@#/ /grub pa'i mtha'i rnam par bzhag pa gsal bar bshad pa thub
bstan lhun po'i mdzes rgyan zhes bya ba las sde tshan dang po
bzhugs so/ /

@01a @##/ /{dd} na mo gu ru mu nIndrA ya/ gang yang rmad byung
yid 'ong snying stobs zad mi shes pa'i spyod pa'i rba rlabs
chal chil g.yo bas rnam dkrigs

pa; ;tshogs gnyis rgya mtsho che las legs 'ongs kun rtog sgrib
pa'i sprin bral zab cing rgya che'i legs bshad gzi 'od 'bar/
/smra ba ngan pa'i mun pa mtha'

dag ma lus 'jig rten rgud pa kun dang lhan cig drung nas 'byin
mdzad pa/ /thub dbang smra ba'i nyi ma tshad ma'i ston pa gang
de'i zhabs rdul bdag gi gtsug

tu kun tu mdzes gyur cig /rgyal ba'i myu gu bye ba'i dbus na
rgyal ba'i dam chos 'dzin pa la/ /rgyal ba'i dbang po kun gyis
mgrin gcig rgyal ba nyid

bzhin rab bsngags pa/ /rgyal ba'i rgyal tshab mi pham mgon dang
rgyal ba'i yab gcig 'jam dpal dbyangs/ /rgyal ba'i sa chen ma
mnan de srid rgyal ba {dd}

@02a @##/ /{dd} ji bzhin bshes su bsten/ /rtogs par rab dka'
thub pa'i gsung gi gnad/ /rnam pa gzhan du 'dren pa'i mtha'
bkag nas/ /sgrub dang sun 'byin rigs pas

gsal mdzad pa/ /klu sgrub thogs med rjes 'brangs bcas la 'dud/
/bde bar gshegs pa'i gsung rab bye ba'i gnad la nam yang blo
gros 'khrul pa'i dri bral zhing/ /'phags bod mkhas  grub du
ma'i blo yis 'bad kyang ma lcigs rigs lam stong gi snying nas
'dud/ /mnyam mad mgon po de yi legs bshad kyi/ /ma smad bdud
rtsi mchog gi bgo skal la/ /lhag

rgyas las kyang rnam par sangs rgyas blo bzang grags par byang
chub bar du snying nas 'dud/ /mnyam mad mgon po de yi legs
bshad kyi/ /ma smad bdud rtsi mchog gi bgo skal la/ /lhag

par spyod pas rgyal sras dam pa yi/ /mched zlar gyur pa de dag
kun la 'dud/ /blo bzang rgyal ba'i thugs gsang dpal gyi be'ur
yongs gtams legs bshad nor bu'i phung po ni/ /'gro la {dd}

@02b {dd} lhag par brtse ba'i 'od zhags ring pos gcig tu
bzlums pa'i ya mtshan gzi 'bar ba/ /bshad sgrub chos kyi rgyal
mtshan rtse mor 'god mdzad stobs bcu mnga' ba'i ye shes nyi
ma'i dngos/ /

dri med lugs bzang padma dkar po'i tshal 'byed gang der bdag
yid dang ba lan brgyar 'dzin/ /mkhyen dang brtse ba'i dpal ni
rgyal sras dam pa gzhan las ches 'phags pas/ /stobs bcu

mnga' ba rnams kyang btang snyoms bgyid pa'i cher snyigs 'gro
ba la/ /ma smad snying stobs go cha brtan pos bdag nyid mgon
po zla med par/ /ston mdzad 'gro ba'i bla ma blo bzang bskal
bzang

rgya mtshor snying nas 'dud/ /rten 'brel ma lus chu nang zla
ba'i snang brnyan bzhin du mngon sum gzigs/ /bdag pas gzhan
gces byang chub thugs 'byongs ting 'dzin mdzod la mnga' brnyes

pa; ;rgyal sras spyod pa'i pha rol phyin gyur legs bshad rin
chen bye ba'i gter/ /mnyam med drin can ngag dbang mchog ldan
zhabs zung mgo bos lan brgyar mchod/ /che ba'i blos kyang {dd}

@03a @#/ /{dd} brgal dka' bde bar gshegs gsung rgya mtsho cher/
/bde blag nyid du 'jug byed rnam dpyod 'phrul gyi gru bo che/
/brtse bas sbyin pa'i thabs mkhas mchog gi bka' drin

stsol mdzad pa/ /bdag gi bshes gnyen bcu phrag zhabs zung
snying gi padmor bsten/ /srid pa'i gcong rong zab mo ru/ /bye
ba phrag brgya'i ngal ba yis/ /rnam par gtses pa'i ngang tshul
la/ /

lhag par sun pa'i blo ldan dag /'di las thar ba'i thabs ni ci/
/thabs ma yin pa gang zhig yin/ /yang dang yang du sems pa ni/
/las su bya ba dam pa lags/ /lto ba 'geng ba'i

cho ga tsam/ /snying por rlom pa'i bgyi ba la/ /'bad pas
brtson pa lhur len pa/ /de dag phyugs dang bye brag ci/ /de
lta lags na lam dang lam min pa/ /ji bzhin 'byed pa yang dag

rigs pa'i lam/ /ma nor ji bzhin shes la rag las pas/ /tshul 'di
'chad la bdag ni spro bar gyur/ /sngon dus nor 'dzin bu mo'i
lto ba ru/ /mkhas mchog bye ba'i bad tshal bzhad {dd}

@03b pa'i tshe/ /skal ldan bung ba'i tshogs rnams spro bzhin du/
/de dag 'dun sar legs bshad sbrang rtsis ngoms/ /da ni dus kyi
'gyur ba ni/ /snyigs mar spyod pa'i srin mo yis/ /khros ba'i
bzhad gad bsgrags pa bzhin/ /

blo ldan snying la 'jigs skyed gyur/ /de phyir blo yi nus pa
dman pa dag /rang gi nyes pas nongs pa'i btsog chu yis/ /dam
pa'i legs bshad yan lag brgyad ldan chab/ /rnam par slod la
rings ba bzhin du'ang gyur/ /

phyogs lhung 'khyog po'i yid ldan dag /ji srid rang dang ma
mthun pa/ /de srid drang srong mchog nyid kyi/ /gsung la'ang
mos pa'i skabs ma mchis/ /des na yang dag pa dang ltar snang
gi /dbye ba ji bzhin phyed pa dkon bsan/ /

dam pa rnams kyang bas mtha'i nags tshal du/ /snying las chung
ngur gzhes pa nyid la spro/ /de yi phyir na bdag gis 'dir/
/gzhan la phan bsam re ba med/ /bdag nyid legs par bshad pa
la/ /goms pa lhur len

tsam du zad/ /ci ste rang gi ston dang bstan pa la/ /rigs pa'i
lam nas drangs pa'i dad pa ni/ /tshig tsam min pa snying nas
skyed 'dod pa'i/ /rnam dpyod can 'ga' yod na tshul 'dir nyon/
/bdag cag rnams kyi ston pa ni/ /

rten cing 'brel par 'byung ba'i gtam/ /seng ge'i nga ros
sgrogs mdzad pa/ /thub pa'i dbang po zhes byar grags/ /mgon
des grol ba don du gnyer rnams la/ /gang du ji ltar mnar ba'i
sdug bsngal dang/ /gang gis de

@04a @#/ /ltar mnar ba'i de yi rgyu/ /ci zhig de las thar ba'i
ngo bo dang/ /ci yis de las thar ba'i thabs rnams ni/ /yang
dag rigs pa'i lam nas 'doms mdzad pas/ /zhi ba'i lam ni drang
po rab gsal

ba/ /bdag cag rnams la mngon sum bzhin du gyur/ /rmongs pa'i
'khrul pas dbyen spyos pas/ /rang gi blo gros ches 'khrul ba/
/ser skya gzegs gzan rkang mig sogs/ /log pa'i 'dam du bying
ba yi/ /ston pa de dang

de dag gi /gzhung lugs rnams ni tshul 'di yis/ /rtab par
bsgrags pa'i ca co dang/ /mtshungs pa'i gnas su gsal bar bkod/
/de che tshangs pa yis kyang bsgrun dka' ba'i/ /bsod nams skal
bar ldan pa'i skye po

rnams/ /thub pa'i zhal gyi sgo las legs 'ongs pa'i/ /bdud rtsi
mchog gi ro ni myong bas ngoms/ /nam zhig mgon po mchog de ni/
/zhi ba'i dbyings su gzims pa na/ /de yi bdung rtsis rab
bskyangs pa'i/ /'phags

pa'i tshogs rnams de dang des/ /bstan pa dam pa'i rgyal mtshan
ni/ /skye bo dag gi rtsa lag tu/ /'gyel ba med par bzung ba
yis/ /sa 'di skal ba bzang por bsgrubs/ /gang tshe ston pa'i
gsung la rab zhugs kyang/ /theg

pa mchog gi bgo skal dman pa 'gas/ /shin tu zab pa'i mdo don
ma lcig par/ /blo gros dman pas bshung ba de yi tshe/ /rgyal ba
nyid kyis bdag nyid kyi/ /gsung rab 'byed la tshad ma'o zhes/
/bsngags pa'i

@04b me tog 'thor mdzad pa/ /dpal mgon klu yi dbang po yis/
/gsung rab kun gyi drang dang nges pa'i don/ /rigs lam bye
ba'i sgo nas legs par phye/ /yod dang med pa'i mtha' bral zab
mo'i don/ /gzhan du drang du med pa'i bka' drin mdzad/ /de

cha rgyal ba nyi ma'i gnyen/ /rang gi bstan la bgyi ba ni/
/sgrub la slar yang 'ongs pa bzhin/ /theg mchog tshul ni gsal
gyur to/ /de nas sngon gyi rgyal ba la/ /lhag par bya ba byas
pa yis/ /dam chos 'dzin pa'i sman lam mthu/ /ches cher grub
pa'i

thogs med kyis/ /rgyal ba'i gsung rab nyid la brten pa yis/
/rmad byung rigs pa'i lam ni gnyis pa yi/ /gzung 'dzin gnyis
su med pa'i rnam rig gi /shing rta'i srol chen legs par phye
zhes grags /nyi ma zla bar rab mtshungs pa'i/ /shing rta'i srol

zung mtsho chen las/ /legs 'ongs paN grub pad dkar 'phreng/
/'phags yul mdzes rgyan tshar du dngar/ /nam zhig lugs bzang 'o
ma'i mtsho/ /kai la sha ljongs rdzing bu'i ngogs/ /skal ldan
bsod nams bser bu yis/ /rnam par bskyod

cing lud pa na/ /mkhas mchog zhi ba srung ba dang/ /grub pa'i
rje ba mtsho skyes zhabs/ /mi rja zur phud lnga pa yi/ /rnam
'dren dad pa'i dad dpon gsum/ /der ni skal ldan bye ba'i bsod
nams kyi/ /kyo bas nye bar bkug bzhin lhan cig gzhes/ /

de las drang srong dam pa'i spyod tshul la/ /rnam par gzhol
ba'i rnam sad gzhon nu'i tshogs/ /ji ltar chos bzang 'dun sa
na/ /mi pham gsung skyes dam pa'i tshogs/ /snyems pas rol bzhin
de na yang/ /de lta'i dga' bas ya mtshan 'dzin/ /re

@05a @#/ /zhig cig na tshul de la/ /rnam par 'khu ba'i yid ldan pa/
/chu srin rgyal mtshan gyis mngags pa'i/ /skye bo mkha' 'gro'i gdong
can 'gas/ /drang srong gsung nyid gzhan du 'dren pa yi/ /lta
ngan mi gtsang spags pa'i

mchu ring po/ /mi rigs than skad sgrogs bzhin lugs bzad 'di'i/
/nor 'dzin 'gram par phyis pas rnam par bslad/ /der yang gangs
can skye bo yi/ /bsod nams rta bdun gyis drangs pa'i/ /padma'i
ngang tshul nyin byed ni/ /de nyid bsal phyir der

ni chas/ /rigs tshul rdo rje'i tsha zer gyis/ /log smra 'byung
po'i bya tshogs kyi/ /klad pa'i bum pa dral byas shing/ /thub
bstan 'dab brgya bzhad par mdzad/ /de nas dus ring zhig na de
lta'i ya mtshan dge legs nor bu'i dpya/ /skyes bu'i

bsod nams zong gis 'gugs pa'i dus kyi dbal ni rtul ba na/ /rig
pa'i sngags ni brlang por 'dzin pa'i spyod tshul dri ma'i ra ri
yis/ /yang dag lta spyod shel gyi gong bu rnyog por bgyid la
mngon du phyogs/ /slar yang dus dman gshong bu ru/ /'gyel

ba'i lugs bzang ha ri'i ljon/ /gyen du slong ba'i rig sngags
mkhan/ /smon lam mthu grub lha'i bla mas/ /dad pa'i ba dan
phyang phrul ni/ /snying stobs brtan pos bzung ba gang/ /rnam
gnon tshul gyi ngos dag tu/ /lan cig min par g.yabs pa las/ /

lnga rig nor bu'i dra ba byang chub thugs kyi sman mchog dang/
/lhan cig thugs gsang dpal gyi be'ur yongs gtams phul byung
zhabs/ /bdag gis 'dir ni rgyal ba'i mdzad pa nges par sgrub
snyam du/ /bkra shis rkang pa dal gyis bgoms pas der ni lhags

@05b zhes grags/ /shin tu zhi ba'i spyod tshul gos/ /rnam par
bgos pa'i dam pa des/ /drang por smra ba'i lam gsum 'bab/
/zhal gyi sgo las rnam par skyugs/ /log pa'i tshad tshing drungs
phyung nas/ /drang srong lam bzang padma'i tshal/ /myur bar
skyed bsrings

dga' ston gyis/ /rdzogs ldan dpal mo slar yang bkug /'jig rten
blang dor ston pa'i mig gcig pu/ /skyes mchog rin chen bzang
po'i dpal mnga' dang/ /gsang ba bla med chos kyi rdo rje'i
mdzod/ /blo gros snyim par thogs pa'i sgra sgyur sogs/ /

'khor lo bzhi ldan dam pa 'gas/ /'phags yul chos kyi bang
mdzod las/ /blo yi nus pas ci theg gi /dam chos nor bu rnam
par blangs/ /thub bstan dpyid kyi dpal mo ni/ /dbus 'gyur tshal
las rnam 'phos pa/ /kha ba ri pa'i sa phyogs su/ /gtan

du 'khyil ba'i rtse dga' bzung/ /rnam par dge ba'i rmad byung
zur mig ma/ /log par bgoms pa'i skyes bu'i goms stabs la/
/rangs par ma gyur da ni 'di nyid las/ /gzhan du 'gro snyam
'khyog por bgrod pa na/ /stobs bcu mnga' ba'i rje bor gyur
pa'i yab

gcig mkhyen pa'i gter de ni/ /myur ba myur bar dbang sdon zur
phud gser zhun khu bas rab byugs nas/ /thub bstan mdzes dga'
ma yi yid kyi brtan pa nyams par mi 'gyur slad/ /dag ba'i
zhing gi mkha' las gangs ri'i sman ljongs ngogs su lding bzhin

gshegs/ /gang gi mkhyen pa'i lhun po yis/ /shes bya'i dkyil
'khor mtha' dag ni/ /yungs 'bru'i tshad du byas pa yis/ /rgyal
ba rnams kyang skyengs zhes grags/ /bde bar gshegs gzhung chu
klud bye ba ni/ /de yi blo gros rdzid bu 'geng ba'i slad/ / 

@06a @#/ /nyin mtshan kun tu 'bad pas babs gyur kyang/ /gang
thugs ra bar dog pa'i skabs ma mchis/ /de yi zhal gyi padmo
las/ /legs 'ongs legs bshad sbrang rtsi yis/ /ngoms pa'i mkhas
grub rkang drug tshogs/ /rigs/

pa'i dar dir sgrog pa yis/ /dza' ti'i rkang 'thung 'khrigs ba
nas/ /chu yi mdzod 'dzin sngo sangs ma'i/ /ral pa rnam par
'gongs pa'i bar/ /bar mtshams med par 'gengs par byas/ /cir
yang mi sems chu shing la/ /snying por re ba'i byis pa yis/ /

rang mtshang sgrog pa'i ca co rnams/ /ming gi lhag ma nyid du
gyur/ /thabs shes gshog zung rnam par bskyod pa yis/ /srid
pa'i rgya mtsho'i pha rol phyin byed pa/ /rgyal sras ngang pa'i
khyu tshogs 'di mthong bas/ /bdud sde'i yid la mya ngan dka'
thub

bsten/ /thub pa'i dbang po klu yi zhabs/ /'jam dpal dbyangs
zhes grags rnams kyis/ /gsang ba'i gtam ni ma lus pa/ /'di
nyid sras dang bcas la bstan/ /gna' dus mkhas grub gser ri'i
'phreng/ /ya mtshan brjid bag che rnams kyang/ /

nyi ma'i drung na me khyer dang/ /mtshungs pa'i gnas la 'di yis
bkod/ /'dul ba 'bum sde'i gzhung gi don/ /lag tu len pa'i rim
pa yang/ /'di nyid kho na'i bka' drin gyis/ /gangs ri'i khrod
du rdzogs par gsal/ /rig pa'i dbang phyug las

'ongs pa'i/ /rigs pa'i glog 'phreng stong dag kyang/ /'di yi
zhal gyi chu 'dzin las/ /nyams 'gyur bye bas rdzogs par 'khyug
/phyi nang grub mtha'i khyad par gyi/ /phra ba'i gnas rnams re
re bzhin/ /rigs lam brgya las legs drangs pa/ /

