@#/ /dbu ma ring song gi bshad gzhung nor bu'i phreng ba mkhas pa dbyes byed ces bya ba bzhugs so/ / @001a @#/ /oM swa sti/ oM A gu ru badzra d+ha ra su ma ti ki rti sad+hi hUM hUM/ /rje btsun bla ma dam pa blo bzang rdo rje chang dmigs pa med pa'i thugs rje chen po dang ldan pa'i zhabs la gus pa chen pos phyag 'tshal zhing skyabs su mchi'o/ brtse ba chen pos dus dang gnas skabs thams cad du rjes su bzung du gsol/ /de nas ring du song ba blo yang lhag par 'gyur/ /zhes sogs kyi gzhung 'di gnang byung ba yin pas 'di zhu bar byed yin la/ /'di zhu bar byed pa de yang/ mdo las/ rnam dkar las rnams gang byed pa/ /de yi mthog mar rgyal ba mchod/ /zhes sungs pa ltar gyi/ rnam dkar chos ldan gyi bya ba gang la 'jug pa'i thog mar yul khyad par can la mchod brjod sngon du gtong ba ni/ sngon gyi skyes bu dam pa rnam kyi phyag bzhes sam rnam thar lags zhing/ rang nyid kyang dam pa de rnams kyi rjes su 'brangs nas bshad pa la sogs pa'i rnam dkar gyi bya ba gang la 'ug pa'i thog mar yul khyad par can la mchod brjod sngon du gtong ba la dgos pa yod de/ de ltar gtong ba la brten nas rang rgyud la bsod nams 'phel zhing/ de'i dbang gis gnas skabs bdud dang bdud rigs sogs kyis bar du gcod pa zhi nas chos ldan gyi bya ba rnams mthar phyin pa 'gyur ba dang mthar thug zhi ba mi gnas pa'i myang 'das myur du thob pa sogs kyi dgos pa khyad par can yod pa'i phyir/ ji skad du yang @002a @#/ /rgya cher rol pa'i mdo las/ bdo nams rnam smin bde ster sdug bsngal thams cad sal/ /bsod nams ldan pa'i mi yi bsam pa rnams kyang 'grub/ /bdud bcom nas ni byang chub myur du reg par gyur/ /myang ngan las 'das zhi ba bsil ba'i dngos po'ang thob/ /ces gsungs pa'i phyir/ /'o na rgyu mtshan dang dgos pa de'i phyir na yul khyad pa can la mchod brjod sngon du gtong ba de la gang yod pa yin zhe na/ 'dren pa mnyam med ston pa bcom ldan 'das/ /mi pham 'jam dbyangs klu sgrub thog med sogs/ /rgyan drug mchog gnyis jo bo yab sras rje/ /rgyal dang rgyal sras paN grub rnams la 'dud/ /rgyal ba gnyis pa 'jam mgon tsong kha pa/ /sras mchog gnyis dang byams chen chos kyi rje/ /byang chub 'bum dang mkhas grub bstan dar sogs/ /yab sras brgyud par bcas la gus pas 'dud/ /gnag gi dbang phyug blo bzang rgyal pa'i bstan/ /'dzin mkhas rgyal ba rgya mtsho'i gangs ri'i mgon/ /srid gsum dbang bsgyur phan bde'i bdud rtsi'i mdzod/ /mtshungs pa med pa'i sde la gus pas 'dud/ /blo bzang rgyal pa kun gyi ye shes ni/ /gcig bsdud dri med rgyal bstan 'dzin pa'i gtso/ /rab 'jam dkyil 'khor rgya mtsho spro bsdu'i mgon/ /drin can bla ma'i zhabs la gus pas 'dud/ /skyabs gsum kun 'dud bla ma @002b rdo rje 'chang/ /gang la gang 'dul bshed gnyen tshul mdzad pa/ /mchog dang thun mong dngos grub stsol mdzad pa/ /drin can bla ma rnams la gus pas 'dud/ /rab 'byams