@#/ /chos mngon pa'i mdzod kyi dgongs don gsal bar byed pa'i legs
bshad nyin byed dbang po'i snang ba las phra rgyas bstan pa zhes
bya ba gnas lnga pa'i rnam par bshad pa bzhugs so//

@01a @##/ /srid pa'i rtsa ba phra rgyas drug / zhes sogs kyi skabs
su nyon mongs pa'i kun 'byung bshad pa la/ phra rgyas kyi rang
bzhin/ de spong ba'i tshul/ spangs pa'i 'bras bu yongs shes bshad
pa gsum/ dang po la/

phra rgyas ni srid pa'i rtsa ba yin te/ las kyis yang srid phyi
ma 'phen pa dang/ 'grub par byed pa'i rtsa ba phra rgyas nyid la
thug pa'i phyir/ lugs 'dir phra rgyas zhes pa ni kun dkris sam/
nyon mongs nyid du 'dod pa yin la/ mdo sde pa ni/ nyon

mongs pa'i sa bon nam/ bag la nyal la phra rgyas su 'dod la/ sde
pa gzhan dag ni nyon mongs kyi thob pa la'ang 'dod do/ /phra
rgyas de yang spyi tsam du dbye na drug ste/ 'dod chags dang/
khong khro dang/ nga rgyal dang/ ma rig pa dang/ lta ba nyon
mongs

can dang/ the tshoms nyon mongs can te drug go/ phra rgyas drug
gi grangs su lta ba dang/ the tshoms 'dren pa na/ nyon mongs can
zhes pa'i khyad par sbyar dgos te/ spyir lta ba la yang dag pa'i
lta ba dang/ the tshoms la yang don 'gyur gyi the tshoms

dge ba dag srid pa'i phyir ro/ /'dod chags la 'dod pa'i 'dod
chags dang/ srid pa'i 'dod chags gnyis su phye na bdun du'ang
'gyur la/ de gnyis kyi nang tshan 'dod pa'i 'dod chags ni 'dod
khams su gtogs pa yin la/ srid pa'i 'dod

chags ni khams gong ma gnyis su gtogs pa'o/ /gong ma gnyis kyi
'dod chags la srid pa'i 'dod chags zhes bshad pa'i rgyu mtshan
yod de/ snyoms 'jug la sred pas kha nang du bltas shing khams
gong ma gnyis dang de'i rgyu snyoms

'jug gnyis la thar par 'du shes shing sred pas na de 'dra'i 'du
shes bzlog pa'i phyir du srid pa'i 'dod chags zhes su bshad do//
! lta ba lnga ste 'jig tshogs dang/ /zhes sogs kyi skabs su/ de
las rgyas par phye na phra rgyas bcur 'gyur

@02a @#/ /te/ lta ba la 'jig lta/ log lta/ mthar lta/ lta ba
mchog 'dzin/ tshul khrims dang brtul zhugs mchog 'dzin te lngar
phye ba'i steng du 'dod chags sogs lta min lnga bsnan pa'i phyir
ro/ /lta ba la lngar phye ba'i rgyu mtshan ni 'dzin stangs kyi
rnam pa mi

'dra ba tha dad pa lnga yod pa'i rgyu mtshan gyis so// ! de dag
bcu dang bdun bdun brgyad/ /zhes sogs kyi skabs su/ phra rgyas
bcu po de yang khams dang spang bya'i ris kyi sgo nas dbye na
dgu bcu rtsa brgyad du 'gyur te/ 'dod pa'i sas bsdus kyi sdug

bsngal mthong spang du gyur pa'i lta ba lnga dang lta min lnga
ste bcu/ kun 'byung mthong spang dang/ 'gog pa mthong spang
gnyis la 'jig lta/ mthar lta/ tshul khrims brtul zhugs mchog
'dzin gyi lta ba gsum ma gtogs pa'i lhag ma bdun bdun/ lam
mthong spang la

'jig mthar gnyis ma gtogs pa'i brgyad de/ 'dod pa'i mthong spang
sum cu rtsa gnyis dang/ 'dod pa'i sgom spang la the tshoms ma
gtogs pa'i lta min bzhi ste/ 'dod pa'i spang bya ris lnga sdoms
pas phra rgyas sum cu rtsa drug go / de yang 'dod chags sogs lta
min bzhi la

kun brtags dang lhan skyes gnyis gnyis yod pa'i kun brtags rnams
mthong spang dang/ lhan skyes rnams ni sgom spang yin la/ lta ba
lnga dang the tshoms nyon mongs can drug ni bden pa mthong pa
tsam gyis spong ba'i phyir mthong spang kho na las sgom spang
med do/

gzugs gzugs med gnyis su yang khong khro lnga ma gtogs pa'i lhag
ma rnams 'dod pa dang mtshungs bar yod pas na/ gzugs kyi sas
bsdus kyi sdug bsngal mthong spang dgu dang/ kun 'byung dang
'gog pa mthong spang so sor drug re/ lam mthong spang bdun te

mthong spang nyi shu rtsa brgyad dang/ sgom spang gsum ste sdom
pas sum cu so gcig / gzugs med la yang de dang 'dra bar sum cu
so gcig ste/ khams gsum sdoms na mthong spang brgyad cu rtsa
brgyad dang/ sgom spang bcu ste phra rgyas dgu bcu rtsa brgyad
yod la/ de'i nang

@02b nas 'dod chags dang nga rgyal ma rig pa gsum so so nas bco
lnga re dang/ khong khro yin pa lnga/ the tshoms yin pa bcu
gnyis/ lta ba yin pa sum cu rtsa drug / yang/ sdug bsngal mthong
spang yin pa nyi shu rtsa brgyad/ kun 'byung mthong spang bcu
dgu/ 'gog pa mthong spang bcu dgu/ lam mthong spang nyi shu rtsa
gnyis/ sgom spang yin

pa bcu rnams su yod do/ /grub mtha' gzhan gyi lugs la ni mthong
spang brgya dang bcu gnyis dang/ sgom spang bcu drug sogs su
bshad de gzhan du shes so/ /khams gong ma gnyis su khong khro
med pa'i rgyu mtshan/ kun nas mnar sems kyi dngos po dgu med pa'i
phyir/ zhes bshad pa'i dgu po ni/ bdag la gnod pa

byas so/ /byed do/ /byed par 'gyur ro/ /bdag gi mdza' bo la gnod
pa byas so/ /byed do/ /byed par 'gyur ro/ /bdag gi dgra la phan
btags so/ /'dog go /'dogs par 'gyur ro snyam pa dgu la bshad
do// ! srid rtse las skyes bzod pa yis/ /zhes sogs kyi skabs su/
'o na mthong spang nyon mongs de dag mthong

lam kho na'i spang bya yin nam/ zhe na/ srid rtse'i sas bsdus
kyi mthong spang phra rgyas rnams ni mthong lam rjes bzod bzhi
po kho na'i spang bya yin te/ zag med sgom lam gyis mthong spang
spong ba ni mi srid la/ zag bcas 'jig rten pa'i sgom lam gyis
kyang srid rtse'i mthong spang spong mi nus pa'i phyir/

lhag ma ci yang med man chad kyi mthong spang rnams ni mthong
sgom gnyis kas ci rigs su spong ba yin te/ 'phags pa rnams kyis
ni mthong lam gyis spong la/ so skye rnams kyis ni sa gong ma la
brten pa'i 'jig rten pa'i sgom lam bar chad med lam gyis spong
ba'i phyir ro/ /phra rgyas gang

zhig /mthong lam bzod pas gzhom bya ma yin pa thams cad ni sgom
lam kho na'i spang bya yin no/ /theg pa gong ma ba dag ni ci
yang med man chad kyi mthong spang sogs spangs pa'i so skye yod
par mi 'dod cing/ 'jig rten pa'i sgom lam gyis 'dod nyon mngon
du gyur ba mgo non pa tsam la re

zhig chags bral byas pa'am spong ba'i tha snyad byas pa las sa
bon ma spangs pa'i phyir yongs su spangs par mi 'dod la/ lugs
'dir ni 'dod nyon sogs re zhig spangs pa rnams kyang spangs pa
yin te/ spangs na slar mi skye ba'i chos can du byas nas spangs
mi dgos pa'i phyir

@03a @#/ /zhes 'dod do/ /rtsa 'grel gyi tshig zin mang po zhig tu
'jig rten pa'i sgom lam sgom lam du bshad pa ltar snang yang/
sgras brjod rigs sam dngos btags ma phye ba'i dbang du byas pa
yin zhes smra dgos te/ deng sang grub mtha' gong ma'i lugs grags
che ba'i

dbang gis rtsa 'grel gyi tshig zin ltar khas blang na mi mdzes pa
du ma zhig smra dgos par snang ba'i phyir/ kho na re/ 'o na/
'jig rten pa'i sgom lam chos can/ khyod rgyud ldan gyi gang zag
sgom lam pa yin par thal/ khyod sgom lam yin pa'i phyir/ der
thal/ 'jig rten pa'i sgom

lam yin pa'i phyir zer na ma khyab ste/ de sgom lam dang de
rgyud ldan gyi gang zag sgom lam thob pa'i gang zag sogs su khas
blangs na tshogs lam ma thob gong du sgom lam thob pa'i gang zag
yod pa dang/ lam ma zhugs dang sgom lam pa'i gzhi mthun yod par
'dod dgos par

'gyur ro/ /yang kho na re/ 'jig rten pa'i sgom lam rgyud ldan
gyi so skye chos can/ sgom lam rgyud ldan gyi gang zag yin par
thal/ de'i rgyud la sgom lam yod pa'i phyir/ der thal/ de'i
rgyud la 'jig rten pa'i sgom lam yod pa'i phyir zer na ma khyab/
! bdag dang bdag gi rtag

chad dang/ /zhes sogs kyi skabs su/ lta ba lnga po so so'i rnam
pa'am/ 'dzin stangs mi 'dra ba bstan pa ste/ nyer len gyi phung
po lnga bdag tu ma grub kyang de la dmigs nas rnam shes la byed
po'i bdag dang/ phung po gzhan bzhi dbang bsgyur bya'i bdag gi
bar grub par blta ba'am/ ming gzhi'i

phung po la bdag dang/ gzugs la bdag gi bar blta ba lta bu 'jig
tshogs la lta ba dang/ bdag tu brtags pa'i gzhi phung po lnga
'am/ bzhi la dmigs nas mtha' gcig tu rtag par blta ba'am/ mtha'
gcig tu chad par 'dzin cing blta ba ni mthar 'dzin pa'i lta ba
dang/ las 'bras

dang bden bzhi sogs med par blta ba log lta dang/ lta ba dang po
gsum po dang/ zag bcas nyer len gyi phung po sogs dman pa'i
dngos po la dmigs nas mchog dang khyad par du 'phags par blta ba
ni lta ba mchog 'dzin dang/ dbang phyug sogs 'jig rten skyed
byed kyi rgyu

@03b ma yin pa la rgyur blta ba dang/ me lnga bsten pa dang
g.yang du mchong ba sogs mtho ri sa kyi rgyu tshul khrims min pa
la der lta ba tshul khrims mchog 'dzin dang/ brtul zhugs ngan pa
sogs thar lam min pa la der blta ba ni brtul zhugs mchog 'dzin
te/ 'dir tshul khrims

dang brtul zhugs mchog 'dzin gnyis ni gcig tu 'dren no/ /lta ba
lnga po de dag gi byed las ni rim pa bzhin/ lta ba ngan pa thams
cad kyi rten byed pa dang/ dbu ma'i lam rtag chad spangs pa'i
rten 'brel du shes pa la bar du gcod pa dang/ dge rtsa gcod cing
mi dge ba la dam du 'dzin

pa'i rten byed pa dang/ lta ba ngan pa la mchog tu mngon par
zhen pa'i rten byed pa dang/ ngal ba 'bras bu med pa'i rten byed
pa'o// ! dbang phyug sogs rgyur mngon zhen pa/ /zhes sogs kyi
skabs su/ 'o na/ dbang phyug sogs rgyu ma yin pa la rgyur blta
ba'i tshul khrims dang brtul zhugs

mchog 'dzin la kun 'byung mthong spang yang yod par 'gyur te/
rgyu de dag ni kun 'byung yin la/ de la log par zhugs pa'i
phyir/ zhe na/ de la bye brag smra bas skyon med de/ tshul khrims
dang brtul zhugs ngan pa sogs de dag sdug bsngal bden pa yin la/
de la dmigs nas rtag pa

dang bdag tu blta ba dang mchog tu 'dzin pa sogs kyis log par
zhugs pa'i phyir sdug bsngal mthong spang nyid yin no/ /zhes lan
'debs mod kyang/ grub mtha'i 'dod tshul yin pa las don mthun gyi
lan ni mi thebs te/ de lta na zag bcas la dmigs pa'i mthong
spang dang sgom

spang thams cad kyang sdug bsngal mthong spang du 'gyur te/ rang
gi dmigs yul sdug bden la dmigs nas log par zhugs pa sha dag yin
pa'i phyir dang/ lam mthong spang du gyur pa'i tshul khrims brtul
zhugs mchog 'dzin med par thal ba sogs kyi gnod byed mang du
'phen par

mdzad de rgyas par 'grel pa rnams las shes par bya zhing/ 'on
kyang 'dir ni grub mtha'i khas lan yin pas rig pa nang 'gal du
thal ba'i skyon 'phen na yang khyab med kyi lan 'debs pa las 'os
med la/ de'i phyir slob dpon rang nyid kyi bzhed pa ni/ gong du
bkod pa'i grub mtha' gong

@04a @#/ /mas 'dod pa ltar/ 'dod pa na bden pa bzhi char la dmigs
pa'i phra rgyas bcu bcu ste bzhi bcu dang/ gong ma gnyis na sum
cu rtsa drug re te/ mthong spang brgya dang bcu gnyis su bshad
pa ltar du bzhed par mngon no// ! lta ba gsum las phyin ci

log ;zhes sogs kyi skabs su/ 'o na/ rtag bdag phyin ci log pa
yis/ /zhes bshad na/ mi rtag pa la rtag par phyin ci log pa
dang/ bdag med pa la bdag tu blta ba phyin ci log gnyis las
gzhan phyin ci log med dam/ zhe na ma yin te/ lta ba gsum las
phyin ci log bzhi

bzhag pa'i phyir te/ mthar 'dzin gyi rtag lta las ni rtag par
phyin ci log pa dang/ lta ba mchog 'dzin las sdug bsngal la bde
bar phyin ci log pa dang/ mi gtsang ba la gtsang bar phyin ci
log pa gnyis dang/ 'jig lta las bdag tu lta ba phyin ci log
bzhag pa'i phyir/ de dag

phyin ci log tu 'jog pa'i rgyu mtshan dmigs pa la mtha' gcig tu
phyin ci log pa'i phyir dang/ nges par rtog pa'i phyir dang/
sgro 'dogs pa gsum dang ldan pa'i phyir phyin ci log tu bzhag
la/ de las gzhan mthar 'dzin gyi chad lta dang/ log lta ni skur
'debs yin pa'i phyir

dang/ tshul khrims dang brtul zhugs mchog 'dzin gyis cung zad
tsam dag grol du 'gyur ba'ang srid pas na mtha' gcig tu skabs
'dir dngos bstan gyi phyin ci log ma yin la/ nyon mongs gzhan
dag la ni nges par rtog pa med pa'i phyir skabs 'dir phyin ci
log tu ma

bzhag pa ni grub mtha'i 'dod tshul te/ des na spyir log lta sogs
nyon mongs gzhan rnams kyang phyin ci log yin kyang/ skabs 'dir
dngos bstan gyi phyin ci log ma yin par 'dod na khas len 'dzin
bde'o/ /lta ba phyin ci log de dag dang mtshungs ldan gyi sems
dang 'du shes

gnyis kyang dngos bstan gyi phyin ci log tu 'dod la/ 'o na/ de
dag dang mtshungs ldan gyi tshor ba phyin ci log sogs kyang yod
par 'gyur ro/ /zhe na/ de dag 'jig rten la ma grags shing snga
ma gnyis grags pa'i phyir bshad do/ /zhes lan 'debs mod kyang
don gyis rig pa nang

@04b 'gal du ni song ba yin te khyad par med pa la khyad par med
pa la khyad par phye bar snang ba'i phyir ro// ! nga rgyal bdun
nam dgu gsum mo/ /zhes sogs kyi skabs su/ nga rgyal la dbye na
bdun te/ mnyam pa'i nga rgyal dang/ lhag pa'i nga rgyal dang/
nga rgyal las kyang nga rgyal dang/ nga'o snyam pa'i nga rgyal

dang/ mngon pa'i nga rgyal dang/ cung zad mnyam pa'i nga rgyal
dang/ log pa'i nga rgyal te bdun no/ /yang/ dgur dbye tshul yang
yod de/ bdag mchog yin no/ /bdag dang 'dra'o/ /bdag dman no/
/bdag pas mchog yod do/ /bdag dang mnyam pa yod do/ /bdag pas
dman

pa yod do/ /bdag pas mchog med do/ /bdag dang mnyam pa med do/
/bdag pas dman pa med do snyam pa dgur bshad pa rnams ni 'dir
bshad pa'i lta ba la brten pa'i nga rgyal dang/ lhag pa'i nga
rgyal dang/ cung zad mnyam pa'i nga rgyal gsum ci rigs par 'du
ba yin la/ /

de dag gi 'du tshul dang/ gong du bshad pa'i nga rgyal de dag gi
ngo bo 'jog tshul sogs 'grel pa rnams su bshad pa ltar shes sla
bar snang bas 'dir ma spros so/ /nga rgyal de dag kyang mthong
sgom ci rigs pas spang bar bya ba'am zad par bya ba yin te/ lhan
skyes rnams sgom spang dang/ kun brtags

rnams mthong spang yin pa'i phyir ro// ! sgom pas spang bar bya
ba ni/ /zhes sogs kyi skabs su/ 'o na/ sgom spang gi cha rnams
'phags pa sgom spang ma spangs pa rnams la mngon gyur du 'byung
ngam zhe na/ de la nges pa med de/ bsod pa dang ma byin len sogs
lus ngag gi mi dge ba'i

las bdun po kun nas slong byed kyi nyon mongs pa'i kun dkris
rnams dang/ 'jig pa la sred pa dang/ skye ba la sred pa dang/
nga rgyal gyi rnam pa dgu la sogs pa rnams sgom spang yin la/ de
dag ma spangs kyang 'phags pa rnams la mngon 'gyur du mi 'byung
ste/ de dag lta ba nyon mongs

can sngon du 'gro bas gsos 'debs shing rgyas par 'gyur ba yin
na/ lta ba de rnams mthong lam gyi gnas skabs su spong ba'i
phyir/ 'o na/ lta ba gang dang gang gis rgyas par 'gyur zhe na/
gsod pa la sogs pa'i kun dkris rnams log ltas rgyas par byed la/
de bzhin du nga rgyal rnams

