@#/ /byang chub lam gyi rim pa'i dmar khrid kyi sa bcad rgyas par bkral ba/ nyer mkho'i man ngag 'tshol bde'i mchan dang bcas pa bzhugs so/ / @01b @##/ /rje btsun bla ma dam pa dmigs pa med pa'i thugs rje chen po dang ldan pa'i zhabs la gus pa chen pos phyag 'tshal zhing skyabs su mchi'o/ /brtse ba chen pos dus dang gnas skabs thams cad du rjes su gzung du gsol/ 'dir skal ldan gyi skyes bu sangs rgyas kyi sar bgrod par byed pa'i theg pa mchog gi chos lugs/ shing rta chen po klu sgrub dang thogs med gnyis kyis legs par srol phye ba'i lam srol/ dpal mnyam med jo bo chen po dang/ khams gsum chos kyi rgyal po tsong kha pa chen po'i thugs kyi bcud phyung ba lta bu'i gdams pa zab mo/ chos phung brgyad khri bzhi stong gi snying po'i gnad thams cad ma tshang ba med par gang zag gcig 'tshang rgya ba'i nyams len gyi rim par bsgrigs pa/ rgyal ba kun gyi @02a @#/ /gshegs shul gcig pu byang chub lam gyi rim pa'i khrid la bzhi/ chos khungs btsun par bstan pa'i phyir mdzad pa po'i che ba/ gdams ngag la gus pa bskyed pa'i phyir chos kyi che ba/ che ba gnyis ldan gyi chos la nyan bshad ji ltar bya ba'i tshul/ gdams pa dngos kyis slob ma ji ltar bkri ba'i rim pa'o/ /dang po mdzad pa po'i che ba la gsum/ rigs phun sum tshogs par skye ba bzhes pa'i tshul/ rten de la yon tan brnyes pa'i tshul/ (sa bcad gnyis lam rim chen mo gzhir bzhag thog /kwe'u tshang lam rim/ bka' gdams pha chos bu chos nas) (len;) brnyes nas bstan pa la bya ba mdzad pa'i tshul lo/ /gnyis pa rten de la yon tan brnyes pa'i tshul la gnyis/ mang du mkhyen pa lung gi yon tan brnyes pa'i tshul/ tshul bzhin @02b sgrub pa rtogs pa'i yon tan brnyes pa'i tshul lo/ /gsum pa bstan pa la bya ba mdzad pa'i tshul la gnyis/ rgya gar du mdzad tshul dang/ bod du mdzad tshul lo/ /(rgyas pa ni/ lam rim bla brgyud rnam thar) (yongs rdzogs dang/ bsdun ston pa nas zab rgyas so sor byon tshul/ jo bo rje nas brgyud pa'i chu bo gcig 'dres su gyur tshul/ bka' gdams brgyud gsum byung tshul/ 'jam mgon tsong kha pa chen pos lam rim che chung sogs) (mdzad tshul/ bka' gdams gsar ma'i brgyud pa rtsa ba'i bla ma la thug gi bar gyi rnam thar rags bsdus tsam re gsungs/) gnyis pa gdams ngag la gus pa bskyed pa'i phyir chos kyi che ba la gnyis/ khyad chos gsum dang/ che ba dngos bshad pa'o/ /dang po la gsum/ mdo rgyud gsung rab thams cad kyi gnad bsdus nas ston pa yin pas na brjod bya ma tshang ba med pa'i khyad chos/ shing rta chen po gnyis kyi lugs la mkhas pa'i bla ma gnyis kyi man ngag gis brgyan te bshad pas na 'chad tshul gzhan las khyad par du 'phags pa'i khyad chos/ sems 'dul ba'i rim pa gtso bor bzung ste ston pas na/ lag tu blang bde ba'i khyad chos so/ /gnyis pa che ba dngos bshad pa la bzhi/ bstan pa thams cad 'gal med du rtogs pa'i che ba/ gsung rab ma lus gdams ngag tu 'char ba'i che ba/ @03a @#/ /rgyal ba'i dgongs pa bde blag tu rnyed pa'i che ba/ nyes spyod chen po rang 'gags su 'gro ba'i che ba'o/ /('di bzhir lam rim chen mo dang/ kwe'u tshang lam rim/ zhal shes bcas sbyar/) gsum pa che ba gnyis ldan gyi chos la nyan bshad ji ltar bya ba'i tshul la gsum/ chos nyan pa'i tshul/ bshad pa'i tshul/ mjug tu thun mong du ji ltar bya ba'i tshul lo/ dang po la gsum/ chos thos pa'i phan yon bsam pa/ (lam rim chen mo dang/ kwe'u tshang lam rim/ zhal shes bcas/) chos dang chos smra ba la rim gro bskyed pa/ (lam rim chen mo ltar/) nyan tshul dngos so/ /'di la gnyis/ 'gal rkyen snod kyi skyon gsum spang ba dang/ mthun rkyen 'du shes drug bston pa'o/ /dang po snod kyi skyon gsum ni/ snod kha sbub pa lta bu'i skyon/ snod zhabs rdol ba lta bu'i skyon/ snod dri ma can lta bu'i skyon spang ba'o/ (/lam rim chen po ltar/) gnyis pa 'du shes drug ni/ rang la nad pa lta bu'i 'du shes/ chos smra ba la sman pa mkhas pa lta bu'i 'du shes/ chos la sman gyi 'du shes/ nan tan nyams su blang ba la nad 'tsho ba'i 'du shes/ de bzhin gshegs pa la skyes bu dam pa'i 'du shes/ chos kyi tshul la ring du gnas pa'i 'du shes bskyed pa'o/ (/lam rim chen mo dang/ zhal shes/) gnyis pa chos @03b bshad pa'i tshul la bzhi/ chos bshad pa'i phan yon bsam pa/ (lam rim chen mo ltar/) ston pa dang chos la rim gro bskyed pa/ (lam rim chen mor gsal/) bsam pa dang sbyor ba ji lta bus bshad pa/ (chen mo dang zhal shes/) yul gang la bshad pa dang mi bshad pa'i khyad par ro/ (/'dul ba lung las gsungs pa ltar/) gsum pa 'jug tu thun mong du ji ltar bya ba'i rim pa dge ba rdzogs byang du bsngo ba'o/ (lam rim chen mo ltar/) bzhi pa gdams pa dngos kyis slob ma ji ltar bkri ba'i rim pa la gnyis/ lam gyi rtsa ba bshes gnyen bsten pa'i tshul dang/ bsten nas blo ji ltar sbyang ba'i rim pa'o/ /dang po la gnyis/ thun gyi ngo bo la ji ltar bya ba dang/ thun mtshams su ji ltar bya ba'i tshul lo/ /dang po la gsum/ sbyor ba'i chos/ dngos gzhi ji ltar bskyang ba/ mjug tu ji ltar bya ba'i rim pa'o/ /dang po la sbyor ba'i chos drug las/ dang po gnas khang byi dor byas la sku gsung thugs kyi rten bkram pa/ gnyis pa mchod pa g.yo med par btsal la bkod pa mdzes par bshams pa/ gsum pa bstan bde ba la lus 'dug lugs brgyad dam spyod lam gang bder 'khod nas dge sems khyad par can gyi ngang nas skyabs 'gro sems bskyed bya ba/ bzhi pa tshogs zhing gsal 'debs pa/ lnga pa bsags sbyang gi gnad bsdus pa yan lag bdun pa maNDala dang bcas pa bya ba/ drug pa gsol ba 'debs pa man ngag bzhin @04a @#/ /rgyud dang 'dres nges su bya ba'o/ /gnyis pa dngos gzhi ji ltar bskyang ba la bzhi/ bshes gnyen bsten pa'i phan yon/ ma bsten pa'i nyes dmigs dang bsten tshul log pa'i