(ka24?

ya 1 @#/ /ye d+harma'i 'grel pa bzhugs so/ /

@001b ye ni yo zhes pa dang 'dra ba'i dbang du byed na chos gang
zhes kyang rung/ 'dir na ro dang hya zhes pa'i don slar dpyad
dgos bar 'dug /

@##/ /ye d+harmA he tu pra b+ha wa he tun te ShAn ta thA ga to
hya

chos rnams rgyu rab tu byung// rgyu de nyid de bzhin gshegs pas

ba data/ te ShAn tsa yo ni ro d+ha e waM bA dI mahA shra ma
NaH-

bshad// de nyid rkyang gang 'gog pa// 'di skad gsungs chen po
dge sbyong// gong gi sngags kyi

@002a @##/ /ba ngata ces pa'i ba zhes pa smras pa dang brjod pa
dang bstan pa la'ang 'jug cing/ ngata ces pa byin pa'i ngon yin
pas

bka' bstsal zhes kyang rung ngo/ tshigs bcad du byed tshe/ chos
rnams rgyu las rab tu byung/ /rgyu de de bzhin gshegs pas bshad/
/

de nyid kyang ni gang 'gog pa/ /'di skad gsungs so dge sbyong
che/ /zhes pa'i tshig tu bsgyur ba 'dra'o/ /chos rnams thams cad
rgyu las

byung/ /de rgyu de bzhin gshegs pas gsungs/ /rgyu la 'gog pa
gang yin pa/ /dge sbyong chen pos 'di skad gsungs/ /zhes pa yang

rten 'brel snying po bod skad du bsgyur ba'i tshigs bcad yin
zhing/ gzhan yang 'gyur mi 'dra ba mang du yod do/ /de yang
rkang pa dang pos

@002b 'khor ba'i sdug bsngal thams cad rang rang gi rgyu las
dang nyon mongs las byung bar bstan/ rkang pa gnyis pas las nyon
de ldog byed kyi rgyu ni lam nyams su len pa yin par bstan/
rkang pa

gsum pas lam nyams su blangs pas 'khor ba rgyu dang bcas pa las
grol ba'i thar pa dang thams cad mkhyen pa'i go 'phang 'thob par
bstan/ don de thams cad ji ltar bshad pa ltar bslu med du

yid ches par bya ba'i phyir de bzhin gshegs pas gsungs zhes
dang/ rkang pa bzhi pa gsungs so/ /des na 'dis bden bzhi bstan
pa yin te/ chos rnams thams cad ces pas sdug

bden/ rgyu las byung zhes pas kun 'byung bden pa/ de rgyu zhes
pas lam bden/ rgyul 'gog pa zhes pas 'gog bden bstan no/ /'gog
lam gnyis la sangs rgyas kyis gsungs

par dngos su sbyar nas/ sdug kun gnyis kyang sangs rgyas kyis
gsungs par don gyis bstan no/ /de la sangs rgyas bcom ldan 'das
rang nyid kyis de bzhin gshegs pas gsungs/ /

zhes rang gi che ba brjod pa lta bu bka' stsal ba ni/ gdul bya
rnams kyis de bzhin gshegs pa zhes sangs rgyas kyi mtshan ngag tu
brjod pa'i phan yon dang/ de bzhin gshegs pa zhes pa'i sgra

@003a @#/ /rna bar thos pa'i phan yon dang/ de'i don yid la bsam
pa'i phan yon 'thob pa dang/ tshigs bcad 'di ni sangs rgyas kyi
gsung yin no zhes dang pa bskyed pa sogs

kyi ched du gsungs so/ /gzhan yang sangs rgyas rnams kyis rang
la mchod bstod gsol 'debs sogs byed du 'jug pa dang/ rang gi yon
tan rnams gsungs pa dang/ bla ma dam pa

rnams kyis rang gi gsol 'debs brtan bzhugs dang/ bla ma'i rnal
'byor sogs bstsal ba thams cad ni gzhan don kho na la dgongs nas
brtse pas bstsal ba yin pas/ bdag lta bus

gzhan dag gis rang la bsnyen bkur byas na dga' la/ ma byas na
khor ba dang/ chos rje dang dka' rams sogs kyi ming 'thob pa'i
phyir? du 'bad pa dang/ gal te ming zhig thob na khengs shing

mang po'i mdun sar mngon par bya ba'i rgyu rkyen sna tshogs byed
pa dang/ ma mtha' yang dbyibs sna tshogs kyi zhwa mo gyon pa sogs
dang cung zad kyang 'dra pa ma yin no/ /rten 'brel snying po'i
don

gong du brjod pa ltar dran zhing rag tu brjod nas/ dge mi dge
gnyis las bde sdug gnyis bslu med du 'byung ba ltar bdag gis
rten 'brel snying po bton pa'i mthu las ji ltar 'dod pa'i don

@003b rnams bsam bzhin du 'grub par gyur cig /de ltar du byin
gyis brlab tu gsol snyam pa'i dad pas bzlas na skabs don gang
yin pa de ngos par 'grub po/ /nyams len du byed pan 'dod pa

dag gis ni ^ rje lcang? skya rin po ches mdzad pa'i rten 'brel
snying po'i rnam bshad dang/ yig chung 'di gung bsgrigs nas
bltas na go ba la cung zad phan nam snyam du bsam pa dang/ ye
d+ha rmA 'don ba'i

skabs mang du yod pas mkho bar e 'gyur snyam nas blo la shar
tshod tsam bris pa rang gzhan la phan pa'i rgyur gyur cig /
mangga laM// //