(ka? 8

nya 1 @#/ /byang chub lam rim gyi che ba bzhi'i rnam gzhag bshad
pa gnad don gsal byed ces bya ba bzhugs so/ /

@001 @##/ /na mo gu ru/ 'dir byang chub lam rim gyi che ba bzhi'i
rnam gzhag lam rim chung ba las gsungs pa gzhir byas te cung zad

brjod par bya'o/ /de la dang po lam rim la brten nas bstan pa
thams cad 'gal med du rtogs bar 'gyur ba'i che ba la/ bstan pa
thams cad

'gal med du rtogs pa'i don gang yin ngos gzung ba dang/ de ltar
rtogs nas nyams su len dgos pa'i rgyu mtshan bshad pa dang/ de la
nges pa

bskyed pa'i gsung sgros bstan pa'o/ /dang po la/ gang 'gal med
du rtogs rgyu'i bstan pa ni/ lam rim chung ba las/ rgyal bas
gsungs pa ji snyed pa thams cad/ ces gsungs te/ yum rgyas 'bring
bsdus gsum sogs kyi mdo rgyud dang/ phar phyin dbu ma sogs

@002a @##/ /kyi bstan bcos rnams las gsungs pa'i nyams su blang
bya ji snyed yod pa thams cad do/ /ji ltar 'gal med du rtogs

tshul ni/ gang zag gcig 'tshang rgya ba'i lam du go ba/ zhes
gsungs te/ da lta rang nyid kyis sangs rgyas kyi go 'phang 'thob
pa la/ dri ma med pa'i

mdo rgyud bstan bcos rnams las gsungs pa'i nyams su blang bya
mtha' dag phyin ci ma log par shes nas nyams su len dgos par go
ba'o/ /go

tshul gyi khyad par ni/ kha cig ni lam gyi gtso bo dang/ kha cig
ni lam gyi yan lag ci rigs par 'gyur ba/ zhes gsungs te/ thog
mar dam pa'i chos

sgrub pa la 'jug byed kyi gtso bo ni dad pa dang/ dge ba gang
byed thams cad 'khor ba las grol ba'i rgyur bsgyur byed kyi gtso
bo ni nges 'byung gi bsam pa dang/

@002b dge ba mtha' dag sangs rgyas kyi rgyur bsgyur byed kyi
gtso bo ni byang chub kyi sems dang/ nyon mongs bag chags dang
bcas pa spong byed kyi gtso bo ni bdag med rtogs pa'i shes rab
ste/ sbyor ba'i chos drug la

sogs pa gzhan rnams ni de dag gi yan lag tu 'gyur ba'i tshul go
ba'o/ /de la thog mar dad pa gtso bor 'gyur ba'i rgyu mtshan ni/
dad pa sngon 'gro ma lter bskyed pa ste/ /zhes sogs dang/ dad pa
yod na

nges drangs te dge ba'i bya ba sgrub par 'gyur ba dang/ dad pa
med na dkar po'i chos gang yang mi skye bar gsungs pa rnams so/
/des 'byung sogs gsum ni lam gyi gtso bo rnam gsum zhes grags
che zhing/ rje

rin po ches bla ma red mnga' par phul ba'i gsung yig tu yang
gsal bar yod do/ /dal 'byor gyi chos skor sogs gzhan rnams ni
lam gyi gtso bo de rnams ma skyes pa bskyed pa dang/ skyes zin
brtan pa dad gong du

spel ba'i yan lag tu 'gyur ba ste/ lam rim rnams su brtags pas
shes nus so/ /gnyis pa la bzhi/ ched du bya ba'i dbang du byas
pa dang/ nyams su blang bya'i dbang du byas pa dang/

thob bya'i dbang du byas pa dang/ sngags la zhugs na yang de
dang 'dra bar bstan pa'o/ /dang po ni/ gang gi ched du byang
chub kyi sems bskyed pa'i sems can de rnams kyi don sgrub pa la
yang bstan pa thams cad

@003a @#/ /'gal med du rtogs dgos pa ni/ byang chub sems dpa'
rnams kyi bzhed don ni 'jig rten gyi don sgrub pa yin la/ zhes
sogs gsungs so/ /de la skyes bu chen pos dang por

sems bskyed pa na/ sems can thams cad kyi don du sangs rgyas kyi
go 'phang thob par bya zhes dam bcas pa ltar sems can thams cad
kyi don sgrub dgos la/ gdul bya sems can la ni nyan rang byang

sems gsum dang de dag gi lam du bkrir rung ba'i rigs can rnams
su yod pas/ de dag thar pa dang thams cad mkhyen pa'i lam du
'khrid pa'i phyir du theg pa che chung gi sde snod nas gsungs
pa'i nyams su blang bya

mtha' dag la mkhas par sbyangs nas 'gal med du sgrub tshul shes
dgos so/ /'dir rigs can gsum gsungs pa ni gdul bya'i gtso bo yin
pa dang/ theg chen pas kyang theg dman gyi sde snod nas

gsungs pa rnams nges par nyams su len dgos pas de ltar gsungs pa
yin la/ spyir byang chub sems dpas gzhan don du sman dang rtsis
la sogs pa'i tha snyad kyi rigs gnas rnams kyang bslab

dgos so/ /der ma zad jo bo a ti shas/ mu stegs kyi rigs gnas
rnams la'ang sbyangs par gsungs pa lta bu gzhan don sgrub pa'i
yan lag tu bslab rgyu mang du yod do/ /spyir nang ba bas

@003b phyi rol pa dang 'grogs na skyabs 'gro'i bslab bya dang
'gal ba'i nyes pa 'byung ba yin mod kyang/ byang chub sems dpas
chags sdang gi dbang du ma song bar/ mu stegs pa de rnams log
pa'i lam du

zhugs pa las zlog par byas te yang dag pa'i lam du 'khrid pa'i
bsam pas/ mu stegs pa'i bstan bcos la sbyang ba ni skyon med par
ma zad gzhan don sgrub pa'i yan lag tu 'gyur ro/ /de'i phyir
phyi nang

thun mong ba'i rig gnas la sbyangs pa de jo bo'i che ba'i yon
tan du gsungs so/ /'di ni 'phros don tsam mo/ /gnyis pa ni/
nyams su blang bya theg chen gyi lam la slob pa la yad bstan pa
thams

cad 'gal med du rtogs dgos pa ni/ theg chen gyi lam la thun mong
ba yin min gnyis kyi dang po ni/ theg dman gyi sde snod nas
'byung ba rnams yin la/ zhes sogs gsungs so/ /de yang skyes bu

chen po'i nyams su blang bya la nyan rang dang thun mong ba ni
'khor ba mtha' dag sdug bsngal gyi rang bzhin can du mthong nas
de las thar bar 'dod pa'i nges 'byung gi bsam pa bsgom pa la
sogs pa theg dman gyi sde snod nas

gsungs pa rnams so/ /de 'gal med du rtogs tshul ni/ las nyon gyi
dbang gis rang dbang med par lus sna tshogs blang ba dang/ sdug
bsngal du mas mnar ba las thar bar 'dod kyang/ snying rje'i

