@#/ /ser smad thos bsam nor bu'i gling gi bca' yig thar lam gsal
bar byed pa'i nyi ma zhes bya ba bzhugs so/ /

@1a @#/ /dpal ldan dang po'i byang chub mchog tu thugs mchog cir
yang bskyed mdzad cing/ /grangs med gsum gyi bskal pa chen por
rlabs chen tshogs gnyis rdzogs mdzad pas/ /dpal stug zhing du
lnga ldan

gzugs sku'i bkod par bzhengs pa'i rang 'dra nyid/ /zhing 'dir
bcu gnyis mdzad pas rnam rol thub dbang lha yi lha der 'dud/
/rgyal ba mchog gi go 'phang brnyes kyang rgyal sras gzhon nu'i
tshul bzungs ste/ /grangs

med zhing gi 'gro la rjes brtse mi pham mgon dang 'jam dpal
dbyangs/ /rtag tu gus pas mchod cing bstod na ches gsal myur zab
blo gros dang/ /nges 'byung byang sems yang dag lta bas bdag
rgyud phyug pa'i

dngos grub stsol/ /shes dang shes bya'i dkyil 'khor kun la
mkhyen rab ye shes snang ba yis/ /thub bstan rin chen dri mas
rnyog bral 'jigs rten kun la gsal mdzad pa/ /'dzam gling mdzes
pa'i rgyan gyur

drug dang mchog gnyis la sogs 'phags yul gyi/ /paN grub rnams
dang skad gnyis smra kun bka' drin dran pas slar yang dad/
/khyad par dug gsum tsha bas gdung ba'i byang phyogs bur rgyal
zhing khams

'dir/ /bka' gdams lha chos bdun dang ldan pa'i ring lugs dri
bsrung mngar po yis/ /phan dang bde ba'i sim pa stsol mdzad ma
la yar skyes ljon pa che/ /lha gcig di paM ka ra yab sras brgyud
par bcas la dwang

@2a @#/ /bas 'dud/ /shes bya 'di na gang srid yul rnams gang gi
mkhyen pa'i spyod yul du/ /me long ye shes ngos gsal 'phos pa'i
ngo mtshar bsngags pa'i gtam gyi 'phreng/ /don dang ldan pa rgyal
ba rgya mtsho'i yon

tan kun gyi khyad par chos/ /ma tshang med mnga' 'jam mgon bla ma
blo bzang grags pa yab sras mchod/ /rgyal ba rgya mtsho'i thugs
rje'i rang gzugs gangs can lha gcig pad dkar 'chang/ /zhing 'dir
ngur smrig gar gyis rnam rol

nges pa don gyi thams cad mkhyen/ /rje btsun blo bzang bskal
bzang rgya mtsho sku yi 'khrungs rabs sngon byon sogs/ /dngos
dang brgyud pa'i dpal ldan bla mas bdag sogs 'gro rnams thugs
rjes skyongs/ /nyon mongs dbang

gyur kha rlan dka' ba'i rta/ /'dul byed tshul khrims srab kyis
bag yod la/ /'god byed bca' khrims yi ge thar pa'i lam/ /gsal
bar byed pa'i nyi ma 'di na shar/ /ces shis pa brjod pa'i tshig
gis lam yangs par byas

te; ;'dir bshad par bya ba'i gling bslang ba ni/ /dal ba'i rten
la snying po len pa'i tshul la zhugs pa'i thar 'dod rnams kyi
'jug ngogs bla na med pa ni/ rgyal ba'i bstan pa rin po che nyid
yin la/ de la yang blang dor gyi gnas

phyin ci ma log par ston pa'i lung gi bstan pa dang/ de'i brjod
bya tshul bzhin nyams su blangs pa'i rtogs pa'i bstan pa gnyis
ba'i/ mnyam med stobs bcu mnga' ba rnam 'dren stong gi bzhi pa
kun mkhyen nyi

@2b ma'i gnyen gyi gsung gi gsang ba so so thar pa'i mdo las/
snyan pa'i ba dan 'jig rten gsum na grags/ /dam pa'i chos sgra
seng ge'i sgra bsgrags pa/ /thams cad mkhyen pa dkon mchog mdzod
brnyes pa'i/ /zhabs la tshangs dbang gtsug gi nor

bus gtugs/ /zhes gsungs pa ltar/ gdul bya gang la gang 'dul ba'i
thabs tshul mtha' yas pa la mnga' brnyes pa'i 'dren pa mnyam med
shAkya'i rgyal po'i gsung rjes su bstan pa'i cho 'phrul gyi
seng ge'i nga ros srid pa gsum gyi 'gro ba

mtha' dag la mngon mtho dang nges legs kyi lam ma nor bar ston
pa'i brjod byed nges don gyi ba dan dkar po sa gsum na g.yo bar
mdzad pa'i gsung tshangs pa'i dbyangs kyis rjes su bstan pa'i
gsung rab la chos kyi phung po rgyad khri bzhi stong

la sogs pa ji snyed yod pa rnams/ lung sde snod rin po che rnam
pa gsum du bsdus pa yin la/ de'i brjod bya rnams lam bslab pa
rin po che rnam pa gsum du bsdus nas ji ltar nyams su len pa'i
tshul ni/ ji skad du/ tshom las/ srid pa'i zug rngu {?}

gcod byed lam/ /ngas ni khyed cag rnams la bstan/ /de bzhin
gshegs pa ston pa ste/ khyed cag rnams kyis bya dgos so/ /zhes
gsungs pa ltar/ ston pa thabs mkhas thugs rje can gyis srid pa
'khor ba'i rgya mtshor bying ba'i 'gro ba rnams

kyi sdug bsngal rgyu dang bcas pa spangs nas/ thar pa dang thams
cad mkhyen pa'i lam la slob par 'gyur ba'i thabs gsal bar bstan
pa rnams 'bad pa chen pos nyams su blangs te/ srid zhi'i rgyud
pa mtha' dag las grol bar 'gyur ba'i kun

