@#/ (/rnam thar bka' rtsom bzhugs so/) /'dren mchog go 'phang gzhan
ched kho nar brtson

@188a @#/ /pas sgrub pa'i dam bca' brtan pos thugs mchog bskyed/ /slong
la dbu yang sbyin sogs bya dka' rlabs chen spyod pas grangs med
gsum du tshogs gnyis

bsags/ sgrib gnyis bdud bzhi gtan bcom ma 'dres stobs sogs spang
rtog yon tan mthar phyin mngon sangs rgyas/ /mi mjed zhing du bcu
gnyis mdzad pa'i lus can

phan bder 'gong mdzad de la gus phyag 'tshal/ /bgrangs yas blo gsal
skal ldan mos pa ji bzhin dam chos 'chad pas rjes su 'dzin/ /rnam
mang log smra'i rgol ba yang

dag rigs lam smra ba'i rtsod pas tshar gcod cing/ /bstan pa'i nyi ma
dgongs don ji bzhin 'grel ba'i legs bshad rtsom pas gsal mdzad pa/
/rgyan drug mchog gnyis sa paN bu sogs

rgya bod mkhas pa'i dbang po rnams la 'dud/ /thab cing rgya che'i
gsung rab rnams la thos pas sgro 'dogs legs par bcad/ /nyams len
snying po dril ba'i man ngag bsam pas nges

shes rnam dag rnyed/ /rgya chen gzhung dang man ngag sbyar te
bsgom pas dngos grub mchog brnyes pa/ /grub chen brgyad cu sku
mched gsum sogs rgya bod grub dbang rnams la 'dud/ /

mdo sngags rgyud sde bstan chos kun la ngoms med thos pa btsal/
/bka' bstan man ngag gnad la dpyad pas gzhung kun gdams par shar/
/gzhung gi don kun snying por dril te

rtse gcig nyams su blangs/ /mkhas grub kun gyi gtsug rgyan tsong
kha pa la snying nas 'dud/ /lung mchog sde snod gsum la sbyangs pa
mthar phyin cing/ /rnam dag bslab pa

@188b gsum gyis thugs rgyud legs par gtams/ /'chad rtsod rtsom pa
gsum gyis thub bstan gsal bar mdzad/ /dpal sdug gsang ba gsum ldan
dngos kyi bla mar 'dud/ /

khas blangs tshul khrims mig 'bras ltar srung zhing/ /nyams len gnad
la mkhas par legs sbyangs te/ /dben par sgrub pa snying por byed pa
yis/ /gtan gyi mdun ma

sgrub pa'i grub mchog dang/ /mdo sngags rigs gnas kun la legs
sbyangs te/ /bstan 'gror phan 'dod lhag bsam rnam dag gis/ /chos
mthun spyod pas 'chad rtsod rtsom pa

yis/ /gzhan phan sgrub la brtson pa'i mkhas mchog gi /lhag bsam
spyod tshul bzang po'i rnam thar gang/ /des ni mkhas rnams mgu
zhing ngo mtshar skyed/ /skal ldan blo gsal

dad 'dun spro ba 'phel/ /rjes su 'jug rnams 'di phyi kun du 'tshengs/
/sgom par ming btags nyams len gnad mi shes/ /dben par sdong khul
rgyun du grong yul nyul/ /chos ba'i khur

'dzin rdzu bag log 'tshe yis/ /lto rgyab gtso bor sgrub pa'i sgom chen
dang/ /kha bshad tsam gyi thos bsam thor re byas/ /rgyun dang chog
phyag len ma dag pas/ /sdom khrims dbang

lung khrid sogs spel pa yis/ /rnyed bkur grags bsgrub pa'i ston pa yi/
/lo rgyus gang des mkhas rnams yi re mug /blo gros ldan rnams
dpyad na zhe re khrel/ /rjes su 'jug

rnams 'di phyi kun du 'phung/ /de bas bdag dang bdag 'dra'i skye bo
yi/ /spyod tshul lo rgyu'i yi ger 'god pa ni/ /ngan skyug bum pa skye bo'i
mdun sa ru/ /'byo ba gzhan dag

@189a @#/ /khrel pa'i rgyu las ci/ /de lta na yang bstan 'gro'i dpal mgon
che/ /mkhas mchog dam pa dza ya paNTi tas/ /lo rgyus yi ger 'khod ces
yang yang du/ /

bka' nan pheb pa kyen zlog ma nus shing/ /nang don gso rigs gnyis
la legs sbyangs pa'i/ /rab 'byams smra bdag dbang bstan 'dzin dang/
/gam du nyer gnas

ka bcu shes dar sogs/ /don gnyer can 'gas yang yang bskul ba'i ngor/
/brjod phya gzhen dag mgu ba ga la zhig /brjod byed tshig kyang
brjod don bzang po rnams/ /

rgyan gyis mdzes par gsal zhing dman pa rnams/ /sgrib ba'i snyan
ngag mngon brjod sdeb ltegs ? kyis/ /dben pa'i grong gtam phal tshig
kho na yis/ /rang gi spyod tshul sgro skur

rdzun med par/ /gsal bar brjod pa'i yi ge 'dir 'god kyi/ /mkhas dang
gzur gnas khrel bar mi mdzad zhu/ /bdag ni gang gi skye bar sgro
btags pa'i/ /bla ma grags pa 'od

zer zhes bya ba/ /hu lan na ra'i lcang skya'i grong su 'khrung/
/gzhon nur rab byung dgon glung byams gling du/ /yongs 'dzin sum
b+ha slob dpon par grags pa/ /dam chos rgya mtsho zhes

pa legs brten nas/ /mtshan nyid phyogs la thos bsam thog cig mdzad/
/de nas bod du byon nas 'bras spungs du/ /bkra shis sgo mang chos
grwa legs par 'grim/ /dam ring chos

sder rab 'byams grwa bskor mdzad/ /mkhas pa'i grags pa ha cang mi
tshe yang/ /chos grwa 'grim du ltag sgo'i dge slong zhes/ /bslab tshugs
btsun pa'i dbe ru byed ces zer/ /khams

@189b su byon nas sum b+ha slob dpon pas/ mtshan nyid rtsis bzhag
gtong pa'i slob dpon du/ /bskos pa 'dod lha'i sprul ba 'ga' zhig gis/
/kha smras byas pa rkyen ngan grogs su

shar; ;ri bo tan tig zhes pa'i gnas mchog tu/ /lo shas thugs dam
bsgrub pa snying por mdzad/ /de dus thad ring thar ba gling zhes
par/ /mtshan nyid 'chad nyan gsar

'jug slob dpon du/ /nan gyis gdan drangs 'chad nyan legs par 'phel/
/slar yang dgon klung chos sder gdan drangs nas/ /bla mar bskos
te 'chad nyan mdzad mus su/ /zhi

bar gshegs zhes rgan rab gtam las thos/ /ming dang snyan grags
stong skad chung na yang/ /bslab sdom mi lhod gang shes rgyud la
sbyor/ /mngon mtshan chung la sa chod che ba yi;

bka' gdams gong ma'i rnam thar legs skyong ba'i/ /bdag gis bskrun du
med pa'i dam bar 'khum/ /da ni kho bo'i gtam rgyung 'chad pa la/
/skyes pa'i yul ni a mdo'i

sa yi char/ /tsong kha'i la rgyud ring mo'i nye 'dab kyi/ /g.yi dge
zhes bya'i lung bar gtogs pa ste/ /grong pa'i mi ngal rta phyug zhes
su grags/ /pha ni zhem si bkra shes khri sgo

nas; ;tshong la 'ong nas de ru gzhi chags pa/ /ming la khe ba cang ye
b+har zhes zeng/ /rang bzhin drang shing khrel yong spyod pas 'tsho/
/ma ni lo za thar mo mtsho zhes pa/ /rang

rgyud 'jam zhing dad pa dag snang can/ /a ma sdan ma las ni ming
sring gsum/ /bdag gi ma las ming sring gnyis byung ba'i/ /lda po'i nang
nas kho bo bzhi tshig pa/ /skyes pa'i dus

@190a @#/ /ni rab byung bcu gcig pa'i/ /sna tshogs lo yi mgo zla'i tshes bcu
yi/ /mtshan mo byi ba'i dus su mngal las byung/ /de tshe khyim bya cig gi
skad bsgrags par/ /

'ga' yis ngan pa'i dogs pa byas zhes zer/ /de nas smra brjod cung zad
btub pa na/ /sngon gyi skye ba dran pa ma yin kyang/ /chos dang mjal
ba'i las smon gyis bskul te/ /kho

bo bla ma yin cing khang pa dang/ /grwa pa rten sum la sogs 'di
bzhin yod/ /ces sogs brla rdol cal tsol 'ga' zhig smras/ /pha mas 'dre
yis bskyod ba'i lab col du/ /go nas

phyin chang smra ba 'gog thabs byas/ /de yis re zhig smra mi shes par
gyur/ /bos pas ming la'ang lkug pa zhes su 'bod/ /'on kyang lkug par
'gyur bar ma bzod par/ /mo ma rtsis

pa lha pa 'ga' zhig la/ /lkug kha 'byed pa'i thabs su ji ltar bgyi/ /dris
par sher phyogs mdo klog bskang gso thong/ /mchod me bsang
mchod phul te dge bsnyan du/ /bsgrub nas

gtsang sbra byas na legs zhes smras/ /grong der btsun pa gtsang
mar byed pa yi/ /bod pa bla rgan zhes pa'i dge slong zhig /gtsos pa'i
dpon slob 'ga' yis mdo klog dang/ /bskang gso

btang pa'i mjug tu kho bo yi/ /lus bsgyur ming la dge 'dun skyabs zhes
btags/ /de nas rim gyis cung zad smra bar gyur/ /de 'dra'i cal gtam
dgon klung bar du grags/ /thar ring

khri ba tshul khrims rgya mtsho yis/ /bdag gi pha la bu chung khrid
shog ces/ /dgon par bos nas dri ba kha yar mdzad/ /'khris su bzhag
nas legs pa'i rten 'brel bsgrigs/ /zha snam

@190b dngul gzan sogs kyi gnang sbyin bstsal/ /lcang skya bla ma'i
gnyer ba'i snam sbyar dang/ /rdor dril la sogs yo byad 'ga' khyer te/
/'ong nas bstan te lta rtog dri ba byas/ /

yo byad 'ga' zhig ngos 'dzin byas zhes zer/ /kho bo yul du sleb nas
'bras spud du/ /bla ma'i dbon po blo gros 'od zer la/ /byis pa 'di 'dra
'dug pa bla ma de'i/ /sku skyes yin

min rgyal ba yab sras dang/ /chos skyong sogs la zhus nas lan bskur
zhes/ /byis pa'i gnas tshul dang bcas yi ge bskur/ /'phrin de byung bstun
blo gros 'od zer gyis/ /

paN chen thams cad mkhyen par zhus pa la/ /sku skyes min kyang bla
tshug 'dzin pa zhig/ /'ong bar dgongs te grags pa 'od zer gyi/ /sku skyes
'khrul med yin cing bstan pa la/ /

phan thog 'ong bas bdag rkyen byas pa 'gab/ /re zhig thang ring
dgon par zhog ces dang/ /'bras spur chos skyong chen mor zhus ba
la'ang/ /sku skyes yin pas bdag rkyen 'gab

tshul gsung/ /bga' shog yig lan bskur ba 'byor ba yis/ /mi zad lo la
gnyer ba dpon g.yog 'ga'/ /'od nas kho bo thang ring dgon bar
blang/ /dgon de'i bla zur tshul

khrims rgya mtsho dang/ /khri pa phun tshogs bzang po zhes bya ba/
/mkhas btsun bzang gsum 'dzoms pa'i chos kyi rje/ /rnam pa gnyis kyi
kho bo'i gtsug phung blang/ /ming la bstan

'dzin legs bshad rgya mtshor btags/ /de nas lo shas rtsed mo rnam
g.yeng gi /zhar la yig klog chos spyod smon lam dang/ /yi dam
bskang gso'i 'don pa thor re ba/ /gzhan

@191a @#/ /gyi 'don par zhal 'debs thub tsam bslab/ /rnam 'gyur lo la
gangs can 'gro mgon mchog /rgyal dbang bzhi ba yon tan rgya
mtsho dang/ /paN chen chos

kyi rgyal po yab sras kyi/ /rgyal sras don yod chos kyi rgya mtsho ba/
/rdzongs brda' mdzad nas btab pa'i dgon lung zhes/ /grags pa mdo
smad phyogs su mtshan nyid kyi/ /

'chad nyan legs par dar ba'i chos sde yi/ /thog ma dga' ldan byams
pa gling du phyin/ /dgon pa'i khri ba nang rigs mtshan nyid la/ /grags
pa don ldan mkhas pa don rgyam

pa; ;zung pa ri dgon gnyis char lugs zung gis/ /legs skyong grub
dbang sum b+ha slob dpon sogs/ /dgon de'i mchod yon che phra
thams cad kyis/ /mthong bzos bdag

rkyen bla na med pa mdzad/ /dga' ba'i lo la 'jam dbyangs gong ma
che/ /shun tsi rgyal po 'gro mgon 'jig rten dbang/ /ngur smrig gar
rol rgyal dbang lnga ba gang/ /bstan 'gro'i don

slad rgyal khab pe'i cing du/ /spyan drangs btsong kha'i stod kyi
gzhung chen po/ /skar la'i thang du pheb skabs mjal du phyin/ /mtsho
kha mdo smad phyogs nas 'dus pa yi/ /bla dpon btsun

skya khri phrag bsgal ba la/ /thugs rje chen po'i rjes gnang legs
brtsal ba'i/ /gsung gi bdud rtsi'i bgo skal legs par myang/ /bslab gzhi
lnga dang rab byung tshul khrims

mnos; ;thub bstan sgo ru tshud pas skal pa bzang/ /mdo sngags
gzhung lugs kun la legs par sbyangs/ /zab mo'i nyams bzhes phyag
len phra zhib sogs/ /rdo rje slob

@191b dpon mtshan nyid yongs rdzogs pa/ /ldan chung 'od zer bkra
shis mtshan can las/ /dpal ldan 'jigs mdzad rdo rje'i dbang bzhi sogs/
/dbang dang rjes gnang du ma'i bka' drin

mnos/ /rgyal ba'i gsung mdzod rdo rje theg pa'i sgor/ /btsud pa'i
mgon 'di'i bka' drin rgyal las lhag /rigs lam chung du'i rtsis bzhag
'ga' zhig kyang/ /mnyan

nas thos bsam byed pa'i rten 'brel bsgrigs/ /sde snod gsum la mkhyen
pa'i spyan yangs pa/ /thar po bkra shis rgyal mtshan zhes bya ba'i/
/yongs 'dzin rje la

rigs lam 'ga' zhig dang/ /phar phyin thal 'phreng gzhung chen 'ga'
zhig mnyan/ /bsdus grwa rigs pa gzhung la go ba ni/ /'phran bu tsam
yang shar bar ma gyur kyang/ /thal 'gyur

re gnyis 'god pa'i spo ba pa thob/ /chos 'khor sogs la tshogs langs 'ga'
re byas/ /bshad pa 'ga' zhig rang gi blo yis sbyar/ /tshig sbyor 'phran bu
'grigs tsam

byung ba yis/ /shes rigs bzang zhes 'ga' zhig rtsam gtor byed/ /gzhan
gyis ngo bstod byed na'ang rang nyid la/ /slob gnyer byung snyam
lta ci yongs nges kyi/ /gdeng khel med pas

gcam bu'i tshig tu go /bod du phyin nas slob gnyer bsha' ma cig/ /byad
te ngam mi yong  thag bcad nas/ /dben pa bstan te byang chub lam
rim la/ /bag chag 'jog

dgos snyam pa'i 'phen pa yod/ /lam rim che chung khrid yig blo
sbyong la/ /go rgyu med na'ang lta rtog byed 'dod che/ /dgon lung
bla ma tshul khrims rgya mtsho dang/ /don grub rgya mtsho