@06b ma 'dres bzhin du gsal bar bkra/ /rgyal yum sbas don
snying po'i bcud bzang po/ /rim pa bdun gyi rgya yis bcings pa
yang/ /'di yis dka' ba med par legs bkrol nas/ /blo ldan
snying gi bdud rtsi nyid du mdzad/ /mtha' dang bral ba'i lta
ba

zab mo dang/ /dpag par dka' ba'i gsang sngags bla med tshul/
/sus kyang gsal bar ma nus gnas de ni/ /'di yis mngon sum
bzhin du 'gro la bstan/ /snyigs ma las kyang ches snyigs ma'i/
/ngang tshul mngon par brtas gyur kyang/ /thub

pa'i gsung gi gsang ba ni/ /da dung ma nyams 'di yi drin/ /de
phyir 'di yi ring lugs ni/ /thub pa'i gtam gyi tshul yin te/
/'di las gzhan du gyur pa dag /byis pa 'drid pa'i zlos gar
yin/ /de lta lags na da dung tshul 'di la/ /tshul bzhin

spyod pa'i bgo skal smos ci dgos/ /legs par mos pa'i skal
ba'ang phra ba rnams/ /nges par rang gi las kyis nongs las ci/
/de phyir gang zhig mkhas pa'am/ /'on te mi mkhas pa yang
rung/ /rang rang nus pa ci yod kyis/ /tshul 'di nyid la

'jug par rigs/ /rigs pas legs par grub pa'i lugs/ /blo ldan
rnams kyi 'jug ngogs te/ /mi rigs pa'am the tshom gyi/ /gnas la
dpyod ldan su zhig 'jug /sde snod gsum gyi dgongs pa'i don/
/'gal ba med cing legs gnas

pa; ;gang du nges par yod pa de/ /drang srong chen po'i bstan
pa yin/ /bslab pa gsum gyi sgrub pa ni/ /skyon dang bral bar
legs gnas pa/ /gang gi phyogs la mchis gyur pa/ /de ni sangs
rgyas bstan pa yin/ /thabs dang shes rab legs 'brel

@07a @#/ /zhing; ;stong nyid snying rje'i snying po can/ /gang
du legs par gnas gyur pa/ /de ni theg chen bstan pa yin/
/mtha' dang bral ba'i lta ba dang/ /dpyad 'jog cha mnyam sgam
ba dang/ /mdo sngags bshad sgrub 'gal med sbyod/ /

de ni bstan pa skyon med yin/ /thos bsam phyogs su ma song
zhing/ /gzhung lugs gdams par shar ba yis/ /mnyan 'os rigs
pa'i lam smra ba/ /de nyid la ni mkhas pa zar/ /nyon mongs
dbal ni chogs pa dang/ /rang dang gzhan rgyud 'dul bar

nus/ /lta sgom 'khrul bral gdangs ldan pa/ /de nyid la ni grub
pa zar/ /mkhas pas grub pa ma bcom zhing/ /grub pas btsun pa
ma bcom par/ /bstan la phan pa sgrub pa la/ /skyes bu dam pa
zhes kyang zer/ /de phyir gang la 'jug par bya ba'i

gnas/ /de la ji ltar 'jug par bya ba'i tshul/ /zhugs las 'bras
bu ji ltar 'byung ba rnams/ /ma nar shes pa mdun ma'i gtso bo
yin/ /de ltar rgyal ba'i bstan pa yi/ /rim pa cung zad brjod
pa 'di/ /'chad par 'gyur ba'i bstan bcos kyi/ /ngo

mtshar gtam gyi gleng gzhi yin/ /gang gi zab brlid dam gnag blo
yi rgya mtsho gting mtha' bral bzhin snang ba'i 'jug ngags su/
/mtha' yas legs bshad bya ba'i chu klung rigs lam dbu ba'i
'dzum pa ci yang rgod bzhin du/ /rgyun chad med par

'bab pa'i dga' ba snying la gnas pa de yi kha yi sgo dag las/
/dus mtha' 'dir yang legs bshad 'od 'phreng bye ba 'gyed pa'i
ya mtshan 'di la da ltas shig /gang yang bdag lags su 'dod pa'i
blo gros kyi nor dang ldan pa rnams ni ji ltar na bdag

@07b nyid snying du mi sdug pa'i dngos po rnam pa sna tshogs pa
nyams su myong ba'i srid pa'i 'brog dgon pa chen po 'di nyid
las yongs su thar bar 'gyur ba dang/ de'i thabs yang dag pa ni
gang/ thabs ma yin pa ni gang snyam du so sor rtog cing dpyod
pa la 'jug

par rigs te/ grol ba don du gnyer ba rnams kyi las su bya ba'i
gtso bo ni 'di 'ba' zhig tu zad pa'i phyir ro/ /de bas na thub
pa nyi ma'i gnyen gyi bstan pa kho na thar 'dod kyi 'jug ngags
bla na med pa yin par nges pa gting nas rnyed pa la lugs 'di
nyid

gang las khyad par du 'phags pa'i grub pa'i mtha' dag gi tshul
dang/ de las ji ltar khyad par du 'phags pa'i tshul rnams 'ol
spyi tsam ma yin par shes dgos te/ gzhan du na bdag cag gi
ston pa'i lugs ni ches khyad par du 'phags pa'o zhes

smras kyang tshig tsam du zad par 'gyur ba'i phyir dang/ rang
gi ston pa dang bstan pa la'ang rigs pa'i lam nas drangs pa'i
dad pa brtan po mi skye ba'i phyir ro/ /don gyi dbang 'di
gzigs nas dbu ma rgyan las/ blo nor ldan pas lugs gzhan la/
/ji

ltar snying po med mthong ba/ /de ltar de dag skyob pa la/
/gus pa shin tu skye bar 'gyur/ /zhes dang/ khyad par 'phags
bstod las/ mu stegs gzhan gyi gzhung lugs la/ /ji lta ji ltar
rnam bsams pa/ /de lta de ltar mgon khyod la/ /bdag gi

yid ni dang bar gyur/ /ces so/ /des na rang gzhan gyi grub
pa'i mtha' rnams kyi rnam par bzhag pa cha long tsam zhig 'dir
bri bar bya'o/ /de la gnyis/ spyi'i rnam par bzhag pa dang/ so
so'i rnam par bzhag pa'o/ /dang po la/ grub mtha'i sgra don/

@08a @#/ /ngo bo/ /phyi nang gi khyad par/ ming gi rnam grangs/
grangs nges dang lnga/ dang po ni/ spyir grub mtha'i tha snyad
mdo las kyang gsungs shing/ {singdd+hyA} zhes pa'i skad kyi
byings las bstan bcos dang dam tshig dang yang dag pa rtogs

pa sogs la 'jug par bshad kyang 'dir ni rang gi blo ngor yang
dag pa'i gnas lugs sam don gyi gnas tshul ni 'di nyid las gzhan
du med do snyam du rigs pas grub pa'am thag bcad pa'i cha la
bya ste/ {singdd+hi} grub pa dang/ {anata} mtha' yin no/ /gnyis
ba

ni/ rnam rtog gis sgro btags pa'i cha gzhan bzlog nas rang gi
blo ngor rigs pas don gyi gnas tshul yang dag par grub pa nyid
grub mtha'i ngo bo'o/ /tshul de rigs pa'i lam nas smra bas na
grub mtha' smra ba'o/ /de yang sems can gyi rigs ni gnyis te/

grub pa'i mtha' lam zhugs pa dang zhugs pa'o/ /dang po ni/
/rigs pas sbyar ba'i gzhung lugs lam brtan par rang dgar tshe
'di'i bde ba tsam don du gnyer ba'o/ /phyi ma ni de tsam gyis
chog par mi 'dzin par rang gi blo ngor 'thad pas sbyar ba'i
gzhung lugs

la brten nas dngos po'i gnas tshul la dpyad nas blang dor byed
pa rnams yin te/ phyi nang gi grub mtha' smra ba rnams kyi tha
shal ba mu stegs rgyang 'phen pas kyang phyi nang gi rgyu
'bras rnams yod med dpyod pa la zhugs nas rigs pa ltar snang
la yang dag pa'i

rigs par rloms nas rang gi gzhung 'dzugs pa'i phyir ro/ /gsum
pa ni/ phyi nang gi khyad par tsam ni dkon mchog gsum skyabs
gnas yang dag tu khas len pa la chos 'di pa dang de ltar khas
mi len pa la chos 'de pa ma yin par 'jog pa yin la/

@08b khas len tshul yang byang chub lam rim las 'byung ba ltar
dkon mchog gsum gyi yon tan shes pa/ khyad par shes pa/ khas
blangs pa/ gzhan du mi smra ba bzhi'i sgo nas skyabs su 'gro
ba'o/ /phyi nang gi khyad par skyabs 'gros 'byed pa 'di ni

dpal {shanti} pa dang mnyam med jo bo chen po dang rje bdag
nyid chen po'i bzhed pa yin te gnad shin tu che'o/ /'o na
sangs rgyas 'phags pa'i thugs rgyud na skyabs su 'gro ba'i blo
yod dam zhe na rang nyid 'jigs pa mtha' dag las grol zin mod
kyang spyir mi

gnas pa'i myang 'das srid zhi'i 'jigs pa las skyob pa'i skyabs
yang dag par grub pa'i tshad ma ni yod pas mi 'gal lo/ /'on
kyang phyi nang gi grub mtha' smra ba'i khyad par na dkon
mchog gsum skyabs gnas yang dag tu khas len par ma zad lta ba
bkar

btags kyi phyag rgya bzhi khas len pa'i grub mtha' smra ba ni
rang sde dang/ de ltar khas mi len pa'i grub mtha' smra ba ni
gzhan sder 'jog pa yin te/ rang sde gnas ma bu pas brjod du
med pa'i gang zag khas len tshul dang/ de grub mtha' gang du
gtogs

pa'i tshul dpyad pa ni 'og tu 'chad par 'gyur ro/ /gzhan dag na
re/ gang skyabs su 'gro ba des ni nges par phyag rgya bzhi
khas len dgos te/ mya ngan las 'das pa'i ngo bo dang de thob
byed kyi thabs rnams tshad mas nges nas skyabs su 'gro dgos
pa'i phyir ro/ /

des na khyad par phyi ma sbyar bas ci zhig bya/ gang gsum la
skyabs su 'gro ba de ni grub mtha' smra ba por yang 'gyur bar
des so zhe na ma yin te/ dad pa tsam gyi dbang du byas nas
skyabs su 'gro ba dang 'khor ba mtha' dag la yid 'byung ba ma
yin pas kyang rang

@09a @#/ /nyid ngan 'gro'i 'jigs pa las skrag nas skyabs su
'gro ba tsam 'dzin pa'i dge bsnyen du gyur pa yod pa'i phyir
dang/ ji srid phyag rgya bzhi'i tshul rigs pa'i lam nas smra
bas ma yin pa de srid du chos 'di ba'i grub mtha' smra bar

mi 'jog pa'i phyir ro/ /zur phyi ma ni 'jam dpal grags pas/
bye brag smra dang mdo sde pa/ /rnal 'byor spyod pa dbum pa'i/
/grub mtha' gang zhig chos sogs kyi/ /chigs bcad sangs rgyas
phyag rgyas btab/ /ces so/ /de bzhin du mdo rgyud du ma

zhig las phyi nang gi grub mtha'i khyad par lta bas 'byad par
gsungs te ma spros so/ /bzhi pa ni/ gzhan sde dang/ phyi rol
ba dang/ chos 'di pa ma yin pa dang/ mu stegs byed rnams ni
rnam grangs te/ chos 'di pa dang/ rang sde dang/ nang ba dang/

sangs rgyas pa rnams ni rnam grangs so/ /mu stegs kyi sgra don
ni/ khyad par 'phags bstod kyi 'grel pa las/ mu stegs ni thar
pa dang/ mtho ris kyi lam ste/ de ston par byed pa'i bstan
bcos la mu stegs zhes bya la/ de byed bas na mu stegs

byed do/ /zhes rang ngar thar pa dang mtho ris kyi lam ma ma
'jug dogs sam thabs su 'du shes pa'i tshul de ston pa'i bstan
bcos 'dzin pa dang spel ba la mu stegs byed du bshad de sgra
bshad pa tsam yin gyi khyab pa ni min no/ /la la dag/ gzhi
'grel

las/ gang dag la chu klung du 'jug pa'i thar pa'i lam yod pa
'di dag ni mu stegs can no/ /zhes pa'i don du bsams nas/ 'jug
'gas khrus dang stegs bu byas te/ dor zhugs ba thar pa ste bde
'gro'i rgyur smra ba de byed pas mu stegs byed ces bya

@09b gsungs kyang/ gzhing grel gyi lung de mu stegs can gyi
sgra bshad yin min brtag cing gang dag thar ba mu dang de'i
stegs khad nye ba'i lam byed pas mu stegs bas zhes zer ba yang
'thad par ma mthong ste/ {tirthi} ka'i sgra 'jug dogs su 'jug
par sgra sbyor bam

gnyis las bshad mod kyang de tsam gyis sgra bshad pa la go don
ci yang med do/ /lnga pa ni/ gzhan sde la rig ba'i dbang phyug
gis/ log pa'i lam la mu med phyir/ /zhes gsungs ba ltar/ lam
dang lam ma yin pa rnam par 'byed pa'i blo gros dang bral

ba rnams kyi lta ba ngan pa la 'di 'byung dang 'di mi 'byung
zhes pa'i kha tshon gcod dka' bas mtha' yas mod/ mdo sde las ya
mtshan can gyi lta ba dgu bcu rtsa drug dang/ lung ma bstan gyi
lta ba bcu bzhi/ lta ngan drug cu re gnyis dang/ dam pa min

pa'i lta ba nyer brgyad dang/ lta ngan nyi shu sogs bshad la/
slob dpon legs ldan 'byed kyi rtog ge 'bar ba las/ de yang lta
ba'i dbye ba brgya rtsa bcur gyur la de'i thad kyi dbye ba ni/
sangs rgyas pa dang/ 'dzin pa med pa dang/ 'tsho ba pa dang/

lo ma can dang/ gtsang sbra can dang/ khyab 'jug pa dang/
khyab 'jug sams ba pa dang/ dbyi gu gsum ba dang/ ko lpags dum
bu can dang/ mnyam par dpyod pa dang/ lha mchog ba dang/ chos
kyi mchog sbyin can dang/ gdung ba can dang/

lag pa gdung ba can dang/ rgyal por smra ba dang/ rgan por sma
ba dang/ me yo a ti ri dang/ rigs dang rjes su mthun pa dang/
bcings nas 'dug pa dang/ 'khor lo skyong ba dang/ ral gnas pa
dang/ rgyal po'i bsod snyoms can dang/ glang po'i

@10a @#/ /rgyal mtshan can dang/ klog can dang/ nang can dang/
rta 'dul ba dang/ ka lan ta ka pa dang/ snod gtsang ma can
dang/ slong mos rgyu ba dang/ yan lag thams cad ral ka'i nang
du gtum pa dang/ sgron ma lhag pa can dang/

gser can dang/ grub par smra ba dang/ dbang po chen po dang/
zha nye can dang/ nam mkha' 'byung ba dang/ shing rta mang po
can dang/ don thams cad pa dang/ bsam gtan la dga' ba dang/
chos can pa dang/ zas grang mo can dang/ phrag pa'i gos

can dang/ phru ba gcig pa dang/ byang phyogs kyi 'gram na gnas
pa dang/ lho phyogs kyi 'gram na gnas pa dang/ dung gi sgra
can dang/ lha rten sbyin ma'i bu dang/ lus la gnod pa med pa
dang/ kun tu gnod pa med pa dang/ sna tshogs lta ba dang/

ka kan 'da' ba dang/ gcod pa ba dang/ lha'i grong ba dang/ gos
med pa dang/ sa khung na gnas pa pa dang/ zla ba phyed pa pa
dang/ chos sems pa dang/ ma la gus pa pa dang/ pha la gus pa
pa dang/ zla ba shar ba pa dang/ nyi ma shar ba pa dang/ lag

par za ba pa dang/ snying gis 'tsho ba dang/ 'das par gyur pa
pa dang/ phung po gsum pa dang/ gnyis pa dang/ gsum gyis 'tsho
ba dang/ 'jug pa pa dang/ grangs can gyi rnal 'byor can dang/
'ug pa pa dang/ nags na gnas pa dang/ be'i kha

nas pa dang/ ba lang khyi lugs dang/ tshangs par spyod pa dang/
spyod pa po dang/ phyugs bdag pa dang/ gau tam pa dang/ zhib
ma can dang/ shin tu khrus byas pa dang/ mtshe'u yi 'gram na
gnas pa dang/ 'tsho ba pa dang/ 'khor ba las grol ba dang/

@10b thog ma pa dang/ 'thor byed pa dang/ bar dwa ce pa dang/
ba sha'i grangs can pa dang/ ba dan 'ja' ba pa dang/ lha mchod
pa pa dang/ gzhan la mi 'dud pa dang/ gos kyi dum bu can dang/
'ug pa'i gshog pa can dang/ lan gsum du chur 'jug

pa dang/ 'gal bar mi byed pa dang/ mes po can dang/ mkha'
lding pa dang/ khyim gyi ra ba na gnas pa pa dang/ mchog gis
mchog pa dang/ gcer bu gnyen gyi bu pa dang/ 'gengs byed pa
dang/ dge sbyong ba dang/ ka ta ya'i bu dang/ lhag spyod kyi
bu

dang/ ba lang gi brtul zhugs can dang/ ri dwags kyi brtul
zhugs can dang/ rta'i brtul zhugs can dang/ khyi'i brtul zhugs
can dang/ gsol ba mi 'debs pa'i brtul zhugs can dang/ zhib
mo'i brtul zhugs can dang/ mo'i brtul zhugs

can dang/ gzhon nu'i brtul zhugs can dang/ mthong ba'i chos la
mya ngan las 'das par smra ba dang/ chu las skyes pa'i phreng
ba can dang/ so'i rtun brdungs can dang/ rdo 'thag pa pa dang/
yang dag par khrus byed pa dang/ chus yang dag par lta ba

dang/ skyed gnas dag pa pa dang/ las kyis dag pa pa dang/ chu
la byi 'dzul byed pa dang/ dgon pa pa dang/ sa dang chu dang/
me dang rlung dang/ nam mkha' sems yod par lta ba la sogs pa
lta ba sum brgya drug cu rtsa gsum po thams cad kyang rgyud

nas 'ongs pa rgyun cad pa med pas thams cad kyang rang gi dam
tshig las grags pa'i lung gis bsngags par brjod pa la shin tu
dpa' bas rgol bar byed do/ /zhes 'byung/ legs ldan phyi mar
grags pa'i dbu ma rin chen sgron ma las kyang lta ba'i dbye ba

