(ka? 17

tsa @#/ /skyabs 'gro'i brjed byad phran tshogs bzhugs so/ /

@001b @##/ ;skyabs 'gro dngos btags kyi khyad par ni/ dkon mchog
gsum la skyabs gnas yang dag tu yid ches pa'i

dad pa dang; de'i dngos rgyud gyur pa'i 'du shes gnyis ka skyabs
'gro yin pas sangs rgyas kyi bstan pa yin la/ rang gi rtsa ba'i
bla ma la

sangs rgyas dngos su bsam pa'i dad pa dang/ rje rin po che la
dmigs pa'i dad pa lta bu yang bstan pa dang/ rtogs pa'i chos
'khor du

'jog dgos pas de 'dra'i bsam byung gi dang pa skyes na bstan pa
la zhugs par 'jog /thos byung gi ngo bor gyur pa'i dad pa dang
'du shes

ni rang gi mi mthun phyogs 'joms pa'i cus pa chung bas de ltar
mi 'jog gam/ rgyan gyi gdul bya dbang rtul gyi dang pa skye tshul
gsungs

@002a @##/ /pa de yang dpyad dgos/ rgyan dang lam rim gyi ched du
bya ba'i gdul bya yang yin la/ skyes bu chung du khyad par can

gyi bsam pa ma skyes pa yang yin pa'i gang zag cig yod tshod du
'dug pa dang/ rtsa ba dang pa la thog mar blo sbyod ba'i skabs
kyi gang zag

gis/ dad pa skye ba'i lhan cig byed rkyen du sbyor ba'i chos
drug bya dgos la/ de'i nang gi skyabs 'gro byas pa tsam gyis
nang pa bar mi

'gyur zhing/ de'i nang gi sems bskyed byas pas kyang theg chen
par mi 'gyur na'ang/ phyis su skyabs sems yang dag pa rgyud la
skye

ba'i bag chags dang/ dad pa skye ba'i mthun rkyen du 'gro ba la
'gal ba med pa ltar rtogs pa'i yon tan rgyud la skye ba la yang/
sngon du

@002b yon tan btags pa ba'am rjes mthun pa skyes pa las/ rim
gyis rtogs pa'i yon tan dngos gnas pa skye ba yod par nges so/
/des na da lta'i nyams len ltar snang la khyad gsod mi

bya bar rgyun bsrings nas gang 'tsham gyis 'bad na/ phyis su
bzang po zhig yong snyam pa dbyar do/ ! /thun mong gi skyabs
'gro'i ngo bo ni/ gang 'khor gang gis 'khor/

gang du 'khor/ ji ltar 'khor ba ste bzhi las tha ma ni 'khor ba
dngos yin la/ rang dbang med par mi 'dong ba'i gnas su yang yang
skyes nas sdug bsngal myong ba'i phyir ro/ /des na rang

dbang med par ngan song sogs mi khom pa'i gnas rnams su skyes
nas/ skyabs gnas bla ma mchog gsum dang 'bral ba dang/ chos rnam
dag mi sgrub pa dang/ sdug bsngal sna tshogs

myong ba rnams las bskyab tu gsol snyam du blo gtad pa ni chung
du dang thun mong gi skyabs 'gro bya tshul lo// ! //sangs rgyas
kyi sku'i yon tan ni/ theg chen blo sbyong las/

mtshan dpes spras pa'i sku de mthong ba dang reg pa dang yid la
dran pa thams cad kyang lus sems kyi gdung ba zhi zhing mtho ris
dang thar pa'i sa bon nges par thebs pa dang/ zhes dang/

@003a @#/ /phyag ni sems can su'i mgo la reg kyang reg ma thag tu
lus sems kyi gdung ba thams cad zhi zhing byang chub kyi lam la
'god par mdzad pa/ zhes dang/ zhabs

kyi rjes de la srog chags sus reg kyang rog ma thag tu lus sems
kyi gdung ba zhi zhing phyi ma ngan song du mi ltung bar bde
'gro'i rten thob par mdzad pa/ zhes dang/ de bzhin du mtshan sum

bcu dang dpe byad brgyad cu re re nas yon tan bsam gyis mi khyab
brjod kyis mi lang ba dang ldan pa/ zhes so/ /lam rim bla brgyud
kyi sku brnyan gsal byed me long du/ mdo las/

'jam dpal gyis/ bcom ldan 'das da lta sems can rnams kyi mchod
pa'i rten sangs rgyas nyid lags te/ yongs su mya ngan las 'das
nas ji ltar bgyi bka' stsal du gsol/

zhes zhus pas/ bcom ldan 'das kyis bka' stsal pa/ nga yi 'khor
ni rnam bzhi yis/ /da ltar da la mchod byas dang/ /ma 'ongs pa
na dad pa yis/ /gzugs brnyan rnams la

mchod pa la; ;khyad par cung zad yod ma yin/ /bsod nams mnyam
zhing rnam smin mnyam/ /ci de sangs rgyas byin rlabs te/ /so so
skye bos shes mi 'gyur/ /de phyir sangs

