@#//(rab gnas dge legs rgya mtsho'i char 'bebs kyi zung 'debs
zhes bya ba bzhugs legs so// @#//lha dang bcas pa'i skye dgu'i bsod
nams sog pa'i zhing dam pa bde bar

gshegs pa'i sku gsung thugs kyi rten rab tu gnas par byed pa la
nye bar mkho ba'i rdzas dang yo byad kyi tho dgod pa la/ rab
gnas kyi rgyud/ bde mchog sdom 'byung/ kyai rngor brtag

gnyis/ bshad rgyud rdor 'phreng dang/ dus kyi 'khor lo sogs rdo
rje 'chang gis gsungs pa'i rgyud dang/ de dag gi 'grel pa rgya
gar gyi paN grub du mas mdzad pa dang/ dkyil chog

rdo rje'i 'phreng ba/ slob dpon sa d+hu pu tra/ nag po ba/ snang
byed zla ba/ su ma ti ki rti/ kun dga' snying po/ /zhi ba snying
po sogs 'phags yul gyi paN grub du

mas mdzad pa'i rab gnas dang sbyan dbye'i cho ga /lo chen rin
chen bzang po/ /rje btsun grags pa rgyal mtshan/ bu ston thams
cad mkhyen pa/ 'dul 'dzin grags pa rgyal mtshan

sogs/ gangs can gyi mkhas grub du mas mdzad pa'i rab gnas kyi
gzhung cho ga'i go rim dang phyag len cung zad mi 'dra ba mang
du yod pa las 'dir paN chen thams cad mkhyen pa blo bzang chos
kyi rgyal

mtshan gyis mdzad pa'i rab gnas dge legs rgya mtsho'i char 'bebs
kyi cho ga dang phyag len la mkho ba'i rdzas dang yo byad kyi
tho dkod par bya'o/ /de la/ khrus stegs grub zhi phyogs rer khru
bzhi

@125b re dpangs su khru do yod pa/ steng gi ngos la khrus dkyil
mi 'dra ba gsum bshad pa las 'dir phyi nas rim pa bzhin dkar
dmar nag pa'i rtsig pa rim pa gsum gru bzhi sgo bzhi/ dbus

su sna tshogs padma 'dab brgyad/ de'i phyir snam bu gru bzhi/ de
la phyogs bzhir shar nas g.yas skor du/ 'khor lo/ rin po che/
padma/ ral gri/ dkar ser dmar

ljang/ 'tshams bzhir shar lho nas g.yas skor du/ 'khor lo// rdo
rje/ padma ral gri dkar sngo dmar ljang rnams kyis mtshan pa rdul
tshon gyis bri ba'am/ chu tshon

gyis bris pa'i ras bris bkab pa/ bum pa gas chag sogs kyi skyon
med pa'i mtshan ldan lha bum lha grangs dang mnyam pa sogs 'byor
na legs kyang ma 'byor na rnam rgyal dang las bum gnyis

khrus bum brgyad/ de rnams rang bzhin gyis dkar na des chog cing
zangs dmar lta bu mdog gzhan yin na tsan dan dkar po'i lnge
gu'am thod le kor lta bu'i dkar rtsis byugs te dkar por

bsgyur/ las sngags brjod cing gu gul gyis bdug yungs dkar gyis
bra bas te bgegs bskrad/ rta glang pong bu sogs kyis ma bgrod
cing srog chags med pa'i chu gtsang ma snod gzhan

dang ma reg pa gur gum sogs dri bzang dang bsres pas bum pa'i
sum gnyis tsam dgang/ mgul chings kha tshar dang phun tshar ma
nyabs pa'i ras gtsang ma 'am/ ma rnyed na dar gos gang yang

rung ba zung gis thor cog gsum pa'i tshul du byas la srad bu dkar
po bdun gyis/ oM badzra shi Sha ra ru Ta ma Ta ti shaM b+ha nd+ha
hUM/ zhes bzla zhing dkri/ rnam rgyal dang las bum la bum rdzas

