@01a @#/ /rje btsun tsong kha pa chen pa'i rnam thar ras bris kyi
tshul brgyad gsum pa cinta ma Ni'i phring ba thub bstan rgyas
byed phan bde'i rol mtsho chen po bzhugs so/

@01a @##/ /bla ma 'jam dbyangs dbyangs can ma la phyag 'tshal lo/
/'dir rje bdag nyid chen po'i rnam thar zhal thang dang por/
gtso bo rje rin po che chos 'khor gyi phyag rgya can seng khri
rgyab yol rgyan drug

sbrag pa can g.yas su rgyal tsham dang 'dul 'dzin/ g.yon du mkhas
grub rje tsha kho dbon po/ de'i steng gi g.yas g.yon du chug? pa
rnam brgyad/ 'og tu dge 'dun grub pa 'jam dbyangs chos rje/
byams chen chos

rje sher seng sogs/ mdun du mchod sprin lha tshangs dbang sogs
dang/ (1ka) steng du sngon du sngon 'jig rten gyi khams 'dir?
dang ba'i 'od ces bya bar gyur dus rgyal ba dbang po'i tog gis
rgyal sras mtha' yas pa'i

dbus su ma dag pa'i zhing du rdo rjes theg pa'i bstan pa dang
'brel ba'i lta ba spel ba la bsngags brjod mdzad byin gyis
brlabs nas snying stobs chen por mtshan gsol tshul (2kha) /rdo rje
gdan du 'jam 

@02a @#/ /dbyangs kyi sprul pa byang chub sems dpa' mos pa'i blo
gros kyis bram ze'i khye'u padma'i ngang tshul khrid de ston pa
la shel phring phul te ma 'ongs pa'i dus kyi gdul byas stong
nyid rtogs pa'i rten 

'brel bzhag/ (3ga) mtsho ma dros pa'i dbus su sngar gyi sangs
rgyas rnams kyi bzhugs gnas yod par 'dul ba lung las bshad pa
bzhin der phebs te chos gsungs/ klu ma dros pas dung phul/ 

dbyar bzhugs tshogs dung mdzad/ de nas gangs ti ser bzhugs dus
kyang tshogs dung mdzad de dbang phyug chen po sogs lha klu du ma
la chos gsungs/ (4nga) de nas bya rgod phung por ston pas

rje 'di dang dgon gnas lung bstan nas de'i tshogs dung du bskur
ba gangs can chus gang ba'i mtshams su sbas pa/ zhal 'bag yang de
dus mngon/ (5ca) sprel lor yab kyi man la lam du 'jam

@02b dpal rgya ba na? klegs bam can gyi rnam pas mchod khang du
phebs pa rmis pas bu shes rab can yong ngam snyam pa dang/ lcang
lo can nas phyag rdor gyis rdo rje 'phangs pa yum la thim pas bu
stobs ldan zhig skye ba yin rnam snyam pa dang/ (6cha)

yum gyis me tog gi thang du shel gyi khye'u dang nub kyi mkha'
'gro mas khrus byas pas pa dang/ khyim mtshes gzhan kyis jo bo
rin po che gdan drangs pa dang/ nyi zla skar gusm gcig char shar
ba nyin par yang me tog gi char/ nam mkha' nas rol mo

dang sa g.yog ba sogs dang/ (7ja) chos rje don grub rin chen la
rmi lam du rjdo rje 'jigs byed zhal gzigs/ dngos su mthong ba
dgos zhes gsol pa btab pas btsong kha ngos bstan nas/ sang phyod
da tsam lung pa 'di'i mda' ru rong/ de bar du bde


ngar gyis gsungs/ rje 'di 'khrungs par mkhyen/ (8nya) bya lo yum
gyi rmi lam du spyan ras gzigs bsu zhes skye bo thams cad kyis
rnga rol mchod rdzas sna tshogs khyer nas 'gro bar bltas pas/ nam
mkhar gser sku ri bo tsam 'od zer nyi 

ma ltar 'phro ba/ chos kyi sgra dbyangs dang bcas pa lha'i bu bu
mo'i cha lugs phun sum tshogs pa du mas bskor bzhig mar mar babs
te lus la thim pas/ rang la phyag bskor dang mchod pa bkra shis
brjod pa sogs rmis/ (9ta) bya lo'i mjug

yum gyi thugs ka'i shel sgo phye zhing mkha' 'gros khrus gsol pa
rmis rjes tho rangs 'khrungs/ chos rje don rin pas 'jam dbyangs
ril bu sogs kyang de dus gnang/ 'khrungs sa der tsandan dkar
po'i sdong po skyes pa'i lo ma rnams la sku mi 'dra

@03a @#/ /ba du ma byon/ a ra pa tsa na'i yi ge sogs byon pa
dang/ (10tha) dgung lo gsum par rol pa'i rdo rjes dge bsnyen
mdzad/ sangs rgyas gnyis pa 'ong bar lung bstan tshul rol pa'i
rdo rje'i lam yig las bshad/ (11da) bdun 

par don rin gyi zhabs bsten/ brgyad par dge tshul dang dbang
bskur tshul mnal lam du phyag rdor dang jo bo rje yang yang
phebs/ ljags bsnyen sogs mdzad nas dgung lo bcu drug par dbus su
phebs lam chab mdor zhag bzhugs

mdzad nas gnas brtan cu drug dang mgon khang gi sar mgon po zhal
gzigs nas lung bstan/ (12na) dgung lo bcu bdun pa'i dus 'brin
khung du phebs spyan snga chos kyi rgyal por rdo rje 'phreng ba
na ro chos drug phyag chen lnga ldan sogs

zab khrid mtha' yas pa gsan/ (13pa) de nas gung thang du spyod
'jug ltar rgyal sras kyi ngang tshul rig gnas mtha' dag slob pa
mtshon par tshal pa'i lha rje dkon mchog skyabs la sman dpyad yan
lag brgyad pa gsan pas lhag ma med

par thugs su chud de gso rig ma mdzad kyang gso rig smra ba
thams cad kyi gtsug gi nor bu gyur tshul phyis kyi sman pa thabs
cad kyis gsol sman 'bul dus zhal bkod zhu bar grags/ (14pha)
snye thang du bkras seng gdan sa dge slong la

chos gsan/ (15) bde ba can du bla ma yon dbu gnyis la phar phyin
shing rta'i srol bzhi sogs gsan/ 'jam rin la byams chos kun
gsan/ (16ma) dngul chu chos rdzong du 'jam dbyangs bdun pa bla
ma dam pa bsod nams rgyal mtshan

@03b la a ra pa tsa na/ dri la bu lus dkyil dbang/ gur mgon
rjes gnang dang dbu paN zhwa gtad de bu lugs kyi bstan pa gtad/
(17tsa) bcu dgu'i dus gsang phur grwa skor snyan pa mched/
(18tsha) bde ba can du grwa skor snyan pa rgyas/ (19dza) gtsang
du mkhar

kha la brgyud de zhwa lur lo chen rin rnam la bde mchog mai tri
bcu gsum ma gsan/ (20wa) snar thang du ma ti paN chen drung du
chos mang gson/ (21zha) sa skyar phebs nas grwa skor mdzad mkhas
kun dbus kyi 'jigs med gdod lnga'i sgra dbyangs

cher (22za) de bzhin du bzang ldan du phar phyin grba skor/
(23'a) 'gag rong du grwa skor/ (24ya) ngam ring du grwa skor/
(25ra) mar lam jo nang du phyogs las par dus 'khor sbyor drug gi
khrid sogs gsan/ (26la) spyi lha sa rin po che la bka' gdams

lam rim dang/ chos rje rgyan bzang pas glegs bam gsan gsungs/
(27sha) e ra grwa skor/ (28sa) snar thang du lo chen don bzang
la mdzod tshad ma sogs gsan/ (29ha) gnas rnying du grwa skor
dang/ nya dbon kun dga' dpal la phar phyin gsan

thugs tshim/ (30a) rtse chen du rje btsun red mda' ba la mdzod
mdzub khrid gsan/ phan tshun thugs legs bshad kyi padma dkar pos
'drel bar gyur/ (31ki) nyang stod bsam gling cu rje btsun red
mda' bar 'jug pa rtsa 'grel gsan/ (32khi) po ta 

lar lo chen byang rtse phebs/ chos rdzong du chos 'brel gsan/
(33gi) skyor lung du mkhan chen blo gsal la rgya cher 'grel
gsan/ bshad srol lhag bcas rtogs/ shog gu bcu bdun re rgyun du
bzung/ tshogs su zab po'i ting nge 'dzin la

@04a @#/ /bzhugs pa'i mnyam bzhag gi ting nge 'dzin brtan po
byung/ de dus sku stod bsnyung ba/ stod lung du u rgyan bsnyen
sgrub la mkhas pa gcig la man ngag gsan kyang ma phan/ (34ngi)
dpon slob 'ga' zhig dang

bcas ngur smrig gi phu'i la nas gnas rnying la byon/ gnas rnying
pa mang po dang zhabs phyi ba rnams kyis gsol pa btab bas mngon
pa kun btus kyi chos 'khor thog mar bskor/ (35ci) dpyid snar
thang la brgyud sa skyar byon rje btsun

red mda' bar kun btus gsan cing rnam 'grel la gtso bor sbyangs
shing gsan/ de bzhin du dbu ma 'jug pa dang 'dul ba lung sogs
kyi bshad pa gsan/ (36chi) bla ma rdo rin pa'i drung du brtag
gnyis sa lugs kyi bshad pa gsan/

sa skya'i bla brang shar ba'i sngags kyi dge bshes gcig la man
ngag blangs te bla brang rin chen sgang gi rgyab rir ma ning gi
ha 'don pa lan 'ga' mdzad pas sku stod kyi bsnyung dwangs/
(37ji) de nas dpon slob rnams kyis la stod byang gi

dam ring du dpyid dang dbyar bzhugs shing red mda' bas kun btus
Tika chen brtsams shing rnam 'grel yang gsan/ (38nyi) ston dus
'khrungs yul nas 'bul ba bskur ba bzhes/ mal gro lha lung du bla
ma bsod grags la sngags kyi

zhugs sbyong gnang/ mtshams bsngam nas rnam 'grel rigs mdzod la
gzigs/ rtogs pa khyad par can brnyes shing spyan cha ba dang ba
spu ldang ba rgyun du mdzad/ (39ti) dkun bde ba can du bzhugs te
po ti mang po gzigs rtogs

@04b mdzad gtsang la byon/ (40thi) snar thang du phengs nas lo
chen don bzang bas mdzad pa'i tshad Tika gsan/ dbyar chos la snar
thang du rnam 'grel/ mngon pa gong 'og/ 'dul ba mdo rtsa bzhi'i
grwa sgor mdzad snar thang du gzhung bsgyur

ba'i thog ma'ang de dus byung/ (41di) bo dong du bla ma rje
btsun phebs par dbu tshad dang phar phyin 'dul ba'i bshad pa rigs
tshogs lung rnams dang lo tstsha ba nam bzang la snyan ngag dang
sa ris sgra sogs gsan/ 'di nas dbyangs can ma

bsgrungs/ (42ni) rje btsun dang lhan du sa skyar phebs po ti bcu
sogs mkhyen kyang rnam 'grel mngon pa gnyis mdo rtsa bzhi'i grwa
skor mdzad/ dam pa thams cad kyi thugs 'phrog (43pi) de 'phral
dbus la byon/ sos gung thang la

bzhugs/ (44phi) gsang phur dbyangs can ma'i bsnyen pa bye ba
lang song skabs dbyangs can ma'i zhal gzigs/ dka' chen bzhi'i
grwa skor mdzad mkhas pa thams cad kyi thugs 'phrog cing legs
bshad kyi 'od stong spros/ (45bi) rtses thang

du dka' chen bzhi'i grwa skor mdzad/ mkhas mang ri dwags kyi
rgyam tsho'i dbus su legs bshad gdong lnga'i nga ros mkhas mang
ri dwags ma lus 'jigs pa dang ngo mtshar rmad byung du bkod/
snyan pa'i pa'i ba dan sa gsum du mi shong 

ba tsam mdzad/ (46mi) yar lung du tshogs pa'i mkhan po dka' bzhi
pa tshul rin dang byi rdzing mkhan po sher mgon gyis las slob
dang/ byi rdzing dbu mdzad bsod nams rdo rjes gsang ston mdzad
de dge 'dun nyi shu'i dbus su bsnyen

