[@##the following text has incomplete sections/ which are on order]

@#/ /(lam rim gyi khrid kyi zin bris bzhugs so/ /)

dpal ldan bla ma dam pa mnyam med thub pa'i dbang po dang dbyer
ma mchis pa'i zhabs kyi pad mo la gus pas phyag 'tshal zhing skyabs su
mchi'o/ /brtse ba chen pos dus thams cad du rjes

su bzung du gsol/ 'dir rgyal ba'i gsung rab thams cad kyi gnad bsdus
pa shing rta chen po gnyis kyi lam srol skye bo mchog gi tshes lugs
che ba gnyis dang ldan pa'i byang chub lam gyi rim pa  

@45a @#/ /bshad nyan tshul bzhin du byas pa sngon du btang ba'i sgo
nas nyams su blang ba'i tshul rgyud ldan bla ma dam pa'i zhal gyi pad
mo las 'ong ba'i gsung gi bdud rtsi'i nyid khu mdo tsam

brjed byang du dgod par bya'o/ /'di la gsum/ sbyor ba dang/ dngos
gzhi dang/ mjug go /dang po la/ sngon 'gro skyabs sems dang/ dngos
gzhi lam gyi rtsa ba bshes

gnyen bsten tshul gnyis/ dang po ni/ gnas khang byi dor legs par byas/
sku gsung thugs kyi rten bkram/ mchod pa g.yo med cing bkod pa
mdzes par bshams la/

stan bde bar tshul dang mthun pa'i spyod lam gyis 'khod de/ thog mar
skyabs 'gro bya ba la/ skyabs su 'gro ba'i rgyu rang nyid thog ma med
pa nas 'khor ba spyi dang khyad par ngan song gsum

gyi sdug bsngal bzod par dka' bas yang yang mnar ba la yid skyo
zhing 'jigs pa'i blo shugs drag po dang/ rang nyams la dpags te sems
can gzhan 'khor ba spyi dang bye brag gi sdug

bsngal gyis dngos su mnar ba dang/ de'i rgyu la gnas pa rnams
kyang sdug bsngal dang 'thal 'dod kyi snying rjes kun nas blangs
te/ rang gzhan thams cad sdug bsngal las skyob pa'i

skyabs su la zhu na yang dag par rdzogs pa'i sangs rgyas bcom ldan
'das de skyon kun zad cing yon tan kun rdzogs pa dang/ khyad par
du rang 'jigs pa mtha' dag las grol/ gzhan

de las sgrol ba'i thabs la mkhas/ kun la thugs rje chen po snyoms
par 'jug /phan btags ma btags thams cad kyi don mdzad pas skyabs
ston pa por 'os/ chos

@45b dkon mchog mya ngan las 'des pa ni/ rang rgyud ldan gyi gang
zag 'khor ba'i sdug bsngal mtha' dag las skyob pa'i skyabs dngos
dang de las gzhan pa'i 'gog lam gyi bden pa rnams kyang sdug

bsngal ci rigs las skyob pa'i skyabs dngos yin/ dge 'dun dkon mchog
theg pa gsum gyi 'phags pa slob pa rnams skyabs de tshul bzhin du
bsgrub pa'i zla grogs mdzad pa po yin

pas/ de gsum la skyabs su 'os pa'i yon tan yod par yid ches pa'i dad pa
dang/ yon tan khyad par can de dag mngon du bya 'dod kyi 'dun pa
shugs drag pos dkon mchog

gsum la dpung gnyen zhu'o snyam pa'i bsam pa lhang lhang ba
bskyed de/ skyabs su 'gro ba'i yul 'gog pa dang lam gyi bden pa rgyud
la ldan pa'i sangs rgyas bcom ldan 'das dge

'dun gyi 'khor dang bcas pa bya nam mkha' la 'phur ba ltar mdun gyi
nam mkhar mngon sum du byon nas bdag gi mgon skyabs su bzhugs
yod snyam du gsal btab la/ skyabs

su 'gro ba'i tshul bdag sogs 'gro ba thams cad la skyid sdug legs nyes
ci byung yang khyed shes snyam pa'i yid ches kyi blo lings sgyur gyi
sgo nas dag tu/ bdag dang 'gro ba nam

mkha'i mtha' dang mnyam pa'i sems can thams cad dus 'di nas bzung
ste byang chub snying po la mchis kyi bar du dpal ldan bla ma dam
pa rnams la skyabs su mchi'o/ /

sangs rgyas bcom ldan 'das rnams la skyabs su mchi'o/ /dam pa'i chos
rnams la skyabs su mchi'o/ /'phags pa'i dge 'dun rnams la skyabs su
mchi'o/ /

@46a @#/ /zhes pa brgya stong sogs brjod pa'i mjug tu/ bdag dang zhes
pa nas/ bar du bla ma dang dkon mchog rin po che gsum la skyabs
su mchi'o/ /khyed rnams

kyis bdag gi rgyud byin gyis brlab tu gsol/ /khyad par du skyes bu
gsum gyi lam gyi rim pa bdag gi rgyud la myur du skye bar byin gyis
brlab tu gsol/ /zhes pa nyer gcig gam bdun

sogs gdung shugs drag pos brjod de gsol ba gdab/ de nas sems
bskyed pa ni/ bdag gis sems can thams cad kyi don du myur ba myur
bar yang dag par rdzogs pa'i sangs

rgyas kyi go 'phang thob par bya/ de'i ched du skyes bu gsum gyi lam
gyi rim pa rnams nyams su blang bar bgyi'o/ /zhes pa don yid la dran
bzhin pas lan bdun nam gsum brjod de spyi dang

khyad par gyi sems bskyed par bya'o/ /gnyis pa la bsam pas bston tshul
dang/ sbyor bas bsten tshul gnyis/ dang po la rtsa ba dad pa sbyang
ba dang/ bka' drin dran pa'i sgo nas

gus pa bskyed pa gnyis/ dang po ni/ thog mar bla ma la skyon rtog
gi blo 'gog dgos te/ de ma bkag na dad pa rnal ma dang tshul bzhin
du bsten pa rnams mi 'byung la/ de ma byung na

tshe 'dir dgra gdon sogs kyi 'tshe ba mang zhing phyi mar dus yun ring
por dge ba'i bshes gnyen las chos thos pa'i skal pa dang bral nas
ngan song du sdug bsngal bar 'gyur bas so/ /

des na rang la chos 'brel yod pa'i bla ma thams cad re re nas gsal
legs par btab/ khyad par rang ngor skyon ldan lta bur snang ba'i
bla ma'i sku'i dbyibs/ gsung gi gdangs/

@46b thugs dkyil che chung/ mdor na 'byon bzhud na bza' ba zhes
tshul sogs kyis mtha' brten pa'i mdzad spyod thams cad dang khyad
par du rang la skyon du snang ba gang yod rnams blo yul du

'char bcug la/ bdag gi dpal ldan bla ma 'di la skyon 'di yod nas
snang ba yin nam/ med kyang rang nyid snang ba ma dag pa'i dbang
gis snang ba gang yin snyam na/ bla ma la skyon de

yod nas snang ba min gyi rang nyid tshe rabs thog ma med pa nas las
nyon gyi sgrib pas ha cang spags ches pa'i mthus snang ba yin te/
dper na mig ser can la dung ser por snang ba dang/

skyon kun zad yon tan kun rdzogs kyi ston pa sangs rgyas kyang/
lhas byin legs skar mu stegs byed sogs kyis skyon gyi gong bur
mthong ba dang/ 'phags pa thogs med kyis rje

btsun byams pa khyi mor mthong ba dang/ nA ro bas te lo ba nya
gson sreg byed par mthong ba dang/ dge tshul tshom bu bas rdo rje
rnal 'byor ma mdze mor mthong ba lta bu yin pas so snyam

du bsam nas skyon rtog gi blo 'gog ci thub bya'o/ /de nas bla ma la
skyon rtog gi blo dgag dgos par ma zad yon tan gyi ngos nas bltas
te dad pa sbyang dgos te/ dad pa rnal ma skyes na

des drangs pa'i tshul bzhin du bsten pa 'byung la/ de byung na dngos
grub kyi rtsa ba bla ma yin pas gnas skabs dang mthur thug gi legs
tshogs thams cad yid bzhin du 'grub pas so//

des na bla ma rnams legs par gsal btab te/ de dag gi mkhas btsun
bzang gsum gyi yon tan/ tshul khrims gtsang ba dngos zhen chung
ba sogs/ tha na klog bzang ba

@47a @#/ /lta bu yan chad yon tan gyi rigs gang yod rnams blo yul
du 'char bcug ste 'di dang 'di lta bu yod do snyam du yang yang
bsam la de'i ngos nas dad pa je 'phel du btang ba la

'bad cing/ mdor na bdag the tshom dang log ltas bslad ma rig pa
dang las ngan gyis bsgrib pa'i dbang gis skyon snang zhing yon tan
ma mthong ba ma gtogs bdag gi bla ma dam pa 'di rnams skyon

kun zad cing yon tan kun rdzogs pa dus gsum gyi sangs rgyas thams
cad dang khyad par ma mchis pa kho na yin no snyam pa'i dang pa
shugs drag po bskyed par bya'o/ /gnyis pa ni/ spyir

sangs rgyas rnams chos sku bde ba chen po'i ngang nas longs sku'i
rnam pas byang 'phags sha stag gi don/ mchog gi sprul sku'i rnam
pas 'jig rten gyi khams su nyan rang byang sems dang so skyes

las ngag yan chad kyi don mdzad de rang rang gi skal ldan gyi
gdul bya mtha' yas pa smin grol gyi sal 'god par mdzad kyang/ bdag
las dang skal pa dman pa'i dbang gis sangs rgyas de rnams

kyi sku'i bkod pa mthong ba dang/ gsung gi bdud rtsi myang ba'i go
skabs dang bral nas 'khor ba 'dir sdug bsngal mtha' yas pa myang
'dug /da re yang dge ba'i bshes gnyen 'di rnams dang

ma 'jal na sdug bsngal gyi rgya mtsho 'dir gtan 'khyams bya dgos pa
la/ dge ba'i bshes gnyen 'di rnams kyis bdag gi skal ba dang 'tsham par
tha mal ba'i rnam pas klog slob pa/ /

bslab pa nod pa/ tshig bcad re gnyis yan chad kyi thos bsam la sbyor
ba/ zab pa dang rgya che ba'i lam gyis yongs rdzogs ston pa ci rigs
kyi sgo nas bdag gis bsgrub nus na thar ba dang

@47b thams cad mkhyen pa'i go 'phang bde blag tu stsol bar mdzad/
des na rang ngor sangs rgyas thams cad las bla ma dam pa 'di rnams
bka' drin che bar snang/ de'i rgyu mtshan sangs rgyas thams

cad mngon sum byon yang/ de dag gi sku mtshan dpes brgyan pa dang/
gsung yan lag lnga ldan bdag gi bsod nams dman bas mthong thos
kyi spyod yul du 'gyur bar mi snang la/ gal te

gyur srid na'ang/ de rnams kyis bdag gi don 'di bas lhag mdzad rgyu
mi 'dug pas so/ /'jig rten na phyi nang gi nyer 'tshe 'phran bu ci rigs las
skyob pa dang/ zas gos 'byor ba yo

byad 'phran tshegs re sbyin pa la yang bka' drin che bar byed na 'khor
ba'i sdug bsngal sel zhing/ gtan gyi bde ba ster bar mdzad pa'i bka'
drin 'di ni stong gsum gser gyis bkang ba

dang/ lus srog longs spyod thams cad kyis bskal bar mchod kyang
gzhal bar ga la nus snyam du bsam zhing/ chos bcu ba'i mdo las
'byung ba'i/ bdag yun ring du 'khor bar 'khyams pa 'tshol bar byed pa
dang/ zhes sogs dang/ sdong po bkod pa las 'byung ba'i/ 'di ni bdag
gi dge bshes chos smra ba/ zhes sogs don dran bzhin pas ngag

tu brjod pa'i sgo nas kyang snying khong rus pa'i gting nas gus pa
chen po ma skyes kyi bar du bka' drin rjes su dran par bya'o/ /gnyis pa
ni mdor bsdu na/ bdag gi bla ma dam pa 'di

rnams mnyes pa'i sgo mtha' dag bsgrub cing/ mi mnyes ba'i cha cung
zad kyang mi bsgrub pa la 'bad par bya la/ de yang bdag cag gi ston
pas slob pa lam gyi gnas skabs su /

@48a @#/ /chos tshig bcad re re'i phyir du yang skul mar me stong btsug
pa/ lcags gzeng stong btab ba/ sras dang btsun mo dang mnga'
'bangs longs spyod thams cad bltos

med du btang ba/ rtag du dus chos 'phags bsten pa/ nA ro bas te lo
ba bsten pa/ jo bo chen pos gser gling pa las byang chub kyi sems zhu
ba'i don du rgya mtshor dka' ba spyad pa/ /

'brom ? gyis dza bo/ /bses 'brog mi/ mi las mar pa bsten pa sogs dam pa
gong ma rnams kyi rnam thar bzang po'i rjes su zhugs te bla ma
rnams zang zing gi dngos po sogs la

gzigs pa min kyang gzigs pa ltar mdzad pa ni/ gdul bya tshogs rdzogs
pa la dgongs pa yin pas/ bdag gis tshogs rlabs po che rdzogs pa'i slad
du gces nor yod dgu mtha'

dag dbul zhing/ khrus/ sku mnye/ dri ? la ? phyis byed pa sogs lus
ngag gis bsnyen bkur ba dang/ ci gsungs bka' bzhin du sgrub pa'i
mchod pa rnams kyis mnyes par bya'o/ /

snyam du blo sbyang bar bya zhing dngos su gang 'grub la 'bad par
bya'o/ /bsnyen bkur dang zang zing 'bul ba dngos su ma grub na 'og
nas 'byung ba ltar gyi khrus gsol dang mchod pa sogs dmigs

pas bya la ?/ ci gsungs sgrub pa la gtan nas mi nus pa dang/ mi rung
ba zhig yin na'ang ci mi snyam par mi 'jog par shad sbyang legs par
bya zhing gdams pa'i don tshul bzhin du nyams

su len pa ni mchod pa'i mchog yin pas de la 'bad par bya'o/ /khrus
sogs dngos su ma grub pa'i dod du dmigs pas bya ba la/ thog mar/
dkon mchog gsum gyi bden pa dang/ /

@48b sangs rgyas dang byang sems gong ma rnams kyi byin rlabs
dang/ tshogs gnyis yongs su rdzogs shing chos kyi dbyings rnam par
dag pa dang/ bdag gi dad mos kyi mthus sa gzhi rin po che'i rang

bzhin las grub cing lag mthil ltar khod snyom pa bde ba can lta
bur gyur cig /thams cad du ni sa gzhi dag zhes sogs brjod de sa gzhi
byin gyis brlab/ de'i dbus su seng ges btegs

pa'i rin po che'i khri rtsa brgyud kyi bla ma'i grangs dang mnyam pa
bang rim gyi rnam pas bgod pa mdzes pa 'khod par gyur ces gdan
khri gsal btab/ rnam dag chos kyi dbyings las ma g.yos

kyang/ /zhes sogs dang/ ma lus sems can kun gyi mgon gyur cing/
/zhes sogs sho lo ka gsum gyis rtsa ba'i bla ma dang dbyer med pa'i
ston pa mnyam med shAkya'i rgyal bo la/ /

rgya chen spyod brgyud dang zab mo lta brgyud kyi bla ma rnams
dang/ chos 'brel mnos pa'i bla ma gzhan rnams dang/ sangs rgyas
byang sems nyan rang bka' sdod srungs ma'i tshogs dang

bcas pas bskor ba ma ga d+ha bzang mo'i gtam brgyud ltar spyan
drangs/ khrus kyi khang pa shin tu dri zhim pa/ /zhes sogs kyis khrus
khang bskyed/ ji ltar bltams pa tsam gyis ni/ /

zhes sogs kyis khrus gsol/ stong gsum kun tu dri dad ldang ba yi/
zhes sogs kyis dri bzang byug /srab 'jam yang ba lha yi gos/ /zhes sogs
kyis gos phul /

bdag dang 'gro la thugs brtse'i phyir/ /zhes sogs kyis tshogs zhing du
bzhugs su gsol/ /de nas bsags sbyang gi gnad bsdus pa'i yan lag bdun
pa dbul pa ni/ 'dren

@49a @#/ /pa mnyam med ston pa bcom ldan 'das/ /zhes pa nas/ rtsa ba'i
bla ma'i gsol 'debs kyi bar/ gsol ba 'debs ces pa/ phyag 'tshal lo zhes

'don pa bsgyur ba dang/ /ji snyed su dag phyogs bcu'i 'jig rten na/
/zhes sogs kyis lus dang yid gsum gyis phyag 'tshal/ /maNDal tshom bu so
bdun ma gang lcogs dang tshom bu

bdun ma gang mang gi rjes su/ /mchod yin phal cher mchod yon bla
bre dang/ /zhes sogs kyis chu gnyis nyer spyod rol mo/ /'dod yon/
rgyal srid sna bdun rnams dang/ me tog

dam pa 'phreng ba dam pa dang/ /zhes sogs kyis bla na yod med kyi
mchod pa dbul/ 'dod chags zhe sdang gti mug dbang gis na/ /zhes
sogs kyis stobs bzhi'i gshags pa snga ma bya/

phyogs bcu'i rgyal ba kun dang sangs rgyas sras/ /zhes sogs kyis
rang gzhan gyi dge ba la dga' ba bsgom/ gang rnams phyogs bcu'i 'jig
rten sgron ma rnams/ /zhes sogs kyis

phyogs bcu'i sangs rgyas rnams la chos ston par bskul bas de dag
gis zhal gyis bzhes par bsam/ mya ngan 'das ston gang bzhed de dag
la/ /zhes sogs kyis mya ngan las

'da' tshul ston pa rnams la mi 'da' bar gsol bas zhal gyis bzhes bar
bsam/ yon tan kun gyi gzhir gyur drin can rje/ /zhes sogs kyis 'dod
don la gsol ba gdab/

phyag 'tshal ba dang mchod cing bshags pa dang/ /zhes sogs kyis dge
ba rnams rdzogs byang du bsngo/ /thun mtshams su dngos gzhi'i skabs
kyi dmigs pa rnams yang yang dran pa

@49b tshogs pa sogs sgrib sbyong la 'bad pa/ tshul khrims la bag yod
bsten pa/ dbang po'i sgo sdom pa/ zas kyi tshod rigs pa/ mi nyal bar
rnal 'byor la brtson zhing/ nyal ba'i tshe dran

pa bsten pa rnams la tshul bzhin du bslab po/ /gnyis pa la/ dal ba'i rten
la snying po blang ba'i phyir du bskul ba dang/ snying po ji ltar len
pa'i tshul gnyis/ dang po la/ dal

'byor ngos bzung ba/ don che bar bsam pa/ rnyed dga' bar bsam pa
gsum/ dang po ni/ ngan 'gro ba gsum lha tshe ring po dang bzhi po mi
ma yin pa'i mi khom pa/ ming skyes kyang

glen zhing lcag pa/ log lta dang ldan pa/ mtha' 'khob tu skyes pa/
rgyal ba'i bka' med pa'i mun bskal lta bur skyes pa bzhi ni mir gyur
pa'i mi khom pa yin la/ de dag dang bral ba

ni dal ba brgyad dang/ spyir mi yin pa/ sa tshig gam chos tshig gis phye
ba'i yul dbus su skyes pa/ dbang po tshang ba/ las mtha' ma log pa/
gnas la dad pa lnga rang 'byor dang/

sangs rgyas byon nas mya ngan las ma 'das pa/ de 'am de'i nyan thos
kyis chos ston bzhin pa/ sangs rgyas bzhugs dus kyi sgrub pa'i bstan
pa ma nyams pa/ chos bstan pa la

brten nas gang zag dman pas 'bras bu thob pa mang po'i rkyen gyis
gzhan rjes su 'jig pa/ gzhan gyis snying brtse bar byed pa lnga gzhan
'byor yin pas/ de lta bu'i dal brgyad 'byor bcu

rang la tshang ngam ma tshang dpyad pa'i tshe/ rang nyid mir skyes pas
dal ba dang po bzhi dang rang 'byor dang po tshang/ gsung rab kyi
tshig don cung zad go zhing dkon mchog dang las 'bras la nges

@50a @#/ /shes yod pas dal ba lnga ba dang drug pa tshang/ sde snod
gsum la thos bsam sgom pa tshul bzhin du byed pa yod pas dal ba
lhag ma gnyis dang/ rang 'byor gnyis pa

rnams don gyis tshang/ dbang po sgo lnga dang ldan/ 'tshams med ma
byas/ sde snod gsum la dad pas rang 'byor lhag ma gsum tshang/
sangs rgyas 'jig rten du byon/ des dam pa'i

chos gsungs/ gsungs pa'i bstan pa gnas/ bstan pa de la rang nyid
zhugs pas don gyis gzhan 'byor dang po bzhi tshang/ gzhan zas gos
sogs kyi mthun rkyen sbyor ba yod pas gzhan