@126a @#/ /bla med las bshad pa ltar na stag tsher ba 1/ kaNTa kA
ri 2/ gzhan gyis mi thub pa dkar po 3 ?/ /dbyug pa'i ud pa la
5/ dbang lag te sman lnga 5/ mu tig ?/

gser 2/ padma rA ga'am de med na dngul zangs dung gang rung ?/
3 byi ru 4/ mu mi na 5 te rin po che lnga/ ti la 1/ nas 2/ mon
srin ?/ 'bras so ba ?/ gro 'am /

mon sran gre'u ? ste 'bru lnga/ ga bur ?/ gur gum ?/ tsan dan
dkar po 3/ /tsan dan dmar po ?/ /gla rtsi ste dri lnga/ til ?/
lan tsha ?/ mar ?/ bu ram/ sbrang rtsi

ste snying po lnga 5/ nang gi bdud rtsi lnga rnams dang 5/ bya
rgyud las bshad pa ltar na/ gser 1/ dngul 2/ mu tig 3/ byi ru ?/
mu min te rin po che lnga ?/ nas ?/

'bras 2/ gro ?/ sran me/ til te 'bru lnga/ sbrang 1/ kar 2/ zho
3/ 'o ma 4/ mar te phyi'i bdud rtsi lnga/ sle tres/ kaNTa kA
ri/ dbang lag/ rgya mtsho'i

blu ba ?/ shu dag ste sman lnga/ tsan dan dkar 1 dmar 2/ 'dza ti
3/ ga bur 4/ gur gum ste dri lnga rnams las 5/ 'dir bla med ltar
gyi snga ma rnams 'jug /bum mtshan 'bri

pa'am gdags/ khrus bum brgyad la rim pa bzhin/ kar bu ram sbrang
rtsi ste mngar gsum/ zho/ kham star rgun 'bruM lta bu 'bras bu
3/ don gsal las a ru ra sogs

'bras bu gsum bshad kyang phyag len 'di'i lugs la 'di bzhin
mdzad/ 'bras gro nas lta bu 'bru 4 gong gi dri lnga lta bu dri
bzang ?/ 'bras yos/ gong gi sman lnga lta bu sman ?/ gong gi

@126b rin po che lnga lta bu rin po che rnams so sor blug /'bras
bu can gyi shing gi yal ga lo 'dab dang bcas pas kha brgyan/
'dag rdzas la phal khrus kyi 'dag rdzas la/ gong gi

phyi'i bdud rtsi lngaM/ dri zhim po'i 'bru mar 'byor na/ sug
smel/ shing tsha/ spang/ spos/ ba le ga /tsan dan dkar po rnams
zho do nge ras

dkar gtsang mar so sor btum ste til mar bre brgyad kyi nang du
bcug nas bskol ba bre drug tsam sgom nas/ bre do lus pa lta
bu'am/ ma 'byor na til mar la dri bzang btab pa

dang ?/ spos mar ?/ shing shun la n+ya gro ta/ u dum wa ra/ pa
la k+Sha/ si spa la/ maNTal muNTa ste 'o ma can gyi shing lja'i
shun pa'i phye ma dang/ ma 'byor

na/ 'om bu sogs kyi shing shun phye ma skam po/ ba'i zho/ 'o ma/
mar/ lci ba/ chu ste ba byung lnga'i 'dag chal 4/ spos mar 5/
sgyu ru ra'i phye ma

skam po ma sha ste sran dkar gyi phye ma skam po/ /gong gi dri
bzang lnga tshan gang rung gi 'dag tshal/ yung ba'i phye ma skam
po ste rdzas brgyad las/ bdud rtsi lnga zangs snod dang/ gzhan

rnams mkhar ba'i snod du blug pa/ mchog khrus kyi bdag rdzas la
dri bzang lnga'i 'dag chal/ dri zhim po'i 'bru mar dri bzang
lnga'i phye ma skam po rnams rin po che'i snod du blug pa/ dur
sngon

gyi pir snod bcas/ khrus ras 'byor na ras dkar bzang po kha tshar
dang phun tshar ma nyams pa'am/ ma 'byor na kha btag gam gos dar
dkar po sogs gtsang ma gang 'byor la gur gum

@127a @#/ /gri wang tsandan sogs sbyar bas padma 'dab bzhi/ lte
bar oM/ 'dab mar mdun nas g.yas skor du phyogs bzhir/ hUM
traM hriH AH rnams dbu phyir bstan te

bris pa/ khrus kyi me long che legs la dbus su hUM/ mthar mdun
nas g.yas skor du ye d+ha rma sbrul 'khyil ba ltar rab tshar bdun
tha ma tshar gcig gur gum sogs kyis bris pa/ bkra shis

kyi 'thor 'bru 'bras dkar sogs 'bru gtsang ma dge 'dun tshogs pa
mang nyung dang bstun pa'i mi nyung ba snod gtsang mar blug pa'i
steng du bzhag /sbyangs chas bgegs gtor gtor cog