@192a @#/ /gnyis la chos 'brel zhus/ /'phar ba'i lo la gang ri'i rdzongs
su phyin/ /thog mar jo sha ka gnyis dang lnga ldan sogs/ /khyad
'phags rten sum

rnams dang 'gro mgon mchog /rgyal dbang lnga pa rnams la legs
par mjal/ /rgyal dbang mchog las dge tshul sdom pa mnos/ /blo bzang
chos ldan zhes bya'i ming yang

bstsal; ;'phags yul paN grub mchog gyur zhi ba lha'i/ /yang srid drin
can rgyal sras rin po che/ /mjal bar 'on mda' mnga' ri grwa tshang du/
/phyin pa'i zhor la bsam

ye'i gnas mjal byas/ /bla ma'i drung du sleb nyen gsol ja dang/ /bcas
te bsu mi grwa ba ched du ma ngag  mjal tshe shin du dgyes pa'i rnam
'gyur gyis/ /mthong bzos bdag

rkyen gzhi len bzang po mdzad/ /rigs gsum mgon po sgrol ma dkar
ljang sogs/ /yi dam chos skyong 'ga' yi rjes gnad dang/ /bla mchod
lung sogs bka' chos ci rigs

mnos; ;slob gnyer byed tshe 'gro 'dug spyod lam dang/ /brtson pa
bsten tshul la sogs bsam sbyor gnyis/ /ji ltar byed pa'i bslab bya mthar
phyin bstsal/ /rgyal ba'i dbang po

snang ba mtha' yas kyis/ /rnam 'phrul paN chen chos kyi rgyal po
mchog /mjal bar brtsad stod bkra shis lhun por phyin/ /zhar la dben
sa dgon gyi gnas mjal byas/ /paN chen

mchog las phyag dbang lan gsum zhus/ /gsung mjal 'phran bu'ang
thob cing nang rten dang/ /srid gsum bdag mo la sogs phyi nang gi
/rten sum rnams la mjal kha zhi ba

@192b bar byas/ /de khar sdod ring rgyal mtshan mthon po nas/ /phog
dang zur gsos bla brang ston mo dang/ /'ong tshe byin rten 'gad che
rung gos sogs/ /gnang sbyin gro kha'i bdag rkyen

gzab rgyas bstsal/ /chos sde chen po dpal ldan 'bras spungs zhes/
/phyogs las rnam par rgyal ba'i dgun chos thog /mkhas mang mdun
sa bkra shis sgo mang gi /blo gsal bsti gnas

chos grwa chen por zhugs/ /thugs rje chen pos gang la gang 'tshams
kyi/ /rnam 'phrul du ma ston las spas pa'i ngos/ /'jam dpal snying po'i
bstan pa gsal ba dang/ /skal ldan theg

pa chen por 'god pa'i slad/ /ngur smrig 'dzin pa'i dbang por gar
bsgyur ba/ /mkhas mchog ngag dbang 'phrin las lhun grub pas/
/rgyal yum spas don mngon par rtog pa kun/ /

gsal bar ston pa'i mngon rtogs rgyan gyi gzhung/ /legs par 'grel ba'i
phar phyin thal 'phreng gi /mgo 'jug 'dril ba lo gsum bar du mnyan/
/chos grwab yi spyod lam bshar

sbyangs sogs/ /tshul mthun byas pas dgyes tshor chen po mdzad/ /khas
blang 'dzin lugs bgro gling byed tshul sogs/ /zhal ta bslab ston yang
dang yang du bstsal/ /skabs zhig

bar chad rnam pas bro 'tshal bar/ /tshe dbang brgya rtsa rta mchog
rol ba yi/ /rjes gnad lo grangs bya ba khrus grib sel sogs/ /grangs
mang bstsal te bgegs kyi bar chad bsal/ /sna

tshogs dbyig la 'jam dpal gzhon nu gang/ /blo bzang rgyal ba'i bstan
pa spel ba dang/ /rnam mang gdul bya phan bder dgod pa'i ched/
/ngur smrig 'dzin pa'i mchog tu gar

@193a @#/ /bsgyur ba; ;'dren mchog dag dbang blo gros rgya mtsho rje/
/tshad ma'i grwa tshang zab yangs 'khyil ba nas/ /sgo mang slob dpon
pa ru spos pa las/ /bkra

shis rtags kyis mtshon pa'i lo grangs la/ /rgyal yum dngos bstan zab
mo legs ston pa'i/ /dpal ldan zla ba'i legs bshad 'jug pa dang/ /'dul ba
'bum sde'i brjod

ba legs bshad pa/ /mkhas mchog yon tan 'od kyi mdo rtsa ba/ /chos
mngon rgya mtsho'i snying po gsal mdzad pa/ /kun mkhyen dbyig gi
gnyen po'i chos mngon mdzod/ /

rnams kyi dgongs don legs par 'gril ba yi/ /thal 'phrer rnams dang
phar phyin skabs dang po'i/ /spyi don mdzod dang 'jug pa'i Tikka
rnams/ /cha tshang rnam 'grel thal 'phreng

thor bu mnyan/ /mjal tsam nyid nas brtse bas lugs zung gis/ /bka'
drin gzhal du med pas legs par bskyangs/ /khro mo'i lo la rgyal
dbang mchog nyid las/ /bstan pa'i rtsa

ba bsnyen rdzogs sdom pa mnos/ /spre'u lo la 'bras spungs gling bsres
dang/ /thun mong lo la lha sa'i grwa skor byas/ /mkhas rnams dgyes
pa'i yon tan ma mchis kyang/ /khral ba'i

gnas sum gyur yongs 'dzin drin/ /bag med lo la sgo mang zhal snga
nas/ /mnyam med dga' ldan pa yi bshad grwa yi/ /gur dkar tog dang
mtshungs pa'i grwa tshang mchog /dpal ldan

smad rgyud pa yi mkhas 'dus la/ /rdo rje theg pa'i legs bshad dga'
ston che/ /legs par spel la 'khod pa'i zhabs phyir 'brang/ /kun dga'i lo
la g.yas ru gtsang du phyin/ /paN chen

@193b thams cad mkhyen pa'i sprul sku mjal/ /mkhas pa'i dbang po
shar rtse zhal snga nas/ /blo bzang padma zhes bya'i mtshan can las/
/rgyal dbang tsong kha ba yi bka' 'bum dang/ /

paN chen gong ma'i gsung 'bum phal cher gyi/ /lung dang 'jigs byed
kun rig tshe dpag med/ /dbang dang sgrol mnyer gcig rjes gnang sogs/
/dbang lung rjes gnang man ngag du ma zhus/

mtshan ldan rdo rje slob dpon sngags chen pa/ /dge 'dun don grub
zhes bya'i mtshan can las/ /gsang 'dus 'khor chen bde mchog lha lnga
dang/ /mi 'khrug gdugs dkar rnam rgyal sogs kyi

dbang; ;'jam dbyangs chos skor snar thang brgya rtsa dang/ /mgon
po'i bka' chen bcu gsum la sogs pa'i/ /rjes gnang du ma 'khrul 'khor
drug cu pa/ /mgon po'i be bum sogs kyi

khrid lung dang/ /dkyil 'khor mchod rten bri thig la sogs pa/ /zab
dgu'i gdams pa phyag len du ma zhus/ /rtse gcig sgrub pa snying por
mdzad pa yis/ /sku gsum mngon gyur drung

ba rin po che/ /blo bzang rgyal mtshan pa las dben sa pa'i/ /thun mong
min ba'i byang chub lam rim gyi/ /khrid dang lta khrid gnyis kyi
gsung thor bu/ /spyan snga blo rgyam pa yi lam rim dang/ /

blo sbyong lta khrid skor dang dbal ye dang/ /blo gros spas pa 'jam
dbyangs mgon po sogs/ /dge bshes du ma'i blo sbyong gcod khrid
dang/ /zhal gdams la sogs chos bka' mang du

zhus/ /srin bu'i lo la slar yang gtsang du phyin/ /snga ma rnams
la'ang 'dod chos mang zhus shing/ /paN chen thams cad mkhyen ba'i
thugs sras mchog /mkhas dang grub pa'i dbang

@194a @#/ /phyug sngags chen rje/ /rdo rje 'dzin pa dkon mchog rgyal
mtshan las/ /bde mchog lu i pa dang lus dkyil gyi/ /dbang chen bde
gsang 'jigs gsum

dmar khrid dang/ /phyag chen khrid dang nam mkha' sgo 'byed kyi/
/dmigs pa la sogs zab chos du ma zhus/ /grub mchog ka chen chos
'phel mtshan can las/ /'jigs byed

skyed rdzogs blo sbyong rnams kyi khrid/ /bka' gdams glegs bam
chos chud brgya rtsa dang/ /'dul ba'i gling 'bum sogs kyi lung mang
zhus/ /don grub lo la mkhyen brtse'i mnga'

bdag mchog /ngag gi dbang phyug 'phrin las lhun grub rje/ /zab
chos sgor skyel tshul du pheb pa yis/ /sems dpa' chen po pha bong kha
ba dang/ /'bras spungs slob dpon rnams

dang mchod dpon sogs/ /grwa tshang grwa ba rgan pa mang po la/
/rdul tshon la rten gsang 'dus dbang la sogs/ /dbang bka' mang po
gnad pa'i zhabs phyi zhus/ /'brug la dpon slob

sogs dang 'bras spungs kyi/ /nged cag grwa ba mang po'i lam rim gyi/
/dmigs rim rgyal dbang lnga ba'i gsang rgyun gyi/ /legs brgyan dmar
khyid yongs su rdzogs pa mnos/ /rgyal

dbang mchog gis paN chen mchog sprul gyis/ /dbu mdzad rje drung
rgyal sras sems dpa' che/ /byang rtse chos rje la sogs mkhan po
dang/ /slob dpon phyogs nas 'dus pa mad po la/ /

thugs rje chen po snying po don gsum gyi/ /khrid dang sgrol ma
nyer gcig jo bo rje'i/ /lugs kyi rjes gnang gzhan yang yi dam lha/
/mang po'i zur bka'i rjes gnang legs bstsal pa'i/ /

@194b gsung gi bdud rtsi'i zegs ma sga 'dzin gyi/ /bu gar son pas sems
kyi legs bris tshim/ /mkhas mchog rdo rje slob dpon legs 'byor du/
/grags pas sems dpa' chen po

byang rtse rje/ /gnas rnying zhabs drung 'bras spungs slob dpon
sogs/ /'bras spungs 'dus khang gang ba'i dge 'dun la/ /paN chen 'jigs
med 'byud ? gnas sbas pa yi/ /rdor

'phreng d+har paN zhabs kyi kri ya gnyis/ /sgrags pa'i rtsa ba'i dkyil
'khor zhe lnga yi/ /dbang rnams legs par bstsal ba'i bka' drin zhus/
/drag po'i lo la mnyam med byang rtse bas/

'phreng ba'i dkyil 'khor bzhengs pa'i thig tshon dang/ /lha yi bkod pa
'phreng ba rnams gnyis dang/ /kri ya so so'i rgya gzhung mang po
dang/ /gsang chen lam rims bzang thar rtse ba

bzang bkras sngags ram pa la sogs pa yi/ /sgrub dkyil la sogs rgya
bod mkhas grub kyi/ /yig cha mang po'i khung dang sbyar te byas/
/blo ran lo la 'jam dbyangs mi gzugs can

byang rtse chos rje ngag dbang blo rgyam pas/ /gzhi byes bla ma
slob dpon ri dgon gyi/ /grwa ba yangs pa can gyi 'dus khar nang/
/gang ba'i tshogs par rdo rje 'phreng ba las/ /bshad pa'i

rtsa ba'i dkyil 'khor zhe gnyis dang/ /kri ya sa mud tsa las bshad pa
yi/ /rnam rgyal ma sogs dge legs su byed pa'i/ /dkyil 'khor gsum bcas
bsdom pa zhe lnga'i dbang/ /paN

chen nam mkha' dpal pa'i yig cha la/ /sngags rim chen mo la sogs
rgya bod kyi/ /mkhas grub mang po'i legs par bshad pa'i chas/ /brgyan
te phyag len sla chos ma yin pa'i

@195a @#/ /tshul mthun 'khrul med bstsal ba'i zhabs phyi zhus/ /rnga
chen lo la gtsang gi phyogs su phyin/ /bla ma snga ma zhal bzhugs
thams cad la/ /mjal te chos 'brel

zhus shing sras rgyud pa'i/ /dpon slob khyab bdag mi bskyod rdo rje
nyid/ /rdo rje slob dpon gzugs su lags bstan pa/ /rje btsun dam pa
dkon mchog yar 'phel las/ /gsang

'dus 'jigs byed gnyis kyi dbang tshog dang/ /rim pa gnyis kyi dmar khrid
yongs rdzogs dang/ /bde mchog dmar khrid na ro'i chos drug dang/
/'pho khrid chen mo sbyin bsreg

drug cu ba/ /lto 'phye'i thig dang phyag len byed tshul dang/ /rje
btsun tsong kha pa nas legs brgyud pa'i/ /tshe khrid thun mor min pa
la sogs pa/ /gdams ngag zab mo'i mnog chos

mang du zhus/ /yig ris rnams dang gsang sngags gsar rnying gi /chos
la nang byan tshud pa'i mkhas pa mchog/ /zha lu mkhan chen 'jam
dbyangs bstan 'dzin las/ /thugs rje chen

po'i tshom bu dmar khrid dang/ /rgyal dbang mchog gi gsung 'bum
phal che pa/ /bu ston zhabs kyi legs bshad 'ga' zhig gi/ /lung rnams
zhus shing ba de mchog lus dkyil kyi/

dbang dang 'brel ba bzhi sbrag la sogs pa'i/ /klag lung 'ga' zhig nyid
kyi dgongs bzhed ltar/ /mkhan po rin po che la bdag gis phul/ /snar
thang byang chen grub sde slob dpon

pa; ;grub pa'i dbang phyug rnam rgyal mtshan can las/ /bu ston chos
'byung sogs kyi lung 'ga' zhus/ /skal bzang mig 'byed lung sogs phar
la phul/ /khrag skyug lo la

