@#/ /(skabs gsum ma'i TIkka ngo mtshar ngad pa rgyas byed ces bya ba
bzhugs so)/ /mi mjed zhing gi gdul bya mtha' dag la/ /lhag par brtse
ba'i 'dren mchog shA kya'i tog /gang de'i bstan pa gsal byed tsong
kha pa/ /

dbyer med zhabs kyi pad mor gus phyag 'tshal/ /'dir bdag cag gi bla ma
khams gsum chos kyi rgyal po shar tsong kha pa blo bzang grags
pa'i dpal zhes snyan pa'i bdan dkar pos gsum na rnam par g.yo ba
de nyid kyis

mdzad pa'i lhar bcas 'gro ba yongs kyi ma 'dris pa'i mdza' bshes chen
po ston pa stobs bcu mnga' ba mnyam med shAkya'i rgyal po la bstod
cing gsol ba 'debs pa'i tshigs su bcad pa byin rlabs nyer 'jug ces bya

ba'i don 'chad pa la gnyis/ gzhung gi don/ 'jug gi don no/ /dang po
la/ gang la bstod pa'i yul ngos bzung ba/ de la bstod pa'i tshul/ gsol
ba bdebs pa'i tshul gsum dang po de 'chad pa la skabs gsum pa

dang dbang po'i dgra zhes sogs sho lo ka gnyis byung/ de'i don ni/
rje bdag nyid chen pos skabs 'dir gang la bstod pa'i yul bzhag tu yod
de/ /skabs gsum pa zhes pa/ lha'i gtso bo tshangs pa dang brgya byin/
dbang po'i

dgra zhes pa lha ma yin gyi gtso bo thag bzang ri/ dri za zhes pa/
lha'i glu dbyangs mkhan gyi gtso bo rab dga'/ gdengs can zhes pa
klu'i gtso bo dga' bo dang 'jog po/ /grub bzhes pa/ drang srong bden
tshig grub pa'i

@162b gtso bo drang srong chen po mchog brgyad la sogs pa/ 'jig
rten na mthu stobs che ba kun gyi gtsug brgyan gyi nor bu yis/ thub
pa bcom ldan 'das gang gi zhabs gyi padmo la gus pa chen pos gtug
cing reg pas mdzes par

byas ba; ;'dzam bu chu bo'i gser bzang btso ma'i 'od lta bu dangs
shing gsal ba 'od zer 'khyug ba la sogs pa'i mtshan bzang po so gnyis
dang/ dpe byad bzang po brgyad cu gsal la rdzogs pa'i dpal gyis
spros

pa mdzes shing brjid pa'i sku'i yon tan/ dri za'i rgyal po rab dgas pi
wang ? rgyud stong ba bsgreng pa'i snyan pa'i glu dbyangs kyis
bskrun du ste/ 'gran du med pa'i gsung dbyangs yan lag drug cu
yongs su rdzogs pa gsung

ni yon tan/ nyi ma bye ba'i mdangs te 'od kyis phog pa'i gzugs can gyi
dngos po ji ltar gsal ba de las kyang ston pa bcom ldan 'das kyi
mkhyen pa'i cha shas kyis shes bya ji lta ba dang ji snyed pa thams
cad shin du gsal

bar gzigs shing mngon gsum gyi spyod yul du gyur ba thugs kyi yon
tan te/ yon tan de rnams dang ldan pa'i mtha' yas pa'i 'gro ba ma lus
pa'i 'dren pa mchog tu gyur pa shAkya'i rgyal por grags pa de la
bstod pa

yin pas so/ /zhes pa'o/ /gnyis pa de la bstod pa'i tshul la/ bsam pa dang/
spyod lam ji lta bu'i sgo nas bstod pa/ bstod yul gyi yon tan brjod
pa'i sgo nas bstod pa/ yon tan thams cad ji lta ba bzhin brjod

