@#/ /grub pa'i mtha'i rnam par bzhag pa gsal bar bshad pa thub
bstan lhun po'i mdzes rgyan zhes bya ba las sde tshan gsum pa
bzhugs so/ /

@01a @##/ /gnyis pa gtso bor chos kyi bdag med gtan la dbab pa'i
dbang du byas te theg chen grub mtha' smra ba'i lugs bshad pa la
gsum/ spyi'i rnam gzhag/ so so'i rnam gzhag/ sngags kyi theg
pa'i rnam

gzhag mdo tsam du bshad pa'o/ /dang po la spyir theg pa chen
po'i bstan pa ni bcom ldan 'das mya ngan las 'das pa'i rjes su
yang lha dang klu'i yul du shin tu dar ba dang/ gling gzhan dag
tu'ang theg chen gyi bstan pa yod par

bshad mod/ 'dzam bu gling 'dir ni sa la gnas pa'i byang chub
sems dpa' dang sbas pa'i brtul zhugs spyod pa mang po zhig gis
theg chen gyi lam nyams su bstar ba dang/ skal ba dang ldan pa
rnams la 'chad pa sogs kyis

theg chen gyi bstan pa 'dzin pa dang spel ba cung zad yod mod
kyang phal che ba ni nyan thos sde gnyis kyi lugs 'dzin pa dag
gis gang ba dang/ tshad ma'i skyes bus rgyal ba'i bka' la drang
nges 'byed pa'i shing rta'i srol gsal bar phye

ba med pas theg pa chen po'i bstan pa nyams dmas pa lta bur gyur
pa na/ ston pa rang nyid kyis lung bstan pa ltar rgyal ba'i
bka'i dgongs pa 'grel ba la tshad mar gyur pa'i shing rta'i srol
'byed chen po mgon po klu sgrub dang 'phags

@02a @##/ /pa thogs med gnyis kyis/ bcom ldan 'das nyid kyi bka'
la brten nas rgyal ba'i bka'i drang ba dang nges pa'i don rnam
par 'byed pa'i tshul lung dang rigs pa dri ma med pa dag gis
rgyas par

gtan la phab ste byang chub kyi sems dang spyod pa pha rol tu
phyin pa drug la sogs pa la slob pa'i rgya che ba'i lam gyi rim
pa dang/ chos thams cad kyi gnas lugs de kho na nyid gtan la
'bebs pa'i zab mo'i lam gyi rim pa

nyams su len pa'i tshul yongs su rdzogs pa gsal bar mdzad pas/
rgyal ba'i bstan pa rin po che la zhugs pa'i skal ba dang ldan
pa rnams la bka' drin 'khor mtha' ma mchis par gyur cing de nas
brtsams te theg chen

gyi bstan pa yongs su rgyas par gyur to/ /rje btsun de gnyis kyi
mdo gang la brten nas gsung rab kyi drang nges ji 'drar phye ba
ni 'og tu 'chad par 'gyur ro/ /de'i phyir rje bdag nyid chen
pos/ bde gshegs gsung rab tshul

gnyis shing rta'i srol/ legs par phye bas rgyal ba'i bstan pa
mchog /sa gsum 'gro na nyi ltar gsal mdzad pa/ /klu sgrub thogs
med zhabs la spyi bos 'dud/ /ces gsungs so/ /drang nges phye
tshul yang klu sgrub kyis rigs

@02b tshogs drug /mdo kun las btus dang/ thogs med kyis sa sde
lnga/ sdom rnam gnyis sogs las 'byung ba ltar rgyal ba'i gsung
rab rnams las gang zhig ni drang ba'i don yin/ gang zhig ni nges
pa'i don yin/ de dag gi drang

nges kyi khyad par ni 'di lta bu/ khyad par nges drang nges
'byed pa'i rgyu mtshan ni 'di lta bu zhes gsung rab spyi'i dgongs
pa 'grel chul rgyas par gtan la phab pa la bya yi mdo gang yang
rung ba zhig gi don bkral ba tsam la mi bya'o/ /de'i phyir

bod snga ma dag gis shing rta'i srol 'byed bzhir 'dod pa rje
bdag nyid chen pos legs bshad gser 'phreng du bkag pa ltar yin
la/ rang re'i mkhas pa dag gis rje btsun byams pa dang/ klu
sgrub thogs med gnyis te shing rta'i

srol 'byed gsum du 'dod pa yang legs bshad gser 'phreng las/ rje
btsun dang klu sgrub zhabs gnyis kyis sher phyin 'grel tshul
gnyis su byung ngo zhes bya bar yang gnas so zhes gsungs pa'i
don du bsams par snang na'ang/

gsung de ni rje btsun byams pas mngon rtogs rgyan du yum gyi
sbas don mngon rtogs kyi rim pa gtso bor bkral ba dang/ dpal
mgon klu sgrub kyis rtsa ba shes rab sogs su yum gyi dngos bstan
stong nyid kyi rim pa gtso bor bkral bas

yum don gtso bor 'grel tshul mi 'dra ba gnyis su gnas par gsungs
pa yin gyi/ dbu ma pa'i shing rta'i srol 'byed la gnyis su bzhed
pa min no/ /legs bshad snying po las/ mgon po klu sgrub kyis ngo
bo nyid med pa'i tshul

@03a @# / /dang; bdag nyid chen po thogs med kyis rnam bar rig pa
tsam gyi tshul gyi shing rta chen po'i srol gnyis phye nas zhes
gsungs pa ltar/ dbu ma pa'i shing rta'i srol 'byed klu sgrub
dang/ sems tsam pa'i shing rta'i srol

'byed thogs med kho nar byed pa rje bdag nyid chen po'i dgongs
pa yin no/ /rje'i sras kyi thu bo rgyal tshab thams cad mkhyen
pas rnam bshad snying po'i rgyan dang/ mkhas grub smra ba'i nyi
mas ni stong thun skal bzang mig 'byed du yang shing rta'i

srol 'byed la klu sgrub dang thogs med gnyis kho nar nges pa'i
rgyu mtshan mang du gsungs te/ 'dir lung rnams mangs kyis dogs
nas ma bris so/ /gzhan du na rje btsun byams pa sems tsam pa'i
shing rta'i srol 'byed du yang thal bar

'gyur te/ mdo sde rgyan dang 'byed rnam gnyis su sems tsam pa
dang mthun pa'i lta ba bstan pa'i phyir ro/ /mngon rtogs rgyan
lta bu ni dbu sems kyi shing rta chen po rnams kyis rang rang
gis gang 'dod pa'i phyogs su legs par bkral 'dug

pas/ des tshul gzhan du drang du mi rung ba'i dbu ma pa'i shing
rta'i srol phye bar ga la rung/ gal te de lta na bzhi brgya pa
yang gnas brtan chos skyong gis sems tsam du bkral ba dang/ rigs
tshogs rnams kyang sems tsam gyi phyogs su drangs

pa snang bas rigs tshogs kyang dbu ma pa'i shing rta'i srol 'byed
pa'i bstan bcos ma yin par 'gyur ram snyam na mi mtshungs te/
mngon rtogs rgyan gyi dgongs don mthar thug dbu mar gnas kyang
bstan tshod kyi don tsam la dbu sems

@03b gnyis ka'i cha yod par 'grel byed mkhan po dag gis bshad
pas na sems tsam du bkral pa yang rgyan gyi dgongs pa mthar thug
min kyang dgongs pa tsam du gnas pa'i phyir dang/ dbu ma rigs
pa'i tshogs rnams kyis rnam pa thams cad du dbu ma pa'i lugs gsal

bar mdzad kyi sems tsam pa'i phyogs bstan pa med pas sems tsam
gyi phyogs su bkral ba rnams kyis bstan bcos kyi dgongs pa ma
rtogs par 'jog dgos pa'i phyir/ 'o na mgon po klu sgrub rang
nyid kyis mdzad pa'i bstan bcos rnams su rnam par rig pa tsam
gyi

lugs mi 'thad pa'i tshul dngos su bstan pa cher med pa ci yin
snyam na/ de ni 'phags pa thogs med kyis rnam par rig pa tsam
gyi shing rta'i srol phye ba ni mgon po klu sgrub kyis rigs
tshogs mdzad pa'i rjes nas byung ba yin pas rtsa bar lugs de 'gog
pa'i rigs pa

dngos su ma byung ba'i rgyu mtshan de yin la/ 'on kyang rigs
tshogs las bshad pa'i rigs pa phal mo che zhig ni sems tsam pa
'gog pa la yang sbyor bar zla ba'i zhabs dang/ legs ldan 'byed
rnams kyis gsungs so/ /de ltar yang rje bdag nyid chen pos/ rnal
'byor spyod

pa pas dngos po bden par smra ba'i bstan bcos kyi rnam gzhag
byas pa ni rtsa ba mkhan po'i rjes su byung bas/ 'dir yang rang
sde phyogs sngar len pa don smra gnyis phyogs sngar mdzad la de
dag la lung gis gnod pa ston pa na'ang theg dman gyi sde snod
nas 'byung ba nyid

kyis mdzad do/ /de lta na'ang 'di dag gi 'dod pa bkag na rnal
'byor spyod pa pa'i dngos po bden par 'dod pa yang khegs par
'gyur bas 'gog pa'i rigs pa ni thun mong ba kho na'o/ /zhes rtsa
she'i rnam bshad chen mor gsungs so/ /rje btsun dam pa 'jam
dbyangs

@04a @# / /bzhad pa'i rdo rjes kyang/ phar phyin gyi yig char
sngon gyi mkhas pa'i khas len gyi rting snan tsam mdzad kyang
rang gi bzhed pa ni shing rta'i srol 'byed gnyis su nges pa yin
par grub mtha'i rnam gzhag gi bshad lugs las shes so/ /

dbu sems kyi shing rta'i srol chen po 'di gnyis la bden pa bzhi
dang rten 'brel bcu gnyis la sogs pa theg pa dman pa'i lam gyi
rim pa'i nyams len dang/ theg pa chen po'i lam gyi rim pa la
yang spyod pa'i rten sems skyed pa dang/ spyod pa pha rol

tu phyin pa drug la slob pa dang/ lam lnga sa bcu rim gyis bgrod
dgos pa dang/ 'bras bu'i skabs su sku gsum gyi rnam gzhag byed
pa dang/ lam gyi spang bya sgrib pa la nyon sgrib shes sgrib
gnyis dang/ de'i gnyen po bdag med rtogs pa'i shes rab

la gang zag dang chos kyi bdag med pa rtogs pa'i shes rab gnyis
su 'jog pa sogs phal cher mtshungs shing/ bdag med pa gnyis gtan
la 'bebs tshul dang/ des sgrib pa spong tshul dang/ theg pa che
chung gi lam gyi rtogs pa skye tshul gyi rnam

gzhag ni 'chad par 'gyur ba ltar mi 'dra ba shin tu mang ngo/
/de'i phyir chos kyi bdag med pa dang/ sa bcu'i rnam gzhag dang/
longs sku sogs theg chen gyi lam 'bras yongs su rdzogs pa'i rnam
gzhag khas len pa dang mi len pa'i khyad par gyis theg

pa che chung gi grub mtha' smra ba'i tha snyad byas pa yin gyi/
gang dag theg chen grub mtha' smra ba dang theg chen gang zag
gcig tu 'dod pa dag gis ni rang gi de nyid gsal bar bsgrags pa
yin no/ /'o na nyan thos sde gnyis la theg chen gang zag yod

@04b dam med ce na/ spyir de dag gi rgyud la sangs rgyas thob
'dod kyi blo tsam skye ba'i mtha' ma bkag kyang rang gi grub
mtha' ma dor bzhin du byang chub kyi sems mtshan nyid tshang ba
skye ba ni gnas med de/ 'di ltar theg chen sems bskyed mtshan
nyid tshang ba skye

ba la byang chub don gnyer dang gzhan don don gnyer gyi blo
gnyis skye dgos la/ don du gnyer bya'i byang chub de la yang tha
na rnam rig pa'i lugs ltar gyi srid zhi'i mtha' gnyis bkag pa'i
mi gnas pa'i myang 'das shig dgos pa'i phyir dang/ gzhan don
mthar

thug gzugs kyi sku gnyis kyi nang nas kyang longs spyod rdzogs
sku gtso bo yin pa'i phyir dang/ khyad par du grangs med gsum
gyi mgo rtsom pa'i byang chub sems dpa' la theg bsdus las/ bzang
dang smon pa'i stobs can dang/ /zhes sogs gsungs pa ltar gyi

mtshan nyid tshang dgos pa'i phyir/ 'di dag shing rta chen po
gnyis kyi gzhung lugs mang po las gsal bar bshad cing rje yab
sras kyis kyang lan cig ma yin par bshad mod 'dir mangs kyis
dogs nas ma bris so/ /des na slob dpon byang chub bzang pos/

mdo sde pa la bsngo ba dang/ smon lam dang snying rje chen po
yod pas theg chen pa dang/ bye brag smra ba bskal pa mang por
zhi ba'i dbyings su gnas pas theg dman pa yin par bshad pa dang/
rgya gar ba gzhan 'ga' zhig gis kyang de ltar bshad mod shing

rta chen po rnams kyi gzhung dang 'ga' bas 'thad par mi sems so/
/des na gzhung lugs chen mo rnams kyi don la dpyod pa'i tshe/ rje
yab sras kyi bka' sol ltar shing lta chen po rnams kyi gzhung
dang mthun pa zhig dgos kyi/ rgya gar ba gcig gis bshad

@05a @# / /pa tsam rgyu mtshan du byas te lung mang du 'dren pa
tsam la dga' bar mi bya ste/ mkhas pa rnams kyi lugs ni gang zag
la mi rton chos la rton pa yin pa'i phyir ro/ de ltar na shing
rta'i srol 'byed gnyis kyis theg pa chen po bkar sgrub

tshul ji 'drar mdzad/ rigs pa ci 'dra zhig gi sgo nas drang nges
phye ba yin zer na bshad par bya ste/ 'di la gnyis/ theg chen
bkar sgrub tshul dang/ rigs pa ji lta bu'i sgo nas drang nges
phye tshul lo/ dang po la gnyis/ nyan thos sde gnyis kyis theg

chen bka' ma yin par smra tshul dang/ de'i lan bshad pa'i sgo nas
theg chen bkar sgrub tshul lo/ /dang po ni/ don smra sde gnyis na
re/ theg pa chen po'i mdo rnams ni bka' ma yin te/ sde snod gsum
du ma bsdus pa'i phyir/ rig byed mtha' ba'i

lta ba bzhin no/ /rig byed mtha' ba rnams ni ganggA'i chus bkru
ba dang/ chu 'thung ba dang/ smyung bar gnas pa dang/ gsang
sngags bzlas pas sdig pa 'dag par smra ste/ theg pa chen po las
kyang de bzhin du byung bas bka' ma yin no/ /chad par lta ba

rnams bzhin du rgyu dang 'bras bu'i chos thams cad stong pa nyid
du smra ba'i phyir dang/ sde pa bco brgyad po gang gi yang
khongs su ma gtogs pa'i phyir dang/ sdud par byed pa po dag gis
ma bsdus pa'i phyir dang/ longs spyod rdzogs pa'i sku rtag par

smra bas 'dus byas thams cad mi rtag par smra ba dang 'gal ba'i
phyir dang/ bde gshegs snying pos kun la khyab pa dang len pa'i
rnam par shes pa ston par byed pas bdag med pa dang 'gal ba'i
phyir dang/ sangs rgyas mya ngan yongs mi 'da' zhes mya

@05b don las 'das pa zhi ba ma yin par smra ba'i phyir dang/
dgra bcom pa rnams la smod pa'i phyir dang/ khyim pa la phyag
bya bar ston pa'i phyir dang/ de bzhin gshegs pa las kyang byang
chub sems dpa' la bsngags pa brjod pa'i phyir dang/ nam mkha'

mdzod la sogs pa'i byang chub sems dpa'i smon lam rnams kyang
tshig tsam yin pa'i phyir dang/ sangs rgyas shAkya thub pa sprul
pa yin par smra bas bstan pa thams cad kyang log pa yin pa'i
phyir dang/ rtag tu mnyam par bzhag pa yin zhes smra ba dang
'gal

ba'i phyir dang/ theg pa chen po'i mdo sde mang po las 'bras bu
med pa'i bsngags pa ston pa'i phyir dang/ shin tu sdig pa chen
po yang rtsa ba nas 'byin par stan pa'i phyir dang/ shin tu
rgyas pa'i mdo las kyang chad bar lta ba ston pa'i phyir dang/
kr-i

kr-i'i rmi lam gyi dbye bas ma bstan pa'i phyir dang/ theg pa
chen po'i lta ba ni mngan sum dang grags pa dang 'gal ba'i phyir
dang/ mi rtag sogs bcu drug de nyid ma yin na de nyid med par
'gyur ba'i phyir/ des na theg pa chen po ni bka' ma yin no zhes
zer

ro/ /gnyis pa ni/ 'di'i lan shin tu rgyas par legs ldan 'byed
kyis rtog ge 'bar ba las gsungs te/ de'i yang snying po bsdus pa
tsam ni brjod par bya ste/ dbu ma snying po las/ theg chen sangs
rgyas gsungs yin te/ /bdag med la sogs ston

pa dang/ /dkon mchog gsum gyi bdag nyid che/ /ston phyir slob
ma'i theg pa bzhin/ /zhes gsungs la/ de'i don ni/ theg pa chen
po'i lam 'bras bu dang bcas pa ston pa'i mdo sde chos can/ sangs
rgyas kyis gsungs pa yin te/ bdag med pa la sogs pa'i phyag

@06a @#/ /rgya bzhi rgyas par ston pa'i phyir dang/ dkon mchog
gsum gyi che ba'i bdag nyid rgyas par ston pa'i phyir/ dper na
nyan thos kyi sde snod bzhin no/ /sde snod gsum du ma bsdus pa
yang ma grub ste/ gang theg pa dman pa'i sde snod gsum du

yang theg pa chen po'i 'dul ba la sogs pa rgyas par bstan pas na
mdo sde la sogs pa dang theg pa chen po ni phan tshun bsdus pa
yin pa'i phyir ro/ /gzhan yang theg pa chen po'i mdo sde ni bka'
yin te/ chos kyi phyag rgya dang mi 'gal pa'i phyir dang/ 'phags

pa'i bden pa bzhi ston pa'i mdo sde la yang 'jug /nyon mongs pa
'dul ba yang yang dag par mthong/ rten cing 'brel par 'byung ba
dang yang mi 'gal ba'i phyir/ sde pa bco brgyad po yang nang
phan tshun ? du rang rang gi mdo sde la sogs pa la 'gal ba cher
yod

la; rang gi dbang du byas na theg pa chen po nyid kyang rang gi
mdo sde la yang 'jug /byang chub sems dpa'i bslab pa'i gnas bdun
brgya la yang snang/ stong pa nyid du bstan pa'i chos nyid dang
yang mi 'gal ba'i phyir dang/ rtsa ba'i sdud par byed pa po yang
kun

tu bzang po dang byams pa la sogs pa yin pa'i phyir/ gzhan yang
rnam pa gcig tu na sde pa bco brgyad kyi nang tshan du gyur pa'i
dge 'dun phal chen sde pa'i sde snod kyi gzhi chen po zhes bya
ba dang/ shar gyi ri bo'i dang/ nub kyi ri bo'i sde'i lugs dang/

bzang po'i lam pas 'don pa'i shin tu rgyas pa'i sde snod dang/
'jigs med ri bo'i sde snod khri nyis stong pa sogs las kyang
theg pa chen po'i sa lam gyi rnam gzhag byung ba'i phyir na sde
pa bco brgyad kyi khongs su ma gtogs pas bka' ma yin par

@06b mi 'gyur ro/ /longs spyod rdzogs sku rtag par smras pa yang
rgyun gyi dbang du byas pa dang/ bder gshegs snying pos khyab
par smras pa yang de bzhin gshegs pa'i ye shes kyis shes bya
thams cad la khyab pa dang/ chos nyid sems can thams cad kyi

rgyud la yod pa'i phyir yin gyi/ /dbang phyug dang bdag rtag pa
lta bu ma yin pa'i phyir dang/ len pa'i rnam par shes pa yang
'khor bar 'jug pa dang ldog pa'i rgyur gyur pa skad cig ma'i
rgyun gyis 'jug pa yin gyi rnam pa thams cad pa'i rtag pa ma yin

pa'i phyir dang/ sangs rgyas 'phags pa sems can gyi khams ma lus
pa mthar thug pa'i smon lam btab pas gtan du yongs su mya ngan
las 'das pa ma yin mod kyang/ rnam par rtog pa spangs pa'i mya
ngan las 'das pa khas blangs pa'i phyir/ mya

ngan las 'das pa zhi ba dang 'gal ba ma yin no/ /nyan thos chen
po rnams lung bstan pa yang de dag las dbang po shin tu rno ba
theg chen du 'jug tu rung ba'i ma nges pa'i rigs can rnams la
dgongs te lung bstan pa yin la/ theg chen las dgra bcom pa

rnams la smad pa ni 'ga' yang med de/ 'on kyang mdo 'ga' zhig
las nyan thos dang byang chub sems dpa'i khyad par yungs kar
dang ri rab la sogs pa'i dpes gsungs pa ni thabs dang shes rab
kyi khyad par gyis rang bzhin brjod pa yin gyi/ /dmod

pa ma yin pa'i phyir/ byang chub kyi sems la sogs pa'i yon tan
dang ldan pa'i khyim pa rnams ni rab tu byung ba rnams kyis
kyang phyag bya ba'i 'os yin par sde pa bco brgyad la grags pa'i
gzhung las kyang 'byung pa'i phyir dang/ de bzhin gshegs pa

@07a @#/ /las byang chub sems dpa' la gus par bya ba ni/ rgyu'i
khyad par la gces par bya ba'i slad du mdo du ma las bka' stsal
ba'i phyir dang/ nam mkha' mdzod la sogs pa'i smon lam yang
rkyen yongs su tshang ba na 'bras bu dang bcas

pa kho na yin pa'i phyir/ skyon de dag gis bka' ma yin par
bsgrub mi nus so/ /gzhan yang sh'kya thub pa ni sprul pa kho na
yin par rigs te/ 'og min gyi rten can gyi longs spyod rdzogs
pa'i sku las byung pa'i phyir/ longs sku la rnam par rtog pa mi
mnga'

na yang sprul pa'i sku 'byung ba ni 'gal ba med de/ sngon gyi
smon lam gyi mthu yongs su rgyas pa'i phyir dang/ sangs rgyas
kyi sprul pa ston par ni khyed cag la grangs pa'i lung las kyang
mang du byung ba'i phyir ro/ ganggA'i ? chus 'khru ba la sogs
pa yang chu nyid ni

sdig pa 'dag byed du mi 'dod kyang klu ma dros pa'i smon lam gyi
mthu dang/ smyung gnas la sogs pa ni lha'i sngags sgrub pa'i
ched dang/ gzungs sngags ni ting 'dzin dang shes rab khyad par
can la 'dod bas skyon med la/ nges pa'i las kyang stobs bzhi
tshang

na 'dag pa ni mdo dang rigs pa du mas 'grub pa dang/ theg pa
chen po las 'bras bu mang du bstan pa rnams las 'ga' zhig ni
mthong ba'i chos dang/ 'ga' zhig ni gzhan du myong bar 'gyur ba
la dgongs nas gsungs pa'i phyir 'bras bu med pa'i bsngags pa

ston pa ma yin la/ kr-i kr-i'i rmi lam gyi dbye ba ni shAkya thub
pa'i bstan pa kho na'i dbang du byas pa'i phyir der ma bstan
kyang theg pa chen po bka' ma yin par mi 'gyur ro/ /don dam par
skye ba med pa la sogs pa'i chos kyi bdag med pa'i de kho na

@07b nyid gtan la 'bebs pa'i lta ba ni/ bdag cag gis lung dang
rigs pa dri ma med pas shin tu rgyas par ston nus pa'i phyir
khyed cag gis theg pa chen po bka' ma yin par smra ba ni snying
po med pa'i bdud kyi tshig kho na'o/ /zhes pa rnams rtog ge 'bar
ba

las shin tu rgyas par byung ba'i don cung zad bsdus pa yin la/
blo gros dang ldan pa dag gis rgyas par shes 'dod na der zhib tu
blta bar bya ste ngo mtshar ? ba'i gtam mang du yod do/ /gnyis pa
rigs pa ji lta bu'i sgo nas drang nges 'byed tshul ni/ dbu sems
kyi

shing rta chen po dag gis thub pa'i bka' la drang nges 'byed pa
ni rton pa bzhi dang/ rigs pa bzhi dang/ dgongs pa bzhi dang/
lde ma ? dgongs bzhi rnams kyi sgo nas 'byed pa yin no/ /de la
rton pa bzhi ni chos la rton gyi gang zag la mi rton/ don la
rton gyi tshig 'bru

la mi rton/ nges pa'i don gyi mdo sde la rton gyi drang ba'i don
la mi rton/ ye shes la rton gyi rnam shes la mi rton zhes pa
bzhi'o/ /de la gang la rton pa bzhi ni/ chos/ don/ nges don/ ye
shes bzhi yin la 'di'i chos ni mdo sde'i rgyan las/ gtsug lag

bstan pa'i chos dang ni/ zhes gsungs pas/ 'dir sangs rgyas kyi
bka' dang de'i dgongs pa 'grel ba'i bstan bcos kyi brjod bya
dang rjod byed gnyis ka la gzung ngo/ /don ni/ de don dgongs pa
can dang ni/ zhes gsungs pas de dag gi smras zin tshod

kyi don dang/ gang la bsams te bstan pa'i dgongs pa'i don gnyis
so/ /ngas pa'i don ni/ ngas don tshad ma ldan pa dang/ zhes
gsungs pas sems tsam pa ltar na sgra ji bzhin la tshad mas gnod
pa med pa rnams dang/ dbu ma pa ltar na don dam pa

@08a @#/ /brjod bya'i gtso bor byas bzhig dgos so/ /ye shes ni/
de yi brjed med thob pa'o/ /zhes gsungs pas 'phags pa gsum gyi
mnyam gzhag rnam par mi rtog pa'i ye shes la bya'o/ /gang la mi
rton pa bzhi ni/ gang zag /tshig /drang don/

rnam shes bzhi'o/ /de la gang zag ni/ spong dang zhes dngos
bstan chos spong pa'i gang zag la gsungs pa ni gang la mi rton
pa'i mtshan gzhi tsam yin pas 'dir ? byang sa nas gsungs pa ltar
gzhung lugs ston par byed pa'i so skye nas sangs rgyas 'phags

pa'i bar thams cad gzung ngo/ /tshig ni ji skad bshad pa dang/
zhes gsungs pas bka' dang bstan bcos kyi rjod byed ming tshig yi
ge sna tshogs la bya'o/ /drang don ni/ log par yang dag shes pa
dang/ /zhes gsungs pas sems tsam pa ltar na sgra ji

bzhin pa la rigs pa'i gnod pa 'bab pa dang/ dbu ma pa ltar na
kun rdzab bden pa brjod bya'i gtso bor bstan pa la bya'o/ /rnam
shes ni/ brjod dang bcas pa thob pa dag /ces gsungs pas 'di'i
rnam shes la mig sogs dbang shes dang kun rdzob pa'i rnam pa

can gyi yid shes kyang yod par gsungs pas na skabs thob kyis
gnas lugs la blo kha ma phyogs pa'i shes pa'am gnas lugs la
'khrul pa'i shes pa la byas na legs so/ /da ni de dag la rton mi
rtan gyi tshul bshad par bya ste/ sa sde las gang zag dang dus

dang tshad ma'i sgo nas gsungs tshul mang du yod kyang 'dir ni da
lta ne bar mkho ba'i dbang du byas te dgongs pa mdo tsam brjod
par bya'o/ /de la rton mi rton ni yid ches mi ches la bya'o/
/gang zag la mi rton chos la rton pa ni/ 'di ni sangs rgyas kyis
bshad pas

@08b blang par bya la/ 'di ni so so skye bos bshad pas blang bar
mi bya'o zhes pa lta bu chos la rtog dpyod med par ston pa po'i
gang zag kho na rgyu mtshan du byas nas blang dor byed pa ma yin
gyi/ 'di ni yang dag pa'i lam bshad pas blang par bya la/ 'di ni
yang dag pa ma

yin pa'i lam bshad pas blang par bya ba ma yin pa'o zhes bstan
pa'i chos la brtags nas yid rton par byed pa ste/ byang sa las
byang chub sems dpa' ni nag po bstan pa dang chen po bstan pa
yang dag pa ji lta ba zhin du rab tu shes te rab tu shes nas
kyang

rigs pa la rton par byed pa yin gyi gnas brtan nam shes pa'i
gang zag gam de bzhin gshegs pa 'am dge 'dun gyis chos de dag
bshad do zhes gang zag la rton pa min no/ /zhes gsungs so/ /des
na chos la 'thad mi 'thad bshad rgyu gang yang med par

'di ni dad cag gi bla mas bshad pa yin pas khas len dgos la 'di
ni gzhan gyi bla mas bshad yin pas khas len mi rung zhes gang
zag kho na rgyu mtshan du smra ba dag la rtan pa dang po'i don
phyin ci log tu gyur par shes par bya'o/ /bcom ldan 'das kyi

gsung ni rnam pa thams cad du yid ches pa'i gnas yin mod kyang
sngar ltar bshad pa ni yid ches tshul bstan pa ste/ sangs rgyas
yin pas de'i bka' la yid ches dgos zer ba ma yin gyi/ nges bstan
pa'i chos thar 'dod la mi bslu bas bcom ldan 'das

tshad mar sgrub dgos pa'i gnad kyis so/ /des na gong du 'di ni
sangs rgyas kyi bka' yin pas blang bar bya la zhes smras pa yang
dper na sangs rgyas kyi bka' yin kyang sa lam mthon po'i dbang
du byas pa'i blang dor gyi gnas ston pa 'ga' zhig /de lta las
dang po

@09a @#/ /pa'i gnas skabs su lag tu blang mi rung ba rnams la
khyad par de lta bu ma go bar sangs rgyas kyi gsung yin pa tsam
'ba' zhig rgyu mtshan du byas nas lag tu blang ba lta bu la
bya'o/ /tshig la mi rton don la rton pa ni/ gang gis chos 'chod
pa

'am rtsom pa'am rtsod pa la yang rung ste/ skad dang yi ge dang
tshig 'bru legs par sbyar ba'am legs par ma sbyar ba yang rung
ste don legs par bshad pa ni blang bar bya la/ nyes par bshad pa
ni skad dang yi ge dang tshigs 'bru legs par sbyar ba yang rung
ste

dor bar bya dgos pas tshig don gnyis kyi nang nas don la rton
pa'o/ /'di'i legs par bshad pa ni lung dang rigs pa dang mi 'gal
ba dang/ mngon mtho dang nges legs ji ltar rigs par sgrub pa'i
thabs yang dag pa bstan pa yin la/ nyes par bshad

pa ni de las bzlog pa'o/ /de yang byang chub sems dpa'i sa las/
de la byang chub sems dpa' ni don 'dod pa'i phyir gzhan las chos
mnyan par byed kyi/ tshig 'bru legs par sbyar ba 'dod pa'i phyir
ma yin te/ de don 'dod pa'i phyir chos mnyan gyi/

tshig 'bru 'dod pa'i phyir ma yin pas na phal ba'i skad kyis chos
ston na yang byang chub sems dpa' don la rton pa ni gus par byas
te mnyan par byed do/ /zhes gsungs so/ /rje bdag nyid chen pos
kyang byang sa'i lung de'i don bsdur de las bzlog pa'i nyes

pa ngos gzung ba'i skabs su tshig mi legs na don legs kyang de la
mi gnas la/ tshig legs na don mi legs kyang de la gnas pa ni nyes
byas su bshad pas na de las bzlog pa ni rton pa gnyis pa'i don
du shes pa bya'o/ /drang don la mo rton nges don la

@09b rton pa ni/ de bzhin gshegs pa'i bka' las yongs su ma smin
pa'i skyes bu drang bar bya ba'i don du gsungs pa sgra ji bzhin
pa la rigs pa'i gnod pa 'bab pa rnams ni gdul bya drang pa'i
ched du gsungs par shes nas dngos po'i de kho na nyid don ji lta
ba bzhin du

ston pa sgra ji bzhin pa la rigs pa'i gnod pa mi 'bab pa rnams
ni nges pa'i don du yid ches par bya ste/ byang sa las/ yang
byang chub sems dpa' ni/ de bzhin gshegs pa la dad pa zhen cing/
dga' ba zhen te/ gsung la gcig tu nges pa mngon par

dga' ba dang/ de bzhin gshegs pa'i nges pa'i don gyi mdo sde la
rton gyi/ drang pa'i don la ni ma yin te/ nges pa'i don gyi mdo
sde la rton na/ chos 'dul ba 'di las mi 'phrog par 'gyur te/ 'di
ltar drang ba'i don gyi mdo sde ni sgo sna tshogs nas zhugs

pa'i don gyi rnam par dbye ba ma nge pas the tshom skyed pa yin
pa'i phyir ro/ /zhes gsungs so/ /'di ni spyi'i dbang du byas pa
yin gyi zhib tu na dbu sems kyi shing rta chen po rnams kyi
drang nges kyi khyad par rnam par bzhag pa mi 'dra ba'i dbang
gis rton pa gsum pa'i zhib

cha so sor byed pa yang des dpags te shes par bya'o/ /rnam shes
la mi rton ye she sla rton pa ni/ nges don 'tshol ba'i skabs su
skye bo phal pa'i mig la sogs pa'i dbang po'i shes pa dang/
dngos po'i gnas lugs la 'khrul pa'i yid kyi shes pa la de ltar

snang ba tsam la yid ches pa spangs nas/ 'phags pa rnams kyi
rnam par mi rtog pa'i mnyam gzhag ye shes sam de'i rgyur gyur
pa'i de kho na nyid dpog par byed pa'i rigs shes la rton par
byed pa 'am/ yang na thos bsam gyis don spyi tsam rnam par shes
pa la

@010a @#/ /yid mi rton par rtog med kyi shes pas lam mngon sum du
rtogs pa la snying po dad bcas par yid ches pa ste/ dang po ni
mdo las/ mig dang rna ba sna yang ched ma min/ zhes sogs kyis
bshad pa ltar dang/ phyi ma ni byang sa las/

yang byang chub sems dpa' ni rtogs pa'i ye shes la snying por
lta ba yin gyi/ thos pa dang bsams pas chos dang don rnam par
shes pa tsam la ni ma yin no/ /zhes pa ltar ro/ /mkhas grub
thams cad mkhyen pas kyang so so skye bo'i shes pa'i snang tshul
'di

gnas lugs ma yin gyi/ 'phags pa'i mi rtog ye shes kyi gzigs tshul
de nyid gnas lugs su khas len pa na rnam shes la mi rton ye shes
la rton pa'i don yin no zhes gsungs so/ /sa'i dngos gzhi las ni/
srid rtse man chad kyi rnam shes kyi rten

'brel ji tsam thob kyang yid mi rtan la/ 'phags pa'i bden pa
bzhi shes pa'i zag med kyi ye shes la rtan pa ni rton pa bzhi
pa'i don du gsungs pa ltar na rnam shes ni 'khor bas bsdus pa'i
shes pa dang/ yi shes ni rnam byang phyogs kyis bsdus ba'i

shes par byed dgos pa 'dra'o/ /'on kyang mdo dang byang sa las
gsungs pa ni byang chub sems dpa'i dbang du byas pa'i rton pa
bzhi pa'i rnam gzhag dad/ sa'i dngos gzhi las gsungs pa ni theg
pa dman pa'i gnas skabs kyang bsdu ba la dgongs pa yin

byas kyang rung ngam snyam ste/ blo gros dang ldan pa rnams kyis
dpyad par bya'o/ /de ltar na/ dang po thog mar chos nyan pa'i
dus su gang zag la mi rton par yang dag pa'i lam ston pa'i chos
ni su las kyang rung ste mnyam dgos pa dang/ de'i tshe yang tshig

@10b la gtso bor byed par don gtso bor mi byed par don gtso bor
yid la 'dzin pa ste thos pa'i gnas skabs su rton pa dang po
gnyis dang/ de nas bsam pa'i gnas skabs su don la yang gnyis su
phye ba'i nges son la gtso bor byed cing drang don ni de rtogs
pa'i thabs sam yan lag tu shes

dgos pas rton pa gsum pa dang/ sgrub pa nyams len gyi dus su
thos bsam gyis shes pa tsam la chog mi byed par bsgom byung gis
mi rtog pa'i yi shes rgyud la skye ba la gtso bor byed dgos pas
rton pas rton pa bzhi pa 'jog par 'phags pa thos med kyis

bshad do/ /rton pa bzhi po des rim pa bzhi du chos zab mo la mos
pa dang/ dgongs pa zab mo la spyod pa dang/ lung gi don la log
par mi 'jug pa dang/ zag med ye shes thob pa bzhi las mi nyams
par gsungs te/ mdo sde rgyan las/ mos

dang rnam par spyod pa dang/ gzhan las ji bzhin thos pa dang/
/brjod pa med pa'i ye shes las/ /brtan rnams nyams par mi 'gyur
ro/ zhes so/ rtan pa bzhi'i rnam gzhag de dag shin tu gal che
bar snang na'ang phyis kyi mkhas pa gzhan dag gis gsal

bar bshad pa mi snang la/ mkhas shing grub pa'i dbang phyug rje
btsun dam pa 'jam dbyangs bzhed ? pa'i rdo rjes grub mtha'i rnam
gzhag tu legs par bshad pa dang/ de'i khungs su gyur pa'i byang
sa mdo sde rgyas rtsa 'grel rje yab sras kyi gsung rab sogs la

dpyad de cung zad gsal bar bshad do/ /rigs pa bzhi ni/ bltos
ba'i rigs pa/ /bya ba byed pa'i rigs pa/ 'thad pas sgrub pa'i
rigs pa/ chos nyid kyi rigs pa ste bzhi'i/ 'du byed rnams kyi
'byung ba rang rang gi rgyud dang rkyen la bltos

@11a @#/ /pa ste/ de yang kun rdzob dang don dam dang de dag gi
gzhi rnams so so'i sgo nas 'tshol ba'o/ /gnyis pa ni/ mes sreg
pa'i bya ba byed pa sogs chos rnams kyis rang rang gi bya ba
byed pa ste/ 'di yang bya byed chos gsum so sor

'tshol ba'o/ /gsum pa ni/ tshad ma gsum dang mi 'gal bar don sgrub
pa ste/ 'di la mngon sum dang rjes dpag dang lung gi tshad ma
gsum po yod dam med snyam du 'tshol ba'o/ bzhi pa ni/ me tsha ba
dang chu rlan pa sogs la de dag gi chos nyid du

'jig rten na grags pa'i chos nyid dang/ bsam gyis mi khyab pa'i
chos nyid dang/ gnas pa'i chos nyid la mos par byed pa ste/ rigs
pa 'di bzhi la brten nas kyang rgyal ba'i gsung rab kyi don la
'jug pa'o/ /dgongs pa can bzhi ni/ sangs rgyas

thams cad chos skur mnyam pa nyid la dgongs nas de'i tshe sangs
rgyas rnam gzigs su gyur to zhes mnyam pa nyid la dgongs pa
dang/ chos thams cad ngo bo nyid med ces pa lta bu sgra ji bzhin
pa ma yin pa'i don gzhan la dgongs pa dang/ bde ba can du

skye bar smon lam btab pa tsam gyis der skye'o zhes pa lta bu
dus gzhan la dgongs pa dang/ gang zag kha cig la bsngags pa'i
dge ba'i rtsa ba 'ga' zhig des chog par 'dzin pa'i gang zag kha
cig gi ngar smad pa lta bu gang zag gi bsam pa la dgongs pa

ste; mdo sde rgyan rtsa 'grel las bshad pa ltar ro/ /ldem por
dgongs pa bzhi ni/ bstan pa la gzhug pa'i don du gang zag gi
bdag yod par gsungs pa lta bu gzhug pa la ldem par dgongs pa
dang/ ngo bo nyid gsum la dgongs nas chos thams