@004a @#/ /dbang gis 'khad bar skyes nas/ sems can gyi don sgrub
par 'dod pa lta bu'o/ /mdor na 'khor ba las thar bar 'dod pa'i
nges 'byung gi bsam pa dang/ gzhan don du 'khor bar

gnas par 'dod pa'i snying rje chen po gnyis 'gal med du nyams su
len tshul shes dgos pa'o/ /gsum pa ni/ thob bya 'brs bu'i dban du
byas na yangbstan pa thams cad 'gal med du rtogs

dgos pa ni; sangs rgyas ni skyon phyogs re zad pa dang/ yon tan
phyogs re rdzogs pa min gyi/ zhes sogs gsungs so/ /de yang sangs
rgyas ni skyon thams cad dang bral zhing yon tan

thams cad rdzogs pa yin pas/ de thob pa la skyon gyi rigs spor
ba'i gnyen po mtha' dag dang/ yon tan gyi rigs sgrub pa'i lam
thams cad nyams su len dgos so/ /bzhi ba ni/ rdo rje

theg pa'i lam du zhugs na yang bstan pa thams cad 'gal med du
rtogs dgos pa ni/ pha rol tu phyin pa'i theg pa la de ltar yin
kyang/ rdo rje theg par 'jug pa la de ltar ma yin no snyam na/
zhes

sogs gsungs so/ /de yang mkhyen gsum gyi rnam ba brgya bdun cu
rtsa gsum la sogs pa phar phyin gyi gzhung nas gsungs ba ji
bzhin du nyams su len kyang de dag gi gnad tshang bar yod cing/

@004b sems bskyed dang phyin drug gi nyams len rnams mdo sngags
gnyis ka'i thun mong ba yin pas/ rigs can gsum gyi don sgrub pa
dang/ yon tan kun rdzogs kyi sangs rgyas 'thob pa thams cad
mtshungs pa

yin no/ /rtsa ba'i gsum pa nges pa bskyed pa ni/ gong du bshad
pa ltar theg pa che chung gnyis dang/ mdo sngags gnyis nas
gsungs pa'i nyams su blang bya mtha' dag 'gal med du nyams su
len

pa ni nga'i bla ma jo bo a ti sha yin no zhes 'brom ston gyis
gsungs so/ /de yang mdzad pa po'i che ba'i skabs su gsungs pa
ltar/ jo bo rje ni rig ba'i gnas mtha' dag la mkhas pa dang/ dam
pa bar mchad pa

las brgyud pa'i man ngag dang ldan pa sogs yon tan phun sum
tshogs pa'i skyes bu dam pa yin pas/ nges gtan la phab pa'i lugs
srol ni sangs rgyas bcom ldan 'das kyi dgongs pa rnam dag yin
par gdon

mi za'o snyam du go dgos pa yin no/ /da ni don lhag ma 'ga' zhig
brjod par bya ste/ de yang jo bo rje bod du byon pa'i dus su
chos log dri ma can ji ltar byung ba dang/ de nyid jo bos dag
par mdzad tshul ni/

jo bo'i rnam thad rgyas pa las/ gsang sngags pa thams cad kyis
kyang gsang sngags sgra ji bzhin par bgyer nas chos log la 'god
pa cig byung/ khyad par du a tsar dmar po zhes pas gsang sngags

@005a @#/ /thig le'i skor bsgyur nas rab tu byung ba yang phal
cher ser khyim la bkod/ phyi rol pa cig lags sam/ sham thabs
sngon po can bya bas gsang sngags kyi sbyor sgrol zhes pa'i chos
log

sna tshogs bstan nas bstan pa shin tu 'gribs/ zhes pa dang/ lam
rim chen mo las/ phyi dar la rgyud sde'i don log par bzung ba la
brten nas paNDi ta dang rnal 'byor par rlom pa 'ga' zhig gis
bstan pa'i rtsa ba

tshangs bar spyod pa la gnod pa chen po byas pa skyes bu dam pa
'dis legs par bkag cing/ gzhan yang log par bzung ba rnams nub
par byas nas phyin ci ma log pa'i bstan pa 'phel bar mdzad pas
kha ba can

pa thams cad la sku drin gyis khyab par mdzad do/ /zhes gsungs
so/ /'on kyang lam rim che chung gnyis su dgag pa mdzad pa ni/
rje rin po che byon pa'i dus su/ theg pa che chung gnyis dang/
mdo

sngags gnyis 'gal bar 'dod pa rnams yin pas/ de la theg pa che
chung gnyis 'gal bar 'dod tshul ni/ skyes bu 'bring gi lam nyams
su len pa la log rtog bsal ba'i skabs su lam rim chen mo

las/ gal te 'khor bas yid 'byung zhing skye ba bsgoms na nyan
thos ltar 'khor bar bzhugs pa la mi dga' ba'i phyir zhi ba'i
mthar ltung bas/ skyo ba bsgom pa ni theg dman la mdzes kyi/
byang chub

@005b sems dpa' la ni nge bsgom pa mi rigs te/ zhes gzhan lugs
bkod nas/ rang lugs 'jog pa na/ des na las dang nyon mongs pa'i
dbang gis 'khor bar 'khyam na sdug bsngal du mas mnar nas

rang gi don yang mi nus na gzhan gyi don lta ci smos/ de ni rgud
pa kun gyi sgo yin pas/ theg dman las ches shin tu skyo bar byas
la dgag dgos shing/ smon lam dang snying rje la sogs pa'i dbang
gis

srid par skye ba 'dzin pa la ni dga' bar bya dgos pas de gnyis
mi gcig go /zhes dang/ de'i phyir srid pa'i skyon mtha' dag par
mthong nas shin tu yid 'gyur yang/ snying rje chen pos yid
drangs pas srid pa

mi spong ba ni ngo mtshar ba yin gyi/ srid pa'i phun tshogs la
gzhal med khad ltar mthong ba'i srid pa cung zad kyang kha ma
bri bar gzhan don la snyad btags nas/ kho bo cag 'khor ba mi
spong byas kyang mkhas ba mgu

bar ga la 'gyur/ zhes gsungs so/ /gzhan yang chung du'i lam la
log rtog bsal ba'i skabs su/ lam rim las/ gsung rab nas 'khor
ba'i phun tshogs thams cad la yid phyir phyogs

dgos par gsungs pas 'khrul gzhi byas pa kha cig /lus dang longs
spyod sogs phun sum tshogs ba'i mngon mtho ni 'khor ba yin pas de
la don gnyer skyed bar mi rigs so snyam na/ don du gnyer bya