'byor lnga pa yang tshang 'dug snyam pa byung ba na de la dga' ba
bsgom par bya'o/ /gnyis pa ni/ lha dang klu la sogs pa'i 'gro ba gzhan
rnams rten de la las bsog pa'i nus pa mthu chung /

de dag las mi rnams las bsog pa'i nus pa stobs che/ de'i nang nas
'dzam bu gling ba las kyis pa yin pas las gang bsgrub kyang sa chod
che zhing myur/ khyad par du dal 'byor tshang ba'i

rten 'di la mngon mtho lha mi'i lus rten/ nyan rang gi myang 'das/
'gro ba rnams bde bar gshegs pa'i sar 'khrid pa'i sems skyed/ rdzogs
pa'i sangs rgyas kyi go 'phang sogs

gnas skabs dang mthar thug gi phun sum tshogs pa thams cad kyi
rgyu ji 'dra ba zhig kyang bsgrub phyin chad bde blag tu 'grub pas
rten 'di lta bu bdag gis thob pa 'di yid bzhin gyi nor bu rnyed

pa las kyang ches lhag go snyam du dbul pos gter rnyed pa lta bu'i
dga' ba bsgom zhing/ de yang ser sna can gyis nor rnyed pa rang gis
spyod pa dang/ gzhan la ster ba gang yang mi nus pa lta

@50b bu ma yin par don chen po dang ldan pa'i rten 'di don med du
mi btang bar snying po blang ba'i sgo nas don ldan du bya'o snyam
du bsam mo/ /gsum pa la/ dpe/ rgyu/ ngo bo'i sgo nas rnyed dka' tshul

gsum/ dang po ni/ de lta bu'i don chen po can gyi rten 'di da re stes
dbang gis rnyed pa ma gtogs shin du rnyed par dka'/ de'i tshul yang
dper na gyang logs la sran ma gtor ba'i tshe re re tsam

chags pa srid mthar snang ba dang 'dra la/ rgya mtsho chen por
g.yeng pa'i gnya' shing gi bu gar rus sbal gyi mgrin pa chud dka' ba
bzhin du mi lus rnyed dka' bar gsungs shing/ ngan 'gro

dang bde 'gro nas ngan 'gror 'gro bas chen po'i rdul dang/ de nas
bde 'gror skye ba de bzhin gshegs pa'i phyag sen gyi rtse mos bzhes
pa'i rdul dang 'dra bar gsungs pas so snyam du bsam/

gnyis pa ni/ spyir bde 'gro tsam thob pa la yang tshul khrims rnam
dag sna gcig bsrung ba yan chad bsgrub dgos/ khyad par du dal
'byor tshang ba'i rten thob pa la/ tshul khrims rnam par

dag pas gzhi bzung/ sbyin sogs kyis grogs byas/ smon lam dri ma med
pas 'tshams sbyor ba sogs dgos na rgyu de lta bu bsgrub pa shin tu
nyung bar snang la khyad par du bdag gis bsgrub

pa med pas slar dal 'byor lta zhog bde 'gro tsam yang gnas rnyed
snyam du bsam/ gsum pa ni/ dmyal ba yi dwags dud 'gro gsum snga ma
snga ma las phyi ma phyi ma nyung/ dud 'gro yang

bying na gnas pa dang gling bar gyi mun pa na yod pa las kha 'thor
ba nyung/ de las kyang mi nyung ba ni srin bu shin tu mang ba'i sa
phyir ba tsam gyi steng na srog chags phra mo bgrangs kyis mi lang
ba

@51a @#/ /yod na'ang mi bcu bskor las mi shong ba lta bus mtshon te
mngon sum gyis 'grub/ /mi la yang dal 'byor ma tshang ba nas phung
lta bu'i tshod na/ tshang ba nas rdog lta

bu'i tshod du 'dug pas dal 'byor tshang ba shin tu dkon no snyam du
bsam/ des na bdag bde ba 'dod cing sdug bsngal mi 'dod pas chos
bsgrub dgos/ phyi nang gi mthun rkyen dal 'byor tshang

bas chos bsgrub nas/ phyi mar dal 'byor rnyed dka' zhing nam 'chi la
nges pa mi 'dug pas chos rnam dag cig da lta nyid nas mi bsgrub pa'i
thabs mi 'dug snyam pa'i nges shes shugs drag

drang bar bya'o/ /gnyis pa la/ skyes bu chung ngu dang thun mong
ba'i lam gyi rim pa la blo sbyang ba/ 'bring dang thun mong ba'i lam
gyi rim pa la blo sbyang ba/ chen po'i lam gyi rim pa la

blo sbyang ba gsum/ dang po la/ 'jig rten phyi ma don gnyer gyi blo
bskyed pa/ 'jig rten phyi mar bde ba'i thabs bsten pa gnyis/ dang po la/
'chi ba mi rtag pa bsam pa/

ngan 'gro'i sdug bsngal bsam pa gnyis/ dang po ni/ nam zhig 'chi ba
zhig 'ong snyam pa yod kyang la zla ? zhag grangs re re bzhin nas
'di la mi 'chi snyam du blos mi 'chi ba'i phyogs bzung

na tshe 'di'i 'dun ma 'ba' zhig gi dbang du song nas nyon mongs pa
dang nyes spyod rnams rgyas shing chos las rgyab kyis phyogs te
ngan song du 'khrid la/ de ring tsam yang mi 'chi ba'i nges pa

med snyam du blos 'chi ba'i phyogs bzung na 'di snang gi bya ba la
mi brtson par tshe phyi mar phan pa'i thabs la ngar dam shugs kyis
'jug pa 'byung bas chos rnam dag bsgrub pa la shin tu gal che

@051b ba 'chi ba mi rtag ba bsam pa la/ nges par 'chi ba bsam pa/ nam
'chi nges med bsam pa/ 'chi ba'i tsha tshe tshes ma gtogs gang gis kyang
? mi phan par bsam pa gsum /

dang po la/ 'chi bdag nges par 'ong la de yang rkyen gang gis kyang
bzlog tu med par bsam pa ni/ ? byon pa'i rdzogs pa'i sangs rgyas skye
'chi la rang dbang thob pa rnams kyis kyang

gdul bya rtag 'dzin can rnams bskul ba'i don du mya ngan las 'da'
tshul bstan cing/ rgya bod kyi paN grub/ rgyal blon byang chub sems
dpa' sogs mchog dman grangs med pa chos

'byung de ba gtar gtam brgyud sogs las bshad pa rnams ma brtags
pa'i tshed lta yod yod 'dra na'ang/ legs par dpyad na byung ba'i gtam
tsam ma gtogs dngos su bzhugs pa

su yang med/ mdor na sngar byung ba'i mi 'di ma shi bar tshe thar bya
ba gcig kyang med na bdag gcig pu 'chi mi dgos ba ga la 'ong/ 'chi ba
'ong yang rkyen gyis bzlog tu yod na mi 'chi ba srid

kyang rdzas sngags ting nge 'dzin smra mkhas stobs 'byung sogs
gang gis kyang bzlog tu med pas nges par 'chi/ tshe la snon pa med
cing 'bring byed pa rnam ? chad dang bcas pa ni/ thog mar

mngal du nying 'tshams sbyar ba nas bzung ste skad cig ma re re
zhing 'chi bdag gi drung du ri gzar gyi 'bab chu ltar bzlog pa med
par myur du 'gro bas 'bring byed par ma chad dang bcas la/ tshe

zad pa la gsar du snon pa ni cung zad kyang med pas nges par 'chi/
gson pa'i tshe yang chos bya long med par don med du 'ba' ba ni/ byis
pa'i dus su chos bsgrub 'dod gyi blo mi skye /

@052a @#/ /rgas pa'i tshe chos bsgrub mi nus/ bar skabs su yang gnyid
dang bza' btung dang bre mo'i gtam dang rnam g.yeng sogs kyis
chos bya ba'i go skabs bcom nas /

chos bsgrub pa'i long med par nges par 'chi dgos par 'dug snyam du
bsam nas chos nges par bya bar thag bcad do/ /gnyis pa la/ 'dzam bu
gling pa'i tshe la nges pa med pas nam

'chi cha med par bsam pa ni/ spyir sgra mi snyan pa ma gtogs khams
gsum gyi sems can rnams la tshe tshad re bshad kyang bshad pa ltar
thub pa'i nges pa med la/ khyad par du 'dzam bu gling

ba rnams dang po tshe lo dpag tu med pa thub pa rim gyis 'grib nas
mthar tshe lo bcu la ring mtha' byed pa 'byung bar bshad pas shin tu
ma nges/ rang gis dngos su mthong ba sngon chad rang las

gzhon pa mang po shi song zhing da lta rang las rgan pa mang po
bzhugs 'dug pas rgan gzhon bar ma'i go rims ni mi 'dug /des na bdag
rang las rgan pa 'di dag gi sngon du ma 'chi ba'i nges pa

med pas nam 'chi la cha med/ 'chi rkyen mang zhing gson rkyen
nyung bas nam 'chi nges pa med pa ni/ phyi'i gnod pa dgra gdon gcan
zan sogs sems yod dang/ chus 'khyer ba mes

tshig pa sogs sems med dang/ nang gi gnod pa lus kyi 'byung ba
'khrugs pa sogs phyi nang gi 'chi rkyen shin tu mang zhing gson
rkyen nyung la/ gson rkyen yang zas mi 'phrod pa/ sman 

log pa; gnas khang rdib pa/ mdza' bos slu pa/ longs spyod la brten
pa'i 'thab rtsod 'byung ba lta bu 'chi rkyen du 'gyur ba shin tu mang/
des na blo bur gyi 'chi rkyen gang yang rung ba

@052b zhig gis bdag 'chi ba la tshegs mi 'dug pas nam 'chi la nges pa
med/ lus shin tu nyams chung bas nam 'chi nges pa med pa ni/ sa chen
po dang ri bo mchog rab dang rgya mtsho

chen po sogs kyang 'jig rkyen dang 'phrad pa na thal pa tsam yang
mi lus bar 'jig na/ bdag gi lus chu'i dbu ba ltar shin tu nyams chung
ba tsher ma zug pa lta bu rkyen 'phran bu res kyang 'jig

sla ba 'di phyi nang gi nyer 'tshe shin tu mang po dang bcas 'dug pas
de ring rang mi 'chi ba'i gdeng ci yod snyam du bsam nas chos da lta
nyid nas bya bar thag bcad do/ /gsum pa ni/ de ltar na

'jig rten pha rol tu 'gro dgos la 'gro ba'i tshe/ gnyen bshes brtse
gdung ji ltar che bas mtha' bskor yang gcig kyang 'khrid sa med/
nor gyi phung po ji snyed yod kyang rdul phran tsam yang

'khyer du med/ lhan gcig skyes pa'i sha rus rnams kyang 'dor na
gzhan lta ci smos/ mdor na tshe 'di'i phun tshogs thams cad kyis kyang
bdag 'dor la/ bdag gis kyang 'di dag

dor nas rang gcig bu mar nang nas spu bton pa ltar 'gro ba na phan
par nges pa dam pa'i chos las mi 'dug snyam du bsam ste chos 'ba'
zhig bya bar thag bcad do/ /gnyis pa ni/ ngan

'gro'i sdug bsngal ma bsam na de la skrag pa mi skye la/ de ma skyes
na de'i rgyu las mi ldog pas sdug bsngal de myong ba las 'os med/
sdug bsngal bsam na de la skrag pa 'byung zhing de byung na de'i
rgyu la

'dzem pa dang de bzlog pa'i thabs skyabs 'gro sogs la 'bad par 'gyur
ba sogs dgos pa mang bas bsam dgos la/ bsam pa'i tshul ni/ de ltar 'chi
bzhig nges par 'ong la shi

@053a @#/ /pa'i 'og tu rtswa phung mes bsreg pa ltar med de mi 'gro bar
'gro ba gnyis gang rung du skye ba zhig len dgos shing/ de yang las
dge ba'i dbang gis bde 'gro dang

mi dge ba'i dbang gis ngan 'gror skye bar nges la/ bdag gis ngan
'gro'i rgyu mi dge ba ni rgyal po'i bang mdzod bzhin du gang la
bltas bltas nas bsags 'dug /bde 'gro'i rgyu dge

ba ni tshe 'dir gdeng khel ba cig bsags pa mi 'dug cing tshe rabs sngon
ma rnams su yang ma bsags pa shas che bar snang/ nges ? na ngan
song du skye ba las 'os mi 'dug pas/ der

skyes pa'i tshe sdug bsngal ci 'dra zhig myong snyam na/ kha phyir
bltas kyi shes pas gzhan gyi sdug bsngal la blta ba lta bu rgyud
thog tu mi khel zhing rang nyid kyis sdug bsngal de myong bar
bsam na

sdug bsngal de la skrag pa'i 'jigs pa skye sla bas de la dmyal ba'i sdug
bsngal myong tshul/ dud 'gro'i sdug bsngal myong tshul/ yi dwags kyi
sdug bsngal myong tshul gsum/ dang po la

tsha dmyal gyi sdug bsngal myong tshul/ grang dmyal gyi sdug bsngal
myong tshul gnyis/ dang po ni/ spyir tsha dmyal brgyad ka'i sdug
bsngal rim pa bzhin myong dgos pa min kyang 'dir bsgom

pa'i rim pa la so so'i sdug bsngal rim pa ltar myong bar mos dgos
shing/ de yang tsha dmyal brgyad ka'i gnas rnams 'og lcags bsregs kyi
sa gzhi/ logs lcags bsregs kyi ra ba /

steng 'og phyogs 'tshams thams cad me lce 'bar bas khyab par mtshungs
pas/ de 'dra ba zhig gi nang du rang nyid skyes par mos te/ yang sos
ni rang nyid dang rang dang skal mnyam gyi sems

@053b can mang po der 'tshogs te phan tshun gcig gis gcig la zhe
sdang drag pos mtshon cha sna tshogs brdeg pa la brten nas/ rang gi
lus tshal ba brgya stong du song zhing brgyal thabs su 'gyel nas

sdug bsngal drag po myong ba na nam mkha' nas khyed rnams yang
sos par gyur cig /ces pa'i sgra byung ba dang sos te sngar ltar mtshon
bsnun pa sogs kyi sdug bsngal 'khor yug tu myong/ thig

nag ni/ de nas bros pas dmyal bsrung rnams kyis gan rgyal du bsgyel
te lus la thig brgyad la sogs pa btab nas mtshon cha rnon pos gshegs
pa'i sdug bsngal chen po myong/ bsdus

'joms ni/ yang bros pas dmyal bsrung rnams kyis ri ra lug dang
glang seng gi gdong pa can lta bu'i bar du bcug pa na ri gnyis thug
ste/ btsir bas sgo thams cad nas khrag gi rgyun chen po

'bab pa'i sdug bsngal drag po myong/ du 'bod ni/ yang bros pas lcags
kyi khang pa cig tu slebs pa na sgo dbyer med du 'grig ste phyogs
kun nas me lce 'bar bas bsreg cing 'bros

sa yang mi 'dug snyam nas du 'bod lhang lhang ba byed pa'i sdug
bsngal chen po myong/ du 'bod chen po ni/ de nas thon te bros pa na
lcags khang gnyis rim du chud de snga ma ltar bsreg cing/ lcags

khang nang ma nas thon srid kyang phyi ma nas mi thon par 'dug
snyam pa'i sgo nas sdug bsngal drag po myong/ tsha ba ni/ yang bros
pa na dmyal bsrung rnams kyis lcags kyi gsal shing me 'bar bas

'phong nas spyi bo'i bar tal mar phug pas sgo thams cad nas me 'bar
ba dang khro chu khol ma'i nang du 'tshod pa'i sdug bsngal chen po
myong/ rab tsha ni/ yang bros pas dmyal bsrung rnams

@054a @#/ /kyis rab tu 'bar ba'i gsal shi brtse gsum pa 'phongs nas btab
ste rtse dbus ma spyi bo dang g.yas g.yon gnyis 'phrag pa nas
'thon pa dang/ lcags

bsregs leb mos lus la snam bu ltar dkri ba dang/ khro ? chu'i nang
du sha khrag rnams zhig ste zheng rus ltar 'gro ba la thug par
'tshod pa'i sdug bsngal drag po myong/ mnar med ni/ yang

khros pas phyogs thams cad nas me 'bar ba'i nang du chud de smre
sngags 'don pa'i sgra gzhan gyis thos pa las sems can du shes pa
tsam ma gtogs/ lus dang me dbyer med du gyur pa lta bu'i

tshul gyis sdug bsngal dpag med myong ba rnams yad dang yang du
bsgom/ de ltar tsha dmyal brgyad kyi sdug bsngal rnams re re nas da
lta myong bzhin pa lta bur mos te shugs drag pas bzod dka'

tshul bsam la/ de lta bu'i sdug bsngal bzod dka' ba de dag yun thung
du zhig la myong bas mi chog bar/ mi'i lo lnga bcu la rgyal chen
rigs bzhi pa'i nyin zhag gcig /de sum bcu la

zla ba; de bcu gnyis la lor byas pa'i/ lo lnga brgya ni rgyal chen
rigs bzhi pa'i tshe tshad dang/ de thams cad la zhag gcig /de sum bcu
la zla ba/ de bcu gnyis la lor byas

pa'i lo lnga brgya ni yang sos pa'i tshe tshad yin zhing/ de bzhin du mi
lo brgya dang/ nyis brgya dang/ bzhi brgya dang/ brgyad brgya
dang/ stong drug brgya la zhag gcig tu byas pa nas rim

pa ltar bgrangs pa'i lo stong/ nyis stong/ bzhi stong/ brgyad stong/
khri drug stong ni rim pa ltar sum bcu rtsa gsum pa nas gzhan
'phrul dbang byed pa'i bar gyi tshe tshad yin la /

@054b thig na gnas tsha ba'i bar gyi dmyal ba bas/ lha'i tshe de dag rim
pa ltar zhag gcig tu byas pa nas brtsams pa'i lo stong nas khri drug
stong gi bar dang/ rab tu tsha ba bas par bskal phyed

dang; mnar med pas par bskal gcig thub pas yun shin tu ring por
myong bas bzod dka' tshul yang bsam par bya'o/ /de nas dmyal ba
brgyad po de dag re re la yang rtsig ngos bzhi

bzhi dang sgo bzhi bzhi yod la/ de dag gi phyi rol tu lcags kyi ra bas
bskor zhing de la yang sgo bzhi bzhi yod pa'i sgo re re na me ma mur
gyi 'obs sogs dmyal ba lhag ma bzhi bzhi yod pa

las; sgo'i thad sor me ma mur gyi 'obs pus nub tsam la rkang pa
bzhag pa'i tshe sha khrag kun 'jig cing bteg pa'i tshe slang skye ba'i
sdug bsngal de dang 'dab chags pa na phyi sa'i 'dam ro

ltar ma nam pa la brgal ba na mgo bo man chad bying ste 'dug pa'i
tshe lcags kyi 'bum ? chu rnon zhes bya bas rkang la thug par 'bigs
shing za ba'i sdug bsngal/ de dang 'dab chags pa na spu gri'i

sos gtams pa'i lam la rkang pa bzhag pa na lpags pa sogs gcod cing
bteg pa'i tshe slar skye ba'i sdug bsngal/ de dang bde ba chags pa na
nags tshal ral gri'i lo ma can gyi bsil grib

la 'khod pa na shing las ral gri lhag ste yan lag dang nying lag
gsheg cing bcad pas 'khyil ? ba na gyi sre ? bo dag gis rgyab nas
'thog cings ba'i sdug bsngal/ de dang 'dab chags pa na

lcags kyi shing shal ma li'i tshal la dmyal bsrung rnams kyis 'dzeg tu
bcug pas/ 'dzegs pa'i tshe tsher ma'i rtse rnams thur dang/ ? 'bab pa'i tshe
gyen du blta bas yan lag sogs

@055a @#/ /gsheg pa dang/ khwa lcags kyi mchu can gyis phrag pa 'am
mgo la bsdad nas mig 'bras 'thog cing za ba'i sdug bsngal/ de dang
'dab chags pa na chu klung rab

med ces bya ba 'gyur byed kyi chu skol bas gang ba la sems can gnas
tshol ba lhung nas dper na 'og tu me chen po sbar ba'i zangs chus
bkang ba'i nang du sran ma sogs 'bru nyung zad blug pa ltar

steng 'og tu re mos su 'gro zhing 'tshed pa'i sdug bsngal yod pa
rnams rim pa ltar myong bar bsam/ gnyis pa ni/ grang dmyal brgyad
ka'i gnas thams cad 'og kha ba'i thang dang 'khyag

rom gyi gcong ? rong zab mo/ /mtha' gangs ri'i phreng bas bskor ba/
nang mun pas gtibs shing kha ba bu yug 'tshub pa'i gnas su mtshungs
pas de 'dra zhig tu skyes par mos la/ chu bur

can ni; lus la kha ba'i bu yug chen po rlung gis phyogs bzhi nas btab
pas chu bur 'byung zhing 'khums pa'i sdug bsngal chen po myong/
chu bur rdol ba ni/ de las grang reg che ba'i rkyen

gyis chu bur rdol te rnag khrag sogs 'dzag pa'i sdug bsngal drag po
myong/ a chu zer ba ni/ de las grang nyen cher song bas skad kyi
gdangs drag por 'don cing sdug bsngal chen po myong/ kyi hud

zer ba ni/ de bas kyang lhag par grang bas skad kyi gdangs ? chags
te rkan gyi phug nas shub bus 'don cing sdug bsngal drag po myong/
so tham tham pa ni/ sngar las kyang grang pa'i rkyen

gyis skad 'don mi nus par so tham tham byed cing sdug bsngal chen
po myong/ utpal ltar gas pa ni/ de bas kyang grang pa'i rlung chen
pos btab pas lus kyi mdog sngon por gyur cing /

