/dpal gsang ba 'dus pa'i sgo nas rab tu gnas par byed pa'i chog mdor bsdus pa bzhugs so//

@001 @##/ /rab gsal li khri'i mdog can rin chen rgyan/ /rab mdzes
lha brgya'i cod pan 'jam dbyangs la/ /rab tu gus pa'i yid kyis
phyag 'tshal nas/ /rab gnas

mdor bsdus mkhas pa'i gsung bzhin bri/ /dpal ldan gsang ba 'dus
pa'i sgo nas rab tu gnas par byed pa'i cho ga rgyas 'bring bsdus
gsum las/ 'dir ni/ mdor bsdus pa

tsam zhig bshad par bya ste/ de yang sbyir ni/ rab gnas ma byas
kyang sku gsung thugs kyi rten grub tsam nas phyag dang mchod
pa'i yul du 'os te/ bshes springs las/ ji ltar

bde gshegs sku gzugs shing las kyang/ /bgyis pa ci 'dra'ang rung
ste mkhas pas mchod/ ces dang/ yum gyi glegs bam la sogs pa grub
tsam nas mchod pa'i gnas

@002a @#/ /su bshad pa'i phyir dang/ phar phyin theg pa nas de
bzhin gshegs pa'i sku gzugs bzheng ba dang mchod pa sogs byas
pas/ phan yon thob par gsungs kyang

rab gnas ma bshad pa'i phyir ro/ /'on kyang sbyin bdag la sogs
pa'i bsod nams spel ba'i phyir du rab gnas gsungs te/ rab gnas
kyi rgyud las/ skye bo rab tu dad pa yis/ /

byed pa'i dge ba spel ba'i phyir/ /rab gnas bstan bcos las
gsungs pa/ /tha snyad tsam du byas pa yin/ zhes so/ /'o na gnas
gang du rab tu gnas par bya zhe na/ bkra shis shing

yid dang mthun ba'i gnas su bya'o/ /dus tshod tshes grangs gza'i
skar byed pa sbyor ba sogs ji lta bu la bya zhe na/ dpyid zla ra
ba dpyid zla 'bring/ /dgun dang dpyid kyi tha chung ngam/ /dbyar

ra de bzhin dbyar 'bring po/ /nyi ma byang du gnas pa yi/ /dkar
po'i phyogs kyi gnyis pa'am/ /de bzhin de ltar gsum pa'am/ /gang
tshe gza' dang chos mthun na/ /nag po'i phyogs

@002b la'ang brtsam par bya/ /gang che thams cad mthun gyur na/
/mi rnams yun du 'phel bar byed/ /bco lnga de bzhin brgyad pa
dang/ /bcu gsum pa yang de bzhin no/ /gnam stong dang ni de
bzhin du/ /bcu pa la

yang bya ba yin/ /thams cad du ni chu stod dang/ /snar ma de
bzhin gro bzhin dbo/ /lag dang snubs dang snron dang ni/ /rgyal
dang chu smad de bzhin no/ /khrums smad dag kyang de bzhin no/
/rgyu skar 'di rnams thams

cad du/ /skye dgu 'phel zhing de yis ni/ /rab tu gnas pa mchog
tu byed/ /skar ma dbo la rab gnas bya/ /des ni shes rab chen por
'gyur/ /yid la 'dod pa ci yang rung/ /dngos grub me bzhis ster
bar

'gyur/ /lung las bshad pa'i yang dag pa/ /snubs sam yang na gro
bzhin gyis/ /lag gis skal bzang snar mas ni/ /gzhan dag las ni
rgyal bar byed/ /mgo yis nye bar zhi ba ste/ /chu stod chu smad

bu 'phel 'gyur/ /rtag par dngos grub khrums smad kyis/ /rgyal
gyis rtag par tshe ring 'gyur/ /snron gyis mchog tu bde bar byed/
/lha mtshams kyis ni mchog ster 'gyur/ /phur bu lhag pa pa wa
sangs

zla ba'i gza' sogs shes byas te/ /'di rnams bzang ldan la byas
na/ /rab tu gnas pa mchog tu dge /gsum pa drug pa bdun pa dang/
/bcu dang bcu gcig la zla ba/ /gnyis pa bzhi pa de bzhin bnab?

