@134a @#/ /(srung ba rab gnas bya tshul bzhugs so//) @#/ /bla ma
mchog gsum dam pa la/ /rtse gcig gus pa'i yid kyis 'dud/ /'gro
rnams srid zhi'i 'jigs pa las/ /

srungs la rtag tu bde legs stsol/ /'dir srung ba rab tu gnas
pa'i tshul lag tu blang 'de bar dgod pa ni/ srung ba legs par
bris te rdzas byug dgos rnams byugs la stegs

kyi khar dar dkar ram ras dkar sogs bting bar 'bru dkar gcal du
bkram pa'i steng du bzhag /mdun du mchod pa dang sbyang chas
rnams bsham/ rang yi dam gang yang rung

ba'i nga rgyal dang ldan pas/ rang gi thugs ka'i hUM las 'od
zer 'phros srung ba rab tu gnas pa la bar du gcod par rtsom pa'i
bgegs kyi tshogs rnams bkug par gyur/ a ka ro dang yi ge

gsum lan gsum brjod pas gtor ma byin gyis brlab/ gtor ma rten la
g.yas skor du bskor zhing/ oM sarba bi g+hnaM na maH sogs lan
gsum gyis bsngo/ /ting lo dang chang bu

g.yon du bskor zhing sum b+ha ni lan gsum/ na mo rje btsun rtsa
ba dang brgyud par bcas pa'i dpal ldan bla ma dam pa rnams kyi
bka' bden pa dang/ sangs rgyas kyi bden pa dang/ chos kyi ?

dge 'dun gyi ? rgyud sde chen po bzhi dang 'brel pa'i yi dam
dkyil 'khor gyi lha tshogs rnams kyi bden pa dang/ khyad par du
yang dpal rdo rje 'jigs byed chen po/ /zhes pa lta bu rang gi

yi dam gang yin gyi mtshan nas brjod de/ lha tshogs 'khor dang
bcas pa rnams kyi bden pa dang bden pa chen po'i byin gyis rlabs
kyis srung ba'i 'khor lo rab tu gnas pa la bar du bcod par

@134b rtsom pa'i bgegs kyi tshogs gang yin pa rnams gtor ma 'dis
tshim par gyis la zhi ba'i sems dang ldan pas rang rang so so'i
gnas su songs shig /gal te mi 'gro na ye shes kyi rdo rje me

rab tu 'bar bas mgo bo tshal pa brgyar 'gags par 'gyur bar gdon
mi za'o/ /sumb+ha ni bzla/ gu gul gyis bdug /yungs kar gyis brab/
gtor ma phyir bskor zhing

phyi rol du dor/ /de nas srung ba'i 'khor lo/ /swa b+ha was
sbyangs/ stong pa'i ngang las b+hruM las byung ba'i srung pa'i
'khor lo 'khor lo rtsi ba brgyad pa'i lte bar padma 'dab ma

brgyad pa mthar mu khyud rim pa gsum dang ldan pa zur bzhir rdo
rje rin po che padma ral gri rnams kyis mtshan pa/ phyi rol du ye
shes kyi me dpung rab tu 'bar bas gru bzhir bskor ba/ de la

bkod pa'i sngags kyi yig ge rnams padma dang zla ba'i gdan la
hrIH las padma hrIH sa mtshan pa yongs su gyur pa las 'od dpag
med dmar po zhal gcig phyag gnyis mnyam pa zhag gi phyag rgya
mdzad pa/ mtshan

dpe gsal rdzogs kyis spras shing/ rin po che'i rgyan sna tshogs
pas brgyan pa/ dar sna tshogs kyi na bza' gsol zhing/ zhabs rdo
rje skyil mo krung gis bzhugs pa/ de'i spyi

bor oM dkar po/ /mgrin par AH dmar po/ /thugs kar hUM sngon
pos mtshan par gyur/ thugs ka'i hUM las 'od zer 'phros/ bsgom pa
dang 'dra ba'i ye shes pa spyan

drangs/ dzaH hUM baM hoH gnyis su med par gyur/ slar yang thugs
ka'i hUM las 'od zer 'phros/ dbang gi lha rnams spyan drangs/
mngon par dbang bskur du gsol

