@#/ /(rten la gzungs 'jug ? 'bul tshul shel dkar me khong zhes bya
ba bzhugs so/) @#/ /skal bzang rnam 'dren gzhan las smon lam
dang/ /thugs rje brtson stobs phul du byung ba yis/ /mi mjed
zhing gi 'gro

rnams phan bde la/ /'grod mdzad shAkya'i tog la gus phyag
'tshal/ /bde ldan zhing gi mgon po 'od dpag med/ /cher snyigs
lnga brgya'i 'gro la brtser dgongs te/ /gsum ldan rdo rje 'dzin
pa'i skur

bstan pa/ /paN chen chos kyi rgyal por gus phyag 'tshal/ /gru
'dzin bdag pos shAkya'i rgyal po yi/ /bstan 'gro'i don gyi
rlabs chen mdzad pa'i khur/ /lhag bsam khyogs la blangs te 'degs

pa'i slad/ /gangs can mgon por sprul la gus phyag 'tshal/ /de la
'dir lha dang bcas pa'i skye dgu thams cad kyis phyag mchod sogs
kyi bsod nams sogs pa'i zhing dam pa sangs rgyas byang sems kyi
sku

@89b brnyan dang mchog rten la gzungs gzhug 'bul tshul mdor
bsdus
te lag tu blangs bde bar dgod par bya'o/ /de la gnyis/ yo byang
sta gon bya ba dang/ 'bul tshul dngos so/ /dang po

la gsum/ srog shing dang/ gzungs sngags dang/ de las gzhan pa'i
yo byad do/ /dang po ni/ sku gzugs la srog shing nges can du mi
dgos kyang sku tshad che ba'i rigs la srog

shing phul ba phun sum tshogs pa'i yan lag tu 'gyur bas phul ba
legs la/ mchod rten la ni che chung gang yin kyang 'bul thub
phyin 'bul dgos so/ /de ltar na srog shing gi rgyu ni rab
tsandan

dkar dmar/ de ma 'byor na dug rigs dang chu shing dang snyug ma
dang khong rul dang gas chag can dang 'bus zos pa sogs shing
ngan pa ma yin pa'i shug pa'am 'bras bu can gyi shing dang shing
mya ngan med

pa lta bu shing bzang po skyon med/ de yang gsar du gcod dgos
tshe ma bcad pa'i snga rol du mi gzhan gyi bdag po yod na de la
rin bcal te gnang ba zhu ba dang/ shing gi bdag po mi ma yin lta
bu mi mngon pa la

mchod gtor sogs phul te gnang ba zhu zhing mi bkag pa'i mtshan ma
byung ba na gza' skar tshes grangs shis pa'i nyin shar gyi phyogs
mi nor ba'i mtshan ma btab ste bcad/ dbyibs ni sku gzugs la gru
bzhi pa rtsa

rtse'i rnam pa'i phra sbom yod pa dang/ mchod rten la bre'i
steng gi gdugs 'debs yan chad zlum po de man chad gru bzhi/ tshad
ni ring thung sku gzugs la gsang gnas nas gtsug tor ram dbu'i
nang gi

par dang/ mchod rten la rmang dge nas tog gam thugs rje mdo
gzung gi bar/ phra sbom rten che chung la dpags te rigs pas
dpyad/ rtse mor rnam rgyal mchod rten dang rtsa bar rdo rje
phyed pa brko pa'am ma grub

@90a @#/ /na 'bri bar gzhung las bshad cing phyag len la zhabs
kyi mthil du lte ba dang phyogs bzhir pad 'dab rwa dang bcas
pa'i rdo rje'i mgo ste sna tshogs rdo rjes srog shing gi zhabs
gtum pa

lta bu mdzad pa mthong zhing dogs gcod zhus par phyag len de
gnyis ka mdzad gin yod par gsung bas de gnyis ka gang byas kyang
rung/ mdog ni tsan dan dmar po lta bu yin na tshon byug mi dgos

shing gzhan yin na mtshal lta bus dmar por bsgyur te yi ge gser
lta bus bris na shin tu legs/ de lta bu ma 'byor na yi ge gang
gis 'bri ba'i mdog dang mi zlos pa'i tshon gyis byug /de la sku

gzugs kyi srog shing gi spyi bo/ /mgrin pa/ snying ka /lte ba/
gsang gnas te gnas lnga'i thad du rim pa bzhin/ oM AH hUM
traM hriH zhes pa dgod cing/ mchod rten la

bre; bre stan/ bum stong/ bum rked/ bum smad rnams kyi thad du
yi ge lnga dgod/ sku'i dbu'i dbyings dang mchod rten gyi bre'i
thad la/ oM sarba bidyA swAhA/ zhes dang/

mgrin pa dang bre rten gyi thad la dbyangs gsal/ thugs ka'i
stong dang bum stong kyi thad la/ oM badzra a yu She swAhA/
zhes dang/ thugs ka'i thad du lha rang rang gi snying po dang
gzungs ring

dang mtshan brgya rtsa lta bu lha rang gi sngags/ lte 'og dang
bum smad la shar ngos la gtsug tor rnam rgyal/ lhor dri med/ nub
tu gsang ba ring bsrel/ byang du byang chub rgyan 'bum/

de bzhi ka'i gsham du/ chos rnams thams cad rgyu las byung/ zhes
sogs dang/ sangs rgyas rab bdun gyi gso sbyong rnams shong na
thams cad 'bri zhing mi shong na rnam rgyal sogs kyi gzungs

@90b thung sogs gang shong skabs dang sbyar/ rtsa ba'i phyogs
su/ oM su pra tiShTha badzra ye swAhA/ 'di gzhung du thugs
kar 'bri bar bshad kyang phyag len la 'dir 'bri/ srog shing gi
phyogs ?

