus skyes ni phung po bzhi'am lnga'i rang
bzhin yin la/ gzhan gsum ni phung po lnga pa can yin no/ /skye
gnas bzhi char gyi rten can la 'phags lam gsar du

thob pa yod kyang/ 'phags lam thob zin pa'i gang zag ni slar sgo
nga dang/ drod gsher gyi skye gnas su mi skye'o/ /de dag las
sgong skyes ni mngal nas kyang skye bas skye gnas gnyis pa can
te 'di kho na dman pa yin la/ de bas mngal skyes dang/ de bas
drod gsher skyes dang/ de bas kyang

rdzus skyes bzang ngo/ /'gro ba gang na skye gnas du yod ce na/
mi dang dud 'gro rnams la ni skye gnas bzhi ka yod la/ dmyal ba
rnams dang/ lha rnams dang/ srid pa bar ma rnams ni rdzus skyes
'ba' zhig dang/ yi dwags la ni mngal skyes dang rdzus skyes
gnyis ka yod de/ de dag gi

mtshan gzhi ni gzhan du shes so/ /'o na rdzus skyes bzang na srid
pa mtha' ma ba'i byang sems skye ba la dbang thob pa mngal nas
skye ba ji ltar zhe na/ de ni mi rnams phal cher mngal nas skye
ba dang rjes su mthun par mdzad pa sogs dgos pa du ma la gzigs
so/ /skye gnas bzhi las

@04a @#/ /rdzus skyes mang ste/ lha dang dmyal ba dang/ srid pa
bar ma thams cad dang/ 'gro ba gzhan gsum la yang ci rigs su yod
pa'i phyir ro// ! 'dir gang 'chi dang skye ba yi/ /zhes sogs
kyis bar srid bstan pa ste/ de ni 'chi srid dang/ skye srid kyi
bar du grub pas

srid pa bar ma zhes bya'o// ! 'bru yi rgyun dang chos mthun
phyir/ /lngar gsung 'gro mdo las kyang sgrub/ /zhes pa'i bar ni
phal chen sde pa rnams kyis bar srid med par 'dod pa dgag pa ste
rtsa ba nyid la tshig 'grel thebs na shes so/ /'on kyang 'di'i
dpe 'gog pa'i skabs kyi rigs

pa las 'phros nas dogs pa 'di yod de/ me long nang gi byad bzhin
gyi gzugs brnyan de rdul du grub pa'am/ 'on te ma grub pa zhig
yin/ dang po ltar na/ me long gi rdul du grub pa yin nam/ de las
logs su rdul du grub pa yin/ me long gi rdul du grub pa yin na
mi 'thad de/ de ltar na/

me long las che ba'i ri rab khang khyim sogs kyi gzugs brnyan
rnams me long gi nang du mi chud par thal ba'i phyir/ me long gi
rdul las logs su rdul gzhan du grub pa yang mi 'thad de/ de ltar
na/ gzugs brnyan de me long gi go sar 'byung mi shes te/ de
gnyis go sa 'gog nus kyi rdul rdzas

so sor grub pa'i phyir/ zer na/ de me long gi rdul las logs su
rdul gzhan du grub pa ni 'dod mi rigs la/ 'o na ji ltar zhe na/
de dag ni ri rwa ba khang khyim sogs kyi gzugs brnyan las/ de
dang de'i gzugs dngos ma yin pas me long gi rdul du grub kyang
me long gi nang du mi chud pa'i

skyon med pa'i phyir ro/ /yang gal te gzugs brnyan de rdul du
yang ma grub bo/ /zhe na; 'o na; de mig shes la bstan du yod
pa'i gzugs ma yin par thal/ 'dod na mi 'thad de/ mig shes la
bstan du yod pa mngon sum gyis grub pa'i phyir/ yang de ni/ med
bzhin du mig shes la

snang ba yin te/ zla gcig zla gnyis su snang ba dang mtshungs pa
yin no/ /zhe na; 'o na byad bzhin gyi gzugs brnyan de tshad mas
ma grub cing/ sangs rgyas kyi mkhyen pas kyang mi gzigs par ri
bong rwa dang med mtshungs su 'dod na ni ha cang thal che'o// !
de ni 'phen pa gcig pa'i phyir/ /zhes

@04b sogs kyi skabs su/ skye ba gang gi bar srid dang sngon dus
kyi srid pa gnyis ni 'phen byed kyi las gcig gis 'phangs pa yin
pas na/ 'gro ba gang gi bar srid ni de'i sngon dus kyi srid pa'i
sha tshugs can yin la/ de yang dbang po lnga po kun tshang zhing/
/ma'i lto ba dang rdo rje gdan ma gtogs pa'i

ri brag sogs sra zhing 'thas pa gang la'ang thogs med du bsgrod
nus pa'i las kyi rdzu 'phrul gyi shugs chen po dang ldan pa'o/
/'o na bar srid de nges par sngon dus kyi srid pa'i sha tshugs
can yin na/ gzhon nu don thams cad grub pa glang chen thal kar
gyi rnam pas lhums su zhugs

par bshad pa dang 'gal lo zhe na/ de ni yum gyi mnal lam du
byung tshul dang mthun par bstan pa las gzhan byang sems srid pa
tha ma pa'i bar srid kyang gzhon nu mtshan dpes brgyan pa'i rnam
pa can no/ /'o na; de mtshan dpe gsal rdzogs kyi spras par thal/
'dod pa'i phyir zer

na/ ma khyab ste/ mtshan dpe gsal rdzogs sangs rgyas kyi khyad
chos yin pa'i phyir/ bong tshod ni/ mi rnams kyi bar srid ni byis
pa lo lnga'am/ drug lon pa'i tshed dang/ gzugs kyi lha'i bar srid
lus yongs su rdzogs pa gos dang bcas pa dang/ 'dod khams pa'i
bar srid phal

che ba ni gcer bu yin la/ gang zag khyad par can 'ga' zhig ni
gos dang bcas par yang 'byung bar bshad do/ /gzhan yang rab tu
tsha ba dang/ mnar med kyi bar srid ni tshe lo brgyad khri bzhi
stong thub pa'i byis pa lo brgyad lon pa'i tshod du yod par
gsungs te rigs pas dpags te shes

par bya'o/ /kha dog ni/ dmyal ba'i bar srid sdom dum mes tshig
pa'i kha dog dang/ dud 'gro'i bar srid du ba'i kha dog /yi dwags
kyi bar srid chu'i kha dog/ mi dang 'dod lha'i bar srid gser gyi
kha dog lta bu/ gzugs kyi lha'i bar srid kha dog dkar par 'byung
bar bshad do/ /de yang ris

mthun pa mi'i bar srid nang phan tshun lta bu dang/ lha'i mig
rnam par dag pas mthong ba las gzhan gyis mi mthong la/ 'on
kyang 'ga' zhig gis ni/ lha'i bar srid kyis bar srid lnga dang/
mi'i bar srid kyis bzhi/ yi dwags kyi bar srid kyis gsum/ dud

@05a @#/ /'gro'i bar srid kyis gnyis/ dmyal ba'i bar srid kyis
dmyal ba'i bar srid kho na las mi mthong ba ste/ gong ma gong
mas 'og ma'i bar srid mthong kyang/ 'og ma 'og mas gong ma'i bar
srid mi mthong bar 'dod do/ /'o na sngon dus kyi srid pa gang
zhe na skye srid grub pa'i skad

cig gnyis pa nas/ 'chi srid ma grub pa'i bar gyi nyer len gyi
phung po lnga'i rgyun no/ /des na skye srid ni nyid mtshams sbyor
ba'i skad cig ma dang/ 'chi srid ni 'chi ba'i skad cig tha ma
ste/ de gnyis ni skad cig ma yin la/ srid pa gzhan gnyis ni
rgyun yin no/ /lugs 'dir dmyal ba la

sogs pa 'gro ba gang du skye 'gyur gyi bar srid grub nas ni lha
la sogs pa'i bar srid gzhan du mi ldog ste/ las kyis 'phangs
pa'i rnam smin grub zin pa'i phyir/ zhes 'dod do/ /'o na; shi
ba'i rjes su dge ba byed pa rnams don med par 'gyur ro zhe na/
mi 'gyur te/ dmyal ba sogs su

skyes kyang sdug bsngal chung ba dang/ myur du thar ba dang/ de
nas mtho ris su skye ba sogs kyi don byed do/ /zhes zer la/ grub
mtha' gong ma'i lugs la ni/ kun btus las/ ci ste na ldog go/ de
na gnas pas kyang las sog go/ zhes dmyal ba sogs kyi bar srid
krub nas

kyang; slar mi'i bar srid du 'gyur te mir skye ba la sogs yod
par bshad pas/ de dag gi lugs la ni shi ba'i rjes su dge ba byed
pa shin tu 'bras bu dang bcas pa yin no/ /'dod pa'i bar srid ni
skal ba bzang ngan gyis dri zhim pa dang mi zhim pa za bas dri
za zhes bya la/ gzugs kyi bar

srid ni dri mi za ste/ khams las 'dod chags dang bral ba'i phyir
ro/ /bar srid pa gnas pa'i tshad ni/ 'ga' zhig zhag bdun du gnas
la/ de nas skye gnas ma rnyed na shi 'phos nas yang srid pa bar
mar skyes nas skye gnas 'tshol bar byed zer la/ yang 'ga' zhig ni
zhag bdun phrag bdun du

gnas par 'dod mod/ mdo sde pa sogs kyis ni/ de 'dra'i nges pa
med de ji srid skye gnas ma rnyed kyi bar du gnas pa yin gyi/ de
ltar ma yin na tshe zad pas 'chi srid du'ang thal bar 'gyur ro
zhes 'dod la/ bye brag smra ba rnams ni/ 'di srid pa 'tshol ba
yin pas dus thung bar gnas te skye

@05b gnas su 'jug la/ de yang gang du skye gnas 'tshol ba der
skye ba'i gnas rnyed na ni de nyid du skye la/ gal te der ma
rnyed na ni de las gzhan pa'i yul du skye bar 'gyur zhes zer te/
'dod tshul phyi ma rnams 'thad pa ste/ snga ma ltar na bar srid
dang 'chi srid kyi gzhi mthun khas len pa las ma 'das

pa nyid de/ /yang gzhan dag na re/ gang du skye ba len pa de'i
bar srid grub nas der skye gnas ma rnyed na/ de dang ri phel
cher mthun pa dag tu skye ba len te/ dper na/ dbyar ba lang gi
bar srid grub kyang/ de'i tshe ba glang chags pa mi spyod pas ba
min dus min du spyod pas der skye ba dang/ de bzhin du

khyi'i bar srid grub nas lce spyang dang/ rta'i bar srid grub
nas bong bu dang/ dom gyi bar srid grub nas dred du skye ba yod
do zhes zer yang/ 'grel pa mngon pa'i rgyan du/ de la ni 'phen
pa gcig pa'i phyir/ gang du skye bar 'gyur ba'i byad gzugs can
yin no zhes gnod pas snga ma nyid 'thad pa

@#yin no/ /zhes gsungs la/ des na spyir sems can gyi las bsam gyis
mi khyab pas de dang de 'dra pa yang mi srid do zhes kha tshon
gtsod ga la gtub kyang/ lugs 'dir de ltar khas blangs na ni rig
pas gnod pa 'ga' zhig 'bab par snang zhing/ lar nas bar srid pa
de sngon dus kyi srid

pa'i byad gzugs can yin zhes pa'ang/ dbyibs phal cher cha
mtshungs pa tsam la byed pa las thams cad nas thams cad du
mtshungs pa ni ga la dgos te; /dper na/ bar srid pa'i kha dog
gong du bshad pa de dang de dag yin kyang/ sngon dus kyi srid pa
la kha dog de dag tu ma nges

pa'i phyir dang/ sngon dus kyi srid pa long ba sogs dbang po ma
tshang ba zhig yin na/ bar srid pa de yang long ba sogs su 'dod
dgos pa mi 'thad pa'i phyir ro/ /'gro tshul yang dmyal ba'i bar
srid spyi'u tshugs dang/ yi dwags dang dud 'gro'i bar srid ni
skas la bab pa lta bu dang/ mi'i bar srid ni

thang la 'gro ba lta bu thad ka dang/ lha'i bar srid ni sta na
las ldang ba ltar gyen du 'gro bar bshad do/ /skye gnas su 'jug
pa'i tshe/ blo ni phyin ci log gyur pas/ /rtse dags 'gro ba'i yul
du 'gro/ zhis pa yang phel che ba'i dbang du byas pa yin gyi/
dmyal ba pa sogs la ni ma nges

@06a @#/ /shing/ gang zag khyad par can 'ga' zhig la yang ma nges
te/ 'byung 'jug gnas gsum gcig tsam shes pa dang/ gnyis shes pa
dang/ thams cad shes pa yod pa'i phyir/ 'on kyang sgong las
skyes pa ni rtag tu rmongs pas 'byung 'jug gnas gsum gang yang
mi shes so/ /

'di dag gi thad kyi 'grel pa mngon pa'i rgyan du/ mdo las gsungs
pa'i skye ba'i kun sbyor spangs ma spangs la mu bzhir gsungs pa
ni/ skye srid mngon par 'grub byed kyi las dang/ bar srid mngon
par 'grub byed kyi las gnyis spangs ma spangs la gsungs pa ste/
! mu dang po skye ba'i kun sbyor spangs la cig

shos ma spangs pa ni/ gzugs nyer 'gro'i phyir mi 'ong bar 'da'
ba rnams te/ de dag gis gzugs kyi bar srid gcig kho na blangs
nas rten de la myang 'das mngon du byed dgos pas skye srid 'grub
byed kyi las dang mi ldan la/ bar srid 'grub byed kyi las dang
ldan pa'i phyir/ ! mu gnyis pa mngon par

'grub pa'i kun sbyor spangs la cig shos ma spangs pa ni khams
'og ma gnyis char la chags bral byas zin pa'i phyir mi 'ong lta
bu ste/ des gzugs la chags pa dang bral zin pas bar srid 'grub
byed kyi las dang mi ldan la/ slar gzugs med du skye srid pas
skye srid 'grub byed kyi las dang ldan

pa'i phyir/ ! mu gsum pa gnyis ka spangs pa ni dgra bcom pa
dang/ ! bzhi pa gnyis ka ma spangs pa ni so skyes phal cher ro/
/las de gnyis la kun sbyor gyi sgra bshad du'ang yod de/ de
gnyis srid las nus pa mthu can yin pas/ las de gnyis gang rung
dang ldan na srid pa de gnyis gang rung du

skye ba len par kun tu sbyor ba las mi 'da' ba'i phyir te/ dper
na las de gnyis dang tshar gcig pa'i nyon mongs pa'i kun sbyor
bzhin no// ! mngal du 'jug pa gsum dag ste/ /zhes sogs kyi skabs
su/ mngal du 'jug tshul la/ 'khor los sgyur ba'i rgyal por skye
ba len pa dag ni mngal

du 'jug pa'i tshe shes bzhin du 'jug la/ gnas pa dang/ 'byung
ba'i tshe mi shes pa dang/ bse ru lta bu'i rang rgyal du skye ba
len pa dag ni mngal du 'jug pa'i tshe yang shes la/ gnas pa'i tshe
yang shes shing/ 'byung ba mi shes pa dang/ sangs rgyas bcom
ldan 'das dang lus rten gcig

@06b bsdus kyi byang sems srid pa tha ma par skye ba len pa dag
ni/ 'jug pa dang/ gnas pa dang/ 'byung ba gsum char shes bzhin
du mdzad pa yin no/ /des na 'khor los bsgyur dang rang byung
gnyis/ /zhes sogs gsungs pa'i rtsa 'grel gyi dgongs don ni 'khor
los bsgyur ba dang/ sangs rgyas

sogs 'byung 'gyur gyi dbang du byas nas gsungs pa yin pas tshig
skyon gong bzhin gcod dgos kyi/ de lta ma yin par spam bshad
ltar khas blangs na/ sangs rgyas bcom ldan 'das mngal du 'jug pa
yod par thal ba dang/ 'khor los bsgyur ba'i rgyal pos kyang rang
nyid sngar mngal du

gnas pa dang/ mngal nas skyes pa yin pa ma shes par 'dod dgos pa
sogs su 'gyur la/ des na 'byung 'jug gnas gsum shes mi shes
kyang gang zag rang nyid kyi mngal du 'jug pa sogs kyi gnas
skabs de dang de'i tshe shes mi shes la byed pa las/ spyir rang
nyid kyis shes mi shes la

byed pa ma yin te/ dus phyis ni rang cag tha mal pa rnams kyis
kyang rang nyid mngal skyes yin pa sogs shes pa'i phyir ro/
/yang/ rang sangs rgyas su skye ba len pa'i tshe 'jug gnas gnyis
shes pa dang/ sgong skyes rtag tu rmongs pa gnyis 'gal te/ rang
sangs rgyas la sgong skyes kyang byung bar

bshad pa'i phyir zer na/ 'jug gnas shes pa ni bse ru lta bu'i
rang rgyal gyi dbang du byas pa yin la/ sgong skyes kyi rang
rgyal ni tshogs spyod pa yin pas skyon med do/ /zhes gsungs so//
! bdag med phung po tsam nyid do/ /zhes sogs kyis phyi rol pas
bdag rtag par 'dod pa 'gog pa ste/ bdag

ni phung po bzhi'am lnga'i rgyun tsam la btags pa las/ rtag par
grub pa med de/ bar srid kyi phung po lnga'i rgyun las skye srid
kyi phung po lnga dang/ de las sngon dus kyi srid pa dang/ de
las 'chi srid dang/ de las slar yang bar srid sogs rgyun 'gal me
bzhin du 'khor ba'i mi rtag pa yin pa'i phyir/

des na mar me skad cig ma yin kyang rgyun gyis yul gzhan du 'gro
ba mi 'gal ba bzhin du/ bdag rtag par med kyang phung po'i rgyun
mngal sogs su 'jug pa mi 'gal ba'i phyir/ zhes pa'o// ! 'dir ni
rten cing 'brel 'byung ba'i/ /zhes sogs kyi skabs su/ lugs 'dir
rten 'brel yan lag bcu gnyis la/

@07a @#/ /gnas skabs pa'i dbang du byas pa dang/ skad cig ma'i
dbang du byas pa sogs las/ dang po ni/ de yang/ ma rig nyon
mongs sngon gnas skabs/ /zhes sogs kyi dngos bstan gnas skabs
kyi rten 'brel yan lag bcu gnyis ni khams gong ma ba gnyis dang/