@003a @#/ /bcu dang bcu gcig rnams la lhag /gnyis dang bdun dang
de bzhin dgu/ /de bzhin phur bu bcu bzhi pa/ /dus sbyor bzhi pa
la brten nas/ /de la lhag par gnas par bya/ /drug bdun bcu pa
dor ba yi;

pa wa sangs nyid dge ba yin/ /de ltar gza' rnams thams cad kyi/
/stobs ldan mi ldan shes par bya/ /gang tshe zhi ba'i gza' rnams
dang/ /zhi rnams dge bzhi ba yin/ /dang po gsum pa bdun pa ni/
/nor rnams 'joms

pas spar bar bya/ /rjes su mthun par byed pa po/ /skad cig gcig
la yongs grub cing/ /ji ltar gsungs bzhin kun byas na/ /rab tu
gnas pa mchog 'gyur zhing/ /'khor los sgyur rgyal dbang phyug
ni/ /thob

'gyur 'dil the tshom med/ ces gsungs so// rten gang la rab gnas
bya zhe na/ sku gsung thugs kyi rten dang gtsug lag khang dang/
rdor dril dang skyed mos tshal la sogs pa'o/ /'di la sdoms ni/
bdag

bskyed gsol gdab sems bskyed de/ /rten bskyed khro bo spyan
drangs nas/ /mchod bstod spyang pa'i rim pa dang/ /khas rim gnas
gsum byin gyis brlab/ /ye shes spyan drangs mchod nas ni/ /gsol
gdab

dam tshig pa la gzhug /dbang lha spyan drangs mchod nas ni/
/dbang bskur rigs bdag gis rgyas gdab/ /mchod bstod spyan dbye
gzugs bsgyur bya/ /chu bzhi nyer spyod 'dod yon sogs/ /shis
brjod brtan bzhugs

@003b bzod par gsol/ /chos skyong yon bdag bsgo ba'o/ /dang po
bdag bskyed ni/ yid kyi rol pa dril med zla 'dras bsgrubs/ zhes
pa nas/ sems ni byang chub dam par bskyed par bgyi/ /oM shU
n+ya tA sa stong pa nyid du gyur/

stong pa'i dang las sna tshogs padma dang nyi ma'i steng du hUM
las rdo rje/ de yongs su gyur pa las/ rang nyid zhe sdang rdo
rje sku mdog mthing nag nag dkar dmar ba'i zhal gsum phyag drug
gi g.yas rdo rje 'khor lo padma/ g.yon dril bu

rin chen ral gri 'dzin pa/ dbu skra ral pa'i thor tshugs can/
mtshan bzang po so gnyis dang/ dpe byang bzang po brgyad cus
brgyan pa/ yum reg bya rdo rje ma sngon mo sde dkar dmar ba'i
zhes pa nas/ ral gri 'dzin pa

dbu skra ral pa phyed bcings su byas pa/ zhes pa nas/ phan tshun
du 'khyud pa/ gnyis ka'ang rin po che'i dbu rgyan gsol ba/ zhes
pa nas/ sham thabs 'phyar ba/ de'i spyi bor oM/ mgrin par AH
thugs

kar hUM/ thugs ka'i hUM las 'od zer 'phros pas bsgoms pa dang
'dra ba'i ye shes pa spyan drangs/ dzaH hUM baM hoH gnyis su
med par gyur/ ! de nas lag tu me tog thogs/ yon tan dran pa'i
sgo nas/ gang

'di bcom ldan 'das de bzhin gshegs pa dgra bcom pa yang dag par
rdzogs pa'i sangs rgyas rig pa dang zhabs su ldan pa/ bde bar
gshegs pa/ 'jig rten mkhyen pa/ skyes bu 'dul ba'i kha lo sgyur
ba/ bla

@004a @#/ /na med pa/ lha dang mi rnams kyi ston pa sangs rgyas
bcom ldan 'das te/ rgyu dang 'bras bu'i dgos pa phun sum tshogs
pa dang ldan pa/ chos thams cad thugs su chud pa'i sangs rgyas
bcom ldan 'das

'di bdag gis rab tu gnas par bgyi'o/ /gang 'di bcom ldan 'das
kyi byang chub kyi phyogs kyi chos sum cu rtsa bdun dang yang
dag par ldan pa/ stobs bcu dang/ mi 'jigs pa bzhi dang/ ma 'dres
pa'i dran pa nye bar gzhag

pa gsum dang/ thugs rje chen po la sogs pa mdor na slob pa dang
mi slob pa'i sangs rgyas su byed pa'i chos rnams dang ldan pa/
de'i skyon gyi nyes pa thams cad dang bral zhing bde bar gshegs
pa'i yon tan gyi chos tshad med pa dang

ldan pa'i sangs rgyas bcom ldan 'das 'di bdag gis rab tu gnas
par bgyi'o/ /gang 'di bcom ldan 'das kyi bla na med pa'i tshul
khrims la sogs pa'i phung po lnga dang yang dag par ldan pa/ cho
'phrul gsum dang ting nge 'dzin gsum

dang tshangs pa'i gnas pa bzhi dang bsam gtan bzhi dang 'phags
pa'i bden pa bzhi dang yang dag par ldan pa/ de'i yang dag pa
phyin ci ma log pa'i ye shes dang/ shes bya'i yul thams cad
brnyes pas nyon mongs pa la sogs

pa rnams ma lus par spangs pa dang/ bdud bzhi las rab tu rgyal
ba'i sangs rgyas bcom ldan 'das 'di bdag gis rab tu gnas par
bgyi'o/ /gang 'di bcom ldan 'das kyis pha rol tu phyin pa drug
yongs su rdzogs

