@#/ /thog mtha' bar du dge ba'i smon lam gyi dgongs don gsal bar
byed pa legs bshad sgron me zhes bya ba bzhugs so/ /)

na mo gu ru manydzu g+ho ShA ya/ 'dir bdag cag gi bla ma khams
gsum chos kyi rgyal po shar tsong kha pa blo bzang grags pa'i dpal
zhes snyan pa'i ba dan dkar pos gsum na rnam par g.yo ba de nyid
kyis mdzad pa'i

thog mtha' bar du dge ba'i smon lam gyi dgongs don gsal bar byed
pa legs bshad sgron me zhes bya ba 'chad pa la/ phyogs bcu'i rgyal
ba sras dang bcas pa thams cad la phyag 'tshal te smon pa'i dbang

po zhu ba; smon lam ji ltar btab pa ltar 'grub pa'i bden tshig brjod pa/
smon lam ji ltar 'debs tshul dngos bshad pa/ smon lam btab pa'i dge ba
bsngo ba bzhi/ dang po 'chad par/ phyogs bcu'i

rgyal ba; zhes sogs gsungs/ don ni/ phyogs bcu dus gsum na bzhugs
pa'i bdud bzhi las rab tu rgyal ba'i rgyal ba bcom ldan 'das sras
byang chub sems dpa'i tshogs nyan rang srungs ma dang

bcas pa thams cad la sko gsum gus pa chen pos phyag 'tshal zhing
skyabs su mchi'o/ /bdag gis smon lam ji ltar btab pa bzhin 'grub pa'i
dbang po mdzad du gsol/ zhes pa'o/ /bde ba can du

skye ba'i smon lam zhing mchog sgo 'byed kyi skabs su/ rgyal ba 'od
dpag med sras kyi thu bo gnyis sogs 'khor dang bcas pa smon pa'i
dbang po ru spyan 'dren pa mdzad pa/ 'dir mkha' khyab tu bzhugs

pa'i rgyal ba sras bcas thams cad la smon pa'i dbang po mdzad par
gsol ba 'debs par mdzad pa'o/ /gnyis pa 'chad par/ mtha' yas 'gro ba
zhes sogs gsungs/ don ni/ mang nyung gi

@169a @#/ /grangs gzung du med pas mtha' yas pa'i 'gro ba sems can
thams cad srid pa'i sdug bsngal las bsgral bar bya ba'i phyir/ rgya ris
su ma chad pas mtha' med pa'i smon lam rgya

chen po 'gro ba sems can thams cad la phan 'dod kyi lhag pa'i bsam
pa rnam par dag pas gdab par bgyi yi/ skyabs bslu ba med pa dkon
mchog gsum dang bden pa'i mthu stobs chen po can

gyi lha mi'i drang srong bden tshig grub pa rnams kyi bden pa'i mthu
la brten nas bdag gis snying thag pa nas drang por brjod pa'i bden
tshig gi smon lam ji ltar btab pa de kho na bzhin du 'grub par gyur
cig /

ces pa'o/ gsum pa la thog mar dge ba'i smon lam/ bar du dge ba'i
smon lam/ tha mar dge ba'i smon lam gsum/ dang po la dam chos
sgrub pa'i rten khyad par can thob par smon pa/ rten de la bstan

pa'i gzhi rtsa so thar gyi tshul khrims srung bar smon pa/ rgyal ba'i
gsung rab la thos bsam sgom gsum byed par smon pa gsum/ dang po
'chad par/ bdag ni skye zhing zhes sogs gsungs/ don ni/ dam chos
sgrub pa la rten khyad

par can cig 'thob dgos pas/ bdag ni skye ba 'di'i 'og rol tu skye ba
gcig len zhing ? de nas kyang skye ba mang po rim par len dgos pa'i
skye ba de thams cad du/ ngan song gsum dang/ 'du shes med pa'i lha

tshe ring po dang/ glen lkug tu gyur pa'i dbang po ma tshang ba dang/
blang dor ston pa'i rgyal ba'i bka' med pa dang/ 'khor rnam bzhi
gang yang mi rgyu zhing blang dor log par spyod pa'i yul mtha'
'khob dang/ /

dkon mchog gsum dar las 'bras sogs la log par lta ba'i log lta can
te/ da lta ngan song ba min kyang phyi ma ngan 'gror log par ltung
ba ste der skye bar 'gyur la/ de lta yang dam chos sgrub pa la mi
khom