@05a @#/ /rdzogs mdzad de lhar bcas 'gro ba'i gtsug rgyan du
gyur/ (47tsi) gdan sa thel du spyan snga grags byang dang mjal
legs bshad kyi skyes phul zhing bka' mchid mdzad pas spyan snga
rin po che thugs dad? dang spyan chab

chu mig ltar g.yos/ spyan sang rin po che la nA ro chos drug/
phag gru ba'i bka' 'bum/ 'jig rten mgon po'i bka' 'bum sogs
dang/ lam 'bras gsan/ lo chen nam bzang la sgra ris phal cher
gsan/ (48tshi) lha khang ke

rur tsha kho dbon po sogs sde snod 'dzin pa mang po la phar tshad
dbu ma sgos kyi chos gsungs/ (49dzi) skyid shod du phebs/ tshal
du bka' bstan bcos bod du 'gyur ro cog la gzigs rtogs mdzad/
gsung rab mtha' dag la

dpyod pa'i sgo mtha' yas thugs la 'khrungs/ mdon rtogs rgyan
rtsa 'grel gyi rnam bshad rgya bod mtha' dag gi legs bshad kyi
'byung gnas legs bshad gser gyi phreng ba brtsams/ de'i tshe
ljong 'dir 'dzin bzang

bar grags pa gling mtshungs med dang/ mdo smad pa 'jam dpal bkra
shis dang/ shAkya grub gsum dang/ rje 'dis thugs 'din mdzad
pas/ tshal dbus gling gi tog gi rtse la nyi ma shar dus sngon ma
gzigs pa'i mda' tshad

phreng dgu ma'i shog ldebs bzhi shin tu dag pa dang byang? bar/
gling gis gsum tho re ba dang/ gzhan gnyis gyis re re zin/
(50wi) lha sar jo bo thugs rje chen po rang byon lnga ldan gyi
mdun du smyang gnas mang po  dang rmi lam brtag

@05b (51zhi) dgun chos 'khor la bde ba can du byon/ sde snod
mang du gsungs/ (52zi) dpyid chos la dbus stod bya yul du phebs/
dge bshes bdun cu sogs la phar tshad 'jug gsum kun btus bzhi
gsungs/ (53'i) slar yang tshal du byon/

legs bshad gser phreng gi 'phro nas mdzad/ (54yi) bde ba can du
legs bshad gse 'phreng gi mjug rdzogs par mdzad/ (55ri) skyor
lung du tshal pa mkhas mchog rtogs ldan ye shes rgyal mtshan la
dus 'khor gsungs

par zhus te/ spyan drangs nas dus 'khor 'grel chen gyi bshad pa
dang ri mo sogs la zhib par sbyangs/ der sde snod 'dzin pa mang
po la gzhugs che chung mang po'i bshad pa'ang gsungs/ (56li)
de'i phyi lo dbyar chos bde ba

can du blo gsal rgya mtsho'i tshi?ogs la sde snod kyi bshad pa
mang du gnang/ (57shi) de nas dgun stong lung mtsho smad du dus
'khor la sbyangs shing/ bshes gnyen mang po la sde snod yang
gsungs/ (58si) dad dkar du yang dus

'khor la sbyangs shing/ blo gsal mang po la sde snod kyang mang
du gsungs/ (59hi) de nas rdzing phyi grags rin pas spyan drangs
srin po rir phebs/ de dus god gar sgam pa chos rgyal gyi sos/
rigs lang lha khang du sde snod 'dzin pa bdun

cu lhag la phar tshad mngon pa gong 'og 'dul ba mdo rtsa 'jug pa
sogs gsungs/ (60i) yar lung smon mkhar du sde snod mang du
gsungs/ dbang dang rjes gnang dang man ngag kyang ci rigs 'di
dus bshad/ de nas mon

@06a @#/ /mkhar bkra shis gdong du sde snod 'dzin pa brgya sogs
la po ti bcu bdun chos thogs gcig la bshad/ (91ke) de'i dbyar
yar lung o kar brag tu bde mchog la mtshams bsdams bzlas bsgom
dang bdag

'jug mdzad/ ni gu chos drug dang rlung sbyor brgya re thun re la
mdzad cing nyams myong bzang po 'khrungs/ (62khe) de'i ston
skyid shod po ta lar chos kyi 'gro ba mang po dang gdul bya
rnams la legs bshad gnang/ (63ge) de'i

dgun skyor lung brag tu sde snod 'dizn pa du ma la dus 'khor
dang phar tshad sogs mang du gsungs/ (64nge) de'i dbpyid rta'i lo
la rgyud sde chen po rnams gsan par bzhed nas gtsang du phebs/
rong gi snub chos lung du tshogs pa'i

mkhan po grags pa bshes gnyen pa la bka' lung ci rigs gsan/
(65ci) de'i tshe rje 'di pas bla ma dbu ma pa la dbyangs can ma'i
rjes gnang byin/ 'jam dbyangs kyi snang bar dpyad dogs gsungs
nas/ rjes 'jam

dbyangs la dri ba dad dbu ma bas lo tstsha byas nas dri gtugs
dang dpyad pa mdzad de thugs yid che nges skyes/ (66che) de nas
stag tshad rdzong khar byon/ lo chen skyabs mchog gis sbyin bdag
mdzad. lo chen grags rgyan dang/ rje

btsun dang/ lo chen don bzang dang/ rje 'di pa bzhi rjes 'brang
dang bcas pas legs bshad dang bka' mchid kyis dus 'da' bar mdzad
de/ de'i tshe grags rgyan gyis phar phyin dang/ skyabs mchog gis
brtag gnyis/ rje

@06b btsun gyis rnam 'grel 'grel bshad rang gis mdzad pa rje 'di
la gsungs/ (67je) 'a bdu? 'ba' gnyer du rje btsun red mda' par
rje 'dis gsang 'dus rtsa rgyud bshad pa gsan/ de dus gong gsum
bde chen pas 

bu ston la 'grel chen tshar bcu bdun nyan pa'i lung bstan rmis
shing phyi nas mthun/ (68nye) de nas rje 'di rong chos lung du
byon/ rje 'dis dris/ bla ma dbu ma bas lo tstsha mdzad nas rje
btsun 'jam dbyangs la 'jam dbyangs

chos skor gsan/ chos kyi dri ba mang du zhus/ (69te) nyad stod
du 'grel chen bu la tshar bcu bdun gsan pa'i rin po che ba'i
drung du 'jal/ phyag phyis dar ser po zhig phul/ sang nyin ja
zhal dang gos yug ljang phul/ 'grel

chen rdzogs pa gcig zhus pas rgyud 'grel gyi bshad pa dang phyag
len mdzub khrid sbyor drug gi nyams khrid rdzogs par gsan/
(70the) de nas nyang stod smad kyi mtshams 'khris rtsa khang du
yog pa mgon bzang dang/ 

rje 'di nyid kyis gar dang dbyangs dang thig mkhas par mdzad/ de
dus nub gcig khyung lhas bas rin po che'i dbu rgyan dang/ rdor
dril bzung ba'i gar gyis rje la bskor pa mdzad nas/ rdor dril
dbur bzhag nas karmA

badzra gsungs pa rmis/ (71de) dpyid mjug nyang stod bde chen du
rin po che chos dpal la rdo rje phrong ba'i dbang dang lung
mdzub khrid dang/ bshad pa gar thig dbyangs gsum sogs kyi sgo
nas phreng ba skor gsum la mkhas par

@07a @#/ /byas; 'khor chen dbang lung man ngag sogs zab rgyas
mang du gsan/ (72ne) zhwa lur khri chen po'i steng na bla ma
bgres pa'i thugs kar sngags phreing phyin nang mang po yod pa
rmis/ ston dgun zhwa lur rin po che byung

lhas bar yo ga'i dkyil 'khor bcu gnyis sogs dang/ bde gsang bya
spyod kyi dbang bka' mtha' dag gsan cing 'bul ba tshogs 'khor
gyis mnyes par byas/ (73pe) pa nam phag rir rin po che chos dpal
la byang chub

sems dpa'i 'grel pa skor/ bu'i bka' yongs rdzogs dang/ yo ga pa
grags rgyan la yo ga'i gar dbyangs sogs dang yo ga'i rgyud dang
'grel ba kun gsan/ (74phe) sprel lo ston bla ma dbu ma pa dang
lhan cig dbus kyi

dga' ba gdong du phebs/ lha sar jo bo la gsol ba btab/ dpon slob
gnyis kas mtshams byas gzim khang so sor byas/ gsol ja lhan du
bzhes bla ma yi dam byer med la gsol ba btab/ nyin gcig
baiDUrya'i 

mdog zlub po'i mtha' 'ja' tshon sna lngas sbrel ba'i dbus na rje
btsun 'jam dbyangs a ra pa tsa na lha pas chog mi shes pa
mthong/ 'di nas brtsams gsol ba btab res kyis dngos su mjal/ de
nas rje 'dis rje btsun

'jam dbyangs la 'jam dbyangs dpa' cig/ lus dkyil/ nang sgrub/
gsang sgrub rnams gsan dus rje btsun de dang der gyur nas phyin
gyis brlabs shing/ chos rgyal phyi nang gsang gsum rnams dngos
su bstan cing dbu

@07b ma bas lo tstsha mdzad cing/ rje btsun rang nyid rdo rje
'jigs byed du gyur nas chos skyong la bka' gnang bas chos skyong
gis kyang bka' sdod gnad pa gzigs/ 'di nas rje btsun gyi bka'
bzhin 'khor dag pa rnam brgyad dang lhan 

cig ri khrod du phebs par thag bcad/ (75be) dbu ma pa lha sar
bskyal/ lha sa'i thog steng ma'i lho'i rgya phib kyi 'og tu
mchod nas gsol pa btab pas/ rje btsun gyis nyams len gyi gnad
bsdus/ bse ru lta bur gnas par bya//

'du 'dzi dag kyang spangs par bya/ sogs tshigs bcad 'ga' gsungs
pa yi ger bkod/ lha sa'i sgo khang sted du rje 'dis dbu ma pa la
gsang 'dus dbang bzhi rdzogs par gnang/ (76me) ston mjug skyor
lung du chos mang du gsungs/

dgun sprel lo sum cu rtsa drug pa'i zla ba bcu par skyor lung
nas 'khor dag pa brgyad dang dgus gzhung ko mdzad nas 'o la khar
bya bral la byon/ dgun dpyid dpon slob thams cad kyis sangs
rgyas so lnga'i sgos bsags sbyangs la 'bad

res kyis rje 'di la sangs rgyas so lnga yang yang gzigs/ rje
btsun byams pa rin po che'i rgyan dang chos 'chad me tog gi
sdong bu bsnams pa rin po che'i khri la skyil krung can shin tu
che ba/ sman bla bla gos ser po can dang/ byams pa rab

byung cha byad snam sbyar gsol ba klu shing sdong po ril ba spyi
blug gis mtshan pa 'dzin pa/ tshe dpag med rnams yang yang gzigs/
(77tse) de dus gnas der bsags sbyangs dang sangs rgyas phal po
che'i nang gi rgyal bsras bcas

