{dd} @##/ /bla ma dang skyabs mchog rin po che rnam pa gsum la gus pas phyag 'tshal zhing skyabs su mchi'o/ / dus dang gnas skabs thams cad du rjes su bzung du gsol / 'dir dkon mchog gsum la skyabs su 'gro tshul go bde bar dgos pa la/ skyabs su song ba'i dgos pa dang phan yon/ {dd} @02b {dd} @#/ /oM badzra satwa sa ma ya/ ma nu pA la ya/ badzra satwa te no pa ti ShTha dri Dho med b+ha ba/ su to Shho med b+ha ba su po Shho med b+ha ba/ a nu bkto me b+ha ba/ sarba sidd+hi me pra ya tstsha/ sarba rka rmA su tsa me tsi ttaM ? shri yaM/ ? ku ru hUM ha ha ha ha hoH b+ha ga bA na sarba ta thA ga ta badzra mA me mu nytsa badzra b+ha ba ma hA sa ma yas twa a hUM phaT/ {dd} @02a @##/ /ji ltar skyabs su 'gro ba'i tshul/ skyabs su song nas ji ltar bya ba'i rim pa bshad pa dang gsum/ dang po ni/ spyir rang cag thog ma med pa nas 'khor bar 'khyams pa las mi lus thob pa ni/ dper na khab rtse gyen du bstan nas sa la btsug pa'i steng du yungs dkar sbar ba mang po gtor gtor na re re tsam khab rtser chags pa srid tsam yod zer ba las phal cher mi chags pa mngon sum gyis grub pa bzhin shin tu dkon/ mi lus thob na 'ang sangs rgyas kyi bstan pa dang mjal rgyu 'ong ba yang dpe snga ma dang 'dra/ da lta rang re mi lus thob nas @02b sangs rgyas kyi bstan pa dang mjal rgyu byung ba'i dus 'dir bstan pa dang ma mjal bar shin skom pas shin tu gdung ba'i mi yan lag brgyad ldan gyi mtsho 'gram du sleb nas chu ma 'thung bar skom pas shi ba las sdug bstan ba dang mjal ma mjal ni bstan pa la zhugs ma zhugs la zer/ bstan pa la zhugs ma zhugs ni dkon mchog gsum la skyabs su song ma song gi sgo nas 'jog /des na dkon mchog gsum la skyabs su 'grod gos la skyabs su song ba la phan yon ci yod snyam na/ skyabs su song na nang pa sangs rgyas bar tshud ba/ sdom pa thams cad skye ba'i rten du rung pa/ las ngan pa'i sgrib pa zad par 'gyur ba / bsod nams tshad med pa sog pa/ ngan song du mi ltung ba/ mi dang mi ma yin gyi gnod pas mi tshugs pa/ ci bsam pa'i don 'grub pa/ myur du mngon par rdzogs par 'tshang rgya ba sogs phan yon dpag tu med pa yod/ de yang dkon mchog gsum la skyabs 'gro byed pa'i gang zag la nang pa sangs rgyas pa dang/ dkon mchog la skyabs 'gro mi byed par 'jig rten pa'i lha la skyabs 'gro byed pa'i gang zag la phyi rol mu stegs par 'jog cing skyabs 'gro ni bstan pa la 'jug pa dang sangs rgyas pa'i gral du 'jug pa'i sgo lta bu yin pas na/ 'jam mgon bla ma tsong kha pa chen pos byang chub lam rim du bstan pa la 'jug pa'i sgo dam pa skyabs su 'gro ba sbyangs pa/ zhes gsungs pa yin/ sdom pa la bsnyen gnas dang dge bsnyen gyi sdom pa sogs so thar rigs brgyad dang/ byang sems kyi sdom pa sngags kyi sdom pa rnams yod pa las skyabs 'gro sngon du ma song bar sdom pa de dag kyang gang blang kyang mi skye zhing/ skyabs 'gro sngon du btang nas sdom pa de gang blangs kyang skye bas