@3a @#/ /mkhyen sangs rgyas bcom ldan 'das kyi go 'phang thob
pa'i phyir/ theg pa byang chub mchog tu sems bskyed de/ rgyal
sras kyi spyod pa pha rol tu phyin pa drug la sogs pa ji ltar
nyams su len pa ni/ bslab pa gsum

du bsdus nas nyams su len tshul/ rje btsun byams pa mgon pos mdo
sde rgyan las/ bslab gsum dbang du mdzad nas ni/ /rgyal bas pha
rol phyin pa drug / yang dag bshad de dang po gsum/ /mtha' ma
gnyis kyi rnam pa gnyis/ gcig

ni gsum char la yang gtogs/ /zhes gsungs pa ltar/ sbyin sogs
dang po gsum tshul khrims kyi bslab pa'i nyams len du bsdus
shing/ bsam gtan dang shes rab kyi phar phyin gnyis rim pa
bzhin/ ting nge 'dzin dang/ shes rab kyi

bslab pa'i nyams len du bsdus nas/ rgyal sras rnams kyi brtson
'grus g.yo ba med pa'i sgo nas spangs pa dang/ rtogs pa'i yon
tan gyi yal 'dab yongs su rgyas pa ni bde gshegs thams cad kyi
rten du gyur pa'i tshul khrims kyi

bslab pa rin po che'i sa gzhi brtan pa la rag las pa ni/ shing
rta chen po dpal mgon 'phags pa klu sgrub kyi zhal nas/ khrims
ni rgyu dang mi rgyu'i sa bzhin du/ /yon tan kun gyi gzhi rten
lags par gsungs/ /zhes gsungs pa ltar/

thun mong dang thun mong ma yin pa'i lam gyi rim pa'i yon tan
rin po che'i dpag bsam ljon shing gi tshogs ches cher rgyas pa
la/ gzhi tshul khrims rin po che dang/ dge 'dun gyi nang khrims
rnams mig gi 'bras bu ltar gces

@3b par bsrung dgos pa'i rgyu mtshan dpag par dka' ba rnams thos
bsam gyis gtan la phab ste/ rgyal ba'i dgongs pa ji lta ba bzhin
nyams su blangs pa'i gnas skabs dang mthar thug gi phan yon
mtha' yas shing/ khyad par tshul khrims

kyi bslab pa la brten nas/ ting nge 'dzin dang shes rab kyi
bslab pa la bslab tshul ni/ tshangs pas zhus pa'i mdo las/ rtsa ba
shin tu brtan pa dang/ /zhi ba'i sems la dga' ba dang/ /'phags
pa'i lta dang sdig pa'i lta/ /ldan par bya zhing bral

bar bya/ /zhes gsungs pa ltar/ gzhi'i rtsa ba tshul khrims kyi
bslab pa shin tu brten pa la brten nas/ sems phyi rol gyi yul la
g.yeng bar byed pa'i bag med pa dang/ le lo rnam g.yeng sogs
dang bral ba'i sems shin byang gi dga'

bde khyad par can gyis zin pa'i ting nge 'dzin gyi bslab pa
dang/ ting nge 'dzin gyi skyon mtha' dag dang bral ba'i bsam
gtan la brten nas mi dge bcu la nyes dmigs su lta ba'i 'jig rten
pa'i yang dag pa'i lta ba dang/ ji lta ji snyed pa'i chos

rnams yul rang ngos nas ma grub par lta ba'i bdag med par lta
ba'i shes rab kyi bslab pas bsdus pa'i yon tan rnams dang ldan
pa'i sgo nas rgyal sras kyi spyod pa spyi dang/ khyad par bslab
gsum rim gnyis kyi gnas mtha' dag bsdus

nas goms par bya ba la dge 'dun gyi nang khrims dang/ 'dul ba'i
bcas mtshams ji bzhin nyams su len pa la rag las pa'i rgyu mtshan
gyis rgya bod kyi mkhas grub sngon byon dam pa mtha' dag dang/
khyad par khams gsum chos kyi rgyal

@4a @#/ /po rgyal ba blo bzang grags pa'i dpal gyis rgya 'dul ba
'dzin pa'i gdan sa thun mong ma yin pa 'dzin pa'i skyor lung
mkhan chen blo gsal ba las/ 'dul ba rgya cher 'grel sogs 'dul
ba'i sde snod mtha' dag la phra zhing