@169b pa ste chos sgrub pa'i bskal pa med pa yi skye gnas rnams su dus
nam yang mi skye zhing/ dal ba brgyad dang 'byor ba bcu tshang ba'i
mi lus rnam par dag pa thob par shog cig /

gnyis pa la so thar gyi tshul khrims len 'dod kyi bsam pa shugs drag
skye bar smon pa/ tshul khrims de len pa la bar chad mi 'byung zhing
mthun rkyen tshang bar smon pa/ tshul khrims

de'i mi mthun phyogs kyis mi gos par smon pa gsum/ dang po 'chad
par/ skyes ma thag nas zhes sogs gsungs/ don ni/ dam chos sgrub pa'i
rten khyad par can gyi mir skyes ma

srid pa 'khor ba'i bde ba la nam yang ma chags par 'khor ba las grol
ba'i thar ba thob par bya ba'i phyir 'khor ba las yid nges par 'byung
ba'i bsam pas kun nas bslang ste so so thar pa

spyod rnam par dag pa 'tshol pa la brtson 'grus lhod pa med pa dang
gis 'jug par shog cig /ces pa'o/ /gnyis pa 'chad par bdag ni rab tu zhes
sogs gsungs/ don ni/ bdag

nas khyim med par rab tu 'byung bar byed pa la rang gi 'khor bran
g.yog dang gnyen nyed du dang nor longs spyod la sogs pa gang
dang gang gis kyang gegs byed pa med par rab tu 'byung ba'i mthun
pa'i

yin pa rnams ma tshang ba med par mthun rkyen kun yid la ji ltar
bsam pa de ji lta ba bzhin tu 'grub par shog cig /ces pa'o/ /gsum ma
'chad par/ rab tu byung nas zhes sogs gsungs

de ltar gegs byed med par mthun rkyen tshangs pa'i sgo nas bdag rab
tu byung nas kyang/ ji srid nam 'tsho ba'i bar la rang gi mkhan slob
kyi spyan sngar tshul khrims nod pa'i tshe ji ltar khas blang ba'i dam
?

@170a @#/ /bcas pa dang rang bzhin gyi kha na ma tho ba'i nyes pa gnyis
po gang gis kyang nam yang gos par ma gyur par tshangs spyod rnam
par dag pa la gnas par shog cig /ces pa'o/

tshangs spyod la gnas nas theg pa chen po'i chos nyams su len par
smon pa/ de'i phyir du theg pa chen po'i chos la thos bsam sgom
gsum byed par smon pa gnyis/ dang po 'chad par/ ? ? ?

rten la zhes sogs gsungs/ don ni/ rab tu byung ba'i tshangs spyod
rnam par dag pa la gnas pa'i rten de la theg pa chen po yi shin tu
zab cing rgya che ba'i chos rnams la spyi dang bye brag gi dbye ba
ji ? ? ? ?

de thams cad ma sems can rnams kyi don du dka' ba brgya phrag du
ma dang bcas pa yis dus skal pa dpag tu med par sgrub pa la mi zhum
zhing mi sgrag par de nyams su len pa la spro bshugs drag po'i

lhur len par shog cig /ces pa'o/ /gnyis pa la/ thog mar thos pa bya
ba'i yul dge ba'i bshes gnyen mtshan nyid dang ldan pa dang 'phrad
par smon pa/ dge ba'i bshes gnyen de rang gi ? ? ?