dka' bar bstan pa gsum/ dang po de la yang bsam pa ji lta bu'i sgo nas
bstod pa spyod lam ji lta bu'i sgo nas bstod cing bstod pa la thugs
dgongs gtad par gsol ba gnyis/ dang po de 'chad pa la/ dag pa'i
mkha' la

shar ba'i gza' skar rnams/ zhes sogs sho lo ka gcig byung de'i don ni/
rje bdag nyid chen pos bsam pa ji lta bu'i sgo nas bstod pa'i tshul yod
de/ ston gyi dus su sgrib byed kyi skyon sprin dang rdul sogs dang
bral ba shin du

@163a @#/ /g.ya' dag pa'i nam mkha' la shar ba'i zla ba dang skar ma
rnams kyi gzugs brnyan chu gter te/ rgya mtsho'i dbus na yongs su
gsal ba bzhin du/ bdag gi dang ba'i yid mtshor ston pa

khyod kyi yon tan gyi cha shas mdo las bshad pa thos pa rnams kyi
gzugs brnyan te don spyi so sor ma 'dres par gsal bar bkod pa ste/
dran nas shin du dad pa'i sgo nas bstod pa yin pas so/ /zhes pa'o/ /

gnyis pa spyod lam ji lta bu'i sgo nas bstod cing dgongs pa gtad par
gsol ba'i tshul de 'chad pa la/ zla zer phog pa'i chu skyes gzhon nu
bzhin zhes sogs sho lo ka gcig byung/ de'i don ni/ rje bdag nyid chen
pos

lus kyi kun spyod ji lta bu'i sgo nas bstod pa'i tshul yod de/ dper na
mtshan mo zla ba'i 'od zer phog pa'i chu skyes te padma gzhon nu
gsar ba'i 'dab ma kha ? zum pa bzhin du lag pa'i so ri mo rnams snying
po'i ngos su zum pa ste

thal mo sbyar te dad gus rtse gcig pa'i yid kyis ston pa khyod kyi sku
yid la byas nas de la mngon du phyogs ste khyod kyi yon tan gyi
cha shas cung zad brjod pa'i sgo nas bstod pa la/ ston pa thugs rje
can khyod dgongs su gsol

zhes dgongs par gsol ba yin par/ zhes pa'o/ /gnyis pa yon tan brjod
pa'i sgo nas bstod pa la mdzad pa 'phrin las kyi yon tan/ mthu stobs
nus pa'i yon tan sku gsung thugs kyi gsang ba bla na med pa'i yon

tan brjod pa gsum/ dang po de 'chad pa la/ skar ma'i tshogs kyis mkha'
la zla ba bzhin/ zhes sogs sho lo ka gsum byung/ 'di'i don ni/ thub pa
bcom ldan 'das kyi mdzad pa 'phrin las kyi yon tan bzhag tu

yod de/ khyim bdag mgon med zas sbyin gyi bu mo mag ? ta bzang mo
ma gtan pa ? dpag tshad brgya drug cu rtsa gsum na/ bu ram shing
'phel gyi grong khyer gyi tshong dpon khyu mchog byin zhes bya ba
la byin pa rang gi khang ba'i yang thog gi

@163b steng nas bcom ldan 'das la mngon du phyogs te/ bcom ldan
'das der 'byon par gsol ba btab pas skar ma'i tshogs kyis nam mkha' la
zla ba'i dkyil 'khor bskor ba bzhin du/ ston pa bcom ldan 'das

rgyal sras dpa' bo ste byang sems 'phags pa'i tshogs rnams kyis phyogs
kun nas bskor zhing ba lang khyu mchog de ba lang gi khyu yi thog
mar te gtso bor byas nas 'gro ba bzhin/ kun shes ko'u ti n-ya ? la
sogs pa'i

nyan thos dgra bcom pa rdzu 'phrul thob pa'i 'khor rnams kyis
mdun du bdar/ /gzhan yang gnas gtsang ma'i lha dang tshangs pa
dang brgya byin sogs lha'i tshogs rnams kyis kun nas bskor te/ bcom
ldan 'das kyis

