@#/ /blo sbyong nyi ma'i 'od zer bzhugs so/ /

@01a @##/ /rje btsun dam pa thugs rje chen po dang ldan pa rnams
kyi zhabs la dus thams

cad du phyag 'tshal zhing skyabs su mchi'o/ /brtse ba chen pos
gnas skabs thams cad du rjes su

gzung du gsol/ byams dang snying rje'i rtsa ba las byung ba'i/
/byang chub sems kyi gru gzings legs

bsdams te/ /phyin drug bsdu ba bzhi yi dar chen 'phyar/ /lhod pa
med pa'i brtson 'grus rlung gis

@02a @##/ /bskyod/ /lus can 'khor ba'i mtsho las rab bsgral te/
/rnam mkhyen yid bzhin

gling du 'khrid mdzad pa/ /ded dpon mchog gyur thub pa'i dbang
po dang/ /byams pa thogs med dbyig

gnyen blo brtan zhabs/ /'jam dbyangs klu sgrub 'phags mchog zhi
ba lha/ /gser gling rgyal po dpal ldan

a ti sha /rgyal ba'i 'byung gnas sku mched rnam gsum sogs/
/brgyud par bcas pa'i zhabs la mgos

@02b phyag 'tshal/ /shing rta chen po'i lam srol so so rnams/ /ma
'dres gsal bar phye nas legs 'doms pa/ /

snyigs dus rgyal ba gnyis pa tsong kha pa/ /'jam dbyangs chen
po'i zhabs la gus phyag 'tshal/ /de yis

legs par 'doms pa'i gdams pa mchog /byang chub sems la goms par
byed pa'i tshul/ /yang dag

ji bzhin bdag gis bshad par bya/ /theg mchog lam gyi skal ldan
dang bas nyon/ /'dir byang chub kyi

sems rin po che sbyong ba'i gdams pa theg pa chen po'i blo
sbyong snyan brgyud chen mo zhes yongs su grags pa de

'chad pa la gnyis/ rtog ldan 'jug pa'i yan lag gang las brgyud
pa'i lo rgyus gdams pa'i che ba dang bcas

@03a @#/ /te brjod pa/ gdams pa rin po che dbang gi rgyal po
dngos kyi don bstan pa'o/ /dang po la

gnyis/ chos khungs btsun par bstan pa'i phyir gang las brgyud
pa'i lo rgyus dang gdams pa'i che ba thun mong du

brjod pa/ gdams ngag la gus pa bskyed pa'i phyir thun mong ma
yin pa'i byed las kyi sgo nas gdams pa'i che

ba bye brag tu brjod pa'o/ /dang po ni/ man ngag bdud rtsi'i
snying po ni/ /gser gling pa nas brgyud pa yin/ /zhes

gsungs te/ spyir yang dag par rdzogs pa'i sangs rgyas kyis chos
kyi phung po brgyad khri bzhi stong ngam/ 'khor

lo rim pa gsum du bka' stsal pa thams cad bsdu na/ nga 'am bdag
tu 'dzin pa'i 'khrul pa ma lus pa zad

@03b pa tsam gyi ched dang/ gzhan gyi don lhur len pa'i bsam pa
goms par byed pa'i lam cha lag dang bcas par 'du la/ snga ma las

brtsams nas brjod bya'i dbang du byas na nyan thos dang rang
sangs rgyas kyi theg pa gnyis/ rjod byed kyi dbang du byas na
nyan rang gi rigs

can bkri ba'i theg dman gyi sde snod gsungs so/ /phyi ma las
brtsams nas brjod bya'i dbang du byas na theg pa chen po rgyu
'bras/

rjod byed kyi dbang du byas na theg pa chen po'i mdo sngags kyi
gsung rab bka' stsal ba las/ 'dir skal ba dang ldan pa'i gang
zag rnam

pa thams cad mkhyen pa'i sangs rgyas kyi go 'phang thob par byed
pa'i thabs theg pa chen por 'jug pa'i sgo byang chub sems sbyong
gi gdams

pa las brtsams te ston la/ de yang sangs rgyas bcom ldan 'das
kyis byang chub kyi sems sbyong ba'i gdams pa bka' stsal pa
thams

@04a @#/ /cad shing rta chen po so so'i lugs gsum du gnas la/ de
dag thams cad kyis kyang nyon mongs pa brgyad khri bzhi stong

gi nad dang/ de dag gis bskyed pa'i skye rga na 'chi sogs sdug
bsngal ma lus pa 'joms shing mi gnas pa'i mya ngan las 'das

pa'i go 'phang bde blag tu ster bar byed pa bdud rtsi'i nang nas
rab mchog gtso bo dam pa ste/ spyir bdud rtsi a mr-i ta 'chi ba
med pa'i go

'phang ster ba la dper na bkol shes pa'i sman pa zhig gis legs
par nad ngos zin nas sbyar na thams cad kyang na rga 'chi ba las
grol

pa'i go 'phang ster bar byed mod/ de dag gi nang nas gtso bo 'am
rab tu gyur pa ni gang gi dri tshor ba tsam gyis sprul dug drag
po dug rnon po

myur du khyab par byed pa dag kyang phyir zlog par byed pa rtsi
ma g+hi zhes bya ba shes rab kyi pha rol tu phyin pa'i mdo las
gsungs pa de 'chi ba

@04b med pa'i go 'phang ster ba rnams kyi nang nas gtso bor 'dug
pa de bzhin du nyan thos dang rang sangs rgyas kyi byang chub tu
sems bskyed pa

yang lam gyi yan lag tshang bas goms par byas na 'khor ba'i skye
rga na 'chi thams cad las grol ba'i go 'phang ster bar nus mod/

'on kyang bla na med pa'i byang chub tu sems bskyed nas lam gyi
yan lag tshang bas goms par byas na nyan thos dang rang sangs
rgyas dgra

bcom pa chen po rnams dang/ dag sa la gnas pa'i byang chub sems
dpa' sems dpa' chen po rnams kyis kyang zad par ma spangs pa'i

bsam gyis mi khyab par bsgyur ba'i 'chi 'pho ba de yang ma lus
par zad pa rnam pa thams cad mkhyen pa sangs rgyas bcom ldan
'das

kyi go 'phang ster bar byed pas na 'chi ba med pa'i go 'phang
ster ba'i bdud rtsi rnams kyi nang nas snying po lta bu gtso bo
mchog tu gyur pa

@05a @#/ /ni byang chub kyi sems rin po che ste/ shing rta chen
po de dag gi lam srol rnams yongs su rdzogs pa brgyud pa chu bo
gsum

'dres kyi tshul du bla ma gser gling pa la mnga'/ de'i gdams pa
bum pa gang byo'i tshul du jo bo chen po rje lha gcig la mnga'/
jo bo la

rgya gar kha che u rgyan bal po bod rnams su mkhas shing grub
pa brnyes pa'i slob ma bsam gyis mi khyab pa zhig byon na'ang/
de dag gi

nang nas bla ma nyid kyi 'phrin las rgyas par byed pa'i brgyud
'dzin chen po ni sgrol mas lung bstan pa'i 'brom ston pa rgyal
ba'i

'byung gnas so/ /bshes gnyen ston pa la byang rwa sgreng nub
phyogs u rgyan gyi yul grwa dang mtshungs pa grub thob tu spung
nge ba gcig

byon gsungs pa'i nang nas bla ma nyid kyi 'phrin las kyi bka'
babs nas bstan pa gsal bar mdzad pa sku mched rin po che rnam pa

@05b gsum/ de'i nang nas kyang 'phags pa gnas brtan yan lag
'byung gi sprul pa dge ba'i bshes gnyen pu to ba chen po zhes
yongs su

grags pa de la bshes gnyen ston pa'i mdo sngags kyi gzhung man
ngag thams cad yongs su rdzogs par mnga'/ pu to ba chen po la
'phrin

las kyi dar rgyas che ba byung ste/ sa rgyan gnyis/ skyes tshoms
gnyis/ bslab spyod gnyis te gzhung drug la nyan bshad kyi mthil/
byang chub

kyi sems rin po che la thugs dam gyi mthil du mdzad de/ sangs
rgyas kyi bstan pa'i bya ba bshad sgrub kyis rgyas par mdzad pa
las slob ma

nyis stong lhag pa rnam grol don du gnyer ba sha stag byung ba
rnams kyi nang nas mchog tu gyur pa ni gnyal na glang gnyos
gnyis/

gtsang na ram snang gnyis/ khams na bya phag gnyis/ dol na 'be
rog gnyis/ dbus kyi nyi zla zung gcig tu grags pa'i glang shar
gnyis/

@06a @#/ /dge ba'i bshes gnyen grab pa/ dge ba'i bshes gnyen
lding pa/ brag dkar ba chen po la sogs pa byon pa'i nang nas

zhang ston chen po sha ra ba la gzhung gdams ngag yongs su
rdzogs pa mnga' zhing 'phrin las kyi bka' babs su grags te grwa
pa nyis

stong brgyad brgya tsam la gzhung drug dang gdams ngag gi bshad
pa mang du mdzad pa las bka' babs kyi bu bzhir grags pa byung
ste/ chos

lung sku gshegs la dang tshugs kyi bka' babs/ stabs ka ba chen po
la bshad pa'i bka' babs/ nyi mal 'dul ba 'dzin pa la

byin rlabs kyi bka' babs/ 'chad kha ba chen po la byang chub
sems kyi bka' babs te/ dge bshes chen po 'chad kha ba khong dag
dang

por gnyal lcags zhing pa'i drung du glang ri thang ba'i blo
sbyong tshig brgyad ma gsan pas bka' gdams kyi chos la dad pa'i
rgyu bgyis/ da nas

@06b rim gyis lha sar phebs te blo sbyong gi chos skor rtsad
gcod dgongs pa na/ grogs blo chen 'ga' zhig na re/ theg chen gyi
bla ma bya ba nyi ma

dang zla ba bzhin du phrag pa la khur nas dom du rung ba zhig
dgos pa lags pas sha ra ba chen po dang bya yul ba rnam gnyis
gang rung gi drung du

gshegs pa 'thad zer ba'i gros bzhin du gzho'i khang pa gnas na
sha ra ba chen po bzhugs pa'i drung du byon/ de'i tshe dge ba'i

bshes gnyen pa nyan thos kyis gsung gi na 'dug pa gsan pas/
byings se nyogs se 'dra ba cig las nan tar blo 'khul nges pa

kho na ma byung/ khong dag la chos lugs 'di bzhugs sam mi
bzhugs/ nyams su len btub bam mi btub zhus nas/ mi bzhugs

pa'am nyams su len mi btub gsung na gzhan du 'gro dgongs yod
pa'i tshe nyin gcig dge 'dun rnams ston mo la spyan drangs bzhud
pa'i/

@07a @#/ /shul du/ dge ba'i bshes gnyen pa mchod rten gcig snang
ba la skor ba mdzad du byon pa'i drung du phyin nas phyam rtse
gdan

du bting/ 'dir gcig bzhugs pa zhu dang bka' gros gcig zhu rgyu
bdog zhus pas/ ston pa yas la gros mchod pa ci yod/ gros

thag thams cad chos khri'i steng du bcad zin pa yin gsung/ glang
ri thang pa'i tshig brgyad ma de bton nas chos lugs 'di 'dra

yang gda' na/ 'an bu kun blo rgod du thal bas gnas khang ma
rnyed pa dang gzhan gyis brnyas bcos byed mkhan byung ba'i tshe
nyams su

blangs pas cung zad phan pa'ang byung/ res 'ga' ni btub drags pa
rang yang ma byung lags na nyams su blang du rung ngam mi

rung; 'bras bu sangs rgyas kyi rgyur 'gro 'am mi 'gro zhus pas/
bo de rtse'i phreng ba brgya rtsa gcig phyag na bgrang yin snang
ba

@07b de bsdog gin bsdog gin mdzad nas ston pa yas la btub ma
btub kyi kha na med/ 'bras bu sangs rgyas kyi go 'phang gcig mi
'dod

na phar zhog /'dod phyin chad lam der ma zhugs par sangs rgyas
pa mi srid pa yin gsung/ gsung lugs 'dis nang na myong

ba khyad par can yod nges snyam pa byung/ lung chos pa lung dgos
na zin so gang na yod zhus pas/ 'phags pa klu sgrub

la tshad mar mi byed pa su yod/ rin po che'i phreng ba las/ bdag
la de dag sdig smin cing/ /bdag dge ma lus der smin

shog /ces gsungs snang ba gsung/ 'an bu chos lugs de la mos pa
gcig lags/ thugs rjes 'dzin par zhu zhus pas

sdod nus par gyis dang rkyen gyis tshor bar bya yi gsung/ 'o na
tshogs chos kyi dus su chos skad de nyug tsam yang mi 'ong ba
snang ba ci

@08a @#/ /lags zhus pas/ chos skad btang bas ci phan bslab tu
btub pa med pa gsung/ de nas phyag gsum phul nas nang

du gnas po'i sngas kyi dpe cha'i nang nas rin po che'i phreng ba
la bltas pas ji ltar gsungs pa ltar snang ba gzigs pas rnam

rtog gi 'phro 'du gzhan rnams bskyungs nas 'di nyid la gcig dril
gyi tshul du gzhor lo gnyis lhag tsam/ dgye gong du lo

drug /shar bar lo bzhi ste mdor na lo bcu bzhi'i bar du dge ba'i
bshes gnyen pa'i drung du bsten nas goms par byas pas

rnam par dag pa'i myong ba 'khrungs pas pha zhing gser du
btsongs nas rta dres kyi phub ma'i gseb tu nyal ba'i don yang de
? byung

ba yin ces sogs gsung/ 'chad kha ba chen po la rnam grol don du
gnyer ba'i grwa pa dgu brgya lhag tsam byung ba'i nang nas/

@08b gro sa'i rnal 'byor byang seng/ ran tsa rab kyi rnal 'byor
byang ye/ ba lam gyi gan pa ston dar/ lho pa thams cad mkhyen
pa/

brgya spangs thang pa/ ram pa lha sdings pa chen po/ mnyam med
rgyal ba se la sogs pa 'gro ba du ma'i mgon skyabs su gyur

pa mang du byon/ khyad par du se spyil bu bas lo nyi shu rtsa
gcig gi bar du lus dang grib ma bzhin du bsten nas gzhung dang

gdams ngag yongs su rdzogs par mnos te bum pa gang byo'i tshul du
bzhugs so/ /se nas lha chen po lung gi dbang phyug khu

dbon sogs las rim gyis brgyud pa'i byang chub sems sbyong gi
gdams pa rnams ni/ mthu stobs dang thugs rje bsam

gyis mi khyab pa mnga' ba'i bdag nyid chen po lha rin po che
shAkya bsod nams rgyal mtshan dpal bzang po'i spyan sngar bdag

@09a @#/ /gis yongs su rdzogs par bka' drin mnos so/ /ram pa lha
sdings pa nas brgyud pa rnams dang/ snyigs

dus kyi sems dpa' chen po rgyal ba'i sras po thogs med bzang po
dpal gyis mdzad pa'i don bdun ma'i rnam bshad chen

mo ni; de nyid kyi sras kyi thu bo lo tstsha ba chen po skyabs
mchog dpal bzang po'i spyan sngar thob/ lha sdings pa'i don bdun

ma la nyams khrid kyi tshul du lha dang bcas pa'i 'jig rten gyi
'dren pa dam pa mgon po 'jam pa'i dbyangs kyi rnam par 'phrul

ba shar tsong kha pa thams cad mkhyen pa'i spyan sngar zhus pa'i
tshe shing rta chen po'i byang chub sems sbyong gi lugs so so ba

rnams kyi nang nas/ 'chad kha ba chen po'i blo sbyong 'di 'phags
pa zhi ba lha'i gzhung la brten pa'i byang chub sems sbyong gi

@09b gdams ngag tu snang bas de'i lugs su bshad dgos la/ de yang
rtsa tshig 'di rnams la mang nyung dang go rim sogs 'dra la

'dra min snang ba rnams legs par 'khrugs bsdebs te bshad na
mkhas pa mgu ba bskyed pa'i gdams ngag tu 'gyur

bas de ltar bshad par bya'o gsung/ de dag ni lo rgyus dang gdams
pa'i che ba mdo tsam du brjod pa'o/ /gnyis pa gdams

ngag la gus pa bskyed pa'i phyir thun mong ma yin pa'i byed las
kyi sgo nas gdams pa'i che ba bye brag tu brjod pa ni/ rdo rje
nyi ma ljon

shing bzhin/ /gzhung don la sogs shes par bya/ /snyigs ma lnga
po bdo ba 'di/ /byang chub lam du bsgyur ba yin/ /zhes gsungs
te/

rdo rje rin po che yongs su rdzogs shing tshang bas dbul ba sel
zhing dgos 'dod stsol ba lta ci smos/ cha shas dum bu cung zad
tsam gyis

@010a @#/ /kyang rgyan khyad par du 'phags pa thams cad zil gyis
gnon cing rdo rje rin po che'i ming yang mi 'dor la dbul ba

yang rnam par zlog go /dpe de bzhin du 'og nas 'chad pa'i byang
chub sems sbyong gi gdams pa yongs su rdzogs pa thugs

rgyud la 'khrungs pa lta ci smos/ gzhung gi cha shas gcig tsam
gyi don thugs rgyud la 'khrungs na'ang byang chub sems dpa'i

ming yang mi 'dor/ nyan thos dang rang sangs rgyas kyi gser
rgyan khyad par du 'phags pa'ang zil gyis gnon/ 'khor ba'i dbul

ba yang rnam par zlog go /nyi ma'i dkyil 'khor dngos la mun pas
khebs pa'i gnas med skabs med par ma zad/ nyi ma'i 'od

zer shar ba'i tshe na gling der mun pas khebs par byed pa'i gnas
med skabs med pa bzhin du 'og nas 'chad pa'i byang chub