@11b cad ngo bo nyid med par gsungs pa lta bu mtshan nyid la ldem
por dgongs pa dang/ dam pa'i chos brnyas pa la sogs pa'i nyes pa
brgyad 'dul ba'i phyir du theg chen gsungs pa lta bu gnyen po la
ldem por dgongs pa dang/ grags pa'i yi ge ngan pa ma grags pa'i
don

zab mo ston byed du bsgyur ba/ snying po med la snying por shes
zhes pa lta bu la sogs pa ni bsgyur ba la ldem por dgongs pa'o/
/dgongs ldem dgongs gnyis mdo gcig la tshang ba'ang yod pas phan
tshun 'gal ba ni ma yin no/ /ldem dgongs bzhi yang mdo

sde rgyan la sogs pa las bshad pa ltar te/ gnyen po la ldem por
dgongs pa ni dgongs pa can bzhi la bya bar rgyal tshab rjes phar
phyin rnam bshad du gsungs so/ /don gzhan la dgongs pa dang
mtshan nyid la ldem por dgongs pa gnyis ni sems tsam pa kho na'i

'dod pa yin par legs bshad gser 'phreng las bshad do/ /'di dag
grags che bas de tsam las ma spros so/ /gnyis pa so sor bshad pa
la rnam par rig pa tsam du smra ba'i lugs dang/ ngo bo nyid med
par smra ba'i dbu ma pa'i lugs gnyis/ dang po la

gang la brten pa'i gzhung dang/ de las byung ba'i grub mtha'i
rnam gzhag go /dang po ni/ theg chen gyi shing rta'i srol 'byed
pa'i thog ma ni mgon po klu sgrub yin la/ rje btsun de nyid
byung ba'i dus dang des gzhung ji ltar mdzad pa sogs ni 'og tu
'chad pas/

'dir 'phags pa thogs med kyi byung ba'i tshul cung zad bshad par
bya ste/ de yang slob dpon 'di nyid byung ba'i dus ni dgongs
'grel gyi 'grel chen du ston pa mya ngan las 'das nas lo dgu
brgya na byung bar bshad la/ der drangs pa'i 'jam dpal rtsa
rgyud

@12a @#/ /kyi lung las/ nga ni mya ngan 'das 'og tu/ /lo ni dgu
brgya lon pa na/ /zhes 'byung ngo/ /gzhung gzhan dag las lo drug
brgya zhes kyang 'byung ngo/ /slob dpon 'di bcom ldan 'das kyis
lung bstan pa ni/ 'jam dpal rtsa rgyud las/

thogs med ces bya'i dge slong ni/ /bstan bcos de ni don la
mkhas/ /mdo sde nges don drang ba'i don/ /rnam pa mang po rab tu
'byed/ /'jig rten rig pa ston bdag nyid/ /gzhung 'byed dang tshul
can du 'gyur/ de yi rig pa grub pa ni/ /sa la'i pho nya mo zhes
brjod/ /

de yi sngags kyi mthu yis ni/ /blo ni bzang po skye bar 'gyur/
/bstan pa yun ring gnas bya'i phyir/ /mdo yi de nyid don sdud
byed/ /lo ni brgya dang lnga bcur 'tsho/ /de lus zhig nas lha yul
'gro /'khor ba rnams su 'khor ba na/ /yun ring bde ba rjes myong
nas/ /

bdag nyid chen po mthar gyis te/ /byang chub 'thob par 'gyur ba
yin/ /zhes gsungs pa'o/ /byung ba'i tshul ni rgya gar du chos
mngon pa la dgra lan gsum byung nas bstan pa nub pa na bram ze
mo gsal ba'i tshul khrims zhes bya bas bstan pa'i rtsa ba mngon
pa ni dgra

lan gsum gyis nub pas/ da 'di dar bar byed pa gzhan yang mi
snang/ bdag kyang bud med du song bas mi nus kyi lus la bu skyed
la dar bar byed du gzhug go snyam te rgyal rigs dang 'dus pa las
thogs med dang/ bram ze dang 'dus pa las

dbyig gnyen byung ngo/ /de nas bu rnams la blo rno ba'i cho ga
yang byas te cher skyes pa'i tshe bu gnyis na re/ pha'i las gang
yin zhus pas/ ma na re/ khyed de'i phyir ma skyed kyi blo spyod
kyis la bstan pa dar bar gyis shig gsungs pas/ gcung ni

@12b kha cher slob dpon 'dus bzang gi drung du byon no/ /gcen
gyis ni byams pa bsgrubs nas bstan pa dar bar bya'o snyam ste/
ri bya rkang gi phug tu byon nas lo gsum du bsgrubs pas mtshan ma
cung zad kyang ma mthong bas skyo ste phyir thon pa na rgan po
shing bal gyi 'dab

mas lcags kyi sdong bu la khab byed pa mthong nas dris par/
snying stobs ldan pa'i skyes bu yis/ /bsgrubs na mi 'grub gang
yang med/ /dka' yang brnag pa ma dor na/ /ri bo rnams kyang thal
bar rlog /ces zer bas rkyen byas te phyir log nas/ yang

lo gsum bsgrubs nas thon pa na chu thigs kyis brag zad pa mthong
nas brtson pa'i blo skyes te phyir log /yang lo gsum bsgrubs te
thon pa na bya sgros brag zad pa mthong nas sngar ltar phyir log
/yang lo gsum bsgrubs pas mtshan ma ma byung bar skyo ste

thon nas phyin pa na khyi mo ro smad 'bus gzhigs pa ro stod zug
cing za ba zhig mthong nas snying rje lhag par skyes te rang gi
lus la sha bcad de 'bu bsal snyam nas gser gyi spu gri g.yar te
rang gi lus las sha bcad/ lag pas blangs na shi yis dogs te

spyan zum te ljags kyis blang snyam pa dang khyi med par rje
btsun 'od dang bcas pa mthong nas/ bdag gis de tsam bsgrubs
kyang rtags tsam yang ma byung ba rje btsun thugs rje re chung
zhes 'khangs pas rje btsun gyis/ nga dang po nas yod de khyod
rang gi sgrub pas

ma mthong la da lta snying rje chen po skyes pas sgrib pa dag
nas mthong ba yin/ zhes gsungs/ de nas theg chen dar bar zhu
'tshal zhes zhus pas/ nga'i chos gos la 'jus shig gsungs nas dga'
ldan du byon te lha'i gro skad cig gam mi lo lnga bcu 'am

@13a @#/ /lnga bcu rtsa gsum du bzhugs par grags la/ sa sde'i
gna' mtshan las zla ba drug ces 'byung ngo/ /der byams pa las yum
gyi mdo dang byams chos sde lnga sogs gsan nas slar mi yul du
byon nas rgyal ba'i bstan pa rin

po che dar bar mdzad do/ /de ltar yang sa'i stod 'grel las/ 'jig
rten kun la phan phyir thogs med ces bya ba/ /chos rgyun ting
'dzin stobs kyis drangs pa'i bdud rtsi'i rgyun/ /'phags pa mi
pham zhal gyi bum pa nas blugs pa/ gsan pa'i snyim

pas gsol ba de la phyag 'tshal lo/ /zhes pa ltar ro/ /slob dpon
'di ni sa gsum pa 'od byed pa brnyes par 'grel bshad tshig gsal
sogs las 'byung ngo/ /de la byams chos sde lnga ni/ mdo sde
rgyan/ mngon rtogs rgyan/ dbus mtha' rnam 'byed /

chos dang chos nyid rnam 'byed/ rgyud bla ma rnams so/ /'phags
pa thogs med kyis mdzad pa'i sa sde lnga ni/ sa'i dngos gzhi/
gzhi bsdu ba/ rnam grangs bsdu ba/ rnam par bshad pa'i sgo bsdu
ba/ rnam par gtan la dbab pa bsdu ba rnams yin la

sa sde tshang ba la bam po brgya dang sum cu yod do/ /de'i nang
gi sa'i dngos gzhi la sa mang po ba dang/ nyan sa/ byang sa/
sa'i go rim rnams su yod do/ /sdom gnyis ni/ theg pa thun mong
gi sdom mngon pa kun las btus dang/ theg chen thun mong ma

yin pa'i sdom theg bsdus te gnyis so/ /de'i gcung slob dpon
dbyig gnyen gyis mdzad pa la mdo sde rgyan dang/ 'byed gnyis te
gsum gyi 'grel pa dang/ rnam bshad rigs pa/ las sgrub pa'i rab
byed/ phung po lnga'i rab byed/ nyi shu ba'i rab byed/ sum

@13b cu pa'i rab byed de pra ka ra Na sde brgyad du grags so/
/de ltar byams chos sde lnga/ sa sde lnga/ sdom rnam gnyis/ pra
ka ra Na sde brgyad rnams la byams pa dang 'brel ba'i chos sde
nyi shu zhes grags so/ /gzhan yang slob dpon dbyig gnyen gyis
mdzad pa la

rten 'brel mdo 'grel/ sa lu ljang pa'i mdo 'grel/ sa bcu pa'i
mdo 'grel/ theg bsdus kyi 'grel pa/ rjes dran gsum gyi 'grel pa
la sogs pa mdo dang bstan bcos kyi 'grel pa mang du yod do/
/gzhan yang slob dpon gzhan la phan pa zhes

bya bas mdo sde rgyan gyi tshigs bcad dang po gnyis kyi bshad pa
mdzad pa dang/ kha che dznyA na shrI'i mdo sde rgyan gyi don
bsdus dang/ slob dpon blo brtan gyi mdo sde rgyan gyi 'grel
bshad chon mo dang/ dbus mtha' rnam 'byed kyi 'grel bshad bzhi/
phung po

lnga'i rab byed kyi 'grel pa/ /sum cu pa'i 'grel pa/ dge bsnyen
btsun pa ngo bo nyid med pa'i mdo sde rgyan gyi bshad sbyar/
de'i theg bsdus bshad sbyar gnyis/ yon tan 'od kyi phung po
lnga'i rab byed kyi 'grel pa/ yon tan 'od dang rgya mtsho sprin
gyi byang

sa'i 'grel pa gnyis/ rgyal ba'i sras dang yon tan 'od kyi tshul
khrims le'u'i 'grel pa/ theg bsdus kyi bshad sbyar don gsang
rnam par phye ba/ sa'i stong 'grel/ dul lha'i nyi shu pa'i 'grel
pa dang/ sum cu pa'i 'grel bshad/ yon tan blo

gros kyi rnam bshad rigs pa'i 'grel bshad/ blo bzang ngang tshul
gyi las sgrub pa'i rab byed kyi 'grel pa/ rin chen 'byung gnas
zhi ba'i sems tsam rgyan rtsa 'grel rnams kyang sems tsam gyi
skor ro/ /gzhan yang kun mkhyen dbyig gnyen gyi slob ma

@14a @#/ /rang las mkhas pa bzhi'i nang tshan slob dpon phyogs
glang gi tshad ma kun btus rtsa 'grel/ dmigs brtag rtsa 'grel/
slob dpon chos grags kyi rnam 'grel/ rnam nges/ rigs thigs/ gtan
tshigs thigs pa/ rgyud

gzhan sgrub pa/ 'brel pa brtag pa/ rtsod pa'i rigs pa ste tshad
ma sde bdun dang/ de dag gi 'grel pa 'grel bshad dang bcas pa
rnams kyang phal cher sems tsam gyi skor ro/ /rnam par rig pa
tsam du smra ba'i slob dpon ni thogs med sku

mchad/ gnas brtan chos skyong/ blo brten/ phyogs glang/ chos
grags/ gser gling pa/ shanti pa sogs mang du yod cing 'di dag
las 'ga' zhig ni sku tshe'i stod la sems tsam dang sku tshe'i smad
la dbu ma par gyur pa'ang yod la/ 'phags

pa thogs med lta bu rang nyid dbu ma thal 'gyur bar gnas kyang
sems tsam dang mthun par dgongs 'grel gyi bstan bcos brtsams pa
yang slob dpon de dag gi nang na mang du yod pas/ de la dgongs
nas rje bdag nyid chen pos/ dbyig gnyen

phyogs glang gi gzhung rtsad med rnams nas ni rnam par rig pa
tsam gyi lugs su bkral mod kyang slob dpon de dag gi bzhed pa ji
ltar yin pa rnams ni bdag cag 'dra ba rnams kyis shin tu rtogs
par dka'o zhes 'jug pa'i rnam bshad chen mor bka'

stsal to/ /des na sems tsam pa'i slob dpon yin na sems tsam pa
yin mi dgos te/ phal chen sde pa'i dge slong yin na phal chen
sde pa yin mi dgos pa bzhin no/ /gnyis pa de las byung ba'i grub
mtha'i rnam gzhag la mtshan nyid/ sgra bshad/ dbye ba/ grub

@14b mtha'i 'dod tshul dang bzhi/ dang po ni/ phyi don rigs pas
'gog cing rnam shes bden par smra ba'i rang sde ni sems tsam
pa'i mtshan nyid de/ 'di la rnam rig pa zhes kyang zer la rnal
'byor spyod pa ba zhes kyang zer ro/ /rnam par rig pa tsam du
smra tshul ni

shes bya thams cad shes pa'i bdag nyid du smra ba ste/ khams
gsum pa 'di ni sems tsam mo zhes pa'i lung dang/ rnam par sngos
pa la sogs pa'i don med kyang mnyam par bzhag pa'i shes pa'i
dbang gis mdun na 'dug pa lta bur gzugs brnyan snang ba

bzhin du/ phyi rol gyi don med kyang don du snang ba'i bag chags
bsgos pa'i rkyen gyis yul du snang ba'i rnam rig 'byung ba mi
'gal ba'i rigs pa la brten par theg bsdus las gsungs te/ de nyid
las gong gi lung de dang dgongs 'grel gyi lung de

drangs pa'i mjug thogs su lung des rigs pa yang bstan pa yin no/
/'di ltar sems mnyam par bzhag pa na shes bya'i gzugs brnyan
rnam par sngos pa la sogs pa gang dang gang mthong ba de nyid
sems mthong ba ste/ rnam par sngos pa la sogs pa

don gzhan med do/ /rigs pa 'dis byang chub sems dpa' rnam par
rig pa thams cad la rnam par rig pa tsam nyid du rjes su dpag
par bya bar 'os so zhes gsungs so/ /gnyis pa sgra bshad pa ni/
khams gsum pa thams cad sems tsam gyi bdag nyid du

smra bas na sems tsam pa sogs te shes par sla'o/ /gsum pa dbye
ba ni/ sa sde sogs kyi rjes 'brangs lung gtso bor smra ba lung
gi rjes 'brangs dang/ tshad ma'i bstan bcos sde bdun mdo dang
bcas pa nas bshad pa ltar gyi rigs pa'i rjes 'brangs gnyis su
yod pa ni

@15a @#/ /grags che la/ rnam pa'i 'dod tshul gyi sgo nas dbye na
rnam bden rdzun gnyis su yod cing/ de yang lung rigs kyi rjes
'brangs re re la'ang rnam bden rdzun gnyis gnyis kyi rnam gzhag
yod par gzhung du ma las bshad do/ /rnam bden rdzun gyi

nang gses kyi dbye ba dang 'dod tshul ni 'og tu 'chad do/ /bzhi
pa grub mtha'i 'dod tshul la gnyis/ bka'i drang nges ji ltar phye
ba dang/ de la brten nas grub pa'i mtha' rnam par bzhag tshul lo/
/dang po ni/ 'phags pa thogs med kyis drang nges 'byed pa'i

shing rta'i srol phye ba ni mdo sde dgongs 'grel la brten pa yin
te/ bsdu ba las/ don dam pa mtshan nyid lnga dang ldan pa yang
dgongs 'grel las 'byung ba bzhin shes par bya'o zhes dang/ chos
rnams kyi mtshan nyid ni dgongs 'grel las 'byung ba bzhin

blta bar bya'o zhes dang/ chos rnams kyi ngo bo nyid med pa ni
dgongs 'grel las 'byung ba bzhin blta bar bya'o zhes pa'i lung
chan pa gsum gyi dang pos don dam pa'i rnam gzhag dang/ gnyis
pas mtshan nyid gsum gyi rnam gzhag dang/ gsum pas mdo sde

la drang nges 'byed pa'i tshul rnams dgongs 'grel la brten par
gsungs pa'i phyir dang/ rnam shes tshogs brgyad dang mthar thug
theg pa gsum du bsgrubs pa yang mdo dgongs 'grel la brten nas
bshad pa'i phyir ro/ /de lta na dgongs 'grel la brten

nas drang nges ji ltar phye ba yin zhe na 'di la mdo dgod pa
dang/ de'i don bshad pa gnyis/ dang po ni/ spyir dgongs 'grel
gyi don dam yang dag 'phags zhus kyi le'u'i mdo sde la 'gal
spong gi dri lan gyi skor ril gyis 'di'i khungs yin mod kyang

@15b 'jug pa bde ba'i phyir grub don gyi mdo la brten nas bshad
na dgongs 'grel las/ bcom ldan 'das kyis dang por yul wa ra NA
sir drang srong smra ba ri dwags kyi nags su nyan thos kyi theg
pa la yang dag par zhugs pa rnams la 'phags pa'i bden pa bzhi'i

rnam pa bstan pas/ chos kyi 'khor lo ngo mtshar rmad du byung ba
sngon lhar gyur pa'am/ mir gyur pa sus kyang mthun par 'jig rten
du ma bskor ba gcig rab tu bskor te/ bcom ldan 'das kyis chos
kyi 'khor lo rab tu bskor ba de yang/ bla na mchis pa skabs

mchis pa drang ba'i don rtsod pa'i gzhi'i gnas su gyur pa lags/
bcom ldan 'das kyis chos rnams kyi ngo bo nyid ma mchis pa nyid
las brtsams skye ba ma mchis pa dang 'gag pa ma mchis pa dang/
gzod ma nas zhi ba dang/ rang bzhin gyis yongs su mya ngan

las 'das pa nyid las brtsams nas/ theg pa chen po la yang dag
par zhugs pa rnams la stong pa nyid smos pa'i rnam pas ches ngo
mtshar rmad du byung ba'i chos kyi 'khor lo gnyis pa bskor te/
bcom ldan 'das kyis chos kyi 'khor lo bskor ba de yang bla na
mchis

pa; skabs mchis pa/ drang pa'i don rtsod pa'i gzhi'i gnas su
gyur pa lags kyi/ bcom ldan 'das kyis chos rnams kyi ngo bo nyid
ma mchis pa nyid las brtsams/ skye ba ma mchis pa dang/ 'gag pa
ma mchis pa dang/ gzod ma nas zhi ba dang/ rang

bzhin gyis yongs su mya ngan las 'das pa nyid las brtsams nas/
theg pa thams cad la yang dag par zhugs pa rnams la legs par
rnam par phye ba dang ldan pa ngo mtshar rmad du byung ba'i chos
kyi 'khor lo gsum pa bskor te/ bcom ldan 'das kyis

@016a @#/ /chos kyi 'khor lo bskor ba 'di ni bla na ma mchis pa/
skabs ma mchis pa/ nges pa'i don lags te/ rtsod pa'i gzhi'i gnas
su gyur ba ma lags so/ /zhes so/ /gnyis pa la gnyis/ mdo'i tshig
don cung zad bshad pa dang/ 'khor

lo gsum gyi drang nges phye tshul dngos so/ /dang po ni/ 'di la
mdo tshig tu dang por zhes pa ni bya rgod phung po'i rir sher
phyin gyi mdo dang yangs pa can du 'khor lo gsum pa bskor ba la
bltos te wa ra NA sir bden bzhi'i chos 'khor bskor ba 'di dus
thog

snga bas na 'dir dngos su bshad pa'i 'khor lo gsum bskor ba'i
dus kyi rim pa ston pa tsam yin gyi spyir dus dang por gsungs
pa'i mdo thams cad 'di nas bshad pa'i 'khor lo dang por sgrub pa
dang de nyid 'khor lo dang po'i 'jog byed du ston pa min no/ /wa
ra

NA si sogs ni chos 'khor bskor ba'i gnas so/ /nyan thos kyi
theg pa la yang dag par zhugs pa ni gdul bya ste/ de'i ched du
bya ba'i gdul bya'i gtso bo ni theg pa dman pa'i rigs can no/
/'phags pa'i bden pa bzhi'i rnam pa bstan pa ni brjod bya ste/ /

bden pa bzhi las brtsams te gsungs pa'i phyir ro/ /chos kyi
'khor lo zhes pa nas bskor te zhes pa'i bar ni chos 'khor gyi
bsngags pa'o/ /bla na mchis pa ni 'di'i gong na khyad par can
gyi chos 'khor yod pa ste/ de yang nges don gyi mdo rnams so/
skabs

yod pa ni 'di'i dngos bstan sgra ji bzhin pa'i don la rgol ba
gzhan gyis glags 'tshol ba'i skabs yod pa'o/ /drang ba'i don ni
'di'i don gzhan du drang dgos pa'o/ /rtsod pa'i gzhi'i gnas su
gyur pa ni kun rdzob dang don dam du yod med kyi khyad par gsal

@016b bar ma phye bas don gang yin la mi mthun pa'i rtsod pa
dang bcas pa'o/ /gnyis pa'i bcom ldan 'das kyis zhes pa nas
brtsams nas zhes pa'i bar ni brjod bya ston pa ste/ yum gyi mdo
la sogs pa brjod bya ngo bo nyid med pa la sogs las brtsams te
gsungs pa'i

phyir ro/ /theg pa zhes sogs ni bskor yul gyi gdul bya ste/
'di'i ched du bya ba'i gdul bya ni theg pa chen po la yang dag
par zhugs pa yin pa'i phyir ro/ /stong pa nyid smos pa'i rnam pa
ni ngo bo nyid yod med gsal bar ma phye bas mi mngon pa'i rnam
pas gsungs

pa'o/ /lhag ma ni snga ma ltar ro/ /gsum pa'i bcom ldan 'das
zhes pa nas brtsams nas zhes pa'i bar ni brjod bya ston pa ste/
'khor lo gsum pa yang ngo bo nyid med pa sogs las brtsams pa ni
bka' bar pa dang 'dra ba'i phyir ro/ /theg pa thams cad la yang
dag

par zhugs pa ni bskor yul gyi gdul bya ste/ 'di'i ched du bya
ba'i gdul bya theg chen gyi rigs can yin pa ni snga ma dang 'dra
la/ theg pa thams cad la zhugs pa'i don ni 'khor lo dang por
gang zag gi bdag med tsam dang bar par chos kyi bdag med bstan
pa'i theg

pa che chung gnyis ka'i mdo'i don legs par rtogs pa'i ched du
thos bsam sogs kyis zhugs pa'o/ /legs par rnam par phye ba ni
gzugs sogs kyi chos rnams re re la yang mtshan nyid gsum gsum gyi
rnam gzhag dang ngo bo nyid med tshul gsum gsum gyi khyad

par gsal bar phye ba'o/ /bla na ma mchis pa sogs kyi don ni snga
ma las ldog pa ste/ rtsod pa'i gzhi'i gnas su gyur pa ma lags pa
ni ngo bo nyid yod med gsal bar phye bas mdo des de ltar gtan la
phab pa yin min mkhas pas brtags na rtsod sa med pa la

@017a @#/ /bya'o/ /de ltar na 'dir bstan pa'i drang don du 'dod
rgyu'i 'khor lo dang po ni bden pa bzhi las brtsams nas rang gi
mtshan nyid yod pa sogs su gsungs pa dang/ bar pa yang khyad par
gsal bar ma phye bar ngo bo nyid med pa sogs su

gsungs pa dang/ nges don du 'dod rgyu'i 'khor lo tha ma ni sngar
bshad pa ltar ngo bo nyid yod med kyi khyad par gsal bar phye
nas bstan pa rnams yin gyi yul dus de dag tu gsungs pa'i mdo
thams cad la byed pa min par rje thams cad mkhyen pas legs

bshad snying por gsal bar gsungs so/ /de'i rgyu mtshan yang 'dir
'khor lo rim pa gsum gsungs pa ni 'khor gyi 'du thebs dang ston
pa'i sku tshe'i tshigs la sogs pa'i sgo nas 'jog pa min gyi brjod
bya'i ngos nas 'jog pa dang/ brjod bya yang gang

yin la mi bya'i bdag med pa'i don gtan la 'bebs pa'i dbang du
byas pa ste/ de yang 'khor lo dang pos gang zag gi bdag med
gsungs shing chos rnams la shes cher bden yod ma bkag pa dang/
bar pas gsal bar ma phye bar chos thams cad bden

par grub pa bkag pa dang/ tha mas ngo bo nyid gsum la bden par
yod med gsal bar phye nas bstan pa ste bdag med ston tshul mi
'dra ba skor gsum byung bas de'i dbang du mdzad pa'o/ /des na
don de dag la dgongs nas mkhas grub thams cad mkhyen

pas/ de'i phyir gsung rab yin pa la 'khor lo gsum gang rung gi
mdo yin pas ma khyab kyi gsum du phye ba ni gtso bo'i dbang du
byas pa'i dbye ba'o/ /zhes gsungs pa yin gyi spyir bka' thams
cad 'khor lo gsum du 'du ba tsam zhig ni stong thun gyi gsung

@017b des bkag pa ma yin no/ /des na spyir bka' thams cad 'khor
lo gsum du 'du ba'i dbang du byas pa'i 'khor lo dang po la
dgongs 'grel las bshad pa'i 'khor lo dang pos ma khyab cing/ des
gzhan gnyis la'ang 'dra'o/ /de ltar na bka' thams cad 'khor lo
gsum

du 'du ba'i dbang du byas pa'i 'khor lo gsum gyi rnam gzhag ni
ji ltar yin zhe na/ mkhas grub thams cad mkhyen pa'i rgyud sde
spyi rnam du gsungs pa ltar gtso bor gdul bya theg dman gyi rigs
can rjes su gzung ba'i ched du gsungs pa'i mdo gang zhig /bden
bzhi'i

chos 'khor dngos sam de dang brjod bya ston tshul phyogs mthun
pa'i bka' rnams 'khor lo dang po dang/ gtso bor theg pa chen
po'i rigs can rjes su gzung ba'i ched du gsungs pa'i mdo gang
zhig mtshan nyid med pa'i chos 'khor dngos sam de dang brjod bya
ston

tshul phyogs mthun pa'i bka' rnams 'khor lo bar pa dang/ gtso bor
theg pa chen po'i rigs can rjes su gzung ba'i ched du gsungs
pa'i mdo gang zhig /legs phye'i chos 'khor dngos sam de dang
brjod bya ston tshul phyogs mthun pa'i bka' rnams 'khor lo

tha ma yin la/ /'khor lo gsum gyi 'jog byed kyang de nyid do/
/des na lung sde bzhi dang/ dran pa nyer gzhag /rgya cher rol
pa/ las brgya pa sogs 'khor lo dang po'i phyogs mthun dang/ ting
'dzin rgyal po/ dkon brtsegs/ phal po che sogs 'khor lo

bar pa'i phyogs mthun dang/ rgyan stug po bkod pa sogs 'khor lo
tha ma'i phyogs mthun yin la/ lang gshegs/ sa bcu pa/ bder
gshegs snying po'i mdo sogs sems tsam pas tha ma'i phyogs mthun
dang/ dbu ma pas bar pa'i phyogs mthun

@018a @#/ /du bdod do/ /dgongs 'grel nas bshad pa'i bka' dang
po'i ched du bya ba'i gdul bya theg dman gyi rigs can dang/ phyi
ma gnyis kyi ched du bya ba'i gdul bya theg chen gyi rigs can
yin par 'dod pa la dbu sems gnyis 'dra na'ang/ dbu

ma pas 'khor lo tha ma'i ched du bya ba'i gdul bya ni re zhig
chos kyi bdag med phra mo rdzogs par ston pa'i snod du mi rung
ba'i theg chen gyi rigs can dang/ bar ba'i ched du bya ba'i gdul
bya ni stong nyid phra mo ston pa'i snod du rung ba'i theg chen
gyi rigs can yin pas

de gnyis la mchog dman gyi khyad par yod par bzhed la/ sems tsam
pas ni 'khor lo tha ma gnyis kyi ched du bya ba'i gdul bya ni
bdag med phra mo ston pa'i snod du rung ba'i theg chen gyi rigs
can dbang rnon kho nar 'dod do/ /'on kyang tha ma'i gdul bya ni
bar pa

las cung zhig gsal bar phye ste ston dgos pas nang gses kyi
dbang po mchog dman gyi khyad par yod par yang mkhas pa dag
bzhed do/ /gang dag sems tsam pa'i lugs la bka' bar pa'i ched du
bya ba'i gdul bya ni tha ma'i ched du bya ba'i gdul bya las
dbang po

rtul ba zhig la 'dod do zhes smra ba ni mi 'thad de/ legs bshad
snying po las/ de'i ched du bya ba'i gdul bya ni mdo de'i don
dgongs 'grel gyis bkral ba bzhin du rtogs pa la bzhed pas 'khor
lo phyi ma gnyis kyi dgongs pa ni gcig yin no/ /zhes

gsungs pa'i phyir ro/ /yang legs bshad snying po las/ shugs la
gnas pa'i don de nyid dus kyi rim pa'i sgo nas 'khor lo gsum
dang sbyar ba'i drang nges su 'gyur tshul don dam yang dag 'phags
kyis ston pa la zhus pa ni zhes gsungs pa dang de'i phyir dus

@018b dang por bden pa bzhi las brtsams nas rang gi mtshan nyid
yod pa sogs su gsungs pa'i 'khor lo dang po drang don du ston pa
yin gyi dus dang por gsungs tshad kyi gsung rab thams cad la min
te/ zhes gsungs pa rnams kyi dgongs par bsams nas 'khor lo gsum
gyi

mtshan nyid 'jog pa na/ ston pas dus dang por gsungs pa'i mdo
'khor lo dang po'i mtshan nyid/ des gzhan gnyis la'ang 'dra zhes
smras nas/ yang de la rigs pa'i gnod pa 'bab par dogs nas mdo
yang yin/ dus dang por gsungs pa yang yin na dus dang

por gsungs pa'i mdo yin pas ma khyab/ ces sogs zer ba yang 'thad
par mi sems te/ lung chen po de gnyis kyi snga mas ni sngar dri
ba dang lan gyi mdo de rnams kyis drang nges su 'grel rgyu'i mdo
tshan gsum yod pa shugs la bshad pa de 'dir mtshan gzhi ngos

bzung ba'i sgo nas ston pa la/ dus dang por wa ra NA sir gsungs
pa'i bden bzhi'i chos 'khor dang/ de'i 'og tu bya rgod phung
po'i rir gsungs pa'i mtshan nyid med pa'i chos 'khor dang/ de'i
'og tu yangs pa can du gsungs pa'i legs phye'i chos 'khor gsum
dang

sbyar nas drang nges su 'gyur tshul don dam yang dag 'phags kyis
zhus par gsungs pa yin gyi/ dus kyi rim pa dang sbyar ba de
'khor lo gsum gyi 'jog byed du gsungs pa ma yin pa'i phyir dang/
lung chen gnyis pas kyang dus der gsungs pa'i mdo'i nang nas

kyang brjod bya rang gi mtshan nyid yod pa sogs su gsungs pa'i
'khor lo dang po drang don yin gyi spyir dus dang por gsungs
tshad skabs 'dir bstan pa'i 'khor lo dang po min zhes gsungs pa
yin la/ de ltar gsung dgos pa'i rgyu mtshan yang bod snga ma kha
cig

@019a @#/ /gis mdo 'di la brten nas dus gsum par gsungs pa'i mdo
thams cad nges don gyi mdor bsgrubs pa dang/ kha cig gis mdo'i
bstan don de ltar yin snyam nas mdo 'di las bshad pa'i drang
nges kyi tshul ni sgra ji bzhin pa ma

yin no zhes smra ba dag 'gog pa'i phyir du gsungs pa yin par
lung de dag gi mjug thogs su drang nges rnam 'byed na gsal bar
yod pas/ rje bla mas dus dang por gsungs pa'i mdo yin na 'khor
lo dang po yin pas khyab par bzung gis dogs nas nga

'gog pa'i ched du gsungs pa'i bka' rnams dus dang por gsungs
pa'i mdo 'khor lo dang po'i 'jog byed yin pa'i sgrub byed du ma
'dzin zhig /yang la la dus dang po zhes pa ni bden bzhi'i chos
'khor gsungs pa'i dus khyad par ba la byed pas skyon med do zhes

zer ba dang/ kha cig dus dang po zhes pa 'khor lo dang po'i
brjod bya la byed do zhes zer ba yang shin tu ngo mtshar te/ dang
po ltar na 'khor lo dang po gsungs pa'i dus su gsungs pa'i mdo
'khor lo dang po'i 'jog byed du 'gyur bas/ de ltar na bum pa

grub pa'i dus kyi bum pa de bum pa'i mtshan nyid du smras na cis
'gog /gnyis pa ltar na kho bos wa ra NA sir gsungs pa'i mdo
'khor lo dang po'i mtshan nyid/ mdo yang yin wa ra NA sir gsungs
pa yang yin na wa ra NA sir gsungs pa'i mdo yin pas

ma khyab/ wa ra NA si zhes pa 'khor lo dang po'i brjod bya la
byed do/ /zhes smras na cis 'gog /mdo'i brjod bya la wa ra NA
si'i ming gis 'dogs pa cal col yin pas bzhad gad do zer na/
mdo'i brjod bya la dus dang po'i ming gis 'dogs pa yang bzhad

@019b gang yin no zhes ci'i phyir mi rung/ /des na mtshan mtshon
gyi rnam gzhag byed pa ni chos de'i don ldog ngos gzung ba'i
ched du yin pas/ mtshan nyid kyi rnam gzhag de la brten nas don
gyi ngo bo de legs par shes pa zhig dgos kyi/ nyin re'i khas len
zin

pa tsam gyi thabs la snying po ci yang med do/ /des na rje btsun
dam pa 'jam dbyangs bzhad pa'i rdo rjes kyang drang nges rnam
'byed kyi mtha' dpyod du mkhas pa snga ma'i bzhed pa dgod pa
tsam mdzad kyang yang na zhes rgyud sde spyi rnam dang mthun
pa'i 'khor lo gsum gyi mtshan nyid

'jog tshul gnyis pa zhig gsungs pa de kho na rje btsun de nyid
kyi bzhed par snang ngo/ /gnyis pa de la brten nas 'khor lo gsum
gyi drang nges phye tshul dngos la/ 'khor lo dang po drang don du
'grel tshul ni/ dgongs gzhi/ dgos pa/ dngos la gnod byed gsum

gyis drang don du 'grel ba ste/ dang po ni/ rnam par shes pa
drug gi shes pa snga ma snga mas rang 'dra'i shes pa phyi ma
phyi ma bskyed pa'i nus pa rang 'gags pa na kun gzhi'i rnam par
shes pa la bsgos nas bzhag pa'i rigs mthun pa'i bag chags kyi
dbang gis/ rnam

par shes pa drug la rang yul gzugs sogs snang ba'i rnam rig
'byung ba la dgongs nas phyi'i don gyis bsdus pa'i skye mched
drug yod par gsungs pa ste/ nyi shu pa las/ rang gi sa bon gang
las su/ /rnam rig snang ba gang 'byung ba/ /de dang de yi skye
mched ni/ /

rnam pa gnyis su thub pas gsungs/ /zhes pa'i don no/ /gnyis pa
dgos pa ni/ chos kyi bdag med re zhig ston du mi rung ba'i gang
zag la gang zag gi bdag med pa rtogs pa'i don du gsungs pa ste/
de yang gzugs sogs phyi'i skye mched dang mig sogs nang gi skye

@020a @#/ /mched la brten nas gzugs blta ba'i rnam par shes pa
'byung bar bstan pa la brten nas yul dbang rnam shes de dag las
don gzhan pa'i blta ba po dang mnyan pa po sogs kyi gang zag
rdzas su yod pa med par rtogs pa'i ched du

bstan pa yin te/ dper na chad par lta ba'i rgyang 'phen sogs
rjes su gzung ba la/ las 'bras kyi rten gzhi'i gang zag tsam
bstan pa'i phyir du/ bar do'i srid pa la dgongs nas brdzus te
skye ba'i sems can yod do zhes gsungs pa lta bu ste/ nyi shu pa
las/

gzugs sogs skye mched yod par ni/ de 'dul ba yi skye bo la/
/dgos pa'i dbang gis ston pa ste/ /brdzus te skye ba'i sems can
bzhin/ /zhes pa'i don no/ /gsum pa sgra ji bzhin pa la gnod byed
ni/ phyi don 'gog pa'i lung dang rigs pa rnams te

'og tu rgyas par 'chad do/ /'khor lo bar pa drang don du 'grel
tshul la yang dgongs gzhi/ dgos pa/ gnod byed gsum las/ dang po
ni/ yum 'bum pa la sogs pa las chos thams cad ngo bo nyid med
par gsungs pa'i dgongs gzhi ni/ ming dang brdas

bzhag pa tsam yin gyi rang gi mtshan nyid kyis ma grub pa'i
phyir/ kun brtags mtshan nyid ngo bo nyid med pa dang/ rgyu rkyen
gzhan la rag las nas skye dgos kyi rang gi bdag nyid las skye ba
med pa'i phyir gzhan dbang skye ba ngo bo nyid med pa dang/ don

dam pa yang yin la bdag nyis kyi ngo bor med pa yang yin pa'i
phyir/ yongs grub don dam pa ngo bo nyid med pa gsum la dgongs
nas chos thams cad ngo bo nyid med par gsungs pa yin pa'i phyir/
sum cu pa las/ ngo bo nyid ni rnam gsum gyi/ /ngo bo

@020b nyid med rnam gsum la/ /dgongs nas chos rnams thams cad
ni/ /ngo bo nyid med bstan pa yin/ /zhes dang/ dgongs 'grel las
kyang/ mtshan nyid ngo bo nyid med pa dang/ skye ba ngo bo nyid
med pa dang/ don dam pa ngo bo nyid med pa la dgongs nas ngas
chos thams cad ngo bo

nyid med pa'o/ /zhes bstan to/ /zhes sogs kyi don no/ /mdo sde
rgyan las ni/ 'dus byas kyi mtshan nyid gsum dang byis pas zhen
pa ltar gyi ngo bo nyid med pa la dgongs nas chos thams cad ngo
bo nyid med par gsungs par bshad de/ mdo sde rgyan las/ rang
dang rang

gi mtshan nyid du/ /med phyir rang gi ngo bo la/ /mi gnas phyir
dang 'dzin bzhin de/ /med phyir ngo bo nyid med 'dod/ /ces so/
/kun btus las ni de gnyis dang ngo bo nyid med pa gsum la dgongs
nas shin tu rgyas pa las ngo bo nyid med par gsungs par bshad
do/ /de la

'dus byas kyi mtshan nyid gsum la dgongs tshul ni/ myu gu lta bu
la mtshon na myu gu ma 'ongs pa rang gi bdag nyid las mi skye ba
dang/ myu gu da ltar ba rang grub pa'i dus gnyis par mi sdod pa
dang/ myu gu 'das pa bskyar nas myu gu'i bdag nyid du mi skye ba
gsum

la dgongs pa'o/ /byis pas zhen pa ltar gyi ngo bo nyid med pa la
dgongs tshul ni/ byis pas gtsang bde rtag bdag gam gzung 'dzin
rdzas gzhan du zhen pa ltar ma grub pa la dgongs pa'o/ /yum gyi
mdo las ma skyes pa ma 'gags pa sogs su gsungs pa'i dgongs

pa ni/ ngo bo nyid med pa dang po dang tha ma la dgongs pa ste/
kun brtags la skye 'gag yod na rang gi mtshan nyid kyis grub par
'gyur bas skye 'gag med pa dang/ skye 'gag dang bral ba ni 'dus
ma byas yin pas kun nas nyon mongs kyi chos su mi rung ba'i
phyir