@003b rgyas ma byon pa'i/ /zhing na sku gzugs yong min zhing/
/mtha' 'khob kla klo rnams na med/ /bstan pa nub na yod min
zhing/ /mu stegs byol song sogs mi mthong/ de phyir sku gzugs

sprul pa yin; ;gsung// //srong btsan dang rje sogs kyis rten
bzhengs mchod kyis bstan pa dar/ 'gro ba skyid byung// //sku'i
cha re re'i phan yon dpag med ni/ dbu ni gdugs

kyi dbyibs lta bu/ /nor bu 'bru ni legs 'phel te/ /dpral ba smin
ma'i dbyibs legs pas/ /rtag tu dpal ni ster bar 'gyur/ /pad
sgros ne tso 'dra ba yis/ /skye dgu sde bcas rgyal

bar 'gyur/ /sku yi mgrin pa dung 'dra na/ /dngos grub thams cad
rtag tu byed/ /sku stong seng ge'i dbyibs 'dra bas/ /lo legs
dang ni stobs 'phel 'gyur/ /phyag ni glang chen lag 'dra

bas/ /'dod pa'i don kun sgrub par byed/ /phyal legs 'bras bu
phun sum tshogs/ /rtag tu lo legs rnams su byed/ /brla yi cha
legs rab 'phel/ /byin pa'i dbyibs legs grong rnams

'phel/ /sku yi zhabs ni legs 'gyur bas/ /tshul khrims rig pa rab
tu 'grub/ /zhes gsungs pa ni sku brnyan tshang ldan gyi phan yon
yin kyang/ sku dngos kyi yon tan dang yid la dran pa'i phan

@004a @#/ /yon la'ang 'dra'o/ /thub dbang gi sku 'bral spang
mdzad pa sogs ni gong gi phan yon la dgongs bar bshad/ /bla ma
byams pa'i zin bris gdams ngag thor

bu las/ nam mkhas khyab tshad kyi bdud thams cad khyu log kyang
skyabs gcig mi thub/ ston pa shAkya thub pa gcig mi thub/ myur
mdzad ye shes kyi mgon po phyag drug pa gcig mi thub/

skyabs kyi yon tan bsam nas blo bkal na de 'dra yin/ de tsho
gdams ngag tu go na snying la chongs/ mi thams cad la bshad na
chos la rtsis med du 'gro/ gsung/ ! chos kyi yon

tan ni/ rtogs ldan 'jam dpal rgya mtsho'i rnam thar las/ da lta
ci rigs shig dpe blta ba la skyon du byed pa snar yang/ bcom
ldan 'das kyis glegs bam klog pa dang 'dzin pa dang kun chub

bar byed pas lam thams cad bgrod par gsungs snang/ de gsung yang
rigs/ de mi rigs na bla ma bsten nas chos nyan bas kyang sa lam
mi bgrod bas 'phya bar rigs te/ de gnyis la

khyad par med ba'i khar/ lam 'phyug med ston pa la/ da ltar gyi
bla ma kha cig pas/ mdo bstan bcos kyi glegs bam ches lhag pas
so/ /zhes gsungs/ po to bas/ da ltar

@004b dpe cha blta ba la 'bad na/ nyams len pa min pa tsam du
rtse bar snang ste/ min na min/ nad khyag ba bya yi/ gzhung chen
mo rnams blta ba la 'bad dgos/ gsung/ gsung rab

gsal byed las/ des na bshes gnyen bsten pa dang/ /gsung rab gus
pas blta ba gnyis/ /rang la gdams ngag 'byung ba la/ /khyad par
med pa ma rtogs par/ /bla mar

gdams ngag nyan ba dang/ /mchod pa bkur sti rim gro rnams/ /ji
ltar byed pa de tsam zhig /dam pa'i chos la bya rigs kyang/ /de
med mdo rgyud zab mo yi/ /glegs bam gang

la'ang dga' ba med/ /phar la mchod ba lta ci smos/ /glegs bam na
bza' tshur dbral zhing/ /gang du sa rdul du bas bdugs/ /btsog
pa'i gnas su bzhag byas te/ /rkang pas rdzi zhing 'gro

bar byed/ /dam ba rnams ni gsung rab rnams/ /gdams pa'i mchog tu
legs shes te/ /sangs rgyas las kyang gus par byed/ /gsungs so/
/rje sgrub khang pas/ da lta

don go rgyu gang yang ma byung yang/ skyes bu gsum gyi lam gyi
rim pa nyan pa'i phan yon bsam gyis mi khyab pas 'bad dgos/ zhes
dang/ go rgyu ma byung kyang blo phugs lam rim la gtang nas