'dzam bu'i gling thams cad gser btso ma'i mdog lta bu'i 'od zer gyis
gang ba mdzad pas/ mnyan yod nas bu ram shing 'phel gyi bar gyi
nam mkha'i khyon kun 'geng ba'i 'od zer gyi dra ba stong ste dpag
tu med pas

yongs su dkrigs te bskor nas nam mkha'i lam nas sku rdzu 'phrul gyi
cho 'phrul du ma bstan pa'i sgo nas ngang pa'i rgyal po ngang ba'i
'khor dang bcas pa nam mkha' la 'phur ba bzhin lding zhing gshegs
par mdzad pa de'i

tshe sngon yun ring mo nas bskrun pa'i 'bras bu bzang po 'byin pa'i las
kyi bag chags yongs su sad pa'i lha mi stong phrag brgrya ste shin
du mang pos bcom ldan 'das khyod kyi zhal mthong ba'i mod la de
rnams kyi shin du mi

bstan pa ste ma dul ba'i yid nyes pa brgya ste dpag tu med pa skyed
pa'i bdag 'dzin gyi 'ching ba dam pos bsdams pa kun nas lhod de bden
pa mthong bar gyur ba ma ga ta bzang mo'i rtog brjod las bshad pa
ltar yin

pas so/ /zhes pa'o/ /gnyis pa mthu stobs nus pa'i yon tan de la/ mthu
stobs nus pa'i yon tan dngos bshad pa/ zhar la yon tan gzhan bshad
pa gnyis/ dang po de 'chad pa la dpa' bo khyod kyi byang chub

@164a @#/ /shing drung du/ zhes sogs sho lo ka gnyis byung/ 'di'i don
ni/ ston pa bcom ldan 'das kyi mthu stobs nus pa'i yon tan bzhag tu
yod de/ rgol ba 'joms pa la shin du dpa' ba'i

dpa' bo khyod kyi byang chub kyi shing drung du/ bdud 'dul bar
dgongs nas bzhugs pa'i tshe mkhyen pa dang brtse ba'i nus pa'i dpung
gis yid srub bdag po ste dga' rab dbang phyug gi sde bdud kyi dmag
lus dbyib

mi 'dra ba sna tshogs pas mtshon cha mi 'dra ba sna tshogs bzung ba
dpag tu med pa lhags te mtshon cha sna tshogs pa'i char phabs kyang
mtshon cha rnams me tog gi char du gyur nas sku la nyams nyes ci
yang ma byung bar dmag

kyi tshogs ma lus pa zil gyis gnon par mdzad pas de rnams 'jigs shing
skrag nas dper na shin du drag po'i rlung dang nye ba'i sprin nag po
rlung gis gtor ba bzhin dmag kyi tshogs rnams byer zhing 'thor bar
gyur ba rgya

cher rol ba'i mdo las bshad pa bzhin yin pas so/ /de'i tshe gzhan 'jom
pa'i mda' mtshon dang rang srung ba'i go cha sogs ci yar ma bzung
bar/ rang la grogs byed gcig kyang med bzhin du rang nyid gcig

bus; bye ba mang po'i grangs can gyi bdud kyi dpung ma lus pa phams
par mdzad pa'i g.yul gyi las de lta bu khyod las gzhan pa su yis
shes shing de lta nus/ des na khyod kyi mthu stobs nus pa'i yon tan
bsam/

gyi mi khyab pa yin par gdon mi za'o/ /zhes pa'o/ /zhar la yon tan
gzhan 'chad pa la/ de ltar khyod kyi byams pa'i mes/ zhes sogs sho lo
ka gnyis byung/ 'di'i don ni/ bshad ma thag pa de ltar ston pa

khyod kyi byams pa'i ting nge 'dzin gyi nus pa'i mes 'dod lha dga' rab
dbang phyug sde dang bcas pa'i snying ste yid ni rab tu gdung bar
gyur kyang/ byams pa dang brtse ba'i gter chen po khyod kyis ni
bdud sde'i tshogs kyis