@004b pa dang/ bsod nams dang ye shes kyi tshogs yang dag par
bsags pa dang/ skyes bu chen po'i mtshan sum cu rtsa gnyis kyis
yang dag par brgyan pa dang/ dpe byang bzang po brgyad cus rnam
par mdzes pa dang/ skyes bu chen

po'i sku blta bas chog mi shes pa dang/ mthong na mi mthun pa
med pa ste/ de'i gzugs kyi sku'i 'byor pa mthar thug pa 'gro ba
ma lus pa'i rtsa lag tu gyur pa'i sangs rgyas bcom ldan 'das 'di
bdag gis rab tu gnas par bgyi'o/ /

zhes brjod la rten la me tog phab/ oM na mo b+ha ga wa te
shAkya mu na ye/ ta thA ga tA ya/ arg+ha te saM mya ksaM bud
d+hA ya/ tadya thA oM mu ne mu ne ma hA mu na ye swA hA/
zhes dang/ rab tu gnas bya'i lha gang yin de'i sngags dang/ oM

badzra satwa hUM/ zhes brjod/ ! de nas byams snying rje byang
chub kyi sems bskyed nas/ 'di skad brjod de/ ngo mtshar chen po
grangs med cing bsam gyis mi khyab pa dang ldan pa'i sangs rgyas
bcom ldan 'das de dag thams cad la

bdag phyag 'tshal zhing skyabs su mchi'o/ /de dag thams cad bdag
la dgongs su gsol/ bdag gis sems can thams cad kyi don du dkon
mchog gsum gyi rten rab tu gnas par bgyi bas/ de'i mthus bdag
gis sems

can thams cad kyi dbugs dbyung ngo/ /'khor ba'i gcong rong chen
po las bsgral bar bgyi'o/ /phas kyi rgol ba dang bdud dang log
'dren thams cad pham par bgyi'o/ /sems can thams cad kyi bdag
chags kyi mtshams sbyor ba'i

@005a @#/ /nyon mongs pa'i rtog pa thams cad bsal bar bgyi'o/
/sems can thams cad kyi nga rgyal gyi ri bo bsnyil bar bgyi'o/
/sems can thams cad kyi skye ba'i ljon shing rtsad nas gcad do /
/'chi bdag gi nyi ma

phye mar 'thag go /ma rig pa'i mun pa bsal bar bgyi'o/ /ma dad
pa dang phyi rol pa dag dang lta ba phyin ci log pa dag yang dag
pa'i lta ba la gzud cing dad par bsgyur ro/ /las kyi chu bo
bzlog par bgyi'o/ /srid pa'i rgya mtsho

bskam par bgyi'o/ /chos kyi sgron me sbar bar bgyi'o/ /byang
chub kyi lam bstan par bgyi'o/ /bzod pa dang des pa la gzud do/
/bsam gtan gyi bde ba cher stsal to/ /'dod chags kyi me dpung
zhi bar bgyi'o/ /zhe

sdang gi mtshon rnon po gzhom par bgyi'o/ /bden pa la gzud do/
/phrag dog gi 'tshub ma zhi bar bgyi'o/ /ser sna'i mdud pa dgrol
bar bgyi'o/ /sdug bsngal thams cad zhi bar bgyi'o/ /'jigs pa ma
mchis pa

dang bde ba chen po'i grong khyer du 'jug cing gnas par bgyi'o/
/de bas na bdag la las kyi dngos grub kyi mchog stsol zhing
gnang bar mdzad du gsol/ zhes brjod la me tog dor to/ ! /de nas
rten bskyed pa ni/ oM

AH bi g+hnAn ta kr-i ta hUM/ oM shU n+ya tAs stong pa nyid
du gyur/ stong pa'i dang las/ po ti rnams padma dang nyi ma'i
steng du hrIH dmar po las byung ba'i padma dmar po hra'iH sa
mtshan pa yongs su gyur pa las/ 'od dpag med la gos

@005b dkar mos 'khyud pa/ de yongs su gyur pa las 'od dpag med
yab yum gzugs brnyan du shar ba'i yig 'brur gyur/ mchod rten
dang gtsug lag khang la sogs pa rnams padma dang zla ba'i steng
du b+hrU dkar po las skyes pa'i