@11a @#/ /sum brgya sogs yod tshul bshad mod/ de thams cad kyang
rtag pa dang chad par smra ba gnyis su 'du bar mdo rgyud du ma
las gsungs shing shing rta chen po dag gis bzhed do/ /bod kyi
mkhas pa snga ma pal che ba'i gzhung

las grangs can pa/ phur bu pa/ bye brag pa/ rig pa can pa/ gcer
bu pa ste rtag par smra ba'i rtog ge'i sde lnga dang/ chad par
smra ba rgyang 'phen pa ste sde drug tu bshad la/ kha cig ni
rgyang 'phen pa/ grangs can pa/ khyab 'jug pa/ dbang

phyug pa/ gcer bu pa ste lngar mu stegs pa kun 'dus so zhes zer
ro/ /phyis kyi rang re'i mkhas pa dag de rnams bkag nas spyir
gzhan sde nyer lnga yod pa dang bod du 'gyur ba'i gzhung rnams
su gsal bar bshad pa bcu gnyis su bzhed cing/

slob dpon zhi ba 'tsho'i tshad ma'i de kho na nyid bsdus pa dang
kun btus rtsa 'grel sogs la brten nas chad smra gcig dang rtag
smra bcu gcig gi rnam gzhag gsungs so/ /sngon dang phyis kyi
mkhas pa de dag phal mo ches mu stegs pa'i lugs de dag

thams cad kyi rtsa ba ni grangs can pa dang gzhan rnams de las
gyis bar 'dod cing de yang 'jug pa las/ za po rtag dngos byed po
min pa'i bdag  yon tan bya med mu stegs rnams kyis brtags/ /de
dbye cung zad cung zad la brten nas/ /mu stegs

can rnams lugs ni tha dad 'gyur/ /zhes pa rtsa 'grel gyi dgongs
par 'dod do/ /'on kyang 'jug pa rtsa 'grel gyi don ni grangs can
pas btags pa'i bdag de'i khyad par cung zad snon 'bri'i tshul mi
'dra ba tha dad pa la brten nas mu stegs pa gzhan

@11b rnams kyis bdag gi sgro 'dogs lugs mi 'dra ba sna tshogs yod
par gsungs pa yin gyi grangs can las mu stegs kyi lugs gzhan
mtha' dag gyes par 'chad pa min la/ de yang grangs can gyis
btags pa'i bdag rigs pas 'gog tshul shes

na mu stegs gzhan rnams kyis bdag gi khyad par btags pa rnams
'gog tshul shes sla bar dgongs nas de ltar gsungs pa yin no/ /de
yang 'jug pa rang 'grel las/ bdag gi khyad par cung zad cung zad
la brten nas mu stegs can rnams kyi lugs

phan tshun tha dad par 'gyur ro/ /zhes gsungs pa dang/ rje bdag
nyid chen pos 'jug pa'i rnam bshad du rang 'grel gyi lung de
drangs nas de'i mjug thogs su zhes gsungs pas gzhung de'i lugs
kyi grangs can de'i dbye ba la brten nas mu stegs kyi lugs so
sor

gyes par 'chad pa ni don ma go ba'o/ /zhes gsungs so/ /des na
grangs can gyi lugs las mu stegs gzhan rnams gyes par 'dod pa
'jug pa rtsa 'grel dang/ rje bdag nyid chen po yab sras kyi
dgongs par 'chad pa ni zhib tu ma brtags pa'o/ /

'jug pa rtsa 'grel dang rje yab sras kyis grangs can pas shes
bya nyer lnga 'dod tshul bshad kyi mu stegs pa'i lugs nyer lnga
yod par ma bshad la/ lang kar gshegs pa'i mdo las gzhan sde nyer
lngar bshad ces gsungs pa yang mdo der mu

stegs pa'i 'dod pa brjod pa'i skabs su kha cig ces pa nyer gnyis
las ma byung zhing de'i dang po la gsum du phye yang nyer lnga
ma tshang bar 'dug pas 'gig dka'o/ /rtsa she'i TIka chen dang
stong thun chen mor grangs can las gyes pa nyer lnga yod pa'i

@12a @#/ /tshig gcig byung mod kyang mu stegs pa'i lugs thams cad
grangs can las gyes pa dang spyir mu stegs pa'i lugs nyer lngar
grangs nges par ma gsungs so/ /des na spyir mu stegs pa'i lugs
mang du yod pa rnams kyi gzhung

mang po bod du ma 'gyur ba dang gong du bshad pa ltar lta ba
ngan pa grangs kyis mi lang ba yod pas na gzhan sde la mtha'
gcig tu grangs nges tshul rje bdag nyid chen po yab sras kyi
gsung rab rnams su ma byung bas grangs nges gzung du 'chad par
mi 'dod

la; mu stegs kyi lugs byung ba'i rim pa ni khyad par 'phags
bstod kyi 'grel pa las bskal pa dang po'i dus kyi tshe lo chad
med pa na bram ze ser skya zhes bya ba zhig gis grub pa'i mtha'
rnam par bzhag pa'i bstan bcos brtsams par bshad pa

dang/ slob dpon legs ldan 'byed kyi rtog ge 'bar ba las/ de yang
'di skad grag go /mchod 'os kyis rang gi 'khor 'dus shing tshogs
pa grangs can la sogs pa mu stegs byed rnams la rang gi blos
brtags pa'i grub pa'i mtha' thams

cad byin zin pa dang/ de nas phyis tshangs pa yang phyin par gyur
pa na/ des de la smras pa/ tshangs pa chen po bde bar byon/ /shin
tu 'phyi bar 'dir 'ongs so/ /bstan bcos thams cad byin zin pas/
/khyod kyis rig byed 'di longs shig

ces bya ba dang zhes gsungs pas ser skya dang mchod 'os kyi
gzhung snga bar mngon zhing 'on kyang mu stegs gzhan rnams de
dag las gyes pa'i khyab pa ni med de/ drang srong rnams kyis
rang rang gi blos snyoms 'jug dang rtog ge la brten pa'i grub
pa'i

@12b mtha' so sor bshad par shing rta chen po rnams kyi gzhung
las 'byung bas so/ /bdag cag gi ston pa'i dus su ni/ rengs byed
kyi bu lhag spyod la sogs pa snyoms 'jug pa drug  bram ze rgyus
rgyal la sogs pa rjes sgreg pa drug  'od srungs

rdzogs byed la sogs pa rtog ge pa drug ste/ mu stegs kyi ston pa
bco brgyad yod par bshad do/ /des na 'dir ni de dag las grags
che ba rnams kyi lugs 'phags yul paN chen rnams kyis 'gog tshul
mdo tsam 'chad par 'dod pas/ chad

par smra ba ni/ rgyang 'phen pa dang/ rtag par smra ba ni grangs
can pa/ tshangs pa ba/ khyab 'jug pa/ dpyod pa ba/ dbang phyug
pa/ bye brag pa/ rig pa can pa/ gcer bu pa ste brgyad du bsdu
bar bya ste/ gzhung la lar ser skya pa dang grangs

can pa so sor bshad kyang nang gses kyi dbye ba yin pas mi 'gal
zhing mkhas pa'i dbang po ka ma la shI la sogs kyis de gnyis
don gcig tu bshad pa'i phyir dang/ brda sprod pa/ rig byed mtha'
pa/ gsang ba pa rnams ni tshangs pa pa'i 'dod

pa dang phyogs mthun pa dang tshangs pa ston par byed pa dang
tshangs pa'i lung la brten par mtshungs pa'i phyir logs su ma
bgrang ngo/ /rang gi sde pa ni/ bye brag smra ba dang/ mdo sde
pa dang/ sems tsam pa dang/ dbu ma pa ste bzhir grangs nges par

mdo rgyud du ma nas bshad cing khyad par rdo rje snying 'grel
las/ sangs rgyas pa yi bzhi pa dang/ /lnga pa thub pa'i dgongs
pa min/ /zhes grangs nges par bshad cing slob dpon 'phags pa
lhas/ sangs rgyas chos ni rnam pa bzhir/ /yid 'dod

@13a @#/ /rnams kyis mngon mthong ste/ /bye brag smra la sogs
pa'i lam/ /bshad pa'i de nyid sgrub pa po/ /zhes gsungs so/
/byung ba'i rim pa ni la la dag bka' bsdu ba gsum pa'i rjes su
bye brag smra ba dang mdo sde pa/ slob

dpon klu sgrub kyi dus su dbu ma pa/ 'phags pa thogs med kyi dus
su sems tsam pa byung ba yin la de'i sngon du grub mtha' bzhi'i
tha snyad med par 'dod pa ni mi 'thad de/ mkha' 'gro rgya mtsho//
dgyes rdor gyi rgyud brtag gnyis/ dus 'khor gyi rgyud/

rdo rje a ra li'i rgyud sogs las grub mtha' bzhi'i tha snyad
gsungs pa'i phyir ro/ /'on kyang grub mtha' bzhi ga'i bdag med
phra rags 'dod tshul gyi rim pa dang mdo sde'i dgongs pa len tshul
sogs sangs rgyas zhal bzhugs dus nas yod na'ang grub

mtha'i nang gses kyi 'dod tshul phra mo mang po zhig ni rang rang
gi slob dpon rnams kyis gzhung brtsams pa'i rjes nas byung bar
byas na legs par mngon te zhib par ma spros so/ /de ltar grub
mtha' bzhi las bye mdo gnyis theg dman grub mtha' smra

ba dang/ dbu sems gnyis ni theg chen grub mtha' smra ba yin la/
bod snga ma kha cig theg dman grub mtha' smra ba dang theg dman
gang zag gnyis don gcig pa dang/ theg chen grub mtha' smra ba
dang theg chen gang zag gnyis don gcig par

'dod pa ni mi 'thad de/ /nang pa'i grub mtha' smra ba yin na lam
zhugs kyi gang zag yin pas khyab par thal ba dang/ nyan thos
'phags pa rnams kyis kyang theg pa chen po'i lam dang 'bras bu'i
chos mang po zhig la skur pa 'debs par thal ba sogs

@13b nyes pa du ma yod pa'i phyir/ de ltar grub mtha' smra ba
bzhir nges pa yang/ slob dpon dang/ bstan bcos dang/ bdag med
phra rags kyi lta ba khas len tshul gyis rab tu phye ba yin pas
grub mtha' bzhir nges pa yin gyi nang pa'i grub mtha' smra

ba'i gang zag yin na grub mtha' smra ba bzhi po de gang rung yin
pas ma khyab ste grub mtha' smra ba 'og ma kha cig gis grub
mtha' gong ma'i rigs pa'i tshul la blo sbyangs nas rang gi thun
mong ma yin pa'i grub pa'i mtha' la rigs pa'i gnod pa 'bab par
shes

nas sngar gyi nges shes log na'ang grub mtha' gong ma'i lta ba
la nges shes ma skyes pa'i gnas skabs yod pa'i phyir ro/ /de ni
nang pa'i grub mtha' smra ba'i gang zag ni yin te/ dkon mchog
gsum la skyabs su song zhing lta ba bkar btags kyi phyag rgya

bzhi khas len pa'i phyir ro/ /de lta na yang grub mtha' bzhir ma
nges par mi 'gyur te/ blo phung po gsum pa la gnas pa'i gang zag
des grub mtha' bzhi po gang yang ma yin pa'i grub pa'i mtha'
gzhan zhig rang dbang du byas te dam mi 'cha' ba'i phyir ro/ /

gnyis pa so so'i rnam par bzhag pa la gsum/ gzhan sdes btags
pa'i mtha' dgag pa/ rang sde'i rnam gzhag so sor bshad pa/ de
dag gi grub pa'i don no/ /dang po la gsum/ chad smra dgag pa/
rtag smra dgag pa/ don bsdu ba'o/ /

dang po la 'dod pa dgod pa dang/ de dgag pa gnyis/ dang po ni/
tshe 'di la gang legs tsam gyis chog par smra bas tshu rol mdzes
pa ba/ shi ba'i tshe bdag rgyun chad par smra bas chad smra ba/
las 'bras med par smra bas med smra ba/ drang srong phur

@14a @#/ /bu'i rjes su 'brangs pas phur bu ba'am lha'i bla ma pa/
yang dag pa'i lta ba las ring du song bas rgyang pan pa/ dngos
po rnams rgyu med par ngo bo nyid las byung bar smra bas ngo bo
nyid smra ba'am rang bzhin smra ba zhes zer la/

phyi ma kha cig 'jug stobs ston par smra bas 'jug stabs can ba
zhes kyang grags so/ /'di'i rtsa ba'i grub mtha' ni drang srong
'jig rten mig ces bya bas gzhung lugs 'bum phrag gcig brtsams pa
las byung bar spyan ras gzigs brtul zhugs dang

byang chub bzang po sogs kyis bshad do/ /grub mtha'i dbye ba ni/
slob dpon byang chub bzang pos rnam rtog gi dbang du byas pa
dang gsang tshig gi dbang du byas pa dang chad lta'i dbang du
byas pa gsum bshad pa'i/ dang po gnyis/ sgras brjod rigs

kyis btags pa tsam las rgyang 'phen pa dngos min la/ lang gshegs
las rgyang 'phen pa bcu gcig gsungs pa yang lta ba'i khyad par
la btags pa tsam las dngos min no/ /des na sa sde las bsam gtan
pa dang rtog ge ba gnyis bshad la/

de re re la'ang skye ba snga phyi 'dod kyang las 'bras mi 'dod
pa'i chad smra gcig dang/ skye ba snga phyi dang las 'bras gtan
mi 'dod pa'i chad smra gcig ste gnyis re yod do/ /grub mtha'i
'dod tshul ni/ snyoms 'jug pa dag gis bsam gtan dang gzugs

med sogs thob pa na rang nyid la dgra bcom pa'i 'du shes skyes
la 'chi ba'i tshe ting nge 'dzin las nyams nas gnas 'og mar skye
ba mthong ba na rgyu des 'jig rten na dgra bcom pa dang lam med
do snyam nas skur pa 'debs la/ rtog ge pa dag ni rigs pa

@14b ltar snang la brten nas mngon mtho nges legs kyi rgyu 'bras
la skur pa 'debs par byed de/ de yang sran ma zlum pa dang tsher
ma rno ba dang rma bya'i mdongs kyi rnam pa sna tshogs pa dag sus
kyang 'bad nas byed par ma mthong bas dngos po 'di dag ni rang
gi ngo bo nyid

las byung ba yin gyi rgyu med pa'o zhes zer ba dang/ ser sna can
kha cig phyug pa dang srog gcod pa kha cig tshe ring ba mthong
nas las 'bras med do zhes skur pa 'debs pa dang/ skye ba snga
phyi dag rang gi mngon sum gyis ma grub pas med do zhes skur pa
'debs

par bshad cing yang de'i bye brag kha cig ni 'di ltar smra ste/
gang zhig yod par ma dmigs pa de ni med pa'i tha snyad kyi yul
yin te/ dngos po rnams kyi rgyu ni yod par ma dmigs so zhes pa
dang/ gang zhig res 'ga' ba de ni rgyu med par nges te/ tsher ma
la

sogs pa'i rno ba la sogs pa lta bu'o/ /sdug bsngal la sogs pa
yang res 'ga' ba nyid yin no/ /zhes gtan tshigs 'god par byed do/
/skye ba snga phyi med par bsgrub pa ni/ skyes bu'i rig pa ni
lus las skyes la lus kyang 'byung ba chen po bzhis 'du

byas pa yin pa'i phyir skye ba snga ma med pa dang/ 'chi ba'i
tshe ni lus ni 'byung ba chen po bzhi dang dbang ba ni nam mkha'i
bag la zhi bar gyur te 'jig pa'i phyir 'jig rten pha rol tu 'gro
ba med do zhes skye ba phyi ma 'gog par byed do/ /de ltar yang
slob dpon

'phags pa lhas/ yang gzhan kha cig na re/ phyi nang skye mched
chos rnams thams cad ni/ /ngo bo nyid las grub pa gzhan las min/
/sran zlum skyer tsher gzangs ring rno ba dang/ /rma bya'i mjug
ma mgrin pa'i tshogs bkra dang/ /nyi shar chu rnams

@15a @#/ /thur du 'bab pa rnams/ /ngo bo nyid las grub ste rgyu
yod min/ /zhes dang/ yang kha cig na re/ ma shi bar du bde bar
'tsho/ /shi nas de yi spyod yul med/ /lus kyang thal ba bzhin
song nas/ /slar 'tsho bar lta

ga la 'gyur/ /de phyir snga phyi yod ma yin/ /tshe 'di nyid la
bde ba'i phyir/ /lha mchod 'dre srin mnan byas na/ /btsan phyug
mthu stobs 'grub par 'gyur/ /zhes pa dang/ dpal ldan chos kyi
grags pas kyang/ skye ba yongs su len pa na/ /