na sdom pa thams cad kyi @03a @#/ /rten du gyur ba yin/ sngon sum cu rtsa gsum gyi lha cig 'chi ltas lngas phog ste 'chi ba la nye ba'i tshe skye ba rjes ma phag tu skye bar go nas shin tu sdug bsngal bar gyur ba dkon mchog la skyabs 'gro shugs drag byas pas shi nas phag tu skye ba la log te lhar skyes par mdo las gsungs pa lta bu 'byung bas las ngan gyi sgrib pa srab cing zad par 'gyur ba yin/ dkon mchog la skyabs su song ba'i bsod nams gzugs su grub na khams gsum du yang mi shong bas khams gsum kyang de'i snod du chur bar mdo las gsungs pa lta bu bsod nams chen po sog pas tshad med pa sogs pa yin/ skyabs 'gro byas pas phag tu skye ba las log ste lhar skyes par gsungs pa lta bu ngan 'gro las ldog par 'gyur bas skyabs su song bas ngan 'gror mi ltung ba yin/ sngon mi cig la bu rkang zha 'phye ? bo 'gro mi thub pa cig byung ba bzo btse ma ? bslab nas 'phrun bu shes pa cig byung/ phyis su mi tshang cig la gos kyi lhan pa byed par khyer ba kho sbed dgos pa cig byung nas gzeb kyi nang du bcug ste mdzod du sbas pa rkun mas nor rdzas su go nas khyer/ rkun mas rdzas ci yod na snyam nas kha phye bas 'phye bo byung bas/ rkun mas 'di bsad la gnod sbyin mchod zer nas gsod grab byas pa na khos sangs rgyas la snying thag pa nas skyabs 'gro byas pas sangs rgyas kyis gnod sbyin du sprul te rkun ma la zhal bstan te 'di ma bsad par nga ? la phul cig gsungs pas kho ma bsad par btang ba dang/ yang sangs rgyas 'od srung kyi dus su ri rab kyi bang rim la klu'i rgyal po dbugs dang dbugs chen gnyis/ mkha' lding sgra snyan dang sgra chud bya ba gnyis byung ba klu gnyis mkha' lding gnyis kyis yang yang gtse zhing sdug bsngal bar yod pa phyis su klu @03b gnyis kyis skyabs 'gro dang bslab gzhi blangs pas mkha' lding gnyis kyis ma tshugs par klu gnyis bag yangs su bsdang pa la mkha' lding gis dris par ded skyabs 'gro dang bslab gzhi blangs pas de ltar gyur ces smras pas mkha' lding gnyis kyis kyang skyabs 'gro dang bslab gzhi blangs te bzhi ka mthun par gyur ba lhan cig tu 'grogs nas 'chi kar smon lam legs po btab pas bdag cag gi ston pa'i dus su/ klu gnyis yul 'khor srung dang 'phags skyes bo mkha' lding gnyis spyan mig bzang dang rnam thos sras su gyur par mdo las bshad pa lta bu gnod pas mi tshugs pa 'byung bas mi dang mi ma yin gyis mi tshugs pa yin/ bya ba ci byed kyang dkon mchog la snying thag pa nas skyabs su song ste/ blo bkal ? nas bsgrub pa mnyam med jo bo chen po dang bka' gdams pa gong ma rnams kyi phyag len la bslab na bya ba thams cad mthar phyin par 'gyur bas ci bsam pa'i don 'grub pa yin/ dkon mchog la skyabs 'gro tshul bzhin du byas pa'i mthus skye ba phyi ma rnams su mi khom pa'i gnas su mi skye bar chos ldan gyi rten khyad par can 'thob cing/ rten de la yang skyabs 'gro sogs la slob par gyur nas sangs rgyas kyi go 'phang bde blag tu 'thob pa ni myur du 