'dzangs la zhib pa'i rnam dpyod kyis legs par gsan sbyongs mdzad
de/ rgyal ba rang nyid dang/ dngos slob 'khor tshogs rgya mtsho
lta bus rgyun du phyi 'dul ba'i kun spyod rnam par dag pa'i sgo
nas tshul khrims g.yag rnga bzhin du bsrung

bar mdzad pa'i mnyam med jo bo chen po'i nyams bzhes ji lta ba
bzhin mdzad nas/ dben pa'i gnas rnams su sgrub pa snying por
mdzad pa'i tshe/ gsung gi bdud rtsi la spyod pa'i slob 'khor
rnams la 'dul ba'i sde snod nas ji skad bzhad pa'i

chos gos rnam gsum dras drubs tshad ldan/ gding ba/ chu tshags/
drang srong gi snod la sogs pa'i mkho ba'i yo byad rnams 'bral
med 'chang du bcug /tha na rung chu 'debs pa tshun chad 'dul ba'i
dgongs pa ji lta ba bzhin nyams su blangs

bas bsil ldan gyi ljongs 'di tshig spyi'i bshad sgrub rtags kyi
dge sbyong sogs thub pa'i bstan la ma rtogs pa dang/ log par
rtog pa'i dri ma mtha' dag gtan nas drung phyungs te/ thub bstan
rin po che nyin mo ltar gsal bar mdzad pa'i tshul

ni mkhas grub smra ba'i nyi ma dge legs dpal bzang po'i zhal
nas/ chig {?} spyi'i bshad sgrub rtags kyi dge sbyong gis/ /thub
bstan ming tsam lhag mar gyur ba'i dus/ /bslab gsum lung rtogs
rgyal ba'i dam chos kun/ /khyod kyis nyin mor

@4b mdzad ces gsungs pa ltar/ yab rje blo bzang rgyal ba rang
nyid kyis skun tshod cung ngu'i dus nas yongs su 'dzin pa'i dam
pa brgya phrag mang po'i zhabs la bsam sbyor gnyis kyis tshul
bzhin bsten te/ gsung rab rab 'byams mtha' dag

la; dang por rgya che ba'i thos pa btsal te/ bar du gzhung don
gdam par shar ba'i mdzad pa bla na med pas nyin mtshan kun tu
nyams su blangs pa'i rmad byung thugs rje'i 'od snang la brten
nas bsil ldan gyi ljongs 'dir mnyam med bu ram

shing pa'i bstan pa'i yang snying dpal dga' ldan phyogs las rnam
par rgyal ba gser mdog cod pan 'chang ba'i mdo sngags kyi ring
lugs dri ma med pa'i bstan pa 'di nyin mo ltar gsal bar mdzad pa
yin zhing/ rje rgyal ba gnyis pa'i dngos

slob gnam gyis sa bkab pa lta bu'i mkhas shing grub pa'i dbang
phyug zhing rdul gyi grangs las 'das pa mang du byon pa rnams
kyi nang nas 'phrin las namkha' {?} dang mnyam pa'i byams chen
chos rje shAkya ye shes zhes 'phrin las kyi

gdugs dkar po gcig gis nor 'dzin gyi khyon kun yongs su khyab
par mdzad pa'i rgyu mtshan brjod kyis mi lang zhing/ mgon de'i
gdams pa'i bcud kyis chim par mdzad pa'i mkhas grub chen po gung
ru ba rgyal mtshan bzang po la

sogs pa'i dam pa du mas mnyes bzhin du rjes su bzung ba'i lung
dang rtogs pa'i yon tan rgya mtsho'i mnga' bdag/ dus gsum gyi
byung ba dang/ 'byung gyur gyi shes bya'i gnas la mngon mkhyen
thogs pa med par 'jug pa'i nges

@5a @#/ /pa don gyi kun mkhyen byang chub 'bum zhes 'phrin las
kyi dbyar rnga'i grags snyan srid pa'i khong las brgal ba'i dam
pa de nyid/ shar phyogs mtha' 'dul gyi gtsug lag khang chen po
'bum rnam snang zhes bya ba'i gtsug

lag khang gi nye 'dabs su/ rigs rus phun sum tshogs pa la sku'i
skye ba bzhes te na tshod chung ngu'i dus nas bod yul rdo rje
gdan du byon te/ khams gsum chos kyi rgyal po tsong kha pa chen
po yab sras kyi zhabs la gus pa chen pos btud

de/ mdo rgyud dgongs 'grel mtha' dag la sbyangs pa mthar phyin
pa'i sgrub pa snying por mdzad pa'i sgrub 'bras bstan pa la phan
pa'i phyir/ rtsa ba'i bla ma'i bka' lung bzhin ser smad thos
bsam nor bu'i gling zhes chos kyi sde chen po 'di phyag

'debs par mdzad cing/ kun mkhyen chen po rang nyis kyis slob
dpon mdzad nas 'chad rtsod rtsom gsum la sogs pa'i mdzad pa bla
na med pas bshad sgrub kyi bstan pa dbyar mtsho ltar 'phel bar
mdzad/ de nas mkhas grub bye ba'i byung

gnas ser smad thos bsam nor bu'i gling 'dir rje btsun byams pa
mgon pos sngon slob pa lam gyi gnas skabs su khams gsum 'khor
ba'i rigs drug gi 'gro ba mtha' dag la thugs brtse ba chen pos
dgongs te/ gzhan don du

smon pa ji ltar mdzad pa'i byams pa'i smon lam zhes yongs su
grags pa'i sgrub mchod ji ltar byung ba'i tshul ni/ gangs ri'i
'phreng ba'i do shal gyi yongs su bskor ba'i ljongs 'dir thub
bstan spyi dang/ khyad par 'jam mgon rgyal ba