'byung rdub dbang po blo dag ni/ /rang gi rigs la ltos med par/
/lus nyid 'ba' zhig dag las skyes/ /zhes dang/ yang dgra bcom
pa'i 'chi sems dper bkod nas 'chi sems yin pa'i rtags kyis rig
pa phyi ma 'tshams mi sbyor bar bsgrub

pa ni/ de nyid kyis/ gang gang 'chi sems de dang de/ /skye ba
gzhan du rjes 'gro med/ /'chi sems yin pa'i phyir na dper/ /nyes
bral 'chi ka'i rig pa bzhin/ /zhes gsungs pa dang/ skyes ma thag
pa'i sems ni sems med pa'i 'byung ba chen

po rnams las skyes pa yin te/ skye ba can yin pa'i phyir/ dper
na chang las myos pa dang me shel las me bzhin zhes pa'i rigs pa
yang smra ste/ dbu ma snying po las/ 'byung ba sems med rnams
las ni/ /shes pa yod pa nyid skye ste/ /skye can

yin phyir myos mthu dang/ /me shel las ni me bzhin no/ /zhes
gsungs pa ltar yin la/ de dag la yang lha la sogs pa'i 'gro ba
gzhan rnams yod kyang rgyud gcig pa mi srid par 'dod pa dang
rgyud gcig pa yod kyang bde sdug myong ba la rgyu med

@15b par smra ba dang/ snyoms 'jug pa rnams kyang rang gi mngon
shes kyis brtags nas tshe 'dir sbyin pa btang ba kha cig tshe phyi
mar dbul por gyur pa mthong nas las 'bras med par smra ba dang/
rang gi mngon shes kyis ma mthong ba'i don rnams la skur pa

'debs pa sogs yod par bshad cing tshad ma ni mngon sum gcig pur
'dod de/ ji tsam dbang po'i spyod yul ba/ /skyes bu'ang de tsam
kho nar zad/ /bzang mo mang thos gang smra ba/ /de dag spyang
ki'i rjes dang 'dra/ /zhes dang/ mdzes ma legs par

spyod cing za bar gyis/ /lus mchog 'di gang de khyod la mi
'byung/ /lus 'di 'tsho bar gyur pa tsam zhig ste/ /'jig ma song
ba ldog par mi 'gyur ro/ /zhes so/ /de ltar lus kyi 'byung ba
bzhi'i khyad par kho na las yid shes skyes shing lus zhig pa na

de yang 'jig pa'i phyir skye ba du mar lam goms par byed pa med
pas thams cad mkhyen pa med pa dang sdug bsngal sogs rgyu med
pas de las grol byed kyi lam dang grol ba med ces thar pa la
skur pa 'debs par byed do/ /blo lus la brten par 'dod pa la

tshul gsum bshad de/ chang dang myos byed kyi nus pa bzhin du lus
kyi bdag nyid du gyur pa dang/ sgron ma dang de'i 'od bzhin du
lus kyi 'bras bur gyur pa dang/ rtsig pa dang de'i ri mo bzhin
du lus kyi yon tan du gyur pa'i sgo nas brten par 'dod

pa'o; ;gnyis pa de dgag pa ni/ thog mar 'jig rten pha rol med pa
dgag par bya ste/ khyod kyis 'jig rten pha rol med par smra ba
'di tshad ma gang las yin/ rjes dpag ni khyod kyis bkag pas mngon
sum yin na 'jig rten pha rol med pa

@16a @#/ /mngon sum gyis ji ltar 'grub/ 'on te 'jig rten pha rol
mngon sum du mthong ba ma yin pa'i phyir ro snyam na 'jig rten
pha rol mngon sum du ma mthong ba de mngon sum yin nam mngon sum
ma yin pa zhig yin/ /mngon

sum mo zhe na mngon sum du mthong ba log pa mngon sum du 'dod na
dngos po med pa yang mngon sum du mi 'gal bar 'gyur ro/ /de ltar
na dngos po med pa yang dngos por thal bar 'gyur te/ 'jig rten
pha rol mngon sum du mthong ba log pa mngon

sum gyi dngos kyi gzhal bya mngon sum pa yin pa'i phyir/ dper na
dngos po bzhin/ de ltar na dngos po yang med par 'gyur te/ dngos
po med pa med pa'i phyir/ zhes pa ni dpal ldan zla ba'i gzhung
las byung ba'i rigs pa dang/ 'jig rten pha

rol med pa ni mngon sum gyis rtogs par bya ba ma yin te/ med
pa'i ngo bo nyid yin pa'i phyir/ dngos po med pa bzhin no/ /rjes
su dpag pas kyang ma yin te/ khyod kyis mngon sum kho na tshad
mar smras pa'i phyir/ zhes pa ni legs ldan 'byed

kyis rtog ge 'bar bar bshad pa'i rigs pa'o/ /blo lus kyi nyer
len yin pa 'gog pa ni/ lus kho na sems kyi rgyu yin na shi ba'i
lus la'ang sems yod par thal bar 'gyur te/ lus yod pa tsam gyis
sems kyi dngos rgyu thogs pa med pa ma

tshang ba med pa'i phyir/ rnam 'grel las/ lus ni gnas pa nyid na
sems/ /ldog pa med pa thal bar 'gyur/ /zhes sogs kyi rigs pa
dang/ blo ni lus la 'bras bu'i tshul du brten pa yang ma yin te/
shes rab la sogs pa phul du byung ba

@16b dang 'grib pa ni lus kyi phul du byung ba dang 'grib pa la
ltos pa med pa'i phyir/ blo lus kyi bdag nyid yin pa'i tshul gyis
brten pa yang ma yin te/ skyes bu de'i blo la yod pa'i yon tan
thams cad skyes bu de'i lus mthong ba'i dbang shes la yang

mngon sum du snang bar thal ba'i phyir ro/ /rtags grub ste/
khyod ltar na lus rtag pa yin pas de dang blo rdzas gcig yin na
cha med rdzas gcig yin dgos/ de ltar na lus sems gcig yin dgos
pa'i phyir ro/ /'di rnams kyang rnam 'grel gyi

rigs pa yin no/ /spyir rgyu med par 'dod pa dgag pa ni/ dngos po
rnams rtag tu yod pa'am gtan med pa'am thams cad las thams cad
skye bar thal bar 'gyur te/ rgyu med cing gzhan la mi ltos pa'i
phyir/ rnam 'grel las/ rgyu med gzhan

la mi ltos phyir/ /rtag tu yod pa'am med par 'gyur/ /zhes dang/
zla ba'i zhabs kyis 'jug pa rtsa 'grel las kyang rigs pa des
bkag go /skye ba snga phyi yod par sgrub pa ni tha mal pa skyes
ma thag gi rig pa dang po chos can/ rang rgyu rig pa snga

ma sngon du song ste/ rig pa yin pa'i phyir/ dper na da lta'i
rig pa 'di bzhin/ tha mal pa 'chi kha'i rig pa tha ma chos can/
rig pa phyi ma 'tshams sbyor te/ sred pa dang bcas pa'i rig pa
yin pa'i phyir/ /tha mal pa 'chi kha'i dbang po tha ma

chos can/ dbang po phyi ma 'tshams sbyor te/ lus la sred pa dang
bcas pa'i dbang po yin pa'i phyir/ zhes pa rnams chos kyi grags
pa/ legs ldan 'byed/ zhi 'tsho rnams kyi gzhung las mthun par
byung zhing/ slob dpon ka ma la shI las/

@17a @#/ /gang 'dod chags dang bcas pa'i sems yin pa de ni/ rang
gis nye bar blang bar bya ba'i sems gzhan skyed par nus pa yin
te/ /chags pa dang bcas pa'i sngar gyi gnas skabs kyi sems
bzhin/ tha mal pa 'chi ba'i

sems kyang 'dod chags dang bcas pa yin no zhes bya ba ni rang
bzhin gyi rtags so zhes gsungs pa ltar ro/ /gtan tshigs 'di dag
gi phyogs chos dang rjes su 'gro ldog gi khyab pa sgrub tshul gyi
gnad rnams zhib tu shes na skye ba snga phyi yod pa sogs la

nges shes 'dren pa la khyad che mod kyang mang bas 'jigs nas ma
bris shing/ dpyod ldan rnams kyis rnam 'grel le'u gnyis pa rtsa
'grel sogs gzhung chen mo rnams su blta bar bya'o/ /kun mkhyen
yod par bsgrub pa ni/ de ltar skye ba snga phyi

bsgrubs pas thams cad mkhyen pa'ang 'grub pa yin te/ skye ba du
mar brtse ba dang shes rab sogs goms par byas pas mtha' med du
'phel bar 'gyur ba'i phyir/ rtags grub ste/ rten brtan pa dang
goms zin 'bad rtsol bskyar ma la mi

ltos par rang gi ngang gis 'jug pa'i phyir/ rten brtan pa yin
te/ sems kyi ngo bo nyid du skyes pa'i yon tan yin pa'i phyir/
goms pa na rang gi ngang gis 'jug par 'gyur te/ brtse ba sogs
goms par byas na blo'i rigs 'dra re re skyed pa la

sngar dang 'dra ba'i 'bad rtsol re re mi dgos par rigs 'dra du
ma rgyun ldan du skye ba'i sems kyi yon tan yin pa'i phyir/
/dper na me la sogs pas shing dag la thal bar ma song gi bar du
ngang gis 'jug pa bzhin/ zhes pa ste rgyas par rnam 'grel

@17b dang/ de'i 'grel pa rnams su blta'o/ /gnyis pa rtag smra
dgag pa la/ grangs can pa dgag pa/ tshangs pa ba dgag pa/ khyab
'jug pa dang spyod pa ba gnyis dgag pa/ dbang phyug ba bye brag
pa rig pa can pa gsum dgag pa/ gcer bu

pa dgag pa ste lnga las/ dang po la 'dod pa brjod pa dang/ de
dgag pa gnyis/ dang po ni/ 'di'i lugs kyi ston pa ni/ drang
srong ser skya dang/ drang srong mchod 'os/ dbang phyug chen
po// ston pa chu klung rnams yin la/ de dbang

phyug gis rjes su bzung bas dbang phyug nag po'i rgyud sum cu pa
dang drug cu pa sogs brtsams par bshad do/ /ming gi rnam grangs
ni/ de nyid nyer lnga'i grangs kyi mtshan nyid shes pa las grol
bar 'dod pas grangs can pa dang/ rang bzhin rgyur

smra bas rang bzhin smra ba/ ser skya ston par 'dzin pas ser
skya pa/ gtso bo rgyur smra bas gtso bo pa zhes zer ro/ /ser
skya pa dang grangs can ba ni/ gzhung chen mo 'ga' zhig tu so
sor bshad kyang grangs can gyi nang tshan zhig la ser skya bar

btags pa tsam yin zhing de gnyis don gcig tu bshad pa yang mang
ngo/ /dbye ba ni 'bras bu rnams rgyu dus na yod pa rkyen gyis
mngon par gsal bar smra zhing de yang gtso bo tsam las 'byung
bar 'dod pa'i grangs can lha med pa dang/ rgyu 'bras rang

bzhin gcig kyang rnam 'gyur tha dad du gyur ba lha chen dbang
phyug gis byin gyis brlabs par 'dod pa'i grangs can lhar bcas pa
gnyis so/ /grub mtha'i 'dod tshul la/ 'di'i lugs kyi shes bya
nyer lnga'i rnam gzhag shes na gting dpog par

@18a @#/ /sla bas de bshad par bya ste/ gtso bo dang/ chen po
dang/ nga rgyal dang/ gzugs sgra dri ro reg bya ste de tsam lnga
dang/ sa chu me rlung nam mkha' ste 'byung ba lnga dang/ ngag
/lag pa/ rkang pa/ rkub/ 'doms kyi

dbang po ste las kyi dbang po lnga dang/ mig /rna ba/ sna/ lce/
pags pa'am lus kyi dbang po ste blo'i dbang po lnga dang/ gnyis
ka'i bdag nyid can yid kyi dbang po ste/ dbang po bcu gcig dang/
bdag shes rig gi skyes bu ste nyi shu rtsa

lnga'o/ /de las gtso bo ni/ rang bzhin kho na yin pa dang/ chen
po dang/ nga rgyal dang de tsam lnga ste bdun ni/ rang bzhin
dang rnam 'gyur gnyis ka yin pa dang/ dbang po bcu gcig dang
'byung ba lnga ste bcu drug ni/ rnam 'gyur kho na yin

pa dang/ skyes bu ni rang bzhin dang rnam 'gyur gnyis ka ma yin
pa'i mu bzhir bshad de/ dbang phyug nag po'i gzhung las/ rtsa
ba'i rang bzhin rnam par 'gyur min la/ /chen po sogs bdun rang
bzhin rnam 'gyur zhing/ /bcu drug po ni

rnam par 'gyur ba ste/ /skyes bu rang bzhin ma yin rnam 'gyur
min/ /zhes so/ /'dis shes bya thams cad bem shes gnyis su 'du ba
dang/ de yang skyes bu ni shes pa dang/ lhag ma nyer bzhi bem
por 'dod pas blo la bem pos khyab pa dang/

shes pa la bdag cig dgos zhes zer ro/ /gtso bo dang skyes bu ni
don dam pa dang bden par 'dod cing/ gzhan rnams rdzun pa dang
kun rdzob tu 'dod de/ drang srong ser skyas/ yon tan rnams kyi
rang bzhin mchog /snang ba'i lam du 'gyur

@18b ma yin/ /snang ba'i lam du gang gyur de/ /sgyu ma lta bur
shin tu gsob/ /ces so/ /de la rtsa ba'i rang bzhin nam gtso bo
ni/ las sogs byed pa po dang/ ma skyes pas rtag pa dang/ cha med
pas gcig pu dang/ sems med pas yul kho

na dang/ snod bcud thams cad la khyab pa dang/ yon tan gsum cha
mnyam pa'i khyad chas drug dang ldan pa'i shes bya zhig la 'dod
do/ /de la kha dog dang tshad dang dbyibs kyi bye brag gis mngon
du 'gyur ba med pa dang/ yid med pa sogs

kyis mi gsal bar 'dod do/ /rang bzhin de yod pa'i sgrub byed ni/
dngos po khyad par ba rnams la tshad yod pa'i phyir dang/ phan
tshun rjes su 'gro ba'i phyir dang/ nus pa'i sgo nas 'jug pa'i
phyir dang/ rgyu 'bras dbyer yod pa'i phyir dang/

'jig rten gsum rnam par dbyer med pa'i phyir zhes zer ro/ /yon
tan gsum ni rdul mun snying stobs kyi yon tan gsum ste/ rdul ni
g.yo ba dang 'jug pa'i bdag nyid can yin la sdug bsngal zhes
kyang zer ro/ /mun pa ni lci ba dang g.yogs

pa'i bdag nyid can te gti mug ces kyang zer ro/ /snying stobs ni
yang pa dang rab tu gsal ba'i bdag nyid can te bde ba zhes kyang
zer ro/ /de ltar yang/ rangs dang mgu dang kun dga' dang/ /bde
zhing zhi ba'i sems nyid dag /res 'ga'

yang ni snang 'gyur ba/ /de dag snying stobs yon tan no/ /mi
dga' yongs su gdung ba dang/ /mya ngan 'dod dang mi bzod dag
/gang du snang ba'i gtan tshigs kyi/ /de dag rdul ni rtags su
'dod/ /rmongs dang de bzhin gti mug dang/ /bag med

@19a @#/ /gnyid dang g.yel ba dag /lan 'ga' yang ni snang gyur
ba/ /de dag mun pa'i yon tan 'dod/ /ces so/ /skyes bu'am bdag
ni/ shes pa'i ngo bo yin pa/ rnam 'gyur rnams kyi byed pa po min
pa/ ma skyes pas rtag pa/

bde sdug la longs spyod pas za ba po/ /yon tan gsum med pa/ 'gro
ba thams cad la khyab pa/ cha shas dang bral bas gcig pu/ thog
ma dang tha ma med pa'i mtshan nyid can du 'dod do/ /bdag de grol
ba ma thob par du spyi'i glor gnas pa dang

grol ba thob pa'i tshe yan ga bar gnas zhes zer ro/ /shes bya
lhag ma nyer gsum gyi skye tshul ni/ gang gi tshe skyes bu des
sgra la sogs pa'i yul nye bar longs spyod pa'i 'dod pa skyes pa
na skyes bu'u 'dod pa yongs su shes pa'i rang bzhin dang skyes
bu

sbyor zhing de nas gtso bos sgra la sogs pa 'byin no/ /de'i tshul
ni 'di yin te rang bzhin las chen pa 'byung la/ blo dang chen po
ni ming gi rnam grangs yin zhing de ni yul nges pa'i mtshan nyid
can me long ngos gnyis pa ltar phyi'i yul dang nang gi skyes bu

gnyis ka'i gzugs brnyan 'char ba'i bem po zhig go /de las nga
rgyal skye zhing nga rgyal ni/ ngar 'dzin pa'i rnam pa can te
rnam par 'gyur ba can dang snying stobs can dang mun pa can te
gsum mo/ /rnam par 'gyur ba'i nga rgyal las ni/ gzugs sgra

dri ro reg bya ste de tsam lnga skye zhing/ de las sa chu me
rlung nam mkha' ste 'byung ba lnga skye'o/ /snying stobs can gyi
nga rgyal las ni las kyi dbang po lnga dang/ blo'i dbang po lnga
dang gnyis ka'i bdag nyid can gyi yid de dbang po bcu gcig
skye'o/ /mun pa can