@0010b sems sbyong gi gdams pa yongs su rdzogs pa thugs rgyud la
'khrungs pa lta ci smos/ gzhung gi cha shas gcig tsam gyi don
thugs

rgyud la 'khrungs na'ang bdag 'dzin gti mug ma rig pa dang des
drangs pa'i rang gces 'dzin sogs nyon mongs pa dang nye ba'i
nyon

mongs pa'i mun nag gi gnas med skabs med do/ /sman gyi shing
ljon pa yongs su rdzogs pa la nad bzhi brgya rtsa bzhi sel ba'i
mthu

yod par ma zad/ sman shing gi rtsa ba 'bras bu 'dab ma me tog
yal ga lo ma dag gis kyang nad de dag zhi bar byed pa de bzhin
du/ 'og

nas 'chad pa'i byang chub sems sbyong gi gdams pa yongs su
rdzogs pa thugs rgyud la 'khrungs pa lta ci smos/ gzhung gi cha
shas gcig

tsam gyi don thugs rgyud la 'khrungs na'ang nyon mongs brgyad
khri bzhi stong gi gcong nad thams cad zhi bar byed pa'i sman
dam pa'o/ /khyad

@011a @#/ /par du ston pa shAkya thub pa snyigs ma lnga bdo ba'i
dus su byon la/ deng sang snyigs ma las kyang snyigs mar gyur pa

sems can rnams bsam rgyu nyon mongs las med/ bya rgyu las ngan
dang sdig gsog pa las med/ rang ma gtogs pa gzhan gang

la'ang mi legs pa byung ba'i tshe go log gi rjes su yi rang byed/
rang ma gtogs pa'i gzhan su la legs pa byung zer yang phrag dog
gis

kun nas bslang ba'i shes pa la zug gzer skye/ lus ngag yid gsum
gyi spyod pas gzhan gnod 'ba' zhig byed pa'i sems

can gyis 'jig rten gyi khams gang ba'i skabs 'dir/ dkar po la
dga' ba'i bstan srung dang lha klu rnams bstan pa dang 'khor

rnam bzhi skyong ba'i phyir zhing khams gzhan du gshegs/ nag po
la dga' ba'i mi dang mi ma yin gdug pa can rnams mthu dang

@011b nus pa rgyas te/ spyir yang 'jig rten gyi khams su bkra mi
shis pa sna tshogs gtong/ khyad par du bstan pa'i sgor zhugs te
dam pa'i chos

sgrub pa rnams la sgo sna tshogs nas bar chad dang gegs byed cing
rkyen ngan ru 'dzings pa'i skabs 'dir chos 'di lta bu la ma 'bad
na

chos mgo thon par mi 'dug la/ chos 'di'i sgor zhugs nas 'bad na
rkyen ngan lam du byed pa'i sgo nas grogs su 'char bar 'gyur te/

de lta bu'i dam pa'i chos sgrub pa'i 'gal rkyen la mthun rkyen
gzo shes na mkhas pa'ang de yin la/ rkyen ngan grogs su bsgyur
bar nus

na nus pa can yang de la zer te/ rkyen ngan lam 'khyer gyi man
ngag 'di ni ltas ngan g.yang du 'gugs pa'i man ngag yin te/ de

ltar lam du byas pas rkyen ngan gyi 'phrang las grol/ gnyen po'i
thang bde mo la phyin pa'i tshe de ltar sgom pa'i lus 'dom gang

@012a @#/ /gru bzhi po 'di nyid bde ba can gyi 'jig rten gyi
khams kyang de la zer te/ phyi nang gi rkyen ngan pa gang gis
kyang sdug

bsngal dang yid mi bde ba'i rkyen du mi 'gyur bar bde ba'i grogs
su 'gyur ba'i phyir ro/ /mi 'khrugs pa'i 'jig rten gyi khams
kyang

de la zer te/ lus sems kyi sdug bsngal me tshogs spungs pa lta
bus kyang g.yo zhing 'khrug par mi nus pa'i phyir ro/ /grong
khyer

skyid pa'i 'byung gnas kyang de la zer/ chos thams cad la bde
bar 'gro ba'i ting nge 'dzin thob pa'ang de la zer gsung/ dag
pa'i zhing

khams su bskal ba'i bar du tshogs bsags pa bas/ snyigs ma lnga
bdo zhing phyi nang gi 'gal rkyen gyis gang ba'i skabs 'dir cung
zad

'bad na yang tshogs 'dum pa myur bar gsungs pa'i dus ngan dus
bzang du bya ba'i thabs khyad par can te dngos gzhi ni 'og tu
'chad

@012b par 'gyur ro/ / ! gnyis pa gdams pa rin po che dbang gi
rgyal po dngos kyi don bstan pa la gnyis/ sngon 'gro rten gyi
chos sems

pa dang/ dngos gzhi byang chub kyi sems rin po che sbyong ba'i
rim pa'o/ /dang po ni/ dang por sngon 'gro dag la bslab/ /ces
gsungs

te; dal 'byor rnyed dka' zhing don che ba'i tshul bsam pa/ tshe
'dir ring du mi sdod par 'chi ba mi rtag pa'i tshul bsam pa/ las
rgyu

'bras sems pa/ 'khor ba'i nyes dmigs sems pa'o/ /'di nas bzung
ste don dam byang chub sems sbyong gi bar/ dmigs rnam

sbyong ba rnams kyi skabs su thun gyi ngo bo dang thun mtshams
kyi rnal 'byor gnyis gnyis su bya la/ dang po la yang/ thun gyi
mgo dang/

dngos gzhi dang/ mjug gsum gsum du bya zhing/ dang po bla ma
gser gling pa'i rnam par thar pa nas 'byung ba ltar gnas brgyan

@013a @#/ /rten bkram nas maNDal phul te don chen po gsum gyi sgo
nas gsol ba gdab pa'i bar sbyor ba'i chos tshan drug tshang

bar bya/ gnyis pa dngos gzhi'i skabs su thog med nas da lta la
thug gi bar du rang re sems kyi gzhan dbang can du song

zhing; sems kyang nyon mongs kyi dbang du song/ nyon mongs kyis
'khor ba'i rtsa ba las mngon par 'dus byas/ de dag gi rkyen

gyis 'khor ba'i sdug bsngal sna tshogs myong ba yin la/ da tshul
de las zlog ste sems la rang dbang thob par byas la/ gzhag

na gzhag sar 'dug cing/ btang na ji ltar 'dod pa bzhin bkrir
rung ba'i las rung du 'gyur bar bya dgos la/ de ltar 'ong

ba la skabs gang yin gyi dmigs pa bskyang rgyu ma gtogs/ gzhan
gang la yang 'phro ba'i bying rgod kyi dbang du ma song bar

@013b byas la/ skabs kyi dmigs pa rnams kyi'ang go rim dang/
grangs ji ltar yin pa bzhin rig pa gsal zhing mi 'phro bar
bskyang bar

bya ste; bsam gtan gyi phar phyin la slob pa'i skabs ma gtogs
'di thams cad dpyad sgom sha stag go /gsum pa mjug tu ni/

'phags pa bzang po spyod pa'i smon lam sogs smon lam rnam par
dag pa rnams gdab par bya'o/ /de'i tshul gyis nyin mtshan dus

drug tu nyams su blang bar bya'o/ /thun mtshams rnams su ni dbang
po'i sgo sdom pa/ shes bzhin du spyod pa/ zas kyi tshod rig par
bya

ba; mi nyal bar rnal 'byor la brtson zhing nyal ba'i tshe ji ltar
bya ba rnams zhi gnas dang lhag mthong gi rtogs pa khyad par can
skye ba'i

rgyur 'phags pa thogs med kyis gsungs pas de ltar bya'o/ /dang
po ni/ dal 'byor gyi rang bzhin mi khom pa brgyad las log cing
'byor

@014a @#/ /pa bcu tshang ba ste/ mi khom pa brgyad ni bshes spring
las/ log par lta ba 'dzin dang dud 'go nyid/ /yi dwags nyid dang

dmyal bar skye ba dang/ /rgyal ba'i bka' med pa dang mtha' 'khob
tu/ /kla klor skye dang glen zhing lkugs pa nyid/ /tshe ring lha
nyid gang yang rung

bar ni/ /skye ba zhes bgyi mi khom skyon brgyad po/ /de dag dang
bral khom pa rnyed nas ni/ /skye ba zlog pa'i slad du 'bad par
mdzod/ /ces

gsungs pa ltar mi'i 'gro bas bsdus pa bzhi/ mi ma yin pa'i 'gro
bas bsdus pa bzhi ste de dag dang bral ba'o/ /'byor pa bcu la

rang 'byor lnga ni/ mi nyid dbus skyes dbang po tshang/ /las
mtha' ma log gnas la dad/ /gzhan 'byor lnga ni/ sangs rgyas byon

dang des chos gsungs/ /bstan pa gnas dang de rjes 'jug /gzhan
phyir snying ni brtse ba'o/ /de lta bu'i dal 'byor khyad par can
rang

@014b steng du tshang ba'i tshul bsams la/ de nyid mthar thug nges
legs byang chub gsum sgrub pa'i rten la spyir mi/ de'i nang nas
kyang gling gsum/

de'i nang nas kyang rang cag 'dzam bu gling pa mdo sngags kyi
gzhung kun nas thar lam sgrub pa'i rten la bsngags te/ 'phags pa
dpa'

bos/ gang zhig thob na 'khor ba yi/ /pha rol son pa'i sa bon
bskrun/ /byang chub dpal gyi sa bon mchog /yid bzhin nor bu las

lhag pa'i/ /yon tan rgyun gyi mi rnams ni/ /su zhig 'dir de
'bras med byed/ /ces dang/ spyod 'jug las/ 'di 'dra'i dal ba
rnyed

gyur nas/ /bdag gis dge goms ma byas na/ /'di las bslus pa gzhan
med de/ /'di las rmongs pa gzhan med do/ /gal te

bdag gis de rtogs nas/ /rmongs pas phyis kyang sgyid lug na/
/'chi bar 'gyur ba'i dus kyi tshe/ /mya ngan chen po ldang bar
'gyur/ /dmyal

@015a @#/ /mi bzod dkas dus ring du/ /bdag gi lus la sreg gyur
na/ /'gyod pa mi bzad me 'bar bas/ /sems gdung 'gyur bar

gdon mi za/ /shin tu rnyed dka' phan pa'i sa/ /ji zhig ltar ste
rnyed gyur nas/ /bdag ni shes dang ldan bzhin du/ /phyir yang
dmyal ba der

khrid na/ /sngags kyis rmongs par byas pa bzhin/ /bdag la 'dir
sems med du zad/ /cis rmongs bdag kyang mi shes te/ /bdag gi

khong na ci zhig yod/ /ces gsungs pa ltar ro/ /gzhan yang 'phags
pa dpa' bos/ gang zhig dge bas phyug pa'i mi/ /bskal pa grangs

med kyis thob nas/ /'dir ni rmongs pas bsod nams gter/ /cung zad
tsam yang mi sog pa/ /de dag 'jig rten pha rol tu/ /mi bzad

mya ngan khang par 'jug /rin chen gling phyin tshong pa ni/ /lag
pa stong pas rang khyim bzhin/ /dge bcu'i las kyi lam med par/
/phyi nas yang

@015b ni 'thob ma yin/ /mi ma thob par bde ba ni/ /ji ltar de
bde sdug bsngal nyid/ /de bas pha rol bslu yod min/ /de las
mchog tu rmongs pa

med; ;ces gsungs pa ltar bsams pa'i rjes su snying po len 'dod
skyed de/ spyod 'jug las/ 'di la gla rngan byin nas ni/ /da ni

rang gi don byed chug /ces dang/ mi yi gru la brten nas ni/
/sdug bsngal chu bo che las sgrol/ /gru 'di phyi nas rnyed dka'
bas/ /rmongs

pa dus su gnyid ma log /ces dang/ pu to ba'i dpe chos las/ srin
bus phyag 'tshal rkyang la zhon/ /gtsang pa'i nya dang rme'u'i
zan/ /zhes

gsungs pa ltar ro/ /gnas skabs mngon mtho la ltos te don che ba
ni/ mngon mtho lha mi'i go 'phang 'thob pa'i rgyu tshul khrims
gsum

la goms par byed pa'i rten yang/ sngar ltar 'dzam bu gling pa'i
mi nyid mchog tu bsngags te/ thob dka' 'dzam gling mi yi lus/ /

@016a @#/ /de thob dus su dge ba ni/ /rab tu 'bad de spyad par
bya/ /zhes so/ /rnyed par dka' ba'i tshul la rgyu 'bras kyi sgo
nas rnyed

par dka' ba'i tshul sems pa la gnyis/ dang po ni/ bzhi brgya pa
las/ phal mo cher na mi rnams ni/ /dam pa ma yin phyogs yongs

'dzin/ /des na so so'i skye bo rnams/ /phal cher nges par ngan
'gror 'gro /zhes gsungs pa ltar mtho ris thob pa'i rten la'ang
bcas

pa dang rang bzhin gyi kha na ma tho ba la 'dzem med du spyod
cing phyin chad mi byed pa'i sdom sems thob pa shin tu nyung bas
ngan 'gror 'gro ba

ni mang la/ bde 'gro'i lus thob pa ni shin tu dkon te/ spyod
'jug las/ bdag gi spyod pa 'di 'dras ni/ /mi yi lus kyang thob

mi 'gyur/ /mi lus thob par ma gyur na/ /sdig pa 'ba' zhig dge ba
med/ /ces dang/ bshes spring las/ rgya mtsho cher g.yengs

@016b gnya' shing bug pa dang/ /rus sbal phrad pa bas kyang dud
'gro las/ /mi nyid ches thob dka' bas mi dbang gis/ /dam chos
spyad pas da

'bras mchis par mdzod/ /gang zhig gser snod rin chen spras pa
yis/ /ngan skyugs 'phyag par bgyid pa de bas kyang/ /gang zhig
mi ru skyes nas

sdig pa'i las/ /bgyid pa de ni ches rab blun pa lags/ /zhes so/
/'bras bu'i sgo nas rnyed par dka' ba med pa ni/ spyir ngan song

gsum lta bu'i 'gro ba ni mang la/ mtho ris kyi rten thob pa ni
nyung/ khyad par mtho ris kyi rten la'ang mi khom pa brgyad dang
bral

ba'i rten de bas kyang nyung/ khyad par du dal 'byor thob nas
dam pa'i chos la blo kha phyogs pa nyin mo'i skar ma tsam du
shes par byas

la de ltar don che zhing rnyed dka' ba'i dal 'byor rin po che
thob pa'i dus 'dir snying po len 'dod sgo du ma nas skyed dgos
la/ rten de

@017a @#/ /la snying po len lugs kyang/ spyir dam pa'i chos
bsgrub dgos te/ bde ba 'dod cing sdug bsngal mi 'dod pa'i phyir
ro/ /dgos

kyang nus sam snyam na shin tu yang nus te/ phyi'i rkyen theg pa
chen po'i dge ba'i bshes gnyen dang mjal zhing/ nang gi rkyen
dal

'byor gyi lus rten bzang po dang ldan pa'i phyir ro/ /de yang
skye ba phyi ma'i skabs su sgrub pas chog mod snyam na/ de ltar
byar mi rung ste/

phyi ma 'di 'dra'i dal 'byor rnyed dka' ba'i phyir ro/ /de yang
lo zla ba phyi ma rnams la sgrub pas chog mod snyam na/ de ltar
byar mi rung ste/ spyir

'chi bar nges shing nam 'chi nges pa med pa'i phyir ro/ /de ltar
snying po len pa rnams kyi nang nas kyang byang chub kyi sems
rin po che la goms

par byed pa nyid rab mchog gtso bo dam pa'o snyam du bsams nas/
byang chub sems sbyong gi sngon 'gro'i yan lag tu 'gyur bar
bya'o/ ! /

@017b gnyis pa tshe 'dir ring du mi sdod par 'chi ba mi rtag pa
sems pa'i tshul la/ 'chi ba ma bsams shing ma dran pa'i nyes
dmigs 'di phyi'i

phung khrol thams cad kyi rtsa ba byed pa'i byed tshul sems pa
dang/ 'chi ba mi rtag pa bsams shing goms par byas pa'i phan yon
ni 'di

phyi'i legs tshogs thams cad 'grub pa'i sgo gcig pur shes par
bya'o/ /'chi ba mi rtag pa sems pa de yang tshe 'di'i lus longs

spyod gnyen nye du sogs la chags pa'i dbang gis de dag dang
'bral ba la skrag pa skyed pa ni lam la ye ma sbyangs pa'i 'chi
ba

la skrag lugs yin pas 'dir de skyed pa min no/ /'o na gang snyam
na/ las nyon gyi dbang gis nying mtshams sbyar ba thams cad

'chi ba las ma 'das pas de la skrag par byas kyang re shig dgag
par mi nus mod/ 'on kyang 'jig rten phyi ma'i don sgrub pa ma
byung bar

@018a @#/ /'chi ba la 'jigs par bya ste/ de bsams na de dag
bsgrubs nas 'chi khar mi skrag bar byar yod pa'i phyir ro/ ! /

'chi ba mi rtag pa sems pa'i tshul dngos ni/ spyir 'chi bar nges/
nam 'chi cha med/ 'chi ba'i tshe chos ma gtogs pa gang gis kyang
mi

stongs pa'i tshul gsum las/ dang po ni/ 'chi bdag nges par 'ongs
te/ lus ji 'dra zhig blangs kyang 'chi ba las ma 'das te/ tshoms

las; gang yang sangs rgyas rang sangs rgyas/ /sangs rgyas rnams
kyi nyan thos kyang/ /sku lus 'di ni spong mdzad na/ /skye bo
phal ba smos

ci dgos/ /zhes so/ /yul gang du gnas kyang 'chi ba las ma 'das
te/ de nyid las/ gang du gnas na'ang 'chi bas mi tshugs pa'i/ /sa

phyogs de ni yod pa ma yin te/ /bar snang la med rgya mtsho'i
nang na med/ /ri bo rnams kyi gseb tu zhugs na'ang med/ ces so/
/dus nam