@05a @#/ /'jig ltas dang/ 'jig sred ni mthar 'dzin gyi lta ba'i
chad ltas dang/ skye sred ni mthar 'dzin gyi rtag ltas rgyas par
'gyur ba'i phyir/ 'gyod pa mi dge ba yang 'phags pa la mngon
'gyur du mi 'byung ste/ de ni the tshoms nyon mongs can gyis
rgyas par byed pa

yin no/ the tshoms de yang mthong spang yin pa'i phyir/ yang/
gnyid dang sdug bsngal gyi dbang po sogs sgom spang 'ga' zhig ni
'dod pa'i 'phags pa rnams la mngon gyur du 'byung ba'ang yod do/
/'dir 'jig sred ces pa ni khams gsum pa'i bdag med par gyur na
ci ma rung snyam pa

lta bu mi rtag pa la sred pa dang/ skye sred ni bdag tshangs pa
dang dbang po sogs su skye bar gyur na ci ma rung snyam pa lta
bu khams gsum gyi skye ba la sred pa'o// ! sdug bsngal rgyu
mthong spang bya ba/ /zhes sogs kyi skabs su/ phra rgyas de dag
las sdug bsngal mthong spang du gyur pa'i lta ba lnga dang/ rgyu

kun 'byung mthong spang du gyur pa'i lta ba gnyis te bdun/ bden
pa dang po de gnyis kyi mthong spang du gyur pa'i the the tshom
gnyis dang/ ma rig pa gnyis te phra rgyas bcu gcig po de dag ni
kun 'gro zhes bya ba yin te/ skal pa mnyam pa'i khams kyi spang
bya ris lnga po kun la dmigs shing khyab

par 'gro ba'i phyir/ kun 'gro ma rig pa de la yang lta ba rnams
dang the tshoms dang mtshungs ldan gyi ma rig pa dang/ rtsa nyon
gzhan dang ma 'dres pa'i ma rig pa gnyis yod kyang/ kun 'gro bcu
gcig gi grangs su so sor mi 'dren no/ /bcu gcig po de yang khams
gsum char du yod pas na phra rgyas

dgu bcu rtsa brgyad kyi nang nas kun 'gro yin pa sum cu rtsa
gsum mo/ /yang/ bcu gcig po de dag las 'jig mthar gnyis ma gtogs
pa'i lhag ma dgu la ni khams gong ma la dmigs pa yang yod la/ de
dag la skal pa mi mnyam pa'i khams kun 'gro zhes bya'o/ /de yang
'dod pa dang

gzugs gnyis na yod kyi gzugs med na ni med de/ de'i gong na
khams gzhan med pa'i phyir dang/ 'og ma la ni mi dmigs te/ gong
ma'i nyon mongs kyis 'og ma la dmigs pa mi srid pa'i phyir/ des
na khams kyi dbang du byas na skal pa mi mnyam pa'i kun 'gro bco
brgyad do/

@05b 'jig mthar gnyis gong ma la mi dmigs pa'i rgyu mtshan yod
de/ de gnyis ni rang gi phung po la dmigs nas bdag dang rtag
chad du blta ba las gong ma la dmigs nas de ltar mi blta ba'i
phyir/ 'o na/ 'dod pa'i gang zag gis tshangs pa la sems can dang/
rtag par blta ba sogs

ji ltar zhe na de dag ni chos mngon pa ba rnams kyis log shes su
'dod pa las lta ba lnga po gang du yang mi 'dod do/ /'dir skal
pa mnyam pa dang mi mnyam pa'i khams kun la dmigs pa'i don cig
car du dmigs pa la byed dam/ rim gyis dmigs pa la byed/ dang po
ltar na mi 'thad

de/ 'dod pa'i skal pa mnyam pa'i kun 'gro 'jig lta lta bu gcig
gis 'dod pa'i khams mtha' dag la cig car du dmigs mi nus pa'i
phyir/ gnyis pa ltar na/ 'dod chags sogs kyang kun 'gror 'gyur
te/ rim gyis thams cad la dmigs pa srid pa'i phyir/ zer na/ de
la bye brag

smra bas skyon med de/ dper na/ 'dod pa'i skal pa mnyam pa'i kun
'gro des/ 'dod pa'i khams mtha' dag la cig car du mi dmigs kyang
'dod pa'i sdug bsngal mthong spang sogs 'dod pa'i spang bya ris
lnga po thams cad la cig car du dmigs par nus pas na kun 'gror
bzhag la/ 'dod chags

sogs kyis phyogs gcig la dmigs pa las spyi la dmigs pa ma yin
pas kun 'gro ma yin no zhes lan 'debs so/ /skabs 'dir 'grel pa
mngon pa'i rgyan gyi mchan bur/ 'dod pa na skal pa mnyam pa dang
mi mnyam pa'i sa dang khams la dmigs pa thams cad yod/ bsam gtan
bzhi pa

na skal pa mnyam pa'i khams la dmigs pa med la/ srid rtse na
skal pa mnyam pa'i sa la dmigs pa kho na yod do/ /zhes gsung
'dug pa 'di'i don/ bsam gtan dang po gsum na rang gi gong sar
gyur pa'i skal pa mnyam pa'i khams la dmigs pa yod cing/ bsam
gtan bzhi pa na rang

gi gong sar gyur pa'i skal pa mnyam pa'i khams la dmigs pa med
pa la dgongs pa las spyir bsam gtan bzhi pa na skal pa mnyam
pa'i khams la dmigs pa med par gsungs pa ni min te/ ci'i phyir/
bsam gtan bzhi pa khams skal pa mnyam pa'i kun 'gro yod pa'i
phyir te/

@06a @#/ /bsam gtan bzhi pa'i kun 'gros rang sa'i spang bya la
dmigs pa'i tshe khams skal ba mnyam pa yin pa'i phyir te/ kun
'gro de dang dmigs yul gnyis gzugs khams su skal ba mnyam pa'i
phyir/ de bzhin du srid rtse na skal ba mnyam pa'i sa la dmigs
pa kho na

yod par gsungs pa yang/ de na skal ba mi mnyam pa'i sa dang
khams la dmigs pa med pa dang rang gi gong sar gyur pa'i skal ba
mnyam pa'i khams la dmigs pa yang med pa bcas la dgongs pa las/
spyir skal ba mnyam pa'i khams la dmigs pa med par gsungs pa
yang ma yin te/

de na yang rang sa'i skal ba mnyam pa'i khams la dmigs pa yod
pa'i phyir te/ sa skal ba mnyam pa la dmigs pa yod pa gang zhig
/sa skal ba mnyam na khams skal ba mnyam pas khyab pa'i phyir
snyam ste 'on kyang dpyad do/ /sa dang khams skal ba mnyam mi
mnyam yang 'dod pa na ni khyad

par med de/ 'dod pa'i sar skal ba mnyam na/ 'dod pa'i khams su
skal ba mnyam pas kyang khyab la/ 'dod pa'i khams su skal ba
mnyam na/ 'dod pa'i sar skal ba mnyam pas kyang khyab pa'i
phyir/ khams gong ma na ni khyad par yod de/ bsam gtan bzhi lta
bu khams skal ba mnyam yang sa

skal ba mi mnyam pa yin la/ gzugs med bzhi yang de dang mtshungs
pa'i phyir/ yang/ bsam gtan bzhi pa'i gnas brgyad lta bu ni sa
skal ba mnyam pa yang yin la khams skal ba mnyam pa yang yin pas
khams dang sa la brtags nas dbye ba phyed par bya'o/ /des na
skabs 'dir dngos

bstan gyi skal ba mnyam pa'i kun 'gro dang/ skal ba mi mnyam
pa'i kun 'gro zhes pa'i skal ba mnyam mi mnyam ni khams skal ba
mnyam mi mnyam la byed pa las/ sa skal ba mnyam mi mnyam la mi
byed de/ ci'i phyir na/ sa skal ba mnyam pa'i kun 'gro yin na/
skal ba mnyam pa'i

kun 'gro yin pas khyab kyang/ sa skal pa mi mnyam pa'i kun 'gro
yin na/ skal ba mi mnyam pa'i kun 'gro yin pas ma khyab pa'i
phyir/ der thal/ bsam gtan gnyis pa la dmigs pa'i bsam gtan dang
po'i kun 'gro de sa skal ba mi mnyam pa'i kun 'gro yin kyang/
skal ba

@06b mi mnyam pa'i kun 'gro ma yin pa'i phyir/ der thal/ skal ba
mnyam pa'i kun 'gro yin pa'i phyir te/ khams skal ba mnyam pa'i
kun 'gro yin pa'i phyir/ de lta min na skal ba mnyam pa'i kun
'gro dang/ skal ba mi mnyam pa'i kun 'gro gnyis kyi gzhi mthun
khas len dgos pa dang/ bsam gtan dang po

dang gnyis pa ba gnyis skal ba mnyam mi mnyam gnyis ka yin par
'dod dgos pa sogs mi mdzes pa du ma zhig 'ong ngo/ /yang/ kho na
re/ bden pa dang po gnyis kyi mthong spang du gyur pa'i ma rig
pa gnyis chos can/ kun 'gro yin par thal/ kun 'gro bcu gcig gi
grangs su 'dren pa'i phyir/ 'dod na/ de gnyis

chos can/ kun 'gro ma yin par thal/ de gnyis la kun 'gro yin min
gnyis re yod pa'i phyir zer na ma khyab/ de la kun 'gro yin min
gnyis re yod par thal/ sdug bsngal mthong spang du gyur pa'i lta
ba dang/ the tshoms ? gnyis dang mtshungs ldan du gyur pa'i ma rig
pa dang/ de'i ma 'dres pa'i ma

rig pa rnams kun 'gro yin kyang/ der gyur pa'i 'dod chags sogs
rtsa nyon gzhan dang mtshungs ldan gyi ma rig pa rnams kun 'gro
ma yin pa'i phyir dang/ de ltar kun 'byung mthong spang gi ma
rig pa la yang mtshungs pa'i phyir/ de ltar yin kyang spang bya
de dag gi ma rig pa spyi tsam pa de kun 'gror bzhag

pa la 'gal ba med de/ de skal ba mnyam mi mnyam gyi khams kun tu
'gro ba'i phyir/ de la dgongs nas 'grel pa mngon pa'i rgyan du
yang/ phra rgyas dgu bcu rtsa brgyad las kun 'gro kho na nyi shu
rtsa bdun dang/ de ma yin pa drug cu rtsa lnga/ bden pa dang po
gnyis kyi spang bya ma rig pa drug gnyis kar

dngos su bstan/ zhes gsungs pa'i phyir/ phyi ma 'di'i don ma rig
pa drug po de la kun 'gro yin min gnyis re yod pas/ kun 'gro kho
na ma yin par bstan pa'i shugs la spyi tsam pa de kun 'gro yin
par bstan pa yang yin no// ! de dag dang ni lhan cig gang/ /zhes
sogs kyi skabs su/ phra rgyas kun 'gro bcu

gcig po de dag dang lhan cig tu 'byung ba'i thob pa ma gtogs pa
sems dang/ sems byung tshor ba la sogs pa lhan cig mtshungs ldan
rnams dang/ mtshan nyid skye ba la sogs pa rnams kyang kun 'gro
yin la/ 'on kyang phra rgyas kun 'gro ma yin no/ /de'i phyir
phra rgyas kun 'gro dang rgyu'i kun 'gro la mu

@07a @#/ /bzhi gsungs te/ phra rgyas kun 'gro yin la rgyu'i kun
'gro ma yin pa ni phra rgyas kun 'gro ma 'ongs pa rnams so/
/rgyu'i kun 'gro yin la phra rgyas kun 'gro ma yin pa ni 'das da
ltar gyi phra rgyas kun 'gro rnams dang lhan cig 'byung ba'i
sems dang sems byung sogs so/ /gnyis

ka yin pa ni/ 'das da ltar gyi phra rgyas kun 'gro rnams so/
/gnyis ka ma yin pa ni ma 'ongs pa'i phra rgyas dang lhan cig
'byung ba'i sems sems byung thob pa la sogs pa'o/ /yang phra
rgyas kun 'gro rnams ni bden pa dang po gnyis kyi mtshan nyid
dang 'gal bar zhugs pas dngos su log zhugs dang

kun 'gro ma yin pa'i phra rgyas rnams bden pa la dmigs kyang
mtshan nyid dang mi 'gal bas log zhugs la log zhugs su bshad de/
'dir mtshan nyid dang 'gal bar zhugs pa zhes pa'i don ni bden pa
rnams kyi rang bzhin nam gnas tshul dang dngos su 'gal ba'i 'dzin
stangs phyin ci log tu

zhugs pa ste/ bdag tu ma grub pa la bdag tu blta ba la sogs pa'i
phyir ro/ /log gzhugs la log zhugs zhes pa'i don no/ /bden pa la
dngos su log par zhugs pa'i lta bsogs de dag la 'dod chags kyis
sred pa dang/ nga rgyal gyis khengs pa dang/ mchog 'dzin gyis
mchog tu 'dzin pa la sogs pa'i

don no/ /grub mtha' gong ma bdag ni/ dngos su log zhugs dang/
log pa la log zhugs dang/ dbang gis log zhugs zhes gsum du 'dod
pa'i nang nas khong khro dbang gis log zhugs su bshad la gzhan
gnyis snga ma dang 'dra'o// ! 'gog dang lam mthong spang bya ba/
/zhes sogs kyi skabs su/ zag

bcas zag med la dmigs pa'i phra rgyas kyi dbye ba bshad pa ste/
de la 'gog pa mthong spang dang/ lam mthong spang gi log lta
gnyis dang/ the tshoms gnyis dang/ ma rig pa gnyis te drug gam/
yang na/ de dag khams gsum char du yod pas na khams kyi sgo nas
phye na bco brgyad de/ de dag ni zag

med kyi spyod yul can yin te 'gog lam la log par zhugs pa'i
phyir/ 'o na/ bden pa mthong bar thal lo/ /zhe na/ ma yin te/
rnam pa phyin ci log tu zhugs pa'i phyir/ lhag ma phra rgyas
brgyad cu ni zag bcas kyi chos kyi yul can yin no/ /'gog pa la
dmigs pa'i log lta la sogs pas kyang rang

@07b sa'i gnyen po'i 'gog pa kho na la dmigs pa yin te/ 'dod
pa'i log lta the tshom sogs kyis 'dod pa'i gnyen po 'gog pa la
dmiD pa nas srid rtse'i bar du mtshungs so/ /lam la dmigs pa'i
log lta sogs kyis kyang rang rang gi gnyen po'i lam bden la
dmigs pa yin te/ 'dod pa'i lam mthong spang du

gyur pa'i log lta/ the tshoms/ ma rig pa gsum gyis zag med sa
drug gi ngo bor gyur pa'i chos shes la dmigs pa yin te/ chos
shes 'dod pa'i gnyen po yin pa'i phyir/ de bzhin du/ khams gong
ma gnyis kyi lam mthong spang du gyur pa'i bsam gtan dang po nas
srid rtse'i bar gyi log lta soD

gsum gyis kyang zag med sa dgu la brten pa'i rjes shes la dmigs
pa yin te/ rjes shes gong ma'i gnyen po yin pa'i phyir/ gal te
sa gong ma la brten pa'i zag med kyi lam de dag 'og ma'i log lta
la sogs pa'i yul du ji ltar 'gyur ram zhe na/ 'gyur te/ sa dgu'i
lam ni phan tshun du/ mnyam

dang khyad par can gyi yin/ /zhes zag med sa dgu'i lam rnams
phan tshun du skal mnyam gyi rgyur 'gyur pa'i phyir/ de ltar yin
kyang 'dod pa'i log lta sogs kyis rjes shes la dmigs pa dang/
gong ma'i log lta sogs kyis chos shes la dmigs pa ni med de/
khams so so'i gnyen po

yin pa'i phyir zhes zer te grub mtha'i 'dod tshul lo// ! 'dod
chags min te spang bya'i phyir/ /zhes sogs kyis 'gog lam mthong
spang gnyis kyi log lta sogs gsum po de las gzhan 'dod chags
sogs kyis 'gog lam la mi dmigs te/ ci'i phyir na/ 'gog lam gnyis
ni spang bya ma

yin pa'i phyir dang/ gnod pa mi byed pa'i phyir dang/ zhi ba
dang/ dag pa dang/ mchog tu gyur pa yin pa'i phyir rim pa bzhin
'dod chags dang/ zhe sdang dang/ nga rgyal dang/ mchog 'dzin
rnams kyi yul du mi 'gyur ro/ /zhes bstan pa'o/ /des na phra
rgyas dgu bcu rtsa brgyad kyi nang nas zag med

kho na la dmigs pa bcu gnyis/ /zag bcas kho na la dmigs pa
brgyad cu/ zag bcas zag med gnyis ka la dmigs pa'i cha yod pa
'gog lam mthong spang gi ma rig pa drug go / de dag gi nang nas
zag med la dmigs pa rnams ni bden pa la dngos su log zhugs dang/
'gog lam mthong spang

