@001a @#/ /dag yig gces bsdus 'khrul spong legs par bshad pa'i
skya rengs gsar pa zhes bya ba bzhugs so/ /

@001b @##/ /shis brjod kyi rgyan/ rgyal kun 'phrin las mdzes sdug
lha mo yi/ /rnam pa'i gar bsgyur rje btsun sgrol ma dang/ /gnyis
med klong rdol ngag

dbang blo bzang la/ /skyabs su mchi'o kun tu shis gyur cig /ngo
bstod kyi dang/ dus gsum rgyal ba mchan dpe yongs su rdzogs/
/bdag gi bshes gnyen

mgrin pa'i mdud bkrol tsam/ /de lta na yang rgyal ba kun dngos
dang/ /gnyis su med par shes nas dang pas bsten/ /yongs brjes
kyi rgyan/ lus dang longs

spyod dus gsum dge tshogs sogs/ /bdag la ci bdog mkhyen pa'i gter
la dbul/ /des kyang sku gsung thugs kyi dngos grub mchog /lus pa
med par

@002a @##/ /'gyangs min stsolad cig gu/ /dngos dpe/ nyin byed
stong gis 'khyud pa'i 'o mtsho yis/ /lan brgyar byugs pa'i shel
gyi sa 'dzin da

kyang/ /gang gi dkar mdzes dpal la mi bzod pa'i/ /dbyangs can
lha mo mgrin par rtag rolda cig /khyad 'phags phul byung/ srin
pos bzung ba'i mtha' 'khob

gangs ljongs su/ /bka' bstan 'gyur ba'i thabs su bod yig srol/
/byed po sa 'bo ra yi bka' drin mtha'/ /khyab 'jug gnas kyis
gzhal par mi nus so/ /

cha shas gzugs can/ bod yig gis bskrun gtsug lag nam mkha'i nor/
/thugs rje rta bdun rol bas rab drangs nas/ /thub bstan pad ma'i
srog zungs gso mdzad

@002b pa'i/ /gna' po'i chos rgyal lo paN rnams la dad/ /bya ba'i
rang bzhin brjod pa/ gang gi tshad med thugs rje g.yo tsam gyis/
/rmad byung myur ba'i spobs pa ma 'bod par/ /bde blag ster ba'i
klog gi slob dpon drin/ /

da gzod dran nas drin gzo'i bsam pas bsten/ /bsdus pa'i gzugs
can/ dpyad kyang the tshom mun pas bcud ma myong/ /nyes bshad
'dab ma brgya yis btum pa'i nang/ /blo gsal rkang drug 'phur
'dod skad zhan na/

legs bshad skya rengs gsar ba 'di skugs shig /mtha' thog zung
ldan/ bstan pa'i rtsa ba yi ge 'di la zer/ /zer sgros bsgrigs
pa'i dag yig phal ba la/ /la las chog par 'dzin mod byes pa'i
blo/ /blo rtsal

yod na 'di nyid bsten rigs so/ /thog mar mgo can bshad pa la/
/chu rka 'then par rka yin/ /sa ska ro yi bye brag go /rgyu yi
rkyen ni ra rkyen yin/ /myur ba'i skyen ni sa skyen no/ /sa dong
brkos

zin ra brkos yin/ /las la bskos zin sa bskos so/ /'di gnyis 'das
tshig yin pas na/ /rjes 'jug thob mod bya tshig la/ /med kyang
rung ba'i gnad gcig yod/ /rkun ma rku byed ra rku yin/ /das
'phul

dku ni dpyi mgo'i ming/ /glen zhing lkugs pa la lkugs yin/
/rgyal skugs btsugs pa sa skugs so/ /kha nang rkan ni ra rkan
yin/ /yod ra skan ni sa skan no/ /das 'phul dkan ni dkan gzar
po/ /chu

@003a @#/ /las rgal bar rgal yin/ /lus kyi sgal ba sa sgal lo/
/dkyil mtho'i sgang ni sa sgang yin/ /gcin snod lgang ni la mgo
can/ /ri dwags rgo ba ra rgo yin/ /tsha sgo can ni sa sgo yin/ /

phab dgo dgod yis 'phul/ /zla bo skug pa sa skug yin/ /shing
rengs dkug pa da yis 'phul/ /shing tog rgun 'bru mar rgun yin/
/dus bzhi'i dgun ni za ma tog tu da yis 'phul// da yis 'phul/
/nang khrol rgyu ma

sgyu ma mkhan/ /nor ro snyam pa'i dogs gzhi chung/ /dbugs rgod
snga ma ni sa snga ma yin/ /'jigs stangs rngam na ra rngam mo/
/lus kyi rdul nir rdul yin/ /rin chen dngul ni da yis 'phul/
/rid pa'i rdzud nir

rdzud yin/ /lci ba'i lcid ni la mgo can/ /til gyi rdzang bur
rdzang yin/ /myu gu'i ljang bu la ljang ngo/ /de bzhin ljan ljin
yul ljongs sogs/ /la yig thod du bcings pa'i ja/ /rjen btsos sa
rjen la sogs pa/ /

ja yig ra mgo can du bri/ /reg bya snye bas snyi yin/ /rgya yi
rnyi ni ra rnyi'o/ /de bzhin mi gtsang rnyad dang rnyong/ /so yi
rnyil sogs ra mgor bri/ /rang gis bsten pa sa bsten yin/ /gzhan
la brten par brten no/ /

'di gnyis 'phul yig can du nges/ /byin len bstabs dang gos
bltabs pa/ /sa la'i zhwa can 'das tshig yin/ /'thug po'i stug ni
sa stug yin/ /mi gtsang rtug ni ra rtug go /mig gis bltas zin
rgyas zin

@003b brtas/ /rim pas la ra'i klad can no/ /rgyab kyi ltag ni la
ltag yin/ /ther zug rtag ni ra rtag yin/ /gcan gzan stag dang ga
la mtshungs/ /stes kyi dbang dang ltas ngan ni/ /sa dang la yi
zhwa can lags/ /

mda' yi ltong ni la mgo can/ /grangs kyi stong ngang nor don
med/ /de bzhin rtod thag lus stod dang/ /bkres pa'i ltogs dang
shes pa'i rtogs/ /de sogs khyad par 'byed pa gces/ /rings pa'i
rtab ni ra rtab yin//

brtabs kyang 'thad mod 'das tshig yin/ /rjes ma'i rting ni ra
rting yin/ /gting zab gting dang gtan mi 'dra/ /thal mo brdab
dang pheg rdob dang/ /rnom da rdugs dang thabs rdugs dang/ /rdeg
byed brdeg bya

khang rdib rnams/ /ra mgo can du shes par bya/ /ne'u ldangs dang
ldom bu ba/ /gyang ldebs ldobs skyen lan ldon dang/ /lus pa'i
lngas dang blugs pa'i ldugs/ /log pa'i ldog dang ldum bu dang/
/ldab ldib smra

dang lder bzo dang/ /lde mig re lde me la lde/ /'brug sgra ldir
dang 'dab chags lding/ /tshad longs ldang dang stan las ldang/
/lces ba ldag so yis bldad pa sogs/ /la mgo can du shes par bya/
/nyer bsdogs

thag bsngogs thug sdor dang/ /snod kyi sder ma sder mo rnams/
/sa yig thod du bcings pa'i da/ /skom skyems ldud pa la mgo can/
/phyogs su sdud dang nor sa chung/ /rta 'dogs rdang ni ra rdang
yin/ /skas kyi@004a @#/ /gdang bu gas 'phul can/ /khang ba'i sdum ni sa sdum
yin/ /ldum ra'i ldum ni la ldum yin/ /dum bur gtub pa dum rkyang
yin/ /zlum por gtub pa gzhan yin no/ /srog bsngos pas

'phul sar btags da/ /dbu ba rdos pa 'phul med pa'i/ /ra yi 'og
tu btags pa'i da/ /'gran pa'i sngon si mgo can/ /gri sogs bzar
bar mgo can/ /phye mar bdar ba bas 'phul tsam/ /rnag brtol zhabs

rdol sdeb mi gcig /de gnyis nor dogs shin tu che/ /mdun du brnur
dang brnab sems dang/ /des bzung brnan dang spas pa'i brnogs/
/gre bar zas thogs brnangs pa sogs/ /brtsegs 'phul thob pa'i ra
rna'o/ /

zhing gi rnang ma khug rna sogs/ /brtsegs 'phul thob pa ma yin
no/ 'then pa'i ming/ /phan tshun bsnol dang bsnor ba dang/ /dus
bsnur zhib bsnur mjug ma bsnar/ /de dag ba 'og sar btags bsna/
/chu yi brlabs gsang

ba'i sba/ /mgul rgyan wa gsum rim bzhin du/ /ra sa la yi 'og tu
gdags/ /nor med sprang dang sbrang rtsi dang/ /lha yi sprul dang
gdug sprul dang/ /lag pa'i spar mo me sogs spar/ /mdzes pa'i spa
dang gsang

ba'i sba/ /phungs por spungs dang dam bca'i spungs/ /me gso'i
spra dang dbub bya'i sbra/ /rgyan gyis spud dang me chas spud/
spud pa lta bu/ /rin chen spug dang phug gi sbug /lhung bzed kha
sbub sbu gu'i sbubs/ /thags kyi