gsum/ ting lo/ /chang bu 'theb kyu rnams gsum re snod bcas/ gu
gul gyi bdug pa/ yungs dkar dang chu gtsang snod bcas/ kham phor
dkar po/ /dur ba'i

myu gu dang bcas pa'i ba gci'i changs bu/ zan changs/ seng ras
rnams bzhi re thun mong du snod bcas/ nye reg gi chu gtsang snod
bcas/ dri bzang ?/ me tog g-i /

mchod yon ni/ mar me ste mchod pa bzhi so sor snod bcas/ spos
dkar mar dkar dang sbyar ba'i ril bu'i bdug rdzas/ de bdug pa'i
spos phor 'byor na long thag gam yu ba can/

gsol gdab kyi skabs su bdug rgyu'i tsandan dkar dmar dang a ka
ru sogs spos bzang po/ /gos dar bzang po'i na bza' dmar ser
zung/ gsol gdab tshigs bcad ma'i skabs su

tshogs pas 'dzin rgyu'i spos rer bzang po/ /rten la 'geb rgyu'i
na bza' ser po/ /ma lus ma'i spyan 'dren skabs tshogs pas 'dzin
rgyu'i spos rer bzang po/ /gsol gdab tshigs

@127b bcad ma'i skabs tshogs pas 'dzin rgyu'i spos reng bzang po/
/so rtsi'i rdzas rdo ja/ go yu/ go la'i phye ma gsum mar khu
dang sbyar ba rin po che sogs kyi snod bcas/ chu bzhi'i

rdzas zhi ba'i dbang du byas na/ nas/ 'o ma me tog dkar po/
/til/ ku sha/ 'bras yos/ ga bur lta bu dri dkar po dang/ bdud
rtsi lnga rnams

sam; rgyas pa'i dbang du byas na/ til/ gu sha/ gur gum/ me tog
ser po/ /bdud rtsi lnga/ zho rnams te/ de yang rab gnas kyi las
ni gtso

bor rten gyi byin rlabs dang mchod pa/ sbyin bdag gi tshe dang
bsod nams dang 'byor pa sogs rgyas pa'i ched du bya ba yin pas/
rgyas pa'i las gtso che bar byas nas phyi ma skabs

su bab pas rdzas phyi ma rnams chu gtsang dang sbyar ba/ 'byor
na gser ram ma 'byor na dung dang nya phyi sogs mdog ser por
bsgyur ba'i snod gsum gyi nang du blug pa gsum dang/ de

gsum 'bul ba'i snod bzed zhal gsum manyji dang bcas pa/ gser gyi
mig thur gser srang gang ngam tha na yang zho gang gi drug cha
gcig las mi chung ba/ dngul gyi gong bur gnas

pa'i gur gum lta bu'i dri bzang mar dang sbrang rtsi sbyar ba'i
mig sman/ bla ma kha cig dud dreg dang sbyar ba'i nag po bya bar
gsung/ snyan 'bru/ rmang 'tsher/ tshem shing/ zhal

thur rnams 'byor na rin po che las bzos pa'am bris pa'i tsa ka
li/ tsa ru'i bza' bar grags pa'i lha bshos rgyan sna tshogs kyis
brgyan pa'i tshogs 'khor snod bzang por bshams pa/

@128a @#/ /rin po che'i maNTal/ bkra shis rtags brgyad sogs mnga'
dbul gyi rdzas rin po che sogs la bzos pa'i dngos sam bris pa'i
tsa ka li/ lnga phyi ci rigs par 'bul rgyu'i

nyer spyod kyi mchod pa sta gon skabs tshar bcu dgu dang/ dngos
gzhi'i skabs tshar nyer gnyis las mi nyung ba snod bcas/ ma tog
sgrub pa'i tshe me long gi ye d+harma'i yi ge bkru ba dang dri

chab la ldug rgyu'i dri bzang gi chu bum pa'i nang du sbyar ba/
sngon 'gro'i gtor ma/ yi dam la 'bul rgyu'i gtor ma/ chos skyong
gi gtor ma/ phyogs skyong gi gtor ma/ gtor

ma sogs la bran rgyu'i chu gtsang dang de bran byed/ nang mchod
thod pa'i snod bcus/ khrus kyi skabs bum pa 'dzin pa'i tshogs
pa'i zhal grangs dang mnyam pa'i rten khe ba/ rdor dril/

sbub sil/ rnga dung sogs rol mo/ /bkra shis kyi rdzas/ me long/
g+hi wang/ zho/ dur ba/ bil ba/ dung dkar/ li khri/ yungs dkar
rnams