@5b gnyis pa'i mdo sngags kyi bstan pa la bka' drin mtshungs zla
ma mchis pa'i ^rgyal dbang thams cad mkhyen gzigs chen po ngag
gi dbang phyug blo bzang rgya mtsho 'jigs med go cha thub bstan
lang tsho'i sde dpal bzang po nyid dang/

mgon de'i 'phrin las rgya mtsho'i gos can gyi pha mthar spel ba'i
thugs smon mthu stobs kyi go cha shin tu btsan zhing/ sa chen po
la dbang ba'i stobs kyi 'khor los bsgyur ba gau shri bstan 'dzin
chos kyi rgyal po mchod yon nyi zla zung gi

spyan ras kyi gzigs pa bla na med pas bskyangs pa'i bstan pa
bstan 'dzin dang bcas pa la shes nas dad pa thob pa'i mer gan
chos rjes dad pa dwang blangs kyis ^rgyal dbang thugs rje'i bdag
nyid can bstan 'gro'i mgon du bgrang yas

bskal pa'i bar du zhabs pad brtan par bzhugs nas zab rgyas chos
'khor rgyun chad med par bskor ba de la brten nas 'gro kun chos
'byor bde skyid kyis 'tsho ba sogs la dmigs ^gong sa mchod yon
gyi thugs rjer byung ba'i rgyu dngos

rnams chud ma zos par gnas chen khyad par can lha ldan sprul
pa'i gtsug lag khang du ser smad bla grwa 'dus tshogs rnams spyan
drangs te/ byams smon gyi sgrub mchod 'di gsar du btsugs pa'i
mchod gzhis su/ sger dar rgyas rab brtan

bskang {?} gcig phul zhing/ de nas rim gyis dge 'dun gyi sde
'phel rgyas che bar brten lo lo bzhin grwa tshang rang du sbyin
bdag che phras bsnyen bkur te chag med tshugs shing/ rnam dkar
legs tshogs ji bzhin 'grub pa'i mthu las rje

@6a @#/ /btsun byams pa gmon pos dus dang gnas skabs thams cad du
dgyes bzhin rjes su 'dzin par 'gyur ba'i tshul ni/ 'jam mgon chos
kyi rgyal po tsong kha pa chen pos byams pa'i bstod pa tshangs
pa'i cod pan ma las/

dwangs pa'i mtsho la 'dam brgya pa ste de nyid la yang nyin byed
'od/ /dag pa'i mkha' la sgyu skar mgon te des kyang kun da'i
tshal la bzhin/ /mtshan dpe'i 'phreng bas gang sku mthong ma thag
tu 'gro ba'i yid 'phrog pa/ /byams mgon zhabs

pad skye zhing skye bar bdag gi gtsug na mdzes gyur cig  /ces
gsungs pa ltar/ rje btsun byams pa mgon po'i thugs rje'i nyin
byed 'bum gyi 'od snang gis bdag cag skal ldan gdul bya'i tshogs
kyi blo'i 'dab rgya chos {?} cher bzhad

pa la brten nas mchog thun gyi dngos grub bde blag tu thob par
'gyur zing/ der ma son pa'i tshe rabs kun tu yang mtshan dpe'i dra
bas kun nas mdzes pa'i byams mgon zhabs pad bdag cag rnams kyi
gtsug gyi rgyan du gyur

te 'bral med rjes su 'dzin pa ni/ byams pa lung bstan pa'i mdo
las/ shAkya seng ge'i bstan pa la/ bslab gzhi yang dag blangs
nas ni/ ji ltar bsrung zhing rab sgrub na/ /nga yi bstan la
lhags pa yin/ /zhes gsungs pa ltar/ rje

btsun byams mgon sngon 'khor los bsgyur ba'i rgyal po gser mdog
can du gyur ba'i tshe/ sangs rgyas gser zangs 'od kyi drung du
byang chub mchog tu thugs bskyed/ sangs rgyas rin chen gdugs
'jig rten du byon pa'i tshe/

@6b dge slong blo gros bstan par gyur nas srog chags bye ba
khrag khrig 'bum phrag sum cu rtsa drug byams pa'i ting nge
'dzin la bkod cing/ rang nyid kyang byams pa'i ting nge 'dzin la
gnas nas grong dang grong khyer/ tshong 'dus dang yul 'khor

la sogs pa'i khyim gyi sgo'i them pa la zhabs bzhag pa tsam gyis
sems can rnams byams pa'i ting nge 'dzin la bkod pas byams pa
zhes pa'i mtshan slob mi slob kyi gnas skabs thams cad du chags
par gyur

cing; bsod nams dang ye shes kyi tshogs dpag tu med pa goms pa'i
mthu las/ nam zhig tshe lo brgyad khri'i dus su byams mgon nyid
kyi bstan pa dbus 'gyur rdo rje gdan gyi spo la rgyas bar gyur
pa'i tshe/ chos kyi