bzhin du bsten par smon pa/ bshes gnyen des chos tshul bzhin du
'doms par smon pa/ chos kyi mi mthun phyogs mi dge ba'i bshes gnyen
dang sdig grogs kyi dbang du mi 'gro par smon pa/

sgom gsum byed pa'i kun slong gzhan don gyi bsam pa rnam par dag
pa skyed par smon pa/ thos bsam byed pa'i tshe slod byed kyi rkyen
ngan mi 'byung bar smon pa/ thos pa la chog shes mi byed par

thams cad la thos pa byed par smon pa bdun/ dang po 'chad par/
lung rtogs yon tan zhes sogs gsungs/ don ni/ theg pa chen po'i chos
sgrub pa la thog mar lung sde snod gsum la sbyang ? ? ? ?

@170b mkhas pa'i yon tan dang rtogs pa lhag pa'i bslab pa gsum
nyams su blang ba'i yon tan du mas thugs rgyud gtams shing dbang
po mi rgod par zhi zhing thugs rgyud rab tu dul ba 'gro ba sems

rnams lhag par snying brtse bar byed pa'i snying rje chen po dang
bcas pa gzhan gyi don dka' tshegs ji lta bus sgrub pa la yang skyo
ngal med pa'i snying stobs chen po can gyi dge ba'i bshes gnyen

'phrad nas des thugs mnyes bzhin du rjes su 'dzin par shog cig ces
pa'o/ /gnyis pa 'chad par/ rtag tu du yis zhes sogs gsungs/ don ni/ dge
ba'i bshes gnyen mtshan

ldan pa dang 'phrad nas de bsten pa'i tshul ni/ dper na rgyal sras
rtag tu du yis byang chub sems dpa' chos 'phags la bsnyen bkur ba'i
phyir du rang gi rkang bcag nas btsong bar brtsam par

la khrag gtar nas chag chag 'debs pa la sogs pa mdzad nas bsten pa
ltar/ lus dang srog dang longs spyod la sogs pa gang dang gang
bla ma'i phyogs su gtong dgos ba byung kyang de dang

gtong phod cing lus ngag yid gsum gyis g.yo dang sgyu dang
mngon lkog med par bsam pa thag pa nas dad cing gus pas bsnyen
bkur rnyed 'bul sgrub pa'i mchod pa gsum gyis bshes gnyen ? ??

de legs par mnyes par byas nas mi mnyes pa skad cig ma gcig tsam
yang mi byed par shog cig /ces pa'o/ /gsum pa 'chad par/ zab zhi spros
dang zhes sogs gsungs/ don

par dka' bas zab pa rtogs na gdung pa dang 'bral bas zhi ba mtshan
'dzin gyi dmigs gtad kyis stong bas spros pa dang bral ba'i sher phyin
gyi don log rtog gi dri mas spags pa'i chu ste blo yis ? ? ? ? ?

@171a @#/ /par; ji ltar de dper na 'phags pa chos 'phags kyis byang sems
rtag tu ngu la ji ltar bsnyad pa ltar/ bshes gnyen des kyang sher
phyin gyi don de ltar bdag

rtag tu 'doms par shog cig /ces pa'o/ /bzhi pa 'chad par/ thub pa'i
dgongs pa'i zhes sogs gsungs/ don ni/ mnyam med thub pa'i dbang po'i
dgongs pa'i don las

phyogs pa ste de dang mi mthun pa'i rtag chad kyi mtha' gang yang
rung bar lhung ba'i lta ba ston par byed pa po'i mi dge ba'i bshes
gnyen dang/ lta ba de 'dzin pa'i sdig pa'i grogs po rnams kyi

la mnyan pa'i dbang du nam yang 'gro bar ma gyur cig /ces pa'o/
/lnga pa 'chad par lhag bsam rnam par zhes sogs gsungs/ don ni/ de
ltar thos pa sogs byed pa de yang dang ? ? ? ? ?