@08a @#/ /zag bcas kyi yul can rnams ni dngos su log lta sogs de
dag la dmigs pas log pa la log zhugs so/ /grub mtha' gong ma ba
dag ni/ 'gog lam mthong spang gi log lta la sogs pa drug po de
dag kyang rtog bcas kyi yid kyis brtags pa'i 'gog lam gyi ming
tsam la

dmigs pa las dngos su mi dmigs te/ gal te zag med la dngos su
dmigs na de dag 'phags pa'i ye shes su thal ba'i phyir zhes 'dod
de don la gnas so// ! phra rgyas kun tu 'gro rnams ni/ /zhes
sogs kyi skabs su/ yang; phra rgyas de dag las rang gi dmigs pas
rgyas 'gyur du/ mtshungs

ldan gyis rgyas 'gyur du zhe na/ phra rgyas kun 'gro rnams kyis
rang sa'i spang bya ris lnga la dmigs na ni thams cad du dmigs
pa'i sgo nas rgyas par 'gyur ba dang/ kun 'gro ma yin pa rnams
ni rang rang gi ris su gtogs pa la dmigs pas rgyas par 'gyur gyi
ris gzhan la ni ma yin pas/ des

na sdug bsngal mthong spang rnams ni rang gi dmigs yul sdug
bsngal mthong spang kho nas rgyas par 'gyur ba la sogs pa yin
no/ /'o na/ phra rgyas thams cad rang yul la dmigs pas rgyas par
'gyur ba kho na yin nam/ zhe na/ ma nges te/ zag med dang sa
gong ma la dmigs pa rnams ni rang gi dmiD

pa'i sgo nas rgyas par mi 'gyur te/ zag med dang sa gong ma ni
'og ma'i sred pas bdag gir ma byas pa'i phyir dang/ nyon mongs
de dag gi nyen po'ang yin pa'i phyir ro/ /zag med dang gong ma
la dmigs pa de dag kyang mtshungs ldan gyi sgo nas rgyas par
'gyur ba ni yin te/ rang gi grogs sems sems byung

sogs dang phan tshun du mtshungs par ldan pa'i sgo nas rgyas par
'gyur ba'i phyir/ de ni phra rgyas gzhan la yang mtshungs pas na
dmigs pa kho nas rgyas 'gyur yin pa ni med cing/ mtshungs ldan
kho nas rgyas 'gyur yin pa ni yod de/ zag med la dmigs pa'i phra
rgyas rnams de ltar yin pa'i phyir/ des na

phra rgyas dgu bcu rtsa brgyad las zag med la dmigs pa'i log lta
drug dang the tshoms ? drug ste bcu gnyis ni mtshungs ldan kho nas
rgyas 'gyur dang/ 'gog lam mthong spang gi ma rig pa drug dang/
khams 'og ma gnyis kyi kun 'gro las 'jig mthar gnyis ma gtogs
pa'i bco brgyad de nyi shu rtsa 

@08b mtshungs ldan gyis rgyas 'gyur yin kyang dmigs yul zag bcas
zag med dang/ rang sa dang gong sa la ltos nas rang gi dmigs pas
rgyas 'gyur yin min ci rigs su yod pa dang/ lhag ma drug cu rtsa
gnyis ni dmigs pa dang mtshungs ldan gnyis kas rgyas 'gyur du
nges par

'grel pa mngon pa'i rgyan las gsungs so/ /de la kho na re/ 'o
na/ gzugs med dang po gsum nas gong sa la dmigs pa'i kun 'gro
rnams chos can/ rang gi dmigs pa'i sgo nas rgyas 'gyur ma yin
par thal/ gong sa la dmigs pa'i phra rgyas yin pa'i phyir/ 'dod
na/ rang gi

dmigs pas rgyas 'gyur yin min ci rigs su yod pa'i phra rgyas de
la gzugs med kyi kun 'gro yang yod par thal/ 'dod na/ mi 'thad
par thal/ dmigs pas rgyas 'gyur yin min ci rigs su yod pa'i kun
'gro de la khams 'og ma gnyis kyi kun 'gro bco brgyad ma gtogs
ma bzhag pa'i phyir/

zer na/ de ni bden mod kyi/ 'on kyang 'dir de ltar gsungs pa ni
phra rgyas dgu bcu rtsa brgyad kyi grangs 'dren spyi tsam pa
de'i dbang du mdzad pa dang/ gzugs med kyi kun 'gro las skal ba
mi mnyam pa yod kyang/ khams skal pa mi mnyam pa med pa dang/
gtso che ba srid rtse'i kun 'gro la dgongs pa

bcas su snang rung/ rtsod pa'i skabs su khas len ni 'dzin dka'
tsam 'ong rigs su snang zhing/ gong gi thal 'gyur de la yang
khyad med kyi lan 'debs pa las 'os med la/ de bzhin du phra
rgyas dgu bcu rtsa brgyad kyi nang nas dmigs pa dang mtshungs
ldan gnyis kas rgyas 'gyur du nges pa drug cu rtsa gnyis

med par thal/ de la gzugs med kyi kun 'gro med pa'i phyir/ der
thal/ gzugs med kyi kun 'gro dgu po de rang gi dmigs pa dang
mtshungs ldan gnyis kas rgyas 'gyur du ma nges pa'i phyir/ zer na
yang ma khyab ces brjod par bya'o// ! gong ma thams cad lung ma
bstan/ /zhes sogs kyi skabs su/

'o na/ phra rgyas de dag lung ma bstan dang mi dge ba gang du
gtogs zhe na/ khams gong ma gnyis kyi nyon mongs pa thams cad ni
bsgribs la lung ma bstan kho na las/ mi dge ba med la/ 'dod
khams na 'jig lta/ mthar lta gnyis dang/ de gnyis dang mtshungs
ldan gyi ma rig pa dang bcas pa ni

@09a @#/ /bsgribs la lung ma bstan dang/ lhag ma 'dod pa'i nyon
mongs thams cad ni mi dge ba yin no// ! 'dod na 'dod chags khong
khro dang/ /zhes sogs kyi skabs su mi dge ba'i rtsa ba gsum
dang/ lung ma bstan gyi rtsa ba gsum gsungs pa las/ dang

po gsum gang zhe na/ 'dod pa'i spang bya ris lnga char gyi 'dod
chags/ khong khro gnyis dang/ de'i steng du 'jig mthar gnyis
dang mtshungs ldan las gzhan pa'i ma rig pa ste/ gsum po de ni mi
dge ba'i rtsa ba yin te/ mi dge ba thams cad gsum po de las
byung ba'i phyir/ don bsdu na

'dod pa'i dug gsum la byed pa'o/ /'jig mthar gnyis dang mtshungs
ldan gyi ma rig pa ni mi 'jog ste/ mi dge ba ma yin pa'i phyir
ro/ /lung ma bstan gyi rtsa ba la yang sred pa dang/ ma rig pa
dang/ blo ste shes rab dang gsum yod la/ 'di'i sred pa ni khams
gong ma gnyis kyi sred

pa thams cad la byed pa yin gyi 'dod pa'i sred pa ni ma yin te/
mi dge ba yin pa'i phyir/ ma rig pa ni 'dod pa na 'jig mthar
gnyis dang mtshungs ldan gyi ma rig pa dang/ gong ma gnyis kyi ma
rig pa thams cad do/ /shes rab lung ma bstan la nyon mongs can
yin min gnyis te/

khams gsum gyi rnam smin skyes sogs ma bsgribs lung ma bstan gyi
sems rnams dang mtshungs ldan ni nyon mongs can min la/ 'dod pa'i
'jig mthar gnyis dang/ gong ma gnyis kyi nyon mongs dang mtshungs
ldan gyi shes rab rnams ni nyon mongs can yin te/ bsgribs lung
ma bstan

yin pa'i phyir ro/ /de dag las gzhan the tshom dang/ nga rgyal
dang/ khong khro rnams ni lung ma bstan gyi rtsa ba ma yin te/
the tshoms ni rnam pa gnyis su 'jug pas mi brtan pa'i phyir dang/
nga rgyal ni sems mtho ba'i rnam par 'jug pa'i phyir dang/ khong
khro ni mi dge ba yin pa'i phyir ro// ! bzhi

zhes nyi 'og pa/ zhes sogs kyi skabs su/ nyi 'og bye brag smra
ba rnams ni lung ma bstan gyi rtsa ba bzhir 'dod de/ sred pa
dang/ lta ba dang/ nga rgyal dang/ ma rig pa rnams su yod par
'dod la/ de yang khams gong ma gnyis kyi sred pa dang/ lta ba
thams cad dang/ 'dod pa'i lta ba dang po gnyis dang/

@09b khams gong ma gnyis kyi nga rgyal dang/ sngar bshad pa'i ma
rig pa rnams la 'dod do/ /bsam gtan pa yang sred pa shas che ba
dang/ lta ba shas che ba dang/ nga rgyal shas che ba gsum yod
pas de 'dra'i bsam gtan gsum yang bsgribs la lung ma bstan yin
la/ de gsum yang ma rig pa

las byung ba'i phyir zhes 'dod do// ! mgo gcig pa dang rnam phye
dang/ /zhes sogs kyi skabs su/ 'o na/ bdag dang 'jig rten rtag
gam mi rtag zhes sogs lta ngan gyis kun nas bslangs pa'i lung ma
bstan gyi dngos po bcu gcig gsungs pa rnams/ dge mi dge gang
yang ma yin pa'i lung ma

bstan yin nam/ zhe na ma yin te/ de dag mi dge ba yin pa'i
phyir/ 'o na/ lung ma bstan du ji ltar 'gyur zhe na/ de dag ni
bcom ldan 'das kyis dri ba la lung ston par ma mdzad par bzhag
pas na/ bzhag par bya ba'i lung du ma bstan pa yin pa'i don las/
spyir lung ma bstan yin pa'i

don ni min no/ /de yang spyir dri ba'i lung du bstan tshul lam/
lan 'debs tshul la mgo gcig tu lung ston pa dang/ rnam par phye
nas lung ston pa dang/ dri bas lung ston pa dang/ lung du ma
bstan par bzhag par bya ba bzhi las 'dir ni phyi ma yin la/ lan
'debs tshul de dag gi khyad par

ni gzhan du shes so// ! 'das dang nyer gnas 'dod chags dang/
/zhes sogs kyi skabs su 'das pa dang/ nye bar gnas pa ste da
ltar ba'i 'dod chags dang/ khong khro dang/ nga rgyal rnams
skyes la ma spangs pa dag ni rnam shes gang gi 'khor du byung
yang rung/ dmigs yul spang bya

ris lnga dus gsum gang la dmigs kyang yul gyi dngos po de gang
zag de la dmigs pa'i sgo nas ldan par byed pa yin la/ 'on kyang
dmigs pa'i sgo nas ldan na ldan pas ni ma khyab ste/ rgyud kyis
ma bsdus pa'i phyi rol gyi gzugs sogs la dmigs kyang ldan pa'i
tha snyad mi thob pa'i phyir ro//

de la chags sdang gnyis ni dbang shes kyi 'khor du yang 'byung
la/ nga rgyal ni/ yid shes kho na'i 'khor du 'byung ngo// ! yid
kyi de dag ma 'ongs pas/ /zhes sogs kyis yid kyi rnam shis kyi
'khor du byung ba'i 'dod chags sogs gsum ni ma 'ongs pa yin na
yang/ dmigs yul

@010a @#/ /dus gsum kun dang dmigs pa'i tshul gyis ldan par byed
la/ sgo lnga'i dbang shes kyi 'khor du byung ba'i 'dod chags
dang khong khro ma 'ongs pa dag gis ni dmigs yul kyang rang dus
pa ste ma 'ongs pa'i dngos po kho na dang ldan par byed de/ sgo
lnga'i dbang po'i rnam

par shes pa ma 'ongs pa de dag gis 'das pa dang da ltar ba la mi
dmigs pa'i phyir ro/ /ma 'ongs pa skye ba'i chos can rnams kyis
de ltar yin la/ mi skye ba'i chos can ni sgo lnga'i rnam shes
kyi 'khor du byung ba'i 'dod chags khong khro gnyis kyis kyang
dmigs yul gyi dngos po thams

cad dang dmigs pa'i tshul gyis ldan par byed par gsungs la/ 'on
kyang de dag ni dmigs rung du ldan pa la byed pa yin gyi dngos
su dmigs pa ni ma yin par bshad do/ /de dag gi lhag ma lta ba
dang/ the tshom dang/ ma rig pa gsum ni 'das pa dang/ da ltar ba
dang/ ma 'ongs pa

kun gyis kyang dmigs yul dus gsum gyi spang bya ris lnga po kun
dang ldan par byed do/ /'o na/ yul dmigs pa'i sgo nas ldan par
bshad pa de dag kyang yun ji tsam du ldan zhe na/ nyon mongs de
dag ma spangs kyi bar du'o/ /de yang nyon mongs la rang gi mtshan
nyid dang/ spyi'i

mtshan nyid pa gnyis bshad pa'i nang nas/ 'dod chags khong khro
nga rgyal gsum ni dang po yin la/ lta ba dang the tshom dang/ ma
rig pa gsum ni phyi ma yin no/ /de'i don yang 'dod chags sogs
gsum ni rang rang gi yul bde ba myong 'gyur dang/ sdug bsngal
myong 'gyur res 'ga'

ba tsam la dmigs pa yin la/ lta ba the tshom ma rig pa gsum ni
bye brag med par bde sdug btang snyoms myong 'gyur gyi yul gsum
ka la ci rigs par khyab pa'i tshul gyis dmigs pas na de ltar
bshad do// ! dus rnams kun tu yod gsungs phyir/ /zhes sogs

kyi skabs su/ bye brag smra bas dus gsum rtag par mi 'dod kyang
rdzas su grub par ni 'dod pa yin la/ gzhi thams cad yod par smra
ba yin phyin chad dus gsum dang/ gzhi lnga po dngos po'i rdzas
su yod pa 'di khas len dgos so/ /dus gsum rdzas su 'dod pa de la
yang rnam

@010b pa bzhi ste/ btsun ba chos skyabs ni dngos po gzhan du
'gyur bar 'dod la/ btsun ba dbyangs sgrog ni/ mtshan nyid gzhan
du 'gyur ba dang/ btsun pa dbyig bshes ni gnas skabs gzhan du
'gyur ba dang/ btsun pa sangs rgyas lha ni gzhan dang gzhan du
'gyur ba zhes bya bar

'dod de/ de dag gi khyad par ni gzhan du shes so/ /bzhi po de
las gsum pa gnas skabs gzhan du 'gyur bar 'dod pa nyid bzang
ste/ bya ba ma skyes nas mi byed pa dang/ skyes nas byed pa
dang/ byas nas 'gags pa gsum gyi sgo nas dus gsum du bzhag pa'i
phyir ro/ /zhes

gsungs mod kyang/ 'grel pa mngon pa'i rgyan du/ bzhi ka la ming
tha dad pa ma gtogs pa khyad par ci yang yod par ma mthong ngo/
/zhes gsungs pa ltar zhib tu brtags na don la khyad par yod par
ma mngon no// ! dus rnams rnam gzhag gegs su byed/ /zhes sogs

kyis ni/ bye brag smra bas dus gsum rdzas grub tu 'dod pa la
skyon brjod mdzad pa ste rtsa ba'i tshig 'grel gyis shes so// !
sdug bsngal mthong spang bya spangs kyang/ /zhes sogs kyi skabs
su/ gong du yul dmigs pa'i sgo nas ldan zhes pa ni/ sdug bsngal
mthong spang spangs pa sogs la'ang

yod de/ sdug bsngal chos shes kyi skabs su 'dod pa'i sdug bsngal
mthong spang spangs zin kyang/ 'dod pa'i kun 'byung mthong spang
du gyur pa'i kun 'grom spangs pas na/ kun 'gro de dag gis 'dod
pa'i sdug bsngal mthong spang dmigs pa'i sgo nas ldan par byed
pa dang/ de bzhin du sgom spang

dang po chen po'i chen po sogs spangs kyang/ de la dmigs pa'i
yul can gyi dri ma lhag ma chen po'i 'bring sogs ma spangs na/
de dag gis sgom spang dang po dmigs pa'i sgo nas ldan par byed
do zhes pa'o/ /skabs thob grub mtha'i rang lugs gzhir bzhag gis
rtsod pa'i tshe khas len 'dzin

mtshams lta bur ni/ sdug bsngal chos shes pa de 'dod pa'i sdug
bsngal mthong spang dang ldan par thal/ de 'dod pa'i kun 'byung
mthong spang gi kun 'gro'i dmigs yul du gyur pa'i 'dod pa'i sdug
bsngal mthong spang dang ldan pa'i phyir/ der thal/ des 'dod
pa'i kun 'byung mthong spang ma

@011a @#/ /spangs kyi bar du/ de'i dmigs yul du gyur pa'i 'dod
pa'i sdug bsngal mthong spang dmigs pa'i sgo nas ldan pa'i phyir
zer na ma khyab bo/ /de la kho na re/ sdug bsngal chos shes bde
la dmigs pa'i sgo nas ldan pa'i 'dod pa'i sdug bsngal

mthong spang zhig yod par thal/ de 'dod pa'i kun 'byung mthong
spang gi dmigs yul du gyur pa'i 'dod pa'i sdug bsngal mthong
spang dmigs pa'i sgo nas ldan pa'i phyir zer na ma khyab ste/ de
la dmigs pa'i sgo nas ldan pa'i 'dod pa'i sdug bsngal mthong
spang zhig yod na/ des

'dod pa'i sdug bsngal mthong spang slar mi skye ba'i chos can du
byas nas spangs pa dang 'gal ba'i phyir ro/ /'on kyang 'di dag
ni bye brag smra ba'i grub mthas brtags pa las 'thad par ni ma
mngon te/ ci'i phyir na/ 'grel pa mngon pa'i rgyan du/ yul can
ldan pa'i yul spangs kyang

ldan no zhes bya ba ni/ grub pa'i mtha' yin te/ 'di la ngo bo
spangs na ci zhig ldan/ /zhes gsungs pa'i phyir// ! sdug bsngal
rgyu mthong goms pa yi/ zhes sogs kyi skabs su/ yul chos bcu
drug dang/ yul can sems bcu drug gi rnam bzhag bshad pa ste/ de
la yul lam

chos bcu drug ni khams gsum gyi spang bya ris lnga lnga dang/
zag med kyi chos te bcu drug dang/ de bzhin du sems bcu drug
kyang de dag gi steng nas 'jog pa ste/ yul dang yul can thams
cad bcu drug po dag tu 'dus so/ /de yang rjes 'brang dang bcas
na mthong spang

ni phung po bzhi dang/ sgom spang ni phung po lnga pa can no/
/sems gang dang gang gi yul du 'gyur dpyad pa la/ 'dod pa'i sas
bsdus kyi sdug bsngal mthong spang dang/ kun 'byung mthong spang
dang/ sgom spang rnams rjes 'brang dang bcas pa ni sems lnga'i
yul du 'gyur te/

rang sa'i sdug bsngal mthong spang sogs kyi sems gsum dang/
gzugs kyi sgom spang dge sems/ sdug bsngal chos shes dang/ kun
'byung chos shes kyi ngo bor gyur pa'i zag med kyi sems rnams
gyi yul du 'gyur ba'i phyir/