@055b ser chung kha lngu ? 'am drug tu gas pa'i sdug bsngal drag po
myong/ padma ltar gas pa ni/ de las kyang shin tu grang pa'i rlung
phog pas lpags pa sngon po rnams shus te sha'u dmar hu re

bar gyur pa tshal ba bcu sogs su gas pa'i sdug bsngal chen po myong/
padma ltar cher gas pa ni/ de dag las rab tu grang ba'i lhag pa chen
po btab pas lus kyi mdog shin tu

dmar bar gyur nas/ kha brgya 'am de bas kyang mang bar gas pa'i
sdug bsngal dpag med myong ba rnams yang dang yang du bsgom/
de ltar grang dmyal brgyad kyi sdug bsngal shugs drag

pa'i tshul bsam nas/ til gyi sbyang ma ga ta'i bre bo che'i khal brgyad
cu pa zhig til gyis byur bur bkang ste lo brgya brgyan til re re
phyung bas til de ma lus par zad pa'i yun las

chu bur can gyi tshe ches ring ba dang/ 'og ma rnams kyi tshe snga ma
snga ma las nyi shu nyi shus ring bar gsungs pas yun de tsam gyi bar
du bzod dka' tshul yang bsam par bya'o/ /de nas tsha dmyal

dang grang dmyal de dag gi nye 'khor dang mi'i yul dang mtsho
chen po'i 'gram sogs na yod pa'i nyi tshe ba'i dmyal bar thag pa dang
gtun dang phyag ma dang ka ba dang rtsig pa dang phru chen la
sogs

pa'i dbyibs can gyi lus blang nas sdug bsngal sna tshogs zhig myong
bar lung gzhi sogs las 'byung ba rnams myong bar bsam/ gnyis pa ni/
dud 'gro byings na gnas pa chu mtshams

man chad kyi khongs su mun pa shin tu nag par lcas bong che
chung dang mdog dbyibs sna tshogs pa 'bru'i phung po ltar spungs
nas yod pa dag gi nang du skyes par mos te/ che bas chung ba khyur

@056a @#/ /mid dang chung bas che ba'i lus la za zhing thal byung du
'bug ? pa dang/ mun pa shin tu nag pas rang gi yan la brkyang
bskums tsam yang mi mthong ba dang /

gcig gis gcig mnan pas dbugs 'byung rdub tsam yang mi nus pa sogs
kyi sdug bsngal dpag tu med pa dang/ gzhan yang klu'i rigs su skyes
nas mkha' lding dang bye tshan gyi

'jigs pas nyen pa'i sdug bsngal/ kha 'thor ba'i bya dang ri dags sogs
su skyes nas rngon pa dang khyi dang gcan zan sogs kyis gtses pa'i
sdug bsngal/ bdag tu bzung ba'i

rta; glang/ bong bu/ phag pa sogs su skyes nas bkol spyod btheg
gsod sogs kyi sdug bsngal sna tshogs myong bar bsam/ dud 'gro de
dag tshe thung ba dang ring ba sna

tshogs yod la/ tshe shin tu ring ba rnams kyis bskal ba tsam thub pas
yun ring por bzod dka' bar yang bsam mo/ /gsum pa ni/ yi dwags kyi
gnas zangs gzhong kha

gyen tu bstan pa lta bu 'dod pa'i dngos po mtha' dag gis dben zhing
shin tu nyam nga ba'i nang du yi dwags mi sdug ma'i gzugs can bkres
skoms kyis nyam thag pa zhig tu skyes par mos la /

phyi'i sgrib pa can gyis bza' btung gi rigs mi rnyed cing gal te chu
klung dang ljon shing 'bras bu can sogs ma thong ste longs spyod
par phyin pa na srungs ma mtshon cha sna tshogs thogs pas

bsrung ba'am/ rnag khrag sogs su mthong ba'am/ mi snang bar gyur
te longs spyod mi nus pa'i sdug bsngal/ nang gi sgrib pa can ni/ kha
khab mig tsam mgrin pa rta rnga tsam lto ba

@056b yul ljong tsam yan lag 'jag ma tsam dang ldan zhing/ zas
skom mi rnyed pa dang/ rnyed kyang khar mi shong pa dang/ nyung
zad song ba mgrin pa nas mi thar pa dang/ thar kyang lto ba mi

khengs pa'i sdug bsngal/ zas skom gyi sgrib pa can ni/ zos shing
'thungs pa rnams mer 'bar nas khong ba'i nang thams cad tshig pa
dang/ gshad gci sogs mi gtsang zhing dri ngal

gnod cing smad par bya ba dang/ rang gi sha la bcad cing za la ?
bza'ang ? tung bzang po spyod mi nus pa'i sdug bsngal dang/ gzhan
yang dbyar zla zer yang tshal dgun nyi zer yang grang ba sogs kyi

sdug bsngal dpag tu med pa myong bar bsam/ de lta bu'i yi dwags
rnams kyi sdug bsngal de mi rnams kyi zla ba gcig la zhag gcig tu
byas pa'i lo lnga brgya la sogs par myong bas yun ring

ba'i tshul yang bsam mo/ /des na bdag da lta/ ja phor gang 'thung yun
tsam la lag pa me dong du 'jug pa/ dgun lhag sgang la zhag gcig
tsam gcer bur 'dug pa/ lus la

sbrang bu sogs kyis so btab pa 'am sa rdo mang po spung ba'i 'og tu
chud pa/ zhag gsum bzhi tsam bza' btung ye med par sdong dgos pa
lta bu yang ba thod dka' nang na song gsum gyi sdug

bsngal shugs dag la rgyun ring ba de ji ltar bzod snyam du/ da ltar
gyi nyams la dpags te shin tu 'jigs shing skrag pa'i yid kyi 'gyur ba
thon par byas te sdug bsngal de dag bzlog pa'i

thabs la da res 'bad dgos par 'dug go snyams pa'i lcag gis yang yang
brab par bya'o/ /gnyis pa la/ bstan pa la 'jug pa'i sgo dam pa skyabs
'gro sbyang ba/ bde

@57a @#/ /legs thams cad kyi rtsa ba las 'bras la yid ches kyi dad pa
bskyed pa gnyis/ dang po la dngos dang bslab bya gnyis/ dang po ni/
de ltar rang nyid myur

du 'chi zhing shi nas thog ma med pa nas bsags pa'i las ngan stobs
chen gyi dbang gis ngan 'gror skyes te sdug bsngal bzod dka' ba
myong bar snang la bdag gcig pur ma zad sems can

gzhan yang ngan song gi sdug bsngal gyis dngos su mnar ba dang
brgyud nas myong dgos pa dpag tu med pa yod pas rang gzhan
thams cad sdug bsngal de dag las skyob pa'i skyabs yang

dag cig mi 'tshol ba'i thabs mi 'dug  des na sangs rgyas bcom ldan 'das
de sku'i yon tan mtshan dpe gsal rdzogs kyis spras shing mthong na
mi mthun pa med pa/ gsung gi

yon tan yan lag drug cu rtsa bzhi'i dbyangs dang ldan zhing sems
can kun gyis dus gcig tu dri ba mi 'dra ba re re zhus kyang gsung
dbyangs gcig gis so sor dri lan thams cad 'debs nus pa/

thugs kyi yon tan ji lta ji snyed kyi chos thams cad chags thogs med
par mkhyen cing sems can thams cad lam bu gcig bu la brtse ba lta
bu'i thugs rje chen po'i gzhan dbang du gyur pa/

'phrin las kyi yon tan 'gro ba sgrol ba'i nus mthu yongs su rdzogs
pas lhun gyis grub pa dang rgyun mi 'chad pa gnyis kyis sems can
thams cad la phan 'dogs pa dang/ khyad

par du rang 'jigs pa mtha' dag las grol pa sogs khyad par gyi chos
bzhi dang ldan pas skyabs ston pa por 'os/ yon tan mtha' yas pa
dang ldan pa'i sangs rgyas de ji ltar

@57b byung na 'gog lam gyi bden pa brjod bya'i gtso bor byas nas
ston pa'i lung gi chos dkon mchog la thos bsam bsgom gsum byes
pas rtogs pa'i chos dkon mchog spangs rtogs kyi yon

tan snga ma snga ma rnams mngon du mjad pa las byung bas sangs
rgyas thob pha rang nyid la rag las shing rang rgyud ldan gyi
gang zag sdug bsngal ci rigs pa la dngos su skyob byed yin pas

slob mi slob kyi chos dkon mchog rnams skyabs dngos su 'os/ chos
dkon mchog de yang theg pa gsum gyi slob pa 'phags pa brnams kyis
tshul bzhin du bsgrub par mdzad

ba la rag las pa'i phyir/ 'phags pa de rnams skyabs bsgrub pa'i zla
grogs su 'os pa'i tshul rnams legs par bsam pa'i sgo nas de ltar yid
ches pa'i dad pa dang/ de dag

gi yon tan rnams mngon du byed rgyu byung na ci ma rung snyam
pa'i gdung ba dang/ dkon mchog rjes su dran pa 'di lta bu bsod nams
re che'o snyam pa'i spro pa shugs drag pos dkon mchog

gsum la dpung gnyen zhu 'dod kyi blo dung dung ba bskyed de/ de'i
mthus rang gzhan thams cad kyi don du skyabs yul rnams thugs rje
chen po'i gzhan dbang gis bya 'phur ba ltar mdun gyi nam

mkhar byon par bsam la/ rkang gnyis rnams kyi mchog sangs rgyas
la skyabs su mchi'o/ /bdag 'khor ba dang na song gi 'jigs pa las sgrol
ba'i ston pa mdzad du gsol

'dod chags dang bral ba rnams kyi mchog chos la skyabs su mchi'o/
/bdag 'khor ba dang ngan song gi 'jigs pa las sgrol ba'i skyabs dngos
mdzad du gsol/ /tshogs

@58a @#/ /rnams kyi mchog dge 'dun la skyabs su mchi'o/ /bdag 'khor ba
dang ngan song gi 'jigs pa las sgrol ba'i bla grogs mdzad du gsol/
/zhes pa

nyer gcig sogs brjod/ gnyis pa ni/ so so'i dgag sgrub kyi bslab bya/
sangs rgyas dkon mchog la skyabs su song bas 'jig rten gyi lha mthu
bo che yang gtan gyi skyabs

su mi 'dzin cing/ sangs rgyas kyi sku gzugs rgyu dang bzo ngan pa la
yang sangs rgyas dkon mchog dngos su mos/ chos dkon mchog la
skyabs su song bas sems can la

gnod 'tshe spong zhing gsung rab kyi yi ge chag bzhi ba gcig yan
chad la'ang chos dkon mchog dngos su mos/ dge 'dun dkon mchog
la skyabs su song bas grogs mu stegs can

nam sdig pa'i grogs po dang 'dris chen mi bya zhing/ rab byung gi
rtags tsam 'dzin pa la'ang dge 'dun dkon mchog dngos su mos pa
dang/ thun mong gi bslab bya dkon mchog

gsum gyi khyad par dang yon tan rjes su dran pas yang yang skyabs
su 'gro ba/ bka' drin rjes su dran pas rtag tu mchod pa la brtson
zhing bza' btung gi phud kyis mchod pa/

snying rje chen pos 'gro ba gzhan yang tshul 'di lta bu la 'god pa/ bya
ba gang byed kyang dkon mchog gsum la blo bkal nas byed kyi 'jig
rten pa'i thabs gzhan spong ba/ nang ba

sangs rgyas par tshud pa/ sdom pa thams cad kyi rten du 'gyur pa/
sngon bsags kyi las sgrib rnams srib cing zad par 'gyur ba/ bsod nams
rgya chen po gsogs pa/

@58b ngan song du mi ltung ba/ mi dang mi ma yin gyi bar chad kyis
mi tshugs pa/ ci bsam thams cad 'grub pa/ myur du 'tshang rgyab ste
phan yon brgyad bsam nas du ma drug du skyabs

su 'gro ba/ dkon mchog gsum srog gam bzhad gad kyi bying yang mi
gtong ba rnams la tshul bzhin du bslab par bya'o/ /gnyis pa ni/ dkon
mchog gsum la skyabs su

song yang rang nyid kyis las dkar nag la blang dor phyin ci log tu
bsgrub na dkon mchog gsum gyis kyang skyobs mi nus par ngan
song du sdug bsngal myong ba las 'os med las/ las

dkar nag gi 'bras bu bde sdug so sor 'byin pas las nges pa/ las dge
sdig chung du las kyang 'bras bu bde sdug chen po 'byung bas 'phel
che ba/ las rang gis ma byas na de'i

'bras bu rang gis myong ba med pas ma byas pa dang mi 'phrad pa/ las
rang gis byas na de'i 'bras bu re zhig ma myong kyang nam zhig
rkyen dang 'phrad pa na myong bas byas pa chud mi za ba rnams

la nges pa drangs nas/ las dkar nag la 'dor len tshul bzhin du bya
dgos la/ 'dor len gang la bya na sgo gsum gyi dge mi dge'i las thams
cad las lam bcur ma 'dus kyang

tshe long ngam rags pa kha na mtho ba'i gzhi che ba rnams bsdus na
nag po'i las lam bcu dang/ de dag spangs na ngon shin tu che ba'i
gnad rnams kyang bsdus na dkar po'i las lam bcur 'du

bas las lam bcu la bya dgos/ de la las lam dang de'i 'bras bu rnams
ngos zin nas 'jug ldog bya dgos pas 'di la/ nag po'i las 'bras bsam pa/
dkar po'i las

@59a @#/ /'bras bsam pa/ 'jug ldog ji ltar bya tshul gsum/ dang po la/ gzhi
rang las gzhan pa'i sems can/ bsam pa'i khyad par der 'du shes shing/

nyon mongs dug gsum gang rung gi sgo nas/ kun slong gsod par
'dod de sbyor ba rang dam gzhan bcol bas dug sbyong mtshon bsnun
sngags sgrub sogs ci rigs byas pa'i rkyen gyis mthar

thug pha rol po rang gi snga rol du shi ba na srog gcod kyi dngos
gzhi rdzogs/ gzhi rang mi dbang zhing gzhan gyis bdag tu 'byung
ba'i dngos po la der 'du shes shing nyon mongs gsum gang rung

gi sgo nas kun slong bral bar 'dod de sbyor ba rang ngam bskos pas
brku 'phrog sogs ci rigs kyis/ blangs te mthar thug thob blo skyes
pa na/ ma byin len gyi dngos gzhi rdzogs/ gzhi

gzhan gyis bdag tu 'thung ba'am rang gi nyid du yin pa'i bud med
dang skyes pa thams cad dang ma ning dang rab byung ma lta bu
bgrod bya min pa/ bgrod bya yin kyang kha dang gshang lam sogs
yan lag

ma yin pa/ bla ma dang mchod rten gyi drung sogs gnas ma yin pa
sbrum ma dang bsnyen gnas la gnas pa sogs dus min pa gang rung
la der 'du shes shing/ nyon mongs dug gsum gang

rung gi sgo nas kun slong bgrod par 'dod de/ sbyor ba de'i don la
rtsol bsam thar thug gnyis kyi gnyis sprad pa na log g.yem gyi
dngos gzhi rdzogs/ gzhi mthong ba dang/ thos pa

dang; bye brag phyed pa dang/ rnam par shes pa bzhi dang/ de las
bzlog pa bzhi gang rung/ yul don go ba la 'du shes mthong ba la ma
mthor ba sogs su bsgyur cing

@59b nyon mongs gsum gang rung gi sgo nas kun slong 'du shes
bsgyur nas smra bar 'dod de/ /sbyor ba smra ba'am mi smra bas dang
du len pa'am lus bsgyur ba'i mtshan mas ston pa ci rigs byas bas

mthar thug pha rol pos don go ba na rdzun smra ba'i dngos gzhi
rdzogs/ /gzhi sems can mthun pa'am mi mthun pa gnyis la der 'du
shes shing nyan mongs gsum gang rung gi sgo nas kun

slor dbye ba'am mi 'dum par 'dod de sbyor ba bden rdzun gang rung
gis brjod bya snyan mi snyan ci rigs dgos pa rang gzhan gang rung
gi phyir smras pa mthar thug pha rol pos don go ba na phra ma'i

dngos gzhi rdzogs/ gzhi kun nas mnar sems skye pa'i gzhir gyur ba'i
sems can la der 'du shes shing nyon mongs gsum gang rung gi sgo
nas kun slong rta ba pos smra bar 'dod de/

sbyor ba bden rdzun gang rung gis rigs lus tshul khrims kun spyod
sogs kyi skyon gang rung brjod pa mthar thug smra yul gyis don go
ba na/ tshig rtsub kyi dngos gzhi rdzogs/ gzhi don med

pa dang ldan pa'i don la der 'du shes nyon mongs gsum gang rung
gi sgo nas kun slong byung rgyal smra bar 'dod de sbyor ba ngag
kyal smra bar rtsom pas mthar thug zin pa na ngag kyal gyi

dngos gzhi rdzogs/ gzhi gzhan gyi nor dang longs spyod la der 'du
shes shing rang nor la chags sems dang bsog sems/ gzhan nor la ro
myang sems dang 'khu sems/ ngo tsha dang

nyes dmigs zil gyis non pa'i chos lnga ldan gyi nyon mongs gsum
gang rung gi sgo nas kun slong bdag gir bya bar 'dod sbyor ba rang
la 'byung ba'i ched du rtsol bas mthar thug bdag gir

@60a @#/ /gyur cig snyam du yid kyis thag bcad pa na brnab sems kyi
dngos gzhi rdzogs/ gzhi yid du mi 'ong ba'i sems can la der 'du shis
shing gnod byed kyi rgyu la

mtshan mar 'dzin pa'i zhe sdang gi sems/ gnod byed la mi bzod pa'i
sems/ tshul min yod khyed yang yang dran pas 'khon 'dzin gyi sems/
brdeg pa dang bsad na ci ma rung

snyam pa'i 'khu sems/ ngo tsha dang nyes dmigs zil gyis non pa'i chos
lnga ldan gyi nyon mongs gsum gang rung gi sgo nas kun slong
brdeg gsod sogs bya bar 'dod de sbyor bde byed

par sems kyis rtsol zhing mthar thug dngos su nu san bya bar thag
bcad pa na gnod sems kyi dngos gzhi rdzogs/ gzhi dkon mchog dang
las 'bras sogs yod pa'i 'dod la med

par 'du shes shing shes bya ji lta bzhin mi shes pas rmongs pa'i sems/
sdig pa la dga' bas drag shul gyi sems/ tshul bzhin yin pa'i cho sal
nges par rtogs pas

log par rgyun tu zhugs pa'i sems/ legs bshad sogs med do zhes bskur
ba 'debs pas rab tu nyam pa'i sems/ log lta des ngo tsha ba med cing
nyes dmigs las

nges par 'byung mi shes phas blil gyis non pa'i sems to chos lnga
ldan gyi nyon mongs gsum gang rung gi sgo nas kun slong skur ba
'debs 'dod kyis sbyor ba med par bsam pa las

brtsam ste mthar thug med par thag bcad pa na log lta'i dngos
gzhi rdzogs par 'gyur tshul bsam nas las lam ngos bzung la/ de dag
nang ga ? ses ? kyi lci yang gi khyad par/ lus

@60b ngag gi bdun snga ma snga ma lci zhing yid kyi gsum phyi ma
phyi ma lci ba dang/ spyir dkon mchog dag bla ma dang pha ma sogs
la phan gnod gang byas kyang zhing gi sgo nas stobs che ba/ bsam
pa

shugs drag cing rgyun ring pos byas pa dang/ tshangs pha mtshungs
par spyod pa dang rgyal sras la khong khro ba lta bu'i nyes spyod
dang/ sems can thams cad kyi don du sangs rgyas kyi mchod

rten la me tog gcig tsam 'bul ba lta bu'i legs spyad rnams bsam pa'i
sgo nas stobs che ba/ chos sbyin rnams par dag p dang bsgrub pa'i
mchod pa lta bu dngos po'i sgo nas stobs

che ba; spyir sdom ? ldan dang de las gnyis ldan dang de las kyang
gsum ldan gyis byas pa'i dge ba dang khyad gsol kyi sgo nas shes
bzhin du 'jug pa'i mkhas rlob sogs gyi byas pa'i nyes

pa ni rten gyi sgo nas stobs che ba sogs kyang legs par bsam par bya/
de nas las de dag gi 'bras bu ji lta bu bskyed pa ni rnam smin gyi 'bras
bu mi dge ba'i las lam chen po bcu re

res dmyal ba/ 'brid bcu re res yi dwags/ chud du bcu de res dud 'gror
skye/ rgyu mthun gyi 'bras bu/ ngan 'gro nas mir skyes kyang rim pa
ltar tshe thung ba dang/ longs spyod

kyis 'phongs pa dang/ chud ma bsrung du mi btub pa dang/ mi kha
sdang ba dang/ mdza' bshes nyung pa dang/ mi snyan pa mang du
thos pa dang/ tshig mi btsan pa dang/

chags snga rmongs gsum shes che ba rnams 'byung/ bdag po'i 'bras
bu ming skyes gyur rang nyid gang du skyes pa'i yul du bza' btung
dan sman gyi nus pa nyams/ lo 'bras nyung