@08a @#/ /kyi spyod pa thams cad re re nas myong ba rnam dag
glang chen pod mtshor spro ba lta bu skyes kyi bar du sbyangs/ de
dus kyang 'jam dbyangs sangs rgyas so lnga byams pa sman bla tshe
dpag med rnams gzigs/ de dus

bshad na snyam du dgongs pa la rje btsun gyis/ dmu rgod gdul
dka'i sems can 'di rnams la/ /bsahd pas phan thog chen po ga la
zhig /de bas dben pa bsten nas rtse gcig bsgrub/ /rang gzhan
gnyis ka 'tshed pa'i lam

rnyed snyam/ /zhes gsungs/ (78tshe) so bdun pa'i dbyar rdzing
ji'i byams par mjal/ mchod pa dang smon lam rlabs chen mdzad/
(79dze) de nas dgun dwags po sman lung du rgya sog phur phebs/
thugs dam 'phel skabs rje btsun 'jam

dbyangs gur gum gzhon nu'i mdog can nyi ma bye ba las gzi brjed
che ba gcig la sangs rgyas byang sems dpag med kyis mtha' mskor
pa nam mkha'i khams khyab pa gzigs/ yang rje btsun la 'phags pa
yab sras lnga/ thogs med sku

mched/ phyogs glang/ chos grags/ mchog gnyis/ lha dbang blo/
rgyan mkhan po/ ka ma la sI la/ a b+hya sogs paNDita du ma
dang/ inTra bo d+hi sa ra ha lU dril nag gsum sogs grub chen
brgyad cus bskor pa'i snang ba byung 'di

dag gi gzhung la brten nas phan pa rgya chen 'byung ba'i rten
'brel 'grigs/ (80we) de nas yang gnas der bcom ldan 'das dpal
rdo rje 'jigs byed zhal pyag yongs rdzogs bskal pa'i me 'bar ba
lta bu'i gzi brid bzod par dka'

@08b ba gcig zhal gzigs nas 'od du zhu nas thim tshul gcig byung/
de nas 'jigs byed bdag 'jug mchag par gnang/ 'di la lung bstan
yang yod/ gnas der rdo bcal du sbyin sreg mdzad pa gangs chen
po babs kyang nye

'khor du chung zad kyang ma babs pa kun gyis mthong/ (81zhe)
yang gnas der de rjes su rje btsun gyi sku sngar lta bu la sangs
rgyas byang sems paN grub mkha' khyab kyis bskor pa'i rje btsun
gyi thugs ka nas ral gri'i yu ba zug cing/ rje'i

thugs kar rtse mo zug pa la bdud rtsi dkar ser shin tu snum pa
sbrang ngam dngul chu'i rgyun lta bu rje'i thugs kar babs/ sku
gang/ zag med kyi bde ba bsam gyis mi khyab pa rgyas/ de dus ngo
mkhyen ma mkhyen mtha' yas zhig /ba gdangs pa'i

khar mang du 'gro ba dang chung zad 'gro ba mang po dang cung
zad 'gro ba mang po dang/ ma 'gro ba yang gzigs pas rje'i gsung
las/ ka ta ra yi grong khyen du/ /skyeng mo'i tshal ni rnam par
rgyas/ /bung ba mang po de la rol/ /bdud rtse mchog kyang 'thung
bar snang/ /zhes

brda tsam lung bstan du mdzad do/ /des na mang po gsungs pas lam
skyed rdzogs dang/ bde stong gi ting 'dzin rnyed pa bzhugs dus
dang phyis kyi mang po 'byung ba dang/ mchog kyang mthung zhes
pas mchog gi dngos grub rnyed pa yang

re mang 'ongs pa'i gsungs dang/ kha bdangs pa ni lam rim gnyis
dang/ bde stong la brtson pa dang/ ma thob pa dag kyang rmad
byung bkod par thob pa'i rten 'brel gyi lung bstan yin tshul/
mkhas grub kyi rnam thar gzigs pa lnga ldan

@09a @#/ /las mdo sngags kyi lam rim la 'bad pa dang smon lam
rtse gcig pa der skye par bshad pa lta bu ches mang pas go bar
gyis/ kha cig de ltar bshad ma shes par 'khrul ba'i lam du
'khyams pa mang ngo/ /

gnas der de 'dra ba'i gzigs snang dang mngon par rtogs pa dpag
med 'khrungs so/ /yang gnas der cho 'phrul gyi zhag bco lnga'i
ring mchod pa rgya chen po bshams te/ mchod yul spyan 'dren pa'i
'dun pa shugs drag mdzad pa'i tshe shar

phyogs thams cad mi skyod pas til gyi gang bu ltar gang pa
gzigs/ de bzhin du lho phyogs rin 'byung/ nub phyogs 'od dpag
med/ byang phyogs don grub/ dbus kyi steng du rnam snang gis
sngar ltar gang ba gzigs nas mchod pa bsam

gyis mi khyab pa phul te/ zhag bco lnga'i ring spyod lam dus
su'ang gzigs par gyur to/ (82ze) dpyid 'ol brdzing ? jir phebs/
rje btsun gyis zhig gsos gyis gsungs/ dpon slob bcu gnyis kyi
phyag rdzas gtor cha sogs gang yod la rin btab zho

bcu gnyis las ma byung/ rnam sras la 'phrin las bcol bar dgongs
kyang mar med pas btsun pa zhig gis mar grod pu gang phul/ sang
nyin 'brog pas mar thud mang po phul zhing/ de nas 'bul ba mang
du byung/ skabs gzhan gyi tshe yang

'phrin las bcol bas de 'dra sha stag byung/ rtsig zhal grub
'phral 'jam dbyangs zhing bkod skya ris btab par rab gnas mdzad
pas ye shes pa thim pa'i snang ba byung/ mar me chung ngu gcig
phul nyin zhag phyed gsum bzung/ thams cad grub

@09b nas 'jam dpal gsang ldan gyi dkyil 'khor bzhengs/ rab gnas
rgyas pa'i sgo nas slob ma bcu lhag la dbang yang gnang/ rten
rnams la gos dar gyi na bza' dang snyan shal/ logs bris zhal
khebs/ rab ston dang bcas pa rgyas par

mdzad pa'i dngos gzhi'i nyin nyi ma tshad las lhag par thams cad
gleng/ yang sangs rgyas so lnga'i sku 'brin bar brtsams pa la/
sku mdog sogs lha bzos ma shes pa zhus pas/ rje rang gis gsol ba
btab pas zhal gzigs gnang rim

bzhin 'di 'dra'i sku mdog gyis zhes bkod nas bris/ de'i tshe grub
chen phyag rdor gyis sangs rgyas so lnga phebs pa gar 'byon zhus
pas/ rdzing ji'i rab gnas la 'byon gsungs pa'i tshes grangs yang
mthun par 'dug /kha cig gis mkha 'gros

ri mo byed pa rmi lam du mthong/ (83'e) de dus rje btsun gyis
byams pa'i bstod pa rin chen sgron me zhes bya ba/ byams par
phyogs bcu'i sangs rgyas kyi dbang bskur tshul gyis bstod pa
dang/ bde smon dang/ rang nyid kyi ma 'ongs pa'i sangs rgyas kyi

zhing 'di 'dra 'grub pa'i smon lam gyis gsungs nas/ de gsum
brtams tshul/ mkhan chen phyag rdor pa la phyag na rdo rjes lung
bstan pa bzhin rje spyan 'dren gyi chab shog gis mtshams sbyar
nas lho brag tu phebs par mdzad/ (84ye) bra'o dgon

par phyag phebs/ der mkhan chen phyag rdor pa yang bsu ba la
byon pas/ rjes gsang bdag gtum po 'jigs pa gcig tu gzigs/ mkhan
chen gyis rje 'di pa 'od kyi dra bas mdzes pa'i 'jam dbyangs
gcig bzhengs nas phebs pa gzigs

@10a @#/ /shing me tog gi zhar dang/ 'ja' 'od kyis phyogs kun
khyab par gyur/ (85re) de nub mkhan chen la bla ma'i rnal 'byor
gcig gsan nas phyag rdor la thim par gnyis kas gzigs/ tho rangs
gsang bdag gis mkhan

chen la/ byams pa la bslab btus zhu dgos gsungs zhus pas/ gsang
bdag gsung ngam gsung nas bslab btus mkhan chen dang dge 'dun
thams cad la gsungs/ rin po che la gra lnga'i dbang rjes gnang
sogs dang/ rje nyid kyis mkhan

chen la lam rim bka' babs gnyis kyi khrid dang/ phyag rdor
khyung lnga/ 'khor chen sogs snyan rgyud kyi dbang gsan nas
dngos su de dag gzigs shing byin gyis brlabs pas dgung lo zhe
lnga'i sku zigs chen po yod pa 'khor chen sgos

bzlog par bdzad pa sogs sku drin che gsungs/ (86le) rgya gar du
mi tra dzo gi mjal par phebs par dgongs pas mkhan chen la phyag
rdor gyis rje phebs na ngo mtshar kyang 'khor la gnod pa dang/ de
bas rje btsun byams par rab byung gi

rtags tshangs ma dang bstod pa tshangs pa'i zhes pa phul na rten
'brel yod gsungs tshul dang/ rje la rje btsun gyis de ltar byas
na dus phyis rab byung gi sde rnam par dag pa tshugs pa'i rten
'brel yod pas phul/ rgya gar la byon gegs sngar

ltar gsungs pas/ chos gso gsum gsil byed/ lhung bzed/ gding ba/
chu tshag sogs dang/ bstod pa tshangs cod ma rdzing ji'i byams par
bskur te gnyal du byon/ (87she) de nas gnyal lo ror zla ba lngar
bzhugs/ dge bshes phrin

@10b las pa'i bstan rim chen po spyan drangs te bsu pa mdzad/
mchod pa phul te gzigs pas rgyal ba'i gsungs rab mdo sngags yod
do cog gang zag gcig gi lam du da lta sogs skye'i dus nas nyams
su len tshul dang/ lam gyi ngo bo grangs nges go rim

rnams shing rta chen po gnyis ltar thugs nges cher 'khrungs/ der
bstan rim tshar gcig gsungs/ (88se) gnyal bra gor du mkhan chen
chos skyabs bzang po la 'dul mngon dbu ma sogs kyi lung dang/
sha ra ba'i lam rim/ be bum sngon po rtsa 'grel/

spyod 'jug/ blo sbyong sogs bka' gdams gzung ba'i mdo sngags kyi
gdams ngag mang po rdzogs par gsan/ (89he) gnyal smad gsal rje
gangs kyi yar 'dren du dbyar cig rje btsun gyi zhal gzigs rgya
gar gyi paNDi ta gcig gi gzhung la brten

nas dbu ma'i lta ba rtogs par lung bstan/ rgyal chen rnam sras
yang zhal gzigs par yang bshad/ (90e) de nas dpon slob sum cus
tsa ri ma chen la byon/ ri khrod gzigs shing/ bde mchog gi bdag
'jug sogs mdzad/ ngo mtshar pa'i

ltas mang du byung/ (91ko) tsa ri nas gnyal du byon pa'i mo la'i
la rtsar zhag bzhug dus/ rje btsun byams mgon gyi sku shin tu
che ba lhun po lhar brjid cing 'bar ba zhig gis rigs kyi bu
khyod kyis sangs rgyas 'jig rten du byon pa 'dra ba cig 'ong bar

shes par byos shig ces seng ge'i sgras? dbugs dbyung ba ni gsang
bdag gis mkhan chen la sangs rgyas 'jig rten la byon ba 'dra
ba'i rang lugs 'ong/ zhes dang/ lab sgron gyis sangs rgyas wa ra
Na sir phebs nas chos 'khor bskor ba lta bu

@11a @#/ /'ongs par gsungs pa rnams mthun zhing/ de ni rang bzhin
brjod pa kho nar byung/ (92kho) gnyal smad seng ge rdzong du
rgyun du sbyor drug sogs la dpyad pas mi 'khrul ba'i nges pa
rnyed cing/ rdo rje'i tshig sbram mdzad/ dus