@011b ??? dang po rnams de ltar yin te/

rang sa'i sdug kun mthong spang du gyur ba'i kun 'gro rnams kyis
ni dmigs par brjod ma dgos la/ kun 'gro ma yin pa rnams kyis
kyang rang rang gi ris la dmigs pa'i phyir dang/ 'dod pa'i sgom
spang dge bas ni rang sa'i gsum char la dmigs shing/ gzugs kyi
dge bas kyang dmigs te/

bsam gtan dag yul yod dgu yin/ /zhes gsungs pa'i phyir/ lnga po
de dag las gzhan pa'i sems kyis ni de gsum la dmigs pa med do/
/gzugs khams kyi sas bsdus pa'i sdug bsngal mthong spang sogs
gsum ni sems brgyad kyi yul du 'gyur te/ rang sa'i sdug kun
mthong

spang dang sgom spang gi sems gsum dang/ 'dod pa'i sdug kun
mthong spang skal ba mi mnyam pa'i kun 'gro'i sems gnyis dang/
sgom spang dge ba'i sems dang gsum/ gzugs med na ? mkha'i nyer
bsdogs kyi ngo bor gyur ba'i sgom spang gi sems gcig /zag med
rjes shes phyogs mthun gyi

sems rnams kyi yul du 'gyur ba'i phyir/ gzugs med kyi sdug
bsngal mthong spang sogs gsum ni sems bcu'i yul du 'gyur te/ 'og
ma gnyis nas sngar bzhin sdug kun mthong spang dang sgom spang
gi sems gsum gsum ste drug dang/ gzugs med rang sa'i sems gsum
dang/ zag

med rjes shes phyogs mthun gyi sems rnams kyi yul du 'gyur ba'i
phyir/ 'gog lam mthong spang rnams ni sngar bshad pa de dag gi
steng du rang rang gis blags te bsnan pa ste/ rang rang gi sems
bsnan pa dang bcas pa'i yul du 'gyur ba ste/ dper na/ 'dod pa'i
'gog pa mthong spang la

mtshon na/ sngar 'dod pa'i sdug kun mthong spang la dmigs pa'i
sems lnga yod par bshad pa ltar gyi lnga po de'i steng du 'dod
pa'i 'gog pa mthong spang rang nyid kyi sems bsnan pas drug
/gzugs kyi 'gog pa mthong spang la yang sngar bshad pa'i brgyad
kyi steng rang nyid kyi sems bsnan pas dgu/

@12a @#/ /gzugs med kyi 'gog pa mthong spang la yang de bzhin du
bsnan pas bcu gcig gi yul du 'gyur ba ste/ de ltar lam mthong
spang rnams la yang mtshungs so/ /zag med kyi chos ni/ khams gsum
gyi spang bya ris lnga'i mtha' ma 'gog lam mthong spang gi sems
gnyis

dang; sgom spang gi sems dang bcas pa gsum gsum gyi steng du/
zag med rang nyid kyi sems bsnan pas bcu'i yul du 'gyur la/ zag
med kyi nang tshan na ? mkha' dang so sor brtags min gnyis ni
sgom spang gi sems nyon mongs can ma yin pa kho na'i yul du
'gyur ro/ /de dag gis

ni sems bcu drug po re re'i yul du chos bcu drug po ji tsam
'gyur yang shes par nus te/ de yang mdzod 'grel gyi sdom tshig
tu/ khams gsum bden bzhi mthong spang dang/ /sgom spang sems kyi
yul du ni/ /rim bzhin bco lnga gnyis bcu drug /bcu dang gnyis
dang bcu drug dang//

lnga dang gnyis dang bcu gcig 'gyur/ /zag med yul du bcu drug
'gyur/ /zhes gsungs te/ de'i don 'dod pa'i sdug kun mthong spang
gi sems gnyis kyi yul du khams gsum gyi spang bya ris lnga lnga
ste bco lnga re dang/ 'dod pa'i 'gog lam mthong spang gi sems
gnyis kyi yul du zag med dang/

'gog lam mthong spang rang rang gi chos dang bcas pa'i gnyis re/
'dod pa'i sgom spang sems kyi yul du khams gsum gyi spang bya
ris bco lnga dang zag med de chos bcu drug 'byung/ gzugs kyi
sdug kun mthong spang gi sems gnyis kyi yul du gzugs gzugs med
gnyis kyi spang bya ris lnga

lnga ste bcu re dang/ de'i 'gog lam mthong spang gi sems dang/
sgom spang sems kyi yul du ni 'dod pa dang 'dra/ gzugs med kyi
sdug kun mthong spang gi sems kyi yul du rang sa'i spang bya ris
lnga re dang/ de'i 'gog lam mthong spang gi sems kyi yul ni snga
ma gnyis dang ris 'grel/ de'i sgom

spang sems kyi yul du gzugs gzugs med kyi spang bya ris lnga
lnga ste bcu dang/ zag med de bcu gcig 'byung/ zag med sems kyi
yul du ni chos bcu drug po thams cad 'byung ba'o/ /'dir bstan
sems bcu drug po re re la/ gnas gnyis par bshad pa'i sems bcu
gnyis dang nyi shu'i nang nas

@12b ji tsam 'byung sogs bshad du yod kyang mang bar 'gyur ba ma
zad zhib tu dpyad na shes slabs kyang ma bris te sgo tsam zhig
bstan to/ /yang skabs 'dir gzugs sogs kyi yul rnams chos bcu
drug po gang du gtogs dang/ yul de sems ji tsam gyi yul du 'gyur
ba dang/ yul can gyi sems de phra

rgyas yin min dang/ phra rgyas yin kyang yul de la rgyas mi
rgyas dpyad pa dang bzhi las/ gzugs lta bu la mtshon na/ gzugs de
'dod gzugs kyi sgom spang dang/ zag med gsum po gang rung du
gtogs la/ de'i nang nas 'dod pa'i sgom spang gi gzugs rgyud kyis
bsdus pa nyon mongs can lta bu

ni sngar bshad pa ltar 'dod pa'i rang sa'i bden pa dang po gnyis
kyi kun 'gro'i sems gnyis dang/ sgom spang gi sems/ gzugs kyi
sgom spang dge ba'i sems dang/ zag med kyi sems te sems lnga'i
yul du 'gyur ba dang/ sems lnga po de las dang po gnyis phra
rgyas dang bcas pa'i nyon mongs can

yin la/ gsum pa la phra rgyas dang bcas ma bcas kyi cha gnyis
yod cing/ bzhi pa dang lnga pa gnyis ni rim pa bzhin dge ba zag
bcas dang/ zag med yin pas phra rgyas dang bcas pa min no/ /des
na 'dod pa'i gzugs nyon mongs can de la ni rang sa'i bden pa
dang po gnyis kyi kun 'gro bcu gcig dang/

rang sa'i sgom spang bzhi ste phra rgyas bco lnga rgyas par
'gyur zhing/ rgyud kyis bsdus kyang nyon mongs can ma yin pa
dang/ rgyud kyis ma bsdus pa'i gzugs sogs la ni sgom spang phra
rgyas bzhi po kho na rgyas par 'gyur ba yin la/ des mtshon te yul
gzhan dag la yang rig pas dpyad shes

par bya dgos kyi mtha' dag 'god par ma langs so/ /phra rgyas yin
kyang yul de la dmigs pas rgyas 'gyur min pa ni/ zag med dang
gong ma la dmigs pa'i kun 'gro'i phra rgyas rnams te sngar bshad
pa ltar ro// ! nyon mongs phra rgyas bcas rnam gnyis/ /nyon
mongs can min rgyas 'gyur gyis//

zhes pa'i skabs 'dir dngos su bstan pa'i phra rgyas dang bcas pa
la ni rgyas pa dang mi rgyas pa'i bcas pa rnam pa gnyis las/
de'i dang po la'ang gnyis te/ so so skye bo'i nyon mongs can ni
'dod chags la sogs pa'i mtshungs ldan dang dmigs pa gnyis kas
rgyas shing rgyas pa de gnyis dang

@13a @#/ /bcas pa'ang yin la/ 'phags pa la mtshungs ldan gyis
rgyas pa spangs kyang dmigs pa dang bcas pa yod par 'dod pa ni/
sngar gong du/ sdug bsngal mthong spang bya spangs kyang/ /kun
'gro lhag ma rnams kyis ldan/ /dang po'i rnam pa spangs kyang
de'i/ /yul

can dri ma lhag rnams kyis zhes bshad pa ltar te/ sdug bsngal
chos shes pa des 'dod pa'i sdug bsngal mthong spang mtshungs ldan
dang bcas pa spang zin kyang kun 'byung mthong spang gi kun
'gro'i dmigs yul du gyur pa'i 'dong ba'i sdug bsngal mthong
spang dmigs pa'i rgyas pa dang

bcas pa yod do/ /zhes 'dod pa dang/ yang/ mi rgyas kyang de dang
bcas par 'dod pa ni/ 'phags pa dgra bcom pa rnams phra rgyas
mtshungs ldan dang dmigs pas rgyas pa gnyis ka spangs kyang sngar
ma spangs pa'i dus na rgyas pa'i phyir mi rgyas kyang phra rgyas
dang bcas pa yin no zhes pa'i

'dod tshul zhig mchis kyang/ 'grel pa mngon pa'i rgyan du/ 'di ni
dus gsum rdzes ? su grub pa'i grub mtha' 'khrul pa la 'khrul pa
'jus pa yin no/ /zhes gsungs pa ltar grub mthas brtags pa las
kyang ha cang thal bar mngon te/ dgra bcom pas phra rgyas spangs
kyang phra rgyas dang bcas pa yin

zhes 'dod pa sogs ni rang gi grub mtha' dang yang 'gal ba'i
phyir dang/ phra rgyas la mtshungs ldan kho nas rgyas pa yod
kyang/ dmigs pa kho nas rgyas pa med pa gong du bshad bzhin du/
'dir mtshungs ldan spangs kyang dmigs pas rgyas pa yod par 'dod
pa yang 'gal ba'i phyir ro/ /de ltar yin kyang

gnas skabs khas len 'dzin mtshams lta bur ni/ nyon mongs phra
rgyas bcas rnam gnyis/ /zhes pa'i dngos bstan gyi phra rgyas
dang bcas pa yin na phra rgyas dang bcas pa yin pas ma khyab/
zhes dang/ 'dir dngos bstan gyi dmigs pas rgyas pa dang bcas pa
yod na dmigs pas rgyas pa

yod pas ma khyab zhes dang/ 'phags pa dgra bcom pa rnams kyang
sngar phra rgyas dang bcas pa la bsams nas de ltar bshad pa las
spyir phra rgyas dang bcas bar mi 'dod zhes dang/ de bzhin du
khams gsum gyi nyon mongs can ma yin pa'i zag bcas mtshungs ldan
dang mtshungs ldan ma yin pa

@13b rnams kyang dmigs pas rgyas 'gyur gyi phra rgyas dang bcas
pa yin kyang/ spyir phra rgyas dang bcas pa ma yin zhing/ de la
dgongs nas/ nyon mongs can min rgyas 'gyur gyis/ /zhes gsungs pa
yin no/ /zhes smran khas len 'dzin thub tsam ni 'ongs kyi/ go
ba'i khyad par mi 'dra ba ni ma

mchis so// ! rmongs las the tshoms de nas ni/ /zhes sogs kyis
phra rgyas rnams skye ba'i go rim bshad pa ste go sla'o// ! phra
rgyas spangs pa ma yin dang/ /zhes sogs kyis nyon mongs skye
ba'i rgyu gsum bshad pa ste/ phra rgyas de dang de'i rgyu thob
pa'am/ sa bon ma spangs pa dang/ 'dod chags

khong khro sogs skye bar byed pa'i mthun pa'i yul yid du 'ong mi
'ong sogs nye bar gnas pa dang/ yul de la sdug pa dang mi sdug
pa sogs su rnam par brtags pa'i tshul bzhin ma yin pa yi de la
byed pa ste/ de gsum tshad na nyon mongs pa yongs su skye ba yin
pa'i phyir ro/ ! 'dod na gti mug ma gto-Da

pa'i; ;zhes sogs kyi skabs su/ mdo las/ zag pa dang/ chu bo
dang/ sbyor ba zhes sogs dbye ba mi 'dra ba bcu gcig bshad pa
las/ dang po zag pa'i sgo nas dbye ba la/ 'dod pa'i zag pa/ srid
pa'i thag pa/ ma rig pa'i zag pa zhes gsum bshad pa de dag ji
ltar zhen/ 'dod pa'i sas bsdus kyi phra

rgyas rnams las gti mug ste ma rig pa lnga ma gtogs pa'i 'dod
pa'i bden bzhi mthong spang gi lta ba bcu gnyis dang/ the tshom
bzhi ste bcu drug /'dod chags khong khro nga rgyal gsum spang
bya ris lnga char dbye bas bco lnga ste sum cu rtsa gcig gi
steng du/ 'og nas 'chad 'gyur gyi kun dkris bcu dang bcas

ba'i bzhi bcu rtsa gcig ni 'dod pa'i zag pa dang/ gzugs gzugs
med gnyis kyi ma rig pa lnga lnga ste bcu ma gtogs pa'i phra
rgyas nyi shu rtsa drug re yod pa rnams gcig tu bsdoms pa'i lnga
bcu rtsa gnyis ni srid pa'i zag pa ste/ gong ma gnyis kyi nyon
mongs de dag bsgribs la lung ma bstan du gcig

pa dang/ kha nang du ltas pa dang/ mnyam bzhag gis par 'dra ba'i
phyir gcig tu byas so/ /khams gsum gyi ma rig pa bco lnga po
thams cad gcig tu byas nas ma rig pa'i zag par 'jog ste/ de nyon
mongs thams cad kyi rtsa ba yin pa'i phyir logs su bstan to// !
chu bo sbyor ba'ang de bzhin du/

@14a [@#line count off this page?] @#/ /zhes sogs dbye ba gnyis pa
chu bo dang/ sbyor bar shad pa ni/ 'dod pa'i chu bo dang/ srid pa'i
chu bo dang/ lta ba'i chu bo dang/ ma rig pa'i chu bo zhes bzhi
dang/ de bzhin du 'do pa'i sbyor ba dang/ srid ba'i sbyor ba dang/
lta ba'i sbyor ba dang/ ma rig pa'i sbyor ba zhes bzhi yang gsungs

pa ni/ phra rgyas de dag las lta ba rnams g.yo ba dang gsal
ba'i phyir lta ba'i chu bo dang/ sbyor ba zhes logs su bgrang
la/ gzhan rnams zag pa'i skabs ltar sbyar ba'o// ! ji skad bshad
nyid ma rig bcas/ /zhes sogs kyis gsum pa nyer len bshad pa ste/
mdo las/ 'dod pa nye bar len

pa dang; lta ba nye bar len pa dang/ tshul khrims dang brtul
zhugs mchog 'dzin nye bar len pa dang/ bdag tu smra ba nye bar
len pa zhes bzhi gsungs pa las/ sngar bshad pa'i 'dod pa'i chu
bo dang sbyor bar bshad pa'i phra rgyas 'dod pa'i ma rig pa dang
bcas pa rnams 'dod pa nye bar len pa dang/ srid pa'i chu

sbyor du bshad pa'i phra rgyas gong ma'i ma rig pa dang bcas pa
rnams bdag tu smra ba nye bar len pa dang/ lta ba lnga las dang
po bzhi lta ba nye bar len pa zhes gcig tu bgrang/ phyi ma la
tshul khrims dang brtul zhugs mchog 'dzin nye bar len pa zhes
logs su bstan pa ni/ grangs can sogs phyi rol pa'i tshul

khrims dang brtul zhugs mchog tu 'dzin pa sogs yang dag pa'i lam
gyi dgrar gyur pa shes pa'i phyir du'o/ /yang/ 'dir ma rig pa
nyer len du logs su ma bshad pa'i rgyu mtshan yod de/ ma 'dres
pa'i ma rig pa 'ba' zhig gis ni mi gsal bas 'khor bar 'dzin mi
nus la/ 'dris pa'i ma rig pa ni nyon

mongs gzhan dang 'brel ba'i stobs kyis len pa'i phyir/ lta ba
las gzhan pa'i nyon mongs rnams dang bsres nas nyer len du
bshad do/ /nyer len gyi don ni 'khor bar skye ba nye bar len
pa byed pa'i don no// ! gang phyir de dag phra ba dang/ /zhes
pa nas/ de dag gi ni nges tshig yin/ /zhes pa'i par gyis phra

rgyas dang zag pa sogs kyi sgra don nam nges tshig bshad pa ste
rtsa bar tshig 'grel gyis shes so// ! de dag kun tu sbyor sogs
kyi/ /zhes sogs kyi skabs su lnga pa kun sbyor bshad pa ste/ de
la kun sbyor ni 'dod chags/ khong khro/ nga rgyal/ ma rig pa/
lta ba/ mchog 'dzin/ the tshom/ phrag dog /ser