@21a @#/ /gzod ma nas zhi ba dang rang bzhin gyis mya ngan las
'das par bstan pa'o/ /yongs grub don dam pa ngo bo nyid med pa
ni chos bdag med pas rab tu phye ba tsam yin pas skye 'gag dang
bral ba dang kun nas nyon mongs pa thams cad dang bral bas

gzod ma nas zhi ba dang rang bzhin gyis yongs su mya ngan las
'das par bstan pa'o/ /kun las btus las ni/ mtshan nyid gsum ga'i
dbang du byas nas ma skyes pa sogs su gsungs par bshad de/ de
yang ngo bo nyid gsum gyi rang rang gi skabs kyi ngo bo med

rgyu de'i dbang du byas nas ji ltar ngo bo nyid med pa de ltar
ma skyes pa dang ma 'gags pa sogs su bshad do/ /dpal chos kyi
grags pas gzugs su rung bas gzugs mtshon par byed pa'i phyir/
mtshon bya las su bya ba gzung bya'i phyogs su chad pa dang/
mtshan

nyid las su bya ba de 'jog byed 'dzin pa'i phyogs su tshur chad
pa ltar snang ba las ma gtogs pa'i mtshan nyid kyis mtshon bya blo
yul du mtshon mi shes la/ blo de la ni gzung 'dzin rdzas tha dad
du snang bas khyab pas de la snang ba ltar gyi rdzas tha dad
kyis stongs

bas na mtshan nyid bden pa pas stong pa zhes bya ste/ de la
dgongs nas yum gyi mdo las mtshan nyid med pa dang rang bzhin med
pa zhes bya ba'i tha snyad gsungs par bshad de/ rnam 'grel las/
gzung dang 'dzin pa'i rnam pa las/ /mtshan nyid gzhan ni yod ma

yin; ;des na mtshan nyid stong pa'i phyir/ /rang bzhin med pa rab
tu bshad/ /ces so/ /gzhan yang phung khams skye mched mtshon par
byed pa'i mtshan nyid de dag kyang bya byed kyi khyad par can yin
la/ bya byed de'ang de kho na nyid du ma grub pa'i phyir rgyu
mtshan des

@21b kyang mdo las mtshan nyid med pa sogs gsungs pa ste/ rnam
'grel las/ phung po la sogs bye brag gis/ /mtshan nyid thams cad
byed pa yi/ /khyad par can de'ang de nyid min/ /des kyang de dag
mtshan nyid bral/ /zhes so/ /'di nyid rnam rig pa rang gi bshad
pa'i

rnam grangs yin gyi mdo sde pa la sbyor rgyu min pa sogs ni
bshad zin to/ /gnyis pa dgos pa ni/ bsdu ba las/ smras pa/ 'dul
ba'i dbang gis de dang der ngo bo nyid med pa gsum la dgongs te/
zhes sogs gsungs pa la brten nas thal 'gyur ba sogs kha

drang ba'i phyir du gsungs par byas na rung ngam snyam zhes
kyang mkhas pa dag gsung mdo kyang 'thad pa'i phyogs ni 'di yin
te/ byang chub sems dpa' rnams kyi rnam g.yeng gi rnam par rtog
pa bcu 'gog pa'i ched du sgras zin la bden par yod med kyi khyad
par gsal bar

ma phye bar yum gyi mdo las 'byung ba ltar bka' stsal ba ste/
don de nyid theg pa chen po bsdus pa las shin tu rgyas par
gsungs te/ de nyid las/ de la ngo bo med par rnam par rtog pa'i
gnyen po'i don du bka' stsal ba/ byang chub sems dpa' nyid du
yod

bzhin du zhes bya ba la sogs pa'o/ /dngos por rnam par rtog pa'i
gnyen po'i don du bka' stsal pa/ byang chub sems dpa' yang dag
par rjes su mi mthong ngo zhes bya ba'o/ /sgro 'dogs pa'i rnam
par rtog pa'i gnyen po'i don du bka' stsal pa/ byang chub sems
dpa'i ming

yang dag par rjes su mi mthong/ shes rab kyi pha rol tu phyin pa
yang dag par rjes su mi mthong/ spyod ces bya bar yang dag par
rjes su mi mthong/ gzugs yang dag par rjes su mi mthong/ tshor ba
dang 'du shes dang 'du byed dang rnam par shes pa'i bar du yang

@22a @#/ /dag par rjes su mi mthong ngo/ /de ci'i phyir zhe na/
'di ltar ming ni ngo bo nyid kyis stong ngo zhes bya ba la sogs
pa'o/ /skur ba 'debs pa'i rnam par rtog pa'i gnyen po'i don du
bka' stsal pa/ stong pa nyid kyis ni ma yin no zhes bya'o/ /gcig

pa nyid du rnam par rtog pa'i gnyan po'i don du bka' stsal pa/
gzugs kyi stong pa nyid gang yin pa de gzugs ma yin no zhes bya
ba la sogs pa'o/ /tha dad pa nyid du rnam par rtog pa'i gnyen
po'i don du bka' stsal pa/ gzugs ni stong pa nyid las gzhan pa
yang

ma yin te/ gzugs nyid stong pa nyid do/ /stong pa nyid gzugs so
zhes bya ba'o/ /ngo bo nyid du rnam par rtog pa'i gnyen po'i don
du bka' stsal pa/ rab 'byor 'di lta ste/ gzugs zhes bya ba 'di
ni ming tsam zhes bya ba la sogs pa'o/ /khyad par du rnam par

rtog pa'i gnyen po'i don du bka' stsal pa/ ngo bo nyid ni mi
skye mi 'gag kun nas nyon mongs pa ma yin/ rnam par byang ba ma
yin no zhes bya ba'o/ /ming ji lta ba bzhin du don du rnam par
rtog pa'i gnyen po'i don du bka' stsal pa/ ming bcos ma la chos
de

dag so sor brtags nas ming glo bur gyi rjes su tha snyad 'dogs
te/ ji lta ji ltar rjes su tha snyad 'dogs pa de lta de ltar
mngon par zhen to zhes bya ba'o/ /don ji lta ba bzhin du ming du
rnam par rtog pa'i gnyen po'i don du bka' stsal pa/ byang chub
sems dpa' ming de

dag thams cad yang dag par rjes su mi mthong ngo/ /yang dag par
rjes su mi mthong bas mngon par zhen pa med do zhes bya ba ste/
don ji lta ba bzhin du zhes bya bar dgongs pa'o/ /gzugs la ji
lta ba bzhin du rnam par shes pa'i bar du yang sbyar bar bya'o/
/rnam

@22b par g.yeng ba bcu po 'di dag gi gnyen por shes rab kyi pha
rol tu phyin pa thams cad du rnam par mi rtog pa'i ye shes bstan
te/ de ltar na shes rab kyi pha rol tu phyin pa'i don mtha' dag
ni mi mthun pa'i phyogs dang gnyen po dang bcas par rig par
bya'o/ /zhes

gsungs pa ltar ro/ /des na kha cig gis bka' dang pa sgra ji
bzhin par 'dzin pa'i rtag lta dgag pa'i ched du 'khor lo bar pa
gsungs par smra ba yang mi 'thad do/ /gsum pa dngos la gnod byed
ni/ yum gyi mdo la sogs pa las chos thams cad rang bzhin med

par gsungs pa rnams sgra ji bzhin par bzung na mtshan nyid gsum
ga la skur ba 'debs par 'gyur te/ gzugs la sogs pa med na ngo bo
dang khyad par du 'dogs pa'i gzhi med par 'gyur la/ de ltar na
gdags gzhi med pas ming gi 'dags pa yang med

par 'gyur pa'i phyir dang/ de ltar gzhan dbang dang kun brtags
gnyis la skur pa btab pas chos rnams kyi chos nyid yongs grub la
yang skur pa btab par 'gyur te/ rten chos can gzhi ma grub pa'i
phyir ro/ /dgongs 'grel las/ don dam yang dag 'phags/

'di ltar gzhan gyi dbang gi mtshan nyid dang yongs su grub pa'i
mtshan nyid yod na ni/ kun brtags pa'i mtshan nyid kyang rab tu
shes par 'gyur na/ de la gang dag gzhan gyi dbang gi mtshan nyid
dang/ yongs su grub pa'i mtshan nyid la mtshan nyid med par mthong

ba de dag gis ni/ kun brtags pa'i mtshan nyid la yang skur pa
btab pa yin pa'i phyir te/ da lta bas na de dag ni mtshan nyid
rnam pa gsum char la yang skur pa 'debs pa zhes bya'o/ /zhes
gsungs so/ /de ltar na lugs 'dis dgongs 'grel las bshad pa'i

@23a @#/ /'khor lo dang po dang bar ba gnyis drang don dang/ tha
ma nges don du 'grel ba yin la/ snga ma gnyis drang don du 'grel
ba tsam du 'dra yang drang don du 'grel lugs mi 'dra ste/ 'khor
lo dang po'i ched du bya ba'i gdul bya la gang la dgongs te
gsungs

pa'i don mig gi rnam shes rnam smin gyi bag chags zhes bya ba
rang gi sa bon smin pa gang las 'byung ba'i sa bon dang don du
snang ba tsam la dgongs pa de nyid dngos su bstan du mi rung bas
mdo'i brjod bya'i don ni phyi rol don gyi skye mched yod pa nyid
yin la/ de

nyid mdo'i don yin kyang drang don yin zhes 'grel ba'i phyir
dang/ sher phyin gyi mdo la sogs pa'i 'khor lo bar ba ni rang gi
ched du bya ba'i gdul bya la gang la dgongs nas ngo bo nyid med
par gsungs pa'i ngo bo nyid med tshul rnams dngos su bstan du
rung bas/ ngo

bo nyid med tshul gsum gyis ngo bo nyid med pa mdo'i brjod bya'i
don yin gyi ngo bo nyid gsum la bden par yod med kyi khyad par
ma phye bar chos thams cad ngo bo nyid med pa tsam zhig mdo'i
brjod bya'i don ma yin pa'i phyir dang/ drang don du 'grel lugs

yang mdo'i brjod bya'i don de nyid drang don yin zhes mi 'grel
gyi mdo de dag sgra ji bzhin par gzung du mi rung ba'i phyir don
de tsam zhig tu ma nges kyi da dung de'i don bshad dgos pa'i sgo
nas drang don du 'chad pa yin pa'i phyir ro/ /mthar thug theg pa
gcig tu

gsungs pa'i mdo drang don du 'chad tshul ni 'og tu 'chad do/
/gnyis pa de las byung ba'i grub mtha'i rnam gzhag la gzhi lam
'bras bu'i rnam gzhag gsum las/ dang po la/ shes bya yul gyi
rnam gzhag  shes byed blo'i rnam gzhag gnyis/ dang po

@23b la; bden pa gnyis kyi rnam gzhag  mtshan nyid gsum gyi rnam
gzhag  zhar byung gzhan bshad pa dang gsum/ dang po ni/ bden
gnyis kyi dbye gzhi ni shes bya ste/ chos dang chos nyid rnam
'byed las/ 'di dag thams cad mdor bsdu na/ rnam pa gnyis

su shes bya ste/ zhes gsungs pas so/ /dbye ba'i ngo bo ni/ kun
rdzob kyi bden pa dang don dam pa'i bden pa gnyis so/ /de la kun
rdzob bden pa'i ngo bo ni kun nas nyon mongs pa skya rung gi
dmigs pa'i chos tha snyad pa'o/ /mang na gang la dmigs nas sgrib
ba zad par

'gyur ba'i rnam par dag pa'i lam gyi dmigs pa mthar thug ma yin
pa'i chos so/ /de la dang po ni/ bsdu ba las/ kun nas nyon mongs
pa kun nas slong ba'i phyir dang zhes pa'i dgongs pa ste/ de'i
don 'chad pa na rje bdag nyid chen pos/ rnam par dag pa'i

dmigs pa la don dam du bshad pa'i zlas drangs pa na gang la
dmigs pas kun nas nyon mongs kun nas slong ba'i don gyis kun
rdzob tu yod par bzhag ste/ zhes gsungs so/ /des gnyis pa yang
shes sla'o/ /don dam bden pa'i ngo bo ni/ rnam dag lam gyi

dmigs pa mthar thug tu gyur pa'i chos so/ /kun rdzob bden pa'i
sgra bshad ni/ btags pa dang shes pa dang brjod pa'i kun rdzob
gsum gyi ngor rim de gsum gyi dbang gis bden pas na kun rdzob
bden pa'o/ /don dam bden pa'i sgra bshad ni/ 'phags pa'i

mnyam gzhag ye shes ni dam pa yin la de'i don yin pas don dam pa
dang/ snang tshul dang gnas tshul mthun pas bden pa'o/ /de dag
kyang rje bdag nyid chen pos/ 'jig rten pa'i shes pa 'phrul pa'i
yul dang 'jig rten las 'das pa'i shes pa'i yul

@24a @#/ /la dgongs nas bden pa gnyis po kun rdzob kyi bden pa
dang don dam pa'i bden pa gsungs so/ /zhes pa dang/ rnam bshad
rigs pa las/ las dang rnam par smin pa dag ni kun rdzob tu rdzas
su yod/ don dam par ni med de/ 'jig

rten pa'i shes pa'i yul yin pa'i phyir ro/ /zhes dang/ dam pa ni
ye shes 'jig rten las 'das pa yin te/ de'i don yin pas don dam
pa'o/ /zhes sogs kyi don no/ /kun rdzob bden pa'i mtshan gzhi ni/
gzhan dbang dang kun brtags kyis bsdus

pa'i chos rnams so/ /don dam bden pa'i mtshan gzhi ni/ bdag med
pa gnyis so/ /gnyis pa mtshan nyid gsum gyi rnam gzhag la/ kun
brtags dang/ gzhan dbang dang/ yongs grub kyi rnam gzhag gsum
las/ dang po ni/ chos gang la sgra rtog ci

rigs kyis sgro btags pa'i cha ni kun brtags kyi ngo bo ste/ theg
bsdus las/ rnam pa gang gis gzhan gyi dbang gi ngo bo nyid la
kun tu brtags pa de ni de la kun tu brtags pa'i ngo bo nyid do/
/zhes gsungs pa'i don no/ /kun brtags zhes brjod pa'i rgyu

mtshan ni/ ji ltar btags pa ltar rang gi mtshan nyid kyis med la
ming dang brdas btags pa'i cha tsam du dmigs pas kun brtags pa
zhes bya ste/ de nyid las/ ci'i phyir kun brtags pa zhes bya zhe
na/ yid kyi rnam par rtog pa dbang tu med pa'i rnam

pa can gyi phyin ci log 'byung ba'i rgyu mtshan yin pas kun
brtags pa'o/ /rang gi mtshan nyid med la kun tu rtog pa tsam du
dmigs pas kun brtags pa zhes bya'o/ /zhes so/ /de la tshig snga
mas ni dmigs pa dang mtshan mar 'dzin pa dang mngon par zhen pa
sogs

@24b rnam rtog sna tshogs pa rnams ngo bo dang khyad par du sgro
btags pa la brten nas 'byung bar ston pa'o/ /dbye ba ni/ sgro
btags tshul gyis dbye na 'di ni gzugs so zhes pa lta bu ngo bo la
sgro btags pa dang/ 'di ni gzugs kyi skye ba'o zhes pa lta bu
khyad par

la sgro btags pa gnyis so/ /ngo bo'i sgo nas dbye na/ rnam
grangs kyi kun brtags dang/ mtshan nyid yongs su chad pa'i kun
brtags gnyis/ dang po ni/ ngo bo dang khyad par gyi gzhir rang
mtshan gyis grub par snang yang rang gi mtshan nyid kyis ma grub
pa'i kun rdzob

'dus ma byas kyi chos rnams so/ /gnyis pa ni/ bdag gnyis lta bu
yul du ma grub kyang rtog pa'i dbang gis yul du bzhag pa rnams
so/ /kun brtags kyi dpe ni dgongs 'grel las/ 'di lta ste dper na
nam mkha'i me tog ji lta ba de lta bur mtshan nyid ngo

bo nyid med pa nyid blta bar bya'o/ /zhes gsungs pa ste/ nam
mkha'i me tog dang 'dra ba ni rtog pas btags pa tsam gyi dpe yin
gyi shes bya la mi srid pa'i dpe ma yin no/ /gnyis pa gzhan
dbang la/ rgyu rkyen las byung ba'i dngos po ni gzhan dbang gi
ngo bo

yin la/ gzhan gyi dbang zhes brjod pa'i rgyu mtshan ni rang rang
gi bag chags kyi sa bon las skye pa'am rgyu rkyen las skyes pas
na gzhan dbang dang/ skyes nas kyang skad cig las lhag par bdag
nyid gnas pa'i rang dbang med pas na gzhan dbang zhes bya ste/

theg bsdus las/ ji ltar na gzhan gyi dbang yin la/ ci'i phyir na
gzhan gyi dbang zhes bya zhe na/ rang gi bag chags kyi sa bon
las skyes pa yin pas de lta bas na rkyen gyi gzhan dbang yin no/
/skyes nas kyang skad cig las lhag par bdag nyid

@25a @#/ /gnas par mi nus pas na gzhan gyi dbang zhes bya'o/
/zhes so/ /des sgra bshad pa yang shes par bya'o/ /dbye na dag
ma dag gi gzhan dbang gnyis/ dang po ni/ 'phags pa'i mi rtog ye
shes dang dag pa'i mtshan dpe sogs dang/

gnyis pa ni/ ma dag pa'i snod kyi 'jig rten dang de'i rgyu las
nyon dang zag bcas kyi phung po lnga lta bu'o/ /dpe ni dgongs
'grel las/ 'di lta ste dper na sgyu ma byas pa ji lta ba de lta
bur ni skye ba ngo bo nyid med pa nyid blta bar bya'o/ /zhes pa
ste/ sgyu ma

lta bu'i don ni rde'u shing bu la sogs pa sgyu ma'i sngags kyis
btab pa na rta glang du ma grub kyang rta glang la sogs pa'i
gzugs su snang ba 'byung ba bzhin du gzhan dbang gzung 'dzin
rgyad chad du ma grub kyang yang dag pa ma yin pa'i kun rtog gi
dbang gis gzung

'dzin rgyang chad du snang ba'o/ /'di ni mdo sde rgyan las/ ji
ltar sgyu ma de bzhin du/ /yang dag ma yin kun rtog yod/ /sgyu
ma'i rnam pa ji lta bar/ /de bzhin gnyis su 'khrul pa brjod/
/ces gsungs pa ltar te/ sgyu ma dang 'dra ba'i 'chad tshul gzhan

ni 'og tu 'chad do/ /gsum pa yongs grub ni/ bdag 'dzin gnyis
kyis sgro btags pa ltar du grub pas stongs pa'i de bzhin nyid ni
yongs grub kyi ngo bo ste/ yang na rnam dag lam gyi dmigs pa
mthar thug tu gyur pa'i de bzhin nyid de yongs grub kyi ngo

bo'o/ /yongs grub ces brjod pa'i rgyu mtshan ni rnam pa gzhan du
mi 'gyur ba dang/ rnam dag lam gyi dmigs pa yin pa dang/ dge
ba'i chos thams cad kyi mchog yin pas na yongs grub ces bya ste/
theg bsdus las/ ji ltar na yongs su grub pa

@25b nyid yin la/ ci'i phyir na yongs su grub pa zhes bya zhen/
gzhan du mi 'gyur ba'i phyir yongs su grub pa'o/ /rnam par dag
pa'i dmigs pa yin pa dang/ dge ba'i chos thams cad kyi mchog yin
pa'i phyir mchog gi don gyis yongs su grub pa zhes bya'o/ /

zhes gsungs so/ /dbye ba ni/ gang zag gi bdag med dang chos kyi
bdag med kyi dbang du byas pa'i yongs grub gnyis yod de/ dbus
mtha' las/ rnam dag spyod yul rnam gnyis te/ zhes pa dang/ de'i
'grel bar/ rnam par rtog pa'i de kho na nyid

rnam pa gnyis te/ nyon mongs pa'i sgrib pa rnam par dag pa'i ye
shes kyi spyod yul dang/ shes bya'i sgrib pa rnam par dag pa'i
ye shes kyi spyod yul lo/ /zhes gsungs pa dang/ rje bdag nyid
chen pos kyang/ phung po'i gzhan dbang gang zag gi bdag

gi kun brtags kyis stongs pa gang zag gi bdag med kyi yongs grub
tu 'jog pa'i ngo bo nyid gsum gyi rnam gzhag de tsam zhig theg
dman gyi mdo'i don du go nus la/ zhes gsungs so/ /dpe ni/ dgongs
'grel las/ don dam yang dag 'phags/ de

la 'di lta ste/ dper na nam mkha' ni gzugs kyi ngo bo nyid med
pa tsam gyis rab tu phye ba dang thams cad du song ba ji lta ba
de lta bur ni don dam pa ngo bo nyid med pa de las chos bdag med
pas rab tu phye ba dang thams cad du song ba zhig blta bar byas
te/ zhes so/ /

'dis ni 'gyur med yongs grub de nyid dgag bya bcad tsam gyi med
dgag yin pa dang shes bya thams cad la khyab pa'i dper nam mkha'
thogs reg bkag tsam yin pa dang thams cad du song ba gnyis bstan
pa yin no/ /gsum pa zhar byung gzhan bshad

@26a @#/ /pa la/ rdzas btags kyi khyad par dang/ rnam gzhag
gzhan rgyas par ma bshad pa'i rgyu mtshan no/ /dang po la
gnyis/ dngos dang/ de la dogs pa gcod pa'o/ /dang po ni/ spyir
rdzas btags kyi tha snyad gzhung chen mo rnams

las byung ba ni mang du yod do/ spyir yod pa tsam la rdzas yod
du bya ba ni gang ci yang rung ste yod na ni thams cad rdzas
su yod pa kho na'o zhes pa lta bu ste 'di'i bzlog phyogs kyi
btags yod ni bdag gnyis lta bu kun rtog gis yod par bzung yang
yong ba

min pa rnams so/ /don bed nus pa'i rdzas yod ni dngos po rnams
te/ 'di'i bzlog phyogs kyi btags yod ni spyi mtshan rnams so/
/brtan pa mi 'gyur ba'i rdzas yod ni 'dus ma byas kyi nam
mkha' dang so sor brtags 'gog dang so sor brtags

pa ma yin pa'i 'gog pa rnams te/ 'di'i bzlog phyogs kyi btags
yod ni mi rtag pa rnams so/ /rang rkya thub pa'i rdzas yod ni
dbang shes kyi gzung byar gyur pa'i gzugs dang tshugs thub kyi
shes pa rnams so/ /'di'i bzlog phyogs kyi btags yod ni

ldan min 'du byed dang kun brtags kyi chos rnams so/ /de ltar
na phyi ma 'di ni rdzas btags mtshan nyid pa dang snga ma'i
rdzas yod rnams ni rnam grangs kyi rdzas yod do/ /phyi ma'i
rdzas yod kyi don ni/ chos gang zhig rang nyid blo yul du
'char ba rang las gzhan

pa'i chos kyi rnam pa bro yul du 'char pa la ltos mi dgos par
rang dbang du 'char ba'i tshugs thub bo/ /btags par yod pa'i
don ni/ chos gang zhig rang nyid blo yul du 'char ba rang las
gzhan pa'i chos kyi rnam pa blo yul du 'char ba la nges par

@26b ltos dgos pa'o/ /de dag kyang rim pa ltar bsdu ba las/
gang ci yang rung ste de las gzhan ba dag la mi ltos shing/ de
las gzhan pa dag la mi brten par rang gi mtshan nyid 'dogs par
byed pa de ni mdor na rdzas su yod pa yin par rig par bya'o/
/gang ci yang

rung ste de las gzhan pa dag la bltos shing/ de las gzhan pa
dag la brten nas rang gi mtshan nyid 'dogs par byed pa de ni
mdor na btags pa'i yod pa yin par rig par bya'i rdzas su yod
pa ni ma yin te/ zhes gsungs pa ltar ro/ /gnyis pa ni/ 'di'i

rang rkya thub pa'i rdzas yod dang gang zag gi bdag med kyi
skabs kyi rang rkya thub pa'i rdzas yod gnyis don mi gcig ste/
'di la ni rang gi ngo bo blo yul du 'char ba chos gzhan gzung
ba la ltos mi dgos par rang dbang du 'char ba tsam la byed
cing/ cig shos

ni dbang bsgyur bya'i phung po rnams la ma ltos par de dag la
dbang sgyur byed rje bo lta bur rang rkya bar grub pa zhig
dgos pa'i phyir zhes mkhas pa dag gsung ngo/ /gang zag gi bdag
'gog pa'i rigs pa la brten nas gang zag rdzas su yong pa bkag
pa na gang zag btags

yod du nges par 'gyur ba dang/ de'i tshe btags yod du nges tshul
yang de 'dra'i rang rkya bar med par rigs pas bsgrubs pa'i
shugs kyis gang zag ni tshogs pa dang rgyun la btags pa tsam du
rtogs par 'gyur ro/ /de lta bu'i gang zag btags pa tsam yin
lugs

kyang gdags gzhi phung po dang sgra rtog sogs la ma ltos par
gang zag gi rang ldog blo yul du 'char mi nus shing/ de dag
shar ba la brten nas gang zag gi rang ldog blo yul du 'char
dgos pa nyid gang zag btags par yod pa'i don du song bas gang
zag btags

@27a @#/ /yod yin pa'i don ni skabs 'di'i btags yod dang don
gcig tu yod do/ /rgyu mtshan de'i phyir 'gog rgyu'i gang zag
rdzas yod kyang btags yod de'i bzlog phyogs su gyur pa'i rdzas
yod la bya dgos pa ni mtha' gzhan 'gog

pa'i rigs pas grub pas 'di'i rdzas yod dang gnad gcig go
/'di'i btags yod kyi mtshan gzhir gang zag bshad pa dang/ bsdu
ba las phung po la brten nas bdag gam sems can du btags pa
skabs 'di'i btags yod kyi dper gsungs pa dang/

rnam bshad dgongs pa rab gsal las/ de yang lugs de dag gis
nyan rang gis gang zag rdzas yod du med par rtogs par 'dod
kyang rnam shes gnyis po rdzas yod du med par rtogs par mi
'dod pas gang zag rang rkya thub pa'i rdzas su med par smra ba
ni gang

zag gi rang gi ldog pa nas 'dod pa yin gyi gang zag gi mtshan
gzhi rnam shes la de ltar 'dod pa min no zhes gsungs pa rnams
gung bsgrigs na skabs 'di'i rdzas yod dang gang zag rang rkya
thub pa'i rdzas yod gnyis don gcig par snang ngo/ /gzhan du na

lung phyi mas de gnyis kyi rdzas yod kyi khyad par mi 'dra
tshul gsung bar rigs kyi rnam shes dang gang zag gnyis la rdzas
yod 'dod mi 'dod kyi khyad par 'byed pa tsam zhig gsung bar mi
rigs so/ /rje bdag nyid chen pos/ /gang zag tsam dgag par bya
ba ma

yin na khyad par gang dang bcas pa yin snyam na mdo sde mang
por gang zag bden par 'gog ces pa dang/ gzhi bsdu bar don dam
pa dang/ rnam par gtan la dbab pa bsdu ba dang/ mdo rgyan dang
mdzod 'grel rnams su rdzas yod 'gog ces pa kun don

@27b gcig pas de la rdzas btags kyi don ni/ chos gang zhig blo
yul du 'char ba rang dang mtshan nyid mi mthun ba'i gzhi gzhan
gyi rnam pa shar ba la nges par bltos pa ni btags par yod pa
dang/ de lta bu la mi ltos par rang dbang du 'char ba ni rdzas
su yod pa zhes

bya'o zhes gang zag gi bdag 'gog pa'i rigs pa'i skabs su rang
rkya thub pa'i rdzas yod ngos 'dzin lugs bsdu ba las 'byung ba
ji lta ba bzhin gsungs 'dug go /der ma zad mu stegs pas bdag
rdzas yod sgrub pa'i rigs pa 'gog chul sde bdun las bshad

pa'i rigs pa'i 'gros kyis kyang shes par nus mod 'dir ma spros
so/ /de na 'di dpyad par bya ste/ bsdu ba las gang ci yang
rung ste zhes sogs kyis bshad pa'i rdzas yod 'di rang rkya
thub pa'i rdzas yod dang don mi gcig par smra ba rnams kyi
dogs pa'i gzhi ni

de gnyis don gcig par 'dod na rnam shes rang rkya thub pa'i
rdzas yod du 'gyur la/ de lta na yod na gang zag gi bdag med
yin pa'i khyab pa dang 'gal bar 'gyur ro snyam pa 'di kho na
yin par 'dug pas/ de la 'di 'dri bar bya ste/ yod na gang zag
gi bdag

med yin pas khyab pa'i don ci zhig yin/ gang zag gi bdag med
rtogs pa'i rnal 'byor pas chos thams cad gang zag gi bdag med
du sgom tshul ji ltar yin/ ston pas chos thams cad bdag med do
zhes gsungs pa'i lung gi don yang ji ltar byed brjod par

gyis shig de la kho na re/ yod na ni gang zag gi bdag med pas
khyab ste/ gang zag gi bdag ni rnam pa thams cad du 'thad pas
ma grub pa'i phyir/ dper na mo gsham gyi bu tshad mas ma grub
pa'i rgyu mtshan gyis/ yod na mo gsham gyi bu med dgos pa

@28a @#/ /bzhin/ des na gang zag gi bdag med par rtogs pa'i
rnal 'byor pas chos thams cad kyang rang rkya thub pa'i rdzas
su yod pas stongs par rtogs pa dang/ bcom ldan 'das kyis kyang
de la dgongs nas chos thams cad bdag med do

zhes gsungs so/ /zhes zer na brjod par bya ste/ gang zag gi
bdag ni ri bong gi rwa ltar med par smra ba ni shin tu legs
par smras pa lags mod/ chos thams cad bdag gis stongs pa'i
tshul smras pa la da dung 'dri bar bya ste/ gang zag gi bdag
gis

stong tshul 'di ni gong du bshad pa ltar gang zag rdzas su smra
ba'i sde lnga ma gtogs pa'i rang sde bye brag smra ba nas dbu
ma rang rgyud pa'i bar thams cad kyis gang zag gi bdag med
phra mor bzhed par 'dug pas/ de la re zhig dbu ma pa'i dbang
du byas nas mi

smra yi; ;don smra gnyis kyis 'dod pa'i rdul cha med dang rnam
rig pas 'dod pa'i gzung 'dzin gyi gnyis snang dang bral ba'i
rang rig dang dus mtha'i skad cig mar gyur pa'i shes pa rnams
rang rkya thub pa'i rdzas yod kyis stongs par gtan la 'bebs
tshul

ji ltar byed/ ci ste gcig du bral gyi gtan tshigs kyis byed do
zhe na/ de la gtan tshigs 'god tshul ji ltar byed/ rdul cha med
chos can/ rang rkya bar med de/ bden pa'i gcig dang du ma gang
rung dang bral ba'i phyir zer ram/ rang gi cha dang gcig

dang du ma gang rung dang bral ba'i phyir zer ram/ rigs pa
rtsom byed kyi rdul phra rab gnyis pa dang gcig dang du mar
med pa'i phyir zer ram/ rags pa dang de ltar ma grub pa'i
phyir zer/ de dag gang 'god kyang phyogs kyi chos dang rjes su
'gro ldog gi khyab pa mthun

@28b dpe'i steng du 'grub tshul brjod par gyis shig /de bzhin
du rnam rig pa'i lugs kyi rang rig sogs la'ang sbyar bar
bya'o/ /gzhan yang ka ba dang bum pa sogs rang rkya thub pa'i
rdzas yod kyis stongs pa la gang zag gi bdag med kyi tha snyad
byed pa'i don ci yin/

de la gang zag gi bdag med pa'i phyir ro zer na/ med par
mtshungs pa la ston pas chos thams cad bdag med do zhes gsungs
kyi chos thams cad ri bong gi rwa med do zhes ci'i phyir ma
gsungs/ log rtog ldog pa'i dgos pa yod pa'i phyir ro zer na/

bum pa gang zag gi bdag tu 'dzin pa'i log rtog de ji lta bu
zhig yin/ rang rkya thub pa'i rdzas yod du bzung ba'i phyir ro
zer na/ de yang ji ltar du bzung ba smros shig /gzhan yang
rang sde de dag gis nyan thos 'phags pa la gang zag gi bdag
med sgom

tshul 'di las lhag pa sgom rgyu med par 'dod cing/ lam 'dis
nyon sgrib rtsad nas 'byin par 'dod na/ 'phags pa de dag gis
mnyam gzhag dang rjes thob tu bdag med sgom tshul ji ltar byed/
gang zag rang rkya ba chos can/ bden par med de/ phung

po dang bden pa'i gcig dang du ma gang rung du ma grub pa'i
phyir/ zhes pa'i tshig gsum po 'di tsam zhig yin nam/ rigs pa'i
rnam grangs mang po zhig gis gtan la 'bebs pa yin/ rjes thob
tu 'ang gang zag gi bdag med nges yin pas gzhi

grub na gang zag gi bdag med yin pas khyab bo/ /zhes pa'i mu
thug 'di ga bsgom pa yin nam/ chos thams cad bdag med du blta
tshul khyad par ba zhig byed smros shig /'di nyid mnyam gzhag
dang rjes thob tu bsgoms pas nyon mongs pa'i sgrib

@29a @#/ /pa'i gnyen po byed lugs ji ltar yin pa'ang brjod par
gyis shig /dpal chos kyi grags pas sdug bsngal gyi bden pa'i
rnam pa gzhan bsgom pa rnams bdag med pa'i rnam pa spyod byed
kyi thabs su gsungs 'dug pas der 'gyur

tshul yang ji ltar yin/ 'di dag legs par ma go na ni thams cad
mkhyen pa'i lam lta zhog gi thar pa tsam yang 'thob pa'i thabs
shes pa'i gnas med la/ nang pa sangs rgyas pa'i khyad chos
phyag rgya bzhi'i don tsam la yang nges shes skye ba'i skabs

med na tshes shin tu zab pa'i dbu ma thal 'gyur ba'i lta ba
shes pa'i go skabs ga la yod/ 'di dag legs par khong du ma
chud pa'i dbang gis mkhas par grags pa lo tstsha ba shes rab
rin chen gyis kyang/ rdzas yod bdag smra gnas ma bur des dang/

rnam shes bdag smra'i dbu sems yod pa 'gal/ zhes dang/ go bo
bsod nams seng ge dang paN chen shAkya mchog ldan gyis kyang
rje thams cad mkhyen pa 'gog pa'i lugs su byas nas ltag chod
mang du bris gda' mod/ kho bo ni de dag la do

gal chung pas de dag 'gog pa'i ngal ba 'dir mi bya yi rang re
rje bdag nyid chen po'i bstan pa skyon med pa la zhugs shing
bka' drin 'khor mtha' med pa'i rje rin po che de nyid kyi
dgongs pa 'tshol ba lhur len pa'i gang zag rnams kyis ni/ spyir
rje yab sras

kyi dgongs pa ltar tshig spyi tsam du ma lus pa'i thos bsam
dang gzhung lugs gdams par shar ba'i nyams len dang thabs shes
zung du 'brel ba'i spyod pa ma nor ba zhig dgos par snang
zhing/ de la yang gnas 'di dag gal che bar mthong nas gong

@29b gi khas len de dag gi blo rtse gtad so ji ltar yin dris
pa yin gyi/ gang dang yang mi mthun pa'i rang lugs zur pa zhig
gi rnam gzhag byed snyam pa dang/ de la brten nas gzhan las
khyad thon pa zhig e yong snyam pa'i re bas kun nas bslang ba
mi legs

so; ;'o na khyod rang gi lugs la ji ltar yin brjod par gyis
shig ce na/ spyir 'di dag shes pa la bdag 'dzin lhan skyes
kyis ji ltar bzung ba'i tshul dang kun brtags kyis ji ltar sgro
btags pa'i tshul dang de gnyis las kyang snga ma gtso bo yin pa
dang/

phyi ma 'gog pa'i rigs pa rnams snga ma 'gog pa'i yan lag tu
'gyur tshul dang/ bdag med gtan la 'bebs pa'i dus su yang gcig
du bral gyi sbyor ba'i tshig gsum po de tsam ma yin pa'i rigs
pa rgya bskyed nas bsgom pa'i tshul dang/ rigs pa de

dag gi gnad 'gag kyang gcig du bral gyi gtan tshigs nyid la 'du
tshul dang/ rjes thob kyi gnas skabs su'ang spyir chos thams
cad dang khyad par rang rgyud kyis bsdus pa'i phung khams skye
mched kyi steng gi bdag med pa'i rnam pa la blo goms par byed
tshul

dang; de dag la brten nas sgrib pa rim gyis sbyong tshul sogs
kyi rnam gzhag rnams/ kho 'di zer na nga 'di zer gyi gshags
'gyed pa tsam gyi phyir ma yin par blo kha nang du phyogs nas
gtan la 'bebs pa'i rnam gzhag rnams legs par shes dgos te/

theg dman du ma zad theg chen pa rnams kyis kyang tshogs sbyor
gyi gnas skabs su gzhi shes kyi rnam pa gtso bor bsgom dgos
par rgyan 'grel pa dang bcas pa nas bshad pa'i phyir dang/
bdag med rags pa rtogs pa nyid bdag med phra mo rtogs pa'i
thabs

@30a @#/ /kyi mchog yin pa'i phyir ro/ /'on kyang de dag gi
rnam gzhag rgyas par ni shing rta chen po rnams dang rje yab
sras kyi gsung rab la brten nas kho bo cag gis bshad par spobs
mod kyi 'dir ni tshig gi tshogs ha cang med par

'gyur pa dang/ skabs su ma babs pas spro bar mi byed la skabs
su babs pa'i rnam gzhag mdor bsdus shig brjod par bya'o/ /de
la gang zag rang rkya thub pa'i rdzas yod du 'dzin tshul ni nga
zhes 'dzin pa'i gzhi'i bdag 'di rang las gzhan phung

po rnams la rag ma las shing ma brten pa'i tshul gyis de dag la
dbang sgyur byed lta bu'i rang rkya bar 'dzin pa ste/ de la
dgongs nas rje yab sras kyis rje khol ltar 'dzin pa zhes kyang
gsungs so/ /des na spyir gdags gzhi phung po bzung ba la ma

brtan par gang zag 'dzin mi nus pa yin kyang bdag tu 'dzin pas
rgyud bslad pa rnams kyis ni de ltar mi shes par bdag bzung ba
la brten nas phung po 'dzin dgos pa lta bu zhig 'char te/
/nga'i gzugs nga'i tshor ba zhes sogs phung po rnams bdag de'i

dbang byar 'dzin pa'i phyir dang/ bdag yod pa la brten nas
nga'i ? phung po zhes phung po la nga yi bar 'dogs par 'dzin
pa'i phyir ro/ /des na bdag rdzas su yod pa'i 'dzin tshul ni
rang las gzhan pa dag la mi ltos shing/ rang las gzhan pa dag
la mi

brten par rang gi mtshan nyid 'dogs par byed pa'i rdzas yong du
'dzin tshul kho na yin zhing rgyu mtshan de'i phyir gong du
drangs pa ltar rje bdag nyid chen pos bsdu ba las bshad pa'i
rdzas yod dang skabs 'di'i rdzas yod don gcig par gsungs pa
yin no/ /

@30b de lta bu'i gang zag rang rkya ba 'gog ba la bye mdo sems
tsam pa rnams kyis phung po dang bden pa'i gcig dang du ma
dang bral ba'i rtags 'god pa yin no/ /bdag med gtan la 'bebs
pa'i dus su ni/ phung por btags pa tsam las ma gtogs pa'i bdag
de yod

par sgrub pa'i sgrub byed kyi gtso bo/ /sems can no snyam pa'i
blo chos can/ don ji lta ba bzhin du 'jug pa yin no/ blo sngon
du ma btang bar dngos po mthong na 'jug pa'i blo yin pa'i
phyir ro/ /dper na sngo 'dzin bzhin/ zhes pa 'di nyid 'gog
pa'i rigs

pa rtsal du bton nas gtan la 'bebs pa dang/ yang de 'dra'i
bdag de phung pa la btags pa yin nam/ phung po la gnas pa yin
nam/ phung po las gzhan yin nam/ phung po gtan med yin snyam
du mtha' bzhir brtags nas rigs pas 'gog dgos

shing; brtags pa de'i nang du ni rtag mi rtag gcig tha dad la
sogs pa'i mtha' gzhan 'gag pa'i rigs pa mang po zhig byed dgos
par thogs med dbyig gnyen phyogs glang chos grags sogs kyi
gzhung las 'byung ngo/ /de ltar brtags pa'i mthar dgag

bya bkag shul du bdag ji 'dra zhig lus brtags pa na bdag gam
gang zag gcig ni nges par yod dgos te/ gzhan du na 'ching grol
gyi rnam gzhag mi 'thad par 'gyur ba'i phyir ro/ /de yang
phung po las don gzhan dang rang rkya ba'i rdzas su grub pa ni
bkag

zin pas/ gdon mi za bar phung po la bltos shing phung po la
brtan nas btags pa'i btags yod du 'grub dgos te/ grub tshul de
gnyis gang rung las mi 'nga' ba'i phyir ro/ /des na grub mtha'
'di dag gis gang zag btags yod du 'dod pa'i don 