@164b rgol bar brtsam pa la thugs ma bzod pa'am ma rang pas de
ltar mdzad dgongs pa la ma yin te/ khyod la mchod bstod bsnyen
bkur byed pa la thugs mnyes pa dang rgol zhing gnod pa byed par
rtsom pa la mi mnyes ?

pa'i lus can 'gro ba rnams la phyogs ris su chad par gyur pa'i thugs
gtan nas med par sems can thams cad la ma bu gcig pu la brtse ba
ltar shin tu brtse ba'i thugs rje chen po'i gter du gyur ba yin pas ?

so; ;de ltar yin pa'i rgyu mtshan gyis khyod ni 'gro ba sems can thams
cad phan pa dang bde ba'i dpal la 'gong pa'i don gyi slad du brtson
pa chen po mdzad pas thugs cung zad tsam yang mi ngal zhing/ de
lta bu'i

yon tan mthong zhing thos pas yid phrog par gyur pa'i 'gro ba
rnams kyang ston pa khyod kyi ni yon tan brjod cing bstod pa dang
gsol ba 'debs pa la ngal bar ma gyur par brtson pa lhur len pa yin
pas so/ /zhes pa'o/

gsum pa sku gsung thugs kyi gsang ba bla na med pa'i yon tan brjod
pa'i sgo nas bstod pa de 'chad pa la/ rgya mtsho'i klong ltar rab tu
zab pa'i thugs/ zhes sogs sho lo ka gnyis byung/ 'di'i don ni/ rgya ?

mtsho chen po'i glong gi gting zab cing mtha' shin tu rgya che ba
ltar ston pa khyod kyi thugs mkhyen pa'i ye shes chos thams cad kyi
gnas lugs de kho na nyid ji lta ba bzhin mngon gsum du gzigs pas
rab tu ste shin

tu zab pa dang/ ji snyed pa 'phags pa mo'u mgal gyi bus rang gi ma 'jig
rten gyi khams gang du skyes ma mkhyen pa mkhyen pa dang khyim
bdag dpal skyes la thar ba'i sa bon yod pa dgra bcom pa gzhan gyis
ma

mkhyen pa mkhyen pa dang sran ma zlum pa dang tsher ma rgo ba
dang rma bya'i mdongs bkra ba la sogs pa'i rgyu dang 'bras bu sogs
pa'i rgyu dang 'bras bu sogs rten 'bral gyi chos thams cad ji lta ba
bzhin chags thog med par mngon sum du

@165a @#/ /gzigs shing sems can thams cad la ma bu gcig bu la brtse ba
ltar brtse zhing byams pas rgya che ba thugs kyi gsang ba'i yon tan
dang/ sum cu rtsa gsum gyi lha'i rnga bo che gzhan gyi

bskul pa la ma ltos par lha rnams bag med pa la g.yeng ba'i tshe
lha'i rnga bo che'i sgra las/ grogs po dag gzugs dang sgra dang dri
dang ro dang reg bya dag ni mi rtag pa yin gyis bag med par ma
spyod cig /gnas 'din ?