@006a @#/ /la gnas skabs su don du gnyer dgos pa dang mthar thug
gi don du gnyer bya gnyis las 'khor ba'i lus la sogs pa phun sum
tshogs pa ni grol ba don gnyer gyis kyang gnas skabs su don du

gnyer dgos te/ rten de rim par brgyud pa las mthar nges legs
thob par bya ba yin pa'i phyir ro/ /zhes skyes bu che 'bring
gnyis la yang skyes bu chung du dang thun mong ba'i lam nyams su
len dgos par

gsungs so/ /mdo sngags gnyis 'gal med du sgrub tshul ni/ thabs
shes re re ba la bslabs pas sangs rgyas mi 'grub par bstan pa'i
skabs su/ lam rim las/ 'di lta bu'i thabs

dang shes rab pha rol du phyin pa drug gis bsdus pa la slob pa
ni sngar bshad ba ltar sngags dang pha rol tu phyin pa gnyis
ka'i thun mong ba yin te/ sngags kyi gzhung zhe ba du ma nas
gzhal yas khang dang lha'i

bkod pa ji snyed cig 'byung ba thams cad nang gi sems kyi yon
tan la bshad pa'i tshe phyin drug dang byang phyogs so bdun dang/
stong nyid bcu drug la sogs pa'i pha rol tu phyin pa'i lam yongs
su rdzogs pa

la yang dang yang du bshad pa'i phyir ro/ /nges na gang zag gi
khyad par 'ga' zhig la 'dod yon lam du byed pa sogs pha rol tu
phyin pa nas bshad pa 'ga' zhig gi 'dor len ma gtogs pa rnams
thun mong ba kho nar

@006b shes par bya'o/ /zhes gsungs so/ /gzhan yang/ sngags la
zhugs na nges par chang 'thung dgos pa sogs su bzung nas 'dul
ba'i lugs spong ba dang/ dben par theg pa chen po'i bsam gtan

bsgom pa na theg dman nges par spong dgos par 'dod pa'i lugs dar
ba rnams rje rin po ches legs par bsal nas/ bstan pa dri ma med
par mdzad pa'i tshul rnam thar dad pa'i 'jug dgos las gsal

bar gsungs pa yod pas/ 'dir de rnams gung bsgrigs nas bltas na
go ba la phan che'o/ nges na lam rim nas gsungs pa ltar rgyal
ba'i gsung rab thams cad skyes bu gsum gyi lam du 'du

 tshul dang/ skyes bu gsum gyi sgo nas 'khrid pa'i rgyu mtshan
sogs legs par go na/ mdo sngags nas gsungs pa'i nyams su blang
bya thams cad gang zag gcig gis 'gal med du nyams su len

dgos par go bar 'gyur zhing/ bstan pa thams cad 'gal med du
rtogs pa'i don yang de yin no// //gnyis pa gsung rab thams cad
gdams ngag tu 'char ba'i che ba la bcu gsum las/

dang po gzhung chen mo rnams gdams ngag ma yin par 'dzin pa'i
log rtog ngos gzung ba ni/ gang yang gzhung chen mo rnams la
nyams len gyi gnad med pa'i bshad chos su byas shing/ nyams len
gyi gnad@007a @#/ /snying po'i don ston pa'i man ngag zur du yod par go
nas/ dam pa'i chos rang la bshad pa dang sgrub pa'i chos logs
logs pa gnyis yod par 'dzin pa ni/ zhes gsungs so/ /de yang
phar

phyin dang dbu ma sogs kyi gzhung chen mo rnams ni nyams su
blang bya lam lnga sa bcu sogs bstan pas rig pa 'phel par byed
pa'i bshad chos yin mong/ 'on kyang lam de dag ji ltar nyams
su len tshul ni ma gsungs

pas gzhung chen mo rnams la nyams len gyi gnad med ngo/ /lam
rim gyi 'khrid yig dang bskyed rim gyi 'khrid yig lta bu rnams
ni nyams su len tshul ston pa'i man ngag dang sgrub pa'i chos
yin no/ /snyam du

'dzin pa ni log rtog yin par bstan pa yin no/ /gnyis pa de
ltar bzung ba'i nyes dmigs ni/ dri ma med pa'i mdo rgyud dang
dgongs 'grel gyi bstan bcos la gus pa chen po skye ba'i gegs
byed cing/

zhes sogs gsungs so/ /de yang yum rgyas 'bring bsdus gsum sogs
kyi mdo dang/ gsang 'dus kyi rtsa rgyud sogs rgyud sde dang/
bstan bcos mngon rtogs rgyan sogs dgongs 'grel gyi

gzhung rnams nyams su len tshul gyi gnad ma bstan pas mkho mi
che snyam nas dang gus mi skye zhing/ chos spong ba'i las
sgrib sog par gsungs so/ /gsum pa bka' dang dgongs 'grel gyi
gzhung

@007b rnams gdams dag gi mchog yin par bstan pa ni/ nges na
thar 'dod rnams la mi bslu ba'i gdams pa mchog ni gzhung chen
mo rnams yin mong/ ces gsungs te/ yum gyi mdo dang mngon rtogs
rgyan

sogs de rnams ni nyams su len tshul phyin ci ma log par ston
pa'i man ngag yin par gsungs so/ /bzhi pa gzhung rnams su
nyams su len tshul bstan kyang mi go ba ni rang gi blo'i skyon
yin par bstan

pa ni/ 'on kyang rang nyid blo zhan pa la sogs pa'i rgyu mtshan
gyis gdams pa'i mchog tu gzhung de tsam la brten nas nges mi
nus pas/ zhes gsungs so/ /de yang gzhung de rnams la blta rtog
byas kyang

gzhung de'i nyams su len tshul ji ltar yin pa nges mi nus pa ni
rang nyid blo nus chung ba dang/ bsod nams chung ba dang/ sdig
sgrib che ba dang/ bshes gnyen mkhas pa la ma bsten pa sogs
kyis ma go ba

yin no/ /de yang dper na/ bstan bcos mngon rtogs rgyan las/
sems bskyed pa ni gzhan don phyir/ /yang dag rdzogs pa'i byang
chub 'dod/ /ces gsungs pa'i don la brtag pa'i tshe/ sngon

bsags bsod nams che zhir blo nus bzang po dang ldan pa'i gang
zag gis/ gzhan don phyir zhes pa'i tshig la brten nas gzhan don
don gnyer gyi blo skyed dgos pa dang/ gzhan don don du gnyer
tshul la