@31a @#/ /ni de ltar yin la/ btags pa tsam gyi tsam sgras kyang
phung po de dag las don gzhan pa'i rdzas yod gcod kyi bden grub
dang rang gi mtshan nyid kyis grub pa sogs gang yang mi gcod par
'dod do/ /rjes thob kyi chos thams cad bdag med par

blta tshul ni kun las btus las/ stong pa'i mtshan nyid gang zhe na
gang la gang med pa de ni des stong pa yang dag par rjes su
mthong ste/ de las lhag ma gang yin pa de ni 'dir yod pa'o zhes
yang dag pa ji lta ba bzhin rab tu shes so/ /zhes pa dang/ bdag

med pa'i mtshan nyid ni ji ltar bdag tu smra ba rnams kyis bdag
tu btags pa'i mtshan nyid des phung po dang khams dang skye mched
rnams ni bdag gi mtshan nyid kyis bdag med pa'o/ /'di la dgongs
nas bcom ldan 'das kyis chos thams cad bdag med pa'o

zhes gsungs so/ /bcom ldan 'das kyis 'di dag thams cad ni nga yi
ba ma yin pa'o/ /'di ni nga'i ma yin pa'o/ /'di ni nga'i bdag ma
yin pa ste zhes bya bar dgongs nas gsungs pa ste/ de ni de bzhin
no zhes yang dag pa'i shes rab kyis yang dag pa ji

lta ba bzhin blta bar bya'o/ /zhes gsungs pa 'di'i don ci zhe
na/ phyi'i dngos po 'di bdag gi ma yin pa'o/ /nang gi dngos po
'di ni nga'i ma yin pa'o/ /'di ni nga'i bdag ma yin pa zhes bya
bar dgongs nas gsungs pa ste/ 'di ltar phyi'i dngos po rnams ni

bdag gi ba rnams dang/ nang la ni bdag dang bdag gir rnam par
bkag go/ zhes gsungs pa rnams kyi don legs par shes dgos te/ de
yang lung snga ma'i don ni/ dgag bya bkag pas dgag bya des stong
tshul dang/ bkag shul du chos de dag yod tshul

@31b gsungs shing/ lung tshan gnyis pas ni/ phung sogs la bdag gi
mtshan nyid kyis bdag med par blta tshul dang/ chos thams cad bdag
med par gsungs pa'i lung don sgom tshul bstan pa'o/ /des ni 'dir
'gyur te/ phung sogs kyi steng du rdzas yod kyi

bdag bkag pa la brten nas phung sogs de dag rdzas yod kyi bdag
de'i longs spyod bya yin pas stongs par 'gyur la/ de ltar na
phung sogs gdags gzhir byas nas rdzas yod kyi bdag yod ba dang/
de dag de'i bdag gi bar 'dzin pa khegs par 'gyur bas phung

sogs chos tsam du lus par 'gyur ro/ /de ltar rang gi phung sogs
ji lta ba de bzhin du phyi'i snod bcud kyi 'jig rten rnams kyang
las dang nyon mongs pa'i dbang gis bskyed cing las dang nyon
mongs de dag 'du bya ba po'i gang zag rdzas yod kyang med pas de
dag kyang des

stongs shing chos tsam du lhag mar lus pa dang/ de bzhin du dag
pa'i zhing dang bcud sogs kyi rgyur gyur pa'i thugs rje dang
smon lam gyi nus pa yongs su rdzogs pa'i sangs rgyas 'phags pa
yang rang rkyang ba'i rdzas su med pas de dag kyang chos tsam du
lus pa dang/ 'gog

pa dang de bzhin nyid la sogs pa 'thob pa dang mngon du bya ba
dang shes par bya ba'i chos rnams kyang 'thob pa po la sogs pa'i
gang zag rang rkya ba med pas de dag kyang chos tsam du 'gyur
ro/ /tsam gyi sgras 'thob pa po dang shes pa po la sogs pa'i
gang zag rdzas yod gcod

do; ;don de la dgongs nas 'phags pa thogs med kyis/ phyi'i dngos
po la bdag gi ba 'gog pa dang/ nang gi dngos po la bdag dang
bdag gi ba 'gog pa gnyis ka gsungs pa yin no/ /de ltar na de lta
bu'i gang zag rang rkya ba med pas de yod par bzung nas bdag

@32a @#/ /gi bde ba sgrub pa'i ched du chags pa dang sdang ba la
sogs pa'i nyes par spyod pa'i tshogs don med par mthong nas de
dag las ldog par 'gyur ro/ /don 'di ni rnam 'grel las/ bden pa
bzhi la brtan pa dang/ /bde dang nga dang nga'i zhes sogs

yang dag min pa rnam bcu drug /sgro btags nas ni yongs su sred/
/de nyid la ni de 'gal don/ /de nyid rnam pa rjes rtogs can/
legs bsgoms yang dag lta ba yis/ /sred pa rjes 'brang bcas 'joms
byed/ /ces dang/ stong nyid lta bas grol 'gyur gyi/ /bsgom

pa lhag ma de don yin/ /zhes gsungs pa rnams kyi don yin zhing/
der ma zad mngon rtogs rgyan gyi gzhi shes kyi rnam pa bshad
pa'i lam bden gyi rnam pa'i skabs su yang 'grel pa rnams su shes
pa po'i gang zag gi bdag med pa dang/ byed pa po'i gang zag

gi bdag med pa dang/ 'pho ba po'i gang zag gi bdag med pa dang/
'dul ba po'i gang zag gi bdag med par rtogs pa rnams lam bden
gyi rnam pa bzhi'i mtshan nyid du bshad pa yin no/ /gang dag shes
pa rang rkya thub pa'i rdzas su med pa shes pa'i bdag med pa'i

don du 'dod pa rnams ni dngos smra ba man chad kyis btags yod
kyi dngos po rnams kyi gdags gzhir rang rkya thub pa'i rdzas yod
re dgos par 'dod pa ma shes pas lan no/ /ci de dgos pa gang las
shes snyam na/ dbu ma 'jug pa las/ ji ltar khyod kyi tshogs pa

cang med pas/ zhes sogs kyi rigs pas dngos smra ba 'gog pa'i
skabs su rje bdag nyid chen pos/ pha rol pos btags yod kyi dngos
po rnams rang rkya thub pa'i rdzas yod re gdags gzhir yod pa la
brten nas 'dogs par khas len zhing zhes gsungs

@32b pa las so/ /de ltar gsungs pa'i don ni dngos smra ba rnams
kyi btags yod du 'jog pa'i dngos po rnams/ btags yod du 'jog pa
yang rigs pas mthar gtugs na nges par rdzas yod kyi chos re la
bltos nas 'jog dgos par 'dod pa nyid yin no/ /der ma

zad bye mdo gnyis kyis chos thams cad rang rang gi rang rkya
thub pa'i rdzas yod kyis stongs par khas len na de thams cad la
gang zag gi bdag med kyi tha snyad bya ci dgos/ de la chos kyi
bdag med kyi tha snyad ci'i phyir btags mi mchog/ sems tsam pas
kyang chos kyi

bdag med khas len mod kyang stongs tshul 'di yi sgo nas mi 'jig
par gzung 'dzin rdzas gzhan gyis stongs pa sogs phung sogs kho
rang gi stang nas stong tshul khyad par ba zhig la chos kyi bdag
med du 'jog pa'i rgyu mtshan gyis kyang shes par 'gyur mod/ gzhan
yang

chos thams cad kyi steng du rang rang gi rang rkya thub pa'i
rdzas yod kyis stongs par gtan la 'bebs tshul gcig du bral gyi
rigs pas gtan la 'bebs pa'i rnam gzhag mngon pa gong 'og sa sde
lnga tshad ma sde rjes 'brangs dang bcas pa sogs bye mdo sems
tsam pa'i

gzhung lugs gang nas bshad pa ston cig/ sems tsam pas phyi rol
gyi don 'gog pa dang gzung 'dzin rig gsum gyi rdzas tha dad kyi
cha 'gog pa la gcig du bral gyi rigs pa gsungs pa yod kyang shes
pa rang gi ngo bo gcig du bral gyi rigs pas bdag med du

gtan la 'bebs tshul gang du yang ma gsungs so/ /der ma zad de
ltar 'dod phyin chad 'di dag gi lugs la 'gal ba dang ma grub pa
dang ma nges ba du ma zhig rang lugs su khas len dgos par 'gyur
mod/ 'dir ni rags pa tsam zhig smras pa yin gyi zhig tu brjod

@33a @#/ /na mtha' yas so/ /yang kha cig rang rkya 'dzin thub
pa'i rdzas yod dang rang rkya thub pa'i rdzas yod gnyis kyi zhib
cha 'byed pa yang rgya gzhung tshad thub rnams dang/ rje yab sras
kyi gsung gang las kyang mi 'byung bas 'thang rgyu zhig mi 'dug
snyam pa lags

shing; sngar bshad pa nyid chen po rnams kyi dgongs pa dang
mthun par snang ngo/ /gnyis pa ni lugs 'di'i mtshan nyid gsum
dang bden pa gnyis kyi rnam par bzhag pa la brtan nas phung
khams skye mched rnams kyi dbye tshul dang ngo bo sogs kyi rnam
gzhag byed tshul bye mdo

gnyis dang dbu ma pa rnams dang mi 'dra ba shin tu mang zhing/
mngon pa kun btus dang sa sde'i bshad tshul la yang mi 'dra ba'i
khyad par phra mo mang du snang la/ snod bcud kyi 'jig rten gyi
khams kyi rnam par bzhag pa la yang mi 'dra ba'i khyad par du ma
zhig yod med/

yi ge nyung dus ni mtha' chod par bshad mi nus la rgyas par bkod
na ni yi ge'i khur ha cang mangs par 'gyur bas 'dir ma bris la/
gang dag grub pa'i mtha'i rnam par bzhag pa mtha' dag pa shes
par 'dod pa rnams kyis ni gzhung de dag tu blta dgos kyi gzhung

gi cha shes re khol du phyung ba la tshig gi spros pa nyag nyog
re bris pa'i thol 'phreng tsam gyis gar yang mi phyin no/ /rje
bdag nyid chen pos kyang/ 'dzam gling rgyan drug mchog gnyis
zhes grags pa'i/ /gzhung la phyogs re ba dang rags pa ras/
/tshims par ma byas kun

la zhib tu sbyangs/ /zhes rang nyid kyi rnam par thar pa rjes
'jug rnams la thugs brtse bas gdams pa dang/ gzhan yang sngon
rabs kyi mkhas pa skad gnyis smra ba'i dbang po rnams dang/ sa
skya paNDi ta bu ston thams cad mkhyen pa rdog lo chen po yab
sras sogs

@33b nges pa don gyi bstan 'dzin chen po dag gi rnam par thar pa
las ji ltar 'byung ba bzhin thos bsam byed pa zhig byung na
bstan pa la phan pa'i skyes bu dam pa zhes bya ba'i grangs su
'gro ba lags so/ /gnyis pa shes byed blo'i rnam gzhag la gsum/
spyir blo'i rnam

gzhag dang/ rnam shes grangs mang nyung 'dod tshul dang/ rnam
bden rdzun gyi khyad par bshad pa'o/ /dang po la gnyis/ dngos
dang/ tshang 'bras kyi rnam gzhag bshad pa'o/ /dang po ni/ gsal
zhing rig pa tsam shes pa'i mtshan nyid do/ /de la dbye na rtogs

pa'i blo dang ma rtogs pa'i blo gnyis su yod de/ blo des chos de
la sgro 'dogs gcod pa'i nges shes 'dren nus pa dang mi nus pa
gnyis su yod pa'i phyir/ yang na rang yul bden pa la mtha' gcig
tu gsar du zhen pa'i blo gang zhig/ mngon rjes gang rung ma yin

pa'i yid dpyod kyi blo dang/ 'jug yul rang mtshan gsal bar snang
yang rang yul ma nges pa'i snang la ma nges gyi blo dang/ rang
yul rtogs zin byed pa mnyam pa la bsnan nas 'dzin pa'i bcad shes
dang/ rang gi zhen yul med pa'i log shes dang/ rang

yul la rtse gnyis pa'i blo the tshom dang/ mngon sum dang/ rjes
dpag ste bdun du dbye ba dang/ yang na tshad ma dang tshad min gyi
blo gnyis su dbye ba sogs ni 'di dag thams cad kyis 'dod la/
tshad ma la mngon rjes gnyis su grangs nges pa dang/ mngon sum

tshad ma la rtog pa dang bral zhing bag chags brtan byung gi shes
pa zhig dgos na'ang mdo sde pa'i 'dod pa ltar ma 'khrul ba mi
dgos pa sogs kyang sems tsam pa'i grub mtha' phal mo che'i 'dod
tshul yin la/ rigs pa'i rjes 'brang gi sems tsam pas mngon

@34a @#/ /sum la dbang yid rang rig rnal 'byor mngon sum bzhi
'dod do/ /lung gi rjes 'brang gi sems tsam pas gzhan gsum 'dod
kyang rang rig 'dod mi 'dod mi 'dod ni gsal bar ma bshad la/ rje
btsun dam pa 'jam dbyangs bzhad pa'i rdo rjes sa

sde'i rjes 'brang gi sems tsam pas rang rig mi 'dod de/ sa sde
lnga nas ma bshad pa'i phyir zhes gsungs so/ /de lta na'ang lung
gi rjes 'brang gi sems tsam pa la rang rig mi 'dod pas khyab pa
ni rje btsun de nyid kyi zhal gyis mi bzhes te/ de nyid kyis

kun gzhi dang rang rig gnyis ka 'dod pa'i sems tsam pa yod par
bshad pa'i phyir te/ grub mtha' chen mor rnam bden pa'i thad du
kun gzhi'i ngo bo rang rig gi myong bya tsam de'i stobs las
byung bas rtog pas de dag gzung 'dzin du sgro 'dogs kyang des
sgro

btags pa ltar gyi gnyis ni rdzun yin la/ gnyis ma yin pa ni
rdzun ma yin pa'i phyir ro/ zhes gsungs pa'i phyir ro/ /rtog ge
'bar ba las/ theg pa chen po pa nyid kyi slob dpon thogs med
dbyig gnyen la sogs pa gzhan dag ni zhes de gnyis kyi

'dod pa brjod pa'i skabs su theg bsdus las bshad pa'i mtshan nyid
gsum gyi rnam gzhag dang kun gzhi dang nyon yid 'dod tshul sogs
bshad nas de'i mjug tu sems de nyid rnal 'byor pa de la rang du
snang ba 'dzin pa'i rnam pa dang yul du snang ba gzung

ba'i rnam par yongs su gyur cing snang ba ste/ phyi rol gyi don
med pas sems tsam du dmigs pa la brten nas yul mi dmigs par rab
tu skye la/ gzung ba med na 'dzin pa dag kyang med pas gzung ba
mi dmigs pa la brten nas 'dzin pa'i rnam par

@34b shes pa rnam pa drug po dag mi dmigs par rab tu skye ste/
ji srid kun gzhi rnam par shes pa rang gi sems kyi chos nyid
rnam par rig pa zhes bya ba nyid la mi gnas shing zhes kun gzhi
dang rang rig gnyis ka 'dod pa'i lugs bshad cing/ de nyid 'gog

pa'i skabs su/ yul du snang ba ma gtogs par/ sems nyid ji 'dra
ba zhig snang/ /zhes sogs rang rig 'gog pa'i rigs pa rnams
gsungs so/ /dbu ma la 'jug pa las kyang/ rnal 'byor pa yis bla
ma'i man ngag las/ zhes pa nas/ blo yang med

ces don 'di shes par gyis/ /zhes pa'i bar gyis rnam par rig pa
tsam du sgrub pa'i lugs theg bsdus las 'byung ba rnams ji lta ba
bzhin 'gog par mdzad la/ de'i mjug thogs su/ gal te gzung med
'dzin pa nyid bral zhing/ zhes sogs gzhan dbang

gi sgrub byed rang rig 'gog pa'i rigs pa gsungs pa'i snga phyi'i
'brel la dpags na yang thogs med sogs kyi rjes su 'brang ba'i
rang rig dang kun gzhi gnyis ka 'dod mkhan gyi sems tsam pa zhig
yod par snang ngo/ /'on kyang 'jug pa'i rang rig 'gog pa'i

gsung de dag gis rigs pa'i rjes 'brang gi sems tsam pa yang mi
'gog pa min no/ /gzhan yang tshad mar gyur pa'i shes pa rnams yul
de la mi slu bar rang rig gis 'grub dgos pa ni sems tsam pa'i
grub pa'i mtha' yin te/ shes pa de yul la mi

slu bar bsgrub pa la rang dang bdag nyid gcig pa dang bdag nyid
tha dad pa'i shes pa gang rung zhig gis 'grub dgos la/ don gzhan
gyis grub na ni thug med du 'gyur bas bdag nyid gcig pa'i shes
pas grub pa las 'os med pa'i phyir/ des na gzhan dbang

@35a @#/ /gi gtso bo shes pa bden grub sgrub byed kyi gtso bo ni
rang rig sgrub byed gyi rigs pa yin pa dang/ gzugs rang 'dzin
shes pa dang bdag nyid tha dad pas stong par bsgrub pa la yang
rang rig pa'i shes pas yul 'dzin pa'i tshul de nyid med du

mi rung bas lung gi rjes 'brang phal che bas kyang rang rig
bzhed dgos sam snyam mo/ /sa'i dngos gzhi las dbang po gzugs can
gyi mngon sum dang yid kyis myong ba'i mngon sum dang 'jig rten
pa'i mngon sum dang dag pa'i mngon sum dang bzhir bshad pa'i

'jig rten pa'i mngon sum yang gang la byad brtag par bya'o/ /'di
ba'i lugs kyi dbang mngon gyi rkyen gsum ni phyogs glang gi
dmigs brtag las/ gcig cha'ang mi 'khrul phyir na rkyen/ zhes
dang/ yang na/ nus pa 'jog byed rim gyis yin/

zhes snang ba'i dmigs rkyen dang/ nus pa 'jog pa'i dmigs rkyen
gnyis bshad de/ de la snga ma ni sngo 'dzin dbang shes la dngos
su snang ba'i sngon po ste/ de la dmigs nas rjes su 'gro ldog mi
'khrul ba'i phyir dmigs rkyen du btags pa yin gyi/ de'i

dmigs pa yin yang rkyen min no/ /phyi ma ni sngo 'dzin dbang
shes de'i de ma thag rkyen gyi steng na yod pa'i sngon po'i rnam
ldan du bskyed pa'i lag rjes 'jog byed do/ /de ltar na de ma
thag rkyen dang gcig tu mi 'gyur ram snyam na myong ba'i tshe lag
rjes 'jog pa dang yul

gyi rnam pa'i tshe lag rjes 'jog pa'i khyad par yod bas de gnyis
ngo bo gcig la ldog pa tha dad do/ /bdag rkyen ni dbang po gzugs
can pa'o/ /yid kyi mngon sum ni rang gi de ma thag rkyen dbang
po'i mngon sum dang/ de'i steng gi yul 'dzin nus su bskyed pa'i

@35b cha bdag rkyen dang/ rang gi de ma thag rkyen gyi gzung don
gyi rigs 'dra skad cig gnyis pa dmigs rkyen du yod pa las skye
ba yin la/ de yang dpyad pa gsum gyis dag pa'i lung la brten nas
rtogs par bya ba yin gyi so so skye bo'i dngos stobs kyi tshad
mas rtogs

par bya ba ni ma yin no zhes paN chen chos mchog bzhed la/ rgyal
tshab thams cad mkhyen pas kyang sems tsam pa'i skabs su 'di dang
mthun par bzhed cing dbu ma snang ba'i rnam rig pa'i skabs dang
yang mthun pa 'dra zhig snang ngo/ /mkhas grub thams cad mkhyen

pas cung zad mi 'dra bar gsungs te 'dir ma spros so/ /rang rig
ni rang gi gzung yul rang mtshan la bltos te gnyis snang nub pa'i
shes pa yin no/ /de la rnam 'grel gyi rang 'grel du/ 'dod chags
dang zhe sdang dang gti mug dang bde ba dang sdug bsngal ba la

sogs pa ni dbang po la mi ltos pa'i phyir/ rang rig pa'i mngon
sum mo zhes gsungs so/ /de'i don ni chags sogs rang rig mngon
sum du bshad pa ma yin te/ chags sogs rtog pa yin pa'i phyir/
chags sogs rang gi ngo bo la rang rig tu 'chad pa

yang ma yin te/ de lta na shes pa thams cad rang gi ngo bo la
rang rig mngon sum du 'gyur la/ de yang 'dod na kha phyir bltas
kyi shes pa thams cad kha nang bltas kyi shes par thal bar 'gyur
ro/ /des na slob dpon rgyal dbang blos/ 'dod chags la

sogs pa rnams la yang rang rig pa'o/ /zhes pa ste rang nyid la
rig pa ni rang rig go /'dis rig par bya bas na rig pa ste/ 'dzin
pa'i rnam par yang dag par bshad pa nyams su myong ba'i rang
bzhin nyid do/ /zhes chags sogs rang rig gi rig byar bshad pa
dang/

@36a @#/ /'dzin rnam nyid rig byed du bshad pas na shes pa thams
cad kyi steng du kha nang lta'i 'dzin rnam yan gar ba yod pa de
nyid rang rig mngon sum yin cing/ shes pa de dag kyang de la
mngon sum du snang ba ni rang 'grel gyi lung de'i don dang/

dbang po la mi ltos pa'i don yang dbang shes kyi rang rig ni
dbang po gzugs can pa'i thun mong ma yin pa'i lag rjes ma yin
gyi de ma thag rkyen gyi lag rjes yin pa'i don no/ /rnam 'grel
las/ de phyir de la kun mngon sum/ /zhes sogs gsungs pa'i

don yang de ltar shes par bya'o/ /rnal 'byor mngon sum ni zhi
lhag zung 'brel gyi ting nge 'dzin goms pa'i stobs kyis skyes
pa'i yang dag pa'i don la rtog bral ma 'khrul ba'i shes pa'o/
/yid mngon/ rang rig mngon sum/ rnal 'byor mngon

sum rnams sgrub pa'i rigs pa ni shin tu gal che bar yod kyang
'dir mangs kyis dogs pas re zhig bzhag go /rjes dpag ni/ rjes
dpag gi sgras brjod par rigs pa ni gnyis te/ rang don rjes dpag
dang/ gzhan don rjes dpag gnyis so/ /

rang don rjes dpag gi mtshan nyid ni tshul gsum pa'i rtags las
lkog gyur gyi don gsar du mthong ba'i shes pa'o/ /phyogs kyi
glang pos/ rjes dpag rnam gnyis rang don ni/ tshul gsum rtags las
don mthong yin/ zhes so/ /gzhan don rjes

dpag gi mtshan nyid ni rgol ba rang gis tshad mas mthong ba'i tshul
gsum gyi don lhag chad dang bral bar rab tu gsal bar byed pa'i
yan lag gnyis ldan gyi ngag mtshan nyid pa'o/ /phyogs kyi glang
pos/ gzhan don rjes su dpag pa ni/ rang gis

@36b mthong don rab gsal byed/ ces pa'o/ /de la rang gis mthong
ba dang don dang rab gsal byed ces pa gsum gyis rim pa bzhin du
rang gis tshad mas ma grub par phyir rgol gyi khas blangs tsam
gyis rtags kyi tshul grub par 'dod pa dang/ lung tsam gyis bzhag
pa

rtags su smra ba dang/ ngag lhag chad can du brjod pa rnams sel
ba ste/ rim pa bzhin du blo skyon dang don skyon dang sgra skyon
rnams sel ba'o/ /rjes dpag gnyis kyi dbye ba rnams ni 'dir ma
spros so/ /gnyis pa tshad 'bras kyi rnam gzhag la/ tshad ma dang
'bras bu

zhes bya ba 'di ci zhig ce na/ tshad ma ni gong du bshad zin pa
ltar yin la/ 'bras bu ni gnyis te/ chod pa'i 'bras bu dang ma
chod pa'i 'bras bu'o/ /de la chod pa'i 'bras bu ni/ tshad ma'i
'bras bu byed pa gzhan gyis bar chod pa ste/ de yang tshad ma la
brten

nas blang dor gyi don la phyin ci ma log par zhugs pas mi 'dod
pa'i don spangs nas 'dod pa'i don thob pa'o/ /'dod pa'i don yang
mngon mtho nges legs gnyis yin la de las kyang phyi ma gtso bo
yin pa dang/ de dag sgrub byed kyi thabs dang bcas pa ni dpal
chos

kyi grags pas rnam 'grel le'u gnyis par rgyas par gtan la phab
pa yin no/ /mngon mtho nges legs kyi 'bras bu de ni tshad ma'i
stobs las skyes pa yin pas tshad ma'i skye 'bras yin par rig par
bya'o/ /de lta bu'i chod pa'i 'bras bu 'grub pa la yang ma chod
pa'i

'bras bu sngon du 'gro dgos la de ni byed pa gzhan gyis bar ma
chod pa'i tshad ma'i 'bras bu'o/ /de yang gnyis te rang las don
gzhan du gyur pa dang rang gi bdag nyid du gyur pa'o/ /dang po
ni/ tshad mas dngos su drangs pa'i nges shes lta bu ste/ de yang
tshad mas

@37a @#/ /dngos su bskyed pa'i 'bras bu yin pa'i phyir ma chod
pa'i 'bras bu zhes bya'o/ /gnyis pa ni/ tshad ma rang nyid kyis
'jal bya rtogs pa'i cha lta bu ste/ de ni tshad ma rang gi bdag
nyid du gyur bas byed pa gzhan gyis bar ma chod pa'i phyir dang/

tshad mas rnam par bzhag bya'i 'bras bu yin pa'i phyir ro/ /des
na 'di ni tshad mas bskyed pa'i 'bras bu ma yin kyang rnam par
bzhag bya'i 'bras bu yin pas na 'bras bu zhes bshad pa ste/ yul
gyi rnam pa tha dad pas/ blo yi rtogs pa tha dad phyir/ zhes
gsungs

pas so/ /de la mngon sum gyi dbang du byas pa'i tshad 'bras dang/
rjes dpag gi dbang du byas pa'i tshad 'bras gnyis las dang po la
sde bdun mdo dang bcas pa las tshad 'bras kyi rnam gzhag gsum
gsungs par grags la/ de yang 'bras rtogs dang po ni/

tshad ma med las/ bya dang bcas pa rtags pa'i phyir/ /'bras bu
nyid du yod tshad ma/ /tshad ma nyid du 'dogs pa ste/ /bya ba med
pa'ang ma yin na/ /zhes pas bstan la/ de'i dgongs pa 'grel ba'i
phyir tshad ma rnam 'grel las/ bya ba sgrub par byed ces te/ /

zhes sogs kyis bya byed spyi'i rnam gzhag dang/ de la nyams
myong tsam du ni zhes sogs kyis 'bras rtogs dang po'i rnam gzhag
rgyas par bshad la/ de yang tshad ma'i byed pa 'jug pa'i yul ni
sngon po lta bu'o/ /de la tshad mas bya ba byed tshul ni yul de'i

rnam pa shar ba'i sgo nas de la gsar du mi slu ba'o/ /'bras bu
ni yul rtogs pa'i tshad ma'o/ /des na sngo 'dzin dbang po'i mngon
sum la sngon po dang grub bde rdzas gcig gi chos kun gyi rnam pa
shar yang de dag rtogs par 'jog pa ma yin no/ /'o na

@37b ci zhe na/ gzung don gang gi rnam pa shar ba'i gzung rnam
de nyid la 'dzin rnam gyis nges pa gsar du 'dren nus pa'i gzung
don gyi cha de nyid kho na la dbang mngon gyis gsar du rtogs pa
zhes bya ba'i tha snyad bya'o/ /des na de la phra ba'i mi rtag
pa'i rnam pa shar

yang de rtogs par bzhag mi nus so/ /de ltar na 'bras rtogs dang
po ni/ sngon po gzhal bya/ sngon po'i rnam pa shar ba'i sgo nas
de la gsar du mi slu ba'i shes pa tshad ma/ sngon po rtogs pa
'bras bu'o/ /'bras rtogs dang po'i rnam gzhag 'di ni gtso bor

mdo sde pa'i dbang du byas pa'i tshad 'bras kyi rnam gzhag yin
cing sems tsam pas kyang mi 'dod pa min no/ /mdo sde pas dbang
shes la shar ba'i sngon po'i rnam pa ni don gyis gtad pa'i rnam
par 'dod la/ sems tsam pas don du snang ba'i bag chags las skyes

par 'dod do/ /'bras rtogs gnyis pa ni/ mdo las/ yang na rang rig
'bras bu yin/ /de yi ngo bo las don nges/ /yul gyi snang ba nyid
de 'di'i/ /tshad ma de yis 'jal bar byed/ /ces pas bstan la/ de'i
don 'grel bar rnam 'grel las/ don rig gang

yin so sor rig /mngon sum gang yin 'di nyid do/ /zhes pa nas/
don rig par ni 'gyur ba min/ /zhes pa'i bar gyis 'chad la/ 'di
yang gzung rnam/ 'dzin rnam gnyis las snga ma sim gdung gi ngo
bor 'dzin rnam gyis myong ba'i dbang gis yul 'dod

mi 'dod du 'jog pas na rang rig ni 'bras bur 'jog dgos te/ de'i
dbang gis bzhag pa la ma ltos par don gyi nges nas 'dod mi 'dod
du grub na dgra gnyen gang gis bltas kyang 'dod pa kho na'am mi
'dod pa kho nar snang bar thal bar 'gyur ba'i phyir ro/ /des

@38a @#/ /na gzung rnam gzhal bya/ 'dzin rnam tshad ma/ rang rig
'bras bur byas pa'i tshad 'bras kyi rnam gzhag ni mdo sems gnyis
kas khas len kyang 'bras rtogs gnyis pa'i gzhung de dag gis sems
tsam pa'i lugs gtso bor gtan

la 'bebs pas rang lugs kyi thun mong ma yin pa'i tshad 'bras ni
'di ltar bya ste/ rang gi bdag nyid du gyur pa'i sngon po'i rnam
pa gzhal bya/ de la gsar du mi slu ba'i shes pa tshad ma/ rang gi
bdag nyid du gyur ba'i sngon po dngos su rtogs pa

'bras bu ni gzhan rig gi chad 'bras so/ /tshad ma med las/ gang
tshe snang ba de gzhal bya/ tshad ma dang de'i 'bras bu ni/ 'dzin
rnam rig pa de yi phyir/ de gsum tha dad du ma byas/ zhes pas
bstan pa'i rang rig gi tshad 'bras ni rang gi bdag nyid du

gyur ba'i gzhal bya rig pa'i gzung rnam gzhal bya/ de la sgro
'dogs gsar du gcod pa'i 'dzin rnam tshad ma/ rang rig pa'i tshad
ma 'bras bu'o/ /'bras rtogs gsum pa ni rnam 'grel las/ phyi rol
don ni yod na yang/ /zhes pa nas/ de 'dra ngas

kyang mi shes so/ /zhes pa'i bar gyis bstan la/ de yang mdo sde
pas phyi rol don du 'dad pa'i sngon po gzhal byar byas pa'i cha
na yang rang gi bdag nyid du gyur pa'i sngon po rig pa 'bras bur
bzhag dgos so/ /zhes bstan pa'i ched du yin no/ /nges na

'bras rtags gsum pa'i gzhung de dag gis/ rang lugs kyi tshad
'bras 'thad ldan du bsgrubs pa yin gyi snga ma gnyis las rnam
gzhag legs par gyur pa'i tshad 'bras gzhal gsum gyi rnam gzhag
phrugs gsum pa zhig ston pa min zhes mkhas

@38b grub thams cad mkhyen pa bzhed la/ rgyal tshab thams cad
mkhyen pas ni mdo sde pas phyi rol don du 'dod pa'i gzugs gzhal
bya/ de la rang yul gyi rnam pa shar ba'i sgo nas gsar du mi slu
ba'i shes pa tshad ma/ rang gi bdag nyid du gyur pa'i sngon po

dngos su rtags pa'i tshad ma 'bras bu zhes pa'i chad 'bras kyi
rnam gzhag cig gzhung gi shugs la thon par bzhed do/ /de ltar
bzhed pa yang mdo sde pa la khas blangs nang 'gal ston pa'i ched
yin par rnam nges TIk chen du gsungs so/ /'bras rtogs gsum

gyi rnam gzhag 'di dag shin tu gal che ba'i gnas yin cing gzhung
gi gcod mtshams sogs kyang mi 'dra ba mang du snang bas rgya cher
bshad dgos kyang mangs kyis dogs pas 'dir de tsam las ma spros
so/ /gnyis pa rnam shes grangs mang nyung 'dod tshul la/

spyir dngos por smra ba'i grub mtha' smra ba rnams la rnam shes
tshogs gcig tu 'dod pa dang gnyis su 'dod pa dang drug tu 'dod pa
dang bdun du 'dod pa dang brgyad du 'dod pa dang dgur 'dod pa
drug yod par bshad do/ /dang po la kun gzhi rnam shes kho nar
'dod pa dang

yid kyi rnam shes kho nar 'dod pa gnyis yod par bshad la rtsa
ba'i grub mtha' ni byang sems gcig pur smra ba zhes bya bas 'dod
pas sbyar bar bshad de/ de yang rnam shes gcig nyid rten dbang
po so so la brten nas yul so so la rgyu bas rnam shes so so'i

ming thob pa yin te/ dper na khang pa bug pa mang po yod sa ru
mar me gcig bteg pa bzhin no/ /shes pa de'i cha gcig ni don du
snang zhing rig mod kyang zhen cing rtog pa med do/ /cha gcig ni
don du snang ba la zhen cing rtog pas na shes pa la rtog med

@39a @#/ /kho nar 'gyur ba'i skyon med ces zer zhing rnam par
shes pa drug ni yid kyi skye mched do zhes pa'i lung 'dren par
byed do/ /gnyis su 'dod pa ni nyon yid dang 'jug shes gnyis la
'dod par kha che la k+ShiM gyis bshad do/ /bdun du 'dod pa ni
tshogs

drug dang len pa'i rnam shes la 'dod do zhes kyang des bshad do/
/dgur 'dod pa ni slob dpon yang dag bden pas 'dod par bshad de/
tshogs drug dang len pa'i rnam par shes pa dang kun gzhi dang dri
ma med pa'i rnam shes te dgu /tshogs drug tu 'dod pa

ni sde bdun gyi rjes 'brang gi sems tsam pa dang/ brgyad du 'dod
pa ni sa sde sogs las 'byung ba ltar gyi lung gi rjes 'brang gi
sems tsam pa'o/ /de lta na'ang gzhan rnams kyi gzhung rgyas pa
bod du ma 'gyur ba dang grags chung bas 'dir mi spro la/ tshogs

drug tu 'dod pa'ang shes par sla bas 'dir ni rnam shes tshogs
brgyad kyi kun gzhi dang nyon yid 'dod tshul cung zad brjod par
bya'o/ /de la kun gzhi ni rten du gyur pa rnam smin gyi kun gzhi
dang brten pa sa bon gyi kun gzhi'i mtshan nyid gnyis las/ dang
po la/

dmigs pa/ rnam pa/ ngo bo grogs te bzhi'o/ /dang po ni gzugs
sogs don lnga dang dbang po lnga'i sems can dang bdag dang chos
kun btags pa'i ngo bo nyid la mngon par zhen pa'i bag chags la
dmigs pa'o/ /gnyis pa ni snod bcud de dag snang yang

rang gis kyang nges pa 'dren mi nus pa'o/ /gsum pa ni ma bsgribs
lung ma bstan no/ /bzhi pa ni sems byung kun 'gro lnga dang
mtshungs par ldan pa'o/ /de skad du yang sum cu pa las/ de ni len
pa dag dang gnas/ /rnam par rig pa mi rig pa/ /rtag tu reg dang

@39b yid byed dang/ /rig dang 'du shes sems par ldan/ /de la
tshor ba btang snyoms te/ /de ni ma bsgribs lung ma bstan/ /zhes
so/ /de yang dge ba dang mi dge ba la sogs pa thams cad kyi sa
bon 'dzin cing dus kun tu rgyun mi chad pa zhig yin cing theg
dman pa'i lhag

med kyi myang 'das dang theg chen gyi rdo rje lta bu'i ting nge
'dzin gyi bar du 'jug pa'o/ /brten pa sa bon gyi kun gzhi ni sgo
byed rnam shes tshogs bdun gyis bsgo gzhi la rang nyid 'gag pa la
mngon du phyogs pa'i tshe dge mi dge lung ma bstan gsum gyi sa
bon bzhag

pa'i nus pa zhig go /bsgo gzhi ni glog lta bu'i mi brtan pa ma
yin pa'i rgyun chags pa/ dge mi dge'i sems ha cang gsal ba dang
mi gsal ba med pas lung du ma bstan pa/ mi rtag pa yin pas bsgo
bar nus pa/ sgo byed dang bsgo bzhi skye 'gag dus gcig tu

byed pa'i 'brel pa dang ldan pa/ rnam grangs kyis ma yin par
mtha' gcig tu rten du gyur pa ste khyad par lnga ldan no/ /bag
chags la dbye na drug ste/ nas la sogs pa phyi'i sa bon dang/
/nang kun gzhi'i sa bon dang/ lung du ma bstan pa kun nas nyon
mongs

dang rnam byang gi mi gsal ba gnyis dang/ phyi kun rdzob pa'i sa
bon dang/ nang don dam pa'i sa bon te drug go /de ltar yang theg
bsdus las/ phyi dang nang dang mi gsal ba/ /gnyis dang kun rdzob
nyid dang ni/ /dam pa'i don te de dag kun/ /sa bon rnam pa

drug tu 'dod/ /brtan lung ma bstan bsgo bya ba/ /sgo bar byed
dang 'brel ba dang/ /sgo byed de las gzhan du min/ /de ni bag
chags mtshan nyid do/ /zhes so/ /yang na mngon par brjod pa'i bag
chags dang/ bdag tu blta ba'i bag chags dang/ srid pa'i

@40a @#/ /yan lag gi bag chags so/ /de'i dang po ni/ kun gzhi'i
steng gi sa bon chos thams cad ming dang mtshan ma'i rnam par
'byung ba zhig ste/ mdor na tha snyad sna tshogs 'dogs pa'i yid
shes kyi rgyu'i rkyen no/ /'di la mngon brjod kyi

bag chags zer ba'i rgyu mtshan ni mig mig ces dang gzugs gzugs
zhes sogs brjod pa'i rnam pa can gyi yid shes kyis bzhag pa'i sa
bon yin pas so/ /'di la spros pa'i bag chags zhes kyang zer te/
yid shes yul la 'phro ba'i sa bon yin

pa'i phyir ro/ /bag chags gnyis pa ni nyen yid mtshungs ldan dang
bcas pas bzhag pa ste/ bdag dang gzhan du snang ba'i rnam rig
'byung ba'i sa bon no/ /'di la 'jig tshogs la lta ba'i bag chags
zhes kyang zer ro/ /bag chags gsum pa ni 'jug

shes dge ba'am mi dge bas bzhag pa ste/ srid pa bde 'gro'am ngan
'gro skye ba dang 'chi ba'i rnam par rig pa'o/ /'di la rmi lam
gyi bag chags zhes kyang zer ro/ /yang na thun mong ba snod kyi
'jig rten 'grub pa'i sa bon dang thun mong ma yin pa bcud

kyi 'jig rten 'grub pa'i sa bon gnyis te/ de gnyis la rim pa
bzhin tshor ba med pa'i sa bon dang tshor ba dang bcas pa'i sa bon
zhes kyang zer ro/ /yang na bzhi ste/ nyon mongs pa'i sa bon ni
gnas ngan len gyi sa bon dang/ 'jig rten pa'i chos

dge ba rnams kyi sa bon ni shin tu sbyangs pa'i sa bon dang/ dge
mi dge'i sa bon phyung zin pa ni spyad zin pa'i sa bon dang/
mngon par brjod pa'i bag chags ni spyad ma zin pa'i sa bon no/
/'di pa'i lugs la kun gzhi rnam shes rdzas yod yin kyang