bzhir 'bri dgos kyi sngags rnams rang rang gi thad du gang shong
gang bar 'bri zhing chad lhag nor ba'i skyon dang bral ba legs
par 'bri/ gnyis pa gzungs ni/ sbyir ring bsrel la sku bal/ sku
gdung/

yungs 'bru lta bu/ chos sku'i ring bsrel te bzhi gsung ba'i phyi
ma ni rten gyi nang gzhugs 'bul rgyu'i gtso bo yin la de ni mdo
rgyud kyi gzungs sngags zab mo rnams la zer ba yin pas/ rgya
chen

spyod rgyud/ zab mo lta rgyud/ nyams len byin rlabs rgyud/ byin
rlabs nye rgyud/ gsang bde 'jigs gsum gyi dbang rgyud/ bshad
rgyud/ man ngag gi rgyud pa la sogs

pa mdo sngags kyi bla ma brgyud pa'i mtshan sngags/ sangs rgyas
byang sems kyi mtshan sngags/ gnas brtan bcu drug sogs nyan rang
gi mtshan sngags/ nor bu rgyas pa'i gzhal med khang gi

sngags; gtsug tor gdugs dkar dang gtsug tor 'khor bsgyur gyi
sngags sogs dbu gzungs/ dbyangs gsal gnyis mgrin gzungs/ gsang
bde 'jigs gsum sogs bla med kyi

sngags stong gzungs/ rdor dbyings kun rig gtsug dgu sogs rnal
'byor rgyud/ rnam snang mngon byang sogs spyod rgyud/ dam tshig
gsum bkod sman bla tshe dpag med mi 'khrug ba sogs bya

rgyud kyi sngags rkeng gzungs/ gzugs chen sde lnga/ yangs pa'i
grong khyer du 'jug pa'i gzungs/ gzhan yang stong phrag brgya pa
bzung bar 'gyur ba'i gzungs sogs mdo las 'byung ba'i sngags

@91a @#/ /kyi rigs smad gzungs/ bkra shis chos skyong nor lha
sogs kyi sngags pad gzungs ti/ gzungs sngags de rnams skabs thob
kyi sbel tshig dang bcas pa 'byor na gser

dngul gyi glegs bul 'bur ma'am gzungs brkos byas pa/ de ma byung
na mthing shog bzang po la gser dngul gyis 'bri ba/ de ma byung
na dpe shog bzang po la mtshal dang snag tshas 'bri ba dang

spar la 'debs pa lta bu gang 'byor bya/ rgyu rkyen 'dzom zhing
long byung nas lcogs na snga ma rnams legs mod kyi de 'dra ba
min pa'i lhag chad nor pa'i skyon dang bcas pa'i 'bri ba las
spar btab na legs/

de yang dper na rnam rgyal gzungs shog lnge ba lnga drug tsam
gyi yig 'phreng dang por dkyus gcig la shong ba lta bu gzhan
la'ang rigs 'dra ba dgos/ de ltar bris pa'am spar btab pa gang
yin kyang de la kha che

gur gum tsan dan dkar dmar a ga ru dza tig bur sogs dri bzang
rnams chung dang sbyar ba legs par byug /sgra dang mchod rten
chung du la gzungs kyi yig 'phreng so sor ma gras par mi shong
na gra zhing shong na

ma gras par mthud dgos rnams mthud/ mthud lugs shog dbu dang
po'i mjug gi shog lha mjug gi yi ge'i tshigs kyi 'tshams nas gras
te shog bu gnyis pa'i grangs yig mnan te/ gzungs kyi yi ge

ma non tsam byas la bag chus sbyar te mthud/ mtha' thig yod pa'i
sbar yin na stong gzungs dkyus gcig la spar shog ci tsam yod
pa'i dbu shog gi dbu khyud ngos kyi mtha' thig ma gtogs gong ma
gong ma'i

gsham gyi mtha' thig gra zhing 'og ma 'og ma'i gong gi mtha'
thig non par byas te bar gyi mtha' thig thams cad mi mngon par
bya/ shog bu re'i steng 'og na shog lhag gang yod thams cad legs
par gra/

@91b de ltar gra dgos dang mthud dgos rnams rung bar byas te
mthud tshar nas long skabs byung na 'gegs pa sgrad rab gnas bsdus
pa zur du 'byung ba ltar byed te dbu nas nang du dam por dri la
zhing mtha'i

shog sne bag chus sbyar te mi 'jigs par byas la yig mgo mi nor
ba'i mtshan ma dang dbu gzungs sogs sde tshan gang yin gyi ka tho
'am kha byang btags te mi nor bar bya/ de nas na bza' gos dar
ser

pos dril/ de steng dar skud ser pos dkris te mi 'jigs par bya
zhing/ de la yang yig mgo dang sde tshan mi nor ba'i mtshan ma ka
tho dang kha byang gi yi ge sogs kyis mi nor bar bya/ gsum

bde las gzhan pa'i yo byad ni/ de bzhin gshegs pa'i 'phel gdung
sogs yungs 'bru lta bu'i ring bsrel/ sangs rgyas byang sems kyi
sku gdung sogs sku gdung gi ring bsrel/ sangs rgyas

byang sems kyi dbu skra sen mo na bza' sogs sku bal gyi ring
bsil te mdon na ston pa sangs rgyas nas bzung rgya bod kyi paN
grub mkhas shing grub pa brnyes pa rnams kyi byin rlabs rten
gang 'dzom/ de yang

rang phyogs kyi lta grub dang sel zhugs pa'i bla ma'i sku gdung
sogs dang/ de min kyang ngan bza' skyi chags pa'i rigs dang
zhabs chags dang bzhugs gdan/ 'bu 'jug nyen che ba'i snam bu'i
rigs

gtos che ba rnams mi 'jug /bla ma 'gangs chen gyi na bza' dar
ras kyi snam sbyar lta bu tshang ma 'jug tshe gzungs kyi phyi rol
nas na bza'i tshul du dkris nas 'jug cing/ de 'dra min pa'i dum

bu'am tshal bu rnams rin po che dang sman dang/ dri bzang gi phye
ma dang lhan du na bza' ser pos dril/ bla ma yi dam chos skyong
sogs kyi sku brnyan rab gnas can na bza' ser po gsol ba/ gzhan