@005a @#/ /'bad na skye ba phyi ma mkhas pa chen po 'ong/ las
'bras bsam dgos pa yin/ yi ge brgya ba dang tshe gzungs sogs bya
ri dwags sogs kyi rna bar bsgrags pa la phan yon ci

tsam 'byung bar gsungs/ de rnams kyis don de go nas phan yon de
'byung ba min/ chos kyi nus pa yin/ chos la nus pa de tsam los
yod/ bcom ldan 'das kyis bskal pa grangs med

gsum du tshogs bsags nas bsgrubs pa yin tsa na ci la mi yod/ bsam
sgom cher ma byung yang thog mar thos pa rang la 'bungs dgos/
zhes dang/ blo phugs chos la gtad tshul sngon

bka' gdams pa'i skabs mi zhig gis mdo sdud ba rang 'don/ rgas
nas nus pa med tsa na yang/ mdo sdud pa de rang cig klog dang
zer nas gzhan la rogs bcol/ de la bka' gdams pa

rnams kyis kho'i de yin gsungs nas bsngags brjod mdzad/ deng
rang tsho'ang de 'dra zhig byed dgos/ gsung/ ! chos skyabs dngos
yin pa'i tshul ni/ sum b+ha mkhan rin po che

dgung lo bcu gnyis pa'i dus su dgon lung gi grwa pa cig 'das
pa'i sar smon lam gnad phyir byon nas ro dang nye bar 'dug ba la
skyi g.ya' ba byung/ de'i rkyen gyis sku khams ma bde nas gza'

@005b gdon gyis kha sna 'khyog par gyur pas/ dgon lung rgyud
grwa'i bla ma 'dan ma grub chen la zhus pas phyag rdor gtum po'i
rjes gnang bstsal/ de nas sngags bzlas pas zhag bcu bzhi song

ba'i tho rangs kyi thun la/ mar me yod pa mi mthong zhing sgo
nas bung ba zhig 'phur 'ongs nas kha sna 'khyog pa'i phyogs kyi
mig tu reg la khang byung ba la skrag nas lus 'phar pa dang
mnyam du

bung ba de phyir log pa'i snang ba byung zhing/ mar me yang 'bar
bzhin yod pa mthong/ de ni sngags kyi nus pas gnod pa'i gdon
bros pa'i rtags su 'dug /de ltar mu 'thud nas zhag

zhe dgu'i bar sngags bzlas pas nad de rtsa ba nas dag par gyur/
de'i dus su na tshod chung bas bsgom rgyu mi shes kyang/ mno bsam
gya gyu sna tshogs pa med cing/ nad kyis 'jigs pa dang

lha dang sngags la byin rlabs nus pa yod nges snyam du yid ches
pa'i mthus/ 'phral du phan yon gsal po byung ba yin zhes bla ma
de nyid kyi rnam thar las gsungs so// ! //

! dge 'dun gyi bslab bya ni/ phug po che'i sgrub gnas la sri zhu
bgyis pa'i kar chag dga' ldan bstan pa rgyas byed ces bya ba
las/ chos sgor zhugs pa rnams la skyon rtog gi bsam

@006a @#/ /pa mi bya bar kun spyod gtsang ba dang kha ten byang
ba sogs rang rang la yon tan gang yod kyi cha nas bsams te yon
tan 'di dang 'di lta bu yod pa las na 'di ni de bzhin gshegs

pa'i rigs su skyes pa'o/ /'di ni ma 'ongs pa na 'tshang rgya bar
'gyur ro/ /de ltar na 'di ni ma byon pa'i sangs rgyas te/ bdag
cag lha dang bcas pa'i 'gro ba rnams kyi ston pa'o snyam du

ston pa'i 'du shes bskyed la dad cing gus par bya'o/ /lhag par
du yang rdo rje slob dpon las dbang dang man ngag mnyam du nos
pa'i grogs tshangs pa mtshungs par spyod pa rnams la ni ston pa'i

'du shes bskyed nas dang pa dang/ dag snang spyod pa shin tu gal
che ste/ de ltar dad pa dang snang sbyod thub na ni grogs la
brten pa'i gnod 'gyur gyi las thams cad bzlog pas yon tan thams
cad

chu nang gi padma bzhin du skye'o/ /gsung/ theg chen blo sbyod
las/ chos skyong la 'phrin las 'chol ba 'di shin tu gal che ste/
deng sang snyigs ma lnga bdo pa'i dus su slebs pas

nag phyogs la dga' ba rnams stobs rgyas pa'i mthus chos bzhin
spyod pa rnams la gnod 'tshe sgo sna tshogs nas byed pas/ rgyal
bas bsngags pa'i chos srung rnams la mchod gtor phul

@006b nas 'phrin las yang yang bcol na bar chad thams cad zhi
bar 'gyur ro/ /'dul ba lung las kyang gnod sbyin gyi sde dpon
chen po lngas rtson la sogs pa rnams dang/ klu'i rgyal po dga'
bo dang nye

dga' la sogs pa rnams kyi ming nas smos te yon bsngo ba byas na
bar chad bzlog cing/ chos kyi mthun rkyen rnams 'grub par gsungs
shing/ rgyal po chen po bzhi la sogs pa rnams kyis sngon

ston pa'i spyan sngar rgyal ba'i bka' dang mthun par chos tshul
bzhin du sgrub pa rnams la bar chad sel zhing mthun rkyen sgrub
par khas blangs dam bcas pa yin pas de dag la 'phrin las bcol na
khyad shin tu

che'o; /gsung/ chos skyong gis grogs mdzad tshul ni/ sum b+ha
mkhan po'i rnam thar sgra 'dzin bcud len zhes bya ba las/ sgo
mi'i sa cha brgyud nas 'ong ba'i lam du kha ba chen po khru gang
lhag

babs nas lam ma rnyed pa na mdzo'am g.yag gcig song ba'i rjes
rnyed de de'i rjes su nyi ma phyed gnyis la song tshe de zhon
pa'i mi'i rjes gtan nas mi snang yang des lam rnyed pas de yang
rang gi chos skyong

gi 'phrin las yin par gor ma chag snyam pa byung/ zhes pa dang/
tsod chu'i khar sleb tshe chu brub nas rabs so ma rnyed par btsal
te ci byed gtol med gyur skabs su bya rog gnyis 'ongs nas