snod skyon med gtsang ma dang bcas pa sogs yo byad thams cad
tshogs par bya/ bshams lugs rten gyi mdun du mchod khri'i steng
du mchod pa gang 'byor gzab rgyas/ de'i mdun du

khrus stegs kyi steng du khrus dkyil gyi dbus su stegs ji ltar
'tshams pa'i steng du rnam rgyal g.yas dang las bum g.yon du
mdun slob dpon la bstan te ku sha dang me tog dkar po bkram pa'i

gdan la bzhag /rnam rgyal gyi steng du dung chos dri bzang gi
chu dang bcas pa dang gzungs rdor bzhag /de dag gi mthar mdun
nas g.yas skor du khrus bum brgyad/ de'i phyi rol tu

@128b 'dag rdzas rnams legs par dgod/ de'i mthar mdun ngos su
mchod pa/ khrus gzhong/ me long/ khrus ras/ dur ba'i pir rnams
dgod/ slob dpon gyi gdan rten la

phyogs par bshams pa'i mdun du rdor dril nang mchod/ g.yas
phyogs su yi dam gyi dkyil 'khor leb mor bkram pa'i mthar nyer
spyod lnga lha grangs dang ma nyam pa'am tshar bcu la sa mi nyung
bas

bskor ba'i mchod bcas/ g.yon gral gyi sgrub grogs gcig gi mdun
du stegs kyi khar chu bzhi bzed zhal rnams/ g.yas gral gyi rten
la nye bar mchod g.yog pa'i nye 'khor du sbyang chas

dang/ bdug pa/ spos phor/ spos sogs/ sa phyogs ji ltar 'os par/
mchod pa'i rdzas rnams dang/ gtor ma rnams dang/ mnga' dbul gyi
rdzas rnams dang/ bkra shis

kyi rdzas rnams so sor snod yod kyang sde tshan so so ba rnams
snod che ba reng bshams te skabs su bab pa'i tshe rang gis 'bul
dgos rnams rang gis 'bul zhing/ slob dpon kyis 'bul dgos

rnams slob dpon gyi mdun du bshams/ de ltar rdzas dang yo byad
thams cad sta gon gyi sngar nyin grabs su tshud par byas te spyir
bshams dgos rnams gong du bshad pa ltar bshams/ mchod

g.yog pas dmigs bsal du byed dgos ni/ sngon 'gro'i mchod gtor
slob dpon gyi mdun phyogs su stegs dma' ba cig gi khar bshams
spos mar spar/ gtor ma chang chu nang mchod kyis bran/

sngon 'gro tshar ba dang gshegs/ bum bzlas skabs thog mar gzungs
thag slob dpon gyi phyag tu 'bul/ las bum gyi bzlas pa'i skabs
gzungs rdor las bum gyi khar spo/ ud ta ga'i

@129a @#/ /bzlas pa'i tshe slar rnam rgyal gyi khar spo/ yig
brgya'i tshe gzungs thag dril/ hrIH ShTIH ngang las sngags
brjod tshe dung chos kyi chu rnam rgyal dang las bum gyi nang du
ldug /me tog

dkar po gsum gsum gzhug /lha 'ong ba zhu'i rjes la las bum slob
dpon gyi mdun du bzhag /de nas bum mchod bsdu/ dkyil 'khor gyi
mchod pa byin rlabs kyi tshe spos mar rnams spar/

gtor 'bul gyi tshe gtor ma chang chu nang mchod kyis bran/ chos
skyong gi mchod gtor la'ang 'dra/ me tog bsgrub pa'i tshe ye
d+harma bzlas tshar ba dang dri bzang gi chus me long gi ye d+harma
bkrus te de'i

chus me tog khyab par bya/ me long khrus dkyil gyi steng du bum
pa dang 'dag rdzas kyi phyi rol mdun ngos su khrus gzhong gi
nang du bzhag /gsol gdab kyi tshe tshogs pa thams cad bzhengs pa
na/

bsgrub pa'i me tog nas slob dpon la snod kyi nang dang/ tshogs pa
mang bar phyag tu 'tshams pa re bkye/ sngags brjod pa'i tshe bdug
spos kyis bdug /rten bskyed tshar pa dang rten na

bza' dmar pos g.yog /stab bden phyag mthil dang de min na mdun
du 'bru tshom pa re bzhag /lha ngo bstan tshar ba dang gos dmar po
dang me tog bsdu/ gdan la rten bzhag gi tshe