'khor lo rtsibs brgyad pa b+hrUM gyis mtshan pa las byung ba'i
rnam snang la spyan mas 'khyud pa/ de yongs su gyur pa las/ rnam
snang yab yum gzugs brnyan du shar ba'i mchod rten dang gtsug
lag khang la sogs par gyur /de

las gzhan pa'i rten rnams rang rang gi skur bskyed pa'am/ yang
na gsang ba 'dus par bskyed do/ ! /de nas khro bo spyan drang ba
ni/ oM badzra ma hA kro d+ha rA dzA sa pa ri wA ra badzra sa
mA dzaH hUM ye shes bskal pa me ltar 'bar ba'i

'od; ;ma rig 'dod pa'i mun khams thams cad sreg /zhe sdang gshin
rje'i 'jigs pa thams cad 'joms/ /dpa' bo chen po dpa' mtshan stag
lbags can/ /log 'dren srin po'i mtha' gnon dgra 'dul ba/ /rig

pa'i rgyal po khro bo bzhugs so 'tshal/ /log 'dren 'dul ba'i slad
du spyan 'dren na/ /'gro ba'i don du mchod kyis gshegs su gsol/
/oM badzra ma hA kro d+ha rA dzA sa pa ri wA ra pra wa ra
sad ka raM arg+haM pra tItstsha hUM swA hA/ de

bzhin du/ pAdyaM pra hItstsha hUM swA hA/ zhes chu gnyis
dang/ puShpe/ d+hU pe/ A lo ke/ gand+he/ nai we dya/ shapta pra
tItstsha hUM swA hA/ zhes nyer spyod rol mo dang bcas pas
mchod/ hUM chos nyid stong pa gnyis med dang@006a @#/ /nyid las/ /'jig rten spyod pa'i tshul yang mi spong
zhing/ /thabs la mkhas pas 'jigs byed skur ston pa/ /khro chen
'bar ba'i tshogs la phyag 'tshal lo/ /ye shes zhi ba'i ngang las
ma g.yos

kyang/ /sku yi cha lugs za byed rngam stabs can/ /gsung gi nga
ro 'brug stong ldir ba'i sgras/ /ma lus dbang du sdud la phyag
'tshal lo/ /lhag pa'i ye shes rol pa ston mdzad cing/ /bsdigs
pa'i mtshon cha sna tshogs

phyag na bsnams/ /nyon mongs dug chen rtsad nas 'joms mdzad pa/
/sbrul gdug rgyan gyis brgyan la phyag 'tshal lo/ /bskal ba'i me
ltar 'bar ba'i klong dkyil na/ /dpa' bo'i stang stabs brkyangs
bskums tshul

du bzhugs/ /nyi zla 'bar ba'i spyan gyi sdang mig gis/ /bgegs
dpung sreg par mdzad la phyag 'tshal lo/ /gtum chen dus mtha'i me
ltar gzi brjid 'bar/ /glog stong 'gyu 'dra'i khro gnyer mche ba
gtsigs/ /rngam

pa'i nga ro 'brug sgra stong bzhin sgrog /khro rgyal bgegs tshogs
'dul la phyag 'tshal lo/ /hUM 'jigs pa'i hUM sgra nges sgrog
cing/ /bgegs rnams ma lus 'joms mdzad pa/ /dngos grub ma lus
stsol ba'i lha/ /

bgegs kyi dgra la phyag 'tshal bstod/ /ces pas bstod do/ /gtor ma
byin gyis brlabs te/ rang gi thugs ka'i hUM las 'od zer 'phros
pas/ rab tu gnas pa la bar du gcod par rtsom pa'i bgegs kyi

@006b tshogs rnams bkug par gyur/ oM sarba bi g+hnA na/ na maH
sarba ta thA ga ta b+hyoH bi shwa mu khe b+hyaH sarba tang khaM
ungga te/ spha ra Na i maMga gan khaM gr-i hNe daM ba liM ta ye
swA hA/ gsum gyis bsdos la/ sangs rgyas kyi bden pa dang/ chos
kyi bden pa

dang/ dge 'dun gyi bden pa dang/ rje btsun rtsa ba dang brgyud
par bcas pa'i bla ma dam pa rnams kyi bden pa dang/ de bzhin
gshegs pa dang/ rdo rje dang/ rin po che dang/ padma dang/ las
kyi rigs su gyur pa thams cad dang/ snying

po dang/ phyag rgya dang/ gsang sngags dang/ rig sngags kyi
lha'i khyad par thams cad kyi bden pa dang/ dpal mgon dam pa
chos skyong ba'i srung ma thams cad kyi bden pa dang/ bden pa'i
byin gyis rlabs kyis bde bar gshegs