rgya mtshor nor bu len pa'i tshong ba 'gro ba na gru bo che legs par
bsdam pa'i steng du rlung dar chen po btsug pa mthun pa'i rlung gis
'gro phyogs su bskyod na gru bo che de myur bar 'dod pa'i sar sleb
pa

bdag gi gzhan phan gyi lhag bsam rnam par dag pa'i rlung dang
chen po phyar ba brtson 'grus shugs drag po lhod pa med pa'i rlung
gis bskyod pa dang bcas pa'i thos bsam bsgom pa tshul bzhin

ba'i gru gzing legs par bsdam pa la brten nas lus can 'gro ba mtha'
dag 'khor ba'i rgya mtsho las sgrol bar shog cig /ces pa'o/ /drug pa
'chad par/ ci tsam mang du zhes sogs ? ? ? ?

gsungs don ni/ de ltar bdag gi thos bsam sogs byed pa'i tshe ci tsam
gzhung lugs mang du thos pa dang zang zing sogs gzhan la lhag
par gtong ba dang tshul khrims rnam par ? ? ? ? ? ? ?

@171b pa srung ba dang gzhung lugs kyi don la rnam par dpyod pa'i
shes rab sogs yon tan gyi rigs kyis bdag gi rgyud gzhan las lhag par
gyur pa de tsam du phyi phyir rlom pa dang khengs pa dang ?

gzhan la brnyes pa la sogs pa'i bsam pa kun dang bral ba ste de lta
bu gang yang mi 'byung bar shog cig /ces pa'o/ /bdun pa 'chad par/
rnam dag rig pa'i zhes sogs gsungs/ de ?

bdag gis thos pa 'tshol ba'i tshe shin du rnam par dag pa'i rig pa'i stobs
kyis gsung rab kyi don ji lta ba bzhin du 'byed cing 'brel ba la gzhan
drid mi 'jog pa ste gzhan la brten mi dge ?

par bkrol nas 'chad nus pa'i dge ba'i bshes gnyen mkhas pa'i gam du
ste drung du mtha' yas pa'i gsung rab la ngoms pa dang chog shes
med pa'i sgo nas thos pa rgya chen po byed par shog ?

ces pa'o gnyis pa bar du dge ba'i smon lam 'chad par/ ji ltar thos pa'i
zhes sogs gsungs/ don ni/ ji skad bshad pa ltar mang du thos pa
btsal nas thos pa'i don la ltos pa'i rigs ?

ba dang bya ba byed pa'i rigs pa dang 'bad pas sgrub pa'i rigs pa dang
chos nyid kyi rigs pa bzhis nyin dang mtshan thams cad du tshul bzhin
du yang nas yang du rab tu brtags shing dpyad nas ba ? ?

bya'i gnas thams cad la bsam pa las byung ba yi rnam par dpyod pa'i
blo shes rab dri ma med pa yis the tshom thams cad chod nas nges
shes rnam par dag pa skye bar shog cig /ces pa'o/ /gsum ? ?

pa tha mar dge ba'i smon lam la spyir thos bsam gyis sgro 'dogs
chod pa'i don rnams sgom pas tshul bzhin du sgrub par smon pa/ bye
brag tu spyod pa'i rten dang spyod pa la slob par smon pa gnyis/

@172a @#/ /po 'chad par/ gang tshe shin tu zhes sogs gsungs/ don ni/
gang gi tshe shin tu zab pa'i chos kyi tshul la yang dang yang du bsam
pa las byung ba'i blo yis nges shes

legs par rnyed pa/ de'i tshe tshe 'di'i bde ba dang der ma zad 'khor ba'i
phun tshogs sgrub 'dod kyi blo'i 'khri ba thams cad chod nas gzhan
don du thams cad mkhyen pa sgrub pa la spro shugs drag

po dang bcas pa'i brtson 'grus kyis gnas dben pa bsten nas thos bsam
byas pa'i don rnams sgom pas tshul bzhin du sgrub par shog gcig  /ces
pa'o/ /gnyis pa la spyod pa'i rten sems

skyed sgom par smon pa/ spyod pa phyin drug la slob par smon pa/
smon lam gal che ba gzhan bshad pa gsum/ dang po 'chad par/ de
ltar thos bsam zhes sogs gsungs/ don ni/ sngar