@018b skyes kyang 'chi ba las ma 'das te/ de nyid las/ byung
dang 'byung bar 'gyur ba ji snyed pa/ /kun gyis lus 'di btang
nas 'gro ba dang/ /

de kun 'jig par mkhas pas rtogs gyis te/ /chos la gnas kyis nges
par spyad pa spyod/ /ces so/ /'chi bdag la bros pas mi thar
zhing

rkyen gang gis kyang zlog tu med de/ rgyal po la gdams pa las/
dper na phyogs bzhi nas ri po chen po sra ba/ brtan pa/ snying
po dang ldan

pa; ma zhig pa/ ma gas pa/ 'phan med pa/ shin tu mkhregs pa/
gcig tu stug pa bzhi gnam la reg cings rlog ste/ rtswa dang
shing

dang shing gel pa dang/ yal ga dang/ lam thams cad dang/ sems
can srog chags 'byung po thams cad phye mar 'thag cing 'ong ba
la ni

mgyogs pas 'bros pa'am/ stobs kyis bzlog pa'am/ nor gyis bzlog
pa'am/ rdzas dang sngags dang sman rnams kyis bzlog par sla ba
ni

@019a @#/ /ma yin no/ /rgyal po chen po de bzhin du 'jigs pa chen
po bzhi po 'di dag 'ong ste/ de dag la mgyogs pas 'bros

pa'am/ stobs kyis bzlog pa'am/ rdzas dang/ sngags dang/ sman
rnams kyis bzlog par sla ba ni ma yin no/ /bzhi gang zhe na/ rga
ba dang/

na ba dang/ 'chi ba dang/ rgud pa'o/ /rgyal po chen po rga ba ni
dar la bab pa 'joms shing 'ong/ na ba ni nad med pa 'joms shing
'ong/

rgud pa ni phun sum tshogs pa thams cad 'joms shing 'ong/ 'chi ba
ni srog 'joms shing 'ong ste/ de dag la ni mgyogs pas 'bros

pa'am/ stobs kyis bzlog pa'am/ nor gyis bzlog pa'am/ rdzas dang/
sngags dang sman rnams kyis bzlog par sla ba ma yin no/ /

zhes so/ ! /gnyis pa tshe la snon pa med cing 'brid byed par
mchad du yod pas nges par 'chi ba bsam pa ni/ tshe'i tshad kyang
nyung zad

@019b las med la/ der yang snon pa med la 'brid byed bar ma chad
du yod de/ lo zla ba song bas 'dzad/ zla ba yang zhag song bas
'dzad/

zhag kyang nyin mo dang mtshan mo song bas 'dzad de/ spyod 'jug
las/ tshe 'di rtag tu god 'gyur zhing/ /snon pa gud nas yod med

na; ;bdag lta 'chi bar cis mi 'gyur/ /zhes so/ /de yang dpe du
ma'i sgo nas bsam ste/ tshoms las/ dper na thags ni brkyang pa
la/ /

spun ni gang dang gang bcug pa'i/ /spun gyi rting la gtugs pa
ltar/ /mi rnams srog kyang de bzhin no/ /dper na nges par gsad
pa dag /

gom pa gang dang gang 'dor bas/ /gsod pa'i drung du bsnyen pa
ltar/ /mi rnams srog kyang de bzhin no/ /chu klung drag tu 'bab
pa'i rgyun/ /ldog pa

med pa ji lta ba/ /de bzhin mi yi tshe 'gro ba/ /slar ni ldog par
'gyur ba med/ /dka' ba nyid dang thung ba dang/ /de yang sdug
bsngal ldan pa

@020a @#/ /dag /myur ba kho nar 'jig 'gyur te/ /chu la dbyug gus
bris pa bzhin/ /dper na phyugs rdzi dbyug thogs kyis/ /phyugs

rnams gnas su phyin byed ltar/ /de bzhin rga dang na ba yis/ /mi
rnams 'chi bdag drung du skyel/ /zhes dang/ rgya cher rol pa las

kyang; srid gsum mi rtag ston ka'i sprin dang 'dra/ /'gro ba'i
skye 'chi gar la blta dang mtshungs/ /'gro ba'i tshe 'gro nam
mkha'i glog

'dra ste/ /ri gzar 'bab chu lta bur myur mgyogs 'gro /zhes so/ /
! gsum pa gson pa'i tshe la yang chos bya ba'i long med par nges
par

'chi ba sems pa'i tshul ni/ mngal 'jug las/ de las kyang phyed ni
gnyid kyis khebs so/ /lo bcu ni byis pa'o/ /lo nyi shu ni rgas
pa'o/ /mya

ngan dang/ smre sngags 'don pa dang/ sdug bsngal ba dang/ yid mi
bde ba dang/ 'khrug pa rnams kyis kyang bcad/ lus las byung ba'i

@020b nad rnam pa du ma brgya phrag du mas kyang bcad do/ /zhes
dang/ 'chad kha ba'i zhal nas kyang/ lo drug cu la lto rgyab
dang na chos bcad

pa'i shol na chos su 'gro ba lo lnga yang med/ ces gsungs/ skyes
rabs las/ kye ma'o 'jig rten nyon mongs dag /gnas pa mi

brtan dga' mi 'gyur/ /ku mu ta yi dpal 'di yang/ /dran par bya
ba nyid du 'gyur/ /'gro ba 'di lta bur ni 'khod pa la/ /skye bo
'jigs

pa med pa ngo mtshar kye/ /lam rnams thams cad 'chi bdag nyid
kyis bkag /dogs pa med par rab tu dga' zhing spyod/ /na dang rga
dang 'chi

ba'i gnod byed dgra /mthu chen dgag tu mi nus yod bzhin du/
/'jig rten pha rol nyam ngar nges 'gro na/ /sems shes su zhig
'di la dga'

bar sems/ /zhes dang/ ka ni ka'i spring yig las kyang/ 'chi bdag
brtse ba med pa can/ /skyes rtsal don med gsod gyur pa/ /gsod pa
mngon

@021a @#/ /du 'ong bzhin du/ /mkhas pa su zhig bag rkyong spyod/
/de slad dpa' chen bzod med des/ /mda' ni mi bzad 'tshor med

pa; ;de ni ji srid ma 'phangs pa/ /de srid rang gi don la 'bod/
/ces so/ ! /gnyis pa nam 'chi nges med sems pa'i tshul la gsum

las; 'dzam bu gling pa'i tshe la nges pa med pa bsam pa ni/ sgra
mi snyan pa'i tshe ni nges la/ gzhan rnams kyis rang rang gi tshe
tshad thub pa'i

nges pa med kyang phal cher nges pa mang la/ 'dzam bu gling pa
ni shin tu yang ma nges te/ mdzod las/ 'di na ma nges tha mar
ni/ /lo bcu dang

po dpag tu med/ /ces dang/ tshoms las/ snga dro skye bo mang
mthong ba/ /phyi dro kha cig mthong mi 'gyur/ /phyi dro skye bo
mang mthong ba/ /snga dro

kha cig mthong mi 'gyur/ /zhes dang/ skyes pa bud med mang po
dang/ /dar la bab pa'ang 'chi 'gyur na/ /de la mi 'di gzhon zhes
ta/ /gson

@021b pa'i gdeng drod ci zhig yod/ /kha cig mngal du 'chi bar
'gyur/ /de bzhin kha cig btsas pa'i sar/ /de bzhin kha cig gog
tsam na/ /de

bzhin kha cig yongs rgyug na/ /la la rgan dang la la gzhon/ /la
la dar la bab pa'i mi/ /rim gyis rab tu 'gro 'gyur te/ /'bras bu
smin

pa ltung ba bzhin/ /zhes so/ ! /gnyis pa 'chi rkyen mang zhing
gson rkyen nyung ba'i tshul sems pa ni/ rin chen 'phreng ba las/
'chi bdag rkyen

gyi nang gnas pa/ /rlung dmar nang 'dug mar me bzhin/ /zhes
dang/ bshes spring las kyang/ tshe ni gnod mang rlung gis btab pa
yi/ /chu yi

chu bur bas kyang mi rtag na/ /dbugs rdub dbugs 'byung gnyid
kyis log pa las/ /sad khom gang lags de kun ngo mtshar che/ /zhes
dang/ bzhi

brgya pa las kyang/ nus pa med pas 'byung kun la/ /tshogs pa zhes
bya skye 'gyur te/ /'gal ba rnams la bde'o zhes/ /zhes sogs
dang/ rin chen

@022a @#/ /'phreng ba las/ 'chi ba'i rkyen ni mang ba ste/ /gson
pa'i rkyen ni nyung zad cig /de dag rnams kyang 'chi ba'i yang/
/de bas rtag

tu chos mdzod cig /ces so/ ! /gsum pa lus shin tu nyam chung bas
nam 'chi nges med bsam pa ni/ bshes spring las/ sa dang lhun po
rgya

mtsho nyi ma bdun/ /'bar bas bsregs pa'i lus can 'di dag kyang/
/thal ba yang ni lus par mi 'gyur na/ /shin tu nyam chung mi lta
smos

ci 'tshal/ /zhes dang/ ka ni ka'i spring yig las/ 'chi bdag su
dang mi bshes pa/ /glo bur dag tu 'bab 'gyur bas/ /sang dag bya
zhes ma

bzhes par/ /dam pa'i chos la bsnyur te mdzod/ /'di sang deng ni
'di bya zhes/ /bya ba mi la bzang po min/ /nam zhig khyod ni med
'gyur ba'i/ /

sang de gdon mi za bar 'ong/ /zhes so/ ! /gsum pa 'chi ba'i tshe
chos ma gtogs pa gzhan gang gis kyang mi stongs pa bsam pa ni/
'chi ba'i

@022b tshe gnyen bshes lus longs spyod gang gis kyang mi stongs
te/ ka ni ka'i spring yig las/ rnam smin 'byin pa sngon las
kyis/ /khyod ni yongs su

btang 'gyur bas/ /gsar pa'i las dang rjes 'brel zhing/ /'chi
bdag gis ni drangs pa na/ /dge dang sdig pa ma gtogs pa/ /'gro
ba thams cad phyir

log nas/ /'ga' yang khyod rjes mi 'brang bar/ /mkhyen par mdzod
la legs par spyod/ /ces dang/ shra'i dza ga ta mi tras kyang/
lha gcig ji ltar khyod

'byor kyang/ /gshegs nas 'jig rten gzhan bzhud tshe/ /mya ngam
thang la dgras bcom ltar/ /gcig pu sras med btsun mo min/ /na
bza' ma mchis

bshes ma mchis/ /rgyal srid ma mchis khab ma mchis/ /dpag med
mthu dpung mnga' lags kyang/ /gzigs su ma mchis gsan ma mchis/
/gcig

tsam nyid cig phyi thag gis/ /rjes su 'brang ba mi mnga'o/ /mdor
na nyid kyi mtshan tsam yang/ /de tshe med na gzhan ci smos/ /zhes
gsungs pa

@023a @#/ /ltar bsams pa'i mthar spyir 'chi bar ni nges/ nam 'chi
la ni cha mi 'dug /'chi ba'i tshe chos ma gtogs pa gang

gis kyang mi stongs pas dam pa'i chos bsgrub par bya/ chos kyi
nang nas kyang byang chub kyi sems bsgom pa ni rab gtso bor gyur
pa'o

snyam du nges par byas nas de thams cad byang chub kyi sems
sbyong ba'i yan lag tu bya'o/ / ! gsum pa las dang 'bras bu

sems pa ni/ de yang shi ba'i 'og tu cang med du mi 'gro bar skye
ba blang dgos la/ skye sa yang bde 'gro dang ngan 'gro gnyis las
ni med/

de dag tu skye ba la rang dbang med cing las kyi gzhan dbang can
yin pa'i phyir/ las dkar nag gnyis kyi 'dor len tshul bzhin du

bya ba la 'bad par rigs la/ de la bzhi las/ las nges pa'i tshul
sems pa ni/ bde sdug phra rags thams cad dge sdig gi rjes

@023b su byed de/ rin chen 'phreng ba las/ mi dge ba las sdug
bsngal kun/ /de bzhin ngan 'gro thams cad do/ /dge las bde 'gro
thams

cad dang/ /skye ba kun tu bde ba dag /ces so/ /gnyis pa las
'phel che ba'i tshul sems pa ni/ rgyu dge sdig chung ngu las
kyang 'bras bu bde

sdug ches che ba 'byung ba yod de/ tshoms las/ sdig pa chung ngu
byas pas kyang/ /'jig rten pha rol 'jigs chen dang/ /phung khrol
chen po

byed 'gyur te/ /khong par song ba'i dug bzhin no/ /bsod nams
chung ngu byas pas kyang/ /'jig rten pha rol bde chen 'dren/
/don chen dag

kyang byed 'gyur te/ /'bru rnams phun tshogs smin pa bzhin/ /zhes
dang/ yang de nyid las/ mkha' la bya dag lding ba yi/ /grib ma
lhan

cig 'gro ba bzhin/ /legs par byas dang nyes par byas/ /de dag
'gro ba'i rjes su 'brang/ /ji ltar lam rgyags nyung ba dag /lam

@024a @#/ /zhugs sdug bsngal 'gro ba ltar/ /de bzhin las bzang ma
byas pa'i/ /sems can dag ni ngan 'gror 'gro /ji ltar

lam rgyags mang sdogs pa/ /lam zhugs bde bar 'gro ba ltar/ /de
bzhin las bzang byas pa yis/ /sems can dag ni bde 'gror

'gro ;zhes dang/ sdig pa shin tu chung ngu la'ang/ /mi gnod
snyam du brnyas mi bya/ /chu yi thigs pa bsags pas kyang/ /snod
chen

khad kyis gang bar 'gyur/ /zhes dang/ sdig pa chung byas bdag
nyid kyi/ /phyi bzhin mi 'ong ma sems shig /chu yi thigs pa
lhung ba

yis; ;snod chen gang ba de bzhin du/ /cung zad bsags pa'i sdig
pas kyang/ /byis pa rab tu gang bar 'gyur/ /dge ba chung byas
bdag

nyid kyi/ /phyi bzhin mi 'ong ma sems shig /chu yi thigs pa
lhung ba yis/ /bum chen gang ba ji bzhin du/ /cung zad bsags
pa'i

@024b dge ba yis/ /brtan pa rab tu gang bar 'gyur/ /zhes so/ !
/gsum pa las ma byas pa dang mi 'phrad pa'i tshul sems pa ni/ bde
sdug myong

ba'i rgyur gyur pa'i las ma bsags na de'i 'bras bu gtan mi myong
ste/ ston pas tshogs grangs med bsags pa'i 'bras bu la longs

spyod pa rnams kyis kyang de'i rgyu thams cad bsag mi dgos kyang
cha gcig bsag dgos pa yin no/ ! /bzhi pa las byas pa chud mi za
ba'i tshul

sems pa ni/ khyad par 'phags bstod las/ bram ze rnams ni dge
sdig dag /byin pa len bzhin 'pho bar smra/ /khyod kyi byas chud
mi za

dang; ;ma byas pa dang phrad med gsungs/ /zhes dang/ ting 'dzin
rgyal po las kyang/ de yang byas nas reg par mi 'gyur min/
/gzhan gyis

byas pa tshor bar 'gyur pa med/ /ces dang/ 'dul ba lung las
kyang/ las rnams bskal pa brgyar yang ni/ /chud mi za ba'ang
tshogs dang

@025a @#/ /dus; ;rnyed na lus can rnams la ni/ /'bras bu dag tu
'gyur ba nyid/ /ces so/ /de ltar las nges 'phel che ma byas pa
dang

mi 'phrad byas pa chud mi za ba'i tshul rnams legs par nges nas
nag po'i las lam rnams kun slong tshun chad nas 'gog cing/ dkar

po dge ba'i las la 'bad par bya dgos la/ dge ba'i las kyi nang
nas kyang byang chub kyi sems rin po che sbyong ba ni gtso bo
rab mchog

tu gyur pa'o snyam nas de thams cad byang chub kyi sems sbyong
ba'i yan lag tu 'gyur bar bya'o/ ! /bzhi pa 'khor ba'i nyes
dmigs sems

pa la drug las/ dang po nges pa med pa'i nyes dmigs sems pa ni/
'khor ba na 'khor ba'i tshe dgra gnyen phan tshun 'gyur bar shes

nas 'khor ba'i chos la blo gtad bya sa gang yang med par bltas
la skyo bar bya ste/ bshes spring las/ pha ni bu nyid ma ni
chung ma nyid/ /

@025b skye bo dgrar gyur pa yang bshes nyid dang/ /zlog pa nyid
du mchi bas de slad du/ /'khor ba dag na nges pa 'ga' ma mchis/
/zhes dang/ dpung

bzang gis zhus pa las/ re shig gcig na dgra yang mdza' bor
'gyur/ /mdza' bo yang ni de bzhin dgrar 'gyur te/ /de bzhin kha
cig

kyang ni bar mar 'gyur/ /bar ma de nyid kyang ni dgra bor 'gyur/
/de bzhin mdza' bshes 'gyur bar rig nas ni/ /blo gros ldan pas
nam yang

chags mi bya/ /gnyen la dga' ba'i sems kyi rnam rtog dag /zlog
nas dge la ci bder gzhag par bya/ /zhes so// ! gnyis pa ngoms mi
shes

pa'i nyes dmigs sems pa ni/ bshes spring las/ re res rgya mtsho
bzhi bas lhag pa yi/ /'o ma 'thung ste da dung so so yi/ /skye
bo'i rjes su 'brang

ba'i 'khor ba pas/ /de bas ches mang nyid cig btung 'tshal lo/
/zhes gsungs te/ 'di ni mtshon pa tsam mo/ /de nyid las/ ji ltar
mdze can

@026a @#/ /srin bus nyen pa ni/ /bde ba'i don du me la kun bsten
kyang/ /zhi bar mi 'gyur de nyid 'dra bar ni/ /'dod pa rnams la

chags pa'ang mkhyen par mdzod/ /ces dang/ phar phyin bsdus pa
las kyang/ 'dod pa de dag thob pa dang/ /nyin gcig bzhin du
bsten

pa dang/ /mang du spyad pas mi ngoms na/ /de las nad chen gang
zhig yod/ /ces 'dod yon la ji tsam spyad kyang ngoms pa med par

gsungs la/ khyad par du mya ngan bsal ba las gsungs pa ltar bsam
na ni shin tu skyo bar 'gyur te/ yang dang yang du dmyal ba

na; ;zangs zhun skol ba gang 'thungs pa/ /rgya mtsho'i nang gi
chu la yang/ /de yi tshad tsam yod ma yin/ /khyi dang phag tu
gyur pa na/ /mi

gtsang ba ni gang zos pa/ /ri yi rgyal po lhun po yi/ /tshad las
shin tu lhag par 'gyur/ /mdza' bshes rab tu bral ba yis/ /'khor
ba'i