'dag rdzas dang bum pa rnams phyir bkyed de rnam rgyal stegs
chung gi mdun ngos su bzhag /stegs kyi steng du 'jog bden rten
dang mi bden me long gzhan zhig bzhag /'bru gsum dang

hrIH ShTIH dang 'khyil ba'i sngags lan bdun nam brgya rtsa
brgyad bzlas te chu bzhi byin gyis brlab/ khro bo'i mchod pa'i
spos dang mar me spar/ sbyang ba'i bgegs gtor bsngo ba'i sngags

@129b sarba bi g+hnan brjod skabs lag pa g.yas pas gtor ma re
rten la g.yas su bskor/ /sum b+ha ni'i skabs ting lo chang bu
'theb kyu dang bcas pa re g.yon du bskor/ mjug gi sum

b+ha ni'i skabs gtor ma ting lo sogs snod gcig la bzhag te rten
la g.yon du bskor te phyi rol du skye la mkhan la gtang de 'dor
du gzhug /rten la gu gul gyis legs par bdug /

de nas sbyang chas rnams rang rten la phyogs pa'i mdun du bzhag
la sbyang sngags 'don pa'i tshe dang por yungs dkar lag pa gnyis
kyi khu tshur gyis bzung nas g.yon du lan gnyis bskor cing

bya bas te snod du dor/ de nas g.yas su lan gnyis bskor cing
bya bas te dor/ de bzhin du seng ras kyi bar 'dra/ de nas lag pa
g.yon par chu gtsang bzung/ g.yas

pa'i gung srin gyis blangs la rten dngos sam me long la shar
ba'i gzugs brnyan gyi kha rna mig sna kha lag lte ba mgo rnams
la nye reg bya/ de nas mchod pa bzhi ba'i skabs mchod pa bzhi
rang gi mdun du

bzhag te sngags re dang bstun nas g.yas pa'i sor mos dri bzang
blangs te rten gyi thugs khar byugs pa'i tshul/ me tog blangs te
dbul 'dog tshul/ mchod yon blangs te snod gzhan zhig tu

ldug cing mdun du 'bul tshul/ mar me blangs te bskor nas 'bul
tshul bya/ de nas spos mar gyi ril bu la hUM bdun bzlas pa dang
spos phor du bzhag te rten la bdug /phal

khrus kyi skabs rten kheb bkram slob dpon gyis khrus byed na
de'i grogs bya/ rang gis byed na grogs gnyis gsum tsam dang bcas
pas cho ga'i tshig ris dang bstun nas khrus bya/ mchog

@130a @#/ /khrus kyi dbang lha'i mchod pa'i spos mar spar/ /rten
gyi ye shes pa spyan 'dren gyi tshe de'i mchod pa'i spos mar spar
te tshogs par spos rer bkye/ mchod pa gnyis

pa'i spos mar spar/ gsol gdab tshar ba dang spos bsdu/ rten gyi
gnas lngar dri bzang byugs pa slob dpon gyis byed na rang gis
g.yas pas dri bzang gi snod bzung ste grogs bya

zhing rang gis byed na g.yon pas dri bzang gi snod bzung ste
g.yas pa'i gung srin gyis rten dngos sam me long la gzugs
brnyan shar ba'i thugs ka mgul dbu phyag gnyis spyi gtsug rnams
su

byugs; rten dam tshig pa'i mchod pa'i spos mar spar/ gnas gsum du
reg pa slob dpon gyis mi byed na lag pa g.yas pa'i gung srin
gyis rten nam gzugs brnyan gyi thugs

ka mgrin pa spyi bo rnams su reg /phyogs skyong gi mchod pa'i
spos mar spar/ gtor ma chang chu nang mchod kyis zan/ phyogs
gtor tshar ba dang rten la na bza' ser

pos g.yog /gtang rag gi mchod pa'i spos mar spar/ dngos bzhi'i
nyin snga ma rnams sta gon gyi nyin dang 'dra/ ma lus ma'i don
du tshogs par spos bkram/ ji ltar

bltams pa'i tshe g.yas pa'i rnam rgyal gyi chus g.yon pa'i me
long gi gzugs brnyan la khrus gsol/ mchod pa byin rlabs kyi gong
du spos mar spar/ gsol gdab tshar

ba dang spos bsdu/ dbang lha'i mchod pa'i spos mar spar/ de
bzhin gshegs pa thams cad kyis sku zhes sogs kyi skabs su rnam
rgyal dang me long slob dpon la