'dod lha dang/ dmyal ba sogs rdzus skyes thams cad dang/ bar ma
dor 'chi ba sogs la 'jog tu med cing/ 'o na gang la zhe na/ 'dod
pa'i skye gnas dang po gsum po gang rung gis bsdus pa'i rten can
dang/ de'i nang nas kyang gtso che ba mngal skyes tshe yongs su
rdzogs par ldan pa'am gnas pa dag

la 'jog cing/ rten 'brel kyang tshar mi gcig pa kho na'i dbang du
byas pa las tshar gcig gi dbang du byas pa min pa dang/ skye ba
snga phyi gsum gyi sgo nas 'jog pa de yang 'dod pa nas 'dod par
skye ba kho na'i dbang du byas pa ste/ tshul 'di ma shes par rten
'brel tshar gcig pa dang/

'gro ba gzhan dag la yang yod pa sogs su 'khrul na ji tsam rtsod
kyang mgo bo gdugs ltar 'khor ba las ma 'das so/ /de ltar nges
par byas nas gnas skabs pa'i rten 'brel 'jog tshul ni/ sngon gyi
mtha' ste skye ba sngon ma la ma rig pa dang/ 'du byed kyi rten
'brel gnyis/ phyi ma'i mtha'

ste skye ba phyi ma la skye ba dang rga shi'i rten 'brel gnyis/
bar gyi skye ba de la rten 'brel gzhan brgyad de cha gsum du
phye nas 'jog pa ste/ yan lag bcu gnyis cha gsum mo/ /sngon dang
phyi mthar gnyis gnyis dang/ /bar du brgyad yongs rdzogs ldan
la/ /zhes pa'i don no/ /skabs 'dir rten 'brel de dag re re

yang phung po lnga pa can du 'dod pa yin pas gnas skabs pa'i ma
rig pa'i rten 'brel yin na ma rig pa yin pas ma khyab pa sogs
shes dgos so/ /de dag re re nas 'jog tshul ni/ ma rig nyon mongs
sngon gnas skabs/ /zhes sogs te/ 'di'i dngos bstan gnas skabs
pa'i dbang du byas

pa'i ma rig pa'i rten 'brel ni/ tshe sngon ma'i gnas skabs su
phyi ma 'phen byed kyi las kun nas slong byed kyi ma rig pa
mngon du gyur pa'i gnas skabs kyi phung po lnga'o/ /de'i dbang
du byas pa'i 'du byed kyi rten 'brel ni/ tshe sngon ma la ma rig
pa des kun nas bslangs te phyi ma 'phen byed kyi dge mi

@07b dge gang rung gi las gsogs pa'i gnas skabs kyi phung po
lnga'o/ /de'i rnam shes kyi rten 'brel ni/ mngal skyes kyi dbang
du byas na/ sngon gyi las des 'phangs pas tshe 'dir ma'i mngal du
nying mtshams sbyor ba'i skad cig ma'i gnas skabs kyi rnam shes
sogs phung po lnga'o/ /

ming gzugs kyi rten 'brel ni nying mtshams sbyor ba'i skad cig
gnyis pa phan chad nas/ mig sogs skye mched drug gi dbyibs ma
dod bar gyi mngal gyi gnas skabs dang po bzhi'i skabs kyi phung
po lnga ste/ de yang ming ni tshor 'du 'du byed rnam shes bzhi la
ming gzhi'i phung por bshad pa

ltar dang/ gzugs ni mer mer po la sogs pa ste bsdoms pas ming
gzugs kyi rten 'brel zhes gcig tu bgrang ngo/ /skye mched kyi
rten 'brel ni skye mched drug gi dbyibs dod pa nas mngal nas ma
btsas bar gyi yul dbang rnam shes gsum ma 'dus pa'i gnas skabs
kyi phung po lnga'o/ /reg

pa'i rten 'brel ni/ mngal gyi phyi rol tu btsas te yul dbang
rnam shes gsum 'dus pa las yul yongs su gcod pa ste mig gis
gzugs mthong ba dang/ rna bas sgra thos pa sogs nus kyang bde
sdug btang snyoms gsum gyi rgyu yul yid du 'ong ba dang/ mi 'ong
ba dang/ bar ma la blang dor mi shes pa

phal skad la byis pa bsam med ces grags pa'i gnas skabs kyi
phung po lnga ste/ sdug bsngal gyi rgyud ma shes nas me la reg
pa sogs kyi dus so/ /tshor ba'i rten 'brel ni/ tshor ba bde sdug
btang snyoms gsum gyi rgyu'i blang dor shes nus pa de nas bzung
ste 'khrig pa la spyod mi nus pa tshun

chod kyi phung po lnga'o/ /srid pa'i rten 'brel ni/ 'khrig pa
spyod nus pa nas 'dod yon dang 'khrig pa la spyod cing/ de dag
gi yul gzhan 'tshol ba la ma zhugs bar gyi chags can gyi phung po
lnga'o/ /nye bar len pa'i rten 'brel ni/ sred pa'am chags pa'i
yul du gyur pa'i longs spyod dang bud med

sogs thob phyir tshol ba la zhugs pa ste/ tshong dang zhing las
dang gnyen thabs la sogs par 'jug pa'i gnas skabs kyi phung po
lnga'o/ /srid pa'i rten 'brel ni/ de ltar bya ba sna tshogs la
zhugs pa las slar yang skye ba phyi ma la bde sdug la sogs pa'i
'bras bu myong 'gyur gyi las du ma

@08a @#/ /zhig gsar du gsogs pa'am sngar bsags nus pa mthu can du
byed pa'i gnas skabs kyi phung po lnga'o/ /skye ba'i rten 'brel
ni/ de ltar las bsags pa las 'di nas shi 'phos nas slar yang
skye ba phyi mar nying mtshams sbyor ba'i gnas skabs kyi phung po
lnga'o/ /'dir

dngos bstan gyi rga shi'i rten 'brel ni/ phyi mar nying mtshams
sbyor ba'i skad cig gnyis pa'i ming gzugs kyi rten 'brel nas
tshor ba'i rten 'brel gyi bar gyi phung po lnga'o// ! skabs 'dir
dogs pa dpyad par bya ba 'ga' zhig yod de/ de la 'dir rten 'brel
yan lag bcu gnyis bshad pa'i go

rim ni mdo sde sogs las bshad pa dang mtshungs par rten 'brel lam
rgyu 'bras tshar gnyis kyi dbang du byas pa ste/ tshe sngon mar
bsags pa'i ma rig pa dang 'du byed gnyis tshe 'di'i rnam smin gyi
phung po 'phen pa'i yan lag gam rgyu dang/ tshe 'di'i rnam shes
nas/ tshor ba'i rten 'brel gyi bar

lnga po de 'phangs pa'i 'bras bu dang/ tshe 'dir mngon du gyur
pa'i sred len srid pa gsum ni phyi ma'i rnam smin 'grub byed kyi
rgyu dang/ phyi ma'i skye ba dang rga shi gnyis ni grub pa'i
'bras bu ste/ sems can gcig tshe sngon ma nas 'dir skyes pa dang/
'di nas phyi mar skye ba len pa'i rgyu 'bras tshar gnyis kyi
dbang

du byas par 'dod pa grub mtha' gong ma dang mtshungs la/ de
'dra'i tshar re re la yan lag bcu gnyis tshang ba re yod kyang/
'ga' zhig dngos su ma smos pa las shugs la bstan tshul 'og tu
'chad do/ /des na bye brag smra bas gnas skabs pa'i rten 'brel
zhes pa/ gtso bo'i phyir na yan lag bsgrags/ /

zhes gsungs pa ltar/ ma rig pa sogs gtso bor mngon du gyur pa'i
tshe rjes 'brang gi phung po gzhan rnams la yang gtso bo'i ming
gis rten 'brel de dang der btags pa yin kyang/ de ni gnas skabs
de dang der gtso che ba'i dbang du byas nas btags pa tsam las/
spyir yan lag bcu gnyis kyi

nang tshan du gyur pa'i rten 'brel la phung po lnga pa can gyis
khyab par 'dod pa yang ma yin la/ gnas skabs de dang de'i skabs
kyi phung po lnga po gang rung la yang yan lag bcu gnyis kyi
nang tshan gyi rten 'brel de dang de yin pas kyang khyab par 'dod
pa ma yin zhing/ lhag par las gcig gis

@08b 'phangs pa'i rten 'brel tshar gcig tu gtogs mi gtogs rtsi
ba'i tshe ni/ grub mtha' gong mas 'dod pa ltar/ ma rig pa dang/
'du byed dang/ sred len srid pa sogs phung po re re ba la rtsi
ba las phung po lnga pa can du mi 'dod de/ phung po lnga po can
la las gcig gis 'phangs pa'i rten 'brel tshar gcig

tu gtogs pa mi srid pa'i phyir te/ de'i rgyu mtshan yang zhib pa
'og tu 'chad do/ des na spyir bye brag smra bas kyang/ yan lag
bcu gnyis kyi nang tshan du gyur pa'i ma rig pa'i rten 'brel la
ma rig pas khyab pa dang/ 'du byed kyi rten 'brel la 'du byed
kyi las kyi khyab pa sogs su 'dod pa yin te/ de lta ma yin na/

rten 'brel yan lag bcu gnyis po gsum du bsdu ba'i tshe/ nyon
mongs gsum mo las gnyis so/ /gzhi bdun de bzhin 'bras bu yin/
/zhes ma rig pa dang sred len gyi rten 'brel gsum nyon mongs pa
dang/ 'du byed dang srid pa'i rten 'brel gnyis las dang/ lhag ma
bdun gzhi'i yan lag

tu bsdus pa gang zhig  /ma rig pa'i rten 'brel sogs phung po
lnga pa can yin na nyon mongs sogs su 'du mi shes pa'i phyir ro/
/de bas na gnas skabs pa'i dbang du byas pa'i ma rig pa'i rten
'brel yin na/ ma rig pa'i rten 'brel yin pas ma khyab ste/ de'i
dbang du byas pa'i ma rig pa de

ma rig pa'i rten 'brel yin kyang/ phung po gzhan rnams ma rig
pa'i rten 'brel ma yin pa'i phyir/ des lhag ma rnams la yang
mtshungs so/ /gnas skabs pa'i rten 'brel phung po lnga po can du
'jog pa de bye brag smra bas rnam par brtags pa tsam yin pa la
dgongs nas mkhas mchog

dbyig gnyen gyis kyang/ 'di ni gnas skabs par 'dod lo/ /zhes ma
rangs pa'i tshig gsungs pa yin pa'i phyir/ gzhan yang rten 'brel
yan lag bcu gnyis zhes bshad pa'i bshad bya'i gtso bo ni/ kun
'byung 'khor ba'i 'jug rim gyi dbang du byas pa'i rten 'brel la
byed pa yin na/ blos

brtags te rten 'brel bcu gnyis rtsi tshul tshang ba tsam thams cad
der mi 'gyur te/ dper na/ skad cig ma'i rten 'brel zhes pa srog
gcod lta bu'i tshe/ kun slong rmongs pa ni ma rig pa dang/ sems
pa 'du byed dang/ yul rig pa rnam shes dang/ de dang lhan cig
'byung ba'i phung po bzhi ming gzugs kyi rten

@09a @#/ /'brel sogs nas/ sngar med byung ba skye ba dang/ /yongs
su smin pa rga ba dang/ /de zhig pa shi bzhes skad cig ma gcig
la yang rten 'brel bcu gnyis tshang bar 'dod mod kyang/ de dag
kyang srid pa'i 'jug rim gyi dbang du byas pa'i rten 'brel mtshan
nyid pa ma yin pa'i phyir ro/ /

des na phung po lnga pa can gyi dbang du byas pa'i rten 'brel
la/ las gcig gis 'phangs pa'i rten 'brel tshar gcig tu gtogs pa
med de/ dper na gong du bshad pa'i/ ma rig nyon mongs sngon gnas
skabs/ /zhes pa'i dngos bstan gyi ma rig pa'i rten 'brel la
phung po lnga bshad pa'i nang

nas rnam smin gyi ngo bor gyur pa'i phung po thams cad ni ma rig
pa de dang tshar gcig pa ma yin te/ de dag ni rang nyid 'phen
byed kyi yan lag tshe rabs sngon ma gzhan du byung ba'i ma rig pa
dang/ 'du byed kyi las sogs dang tshar gcig tu gtogs pa yin pa'i
phyir te/ de dag gi rnam smin gyi

'bras bu yin pa'i phyir ro/ /yang de'i gnas skabs kyi ma rig pa
dang/ de dang mtshungs ldan gyi sems sems byung dang/ des bskyed
pa'i 'du byed kyi las mtshungs ldan dang bcas pa rnams ni/ tshe
'di'i rnam smin gyi phung po rnams dang tshar gcig tu gtogs pa
yin te/ de dag gis

tshe 'di'i rnam smin gyi phung po bskyed par byed pa'i phyir/ de
bzhin du rnam shes mtshams sbyor phung po yin/ /zhes sogs kyis
dngos su bstan pa'i rnam shes nas srid pa'i rten 'brel bar gyi
phung po lnga po rnams las kyang/ rnam smin gyi ngo bor gyur pa
thams cad ni/ tshe rabs sngon ma'i ma

rig pa dang/ 'du byed kyi rten 'brel sogs dang tshar gcig tu
gtogs la/ de dag gi gnas skabs kyi dge mi dge'i ngo bor gyur
pa'i phung po gzhan dang/ sred len srid pa gsum dang bcas pa ni
tshe rabs phyi ma gzhan gyi rnam smin gyi phung po dang tshar gcig
tu gtogs pa'i phyir ro/ /des

na skabs 'dir dngos su ma bshad kyang/ bye smra'i lugs la yang
'khor ba'i 'jug rim dang mthun pa'i rten 'brel tshar gcig gi
rdzogs tshul ni tshe gnyis gsum gang gi dbang du byas kyang 'dod
tshul grub mtha' gong ma dang mtshungs te/ 'di'i thad kyi chos
mngon rin chen 'dren pa'i shing rta las/

@09b kha cig  /rten 'brel yan lag bcu gnyis po de tshe gsum la
nges par rdzogs dgos zer na/ nges par rdzogs mi dgos par thal/
de tshe gnyis la rdzogs pa yod pa'i phyir/ der thal/ mi zhig 'dod
lhar skye ba'i 'du byed kyi las ma rig pa'i dbang gis rang gi
rnam shes kyi steng du bsags/ las

de la sred len gnyis kyis sos btab pas/ /las de'i nus pa mthu
can du byas pa la brten nas skye ba phyi ma 'dod lhar skye ba
yod pa'i phyir/ zhes tshe gnyis la rdzogs tshul grub mtha' gong ma
dang mtshungs par gsungs shing/ de bzhin du tshe gsum la rdzogs
tshul yang mtshungs pa'i

phyir/ byas pa la/ kho na re/ 'di'i lugs la/ yan lag bcu gnyis
rdzogs tshul grub mtha' gong ma dang mi mtshungs par thal/ rga
shi'i rten 'brel rdzogs tshul mi mtshungs pa'i phyir te/ 'di'i
lugs la/ tshor ba'i bar ni rga shi yin/ /zhes tshe phyi ma'i ming
gzugs nas/ /tshor ba'i bar

gyi rten 'brel bzhi po rga shi'i rten 'brel du 'jog pa'i phyir/
zer na/ de yang gnas skabs pa'i dbang du byas nas rga shi'i rten
'brel du btags pa tsam las rga shi ci rigs pa'i rten 'brel mtshan
nyid par 'dod pa ni ma yin te/ de dag la phung po rnying pa'i
cha yod pas rga ba'i rten 'brel tshang du

chug kyang 'chi ba'i rten 'brel ma tshang ba'i phyir te/ ming
gzugs kyi rten 'brel sogs dang 'chi ba'i rten 'brel dus mnyam du
grub mi srid ba'i phyir dang/ ming gzugs sogs kyi rten 'brel de
dag 'chi ba'i rten 'brel mtshan nyid par grub mtha' smra ba sus
kyang mi 'dod pa'i phyir/ 'on kyang de dag la rga

shi'i rten 'brel du btags pa'i bsam don nam dgos pa ni 'og tu
'chad do// ! yang kho na re/ gong du dngos su bshad pa'i yan lag
bcu gnyis kyi go rim de rten 'brel lam rgyu 'bras tshar gnyis kyi
dbang du byas pa yin na tshar snga phyi gnyis char la yan lag bcu
gnyis ma tshang bar 'gyur te/ tshar sngon

ma la skye ba'i rten 'brel dang/ rga shi'i rten 'brel dngos su
ma tshang ba'i phyir dang/ longs spyod 'khrig pa chags can gyi/
/zhes sogs kyis dngos su bstan pa'i sred len srid pa gsum po de
tshar sngon mar gtogs pa yin na ni rgyu 'bras snga phyi'i go rim
'tshol bar 'gyur ba'i phyir dang/ tshar

@10a @#/ /phyi mar gtogs pa yin na ni/ sngon ma la sred len srid
pa gsum yang ma tshang ba'i skyon du 'gyur ba dang/ de bzhin du
tshar phyi ma la yang ma rig pa dang/ 'du byed kyi las dngos su
ma tshang ba'i phyir dang/ phyi ma'i ming gzugs kyi rten 'brel
sogs la rga shi'i rten

'brel du btags pa don la mi gnas na/ tshar phyi ma la rga shi'i
rten 'brel mtshan nyid pa yang ma tshang ba'i skyon yod do zhe na/
de la 'grel pa mngon pa'i rgyan du/ kha cig 'dir rten cing 'brel
par 'byung ba'i sa mtshungs dpyad mod kyi/ 'di'i lugs ni tshe gsum
dang cha gsum du bstan pa nyid

kyis shugs la shes pa'i phyir/ zhes gsungs pa ltar te/ skabs
'dir rmongs pa gsum rnam par bzlog pa'i slad du yan lag bcu
gnyis po tshe gsum la cha gsum du phye nas 'jog tshul gtso bor
bstan pa las/ rten 'brel tshar snga phyi gnyis kyi dbang du byas
tshul dang/ de re re la yan

lag bcu gnyis tshang tshul sogs dngos su ma bstan kyang shugs la
bstan pa ma zad don la de ltar tshang ba yang yin te/ ji ltar zhe
na/ tshar sngon ma'i dbang du byas na/ skye ba sngon ma nas tshe
'dir mngal du nying mtshams sbyor tshul dngos su bstan pa nyid
kyis tshe 'di'i skye ba'i rten 'brel tshang bar

bstan pa yin te/ tshe 'dir nying mtshams sbyor ba dang tshe 'di'i
skye ba'i rten 'brel grub pa dus mnyam pa'i phyir dang/ skye
ba'i rten 'brel ma grub par mngal nas 'byung ba sogs su sus
kyang mi 'dod pa'i phyir/ de bzhin du de la rga shi'i rten 'brel
yang tshang ste/ 'di nas phyi mar nying mtshams

sbyor tshul dngos su bstan pa gang zhig  /phyi mar nying mtshams
sbyor ba la tshe 'di'i rga shi'i rten 'brel grub pa sngon du 'gro
dgos pa shugs la rtogs pa'i phyir te/ tshe 'di'i 'chi ba'i rten
'brel ma grub par phyi mar nying mtshams sbyor ba sus kyang mi
'dod pa'i phyir/ tshe 'di'i phung po rnying pa'i cha rnams

tshe 'di'i rga ba'i rten 'brel kyang yin pa'i phyir/ yang gong du
dngos bstan gyi sred len srid pa gsum po phyi ma'i rnam smin gyi
phung po dang tshar gcig tu gtogs pa gong du bshad pa ltar yin
kyang/ tshar sngon ma la sred len srid pa gsum ma tshang ba'i
skyon med de/ tshe 'di'i sred len srid pa gsum po

