@#/ /lta khrid mdor bsdus bzhugs so// //bla ma mchog gsum dam par
gsol btab nas/ /thog mar dgag bya'i don spyi blo yul du/ /legs

@134b par shar ba dgag bya nges pa'i gnad/ /de nas de ltar snang ba'i
dgag bya de/ /yod na gcig dang du ma gang rung du/ /grub dgos nges
pa khyab pa nges pa'i gnang/ /de nas gcig tu grub bam

ma grub par/ /dpyad pas gcig tu grub pa mi srid tshul/ /nges pa rang
bzhin med pa'i rtags mgo gnyis/ /yod pa'i rtags mgo dang po nges pa'i
gnad/ /de nas du mar grub bam

ma grub pa/ /dpyad pas ma grub tshul la nges rnyed pa/ /rtags mgo
gnyis pa legs par nges pa'i gnad/ /de ltar gnad bzhi'i dpyad pa byed
pa'i tshe/ /nges pa snga ma snga ma ma brjed

pa'i/ /ngang nas phyi ma phyi ma bskyed byas te/ /thams cad bsdom pas
dgag bya de lta bu/ /gtan nas mi 'dug snyam du nges pa na/ /bdag med
rtogs pa'i nges shes tshul bzhin du/ /

rnyed par dam pa rnams kyis gsal bar bshad/ /'di la lha dang bla mar
gsol ba 'debs/ /lta ba rnyed phyir tshogs sogs sgrib pa spyod/ /tshad
ldan gzhung la lta rtogs legs byed pa/ /

sum sgril dgos par 'jam pa'i dbyangs kyis gsungs/ /de la brtson pa
bskyed pa gal che bas/ /gzhan la mngon mtshan chung dus 'bod cig
dang/ /bla ma dkon mchog thugs rje

byin rlabs dang/ /rten 'brel tshogs pa'i mthu las 'dod don 'grub/ /(ces
lta khrid mdor bsdus pa 'di ni ri khrod pa ba za ka bcu chos grags
kyi 'dod pa ltar snyom las pa ngag dbang blo bzang chos ldan dpal
bzang pos sbyar ba'i yi ge ba ni rab 'byams

pa smon lam rin chen no// //