@40b de'i steng gi bag chags ni btags yod de/ sa bon dang nus pa
dang bag chags zhes bya ba ni don gcig go /de yang gzugs dang
shes pa min la 'dus byas yin pas ldan min 'du byed do/ /kun gzhi
sa bon gyi cha de la kun gzhi zhes brjod pa'i rgyu mtshan ni/
skye

ba can kun nas nyon mongs pa'i chos thams cad rgyu dang 'bras
bu'i ngo bor sbyor ba'i phyir na de skad ces bya'o/ /kun gzhi
rnam smin gyi cha ni 'gro ba lnga'i sems can kun 'dir nyon yid
kyis bdag tu sbyor ba'i phyir kun gzhi zhes bya'o/ /gnyis pa
nyon yid kyi mtshan nyid

ni; dmigs pa ni kun gzhi rnam smin gyi cha'o/ /rnam pa ni nga
dang nga yi'o snyam pa'i rlom sems pa'o/ /ngo bo ni bsgribs la
lung du ma bstan pa'o/ /'khor ni kun 'gro lnga dang/ 'dod chags/
ma rig pa/ nga rgyal/ bdag lta ste bzhi'o/ /de ltar yang sum cu
pa las/

de la gnas par ba 'byung zhing/ /de la dmigs pa yid ces bya/
/rnam sems dar sems bdag nyid can/ /bsgribs la lung du ma bstan
pa'i/ /nyon mongs bzhi dang rtag tu 'grogs/ /zhes sa/ /ldog pa'i
dus ni 'gog pa'i snyoms 'jug gi dus dang 'phags pa'i

mnyam gzhag gi dus ni res 'ga' ba'i ldog dus so/ /dbang thos
pa'i sems dpa' yan chad dang nyan rang dgra bcom pa rnams ni
gtan du ldog pa'i dus so/ /zhes kun gzhi'i dka' 'grel du bshad
da/ /lugs 'dis kun gzhi dang nyon yid sgrub byed ni lung

rigs gnyis las/ dang po ni/ mdo las/ thog ma med pa'i dus kyi
dbyings/ /chos rnams kun gyi gnas yin te/ /de yod pas na 'gro
kun dang/ /mya ngan 'das pa'ang thob par 'gyur/ /zhes dang/
dgongs 'grel las/ len pa'i rnam par shes pa

@41a @#/ /zab cing phra/ /sa bon thams cad chu bo'i rgyun bzhin
'bab/ /bdag tu rtog par gyur na mi rung zhes/ /'di ni byis pa
rnams la ngas ma bstan/ zhes sogs kyis kun gzhi dang/ dgongs
'grel las/ res 'ga' ni kun gzhi rnam par shes pa 'di rnam par

shes pa gcig dang lhan cig tu 'jug ste yid dang ngo/ /res 'ga'
ni gnyis dang ste yid dang yid kyi rnam par shes pa dang ngo/
/res 'ga' ni 'jug pa'i rnam par shes pa bdun ga dang lhan cig
'jug ste/ zhes dang/ gser 'od dam pa las/ kun gzhi la

gnas pa'i yid sbyangs pas longs spyod rdzogs pa'i sku 'thob bo/
/zhes dang/ langkar gshegs pa las/ sems ni kun gzhi'i rnam shes
te/ /ngar sems pa ni yid yin no/ /yul las rnam par rig pa gang/
/da ni 'jug pa'i rnam shes 'dod/ /ces pa rnams

ni kun gzhi dang nyon yid gnyis ka sgrub byed kyi lung ngo/
/gnyis pa la kun gzhi sgrub byed kyi rigs pa ni/ 'di pa'i gzhung
theg bsdus la sogs par mang du gsungs kyang kun btus kyi 'grel
par/ brgyad du bsdus pa ni 'di ltar/ kun gzhi'i rnam par shes

pa med na lus nye bar len pa mi srid pa dang/ gzod ma nas 'byung
ba mi srid pa dang/ gsal bar 'byung ba mi srid pa dang/ sa bon
nyid mi srid pa dang/ las mi srid pa dang/ lus kyi myong ba mi
srid pa dang/ sems med pa'i snyoms par 'jug pa mi srid

pa dang/ rnam par shes pa 'chi 'pho ba mi srid pa'i phyir ro/
/zhes pa'o/ /nyon yid sgrub byed kyi rigs pa ni drug ste/ nyon
yid med na/ ma 'dres pa'i ma rig pa med par 'gyur ba dang/ rnam
par shes pa'i tshogs lnga po dag dang 'dra ba med par 'gyur

@41b ba dang; snyoms 'jug gnyis kyi ngo bo bye brag med par
'gyur ba dang/ bdag dang ngar sems pa'i phyir yod do zhes pa'i
nges tshig 'di rnam shes gang la yang mi gnas par 'gyur ba dang/
ngar 'dzin rnam pa kun tu 'byung ba mi 'thad par 'gyur ba dang/
'du

shes med par skyes pa rnams ngar 'dzin med pa'i skyon du 'gyur
ba ste drug go /kun gzhi nyon yid kyi skor 'di dag la go ba legs
par chags na sems tsam pa'i grub mtha'i gnad 'gag du ma zhig la
mkhas par 'gyur bas shin tu gal che'o/ /'dir ni mangs

kyi dogs pas rgyas par ma bris te theg bsdus rtsa 'grel dang rje
bdag nyid chen po'i gsung las shes par bya'o/ /gsum pa rnam bden
rdzun gyi khyad par bshad pa la/ dngos dang de'i dbye ba bshad
pa'o/ /dang po ni/ slob dpon byang chub bzang pos thogs med

yab sras rnam rdzun pa dang phyogs glang yab sras rnam bden par
bshad mod/ 'on kyang sde bdun mdo dang bcas pa'i dgongs pa ni
rnam bden pa yin par ma nges te/ lha dbang blo dang shAkya blos
rnam 'grel gyi dgongs pa rnam bden du bkral zhing/ shes rab

'byung gnas spas pas rnam rdzun dri med/ slob dpon chos mchog
gis rnam rdzun dri bcas su bkral ba'i phyir ro/ /thogs med yab
sras kyi dgongs pa yang rnam rdzun du ma nges te/ rtog ge 'bar
bar de dag gi bzhed pa 'gog skabs rnam bden pa'i 'dod pa bshad

pa'i phyir ro/ /des na lung rigs rjes 'brang gnyis ka re re'i
gzhung na'ang rnam bden rdzun gnyis gnyis kyi rnam gzhag 'ong ba
rje yab sras sogs rgya bod kyi mkhas pa kun 'dod pas 'di gnyis
so sor khyab mnyam byas nas sbyar bar nam yang mi bya'o/ /zhes
rje btsun dam

@42a @#/ /pa 'jam dbyangs bzhad pa'i rdo rjes gsungs ba shin tu
legs pas kho bo cag kyang de kho na ltar 'dod do/ /rnam bden
rdzun gyi khyad par dngos ni sngon gyi kha cig gis sngo ser sogs
'dod pa dang mi 'dod pa'i khyad par yin par bshad pa dang/ kha

cig sngo ser sogs rtog pas btags pa tsam min pa'i yod par khas
len pa dang mi len pa'i khyad par yin par 'dod pa ni mi 'thad
de/ dngos po la shes pas khyab par 'dod pa'i sems tsam pa gzhi
ma grub pa'i phyir dang/ sngo ser sogs dngos por khas

blangs nas de dag rtog pas btags tsam du smra ba'i dngos smra
ba'i mkhas pa su yang med pa'i phyir ro/ /rnam rdzun pas dbang
shes kyi gzung rnam sgro btags su khas len par smra ba yang mi
'thad de/ de ltar na dbang po'i rnam par shes pa gzung rnam ma

yin par 'gyur bas 'dzin rnam du thal ba dang/ de yang gnyis
snang dang bral bar thal ba dang/ kha phyir phyogs pa'i shes pa
ma yin par thal ba dang/ kha phyir lta yin na rtog pa yin pas
khyab par thal ba sogs rigs pa'i gnod pa du ma

'bab pa'i phyir ro/ /'di dag rje yab sras kyis legs par bkag zin
pas shi zin pa'i ro la mtshon bsnun pa'i dal ba 'dir mi bya'o/
/de lta na yang da dung lo tsatsha ba shes rab rin chen sogs kyis
rnam bden pas sngo ser sogs mtha' dag shes par 'dod

zer ba ni rang gi de nyid bstan par zad de/ rnam bden pa'i lugs
la phung po lnga'i rnam gzhag mi 'thad par thal ba dang/ sangs
rgyas kyi gzugs kyi sku mthong ba po'i sems can gyi mig gi shes
pa sangs rgyas kyi gzugs skur thal ba'am/ yang na

@42b sangs rgyas kyi sku de'i mig shes su thal ba dang/ dpag
tshad dang rgyang grags sogs kyi tshad dang ldan pa'i shes pa yod
par thal ba dang/ shes pa za zhing shes pa 'thung ba dang/ rtug
pa dang gcin yin pa'i shes pa yod par thal ba sogs shin tu ngo
tsha ba'i gnas

yin pa'i phyir/ des na da ltar 'dod pa'i dngos por smra ba'i
mkhas pa ga la srid de/ de dag ni rigs pa shes pa'i mkhas pa yin
pa'i phyir ro/ /'on kyang mkhas pa dag gis rigs pa dri ma med
pas smra ba ngan pa de phye mar btags zin pas btags zin 'thag
pa'i

sbyor ba 'dir mi bya'o/ /da ni rang gi lugs bshad par bya ste/
de yang rnam bden rdzun rtsod pa'i gzhi ni dbang shes la sdo ser
dkar dmar sogs rags pa'am du ma bsags pa'i rnam par snang ba
dang/ kha dog tha dad pa'i rnam par snang ba dang/ cha du ma
'dus pa'i go

sa gnon pa'i tshul du snang ba rnams yin par rgyal tshab thams cad
mkhyen pas bshad la/ de yang ka bum sogs dbang shes la snang
ba'i tshe de dag ling ling por snang zhing sdo ser sogs kyi kha
dog tu snang ba'i tshe yang mkhrang theng nge bar snang ba la
bya'am snyam mo/ /

de'i rgyu mtshan yang paN chen chos mchog gis rnam bden pa 'gog
pa na lus can zhes bya ba rwa zing nge ba med kyi/ 'on kyang
tshad chung ngu mang po rnams phan tshun gyi rang bzhin gyi yul
yongs su spangs nas bskyed pa'i phyir yul rgyas pa dang ldan pa
ni lus can yin

la; zhes gsungs pa'i rwa zing nge ba med kyi zhes pa dang yul
rgyas pa dang ldan pa zhes pa'i tshig gi rnam bcad yongs gcod kyi
nus pa las shes par 'gyur ro/ /des na 'di'i rags par snang ba
zhes pa'i don yang de ltar shes par bya yi rags pa zhes pa'i
tshig tsam

@43a @#/ /la 'khrul nas rdul du snang ba dang bem por snang ba la
'dod par mi bya'o/ /ling ling po dang mkhyad theng nge zhes pa
yang dbu ma pas bden grub la de 'dra'i tha snyad sbyar ba dang
'di mi gcig ste/ 'di ni dbang shes la snang ba'i rigs snang gi
tshul

yin la cig shos ni gtso bor rtog pa'i 'dzin stangs kyi tshul la
byed dgos pa'i phyir ro/ /bden rdzun gyi khyad par ni sems tsam
rnam bden pas dbang po'i mngon sum la gzung 'dzin rgyang chad du
snang ba dang/ sngo sogs phyi rol don du snang ba dang/ ming
dang tha snyad kyi

gzhir rang mtshan gyis snang ba'i cha lam rig pa'i bslad pa zhugs
kyang sngo sogs de lta bu'i rigs par snang ba'i cha la ma rig
pa'i bslad pa cung zad kyang ma zhugs par 'dod do/ /rnam rdzun
pa rnams ni so so skye bo'i rgyud la rang rig mngon sum ma gtogs
ma rig pas ma

bslad pa'i mngon sum gyi shes pa med pas sngo sogs de lta bu'i
rags par snang ba'i cha la yang 'khrul pa'i bslad pa zhugs par
bzhed do/ /des na rnam bden pas de lta bu'i rigs pa'i rnam par
snang ba yang shes pa nyid kyi rdzas yin pas ma 'khrul par 'dod
la/

rnam rdzun pas rigs pa gsal bar snang ba shes pa'i rdzas yin
kyang de lta bu'i rags par snang ba'i cha ni ma rig pas bslad
pa'i dbang gis snang ba'i 'khrul pa 'ba' zhig tu 'dod do/ /de la
dgongs nas rnam bden pa la rnam pa dngos por 'dod pa dang rnam
rdzun pa la rnam pa

dngos por med par 'dod pa zhes pa'i tha snyad rgya bod kyi mkhas
pa rnams kyis bshad do/ /slob dpon dpa' bos/ kha cig shes rab
rtsal gyis ni/ /gzung ba stong par rtogs pa la/ /'dzin pa rdzas
su grub par blta/ /zhes rnam bden pa dang/ kha cig rnam par
'khrul

@43b bar smra; ;dper na mkha' gzugs mthong ba bzhin/ /zhes rnam
rdzun pa'i grub mtha' bshad cing/ lung phyi ma'i dpe kha cig tu
rnam par 'khrul ba zhes las kyi sgra sbyar ba la nus pa 'don
lugs shig dgos so/ /rtog ge 'bar ba las kyang rnam bden pa'i

'dod pa 'chad pa na/ de'i rnam pa sna tshogs snang ba de yang
gang zhe na/ rnam par shes pa yul gyi rnam par 'gyur ba gang yin
pa'o/ /zhes gsungs so/ /lam rim chen mor sngo ser sogs shes pa'i
rdzas su 'dod pa rnam bden par bshad do/ /rnam rdzun pas

rnam bden pa 'gog pa'i rigs pa ni/ so so skye bo'i dbang po'i
mngon sum la sngon po la sogs pa rags par snang ba 'di chos can/
khyod don dam bden pa yin par thal/ khyod rang rig mngon sum gyi
gzung yul ma yin pa gang zhig /khyod 'jal bar

byed pa'i so so skye bo'i rgyud kyi mngon sum yod/ de la ma rig
pas cung zad kyang ma bslad pa'i phyir/ 'dod na/ de chos can/
don dam bden pa ma yin te/ don dam pa'i bden pa gcig dang du ma
gang rung du ma grub pa'i phyir/ dper na gzugs brnyan bzhin

zhes pa'o/ /slob dpon chos mchog gis rags snang bden par grub pa
bye brag pas 'dod pa'i yan lag can gyi rdzas dang mtshungs par
bshad do/ /bshad ma thag pa'i rnam bden rdzun gyi rnam gzhag 'di
ni rje bdag nyid chen po'i dgongs pa dri ma med pa yin par sras

kyi thu bo rgyal tshab thams cad mkhyen pas tshad ma rnam nges kyi
rnam bshad chen mor gsungs so/ /gnyis pa dbye ba ni/ rnam bden
pa la sgo nga phyed tshal ba dang/ gzung 'dzin grangs mnyam pa
dang/ sna tshogs gnyis med pa ste gsum du yod la/ de dag gi 'dod

@44a @#/ /tshul ni phyi don mi 'dod pa ma gtogs mdo sde pa'i skabs
dang 'dra'o/ /rnam rdzun pa la dri bcas dri med gnyis so/ /'di
gnyis kyi khyad par ni kun rdzob kyi snang ba mtha' dag ma rig
pa'i bag chags kyi dbang gis snang ba yin pas/ de log na

ldog pa'i phyir sangs rgyas la rdzun snang med par 'dod pa dri
med pa dang/ kun rdzob kyi snang ba ni ma rig pa dang 'brel ba
gang yang med pas/ de log kyang mi ldog pa'i phyir sangs rgyas
la yang rdzun snang yod par 'dod pa dri bcas pa yin no zhes pa'i
bshad tshul

gcig dang/ yang rnam mkhyen la thams cad snang mi snang la khyad
par med kyang tshul de mang du bsgrub mi bsgrub kyis dri bcas dri
med du bzhag pa ste/ dper na nyan rang rigs nges kyis chos kyi
bdag med ma rtogs par mthun yang de ltar bshad pa mang mi mang
gis

chos kyi bdag med rtogs pa yod pa dang med par 'dod pa'i rang
rgyud pa gnyis su grags pa bzhin no/ /zhes pa'i bshad tshul gcig
dang/ yang sems kyi ngo bo la gnyis snang gi dri mas bslad par
'dod pa dri bcas dang/ dri ma glo bur ba yin pas sems kyi ngo bo
la

cung zad kyang ma bslad par 'dod pa dri med pa yin no zhes pa'i
bshad tshul gsum byung ba'i snga ma gnyis grags che zhing lugs
gsum gis sa sde dang tshad ma sde bdun dze ta ri sogs kyi lung
mang du 'dren no/ /mkhas grub thams cad mkhyen pas sde bdun yid
kyi

mun sel du lugs snga ma phyogs tsam bshad do/ /rnam rdzun gnyis
kyi khyad par 'di dag rje yab sras kyis rgyas par gtan la phab
pa mi snang zhing/ khyad par du sems kyi ngo bo la gnyis snang
gi dri mas bslad par 'dod pa yang rnam rdzun dri bcas kyi lugs
su 'thad dka'

@44b bar 'dug go /sangs rgyas la gnyis snang yod pa'i don rgyud
gzhan sgrub pa'i 'grel par dul ba lhas/ ye shes de ni gzung
'dzin dang bcas kyang de nyid kyis log pa nyid du gzigs pa'i
phyir/ zhes pa lta bu'i don du bsams nas gzung 'dzin gyi gnyis
snang yod pa dang

med pa la byed par 'dod pa ni/ spyir sangs rgyas kyi sa na yul
yul can gyi snang ba gtan med par smra na mi 'thad pa rtogs sla
zhing/ gzung 'dzin rgyang chad du snang ba sangs rgyas kyi sa na
yod par smra na lugs 'di la shin tu 'gal lo/ /des na lugs bar pa
la yang

cung zad bshad du yod mod kyang mtha' chod pa zhig dka' bar
snang ngo/ /'di dag las brtsams te brjod par bya ba mchog tu
mang mod kyi re zhig bzhag go /rnam bden rdzun gnyis las rnam
rdzun grub mtha' brling bar rgyal tshab thams cad mkhyen pa bzhed
cing mkhas grub

thams cad mkhyen pas rnam bden sna tshogs gnyis med grub mtha'
brling bar bshad do/ /de gnyis kas kyang rang rang gi bshad tshul
de rje bdag nyid chen po'i dgongs pa yin par gsungs 'dug pas/
spyir rmad du byung ba'i sems dpa' chen po de dag gi dgongs

pa ji ltar yin pa bdag lta bus ji ltar shes nus/ 'on kyang sde
bdun gyi skor la rgyal tshab thams cad mkhyen pas paN chen chos
mchog gi 'grel pa gtso bor mdzad pa dang/ mkhas grub smra ba'i
nyi mas lha dbang blo'i 'grel pa gtso bor mdzad par 'dug pas rje

bdag nyid chen pos rnam 'grel gyi bshad pa gnang ba'i tshe 'grel
pa so so'i lugs la brten pa'i 'chad tshul zhig gi khyad par byung
ba yin nam snyam mo/ /gnyis pa lam la gnyis las/ theg dman gyi
lam la nyan thos dang rang rgyal gyi lam gnyis/ dang po la

@45a @#/ /rigs ni kun gzhi'i steng gi nyan thos kyi 'bras bu
bskyed pa'i nus pa zhig yin la/ de yang nang gi skye mched drug
gi khyad par nyan thos kyi chos gnas pa dang 'phel bar byed rung
ba/ thog ma med pa nas rgyun ma chad pa zhig go /rigs

kyi rtags ni lus sogs la chags zhen chung ba/ 'khor ba la skyo
shas che ba/ bag yod pa sogs kyis sdig pa la 'dzem pa/ bden pa
bzhi'i 'jug ldog sogs thos pa dang sems pa na lus kyi ba spu
ldang ba/ thar pa kho na'i ched du tshul khrims len cing

lus srog la bab kyang bslab pa mi gtong ba/ dge rtsa gang byas
'khor ba las grol ba'i phyir bsde bste drug go /rigs la gnas
pa'i gang zag ni dbang po rtul 'bring rno gsum yod par bshad do/
/lam dngos ni chad du bya ba bdag nyid gcig pu thob bya

'khor ba'i sdug bsngal mtha' dag spangs pa'i thar pa 'dod pa'i
bsam pas kun nas bslang ste lhag pa'i tshul khrims dang lhag pa'i
ting nge 'dzin dang lhag pa'i shes rab kyi bslab pa la slob par
byed do/ /de la tshul khrims ni so sor thar pa rigs brgyad gang

yang rung ba'o/ /ting nge 'dzin ni sems gnas pa'i thabs dgu dang
yid la byed pa bzhi la sogs pas bsgrubs pa'i lus dang sems shin
tu sbyangs pa dang bcas pa'i sems rtse gcig pa'i ting nge 'dzin
zhi gnas kyi phyogs kyis bsdus pa'o/ /shes rab ni ting nge 'dzin

la brten nas so sor rtog pa'i shes rab kyis yang dang yang du
dpyad cing bsgoms pa'i stobs kyis drangs pa'i shin sbyangs dang
bcas pa'i shes rab dge ba lhag mthong gi phyogs kyis bsdus pa'o/
/de la yang 'jig rten dang 'jig rten las 'das pa'i lam gnyis

@45b ka yod mod kyang gtso bo ni phyi ma ste/ de yang bden pa
bzhi rnam pa bcu drug gi sgo nas bsgom pa'o/ /de la yang grol
byed kyi lam dngos ni gang zag gi bdag med rtogs pa'i shes rab
yin la lhag ma rnams ni de spyod byed kyi yan lag go /de'i tshul
ni sngar yang brjod

zin pa dang gzhan du yang rgyas pas rtogs par sla bas 'dir ma
spros so/ /zhugs pa dang gnas pa'i skyes bu chen po brgyad la
sogs pa yang gzhan las shes par bya'o/ /rang rgyal gyi lam la
rigs kyi ngo bo ni nyan thos kyi skabs dang 'dra la/ khyad par
ni rang rgyal ba'i

byang chub 'grub pa'i nus pa'o/ /rigs kyi rtags ni nyon mongs
chung zhing 'du 'dzi la mi dga' ba dang/ snying rje dman zhing
snying las chung ngur 'jug pa dang/ nga rgyal che zhing rang
bzhin gyi dbang po 'bring yin pa'o/ /de la yang rang sangs rgyas
kyi chos nyid nges pa la

gnas pa'i rigs can ni bse ru lta bu'i rigs can no/ /ma nges pa
la gnas pa ni tshogs shing spyod pa gnyis kyi rigs can no/ /lam
gyi ngo bo ni nyan thos dang 'dra la/ 'di'i rigs can gyis mkhas
par bya ba'i gnas drug ni phung po dang/ skye mched dang/ khams
dang/ rten

cing 'brel bar 'byung ba dang/ gnas dang gnas ma yin pa dang/
bden pa rnams so/ /bse ru lta bu ni/ rang sangs rgyas kyi thar
pa cha mthun gyi lam la gnas nas bskal pa brgyar sangs rgyas
'byung ba mnyes par byed pa dang/ rang gi byang chub tu rgyud
smin par

byed cing mkhas bya'i gnas drug la mkhas par byas nas tshe 'phos
pa'i phyi ma de nyid la sbyor lam nas mi slob lam gyi bar rten
gcig la bskyed do/ /'on kyang bye brag smra ba'i lugs ltar nges
par stan thog gcig la bskyed par mi bzhed do/ /tshogs spyod pa
chung

@46a @#/ /du ni sangs rgyas 'byung ba mnyes par byas te skyes bu
dam pa la brten pa dang/ dam pa'i chos mnyan pa dang/ tshul bzhin
yid la byas pas sbyor lam bzod pa tshun chad skyed na'ang chos
mngon par rtogs pa dang 'bras bu 'thob mi nas

pas tshe phyi ma la de gnyis 'thob pa'i ched du gnas drug la
mkhas par byed pa'o/ /des tshe phyi ma la bden pa mngon par rtogs
pa nas dgra bcom pa'i bar mngon du byed do/ /tshegs spyod pa
'bring ni gzhan rnams de dang 'dra zhing tshe de la bden pa'i
chos mngon par

rtogs par byad cing dge sbyong gi 'bras bu thob la dgra bcom pa
ni 'thob par mi nus pa ni khyad par ro/ /des tshe phyi ma la
'bras bu lhag ma nas dgra bcom pa'i bar mngon du byed do/ /'di
gsum ga yang thugs kyi gnas pa ni 'dra ste/ gsum ga'ang chos zab
mo

la mos pa dang/ rten 'brel zab mo la so sor rtog pa lhur len pa
dang/ gang zag gi bdag med kyi dbang du byas pa'i rnam par thar
pa'i sgo gsum yid la byed pas gnas pa'o/ /lus kyi gnas pa la bse
ru lta bu ni gcig pur dga' zhing gcig pur

gnas pa dang/ gzhan gnyis ni tshogs pa dang lhan cig tu spyod
cing gnas pa'o/ /chos ston tshul ni de dag grong ngam grong rdal
gang du gnas kyang lus shin tu bsrung zhing dbang po shin tu
bsdams pa dang/ dran pa shin tu gnas pas bsod snyams sogs

la 'jug cing/ snying brtse ba la yang lus kyi brdas chos ston
par mdzad kyi ngag gis ni ma yin no/ /ma dad pa rnams la yang
lus kyi rdzu 'phrul du ma bstan nas dad par byed de/ /mngon pa
'og ma'i lugs la chags spyod pa gnyis la nyan thos kyi lam sngon
du song

@46b ba zhig dgos par bshad kyang 'dir ni de'i nges pa mi bzhed
do/ /bse ru lta bu la nges par bskal chen brgyar tshogs bsag dgos
la gzhan gnyis la nges pa med do/ /'di dag kyang sa sde nas
bshad pa ltar yin cing lung khungs sogs mangs pas 'jigs nas ma
bris

so; ;'di pa'i lugs la spyir rigs la theg pa gsum gyi nges pa'i
rigs gsum dang/ theg pa gsum gang du 'jug kyang rkyen gzhan kho
na la rag las shing/ theg pa der zhugs kyang slob dpon dang
grogs la sogs pa'i rkyen gyis theg pa gzhan du bsgyur ba thub

pa'i ma nges pa'i rigs dang rigs chad de lnga yod par bshad la/
phyi ma la yang gnas skabs kyi rigs med dang/ gtan nas yongs su
mya ngan las mi 'da' ba'i chos can gnyis yod par 'dod do/ /rigs
pa'i rjes 'brang gi sems tsam pas ni mthar thug theg

pa gsum du nges par mi 'dod pas 'di dang mi 'dra'o/ /gnyis pa
theg pa chen po'i lam gyi rnam gzhag la gnyis/ rigs dang/ lam
gyi rnam gzhag dngos so/ /dang po ni gnyis te/ rang bzhin gyis
gnas pa'i rigs dang yang dag par bsgrubs pa'i rigs so/ /dang po
ni/

kun gzhi'i steng gi yang dag par rdzogs pa'i byang chub bskyed
pa'i nus pa zhig yin la/ de yang nang gi skye mched drug gi
khyad par thog ma med pa'i dus nas brgyud de 'ongs pa chos nyid
kyis thob pa zhig go /gnyis pa ni rigs de nyid theg pa chen po'i
chos thos pa dang

bsam pa la sogs pa'i dge ba'i rtsa ba goms par byas pa las rgyas
par gyur pa'i rigs so/ /theg chen gyi rigs ni theg dman gyi rigs
las khyad par bzhis khyad par du 'phags pa ste/ dbang po shin tu
rno ba dang/ gzhan la phan par bya ba'i phyir zhugs pa dang/ rig

@47a @#/ /pa'i gnas lnga la sogs pa bslab par bya ba'i gnas mtha'
dag la mkhas par byed pa dang/ byang chub chen po'i 'bras bu
'thob par byed pa'o/ /rigs kyi rtags ni rang bzhin gyis snying
rje shin tu che ba dang/ theg pa chen po la mos pa dang/ chos

la dka' spyad lhag par bzod pa dang/ pha rol tu phyin pa drug gi
dge ba yang dag par spyod pa ste bzhi'o/ /rigs kyi phan yon ni
ngan song du ltung bar dka' zhing ltung na yang dar tshor ba drag
po mi myong zhing de las myur du thar ba dang/ des skyo ba
bskyed ba'i rkyen gyis sems

can la lhag par snyang ba rtse ba dang/ des kyang sems can smin
par byed pa'i ched du rtsol bar byed pa sogs so/ /'di dag kyang
byang sa dang mdo sde rgyan las 'byung ba ltar bris pa'o/ /gnyis
pa lam gyi rnam gzhag dngos la gnyis las/ rgya chen spyod pa'i
lam gyi

rim pa ni bsam pa byams snying rje byang chub kyi sems dang/
spyod pa pha rol tu phyin pa drug dang bsdu ba'i dngos po bzhi
la slob pa sogs te/ rgya che ba'i lam gyi ngo bo la shing rta
chen po'i srol gnyis mi mthun pa med do/ /gnyis pa zab mo lta
ba'i lam gyi

rim pa la/ chos kyi bdag med gtan la 'bebs tshul dang de bsgoms
pa la brten nas lam bgrod tshul gnyis/ dang po la gsum/ mtha'
gnyis spong tshul spyir bstan pa/ sgro 'dogs kyi mtha' bye brag
tu dgag pa/ des rnam rig tsam gyi de kho na nyid la

'jug tshul lo/ /dang po la/ mtha' gnyis ngos bzung ba dang/ de
spong tshul lo/ /dang po la gnyis las sgro 'dogs kyi mthar 'dzin
tshul ni/ gzugs sogs kyi chos rnams ngo bo dang khyad par du kun
brtags pa'i ngo bo nyid der rang gi gnas tshod kyi dbang gis

@47b grub par 'dzin pa'o/ /de ni sgro 'dogs yin la de'i zhen yul
ni sgro 'dogs kyi mtha'o/ /de yang byang sa las/ gzugs la sogs
pa'i chos rnams dang gzugs la sogs pa'i dngos po la 'dogs pa'i
tshig gi ngo bo nyid kyi rang gi mtshan nyid yod pa ma yin pa la
sgro

btags nas mngon par zhen pa gang yin pa dang/ zhes so/ /skur
'debs kyi mthar 'dzin tshul ni/ gzhan dbang dang yongs grub kyi
chos rnams rang gi mtshan nyid kyis ma grub par 'dzin pa ste de'i
zhen yul ni skur 'dabs kyi mtha'o/ /de ltar yang byang sa las

btags pa'i tshig gi mtshan ma'i gzhi btags pa'i tshig gi mtshan ma'i
rtan du gyur pa brjod du med pa'i bdag nyid kyis den dam par yod
pa yang dag pa'i dngos po la thams cad kyis thams cad du med do
zhes skur pa 'debs shing chud gzon par byed pa gang yin pa

'di gnyis ni chos 'dul ba 'di las rab tu nyams par rig par
bya'o/ /zhes gsungs so/ /lung phyi ma'i dngos bstan la skur pa
'debs pa'i gzhir gzhan dbang las ma bshad kyang yongs grub kyang
skur pa 'debs pa'i gzhi yin te/ byed sa las gzugs la sogs

pa'i chos rnams kyi dngos po tsam la skur ba 'debs pa la ni de
kho na yang med la/ zhes gsungs pa'i phyir ro/ /de yang spyir
gzhan dbang dang yongs grub tha snyad du yang med do zhes bzung
na skur 'debs su 'gyur mod kyang/ skabs 'dir bstan pa'i skur pa

'debs tshul ni tha snyad du med do zhes pa dang spyir med do zhes
pa tsam min gyi/ rang gi mtshan nyid kyis sam rang ngos nas sam
don dam par med par 'dzin pa'o/ /gnyis pa de spong tshul la sgro
'dogs kyi mtha' 'gog tshul ni 'og tu 'chad pas 'dir skur

@48a @#/ /'debs kyi mtha' 'gog tshul brjod par bya'o/ /de la 'dir
skur 'debs 'gog pa'i phyogs snga khas len mkhan ni gzhan sde ma
yin te/ /gzhan sde rtag par smra ba la dogs pa med la chang smra
rgyang 'phen pas kyang gzugs rang gi gnas

tshed kyi dbang gis grub par 'dod pa'i phyir/ don sgra gnyis
kyang ma yin te/ de gnyis kyis gzugs sogs bden par grub par 'dod
pa'i phyir/ des na theg chen grub mtha' smra ba yin te/ bsdu ba
las theg pa chen po ba la la rang gis nyes par bzung ba

'di skad cas/ kun rdzob tu ni thams cad yod la don dam par ni
thams cad med do zhes zer ro/ /zhes gsungs pa'i phyir ro/ /des
na ngo bo nyid med par smra ba dbu ma pa rnams so/ /de 'gog tshul
ni/ gzugs la sogs pa'i dngos po rnams chos can/

btags pa tsam du yang med par thal/ 'dogs pa'i gzhi gzugs sogs
kyi rang gi ngo bo med pa'i phyir/ rtags grub ste/ gzugs sogs
rang gi mtshan nyid kyis ma grub pa'i phyir/ gong gi khyab pa yod
do/ dper na gzugs la sogs pa'i phung po rnams

yod na gang zag tu gdags su rung gi /de med na gang zag tu gdags
su med pa bzhin yin pa'i phyir/ zhes pa ste/ byang sa las/ 'di
lta ste dper na gzugs la sogs pa'i phung po rnams yod na gang
zag gdags su rung gi /med du zin na dngos po med

pa la gang zag gdags su med do/ /de bzhin du gzugs la sogs pa'i
chos rnams kyi dngos po tsam yod na gzugs la sogs pa'i chos
'dogs pa'i tshig nye bar gdags su rung gi /med du zin na dngos po
med pa la gdags pa'i tshig gis nye bar

@48b 'dogs pa med do/ /zhes gsungs so/ /gzhan yang/ 'dogs pa'i
gzhi med na btags pa yang med la/ de med na des btags la ltar
grub pas stongs pa'i de kho na nyid kyang med dgos pas mtshan
nyid gsum ga la skur ba btab par 'gyur ro/ /de ltar yang de

nyid las/ de dag gi ltar na 'dogs pa'i gzhi'i dngos po tsam yang
med pas 'dogs pa de nyid kyang thams cad kyi thams cad du med
par 'gyur na gdags pa tsam gyi de kho na lta yod par ga la 'gyur
te/ de bas na rnam grangs nges na de dag gis ni de kho na dang

btags pa de gnyis ka la yang skur ba btab par 'gyur te/ zhes
gsungs so/ /des na de ni med par lta ba dang stong pa nyid la
log par zhugs pa yin te/ gzhan dbang dang kun brtags gnyis ka la
skur pa btab pa'i phyir dang/ /de yongs grub la yang

skur ba btab pa'i phyir ro/ /de nyid las btags pa dang de kho na
la skur pa btab pas na med par lta ba'i gtso bo yin par rig par
bya'o zhes dang/ ji ltar na stong pa nyid la log par zin pa yin
zhe na dge sbyong ngam bram ze gang la la gang gis stongs pa de
yang

mi 'dong la gang gas gang stongs pa de yang mi 'dod pa 'di lta
bu 'di ni stong pa nyid la log par zin pa zhes bya'o/ /zhes
gsungs so/ /gzhan yang bsdu pa las/ de la 'di skad ces tshe dang
ldan pa don dam pa ni gang yin kun rdzob ni gang yin zhes brjod

par bya'o/ /zhes lugs 'dis dbu ma pa la don dam gang yin dris pa
ni don dam bden pa gang yin dris pa'o/ /kun rdzob gang yin dris
pa ni kun rdzob bden pa zhes pa gang gi ngor bden par 'jog pa'i
kun rdzob gang yin dris pa'o/ /de'i lan ni de nyid

@49a @#/ /las/ de skad dris pa na/ gal ta 'di skad ces/ chos
thams cad kyi ngo bo nyid med pa gang yin pa de ni don dam pa
yin la/ ngo bo nyid med pa'i chos de dag la ngo bo nyid du dmigs
pa gang yin pa de ni kun rdzob yin no/ /de ci'i phyir zhe

na 'di ltar de ni yod pa ma yin pa dag la kun rdzob tu byed pa
dang 'dogs pa dang mngon par brjod pa dang tha snyad du byed
pa'i phyir ro zhes lan 'debs par gyur na zhes gsungs so/ /de'i
don ni/ dbu ma pas don dam bden pa ni chos thams cad ngo bo nyid
dam rang

gi mtshan nyid kyis grub pas stongs pa la 'dod la/ gang gi ngor
bden par 'jog pa'i kun rdzob ni chos thams cad rang gi mtshan
nyid kyis sam bden par ma grub pa la de ltar grub par 'dzin pa
la 'dod do/ /de'i rgyu mtshan ni de lta bu'i blo kun rdzob pa'i
dbang

gis chos thams cad yang dag par ma grub pa la yang dag par grub
par bzung nas mngon par brjod pa la sogs pa'i tha snyad byed
pa'i phyir zhes pa'o/ /de la lugs 'dis thog mar kun rdzob kyi
ngos 'dzin la brtag par byed de/ dbu ma pa khyod kyis gang gi

ngor bden par 'jog pa'i blo kun rdzob par 'dod pa de rang gi
rigs 'dra snga ma'i rgyus bskyed pa yin nam 'on te rtog pas
btags pa tsam zhig yin zhes 'dri ba ni/ de nyid las/ de la 'di
skad ces brjod par bya ste/ ngo bo nyid du dmigs pa de mngon par
brjod pa dang kun

rdzob kyi rgyu las byung ba yin par 'dod dam/ 'on te mngon par
brjod pa dang kun rdzob tsam zhig yin par 'dod/ ces pa'o/ /de la
dbu ma pa na re/ rang gi rigs 'dra snga ma'i rgyus bskyed pa yin
no zhes zer na mi 'thad de/ de 'dra'i blo kun rdzob pa chos can/

@49b don dam par ma grub pa ma yin par thal/ rang gi rgyus
bskyed pa'i phyir/ zhes 'gog la/ gzhan dbang sems sems byung
rnams rang gi rgyu rkyen la brten nas skyes pa de rang mtshan
gyis grub pa'i skye ba yin pas/ don dam pa'i skye bar 'gyur ro
snyam du lugs

'dis bsam pa ste/ rnam 'grel las/ sa bon sogs ni myug sogs la/
nus mthong gal te de kun rdzob/ /ces sogs dang gnad gcig go /de
yang de nyid las/ gal te mngon par brjod pa dang kun rdzob kyi
rgyu las byung ba yin na ni/ des na mngon par

brjod pa dang kun rdzob kyi rgyu las byung ba yin pas yod pa ma
yin no zhes byar mi rung ngo/ /zhes gsungs so/ /'dir legs bshad
snying po las kun rdzob de nang gi mngon par brjod par yang
'gyur la/ zhes gsungs pa'i don ni/ blo kun rdzob pa de 'di ni