nyes dmigs bsam pas bsten tshul/ sbyor bas bsten tshul lo/ /dang po bshes gnyen bsten pa'i phan yon la brgyad/ sangs rgyas kyi go 'phang la nye ba/ rgyal ba rnams dgyes par 'gyur ba/ bdud dang sdig grogs kyis mi tshugs pa/ nyon mongs dang nyes spyod thams cad rang shugs kyis 'gag pa/ (byams pa'i zhal lung/ chen mo/ myur lam/ sku tshab lam rim/ zhwa dmar lam rim/) sa lam nyams rtogs thams cad gong 'phel du 'gyur ba; (chen mo/ bdud rtsi'i snying po/ myur lam/ 'brom dang/ bya yul ba/ a mes/ sa paN sogs kyi rnam thar/) tshe rabs thams cad du dge ba'i bshes gnyen gyis mi 'phongs pa/ (po to ba'i be'u bum sngon po/ myur lam/ bdud rtsi'i snying po/) ngan song du mi ltung ba/ (chen mo/ myur lam/ bdud rtsi'i snying po/) gnas skabs dang mthar thug gi don thams cad 'bad med du 'grub pa'o/ /(chen mo/ zhal lung/ myur lam/ bdud rtsi'i snying po/ bsdus don/ jo bo'i rnam thar/) dang po la gnyis/ bla mas gdams pa bstan pa rang gis nyams su blangs pas sangs rgyas kyi go 'phang la nye ba dang/ bla ma mchod cing bsnyen bkur bas kyang sangs rgyas kyi go 'phang la nye ba'o/ (/bla mchod/ bdud rtsi'i snying po/ myur) @04b (lam; chen mo/ zhal lung/ rtag tu ngu dang mid la'i rnam thar sogs/) gnyis pa rgyal ba rnams dgyes par 'gyur ba la gnyis/ bla ma'i bzhed don bsgrubs pas rgyal ba rnams dgyes par 'gyur ba dang/ bla ma la zang zing phul bas rgyal ba rnams dgyes par 'gyur ba'o/ /('di gnyis skabs chen mo/ sku tshab lam rim/ zhwa dmar lam rim/ myur lam/ bdud rtsi'i snying po/) gsum pa bdud dang sdig grogs kyis mi tshugs pa la gnyis/ phyi'i bdud rigs kyis mi tshugs pa dang; nang gi bdud las nyon sogs kyis mi tshugs pa'o/ /('di gnyis la byams pa'i zhal lung/ lam rim chen mo/ myur lam/ sku tshab lam rim/ zhwa dmar lam rim/) gnyis pa ma bsten pa'i nyes dmigs brgyad ni bsten pa'i phan yon las go ldog pa brgyad do/ /bsten tshul log pa'i nyes dmigs brgyad ni/ bla ma la brnyas smod shor na rgyal ba kun la brnyas pa/ (myur lam/ bdud rtsi'i snying po/ bla ma lnga bcu pa/) bla ma la khro sems skyes na de'i skad cig ma'i grangs dang mnyam par dge rtsa bcom nas bskal par dmyal bar skye ba/ (myur lam/ bdud rtsi'i snying po/) sngags la brten kyang mchog mi 'grub pa/ rgyud don brtson pas bsgrubs kyang dmyal ba sogs bsgrub pa dang 'dra ba/ (de gnyis gong ltar/) yon tan sngar ma skyes pa rnams gsar du mi skye zhing skyes zin nyams pa/ (chen mo/ myur lam/ bdud rtsi'i snying po/ li yul dge tshul/ nag po spyod pa/ ras chung ba sogs kyi byung ba/) tshe @05a @#/ /'dir nad sogs mi 'dod pas gtses pa/ (lnga bcu pa/ myur lam/ bdud rtsi'i snying po/ slob dpon sangs rgyas ye shes dang/ mar pa'i rnam thar/) phyi mar ngan song mu mtha' med par 'khyams pa; (lnga bcu pa/ myur lam/ bdud rtsi'i snying po/ lam rim chen mo/) tshe rabs thams cad du dge ba'i bshes gnyen gyis phongs pa'o/ /(myur lam/ bdud rtsi'i snying po/) gsum pa bsam pas bsten tshul la gnyis/ rtsa ba dad pa sbyang ba dang/ bka' drin rjes su dran nas gus pa bskyed pa'o/ /dang po la gsum/ bla ma sangs rgyas su blta dgos pa'i rgyu mtshan/ (kwe'u tshang lam rim/ khe nyen gyi dpe/ khyi sor ring bsrel dang/ lhas byin/) (legs skar/ zhal shes/) blta nus pa'i rgyu mtshan/ (gong ltar/) tshul ji ltar blta ba'i tshul lo/ /'di la bzhi/ bla ma sangs rgyas yin par rdo rje 'chang gis bzhed pa/ (lam rim tshang mar gsal/) bla ma sangs rgyas thams cad kyi 'phrin las kyi byed po yin pa/ (sangs rgyas thams cad chos kyi dbyings su ro gcig pa'i tshul mdo sde rgyan gyi lung dang/ de nyid bla ma'i rnam par shar tshul zhal shes/ 'cham dang ri mo'i dpe/ me shel gyi dpe/ sku tshab lam) rim dang/ gtso bor bla mchod kyi bde gshegs sku gsum zhes sogs dang/ rab 'byams rgyal ba kun gyi sogs/) deng sang gi dus su yang sangs rgyas dang byang sems rnams kyis sems can gyi don mdzad pa/ (kwe'u tshang gsung) @05b (mgur/ lam rim/ zhal shes/) rang gi snang ba la nges pa med pa'o/ /(lam rim phal cher dang/ bdud rtsi'i snying po/ dbu ma chu 'bab kyi lung/ ri rab kyi mthong tshul/ nyi zla'i tsha grang/ thogs med/ 'jam dpal bshes gnyen/ bde gshegs mjal tshul/) (dben sa pa/ chos rgyal sogs kyi byung ba/ rnam 'grel gyi rigs pa/) gnyis pa bka' drin rjes su dran nas gus pa bskyed pa la bzhi/ bla ma sangs rgyas las lhag pa'i bka' drin/ chos gsungs pa'i bka' drin/ (mdzangs blun/) (bdud rtsi'i snying po/ myur lam/) shes rgyud byin gyis brlabs pa'i bka' drin/ (tai los nA ro/ Dom b+his jo bo/ kwe'u tshang lam rim/) zang zing gis 'khor du bsdus pa'i bka' drin no/ /(dge rgan gyis dge phrug la lto gos sbyar skor/) (kwe'u tshang lam rim/ myur lam/ bdud rtsi'i snying po'i bka' drin gyi mjug bsdu/) dang po bla ma sangs rgyas las lhag pa'i bka' drin la gnyis/ spyir sangs rgyas thams cad las lhag pa'i bka' drin/ sgos ston pa thub pa'i dbang po las lhag pa'i bka' drin no/ /(rim bzhin bla mchod/ zhal shes/) bzhi pa sbyor bas bsten tshul la gsum/ rnyed pa zang zing 'bul ba/ bkur sti rim gro byed pa/ bka' bzhin sgrub pa snying po bya ba'o/ /('di gsum chen mo dang/ kwe'u tshang lam rim/) 'di man gyi dmigs skor tshang mar dmigs skor re re bzhin yang dngos gzhi'i skyong tshul ma gtogs sbyor dngos rjes gsum thun mtshams su ji ltar @06a @#/ /bya ba sogs gong bzhin rigs 'gre/ gnyis pa bsten nas blo ji ltar sbyang ba'i rim pa la gnyis/ dal ba'i rten la snying po blang ba'i phyir du bskul ba dang/ snying po ji ltar len pa'i tshul lo; ;dang po dal ba'i rten la snying po blang ba'i phyir du bskul ba la gsum/ dal 'byor ngos gzung ba dang/ de don che bar bsam pa/ rnyed dka' bar