bshad pa de ltar thos bsam byas pa'i don sgom pa'i sgo nas rgyal ba
yi dgongs pa'i gnad kyi don rnams rgyud la bskrun pa'i tshe srid pa'i
bde ba la brkam zhing chags pa'i tshe 'di'i bde thabs sgrub

pa'i snang ba dang phyi ma'i mngon mtho'i dpal 'byor phun sum tshogs
pa thob 'dod dang rang nyid gcig pu 'khor ba'i sdug bsngal las grol
ba'i zhi ba'i bde ba 'dod pa'i blo rnams mi 'byung bar

gzhan don du sangs rgyas kyi go 'phang thob 'dod kyi theg pa chen
po'i smon pa dang 'jug pa'i sems rnam par dag pa rgyud la skyed cing
gong nas gong du spel par shog cig  /ces pa'o/ /gnyis

pa la drug las dang po sbyin pa'i phar phyin la slob pa ni/ bdag gis
bdog pa'i zhes sogs gsungs/ don ni/ bdag gi rang la bdog pa'i dngos
po gang yod thams cad la mchags pa'i

@172b blo yis ser sna bcom par byas te thog mar zang zing gi sbyin pa
btang bas gdul bya'i sems can rnams rang gi 'khor du bsdus nas chos
kyi don bshad de don nyams su len pa la sbyar ba'i

sgo nas tshim par byed par shog cig /ces pa'o/ /gnyis pa tshul khrims kyi
phar phyin la slob pa ni/ ji ltar mnos pa'i zhes sogs gsungs/ don ni/
bdag gi mkhan slob kyi spyan sngar

ji ltar mnos pa'i bslab pa rags la lta ci smos shin tu phra mo yang
nges 'byung gi bsam pas bla med byang chub thob kyi bar du srog gi
phyir du yang rang gi bsam pas gtong bar mi byed pa'i thar pa'i

rgyal mtshan rtag tu 'dzin par shog cig /ces pa'o/ /gsum pa bzod pa'i
phar phyin la slob pa ni/ bdag la brdeg 'tshog zhes sogs gsungs/ don
ni/ bdag la gzhan khros nas gnod pa

chen po byed 'dod kyis brdeg cing 'tshog pa dang skyon kyi 'tshang
'dru ba la sogs pa byed pa'i sems can rnams/ rang gis mthong ngam
thos sam yid la dran pa de'i tshe de la khong khro ba dang bral
zhing

slar yang de dag gi yon tan brjod cing de la phan 'dogs pa'i bzod pa
sgom par shog cig ces pa'o/ /bzhi pa brtson 'grus kyi phar phyin la
slob pa ni/ dkar po'i chos rnams zhes sogs

gsungs/ don ni/ dkar po dge ba'i chos rnams ma thob pa rnams thob
pa dang/ thob pa rnams gong nas gong du 'phel ba las nyams par
byed pa'i gegs byed bya ba ngan pa la zhen pa dang sgyid

lug pa dang rang gis rang la brnyas pa ste le lo rnam pa gsum
phyogs kun nas spang pa'i byang chub sgrub pa la sems can re re'i
phyir yang mnar med du skal ba rgya mtshor gnas dgos kyang mi
skyo bar

@173a @#/ /spro pa'i brtson 'grus brtsom par shog cig  /ces pa'o/ /lnga
pa bsam gtan gyi phar phyin la slob pa ni/ srid mtha' gnon pa'i zhes
sogs gsungs/ don ni/

srid pa 'khor ba'i mtha' gnon pa'i bdag med rtogs pa'i lhag mthong
gi stobs dang bral zhing zhi ba myang 'das kyi mtha' gnon pa'i
snying rje chen po'i rlan gyis dpen pa'i phyi rol ba'i bsam gtan lta