myur du shi 'phos bar gyur ta re/ grogs po dag 'du byed thams cad
ni sdug bsngal ba yin no/ /grogs po dag 'du byed thams cad ni stong
pa yin no/ /grogs pa dag 'du byed thams cad ni bdag med pa

yin no; ;zhes sogs chos la bskul ba'i sgra bsgrags pas lha rnams bag
yod la sbyor bar byed par dkon brtsegs kyi mdo las bshad pa bzhin
du/ ston pa khyod kyi gsung gis sems can rang rang gi skal

dang 'tsham pa'i chos kyi sgra legs par 'doms shing gsung gi sgra
dbyangs kyang nye ba la sgra che ba dang/ ring ba la sgra chung ba
med pa gsung gi sgra'i tshad rtogs par 'dong nas mo'u 'gal gyi bus
rdzu 'phrul gyis nub phyog

bde ba can dang de nas kyang rim gyis 'jig rten gyi khams bye ba
phrag brgya 'das pa 'jig rten gyi khams 'od zer can zhes bya ba na de
bzhin gshegs pa 'od zer kun nas 'byung ba bzhugs pa'i gnas su byon
te nyan

sgra chung du ma song bar thos pa lta bu gsung gi gsang ba'i yon
tan dang/ ri rgyal lhun po'i spo ste rtse mo ni sa steng gi gser gyi
ri bdun dang/ phyi'i lcags ri la sogs pa gzugs can gyi dngos po
gzhan las mngon

par 'phags pa ltar/ khyod kyi sku yang gzugs can gyi dngos po
gzhan thams cad las lham mer gsal zhing mngon par 'phags pa
byang chub sems dpa' shugs 'chang gis bcom ldan 'das kyi dbu'i
gtsug

@165b tor gyi mtha' rtogs par 'dod nas sum cu rtsa gsum dang
tshangs pa'i 'jig rten dang/ de las kyang yar 'phags te phyogs kyi 'jig
rten gyi khams bye ba phrag bcu 'das pa'i 'jig rten gyi khams padmo
?

can zhes bya ba ni de bzhin gshegs pa padmo'i dpal gyi snying po'i
rgyal po zhes bya ba bzhugs pa'i gnas su phyin te bltas kyang dbu'i
gtsug tor gyi mtha' ma mthong ba lta bu sku'i gsang ba'i yon tan

bsam gyi mi khyab pa dang ldan zhing de lta bu'i sku gang gis
mthong ba dang/ gsung gang gis thos pa dang/ thugs gang gis dran
cing yid la byed pa thams cad/ phan pa dang bde ba'i don bzang po
dang ldan pa

mdzad pas na/ khyod kyi sku gsung thugs kyi yon tan bsam gyis mi
khyab pa gsang ba bsam gyis mi khyab pa'i mdo las bshad pa bzhin yin
pas so/ /de yang yin te/ 'jig rten kun ste

'jig rten gyi khams mtha' yas pa na yod pa'i sems can mtha' yas pa de
thams cad kyis dus gcig nyid de gcig kho na la rang rang gi the
tshom mi 'dra ba re re'i don so so nas zhus kyang sems can de

dag re re'i mdun du'ang sems can ji snyed pa de snyed kyi grangs
dang mnyam pa'i sku'i bkod pa re re dus gcig tu ston pa dang/ sems
can de snyed kyi the tshom kyi don zhus pa'i lan dus gcig tu

'doms pa'i mdzad pa mdzad kyang sems can 'di la sku'i bkod pa 'di
ston sems can 'di'i dri ba'i lan 'di ltar ldon/ snyam pa'i thugs kyi
rtog pa nye bar zhi ba ste de la thugs g.yo ba cung zad ?

mi mnga' ba yin pas so/ /zhes pa'o/ /gsum pa yon tan thams cad ji lta
ba bzhin du brjod dka' bar bstan pa/ 'chad pa la/ khyod kyi sku gsung
thugs kyi gsang ba yi/ zhes sogs sho lo ka