bsam pa'o/ /dang po dal 'byor ngos gzung ba la gnyis/ dal ba dang/ 'byor pa'o/ /dang po dal ba la gnyis/ mi'i mi khom pa dang bral ba dang/ mi ma yin pa'i mi khom pa dang bral ba'o/ /dang po mi'i mi khom pa dang bral ba la bzhi/ log lta can dang/ rgyal ba'i bka' med pa dang; yul mtha' 'khob dang/ glen lkugs su ma skyes pa'o/ /gnyis pa mi ma yin pa'i mi khom pa dang bral ba la bzhi/ dmyal ba/ yi dwags/ dud 'gro/ lha tshe ring po rnams su ma skyes pa'o/ /gnyis pa 'byor pa la gnyis/ rang 'byor dang/ gzhan 'byor ro/ /dang po rang 'byor la lnga/ mi lus thob pa/ yul dbus su skyes pa/ dbang po tshang ba/ las mtha' ma log pa/ gnas la dad pa'o/ /gnyis pa gzhan 'byor la lnga/ sangs rgyas 'jig rten du byon pa/ des chos gsungs pa/ chos gsungs pa'i bstan pa ma nyams par gnas pa/ bstan pa de la zhugs pa/ gzhan gyis snying brtse ba'o/ (dal pa brgyad dang/ 'byor pa bcu ngos gzung) @06b (skabs/ zhwa dmar lam rim/ zhal shes kyi gnad me btsa'/ ltogs pa sogs/) gnyis pa de don che bar bsam pa la gsum/ gnas skabs la ltos te don che ba dang/ mthar thug la ltos te don che ba/ ('di gnyis lam rim chen) (mo; zhal lung/ zhwa dmar lam rim/ myur lam/) mdor na skad cig ma re re la'ang don che bar bsam pa'o/ /(zhal shes/) gsum pa rnyed dka' bar bsam pa la gsum/ dpe'i sgo nas rnyed dka' ba/ (dpe chos dang/ thu'u) (bkwan gsung gi zhal lung sngon 'gro'i nang gi dpe sbyar tshul/) rgyu'i sgo nas rnyed dka' ba/ ('di gtso bo/ ngo bo'am 'bras bu'i sgo nas rnyed dka' bar bsam pa'o/ /(lam rim chen mo/ zhal lung/ zhwa dmar/ myur lam/) gnyis pa snying po ji ltar len pa'i tshul la gsum/ skyes bu chung ngu dang thun mong ba'i lam gyi rim pa la blo sbyang ba/ skyes bu 'bring dang thun mong ba'i lam gyi rim pa la blo sbyang ba/ skyes bu chen po'i lam gyi rim pa la blo sbyang ba'o/ / dang po la gnyis/ 'jig rten phyi ma don gnyer gyi blo bskyed pa dang/ 'jig rten phyi mar bde ba'i thabs bsten pa'o/ /dang po la gnyis/ 'jig rten 'dir ring du mi gnas pa'i 'chi ba rjes su dran pa dang/ 'jig rten phyi mar ji ltar 'gyur ba 'gro ba gnyis kyi bde sdug bsam pa'o/ /dang po la gsum/ 'chi ba ma dran pa'i nyes dmigs/ dran pa'i phan yon/ 'chi ba dran tshul dngos so/ /dang po la drug /'chi ba ma dran na chos mi @07a @#/ /dran pa'i nyes dmigs/ dran kyang mi bsgrub pa'i nyes dmigs/ ('di gnyis lam rim chen mo dang/ kwe'u tshang lam rim/) bsgrubs kyang rnam dag mi bsgrub pa'i nyes dmigs/ (thog ma'i blo sbyong/) (dpe chos kyi/ gong mo them rtsa zhes sogs kyi dpe/ 'di las 'phres te 'jig rten chos brgyad sogs bsam tshul dang/ tshe 'di blos gtong ba gal che tshul sogs gsungs/) sgrub pa la nan tan dang bral ba'i nyes dmigs/ (lam rim chen) (mo; kwe'u tshang lam rim/) rang nyid ma rungs par byed pa'i nyes dmigs/ (bzhi brgya pa'i lung dang/ rang nyid kun dang mi mthun pa'i tshul zhal shes/) 'chi khar 'gyod bzhin du 'chi dgos pa'i nyes dmigs so/ /(smon 'gro chos grags) (kyi lo rgyus/) gnyis pa 'chi ba dran pa'i phan yon la drug /don che ba'i phan yon/ (sbyin pa tshul khrims sogs phar phyin drug gi nyams len dang/ ci byas chos gsha' mar 'gro ba kwe'u tshang lam rim dang zhal shes sbyar dgos/) stobs che ba'i phan yon/ (nyon mongs pa dang nyes spyod 'gog pa la stobs che tshul kwe'u tshang lam rim dang zhal shes sbyar/) thog mar gal che ba'i phan yon/ (chos la 'jug par bskul ba'i rgyu byed/) bar du gal che ba'i phan yon/ (bar du lcag) ('debs pa/) tha mar gal che ba'i phan yon/ (de la brten nas chos mthar phyin pa rnams mid la dang/ kha rag sgom chung gi rnam thar lta bu/) 'chi khar dga' bzhin spro bzhin du 'chi ba'i phan yon no/ /(klong rdol gsung dang/ skyes bu dam) @07b (pa rnams gshegs pa'i rnam thar lta bu/ shal shes/) gsum pa 'chi ba dran pa'i tshul dngos la gnyis/ 'chi ba dgu phrugs su bsam pa dang/ rang 'chi ba'i rnam pa bsgom pa'o/ /dang po 'chi ba dgu phrugs su bsam pa la gsum/ nges par 'chi bar bsam pa/ nam 'chi nges med bsam pa/ 'chi ba'i tshe chos ma gtogs pa gzhan gang gis kyang mi phan par bsam pa'o/ /dang po nges par 'chi bar bsam pa la gsum/ 'chi bdag nges par 'od la rkyen gang gis kyang bzlog tu med pas nges par 'chi ba/ (thu'u bkwan gsung gi lung dang/ chen mo/ zhwa dmar/ myur lam/ zhal lung/) tshe la bsnon pa med cing 'brid byed bar ma chad du yod pas nges par 'chi ba/ (zhwa) (dmar/ spyod 'jug /lam rim dang zhal shes/) gson pa'i tshe yang chos bya long med par nges par 'chi ba'o/ /(zhwa dmar lam rim/ gung thang gsung mgur gyi/ dam chos byed rgyu ma dran nyid shu thal/ /sogs/) gnyis pa nam 'chi la nges pa med pa bsam pa la gsum/ spyir 'dzam bu gling pa'i tshe la nges pa med pa dang sgos snyigs dus kyi tshe la nges pa med pas kyang nam 'chi la nges pa med pa/ ('dzam gling tsher nges med skor zhwa dmar lam rim dang zhal) (shes sbyar/) 'chi ba'i rkyen mang zhing gson pa'i rkyen nyung bas kyang nam 'chi la nges pa med pa/ (zhal lung/ myur lam/ zhwa dmar/) lus chu'i chu bur ltar shin tu nyam chungbas kyang nam 'chi la nges pa med pa'o/ /(gong) @08a @#/ /(ltar;) gsum pa 'chi ba'i tshe chos ma gtogs pa gzhan gang gis kyang mi phan par bsam pa la gsum/ nor longs spyod kyis mi phan pa/ (gong ltar la/ zhal shes ni/ rgyal po rgyal) (gzhis bzhag nas 'gro/ /sogs dang/ zur rgyan mdzangs blun dang tshoms kyi lung sogs/) gnyen bshes 'khor g.yog gis kyang mi phan pa/ (gong bzhin zhal lung/ zhwa dmar/ myur lam/ gshin rje'i gshed ma'i skor spyod 'jug) lung; lus kyis kyang mi phan par bsam pa'o/ /(spyod 'jug lung dang/ bar do 'phrang sgrol gsol 'debs dran dgos/) gnyis pa rang 'chi ba'i