gsung rab kun la lta ba'i dmig /skal bzang thar par 'grod pa'i 'jug ngogs mchog /brtse ba'i bskyed pa'i thabs mkhas mdzad pa yis/ /gsal mdzad bzhes gnyen rnams la gus pas 'dud/ /sgrub pa po la bu ltar gzigs mdzad cing/ /mi 'bral lus dang dri ma ji bzhin du/ /dam tshig can la dngos grub stsol mdzad pa'i/ /yi dam lha tshogs rnams la gus pas 'dud/ /dngos grub 'byung gnas rje btsun sgrol ma dang/ /gtsug gtor rnam rgyal 'phag ma 'od ser sogs/ /myur mdzad mgon dang chos rgyal phyi nang gsang/ /'dod khams dbang phyug rnam sras lcad sring dang/ sku yi rgyal chen mon bu pu tra yis/ /byang chub snying po bar du bdag skyongs shig /zhes mchod par brjod pa dang 'phrin las bcol ba de'i tsam zhig sngon du gtang nas las su bya ba gang la 'jug pa yin zhe na/ /ji skad du yang/ /so sor thar pa'i mdo las kyang/ /snyan pa'i ba dan 'jig rten gsum na sgrags/ /dam pa'i chos sgra seng ge'i sgra sgrog pa/ /thams cad mkhyen pa dkon mchog mdzod snyed pa/ /zhabs la tshang dbang gtsug gi nor bus btud/ /ces gsung pa ltar gyi 'o skol gyi @03a @#/ /ston pa mnyam med shAkyI rgyal po de nyid kyis dang po byang chub mchog tu thugs bskyed/ /bar du skal chen grangs med gsum du tshogs bsags/ /mthar rdo rje gdan gyi spo la mngon par rdzogs pa sangs rgyas pa'i tshul bstan nas gdul bya rnams la chos kyi phung po ji snyed cig bka' stsal ba rnams kyi nang nas brjod bya'i ngos nas rab dang phul du phyin pa ni sher phyin gyi mdo sde rin po che 'di nyid yin la/ /de'i brjod bya la'ang dngos bstan stong nyid kyi rim pa dang/ / sbas don mngon rtogs kyi rim pa gnyis su yod pa las/ /dang po de nyid gtso bor 'grel pa la/ /dpal mgon 'phags pa klu sgrub kyis dbu ma rigs pa'i tshogs drug gsungs/ /phyi ma de nyid gtso bor 'grel pa la/ /rgyal tshab mi pham mgon pos kyang byams chos sdo snga sogs mdzad pa'i phyir/ /'dir yang dang po'i dbang du byas pa yin la/ /'di la yang gzhung tshan mi 'dra ba du ma zhig yod pa'i nang nas 'dir gang 'chad pa'i skabs su babs pa'i gzhung ni de ni ring du song bar blo yang lhag par 'gyur zhes sogs kyi gzhung 'di nyid yin la/ /'di 'chad pa la thog mar gzhung gi 'phros bshad pa dang/ /'phros pa can gyi gzhung don dngos bshad pa gnyis/ /dang po las sa bcu pa'i mdo las/ / @03b kye rgyal ba'i sras dag 'di lta ste/ dper na/ rgyal po'i rigs su skyes pa'i rgyal po'i mtshan dang ldan pa ni zhes sogs kyi mdo 'di las 'phros/ 'phros tshul mdo 'di'i skabs su bdag nyid chen po dpal mgon 'phags pa klu sgrub kyis dub ma rigs pa'i tshogs drug la sogs pa mdzad cing de'i rjes su 'brang ba'i slob dpon sangs rgyas bskyangs kyis 'grel pa budd+ha pa la hA la sogs pa mdzad/ de'i rjes su slob dpon zla ba grags pas dbu ma 'jug pa rang 'grel dang bcas pa'i sgo nas gsal bar mdzad la/ 'dir brjod par bya ba'i gtso bo ni bstan