@008a @#/ /sems can thams cad bde ba dang ldan par 'dod pa'i
byams pa chen po dang/ sdug bsngal dang 'bral bar 'dod pa'i
snying rje chen po dang/ de gnyis ji ltar bsgom tshul sogs legs

par go bar nus la/ blo dman pa bdag cag lta bu la ni de'i don
ji ltar bsam na'ang go dka' ba dang 'dra'o/ /lnga pa gzhung
chen mo'i dgongs ba tshol ba'i tshul ni/ dam pa'i man ngag la
brten nas

de dag la nges pa btsal bar bya'o snyam du man ngag tshol dgos
pa yin gyi/ zhes gsungs so/ /de yang yum gyi mdo'i don shes
par 'dod pa dag gis mngon rtogs rgyan dang sbyar nas/ mdo tshig
gang

gis sems bskyed bstan/ gang gis gdams ngag bstan snyam du so
sor dpyad dgos shing/ mngon rtogs rgyan gyi dgongs pa tshol ba
na yang rgyan gyi 'grel pa rnams dang gtugs nas blta dgos pa

ltar; gsung rab thams cad kyi dgongs pa gcig tu dril nas nyams
su len tshul shes par 'dod pas ni man ngag la brten nas tshol
dgos so/ /de yang sangs rgyas bcom ldan 'das nas bzung ste

ngam pa bar mchad pa las brgyud pa'i man ngag lam rim rnams la
brten nas dpyod dgos pa yin no/ /drug pa don de las gzhan du
mi bya bar gdams pa ni/ gzhung rnams ni phyi rgya gcod pa

@008b tsam yin pas snying po med la man ngag rnams ni nang gi
don ston pas mchog go snyam du mi gzung ngo/ /zhes gsungs so/
/bdun pa man ngag ji 'dra ba la bsten dgos pa ni/ rnal 'byor
pa chen

po byang chub rin chen gyi zhal nas/ gdams ngag la nang byan
tshud pa ni/ be'u bum lag mthil tsam zhig la des pa rnyed pa la
mi zer gyi/ gsung rab thams cad gdams dag tu go ba la zer/
zhes

gsungs so/ /de yang chos nyan tshul gyi skabs nas 'byung ba'i
snod kyi skyon gsum spong ba lta bu'i yan lag gi cha shas re
re tsam bstan pa'am brjod bya yongs su rdzogs pa min pa'i
glegs bam chung chung

tsam zhig gi nyams su len tshul dpyis phyin par shes kyang de
tsam gyis gsung rab gdams par shar ba'i go mi chod do/ /des na
lam rim chen mo lta bu'i che ba 'am yon tan gzhi gyur ma lta
bu'i chung du zhig yin

yang rung/ gsung rab thams cad kyi dgongs pa gcig tu dril nas
nyams su len tshul tshang la ma nor bar ston pa'i gdams ngag la
brten na sa go dgos so/ /nang byan tshud pa ni/ nang gi bza'

btung la ji ltar spyod tshul shes pa ltar/ nyams su len tshul
shes pa'i don no/ /be bum lag mthil tsam zhes pa ni/ da lta
phal mo ches char 'bebs dang ser zlog gi cho ga lta bu la man
ngag gi

@009a @#/ /mchog tu bsam pa ltar mi byed ba'i don nam/ yang na
las dang po pas man ngag mdor bsdus tsam la brten nas nyams su
len tshul rdzogs par go mi nus pas/ 'khrid yig rgyas

pa rnams blta dgos zhes pa'i don du bya'am/ yang na sngar
bshad pa ltar brjod bya ma tshang ba la bya'o/ /brgyad pa gsung
rab gdams par 'char ba'i rgyu rkyen la 'bad dgos pa ni/ sgom
pa rin chen

bla mas/ a ti sha'i gdams ngag la stan thog gcig tu lus ngag
yid gsum rdul du brlags pas/ da gzhung thams cad gdams ngag tu
go ba byung/ zhes gsungs so/ /de yang a ti sha'i

gdams ngag la zhes pa ni man ngag gang yang rung bas mi chog
pas/ lam rim gyi man ngag la bsten dgos par bshad do/ /stan
thog gcig tu zhes pa ni ji srid nyams su len tshul la dpyis
phyin par

go ba ma rnyed pa de srid du rgyun mi 'chad par brtag dpyad
bya dgos par bstan no/ /lus ngag yid gsum rdul du brlags pas
zhes sogs ni/ sgo gsum ci bde bar gnas pa'i ngang nas thos

bsam byas lo tsam ma yin par/ lam rim sogs gzhung rnams kyi
dgongs ba zhib tu dpyod pa dang/ bsag sbyar dang bla ma'i rnal
'byor rnams la 'bar na gsung rab rnams las 'byung ba'i nyams
su

@009b len tshul go bar 'gyur bar gsungs so/ /dgu pa thos pa
mang po byas kyang nyams su len tshul mi shes pa'i rgyu mtshan
gang yin ngos gzung ba ni/ 'brom ston rin po ches/ chos mang
du bslabs

kyang chos byed lugs gzhan du rtsad gcod dgos pa byung na nor
ba yin gsung pa ltar/ yun ring por chos mang du bslabs kyang
chos byed lugs ye mi shes par chos byed 'dod byung ba na rtsad
gzhan nas gcod

dgos pa rnams kyang sngar bshad pa ltar ma go bas nongs te/
zhes gsungs so/ /de la sngar bshad pa ltar ma go ba ni/ gong
du dam pa'i man ngag la brten nas nyams len bya tshul tshol dgos
par

gsungs pa ltar ma bcal bas lan par bstan no/ /bcu pa thos pa
gnad du song na lung rtogs kyi bstan pa gnyis thig gcig tu
'ong bar bstan pa ni/ mdzod las/ ston pa'i ngam

chos rnam gnyis te/ /lung dang rtogs pa'i bdag nyid do/ /zhes
gsungs pa ltar lung rtogs kyi bstan pa gnyis las med la/ lung gi
bstan pa ni chos lag tu len pa'i tshul sgrub pa byed lugs

gtan la 'bebs pa yin la/ rtogs pa'i bstan pa ni gtan la phebs
pa na/ ji ltar gtan la phab pa ltar sgrub pa yin pas de gnyis
rgyu 'bras su 'gro ba yin te/ dper na rta rgyug pa na sngon la

