@#/ /lta ba phyag rgya chen po bsgom tshul bzhugs so/) /na mo gu ru/
('dir ji skad du/ ting 'dzin rgyal po'i mdo las/ chos rnams kun gyi
gnas lugs phyag rgya che/ zhes stong nyid la phyag rgya chen por
gsungs

la/ des mtshon pa'i stong nyid rtogs pa'i lta ba phyag rgya chen po
bsgom par 'dod pas/ skyabs sems sngon du btang pas/) bde chen
ngang las rang gi spyi gtsug tu/ /nor bu'i khri dang padma nyi zla'i
steng/ /bla ma dkar dmar

@159b mdangs ldan 'dzum zhal can/ /chos 'chad phyag gis utpal
rgyas pa'i steng/ /shes rab ral gri sher phyin glegs bam bsnams/ /gser
mdog paN zha dur smrig chos gos gsol/ /zhabs gnyis

rdo rje skyil krung tshul gyis bzhugs/ /mtshan dpe'i dpal 'a bar 'od kyi
dra bas bskor/ /gnas gsum rdo rje gsum mtshan thugs kha nas/ /'od zer
'phros pa'i bla ma yid dam lha/ /mchog gsum

srungs ma ma lus spyan drangs te/ /thim pas skyabs gsum kun 'dus
ngo bor gyur/ /grangs med lus sprul sgo gsum gus phyag 'tshal/
/dngos bshams yid sprul mchod pa ma lus 'bul/ /thog

med nas bsags sdig ltung thams cad bshags/ /rang gzhan dge ba kun
la rjes yi rangs/ /zab rgyas chos kyi 'khor lo bskor bar bskul/ /zhabs
pad skal brgyar brtan par bzhugs gsol 'debs/ /'dis mchon

dus gsum bsags pa'i dge ba rnams/ /'gro kun don du rdzogs byang
'thob phyir bsngo/ (/de nas gdung shugs drag pos dmigs brtsem ci
mang gis gsol ba btab pa'i mthar/) rang gzhan don gnyis mthar
phyin rdzogs sangs rgyas/ /'gog lam bden

gnyis rang bzhin dam pa'i chos/ /thabs shes tshogs gnyis nyams len
dge 'dun te/ /skyabs gsum kun 'dus khyod la gsol ba 'debs/ /mthar
'dzin dra ba gcod pa'i yang dag lta/ /myur du rgyud la skye bar

byin gyis brlobs/ /de ltar gsol bas bla ma dgyes bzhin du/ /'od du zhu
nas tshangs phug nas zhugs te/ /snying kha'i sems la thim pas dbyer
med gyur/ /de ltar bla ma'i thugs dang rang sems gnyis/ /dbyer med

gyur la rtse gcig mnyam par bzhag  /sems de brjed pa med pa'i dran
pa dang/ /yengs sam ma yengs rtog pa'i shes bzhin bsten/ /gzhan du
'phro ni de ma ? thag nyid du/ /'phro ba 'gog par la skor mkhan bzhin
nam/ /

@160a @#/ /yang na gang la 'phro ba de la sems/ /gtad pas 'gog pa
rdzings kyi bya bzhin bya/ /'phro rgod bying ba bgags te sems bzung
nas/ /sems kyi ngo bo dangs shing gsal ba la/ /ci yang 'chang

ba'i ngos bzung med pa cig  /brtan po shar tshe sems do zin par 'jog 
/de ltar sems gnas cung zhig rnyed pa'i tshe/ /bdag med rtogs pa'i lta
ba tshol ba la/ /sems kyi gnas lugs btsal na'ang rung mod kyi//

rnyed par slabs thog mar gang zag gi  /gnas lugs 'tshol ba lugs 'di'i
khyad chos yin/ /de la rang gi rgyud kyi nga zhes pa/ /'di la brtag tshe
ming brngas bzhag pa tsam/ /min pa rang de'i ngos nas tshug thub tu/

grub grub pa zhig yod pa'i snang ba 'chang/ /de nyid ji lta ba bzhin
nges pa na/ /de 'dra'i nga de yod na lus sems dang/ /gcig tu yod dam
yang na tha dad du/ /yod pa ma gtogs gzhan du yod mi srid/ /gcig

tu yod na lus sems gnyis yod bzhin/ /gang zag gcig la nga yang
gnyis yod dgos/ /yang na gang zag gcig las med pa bzhin/ /lus dang
sems kyang gnyis su med par 'gyur/ /tha dad yin na lus

sems ma bden/ /da ni ma bde zhes dang lus sems gnyis/ /bde nang ni
bde zhes dga' ba dang/ /mgo bo na nang ni na'o zhes/ /sems la 'char
zhing dag tu smra mi rig  /'di la rig pa'i 'phul 'tshams 'phra mo

zhig  /shes dgos rig pa sbyangs las shes par bya/ /de ltar dpyad pa'i
sngar gying de 'dra/ /mi 'dug snyam du lhang gis nges pa'i tshe/ /nga
yi gnas lugs mthar thug rtogs pa yi/ /lta ba rnyed par 'jog ces mkhas

rnams gsungs/ /'di la nor ba mang zhing nga cam yang/ /mi 'dug
snyam du bzung na chad mthar ltung/ /des na rang cag dbu ma'i rig
lam la/ /sbyangs pa chung ba rnams kyi nga tsam zhig  /med pa min
gyi bdn

@160b par grub pa yi/ /da'am gang zag gtan nas med snyam du/ /bsam
zhing de ltar bsgom na lta ba la/ /bag chags 'jog cing log par mi
'gro ba'i/ /dgos pa chebs 'di nyid gnang du

gzung/ /'di ltar ci tsam 'tsham pa bsgom pa'i mthar/ /lta ba phyag rgya
chen po bsgom pa yi/ /dge bas mar gyur 'gro ba kun gyis kyang/ /gnas
lugs mthar thug rtogs pa'i shes

rab kyis/ /sgrib gnyis drung phyung kun mkhyen myur thob shog
//(ces sogs smon lam dag pas 'tsham sbyar bya/ /tshul 'di stobs 'byor
dang bas legs brgyan pa'i/ /skal bzang e pu dbang

gis bskul ba'i dong/ /sma mkhan ne tshe lta bu'i snyom las pa/ /paN rgan
ngag dbang blo bzang chos ldan gyis/ /sbyar ba'i dge bas gnas lugs
phyag rgya che/ /'gro ba kun gyi mngon du 'gyur bar dog  /

yi ge ba ni blo bzang nyi ma'o//) //bde legs rtsa ba dpal ldan bla ma
dang/ /dngos grub 'byung gnas yi dam dkyil 'khor lha/ /gtan gyi
skyabs gnas dkon mchog rin

chen gsum/ /phyag 'os kun la rtse gcig gsol ba 'debs/ /ngag gi dbang
phyug blo bzang rgyal ba yi/ /mdo sngags chos kyi snying po dri bral
mchog  /skal ldan 'grol tshul bzhin legs

'dom pa'i/ /dpal ldan mkhas btsun bzang por gsol ba 'debs/ /tshe rabs
kun du dam pa'i mgon khyod dang/ /'bral ba med par mchod pa rnams
gsum gyis/ /mnyes par byed cing

gdams don tshul bzhin du/ /nyams su blangs te don gnyis mthar phyin
shog  //(ces pa 'di ni dang stobs 'byor pa phun sum tshogs pa'i har chin
skal bzang e phu dbang gis bskul ba'i dor na rgan gyin ba ngag
dbang blo bzang chos dar gyis sbyar ba'i yi ge rab byams smra klo
gnyis ?