'tshang rgya ba yin no/ /gnyis pa ji ltar skyabs su 'gro ba'i tshul la/ gang la skyabs su 'gro ba'i yul/ gang gis skyabs su 'gro ba'i rgyu/ ji ltar skyabs su 'gro ba'i bsam pa gsum las/ dang po ni/ phyi rol mu stegs pa dag tshangs pa/ brgya byin/ dbang phyug chen po/ /drag po bya ba 'jug/ /nyi zla sogs la skyabs su 'gro ba dang/ skye bo phal pa rnam dbye ci yang mi shes pa dag lha de dag las kyang mthu @04a @#/ /stobs chung ba'i lha klu gzhi bdag gnod sbyin yi dwags sogs ci rigs pa la skyabs 'tshol ba yod mod kyang 'jig rten pa'i lha klu gzhi bdag phal ba lta zhog /'jig rten na mthu stobs che ba/ tshangs pa dang/ brgya byin dang/ dbang phyug chen po sogs kyang 'khor ba'i 'jigs pa las skyob pa'i gtan gyi skyabs su mi 'os de'i rgyu mtshan lha de dag sngon gyi las stobs ldan gyi mthus 'jig rten na re zhig mthu stobs cha bar gyur kyang 'khor ba'i 'ching ba las ma grol ba 'khor ba'i 'dam du zug bzhin pa yin cing/ sngon las kyi 'phen pa zad pa na shi 'phos te mi'i bran gyi yang bran dang/ de las kyang dman pa dud 'gro dang yi dags dang dmyal ba rnams su yang skye bar mdo las gsungs/ dper na rang 'dam du zug pa'i mi zhig gis gzhan 'dam du zug pa 'don mi nus pa dang 'dra/ 'o na gtan gyi skyabs su su 'os snyam na yang dag par rdzogs pa'i sangs rgyas bcom ldan 'das rnams gtan gyi skyabs su 'os/ de'i rgyu mtshan de rnams sku mtshan dpes brgyan pa/ gsungs dbyangs yan lag drug cu dang ldan pa / thugs chos thams cad mngon sum du gzigs shing sems can thams cad la ma bu gcig bu la brtse ba ltar brtse ba/ mthu stobs nus pa 'jig rten pa'i lha klu 'khor bsgyur sogs mthu bo che ci 'dra zhig yin na'ang phar la yang dang ? bag tsha mi dgos shing tshur la bka' nyan gsung bstod byed pa/ 'phrin las nam mkha' gar khyab tu khyab pas rgya che zhing skad cig la 'jug pas myur ba 'bad rtsol la mi ltos pas lhun gyis grub pa/ re 'ga' 'byung la re 'ga' mi 'byung ba min pas rgyun mi 'chad pa sogs yon tan bsam gyis mi khyab pa mnga' ba dang/ mdor na skyon gyi rigs thams cad dang bral @04b zhing yon tan gyi rigs mtha' dag rdzogs pa yin/ sangs rgyas bcom ldan 'das skyabs su 'os pas des bstan pa'i chos dkon mchog kyang skyabs su 'os/ de'i rgyu mtshan sangs rgyas yon tan dpag med mnga' ba de rgyu med rkyen med du 'byung ba ma yin par lung gi chos la thos bsam dang/ rtog pa'i chos 'gog lam gyi bden pa bsgom sgrub byas pa la brten nas sgrib pa rnams rims kyis spang/ yon tan rnams rim gyis rdzogs te mngon par rdzogs par sangs rgyas pa yin/ chos dkon mchog skyabs su 'os pas de nyams su len pa'i dge 'dun nyan rang byang sems 'phags pa rnams kyang skyabs su 'os/ de'i rgyu mtshan chos dkon mchog 'gog lam gyi bden pa rnams sgrub pa bo med par byung ba ma yin par/ nyan rang byang sems 'phags pa rnams kyis bsgom sgrub byas pa la brten nas 'byung bas chos dkon mchog dge 'dun la rag las pa yin/ des na dkon mchog gsum po de gang la skyabs su 'gro ba'i yul yin/ gang gis skyabs su 'gro ba'i rgyu ni/ da lta rang re skye rga na 'chi/ gnyen sdug pa dang bral ba; dgra mi sdug pa dang 'phrad pa/ 'dod pa btsal te ma rnyed pa/ mi 'dod pa thog tu 'bab pa sogs sdug bsngal sna tshogs myong bzhin pa yin la/ sngon bsags pa'i mi dge ba'i las sna tshogs rgyud la yod pa'i khar da lta yang mi dge ba bcu la shas cher spyod pas skye ba phyi mar ngan song du 'gro ba las 'os med/ ngan song du skyes na dmyal ba la rab tu 'bar ba'i lcags kyis gzhir sreg pa dang/ gangs ri ris bskor ba'i 'khyag pa'i sbubs su 'khyag pa'i tsha grang/ yi dags la lo mang por bza' btung gi ming tsam yang mi thos pa'i bkres skom/ dud 'gro la chung chung mang pos lpags pa nas rkang la thug @05a @#/ /par za ba sogs gcig la gcig za ba dang mi theg pa'i khal 'gel ba'i bkol spyod sogs sdug bsngal bsam gyis mi khyab pa dus skal ba la sogs pa'i bar du myong ba yod/ da lta dbyar nyi ma tsha ba/ dgun lhag pa grang ba/ nyi ma re gnyis kyi ltog skom/ khur lci ba 'khur ba/ bangs mgyogs par 'gro ba sogs rang dbang byung na bzod pa cig kyang med pa'i das mtshon na ngan song gi sdug bsngal shugs drag la ring ba de 'dra ji ltar bzod snyam du bsam nas phyi ma'i sdug bsngal la 'jigs pa'i blo shugs drag po dang/ sdug bsngal de myong mi 'dod na de las skyob pa'i skyabs shig bstan dgos pa la/ dkon mchog gsum la de las skyob pa'i nus pa yod cing/ rang gi ngos nas skyabs su bzung na nges par skyob yong snyam pa'i yid ches kyi blo shug drag po gnyis bskyed pa skyabs su 'gro ba'i rgyu yin/ ji ltar skyabs su 'gro ba'i bsam pa ni/ snga ma rnams legs par bsam pa'i dang nas skyabs gnas dkon mchog gsum ma gtogs bdag la res skyabs gnas gzhan med pas tshe 'di phyi gang du'ang bdag skyid sdug dkon mchog gsum po rang mkhyen snyam du snying khong rus pa'i gting nas dkon mchog gsum la blo bkal ba'i bsam pa de skyabs su 'gro ba'i bsam pa yin/ gsum pa skyabs su song nas ji ltar bya ba'i rim pa ni/ 'jig rten pa'i lha gang la'ang 'phral gyi grogs 'tshol ba tsam ma gtogs blo 'gel ba'i skyabs su mi 'dzin pa/ mi dang dud 'gro sogs la rdeg pa dang 'ching ba sogs bsam pa dang sbyor bas gnod 'tshe spong ba dkon mchog gsum la yid mi ches shing skur ba 'debs pa rnams dang bsam sbyor mthun pa'i 'grogs 'dris mi byed pa/ sangs rgyas @05b kyi sku gzugs zis 'bur gyi rgyu dang bzo legs nyes ci 'dra zhig la'ang skyon 'dogs pa/ 'o brgyal sar 'jog pa dang gta' mar 'jog pa sogs mi gus pa dang brnyas thabs spangs te sangs rgyas dngos kyi 'du shes kyis bkur ba'i zhing du 'dzin pa/ chos tshig bzhi pa gcig yan chad la 'gom yug dang gtar 'jug pa/ zong du byed pa/ 'o brgyal sar 'jog pa sogs mi byed par chos dkon mchog dngos kyi 'du shes kyis bkur ba/ rab byung gi rtags tsam 'dzin pa yan chad la gshe zhing brnyas pa dang dgrar lta ba sogs mi