@92a @#/ /yang rin po che'i 'phreng ba/ gzungs kyi bar stong du
'jug rgyu'i rin po che'i phye ma/ bzang sman gyi phye ma dri
bzang gi phye ma rnams dar ras kyi khug mar blug pa dang thum

bur byas ba gang mang/ srub rnams su 'debs rgyu'i rin po che'i
phye ma/ 'tshams dar gyi rgyu'i gos dar ser po/ /gang zag dman
pa'i rus pa rten gyi nang du bcug nas gzhan gyi phyag mchod

sogs byas na gang zag de nyid la gnod par gsungs pas 'jug mi
rung zhing/ 'on kyang rus chog legs par byas te brdungs pa'i
phye ma snag tsha dang bsres te gzungs sngags sogs 'bri ba dang/

sa dang bsres te sa tshtsha dang lha sku'i spar 'debs pa sogs byas
na gang zag de la phan par gsungs pas/ de ltar bris pa'am spar
du btab pa sogs byas pa'i gzungs sngags dang sa tshtsha sogs

rab gnas byas te 'jug tu rung/ gnod sbyin 'khor lo gnyis ni/
gzhi gser dngul lam zangs kyi byang leb la gzungs brkos sam
mthing shog la gser dngul lam/ ras gzhi'am shog

bu la rin po che dang sman dang dri bzang gi phye ma bsres pa'i
mtshal snag gis 'bri ba'am spar btab pa'ang rung ste bri gzhi
gcig la pad ma dam 'dab brgyad kyi lte bar nor rgyun ma/ 'dab ma
brgyad la 'khor

brgyad dbu phyir bstan/ dgu ka zhal gcig phyag gnyis g.yas
mchog sbyin gyi mthil na bedza bur dang/ g.yon 'bras kyi snye
ma 'dzin pa/ dar dang rin po che'i rgyan gyis brgyan pa/ zhabs

skyil krung phyed pas bzhugs pa'i zhabs 'og na padma'i gdung gi
gter mnan pa/ sgyu ma'i nga rgyal gyis 'gyid pa/ gtso mo'i thugs
khar/ oM b+ha su d+ha re ni swA hA/ shar gyi zla 'od ma'i thugs

@92b khar/ oM tsantra kandyai swA hA/ lhor nor sbyin ma'i
thugs khar/ oM tan tA yai swA hA/ nub tu rab sbyin ma'i
thugs khar/ oM su dan tA yai swA hA/ byang du 'phags ma'i
thugs khar/

oM A rya yai swA hA/ shar lhor rab bzang ma'i thugs khar/
oM su b+ha tya yai swA hA/ lho nub tu spas ma'i thugs khar/
oM gu ba ta yai swA hA/ nub byang du mdzes ma'i thugs khar/

oM de byai yai swA hA/ byang shar du dbyangs can ma'i thugs
khar/ oM swA ra swa tyi swA hA/ zhes phyogs ma nor bar
bri'o/ /bri gzhi gcig la pad ma 'dab brgyad kyi lte bar 'dzam
b+ha la/

'dab ma brgyad la 'khor brgyad dbu phyir bstan/ dgu ka zhal gcig
phyag gnyis/ g.yas mchog sbyin gyi mthil na bi dza bur dang/
g.yon ne'u le rin po che skyug pa 'dzin pa/ dar dang

rin po che'i rgyan gyis brgyan pa/ zhabs skyil krung phyed pas
gter gyi steng na bzhugs pa/ sku shar ba tu rgyas pa/ gtso bo'i
thugs kar oM dzaM b+ha la dza len dra ya swA hA/ gtso bo'i
mdun

shar phyogs su nor bu bzang po'i thugs khar/ oM na Ni b+ha tra
ya swA hA/ byang du gang ba bzang po'i thugs khar/ oM pu rNa
b+ha tra ya swA hA/ nub tu nor sbyin gyi thugs khar/ oM d+ha
naM da

ya swA hA; lhor rnam thos sras kyi thugs khar/ oM bai shram
Na ya swA hA/ byang shar du rol ba'i phreng ba'i thugs khar/
oM ki li mA li ne swA hA/ nub byang du 'dzam bu 'khyil ba'i
thugs

kar; oM tsi bi kuN Ta li ni swA hA/ lho nub du gdong gi dbang
po'i thugs kar/ oM mu khen dra ya swA hA/ shar lhor spyod
pa'i dbang po'i thugs kar/ oM tsa ren dra ya swA hA/