@130b 'bul; sarba ta thA ga ta/ sogs kyi tshe khrus gzhong slob
dpon gyi mdun du bzed/ rten gyi mchod pa'i spos mar spar/ me
long bstan pa'i skabs

su/ ;mig sman dang mig thur slob dpon gyi mdun du bzhag /snyan
'bru sogs kyang slob dpon gyi mdun du grab byas te bzhag /tsa ru
dbul ba'i gong tshogs

'khor la chab kyis bran/ 'bul ba'i skabs su theg cing stab bden
tsa ru lag pa gnyis kas yar btegs/ tam bu la'i skabs su so rtsi
yar btegs/ mnga'

dbul gyi mchod pa'i spos mar spar/ mnga' dbul gyi rdzas rnams
slob dpon gyi mdun du bshams/ mnga' dbul gyi mjug bkra shis kyi
gong du bsgrub pa'i me tog bkram/

chos skyong bsgo ba'i sngon du mchod pa'i spos mar spar/ gtor ma
rnams chab kyis bran/ yon bdag bsgo ba'i sngon du gral gyi gsham
du rten la nye bar sbyin bdag la stan gsar

pa bting/ steng du 'bru dkar gyis g.yung rung ris bkod/ mdun du
stegs kyi khar chu gnyis nyer spyod rol mo dang bcas pa bshams/
spos mar sbyar/ yon bdag

stan khar 'dug tu bcug /yon bdag lhar bskyed tshar ba dang phyag
gsum dang/ stab bden bskor ba gsum byed du gzhug /yang stan khar
'dug tu bcug la lag tu me tog

gtang ?; mchod pa 'bul ba'i tshe tshigs bcad kyi skabs su mchod pa
re lag tu gtang de rten la 'bul tshul byed du bcug la blangs te/
rten gyi mdun du bsgrigs/ bkra shis kyi rdzas slob dpon gyi mdun
du bshams/ tshigs bcad tshar ba dang

@131a @#/ /slob dpon gyi phyag nas blangs te tshogs pa la brim ste
lag pas reg tu gzhug /de yang tshogs pa chen zla bo gcig gnyis la
bcol te 'grim du gzhug /

gtang rag mchod pa'i spos mar spar/ shis brjod char ba dang
btsa' ru'i tshogs 'khor bsil dgos yod na gri sogs mtshon gyis mi
gsheg par shing byang gtsang ma lta

bus bsil te/ slob dpon tshogs pa sbyin bdag thams cad la khyab
par bgos te bkye zhing thams cad kyis dga' ston rgya chen po la
rol bar bya'o/ /bde gshegs sku

gsung thugs kyi rten/ /rab tu gnas byed cho ga'i gzhung/ /dge
legs rgya mtsho'i char 'bebs kyi/ /phyag len rgyas pa'i sdom tshig
bri/ /rten dang mkho ba'i yo

byad rdzas/ /'dzom nas tshul bzhin legs bshams te/ /bdag bskyed
lha bum mdun skyed dang/ /khrus bum bdag rdzas me tog bsgrub/
/thams cad

bzhengs te me tog thogs/ /gsol gdab tshigs 'tshams sngags brjod
tshe/ /me tog dor zhing rol mo bya/ /thams cad 'dug cing thal
sbyar te/ /sems bskyed

rdzogs 'tshams me tog dor/ /rten la las kyi sngags chus bsang/
/cho ga gsum gyis lhar bskyed de/ /na bza' g.yog cing me tog
gtad/ /dkyil 'khor nang

gzhug gdong g.yog dgrol/ /lha ngo ston pa dkyil 'khor du/ /'jug
tshul shin tu bsdus pa'o/ /khrus dkyil steng du rten dngos sam/
/me long gzugs brnyan 'char

@131b ba bzhag /chu bzhi'i byin brlab sngags rgyas dbul/ /chu
gnyis la sogs byin gyis rlab/ /khro bo spyan drangs phyi nang
mchod/ /bstod de bgegs gtor a ka ros/

byin gyis rlabs te bgegs rnams dgug /gtor ma gsum gyis zhi bas
sbyang/ /ting lo chang bu 'theb kyu bcas/ /gsum gyis zhi drag
phyed mas sbyang/ /bden

bdar sngags bdug yungs dkar brab/ /gtor ma phyir dor drag pos
sbyang/ /'khyil ba hUM bdun gyis brlab pa'i/ /yungs dkar la
sogs rdzas drug po/ /khu tshur

