[@##the following text has incomplete sections/ which are on order]

@105a @#/ /( gzungs gzhug dang gnod sbyin 'khor lo sogs rab gnas
bya tshul phun tshogs char 'bebs zhes bya ba bzhugs so//) @#// skal
bzang rnam 'dren mchog gyur shAkya'i tog /rgyal kun mkhyen rab

gcig bsdus 'jam pa'i dbyangs/ /thub bstan snying po gsal mdzad
tsong kha pa/ /dbyer med zhabs kyi pad mor gus phyag 'tshal/
/bsod nams zhing mchog bde gshegs sras bcas

kyi; /sku brnyan mchod rten gzungs sngags mo byad gzhan/ /gnod
sbyin tshogs bdag 'khor lo bum gter sogs/ /rab gnas bya tshul lag
tu blang bder dgod/ /de yang gza' skar

tshes grangs dge bar gzungs gzhug 'bul yul gyi sku 'dra dang
mchod rten gyi phyi dbyebs grub zin pa dang/ nang du 'bul rgyu'i
sku 'dra dang mchod rten gzungs sngags dril ba dang/ de las
gzhan pa'i

nang gzhug gi yo byad/ srog shing/ byin rten/ rin po che dang/
sman dang/ dri bzang gi thum bu rnams stegs ji ltar rigs pa'i
steng du legs par bsgrig /de rnams kyi

mdun gyi char stegs ji ltar 'os pa la gos dar sogs kyi kheb ser
pos g.yogs pa'i steng du gser dngul sogs rin po che'i gzhor
pa'am/ ra gan nam/ zangs sam/ dkar yol lam /

shing gi snod bzang po gas chag sogs kyi skyon dang bral ba
'bras dkar sogs 'brug tsang mas bkang ba'i steng du rin po che
dang sman bzang po ji ltar 'dzom pa bkram pa'i steng du 'khor lo
rnams bzhag /de dag

gi mdun phyogs su bum gter dang/ g.yas g.yon sogs ji ltar 'os
par bad mdzod kyi rdzas rnams bsgrigs/ mdun ngos su chu gnyis
nyer spyod tshar lnga las mi nyung ba dang gnod sbyin dang tshogs

@105b bdag la 'bul rgyu'i gtor ma rnams bshams/ sgrub pa bo'i
mdun du khrus bum dang bsang chu'i bum pa so so pa gnyis sam
bsdu na gcig gis kyang rung bas/ gang 'byor bum rdzas dang dri

bzang gi chus bkang ba dang/ khrus long/ khrus gzhong/ bgegs la
sbyin rgyu'i gtor cig gsum/ ting lo gsum/ chad bu gsum dang bcas
pa/ gu gul spos phor/

'thor 'bru/ rdor dril/ nang mchod/ rol mo sogs mkho ba'i yo byad
thams cad ji ltar 'os par bsgrigs/ sgrub pa po sgrub grogs dang
bcas bgos gtsang ma bgo zhing kha zas

sha chad sgog btsong tham khi sogs ma rungs pas ma spags par
byas te gral la bsgrigs/ skyabs sems sngon du 'gro bas yi dam
rdo rje 'jigs byed kyi bdag skyed rgyas bsdus skabs sbyar gzhung
bzhin

btang; khrus bum dang bsang chu sgrub tshul ni/ hrIH ShTrIH
bsang/ swa b+ha was sbyang/ stong pa'i ngang las baM las byung
ba'i rin po che'i bum pa dkar po lto ba tsha ba/ mgrin pa ring
ba/

mchu 'phyang ba la sogs pa mtshan nyid thams cad yongs su rdzogs
pa/ lha rdzas kyi gos kyis mgul ba dkris shing/ dpag bsam shing
gis kha brgyan pa bcud kyis gang ba'i nang du zla ba'i dkyil

'khor gyi steng du hUM yig gi mthar bzlas bya'i sngags kyis
bskor ba las 'od zer 'phros/ rgyal ba sras bcas rnams kyi byin
rlabs dang snod bcud kyi yon tan thams cad bkug nas bum pa'i
chul thim par

gyur par bsam la/ oM AH hUM/ brgya rtsa dang/ rten 'brel
snying po/ /rnam rgyal ma'i gzungs ring thung ci rigs hrIH
ShTIH rnams nyer gcig yan chad skabs sbyar bzlas pa'i mthar yi
ge