@166a @#/ /gnyis byung/ 'di'i don ni/ /ston pa khyod kyi sku gsung thugs
kyi gsang ba yi yon tan gyi gnas tshul 'di ji lta ba bzhin du mngon
gsum du rtogs shing brjod par dka' ba

yin te/ yon tan de thams cad rgyal sras byang chub sems dpa' dang
rang rgyal dang nyan thos 'phags pa rnams kyis ji tsam brtags
kyang blo'i mngon sum gyi spyod yul du 'gyur pa ma yin na/ stong

gsum mi mjed kyi bdag po tshangs pa dang/ lha'i dbang po brgya byin
sogs 'jig rten na blo gros dang mthu che ba rnams dang/ bdag cag
rnams kyi blo'i spyod yul du 'gyur ba dang/ brjod sla ba ma

yin pa lta smos kyang ci 'tshal/ dper na nam mkha' lding gi dbang po
ste rgyal po 'dab chags rnams kyi khrod na ge ? shog rtsal shin du
che ba yang nam mkha'i mtha' nyul bar ci tsam bgrod cing

bgrod nas nam zhig na rang gi lus rtsal gyi stobs bri ba ste zad nas
rang gnas su ldog par 'gyur gyi/ nam mkha'i mtha' zad pas bgrod sa
ma rnyed par ldog par mi 'gyur ba bzhin khyod kyi yon

tan brjod pa'ang rang gi blo gros gyis ci tsam dpog pa de tsam zhig
brjod par zad kyi yon tan gyi mtha' rdzogs par brjod rgyu ma rnyed
par ma brjod pa ma yin pa de ltar lags pa ste yin pas so/

zhes pa'o/ /gsum pa gsol ba 'debs pa'i tshul la/ gsol ba 'debs pa po ngos
bzung ba shin tu nyam thag pa'i tshul/ de la brtse rigs par bstan pa/
ston pa skyon med du bsgrub nas rang gi

nyes pa bsgrags pa/ rjes su 'dzin par gsol ba 'debs pa dngos dang
lnga/ dang po de 'chad par/ gshog rtsal rab tu rdzogs pa'i mkha'
lding gis zhes sogs sho lo ka gcig byung/ 'di'i don ni

@166b skabs 'dir ston pa bcom ldan 'das la gang gis gsol ba 'debs pa
po bzhag du yod de/ gshog rtsal rab tu rdzogs pa'i nam mkha' lding
gi rgyal po nam mkha'i mthongs su bgrod pa'i lam de rag sho ?

rtsal shin tu chung ba'i byi'us bgrod par rtsol ba ltar/ ston pa stobs
bcu mnga' ba thub pa'i dpa' bo khyod go 'phang dam pa gang du
gshegs pa yi lam mchog tu gyur pa der ni 'jug par 'dod pa blo bzang
grags

pa zhes grags pa bdag gis gsol ba 'debs pa yin pas so/ /zhes pa'o/ /gnyis
pa shin tu nyams thag pa'i tshul de 'chad pa la/ gnas lugs don la lta
ba'i blo mig nyams/ zhes sogs sho'i ?

ka gcig byung/ 'di'i don ni/ bdag shin tu nyams thag pa ci bya tol med
pa lta bur gyur ba yin te/ chos rnams kyi gnas lugs kyi don la lta
ba'i blo gros kyi mig gsal bar ma gyur bas nyams shing/ nges

'byung gi bsam pa dang byang chub kyi sems la sogs pa'i thabs kyi cha
rgya chen po'i 'byor bas dbul/ legs pa'i phyogs 'joms pa la stobs dang
ldan pa'i 'dod chags/ khong khro/ nga rgyal la sogs pa'i nyon

mongs pa'i dgra bos rgyun du gtses shing de'i dbang du gyur/ nyes
pa thams cad skyed pa'i rtsa ba bdag tu 'dzin pa'i ma rig pa'i dbang
gis shin du thar par dka' ba'i 'khor ba'i gtsong rong zab mo'i spubs
su lta

ba yin pas so/ /zhes pa'o/ /gnyis pa de ston par byed pa la/ 'di 'dra'i
nyams thag gnas su gyur lags pa/ zhes sogs sho lo ka gcig byung/
'di'i don ni/ bdag gong du bshad pa 'di 'dra ba shin du

nyams thag pa'i gnas su gyur pa lags pa ste yin pa 'di la ston pa brtse
ba chen po can khyod gyis shin du brtse bar rigs te/ 'gro ba sems can
thams cad la ma bu gcig bu la brtse ba ltar brtse ba thugs