@10b de/ phyi ma'i rnam smin gyi phung po 'grub byed kyi rgyu'am
yan lag tu bstan pa nyid kyis/ tshe 'di'i rnam smin gyi phung po
'grub pa la yang tshe sngon mar 'du byed kyi las la sred len
gnyis kyis bsos btab srid las nus pa mthu can du byas pa zhig
dgos pa shugs la rtogs pa'i phyir dang/ tshe 'dir

nying mtshams sbyor ba la de gsum nges par sngon du 'gro dgos pa
yang bye brag smra bas 'dod pa'i phyir/ de bzhin du tshar phyi ma
la ma rig pa dang/ 'du byed kyi las sogs ma tshang ba'i skyon med
de/ tshar snga ma la bstan pa nyid kyis shugs la rtogs pa'i
phyir/ yang phyi ma'i ming gzugs

kyi rten 'brel sogs rga shi'i rten 'brel mtshan nyid pa ma yin
kyang/ ma tshang ba'i skyon med de/ tshe 'dir bstan pa nyid kyis
phyi ma la yang tshang bar shugs la rtogs pa'i phyir ro/ /des na
tshul 'di dag ni/ lam rim chen mo las/ 'o na/ 'phen pa dang 'grub
pa'i rgyu 'bras tshan pa gnyis kyis

sems can gcig gis skye ba len pa'i rgyu 'bras tshar gcig ston
nam/ tshar gnyis ston/ dang po ltar na 'bras dus kyi rnam shes
nas tshor ba'i bar grub pa'i rjes su sred pa sogs skye bar bshad
pa mi rigs la/ gnyis pa ltar na/ rgyu 'bras skor phyi ma la ma
rig pa dang/ 'du byed dang/ rgyu dus

kyi rnam shes med par 'gyur la/ rgyu 'bras skor snga ma la sred
len dang srid pa med par 'gyur ro/ /zhe na/ skyon med de/ 'phen
byed kyi rgyus gang 'phangs pa de nyid 'grub byed kyi rgyus
'grub cing/ 'phangs pa de grub pa na de nyid la skye ba dang rga
shi 'jog pa'i phyir ro/ /'o na/ rgyu 'bras skor gnyis su

bshad pas ci bya zhe na/ 'phen byed kyi 'bras bu'i sdug bden
dang/ 'grub byed kyi 'bras bu'i sdug bden mtshan nyid tha dad par
bstan pa'i phyir te/ zhes dang/ gzhan yang 'bras bu skye ba len
pa la 'phen pa'i rgyu dang/ des 'phangs pa 'grub pa'i rgyu gnyis
yod pa ngos bzung ba'i phyir du rgyu

'bras skor gnyis su bshad pa yin te/ zhes gsungs pa rnams dang
don mtshungs so/ /rtsa ba nyid las kyang/ gnyis kyi rgyu 'bras
mdor bsdus pa/ /bar ma'i rjes su dpags pa ste/ /zhes sogs gsungs
pa'i don yang gong du skyon spong bshad pa ltar te zhib pa 'grel
pa rnams su blta'o/ /'o na/

@11a @#/ /de ltar yin na/ skye ba gcig gam rten 'brel tshar gcig
gi dbang du byas pa'i yan lag bcu gnyis rgyu 'bras snga phyi'i
go rim bzhin du mthar chags su bshad pas chog mod/ nges par tshar
gnyis kyi dbang du byas shing/ de yang tshe gsum la cha gsum du
phye nas bshad pa la

dgos pa ci yod ce na/ sngon dang phyi mtha' bar dag la/ /rmongs
pa rnam par bzlog phyir ro/ /zhes gsungs te skye ba snga phyi
bar gsum la rmongs pa bzlog pa'i phyir du yin te/ ci bdag gi
skye ba sngon ma yod dam med byung ngam ma byung snyam pa'i
rmongs pa bzlog phyir/ tshe sngon ma lam rig pa

dang/ des bskyed pa'i 'du byed kyi las bsags par bstan pas skye
ba sngon ma yod par rtogs la/ phyi ma yod dam med/ 'byung ngam
mi 'byung snyam pa bzlog pa'i phyir du/ phyi ma la skye ba dang/
rga shi grub par bstan pas skye ba phyi ma yod par yang khong du
chud cing/ 'o na da lta ji lta bu zhig

snyam pa la/ sngon ma'i las kyi 'bras bu lnga dang/ phyi ma
'grub byed rgyu gsum tshe 'dir tshang bar bstan pa las/ bdag ni
sngon gyi las kyi 'bras bu bde sdug la spyod bzhin par/ da dung
phyi ma 'grub byed kyi las gsogs pa la brtson pa zhig go snyam
pa dang/ tshul 'di lta bu'i sgo nas 'khor ba

thog ma med pa nas 'dir 'khyams shing/ 'di nas kyang da dung de
bzhin du 'khor bar 'gyur ba zhig go snyam nas 'khor ba la skyo
bar bya ba'i phyir du yin la/ rten 'brel tshar gcig kho na bstan
na sngon dang phyi mtha' la rmongs pa gnyis char bzlog mi nus
te/ tshar sngon ma kho na bstan pas skye ba

sngon ma yod par shes kyang/ 'di nas phyi mar nyid mtshams sbyor
tshul ma bstan pas phyi ma yod dam med snyam pa'i the tshom bzlog
par mi nus la/ tshar phyi ma 'ba' zhig bshad pas ni skye ba phyi
ma yod par shes kyang/ sngon ma yod dam med snyam pa sel mi nus
pas na/ nges par rten 'brel

tshar gnyis dang/ de yang tshe gsum du bgos nas bshad pa'i rgyu
mtshan nam dgos pa ni de yin no/ /'o na/ de ltar cha gsum du phye
ba'i tshe/ skye ba phyi ma'i ming gzugs nas tshor ba'i bar bzhi la
rga shi'i rten 'brel du btags pa'i rgyu mtshan gang zhe na/ 'di
la 'grel pa mngon pa'i rgyan

@11b du/ phyi ma'i gnas skabs kyi ming gzugs nas tshor ba'i bar
bzhi ni tshe 'di gzhal ba'i rga shi yin no/ /zhes gsungs pa ltar
na/ phyi ma'i rten 'brel bzhi po de tshe 'di'i rga shi'i rten
'brel rdzogs rjes su 'byung ba la bsams nas de ltar btags pa'am/
yang na/ phyi ma'i ming gzugs kyi rten 'brel

sogs dang tshar gcig pa'i yan lag bcu gnyis yod pa las/ tshor ba'i
bar grub pa'i rjes su rga shi'i rten 'brel las gzhan rdzogs zin
pas na shugs la 'byung bar 'gyur ba shes pa la bsam nas rten
'brel du btags pa ste/ gang ltar yang gnas skabs grub mtha'i
'dod dbang gis btaD

pa tsam las/ btags pa'i rgyu mtshan nam dgos pa khyad par can
zhig rang ni yod par mi sems la/ bsam don gyi gtso bo ni phyi
ma'i rga shi'i rten 'brel dngos nyid la bsam par snang ngo/ /de
ltar skabs 'dir dngos su bstan pa'i yan lag bcu gnyis kyi 'byung
tshul de ni gong du bshad

pa ltar/ 'dod pa'i skye gnas dang po gsum dang/ de'i nang nas
kyang gtso che ba mngal skyes kyi dbang du byas nas gsungs pa
las/ spyir rdzus skyes kyi 'dod pa'i 'gro ba gzhan dang/ khams
gong ma ba gnyis su skye ba len pa thams cad la yang yan lag bcu
gnyis ni tshang bar 'dod de/ gzugs

med du yang gzugs kyi rten 'brel med kyang ming gzhi'i rten
'brel yod pa'i phyir dang/ gzhan rnams kyang tshang bar yod kyang
re re nas ma smos la/ de dag gi tshe sa mtshungs mi mtshungs sogs
kyang grub mtha' gong ma dang 'dod tshul mtshungs pa 'dra'o// !
rig pa'i mi mthun phyogs chos

gzhan/ /zhes sogs kyi skabs su/ ma rig pa'i ngo bo ni/ rig pa
yang dag gi dngos kyi mi mthun phyogs su gyur pa las 'bras dang
bden pa sogs la rmongs pa'i sems byung zhig la byed pa las/ rig
pa med tsam la byed pa ma yin te/ de lta na dngos med dang bems
po yang der 'gyur ba'i phyir/

yang shes rab ngan pa 'jig tshogs la lta ba yang lugs 'dir ma rig
pa ma yin te/ shes rab ngan pa de ni lta ba yin la/ lta ba dang
ma rig pa rtsa nyon tha dad du gsungs pa'i phyir dang/ lta ba de
ni rang gi grogs su gyur pa'i ma rig pa dang mtshungs ldan kyang
yin pa'i phyir de las gzhan pa kho na yin no/

@12a @#/ / ! ming ni gzugs can min phung po/ /zhes pa'i don ni
shes par sla la/ rig ? drug 'dus te byung ba yin/ /zhes sogs kyi
skabs su/ rig pa la mig gi 'dus te reg pa nas/ yid kyi 'dus te
reg pa'i bar drug yod pa las/ dang po lnga ni thogs pa'i reg pa
ste/ thogs

bcas kyi dbang po la brten pa'i phyir dang/ drug pa ni/ tshig bla
dwags kyi reg pa ste/ tshig bla dwags ni ming yin la/ yid ni gtso
bor ming la dmigs pas na yul gyi ming yul can la btags pa'o/
/des na dang po lnga ni rten gyis rab tu phye ba yin la/ drug pa
ni dmigs pas rab tu phye ba'o/ /

yang reg pa la gsum du yang phye ste/ rig pa'i reg pa dang/ ma
rig pa'i reg pa dang/ de gnyis gang rung ma yin pa gsum las/
dang po ni/ zag med kyi reg pa dang/ gnyis pa ni/ nyon mongs can
gyi reg pa dang/ gsum pa ni/ dge ba zag bcas dang/ ma bsgribs
lung ma bstan gyi ngo bor gyur

pa'i reg pa'o/ /yang reg pa rnams bsdu na gsum ste/ bde ba myong
'gyur dang/ sdug bsngal myong 'gyur dang/ btang snyoms myong
'gyur gsum du 'du ba'i phyir/ ! de las byung ba'i tshor ba drug
/zhes sogs kyi skabs su/ reg pa de las byung ba'i tshor ba la
yang/ mig gi 'dus te reg

pa las byung ba'i tshor ba sogs drug yod pa las/ dang po lnga ni
lus tshor te/ bdag rkyen dbang po gzugs can pa la brten pa'i
phyir dang/ drug pa ni sems kyi tshor ba ste/ bdag rkyen yid
dbang tsam la brten pa'i phyir/ yang reg pa dang tshor ba gnyis
rim can du 'byung

ngam/ dus mnyam du 'byung zhe na/ yan lag bcu gnyis kyi nang
tshan du gyur pa'i reg tshor gnyis ni rim can du 'byung la/ spyir
ni lugs 'dir dus mnyam du 'byung ste/ de gnyis char sems thams
cad kyi 'khor du 'gro ba'i phyir te/ sems kyi sa mang po pa yin
pa'i phyir/ ! de yid nye bar

rgyu ba las/ /zhes sogs kyi skabs su/ tshor ba drug gi nang nas
yid kyi tshor ba de mtshungs ldan gyi sgo nas ni yid dbang kho na
dang mtshungs par ldan la/ ngo bo'i sgo nas dbye na/ yid bde/ yid
mi bde/ btang snyoms gsum/ dmigs pa'i sgo nas phye na/ gsum po
re res kyang gzugs

@12b sogs yul drug la dmigs pas yid nye bar rgyu ba'i tshor ba
bco brgyad du 'gyur ro/ /de dag las gzugs sogs yul dang po lnga
la dmigs pa bco lnga ni yul so sor ma 'dres pa la dmigs pa yin
la/ chos la dmigs pa gsum la ni 'dres pa dang ma 'dres pa gnyis
ka la dmigs pa yod de/ /

lus tshor lnga po ni yid nyer rgyu ma yin te/ yid nyer rgyu ni
nges par rtog pa dang rjes dran gyi rtog pa dang bcas pa'i yid
la brten pa yin la/ lus tshor rnams ni dbang po gzugs can kho na
la brten pa'i nges rtog dang rjes dran gyi rtog med yin pa'i
phyir/ bsam gtan gsum pa'i bde ba'ang yid nyer rgyu

ma yin te brtan par gnas pa'i phyir/ yid nyer rgyu zhes pa'i don
ni/ yid la brten nas tshor ba yul la rgyu ba'am/ tshor ba la brten
nas yid yul la rgyu ba'i phyir te/ snga ma bye smra dang/ phyi
ma mdo sde pa'i lugs so/ /bco brgyad po de 'dod pa na ni thams
cad yod de/ 'dod pa'i rang sa'i yul

drug la dmigs pa bco brgyad yod pa'i phyir/ 'dod pa'i yid nyer
rgyu'i tshor bas gong ma gzugs khams la dmigs na ni/ dri ro las
gzhan pa'i yul bzhi la dmigs pa bcu gnyis yod pa'i phyir/ yang
des gzugs med la dmigs na ni/ gzugs med na chos khams gcig pu
las

med pas/ de la dmigs pa'i 'dod pa'i yid bde/ yid mi bde/ btang
snyoms gsum las med do/ /gzugs khams kyi dang po bsam gtan dang
po dang gnyis pa gnyis na bcu gnyis re yod la/ de yang 'dod pa
la dmigs pa'i dbang du byas pa ste/ de gnyis na yid mi bde ni
med la/

yid bde dang btang snyoms gnyis kyis 'dod pa'i yul drug la dmigs
pa bcu gnyis yod pa'i phyir/ de gnyis kyis rang sa'i yul bzhi la
dmigs na brgyad dang/ gzugs med kyi chos la dmigs na gnyis te
shes sla'o/ /bsam gtan gsum pa dang bzhi pa gnyis na btang
snyoms kho

na'i yid nyer rgyu drug yod de/ de'i btang snyoms kyis 'dod pa'i
yul drug la dmigs pa kho na'o/ /de gnyis na yid bde med la/ gsum
pa'i sems bde la yang nyer rgyu med pa bshad zin pa ltar ro/ /de
gnyis kyis rang sa'i yul la dmigs na bzhi dang/ gzugs med kyi
chos la dmigs

@13a @#/ /na gcig go/ gzugs med nam mkha'i nyer bsdogs na btang
snyoms kho na'i nyer rgyu bzhi yod de/ des bsam gtan bzhi pa la
rags par blta ba'i tshe bzhi pa'i yul bzhi la dmigs pa'i phyir
ro/ /des rang sa dang gong ma la dmigs na ni chos la

dmigs pa'i btang snyoms gcig pu'o/ /gzugs med kyi dngos gzhi
bzhi na ni rang sa dang gong sa gang la dmigs kyang chos la
dmigs pa'i btang snyoms gcig pu las med la/ de dag gis 'dod pa
dang gzugs la ni mi dmigs pa'i phyir te/ gzugs med dngos gzhi
dge

rnams kyi/ /spyod yul zag bcas 'og ma min/ /zhes gsungs pas so/
/yid nyer rgyu bco brgyad po thams cad kyang zag bcas kho na yin
gyi/ zag med ni med do// ! 'dir ni nyon mongs sa bon bzhin/
/zhes sogs kyis rten 'brel mtshon pa'i dpe bshad pa ste rtsa ba
nyid la

dpyad na shes so// ! srid pa bzhi po de dag las/ /zhes sogs kyi
skabs su/ srid pa bzhi las/ bar srid dang skye srid du nyid
mtshams sbyor ba'i skad cig ma'i srid pa ni gang du skye ba'i
rang sa'i nyon mongs can kho na yin la/ de las gzhan bar srid
dang/ sngon dus kyi srid

pa dang/ 'chi srid gsum la ni nyon mongs can dang/ dge ba dang/
ma bsgribs lung ma bstan gsum ka ci rigs su yod do/ /yang 'dod
gzugs gnyis na srid pa bzhi ka yod la/ gzugs med na ni gsum ste/
de na bar srid med pa'i phyir ro// ! 'gro ba zas kyis gnas pa
yin/ /zhes

sogs kyi skabs su/ zas ni bzhi ste/ kham gyi zas dang/ reg pa'i
zas dang/ sems pa'i zas dang/ rnam par shes pa'i zas so/ /de dag
las kham gyi zas ni 'dod pa kho na na yod la/ de yang dri ro reg
bya'i skye mched gsum po gang rung ste/ de dag sna lce lus gsum
ci rigs

pas kham du bcad cing za ba'i phyir de skad brjod do/ /kham gyi
zas la'ang phra rag gnyis las/ dang po ni/ bar srid pa dang/
'dod lha dang/ bskal pa dang po'i mi rnams kyis longs spyad bya
rnams te/ bar srid pas ni dri za ba'i phyir dang/ gzhan gnyis
kyis kyang phra ba'i bdud rtsi