'di'o snyam du 'dzin pa'i rtog par 'gyur la de'i tshe rtog pa de
rang gi rigs 'dra snga mas bskyed dam ma bskyed ces brtag pa
byed pa la dgongs pa'o/ /gal te dbu ma pa na re/ kun rdzob de
rtog pas btags pa tsam zhig yin no zhe na de yang mi 'thad de/
gang la 'di ni kun rdzob

bo zhes 'dogs par byed pa'i gzhi gzhan dbang med pa'i phyir te/
gzhan dbang yod na rang gi mtshan nyid kyis yod dgos pa'i phyir/
de yang lugs 'dis kun brtags rang gi mtshan nyid kyis ma grub na
med dgos par mi 'dod kyang ngo bo nyid gzhan gnyis ni rang gi

mtshan nyid kyis ma grub na med dgos par 'dod pa'i gnad kyis yin
no/ /de yang de nyid las/ gal te mngon par brjod pa dang kun
rdzob tsam zhig yin na ni des na gzhi med par mngon par brjod pa
dang kun rdzob ces byar mi rung ngo/ /zhes so/ /don dam pa'i
ngos 'dzin

@50a @#/ /'gog pa ni/ dbu ma pa khyod kyis gzhan dbang rang gi
mtshan nyid kyis grub pas stongs pa don dam pa'o zhes brjod pa mi
rigs te/ de la ni gzhan dbang la rang mtshan dmigs pa'i tshad mas
gnod pa'i phyir/ de nyid las/ de la 'di

skad ces tshe dang ldan pa ci'i phyir na gang dmigs pa de med pa
yin zhes kyang brjod par bya'o/ /zhes so/ /de la dbu ma pa na
re/ de ltar dmigs pa'i blos mi gnod de/ blo de nyid 'khrul pa
yin pa'i phyir ro zhe na/ 'o na blo 'khrul pa de rang gi mtshan
nyid kyis yod dam

med/ yod na gzhan dbang rang gi mtshan nyid kyis med pa don dam
du mi rung bar thal/ blo 'khrul pa rang mtshan gyis yod pa'i
phyir/ de rang mtshan gyis med na/ blo 'khrul pas rang mtshan du
dmigs kyang rang gi mtshan nyid kyis med pa de gnas lugs ma yin

par thal/ rang mtshan du dmigs pa nyid rang gi mtshan nyid kyis
med pa'i phyir/ 'di yang blo 'khrul pa nyid rang mtshan gyis med
na med dgos pa'i gnad kyis so/ de ltar yang de nyid las/ de skad
ces dris pa na gal te de 'di skad ces phyin ci log gi dngos po
yin

pa'i phyir ro zhes lan 'debs par gyur na/ de la 'di skad ces
brjod par bya ste phyin ci log de yod par 'dod dam 'on te med
par 'dod/ gal te yod na ni das na chos thams cad kyi ngo bo nyid
med pa nyid ni don dam pa'o zhes byar mi rung ngo/ gal te med na
ni das na phyin

ci log gi dngos po yin pa'i phyir gang dmigs pa de ngo bo nyid
med do zhes byar mi rung ngo/ /zhes gsungs so/ /da ni 'di dpyad
par bya ste/ gal te kha cig na re/ sems tsam pas gzhan dbang don
dam par grub par 'dod pa mi 'thad de/ mdo dgongs 'grel las /

@50b 'dus byas yin na ni don dam pa yin par mi 'gyur ro zhes
'dus byas yin na don dam min pas khyab par gsungs pa dad dbus
mtha' las/ dam pa'i don ni gcig pu'o/ /zhes pa rtsa 'gral gyis
yongs grub kho na don dam bden par gsungs pa dang/ mdo sde rgyan
las don

dam bden pa mtshan nyid lnga ldan du gsungs pa'i skabs su skye
'jig med par bshad cing/ de'i 'grel par kun brtags dang gzhan
dbang mtshan nyid kyis yod pa min la yongs grub mtshan nyid kyis
med pa min par bshad pa'i phyir dang/ 'di dag sems tsam pa'i
rang

gzhung mthar thug yin pa'i phyir zhes zer na skyon med de/ sngar
gzhan dbang yongs grub gnyis don dam par yod par bshad pa dang/
gzhung de dag gis gzhan dbang don dam par med par bshad pa gnyis
don dam pa'i ming 'dra yang don mi gcig pa'i phyir/ de

yang yin te/ gzhan dbang yongs grub gnyis don dam du yod par
bshad pa ni tha snyad kyi dbang gis bzhag pa tsam min pa'i rang
gi mtshan nyid kyis yod pa la don dam par yod par gzhag pa de yin
la/ lung de rnams kyis gzhan dbang don dam par med cing

yongs grub kho na don dam par yod par gsungs pa ni dam pa zag
med kyi mnyam gzhag ye shes la byas nas de'i yul yin pas na don
dam pa zhes bzhag pa'i don dam pa de yin pa'i phyir ro/ /phyi
ma 'di dang rnam dag lam gyi dmigs pa mthar thug la don dam du
byed

pa gnyis kyang don gcig go /'di'i sgrub byed rgyas par ma bris
te grags che'o/ /legs bshad snying po las/ lugs 'dis ye shes de
rang rig tu bzhed pas ye shes kyang yul du 'gyur ro snyam na/
yul gang la bltos nas de kho na nyid kyi don rtogs pa'i yul de
la

@51a @#/ /dgongs pas skyon med do/ /zhes gsungs pa 'di'i don ji
ltar yin snyam na/ 'di la brtags pa'i mtha' dgag /gnas pa'i don
bzhag /de la rtsod pa spang ba gsum/ dang po ni/ de la kha cig
ni/ sems tsam pa'i lugs la 'phags pa'i

mnyam gzhag ye shes de nyid rang rig yin la/ de ltar na ye shes
rang nyid kyis rang nyid rtogs pas ye shes nyid rnam dag lam gyi
dmigs pa mthar thug tu thal lo zhes pa'i phyogs snga ma'i 'dod
pa bsu ba yin zhes zer ba mi 'thad de/ de ltar na phyogs snga
smra

ba po de la ye shes rang nyid rang nyid la rang rig yin na dbang
shes thams cad kyang rang nyid la rang rig yin dgos/ de ltar na
kha phyir blta'i shes pa thams cad kha nang blta'i shes pa yin
par 'gyur ba sogs rigs pa'i gnod pa mtha' yas pa zhig yod

bzhin du rje bdag nyid chen pos de dag gang yang mi gsung bar de
kho na nyid rtogs pa'i yul de la dgongs pas skyon med do zhes pa
tsam zhig ci'i phyir gsungs/ der ma zad lan de yang mi 'thad par
'gyur te/ pha rol pos zag med ye shes zag med

ye shes kyi yul yin te/ kho kho rang la rang rig yin pa'i phyir/
zhes smras pa'i lan du/ zag med ye shes rnam dag lam gyi dmigs
pa mthar thug tu ma bzhag pa ni ye shes kyis de kho na nyid
rtags pa'i yul de la dgongs pas skyon med do zhes pa tsam

zhig smras pas ye shes rang nyid rang rig yin pa la gnod pa ci
yang med cing dgos pa dang nus pa gzhan yang ci yang med pa'i
phyir ro/ /yang kha cig /gsung de'i don ni/ phyogs snga mas
mnyam gzhag ye shes rang nyid kyis rang nyid 'jal bar thal/

@51b mnyam gzhag ye shes de so so rang gis rig pa'i ye shes yin
pa'i phyir/ des na mnyam gzhag ye shes rang nyid rang nyid kyi
yul yin no zhes smras pa la/ rje bdag nyid chen pos mnyam gzhag
ye shes de so so rang rig pa'i ye shes yin kyang/ rang nyid 'jal

mi dgos te rang nyid kyi yul chos nyid 'jal tshul la bltos nas so
so rang rig pa'i ye shes su 'jog pa yin pa'i phyir/ zhes pa'i
lan ston pa yin no zhes zer ba yang/ snga ma las cung zad drag
kyang da dung rje'i dgongs par ma son te/ so so rang rig pa'i ye

shes zhes pa'i don rang nyid kyis rang nyid 'jal ba la 'dod pa'i
grub mtha' smra ba su yang med cing/ sems tsam pas de'i don de
ltar du 'dod do zhes zer ba'i rgya bod kyi mkhas pa su yang med
pa'i phyir/ gzhan yang so so rang rig pa'i ye shes zhes pa'i
tshig tsam

gyis rang rig tu 'dod dgos pa'i dogs pa khong slong tsam byed
par 'dod na yang mi 'thad de/ de 'dra'i dogs pa blo ldan la skye
ba'i gnas med pa'i phyir dang/ gal te skyes na yang lugs 'dis
zhes sems tsam pa dmigs kyis bkar nas byed mi dgos pa'i phyir

te; so so rang rig pa'i ye shes zhes pa tsam zhig grub mtha'
smra ba thams cad kyis 'dod pa'i phyir/ gal te phyogs snga de
ltar yin kyang rje thams cad mkhyen pas de'i lan du so so rang
rig gi don de ltar min pa'i rgyu mtshan bshad par rigs kyi/ yul
gang

la bltos nas de kho na nyid kyi don rtogs pa'i yul de la dgongs
zhes yul spyi dang bye brag gi khyad par 'byed don med pa'i
phyir/ so so rang rig ces pa'i tshig gzhung na med cing snon dgos
pa'i sgrub byed kyang med do/ /gzhan yang grub mtha' la sbyangs
pa zhan pa'i blo

@52a @#/ /dman pa rnams la'ang mi 'char ba'i dgos pa de 'dra sel
ba'i rnam gzhag rje bdag nyid chen pos skabs 'dir ga la mdzad
snyam du sems so/ /gnyis pa rang gi lugs bzhag pa ni/ rje bdag
nyid chen po'i gsung 'di skabs 'dir gnad che

bar yod pas bshad par bya ste/ de la gnyis/ dogs pa skye lugs
dang de'i lan bshad pa'o/ /dang po ni/ dbu ma snang ba las/ sems
tsam pa'i 'dod pa brjod pa'i skabs su 'di ltar gsungs te/ de
bzhin du 'phags pa dgongs pa nges par 'grel ba dang/

langkar gshegs pa dang/ stug po bkod pa la sogs pa las chos
thams cad sems tsam gyi lus nyid du bstan pa'i phyir sems kho na
don dam par yod kyi gzhan ni ma yin no zhes bstan par 'gyur ro/
/de'i phyir chos thams cad ngo bo nyid med pa nyid 'grub par mi

'gyur ro zhes dang/ dkon mchog brtsegs pa'i lung gi mjug tu 'dis
ni 'phags pa rnams kyis so so rang gis rig par bya ba don dam
pa'i dngos po gdon mi za bar yod do/ /gzhan du na 'phags pa
dgongs pa nges par 'grel ba las brjod pa ni dngos po med pa

can ma yin no/ /dngos po de yang gang zhe na/ gang 'phags pa'i
ye shes dang/ gang 'phags pa'i gzigs pas brjod pa med pa nyid du
mngon par rdzogs par sangs rgyas pa ste/ brjod du med pa'i chos
nyid de kho na mngon par rdzogs par 'chang rgya bar bya ba'i
phyir

'dus byas zhes bya ba dang/ de bzhin du 'dus ma byas zhes bya
bar tha snyad gdags so zhes gsungs pa gang yin pa 'di dang 'gal
bar 'gyur ro/ /zhes gsungs so/ /de la spyir sems tsam pas gzung
ba phyi rol gyi don rigs pas bkag pa la rten nas gzung

@52b ba dang rdzas tha dad kyis stongs pa'i 'dzin pa myong rig
gi shes pa tsam zhig lhag mar lus par 'gyur zhing/ de lta bu'i
myong rig gi shes pa tsam de nyid rdzas su grub pa ni don dam
dpyod byed dang tha snyad dpyod byed kyi tshad ma gang gis kyang
khegs par mi 'dad do/ /des na

'phags pa'i mnyam gzhag zag med ye shes kyis chos nyid med dgag
yul du byas pa na/ ye shes de nyid kyis chos nyid rtogs pa'i
shugs la chos gzhan gang yang rtogs par mi 'dod mod/ 'on kyang
gnas skabs de nyid na mnyam gzhag ye shes de nyid

myong byed kyi rang rig mngon sum tshad ma ni yang dgos te gzhan
du na 'phags pa'i mnyam gzhag ye shes de nyid tshad mar mi 'grub
pa'i phyir dang/ rjes kyi dran shes kyis kyang ngas de'i che
chos nyid mngon sum du rtogs so zhes pa'i dran pa mi skye bar
'gyur te/ tshul

'di ni rang rig sgrub byed kyi rigs pa las shes nus so/ /gzhan
du na dbang po'i mngon sum tshad ma la yang rang myong byed kyi
rang rig med par khas blangs na sems tsam pas rigs pas 'gog par
mi nus te/ rgyu mtshan kun nas mtshungs pa'i phyir ro/ /de ltar na
de'i

tshe rang rig yod par 'grub la/ rang rig de ni gnyis snang gi
bslad pa cung zad kyang ma zhugs pa'i shes pa yin te/ spyir sems
tsam pa'i lugs la so so skye bo'i rgyud kyi rang rig gang la
yang 'khrul ba'i bslad pa ma zhugs par 'dod na ma rig pa'i dngos
kyi

gnyen po zag med kyi ye shes dngos su myong byed du skyes pa'i
rang rig pa la lta smos kyang ci dgos/ des na de lta bu'i rang
rig pa tsam ni lugs 'di'i don dam dpyod byed kyi rigs pa gang
gis kyang khegs par mi 'gyur te/ gzung 'dzin rdzas gzhan 'gog

@53a @#/ /ba'i rigs pa dang ngo bo dang khyad par du kun brtags
pa'i kun brtags rang gi mtshan nyid kyis grub pa 'gog pa'i rigs
pa gang gis kyang mi khegs pa'i phyir ro/ /de'i phyir slob dpon
shAkya blos byang sems chos bdag med du mkhyen pas

ni gnyis kyis stongs ba'i rang rig pa kho na mkhyen to/ /zhes
gsungs so/ /mkhas grub thams cad mkhyen pas kyang phyi rol tu
phyogs pa'i gnyis snang gtan med par gyur nas nang gnyis med kyi
shes pa myong rig gi cha ji lta ba bzhin mngon du gyur pa'i

stobs kyis shugs la shes pa gzung 'dzin gnyis su bden pas stong
bar rtogs te/ de 'dra'i bden 'dzin gyi sa bon 'joms nus par gyur
pa na 'phags pa'i ye shes mngon sum du shes pa zhes bya'o/ /zhes
gsungs so/ /lung 'di dag la go rgyu phra mo zhig

yod 'dug go /gang du drangs pa'i dbu ma snang ba'i lung gis chos
thams cad sems tsam gyi lus nyid du bstan pa'i phyir sems kho na
don dam par yod kyi zhes pa dang/ dngos po de yang gang zhes na
gang 'phags pa'i ye shes dang 'phags pa'i gzigs pas

brjod du med pa nyid du zhes pa nas 'dus byas zhes bya ba dang/
de bzhin du 'dus ma byas zhes bya bar ming du btags so zhes
gsungs pas kyang zag med kyi shes pa'i dngos yul du gyur pa'i
shes pa dngos po gcig yod par bstan to/ /gal te de'i skabs kyi

'phags pa'i ye shes dang zhes pa'i tshig de de'i mjug gi 'phags
pa'i gzigs pas zhes ba'i tshig dang 'brel dgos pas ye shes kyi
rnyed don yongs grub la bya yi/ rang rig gi dngos yul ye shes la
mi bya'o snyam na de ni mi 'thad de/ de ltar na lung de'i

@53b mjug gi 'dus byas zhes bya ba dang zhes 'dus byas su ming
btags pa yang yongs grub la bya dgos pas 'brel med pa kho nar
'gyur ba'i phyir dang/ gzhan du na dngos smra ba'i 'dod pa de
'gog pa'i thad kyi dbu ma snang ba las 'di ltar/ 'dir chos kyi
dbyings 'phags

pa'i ye shes kyi spyod yul chos thams cad bdag med pa'i mtshan
nyid kho na dngos po'i sgrar brjod par bzhed de/ dngos po la
mngon par zhen pa rnams kyi skrag pa'i gnas yongs su spangs pa'i
don du de ltar bstan pa'i phyir ro zhes lung de'i don sems tsam
pa'i 'dod pa

ltar rang rig pa'i shes pa la 'dus byas kyi sgras bstan pa ma
yin gyi/ chos nyid kho na la 'dus byas kyi sgras brjod pa yin no
zhes rgyu mtshan dang bcas pa gsungs pa mi 'thad par 'gyur te/
sems tsam pa rang nyid kyis de'i don chos nyid kho na la 'dod
pa'i phyir ro/ /

yang sems tsam pas de'i lan du chos nyid kho na la 'dus byas kyi
sgras brjod pa mi 'thad do zhes smra ba 'gog pa'i ched du dbu ma
snang ba las/ de kho na nyid 'di yang rnam pa thams cad du brjod
par bya ba ma yin yang tha snyad kyi dbang gis 'dus byas ma lus
pa'i chos nyid

yin pa'i phyir 'dus byas zhes bya bar yang tha snyad du btags la
zhes gsungs pa yang mi 'thad par 'gyur te/ sems tsam pas lung
de'i zur gyi 'dus byas zhes pa de chos nyid kho na la 'dod na
gsung de dag grub pa la bsgrub pa nyid du 'gyur ba'i phyir ro/
/de'i phyir 'di

dag ni dogs pa skye ba'i gzhi yin no/ /de dag las brtsams te
dogs pa skye lugs ni/ de ltar sems tsam pa'i lugs la ye shes de
'jal ba'i rang rig tshad ma ni yod cing/ de'i yul yang ye shes
nyid yin dgos la rang rig de yang zag pa med pa'i shes pa

@54a @#/ /yin pas skabs 'di'i don dam pa'i 'jog tshul gnyis las/
dam pa ni zag med kyi mnyam gzhag ye shes la byas nas de'i yul
yin pas don dam pa zhes bzhag pa'i don dam pa la 'gyur med yongs
grub kho nas ma khyab bo snyam pa dang

zag med ye shes nyid kyang rnam dag lam gyi dmigs pa mthar thug
tu 'gyur ro snyam pa'i dogs pa skye ba'o/ /gnyis pa de'i lan
bshad pa la spyir zag med kyi shes pa zhig gi yul yin pa tsam
gyis 'jog tshul gnyis pa'i dbang du byas ba'i don dam par 'jog

na bden mod kyang/ 'dir ni de tsam gyis mi 'jog pas skyon med
do/ /'o na ji ltar 'jog snyam na 'jog tshul gnyis pa'i dbang du
byas pa'i don dam du 'jog pa la yul can zag med kyi shes pa de
yul de la don dam dpyod byed kyi tshad ma yin pa dang/ yul de zag
med

kyi shes pa des dpyad ? mthar rnyed pa'i don yin pa ste chos
gnyis tshogs shig dgos so/ /de ni dgag bya rnam par bcad tsam gyi
med dgag 'gyur med yongs grub kho na la rung gi yul can zag med
kyi shes pa la mi rung ste/ zag med kyi shes pa de myong byed

rang rig gis grub pa ni spyir shes pa yin na rang myong byed
rdzas gzhan la ma ltos par rang dang bdag nyid gcig pa'i 'dzin
rnam gyis grub dgos pa dang/ 'dzin rnam yang kha nang ba lta ?
kho na yin pa'i rgyu mtshan gyis zag med kyi shes pa yang rang
myong byed rang rig

gis gnyis snang nub pa'i tshul gyis rtogs pa yin gyi/ rang rig
gis zag med kyi shes pa de nyid yul gyi gnas lugs su grub ma
grub dpyad ? pa'i dpyad ? mthar rnyed pa ma yin pa'i phyir ro/
/rgyu mtshan des na ye shes de rnam dag lam gyi dmigs pa mthar

@54b thug tu 'gyur ba'i skyon med do/ /gzhan du na so so skye
bo'i rgyud kyi dbang shes rnams kyang 'jog tshul gnyis pa'i don
dam du yod pa bzlog tu med par 'gyur te/ de rnams myong byed kyi
rang rig yod la rang rig gi 'dzin tshul de la yang 'khrul ba'i
bslad pa ma zhugs

shing des ? de rtogs lugs kyang gnyis snang nub pa'i tshul gyis
rtogs pa yin pa'i phyir ro/ /mdor bsdu na/ sems tsam pa'i skabs
'dir yang yongs grub de kho na nyid rtogs pa ni gzung 'dzin
rdzas tha dad rnam par bcad pa lta bu'i dgag bya bkag pa'i tshul
du rtogs

dgos kyi/ gzung 'dzin rdzas gzhan du ma bzung ba tsam dang yul
la log par ma zhugs pa tsam la mi bya'o/ /zhes pa ste/ rje thams
cad mkhyen pas yul gang la bltos nas de kho na nyid rtogs pa'i
yul de la dgongs pas skyon med do/ /zhes pa'i don dpyis

phyin par bshad pa yin no/ /tshul 'dis rtsa she'i TIka chen rigs
pa'i rgya mtsho las/ 'di la dbu ma ba tha snyad du rang rig khas
len pas ni rang bzhin med pa tshad mas dmigs pa de dmigs byed
nyams su myong ba'i rang rig gis shugs la 'grub par bzhed

kyang; rang rig tha snyad pa'i tshad mar bzhed pas rigs shes kyis
grub pa min no/ /zhes gsungs pa'i don yang shes dgos pa yod do/
/gsum pa de la rtsod pa spong ba ni/ gal te kha cig na re/ de
ltar na 'gyur med yongs grub de ma yin dgag tu thal te/

mnyam gzhag zag med kyi shes pas khyod rtogs pa'i shugs la shes
pa rang nyid kyang rtogs pa'i phyir zer na/ rtags ma grub ste/
mnyam gzhag zag med ye shes kyis ye shes rang nyid dngos su
rtags par khas mi len pa'i phyir ro/ /kho na re/ de ltar na rang

@55a @#/ /rig gi shes pas kyang zag med kyi shes ba mi 'grub bar
'gyur ro zhe na/ ma yin te/ rang rig gis yul can zag med kyi
shes pa grub kyang yul chos nyid grub mi dgos pa'i phyir/ gzhan
du na sngo 'dzin mig shes myong byed rang rig

gis kyang sngon po mthong bar thal lo/ /gzhan yang kho na re/
skabs 'dir rang rig la dogs gcod byed pa mi 'thad de/ lung gi
rjes 'brang gi sems tsam pas rang rig khas mi len pa'i phyir zer
na/ lung gi rjes 'brang thams cad kyis rang rig khas mi len pa
ma

yin zhing/ sa sde'i rjes 'brang gi sems tsam pa 'ga' zhig gis
rang rig mi 'dod pa'i dbang du byas kyang skabs 'dir rang rig gi
dogs pa dpyad pa la skyon med de/ sems tsam pa spyi'i lugs 'chad
pa'i skabs yin pa'i phyir ro/ /yang kho na re/ khyod kyi 'dod

pa de mi 'thad de rang rig 'dod pa'i dbang du byas kyang mnyam
gzhag gi gnas skabs der zag med ye shes de rang nyid 'jal byed
rang rig gi yul du mi 'gyur ba'i phyir/ de ltar yang theg bsdus
las/ de phyir 'dzin pa med rtogs byos/ des na dmigs pa med

par reg /ces dang/ gang gi 'og tu rnam par rig pa tsam gyi 'du
shes rnam par 'jig pa de ni de ma thag pa'i ting nge 'dzin de
'jig rten pa'i chos kyi mchog gi gnas su blta'o/ /zhes dang/
sems las gzhan med par ni blos rtogs nas/ de phyir sems kyang

med pa nyid du rtogs/ /zhes sogs kyis mnyam gzhag la sems snang
med par bshad pa'i phyir zhe na/ skyon med de/ de dag ni de kho
na nyid la mnyam par bzhag pa'i ngo na snang ba'i mtshan ma med
par bshad pa yin gyi/ spyir de'i gnas skabs su sems myong ba
tsam zhig

@55b 'gog pa ma yin pa'i phyir/ 'di dag la brten nas grub mtha'
'og mas spros med du 'dod pa'i mnyam gzhag rnams kyang grub
mtha' gong ma'i lugs la spos bcas su 'gyur ba dang/ de lta
na'ang rang lugs la de tsam gyis spros bcas su mi 'gyur ba'i
rgyu mtshan

sogs da dung brjod par bya ba mang du yod do/ /de ltar na rje
thams cad mkhyen pa'i gsung de dag gi don 'chad pa po snga ma
rnams kyis bshad pa rnams gnad du song ba dkon par 'dug cing
gsung de'i don ni dbu ma snang ba dang rtog ge 'bar ba sogs kyi
dbu sems rtsod

tshul gyi skor dang/ sems tsam pa'i rang rig sgrub pa'i rigs pa
rnam 'gra la nges sogs nas 'byung ba rnams la legs par dpyad nas
shas dgos par snang ngo/ /snga ma 'ga' zhig gis gzhung de dag ma
mthong ba dang la las mthong yang phyogs snga ma dang de 'gog
pa'i

rigs pa ma phyed par gcig tu bzung nas nor bar bshad pa'ang 'dug
med/ kho bos ni rang gis ji ltar dpogs tshod smras pa yin lags
shing/ de yang ji skad du rgyal ba'i sras po grags pa'i bshes
gnyen gyis/ don dka' ba la bdag 'dra'i blo/ /'khrul mi

srid pa ma yin pas/ /ci ste min na gzhan du gyis/ /zhes gsungs
pa ltar yin pas snying kham chung la gzu bor gnas shing blo gros
che ba rnams kyis dpyad bar mdzod cig /gnyis pa sgro 'dogs kyi
mtha' bye brag tu dgag pa la/ dgag bya sgro 'dogs ngos bzung

ba dang/ de ji ltar 'gog pa'i tshul lo/ /dang po la/ spyir rigs
pa'i dgag bya la skur 'debs sgro 'dogs gnyis dang/ sgro 'dogs la
yang kun brtags lhan skyes gnyis dang/ lhan skyes la yang gang
zag dang chos kyi bdag tu 'dzin pa gnyis dang/ phyi ma la yang

@056a @#/ /gnyis yod pa'i gzung 'dzin rdzas gzhan du 'dzin pa ni
'chad par 'gyur la/ kun brtags rang gi mtshan nyid kyis grub par
'dzin pa chos kyi bdag 'dzin du 'gyur tshul ni 'di yin te/ phung
po la sogs pa la 'di gzugs

so zhes ngo bo dang/ 'di gzugs kyi skye ba'o zhes sogs khyad par
du ming dang brdar btags pa'i ngo bo tsam zhig tu phung po la
sogs pa grub mod/ 'on kyang phung sogs ngo bo der rang gi mtshan
nyid dam rang gi gnas tshod kyi dbang gis grub pa ni sgro 'dogs

kyi mtha' yin la/ de ltar 'dzin pa ni skabs 'di'i chos kyi bdag
'dzin du gyur pa'i sgro 'dogs so/ /da ni legs bshad snying po
las pha rol gyi rtsod pa spong ba'i tshul gyis rgyas par gsungs
pa'i don gyi gnad 'gag mdo tsam zhig 'dir brjod par

bya ste/ de yang kho na re/ khyod kyis gzugs sogs ngo bo dang
khyad par du 'dogs pa'i gzhir rang mtshan gyis grub pa skabs
'di'i dgag bya sgro 'dogs su 'dod pa mi 'thad de tshul de sgra
dang rtog pa'i dngos yul gyi rang ldog la 'dod na'ang mi 'thad/

de'i gzhi ldog tu gyur pa'i phung sogs la 'dod na'ang mi 'thad
pa'i phyir/ dang po grub ste/ sgra dang brjod bya'i dngos yul
rang mtshan gyis grub pa la byed na de ni mdo sde pas kyang sgro
btags su rtogs zin pa'i phyir te/ mdo sde pas rtog pa'i dngos
yul

du 'dod pa'i gzugs sogs kyi don spyi dngos med du 'dod pa'i
phyir ro/ /des na de tsam gyis stongs par bsgrub pa ni chos kyi
bdag med du 'dod pa shin tu mi rigs so/ /rtsa ba'i rtags gnyis
pa grub ste/ de'i gzhi ldog tu gyur pa phung sogs rang gi mtshan

@056b nyid kyis grub pa 'gog par 'dod na ni gzhan dbang rang
mtshan gyis ma grub par 'gyur bas lugs 'di'i skur 'debs su 'gyur
ba'i phyir zhe na/ 'di'i lan 'chad pa la rje thams cad mkhyen
pas skabs 'dir 'chad pa'i chos kyi bdag med ni nyan thos

sde pa la grub zin pa min zhing/ der ma zad de'i bzlog phyogs
kyi chos bdag tu 'dzin tshul yang nyan thos sde gnyis kyis 'thad
ldan du smra bar gsungs shing/ sgro 'dogs ngos 'dzin tshul bsdu
ba las/ de la byis pa rnams ni brjod par bya ba'i dngos po

la rgyu lngas ming ji lta ba dang brjod pa ji lta ba bzhin du
ngo bo nyid du mngon par zhen par rig par bya ste/ zhes sogs kyi
don bshad pa'i sgo nas 'chad par mdzad do/ /'on kyang rje bla
ma'i gsung rab ni shin tu brling bas phal mo che zhig la ci yin
gtol ma byung snang

ngo/ /de'i phyir rje'i sras kyi thu bo mkhas grub smra ba'i nyi
mas stong thun skal bzang mig 'byed du theg bsdus las gsungs
pa'i mngon par brjod pa'i bag chags kyi dbang gis yul snang ba'i
rnam rig dang/ bdag tu lta ba'i bag chags kyi dbang gis snang
ba'i rnam rig

dang/ srid pa'i yan lag gi bag chags kyi dbang gis snang ba'i rnam
rig gsum las/ dang po mngon brjod kyi bag chags kyi dbang gis
snang ba'i snang tshul ni mig shes sogs la rang gi yul gzugs sogs
snang ba la'ang snang tshul de yod lugs dang/ des

mdo sde pa'i lugs dang mi 'dra tshul gsal bar phye nas rje'i
dgongs pa ji lta ba bzhin du 'chad par mdzad do/ /de lta na yang
da dung gzhung chen mo'i dgongs pa 'tshol ba na byis pa shed ma
bye ba'i blo gros kyi ngang tshul las cung zad kyang ma 'phags
na'ang 'chad rtsod rtsom pa'i

@057a @#/ /khur 'dzin pa dag la yab sras gnyis ka'i gsung rab
rnams rdo rje'i tshig ltar gyur pas dgongs pa ji lta ba bzhin du
'chad shes pa srid mtha' tsam du snang ngo/ /da ni kho bos rang
gis ji ltar nges pa'i tshul cung zad brjod par

bya ste; de yang rje bdag nyid chen po'i gsung de dag gi don
rtogs pa la shin tu gal che ba'i gnas ni 'di yin te/ mdo sde pas
snang yul la ma 'khrul bar 'dod pa'i dbang shas la gzugs sogs
ngo bo dang khyad par gyi gzhir rang mtshan gyis grub

par snang ba yod cing mdo sde pa rang gis tshul de ma 'khrul bar
'dod la/ 'di pa'i lugs la snang tshul de nyid 'khrul ba yin zhing
rjes kyi rtog pas snang tshul de ltar du grub par zhen pa ni
skabs 'di'i 'gog rgyu'i sgro 'dogs dang chos kyi bdag 'dzin yin

pa dang/ dbang shes la de ltar snang tshul yang blo yul du 'char
dka' bas thog mar snang tshul de ngos zin dgos par mkhas grub
thams cad mkhyen pas gsungs pa 'di kho na yin no/ /de'i snang
tshul ni 'di yin te/ de lta rang cag gis bum pa lta bu

la yid gtad pa'i tshul gyis bltas pa'i tshe mig shes la bum pa lto
ldir bar snang bar ma zad lto ldir ba de bum pa zhes pa'i tha
snyad 'dogs pa'i gzhi yin par yang snang zhing/ de yang phar
ming brdas bzhag pa tsam ma yin par lto ldir ba rang gi gnas

tshod kyi dbang gis bum pa zhes pa'i brda 'jug pa'i gzhir grub pa
bzhin du snang ngo/ /de ltar snang ba cis nges she na/ dbang
shes kyi snang tshul de la zhen nas rjes kyi rtog pas 'di bum
pa'o zhes tha snyad byed cing rtog pa de yang dbang shes des bar
du shes

@057b pa gzhan brgyud mi dgos par rang stobs kyis 'dren pa'i
phyir/ rgyu mtshan des na gzhan gyis bum pa'o zhes brjod pa'i don
gyi ngo bo gang yin dris pa na/ snang tshul dang zhen tshul de kho
na'i dbang gis de'i don gyi ngo bo ni lto ldir ba yin no zhes
zer gyi lto ldir ba

la bum pa'o/ /zhes ming du btags pa tsam zhig bum pa'o zhes smra
rgyu med do/ /de ni legs bshad snying po las/ gzugs zhes brjod
pa'i don de'i ngo bo nyid gzugs yin zhes smra yi gzugs zhes pa'i
ming du btags pa tsam zhig gzugs zhes brjod pa'i don

de'i ngo bo nyid yin no zhes smra rgyu med do/ /de'i phyir gzugs
zhes tha snyad btags pa'i tshe sngon po gzugs kyi tha snyad 'dogs
pa'i gzhi yin pa de ji ltar snang bltas pa na ming dang brdas
bzhag pa min par rang gi gnas lugs kyi dbang gis grub pa bzhin
du snang ngo/ /

sngon po de ji ltar snang ba bzhin du grub par 'dzin pa ni sngon
po la gzugs so zhes ming du btags pa la rang gi mtshan nyid kyis
grub par 'dzin pa'i sgro 'dogs yin la zhes pa'i don yin no/ /mdo
sde pas snang tshul de 'thad ldan du khas len pa'i rgyu mtshan ni/
gzugs

sogs phyi rol don yin pas shes pa dang bdag nyid tha dad pa'i
tshul gyis bden par grub la/ de'i phyir dbang shes gnod med la de
dag snang ba'i tshe yang rang gi gnas tshul ji ltar yin pa de
bzhin du snang dgos pas ming gi tha snyad kyi gzhi'i snang tshul
de yang rang

gi gnas tshod kyi dbang gis snang dgos te/ phyi rol don gyis gtad
pa'i snang tshul yin pa'i phyir ro/ /des na snang tshul de ma
'khrul bar ma zad de'i rjes kyi rtog pas snang tshul de ltar du
zhen pa yang zhen tshul phyin ci ma log pa yin no/ /de lta na'ang
rtog pa de'i dngos

@058a @#/ /yul bum pa'i sgra don ni rang mtshan gyis ma grub cing
sgro btags kho na'o zhes 'dod do/ /lugs 'dis ni gzugs sogs phyi
rol don du ma grub pas phyi rol don snang gi bag chags kyi dbang
gis don du snang ba'i rnam par

rig pa skye zhing/ de la ni thog ma med pa nas 'di sngon po'o
'di sngon po'i skye ba'o zhes sogs yang dang yang du mngon par
brjod pa'i bag chags kyi dbang gis de lta bu'i tha snyad kyi
gzhir snang ba 'byung ngo/ /de ltar snang ba'i gzugs de ni nang
shes

pa'i bdag nyid tsam yin gyi de dang gtan nas 'brel ba med pa'i
phyi rol gyi don ma yin pa'i phyir dang/ de nyid ming gi tha
snyad kyi gzhir snang ba yang nang gi mngon par brjod pa'i bag
chags kyi dbang gis snang ba yin pa'i phyir/ snang tshul de ming

brdas bzhag pa la ma ltos pa'i yul rang gi gnas tshod kyi dbang
gis snang ba'i snang tshul du mi rigs so/ /de las gzhan du na
gzugs de 'dra'i tha snyad kyi gzhi yin pa yang shes pa la gtan
ma ltos par 'gyur zhing de ltar na gzugs de shes pa dang

rdzas tha dad du 'gyur la de ni rigs pa du mas khags pas mi
'thad do/ /zhes bzhed do/ de dag ni legs bshad snying po las/
'di'i bzlog phyogs kyi sgro 'dogs ngo bo dang khyad par du ming
gis btags pa der gzugs sogs rang gi mtshan nyid

kyis grub par 'dzin pa'i grub mtha'i khas len yang nyan thos sde
pa la yod do zhes pa dang/ de 'dra ba'i 'dzin stangs de 'thad
ldan du don smra sde gnyis kyis kyang 'dod pas sgra'i brjod
bya'i rang ldog rtog btags yin kyang de'i gzhi ldog tu rang
mtshan

@058b 'ong ba'i lugs dang ga la mtshungs zhes pa'i dgongs pa yin
no/ /des na mdo sems gnyis kyi 'dod tshul mi 'dra ba 'di yang
gzugs sogs rang 'dzin shes pa dang rdzas tha dad yin min kho na
la thug go/ 'chad tshul de ltar shes na stong tshul 'dis rnam

par rig pa tsam la 'jug pa'i tshul yang shes par sla zhing sgro
'dogs 'di 'gog pa'i rigs pa theg bsdus na gsungs pa rnams kyis
kyang 'gog tshul shes sla'o/ /de'i phyir mkhas grub thams cad
mkhyen pas/ skabs 'dir bag chags brtan byung gi

dbang shes gcig gi snang ba la yang snang tshul ltar gyi don rang
mtshan gyis grub pa'i gzhan dbang yin pa dang/ ming brdas bzhag
tsam gyi kun brtags su yod pa dang/ ming dang brdas kyang yod
par bzhag mi nus pa'i rtog btags 'ba' zhig pa gsum

gsum gyi cha yod par bshad pa dang/ thogs med sku mched kyis
rigs mthun pa'i bag chags rkyen bzhi'i nang nas rgyu'i rkyen du
bzhed par bshad pa rnams rje bdag nyid chen po'i dgongs pa dpyis
phyin par bshad pa'i legs bshad bla na med par snang

mod; gzhung gi tshig zlos pa tsam la gtso bor byed pa'i gang zag
rnams kyis gzhung 'don pa lan brgya stong du byas kyang legs par
bshad pa la legs bshad du nges pa'i tshad ma skye dka' bar snang
ngo/ /gnyis pa de 'gog pa'i tshul bshad pa la/ byang

sa dang theg bsngas las gsungs pa'i rigs pa'i gnad gcig pas 'di
ltar yin te/ theg bsngas las/ ming gi snga rol blo med phyir/
mang ba'i phyir dang ma 'dres phyir/ de yi bdag nyid bdag mang
dang/ /bdag 'dres 'gal bas 'grub par 'gyur/ zhes

@059a @#/ /gsungs so/ /de la rigs pa gsum las dang po ni/ lto
ldir ba chos can/ bum pa'i tha snyad kyi gzhir 'jog pa brda la
gtan mi ltos par thal/ khyod de 'dra'i tha snyad kyi gzhi yin pa
de rang gi gnas lugs kyi dbang gis grub

pa'i phyir/ 'dod na/ khyod la bum pa'o snyam pa'i blo skye ba
brda la mi ltos par skye bar thal/ 'dod pa'i phyir/ 'dod na/ bum
pa'i ming ma btags pa'i snga rol tu'ang lto ldir ba mthong ba
tsam nas 'di bum pa'o snyam pa'i blo skye bar thal lo/ /rigs

pa gnyis pa ni/ skyes bu gcig la dbang po dang brgya byin dang
grong 'joms la sogs pa'i ming du ma 'jug pa de la/ ming de dag
skyes bu de la dngos po'i gnas tshod kyi dbang gis 'jug par thal/
skyes bu de ming de dag gi 'jug gzhir rang gi mtshan nyid

kyis grub pa'i phyir/ 'dod na/ skyes bu gcig pu de/ ming du ma
bzhin du don yang du mar gnas par thal lo/ /rigs pa gsum pa ni/
skyes bu gnyis la nyer spas zhes pa'i ming gcig thun mong du
'jug pa'i tshe/ de gnyis la ming de dngos dbang gis