bcos chen po dbu ma la 'jug pa las/ de ni ring du song bar blo yang lhag par 'gyur/ zhes sogs kyi gzhung 'di nyid yin la/ 'di'i skabs su mtha' dpyad pa la/ nyan rigs kyi sgo nas zil gyis gnon tshul bshad pa/ blo'i sgo nas zil gyis gnon tshul bshad pa/ de dag gi grub don bshad pa dang gsum/ dang po la/ don dam pa'i sems bskyed dang po thob nas/ nyan rang rigs kyi sgo nas zil gyis gnon pa yin te/ byams pa'i rnam thar gyi mdo las/ rigs kyi bu 'di lta ste dper na/ rgyal po'i bu skyes nas ring po ma lon pa/ rgyal po'i mtshan dang ldan pa ni/ blon po'i tshogs rgan po gtso bor gyur @04a @#/ /pa thams cad kyang/ rigs kyi bdag nyid che ba'i dbang gis zil gyis gnon to/ de bzhin du byang chub sems dpa' las dang po ba byang chub tu sems bskyed nas ring por ma lon pa/ de bzhin gshegs pa chos kyi rgyal po'i rigs su skyes pas kyang/ byang chub kyi sems dang snying rje'i dbang gis nyan thos dang/ rang sangs rgyas yun ring du tshangs par spyod pa rnams zil gyis gnon to/ zhes bya ba la sogs pa gsungs pa bzhin no/ zhes gsungs pa'i phyir/ de yang rigs tsam gyi sgo nas zil gyis gnon pa ma yin te/ rigs khyad par can bsod nams kyi tshogs khyad par can gyi zil gyis gnon pa'i don yin pa'i phyir te/ sa 'dir rigs khyad par can dang bsod nams kyi zil gyis zil gyis gnon pa'i tshul dang/ sa bdun pa blo'am ye shes khyad par can gyi sgo nas zil gyis gnon pa'i tshul de 'chad par byed pa'i phyir/ rigs tsam dang bsod nams kyi tshogs tsam nyan rang la yang yod pa'i phyir/ theg chen gyi rigs tsam gyi sgo nas tshogs sbyor skabs su yang zil gyis gnon pa yin pa'i phyir/ blo'i sgo nas zil gyi gnon tshul bshad pa la/ sa 'dir rigs kyi sgo nas zil gyis gnon nus na/ blo'i sgo nas gang nas zil gyis gnon nus pa @04b yin zhe na/ blo'ang ye shes khyad par can gyi sgo nas sa bdun pa ring du song ba thob pa de'i tshe na zil gyis gnon nus pa yin te/ sa bcu'i mdo las/ kye rgyal ba'i sras dag 'di lta ste/ dper na/ rgyal po'i rigs su skyes pa'i rgyal po'i mtshan dang ldan pa ni/ skyes pa tsam gyis rgyal po'i byin gyis blon po'i tshogs thams cad zil gyis gnon gyi/ rang gi blo'i stobs kyis rnam par dpyad pas ni ma yin no/ nam de nar son par gyur pa tshe rang gi blo'i stobs bskyed pas/ blon po'i bya ba thams cad las ni shin tu 'das pa yin te/ kye rgyal ba'i sras dag de bzhin du byang chub sems dpa' yang/ sems bskyed ma thag tu lhag pa'i bsam pa'i che ba nyid kyi/ nyan thos dang rang sangs rgyas thams cad zil gyis gnon gyi/ rang gi blo'i stobs kyis rnam par dpyad pa ni ma yin no/ byang chub sems dpa' sa bdun pa 'di la gnas pa'i byang chub sems dpa' ni/ rang gi yul shes pa'i che ba la gnas pas/ nyan thos dang rang sangs rgyas kyi bya ba thams cad las shin tu 'das pa yin no/ zhes gsungs pa'i phyir/ 'o na sa bdun pa 'dir blo'i sgo nas