@001a (ca8?

@#/ /kun rig gi cho ga'i gtang rag bya tshul smon lam shis brjod
bcas bzhugs so/ /

@001b @##/ /'dir kun rig gi cho ga'i gtang dag bya tshul la/ mchod
pa ci 'byor gsar du bsham pa'am mdun bskyed kyi mchod pa kha
gsos te/

oM badzra yak+Sha hUM gis bsang/ hUM badzra a na la sogs kyis
gzi byin bskyed/ oM swa b+hA wa sogs kyis stong par sbyangs/
stong pa'i dang las oM las

rin po che'i snod zhes pa bas/ oM badzra shapta AH- hUM gi
bar chu gnyis nyer spyod rol mo dang bcas brlabs la/ 'bul ba ni/
gtsang zhing gtsang mar

sbyar ba yi/ /lha rdzas bzang po'i mchod yon 'di/ /bcom ldan
'khor dang bcas la 'bul/ /'gro ba'i don du bzhes su gsol/ /

oM sarba ta thA ga ta arg+haM pra tItstsha swAhA/ de bzhin
du mchod yon gyi tshab tu zhabs bsil sogs dang/ arg+haM gyi tshab
tu pA dyaM sogs sbyar te rgyas

@002a @##/ /pa'am bsdu na sngags tsam gyis mchod/ oM rdo rje sems
dpa' bsdus pa na/ sogs rgyas pa dang/ badzra lA sya sogs

bsdus pa gang rung gis lha mo brgyad kyi mchod pa dbul/ bstod pa
ni/ snang stong rdo rje nam mkha'i dbyings/ /chos dbyings ye
shes rdo rje'i sku/ /

byang chub mchog gi phyag rgya can/ /phyag 'tshal rnam par snang
mdzad la/ /gzung 'dzin rdo rje brtan ba'i sa/ /me long ye shes
rdo rje'i sku/ /

bdung 'dul chen po'i phyag rgya mdzad/ /phyag 'tshal mi bskyod
rdo rje la/ /rin chen rdo rje 'bar ba'i me/ /mnyam nyid ye shes
ngo bo nyid/ /mchog

sbyin chen po'i phyag rgya mdzad/ /phyag 'tshal rin chen 'byung
ldan la/ /'dod chags rdo rje chos kyi chu/ /kun rtog ye shes ngo
bo nyid/ /ting 'dzin

@002b chen po'i phyag rgya mdzad/ /phyag 'tshal snang ba mtha'
yas la/ /phrag dog rdo rje bskyod pa'i rlung/ /bya grub ye shes
rdo rje'i sku/ /skyabs spyin chen po'i phyag rgya mdzad/ /phyag
'tshal don yod grub pa

la/ /zhes bstod la/ bstod par 'os pa sogs brjod kyang mi 'gal/
bsngo smon ni/ de ltar thams cad rig pa'i dkyil 'khor la/ /mchod
bstod bzlas dang bsgoms pa'i rnal 'byor sogs/ /legs

par bsgrubs pa'i rnam dkar phung po yis/ /'gro kun srid zhi'i
'jigs las grol gyur cig /dam chos sgrub pa'i dal ba'i rten rnyed
nas/ /theg pa mchog gi mgon gyis rjes bzung ste/ /dkar nag

las dang de rgyu phra rags la/ /'jug ldog tshul bzhin byed pa
nyid gyur cig /'khor ba'i dang tshul me 'obs ltar mthong nas/
/des 'byung blo shugs drag po rab skye zhing/ /'gro ba'i don du
byang chub

sems bskyed de/ /phyin drug rlabs chen spyod la 'jug par shog
/de nas rdo rje theg pa'i sgor zhugs te/ /dam tshig sdom pa tshul
bzhin srung ba dang/ /rnal 'byor rgyud rnams kun la thos bsam

gyis/ /zhugs nas zab lam sgrub pa nyid gyur cig /lce lag byin
gyis brlabs pa'i lus ngag gi /phyag rgya'i rig byed mthu chen
ldan pa dang/ /'jig rten gsum rgyal rnal 'byor mchog sogs

@003a @#/ /kyis/ /ba gegs rnams tshar gcod srung bar byed par shog
/bcom ldan rnam par snang mdzad dkyil 'khor gyi/ /zhing la dmigs
pa'i bsod nams tshogs bsags te/ /

lag sor thabs shes ngo bor byin brlabs pas/ /phyag rgya 'ching
dang dgrol la dbang bar shog /ma dag snod sbyong gzhal yas khang
bsgoms pa/ /der ni rgyal ba'i sku gsung thugs mtshon pa'i/ /

cho ga gsum gyi sbyor bas rnam snang gi /dang po sbyor pa'i ting
'dzin rdzogs gyur cig /rigs kun bdag po'i thugs kar zla gdan
steng/ rang rang sa bon phyag mtshan sku rdzogs pa'i/ /spro

bsdu'i rim pas rigs lnga yab yum sogs/ /dkyil 'khor rgyal mchog
ting 'dzin mthar phyin shog /tha mal lus ngag yid gsum bya ba'i
dri/ /phyag rgya bzhi yi rgyas btab kyis sbyangs te/ /

rgyal ba'i sku gsung thugs dang 'phrin las bzhi/ /'grub pa'i nus
pa mthu ldan 'jog par shog /brab gsal gnyis su med par rab sbyor
ba'i/ /mtshan bcas rnal 'byor mchog la sems

brtan nas/ /de nyid la sems mtshan med rnal 'byor bcas/ /las kyi
rgyal po mchog ni 'grub gyur cig /de ltar bsgoms dang bzlas pa'i
rnal 'byor rnams/ /tshul bzhin bsgrubs pas