bu phal cher srid pa 'khor bar 'phen par byed pa yi zhi gnas dang
bsam gtan spangs te snying rje chen pos zin pa'i bdag med rtogs pa'i
zhi lha gzung 'brel sgom par shog cig  /ces pa'o/ /

drug pa shes rab kyi phar phyin la slob pa ni/ gnas lugs zab mo'i zhes
sogs gsungs/ don ni/ chos rnams kyi gnas khugs mthar thugs pa zab
mo'i don la skrag par gyur te blos

byas kyi stong pa dang nyi tshe ba'i stong pa la mchog tu 'dzin pa'i
log pa'i lta ba ngan pa mtha' dag rab tu spangs te ji lta ji snyed kyi
chos kun gdod ma nas rang bzhin gyis grub pas stong pa tshul bzhin

du rtogs par shog cig  /ces pa'o/ /gsum pa smon lam gal che ba gzhan
bshad pa la/ bstan pa la zhugs nas nyes spyod byed pa rnams nyes
spyod las bzlog par smon pa/ lam log

par zhugs pa rnams yang dag pa'i lam la 'god par smon pa/ bstan pa
rin po che mi nub pa'i rgyal mtshan 'dzin par smon pa/ skye ba thams
cad du dam pa'i tshes sgrub pa'i rten mtho ris kyi

yon tan brgyad ldan du skye bar smon pa/ rang la gnod byed rnams
la lhag par byams par smon pa/ gnod byed rnams bla med byang
chub la 'god par smon pa/ smon lam 'di mthong thos dran gsum

@173b byed pa thams cad rgyal sras rnams kyi smon lam rlabs po che
la slob par smon pa bdun/ dang po 'chad par/ rnam par bslab pa zhes
sogs gsungs/ don ni/ rnam par dag pa'i

bslab pa srung bar rad gis khas blang pa rnams rang la ltos te ngo
tsha dang gzhan la ltos te khrel med pa'i sems kyis dral zhing dam
pa rnams kyis smad pa'i las 'tshams med lnga dang mi dge bcu

la sogs pa 'bras bu sdug bsngal myong ba la 'jigs par mi byed par las
de rnams la 'jug par byed pa'i khrims 'chal dge sbyong gi sha tshugs
can rnams kyang bdag gis skyon med pa'i tshul

khrims rnam par dag la sbyor bar shog cig /ces pa'o/ /gnyis pa 'chad
par/ yang dag lam ston zhes sogs gsungs/ don ni/ yang dag pa'i lam
la 'jug pa stor nas log

pa'i lam ngan pa la zhugs shing lam log pa ston pa'i mi dge ba'i bshes
gnyen dang sdig pa'i grogs po'i dbang du song ba gang yin pa di
yang bdag gis thabs mkhas pa chen pos bde blag tu ste

tshegs chung dus rgyal bas bsngags pa'i lam rnam par dag pa la 'god
par shog cig  /ces pa'o/ /gsum pa 'chad par/ bdag gi 'chad rtsod zhes
sogs gsungs/ don ni/ bdag gi

thub pa'i gsung rab gyi don phyin ci ma log par 'chad pa dang rgol
ba ngan pa tshar gcod pa'i chos mthun gyi rtsod pa dang gzhung
don ji lta ba bzhin 'grel ba'i legs par bshad pa/ rtsom pa rnams

la rgol ba gzhan gyi chos mthun gyi rtsod pa mi 'jug pas 'jigs pa med
pa'i sang ge'i sgra bsgrags pas log par smra ba'i wa skyes lta bu'i
skyes bo'i tshogs rnams kyi spob pa 'phrog pa ste bcom par

@174a @#/ /byas nas gdul bya gang dang gang thabs gang dang gang
gis 'dul ba'i thabs mkhas kyis rjes su bzung ste bstan pa rin po che 'jig
rten du mi nub pa'i rgyal mtshan chen po