@195b brtan pa'i 'khor lo nyid/ /ngur smrig zlos gar bsgyur te rtsong
kha pa'i/ /gdan sar 'khod pa lha sa smon lam gyi/ /tshogs par legs par
bshad pa'i dga' ston che/ /ngoms

par spel phyir pheb pa'i zhabs phyir phyin/ /jo sha ka gnyis sogs khyad
'phags rten mjal zhing/ /dpon slob spyi sger rnams dang lhan cig tu/
/'di phyi'i 'dod don 'grub

pa'i smon lam btab/ /chos sde chen po dpal ldan 'bras spungs du/
/mkhas grub chen po ngag dbang blo gros las/ /rgyal chen rnam
sras zhi ba bde byed kyi/ /rjes gnang zhus

shing rten mjal zhib par byas/ /mdo sngags rab 'byams smra ba'i dbang
phyug mchog /ngag dbang brtson 'grus dge gzhon mang po dang/
/bcas pas mdo sde rgyan gyi

glags lung gsan/ /dam chos 'chad pa'i rten 'brel legs par bsgrigs/
/sum b+ha zhabs drung la sogs dgon lung dang/ /thang ring dgon gyi
grwa ba thams cad kyi/ /

dgongs bzhed ji bzhin rgyan 'jug la sogs pa'i/ /glags lung 'ga' re phul
zhing khong rnams kyi sa/ /ston mo rdzong ba gzab la rgyas pa
dang/ /ja ngar dang bcas skyel ma legs

par mdzad/ /rgyal sras blo bzang bstan 'dzin mjal bar phyin/ /gang
ci'i bya byed slab ston zhib rgyas bstsal/ /gzhan yang dge byed lo
nas 'di lo'i bar/ /bod du sdong

ring snga phyi ci rigs par/ /bstan pa'i gsal byed mkhan chen bsam
sgad pa'i/ /zhal snga nas las bde 'jigs gnyis kyi dbang/ /thugs rje bdag
nyid 'phrin las lhun grub

@196a @#/ /pa'i; ;zhal snga nas las bde gsang 'jigs gsum dang/ /bka' gang
mas ? thig le bcu drug rnams kyi dbang/ /be bum sngon po bka' gdams
thor

bu ba/ /paN chen gsung 'bum thor bu sogs kyi lung/ /mkhyen brtse'i
mnga' bdag ngag dbang blo rgyam pa'i/ /zhal snga nas las bde gsang
'jigs gsum dang/ /rdo rje 'phreng

ba kun rig rnams kyi dbang/ /'jam dbyangs chos skor phyag rdor
snyan brgyud gyi/ /dbang lung rjes gnang dmar po skor gsum dang/
/rnam sras sogs kyi rjes gnang du ma dang/ /grub

rgyal tshe khrid sgrol dkar tshe khrid dang/ /bsam gtam nyal sgom la
sogs khrid du ma/ /brgyad stong pa dar gzungs 'dus thor bu dang/
/byams chos rigs tshogs bka' gdams

gzhung rnams dang/ /'grel ba don gsal mdo rtsa mdzod rtsa dang/
/rnams 'brel rtsa ba sogs kyi lung du ma/ /'jam mgon khri chen blo
bzang don yod las/ /'grel ba bzhi

sgrags rim lnga'i khrid dang lung/ /dkyil 'khor mgon po bco brgyad
chos rje las/ /kyes rdor dbang dang sgrub thabs brgya rgyam gyi/
/rjes gnang lung bcas zur bka' sna tshogs

pa; ;grub pa'i dbang phyug ngag dbang blo gros las/ /rje yis mdzad
pa'i bde gsang 'jigs gsum gyi/ /sgrub dkyil bskyed rdzogs rje dang
mkhas grub kyis/ /mdzad pa

rnams dang 'dul ba 'dzin pa yis/ /mdzad pa'i kun rig sgrub dkyil Tika
chen dang/ /'dul Tiga ka ther lam gsal byed sogs kyi lung/ /sgrub
brgyud bstan 'dzin

@196b mkhar skya grub chen las/ /gzim khang gong ma'i gsung 'bum
phal che'i lung/ /mkhar skya grub sde'i slob dpon lha lung ba/ /bsod
nams don grub mtshan can yongs 'dzin

las; ;blo bzang bka' 'bum mkhas grub sang ye ba'i/ /bka' bum la sogs
yongs 'dzin du ma las/ /dbang dang rjes gnang khrid lung sna tshogs
mnyan/ /'phags

pa lha dang chab mdo rje drung dang/ /sems dpa' chen po rnams la
chos 'brel zhus/ /dkyil 'khor mgon po khri chen blo rgyam pa/ /nyi
thang dpon slob mkhas mchog shes rab mtshan/ /

mkhar skya grub sde'i dpon slob bsod nams mtshan/ /bya khyung
mkhan po ser 'bras dge gsum dang/ /rgyud pa sogs kyi grwa pa ci rigs
la/ /dbang dang khrid lung dgongs bzhed

ltar du phul/ /chos grwa 'grim tshe 'grigs lam kun spyod dang/ /rtsis
bzhag 'dzin bshar dpe klogs bgro gleng sogs/ /bla ma dge bskos
tshangs spyod grogs rnams

kyis; ;khrel bam byas tshul mthun gang thub byas/ /de rjes res 'ga' 'jam
mgon drung du bsdad/ /skabs 'gar gzhan du bka' chos zhu bar phyin/
/phal cher byang rtse chu phu brag sog

tu; ;rgya bod mkhas pa'i gzhung la blta rtog byas/ /lam rim blo sbyor
la sogs 'phran bu bsam/ /gzungs sngags zab mo'i bzlas brjod cung
zad byas/ /chos la phyogs pa'i

blo sna nyug tsam byung/ /rten 'di'i snying po'i cha shas 'di kho na/
/de mus mthung nas bod du bsdod thub na/ /'chi khang mi 'gyod tsam
cig 'byung na yang/ /sngon las 'phral rkyen ngan

@197a @#/ /pas bskyod pa yis/ /rang dbang med par a mdor 'ong dgos
byung/ /rgyal dbang mchog gis paN chen sdom pa'i rgyun/ /gsar du
bzhes nas gzhan la legs

spel ba'i/ /rjes su 'brang ste khri chen 'jam mgon las/ /kha che paN
chen sdom rgyun legs par mnos/ /bdag dang dpon chung don grub
rgya mtsho la/ /gro kha khal rta rog bcas

bla brang nas/ /bsgrigs cing gang ci'i slab ston zhib rgyas stsal/ /'od
gsal phug tu rten 'brel gang legs bsgrigs/ /dpon slob gnyis char shin
du skyo ba'i ngos/ /slar

yang myur du mjal ba'i smon 'dun gyis/ /phyi phyag btsal nas 'ong
zhing skyel thung mdzad/ /phyag mdzad gzhon pas bum rdza' bar du
bskyal/ /grwa sa byams pa gling gi khri thog pa//

sngon gyi thugs bskyed smon lam bzang po'i mthus/ /bstan 'gro'i don
chen sgrub la zla bral pa/ /mkhas btsun bzang gsum 'dzom pa'i bstan
'dzin mchog  /chu bzang sprul pa'i sku

dang gzhung lugs la/ /legs par sbyangs shing sgrub pa nyam len la/
/rtse gcig brtson pa'i li kya zur ba gnyis/ /dam chos gling gi khri ba
'khor lo'i mgon/ /ngag dbang 'phrin

las lhun grub zhal snga nas/ /tshogs pa sku gsung thugs rten rnams
la mjal/ /dgon glung ri khrod byang chub gling du bsdad/ /mig dmar
lo la thad ring dgon par mjal/ /

zhar la gro tshar lha khang rten mjal byas/ /sku 'bum dgon par stag
phyug chos rjes yis/ /mchod rten bzhengs pa'i bkod pa gzungs 'bul la/
/phyin nas mchod rten la sogs

@197b rten sum mjal/ /mchod rten gzungs gzhugs rab gnas legs par
bsgrub/ /khro bos lo la khyab bdag dag gi dbang/ /'phrin las lhun
gyis grub pas byams mgon sogs/ /

sku brnyan mchod rten du ma bzhengs pa yis/ /gzungs gzhug 'bul bar
dam chos gling du phyin/ /gzungs gzhug dril ba sogs kyi bkod pa
dang/ /don gnyer can la 'dod

chas skabs sbyar byas/ /legs par grub nas kan chen dgon pa ru/ /song
nas mchod rten sogs la gzungs gzhug dang/ /dgon de'i bla ma chos
mthun bsam sbyor gyis/ /

rtag tu 'tsho ba mkhas btsun mtshan can dang/ /rong bo'i grub dbang
byang chub mi la dang/ /kha kya dbu mdzad la sogs gzhi byes kyi/
/slob dpon rnams la 'dod chos gang

'gro phul/ /snang ba bde zhing dgon par gang ci nas/ /phan 'dogs
dgos tshul zur pa khas kyang blangs/ /sman chog chen mo tshogs pa'i
'don par btsug  /khri chen 'jam

mgon ngag dbang blo rgyam pa/ /gzhung bstan don du bod nas chib
kha bsgyur/ /khri gshog rgyal mo'i 'grom du pheb pa mjal/ /bka' nan
lci bas zhabs phyir 'brangs dgos

byung; ;zad pa'i lo la khu ring pel chir du/ /grags pa'i sa char rje
btsun dam pas gtsos/ /mtsho bdun bla dpon o rod dpon khag gsum/
/gong ma'i mi sna bla ma mi bzang

bcas; ;'tshogs 'du byas par bla dpon ci rigs kyis/ /zhus pa'i 'dod chos
brtsal ba'i phyag g.yog zhus/ /rab byung lo la rgyal khab pe'i cing
du/ /lo gsar smon lam chen

@198a @#/ /mo'i tshogs dbus dang/ /'jam dbyangs gong ma chen po'i mjal
kha la/ /lan gnyis byon pa rnams kyi zhabs phyir 'brangs/ /mjal kha
sngon ? ma'i skabs su

gong ma yis/ /brtse ba chen po'i spyan rgyang legs gzigs te/ /'phran
bu la yang dri ba 'ga' re mdzad/ /kha btags gos chen 'ga' yi gnang
sbyin bstsal/ /rjes ma'i skabs

su tsan dan rngo bo'i drung/ /gong ma'i bka' yis gnas rnying zhabs
drung la/ /dam pa'i chos kyi 'bel gtam bgro gleng phul/ /gong ma
mnyes tshor chen pos mgul dar gnang/ /bdag

dang dbu mdzad gnyis la bsdod dgos pa'i/ /bka' lung pheb kyang da
res dgongs pa khrol/ /rnam byung lo la khri chen de nyid kyi/ /gzugs
sku'i bkod pa chos dbyings chen por bsdus

sems khral che bas rigs pa stong ? na yang/ /sran btsug sku gdung
zhabs tog la sogs pa/ /rang la gang bab g.yo zol med par bsgrub/
/lam du song ba'i mtshan ma'ang 'phran bu

byung; ;dgongs pa rdzogs thabs a mdor bsgrub dgos rnams/ /rdzogs
par zin pa'i rjes su dgon klung gi /rgyal sras zhi ba lha yi gdan sar
bkod/ /khri chen bde bar gshegs

pa de nyid kyi/ /phyag mdzod grwa rgan mang po skyel mar byon/
/phyag mdzod chen mos bla chas gang dgos bsgrigs/ /khri rda ? rnam
bzhag 'gyad bcas legs par btang/ /khri 'don 'bul

bar gzhan nas byung ba'i rta/ /thams cad sgar chen 'degs pa'i khal
rtar phul/ /lo ngo gsum la gsung chos rtsis bzhag dang/ /'grigs lam
sogs la brtson pa chen po bskyed/ /

@198b blo gsal rnams la slob gnyer dmar ba byung/ /de rgyun lo 'ga'
bsring 'dod che na yang/ /lha sde sbyin bdag sogs kyi kha mchu
rnams/ /bla mas gcod rgya byed pa'i srol

'dug cing/ /de rigs ha cang mang bas bsring ma nus/ /dkar po'i lo la
dad stobs bsod nams dpung/ /mngon par mtho ba ta la'i hor tha'i ji/
/'phrad par rma chu'i

'gram gyi sgar thog phyin/ /dpon gyis mnyes tshor bdag rkyen chen
po mdzad/ /tshe chog sgo nas 'chi blu chen po byas/ /tshe dbang brgya
rtsa mgon po'i rjes gnang phul/ /zhal ngo

drung yig gnyis la'ang tshe rta sogs/ /gegs sel rdzes gnang 'ga' zhig
dgongs sbyar byas/ /dpon gyi bka' yis thu med er de ni/ /chos rje
zhing gzhan gshegs

pa'i sku gdung la/ /zhugs phul bdun phrag gcig la 'don pa byas/ /chos
rje gshegs dus thugs dam rnal mar bzhugs/ /rab myos lo la rang gis
ma lcogs par/ /dgon

pa'i khur 'khur bzhag nas dben par bsdad/ /mdo sngags gzhung lugs
rab 'byams smra ba la/ /zla bral dpal ldan rgya mtsho khri bar bskos/
/dpon rgan bsnyun bab lci bas bos

par phyin/ /rnam rgyal la sogs rjes gnang 'ga' zhig phul/ /gshegs nas
dung thod can gyis tshangs pa la/ /bka' bsgos dam bzhag mdzad pa'i
la mo ba/ /bsod nams

rgyal mtshan zhes bya'i rtul shugs can/ /gang de'i sprul sku rim
brgyud bstan 'gro yi/ /dpal mgon la mo zhabs drung red ? cag gnyis/
/lhan du bdun phrag gcig la gsang

@199a @#/ /'dus kyi/ /cho ga smon lam la sogs gang 'grub bton/ /khri
chen 'jam mgon mchog gi sprul sku yi/ /gsung sgros mdzad cing
nang sbyar snyan du phul/ /sku

bdung sbyin sreg byas te zhal ngo la/ /bskang gso la sogs sku rim
'ga' zhig dang/ /rkyen sel rjes gnang khrus sogs dgongs sbyar byas/
/dpon mo ma ga ta dang tshe

brtan rgyal/ /yum sras rnams la gegs sel rjes gnang byas/ /skyes bdag
la la bka' 'gyur mtshal dpar ma/ /rab gnas byas te dgon pa spyi sor
phul/ /

g.yon rus dpon po phun tshogs dbang phyug gi /sras mo 'das sar
phyin nas smon lam btab/ /dpon la sku tshe sring dang gegs sel gyi/
/rjes gnang 'ga' zhig bzhed pa

ji bzhin phul/ /ang gi ra la phyogs nas pheb pa dang/ /gzhir gnas bla
ma khri chen dpal ldan pa/ /sum b+ha zhabs drung mchod rten thang
zhes pa'i/ /dgon pa'i bla zur

b+ha ? ju sems nyi yi/ /bla zur gnyis dang kan chen bla ma dang/ /bla
ma sgom zhi ba yan thang gsum gyi/ /ar rgya dgon dang sha rdzod
bla ma gnyis/ /sgom chen nu gu pa dang

sbral nag pa/ /sngad ri'i bla ma sku skyes ka rab 'byams/ /grub sde
dgon pa mang po'i grwa ba bcas/ /dge 'dun tshogs pa nyis stong lhag
pa la/ /'phreng ba kri ya sprag

pa'i dkyil 'khor che/ /zhe lnga'i dbang rnams dmigs pa dka' na yang/
/'don pa phyag len sla bcos ma yin pa'i/ /yig cha mthong brgyud ji lta
ba bzhin du/ /