@93a @#/ /zhes pa rnams 'bri'o/ /gnyis ka'i pad 'dab kyi phyi rol
tu re kha gsum bskor ba'i mu khyud dang po la rdor rwa/ gnyis pa
la ba Ta/ snga ma g.yas bskor

dang; phyi ma g.yon bskor du 'bri/ padma gnyis ka'i lte ba/
'dab ma/ mu khyud/ lha/ sngags sogs 'khor lo gnyis kha sbyar
ba'i tshe thad ka thad kar 'grig pa

bya dgos/ 'di rgyas pa 'bri tshul yin la/ 'bring po la padma'i
lte ba dang/ 'dab mar lha mi 'bri bar gong gi sngags rnams/ oM
steng dang swA hA 'og gi g.yas g.yon gyi

dkyil thad du 'ong ba 'bri/ rgyas 'bring gnyis kal spel tshig /ma
ma d+ha naM di hi di hi zhes pa'am/ rten la mchod pa dang sbyin
bdag la nor 'bru longs spyod dpal 'byor phun sum

tshogs pa thams cad 'phel bar mdzad du gsol/ zhes pa skabs sbyar
swA hA'i gong du bcug /bsdus pa la pad ma gcig gi lte ba dang
'dab mar baM re dang gcig la dzaM re 'bri zhing/

gzhan rnams snga ma dang 'dra/ de ltar legs par bris pa de long
yod na skar ma rgyal gyi nyin par nas mgo brtsams te sgrub pa
zhag bdun la sogs pa bya bar gsungs pa ltar bya la/ de yang
stegs

bzang po gos dar ser pos g.yogs pa'i steng du rin po che'i snod
'bru dkar gyis bkang pa'i steng du rin po che sna tshogs bkram/
de'i steng du pho 'khor g.yas mo 'khor g.yon du bshams/

steng du bla re/ mtha' skor du yol ba sogs gos dar ser po bzang
pos brgyan pa/ mtha' chu gnyis nyer spyod sogs mchod pa mang pos
bskor/ dkar gtor gtsang ma bsham/ 'khor

@93b lo'i steng du gzungs thag btags pa'i rdo rje bzhag /sgrub
pa po rnams kha zas ma rungs ba spangs te dkar gsum la brten/
bsgrub pa po rnams nor rgyun ma'i dbang thob pa yin na nor rgyun
ma dang/

de min na yi dam gang yang rung ba'i bdag bskyed bsgom/ 'khor lo
la sbyang gsum byas la bsang sbyang nas bskyed de mchod bstod
bzlas pa'i par dang 'jug chog rnams nyin rir thun gsum

bya; gsung mi 'chag tu byed na phyi mas mngon rtogs bskyed nas
bzlas pa la sleb pa dang snga mas 'jug chog byas te spyod lam la
'jug /de lta bu'i tshul gyis zhag bdun sogs sgrub na

nyi ma dang po la so sor bsgrubs nas/ gnyis pa man chad 'khod lo
kha sbyar te gnyis su med par sgrub pa 'ba' zhig bya/ 'khor lo
gnyis kha sbyar ba'i tshe/ mar/ ka ra/ sbrang

rtsi; rin po che sman/ dri bzang dang sbyar ba ri mo la mi gnod
par byugs te kha sbyar zhing dar skud ser pos rgya gram du srub
med par dkris te pho 'khor steng dang gtso bo'i dbu rgyab tu
bstan te

sngar gyi gnas su bdag /gnyis su med par sgrub pa na gdan re
re'i steng du yab yum zung re bzhugs shing yum gyi brla g.yon
pa'i steng du yab rnams bzhugs par bsams/ bzlas pa'i

tshe gzungs thag nas bzung shing dmigs pa ni/ rang gi thugs ka
nas 'od zer 'phros pa 'khor lo'i lha rnams la phog pas rgyud
bskul/ de'i thugs ka nas 'od zer 'phros/ sangs rgyas

byang sems thams cad kyi thugs gnyis su med pa'i ye shes 'od zer
ser po'i rnam par spyan drangs/ 'khor lo'i lha rnams la thim/ de
dag gi thugs kha nas 'od zer 'phros/ 'jig rten

@94a @#/ /dang 'jig rten las 'das pa'i snod bcud kyi yon tan
thams cad bkug nas rang gzhan thams cad la thim pas tshe bsod
nams dpal 'byor thams cad rgyas par bsam/

mthar 'dod gsol/ 'od zhu brtan bzhugs sogs bya/ de lta bu'i long
skabs med na/ 'di dpa' bo gcig grub kyi rgyud nas bshad pa'i yab
yum gnyis su med pa'i 'khor lo la

brten nas dngos grub sgrub pa'i tshul la brten pa yin pas 'khor
lo gnyis legs par kha sbyar te sgrub chog logs su bkod pa ltar
sgrubs pas kyang rung par gsungs/ tshogs bdag 'khor

lo rtsibs brgyad pa'i lte ba'i mthar mu khyud gnyis dang/ rtsib
kyi mthar mu khyud gnyis kyis bskor ba'i lte bar hUM hri b+hruM/
lte ba'i mu khyud dang po la gug na pa ta ye tA na pa ti sa pa
ri wa ra

buShTiM ku ru oM gyi mjug tu rgyas pa'i spel tshig 'dod bcol
bya/ mu khyud gnyis pa la badzra a du sha ma dza ta ga ta pe ta
A k+Sha ya dan ba su A yuH pu NTai bu ShTiM ku ru swA hA/
ga ga ga ga ga rnams

mthar spel tshig /rtsibs brgyad la ga re/ rtsibs kyi mu khyud
dang po lta rten 'brel snying po/ /gnyis pa la bkra shis rtags
brgyad rnams 'bri/ gdan gyi 'khor lo ni/ bri gzhi

gcig la sna tshogs rdo rje dang/ gcig la dbus su nor bu dga'
'khyil dang/ mthar bkra shis rtags brgyad 'bri ba'am/ sna tshogs
rdo rje'i mthar bkra shis rtags brgyad kyis

bskor ba 'bri/ gnod sbyin gyi gter rdzas ni/ gser/ dngul/ zangs/
rag /dkar yol/ rdza sogs kyi bum pa rab dgu/ 'bring lnga/ tha ma