pa'i sku gsung thugs kyi rten rab tu gnas par byed pa la bar du
gcod par rtsom pa'i bgegs kyi tshogs gang yin pa de dag thams cad
mchod sbyin gyi gtor ma rgya chen po 'dis tshim par gyis la/ zhi
ba'i sems dang ldan pas rang rang

gnas su songs shig /gal te mi 'gro na khro bo'i rdo rje me rab
tu 'bar bas mgo bo rnam pa brgyar 'gas par 'gyur ro/ /oM sumb+ha
ni sumb+ha hUM/ gr-ihN-i gr-i hNa hUM/ gr-i hNa pA ya gr-i hNa pA
ya hUM/ A na ya ho b+ha ga wa na/ bidyA rA dzA

hUM phaT/ ces brjod cing/ gtor ma rten la phyir bskor te phyi
rol du dor to/ /gu gul gyis bdug /yungs kar gyis brab/ tsham
rngam dang rol mo'i sgra drag tu bya'o/ /de nas yungs kar dang/
chu dang kham phor dkar

@007a @#/ /po dang/ rtswa dur ba'i myu gu dang bcas pa'i ba lci'i
changs bu dang/ zan changs dang/ seng ras rnams la oM AH
big+hNAn ta kr-i ta hUM phaT/ hUM lan bdun bzlas la/ yungs kar
lag pa g.yas

g.yon gyis bzungs nas lan gnyis g.yon du bskor zhing/ oM
sarba pA baM da ha na badzra ya bdzra sa twa sya sarba pA paM
da ha swA hA/ zhes brjod cing yungs kar mer dor/ de bzhin du
g.yas su bskor nas dor to/ /chu

dang seng ras kyi bar rnams kyis kyang g.yon dang g.yas su
bskor nas byabs te dor/ 'on kyang kham phor man chad mer mi dor
ro/ /de nas lag pa g.yon par chu gtsang ma bzungs/ lag pa
g.yas pa'i gung

mo dang srin lag gis chu blangs te/ rten rnams kyi kha rna ba
mig sna kha lag pa lte ba mgo rnams su reg cing nye reg bya/ de
nas gtso bo'i sngags brjod cing/ rten rnams kyi thugs kar dri/
dbu la me tog/

mdun du mchod yon phul/ mar mes bskor bzhin pas/ oM badzra a
mr-i ta kuNDa li ha na ha na hUM phaT dang/ hUM lan bdun bzlas
pa'i spos mar bsregs pas bdug par bya ste/ de rnams sbyang ba'i
rim

pa'o/ ! /khrus kyi rim pa ni/ ji ltar bltams pa tsam gyis ni/
/lha rnams kyis ni khrus gsol ltar/ /lha yi chu ni dag pa yis/
/de bzhin bdag gis khrus bgyi'o/ /oM sarba ta thA ga ta a b+hi
She ka

@007b ta sa ma ya shrI hUM/ sngags 'di tshigs bcad 'og ma dag
gi mjug tu'ang brjod par bya'o/ /'di ni sbyin pa'i rang bzhin
chu/ /ser sna'i dri ma sbyong mdzad cing/ /sbyin pa dri yis legs
bsgos chu/ /khrus legs mdzad la

phyag 'tshal 'dud/ /'di ni tshul khrims rang bzhin chu/ /khrims
'chal dri ma sbyong mdzad cing/ /tshul khrims dri yis legs bsgos
chu/ /khrus legs mdzad la phyag 'tshal 'dud/ /'di ni bzod pa'i
rang bzhin chu/ /

khong khro'i dri ma sbyong mdzad cing/ /byams pa dri yis legs
bsgos chu/ /khrus legs mdzad la phyag 'tshal 'dud/ /'di ni brtson
'grus rang bzhin chu/ /le lo'i dri ma sbyong mdzad cing/ /brtson
'grus dri yis legs bsgos

chu; ;khrus legs mdzad la phyag 'tshal 'dud/ /'di ni bsam gtan
rang bzhin chu/ /rnam g.yeng dri ma sbyong mdzad cing/ /ting
'dzin dri yis legs bsgos chu/ khrus legs mdzod la phyag 'tshal
'dud/ /'di ni shes

rab rang bzhan chu/ /sher 'chal dri ma sbyong mdzad cing/ /ye
shes dri yis legs bsgos chu/ /khrus legs mdzad la phyag 'tshal
'dud/ /chu bo drug gis khrus mdzod cing/ /dri ma rnam drug
sbyong mdzad pa/ /rgya chen yon

tan drug ldan pa'i/ /khrus legs mdzad la phyag 'tshal lo/ zhes
brjod cing/ sku dngos sam me long la gzugs brnyan shar ba la
khrus bya/ de dag sku la mtshungs pa med pa'i gos/ /gtsang la dri
rab bsgos pas