@199b skabs sbyar bshad pas brgyan te legs par phul/ /zhabs drung
dkar po'i phyogs su khri chen gyi/ /sprul sku'i 'phros pa 'dug pas lta
rtog la/ /zhabs drung dpon g.yog rnams

la zhu yig dang/ /bcas te chos rje don 'grub rgya mtsho btang/ /a
mdor slob nas snga phyi ci rigs par/ /nang rig mdo sngags gnyis la
legs sbyangs te/ /mkhas pa'i

mchog gyur bde chen dpon slob dang/ /dbu phar 'dul mngon rnams
kyi rig pa'i lam/ /smra ba'i dbang phyug chos skyong rgya mtsho dang/
/sgra dang snyan ngag nang don rig pa la/ /legs

par sbyangs pa'i blo bzang 'od zer dang/ /nang don rig par nang
byan legs tshud cing/ /sgrub la brtson pa'i blo bzang dar rgyas sogs/
/phyogs nas byon pa'i mkhas grub

mang po dang/ /dgon de'i bla ma rdo ba chos rje dang/ /sum b+ha
zhabs drung la sogs sku skyes dang/ /ri dgon gnyis kyi ka bcu rab
'byams sogs/ /don gnyer can la

gsang bde 'jigs gsum sogs/ /dbang khrid lam khrid lta khrid phyag
chen khrid/ /'jam dbyangs chos skor sogs kyi rjes gnang rigs/ /mdo
sngags lam rim

sogs kyi klag lung sogs/ /so so'i 'dod chos dgongs bzhed bzhin du
phul/ /rab byung dge tshul bsnyen rdzogs mang du bsgrub/ /dkyil
'khor mchod rten bri thig

mang por bslab/ /dpal gdong lo la rgyal sras rin po che/ /pheb skabs
bla spyi so sor mdzad 'dug kyang/ /yun rin ma lon gcig tu bsgril 'dug
pa/ /kha mchu gcod rgya

@200a @#/ /la sogs 'jig rten gyi/ /bya byed thams cad bla mas khur bzhes
na/ /'chad nyan sogs la gnod cing nus dga' ba'i/ /bla ma grwa ba
thams cad ?

bsdur nas/ /zhal 'cham mthun grub ngos nas 'jig rten gyi/ /bya byed
thams cad spyi so'i gnyer ba yis/ /'khur par byas te gnyer ba logs su
bskos/ /dgon pa'i lugs

zung bya byed ji snyed pa/ /thams cad gsal bar 'khod pa'i bca' yig
bzos/ /'jam dbyangs gong mas ched du mngag pa yi/ /rdo rje bla ma
sun shi jar gu chi/ /yig mkhan ho

shang zer ba rnams sleb te/ /gong ma chen po'i drung du 'ong dgos
pa'i/ /gong ma'i bka' lung rab tu lci ba phab/ /nged dang dgon pa'i bla
ma grwa ba'i sems/ /blong por gyur kyang

gyen du bzlogs ma nus/ /dam chos gling du dpon slob mjal bar
phyin/ /rjes gnang zab chos 'ga' dang gang ci yi/ /slab ston nang
sbyar zhib rgyas legs par bstsal/ /

de bzhin chu bzang sprul sku rin po ches/ /'gro 'dug sogs kyi gsung
gleng gang rgyas gnang/ /lugs zung mkhyen pa'i mnga' bdag lhag
bsam can/ /lnga mchod nang sos kyang

ni rgyas par mdzad/ /gsan rgya che zhing sgrub pa nyams len la/
/gcig tu brtson pa'i kun dga' rgya mtsho ba/ /khri bar bskos shing
bshad nyan mdzad tshul sogs/ /gang ci'i

mdzad sgo rang gi gang shes kyis/ /bla ma grwa bcas tshogs par zhib
rgyas zhus/ /bla ma 'di yis 'grigs dang chos grwa la/ /zhus pa ji bzhin
khur bzhes mdzad par snang/

@200b bdag gis gzhi su dge slong bkras rgyam pa/ /bzhag nas bya byed
gang ci'i bgod pa byas/ /'dis kyang gang lab thams cad tshul mthun
bsgrub/ /tshogs pas ring 'tsho'i rten

'brel legs par bsgrigs/ /zla bo sum b+ha zhabs drung rin po ches/ /gtso
mdzad ka bcu rab 'byams mang po dang/ /grwa bcas byams pa gling
nas thon pa'i nyin/ /khri zur gnyis

dang dge 'dun tshogs pa dang/ /chos skyong khog zhugs rnams kyis
bskyel ma mdzad/ /thams cad 'phreng bzhin gang myur 'khor ba yi/
/rten 'brel gang legs bsgrigs shing

spyi gnyer dang/ /stag phyug chos rje sogs kyis zhag 'ga' bskyal/
/chos rjer khri chen sprul sku ngos 'dzin gyi/ /yo byad zhu yig dang
bcas zhabs drung gi /drung du 'gro ba'i

bkod pa zhib rgyas byas/ /rim gyis bgrod pa pho brang nye 'khor du/
/sleb nyin pho brang nang gi tA bla ma/ /thams cad btang nas bsu ba
byed du bcug  /phyi nyin lha'i skyed tshal sar

'phos pa/ /lta bu'i chang shu yon zhes bya ba yi/ /skyed tshal mchog
der brtan pa'i 'khor lo gang/ /mi yi zlos gar legs bsgyur sa'i tshangs
pa/ /brgya byin gyis kyang bzod

dka'i gzi brjid can/ /gnam sa'i dbang phyug gong ma chen por mjal/
/khyod ni yon tan che zhes thos pa yis/ /'bod du btang bar 'ong ba
legs zhes bstsal/ /mtshan nyid

phyogs la slob gnyer 'phran bu tsam/ /byas kyang yon tan che ba ma
lob cing/ /gzhan ma sman rtsis la sogs rigs gnas dang/ /char ba 'beb
gcod rdzas sngags la

@201a @#/ /sogs kyis/ /phan 'dog nus pa'i thabs dang gdams ngag sogs/
/gang yang ma slab ci yang shes min kyang/ /bdag po'i 'ong dgos zhes
pa'i

bka' lci ba/ /phab bas bzlogs par ma nus 'ong zhes zhus/ /gong ma'i
lung gis rgyal khab pe'i cing gi /btsun pa rnams la bslab bya legs
slob pa'i/ /ja sag gtso

bo lung las kyis mtho ba/ /mer gen chos rje chos 'byor rab 'byams pa/
/cha han zhabs drung shar kha zhabs drung sogs/ /bla ma rnams kyis
gzhi len slab ston sogs/ /bdag

rkyen grogs ngan bla na med pa mdzad/ /tsha ba'i rkyen gyis 'khru
nad drag po zhig  /byung bar grwa ba mang mas sku rim dang/ /sum
b+ha zhabs drung ka bcu shes ngar ba/ /tshul khrims

dpal bzang bkra shis rgyal mtshan rnams/ /'khris su bsdad nas mtshan
la thun byas te/ /nad g.yog 'phrod rten byas nas nad las grol/ /ka
ram thams cad bla ma'i grwar

bzhag cing/ /ded dang zhabs drung bla ma che gru ru/ /bzhag nas
bdag rkyen bla na med pa mdzad/ /ded kyi khang par pheb nas lha
phyag mdzad/ /cung zad bzhugs nas bdag gi

grwa ba tshor/ /'don pa 'don ru bcug nas gzigs rtog gnang/ /phar tshur
pheb tshe bdag gi gru mo nas/ /bskyor te mnyam por gshib nas pheb pa
sogs/ /shin du brtse ba'i

stang ka legs par mdzad/ /dngos po'i lo la phyi log bsi las ru/ /song
ba 'gab cos su rug steng la phyin/ /dbyar ka tsha ba'i ring la der bsdad
cing/ /dad ldan

@201b rnams la chos sbyin 'dod sbyar byas/ /ston ka gong ma ri dwags
sar pheb pa'i/ /zhabs phyir phyin dus lhar bcas 'gro ba'i mgon/ /rnal
'byor dbang phyug rje btsun dam pa byon/ /

pheb bsur phyin skabs chos kyi bka' 'dri gnang/ /gang shes lan phul
shin du mnyes mnyes mdzad/ /sman bla gnyis pa nyi thang sprul sku
pheb/ /rgyal dbang mchog gi yi dam

sgrub skor sogs/ /chos tshan 'ga' dang sman gyi rgyud bzhi'i lung/
/mnyan nas chos kyi 'brel ba legs par zhus/ /na tshod ldan dang 'dzin
byed lo gnyis kyi/ /dbyar ga gong ma chen

pos shar ka ru/ /bsil khang phug nas de ru bcug ? bcug ste/ /tsha bas
gdung ba'i sdug bsngal che las bskyab/ /dngos po'i lo sogs bgrang
bya bcu yi ring/ /pe'i cing nang gi

btsun pa'i khrims kyi bdag  /lugs zung gnyis la mkhyen pa'i spyan
ldan pa/ /ja sag bla ma chos 'byor rab 'byams pa/ /la sogs bla ma dge
'dun dpon dpon mo/ /dge bsnyen

dge bsnyen ma dang bag shi sogs/ /don gnyer can gyi btsun skya
mang po dang/ /phyi nas byon la'i bstan 'gro'i dpal mgon che/ /sngags
dang sman la sbyangs pa mthar phyin pa'i/ /gsang

sngags sdong po mkhan po paNTi ta/ /phyi nang rigs gnas mdo sngags
thams cad la/ /thos bsam mthar phyin dza ya paNTi ta/ /bka' 'gyur hor
gyi skad du bsgyur ba sogs/ /skye ba du

mar bstan dang 'gro ba'i don/ /rlabs chen mdzad pa mkhar sngon shi
re thu/ /blo bzang rgyal ba gnyis pa'i bstan pa mchog /byang gi
phyogs su spel la zla bral zhing/ /mkhyen

@202a @#/ /ba'i mnga' bdag tho yon hu thog thu/ /bde thang sprul sku
grub chen shi re thu'i/ /sku tsha chos rjes blo bzang rgyal mtshan pa/
/mnydzu ? shri ri'i rgyal tshab shi re

thu; ;rab 'byams smra ba ngag dbang 'phrin las dang/ /ram 'byams
chos rje ngag dbang bsod nams dang/ /sdom brtson rig smra ka chen
bka' 'gyur pa/ /rab 'byams smra

ba ngag dbang bstan 'dzin dang/ /smra ba'i dbang po blo bzang tshul
khrims dang/ /smon lam rab 'byams bstan 'dzin grags pa sogs/ /thos
bsam mtshan btags tshad

ldan legs mdzad pa'i/ /ka ram dge bshes tshul ldan dge tshul slong/
/bslab gsum sde snod 'dzin pa mang po dang/ /hor chin dar han
ching dbang har chin gyi/ /bkra shis

dbang dang u ji me chi yi/ /se chin ching dbang o han rgya mtsho
dbang/ /ne'i man ban de dbang dang hal ha yi/ /ho sho'i ching dbang
don grub e phu dbang/ /so nyid mgon sung

dbang dang ho'i ched kyi/ /d+ha rma gi rti dbang dang hor chin gyi/
/ta'i phu dbang dang be sud phun tshogs dbang/ /man ju thob chen
dbang dang ur du su'i/ /don grub dbang dang o

dod ? rab brtan dbang/ /la sogs dpon po che chung mang po dang/
/pa' rin gong jo rgan gzhon rnam pa gnyis/ /hor chin ngar han
dbang gi gong jo dang/ /hal ha gong jo

thob chen ching dbang gi /yum dang u je me chi'i dbang gi yum/ /la
sogs dpon mo che chung mi bzang dang/ /rab byung mi skya shin du
mang po la/ /gsang bde 'jigs

@202b gsum dgyes rdor sogs kyi dbang/ /sgrubs thabs brgya rgyam
sogs kyi rjes gnang rigs/ /khrid lung mang po so so'i 'dod pa sbyar/
/dge bsnyen rab byung bsnyen rdzogs mang

du bsgrub/ /dbang phyug lo la bod du mi snar mngags/ /mkhar sngon
ja sags e mchi bla ma'i rtsar/ /zhag 'ga' bsdad cing khong bar rkyen
sel gyi/ /rjes gnang 'ga' byas

bsnyen rdzogs 'ga' zhig bsgrub/ /dza ya paNTi Ta yis lha khang dang/
/dgon pa gsar du bzhed grab byad pa'i sar/ /song nas lha bsar btang
zhing me tog gtor/ /bsu

skyel ston mo rdzong ba la sogs gzab/ /gnam bskos gong ma chen po
nying sha nas/ /tshur la yi khe u lum zhas pa'i sar/ /pheb bar mjal
zhing rgyal dbang mchog gi skor/ /bka'

'dri rgyas par gnang ba'i pheb lan zhus/ /khri shog rgyal mo'i dpon
po tha'i ji rnams/ /'ong 'dug skor sogs slab ston nang sbyar brtsal/
/ta'i thung zam khar byams gling spyi

sger gyi/ /gnyer ba la sogs bsu mi mang du 'byor/ /se ra lung gi smon
lam 'tshogs pa'i sar/ /bos nas gzhi len ston mo rten 'brel bsgrigs/ /a
kya dgon gyi ka bcu rnam

gnyis kyis/ /ston mo gzab cing rtan la me tog gtor/ /bkra shis chos
gling bla ma bzang dar ba/ /grwa bcas lam khar pheb nas ser spreng
dang/ /gdugs dang rol mo sogs

kyi bsu ba dang/ /gzhi len gzab cing chos kyi 'brel ba byas/ /dgon
klung bla ma khri ba sku skyes dang/ /ka ram shin du mang po
'phrang thon pa'i/ /zam khar bsu ba ston mo rgyas

@203a @#/ /pa btang/ /gzhi byes thams cad spro ba shin du 'phel/ /zi ling
mkhar du rdo rje bla ma sogs/ /mi bzang rnams dang gsung gling
rgyas pa byung/ /rdo rje

bla ma ja sag bla ma dang/ /gdugs dkar ho sho'u e jin jar gu chi/ /er
gam dang zi ling to 'u gon bcas/ /nged cag dgon klung byams pa
gling du phyin/ /rta bsu le tshan

ser spreng la sogs pa'i/ /bsu ba ston mo gzhi len gzab rgyas mdzad/
/gong mas gnang ba'i dgon klung lha khang mtshan/ /rgyal srid sna
bdun bkra shis rtags brgyad sogs/ /

gos chen gzhi la tshim grub gong sham gnyis/ /bzang po'i gos dang
ling gis byas pa chu ? / /bskad rdzas cha tshang gos bzang gzhi ma la/
/tshim grub byas pa leng tshe bco lnga yi/ /

gong ba gsham bu la sogs gos bzang gis/ /byas pa bzo legs dngul dam
dngul phor dang/ /chos skyong chen por gos bzang na bza' cha/
/gser skye ma bzhes snod dngul

por la sogs pa/ /mchod rdzas bzang po'i skyes ma sna tshogs phul/ /ri
dgon tshogs pa kun la mang 'gyed btang/ /dam chos gling dang chu
bzang sprul sku'i dgon/ /kan chen

dgon dang mchod rten thang gi dgon/ /sems nyi dgon dang ta'i
thung dgon pa gnyis/ /bkra shis chos gling dang ni bsam gtan rtse/
/'brug lung dgon dang pa' ju thang ring

gnyis/ /gro tshang sku 'bum mdo mkhar bya khyud dang/ /bde chen
chos gling la sogs dgon pa dang/ /gru bsde mang por mang ja 'gyed
bcas bskur/ /snga sor rdo rje bla ma mi bzang

@203b bcas; ;mtsho sngon phyogs su song pa'i mi sna tshor/ /pA thur
tha'i ji la sogs dpon po 'ga'i/ /gong ma'i drung du 'ong bar thag bcad
pa/ /rjes sor 'tshogs 'dus sa ru blo log

nas; ;da ni 'gro rgyu min zhes zi ling du/ /bang chen btang nas mi
bzang tsho la lab/ /ded tsho zi ling mkhar nas phar thon te/ /lcags ri'i
phyi ru sleb pa'i nam gong la/ /rdo rje bla ma

la sogs mi bzang gis/ /btang ba'i tshe ring zeng ba'i yig mkhan slob/
/mtsho kha'i dpon po rnams kyis 'di bzhin zer/ /khong tsho ma 'thor
gong la khyod phyin nas/ /dpon po

rnams la da dud 'gro dgos tshul/ /lab nas 'gro ba'i thabs shig e thub
ltos/ /zer bas de phral nam la brel bor phyin/ /'tshogs 'dus sa na byams
gling mkhan po dang/ /

gsol dpon sngags ram dpon po che kha rnams/ /'tshogs sar ja sag bla
ma ded gnyis phyin/ /khyed cag 'gro par snga sor thag bcad de/ /da
ni mi 'gro zer ba'i rgyu mtshan ci/ /

song na bdag rkyen 'ong zhing ma song na/ /bka' bkyon 'ong bas phyi
ma 'dod min nam/ /smra ba'i lan du rgyal dbang rin po che'i/ /sku
'tshams 'grol nas mjal kha myur ba ru/ /

'ong skang 'dug pas nged tsho de la 'gro/ /nged tshor la ni mjal ka gal
che zer/ /mjal kha 'ong zhes snga sor 'gro zer dus/ /thos pa min nam
de dus mjal ka las/ /gong ma'i

drung du 'gro ba gal che la/ /da ni de las ldog pa'i rgyu mtshan ci/
/zhes sogs phar tshur mang du lab pa'i mthar/ /song na bdag rgyen
'ong zhes zer na yang/ /skal ldan rdo rje panytsa ?