@007a @#/ /skad 'don bzhin du deng rang tsho'i steng du g.yas skor
lan gsum byas te smad du song nas chu'i phar kha tshur khar babs
pa der deng bas rabs so bzang po 'dug pa las bde bar thon/

zhes gsungs pa ltar 'jigs skyob kyi 'phrin las mdzad pa dang/
nyin skar bzang por gnas btsal bar phyin nas khra leb zer ba'i
ri'i rkeng tsam du sleb pa na bya rog gcig gis zas dkar po zhig

khyer 'ong nas g.yas ngos kyi ri rtser bzhag ste 'phur song ba
rten 'brel bzang po 'grigs shing de ni chos skyong gis gnas
bstan pa'ang yin nges snyam nas der 'dzin par thag bcad/ ces
dang/ pha

yul du 'gro lam nas mtsho sngon gyi g.yas ri'i kho khu khu thel
zhes pa'i la rtsar phyi dro slebs pa na/ sngar de na chu mig
zhig yong pa de de dus med kyang pha bong rdo leb zhig gi steng
na char chu cung zad yod

pa blang nas ja bskol ba'i bar du/ kho bos 'gro lam dang rtswa
blta phyir yar phyin pas gad ngo na rlan lag mthil tsam 'dug pa
sor mos cung zad brus nas yar la deng ste mar lam la bltas pas

chu tig gi 'dug pa mthong nas de'i 'og tu chu 'khyil sa bcos te
sgar la phyin nas bza' btud byas te blta ru song bas chu 'khyil
'drag pa las nub ja dang snga ja'i chu 'dangs bar ma zad rta
drel nyi shu

@007b lhag la 'thung rgyu byung/ phyi nyin 'gro zhor la bltas
pas sngar gyi 'khyil ba yang skam 'dug cing phyi res 'ongs tshe
rlan tsam yang mi snang la/ de yang rang gi srung ma'i 'phrin
las yin pa la des

pa 'drod/ zhes gsungs pa ltar mthun rkyen sgrub pa'i 'phrin las
mdzad/ ! mchog gsum la 'brel ba bzhag pa'i phan yon ni/ sngon
phag gcig khyis deng nas lha khang bskor ba dang

lha khang zhig gi mthar chu 'khyil bar shing lo zhig la 'bu bdun
gnas pa rlung gis deng nas bskor ba byas pa la'ang gnas skabs
kyi mngon mtho thob pa'i lo rgyus bzhin no/ /khyad par

shes pa'i lung ni/ rgyal bu blo gros 'phel gyi skyes rabs las/
mu stegs bon ni dngos grub myur/ /'phral dga' phugs su dan 'gror
skyur/ /mu stegs bon ni me dang 'dra/ /

cung zad nye bas bded byung na'ang/ /nges par gtugs na 'tshig par
'gyur/ /zhes gsungs/ lha bsrung gi khyad par shes pa ni/ blang
dor gsal byed gser gyi sgron ma las/

'jig rten dregs pa'i lha 'dre la/ /'phral gyi rkyen sel ma gtogs
pa/ /mthar thug skyabs su mi bya ste/ /ngan song gnas su 'dren
phyir ro/ /gang la brten na byang chub bar/ /

@008a @#/ /g.yel med mgon dang grogs mdzad pa'i/ /ye shes chos
skyong bsrung tshogs la/ /mchod gtor ma chag de ltos gces/ /zhes
gsungs/ yon tan shes pa'i

lung ni/ rgyal bu dang pa brtan pas sgrol ma'i sprul pa ku sha
na spyan 'dren pa'i phyir srin po'i yul du 'byon pa'i tshe gsungs
pa'i tshig ni/ dkon mchog gsum ni rdzu 'phrul che/ /

bden pa brjod na ci yang 'grub/ /byang chub gnas su'ang phyin
byed na/ /lto nub gnas der cis mi phyin/ /ri bo 'phen zhing mtsho
'khrug pa'i/ /bdud sde'i tshogs kyang

'joms byed na/ /srin po'i tshogs kyis ci byar yod/ /ces gsungs
so// // @#/ /brjed byang thor bu sna tshogs bzhugs so// //rin chen
sgang pa'i

lugs kyi blo sbyong spyan snga blo rgyan pas mdzad pa las/ mdo
bstan bcos man ngag thams cad nas/ nyams rtogs ma skyes pa skye
ba dang/ skyes pa bogs dbyung ba la/ bsag sbyang dang

gsol 'debs sogs gal che bar gsungs shing/ tshogs gsog la sgo gcig
gnyis tsam ma yin par dkon mchog gi mchod pa/ dge 'dun gyi
bsnyen bkur/ gtor ma chos spyod/