@19b gyi nga rgyal ni nga rgyal gzhan gnyis ka'i 'jug par byed
pa yin zer ro/ /de dag ni dbang phyug nag po'i rgyud las/ rang
bzhin las chen de las nga rgyal te/ /de las tshogs ni rnam pa bcu
drug po/ /rang bzhin dang rnam 'gyur gnyis ka yin pa/ /

lnga po rnams las 'byung ba chen po lnga/ /zhes bshad do/ /yul
la longs spyod tshul ni/ rna ba la sogs pa'i dbang po lnga yid
kyis byin gyis brlabs pas yongs su bzung ba'i yul sgra la sogs
pa la blos zhen par byed la/ de nas blos zhen

par byas pa'i don de la skyes bus sems par byed pa la 'dod do/
/grol ba thob tshul ni gang gi tshe skyes bu des yul gyi nyes
dmigs mthong nas yul la chags pa chung bar gyur pas chags pa
dang bral bar gyur pa de'i tshe bsam gtan bsgom zhing de la

brten nas mig gi mngon shes 'thob par 'gyur la/ mig de'i sgo nas
gtso bo la blta bar byed pas/ de'i tshe gtso bo de gzhan gyi bud
med ltar ngo tsha bas skyengs te bdag la mi 'gro zhing bral bar
'gyur ro/ /rnam 'gyur gyi tshogs thams cad

kyang skye ba'i rim pa las bzlog nas gtso bo de nyid du rab tu
thim pa'i phyir mi gsal ba'i ngo bor gyur ba de'i tshe skyes bu
nyag gcig gnas par 'gyur te/ de'i phyir grol ba zhes bya'o/
/bdag de ni rtag tu yan ga bar gnas pa'i phyir rtag pa kho na'o
zhes

zer ro/ /de ltar yang/ de nyid nyi shu lnga shes na/ /ral pa'am
byi bo cod pan sogs/ /cha lugs gang gis gnas gyur kyang/ /grol
'gyur 'di la the tshom med/ /ces so/ /grangs can lhar bcas pa
rnams ni/ rnam 'gyur rnams gtso bo

@20a @#/ /'ba' zhig las 'byung ba ma yin te gtso bo la sems pa
med pa'i phyir dang/ sems pa med na byin gyis rlob pa po med
cing/ de med na 'bras bu rtsom par mi byed pa'i phyir/ des na
dbang phyug nyid gtso bo la bltos nas

'bras bu rnams kyi byed pa po yin no/ /rang bzhin dang dbang
phyug gnyis ka rtag tu yod kyang 'bras bu rnams rim gyis 'byung
ba mi 'gal te/ dbang phyug gi lhan cig byed pa rdul mun snying
stobs kyi yon tan gsum 'phel ba dang ldan pa'i dbang

gis snod bcud skye 'jig byed pa'i phyir/ zhes zer ro/ /grangs
can lhar bcas lha med gnyis ka'i lugs la yang 'bras bu rnams
rgyu dang ngo bo gcig pa mi gsal ba'i tshul gyis yod pa rkyen
gyis gsal bar byas pa la skyes pa'i tha snyad 'dogs pa'i

lugs gcig dang/ zho'i rang bzhin gyi 'o ma'i ngo bo rkyen gyis
zhor 'gyur ba lta bu rnam par 'gyur bar smra ba'i lugs gnyis re
yod par gzhung chen mo du ma zhig las 'byung ngo/ /'di'i lugs
kyi tshad ma la mngon rjes gnyis dang/ lung gi tshad ma

gsum du 'dod ces snga phyi'i mkhas pa dag 'chad mod kyang mngon
rjes gnyis dang sgra las byung ba'i tshad ma gsum du bya ste/
sgra byung tshad ma ni sgra la brten nas lkog tu gyur ba'i don
'dzin pa zhig la 'dod cing de la skyes bus ma byas pa'i sgras
bskyed

pa dang/ yid ches pa'i skyes bu'i tshig gis bskyed pa gnyis yod
do/ /tshad ma 'di ni lkog tu gyur ba'i yul can yin pas mngon sum
ma yin la/ tshul gsum pa'i rtags la ma brten pas rjes dpag kyang
ma yin no zhes zer te/ slob dpon

@20b zhi ba 'tshos/ gzhan gyi sgra las byung ba yi/ /shes pas don
rtogs sgra las byung/ /yang na yid ches tshig yin zer/ /'di ni
lkog tu gyur pa yi/ /yul can yin phyir mngon sum min/ /rjes dpag
tu yang mi 'thad de/ /de yi mtshan nyid

bral phyir ro/ /zhes gsungs pa'i phyir ro/ /gnyis pa de dgag pa
ni/ myu gu la sogs pa'i skye ldan rnams chos can/ slar yang skye
ba don med de/ rang gi bdag nyid thob zin pa'i phyir/ ma khyab
na/ skye ba thug med du thal/ skyes zin slar yang skye

dgos pa'i phyir/ 'dod na/ sa bon nyid bar ma chad par skye bar
thal ba dang/ myu gu skye ba'i go skabs mi rnyed par thal lo/
/gsal bar 'dod pa'i phyogs la yang 'dra ste/ gsal ba rgyu dus su
yod na khas blangs pa dang 'gal zhing med na 'bras bu

gsal ba dang rgyu'i rang bzhin gcig gam tha dad/ gcig na sngar
gyi rigs pas khegs shing/ tha dad na bdag gi bdag nyid las skye
ba nyams so/ /zhes pa ni sangs rgyas bskyangs dang zla ba grags
pa'i rigs pa'o/ /skye bar 'dod pa'i dngos po

rnams chos can/ bdag nyid las mi skye ste/ yod pa'i phyir/ dper
na/ zho nyid zho'i bdag nyid las mi skye ba bzhin/ yang de chos
can/ bdag las mi skye ste/ dngos po yin pa'i phyir/ khyod kyi
'dod pa'i skyes bu bzhin/ sa bon chos can/ myu

gu'i rgyu ma yin te/ myu gu dang bdag nyid gcig pa'i phyir/ myu
gu nyid bzhin/ rtsa ba'i rang bzhin chos can/ 'bras bu mi skyed
par thal/ rtag pa yin pa'i phyir/ rang bzhin chos can/ khyod
kyis bskyed pa'i rnam 'gyur rnams ldog mi rung bar thal/

@21a @#/ /khyod rtag tu mi ldog pa'i phyir/ 'bras bu thams cad
rgyu dus na yod ba mi 'thad de/ shing n+yA gro d+ha'i sa bon
chung ngu la n+yA gro d+ha zhes bya ba'i sdong po yal ga du mas
yongs su rgyas pa'i ngo bo ma dmigs pa'i phyir/ gal te rkyen
rnams

la 'bras bu rags pa snga na med pa dag skyed pa'i mthu yod na
mig gi rkyen gyi 'byung ba chen pos kyang mig las gzhan pa rdzam
la sogs pa ci'i phyir mi byed/ yang na rkyen gyis rang gi 'bras
bu yang bskyed par mi 'gyur te/ shes bya yin pa'i phyir/ khyod

kyis 'dod pa'i skyes bu bzhin/ zhes pa rnams slob dpon legs ldan
'byed kyi dbu ma snying po las bshad pa'i rigs pa'o/ /rang bzhin
dang skyes bu chos can/ cha med pa ma yin te/ kun la khyab pa'i
phyir/ blo chos can/ bde sdug mi myong bar thal/

bem po yin pa'i phyir/ bde sogs dang skyes bu tha dad du mngon
sum gyis shes pa tsam gyis 'khor ba las grol bar mi 'gyur bar
thal/ lam ma sbyangs pa'i byis pa rnams kyis kyang rang gi dbang
po dang bde sogs las bdag tha dad du shes pa'i phyir/

der thal/ bdag nyid don du gnyer ba por zhen nas de ltar gyi
dbang po sogs las mchog tu gyur pa'i dbang po sogs don du gnyer
ba'i phyir dang/ rang nyid snga phyi gcig tu bzung nas bde sogs
snga phyi 'phos pa'i skye 'jig byed par rtogs pa'i phyir/

dbang sogs sdug bsngal du bsgoms pas 'khor ba las grol ba mi
'thad de/ da ltar gyi sdug bsngal gyi sdug bsngal las yid 'byung
ba de 'dra zhe sdang dang mtshungs ldan yin pa'i phyir dang/ de'i
tshe bdag la chags pa yod pa'i phyir dang/ de bas lhag

@21b pa'i skabs gzhan 'tshol ba'i phyir/ zhes pa rnams ni rnam
'grel las/ mchog gzhan don du gnyer phyir dang/ /skye 'jig blo
can nyid kyi phyir/ /skye bo 'di yi dbang sogs las/ /bdag ni tha
dad gyur par shes/ /zhes dang/ gang zhig de ltar

sdug bsngal bas/ /yid 'byung de 'dra sdang yin gyi/ /chags bral
ma yin de tshe yang/ /chags yod skabs gzhan 'tshol phyir ro/ /zhes
sogs kyi rigs pa'o/ /grub mtha' mkhan po kha cig gis/ grangs can
gyi lugs 'di dag sems tsam rnam rdzun

gyi lugs dang nye ba dang/ rnam 'gyur rnams rdzun par 'dod pa
dngos po'i gnas lugs mthong ba la nye bar song bar 'chad pa ni/
blo gros shin tu rtsing bar zad de/ bdag rtag par khas len pa
dang/ zhe sdang dang mtshungs ldan gyi blo tsam thar lam du

'khrul pa dang/ rgyu 'bras kyi ngo bo rnams phar yin tshur yin du
'dod pa sogs shin tu rmongs pa'i grangs can pa de dag phyugs
dang mtshungs par shing rta chen po dag gis lan cig ma yin par
bshad pa'i phyir/ des na/ thub bstan 'dzin pa'i khur

bsnams pa'i mkhas pa yin na 'chad rtsod rtsom pa'i mdzad pa
rnams rang gzhan gyi rgyud la bag chags bzang po 'jog pa'i thabs
su 'gyur ba zhig mdzad dgos par gda' lags/ gnyis pa tshangs pa ba
dgag ba la/ 'dod pa brjod pa dang/ de

dgag pa'o/ /dang po la/ ston pa ni tshangs pa yin par smra zhing/
ming gi rnam grangs la bram ze ba dang/ tshangs ba pa dang/ rig
byed pa zhes zer zhing/ brda sprod pa dang/ rig byed mtha' pa
dang/ gsang ba pa rnams kyang 'di'i nang gses kyi

@22a @#/ /dbye ba'i/ /'dod tshul ni/ tshangs pa bas 'jig rten 'di
zhig pa'i dus su phyogs kyi cha med pa'i sa chu me rlung gi rdul
phra rab rtag pa dag so sor 'khod pa la nam zhig gi tshe lha
dbang phyug chen pos snod bcud 'byin par 'dod pa

dang sems can gyi las kyi mthus dang po rdul phra rab gnyis
sbyar zhing/ de nas yang rdul phra rab gsum pa zhig de la sbyar
bas rdul phra mo gcig tu gyur cing de nas se gol gtogs pa tsam
gyis rdul phra rab rnams 'phrad de tshogs nas rlung gi dkyil
'khor chen

po rtsom pa grub ste/ rim pa des chu dang sa dang me'i da kyil
'khor grub par gyur cing de'i dbus su tshangs pa'i sgo nga chen
po 'od 'bar zhing gsal bzhig gnas pa de smin cing brdol ba las
'jig rten gyi mes bo tshangs pa chen po padma'i mdal nas byung ba
padma la

'dug pa gdong bzhi pa zhig byung ste des 'jig rten thams cad
sprul pas de la 'jig rten mes po zhes zer te/ yang khyab 'jug gi
lte ba'i padma dang dbang phyug gi blos sprul pa'i sgo nga las
skyes pa'i tshul yang bshad do/ /de la bskal pa bdun du ming

bdun byung bar grags te/ rim pa bzhin du rang byung/ tshangs pa/
skye dgu'i bdag po// padma'i skye gnas can/ gdong bzhi pa/ mes
po// gser gyi snying po can zhes bya'o/ /des 'jig rten gyi ma
brgyad bskyed de/ nyi ma'i mas lha dang/

sbyin byed ma'i mas lha min dang/ klu'i mas klu/ nam mkha' lding
gi mas nam mkha' lding/ tshangs pa'i kha nas bram ze/ dpung pa
las rgyal rigs/ brla las rje rigs/ rkang pa'i mthil las dmangs
rigs rnams bskyed do zhes zer ro/ /

@22b yang lugs gcig la tshangs pa'i kha las skye dgu'i bdag po
skyes/ des mchod sbyin byed par tshangs pa spyan 'dren pa'i bsu
bar rang gi bu mo btang bas de la tshangs pa chags te/ khu ba
shor ba blugs gzar gyis blangs te mer bsregs pa'i dbus

su drang srong ngan spong dang aM gi ra skyes/ lhag ma dur ba'i
nang du lus pa las drang srong a ti byung/ des snyan dngags
dang sring srung gi rig byed brtsams drang srong gzhan gnyis
kyis mchod sbyin dang ngas brjod byas pas tshangs pa'i bu bzhis
byas pa

la tshangs pas byas par grags zhes zer ba dang/ kha cig gis drang
srong de dag gis bton pa tsam yin gyi brtsams pa min zer ba
dang/ 'di dag phal che ba zhig gis rig byed ni sus kyang ma byas
pa'i cha med rtag pa rang byung nam mkha' lta bu yin

zhes kyang zer la/ lugs 'di dag gis rig byed kho na tshang mar
'dod do/ /rig byed kyi sgra rnams ni rang gi brjod bya don nges
pa can yin gyi 'dod pa'i dbang gis don gang yang rung ba la 'jug
pa ni ma yin te/ agni ho trAM dzu ho/ /zhes pa'i rig byed kyi

tshig de nyid me la sngags kyis sbyangs pa'i mar ldugs pa kho na
la 'jug gi khyi sha za ba sogs gzhan la 'dod pa'i dbang gis mi
'jug pa lta bu'o/ /de'i phyir rig byed kyi sgra rnams ni don
bden pa kho na ston pa yin te/ skyes bus ma byas pa'i dag

yin pa'i phyir ro/ /zhes zer ro/ /mtho ris dang tshangs pa sgrub
pa'i thabs ni rig byed kyi gzhung las bshad pa'i rta'i mchod
sbyin du 'dod do/ /brda sprod pa dag ni snod bcud sna tshogs pa
skyed pa'i gzhi dang/ de dag gi bdag nyid du gyur pa'i

@23a @#/ /sgra'i tshangs pa yi ge oM zhes bya ba skye 'jig med
pas rtag pa/ phyogs dang dus kyi cha shas med pa/ phyi nang gi
yul la bden par 'jug pa/ gcig pu'i rang bzhin don dam par gnas
pa zhig yod de/ ma rig pas

bslad pa rnams la gzung 'dzin sna tshogs su snang ba yin zhes zer
zhing/ thar pa thob byed kyi lam ni phyi'i phyugs kyi mchod
sbyin gyi sbyin sreg dang nang bud med kyi b+ha ga'i thab tu
khams 'dzad ba'i sbyin sreg byed pa la 'dod cing thar pa ni de'i
dus

kyi stong sang dang bde ba la 'dod do/ /rig byed mtha' pa'am
bram ze mchog rnams ni/ 'di ltar smra ste/ gang zhig rig byed
las mi smra/ /gang zhig rig byed las mi snang/ /thams cad med
par brjod bya ste/ /rig byed 'dra ba'i thos pa

med/ /ces pa'i bsngags pa dang ldan zhing tshad mar gyur pa'i rig
byed las bshad pa'i skyes bu zhes bya ba gcig pu pa/ nam yang mi
nyams pas rtag pa/ mya ngan las 'das pas tshangs pa/ skye dgu
thams cad la khyab pa/ thog mtha'

med pas 'chi ba med pa/ nyi ma'i mdog can/ mun pa'i dkyil 'khor
las 'das pa/ chen por gyur pa/ gnyid log pa las gzhan yin pa'i
phyir skyes bu zhes bya ba zhig yod de/ lta thams cad kyi bdag
nyid yin pa dang/ dbang phyug chen

po'i ngo bo yang 'di yin no zhes zer te/ /mun pa las gzhan skyes
bu ni/ /chen por gyur pa nyi ma'i 'od/ /dbang phyug chen po bdag
de nyid/ /mkhas pas shes na 'chi med 'gyur/ /zhes so/ /skyes bu
de kho nas khams gsum thams cad dang

@23b bde ba dang sdug bsngal dang 'ching ba dang grol ba rnams
byed pa yin te/ 'on kyang rang gi ngo bo 'gyur ba med cing zad
ba med do zhes zer te/ /srid pa sna tshogs de las skyes/ /dar gyi
srin bus skud pa bzhin/ /zhes so/ /dus nam zhig gi tshe bsam gtan

la brten nas lha'i mig gis skyes bu de la bltas pa na skyes bu
de nyid gser gyi mdog can du mthong ba na dge sdig 'khor 'das
mnyam pa nyid du gyur nas grol bar 'gyur te/ skyes bu drang
srong chen po nyi ma'i mdog  mun pa las gzhan gyur pa de rig

na/ /'chi ba med par 'gyur te bdag gis rtogs/ /skye med gnas
'gro ba las lam gzhan med/ /ces dang/ byed po dbang phyug gser
mdog tu/ /gang gis mthong zhing blta ba de/ /sdig dang bsod nams
las 'das nas/ /mchog tu zhi ba

thob par 'gyur/ /zhes so/ /lugs 'di 'og tu 'byung ba'i dpyod pa
ba dang mi gcig kyang rtog ge 'bar ba dang mkhas grub thams cad
mkhyen pa'i TIka chen sogs su dpyod pa ba zhes kyang 'byung
ngo/ /gsang ba ba rnams ni bdud rtsi thig lung zhes bya

ba'i rig byed la brten nas bdag shes rig rtag pa cha med gcig
yod par 'dod de/ phal cher sngar gyi de rnams dang mtshungs la
lugs snga ma dang don gcig tu bshad pa yang yod do/ /gnyis pa de
dgag pa la/ phyogs snga mas/ rig byed ni

bden pa'i don can yin te/ skyes bus ma byas pa'i phyir/ zhes
pa'i sgrub byed bkod pa dgag pa ni/ rig byed kyi ngag chos can/
log pa'i don can yin par thal/ skyes bus ma byas pa'i phyir/
khyab pa yod de/ don bden pa ston pa'i rgyu shes