'dzin par shog cig  /ces pa'o/ /bzhi pa ni/ bdag ni gang du zhes sogs
gsungs/ don ni/ bdag ni gnas gang du skyes nas thub pa'i dbang po
yi gsung gi bdud rtsi thos bsam sgom

gsum gyis 'thung ba ste myong bar byed pa de'i 'tshe chos sgrub pa'i
mthun pa'i skyes gnas su gyur pa'i rigs mtho ba gzugs bzang zhing
'byor ba che ba dang gnyen nye du sogs 'dzom pa'i dbang phyug
phun

sum tshogs shing shes rab che ba dang tshe ring zhing nad med par bde
ba phun sum tshogs pa dang ldan par shog cig  /ces pa'o/ /lnga pa ni/
bdag gis lus dang zhes sogs gsungs/ don ni/

bdag gis lus dang srog dang longs spyod sogs la dus rgyun du 'tshe
bar 'dod pa'i bsam pa dang ldan zhing/ bdag la mi snyan par brjod pa
la sogs pa'i gnod pa'i spyir brtsom pa de dag

la'ang/ bdag ni de ltar byas pa bzhin gyis lhag par ma bzhin du
byams brtses skyong bar byed par gyur cig /ces pa'o/ /sdug pa ni/ bdag
gis de dag zhes sogs gsungs/ don ni/ bdag

gis bdag la gnod pa'i bsam sbyor can de dag ring bor mi thogs par
bdag pas gzhan gces par sgom pa'i byang chub kyi sems lhag pa'i bsam
pa rnam par dag brgyud la bskyed par byas nas bla

na med pa yang dag bar rdzogs pa'i byang chub chen po'i go 'phang
ster ba ste 'thob par byed par shog cig  /ces pa'o/ /bdun pa 'chad par/
smon lam 'di dag /zhes sogs gsungs/ don ni/

@174b smon lam 'di dag gang zag gang dang gang gis mthong ngam
thos sam yid la dran par byed pa de dag thams cad kyang rgyal sras
rnams kyi smon lam rlabs po che ma lus par sgrub pa la zhum pa med

par thams cad legs par sgrub par shog cig /ces pa'o/ /gsum pa 'jug
smon lam btab pa'i dge ba bsngo ba 'chad par/ lhag bsam dag pa'i/
zhes sogs gsungs/ don ni/

bdag gi gzhan la phan 'dod kyi lhag bsam rnam par dag pa'i stobs
kyis legs par sgrub pa'i smon lam rgya chen po btab pa 'di'i mthus
smon lam gyi pha rol tu phyin pa yongs su rdzogs nas

lus can 'gro ba kun gyi re ba yid bzhin du skong bar shog cig ces
pa'o/ /'di'i thog mtha' bar gsum gyi 'tshams 'dzin lugs 'di ni/ rje bdag
nyid chen po rang gis/ dang por rgya

chen thos pa mang du btsal/ /bar du gzhung lugs thams cad gdams
par shar/ /tha mar nyin mtshan kun du nyams su blangs/ /kun kyang
bstan pa rgyas pa'i ched du bsngos/ /zhes gsungs pa

dang mthun par byas pa'o/ /mdzad byang gi don sla bsam bkhrol/ de
ltar thog mtha' bar du dge ba'i smon lam gyi dgongs don gsal bar
byed pa legs bshad sgron me zhes bya ba 'di ni chas pa

bde thang zhabs drung er d+he ni paNTi ta rnam rgyal no min han
gyis bka' nan chen pos bskul ba dang/ don lon nor gyi tA bla ma ka
chen bka' 'gyur ba blo bzang tshul khrims sogs rang gi nye 'khor ba
du mas

kyang bskul ba la brten nas ban rgan snyoms las pa ngag dbang blo
bzang chos ldan dpal bzang pos rang gi blo gros chung du la shar
tshod tsam zhig zung gru zi ru sbyar ba'i yi ge ba ni chos la 'dun ba'i

@175a @#/ /dpyod ldan dge tshul blo bzang tshe ring ngo/ /'dis kyang
rgyal ba blo bzang grags pa'i bstan pa phyogs thams cad du rang
zhing rgyas la yun ring du gnas par gyur cig/ /