@61a @#/ /dur 'gyur zhing smin mi nus 'dam rdzab dang ljan ljin mang
ba dang yang ba las kyi mtha' rgyas par mi 'gyur/ sa phyogs i snyoms
shing bgrod dka'/ sdong dum

dang tshe ram dang rdo geg sogs mang/ ljon shing la 'bras bu dus su
mi chags/ phun sum tshogs pa thams cad rim gyis 'grib/ 'go nang dang
'khrug pa dang dgra gdon gyi 'tshe ba

mang; 'byung khungs mchog nub pa dang bzang ngan go bzlog par
'gyur ba rnams bsam la mi dge ba las ldog 'dod drag po bskyed/ gnyis
pa ni/ gzhi rang las gzhan pa'i sems

can sogs la/ bsam pa srog gcod sogs byas pa'i nyes dmigs mthong nas
spong bar 'dod pas sbyor ba gsod pa sog yang dag par bsdam pa'i 'du
byed kyis mthar thug yang

dag par bsdams pa rdzegs pa'i las ni dge ba'i las yin la/ de'i rnam smin
gyi 'bras bu/ dge ba'i las chung 'bring chen po gsum gyis rim pa bzhin
mi dang 'dod lha dang khams

gong ma'i ltar skye/ rgyu mthun gyi 'bras bu tshe ring ba sogs dang/
bdag po'i 'bras bu sman mthu che ba sog mi dge ba'i rgyu mthun dang
bdag 'bras las bzlog pa rnams 'byung tshul

legs par bsam nas dge ba la 'jug 'dod drag po bskyed par bya/ de nas
gzhin sa mthar thug gi bar dge sems kho nas zin pa'i sbyin gtong lta
bu gcig tu dkar pa'i las/

gzhi nas mthar thug gi bar sdig sems kho nas zin pa'i srog gcod lta
bu gcig tu nag pa'i las/ mang po'i srog skyob ba'i don du gang zag
gcig gsod pa lta bu sbyor ba'i khyad par gyi

@61b rgyu mthun gyi 'bras bu sdug bsngal bpyed kyang bsam pa'i
khyad par gyis rnam smin dang bdag 'bras bde ba 'byin pas las nag
rnam smin dkar pa'i las/ mang po zhig gsod pa'i

bsam pas ma chags pa'i sbyin pa gtong ba lta bu sbyor ba'i khyad par
gyis rgyu mthun gyi 'bras bu tshe thung ba dang longs spyod che ba
gnyis ka 'byin cing bsam pa'i khyad par gyi rnam smin dang

bdag 'bras sdug bsngal 'kho na 'byin pa lta bu las dkar rnam smin
nag pa 'dres mi'i las rnams dang/ 'phen byed dge bas 'phags la rdzogs
byed mi dge bas rdzogs pa dang/ de

las bzlogs pa sogs 'phen rdzogs kyi dbye ba dang/ myong bar nges
par byas la bsags pa dang/ myong bar ma nges pa byas lam bsags pa
sogs kyi dbye ba dang/ las

de'i 'bras bu tshe de la myong ba mthong chos myong 'gyur sogs kyi
dbye ba rnams kyang legs par bsam la blag dor byed 'dod bskyed par
bya zhing/ khyad par du rnam mkhyen bsgrub pa'i rten ma

tshan nyid tshang ba cig grub na lam gyis chod shin tu che bas/ tsho/
kha dog  rigs/ dbang phyug phun sum tshogs pa/ tshig btsan pa/ dbang
che bar grags pa/

skyes pa yin pa/ stobs dang ldan pa ste/ rnam smin gyi yon tan
brgyad dang ldan pa'i lus rten thob pa'i thabs su/ gzhan gyi srog
skyob pa/ rten la mar me 'bul ba/

gzhan la bran ltar gus pa/ sbyin pa la brtson pa/ ngag bag dang
ldan pa/ rang la yon tan sna tshogs 'byung bar smon lam 'debs pa/
'bras bu mi dbyung zhing bud med la

@62a @#/ /nyes dmigs su lta ba/ gzhan gyis mi nus pa rang gis bsgrub
pa la brtson pa ste/ rgyu brgyad bsgrub pa la mos pa dang spro ba
shugs drag la rgyun ring ba

bskyed pa la 'bad par bya'o/ /gsum pa ni/ de ltar las 'bras kyi rnam
bzhag rnams legs par shes par byas nas yang dang yang du bsam
zhing de bzhin gshegs pa'i

bka' bden pas gsungs pa la yid ches pa'i sgo nas dge ba phra mo nas
kyang bsgrub la/ mi dge ba'i kun slong tsam yang mi rgyu bar sdom
sems mang du bsten pa goms par bya/

de ltar byas kyang bag med pa dang nyon mongs mang ba la sogs
pa'i dbang gis nyes pa byung ba dang sngan chad tshe 'di dang tshe
rabs snga ma rnams su rang gzhan ci rigs kyi phyir du sdig pa rngam
bo

che grangs med bsags pa rnams dag par ma byas na slar yang ngan
song du sdug bsngal sha stag myong bar 'gyur tshul bsam nas sems
blong blong por gyur pa na/ ston pa thabs

mkhas thugs rje can des gnyen po stobs bzhi la 'bad na sdig pa shin
tu stobs che ba rnams kyang 'dag par gsungs pas de bsten pa la/ sku
gsung thugs kyi rten bkram la de

dag dkon mchog dngos su mos ste skyabs 'gro dang byang chub kyi
sems bsgom/ sngar byas kyi sdig pa la dug khong du song ba lta bu'i
sun 'byin pa'i 'gyod sems dang/ phyin chad

srog la babs kyang mi byed snyam pa'i nyes pa las slar ldog pa'i sdom
sems drag pos phyag 'tshal zhing phung po gsum pa 'don pa sogs
gnyen po kun tu spyod pa la 'bad par bya'o/ /

@62b gnyis pa ni/ de ltar 'chi ba rjes su dran pa dang shi nas ngan
'gror ltung tshul bsam pas 'jig rten 'di las blo log nas phyi ma'i bde
'gro'i don gnyer skyes te skyabs 'gro thun mong ba

dang dkar nag gi las 'bras nges pa'i sgo nas sdig spong dge bsgrub
la 'bad pas bde 'gro'i go 'phang zhig thob kyang 'du byed kyi sdug
bsngal las ma 'das pas yang dag par na bde ba

med cing/ slar yang ngan song du ltung bas mtha' ngan pa'i phyi
ngan las nyon gnyis kyi dbang gis skyes gnas rnam bzhir nying
'tshams sbyor ba'i bcing ba las grol ba'i thar pa thob par bya

dgos pas/ de la thar pa don gnyer gyi blo bskyed pa'i thabs bsam pa/
thar par bgrod pa'i lam gyi rang bzhin nyams su len pa gnyis/ dang
po la/ sdug bsngal

'khor ba'i nyes dmigs bsam pa/ kun byung 'khor ba'i 'jug rim bsam pa
gnyis/ dang po la/ ngan song gsum gyi sdug bsngal bsam pa gong du
song bas/ mi'i sdug

bsngal/ bde 'gro gzhan gnyis kyi sdug bsngal/ rigs drug thun mod
ba'i sdug bsngal bsam pa gsum/ dang po ni/ mi'i rten la skye ba'i sdug
bsngal/ las nyon gyi

dbang gis skye ba blangs pa na nyon mongs kyi sa bon rjes su 'brel
bas gnas ngan len dang ldan zhing/ na rga 'chi ba sogs sdug bsngal
sna tshogs kyi gnas su gyur la/ sems rab

tu ma zhi bar byed pa dug gsum la sogs pa'i nyon mongs pa rnams
kyis lus sems ngal ba'i ngang nas/ mthar mi 'dod bzhin du 'chi dgos
pa'i sdug bsngal rnams 'byung zhing

@63a @#/ /khyad par du skye ba'i tshe sdug bsngal gyi tshor ba drag po
dang bcas te skye ba ni mngal skyes lta bu la mtshon na/ ma'i pho ba'i
'og long ka'i steng na sgal tshigs la nye bar

dring zhing mi gtsang ba'i ljan ljin gyi khrod du khu khrag gi dbus
su nyid ? 'tshams sbyar te rim gyis mer mer po sogs 'phel nas btsa' ba
la thug gi bar/ mas bza' btung ha cang tsha ba dang

grang ba; bsten pa'i tshe me dong dang khyags sbubs su chud pa lta
bu/ ha cang 'grang ba dang ltogs pa'i tshe thib 'og tu non pa dang/
nam mkha' la btigs pa lta bu/ mchod pa dang

rgyug pa na g.yang la lhung ba lta bu'i sdug bsngal sna tshogs
myong bzhin pa'i ngang nas zhag phyed dang sum brgya lhag tsam
song ba na las kyi rlung gis mgo bo thur du bstan te/ mngal sgo'i
rus

pa shin tu dog po nas btsal ba'i tshe 'jur mi gnas drang ba'am lpags pa
dmar bshus byas pa lta bu dang/ btsas nas kyang re shig gi bar stan
'jam po la bzhag kyang tsher dong du bcug

pa lta bu dang/ gzhan gyis lag tu blangs pa na byi'u khras khyer ba
lta bu'i sdug bsngal gyi tshor ba drag po dang/ gzhan yang tsha
grang gi sdug bsngal cung zad tsam yang bzod dka' ba'i tshul

rnams rang gis da lta myong ba'i tshul gyis bsam/ de bzhin du rga ba'i
sdug bsngal/ na tshod dar babs kyi skabs su lus drang zhing skra nag
la gnyer ma med pa'i gzhon sha can de

rim gyis nyams nas rgas pan lus sgur skra dkar gnyer mas kheb pa
sogs kyis la tsho nyams shing/ mthu stobs nyams pas ldang 'dug 'gro
ba sogs dka' ba dang

@63b dbang po dang dran pa nyams pas mig la sogs pas yul gsal bar
'dzin mi nus pa dang brjed nges che zhing/ yul la longs spyod nyams
pas bza' btung 'ju dka' ba dang

tshe nyams pas 'chi ba la nye bar phyogs pa'i sdug bsngal rnams
'byung/ na ba'i sdug bsngal/ tsha grang sogs kyi nad kyis thebs pa'i tshe
lus kyi sha zhu lpags pa skams shing

'byung ba 'khrugs pas lus sems la mi bde ba bskyed pa dang/ yid du
'ong ba'i zas skom sbyad du mi btub cing/ mi 'ong ba'i bza' btung sman
dpyad nan gyis spyad dgos pa

dang/ nad de mi 'tshe bar mthong nas sdug bsngal ba rnams 'byung/
'chi ba'i sdug bsngal/ 'chi ba'i tshe 'tsho thabs sna tshogs byas kyang nad
je cher song ste sman pas bor

mo bon gyis bslus/ gnyen bshes rnams kyis mtha' bskor nas smre
sngags 'don zhing shi dge dang dur 'debs kyi shoms ra 'ding/ rang
nyid kyang bkrag mdangs nyams/ kha skams

mchu brjes/ sna zhoms/ mig gong mor song/ dbugs brtsegs/ sdang
byas kyi sdig pa la 'grod cing longs spyod dang/ rtsa 'dzing dang/
'khor g.yog phun sum tshogs

pa dang/ gces par bskyangs pa'i lus kyang mal du bzhig ste 'gro ba
mthong nas chags zhen drag po'i dbang gis sdug bsngal ba dang/
nad kyi lus sems gdungs pa'i sdug bsngal

drag po myong bzhin du 'jig rten pha rol tu 'gro dgos pa'i sdug
bsngal rnams 'byung/ mi sdug pa dang 'phrad pa'i sdug bsngal/ dgra
lta bu dang 'phrad pa tsam gyis yid mi bde ba skye zhing/

@64a @#/ /chad pas gcod pa'i 'jigs gnas su gyur pa dang/ gtam ngan gyis
'jigs shing/ nyam nga bzhin du 'chi ba'i 'jigs pa dang/ chos dang 'gal
bas

shi ba'i 'og tu ngan 'gror song gis dogs nas 'jigs pa'i sdug bsngal ba
rnams 'byung/ sdug pa dang bral ba'i sdug bsngal/ ches 'phangs pa'i
gnyen bshes sogs dang bral ba

na des sems la mya ngan skye zhing/ ngag tu smre sngags 'don pa
dang/ lus la gnod pa bskyed cing/ de'i yon tan dran pas 'dod pas yid
gdung ba dang/ de'i longs spyod ma tshang

bas sdug bsngal ba rnams 'byung/ 'dod pa btsal te ma rnyed pa'i sdug
bsngal so nam byas kyang ston thog ma grub pa dang tshong byas
kyang khe spogs mthon pa sogs kyis mtshon nas gang la re

ba de ma grub na sems la mya ngan skye zhing/ ngag tu smre sngags
'don pa dang/ lus la gnod pa bskyed cing/ de'i yon tan dran nas 'dod
pas yid gdung ba dang/ 'bad pas

btsal kyang ma rnyed pas yi chad pa'i sdug bsngal rnams 'byung/
gzhan yang bkres skom tsha grang ngal dub sogs sgo sna tshogs nas
mi'i lus rten 'di nyid kyang sdug bsngal gyi rang bzhin

can yin pas de lta bu la myong ba snying thag pa nas ma skyes kyi
bar du bsgom mo/ gnyis pa ni/ lha min rnams lha'i dpal 'byor la mi
bzod pa'i phrag dog gis yid gdungs pa dang

de la brten nas lha dang 'thab pa na lus bcad pa dang dral ba sogs
kyi sdug bsngal dang bcas/ lha la 'dod lha rnams 'chi bar nye ba'i
tshe lus kyi bkrag mdangs nyams shing/ stan la

@64b mi dga' ba dang/ me tog gi phreng ba rnyings shing/ gos la dri
ma chags pa dang/ lus la sngon med pa'i rdul 'byung ba ste 'chi ltas
lnga/ lus kyi 'od chung zhing/ khrus chu

lus la chags pa dang/ gos rgyan las sgra mi snyan pa 'byung zhing/
mig gi rdzi ma 'khrab pa dang/ yul gcig la chags pa ste nye ba'i 'ch
ltas lnga rnams byung ba na de dag 'chi

ltas su rig nas sdug bsngal ba sogs dang bcas/ khams gong ma gnyis
kyi lha rnams la sdug bsngal gyi sdug bsngal med kyang/ gnas pa
dang 'chi 'pho ba la rang dbang med

pas gnas ngan len gyi sdug bsngal dang bcas shing de dag thams
cad kyang sngon las kyi 'phen pa zad pa na ngan song sogs su
ltung bar 'gyur ba'i sdug bsngal dang bcas tshul rnams

legs par bsam/ gsum pa ni/ 'khor ba las mgrol byin 'khor bsgyur dang
tshangs par gyur kyang slar bran du 'gyur ba lta bu 'grub pa'i sdug
bsngal/ tshe 'di'i skye rga na 'chi'i

sdug bsngal ni grub pa'i sdug bsngal/ 'bras tshab 'gyur byed kyi reg pa
dang 'phrad pa na sdug bsngal tshar song blta bu sdug bsngal gyi
sdug bsngal/ phyin nas ngal ba na bsdang pas

bde bar snang ba la bsdad yun ring drag na nam zhig yan lag dang
rked pa na ba lta bu 'gyur ba'i sdug bsngal/ 'khyags pa'i sbubs su
chud pa zhig de las mthar gyi bar du dro ba'i skabs

med pa lta bu khyab pa 'du byed kyi sdug bsngal yin/ don hril gyis
dril na nyer len gyi phung po 'di blangs phyin chad da lta'i phung
po la brten pa'i sdug bsngal myong zhing phyi ma'i sdug bsngal
'dren

@65a @#/ /pa las 'os med/ nyer len gyi phung po zhes 'dogs pa'i rgyu
mtshan yang nyer len ni 'dun pa dang 'dod chags byed pa yin la phyi
ma'i phung po la thob 'dod kyi

'dun pa dang da lta'i phung po la chags pa'i 'dod chags la brten nas
phung po 'grub pas rgyu'i sgo nas dang/ phung po la brten nas
kyang phung po thob 'dod kyi 'dun pa dang phung po la

chags pa'i 'dod chags 'byung bas 'bras bu'i sgo nas kyang btags pa
ste/ de ltar gcig las gcig 'byung gi tshul du 'khor bar 'khor tshul bsam
la skyo ba bskyed par bya/ gzhan

yang 'khor ba na pha bur 'gyur zhing bu phar 'gyur pa/ dgra gnyen
du 'gyur zhing gnyen dgrar 'gyur ba lta bu nges pa med pa dang/
lha'i bdud rtsi dang dmyal ba'i khro chu khol ma btung ba'ang
bskyil

na rgya mtsho chen pos mtshon mi nus pa spyad kyang chog mi shes
pa'i doms pa med pa/ mgo bcad nas shi ba gcig pu'i mgo spu ngas na
tshangs pa'i 'jig rten las kyang thal bar 'gyur bas

mtshan pa'i lus yang yang 'dor ba/ ma'i thug mtha' chen po 'di ril bu
chung ngur dril nas bgrangs kyang 'dren mi thub pas mtshon pa'i
mngal sgo yang yang 'grim pa/ 'jig

rten na che ba tshangs pa dang brgya byin sogs kyi go 'phang thob
kyang slar yang bran gyi tha mar 'gyur bas mtshon pa'i yang yang
mtho dman du 'gyur ba/ skye ba'i tshe yang gcig pur skye

zhing 'chi ba'i tshe yang gcig pur 'chi bas grogs med pa'i tshul rnams
yid 'jigs zhum zhum pa ma byung gi bar du bsgom/ gnyis pa ni/ de ltar
'khor ba'i sdug bsngal gyi

@65b gnas tshul shes par byas nas/ de mi 'dod na de'i rgyu spong dgos/
de la rgyu ngos zin dgos/ rgyu gang yin na kun 'byung yin zhing de
la las nyon gnyis yod kyang las ni nyon mongs

pa las byung bas nyon mongs gtso bo yin la/ nyon mongs ni gang
skyes pa na sems blong blong por song ba lta bu sems rgyud rab tu
ma zhi bar byed pa'i shes pa gcig gi steng nas ngos

'dzin dgos shing 'di la spyir grangs mang yang gtso bo ni/ lta min
lnga dang lta ba lngar 'du bas de dag ngos bzung ba la rang rgyud
kyi nyon mongs bag la nyal de mngon gyur du bslangs nas ngos

'dzin dgos pas/ de'i tshul ni rang nyid gang la chags pa drag po skye
ba'i yul zhig dngos su blta ba'am yang yang yid yul du byas pa na
sngar gyi shes pa so na gnas pa de 'gyur nas

kun rtogs rags pa gzhan rnams 'gags te bsran mi bzod par chags yul
de la rjes su chags pas blta ba dang reg pa sogs longs spyod 'dod kyi
blo dud dud yod pa'i nyon mongs

de 'dod chags/ sngar yul la dmigs nas kun nas mnar sems pa rtsub
mos 'di la thabs gang 'dra zhig gi sgo nas gnod pa bya na snyam pa'i
nyon mongs de khong khro/ /'jig

lta'i dbang gis rigs nor yon tan sgyu rtsal sogs la brten nas gang
zag che ge mo 'dis bdag gi ba spu'i khung bu tsam yang mi bdo snyam
tu rang nyid la mchog tu 'dzin pa'i khengs pa'i rnam

pa can gyi nyon mongs de nga rgyal/ las 'bras dang de kho na nyid
sogs ji lta ji snyed kyi chos kyi gnas lugs bsgrib cing mi gsal bar byed
pa'i nyon mongs de ma rig pa/ dkon

@66a @#/ /mchog dang las 'bras sogs yod dam med bden nam mi bden
snyam pa'i yul la nges shes bskyed pa la gegs byed pa'i nyon mongs
de the tshom/ nyer

lin gyi phung po'i steng nas nga dang nga'i zhes bdag tu 'dzin pa'i
shes rab nyon mongs can de 'jig lta/ 'jig ltas bzung ba'i bdag de rtag
pa ther thug tu lta ba'am 'di nas phyi mar nying ?