@010a @#/ /rta la dkyus ston pa dang bstan zin nas der rgyug pa
lta bu yin no/ /zhes gsungs so/ /de la spyir sangs rgyas kyi
bstan pa ni lung rtogs gnyis su grangs nges shing/ lung

gi bstan pa yin na chos nyams su len tshul ston pa'i bka' dang
bstan bcos ci rigs yin dgos pas/ bka' dang bstan bcos la thos
pa tshul bzhin du byas nas dgongs don legs par shes na nyams

su len tshul nges par shes par 'gyur ro/ /de nas ji ltar shes
pa ltar nyams su len pa la rtogs pa'i bstan pa zhes bya ba yin
pas de gnyis rgyu 'bras su 'gyur bar dpe dang bcas te gsungs
pha yin

no; ;bcu gcig pa thos pa dang sgrub pa gnyis rgyu 'bras su mi
'gro bar 'brel med du 'gyur na mi rung bar bstan pa ni/ dkyus
gzhan du bstan nas rgyug sa gzhan du byed na bzhad gang du
'gyur

ba ltar/ thos bsam gyis gzhan zhig gtan la phab nas sgrub pa
na gzhan zhig sgrub tu ga la rung/ zhes gsungs so/ /don 'di ni
skyod tshul la log rtog 'gog pa'i skabs su lam rim las/

gzhung chen mo rnams man ngag tu 'chad ba la blo kha ma phyogs
pa rnams na de/ lam bsgom pa'i tshe na yul la yang yang mi
dpyod par 'jog sgom kho na bya ste/ so sor rtog pa'i shes rab
kyis yang dar

@010b yang du dpyod pa ni thos bsam gyi skabs yin pa'i phyir
dang/ rtog pa rnams ni mtshan mar 'dzin ba yin pas 'tshad rgya
ba la gegs byed pa'i phyir ro zhes zer ro/ /zhes phyogs sdar
bkod pa de dag gis/

lam bsgom pa'i skabs dang/ thos bsam gyi skabs gnyis su byas
nas thos bsam gyi tshe gzhung don la dpyod dgos kyang/ bsgom
pa'i tshe dpyod pa de nyid dor nas mi rtog pa bsgom par 'dod
pas/ de'i

lugs kyi bsgom pa de ni sngar thos pa byas pa'i don dang 'brel
med du 'gyur ro/ /gzhan yang bod snga rabs pa rnams la bsgom
pa'i tshe dge sbyor gzhan gang yang mi byed par mi rtog pa kho
na bsgom dgos par 'dod

pa'i lugs ngan pa dar ba yin par rnam thar dad pa'i 'jug dogs
las gsungs pas/ de 'dra ba rnams la dgongs nas/ thos bsam gyis
don gzhan gtan la phab nas/ bsgom pa na de las don gzhan

bsgom du mi rung bad gsungs so/ /da lta mtshan nyid kyi slob
gnyer byas pa dang/ lam rim blo sbyong gi rigs la thos pa byas
pa dag gis gang la thos pa byas pa'i gzhung de'i nyams su len
tshul ci yin mi

shes par/ yi dam gyi lha'i cho ga 'don pa dang sngags bzla ba
sogs ni ji ltar du 'gyur ba bsam dgos te 'og tu cung zad brjod
par bya'o/ /bcu gnyis pa thos bsam bsgom gsum 'brel

@011a @#/ /chags su 'byung ba'i tshul de nyid lung gis bsgrubs
pa ni/ sgom rim tha ma las/ yang thos pa dang bsam pa las
byung ba'i shes rab kyis rtogs pa gang yin pa de nyid bsgom pa
las

byung ba'i shes rab kyis bsgom par bya'i/ gzhan du ma yin te/
rta dkyus kyi sa bstan nas rgyug pa bzhin no/ /zhes gsungs so/
/bcu gsum pa lam rim gyi man ngag 'dis gsung rab thams cad

gdams ngag tu go bar byed tshul ni/ de ltar na gdams pa 'dis
bshes gnyen bsten tshul nas zhi gnas dang lhag mthong gi bar/
zhes sogs gsungs te/ lam rim 'dir mdo phyogs kyi bka' dang

dgongs 'grel rnams las gsungs pa'i nyams su blang bya mtha'
dag skyes bu gsum gyi lam du bsdus nas gang zag gcig gi nyams
len du dril te bshang pas/ 'di'i don legs par go na gsung rab

thams cad kyi lam gyi gnang rtogs mar 'gyur ro/ mdo phyogs kyi
nyams su len tshul shes na sngags phyogs kyang chogs med par
gdams ngag tu 'char bar gsungs so// //gsum pa

rgyal ba'i dgongs pa bde blag tu rnyed pa ni/ rang nyid sangs
rgyas kyi go 'phang 'thob pa la mdo sngags gnyis nas gsungs
pa'i nyams su blang bya mtha' dag nyams su len dgos par rtogs
pa dang/ ji ltar/

@011b nyams su len tshul ni skyes bu gsum gyi lam du bsdus nas
nyams su len pa las gzhan du med par rtogs na/ rgyal ba'i
dgongs pa rnyed pa yin te/ sangs rgyas bcom ldan 'das kyis
gsungs pa'i gdul

bya sangs rgyas kyi sar 'khrid pa'i thabs phyin ci ma log pa
ni 'di nyid yin pa'i phyir ro/ /don de yang lam rim la brten
nas bde blag tu rtogs nus te/ 'di ltar thog mar bshes gnyan
bsten pa'i chos skor la

sbyong ba ni rgyal ba'i dgongs pa yin par sgrub pa la/ dkon
mchog ta la la'i gzungs las/ ngang pa sngon 'gro ma ltar
bskyed ba ste/ /zhes sogs rgyal ba'i gsung rab las 'byung ba'i
lung drangs pa dang/

nge bzhin du/ skyon rtog gi blo dgag pa dang yon tan du mthong
ba'i dang pa bskyed pa yang rgyal ba'i dgongs pa yin par sgrub
pa na/ rgyud las/ slob dpon gyi ni yon tan gzung/ /skyon ni
nam yang gzung mi

bya/ /zhes sogs dang/ bka' drin ngan pa'i gus pa bskyed pa la/
chos bcu pa'i mdo las/ bdag yun ring du 'khor bar 'khyams pa
'tshol bar byed ba dang/ zhes sogs dang/ sdong po bkod

pa'i mdo las/ lar ni bdag gi dge bshes chos smra ba/ /zhes
sogs kyi lung drangs pa la brten nas bshes gnyen bsten tshul
'di ni gsar du blos bcos pa ma yin gyi/ rgyal ba'i dgongs pa
yin par 'dug