@13b sogs la longs spyad na/ bye ma la til mar klugs pa ltar lus
kyi nang du 'ju bas rags pa'i gshang gci sogs mi 'byung ba'i
phyir/ gzugs kyi skye mched ni kham gyi zas ma yin te/ zas kyi
don ni rang yul du byed pa'i dbang po dang de'i rten 'byung ba
la phan 'dogs pa yin na/

gzugs kyi skye mched de ni dbyibs dang kha dog gi rang bzhin te/
des rang gi dbang po mig dang de'i rten la yang mi phan na/
dbang po gzhan dang 'byung ba gzhan la phan par ni ga la 'gyur/
'o na/ bkres pas nyan pa dag zas mthong ba tsam gyis sems la mi
phan nam zhe na/ zas kyi dbyibs

dang kha dog mthong ba tsam gyis yid bde ba'am dga' ba ni bde ba
myong 'gyur gyi reg pa zas su song ba las/ gzugs kyi skye mched
zas su song ba ni ma yin no/ /reg pa dang/ sems pa dang/ rnam
par shes pa yang zag bcas zas su 'jog pa las zag med ni ma yin
no/ /de yang kham gyi zas kyis

ni dbang po rten bcas kyi lus rgyas par byed pa dang/ reg pas ni
sems dang sems byung rgyas par byed pa dang/ sems pas ni srid pa
phyi ma gzhan 'phen par byed pa dang/ las kyis 'phangs pa'i rnam
shes kyis srid pa phyi ma gzhan 'phen par byed pas na/ de dag gi
sgo nas zas su 'jog pa'o/ /de

dag kyang gtso che ba'i dbang du byas pa las byed las de dang de
tsam du nges pa ni ma yin te/ kham zas dang reg pas kyang brgyud
nas srid pa 'phen par byed de/ de dag las nyon mongs pa skye
zhing des las gsogs pa'i phyir dang/ sems pa dang rnam shes kyis
kyang lus dang sems gnas par

byed pa yod de/ mu ge'i tshe thal ba'i skyel pa la phye'i sems pa
yod pa de srid du ma shi bar grags pa lta bu dang/ rnam shes
kyis zin na lus dang sems byung rnams kyang rgyas par 'gyur ba'i
phyir ro/ /yang kham dang zas la mu bzhi ste/ kham yin la zas
min pa ni/ lcags kyi tho lum

'bar ba sogs te dbang po dang rten la gnod par byed pa'i phyir/
zas yin la kham min pa ni rig pa sogs gsum dang/ gnyis ka yin pa
ni/ dbang po rten bcas rgyas par byed pa'i kham zas rnams/ gnyis
ka ma yin pa ni sgra la sogs pa'o/ /reg pa dang zas la'ang mu
bzhi ste/ reg pa

@14a @#/ /yin la zas min pa ni reg pa zag med dang/ zas yin la
reg pa min pa ni zas gzhan gsum dang/ gnyis ka yin pa reg pa zag
bcas dang/ gnyis ka min pa ni de las gzhan pa ste/ mu rtsi tshul
'dis ni zas gzhan gnyis la yang shes so// ! 'chi 'pho skye ba
btang snyoms

la/ /zhes sogs kyi skabs su/ 'chi 'pho ba dang skye ba len pa'i
sems kyi tshor ba ni btang snyoms 'ba' zhig yin te/ tshor ba gzhan
rnams gsal ba'i phyir mi 'byung ngo/ /sems rtse gcig pa'i mnyam
bzhag dang/ sems med pa'i gnas skabs gnyis su'ang 'chi sems mi
'jug ste/

dang po ni sbyor byung yin pas sems gsal ba'i phyir dang/ phyi
ma ni sems med yin pa'i phyir/ des na 'du shes med pa'i sems can
dag kyang skye ba dang 'chi 'pho ba'i tshe sems mi gsal ba mngon
du gyur pa yin no/ /dgra bcom pa mya ngan las 'da' kha'i sems la
dge ba dang/

ma bsgribs lung ma bstan gang rung 'byung la/ kha cig  / dge ba
mi 'byung ste/ zag med ni gsal bas mi 'byung la/ dge ba zag bcas
ni rnam smin dang bcas pa gang zhig  / dgra bcom pa ni ma 'ongs
pa'i rnam smin la rgyab kyi phyogs pa'i phyir ma bsgribs lung ma
bstan kho nar 'dod pa yang yod

pas gang du khas blangs kyang 'gal ba ni med 'dra ste/ rnam smin
dang bcas na rnam smin 'byin par nges pas kyang ma khyab pa'i
phyir/ ! lte ba snying gar yid 'chi 'pho/ /gnod gcod pa ni chu
sogs kyis/ /'phags dang mtshams med byed pa dang/ /yang dag logs
pa nyid du nges/ /zhes

pa rnams ni tshig 'grel gyis shes so// ! gnyis pa snod kyi 'jig
rten bshad pa la/ snod kyi 'jig rten spyi dang bye brag chags
tshul dang/ de dag gi tshad/ ngo bo dang khyad par gyi rnam bzhag/
de dag tu bcud kyi sems can rnams rim par grub tshul/ tshe dang
longs spyod dang/ rnam smin dang/

sdug bsngal gyi khyad par/ bskal pa dang/ lo zla zhag dus kyi
rnam bzhag /chags gnas 'jig stong gi 'byung tshul sogs phal che
ba ni rtsa ba nyid las gsal bar 'byung la/ cung zad mi gsal ba
rnams kyang 'grel pa che chung dang/ yig cha phal mo cher gsal
ba ltar la go mi bde ba'i gsal

@14b skyor dang/ dogs pa dpyod dgos pa sogs cher mi snang zhing/
'di dag go bde ba'i dbang gis gzhung lugs la ma sbyangs pa dag
gis kyang khong du chud pa mang bar snang zhing grags che ba
bcas/ des na zhib tu shes par 'dod pa'i rnam dpyod can rnams
kyis ni rtsa 'grel rnams bklaD

pa nyid kyis go bar nus la/ shes 'dod med pa dang rmongs zhing
gti thug pa dag la ni mang du bkod kyang der zad pas na/ 'dir
skyar 'dab kyi tshul du bkod kyang yi ge'i khur gyis ngal ba tsam
las dgos pa lhag por ma mthong mod/ 'on kyang dus dbang gis blo
gros dang rtsol ba gnyis

zhan ? gyis dpe mang blta bar mi lcogs pa rnams la sman pa'i
slad dang/ gzhung 'grel cha tshang bar bya ba'i phyir cung zad
mdor bsdus pa'i tshul du 'god pa'i dbang du bgyis te/ gnas kyi
'jig rten bshad pa la/ rten rlung chu gser gyi dkyil 'khor bshad
pa dang/ brten pa ri gling sogs

bshad pa/ sems can gyi gnas bye brag du bshad pa gsum las/ dang
po ni/ de la snod kyi 'jig rten gyi/ /zhes sogs gsungs/ de yang
dbyibs dang mchu zheng sogs kyi bkod pa mi 'dra ba'i 'jig rten
gyi khams mtha' yas pa de dag thams cad bstan par mi nus pas/
skabs don

phal po che'i mdo las/ gzhi dang snying po me tog gis brgyan
pa'i 'jig rten gyi khams kyi sangs rgyas rnam par snang mdzad
kyi phyag gi lhung bzed kyi padma'i ze 'brur 'jig rten gyi khams
ming can nyi shu rtsa lnga chags par gsungs pa'i bcu gsum pa/ 'o
skol gyi ston pa'i 'dul

zhing mi mjed 'jig rten gyi khams kyi rnam gzhag mdor bsdus zhig
brjod pa la/ snod kyi 'jig rten gyi 'og gzhi rlung gi dkyil
'khor ni/ 'jig rten snga ma 'jig pa'i rjes kyi stongs bskal gyi
mthar/ 'jig rten phyi ma 'di nyid 'chaD pa'i snga ltas rlung
'jam po lo grangs du mar

ldang ba las/ tshan po che'i rdo rjes kyang gzhig par mi nus pa'i
kha dog sngo skya'i rlung gi dkyil 'khor rngams su dpag tshad sa
ya gcig dang drug 'bum dang/ rgyar grangs med gcig yod pa 'chags
so/ /de'i steng gser gyi snying po can gyi sprin 'khrigs pa las
char gyi rgyun shing rta'i srog shing

@15a @#/ /tsam lo mang babs pa las chu'i dkyil 'khor rngams su
dpag tshad 'bum phrag bcu gcig dang stong phrag nyi shu yod pa
'chags la/ thad kar mi 'bo ba'ang sems can gyi las kyi dbang gis
yin te/ dper na/ zas ma zhu ba'i bar long du mi ltung ba bzhin
no/ /

sa sder glo dang 'og na gnas pa'i rlung gis sbyangs kyi tshul du
'dzin par bshad do/ /de nas rlung gis chu de dag bsrubs shing
'thas par byas pa la brten nas dus phyis ni chu'i dkyil 'khor
rngams su dpag tshad 'bum phrag brgyad du gyur pas lhag ma dpag
tshad gsum 'bum nyi khri ni gser gyi sa

gzhi'am gser gyi dkyil 'khor du 'gyur la/ chu gser gyi dkyil
'khor gnyis kyi thad kar ni dpag tshad 'bum phrag bcu gnyis dang
gsum stong bzhi brgya lnga bcu'o/ /de gnyis dbyibs zlum po yin
pas khor yug tu thad ka'i tshad kyi gsum 'gyur ro/ /de yang chu
gser gnyis la thad

dang mtha'i tshad bshad la/ rlung dkyil la ma bshad pa ni rlung
dkyil stong gsum gyi 'og gzhi gcig tu 'dab 'brel ba yin pas tshad
med la/ chu gser gnyis gling bzhi'i 'jig rten re re'i 'og gzhi
yin pas tshad yod par bshad pa'i phyir ro// ! de la lhun po gnya'
shing 'dzin/ /

zhes sogs kyi ri bshad pa ste/ de nas khams sna tshogs pa'i
snying po can gyi sprin 'khrigs pa las char rgyun sngar ltar
babs pa la brten nas gser dkyil gyi steng du zabs su dpag tshad
brgyad khri yod pa'i mtsho chen po 'chags/ mtsho de nyid khams rab
sdud cing 'byed pa'i rlung gis

gru bzhir bsrubs pa las/ ri gzhan las lhun chags pa'i lhun po
dang/ de'i phyi rol tu khams 'bring sdud cing 'byed pa'i rlung
gis grub bzhir bsrubs pa las/ ri'i rtse mo shing rta'i gnya'
shing gi rnam pa lta bu yod pa'i gnya' shing 'dzin ri dang/ rtse
mo gshol mda'i rnam pa lta bu

yod pa'i gshol mda' 'dzin dang/ rtse mor seng ldeng gi nags kyis
mdzes pas seng ldeng can dang/ rtse mo yid du 'ong bas blta na
sdug ri dang/ rtse mo rta'i rna ba lta bus mdzes pa yod pa'i rta
rna dang/ rtse mo dbus su rnam par 'dud pas rnam 'dud/ rtse mo
'khor lo'i mu

@15b khyud ltar mdzes pa yod pas mu khyud 'dzin ri ste ri bdun
nang nas rim bzhin 'chags/ de nas phyogs bzhir khams tha ma sdud
cing 'byed pa'i rlung gis gling rang rang gi dbyibs dang 'dra
bar khol bur bsrubs pa las gling bzhi gling phran rnams dang/
rgyar dpag tshad sa ya gsum dang drug

'bum nyis stong drug brgya nyer lnga yod pa'i phyi'i lcags ri'i
khor yug gi ri rnams dus mnyam pa'i tshul gyis 'chags so/ /ri dgu
po de dag gi ngo bo ni/ ri bar pa bdun ni gser dang/ khor yug ni
lcags/ lhun po ni rin po che sna bzhi'i rang bzhin ste shar
dngul/ lho bai DUrya/ nub padma rA ga/

byang gser gyi rang bzhin no/ /gdags pa las ni shar nub go ldog
ste bshad la/ ri rab kyi ngos rin po che gang gi rang bzhin yin
pa de'i 'od la brten nas nam mkha' dang rgya mtsho yang de'i mdog
tu snang ste/ dper na/ 'dzam bu'i gling gi ngos bai DUrya yin
pas/ phyogs 'di'i nam mkha'

dang rgya mtsho yang sngon por snang ba bzhin yin no/ /ri gling
thams cad chu'i nang du dpag tshad brgyad khri nub pa 'dra ste/
'og gzhi gser dkyil la brten pa 'dra ba'i phyir ro/ /chu'i steng
nas 'phags tshul mi 'dra ste/ ri rab ni brgyad khri dang/ ri
gzhan rnams ni rang rang gi nang ma las phyed

phyed 'phri ba ste rim bzhin bzhi khri nyis khri sogs su shes
dgos la/ de dag rngams yang rang rang gi 'phang dang mnyam mo/ /
! de dag bar bdun rol mtsho ste/ zhes sogs ni/ lhun po nas mu
khyud 'dzin ri bar gyi mtsho bdun ni rol mtsho ste/ bsil dang zhim
dang yang ba dang/ /'jam

dang dwangs dang dri nga med/ /'thung na mgrin dang lto ba la/
/mi gnod yan lag brgyad ldan chu/ /zhes pa ltar gyi yan lag
brgyad dang ldan pa'i chus gang zhing/ klu'i rgyal po rnams rol
cing brtse ba'i gnas yin pa'i phyir rol mtsho zhes bya'o/ /de dag
gi tshad ni/ rol mtsho dang po ni ri rab dang

gnya' shing 'dzin ri bar gyi kha zheng la dpag tshad stong phrag
brgyad cu dang/ phyogs re'i ngos la de'i sum 'gyur te nyis 'bum
bzhi khri dang/ rol mtsho gzhan drug ni rang rang gi nang ma las
zheng chad phyed phyed 'phri zhing/ phyogs re'i ngos tshad ni
snga ma snga ma las 'phyi ma phyi ma ches che bar shes par

@16a @#/ /bya'o; ;mu khyud 'dzin ri dang lcags ri'i bar gyi
mtshon ni ba tshwa can gyi phyi'i rgya mtsho chen po dang/ zhing
tshad ni phyogs gcig gi mu khyud 'dzin ri nas lcags ri'i bar
dpag tshad 'bum phrag gsum dang stong phrag nyer gnyis yod la/
phyi nang gi mtsho rnams kyang gser

dkyil la thug pas zabs su dpag tshad brgyad khri'o/ /'dir khor
yug gi mtha' skor dpag tshad sa ya gsum dang drug 'bum nyis
stong drug brgya nyer lnga yod par bshad pa dang/ gong du chu
dang gser gyi dkyil 'khor ni/ zhes sogs kyis tshad bshad pa
gnyis 'gal lo zhe na/ mi 'gal te/ khor yug

gi phyi'i chu mtshams las phyogs rer dpag tshad tshig stong nyis
brgya phyed brgyad cu rtsa brgyad chu gser gnyis rgya che bar
rgyal sras ma las bshad pa'i phyir dang/ rdams su 'phang dang
mnyam/ zhes pa ni steng gi chu mtshams nas rtsis pa yin la/ ri
rnams ni zang yag ma yin gyi 'bru'i phung po spungs pa

ltar gnas pas rtsa ba chu gser gyi rgya dang mnyam par slob
dpon gzhan gyis bshad pa'ang rgyal sras ma dang dgongs pa 'dra
bar mngon no// ! de la ni/ 'dzam bu'i gling ste ngos gsum la/
zhes sogs kyis gling dang gling phran bshad pa ste/ ri rab kyi
lho na yod cing shing 'dzam bu'i 'bras bu ma dros pa'i mtshor

lhung ba na 'dzam bu zhes pa'i sgra 'byin pas 'dzam bu dang/
mtha' chus bskor bas na gling ste/ lho 'dzam bu'i gling zhes
bya la/ de'i ngos gsum la dpag tshad nyis stong nyis stong dang
shing rta'i dbyibs 'dra bas khor yug la bstan pa'i ngos de la
ni dpag tshad phyed dang bzhi'o/ /'di nas shar phyogs kyi ri
rab

kyi ngos na yod cing/ de'i mi rnams gling 'di'i mi las lus
nyis 'gyur gyis 'phags pas shar lus 'phags kyi gling zhes bya
la/ dbyibs zla gam 'dra bas ngos gsum la dang gi tshad nyis
stong nyis stong dang/ khor yug la bstan pa'i ngos de la dpag
tshad sum brgya lnga bcu'o/ /'di nas nub phyogs kyi ri rab

kyi ngos na yod cing/ pa lang dang rin po che la longs spyod
pas nub ba lang spyod kyi gling zhes bya la/ dbyibs zlum po
ste mtha' skor dpag tshad stong phrag phyed dang brgyad do/
/'di nas byang phyogs kyi ri rab kyi dos na yod cing/ 'chi
ba'i zhag bdun gong nas khyod 'chi'o zhes pa'i sgra mi snyan
pa 'byung bas byang sgra mi

@16b snyan gyi gling zhes bya la/ dbyibs gru bzhi ste phyogs
rer dpag tshad nyis stong nyis stong gis kun nas bskor ba
bsdoms na dpag tshad brgyad stong ngo/ /gling bzhi'i bar gyi
gling phran ni/ lus dang lus 'phags sogs yongs grags ltar te/

[@#line break?]
dbyibs ni rang rang gi gling gtso bo dang 'dral/ tshad mngon
par ma  gsungs kyang dus 'khor las gling gtso bo las phyed kyi
chung bar bshad cing/ rda yab na srin po gnas kyang sran po mi
yin pa'i phyir thams cad na mi gnas par bshad do// ! 'di nas
byang du ri nag po/ zhes sogs kyis 'dzam bu'i gling gi khyad
par bshad pa ste/ 'dzam bu'i gling

gi dbus rgya gar rdo rje gdan nas byang du ri nag po dgu 'das
pa na gangs ri dpal dang ldan pa yod la/ de'i yang byang na ri
spos ngad ldang ba yod cing/ ri de gnyis kyi bar spos ngad
ldang nas dpag tshad bcu'i tshu rol na/ mtsho ma dros pa zhes bya
ba/ yan lag brgyad ldan gyi chus gang zhing/ me tog sna tshogs

kyis khebs pa/ mchu zheng du dpag tshad lnga bcu lnga bcu dang/
mtha' skor dpag tshad nyis brgyas bskor ba/ de na klu'i rgyal
po ma dros pa gnas pas mtsho ma dros pa zhes bya la/ ganggA la
sogs pa'i chu bo bzhi po'ang/ shar phyogs brag glang chen gyi
kha 'dra ba nas dngul gyi bye ma 'dren pa'i ganggA dang/ lhor

brag khyu mchog gi kha 'dra ba nas gsar gyi bye ma 'dren pa'i
sidd+hu dang/ nub tu brag rta'i kha 'dra ba nas bai DUrya'i
bye ma 'dren pa'i pak+Shu dang/ byang na brag sengge'i kha 'dra
ba nas rdo rje'i bye ma 'dren pa'i si ta 'bab cing/ mtshom dros
par g.yas phyogs su lan bdun bdun bskor te/ re re'ang chu
phran lnga brgya lnga brgya dang 'grogs

nas rang rang gi phyogs kyi rgya mtsho chen por 'gro'o/ /mtsho
de'i 'gram na 'jig rten chags pa'i che grub pa'i shing bzhi'i
ya gyal shing 'jam bu'i 'bras bu smin pa mtshor lhungs pa/
klu'i rgyal po rnams nyar sprul nas za bar byed la/ ma zos pa
rnams ma dros pa'i chu dang 'phrad bam 'dzam bu'i chu gser du
'gyur ro//

ri spos ngad ldang nas byang phyogs dpag tshad nyi shu na brag
gser gyi bya skyibs lha ma yin gyi ngos zhes bya ba gru bzhi
pa/ ngos rer dpag tshad lnga bcu pa mtha' nyes brgyas 'khor ba/
steng du dpag tshad phyed bzhis mdzes pa/ khor yug na brag gser
gyi bya skyibs can brgyad stong yod pa/ de nas byang du dpag
tshad nyi shu na