'jug par thal/ skyes bu de gnyis ming gcig gi 'jug gzhir rang gi
gnas tshod kyi dbang gis grub pa'i phyir/ 'dod na/ de gnyis ming
gcig pa ltar de gang la 'jug pa'i don yang gcig tu thal lo/
/'dod na/ skyes bu de gnyis rgyud gcig tu 'dres

par thal lo/ /rigs pa 'di gsum gis kyang sgrub byed 'phen pas/
skyon de dag gi phyir na dngos po rnams rang zhes brjod pa'i tha
snyad kyi 'jug gzhir rang gi mtshan nyid kyis ma grub bo/ /byang
sa las/ lto ldir ba sngar yod la bum pa'i ming phyis 'dogs na/

@059b ming de ltar ma btags pa'i tshe don de'i rang gi ngo bo med
par 'gyur la/ gal te ma btags pa'i tshe yang ngo bo yod pa la
phyis 'dogs na/ ming ma btags pa'i snga rul tu yang 'di bum pa'o
snyam pa'i blo skye bar 'gyur ro/ /zhes bkag go/ gsum pa des
rnam rig

tsam kyi de kho na nyid la 'jug tshul la dngos dang/ gzung 'dzin
rdzas gzhan 'gog pa'i rigs pa bye brag tu bshad pa'o/ /dang po
ni/ de la bshad ma thag pa'i stong tshul 'di'i sgo nas gzung
'dzin rdzas gzhan gyis stongs pa'i rnam rig la 'jug par theg
bsdus dang

byang sa las bshad cing rje yab sras kyis kyang gsungs so/ /de
la brten nas rang re'i mkhas pa kha cig gis ni gzugs rang 'dzin
rtog pa'i zhen gzhir rang gi mtshan nyid kyis grub pas stongs
pa'i chos kyi bdag med dang/ gzugs rang 'dzin tshad ma dang rdzas
tha

dad kyis stongs pa'i chos kyi bdag med gnyis las snga ma rags
shing phyi ma phra bar bzhed do/ /kha cig ni de gnyis ka'ang
chos kyi bdag med phra mo yin pas phra rags kyi khyad par med
kyang rtags dka' sla'i khyad par yod par bzhed do/ /de la gnyis
ka'ang chos kyi

bdag med phra mo yin pa dang 'gyur med yongs grub yin pa ni
shing rta chen po rnams dang rje'i dgongs pa yin par snang ngo/
/nang gsas kyi rtogs dka' sla'i khyad par ni yod par mngon te/
theg bsdus las/ ngo bo dang khyad par du bcas pa don gyi mtshan
nyid du

mi dmigs pa na yongs su 'tshol ba bzhi dang/ yang dag pa ji lta
ba bzhin du yongs su shes pa bzhi po dag gis yi ge dang don
snang ba'i yid kyi rnam par rtog pa de dag la rnam par rig pa
tsam nyid du 'jug go/ zhes snga ma'i khyad par nges pa'i rjes su
rigs pas

@060a @#/ /dpyad nas phyi ma la 'jug par gsungs pa'i phyir ro/
/rnam par rig pa tsam du 'jug tshul ni 'di yin te/ de ltar sngar
bshad pa'i rigs pa gsum gyis gzugs nas rnam mkhyen gyi bar gyi
chos rnams ming gi tha snyad kyi gnas dang

rtog pa'i zhen gzhi yin pa de rang mtshan gyis grub pa khegs pa
na rjod byed kyi ming dang/ brjod bya'i don dang/ ming don 'brel
ba la brten nas brjod bya'i don gyi ngo bo dang khyad par du don
de dang de'i gnas tshul gyi ngos nas grub pa lta bu'i snang nas
zhen pa'i yid kyi

rtog pa ni de ltar 'dzin pa'i 'dzin stangs la 'khrul ba yin te/
ji ltar snang ba ltar gyi zhen pa'i don med pa'i phyir ro/ /de
ltar rtogs pas nang shes pa'i zhen stangs la gzugs sogs phyi rol
gyi rnam par rgyang chad du yod pa de 'khrul bar khong du chud
pas spon

po la sogs pa ni nang shes pa'i snang cha 'ba' zhig yin gyi/ de
las don gzhan du grub pa med do snyam du gzung 'dzin gnyis med
kyi rnam par rig pa tsam la 'jug pa'o/ /de la 'tshol ba bzhi dang
shes pa bzhi'i sgo nas 'jug par theg bsdus las gsungs

pa'i ming 'tshol ba ni/ ming ni btags pa tsam yin gyi yul de'i
gnas lugs kyi dbang gis btags pa ma yin te/ des na ming ni glo
bur ba zhes 'tshol ba'o/ /byang sa las/ de la ming yongs su 'tshol
ba ni/ byang chub sems dpa' gang

ming la ming tsam du blta ba'o/ /zhes dang/ theg bsdus las/ de
la yi ge'i ming de yang yid kyi rtag pa tsam du zad par yang dag
par rtog go/ zhes so/ /don yongs su 'tshol ba ni/ don de ming
de'i 'jug gzhir gdong ma nas sam gnas lugs kyi

@060b dbang gis grub ma grub 'tshol ba ste/ de yang de'i 'jug
gzhir gyur tshul glo bur ba yin pa ni sngar dang 'dra'o/ /byang
sa las/ de de bzhin du dngos po tsam du blta ba ni dngos po
yongs su 'tshol ba'o/ /zhes dang/ theg bsdus las/ yi ge la

brten pa'i don de yang yid kyi brjod pa tsam du zad pa nyid du
yang dag par rtog go/ zhes so/ /ngo bo nyid du 'dogs pa 'tshol ba
ni/ brjod bya'i don dang rjod byed kyi ming sogs phan tshun 'brel
pa la brten nas brjod bya rjod byed kyi char 'brel ba yang dngos
dbang gis

gnas mi gnas 'tshol ba ste/ de ltar btsal ba na ming de'i brjod
par bya ba'i ngo bo nyid du gnas tshed kyi dbang gis ma grub par
btags pa tsam du rtogs pa'o/ /byang sa las/ ngo bo nyid du btags
pa la ngo bo nyid du btags pa tsam du blta ba ni ngo bo nyid du
btags

pa yongs su 'tshol ba'o/ /zhes so/ /khyad par du 'dogs pa 'tshol
ba ni/ brjod bya rjod byed phan tshun 'brel pa la brten nas don
de rang gi khyad par 'dogs pa'i gzhir rang gi gnas tshod kyi
dbang gis grub ma grub 'tshol ba ste/ de ltar btsal bas de yang

gnas tshod kyis ma grub par btags pa tsam du blta ba'o/ /byang sa
las/ bye brag tu btags pa la bye brag tu btags pa tsam du blta
ba ni bye brag tu btags pa tsam du 'tshol ba ste/ zhes so/ /theg
bsdus las/ ming de yang ngo bo nyid dang khyad par du btags

par zad pa tsam du yang dag par rtog go/ zhes pa 'dis 'tshol ba
phyi ma gnyis mnyam du bstan to/ /de ltar 'tshol ba bzhis ni ming
dang/ don de'i brjod gzhi yin pa dang/ ming don gyi 'brel pa la
brten nas ngo bo nyid du btags pa dang/ bye brag tu btgs pa

@61a @#/ /rnams don gyi gnas tshod kyi dbang gis grub ma grub
'tshol ba yin zhing/ shes pa bzhis ni de ltar rigs pas legs par
btsal ba la brten nas de bzhi gnas tshod kyi dbang gis ma grub
pas na btags pa tsam du yongs su shes

pa ste; 'di'i shes tshul la tshogs sbyor gyi gnas skabs su don
spyi'i sgo nas shes pa dang 'phebs pa'i gnas skabs su mngon sum
du shes pa gnyis ka yod do/ /de yang byang sa las/ yang dag pa
ji lta ba bzhin du yongs su shes pa bzhi po dag

gang zhe na/ ming 'tshol bar gyur ba yang dag pa ji lta ba bzhin
du yongs su shes pa dang zhes sogs lhag ma gsum la yang de ltar
sbyar ba dang/ theg bsdus las/ de'i phyir yid kyi brjod pa tsam
du zad pa nyid du dmigs shing zhes pas ming 'tshol

ba yongs su shes pa dang/ ming dang bcas pa'i don ngo bo nyid
dang khyad par du btags pa dang bcas shing zhes pas don 'tshol ba
yongs su shes pa dang/ ngo bo nyid dang khyad par du bcas pa don
gyi mtshan nyid du mi dmigs pa na zhes pas ngo bo nyid du

btags pa yongs su shes pa dang khyad par du btags pa yongs su
shes pa gnyis bstan to/ /de ltar na 'tshol ba bzhi ni lam ma
zhugs na'ang yod la shes pa bzhi ni chos kyi bdag med la nges
shes cung zad rnyed pa nas 'jog dgos kyi/ shes pa

bzhi so skye'i sa na med par 'dod pa ni mi 'thad de/ stong nyid
rtogs pa'i lhag mthong thog mar bsgom pa la shes pa bzhi yod par
gsungs pa'i phyir dang/ shes pa bzhi'i sgo nas rnam par rig pa
tsam du 'jug par gsungs pa'i phyir ro/ /byang

@61b sa las/ shes pa bzhi la ming ni gzugs zhes bya ba'i 'du
shes dang lta ba dang nye bar 'dogs pa'i don du bzhag pa yin
gyi/ gzugs kyi gnas tshod kyis bzhag pa min par shes pa dang/ don
ni gzugs la sogs pa'i ming des btags pa'i

ngo bor gnas tshod kyis ma grub pas don gyi ngo bo ni sgra rtog
gi brjod pa thams cad dang ma 'dres shing sgra rtog gis brjod du
med pa'i dngos por shes pa dang/ ngo bo nyid ni gzugs la sogs
bar btags pa'i ngo bor ngo bo nyid kyis ma grub kyang de'i ngo
bo nyid

du snang bar shes te/ sprul pa dang gzugs brnyan lta bur mthong
ba dang/ bye brag ni gzugs kyi skye ba la sogs pa so sor btags
pa'i char rang mtshan gyis ma grub pas rang gi ngo bo ni tha dad
pa'i char brjod du med pa'i gnyis su med pa'i ngo bor shes

pa la gsungs shing/ de ltar shes pa la brten nas log par rtog pa
rnam pa brgyad ldog pa dang des spros pa ma lus pa ldog tshul
rgyas par gsungs te de dag legs par shes na lugs 'di'i grub
mtha'i gnad rtogs pa la shin tu phan che bar snang mod lung

gi tshig rnams mangs kyis dogs nas ma bris so/ /gal te kho na re/
bshad ma thag pa 'dis yid shes rtog pa la brten pa'i gzung 'dzin
khegs mod kyang bag chags brtan byung gi dbang shes la bltos
pa'i gzung 'dzin mi khegs pas rnam rig tsam la

'jug pa mi 'thad do snyam na/ skyon med de/ sngar bshad pa'i
rigs pa rnams kyis sngon po gzung ba don gzhan du 'dzin pa'i
rtog pa'i zhen gzhi yin pa rang mtshan gyis yod pa khegs par
'gyur la/ de khegs pa na sngon po zhen gzhi yin pa snang ba'i
sngo 'dzin

@62a @#/ /dbang shes de snang yul la 'khrul bar 'grub ste/ sngo
'dzin dbang shes la sngon po zhen gzhi yin pa snang ba'i phyir
ro/ /de ltar sngo 'dzin dbang shes de 'khrul bar grub pa na
sngon po de

shes pa dang 'brel med pa'i phyi rol tu grub ba khegs la/ de
khegs pa na sngon po de rang 'dzin pa'i shes pa'i snang cha tsam
du grub cing/ de ltar na sngon po sngo 'dzin shes pa las rdzas
tha dad yin pa khegs par 'gyur ba'i phyir ro/ /'di yang dbang
shes la sngon

po ming gi tha snyad kyi gzhir gnas tshod kyi dbang gis snang
ba'i snang tshul yod pa legs par nges pa la rag las shing/ de dag
kyang gong du lugs 'di'i sgro 'dogs kyi mthar 'dzin tshul bshad
pa'i skabs su brjod zin pa ltar shes dgos so/ /'o na rnam shes

nyams su myong ba'i rang rig la rnam shes rtog pa'i zhen gzhi
yin pa snang ngam mi snang zhe na/ de ni mi snang ste/ yul de
rtog pa'i zhen gzhi yin pa snang ba ni gnyis snang can gyi blo
la yin gyi rang rig lta bu'i gnyis snang nub pa'i blo la 'char
du mi rung ba'i phyir

ro; ;gnyis pa gzung 'dzin rdzas gzhan 'gog pa'i rigs pa bye brag
tu bshad pa la/ theg bsdus las gsungs pa ni/ mi sdug pa bsgom
pa'i rnal 'byor pas shes bya'i gzugs brnyan rnam par sngos pa la
sogs pa don du ma grub kyang de lta bu mthong

ba'i sems 'byung ba mi 'gal ba bzhin du/ 'dir yang phyi rol gyi
don ma grub kyang ma rig pa'i bag chags kyi dbang gis don du
snang ba'i rnam par rig pa 'byung ba mi 'gal bar gsungs te/ de
nyid las/ 'di ltar sems mnyam par bzhag pa na shes

@62b bya'i gzugs brnyan rnam par sngos pa la sogs pa gang dang
gang mthong ba de dang de nyid sems mthong ba ste/ rnam par
sngos pa la sogs pa don gzhan med do/ /rigs pa 'dis byang chub
sems dpa' rnam par rig pa thams cad la rnam par rig pa tsam nyid

rjes su dpag par bya bar 'os so/ /zhes gsungs so/ /gzhan yang
brlan gsher phor gang la yi dwags kyis rnam khrag dang/ de la
gnas pa'i dud 'gros gnas dang/ mis chu dang lhas bdud rtsir
mthong ba lta bu dngos po gcig la snang tshul tha dad pa

du ma 'byung ba yang phyi rol don gyi gnas tshul du grub na 'gal
ba kho nar 'gyur bas rnam par rig pa tsam du 'thad do/ /zhes
bzhed de/ de nyid las/ yi dwags dud 'gro mi rnams dang/ lha
rnams ji ltar rigs rigs su/ dngos gcig yid ni tha dad pas/

don ma grub par 'dod pa yin/ zhes so/ /gzhan yang phyi rol gyi
don grub na de nyid kyi gnas lugs su grub dgos pas gnas lugs
rtogs pa'i 'phags pa'i zag med ye shes kyang rtog bcas su thal
ba dang/ so so skye bo rnams kyis gnas lugs mngon sum

du mthong bar 'gyur bas de dag la gnas lugs sgrib byed kyi ma
rig pa med par thal ba dang/ de ltar na de dang bral ba'i thar
pa dang thams cad mkhyen pa yang med par thal lo zhes bzhed de/
de la dmigs pa brtan pa'i phyir/ don ni don du grub na ni/ ye
shes

rtog pa med mi 'gyur/ de med des na sangs rgyas nyid/ /'thob par
'thad pa ma yin no/ /zhes so/ /des na don med kyang yul du ji
ltar dmigs snyam pa bzlog pa'i phyir sgyu ma dang/ sems sems
byung ji ltar skye snyam pa bzlog pa'i phyir smig rgyu dang/ yid
du 'ong mi

@63a @#/ /'ong la ji ltar sbyong snyam pa bzlog pa'i phyir rmi
lam dang/ las dge sdig las 'bras bu ji ltar 'byung snyam pa
bzlog pa'i phyir gzugs brnyan dang/ rnam par shes pa sna tshogs
ji ltar skye snyam pa bzlog pa'i phyir mig yong dang/ ming tshig
gi brjod pa sna tshogs ji ltar

'byung snyam pa bzlog pa'i phyir brag cha dang/ ting nge 'dzin
gyi spyod yul gyi gzugs brnyan ji ltar 'byung snyam pa bzlog
pa'i phyir chu zla dang/ byang chub sems dpa' 'gro ba'i don du
bsams bzhin du ji ltar skye snyam pa bzlog pa'i phyir du sprul
pa lta bu ste bcom ldan 'das

kyis sgyu ma'i dpe brgyad kyi sgo nas gzhan dbang gi dngos po
yongs su bstan pa'i dgongs pa ni de ltar yin no zhes theg bsdus
su bshad do/ /dbyig gnyen gyis nyi shu par bshad pa'i rigs pa ni
de nyid las/ 'di ltar rdul phran mi 'grub phyir/ drug gis cig
car sbyar ba na/ /

phra rab rdul cha drug tu 'gyur/ drug po dag kyang go gcig na/
/gong pu'ang rdul phran tsam du 'gyur/ zhes sogs te/ 'di grags
che bas 'dir ma sngos so/ /chos kyi grags pas gzungs 'dzin gyi
mtshan nyid skyes la 'dra ba 'gog pa'i rigs pa gsungs

pa ni; spyir rnam 'gral nges las phyi don 'gog pa'i rigs pa mang
du gsungs mod kyang legs bshad snying po las skyes la 'dra ba
'gog pa'i rigs pa zhes gsungs pa ni 'di yin te/ mdo sde pa la
khyod kyis phyir rol gyi don rig par 'dod pa'i

don rig mngon sum de gang yin zhes dris pa la/ mdo sde pa na re/
sngo ser sogs so sor rig pa'i mngon sum gang yin pa 'di nyid do
zhes zer ro/ /de la 'di pa na re/ mngon sum de rgyu mtshan gang
gis phyi rol gyi don rig par 'jog pa yin zhes dris

@63b pa la; kho na re/ mngon sum da phyi rol gyi don sngo ser
sogs las skyes shing de dang 'dra bas na phyi rol don gyi sngo
ser sogs rtogs par 'jog pa yin no zhen/ de ni 'jog byed 'khrul
pa yin te/ de ltar na zla ba gnyis snang gi dbang shes kyis
kyang zla ba

gnyis rtogs bar thal/ zla gnyis dang 'dra bar skyas ba'i phyir
ro/ /zhes 'chad par rnam 'grel las/ don rig gang yin so sor rig/
mngon sum gang yin 'di nyid do/ /de ni gang gis don rig yin/ /de
'dra las yin 'khrul bar 'gyur/ zhes so/ /

rnam ngas las ni/ sngon po'i rnam pa shar bar mtshungs pa'i dbang
shes skad cig gnyis pa chos can/ rang gi de ma thag rkyen sngor
snang dbang shas skad cig dang po gzung yul du byed par thal/ de
las skyes shing de dang 'dra ba'i phyir/ 'dod na/ blo phyi ma

phyi rol gyi don la mi 'pho bar thal lo/ /zhes sogs kyi rigs pas
bkag go/ gzhan yang dbang shes phyi rol gyi don dang 'dra ba mi
'thad de/ rdul phra rab dang 'dra ba'ang mi 'thad/ rags pa dang
'dra ba'ang mi 'thad pa'i phyir/ dang po grub ste/ rdul phra

rab la rags par snang ba'i blo ma 'khrul ba de 'drar bskyed pa'i
nus pa med pa'i phyir/ phyi ma ltar na rags pa cha med dang 'dra
pa ni mi srid la/ rags pa cha bcas dang 'dra'o zhe na yang mi
'thad de/ rdul phran cha med mi srid pas da bsags pa'i rags pa

yang mi srid pa'i phyir/ dang da mngon de ni chos can/ phyi rol
don gyi dngos pos bzhag pa ma yin te/ don phra rags gang gis
kyang ma bzhag pa de'i phyir/ phyi rol don dang 'dra ba yin du
chug na yang des gzung ba myong ba'i ngo bor sgrub mi nus te/
sgrub

@64a @#/ /byed 'khrul pa can yin par bshad zin pa'i phyir/ gal te
'dra ba tsam yin na skyon de 'byung yang de dang 'dra ba dang de
las skyes pa gnyis ka dgos pas skyon med do zhe na/ de yang mi
'thad de/ mtshungs pa de ma thag rkyen sngo

'dzin snga ma gzung don du byed par thal bar 'gyur ba'i phyir/
gal te nges shes 'dren tshul mi mtshungs pas skyon med do zhe na/
de yang mi 'thad de/ nges shes 'dren tshul gang gis de de'i sgrub
byed yin par 'dod pa'i sgra snang ba dang gzugs mthong ba'i

dbang shes de dag gi yul du nye ba gzugs sgra sogs rjes kyi nges
shes la shes pa las phyi rol tu grub pa ltar snang ba de 'thad
mi 'thad dpyad par bya ba yin pa'i phyir dang/ mi 'thad par yang
rigs pas grub pa'i phyir ro/ /zhes pa ste/ rnam 'grel

las; 'on ta 'di myong de gang las/ 'di ni de nyid rnam dpyod
yin/ rdul phran de dag gang gis na/ /rags par snang ba de 'drar
byed/ de phyir de ni don dngos min/ /yin yang 'khrul pa can yin
pas/ /de myong ba yi ngo bo nyid/ /sgrub bar byed par

nus ma yin/ /de 'dra ba dang de las byung/ /gal te myong ba'i
mtshan nyid yin/ don mtshungs can gyi rnam par shes/ /mtshungs pa
de ma thag myong 'gyur/ /'di mthong 'di thos zhes bya bar/ /gang
la blo ni nges pa de/ /des myong yin na gang gis de/ /de yi
sgrub

byed yin 'dod pa/ /snang dang mthong ba de dag gi/ nye ba de
nyid dpyad bya yin/ /zhes dang/ slob dpon phyogs kyi glang pos/
rdul 'dus pa phra rab gzung don yin pa 'gog pa ni tshad ma mdo
las/ rtsod sgrub mkhan po 'gog pa'i skabs su gsungs pa'i rigs pa

@64b rnams yin zhing/ de yang de nyid las/ gang zhig snang ba de
las min/ /lnga po bsags las dmigs pa'i phyir/ /gang las de ni
don dam pa/ /de la tha snyad du ma byas/ zhes sogs te/ 'dir
mangs kyis dogs nas ma spros so/ /da ni rnam rig pa rnams kyis

gzung 'dzin rdzas gzhan 'gog pa'i rigs pa rnams kyi gtso bo lhan
cig dmigs des kyi rtags kyi rnam gzhag cung zad bshad par bya
ste/ de la gnyis/ rtags kyi rnam gzhag dngos dang/ de las 'phros
pa'i don cung zad bshad pa'o/ /dang po la rtags dgod pa ni

gang zhig gang dang lhan cig dmigs nges yin pa de ni de dang
rdzas gzhan ma yin te sgra dang mnyan bya bzhin/ sngo 'dzin mig
shes kyang lhan cig dmigs nges yin no/ /zhes bya'o/ /de la chos
can ni/ mig ches la snang ba'i sngon po yin te/ gzugs sgra la

sogs pa'i yul lnga po nyid don smra ba dang rnam rig pa gnyis
kas rang 'dzin chur mthong dbang shes las phyi rol tu grub ma
grub rtsod pa'i gzhi yin pa'i phyir ro/ /bsgrub bya'i chos ni
rang 'dzin shes pa dang rdzas gzhan ma yin pa tsam mo/ /de la
kha cig ni rdzas

gzhan bkag pa tsam yin gyi rdzas gcig tu sgrub pa ma yin te/
gzhan du na bum 'dzin rtog pa dang bum 'dzin rtog pa la bum par
snang ba chos can/ rdzas gcig yin par thal/ lhan cig dmigs nges
yin pa'i phyir/ zhes gsungs so/ /de la bum pa'i

dan spyi ni rdzas su ma grub pas rang 'dzin rtog pa dang rdzas
gcig tu mi 'grub pa ni bden mod kyang sngon pa dang sngo 'dzin
shes pa gnyis ka rdzes su grub pas de gnyis rdzas gcig tu sgrub
pa la skyon med de/ de'i rgyu mtshan ni/ sngon po dang sngo 'dzin
shes pa gnyis

@65a @#/ /chos can/ rdzas gzhan yin pa khegs na rdzas gcig tu
grub dgos par thal/ sngon po dang 'dzin shes pa gnyis rdzas su
grub pa gang zhig/ rdzas gcig dang tha dad phan tshun spangs pa'i
dngos 'gal yin pa'i phyir/ ma khyab na/

gcig dang tha dad phan tshun spangs pa'i dngos 'gal yin pa'i rgyu
mtshan gyis gzhi grub na khyod gcig yin pa rnam par bcad na gcig
yin pa yongs su gcod mi dgos par

thal lo/ /'dod na/ bden pa'i gcig dang du ma dang bral ba'i
rtags kyis gang zag bdag med du sgrub ba sogs gcig du bral gyi
gtan tshigs thams cad ma nges pa'i rtags yin par thal lo/ /yang
kho na re/ de bden mod kyang rdzas tha dad bkag

tsam bsgrub bya'i chos su byed kyi rdzas gcig pa bsgrub bya'i
chos su mi byed de/ dgag bya rnam par bcad tsam gyi med dgag
bsgrub bya'i chos su byed dgos pa'i phyir te/ don dam pa'i tshul
gtan la 'bebs pa'i rtags kyi sgrub tshul yin pa'i phyir

ro; ;zhes zer na/ 'di ni dpyad gzhi shin tu che zhing tu che
zhing rgyal tshab thams cad mkhyen pas rnam nges TIk chen du
yang lhan cig dmigs nges kyi rtags kyi sgrub chos med dgag yin
pa'i tshul bka' stsal la/ mkhas grub smra ba'i nyi mas ni rdzas
gcig tu

sgrub par byas kyang mi 'thad pa med par gsungs so/ /de la 'di
dpyad par bya ste/ /spyir dbu ma thal rang gnyis kyis bdag med
gtan la 'bebs pa'i gtan tshigs kyi bsgrub bya'i chos su med dgag
kho na 'dzin gyi ma yin dgag dang sgrub pa mi 'dzin pa ni

@65b klu sgrub yab sras rnams kyis lan du mar bshad cing/ rje
yab sras kyis kyang tshul de ni dbu ma pa rnams kyi rkang tshugs
pa'i grub mtha' yin par rtsa she dang 'jug pa'i rnam bshad dang
legs bshad snying po rnam bshad snying po'i rgyan stong thun
skal bzang

mig 'byed sogs su lan du mar gsungs so/ /der ma zad legs ldan
'byed kyis kyang sangs rgyas bskyangs la rang gi grub pa'i mtha'
dang 'gal bar 'gyur ro zhes med dgag bsgrub byar byed pa'i grub
mtha' dang 'gal lo zhes skyon bzung bas kyang shes

so; ;'on kyang sems tsam pa'i lugs la bdag med sgrub pa'i rtags
kyi bsgrub byar med dgag kho na 'dzin dgos zhes sems tsam pa
rang gi gzhung lugs gang las kyang bshad pa ma mthong zhing/ rje
yab sras kyis kyang sems tsam pa'i lugs la de ltar

dgos par gsungs pa mi snang ngo/ /der ma zad theg bsdus dang
byang sa dang rnam par gtan la dbab pa bsdu ba dang nyi shu pa
dang sum cu pa sogs las rnam par rig pa tsam du sgrub pa'i rigs
pa'i tshul gsungs pa phal mo che zhig ni rnam par rig pa

tsam nyid bsgrub bya'i chos su mdzad do/ /tshad ma mdo dang rnam
'grel nges gnyis dang de dag gi 'grel ba 'grel bshad dang bcas
pa rnams las gzugs sogs rang shes pa'i rdzas su sgrub pa'i rigs
pa dang/ blo tshul gnyis kyi rnam gzhag

'thad par sgrub pa'i rigs pa dang/ rnam rig pa rang lugs kyi
dbang shes kyi dmigs rkyen 'thad par sgrub pa'i rigs pa mang du
gsungs pa phal mo ches ma yin dgag dang sgrub pa bsgrub bya'i
chos su mdzad cing/ de yang chos kyi bdag med sgrub pa'i rigs

@066a @#/ /par gsungs bas na lugs 'dir bdag med sgrub pa'i rtags
kyi bsgrub bya la med dgag kho na 'dzin dgos pas ma khyab po
zhes kho bo cag mgrin pa bsal nas 'chad do/ /gal te kho na re/
khyod kyis rdzas gcig dang tha

dad dngos 'gal yin pa'i rgyu mtshan gyis tha dad bkag na gcig tu
'grub dgos pas rdzas gcig tu bsgrubs kyang rung zhes smra ba mi
'thad de/ de ltar na dbu ma pa'i lugs la myu gu bden med rtags
kyi bsgrub byar byed pa'i tshe myu gu tha snyad du yod pa

yang rtags kyi bsgrub byar 'gyur te/ yod pa gang zhig la bden
par ma grub na tha snyad du grub dgos pa'i phyir ro/ /zhes zer
na/ 'di ni mi mtshungs te/ dbu ma pa'i lugs la don dam dpyod pa'i
rigs shes kyis myu gu bden par yod med btsal ba

yin gyi tha snyad du yod med btsal ba min la/ de'i rgyu mtshan
gyis bden pa rnam par bcad tsam bsgrub byar byed kyi tha snyad
du yod pa dang bden med yod pa gang yang bsgrub byar mi byed la/
bden par yod med gnyis ni dngos 'gal yin pas gcig log

na cig shos su 'gyur dgos pa rtsod bzlog rtsa 'grel sogs dbu
ma'i gzhung lugs du ma las bshad pa'i phyir ro/ /gal te lugs 'di
la yang rdzas tha dad yin min btsal ba yin gyi rdzas gcig yin
min 'tshol ba min pas de dang mtshungs so zhe na/

'di ni gnas ma yin pa'i log rtog ste/ sems tsam pa'i grub pa'i
mtha' dang 'gal/ rigs pa'i rnam gzhag dang 'gal/ rang gi khas
blangs dang 'gal ba'i phyir ro/ /dang po grub ste/ sems tsam
pa'i grub pa'i mtha' ni gzugs sgra la sogs pa'i

@066b phyi rol don du snang ba'i snang ba 'di rnams nang shes
pa'i bdag nyid dam shes pa'i rdzas su grub par smra bas rab tu
phye ba yin pa'i phyir dang/ kun brtags rang gi mtshan nyid kyis
grub pas stongs pa dang/ gzugs phyi rol don gyis stongs par
sgrub pa'i

rigs pa rnams kyang rnam rig tsam gyi de kho na nyid la 'jug
pa'i thabs su gsungs pa'i phyir dang/ rnam rig tsam gyi de kho
na nyid de ni byang chub sems dpa' rnams kyis bsgom par bya ba'i
de kho na nyid mthar thug tu bzhed pa'i phyir dang/ de yang

gzugs sogs shes pa dang bdag nyid gcig pa kho na la bzhed pa'i
phyir ro/ /rtsa ba'i rtags gnyis pa grub ste/ rnam rig pas gzugs
sogs shes pa las rdzas tha dad du yod med btsal ba'i rigs pa des
gzugs sogs shes pa'i bdag

nyid du rtogs par 'gyur ram mi 'gyur/ mi 'gyur na tshul des rnam
rig tsam la 'jug pa mi 'thad par 'gyur ro/ /rtogs par 'gyur na
ni de ltar btsal ba'i rigs pa des rtogs pa yin nam/ rigs pa
gzhan zhig gis rtogs/ dang po ltar na

don dam dpyod pa'i rigs pas gzugs sogs shes pa'i bdag nyid du ma
rnyed ba 'gal lo/ /gnyis pa ltar na gzugs sogs shes pa dang
rdzas gcig yin par rtogs pa'i shes pa de don dam dpyod byed ma
yin par 'gyur bas gdon mi za bar tha snyad dpyod byed

yin par 'gyur la/ de lta na don dam dpyod byed kyi chad mas de
kho na nyid ma rnyed la tha snyad dpyod byed kyi tshad mas rnam
rig tsam gyi de kho na nyid rnyed par smra ba'i sems tsam pa'i
paNDi ta de shin tu ya mtshan pa zhig go/ gzhan yang gzugs shes
pa dang rdzas tha dad

@067a @#/ /du yod dam med ces brtag cing rdzas gcig yin min mi
rtag par 'dod pa'i rigs pa de gzugs kyi gnas lugs la mtha' chod
par dpyod pa'i rigs pa yin nam min/ yin na ni kho bos kyang gang
zag gi gnas lugs la dpyod

pa'i rigs pas gang zag rang rkya ba de phung po dang bden pa'i
tha dad du yod med dpyod kyi/ phung po dang bden pa'i gcig tu
yod med ma dpyad kyang gang zag gi gnas lugs mtha' chod par
dpyod pa'i rigs pa yin no zhes smra yi gnod byed ston cig /gal
te

mtha' chod pa'i rigs pa min yang gnas lugs dpyod pa'i rigs pa
mchog yin no zer na/ smras pa tsam gyis mtshang rdzogs pa'i gtam
de lta bu smra ba dang kho bo cag rtsod par mi bzod do/ /rtsa
ba'i rtags gsum pa grub ste/ sngon po chos can/ khyod sngo

'dzin shes pa dang rdzas gcig yin par thal/ khyod sngo 'dzin
shes pa dang rdzas tha dad rigs pas khegs pa gang zhig rdzas su
grub pa'i phyir/ zhes pa'i rigs pa 'dis don smra sde gnyis la
sems tsam pa rang lugs kyi tshad 'bras kyi rnam gzhag khas

len du 'jug nus sam mi nus/ nus na ni rdzas tha dad 'gog pa'i
rigs pas rdzas gcig tu 'grub par khas len dgos pas rdzas tha dad
bkag pa yin gyi rdzas gcig tu bsgrubs pa min no zhes zer ba'i
khas len la snying po med par gsal bar byas so/ /

gal te mi nus na ni rnam 'grel nges las lhan cig dmigs nges kyi
rtags 'di ci'i phyir gsungs pa'i dgos pa'i gtso bo don med par
'gyur bas de las tha chad pa'i smra ba ci zhig btsal bar bya/
rang gis kyang lhan cig dmigs nges kyi rtags kyis sngo sogs

@067b rang 'dzin shes pa'i bdag nyid du 'grub par smras pa dang
dngos su 'gal lo/ /gal te kho na re/ rgyal tshab thams cad mkhyen
pas sems tsam pa'i lugs la bdag med sgrub pa'i rtags kyi bsgrub
bya la med dgag kho na 'dzin pas khyab par bzhed de/ lhan

cig dmigs nges kyi rtags kyi bsgrub bya la med dgag 'dzin pa'i
phyir/ zhes zer na lhan cig dmigs nges kyi rtags kyi bsgrub bya
la de ltar gsungs kyang spyir sems tsam pa'i lugs la de ltar
dgos so zhes rgyal tshab thams cad mkhyen pas gang du yang ma

gsungs so/ /da ni rtags kyi don bshad par bya ste/ de la paN
chen chos mchog gis bshad pa ltar lhan cig pa ni dus gcig pa/
dmigs pa ni tshad mas dmigs pa/ khyab pa ni nges pa ste/ mdor na
dus gcig tu rtogs pas khyab pa'o/ /de'i

don yang 'di ltar yin te/ rgyal tshab thams cad mkhyen pas sngon
po rtogs na sngo 'dzin rtogs pa dang grub bde rdzas gcig la sngo
'dzin rtogs na sngon po rtogs pa dang grub bde rdzas gcig tu
skyes pa nges par de'i rigs la gnas pas khyab pa'i don yin no
zhes

gsungs shing/ mdor na phan tshun gcig dmigs byed kyi ngo bor
skyes na cig shos kyang dmigs byed kyi ngo bor skyes pas khyab
pa la bzhed do/ /mkhas grub smra ba'i nyi mas ni phan tshun gcig
tshad mas dmigs pa'i dus de'i tshe cig shos kyang tshad mas

dmigs pas khyab pa ste/ dper na sngon po sngo 'dzin mngon sum
tshad mas nam dmigs pa dang dus mnyam du sngo 'dzin mngon sum
yang rang myong ba'i rang rig mngon sum gyis dmigs pas khyab la/
sngo 'dzin mngon sum tshad ma rang rig gis dmigs pa'i

@068a @#/ /tshe sngon po yang snga 'dzin tshad mas dmigs pas khyab
pa lta bu'o zhes bzhed de/ 'bru snon lugs cung zad mi 'dra yang
gnyis ka'i dgongs pa ni gcig tu snang ngo/ /shes pa gcig gis
sngon po dang sngo 'dzin gnyis ka myong ba

ni de dag sus kyang mi bzhed par ma zad 'gog par mdzad do/
/gnyis pa de las 'phros pa'i don cung zad bshad pa ni/ da ni 'di
dpyad par bya ste/ ci sems tsam pas gzugs rang 'dzin shes pa
dang bdag nyid gcig tu 'dod pa'i don ci yin/ lhas

sbyin dang mchod sbyin gnyis kyis bum pa lta bu zhig la thun
mong du bltas pa'i tshe blta bya thun mong ba'i bum pa de blta ba
po gnyis ka'i mig shes dang rdzas gcig yin nam/ re re ba'i mig
shes dang rdzas gcig yin/ dang po ltar na mig shes

gnyis kyang phan tshun rdzas gcig tu 'gyur la/ phyi ma ltar na
lhas spyin gyi mig shes dang rdzas gcig tu gyur ba'i bum pa de
mched sbyin gyi mig shes dang rdzas tha dad du 'gyur la/ de ltar
na de mchod sbyin gyis ma mthong par 'gyur zhing de bzhin du cig

shos la yang mtshungs pas gcig gis mthong ba cig shos kyis mi
mthong na bum pa de blta bya thun mong ba yin par 'gal lo/
/gzhan yang lhas sbyin gyi rgyud kyi mchod sbyin gyi shes pa
rtogs pa'i tshad ma'i gzung byar gyur pa'i mchod sbyin gyi shes
pa de

tshad ma de dang rdzas gcig yin nam tha dad yin/ dang po ltar na
de gnyis rgyud gcig tu thal lo/ /gnyis pa ltar na tshad ma nges
de 'jal ba'i tshul de la sems tsam pa rang lugs kyi thun mong ma
yin pa'i gzhan rig gi tshad 'bras kyi rnam gzhag mi 'thad par

@068b 'gyur te/ de la ni rang gi bdag nyid du gyur pa'i yul rig
pa 'bras bur 'jog dgos pa'i phyir ro/ /gzhan yang sdug bsngal
gyi bden pas bsdus pa'i snod bcud 'di dag rnam pa thams cad
mkhyen pa'i ye shes kyis gzigs pa'i tshe rig bya rig byed rdzas
gcig

na sangs rgyas kyi mkhyen pa dang rdzas gcig tu gyur pa'i sdug
bden yod par thal bar 'gyur ro zhe na/ dogs pa dang po'i lan la
kha cig na re/ gcig la snang ba ? cig shos la mi snang yang blta
bya thun mong ba min pa'i skyon med de/ dper na lhas sbyin

dang mchod sbyin gnyis la zla gnyis snang ba'i tshe gcig la snang
ba'i zla gnyis cig shos la mi snang yang gnyis ka la zla gnyis
snang bar mtshungs pa'i phyir dang/ skyes bu gcig la dgra gnyen
gnyis kyis bltas pa'i tshe yid du 'ong mi 'ong gi snang tshul

mi mthun yang skyes bu gcig la bltas par mtshungs pa'i phyir ro/
/zhes gsungs so/ /de la zla gnyis ni dbang shes 'khrul pa'i
snang ba phyin ci log yin pas mi mtshungs la/ phyi ma ni bsgrub
bya dang mtshungs te/ gcig la yid du 'ong ba'i rnam par

shar ba de gcig shos la yid du mi 'ong ba'i rnam par shar ba min
na skyes bu gcig la bltas pa 'gal ba'i phyir ro snyam pa'i dogs
pa da dung mi chod pa'i phyir ro/ /dogs pa gnyis pa'i lan la
yang kha cig na re/ blta byar gyur pa'i gang zag

gzhan rgyud kyi shes pa de rang rtogs pa po'i gang zag gi shes
pa dang rgyud tha dad yin pas skyon med do zer ba ni lan ma yin
pa nyid de/ de ltar na sgra rtag gam mi rtag the tshom za ba'i
rgol ba'i ngor sgra mi rtag ces brjod pa'i phyogs tshig kyang
sgra mi rtag par sgrub pa'i