@106a @#/ /brgya pa brjod de/ bum pa'i nang gi sngags 'phreng
gdan dang bcas pa 'od du zhu nas bum pa'i chu dang ro gcig tu
gyur par bsam/ de nas thog mar sbyang pa gsum gyis bgegs

sbyang pa la/ hUM ye shes skal pa me ltar 'bar ba'i 'od/ ces pa
nas/ bgegs kyi dgra la phyag 'tshal lo/ /zhes pa'i bar gyis bgegs
skrod pa'i rgyab dpung du khro bo spyan drangs te mchod

bstod bya/ a ka ro lan gsum gyis bgegs gtor byin gyis brlab/
rang gi thugs kha'i hUM las 'od zer 'phros/ rten la gzungs
gzhug 'bul ba la bar du gcod par rtsom pa dang rdzas la gnas

pa'i bgegs rnams bkug par gyur/ mchod g.yog pas gtor cig re lag
pa g.yas su bzung nas rten dang rdzas rnams la g.yas su lan
gsum bskor ba dang/ oM sarba bi g+hna na sogs tshar re ste de

lta bu lan gsum gyis bgegs la gtor ma byin te rdzas sngags gnyis
ka zhi bas sbyang ba/ ting lo'i mar mo re chang bu re dang bcas
brten sogs la g.yon du lan gsum bskor ba dang/ sum b+ha tshar/

re ste de lta bu lan gsum gyis bgegs la rdzas zhi ba ting lo
dang chang bu sbyin pa dang sngags drag po sum b+ha brjod pas zhi
drag phyed mas sbyang ba/ hUM dkyil 'khor chen po'i sa gzhi la
gnas pa'i/ zhes pa nas/

da ni gnas 'di rten la gzungs gzhug 'bul/ zhes pa nas/ bgegs
rnams brlag par 'gyur ba gdon mi za/ /na mo rje btsun rtsa ba
dang rgyud par bcas pa'i dpal ldan bla ma dam pa rnams

gyi bka' bden pa dang/ sangs rgyas kyi bden pa dang/ chos kyi
bden pa dang/ dge 'dun gyi bden pa dang/ de bzhin gshegs pa
dang/ rdo rje dang/ rin po che dang/ pad

@106b ma dang/ las kyi rigs su zhugs pa thams cad dang/ snying
po dang/ phyag rgya dang/ gsang sngags dang/ rigs sngags kyi
lha'i khyad par thams cad kyi bden pa dang/ khyad

par du yang dpal rdo rje 'jigs byed chen po'i bden pa dang/ dpal
mgon dam pa chos skyong ba'i srung ma rnams kyi bden pa dang/
chos dbyings rnam par dag cing rten 'brel bslu ba med pa'i

bden pa chen po'i byin gyi rlabs kyis rten la gzungs gzhug 'bul
ba la bar du gcod par rtsom zhing rdzas la gnas pa'i bgegs kyi
tshogs gang yin pa thams cad mchod

[@##data incomplete here]

@107a @#/ /sku brnyan stong pa nyid du gyur/ stong pa'i ngang las
sna tshogs padma dang nyi ma'i gdan gyi steng du hUM las rdo rje
hUM gis mtshan pa yongs su gyur pa las dpal rdo rje 'jigs byed
zhal

gcig phyag gnyis gri gug dang thod pa 'dzin pa yum dang bcas
pa'i skur bzhengs pa'i spyi bor oM/ /mgrin par AH thugs kar
hUM gis mtshan par gyur/ thugs ka'i hUM las 'od zer

'phros; bsgom pa dang 'dra ba'i ye shes pa dbang lha dang bcas
pa spyan drangs/ dzaH hUM baM hoH ye shes pa dang gnyis su med
par gyur/ dbang lhas dbang bskur/ mi skyod

pas dbu brgyan par gyur/ mchod pa tshar dang po 'jigs byed kyi
mchod pa byin rlabs ltar byin gyis rlab/ spro na/ rgyal ba rnams
ni gtsang gyur cing/ zhes sogs mchod 'bul gyi

tshigs bcad dang/ oM ya mAnta ka arg+haM pra ti tstsha hUM swA
hA/ zhes sogs kyis chu gnyis nyer spyod rol mo dang bcas pas
mchod/ bsdu na sngags rkyang pas dbul/ oM ya mAnta ka oM