@008a @#/ /sku phyi'o/ /oM hUM traM hrIH aH oM sarba ta thA
ga ta kA ya bi sho d+ha ne swA hA/ zhes brjod cing sku phyi'o/
/stong gsum kun tu dri ngad ldang ba yi/ /spos mchog rnams kyis
thub dbang rnams kyi sku/ /

gser sbyangs btsom byi dor byas pa ltar/ /'od chags 'bar ba de
dag byug par bgyi/ /oM badzra gand+he AH hUM swA hA/ dri
bzang til mar dang bcas pas byug /sna tshogs dbang po'i gzhu ltar
rab bkra yang/ /gang la re ga

na bde pa'i rgyur 'gyur ba'i/ /gos bzang rin chen bdag blo
sbyang phyir 'bul/ /bzod pa dam pa'i gos kyis brgyan par shog
/oM badzra wasta ye AH hUM swA hA/ zhes na bza' dbul/
rgyal ba mtshan dpe'i rang bzhin rgyan ldan

phyir; sogs/ oM badzra a laM kar wa pu Sha ne AH hUM swA
hA/ zhes rgyan dbul te/ de dag ni khrus kyi rim pa'o/ ! /de nas
gnas gsum byin gyis brlab pa ni/ lha rnams kyi spyi bor oM las
byung ba'i zla ba'i dkyil

'khor gyi dbus su oM dkar po/ mgrin par AH las byung ba'i
padma dmar po 'dab ma brgyad pa'i dbus su AH dmar po/ thugs
kar hUM las byung ba'i rdo rje sngon po rtse lnga pa'i lte bar
hUM sngon pos mtshan par gyur/ ! de

nas ye shes pa spyan drang ba sogs ni/ ma lus sems can kun gyi
mgon gyur cing/ zhes pa nas/ gnas 'dir gshegs su gsol/ /bcom
ldan bskal pa grangs med du ma ru/ zhes pa nas/ tshur spyon

@008b tshur sbyon zhi bdag lha/ /thub pa'i skyes mchog thams cad
mkhyen/ /shin tu legs byas gzugs brnyan ni/ /mchod pas 'di ru
gshegs su gsol/ /'dir ni gzugs dang lhan cig tu/ /'gro ba'i don
du bzhugs nas

kyang; ;nad med tshe dang dbang phyug dang/ /mchog rnams legs par
stsal du gsol/ /bcom ldan 'dir ni byon pa legs/ /bdag cag bsod
nams skal bar ldan/ /bdag la mchod yon bzhes nas kyang/ /thugs
la

dgongs bzhin gnad bar mdzod/ /bde bar gshegs so bcom ldan 'das/
/tshur gshegs 'dir ni bzhugs su gsol/ /bdag la mchod yon bzhes
nas kyang/ /'di nyid du ni bzhugs su gsol/ /ji ltar bltams

pa; zhes sogs kyis khrus gsol/ /bdag dang 'gro la thugs brtse'i
phyir/ /nyid kyi rdzu 'phrul mthu yis ni/ /ji srid mchod pa bdag
bgyid na/ /de srid bcom ldan bzhugs su gsol/ /oM ka ma la ye
stwaM/ de nas

thal mo sbyar nas/ bde bar gshegs so bcom ldan 'das/ /tshur
gshegs 'dir ni bzhugs su gsol/ /bdag la mchod yon bzhes nas
kyang/ /bdag kyang blo dang ldan par mdzod/ /oM sarba ta thA
ga ta arg+haM pU dza

me b+ha sogs kyis mchod yon nas rol mo'i bar gyis mchod/ ! thugs
rje yi ni bdag can bdag /slob ma rnams la rjes brtse dang/
/khyed rnams la yang mchod slad du/ /da lta rab gnas bgyid par
'tshal/ /bcom

@009a @#/ /ldan gus pas bdag la ni/ /de'i phyir bka' drin mdzad
par 'os/ /rdo rje can bdag che ge mo/ /sku gsung thugs rten rab
gnas ni/ /yon bdag ci nus yo byad kyis/ /da lta yang dag bgyid
par 'gyur

de phyir slob mar bcas bdag la/ /rjes su brtse bar nyer bzungs
nas/ /'khor bcas kun gyis rab gnas la/ byin gyis brlabs par
mdzad par 'os/ /zhes lan gsum gsol ba btab pas/ lha rnams kyis
dges bzhin du

gnang ba byin par gyur/ dzaH hUM baM hoH ye shes pa rnams dam
tshig pa rnams dang gnyis su med par gyur/ rang gi thuD ka'i hUM
las 'od zer 'phrod pas/ gshegs pa/ gshegs ma/ sems dpa' sems