@167a @#/ /rje chen po'i bdag nyid can khyod kyi thugs brtse bas mi
dgongs par yal bar 'dor ba lags pa ste mdzad na/ da ni bdag gis sems
can spyi dar khyad par nyon mongs dang sdug bsngal gyis

gdung ba'i dman pa rnams la lhag par che cher brtse ba'i mgon po
khyod las lhag pa'i gang zag gzhan pa gang zhig la skyabs su
gzung ba ste bzung nas gdung ba 'di las grol bar 'gyur te/ de lta bu
mi srid pas

so; ;zhes pa'o/ /gsum pa de 'chad par byed pa la/ snyigs ma lnga yis ha
cang spags pa yi/ zhes sogs sho lo ka gcig byung/ 'di'i don ni/ de ltar
shin tu nyams thag pa'i gnas su gyur pa bdag dang

bdag lta bu'i 'gro ba rnams la/ khyod kyi thugs rje chen pos shin du
brtse bar mdzad rigs te/ de mi mdzad na snying rje pad dkar nas
'byung ba ltar sngon sangs rgyas rin chen snying pos sangs rgyas
kyi zhing gi bkod

pa dpag tu med pa bstan nas gdul bya'i zhing 'dam du bcug pa na tshe
snyigs ma lta ba snyigs ma nyon mongs snyigs ma/ sems can snyigs
ma/ dus snyigs ma ste snyigs ma lnga yis ha cang spags pa ste bslad

pa'i mi mdzed kyi zhing 'di ston pa gzhan gyis spangs pa'i dus su
snyigs dus kyi sems can la lhag par brtse ba'i mgon po khyod kyis
yongs su bzung ba'i tshe na/ sangs rgyas rin chen snying po dang
phyogs bcu'i

rgyal ba sras byang chub sems dpa'i tshogs dang bcas pa rnams kyis
gzhan ni padma lta bu dang khyod ni padma gnas khyod par du
'phags pa'i padma dkar po lta bu'o/ /zhes bsngags shing legs so brjod
pa'i dgos

pa'ang ci zhig yod de med par 'gyur pas so/ /zhes pa'o/ /bzhi pa ston
pa skyon med du bsgrub nas rang gi nyes pa bsgrags pa la/ 'on kyang
khyod kyi 'phrin las gdul bya la/ zhes sogs sho log gcig byung /

@167b 'di'i don ni/ /de lta mod kyi 'on kyang bdag shin du nyams nyes
pa gyur pa ni bdag gi mi dge ba'i las dang nyon mongs pa shin du
hrag bas skal ba ngan pa'i nyes pa kho nar zad pa yin te/ thugs rje
can khyod

kyi 'phrin las gdul bya gang la 'jug dgos pa ma brtags ste ma dgongs
pa dang dgongs kyang btang snyoms su 'jog par mdzad pa de 'dra
khyod la mi mnga' ba/ de'i phyir na khyod la skyon kyi nyes pa 'jug

pa'i skabs cung zad kyang med pas so/ /zhes pa'o/ /lnga pa de 'chad pa
la/ deng nas byang chub snying por bdud sde lam/ zhes sogs sho lo
ka gcig byung/ 'di'i don ni/ gsol ba ji ltar

'debs pa'i tshul yod de/ deng nas bzung ste ji srid byang chub kyi
snying por ste byang chub kyi shing drung du bdud dga' rab dbang
phyug sde dang bcas pa'i g.yul las rgyal bar ma gyur ba de srid kyi
bar du skye

ba 'di'i 'og rol du skye ba gcig blang zhing yang skye ba ci tsam
blang dgos pa'i skye ba de thams cad la bar chad pa med par ston pa
thugs rje can khyod kyis thugs brtse ba chen pos rjes su bzung nas
khyod kyis