@026b gnas su gang dus pa/ /mig gi mchi ma'i thigs pa yi/ /snod
du rgya mtsho'ang rung ma yin/ /phan tshun dag tu rtsod pa'i
phyir/ /mgo bo bcad

pa gang yin pa/ /spungs na de ltar mtho ba ni/ /tshangs pa'i 'jig
rten las kyang thal/ /srin bur gyur cing rab bkres pas/ /sa lud
zos pa

gang yin pa/ /'o ma'i rgya mtsho che nang du/ /de yis bkang na
shin tu 'gengs/ /zhes gsungs pa ltar srid pa'i phun tshogs ji
snyed thob kyang

bslus pa dang/ da dung ma 'bad na de ltar 'gyur ba'i tshul bsams
la skyo bar bya ste/ dge ba'i bshes gnyen gsang phu ba'i zhal
nas/ da

gdod 'khor ba 'dir gan bub mang po zhig bya dgos pa 'di nyams la
re ma bab gsung ba lta bu'i blo sna ma skyes kyi bar du bsam mo/
! /gsum

pa lus yang dang yang du 'dor ba'i nyes dmigs ni/ sems can re
res lus blangs nas dor ba'i rus pa ma god na lhun po las mang

@027a @#/ /ste; re re'i bdag nyid rus pa'i phung po ni/ /lhun po
mnyam pa nyid cig 'das gyur te/ /zhes so// ! bzhi pa yang dang
yang du

nying mtshams sbyor ba'i nyes dmigs ni/ ma yi thug mtha' rgya
shug tshig gu tsam/ /ri lus bgrangs kyang sa yis lang mi 'gyur/
/zhes dang/

de'i 'grel par mdo drangs pa las/ dge slong dag dper na skyes bu
'ga' zhig gis sa chen po 'di la rgya shug gi tshig gu tsam gyi ri
lu thogs

te; 'di ni bdag gi ma'o/ /'di ni bdag gi ma'i ma'o/ /zhes 'dor
bar byed na dge slong dag sa chen po 'di'i 'jim pa ni ches snga
bar zad par

'gyur gyi/ mi rnams kyi ma rgyud pa ni de lta ma yin no/ /zhes
gsungs so// ! lnga pa yang dang yang du mtho dman du 'gyur ba'i
nyes dmigs sems

pa ni/ bshes spring las/ brgya byin 'jig rten mchod 'os gyur nas
ni/ /las kyi dbang gis phyir yang sa steng lhung/ /'khor los
bsgyur rgyal

@027b nyid du gyur nas kyang/ /'khor ba dag tu yang bran nyid du
'gyur/ /mtho ris bu mo'i nu ma rked pa la/ /reg pa'i bde ba yun
ring myong nas

slar; ;dmyal bar 'thag gcod dbrad pa'i 'khrul 'khor gyis/ /reg
pa shin tu mi bzad bsten 'tshal lo/ /rkang ba'i reg pas nem par
bde

bzod pa/ /lhun po'i spo la yun ring gnas nas kyang/ /slar yang
mi mur ro myags rgyu ba yi/ /sdug bsngal mi bzad phog snyam
bgyid 'tshal lo/ /

mtho ris bu mos 'brongs shing dga' ba dang/ /rnam par mdzes tshal
son par rtses nas slar/ /'dab ma ral gri 'dra tshal gnas rnams
kyis/ /rkang

lag rna ba sna gcod thob par 'gyur/ /dal gyis 'bab par lha yi bu
mo ni/ /gdong mdzes gser gyi pad ma ldan zhugs nas/ /slar yang
dmyal ba'i chu

bo rab med pa/ /tshwa rgo bzod glags chu tshan 'jug 'tshal lo/ /lha
yul 'dod bde shin tu chen po dang/ /tshangs nyid chags bral bde
ba thob nas

@028a @#/ /slar; ;mnar med me yi bud shing gyur pa yis/ /sdug
bsngal rgyun mi 'chad pa bsten 'tshal lo/ /nyi ma zla ba nyid
thob rang lus

kyi; ;'od kyis 'jig rten mtha' dag snang byas kyang/ /slar yang
mun nag smag tu phyin gyur nas/ /rang gi lag pa brkyang ba'ang
mthong mi 'gyur/ /

zhes dang/ 'dul ba lung las kyang/ bsags pa kun gyi mtha' 'dzad
cing/ /mthon po kun gyi mtha' ltung 'gyur/ /phrad pa'i mtha' ni
'bral ba ste/ /

gson pa'i mtha' ni 'chi ba yin/ /zhes gsungs pa ltar ro/ ! /drug
pa grogs med pa'i nyes dmigs sems pa ni/ de ltar nongs par 'gyur

'tshal bsod nams ni/ /rnam gsum mar me'i snang ba rab bzhes shig
/gcig pu nyi ma zla bas mi brdzi ba'i/ /mun nag mtha' yas nang
du

'jug 'tshal lo/ /zhes so/ /de ltar drug ni gsum du 'du ste/ 'khor
ba la yid brtan byas med pa dang/ de'i bde ba la ji tsam spyad
kyang

@028b ngoms pa'i mtha' med pa dang/ thog ma med pa nas zhugs
pa'o/ /dang po la bzhi las/ lus thob pa la yid brtan du mi rung
ba ni/ yang dang yang du

lus 'dor ba'o/ /phan gnod byas pa la yid brtan du mi rung ba ni
nges pa med pa'o/ /phun sum tshogs pa la yid brtan mi rung ba ni
mtho dman du

'gyur ba'o/ /'grogs pa la yid brtan mi rung ba ni/ grogs med par
'gro ba'o/ /gsum pa ni yang yang nying mtshams sbyor ba ste/ skye
ba brgyud pa'i mtha'

mi mngon pa'o/ /de ltar bsdus nas bsam par bya'o/ /blo'i mthu
che na bshes spring las/ des pa 'dod pas phongs dang 'chi ba
dang/ /na dang rga sogs sdug

bsngal du ma yi/ /'byung gnas 'khor ba 'di la skyo mdzad cing/
/zhes gsungs pa ltar sdug bsngal brgyad bsam pa dang/ sdug
bsngal gsum bsam

pa'i tshul gyis 'khor ba spyi dang bye brag rigs drug so so'i
sdug bsngal rnams bsam par bya ste/ sgo mang po nas bsams na
'khor ba'i nyes dmigs

@029a @#/ /mthong ba'i blo sna sgo du ma nas skye/ kun slong drag
pos bsams na shugs drag skye/ yun ring por bsams na 'khor

ba'i nyes dmigs mthong ba'i blo rgyun ring skye bar 'gyur te/ de
ltar 'khor ba'i nyes dmigs mthong nas de las nges par 'byung
ba'i blo skyes pa'i

tshe; 'khor ba las grol te thar par bgrod pa'i lam rnams kyi nang
nas kyang byang chub kyi sems rin po che ni gtso bo rab mchog tu
gyur par

shes par byas nas byang chub kyi sems sbyong ba'i yan lag tu
'gyur bar bya'o/ /sngon 'gro rten gyi chos sems pa'i tshul bshad
zin to/ ! /

dngos gzhi byang chub kyi sems rin po che sbyong ba'i tshul la
gnyis/ kun rdzob byang chub kyi sems sbyong ba'i rim pa dang/
don dam byang

chub kyi sems sbyong ba'i rim pa'o/ /dang po la theg chen gyi
'jug sgo sems bskyed kho nar bstan pa/ sems sbyong ba'i rim pa
nyid

@029b bshad pa'o/ /dang po ni/ de ltar theg pa chen po la 'jug
dgos na/ 'jug pa'i sgo gang nas yin snyam na/ de la rgyal bas
pha rol tu phyin pa'i

theg pa chen po dang/ gsang sngags kyi theg pa chen po gnyis
gsungs kyi/ de las gzhan pa'i theg pa chen po ni med do/ /de
gnyis gang gi sgor

'jug kyang/ 'jug sgo ni byang chub kyi sems kho na yin te/ de
rgyud la nam skyes pa na gzhan gang yang ma skyes kyang theg pa
chen por 'jog

pa yin la/ de dang nam bral ba na stong pa nyid kyi rtogs pa la
sogs pa'i yon tan ci yod kyang/ nyan thos la sogs pa'i sar ltung

zhing/ theg pa chen po las nyams par theg pa chen po'i gzhung du
ma las gsungs shing/ rigs pas kyang 'grub pa yin no/ /des na
dang por

theg chen par tshud pa yang sems de bskyed pa tsam gyis 'jog la/
phyis theg chen pa'i nang nas 'thon pa yang/ de dang bral ba
tsam gyis

@030a @#/ /'jog pas na/ theg chen pa ni sems de yod med tsam gyi
rjes su 'gro ldog byed do/ /de ltar yang spyod 'jug las/

byang chub sems skyes gyur na skad cig gis/ /'khor ba'i btson
rar bsdams pa'i nyam thag rnams/ /bde gshegs rnams kyi sras zhes

brjod bya zhing/ /zhes dang/ de ring sangs rgyas rigs su skyes/
/sangs rgyas sras su da gyur to/ /zhes sems bskyed ma thag tu
rgyal sras su

'gro bar gsungs la/ 'phags pa byams pa'i rnam par thar pa las
kyang/ rigs kyi bu 'di lta ste dper na/ rdo rje rin po che ni
chag kyang/

gser gyi rgyan khyad par du 'phags pa thams cad zil gyis gnon
cing/ rdo rje rin po che'i ming yang mi 'dor la/ dbul ba thams
cad kyang

rnam par zlog go /rigs kyi bu de bzhin du thams cad mkhyen par
sems bskyed pa'i rdo rje rin po che ni nan tan dang bral yang/
nyan thos dang rang sangs

@030b rgyas kyi yon tan gyi gser gyi rgyan thams cad zil gyis
gnon cing/ byang chub sems dpa'i ming yang mi 'dor la/ 'khor
ba'i dbul ba

thams cad kyang rnam par zlog go /zhes spyod pa la ma bslabs
kyang sems de yod na byang chub sems dpar gsungs pa dang/ mgon
po klu

sgrub kyis kyang/ bdag nyid dang ni 'jig rten 'dis/ /bla med
byang chub thob 'dod na/ /de yi rtsa ba byang chub sems/ /ri
dbang rgyal po ltar brtan dang/ /

zhes dang/ lag na rdo rje dbang bskur ba'i rgyud las kyang/
byang chub sems dpa' chen po gzungs sngags chen po'i dkyil 'khor
shin tu rgya che ba 'di dang/ shin tu zab pa

'di dang/ gting dpag dka' ba dang/ gsang ba las kyang ches gsang
ba sems can sdig pa can rnams la bstan du mi rung ba 'di ni lag
na rdo

rje khyod kyis shin tu dkon pa zhig smras te/ 'di ni sngon ma
thos na 'di sems can ci lta bu dag la bshad par bya/ lag na rdo
rjes smras pa/ 'jam

@031a @#/ /dpal gang dag byang chub kyi sems bsgom pa la zhugs pa
dang/ gang gi tshe de dag byang chub kyi sems grub par gyur pa
de'i tshe/ 'jam dpal

byang chub sems dpa'i spyod pa gsang sngags kyi sgo spyod pa'i
byang chub sems dpa' de dag ye shes chen por dbang bskur ba'i
gzungs sngags kyi

dkyil 'khor du 'jug par bya'i/ gang dag gi byang chub kyi sems
rdzogs par ma gyur pa de dag ni gzhug par mi bya ste de dag ni
dkyil 'khor bltar

yang mi gzhug go /de dag la ni phyag rgya dang gsang sngags
kyang bstan par mi bya'o/ /zhes gsungs so/ /'di la sdong po bkod
pa'i mdo las kyang/

rigs kyi bu byang chub kyi sems ni sangs rgyas kyi chos rnams
kyi sa bon lta bu'o/ /'gro ba thams cad kyi chos dkar po rnam
par 'phel bar byed

pas zhing lta bu'o/ /'jig rten thams cad brten pas sa lta bu'o/
/dbul ba thams cad yang dag par gcod pas rnam thos kyi bu lta
bu'o/ /byang chub

@031b sems dpa' thams cad yongs su bsrung bas pha lta bu'o/ /don
thams cad yang dag par sgrub pas yid bzhin gyi nor bu'i rgyal po
lta bu'o/ /bsam

pa thams cad yongs su rdzogs par byed pas bum pa bzang po lta
bu'o/ /nyon mongs pa'i dgra pham par byed pas mdung thung lta
bu'o/ /tshul bzhin

ma yin pa yid la byed pa 'gog pas go cha lta bu'o/ /nyon mongs
pa'i mgo ltung bar byed pas ral gri lta bu'o/ /nyon mongs pa'i
shing gcod pas sta

re lta bu'o/ /gtse ba thams cad las skyob pas mtshon cha lta
bu'o/ /'khor ba'i chu'i nang na gnas pa steng du 'byin pas mchil
pa lta bu'o/ /sgrib pa

dang khebs pa'i rtsa ba thams cad rnam par 'thor bar byed pas
rlung gi dkyil 'khor lta bu'o/ /byang chub sems dpa'i spyod pa
dang smon lam thams cad bsdus

pa'i phyir mdor bstan pa lta bu'o/ /lha dang mi dang lha ma yin
du bcas pa'i 'jig rten gyis mchod pas mchod rten lta bu'o/ /rigs
kyi bu de ltar byang

@032a @#/ /chub kyi sems ni yon tan de dag dang yon tan gyi bye
brag tshad med pa gzhan dag dang yang ldan no/ /zhes gsungs pa
ltar

rdzogs pa'i sangs rgyas kyi go 'phang sgrub par byed pa'i theg
pa chen por 'jug par byed pa'i sgo thun mong ma yin pa/ gang
rgyud la 'khrungs

na sngar bsags kyi las kyi sgrib pa thams cad sreg par byed pa/
sdug bsngal dang 'jigs pa thams cad las skyob par byed pa/ mngon

mtho dang nges legs kyi 'bras bu thams cad zad mi shes pa 'byin
par byed pa/ gsung rab rgya mtsho bsrubs pa las byung ba'i mar
gyi nying khu

lta bu sangs rgyas su bgrod pa'i rgyu thun mong ma yin pa'i nyer
len sa bon grung po lta bu'i byang chub sems kyi phan yon mthong
nas snying thag pa nas spro

bar bya ste/ spyir dal 'byor thob nas dam pa'i chas bsgrub tu
yod pa skal ba dang ldan la/ khyad par du theg pa chen po'i
byang chub kyi sems nyams su blang

@032b du yod pa ni bdag gis rnyed pa legs par rnyed do snyam nas
nges pa shugs drag bskyed pa ni gal che'o/ ! /gnyis pa sems
sbyong ba'i rim pa nyid bshad

pa la gnyis/ kun rdzob byang chub kyi sems sbyong dngos kyi
gdams pa dang/ de'i yan lag gi gdams pa'o/ /dang po la gnyis/
gzhan don don

gnyer gyi byang chub kyi sems sbyong ba'i rim pa dang/ byang
chub don gnyer gyi byang chub kyi sems sbyong ba'i rim pa'o/
/dang po la gnyis/ skyon yon gyi sgo

nas bdag gzhan brje bar bstan pa/ gzhan don don gnyer gyi byang
chub kyi sems sbyong dngos so/ /dang po ni/ spyir shing rta chen
po dag gis byang chub sems

sbyong la/ gzhan don don gnyer dang byang chub don gnyer gnyis
su mdzad cing/ dang po la don bya yul gyi sems can de sdug pa
phangs pa yid 'ong gi rnam

pa can du mthong ba dgos pa ni mtshungs la/ de gang gis bsgrub pa
ni rgyu 'bras bdun ma'i sgo nas 'khrid pa'i tshe/ gnyen phyogs la
yid 'ong/ dgra phyogs la

@033a @#/ /yid du mi 'ong/ bar ma la btang snyoms kyi blo skye
bar mthong nas sems can thams cad gnyen du bsgom pa

yin la/ gnyen gyi mthar thug ma yin pas mar shes pa/ drin dran
pa/ byas pa gzo ba gsum bsgom pa'i sgo nas yid

'ong gi rnam pa can du bsgrub pa'o/ /'phags pa zhi ba lha'i
gzhung la brten nas sbyong ba'i phyogs la/ rang gces par

'dzin pa'i nyes dmigs sgo du ma nas bsams te sun dbyung zhing/
gzhan gces par 'dzin pa'i phan yon sgo du ma nas

bsams te/ don bya yul sems can phangs shing sdug pa yid 'ong gi
rnam pa can du bsgrub pa yin la/ rgyal sras chen

po 'chad kha ba'i byang chub sems sbyong gi tshul ni phyi ma la
brten pa yin pas/ de 'chad pa la gnyis/ rang gces 'dzin

@033b gyi nyes dmigs bsams pa'i sgo nas dor byar bstan pa/ gzhan
gces 'dzin gyi phan yon bsams pa'i sgo nas nyams su blang

byar bstan pa'o/ ! /dang po ni/ le lan thams cad gcig la bda'/
/zhes gsungs te/ rang cag sems can rnams

sdug bsngal mi 'dod pa thog tu 'bab pa dang 'dod pa ma grub pa
thams cad kyi rtsa ba ni le lan bda' sa phyi rol gzhan du 'tshol

ba de; le lan bda' sa 'chugs pa yin te/ de ltar mnar med nas
srid rtse'i bar 'gro ba rigs lnga'am drug tu skyes nas sdug

bsngal yun ring la dar drag pa sgo sna tshogs nas myong ba thams
cad rgyu med dang/ mi mthun pa'i rgyu las byung ba ma yin/ las

dang nyon mongs pa'i kun 'byung la brten nas byung la/ las kyang
nyon mongs kyis sog pas nyon mongs gtso la/ nyon mongs kyi