rnam pa bsgom pa/ (bar do 'phrang sgrol dang/ chos rgyan gsung/ dge bas 'phangs pa'i tshe) (dang bsod nams zad/ /sogs dang zhwa dmar gyis rgyal po la gdams pa'i mdo 'grel tshul rnams bsam/) gnyis pa 'jig rten phyi mar ji ltar 'gyur ba 'gro ba gnyis kyi bde sdug bsam pa la/ bde 'gro'i sdug bsngal bsam pa dang; ngan 'gro'i sdug bsngal bsam pa gnyis las/ dang po ni 'og tu 'byung zhing/ gnyis pa ngan 'gro'i sdug bsngal bsam pa la gsum/ dmyal ba'i sdug bsngal bsam pa/ yi dwags kyi sdug bsngal bsam pa/ dud 'gro'i sdug bsngal bsam pa'o/ /dang po dmyal ba'i sdug bsngal bsam pa la bzhi/ sems can dmyal ba chen po'i sdug bsngal bsam pa/ nye 'khor ba'i dmal ba'i sdug @08b bsngal bsam pa/ grang ba'i dmyal ba'i sdug bsngal bsam pa/ nyi tshe ba'i dmyal ba'i sdug bsngal bsam pa'o/ /(nyi tshe ba'i skabs/ rna ba bye ba ri/ dge 'dun srung/ rta nag bla ma/ gling ras pa/ sde dge'i gnyer chen tshe brtan sogs kyi) (byung ba/) dang po sems can dmyal ba chen po'am tsha dmyal gyi sdug bsngal bsam pa la brgyad/ yang sos/ thig nag /bsdus 'joms/ ngu 'bod/ ngu 'bod chen po/ tsha ba/ rab tu tsha ba/ mnar med kyi sdug bsngal bsam pa'o/ /('di brgyad skabs lam rim chen mo/ lnga paN dgongs rgyan/ zhwa dmar lam rim/ sku tshab lam rim/ dran pa nyer gzhag /sog po'i dmyal ba'i dpe ris/) gnyis pa nye 'khor ba'i dmyal ba'i sdug bsngal bsam pa la bzhi/ me ma mur gyi 'obs/ ro myags kyi 'dam/ spu gris gtams pa'i thang/ ral gri'i lo ma'i nags tshal/ shal ma li yi ri/ las kyi chu klung rabs med do/ /gsum pa grang ba'i dmyal ba'i sdug bsngal bsam pa la brgyad/ chu bur can/ chu bur rdol ba/ a chu zer ba/ kyi hud zer ba/ so tham tham pa/ utpala ltar gas pa/ padma ltar gas pa'i khyad par/ padma ltar gas pa chen po'i khyad par ro/ /(nye) ('khor ba dang grang dmyal gong ltar/) gnyis pa yi dwags kyi sdug bsngal bsam pa la gnyis/ spyi'i sdug bsngal bsam pa dang/ so so'i sdug bsngal bsam pa'o/ /dang po spyi'i sdug bsngal bsam pa la @09a @#/ / @09b @010a @#/ /(skabs brgyad pa/ dngul chu'i mtshan dpe'i rnam bshad/) gsung gi yon tan/ (lam rim lnga dang/ bstod sprin rgya mtsho'i 'grel pa bskal bzang gsung/) thugs kyi yon tan/ 'phrin las kyi yon tan no/ /(rgyud) (bla ma'i dpe dgu sogs/ kwe'u tshang lam rim du'ang gsal/) gsum pa thugs kyi yon tan la gnyis/ mkhyen pa'i yon tan dang/ brtse ba'i yon tan no/ /('di gnyis skabs lam rim lnga dang/ zag med ye shes kyi sde tshan nyer gcig rgyan gyi) (skabs brgyad pa ltar/ ~gsum pa dge 'dun gyi yon tan skabs/ nyan rang gi yon tan rgyas par zhwa dmar lam rim du gsungs/) gnyis pa khyad par shes pa'i sgo nas skyabs su 'gro ba la drug /mtshan nyid las gyur pa'i khyad par/ 'phrin las kyi khyad par/ mos pa'i khyad par/ sgrub pa'i khyad par/ rjes dran gyi khyad par/ bsod nams 'phel ba las gyur pa'i khyad par ro/ /gsum pa khas blangs pa'i sgo nas skyabs su 'gro ba la gsum/ sangs rgyas la skyabs ston pa po/ chos la skyabs dngos/ dge 'dun la skyabs sgrub pa'i zla grogs su bzung ba'o/ /bzhi pa skyabs su song ba'i phan yon la brgyad/ nang pa sangs rgyas par tshud pa/ sdom pa thams cad kyi rten byed pa/ sngon bsags pa'i las kyi sgrib pa rnams zad par 'gyur ba/ bsod nams kyi tshogs rgya chen po bde blag tu sog pa/ mi dang mi min gyi gnod pas mi tshugs pa/ ngan song du mi ltung ba/ @010b ci bsam pa'i don thams cad 'grub pa/ myur du 'tshang rgya ba'o/ /lnga pa skyabs su song ba'i bslab bya la gnyis/ so so'i bslab bya dang/ thun mong gi bslab bya'o/ /dang po so so'i bslab bya la gnyis/ dgag pa'i bslab bya dang/ sgrub pa'i bslab bya'o/ /gnyis pa thun mong gi bslab bya la drug /dkon mchog gsum gyi khyad par dang yon tan rjes su dran pas yang dang yang du skyabs su 'gro ba/ bka' drin chen po rjes su dran pa'i sgo nas ci za ci 'thung gi phud kyis mchod pa/ gzhan skyabs 'gro la 'god pa/ phan yon dran pa'i sgo nas nyin lan gsum mtshan lan gsum du skyabs su 'gro ba/ bya ba gang byed kyang dkon mchog la blo bkal nas byed pa/ dkon mchog gsum srog gam tha na bzhad gad kyi phyir yang mi spang ba'o/ /(nang par tshud pa sogs phan yon dang bslab byr lam rim lnga gung bsgrig /de'i thog 'khon ston dang/ 'on rgyal sras kyi gsung skyabs khrid) (nas zur brgyan/) gnyis pa bde legs thams cad kyi rtsa ba las 'bras la yid ches kyi dad pa bskyed pa la gsum/ las 'bras spyir bsam pa dang/ bye brag tu bsam pa/ bsams nas 'jug ldog bya ba'i tshul lo/ / dang po la gnyis/ spyir bsam pa dngos dang/ so sor phye ste bsam pa'o/ /dang po la bzhi/ las nges pa'i tshul/ (lam rim lnga gung bsgrigs pa'i thog /'dul ba lung las gsungs pa'i dge slong chos gos 'tshod pa/ bu mo sa) @011a @#/ /(ga ma; snyan pa bzang ldan/ grong khyer sgra sgrogs char gyis non pa sogs/) las 'phel che ba/ (lam rim lnga'i thog /'dul ba lung las gsungs pa'i shed bu ser skya dang/ sgam po/ dge tshul kyun te/ gzhan yang) (mdzangs blun las khye'u gser dbyig /ser lha/ dge slong ma dkar mo sogs dang/ rgya nag chos 'byung las sprul dpe'i bstan bcos/ nga las nu'i rtogs brjod sogs/) las ma byas pa dang mi 'phrad pa/ las byas pa chud mi za ba'o/ /('di gnyis lam rim lnga dang/ 'dul ba lung las btsun mo sngo sangs ma'i bran mo/ sgra sgrog gi blon po gnyis kyi lo rgyus sogs/ rgyal po 'phags skyes pos shAkyar dmag byung tshul/ rgya nag chos 'byung las/ phol mig gi lo rgyus/) (las kyi tshul bzhi po 'di rnams 'dul ba lung dang/ mdo sde las brgya pa dang rtogs brjod brgya par gsal/) gnyis pa so sor phye ste bsam pa la bzhi/ nag po'i las 'bras bsam pa/ dkar po'i las 'bras bsam pa/ zhar la stobs ldan gyi las kyi sgo bsdus