@24a @#/ /rab dang brtse ba la sogs pa'i yon tan dang bral ba'i
phyir/ yang de chos can/ skyes bus byas pa min na yang don log
par ston pa srid par thal/ khyod las don shes shing go bar byed
pa'i rgyu ngag gi brda ni skyes bu la

brten pa'i phyir/ yang de chos can/ khyod kyi don 'chad pa po mi
mthun pa gnyis kyis bshad na gang rung gcig gis ci tsam bshad
kyang nyan pa pos don gang yang go ba mi srid par thal/ khyod
kyi tshig rnams 'brel pa rtag dngos kyi dbang gis don

re re kho na la rjod byed du nges pa'i phyir/ yang de chos can/
khyod ci tsam bshad na yang nyan pa pos don go mi srid par thal/
don byed pas stongs pa'i rtag pa yin pa'i phyir/ yang tshig gcig
brjod pas don thams cad go bar thal/ cha shas

med pa'i gcig pu yin pa'i phyir/ rkyen gang gis kyang brjod du
med par thal/ 'gyur med yin pa'i phyir/ skye dgu thams cad kyis
don go bar thal/ kun la khyab pa'i phyir khyab ste/ rig byed
rtag pa de kun la khyab par yod cing cha med pas

go ba dang mi go ba'i bdag nyid so sor mi 'thad pa'i phyir/ zhes
sogs te/ rig pa'i dbang phyug gis/ tshig rnams bden pa nyid kyi
rgyu/ /yon tan skyes bu la brten phyir/ /skyes bus ma byas log
pa'i don/ /cis min zhes ni gzhan dag brjod/ /

ces pa sogs rnam 'grel le'u dang po'i smad kyi cha phal mo cher
phyogs 'di dgag pa'i rigs pa shin tu rgyas par yod do/ /yang
skyes bu chos can/ bcings pa dang grol bar mi rigs par thal/ dus
thams cad du rtag pa gcig pu yin pa'i phyir/

@24b de chos can/ sdug bsngal las thar par mi 'gyur bar thal/
sdug bsngal dang bdag nyid gcig tu grub pa'i phyir/ skyes bu
chos can/ kun gyi bdag nyid du mi 'gyur te/ dngos por med pa'i
phyir/ mo gsham gyi bu mo bzhin/ yang skyes bu

chos can/ mi 'gyur ba ma yin par thal/ gcig dang du ma dang phra
ba dang regs par yod pa'i phyir zhes sogs de dag gis 'dod pa'i
skyes bu 'gog pa'i rigs pa'i rnam grangs du ma rtog ge 'bar ba
las bshad pas der blta zhing/ rjod byed kyi sgra yul

la dngos dbang gis bden par 'jug pa 'gog pa'i rigs pa ni/ rnam
'grel nges su rgyas par yod do/ /tshangs pa'i lus gcig las skyes
pas mi rigs bzhi mi rung bar thal ba dang/ phyugs kyi mchod
sbyin thar lam yin pa 'gag pa ni dus 'khor

gyi skor na'ang yod do/ /gsum pa khyab 'jug pa dang dpyod pa ba
dgag pa la gnyis/ 'dod pa brjod pa dang/ de dgag pa'o/ /dang po
la/ khyab 'jug pa dang/ dpyod pa ba gnyis las/ dang po la/ ston
pa ni khyab 'jug ste 'di la nor lha dang/

sred med kyi bu dang/ grong 'joms sogs ming shin tu mang bar
bshad la/ bla ma zla ba dang/ ston pa gzhon nu ma len sogs kyang
lugs 'di'i ston pa'o/ /ming gi rnam grangs ni khyab 'jug pa/ zla
ba pa/ glu'i chos smra ba rnams so/ /lung ni rtog

pa la phan pa'i yal ga dang/ zhag lnga pa/ g.yul gyi las ston
pa'i tshig la sogs pa'o/ /de la khyab 'jug ni/ rgya mtsho'i nang
na grong khyer sgo ldan zhes bya bar dpal mo la sogs pa'i chung
ma khri drug stong gis bskor zhing gnas pa dang/ tshangs pa

@25a @#/ /dang; brgya byin dang/ nyi ma/ zla ba/ rig byed bzhi/
ri bo mchog rab/ 'byung ba bzhi/ bram ze/ sbyin byed/ za ba po
sogs mtha' dag rang nyid yin par smra ba'i mngon pa'i nga rgyal
dang ldan bzhig ste/ nyi ma'i nang na

nga khyab 'jug  skar nang 'od ldan zla ba dang/ zhes sogs smra
ba'i phyir ro/ /de la zhi ba dang ma zhi ba'i ngo bo gnyis yod
cing/ zhi ba ni lha rdzas kyi ngo bo yod min med min gyi bdag
nyid 'chi ba med pa'i ngo bo yin la/ de bsgoms pas thar pa 'thob
par

smra ste/ gang gis khyab 'jug yon tan rnams/ rtag tu bsgoms pas
bde 'thob 'gyur/ /zhes so/ /ma zhi ba ni/ nya la sogs pa'i khyab
'jug gi 'jug pa bcur bshad de/ de yang nya'i gzugs kyis rig byed
bzhi rgya mtshor nub pa bton pa dang/

rus sbal gyis 'jig rten gteg nas rgyun du gnas pa dang/ phag
rgod kyi gzugs kyis tshangs pa'i 'jig rten man chad mnan pa dang/
mi'i seng ge'i gzugs kyis lha ma yin gyi dbang po 'gro ba skyong
gser can bsad pa dang/ mi'u thung gi gzugs kyis

lha ma yin stobs ldan las gom pa gsum gyi sa bslang zhes bslus
pa dang/ shing rta bcu pa'i bur ma Nar sprul nas rang gi chung
ma srin po langka mgrin bcus phrogs pa la spre'u ha nu mantha la
grogs bcol te srin po de bsad pa dang/ dza mAd agni'i bu ra ma
Nar

sprul nas srid sgrub la sogs pa bsad de rgyal rigs bcad pa dang/
nag par sprul nas chu bo bzhi phyogs kun tu drangs shing rtsong
dul gyi sems can la phan par byas pa dang/ sangs rgyas shAkya
thub tu sprul nas sngon gyi sdig pa sbyangs pa dang/ rigs

@25b ldan bram ze'i bu karki rtse zhes bya ba ma 'ongs pa na
'byung bas sems can mang po 'dul bar 'dod cing/ de'i dang po
gsum la 'thad pa med kyang gtam rgyud rnying pa la brten pa
dang/ phyi ma rnams drang srong gdug pas ngo mtshar che che rnams
khyab 'jug gi yon

tan du byas par dus 'khor gyi skor nas bshad do/ /lugs 'dis
kyang rtag pa cha med kyi bdag khas len pa dang/ grol byed kyi
lam ni yi ge oM bsgom pa dang/ rlung bum pa can bsgom pa sogs
yod par bshad la/ 'di'i rlung gi rnal 'byor la yan

lag drug brtsi tshul zhig bshad mod kyang rang re'i yan lag drug
dang mi 'dra ste slob dpon byang chub bzang pos/ 'di dag la ni
dgag pa tsam las yan lag drug pa'i rlung gi ting nge 'dzin ni
med do/ /zhes gsungs pa'i phyir/ lugs 'dis 'khor ba zad mtha'

can du 'dod cing/ sngar bshad pa'i rig byed mtha' ba sogs las
phal mo che zhig ni 'di'i rjes 'brang du rgya gzhung dag las
kyang bshad do/ /gnyis pa dpyod pa pa'am rgyal dpog pa ni/ rgyal
dpog pa ston par 'dod cing grub mtha'i 'dod tshul la/ bdag ni

blo'i ngo bo sems pa can dang/ bem po ma yin pa/ shes rig gi
rang bzhin/ rtag pa'i ngo bo// yan gar ba'i rdzas yod/ cha shas
med pa zhig tu 'dod do/ /rig byed tshad mar 'dod tshul ni snga ma
rnams dang 'dra/ mtho ris kyi tshangs pa lta bu ngan 'gro

las grol ba'i phyir thar pa yin gyi dri ma sems kyi rang bzhin
la zhugs pa yin pa'i phyir nyes zad kyi skyes bu med pa dang
shes bya mtha' yas pa'i phyir/ kun mkhyen pa'i skyes bu med pa
dang/ de bas na bden pa'i dag kyang med do zhes smra'o/ /tshad ma
ci mngon

@026a @#/ /rjes gnyis/ sgra las byung ba/ dpe nyer 'jal/ don gyis
go ba/ dngos po med pa'i tshad ma dang drug tu 'dod cing/ 'di'i
sgra byung ni grangs can dang 'dra/ dpe nyer 'jal ni/ ba men
mthong ba las lkog tu gyur pa'i ba

lang la 'dra bar dpog pa dang/ don gyis go ba ni/ lhas byin gson
po khyim na med pas phyi rol na yod par rtogs pa lta bu dang/
dngos po med pa'i tshad ma ni/ tshad ma gzhan lnga po gang yang
'jal byed du ma skyes pa'i yul rtogs pa la 'dod cing/ phyi

ma 'di'i yul la yang 'o ma la zho med pa lta bu snga na med pa/
zho la 'o ma med pa lta bu zhig nas med pa/ ba lang rta med pa
lta bu phan tshun med pa/ ri bong gi rwa med pa lta bu shin tu
med pa ste bzhir 'dod cing/ zho la 'o ma med pa'i cha lta bu
yang dngos por

'dod do/ /de'i nang tshan tsA ra ka pa rnams ni/ tshad ma de drug
gi steng du rgyu las 'bras bu rtogs pa lta bu rigs pa'i tshad ma/
yul de dmigs pa med pas med par rtogs pa ma dmigs pa'i tshad ma/
smra ba po snga ma dag gis bstan pa'i grags pa rgyud pa'i

zhes grags kyi tshad ma/ tshogs pa yod par rtogs ba na tshogs pa
can yod par rtogs pa srid pa'i tshad ma/ 'di lta bu 'byung ngo
snyam du sems pa las de ltar byung ba snyam sems pa'i tshad ma
ste tshad ma bcu gcig tu 'dod do/ /'di dag gis 'dod pa'i

byas shugs bzhi bcu zhe brgyad sogs ni mangs kyis dogs nas ma
bris la shes par 'dod na rtog ge 'bar ba na rgyas par yod pas
der ltos shig /gnyis pa de dag dgag pa ni/ snod bcud thams cad
kyi gtso bo khyab 'jug yin pa dang/ khyab 'jug gis

@026b kun la khyab par 'dod bzhin du khyab 'jug gis gzhan bsad
pa dang/ khyab 'jug rang nyid bros par bshad pa rnams nang 'gal
dang/ khyab 'jug chu yin pa dang/ chu nang du bying ba khyab
'jug gis bteg pa dang/ rang gi lto bar srid gsum gnas pa

dang; rang gi chung ma gzhan gyis phrogs pa sogs kyang 'gal
zhing/ de bzhin du rig byed las bshad pa'i gtam rgyud rnams la
yang 'gal 'du mang du yod pa dgag par sla zhing/ dus 'khor gyi
skor dang/ dbu ma snying po rtsa 'grel dang/ bstod

tshogs sogs su rgyas par yod do/ /nyes zad kyi skyes bu mi srid
par 'dod pa dgag pa ni/ chags sogs rtag pa yin pa'i phyir zer
ram/ mi rtag kyang da spong ba'i thabs med pa'i phyir zer ram/
thabs yod kyang de sus mi shes pa'i phyir zer ram/ bslabs

na shes nus kyang don du gnyer ba med pa'i phyir zer ram/ don du
gnyer ba yod kyang ston par byed pa mi srid pa'i phyir skyon zad
pa mad do zhes smra/ de la chags sogs rtag pa ma yin te/ rgyu
yod pa'i phyir/ spong ba'i thabs med pa ma yin te/ rgyu'i gnyen

po goms pas ma lus par 'dzad pa'i phyir/ thabs yod kyang mi shes
pa ma yin te/ rgyu'i rang bzhin shes pas de'i gnyen po shes
pa'ang 'grub pa'i phyir/ don du gnyer ba med pa ma yin te/ rang
nyid sdug bsngal gyis mnar bar mthong nas de la skyo ba

dang/ sdug bsngal de la rgyu yod par shas shing de'i gnyen po
yod par shes pa na/ sdug bsngal gyi rgyu bzlog pa'i thabs la
'jug par 'gyur ba'i phyir/ thabs ston pa med pa ma yin te/ rang
nyid thar lam gzigs pa mthar phyin pa'i gang zag gis lan

@027a @#/ /la re ba med par gzhan la lam phyin ci ma log par ston
par byed pa'i phyir/ rigs pa 'di dag ni/ rig pa'i dbang phyug
gis/ rgyu yod phyir dang rgyu yi ni/ /gnyen po goms pas zad
phyir ro/ /zhes sogs kyi skabs nas bstan

pa'i rigs pa yin la/ sems kyi rang bzhin 'od gsal ba dang/ dri
ma glo bur ba yin pa'i phyir/ dri ma sems kyi rang bzhin la
zhugs pa mi 'thad pa sogs kyang shes par bya'o/ /bzhi pa dbang
phyug pa sogs gsum dgag pa la gnyis/ 'dod pa

brjod pa dang de dgag pa'o/ /dang po la gnyis las/ dang po dbang
phyug pa'i 'dod pa brjod pa la/ ston pa ni lha chen dbang phyug
dang/ drang srong rkang mig/ gzegs gzan sogs so// ming gi rnam
grangs la dbang phyug pa/ zhi ba pa/ ye srid

pa; rkang mig pa rnams so/ /'di'i zhi ba dang/ ye srid ni dbang
phyug gi ming yin la/ rkang mig ni drang srong mdzes pa zhes bya
ba'i ming yin te/ lha chen gyis u ma'i srung ma la drang srong
de bzhag pa'i tshe de la u ma chags nas mdun du 'dug

ste; rnam 'gyur du ma bstan kyang drang srong des rkang par mig
phab ste brtul zhugs bsrungs pas lha chen mnyes nas gzhung rtsom
pa la dbang bskur bas drang srong rkang mig zhes grags la/ de'i
rjes su 'brangs pa rnams la rkang mig pa zhes grags so/ /

dbye ba la spyir lha chen dbang phyug ston par 'dzin pa'i/
grangs can pa/ bye brag pa/ rig pa can pa gsum yang yod par zhi
'tsho yab sras dang/ rgyal tshab thams cad mkhyen pa rnams kyis
gsungs shing/ bye rig gnyis la tshangs pa dang/ khyab

@027b 'jug gnyis lhar 'dzin pa yang yod pas gzhung chen mo rnams
su de gnyis la tshangs pa pa dang khyab 'jug pa'i tha snyad kyis
kyang gsungs so/ /des na de dag la lugs 'di'i bye brag tu gyur
pa'ang yod mod kyi rang rang gi grub mtha'i khyad par mi 'dra ba
dag

gsal bar bya ba'i phyir phyis kyi mkhas pa dag gis logs su bshad
pa bzhin 'dir yang 'chad pas na dngos kyi dbye ba ni/ gsal byed
pa dang rna ba ma phug pa gnyis su bya'o/ /lung ni dbang phyug
sgra bsgrags kyi rgyud dang/ sme ba brtsegs pa'i rgyud ces

bya ba rnams so/ /'dod tshul la lha dbang phyug chen po ni/ gangs
ri chen po te se na btsun mo u ma dang sras tshogs bdag dang
gdong drug sogs 'khor gyi tshogs stong gis bskor zhing gnas par
slob dpon shes rab go chas bshad do/ /dbang phyug gi

yon tan brgyad ni/ dbang phyug gis sems can gyi 'jig rten skye
'jig byed pa phra ba dang/ snod kyi 'jig rten skye 'jig byed pa
yang ba dang/ de gnyis ka skye 'jig byed pa bdag por gyur pa
dang/ sems can rnams la tshar gcod rjes 'dzin gyi dbang

yod pas dbang du gyur pa dang/ yid kyis gang bsam par phyin pas
gar yang khyab pa dang/ 'byung po kun gyis mchod par gyur pa
dang/ yon tan gsum la 'dod dgur dbang bsgyur bas 'dod dgur ldan
pa dang/ thar pa dang lha'i lus sogs gang

'dod thob pas dga' mgur gnas pa ste 'grel bshad spyan ras gzigs
brtul zhugs las bshad do/ /grub mtha'i 'dod tshul ni/ snod bcud
kyi 'jig rten rnams chos can/ dbang phyug gis blo sngon du btang
nas byas pa yin te/ sdod cing las la

@028a @#/ /'jug ba'i phyir ste'u bzhin/ dbyibs kyi khyad par dang
ldan pa'i phyir bum sogs bzhin/ don byed nus pa'i phyir dgra sta
bzhin/ des na dbang phyug ni kun mkhyen pa yin te/ snod bcud
thams cad byed shes pa'i phyir zhes

zer ro/ /lam ni bum pa can gyi rlung sbyor dang/ dbang phyug gi
lingga'i rtse nas dbang bskur ba dang/ bud med dang sbyar nas
khams 'jag pa'i bde ba rnams yin par smra zhing/ thar pa ni
khams 'dzag pa'i bde ba las 'khrig bde'i ye shes skyes pa la
'dod do/ /

dus 'khor gyi skor nas dbang phyug pa'i 'dod pa mi 'dra ba zhig
bshad pa ni 'dir ma bris te gzhan du blta bar bya'o/ /gnyis pa
bye brag pa dang rig pa can pa'i 'dod pa brjod pa la/ 'ug pa la
lhar 'khrul nas tshig don drug rnyed par rlom pa'i drang srong
'ug pa dang/

gzhan gyis bor ba'i gzegs ma za zhing brtul zhugs spyod pa'i
drang srong gzegs gzan gnyis kyi rjes su 'brangs pas bye brag pa
la gzegs gzan pa dang 'ug pa pa zhes zer ba dang/ bram ze rkang
mig ni rig pa can pa'i ston pa yin par rgyal tshab thams cad

mkhyen pa dang mkhas grub smra ba'i nyi ma gnyis kas bshad la/
zhi ba 'tsho yab sras kyi bzhed par yang snang ngo/ /des na 'di
gnyis la tshig don drug gi sbyi bye brag gi khyad par mang du
smra bas bye brag pa dang/ rkang mig gis byas pa'i rig pa'i lta
ba'i rjes su