@17a @#/ /rtsa ba 'doms bzhi bcu sa la zug pa'i shing sa la'i
rgyal po rab brtan/ rim bzhin 'doms bcu gsum nas bdun gyi bar
sa la zug pa'i sA la'i phreng ba rim pa bdun gyis bskor ba/
shing sA la'i rgyal po'i lo 'dab sA la'i phreng ba dang por
thug pa nas phreng ba drug pa'i

lo 'dab bdun pa la thug pa'i yal 'dab kyis nam mkhar khyab pa
yod la/ de nas shar phyogs su dpag tshad nyi shu na rdzi dbu
dal 'bab ces bya ba mtsho ma dros pa dang rgya khyon mnyam pa/
rdzing g.yog brgyad stong gis mtha' bskor ba/ de na pad sdong
gshol mda' tsam la lo ma ba ko tsam dang me tog

[@#line break?]
shing rta'i 'phang lo tsam shar ba yod cing/ de na brgya byin gyi
g.yul ngor spyod pa'i glang po che rab brtan lus dkar mgo ? sngo
spyi bo dmar ba/ mche ba drug ldan/ lus srid dpag tshad phyed
gsum dang zhing du dpag tshad gcig pa 'phang du dpag tshad phyed
gnyis yod pa/ glang g.yog brgyad

stong dang bcas te dbyar zla ba bzhir gnas la/ de dag dgun zla
ba bzhir brag gser gyi bya skyibs can dang/ dpyid zla ba bzhir
shing sA la'i rgyal po'i drung du gnas so/ /gzhan yang gling
'di'i shar na ri bo rtse lnga/ lho na ri bo gru 'dzin/ nub na
o rgyan rdo rje'i pho brang/ byang na sham b+ha

la sogs dang/ yul chen bcu drug /yul phran stong/ mi rigs sum
brgya drug cu/ skad rigs bdun brgya nyi shu bcas yod par grags
so// ! 'di 'og stong phrag nyi shu na/ /zhes sogs kyis sems
can gyi gnas bshad pa ste/ 'dzam gling 'di'i 'og dpag tshad
stong phrag nyi shu na sdug

bsngal mtha' yas pas bar mtshams med par mnar ba'i dmyal ba
mnar med pa'i gnas kyi ya thog yod la/ de'i rgyar dang dpang
la'ang dpag tshad stong phrag nyi shu nyi shu dang dbyibs gru
bzhi pa de tsam yod do/ /'o na 'dzam gling gi mtha' skor dpag
tshad drug stong dang phyed bzhi las

med pas/ mnar med pa'i gnas de 'di'i 'og mi chud pa'i skyon du
'gyur ro zhe na/ skyon med de/ gling rnams 'bru'i phung po
spungs pa ltar 'og gzhi shin tu rgya che ba'i phyir ro/ /de'i
steng na yar rab tu tsha ba dang/ tsha ba/ du 'bod chen po/ du
'bod/ bsdus 'joms/ thig nag /yang sos

@17b te che dmyal bdun gong nas gong du brtsegs te gnas so/
/tsha dmyal brgyad po re re la'ang phyogs bzhir 'khor gyis tshul
du me ma mur gyi 'obs dang/ ro myags kyi 'dam/ spu gris gtams
pa'i lam dang sogs khongs nas ral gri lo ma'i nags tshal dang
lcags kyi shal ma li'i sdong po rnams

mtshon chas skor zhes gcig tu bgrang la/ thal tshan gyi chu bo
rab med de phyogs bzhir bsdoms pas 'khor bcu drug bcu drug gis
bskor te gnas la/ de dag ni gnod pa lhag pa'i gnas yin pa'i
phyir lhag ces bya zhing nye 'khor ba'i dmyal ba pa zhes bya
ba'ang de dag go/ dmyal srung

mtshon cha thogs pa rnams kyi dmyal ba pa rnams gzhan du bros
pa 'gog par byed na/ de dag sems can yin nam zhe na/ mdo sde
pas ni/ 'byung ba dang 'byung 'gyur gyi khyad par tsam yin gyi
sems can min te/ dper na/ ri ra lug gi gdong pa can bzhin no
zhes zer/ bye brag smra bas ni/ de dag

dmyal ba pa yin kyang gnas skabs dmyal ba'i me la sogs pas mi
gnod pa ni/ las kyis mtshams bcad pa'i dbang gis yin zhes zer
ro/ /tsha dmyal de dag las gzhan chu bur can sogs grang dmyal
brgyad yod de/ chu bur can dang/ chu bur rdol ba dang/ so tham
tham pa dang/ a chu zer ba dang/ kyi hud

zer ba dang/ utpala ltar gas pa dang/ padma ltar gas pa dang/
padma ltar cher gas pa rnams su yod pa'i phyir/ de dag gi dang
po gnyis dang phyi ma gsum ni lus kyi 'gyur ba dang mthun pa'i
ming dang/ lhag ma gsum ni sgra'i 'gyur ba dang mthun pa'i
ming ngo/ /de dag kyang 'dzam bu'i gling gi 'og tsha dmyal

gyi thad byang phyogs 'khyag rum gyi nang na gnas par bshad
do/ /nyi tshe ba'i dmyal ba ni mi'i yul gyi myal ngam gyi thang
stong sogs na gnas pa nyin zhag re la dmyal ba'i sdug bsngal
dang mtho ris kyi bde ba 'dren mar myong ba ste/ lung ko lpags
kyi gzhi sogs las gsungs pa rnams so/ /yi dwags kyi

gnas kyi rtsa ba ni rgya mtsho chen po dang/ de dag gi gnas
rgyal po'i khab ni gling 'di nyid kyi 'og dpag tshad lnga brgya
'das pa na yi dwags kyi grong khyer sar skya zhes bya ba na
yod la/ de na yi dwags kyi gtso bo chos kyi rgyal po gshin rje
zhes bya ba 'phen byed mi dge ba dang rdzogs byed dge bas

@18a @#/ /byas pa lha'i dpal lta bu myong ba zhig yod cing/
de'i 'khor na yi dwags kyi ris sum cu rtsa drug yod pa dran
nye'i mdo las bshad la/ sa yi dngos gzhi las ni/ phyi nang zas
skom gyi sgrib pa can te yi dwags ris gsum du bshad cing/ kha
'thor ba ni/ mka'

la rgyu ba'i rdul khrod kyi sha zar bgrang ba dang/ mya ngam
gyi thang lang yod par ko lbags kyi gzhi las bshad pa rnams
yin no/ /dud 'gro phal che ba phyi'i rgya mtsho dang/ kha 'thor
ba mi dang 'dod lha'i gnas sogs dang/ bye smras dmyal ba nang
yod par bshad la/ lha ma yin ni/ ri rab

kyi chu mtshams man nas gser gyi sa gzhi'i bar gyi khong seng
na gnas te/ ri rab kyi chu mtshams man chad dpag tshad chig khri
chig stong re gzhal ba'i kheng seng na grong khyer 'od ldan
dang/ skar phreng gi grong dang/ zab pa'i grong dang/ mdzes
pa'i grong zhes bya ba na/ rim pa bzhin lha ma

yin gyi dbang po sgra gcan dang/ mgul phreng dang/ me tog
phreng dang/ thags bzang ris sogs 'khor bcas gnas shing/ brgya
byin la 'gran par byed pa'i srung ma nas rta'i bar yang cha
'dra re yod par dran nyer bshad do// ! nyi zla lhun po'i phyed
na'o/ /zhes sogs kyi lha gnas bshad

pa ste; sa dang 'brel ba'i lha gnas la gzhal med khang la
brten pa dang ri la brten pa gnyis las/ dang po ni nyi zla
skar ma rnams yin la/ 'o na/ nyi zla rgyu skar rnams mthong
man ji tsam nas rgyun/ chu mtshams yan gyi lhun po'i phyed
gnya' shing 'dzin ri'i rtse dang thad mnyam dpag tshad bzhi
khri'i steng

na 'khor ba'i rlung gi steng na rgyu la/ zla ba la thad kar
dpag tshad lnga bcu dang/ nyi ma la thad kar dpag tshad lnga bcu
nga gcig / de gnyis ka'i mtha' skor la ni gsum 'gyur dang/
rngams su dpag tshad phyed drug dang gcig gi bco brgyad cha
gcig go / rgyu ni/ zla ba'i 'og gzhi chu shel las grub cing/

de'i sger gyi byed las bsil ba dang mig la phan pa/ nyi ma'i
'og gzhi me shel las grub cing de'i byed las tsha ba dang mig
la gnod pa/ de gnyis thun mong gi byed las lo tog smin pa dang
snang ba ster bar byed la/ dkyil 'khor de gnyis ka'i steng du
'phang dpag tshad phyed pa'i gser gyi ra

@18b bas bskor ba/ rin po che sna bzhi'i rtsig skyab dang/ 'og
gzhi tshon sna brgya rtsa gcig gis bkra ba'i steng/ rin po
che'i khang bzang/ skyed mos tshal/ dpag bsam gyi shing/ me tog
mandra ba spus mo nub tsam du 'grems pa sogs lha'i 'byor ba du
ma dang bcas pa ste lha'i bu nyi ma dang zla ba 'khor bcas

gnas pa yin no/ /skar ma ni/ rgyu chu shal las grub cing che
ba la rgyang grags bco brgyad dang/ 'bring phal che ba la bcu
dang bcu gnyis tsam/ chung ba la gsum dang gcig sogs sna tshogs
dang/ gling gzhi gcig gi dbang du byas pa'i skar ma'i grangs
ni dung gnyis bye ba brgyad sa ya lnga yod par

drang srong gar ga'i ltas kyi rnam pa bstan pa'i mdo las bshad
cing/ so so'i 'og gzhi'i steng na gser gyi ra bsogs lha'i
'byor pa'i chogs gong dang 'dra ba yod par bshad do/ /nyi mas
gling bzhi la snang ba'i bya ba byed tshul ni/ byang dun ma
phye dang/ shar du nyi ma nub pa/ lhor nyi ma phyed

pa; nub tu nyi ma shar ba rnams nyin zhag gcig la dus mnyam
pa'i tshul gyis 'khor bar byed cing/ sa'i stod 'grel las/ gang
gi tshe nyin zhag mnyam pa de'i tshe na de ltar bgrang gi gzhan
na ni cha yod par blta'o/ /zhes gsungs pas dus mnyam tshul de
ni ston dpyid nyin mtshan mnyam

pa'i nyin zhag re la yin gyi/ nyin mtshan 'phel 'grib kyi dbang
gis thams cad du nges pa med pa'i phyir ro// ! dbyar gyi zla
ba gnyis pa yi/ /zhes sogs kyi dbyar dgun nyi ma ldog dus
bshad pa la/ 'grel TIka rnams su/ dbyar gyi zla ba gnyis pa
yi/ /sogs kyi don dbyar zla gnyis pa'i tshes

brgyad la dbyar nyi ldog pa dang/ dgun zla bzhi ba'i tshes
brgyad la dgun nyi ldog pa rtsa ba'i tshig zin sor bzhag mdzad
nas bshad pa dang/ 'ga' zhig tu dgun nyi rgyal dang dbyar nyi
chu stod la ldog par mngon sum gyis grub pas/ mngon pa'i lugs
'dir lo 'go hor zla brgyad pa dgu pa nas 'dzin

dgos pa sogs 'dul mngon mi mthun par bshad mod/ ~ rgyal mchog
lnga pa chen pos/ las chog rnam rgyal gser mdog las/ 'o na
khyod kyis bshad pa'i lo 'go 'di nas dgun zla gnyis las ma
'gyangs par dgun nyi ldog par mngon sum gyis grub na/ mdzod
las/ dgun

@19a @#/ /rnams kyi ni bzhi pa la/ /thung ngu 'gyur ro nyin mo
ldog /ces dgun zla bzhi pa la nyi ma ldog par bshad pa dang
'gal lo zhe na/ kha cig 'di gtso bor byas nas lo 'go hor zla
brgyad pa'am dgu pa nas 'dzin la/ g+ha cig 'dul mngon mi mthun
pas 'dul ba'i rnam gzhag

la mngon pas mi gnod do zhes zer mod/ de ni yar ngo sngon
'gro'i dgun zla bzhi pa dbo'i zla ba hor zla gnyis pa'i smad
la nyin mtshan mnyam pa zhag gcig 'byung la/ de'i phyi nyin nas
mtshan mo las nyin mo ring du 'gro la/ de nas zla ba gsum lhag
tsam lon pa dpyid kyi bzhi pa chu stod kyi zla 'go la dbyar

nyi ldog cing/ de nas zla ba gsum lon pa dbyar gyi gnyis pa
grums kyi zla smad la ston nyin mtshan mnyam pa'i phyi nyin nas
ring thung du 'gro ba'i 'di dang mthun par bshad na legs so/
/zhes pa dang mthun par chos mngon rin chen 'dren pa'i shing
rta las kyang gsungs pas/ lugs 'di'i lo

'go hor zla bcu ba'i mar ngo'i tshes gcig nas 'dzin pa 'dul pa
dang mthun zhing/ des na/ dbyar gyi zla ba gnyis pa yi/ /tha
ma'i tshes dgu nas mtshan ring/ zhes pas yar ngo sngon 'gro'i
dbyar zla gnyis pa khrums kyi zla ba la stod smad gnyis su
dbye ba'i zla smad la ston nyin mtshan mnyam pa'i phyi

nyin tshes dgu nas nyin mo las mtshan mo ring du 'gro la/ de nas
zla ba gsum lhag tsam lon pa'i yar ngo sngon 'gro'i dgun zla
gnyis pa rgyal zla'i 'gor dgun nyi ldog pa'i don dang/ dgun
rnams kyi ni bzhi pa la/ /thung ngu 'gyur ro nyin mo ldog
/ches pas dgun nyi ldog nas zla ba gsum lhag tsam

lon pa'i yar ngo sngon 'gro'i dgun zla bzhi pa dbo'i zla smad
la dpyid nyin mtshan mnyam pa'i phyi nyin nas mtshan mo thung la
nyin mo de las ldog ste ring du 'gro ba'i don yin par gsungs
pa ltar khas blangs na/ rtsa ba'i dgongs pa dang 'byor la lung
rigs kyi mi gnod cing 'jig rten gyi grags pa sogs

kyis kyang mi gnod par snang ngo/ /tha ma'i tshes dgu nas mtshan
ring/ zhes pa chos dgu dpe tsam bstan pa yin gyi/ der nges pa
ni ma yin te/ 'grel pa mngon pa'i rgyan las/ 'dir nyi ma ldog
pa thams cad spyir chos dgu 'ba' zhig la ldog par 'dod pa ni
ma yin te/ dgu la ldog pa gsal pa'i dper byas nas

@19b gzhan yang mtshon pa'i phyir ro/ /zhes gsungs pa'i phyir/
ji tsam gyis ring thung du 'gyur zhe na/ thang gcig gis nyin
mtshan ring thung du 'gyur la/ de ni nyin zhag gcig la cha dgu
brgyar byas pa'i cha gcig la bzhed do/ /'o na nyi ma ldog pa'i
don gang zhe na/ nyi ma byang nas lhor 'gro ba ni dbyar gyi
ldog pa yin pa dang/

lho nas byang du 'gro ba ni dgun gyi ldog pa yin pa'i phyir
dang/ nyi ma lhor bgrod mthar thug pa'i tshe dpag tshad phyed
drug dang gcig gi bco brgyad cha gcig gling las rim gyis yol
te phyi'i rgya mtsho'i steng nas rgyu bas/ de'i tshe rgya mtsho'i
chu rnams dro zhing lu ma dro ba dang/ byang bgrod mthar thug
pa'i tshe

dpag tshad phyed drug dang gcig gi bco brgyad cha gcig rim gyis
rgya mtsho las yol te gling gi steng du rgyu bas/ de'i tshe
gling rnams dro zhing rgya mtsho las byung ba'i lu ma rnams
drang pa'i gnad kyang de yin no/ /dbyar dgun nyi ma ring thung
'ong ba'ang dbyar nyi ma gling gi dbus nas rgyu ba'i tshe 'gros
dal la/ dgun nyi ma

gling gi mtha' nas rgyu ba'i tshe 'gros myur ba'i dbang gis yin
no/ /zla ba 'phel 'grib tu snang ba yang nyi ma dang nye ba'i
tshe nyi ma'i 'od phog pas rang gi grib mas 'grib pa yin te/
nyi ma dang shin tu nye ba'i gnam stong lta bur ma lus par
'grib pa'i phyir gtan nas mi snang ba yin la/ shin tu ring
ba'i bco lnga lta

bur grib mas cung zad kyang bsgribs pa med pas rdzogs par
snang ba yin no/ /nyi zla rgyu skar 'di dag kyang rgyal chen
ris bzhi'i lhar gtogs so// ! 'di la bang rim bzhi yod de/ zhes
sogs kyis ri la gnas pa bshad pa ste/ ri rab 'di la gling bzhi
dang dus mnyam du 'chags pa'i khams tha ma las

grub pa'i bang rim bzhi yod la/ bar gyi thag kyang chu mtshams
nas dpag tshad stong phrag bcu bcu'i sa na bang rim re yod
cing/ phyi rol du ji tsam 'phags pa'i bang rim dang po la dang
ga tshad stong phrag bcu drug dang/ gnyis pa la brgyad/ gsum pa
la bzhi/ bzhi pa la gnyis rnams ri rab las phyir