@14b sna'i kun sbyor ste dgu'o/ /de dag las 'dod chags/ nga
rgyal/ ma rig pa/ the tshom gyi kun sbyor bzhi ni khams gsum ga
dang/ khong khro/ phrag dog ser sna gsum ni 'dod khams kho na
dang/ khams gsum ga'i lta ba dang po gsum lta ba'i kun sbyor
dang/ phyi ma gnyis mchog tu 'dzin pa'i kun sbyor

ro// ! rdzas dang mchog 'dzin 'dra ba'i phyir/ /lta gnyis kun tu
sbyor bzhan no/ /zhes pa ni/ lta ba lnga las dang po gsum lta
ba'i kun sbyor dang/ phyi ma gnyis mchog tu 'dzin pa'i kun sbyor
zhes gcig tu byed pa'i rgyu mtshan ni/ lta ba dang po gsum dab/
phyi ma gnyis rdzas bco brgyad du

yod par 'dra ba dang/ dman pa la mchog tu 'dzin par 'dra ba'i
phyir kun tu sbyor pa gnyis su so sor bshad pa yin la/ rdzas bco
brgyad du 'dra tshul yod de/ lta ba dang po gnyis la 'dod pa'i
sdug bsngal mthong spang gnyis dang/ khams gong ma gnyis na'ang
sdug bsngal mthong spang gnyis gnyis te

drug dang/ log lta la khams gsum gyi bden bzhi mthong spang bzhi
gsum bcu gnyis te sdom pas bco brgyad yod pa bzhin du/ lta ba
lnga pa la 'dod pa'i sdug bsngal mthong spang dang lam mthong
spangs gnyis dang/ khams gong ma gnyis la'ang de bzhin gnyis
gnyis te drug dang/ lta ba bzhi pa

la khams gsum gyi bden bzhi mthong spangs bzhi gsum bcu gnyis te
bco brgyad yod par 'dra ba'i phyir ro// ! gang phyir gnyis
ka'ang gcig tu ni/ zhes sogs kyi skabs su/ 'o na/ kun bkris
brgyad kyi nang nas phrag dog dang/ ser sna gnyis kho na skabs
'dir kun sbyor tu bshad pa ci zhe na/ de

gnyis gcig tu mi dge ba yin dang/ ma rig pa tsam dang mtshungs pa
ldan pas rang dbang can yin pa'i phyir/ thogs ? su kun sbyor du
bshed pa yin zhes bya brag smra ba 'dod kyang/ rgya mtshan ma
nges te/ khor ba dang/ 'chab pa sogs kyang der thal ba'i skyon
yod pa'i phyir/ 'on kyang grub mtha'i

rang lugs kyi skab-su khas len ni de ltar 'dzin dgos so// ! tha
ma'i cha dang mthun rnam lnga/ /zhes sogs kyi skab-su/ tha ma'i
cha mthun gyi kun sbyor lnga bshad pa ste/ de dag gang zhen/
'dod pa'i sas bsdus kyi 'jig lta dang/ tshul khrims brtul zhugs
mchog 'dzin gyi lta ba dang/ the tshom

@15a @#/ /dang/ 'dod pa la 'dun pa dnag/ gnod sems rnam-so/ /de
dag la tha ma'i cha mthun zhes brjod pa'i rgyu mtshan yod de/
khams kyi mtha' ma'am dman pa ni 'dod pa yin la/ de'i chad pa
mthun pa'i phyir te/ lnga po de las 'dod pa la 'dun pa dang/
gnod

sems gnyis kyis 'dod pa las mi 'da' bar byed la/ 'jig lta sogs
gsum gyis ni lan gcig 'dod pa las 'das te gong mar skyes kyang
yang phyir bzlog par byed pa'i phyir ro/ /zhes 'dod la/ de ltar
na khong khro ma gtogs pa'i 'dod pa'i rtsa nyon dang lta ba
gzhan yang tha ma'i cha mthun du

thal te/ 'dod pa las 'das kyang phyir bzlog pa'i phyir/ zhe na;
gtso che ba'i dbang du byas pa yin zhes smra'o/ /'o na; stong
chen rab 'joms sogs las/ 'jig lta dang/ tshul khrims brtul zhugs
mchog 'dzin dang/ the tshom nyon mongs can te kun sbyor gsum las
ma gsungs shing/

gsum po de spangs pas rgyun ? zhugs kyi 'bras bu thob par gsungs
pa ji ltar yin/ rgyun zhugs kyis mthong spangs thams cad spangs
pa yin nam zhe na/ de ni yin mod kyi/ 'on kyang gsum po des
mthong spangs rnams sgo bsdus pa'i phyir dang/ rtsa ba bsdus
pa'i phyir gsum po de spangs pas mthong spang

gzhan dag kyang spang par shugs la go nus pa'i phyir gsum kho na
spangs par bstan no/ /zhes 'chad la/ slob dpon nyid kyi bzhed pa
ni/ dper na/ yul gzhan du 'gro ba la/ 'gro mi 'dod pa dang/ lam
nor bar 'gro ba dang/ lam la the tshom za ba gsum gyis bar chad
byed pa ltar/ 'jig ltas

bdag chad dogs kyis thar pa la skrag nas 'gror mi 'dod pa dang/
tshul khrims brtul zhugs mchog 'dzin gyis lam nor ba gzhan la
brten pa dang/ gsum pas lam la the tshom za ba'i sgo nas thar par
bgrod pa la gtso bor gegs byed pa'i phyir gsum po de smos pa yin
zhes

bzhed do//! //gong ma'i cha dang mthun lnga nyid/ /zhes sogs kyi
skabs su gong ma'i cha mthun lnga bshad de/ gang zhe na/ gzugs
dang gzugs med kyi 'dod chags gnyis so so nas bgrang zhing/ rgod
pa dang/ nga rgyal dang/ rmongs pa rnams gcig tu byas te re re
bgrang pas lnga ste/ de dag

@15b ma spangs par khams gong ma las mi 'da' ba'i phyir de ltar
bshad do/ /'dod chags gnyis so sor phye ba ni/ khams gong ma
gnyis su skye ba len pa'i rgyu gtso bo yin pa'i rgyu mtshan gyis
so//! tshong ba'i dbang gis 'ching ba gsum/ /zhes pa ni/ drug pa
'khor bar 'ching ba'i rgyu'i gtso

bo gsum bshad pa ste/ de ni 'dod chags thams cad dang/ zhe sdang
thams cad dang/ gti mug thams cad do//! nyon mongs las gzhan
nyon mongs can/ /zhes sogs kyis bdun pa nye ba'i nyon mongs pa
bshad pa ste/ rtsa ba'i nyon mongs pa drug las gzhan pa'i nyon
mongs can gyi sems byung 'du byed

kyi phung po gang yin pa de dag la ni nye ba'i nyon mongs pa
zhes bya ba ste/ de la rnam grangs ni gzhi phran tshegs las nyi
shu rtsa bzhi sogs gsungs te/ de dag gi grangs dang ngo bo sogs
ni gzhan las shes so//! ngo tsha med dang zhes sogs kyis brgyad
pa kun dkris bshad pa ste/ de ni

bye smra'i lugs la kun bkris brgyad kyi steng du khro 'chab
gnyis bsnan pas bcu'o//! //gzhan yang nyon mongs dri ma drug
/zhes sogs kyis/ dgu pa nyon mongs kyi dri ma drug bshad pa yin
la/ kun dkris bcu dang/ dri ma drug po de dag gi ngo bo'i grang
'dren dang/ de dag rtsa nyon gang dang gang gis

bskyed pa sogs ni rtsa ba nyid kyi tshig zin las gsal bar thon
pas na tshig 'grel kyis shes pas ma smos so//! de las ngo tsha med
pa dang/ /zhes sogs kyi skabs su/ bcu pa sngar bshad pa de dag
gi khyad par gyi chos bshad pa ste/ de yang kun dkris bcu las
ngo tsha med pa dang/ khrel med/ rmugs/

gnyid/ rgod pa lnga la ni mthong spang sgom spang gnyis ka'i cha
yod la/ de'i nang nas kyang ngo tsha med pa dang/ khrel med gnyis
ni mi dge ba thams cad la mtshungs ldan du 'gro zhing/ rmugs rgod
gnyis ni nyon mongs can thams cad la mtshungs ldan du 'gro'o/
/gnyis ni 'dod pa'i sas bsdus kyi yid

shes ci rigs pa'i 'khor du 'gro zhing/ de la spyir dge ba'ang
yod mod kyang skabs 'dir ni nyon mongs can yin pas na sgrib lung
ma bstan dang mi dge ba gang rung ngo/ /lnga po de las gzhan
pa'i kun dkris nye nyon du gtogs pa phrag dog /ser sna/ 'gyod
pa/ khro ba/ 'chab pa dang lnga ni sgom spang rang dbang

@16a @#/ /dbang can kho na yin la/ de bzhin du dri ma drug po
yang sgom spang rang dbang can no/ /rang dbang can zhes pa'i don
ni rang gi grogs rtsa nyon ma rig pa tsam dang mtshungs par ldan
pa las/ rtsa nyen gzhan la ltos mi dgos shing/ de dag dang
mtshungs ldan du mi 'gro bas so/ /kun

dkris bcu las rmugs rgod gnyid gsum las gzhan pa'i ngo tsha med
pa sogs bdun dang/ dri ma drug po rnams ni 'dod pa'i sas bsdus
mi dge ba kho na yin la/ rmugs rgod gnyis dang/ gnyid nyon mongs
can gsum la ni bsgribs lung ma bstan dang/ mi dge ba gnyis ka
yod do/ /khams

gong na yod pa'i nye nyon thams cad ni bsgribs la lung ma bstan
kho na yin no/ /nye nyon de dag las g.yo sgyu gnyis ni 'dod par
ma zad bsam gtan dang po na yang yod de/ bsam gtan dang po'i
tshangs pa chen po'i g.yo sgyus 'phags pa rta thul 'drid par
bshad pa'i phyir ro/ /yang/ rmugs

rgod rgyags pa gsum ni khams gsum char na yod la/ des na kun
dkris bcu dang dri ma drug gi nang nas rmugs rgod rgyags pa
g.yo sgyu dang bcas pa'i lnga po de ma gtogs lhag ma bcu gcig
po thams cad 'dod pa'i sas bsdus kho na'o// ! mthong spang bya
gnyid nga rgyal bcas/ /zhes

sogs kyis kyang nyon mongs rnams kyi khyad par bshad pa ste/
rtsa nyon dang nye nyon de dag las mthong spang thams cad dang/
sgom spang gi gnyid dang nga rgyal dang bcas pa dang/ nye nyon
rang dbang can bcu gcig rnams ni yid shes kyi sa pa kho na yin
la/ de dag las gzhan pa'i sgom spang gi ma nges pa'i

sa pa'i chags sdang gnyis/ mi dge ba'i sa pa gnyis/ nyon mongs
chen po'i sa pa drug dang bcas pa la ni rnam shes drug char gyi
rten can yod do// ! bde ba dag dang 'dod chags su/ /zhes sogs
kyi skabs su/ nyon mongs de dag rang gi grogs tshor ba lnga po
gang gang dang mtshungs ldan du 'gro

zhe na/ 'dod chags ni rang gi grogs tshor ba bde ba'i dbang po
dang/ yid bde ci rigs dang mtshungs ldan du 'gro zhing/ dbang
shes lnga dang yid shes te drug char gyi 'khor du 'byung ba yod
la/ zhe sdang ni de las bzlog ste rang gi grogs sdug bsngal gyi
dbang po dang/ yid mi bde gang rung dang

@16b mtshungs ldan du 'gro la/ rnam shes drug ka'i 'khor du
'byung ngo/ /'dres pa dang ma 'dres pa'i ma rig pa gnyis ni rang
grogs tshor ba lnga po thams cad dang ci rigs par mtshungs ldan du
'gro la/ rnam shes thams cad kyi 'khor du 'byung ngo/ /log lta
ni rang grogs yid bde dang yid mi

bde gang rung dang mtshungs ldan du 'gro la/ yid shes kho na'i sa
pa'o/ /the tshom ni rang grogs yid mi bde dang mtshungs ldan dang/
lta ba gzhan bzhi dang nga rgyal ni rang grogs yid bde dang
mtshungs ldan du 'gro la/ de dag kyang yid shes kho na'o/ /gong
du smos pa de dag ni 'dod pa'i dbang

du byas pa yin kyi khams gong na khong khro dang/ yid mi bde
dang/ sdug bsngal gyi dbang po rnams med pa'i phyir/ des na gong
ma gnyis kyi nyon mongs rnams ni sa rang rang na rnam shes dang
tshor ba'i dbang po gang yod pa de dang mtshungs ldan du 'gro'o/
/tshor ba btang snyoms ni gong

'og gi nyon mongs pa kun la mtshungs ldan du 'gro ba yod do/ /nye
nyon rnams las 'gyod pa nas 'tshig pa'i bar drug ni rang grogs
yid mi bde dang/ ser sna ni yid bde dang/ g.yo dang sgyu dang
'chab pa rnams ni rang grogs yid bde dang yid mi bde ci rigs
dang/ gnyid ni de gnyis su ma zad

rang grogs btang snyoms dang yang mtshungs ldan du 'gro la/ de
dag kyang yid shes kho na'o/ /bsam gtan gsum pa'i sems bde dang/
gnyis pa man chad kyi yid bde ni rang grogs rgyags pa dang
mtshungs ldan du 'gro la/ bzhi pa yan chad ni btang snyoms kho na
dang mtshungs ldan no/ /kun

dkris gzhan ngo tsha med pa dang/ khrel med/ rmugs rgod bzhi ni
rang grogs tshor ba lnga char dang mtshungs ldan du 'gro ba srid
la/ rnam shes kyang drug char gyi 'khor du 'byung ngo// ! 'dod
na sgribs rnams mi mthun dang/ /zhes sogs kyis sgrib pa lnga
bshad pa ste/ de ni 'dod pa'i sas bsdus

gyis 'dod pa la 'dun pa dang/ gnod sems dang/ rmugs gnyid gnyis/
rgod 'gyod gnyis/ the tshom ste lnga'o/ /'o na/ rmugs rgod the
tshom rnams khams gsum na yod pa ma yin nam zhe na/ spyir yod mod
kyang/ sgrib pa lnga'i nang tshan du gyur pa ni 'dod pa'i sas
bsdus kho na la byed do/ /yang/

@17a @#/ /rmugs gnyid gnyis dang/ rgod 'gyod gnyis rnams sems
byung tha dad pa yin bzhin du sgrib pa re rer bsdoms te bshad pa
gang zhe na/ de rnams mi mthun phyogs gnyen po gcig pa dang/ zas
te skyed byed kyi rgyu gcig pa dang/ bya ba gcig pa'i rgyu mtshan
gyis

gcig tu bgrang ngo/ /de yang dang po gnyis kyi mi mthun phyogs
ni de'i gnyen po snang ba'i 'du shes dang/ zas ni/ smra ba dang/
mi dga' ba dang/ bya smyangs dang/ kha zas kyi tshod mi zin pa
dang/ sems zhum pa rnams te/ de dag gis rgyas par byed pa'i
phyir/ bya ba ni gnyis kas sems zhum

par byed pa'o/ /phyi ma gnyis kyi mi mthun phyogs ni gnyen po
zhi gnas dang/ zas ni/ nye du'i rnam par rtog pa dang/ yul gyi
rnam rtog dang/ mi 'chi ? ba'i rnam rtog dang/ sngon rtses ? pa
dang dga' mgur spyad pa sogs rjes su dran pa'i rnam rtog bzhi'o/
/bya ba ni gnyis kas sems rnam par ma zhi bar

byed pa'o/ /ci'i phyir/ nyon mongs dang nye ba'i nyon mongs
thams cad sgrib pa ma yin nam/ de dag las lnga po kho na sgrib
par bstan zhe na/ de'i rgyu mtshan yod de/ 'dod pa la 'dun pa
dang/ gnod sems gnyis kyis ni rim pa bzhin 'dod pa dang sdig pa
las mi 'bral bar byed la/ rmugs gnyid dang/

rgod 'gyod kyis rim pa ltar lhag mthong dang/ zhi gnas las ring
du byed pas na tshul khrims shes rab ting nge 'dzin gyi phung po
gsum la gnod par byed pa dang/ the tshom gyis ting nge 'dzin
dang/ shes rab kyi phung po'am/ bden pa la the tshom za bar byed
pa'i phyir na lnga po de logs su sgrib par bstan pa

yin zhes bshad la/ bshad tshul gzhan yang yod do/ /gnas 'dir
bstan pa'i phra rgyas dang/ nye ba'i nyon mongs sogs gyi khyad
par dang/ rnam grangs gong 'og  /gnas gnyis pa'i skabs kyi sems
kyi sa mang sogs dang/ tshor ba lnga'i 'gro lugs sogs gong 'og
phan tshun dkrugs sdebs kyi

tshul du rtsod na rig pa'i 'phrul khyad dang/ rtsod pa'i sgo du
ma zhig thon par snang yang ha cang mang bas 'jigs nas ma bkod
de/ rnam dpyod can dag gis tshig zin tsam la ma 'tshim bar gzhung
gong 'og zhung bsgrigs te legs par dpyad cing rtsod par rigs so
zhes sgo tsam zhig smos so// ! dmigs pa

@17b yongs su shes pa dang/ /zhes sogs kyi skabs su/ sngar bshad
pa'i phra rgyas de dag spong ba'i tshul bzhi ste/ dmigs pa yongs
su shes pas spong ba dang/ yul can yang dag par spang pas spong
ba dang/ yul spangs pas yul can spong ba dang/ gnyen po skyes
pas spang pa bzhi las/ dang po ni/ 'dod pa'i sdug bsngal mthong
spang