@034a @#/ /nang nas kyang bdag tu 'dzin pa'i ma rig pa 'di sdug
bsngal thams cad bskyed pa'i rtsa ba yin te/ spyod

'jug las/ 'jig rten dag na 'tshe ba gang yod dang/ /'jigs dang
sdug bsngal ji snyed yod gyur pa/ /de kun bdag tu

'dzin pa las byung na/ /'dre chen des ko bdag la ci zhig bya/
/zhes dang/ gzhan yang bdag 'dzin gyis gtso byas pa'i nyon

mongs rnams kyis rang la gnod pa ni gnod pa'i ngo bo che/ dus
yun ring khong dang mthun pa sgrub tu med de/ de nyid las/ de
ltar

yun ring rgyun chags dgrar gyur pa/ /gnod pa'i tshogs rab 'phel
ba'i rgyu gcig pu/ /bdag gi snying la nges par gnas 'cha'

na; ;'khor bar 'jigs med dga' bar ga la 'gyur/ /zhes dang/ gzhan
yang rang gces 'dzin gyis gnod pa du ma la sbyar

@034b zhing; phan pa bsgrub pa'i sgo bkag pa bsam pa'i sgo nas
'khon rnams dran par bya ste/ 'di ltar gti mug ma rig pas drangs

pa'i rang gces par 'dzin cing/ gzhan yal bar 'dor ba 'dis log
par lta ba'i mtshon rnon po bzung ste/ dge sdig khyad du

bsad nas mngon mtho nges legs kyi srog rtsa gcod pa'i sdig can
shan pa mkhan de yang 'dir 'dug /rang gces 'dzin 'di dug

gsum gyi rkyal pa thogs nas dge ba'i lo thog 'joms par byad pa'i
chom rkun pa de yang 'dir 'dug /snying gi phug tu bsod nams ma

yin pa'i rdzas ngan du ma bsags nas mi dang mi ma yin gyi gnod
byed thams cad spyan 'dren par byed pa'i phung byed 'ug pa'i mgo
bo can

de yang 'dir 'dug /las kyi zhing la rnam shes kyi sa bon btab/
sred len gyi chus yang dang yang du bcus te 'gro ba lnga'am drug
tu sdug

@035a @#/ /bsngal gyi myu gu du ma 'grub par byed pa'i mo nam
mkhan po de yang 'dir 'dug /sngon byon zin pa'i sangs rgyas

bcom ldan 'das rnams dang/ rang re la yang srid pa 'dir snga
phyi med pa'i yun ring cig song ba la/ da dung yang 'jig rten
dang 'jig

rten las 'das pa'i yon tan gang yang ma 'byar ba sgren mo lag pa
stong par bcos pa'i snyom las le lo mkhan de yang 'dir 'dug
/srid

rtse nas mnar med kyi bar gang du skyes kyang sdug bsngal gyi
gnas/ su dang 'grogs kyang sdug bsngal gyi grogs/ ci la longs
spyod kyang

sdug bsngal gyi longs spyod las ma 'das par bcom ldan 'das kyi
gsung rab dang/ dgongs 'grel mkhan po dag gi gzhung lugs/ bla

ma dam pa'i mgur gyi bum pa las thos shing nges kyang/ khyi rgan
zan la 'du ba ltar 'khor ba'i phun tshogs re la dmigs nas sems

@035b dung nge sdod pa'i brnab sems mkhan po de yang 'dir 'dug
/phan pa 'ong mi 'ong cha med pa'i sa nas g.yul ngo bzlog pa'i
phan pa cig 'ong

du re nas skor mgo mang du byed/ gnod kyis dogs mi dogs cha med
pa'i sa nas 'di phyir phung ba'i gnod pa chen po cig byung gis
dogs

nas phyi lam 'gog pa'i rags rtsig du ma 'then pa'i re dogs mkhan
de yang 'dir 'dug /gri kha mda' kha mdung kha byed pa'i khrod du
yang

khe cig thob tu re nas 'tshang bar byed/ gyong cig khel ba byung
na/ mkhan po dang/ slob dpon grogs snying rag ma pha ma nye du
rnams la

'gel bar byed pa'i khrel med gzhung ngan po de yang 'dir 'dug
/ya gi dge ba'i bshes gnyen nas/ ma gi sro shig gi bar thams

cad la mtho la phrag dog /mnyam pa la 'gran sems/ dma' ba la nga
rgyal/ bstod na dregs/ mi snyan brjod na khong khro skyes pa'i
ba

@036a @#/ /yan sna med/ rta yan srab med ltar nyon mongs thams
cad kyi nang nas/ kha yan pa de yang 'dir 'dug /

dge sdig las bde sdug 'byung ba mi 'khrul zhing nges par bcom
ldan 'das kyi gsung rab/ dgongs 'grel mkhan po rnams kyi

gzhung lugs/ dpal ldan bla ma dam pa'i mgur gyi bum pa las thos
shing nges la/ bde ba 'dod la sdug bsngal cung zad tsam

yang mi 'dod bzhin du gzhan gyis bskul na yang dge ba'i phyogs
la blo 'gror mi nyan/ bcas rang gi kha na ma tho ba la chu thur
du

'bab pa ltar ngam ngam shugs kyis 'jug par byed pa 'gal 'du ltag
sprod du khas len pa'i sdig can log lta can de yang 'dir

'dug /nyon mongs brgyad khri bzhi stong po 'di dag gis 'khor ba
thog ma med pa nas/ deng sang gi bar du gnod pa dang sdug bsngal

@036b du ma la sbyar/ phan bde bsgrub pa du ma'i sgo bkag kyang/
da dung yang 'di dag gi skyon cung zad kyang mthong ba'i mig med
pa lder bzo

skam po lta bu'i ha re long de yang 'dir 'dug /mdor na gyod dang
sdug bsngal thams cad bskyed pa'i gzhi rang gces 'dzin gyi dbang
du

lus ngag yid gsum gyi spyod pa btang na/ phyi dgra dang nang
'khrug 'di phyi'i gnod pa thams cad 'byung ba'i snga ltas ltas
ngan byi'u mgo sngon

lta bu de rang gces 'dzin/ gzhan yal bar 'dor ba'i blor shes par
byas la/ 'di la dgrar cer gyis bzung la/ dgra zun gyi ru

phyed par bya ste/ 'phags pa zhi ba lha'i zhal nas/ khyod kyis
kho bo gar brlag pa'i/ /sngon gyi dus de gzhan yin te/ /ngas
mthong da

khyod gang du 'gro /khyod kyi dregs pa kun gzhom bya/ /bdag gis
gzhan la khyod btsongs kyi/ /skyo bar ma sems zho sha phul/ /gal
te

@037a @#/ /bag med gyur nas khyod/ /sems can rnams la ma byin na/
/khyod kyis kho bo dmyal ba yi/ /srung ma rnams la

sbyin du nges/ /gal te de ltar re lta zhig /kho bo byin pas yun
ring sdug /da ni 'khon rnams dran byas te/ /khyod kyis rang don
sems pa

gzhom/ /zhes gsungs pa ltar ro/ /gzhan yang thog med nas/ rang
gces 'dzin goms pa'i dbang gis gnas khang lta bu cig na

byi ba tsig tsig zer na'ang kho bo'i rna ba bcad dam sems/ 'brug
cig tug zer na'ang kho bo'i mgo la brgyab kyis dogs/ yul gnyan

zer bar sleb na kho bo skrags nas khyer gyis dogs pa dang/ de
bzhin du la la gtam ngan gyis dogs nas sdug bsngal/ la la dgra
ma

thul gyis dogs nas sdug bsngal/ la la gnyen ma 'khyongs kyis
dogs nas sdug bsngal te/ mdor na la la cis sdug tu bcug

@037b lung lung cis sdug tu bcug pa thams cad la le lan gyi rtsa
ba ngos zin par bya'o/ /dge bshes sna mo ba ja brdung tsa na
bdag 'dzin

gyi mgo la dza dza zhes dang/ dge bshes 'ban sems kyi mkhar sgor
dran pa'i mdung thung rnon po bzung nas/ khong bsgrim na nga'ang

bsgrim/ khong glod na nga'ang glod/ ces dang/ glang ri thang
pas/ khe dang rgyal kha sems can la 'bul/ ci ste na legs tshogs
thams

cad khong la brten nas 'byung bas so/ /gyong dang bub kha thams
cad rang gis blang/ ci ste na gnod pa dang sdug bsngal thams cad
rang

gces 'dzin las byung bas so/ /zhes gsungs te/ de ltar sbyangs na
pho ba dug stabs kyis na ba ltar khrem me 'dug pa de lhan ne ba
cig

sdod 'ong ngo/ /de tsug ma byung ring la sham thabs g.yag khal
cig zad/ bum pa stong mgo thog tu bzhag kyang/ tshe ril po thos
pa byas

@038a @#/ /kyang; thams cad log nas yeng yeng byas kyang 'dod
pa'i rnyong khebs pa cung zad kyang med par byas nas/ sre

mong bu nad langs pa ltar ci byed ci ru ma bde ba tshugs thabs
med pa las mi 'ong bas/ rang gi mtheb gang po ma shor bar tshir
re

non pa cig dgos/ de ltar 'bad nus na gdod theg pa chen po/ yangs
pa chen po/ khyags pa chen po/ blo gros chen po bya ba

de la zer gsung/ mdor na rang gces 'dzin gyis gzhi gzung ba'i
nyon mongs rnams kyi nyes dmigs dus gsum sangs rgyas thams

cad kyis bskal ba'i bar du gsungs kyang zad pa'i mtha' med de/
'on kyang gong du bshad pa de tsam re gsung rab dgongs 'grel

gyi don bla ma dam pa'i man ngag gis rang gi sems kyi mtshang
thog tu bskor ba'i tshul gyis yang yang sems/ 'jal/ nges par

@038b rtog par bya ste/ 'di yod na phyi rol na ji lta bur 'dug
kyang sems rgyud chos dang 'dres/ don thog tu khel ba 'ong la/
'di med na yon

tan du ming btags pa thams cad kyang bdag 'dzin gyi gsos su song
nas nyon mongs pa 'phel ba'i grogs su 'gro nyen yod do/ ! /gnyis

pa gzhan gces 'dzin gyi phan yon bsam pa'i sgo nas nyams su
blang byar bstan pa ni/ kun la bka' drin che bar bsgom/ /zhes
gsungs te/

spyir theg pa chen po'i rigs can gyi gang zag la dbu ma 'jug pa
nas gsungs pa ltar byams pa snying rje thog mtha' bar gsum du
gal che la/

de dag sems can la brten nas skye ste/ sems can bde bas phongs
pa rnams la dmigs nas byams pa/ sdug bsngal me tshogs spungs

pa lta bus gzir ba'i sems can la dmigs nas brtse ba snying rje
chen po skye ste/ spyod 'jug las/ byams sems ldan la mchod pa
gang/ /

@039a @#/ /de yang sems can che ba nyid/ /ces so/ /der ma zad
byams snying rje sngon du song ba can gyi bla na med pa'i byang
chub

don du gnyer ba'i byang chub kyi sems kyang sems can la brten
nas skye ste/ 'di ltar sems can mtha' dag gi phan bde ma lus pa
bsgrub

cing; gnod pa dang sdug bsngal mtha' dag sel bar nus pa ni sangs
rgyas nyag gcig tu mthong zhing/ byams snying rjes bskul nas

rdzogs pa'i sangs rgyas thob 'dod kyi byang chub kyi sems skye
ste/ sems bskyed pa ni gzhan don phyir/ /yang dag rdzogs pa'i
byang chub

'dod/ /ces gsungs so/ /bsdu ba'i dngos po bzhi dang/ pha rol tu
phyin pa drug kyang sems can la brten nas skye ba dang/ gnas

pa dang/ gong nas gong du 'phel bar byed la/ de ltar na spyod
pa'i rten byang chub sems kyi rtsa ba byams snying rje sbyong
ba'i rten sems

@039b bskyed spyod pa rang gi ngo bo rnams sems can la brten nas
'byung bas/ 'bras bu sangs rgyas 'grub pa'i rgyu tshogs thams cad
sems

can la brten/ mngon par rdzogs par sangs rgyas nas lhun grub
rgyun mi 'chad kyi 'phrin las kyang don bya yul sems can la
brten nas

'byung ste/ mdor na theg pa chen po rgyu 'bras thams cad kyi
rtsa ba sems can gces par 'dzin pa ste/ mig gis sems can lta na
yang/ /

'di dag nyid la brten nas bdag /sangs rgyas nyid du 'gyur ro
zhes/ /drang zhing byams pa'i tshul gyis lta/ /zhes so/ /gzhan
yang

dper na zhing sa shin tu gshin pa la sa bon grung po btab nas
legs par bsrungs shing bskyangs na ston thog bzang mang 'byung
bar

mthong nas zhing sa bzang po la ches cher gces spras su byed pa
ltar/ sems can gyi zhig la byams snying rje byang chub kyi sems
phyin

@040a @#/ /drug bsdu ba bzhi'i sa bon grung po btab nas legs par
bsrungs shing bskyangs na/ don gnyis mthar phyin sangs

rgyas bcom ldan 'das kyi go 'phang 'byung bar mthong nas sems
can gyi zhig la'ang ches cher gces spras su byas te 'phangs
shing

sdug pa yid du 'ong ba'i rnam pa can du mthong nas gus par bya
ste/ spyod 'jug las/ de phyir sems can zhing dang ni/ /rgyal

ba'i zhing zhes thub pas gsungs/ /'di dag mgu byas mang po zhig
/'di ltar phun sum pha rol phyin/ /sems can rnams dang

rgyal ba las/ /sangs rgyas chos 'grub 'dra ba la/ /rgyal la gus
bya de bzhin du/ /sems can la min ci yi tshul/ /bsams pa'i

yon tan rang gis min/ /zhes so/ /gzhan yang sems can sangs rgyas
kyi rgyu dang 'bras bur bcas pa'i 'byung khungs su mthong

@040b nas sems can la ches shin tu bkur bar 'os te/ de nyid las/
yon tan mchog tshogs gcig pu yis/ /yon tan shas tsam 'ga'

zhig la/ /snang na'ang de la mchod don du/ /khams gsum phul yang
chung bar 'gyur/ /sangs rgyas chos mchog skye ba'i shas/ /sems

can rnams la yod pas na/ /'di tsam dag gi cha bstun nas/ /sems
can mchod byar rigs par 'gyur/ /zhes so/ /sems can

gces par gzung ste de dag gi phan bde bsgrubs pa las mngon mtho
nges legs 'byung zhing/ sems can yal bar bor ba las rgud pa

thams cad 'byung bar gsungs te/ byang chub sems 'grel las/ 'jig
rten bde 'gro ngan 'gro yi/ /'dod dang mi 'dod 'bras bu ste/

sems can la ni phan pa dang/ /gnod pa las ni 'byung bar 'gyur/
/sems can brten nas sangs rgyas kyi/ /go 'phang bla med rnyed
gyur na/ /

@041a @#/ /lha dang mi yi longs spyod gang/ /tshangs dang dbang
dang drag po dang/ /'jig rten skyong ba'i rten de dag /sems

can phan pa tsam zhig gis/ /ma drangs pa ni 'gro gsum 'dir/
/'ga' yang med pa mtshar ci yod/ /sems dmyal dud 'gro yi dwags

su; ;sdug bsngal rnam pa du ma'i dngos/ /sems can rnams kyis
myong ba gang/ /de ni sems can gnod las byung/ /bkres skom phan

tshun brdeg pa dang/ /gzir ba yis ni sdug bsngal nyid/ /bzlog par
dka' zhing zad med de/ /sems can gnod pa'i 'bras bu'o/ /zhes

gsungs so/ /theg pa dman pa'i gang zag gis sems can yal bar dor
bas nyi tshe ba'i byang chub tsam las mi thob cing/ theg pa mchog

gi rigs can gyis gzhan gces par bzung bas bla na med pa'i byang
chub mngon du mdzad de/ de nyid las/ sems can rnams la chags

@041b bral ba/ /dug bzhin 'bad pas spang bar bya/ /nyan thos
rnams ni chags bral bas/ /byang chub dman pa thob min nam/ /sems
can yongs

su ma dor bas/ /rdzogs sangs rgyas kyi byang chub thob/ /de ltar
phan dang mi phan pa'i/ /'bras bu 'byung bar dpyad pa na/ /de
dag skad cig

gcig kyang ni/ /rang don chags shing ji ltar gnas/ /zhes so/ /da
ltar gnod byed du snang ba'i sems can 'di rnams sngon thog med
nas

rang rgyud kyi nyon mongs kyis nyer len byas/ rang res thog med
nas gzhan gnod byas pa'i las kyis lhan cig byed rkyen byas pa'i
dbang

gis gnod byed 'di dag gis bsam pa ngan pas kun nas bslang ba'i
sbyor ba phyin ci log drag po mang du byas pa'i rgyu mtshan gyis/
spyir

'khor ba mtha' med/ bye brag ngan 'gro rnams su sdug bsngal sna
tshogs myong ba'i le lan rang cag la thug pa yin te/ 'phags pa
zhi ba

@042a @#/ /lha'i zhal nas/ bdag gis las kyis bskul byas nas/
/bdag la gnod byed rnams byung ste/ /de yis sems can

dmyal 'dod na/ /bdag gis de dag ma brlag gam/ /zhes so/ /khyad
par da lta rang cag theg pa chen po'i chos kyi sgor zhugs pa'i
skabs

su 'di dag gis sgo sna tshogs nas gnod pa du ma byas pas theg pa
chen po'i chos kyi bar chad byas pa'i dbang gis spyir 'khor ba'i
sdug bsngal/

bye brag tu ngan song du gzhol zhing 'bab pa ngan 'gro'i sdug
bsngal du ma'i snod du 'gyur ba snying re rje snyam du bsam
zhing/ gzhan yang gnod

byed 'dis bdag gi ma byas pa grangs kyis mi chod/ bdag gis khyod
kyi sha zos/ khrag 'thung/ rus pa mur/ pags pa gyon pa bgrang ba

las 'das pa byas/ nu zho 'thungs pa rnams bsags na stong gsum
snod du chungs/ bsad pa dang brgyab pa dang phrogs pa yang
grangs