'khor lo bskor ba'i 'khor gyi thog mar gyur te/ ^rje btsun gyi
phyag g.yas so so'i yan lag mchog la byin gyis brlab bzhin par
bla med byang chub mchog tu lung bstan nas/ zung 'jug sku bzhi'i
go 'phang

myur du thob par 'gyur ba ni/ 'jam mgon bla ma'i thugs sras rje
dge 'dun grub pa'i zhal nas/ nam zhig rdo rje'i gdan gyi ri bo'i
spor/ /byams mgon nyin byed dbang po shar ba'i tshe/ /bdag gi blo
gros padmo kha phye

nas; ;bskal bzang bung ba'i tshogs rnams chim byed shog  /de tshe
rgyal ba byams pa rab tu dgyes/ /phyag g.yas bdag gi mgo la
bzhag bzhin du/ /bla mde byang chub mchog tu lung bstan nas/
'gro kun

@7a @#/ /don du sangs rgyas myur thob shog  / ces gsungs pa
ltar/ byams pas dam bcas pa'i smon lam dang/ gzungs sngags khyad
par can 'di rnams tshul bzhin sgrub pa'i thar 'dod kyi lus can
rnams

la bshad ma thag pa'i phan yon bsam gyis khyab pa gdon mi za bar
'byung ba la nges pa rnyed pa'i dad pa dang rtson pa shugs drag
pos byams pa'i smon lam gyi sgrub mchod rlabs po che 'di nyid
^rgyal ba'i bstan

pa rin po che nam gnas kyi bar ser smad thos bsam nor bu'i gling
gi chos kyi sde chen po 'di nas kham tshan bcu dang/ bod pa mi
tshan bcas res skor gyis 'gan 'khur te lo ltar chag med byams
smon sgrub mchod gtong

bzhin yin na'ang/ phyis su dge 'dun gyi sde 'phel rgyas shin tu
che zhing/ gong gsal kham tshan mi tshan rnams kyis sgrub mchod
rlabs po che 'di ltar gtong ba la g.yeng bas grwa tshang gi 'chad
nyan sogs la cung zad gnod

pas/ bsgyur byed ces pa sa phag lo grwa tshang rang gi bla ma
khri gdan zur/ gzims khang/ spyi so bcas kyi gnyer pa/ kham tshan
dge rgan/ grwa bgres lugs zung gi rnam dpyod yangs pa rnams
tshang 'dzom gros mthun gyis byams smon

sgrub mchod khur len gyi gnyer pa zur bskos zhig byung na snyam
pa'i thugs 'dun ltar/ grwa tshang gi bla ma khri gdan zur/ las
sne/ grwa dmangs dang bcas pa thams cad kyis mgrin gcig gi sgo
nas/ khri chen chos kyi rgyal po shI la wA gindra

@7b dpal ldan er te ne no min han chen por byams smon sgrub
mchod khur len gyi gnyer {?} zur bskos byung na grwa tshang rang gi
'chad nyan la phan pa ma zad/ kham tshan/ mi tshan gyi grwa dmangs
kyang thugs zos bde ba bcas kyi rgyu mtshan nan

gyis zhus pa la co ne tsha rdor khang gi khri chen no min han
nyid nas thugs dgyes pa chen po dang bcas sde pa'i sdod gnas su
spyil bu nub gsar gzigs kyi sa char theg chen khang gsar gsar
rgyag gi mthun rkyen dang/ ljags bkod

phun sum tshogs pas brgyan te/ theg chen khang gsar steng shod
bar gsum/ rta ra/ shag 'khor/ shing ra dang bcas pa sbyor gnang
deb gsal ltar gyi thog  / 'dzin thebs su rgya dngul rta rmig ma
lnga dang/ gtong thebs la dngul TaM srang

bdun brgya dang lnga bcu/ ngos nas no min han chen por mig
bskyangs kyis phul ba'i snye thang 'or ma tshang gi dbang rigs
bdag thob dang/ nyi thang ba'i sa zhing bcas byams smon mchod
thebs su sbyar chog pa zhes bka' gnang ltar

'jags gnas kyi 'byed khra gtan tshigs dang bcas gsar sbyar deb
gsal gyi steng/ snga phyi'i gtong thebs kyi dngul dang/ bogs
shas sogs sbyor 'jags rim byung gi thog nas/ byams pa'i smon lam
chen mo lo lo hor

zla bcu gcig pa'i tshes nyer lnga'i dgongs ja nas/ hor zla bcu
gnyis pa'i tshes dgu'i zhogs ja tshogs skor gcig gi bar chad med
tshugs rgyur/ tshes nyer lnga la dgongs ja gsum dang/ tshes 3 {?}
drug nas hor zla bcu gnyis pa'i