'khor dpa' cig  gser gyi mdog can gyi gzigs snang nar mar byung
zhing/ nub gcig mnal lam du khyod kyis dus kyi 'khor lo 'di la
rgyal pa zla ba bzang po byon pa 'dra ba gcig 'od pa yod de zhes
gsungs so// (93go) gnyal du gzhugs

dus dbyangs can ma'i gsung gis/ dgung lo lnga bcu rtsa bdun tub/
de bar rang gzhan gyi don dpag med 'grub gsungs par/ rjes rnam
par rgyal ma sogs la bsnyen pas de las ring mi thub pa ma zhus
pas/ de thams cad sngon gyi smon lam gyi

shugs dang/ shes rabla 'dun pas sku tshe la de tsam mi phan
gsungs/ rtogs ldan pas 'jam dbyangs la dris pas da phan cad bar
cad bzlog thabs dang sku tshe'i rten 'brel bsgrigs na dka' se? ba
las bzlog nus gsungs so// (94ngo) gnyal

seng gi rdzong der bzhugs dus rje btsun gyi zhal gzigs khyad par
can byung nas lam gyi ngo bo/ grangs nges/ khyad par zhi lhag gi
gnad rnams zhus pas/ da ngod la yang yang 'dri mi dgos gzhung
chen po rnams la zhib par dpyod dang/ nged kyis

bstan pa dang mthun pa sha stag 'ong/ mi mthun pa tsam re byung
na 'dor spus gdams ngag tu 'dod pa rnams la 'babs kyi gzhung
chen po rnam 'dor du mi rung ngo// zhes gsungs/ da phyin chad
sgo gsum saM bya ba thams cad gzhan don kho nar

@11b gyis gsungs nas de bzhin du mdzad/ (95co) de nas gnyal smad
gser bye 'bum pa la mchod pa chen po phul/ rje btsun gyis gsungs
nas rab byung gi rtags yongs rdogs rung chu 'debs pa yan chad/
phyag len phra mo rnams ni gyis gsungs/ rjes

dus kyi dbang gis rang gis kyang sgrub dka' 'o gzhan gyi blor mi
ldan pa'i rgyu mtshan nan cher zhus na'ang rje btsun gyis mi gsan
par gyis gsungs nas/ dpon slob thams cad kyis chos gos gsum
'ding ba sogs dras dru ba dang lhung bzed sogs 

'chang ba mdzad pas 'dul ba 'dzin pa'i snyan pas sa kun khyab
par gyur to// de nas bzung ste cha lugs phun sum tshogs pas sa
thams cad khyab par gyur to// (96cho) de nas dpyid gnyal gyi
spang chung du bzhugs/ dge 'dun mang por chos sna tshogs

dang rda? grong ba'i skye po dpag med skyabs 'gro dang/ rje rang
gis thog ma mdzad nas tsha tsha 'bum ther mang po btab cing phyis
kyang bsgrubs pa'i dge bkod mdzad pa da lta'ang yod/ (97jo) de
nas gnyal stod ra grong du dbyar bzhugs mdzad/ sras kyi thu po

rigs pa'i dbang phyug rigs ldan pad dkar gyi rnam 'phrul rgyal
tshang rin po ches de dus mjal/ rnam 'grel gyi lam sgrigs 'khor
la gsungs pa gsan nas thugs dad cher 'khrungs/ zhal bzhugs kyi
bar mi 'bral bar zhabs spyi bor

blangs chog par phyag byas te bshub nas zhus pas gnang ba byin/
de nas gnyal sde bzhin 'dus pa'i tshes 'khor gnyal lung ra chen
por grags pa btsugs shing phyis kyang sgrub par gnang bas deng
sang bar du dar bar yod/ (98nyo) de ltar gnyal phyogs

@12a @#/ /kyi bstan don mdzad nas 'o de gung rgyal gyi lha zhol
dwags po lha sdings su bzhugs chos mang du gsungs/ bla ma dang
yi dam dyer med pa la gsol ba drag po btab pas/ nub gcig 'phags
pa yab sras ldas rang

bzhin yod med la 'gro ba mdzad pa'i nang nas sangs rgyas
bskyangs yin zer nga'i paNDita sngo ba sangs sku bong che ba
gcig dbu sngas la byon nas rgya dpe gcig phyag na bzung nas byin
gyis brlabs pa'i mtshan ma byung/ phyi nyin budd+ha pa li ta

gzigs pas thal rang gi dgag bya'i khyad par sogs la nges pa
rnyed/ mtshan 'dzin gyi dmigs gtad thams cad zhig cing/ ston pa
la shes nas dad pa thob pa'i shugs kyis rten 'brel bstod pa
mdzad/ phyin chad rje 'jug dag gis

kyang 'grel pa der gzigs na rten 'brel yod gsungs so// (99to) de
nas ston 'o la kha'i ma gar phug tu byon/ 'o la kha'i dge 'dun
rnams la chos gsungs/ (100tho) de nas e'i te'u rar byon dbyar
bzhugs/ e'i dge 'dun rnams la chos 

mang du gsungs/ (101do) de nas 'o la kha'i brag gdong du dgun
bzhugs/ (102no) de nas rdzing ji'i jo bo la cho 'phrul kyi dus
mcho da khag bco lnga'i mchod pa rgya che zhing bkod pa mdzes
par bshams te/ bstan pa dang sems can kyi don du 'phral

yun gyi phan bde rgyas pa'i smon lam dang/ mchod yul spyan 'dren
gyi thugs 'dun drag po mdzad pas nam mkha'i khams thams cad
rgyal ba rigs lngas til gang ltar gang ba gzigs shing/ zhag nyi
shu'i bar du rjes thob spyod lam rnam

@12b bzhi'i dus thams cad du gzigs pas phyogs bcu'i sems can
mtha' yas pa'i thar pa dang thams cad mkhyen pa'i lam chen phye
bar mngon/ dpyid rgyal tshab rje sogs la chos mang du gsungs so//
(103po) de nas nyang phyogs kyis gsol pa btab

pas; nyang po mdangs mdo'i dgon par phebs/ 'bring la byon pas
dbu zhwa chu la lhungs pas chu rgyud 'dir nga'i bstan pa chu
bo'i rgyun bzhin 'ongs/ zhwa gang du chags pa der dbu ma'i bshad
srol 'byung/ zhes nyang po sang sang gi dgon gnas lung bstan

ltar nyang po sang sang sgang theg chen chos 'khor gling byung
ngo// dbyar bzhugs/ de'i dge 'dun la chos mang du gsungs shing
skye bo'i tshigs la skyabs 'gro sogs kyis phan btags/ (104pho) de
nas dpon nam bzang gis yang yang zhus shing gsang phu'i

gdan sa pa dkon mchog tshul khrims kyis ngo chen dang/ jo bo mjal
par bzhed nas ston skyid shod du lebs/ po ta lar bzhugs/ gsang
bde gung gsum gyi gdan sa pa rnams kyis thog drangs/ sde snod
'dzin pa brgya phrag du ma la dbu ma snang ba/

'dul ba/ lam rim sogs gsungs/ (105bo) de'i phyi res sos ka dga'
ba gdong du byon/ sngags byang sems kyi bslab bya dang de bsrung
dgos tshul yang yang gsungs/ chos mjug red mda' pa dpon g.yog
nyung 'dus phebs/ rje dpon slob ches

mang bas ser phreng bsus/ rjes phyag gnang bar red mda' bas
kyang phyag mdzad/ rjes ma gnang gsungs nas phyag bzlog/ bsten
bzur zhabs tog gya nom dang/ yab sras gnyis kas chos gsungs/
(106mo) de nas yab sras gnyis dbern par dgyes pas jo

@13a @#/ /bo yab sras kyis bsngags pa'i bka' gdams gyi rwa sgreng
du sde snod 'dzin pa mang po'i tshogs dang lhan cig phebs/ rje
rin po ches dbus mtha' mdo sde rgyan nyan sa sogs gang bsgrigs
pa'i zhi gnas gsungs shing 

sgom du bcug pas mang po la zhi gnas khyad par can skyes/ red
mda' pas kyang rje la rtsa she dang/ sgon gsal tshar re mngon
chung bar gsan zhing phan tshun mdo sngags la mga' mchid mang du
mdzad/ (107tso) de nas 'bri khung nas nar mar

gdan drangs pas/ dpyid 'bri khung du spyan snga la chos drug
dang phyag chen lhan cig skyes sbyor sogs gsan zhing dge 'dun la
chos mang du gsungs/ (108tsho) de nas dbyar ar chen po byang
chub ye shes kyi gtsug lag khang gnam rtsibs steng du lo

chen skyabs mchog yab sras gnyis dang chos rje rnam gsum gyis
thog drangs dge 'dun drug brgya lhag tsam gyis dbyar gnas mdzad
nas chos rje gsum gas 'dul ba re gsungs shing/ gzhi bcu bcun
dang rnam 'byed las gsungs pa'i ltung ba 

rnams la bsahgs pa dang byin rlabs dang spong ba sngon btang gi
bshags pa sogs dang/ yo byad byin rlabs/ rung khang gcod pa/ nub
lhag bsrung ba sogs phyag len la btab pas/ rgyal bstan gyi rtsa
ba cher rgyas shing 'phel bar gnang ngo//

dbu tshang sogs kyi chos 'khor bskor/ (109dzo) de nas rje btsun
gtsang la btegs/ chos rje gnyis 'khor dang bcas rwa sgreng du
phebs/ brag seng ge'i zhol du dben gnas btab/ dgon pa gong du jo
bo'i sku 'dra dbu yon ma'i mdun du gsol ba

@13b btab pas/ ston pa nas mkhan chen phyag rdor bar gyi thams
cad zhal gzigs/ jo bos rje'i dbu la phyag bzhag nas bstan pa la
bya ba gyis dang byang chub sgrub pa dang sems can gyi don byed
pa'i grogs bdag gis bya zhes gsungs pa dang/ mkhas grub

chen po du mas gsol ba'i ngor rgyal ba'i gsung rab thams cad
gdan thog gcig tu nyams su len pa'i byang chub lam rim brtsams
te/ de dus lhag mthong mi phan nam snyam nas/ rje btsun 'jam
dbyangs zhal gzigs nas rtsom/ gzhan phan 'bring

'ongs gsungs nas lha dang mi thams cad chos kyis ngoms par byas/
de dus thang lha dang zhogs lha rgyugs po sogs dbus phyogs kyi
gzhi bdag dkar phyogs la dga' ba du mas rjes su 'dzin par zhus
pas/ bsngo ba'i skabs kyi lam rim las/

lam bzang sgrub pa'i mthun rkyen sgrub byed cing/ /'gal rkyen
sel byed mi dang mi min kun/ /tshe rabs kun tu rgyal bas bsngags
pa yi/ /rnam dag lam dang 'bral bar ma gyur cig /ces gsungs so//
(110wo) de nas lo chen gyis lam rim bsnams nas

gtsang la phebs/ rje 'dis dbyar dgun gnyis tsam bzhugs/ sde snod
'dzin pa mang por lam rim gsungs/ tsho 'phrul mchod par smon lam
rlabs chen dang/ khyad par mngon rtogs rgyan mdo dang sbyar ba'i
bshad pa rgyas par gsungs nas rdzogs dus mchod

pa rgyas pa gcig gyis gsungs nas gzhan rnams kyis dong bu dag
blangs tshar bas/ rgyal tshab kyis ka to ra chen po zhig tu sdong bu
mang tsam gyi mar me gcig byas pas mar me thams cad la gzigs te/
thams cad ka to rar blugs gsungs nas da de dag

@14a @#/ /la dka' bcus zin bris kyis la TIkka gcig rtsom zhes
gnang ba byin zhing/ don gyis rgyal tshab tu dbang bskur zhes
gsungs/ (111zho) de nas lhas dgon gsar du blo gsal du mar tshad
ma rnam 'grel gyi gzhung don thams cad

lam du bsgrigs pa gsungs pas/ thar lam tshol byed kyi sgron me
'di kho nar lha mi kun gyis go bar gyur/ (112zo) de nas mi dbang
grags pa rgyal mtshan pas spyan drangs/ 'on sde chen steng du
phebs/ sde snod 'dzin pa brgya phrag du ma dang bcas pas

dbyar bzhes/ lam rim gyi khrid dang dbu tshang sogs mang du
gsungs/ (113'o) de nas 'o de gung rgyal gyi lha zhol byams gling
du phebs/ lam rim dang bskyed rdzogs kyi chos gsungs/ dpon slob
rnams sku mtshams dam zhing thugs dam lhur mdzad

pas; 'di nas rje 'di bde stong dang ting nge 'dzin la nyam par
bzhag dus/ bya byed 'gro 'ong mi gzigs pa'i mnyam bzhag brtan po
brnyes tshul mdzad/ rje btsun 'jam dbyangs kyis slob dpon klu
byang gi rnam bzhag rim pa'i rnam bshad rtsoms/

phan thogs chen po 'ongs gsungs te bskul bas 'phral du mdzad/
'di dus gsang 'us rim lnga'i gnad don rtogs nas lo bcu song ba
yin snang/ sngon rgya sog phur'di dag gzhung la brten nas phan
pa rgya chen po 'ongs gsungs pa'i byin rlabs

kyis bskul bas/ spyan snga sogs dam pa du mas gsol ba btab/
rgyud sde bzhi'i lam thams cad nyams su len tshul gyi gsang
sngags lam rim brtsams par mdzad cing du ma gsungs/ de'i tshe
rtsub ltas ci rigs byung bas bcom ldan 'das 