'tshams sbyor ba med par lta ba'i shes rab nyon mongs can de mthar
lta/ 'jig lta mthar lta log lta gsum gang rung dang de dag gang
las byung ba'i phung po la dmigs nas mchog tu

'dzin pa'i shes rab nyon mongs can de lta ba mchog 'dzin/ rang
ngon ? 'chal tshul spangs pa'i tshul khrims dang tshul dang cha byad
dang lus ngag gi 'jug pa nges pa'i brtul shugs dang/

de dag gang las byung ba'i phung po la dmigs nas grol ba thob par
'dod pa'i shes rab nyon mongs can de tshul khrims brtul shugs
mchog 'dzin gyi lta ba/ las 'bras dang

dkon mchog sogs med par lta ba'am snod bcud rnam dbang phug
sogs kyi byas par 'dod pa'i shes rab nyon mongs can de log lta yin
pas de dag re re nas rang rgyud la

mngon gyur du skyer ba cug ste ngo shes par byas la phyis nam
byung tsan ngos zin pa la dka' ba med par bya/ nyon mongs de dag
las ma rig pa dang 'jig lta gnyis gcig tu

byas kyang mi 'gal mdo ? spu ris so sor 'byed tshe mun pas theg pa'i
gnas lugs bsgrib pa la brten nas theg pa la spul 'dzin gyi blo skye ba
ltar/ ma rig pas

@66b phung po'i gnas lugs bsgrib pa la brten nas phung po la bdag
tu 'khrul ba skye zhing de las chags sdang sogs nyon mongs gzhan
rnams skye la/ de'i rkyen gyis las bsags

te 'khor bar 'khor zhing skye rga na 'chi sogs nyes pa thams cad
'byung ngo/ /nyon mongs de dag gis rang rgyud ldan gyi gang zag
la gnod pa byed tshul ni/ bdag 'joms pa

sems can 'joms pa/ tshul khrims 'joms pa/ nyams pa dang bcas pa/ rnyed
pas dman pa/ srung ma dang ston pas smod pa/ rtsod pa dang bcas
pa

mi snyan pa dang bcas pa/ mi khom pa'i gnas su skye ba/ yon tan thob
zin 'gag cing ma thob pa mi thob par byed pa ste/ gzhan yang sems
can thams cad dgrar

langs kyang mnar med du 'khrid mi nus la nyon mongs pa'i dgras
mnar med kyi me nang du 'khrid pa dang/ dgra bo gzhan gyi ha cang
yun ring por dgra byed mi nus la nyon mongs pas

thog ma med pa nas da lta'i bar dgra byas pa dang/ dgra gzhan la
mthun btags na phan par byed kyang nyon mongs la mthun btags
na phyir zhing gnod pa byed pa sogs

kyi nyes dmigs sgo sna tshogs nas bsam ste/ nyon mongs 'phel bar byed
pa'i rgyu nyon mongs pa'i rten bag la nyal dang/ nyon mongs skye
ba'i yul dmigs pa

dang; nyon mongs shin tu che ba'i grogs ngan pa'i gtam sogs 'du 'dzi
dang/ nyon mongs ma spangs bzhin du thar pa thob pa skad kyi
bshad pa dang/ nyon mongs

@67a @#/ /ha cang 'dris par byas pa'i goms pa dang/ 'dis phan gnod 'di
ltar byas snyam pa'i chags sdang gi sgro 'dogs dang sdig pa 'di byas
kyang

'bras bu 'di 'byin pa'i nges pa med snyam pa lta bu'i tshul min yid byed
de drug po ngos zin par byas la dgag cing nyon mongs nam skyes pa
na gnyen pos 'bur 'joms bya ba la

'bad par bya'o/ /nyon mongs pas bskyed pa'i las la sems pa'i las dang/
bsam pa'i las gnyis las/ dang po ni/ rang dang mtshungs ldan gyi sems

yul rnams la g.yo zhing bskul bar byed pa'i sems byung dang/ gnyis
pa ni/ sems pa des kun nas slangs ba'i lus ngag gi rig byed dang
mnyam du 'jug pa'i sems

pa yin zhing 'phen byed kyi las la/ bsod nams dang/ bsod nams ma yin
pa dang/ mi g.yo ba'i las gsum yod/ 'phen byed kyi las gsar du bsog
pa po ni /

theg chen gyi sbyor lam chos mchog man chad kyi so skye rnams yin
la/ las gsar du sog tshul ni srog gcod sogs mi dge ba 'du byed na bsod
nams ma yin pa dang/ 'dod

khams kyi dge ba sbyin gtong sogs 'du byed na bsod nams dang/ bsam
gtan dang gzugs med gyi sas bsdus pa'i zhi gnas sogs bsgom na mi
g.yo pa'i las bsog go /

las de dag gi dbang gis 'chi 'pho ba dang nyings 'tshams sbyor tshul ni/
tshe zad pa/ bsod nams zad pa/ yang ba ma spang bar 'chi ba ste/ 'chi
rkyen gsum gang rung

@67b gis 'chi ba na phyi dbugs 'chad ka'i gnas skabs su 'chi sems rags
pa 'byung zhing de'i tshe rang gis dran pa'am gzhan gyis gsos btab pa'i
rkyen gyis dge mi dge'i sems

gnyis dang lung ma bstan gyi sems gsum ci rigs 'byung la/ sems dang
po'i dbang gis bde 'gro dang gnyis pa'i dbang gis ngan 'gror skye
zhing/ phyi dbugs chad nas nang

dbugs ma chad pa'i bar der 'chi sems phra mor 'gyur bas lung ma
bstan gyi sems kho na 'byung/ spyir btang la dge ba byed pa rnams
gnad gcod chung/ gzugs yid du

'ong ba rmi lam lta bur mthong/ mun khrod nas snang bar 'gro ba
dang 'dra/ mi dge ba byed pa rnams de las go bzlog par 'gyur/ dge ba
byed pa rnams dang por re smad nas dang/

mi dge ba byed pa ni dang por ro stod nas drod bsdus nas snying
kha'i par du 'dong/ dge sdig can phal che ba la 'chi ka'i tshed ni 'chi
bar 'dug snyam pa'i lus la chags pa drag po zhig

skyes pas rgyu byas nas snying kha nas rnam shes 'phos pa dang
mnyam du srang mda'i mtho dman ltar bar do 'gro ba gang du skye
'gyur gyi byad dbyibs can 'grub ste/ de yang dbang po

kun tshang zhing thogs pa med par rigs mthun dang lha mig dag pas
mthong bar 'dra ba la/ dmyal ba'i bar srid sdong dum mes tshig pa/
dud 'gro'i bar do du ba/ yi dwags kyi

bar do chu/ 'dod lha dang mi'i bar do gser/ gzugs khams kyi bar do
dkar po'i rnam pa can dang/ lha'i bar do gyen/ mi'i bar do thad ka
/ngan song gi bar do thur du 'gro zhing/

@68a @#/ /zhag zhe dgu tshun du rang ngor yid du 'ong ba'i yul snang
shar te der dong ba na skye gnas la khros te bar srid 'gag cing skye
srid du nyings 'tshams sbyor tshul rnams

legs par bsam/ de ltar sdug kun gnyis kyi sgo nas 'khor ba'i mtshan
nyid shes par byas nas skyo shes drag po bskyed la de dag 'dor 'dod
kyi blo dper na me 'bar ba'i khyim

du chud pa dang btson rar chud pa'i tshe gnas de la mi 'dod pa ci
tsam skye ba de'i tshang tsam bskyed par bya zhing/ de nas kyang je
'phel du btang ngo/ /gnyis pa ni/ srid pa'i nyes

dmigs bsgom pas 'khor ba las nges par 'byung 'dod drag po skyes pa
des 'khor ba bzlog pa la thabs gang gis bzlog na bslab pa gsum
bsgom pas bzlog dgos la/

bslab pa gzhan gnyis la bslab tshul 'og tu 'byung bas 'dir tshul khrims
la bslab tshul ni/ spyir tshul khrims ni yon tan thams cad kyi gzhi rten
lta bu dang/ khyad par rab

byung gi so thar ni thar pa dang thams cad mkhyen pa bsgrub pa'i
rten mchog tu bsngags shing bstan pa'i tha ma la sleb pa'i dus 'dir
tshul khrims zhag gcig bsrung ba la'ang phan yon

dpag tu med pa gsungs pa rnams bsam nas ltung ba 'byung ba'i sgo
mi shes pa'i gnyen por bslab bya phra rags rnams nges par bya/ bag
med pa'i gnyen por blang dor gang

yin dran pas gsal 'debs shing legs nyes dpyod pa'i shes bzhin gyis
byar byas la ngo tsha shes shing khrel yod pas nyes spyod kyi rnam
smin la 'jigs nas bag 'khum

@68b pa la bslab/ ma gus pa'i gnyen por ston pa dang de'i bcas pa
dang de la gnas pa'i grogs rnams la gus par bya/ nyon mongs mang
ba'i gnyen por gang shas che ba de'i

gnyen po 'bad pas bsten/ de ltar 'bad kyang nyes ltung gis gos na
phyir bcos dang stobs bzhi sogs kyis bshags bsdams tshul bzhin du
bya'o/ /gsum pa ni /

de ltar 'khor ba'i nyes dmigs sgo sna tshogs nas bsgom pas srid pa
thams cad me 'bar ba'i rlubs ltar mthong ste nyon mongs dang sdug
bsngal nye bar zhi ba'i thar pa la thob 'dod

kyis yid gdud ba des rang don du lam bslab pa gsum la bslab na
'khor ba las grol ba'i thar pa 'thob cing/ de yang mtho ris kyi dpal
ltar phyir ldog pa ni ma yin mod 'on

kyang skyon zad pa dang yon tan thob pa phyogs re ba yin pas rang
don ma rdzogs la/ de nyid kyis na gzhan don yang nyi tshe bar zad
cing mthar sangs rgyas kyis bskul nas theg chen

du 'jug dgos/ des na blo dang ldan pa rnams kyis ni thog ma nas
theg chen du 'jug rigs la/ de yang rang gzhan gyi legs pa thams cad
kyi 'byung gnas rgud pa thams cad sel

ba'i sman mkhas pa'i skye bo kun gyis bgrod pa'i lam mthong thos
dran reg gis 'gro ba kun gyi gsos su 'gyur pa/ gzhan don du zhugs
pas rang don ma tshang ba med par zhar la

'grub pa'i thabs mkhas chen po dang ldan pa'i theg chen la 'jug tu
yod pa ni kye ma'o bdag gis rnyed pa legs par rnyed do snyam du
bsam nas skyes bu'i rtsal ci yod kyis 'jug

@69a @#/ /dgos pas der 'jug pa dang zhugs nas bgrod gya lam gyi rim
pa la blo sbyong ba'i tshul la/ spyod pa'i rten sems bskyed pa dang/
sems bskyed

nas spyod pa la slob tshul gnyis/ dang po ni/ theg chen la 'jug pa la
'jug sgo gang nas yin snyam na/ gang rang rgyud la skyes tsam nas
theg chen par tshud cing ma skyes pa'am

skyes kyang nyams na yon tan gzhan ji lta bu yod kyang theg chen
par mi tshud la rdzogs pa'i sangs rgyas kyi rgyu thun mong ma yin
pa'i sa bon lta bur gyur pa'i chos ni byang chub kyi sems rin

po che yin pas de bskyed pa la jo bo chen po nas brgyud pa'i man
ngag dang/ rgyal sras zhib lha nas brgyud pa'i man ngag gnyis/
dang po la/ gzhan don don gnyer ba bskyed tshul byang

chub don gnyer bskyed tshul gnyis/ dang po la/ gzhan don don
gnyer gyi gzhi bsgrub pa dang/ gzhan don don gnyer gyi blo dngos
bskyed tshul gnyis/ dang po la/ sems can

la sems snyoms par bsgrub pa dang/ thams cad yid 'ong gi rnam pa
can du bsgrub pa gnyis/ dang po ni/ sngar chung 'bring gi skabs su
bshad pa ltar sngon 'gro la sogs pa'i

rim pa rnams bsgom pa'i mjug tu sa khod mi snyom pa la mal bya mi
bde ba ltar sems can thams cad la chags sngang gi blo ma bkag na
mar shes sogs bskyed mi nus pas

sems snyom pa bsgrub pa la/ dang por skye sla bas rang gi dgra
gnyen gang yang min pa'i bar ma'i sems can gcig mdun du gsal btab
ste/ de la chags sdang gi rtog pa

@69b skyer bcug pa na chags pa shas che par 'dug na 'dis tshe rabs
mang por bdag gi dgra byas nas gnod pa dpag mid byas pas chags
don med/ sdang ba shes chen 'dis tshe

rabs mang por bdag gi gnyen byas nas phan chen po btags pas
sngang don med snyam du bsam la chags sdang gi rtog pa bkag nas
sems snyom par bya/ de nas gnyen gcig

gsal btab ste chags pa skyer bcug la 'dis da lta bdag la phan 'dogs
pa ltar snang yang tshe snga mar bdag gi dgrar gyur nas gnod pa
bskyal bas ming thos pa tsam gyis bzod

par dga' ba'i 'jigs pa bskyed nus pa lan grangs tu mar byas shing/
phyin chang kyang de ltar mi 'gyur ba'i nges pa med pas chags don
med snyam du chags sems dgag

de nas dgra gcig gsal btab ste/ 'dis da lta bdag la gnod pa ltar
snang yang tshe rabs snga mar bdag gi gnyen nam mdza' bshes su
gyur nas phan btags pas 'di

med na bdag cung zad kyang sdod mi nus pa dang/ bdag med na 'di
yang bzod dka' ba'i yid gcug pa grangs med byas shing slar yang de
ltar mi 'gyur ba'i nges pa med pas sdang

don med snyam du sdang sems dgag /de nas dgra gnyen gnyis gsal
btab ste de gnyis la so sor gong bzhin bsam nas chags sdang dgag
/de nas sems can

thams cad la gong bzhin bsam nas chags sdang gi rtog pa bkag nas
sems snyom pa bsgrub par bya'o/ /gnyis pa la gsum las/ dang po ni/
rang gi ma gsal

@70a @#/ /btab ste/ sngon de bzhin gshegs pas rang gi yum gyis sku tshe
mang por yum mdzad tshul dang gang zag gzhan gyi sngon dang
phyi ma'i mtha' gsungs pa

de rnams tshad ma'i skyes bu'i bka' bslu pa med pa yin pas/ des mtshon te
'dis kyang bdag gi ma tshe 'di gcig bur ma zad tshe rabs snga ma mang
por byas shing slar yang lan

grangs du mar byed par 'gyur ro snyam du bsam/ de nas phags la
btab ste 'khor ba la thog ma med pas rang gi skye ba la yang thog
ma med/ des na 'khor ba na lus 'di ma

blangs bya ba'am/ sa phyogs 'dir ma skyes bya ba'am/ ma la sogs pa'i
gnyen du 'di ma gyur bya ba gcig kyang med par bcom ldan 'das kyi
bka' bden pas gsungs pas

bdag gi pha 'dis kyang tshe rabs mang por bdag gi ma byas shing byed
par yang 'gyur ro snyam du bsam/ de nas gnyen gzhan dang/ bshes
dang/ bar ma dang/ dgra dang/

sems can thams cad la rim bzhin kha spos te bsgom/ gnyis pa ni/ rang
gi ma gsal btab ste/ ma 'dis zla ba bcu'i bar du mngal du bzung zhing
rang nyid bde ba dang

ltog skom sogs khyad du bsad nas phan gnod kyi spyod lam thams
cad bu'i tshad du byas te dal 'byor gyi lus srog 'di byin pas dang por
drin che/ de nas btsas pa'i tshe 'jam

pa'i stan la bzhag /brtse ba'i sems kyis bskyangs/ byams pa'i mig gis
bltas/ dga' ba'i 'dzum gyis bsus/ snyan pa'i ming nas bos/ sha'i

@70b drod la bcar/ mngar ba'i nu zho bsnun/ zas lces snyod/ snab
khas phyis/ mi gtsang ba lag pas phyis/ me chu ga yang sogs kyi 'jigs
pa las bskyabs/ bu na

ba las rang na ba dang bu shi ba las rang shi ba 'dam pa sogs kyi sgo
nas bskyangs pas bar du drin che/ cung zad nar son nas za lugs 'gro
lugs sogs kyis mtha' bsten

pa'i yon tan ma rang gis gang shes bslab cing/ sdig sdug gtam ngan
khyad du bsad de sha thang thang 'bad bas bsgrub pa'i zas gos nor
rdzas zar rang gis spyad mi bra ba rnams las

bkres skom gyi dus su bza' btung/ 'khyags pa'i dus su gos/ phongs pa'i
dus su nor rdzas rnams 'phangs med du byin pas tha mar drin tshe/
mdor na ma rang gis

shes tshad dang nus tshad kyis phan pa dang bde ba bsgrub gnod pa
dang sdug bsngal bsal ba'i tshul rnams bsam la 'di lta bu tshe 'dir ma
zad ma nam byas res kyis byas pas shin tu drin

che bar bsgom/ de nas pha sogs la kha spos nas de dag gis ma nam
byas res kyis de ltar drin gyis bskyang bar bsgom/ /gsum pa ni/ rang
gi ma mdun du gsal btab ste/

shin tu drin che ba'i ma rgan nyon mongs pa'i gdon gyis sems dkrugs
pas smyo/ mngon mtho dang nges legs kyi lam blta ba'i mig dang ni
bral/ mtho ris dang thar par

'khrid pa'i dge ba'i bshes gnyen gyi long khrid ni med/ skad cig re re
zhing nyes spyod kyis dbyen bcos pas ni brdeg 'cha'/ spyir 'khor ba
dang khyad par ngan 'gro'i g.yangs

@71a @#/ /'grim shing sdug bsngal gsum gyi btson rar 'khyams pa 'di bu
bdag la mi re na su la re/ 'di'i don byed pa'i khung bu bdag la mi 'bab
na su la

'babs/ des na ci nas kyang bdag gis 'di'i don bya dgos la de yang zas
skom nor rdzas sogs kyis phan 'dogs pa rang tshogs bsog pa'i yan lag
tu 'gyur na'ang /

ma 'dis kyang sngar tshangs pa dang 'khor sgyur sogs kyi go 'phang
thob nas zag bcas kyi dpal 'byor phun sum tshogs pa la ci tsam spyad
kyang brtan pa ma thob par gnas skabs

'di 'drar gyur/ zag bcas kyi bde ba la ci tsam spyad pa tsam gyis bde
ba de sdug bsngal gyi rgyur 'gro tsha ba che ba rma 'bras la tsha btab
pa dang 'dra bar 'dug pas 'khor ba'i bde

ba la sbyar ba ni don chen por mi 'gyur bas thar pa dang thams cad
mkhyen pa'i go 'phang la 'god par bya'o snyam du yid 'khul des su
bsam/ de nas pha sogs la rim

gyis de ltar bsam/ gnyis pa la gsum las/ dang po ni/ zhing dpag tu
med pa na yod pa'i mtshod pa dpag tu med pa sangs rgyas dpag tu med
pa la dus rtag tu

mtshod pa bas byams pa yud tsam gcig bsgom pa bsod nams tsha ba
dang/ sangs rgyas dbang phyug chen po'i rgyal po'i 'jig rten gyi
khams na lo brgya stong du tshangs

spyod spyad pa bas zhing 'dir tha na se gol gtog pa'i yun tsam du
byams pa bsgom pa bsod nams che ba dang/ sems can thams cad la
dus gsum du kha zas bsod

@71b pa'i sbyin pa btang ba bas byams pa yud tsam gcig bsgom pa bsod
nams tshe ba dang/ lha dang mis byams par 'gyur pa sogs kyi phan yon
rnams bsam la/ rang gi

ma mdun du gsal btab ste/ dbul 'phongs sogs kyi sdug bsngal mngon
gyur yod na de'ang bsam zhing de lta bu med na bdag gi ma rgan 'di
'gyur ba'i sdug bsngal dang khyab pa

'du byed kyi sdug bsngal gyi rang bzhin can yin la sdug bsngal gyi
sdug bsngal gyis gnas skabs ci rigs par mnar/ zag med kyi bde ba lta
ci smos zag bcas kyi bde

ba yang mi 'dug /da lta bde bar brlom pa bag re yod na'ang phol mig
la chu grang btab pa na cung zad bde ba ltar snang yang slar sdug
bsngal bskyed pa ltar 'gyur ba'i sdug

bsngal las ma 'das pas bde ba rnam dag gcig gtan nas mi 'dug snyam
du bde bas 'phongs tshul bsam la/ bde bas 'phongs pa'i ma rgan 'di bde
ba dang 'phrad na ci

ma rung; bde ba dang 'phrad par gyur cig /ci nas kyang bde ba dang
'phrad par bya'o/ /snyam du bsam zhing ngag tu yang lan mang po
brjod de/ bde pa sna tshogs pa

rnams yid kyis bstab par yang bya/ de nas pha sogs la rim gyis de ltar
bsgom/ gnyis pa ni/ snying rje chen po rgyal ba'i lo tog phun sum
tshogs pa bskrun ? pa la

thog mtha' bar gsum du gal che tshul dper na zhing gi lo tog la yun
ring por longs spyod pa la thog mar gal che bas bon/ bar du gal
che ba chu/ tha mar gal che ba 'bras

@72a @#/ /bu smin pa dang 'dra bar gsungs pas theg pa chen po'i lam
'bras gang gi skabs su yang med thabs med pa 'di rgyud la ci skye
bya'o snyam du bsam

nas; rang gi ma mdun du gsal btab ste/ ma rgan 'di la sdug bsngal
gyis dngos su gnod cing kun 'byung gis rgyud nas gnod pas sdug
bsngal rgyu dang bcas pas mnar

'dug snyam du sdug bsngal gyis mnar tshul bsam la/ sdug bsngal gyis
mnar ba'i ma rgan 'di sdug bsngal dang bral na ci ma rung/ sdug
bsngal dang 'bral bar gyur cig/

ci nas kyang sdug bsngal dang bral bar bya'o/ /snyam du bsams shing
ngag tu yang lan mang po brjod de sdug bsngal yid kyis blangs/ de
nas pha sogs la rim gyis spos

nas bsgom/ gsum pa ni/ rang gi ma mdun du gsal btab ste/ bde bas
'phongs shing sdug bsngal gyis mnar tshul bsam la/ bde bas 'phongs
shing sdug

bsngal gyis mnar pa'i ma rgan 'di 'de ba dang ldan zhing sdug
bsngal dang bral ba zhig nges par bdag gis bya'o/ /snyam du dam bca'
zhing ngag tu yang lan mang po brjod/ de nas pha

sogs la rim gyis bsgom/ gnyis pa ni/ de lta bu'i dam bca' de da lta'i
gnas skabs 'di lta bus bsgrub mi nus shing ji lta bus nus na rdzogs
pa'i sangs rgyas kyi go