@008b sku gsung thugs kyi rten bzhengs/ bya khyi yan chad la
sbyin pa ci thongs su byed pa/ gzhan tshogs gsog byed pa'i kha
rogs dpung rogs khag bde brin skyel tshun chad dang/ de'i dngos
po'i gseb

tu rang gi dngos po bsre ba dang/ tha na chu yan chad ba sres
shing btang ba/ /bsor tshul khrims rnam par dag pa srog pas gces
par bsrung ba/ gzhan yang phyag bskor ba kha ton bzlas brjod

sogs tshogs su 'gyur tshad bsgrub cing/ sangs rgyas myur du 'thob
pa dang/ nyams rtogs myur du skye ba'i rgyur bsngo bas rgyas
'debs/ de dag kyang lan cig tsam ma yin par khor yug

shu byed pa dang/ tshogs gsog phul chen dge sbyor cung zad chag
na'ang bsgrub cing gzhan gtso bor dge sbyor la mi gnod tsam gyi
ngang nas bsgrub pa sogs kyang shes par bya'o/ /zhes dang/

yang/ bde dge thams cad kyi gegs kyi gtso bo sdig sgrib nyes
ltung gis byed pas/ de sbyar ba gal che la/ de yang tshogs gsog
pa'i sgo bstan pa thams cad sgrib sbyong gi phyir dmigs

na sgrib sbyod nyid du 'gyur zhing/ ji ltar gnyen po mang zhing
stobs che ba ltar sgrib pa byang yul che bas tshogs gsog gi skabs
su bstan pa thams cad la 'bad pa dang/ khyad par sgrib sbyong

@009a @#/ /la bsngags pa byang chub kyi sems rnam pa gnyis dang/
bskyed rdzogs bsgom pa dang/ ltung bshags dang yig brgya dang
sAtstsha 'debs pa dang ngan song sbyong ba'i bsgom

bzlas sogs bka' 'bum las gsungs pa rnams bsgrub par bya'o/ /zhes
dang/ yang/ sgrib sbyong la dge 'dun la rang gis bsnyen bkur
grub na legs/ ma grub na'ang de'i gseb tu

chu yan chad gang 'byor btang la/ bza' btung rnams oM AH hUM
las bdud rtsir bskyed/ lag bde rnams mchod pa'i lha mor bsam/
'du khang gzhal yas khang/ dge 'dun sogs bla ma

yi dam lha tshogs/ rang yang yi dam du bsams la thams cad la bdud
rtsi gya nom pa phul bas mnyes par bsam/ gzhan yang nyer spyod
lnga la sogs pa mchod pa nam mkha' gang ba bsams

shing 'bul/ byang chub kyi sems gnyis gsal gang ba/ mthar bdag
gi sdig sgrib nyes ltung thams cad dag par byin gyis brlab tu
gsol zhes gsol ba drag tu gdab/ yi ge brgya pa

ci 'grub 'don; man ngag shin tu zab pa yin gsung/ ! bla ma byams
pa rin po che'i zhal snga nas kyis/ yang/ a ti sha dang rje yi
bzhed pa ltar skyes bu gsum dang

@009b mdo sngags gnyis dang rim pa gnyis kyi lam rnams 'og ma
'og mar brten nas gong ma gong mar 'gro ba'i go rim dang/ je
thams cad kyi rtsa ba bla ma la yid ches kyi dang pa dang/ rtsid

chos spangs te las 'bras la phra zhib kyi spang blang byed pa
dang/ de yang da lta nyams su longs pa rnams nyams su len cing/
mi nus pa rnams kyang smon lam gyi yul du byas te/ nyin re

bzhin/ thun bzhi'i rnal 'byor lam rim gtso bor byas/ lha dang
bla ma la gsol 'debs/ bsag sbyang lam cha tshang gi dmigs rnam
skyong ba'i go rim rnams shin tu legs/ zhes dang/

lam gyi gtso bo gsum gyis mtshon lam gyi lus yongs su rdzogs pa
la da lta yid smon tsam yin kyang 'di goms pa la bsten nas lam
rnam dag rgyud la skye nges pa ni/ zhal lung las/

nyams myong go yul shar ba'i myu gu dag /dka' spyad rlan gsher
drod kyis nyer smin pas/ /rtogs pa tshad ma'i 'bras bu g.yur za
ba/ /theg gsum skye 'phags bgrod ba gcig pa'i

lam; ;zhes gsungs pa la 'khrul ba mi mnga' bas/ sngar rgyun ltar
goms pa rgyun bsrings/ rtags mtshan ngo mtshar can la re ma che/
zhes gsungs so/ /skyes bu chen po'i

