@001a @#/ /bla ma'i zhal gdams gdung sel sman gyi thigs pa bzhugs
so//

@001b @##/ /na mo gu ru/ de yang bla ma'i zhal nas/ rje sgrub
khang pa la sogs pa dam pa gong ma rnams kyis/ ri khrod pa la
rkyen ngan byung tshe

rim gro byas na ri khrod pa'i rkang drangs pa yin/ nad dga' shi
skyid kyi gsol 'debs kho na byed dgos gsungs pa red/ rang re
tshos de 'dra dka' yang las ngan 'dzad pa'i rgyu

yin snyam pa sogs lam du 'khyer gang thub dang/ 'bras bu sdug
bsngal rang steng du yod pa dang/ rgyu las nyon bag chags dang
bcas pa sbyangs 'dun gyis dkon mchog

la gsol 'debs byed dang byed 'jug gal che/ mdor na las bdag gir
byas nas dkon mchog la gsol ba 'debs pa mi bsnyel ba dang/ yang
rang gi lus

@002a @#/ /longs spyod dus gsum bsags pa'i dge tshogs dang bcas pa
thams cad mkho dgu'i mchod sbrin du dmigs nas tshogs kyi zhing la
phul

bas bla ma mchog gsum gyi thugs rje byin rlabs dang 'dres pa
'dod dgu'i yo byad du snang ba'i 'od zer gyi rnam par mkha'
khyab kyi sems can la btang bas bde ba thams

cad dang ldan/ sdug bsngal thams cad dang bral/ snod thams cad
dag pa gnyis ldan gyi zhing dang/ bcud thams cad dag pa gnyis
ldan gyi bla ma'i skur gyur/

gnod cing 'tshe ba'i gdon bgegs rnams kyang lhag par spyan ras
gzigs kyi skur gyur/ rang la yang skyabs yul gyi 'od zer phog
pas mi mthun phyogs thams cad

@002b las rnam par rgyal ba'i rdo rje'i sku 'ja' tshon dang gzugs
brnyan lta bu/ stong nyid snying rje'i snying po can gyi ye shes
kyi rang bzhin du mos pa'i 'khyer so gsum byi dang la gnas na
rkyen ngan gang la'ang rnam rtog byed dgos pa med/

gang dang gang la'ang 'khyer so gsum dang 'brel ba'i rten 'brel
gyi snang ba gsal 'debs pa dang/ bla ma skyabs gsum kun 'dus su
yid ches pas gsol 'debs sems nas ma bor ba gal che/ de bzhin du
bla ma sman gyi

bla skyabs gnas kun 'dus kyi sku las 'chi med tshe'i bdud rtsi
dang/ skabs su gang babs kyi sman gyi bdud rtsi sogs kyis
sbyangs bsgyur gang 'os dang/ bla ma rdo rje rnams par 'joms pa
gzhung ltar gyi thugs kar thub dbang

rdo rje 'chang/ thugs ka'i sa bon las 'od zer 'phros pas skyabs
yul thams cad spyan drangs te thim pas skyabs gnas kun 'dus su
bsam/ yan lag bdun pa dang maNDal rgyas bsdus ci rigs/ gsol
'debs/ gzungs

ring thung bzla zhing bdud rtsi 'bebs sbyangs gis grib dang mi
gtsang ba bsal ba sogs dmigs pa'i 'phrul 'degs du ma shes nas
nyams su len pa gcig ri pa dag gi lugs yin pas/ re dogs kyi rnam
rtog mang bo gsos mi

'debs par blo brtan pos bar chad kyis brdzi bar mi nus pa'i
gdengs dang ldan pas sems bde 'bol le dkon mchog kho nal blo
ltos bcol te gnas dgos gsungs so/ /zhes pa 'di yang bka' drin
dang thugs rje mtshungs zla ma

@003a @#/ /mchis pa 'jam dbyangs bla ma rje btsun dkon mchog
rgyal mtshan dpal bzang po'i zhal nas thos pa ltar/ dge slong
shes rab rgya mtshos yi ger bkod pa'o/ /'di mang

mdzod dge dgon gsar dga' ldan rab rgyas gling nas par du bkod//
//mangga laM// //

@003b [blank page]