@14b rdo rje 'jigs byed dpa' cig gi sgrub thbas bdud las rnam
rgyal/ sbyin sres dngos grub rgya mtsho rtsom par mdzad/ bzlog pa
sogs mdzad pas tshegs med par bar chad log /thugs dam shin tu
'phel/ lo gnyis bzhugs/ lung de la

gsang sngags nang du grags so// (114yo) de nas byang chub lung
du dgun bzhugs par mdzad/ sngags mtshan nyid kyi sde snod 'dzin
pa brgya phrag du ma la gsang sngags lam rim gsungs/ (115ro) de
nas sos ka skyid shod du phebs/ se ra chos sdings su

dbyar bzhes/ ye shes mgon po phyag drug pa zhal gzigs shing/ de
nas 'bral med du srung ma mdzad par bshad/ sras kyi mchog rigs
ldan grags pa'i rnam 'phrul mkahs grub thams cad mkhyen pas
kyang de ru mjal/ sku mtshams dam

por mdzad de gcig bu la rdo rje 'jigs byed kyi rdul tshon du
dbang bskur mdzad de gsang 'dus rim lnga dang/ ma rgyud kyi
rdzogs rim mkhas grub thams cad mkhyen pa sogs 'ga' zhig la
gsungs/ dbu ma rtsa she'i rnam bshad brtsams/ dka'

gnas shig tu bla ma dang rje btsun 'jam dbyangs la gsol pa btab
pas yum gyi mdo'i stong nyid nyi shu'i 'grel rkang gser btso
ba'i mdog can nam mkhar 'khrigs pa gzigs pa yang byung/ dogs pa
lhag med du rtogs nas legs bshad snying

po dang gnyis ka brtsams/ (116lo) de'i tshe tA ming rgyal pos
gdan 'dren gyi tA zhin bzhi 'ongs pas 'bul ba zhabs tog phul/
rgyu mtshan 'bul mi byams chen chos rje gnang/ de nas gsang bde
dga' skyor zul gsum gyi gdan sa pa thang sag pa sogs bshes

@15a @#/ /gnyen drug brgya lhag par se rar/ rtsa she dang/ drang
nges rnam 'byed/ bzhi brgya ba/ sngags rim/ rtsa ltung/ bla ma
lnga bcu pa sogs bshad/ lam rim khrid dang dbyar bzhes dang/ lo
gnyis bzhugs/ (117sho) de nas mi dbang grags

rgyan gyis spyan drangs/ skyid smad grum bu lung du phyag btegs
bshes gnyen lnga brgya re phyag phyir 'brad ba dang/ phyogs nas
'dus pa dang bcas stong lhag par dgun bzhugs/ lam rim dang/ lU
i ba'i sgrub thabs dang/ dpyid kyi thig le gsungs

(118so) de nas byi lo'i ston tsam nas bka' chebs bka' khol ma
las de la bsnyen bkur cher mdzad ces gsungs pa ltar/ lha sa'i
smon lam gyi sngon du zhig gsos/ ldeb ris gso ba/ bris 'bur
thams cad la gser shog dang tshon byugs/ na

bza' 'tshem pa dang/ ba dan bzo ba sogs byas pa/ (119ho) de nas
mdo sde gdams ngag 'bogs pa'i bstan pa dang sa snyigs 'byed pa'i
le'u zur du bsgyur pa las/ blo bzang zhes ba'i skyes bu 'byung/
/'khor ni rnam bzhi rab bsdus nas/ /chos spyod

bcu yi rgyun 'dzug cing/ /zhes sogs kyis lung bstan pa ltar/ byi
lo zla ba bcu gnyis pa'i smad la lha sar phebs/ gnam gang gi
nyin snyan gsan 'bebs pa'i mchod pa mdzad nas mi re la mar lha
sa'i srang zhag bzhi tsam red dang/ ja dkar

zho drug cu rtsa grang gi mang ja mdzad/ dge 'dun khri rwa can
'dus/ tshes gcig nas bco lnga'i bar rdo bo rin po che'i dbu rgyan
rigs lnga gser gar blugs las sgrub pa la rin po che'i khyad
'phags du mas phra rgyan rmad du byung ba dang/ jo bo mi bskyod
pa dang

@15b bcu gcig zhal la dngul gar blugs kyi dbu rgyan khyad 'phags
phul te/ bstan pa dang sems can gyi phan bde rgyas shing yun
ring ba dang thams cad bla med byang chub la 'god par lung bstan
du ma dang mthun te/ 'jam dpal rtsa rgyud las/ thams cad

byang chub lung bstan te/ /nga yi byang chub mchog thob 'gyur/
zhes dang/ gdams ngag 'bogs ? pa las/ lha khang ka ba shing lo
can/ /nga yi sku gzugs rnam gnyis la/ /dbu rgyan dbul cing mchod
pa byed/ /ston pa'i mdo bzhin gsung sgrogs shing/ /

nga la gsol pa btab pa nas/ /bstan pa lo stong bar du gnas/
/zhes gsungs so// de nas jo bo'i mdun du dngul gyi lhung bzhod
che tshad de'i khar dngul gyi maNDala dang/ jo zhal gsum la nyin
re bzhin zhal gser dang/ tshes brgyad dang bco lnga

sku yongs rdzogs la gser chab dang/ jo bo rnam gnyis/ thub pa
gangs chen mtsho sogs sprul sku'i 'bur dod thams cad la bla gos
dang snam sbyar/ sems dpa' dang khro bo rnams la stod g.yogs
dang smad g.yogs/ mdo mang po ltar gtsug

lag khang che chung rnams kyi tog dang/ bya 'dab dang/ rtse zur
phan tshun tha gus sbrel ba la ba dan dang/ rnga yab dang/ dril
bu bar ma chad pas sbras pa/ phyi skor chen po'i phyi rol nas
shing shin tu ring ba bco lngar ba dan bco lnga phyogs skyong
bco lnga'i skus

tog byas pa dang/ de'i 'og tu sngags bris pa rang rang gi kha
dog can rang rang gi phyogs su btsugs nas nub re bzhin de dag gi
rtsa ba'i gter stegs khar phyogs gtor dang/ de dag gi bar bar du
gdugs dkar gyi rgyal mtshan la sogs

@16a @#/ /pa rang rang gi chog bzhin du btsugs shing/ sher mdo
ltar ba dan rnams kyi bar du tha gus sbrel bar 'phan dang rnga
yab dang/ dril bu la sogs pa bar mchad pas spras/ khyams nang ma
yan chad la dkar me bzhi brgya tsam dang/

sher mdo ltar phyi nang bar gsum kyi khor ra khor yug tu mar me
ni bar skor la brgya lhag dang/ phyi skor la rdo ring gi 'gram
g.yas g.yon jo bo'i zhal drang thad du kong bu chen po phyogs re
la 'dom gsum gsum yod pa'i dkar me chen po dang/ phyi skor

la khog mche ba sdong bu lag pa tsam pa mda' tshad kyi mar mes
phyi skor 'khor ba dang/ de bzhin du rwa mo che sogs dang/ nang
gi khyams phyi ma'i ka tshar grangs dang/ yon chab brgya phrag
brgal ba kha che gur ku ma bre du ma nyin re bzhin btab ba/ spos
kyi rengs

bu mi 'dra ba du ma bsregs pa'i dud pas skor lam khyab cing bar
snang la sprin bzhin 'khod/ skor lam tshun spos chus chag chag
btab/ zhal zas mda' tshad lhag la mar gyi rgyal srid snang dun
sogs kyis spras pa brgyan rtsa brgyad re nyin re bzhin du/ rdo
ring/ 

g.yas g.yon du sa stegs la rtsam kha la bzhi brgya re las byas
pa'i lha ba shos chen po rgyan dpag med kyis spras pa la ba dan
gyis brgyan pa re byas/ gzhan yang gye re man phreng nas gter du
bzhes pa'i dngul tham rtag mgo ma sogs phul zhing mchod yul

mchod rdzas mchod byed thams cad bde stong gis rgyas btab ste
phul ba'i tshe/ nam mkha'i dbyings thams cad rigs lnga'i de bzhin
gshegs pa'i tshogs kyis til gyi gang bu ltar gang ba dang/ ltung
bshags 'don dus de dag gi 'og gzhi tsam gyi nam mkhar

@16b snags rgyas se lnga dang sman bla bde gshegs bdun/ byams pa
tshed pag med sgrol ma gdugs dkar dbyangs can ma rnams dang/ grub
chen brgyad cu ku cor gsung/ rje rang gi dbu'i steng na rigs
gsum mgon po dkar phyogs kyi chos skyong phal cher yang yod par

mkhan chen phyag rdor pa'i gsung las so// de dus ku cor pa lha
sa'i rags khar mtshams byas yod pa grol nas phyin pas glang chen
gdong nas sha ba ri dang phrad cing/ grub chen brgyad cu smon
lam la phebs pa dang/ nam gung grub chen brgyad cus skor ba
dang/ smon

lam byed pa/ lha klus bskor ba mthong tshul yang bris na legs/
de'i skya ser gyis skor ba rgyun mi 'chad do// bud med zhig gis
btsug lag khang la 'khyud nas me srung ba rmis pa dang/ skye bo
mtha' yas ba skor lam nas nam mkha' la 'gro ba gar 'gro byas
pas/ 

nged cag jo bo la mchod pas tshangs pa'i 'jig rten du 'gro zer ba
rmis shing/ (120o) ngo bo'i mdun du rjes mar me zan sgril rmi
lam brtags pa gsum gyis dgon gnas brtags pas dga' ldan bdang?
ba'i rtags byung/ dga' ldan la phebs/ zhabs kyis bcag /

rgyal tshab cang 'dul 'dzin sogs kyis dang por sa bzhi brtags pa
dang/ brtags nas dge 'dun la gsol ba dang/ de nas dge 'dun gyis
gnang ba sbyin pa dang/ lag gi bla bsko ba dang/ rdo btegs pa'i
mtha' las byung ba'i rung khang gcod pa dang/ 

tshad las ma lhag par rtsigs pa sogs kyi phyag len dag ther can
mdzad de/ 'jam dpal rtsa rgyud las/ dus kyi tha ma de la ni/
/sems can kun la mchog sbyin byed/ /'jig rten nga ni myang ngan
'das/ /sa yi steng ni stong 'gyur na/ /khyod nyid byis pa'i
gzugs 

@17a @#/ /kyis ni/ /sangs rgyas mdzad pa byed par 'gyur/ /de tshe
dgon chen rab dga' ba/ /kha ba can na yod pa yin/ /zhes gsal bar
lung bstan pas/ khyod ni rje btsun/ byis pa ni so skye'i tshul
bzung ba/ sangs rgyas mdzad pa byed pa sangs

rgyas 'dra ba 'ong bste/ lam sgon gyi rnam bshad chen mo las/
rgyal khrims 'chugs pa'i dus su sangs rgyas kyi bstan pa gsal
bar byed pa'i dge slong gcig 'byung byas pa de da ltar bshad
pa'i dge slong grags pa'i mtshan thogs pa 'di yin/ dge

srong des bstan pa 'tshol ba mang du byung ba rnasm tshar gcod
cing/ yang dag pa'i don dang bstan pa rnam dag gi khrims srol
btod pa ni 'dzam bu'i gling du thub pas chos 'khor bskor ba
dang/ snyigs dus bod du dge slong grags pa'i mtshan can byung nas

chos srol btod pa ni mtshungs te/ zhes dang/ mdo sde gdams ngag
'bog pa las/ 'bri dang ldan gyi sa mtshams su/ /dga' zhes bya
ba'i dgon pa 'debs/ /blo bzang zhes bya'i skyes bu 'byung/ zhes
dang/ gsang bdag gis/ dbang bskur ri yi