@010a @#/ /chos skor las; 'bang nas bskyangs kyang rgyud la skye
ma nyan na/ bogs 'don ni/ tshogs zhing gsal btab ste yan lag bdun
pa dang/ maNDal phul nas/

yon tan gzhir gyur ma'i sgo nas gsol ba shugs drag tu gdab/ zhes
dang/ rab byung gi rten can gyis rin po ches stod gsum bkang ste
byin pa las/ lam rim thun gcig bsgom pa phan

yon che'o/ ;gsungs so/ ! /bsnyen yig las/ bsnyen pa byed pa 'ga'
zhig gis bsnyen pa'i skabs su lha de'i zhal gzigs dang lung
bstan lta bu dngos su'am/ de ma byung

kyang nyams snang dang rmi lam lta bur yod la re byed pa 'ong
bas/ de ltar byas na bar chad kyi rgyu yin pas gtan nas mi bya/
dang la de 'dra ba'i re ba med kyang bgegs kyi bar chad kyis
lha'i

gzugs ston pa dang skad sgrogs pa sogs 'ong bas de la ma 'khrul
bar bgegs kyi bar chad bzlog thabs bya/ yang bsnyen pa byed pa
la bar chad 'dra yod dam snyam pa'i dogs pa byed pa yang bar

chad kyi rgyu yin phyir dogs pa med pa dgos/ dogs pa yod med ci
yin kyang 'phral lus sems bde mi bde dang/ nyams snang dang rmi
lam lta bur mi shes pa'i rtags mtshan ci byung yang de la

@010b yang dang rnam rtog mi bya bar bla ma dang lha la yid ches
kyi mos gus rtse gcig pas bsgom bzlas la 'bad na rang zhir 'gro/
gtso cher bsnyen pa byas pas dngos nyams rmi lam ci rigs par/
zhal

gzigs lung bstan sogs rtags mtshan bzang po yong ngam snyam pa'i
re ba dang/ ngan pa yod dam snyam pa'i dogs pa gang yang mi byed
par bla ma dang lha la yid ches kyi mos gus dang thun dang thun

mtshams su bshad tshod ci lta ba bzhin bya ba la sgrim zhing
'phral dga' spro dang bcas pa'i sems bde 'bol ba bya de ltar
byas pas lus sems dang snang ba ji bde/ spyir dkon mchog dang

khyad par rang gi bla ma dang yi dam la dang pa dang yid ches je
'phel/ bsgom bzlas la spro ba je che/ lha'i nga rgyal dang hgsal
snang je brtan/ bzlas pa'i dmigs pa je gsal/ chags

sdang sogs kyi ngan rtog je chung/ rnam g.yeng je nyung/ shes
rgyud je 'jam/ bsam pa je bzang la song na bsnyen pa lam du 'gro
sba/ bla ma dang yi dam gyis rjes su 'dzin pa/ byin rlabs

'jug pa/ rtogs pa je mthor 'gro ba rnams kyi mgo tshugs pa yin
pas rgyun bsrid pa la 'bad dgos/ gsungs so/ ! /rje sgrub khang
pa'i rnam thar las/ dang pa yod
@011a @#/ /med phyag 'tshal lugs las shes gsung pa de thugs bden
par 'dug /'ga' res phyag 'tshal tsa na brad rdud ba 'dra lan gsum
byed par 'dug /de dmyal ba

mgo 'phyad du skye gsung/ 'ga' res lag pa'i mthil gnyis dam po
sbyar nas phyag 'tshal ba 'dug /de mu stegs pa'i phyag yin/ sangs
rgyas mi bzhugs pa'i zhing du skye bar bshad/

des na lus drang por bsrangs/ lag pa gnyis spyi bor thal mo
sbyar/ sor mo'i rtse rnams thug pa yin pa la mthil ma 'byar bas
thal mo khod stong byas nas phyag 'tshal dgos pa yin

gsung; ! rje sgrub khang pas/ 'ga' re chos byas pa tsug rmi lam
sdug tu 'gro/ na tsha mang du 'gro/ shes pa rtsub tu 'gro/ de
sdug rtags ma yin/ chos byas pa'i slongs

yin/ nyon mongs sogs rtsa ba nas thon 'dod pa'i rtags yin/ dper
na lag pa la dri ma yod pa de bul tog gcig btab/ chu zhig blug
/phur na dri ma thams cad nag long de

yong; de dri ma thams cad dag 'gro ba'i rtags yin/ zhes dang/
las dang po pa la thun dngos gzhi las thun mtshams su blo sbyong
ba gtso che/ za rung 'gro rung 'dug rung

@011b nyal rung mdor na spyod lam rnam bzhi ci byed kyang byang
chub kyi sems kyis byed pa zhig dgos/ zhes dang/ ^ nged rang tsho
blo nang du bkug nas bsam mno btang/ tshogs bsag sgrib

sbyang la 'bang na chos go ru 'gro/ rtogs pa mtho ru 'gro/ bla
ma la dang pa che ru 'gro rgyu zhig yod tshod red/ de ltar ma
byas par mang po zhig thos dgos par 'dug snyam nas thos pa rang

btsal/ thos pa rad btsal/ phugs su bsgom dgos bsam pa yong ste
'dzam bu gling pa tshe la des med yin pas/ bsgom rgyu yong mi yod
ci shes/ nam 'chi nges ba yod pa zhig yin

na ta lo nyi shu tsam zhig thos pa rang byas/ lo nyi shu tsam
zhig bsam mno rang btang/ nyi shu tsam zhig bsgom pas chog pa
'dug ste de steng la mi 'gro/ nged rang tsho bsam mno rang btang
na/

a ma'i mngal du ma shi ba de ya mtshan/ skyes 'dogs la ma shi
bar rim gyis byang chub lam gyi rim pa thos rgyu byung ba ya
mtshan/ byang chub kyi sems kyi sgra rna bar thos rgyu byung ba
ya mtshan/

zhes gsungs/ theg chen blo sbyong las/ da lta rang re tsho la bla
mas las 'bras kyi chos ji tsam zhig bshad/ rang gi kha nas kyang
las 'bras ston pa'i chos ji tsam zhig 'don/ las