@8a @#/ /tshes dgu'i zhogs ja tshogs thengs gcig bar/ nyin ltar ja
thug bcu gsum re dang/ tshes dgu la ja thug 'os ris la cha bzhag
pa'i/ tshes nyer lnga'i nyin snga phyi 'tshams par bzhugs 'ding gi
mkhar rnga'i brda byung

ba dang/ dam pa'i chos 'dul ba dang mthun par tshogs yongs nas
'ding rgyag gis rang rang gi bslab gral bzung/ dung brda dang po
byung ba dang/ nyer mkho'i yo byad bsnams te/ zla gam dang dbu
zhwa legs par bzhes nas ku co'i sgra skyungs

te dal bus phebs/ dung brda gnyis pa byung dus/ grwa khang gi
gzhung sgo chen mo dang/ ltag sgo'i 'gag bcas par rgan rim gyis
bzhugs/ dung brda gsum pa dang lhan cig mkhar rnga'i brda yang
phul/ rgyal sgo phan tshul phye ste dmigs

brtse ma gsungs bzhin bar rgan rim gyis phebs nas/ tshogs dmangs
gral la 'khod zin pa/ mkhar rnga'i mthil brdungs zin pa/ dbu
mdzad nas zhal 'don gyi dbu len pa rnams dus mtshungs tshogs thams
cad la dgos/ yar tshoD

gral la 'khod nas ja gsum gyi thog dge sems khyad par can gyi
ngang nas rgyud 'khul nges kyi bar dbyangs dang bcas byams smon
tshar gcig gsungs/ de nas zhabs brtan dang chos spyod bab bltas
kyis gsungs/ bca' yig snyan

sgrog zhus te bla ma dge bskos nas byams smon gyis mtshon pa'i
gang ci'i tshogs gtams zhib rgyas 'bul/ chab btang ba dang/ gtor
'bul gyi zhal 'don grub nas tshig bcad kyi mtshams su dbu zhwa
bzhes te/ gral mjug nas rim

@8b bzhin tshogs dal bus grol/ tshogs bar rnams su chos rwa dang/
spyi khang so sor dam bca'/ rtsis bzhag skyor sbyangs sogs bstan
pa'i mig rgyan la phan pa byed/ nyer drug nas nyin ltar tshogs
skor bzhi re'i dbang du byas nas/ snga tshogs la

dung brda gsum rim bzhin phul/ dge 'dun pa rnams rang rang gi
spyi khang nas nye bar mkho ba'i 'tsho ba'i yo byad rnams legs
par 'du bgyid de bag med pa dang ca co'i sgra rnams spangs te/
rgan rim gyis grwa khang du bzhugs/ gral la 'khod

nas thog mar gnyen po stobs bzhi tshang ba'i dmigs rim dang 'brel
ba'i sgo nas ltung bshags dang/ gtso rgyal ma tshar gcig rgyud
dang 'dres nges par gsungs/ de nas grwa ja dang po gtong/ spyan
'dren khrul gsol gyi tshigs bcad

chog sgrigs la thun mong ma yin pa'i dbyangs dang bcas gsungs/
de rjes gnas bcu bstan rgyas ma/ bzang spyod/ byams smon/ thog
mtha' ma/ bdud bzhi rab bcom ma bcas dang/ nam lang gong byams
smon tshar bco lnga re 'gro nges dang/ chab

btang nas/ gtor 'bul gyi rim pa sogs gong mtshungs/ gdan bzhes la
dung brda gnyis phul te/ gong ltar yar tshogs/ gral la 'khod nas
ja gsum gyi zhal 'don thog mar dmigs brtse ma tshar gnyis dang
por bar dbyangs dang/ gnyis par

thun mong ma yin pa'i dbyangs chen dang bcas te gsungs/ de rjes
bla brgyud gsol 'debs zhabs brtan tshigs bcad 'os ris la bar
dbyangs dang/ skye ba kun tu ma thun mong ma yin pa'i dbyangs
dang bcas pa/ 'dren pa mnyam med sogs ja

@9a @#/ /mchod ring ba gsum la res skor gyis thun mong ma yin
pa'i dbyangs dang bcas te gsungs/ ja rgyab sher snying tshar gsum
bzlog bcas/ de rjes sa lam skabs gsum/ rje'i gsang rnams/ rnam
dag gangs ri ma/ bde chen lhun

grub ma rnams res skor gyis thun mong ma yin pa'i dbyangs chen
dang bcas/ de rjes rgyal sras byams pa 'jam dbyangs gnyis kyi
bstod chen gnyis res skor dang/ 'jigs byed smon lam/ bstod sprin
rgya mtsho gsungs skabs byams pa'i

smon lam bcas gsungs/ chab btang nas gtor ma 'bul ba sogs gong
mtshungs/ gung tshigs la dung brda gnyis/ gong ltar yar tshogs/
gral la 'khod nas ja thug gsum gyi thog  / zhal 'don thog mar
byams smon tshar gcig dang/

rtogs brjod 'dun legs ma nas bskul 'tshams 'os rigs/ de nas rten
'brel bstod pa/ zab yangs ma/ gsang 'dus smon lam bcas/ chab
btang nas gtor 'bul sogs gong mtshungs/ dgongs ja la dung brda
gsum/ gong ltar yar tshoD/

gral la 'khod nas grwa ja gsum gyi thog  / zhal 'don thog mar
sgrol ma tshar gcig dang/ sgrol gsol yan lag bdun pa dang/ legs
bris ma res skor tshigs bcad dang bcas pa/ de nas zhing mchog sgo
'byed ma dang/ sa gzhi byin rlabs

bcas la bar dbyangs/ spyan 'dren ma lus sems can ma la thun mong
ma yin pa'i dbyangs chen dang/ snyan gsan/ khrus khang bskyed
pa/ khrul gsol sogs grwa tshang rang gi 'don sgrigs rgyas bsdus
mchod dbyangs res skor gyi mjug tu skye ba