'phang thob pa na nus pas go 'phang de thob dgos par 'dug snyam
du bsam la/ skyabs 'gro'i skabs su gsungs pa ltar gyi sangs rgyas kyi
sku gsung thugs 'phrin las kyi

@72b yon tan rnams dran pa'i sgo nas de la dang ba'i dad pa dang
mngon 'dod kyi 'dun pa drag pos/ sems can thams cad kyi don du
yang dag par rdzogs pa'i sangs rgyas kyi go

'phang thob na ci ma rung/ thob bar gyur cig/ /ci nas kyang thob par
bya'o/ /snyam du bsam zhing ngag tu yang brjod do/ /gnyis pa ni/ byis
pa tha mal pa bdag dang

bdag 'dra ba rnams kyis rang kho na gces par bzung nas rang don
'ba' zhig bsgrub pas rang don ma grub par ma zad 'khor ba'i sdug
bsngal thams cad kyis mnar/ thub pa

sangs rgyas bcom ldan 'das kyis slob pa lam gyi gnas skabs nas
gzhan kho na gces par bzung nas gzhan don 'ba' zhig bsgrub pas
don gnyis kyi phun tshogs thams cad

'bad med lhun grub tu byung 'dug pas rang gces 'dzin ni rgud pa
kun gyi sgo dang/ gzhan gces 'dzin ni phun tshogs thams cad kyi
'byung gnas su gdon mi za bar 'dug  des

na 'bad pa du mas rang gces 'dzin mi skyes pa mi bskyed pa dang skyes
pa rgyun 'thung du mi gzhug cing gzhan gces 'dzin ma skyes pa ci
skye dang skyes pa je 'phel du btang bar bya'o snyam

pas; rang gi ma mdun du gsal btab ste/ de la byams snying rje drag
po dang bcas pa'i sgo nas rang gi sna bug nas rlung sangs kyis bus
pa dang mnyam du rang rgyud kyi bde ba dang dge

ba thams cad 'od zer dkar po'i rnam pas rlung gi rtal zhon te rang
gi sna bug g.yas nas thon/ mdun gyi ma de'i sna bug gyon pa nas
zhugs spyi gtsug nas rkang mthil gyi bar gang

@73a @#/ /bas lus sems bde dges khyab sod snyam pa dang/ yang rang gi
sna bug nas rlung nang du rdub pa dang mnyam du ma de'i sdig
sgrib dang sdug bsngal

thams cad 'od zer nag po'i rnam pas rlung gis drangs te ma'i sna bug
g.yas nas thon/ rang gi sna bug gyon nas zhugs te snying gi dkyil
du nag phung ste byung bas ma de sdug bsngal

thams cad dang bral song snyam pa spel ma'i tshul du yang yang
sbyar/ de nas pha sogs la rim gyis sbyar bar bya'o/ /gnyis pa la phyin
drug la slob tshul dang/ bsdu bzhi la

slob tshul gnyis/ dang po ni/ de ltar smon sems bskyed nas rgyal sras
kyi spyod pa ma nor zhing cha tshang ba la ma bslab na 'tshang rgya
ba mi srid pas de lta bu la bslab dgos la de

yang rgyal sras kyi spyod pa mtha' yas pa yod kyang bsdu na phyin
drug tu 'du zhing der grangs nges tshul la/ mngon mtho la ltos pa'i
grangs nges ni/ spyod pa rlabs po che rdzogs pa la

tshe rabs mang po brgyud dgos shing de yang lam gyis chod chen po
'ong ba'i mngon mtho la brten dgos pas longs spyod/ lus/ 'khor/ las
mtha' phun sum tshogs pa

bzhi dang ldan zhing nyon mongs kyi dbang du mi 'gro ba dang/
blang dor la 'jug ldog gi dmigs legs par phyed pa cig dgos pa la/ de
dag gi rjes mthun gyi rgyu yang phyin drug du

nges/ don gnyis bsgrub pa la ltos pa ni/ rten de la gzhan don bsgrub
pa la thog mar zang zing gis phan 'dogs dgos/ de la gzhan gnod
gzhi bcas las ldog pa dgos

@73b shing; de la'ang tshur gnod la ji mi snyam pa dgos pas dang po
gsum dang/ rang don grub pa la rnam grol gyi bde ba bsgrub dgos
shing/ de la sems dmigs pa la ji ltar 'dod

'dod du gnas pa'i las rung dgos/ de yang le lo can la mi skyo bas
phyi ma gsum du grangs nges/ gzhan don rdzogs par bsgrub pa la
ltos pa'i/ zang zing btang bas 'phongs

pa sel ba/ gzhan gnod spangs bas 'tshe ba med pa/ tshur gnad kyang par
gnod lan mi 'jal ba/ gzhan don bsgrub pa'i dka' spyad la mi skyo ba/
rdzu 'phrul sogs kyis

gzhan yid 'dun pa/ legs par bshad pas the tshom grol ba rnams dgos
pa la de yang phyin drug tu nges/ theg chen thams cad bsdud pa la
ltos pa ni longs spyod la ma chags pas bslab

pa la gus pa/ gzhan skyon la brten pa'i sdug bsngal la mi skyo bas/
dge ba la spro ba/ lus sems las su rung bas/ lhag mthong 'phel ba
rnams dgos pa la de yang

phyin drug tu nges/ thabs kyi rnam pa thams cad pa'i dbang du
mdzad pa la ltos pa ni thob zin gyi longs spyod la ma chags pa'i
thabs/ ma thob pa thob 'dod kyi g.yeng ba sdoms

pa'i thabs/ sdug bsngal la yid mi 'byung bas sems can mi gtong ba'i
thabs/ le lo dang skyo ngal med pas dge ba 'phel ba'i thabs/ nyon
mongs pa dang shes sgrib sbyong

ba'i thabs rnams dgos la de yang phyin drug tu nges/ bslab pa gsum
la ltos pa ni/ longs spyod la mi lta ba'i sbyin pa yod na tshul khrims
len pas sbyin pa ni tshegs sam rgyu dang

@74a @#/ /tshul khrims ni ngo bo dang/ gnod byed la ji mi snyam pa'i
bzod pa yod na gshe yang slar mi gshe ba sogs 'byung bas bzod pa ni
'khor du 'du bas de gsum

tshul khrims kyi bslab pa dang/ phar phyin tha ma gnyis ni bslab pa
gzhan gnyis kyi ngo bo dang/ brtson 'grus ni gsum tshar la dgos pas
phar phyin drug tu nges so/ /go rim ni

longs spyod la mi blta zhing ma chags pa'i sbyin pa las tshul khrims
dang/ nyes spyod sdom pa'i tshul khrims las bzod pa dang/ dka' spyad
la mi skyo ba'i bzod pa las brtson

'grus dang/ nyin mtshan du 'bad pa'i brtson 'grus las bsam gtan dang/
lus sems las rung gi sems mnyam par bzhag pa'i bsam gtan las yang
dag pa ji lta

ba bzhin rtogs pa'i shes rab skye bas skye rim dang/ snga ma snga ma
dman zhing phyi ma phyi ma mchog yin pas dman mchog dang/ snga
ma snga ma rnams phyi ma phyi ma la 'jug pa dang bya bar

slabs rags phra'i rim pas sbyin pa nas shes rab kyi bar go rim yang
nges so/ /des na de lta bu'i spyod pa la bslab pa la drug las/ dang po
ni/ gtong ba'i sems pa dge ba

dang des kun nas slangs ba'i lus ngag sbyin pa la 'jug bzhin pa'i dus
kyi sems pa ni sbyin pa'i ngo bo yin la/ rang gis longs spyod sogs ser
sna med par snying thag pa nas btang

ba'i 'bras bu dang bcas pa gzhan la gtong ba'i blo goms pa yongs su
rdzogs pa sbyin pa'i phar phyin yin no/ /sbyin pa la dbye na chos/ mi
'jigs/ zang zing gtong ba'i sbyin pa

[@##data incomplete here]

@77a @#/ /'gog pa'i sems kyi goms pa yongs su rdzogs pa ni bzod pa'i phar
phyin gyi ngo bo yin no/ /bzod pa la dbye na gnod byed la ci mi snyam
pa dang/ sdug bsngal dang len

dang; chos la nges sems kyi bzod pa gsum yod la/ dang po bsten tshul
ni/ spyir byang sems min pas grogs tshangs pa mtshungs par spyod pa la
khros na'ang dge ba dpag med 'joms

shing; byang sems la khong khro byas pas bskal pa stong du bsags
pa'i dge rtsa 'joms pa dang/ dmigs bsal du byang sems stobs chung
bas che ba la khros na bskal ba brgyar

bsags pa'i dge ba 'joms pa dang/ byang sems la ngan sems bskyed na
ngan sems kyi skad bcig ? ma'i grangs ji snyed pa de snyed kyi bskal
bar dmyal bar skye bas byang sems la khros na

nyes dmigs shin tu che la/ yul byang sems yang me dong thal bas
g.yog ba ltar gang na yod cha med pas khong khro dgag dgos/ de
yang da ltar dngos su gnod pa byed bzhin pa'am sngar

gnod pa byas zin zhig gsal btab nas de la zhe sdang skyer bcug la
de'i tshe de'i ngo bo la bltas te/ mi 'ga' zhig gzhan la mi dga' ba'i nyon
mongs drag pos rang srog rang gis gcod par

byed la; de ni rang la rang gis gnod pa byed mi nus bzhin du nyon
mongs pa'i gzhan dbang gis de ltar byas pa yin pas de la khro mi rigs
na nyon mongs pa shugs drag pos rang dbang ma byung

bar gzhan la gnod pa byed pa la ci'i phyir khro/ /gzhan yang 'gro ba
kho rang gi rang bzhin la gnod pa de grub na me'i rang bzhin tsha
ba yin pa la khro mi rigs pa dang 'dra la/ gal te glo bur du

@77b byung ba zhig yin na nyi ma sprin gyis sgrib par nam mkha' la
khro mi rigs pa dang 'dra'o/ /gzhan yang gnod byed dbyug pa bsnun
par byed pa lta bu la mtshon na/ dngos su nad pa skyed pa ni

dbyug pas byas shing rgyud nas gang zag kho rang yang zhe sdang
gis spad pas gang brag de la dngos brgyud gang gi dbang du byas
kyang khro mi rigs la gnod pa byad pa'i rtsa ba'i rgyu la khro na/
rang gis

sngon gzhan la gnod pa 'di lta bu byas pa'i 'bras bu yin pas rang gi
sngon las la khro bar rigs kyi 'gro ba de la khro bar mi rigs so/
/gzhan gyis ngan smras byas pa la mi bzod na /

bstod pa dang snyan grags kyis phyi mar ma thad 'dir yang phan pa
cung zad kyang med pa'i khar rang nyid don med kyi g.yeng bar
'jug pa dang gzhan gyis phrag dog byed pa'i nyes pa du ma bskyed la/

ngan smras byas pas snyan grags nyams pa'i rgyur song nas gnas
skabs g.yeng ba dang gzhan gyis phrag dog gis 'tshe ba mi 'byung
zhing tshogs gnyis la brtson du yod pa dang mthar thug

gtan gyi bde ba 'grub par 'gyur bas ci'i phyir khro/ /der ma zad da lta
bdag la 'dis ngan smras byas pa lta bu yang mi bzod na 'di la khros
pa'i rkyen gyis ngan song du skyes na de'i sdug bsngal

ji ltar bzod/ rang don gtso bor bsgrub pa'i nyan rang gis kyang
gzhan la khro bar mi byed na bdag sems can thams cad mar shes te
gzhan phan bsgrub par sems bskyed nas khrog ? la rigs

snyam du bsam la gnod byed la ji mi snyam par bya/ sdug bsngal
dang len ni/ sdug bsngal byung ba mi bzod pa'i tshe/ sdug bsngal de
bcos su yod na mi dga' ba byed mi dgos la bcos su

@78a @#/ /med na mi dga' ba byas kyang mi phan pas mi dga' ba byas pa
la dgos nus gang yang med cing/ sdug bsngal yod na 'khor ba las
nges par 'byung 'dod

skye pas thar pa la yid bskul pa'i yon tan/ rlom pas mtho par 'dzin pa
'jig pas dreg pa sel ba'i yon tan/ sdug bsngal gyi tshor ba drag po
myong ba de mi dge ba las byung bas

'bras bu de mi 'dod na de'i rgyu las ldog dgos par mthong nas sdig
pa la 'jom pa'i yon tan/ sdug bsngal gyis gdung pa na bde ba 'dod la
bde ba thob pa la dge ba bsgrub dgos par

mthong nas dge ba bsgrub pa la dga' pa'i yon tan/ rang nyams la
dpag nas 'gro ba gzhan yang sdug bsngal lo snyams nas 'khor ba pa
la snying rje skye ba'i yon tan rnams 'byung bas

sdug bsngal 'di ni 'dod pa'i gnas so snyam du yang yang bsam nas
gos phyag dar khrod sogs tshangs spyod 'phel ba'i gnas la brten pa'i
dang/ stod smad sogs 'jig rten gyi chos

la bten pa'i dang/ stan la glos mi 'beb pa sogs spyod lam la brten pa'i
dang/ dkon mchog mchod pa sogs yongs su 'dzin pa la brten pa'i
dang/ gzugs mi sdug pa

dang gos ? ngan pa sogs nyams su blang zhing glu gar sogs 'dod
yon las ldog pa'i slod mos 'tsho ba la brten pa'i dang/ dge phyogs la
brtson pas dub pa la brten pa'i dang/ gzhan gyi

srog skyob pa sogs sems can don byed la brten pa'i dang/ tshod spong
pa sogs 'phral gyi bya ba la brten pa'i sdug bsngal chung rim nas
dang du blangs la sdug bsngal dang len stobs je

@78b rgyas su 'gyur bar bya/ chos la nges sems ni/ dad pa'i yul dkon
mchog gsum/ mngon du bya yul bdag med gnyis/ 'dod pa'i yul sangs
rgyas byang sems kyi mthu chen

bo; ;blang dor gyi yul las 'bras/ bsgom pa'i yul thob bya byang chub
dang de thob byed kyi lam/ thos bsam gyi yul gsung rab yan lag bcu
gnyis sogs kyi dam chos te de

rnams la phyogs ris med par mos pa sbyong ba'o/ /bzhi pa ni/ dge ba
bsdu ba dang sems can gyi don bya ba'i phyir du sems mngon par spro
ba phyin ci ma log pa ni brtson 'grus kyi ngo bo

yin la; de goms pa yongs su rdzogs pa mthar phyin pa ni brtson
'grus kyi phar phyin yin no/ /de la dbye na go cha dang/ dge ba chos
bsdud dang/ sems can don byed kyi brtson

'grus gsum/ dang po ni/ bskal chen stong phrag nge la zhag gcig
/zhag sum cu la zla ba/ de bcu gnyis la lor byas pa'i bskal che grangs
med pa gsum bye ba phrag 'bum 'gyur gyi bar

du sems can gcig gi sdug bsngal bsal ba'i ched du dmyal ba kho nar
gnas nas sangs rgyas bsgrub dgos pa byung yang brtson 'grus mi
gtong na de las thung ba dang sla ba lta ci smos snyam pa

go cha'i brtson 'grus dang/ 'khor ba thog ma med pa nas da lta yan
chad la zhag gcig du byas pa'i rim pa bzhin zla ba dang lor brtsis
nas lo 'bum song ba na byang chub kyi sems gcig

skye zhing sangs rgyas gcig mthong ba lta bu gang ga'i glung gi bye
ma snyed kyi grangs dang mnyam pa na sems can gcig gi sems dang
spyod pa shes shing de 'dra ba'i tshul gyis sems can re re bzhin

@79a @#/ /nas byed dgos pa byung yang de dag la yun ring bar mi sems
par spro bar byed pa gong na med pa'i brtson 'grus su bshad pas de
dag la bslab par bya dgos

shing; de yang da lta nas snga dro lta bu gcig gi yun la dge sbyor
gang byed kyang thog mar de'i bar la yun ring pa dang dka' ba'i
snang ba mi sems par spro ba chen pos dge sbyor de gzhan gyis bar

ma bcad par bya snyam pa'i 'phen pa btang la snyoms las dang dman
pa'i bde ba la/ srid pa bkag nas brtson 'grus chen pos bya zhing/ de
lta bu la yang yang goms par byas nas rim

gyis zhag zla ba lo ji srid 'tsho'i par lta bu la yang de ltar bslab cing
spro ba je 'phel du btang/ de lta bu'i brtson 'grus bskyed pa la mi
mthun phyogs 'gog dgos pas/ rgan gzhon med par

shi ba mig gi mthong ba bzhin bdag kyang myur du 'chil shi ba'i 'og
tu ngan 'gror skye zhing rten bzang po 'di 'dra rnyed pa dka' snyam
pas long yod snyam nas phyi bshol byed pa'i le lo/ /gnas

skabs kyi bde ba phra mo 'di dag la g.yeng bas dam pa'i chos bsgrub
pa'i sgo 'gag ste ngan song du skye bar 'dug snyam pas bre mo'i gtam
sogs dman pa'i bde ba la chags pas g.yeng ba'i

le lo; ;bcom ldan 'das gyis sbrang bu sogs srog chags phra mos
mtshon pa'i sems can thams cad kyis bla med byang chub 'thob par
gsungs na bdag gis ci'i phyir mi 'thob snyam

pas thob bya sangs rgyas kyi yon tan thob dka' ba la zhum zhing
sgyid lug pa'i le lo/ /da lta tshod ma sbyin pa sogs chud rim nas gom
par byas pas mthar rang gi lus gtong ba yang

@79b tshod ma gtong ba lta bur dka' ba med par 'gyur ro snyam pas
thob byed kyi thabs bya dka' ba la zhum pa'i le lo/ /dmyal ba srungs
dmyal ba na gnas kyang de'i sdug bsngal mi myong ba bzhin

byang sems 'khor ba na gnas kyang 'khor ba'i sdug bsngal myong mi
dgos pas 'khor bar yun ring gnas dgos pa la 'jigs mi dgos snyam pas
'khor bar gnas dgos pa la zhum pa'i

le lo rnams dgag par bya'o/ /mthun rgyen bsten pa ni/ rgyal sras kyi
spyod pa la bslab pa dang ma bslab pa'i phan yon dang nyes dmigs
dran pa'i sgo nas 'jug pa mos pa'i stobs/

phan yon mthong ste zhugs pa mthar phyin par bya ba'i phyir
brtson 'grus rtsom pa brtan pa'i stobs/ spro ba chen po'i sgo nas
ngoms pa med par rtsom pa dga' ba'i stobs/ dub na ngal

gso ba'i gnad shes pa dor ba'i stobs rnams bsten nas brtson 'grus
brtsam par bya'o/ /dge ba chos sdud ni/ phyin drug rdzogs par bya
ba'i phyir de dag la bslob cing/ dkon mchog

mchod pa sogs la brtson pa dang/ sems can don byed ni/ gzhan gyi
nor brkun pos mi 'khyer ba'i thabs ston pa sogs tshul khrims kyi phar
phyin gyi skabs nas 'byung ba'i don bya ba

bcu gcig gi sgo nas sems can gyi don byed pa la brtson pas slob pa'o/
/lnga pa ni/ dge ba'i dmigs pa las mi g.yeng bar gnas pa'i sems rtse
gcig pa bsam gtan gyi ngo bo yin

la de goms pa mthar phyin pa ni bsam gtan gyi phar phyin yin no/
/bsam gtan la dbye na lus sems bder gnas/ yon tan mngon grub/ sems
can don byed kyi bsam gtan

@80a @#/ /gsum yod/ dang po ni/ lus sems shin sbyangs bskyed pa'i bsam
gtan/ gnyis pa ni/ mngon shes rnam thar zad par sogs kyi yon tan
sgrub

pa'i bsam gtan/ gsum pa ni/ bsam gtan gyi sgo nas don bya ba bcu gcig
gis sems can gyi don sgrub pa'i bsam gtan yin no/ /de la bdag med
rtogs pa'i lhag mthong gis gnas

lugs kyi don ji lta ba bzhin du rtogs pa la rnam g.yeng gis g.yo ba
med pa'i zhi gnas la brten dgos shing/ zhi gnas la brten nas gzhan
du mi g.yeng ba ma byung na gnas lugs kyi don du ma zad

las 'bras dang byams snying rje bsgom pa bzlas brjod byed pa sogs
dge ba gzhan rnams kyang 'bras bu chung bar gsungs pas zhi gnas
ci nas kyang bsgom dgos/ des na de bsgom pa la gang

gang ? du bsgrub pa'i yul zas gos sogs mthun rkyen rnyed slabs legs
par rnyed pa/ gcan zan dang dgra gdon sogs kyis 'tshe ba med pas
gnas bzang ba/ nad mi bskyed bas sa bzang ba

chos ldan gyi grogs dang ldan pas grogs bzang ba/ don med kyi
g.yeng ba'i 'du 'dzes ? dben pas rnal 'byor bde ba'i yo byad dang
ldan pa'i gnas su/ rten gyi gang zag zas gos sogs

bzang po dang mang po la 'dod pa chung ba/ nyung zad dang ngan
ngon gyis chog shes pa/ tshong khe spogs sogs kyi bya ba nyung ba
khas blangs pa'i tshul khrims dag pa/ 'dod pa'i nyes dmigs dang

mi rtag pa'i ngang tshul sems pa'i chos drug la gnas pas dmigs pa gtad
pa'i yul/ spyir de bzhin gshegs pas dpyad pa rnam sbyor gi dmigs pa/
mkhas pa'i dmigs pa/ nyon