@204a @#/ /raksha ? yi/ /phyogs nas skad ca yid mi che ba byung/ /de bas
ded tshe dogs pa za zhes zer/ /'jam dbyangs gong ma'i dgongs pa phra
zhib gzhan/ /blun rmongs

ded tsho lta bus ci la go /da re'i khyod tsho sod na skyon med par/
/bdag rkyen 'ong pa'i khag khyag bdag gis thub/ /dgon mchog dpang
du bzhag nas lab pa yin/ /zhes sogs

smras pas da ni khyod kyi tshig /bden par bzung nas ded tsho 'gro zhes
zer/ /zi ling la yang de bzhin zer mi btad/ /de nas ded tsho rim gyis yar
la btegs/ /rgyal dbang drug pa

gnas mchog po ta lar/ /gsar du pheb nyin gong ma'i gser yig dang/
/rten chas phul rjes zhal dkar rdo dril sogs/ /ka ca 'ga' zhig ma
gtogs phal che ba/ /gser

dngul gos dar kha btags bzang po la/ /gzhi byas thog mar legs 'bul
ngos gtsang phul/ /bar du zhabs brtan chan mar grags pa yi/ /tshags
'khor theb dang na

bza' skor bcas dang/ /'bul ba rnam bzhag 'gyed sogs ngos gtsang
dang/ /na bza' sku per bzhugs gdan snye 'bol rnams/ /gos chen bzang
por gsar bzos brtan

bzhugs skabs/ /sku la na bcing zhabs 'og bting ba dang/ /rgyab la
bsnyol mar bzhags pas yid rab tshim/ /rjes sor lha sa'i 'khyam grwa
chen mo ru/ /pheb nas bzhugs

gral chen mo bsgrigs po'i skabs/ /gser gyi maNDal ri rab rin chen
bdun/ /sogs kyis spras pas gtso byas ngos gtsang phul/ /thog mar
mjal rten ra du zhabs brtan

@204b dang; ;rjes sor 'ong khar 'bul ba'i 'tshams sbyor rnams/ /rten
'brel gang legs gang 'byor ngos nas bsgrigs/ /ston mo zhabs brtan
sogs kyi bzhugs gral la/

gsum lhag bcu phrag zung la phyin te mjal/ /paN chen mchog la
gong ma'i gser yig dang/ /rten chas mchod rdzas gser dngul gos dar
sogs/ /'bul ba ngos gtsang phul

zhing lan lnga mjal /tshe dbang 'jam lugs grub rgyal lugs gnyis
dang/ /mgon chos lha mo'i rjes gnang rgyal dbang gi /'khrungs rab
gsol 'debs nyid kyi ljags brtsom

ma; ;sogs kyi lung bcas gsung gi bdud rtsi myong/ /rgyal dbang lnga
pa chen po'i thugs sras mchog /rig 'dzin chen po 'jam dbyangs grags
pa las/ /rgyal dbang

mchog gi gsung 'bum rgya can gyi/ /nang nas rta zhal yid bzhin rgya
can zhus/ /rdo rje 'dzin pa dkon mchog rgyal mtshan gyi/ /sbrul pa'i
sku mchog mjal zhing phyag rten phul//

sras rgyud pa dang sngags chen rnams gnyis kyi/ /sprul ba'i sku la
mjal rten zhu yig bskur/ /drung ba gzhon pa'i nang rten bzhengs pa
la/ /zhal 'debs dpon tshang chos

rgyam pa la sprang/ /chos sde chen po dpal ldan 'bras spungs la/
/nyin bde kha btags 'dom 'khor legs pa dang/ /man kha ri'i 'kyed dang
'chad nyan gyi/ /gra tshang bzhi

la byang dar dmar po yi/ /kha 'gyed btang zhing sgo mang grwa
tshang la/ /dngul zho ngo re'i 'gyed dang grwa tshang la/ /rdo rje
gsang lam ma yi bla re phul/ /se ra dga' ldan

@205a @#/ /gnyis dang rgyud pa gnyis/ /bkra shis lhun po ra sgreng
bkras ljong sogs/ /grwa sa grwa tshang du mar mang 'gyed btang/ /jo
sha ka gnyis sogs lha sa po ta

la'i; ;sku brnyan rnams la gser chab snyan shal dang/ /mchod pa sna
lnga phul zhing po ta la'i/ /gser gdung chen mor snyan zhal spos
phor dang/ /dam pe me tog bcas pa khyad

'phags phul/ /bkras lhun ma gtogs gong gi grwa sa dang/ /grwa tshang
rten sum rnams la legs par mjal/ /rgyal sras de nyid kyi na sku
gdung la/ /bla re phan dang spos phor me

dam sogs/ /mchod rdzas spus gtsang bla mar 'bul ba dang/ /tshogs par
mang rda? 'gyeng bcas rgyun ja'i thebs/ /a khus sprul sku dpon po
rab 'byams par/ /phul zhing tshur

la'ang bdag rkyen gzab rgyas mdzad/ /sprul pa'i bstan skyong gnas
chung tshos? rgyal dang/ /tshangs pa dung thod can gnyis sku pheb
zhus/ /snyan shal 'jal rten phul zhing dgyes pa

yi; ;rnam 'gyur mdzad nas nang sbyar srung brten bstsal/ /mkhas
grub dbang phyug bla ma ngag dbang pa/ /sras rgyud spen ser chos
sding khyung tshang gi /bla ma rnams dang dpal

ldan smad rgyud pa'i/ /bla ma dbu mdzad ser 'bras rgyud pa yi/ /don
gnyer can gyi dge bshes du ma la/ /rang gi brtsam chos thor bu la
sogs pa'i/ /chos tshan 'ga' re'i

klag lung ci rigs phul/ /'bru mang po yi lo gsar tshes gcig la/ /rgyal
dbang mchog gis 'dod khams dbang phyug mar/ /kun bzang mchod
gtor 'bul ba'i gral du phyin

@205b rgyal dbang mchog nyid lha sa'i rten mjal la/ /pheb pa'i zhabs
phyir phyin te 'jal kha dang/ /smon lam lhan du 'debs pa'i skal bzang
myong/ /'jam dbyangs gong mchen

por bkur bzos kyis/ /'phran bur mkhan chen gral dang ston mo dang/
/thugs dam bka' bsgo gsung mjal la sogs pa/ /gzos sgo bdag rkyen bla
na med pa bstsal/ /

phyir lam bka' gdams bstan pa'i 'byung gnas che/ /dpal gyi ra sgreng
rten mjal zhib par byas/ /phar tshur gnyis kar bla ma dkon mchog
dang/ /gong ma'i thugs rjes byang

lam bde bar bgrod/ /byams pa gling gi spyi sger gnyer pa yis/ /sman
chu nas bsus bri ling mkhar du sleb/ /'jam dbyangs gtsang ba bdun
rgyud nang mtshan gyi/ /nges pa don

gyi mkhas grub ba so rje'i/ /sprul pa'i sku mchog rje drung rin po che/
/dbang phyogs phebs pa mjal zhing pheb skyel zhus/ /de nas 'jam mgon
khri chen de nyid kyi/ /sprul sku

mjal par mang ra'i gzhung du phyin/ /zhabs drung no min han dang
sprul sku mjal/ /bde chen dpon slob ched gnyer da ru pheb/ /khong
gi chib pa bzang po nged la byin/ /no

min han dang dpon slob nang so bcas/ /sprul sku'i skor gyi gsung
gling zhib par byung/ /mthong bzos gzhi len rdzong ba bzang po
mdzad/ /bde chen dpon slob sngags ram

'jam dbyangs gnyis/ /zhag po gcig gi sa char skyel ma mdzad/ /pa'
thung tha'i ji gong ma legs mjal te/ /dbang gi lung las dang bcas yar
'ong pa/ /bri ling mkhar

@206a @#/ /du ded cag 'phrad pa'i tshe/ /khyed kyi tshig la mnyan nas song
ba yis/ /gong ma'i bdag rkyen ci dang mi 'dra mdzad/ /nged tshor dga'
tshor dpag med byung

zhes zer/ /snga sor gong ma'i slab ston nang sbyar dang/ /rjes sor
khong chor lab dgos byung ba dang/ /ba' thur tha'i ji'i tshig la dpag
pa na/ /gong ma 'jam dbyangs nyid du

nges shes 'drongs/ /dam chos glir du yongs 'dzin mjal par phyin/
/dpon chung spyi gnyer sogs kyis bsu ba byas/ /mjal kha zhus shing
slab ston nang sbyar dang/ /lha mo'i

rjes gnang la sogs zab chos 'ga'/ /bstsal shing dpon slob 'bral mi
phod pa byung/ /bla brang spyi so sa gzhi len gzab rgyas mdzad/
/dgon de'i mtshan nyid sngags pa'i

'chad nyen gyi/ /bla ma gnyis sogs grwa rgan thams cad dang/ /lugs
zung gleng mo shin du rgyas pa'i ngos/ /sdod yun thung pas mtshi ma
dga' spro che/ /dgon klung dga'

ldan byams pa gling du phyin/ /dpon slob khri zur gnyis dang tshogs
pa mjal/ /bla ma gnyis dang dgon pa ri khrod kyi/ /grwa ba don gnyer
can la rjes gnang dang/ /klag lung

ci rigs thugs bzhed ltar du phul/ /rab byung dge tshul bsnyen rdzogs
kha shas sgrub/ /chos grwar rigs lung mdzad dus theng gsum phyin/
/grwa pas rigs lung mdzad par lta

rtog byas/ /snga sor chos grwa 'grim pa'i bag chags kyis/ /rig pa dngas
shing dga' dang spro ba 'phel/ /'di 'drar sdod rgyu byung na snyan
pa yi/ /yid smon shor zhing skyo ba'ang

@206b cung zad skyes/ /dpon slob tshogs pa kun kyis 'du khang gi /chos
khri'i steng du ring 'tsho'i rten 'brel bsgrigs/ /sku 'bum byams pa gling
gi smon lam la/ /ja sag bla ma

mi bzang a nan ta/ /car gu chi dang yig mkhan 'ga' zhig bcas/ /mjal
bar phyin dus bla brang phyag mdzod dang/ /spyi so'i rge rgan zhing
skyong nang so dang/ /rgyud pa'i

phyag mdzod sogs kyi rta bsu dang/ /ser sbreng gdugs dang rgyal
mtshan rol mo'i sogs/ /rgyas pas bsus shing rgyal ba byams mgon gyi/
/gos sku bkram par

mjal te khri thog pa/ /sprul pa'i sku yang bzhengs nas bsu ba mdzad/
/de nas khri la mnyam por lhan du bsdad/ /chos sde'i chos skyong
chen po sku pheb pas/ /kha btags

gnang zhing gus pa'i rnam 'gyur mdzad/ /spyan 'dren khrus gsol
mchod 'bul rgyas pa rnams/ /grub nas dge 'dun mang dang skya
tshogs kyis/ /byin brlab zhus par 'tshang

kha shin du che/ /chos skyong chen po a nan ta sogs kyis/ /rim par
bshar pa'i 'tshams 'dzin byed dgos byung/ /bla brang gnyis dang spyi so
zhing skyong gis/ /bdag rkyen

ston mo gzhi len gzab rgyas mdzad/ /stag phyug chos rje'i gzhi mar
khri chen gyi/ /sku gsung thugs rten rnams la mjal bar phyin/ /chos
rjes ja sag bla ma mi bzang rnams/ /

thams cad pos te ston mo rgyas pa btang/ /chu bzang sprul pa'i sku
dang gang ci yi/ /gsung gling nang sbyar zhib la rgyas pa byung/
/grub dbang ka chen blo bzang dar rgyas kyis/

@207a @#/ /gtso mdzad ri dgon grwa pa kha shas la/ /klags lung ci
rigs thugs bzhed ltar du phul/ /'ong tshe sprul ba'i skus kyang
skyel thung mdzad/ /rab gsal kha

ru pheb nas rgyun ring gzigs/ /grub dbang ka chen pa dang phyag
mdzod dang/ /rge rgan nang so la sogs skyel mar byon/ /ka chen pa
yi gang ci'i 'phros 'os mdzad/ /zi ling mkhar

du sdod skabs rong bo yi/ /nu gu grub chen brag dkar sngags ram pa/
/dge slong chos grags ka chen tshul rgyam sogs/ /grub pa'i rgyal
mtshan 'dzin pa mang po dang/ /grwa

sa'i grwa pa rgan gzhon sna tshogs la/ /so so'i dgongs sbyar chos
tshan ci rigs phul/ /sku tshe mang por mkhas grub rim brgyud pa'i/ /de
mo sprul sku bod nas pheb 'phral la/ /mjal

zhing phyag phyi zhus nas rim par bgrod/ /se ra lung gi bla ma ngag
bkras bas/ /bsu pa gzhi len gzab cing ta'i thung dgon/ /che pa'i bla ma
sems nyi sprul sku yis/ /grong lang

bar bskyel de ru khong ba dang/ /thur chen bla ma ldan ma sprul
pa'i sku/ /sems nyi bla ma tob tshang chos rje dang/ /sems nyi nang so
la sogs kha shas la/ /tshe dbang la sogs

rjes gnang 'ga' zhig phul/ /bri khung nang so bzang po rgyal mtshan
gyis/ /dgon pa gsar du btab par me tog 'thor/ /btsun skya mang por
chos kyi 'brel ba byas/ /gzhi

len la sogs gya nom rgyas pa mdzad/ /nying shar de mo sprul skur
chos 'grel zhus/ /'ur du sur yang chos sbyin skabs sbyar byas/ /srol
la mi sna phyogs nas 'khor ba'i tshe/ /

@207b gong mar gar bzhugs sa der 'gro dgos kyang/ /'di lo gong ma
u 'u la zhes bya ba'i/ /zla gcig lhag par bgrong dgos sa char pheb/
/khong gi rjes las thag ring po ru/ /'ong

mi dgos zhes brtse bas mi bzang mngag /mkhar sngon sleb nas
bsnyen rdzogs kha shas bsgrub/ /'dod chos thor bu'i khrags lung
'ga' re byas/ /bstan 'gro'i dpal

mgon dza ya paNDi tas/ /gong ma'i zhabs brtan ched du lha khang
dang/ /rten gsum mang du bzhengs par bgegs skrad dang/ /spyan
dbye'i cho gas me tog char du phab/ /bstan