AH hUM gis nang mchod phul/ gzugs mchog mchog tu drag po che/
/zhes sogs sho lo ka gcig gis bstod/ dpal rdo rje 'jigs byed kyi
thugs kar nyi ma'i gdan gyi steng du hUM yig gi mthar

bzlas bya'i sngags kyis bskor ba las 'od zer 'phros rgyal ba
sras bcas kyi byin rlabs dang nus mthu thams cad 'od zer gyi
rnam par spyan drangs/ sngags 'phreng sa bon dang bcas pa la
thim par

gyur; oM ya mA nta ka hUM phaT/ ces pa ci 'grub bzlas pa'i
mthar yi ge brgyab brjod/ bcom ldan 'das dpal rdo rje 'jigs byed
sgrub gzhi 'di la brtan par bzhugs nas sbyin bdag

@107b dang bdag sogs sems can thams cad la mchog dang thun
mong gi dngos grub ma lus pa bstsal du gsol/ ces 'dod don la
gsol ba gdab/ dpal rdo rje 'jigs byed 'od du zhu nas sku brnyan gyi

rnam par gyur/ ces 'od bzhu bya/ gzungs rnams las sngags dang
bsang chus bsang/ swa b+ha wa sa sbyang/ gzungs sngags kyi yi ge
rnams stong pa nyid du gyur/ stong pa'i

ngang las padma dang zla ba'i gdan gyi steng du hriH las padma
hriH sa mtshan pa yongs su gyur pa las 'od dpag med dmar po zhal
gcig phyag gnyis kyi padma dang dril bu 'dzin pa rang 'dra'i yum
gos dkar mo la

'khyud pa/ mtshan dpes spros pa/ rin po che'i rgyan dang dar gyi
na bza' can/ zhabs rdo rje skyil krung gis bzhugs pa'i spyi bor
oM/ mgrin par AH thugs kar hUM gis

mtshan par gyur/ thugs ka'i hUM las 'od zer 'phros/ bsgom pa
dang 'dra ba'i ye shes pa dbang lha dang bcas pa spyan drangs/
dza hUM baM hoH ye shes pa dang gnyis su med par

gyur; dbang lhas dbang bskur/ mi bskyong bas dbu brgyan par
gyur/ mchod pa tshar gnyis pa/ sngar ltar byin gyis brlabs/ oM
A ro li ka arg+haM pra ti tstsha hUM swA hA/

zhes sogs kyis chu gnyis nyer spyod rol mo dang bcas pas mchod/
oM A ro li ka oM AH hUM/ gis nang mchod dbul/ rdo rje
dpag med rgyal po che/ /mi rtog nam mkha' rdo rje 'dzin//

'dod chags pha rol phyin pa brnyes/ /rdo rje gsung la phyag
'tshal lo/ /zhes pas bstod/ 'od dpag med kyi thugs kar hrIH yig
gi mthar bzlas bya'i sngags kyis bskor ba'i 'od zer gyis/

@108a @#/ /rgyal ba sras bcas rnams kyi byin rlabs thams cad
spyan drangs te sngags 'phrengs bon dang bcas pa la thim par
gyur/ oM A ro li ka hUM phaT/ ces pa ci 'grub bzla/

mthar yi ge brgya ba brjod/ bcom ldan 'das 'od dpag med yab yum
sgrub gzhi 'di la brtan par bzhugs nas sbyin bdag dang bdag sogs
sems can thams cad la mchog dang thun mong gi dngos

grub ma lus pa bstsal du gsol/ zhes 'dod don la gsol ba gdab/
'od dpag med yab yum 'od du zhu nas gzungs sngags kyi yig 'bru'i
rnam par gyur/ ces 'od bzhu bya/

bzungs las gzhan pa'i yo byad mchod rten dang sa tshatsha dang
srog shing sogs bsang sbyang/ gzungs dang sku brnyan las gzhan
pa'i yo byad rnams stong bar gyur/ stong pa'i ngang las padma
dang

zla ba'i gdan gyi steng du b+hruM las 'khor lo b+hruM gyis mtshan
pa/ yongs su gyur pa las rnam snang dkar po zhal gcig phyag
gnyis 'khor lo dang dril bu 'dzin pa rang 'dra'i yum spyan ma la
'khyud pa/ mtshan