@012a @#/ /snyam du go nus la/ de bzhin du lhag mthong gi bar
thams cad la yang bka' dang dgongs 'grel gyi lung drangs pa la
brten nas rgyal ba'i dgongs pa yin par go nus so/ /de ltar don

tshan so so la bka' dang dgongs 'grel gyi lung re gnyis tsam
drangs pa ni rgyal ba'i dgongs pa yin par go bar byed pa'i sgo
tsam bstan pa yin la/ mdo rgyud rnams las gsungs pa'i khungs
mang du yod kyang bstan

bcos gcig gi nang du de thams cad khungs su 'dren par mi mdzad
do/ /de yang legs bshad gser phreng gi sems bskyed kyi skabs
las/ bstan bcos gcig tu bstan bcos 'dug tshad thams cad kyi 

'brel btsal nas 'chad na sho lo ka gcig kyang ji srid 'tsho'i
bar du yang bshad par mi nus pa'i phyir ro/ /zhes gsungs pa
ltar ro/ /don 'di la dgongs nas lam rim chung ba las/ bshes
gnyen

bsten pa dang dal 'byor dang mi rtag pa'i skor rnams gsung rab
dgongs 'grel dang bcas pa gang na 'dug kyang skabs de dang
de'i nyams len du shes nas bskyangs na rgyal ba'i dgongs pa
bde blag tu rnyed par 'gyur

te/ skabs gzhan du yang de ltar shes par bya'o/ /zhes gsungs
so/ /de ltar na bshes gnyen bsten tshul nas bzung ste lhag
mthong gi bar gyi go rim bsgrigs pa dang/ so so'i bsgom tshul

@012b sogs lam rim nas ji skad gsungs pa thams cad sangs rgyas
bcom ldan 'das kyi dgongs pa dri ma med pa yin la/ de nyid lam
rim la brten nas tshegs chen po la ma ltos par go pa ni rgyal
pa'i dgongs pa

bde blag tu rnyed pa'i don no// //bzhi pa ni/ lam rim gyi
dgongs pa sngar bshad pa ltar go na/ bshad chos sgrub chos
gnyis dang/ blang bya'i chos dang dor bya'i chos gnyis su mi
byed

par/ bka' dang dgongs 'grel thams cad sangs rgyas 'thob pa'i
thabs su rtogs par 'gyur zhing/ de'i stobs kyis chos spong
ba'i nyes spyod kyang rang 'gags su 'gro'o/ /don 'di la lam
rim chen

mo las/ byang sems kyis 'di la slob dgos la/ 'di la slob mi
dgos zhes ngor byad bzung na chos spong par 'gyur te/ zhes pa
dang/ chos spangs pa'i nyes dmigs ni/ gang gis gaM ga'i

bye snyed kyi/ /dgra bcom bsad par gyur pa pas/ /gang gis mdo
sde spong byed pa'i/ /sdig pa de ni ches khyad 'phags/ /zhes
gsungs so/ /de yang dgra bcom pa bsad pa ni mtshams med kyi

las yin zhing/ mtshams med gcig byas na'ang dmyal bar skye par
gsungs la/ chos spong ba ni dgra bcom pa grangs med pa bsad pa
las kyang lci bar gsungs pas nyes dmigs shin tu che bar snang
ngo/ /

@013a @#/ /'dir dngos su bstan pa'i chos spong ni/ mdo sde
spong byed ces pa dang/ sangs rgyas kyi bka' la bzang ngan du
phye ba la gsungs pas/ sog yig tu bris pa'i gsung rab dang/
hwa shang

gi dpe cha lta bu dang/ rtsis ngang sman gyi gzhung la yang
dam pa rnams kyi gsung las 'byung ba yong pas de 'dra ba rnams
la bag yod bya dgos so/ /gzhan yang chos smra ba po la spobs
pa med ces smras na de'i

rgyud gyi chos spong bar 'gyur bar gsungs shing/ skyabs 'gro'i
bslab bya'i skabs su lam rim chen mo las/ dge 'dun nam rab tu
byung ba dge sbyong gi rtags tsam 'dzin pa dang/ de dag gi
rtags tsam la yang

mig gi zhing mi brnyas pa dang khyed rang der kyi cho zhes ris
su bcad nas dgrar lta ba rnam pa thams cad du mi bya bar dge
'dun dkon mchog ltar gus par byed pa ste/ zhes dang/ dpal ri
bla mas mdzad pa'i lam rim

gsal byed las/ da ltar 'byung nye ba ni rang gzhan gyi phyogs
ris su bcad/ bstan pa dang grub mtha' dad bla ma dge 'dun gyi
la rgyal zer te/ lus ngag gi mi dge ba la zhugs pa'i tha mar
mnga' rtse me dud rtse rwa

rong re ba mang po mthong ngo/ /zhes gsungs pas gzhan gyi lha
khang dang dge 'dun gyi 'dus sde la mi gu pa pa dad phyogs
lhung gi sa ngan smras byed pa sogs rang la 'byung nye ba'i
chos spong gi rigs gang yin la