gus pa spangs te dge 'dun dkon mchog dngos kyi 'du shes kyis bkur ba'i zhing du 'dzin pa ste so so'i bslab bya drug /dkon mchog gsum so so'i khyad par dang yon tan rjes su dran nas yang dang yang du skyabs su 'gro ba/ bka' drin rjes su dran nas dus rgyun du mchod pa la brtson zhing ci za ci 'thung gi lud ? kyis mchod pa/ snying rje chen pos 'gro ba gzhan yang tshul 'di lta bu la 'god pa/ bya ba gang byed pa dang dgos pa ci sgrub kyang dkon mchog mchod nas gsol ba 'debs pa ma gtogs 'jig rten pa'i thabs gzhan spong ba/ skyabs 'gro'i phan yon bsam nas nyin mtshan dus drug tu skyabs 'gro byed pa/ dkon mchog ma btang na gsod pa'i srog la thug kyang mi gtong zhing/ snying nas mi gtong ba yin kyang bzhad gad tsam gyi phyir yang gtong ba'i tshig mi brjod pa ste thun mong gi bslab bya drug la tshul bzhin du slob pa ni skyabs su song nas ji ltar bya ba'i rim pa yin/ de yang skyabs su song ba'i dgos pa dang phan yon ma mthong na spro shugs mi 'ong skyabs yul gyi yon tan ma shes na dad gus chen po mi skye/ skyabs su 'gro ba'i rgyu mtshan ma bsam na skyabs 'gro byas kyang yam me pa cig @06a @#/ /las skyabs 'gro'i bsam pa shugs drag mi 'ong/ skyabs su 'gro ba'i bsam pa ma skyes na skyabs 'gro tshig tsam las skyabs 'gro'i ngo bo mi 'byung/ skyabs 'gro'i bslab bya la ma bslab na dper na dgras gtsos te kha nyen pa'i mi cig dgra de las skyob nus pa'i mi cig la mgon bcol nas des skyob par byas des dgras nyen pa de la bya byed kyi slab par byas pa tshul mthun ma byas na skyab mi nus pa dang 'dra/ des na 'di rnams sngan la rang gis nges par bya/ de nas yang yang bsam nas yid la 'dris par bya/ de nas skyabs 'gro byed res kyis sngan la dran dgos rnams dran pa'i ngang nas skyabs 'gro yid 'khul nges bya zhing/ dus rgyun bslab bya rnams ma brjed par skabs gang bab la blang dor tshul bzhin du byas na skyabs 'gro tshul mthun 'byung ba yin gyi/ de rnams med par/ bla ma la skyabs su mchi'o/ /zhes sogs kyi tshig tsam zlos pa la tshig brjod pa'i phan yon tsam 'byung na'ang skyabs 'gro rnal ma 'byung sa med/ skyabs 'gro'i bslab bya 'di rnams tshul bzhin slob pa shin tu dka' na'ang dka' bas gang nas thub snyam du blos btang nas mi 'jog par dus rgyun gang thub byed cing/ gal te 'gal ba byung na'ang de la nyes dmigs su bltas te 'gyod sems kyis bshags pa dang phyin chad mi byed pa'i sdom sems byas na nyes pa chung ngu 'gro bas de ltar bya/ des na 'di rnams bshad chos dang go yul tsam min par dgos don gyi gtso bor gzung dgos/ da ni skyabs yul gsal 'debs pa sogs kyi dmigs pa ji ltar bya ba brjod pa ni/ skyabs yul gsal 'debs pa la spyir phyogs bcu'i zhing rab 'byams na dkon mchog gsum dpag tu med pa yod pa de thams cad yid @06b yul du byas nas skyabs 'gro byed pa dang/ mdun gyi nam mkhar gsal btab nas skyabs 'gro byed pa sogs lugs du ma yod pa las gang byas kyang rung mod kyi/ las