@042b kyis mi chod pa byas pas/ de thams cad kyi drin lan dang
lan chags bskor bar da res khyod la dbang/ bdag la 'os bka' drin
che snyam du

bsam par bya ste/ dmigs kyis bkar nas gtong len gnyis kyi sgo
nas byams snying rje/ khyad par du gnod byed la brten nas bzod
pas gzhi

byas pa'i pha rol tu phyin pa drug kyang de la brten nas 'byung
ste gnod byed de bzod pa'i yul yin pas bzod pa bsgom/ bzod pa
yod na pha

rol tu phyin pa gnyis de'i sngon du song la/ gsum de la brten
nas 'byung bas so/ /don du bskor gyis bskor na yul de dag sangs
rgyas

lag mthil du ster mkhan yin pas so/ /de ltar yang 'chad kha ba
chen po'i zhal nas/ dgra'am 'on te mdza' yang rung/ /nyon mongs

skye ba'i yul rnams la/ /dge bshes yin par sus mthong ba/ /mi de
gang na gnas kyang bde/ /zhes gsungs pa ltar bslab dgos te/

@043a @#/ /dper na/ mkhan slob kyis sdom pa phog pas thar pa dang
thams cad mkhyen pa'i rgyur song nas drin che ba ltar/ 'di la

brten nas kyang bzod pa rdzogs la/ des byang chub chen po'i
rgyur 'gyur bas/ khar drogs byung ba lces ma 'phul zer ba ltar
yin te/ spyod

'jug las/ de bas ngal bas ma bsgrubs par/ /khyim du gter ni
byung ba ltar/ /byang chub spyod pa'i grogs gyur pa/ /dgra la
bdag gis

dga' bar bya/ /ces dang/ gang dag bdag la kha zer ram/ /gzhan
yang gnod par byed pa'am/ /de bzhin phyar kha gtong yang rung/ /

thams cad byang chub skal ldan gyur/ /zhes gsungs so/ /yang
'chad kha ba chen po'i zhal nas/ phan btags lan du gnod byed
kyang/ /

yang lan snying rje chen po bsgom/ /'dzam bu'i gling gi skye
mchog ni/ /nyes pa'i lan yang legs par 'don/ /zhes so/ /de ltar
sbyong shes

@043b na dpa' lus la yod na mtshon thang la 'khyam zhes pa'am/
rin chen gling la phyin na khyi rgyag gis rdo mi rnyed zer ba
ltar blo mi sbyong ba'i

dus med pa cig 'ong ste/ chos kyi mdo gcig pu 'di yin pas/ 'di
yod na/ mi gcig po la chos gcig po/ chos gcig po la go

chod po/ zer ba ltar yin/ don 'di lta bu cig go na chos kyi ming
byang chub sems sbyong zhes sogs ci skad btags kyang chog ste/
dpal lha

mo la; ming brgya ma la mtshan stong ma/ /gang nas bos kyang
khyod kyi ming/ /gang nas btags kyang khyod kyi mtshan/ /zhes pa
ltar yin te/

glang ri thang pa'i zhal nas/ dus gsum rgyal ba bskyed pa'i yum
sems can la 'jal ba/ zhes sogs gsungs skad/ yang khong gi

zhal nas/ byang chub kyi sems sems can la brten nas skye ba la/
ci byed rmog gis ma bde zer ba'i tshul du/ gang na 'dug kyang

@044a @#/ /gzhan re mig zur la ma bde nas/ des blos blangs pa
snyam byed pa de sangs rgyas kyi rgyus ma bde bar song ba yin

gsung skad/ gzhan gces par 'dzin pa'i phan yon dang/ rang gces
par 'dzin pa'i nyes dmigs mdor bsdus te 'phags pa zhi

ba lha'i zhal nas bka' stsal te/ mang du bshad lta ji zhig dgos/
/byis pas rang gi don byed dang/ /thub pa gzhan gyi don mdzad
pa/ /

'di gnyis kyi ni khyad par ltos/ /zhes so/ /de ltar legs par
bsams nas rang gces 'dzin nyes pa thams cad kyi 'byung khungs/

gzhan gces 'dzin las yon tan thams cad 'byung bar mthong nas/
don bya yul sems can phangs shing sdug pa yid 'ong gi rnam pa
     
can du blo skye ste/ des na/ rang gces 'dzin dang/ gzhan yal bar
'dor ba'i blo gnyis go sa 'pho byung byung gi bar du 'bad par
bya

@044b ste; bdag gzhan brje ba'i tshul mdor bsdus brjod zin to/ !
/gzhan don don gnyer gyi byang chub sems sbyong tshul dngos la
gnyis/

dngos gzhi'i gnas skabs kyi nyams len dang/ rjes dang thun
mtshams kyi gnas skabs kyi nyams len no/ /dang po la gnyis/ byams

pa bsgom pa dang/ snying rje bsgom pa'o/ /dang po ni/ gtong len
gnyis po spel mar sbyang/ /zhes gsungs te/ lus longs spyod dge
rtsa

gzhan la btang ba'i sgo nas byams pa bsgom pa la/ thog mar phan
yon bsams na spro ba shugs drag skye bar 'gyur bas phan yon ni/
ting

nge 'dzin rgyal po las/ bye ba khrag khrig dkrigs pa'i zhing dag
na/ /mchod pa rnam mang dpag med ji snyed pa/ /skye mchog rnams
la de yis

rtag mchod pas/ /byams pa'i sems kyi grangs dang char mi phod/
/ces dngos po rgya che bas yul mthar thug pa'i zhing la/ dus
rtag tu

@045a @#/ /mchod pa byed pa las bsod nams ches che bar gsungs pa
dang/ 'jam dpal gyi zhing bkod las kyang/ byang

shar gyi mtshams na sangs rgyas dbang phyug chen po'i 'jig rten
gyi khams stong gis brgyan pa zhes bya ba de na/ dge slong 'gog
pa la

zhugs pa'i bde ba bzhin du sems can rnams kyang bde ba dang ldan
no/ /der lo bye ba brgya stong du tshangs spyod spyad pas ni
zhing 'dir tha na se

gol gtogs pa'i yun tsam du sems can thams cad la byams pa'i sems
bskyed na/ snga ma las bsod nams ches mang du bskyed na gang
nyin

mtshan du gnas pa lta ci smos/ zhes bshad pa dang/ rin chen
phreng ba las/ rdzi'u tshos sum brgya'i kha zas dag /nyin re dus
gsum

sbyin pas kyang/ /byams pa yud tsam thang cig gis/ /bsod nams
dag la char mi phod/ /lha mi byams par 'gyur ba dang/ /de dag
kyang

@045b ni bsrung ba dang/ /yid bde ba dang bde mang dang/ /dug
dang mtshon gyis gnod med dang/ /'bad pa med par don 'thob dang/
/tshangs pa'i

'jig rten skye 'gyur te/ /gal te grol bar ma gyur kyang/ /byams
chos yon tan brgyad 'thob bo/ /zhes gsungs te/ byams pa yod na
lha mi byams

shing ngang gis 'du ba dang/ rgyal bas kyang bdud sde byams pa'i
stobs kyis pham par mdzad pas bsrung ba'i mchog tu 'gyur ba sogs
so/ /

lus longs spyod dge rtsa btang ba'i sgo nas byams pa bsgom pa
gang nas bshad snyam na/ spyod 'jug las byang chub kyi sems cho
gas len pa'i

tshe; sbyor chog rdzogs nas dngos gzhi'i skabs/ dam 'cha'i cho ga
dngos brjod pa'i gong du/ byams snying rje'i dmigs rnam brda'
sprod pa'i

tshe; lus longs spyod dge rtsa gtong bar gsungs la/ spyir de dag
gtong ba'i tshul/ gsung rab nas bshad tshul 'og tu 'chad do/
/btang

@046a @#/ /ba'i dgos pa ni/ bsod nams dang ye shes kyi tshogs
gnyis rdzogs par bya ba'i phyir/ lus longs spyod dge rtsa btang

ste; spyod 'jug las/ bdag gis lus dang longs spyod dang/ /dge ba
dus gsum skyes pa rnams/ /sems can kun gyi don bsgrub phyir/ /

'phangs pa med par gtang bar bya/ /zhes gsungs so/ /de dag gi
nang nas lus gtong ba ni sha khrag sogs mi gtsang ba'i rnam par
byas nas

spyir btang du mi rung la/ de dag don du gnyer ba la ni gtong
ba'i tshul 'og tu 'chad do/ /'o na lus ji ltar gtong na/ sdong po
bkod pa'i mdo

las; bdag nyid 'gro ba thams cad kyi nye bar 'tsho ba'i yid bzhin
gyi lus su bsgyur nas/ zhes dang/ rdo rje rgyal mtshan gyi mdo
las/

'byung ba chen po bzhi ni sgo sna tshogs/ tshul sna tshogs/ rnam
grangs sna tshogs nas sems can thams cad nye bar 'tsho ba de bzhin
du byang chub

@046b sems dpa' bdag nyid kyi lus kyang sems can thams cad kyi
nye bar 'tsho ba'i gzhir bsgyur/ zhes dang/ spyod 'jug las/ sems
can

rnams don bsgrub pa'i phyir/ /yid bzhin gyi ni lus su bsgyur/
/zhes gsungs pa ltar/ gang la gang 'dod kyi rnam par gtong ba
ste/ spyod

'jug las/ mu ge'i bskal pa bar ma'i tshe/ /bdag ni zas dang skom
du gyur/ /sems can phongs shing bkren pa la/ /yo byad mkho dgu
sna

tshogs su/ /mdun na nye bar gnas gyur cig /ces dang/ bdag ni mgon
med rnams kyi mgon/ /lam zhugs rnams kyi ded dpon dang/ /

rgal 'dod rnams kyi gru dang ni/ /gzigs dang zam pa nyid du
gyur/ /gling don gnyer la gling dang ni/ /mar me 'dod la mar me
dang/ /gnas

mal 'dod la gnas mal dang/ /bdag ni lus can bran 'dod pa/ /kun
gyi bran du 'gyur bar shog /rig sngags grub dang bum pa bzang/ /

@047a @#/ /dpag bsam gyi ni shing dag dang/ /sa sogs 'byung ba
chen po dang/ /nam mkha' bzhin du rtag par yang/ /sems

can dpag tu med pa yi/ /rnam mang nyer 'tsho'i gzhir yang shog
/de bzhin nam mkha'i mthas gtugs pa'i/ /sems can khams

la rnam kun tu/ /thams cad mya ngan 'das bar du/ /bdag ni nyer
'tsho'i gzhir yang shog /ces dang/ byang chub sems dpa'i sa

las; byang chub sems dpa' rnams dben par song ste nang du bsdus
nas bsam pa dag cing snying thag pa nas dang bas kun tu rtog pa

dag gis sbyin par bya ba'i chos rnam pa sna tshogs rgya chen po
dpag tu med pa dag mos shing sems can rnams la sbyin pa dag stob
par byed de/

des byang chub sems dpa' tshegs chung dus tshogs dpag tu med pa
'phel bar 'gyur ro/ /de ni byang chub sems dpa' shes rab chen po

@047b dang ldan pa'i sbyin pa'o/ /zhes gsungs pa ltar sems pa
'di la gnyis/ bcud la btang ba dang/ snod la btang ba'o/ /dang
po la gnyis/ /

lam lam zhugs pa'i gang zag la dbul ba dang/ lam zhugs kyi gang
zag la dbul ba'o/ /dang po ni/ rang re'i lus yang sos la sogs

pa'i tsha dmyal brgyad/ chu bur can la sogs pa grang dmyal
brgyad/ nyi tshe ba dang nye 'khor ba'i sems can dmyal ba ji
snyed yod pa rnams

la btang bas de thams cad gser 'gyur gyi rtsis lcags gser du
byed pa ltar/ 'phags pa'i nor bdun gyis phyug pa'i mtho ris yon
tan

bdun ldan gyi dal 'byor gyi lus sha stag thob par bsam mo/ /yid
bzhin gyi nor bu rin po che las zas gos sogs gang la ci 'dod pa

'byung ba ltar yid bzhin gyi lus su byas pa las dmigs yul de dag
la kha zas ro brgya pa/ gos stong phrag brgya pa/ khang pa
brtsegs pa lnga

@048a @#/ /brgya pa dang/ smon lam gcig tu byas pa'i grogs phun
sum tshogs pa ste/ gang gis longs spyod pa'i rten/ yul gang

la longs spyod pa'i longs spyod/ gang dang lhan cig longs spyod
pa'i 'khor phun tshogs thams cad kyang theg pa chen po'i dam pa'i
chos sgrub

pa'i mthun rkyen du gyur par bsam mo/ /de bzhin du phyi'i rkyen
gtso bo theg pa chen po'i dge ba'i bshes gnyen mtshan nyid dang
ldan pas

dgyes bzhin du rjes su 'dzin pa/ gang la thos bsam bya ba'i gzhi
mdo sngags kyi gsung rab la sogs pa phyi'i rkyen rnams dang/
nang gi rkyen

dad sogs 'phags pa'i nor bdun/ tshul khrims la spyod pa sogs
bslab pa rin po che gsum ste/ mdor na byams snying rje'i rtsa ba
can gyi

byang chub kyi sems rgyud la skyes te/ spyod pa pha rol tu phyin
pa drug spyad pas tshogs gnyis mthar phyin te sangs rgyas nas
thams cad kyang sems

@048b rgyud chos sku'i bde ba dang ldan par bsam mo/ /de bzhin
du phyogs bcu'i 'jig rten gyi khams mtha' yas mu med pa na yi
dwags kyi rigs sum

cu so drug gis bsdus pa'i sems can ji snyed yod pa rnams la lus
btang bas sngar bzhin du sangs rgyas nas chos sku'i bde ba dang
ldan par

bsam mo/ /de bzhin du 'jig rten gyi khams kyi dud 'gro byings na
gnas pa dang kha 'thor ba rnams la btang bas kyang de ltar bsam
mo/ /de

bzhin du phyogs bcu'i 'jig rten gyi khams na gling bzhi gling
phran brgyad na mi'i 'gro ba pa mi khom pa'i skye gnas su song
ba dang/ gzhan yang

tshe de la thar lam bsgrub pa'i skal ba med pa rnams la lus btang
bas sngar bzhin bsam mo/ /tshe de la thar lam skye ba'i skal ba
dang ldan

pa'i mi rnams la lus btang bas lam bsgrub pa'i phyi'i rkyen
rnams dang nang gi bsam pa'i rkyen thams cad tshang nas sngar
ltar gyur par

@049a @#/ /bsam mo/ /de bzhin du rgyal chen ris bzhi la sogs pa'i
'dod lha rigs drug /tshangs ris nas 'bras bu che ba'i

bar gyi gzugs khams gnas rigs bcu gnyis/ gzugs med skye mched mu
bzhi na gnas pa'i thar lam la ma zhugs pa'i sems can

rnams re re la'ang lus tshang ba re btang bas sngar bzhin du gyur
pa dang/ srid pa bar ma do na gnas pa'i sems can rnams la btang
bas

de bzhin du bsam mo/ /khyad par du rang la gnod pa byed pa'i
rigs la gtong ba'i tshul ni/ rang gi lus las zas gos gnas khang
sogs

phyi'i rkyen sna tshogs byung bar sprul la gnod byed thams cad de
nyid du byang chub sems kyi lcags kyus bkug la/ de rnams la 'di
ltar

bden pa bdar nas sbyin par bya ste/ 'di ltar khyed cag gis thog
ma med pa'i dus nas bdag cag gi ma lan grangs du mar byas/ de'i

@049b gnas skabs su nus tshad kyis phan pa thams cad kyi sgo nas
phan btags/ gnod pa dang sdug bsngal du ma las skyob pa'i drin
can du

'dug ang snyam pa'i shes pa nye dung nge ba bskyed la/ gzhan
yang thog ma med pa nas kho bo cag gis khyed rnams kyi sha zos
khrag 'thungs

rus pa mur lpags pa gyon brgyab bsad phrogs pa la sogs pa du
ma'i lan chags pas na/ da res de dag gi lan chags dang drin

'jal ba kho bo la bab/ khyed la dbang bas khyed cag zas 'dod pa
la ni zas/ gos 'dod pa la ni gos/ gnas khang 'dod pa la

ni gnas khang/ grogs dang 'khor g.yog 'dod pa la ni 'khor
g.yog /zas kyi nang nas kyang dkar gsum 'dod pa la ni dkar

gsum/ mngar gsum 'dod pa la ni mngar gsum/ sha khrag gi rnam par
'dod pa la ni de dag gi rnam par 'byung bar bsams

@050a @#/ /la; ltos pa med par khyed cag sha 'dod pas ni sha zo/
khrag 'dod pas ni khrag 'thung/ rus pa 'dod pas ni

rus pa mur/ lpags pa 'dod pas ni lpags pa gyon/ rings na rjen
pa/ mi rings na tshos la zo/ zhes lhug par btang ngo/ /de ltar

btang zhing yul de dag gis longs spyad pas gnas skabs su lus
'grangs/ sems tshim/ bkres skom dbul phongs kyi sdug bsngal dang

bral; gnod sems gdug pa dang/ sdig pa'i bsam pa thams cad nye
bar zhi/ gzhan phan byang chub kyi sems rgyud la 'khrungs te

tshogs gnyis mthar phyin te/ sems rgyud chos sku'i bde ba dang
ldan par bsams la/ phan pa'i 'bras bu bde ba yin/ /gnod pa'i

'bras bu sdug bsngal yin/ /rang gi lus la dpe long la/ /gzhan la
gnod pa ma byed cig /ces brjod do/ /res 'ga' ni shar la