@004b spun dang shun pa'i spun/ /gnas nas spags dang 'dres pa'i
spags/ /nyes pa spangs dang rta spangs rnams/ /rim bzhin sde ba
bzhi pa yi/ /dang po gsum pa'i pa bar bri/ /sngon chad nor ba
mang snang bas/ /da nas

ma nor brib gces/ /spa dbyug spa dbyug gnyis ka rung/ /'di ni
gdams nga ma yin zhing/ /shing rigs so so'i ming yin no/ /rgyas
par mtha' dpyod skabs su 'chad/ /lus sgrid nyis sbrags ri mda'
spron/ /'di

yang sde pa bzhi pa yi/ /wa ru 'bod rgyu'i ba yig yin/ /rmed med
gong rmed bal rmel rnams/ /ra yig klad du bkur ba'i ma/ /dris
pa'i rmed ni ra rmed yin/ /'dri byed smed ni sa med do/ /sme sha
can yang de bzhin

no; ;btsog pa'i dme ni das 'phul can/ /gzhan la smod pa sa mgo
can/ /dmod pa 'dor ba da yis 'phul/ /mun pa'i smug ni sa mgo
can/ /'thab pa'i dmag ni da yis 'phul/ /bu mo'i mag pa mag
rkyang ngo/ /

gzhan la bka' stsal sa stsal yin/ /lus kyi rtsal stobs ra rtsal
lo/ /de bzhin stsol cig sa stsol yin/ /'bad rtsol rtsol sogs ra
rtsol lo/ /dag yig gces bsdus 'khrul spong legs bshad skya rengs
gsar

ba las mgo can la 'khrul ba spong ba'i le'u dang po'o// //smras
pa/ rigs pa'i rgyu/ mtshan nyid ldan pa'i bshes gnyen dam pa
mchog /bsam dang sbyor bas bsten tshul ma log pas/ /tshul 'di
'chad dang

@005a @#/ /rtsom la 'jug pa la/ /'tsher med smra ba'i spobs pa
gzengs su mtho/ /gzugs can gyi gzugs can/ legs bshad rdzing bu
chu skyes dga' tshal 'dir/ /blo gsal dang mor yig gnyis pa'i
tshogs/ /mi shes

dri 'khrud sbrang rtsi 'thung bzhin du/ /rtsed 'dze'i 'phur
lding rol pas dus 'da' rigs/ /rab spel/ slob dpon thu mi'i
dgongs pa ji bzhin pa/ /bdag gi blo dang yid gcugs mdza' ba 'di/
/rgyal ba rnams kyi thugs rje

zhags pa'i 'od/ /'gro ba mi gtong dam por 'khyud pa bzhin/ /chos
dpe/ bong ba gser gzigs chags bral skye bo la/ /mnyam gzhag ro
myong nyid las gzhan yod min/ /de bzhin yig don dpyod pa'i gtam
de las//

bdag la bya bcung zad yod ma yin/ /zhes pa ni bar skabs kyi
tshigs su bcad pa'o/ /da ni 'dogs can bshad pa la/ /chu sogs
skyoms pa ka sder gtogs/ /dom pa'i spyoms ni pa sder gtogs/ /

de bzhin zas skyugs bskrad pa'i spyugs/ /chu dang mtsho sogs
bskyil ba dang/ /khang chung spyil bu la sogs pa/ /sdeb gcig
brin shin tu nor/ /dus bzhi'i dbyar ni ba yig yin/ /brnyan po'i
g.yar ni ya yig go/

'thab mo 'gyed la ga yig bri/ /mdzod sgo 'byed ni ba yig go
/gyen du 'phyur la pha yig bri/ /skyur khu 'khyur ba kha yig go
/de bzhin nor ba'i 'phyugs pa dang/ /glog 'od 'khyug pa shes par
bya/ /ltogs pa'i

@005b bkres dang na tshod bgres/ /yi ge so sor thob pa yin/
/mtshon cha'i gri ni ga gri yin/ /sna yul dri ni da dri'o/ /lam
rgyus 'grul ba ga 'grul yin/ /de bzhin nas gro snga dro dang/
/zas snod grod dang lus kyi drod/ /'gyel

ba'i 'gred dang dud 'gro 'breng/ /dngar bsgrigs gral dang ral
ba'i dral/ /brtsi bya'i grangs dang gdan drangs sogs/ /tshig don
gnyis ka mi 'dra' zhing/ /mdza' ba'i grogs ni ga grogs yin/
/khur bo'i drogs ni da drogs

so; ;grogs dang 'grogs kyang zhed nas 'drogs/ /zhes pa lta bu
'phul thob pa'i/ /skabs kyang yod pa shes dgos so/ /mtshungs pa'i
rigs 'greg 'gre yin/ /gnod byed 'dre dang ches tha dang/ /tshig
thub tshig stong

la sogs la/ /tsa rtags 'dogs pa ma yin no/ /'khrungs ba'i bskrun
dang 'gran pa'i bsgrun/ /rgyal pos bkrabs dang thun gyis brab/
/de dag so sor shes dgos so/ /ga gral thum gyis gril ba'i ming/
/da

dril gcig tu dril ba'i ming/ /klan ka klad pa kla klo dang/
/'byams klas bklag bya klog pa dang/ /klag cor chu klung gos
klubs rnams/ /sdeb dang po'i dang por bri/ /nam mkha'i klog dang
kha gdangs glal/ /

glags lta glags rnyed glum bcos dang/ /gtam gleng gling bzhi
glos phab nyal/ /glegs bam sgo glegs la sogs pa/ /sde ba dang
po'i gsum par bri/ /de phyir klu gnyan glu snyan rnams/ /yig don
gnyis ka gtan

@006a @#/ /mi gcig /dpa' klong ngag sgron dgongs pa yin/ /gzhan
du rba klong mang zhig snang/ /gdam nga yin min brtag par bya/
/'dzar ba'i rlug ni ra rlug yin/ /ldugs pa'i blugs ni ba blugs

so; ;rkang bas glebs dang gnas su sleb/ /ma 'dres so sor dbye
bar bya/ /bzlums ni tshogs pa bzlums pa'i ming/ /bsdum ni 'gyed
pa bsdum pa'i ming/ /des na dbye na bsdum mchod rten la/ /dbyen

bzlums mchod rten bris kyang 'thad/ /lag sor zlum la lag ldum
zer/ /de phyir de gnyis tha dad do/ /bcwa lnga bcwa brgyad ces
'og tu/ /ba yig 'dogs pa mi 'thad de/ /rgyu mtshan gzhan du 'chad
par 'dod/ /

des na rna ru can du bri/ /dag yig gces bsdus 'khrul spong legs
par bshad pa skya rengs gsar ba las 'dogs can gyi 'khrul ba
spong ba'i le'u gnyis pa'o// /smras pa/ rab rtog dpe/ lus can
dbang

du sdud pa'i 'phrin las kyi/ /byed po nga zhes yongs 'du'i dbang
po khyod/ /nga rgyal mchog gi mtha' la ci ste 'jog /gtam gsar
'dis kyang mkhas mang sdud la ltos/ /phreng ba'i gsal byed/ chos
rgyal mes pos yi ge bzo

ba'i mthus/ /skad gnyis smra rnams dam chos legs par bsgyur/ /de
yis klog pa thos bsam 'khor lo ste/ /klog pas lung rtogs bstan
pa nyams med 'phel/ /dngos po'i dpe/ kha drag dpung gis 'phrog
par mi nus pa'i//