'dod pa'i rang sa kho na la dmigs pa'i skal ba mnyam pa'i khams
kun 'gro'i lta ba dang po gnyis dang/ kun 'gro ma yin pa 'dod
chags khong khro nga rgyal gsum dang/ /kun 'byung mthong spang
gi kun 'gro ma yin pa 'dod

chags khong khro nga rgyal gsum ste brgyad/ khams gong ma gnyis
na khong khro ma gtogs pa'i sdug bsngal mthong spang dgu dgu
dang/ kun 'byung mthong spang drug drug ste sum cu/ khams gsum
gyi 'gog lam mthong spang gi ma rig pa drug ma gtogs pa'i zag
med la dmigs pa'i log lta the tshom

bzhi gsum bcu gnyis te lnga bcu po rnams ni rang gi dmigs pa
bden pa bzhi gang rung la log par zhugs pa yin pas na mthong lam
chos bzod dang chos shes kyi de dag gi dmigs pa bden bzhi'i rang
gi mtshan nyid dam gnas lugs yongs su shes pas spong ste/ mtho
yor du shes pas mir 'dzin

pa bzlog pa bzhin no/ /skabs 'dir 'dod pa'i kun 'gro las 'jig
mthar ma gtogs lhag ma dgu ma smos pa ni/ dgu po de la skal ba
mnyam pa dang mi mnyam pa'i khams kun 'gro'i cha gnyis ka nas
yod pa'i khams skal ba mnyam pa'i kun 'gro dgu po de rang gi
dmigs pa yongs su shes pas

spong ba yin kyang/ skal ba mi mnyam pa'i kun 'gro dgu po de
rang gi dmigs pa yongs su shes pas spong ba ma yin pas na/ kun
'gro dgu po spyi tsam pa de dmigs pa shes pas spong ba dang/ yul
can zad pas spong ba gang gi khongs su yang 'dren par ma mdzad
pa ste/ da dung 'di dag gi dogs dpyod

zhib pa 'og tu 'chad do/ /7gnyis pa yul can yang dag par spangs
pas spong ba ni/ de dag las dgu gong du dmigs zhes pa'i/ 'dod
pa'i sdug kun mthong spang skal ba mi mnyam pa'i khams kun 'gro
dgu po ste/ de rnams ni rang nyid dmigs yul du byed pa'i yul can
'dod pa'i skal ba mnyam

@18a @#/ /pa'i khams kun 'gro rnams spangs pa'i stobs kyis spong
ba yin te/ 'dod pa'i skal ba mnyam pa'i khams kun 'gro rnams
kyis skal pa mi mnyam pa'i khams kun 'gro rnams la dmigs pa ma
zad/ skal ba mnyam pa'i khams kun 'gro snga mas skal ba

mi mnyam pa'i khams kun 'gro rnams bskyed par byed pa yin la/
des na de dag la dmigs shing bskyed par byed pa'i rgyu yul can
skal ba mnyam pa'i kun 'gro spangs pa na/ des bskyed pa'i 'bras
bu skal ba mi mnyam pa'i khams kun 'gro rnams kyang spong bar
'gyur te/ rgyu med pa'i 'bras bu

mi srid pa'i phyir/ 'di yang 'dod pa'i dbang du byas pa yin gyi/
gong ma'i skal ba mi mnyam pa'i khams kun 'gro rnams ni rang gi
dmigs pa yongs su shes pa kho nas spong ste zhib pa 'og tu 'chad
do/ /7gsum pa yul spangs pas yul can spong ba ni/ khams gsum gyi
'gog lam mthong spangs

zag bcas la dmigs pa log pa la log zhugs 'dod pa'i 'gog pa
mthong spang bzhi dang/ lam mthong spang lnga ste dgu dang/
khams gong ma gnyis na khong khro ma gtogs pa bdun bdun te nyi
shu rtsa gsum po rnams ni/ bden pa la dngos su log zhugs 'gog
lam mthong spang zag med la

dmigs pa'i log lta sogs dmigs yul du byed pa yin la/ des na
dmigs yul log lta sogs de dag spangs pa nyid kyis yul can lta ba
mchog 'dzin sogs kyang spong bar 'gyur te yul med pa'i yul can
mi srid pa'i phyir ro/ /khams gsum gyi 'gog lam mthong spang gi
ma rig pa

drug la ni bden pa la dngos su log zhugs zag med la dmigs pa
dang/ log pa la log zhugs zag bcas la dmigs pa gnyis yod pa'i
snga ma ni dmigs pa yongs su shes pas spong ba dang/ phyi ma ni/
dmigs yul spangs pas spong ba'o/ /7bzhi pa/ gnyen po skyes pas
spong ba ni/

sgom spang phra rgyas rnams te/ de dag ni sa re re'i nyon mongs
la che 'bring chung ngu dgur byas te/ chen po'i chen po la sogs
pa'i gnyen po chung ngu'i chung ngu la sogs pa skyes pas zad
cing spangs par 'gyur ba las/ dmigs pa yongs su shes pa tsam
gyis spong mi nus te/ mthong lam gyi gnas skabs su dmigs

@18b pa bden bzhi'i gnas tshul ji lta ba bzhin yongs su shes
kyang sgom spang spong mi nus pa'i phyir dang/ de bzhin du/ dang
po'i rnam pa spangs kyang de'i/ yul can dri ma lhag rnams kyis/
/zhes pa ltar/ sgom spang phyi ma phyi ma la dmigs pa'i yul can
sgom spang snga ma snga ma spangs kyang/ phyi ma phyi ma'i gnyen
po ma skyes

par sgom spang phyi ma rnams spong mi nus pas na yul can zad pa
tsam gyis kyang spong mi nus la/ yang; dmigs yul sgom spang snga
ma snga ma spangs kyang/ de dag yul du byed pa'i sgom spang phyi
ma phyi ma spong mi nus pas na dmigs yul spangs pa tsam gyis
kyang spong ba ma yin no zhes 'dod do/ /skabs

'dir rtsa bar/ spang bya spong tshul bzhi po ming tsam las ma
gsungs shing/ 'grel pa mngon pa'i rgyan du rgyas shing mtha'
chod pa gzhan na med pa'i legs bshad stsal 'dug kyang da dung
mkhas pa'i gsung rlings pa'i dbang gis blo dman rnams kyis ji
bzhin rtogs dka' tsam mchis pas

dogs spong cung zad 'god na/ de la; 'dod pa'i skal ba mnyam pa'i
khams kun 'gro rnams dmigs pa yongs su shes pas spong ba dang/
skal ba mi mnyam pa'i khams kun 'gro rnams dmigs pa yongs su
shes pas mi spong bar 'jog pa'i rgyu mtshan ji ltar yin/ dmigs pa
yongs su shes

pa zhes pa'i don/ dmigs yul bden pa bzhi po gang rung gi rang gi
mtshan nyid dam gnas tshul ji lta ba bzhin yongs su shes pa la
byed dgos pa ni gang zhig  /de ltar na 'dod pa'i skal pa mi
mnyam pa'i khams kun 'gro rnams kyang dmigs pa yongs su shes
pa'i stobs kyis spong bar 'gyur

te/ dper na/ sdug bsngal chos bzod dang chos shes gnyis kyis
'dod pa'i sdug bden gyi gnas tshul ji lta ba bzhin yongs su shes
pa'i stobs kyis/ 'dod pa'i sdug bsngal mthong spang du gyur pa'i
skal ba mnyam pa'i kun 'gro dang/ skal ba mi mnyam pa'i kun 'gro
gnyis char dus

mnyam du spong ba'i phyir/ der thal/ de gnyis la spangs dka' sla
dang/ spong tshul la snga phyi go rim gyi khyad par gang yang med
pa'i phyir/ de bzhin du/ 'dod pa'i skal ba mi mnyam pa'i khams
kun 'gro dang/ gzugs kyi skal ba mi mnyam pa'i khams kun 'gro
gnyis char dmigs

@19a @#/ /pa yongs su shes pas spong ba 'dra 'dra yin par thal/
dang po de ltar yin pa gang zhig  /phyi ma de ltar yin pa'i
phyir/ 'dod na/ de gnyis la khyad par phye ba don med par thal
lo/ /zhes dang/ yang; 'dod pa'i skal ba mi mnyam pa'i khams kun
'gro rnams yul can

yang dag par zad pas spong bar 'jog pa'i rgyu mtshan du/ yul can
skal ba mnyam pa'i khams kun 'gro rnams kyis dmigs yul du byed
pa'i phyir dang/ skal ba mnyam pa'i kun 'gro snga mas skal ba mi
mnyam pa'i kun 'gro rnams skyed par byed la/ de'i phyir rgyu yul
can skal ba mnyam

pa'i kun 'gro spangs pa na/ 'bras bu skal ba mi mnyam pa'i kun
'gro yang spong bar 'gyur te/ rgyu med pa'i 'bras bu mi srid
pa'i phyir/ zhes pa yang rgyu mtshan ma nges te/ de ltar na/ 'dod
pa'i skal ba mnyam pa'i khams kun 'gro rnams kyang yul can yang
dag par zad pas spong bar

thal/ skal pa mnyam pa'i kun 'gro rnams kyang nang phan tshun
dmigs yul du byed pa'i phyir dang/ skal ba mnyam pa'i kun 'gro
snga mas skal ba mnyam pa'i kun 'gro phyi ma yang skyed par byed
la/ rgyu yul can skal ba mnyam pa'i kun 'gro spangs pa na/ de'i
'bras bu skal ba mnyam pa'i

kun 'gro yang spong bar 'gyur te/ rgyu med pa'i 'bras bu mi srid
pa'i phyir/ zhes smra na lan ji ltar 'debs/ gzhan yang/ khams
gsum gyi 'gog lam mthong spang log pa la log zhugs rnams kyang
dmigs pa yongs su shes pas spong ba yin par thal/ mthong lam
gyis dmigs pa

'gog pa dang lam gyi gnas tshul ji lta ba bzhin yongs su shes pa
na/ de dag la dngos su log par zhugs pa dang/ log pa la log par
zhugs pa gnyis char dus mnyam du spong ba'i phyir/ 'dod na/ 'gog
lam mthong spang log pa la log zhugs de dag yul spangs pas yul
can spong bar 'jog

kyang; dmigs pa yongs su shes pas spong ba'i grangs su mi 'jog
pa la rgyu mtshan gang yang med par thal lo/ /zhes dang/ yang;
'gog lam mthong spang log pa la log zhugs de dag yul spangs pas
yul can spong bar 'jog pa'i rgyu mtshan/ 'gog lam la dngos su log
zhugs log lta sogs spangs ba na

@19b de dag yul du byed pa'i lta ba mchog 'dzin sogs log pa la
log zhugs rnams kyang spong ste/ yul med pas yul can mi srid
pa'i phyir zhes 'god mod/ 'o na; dang po'i rnam pa spangs kyang
de'i/ /yul can dri ma lhag rnams kyis/ /zhes dmigs yul sgom
spang snga ma brgyad spangs kyang/

de dag yul du byed pa'i yul can sgom spang phyi ma dgu pa mi
spong bar bshad pa mi 'thad par thal/ yul med pa'i yul can mi
srid pa'i phyir/ 'khor gsum/ zhes dang/ gzhan yang/ 'gog lam
mthong spang log pa la log zhugs de dag chos can/ dmigs yul bden
pa la

dngos su log zhugs ma yin par thal/ log pa la log zhugs yin pa'i
phyir/ 'dod na/ mi 'thad par thal/ dmigs yul bden bzhi gang rung
la dngos su log zhugs yin pa'i phyir/ der thal/ dmigs yul sdug
kun gang rung la dngos su log zhugs yin pa'i phyir/ der thal/ de
dag dngos

kyi dmigs yul du gyur pa'i log lta sogs sdug kun gang rung gis
bsdus pa'i phyir/ gzhan yang/ de dag 'gog pa mthong spang sogs
ma yin par thal/ sdug bsngal mthong spang sogs yin pa'i phyir/
der thal/ dmigs yul sdug bden la dmigs nas log par zhugs pa'i
mthong spang yin pa'i phyir

sogs dang/ yang; khams gsum gyi bden bzhi mthong spang rnams
chos can/ gnyen po skyes pas zad par bya ba yin par thal/ gnyen
po chos bzod dang rjes bzod gang rung skyes pas zad par bya ba
yin pa'i phyir te/ gnyen po de dag ci rigs ma skyes par mthong
spang de dag las gang yang spong mi nus pa'i phyir/

rtsa bar 'dod na/ sgom spang rnams gnyen po skyes pas zad par
'dod la/ mthong spang rnams de ltar mi 'dod pa la rgyu mtshan
gang yang med par thal/ /zhes sogs 'phen na lan ji ltar 'debs
zhe na/ dogs pa 'di dag las 'ga' zhig tsam grub mthas brtags
pa'i dbang gis don mthun gyi lan thebs

dka' tsam mchis pa las/ gzhan phal che ba zhib tu ma dpyad na
'gal ba ltar snang yang tshig skyon bcad nas zhib tu phye na 'gal
ba med de/ de la rtsod pa dang po/ 'dod pa'i skal ba mnyam pa'i
khams kun 'gro dang/ skal ba mi mnyam pa'i khams kun 'gro gnyis
dmigs pa yongs su shes pas spong mi spong

@20a @#/ /rtsod pa la/ rang gi dmigs pa zhes pa'i khyad par ma
sbyar bar spyir dmigs pa yongs su shes pas spong mi spong 'dri
na ni kun 'gro rnams su ma zad phra rgyas dgu bcu rtsa brgyad po
thams cad dmigs pa yongs su shes pas spong ba sha dag yin te/
dmigs yul bden

bzhi gang rung gi gnas tshul ji lta ba bzhin shes pa'i stobs kyis
spong ba sha dag yin pa'i phyir/ de la dgongs nas 'grel pa mngon
pa'i rgyan du/ de ltar na/ thams cad kyang dmigs pa yongs su
shes pas spong ba'i rtsa ba can yin te zhes re re nas rgyu mtshan
dang bcas te rgyas par

gsungs pa'i phyir/ 'on kyang gong gi dngos bstan gyi dmigs pa
yongs su shes pas spong mi spong gi khyad par 'byed tshul de la
ni/ tshig skyon bcad de rang gi dmigs pa zhes pa'i khyad par
sbyar na rtsod pa de rnams las grol bar 'gyur te/ 'dod pa'i skal
ba mnyam pa'i khams kun 'gro

rnams rang gi dmigs pa yongs su shes pas spong zhing/ de dang
dus mnyam du 'dod pa'i skal ba mi mnyam pa'i kun 'gro rnams
kyang spong ba yin kyang/ rang gi dmigs pa yongs su shes pa'i
sgo nas spong ba ma yin pa'i phyir/ der thal/ dper na/ sdug
bsngal chos bzod dang chos shes

kyis 'dod pa'i sdug bsngal mthong spang du gyur pa'i skal ba
mnyam pa'i kun 'gro rnams kyi dmigs pa yongs su shes la/ skal ba
mi mnyam pa'i kun 'gro rnams kyi dmigs pa yongs su ma shes pa'i
phyir/ dang po der thal/ 'dod pa'i sdug bsngal mthong spang du
gyur pa'i skal ba mnyam pa'i

khams kun 'gro rnams kyis rang sa'i sdug bden la dmigs pa gang
zhig  /sdug bsngal chos bzod dang chos shes kyis 'dod pa'i sdug
bden gyi gnas tshul ji lta ba bzhin yongs su shes pa'i phyir/
gnyis pa der thal/ 'dod pa'i skal ba mi mnyam pa'i khams kun
'gro rnams kyis

gong ma la dmigs pa gang zhig  /mthong lam chos bzod dang chos
shes kyis gong ma la mi dmigs pa'i phyir/ des na spyir dmigs pa
yongs su shes pas spong na/ rang gi dmigs pa yongs su shes pas
spong bas ma khyab zhes bya'o/ /yang; khams gong ma'i skal ba
mnyam pa dang

@20b mi mnyam pa'i khams kun 'gro thams cad ni/ rang gi dmigs pa
yongs su shes pas spong ba yin te/ de yang gzugs med na ni skal
ba mi mnyam pa'i khams kun 'gro med la/ gzugs na yod kyang/ de
yang rang gi dmigs pa yongs su shes pas spong ba'i phyir/ der
thal/ dper na/ gzugs

kyi sdug bsngal mthong spang du gyur pa'i skal ba mi mnyam pa'i
khams kun 'gro lta bu la mtshon na/ des rang gi gong ma gzugs med
la dmigs pa gang zhig  /mthong lam sdug bsngal rjes bzod dang
rjes shes kyi gong ma gnyis char gyi sdug bden la dus mnyam du
dmigs shing yongs su shes la/ gong ma

gnyis kyi sdug bsngal mthong spang rnams kyang dus mnyam du
spong ba'i phyir ro// ! yang; 'dod pa'i skal ba mi mnyam pa'i
kun 'gro rnams/ yul can yang dag par zad pas spong bar 'jog pa'i
rgyu mtshan rnams/ skal ba mnyam pa'i kun 'gro la yang mtshungs
par thal ba 'phen pa la ni 'dod lan

'debs pa yin te/ ci'i phyir na/ skal ba mnyam pa'i kun 'gro
rnams kyang yul can yang dag par zad pas spong bar khas blangs
chog pa'i phyir/ 'o na; de gnyis spong tshul la khyad par med par
thal lo/ /zhe na/ khyad par yod de/ 'dod pa'i skal ba mnyam pa'i
khams kun 'gro rnams rang gi dmigs pa

yongs su shes pa dang/ yul can yang dag par zad pa gnyis kas
spong ba yin la/ 'dod pa'i skal ba mi mnyam pa'i khams kun 'gro
rnams yul can yang dag par zad pas spong ba yin kyang rang gi
dmigs pa yongs su shes pas spong ba min pa'i khyad par yod pa'i
phyir/ de bzhin du khams gsum gyi 'gog

lam mthong spang log pa la logs zhugs rnams kyang spyir dmigs pa
yongs su shes pas spong ba yin kyang/ rang gi dmigs pa yongs su
shes pas spong ba min zhes 'dod dgos te/ dper na/ 'dod pa'i 'gog
pa chos bzod dang chos shes kyis/ 'dod pa'i 'gog pa mthong spang
du gyur pa'i log lta sogs

kyi dmigs pa yongs su shes kyang/ log pa la log zhugs de dag gi
dmigs pa yongs su ma shes pa'i phyir/ der thal/ log pa la log
zhugs de dag gis log lta sogs la dmigs pa gang zhig  /'gog pa
chos bzod dang chos shes kyis 'gog pa nyid yul du byed pa las/
log lta sogs dmigs