zil gyis gnon nus pa'i rgyu mtshan ji lta bu zhe na/ de la gzhan lugs dgag pa/ rang lugs @05a @#/ /bzhag pa/ rtsod pa spong ba gsum las/ rang lugs la/ sa bdun pa nas blo'i sgo nas zil gyis gnon nus pa'i rgyu mtshan yang yul khyad par can zhig/ yul can khyad par can zhig gis rtogs tshul khyad par can zhig gi sgo nas 'jog pa yin te/ yul khyad par can sa lnga pa man chad kyi dngos skal gyi dri ma spongs pa'i 'gog pa yang dag pa'i mtha' la/ yul can shes phyin gyi nyams len lhag par thob pa'i 'gog pa'i snyoms 'jug thon mong ma yin pa zhig gis/ rtogs tshul bya rdzogs kyi thung mtha'i skad cig ma gcig la/ gnyis snang nus pa'i sgo nas phar snyom par 'jug pa dang/ bya rdzogs kyi skad cig ma gcig la gnyis snang nub pa de las ldang nus pa'i rgyu mtshan gyis yin pa'i phyir/ sa bdun pa'i gnas skabs su 'jug ldang de ltar byed pa yin te/ mdo sde sa bcu pa la/ kyai rgyal ba'i sras dag byang chub sems dpa' sa drug pa man chad byang chub sems dpas 'gog pa la snyoms par 'jug ste/ byang chub dpa' sa bdun pa 'di la gnas pa'i byang chub sems dpa' ni/ sems kyi skad cig dang sems kyi skad cig la yang 'gog pa la snyom par 'jug cig ldang ste/ 'gog pa mngon sum du byas zhes ni mi bya'o/ zhes gsungs pa'i phyir dang/ 'jug pa las/ ring du song 'dir 'di ni skad cig dang/ skad cig la ni 'gog par 'jug 'gyur zhing/ / @05b zhes gsungs pa'i phyir/ sa 'dir de lta bu'i ldang 'jug khyad par can byed nus pa'i rgyu mtshan yod de/ sa drug pa'i gnas skabs su sher phyin gyi nyams len lhag par thob kyang/ thabs mkhas kyi phar phyin gyi nyams len lhag par ma thob/ sa 'dir thabs mkhas kyi phar phyin gyi nyams len lhag par thob pa'i phyir/ de lta bu'i 'jug ldang khyad par can byed pa la thabs mkhas kyi phar phyin gyi nyams len lhag par 'thob dgos pa'i rgyu mtshan yod de/ so so skye bo'i gnas skabs su de kho na nyid la gnyis snang mi nub pas dus thung ngu la 'jug ldang byed pa mi dka' yang/ rgyal sras 'phags pa'i skabs de kho na nyid la gnyis snang gnub pa'i sgo nas 'jug ldang byed pa dka' ba'i phyir/ gsum pa de dag gis grub don bshad pa la/ mdo sde sa bcu pa las/ nyan rang la chos kyi bdag med mngon sum du rtogs pa yod par bstan pa dang/ de'i shes byed kyi lung bkod pa dang/ de la gzhan gyis rtsod pa spong ba dang gsum/ dang po la 'grel pa mdzad pa'i dgongs dgongs pa gsal bar bshad pa dang/ de nyid spyod 'jug mkha po'i lugs su bstan pa dang gnyis/ dang po la dngos dang/ dogs pa dpyad pa gnyis/ dang po la/ mdo sde sa bcu pa las/ byang sems sa dang po bas/ nyan rang rigs kyi sgo nas zil gyis gnon nus/ blo'i sgo nas zil gyis gnon mi nus par bshad @06a @#/ /pa la brten nas nyan rang la chos kyi bdag med phra mo mngon sum du rtog spa yod par grub pa yin te/ de ltar ma yin na/ sa bcu pa'i lung dang 'gal ba sogs rig spa gsum gyis