'gro'i don du smon lam rlabs po che/ /theg pa'i skyes bur go ste
phyogs gang du/ /pheb kyang rten bzhengs chos sbyin zab bshes sogs/
/bstan 'gro'i bya ba gong du 'phel phyir ro/

bsten pa'i dam tshig rdzas mchog rtor dril sbyin/ /rjes gnang 'ga' zhig
dgongs par sbyar te phul/ /'gro ba'i mgon po sprul sku shi ri thus/
/bsu ba gzhi len gzab la rgyas

pa mdzad/ /gong ma chen por mjal zhing sde srid la/ /mjal ba'i rang
gi nyis pas khrim 'gal gyi/ /chad par bla ma'i gral nas phud de bzhag
/zla bo ja sag mug dun zhes par

brdzangs/ /myos ldan lo gsar tshes la gong ma yis/ /zhabs drung sum
b+har kha btags che legs bskur/ /'tshams 'dri gyis zhes khong pa ched
du dngag /nyi ma shar rjes

tsan dan jo bor phyin/ /kha btags sku brnyan 'phreng ba spos rnams
phul/ /bzhes nas dgyes ngos slar yang kha rag gnang/ /gong mas
sngar nas bdag rkyen che na yang/ /nges

@208a @#/ /par thugs rjes gzigs pa de yis 'khum/ /ja sag red gnyis khrim
'gal 'dra ba la/ /da ni mug dun sa char ma btang zhing/ /chad pa
phog nas zla

gcig lhag tsam zhig /song 'phral gong ma nyid kyis kha tags dang/
/'tshams 'dri gnang ba nges par brtse las ci/ /'di 'dra bsam tshe lhag par
dad zhen skye/ /rigs

gsum mgon po'i sku brnyan khyad 'phags pa/ /gong ma rang gis ljags
bkod mdzad de bzhengs/ /de yi gzungs gzhug bsgril ba'i do dam par/
/gong ma chen pos bdag

rkyin ngos nas bzhag /zla ba kha shas song nas da ni khyod/ /bla ma
che kha'i gral la sngar bzhin du/ /'gro 'dug spyod lam bla sems bde
mor gyis/ /nga yi sems la ci yang 'dzin

mi byed/ /khyod la bdag rkyen byas na'ang khyod kyi rog /mug dun
sa char bzhag na da dung yang/ /khyod rang blo sems bde mo mi
'ong bas/ /de nas blangs te mkhar sngon shi

re thu'i/ /rtsa ru 'jog ces bka' lung bzang po yis/ /nged  rang rog bcas
dga' bde'i dpal la bkod/ /dpa' bo'i lo la dgon klung chos sde cher/
/cho 'phrul smon

lam chen mo gtong theb bskur/ /gong mas bzhengs pa'i rigs gsum
mgon po'i sku/ /'jam dbyangs gnas mchog ri bo rtse lnga ru/ /spyan
drangs gzungs gzhug 'bul

dang rab gnas la/ /gong mas mngag pa ji bzhin rtse lnga ru/ /song
nas de rnams bsgrub cing gnas mjal la/ /phyin dus ya mtshan 'ja' 'od
sna tshogs mthong/ /gnas

@208b la dad dang nyams dga'i snang ba shar/ /bod btsun ho shang
kun dang phyogs de yi/ /pho mo rgan byis khri phrag nye ba la/
/mchod sbyin phyas shing smon lam gral mgor bsdad/ /phyag

mchod gsol 'debs smon lam gang nus bsgrub/ /shi hu chon zhes bya
ba'i bla ma dang/ /gnas de'i grwa pa don gnyer can mang por/ /dbang
dang rjes gnang klags lung 'ga'

zhig phul/ /rab byung dge tshul bsnyen rdzogs kha shas bsgrub/ /zla
ba gsum gyi bar du gnas 'brel byas/ /chang shu yon du lha khang
rten sum rnams/ /gsar du bzhengs

par bdag gis gtso byas te/ /bla ma mang pos rab gnas rgyas par byas/
/dgyes tshor chen pos zhal lta gnang sbyin bstsal/ /khyu mchog lo
la har chin gyi gung/ /byams pa bkra

shis zhes pas gong ma yi/ /zhabs brtan ched du rten bzhengs mang
po zhig /mdzad pa'i gzungs gzhug rab gnas byed pa por/ /gong mar
zhus te bos pa'i sar phyin te/ /

de rnams bsgrub cing kung gis gtso byas pa'i/ /yul de'i dpon po dpon
ma mi bzang dang/ /bla ma btsun skya sde mang thams cad la/ /dbang
khrid lung dang dge bsnyen rab byung

sogs/ /gang la gang dgos so so'i 'dong sbyar byas/ /bkra shis dbang
gis rten sum rab gnas la/ /'bod mi btang ba bzhin du der phyin nas/
/tshe dpag med kyi gser

sku brgya rtsa sogs/ /rten sum mang por rab gnas rgyas pa dang/
/dbang dang chos rje la sogs grangs bcad la/ /bcu gcig zhal gyi
dbang zhig dgongs sbyar byas/ /gong

@209a @#/ /ma chen pos mtsho bdun zhes pa'i sar/ /bstan 'gro'i don du
gsar du bzhengs pa yi/ /lha khang rten sum rnams kyi rab gnas ni/ /go
shi chen po mer

gen chos rje dang/ /rje drung sprul sku ded cag byed du chug /ces
pa'i bka' bstsal ji bzhin der phyin te/ /rab gnas byed dus gong ma der
pheb nas/ /lha khang 'di ni bstan

'gro thams cad dang/ /khyad par nang gi dar tsho chen po brgyad/
/phyi yi tsho chen bzhi bcu zhe dgu dang/ /hal ha o'i rod kun gyi don
ched du/ /bzhengs pa yin cing 'di ru gyi

log go /ja sag kun gyi grwa ba bsdus nas ni/ /'jog pa'i bla ma khyod
rang 'dug dgos shing/ /lo star ston ka nang la 'gro ba dang/ /dpyid
ka phyi la bud nas bsil sar

sdod; ;da bzod zla ba gsum pa'i skyes skar la/ /'don pa chen po 'don
dgos zhes pa yi/ /bka' lung bstsal zhing lha khang ded la gtad/ /sna
tshogs lo la mtsho bdun

dgon sar phyin/ /'grigs lam kun spyod tshogs 'don byed tshul sogs/
/grwa pa gsar pa rnams la legs par bslab/ /phyogs nas byon pa'i bla
dpon btsun skya phal/ /

shin du mang por rjes gnang lung khrid sogs/ /long dang bstun nas
so so'i 'dod sbyar byas/ /skabs shig nad bab lci bas tho 'tshal bar/ /gzhi
dang byes nas 'dus ba'i

dge 'dun dang/ /dpal bzang ka bcu la sogs rgyun pa yi/ /zla bo mang
mas ? she drung rin po che'i/ /thugs dam brtag par bab pa'i sku rim la/
/brtson pa mdzad cing shes dar

@209b lhun rgyam gnyis/ /'khris su bsdad nas bro g.yog 'phrod rten
dang/ /shes dar ba yis rim 'gro la sogs ba'i/ /bkod pa'i khur 'khyer shin
du brton par byas/ /

rnam rgyal ka bcu gong ma'i sku zhabs su/ /song nas zhus par sman
dang sman pa rnams/ /bka' drin bskyangs pas nad las legs par grol/
/ston ka gong ma chen po'i

bka' stsal bzhin/ /rgyal khab chen po pe'i cing nang du 'ong/ /sum b+ha
zhabs drung bsnyun bab lci ba yis/ /bnyung bar pe'i cing nang gi phog
bzhes pa'i/ /dge 'dun

stong phrag lhag la yon phul ste/ /sku rim bsgrub cing sman gyi 
'phrod rten yang/ /gang mang byas kyang dus bab lta bu yis/ /zhi  bar
gshegs pas sems khral chen po

byung; ;zhabs drung 'di ni lugs zung gang la yang/ /mkhyen sbyan
yangs na'ang mkhyen khul mi mdzad cing/ /gzhan dang 'bel 'dris che
ba'ang mi mdzad pa'i/ /bka'

gdams gong ma'i rnam thar skyong ba zhig /yin pas gshegs nyin rang
gi grwa pa tshor/ /gong tshig gzab rgyas kha tag re re gnang/ /khyen
tshor dka' las chen po byung na yang/ /

dal legs zhes tha ma'i legs so mdzad/ /gzhan ma'i 'phros pa gang
yang mi mdzad par/ /rgyun pa'i zhal 'don rim par mdzad pa'i mus/ /'das
shing sku gzugs drang

por thugs dam la/ /zhag gcig bzhugs nas phyi nyin grol par mdzad/
/sngar nas yon tan gzhan la mi mngon par/ /sped la goms bas de ltar
mdzad par snang/ /dgongs

@210a @#/ /pa rdzogs thabs 'byor ba yul dus dang/ /bstun pa gang 'grub
byas te sems khral bsang/ /nyi ma'i lo la rmi lam 'khrugs pa sogs/ /

'tshubs nyams che bar rje drung rin po che'i/ /gsung brtags ji gzhin
bdun phrag lnga yi ring/ /bsnyen 'tshams byas pas bar chad 'chu ba
cha zhi/ /bla ma lha yi thugs rje

byin brlabs kyis/ /phun sum tshogs pa'i dga' ba de'i dpal la rol/ /dgon
klung sbyi sor 'bul rgyu byams dgon dang/ /sman bla rnam snang
rnams kyi gser sku

gsum; ;bdag gi sbyil so'i mchod khang gsar pa ru/ /bstan pa'i dag po
sman bla bder gshegs bdun/ /bde sdan mgon po rigs lnga rdo rje
'chang/ /

rdor sems mi 'khrugs tshe dpag med sras brgyad/ /rnams kyi sku
brnyan lug ma nyi shu bdun/ /dri med 'grel ba nas bshad mgrin ring
brgyad/ /dus 'khor nas

bshad mgrin thung gcig dang bcad/ /zangs las brdung ba'i bder
gshegs mchod rten dgu/ /cha tshad bzo dbyibs gser legs gsar du
bzhengs/ /bzo bo

rnams ni yon gyis mgu bar byas/ /re rer 'phel gdung re res thog
drangs pa'i/ /rnam mang rten dang gzungs gzhug legs par phul/
/bgegs bskrang rab gnas

tshul mthun byas pa rnams/ /khri chen 'jam mgon ngag dbang blo
rgyam pa'i/ /mchog sprul dam par sku gsung thugs kyi rten/ /dbang
chas na bza' kar cha phyag 'phreng

@210b sogs; ;rnam mang nyer mkho'i yo byang bla yol dang/ /bzhugs
gdan dang bcas 'bul bar skyel mi la/ /byes su do khur chen po'i bsam
pa can/ /dol chod blo khel

don yod rgyal mtshan mngag /dbyar thog mtsho bdun lha khang
chen po ru/ /sngon nas lam khrid dgos zhes yang dang yang/ /bskul
bar byed po rab 'byams dag bsten dang/

rab 'byams bstan lhun chas ba ka bcu sogs/ /phyogs nas byon pa'i ka
ram dge tshul slong/ /dpon po mi bzang btsun skya brgya phrag lhag
/gzhir gnas ka ram brgyad

dang dge tshul slong/ /brgya phrag lhag bcas sum brgyar nye ba la/
/byang chub lam gyi rim pa'i dmar khrid dang/ /sgrub thabs rgya
mtsho'i rjes gnang thar rtse ba'i/ /yig cha

lung dang bcas pa rgyas pa dang/ /gzhan yang so so'i 'dod chos ci
rigs phul/ /rab 'byams smra ba ngag dbang bstan 'dzin gyis/ /chos kyi
yon dang brtan bstod bden

pa'i tshig /brjod de brtan par stod pa'i yon yin zhes/ /khod par gang
yod ngos nas ster cha gzab/ /lam rim khrid la 'tshogs pa thams cad
kyang/ /chos thun skabs

su rna ba gtod pa dang/ /thun par rnams su dmigs khrid 'dzin skyor
dang/ /khrid yig zin bris 'gri klogs byed pa sogs/ /mgo 'jug tshad mar
don gnyer che bar

mdzad/ /rab 'byams smra ba blo bzang nyi ma yis/ /zin bris byas pa don
'dus kha gsal zhing/ /mang nyung 'tsham pa byung 'dug kho pa ni/ /shes
rab don gnyer

@211a @#/ /la sogs slob ma yi/ /mtshan nyid ldan pas de ltar byung bar
snang/ /'di yang rje btsun bla ma'i thugs rjer 'khums/ /bum stong gcig
nas gcig tu

byo ba yi/ /tshul ltar nyams myong skye bar dka' na yang/ /mtha' khob
'chad nyan snang bas dben pa yi/ /mun pa'i gling du byang chub lam
rim gyi/ /dmigs rim 'chad

pa'i sgron me btegs pa dang/ /nyan pa'i snang par spyod pa ngo mtshar
gnas/ /bdag kyang mtha' 'khob yul du 'khyams 'khyams nas/ /chos
sbyin ci rigs byed khul byas na

yang; ;chos tshul 'di 'dra 'chad rgyu byung ba ni/ /skal ba bzang 
snyam spro ba lhag par 'phel/ /'di lo nas bzung dgon pa'i bla ma 
dang/ /grwa pa rnams la lo rer rta re re/ /chag

med phul zhing phal cher gnyis re dang/ /skabs rer sku rim yon du
gsum re'ang phul/ /nyi sgrol byed la mtsho bdun dgon pa ru/ /gzhi
byes mang por rdo rje 'jigs byed kyi/ /

dbang dang sngags btu'i rjes gnang skyed rim gyi/ /dmigs khrid la
sogs 'dod chos du ma phul/ /bstan pa'i rtsa ba gzhi gsum phyag len
btsugs/ /dge 'dun rnams la

rgyun par nyin re bzhin/ /ja tshul thug tshul gnyis po bla brang nas/
/gtong yang smon lam dbyar gnas lnga mchod dang/ /ja thug skol
pa'i sbyin bdag gzhan byung tshe/ /de yi do dam

byed dam nam phugs su/ /phan par bsam nas sbyi so'i gnyer ba gnyis/
/bskos te sbyi rdzas thegs su rta pho rgod/ /brgya dang nyi shu ra
lug sum brgya dang/ /gos dar kha

@211b btag snod spyad mgron gdan sogs/ /'phran bu 'kho ba'i yo byad
du ma dang/ /rta phyug 'tsho ba'i mi tshangs gcig dang bcas/ /lha khang
tshogs par bcas pa'i mchod thebs

sbyar; ;sa skyong lo la 'jam dbyangs gong mche/ /lha khang chen mo
mjal par phebs pa la/ /ser sgreng la sogs tshogs pa'i bsu ba dang/ /dkar
gsum sogs kyi ston mo

'bul ba rnams/ /rang gi 'khos dang bstun pa'i gzab pa la/ /gong ma
chen po dgyes pa'i stang ka mdzad/ /ded cag bla ma rnams dang ded
rang gi /zla bo ka ram rnams dang

de ma chi la/ /gos ser mang nug 'brug ma'i lA ba re/ /ja sag brgya dar
bzhi yi grwa pa la/ /gos lwa re dang gos re thams cad la/ /kha btags
re dang sbyi sger so so la/ /

sha skam sogs kyi gnang sbyin chen po mdzad/ /bdag la lha khang
byi bdar mchod ba dang/ /grwa pa rnams kyi spyod lam 'don ba sogs/
/gang dang cil bkod pas thon pa