@006b klu dbang gtsug gi nor bu rin chen ltar/ /gtam bzang 'di
yang bem chos rang bzhin gyi/ /gser dngul rin chen zong gis nyo
bya min/ /gtan tshigs kyi ldog pa can/ mtshan dang sdom bsdus 'bru
non rgyas bsdus sogs/ /

legs par bshad pa'i dag yig mi nyung mod/ /mtha' dpyod rigs pas
dag ther med pa'i phyir/ /legs bshad gsar ba 'di las cung zad
dman/ /zhes pa ni bar skabs kyi tshigs su bcad pa'o/ /

da ni 'phul yig bshad pa la/ /'phul yig lnga po de las ni/ /ga
da ba yi sngon 'jug gsum/ /bya byed dbang gis thob pa dang/
/'dor dgos skabs sogs shin tu mang/ /ming du grub pa'i rigs
rnams la/ /

rang rang sngon 'jug rgyun du gces/ /de phyir 'dir yang ming
rkyang tsam/ /'ga' zhig brjod kyi mtha' dag min/ /de la ga yis
'phul yig ni/ /sum cu'i cu ni cu rkyang yin/ /'khyog po'i gcu ni
ga yis 'phul//

de bzhin cal col gcal tu bkram/ /de'i tshig bla dwags ming gis
gdags/ /long yod dal dang khyab gdal dang/ /sdom pa nod dang
gzhan la gnod/ /rang bzhin nag po shin tu gnag /'angs pa'i zhig
pa

brtag gzhig dang/ /lus zungs dras drub gzungs btab dang/ ('dul
ba las dra'o drub po gzungs btab do lta bu'o/) /lo snying yos
dang zas g.yos dang/ /sems yengs pa dang rnam g.yeng dang/
/yung nga dang ni g.yung drung dang//

@007a @#/ /mig gi yul dang g.yul sprod g.yul/ /khang pa'i mda'
yab dbub bya'i g.yabs/ /mdun du shog dang 'dab gshog dang/ /lag
nas shor dang dbu skra gshor/ /

nyug rum spos nyug gnyug ma'i sems/ /shis brdzod bkra shis gshis
lugs dang/ /kha dog ser dang rin chen gser/ /sog po'i mi la gsog
rdzus med/ /de rnams 'phul yig med pa dang/ /yod pa'i tshul gyis
bon tsam/ /gzhan

yang gcom skyungs gdags sribs dang/ /gshog rtsal gshol mda'
g.ya' gsang dang/ /mig g.yor mnyes gshin snyun gdangs dang/
/drin gzo gcan gzan sbas gsang sogs/ /gas 'phul ming mtha'

brjod mi lang/ /lan cig thang cig kha cig dang/ /lhan cig skad
cig thabs cig dang/ /cig car cig shos rnams la ni/ /ga yis 'phul
yig dor bar bya/ /de bzhin nyis 'gyur nyis ldabs dang/ /

nyis brgya sum brgya sum cu yang/ /'phul med bri ba'i srol yod
do/ /da ni das 'phul bshad pa la/ /glang chen thal kar dkar chag
dang/ /klad kor pad kor dkor rdzas nyis rim/ dang/ /bya gag dang
mi

dgag dbye dang/ /zur gyi gra dang gnod byed dgra/ /ri yi ngos
dang dngos po dang/ /lto ba'i phang dang gzung bang dang/ /spos
kyi pog dang rjes su dpog /shing bal dang ni me dpal dang/ /'jal
byed bre dang btsog

@007b pa'i dbre/ /'gor ba'i bul dang bkren pa'i dbul/ /dbang
po'i mig dang bu ga'i dmig /rgyud mangs dang ni dmangs rigs
dang/ /'gri yi mar dang kha dog dmar/ /gzhan yang zho dkrugs rol
mo dkrol/ /dka' thub

dgung sngon dpya khral dang/ /dpyis phyin dpung chung la sogs
pa/ /gzhan du shes par bya ba mang/ /da ni bas 'phul bshad par
bya/ /thob skal chags 'jig bskal pa dang/ /ro kha skyur dang
rgyab tu bskyur/ /

skur ba 'debs dang yig bskur dang/ /sgos kyi don dang bag chags
bsgos/ /lus kyi rgyab dang dbyug pa brgyab/ /dregs pas rgyags
dang brgyags phye dang/ /drung gi gam dang tshod bag ma dang/
/snod kyi sgam dang

zab pa'i bsgam/ /sbyang pa'i sgrin dang 'gran pa'i bsgrin/
/mkhas pa'i grung po rnyog ma bgrungs/ /sum cu dang ni bzhi bcu
dang/ /drug cu dang ni lnga bcu dang/ /bdun cu dang ni dgu bcu
dang/ /brgyad cu dang ni skyogs

kyis bcu/ /lag pa'i rjes dang phan tshun brjes/ /bkur bzo'i rjed
dang bskyud pa'i brjed/ /snyon mongs dang ni bsnyon 'dor dang/
/snyung dur byas dang bsnyung gzhi dang/ /snyad 'dogs pa dang
bshad pa'i bsnyad/ /

ma 'ongs pa/ mi 'gyur rtag dang brtag dpyad dang/ /dbang po rtul
dang brtul zhugs dang/ /nyon mongs kyi byed las/ gnas su rtol
dang rnag khrag brtol/ /sdigs mdzub dang ni gzhan la bsdigs/
/khang ba'i sdum dang 'gyed pa bsdum@008a @#/ /gzhi yi rten dang de la brten/ /mtshan ma'i rtags dang
kun brtags dang/ /mang ja'i dod dang 'bur du bdod/ /skar ming
snar ma mjug ma bsnar/ /rgyu mtshan rtsad gcod brtsad cing dri/
/rtsed mo

rtse dang snying brtse dang/ /rdzus te skyes dang khro bor
brdzus/ /mig ya zhar dang skra bzhar dang/ /mi zad pa dang mi
bzad pa/ /rkang rjes shul dang lam gyi bshul/ /nyes pa sel dang
bsel mdang/ /rmugs

gnyid sangs dang skyo bsangs dang/ /rigs rgyud gdung rgyud 'phul
med kyang/ /snyan brgyud bla brgyud ba yis 'phul/ 'jigs su rung
ba/ /lo rgyus lam rgyus 'phul med kyang/ /phreng ba rgyus skyel
ma'i ming/ skud brgyus 'phul

thob po/ /mig gis ltos shig 'phul med kyang/ /bltos sa bltos
'jog 'phul thob bo/ /bkur sti'i stil 'phul med kyang/ /bsti
stang bsti la 'phul thob dgos/ /gzhan yangs pa bkong brgyad bkag

dang/ /bka' bkyon sdug bsngal rnam par bsngos/ /zhabs kyis bcags
dang phan tshun bsdur/ /bzhams bsgo la sogs mtha' med pas/ /gsung
rab dag pa rnams la ltos/ /da ni mas 'phul cung

zad bshad/ /phying ba'i gur dang mgur bzhengs dang/ /dregs pas
ngar dang ro mngar dang/ /gshis ka ngan la mngan bgrang dang/
/gri gug chan ba mchan khung dang/ /rgyal po'i chad pa dur gyi
mchang/ ro sgam la yang 'jug

@008b je bzang je dga' pho mtshan mje/ /nyes pas nyen dang reg
bya mnyen/ /steng nas thur dang srab kyi mthur/ /chos kyi kha
dog mdog mdangs dang/ /nan tan byed dang 'og tu mnan/ /thams cad
tshang dang skyon gyi mtshang/

kha mchur mda' ra mnye la/ /rjes 'jug dor nas sngon 'jug sbyor/
/gzhan yang mkhal rked mkhrang mkhregs dang/ /mgal dum mgron po
mngon sum dang/ /mcheb mchil ba mchis brang dang/ /mi mjed

zhing dang thugs mnyes dang/ /rgya mthongs mtha' mthil me mda'
dang/ /mna' ma mnal gzims na bza' mnabs/ /dri ma mnam dang mtshun
lha dang/ /khyim mtshes mtshem mtsher sa dang/ /mdzub mo mkhas

pa'i mdzangs la sogs/ /rgya cher yod pa gzhan las shes/ /da ni
'as 'phul bshad par bya/ /dgun 'bab khang dang gzhan la 'khang/
/gzhib bya'i khu ba gzhan la 'khu/ /khrab rmog gyon nas bro gar
'khrab/ /

drung gi gan dang 'gan 'khur dang/ /sa yi gong bu sems mi 'gong/
/brtsi bya'i grangs dang lto 'grangs dang/ /sde tshan gras dang
zhe 'gras dang/ /nyi ma'i grib ma 'phel 'grib dang/ /rig pa grim
dang 'grim 'grul dang/ /

dkar yol chag dang 'chag sar 'chag /sna cham phog dang 'chams wa
gon/ /chom rkun jag pa rtsa 'jag ma/ /me yi thab dang 'khrug
pa'i 'thab/ /ring min thung dang skom skyems 'thung/ /lan cig
theng dang rkang