gnod pa'i phyir/ ji ltar gnod na/ shes bya chos can byang sems sa dang po ba nges ci yang med man chad la chags pa mngon gyur ba dang bral ba'i phyi rol pa bzhin du/ nyan rang dgra bcom pa stong nyid rtogs pa'i shes rab kyi zil gyis gnon par thal/ de gnyis po la stong nyid rtogs pa'i shes rab med mtshungs gang zhig /byang sems de la stong nyid rtogs pa'i shes rab yod pa'i phyir/ rtags dang po der thal/ nyan rang dgra bcom pa la stong nyid rtogs pa'i shes rab med pa'i phyir/ nyan rang dgra bcom pa chos can/ phyir rol pa bzhin du khams gsum na spyod pa'i phra rgyas thams cad ma spangs par thal/ de thams cad kyi rtsa bar gyur pa'i dngos po rang bzhin gyis grub par 'dzin pa'i rtog pa dang 'dzin stangs dngos 'gal du zhugs pa'i lam ma rnyed pa'i phyir te/ dngos po rang bzhin med par yongs su shes pa dang bral ba'i phyir/ gzhan yang de chos can/ gang zag gi bdag med rdzogs par ma rtogs par thal/ gang zag rang bzhin med par mngon sum du ma rtogs pa' phyir te/ gdags gzhi phung po rang ngos nas grub par 'dzin pa'i zhen yul sun 'byin mi nus @06b pa'i tshul gyi phyin ci log gis bcings pa yin pa'i phyir te/ phung po rang bzhin med par yongs su shes pa dang bral ba'i phyir/ thal 'gyur snga ma la khyab pa yod de/ gdags gzhi phung po rang bzhin gyis grub par 'dzin pa'i rtogs pa'i zhen yul sun phyung mi nus pa ji srid 'jug gi bar du/ btags chos gang zag rang ngos nas grub par 'dzin pa'i rtog pa'i zhen yul sun phyung mi nus par 'jug pa gang zhig /de ji srid 'jug gi bar du de'i dbang gis las bsog /las de'i dbang gis 'khor bar 'khor ba'i phyir di skad du yang/ rang 'grel las/ lung 'di las ni nyan thos dang rang sangs rgyas rnams la yang chos thams cad rang bzhin med par shes pa yang yod de/ zhes bya ba gsal bar nges te de lta ma yin na/ dngos por rang bzhin med par yongs su shes pa dang bral ba'i phyir/ 'jig rten pa'i 'dod chags dang bral ba ltar de dag kyang sems dang po bskeyd pa'i byang chub sems dpas kyang rang gi blos rnam par dpyad pas kyang zil gyis gnon par 'gyur la/ phyir rol ba bzhin du 'di dag gis khams gsum na spyod pa'i phra rgyas thams cad spong bar yang mi 'gyur ro/ gzugs la sogs pa'i rang gi ngo bo la dmigs pas phyin ci log tu 'gyur pa'i phyir/ gang zag gi bdag med par rtogs par yang mi 'gyur te/ bdag tu gdags pa'i rgyu'i phung po la dmigs pa'i phyir/ zhes gsungs pa'i phyir/ phyi ma der thal/ rin chen phreng ba las/ ji srid phung por 'dzin yod pa/ @007a @#/ /zhes gsungs pa'i phyir/ gnyis pa de nyid spyod 'jug mkhan po'i lugs su bstan pa la/ grol ba myang 'das 'thob pa la dngos po rang bzhin med par rtogs dgos pa dpal ldan zla ba grags pa'i yin par ma dgongs pa zad rgyal sras zhi ba lha'i dgongs pa yang yin te/ de ltar rtogs dgos pa spyod 'jug las brgal lan gyi sgo nas gtan la