@94b gcig gi nang du/ sa sna/ chu sna/ rdo sna/ shing sna/ ja
sna/ bra'o dang bad kha sogs ma yin pa'i 'bras gro nas sogs 'bru
sna bzang po/ /kha sur pa ni sogs rul

pa dang rlan can ma yin pa'i shing thog bzang po'i rigs/ sha
chang sgog tsong sogs dring na zhing mi gtsang pa'i rigs ma yin
pa'i ka ra bu ram sogs kha zas bzang po'i zas sna/ sbyong skyug

byed pa dang dug rigs sogs ma yin pa'i 'bras bu gsum dang bzang
drug sogs bzang sman gyi rigs/ tsan dan dkar dmar a ka ru ga
bur dza ti kha che gur gum sogs dri bzang gi rigs/

bai DUra ya/ padam ra ga /i na dra ni la/ mar gad/ zhi mig
/gser/ dngul/ byi ru/ mu tig /gyu/ mu min sogs rin po chi'i rig
/

gos dar bzang po'i rigs rnyed tshad thams cad 'og nas rim bzhin
blug cing/ gtso bor/ gser/ dngul/ mu tig /mu min/ byi ru'am dung
ste rin po che lnga/ nas/

'bras; gro/ sran ma/ til te 'bru lnga/ sprang rtsi/ ka ra/ zho/
'o ma/ mar te bdud rtsi lnga/ sle tes/ ganDa ka ri/ dbang lag
/rgya

mtsho'i sbu ba/ shu dag ste sman lnga/ tsan dan dkar dmar/ dza
ti/ ga bur/ kha che gur gum ste dri lnga/ bcas rgyud sde 'og
ma'i bum rdzas nyer lnga rnams blug te legs par

bgang la kha dam par bcad de gos dar ser pos kha btums nas rgya
yis bsdam/ bang mdzod la mkho ba'i rin po che'i snod spyad kyi
rigs zas dang 'bru bzang pos bkang ba/ khrab rmog gri

@95a @#/ /sogs go mtshon gyi rigs/ gos dar zam ras sogs kyi gos
dang gos kyi rgyu'i rigs sogs mdor na gdon can dang grib can
sogs ma yin pa'o nor rdzas phun sum tshogs

pa'i rigs gang 'dzom sta gon bya/ gnyis pa 'bul tshul dngos ni/
de ltar yo byad thams cad 'dzom nas sman 'dam lta bus rten chen
po'i rigs bzhengs na rus shing la srog shing

bsdams te/ de la gzungs gzhugs bsdams nas 'bul dgos pa'ang yod
cing/ lug ma dang brdung ma dang ras bse sogs las bzos pa la
rten gyi phyi dbyibs grub nas gzungs

gzhugs 'bul dgos pas rten phyi ma'i rigs la rten gyi nang gang
brdar legs par byas te srubs dang bu ga phra mo yod na legs par
bkag /dri bzang zhib tu bdar ba'i phye ma gar sla zho tsam

byas pa rten gyi nang du srab 'thug pa'i ko ba tsam khyab par
byugs te dri dang mi yal ba'i phyir grib skam bya/ gza' skar
tshes grangs bzang po'i nyin rten dang/ srog shing/ gzungs dril

ba; de las gzhan pa'i yo byad thams cad la sbyang gsum sngon du
'gro ba'i rab gnas bsdus pa zur 'debs logs su bkod pa ltar bya/
las byed rnams shar chang sgog btsong tha ma khi

sogs ma rung ba thams cad spangs/ dkar gsum mngar gsum sogs kha
zas bzang pos tshim par byas na sbyin bdag la longs spyod 'phel
ba'i rten 'brel du che bar gsungs/ gos

gsar pa gyon te/ oM mandra d+ha tu ga rb+hA ya swA hA/ zhes
pa'i sngags dang bkra shis pa'i tshigs bcad 'don bzhin pa'i ngang
nas las byed/ gser sku sku tshad che ba la skye mched byin rlabs

@95b kyi sngags rgyas pa logs su yod pa ltar dang/ bsdu na/ mig
gnyis su k+ShiM k+ShiM/ rna ba gnyis su dziM dziM/ snar khaM/ lcer
raM/ dpral bar kaM /lte bar saM/

spyi bor oM/ mgrin par AH thugs kar hUM rnams rgyas bsdus ci
rigs pa gnas so sor nang nas sbyor thub pa rnams la legs par
sbyor/ yang na de dag gi shog dril rang rang gi

thad du gzhug /sman sku 'am ras bse lta bu la tshon 'og tu 'bri/
rtsa dbu ma ro rkyang gsum gyi mtshon byed du srog shing gi
g.yas su dur ? ba dang/ g.yon du ku sha nyag ma re ba cing/ /

sangs rgyas kyi 'phel gdung srog shing gi rtse'i rnam rgyal
mchod rten chen tog gi nang dang chung nas der 'jug mi bde ba la
bum pa'i nang ngam thad du gzhug /de'i 'og tu rje btsun tsong
kha pa lta bu bla ma'i

sku brnyan dang lta grub mi mthun pa ma yin pa'i mkhas grub
yongs grags kyi skyes chen dam pa'i sku gdung gi ring bsrel dang
sku bal gyi ring bsrel/ mgrin pa'i thad du bla ma dam pa'i thugs
dam

phyag 'phreng gi rigs/ thugs ka'i thad du gsang bde 'jigs gsum
sogs bla med kyi yi dam gyi sku brnyan dang/ de'i 'og tu ston pa
sman bla tshe dpag med sogs sangs rgyas kyi sku brnyan/

de'i 'og tu byams 'jam dbyangs sgrol ma dkar ljang sogs sems
dpa' dang sems ma'i sku brnyan/ de'i 'og mgon po phyag drug pa
sogs chos skyong gi sku brnyan rnams na bza' kha dog gang