@003b rang rgyud smin byas nas/ /gzhan dag rjes 'dzin 'gro ba
thams cad kyang/ /rnam snang go 'phang mchog la 'god gyur cig
/ces rje bshad sgrub ba'i gsung ltar bya/ badzra satwa/ zhes
rdor sems kyi snying

po dang/ oM badzra satwa sa ma ya/ sogs kyi yig brgya lan gsum
mam lan bdun bzla/ gang yang bdag blo gti mug pas/ /legs spyar
'di la nyes pa gang/ /gang phyir lus can skyabs gyur pas/ /

de ni mgon pos bzod par mdzod/ /sho lo ka 'di ni 'dul 'dzin pa'i
cho gar yod pa ltar bris pa yin la/ cho ga gzhan rnams su/ gang
yang bdag blo rmongs pa yis/ /zhes sogs da lta grags pa dang
mthun par 'byung ba yang

mang bas/ tshig de ltar bton kyang chog cing/ don la khyad par
med do/ /ma rnyed yongs su ma shes dang/ /gang yang nus pa ma
mchis pas/ /'dir ni bya ba gang bgyis pa/ /de kun khyed kyis
bzod mdzad

rigs/ /lhag pa dang ni chad pa dang/ /cho ga'i yan lag nyams pa
dang/ /bdag gis brjed ngas ci mchis pa/ /de yang bzod par mdzad
du gsol/ /zhes bzod gsol bya/ bcom ldan 'das

rigs thams cad kyi bdag po ngan song thams cad yongs su sbyong
ba gzi brjid kyi rgyal po kun rig rnam par snang mdzad kyi lha
tshogs rnams dgongs su gsol/ /khyed rnams la thugs mkhyen pa'i ye
shes/

@004a @#/ /brtse ba'i thugs rje/ mdzad pa'i 'phrin las/ skyob
pa'i nus mthu bsam gyis mi khyab pa mnga' ba lags pas/ bdag cag
las dang po par gyur pas/ bying rgod kyi

dbang gis ting nge 'dzin mi gsal ba dang sngags ma dag pa dang/
cho ga lhag chang du gyur pa dang mchod pa'i rdzas ma tshang ba
dang dman zhing sbags pa la sogs pa rnams bdag cag la sgrib par
mi 'gyur bar

byin gyis brlab tu gsol/ /khyad par du phan bde'i 'byung gnas
sangs rgyas kyi bstan pa dar ba dang/ sems can la bde skyid
'byung ba dang/ bstan 'dzin gyi skyes bu dam pa rnams kyi sku
tshe'i

rgyal mtshan brtan pa dang/ bdag gzhan nam mkha' dang mnyam pa'i
sems can thams cad tshogs gnyis rdzogs/ sgrib gnyis byang nas/
myur du mngon par rdzogs par 'tshang rgya bar byin gyis

brlab tu gsol/ /zhes 'dod gsol bya/ spro na gang rigs kyi tshigs
bcad brjod kyang chog /de nas brtan bzhugs sogs bya ba la/ dkyil
thang yod na/ oM sarbba bid sarba A wa ra NA bi sho d+ha na
ha na hUM phaT/

zhes sogs khor yug gi bar gyi lha so so'i sngags brjod nas/ mdun
bskyed kyi rten dang brten pa'i dkyil 'khor 'od du zhu nas ras
bris kyi rnam pa can du gyur/ mi 'gyur lhun po'i sku yi bkra
shis shog /

@004b ces sogs brjod cing me tog 'thor/ ye shes pa rnams sgrub
gzhi 'di la ji srid 'byung ba bzhi'i gnod pa ma byung gi bar du
'gro ba sems can gyi don dpag tu med pa mdzad cing brtan par
bzhugs su gsol/ /

ji srid me dang chu dang ni/ /rlung gis bskal pa 'jig par du/
/sems can kun gyi don gyi phyir/ /bcom ldan khyod ni bzhugs par
mdzod/ /oM su pra tiShTha badzra ye swAhA/ zhes brjod pa ni
ras bris kyi dkyil