@009a @#/ /pa 'theng/ /song ba'i dong dang 'gro ba'i 'dod/ /rgya
yi dra ba mtshungs pa'i 'dra/ /mo pa phywa mkhan 'phya smod dang/
/lto ba'i phang dang khri 'phang rnams/ /rna rgyan phyang phrul
rnam 'phrul dang/

phyugs rdzi dang ni nor ba'i 'phyugs/ /lag pa phyi dang dus
'phyi ba/ /song ba'i byer dang 'gro ba'i 'byer/ /gtam gyi tshig
dang me yis 'tshig /rgyal ba'i tshab dang go 'phang dbu 'phang
sogs/ skyin pa 'tshab/ /gzhan yang

'khra sar 'khren pa dang/ /'khyags rom snyim 'khyor 'khobs pa
dang/ /'chums dang 'chel dang khas 'ches dang/ /ser sna'i 'jungs
dang bzhabs pa'i 'jabs/ /'jim pa'i 'di bzhi 'gyur 'jil/ /rtsa
'jang

mtsho 'jid grogs su 'thams/ /mgo 'thom shing 'drud khyab pa'i
don/ mda' 'phen dang/ /nam 'phang go 'phang 'bri dang 'brong/
/tshe 'byed ca 'byid 'byangs 'byongs dang/ /gral du 'tshang dang
longs pa'i 'tshar/ /'od

'tsher blo 'tshengs snod 'dzed dang/ /chud 'dza' 'dzad 'gyur nor
ba'i 'dzol/ /'du 'dzi phan tshun 'dzings la sogs/ /shes par bya
ba mtha' sbyang ba sbyong ba mthar phyin pa'i ming/ yas so/
/'dir ni sa bon tsam bkod kyi/ /

gzhan dag gzhan las shes par bya/ /dag yig gces bsdus 'khrul
spong legs par bshad pa skya rengs gsar ba las 'phul can gyi
'khrul ba spong ba'i le'u gsum pa'o// //smras pa/ 'os shing mi
'os pa'i

@009b don gzhan bkod pa/ bod gzhung chen po'i dgongs don dpyang
dka' mod/ /yi ge tsam gyi don ni ci ste dka'/ /bag chags srab
pa'i rigs la de 'os shing/ /sngon sbyangs las 'phro can la ma
yin no/ /gzhi gcig gi byed pa 'gal ba/

tshul 'di mkhas pa'i spyan la thogs gyur na/ /shes 'dod don la
blo skyed mang du 'phel/ /'gran sems can gyis bltas tshe sems
'khrugs nas/ /sngar shes yon tan dag kyang nyams par 'gyur/
/bstod pa'i mtshungs

sbyor/ zla bas dga' skyed nyi mas gsal bar byed/ /lho rlung bsil
ster lung gi bstan pa yang/ /'gro ba'i phan bde sgrub byed yin
no zhes/ /yid la brnag ste tshogs gsum zhib tu sbyangs/ /smad
pa'i mchungs sbyor/

sgyu ma'i na chung ri mo'i mar me dang/ /shog bus bzos pa'i bcos
ma'i me tog dang/ /blun pos bsgrigs pa'i dag yig sdom tshig sogs/
/mig sngar mdzes kyang dgos don bslu ba mang/ /zhes pa ni bar
skabs

kyi tshigs su bcad pa'o/ /da ni 'phul can nang phan tshun/ /cung
zad nor 'khrul bshad par bya/ /dri zhim bda' ba ba yis 'phul/
/yod ba'i gda' ni ga yis 'phul/ /de bzhin gtugs bsher rlan

gyi gsher/ /bza' ba bzas zin brdeg par gzas/ /chang gis bzi dang
nor bu gzi/ /chos gos bzo dang bka' drin gzo/ /sran thub bzod
dang gzod dang/ /bya ba bshol dang thong gshol dang/ /gsol

@010a @#/ /ba'i bzhes dang bzhugs pa'i gzhes/ /gzhu rgyud bdud
dang rus kyi gdung/ /sa dmar btsag dang khrag gtar gtsag /sdun
nas bsus dang gsus pa sbo/ /thub pa'i btub dang dum

bur gtub/ /skyogs kyis bcus dang 'khyog por bcus/ /gzhan yang
bzhon pa na tshod gzhon/ /rta la zhon pa zhon rkyang ngo/ /gri
yis shing bzhogs gzhogs slong dang/ /dus snga'i zhogs pa zhogs
rkyang ngo/ /

rlan gyi bzha' dang 'ja' tshon gzha'/ /zha bo'i zhwa mo 'das pa/
zha rkyang ngo/ /mar khu bzhu dang gnam ru'i gzhu/ /'tshams zhu
byed pa zhu rkyang ngo/ /'jib pa'i bzhibs dang bsgrigs pa'i
gzhibs/ /zhib tu

dpyod pa zhib rkyang ngo/ /grang ba'i bsil dang dum bur gsil/
/rol mo sil snyan sil rkyang ngo/ /zhim pa'i dri bsung rgyal
ba'i gsung/ /rul pa'i sung ni sung rkyang ngo/ /bdug spos bdug
dang gdug pa can/ /

gsod byed dug ni dug rkyang ngo/ /spungs pa'i bcer dang lus gcer
dang/ /skra med spyi cer cer rkyang ngo/ /bser bu'i rlung dang
rin chen gser/ /kha dog ser po ser rkyang ngo/ /'khar gsil yin
gyi mkhar bsil

min/ /kha gsag yin gyi kha bsag min/ /ne'u gsing yin gyi ne'u
bsing min/ /gsog 'jog 'thad kyi bsog 'jog nor/ /tsha gsur 'thad
kyi tsha bsur nor/ /lus gsig yin gyi lus bsig min/ /bshang

@010b lam yin gyi gshang lam 'khrul/ /sku gzhogs 'thad kyi sku
bzhogs min/ /de yis ba dang gas 'phul ba'i/ /dbye bsres cung zad
'byed nus so/ /gzhan yang 'khos chung mkhos phab dang/ /mgul nas

'khyud dang dpe mkhyud dang/ /rgya mtsho'i 'jing dang ske yi
mjing/ /thog ma'i 'go dang lus kyi mgo /g.yo ba'i 'gul dang
mgrin pa'i mgul/ /zad 'gyur 'dzad dang zhe sa'i mdzad/ /lag rten
'khar ba rdzod

btsan mkhar/ /gtan gyi 'dun ma drung gi mdun/ /blo yis 'jal dang
bla mar mjal/ /smad 'tshong 'jud 'thun mdza' ba'i mthun/ /gral du
'tshang dang skyon gyi mtshang/ /nor bu'i 'dzol dang mdzol bu
dang/ /

nang du 'jug dang rjes ma'i mjug /'ching byed dang ni mching bu
dang /rnyi las 'chor dang rgyan gyis mchor/ /bya ba 'char dang
ngo mtshar dang/ /chud 'dza' ba dang mthun pa'i mdza'/ /dri ma
'dag ri dwags 'dzin pa'i thabs/

'gyur me mdag dang/ /'thing slad smra dang bya mthing ril/
/'tshog chas lus kyi mtshog ma dang/ /tshong ba'i 'gron po 'bod
rgyu'i mgron/ /don med gron can gron rkyang ngo/ /shes pa'i
'tshal dang tshon rtsi'i mtshal//

nags tshal skyed tshal tshal rkyang ngo/ /yun ring 'tsho dang chu yi
mtsho/ /dar bab lang tsho tsho rkyang ngo/ /nyi 'od 'tsher zhing las
la mtsher/ /shing gi tsher mtsher rkyang ngo/ /zas rigs snum 'khur
za 'gram mkhur/ /

@011a @#/ /rgyab tu khur ba khur rkyang ngo/ /'du ba'i sa la 'dun
sa zer/ /mdun gyi sa dang khyad par che/ /gzhan yang gang 'tsham
blo dang 'tsham/ /'tshams zhu byed pa 'yis 'phul/ /bar

mtshams thun mtshams phyogs mtshams dang/ /sa mtshams nyid mtshams
sbyor ba rnams/ /ma yis 'phul zhes kho bos smra/ /kha cig de las
ldog ste smra/ /gang 'thad mkhas pas brtag par bya/ /dag yig

gces bsdus 'khrul spong legs bshad skya rengs gsar ba las 'phul
yig phan tshun la 'khrul ba spong ba'i le'u bzhi ba'o// //smras
pa/ sngon med bsdus brjod/ tsha gdung sel ba'i bsil zer mi spro
zhing

pad dkar tshogs kyang rnam par 'byed byed pa'i/ /kye ma ri dwags
kyis mdzes zla ba ni/ /nag po'i phyogs la rim gyis 'grib par
'gyur/ /rab rtog gi dpe/ thub bstan lang tsho'i 'phel 'grib mtshon
pa'i ched/ /

zla khyod gom pa skyed la brel mi dgos/ /lam bzang lung ston
tshogs gsum dag pa'i gzugs/ /phyogs 'dir nub pa la yang de yod
phyir/ /bsdus pa'i dpe/ deng gi bstan pa mar ngo bcu bzhi pa'i/
/zla ba'i 'phel dang