'dug /khyod la chan shi'i lung las sbyin zhes gsungs/ /nang du byon
rjes khrim ra'i blon rnams kyis/ /chen shi'i lung las ji 'dra sbyin zhus
par/ /gwo shri lud las byin shes

bka' lung bstsal/ /mi zad lo yi zla tshes dge ba la/ /kwon ting phu'u
shan kwong tshi tA ko shri'i/ /ming dang gser yig gser dam lung las
rnams/ /car gu chi gnyis be che chi

gnyis kyis/ /bdag gi nang du bskyal tshe pe'i cing gi /bla ma grwa pa sbyi
yi khrims bdag gi /gtso bo mer gen chos rjes dbu mdzad pa'i/ /bla ma
dem chi rnams dang hal ha yi/ /

@212a @#/ /dza ya paNTi ta dang mkhar sngon gyi/ /spyi bla no yon shri ye
thul sogs/ /bla ma dem chi dbon po mi bzang rnams/ /'dus nas ston sogs
ster sbyin

rgya chen po'i/ /dga' ston phun sum tshogs pa'i rten 'brel bsgrigs/
/thams cad 'dul la lha khang chen mo yi/ /mdun du 'du khang lcam
gling bcu pa dang/ /sgo khang jong

khang rnga khang rnams bsgrub cing/ /mdun gyi ra ba bskyed dang
yin pe'i yang/ /mdun du spos pa thams cad legs par grub/ /kun 'dzin lo
la gong ma chen po'i bkas/ /

nged cag bla ma gsum dang ja sag gi /grwa pa nyer bzhi gong ma'i
phyag phyi ru/ /byon pa'i ngag dbang dpal 'byor hu thog tu/ /bstan
pa ja sag la sogs dpon slob bcu/ /thams

cad tshogs pas ha yi gu zhes par/ /gsar du bzhengs pa'i lha khang rab
gnas bgyis/ /gong ma'i sras po a ge bco brgyad pa/ /sku khams bsnyel
pa'i sku rim bya ba'i phyir/ /

bka' yis shog ces 'phod mi btang byung pas/ /myur bar phyin te zhabs
phyi'i bla ma dang/ /lhan cig sku rim bsgrub pas re zhig cig /sku
khams bde nyams cung zhig byung na

yang; ;ring por mi 'tsho 'du byas dang tshul bstan/ /sku gdung gdan
'dren zhu ba'i zhabs phyir phyin/ /nyin re bzhin du smon lam tshar re
bton/ /sku gdung zhugs 'bul grub

rjes bka' lung gis/ /a ge'i nor rdzas gang yod bdag la bstsal/ /skabs
shig gong ma bsnyung ba'i tshul bstan tshe/ /a ge thams cad 'tshogs nas
sku rim la/ /

@212b zhabs drung ngag dbang dpal 'byor hu thog tu/ /no yon shri
ye thu la sogs pa yi/ /nged cag brgya rtsa brgyad kyis sman chog
dang/ /gser 'od dmigs brtse ma

dang gdugs sher sogs/ /bdun phrag gsum gyi ring la 'bad pas bton/
/gong ma chen po'i sku khams legs par dangs/ /a ge rnams kyis 'tsho
ba gnang

sbyin dang/ /bdag rkyen mthong gzos bkur sti rgya chen mdzad/ /de
nas 'gal ba'i lo la gong ma yis/ /bod kyi gzhung bstan lar rgya'i don
ched du/ /mi bzang

dbon po bla ma mang po zhig /rdzongs brda' mdzad tshe rje btsun
dam pa dang/ /nged cag gnyis kyi mi re thong zhes pa'i/ /bka' stsal
byung bas nged kyi grwa khrod nas/ /

de mchi sbyin brgya mtsho zhis bgyi ba/ /bod kyi chos sde dga' ldan se
ra dang/ /'bras spungs bkra shis lhun bo bzhi po dang/ /grwa tshang
chos sding rnams la mang ja 'gyed/ /po ta

la dang 'bras spungs gnyis kyi dpar/ /gang yod thob pa'i rgyu cha
rnams bskur te/ /dbus gtsang dag pa'i zhing du mi snar mngag /rgyal
sras chen pos gong ma'i zhabs brtan

du; ;gser srang stong las 'jigs mdzad rdo rje yi/ /sku brnyan bzhengs
par gzungs 'jug 'bul ba dang/ /tham 'dzin bla ma mnga' ris zhabs
drung sogs/ /ded cag brgya

rtsa brgyad kyis rab gnas bgyis/ /mnga' ris zhabs drung dam ring
mkhan po la/ /bde mchog 'jigs byed gnyis kyi dbang chen phul/ /rnam
'gyur lo la a mdor 'khor

@213a @#/ /zhag la; ;'gro ba'i dgongs ba zhus par dgongs pa dang/
/shing rta ser po gnang zhing ngos mjal tshe/ /'dzum pa'i bzhin gyis
gang ci'i slab ston

bcas; ;tham ka 'dzin pa'i bla ma dbu mdzad pa'i/ /po'i cing bla ma
rnams kyis rdzong ba yi/ /gnang sbyin ter cha bzang po gya nom
mdzad/ /sras kyis gyo'u tse dre'u gnyis la

sogs/ /rgya cher bstsal zhing bzhi pas rnga mong dang/ /lam chas
gro khal sogs nyer mkho'i rigs/ /bcu gnyis pa dang bcu gsum pa gnyis
kyis/ /rdzongs pa'i

gnang sbyin rgya che legs bstsal zhing/ /gsum pa lnga ba la sogs
gzhan gyis kyang/ /rdzongs pa'i gnang sbyin bdag rkyen chen po
mdzad/ /zla tshes dge bar pe'i cing nang

nas thon/ /lcags re'i phyi ru dpon po phe'i dan tA/ /skyel mar byon
nas ston mo rdzong ba gzab/ /do lon nor gyi bla ma dge 'dun dang/
/no min han dang u dzum me

chi yi/ /dbang gi yum chen sogs kyang skyel mar 'byor/ /so so'i ston
mo rdzongs pa gzab pa mdzad/ /mkhar sngon phyogs su gong jo bzhi
ba dang/ /mkhas dbang

shag ? skor thur ? pa shri yi thu/ /rab 'byams chos rje ja sag a ma
thu/ /blo bzang rnam rgyal sogs kyi ston mo dang/ /rdzong ba ster
sbyin mthong gzos legs par gzab/ /phyogs

de'i ri dgon grwa tshang thams cad la/ /mang ja'i thebs su dngul
srang brgya phrag phul/ /ur du su yi dbang dang pe'i li dang/ /pe'i
si la sogs dpon khag mang po dang/ /

@213b phyogs de'i o'i rong mi bzang bla ma rnams/ /'phrad pa lam
khar byon nas ston mo dang/ /ster sbyin bsu skyel la sogs gzab pa
mdzad/ /rim gyis zung shan phyogs su

'byor ba'i tshe/ /'bri gu bla ma tA la'i chos rje dang/ /stag lung dgon
nas dpon po rab 'byams pa/ /bra rti'i bla ma zha dmar rab 'byams pa/
/ldan ma zhabs drung sems

nyi zhabs drung dang/ /dgon lung spyi gnyer chos skyong sku rten
pa/ /thur chen dgon pa'i khri pa dge 'dun pa/ /cag rod dpal sras sgar
ba sgom sde dang/ /dgon lung khri pa

thu'u gon zhabs drung dang/ /mchod rten thang gi bla ma dpon
slob rnams/ /rim par 'byor zhing so sos ston chen btang/ /rang yul
mthong zhing rigs mthun mi dang 'phrad/ /

pha skad smra zhing pha zas longs spyod pas/ /bsam gtan dang po'i
dga' bde thob bam snyam/ /the'i thung phyogs su dgon pa khag gnyis
kyi/ /las 'dzin rgan pa grwa mang dang

bcas pa/ /dor shi rgyal zha gnyis kyi bla ma gnyis/ /yul de'i dbon chen
glu skyabs la sogs pas/ /bsu ba bsnyen bskur ston mos tshim par byas/
/beng gu rgang du thang ring

chos sde yi/ /sku skyes ka ram bcas pa sum cu skor/ /bsu bar 'byor
zhing rten 'brel legs par bsgrigs/ /lo pa ching nas dgon par 'byor gyi
bar/ /a kya sgar pa bkra shis

chos gling sogs/ /phyogs de'i ri dgon mchod yon sna tshogs dang/
/dgon lung chos sde'i grwa sa phyogs gzhan gyi/ /bla mar pheb dang
sku skyes ka ram sogs/ /grwa rgan rnams

@214a @#/ /kyi rta bsu ston mo rnams/ /tshan pa tshan pa rim pa rim par
byas/ /nem pa'i mkhar dang nye bar yul dpon che/ /khyi kya a li ham
pa bsu bar byon/ /ston

chen btang nas mi bcu skyel mar mngag /lcang skya'i 'dab tu sleb tshe
gser khog nas/ /dga' ldan dam chos gling gi spyi gnyer dang/ /grwa
rgan kha shes btsan tsha sgar ba

sogs; ;bsu bar 'byor zhing lan pa la ? dbon chung gis/ /ded cag dpon
yog bsu mi bcas pa la/ /ston mo legs btang pa yan sde sogs kyis/ /dkar
gro drang

zhing sgron zla'i yar tshes la/ /ser sbreng la sogs ngo mtshar bkod pa
yi/ /mdun nas bsus te chos sde chen por sleb/ /sku 'bum gser khog bde
chen thang ring sogs/

dgon pa khag nas 'bod pa nan che yang/ /gong ma'i dgongs pa ma
khrol 'gro ma nus/ /gong smos chos sde rnams kyis gtso byas pa'i/
/rong po dgon dang gan ju'u ma thi zi/ /

bar gyi dgon pa ri khrod phal cher la/ /mang rnga ? 'gyed dang nam
bzhag 'bul bcas bskur/ /nged kyi gzhi mar mchod khang steng ma la/
/gser sku gya gcig mchod rten nyer

bdun rnams/ /rje yi rnam thar la sogs thang kha brgyad/ /pe'i cing
nang nas gsar bskrun bsgrigs pa dang/ /shong du bka' 'gyur li thang
spar ma dang/ /bstan

'gyur gsar bzhengs rnams lan bza' dang/ /gdong dar glegs shing
lags thag gya nom bcas/ /bla yol mchod rdzas rgya nag ma mang po/
/steng shong gnyis kar bkod

@214b pa mdzes par bshams/ /so sor bla ma khri ba la sogs pa/ /nged
cag dge 'dun mang bos rab gnas bgyis/ /gong ma'i mi sna a da ha da
dang/ /zi ling tsong ye bing ye khyi

kya dpon/ /li kya gong 'gab gnyis kyi dpon po dang/ /gro tshang nang
so shing skyong nad so dang/ /mi nyag nang so han gyi nad so dang/
/rab brtan be'i li se ching ta'i ching

dang; ;tshe brtan be'i li da yan tha'i ji rnams/ /'phrang du byon zhing
rab brtan pe'i li yis/ /ston mo rta dang rnga mong ster cha gzab/ /a
khu dbang dang ta'i ching

ho sho'u chi/ /er rnge ni gnyis mer gen ta'i ching sogs/ /dpon dang
bya khyung sogs kyi mi sna btang/ /chos sde'i bla spyi sku skyes grwa
rgan dang/ /sgar pa lha sde rnams

kyis ston mo bshams/ /tshad kya sgar pa la sogs tshang kya yi/ /mi mang
spyi yis ston mo ster cha gzab/ /bla chen mnga' ris zhabs drung rin
po cher/ /dril bu lugs

kyi bde mchog lus dkyil kyi/ /dbang la sogs pa bzhed chos 'ga' zhig
phul/ /khri chen 'jam dbyangs bla ma blo rgyam ba'i/ /sprul pa'i sku
dang bde chen dpon slob

gnyis/ /phib nas no min han gyis bskur ba'i skyel/ /khong rang gnyis
kyi skyos ma spus gtsang zhing/ /spang mtho'i gnang sbyin ster cha
legs par sprad/ /de nas sprul skus

rdo cha chen mo ru/ /dam bca' bgro gling mdzad pa lta bar phyin/
/slob gnyer tshad ldan 'gyid pa'i mtshan nyid pas/ /ji ltar byid bzhin
mdzad pas yid gsos gyur/ /khri chen sprul sku

@215a @#/ /zhes pa'i mtshan snyan dang/ /zhabs drung no min han gyis
sku tsha ru/ /song bas rigs rus 'byor ba phun tshogs shing/ /gzhan gyis
bkur sti chen po bgyid rnams

kyi; ;rkyen gyi thugs gnyer gsha' ma ji 'dra rang/ mdzad dam snyam
pa'i som nyi legs par bsal/ /de yang khong rang bla ma de nyid kyi/
/sku yi skyes bu 'khrul med

yin pa dang/ /dpon slob grags pa bstan pa yongs rdzogs kyi/ /dge
bshes yin pas snyan bskul legs pa dang/ /zhabs drung skyes chen dam
pa'i thugs dgongs

rnams; ;'dzoms pa'i mthu las byung snyam dang gus 'phel/ /sprul sku
dpon slob gnyis la lus dkyil gyi/ /dbang phul dpon slob mang mang
blo sbyong dang/ /lta ba'i khrid

lung la sogs bzhed chos phul/ /da dung bstan 'gro'i ched du mdo
sngags la/ /thugs gnyer yongs su rdzogs pa gnang dgos tshul/ /zhib
rgyas zhus shing thugs yid

gcig du 'dres/ /skyor lung mkhan zur gnyis dang thang ring gi /bla
zur gnyis dang khri pa sku 'bum dang/ /dam chos gling gi rgyud pa
khri pa gnyis/ /ping thu chos rje gan

chen bla ma yi/ /sku yi skye ba bla ma las thog pa/ /li kya chos rje yin
kya zhabs drung dang/ /bra rti'i bla ma dor shi bla ma gnyis/ /mdud
nag chos rje rgyal gyi mkhan zur

ba; ;bde thang zhabs drung la sogs bla ma dang/ /grub dbang ka
chen blo bzang dar rgyas dang/ /rong po sngags ram pa sogs sgrub
pa yi/ /rgyal mtshan 'dzin pa mang po

@215b phyogs phyogs nas/ /byon pa rnams dang chos sde'i khri pa
dang/ /ldan ma zhabs drung la sogs bla ma dang/ /sku skyes grwa
rgan kar ma la sogs pa/ /don gnyer can rnams

ngoms pa brel dbang gis/ /dka' yang gang la gang 'os chos 'brel byas/
/mdo smad mkhan chen chu bzang rin po che/ /'phrad par byon nas
ston mo ster cha gzab/ /spyi

dang sger gyi 'phros gling sna tshogs mol/ /mkhas grub chen po bla
ma ngag dbang zhes/ /grags pa don ldan byon nas dbus rang dang/
/sog rang gnyis ka'i ster cha chen po mdzad/ /

khong rang sngar nas dgon 'dir rgyud grwa zhig /tshug na snyam pa'i
thugs bzhed che ba dang/ /ded cag rnams kyis skul ma zhus pa ltar/
/bla ma khri pa ldan ma zhabs drung sogs//

rgan pa mang por 'grel pa bzhi sbrags kyi/ /lung dang zab bshad
gnang zhing slab ston bstsal/ /ldan ma zhabs drung rgyud 'chang
slob dpon du/ /ka chen blo rgyam bla ma dbu

mdzad par/ /bskos te 'dus pa'i rgyud grwa legs par btsug /dpon slob
rang la 'jigs byed bcu gsum ma'i/ /dbang bzhi yongs rdzogs phul
zhing grwa bcas la/ /

ma cig grub rgyal lugs kyi tshe dbang byas/ /dgon lung 'du khang
thebs su snga phyi ru/ /dngul dang gos dar gser shog sogs bskur pa/
/las byed rnams kyis do dam

khur blangs te/ /'du khang ka ba brgya dang bcu gnyis dang/ /sgo
'byor ka ba bcu drug dang bcas pa/ /steng khang lcam gling brgyad
cu gya bdun rnams/ /shing rtsi dang bcas