dang po pa snga ma ha cang rgya che bas yid yul du 'char dka' zhing phyi ma cung 'char slabs phyi ma ltar na/ skyabs 'gro'i phan yon dran pa'i ngang nas rang gi mdun gyi nam mkhar seng khri pad ma nyi zla'i steng du rang gi rtsa ba'i bla ma dang dbyer med pa'i ston pa bcom ldan 'das/ de'i mthar rtsa rgyud kyi bla ma/ de'i mthar gsang bde 'jigs gsum sogs yi dam dkyil 'khor gyi lha tshogs/ de'i mthar sman bla ma ched bdun sogs sprul sku'i rnam pa can gyi sangs rgyas/ de'i mthar nye ba'i sras brgyad sogs byang sems/ de'i mthar gnas brtan bcu drug sogs nyan rang/ de'i mthar mgon chos lha mo rnam sras sogs chos skyong rnams kyis bskor ba sprin phung 'khrigs la ltar zhal rang la bstan nas bzhugs par bsam/ rang 'khor ba'i sdug bsngal gyis 'jigs te yon tan tshad med pa dang ldan pa'i bla ma dkon mchog rnams sdug bsngal de las skyob pa'i nus pa dang ldan zhing skyob par yid ches nas mgon skyabs dpung gnyen du 'dzin pa yin pas khyed rnams mkhyen snyam pa'i ngang nas/ bla ma la skyabs su mchi'o/ /sangs rgyas la skyabs su mchi'o/ / chos la skyabs su mchi'o/ /dge 'dun la skyabs su mchi'o/ /zhes pa'i skyabs 'gro bzhi skor gang mang dang/ mjug tu/ yi dam dkyil 'khor gyi lha tshogs 'khor dang bcas pa rnams la skyabs su mchi'o/ /dpal mgon dam pa chos skyong ba'i srung ma rnams la skyabs su mchi'o/ /zhes pa btags pa'i skyabs 'gro drug skor bdun na ma gsum sogs brjod/ 'di'i skabs su @07a @#/ /skyabs yul rnams las 'od zer dpag tu med pa 'phros te/ rang la phog pas/ thogs med nas bsags pa'i las ngan sdig sgrib bag chags dang bcas pa thams cad sbyangs te dag song snyam du bsam/ de nas/ bla ma dang dkon mchog rin po che rnam pa gsum la bdag phyag 'tshal zhing skyabs su mchi'o/ /khyed rnams kyis bdag gi rgyud byin gyis brlab tu gsol/ zhes pa brjod pas skyabs yul rnams dgyes bzhin du 'od du zhu nas rang la thim pas byin gyis brlab byung snyam du bsam/ sangs rgyas dkon mchog dang chos dkon mchog dang tshogs kyi mchog dge 'dun dkon mchog rnams la bdag byang chub ma thob kyi bar du skyabs su mchi zhing/ bdag gi sbyin pa btang ba la sogs pa'i dge ba'i rtsa ba ci dang ci bgyis pa/ 'di dag gi mthus 'gro ba sems can thams cad la phan pa dang bde ba sgrub pa'i phyir yang dag par rdzogs pa'i sangs rgyas kyi go 'phang myur du 'grub par shog cig snyam pa'i ngang nas/ sangs rgyas chos dang tshogs kyi mchog rnams la/ byang chub bar du bdag ni skyabs su mchi/ /bdag gi sbyin sogs bgyis pa 'di dag gis/ /'gro la phan phyir sangs rgyas 'grub par shog ces brjod de sems bskyed / sems bskyed mdor bsdus na 'dis kyang chog cing rgyas pa la spro na bsam pa snga ma ltar gyi ngang nas/ dkon mchog gsum la bdag skyabs mchi/ /sdig pa thams cad so sor bshags/ / 'gro ba'i dge la rjes yid rangs/ /sangs rgyas byang chub yid kyis bzung/ /sangs rgyas chos dang tshogs mchog la/ /byang chub bar du bdag