@050b sogs pa phyogs dang mtshams kyis phye ba'i sems can rnams
la rims kyis btang bar bya ste/ 'di ltar shar phyogs kyi 'jig
rten gyi

khams ganggA'i klung gi bye ma snyed na sems can ji snyed yod
pa rnams la lus btang bas sngar bzhin byung bar bsam/ de bzhin
du phyogs

mtshams lhag ma rnams la'ang 'dra bar shes par bya'o/ ! /gnyis pa
lam zhugs kyi gang zag la dbul ba'i tshul ni/ theg pa dman

pa'i gang zag rnams la lus gang ci 'dod 'byung ba'i yid bzhin
gyi lus kyi rnam par phul bas sku tshe de nyid la sangs rgyas
bcom ldan 'das

kyi go 'phang mngon du byed par nus pa'i phyi nang gi rgyu rkyen
tshogs pa tshang ba re re rnyed de goms pas tshogs gnyis mthar
phyin te/ sems

rgyud chos sku'i bde ba dang ldan par bsam mo/ /theg pa chen
po'i tshogs sbyor dang/ sa bcu la gnas pa'i byang chub sems dpa'
chen po

@051a @#/ /rnams la lus sngar bzhin du dmigs te phul bas tshogs
gnyis mthar phyin te/ sems rgyud chos sku'i bde ba dang ldan

par bsam mo/ /rtsa ba dang brgyud par bcas pa'i dpal ldan bla ma
dam pa rnams dang phyogs bcu'i 'jig rten gyi khams mtha' yas mu

med pa na bzhugs pa'i sangs rgyas bcom ldan 'das rnams la lus
sngar bzhin du bsams te phul bas de dag re re'i drung du'ang lus
du mar

sprul; lus re re la'ang yan lag dang nying lag du mar sprul te/
rgyu dang 'bras bu'i yon tan las brtsams te phyag 'tshal ba dang/

yid bzhin gyi lus las mchod pa'i tshogs rab 'byams bsam gyis mi
khyab par dmigs te phul bas/ de rnams kyi thugs rgyud la zag

pa med pa'i bde ba chen po 'khrungs par bsams te/ spyod 'jug
las/ sems can rnams kyis lan mang du/ /sangs rgyas thams

@051b cad mchod byed cing/ /sangs rgyas bde ba bsam yas kyi/
/rtag tu bde dang ldan gyur cig /byang chub sems dpa' rnams kyis
ni/ /'gro

don thugs la dgongs 'grub shog /mgon po yis ni gang dgongs pa/
/sems can rnams la'ang de 'byor shog /de bzhin rang

sangs rgyas rnams dang/ /nyan thos rnams kyang bde gyur cig /ces
so/ /bcud la btang ba'i tshul bshad zin to/ ! /gnyis pa snod

la btang ba'i tshul ni/ rang re'i lus yid bzhin gyi lus kyi rnam
par phyogs bcu'i 'jig rten gyi khams mtha' yas mu med pa'i

snod kyi zhing rnams la btang bas/ snod kyi 'jig rten ma dag pa
sdong dum/ tsher ma/ gyo mo/ gseg ma/ ngam grog /g.yang sa la

sogs pa ma dag pa'i snod thams cad gnas 'gyur te/ snod kyi 'jig
rten gyi khams thams cad kyang/ rin po che sna tshogs kyi rang

@052a @#/ /bzhin lag mthil ltar mnyam pa/ tha gru che ba/ yangs
pa/ reg na 'jam zhing bde ba/ dri ma med cing 'od gsal

ba; tsan dan sbrul gyi snying po'i dri bsung dang ldan pa/ lha'i
me tog sna tshogs kyis gcal du bkram pa/ mthar rin po che'i pha

gus brtsegs pa/ gser dang/ dngul dang/ mu tig gi phye mas gram
bur bdal ba/ ud pa la dang/ ku mu ta dang/ padma 'gying

zhing ldems pas khebs pa/ chu bya sna tshogs skad snyan pa sgrogs
pa/ dga' zhing 'phyo la lding bas brgyan pa'i yan lag brgyad
dang ldan pa'i

mtsho dang/ rdzing dang/ lteng ka dag gis mdzes par byas pa sogs
dag pa'i zhing phun sum tshogs par gyur te/ sangs rgyas byang
sems

'phags pa'i tshogs rnams la mchod pa'i sprin gyi phung po chen po
lta bur bsam zhing/ zhing de dag na yod pa'i bcud kyi sems can
la de lta

@052b bu'i phun tshogs 'byor pa las nga rgyal dang/ rgyags pa
dang/ dregs pa 'byung ba'i rkyen du skad cig kyang ma song
zhing/ byang chub bsgrub pa'i mthun

rkyen sha stag byung bar bsams te/ spyod 'jug las/ thams cad du
ni sa gzhi dag /gseg ma la sogs med pa dang/ /lag mthil ltar
mnyam bai

DUrya'i/ /rang bzhin 'jam por gnas gyur cig /lus can kun gyi
bya dang ni/ /shing dang 'od zer thams cad dang/ /nam mkha' las
kyang chos kyi

sgra; ;rgyun mi 'chad par thos par shog /zhes gsungs pa ltar ro/
! /gnyis pa longs spyod gtong ba'i tshul ni/ gang la gtong ba'i
yul rnams

kyi rim pa ni sngar bzhin bya la/ rang gi longs spyod zas gos
gnas khang 'khor g.yog sogs ci dang ci 'dod pa thams cad yid
bzhin gyi longs

spyod du sprul te/ zhing de dag rnams la rgyas par phye ste
sngar bzhin btang bas de dag re re'i rkyen las kyang/ 'jig rten
dang 'jig rten las

@053a @#/ /'das pa'i longs spyod bsam gyis mi khyab pa byung
zhing/ de rnams kyang rdzogs pa'i byang chub 'thob pa'i rgyu
tshogs sha

stag byung nas sangs rgyas te sems rgyud chos sku'i bde ba dang
ldan par bsam mo/ /bla ma dang sangs rgyas bcom ldan 'das rnams
la yid

bzhin gyi longs spyod kyi rnam par phul bas thugs rgyud la zag
pa med pa'i bde ba khyad par can 'khrungs par sems pa ni sngar
bzhin no/ ! /

gsum pa dge rtsa gtong ba ni/ lus longs spyod sngar zhig pa
rnams btang du med pas/ da lta ba dang ma 'ongs pa na 'byung bar
'gyur ba

rnams gtong ba yin la/ dge ba ni dus gsum gyis bsdus pa thams
cad gtang du rung ste/ 'das pa'i dge ba'i sa bon nam/ bag chag

btang du yod la/ da ltar ba dang ma 'ongs pa ni sangs rgyas ma
thob kyi bar gyi dge ba thams cad btang du rung ste/ spyod 'jug
las/ dge ba

@053b dus gsum skyes pa rnams/ /sems can kun gyi don bsgrub
phyir/ /phangs pa med par btang bar bya/ /zhes so/ /slob dpon
klu sgrub kyis kyang/

dge ba 'di yis skye bo kun/ /bsod nams ye shes tshogs bsags te/
/bsod nams ye shes las byung ba'i/ /dam pa gnyis ni thob par
shog /

ces dang/ nam mkha' mdzod kyi mdo las/ bdag gi dge ba'i rtsa ba
gang yin pa de sems can thams cad kyi nye bar 'tsho bar mi 'gyur
bar

ma gyur cig /ces gsungs pa thams cad dge rtsa gtong ba'i tshul
yin la/ de yang dge rtsa stobs chung ba dud 'gro la zan changs
cig byin pa lta

bu'am/ zhar la byung ba'i dge ba sna 'ga' tsam yan chad byang
chub kyi sems rin po che rgyud la skyes pa la sogs pa'i dge ba
stobs che ba thams

cad kyang/ gong du bshad pa'i zhing gi rim pa de dag la cha
tshang ba re re btang bas/ yul de dag thams cad kyis tshe de nyid
la sangs rgyas mngon du

@054a @#/ /byed pa'i rgyu rkyen tshogs pa tshang ba re re rnyed/
tshogs gnyis mthar phyin sangs rgyas nas sems rgyud chos sku'i
bde ba dang ldan par

bsam mo/ /de ltar gtong ba'i bsam pa sbyangs kyang ci zhig phan
snyam na/ da lta gtong sems kyi mos pa ma sbyangs na/ da gzod
chung ngu yang dngos

su gtong ba la gegs su 'gyur bar lag bzang gis zhus pa las
gsungs la/ da lta nas gtong sems sbyangs shing goms par byas na

goms pa ngang du 'gyur ba'i dbang gis lus la sogs pa dngos su
gtong ba la dka' ba ci yang med par 'gyur te/ ting nge 'dzin
rgyal po las

ji lta ji ltar mang du mis brtags na/ /de la gnas pa'i rtog pa
de dag ni/ /de bzhin du ni de la sems gzhol 'gyur/ /zhes dang/
'phags pa

dpa' bo'i zhal nas/ gzhan phan las la mthu med kyang/ /de yi
bsam pa rtag tu bya/ /gang la de ni yod gyur pa/ /de la de ni
don gyis

@054b zhugs/ /zhes dang/ 'chad kha ba chen po'i zhal nas/ rtsis
su ci che rnam rtog sbyongs/ /rab bdun la sogs dper zla mang/
/zhes dang/

skyes rabs las/ mthong zhing thos sam rjes su dran yang rung/
/reg gam gtam du brjod pa tsam gyis kyang/ /rnam pa kun tu 'gro
la phan pa

ni; ;bde dang ldan pa rtag tu bgyid gyur cig /ces so/ /de ltar
sems can thams cad la bsam pa thag pas btang ba'i yul sems can

ji snyed pa de snyed kyi ngos nas bsod nams kyi tshogs dpag tu
med pa bde blag tu rdzogs te/ rin chen phreng ba las/ de skad
brjod pa'i bsod

nams gang/ /gal te de ni gzugs can gyur/ /nam mkha'i khams ni
kun bkang ste/ /de ni de bas lhag par 'gyur/ /'di ni bcom ldan

'das kyis gsungs/ /gtan tshigs kyang ni 'di la snang/ /sems can
khams ni tshad med la/ /phan 'dod kyang ni de 'dra'o/ /zhes so/
/de ltar

@055a @#/ /bsam pa thag pa nas sems can la btang ba'i zas gos
sogs longs spyod pa'i tshe/ gzhan phan gyi bsam pa brjed

cing rang la sred pas longs spyad na nyon mongs pa can gyi ltung
ba dang/ rang la sred pa med cing/ gzhan phan gyi bsam pa brjed
na nyon mongs

can ma yin pa'i ltung bar gsungs shing/ gzhan la bsngos pa mi'i
'gro ba pa 'ga' zhig gis shes shing rig nas bdag gir byas pa'i

tshe; rang don du rku sems kyis spyad cing rin thang tshang na so
thar gyi pham pa 'byung bar bslab btus las gsungs so/ /'o na de
dag byang chub

sems dpas longs spyod pa'i tshe ji ltar bya snyam na/ sems can
gyi don bya'o snyam pa'i bsam pas spyad na nyes pa med do/
/bslab btus

las; bdag po dang bcas pa'i longs spyod rnams kyis bdag po dang
bcas pa'i lus bsrung ngo snyam du bsams nas spyad na nyes pa med
de/

@055b bran rtag tu rje bo'i las byed pa gang gis 'tsho ba bdag gi
rdzas yod pa ni ma yin no/ /zhes so/ /de ltar bsams nas gzhan la
bsngos kyang/ sbyor

bas rang gis longs spyod na snying po med do snyam na/ de ni ma
yin te/ de nyid las/ de ltar spyod pa'i byang chub sems dpa'i
thad du 'ga' zhig gis

de kho na ma rig par ma dad par bya ba ni mi rigs te/ gtong ba'i
sems ngo mtshar chen po can yongs su shes pa'i phyir/ tshul 'di la
ni 'ga'

zhig gis the tshom bya bar mi rigs so/ /zhes gsungs so/ ! /gnyis
pa snying rje bsgom pa'i tshul/ snying rje chen po bsgom pa'i
phan yon sems

pa mang du btang na spro shugs 'phel bas de bshad par bya'o/ /de
yang dbu ma la 'jug pa las/ gang phyir brtse nyid rgyal ba'i lo
thog phun tshogs

'di'i/ /sa bon dang ni spel la chu 'dra yun ring du/ /longs
spyod gnas la smin pa lta bur 'dod gyur pa/ /de phyir bdag gis
thog mar snying rje

@056a @#/ /bstod par bgyi/ /zhes so/ /don gyi dbang 'di gzigs nas
chos yang dag par sdud pa las kyang/ bcom ldan

'das byang chub sems dpas chos mang po la bslab par mi bgyi'o/
/bcom ldan 'das byang chub sems dpas chos gcig rab tu gzung
zhing

rab tu rdzogs par bgyid na sangs rgyas kyi chos thams cad lag
mthil na mchis pa lags so/ /chos gcig po gang zhe na/ 'di lta
ste snying

rje chen po'o/ /bcom ldan 'das snying rje chen po mchis na sangs
rgyas kyi chos thams cad lag mthil du mchis pa lags so/ /bcom
ldan

'das dper bgyin 'khor los bsgyur ba'i rgyal po'i 'khor lo rin po
che gang du mchis pa der dpung gi tshogs thams cad mchi'o/ /bcom
ldan

'das de bzhin du byang chub sems dpa'i snying rje chen po gang
du mchis pa der sangs rgyas kyi chos thams cad mchis so/ /bcom
ldan 'das dper bgyi

@056b na srog gi dbang po mchis pa der dbang po gzhan rnams
kyang mchis par 'gyur ro/ /bcom ldan 'das de bzhin du snying rje
chen po mchis na/

byang chub sems dpa'i chos gzhan rnams 'byung bar 'gyur ro/
/zhes so/ ! /de sems pa'i tshul la gnyis/ bcud kyi len pa dang/
snod kyi len

ba'o; ;dang po ni/ gtong len gnyis po spel mar sbyang/ /len pa'i
go rim rang nas brtsams/ /zhes gsungs te/ sems can gyi

sdug bsngal rgyu bcas rang la blang ba'i sgo nas snying rje
bsgom par byed pa yin la/ de yang len pa'i go rim ni rang gi
rgyud la skye ba phyi ma

phan chad 'byung bar 'gyur ba'i kun 'byung las dang nyon mongs
pa rnams dang/ sdug bsngal 'gro ba rigs lnga'am drug tu myong
bar 'gyur

ba thams cad skyi gris gzhar ba bzhin du nag phung nge tshe 'di
nyid kyi nyer len gyi phung po'i steng du blangs nas/ phyi ma
phan chad rgyu kun 'byung

@057a @#/ /'bras bu sdug bsngal ma lus pa dang bral bar bsam mo/
/de yang lo phyi ma phan chad tshe mjug 'di la 'byung bar 'gyur

ba'i sdug bsngal thams cad sngar bzhin/ da lo'i gnas skabs kyi
nyer len gyi phung po'i steng du blangs nas sang gnangs phyin
chad sdug kun

ma lus pa dang bral bar bsam mo/ /de bzhin du zla ba phyi ma
dang/ sang gnangs phan chad kyi sdug bsngal dang kun 'byung
thams cad de

ring gi gnas skabs kyi nyer len gyi phung po'i steng du blangs
nas/ sang nang par phan chad sdug kun ma lus pa dang bral bar
bsam mo/ /de

yang gzhan gyi sdug bsngal kun blangs nas gnas gzhan du mi mngon
par byed pa'am/ rang gi gam du 'jog pa lta bu min gyi/ len pa

ni rang gces 'dzin sun dbyung ba'i ched yin pas rang gi snying
nang du len par bya ste/ byams pa sgom pa'i skabs su bshad pa
ltar sems

@057b can dmyal ba rnams kyi rgyu kun 'byung 'bras bu sdug
bsngal thams cad skyi gris gzhar ba bzhin du nag phung nge rang
gi snying nang du blangs/ rang

gces 'dzin gyi steng du rug ste smin nas thul te zad/ sems can
dmyal ba pa de dag kyang sdug kun ma lus pa dang bral bar bsam
mo/ /de

bzhin du phyogs bcu'i 'jig rten gyi khams na yi dwags ji snyed
yod pa rnams dang/ dud 'gro ji snyed yod pa rnams dang/ gling
bzhi gling

phran brgyad na mi'i 'gro ba ji snyed yod pa rnams dang/ rgyal
chen bzhi'i ris kyi lha rnams la sogs 'dod lha rigs drug dang/
tshangs ris

nas 'bras bu che ba'i bar gzugs khams gnas ris bcu gnyis na sems
can ji snyed yod pa rnams dang/ gzugs med skye mched mu bzhi'i

sems can ji snyed yod pa rnams kyi rgyu kun 'byung 'bras bu sdug
bsngal thams cad skyi gris gzhar ba bzhin du rang gi snying nang
du sngar bzhin

@058a @#/ /blangs nas rang gces 'dzin la rug ste smin nas thul te
zad/ sems can de dag sdug bsngal kun 'byung ma lus pa

dang bral bar bsam mo/ /de bzhin du srid pa bar ma do'i sdug kun
blangs pas sngar bzhin bsam mo/ /mdor na skye gnas bzhis bsdus
pa'i

sems can rnams kyi kun 'byung las dang nyon mongs sdug bsngal
spyi dang bye brag rnams re re nas dmigs phyed par bya ste/ re
re nas blangs

shing de dag dang bral bar bsams na gnad du che'o/ /lam zhugs
nyan rang lam lnga la gnas pa thams cad dang/ theg chen sgom lam

pa man chad rnams kyi'ang spang bya sdug kun cung zad tsam yod
pa rnams len pa'i tshul sngar ltar bya'o/ /sangs rgyas bcom ldan
'das rnams

kyi thugs rgyud la len rgyu ci yang med cing/ bla ma'ang sangs
rgyas kyi ngo bor lta bar gsungs pas de dang mtshungs so/ !
/gnyis pa snod

@058b kyi len pa'i tshul ni/ phyogs bcu'i 'jig rten gyi khams las
nyon gyis bskyed pa ma dag pa'i 'jig rten gyi khams thams cad/
dag pa'i