@21a @#/ /yul du mi byed pa'i phyir/ des na de dag ni yul
spangs pas yul can spong ba nyid du 'jog go/ ! yang 'gog lam
mthong spang log pa la log zhugs de dag yul spangs pas yul can
spong bar 'jog pa'i rgyu mtshan du/ yul med pas yul can mi

srid pa'i phyir/ zhes pa'i rtags khyab 'di sgom spang la yang
mchungs par thal ba 'phen na/ 'di ni bye brag smra ba'i grub
mthas brtags te khyad par med pa la khyad par phye ba'i dbang
gis/ don la khas len nang 'gal du song ba ma zad/ dang po'i
rnam pa spangs kyang de'i/ /zhes so-Da kyi 'dod

tshul 'di ni sngar bshad pa ltar 'thad par ma mngon te/ ci'i
phyir na/ sgom spang snga ma spangs na phyi ma spangs pas ma
khyab pa yin mod kyang/ sgom spang snga ma spangs zin nas da
dung de yul du byed pa'i sgom spang phyi ma yod par 'dod pa ni
mi 'thad pa'i phyir/ der thal/ de ltar na don la sgom

spang dgu cig char du spong bar thal ba'i phyir/ dar thal/
sgom spang snga ma brgyad spangs zhes brjod kyang don la sgom
spang dgu pa ma spangs bar du snga ma rnams kyang ma spangs
pa'i phyir/ der thal/ sgom spang dgu pa ma spangs bar du de'i
dmigs yul du gyur pa'i sgom spang snga ma

rnams yod pa'i phyir/ der thal/ sgom spang dgu pa ma spangs
bar du des sgom spang snga ma rnams dmigs yul du byed pa'i
phyir/ gal te sgom spang dgu pas de dag la dmigs kyang don la
sgom spang snga ma rnams spang zin nas med do/ /zhe na/ 'o na/
yul med pas yul

can mi srid pa'i phyir/ zhes pa'i rtags 'di rang nyid kyis
spong bar 'gyur ro/ /'on kyang/ bye smra'i rang lugs la mi
'gal ba'i khas len ji ltar 'dzin/ zhe na/ sgom spang snga ma
rnams spangs zin nas sgom spang dgu pas de dag la dmigs kyang
rang dus su ma dmigs pas de dag spangs

zin nas da'i dmigs yul du gyur ba'i sgom spang snga ma rnams
med ces brjod par bya la/ 'o na/ yul med pa'i yul can srid par
thal lo/ /zhe na/ skyon med de/ sngar dmigs pa'i rgyun ldan pa
la bsams nas de dag la dmigs par 'jog pa las rang dus su
dmigs par

@21b khas ma blangs pa'i phyir/ 'o na/ sgom spang dgu pas sgom
spang snga ma spangs zin rnams la ma dmigs par thal/ /rang dus
su ma dmigs pa'i phyir/ zer na ma khyab ces brjod rgyu yin no/
/yang/ 'gog lam mthong spang log pa la log zhugs rnams chos
can/ dmigs yul

bden pa la dngos su log zhugs yin par thal/ dmigs yul sdug kun
gang rung la dngos su log zhugs yin pa'i phyir/ der thal/ de
dag gi dmigs yul du gyur pa'i log lta sogs sdug kun gang rung
gis bsdus pa'i phyir/ zer ba la ni/ ma khyab ces brjod dgos
te/ sdug

kun la dngos su log zhugs zhes pa'i don/ dmigs yul sdug kun la
dmigs nas de'i rang gi mtshan nyid dam gnas tshul dang dngos su
'gal ba'i 'dzin stangs log par zhugs pa la byed pa yin no/ /gong
gi log pa la log zhugs de dag ni 'gog lam mthong spang gi log
lta so-Da

la dmigs nas de dag la mchog tu 'dzin pa sogs yin pa las sdug
kun gyi mtshan nyid dang dngos su 'gal bar ma zhugs pa'i phyir/
7yang 'gog pa mthong spang log pa la log zhugs sogs chos can/
sdug bsngal mthong spang sogs yin par thal/ rang gi dmigs yul

sdug bden la dmigs nas log par zhugs pa'i mthong spang yin
pa'i phyir zer na yang ma khyab bo/ /yang/ bden bzhi'i mthong
spang du ma zad phra rgyas mtha' dag gnyen po skyes pas zad
par bya ba 'ba' zhig yin la/ de'i phyir mthong spang rnams
gnyen po skyes pa'i stobs dang

dmigs pa bden bzhi'i gnas tshul yongs-su shes pa gnyis kas dus
mnyam pa'i tshul du spong ba yin la/ mthong lam gyis dmigs pa
bden bzhi'i gnas tshul shes kyang de kho nas sgom spang spong
mi nus pas/ slar yang gnyen po sgom lam dgu rim bzhin skyes
pas

sgom spang rnams zad par byed dgos pas na/ rgyu mtshan nam
khyad par de la brten nas sgom spang rnams gnyen po skyes pas
zad par bya ba yin zhes dmigs kyis bkar nas gsungs pa las/
mthong spang rnams gnyen pos zad bya min par bstan pa yang ma
yin no/ /de ltar

@22a @#/ /dogs pa dpyad nas dkyus la 'jug pa ni/ ! gnyen po
rnam bzhi spong ba dang/ /zhes sogs kyi skabs su/ gnyen po
rnam pa bzhi ste/ spong ba'i gnyen po dang/ gzhi'i gnyen po
dang/ thag bsrings pa'i gnyen po dang/ rnam par bsun 'byin
pa'i

gnyen po bzhi'o/ /de las dang po ni/ sdug bsngal chos bzod
sogs bar chad med lam rnams so/ /gnyis pa ni/ bral thob 'dzin
pa ste/ bar chad med lam dang po ma gtogs pa sdug bsngal chos
shes sogs rnam grol lam rnams dang zag med kyi lam phal cher
ro/ /gsum

pa ni/ rnam grol lam dang po sdug bsngal chos shes ma gtogs pa
de yin gyi khyad par gyi lam thams cad do/ /bzhi pa ni/ bden
pa dang po gnyis la dmigs pa'i lam gyis dmigs pa de mi rtag pa
la sogs pas rtag par 'dzin pa sogs bsun 'byin pa'o/ /des na
bar chad med

lam dang po sdug bsngal chos bzod ni spong ba'i gnyen po kho
na las gzhi'i gnyen po dang thag bsring ba'i gnyen po ma yin
la/ rnam grol lam dang po sdug bsngal chos shes ni gzhi'i
gnyen po kho na las spong ba'i gnyen po dang/ thag bsring ba'i
gnyen po ma yin zhing/ de

gnyis ka bsun 'byin pa'i gnyen po ni yin no/ /'di la bzhed
tshul mi 'dra ba gzhan yang yod do// ! mtshan nyid mi mthun mi
mthun phyogs/ /zhes sogs kyi skabs su/ thag bsring ba zhes pa
la ring ba'i tshul rnam pa bzhi ste/ tshogs pa gcig na yod kyang
mtshan nyid mi mthun

pas ring bas sogs 'byung ba bzhi lta bu/ mi mthun phyogs dang
gnyen pos ring ba tshul khrims dang 'chal tshul lta bu/ yul rnam
par chad pas ring ba ni shar nub kyi rgya mtsho lta bu/ dus
kyis ring ba 'das pa dang ma 'ongs pa lta bu'o// ! lan gcig tu
zad de dag gi  /zhes

sogs kyi skabs su/ phra rgyas spangs pa'i 'bras bu yongs shes
bshad pa ste/ 'o na/ lam rnams gong nas gong du khyad par du
'gro ba bzhin du nyon mongs spangs pa'i spangs pa rnams kyang
khyad par du 'gro'am/ zhe na/ nyon mongs pa rnams ni rang rang
gi gnyen po spong lam gang yin pa kho

@22b nas spong zhing/ thob pa chad pa'i spangs pa lan re re
bar zad pa las khyad du 'gro ba med la/ 'on kyang nyon mongs
de dag gi bral ba'am spang pa'i thob ba ni yang dang yang du
khyad par du 'gro'o/ /de yang dus gang dang gang gi tshe khyad
par du 'gro zhe na/ dbang po brtul po yin na rang rang gi
gnyen po

skyes pa dang/ rgyun zhugs sogs dge sbyong tshul gyi 'bras bu
bzhi thob pa dang/ dbang po brtul po las rnon por 'pho ba ste
dus drug tu'o/ /dbang po rnon po yin na dbang po 'pho ba med
pas dus lngar khyad par du 'gro'o/ /skabs 'dir gnyen po skyes
pa zhes pa ni bral thob dang lhan cig skyes pa'i rnam

grol lam la byed pa yin gyi/ bar chad med lam gyi tshe bral
thob skye ba la mngon du phyogs pa tsam las da ltar ba'i ngo
bor skyes ma zin pa'i phyir ro/ /bral ba'am spangs pa de la ni
gnas skabs de dag tu yongs-su shes pa'i ming thob bo/ /de yang
spyir yongs shes la ye shes kyi yongs

shes dang/ spangs pa'i yongs shes gnyis las/ dang po ni/ zag
med rnam grol gyi lam rnams yin la/ gnyis pa ni/ de'i yul
spang bya dang bral ba so sor brtags 'gog yin no/ /de gnyis
las skabs 'di'i dngos bstan ni spangs pa yongs shes nyid la
byed pa yin te/ yul

la yul can gyi ming gis btags pa'am/ 'bras bu spangs pa la
rgyu ye shes kyi ming gis btags pa'o// ! yongs-su shes dgu
'dod pa na/ /zhes sogs kyi skabs su/ yongs shes de yang spang
bya spong tshul gyi sgo nas dbye na dgu ste/ 'dod pa'i sdug kun
mthong spang rnam gnyis spangs

pa'i yongs shes gcig /'dod pa'i 'gog pa mthong spang spangs
pa'i yongs shes dang/ lam mthong spang spangs pa'i yongs shes
gnyis te gsum/ de bzhin du khams gong ma gnyis kyi sdug kun
mthong spang spangs pa'i yongs shes gcig /'gog pa mthong spang
dang/ lam mthong

spang so so nas spangs pa'i yongs shes gnyis te gsum bcas sdom
pas mthong spang spangs pa'i yongs shes drug /sgom spang
spangs pa'i yongs shes la/ 'dod nyon dgu pa zad pas tha ma'i
cha mthun spangs pa'i yongs shes/ gzugs kyi zag pa zad pa'i
yongs shes/ gzugs med

@23a @#/ /kyi nyon mongs zad pa'am zag pa kun zad pa'i yongs
shes dang gsum ste mthong sgom sdom bas dgu'o/ /'o na/ khams
gong ma gnyis kyi mthong spang spangs pa'i yongs shes gcig tu
bsdoms la/ sgom spang spangs pa'i yongs shes so sor phye ba'i
rgyu mtshan ci zhe

na/ gong ma gnyis kyi sgom spang ni so so na sgom spang dgu
dgu'i gnyen po bar chad med lam dang rnam grol lam dgu dgu yod
pas gnyen po tha dad pa'i phyir so so nas bgrang la/ mthong
spang ni gzugs kyi mthong spang gi gnyen po rjes bzod la sogs
pa de dag kho na gzugs med kyi mthong

spang gi'ang gnyen po yin pas gnyen po gcig pa'i phyir gcig tu
bgrang ngo// ! drug bzod 'bras/ lhag ma rnams ni shes pa'i
yin/ /zhes sogs kyi skabs su/ yongs shes de dag bzod shes gang
gi 'bras bu yin zhe na/ yongs shes dang po drug ni bzod shes
gnyis kyi

nang nas bzod pa'i 'bras bu yin te/ mthong lam bar chad med
lam gyi 'bras bu yin pa'i phyir/ de la kho na re/ de dag bzod
pa'i 'bras bu ma yin par thal/ mthong lam zag med kyi shes
pa'i 'bras bur 'jog dgos pa gang zhig /dri med bzod rnams shes
pa min/ /zhes bzod

pa rnams shes pa ma yin pa'i phyir/ zhe na/ mthong lam zag med
kyi shes pa'i 'bras bu'ang yin mod kyang/ bzod shes de gnyis
'bras bu gcig pa'i phyir bzod pa'i 'bras bur bstan to/ /yongs
shes lhag ma gsum ni bzod shes gnyis las shes pa'i 'bras bu
yin te/ sgom

lam gyi 'bras bu yin pa gang zhig /sgom lam la bzod shes gnyis
kyi nang gi bzod pa med pa'i phyir/ 'di dag la yang bzod shes
gnyis kyi nang tshan zhes pa'i khyad par ma sbyar na tshig skyon
'jug go/ yang bsam gtan dang po'i nyer bsdogs mi lcogs med kyi
'bras bur ni yongs

shes dgu po thams cad 'byung srid de/ des spang bya thams cad
kyi gnyen po byed pa srid pa'i phyir/ bsam gtan gyi dngos gzhi
zag med rnams kyi 'bras bu la bye brag smra ba phal che bas
ni/ khams gong ma gnyis kyi mthong spang spangs pa'i yongs
shes gsum dang/ sgom spang spangs pa'i yongs

@23b shes gnyis te lnga ma gtogs 'dod pa'i mthong spang dang
sgom spang spangs pa'i yongs shes bzhi mi 'byung ste/ dngos
gzhis 'dod pa'i gnyen po mi byed pas yongs shes de dag ni nyer
bsdogs kyi 'bras bu yin no zhes 'dod la/ dngos gzhi'i 'bras bu
la gong ma'i mthong spang spangs pa'i yongs

shes gsum 'byung ba ni chags bral sngon song gi phyir mi 'ongs
la bsam par snang zhing/ bcun pa dbyangs sgrog na/ bsam gtan
gyi dngos gzhi'i 'bras bu yongs shes brgyad du 'dod de/ 'dod
pa'i mthong spang spangs pa'i yongs shes gsum yang chags bral
sngon song gi phyir mi 'ong gis mthong lam thob pa'i

bsam gtan gyi stobs kyis bral thob zag med rnyed pa'i phyir
zhes 'dod la/ de la dgongs nas rtsa bar lnga'am brgyad ces
'dam kha can lta bur gsungs par snang la/ 'on kyang/ skabs
'dir dngos gzhi'i 'bras bu la yongs shes brgyad kyi grangs
tsam dbyangs sgrog dang mtshungs kyang/ nang

bsres kyi mtshan gzhir 'dod tshul mi 'dra ba'i khyad par yod de/
dngos gzhi'i 'bras bu yongs shes lnga dang brgyad 'dod pa'i
gong gi bye smra gnyis ni/ chags bral sngon song gi phyir mi
'ong la bsam nas gong ma'i lam mthong spang spangs pa'i yongs
shes dngos gzhi'i 'bras bur 'dod la/ rang lugs chags bral

sngon song gi phyir mi 'ong gi rgyud la gong ma'i lam mthong
spang spangs pa'i yongs shes med pa'i phyir te/ des bcu drug
pa lam rjes shes thob pa'i tshe mthong spang spangs pa'i yongs
shes dang po lnga btang nas bdun pa mtha' ma'i cha mthun
spangs pa'i yongs shes gcig bu gsar du thob pa rtsa ba'i tshig

'grel gyis shes pa'i phyir dang/ gong ma'i lam mthong spang
spangs pa'i yongs shes kyi bral rgyur dngos gzhi 'jog mi rig
pa ni/ de 'dra'i dngos gzhi zhig yod na/ de chags bcas pa'i
rgyud la ni med de/ dngos gzhi yin pa'i phyir dang/ chags bral
sngon song gi phyir mi 'ong gi 'bras bu thob ma thag

pa de'i rgyud la yongs shes drug pa med pas/ de'i bral sgyu'i
dngos gzhi zhugs pa'i rgyud la 'jog pa la dgos pa med pa'i
phyir ro/ /dngos gzhi'i 'bras bu yongs shes lnga lhag med pa
yang mi 'thad de/ ci'i phyir na/ chags bral sngon sor gi phyir
mi 'ong zhugs pa'i rgyud la 'dod pa'i mthong spang spangs

@24a @#/ /pa'i yongs shes gsum yod pa ni gang zhig  /de dag
dngos gzhi'i ngo bor gyur pa'i mthong lam bzod pa'i 'bras bu
yin pa las nyer bsdogs kyi ngo bor gyur pa'i bzod pa'i 'bras
bu ma yin pa'i phyir te/ de dag dngos su thob byed ni dngos
gzhi'i ngo bor gyur pa'i bzod pa

yin pa'i phyir/ des na 'dod tshul snga ma'i bsam tshod ni/
mthong lam gyi snga rol tu nyer bsdogs mi lceg med kyis 'dod
pa'i mthong spang spangs pa la bsam par snang mod de'i tshe
'dod pa'i mthong spang spangs kyang de spangs pa'i yongs shes
ma thob pa'i phyir/ yang chags bral

sngon song gi phyir mi 'ong zhugs pa'i rgyud la 'dod pa'i
mthong spang spangs pa'i yongs shes gsum med do zhe na mi
'thad de/ la la gcig gnyis lnga dang drug /ces pa'i skabs su
lnga tsam cig char du gtong ba la cha-Da bral sngon song gi
phyir mi 'ong zhugs pas bcu drug pa lam rjes shes thob pa'i
tshe

mthong spang spangs pa'i yongs shes dang po lnga cig char du
gtong ba de 'jog pa gang zhig /de'i rgyud la med na gtong rgyu
yang mi srid pa'i phyir ro// ! gzugs med nam mkha'i nyer
bsdogs kyi 'bras bu la ni yongs shes brgyad pa gzugs kyi zag
pa zad pa'i yongs shes gcig pu las mi 'byung la

gcig pu de ni 'byung ba yod de/ nyer bsdogs de zag bcas yin
kyang 'phags pa 'ga' zhig gis de la brten nas gzugs kyi nyon
mongs spong ba yod pa'i phyir/ de bzhin du gzugs med dang po
gsum gyi dngos gzhi zag med kyi 'bras bu la yang zag pa kun
zad kyi yongs shes gcig pu las mi