skyabs mchi/ /rang gzhan don ni rab @07b sgrub phyir/ /byang chub sems ni bskyed par bgyi/ /byang chub mchog gi sems ni bskyed bgyis nas/ /sems can thams cad bdag gi mgron du gnyer/ /byang chub spyod mchog yid 'ong spyod par bgyi/ /'gro la phan phyir sangs rgyas 'grub par shog /ces brjod/ sems can thams cad 'khor ba'i sdug bsngal las grol ba'i zag pa med pa'i bde ba dang bde ba'i rgyu dang ldan na ci ma rung/ /ldan par gyur cig 'khor ba'i sdug bsngal dang sdug bsngal gyi rgyu kun 'byung las dang nyon mongs pa thams cad dang bral na ci ma rung/ bral bar gyur cig sdug bsngal gtan nas med pa'i zag med kyi bde ba dang ma bral na ci ma rung/ mi 'brel bar gyur cig 'ga' zhig la nye bar bzung nas chags pa dang/ 'ga' zhig la ring bar bzung nas sdad pa gzhis dang 'bral ba'i thams cad la sems snyom pa'i btang snyoms la gnas na ci ma rung/ gnas par gyur cig snyam pa'i ngang nas/ sems can thams cad bde ba dang bde ba'i rgyu dang ldan par gyur cig sdug bsngal dang sdug bsngal gyi rgyu dang bral bar gyur cig sdug bsngal med pa'i bde ba dang mi 'bral bar gyur cig nye ring chags sdang gnyis dang bral ba'i btang snyoms la gnas par gyur cig ces brjod de/ tshad med bzhi bsgom par bya'o/ /'di thams cad dkyus gcig la brjod dgos pa'i nges pa med pas longs yod dus 'di ltar bya la/ long med na skyabs 'gro gcig bu byas kyang mi rung ba med pas skabs dang sbyar/ de yang 'gol zhing long yod dus phan yon dran nas mdun gyi nam mkhar skyabs yul gsal 'debs pa sogs dmigs rim dang bcas @08a @#/ /pas skyabs 'gro'i tshig grangs bzung nas ngag tu brjod pa dang mjug gi gsol 'debs dang dmigs pa rnams bya/ 'gro 'dug gi spyod lam dang bya byed sogs kyi skabs su'ang/ skyabs bla ma dkon mchog rang mkhyen snyam pa'i bsam pa dung dung ba yang yang dran pa byung na skyabs 'gro'i tshig ngag tu brjod pa dang dmigs rim rgyas pa ma byung kyang skyabs 'gro byas par 'gyur bas long skabs dang bstun pa'i skyabs 'gro byed lugs shes par byas te nyams len byas na 'gal rkyen thams cad zhi zhing 'dod don thams cad 'grub pas khe che zhing/ byed lugs 'phran bu byung ma byung ba la brten nas 'bral la 'tshub pa dang phyi ma rang na 'gror 'gro ba sogs kyi nyen chung la rdzas dang yo byad tshogs pa/ lag len mthong rgyud yod pa/ gnas dus khyad par blta bu dgos pa min pas bya sla ba'i chos zab mo 'di lta bu la brten nas gnas skabs dang mthar thug gi don thams cad sgrub tu yod pa ni skal pa dang ldan pa yin pas 'di la 'bad 'tshal lo// //ces pa 'di ni rigs rus stobs 'byor dang 'dun brtson pa phun sum tshogs pa'i ha ra chin skal bzang e phu dbang gis skyabs 'gro'i dmigs rim rgyas shing go bde ba cig gyis zhes bskul bltar ba na rgan gyi na ba ngag dbang blo bzang chos ldan dpal bzang pos bod chos lha khang du sbyar ba'i yi ge pa ni sdom brtson rnam dpyod yangs pa'i dge slong dpal bzang ngo/ /manggalaM// b+ha wanU//