@80b mongs rnam sbyong gi dmigs pa/ khyab pa'i dmigs pa bzhi dang/
slob dpon byang chub bzang pos lus kha drwaM ? gar bsgom pa sogs
du ma zhig gsungs kyang 'dir ting nge 'dzin gyi rgyal po

las 'byung ba ltar sangs rgyas kyi sku la sems 'dzin pa ni sangs rgyas
rjes su dran pa yin pas bsod nams che ba dang/ sku de rnam pa gsal
zhing brtan na phyag mchod smon lam

sogs tshogs sog pa dang/ bshags sdoms sogs sgrib pa sbyang ba'i zhing
dmigs par byed pa la khyad che ba dang/ 'chi ba'i tshe sangs rgyas rjes
su dran pa las mi nyams pa dang/

sngags kyi lam bsgom na lha'i rnal 'byor la khyad che ba sogs kyi
dgos pa mang bas sangs rgyas kyi sku dmigs rten du bya la/ de yang
dad pa skye ba la khyad che zhing theg pa thun mong pa'i

skabs dang mthun par rang bzhin gyis bzhugs pa gsal btab ste dmigs
par bya/ de la sngon du ston pa'i sku brnyan bris 'bur ci rigs pa bzo
legs pa gcig la yang yang blta zhing

de'i mtshan ma bzung nas yid yul du 'char ba goms su gzhug /de nas
dbu dang phyag gnyis dang sku'i khog gzhan dang zhabs gnyis rim
pa bzhin lan 'ga' zung gsal

btab; de'i mthar sku'i spyi yid la byas pa na yid ngor yan lag rags pa
rnams cha phyed tsam 'char thub pa byung na dmigs rten rnyod pa
yin pas de tsam gyi chag shes byas

la dmigs rten la sems gtong pa ni/ stan 'jam zhing bde ba la rkang
pa skyil krung ngam phyed pa gang rung bya/ mig 'byed 'dzum ran
par sna rtser phab/ lus drang por bsrang/

@81a @#/ /lag pa mnyam bzhag bya/ mgo dang sna rtse dang lte ba
gsum drang por bya/ so dang mchu rang babs su bzhag /lce rtse
rkan la reg /dbugs dal

bus rgyu ba ste lus kyi spyod lam brgyad dang ldan pa'i sgo nas
rlung 'gro 'ong nyer gcig bgrang ba sogs byas la/ de nas ting nge
'dzin rnam dag cig bsgrub pa la mi spro ba'i le lo dang/

dmigs pa brjed pa dang/ bying rgod byung ba ngos ma zin pa dang/
ngos zin kyang gnyen po 'du mi byed pa dang/ byid rgod dang bral
ba'i tshe gnyen po ha cang 'du byed pa ste nyes

pa lnga'i gnyen por le lo'i gnyen po dngos brtson 'grus dang/ de'i
rgyu ting nge 'dzin la don gnyer gyi 'dun pa dang/ de'i rgyu ting
nge 'dzin gyi yon tan mthong bas yid 'phrog

pa'i dad pa dang/ brtson 'grus kyi 'bras bu shin sbyangs te le lo'i
gnyen po bzhi dang/ dmigs pa brjed pa'i gnyen por dran pa dang/
bying ? rgod byung ba ngos ma zin

pa'i gnyen por shes bzhin dang/ bying rgod byung ba'i tshe spong ba'i
gnyen po 'du mi byed pa'i gnyen por 'du byed pa'i sems pa dang/ bying
rgod kyi dbang du mi 'gro bar sems mnyam du gnas

pa'i tshe bying rgod kyi zon chen po 'du byed pa'i gnyen por rtsol ba
glod shes pa'i 'du byed btang snyoms te dmigs pa brjed pa sogs kyi
gnyen po bzhi ste 'du byed brgyad

bsten pa'i sgo nas bsgrub dgos pas/ le lo'i gnyen po ting nge 'dzin gyi
yon tan mthong ba'i yid 'phrog pa'i dad pas drangs pa'i ting nge
'dzin don du gnyer ba'i 'dun

@81b pa shugs drag po'i sgo nas ting nge 'dzin de bsgrub pa la spro
seng de ba'i brtson 'grus dang bcas te sdang yid la goms 'dris su
byas pa'i sangs rgyas kyi sku gzugs de mtshon byed

du byas pa'i sangs rgyas kyi sku gser btso ma lta bu mtshan dpes sbras
shing dbu gtsug tor dang ldan pa chos gos rnam gsum gyis klubs
shing 'od zer 'bar ba/ tsha chung blo dad

'tshams pa zhig sangs rgyas dngos kyi rnam par rang gi smin 'tshams
kyi thad kyi nam mkhar gsal legs par btab/ de nas dmigs pa brjed pa'i
gnyen por dmigs yul de nyid

nges pa'i 'dzin stangs dam po nges shes kyi ngar thon pa'i gsal cha
dang/ dmigs pa de ma brjed par thu re dran pas cung zad kyang mi
g.yeng ba'i gnas tsha brtan po gnyis dang ldan pa'i

dran pa stobs can gyis sems dmigs pa la btags la stod du hrwags pa
sogs kyi skyon mi 'byung tsam gyi ngos bsgrims te bsgom/ de la cung
zad gnas pa snyam byed pa na dran

pas ma brjed pa'i mu nas bying rgod byung ba ngos ma zin pa'i gnyed
por bying rgod dngos su ma skyes kyang skye ba'i thab ? byed pa nas
rig pa'i shes bzhin gyis byar bya/ ngos zin kyang gnyen

po 'du mi byed pa'i gnyen por dmigs pa'i dangs cha yod kyang gsal
cha dang 'dzin stangs kyi ngar cha'i shugs dam sbring sbring ba de
cung zad zhan du song ba mthod tshe byid ba phra mo byung ba yin
pas de'i

gnyen por de spong ba la sems mngon par 'du byed pa'i sems bas
bskul la sems kyi 'dzin stangs bsgrims par byas te bsgom/ gsal cha'i
ngar cha had kyi shor nas dwangs cha tsam

@082a @#/ /las mi 'dug na bying ba rags pa byung ba yin pas ngo shes
par byas la bsgrims te bsgom/ des ma sel na bsgom 'bro bshol te dkon
mchog gsum dang

byang chub sems kyi phan yon dang dal ba thob pa don che ba sogs
kyi yon tan bsam nas sems gzing bstod la bying ba sangs pa dang
sngar ltar dmigs pa'i 'dzin stangs bsgrims te

bsgom/ 'dod pa'i yul yid du 'ong ba'i rnam pa 'char la khang byung
na rgod pa phra mo min pas de'i gnyen por sems 'phro grab byed pa
bkag nas dmigs pa la gdags/ 'dod

chags kyi rnam pa had kyi skyes pa na rgod pa rags pa byung ba yin
pas ngo shes par byas la sems 'phro ba de bkug nas dmigs rten la
gdags/ des ma sel na sgom 'bro bshol te

'chi ba mi rtag pa dang ngan 'gro'i sdug bsngal sems pa sogs kyis
sems nang du bsdus te rgod pa sangs pa na yang sngar ltar bsgom/
gzhan yang bying ba'i rgyu sems yul gzhan la mi

'bro bar gnas kyang gsal dwangs med la lus sems lci zhing las su mi
rung ba'i rnam pa can gyi rmugs pa dang gnyid dang de 'dren pa'i
chos sems mun pa'i rnam pa can rnams byung na rjes

dran drug gang rung dam de las gzhan pa'i sems dwangs bar 'gyur
ba'i dmigs pa rnams kyis sems gzing bstod pa dang nyi 'od sogs snang
ba'i mtshan ma yid la byed pa dang gdong chus 'khru ba

dang spyod lam 'chags pa sogs kyis bzlog /zhe sdang sogs rtogs pa
gzhan byung na yang de'i gnyen por de'i nyes dmigs sems pa sogs
byas la dgag /de ltar bying rgod sogs

@082b bkag nas grem lhed ran pa'i 'tshams rang nyams la dpags te rig
pa 'phangs 'di tsam zhig bstod na rgod pa skye bar 'dug snyam pa'i
tshad de las ni lhod la/ 'di tsam zhig la bzhag na

bying bskye bar 'dug snyam pa'i tshad de las 'phangs mtho ba'i 'jog
'tshams zin par byas la rtsa ba'i dmigs pa'i steng du sal le hrig ger
thun tshad chu tshod gcig la sogs pa'i bar

'jog gang thub bya/ de ltar byas kyang las dang po bal dang po nas
ting nge 'dzin skyon med mi skye na'ang stobs drug gi sgo nas sems
gnas dgu dang yid byed bzhi'i rim pas ting nge 'dzin skyon med skyo
bas de'i

tshul ni/ sngar bshad pa ltar sems dmigs pa la gtad pa na dang por
stobs dang po sems dmigs pa la 'jog pa'i gdams ngag thos pa tsam gyi
rjes su 'brangs nas sems

gnas dang po phyi rol gyi dmigs pa thams cad las sems bsdus nas
nang du dmigs pa la gtod pa sems 'jog pa zhes bya ba 'byung zhing/
de'i tshe dmigs pa la sems kyi

gnas cha mi sdod par rnam rtog ri gzar gyi 'bab chu lta bu 'ong bas
da nyams len byas pas rnam rtog mang du song snyam pa rnam rtog
ngos zin gyi nyams shig 'ong/ de nas rim gyis

bsgom pa na stobs gnyis pa bsam pa'i stobs kyis sems gnas gnyis pa
dang por dmigs pa la btags pa de'i rgyun yang yang bsam nas
bskyangs bas rgyun cung zad 'thud

nus pa rgyun du 'jog pa zhes bya ba 'byung zhing/ de'i tshe gcong
rong dog mo'i 'bab chu ltar res rnam rtog zhi zhing res rnam rtog
tho ler skye ba'i rnam rtog pa la gso ba'i nyams shig 'ong/ sems gnas

@083a @#/ /'di gnyis bying rgod ches mang zhing ting nge 'dzin nyung
du las mi 'ong la dmigs pa la gtod pa la 'bad pas bsgrims dgos pas yid
byed bzhi'i nang gi dang po

bsgrims te 'jug pa'i skabs so/ /de nas gom pa na stobs gsum pa dran pa'i
stobs kyis rim pa bzhin sems gnas gsum pa dmigs pa las g.yengs pa na
sngar gyi

dmigs pa myur du dran nas slar dmigs pa la glon pa blan te 'jog pa
zhes bya ba dang/ sems gnas bzhi pa dang po nas dran pa'i shugs
bskyed de dmigs pa las g.yeng bar mi

byed cing sems rang bzhin gyi rgya che ba las yang yang bsdus te
phra par byas nas gong nas gong du 'jog pa nye bar 'jom pa zhes bya
ba gnyis 'byung zhing/ dang po'i tshe lung ba phu gsum gyi rdzing

chu lta bu/ 'gal rkyen gyis ma dkrugs pa'i tshe sems gnas pa snyam
byed la rkyen byung ba'i tshe mi gnas pa'i rnam rtog thang chad pa'i
nyams shig 'ong/ de nas stobs bzhi pa shes

bzhin gyi stobs kyis rim pa bzhin sems gnas lnga pa rnam rtog gi
mtshan ma la 'phro pa'i nyes dmigs shes bzhin gyis rig nas de la 'phror
mi ster zhing ting nge 'dzin gyi yon tan bsam

nas ting nge 'dzin la dga' ba dul bar byed pa zhes bya ba dang/ sems
gnas drug pa rnam g.yeng gi nyes dmigs shes bzhin gyis rig nas ting
nge 'dzin la mi dga' ba 'gog pa zhi bar byed

pa zhes bya ba gnyis 'byung/ de nas stobs lnga pa brtson 'grus kyi
stobs kyis sems gnas bdun pa chags sems dang yid mi bde dang rmug
pa dang gnyid la sogs pa rnams skyes tsam

@083b nas dang du mi len par rtsol bas spong ba rnam par zhi bar
byed pa zhes bya ba 'byung zhing/ sems gnas gsum pa nas bdun pa'i
bar gyi lnga po de ting nge 'dzin la gnas pa shas che yang bying

rgod kyis bar du yang yang gcod pas skabs su chad cing 'jug pa'i yid
byed kyi skabs so/ /de nas yang brtson 'grus kyi stobs kyis sems gnas
brgyad pa bying rgod la sogs pas

ting nge 'dzin la bar bcad mi nus par rgyun chags su skye ba rtse
gcig tu byed pa zhes bya ba 'byung zhing 'di'i tshe rgya mtsho rlabs
dang bcas pa lta bu rnam rtog ci byung yang gnyen po dran 'dzin
cung zad bsten

pas rang mal du zhi 'gro pa rnam rtog 'du byed pa zhes bya ba'i
nyams 'ong/ 'di'i skabs su rtsol ba na re bsten dgos kyang bying rgod
kyi bar bcad mi nus par thun ring po skyong thub pas

skabs su chad pa med par 'jug pa'i yid byed kyi skabs so/ /de nas rim
gyis bsgom pas stobs drug pa yongs su 'dris pa'i stobs kyis sems gnas
dgu pa dran

shes rgyun ldan na re bsten pa'i rtsol ba mi dgos par dmigs pa la
rang gi dang gis 'jug pa mnyam par 'jog pa zhes bya ba 'byung zhing/
'di'i skabs su bying rgod kyis bar

bcad yang mi nus shing rtsol ba yang rgyun par bsnyen mi dgos pas
rtsol pa med par 'jug pa'i yid byed kyi skabs so/ /'di'i tshe bying rgod
'gog pa'i rtsol ba 'du byed

pa nyes pa yin pas gnyen por 'dzin stangs kyi dar cha ma shor ba'i
ngang nas rtsol ba glod par bya'o/ /de yang mdor bsdu na dang por
gdams ngag thos pa'i rjes su

@084a @#/ /'brangs la sems mnyam par 'jog tshul legs par bya/ de nas de
ltar bzhag pa de yang yang bsam la rgyun cung zad mthud thub pa'i
sgo nas rgyun bskyad/

de nas dran pa nyams nas yengs na myur du bsdul dmigs pa brjed pa
myur du dran pa dang/ de nas kyang dran pa shugs can bskyed la
dang po nas dmigs pa las mi g.yengs pa'i

dran pa'i stobs bskyed/ de nas dran pa stobs can grub pa dang dmigs
pa las gzhan du g.yeng ba'i bying rgod sogs kyi skyon mthong ba'i
byar byed pa'i shes bzhin drag po

bskyed/ de nas brjed des phra mos g.yengs na yang de ma thag rig
nas rgyun gcod pa dang/ de nas mi mthun phyogs kyis bar ma bcad
pa'i rgyun je ring du gtong ba'i rtsol ba'i

stobs bskyed/ de nas de skyes pa na 'bad nas bsgom pas gom pa glong
du gyur nas 'bad rtsol med par ting nge 'dzin gyi ngang la cham
gyis 'gro ba'i sems gnas dgu pa 'grub

po/ /de lta bu'i sems gnas dgu pa de zhi gnas rjes mthun pa yin zhing
de'i tshe shin sbyangs gyi cha phra mo yod pa de rim gyis gong 'phel
du song ba las dge ba la gang 'dod du

bgol du mi rung ba'i gnas ngan len zhi nas sems kyi shin sbyangs
skye/ de'i mthus las rung gi rlung lus la rgyus pas lus kyi gnas ngan
len dang bral nas bal ltar yang pa'i

shin sbyangs skye/ de'i mthus las la bde ba'i nyams chen po skye/ de'i
mthus yid bde nyams kyi sems shin sbyangs kyi bde ba skye/ de yang
lus shin sbyangs skyes ma

@084b thag tu sems dga' yal yal ba 'byung la de'i tshe zhi gnas cung
ma thob/ dga' yal yal ba de chung du song nas sems dmigs pa la
lhan ne sdod pa'i ting nge 'dzin dang rjes su

mthun pa'i shin sbyangs mi g.yo ba thob pa dang dus mnyam du
bsam gtan dang po'i nyer bsdogs kyis bsdus pa'i zhi gnas 'grub/ de
'dra'i zhi gnas de phyi nang gnyis

ka'i ting nge 'dzin thun mong ba yin zhing/ bdag med rtogs pa'i lta
ba dang thar pa don gnyer gyi nges 'byung gi bsam pas zin na thar
lam dang byang chub kyi sems kyis zin na theg

chen gyi lam du yang 'gyur la/ de la brten nas bdag med rtogs pa'i
lhag mthong bsgom pas sgrib pa gnyis kyis 'ching ba mtha' dag las
grol bar 'gyur ro/ drug pa

ni; brtags pa'i dngos po chos rab tu rnam par 'byed byed shes rab kyi
ngo bo yin la/ de la dbye na de kho na nyid kyi don mjal ba don dam
rtogs pa'i shes rab/ rig pa'i

gnas lnga la mkhas pa kun rdzob rtogs pa'i shes rab/ sems can gyi 'di
phyi'i don kha na ma thob med pa bsgrub tshul shes pa'i shes rab gsum
yod pa rnams kyi

sems kyi goms pa mthar phyin pa ni shes rab kyi phar phyin yin/ de la
chos rnams kyi gnas lugs mthar thug pa de kho na nyid rtogs pa'i
shes rab dang mi ldan na nges 'byung dang

byang chub kyi sems sogs la ci tsam goms par byas kyang srid pa'i
rtsa ba bdag 'dzin gcod par mi nus shing/ gnas lugs mthar thug la
don 'gyur gyi the tshom zos pa tsam

@085a @#/ /gyis kyang srid pa hrul por byed par nus la/ khyad par du
dpal mgon klu sgrub yab sras kyis gtan la phab pa'i gzhi'i chos kun
rdzob bden pa snang

ba'i tsha chos thams cad tha snyad du grub cing rgyu 'bras ma 'chol
bar 'byung ba'i rten cing 'brel bar 'byung ba dang/ don dam bden pa
stong pa'i cha chos thams cad rang gi ngo bos

grub pa cung zad tsam yang med pa gnyis phyin ci ma log par shes
nas lam gyi gnas skabs su sbyin sogs bsod nams kyi tshogs dang de
kho na nyid rtogs pa'i ye shes kyi

tshogs gnyis zung 'brel du nyams su blangs ba la brten nas 'bras bu'i
dus su don gnyis mthar phyin pa chos gzugs kyi sku gnyis thob par
'gyur bas/ bsod nams

kyi tshogs bsog tshul gong du song ba ltar yin la ye shes kyi tshogs
don dam rtogs pa'i shes rab lhag mthong nyams su len pa'i rim pa la
gang zag gi bdag med la brten pa'i lhag

mthong bsgrub tshul dang/ des chos kyi bdag med la rigs 'dre tshul
gnyis/ dang po la/ gang zag gi bdag med gtan la 'bebs tshul dang/ de
la brten nas lhag mthong bsgrub

tshul gnyis/ dang po ni/ dper na rang la mi zhig gis rkun khag lta bu
btsugs pa na ngas rkun ma brku snyam pa yid kyi dgu la'ang med na
brkus pa'i khag 'di lta bu 'dzugs pa snyam du pha rol

gyi mi de la zhe sdang drag po dang bcas te brkus khag 'dzugs yul
gyi nga zhig snying gi dkyil nas dam sbring sbring ba mig gis mthong
rgyu dang lag pas 'dzin rgyu yod pa lta bu 'chad la/ de bzhin

@085b du rang 'dod pa'i don chen po zhig 'grub par byas pa lta bu la
phan 'di lta bu btags byung snyam pa'i phan 'dogs yul gyi nga zhig
snying gi dkyil nas lhang lhang 'char pas de lta bu'i phan

gnod byas pa gang yang rung ba zhig la brten pa'i bde sdug gi rtog
pa cig blos yang yang gsal btab nas bag la zha ba'i ngar 'dzin lhan
skyes je 'phel la 'gror bcug ste mngon du gyur ba'i