te bstan pa/ las kyi rnam dbye gzhan bstan pa'o/ /dang po la gsum/ nag po'i las lam dngos dang/ lci yang gi khyad par/ de dag gi 'bras bu bstan pa'o/ / dang po nag po'i las lam dngos la bcu/ srog gcod pa/ ma byin par len pa/ 'dod pas log par g.yem pa/ rdzun du smra ba/ phra ma/ tshig rtsub/ ngag kyal/ brnab sems/ gnod sems/ log @011b lta'o; ;(nag po'i las lam bcu lam rim lngar gsal zhing/ srog gcod kyi nyes dmigs skabs btsun pa dang ra lug glang gsum gyi 'bel gtam/) gnyis pa lci yang gi khyad par la drug /ngo bo'i sgo nas lci ba/ gzhi'i sgo nas lci ba/ bsam pas lci ba; sbyor bas lci ba/ dus rtag tu byed pas lci ba/ gnyen po med pas lci ba'o/ /('di rnams zhwa dmar lam rim/) gsum pa de dag gi 'bras bu bstan pa la gsum/ rnam smin gyi 'bras bu/ rgyu mthun gyi 'bras bu; bdag po'am dbang gi 'bras bu'o/ /gnyis pa rgyu mthun gyi 'bras bu la gnyis/ myong ba rgyu mthun dang/ byed pa rgyu mthun no/ /(rnam smin/ rgyu mthun/ bdag 'bras gsum lam rim lngar gsal/) gnyis pa dkar po'i las 'bras bsam pa la gnyis/ dkar po'i las lam dngos dang/ de dag gi 'bras bu bstan pa'o/ /'di la gsum/ rnam smin/ rgyu mthun/ bdag po'i 'bras bu'o/ /(dkar po'i lam lam dngos dang) ('bras bu yang lam rim lnga ltar/) gsum pa zhar la stobs ldan gyi las kyi sgo bsdus te bstan pa la bzhi/ zhing gi sgo nas stobs che ba/ rten gyi sgo nas stobs che ba/ dngos po'am ngo bo'i sgo nas stobs che ba/ bsam pa'i sgo nas stobs che ba'o/ /('di rnams kyang lam rim lnga/) bzhi la las kyi rnam dbye gzhan bstan pa la gnyis/ 'phen rdzogs kyi dbye ba dang/ myong bar nges pa dang ma nges pa'i las so/ /gnyis pa las 'bras bye brag tu @012a @#/ /bsam pa la gsum/ rnam smin gyi yon tan ngos gzung ba/ de dag gi byed las/ de'i rgyu bsgrub pa'o/ /dang po rnam smin gyi yon tan ngos gzung ba la brgyad/ tshe ring ba/ gzugs bzang ba/ rigs mtho ba/ dbang phyug phun sum tshogs pa/ tshig btsun pa/ dbang che ba/ skyes pa nyid yin pa/ lus sems stobs dang ldan pa'o/ /gsum pa de'i rgyu bsgrub pa la brgyad/ gzhan gyi srog skyob pa; rten la mar me sogs 'bul ba/ gzhan la bran ltar gus pa/ sbyin pa la brtson pa/ ngag bag dang ldan pa/ rang la yon tan sna tshogs 'byung bar smon lam 'debs pa/ bud med la nyes dmigs su blta pa; gzhan gyis mi nus pa'i las stobs chen bsgrub tu rung ba rnams rang gis bsgrub pa'o/ /(rnam smin gyi yon tan/ byed las/ rgyu ste gsum ga lam rim lnga ltar/) gsum pa bsams nas 'jug ldog bya ba'i tshul la gnyis/ spyir bstan pa dang/ khyad par du stobs bzhis sbyong ba'i tshul lo/ /'di la bzhi/ rnam par sun 'byin pa'i stobs/ gnyen po kun tu spyod pa'i stobs/ nyes pa las slar ldog pa'i stobs/ rten gyi stobs so/ /gnyis pa gnyen po kun tu spyod pa'i stobs la drug /mdo sde zab mo la brten pa/ stong nyid la brten pa/ gzungs sngags la brten pa/ sku gzugs la brten pa/ mchod pa la brten pa/ mtshan la @012b brten pa'o/ /de yan gyis skyes bu chung ngu dang thun mong ba'i lam gyi rim bar blo sbyong tshul gyi sa bcad bshad zin to// ! //gnyis pa skyes bu 'bring dang thun mong ba'i lam gyi rim par blo sbyang ba la gnyis/ thar pa don du gnyer ba'i blo bskyed pa dang/ thar par bgrod pa'i lam gyi rang bzhin gtan la dbab pa'o/ /dang po la gnyis/ sdug bden bden bzhi'i thog mar gsungs pa'i dgongs pa bstan pa dang/ sdug bsngal bsgom pa dngos so// 'di la gnyis/ 'khor ba spyi'i sdug bsngal bsam pa dang/ so so'i sdug bsngal bsam pa mjug sdud dang bcas pa'o/ /dang po la drug /nges pa med pa'i nyes pa/ (lam rim lnga/) ngoms pa med pa'i nyes pa/ (lam rim lnga dang/) (nga yas nu'i lo rgyus/) lus yang nas yang du 'dor ba'i nyes pa/ (lam rim lnga/) yang yang nying mtshams sbyor ba'i nyes pa/ yang yang mtho dman du 'gyur ba'i nyes pa/ (sogs lam rim lnga dang ~rgyal dbang bskal bzang gsung 'phags bstod/) grogs med pa'i nyes pa bsam pa'o/ /(gong ltar/) gnyis pa so so'i sdug bsngal bsam pa la gnyis/ ngan 'gro'i sdug bsngal bsam pa dang/ bde 'gro'i sdug bsngal bsam pa'o/ /dang po ngan 'gro'i sdug bsngal bsam pa ni gong du song zin cing/ gnyis pa bde 'gro'i sdug bsngal bsam pa la gsum/ mi'i sdug bsngal bsam pa/ lha ma yin gyi sdug bsngal bsam pa/ lha'i sdug bsngal bsam pa'o/ /(lha dang lha min gyi sdug bsngal bsam pa'i) @013a @#/ /(skabs lam rim lnga dang/ mdo sde dran pa nyer gzhag tu gsal/) dang po la bdun/ skye ba'i sdug bsngal/ (lam rim lnga dang/ dga' bo mngal 'jug gi mdo/) rga ba'i sdug bsngal/ (lam rim lnga dang/ nyams myong) (rgan po'i 'bel gtam/) na ba'i sdug bsngal/ (lam rim lnga/) 'chi ba'i sdug bsngal/ (lam rim lnga dang/ 'chi ba'i rnam pa sngar mi rtag pa'i skabs bsam pa ltar dang/ bar do 'phrang sgrol/ skyabs thugs rje ma'i lung/) gnyen sdug pa dang bral ba'i sdug bsngal/ dag mi sdug pa dang phrad pa'i sdug bsngal/ 'dod pa'i dngos po btsal kyang mi rnyed pa'i bkres skom tshol khro sogs kyi sdug bsngal bsam pa/ (rnams lam rim lnga/) mdor na rigs drug gang du skyes kyang sdug bsngal gyi sdug bsngal/ 'gyur ba'i sdug bsngal/ khyab pa 'du byed kyi sdug bsngal gsum gyis bar mtshams med par mnar tshul bsams pas mjug bsdu ba'o/ /gnyis pa thar par bgrod pa'i lam gyi rang bzhin gtan la dbab pa la gnyis/ kun 'byung 'khor ba'i 'jug rim bsam pa dang/ thar par bgrod pa'i lam gyi rang bzhin gtan la dbab pa dngos so/ /dang po la gsum/ nyon mongs pa'i skye tshul/ des las gsog tshul/ 'chi 'pho ba dang nying mtshams sbyor ba'i tshul lo/ /dang po nyon mongs pa'i skye tshul la bzhi/ nyon mongs ngos gzung ba/ de ji ltar skye ba'i rim pa/ nyon mongs pa'i rgyu/ nyon mongs pa'i nyes dmigs so/ /(nyes) @013b (dmigs skabs