dpes spras pa/ zhes pa nas/ mi bskyod pas dbu brgyan par gyur/
ces pa'i bar snga ma bzhin brjod/ mchod pa tshar gsum pa sngar
ltar byin gyis brlab/ oM dzi na dzi ka

arg+haM pra ti tstsha hUM swA hA/ zhes sogs kyis mchod/ oM
dzi na dzi ka oM AH hUM/ gis nang mchod dbul/ rnam par snang
mdzad dag pa che/ /rdo rje zhi ba dga' ba che/ /rang

bzhin 'od gsal mchog gi mchog /ston pa rdo rje la phyag 'tshal/
/zhes pas bstod/ rnam par snang mdzad kyi thugs kar b+hruM yig gi
mthar bzlas bya'i sngags kyis bskor ba las 'od zer

@108b 'phros; zhes pa nas/ thim par gyur/ oM dzi na dzi ka hUM
phaT/ ci 'grub bzla/ yig brgya brjod/ bcom ldan 'das rnam par
snang mdzad yab yum sgrub gzhi 'di la

brtan par bzhugs nas/ zhes pa nas/ bstsal du gsol/ gyi bar snga
ma ltar gyis 'dod don la gsol ba gdab/ rnam par snang mdzad yab
yum 'od du zhu nas gzungs dang

sku brnyan las gzhan pa'i srog shing sogs rten gyi nang du gzhug
rgyu'i yo byad so so'i rnam par gyur/ ces 'od bzhu bya/ gnod
sbyin 'khor lo bsang sbyang/ gnod sbyin 'khor lo stong

pa nyid du gyur/ stong pa'i ngang las rdo rje'i sa gzhir gur bla
re me ri dang bcas pa'i dbus su sna tshogs padma 'dab ma brgyad
pa'i lte ba dang 'dab ma rnams kyi steng du baM dang dzaM yongs
su gyur pa las

nor rgyun ma dang dzaM b+ha la gtso 'khor rnams kyi sku yongs su
rdzogs par gyur pa ni/ gtso 'khor thams cad sku mdog gser bcom
ltar 'bar ba/ zhal gcig phyag gnyis pa/ phyag g.yas

pa thams cad kyis bi dza pu ra 'dzin cing/ yum rnams kyi g.yon
pas 'bras kyi snye ma dang/ yab rnams kyi g.yon pas ne'u le
'dzin pa/ rin po che'i rgyan sna tshogs pas brgyan

cing; dar gyi stod g.yogs dang sham thabs mdzes par gsol ba/
zhabs skyil krung phyed pas bzhugs pa'i zhabs 'og na padma'i
gdong gi gter mnan pa/ lha mo rnams bud

med sgyu ma'i nga rgyal gyis 'gying bar gyur pa'i gtso 'khor
thams cad kyi spyi bor oM/ zhes pa nas/ dbang lhas dbang bskur/
rin chen 'byung ldan gyis dbu brgyan par gyur/

@109a @#/ /mchod pa tshar bzhi ba bsang sbyang/ stong pa'i ngang
las oM las rin po che'i snod yangs shing rgya che ba rnams kyi
nang du oM 'od du zhu ba las byung ba'i mchod yon/ zhabs bsil/

me tog ;bdug spos/ mar me/ dri chab/ zhal zas/ rol mo rnams
dangs shing thogs pa med pa nam mkha' dang mnyam par gyur/ oM
arg+haM AH hUM/ zhes pa

nas; oM shapta AH hUM/ gis byin gis ma ba/ oM ba su d+ha ri
ni sa pA ri wa ra argaM pra ti tstsha hUM swA hA/ zhes sogs
kyis mchod/ 'gro kun dbul 'phongs sdug bsngal mun

pa'i rum/ thugs rje nyi ma'i 'od kyis sel mdzad pa/ nor rgyun
b+ha mo A rya dzam b+ha la/ 'khor dang bcas la gus pas phyag
'tshal bstod/ yum rnams kyi thugs kar zla gdan

la baM yig dang/ yab rnams kyi thugs kar zla gdan la dzam yig gi
mthar rang rang gi sngags 'phreng gis bskor ba las 'od zer
'phros/ srid zhi'i dpal 'byor phun sum tshogs pa'i yon tan