'tshams nas/ dper na mi gnyis lam la gshibs nas 'gro ba'i tshe mig dngos
gzhis lam la blta zhing mi gzur gyis grogs la blta pa ltar sems
byings de nga'o snyam pa'i blo mngon

gyur de la gsal ba'i ngar cha dang bcas pa'i sgo nas gnas bzhin du
blo'i zung zhig gis ngar 'dzin gyis gang du bzung ba dang tshul ji
ltar bzung ba lta ba yang yang bya/ de ltar legs par

brtags pas res lus kyi steng du yod pa 'dra ba res sems kyi steng du
yod pa 'dra ba/ res phung po gzhan rnams so so'i steng du yod pa
'dra ba sogs 'char tshul sna tshogs zhig byung

ba'i mthar lus sems gnyis po 'di chu dang 'o ma 'dres pa ltar dbyer mi
byed pa 'dra pa zhig gi steng nas/ nga gang la yang bltos pa med par
nga'i ngos nas yod pa'i rang bzhin gyis

grub pa'i tshugs thub tu gdod ma nas grub grub pa zhig tshur shar
'ong ba de ngos zin pa ni gnad dang po dgag bya nges pa yin pas 'di
la myong ba gting ma phyin gyi bar du dpyad do/ /de nas nga de

lus sems so sor mi phyed ba'i steng de nas dbyer med pa'i steng de nas
dbyer med pa'i tshul gyis grub pa 'dra ba zhig byung yang/ dper na
bum pa lta bu gzhi gcig la so so ba dang dbyer med pa zhes pa'i tha
snyad byar med la/

@086a @#/ /'dir nga dang nga'i lus sems zhes gdags gzhi dang btags
chos kyi rnam pa zhig byung bas/ lus sems gnyis kyi steng du nga
rang bzhin gyis tshugs thub

tu grub pa 'di dang lus sems gnyis po de gcig dang tha dad gang
rung du med pa'i phung sum pa zhig yin nam snyam du rtsad bcad pa
na/ gzhi grub phyin chad gcig dang tha dad gang rung yin

dgos pas mtshon te mthar phung gsum pa med par rtogs nas gcig
dang tha dad gang rung las 'os med par thag chod pa ni gnad gnyis
pa khyab pa nges pa'i gnad yin zhing/ 'di'i

nyams len byas pas gdags gzhi lus sems gnyis kyi steng du btags chos
da de tshugs thub tu dbye ba med par yod yod 'dra ba de gcig dang
tha dad gang rung du the tshom med pa byung

na myong ba cung zad thon pa yin no/ /de nas de 'dra ba'i nga de lus
sems gnyis dang gcig tu grub bam snyam du brtags pa na/ gcig tu
grub na rang bzhin gyis grub pa'i gcig tu grub

dgos la de ltar na dbye ba gtan nas med pa'i cha thams cad nas gcig
par 'gyur bas cha med pa las 'os med/ de ltar na cha med gcig gi
steng nas nga zhes lus sems gnyis kyi

nye par len pa po gcig dang/ nga'i lus sems zhes de'i blang byar gyur
pa tha dad pa gnyis su 'jog rgyu med pas bdag dang bdag gi lus sems
zhes khas blangs pa don med du

'gyur ro snyam du bsam/ gzhan yang lus sems gnyis dang gcig yin na
lus dang yang gcig yin dgos/ de ltar na shi ba'i 'og tu lus rten mer
bsreg pa'i tshed yang

@086b mer bsregs dgos pa dang/ nga yang srid phyi mar nying 'tshams
sbyor ba bzhin lus rten yang nying 'tshams sbyor dgos pa'am/ gzugs
phung nyid 'tshams sbyor rgyu med pa bzhin nga

yang nying 'tshams sbyor rgyu med par 'gyur/ gal te lus rten dang
gcig min kyang/ sems dang gcig yin nam snyam na da lta gos med na
nga'i ? 'khyags pa dang zas sgom med na nga

ltogs sgoms gyi sdug bsngal myong bas shi ba'i 'og tu gzugs med du
skyes na yang nga dang rnam shes kyi phung po sogs gcig pa'i phyir/
zas gos sogs gzugs

rags pa la longs spyod dgos par 'gyur/ gzhan yang lus sems gnyis
yod pa ltar nga yang gnyis yod pa'am nga gcig yin pa bzhin lus sems
gnyis yang gcig

tu 'gyur snyam du bsam pas gcig tu ma grub par nges pa ni gnad
gsum pa gcig bral nges pa'i gnad yin/ de nas de la nges pa rnyed nas
nga dang lus sems

gnyis tha dad las 'os mi 'dug snyam pa na/ de lta bu'i nga dang lus
sems tha dad du grub na rang bzhin gyis grub pa'i tha dad du grub
dgos la de ltar na 'brel ba gtan

nas med pa'i tha dad du grub dgos pas lus sems gnyis nang phan
tshun du 'di ni lus so/ /'di ni sems so/ /zhes so sor ngos 'dzin rgyu yod
pa ltar

lus sems gnyis re re nas bsal ba'i 'og tu 'di ni nga'o zhes 'dzin rgyu
yod dgos pa la phra zhib gang nas dpyad kyang ye nas mi rnyed pas
tha dad du ji ltar grub snyam du

@87a @#/ /bsam/ de yang ba lang lta bu zhig bor ba'i tshe lung ba che ge
mo'i nang du med do zhes pa'i tshig tsam la bden par bzung ba ma yin
pa'i rang gis lung pa de'i phu mda' bar

gsum la btsal bsam rnyed pa'i kho theg chod pa lta bu'i mtha' ma
chod kyi bar du bsgom pas nges pa rnyed pa ni gnad bzhi ba du bral
nges pa'i gnad yin no/ /'di dag gi skabs su yang na

lus sems gnyis zhes pa'i tshab tu phung po lnga zhes sbyor/ /de ltar
gnad bzhi'i dpyad pa byas pas sngar rang bzhin gyis tshugs thub tu
grub pa'i dmig gis mthong rgyu'am lag pas

'dzin rgyu yod pa 'dra ba de ma rnyed par stong cham gyi song pan
dbu ma'i lta ba dang por rnyed pa yin zhing/ de'i tshe sngon stong
nyid la bag chags ma bzhag pa zhig yin na lag tu yod pa'i

dngos po blo bur du stong ba lta bu'i snang ba dang/ bag chags
bzhag pa zhig yin na lag tu yod pa'i nor stor ba blo bur tu rnyed pa
lta bu'i nyams 'char ro/ /gnyis pa ni/ sngar

zhi gnas kyi skabs kyi sbyor ba'i chos bsten pa dang lus kyi spyod lam
dang dran shes bsten tshul rnams sngon du btang ba'i sgo nas gnad
bzhi'i dpyad pa mthar phyin par byas pas/ da'o snyam

du snying gi dkyil nas dam sbring sbring 'dzin pa'i blo nges bzung ba
ltar gyid de lus sems gnyis sam phung po lnga'i steng du med par
lhang gis nges byung ba na de nyid dmigs pa dngos yin pas dran

bsam brjed bar byas la shes bzhin gyis ngar 'dzin pa'i rtog pas bcad
ma bcad kyi bya ra byed cing nga rang bzhin gyis ma grub pa'i tshul
gsal 'debs dgos pa byung na gnad bzhi'i dpyad pas

@87b cung zad dpyad pa'i sgo nas tshul de ltar grub pa med snyam du
mnyam par bzhag ste bskyang bas yid la byed pa bzhi rim gyis 'grub
la de yang dang por bsgrims te bsgom kyang sngar nas bden 'dzin
gyi rtog

bal goms ches pa'i shugs kyis ngar 'dzin pa'i blo shugs che zhing
mang la/ nga bden par med snyam pa cung zad re las mi 'ong/ de nas
rim gyis goms pa nang bden med du lta ba'i blo bden

'dzin gyis yang yang gcod pas chang ba'i tshul du 'ong/ de nas rim
gyis goms pa na bden 'dzin gyi blo skyes ma thag nas dran 'dzin
cung zad tsam gyis bzlog nus pas chad pa med pa'i tshul du 'ong la/

de nas sems gnas dgu pa ltar mngon par 'du byed pa'i rtsol ba la mi
bltos par dper na nam mkha' thogs reg dang bral tsam la bzhag pa
ltar dgag bya bden grub bkag tsam gyi med dgag med dgag stong
sang

la chos gzhan gyis bar ma chod par rtse gcig tu mnyam par 'jog pa
'ong zhing/ de ni mnyam bzhag nam mkha' lta bu'i skyong tshul rnal
ma yin no/ /de lta bu'i mngon par 'du byed pa la mi bltos

pa'i 'tshams de nas lhag mthong rjes mthun pa thob pa yin zhing/ de'i
rgyun bskyangs nas bsgom pas lus sems shin sbyangs kyi bde ba sngar
zhi gnas kyi dus sum nyam par bzhag stobs

gyis drangs pa de las ches lhag pa'i dpyad stobs kyis drangs pa'i lus
sems las rung gi shin sbyangs khyad par du 'phags pa zhig 'thob la/
de thob pa na lhag mthong dngos thob cing 'di

nas bzung ste zhi lhag zung 'brel dngos kyi lam thob pa yin no/ /de
ltar mnyam bzhag nam mkha' lta bu'i nyams len byas pas rjes thob
tu/ snang ro rang bsnyon mi nus par grub pa dang/

@88a @#/ /nges ngor btags yod ming rkyang tsam ma gtogs kho rang
gi ngos nas ma grub par yid ngor 'char ba gnyis dus gcig tu tshogs pa
zhig 'ong ba na rjes thob sgyu ma'i 'char tshul

yin la; las dang po pas rang bzhin gyis grub pa lta bur lam lam shar
byung ba na/ sngar gyi mnyam bzhag gi lta ba dran par byas nas
snang tshul 'di ltar grub pa med snyam du blos thag

bcad pa'i dran pa ma nyams par skyong ba ni sgyu ma lta bu'i bsgom
tshul gyi gnad yin pas de dang rang bzhin gyis ma grub pa'i rgyu
mtshan gyis las sog pa po dang 'bras bu myong ba po'i bya byed thams

cad 'thad pa'i tshul la nges shes 'dren bzung 'brel gyi sgo nas stong
pa rten 'byung gi don dang rten 'byung stong pa'i don du 'char ba
la bslab par bya'o/ /gnyis pa ni/ rang gi lus

lta bul mtshon na gdags gzhi yan lag lnga tshogs tsam gyi steng du
btags chos lus 'di phar btags pa tsam ma yin par kho rang gi ngos
nas tshugs thub tu grub par 'dzin pa'i blo'i snang

tshul nges pa ni dgag bya nges pa'i gnad/ blo de la snang ba ltar
grub pa'i lus de grub na gdags gzhi yan lag lnga dang gcig tha dad
gang rung du grub dgos par thag chod pa ni khyab pa nges

pa'i gnad/ gcig tu grub na lus kyi mgo bo dang rkang lag zhes gdags
gzhi dang btags chos kyi tha snyad mi 'thad par 'gyur ba la tha
snyad de 'thad pas gcig tu ma grub par nges pa ni

gcig bral nges pa'i gnad/ tha dad du grub na yan lag lnga re re nas
bsal ba'i rjes su lus zhes ngos 'dzin rgyu yod dgos pa la de med pas
tha dad du ma grub par nges pa ni du bral nges

@88b ba'i gnad yin pas/ de lta bu'i gnad bzhi'i sgo nas yan lag lnga
tshogs tsam gyi steng du btags pa tsam ma yin par kho rang gi ngos
nas tshugs thub tu grub pa'i lus med par nges pa

lhang gi shar pa na chos kyi bdag med gyi lta ba dang por rnyed pa
yin no/ /gzhan yang de rang gi dus kyi rnam shes lta bu de ring gi
snga dro'i rnam shes dang de ring gi byi dro'i rnam shes gnyis tshogs
' tsam gyi steng nas btags pa dang/ da lo'i lo lta bu/ da lo'i zhag
dang zla ba rnams tshogs pa'i steng nas btags pa dang/ /bug pa stong
phrag gcig la khyab pa'i nam

mkha' lta bu bug pa rel nam mkha'i cha shas re yod pa'i cha shas de
rnams tshogs pa'i steng nas btags pa sogs chos thams cad rang rang
gi cha shas la brten nas btags pa sha stag

yin pas/ chos gang dang gar yang rang bzhin gyis grub na rang
rang gi cha shas dang gcig tha dad gang rung du grub dgos pas
khyab pa sogs gnad bzhi'i dpyad pa byas pas rang bzhin med

par gtan la 'bebs nus pa yin la/ 'on kyang bdag rang bzhin med par
rtogs pa na de'i gdags gzhi phung po lnga yang rang bzhin gyis yod
par 'dzin pa ldog par 'gyur ba'i shugs

kyis chos kyi bdag med kyang stogs 'gro bas/ gang zag gi bdag med
par legs par gtan la phab te nyams su blangs pa'i nus pas chos kyi
bdag med gtan la 'bebs pa mi dka' zhing

chos kyi bdag med kyang dngos po gcig gi stong nyid rtogs na
dngos po gzhan gyi stong nyid kyang rtogs nus pas thog mar gang
zag gi bdag med legs par gtan la phab te nyams su blangs pa la

@89a @#/ /'bad par bya'o/ /gnyis pa ni/ de ltar rang rgyud smin par byed
pa pha rol tu phyin pa drug la legs par bslab pa'i steng nas gzhan
rgyud smin par byed pa bsdu

ba'i dngos po bzhi la yang bslab dgos pas/ de'i tshul ni gdul bya so so'i
khams dang 'tshams par zang zing mi 'jigs chos kyi sbyin pas 'khor
rnams bsdu ba/ 'dus pa de

dag la bzhin gyi mdangs gsal zhing 'dzum pa'i sgo nas khams dri ba
sogs 'jig rten gyi tshul dang mthun pa dang de gang la mos pa'i chos
kyi phan yon brjod pa dang dbang po rtul po dang sdig pa sna

tshogs byed pa dang tshe 'di 'ba' zhig don du gnyer ba dang rab tu
byung ba bag med can sogs la'ang yang dag pa'i lam la bkri ba'i ched
du chos kyi 'bel gtam snyan par smra ba/ de ltar blo

dge ba'i phyogs su spro bar byas pa rnams la rigs mang bas gtan gyi
bde ba blor mi tshud pa'i rigs la tshe ring ba dang nad med pa la dge
ba 'di lta bu bsgrub dgos zhes pas mtshon pa'i dge ba phra

mo nas rim gyis byad bar byas te mthar mya ngan las 'das pa'i phyogs
su bkri pa lta bu don spyod pa/ de gzhan gyis spyod du 'jug pa la
yang rang nyid kyis don de la 'jug par ma byas na de dag

gis nged kyi rgyud 'dul ba la thog mar khyed rang 'dul dgos so zer
pa lta bu 'ong bas gzhan gyis ji ltar spyod pa de las lhag pa'am ma
mtha' mtshungs pa tsam zhig nyams su len pa'i don mthun

pa rnams la tshul bzhin du bslab po/ /gsum pa ni/ sngar bshad pa ltar
gyi nyams len gyi rdo rus thug par byas pa'i rjes su rgyun ldan du
snying por dril nas nyams su len tshul ji ltar bya

@89b snyam na/ dal 'byor/ 'chi ba mi rtag pa/ las 'bras/ rigs drug so so
dang thun mong pa'i sdug bsngal rgyu dang bcas pa'i skor rnams
bsam nas skyabs 'gro sems bskyed byas rjes

bla ma'i rnal 'byor tshogs zhing dang 'brel ba'i sdig bshags tshogs
bsags la nan tan byas te/ dngos gzhi gtong len spel ba'i byang chub
kyi sems dang/ stong nyid la dmigs pa'i zhi

lhag zung 'brel gyi dmigs pa gtso bor skyong ba yin no/ /thun mthar
dge ba rnams rdzogs byang du bsngo ba dang/ thun 'tshams su dngos
gzhi'i skabs kyi dmigs rnams yang yang dran par

byed pa sogs thun dang thun 'tshams thams cad la bya dgos pa shes
par bya'o/ /lam spyi'i don bsdu na/ thog mar lam gyi rtsa ba bshes
gnyen bsten tshul la thug pas de la 'bad/

de nas dal 'byor la snying po len 'dod bcos min skyes na des bsgrub
pa la nang nas bskul bas dal 'byor gyi skor rnams bsgom/ de nas tshe
'di don gnyer gyi blo ma log na phyi ma'i don gnyer

shugs drag po mi 'byung bas 'chi ba mi rtag pa dang shi nas ngan
'gror 'khyams tshul bsgom pa la 'bad/ de'i tshe 'jigs pa dran pa'i blo
rnal ma skye bas skyabs 'gro'i skor la 'bad/

de nas dkar chos thams cad kyi gzhi las 'bras la yid ches bskyed la
las dkar nag la 'jug ldog dang stobs bzhi'i bshags bsngams la rgyun
du 'bad/ de ltar skyes bu chung ngu'i chos

skor rnams tshags su tshud pa na 'khor ba spyi dang bye brag gi nyes
dmigs sgo du ma nas bsam ste 'khor ba spyi las blo ci ldog bya/ de
nas 'khor ba gang las byung ba'i rgyu las nyon ngos bzung

@90a @#/ /nas de spong 'dod bskyed/ de nas 'khor ba las grol ba'i lam
bslab pa gsum spyi dang khyad par khas blangs ba'i so thar la 'bad/
/de ltar skyes bu 'bring gi chos

skor rnams tshags su tshud pa na rang nyid srid mtshor lhung ba bzhin
du ma rnams kyang de 'dra bar yid la byas te byams snying rje'i rtsa
ba can gyi byang chub kyi sems sbyangs la ci skyel 'bad cing de tshogs

bzung nas de'i bslab bya la 'bad/ de nas spyod pa rlabs che ba rnams
mnyan la 'jug ldog gi mtshams shes par byas nas de la slob 'dod pa
skyed la 'jug sdom tshogs bzung ste phyin

drug dang bsdu bzhi la bslab/ 'di yang lam 'og ma bsgom gyi na gong
ma la thob 'dod cher 'gro ba dang/ gong ma mnyan pa na 'og ma la
sgrub 'dod je cher 'gro ba cig dang rtog pa sbyang par

byas nas blo cha ma nyam dgos pas/ bshes gnyen la dad gus chung
na legs tshogs kyi rtsa ba 'chad pas bshes gnyen bsten tshul la 'bad/ de
bzhin du sgrub pa la spro shugs chung na ngal

'byor gyi skor/ tshe 'di la mngon zhen che na mi rtag pa dang ngan
'gro'i nyes dmigs/ khas blangs pa'i bcas 'tshams las g.yel na las 'bras/
'khor ba la skyo shas chung na 'khor

ba'i nyes dmigs/ sems can don byed kyi blo shugs chung na smon sems
rgyu bcas/ spyod pa la slob pa'i tshe mtshan 'dzin shugs drag na nam
mkha' lta bu'i stong nyid dang sgyu ma lta bu'i stong

nyid la sbyang ba sems dmigs pa la mi sdod par rnam g.yeng gi zan
du gyur na rtse gcig pa'i gnas cha la gtso bor sbyong dgos pas
mtshon nas mdor na phyogs re bar ma song bar rgyud dge ba'i
phyogs

@90b thams cad la bkol rung ba cig bya dgos so/ /de ltar bslab pas
rgyud snod rung du song ba na chos gzhan las shin tu dkon pa
dang myur du tshogs gnyis rdzogs par byed pa'i thabs mchog tu gyur
pa

rdo rje theg pa la bslab tshul ni thog mar bla ma mtshan nyid dang
ldan pa cig ma nyes par bya ba sngar bshad pa las kyang lhag pa cig
byas te dbang rnam par dag pas rgyud smin par bya/ de nas dbang
dus

su bzung ba'i dam tshig dang sdom pa rnams tshul bzhin du bsrung ba
gzhir bzhag pa'i steng nas rgyud sde 'og ma ltar na mtshan bcas
mtshan med kyi rnal 'byor dang/ gong ma ltar na skyed rim dang
rdzogs

rim gyi rnal 'byor gnyis la rim pa bzhin bslab ste rdo rje 'chang gi
go 'phang mngon du byed pa'o/ /de lta bu'i tshul gyis bslab na mdo
sngags thams cad kyi gnad bsdus pa'i lam gyi lus yongs

rdzogs la bslab par 'gyur bas dal ba thob pa don ldan du byed cing
rgyal ba'i bstan pa rin po che rang gzhan gyi rgyud la rgyas par
byed nus pa yin no/ /zhes pa 'di ni khyab bdag rdo rje 'tshang dang
dbyer

ma mchis pa'i rje btsun dam pa ngag dbang 'phrin las lhun grub pa'i
zhal snga nas kyis blo ldan don gnyer can gyi slob bu'i tshogs mang
po la byang chub lam gyi rim pa'i nyams khrid zab mo 'phags

pa 'jig rten dbang phyug ngur smrig 'dzin pa'i gar gyi rnam par rol
ba gangs can 'gro ba'i mgon po ngag dbang blo bzang rgya mtsho
'jigs med go cha thub bstan lang tsho'i sde phyogs thams cad las

rnam par rgyal ba'i gsung gi nyid khu 'jam dpal zhal lung rje bdag
nyid chen po'i byang chub lam rim chung bas brgyan te lam rim las/
blo'i mthu chung na lung 'dren dor nas skabs su gang

@91a @#/ /babs pa'i don gyi ngo bo tsam bskyang bar bya'o zhes gsungs
pa ltar zhub po rnams kyi blo dang 'tshams par lung 'dren sogs kyi
spros pa dor nas don gyi ngo bo'i dmigs rim rgyas

par bstsal ba'i tshe zin bris su 'bebs par gsung gi gnang ba thob pa la
brten nas gyin pa ngag dbang blo bzang chos ldan gyis bris pa 'dis
bdag sogs sems can thams cad lam 'di la brten

nas myur du rdzogs pa'i sangs rgyas kyi go 'phang thob par gyur cig//