'dabs dag tu/ /btsun mo lding gi ngos phyogs su/ /dge 'dun dpag
med 'du par 'gyur/ /ri ni gang yin 'jam dpal 'chad/ /mnga' ris
byang khms kun gyi skyabs/ /phyogs bcur sde dgon rgyas par
'byung/ /zhes pa lta bu mang/ (121kra) /de'i

tshe 'ol kha bsam gtan gling du bzhugs/ chos mang du gsungs/
gnyal ra grong mkhan po'i dgongs rdzogs kyi 'bul ba gser zho
stong/ dngul sogs kyi 'bul ba bzhes/ gnas der ston mtshams bcad/
bla ma dang yi dam 'jam dbyangs dbyer med

@17b la gsol ba drag tu btab/ gsal sgron gyi zin bris btab dus
kyi ltas ngo mtshar 'byung tshul rnam thar thang kar 'bri na tshes
grangs kyi ltas rim bar zis/ gnas gcig gis chog /(122khra) glang
lo'i zla ba bcu gnyis pa'i tshe gsum la/ 'jam dbyangs lha da cu

dgu'i dkyil 'khor yongs rdzogs dngos su snang ba'i g.yas g.yon
byams pa dang 'jam dbyangs bgro ba mdzad pa gnyis kyang snang/
dkyil 'khor gyi gtso bos rgyan bzang po sna tshogs pas spras pa'i
rin po che'i bum pa chus gang ba dar bzang po sna tshogs kyis

mgul dkris can rje la ster rtsis kyi phyag brkyangs nas/ bum chu
'di jo bo chen po ati sha snye thang gi skyi chu 'gram na
bzhugs dus rje btsun 'jam dbyangs dang/ rje btsun byams pa
gnyis/ sku gsum dang gcig gang yin la chos kyi bgro ba mdzad
pa'i chu

'dres pa'i chu yin/ 'di jo bo nas bzung ste/ da lta'i bar la lo
sum brgya dang cu song/ de bar ster sa ma rnyed/ da khyo la ster
pa yin no gsungs p rmis/ ngo bo'i thugs la mnga' ba'i sku gsum
ngo bo gcig dang tha dad tshul/ gsang 'dus kyi sku gsung thugs

gcig dang tha dad tshul bzhin mkhyen dgos pa khyod par du ma
rtogs zhe lung bstan pa ste/ gsang 'dus kyi sgyu lus dang zung
du 'jug tshul ma rtogs bar du sangs rgyas kyi sku gsung thugs ji
lta ba bzhin mi rtogs pas gsang 'dus yod med kyis bstan pa yod
med 

du gsungs pa'ang de yin no// de dus bde mchog gi zhal thang dang
tshes bcu'i mchod pa'i rdzad bkod nas shid zan gtong nga yin zer
pa'i yi ge gcig mthong ba rmis/ (123gra) de nas tshes bzhi'i nub
mo rin po che sna tshogs pas spras pa'i khri zhig gi steng na
thams 

@18a @#/ /cad mkhyen pa bu ston rin po che yin zer ba'i bla ma
gcig bzhugs pa des/ dpal gsang 'dus rtsa rgyud kyi glogs bam
gcig gnang nas 'di'i bdag po gyis shig gsungs pa mjug nas cung
ma tshang ngam snyam du gzigs pas thams

cad tshang 'dug /de nas phyag gnyis kyis glegs bam de blangs/
hUM badzra u tiSh'ri zhes pa'i sngags phyag rgyas lan gsum
dbu'i steng du btegs/ khar sang nub sngon ma la bum pa chus gang
ba ster rtsis byed pa'ang 'di'i ltas yin par 'dug dgongs pa

byung ngo// (124ngra) tshes lnga par mar ba'i thugs bcud bsre
'pho'i skor mang du yod par thugs ngos byung/ (125cra) tshe drug
la chos longs sprul gsum gyi bsre ba skor dgu 'phags pa yab sras
dang rgyud kyi dgongs par nges pa sngon med rmad byung brnyes/
(126chra) /

tshes bdun par rtogs bsre ste sbyong bsdus gzigs pas gnyid dang
rmi lam gyi bsre pa'i skor yang gsal por yod pa gzigs pas nges
pa shin tu mang po rnyed/ nub sngon mar bde mchog gi brten pa'i
dkyil 'khor gyi bris sku zhig gi 'og na bde

mchog gi tshes bcu byed pa'i bkod pa bris pa dang/ de'i 'og na
shid zan gtong ba yin zer ba'ang bde mchog dus phyis shi ba lta
bur gyur ba rjes gsal bar byed pa/ mi shi ba'i rjes su shid zan
gtong ba lta bu yin zer ba de dus nub bdun par go zhes

pa'o;; (127jra) de nas rta lo zla ba gnyis pa'i tshes lnga la
dga' ldan du phebs/ lam rim sbron gsal rim lnga'i khrid dang
bcas pa/ mngon pa kun bcus/ sa sde/ tshad ma'i dka' gnas kyang
mang du gsungs/ lha mo bzhi sa zhus/ ye shes rdo rje kun btus

@18b gnyis kyi TIkka mdzad/ de'i phyi lo rim lnga gsal ba'i
sgron me dang gdan rdzogs kyi khrid yig rnams mdzad/ (128nyra)
de nas nga lnga pa yos lo'i dgun stod la/ rje rang gis gtso
mdzad gum cu rtsa grangs kyis sku tshe 'phel ba dang bar chad
bzlog thabs rdo rje

'jigs byed kyi rgyas pa'i 'khrul 'khor mang du mdzad cing/ snga
dro byams bzhugs na bza' ser po sogs rgyas pa'i bzlas sgom dang/
phyi dro drag chas bzhugs stangs sogs kyi phyir zlog gi bzlas
sgom yun ring mdzad pas/ sangs rgyas thams cad dang/

'jigs byed/ 'khor chen/ sgrol ma/ gdugs dkar 'jams dbyangs/ tshe
dpag med sogs/ gtsug tor rnam rgyal/ 'od zer can sogs gzigs/
rje'i zhal nas/ da dung lan mang byas na dga' rab yong ba e yin
gsungs/ (129tra) 'brug lo'i ston/ yang

yang bshad pa e yong mi shes/ da lan rgyud sde bzhi'i gtso bo
rnams kyi bshad pa re smon yul du byed pa yin gsungs par/ 'khor
gyi thog ma rnams kyis gsol ba btab ste/ lo de'i zla ba brgyad
pa'i tshes bdun nas rje dpon slob sum cu rtsa grangs

mtshams byas/ sangs rgyas nam mkha' khyab tsam 'jam dbyangs sogs
gzigs/ de'i tshe lan gcig thugs dam la bzhugs pa'i steng gi sna
rtse'i phyogs kyi a ba d+hu nyi nas/ e waM kyi gzugs kyi thag
pa lta bu skya na ra ra 'ons pa gcig mnal lam du

byang rda dus de nas thun mong min pa'i zhi bde khyad par can
skyes/ bde stong ting nge 'dzin rgyud las/ brtul zhugs med kyang
'grub par 'gyur/ /zhes dang/ thams cad 'dus pa'i tshul can no/
/sngags bzlas gtor ma'ang de nyid yin/ /zhes

@19a @#/ /bsngas pa'i sangs rgyas lag gtod kyi zab lam zab pas
kyang zab pa brnyes/ (130thra) nga drug pa'i zla ba gnyis pa'i
tshes bcu gsum la yang sangs rgyas thams cad dang/ mchog gi dngos
grub ster ba'i lha gsum/ bdud zlog

gi lha gnyis sogs gzigs shing mtshan ma brtan po gcig byung bas/
da 'bung na dga' rab yong ba 'dra gsungs/ de'i nyer dgu la rtsa
ba'i rdo rje slob ma bdun nang du btang ste/ bzlas sgom la 'bad
pas gnod byed bzhi'i gcig gis gdan

sa 'di'i bla rabs bcu gsum du phyin cad mi gnod pa'i dam bca'
byas/ de nas yang gzir bas rje sku khams cung mi bde ba gcig la
bzhengs nas zhabs bskor 'ga' mdzad nas bzhugs stang kyis bzhugs
par/ ston pa shAkya'i rgyal po gser 

btso ma'i mdog ldan gzi brjed nyi ma bye bar 'bar ba bdud 'dul
gy phyag rgya can gcig gzigs/ ting nge 'dzin gyis spyan drangs
nas thim pa dang bdud thams cad zil gyis gnon pa la bag tsha ba
med pa'i ting ne 'dzin brnyes/ de ma thag

ye shes mgon po dang/ phyag bzhi pa/ gur mgon/ chos rgyal/ rnams
sras sogs gzigs pa'i nang nas ye shes mgon pos sna drangs/ chos
kyi rgyal pos gnod byed kyi gtso bo'i mgrin pa bcings nas khrid/
gnod sbyin k+She Ta pA rgyab nas

ded cing bsdigs bzhin du kher 'ong ba'i mgo gri gug gis bcad nas
rjes ting ne 'dzin gyi hom khung du bcug ba dang mnyam du phyi
rol gyi nag phyogs kyi gza' rgyal bo klu sha za bzhi sde bcas
dpag pham mo zhes pa'i sgra skad dud mo dang bros ba mdun

@19b gyi mang pos kyang gsan no// bros pa'i khrod nas yang gcig
de ltar bcom pa gzigs/ de nas rim gyis snyun dwags nas lha dang
bcas pa'i mgon dam bar gyur to// de dus bar chad kyi mtshan ma re
byung re byung res kyis rje la bcom ldan

'das rdo rje 'jigs byed bzod par dka' ba dang/ 'khor lo chen po
sku rags la sbom pa spyan 'bras ni ma bye ba lta bu bskal pa'i
me 'od can chen po tshangs pa'i 'jigs rten du slebs pa lta bu
gzigs res kyis myur du zhi 'gro zhing/ sangs

rgyas byangs sems nam mkha'i khams khyab pa/ gtsug tor rnam
rgyal/ sgrol ma/ gdugs dkar/ 'od zer can/ sman bla/ tshe dpag med
kyi sku phal cher rgyun du 'byung/ ye shes mgon po/ gur mgon/
phyag gzhi pa/ rnam sras kyang nar mar/ khyad

par du chos rgyal dang/ k+She Ta pA la bran bzhin du sku dngos
dang gzugs ;hyag g.yog pa ci rigs byas pas 'phrin las g.yel med
du sgrub po/ /'di dag gong gi 'bri tshul yin zur du ma bris kyang
chog/ (131dra) de'i phyi lo nga brgyad par dbyar mi dbang

grags rgyan gyis/ 'on gyi bkra shis do khar spyan drangs/ lung
bstan gsal ba'i me long las/ padma'i ngang? ldan gyi slob ma dge
slong bde ba'i 'byung gnas 'di yang bod du dge ba la 'dun pa
bzang po'i mtha' can gyi dge dlong du gyur nas

blo bzang grags pa'i bstan pa spel zhes sogs dang/ rje dge 'dun
grub pa rang gis kyang/ dus deng nas byang chub snying po'i bar/
/mgon khyod kyi bstan pa 'dzin pa la/ /dus nam yang brtson pa
bgyid par smon/ /zhes sogs ltar/