mdo sde rgyan dang/ spyod 'jug) dang po nyon mongs pa ngos gzung ba la gnyis/ rtsa ba'i nyon mongs pa dang/ nye ba'i nyon mongs pa'o/ /dang po la drug /'dod chags/ khong khro/ nga rgyal/ ma rig pa/ the tshom nyon mongs can; lta ba nyon mongs can rnams so/ /drug pa lta ba nyon mongs can la lnga/ 'jig lta/ mthar lta/ lta ba mchog 'dzin/ tshul khrims dang brtul zhugs mchog 'dzin/ log lta'o/ /(nyon mongs ngos gzung la/ chen mo/ zhal) (lung; zhwa dmar lam rim gsum/ ~nyams khrid rgyas pa'i skabs/ bar 'dir lam rim chen mo dang/ 'jam dpal zhal lung nas bstan pa ltar/) rten 'brel bcu gnyis kyi sgo nas 'khor ba'i sdug bsngal bas mtshul (gsungs pas/) 'di la bzhi/ yan lag gi dbye ba/ yan lag gi bsdu ba/ tshe du la rdzogs pa/ de dag gi don bsdu ba'o/ /dang po la bcu gnyis/ ma rig pa/ 'du byed/ rnam par shes pa/ ming gzugs/ skye mched/ reg pa/ tshor ba/ sred pa/ len pa/ srid pa/ skye ba/ rga shi'o/ /gsum pa nyon mongs pa'i rgyu la drug /rten/ dmigs pa/ 'du 'dzi/ bshad pa/ goms pa/ yid la byed pa'o/ /gnyis pa des las gsog tshul la gsum/ bsod nams ma yin pa'i las dang/ bsod nams kyi las dang; mi g.yo ba'i las so/ /gsum pa 'chi 'pho ba dang nying mtshams sbyor ba'i tshul la gsum/ 'chi ba ji ltar 'byung tshul/ shi nas bar do 'grub lugs/ des skye srid du nying mtshams sbyor ba'i tshul lo/ /('di gsum skabs chen mo/ zhal) @014a @#/ /(lung; zhwa dmar/ gnyis pa thar par bgrod pa'i lam gyi rang bzhin gtan la dbab pa dngos la gnyis/ rten ji lta bu zhig gis 'khor ba ldog pa dang/ (lam rim gsum/) lam ji 'dra ba zhig bsgoms pas 'khor ba ldog pa'o/ /(lam rim lnga dang/ tshul khrims bsrung ba'i phan yon/ ma bsrungs ba'i nyes dmigs/ bsrung tshul sogs 'dul ba'i gzhung du gsal/) des skyes bu 'bring dang thun mong ba'i lam gyi rim pa la blo sbyong tshul gyi sa bcad bshad zin to// ! //gsum pa skyes bu chen po'i lam gyi rim pa la blo sbyang ba la gsum/ theg chen gyi 'jug sgo sems bskyed kho nar bstan pa phan yon dang bcas pa/ byang chub tu sems bskyed pa'i tshul/ sems bskyed nas spyod pa la slob tshul lo/ /dang po la bcu/ theg chen gyi 'jug sgo sems bskyed kho nar bstan pa/ (lam rim chen mo dang/ blo sbyong blo bzang dgongs rgyan/) rgyal ba'i sras zhes bya ba'i ming thob pa/ nyan rang rigs kyi sgo nas zil gyis gnon pa/ mchod pa'i zhing mchog tu 'gyur ba/ tshogs bde blag tu rdzogs pa/ sdig sgrib myur du sbyang ba/ ci bsam pa 'grub pa/ gnod pa dang bar chad kyis mi tshugs pa/ sa lam thams cad myur du rdzogs pa/ 'gro ba'i bde skyid ma lus pa 'byung ba'i zhing sar 'gyur ba'o/ /(phan yon phyi ma dgu'i skabs su/ spyod 'jug dang/ blo sbyong blo bzang dgongs rgyan thog zhal shes) @014b (bsnan pa/) gnyis pa byang chub tu sems bskyed pa'i tshul la gnyis/ byang chub kyi sems sbyong ba'i rim pa dngos dang/ sems bskyed cho gas gzung ba'i tshul lo/ /dang po la gsum/ rgyu 'bras man ngag bdun gyi sgo nas blo sbyong tshul dang/ bdag gzhan mnyam brje'i sgo nas blo sbyong tshul/ de gnyis gcig tu dril te skyong tshul lo/ /dang po la brgyad/ tshad med btang snyoms dang/ (bde myur dang/ chen mo/ lnga paN/ zhwa dmar/ kwe'u tshang lam rim/) mar shes/ (zhal shes dang/ lam rim lnga/) drin dran/ drin gzo/ yid 'ong gi byams pa/ (gsum lam rim lnga/) snying rje/ (lam rin lnga dang/ dbu ma 'jug pa/ spyod 'jug /~bde ba dang ldan 'dod kyi byams par/ lam rim lnga dang/ dbu ma rin phreng/) lhag bsam/ sems skyed dngos bsgom pa'o/ /('di gnyis skabs lam rim lnga/) gnyis pa bdag gzhan mnyam brje'i sgo nas blo sbyong tshul la lnga/ bdag gzhan mnyam pa/ (blo sbyong blo bzang dgongs rgyan dang/ bdud rtsi'i snying po/ legs bshad kun) ('dus/ snyan brgyud chen mo/ /bla mchod bcas/) rang gces 'dzin gyi skyon sgo du ma nas bsam pa/ gzhan gces 'dzin gyi yon tan sgo du ma nas bsam pa dang gtsos par 'dzin 'os pa'i rgyu mtshan/ ('di'i skyon yon bsam pa la/ blo) (sbyong bzhi/ spyod 'jug /bla mchod/ rgyal po zla 'od/ dpal gyi sde/ snying stobs chen po/ ded dpon mdza' bo'i bu mo/ rus sbal gyi gtso bo/ dmyal ba'i shing rta 'dren pa'i gyad/ blo sbyong mtshon 'khor/ tshigs brgyad/) bdag gzhan brje ba'i bsam pa dngos/ (spyod 'jug /blo) @015a @#/ /(sbyong bzhi/ lam rim lnga/ bla mchod bcas/) de la brten nas gtong len bsgom tshul lo/ /(spyod 'jug /blo sbyong bzhi/ lam rim lnga/ spyod 'jug smon lam bton pa dang sbrags pa sogs zhal shes kyang yod/) gsum pa de gnyis gcig tu dril te skyong tshul la bcu gsum/ btang snyoms/ mar shes/ drin dran/ drin gzo/ bdag gzhan mnyam pa/ rang gces 'dzin gyi skyon sgo du ma nas bsam pa/ gzhan gces 'dzin gyi yon tan sgo du ma nas bsam pa/ gzhan gces par 'dzin 'os pa'i rgyu mtshan/ bdag gzhan brje ba dngos/ snying rje'i dmigs pa rtsal du bton nas len pa/ byams pa'i dmigs pa rtsal du bton nas gtong ba/ lhag bsam/ sems bskyed dngos bcas kyi skyong tshul lo/ /gnyis pa sems bskyed cho gas gzung ba'i tshul la gnyis/ sdom pa ma thob pa thob par byed pa/ thob pa mi nyams par bsrung ba'i tshul lo/ /('di gnyis la/ chen mo dang/ zhal lung/) (byang sa'i tshul khrims le'u'i rnam bshad/ zhal shes kyang mang/) gsum pa sems bskyed nas rgyal sras kyi spyod pa la slob pa'i tshul la gsum/ thun mong ba rgyal sras kyi spyod pa spyi la slob tshul dang/ khyad par du phar phyin tha ma gnyis la slob tshul/ thun mong ma yin pa rdo rje'i theg pa la slob tshul lo/ /dang po la gnyis/ rang rgyud smin par byed pa phar phyin drug la slob tshul dang/ gzhan rgyud smin par byed pa bsdu ba'i dngos po bzhi la slob tshul @015b lo; ;dang po la drug /sbyin pa/ tshul khrims/ bzod pa/ brtson 'grus/ bsam gtan/ shes rab la slob tshul lo/ /dang po sbyin pa la gsum/ chos kyi sbyin pa/ mi 'jigs pa'i sbyin pa/ zang zing gi sbyin pa'o/ /(sbyin) (pa la slob tshul lam rim lnga/ bslab btus/ sku tshab lam rim/ 'jug pa/ spyod 'jug ) /gnyis pa tshul khrims la gsum/ nyes spyod sdom pa'i tshul khrims/ dge ba'i chos sdud pa'i tshul khrims/ sems can don byed kyi tshul khrims so/ /gsum pa bzod pa (gong bzhin/) la gsum/ gnod byed la ji mi snyam pa'i bzod pa/ sdug bsngal dang du len pa'i bzod pa/ chos la nges sems kyi bzod pa'o/ /('di sum la/ chen mo/ zhal lung dang lho rgyud/) (spyod 'jug bzod pa'i le'u/) bzhi pa brtson 'grus la/ go cha'i brtson 'grus/ dge ba chos sdud kyi brtson 'grus/ sems can don byed kyi brtson 'grus gsum la slob pa dang/ brtson 'grus kyi mi mthun phyogs sgyid lug pa'i le lo/ zhum pa'i le lo/ bya ba ngan zhen gyi le lo gsum spang ba'o/ /(brtson 'grus skabs lam rim lnga'i thog /zhi ba lha'i bslab btus dang/ sku tshab lam rim/ 'jug pa/ spyod 'jug bcas/) lnga pa bsam gtan la/ ngo bo'i sgo nas 'jig rten dang 'jig rten las 'das pa'i bsam gtan gnyis/ phyogs kyi sgo nas zhi gnas dang lhag mthong dang de gnyis zung du 'brel ba'i phyogs gsum/ byed las kyi sgo nas/ lus sems bde bar gnas pa'i bsam gtan/ @016a @#/ /yon tan mngon par sgrub pa'i bsam gtan/ sems can gyi don byed pa'i bsam gtan gsum mo/ /drug pa shes rab la gsum/ gnas lugs rig pa don dam rtogs pa'i shes rab/ gnas lnga rig pa kun rdzob rtogs pa'i shes rab/ sems can gyi don bya tshul rtogs pa'i shes rab bo/ /gnyis pa gzhan rgyud smin byed bsdu bI dngos po bzhir slob pa'i tshul la bzhi/ sbyin pa/ snyan par smra ba/ don spyod pa/ don mthun pa'o/ /(bsdu bzhi ni lam rim rnams dang/ sems can gyi don bya ba bcu gcig byang sar gsal/) gnyis pa phar phyin tha ma gnyis la bslab tshul la gnyis/ bsam gtan gyi ngo bo zhi gnas la bslab tshul dang/ shes rab kyi ngo bo lhag mthong la bslab tshul lo/ /dang po bsam gtan gyi ngo bo zhi gnas la bslab tshul la drug /zhi gnas kyi tshogs bsten pa/ zhi gnas bsgrub tshul dngos/ de la brten nas sems gnas dgu bsgrub tshul/ de stobs drug gis 'grub lugs/ de la yid byed bzhi yod tshul/ de las zhi gnas dngos skye tshul lo/ /dang po zhi gnas kyi tshogs bsten pa la drug /mthun pa'i yul na gnas pa/ 'dod pa chung ba/ chog ? shes pa/ bya ba mang po'i 'du 'dzi yongs su spang ba/ tshul khrims dag pa/ 'dod pa la 'dun pa'i rnam rtog yongs su spang ba'o/ /('di dag skabs lam rim lnga/) @016b gnyis pa zhi gnas bsgrub tshul dngos la lnga/ ting nge 'dzin gyi gegs nyes pa lnga'i dang po le lo'i gnyen po ting nge 'dzin gyi yon tan mthong ba'i dad pa/ ting nge 'dzin don gnyer gyi 'dun pa/ ting nge 'dzin la rtsol ba'i brtson 'grus/ rtsol ba'i 'bras bu shin sbyangs te bzhi dang/ nyes pa gnyis pa brjed pa'am dmigs rten shor ba'i gnyen po dran pa/ nyes pa gsum pa bying rgod kyi gnyen po shes bzhin/ bying rgod byung ba'i tshe/ nyes pa bzhi pa gnyen po mngon par 'du mi byed pa'i gnyen por gnyen po mngon par 'du byed pa/ bying rgod dang bral ba'i tshe/ nyes pa lnga pa gnyen po mngon par 'du byed pa'i gnyen por 'du byed btang snyoms bsten po'o/ /(nyes pa lnga spong 'du byed brgyad bsten tshul ni/ lam rim che chung/ lnga paN/ zhwa dmar dang sku tshab/ phyag chen gyi 'khrid sogs gung bsgrigs thog /zhal shes/) gsum pa de la brten nas sems gnas bsgrub tshul la dgu; de dang de la sems 'jog pa/ rgyun du 'jog pa/ blan te 'jog pa/ nye bar 'jog pa/ dul bar byed pa/ zhi bar byed pa/ rnam par zhi bar byed pa/ rtse gcig tu byed pa/ mnyam par 'jog pa'o/ /(sems gnas) (dgu sogs gong ltar la zhal shes bsnan/) bzhi pa de stobs drug gis 'grub lugs la drug /sems gnas dang po 'jog pa thos pa'i stobs kyis 'grub pa/ sems gnas gnyis pa rgyun du 'jog pa bsam pa'i stobs kyis @017a @#/ /'grub pa/ sems gnas gsum pa blan te 'jog pa dang bzhi pa nye bar 'jog pa gnyis dran pa'i stobs kyis 'grub pa/ sems gnas lnga pa dul bar byed pa dang drug pa zhi bar byed pa gnyis shes bshin gyi stobs kyis 'grub pa/ sems gnas bdun pa rnam par zhi bar byed pa dang brgyad pa rtse gcig tu byed pa gnyis brtson 'grus kyi stobs kyis 'grub pa/ sems gnas dgu pa mnyam par 'jog pa 'dris pa'i stobs kyis 'grub pa'o/ /lnga pa de la yid byed bzhi yod tshul la bzhi/ sems gnas dang po gnyis la bsgrims te 'jug pa'i yid byed/ bar pa lnga la chad cing 'jug pa'i yid byed/ brgyad pa la chad pa med par 'jug pa'i yid byed/ dgu pa la lhun gyis grub par 'jug pa'i yid byed rnams yod do/ /gnyis pa shes rab kyi ngo bo lhag mthong la bslab tshul la gsum/ gang zag gi bdag med gtan la 'bebs pa/ chos kyi bdag med gtan la 'bebs pa/ de las lhag mthong skye tshul lo/ /dang po la gnyis/ mnyam gzhag nam mkha' lta bu'i skyong tshul dang/ rjes thob sgyu ma lta bu'i skyong tshul lo; ;dang po la bzhi/ dgag bya nges pa'i gnad/ (lam rim rnams dang/ ba so'i lta khrid/ mkhar rdo blo bzang sgom chung gi gsung lhag mthong lhan thab/ lcang skya'i lta mgur a ma ngos 'dzin/ lta khrid thun mong min pa rnams gung bsgrigs/) @017b khyab pa nges pa'i gnad/ bden pa'i gcig bral nges pa'i gnad/ bden pa'i du bral nges pa'i gnad do/ /(gnad lhag ma gsum la/ lam rim dang/ lta khrid lnga ma rnams kyi thog /chos rgyan gsung bdag 'dzin gshags 'debs la da lta dgos/) gnyis pa chos kyi bdag med gtan la 'bebs pa la gnyis/ 'dus byas rang bzhin gyis med par gtan la 'bebs pa/ 'dus ma byas rang bzhin gyis med par gtan la 'bebs pa'o/ /dang po la gsum/ gzugs rang bzhin gyis med par gtan la 'bebs pa/ shes pa rang bzhin gyis med par gtan la 'bebs pa/ ldan min 'du byed rang bzhin gyis