@161a @#/ /bla ma'i rnal 'byor lta khrid mdor bsdus dang bcas pa
bzhugs so/) /na mo gu ru/ zab lam bla ma'i rnal 'byor nyams su len
par 'dod pas skyabs sems sngon du btang la/ lhun grub bde ba mchog
gi rnam rol las/ /

mdun gyi nam mkhar sed khri pad zla'i steng/ /dus gsum sangs rgyas
kun gyi ngo bo nyid/ /rtsa ba'i bla ma gsum ldan rdo rje 'dzin/ /sku
mdog dkar gsal dgyes pa'i 'dzum zhal can/ /phyag g.yas chos 'chad
g.yon pa

mnyam bzhag steng/ bdud rtsis gang ba'i rin chen bum pa bsnams/
/paN zhwa chos gos gsum gsol skyil krung bzhugs/ /mdzes pa'i sku yis
mig la bdud rtsi steng/ /snyan pa'i gsung gis rmongs mun ma lus sel/
/

zab yangs thugs kyis chos kun gsal bar gzigs/ /mthong thos dran
reg thams cad don dang ldan/ /rdo rje gsum gyis mtshan pa'i hUM yig
las/ /'phros pa'i 'od kyis bla ma yi dam dang/ /sangs rgyas byang sems
nyan rang

bsrung ma'i tshogs/ /spyan drangs thim pas kun 'dus ngo bor gyur/ /ces
tshogs zhing gsal gdab/ rgyas bar na bzang spyod nas 'byung ba'am
mdor bsdu na/ /bgrang yas lus sprul sgo gsum gus phyag 'tshal/
/dngos

bshams yid sprul mchod pa ma lus 'bul/ /thog med nas bsags sdig
ltung thams cad bshags/ /rang gzhan rnam dkar kun la rjes yi
rangs/ /zab rgyas chos kyi 'khor lo bskor bar bskul/ /dgro kun don
du srid

mthar bzhugs su gsol/ /'dis mtshon bsags dang bsags 'gyur dus gsum
dge  /bla med byang chub myur du thob phyir bsngo/ /zhes yan lag
bdun pa phul/ dmigs brtsem sogs kyis gsol 'debs ci mang

byas pa'i mthar/ /rab 'byams rgyal ba kun gyi ngo bo nyid/ /brgyad
khri bzhi stong chos phung 'byung ba'i gnas/ /theg gsum 'phags tshogs
grangs med spro ba'i gzhi/ /skyabs mchog kun 'dus khyod la gsol ba
'debs/ /

@161b tshe 'di'i 'khor slob gnyen bshes mdza' grogs dang/ /mkho dgu'i
yo byad 'byor ba ci 'dzom yang/ /lus rten dang bcas nges par 'dor
dgos pas/ /gang la'ang chags zhen ldog par byin gyis rlobs/ /tsha
grang bkres

skom glen lkugs bkol spyod dang/ /skye rgan 'chi 'chi 'pho ltung ba
sogs/ /sdug bsngal du mas mnar ba'i 'khor ba las/ /des 'byung shugs
drag skye bar byin gyis rlobs/ /thog med dus nas yang yang mar gyur
te/ /

shin tu gces pa'i drin gyis bskyangs pa yi/ /'gro kun srid mtsho che las
sgrol 'dod kyi/ /byang chub sems mchog 'byongs par byin gyis rlobs/
/sdug bsngal nyes brgya'i rtsa bdrung 'byin zhing/ /kun byang chos
kun

gnas lugs legs gsal ba'i/ /klu sgrub lugs kyi mtha' bral dbu ma'i lam/
/yang dag lta ba rnyed par byin gyis rlobs/ /rtog pas btags pa tsam
zhig ma yin par/ /rang gi ngos nas tshug thub grub pa yi/ /

bzhig rang cag rnams la snang ba ltar/ /grub tshe lus sems gnyis
dang gcig tha dad/ /gang rung gcig las gzhan du yod mi srid/ /gcig
na lus sems gnyis bzhin dag gnyis sam/ /da bzhin lus sems gnyis

kyang gcig tu 'gyur/ /rang bzhin gcig phyir nam yang dbye mi nus/
/tha dad na ni mgo bo na ba yis/ /nga ni na zhes brjod par mi nus te/
/rang bzhin tha dad phyir na 'brel ba ni/ /gtan nas med pa'i tha dad
yin dgos

phyir/ /des na de 'dra'i nga zhig med snyam du/ /thag chod nges shes
skye bar byin gyis rlobs/ /nges 'byung byang sems yang dag lta ba la/
/legs par sbyangs te nyams su blang ba yis/ /'gro kun don du rnam
'dren sangs

rgyas kyi/ /go 'phang myur du thob par byin gyis rlobs/ /ces 'dod pa
yi don la gsol ba gdab/ /de ltar shugs drag gsol ba btab pa yis/ /bla
ma dgyes bzhin rang gi spyi bor byon/ /'od du zhu nas thim pas bla
ma

@162a @#/ /dang; ;dbyer med gcig tu byin gyis brlab par gyur/ /skye
ba kun du yang dag bla ma dang/ /zhes sogs bsngo smon gyis rgyas
gdab par bya'o/ /ces bla ma'i rnal 'byor lta khrid mdor bsdus dang

bcas pa 'di yang nad don rigs pa la rnam dpyod yangs pa'i rab 'byams
smra ba blo bzang mkhas mchog gis bskul ba'i ngor ban rgan snyoms
las pa blo bzang chos ldan gyis sbyar ba'i yi ge pa ni rab 'byams smra
ba blo bzang nyi ma'o/ /