thams cad spyan drangs te 'od du zhu nas sbyin pa'i bdag po dang
bdag sogs sems can thams cad la thim pas dbul 'phongs kyi sdug
bsngal thams cad zhi zhing bde 'byor phun sum tshogs par gyur/
oM ba

su d+ha ri ni swA hA/ oM tsandra kAntyai swA hA/ oM dantya
ye sA hA/ oM su dan ta ye swA hA/ oM Arya ye swA hA/
oM su b+ha dra ye swA hA/ oM guptA ye swA hA/ oM de byai
swAhA/

oM swa ra swa tyai swA hA/ oM dzam b+ha la dza lendrA ya
swA hA/ oM ma ni b+ha drA ya swA hA/ oM purna b+ha drA ya
swA hA/ oM d+ha na dA ya swA hA/ oM bai shra ma NA ya
swA hA/ oM ki li ma li ne swA hA/

@109b oM tsi pi kuNTa li ni swA hA/ oM mu khendrA ya swA
hA/ oM tsa rindA ya sw'hA/ zhes pa rnams ci 'grub bzla/ yig
brgya brjod/ gnod sbyin gyi gtor ma bsang sbyang/ stong pa'i

ngang las oM las rin po che'i snod yangs shing rgya che ba'i
nang du oM 'od du zhu ba las lha rdzas las grub pa'i gtor ma
dangs shing thogs pa med pa zag pa med pa'i ye shes kyi bdud
rtsi'i rgya mtsho chen por gyur/

oM AH hUM/ lan gsum gyis byin gyis brlab/ gnod sbyin yab yum
rnams kyis gtor ma'i bcud thams cad drangs te gsol bar gyur/ oM
ba su d+ha ri ni sa pA ri wa ra i dam pa

liM ta kha kha khA hi khA hi/ ges pa lan gsum gyis 'bul/ sngar
ltar mchod cing bstod/ nor rgyun ma yab yum gtso 'khor rnams
sgrub gzhi 'di la brtan par bzhugs nas rten la

mchod pa dang/ sbyin bdag dang bdag sogs sems can thams cad la
dpal 'byor rgya chen po rgyun mi chad du 'byung bar mdzad du
gsol/ zhes 'dod don la gsol ba gdab/ nor

rgyun ma yab yum grtso 'khor rnams 'od du zhu nas bris pa'i
'khor lo'i rnam par gyur/ ces 'od bzhu bya/ tshogs bdag 'khor lo
bsang sbyang/ tshogs bdag 'khor lo stong

pa nyid du gyur/ stong pa'i ngang las bai Tu rya'i brag ri
brtsegs pa'i steng du sna tshogs padma dang nyi ma'i gdan la byi
ba sngon po mgo g.yas su bstan pa'i steng du/ gaH yongs su gyur
pa las

tshogs kyi bdag po sku mdog dmar po glang po che'i gdong pa can
ral ba'i thor cog la rin po che dang me tog gis brgyan pa rten
'brel gyi phyag g.yas pa rnams na/ dgra sta/ mda' chen/ lcags

@110a @#/ /kyu; rdo rje/ ral gri/ 'phang mdung rnams dang/ g.yon
pa rnams na/ gtun shing/ gzhu/ kha TaM ga /khrag gis gang ba'i
thod pa

sha chen gyis gang ba'i thod pa/ phub dang ba dan brten nas
'dzin pa/ dar gyi sham thabs dang rin po che'i 'phreng ba can/
zhabs g.yas bskum zhing/ g.yon brkyang bas

bzhugs pa/ de'i spyi bor oM/ /mgrin par AH thugs kar hUM gis
mtshan par gyur/ thugs ka'i hUM las 'od zer 'phros/ rang bzhin
gyi gnas nas thugs

rje chen po tshogs kyi bdag po 'khor dang bcas pa spyan drangs/
hUM rang bzhin dag pa byang shar phyogs 'tshams nas/ thugs rje
chen po tshogs bdag skur sprul ba/ /mchod cing

sgrub pa'i gnas 'dir spyan 'dren na/ /thogs pa med par myur du
gshegs su gsol/ /badzra sa ma ya dza dzaH dzaH hUM baM hoH
gnyis su med par gyur/ slar yang

thugs ka'i hUM las 'od zer 'phros/ dbang gi lha rnams spyan
drangs/ dbang lhas dbang bskur/ 'od dpag med kyis dbu brgyan par
gyur/ mchod pa tshar lnga pa bsang sbyang

byin rlabs snga ma ltar bya/ oM ga na ba ti arg+haM bra ti
tstsha hUM swA hA/ zhes sogs kyis mchod/ spyan ras gzigs dbang
thugs rje'i bdag nyid khyod/ /'gro rnams dbul