gnyis kyis legs bzung ste/ /g.yon dang g.yas su lan gnyis re/
/bskor te dor bas drug gis sbyang/ /chu gtsang kha rna mig sna
kha/ /lag lte mgo la nye reg bya/ /

dri me mchod mar bzhi yis mchod/ /gong bzhin brlab pa'i spos mar
bdug /sbyang ba'i rim pa rgyas pa'o/ /thams cad 'greng ste rten
kheb gyon/ /g.yon pas khrus bum

lag tu thog /dbyangs dang rol mos snyan gsan phul/ /rten nam me
long gzugs brnyan la/ /bdud rtsi lnga yi 'dag chal byug /mngar
gsum zho gsar bum chus

bkru; ;dri zhim 'bru mar mar khrus byug /shing shun lnga yi phye
mas phyi/ /ba byung lnga yi 'dag chal byug /'bras bu 'bru dang
dri bzang gi /bum chus bkru zhing spos

mar byug /skyu ru ma sha'i phye mas phyi/ /dri bzang lnga yi
'dag chal byug /'bras yos sman dang rin po che'i/ /bum chus grub
zhing 'bru mar byug /yung ba'i phye ma

@132a @#/ /skam pos phyi/ /bdud rtsi lnga sogs bdag rdzas rnams/
/dur ba'i bir gyis legs par byug /phal khrus bya ba'i rim pa'o/
/dbang lha'i mchod pa

byin gyis brlab/ /dbang lha spyan drangs sngags rgyas mchod/
/gsol gdab shis brjod glu dbyangs blang/ /khrus khang bskyed de
dri bzang lnga'i/ /'dag chal byug

cing lha bum chus/ /bkrus te dri yi 'bru mar byug /dri bzang
lnga yi phye mas phyi/ /smon lam brjod cing ras kyis phyi/
/sbyin sogs tshigs bcad re re'i yang/ /

sngon du bdag chal rang rang skabs/ /bum chu mjug tu 'bru mar
dang/ /dri bzang phye ma khrus ras kyis/ /dbyi ba spel ba'i mjug
nyid du/ /khrus dang phyis pa'i dge

ba bsngo/ /slar yang dris byug gos rgyan dbul/ /mchog khrus
rgyas pa'i rim pa'o/ /ye shes spyan drangs zhabs zhal bsil/
/mchod yon nyer spyod rol mo brlab/ /

tshigs bcad sngags dang bcas pas mchod/ /tshogs pas bus mo g.yas
btsugs te/ /spos dang dril bu g.yas g.yon thogs/ /gsol gdab
gsum mthar zhabs zhal bsil/

mchod yon nyer spyod rol mo brlab/ /phul te phyag dang bstod pa
bya/ /ye shes pa gshegs dam tshig pa'i/ /thugs mgul dbu dang
phyag gnyis dang/ /spyi gtsug rnams

su dri bzang byug /zhabs bsil zhal bsil mchod yon dang/ /nyer
spyod rol mo brlabs te dbul/ /las sngags bzla zhing dam tshig
pa'i/ /thugs mgul spyi gtsug

@132b rnams su reg /'khyil ba'i sngags bzlas rten bdag bsrung/
/phyogs gtor phul te rten la ni/ /na bza' ser pos bkab nas bzhag
/gtang rag bya ba sta gon sdom/ /

dngos gzhi me tog bsgrub pa yan/ /song rjes sngar bzhin rten
bskyed de/ /chu bzhi nas bzung rgyan 'bul bar/ /song rjes gsol
gdab sems skyed rnams/ /sta gon

skabs bzhin tshang bar bya/ /khrus kyi rgyas bsdus skabs dang
bstun/ /skye mched gnas gsum byin gyis brlab/ /g.yas g.yon
spos dang dril bu bzung/ /ye shes spyan drangs mchod

yon dbul/ /khrus gsol gdan phul thal sbyar te/ /gsol gdab chu
gnyis nyer spyod sogs/ /brlabs te mchod cing spos dril bzung/
/lan gsum gsol gdab

rten la bstim/ /dbang lha spyan drangs gong bzhin mchod/ /dbang
gi bya ba mdzad par bsam/ /dbu la mi bskyod pa yis brgyan/ /chu
bzhi la sogs brlabs te dbul//

bstod cing gos rgyan me long bstan/ /grub na rgyas pa'i sbyin
sreg bya/ /dngul gyi kod bu'i mig sman ni/ /gser gyi thur ma'i
rtser blangs te/ /rten gyi spyan ni dbye bar

bya; ;snyan shangs tshem zhal rim bzhin dbye/ /sbyin sreg byas na
'o thug dang/ /ma byas btsa' ru'i bza' bca' rnams/ /nang mchod
ltar ram a ka ro/ /'bru gsum

gyis brlab phul te smon/ /zhal bsil mchod yon so rtsi dbul/
/rten gyi gnas gsum rdo rjes reg /dam tshig bsgrags te gzugs
bsgyur bya/ /chu bzhi nyer spyod la