@20a @#/ /rje'i sras kyi thu bo 'phrin las nam mkha dang mnyam pa
dge 'dun grub pas kyang de dus 'jal/ sems dpa' chen po kun bzang
ba dang/ sher seng gis thugs rab bsngags pa phul pas/ rjes kyang
mjal ma khyad

nas thugs shin tu dbyes shing/ gsung chos thams cad kyang thob
par mdzad do zhes gnas rnying rin po che gsungs/ de'i tshe sde
snod 'dzin pa brgya phrag du ma la dbu tshad dang lam rim sogs
gsungs shing/ gdan sa thel nas spyan snga

rin po che la dpon slob ri dge dang bcas pa dang/ rtse thang nas
chos rje dang gzhung las pa bshes gnyen thams dang/ sne gdong
nas gong ma chen po dpon blon mtha' dag chos kyis tshim nas dad
pa'i spu long g.yo zhing thugs thag pa

nas bsngags pa brjod pa tshangs dbyangs 'brug sgra ltar sgrogs
shing/ bkra shis do kha mar grags pa'i sku byin rlabs can de
yang de dus byung ba yin no// (132nra) de nas dga' ldan du phebs
bde mchog gi bskyed rim 'dod 'jo dang/ rdzogs rim che

chung sgrub thabs rnams dang/ sgron gsal dag ther dang mchan
can/ bsdus don/ le'u so so'i mtha' dpyod rnams dang/ rgyud sde
bzhi dang 'brel ba'i bshad pa mtha' dag dang gdams pa rgyun
mchad par gsungs/ mdo sngags kyi

bstan pa nyin mo ltar gsal ba'i thugs rje chen po mdzad do// de
dus snyun dwangs skabs 'jam dbyangs gzi brjed rmad du byung a
gcig gi zhal nas da phyin chad bskyed rdzogs kyi thugs nyams su
bzhes pa la 'grus par mdzadna sngags

@20b bla med kyi rtogs pa khyad par can myur du 'khrungs shing/
slob ma skal ldan bdun la yang lam gyi rtogs pa khyad par can re
skye bar 'gyur gsungs/ rjes ded khams ma snyoms pas rtogs ldan
pa la dris gsungs nas dris pas/ rtogs ldan pas rje'i thugs

rgyud la bde stong gi ye shes 'khrungs tshar/ phyi'i rkyen zhing
skyes kyi pho nya rnams kyis kyang grogs mdzad/ lhag pa'i lhas
kyang byin gyis rlobs pa'i rgyu tshogs/ lam de myur du 'khrungs
zhes rje btsun gyis gsungs/ de'i tshul yang rtogs

ldan pa'i mnyal lam du rje'i mchod rten yin zer ba'i dkar yol
gyi mdog lta bu phyag tshad shin tu rdzogs pa nor bu rin po che'i
tog can rtse sprin gseb mthon por slebs pa la mkha' 'gro ma mang
po rin po che'i dbu rgyan can rnams kyis rin po

che'i bum pa bdud rtsi dkar pos gang ba dpag med kyis khrus gsol
ba dang/ de'i mthar 'bum pa mang po 'dug cing/ byang na mchod
rten de'i seng khri dang mnyam pa bdun la khrus gsol ba dang
mchod rten gcig gi gos 'dug par bdud rtsi gsol

zer bar da ltar ma byung ba zer 'bum pa rnams gsol zer bar da
dung mi gsol 'di dag 'chos dgos pas bcos nas gsol zer ba rmis/
rje btsun la rmi lam 'di zhus pas sngar ltar gsungs so//
(133pra) sgrub mchod sogs 'du khang du byas

na dbang mthong pas dkyil 'khor mthong ba'i dgag bya che bas
sngags kyi sgrub khang 'gol ba gcig dgos gsungs nas/ lug lor
yangs pa cang yi rmangs bting/ khyams gtsang khar dang bcas par
ka ba don gnyis kyi sa'i gtsang khang

@21a @#/ /du ston pa'i sku jo bo'i sku tshad las che ba thub pa
tshul khrims mar grags pa'i byin rlabs can dang/ gzhan yang nyams
tshe 'jigs 'jam bzhi'i gser sku dang/ rgyu dar 'dag gis 'jigs
byed na tho bcu

bcun pa bzhengs pa'i rtsa zhal rad byon dang/ thugs kar drod cog
sgong sogs dang/ steng gi gtsang khang du dpal gsang 'dus lha
sog gnyis kyi blos slangs/ 'khor lo bde mchog lU i ba lha drug
cu re gnyis kyi blos slangs/ dpal rdor

dbyings kyi dkyil 'khor chen po'i blos slangs rnams bzhengs dus
phyag tshad sogs shA ri'i bu dang tshangs pa e Da'i sogs min par
sdom 'byung rtsa 'grel bdang gshin rje gshed dmar nag gi rgyud
gsum bsdur nas bzhengs shing

thams cad kyi rgyu'i byin rlabs sogs dang/ lugs las gnang bas
lugs phud bde mchog gi khaNDa kA ba la yab yum 'ja' tshon ma
byon la/ gang zag so so la mthong snang sna tshogs pa can byon
nas rje rang gis kyang

gsol 'debs byon legs ni/ he ru ka ye pho brang nas/ /'khor lo
bde mchog yab yum ni/ /'gro ba'i bsod nams zhing mchog tu/ /thod
pa'i dum bu yab yum gyi/ /sku la ngo mtshar ltas mang gis/
/brgyan pas 'dir ni byon

pa legs/ /e ma ho bdag cag gdul bya rnams/ /shin tu tshogs bsags
skal par ldan/ /sogs gsungs/ bde mchog gsang 'dus rdor dbyings
kyi gtso bo gsum rang byon byung/ bde mchog gi thugs kar drod
rta rnga tsam

@21b yod par bshad cing/ rgyu dngul bre chen gnyis sogs las
bzhengs so// (134phra) de'i tshe bde mchog gi lha tshogs zhal
gzigs shing/ nam mkha' nas mkha' 'gro ma'i tshogs kyis mchod pa
dang bstod dbyangs byed pa thugs la

bzung nas de'i tshul tshigs bcad ting 'dzin pa ri legs ma dang
dpyid kyi rgyal mo'i glu dbyangs su bkug pa yin pas/ gsang ba'i
rnam thar las/ bde mchog 'khor lo'i sgrub pa mdzad pa'i tshe/
/dkyil 'khor ba rnams mngon sum gsal

bar gzigs/ /phyi nang gnas gsum mkha' 'gro'i tshogs rnams kyis/
/rdo rje glu yi mchod pas dgyis par mdzad/ /ches dad/ bka' gdams
chos 'byung las/ ting 'dzin pir legs ma la sogs pa'i mchod glu
'di yang gdangs

dang bcas pa gtsug lag khang gi blos slangs bzhengs dus lha mo
rnams kyis 'then gyin 'dug pa gzigs pa yin par snang/ rje de da
lta sprul pa dpag tu med pas 'jig rten du rol ba yin zhes so//
sogs sgras rgyud dbyangs 'di

yang mkha' 'gro mas tshig mi thos pa'i dbyangs mang po byed pa
gzigs nas bkug pa yin zhes rgyud rgan rnams kyi ngag rgyun srags
che ba de lta'i bar du yod pa bden par mdon/ 'di'i don gyis
nyams len cher ma byung yang phyag len ma

nyams par byas pas byin rlabs shin tu myuyr ba de yin te/ sngon
smon lam gnang sangs rgyas thams cad kyis byin gyis brlabs par
bshad pas so// (135bra) gtsug lag khang rten bcas bya lor
bsgrubs nas/ bya lo'i nang du rgyud sde dang

@22a @#/ /mthun par rab gnas rgyas par mdzad pa'i nyin nam mkha'
dwangs pa'i dkyil nas sgra chen po 'brug sgru tsam zhig mchod
khang du thim pa kun gyis thos shing/ de dus bde gsang gi rim
lnga'i rnal 'byor pa 'ga' zhig

gis rdo rje 'jigs byed nam mkha' gang ba tsam phyogs bzhi nas
byung nas lder sku la thom pa gzigs gsungs/ de'i don gyis yul
kun tu bkra shis par gyur to// (136mra) 'di la dge ldan 'ang
snga ma'i zur du bris/ khyi'i lo la 

sde snod 'dzin pa brgya phrag du ma phyogs tha dad nas byon pa
dang gnyug ma'i dge 'dun dang bcas par dga' ldan nyid du chod
kyi 'khor lo rgyun mi 'chad par bskor zhing dpal gsang 'dus
'grel pa bzhi sbrag dang/ bshad rgyud 

'ga' zhig dang rim lnga'i khrid rgyas pa/ dus 'khor sbyor drug
gi khrid rgyas pa/ dus 'khor 'grel chen bshad pa zhib mo dang/
gzhan yang dbu tshang bde mchog lam rim sogs gsungs/ de'i dbyar
dang ston la yangs pa can

gyi khyams kyi log bris kyang grub/ 'jug pa'i rnam bshad brtams
shing sungs/ (137tsra) khi lo'i dgun nam/ re gnyis pa'i dgun
smad gcig chos skyong 'di rnams la'ang gtor ma 'bul dus dbyangs
kyi nga ro dang bcas

na shin tu dgyis par 'dug pas 'di bzhin byed pa yin gsungs nas/
gshin rje chos kyi rgyal po spyan 'dren dang/ bstod cinng bskul
ba sogs kyi dbyangs bzhi mdzad/ de dus nub gcig la 'ga' zhig gi
mnal lam

@22b du gshin rje chos kyi rgyal po sku brjed cing che ba zhig
pha tshad byon nas bstod pa'i dbyangs 'di ltar gyis la then cig
gsungs nas kho rang gis 'then gin 'dugs pas sa dang ri bo thams
cad be re re 'ong nga gcig rmis 'dug /gzhan yang da

'dra ba'i rmi ltas 'ga' rel byung/ de nas bstod pa'i dbyangs 'di
la gshin rje'i ngar dbyangs sam gshin rjes 'then dbyangs zer
ba'ang don 'di 'dra yin snyam/ de nas dbyangs slob pa rnams la
gtor mam ba shams par du dbyangs

bya mi rung bar 'dug pas ma byed gsungs/ skabs shig de'irgyu
mtshan ci zhig mchis zhus pas/ legs bzang bas mdzad pa'i gsang
ba'i rnam thar las/ de'i rgyu mtshan ni/ chos kyi rgyal po 'di
rje btsun gyi bsnyen sgrub dang

por mdzad pa'i dus nas rje zhal snga nas thugs la shin tu nye
ba/ 'khor 'gro 'ong byed pa rnams kyi skyel bsu/ khyad par du
rje la snying thag pa nas gus pa rnams la lhag par 'go /rje la
zhabs drung na 'khod pa gang rung re'i

gzugs su sprul nas snyan drang du shib shib gyi zhal ta zhu ba'i
rnams pa mang po 'ong/ gzim khang du phar 'gro tshur 'gro dang
sku mdun sogs su bya ba mang po byed de/ gzim khang na 'khod pa
gzhan gyis mthong ba 'ong ste/ gang gi gzugs

su sprul pa der 'khrul nas gzhan tshos ngo mi shes/ dbyangs dang
gtor ma byed pa'i dus su yang de 'dra zhig 'ong nas lab lab
byed/ gtor ma dang dbyangs kyi nga ro byas pa'i tshe dga' ba'i
rnam 'gyur sogs ston cing 'dug

@23a @#/ /gsung ngo// zhes so// don 'di tshig tsam ma yin par go
dgos pa zhig yin no// lo de'i mjug gsang 'dus rtsa rgyud dang
'grel pa sgon gsal par du brkos grub/ (138tshra) phag lo la dbus
gtsang sde snod

'dzin pa che dgu mtha' yas 'dus/ dbying dang dbyar du 'khor lo
bde mchog gi rgyud sogs kyi chos 'khor bskor zhing/ bde mchog
rtsa rgyud kyi TIkka mdzad kun la gsungs hing/ 'dzin chos 'ang
Tikka mda' tshad phreng dgu pa re

btang ba'i skyor dpon 'jam dbyangs chos rjes mdzad cing/ byams
chen chos rje'ang ngo mtshar bar gsungs/ (139dzra) phag lo'i ston
stod lung gi chu tshan sku la 'phrod par 'ga' zhig gis zhus pas
rkyen dang/ gtso bo jo bo rin

po che'i drung du sku de'i phyag tham dang/ sku des dngos su
'dul ba'i skye bo mang po zhig gi don mdzad par dgongs pa dang/
sngar nas smin par mdzad pa'i gdul bya mtha' yas rnams la legs
bshad kyi bdud rtsi gsung dngos kyi tha ma

stsol par bzhed pas dga' ldan nas phyag btegs/ lha sar jo bo la
mchod pa dang smon lam mtha' yas pa mdzad cing/ (140wra) stod
lung du phebs shing de'i tshe nang ba so sos gdan drangs/ phal
cher la phebs shing chab

tshan khar phebs pas zhabs la bdug par gyur/ stod lung phu mda'i
skye bo'i tshogs mtha' yas bdag la chos dang byin rlabs kyi skyes
gnang/ rag rgyun ltar na chu mig lung gi chos gra la gsang 'dus
lha tshogs tham pa