'dra zhes bshung ba 'di/ /dran dbang nub pa gcig pus mtshungs pa
min/ /bstan rtsa yig srol nyams pa 'dis kyang ngo/ /de nyid
brjod pa'i dpe/ yi ge 'di ni ming yin sgron ma min/ /mig yangs
stob byed yin gyi

@011b dmigs bu min/ /bslab gzhi yon tan ma lus slob pa yang/
/brtson 'grus ma yin yi ge'i drin kho na/ /zhes pa ni bar skabs
kyi tshigs su bcad pa'o/ /da ni rjes 'jug bshad par bya/ /rjes
'jug

bcu las das gnyis/ /yang 'jug yin zhing lhag ma brgyad/ /rjes
'jug tsam gyi tha snyad bya/ /'dir ni sa yi 'jug tshul bshad/
/gzhan dag zhar las shes par bya/ /skye 'gyur skye las mtha'
dbyi/ /skyes

zin skyes las mtha' sbyor/ /de bzhin so skye skyes bu dang/
/'khri shing dang ni tshig 'khris dang/ /chung min che dang yid
ches dang/ /mda' rten gzhu dang lcag gis gzhus/ /gser gyi ri
dang ris su bor/ /lcags

kyi btsa' dang zhing gi btsas/ /skungs pa'i gzha' dang glu len
gzhas/ /bya ba'i bgyi dang byas pa'i bgyis/ /gnyen gyi sru mo
nas kyi srus/ /de bzhin rgyu dang lo rgyus dang/ /skyabs su mchi
dang yod pa'i mchis/ /

thugs rje chos rje zhabs rjes dang/ /nye rang nye du nyes pa
dang/ /gnod byed 'dre dang mnyam bsres 'dres/ /yul gyi gzhi dang
gzhis ka dang/ /dmu rgod dmu dang dmus long dang/ /'dzin spyad
yu ba bden pa'i yus

srog chags byi ba byis pa chung/ /grangs kyi bye ba byes su
'gro/ /tshe ring tshe dang zla tshes dang/ /mnyam skyes mtshe ma
khyim mtshes dang/ /rma rigs mdze dang legs pa'i mdzes/ /de dag
sa mtha' med pa dang/@012a @#/ /yod pas rab tu phye ba yin/ /dag yig gces bsdus 'khrul
spong legs bshad skya rengs gsar ba las sa mtha' yod med la
'khrul ba sdong ba'i le'u lnga pa'o// //smras pa/

(mchog gi nges bstan/) ji snyed shes bya tshogs gsum rnam dag
gis/ /rab tu gsal bar byed pa mtshon slad du/ /nam mkha'i nor bu
'od stong rab bkye ste/ /gling bzhi'i mun pa sel ba'i snang ba
'dzin/ (/snga nas med pa'i rgyu/)

rig pa'i gnas 'di sbyang ra ni med ces dor/ /mkhas par ma dris
the tshom yongs ma bsal/ /bslab par 'os pa ma sbyangs skyes bu
'ga'/ /blun po'i go sa thob 'di skal ba phra/ (/rgyu'i gzugs
can/) 'di ni don la dkri

phyir dmigs bu ste/ /thar lam dam par bsu phyir grogs kyi mchog
/mkhas rnams mgu ba bskyed pas skyes kyi phul/ /ma dag rnyog ma
bgrung phyir ke ta ga /zhes pa ni bar skabs kyi tshigs su bcad
pa'o/ /

da ni yang 'jug bshad par bya/ /spyang po'i grung dang rnyog ma
grungs/ /nyin zhag tshil zhag 'ching byed zhags/ /zhing las so
nam bsod nams dang/ /nad ro drag dang thal ba'i drags/ /tshig gi
gtam dang byur bur

gtams/ /go 'phang dang ni mda' rdo 'phangs/ /'phong skyen dang
ni lus smad 'phongs/ /thung min ring dang brel ba'i rings/ /ljid
med yang dang rgya che'i yangs/ /mig gis mthong dang nam mkha'i
mthongs/ /

@012b thun mong dang ni nyon mongs dang/ /khom pa'i long dang
tshad longs pa/ /'khrig pa spyod dang dud sprin 'khrigs/ /khong
du chud dang khongs su gtogs/ /gtam gyi tshig dang tshigs bcad
dang/ /bu ga'i khur dang 'byung

khungs dang/ /shan 'byed gzu dbang mtho ba'i dpangs/ /gnyis kyi
zung dang lus kyi zungs/ /'gro 'ong las dang ma 'ongs dus/
/spang ljongs dang ni nyes pa spangs/ /gtan tshigs lhu tshigs dus
tshigs kyang/ khang rul shig dang

khungs btsun yang/ mi shigs khams/ /rin chen mchod dang 'obs la
mchongs/ /gom stabs gom dang 'byangs pa'i goms/ /btung bya'i
chang dang zan changs dang/ /grong khyer grong dar shi ba'i
grongs/ /lus pa'i

lhag dang mdun du lhags/ /grog ma ngam grog mched grogs dang/
/me yi thab dang thabs shes thabs/ /sad nyin sang zhogs gnyid
las sangs/ /phyin ci log dang logs su bkar/ /g.yo med drang
dang gzhan

du drangs/ /khang chung dog por chud kyis dogs/ /gdeng thob
gdeng ngang ral gri gdengs/ /dras drub tshem dang zhal gyi tshems/
/las su rung dang ma rungs pa/ /snod kyi gzhong ba ljongs kyi
gzhongs/ /sga ser

yung ba yungs kar dang/ /rtogs dka'i zab dang gting ring zabs/
/bsil ba'i grang dang brtsi bya'i grangs/ /rus ba'i rtsib dang
'khor lo'i rtsibs/ /mkhar gyi rdzong dang 'bul ba'i rdzongs/ /so
yi dreg dang

@013a @#/ /rgyags pas dregs/ /skas kyi gdang dang skad kyi
gdangs/ /lag pa'i phyag dang rdul phyags dang/ /bu ga'i dmig
dang blo yis dmigs/ /maNDal tshom bu khang pa'i tshoms/ /chu yi
chab dang

chabs cig dang/ /kha dog nag dang nags tshal nags/ /tsher ma'i
rtsang dang rtsangs pa dang/ /bran gyi g.yog dang gos kyis
g.yogs/ /dkar yol chag dang 'jig rten chags/ /lus bzur skyog
dang gzar bu'i

skyogs/ /rta skul lcag dang khro rigs lcags/ /stsal ba'i gnang
dang dus kyi srog chags/ gnangs/ /khang pa'i thog dang gtugs
pa'i thogs/ /phyug po dang ni phyugs rdzi dang/ /chu bo'i rab
dang skyes rabs dang/ /

zhig rgyu'i 'jig dang skrag pa'i 'jigs/ /lhun po'i lcog dang blo
yis lcogs/ /gdug pa can dang nyin mo'i gdugs/ /rgyang ring grags
pa'i gang rgyangs dang/ /tshad ma'i gzhung dang yid gzhungs dang/
/da dung

'dod yon sred pas dungs/ /rus kyi gdung dang tsha bas gdungs/ /za
ba'i kham dang sa yi khams/ /shub bur smra dang gri yi shubs/
/ster ba'i stob dang rtsal gyi stobs/ /chang gi spang ma rta yi
sbangs/ /brjid

pa'i rngam dang 'thug po'i rngams/ /ha cang rngams srog la
rngams kyang/ bya yi glag dang glags lta'i khams gsum khams bde
sogs/ glags/ /brag gi phug dang gtan gyi phugs/ /sha gzug gcig
dang dbyibs kyi gzugs/ /phrad pa'i

@013b thug dang lha yi thugs/ /rdzas nor sog dang sdud tshig
sogs/ /skyin pa 'tshab dang blo 'tshabs dang/ /nom pa lag pas noms
nyug byed/ /dmang ba'i gshong dang spang gshongs par/ /yul gyi
mtha' 'khob khyab pa'i

'khobs/ /snyom las byed dang btang snyoms dang/ /bsti stang byed
dang lta stangs dang/ /zas kyi mnab rtsal na bza' mnabs/ /grangs
kyi stong dang zad zin stongs/ span ljongs/ /yi ge'i mog dang
dka' chogs dang//

chu nang bying dang gyings na gnas/ /rim pa bzhin dang go rims
dang/ /rtsig pa'i 'gram dang 'grams tshad rims/ /bong bu lus kyi
bongs tshod dang/ /padma'i 'dab 'khor ba stongs grong khyer
stongs/ phran tshogs byang/ dang ri yi