@013b brtags nas dran shes bsten par bya'o// //da ni las dang
bo pas nyams len ji ltar bya tshul las brtsams te zung tsam
brjod par bya'o/ /de la mtshan nyid kyi slob gnyer byas kyang
rigs lam

gtong thub pa tsam la yon tan du bzung nas nyams len gyi go ba
ma rnyed pa rnams dang/ yang lam rim blo sbyong la thos pa
byas kyang gzhan la kha bshad byed thub pa tsam la gzhung don
rtogs par rlom nas/ las dang po

pas da lta nas nyams len ji ltar bya tshul ston pa sangs rgyas
nas bzung ste dam pa bar ma chad pa las brgyud pa'i man ngag
la go ba ma rnyed pa rnams kyis/ nyams len byed 'dod cung zad
byung ba na/ lam rim nas

tshe 'di'i zhen pa spong ba dang mi dge bcu spong bar gsungs pa
rnams la sgrub dka' bar bsam nas yal bar dor la/ sngags kyi
bsgom bzlas ni sgrub sla ba 'am phan yon che bar bsam nas
sngags la 'jug pa lta bu yod

kyang gtan gyi 'dun ma'i rtsa ba tshugs pa'i dbang du byas na
yid brtan du mi rung dam snyam ste/ skyes bu gsum gyi lam la
rim gyis 'khrid pa'i rgyu mtshan bstan pa'i skabs su skyes bu
gsum gyi go rim nges par gsungs

pa dang/ mdo phyogs kyi kham 'dor mi rung bar gsungs pa'i
phyir ro/ /de'i phyir las dang po pa'i dus nas kyang lam cha
tshang la ma nor ba rnams rgyud la skyed pa'i bag chags tshad la
ma nor ba cig 'jog

@014a @#/ /dgos te/ las so sor des pa dang ma byas pa dang mi
'phrad par gsungs pas so/ /des na skye ba thams cad du dam
pa'i chos sgrub nus pa'i rten bzang po 'thob pa dang/ tshe ring

nang med sogs mtho ris kyi yon tan tshang ba dang/ dad pa shes
rab la sogs pa'i dam pa'i chos kyi snod dang ldan pa dang/ dge
ba'i bshes gnyen mtshan nyid dang ldan pas mnyes bzhin du rjes su
'dzin pa dang/

mdo sngags kyi lam rnam par dag pa la thos bsam sgom ba tshul
bzhin du byed pa dang/ sangs rgyas kyi go 'phang myur du 'thob
pa rnams ni nges par sgrub dgos pa'i don gyi gtso bo yin pas/
de rnams kyi rgyu

gang yin sgrub dgos so/ /de la thos bsam sgom pa tshul bzhin du
sgrub mi nus pa'i las dang po pas zhing gi mthu la brten pa
gal che bar gsungs shing/ zhing gi gtso bo bla ma yin pas/ bla
ma'i rnal 'byor

dang/ dmigs brtse ma la 'bar na legs la/ gnas skabs mthar thug
gi legs tshogs thams cad sgrub pa'i gnad tshad ba lam rim yin
pas/ lam rim che chung ci rigs la blta rtog byas te nges shes

bskyed pa'am/ ma mtha' yang lam rim gyi khring mdor bsdus ngag
'don du byed pa yan chad kyis bag chags 'jog dgos so/ /de'i
steng du yi ram gyi bsgom bzlas dang gsung rab klog pa dang/
bsad brgya rtsa

@014b sogs dang phyag mchod bskor ba sogs dge ba gang byas
kyang/ gnas skabs rten bzang 'thob pa nas mthar thug gi bar
gyi legs tshogs thams cad sgrub par 'dod pa'i kun slong gis zin
pa dang/ mjug tu

bsngo smon dang/ 'dod don bde blag tu 'grub pa zhig bla ma
dkon mchog mkhyen snyam du gsol ba gdab pa dang byin rlabs dpung
zhus rnams rgyun gyi nyams len du byed na/ bstan pa thams cad
'gal med du sgrub

ba'i don dang mthun par 'gyur zhing/ rgyu tshogs tshad na 'bras bu
des par 'byung ba chos nyid yin pas 'dod don thams cad kyang
'grub par gdon mi za'o/ /yang dal 'byor tshad ba'i rten 'thob pa
la tshul khrims

rnam dag gis gzhi gcung dgos pa dang/ tshul khrims kyi nang nas
bde 'gro 'thob pa la mi dge bcu spong ba dgos par gsungs pas/
de spong tshul ni/ nyin re bzhin kha ton thun re byed ba lta bu
la

mtshon na/ thun gyi mgod kun slong 'chos pa'i skabs su/ mi dge
bcu'i nyes dmigs bsam nas/ thun rdzogs kyi bar spong ba'i
'phen pa btang la/ thun gyi nad du shig sro lta bu mi gsod na
lus kyi

mi dge ba gsum spong sla zhing/ de bzhin du thun rdzogs kyi
bar ngag bcad na ngag gi rnam bzhi mi yong/ dmigs rnam yid la
byed pa sogs kyis sems rgya yan du ma btang na yid kyi mi dge
ba gsum kyang

@015a @#/ /spong sla'o/ /de ltar nyin zhag brgya'i bar du nyams
su blang na mi dge bcu spong ba'i tshul khrims so sor brgya re
bsrungs bar 'gyur ro/ /de bzhin du dpe cha blta ba dang 'bri
ba lta bu'i cho

yang mi dge ba spong thabs ji ltar bya tshul shes par bya
zhing/ skyabs 'gro'i bslab bya dang/ bshes gnyen la skyon rtog
gi blo dgag pa dang/ so thar gyi bslab bya rnams la yang rigs
'gre bya'o/ /gal te

yi dam gyi bsgom bzlas byed pa la dbang ma thob par bsgom du
mi rung ba dang/ dbang thob pa la sngon du thun mong ba'i lam
la sbyang dgos pa dang/ dam tshig bsrung dgos pa dang/ de las
'das na nyes dmigs

che bar gsungs pas/ las dang po bas sngags la 'jug tu mi rung
dam snyam na/ bskyed rdzogs kyi rtogs pa bskyed nas sangs rgyas
'thob pa la ni thun mong gi lam la sbyong ba sogs gong du bshad
ma thag pa ltar

nges par dgos la/ gang la'ang ma sbyangs pa'i las dang po pas
tshogs bsag sgrib sbyar du 'gyur ba dang gnas skabs mthar thug
gi 'dod don sgrub pa'i rgyud dmigs nas lha bsgom pa dang
sngags bzla ba sogs la ni

mi rung ba med dam snyam ste/ de yang skyes bu chen po'i lam
rgyud la dngos su skye ba la sngon du chung 'bring dang thun
mong ba'i bsam pa des par bskyed dgos pa'i go rim nges pa yin
mong kyang/ bag chags 'jog pa