@135a @#/ /zhes gsol ba btab pas/ oM sarba ta thA ga ta a b+hi
She ka ta sa ma ya shrI ye hUM/ zhes dbang bskur/ sku gang/
chu lhag ma spyi gtsug

tu gnas pa yongs su gyur pa las mi bskyod pas dbu brgyan par
gyur/ oM padma d+ha ra arg+haM pra ti tstsha hUM swA hA/ de
bzhin du shapta'i bar sbyar la mchod/ rdo rje dpag

med rgyal po che/ /mi rtog nam mkha' rdo rje 'dzin/ /'dod chags
pha rol phyin pa brnyes/ /rdo rje gsung la phyag 'tshal lo/ /oM
tsak+Shu sogs kyis spyan

dbye/ srung 'khor gyi ming yig 'od du zhu ba las srung bya gzugs
dang lang tsho phun sum tshogs shing bsod nams dang/ gzi brjid kyi
dpal dang ldan par gyur/

rang gi thugs ka'i hUM las 'od zer 'phros/ dmigs yul gyi srung
bya bkug te de nyid la thim par gyur/ 'od dpag med kyi thugs kar
zla gdan la hrIH yig gi

mthar sngags 'phreng gis bskor ba las 'od zer 'phros/ phyogs
bcu'i sangs rgyas sras bcas thams cad kyi sku gsung thugs kyi
byin rlabs dang nus mthu thams

cad 'od zer gyi rnam par bkug ste sngags 'phreng sa bon dang
bcas pa la thim zhing/ de las 'od zer spros te srur bya la thim
pas nang rim gdon bgegs

sogs mi mthun pa'i phyogs gang gis kyang mi tshugs pa ye shes kyi
rdo rje'i rang bzhin du byin gyis rlabs par gyur/ bar bsam la/
oM padma d+ha ra hrIH

@135b swA hA/ ci 'grub pa zla/ yig brgyas brtan par byas la
sngar bzhin mchod bstod byas te/ srung 'khor la bris pa'i sngags
rnams brgya rtsa

sogs ci 'grub pa zla/ bcom ldan 'das de bzhin gshegs pa dgra
bcom pa yang dag par rdzogs pa'i sangs rgyas 'od dpag tu med pa
la phyag 'tshal lo/ /

mchod do skyabs su mchi'o/ /srung ba 'di 'byung ba'i gnod pas ma
zhig gi bar du brtan par bzhugs nas sems can gyi don dpag tu med
pa mdzad cing khyad par

du yang srung bya 'di srung zhing bskyabs te tshe dpal stobs
'byor la sogs pa'i legs tshogs thams cad rgyas par mdzad du gsol/
oM padma d+ha ra hrIH

swA hA/ 'od dpag med gdan padma 'khor lo sogs 'od du zhu ste
bris pa'i 'khor lo'i rnam par gyur cing/ mtshan dang dpe byad
rnams dbyangs

gsal la sogs pa'i yig 'bru'i rnam par gyur/ ye d+harmA dang phun
sum tshogs pa mnga' ba sogs kyis shis pa brjod cing me tog gtor/
de nas

srog yig ma chag par bzhi lte ba byas la tshon skud kyis dkri ba
sogs byas te/ grub na slar yang rab gnas dang shis brjod byas la
bsrung bya mdun du bzhag

par bgegs skrad dang byin rlabs byas nas srung 'khor bsgoms te
gdag cing srung ba gzhan gyis mi mthong bar bya'o/ /'di ni srung
ba rab gnas spyi 'gro kun

@136a @#/ /mkhyen bu'i yig cha ltar bkod pa yin la/ gdugs dkar
gyi srung 'khor gdugs dkar du skyed pa lta bu lha gad gi srung
'khor yin pa

dang srung 'khor de la bkod pa'i sngags lha gang yin pa ngo shes
na lha der ? bskyed de ye shes pa dgug gzhug dbang bskur rgyas
btab mchod pa stod gong gi rigs bsgres

ti 'jug gi shis brjod kyi bar bya/ srur 'bum lta bu la rab gnas
rgyas 'bring bsdus gsum las rgyas pa la rtsa ba gsum zhes pa bla
ma yi dam mkha' 'gro gsum

gyi lha tshogs bskyed pa dang 'bring ? bsdus la gsum po gang rung
bskyed par bshad pa ltar byed na de'i skyed chog rnying ma'i
gzhung nas shes dgos par snang/ gong gi

'di spyi 'gro yin pas srung 'bum lta bu la'ang sbyar rung/ yang
dam pa 'ga' zhig gis srung ba dmigs gsal can ma gtogs pa 'jigs
byed lta bu rang gi yi dam

gang yin du bskyed nas rab gnas mdzad pa'ang snang/ mdor na 'bri
lugs dang rdzas sogs phun sum tshogs par byas te dmigs pa gsal
pos skyed chog sogs

legs par byas la ngo bo ye shes kyi lha la rnam pa bris pa'i
srung 'khor gyi rnam pa can du mos te srung bya la phan gdags
par bya'o/ /ces pa 'di bstan 'gro'i dpal

mgon dam pa la mo zhabs drung rin po che/ blo bzang bstan pa'i
rgyal mtshan dpal bzang pod bkas bskul ba bzhin yul byang phyogs
kyi mthar skyes pa'i gyi na ba

@136b ngag dbang blo bzang chos ldan dpal bzang po zhes bgyi bas
dben ? pa'i bsti gnas byang chub gling zhes bya bar sbyar ba'i
yi ge pa ni bkra shis rgyal mtshan no// //

mangga laM// b+ha wantu//