'byung ngo/ /des na 'dod pa dang srid rtse ni zag med kyi lam
du mi rung ba'i phyir yongs shes kyi rgyur mi 'gyur ro// !
thams cad 'phags pa'i lam gyi yin/ /zhes sogs kyi skabs su/
yongs shes dgu po thams cad 'phags lam gyi 'bras bur ni 'gyur
ba yod de/ dang po drug dang/ phyi ma gsum/

rim pa ltar mthong lam dang sgom lam zag med kyi 'bras bur
'gyur ba'i phyir/ zag bcas 'jig rten pa'i sgom lam gyi 'bras
bu la yang yongs shes bdun pa tha ma'i cha mthun spangs pa'i
yongs shes dang/ brgyad pa gzugs kyi zag pa zad pa'i yongs
shes gnyis 'byung ba yod de/ 'phags pa 'ga'

@24b zhig de gnyis la brten nas 'dod gzugs la 'dod chags dang
bral ba srid pa'i phyir/ yang/ sgom lam rjes shes kyi 'bras bu
la ni yongs shes mtha' ma gnyis dang/ sgom lam chos shes kyi
'bras bu la yongs shes tha ma gsum char 'byung ste/ sgom lam
chos shes kyis khams

gsum ga'i gnyen po byed pa srid pa'i phyir te/ sgom pa'i lam
la 'gog pa'am/ zhes sogs gsungs pa'i phyir/ ! de'i phyogs
mthun gyi drug dang lnga/ /zhes pas/ /chos shes kyi phyogs
mthun mthong lam chos bzod kyi 'bras bu dang/ chos shes kyi
'bras bu sdoms na drug 'byung ste/ 'dod

pa'i mthong spang spangs pa'i yongs shes gsum chos bzod kyi
'bras bu dang/ sgom spang spangs pa'i yongs shes gsum sgom lam
chos shes kyi 'bras bur 'gyur ba gong du bshad ma thag pa ltar
yin pa'i phyir/ de bzhin du rjes shes kyi phyogs mthun mthong
lam rjes bzod kyi 'bras bu dang/ rjes

shes kyi 'bras bu sdoms na yang lnga 'byung ste/ gong ma'i
mthong spang spangs pa'i yongs shes gsum rjes bzod kyi 'bras
bu dang/ mtha' ma gnyis sgom lam rjes shes kyi 'bras bur 'gyur
ba'i phyir/ sgom lam chos shes khams gsum pa'i gnyen por 'gyur
bar bshad pa yang 'gog lam

chos shes kyi dbang du byas pa yin gyi/ sgom lam gyi ngo bor
gyur ba'i sdug kun chos shes kyis ni 'dod pa kho na'i gnyen po
byed la/ de'i phyir sdug kun chos shes de'i 'bras bu la yang
mtha' ma'i cha mthun spangs pa'i yongs shes gcig pu las mi
'byung ngo// ! bral ba'i thob pa zag med

dang/ /zhes sogs kyi skabs su/ 'o na/ skabs 'gar spangs pa
mang po bsdoms nas yongs shes re rer 'jog la/ la lar ni spangs
pa re re la yongs shes re rer 'jog pa'i rgyu mtshan ci zhe na/
shes bzod rnams kyi 'bras bu bral pa spang pa yongs shes su
'jog pa la rgyu mtshan gsum tshang dgos

te/ gang zhe na/ bral thob zag med gang rung gsar du rnyed pa
dang/ srid rtse'i nyon mongs gang rung nyams par byas pa dang/
khams gsum gang rung gi sdug kun mthong spang gi kun 'gro
gnyis yongs su bcoms pa gsum tshang dgos pa'i phyir/ 'di dag la
yang gang rung zhes pa'i khyad par ma sbyar na skyon

@25a @#/ /'byung ste dpyad na shes sla'o/ /des na so so skye bo
la 'dod gzugs gang rung gi kun 'gro bcom pa yod kyang dang po
gnyis ma tshang la/ mthong lam sdug bsngal chos shes pa la dang
po yod kyang phyi ma gnyis ma tshang zhing/ sdug bsngal rjes
shes pa la dang

po gnyis tshang yang phyi ma ma chang ba'i phyir te/ khams gsum
gang gi yang kun 'byung mthong spang gi kun 'gro ma spangs
pa'i phyir/ der thal/ khams gsum gyi dang po 'dod pa'i kun
'byung mthong spang gi kun 'gro spangs pa la yang kun 'byung
chos shes thob dgos pa'i phyir/ des

na kun 'byung chos shes pa'i tshe gsum ka tshang ste/ 'dod pa'i
kun 'byung mthong spang spangs pa'i bral thob zag med gsar du
rnyed pa dang/ srid rtse'i sdug bsngal mthong spang spangs zin
pa dang/ 'dod pa'i sdug kun mthong spang gi kun 'gro gnyis
char bcoms zin pa'i phyir/ de 'dra'i bral ba de

'dod pa'i sdug kun mthong spang spangs pa'i yongs shes zhes
gcig tu bzhag la/ de bzhin du gong ma gnyis la yang shes-so/
/'dod pa'i 'gog lam chos shes pa gnyis la ni re re la'ang rgyu
mtshan gsum ka tshang bas na yongs shes re rer 'jog la/ bzod pa
rnams kyi gnas skabs su ni mi

'jog ste bral thob zag med gsar du ma rnyed pa'i phyir/ yongs
shes mtha' ma gsum la ni rgyu mtshan gsum po de dag tshang ba ma
zad/ 'dod pa la sogs pa khams gsum las rim pa bzhin 'das pa'i
sgo nas kyang yongs shes de dag bzhag go/ yongs shes phyi ma
'di dag la rgyu mtshan gsum tshang tshul re

re nas 'god du yod kyang mang bas 'jigs pa ma zad dpyad na
shes mi sla ba yang mi snang bsam bris so// ! gcig min mthong
la gnas pa ni/ /zhes sogs kyi skabs su/ yongs shes de dag gang
zag gang la ji tsam ldan zhe na/ gcig ste so skye ni yongs
shes dang mi ldan la/

'phags pa yang kun 'byung chos bzod pa'i par mi ldan zhing/
kun 'byung chos shes pa yan chod kyi mthong lam pa rnams ni
gcig nas lnga'i bar rim pa bzhin ldan te/ kun 'byung chos shes
pa dang/ kun 'byung rjes bzod pa gnyis ni 'dod pa'i sdug kun
mthong spang spangs pa'i

@25b yongs shes gcig kho na dang ldan la/ kun 'byung rjes shes
pa dang/ 'gog pa chos bzod pa gnyis ni sngar gyi gcig gi steng
du gong ma'i sdug kun mthong spang spangs pa'i yongs shes te
gnyis tsam dang ldan/ 'gog pa chos shes pa dang 'gog pa rjes
bzod pa gnyis ni snga ma gnyis kyi steng du 'dod pa'i

'gog pa mthong spang spangs pa'i yongs shes te gsum dang ldan/
'gog pa rjes shes pa dang lam chos bzod pa gnyis ni sngar gyi
gsum po'i steng du gong ma gnyis kyi 'gog pa mthong spang
spangs pa'i yongs shes te bzhi dang ldan/ lam chos shes pa
dang lam rjes bzod pa gnyis ni bzhi po de'i steng du

'dod pa'i lam mthong spang spangs pa'i yongs shes te lnga dang
ldan no/ /lam rjes shes pa ni sgom lam pa yin pas 'dir mi
gtogs/ des na mthong lam pa la yongs shes lnga lhag dang ldan
pa mi srid do/ /sgom lam pa ni/ 'dod pa la 'dod chags dang ma
bral ba'i lam rjes shes pa nas bzung 'dod pa'i

sgom spang dang po nas brgyad pa'i bar spangs pa rnams ni
yongs shes drug dang ldan te/ sngar bshad pa lnga'i steng du
gong ma gnyis kyi lam mthong spang spangs pa'i yongs shes dang
ldan pa'i phyir dang/ 'phags pa 'dod pa la 'dod chags dang
bral ba las nyams na yang drug po de dang ldan no/ /de la

kho na re/ lam rjes shes kyi tshe yongs shes drug dang ldan pa
mi 'thad par thal/ de'i tshe zhugs lam btang zhing spangs pa
bsdoms par bshad pa'i phyir zhe na/ de'i cho spangs pa bsdoms
kyang yongs shes ma bsdoms pas 'gal ba med do zhes 'dod mod/
des na/ de'i tshe spangs pa ma bsdom spar thal/

spangs pa yongs shes drug ma bsdoms pa'i phyir zer na/ ma
khyab ces brjod dgos te grub mtha'i 'dod tshul lo// ! 'o na/
yongs shes ji ltar bsdoms zhe na/ /khams las 'dod chags bral
ba dang/ /'bras bu thob phyir de dag bsdoms/ /zhes khams gsum
gang rung las 'dod chags

dang bral ba dang/ 'bras bu bzhi po gang rung gsar du thob pa
gnyis tshogs na bsdoms pa'i phyir/ 'di dag la yang gang rung
zhes pa dang/ gsar du zhes pa'i khyad par rnams ma sbyar na
rtsod pa'i gnod pa 'jug go/ des na 'dod pa la 'dod chags dang
ma bral ba'i bcu drug pa lam rjes shes pa des 'bras

@26a @#/ /bu gsar du thob kyang/ khams gsum gang la yang 'dod
chags dang ma bral ba'i phyir yongs shes mi bsdom mo/ /yang/
chags bral sngon song gi phyir mi 'ong bcu drug pa lam rjes
shes la gnas pa dang/ 'bras bu rim gyis pa mthong lam gyi rjes
su 'dod pa la 'dod

chags dang bral ba'i phyir mi 'ong thob ma thag pa gnyis ni
tha ma'i cha mthun spangs pa'i yongs shes gcig kho na dang
ldan te/ dang po des 'dod pa la 'dod chags dang bral zhing
'bras bu bzhi po gang rung gsar du thob pa'i phyir dang/ phyi
ma des mthong spang spangs pa'i yongs shes drug po tha

ma'i cha mthun spangs pa'i yongs shes su bsdoms pa'i phyir/
'phags pa gzugs kyi 'dod chags dang bral ba las nyams na yang
gcig pu 'di dang ldan la/ dgra bcom thob pa'i tshe yang yongs
shes snga ma thams cad bsdoms pas zag pa kun zad kyi yongs
shes gcig pu dang

ldan no/ /yang/ sgom lam pa gzugs kyi 'dod chags gsar du bral
ba'i phyir mi 'ong ni mtha' ma'i cha mthun spangs pa'i yongs
shes dang/ gzugs kyi zag pa zad pa'i yongs shes gnyis ka dang
ldan te/ de'i tshe gzugs khams la 'dod chags dang bral yang
'bras bu gsar du thob rgyu

ma byung bas yongs shes mi bsdom mo/ /de bzhin du gzugs med
kyi nyon mongs kyis dgra bcom pa las nyams na yang de gnyis
dang ldan no// ! la la gcig gnyis lnga dang drug /zhes sogs
kyi skabs su/ yongs shes rnams gtong tshul dang thob tshul bshad
pa ste/ dgra bcom las

nyams pa'i tshe yongs shes tha ma gcig pu gtong la/ gzugs kyi
'dod chags dang ma bral ba'i phyir mi 'ong 'dod pa'i nyon
mongs kyis nyams na yang tha ma'i cha mthun spangs pa'i yongs
shes gcig pu gtong ngo/ /gnyis tsam cig char du gtong ba yod
de/ gzugs kyi 'dod chags dang bral

ba'i phyir mi 'ong 'dod pa'i 'dod chags kyis nyams pa'am/ yang
des dgra bcom pa mngon du byed pa gang rung gi tshe ni bdun pa
dang brgyad pa gnyis cig char du gtong ngo/ /lnga tsam cig
char du gtong ba ni sngar bshad pa ltar te/ chags bral sngon
song gis bcu drug pa lam rjes shes thob pa'i

@26b tshe mthong spang spangs pa'i yongs shes dang po lnga cig
char du gtong ba'i phyir te/ chags bral sngon song des lam
rjes shes kyi cha tshe tha ma'i cha mthun spangs pa'i yongs
shes thob pa dang/ de'i nang du gong ma'i lam mthong spang
spangs pa'i yongs shes bsdoms pa dus mnyam pa'i phyir/ 'on
kyang chags bral

sngon song gi phyir mi 'ong gi 'bras bu thob ma thag pa des
gong ma'i lam mthong spang spangs pa'i yongs shes thob pa dang
btang ba gang gi yang tha snyad ma byas na khas len 'dzin
bde'i/ /drug cig char du gtong ba yod de/ rim gyis pas phyir
mi 'ong gi 'bras bu thob pa na bdun pa thob cing/ mthong spang
spangs

pa'i yongs shes drug cig char du gtong ba'i phyir ro/ /'on
kyang yongs shes gcig gsar du thob la drug cig car du gtong ba
de la phyir mi 'ong gis ma khyab ste/ cig car ba'i dgra bcom
thob ma thag pa des mthong spang spangs pa'i yongs shes drug
cig car du btang nas zag pa kun zad

kyi yongs shes gcig tsam gsar du thob pa'i phyir ro/ /de la
kho na re/ cig car ba'i dgra bcom thob ma thag pa des yongs
shes drug cig car du gtong la gcig tsam gsar du thob pa mi
'thad par thal/ des drug cig car du btang la gsum gsar du thob
pa'i phyir/ der thal/ des mthong spang

spangs pa'i yongs shes drug btang ba dang dus mnyam du sgom
spang spangs pa'i yongs shes dang po gnyis zag pa kun zad kyi
yongs shes kyi nang du bsdoms te thob pa'i phyir zer na mkhyab
ces bya dgos te/ cig car ba'i dgra bcom thob ma thag pa des
sgom spang spangs pa'i yongs shes

dang po gnyis thob btang gang gi'ang tha snyad ma byas na bde
bar gong dang mtshungs pa'i phyir ro/ /gtong tshul 'di dag la la
ni yongs su nyams pas gtong ba'ang yod mod kyi/ gzhan dag phal
cher ni yongs shes phyi ma'i nang du snga ma bsdoms pas snga
ma rnams kyi ming btang ba la btang ba'i tha

snyad byas pa las yongs su nyams pas gtong ba ni ma yin la/ de
dag gi ming btang ba'i tshe thob pa yang btang bar ni 'dod dgos
zhing/ de'i tshe de dag gi ma thob pa skyes ma skyes sogs rtsod
na ni khas len 'dzin dka' tsam mchis kyang grub mtha'i 'dod
tshul lo/ /~yang/ yongs shes

@27a @#/ /de dag thob tshul ni sngar bshad pa rnams kyis shes
par nus te/ kun 'byung chos shes dang/ chags bral sngon song
gis lam rjes shes dang/ rim gyis pas 'dod nyon dgu pa spangs
pa dang/ dgra bcom thob pa rnams kyi tshe gcig tsam thob pa yin
te/ rim bzhin yongs shes

dang po dang/ bdun pa dang/ tha ma rnams thob pa'i phyir/
gnyis tsam cig car du thob pa yod de/ dgra bcom pa gzugs med
kyi nyon mongs kyis nyams na bdun pa dang brgyad pa gnyis cig
car thob pa'i phyir/ 'di dag la yang tsam sgra'i khyad par ma
sbyar na skyon 'byung ste/ drug thob pa de dag gis gcig

dang gnyis kyang thob pa'i phyir/ drug cig car du thob pa yod
de/ 'phags pa 'dod pa la chags bral las nyams na mthong spang
spangs pa'i yongs shas drug cig car du thob pa'i phyir ro/ /de
ltar gzhung don dngos bshad zin nas 'ga' zhig tshig 'khri tsam
gyis rtsod pa la dga' ba dag byung na khas le

'dzin mtshams kha shas 'god na/ de la mthong spang spangs pa'i
yongs shes drug po gang rung yin na/ mthong spang spangs pa'i
yongs shes yin pas khyab par thal/ mthong spang spangs pa'i
yongs shes drug yod pa'i phyir/ zer na ma khyab ste/ 'dod pa'i
sdug kun mthong spang spangs pa'i

yongs shes de mthong spang spangs pa'i yongs shes ma yin pa'i
phyir/ der thal/ mthong spang spangs na mthong spang mtha' dag
spangs dgos pa'i phyir/ 'o na/ mthong spang spangs pa'i yongs
shes drug gi nang nas mthong spang spangs pa gcig las med par
thal/ zer na/ 'dod ces bya dgos te/

mthong spang spangs pa'i yongs shes drug med par 'dod na ni
rtsa 'grel rnams kyi chos skad dang 'gal bar 'gyur ba'i phyir/
de bzhin du sgom spang spangs pa'i yongs shes la yang mtshungs
so// ~yang/ mthong spang spangs pa gang zhig /yongs shes yin
na/ mthong spang spangs pa'i yongs

shes yin pas ma khyab ste/ sgom spang spangs pa'i yongs shes
rnams de yin pa'i phyir/ yang/ skabs 'di'i dngos bstan gyi
yongs shes rnams chos can/ shes pa yin par thal/ yongs shes
yin pa'i phyir/ zer na/ ma khyab ste/ skabs 'di'i dngos bstan
gyi yongs shes yin na shes pa

@27b ma yin pas khyab/ spyir yongs shes la shes pa yang yod
ces bya'o/ /yang/ yongs shes gcig tsam btang nas gnyis thob pa
de chos can/ gcig tsam btang ba ma yin par thal/ gcig thob
pa'i phyir zer na ma khyab bo/ /yang phyir mi 'ong chos can/
khams gsum gang rung

las 'dod chags dang ma bral bar thal/ khams gsum gang rung gi
'dod chags dang ldan pa'i phyir/ zhes sogs zer na 'di 'dra'i
rigs ni rtags dang gsal ba re re nas nyis mgo mar song bas
rtsod par mi bya'o// ~khams gsum phra rgyas nye ba'i nyon
mongs sogs/ /ma 'dres 'byed dang

de dag spong ba'i tshul/ /spangs pa'i 'bras bu yongs shes thob
tshul sogs/ /gzhung don ji bzhin lhag par bsal bar byas/ /chos
mngon pa mdzod kyi dgongs don gsal bar byed pa legs bshad nyin
byed dbang po'i snang ba las/ phra rgyas bstan pa zhes bya ba
gnas lnga pa'i rnam par bshad pa'o//