'dzom gyi phyi dril gos dang ser pos dril te rin po che'i phreng
ba dang/ rin po che'i phye ma sman dri bzang rnams kyi phye ma
dang lhan du rim pa bzhin srog shing la bcing/ de dag gi bar
stong gi srubs

@96a @#/ /bar du rin po che dang sman dang dri bzang gi phye ma'i
thum bu bcug te khang mnyams par byas te bsdams nas dar ser pos
legs par dkris te sku'i rgyab ngos la gtad

cing g.yas g.yon gyi dbus drangs por bcug /de nas gtsug tor
dang bre stong nas mar rim pa bzhin dbu gzungs nor bu rgyas pa'i
gzhal med khang gi gzungs/ gsung bde

'jigs gsum gyi dbang bskur brgyud bshad pa man ngag gnang ba
gsum gyi rgyud pa/ lam rim gyi rgya chen spyod rgyud/ zab mo lta
rgyud/ nyams len byin rlabs rgyud/ byin

rlabs nye rgyud rnams kyi rgyud pa/ so thar byang sems kyi sdom
pa'i rgyud pa sogs bla ma rgyud pa rnams kyi mtshan sngags dang
sangs rgyas byang sems nyan rang rnams kyi mtshan sngags/ gtsug

tor gdugs dkar/ gtsug gtor 'khor bsgyur rnams kyi sngags/ sku'i
mgul dang bre rten gyi nang du mgrin gzungs dbyangs gsal/ sku'i
stod dang mchod rten gyi bum stod la stod

gzungs/ gsang 'dus/ bde mchog /'jigs byed/ kyai rdor/ 'khor
chen/ dus 'khor/ ma ha ma ya/ sangs rgyas thod pa/ rdo rje gdan
bzhi/

dgra nag /gshed dmar sogs bla med kyi gzungs sngags/ sku rked
dang bum rked la rked gzungs/ rdor dbyings/ gtsug dgu/ kun rig
sogs rnal 'byor rgyud/

rnam snang mngon byang sogs spyod rgyud/ dam tshigs gsum bkod/
sman bla/ tshe dpag med/ mi 'khrugs pa sogs bya rgyud rnams kyi
sngags/ lte 'og dang bum smad

@96b la smad gzungs gzungs chen sde lnga dang/ yangs ba'i grong
khyer du 'jug pa'i gzungs dang/ stong phrag brgya ba gzung bar
'gyur ba'i gzungs sogs mdo gzungs dang/ sangs rgyas

rab bdun gyi gso sbyong rnams ka tho kha byang gi rim pa ltar
gzung/ phyag la gzungs 'jug na bla med kyi gzungs dpung mgo nas
mthe bong gi bar la yig mgo dpung pa dang/ lag ngar gyi steng
ngos

la bstan de sor mog shib pa ltar bsgrigs nas 'jog /sku'i dkyil
krungs dang/ mchod rten gyi bar rim la glegs bam 'jug na/ bla
med sogs rgyud sde bzhi/ sher phyogs

mdo mang/ 'dul ba lung sgos sngags phyogs dang mdo phyogs kyi
bka' rnams kyi dbu shog yar log /shog ku'i bar bar du dri bzang
gi phye ma btab te na bza' phyi dril ser pos

g.yogs te gong 'og go rim ma log par gzhug /de 'og rgyud 'grel
sgrub thabs mdo 'grel sogs rgyud sde dang sde snod kyi go rim
ltar gzhug /de dag gi bar stong rnams su rin po che

dang sman dang dri bzang gi thum bu rnams kyis khengs par bkang
zhing tshags shin tu dam par bya/ /stod gzungs/ rked gzungs/ /'de
? gzungs rnams so sor rim pa ci tsam 'jug

dgos pa bcug pa'i bar bar du 'tshams dar legs par btang/ rten
dngos gzhi'i nang du gzubs gzhug khengs pa na zhabs dar btang
zhing zhabs bkags kyis legs par bkag /pad

ma'i nang du dbus su bkra shis/ de'i mthar chos skyong/ nor lha/
dpal mgon rgyal chen sogs kyi sngags rnams gzhug /gzubs 'khrugs
sel bar grags pa'i rig pa

@97a @#/ /phu ron nam nyes pa kun sel gyi gzungs rnams stod smad
thams cad du gzhug rung bar bshad cing skabs thob kyi spel tshig
gzungs so so'i mjug tu sbyar/ bar stong rnams

sngar bzhin 'geng/ seng khri'i nang du 'og tu bang mdzod kyi
rdzas go mtshon gos dang ja bza' bca' snod spyad rin po che sogs
legs par bsgrigs te sru bas stong med par tshigs ? dam par

byas pa'i steng du gnod sbyin 'khor lo bum gter dang bcas pa
'jog pa yin zhing/ de yang 'og tu gdan gyi 'khor lo bkra shis
rtags brgyad dang/ sna tshogs rdo rje'i 'khor lo/ /

de sted tshogs bdag 'khor lo rnams kha yar bstan/ de steng gnod
sbyin 'khor lo pho 'khor steng dang/ mo 'khor 'og tu byas te kha
sbyar ba rnams kyi dbus kyi lha dang/ yig mgo

rten gyi rgyab ngos su 'ong ba byas nas dar ser bos dril te
bzhag /de steng bum pa dgu yod na dbus dang phyogs 'tshams su
legs par bzhag /bar stong rnams rin po che dang sman dang

dri bzang sogs kyi thum bu dam du gcer te legs par bkang la kha
legs par bkab/ de ltar gzungs phul grub nas 'phral du rab gnas
bsdus pa'am ma grub na shis brjod rgyas par bya /