med par gtan la 'bebs pa'o/ /(chos kyi bdag med gtan la 'bebs par/ lam rim dang/ lta khrid/ rgyas par na/ dbu ma'i gzhung chen mo rnams dang/ phyag chen gyi khrid/ lam gtso'i khrid/) (rten 'brel stod pa'i TIkka sogs la blta dogs/) skyes bu chen po'i lam gyi rim par blo sbyong tshul gyi sa bcad bshad zin to// ! (de ltar khyab bdag 'khor lo'i mgon po rdo rje 'chang pha bong kha pa dpal bzang po'i gsung rgyun ji lta bar byang chub lam gyi rim pa'i dmar) (khrid kyi sa bcad rgyas par bkod pa mchan dang bcas pa 'di ni/ dben gnas bkra shis chos gling gi gnas bla ma/ bslab gsum bstan pa'i rgyal mtshan 'dzin pa mtshungs med chos kyi rje blo bzang chos 'phel ba'i zhal snga nas kyis/ bla ma rdo rje 'chang chen pos lam rim nyams 'khrid) (stsal skabs kyi sa bcad rgyas pa zhig zin bris su 'debs gnang mdzad 'dug par/ rang gi mos pas ring mo nas yang yang bskul te bris bshus legs par bgyis yod pa sor bzhag thog /der dogs pa'i cha 'ga' zung mchis par kho bos rdo rje 'chang) @018a @#/ /(de nyid kyi drung du nos skabs kyi lam rim tho snga phyi'i sa bcad nas kyang lhag bsam dag pas zhib bsdur gyis re gnyis kha bskang ste 'phyin 'jug zhu dag blos gang dbogs zhus pa dang/ lugs gnyis kyi mdzad bzang phul) (byung ris mtshungs gzhan dang mi mnyam pa'i dad gtong rnam dpyod yangs pa sa skyong ~mi'i dbang po bka' blon las rogs shan kha ba 'gyur med bsod nams stobs rgyas mchog nas snga dus rdo rje 'chang chen po gang gi mdun du lam rim 'khrid dmigs bskyang tshe) (dpe cha ji 'dra bar blta rtog bya dgos dri ba zhus pa'i bka' slob gang phebs rnams nas de ga sku mdun rang du lam rim sa bcad rje btsun bla ma'i zhal lung la mchan 'god zhib tu gnang 'dug pa rnams skabs mtshams su sbyar nas bkod pa yin la/ da dung) (mchan bur phyogs tsam las ma 'khod pa'ang shin tu mang ba rje bla ma rdo rje 'chang de nyid kyi gsung bshad zin bris rnams su rgya cher gsal ba las shes par bya zhing/ don gnyer ldan pa gzhan rnams kyis sa bcad rgyas pa 'di nyid dpe ring gi steng nas gzigs) (na mi 'thus pa ci yang med par ma zad/ 'di spar thung 'khyer bde gsar brko bgyis na/ sngon yod bka' rtsom ngo ma'i sa bcad rje btsun bla ma'i zhal lung spar thung zur du yod pa 'khrid lung yang de thog nas gnang rgyun yod mus dang/ blo dman gyis 'khyer bde la/) ('gro don gdal khyab/ byin rlabs kyi tshan kha sogs gang ci nas gzhan dang mi mtshungs pa de bzhin nyams rkyen gyi nyes par 'gyur ba'i gnas yod pas/ rgyas pa 'di spar thung mi dgos par mdzad de/ bstan pa'i thugs 'khur theg pa'i skyes mchog) @018b (byon dang byon 'gyur rnams nas kyang 'khrid lung skabs kyi phyag dpe sa bcad bsdus pa de rang gi steng nas gnang zhing/ sa bcad rgyas pa'i nang gses kyi sa bcad tshun thugs thog tu bzhes te/ zab cing rgya che'i gdams pa khungs ldan gser gyi yang zhun lta bu'i spros bshad kyi bka' drin) (dam pa gangA'i bye sneyd gdul bya'i mgon du zad mi shes par bskyangs pas gsung rab kun gyi yang snying cha tshang la dri ma thams cad dang bral ba'i lam gyi rim pa'i bshad sgrub kyi bstan pa nam mkha' mnyam par srid mtha'i bar du skyong par mdzad du gsol/ zhes gsol) (ba 'debs pa be ni/ rdo rje 'chang pha bong kha pa bka' drin mtshungs pa med pa mchog gi zhabs kyi rdul spyi bor len pa'i skal bzang thob pa/ 'dan chos dgon grwa rigs su d+hI'i ming can te/ 'di'i dge bas bstan 'gro mtha' dag la phan bde 'ba' zhig rgya che rgyun) (mi 'chad du 'byung bar gyur cig / ! //rje tsong kha pa chen po'i bka' 'bum thor bu las/) blo ldan khyod kyis bdag la phan 'dod na/ /tshe 'di'i 'tsho tshis ji ltar byas kyang phyid/ /'jig rten phyi mar nges par 'gro 'tshal bas; ;de phyir phyi ma don du gnyer bar rigs/ /mi yi lus dang bstan ngang mjal ba ni/ /yang yang mi rnyed da res tsam lags shing/ /'di na don chen 'grub pa'i gnas yod pas/ /tshul 'di sems la mi lus snying po long// deng bya sang bya'i bsam pas 'byams gyur na/ /'chi bas gtugs nas ci bgyir ma mchis pas/ /de phyir thos pa'i don rnams de ma thag /phyi bshol mi bya lag tu blang bar rigs/ /dran shes go cha bral ba'i skye bo la/ /yul @019a @#/ /gyi chom rkun dag gis rtag tu 'tshe/ /dge ba'i las la'ang grogs byed dkon pas na/ /mkhas pas gzhan gyi dring la mi bzhag go/ /(zhes dang/) gang la spyad pas phugs su sdug bsngal na/ / 'phral du bde bar snang yang bsten mi bya/ /dug dang 'dres pa'i kha zas g.yos legs rnams/ /kun gyis spong bar byed pa ma mthong ngam/ /nyin re zhing yang dkon mchog mchod pa sogs/ /dge la 'bad cing sngar byas sdig pa bshags/ /slan chad sdom pa je drag je drag bya/ /gang bsags dge ba sangs rgyas rgyu ru sngos/ mdor na skye dang 'chi ba'i dus rnams su/ /gcig pur skye zhing gcig pur 'chi bas na/ /grogs dang nye du la sogs kun gyis bslu/ /slu ba med pa'i mchog ni dam chos yin/ /tshe thung 'di ni glog bzhin yud tsam pa/ /gang ltar byas kyang phyid kyi gtan bde gcig /sgrub dus da res yin no legs par som/ /dal 'byor rin chen stong log ma byed cig /(cese)// // ( ! chos spyan dad gus mtshungs med rtse phyag mchog /mkhan chung thub bstan rgyal po'i shag tshang nas/ /dmigs yul pha ma rdo rje don grub dang/ /rdo rje g.yang 'dzoms ched du par 'di bsgrubs/ /dge bas thub bstan yang snying dar zhing rgyas/ /gangs can mgon sogs bstan 'dzin sde dang bcas//) (zhabs sen rtag brtan dga' ldan lugs gnyis kyi/ /dpal 'byor dus kun phyogs brgyar 'phel gyur cig /dmigs yul rgyu sbyor gyis mtshon yid can kun/ /dal rten rim brgyud theg mchog bshes gnyen gyis/ /rjes bzung yongs rdzogs lam la dbang 'byor te/ /sangs rgyas go 'phang ring min mngon byed shog) / mangalaM// //