@133a @#/ /sogs brlab/ /de dang 'dod yon nang mchod 'bul/ /bstod
pa maNTal rtags brgyad khrus/ /gos rgyan 'dod yon rgyal srid
bdun/ /lnga phrag

lnga dang gdug sogs 'bru/ rin chen bdun dang sman rnams dbul/
/bkra shis rab byung cha byad la/ /dbu skra sen mo'i 'dreg sbyad
dang/ /longs sku rnams la so mang dbul/ /

po tir khri gos glegs shing dang/ /glegs thag bzhi dbul mchod
rten la/ /srog shing 'khor lo cod pan 'phan/ /rgyal mtshan gdugs
dang 'phreng ba gdan/ /gang yin rten gyi skabs

dang sbyar/ /mnga' dbul bya ba'i rim pa'o/ /brtan bzhugs bcad
lhugs lan gsum brjod/ /rab tu gnas pa'i gtso bo yin/ /slar yang
brtan bzhugs yig brgya

bdun; ;gsol gdab rten gyi stod par smad/ /g.yas pas rdo rjes
lan gsum du/ /bskor bas brtan par byas te bstod/ /grub na zhi
ba'i sbyin sreg bya/ /ma grub

yig brgya bzod par gsol/ /spyi sgos chos skyong phyogs skyod
dang/ /'byung po spyi dang gzhi bdag gi /mchod gtor brlabs te so
sor phul/ /'phrin las bcol

zhing sbyin bdag gi /stan dad ? mdun du mchod pa bshams/ /'dug
bcug mchod pa byed par bsgo/ /bsang sbyang lhar bskyed rten la
ni/ /phyag dang bskor ba byed du

gzhug /me tog 'phreng gtang mchod pa brlab/ /rten la sbyin bdag
dbul du gzhug /bkra shis rdzas brgyad bsang sbyang bskyed/ /rten
la dbul zhing tshogs par brim/ /gtang rag

@133b mchod pa brlab te dbul/ /bzod gsol brtan bzhugs bsngo smon
dang/ /shis brjod mjug chog legs par bya/ /btsa' ru'i tshogs
'khor legs bgos

te; ;rten dang tshogs pa kun la bkye/ /phun tshogs dga' ston rgyas
par bya/ /ces rab gnas dge legs rgya mtsho'i char 'bebs zhes bya
ba'i zur 'debs 'di ni/ 'jam

dbyangs mi'i tshul 'dzin 'gong ma chen po nyid kyis thig tshad
dang ljags bkod mdzad nas bzhengs pa'i rje btsun 'jam dbyangs/
thugs rje chen po/ /kun tu bzang po gsum

gyi sku brnyan ye shes pa dngos su byon pa lta bu'i khyad mtshar
mthong bas yid 'phrog /'gong ma chen po khang shi khrir baM
zhugs nas dgung lo so dgu ba lcags 'brug zla tshes la rab gnas

bgyid skabs pho brang shar gyi ja sag bla ma phun tshogs rgya
mtsho dang rang gi zla bo don gnyer can 'ga' zhig gis/ gzhung
rang na rdzas dang yo byad phyag len thams cad mchan bu dang
sdom

tshig gis gsal bar mdzad snang na'ang/ 'don cha'i cho ga dang
spel mar song shing kha 'thor ba lta bus blo dman rnams kyis go
dka' bar 'dug pas thams cad phyogs gcig

tu bsgrigs pa 'di lta bu zhig gyis zhes bskul ba ltar gyi na ba
ngag dbang blo bzang chos ldan ming gzhan lcang skya hu thog
thur 'bod pas 'phags pa 'jam dpal gyi gnas mchog ri bo rtse
lnga'i

tha'i lo bri zhes pa'i gtsug lag khang du sbyar ba'i yi ge ba ni
smon lam rin chen no/ /'dis kyang rgyal ba'i bstan pa dar zhing
sems can la bde skyid 'phel bar gyur cig /bkra shis dpal 'bar
'dzam gling brgyan du byon/