ma; khro bo khro mo'i tshogs rnams kyi nams khar spyan drangs/ de
bzhin gshegs pa rnams kyis dbang bskur ba'i dgongs pa mdzad/
spyan ma la sogs pa rig ma dang bcas pa nam mkhar bzhugs pa
rnams kyis

gdugs dang rgyal mtshan la soD pa rnams rab tu gnas bya'i lha
rnams kyi steng phyogs su 'dzin/ glu gar mdzad cing rol mo
rdung/ me tog dang gur kum la sogs pa'i char 'bebs/ phyag gi
cung zad

yo bar bzungs ba'i bum pa dkar po byang chub kyi sems kyi bdud
rtsis gang ba rnams kyis dbang bskur/ gzugs rdo rje ma la soD pa
rnams kyis bkra shis kyi glu dbyangs kyi shis pa brjod/ khro bo
rnams phyoD mtshams su 'khod nas

@009b bgegs bskrad par gyur/ oM sarba ta thA ga ta arg+haM pra
tI tstsha swA hA/ zhes sogs kyis mchod/ 'di rnams la mngon par
dbang skur du gsol zhes gsol ba btab pas/ ji ltar bltams pa/
sogs/ oM sarba ta thA

ga ta a b+hi She ke ta sa ma ya shrI hUM/ zhes gsungs zhing
dbang bskur bas lus thams cad gang/ dri ma thams cad dag/ chu
lhag pa spyi gtsug tu gnas pa yongs su gyur pa las/ mi bskyod
pas dbu brgyan par gyur/ ! de

nas chu bzhi nyer sbyod rol mo dang bcas pa byin gyis brlabs la/
dag cing dri med yid 'ong ba'i/ /sngags kyi yon chab mchog 'di
dag /bdag gis dad pas 'bul lags na/ /ci bde bar ni bzhes su
gsol/ /oM AH

hrIH pra wa ra sad ka raM arg+haM pra tI tstsha hUM swA hA/
zhes pas mchod yon dang/ de bzhin du zhabs bsil zhes pa dang/
pA dyaM dang/ zhal bsil zhes dang/ anytsa mA NAM dang/ bsang
gtor zhes pa dang/ prok+ShA NAM zhes bcug nas

chu bzhi dbul/ lha yi me tog dam pa 'dis/ /dkyil 'khor mchod pa
bgyid par 'tshal/ /thugs ni brtse bas nyar dgongs te/ /mgon po
mchod pa 'di bzhes shig /oM sarba ta thA ga ta puShpe pra tI
tstsha hUM/ de bzhin du me

tog gi gnas su bdug spos nas rol mo'i bar dang/ puShpe'i gnas su
d+hU pe nas shapta'i bar bcug la mchod/ mi bskyod rdo rje ye
shes che zhes sogs kyis bstod/ ! ji ltar mig mkhan rgyal po yis/
/'jig rten

@010a @#/ /rab rib bsal ba ltar/ /rgyal ba rnams kyis khyod kyi
ni/ /mi shes pa yi rab rib bsal/ /oM tsak+Shu tsak+Shu sa manta
cak+ShuH bi sho d+ha na ye swA hA/ kun mkhyen ye shes spyan ldan
skyon bral kyang/ /gus

pas 'phags pa'i spyan ni dbye bgyis pas/ /nam mkha'i mthas gtugs
gyur pa'i sems can rnams/ /sangs rgyas ye shes spyan n-i thob par
shog /zhi ba la sogs pa'i 'phrin las bsgrub pa'i don du/ yon
bdag

la sogs pa la gzigs pa lhur mdzad par gyur/ ! de nas lha rang
rang gi sngags brjod cing/ rdo rje dang bcas pa'i lag pa g.yas
pas gnas gsum du reg pas/ lha'i gzugs de yongs su gyur pa las/

lugs ma dang bris sku la sogs pa gang yin pa de'i rnam par gyur
par bsams nas/ gtsug lag khang la sogs pa rnams rnam snang snang
yab yum zhu nas thim pa'i gtsug lag khang la sogs pa dang/ mchod
rten rnam

snang yab yum zhu nas thim pa'i mchod rten gyi gzugs 'khor ba ji
srid bar 'gro ba'i don du rdo rje sems dpa' la sogs pas byin
gyis brlabs par gyur/ po ti ni/ 'od dpag med yab yum 'od du zhu
nas thim pa'i yi

ge'i gzugs su gyur/ ces brjod/ ! mnga' dbul ni/ rab 'byams rgya
mtsho zhes sogs kyis chu bzhi nyer spyod rol mo dang bcas pa
dang/ kha dog dbyibs legs sogs 'dod yon lnga dang/ sa gzhi