@012a @#/ /'bras ston pa'i gsung rab ji tsam zhig bklags kyang/
sgo gsum gyi spyod ngan la 'dzem ba'i blo cung zad kyang med par
lus kyi spyod pa 'dul ba dang mi mthun pa sha

stag byed pa la ya mi nga/ dag nas rdzan phra ma tshig rtsub ngag
'khyal sna tshogs pa smra ba la ya nga ba cung zad kyang med par
ma zad/ gzhan gyi snying bsreg ba'i tshig rtsub smra phod pa la
pho rgod/

par rlom/ ngag 'khyal sna tshogs smra ba la gtam bzang bar rlom/
gzhan la brnab sems dang gnod sems kyis dus 'da' ba la shes rgya
che bar rlom/ mdor na bla mas byar mi rung

gsung pa thams cad la 'jug pa la ya nga cung zad kyang med pa
'di nang na las 'bras la yid ches med pa'i rtags yang dag pa yin
no/ /zhes gsungs// kun btus las/ 'di

ltar/ sred pa ni dngos po thams cad du 'gro ba dang/ gnas skabs
thams cad du 'gro ba dang/ dus thams cad du 'gro ba dang/ khams
thams cad du 'gro ba dang/ tshol ba thams cad

du 'gro ba dang/ rnam pa thams cad du 'gro ba'o/ zhes gsungs/
spyi don khas/ sred pa nyon mongs pa'i kun 'byung gi gtso bo yin
te/ thams cad du 'gro ba rnam pa drug gi sgo nas

@012b gtso bor 'gyur ba'i phyir/ zhes dang/ 'dod sred/ 'jigs
sred/ srid sred gsum yod pa'i phyir/ de dag gi ngo bo yod de/
zag bcas kyi yul gzugs sgra sogs yid du 'ong

ba la mi 'bral bar 'dod pa'i sred pa dang po/ yul yid du mi 'ong
ba la 'bral bar 'dod pa'i sred pa gnyis pa/ 'chi ba'i dus su
phung po la sred pa'i sred pa de gsum pa yin pa'i

phyir/ zhes gsungs/ spyir sred len gyis ma gsos na rdo rje slob
dpon la brnyas pa dang mtshams med lta bu ma gtogs las kyis rnam
smin 'byin mi nus pa dang/ 'dod chung chog

shes ni chos sgrub pa la gal che ba dang/ tshe 'di'i zhen pa ma
log par chos gang byas kyang gtan bde'i rtsa bar 'gyur dka' ba
dang/ brnab sems kyis dbul por 'gyur ba lta bu rnams gud bsgigs
nas

bsams na/ bza' btung zhim po dang bzang po la zhen pa'i sred len
gyis/ zas kyi phyir rdzun dang tshig rtsub smras pa dang/ brnab
sems dang gsod rku byas pa sogs ci rigs gso ba dang/

phyi mar bza' btung gis phongs pa dang/ zas zhim po la spyod du
mi rung ba'i nad gzhi can du 'gyur ram dpyad par bya/ des gos
dang gnas khang sogs gzhan rnams la'ang 'gre/ /

@013a @#/ /^ 10 shes rab kyi pha rol ni rnam mkhyen yin pas/ sher
phyin gyi man ngag ces pa ni thams cad mkhyen pa'i sar 'gro ba'i
chos lugs zhes pa dang gnad gcig go

rtsa bshad sbyar ba'i tshig don shes pa lta bus gzhung gi phyogs
gcig tsam yang rtogs mi nus par rnam bshad du gsungs// ^ dge
'dun gyi dbus su don med kyi gtam dang gzhad gad kyi

rnam pa sogs mi rigs pa la 'jug pa ni phyi ma'i 'bras bu la
bsams nas spad dgos/ tshogs 'tshogs lugs dang 'dug lugs/ bza'
btung bzhes lugs gsungs pa rnams dran

nas; mi rigs pa byed mkhan dang mi 'grogs// // ^ nye khog
brdung ba'i lo rgyus ni sngon thang sing bla mas rgya gar nas
chos gdan drangs dus po ti mang po 'bru chu'i smad du shor

ba nya chen zhig gis myid pa de tshang bar bya ba'i ched du nya
khog brdung bas chos bton pa'i go yang chod zer/ zhes sum b+ha'i
rnam thar las 'byung bas/ hwa shang gi chos lugs la khungs

med du bzung nas smad par mi bya'o/ ! 13 /k+Shar zho dang/ a pa
Na dong tshe ste zho'i dong tshe zhes pa'o/ /'chi med mdzod ltar
na/ khur tshad la cha nyi shur bgos pa'i cha gcig ni lag