'phags so/ /de yang bang rim dang po la gnod sbyin lag na rin
po che'i gzhong pa bdud rtsis gang pa thogs pa/ gnyis pa na
gnod sbyin lag na rin po che'i phreng ba thogs pa dang/ gsum
pa la gnod sbyin rgun chang gis rtag tu myos pa dang/ /bzhi pa
la rgyal chen bzhi'i ris kyi lhag rnams gnas te/ bang

@20a @#/ /rim bzhi pa'i shar na yul 'kor srungs kyi pho brang
dang/ lho na 'phags skyes po'i pho brang dang/ nub na spyan mi
bzang gi pho brang/ byang na rnam thos kyi pho brang yod la/
der ma zad gser ri bdun gyi steng na yang rgyal chen bzhi'i
ris kyi lha gnas pa'i phyir dang/ yang gi sgras

phyi'i khor yug dang gling rnams kyi ri dang shing dang chu
la'ang rgyal chen ris bzhi'i lha gnas pa bsdu pa'i phyir ro/ /
! lhun po'i rtse na sum cu gsum/ /zhes sogs kyi sum cu rtsa
gsum bshad pa ste/ lhun po'i rtse na sum cu rtsa gsum gyi lha
rnams gnas la/ ci'i phyir sum cu rtsa

gsum zhes bya zhe na/ de na nor lha brgyad/ drag po bcu gcig
/nyi ma bcu gnyis/ tha skar gyi bu gzhon nu gnyis te dbang po
dang nye dbang bsdoms pa'i gtso bo sum cu rtsa gsum yod pas
sam/ yang na ri rab kyi steng na chos bzang lha'i mdun sa la
sogs pa'i lha gnas sum cu rtsa gsum yod pas de skad

ces bya'o/ /'o na/ brgya byin rang nyid gtso bo'i sde chen
gang du gtogs na/ nyi ma bcu gnyis kyi nang du gtogs te/ bcu
gnyis pa'i thogs ma de brgya byin nyid yin pa'i phyir ro/ /ri
rab de'i ngos re la dpag tshad brgyad khri dang/ mtha' skor du
gsum 'bum nyi khri'o/ /lhun po'i phyogs mtshams bzhi la lho

nub nas g.yon bskor gyi rim pa bzhin dngul/ bai DUrya/ shel/
gser rnams las grub pa'i khang brtsegs ngos la dpag tshad brgya
nyer lnga dang/ dpang su dpag tshad lnga brgya yod pa'i khang
brtsegs bzhi dang/ de re re la lha rnams bag med pa'i gnas las
bsrung phyir gnod sbyin lag na rdo rjes lha'i cha

lugs su sprul pa re re gnas la/ ri rab kyi rtse mo'i dbus su
grong khyer blta na sdug ces bya ba gser gyi rang bzhin gyi
ngos re la dpag tshad nyis stod lnga brgya re dang mtha' skor
du khri/ /dpang su dpag tshad phyed gnyis yod pa/ 'og gzhi tshon
sna brgya rtsa gcig gis bkra bar byas pa/ man na nem par byed

cing bteg na par byed pa'i mnyen pa me tog manda ra bas khebs
pa/ de la lha'i grong khyer gyi sgo dgu brgya go dgu yod pa/
sgo re re la gnod sbyin lag na rdo rje'i sprul pa go mtshon
thogs pa lnga brgya lnga brgyas lha brgyas lha rnams srung par
byed pa'i tshul du gnas la/ grong khyer de'i dbus na lha'i
dbang po'i bzhugs gnas rnam

@20b par rgyal byed kyi khang bzang zhes bya ba/ nges rer dpag
tshad nyis brgya lnga bcu re ste mtha' stong gis bskor ba/
dpangs su dpag tshad drug dang gcig gi bco brgyad cha gcig yod
pa/ do la pa gam brgya rtsa gcig dang/ de re re la khang pa
brtsegs pa brgya brgya/ khang ba rtsegs re re la gnas khang
bdun bdun/ de re re la

lha'i bu mo bdun bdun/ de re re la g.yog mo bdun bdun/ de re
re la sil snyan bdun bdun yod par bshad do/ /grong khyer blta
na sdug de'i phyi rol dpag tshad nyi shur phyin pa na/ shar du
rdzing bu shing dang lo ma me tog 'bras bu sna tshogs yod ba'i
shing rta sna tshogs kyi tshal/ lhor rdzing bu shing dang lo ma
me tog

'bras bu rgyan rnams rtsub cing/ der slebs pa tsam gyis lus
sems rtsub mor song ste/ g.yul sprod pa la dga' bar 'gyur bas
rtsub 'gyur gyi tshal/ nub na rdzing bu shing dang lo ma me tog
'bras bu gos rgyan rnams 'dres shing/ lha'i bu bu mo rnams
'dres par gnas pas 'dres tshal/ byang na rdzing bu shing dang

lo ma me tog 'bras bu dga' ba/ lha'i bu dang bu mo rnams kyang
dga' bar gnas pas dga' ba'i tshal rnams yod la/ tshal de dag gi
phyogs bzhir dpag tshad nyi shu'i pha rol na rim bzhin shing
rta nas tshogs pa dang/ rtsub 'gyur/ 'dres pa/ bzang po zhes
bya ba'i sa gzhi re yod do/ /grong khyer blta na

sdug de'i byang shar mtshams na shing yongs 'dus brtol ljon pa
zhes bya ba thur du dpag tshad lnga bcu zug pa/ dpag tshad brgya
gyi gyan du phyogs pa yal 'dab kyis dpag tshad lnga bcur khyab
pa/ dris rdzi phyogs su dpag tshad brgya dang/ rdzi phyogs min
par lnga bcur khyab pa yod la/ shing de'i drung na ar mo

nig lta bu'i lwa ba dkar po'i rdo leb ngos rer dpag tshad lnga
bcu ste/ mtha' nyis brgyas 'khor ba 'phang du dpag tshad drug
dang gcig gis bco brgyad cha gcig yod pa de'i steng du dbang
po nye dbang dang bcas pa'i khri la lha rnams dbyar zla ba
bzhir gnas shing/ de'i drung du glang po che sa srungs kyi bu
lus kyi

srid du dpag tshad gsum zheng du gcig mtha' skor du bdun yod
pa/ mgo sum cu rtsa gsum sprul nas dbus mar brgya byin dang
gzhan rnams la nye dbang so gnyis/ lus byin por lha rnams
bzhon nas ar mo nig lta bu'i steng du bskal pa'i rlung ltar
'gyogs par 'gro la/ der glang chen gyi lus bzhag 

@21a @#/ /nas lha'i bu rdzu 'phrul dang ldan pa'i bdag nyid du
gnas so/ /grong khyer blta na sdug de'i lho nub mtshams dpag tshad
bcu gnyis kyis chod pa'i sa na chos bzang lha'i mdun sa zheng du
dpag tshad sum brgya dang mtha' skor dgu brgya yod pa/ grong
khyer blta na sdug las dpag tshad

phyed bzhir gyen du 'phags pa/ 'og gzhi yang thog ka ba spyi
'dus kyi gdung sogs shel las grub pa/ dbus na bai DUrya'i ka ba
zur brgyad pa spyi 'dus kyi gdung la skra rtse'i tshad tsam gyis
ma reg pa/ de na yang lha'i dbang pos chos ston pa'i gser khri
dang nye dbang rnams kyi khri bshams pa der lha rnams 'dus

nas lha dang mi'i don dang chos sems shing chos dang chos min
gyi 'dun bgros bgro bar byed la/ der lha rnams 'dus pa na sum cu
rtsa gsum pa'i srungs ma rgyal chen bzhi'i g.yog dang/ rgyal
chen bzhi'i bu dang/ rgyal chen rnams zla ba phyed phyed kyi
tshes brgyad dang bcu gnyis bco lnga la rim bzhin gling bzhi'i

'jig rten thams cad nyul nas chos dang mthun mi mthun ci byas
lha rnams la sgran pa na/ de'i tshe chos dang mi mthun na mi dga'
zhing smod la chos dang mthun na dga' zhing bsngags par brjod pa
dang/ gzhan yang brgya sbyin la glang po che rab brtan dang sa
srungs kyi bu gnyis so sor glang g.yog brgyad stong brgyad

stong dang/ nub phyogs kyi gling phran kham bu can na gnas pa'i
rta sprin gyi shugs can rta g.yog brgyad stong dang bcas pa
dang/ lha'i rnga po che chos kyi sdom bzhi dang/ dmag nye bar
zhi bar byed pa'i sgra sgrog pa sogs lha'i 'byor ba'i khyad par
bsam gyis mi khyab pa yod do/ /! de steng lha rnams gzhal

med khang/ /zhes pas 'thab bral yan gyi lha rnams kyi gzhal med
khang bshad pa ste/ sum cu rtsa gsum de'i steng na 'thab bral
nas 'og min gyi bar gyi lha rnams kyi gzhal med khang yod cing/
dang po de man chad du 'thab pa yod la/ 'di nas lha ma yin dang
phan tshun 'thab pa dang bral bas na 'thab bral zhes bya'o//

'di man chod du 'thab pa yod de lha rnams kyang lha ma yin dang
'thab na gzhan la lta ci smos pa'i phyir/ lha ma yin rnams kyang
lha la 'thab par nus te/ lha'i longs spyod la 'gran nus pa dang/
lha'i gnyen zla'ang yin pa'i phyir ro/ /ji ltar 'thab na/ 'jig
rten du chos min dar ba na/ lha'i dpung 'grib

@21b cing lha min gyi dpung 'phel bar 'gyur la/ de'i tshe lhe'i
bdud rtsil phrag dog dang/ rang gi bu mo lhas 'phrog pa la ser
sna'i dbang gis lha min rnams lhun po'i chu mtshams kyi khong
seng nas 'thon te steng gi nam mkhar 'phags pa na/ dkar phyogs
kyi klu dang/ gnod sbyin lag na gzhong thogs/ 'phreng

thog /rtag myos/ rgyal chen bzhi ste lha'i srung ma lnga dang
rim bzhin 'thab pa las/ srung ma 'og ma 'og mas bzlog ma nus na/
gong ma gong mar sbran te gong 'og bsdoms te 'thab kyang bzlog
ma nus pa'i tshe rgyal chen bzhis lha'i dbang po la 'di skad ces
gsol to/ ko'u shi ka bdag cag rnams lha ma yin

gyis pham par byas na/ gang gi dus la bab pa mkhyen par mdzod
cig ces gsol pa dang/ dbang pos kyang lha rnams la sbran te lhan
cig rtsub 'gyur gyi tshal du phyin te g.yul 'gyed par mos par
byas nas dpung tshogs yan lag bzhi dang bcas te ri rab kyi lho
phyogs su 'thab cing/ de'i tshe lha min rnams pham

na chu mtshams thug par pros/ lha rnams pham na grong khyer blta
na sdug gi bar du bros nas sgo rnams gcod par byed do/ /'thab
bral ba la mtshe ma zhes kyang bya ste/ thog mar skye ba'i tshe
lha'i bu dang bu mo zung re skye bas de skad du brjod la/ skye
ba gcig thogs pa'i byang sems kyi rgyal sa dang/

dga' ba mchog dang ldan pas na dga' ldan/ rang gi sprul pa la ji
ltar 'dod 'dod du longs spyod pas na 'phrul dga'/ gzhan gyi
sprul pa la thun mong du ji ltar 'dod 'dod du longs spyod pas na
gzhan 'phrul dbang byed ces bya'o/ /'dod pa'i lha rnams kyi
gzugs dkar dmar ser po ci rigs dang

gzhal yas khang yang ched du byas pa dang ma byas par sgra mi
snyan ma gtogs pa'i gling gsum gyi mi'i gnas bzhin ci rigs su
yod la/ tshangs ris sogs gzugs khams gnas rigs bcu bdun so so'i
sgra bshad tshul ni sla zhing/ de dag gi gnas kyi 'og gzhi'i
rgyar tshad sogs kyang rgyas 'grel

rnams las shes par bya'o/ /'dod lha ris drug la sa bon 'byung ba
med kyang/ chags pa'i gdung ba sel ba'i 'khrig pa spyod tshul yod
de/ 'dod lha 'og ma gnyis dbang po gnyis sbyor dang/ 'thab bral
ba 'khyud pa/ dga' ldan pa lag pa bcang pa/ 'phrul dga' ba rgod
pa/ gzhan

@22a @#/ /gzhan 'phrul dbang byed pa bltas pa tsam gyis spyod par
byed la/ bye brag smra bas yul gang shas che ba de srid du chags
pa'ang shas che bas 'dod lha rnams dbang po gnyis sbyor kho na
yin kyang/ gong du bshad pa ni 'khrig pa'i yun tshad bstan pa'o
zer/ 'khrig

pa spyod pa na rlung 'byung ba tsam las sa bon 'byung ba med
kyang/ lha pho mo so so'i phang du rdzus te skye ba la lha'i bu
dang bu mo'i tha snyad byed pas 'gal ba med do/ /'dod lha drug
la mas rim bzhin thog mar tshe lo brgya pa'i dus kyi byis pa lo
lnga lon pa nas lo bcu lon pa'i

bong tshad tsam du skye zhing/ 'dod khams pa ni ngo tsha khrel med
shes che bas/ dmigs bsal re gnyis ma gtogs gcer bur skye la/
gzugs khams kyi lha ni de gnyis spangs pas bong tshad kun rdzogs
shing gos dang bcas te skye'o/ /! 'dod pa skye ba gsum po ni/

zhes sogs kyi don/ mdo las 'dod pa skye ba gsum du bshad pa ni/
mi dang 'dod lha 'og ma bzhi ni sngar ji ltar byung ba'i 'dod
yon la 'dod pa ltar longs spyod pas 'dod pa skye ba dang po /
'phrul dga' bas rang gi sprul pa la longs spyod pas gnyis pa
dang/ gzhan

'phrul dbang byed pas gzhan gyi sprul pa la thun mong du longs
spyod pas gsum pa yin no/ /yang mdo las bde ba skye ba gsum du
bshad pa ni/ bsam gtan dang po la sa gsum du bye ba ni dben pa
las skyes pa'i bde ba skye ba dang/ gnyis pa la sa gsum du phye
ba

ni ting nge 'dzin las skyes pa'i bde ba skye ba dang/ gsum pa la
sa gsum du phye ba ni dga' ba med pa'i bde ba skye ba gsum du
bshad do/ /bsam gtan khyad par can ni btang snyoms kyi sa pa yin
kyang/ bde ba'i sas bsdus kyi rnam smin yod pas bde ba skye ba
ma yin pa'i

skyon med do/ / ! gnas nas gnas 'og ji srid bar/ /zhes sogs kyi
don/ rgyal chen ris bzhi'i rtsa ba'i gnas bang rim bzhi pa nas
gnas 'og ma 'dzam bu gling gi bar dpag tshad bzhi khri yod pa
ltar/ de'i gong ma sum cu rtsa gsum pa'i bar dpag tshad bzhi khri
yod

@22b la/ de bzhin du sum cu rtsa gsum nas gzhan 'phrul dbang
byed kyi bar gong 'og dpag tshad 'dab 'gyur 'dab 'gyur du rtsi
tshul rigs 'gre'o/ /de dag gi rgyar ched kyang 'dod lha gong ma
bzhi'i gnas ni sum cu rtsa gsum dang mnyam la/ bsam gtan bzhi'i
gnas ni mas rim bzhin gling

bzhi dang stong spyi phud dang stong gnyis bar ma dang stong
chen bo'i 'jig rten gyi khams dang mnyam mo/ /rang gi rdzu
'phrul thob pa'am gzhan gyi rdzu 'phrul la ma brten par 'og mas
gong ma mthong ba med de/ gong mar 'gro mi nus pa'i phyir ro/ /
! gling bzhi dang ni nyi zla dang/ /zhes sogs

kyis/ mdo las steng gsum du bshad pa'i don bshad pa ste/ gling
bzhi nyi zla ri rab 'dod lha tshangs pa'i 'jig rten gyi bar stong
la ni/ stong spyi phud dang/ stong spyi phud stong la ni stong
gnyis bar ma dang/ stong gnyis bar ma stong la ni stong gsum gyi
stong chen po'i 'jig rten gyi

khams zhes bya la/ stong gsum re re'i mthar yang mu khyud re res
bskor bar bshad do/ /de dag gi 'og gzhi rlung dkyil yan 'jig
'chags gnas pa dus mnyam mo/ /bsam gtan gnyis pa yan chad stong
gsum du gtogs par ma bshad kyang/ rgya cher rol pa las ni/ 'og

min bar stong gsum du 'dus par gsungs so/ / ! 'dzam bu gling pa
rnams kyi tshad /ces sogs kyis sems can gyi lus tshad bshad pa
ste/ ngan 'gro ba'i lus tshad che chung gcig tu ma nges la/ 'dzam
gling tshe lo brgya ba'i mi'i lus tshad ni/ mi tshad ldan gyi khru
bzhi 'am

phyed bzhi dang/ shar nub byang gsum la rim bzhin khru brgyad
dang bcu drug so gnyis/ 'dod lha ris drug la/ rgyal chen ris
bzhi rgyang grags kyi bzhi cha nas/ gzhan 'phrul dbang byed man
'og ma 'og ma las gong ma gong ma nyis 'gyur ro/ /gzugs can dang
po tshangs ris pa'i lus dpag tshad

phyed nas 'od chung man gsum la dpag tshad phyed phyed 'phar la/
tshad med 'od nas sprin med bar nyis 'gyur nyis 'gyur rtsis sprin
med pa'i lus dpag tshad brgya nyer brgyad dgos pa las dpag tshad
gsum dor bas brgya nyer lnga'o/ /bsod nams skyes nas nyis 'gyur