@015b dad bsag sbyang gi ched du gsum ka nyams su len pa la
'gal ba med pa dang 'dra'am snyam mo/ /'on kyang rdo rje theg
ba'i chos ni snod min rnams la gsung dgos pa'i khyad par yod
pas dgag bya dang dgos pa la brtag

dgos so/ /de la dgag bya ni bcas mtshams las 'das pa'i nyes pa
dang/ dgos pa ni bsgom bzlas byas pa las 'byung ba'i phan yon
no/ /des na sngags la zhugs nas sbyin bsreg rab gnas sogs

kyi rnyed bkur thob par 'dod pa lta bu yin na nyes dmigs shin
tu che bas/ de lta bu'i kun slong gis sngags la 'jug pa ni mi
rung bar nges la/ skye ba phyi ma rnams su mdo sngags zung
'brel gyi lam yongs su

rdzogs par nyams su blangs nas/ zung 'jug rdo rje 'chang gi go
'phang myur du 'thob pa'i bag chags 'jog par 'dod pa dang/ lha
dang sngags la yid ches pa'i dad pas bsag sbyang du 'gyur bar
'dod pa lta bu la ni

bsgom bzlas byar rung ba'i tshod du 'dug pa ltar snang yang
dpyad par bya'o/ /de ltar dgag dgos la brtag pa ni/ yon bdag
gi rim gro sogs gzhan mang po la yang shes dgos bar snang ngo/
/gzhan yang dbang

don de nyid rab gsal gyi rnam bshad las/ skyes bu 'bring gi bsam
pas skyai rdor bsgoms pas rgyun zhugs kyi 'bras bu thob bar
gsungs so/ /de yang dbang bshad las/ jo bo chen po'i gsung gros
las

@016a @#/ /kyang/ rgya gar du rnal 'byor pa zhig gis kye rdo rje
bsgoms pas rgyun zhugs kyi 'bras bu thob pa zhig byung zhes
'byung ba ltar don la gnas pa yin te/ byang chub kyi sems med
kyang/

kye rdor gyi lha sku sogs la dmigs nas sems rtse gcig pa'i zhi
gnas dang/ zhi gnas de la brten nas bdag med rtogs pa'i zhi
lhag chogs chung dus 'grub pa sogs 'ong la/ de'i rgyun bsgoms
pas

'jig lta kun btags sogs mthong spang kun sbyor gsum spangs pa
zhig 'ong ba ni gang zhig /de 'dra'i mthong spang spangs ma
thag gi 'ching ba kun ldan gyi 'phags pa de byang chub kyi
sems dang bral bas rgyun zhugs

las 'os med pa'i phyir ro/ /zhes gsungs la/ 'jigs byed sgrub
thabs kyi smon lam las kyang/ rnam dag yid kyi zla shes rtsig
ngos la/ /bcom ldan rdo rje 'jigs byed dkyil 'khor ni/ /ting
'dzin

pa'i gyis dbang po'i gzhu lta bur/ /rab bkod bsgoms dang mchod
bstod bzlas sogs kyis/ /rnam dkar zla 'ong dung dang kunda
ltar/ /mchog tu dkar ba gang zhig bsags pa nges/ /dngos grub
rtsa ba

theg mchog dge ba'i bshes/ /mtshan nyid ldan pas rjes su 'dzin
par shog /cho 'di'i chos brgyad byis pa'i rol rtsed dang/
/'khor ba'i phun tshogs dug sgrub tshang lta bur/ /rig nas byang
chub mchog tu

@016b sems bskyed de/ /phyin drug spyod pas rtag tu 'tsho bar
shog /ces gsungs te/ de yang rdo rje 'jigs byed kyi dkyil
'khor bsgoms pa dang mchod bsted bzlas pa sogs byas pa'i dge
bas/ bshes gnyen gyis

rjes su 'dzin pa dang/ skyes bu chung 'bring chen po gsum gyi
lam la sbyor bar smon pa yin pas/ thun mong ba lam la ma sbyangs
pa'i gang zag gis sngags kyi bsgom bzlas byas nas/ de'i dge bas
thun mong

gi lam rgyud la skye ba'i phyir du bsngos pa'i don du 'gro ba
yod med dpyad par bya zhing/ smon lam gzhan las kyang de dang
'dra bar gsungs pa mang ngo/ /bshad ma thag pa 'di rnams ni
sngags la cis kyang 'jug dgos par

bsgrubs pa ma yin gyi/ da lta sngags kyi chos shin tu dar bar
'dug pas gzur gnas blo ldan dag gis/ gang zag gang yin thams
cad kyis sngags la 'jug tu rung mi rung dang/ sngags la zhugs
na kun slong

ji lta bu dang dgos pa gang gi phyir 'jug pa rnams dpyad nas
rgyal ba'i dgongs pa dri ma med pa rnyed na legs par bsam nas/
dgongs pa tshol ba'i sgo tsam smras pa yin no/ /de ltar che ba
bzhi bstan pa'i dgos pa

ni/ lam rim las/ gdams dag la gus pa bskyed pa'i phyir chos
kyi che ba bstan pa/ zhes gsungs se/ lam rim la shes nas dang
pa thob pa'i ched du'o/ /de nas lam rim du/ bstan pa thams cad

@017a @#/ /'gal med du bstan tshul ji ltar yod pa dang/ gsung
rab thams cad gdams dag tu bstan tshul ji ltar yong ba dang/
lam rim la brten nas rgyal ba'i dgongs pa bde blag tu rnyed
tshul ji lta bu

dad/ skye rgu'i 'dod don ma lus skod bas na/ /gdams pa rin
chen dbang gi rgyal po ste/ /zhes sogs gsungs pa ltar gyi gnas
skabs dang mthar thug gi phan yon des par 'byung ba rnams la
yid ches pa'i dad pa

bskyed pa dang/ dad pa nges kun nas bslangs te skyes bu gsum
gyi lam nyams su len pa ni gnang gyi don po yin no/ /byang
chub lam gyi rim pa la/ /gus pa bskyed pa'i rgyud dmigs nas/
/che ba bzhi yi gnad kyi

don/ /dpyod tshul mdo tsam yi ger bkod/ /'di la 'gal 'khrul nongs
pa'i chogs/ /bla ma rnams la snying nas bshags/ /dge bas bdag
gzhna 'ro ba rnams/ /kun mkhyen 'thob pa'i rgyu ru bsngo/ /

ces byang chub lam rim gyi che ba bzhi'i rnam gzhag bshad pa
gnang don gsal byed ces bya ba 'di ni/ tshul khrims kyis smras
pa'o/ /'dis kyang ^ 'jam mgon rgyal ba gnyis pa'i ring lugs
dri ma med pa'i 'di nyid phyogs dus thams cad du dad zhing

rgyas la yun ring du gnas par gyur cig/ //mangga laM// //

@017b [blank page]