'dabs/ /'chag sar 'chag dang nyes pa 'chags/ /khye'u phrug dang
zung gi phrugs/ /phyi yi nang dang sang nangs dang/ /rta rmig
srog chags rmigs pa dang/ 'dab gshog kyang/ /sbyoms pa'i dom
dang tshim pa'i ngoms/ /

srub thag srub shing yid srubs dang/ /thig le chu thigs gtigs pa
dang/ snam bu'i phrugs dang za phrugs sogs/ /de la rag las phra
rags sogs/ /gzhan yang nyam nga nyam thag la/ /yang 'jug 'dor
zhing nyams lan

dang/ /nyams dga' nyams myong gar dgu'i nyams/ /pham pas nyams
pa la sogs la/ /bsod nyams kyang/ yang 'jug chu yi rags kyang/
nan gyis bcug dgos so/ /nyam dma' yang/ gzhan yang skyigs gu
mgyogs pa dang/ /

@014a @#/ /ming gdags blugs gzar gzhogs stegs dang/ /mun sribs
srol 'dzugs la sogs pa'i/ /ming la sa mtha' rgyun du dgos/
/rgyas par shes rab 'od zer dang/ /kun grol grags

pa'i yang 'jug mtha'i/ /thob tshul rab gsal sgron me zung/ /zhib
tu gzigs shig blo ldan tshogs/ /dag yig gces bsdus 'khrul spong
legs bshad skya rengs gsar ba las sa mtha'i yang 'jug la 'khrul
ba

spong ba'i le'u drug pa'o// //smras pa/ chos la bsnyon dor gyi
rgyan/ gangs can yi ge bcu phrag gsum tsam zhes/ /bshung ba'i
skad ngan sgrogs pa ya ma brla/ /chos phung brgyad khri bzhi
stong ston nus

phyir/ /bod kyi yi ge'i grangs la mtha' med do/ /phan tshun dpe/
yi ge'i 'jug tshul pha mtha' mi mngon zhing/ /rin chen 'byung
gnas srid zheng bsam las 'das/ /chu srin grong gi rgya khyon ji
bzhin du/ /

gsar rnying brda' yi 'jug tshul 'byams klas so/ /ngo mtshar phul
byung/ sngon rjes 'jug pa 'dra min sna tshogs pha/ /kun mkhyen
kyis kyang gzhal bar dka' ba de/ /dus mthar skyes pa'i bdag gi
blo yul du/ /

gu dog med par shong ba e ma mtshar/ /gzhi gcig gi las 'gal ba/
phyogs ris can dag 'di 'dra mthong tsam nas/ /'gran sems phrag
dog phan tshun dkrugs pa'i mthus/ /shugs chen me la lde ba ma yin
yang//

@014b lus kyi drod ni yang dag 'bar bar 'gyur/ /zhes pa ni bar
skabs kyi tshigs su bcad pa'o/ /bya byed dus gsum sogs kyis
dbang/ /yang 'jug thob dang mi thob pa'i/ /rnam gzhag shes rab
'od zer gyi/ /

ngag yig rab gsal sgron me ru/ /ches cher shin tu gsal yod pa/
/de la gzigs pas shes par 'gyur/ /dag yig de ru ma chud pa/
/'ga' zhig 'di ru bshad kyi nyon/ don /brtag bya rtog byed
brtags rtog cig tshags su/ gzung bya

'dzud byed btsud tshud cig bsod nams/ bsag bya gsog byed bsags
sog cig snod kyi khar/ bsnan bya snon byed bsnan da snonad cig
mtshon lam/ gzur bya 'dzur byed bzurad zud cig grangs kyi kha
nas/ dbri bya bri byed phris phri zhig ngal/ gso bya

'tsho byed bsos sos shig nas /brdod bya rdod byed brngos rngos
shig zas /bza' bya za byed bzas zo zhig ri mo /dbyi bya 'byid
byed phyis phyi zhig skyon/ sba bya sbed byed sbas sbos shig sha
/btso bya 'tshed byed btsos tshos shig /ga nga ba ma'i

rjes 'jug gi /yang 'jug rim pas bshad ba la/ (ga) mtshab bsngog
bya sngogs byed bsngogs sngogs shig thag pas /bkyig bya 'khyigs
byed bkyigs khyigs shig /dpag bya dpog byed dpags dpogs shig/

lces bldag bya ldag byed bldags ldogs shig ka ca /brnog bya rnog
byed brnogs rnogs shig ral pa/ bsig bya gsig byed bsigs sigs
shig (nga) /yi ge bskung bya skung byed bskungs skungs shig
/btung bya 'thung byed 'thungs

@015a @#/ /thungs shig gang na /gding bya 'ding byed btings tings
shig blo /sbyang bya sbyong byed sbyangs sbyongs shig sbyin pa/
gtang bya gtong byed btang thongs shig (ba) /nyes bya bcab bya
'chab byed bcabs chobs shig/

khub gzhib bya 'jib byed bzhi bas dzabs shig mgron la zas bstab
bya stob byed bstabs stob cig zhon pa /bcib bya 'chib byed bcibs
chibs shig rkang rjes /gsub bya sub byed bsubs subs shig zho
/bsrub bya srub byed bsrubs srubs shig

gos bltab bya lteb byed bltabs ltebs shig (ma) /mtsho bskyam bya
skyom byed bskyams skyoms shig me tog /dgram bya 'grems byed
bkrams grems shig gos gyis /btum bya 'thum byed btums thums shig
kha /bsum bya sum

byed btsums tshums shig gos /btsem bya tshem byed btsems tshems
shig ye shes pa /bstim bya stim byed bstims thim zhig /de ltar
bya byed byas gsum gyi/ /tha ma'i tshig ni 'das tshig yin/ /'di la
yang zum yang 'thad

'jug phal cher 'jug /skul tshig phal cher sngon 'jug med/ /yang
'jug sbyor dgos mang zhig yod/ /yang 'jug med pa'ang yod pas na/
/gong smos kha 'phangs dper brjod dang/ /'dir yang cung zad
bshad pas

mtshon/ /dpag par bya ba mang mchis pas/ /rig pa rgya bkyed shes
par 'tshal/ /dag yig gces bsdus 'khrul spong legs bshad skya
rengs gsar ba las dus gsum gyi yang 'jug la 'khrul ba spong ba'i
le'u bdun pa'o//

@015b smras pa/ 'gog pa'i gzugs can/ gangs can ming brda' lha yi
gos bzang 'di/ /blo gsar mde'u tsam gyis 'bigs dka' ba'i/ /sra
zhing mkhregs pa'i reg bya 'dzin pas na/ /srab 'jam yang ba'i
gos su brjod

mi rigs/ /bsnyon dor gyi gzugs can/ gtam 'di ming ma ni glegs
bam klog pa'i lce/ /yi ge ma yin legs nyes lta ba'i mig /tshig
min zhus chen thub nges zhus dag pa/ /bstan bcos ma yin lam ston
bshes

gnyen no/ /snga na med pa'i rgyu/ rig gnas ma bslab mi shes
ngang du 'phyan/ /dam pa ma bsten yang dag lam ngang bral/ /rnam
g.yeng 'du 'dzi rtse dags 'da' ba'i mi/ /rgas khar brang la sen
mo 'debs par 'gyur/

bya ba thog gsal/ 'byed do nyin byed 'od kyis chu skye'i sbubs/
/sked med chang gis sind+hu wA ra'i kha/ /gser gyi lde chung
bang mdzod btsan po'i sgo/ /legs bshad 'di yis sum rtags dka'
ba'i gnad/ /'gog

pa'i dpe/ dag yig mang yang la la bsdus drags shing/ /phal cher
gzhan tshig bldab skyor byed pa mang/ /'ga' zhig rang rang skad
kyi shan 'dres pas/ /gsar bshad 'di dang 'gran zlar mi 'os so/
/zhes pa ni

bar skabs kyi tshigs su bcad pa'o/ /da ni gdam nga can dag bri/
yi ge /'dri bar byed dang 'bri bar byed/ /skyon mtshang 'dru dang
'bru bar byed/ /khung bu 'dru dang 'brud par byed/ /rig pa'i ral
gris 'di@016a @#/ /bzhin bzhed/ /byams pa gling pas dgag par mdzad/ /kho
bos bsam na rung ba 'dra/ /gan rkyal gan kyal gdam nga yin/ /de
bzhin mthol bshags 'thol bshags dang/ /khong ba'i

mig mdongs mig ldongs dang/ /gang ba'i gtams dang bltams pa
dang/ /skrag pa'i dngangs sdangs gnyis ka rung/ /de bzhin snyan
dngags snyan ngag dang/ /mig bgrad mig bsgrad gang yang rung/
/thur du 'dril

bar byed pa dang/ /'gril bar byed pa gnyis ka 'thad/ /dmigs kyis
bkar dang dgar ba dang/ /dmigs bsal dmigs gsal rung ba 'dra/
/dbyen bzlums dbyen bsdum gang yang rung/ /sngo bsangs sngo
sangs

gang yang rung/ /gsar ba sar ba gang yang rung/ /gzegs ma zegs
ma gang yang rung/ /'phreng ba phreng ba gang yang rung/ /skad
cig ska cig gang yang rung/ /rmongs brtul rmongs rtul gang yang
rung/ /bder

gshegs bde gshegs gang yang rung/ /smyu gu skye gu gang yang
rung/ /dma' 'bebs sma 'bebs gang yang rung/ /sgrim nas bag zon
bya ba'i ming/ /gzabs bzabs gnyis ka rung ba yin/ /gos bzangs
khang

bzangs dri bzangs dang/ /rgyud mangs khur mangs go rims sogs/
/yang 'jug sbyor ram mi sbyor yang/ /khyad med gdam nga yin no
zhes/ /sngon gyi mkhas pa mang pos bzhed/ /rgyu mtshan ci yin ma
go lags/ /