'brangs bas na rig pa can pa zhes grags so/ /tshad ma ni mngon
rjes lung gi tshad ma gsam du bye brag pa 'dod cing/ rig pa can
pas de gsum dang dpe nyer 'jal gyi tshad ma ste bzhir 'dod do/
/gnyis kas kyang rjes dpag la rgyu las 'bras bu dpog

@028b pa'i snga ma can/ 'bras bu las rgyu dpog pa'i lhag ldan
dang/ chos gcig mthong ba las shin tu lkog gyur gzhan shes pa
spyir mthong can te gsum dang/ de dag gi rten du gyur pa'i rtags
yang dag gsum dang/ 'brel ba med pa/ ma nges pa/

the tshom can te rtags ltar snang gsum du 'dod do/ /rtog ge'i
tshig don bcu drug ni/ tshad ma dang/ gzhal bya dang/ the tshom
dang/ dgos pa dang/ dpe dang/ grub pa'i mtha' dang/ yan lag
dang/ rtog ge dang/ gtan la phab pa dang/ rtsod pa

dang/ brjod pa dang/ sun ci phyin du rgol ba dang/ gtan tshigs
ltar snang dang/ tshig ngor dang/ ltag chod dang/ tshar bcad pa'i
gnas rnams so/ tshig don drug gi 'dod tshul ni/ 'di gnyis kyi 'dod
pa phal cher 'dra bas thun mong du bshad

par bya ste/ rdzas dang yon tan las dang spyi/ bye brag 'du ba
rnam pa drug/ ces pa ltar drug las/ rdzas kyi mtshan nyid ni bya
ba dang ldan pa/ yon tan dang ldan pa/ 'du ba'i rgyur gyur pa
ste gsum mo/ /dbye ba ni dgu ste sa chu me rlung nam mkha'

dus phyogs bdag yid ces bya ba rnams so/ /ci'i phyir rdzas zhes
bya zhe na/ bdag nyid rang rkya bar grub cing chos gzhan gyi
rten byed pa'i phyir ro/ /nam mkha' la sogs pa lnga ni/ rtag pa
dang thams cad du song ba'i rdzas zhes bya la/ sa la sogs pa
bzhi

ni thams cad du song ba ma yin pa'i rdzas zhes bya zhing de
bzhi'i rdul phran rnams ni rtag pa dang/ rdul phran gyis brtsams
pa'i rigs pa rnams ni mi rtag par 'dod de/ /de yang rigs pa
rtsom tshul ni 'byung bzhi'i rdul phra rab rigs mi mthun rnams
phan tshun

@029a @#/ /'phrad pas ldan pa tsam bskyed kyi rdzas mi bskyed la/
bum pa lta bu'i yan lag can gcig la 'byung bzhi rags pa'i rdzas
bzhi yod cing de'i sa'i rdzas ni sa'i rdul phra rab kho nas
brtsams ba sogs su shes par bya'o/ /rdul rigs

mthun rdzas tha dad phan tshun 'phrad pa las ldan pa zhes bya
ba'i rdzas don gzhan gcig bskyed cing de ni 'phrad pa zhes bya
ba'i tha snyad kyi rgyur 'gyur ro/ /yan lag rnams tshogs pa las
yan lag can gyi rdzas don gzhan bskyed cing de ni mngon sum gyi
yul

yin pas rags pa zhes bya'o/ /bdag ni lus dbang blo gsum las don
gzhan du gyur ba'i rdzas/ blo la sogs pa'i yon tan de rnams kyi
rten du gyur cing yon tan de rnams rang la 'du ba'i rgyu byed
pa/ sems ma yin pa'i ngo bo// mi 'jig pa thams cad

du khyab par 'dod la/ /skyes bu dang gang zag kyang de'i rnam
grangs so/ /gnyis pa yon tan la mtshan nyid ni/ rdzas la brten
pa/ yon tan gzhan dang mi ldan pa/ 'du ba'i rgyu mi byed pa/
ltos pa med pa'o/ /dbye ba ni nyi shu rtsa bzhi ste/ rkang mig
gi mdo las/ gzugs

dang/ ro dang/ dri dang/ reg pa rnams dang/ grangs dang/ tshad
dang/ so so ba dang/ ldan pa dang/ rnam par dbye ba dang/ gzhan
dang gzhan ma yin pa nyid dang/ blo rnams dang/ bde ba dang/
sdug bsngal dag dang/ 'dod pa dang/ sdang ba

dag dang/ 'bad pa ni yon tan dag go /zhes 'byung zhing/ slob
dpon ka ma la shI las/ dang gi sgra las lci ba dang/ snum pa
dang/ 'dus byas pa dang/ chos dang/ chos ma yin pa dang/ sgra
rnams gzung ngo/ /zhes gsungs shing/ skabs

@029b gzhan du dro ba dang gsher ba yang yon tan du bshad pas de
ltar nyi shu rtsa bzhi'o/ /de las gzugs dri ro reg bzhi ni
'byung ba bzhi'i yon tan no/ /sgra ni nam mkha'i yon tan no/
/grangs nas gzhan ma yin pa'i bar bdun ni dus dang phyogs kyi

yon tan no/ /blo nas 'bad pa'i bar drug dang/ chos chos min
gnyis/ /'dus byas dang dgu ni bdag gi yon tan no/ /lci snum dro
gsher rnams ni rigs pa'i rdzas 'ga' zhig gi yon tan no/ /de la
gzugs ro dri reg ni rim pa bzhin mig lce sna

lus kyi gzung bya ste sa sogs kyi yon tan no/ /grangs ni gcig la
sogs pa'i tha snyad kyi rgyur gyur pa dang/ tshad ni chen po la
sogs pa'i tha snyad kyi rgyur gyur pa dang/ so so pa ni gnyis
chos rnams la yod pa'i so so ba'i tha snyad kyi yul dang/ ldan
pa

ni 'phrad pa dang bar med par brjod ba'i yul du gyur pa'o/ /rnam
dbye ni 'phrad ba zhig pa'am phan tshun phye bar 'dzin pa'i shes
pa'i snang yul du gyur pa dang/ gzhan ni lhan cig gnas pa'i ka
bum lta bu la ka ba bum pa las gzhan du 'dzin pa'i shes

pa'i rgyu dang/ gzhan ma yin pa nyid ni bum pa nyid bum pa las
gzhan ma yin par 'dzin pa'i shes pa'i rgyu dang/ blo ni shes pa
dang/ bde ba ni sim pa dang/ sdug bsngal ni gdung ba dang/ 'dod
pa ni chags pa dang/ sdang ba ni zhe sdang dang/ 'bad

pa ni rtsol ba ste bde ba man chad 'di dag kyang bem por 'dod
do/ /lci ba ni thur du 'dren pa'i rgyu dang/ gsher ba ni rlan
pa'i ngo bo'i rgyu'i yon tan dang/ dro ba ni me'i yon tan dang/
snum pa ni mar la sogs pa'i sa chu 'phrad pa'i rdzas 'ga' zhig
gi yon

@030a @#/ /tan dang/ 'dus byas pa ni shugs dang bag chags dang
gnas pa 'jig pa gsum ste/ shugs ni dper na mda' 'phangs pa mi
ltung bar byed pa'i rgyu lta bu dang/ bag chags ni rgyu shes pa
las skyes shing 'bras bu shes pa

bskyed pa'i nus pa'i ngo bor gyur pa dang/ gnas pa 'jig pa ni
lus can gyi rdzas kyi yon tan gang zhig 'bad pas gzhan du gnas
par byed kyang 'bad pa btang ba na snga ma ji lta ba bzhin du
gnas par byed pa dang/ chos ni khrus dang dbang bskur ba sogs ma

mthong ba'i 'bras bu bde ba ster ba'i las dang/ chos ma yin pa
ni de las ldog pa ma mthong ba'i 'bras bu sdug bsngal ster ba'i
las te/ yon tan de dag kyang yon tan can las don gzhan du gyur
pa'i dngas po 'ba' zhig tu 'dod do/ /gsum pa

las ni/ 'degs pa dang/ 'jog pa dang/ brkyang ba dang/ bskum pa
dang/ 'gro ba ste lnga'o/ /de yang 'degs pa la mtshon na steng
phyogs kyi ldan pa dang 'og phyogs kyi rnam dbye las skyes
shing/ 'og nas steng du 'dren pa'i bya ba/ 'degs bya

'degs byed gnyis ka las rdzas tha dad du gyur pa zhig ste des
gzhan yang mtshon no/ /bzhi pa spyi ni/ gang la rang nyid rjes su
'gro ba'i chos de la thun mong gi sgra blo 'jug pa'i rgyur gyur
pa ste de la yang khyab pa'i spyi dang nyi tshe ba'i sbyi gnyis
so/ /dang po ni

yod pa nyid ces bya ba lta bu'o/ /gnyis pa ni ba lang nyid dang
shing nyid ces pa lta bu ste de yang rtag par 'dod do/ /lnga pa
bye brag ni/ chos gang gis rang gi rten de gzhan las khyad par
du go bar byed pa'i chos dang/ drug pa 'du ba ni yul so so ma
yin par

@030b grub pa'i rten dang brten pa'i chos rnams la dmigs nas 'di
la 'di yod ba'o snyam du 'dzin pa'i shes pa'i gzung yul du gyur
cing/ rten rdzas sogs dang brten pa yon tan gnyis phrad cing
'brel ba'i char gyur pa'i chos rten dang brten pa de gnyis ka

las rdzas tha dad du gyur pa'o/ /gzhan yang yon tan la yon tan
gnyis pa med/ rdzas las gzhan la yon tan mi brten/ spyi la spyi
gnyis pa rjes su mi 'gro/ las ni mi rtag / bye brag dang 'du ba
ni rtag par 'dod de/ /lugs 'dis thar pa thob

byed kyi lam ni/ khrus dang/ dbang bskur ba dang/ smyung bar
gnas pa dang/ bla ma'i khyim du gnas pas tshangs par spyad pa
dnag/ nags su gnas pa dang/ mchod sbyin dang/ sbyin pa la sogs
pa yin zhing nam zhig bla ma'i man ngan las rnal

'byor bsgoms te/ bdag dbang sogs rnams las don gzhan du shes nas
bdag gi de kho na nyid mthong zhing tshig gi don drug gi rang
bzhin khong du chud pa na/ bdag ni khyab pa'i rang bzhin yin
yang byed pa med par shes te/ chas dang chos ma yin

pa'i las gang yang gsog par mi byed/ las gsar pa ma bsags shing
rnyid pa zad pas sngar blangs pa'i lus dang dbang po dang blo
dang bde sdug 'dod sdang sogs bdag dang bral zhing/ gsar pa'i
lus dang dbagn po blangs pas/ bud shing zad pa'i

me bzhin du skye ba'i rgyun chad de bdag 'ba' zhig tu gnas par
gyur pa na thar pa thob pa yin zhes zer ro/ /de ltar na spyir mu
stegs kyi grub mtha' 'di rnams las grangs can pa dang/ bye brag
pa/ zhing/

@31a @#/ /khyad par du tshad ma sde bdun sogs 'phags yul gyi shing
rta chen po'i gzhung rnams su 'di dag gi 'dod pa 'gog pa'i rigs
pa mang du gsungs pa rnams kyi phyogs snga ma legs par ma shes
na/ de 'gog pa'i rigs pa'i gnod pa

'bab tshul kyang shes par dka' bas bdag gis 'dir cung zad phye
ste bshad pa yin zhing/ da dung zhig par shes 'dod na 'phags yul
mkhas pa'i gzhung dang/ rje bdag nyid chen po'i sras kyi thu bo
rnam gnyis kyis mdzad pa'i rnam 'grel nges kyi

TIkka chen mo rnams su blta bar bya'o/ /gnyis pa de dgag pa ni/
khyod kyi 'jig rten gyi gnas lus longs spyod rnams spyir blo
sngon du song ba tsam du sgrub pa yin nam/ blo rtag pa zhig gis
byas par sgrub pa yin nam/ /byed pa po dbang phyug sngon du

song ba nyid du sgrub pa yin grang/ dang po ltar na grub pa la
sgrub pa nyid du gyur te/ rang rgyu sems pa'i las las skyes par
sangs rgyas pas grub zin pa'i phyir/ gnyis pa ltar na rtags chos
gnyis ldan gyi dpe ma grub ste/ blo rtag pa yin pa mi srid pa'i

phyir/ gsum pa ltar na dbang phyug nyid kyis ma nges te/ 'di
ltar dbang phyug chos can/ byed pa po gzhan sngon du song bar
thal/ sdod cing 'jug pa'i phyir/ zhes bya ba la sogs pa khyod la
yang mtshungs pa'i phyir/ de la 'dod na/ dbang phyug

rtag pa ma yin par thal lo/ /dbang phyug byed pa por sgrub pa la
dbyibs kyi don rtags su mi rung ste/ dbyibs khyad par can yang
mi rung/ dbyibs tsam yang mi rung ba'i phyir/ dang po der thal/
rang byin gyis rlob pa'i skyes bu phan byed du yod med kyi rjes
su

@31b 'jug pa can gyi dbyibs ldan de dag dpe bum sogs ji 'dra ba
de ltar rab tu ma grub pas phyogs kyi chos ma grub pa'i phyir/
gnyis pa der thal/ de dag gi dbyibs skyes bus byas pa'i dbyibs
dang rgyu rigs tha dad pa'i dngos po las skyes par rab tu grub

pa'i phyir/ des na dbyibs tsam du mtshungs pas de ltar sgrub mi
nus te/ skya bo'i rdzas las rang yod pa'i gzhir me dpog pa bzhin
no/ /gzhan du na grog mkhar yang rdza mkhan des byas par thal/
de dang rdza mkhan gyis byas pa'i bum pa la sogs pa 'jim pa'i

rnam 'gyur 'ga' zhig mtshungs pa'i phyir/ dbang phyug chos can/
myu gu'i rgyu dang rgyu ma yin pa gnyis ka yin par thal/ dbang
phyug myu gu'i rgyu yin pa'i rang bzhin las ma 'phos bzhin du
skabs la lar de'i rgyu ma yin pa'i rang bzhin du 'dod pa'i
phyir/ khyab

pa med na 'brel med kyi sdong dum yang rma sos pa la sogs pa'i
rgyur rtogs rigs par thal lo/ /zhes pa ni rig pa'i dbang phyug
gis/ sdod 'jug dbyibs kyi khyad par dang/ don byed pa la sogs pa
dag /'dod pa grub pa'am dpe ma grub/ /yang na the tshom za

ba yin/ /zhes sogs kyis bstan pa'i rigs pa'o/ /dbang phyug chos
can/ kun lam khyab par thal/ cha med pa'i gcig pu yin pa'i
phyir/ snod bcud mtha' dag chos can/ dus rtag tu skye ba kho nar
'gyur bar thal/ khyod kyi rgyu dbang phyug rtag pa

dus rtag tu gnas pa'i phyir/ dbang phyug chos can/ snod bcud
thams cad dus rtag tu bskyed pa'am yang na nam yang mi bskyed pa
nyid yin par thal/ khyod kyi rang bzhin nam yang 'gyur ba med
pa'i phyir/ zhes pa rnams ni gzhung chen mo phal che ba las
'byung ngo//

@32a @#/ /dbang phyug gi lung las bshad pa'i dbang bskur gyi cho
ga chos can/ /srid pa las grol ba'i lam min te/ khyod kyis srid
par skye ba'i rgyu phung po la chags pa'i sred pa sogs gang yang
nyams pa med pa'i phyir/ gzhan du na/

dbang bskur thob pa'i skyes bu de dag chos can/ dbang bskur thob
ma thag rang rgyud kyi sems pa'i dbang gis mig sogs yul la 'jug
pa'i bya ba rnams rgyun 'chad par 'gyur bar thal/ de ltar byed
pa'i sems pa'i nus pa dbang bskur gyis bcom

pa'i phyir/ ci ste dbang bskur thob pa rnams shi ba'i tshe blo
med pa'i phyir de dag rgyun 'chad par 'gyur ro zhe na/ de 'dra'i
'chi kha ma'i gang zag gi rgyud kyi dri ma rnams chos can/ rigs
'dra phyi ma 'tshams sbyor te/ de'i dngos rgyu nus pa thogs med
tshang ba'i

phyir/ bdag rtag par smra ba khyed rnams la bcing grol gang yang
mi 'thad de/ rtag pa ni rang bzhin 'gyur ba med pas rkyen la
ltos pa med pa'i phyir/ rgyu dang 'bras bu'ang gcig par 'gyur
bar thal/ bdag rtag pa de nyid las gsog pa po dang 'bras bu

myong ba po yin pa'i phyir/ ci ste rgyu 'bras de dag bdag las
tha dad pas skyon med do zhe na/ bdag rtag pa de chos can/ rgyu
'bras de dag byed pa po dang za ba po ma yin par thal/ khyod de
dag las bdag nyid 'brel ba med pa'i tha dad yin pa'i phyir/ zhes

pa rnams ni rnam 'grel las/ lung tsam gyis ni grol bar yang/
/smra ba yongs su mgu byed min/ /zhes sogs kyis bstan pa'i rigs
pa'o/ /gsal byed dngos po las rdzas tha dad pa'i rigs sogs yod
pa mi 'thad de mngon sum gyi tshad mas ma