@013b pas 'dags chad do/ /'degs tshad de brgyar bgos pa'i cha
gcig ni srang gang ngo/ /de bzhir bgos pa'i cha gcig ni zho gang
ste k+Shar zhes pa'o/ /de bcu drug tu bgos pa'i cha gcig ni ma
sha

ka lngar bshad do/ /yang 'bru lta bu la/ spar gang la chung tshad
du byas te 'jal na/ spar bzhi ni phul gang ste lag mthil gnyis
spyar nas bzed pa'i nang du gang ba'i don yin/ phul bzhi

ni bre chung gang ngo/ /bre chung bzhi ni bre che gcig go /bre
che bzhi ni tro Na gcig go /tro Na bcu drug ni khal gcig gi tshad
yin par bshad/ yang/ a ThA ka bzhi ni tro Na gcig gi

tshad du bshad de/ a NA ka dang bre che gnyis tshad mnyam par
snang ngo/ /don bsdu na/ phul bcu drug ni bre che gcig gi tshad/
bre che drug cu rtsa bzhi ni khal gcig gi tshad yin par snang
bas/

maga d+ha'i bre bo che'i khal zhes lam rim du gsungs pa'i don la
rags rim tsam dpyad du rung ngo/ / ^ yang/ mgron bu nyi shu ni/
ka ka ni gcig gi rin tshad/ ka ka ni bzhi ni

ma sha ka gcig go /mgron bu brgyad bcu ni karSha bA Na'i bzhi
cha'i tshad do/ /spyir k+Shar pa Na dang karSha pa Na ni gcig yin
zhing/ dngul zho phyed las bzos pa'i dngul TaM yin/ de'i

@014a @#/ /bzhi cha dang dngul skya'i zho gang gi brgyad cha dang
gser se ba gsum rin thang tshad mnyam par bshad do/ / ^ yang bod
dbus su/ dga' ldan pho brang gi mdun

gyi rdo bcal du nyo tshong byed pa'i sa yin pas/ der gro nas sogs
khyor ba dgu shong ba'i snod cig la bre chud zer/ de nyi shu la
'bo zer zhing/ khal gcig ces kyang zer/ mar bu ram

lta bu/ bo re bzhi la nya ga gang/ de nyi shu la khe gcig zer
ro/ /yang sran ma ma ru mgo nag bzhi la skar ma gang du brtsi/
de bcu la zho gang/ de bcu la srad gang du byed par

'dug zer ro; ; ^ yang phul drug ni bre/ de lnga ni zho/ de bzhi
ni khal zhes bshad pa'ang yong/ / ^ bslab bya gzhan phan snying
por/ mgron bu brgyad bcu ni ma sha ka gcig gi

rin; ma sha ka nyi shu ni karsha pa na gcig /karsha pa na gcig
ni dngul zho gsum ma longs tsam zhig yin par bshad/ yang bslab
bya de nyid las/ dmar zho gang skor gcig la rin

thang gi ma mtha'i tshad/ dmar bzhi nam sogs la sbom po sogs
dang/ zhes pa dang/ bslab bya gzhan phan 'od phreng las/ ma sha
ka lnga la khal gsum bre drug phul bzhi/

@014b ma sha ka bzhi la khal gnyis bre bcu gsum phul ngo/ rin
thang tshad de gnyis gang la byas kyang 'ong bar mngon/ zhes ma
byin len gyi pham pa'i skabs su gsungs so/ /gong du bshad pa'i

dga' ldan pho brang gi tshong sa ltar na/ 'bru khyor ba brgya
brgyad cu la khal gcig yin pas/ rgya nag yul gyi phor bu la
khyor ba gnyis shong ba'i dbang du byas na khal gcig la phor ba
dgu bcu/

phor ba sum cu la rgya'i bre che rer byas na/ bod kyi khal gcig
ni rgya nag gi bre che gsum gyi tshad du 'gyur ba 'dra'o/ /rje
rin po ches lha sa smon lam mdzad pa'i tshe grwa pa re la smar
drug

dang nam re'i 'gyed btang bar rnam thar dang pa'i 'jug dogs su
gsungs pa de nyid gong gi bslab bya'i gsung dang bstun na dngul
zho drug dang skar ma gang gi tshad du brtsi chog pa 'dra'o/ /

^ 'bras spungs sgo mang pa mer gin bla ma ngag dbang blo gros
zhes pas ri khrod du byon te/ bla ma'i rnal 'byor dang stong
nyid kyi lta ba sems bzhin du gnas pa'i skabs zhig tu nyin gcig

me 'bud zhor la lta ba bsam pas blo bur du thams cad stong sangs
lta bur song ba'i snang ba shar nas rtsig pa sogs la mi thogs pa
phyi nas gnar gyis kyang mthong/ de nas 'bras

@015a @#/ /spungs su song ste hor dpon slob la rgyu mtshan bsnyad
bas kho bos de'i the tshom mi chod bas khyod gtsang sre rgyud
slob dpon rin po che'i drung du deng/ zhes pas phyin

nas bla ma de la zhus pa na dpe cha zhig gnang ba bltas pas/
stong nyid rtogs pa'i rtags yin par shes te sgro 'dogs chod par
bshad do/ /

'di la dpag na dang pa sogs gsar du skye ba'i tshe na'ang sngar
dang mi 'dra ba'i rtags shig yod bar nges so// //mangga laM// //

@015b [blank page]