'di yan chad rgyal dbang mchog gis mdzad pa'i gzungs 'bul 'khrul
spong nyin byed dang de'i phyag len mthong brgyud ltar bkod pa
yin// @# ? //paN chen chos kyi rgyal pos mdzad pa'i

gzungs 'bul nor bu'i me long ltar na srog shing rgyu tsan dan
dkar dmar shug pa sogs/ dbyibs gru bzhi 'am zlum po/ /ring thung
rten dang 'tshams pa rtsa rtse ma log pa la srog shing

@97b brten pa'i sdags ci mang 'bri ba'am dkri/ nang gzhug gi
gtso bo ni ring bsrel du grags pa bzhi'i nang nas chos sku'i
ring bsrel gzungs chen sde lngas mtshon pa'i mdo rgyud khungs ma
nas

'byung ba'i gzungs byin rlabs can mtha' dag yin/ gzungs rnams
dri bzang gis byugs te 'jug nas dam par dril/ 'jug lugs rtsa
brgyud kyi bla ma rnams kyi mtshan 'bru

gsum dang spel ba gang mang dang ring bsrel rnams dri bzang
dang
na bza' bzang pos btums nas dbu'i nang sogs mthos/ rig pa chen
mo'i gzungs kyang dbu dang bre'i nang/ rten 'brel

snying po dang nyes pa kun sel stod smad thams cad du/ gzungs
chen gzhan bzhi gtso bor thugs ka /gzungs gzhan dang gsung rab
rnams rgyud sde dang theg pa'i rim pa dang mthun par

ma 'khrugs par gzhug /padma'i nang du chos skyong nor lha'i
gzungs rnams gzhug /bla ma sangs rgyas byang sems chos skyong
rnams kyi sku brnyan yang rten dang zhal lta phyogs mthun

par sngar gyi rim pa ji lta bar gzhug /snam bu'i na bza' srog
chags 'jug nyen che bas cher mi 'jug cing cung zad 'jug na
gzungs dang sku 'dra'i tshas su phan tshun mi 'khrol ba'i phyir
steng 'og

thams cad du gzhug /zhabs chags kyi rigs gal te 'jug tshe dma'
bar gzhug /mchod pa'i phyir rin po che'i rigs ha cang che ba min
pa du ma dang dri bzang sil ma sna tshogs kyang dbu zhabs

thams cad du gzhug /tha mal pa'i skra sen bcug na gang zag de la
gnod par 'dul ba lung las gsungs pas mi gzhug /gnod sbyin 'khor
lo 'bri tshul ni/ rten dang 'tshams pa'i

@98a @#/ /bri gzhi gser dngul zangs gos dar shog gu sogs bzang po
la padma 'dab brgyad lte ba dang bcas pa la zla gdan re/ de'i
steng du gcig la dbus su dzam b+ha la'i thugs

kar dzam/ de'i mthar mdun nas g.yas skor du/ oM dzam b+ha la
dza lendra ya swA hA/ shar gyi 'dab mar nor bu bzang po'i
thugs kar maM/ lhor gang ba bzang po'i thugs kar

sUM/ nub tu nor sbyin ma'i thugs kar d+haM/ byang du rnam sras
kyi thugs kar po/ mer gi li ma li'i thags kar ko /bden bral du
pi tsi kundra li'i thugs gar biM/ rlung du

sgo'i dbang po'i thugs kar muM/ dbang ldan du spyod pa'i dbang
po'i thugs kar tsaM/ gcig la dbus su nor rgyun ma'i thugs kar
baM/ shar du zla mdzos ma'i thugs kar tsaM/ byang du

sbyin ma'i thugs kar daM/ nub tu rab sbyin ma'i thugs kar suM/
lhor 'phags ma'i thugs kar aM/ dbang ldan du rab bzang ma'i
thugs kar suM/ rlung du sbas ma'i thugs kar guM/

bden bral du lha mo'i thugs kar de/ mer dbyangs can ma'i thugs
kar swaM/ phyi ma rnams la'ang rang rang gi sa bon gyi mthar
mdun nas g.yas skor du rang rang gi sngags shong na swA hA 'i
gong du

spel tshig sbyar nas mnor bar dag par 'bri/ lha thams cad pho
mo'i dbye ba cung zad ma gtogs gser mdog /yab rnams sku sha dang
lto pa rgyas ba/ g.yas mchog sbyin gyis bi dza pU ra

dang/ g.yon ne'u le 'dzin pa/ yum rnams nu 'bur rgyas shing
gams mchog sbyin dang/ g.yon 'bras kyi snye ma 'dzin pa/ yab
yum thams cad lha rdzas kyi na bza' dang rin po