@23a @#/ /nyis 'gyur ste/ de ltar rtsis pas 'og min pa'i lus la
dpag tshad khri drug stong yod do/ / ! sgra mi snyan na tshe stong
ste/ /zhes sogs ni/ mtho ris kyi tshe tshad bshad pa ste/ sgra mi
snyan pa ni tshe lo stong du nges pa dang/ nub dang shar gnyis ni
rim pa bzhin phyed phyed spangs

pas tshe lo lnga brgya dang nyis brgya lnga bcu'o/ /'dzam bu
gling pa'i tshe tshad la des pa med de/ tha mar ni tshe lo bcu pa
dang/ dang por ni tshe lo dpag med thub pa'i phyir ro//! mi rnams
kyi lo lnga bcu la/ /zhes sogs 'dod lha'i tshe tshad bshad pa ste/
mi lo lnga bcu la 'dod lha 'og ma rgyal

chen ris bzhi pa'i nyin zhag gcig dang/ de sum cu la zla ba/ de
bcu la lo gcig rtsis pas rang lo lnga brgya thub bo/ /de'i gong
ma sum cu rtsa gsum la sogs pa'i nyin zhag dang tshe tshad gnyis
ka nyis 'gyur te/ dper na/ sum cu rtsa gsum par mtshon na/ mi lo
brgyal de'i nyin zhag gcig /

de sum cur zla ba/ de bcus si la lo gcig rtsis pas rang lo chig
stod thub par gsungs pa'i rigs 'gre gzhan 'phrul dbang byed par
sbyor sla zhid/ gnya' shing 'dzin yan chod nyi zla med pas bya
skad 'byin mi 'byin dang gnyid bro ba sangs ma sangs dang me tog
kha 'byed 'dzum la brten nas nyin mtshan

gyi tha snyad byed do/ / ! gzugs can nyin mtshan med tshe ni/
/zhes sogs kyi don/ gzugs kyi khams na nyin mtshan gyi tha snyad
med kyang/ gzugs khams kyi lha rnams kyi tshe tshad ni/ gong du
lus kyi tshad bshad pa'i rigs pas gzhal ba ste/ de'i rigs 'gre
sbyar dgos la/ sbyor tshul ni/

gzugs can dang po bskal ba phyed/ /de'i gong ma phyed phyed
bskyed/ /'od chung rnams kyi ltag yan chod/ /tshe ni nyis 'gyur
nyis 'gyur te/ /sprin med bskal pa gsum dor ro/ /zhes pa'i
sngoms ltar bsgyur tshul shes dgos so/ / ! gzugs med bskal pa
stong phrag ni/ /zhes sogs

kyi don yang/ gzugs med na mkha'i tshe tshad bskal pa nyis khri/
rnam shes bzhi khri/ ci yang med drug khri/ srid rtse ba brgyad
khri ste/ /'og ma 'og ma las stong phrag nyi shu nyi shu re lhag
pa yin no bskal pa brtsi tshul yang/ 'od chung nas bzung ste
bskal chen dang/ de'i 'og ma rnams ni

@23b bskal chen gyi phyed la bskal pa'i tha snyad byas pa'o/ / !
yang sos la sogs drug rim bzhin/ /zhes sogs kyis/ yang sos pa'i
nyin zhag zla lo tshe tshad rnams rgyal chen ris bzhi pa dang 'dra
bnas tsha ba'i tshe tshad sogs gzhan 'phrul dbang byed pa dang
mnyam la/ rab tu cha ba bar bskal

phyed dang mnar med pa bar bskal gcig go / ! dud 'gro rnams/
mchog ring bskal pa'o/ /zhes pa ni/ dud 'gro'i tshe tshad thung ba
la nges pa med tsang/ mchog tu ring ba ni bar bskal gcig thub
pa'ang yod do/ / ! yi dwags rnams/ zla ba nyin zhag gis lnga
brgya/ /zhes pas mi'i

zla ba gcig la yi dwags kyi nyin zhag re rtsis pas tshe tshad lo
lnga brgya'o/ / ! til sbyangs nang nas lo brgya zhing/ /zhes
sogs kyis grang dmyal ba'i tshe tshad bshad pa ste/ til gyi bang
pa ma ga d+ha'i bre bo che'i khal brgyad cu shong ba zhig gi nang
nas/ mi lo brgya brgya song ba na til

'bru re phyungs pa'i til sbyangs gang zad pa ni chu bur can gyi
tshe tshad/ chu bur rdol ba la sogs pa'i grang dmyal gzhan gyi tshe
ni snga ma snga ma las nyi shur bsgyur ba'i 'gyur gyis phyi ma
phyi ma rnams ring do/ / ! sgra mi snyan ma gtogs par 'chi/
/zhes sogs kyi don/ 'o na/ gong du

bshad pa'i tshe tshad de rnams nges pa can yin nam zhe na/ ma yin
te/ sgra mi snyan pa ni las kyi nus pa bsam gyis mi khyab pas
stong du thub par des la/ gzhan rnams kyi spyi'i tshad smos pa
yid gyi/ des pa ma yin te/ de rnams la bar ma dor 'chi ba yod
pa'i phyir zhes bshad do/ /

! gzugs ming dus mtha' rdul yig dang/ /zhes sogs ni/ rdul phra
rabs ni gzugs kyi chung mtha' dang/ ming gi thung mtha' ni yi ge
gcig dang/ dus kyi thung mtha' ni skad cig ma ste/ de dag bsags
pa las rim pa bzhen dpag tshad dang/ bstan bcos dang/ bskal pa
sogs 'grub bo zhes rtsom

gzhi mdor bstan pa yin pa'i phyir ro/ / ! phra rab rdul dang ni/
rdul phran dang ni de bzhin du/ /zhes sogs kyis gzugs kyi tshad
rgyas par bshad pa ste/ rdul phra rabs dang/ rdul/ lcags rdul/
chu rdul/ ro bong gi rdul/ lug rdul/ glang rdul/ nyi zer rdul/
sro ma'i rdul/ shig rdul/

@24a @#/ /nas/ song tshigs kyi bar gong ma gong ma bdun bsgyur la
phyi ma phyi ma'i rdul zhes tha snyad 'dog cing/ sor tshigs nyer
bzhi la khru gang/ khru bzhi la gzhu gang/ gzhu 'dom lnga brgya
la rgyang grags gcig dang/ grong las rgyang grags gcig gis
'phags pa la

dgon par 'dod la/ rgyang grags brgyad la dpag tshad ces bya'o/ /!
skad cig ma brgya nyi shu la/ /zhes sogs kyis dus kyi tshad bshad
pa ste/ skyes bu stobs dang ldan pa'i se gol gcig gtogs pa'i yun
la cha re lnga phye ba'i cha gcig la dus mtha'i skad cig ma gcig

[@#line break?]
/de brgya dang  nyi shu la de'i skad cig ma gcig /de'i skad cig
ma drug cu la thang gcig /thang gcig dang yud tsam dang nyin
zhag gsum gong nas gong du sum cur bsgyur ba la zla ba gcig
/zhag mi thub dang bcas pa'i zla ba bcu gnyis la lo gcig go / !
bskal pa rnam pa mang bshad pa/ /zhes sogs mdor bstan

rgyas bshad gnyis kyi sgo nas bskal pa'i rnam gzhag bshad pa
ste/ de la bar bskal/ 'jig bskal/ 'chags bskal/ gnas bskal/
stobs bskal/ bskal chen zhes bskal pa'i rnam pa mang po bshad ba
de dag las/ 'jig bskal ni/ dmyal bar sems can skye 'phro chad
cing/ sngar

yod las zad pa rnams gnas gong du skye la/ las ma zad pa rnams
kyang 'jig rten gyi khams gzhan gyi dmyal bar skyes te dmyal
pa'i sems can stongs pa nas snod kyi 'jig rten zad pa'i bar yin
no/ /de yang mnar med du sems can skye 'phro chad pa/ 'dzam
gling tshe lo brgyad khrir

'phel pa/ gnas bskal gyi mjug rdzogs pa/ 'jig bskal gyi 'go
rtsom pa rnams dus mnyam pa'i tshul gyis 'byung ngo/ /byings na
gnas pa'i dud 'gro dang/ yi dwags rnams kyang tshul de bzhin du
stongs la/ lha mi'i yul na gnas pa'i dud 'gro dang yi dwags ni
lha mi rnams dang mnyam du

stongs par 'gyur ro/ /de nas 'dzam bu gling pa'i mi zhig gi
rgyud la chos nyid kyis bsam gtan dang po'i dngos gzhi skyes te/
kye ma dben pa las skyes pa'i dga' ba dang bde ba ni bde ba yin
no zhes sgrogs ba'i sgra des 'dzam gling khyab pas/ gang gis
thos pa'i mi gzhan la'ang chos

@24b nyid kyis dang po'i dngos gzhi skyes te/ bsam gtan dang por
tshe 'phos pa'i stobs kyis stongs zhing/ de nas rim bzhin shar
nub rnams kyang tshul de bzhin du stongs par 'gyur ro/ /sgra mi
snyan pa rnams rnam smin gyi sgrib pa can yin pas/ tshe de la
'dod chags dang bral ba mi srid

kyang de nas tshe 'phos te nges par 'dod lhar skyes pa rnams
dang/ 'dod lha rigs drug po rnams kyang chos nyid kyis dang po'i
dngos gzhi 'thob ste/ bsam gtan dang por tshe 'phos pa'i chul
gyis stong ngo/ /de nas bsam gtan dang po'i lha zhig gi rgyud la
chos nyid kyis bsam gtan gnyis pa'i

dngos gzhi skyes pa na/ kye ma ting nge 'dzin las skyes pa'i
dga' ba dang bde ba ni bde ba yin no zhes sgrogs pa'i sgra thos
pas dang po'i lha gzhan rnams kyang chos nyid kyis gnyis pa'i
dngos gzhi 'thob ste/ dang po'i lha rnams gnyis par tshe 'phos
pa'i tshul gyis stong par 'gyur ro/ /de ltar

mnar med du sems can gsar du skye ba'i 'phro chad pa nas/ bsam
gtan dang po'i bcud stongs pa'i bar la bar bskal bcu dgu'i yun
yod do/ /de'i tshe lha rnams kyi dus dus su char phab pa med pas/
yongs grags kyi nyi ma 'di nyid sngar las 'od bzhi 'gyur gyi tsha
bar gyur te rtsa dang shing dang gel ba dang

nags tshal rnams skam par 'gyur la/ de nas nyi ma gnyis pa shar
nas chu phran dang steng ka rnams skam par 'gyur/ de nas nyi ma
gsum pa shar nas chu klung che chud rnams skam par 'gyur/ de nas
nyim bzhi pa shar nas mtshom dros ba skam par 'gyur la/ de nas
nyi ma lnga pa shar nas phyi'i rgya mtsho

yang skam par 'gyur zhing/ de nas nyi ma drug pa shar bas gling
bzhi ri rab dang bcas pa rnams du bar 'thul par 'gyur la/ de nas
nyi ma bdun pa shar nas me lce gcig tu 'dar zhing 'dod pa'i snod
rnams lhag ma med par bsregs shing/ des rkyen byas nas bsam gtan
dang bo'i sas bsdus kyi mes

bsam gtan dang po'i gzhal med khang stongs pa rnams kyang sreg
par 'gyur ro/ /bsam gtan dang po'i snod sreg byed kyi me ni 'dod
pa'i me ma yin te/ 'dod pa'i mes de sreg mi nus pa'i phyir te/
de gnyis sa tha dad yin pa'i phyir ro/ /de ltar nyi ma phyi ma
drug po rnams kyang snga ma snga ma las phyi ma phyi

@25a @#/ /ma bzhi 'gyur bzhi 'gyur gyi tsha zhing/ de dag gi bar
gyi thag kyang yun shin tu ring ngo/ /de ltar snod 'jig pa la
bar bskal gcig ste/ snod bcud 'jig pa'i yun bsdoms na bar bskal
nyi shu'o/ /'di ni mes 'jig pa'i dbang du byas kyis/ chus 'jig
pa'i

tshe gnas 'og ma pa rnams sngar bzhin gong ma gong mar skyes nas
bsam gtan gnyis pa'i lha zhig gi rgyud la chos nyid kyi gsum
pa'i dngos gzhi skyes pa nas rlung gi 'jig pa'i tshe gsum pa'i
lha zhig gi rgyud la chos nyid kyis bzhi pa'i dngos gzhi skyes
te gnas gong mar tshe 'phos pa'i tshul

gyi 'og ma 'og ma stong tshul sogs mes 'jig gi rigs pas shes par
bya'o/ /! 'chags pa dang po'i rlung nas ni/ /zhes sogs kyis snod
bcud kyi 'jig rten 'chags tshul bshad pa ste/ de yang rgyal sras
ma las/ lugs kyis na tha mar 'jig pa gang yin pa de ni dang por
'chags

pa yin no/ /zhes sogs gsungs pa ltar/ 'jig rten snga ma zhig
pa'i stongs bskal gyi mthar yas nas rlung 'jam bu lo grangs du
mar ldang ba la brten nas bsam gtan dang po'i 'og gzhi rlung
dkyil 'chags la/ de rjes bsam gtan dang po'i tshangs pa'i gzhal
med khang nas 'thab bral

pa'i gzhal med khang bar sa dang ma 'brel ba rnams yas rim nas
dang/ de rjes 'og gzhi'i rlung gi dkyil 'khor nas sum cu rtsa
gsum pa'i bar rnams mas rim nas 'chags la/ de bzhin du chus zhig
na dang por bsam gtan gnyis pa nas dang/ rlung gis zhig na bsam
gtan gsum

pa nas 'chags pa yin no/ /bcud kyi sems can ni/ dang por 'od
gsal ba'i lha zhig tshe 'phos nas bsam gtan dang po'i gzhal med
khang stongs par skyes zhing/ de gcig pur skyo bar gyur nas bdag
dang skal mnyam gzhan dag kyang 'dir skye bar gyur cig ces smon
lam 'debs

la/ de'i smon lam las skyes pa ma yin yang stes dbang gis bsam
gtan gnyis pa'i lha las dang bsod nams zad pa dag shi nas der
skye ba na/ thog mar skye ba de nyid gtso bo dang rjes su skye
ba rnams 'khor gyis tshul du gnas so/ /de nas rim gyis tshangs
pa'i mdun na 'don nas 'dod pa'i

@25b lha rnams kyi bar skye zhing/ de rjes byang nub shar lho'i
mi rnams dang/ mi dge ba chung 'bring chen por spyad pas yi
dwags dud 'gro dmyal ba pa rnams skyes la/ mnar med du sems can
gcig gsar du skyes pa de'i tshe bcud kyi sems can 'chags pa
rdzogs zhing/ de ltar snod 'chags pa la

bar bskal gcig dang bcud 'chags pa la bar bskal bcu dgu ste
bsdoms pa'i bar bskal nyi shu'o/ /chus 'jig dang rlung 'jig gi
skabs su bsam gtan gnyis pa dang gsum pa nas 'chags pa'i tsho'ang
tshul de bzhin du 'chags pa yin no/ /des na tshe lo dpag med nas
brgyad khri'i bar

'grib pa dang/ mnar med du sems can gcig skyes pa/ 'chags pa'i
mjug rdzogs pa/ gnas bskal gyi 'go rtsom pa rnams dus mnyam pa'i
tshul du 'byung ngo/ / ! bar gyi bskal pa dpag med nas/ /zhes
sogs kyis gnas bskal bshad pa ste/ ji ltar zhe na/ 'dzam bu
gling pa'i mi rnams

tshe lo dpag med nas brgyad khrir 'grib pa'i bar ni 'chags bskal
du gtogs la/ gang gi tshe brgyad khri nas mar 'grib ste tshe lo
bcu bar thug pa'i bar gyi yun ni bar bskal gcig ste/ de ni gnas
bskal la bar bskal nyi shu yod pa'i bar bskal dang po dang/ de
rjes yar brgyad khre'i bar 'phel pa dang

mar bcu pa'i bar 'grib pa'i yun la bar bskal re re ste bar gyi
khug pa bco brgyad dang/ tha ma tshe lo bcu pa nas yar brgyad
khri'i bar 'phel ba la bar bskal gcig ste nyi shu'o/ /sa'i dngos
gzhir gnas bskal la 'grib 'phel gyi khug pa nyi shur bshad la/
'dir ni thog mtha' gnyis la

rkyangs pa re dang/ bar pa rnams khug pa yin kyang/ yun ring
thung mnyam ste/ chos nyid kyis bar gyi khug pa bco brgyad 'gros
myur la/ thog mtha' gnyis la 'gros bul ba'i rgyu mchen gyis thog
mtha' gnyis la ya thogs ring mo dang ma thog ring mo zhes bshad
pa'i phyir ro/ /de ltar 'jig rten 'di'i

'chags bskal dang/ gnas bskal dang/ 'jig bskal dang/ zhig nas
'dug pa ste stongs bskal rnams re rer bar bskal nyi shu nyi shu
ste yun mnyam ba yin la/ de rnams bsdoms pa la bar bskal brgyad
cu yod bas de la skal chen gcig ces bya'o/ / ! de grangs med
gsum la sangs

@26a @#/ /rgyas/ /zhes sogs kyis bskal chen gyi zhar byung gi don
bshad pa ste/ bskal chen grangs med gsum du tshogs bsags pa las
sangs rgyas 'jig rten du 'byung na/ de ltar bskal chen grangs
med par lam bsgom zhes dang/ grangs med gsum du tshogs bsags

zhes pa'i grangs med de ji ltar zhe na/ de ni grangs gtan med
kyi grangs med min gyi/ grangs kyi gnas gzhan drug cur phyin
pa'i grangs med yin la/ de ji ltar zhe na/ sdom las/ gcig bcu
brgya stong khri 'bum dang/ /sa ya bye ba dung phyur rnams/
rkyangs pa yin par shes par bya/ /ther

'bum khrag khrig rab bkram dang/ /gtam dkrigs mi 'khrugs khyad
phyin dang/ /pang steng ded 'dren mtha' snang dang/ /rgyu reg
'od mdzes dbang po dang/ /legs phyin rtogs 'gro bying rdul dang/
/rgya rtags stobs 'khor brda shes dang/ /rnam 'byung dang ni
stobs mig rnams/ /chen po dang ni

bcas pa ste/ /grangs med pa ni tha ma yin/ /bar du brgyad ni ma
rnyed pas/ /gang yang rung ba brgyad bsnan to/ /zhes gsungs pa
ltar yin no/ /de yang/ bskal pa bzang po 'di lta bu la sangs
rgyas 'jig rten du 'byung la/ 'byung tshul yang/ 'dzam gling tshe
lo dpag med nas brgyad khri yan

chod du mi 'byung ste/ 'chags bskal ma rdzogs shing mi rnams
skyo shas chung bas chos ston pa'i snod du mi rung ba'i phyir
dang/ brgya las mar 'grib pa'i dus su'ang mi 'byung ste/ snyigs
ma lngas lhag par bdo bas chos ston pa'i snod du mi rung ba'i
phyir ro/ /de dag kyang bskal pa 'di dang

zhing 'di'i dbang du byas kyi gzhan du ma nges te/ mthe bong can
gyi 'jig rten du tshe lo bcu pa la sangs rgyas kar ma la dga' ba
'byung bar snying rje pad dkar las bshad cing/ tshe lo dpag med
sogs brgyad khri yan la'ang sangs rgyas 'byung bar mdo sde gzhan
dag las bshad pa'i phyir ro/ /

bskal chen la'ang bar bskal brgyad cur ma nges te/ sangs rgyas
dag gi smon lam dang dge ba'i dbang gis bskal pa kar ma lta bu ni
bar bskal brgyad cu la bskal chen du rtsis pa de las kyang shin
tu ring bar thub dgongs sogs pas bshad pa'i phyir ro/ /'o na
thog mtha' gnyis dang bar