@23b gzigs nas rgyud grwa 'byung bar lung bstan par grags pa
yang bden par mngon la/ thams cad kyis bsnyan bkur ba dang gsung
thos pa dang zhal mthong btsam gyis kyang don dang ldan par
mdzad do// (141zhra) tshur phebs dus 'do li la 

bzhugs nas 'bras spungs su phebs pa'i 'do li'i sne la 'ja' kha
dog sna lnga thal byung zugs/ gnas rnying rnam thar du 'bras
spungs sngags khang gi rten rnams la rab gnas mdzad pa'i ye shes
pa spyan 'dren kyi dus sus g.yo

zhing 'ur chom gyi sgra chen po thams cad kyis mngon sum du rig
pa'i zil chen po dang bcas bcom ldan 'das rdo rje 'jigs byed/ ye
shes mgon po phyag drug pa 'khor bcas/ dam can chos kyi rgyal po
yab yum 'khor

bcas kyi ye shes pa rnams dngos su bcug par mdzad cing/ brtan
bzhugs rgyas pa/ yon bdag bsgo ba/ gser gyi rtag gtor 'cha' ba/
zhi rgyas kyi sbyin bsreg tshar mang po dang bcas pa mdzad ces
gsungs pa rgyal ba yon

tan rgya mtsho'i rnam thar rgyal ba gong mas mdzad pa ltar na
'jigs byed 'dag par ljags cha ba dang bcas bzhengs par yang
mdzad gsungs pa ltar yin la/ rwa lo'i gdung yang yod par 'jigs
byed chos 'byung las bshad do//

(142zra) 'bras spungs su bshes gnyen sde snod 'dzin pa nyis
stong tsam la lam rim gyi khrid dbu ma 'jug pa/ nA ro chos drug
/gsang 'dus rgyud sogs gsungs shing/ de dus su chos grwa'i dbus
su 'dza' kha dog sna lnga thal byung

@24a @#/ /yang yang thug pa dang nam mkha'i dbyings mthon po nas
lha'i pho nya lta bu'i sprin dga' ldan du yang yang 'bab bo//
de'i tshe nyin gcig dga' ldan phyogs la gzigs pa gcig mdzad/
gsang 'dus le'u 

dgu pa'i skabs la chos mtshams mdzad/ thams cad kyis rgyud dang
lam rim gyi tha na lung tsam zhus kyang ma gsan par ka sang nas
'phen pa song zin/ da lam myur du btegs na thams cad la dga' bas
'degs gsungs

te; da dung sngags dang mtshan nyid kyi bshad rgyun rdzogs pa med
par ring du gnas pa'i rten 'brel du mdzad do// (143'ra) lha sar
phebs jo bo rin po che'i mdun du phyag mchod smon lam rgya cher
mdzad de/ bstan pa yun ring

du gnas pa'i rren 'brel mdzad/ (144yra) de nas se rar byams chen
chos rjes spyan drangs te/ se ra chos sdings kyi rgyud sde la
'chad nyan rnam par dag pa bod 'dir cher ma dar la/ rje rang gis
bshad pa rnam par

dag pa mdzad pa'i bdud rtsi myang ba yod cing rgyud kyi 'chad
nyan rkang tshugs grwa things pa med par dgongs nas rgyud kyi
'chgad nyan rnam par dag pa gcig tshugs na ci ma rung snyam pas
byams chen chos rje la zhal ta gnang nas

chos rjes de'i mthun rkyen gyi chas so sor gnang zhing/ gzhi
'dul ba'i bslab khrims rnam dag oa brten nas dpal gsang 'dus
dang bde mchog rtsa rgyud kyi 'chad nyan tshugs pa'i rten 'brel
du se ra chos sdings su gso sbyong mdzad cing

@24b rgyud kyi rgyal po gnyis kyi dbu nas chos mthun re gsungs
shing/ de'i tshe chos grwa'i bu slob gser gyi lhun po lta bu mang
po 'dus pa'i 'dus tshogs rgya mtsho lta bu'i dbus na rje rin po
ches rgyud kyi bshad srol 'dzin nus pa yod

dam zhes bka' lan gcig gnyis su phebs pa mkhas pa sus kyang
ldang ma nus/ rje sher seng gis phyag byas te/ de kho bos bya
zhes bka' spyi bos blangs shing/ rje mchog tu dgyis nas gsnag
'dus gser sku khyad par can 'grel

pa bzhi sbrag /rgyud kyi rnam bshad gnyis skyed rdzogs chos
rgyal gyi zhal 'bags 'cham gos dbyug zhags rnams gnang ste/ der
btsugs pa'i rgyud pa'i grbwa tshang de dus nas yin la sher seng
gis rgyud pa de las rgyud

grwa gsum btsugs gsungs so// (145rra) de nas ba lam rtser brag
dkar rdzod dpon yab yum la sngags kyi grwa sa gcig bka' gnang
rdzong dpon pas kyang khas blangs te/ gnas de nyid la rab gnas
zhus pas da lan min pa

mi 'ongs gsungs nas rab gnas rgyas par byas/ gtsug lag khang gi
ming gsang sngags mkhar du btags/ de nas brag dkar du byon/ gru
bzhir gdan drangs pas kyang phebs/ de'i nub nam mkha' nas
gaNDi'i sgra chen po

gsang mtho ba mis brdungs pa min par nges pa byung/ 'bras spungs
nas phebs dus nas glo bur du sa yang yang g.yo ba 'ja' kha dog
sna lnga 'do lir zug pa byung/ (146lra) de nas gru bzhi nas dga'
ldan du phebs pa na thog mar

@25a @#/ /yang spa can du mchod gtor rgya cher bsams nas ston
pa'i sku dang gzhal yas khang dang yi dam gyi drung du smon lam
dang 'phrin las bcol ba rgya cher mdzad/ (147shra) de nas 'du
khang du mang ja la gdan

drangs pa med par phebs nas tshogs dbur phebs te bsngo ba rgyas
par mdzad pa'i mjug du bde smon gyis bsngo ba rgyas par mdzad
cing/ dge 'dun tshogs pa rgya mtsho'i dbus su shis brjod rgyas par
gnang ba phyis kyi rten 'brel

che bar dgongs/ (148sra) de nas gzim khang la phebs/ bsnyung
tshul bstan/ sang nyin 'dul 'dzin rgyal tshab sogs yod dus rgyal
tshab kyis zhal ta 'dra bdag tshor gnang bar zhus pas/ paN zhwa
leb 'jog dbur

bzhag pa rgyal tshab sku bar du 'phangs shing gos ber gcig gtang
nas don 'di go bar gyis la byang chub kyi sems sbyongs gsungs
shing gdan sar yang don gyis bskos par mdzad do// de nas bde
mchog gi tshogs

'khor byas nang mchod lan so gnyis myang ste rdor bzlas mdzad
cing/ sang nyer lnga'i snga dro dang por zhabs skyil krung phyag
mnyam gzhag mdzad cing 'od gsal chos sku mdzad nas/ bar do longs
spyod rdzogs skur

sangs rgya tshul bstan te/ sku gzhon nu'i lus can 'ja' 'od 'phro
can/ nam mkha' nas me tog gi char dang 'ja' sogs mdzad do//
(149hra) dpa' bo mkha' 'gro grangs med pas spyan drangs te bar
dor longs

@25b sku las rmad byung bkod pa sogs su sprul sku'i mdzad pa
yin/ dpal gsang 'dus lha sogs gnyis kyi rten brten pa sogs su
bzhengs par mdzad de rmad byung bkod pa sogs su mchog gi sprul
skur mdzad la/ gdams

ngag las/ de nas 'phos nas shar phyogs su/ /rmad byung bkod
mdzes zhing khams su/ /seng ge'i nga ro zhes bya ba'i/ /rgyal
bde bzhin gshegs par 'gyur/ zhes gsungs shing/ de bzhin du bde
ba can du rgyal

sras kyi tshul dang/ dga' ldan du rje btsun byams mgon gyi mdun
du padma las rgyal sras 'jam dpal snying por 'khrungs shing chos
nyan pa sogs sprul pa bye ba phrag brgyas 'jig rten gyi khams
'di la sogs

par la lar bla ma dang/ la lar yul gyi rgyal po dang/ gtso bo
dang/ bram ze la sogs pa'i tshul dang/ zhing khams la lar sangs
rgya ba'i tshul sos mtha' yas pas 'gro ba gang la gang 'dul gyis
sprul pa'i bkod pa

mtha' yas pas 'gro ba drangs par mdzad/ rgyal ba'i bstan pa
phyogs dang dus kun tu rgyas par gyur to// //smras pa/ snon byon
rgyal ba dpag med sngon du 'ang/ /tshogs gnyis rgya mtsho'i gting
zab legs smon gyi//

nor bus gtams pa'i snying stobs rba rlabs la/ /phyogs bcu'i
rgyal rnams dgyis 'dzum byin brlabs pas/ /thub pa'i bstan la
thub dbang gnyis pa bzhin/ /bstan pa'i gzugs brnyan bstan pa
yongs rdzogs su

@26a @#/ /thos pas snying tshim thos bsam sgom gsum kun/ /gcig min
phyogs bcur gcig char 'phel rgyas mdzad/ /mgon po khyod kyi yon
tan pha mtha' bzhin/ /ma lus brjod min dad pas 'dir

'bad dge /sngon tugs bskyed bzhin mdo sngags zab rgyas kyis/
/'gro kun sku gsum thob pa'i rgyur gyur cig /khyod la dad dang
rnam par thar pa 'di/ /mthong thos dran rig skye dgu ma lus pa/
/mngon mtho'i

ba gam mthon po rim brgyud de/ /rgyal dbang seng ge'i nga ro
ltar gyur cig/ /ces mnyam med rje btsun tsong kha pa chen po'i
rnam thar ras ris kyi tshul brgya dang nga gsum tsinta maNi'i
phreng ba thub bstan rgyas byed phan bde'i

rol mtsho chen po zhes bya ba 'di yang/ rje bla ma de nyid la mi
phyed pa'i dad pa dang ldan pa shAkya'i dge slong mang thos
'jam dbyangs bzhad pa'i rdo rjes rnam thar ras ris chen mo 'bri
tshe mkhas grub thams cad mkhyen 

pa'i rnam thar dad pa'i 'jug ngogs dang gsang ba'i rnam thar/
ches cher gsang ba'i rnam thar gsum dang/ grub pa'i dbang phyug
legs bzang ba'i rnam thar rab gsang rmad byung dang/ 'jam
dbyangs dang dngos su

mjal ba'i rtogs ldan 'jam dpal rgya mtsho'i zur 'debs dang/ mkhas
dbang gung ru rgyal mtshan bzang po'i rtogs brjod 'grel pa legs
bshad sgorn me dang/ gnas rnying kun dga' bde legs kyi phyi dang
gsang ba'i

@26b rnam thar gnyis ka tshang ba'i dad pa'i 'jug ngogs dang/
'jam dbyangs kha che'i tsong kha brgyad cu sogs rnam thar dang/
rang phyogs kyi khri rin po che rin chen 'od zer dang las chen
kun rgyal/ mkhas dbang paN chen bsod grags/

pha bong kha dpal 'byor lhun grub dang/ mkhar nag pa sogs kyi
chos 'byung du ma dang/ deb sngon sogs rang bzhan gyi chos
'byung du mar brten nas go rim sogs legs par bsgrigs pa 'dis
kyang kun mkhyen rgyal ba'i 

bstan pa spyi dang/ khyad par 'jam mgon tsong kha pa chen po'i
bstan pa sgo thams cad du dar zhing rgyas la yun ring du gnas
par gyur cig// //