@9b kun tu ma la thun mong ma yin pa'i dbyangs dang/ de rjes
ltung bshags tshigs bcad dang bcas pa/ chos spyod thung ba zhig
la dbyangs dang/ yon tan gzhir gyur ma gsungs/ de rjes bla ma
nas bsngo ba/ bstan 'bar ma/ bde can smon lam bcas la

mthun 'gyur dang/ ji srid thub mchog ma gsungs nas/ shAkya'i
dbang po zhes pa'i mtshams su dbu zhwa bzhes te/ bkra shis kyi
tshigs bcad gsum thun mong ma yin pa'i bar dbyangs dang bcas
gsungs nas grol chung mdzad de/ yar tshogs nas

gdugs dkar mchog grub ma dang/ 'jigs byed skad cig krong bskyed
byas te gtor ma byin rlabs/ gtor 'bul cha gsum sher snying bzlog
bcas/ bstan 'bar ma rnams gsungs/ dmigs gsal khrul gsol sogs
rgyas bsdus dbu mdzad

nas babs bltas dang/ sbyin bdag gi zhal 'don dmigs gsal byung na
'gro nges byed/ rgyun gtan yang chos spyod zhabs brtan sogs 'don
rgyun gang yin rnams nyams chag tu mi 'gro khyad res skor gyis
tshems lus med pa byed/ byams

smon mchod dbyangs gsung bzang nges lnga dge bskos dbu mdzad
byams smon gnyer pa rnams gros thog nas bsko/ mgon khang du
byams smon ring kham tshan mi tshan bcu gcig nas bskang gso ba re
gtong/ 'gyed dang tsha bra/ tsha gzigs sogs

kyi skal ba rnams 'gyed gtong rtsa tshig zur gsal bzhin gtong ba
las/ lhag pa blangs mi chog  / 'gyed dang tsha bra yod skabs su
bla brang nang zan dang/ grwa tshang bla zur/ stod sngags bla ma
khri gdan zur/ gzims khang/ spyi so/ byams smon pa/

@10a @#/ /dkon gnyer/ ja tshul ba/ shing gnyer/ sprul sku che khag
gi zla bo re re tsam bla ma dge bskos nas babs bltas gnang ba
zhu gnang gis tshogs mjug ngos bsher gyis ngo skal re gtong ba
las gcig la gnyis 'gran

gyis skal len du mi yong/ rung khang du ja mas mgo 'og lus chug
gis ja dpon/ shing gnyer/ chu len/ me 'bud/ chos gnyer/ sbyin
bdag gi rogs byed rnams las/ gcig la gnyis 'gran gyi brten 'khor
mi byed/ grwa ja'i 'debs

tshad grwa ja rer ko tse sbag phyed longs nges dang/ shan ja yin
na ja sbag tshad longs re/ mar khal bzhi re la cha bzhag pa'i ja
mas gtsang sbra gang che dang/ ja thug lag 'bras thon nges dge
'dun gyi zhabs 'gyur gang che byed/ nyung ja'i mar dang

chos thog skabs gtor bsos kyi mar bcas sngar rgyun gyi tshad las/
lhag ngo 'dzin gyis gtong len mi byed/ byams smon gnyer pa bsko
bzhag skor/ grwa tshang bla ma las sne thun mong nas snga sor
byams smon khur len kham tshan mi tshan

bcu gcig gi khongs nas 'os tho khams bod gnyis re bsdus te/
gnyer pa bod zung 'brel re bsko bzhag ji srid bar dgos tshul
ltar/ 'di lo yer pa rab 'byams pa bskal bzang 'jam dbyangs dang/
smar nyung rab 'byams

pa blo bzang bstan 'dzin gnyis bsko bzhag bgyis pa'i srol rgyun
'di ji srid bar sor gnas dgos rgyu dang/ gnyer pa sdod rgyun lo
bdun re'i bar dge 'dun gyi zhabs 'gyur hur bskyed ngo so thon pa
byas nas/ nang brjes rim shugs

@10b sogs zhu gnang mi byed/ tshogs chen dge bskos kyang snga sor
byams smon khur len gyi kham tshan gzhung pa/ spom 'bor ba/ tsha
ba/ yer pa/ tsha rdor/ smar nyung/ kong po/ gtsang pa/ a ra/ the
po/ bod pa mi tshan bcas bcu gcig res bab gang

yin las 'thol ba lang mi chog cing/ dge bskos kyang grwa sa'i
bsgrigs lam nges shing/ mi bab shes yong yod nges kyi 'os tho
nas gzhung bskos byed/ khyad par byams smon skor gyis mtshon dus
dang rnam pa kun tu bla brang nas bla rabs riM

pas grwa tshang gi lha rten chos gsum/ mchod rdzas sogs grwa
tshang gi yo byad thams cad la do dam gang drag dgos rgyu dang/
khyad par chos 'jig rten gnyis kyi sgo nas grwa tshang gi 'dzin
skyong tshul bzhin bgyid pa ma gtogs/ spyi rdzas

la bag med kyis spyad mi chog  / rgyun du chos thog skabs rtsis
bzhag chag med btang nas/ rtsis bzhag rgyugs len sogs grwa tshang
gi zhabs 'degs la gang phan bgyid pa las/ zol 'jog gtan nas byas
mi chog cing/ grwa pa slob

gnyer ba rnams blo rdzogs che chung gi khyad par 'byed pa'i
phyir/ blo rdzogs kyi rgyugs yang yang blangs nas/ dbyer thon pa
rnams la bab 'brel dang bstun pa'i bdag rkyen byed/ dge 'dun
dmangs nas kyang dpe cha 'dzin skyor/ rtsod grwa/ kha

ton dge sbyor sogs la brtson zhing/ sgrigs lam kun spyod kyi rim
pa theg pa khur len skal ldan dang ba 'dren pa'i mig rgyan du
'gro ba las sgrigs lam ras bor khyim pa bsun 'byin gyi rigs su
'gro ba'i kun spyod ngan pa gtan