@016b dag yig ngag gi sgron me ru/ /mtho btsams pa dang mtho
'tshams dang/ /las la mtsher dang 'tsher ba dang/ /dri ma nam dang
bsnams pa dang/ /gnyis char byung bas rung bsam ste/ /kho bos
gdam nga'i sdebs su

bshad/ /rngams pa'i 'thug dang zhabs la 'thud/ /za ma tog tu 'as
'phul bshad/ /dag gi sgron mer mas 'phul bshad/ /ngag sgron zam
tog gnyis kar/ /glo bur bshad kyang smra rgyan du/ /blo bu ra
'thad ba'i

phyogs su mdzad/ /de dag gdam nga'am yang na ni/ /mi gtsang ming
la btsog rtsog dang/ /khar sang ming la kha rtsang dang/ /'thug
pho mthug po zer ba dang/ /'thud pa mthud pa zer ba dang/ /glo
bur blo bur zer

ba'i gdangs/ /mngon sum sgrogs par snang ba bzhin/ /so so'i skad
kyis bldab lugs sam/ /gdam nga yin min brtag par 'tshal/ /gces
pa'i phangs dang dbul phongs la/ /'as 'phul yod med gnyis

ka rung/ /stongs grogs sdongs grogs gnyis ka rung/ /gdam nga
gdam ka zer ba dang/ /lteng ka lcung ka zer ba'i tshig /dag sgron
rang du byung mod kyang/ /gal te tshig de zhus dag na/ /slob dpon
thu mi'i sum cu

par/ /mo yis mo yi ming mtha' drangs/ /zhes pa de dang mi 'gal
lam/ /ci ltar yang 'jug tshad ma/ yin zhes dpyad rigs so/ /dag
yig gces bsdus 'khrul spong legs bshad skya rengs gsar ba las
gdam nga can

@017a @#/ /gyi rigs la 'khrul ba spong ba'i le'u brgyang pa'o//
//smras pa/ the tshom gyi dpe/ dag yig rnams kyi yi ge mthun yin
de/ /byed po so so'i yul skad yin nam ci/ /yang na khyad med

skad yang yin pa'am/ /bdag gi yid ni the tshom dpyad thag 'dzin/
/zla bo'i dngos dpe/ dag yig mang yang dag gi sgron me dang/ /za
mtog dang dpe zlar 'os pa dkon/ /mkha' la 'od ldan rgyu skar mi
nyung mong/ /mun

stug mthar phyed nyi zla zur tsam mo/ /rkang pa zhi'i thog ma'i
bar tshod zung ldan/ de phyir gzhan gyi lugs mang gzung dka' bas/
/de gnyis kho na tshad mar yid rton da cing/ /de la med pa'i gtam
gsar 'ga' bsnan te/ /de yi gsal

phyed rgyan du 'di yang bskrun/ /phul byung gi dpe/ slob dpon a
nus yig srol thog mar phye/ /bdag ni deng gi dus su phye ba
tsam/ /de las gzhan pa'i khyad par 'byed chos zhig /mi stong
ldan pa'i lhas kyang rnyed pa min/ /

'om pa'i don gzhan bkod pa/ yi ge tsam la dpyad pa zhib 'jug
'dis/ /bsam gtan pa yi rna bsun par byed/ /snang zhen log pa'i
yid ngor kun rdzob chos/ /phal cher tsher mar rigs pa ma yin nam/
/rigs kyi rang bzhin

brjod pa/ thos bral dben gnas bsten pa'i dka' thub pa/ /tshig
skam kho nar zhen pa'i rtog ge pa/ /de gnyis tshul 'dir dpyad pa
bcug pa pas/ /sting las chung dur gzhes na sos kyang bde/ /zhes
pa ni bar skabs kyi

@017b tshigs su bcad pa'o/ /da ni ming gcig don gnyis la/ /'jug
pa'i tshul la cung zad dpyad/ /ko ba mnyes dang dgyes pa'i mnyes/
/me tog mgo lcogs blo yis lcogs/ /stan las ldang dang tshad

longs ldang/ /bshad pa'i sgros dang rma shul sgros/ /bzod pa'i
brnag dang bsam pa'i brnag /rdog pas brdzis dang bag phye
brdzis/ /bzhugs pa'i gzhes dang dus kyi gzhes/ /grangs kyi
dkrigs dang dud sprin

dkrigs/ /chab srid zer sgros lta bu/ chab dang chu yi chab/
/phyags dang phyags dang lham gyi phyags/ /dus 'gro'i lci ba
lcid kyi lce/ /bshul sha dang ni lam gyi bshul/ /ro zhim gzhes
nyin lta bu/ /bda' dang ri dwags bja'/ /

ri dwags gla dang rngan pa'i gla/ /yi chad dmus byung dmus long
dang/ /chag bcom dkrugs zhi chig /dang gong 'og dkrugs/ /rta yi
srab dang 'thug min srab/ /rta yi srab skyogs gzar bu'i skyogs/
/khyod sa su gtogs dang

se gol gtogs/ /nyin mo'i gdugs dang mchod rdzas gdugs/ /ro yi
ska dang 'bris dkrugs lta bu/ bar ba'i ska/ /'jigs rung rngams
dang 'thug po'i rngams/ /srog chags nya dang bco lnga'i nya/
/dras drub dra dang rgya yi dra/

gtang rag de la rab las dang/ /skya rbab dang ni rbab rdo dang/
/'o brgyal sa la dran med brgyal/ /thug pa chu nyung pa/ bsgo pa
rnar gzon chud gzon dang/ /rgyags pa'i longs dang tshad longs pa/
/gdong gi g.yar dang brnyan po'i

@018a @#/ /g.yar/ /skra yi ral pa dral ba'i ral/ /dum bur gsil
dang 'khar gsil dang/ /chu mang sla dang las sla ba/ /srog chags
'phyi ba dus 'phyi ba/ /lcags kyi btsa' dang mig ras btsa'/ /

lus kyi brla dang ya ma brla/ /yi ge bri dang kha nas bri/
/khang ba'i thog dang rngo mi thog /rna yi mnyan bya mnyan la
'thug pa/ dang/ /g.yar po'i brnyas dang brnyas thabs byed/
/mtshon cha bsnams dang dri bsnams pa/

thags kyi spun dang gnyen gyi spun/ /ming gcig don mang la 'jug
dpe/ /rngam grog chu grog grug grog ma dang/ /phrag dog kha dogs
khongs dog /gzugs brnyan sa brnyan phyag brnyan sogs/ ('khor
g.yog/)

thor tshugs sha tshugs che tshugs dang/ /sim gdung rus gdung gdung
ma gdegs/ /'khrug long che long long skabs sogs/ /lkog 'gyur
lkog ma lkog shal dang/ /rtsa lag kho lag 'dzin byed lag /gzar

stan ri gzar gzar bu dang/ /na bza' bza' btung bza' mi dang/
/g.yang sa g.yang gzhi g.yang lug sogs/ /bro brdungs ri bro
bro 'tshal dang/ /sga glo glo lud zur gyi glo/ rgya khyon/ khal
khral skud pa bkal

ba sogs/ /snyung gdangs skad gdangs kha gdangs sogs/ /glegs bam
sgo glegs glegs bu sogs/ /mu stegs gzhogs stegs stegs bu dang/
/kun brtags brgal brtags brtags (bkal/) zin dang/ /