@069a @#/ /sgrub byed yang dag tu 'gyur ba'i phyir ro/ /yang kha
cig /de gnyis rdzas gcig kyang rgyud gcig tu 'gyur ba'i skyon
med de/ rdzas gcig pa ni gzhan rgyud kyi shes pa snang ba dang
de 'dzin pa'i shes pa gnyis yin la/ rgyud

tha dad pa ni gtan nas 'brel pa med pa'i bdag nyid tha dad pa'i
shas rgyud kyi dbang du byas pa yin pa'i phyir ro/ /zhes zer bas
kyang dogs pa mi chod de/ gtan nas 'brel pa med pa'i shes rgyud
tha dad pa nyid kyis ma nges pa'i phyir ro/ /dogs pa gsum

pa'i lan la kha cig na re/ sngon po dang kun mkhyen ye shes
gnyis chos can/ rdzas gcig ma yin te/ lhan cig dmigs nges ma yin
pa'i phyir zhes pa nyid lan yin te/ 'di ni paN chen chos mchog
gi bzhed pa yin no/ /zhes zer zhing/ lhan

cig dmigs nges ma yin pa'i don yang kun mkhyen ma dmigs kyang/
sngon po dmigs pa du ma yod pa'i phyir ro zhes zer ro/ /de la
yang 'di 'dri bar bya ste/ lhas sbyin lta bu zhig gis blo kha
nang du phyogs nas chos kyi bdag med gtan la 'bebs

pa'i tshe lhan cig dmigs nges kyi rtags la brten nas sngon po
dang sngo 'dzin shes pa rdzas gzhan du med par rtogs dgos par
rang re kun mthun mod/ de ltar na sngon po de lhas sbyin rang
rgyud kyi sde 'dzin shes pa dang rdzas tha dad 'gog pa yin nam/

gzhan rgyud kyi sngo 'dzin shes pa dang rdzas tha dad 'gog pa
yin nam/ gang gi'ang rgyud dang ma 'brel ba'i shes pa zhig dang
rdzas tha dad 'gog pa gang yin/ dang po ltar na sngon po chos
can/ lhas sbyin gyi rgyud kyi sngo 'dzin shes pa dang lhan cig
dmigs nges

@069b ma yin te/ sngon po dmigs kyang lhas sbyin gyi rgyud kyi
sngo 'dzin shes pa ma dmigs pa du ma yod pa'i phyir ro/ /gnyis
pa ltar na yang lhan cig dmigs nges ma yin pa'i tshul de dang
'dra'o/ /gsum pa ltar na yang mi 'thad de/ su gang gi'ang rgyud

dang ma 'brel ba'i shes pa dang sngon po gnyis lhan cig dmigs
nges yin pa mi srid pa'i phyir/ 'on te rang nyid kyi sngo 'dzin
shes pa la phyi rol don du snang ba'i sngon po nyid gzhir byas
nas de shes pa de nyid dang rdzas gcig tu bsgrubs pa yin no zhe

na; 'di ni bden mod kyang de ltar na kun mkhyen ye shes la phyi
rol don du snang ba med kyang sngon po 'dzin pa'i kun mkhyen ye
shes la snang ba'i sngon po ni yod dgos la/ de nyid gzhir byas
pa'i tshe de rang 'dzin pa'i kun mkhyen ye shes dang lhan cig

dmigs nges ci'i phyir ma yin te/ sngon po 'dzin pa'i kun mkhyen
ye shes kyis rang gi dngos yul du gyur pa'i sngon po dmigs pa
dang dus mnyam du rang myong ba'i rang rig mngon sum gyis rang
nyid myong bas khyab pa'i phyir ro/ /des na phyogs snga smra
ba'i

'chad tshul de tsam ni paN chen chos mchog gi dgongs pa dpyis
phyin par lon pa'i bshad pa ma yin nam snyam mo/ /la la dag
sngon po sngo 'dzin shes pa spyi tsam ? pa dang rdzas gcig tu
bsgrub pa yin pas skyon de dag med do/ /zhes zer ba yang nyi ma
'phul

thabs su mngon no/ /da ni dogs pa de dag gi lan ji ltar byed
brjod par bya dgos so zer na/ don de dag ni skye bo mkhas pa blo
gros kyi nor dang ldan pa dag la tshes dka' ba'i gnas ma yin par
yang srid med/ kho bo ni skyes pa dang sbyangs pas thob pa'i blo
gros

@070a @#/ /kyi rtsal ni dman/ che ge mo zhig gis 'di ltar bshad
do zhes pa'i tshig tsam gyi g.yam la rgyug par ni mi spobs/
gzhan dang gzhan dag gis bshad pa phal mo che zhig la nges shes
ni ma 'drongs/ don ji lta ba bzhin ma phigs

kyang gtam shin tu 'dred pa dag gis gzhung don 'chad pa'i g.yo
thabs lhur len pa'i snying khams chung bas blo gsal rnams kyi
the tshom sel zhing mkhas pa rnams la dga' ba bskyed pa'i legs
bshad kyi gtam bgyid par nus pa'i bgo skal shin tu zhan

zhing las su bgyi ba'i 'os su ma gyur mod/ 'on kyang rang dang
skal ba mnyam pa'i skye bo dag la dogs slong gi tshul du brjod pa
yin cing/ 'di dag gi lan yang dpal chos kyi grags pas rgyud
gzhan sgrub pa zhes bya ba'i rab tu byed par mdo sde pas gzung

'dzin rdzas gzhan ma yin na rgyud tha dad pa'i gang zag med do
zhes rgol ba'i lan tu 'di ltar gsungs te/ rang lus blo sngon
'gro ba yi/ /bya ba mthong nas gzhan la de/ /'dzin phyir gal te
blo shes 'gyur/ /sems tsam la yang tshul 'di mtshungs/ /zhes lus

dang ngag gi rnam par rig byed du snang ba'i blo yod pa'i rtags
las pha rol po'i rgyud la sems yod pa rtogs pa'i rjes dpag gis
'grub tshul dang/ yang mdo sde pas/ gzhan sems shes pa'i mngon
shes la brten nas rgol ba'i lan du/ de nyid las/ gnas

ma gyur pa'i phyir rnal 'byor pa gzung ba 'dzin pa'i rnam par
rtog pa ma spangs pa rnams kyis gzhan gyi sems shes pa yang tha
snyad la mi bslu ba nyid kyis gzugs la sogs pa mthong ba bzhin
du tshad ma nyid yin no/ /rnal 'byor gyi stobs kyis ni de dag la
shes pa

@070b gzhan gyi sems kyi rnam pa'i bye brag gi rjes su byed pa
gsal bar snang ba 'byung bar 'gyur te/ las dang lha la sogs pa'i
byin gyis brlabs kyi stobs kyis rmi lam bden pa mthong ba bzhin
no/ /de dag la yang gzhan gyi sems kyi yul can shes pa 'byung ba

ni ma yin te/ de dag kyang rang gi sems snang ba de dang rnam pa
mtshungs pa kho na shes pa las gzhan gyi sems shes pa zhes bya
bar nges par bzung nas tha snyad 'dogs so/ /mngon sum 'di rnam
pa'i rjes su byed pa gsal bar snang ba'i phyir dang mi bslu ba'i

phyir tshad ma zhes bya bar 'dod do/ /zhes gsungs shing/ yang mdo
sde pas/ kun mkhyen ye shes kyis gzhan sems mkhyen pa la brten
nas dogs pa bslang ba'i lan du /de nyid las/ bcom ldan 'das kyis
don thams cad thugs su chud pa ni/

bsam gyis mi khyab ste/ rnam pa thams cad du shes pa dang brjod
pa'i yul las 'das pa'i phyir ro/ /zhes gsungs so/ /lung de dag
gi don legs par shes na sngar gyi dogs pa rnams bde blag tu sel
bar nus so/ /de yang rgyud gzhan sgrub pa'i 'grel

bshad slob dpon dul ba lhas mdzad pa na shin tu gsal bar yod
cing/ gzhan yang sde bdun phyogs kyi gzhung kha shes las 'byung
ba dang bstun na shes par sla mod 'dir ni tshig mangs su dogs nas
rgyas par mi spro la/ mdor bsdus pa tsam bshad

na; de la rjes dpag gis gzhan gyi sems 'dzin pa ni rtags la
brten nas yin cing de yang don spyi 'dzin pa yin gyi yul rang
mtshan pa dngos su snang ba'i sgo nas 'dzin pa ma yin mod/ 'on
kyang de la tshad mar 'gyur ba ni mi 'gal te/ byas pa'i rtags la

@71a @#/ /brten nas sgra mi rtag par rtogs pa'i rjes dpag bzhin
no/ /des na 'di ni lkog tu gyur pa'i yul brgyud nas 'dzin pas na
rang gi ngo bo dngos su mi 'dzin yang tshad mar gyur pa shes sla
zhing/ des rig bya pha rol gyi shes

pa dang rang gi sems gnyis rdzas gcig pa mi dgos ? pa yang shes
par 'gyur ro ?/ /'on kyang tshul de sgrub pa'i rigs pa bstan bcos
der mang du gsungs pa rnams ni phra la don che bar snang bas
de'i 'grel pa sogs las shes par bya'o/ /gzhan

sems shes pa'i mngon shes la ni mdo sde pa'i dogs pa skye lugs
ni/ de mngon sum tshad ma yin pas yul gyi rang gi ngo bo mngon
sum du 'dzin dgos la/ de ltar na gzung bya pha rol gyi sems rang
gi shes pa dang rdzas gcig pa ni mi rung bas nges par

gzung ba don gzhan du 'gyur ro/ /gal te yul gyi rang gi ngo bo
mngon sum du mi 'dzin na de mngon sum tshad ma ma yin par 'gyur
ro zhes pa ste/ rig pa'i dbang phyug gis/ gal te gzhan gyi sems
kyi rang gi ngo bo mngon sum du shes par 'gyur na ni de'i gzung

ba don gzhan yin par 'gyur ro/ /mi shes na ni de dag ji ltar
mngon sum du shes pa yin/ ji ltar mngon sum gyis don gyi rang gi
ngo bo mi 'dzin par yang 'gyur/ 'on te mi 'dzin na ni ji ltar
tshad ma yin zhen zhes phyogs snga ma'i 'dod pa bsu bar mdzad do/
/

de'i lan ni sems can gyi rgyud kyi gzhan sems shes pa'i mngon
shes kyis ni gzhan gyi sems kyi rang gi ngo bo mi 'dzin yang
gzhan gyi sems kyi tha snyad la mi bslu ba'i phyir tshad ma yin
no/ /dper na bdag nyid dang 'brel ba'i gzugs la sogs pa mthong
ba

@71b bzhin zhes 'chad pa la gnas ma gyur pa zhes pa nas tshad ma
nyid yin no zhes pa'i bar gsungs so/ /gal te de ltar na de mngon
sum du mi 'gyur te/ gzhan gyi sems kyi rang gi ngo bo dngos su
snang ba med pa'i phyir ro snyam na/ de'i lan du gzhan sems shes

pa'i mngon shes des gzhan gyi sems rjen cher du bzung ba min
yang zhi lhag zung 'brel gyi rnal 'byor gyi stobs kyis de'i
khyad par ji lta ba'i rnam pa ni gsal bar snang ba yin te/ de'i
phyir mngon sum ma yin par mi 'gyur ro/ /dper na rang gi las

kyi stobs dang lha la sogs pa'i byin rlabs kyis 'das pa dang ma
'ongs pa'i don 'ga' zhig rmi lam na ji lta ba bzhin gsal bar
mthong ba rnams yul de rjen cher du bzung ba ma yin kyang yul de
la mi 'khrul ba dang de'i rnam pa gsal bar 'byung ba mi 'gal

ba bzhin no/ /zhes 'chad pa la rnal 'byor gyi stobs kyis zhes pa
nas rmi lam bden pa mthong ba bzhin no zhes pa'i bar gsungs so/
/gal te rnal 'byor pa des gzhan gyi sems dngos su mi 'dzin na ji
ltar na de'i rnam pa gsal ba can du 'gyur zhe na/ skyon

med de/ rnal 'byor pa des bsgoms pa'i stobs kyis rang gi sems
kyi snang ba pha rol gyi sems de'i rnam pa dang ji lta ba bzhin
mtshungs pa'i ngo bo nyid du skye bar 'gyur la/ rnam pa de ni de
la gsal bar snang ba'i phyir mngon sum dang de lta bu'i blo de
ni pha rol

gyi sems kyi khyad par la cung zad kyang mi 'khrul ba'i phyir
tshad ma zhes bya ste/ rgyu mtshan de'i phyir de la mngon sum tshad
ma'i tha snyad ngan dang mthun par 'gyur ro/ /zhes 'chad pa la
de dag la yang gzhan gyi sems zhes pa nas tshad ma zhes bya bar
'dod do zhes

@72a @#/ /pa'i bar gsungs so/ /kun mkhyen ye shes kyi gzigs tshul
la brgal ba'i lan du bsam gyis mi khyab par gsungs pa yang de'i
gnas tshul ji lta ba bzhin so so skye bo rnams kyis mngon sum du
mi shes par dgongs

pa ste; sgra rtog gi yul ma yin pa'i phyir zhes gsungs pas shes
so/ /'grel pas de'i don bshad pa ltar na sangs rgyas 'phags pa'i
thugs rgyud kyi ji snyed pa mkhyen pa'i ye shes la dngos po phra
ba dang bsgrib pa dang bskal ba rnams gnyis su snang

pa'i tshul gyis gzigs kyang ye shes de nyid kyis yul yul can
rgyang chad du med par rtags pas phyin ci ma log par 'jog par
gsungs so/ /de ltar na sangs rgyas kyis yul de dang de dag gzigs
pa yang de dang de'i rnam pa can du snang ba gsal bar

yod pa dang de yang de la mi bslu ba nyid la bya dgos shing/
sangs rgyas la gzugs sogs snang ba yang phyi rol don snang gi
bag chags sad pa'i dbang gis snang ba ma yin gyi/ dngos po'i
gnas lugs la 'khrul pa'i dri ma zad par spangs pa'i ye shes

kyi tshogs mthar phyin pa dang/ 'gro ba thams cad kyi don mjad
pa'i smon lam dang/ byang chub kyi thugs sogs thabs kyi cha
mthar phyin pa'i dbang gis snang ba yin no zhes shes par bya'o/
/'di'i 'grel pa las me long lta bu'i ye shes ni ji lta ba gzigs

pa'i ye shes dang/ so sor rtog pa'i ye shes ni gzung 'dzin gnyis
su snang ba'i tshul gyis mkhyen pa'i ye shes dang/ mnyam pa nyid
kyi ye shes ni rang rig dang/ bya ba sgrub pa'i ye shes ni rang
dang spyi'i mtshan nyid kyi yul can du bshad de/ /de ltar na

@72b lhas sbyin dang/ mchod sbyin gnyis kyis blta bya thun mong
ba'i bum pa gcig la bltas pa'i tshe gcig la snang ba'i cha cig
shos la mi snang yang bum pa tsam blta bya thun mong bar 'jog pa
mi 'gal te/ dper na lhas sbyin dang mchod sbyin gnyis kyis

sgra mi rtag ces brjod pa'i tshe lhas sbyin gyis brjod pa'i cha
de mchod sbyin gyis brjod pa min yang sgra mi rtag ces pa'i tshig
tsam de gnyis ka'i thun mong gi brjod par 'jog pa mi 'gal zhing/
de gnyis so so nas brjod pa'i tshig de dag las don gzhan du

gyur pa'i de gnyis kyi brjod pa thun mong pa'i sgra mi rtag ces
pa'i tshig kyang med pa bzhin no/ /des na lhas sbyin dang mchod
sbyin gnyis rang rang gi mig shes la snang ba'i bum pa ni rang
rang gi mig shes de dang rdzas gcig mod kyang mig shes gnyis
rdzas gcig ga la

dgos/ gzhan rgyud kyi shes pa 'dzin pa'i tshad ma la yang rjes
dpag la ni shes pa'i don spyi snang ba yin pas tshad ma dang
rdzas gcig gi dgos pa mi dgos la/ gzhan sems shes pa'i mngon
shes la yang dngos su gsal bar snang ba ni zhi lhag zung

'brel gyi rnal 'byor gyi stobs kyis rang gi sems pha rol gyi
shes pa'i rnam pa can du skyes pa nyid yin la/ de ni tshad ma de
dang rdzas tha dad ma yin zhing de dngos su snang ba la brten
nas pha rol gyi sems ji lta ba bzhin du shes par 'gyur bas de
lta bu'i shes

pa de tshad ma yin cing shes pa de'i ngo na pha rol gyi sems kyi
sgra don dang pha rol gyi sems gnyis gcig tu 'dres pa'i snang
tshul yang med pas mngon sum yang yin no/ /dmyal pa'i me rtogs
pa'i kun mkhyen ye shes kyis dmyal ba'i me gzigs tshul yang dmyal

@73a @#/ /pa pa'i rang gi myong byar gyur pa'i mer snang dang rig
bya rig byed rdzas gcig tu gyur pa'i shes pa yul dang bcas pa'i
rnam pa kun mkhyen ye shes la gsal bar snang zhing de lta bu'i
gzung ba'i rnam pa de yang kun mkhyen ye shes dang

bdag nyid gcig pa yin no/ /kun mkhyen ye shes la de lta bu'i
rnam pa 'char ba yang sems can la de lta bu'i snang ba yod pa la
ltos dgos pa dang/ sangs rgyas 'phags pa rang nyid kyis tshogs
gnyis mthar phyin pa'i dbang gis gzigs pa kho na yin

no; ;ye shes de ni dmyal ba'i me la mngon sum tshad ma yin tshul
gzhan sems shes pa'i mngon shes kyi skabs su bshad pa dang 'dra
la/ rgyu mtshan de dag gi phyir kun mkhyen ye shes kyis dmyal
ba'i me mngon sum du gzigs kyang spyir dmyal

ba'i me de sangs rgyas kyi mkhyen pa dang rdzas gcig yin mi dgos
so/ /'dis paN chen chos mchog gi 'grel pa'i dgongs pa yang shes
par sla'o/ /'di dag ni mdo tsam yin gyi da dung 'di dag la brten
nas sems tsam pa rang lugs kyi thun mong ma

yin pa'i rnam gzhag du ma zhig dang/ de la dbu ma pa dag gis
'gal ba brjod tshul thun mong ma yin pa du ma zhig yod cing/
shing rta chen po rnams dang rje yab sras kyi gsung rab la brten
nas de lta'i gzhung lugs pa dag gi rna bar ma grags pa'i rnam

gzhag du ma zhig bshad du yod mod/ 'on kyang ha cang gtam gsar
pa mangs drags na ra po dkar po lug khyur mi tshud pa'i dpe ltar
rang nyid ston chen gyi gral nas bud kyis dogs pas de tsam las
ma spros so/ /gnyis pa de la brten nas lam bgrod tshul gyi

@73b rnam gzhag bshad pa la/ byang chub sems dpa' rnams kyis
mnyam gzhag gi gnas skabs su bdag med pa'i don bsgom pa dang/
rjas thob kyi gnas skabs su spyod pa pha rol du phyin pa drug la
slob pa dang/ de yang thabs shes ya ma bral ba'i

sgo nas mnyam rjes gnyis ka la slob dgos pa rnams ni lugs 'di la
yang 'dra bar theg pa chen po bsdus pa dang byang chub sems
dpa'i sa las bshad do/ /chos bdag med pa'i don la zhi gnas dang
lhag mthong gis rnal 'byor du bya ba'i tshul rgyas

par ni lugs 'di'i rjes su 'brangs pa'i mkhas grub chen po shan
ti pas sher phyin man ngag tu gsal bar mdzad do/ /'tshol ba bzhi
dang shes pa bzhis bdag med gtan la 'bebs pa'i thos byung dang
bsam byung gtso bor gyur pa ni tshogs lam dang/

bsgom byung gi shes pa gtso bor gyur pas de kho na nyid don
spyi'i tshul gyis yid la byed pa ni sbyor lam yin la/ de la yang
mnyam gzhag gi gnas skabs su gnyis snang rim gyis chung du song
ba'i cha nas drod sogs bzhir bzhag ste/ de bzhi la rim pa bzhin
snang ba

thob pa'i ting nge 'dzin dang/ snang ba mched pa'i ting nge
'dzin dang/ rjes su song ba'i ting nge 'dzin dang/ de ma thag
pa'i ting nge 'dzin zhes pa'i tha snyad kyang theg bsdus las
bshad do/ /sa bcur chos dbyings rtogs tshul gyi khyad par yang sa
dang po la rgyud thams cad la khyad par

med par kun tu 'go ba'i don du dang/ gnyis pa la sgrib pa spang
rung du rtogs pas mchog gi don du dang/ gsum pa la thos pa 'tshol
ba ni rgyu mthun pa'i don gyi mchog tu dang/ bzhi pa la chos la
sred pa log pas yongs su 'dzin pa med pa'i don du

@74a @#/ /dang/ lnga pa la bdag gzhan mnyam pa nyid du rtogs pas
rgyud tha dad pa med pa'i don du dang/ drug pa la rten 'brel
gyis chos nyid la kun byang gang yang ma grub pas kun nas nyon
mongs pa dang rnam par byang ba med pa'i don du

dang; bdun pa la mdo la sogs pa'i mtshan ma mi 'byung pas chos
kyi dbyings sna tshogs tha dad med pa'i don du dang/ brgyad pa la
mi skye ba'i chos la bzod pa thob pas bri 'phel med pa'i don du
dang/ nyon yid gnas gyur pas mtshan ma med pa la

dbang pa'i gnas kyi don dang sgo lnga'i shes pa yul dang bcas pa
gnas gyur pas zhing la dbang pa'i gnas kyi don dang/ dgu pa la
so so yang dag pa'i rig pa bzhi thob pas ye shes la dbang ba'i
gnas kyi don dang/ bcu pa la ji ltar bzhed pa bzhin

sprul nas sems can gyi don byed pas las la dbang ba'i don dang/
gzungs dang ting nge 'dzin gyi sgo la dbang ba'i gnas kyi don du
chos nyid bsgom par dbus mtha' rnam 'byad dang theg bsdus las
bshad do/ /mdo dgongs 'grel las/ sa bcu po re re

la kun tu rmongs pa gnyis gnyis dang gnas ngan lan mi mthun
phyogs re re bshad pa yang sa dang po la gang zag dang chos la
mngon zhen dang ngan song ba'i nyon mongs pa dang/ gnyis pa la
ltung ba phra mo'i 'khrul pa dang/ las kyi rnam pa sna tshogs la

dang; gsum pa la 'dod chags kyi dang thos pa'i gzungs yongs su
rdzogs pa la dang/ bzhi pa la snyoms 'jug la srid pa dang chos
la srid pa dang/ lnga pa la 'khor ba la gcig tu mi phyogs shing
mngon du phyogs pa yid la byed pa dang/

@74b myang 'das la gcig tu mi phyogs shing mngon du phyogs pa
yid la byed pa dang/ drug pa la 'du byed kyi 'jug pa mngon sum
du bya ba la dang mtshan ma mang po 'byung ba dang/ bdun pa la
mtshan ma phra mo 'byung ba dang/ mtshan med yid la byed pas thabs
dang/

brgyad pa la mtshan med la rtsol ba dang mtshan ma rnams la mi
dbang ba dang/ dgu pa la chos bstan pa dang chos kyi tshig dang
yi ge dpag tu med pa dang gong nas gong du shes rab dang spobs
pa la gzungs kyi dbang la dang/ spobs pa'i dbang

la dang/ bcu pa la mngon shes chen po la dang/ gsang ba phra mo
la 'jug pa la dang/ bcu gcig pa la shes bya thams cad la chags
pa shin tu phra mo dang thogs pa shin tu rmongs pa gnyis so/
/'di'i bcu gcig pa ni sangs rgyas kyi sar gsungs te/ sa

bcu pa'i khyad par gyi lam la dgongs sam brtag go /kha cig 'di
dag dbu ma thal 'gyur ba'i lugs la yang sbyor ba ni mi 'thad de/
mdo sde dgongs 'grel las bshad pa'i rnam gzhag thams cad thal
'gyur ba'i lugs su smra na ni ha cang thal la/ de

las bshad pa'i spang gnyen gyi rnam gzhag 'di kho na thal 'gyur
bas khas len dgos pa la yang sgrub byed med pa'i phyir dang/
'dir bshad pa'i shes sgrib phal cher thal 'gyur bas nyon sgrib
tu 'dod dgos pa'i phyir dang/ 'phags yul gyi dbu ma thal 'gyur

pa'i mkhas pa rnams dang rje yab sras sogs sus kyang 'di dag
thal 'gyur ba'i lugs su sbyor bar ma bshad pa'i phyir ro/ /mdo
sde rgyan dang byang sa las phar phyin drug gi nyams len gyi
skor mang du bshad pa rnams las bdag med gtan la 'bebs tshul
dang/

@75a @#/ /spang bya sgrib pa'i rnam gzhag dang/ de lam gang du
spong tshul sogs kyi khyad par 'ga' zhig ma gtogs dbu ma pas
kyang khas blang bar bya ba kho na yin pas rje bdag nyid chen
pos kyang byang chub lam rim chen mor spyod pa spyi bslab kyi

skor byang sa las 'byung ba gzhir byas nas 'chad par mdzad do/
/mdo sde rgyan dang byang sa gnyis don gyis rtsa 'grel lta bur
yod cing lam nyams len gyi rim pa shin tu rgyas pas bka' gdams
gong ma rnams kyis kyang sa rgyan gnyis zhes gcig sa che bar

mdzad la/ rje bla mas kyang/ de nas byang sa mdo sde rgyan gnyis
po/ /legs par sbyar te tshul bzhin rab 'bad pas/ /mi pham chos
rje'i gzhung dang rjes 'brang gi /gzhung kun nyams su len pa'i
gdams par shar/ /zhes rang gi rtogs pa brjod par

rjes 'jug rnams la thugs brtse ba chen pos gdams par mdzad mdo/
deng sang ni 'chad nyan pa rnams kyang gzhung de dag lam nyams
len gyi rim pa ston pa'i gdams ngag tu shas pa lta zhog gi
phyi'i shes rgya gcod pa'i phyir du'ang blta rtog byed pa dkon

par snang zhing/ spong ba pa rnams kyis kyang be'u bum lag mthil
tsam re la dbu sngas su byed pa ma gtogs gzhung de dag la nyams
len mdzad pa'i spros pa ring du 'dor ba ni bstan pa'i tha ma la
babs pa'i rang rtags su mngon no/ /rab tu dga' ba la sogs

pa sa bcu'i sgra bshad kyang dbu sems mi mthun pa'i rnam gzhag
bshad du yod mod 'dir ma spros so/ /gsum pa 'bras bu'i rnam
gzhag ni/ lung gi rjes 'brang gi sems tsam pas ni mthar thug
theg pa gsum du bzhed de/ des mthar thug theg

@75b pa gcig tu bstan pa'i mdo rnams drang don du 'grel lo/
/de'i tshul ni lung gi rjes 'brang na re/ mthar thug theg pa gcig
tu mi 'thad de/ /sems can rnams kyi sems dang spyod pa mi 'dra
bar du ma yod pa'i phyir/ de yang yin te/ sems can kha cig rang
kho

na'i bde ba la chags pa dang/ kha cig rgyu med par gzhan sdug
bsngal ba la dga' ba dang/ kha cig rang bde bar 'dod cing pha
rol po la gnod pa las ldog pa dang/ kha cig rang nyid kyang
'khor ba'i bde ba tsam kho na 'dod pa dang/ kha cig rang srid pa
las

thar pa kho na 'dod pa dang/ gzhan dag pha rol po kho na sgrol
bar sems shing rdzogs pa'i byang chub kyi rgyu sgrub pa'o/ /de
ltar spyod pa dang bsam pa mi 'dra ba de dag ni rang rang gi
dang pa dang 'dod pa'i bye brag las byung ba yin la/ dad pa dang
'dod pa'i bye brag de dag

kyang rigs tha dad pa'i dbang gis byung ba yin te/ de'i phyir
sems can gyi rigs ni sna tshogs pa nyid du nges so/ /de ltar na
rgyu'i gnas skabs su rigs tha dad pa sna tshogs yin na 'bras bu'i
gnas skabs su thams cad theg pa gcig kho nar 'gyur ba ni ma

yin te/ 'bras bu'i bye brag ni rgyu'i bye brag gis byas pa yin
pa'i phyir ro/ /'di dag ni theg pa gsum du sgrub pa'i rigs pa
yin no/ /lung ni khams kyi tshogs kyi mdo las/ sems can gyi khams
sna tshogs pa bstan pa dang/ 'phags pa lang kar gshegs pa

las mngon par rtogs pa'i rigs lnga bstan pa dang/ 'phags pa blo
gros mi zad pa las nges par 'byin pa'i theg pa gsum du bstan pa
dang/ 'phags pa dgongs pa gnes par 'grel ba las nyan thos zhi ba
bgrod pa gcig pu ba theg chen du ldog mi srid par

@76a @#/ /bstan pa rnams yin te/ mdo lung rnams mang bas 'jigs
nas ma bris so/ /'phags pa thogs med kyi bsdu ba las/ nyan thos
byang chub tu yongs su 'gyur ba rnams theg chen du 'jug tshul ni
lhag bcas myang 'das

thob cing lhag med ma thob pa'i mtshams nas 'jug pa yin cing/ de
yang sangs rgyas byang sems kyis bskul ba la brten nas rdzul
'phrul gyi mthus rang gi tshe bsrings nas byang chub sgrub la/
rang gi lus mya ngan las mi 'da' bar byin gyis rlob cing

sprul pa'i lus kyis gzhan ngor lhag med du 'da' tshul bstan nas
lus snga ma lha rnams kyis kyang mi mthong bar byas nas dbon par
gnas te tshogs yongs su rdzogs par byed do/ /nyan thos lhag med
dgra bcom thob pa rnams ni 'dus ma byas kyi dbyings dri ma

med pa 'ba' zhig lus la/ de ni sgrib pa ma lus pa log par de
bzhin gshegs pa dang khyad par med kyang sngon smon lam ma btab
pa dang ldang ba'i bsam pa med par mya ngan las 'das pas de
bzhin gshegs pa'i mdzad pa mi mdzad par bshad do/ /'o na

padma dkar po'i mdo la sogs pa las theg pa gcig kho nar gsungs
pa ji ltar drang zhe na/ de ni dgongs gzhi bdun la dgongs nas
gsungs pa yin te/ bgrod bya'i theg pa gsum gyi chos dbyings nam
mkha' ltar tha dad med pa dang/ bgrod pa po'i

theg pa gang zag gsum bdag med par mtshungs pa dang/ gang gi ched
du bgrod pa'i rnam grol rnams mtshungs pa dang/ nyan thos rigs ma
nges pa rnams theg chen du zhugs nas 'tshang rgya bar 'gyur bas
rigs tha dad pa gnyis kyang lam gcig tu zhugs pa

@76b yod pa dang; nyan thos su rigs nges pa kha cig byang sems
kyi spyad pa spyod pa na de btang nas nyan thos kyi theg par
zhugs te de'i myang 'das thob pa na bcom ldan 'das kyis bdag gis
sngon byang sems kyi spyod pa spyad pas sangs rgyas so zhes
dgongs pa

bzhin du de la yang sangs rgyas kyi mthus bdag sngon byang chub
sems dpa'i spyod pa spyod pas 'tshang rgya bar 'gyur ro snyam pa'i
bsam pa mtshungs pa thang gcig tsam rnyed pa dang/ bcom ldan 'das
nyid kyis gdul bya'i don du nyan thos la sogs pa'i theg pas mya

ngan las 'da' tshul lan du mar bstan pa dang/ theg pa chen po las
chos khyad par du 'phags pa'i theg pa med pa ste bdun po de la
dgongs nas mthar thug theg pa gcig tu bstan to/ /dgongs pa ni
nyan thos kyi rigs can ma nges pa kha cig theg pa chen po

la kun tu drang ba'i phyir dang/ byang chub sems dpa' ma nges
pa'i rigs can rnams theg pa chen po la yang dag par gzung pa'i
phyir theg pa gcig tu gsungs pa yin no/ /dngos la gnod byed ni
gong gi lung rigs de rnams so/ /de ltar

yang mdo sde rgyan las/ chos dang bdag med grol ba rnams/
/mtshungs phyir rigs ni tha dad phyir/ /bsam gnyis thob phyir
sprul pa'i phyir/ /mthar thug phyir na theg gcig nyid/ /ces
dang/ kha cig dag ni drang phyir dang/ /

gzhan dag rjes su bzung ba'i phyir/ /rdzogs pa'i sangs rgyas
rnams kyis ni/ /ma nges rnams la theg gcig bstan/ /zhes so/
/rgyas par ni mdo sde rgyan gyi 'grel ba dang theg bsdus dang sa
sde dang dbu ma snang ba'i sems tsam pa'i

@77a @#/ /skabs rnams su blta'o/ /rigs pa'i rjes 'brang gi sems
tsam pa rnams ni dri ma rnams ni rgyu yod pas na rtag pa ma yin
pa'i phyir dang/ rgyu'i gnyen po goms pas zad par 'gyur ba'i
phyir

dang; rgyu'i rang bzhin shes pa yod pa'i phyir dang/ de yod pas
de'i gnyen po shes pa yang yod par grub pa'i phyir zhes sogs kyi
rigs pa'i sgo nas mthar thug theg pa gcig tu grub par bzhed de/
rnam 'grel las/

rgyu yod phyir dang rgyu yi ni/ /gnyen po goms pas zad phyir
dang/ /rgyu yi rang bzhin shes pa'i phyir/ /de shes pa ni grub
pa yin/ /zhes sogs kyis gsungs pa ltar ro/ /sangs rgyas kyi
sku'i rnam gzhag ni/ /chos gzugs

kyi sku gnyis dang/ chos longs sprul pa'i sku gsum du 'dod pa
sogs dbu ma pa dang 'dra'o/ /ye shes lnga la chos dbyings ye
shes ni ngo bo nyid sku la 'dod cing ma long ye shes sogs gzhan
bzhi la ye shes kyi sku zhes

bshad do/ /btsun pa zla bas ni kun gzhi gnas gyur pa chos sku
dang/ nyon yid gnas gyur pa longs sku dang/ sgo lnga'i dbang
shes gnas gyur pa sprul sku la bzhed la/ de yang me long ye shes
dang chos

dbyings ye shes gnyis chos sku dang/ mnyam nyid ye shes dang sor
rtog ye shes gnyis longs sku dang/ bya sgrub ye shes sprul skur
bshad do/ /theg bsdus las ni/ ngo bo nyid sku ni de bzhin gshegs
pa rnams

@77b kyi chos sku dang/ sangs rgyas kyi 'khor gyi dkyil 'khor
tshad med pas rab tu phye ba dang chos kyi sku la brten pa ni
longs sku dang/ chos kyi sku la brten nas mdzad pa bcu gnyis
bstan pa na sprul pa'i skur bshad do/ /

de bzhin gshegs pa'i yon tan la byang chub sems dpa'i sa las/
sangs rgyas kyi chos ma 'dres pa brgya dang bzhi bcur bsdus nas
bshad de/ skyes bu chen po'i mtshan sum cu rtsa gnyis dang/ dpe
byad bzang po

brgyad cu dang/ yongs su dag pa bzhi dang/ mi 'jigs pa bzhi
dang/ dran pa nyer gzhag gsum dang/ srung ba med pa gsum dang/
thugs rje chen po dang/ bsnyel ba mi mnga' ba'i chos nyid dang/
bag chags

yang dag par bcom pa dang/ rnam pa thams cad dang/ mchog gi ye
shes so/ yang dag par rdzogs pa'i byang chub ni mtshan so gnyis
kyis brgyan pas sku dam pa dang/ bdag gzhan mtha' dag la phan pa
dang thugs

brtse ba dang lha dang mi rnams kyi don dang phan pa dang bde
ba'i phyir zhugs pas sgrub pa dam pa dang/ gong na med pa'i tshul
khrims dang lta ba dang cho ga dang 'tsho ba phun sum tshogs pa
bzhi dang ldan pas phun sum tshogs pa dam pa

dang; so so yang dag par rig pa bzhi gong na med pa dang ldan
pas ye shes dam pa dang/ mngon par shes pa drug gong na med pa
dang ldan pas mthu dam pa dang/ sgrib pa gnyis bag chags dang
bcas pa spangs pas grangs

@78a @#/ /ba dam pa dang/ gong na med pa'i 'phags pa'i gnas pa
dang lha dang tshangs pa'i gnas pas gnas pas na gnas pa dam pa
ste dam pa bdun dang ldan par 'phags pa thogs med kyis bshad do/
/'di dag kyang mdo tsam

ste rgyas par shing rta chen po rnams kyi gzhung las shes par
bya'o/ /'dir smras pa/ 'gro ba'i 'dren pa thub pa'i dbang po
yis/ /gang gis rang gi dgongs pa ji bzhin du/ /'grel bar lung
bstan 'phags pa thogs med kyis/ /rnam

rig tsam gyi shing rta'i srol chen phye/ /des ni 'phags yul
mkhas pa du ma yis/ /rgyal ba'i dgongs don zab mo'i yid bzhin
nor/ /legs par blangs te 'chad rtsod rtsom gsum gyis/ /thub
bstan nyin mongs bzhin du gsal bar mdzad

gang tshe gangs ri'i ljongs su thub pa'i lugs/ /sgra sgyur chen
po rnams kyis gdan drangs pa/ /de tshe gangs can skal ldan skye
bo'i tshogs/ /lugs 'di 'dzin cing spel ba'i dga' ba bzung/ /rgyal
ba'i dam chos 'dzin pa'i

smon lam mthu/ /yongs su rdzogs pa'i 'jam dpal snying po yis/
/shing rta chen po'i gzhung lugs ma lus pa/ /ma nor gsal bar
ston pa'i bka' drin mdzad/ /da ni dus kyi 'gyur ba'i mthu brtas
pas/ /skye bo phal

cher blo gros nus pa zhan/ /don gnyer ldan pa'ang phyogs lhung
dbang gyur pas/ /lugs bzang 'di dag nub la mngon par phyogs/
/'ga' zhig pho tshod ngag gis gzhan dag 'drid/ /la la rmongs zhen
kho nas gnad don sgrib/ /gzhan

@78b dag gzhung la ngal ba mang byas kyang/ /dbu sems khyad par
ma phyed phan tshun bsres/ /kha cig blo gros dman pas gzhung chen
po'i/ /rang lugs phyogs snga'i khyad par ma phyed cing/ /phal
cher ci yin rang la gtol med kyang/ /

zer sgros kha ton byang la snying por 'dzin/ /de ltar mkhas grub
bye ba'i gshegs bshul 'di/ /tshong 'dus 'o ma bzhin du bslang
gyur kyang/ /dam pa phal cher sgrub pa kho nar gzhol/ /kha cig
shes kyang gzhan gyis smad kyis

dogs/ /la las dpyod gnas min par btang snyoms 'jog /de phyir
phra ba'i gnas rnams ji bzhin du/ /ma 'dres gsal bar ston pa'i
legs bshad ni/ /deng dus ji bzhin sgrog pa'i skabs ma mchis/
/kho bo blo dang brtson

pa shin tu dman/ /bstan bcos rtsom pa'i rgyu tshogs ci yang med/
/bdag 'dra'i bshad pas skye bo gzhan dag la/ /phan du re ba'i
bsam pa'ang ma mchis mod/ /'on kyang shing rta chen po'i gzhung
lugs la/ /rang blo goms pa'i

bag chags mthu rtas phyir/ /mi pham mgon po thogs med dbyig
gnyen dang/ /phyogs glang chos grags blo brtan du la lha sogs/
/rjes 'brangs bcas pa'i rnam rig gzhung mang dang/ /blo bzang
rgyal ba'i dbang po sras bcas kyi/ /legs

bshad yan lag brgyad ldan ma dros mtshor/ /yang yang sems pa'i
rigs pa'i grur zhugs nas/ /rtag dang gus sbyor brtson pa'i skya
ba yis/ /bskyod par byas las gzhung don yid bzhin nor/ /rang
'dod re ba skong ba'i lhun stug

@79a @#/ /'phreng/ /stes kyis skal bar thob snyam spro ba 'phel/
/ci ste skal ba mnyam pa'i blo gsal dag /chos la rton pa'i blo
yis legs bshad 'dir/ /dga' bas 'jug par 'gyur ba'i skabs

mchis na/ /des kyang rangs pa'i gnas dag thob bam snyam/ /zhes
pa ni bar skabs kyi tshigs su bcad pa'o//