'gro ba'i don mdzad pa'i mdzad pa mchog tu gyur pa legs par bshad
pa'i gsung gi bdud rtsil thos bsam sgom gsum gyis ngoms pa med par
longs spyod de bla na med pa'i go 'phang dam pa bde blag tu 'thob

par shog cig /ces bdag gi yid la shin du brnag cing smon pa yin pas
don de yid bzhin du 'grub par byin gyi rlabs tu gsol/ zhes gsol ba
'debs pa yin pas so/ /zhes pa'o/ /gnyis pa

'jug gi don de 'chad par byed pa la/ ces de bzhin gshegs pa dgra bcom
pa yang dag par rdzogs pa'i sangs rgyas rig pa dang zhabs su ldan
pa zhes sogs byung ba yin la de'i don ni/ de bzhin nyid

@168a @#/ /la slar mi ldang ba'i tshul gyis mnyam par bzhag pa'i sar
gshegs pas na de bzhin gshegs pa/ nyon mongs pa'i sgrib pa'i dgra
bcom pas na dgra bcom pa/ yon tan ma lus

pa phyin ci ma log par thob pas na yang dag par rdzogs pa/ ma rig
pa'i gnyid sangs shing shes bya la blo rgyas pas na sangs rgyas/ lhag
pa'i shes rab kyi bslab pa dang ldan pas rig pa dang/ lhag pa'i

sems dang tshul khrims kyi bslab pa dang ldan pas na zhabs su ldan
pa/ 'jig rten las 'das pa'i lam gyis spangs pa dang ye shes phun sum
tshogs pa rdzogs pa'i go 'phang bde bar gshegs pas

na bde bar gshegs pa/ skal ba dang ldan pa dang mi ldan pa'i bcud
kyi 'jig rten te gdul bya'i khams dang bsam pa dang bag la nyal
yongs su mkhyen pas na 'jig rten mkhyen pa/ gdul bya'i skyes bu

lam ngan pa las bzlog nas yang dag pa'i lam la 'jog cing yon tan
khyad par can skyed par byed pa'i mchog tu gyur ba yin pas na skyes
bu 'dul ba'i kha lo sgyur ba bla na med pa/ lha dang mi rnams kyi
blang dor ji lta

ba bzhin ston pa'i ston pa sh'kya thub pa la bstod pa 'dis tshul bzhin
du bstod na byin brlabs nye bar ste myur du 'jug pa zhes bya ba ni
mtshan don yin la gzhan ni go sla'o/ (/ces pa 'di ni bstan 'gro yongs
kyi dpal mgon

dam brdzas paNDi tas skabs gsum ma'i Tikka cig gyis zhes bkas bskul ba
la brten nas snga ma skabs gsum ma'i bshad pa ma mthong zhing rje
bdag nyid chen po'i gsung rtsom gang yin pa thams cad tshig kha
gsal la brjod bya shin tu zab cing brling bas rtog dpyod byas kyina
dka' ru 'gro ba 'dug cing 'di yang de bzhin du

snang bas dgongs pa ji lta ba bzhin 'chad ma thub kyang rang gi blo
gros chung dus dpog tshod tsam mkhas grags dang rnyed bkur sogs
'dod pas kun nas ma bslad par brjod pa la nyes pa med dam snyam pas
pan rgan snyom las pa ngag dbang blo bzang chos ldan dpal bzang
pos kun du bkra shis par gsol ba 'debs pa'i lha

@168b khang du sbyar ba'i yi ge ba ni gzhung lugs rab 'byams smra ba
blo bzang nyi ma'o/ /'dis kyang rje btsun bla ma blo bzang grags pa'i
bstan pa phyogs thams cad du dar zhing rgyas la yun ring du gnas
par gyur cig /