@26b gyi khug pa bco brgyad la bskal bzang gi sangs rgyas gang
dang gang 'byung pa yin zhe na/ ya thog ring mo'i tshe lo brgyad
khri nas mar 'grib par rtsom pa'i tshe sangs rgyas 'khor ba 'jig
dang/ bzhi khri'i tshe gser thub/ nyis khri'i tshe 'od srungs/
brgya ba'i tshe sangs rgyas shA-kya thub pa ste sangs

rgyas bzhi/ tshe lo bcu pa nas yar 'phel brgyad khri'i bar la
sangs rgyas mi 'gyung zhing/ bar khug dang po'i mar 'grib brgyad
khri'i tshe sangs rgyas byams pa 'jig rten du byon pa nas bar
khug bco brgyad kyi mar 'grib yan sangs rgyas dug brgya-go lnga
dang/ ma thogs ring mo'i tshe lo brgyad khri'i che sangs rgyas

tha ma mos pa gcig po 'byung bar bshad la/ de ltar na ston pa
'di nyid 'jig rten du byon nas lo dung phyur phrag lnga dang bye
ba phrag bdun nas sangs rgyas byams pa 'jig rten du byon par
gsungs so// ! rang sangs rgyas rnams gnyis ka la/ /zhes sogs
kyis rang sangs rgyas rnams kyi 'byung tshul

bshad ba ste/ bse ru lta bu dang tshogs na spyod pa'i rang rgyal
dag ni tshe lo yar 'phel dang mar 'grib gnyis ka'i dus na 'byung
zhing/ de dag kyang rang don la gtso bor spyod pa yin pas phal
cher sangs rgyas ma bzhugs pa'i zhing du 'byung ngo/ tshogs spyod
pa ni ma nges kyang bse ru lta bu ni bskal pa

brgyar byang chub kyi rgyu tshogs goms par byas te rang byang
chub mngon du byed do// ! 'khor los sgyur ba 'byung ba ni/ /zhes
sogs kyis 'khor los sgyur ba ni 'dzam gling tshe lo stong phrag
brgyad cu las mi phyi ba ste/ de yan chod tshe lo dpag med nas
brgyad khri'i bar du 'byung ngo/ /sgra don ni/ 'khor lo

rin po ches gling bzhi sogs la dbang sgyur bas de skad ces
bya'o/ /de nyid 'gran zla med pa'i las can yin pa'i phyir gling
bzhi gcig du gnyis la sogs pa mi 'byung ste/ dper na sangs rgyas
gnyis 'jig rten gyi khams gcig tu lhan cig mi 'byung ba bzhin
yin pa'i phyir/ zhes zer ro/ /bye smras khams

mang po'i mdo sogs kyi dgongs pa dang mthun par 'jig rten gyi
khams thams cad du sangs rgyas gcig ma gtogs gnyis sogs mi
'byung ste/ sangs rgyas gcig gis 'dul bar mi nus pa'i sems can
de sangs rgyas gzhan gyis kyang 'dul bar mi 'os pa'i phyir te/
sangs rgyas gcig gis 'dul

@27a @#/ /bar mi nus pa'i sems can de sangs rgyas gzhan gyis 'dul
bar 'os na sangs rgyas kyi mkhyen pa dang thugs rje'i nus mthu
thogs bcas su thal ba'i phyir zhes zer/ phal chen sde pas mdo'i
dgongs pa 'jig rten gyi khams gcig tu sangs rgyas du ma cig car
du mi 'byung ba'i don yin gyi/ shar

la sogs pa'i 'jig rten gyi khams gzhan dang gzhan du ni ma nges
la/ de bzhin du 'khor los sgyur ba yang gling bzhi gcig tu gnyis
sogs mi 'byung ba yin gyi/ gling bzhi gzhan dang gzhan dag tu ni
ma nges pa'i phyir ro/ /zhes zer ba 'di nyid 'thad phyogs su
mdzad do/ /'khor sgyur de la yang/ gser dngul

zangs lcags kyi 'khor lo can bzhi yod la/ de dag kyang mas nas
rim bzhin 'dzam bu'i gling gcig dang/ lho shar gnyis dang/ lho
shar nub gsum dang/ gling bzhi char la dbang bsgyur ba sogs
dang/ phyogs rnams las rgyal bar byed tshul 'khor los sgyur rgyal
'di dag ni mi dge ba bcu spangs pas srog

gcod kyi nyes pas gos par mi 'gyur yang gser gyi 'khor lo can ni
khams kyi rgyal phran sogs phas bsu ba tsam gyis rgyal ba dang/
dngul gyi 'khor lo can ni/ de tsam gyis rgyal bar mi nus par
rang 'gro ba tsam gyis rgyal ba dang/ zangs kyi 'khor lo can ni/
de tsam gyis rgyal bar mi nus par g.yul bshams

pa tsam gyis rgyal ba dang/ lcags kyi 'khor lo can ni/ de tsam
gyis rgyal bar mi nus par mtshon cha'i char drag tu dbab par
brtsam pa tsam gyis rgyal bar byed do// ! thub mtshan yul na gnas
pa dang/ /zhes sogs kyis don/ 'khor los sgyur ba rnams kyi lus
la mtshan so gnyis kyis brgyan pa yin na/

sangs rgyas kyi sku dang khyad med du 'gyur ro zhe na/ mi 'gyur
te/ nyi ma rnams kyis 'od byed pa/ /me khyer rnams dang bag 'dra
ltar/ /sangs rgyas rnams kyi mtshan dang ni/ /'khor los sgyur
rnams bag tsam 'dra/ /zhes 'byung ba ltar/ thub pa'i mtshan ni
yul na gnas pa dang gsal la rdzogs pas

'khor sgyur rnams las shin tu khyad par du 'phags pa yin no// !
sngar byung sems can gzugs can bzhin/ /zhes sogs kyis 'jig rten
'grib tshul bshad pa ste/ sngar byung ba'i sems can bskal pa dang
po'i mi rnams ni/ gzugs can gyi lha bzhin du rdzus te skye
zhing/ rdzu 'phrul gyis

@27b nam mkha' la 'gro ba dga' ba zas su za ba/ lus las byung
ba'i 'od kyis snang ba'i bya ba byed pa zhig yod la/ de'i tshe
sa'i bcud kha dog mar gsar lta bu/ ro sbrang rtsi ma bskol pa
'dra ba byung ba la/ ring zhig nas ro la sred pa'i mi zhig gis
sor rtses blangs te lce thog tu myangs pa gzhan rnams kyis
mthong ste de bzhin du

myangs pas/ ro la chags shing lus la mkhrang ba dang lci ba
zhugs te/ lus kyi 'od nyams pa mun pa byung bas mya ngan byed pa
na/ chos nyid kyis nyi ma shar ba dang/ nub pa'i tshe zla ba shar
bas lha'i 'od 'di re zhes nyi zla rgyu skar dang nyin mtshan gyi
tha snyad byung ngo/ /de'i tshe sa'i bcud mang du zos pa rnams
mdog ngan zhing nyung du

zos pa rnams mdog bzang bas phan tshun brnyas pa dang sa'i bcud
zad par gyur/ de nas sa'i zhag kha dog dong kha'i me tog lta bu
ro sngar dang 'dra ba byung ba de yang zos pa mang nyung gis
mdog bzang ngan du gyur pa la sngar bzhin brnyas pas sa zhag
kyang nub par gyur la/ de nas myu gu'i tshal kha dog ka dam yu
ga'i me tog lta bu/ ro

sngar dang 'dra ba zhig byung ba zos pa sogs sngar bzhin byas
pas de yang nub par gyur/ de nas ma rmos ma btab pa'i 'bras sa
lu shun pa sbun pa med pa nang brngas pa nub mi mngon/ nub
brngas pa nang mi mngon pa kha dog dang ro phun sum tshogs pa
zhig byung ba na/ de nyid kha zas rags pa yin pas zos pa na pho
mo'i

dbang po dod par gyur la/ phan tshun blta res byas pas sngon gyi
bag chags kyi dbang gis chags pa skyes te log par zhugs pa na/
gzhan gyis mthong nas sems can gyis sems can sun 'byin pa'i bya
ba ma yin pa byas so zhes zer zhing sa dang bong ba sogs stor
bas/ de sgrib byed kyi khang pa brtsigs

pas khyim gyi tha snyad byung la/ de'i tshe khyim na gnas nas
'bras nam dgos pa'i dus su len du chog pa la/ mi le lo can zhig
gis sang za rgyu phyi ma reng blangs/ de la gzhan gyis 'bras len
du 'dong bar sbun pa na/ kho bos blangs zin gyi khyed cag song
zhig ces smras pas/ de ni thabs zab bo snyam nas zhag

bdun sogs kyi 'bras dus gcig tu blangs pas gsog 'jog byas pa na/
'bras nang nub brngas pa mngon zhing shun sbun dang bcas par
gyur/ de nas 'bras rnams bgos te rang rang gis phung por spungs
pa la/ gzhan dag gis ma byin par blangs pas/ zhing bdag tu 'dzin
pa rnams kyis mi rang bzhin gyis bzang ba

@28a @#/ /zhig zhing dpon bskos te/ ston thog gi drug shas bstabs
pas/ de la skye bo mang pos bkur bas na/ mang bkur rgyal po zhes
bya ba byung ngo/ /de'i bu 'od mdzes/ de'i bu dge ba/ de'i bu
dge mchog /de'i bu gso sbyong 'phags te de dag la ni bskal pa
dang po'i rgyal po lnga zhes bya

la/ gso sbyong 'phags kyi spyi bor gnod pa med par sha rman zhig
skyes pa rdol bas bu byung ba spyi bo skyes sam nga las nus/
mdzes pa/ nye mdzes/ mdzes can/ mdzes ldan rnams la sngon gyi
'khor los sgyur ba lnga dang/ mdzes ldan man chad kyi 'khor los
sgyur ba rnams ni gling gcig la dbang ba

sha dag dang/ mthar sgra gcan 'dzin gyis mang bkur ba'i rgyal
brgyud mthar gtugs par bshad do/ /khams kyi rgyal phran ni gzugs
can snying po/ gsal rgyal/ 'char byed/ gtum po rab snang lta bu
dang/ rtsod pa'i dus na 'khor sgyur mi 'byung bas stobs kyi
'khor los sgyur ba ni/ rgyal po ka ni

ka lta bu'o/ /de ltar 'dod log rku ba srog gcod rdzun smra sogs
mi dge ba'i las lam la lhag par spyod pas tshe dang gzugs stobs
longs spyod rnams 'grib ste rim gyis tshe lo bcu pa'i mthar thug
par 'gyur ro// ! bskal pa mtshon dang nad dang ni/ /zhes sogs kyi
don ni/ bar bskal de dag

gang gis tshar phyin pa ste mthar gtugs par 'gyur zhe na/ rim pa
bzhin mtshon dang nad dang mu ge dag gis tshar phyin pa ste gnod
pa de dag gis mi rnams phal cher zad par byed do/ /sa'i dngos
gzhir tshe lo sum cu pa la mu ge/ nyi shu pa lan de/ bcu pa la
mtshon gyi bskal pa 'byung bar bshad la/

'dir de dag gi 'byung tshul yun tshad sogs ji ltar zhe na/ 'dzam
gling tshe lo bcu pa'i tshe bu mo lo lnga nas bag mar gtong zhing/
gos kyi mchog skra'i lwa ba/ zas kyi mchog 'bras ko tra pa/
rgyan gyi mchog mtshon cha/ ro drug gi nang nas kha ba rkyang pa
lus la/ mar dang til mar sbrang rtsi bu ram

lan tshwa lnga ni nub bo/ /mtshon gyi bskal pa'i dus su lag na ci
thogs mtshon char gyur nas gnod sems drag pos phan tshun mthong ba
na/ rngon pas ri dags mthong ba ltar gcig gis gcig gsod pa zhag
bdun 'byung la/ de'i tshe shi tshad dmyal bar skye zhing/ ma shi
ba ka cig lus pa

@28b rnams 'dus te srog gcod spangs pas/ tshe dang gzugs stobs
longs spyod 'phel bas de dag gi bu dang bu mo rnams lo nyi shu
thub bo/ /de bzhin du mi dge ba bcu spangs pas tshe lo brgyad
khri'i bar 'phel zhing/ yang mi dge ba bcu la spyod pas tshe lo
bcu pa'i bar 'grib pa na/ mi ma yin rnams 'khrug

pas gsor mi rung ba'i nad kyi bskal pa zla ba bdun dang zhag
bdun 'byung bas/ de'i tshe shi tshad dmyal bar skye zhing/ sngar
bzhin ma shi ba rnams 'dus te mi dge ba rnams spangs pas rim
gyis tshe lo brgyad khrir 'phel la/ de yang tshe lo bcu pa'i bar
'grib pa na/ lhas char mi phab pas mu ge nyam nga ba chen

po gab tsha ba dang/ thur ma ba dang/ rus gong dkar po zhes bya
ba'i mu ga'i bskal pa lo bdun zla ba bdun zhag bdun 'byung bas/
de'i tshe shi tshad yi dwags su skye bar bshad do/ /'dzam gling
tshe lo bcu pa'i tshe shar nub kyi gling gnyis su gnod sems lhag
pa/ mdog ngan pa/ nyam chung ba/ bkres skom du 'gyur

ba tsam yod la/ sgra mi snyan na ni gnod pa de dag cung zad tsam
yang med par bshad do/ /bar bskal de dag las thar ba'i rgyu ni/
khang bu brtsegs pa'i mdo las/ kun dga' bo gsum po 'di dag ni
bar gyi bskal pa dag yin no/ /gsum po gang zhe na/ mtshon gyi bar
gyi bskal pa dang/ nad kyi bar

gyi bskal pa dang/ mu ge'i bar gyi bskal pa'o/ /kun dga' bo/ /de
la gang gis nyi ma gcig srog gcod pa spong zhing yang dag par
blangs te gnas par byed na de mtshon gyi bar gyi bskal par mi
skye bar 'gyur ro/ /gang zhig gis a ru ra gcig tsam yang dge
'dun la 'bul bar byed na de nad kyi bar

gyi bskal par mi skye bar 'gyur ro/ /gang zhig gis zas nal ze
gang tsam dge 'dun la phul na de'i mu ge'i bar gyi bskal par mi
skye bar 'gyur ro/ /zhes gsungs pa ltar yin no// ! me dang chu
dang rlung dag gis/ /zhes sogs kyi bskal pa 'jig pa'i dbye ba
sogs bshad pa la/ bskal pa 'jig

byed kyi rkyen ni gsum ste/ dus mtha'i me dang chu dang rlung
gsum mo/ /de dag gi rkyen gyis 'jig pa'i bskal pa la'ang/ mes
'jig pa dang/ chus 'jig pa dang/ rlung gis 'jig pa gsum yod do/
/me sogs kyis 'jig pa'i rtse mo'am lus pa'i lhag ma ni/ mes 'jig
pa'i tshe bsam gtan

@29a @#/ /gnyis pa dang/ chus 'jig pa'i tshe bsam gtan gsum pa
dang/ rlung 'jig gi tshe bsam gtan bzhi pa ni lus ba'i rtse mo
yin no/ /bsam gtan bzhi pa ni me chu rlung gsum gang gis 'jig
par mi byed kyang/ de'i gzhal med khang sogs rtag par thal ba'i

skyon med de/ bsam gtan bzhi pa'i sems can rnams dang gzhal med
khang bcas las dbang gis lhan cig 'byung zhing 'jig pa'i phyir
ro/ /bsam gtan dang po gsum gyi sems can la me sogs dang chos
mthun pa'i nang gi skyon re yod pa'i rgyu mtshan gyis phyi'i snod
kyang rkyen de dag gis

'jig ste bsam gtan dang po na rtog dpyod me lta bu dang/ gnyis
pa na dga' bde chu lta bu dang/ gsum pa na dbugs 'byung rngub
rlung lta bu'i skyon dang bcas pa'i phyir ro/ /bzhi pa ni me
sogs kyis mi 'jig pa'ang/ bzhi pa'i snyom 'jug skyon de dag gis
mi g.yo ba'i rgyu mtshan gyis yin

te/ gnas brgyad par/ skyon brgyad las ni grol ba'i phyir/ /bzhi
pa g.yo ba med pa'ang yin/ /zhes gsungs pa'i phyir/ ! me yis
bdun no chu yis gcig /zhes sogs kyi don ni/ gong du/ 'jig pa dag
ni yang gsum yin/ /zhes 'jig tshul de ltar gsungs na/ 'jig pa'i
go rim

ji ltar zhe na/ mes 'jig rten theng bdun btud nas 'jig pa'i 'og
tu chus 'jig theng gcig 'byung ba ltar/ mes 'jig theng bdun bdun
btud pa'i 'og tu chus 'jig re re ste/ de lta bu'i chus 'jig
theng bdun thal nas kyang/ mes 'jig theng bdun song pa'i mjug tu
rlung gis 'jig pa yin no/ /de ltar

bsam gtan dang po man 'chags gnas 'jig stongs thams cad sdoms
pa'i yun la bskal chen gcig dang/ bsam gtan gnyis pa ni bskal
chen brgyad dang/ bsam gtan gsum pa ni bskal chen drug cu rtsa
bzhi nas 'jig pa yin la/ de'i rgyu mtshan yang/ rgyu snyom 'jug
gi bsam gtan gyi dbang

gis yin te/ bsam gtan dang po las gnyis pa'i rgyu snyom 'jug
khyad par du 'phags la/ gnyis pa las gsum pa'i rgyu snyom 'jug
khyad par du 'phags pas/ de dag gi lus gnas pa'ang sun ring la
snod kyang de dag gi tshe dang mthun par gnas pa'i phyir ro/
/smras pa/ khams gsums

@29b dgro lnga skye gnas rten 'grel zas/ /snod bcud tshad dbyibs
bskal pa'i rnam dbye sogs/ /shes par 'dod pa'i blo ldan ngur
pa'i khyu/ /legs bshad pad-ma'i rdzing bu 'dir 'jug rigs/ /zhes
chos mngon pa'i mdzod kyi dgongs don gsal bar byed pa'i legs
bshad nyin byed dbang po'i snang ba

las 'jig rten bstan pa zhes bya ba gnas gsum pa'i rnam par bshad
pa rdzogs so// //