@216a @#/ /legs par 'grub 'jug cing/ /dgon pa'i khri ba thu'u gon zhabs
drung gis/ /lhag bsam chen pos rang gi phyag rdzas kyis/ /ldeb ris la
ni dpag

bsam 'khri shing ltar/ /thub dbang 'khrungs rab zhing bgod legs par
bzhengs/ /steng shod rnams la bdag gis gnam rgyan dang/ /yol ba
phye phur 'phan sogs

mchod rdzas dang/ sku brnyan bris 'bur mchod rten la sogs pas/
/dad ldan rnams kyi dang bas 'dren par byas/ /sman chog khang du
lha tshogs yongs rdzogs kyi/ /

gser sku po ti pho brang bla re dang/ /yol ba 'phan dang rtags
brgyad la sogs pa'i/ /mchod rdzas gser rtsi can dang ting phor
dang/ /mchod kod ? sil snyan la sogs cha

tshang ba/ /zla bo ka bcu shes dar ba yis phul/ /zla tshes dge bar mkhas
grub ngag dbang ba/ /mkhan chen dpon slob chu bzang rin po che/
/khri thog pa dang dgon

lung gser khog gi /rgyud pa dpon slob gnyis la sogs pa yi/ /ded cag
tshogs pa lnga brgyar nye ba yis/ /rab du gnas pa bkra shis snye ma
ltar/ /cho ga phyag

len tshul dang mthun pa yis/ /rab gnas mdzad de dge legs char du
phab/ /cho 'phrul smon lam dus su nyer mkho ba'i/ /mchod rdzas 'ga'
zhig bsgrub pa 'bul

ba dang/ /kun dga' ra ba ? rten gsum mchod rdzas sogs/ /bsgrub ba'i
dge ba bsngo ? phyir nyin gcig la/ /smon ? lam chen mo'i skabs ltar
'tshogs pa yi/ /gral

@216b dbur dpon slob chu bzang rin po che/ /spyan drangs dge tshogs
thub bstan dar phyir bsngos/ /dben gnas byang chub gling du nyin
cig phyin/ /dge 'dun rnams kyis

bsu ba ston mo sogs/ /gzab rgyas mdzad cing rten 'brel legs par
bsgrigs/ /tshogs pa rnams la klags lung 'ga' zhig phul/ /ka /skabs shig
chos

skyong chen po spyan 'dren dang/ /rten chas 'bul phyir ched gtad
btsan khang du/ /pheb nas chos skyong chen po spyan 'dren zhus/
/sbub tshol legs nges gos chen 'ga'

zhig dang/ /ru 'dren sde bzhi'i chas dar mdung dar dang/ /phyag
mtshan dgra sta chu gri la sogs phul/ /chos skyong chen pos kha dar
che legs phul/ /phyag dbang zhu

sogs gus pa chen po mdzad/ /sngon chad chos skyong chen po'i
'phrin las kyi/ /gang cir legs lam che zhing slang char yang/ /sngar
las g.yo med dgos gsung zhal

gyis bzhes/ /skabs shig gza' skar dus sbyor legs pa'i nyin/ /'dus khang
chen mor gdan drangs spyi so nas/ /rgyal ba tshe mtha' yas pa'i gser
sku'i gtsos/ /

rten 'brel legs 'bul tshan grangs kha shas phul/ /'dus sdes zhabs brtan
chos spyod rim pa dang/ /chos skyong chen po'ang khog zhug
mdzad nas phebs/ /bstan dang 'gro ba'i

dpal mgon dam pa ru/ /yun ring bzhugs pa'i rten 'brel legs par
bsgrigs/ /gong du chibs bsgyur nye pa'i skabs shig tu/ /slar yang chos
skyong chen po spyan drangs te/ /

@217a @#/ /chos sde mchod yon gnyer gtad nan che dang/ /chos sde 'di
dang dga' ldan dar rgyas gling/ /phan tshun thugs mthun lugs legs yod
pa yi/ /'phrin

las gang drag dgos tshul nan cher mdzad/ /gzhan yang thugs smon
ji bzhin 'grub pa yi/ /'phrin 'chol gang ci'i lung bstan zhib rgyas zhus/
/'tshams 'dir nas

le tshan 'ga' zhig chad 'dug pa dpar brko skabs slob bu khri zur ngag
rgyam pas bsabs pa yin/ kha /chos skyong chen pos shin du mnyes
tshul gyis/ /myur du 'od ba'i lung

bstan gsal po dang/ /gang ci'i bslab bya gnad don 'dus pa bstsal/
/'phrin las g.yel med sgrub par zhal gyis bzhes/ /bla spyi so so'i ston
mo rgya chen dang/ /

rdzong ba'i ster cha spam mtho ngos gtsang mdzad/ /'du khang ltag
tu lha khang gsar bzheng gi /thebs phul gang ci'i snyan sgron zhib
rgyas zhus/ /snga phyir gzhi sngod btsun pa mang

po dang; ;phyogs nas byon pa thams cad sdom pa yi/ /dge tshul bsnyen
rdzogs brgya phrag mang po byas/ /zla tshes dge bar byams pa gling
nas btegs/ /bla ma dge

'dun rnams kyis skyel ma mdzad/ /myur du 'khor ba'i rten 'brel legs
par bsgrigs/ /gser khog spyi ba chu bzang phyag mdzod pa/ /sa sgo'i
dpon po lam sogs

skyel mar byon/ /lcang skya mang mas bsu skyel gnyis ka'i skabs/ /bsu
mi skyel mi bcas par ston mo btang/ /bla chen dgongs pa gsal gyi sku
gdung la/ /bla re yol ba

@217b na bza' dbu zhwa sogs/ /skyel bar 'tang zhing bstan pa rgyas
ched du/ /smon lam rnam par dag pa'i 'tshams sbyar byas/ /mar tshang
gau shris snga phyir ston mo btang/ /khyi

kya dpon pos slar yang ston mo dang/ /rta dang snam bu'i ster cha
legs par byin/ /pha mes dus nas dgon dang 'brel che tshul/ /la sogs
gang ci'i 'phros pa zhib rgyas

zhus; ;chos gling bla ma bzang po dar rgyas pa/ /grwa bcas skyel mar
byon nas yul lugs kyi/ /ston mo btang zhing bla mas chos phyogs
dang/ /'brel pa'i snyan tshig shis

pa legs par brjod/ /li kya chos rje grwa bcas skyel mar byon/ /rdzod
pa'i ster cha bkur bzos chen po mdzad/ /gang ci'i snyan sgron zhi
brgyas legs par phul/ /dgon

pa'i bla ma khri ba spyi gnyer sogs/ /skyel mar thag ring 'byon rtsi
mdzad na yang/ /bing gu'i mdo ru sleb tshe de kha nas/ /phyir la log
pa 'gab tshul zhus pa yis/ /phan tshun

bde legs shis pa brjod bzhin pa/ /khong ba rnams ni de nas yar la
pheb/ /the'i thung dgon khag gnyis dang sems nyi yi/ /zhabs drung
klu skyabs yen kya zhabs drung dang/ /

lu'u kya zhabs drung rnams kyis 'di skabs kyang/ /ston mo btang
zhing skyel ma legs par mdzad/ /thur chen dgon pa'i bla ma la sogs
pa/ /cag rid khog gi dgon pa sgar pa

sogs; ;kun gyis ston mo rdzong ba skyel ma mdzad/ /a bo'u be les a
lag shar bos nas/ /nyin gsum ston mo btang zhing ster cha gzab/
/dpon dang ge ge gnyis

@218a @#/ /la rkyen sel gyi/ /rjes gnang 'ga' zhig thugs bzhed bzhin du
byas/ /nying shar de mchi sbyin pa dbus gtsang nas/ /gsar du sleb pas
bsu ba

ston mo byas/ /sa sgos dpon po rnams kyis skyel ma dang/ /sa gdan
sogs kyi ster cha legs par mdzad/ /bka' 'gyur pa'i les lam khar ston
mo btang/ /don grub

dbang gis nang du zhag ma gnyis/ /ston mo btang zhing khal rta'i
phan 'dogs mdzad/ /mkhar sngon phyogs kyi bla ma che bgres kyis/
/bsu skyel la sogs mthong gzos

chen po mdzad/ /do lon nor gyis ka chen twa bla mas/ /nyan len byed
mi don grub dbang bar du/ /btang zhing khong rang mkhar sngon
nyin sleb pa/ /cha han bu lag zhes bya'i

sa char bsgug /de ru sleb tshe ston mo bud shing sogs/ /nyer mkho'i
chas kyis thams cad tshim par byas/ /sha bar thu ru bla ma rab 'byams
pa/ /dem chi dge bskos

spyi gnyer dbu mdzad dang/ /bla brang gzhi gnyer dge 'dun mang po
sogs/ /thams cad byon nas bsu ba ston mo rnams/ /gya nom phun sum
tshogs pas mgu par mdzad/ /

pa yan su mer bla brang gnyer ba sogs/ /'byor nas bsu ba ston mo
legs par byas/ /nan khu'i nang du a ge brgyad pa dang/ /bcu gnyis pa
yis mtshams 'dri byed mi

btang; ;ching hor dpon po pha'i tan ta byon nas/ /ston mo btang
zhing gdan dang snye 'bol sogs/ /ster cha bzang pos rten 'brel legs
tshogs spel/ /a ge bzhi pas

@218b lam du ston mo bsgrigs/ /gong mar 'tshams zhus zhus par mnyes
tshor mdzad/ /bong bu'i lo la nged kyi pe'i cing du/ /pA dur jAn gyi
gzhi ma khang pa dang/ /bcas pa nyos

nas lha khang gzhi ma btang/ /do lon nor du nged kyi gzhi ma ru/
/no min han gyis mthun rkyen legs sbyar te/ /sngar lo lha khang
gsum phug lo 'di la/ /shing rtsi btang zhing rten

bzhengs las mgo brtsam/ /dga' ba'i lo la gong ma chen pos bkas/
/tham 'dzin bla ma ded cag brgya rtsa brgyad/ /'tshogs te ma Ni ril bu
bum sgrub byas/ /'ja' tshon

'char ba la sogs rtags mtshan legs/ /ril bu 'phel bas gong ma legs par
dgyes/ /gtsang ba bla ma dge legs chos rje dang/ /ka bcu dbu mdzad
blo bzang dpal

'byor gnyis/ /ston pas chos 'khor bskor tshul bgro gling mdzad/ /bdag
gis bskul te shis brjod rgyas par byas/ /ril bu kha tag gos chen dngul
rnams gnang/ /

ded kyis phug pa'i pe'i cing lha khang du/ /dus gsum sangs rgyas tshe
dpag lha dgu dang/ /gnas brtan bcu drug rten bzhengs legs par
grub/ /gong mar lha khang la

ni ming zhus par/ /zung gru zi zhes lha khang ming du bstsal/ /ded
cag dpon slob lha khang nang du spos/ /a ge bzhi pas rten 'brel
legs tshogs bsgrigs/ /rten gsum

rnams la rab tu gnas par bgyis/ /do lon nor gyi ded kyi lha khang
du/ /sman bla 'od dpag med dang mi 'khrugs ba/ /rigs gsum mgon po
sgrol ma dkar ljang dang/ /

@219a @#/ /nor rgyun lha mo rnams kyi rten bzhengs grub/ /do lon nor
gyi bla ma dge 'dun pa/ /thams cad 'tshogs te rab gnas legs par byas/
/bla ma rnams

la rta gos gnyis re dang/ /dge 'dun mang mar rta re yon du phul/
/bla ma ka bcu blo bzang tshul khrims kyis/ /sngar lo mi Ta brgya rtsa'i
dbang bskur ba'i/ /yon phud

maNTal mi phyed rdo rje dang/ /las bzhi'i sna tshogs rdo rje la sogs
pa'i/ /dngul spyad gos lag gos dar rta brgya dang/ /gdan dang snye
'bol la sogs sbom che ba/ /btegs

te ring 'tsho rten 'brel legs par bsgrigs/ /u rad bla ma mer gen de
yan chi/ /dpon slob rnams la pa ri brgya rtsa phul/ /tshangs sbyin
dbang gi lha khang rab gnas la/ /

gong ma'i bka' yis rab gnas byed par phyin/ /ded cag dpon slob nyer
lnga de kha na/ /bzhugs pa'i bla ma bstan 'dzin bzang po sogs/ /sdom
pa brgya phrag lhag gis rab

gnas bgyis/ /dbang dang o chir a ge la sogs pa'i/ /tshogs pa mang por
snar thang brgya rtsa yi/ /rjes gnang la sogs bzhed chos du ma
phul/ /ded cag rnams la 'tsho

bzhabs tog dang/ /yon 'bul bsnyen bkur rgya chen gzab nas mdzad/
/rnam rgyal lo la gong ma mtsho bdun gyi/ /lha khang chen por mjal
bar chib kha bsgyur/ /ded cag rnams

kyis khyer 'khos la dpag pa/ /bsub dkar 'gro'i ston mo 'bul ba gzab/
/tshogs yun gcig gi ring la gral dbur bzhugs/ /tshogs pa'i 'don pa bzang
zhes legs

@219b so bstsal/ /dgyes pas bdag la gsung bgros ci rigs gnang/ /tshogs
par kha btags dngul gyi gnang sbyin mdzad/ /zhag bzhi bzhugs pa'i
ring la zhog kha rer/ /'o ma'i

spris ma dron po drangs pa la/ /nga la 'di na ston mo 'bul pa'i rigs/ /ci
tsam byung las khyod kyi 'o spris de/ /lhag ces dgyes tsher che ba'i
bka' lung bstsal/ /par la 'byon

khar nged kyi lha khang mjal/ /nga rang sdod pa'i khang par pheb
te bzhugs/ /'phran bu'ang nyid kyi 'khris su sdod du bcug /ded tshos
gsol ja drangs pa legs par bzhes/ /

sde pa'i sras sogs mtshan nyid grwa gsar bzhi/ /zhabs phyir 'brang pa'i
bla ma shang ram pa/ /ka bcu dbu mdzad rnams kyi bgro gling byas/
/dgyes ngos yun ring bzhugs shing

gsung bgros mdzad/ /lha khang 'di ni sog bo thams cad kyi/ /don du
bzhengs shing ja sag thams cad nas/ /grwa pa bsdus te khyod rang
bla mar bzhag /khyod tshos sku rim legs

par byas pa yis/ /sog po thams cad bde skyid phun sum tshogs/ /da dung
sngar mos ji bzhin yun ring du/ /sdod pa'i rten 'brel ched du kha
btags 'di/ /ster zhes bka' lung

dang bcas kha btags gnang/ /'jam dbyangs gong mas phran bu yun
ring du/ /sdod pa'i rten 'brel ngo mtshar che ba bsgrigs// //