@11a @#/ /nas mi byed/ bla mas chos thog gtso bor bton pa'i chos
bar rnams su'ang rtsis bzhag gtong ba la gang brtson/ 'chad nyan
gnad du 'gro ba'i rting bskul/ ming btags ster sbyin sogs la'ang
grwa tshang gi bsgrigs

lam ltar gleng bsre/ rig grwa/ lha rams pa bcas slob gnyer bzang
rim la sprod pa las/ zhu ngo sgron brgyud dang/ nye dga' phyogs
skyor sogs su gtan nas ma song ba byed/ 'jig rten gyi ngos nas
phogs ja tshul gyis mtshon pa'i

gtong sgo ring thung/ sbyin bdag gi ngo len/ mi ser gyi 'go
'dren sogs phyi nang gi lar rgya gang cir grwa tshang gi zhabs
'degs la slebs che dkyus ring gang legs byed/ de mtshungs dge
bskos nas kyang ngo mdzes sla bcos pho thug la ma

'dzem par bca' yig gi gzhung bsrangs pa'i sgrigs lam gnon cing/
dpe cha 'dzin skyor rtsod grwa'i rting bskul/ rgyugs len pa/
rigs che chung gi tshogs lang slob gnyer bzang rigs la sprod pa
sogs bla ma dang khur sems

gcig pa'i mthun 'gyur gang 'gro byed/ phyi nang gi las don gal
che'i rigs las sne rnams gros mthun gyi legs lam gang che byed
cing/ mdor na ^rgyal dbang gong mas stsal ba'i tshogs chen bca'
yig rab gsal nor bu'i me long

dang; rtsa tshig rim stsal gyi dgongs don g.yo med ngos/ ser smad
thos bsam nor bu'i gling gi dam pa gong ma rnams kyi sgrigs lam
chu lam zhugs dang/ rdo lag brgyud kyi thun mong ma yin pa'i
sgrigs lam rnams nyams chag tu mi

@11b 'gro zhing/ ^rgyal bstan spyi dang rje btsun blo bzang
grags pa'i bshad sgrub kyi bstan pa rin po che dbyar gyi chu
gter ltar 'phel ba'i thabs tshul la 'bad par 'tshal/ smras pa/ dus
gsum rgyal ba sras bcas ma lus pa'i/ /gsang ba

mi zad chos kyi gan mdzod nas/ /thon pa'i nor mchog bsam 'phel
dbang gi rgyal/ /'dul gzhung lhag pa'i tshul khrims las gzhan ci/
/de yi blang dor spyi dang bye brag rnams/ /ston byed bca' yig
thar lam gsal byed pa'i/ /nyi ma

'od zer stong ldan 'di shar mthus/ /'dul khrims padmo'i 'dab
brgya bzhad gyur cig  / khyad par thub bstan snying po zhwa ser
gyi/ /lugs bzang phyogs dus kun tu rgyas pa dang/ /thos bsam nor
bu'i gling chen 'dis mtshon pa'i/ /phyogs bcu'i

dge 'dun sde rnams thugs mthun cing/ /khrims btsang bshad sgrub
mthun rkyen dang bcas te/ /yar ngo'i zla ba bzhin du 'phel ba
dang/ /'gro rnams gnas skabs chos 'byor bder 'god cing/ /mthar
thug rnam mkhyen go 'phang myur thob shog  /

myur mdzad las gshin rnam thos sras la sogs/ /bstan srung spyi
dang tha 'og chos rgyal gyi/ /'phrin las rnam bzhis g.yel med
bskyangs pa'i mthus/ /bde legs bkra shis rgya mtsho 'phel gyur
cig  / de ltar chos sde chen po se ra

theg chen gling gi nang tshan smad grwa tshang thos bsam nor bu'i
gling gi bca' yig thar lam gsal bar byed pa'i nyi ma zhes pa 'di
nyid/ rje rgyal ba gnyis pa'i rgyal tshab dam pa khri chen rdo
rje 'chang er te ne no min han rin po che nas sgriD

@12a @#/ /lam kun spyod skor zin bris dang bcas te bskul ma gnang
ba bzhin/ ^shAkya'i dge sbyong blo bzang bstan pa'i dbang
phyug 'jam dpal rgyal mtshos legs par sbyar ba lha'i skad du
sarba ba tI ste/ stod 'grel

'grel {?} las bsil ldan gyi ljongs 'dir kun ldan nam lcags byi lor
'bod pa'i mgo zla ba'i dkar phyogs kyi gral tshes gnyis dge ba'i
nyin gru 'dzin 'phags pa'i gzhal med khang gnyis pa pho brang po
ta la'i

gzims chung nyi 'od 'khyil pa nas bris pa dge legs 'phel// //