@010b spos kyis zhes sogs kyis maNDal dang/ de bzhin gshegs dang
de yi sras rnams la/ /rin chen bum pa mang po spos kyi chu/ /yid
'ong legs par bkang ba glu dang ni/ /rol mor bcas pa du mas sku
khrus gsol/ /oM

sarba ta thA ga ta a b+hi She ka ta sa ma ya shrI hUM/ zhes
khrus dang srab 'jam yang ba zhes sogs kyis na bza' dang/ rgyal
ba mtshan dpe'i rang bzhin zhes sogs kyis rgyan dbul/ ! shis pa
brjod pa ni/ yed+ha rmA brgya rtsa

sogs bzlas/ phun sum tshogs pa mnga' ba gser gyi ri bo 'dra/ zhes
sogs shis brjod rgyas par bya/ ! brtan bzhugs ni/ oM su pra
tiShTha badzra ye swAhA/ zhes brjod nas me tog thogs nas thal
mo sbyar la/

ji ltar sangs rgyas thams cad ni/ /dga' ldan du ni gnas pa las/
/lha mo sgyu 'phrul lhums zhugs ltar/ /de bzhin gzugs dang lhan
cig tu/ /'di ru mgon po rtag bzhugs nas/ /byang chub sems ni
bskyed pa dang/

yon gyi bdag po'i don slad du/ /bdag gi mchod pa nyid kyis ni/
/ci 'byor ba yis mchod pa dang/ /me tog la sogs 'di bzhes shig
/bdag dang slob mar bcas rnams la/ /rjes su brtse bar nyer
dgongs nas/ /

kun gyis 'di la byin rlob cing/ /'di nyid du ni bzhugs par rigs/
/phyogs bcu na bzhugs pa'i sangs rgyas dang byang chub sems dpa'
thams cad bdag la dgongs su gsol/ ji srid nam mkha'i mtha' dang
mnyam pa'i

@011a @#/ /sems can gyi khams rnams mi gnas pa'i mya ngan las
'das pa'i sa la ma bzhag gi bar de srid du mya ngan las mi 'da'
bar brtan par bzhugs su gsol/ bye brag tu yang sku gsung thugs

kyi rten 'di rnams la sa dang chu dang me dang rlung gi gnod pas
ma zhig gi bar da srid du sems can gyi don dpag tu med pa mdzad
cing brtan par bzhugs su gsol/ zhes lan gsum brjod do/ /mgon po
skal ba ji bzhin

du; ;sna tshogs gzugs ni bzungs nas kyang/ /phyogs bcu'i 'jig
rten khams rnams su/ /des ni 'gro ba'i don kun mdzod/ /de nas/
yi ge brgya pa lan bdun bzlas la/ gang yang bdag blo rmongs pa
yis/ /

nyes byas cung zad gang bgyis pa/ /gang phyir lus can skyabs yin
phyir/ /mgon khyod de kun bzod par mdzod/ /ma rnyed yongs su ma
shes dang/ /gang yang nus pa ma mchis pas/ /'dir ni bya ba gang
bgyis pa/ /

de kun khyed kyis bzod mdzad rigs/ /zhes bzod par gsol nas/ ! de
nas chos skyong dang bzhi bdag la gtor ma phul nas/ rab tu gnas
par byas pa'i rten 'di rnams la/ khyed kyis bsrung ba dang/
bskyab

pa dang mchod pa rgyun mi 'chad par gyis shig /bdag dang yon
bdag 'khor dang bcas pa la yang mi mthun pa'i phyogs thams cad
las bsrung ba dang/ chos dang mthun pa'i bsam pa thams cad yid
bzhin du 'grub par

@011b mdzod cig/ ces bsgo'o/ /! de nas yon bdag bsgo ba ni/
khyod kyis nga la gang gsol ba btab pa bzhin du rab gnas legs
par byas zin kyis/ rten 'di rnams la mchod pa zhag bdun du gyis
shig /de

nas kyang ci 'byor pa yi mchod pa rgyun ma chad par gyis shig/
ces bya'o/ de nas spros pa la dga' na/ bkra shis kyi rdzas gtad
pa sogs bya'o/ /dpal gsang ba 'dus pa'i sgo nas rab tu gnas par
byed pa'i cho ga mdor

bsdus pa 'di ni/ shAkya'i dge slong dge 'dun grub pa dpal bzang
pos/ dpal snar thang gi gtsug lag khang du legs par sbyar ba'o/
/'dis kyang bstan pa yun ring du gnas par byed nus par 'gyur
cig/ bkra shis

par gyur cig/ //