@018b chu thigs gso thigs bdud rtsi thigs/ /mi gtsigs gtsigs che
mche ba gtsigs/ /gtams ni bcol grangs gang ba dang/ /rgya ni
rnyi dang smar dang/ /rgya gar rgya nag sogs pa'o/ /dag yig gces
bsdus 'khrul spong

legs bshad skya rengs gsar ba las ming gcig don du mar 'jug pa
dpyod pa'i le'u dgu pa'o// //smras pa/ spyi'i bsdus brjod/ skom
pa'i gdung sel yan lag brgyad ldan pa'i/ /skal ldan shing rta'i
bu mo phyir

bsal nas/ /ba tshwa'i khron chus skom gdung sel re mod/ /don med
ngal ba bsten pa tsam du zad/ /'gal ba'i don gzhan bkod pa/ 'ga'
zhig rig pa gsal yang pha rol po'i/ /yon tan sgrib nas skyon gyi
gong bur mthong//

lag na gsal byed mar me thogs na yang/ /snod kyi grib mas lag
mthil nag por mthong/ /ngo bstod dpe/ sngon gyi skad gnyis smra
rnams sna la mkhas/ /gsar rnying brda' sgad skye ba'i stobs kyis
smra/ /kho bo gzab

gshar yi ge tshod tsam yin/ /brda' don bshad tshul de dag dang ni
mtshungs/ /dba' ba'i nyams/ bdag ni rig pa'i gnas la ma sbyangs
shing/ /gsar rnying brda' dag khog bu bsam yin la/ /dag yig
gzhung mang dpyis phyin

mi shes par/ /rang dgar ming tshig smra ba'i rgyal por gyur/ /bya
ba ma tshang ba'i khyad par brjod pa/ sdeb sbyor sgra la sbyang
ba ma byas shing/ /sum rtags 'jug tshul snyan ngag bslab pa med/
/bstan bcos rtsom pa'i rgyu tsam ma

@019a @#/ /bsgrubs par/ /rig byed bstan bcos 'di ni brtsams byas
so/ /khyad 'phags phul byung/ rab dwangs dri med kun rtog rlung
g.yos te/ /gtam 'di bskrun pa'i 'bras bu'i cha shas ni/ /khyad
'phags

mkha' la spyod pa'i mes po yi/ /bsod nams bzhi po dag gis mtshon
ma yin/ /mang ba'i dpe/ de ltar 'bad pa las byung rnam dkar las/
/pad dkar chu shel kha ba dung lta bu/ /gcig tu dkar ba gang
zhig

bsags pa des/ /dam chos smra ba'i rgyal po thob gyur cig /ces pa
ni bar skabs kyi tshigs su bcad pa'o/ /ming mang don gcig brjod
pa'i dpe/ /bug pa bu ga dmig bu dang/ /har mig

rnams ni khung bu'i ming/ /'bigs dang 'bugs dang 'bug pa dag
/khung bu rtol bar byed pa'i ming/ /ska dang gar ni thug pa ste/
/yon po kyog po gcu bo dang/ 'chus po dang ni 'khyog po rnams/
/drang po

min pa'i ming la 'jug /yib dang gab dang skungs pa dang/ /bag la
nyal dang gzha' ba rnams/ /sba ba'i ming du grags pa yin/ /sim
dang stim dang zhu 'ju dang/ /thim pa rnams ni nub pa'i don/
/rkang lag

dam bor bcings pa la/ /dkyigs dang bkyigs dang 'khyigs pa dang/
/bcigs pa la sogs dpe dag par/ /yod pa mthong bas dus gsum la/
/bltos te 'jug skabs yod dam snyam/ /grung po spyang po

@019b g.yer bag can/ /sgrin po sgrim po grim po rnams/ /mkhas
pa'am shes rab can la 'jug /gam dang gan dang drung dang ni/
/glo dang logs dang gzhogs dag kyang/ /mdun nam nye 'khor nye
ba'i ming/ /'phyan pa yan pa

'khyar ba dag /'khyem pa'i ming du skabs 'gar 'jug /brnyan dang
brnyas dang bskyis pa rnams/ /g.yar po'i ming la 'jug pa yod/
/bkar dang dgar dang bkol ba dag /logs su bsal ba'i don can no/
/

rdzud dang rid pa sbribs pa dang/ ske rtsod dag ni sha srab
cing/ /skem pa'i ming la 'jug tu rung/ /rum dang pang dang phang
dag ni/ /lto ba'i ming la 'jug pa yod/ /'drid dang brid dang
brdod pa rnams/ bslu ba'i ming

du grags pa yin/ /'ji ba 'jim pa 'dam bag ming/ /gcin dang gci
ba dri chu'i ming/ /bsnyel dang bskyud pa brjed pa'i ming/ /'di
ni mtshon tsam smos pa ste/ /de tsam shes pa'ang dkon po yin/ /ma
shi'i

tshul la thos pa gces/ /ming gi mtha' la zad pa med/ /thams cad
sus kyang brjod mi nus/ /mngon brjod sogs kyi ming sna tshogs/
/mkhas pas bshad bdag la ltos/ /dag yig gces bsdus bkhrul

spong legs bshad skya rengs gsar ba las ming dum don gcig la
'jug tshul dpyod pa'i le'u bcu pa'o// //smras pa/ kun phan gyi
rgyan/ de 'dra' zhig kyang rtsom 'dun dar drags pas/ /dpe mang
gsog@020a @#/ /pa'i rtsol sgrub rtsom pa na/ /sngon mthong med pa'i
dag yig du ma zhig /stes kyi dbang gis rjes mthun grogs su
'byor/ /dga' bas 'gyur bsgeg pa'i nyams/ skyes sbyangs stobs las
'khrungs pa'i dri med

kyi; ;rig pas yun ring sbyang 'os rig gzhung 'di/ /thos nyung
bdag gis ci dgar rtsom pa ni/ /slob dpon drin las thob pas 'dzum
dmul lo/ /spyi'i bsdus brjod/ rgyu skar phreng bas rab mdzes ri
bong 'dzin//

nam mkha' mthon por rgyus pa yongs btang nas/ /dwangs ba'i mtsho
ru nyal bar gnas so zhes/ /snang brnyan dngos por 'dzin pa byis
pa'i blo/ /bsdus shing ma bsdus pa'i gzugs can/ blo mig mi shes
rab rib grib mas

g.yogs/ /gzhan gyis zer sgros rdzu bag 'khar bar brten/ /log
smra'i g.yang kha 'grim pa'i grogs po dag /mig yangs stob byed
gtam bzang 'di bsten rigs/ /mang ba'i dpe/ tshul 'dir spros pa
las

'ongs phun tshogs dge /bsil zer can dang pad dkar rtsa ba dang/
/dri med mu tig mdangs la 'khu ba gang/ /bshes gnyen mnyes byed
kun bzang mchod par dbul/ /dpe las dpe can lhag pa'i ldog pa
can/ blun pos

smra yang sde snod 'chad pa dang/ /legs bshad rtsom zhing rgol
ba tshar gcod min/ /mkhas pa'i bya ba gsum gyis rgyud gtams
shing/ /dma' sa 'cha' ba'i mkhas rnams 'du gyur cig /bya ba ma
tshang ba'i khyad par

@020b brjod pa/ mi bzad rno ba'i mda' mtshon 'phangs pa med/
/khros pa'i gnyer ma dpral bar ma bsdus shing/ /mi sdug nyams
kyi 'gyur ba ma bstan par/ /chu srin rgyal mchan sde las rgyal
gyur cig /gzhi gcig gi chos

du mdzag la pa/ rnam mang mkhyen pas phyug kyang rmongs pas
dbul/ /lus can brtse bas 'khyud kyang chags pas btang/ /pha rol
'joms nus ldan yang mi 'tshe ba'i/ /bshes gnyen dam pas rjes su
'dzin gyur

cig /phreng ba'i gsal byed/ bshes gnyen dam pa'i drin las bdag
blo rgyas/ /bdag blo rgyas pas gtam snyan 'di spel bas/ /rgyal
ba'i bstan pa nyams med phyogs su dar/ /des kyang lus can phan
bde

'phel gyur cig /ces dag yig gces bsdus 'khrul spong legs bshad
skya rengs gsar ba zhes pa 'di ni snga mo nas bsgrigs 'dun yod
thog /'gas kyang bskul ma byed pa ltar lha ldan grwa skor ba'i
ming can

a lag sha'i sa mthar skyes pa'i gyin pa ngag dbang bstan dar
gyis bsgrigs pa'o/ /'dis kyang rgyal bstan rin po che yun ring
du rgyas pa'i rgyur gyur cig /zhes pa 'di ni sku 'bum byams pa
gling du par du bsgrubs pa'o// //