@98b che'i rgyan can/ gter bum la sems dpa'i dkyil krung gis
bzhugs pa/ 'khor rnams dang sngags kyi dbu phyir bstan pa/ pad
'dab kyi phyi la mu khyud byed par ma bshad pas med kyang rung

la dam pa snga ma 'ga' zhig gis mdzad pa ltar na byas kyang 'gal
ba med pas byed tshe mu khyud gsum gyi dang por rten 'brel snying
po/ /gnyis par dbyangs gsal spel tshigs dang bcas pa mdun

nas g.yas skor du 'bri/ gsum bar rdo rje'i ra ba pa tras bskor
ba bya/ 'grel bar skar ma rgyal la bris nas de nyid kyi nyin par
rab gnas bya bar gsungs pa ltar bya zhing de'i tshul ni /

bdag nyid gsang bde sogs lha'i rnal 'byor dang ldan pas 'khor lo
gnyis gsang sbyar/ stong pa'i ngang las pad zla'i steng du rang
rang gas bon las yab rnams bris pa'i skabs ji lta ba bzhin

bskyed pa'i brla g.yon pa'i steng du yum rnams bzhugs pa'i
phyag g.yas pas yab la 'khyud pa/ yum rnams kyi gdan pad zla'i
steng du gnam rgyan segs mchod sprin du bskyed/ gnas

gsum byin gyis rlabs/ ye shes pa gzhug /dbu la rin 'byung gi
rgyas gdab/ mchod pa bya spyod bzhin byin gyis brlab/ mchod
bstod bzlas pa bya/ bzlas pa'i tshe

rdo rje gzungs thag bzung la/ gnod sbyin yab yum rnams kyi sku
las 'od 'phros/ 'jig rten dang 'jig rten las 'das pa'i yon tan
thams cad ci 'dod pa'i rnam par bkug ste sbyin bdag

gam bdag nyid gang du gnas pa'i phyi nang gi yul phyogs gzhi
thams cad gang bar bsams nas gtso bo yab yum gyi sngags brgya
rtsa re dang 'khor gyi sngags nyer gcig re nyung mthar byas pa
bzla/ mjug

@99a @#/ /tu mchod bstod/ bzod gsol/ dgyes bzhin du bris pa'i
'khor lo'i rnam par gyur pa'i 'od bzhu bstan bzhugs/ bkra shis
rnams byas te pho 'khor

'og mo 'khor steng du byas la bar du 'bru dang rin po che'i phyi
ma cung zad bcas pa'i kar dang sbrang rtsis byugs te sbyar nas
dar dmar ser ci rigs pa'i na bzas klubs/ gtso bo'i dbu rten gyi

rgyab tu bstan te rin po che dang 'bru sna dang dar tshon dang
dri bzang mang po'i dbus su bzhag /'tshams dar dmar ser gang rung
gis byas la zhabs bsdams par bya/ de ltar 'khor lo

snga ma nong rgyun ma gtso bor byas pa dang phyi ma 'dzam b+ha la
gtso bor byas pa yin la lugs snga ma las na bza' dang 'tshams dar
ser po bshad pa rgyas pa'i las gtso che ba dang/ phyi ma las
dmar

ser gnyis ka bshad pa tshe bsod dpal 'byor sogs rgyas pa'i las
dang de dag 'gug pa'i dbang gi las gnyis ka sgrub pa la dgongs
pa yin pas gnyis po gang byas kyang mi rung ba med la/ lugs

gnyis gang byed kyang lugs der dmigs gsal yod pa rnams de bzhin
du bya ba dang/ dmigs gsal med pa lugs gcig shos nas kha 'gegs
dgos pa rnams kha bskang ste dam pa'i phyag

srol dang mthun par bya yi/ bshad khungs dang mthong brgyud
gang
yang med pa'i rtogs bzos rang gzhan gyi mgo bskor bar mi bya'o/
/rgyal bas skyes dgu'i bsod nams zhing mchog tu/ /

lan cig min par bsngags pa'i sku brnyan dang/ /mchod rten rnams
la gzungs gzhug 'bul ba'i tshul/ /bod kyi dam pa mang pos sna
tshogs mdzad/ /khyad par yab sras gnyis kyi

@99b legs bshad zung/ /rab gsal nyi zla lta bu yod bzhin du/
/brjod bya'i 'od kyis stong pa'i brjod byad ni/ /me khyer lta
bu'i rtsom pas ci zhig bya/ /'on kyang ha cang rgyas dang

bsdus pa yis/ /byis blos don gyi snying po mthong dka' ba/ /'di
na yod ces phyogs tsam mtshon pa yi/ /sor mo'i brda' ston lta bu
'di byas so// //ces rten

la gzungs gzhug 'bul tshul shel dkar me long zhes bya ba 'di ni/
bcom ldan 'das kyi mdo rgyud dang 'phags yul gyi paN grub kyi
gzhung las rten la de bzhin gshegs pa'i ring bsrel

dang gzungs sngags 'ga' zhig gzhug par bshad pa las gzungs gzhug
'bul tshul rgyas par bshad pa ma mthong kyang bod kyi bla ma mang
pos mdzad pa'i yig cha sna tshogs 'dug cing/ khyad par

paN chen chos kyi rgyal pos mdzad pa'i gzungs 'bul nor bu'i
'phreng ba dang/ rgyal dbang mchog gis mdzad pa'i gzungs 'bul
'khrul spong nyin byed gnyis legs par bshad pa'i mchog tu snang
na'ang/

snga ma ha cang bsdus grags pa dang/ phyi ma rgyas drags pas blo
dman dag gis go dka' bar 'dug pas/ go bde la rgyas bsdus 'tshan
pa zhig gyis zhes don gnyer can 'ga' zhig gis

bskul ba ltar/ mkhas dang grub pa'i dbang phyug rje pha bong kha
pa 'jam dbyangs grags pa'i legs bshad dang/ gzhan yang yig cha
du ma dang/ rang gi phyag len mthong rgyud rnams

kyis brgyan te yab sras kyi legs bshad gnyis gyi zur brgyan dang
zhabs togs su dmigs te/ yul byang phyogs kyi mthar skyes pa'i
bcol chung gyi na ba ngag dbang blo bzang chos ldan gyis/

@100a @#/ /'jam dbyangs gong ma'i rgyal khab kyi bod chos lha
khang du grags par sbyar ba'i yi ge pa ni smon lam rin chen no/
/'dis kyang sems can thams cad la phan thogs par gyur cig/ @# ?
//