phab pa'i phyir/ gtan la phab tshul ji lta bu zhe na/ de la rtsod pa dang/ lan gnyis las/ dang po la kha cig gis/ grol ba myang 'das 'thob pa la stong nyid rtogs mi dgos pa thal/ stong nyid rtogs pa la ma bltos par grol ba myang 'das 'thob nus pa'i phyir zer ba yin te/ spyod 'jug las/ bden pa mthong bas grol 'gyur gyi/ stong nyid mthong bas ci zhig bya/ zhes gsungs pa'i phyir/ lan la/ stong nyid rtogs pa la ma bltos par grol ba myang 'das 'thob mi nus par thal/ de ltar 'dod pa lung gis gnod/ rigs pas kyang gnon pa'i phyir/ lung gis gnod pa yin te/ yum gyi mdo las/ dngos po'i 'du zhes can la thar pa med par gsungs pa'i phyir dang/ dus gsum gyi rgyun du zhugs pa nas rang sangs rgyas kyis bar sher phyin 'di la brten nas rang rang gi byang chub 'thob dgos par gsungs pa'i phyir dang/ bstan pa'i rtsa ba don dam pa'i dge slong yin yang/ nyan rang dgra bcom pa la stong nyid mngon sum du rtogs pa med na/ bstan pa'i rtsa ba don dam pa'i dge slong yang bzhag @007b par dka' ba dang/ sems bden 'dzin gyi dmigs gtad can la myang nan las 'das pa yang 'thob dka' bar yang gsungs pa'i phyir/ de nyid las/ /gang phyir lung las lam 'di ni/ /med par byang chub med par gsungs/ /bstan rtsa dge slong nyid yin na/ /dge slong nyid kyang dka' bar gnas/ /zhes gsungs pa'i phyir/ rigs pas gnod pa'i tshul la/ stong nyid rtogs pa la ma bltos par gang zag rang rkya thub pa'i rdzas yod kyis stong ba mngon sum du rtogs pa la brten nas gang zag rang rkya thub pa'i rdzas yod du 'dzin pa'i rtog pa mngon gyur ba re zhig spangs kyang bden 'dzin spong mi nus pa'i phyir/ gang zag de'i rgyud la tshor ba'i 'khor gsum bden par 'dzin pa'i bden 'dzin gyi zhen yul sun phyung mi nus pa'i tshul gyi yod pa gang zhig /de ji srid 'jug gi bar du tshor ba bde sdug skye/ de'i dbang gis chags sdang rmongs gsum 'dren/ de la brten nas 'khor ba 'khor ba'i phyir/ de ltar yang spyod 'jug las/ tshor ba'i rkyen gyis srid pa ste/ /tshor ba de dag la yang yod/ /ces gsungs pa'i phyir/ rang lugs la/ de 'dra ba'i bden 'dzin spong tshul yod de/ tshor ba'i 'khor gsum bden med du mngon sum du rtogs pa la brten nas spong ba'i phyir te/ spyod 'jug las/ /gang tshe tshor po dga' med pa/ /tshor ba'ang yod pa ma yin pa/ /de tshe gnas skabs 'di mthong @008a @#/ /nas/ /sred pa ci phyir ldog mi 'gyur/ zhes gsungs pa'i phyir/ dge'o// // (bshad pa 'di phyi lo 1995 lor spong ra bka' 'gyur rin po che thub bstan blo bzang chos kyi rgyal mtshan mchog se ra theg chen po'i gling 'di nyid kyi sngar srol bzang po rigs chen tshogs lang skabs yongs kyi dge ba'i bshes gnyen chen po ser smad mkhan zur rin po che blo bzang dngos grub mchog gis phyogs bsgrigs mdzad pa'o// // a ri dge slong blo bzang chos 'dzin gnas dgun gling dge bshes dam 'jog gyi skabs bshes pa 'bul// //)