//mkhan zur rin po che ser smad dge bshes blo bzang mthar phyin
mchog gis bsgrigs pa'i lugs 'byung rigs pa bzhi'i skor//

@#/ /tshad ma mdo las/ tshad mar gyur pa 'gro la phan bzhed pa zhes
sogs kyi skabs su/ ston pa tshad mar sgrub pa la/ lugs 'byung gi sgo
nas ston pa lam gang nas byon tshul dang lugs ldog gi de ltar byon
pa'i shes byed 'god tshul gnyis/

dang po ni 'o skol gyi ston pa chos can/ tshad mar gyur pa yin te/
bden bzhi bstan pa'i sgo nas sems can thams cad sdug bsngal las
skyobs pa'i skyob pa bla na med pa mnga' ba'i phyir/

de chos can/ skyob pa bla na med pa mnga' te/ dri ma zad par spangs
pa'i phyir/

de chos can/ snga bzhin dri ma zad par spangs te/ slob lam du bdag
med sogs sgom pa'i rtsom pa kun gzhan don du sbyor zhing goms par
mdzad la de nyid mthar phyin pa'i phyir/

de chos can/ de ltar gzhan don du goms pa'i rgyu mtshan yod de/
thugs rje ni mthar phyin pa'i phyir/

de chos can/ rtag pa rang byung gi tshad ma'i skyes bu ma yin te/
khyod kyis sngar snying rje'i stobs kyis skye ba rnam pa du ma
blangs pa'i sgo nas 'khor 'das kyi thabs mang po yun ring du goms
pa las de ltar gyur pa'i phyir/