'khor la brtan bzhugs bya tshul rgyas pa yin la/ bsdu na/ ji srid
me dang sogs kyi tshigs bcad/ su pra tiShTha'i sngags bcas brjod
pas kyang chog par gsung/ blos bslangs yin tshe/ gzhan sngar
bzhin la/ ras bris zhes pa

blos bslangs kyi rnam pa can du gyur zhes bsgyud na rung 'dra
tsam snang yang 'dul 'dzin pa'i cho ga dang 'grel pa sogs nas
zung tsam yang ma gsungs 'dug pas dgongs pa gang yin brtag go
/dkyil thang med cing thang sku sogs kyi rten

gzhan yong na/ sngags brjod mi dgos la/ mdun bskyed kyi ye shes
pa rnams rten 'di la thim zhing dam tshig pa bdag nyid la thim
par gyur/ zhes bya'o/ /dkyil thang med kyang sku rten sogs la
bstim pa'i tshul 'di ni

kun rig gi chog sogs las ma byung zhing/ gsang bde 'jigs gsum
gyi cho ga sogs mang po dag las kyang mi 'byung bas 'di ltar
byed mi rung dam dbyang par bya zhing/ 'dir ni bka' 'gyur pa no
mon han gyis mdzad pa'i tshe dpag med kyi

@005a @#/ /gtang rag gi cho ga las rigs 'gre byas pa yin la/ 'on
kyang 'dir dam rgya dgrol bar byed dgos sam brtag par bya'o/
/mdun bskyed kyi dkyil thang sogs rten med na gshegs gsol bya ba

ni/ sarbba bid/ lan gsum/ badzra muH- zhes gtso bo'i dam rgya
dgrol/ de bzhin du badzra lo ka'i par snying po gsum gsum dang/
badzra muH- sbyar nas brjod pa'i rjes su/ oM khyed kyis sems
can don kun

mdzad/ x /slar yang 'byon par mdzad du gsol/ /badzra satwa/
badzra muH- mdun bskyed kyi ye shes pa rnams rang bzhin gyi gnas
su gshegs/ badzra sa ma dzaH- dam tshig pa rten dang brten pa'i

dkyil 'khor rang nyid la thim par gyur/ ces gshegs bsdu bya'o/
/bdag bskyed gong du gshegs bsdu ma byas na mtshams 'dir/ rang
nyid dkyil 'khor gyi nang du zhugs nas gtso bo dang gnyis su med
par bsam la/

oM badzra satwa badzra muH- zhes sogs bdag bskyed nas 'byung ba
ltar gshegs bsdu bya/ mdun bskyed bzhugs bstim dang bdag bskyed
gshegs bsdu gang byas kyang mthar/ rang nyid rdo rje sems dpa'
dkar po phyag g.yas

pa'i sor mo gsum bsgrengs pa'i nas dkur brten pa/ rab tu dgyes
pas spyan gdangs pa/ sgeg pa'i nyams can x zla ba'i 'od kyi
rgyab yol can/ oM sarbba bid oM/ oM sarba bid AH-

@005b oM sarbba bid hUM/ oM badzra karmmaH- kaM /oM badzra
rak+Sha raM/ oM badzra yak+Sha k+ShaM/ oM badzra san d+hi ShTaM/
oM badzra satwa uShNi Sha hUM phaT/ de bzhin gshegs pa thams
cad kyi gtsug tor nas 'od zer kha dog

sna tshogs byung ste rang gi spyi gtsug tu gtsug tor gyi tshul du
gnas par gyur/ zhes lha'i nga rgyal dang lus bsrung rnams bya'o/
/shis brjod ni/ bde gshegs rigs lnga rgyal ba yum bzhi dang/
/sems

dpa' bcu drug sgeg sogs rnam pa brgyad/ /sgo ba bzhi ste rtsa
lha so bdun sogs/ /dkyil 'khor lha tshogs rnams kyi bkra shis
shog /che ba'i che mchog ston pa bla na med/ /chos rje nyi

ma rgyal ba'i byin rlabs kyis/ /bdud dang bgegs rigs gnod pa'i
dgra zhi ste/ /rtag tu dpal gnas nyin mtshan bkra shis shog /chos
nyid bden pa'i chos mchog bla na med/ /dam chos bdud

rtsi bden pa'i byin rlabs kyis/ /nyes pa'i skyon bral dge tshogs
rnam par 'phel/ /rtag tu dpal gnas nyin mtshan bkra shis shog
/dge 'dun yon tan rin chen dpal 'bar ba/ /rgyal

sras phan mdzad bden pa'i byin rlabs kyis/ /nyon mongs sdug
bsngal gdung ba'i dgra zhi ste/ /rtag tu dpal gnas nyin mtshan
bkra shis shog /tshangs dang lha dbang bsrung ma'i byin rlabs
kyis/ /phan
@006a @#/ /mdzad lha ya bkra shis gnas gyur te/ /bde legs bsam
pa yid bzhin 'grub pa dang/ tshe ring nad med bde skyid ldan
par shog /ces dbyangs dang bcas par brjod cing me tog

dor ro/ /zhes kun rig gi cho ga'i gtang rag rgyas bsdus ci
rigs pa bya tshul 'di yang/ ^ blo bzang ming can gyis rang nyid
kyis bris pa'i dkyil chog gi zung 'debs su bsgrigs pa'o/ /'dis
bkyang bstan 'gro'i don

yongs su rdzogs par sgrub pa'i rgyur gyur cig/ //mangga laM//
//

@006b [blank page]