@32b mthong ba'i phyir dang/ rjes dpag gi rten du gyur ba'i
rtags yang dag med pa'i phyir/ phyi ma der thal/ de sgrub kyi
mthun dpe med pa'i phyir/ gal te dpe med pa ma grub ste/ skyes
bu dbyug pa can zhes pa'i sgra ni skyes bu las don gzhan du gyur
ba'i

dbyug pa kho na rgyur gyur ba'i phyir/ zhe na/ mi 'thad de/
dbyug pa can zhes pa ni skyes bu dang dbyug pa'i 'brel ba kun
rdzob pa las tha snyad 'dogs pa yin gyi dbyug pa kho na'i rgyu
mtshan gyis ma yin pa'i phyir/ gzhan du na dbyug pa yin

gar ba la yang dbyug pa can du shes par thal lo/ /du ma la sgra
gcig 'jug pa rgyu mtshan don gzhan gyis khyab pa yang mi 'thad
de/ tshig gi don drug la dngos po zhes pa'i sgra gcig 'jug pa
yang tshig gi don drug las gzhan pa'i dngos po la bltos

par thal bar 'gyur ba'i phyir/ ci ste de yang yod do zhe na/
tshig gi don drug las gzhan pa'i shes bya med par smras pa mi
'thad par 'gyur ro/ /'di ni rnam 'grel le'u gsum pa'i rigs pa'o/
/lnga pa gcer bu pa dgag pa la/ 'dod pa brjod pa dang/

de dgag pa gnyis/ dang po la/ ston pa ni rgyal ba dam pa dang/
drang srong mchod 'os dang/ khyu mchog dang/ 'phel ba sogs ston
pa nyid shu rtsa lnga yod par bshad do/ /ming gi rnam grangs ni
gos med pas gcer bu pa dang/ phyogs kyi gos

can dang/ nam mkha'i gos can dang/ dka' thub kyis sdig pa zad
par 'dod pas zad pa dang/ rgyal ba dam pa'i rjes su 'brangs pas
rkyal ba pa/ mchod pas ston par 'dzin pas mchod 'os pa/ srog
bdag tu smra bas 'tsho ba pa/ gcer bu la

@33a @#/ /ngo tshar mi 'dzin pas 'dzem med pa dang thal ba pa/
phyogs su ldom bu byed pas kun tu rgyu zhes grags so/ /lung ni
rgyas byed skar ma'i bstan bcos la sogs pa'o/ /'dod tshul la 'das
'dod pa'i tshig gi don dgu ni/ srog /zag pa/

sdom pa/ nges par rga ba/ 'ching ba/ las/ sdig pa/ bsod nams/
thar pa rnams so/ /dus 'khor las ni/ srog ldan/ srog ldan ma yin
pa/ zag pa/ sdom pa/ spang ba/ bcings pa/ 'phar ba/ 'gro ba/
'ong ba ste dgur 'dod par bshad la/ de las snga ma

'phags yul gyi gcer bu pa dang phyi ma shamb+ha la'i gcer bu pa'i
lugs su mkhas pa dag bzhed do/ /rdzas dang rnam grangs kyi 'dod
tshul ni srog lta bu de dag phal cher gyi rdzas dang rnam grangs
gnyis gcig pa dang tha dad pa'i tshul yod de/ de gnyis yul dus
rang

bzhin tha mi dad pas de'i sgo nas rdzas gcig dang grangs dang
ming gi rnam grangs tha dad pa'i sgo nas rnam grangs tha dad par
bzhag pa'i phyir/ dper na gzugs la sogs pa dag bum pa las yul
dus rang bzhin tha mi dad pas rdzas gcig yin la/ bum pa ni gcig

dang gzugs la sogs pa ni mang po yin pas grangs kyis tha dad par
'jog pa bzhin no/ /de yang rdzas ni nam yang mi 'jig par rjes su
'gro bas rtag pa yin la/ rnam grangs ni rjes su 'gro ba med pa'i
sgo nas ldog pas mi rtag pa'o zhes zer ro/ /de la srog ni/ bdag

yin la/ de yang skyes bu rnams kyi lus kyi tshad ji lta ba bzhin
du yod pa shes pa yin la/ ngo bo rtag pas dus thams cad du rjes
su 'gro ba'am 'jug pa can dang/ rnam grangs mi rtag pas gnas
skabs ldog pa'i mtshan nyid can yin no/ /zhes smra'o/ /gzhan yang

@33b dus ni gsum ste/ 'das pa dang ma 'ongs pa dang da ltar ba
rdzas su yod pa rtag pa'o/ /rdzas ni drug ste/ grog dang/ gang
zag dang/ dus dang/ nam mkha' dang/ bsod nams dang/ sdig pa'o/
/srog can gyi sde ni dgu ste/ de las dang/ chu dang/ shing dang/
me dang/

rlung dang/ srin bu dang/ grog ma dang/ bung ba dang/ mi rnams
so/ /de las sogs lnga ni dbang po gcig ldan te/ reg pa'i dbang
po dang ldan pa'i phyir ro/ /srin bu dang/ bung ba dang nya
lcibs dang srin bu padma la sogs pa ni dbang po gnyis ldan te/
reg pa dang ro'i dbang

po dang ldan pa'i phyir ro/ /grog ma dang srin gyi me la sogs pa
ni dbang po gsum ldan te/ reg pa dang ro dang sna'i dbang po
dang ldan pa'i phyir/ sbrang bu mchu ring la sogs pa ni dbang po
bzhi ldan te/ reg pa ro sna mig gi dbang po dang ldan pa'i phyir
ro/ /ma dang rkang bzhi pa

dang bya la sogs pa ni dbang po lnga ste/ reg pa dang/ ro dang
sna dang mig dang rna ba'i dbang po dang ldan pa'i phyir/ zhes
zer ro/ /dus 'khor nas srog can gyi sde drug tu 'dod par yang
bshad do/ /zag pa ni dge ba dang mi dge ba'i las kyis zag par
byed pa'o/ /sdom

pa ni zag pa 'gog pa nyid de/ las gsar du mi gsog pa'i phyir ro/
/nges par rga ba ni sdom pa de nyid dang/ zas mi za ba dang/
skom mi 'thung ba dang/ bsam gtan la sogs pa dka' thub dang bcas
pas sngon nye bar bsags pa'i las rnams zad par byed pa'o//

'ching ba ni nyes par smra ba dag gis brtags pa'i log par lta
ba'o/ /las ni phyis myong bar 'gyur ba la sogs pa'o/ /sdig pa ni
chos ma yin pa'o/ /bsod nams ni chos so/ /thar ba ni lus gcer bu
dang ngag mi smra ba la sogs pa'i sdom pa dang/ mi

@34a @#/ /'tshe ba dang bden smra sogs brtul zhugs dang/ blo gros
dang thos pa sogs ye shes dang/ me lnga bsten pa la sogs pa'i
dka' thub kyi spyod pa la brten nas las thams cad zad pa na 'jig
rten thams cad kyi steng na khams

gsum las 'das pa dbyibs gdugs dkar po gyen la bslang ba lta bu/
kha dog ku mud kyi mdog can dkar po/ /chad dpag tshad 'bum phrag
zhe lnga yod pa 'jig rten 'dus pa zhes bya ba srog yod pas dngos
po yin pa 'khor ba las grol bas dngos po

med pa yang yin pa der 'gro ste/ gnas de la ni thar pa'i 'gro ba
zhes bya'o/ /de ltar yang rgyal ba dam pas/ kha ba rgya spas me
tog mdog /ba zho ba ma mu tig mdag /gdugs bkan bzung ba'i dbyibs
'dra ba/ /thar pa yin par rgyal bas bshad/ /ces so/ /

dngos po rnams kyi rgyu 'bras ni/ rang bzhin gcig cing gnas
skabs tha dad pas 'bras bu thams cad bdag gzhan gnyis ka las
skye ba yin no/ /zhes zer ro/ /'dod pa rnams sgrub byed kyi rigs
pa ni/ ljon shing chos can/ sems yod de/ mthun pa las skye

pa'i phyir/ dper na rta las rta skye ba bzhin dang/ dus su ldan
pa las skye ba'i phyir/ dper na rta sogs dpyid dus dang khyi
sogs ston ka skye ba bzhin dang/ dgun dus gnyid lag cing dbyar
dus smyo ba'i phyir/ rkyang la sogs pa bzhin/ zhes sogs zer
zhing/ 'jig rten la

chos kun mkhyen pa med de/ gcig gis kun mkhyen pa tshad mas ma
grub pa'i phyir dang/ ston pa sangs rgyas ni kun mkhyen ma yin
te/ skar ma'i bstan bcos sogs ma brtsams pa'i phyir dang/ de nas
bshad pa sun 'byin pa'i phyir dang/ dngos po bcu bzhi lung ma
bstan

@34b pa'i phyir dang/ 'khor ba'i thog ma'i mtha' ma shes pa'i
phyir/ zhes sogs mang du smra'o/ /de dag rgyas par mangs pas
dogs nas ma bris te/ rtog ge 'bar bar blta bar bya'o/ /gnyis pa
de dgag pa ni/ rgyu 'bras rang bzhin gcig pa mi 'thad de/ don la
'jug pa

'chol bar thal ba'i phyir/ gzhan du na zho 'thung ba don du
gnyer bas rnga mo 'thung ba la 'jug par rigs te/ rgyu dang 'bras
bu'i rang bzhin dbyer med pa'i phyir ro/ /ci ste zho la rnga mo
las phul du gyur pa'i khyad par yod pas skyon med do zhe na/ 'o
ma'i rnam 'gyur gyi

khyad par gang la yod pa de nyid kho na zho yin dgos pas 'o ma'i
rnam 'gyur de rnga mo la med pa'i phyir/ rnga mo ni zho rnga
gnyis ka min gyi zho las gzhan yin par thal lo/ /'dod na/ rang
bzhin gcig pa nyid nyams so/ /gzhan yang dngos po rnams la sgra
blo tha dad pa 'jug

par mi 'gyur bar thal/ dngos po thams cad rang dang rang ma yin
pa kun gyi bdag nyid yin pa'i phyir/ 'dod na/ tha dad pa du ma
gcig tu 'dus pa ma srid par thal lo/ /zhes pa ni rig pa'i dbang
phyug gis/ thams cad gnyis ka'i ngo bo nyid/ /de yi khyad par
bsal

ba'i phyir/ /zho 'thung zhes ni bskul ba na/ /ci'i phyir rnga mo
la mi 'jug /ces sogs kyi rigs pa'i/ /gzhan yang srog sogs mi
'jig kyang 'jig pa can yin par 'dod cing/ bdag de'i bdag nyid
gang yin pa'i rdzas de rnam grangs 'brel bar 'dod pa mi 'thad
par thal

sngar yod ma dar ba'i rang gi ngo bo dang 'brel na yang mi
'thad/ sngar gyi ngo bo dor ba dang 'brel na yang mi 'thad pa'i
phyir/ dang po ma grub na/ bdag gam sems pa can chos can/ 'jig
pa can ma yin par thal/ snga phyi'i gnas skabs la khyad par
'gyur ba med pa'i phyir/ phyi ma ma

@35a @#/ /grub na/ de rtag pa ma yin par thal/ sngar gyi rang gi
ngo bo dor ba'i phyir/ ci ste rdzas gcig pas skyon med byas na/
de gnyis la 'jig mi 'jig gi khyad par med par thal/ rang bzhin
cha med gcig yin pa'i phyir/ 'dod na mtshan nyid tha dad pa nyams

so; ;zhes pa ni tshad ma'i de kho na nyid bsdus pa las bshad pa'i
rigs pa'o/ /shing rnams la dbang po yod pa'i sgrub byed rnams
kyang ma ngas te/ dbang po med kyang yul la nye bar dmigs pa
'khrul pa 'byung ba'i phyir/ dper na khab len gyi rdo dang nye
ba las lcags

g.yo ba bzhin/ ljon shing chos can/ sems ldan ma yin te/ skye
gnas bzhis ma bsdus pa'i phyir dang/ dkyil du bcad kyang bzod
pa'i phyir/ phag dum bzhin/ dus su skye ba dang/ phan pa dang/
gnod pa la sogs pa'i rtags kyang sems ldan du bsgrub pa la ma

nges pa yin te/ sems dang mi ldan yang rigs mthun pa las 'bras
bu sna tshogs pa mthong ba'i phyir/ grog mkhar dang/ byi ru dang/
gser gyi myu gu la sogs pa bzhin no/ /zhes pa rnams ni slob dpon
legs ldan gyi gzhung las byung ba'i rigs pa'o/ /kun mkhyen kun

mkhyen ma yin par sgrub pa'i rigs pa rnams kyang rigs pa ltar
snang 'ba' zhig ste/ skar rtsis kyi bstan bcos la sogs pa ni
grol ba don du gnyer ba rnams la dgos pa'i gtso bo ma yin pa'i
phyir/ thun mong gi bstan bcos su ma gsungs pa dang/ lung ma
bstan gyi lta ba

bcu bzhi mkhyen kyang bstan na don ma yin pa chen po bskyed par
dgongs nas ma gsungs pa dang/ 'khor ba la thog ma'i mtha' med
pas gnas tshul ji lta ba bzhin du mkhyen nas gsungs pa yin pa
sogs khyod kyis skyon du gang smras pa thams cad ston pa sangs
rgyas kyis

@35b gdul bya'i khams dang bsam pa dang bag la nyal ji lta ba
bzhin mkhyen nas gdul bya 'dul ba'i phyir du bstan pa'i mdzad
pa'i rnam grangs kho na yin pas kun mkhyen nyid du bsgrub pa la
gtan tshigs su 'gyur gyi ma yin par bsgrub pa lam yin pa'i phyir
ro/ /'di dag

kyang rgyas par dbu ma snying po rtsa 'grel sogs su blta bar
bya'o/ /gsum pa de dag gi don bsdu ba ni/ de ltar mu stegs rnams
kyis kun tu brtags pa'i rtag pa dang chad pa'i mtha' thams cad
dngos po stobs zhugs kyi rigs pa dri ma med pa dag gis 'gog pa'i
tshul rgyal

ba'i gdung 'tsho ba shing rta chen pa dag gi gzhung las mang du
'byung ba ni dgos pa khyad par can du ma dang ldan te/ snying
nas grol ba don du gnyer ba rnams kyis rang gi lugs kyi bstan pa
dang stan pa skyon med pa la rigs pa'i lam nas drangs pa'i dad
pa bcas ma ma yin

pa bskyed par bya ba'i phyir dang/ 'khor ba las grol bar byed
pa'i lam yang dag pa skye ba'i bgegs kyi gtso bo sdug bsngal la
rgyu med par 'dzin pa dang/ rgyu yod kyang gtso bo dang dbang
phyug la sogs pa mi mthun pa'i rgyu las 'byung bar 'dzin pa
dang/ don ma yin pa'i

dka' thub dang dbang phyug gis dbang bskur ba la sags pa lam ma
yin pa la lam du 'dzin pa dang/ thar pa ma yin pa la thar par
'dzin pa la sogs pa'i log par rtog pa mtha' dag drungs nas 'byin
pa'i phyir dang/ gzhan yang skye ba gzhan dag tu rgyang 'phen
sogs kyi grub

pa'i mtha' dang gzhung lugs thos pa'i stobs kyis bag chags bzhag
pa rnams kyi sa bon nyams smad par bya ba'i phyir dang/ skye ba
phyi ma rnams su yang lag par lta ba mtha' dag las ldog pa'i
phyir dang/ yang dag pa'i lta ba myur ba myur bar skye ba'i bag
chags brtan po

@36a @#/ /bzhag par bya ba'i phyir du dgag sgrub kyi rnam par
bzhag pa du ma mdzad pa yin pa'i phyir ro/ /des na bdag legs su
'dod pa rnams kyis yang dag pa'i rigs pa'i gzhung lugs chen mo
rnams la bshad chos tsam dang phyi'i go rgya gcod pa'i

yan lag tsam yi gyi sgrub pa nyams len byed pa la mi mkho'o
snyam pa'i lta ba ngan pa dang/ gzhan dang gshags byed pa tsam
gyi phyir dang/ rnyed bkur sogs 'thob tu re ba'i kun slong ngan
pa mtha' dag rgyang ring du bsrings te gus sbyor dang rtag sbyar
gyi brtson pas thos pa dang/

bsam pa lhur len pa gnod kyi don po yin no/ /don gyi dbang 'di
gzigs nas bdag cag rnams kyi 'dren pa dam pa rgyal ba'i gdung
'tshob chen po rgyal ba gnyis pas/ smra ba'i khyu mchog 'phags pa
yab sras dang/ /log smra tshar gcod phyogs glang grags

pa las/ /legs par 'ongs pa'i rigs lam bdud rtsi'i chus/ /blo mig
dri ma yang yang ma bkrus na/ /shin tu zab gnas mthong ba smos
ci dgos/ /rags pa'i lung don la yang dpyod pa na/ /phal cher log
par rtog pa 'phel 'gyur zhing/ /gal te yang dag dam bca'

tsam zhig gi /nges pa rnyed kyang sgrub dang sun 'byin gyi/
/tshad ma'i stobs kyis the tshom ma chod phyir/ /'dam la btab pa'i
phur pa bzhin 'gyur bas/ /yang dag bag chags brtan po 'jog mi
nus/ /zhes dang/ de phyir blo gros phra zhing mdzangs pa dang/
/ku sha'i rtse ltar ma gyur

de srid du/ /ngoms mi sla bar rigs pa'i gzhung lugs la/ /mkhas
pa'i bshes la brten te legs par sbyangs/ /zhes gsungs pa yin no/
/