'phongs sel phyir nor lhar sprul/ /dgos 'dod rtsol phyir gser
gyi khri la bzhugs/ /nor gyi 'byung gnas khyod la bdag bstod do/
/tshogs bdag gi thugs kar nyi ma'i gdan la

@110b gaH yig gi mthar sngags 'phreng gis bskor ba las 'od zer
'phros/ 'jig rten khams kyi dpal 'byor bkrag ma dang sa gzi
brjid thams cad 'od zer gyi rnam par spyan drangs/ sbyin bdag

dang bdag sogs sems can thams cad la thim pas dpal 'byor bkrag
ma dang sa gzi brjid phun sum tshogs par gyur/ oM AH ga ni
hUM swA hA/ zhes dang/ oM gu ga na pa ta yi dA na pa

ti sa pA ri wA ra pu ShTiM ku ru oM/ /oM badzra a du sha ma
dza ta ga ta pe ta A karsha ya da na ba su a yuH buNyai
phuShTiM ku ru swA hA/ ga ga ga ga ga /zhes ci 'grub bzla/ yi
ge brgya pa

brjod; tshogs bdag gi gtor ma bsang sbyang/ stong pa'i ngang las
oM las zhes sogs snga ma ltar byin gyis brlabs/ tshogs kyi bdag
pos gtor ma'i bcud thams cad drangs te gsol

bar gyur/ oM ga na pa ti i dam ba liM ta kha kha khA hi khA
hi/ gsum gyis dbul/ gong bzhin mchod bstod bya/ tshogs kyi bdag
po sgrub gzhi 'di la brtan par bzhugs nas

rten la mchod pa dang/ sbyin bdag dang bdag sogs sems can thams
cad la dpal 'byor phun sum tshogs pa rgyun mi chad du 'byung bar
mdzad du gsol/ /zhes 'dod don la gsol ba gdab/

tshogs kyi bdag po 'od du zhu nas bris pa'i 'khor lo'i rnam par
gyur/ ces 'od bzhu bya/ bum gter sogs byin gyis brlabs pa ni/
las sngags dang bsang chus bsang/ gter

bum dang bang mdzod kyi rdzas rnams stong pa nyid du gyur/ stong
pa'i ngang las bam las byung ba'i rin po che'i bum pa mtshan nyid
thams cad dang ldan pa bcud bzang pos gang zhing ci 'dod 'byung
ba'i gter

@111a @#/ /chen po'i bum par gyur/ bum rdzas nyer lnga 'am sum cu
byin gyis brlabs sngags/ sman lnga la/ oM banytsa be Sha dzye
AH hUM/ rin chen lnga la/ oM banytsa ratna AH

hUM; dri lnga la/ oM banytsa gand+he AH hUM/ 'bru lnga la/
oM panytsa be ga AH hUM/ snying po lnga la/ oM banytsa
garb+ha AH hUM/ bdud rtsi lnga pa/ oM panytsa A mr-i ta AH

hUM; zhes pa rnams ci rigs bzla/ bang mdzod kyi rdzas rnams
rang rang gi ming yig dang po thig les brgyan pa yongs su gyur
pa las gzugs sgra dri ro reg bya phun sum tshogs pa dang ldan
pa'i lha

rdzas phun sum tshogs pa/ rten la mchod pa dang/ sbyin pa'i bdag
po dang bdag sogs sems can thams cad la 'dod dgu'i yo byad thams
cad zad mi shes pa rgyun mi chad du 'byung ba'i

gter chen por gyur/ nam mkha' mdzod kyi phyag rgya byas la/ oM
sarba bid bU ra sogs dang/ sngags drug dang phyag rgya drug gis
byin gyis brlab/ bdag gi bsam pa'i stobs dag ni/

zhes sogs bden stobs brjod/ rten 'brel snying po ci 'grub bzlas
te/ shis pa brjod cing me tog gi char dbab par bya'o/ /'dir sku
'dra 'am mchod rten dang der 'bul rgyu'i gzungs

gzhug sogs thams cad dkyus gcig la rab gnas bya tshul brjod mod
kyi/ de dag las re re 'am 'ga' zhig rab gnas byed na'ang cho ga
'di nang bzhin byas bas chog go /de yang gzungs 'bul

'khrul spong nyin byed du gzungs ma dril ba dang dril ba gnyis
ka la bgegs bskrad dang rab gnas bya bar bshad pas de gnyis ka
la bgegs bskrad rab gnas byed pa dang/ yang de nyid las/

@111b gnod sbyin 'khor lo kham sbyor gong du sbyang gsum sngon
du 'gro bas 'khor lo'i skyed chog byas nas sgrub pa zhag bdun
sogs ci 'grub bya bar bshad cing kha sbyar nas skyed chog bya
bar dngos su ma gsungs

kyang don la gnas shing phyag len la'ang mdzad pas kha ma sbyar
ba dang/ sbyar ba gnyis ka la bgegs bskrad rab gnas bya tshul 'di
nang bzhin byas bas chog la 'khor lo'i sgrub ba zhag bdun

sogs byed tshe/ 'khor lo'i steng du bla re dang logs su yol ba
sogs gos dar ser po sogs kyis legs par brgyan cing 'khor lo la
gzungs thag btags te thun gsum mam drug tu skyed chog

dang; sgrub grogs re mos kyis sngags rgyun mi 'chad par bzlas te
bsgrub bo/ /'khrul spong nyin byed du gzungs gzhug 'bul yul gyi
sku 'dra dang mchod rten la bgegs bsgrad dang rab

gnas bya bar dngos su ma gsungs shing/ gzungs gzhugs sogs grub
rjes bgegs bskrad dang rab gnas byas na de gas 'thus pas gzungs
ma phul gong du bgegs bskrad dang rab gnas mi

dgos sam snyam pa'i dogs pa mi bya ste/ 'jim sku chen po dang sa
'bum chen po lta bu la srog shing la gzungs gzhug sogs bsdams
nas srog shing bcug ste phyi dbyibs bzo dgos pas gzungs

gzhug ma phul gong du rab gnas bya ba'i gzhi med kyang phyi
dbyibs bzos nas gzungs gzhug 'bul dgos tshor/ nang gzhug la bgegs
bskrad rab gnas dgos pas phyi rten la'ang de dgos pa

'grub cing/ thams cad rdzogs par grub nas bgegs bskrad rab gnas
byed kyang rten rab gnas can la'ang snyigs ma'i dus su rab gnas
yang yang bskyar dgos par lho brag grub chen sogs kyis

@112a @#//gsungs pas skyon du mi 'gyur bar ma zad phun sum
tshogs par 'gyur bas so/ /ces gzungs gzhug dang gnod sbyin
'khor lo sogs rab gnas bya tshul phun tshogs char 'bebs

zhes bya ba 'di ni/ bshad sgrub bstan pa'i gsal byed mkhas
dang grub pa'i dbang phyug pha bong kha pa 'jam dbyangs grags
pa sogs kyis mdzad pa'i yig cha 'ga' zhig snang yar go sla bar
dgongs

nas phyag len dang cho ga'i yan lag 'ga' zhig gsal bar ma
mdzad 'dug pas/ thams cad tshang zhing go sla la 'khyer bde ba
cig gyis zhes rgyal khab chen po pe'i cing gi khrims ldan 'dus
pa'i

tshogs la lugs gnyis kyi bslab bya legs par slob pa'i phro
brang shar gyi ja sag bla ma phun tshogs rgya mtsho dang/ rab
'byams smra ba tshul khrims bzang po sogs don gnyer can 'ga'
zhig gis

bskul ba'i ngor/ yul byang phyogs kyi mthar skyes ba'i gyi na
pa ngag dbang blo bzang chos ldan gyis/ dam pa gong ma'i yig
cha dang phyag len mthong brgyud ltar/ 'phags pa 'jam

dpal gyi gnas mchog ri bo rtse lngar bkod pa'i yi ge pa ni dge
tshul smon lam rin chen no/ /'dis kyang rgyal ba blo bzang
grags pa'i bstan pa phyogs dus thams cad du dar zhing rgyas la
yun ring du

gnas par gyur cig //