'jig rten gyi khams sha stag tu gyur par bsam mo/ /de ltar sdug
kun thams cad rang la len cing/ bde dge thams cad gzhan la btang

ba'i sgo nas byams snying rje sbyong ba'i chos 'di ni 'gong po
'gong rdzongs kyi chos zhes sha bo pas gsung ngo/ /de lta bu'i
sbyong tshul 'di gang

nas bshad snyam na/ phal po che'i nor bzang gi rnam par thar pa
las/ 'gro ba'i sdug bsngal bdag nyid la bsgyur bar ni mos/ bdag

nyid 'gro ba kun gyi nye bar 'tsho ba'i lus su ni bsgyur/ zhes
dang/ mchog gi spyod pa'i smon lam las kyang/ sems dmyal dud
'gro

gshin rje'i sdug bsngal dang/ /mi yi gnas rnams lha dang lha min
sogs/ /'gro ba'i sdug bsngal phung po mtha' yas pa/ /bdag la

@059a @#/ /babs gyur 'gro ba bde bar shog /ces dang/ byams pa
mchog sbyin gyi smon lam las kyang/ srid rtse man chad

mnar med yan chod dang/ /'jig rten bgrang du med pa thams cad
kyi/ /lha dang lha min lto 'phye chen po'i tshogs/ /bde bar gyur
cig

sdug bsngal bdag gis blang/ /zhes dang/ slob dpon klu sgrub
kyis/ bdag la de dag sdig smin cing/ /bdag dge ma lus der smin
shog /

ces dang/ zhi ba lhas kyang/ bdag dang gzhan du mnyam pa dang/
/bdag dang gzhan du brje bar gyis/ /zhes dang/ bdag nyid skyon
bcas

gzhan la yang/ /yon tan rgya mtshor shes byas nas/ /bdag 'dzin
yongs su dor ba dang/ /gzhan blang ba ni bsgom par bya/ /zhes
dang/

gang zhig bdag dang gzhan rnams ni/ /myur du skyob par 'dod pa
des/ /bdag dang gzhan du mnyam pa dang/ /bdag dang gzhan du brje
ba

@059b dang; ;gsang ba'i dam pa spyad par bya/ /zhes dang/ bdag
bde gzhan gyi sdug bsngal dag /yang dag brje bar ma byas na/
/sangs rgyas

nyid du mi 'gyur zhing/ /'khor ba na yang bde ba med/ /ces dang/
de ltas bdag gnod zhi ba dang/ /gzhan gyi sdug bsngal zhi bya'i
phyir/ /

bdag nyid gzhan la btang ba dang/ /gzhan rnams bdag bzhin bsrung
bar bya/ /zhes dang/ 'gro ba'i sdug bsngal gang ci'ang rung/ /de
kun

bdag la smin gyur cig /ces dang/ mdo sde rgyan las/ bdag dang
gzhan du mnyam pa'i sems nyid dam/ /bdag pas gzhan gces

sdug pa rnyed nas ni/ /de ltar bdag pas gzhan don mchog tu
gsungs/ /zhes dang/ smon lam bdun cu pa las/ skye bo nyon mongs
dug

gis dkrugs pa yis/ /mi dge cung zad mchis pa gang lags pa/ /de
yis bdag ni sems can dmyal ba yi/ /gang yang rung ba gcig tu
lhung

@060a @#/ /yang sla/ /'gro ba rnams kyi sdug bsngal gang yang
rung/ /de kun bdag gis dang du blang bar bgyi/ /'jig rten sems
ni mchog

tu bde ba yis/ /tshim nas rtag tu dge ba byed gyur cig /ces dang/
tshogs kyi gtam las/ rang gi lus dang srog dag ni/ /sems can kun

la btang bar bya/ /lus can kun la byams pa dang/ /snying rje
nyid kyis khyab par bya/ /sdig pa kun gyi rnam smin ni/ /rang gi
rgyud la mngon 'dod dang/

bsod nams kun la yi rang dang/ /sangs rgyas bdag nyid che la
bsam/ /zhes dang/ rang gi lus dang srog nyid ni/ /yid kyis rjes
bzhin btang

bar bya/ /zhes dang/ srog chags kun gyi sdig pa rnams/ /thams
cad bdag la smin par ni/ /de ltar sdig pa len byed cing/ /'gro
ba phongs

pa'i sdug bsngal blang/ /zhes dang/ gzhan kun bdag gir bya ba
dang/ /rang gi rten la gzhan du bya/ /zhes dang/ bde mchog rgyun
bshags

@060b las kyang/ sems can kun gyi sdug bsngal bdag la smin/
/bdag gi dge bas de kun bde bar shog /tshe rabs kun tu sgo gsum
re res kyang/ /

bum bzang dpag bsam shing sogs lta bur shog /ces sogs theg chen
gyi bka' bstan chos phal che ba nas gsungs so/ /mthar thug nyan

rang du rigs nges pa'ang yod pa ma yin nam/ sems can thams cad
sangs rgyas su 'gyur bar ji ltar rung snyam na/ theg pa gsum du
bshad

pa ni; gnas skabs kyis drang ba'i don yin gyi/ nges don mthar
thug la ltos te theg pa gcig tu nges te/ mtshan brjod las/ theg
pa gsum

gyi nges 'byung la/ /theg pa gcig gi 'bras bur gnas/ /zhes sogs
theg chen gyi lung mang ngo/ /de ltar goms pas cung zad byang
ba'i tshe/

gtong len gnyis po mdor bsdus te goms par byed tshul ni/ de gnyis
rlung la bskyon par bya/ /zhes gsungs te/ gtong len gnyis byang
ba'i

@61a @#/ /tshe na rang gi rlung phyir sna sgo nas 'gro ba'i tshe/
lus longs spyod dus gsum gyi dge rtsa nam mkha'i mthas khyab
kyi sems

can thams cad la btang bas/ de dag thams cad zag pa med pa'i
bde ba mthar thug dang ldan par bsam zhing/ rlung nang du
rngub pa'i

tshe khams gsum gyi sems can thams cad kyi rgyu kun 'byung
'bras bu sdug bsngal thams cad rang gi snying nang du blangs
te/ de dag thams

cad sdug kun ma lus pa dang bral bar bsam mo/ /de ltar goms na
rlung sems 'jug pa gcig pas sems mi yengs shing dran shes

dang ldan pas stobs che bar 'gyur ro/ /gnyis pa rjes dang thun
mtshams kyi skabs kyi nyams len ni/ yul gsum dug gsum dge rtsa

gsum/ /rjes kyi man ngag mdor bsdus pa/ /spyod lam kun tu tshig
gis sbyang/ /zhes gsungs te/ dbang po drug gi yul du yul

@61b drug yid du 'ong mi 'ong bar ma gsum las dug gsum skyes
pa'i tshe/ 'jig rten gyi khams gang dag na 'di lta bu'i nyon
mongs kyi dbang du

song ba mang du yod de/ thams cad kyi nyon mongs pa thams cad
kyi go kho bo cag gi de dag gis chod nas/ sems can de dag dug
gsum

med pa'i dge rtsa dang ldan par gyur cig snyam du bsam pa thag
pa nas sbyang ngo/ /'gro 'chag nyal 'dug gi spyod lam thams
cad dang/ nyin

mtshan dus thams cad du nyams su blang bar bya ste/ sgom rim
las/ snying rje chen po de 'gro yang rung/ 'greng yang rung/
spyod lam thams

cad dang/ dus thams cad du sems can thams cad la goms par
bya'o/ /zhes gsungs pa ltar ro/ /bsam pa de lta bu dang/ sbyor
ba tshig tu

brjod pa'i sgo nas kyang/ bdag la de dag sdig smin cing/ /bdag
dge ma lus der smin shog /sems can kun gyi sdug bsngal bdag la
smin/ /bdag

@62a @#/ /gi dge bas de kun bde bar shog /'gro ba'i sdug bsngal
gang ci'ang rung/ /de kun bdag la smin gyur cig /byang chub
sems

dpa'i dge kun gyis/ /'gro ba bde la spyod par shog /de ltar
rus shing dang bcas pas goms par bya dgos te/ sha ra ba chen
po'i zhal

nas; nga'i gdams ngag 'di goms par byed pa la/ rgyug thag ring
po'i lcam bzhin du/ ltem me rkyong nge ba cig gis kyang mi
'ong/ rdo

'byong rbab la btang ba ltar/ 'byong na re ba cig gis mi 'ong/
lkog chu dron mo ltar 'jam nyog ge ba cig gis kyang mi 'ong/
dkar na zho

dmar na khrag zer ba cig gis bsam pa thag pa nas 'bad na lug
khrod nas bong bu 'thon pa ltar/ gnod pa dang sdug bsngal
thams

cad las grol bar 'gyur ba yin gyi/ 'di rung ngam mi rung btub
bam mi btub bya'am mi bya snyam du phrig chum gyis lung pa
bkang bas mi 'ong

@62b gsung/ mar shes sogs rgyu 'bras bdun ma'i dang po gsum
gyi dod bdag gzhan brje ba'i tshul yin la/ gtong len gnyis kyi
sgo nas

byams snying rje sbyong ba nyid la lhag bsam rang chas su yod
pas zur du ma mdzad do/ ! /gnyis pa byang chub don gnyer gyi
byang chub kyi sems sbyong

ba ni; de ltar byams snying rje sbyangs pas de lta bu dngos su
'grub nus pa de gang na yod snyam na/ nyan rang dgra bcom pa
bdag nyid chen po rnams

dang; sa bcu'i byang chub sems dpa' chen po rnams la'ang gzhan
don gyi 'phrin las bsam gyis mi khyab pa mnga' mod/ 'on kyang
'khor ba

ji srid bar lhun grub rgyun mi 'chad kyi sgo nas chos thun re
re tsam gsungs pa dang 'od zer sna re tsam bkye ba la brten
nas kyang sems can

grangs med pa myang 'das la 'god nus pa'i go 'phang sangs
rgyas nyag gcig yin la/ der ma zad rang don spangs rtogs mthar
phyin

@63a @#/ /pa'i go 'phang yang sangs rgyas nyag gcig tu zad pas
bdag gis sems can thams cad kyi don du don gnyis mthar

phyin sangs rgyas kyi go 'phang thob par bya'o snyam du sbyang
ngo/ /de lta bu'i byang chub sems sbyong gi phan yon dpa' byin
gyis zhus pa las/ byang chub

sems kyi bsod nams gang/ /gal te de la gzugs mchis na/ /nam
mkha'i khams ni kun bkang ste/ /de ni de las lhag par 'gyur/ /

ganggA'i bye ma'i grangs snyed kyi/ /sangs rgyas zhing rnams
mi gang gis/ /rin chen kun gyis rab bkang ste/ /'jig rten mgon
la phul ba bas//

gang gis thal mo sbyar bgyis te/ /byang chub tu ni sems btud
na/ /mchod pa 'di ni khyad par 'phags/ /de la mtha' ni ma
mchis so/ /zhes

so; ;bslab btus las/ de la smon pa'i byang chub kyi sems ni
sangs rgyas su 'gyur bar bya'o/ /zhes sems smon pa las skyes
pa yin no/ /zhes

@63b bshad pa ltar ro/ ! /gnyis pa de'i yan lag gi gdams pa la
lnga/ rkyen ngan byang chub kyi lam du bsgyur ba/ tshe gcig gi
nyams len dril

nas bstan pa/ blo 'byongs pa'i tshad/ blo sbyong gi dam tshig
/blo sbyong gi bslab bya bstan pa'o/ /dang po la gnyis/ mdor
bstan pa dang/

rgyas par bshad pa'o/ /dang po ni/ snod bcud sdig pas khol
ba'i tshe/ /rkyen ngan byang chub lam du bsgyur/ /zhes gsungs
te/ snod kyi 'jig

rten mi dge bcu'i bdag 'bras shin tu bdo zhing/ bcud kyi sems
can bsam rgyu nyon mongs las med/ bya rgyu las ngan sog pa las
med cing/

de'i rgyu mtshan gyis nag phyogs la dga' ba'i lha klu 'byung po
rnams mthu stobs rgyas nas/ spyir chos byed yongs la gnod 'tshe
mang/ khyad

par du theg chen gyi chos sgor zhugs pa rnams la sgo sna tshogs
nas rkyen ngan ru 'dzings pa'i skabs 'dir/ chos 'di 'dra ba
zhig gi

@64a @#/ /sgor zhugs nas 'gal rkyen mthun rkyen du 'khyer shes/
bar gcod grogs su 'khyer shes/ gnod byed

kyang dge ba'i bshes gnyen du 'khyer shes pa'i sgo nas goms na
rkyen ngan byang chub bsgrub pa'i grogs su 'char te/ dge ba'i

bshes gnyen spyan snga ba'i zhal nas/ sha bo pa la khyed blo
sbyong ba la rkyen ngan grogs su shar/ sdug bsngal bde bar
myong ba ngo

mtshar che/ zhes gsungs pa ltar ro/ ! /gnyis pa rgyas par bshad
pa la gnyis/ bsam pa khyad par can byang chub kyi sems

la brten nas rkyen ngan lam du bya ba/ sbyor ba khyad par can
bsag sbyang gnyis la brten nas rkyen ngan byang chub kyi lam
du bya ba'o/ /

dang po ni/ 'phral la gang thug sgom du sbyar/ /zhes gsungs
te/ dus kyi dbang du byas na skyid cing 'byor pa/ sdug cing
phongs pa/

@64b yul rang yul lam mi yul/ gnas grong gseb dang dgon pa/
grogs mi dang mi ma yin pa su dang 'grogs kyang/ de lta bu'i
gnas

skabs thams cad du/ dper na lus sems kyi steng du sdug bsngal
che 'bring chung gsum gang byung yang sla'i/ 'jig rten gyi
khams

mtha' med pa na sems can gyi ris na 'di lta bu'i sdug bsngal
thog tu bab pa du ma yod/ de thams cad kyi sdug bsngal gyi go
bdag gi

'dis chod par gyur nas/ de thams cad sdug bsngal ma lus pa
dang bral bar gyur cig /sdug bsngal len pa'i sgo nas snying
rje goms

pa'i don da grub ste byung/ legs snyam du bsam pa thag pa nas
dga' zhing rangs par bya'o/ /skyid cing 'dzom pa dper na/ zas
gos

gnas khang grogs/ phyi'i rkyen dge ba'i bshes gnyen sogs gyis
mi phongs shing 'byor/ nang gi rkyen rang gi lus sems nad gzhi

@65a @#/ /'khrugs pa'i dbang gis glo bur gyi mi bde ba med/
rang gi dad sogs chos la bkol du rung ba'i tshe/ spyir

sangs rgyas kyi bstan pa snyigs mar gyur pa'i dus ngan pa 'di
lta bu'i skabs su theg chen gyi chos bsgrub pa'i 'gal rkyen
gyis

dben zhing phyi nang gi mthun rkyen legs par 'dzom pa 'di lta
bu sngon bsod nams sgo du ma nas bsags pa'i 'bras bu yin pa

gor ma chag snyam du nges par byas te/ phyi ma phan chad kyang
'di lta bu'i phun tshogs bar ma chad du 'byung ba'i rgyur tshul
khrims

rnam par dag pas gzhi byas pa'i tshogs gsog pa'i sgo la 'bad
par bya'o/ /de lta ma yin na 'ga' zhig la cung zad phun tshogs

'byor pa'i tshe/ nga rgyal dang/ rgyags pa dang/ dregs pa skye
ba'i rkyen du 'gro ba mang zhing/ lus sems kyi steng du sdug
bsngal

@65b cung zad byung ba'i tshe zhum zhing yi chad/ sro shi/
sgyid lug pa'i rkyen du song ba mang/ de ltar mi bya bar skyid
na skyid khyag /sdug na sdug

khyag pa cig dgos gsung bar gda'/ ! gnyis pa sbyor ba khyad
par can bsag sbyang gnyis la brten nas rkyen ngan lam du bya
ba ni/

sbyor ba bzhi ldan thabs kyi mchog /ces gsungs te/ 'di la bzhi
las/ dang po tshogs bsags pa ni/ sdug bsngal mi 'dod cing

bde ba 'dod na yar mar gyi zhing la dngos po chung 'bring che
gsum gang yin kyang sla'i/ bsam pas sems can thams cad dang
thun mong du

byas shing/ bla med byang chub kyi rgyur 'dun pa'i stobs kyis
bsgyur te/ sgom pa glog 'bar gyi smon lam ltar/ bde sdug legs
nyes

gang ci'ang rung/ /bdag gi don du gang 'gyur ba/ /de de bdag
la grub par mdzod/ /ces gsol ba gdab bo/ ! /gnyis pa sdig pa
sbyong

@66a @#/ /pa ni/ thog med nas da lta la thug gi bar du/ nyon
mongs kyis kun nas bslang ba'i bcas rang gi kha na ma tho ba

bgyis shing bgyid du stsal ba rnams stobs bzhis bshags pa la
yang dang yang du 'bad par bya'o/ ! /gsum pa gdon la

mchod pa ni/ sngar gnod byed bka' drin che bar sems pa'i skabs
su bshad pa ltar dmigs kyis bkar nas byams snying rje

dang; bzod pa goms par bya'o/ ! /bzhi pa chos skyong la gtor
ma phul nas phrin las zhu ba ni/ mchod gtor gtsang ma

ji ltar 'byor pa bshams nas/ bsam pa'i sgo nas shin tu bzang
zhing rgya che bar dmigs te/ chos skyong srung ma rnams spyan

drangs shing gsol ba btab la/ cho ga bzhin du phul nas/ dam pa
gong ma sangs rgyas dang byang chub sems dpa' rnams

@66b kyis; ji ltar rkyen ngan byang chub kyi lam du mdzad pa
ltar/ bdag gis kyang lam du byed nus pa dang/ byang chub kyi
sems rin po che

theg chen gyi gsung rab spyi'i babs la ji ltar bzhugs/ dam pa
gong ma rnams kyi thugs rgyud la ji ltar 'khrungs pa bzhin/
bdag

gi rgyud la'ang skye ba gnas pa gong nas gong du 'phel ba de
la brten nas/ lus ngag yid gsum mthong thos dran reg gi sgo
nas sems

can la phan thogs pa'i 'phrin las mdzod cig /ces snying thag
pa nas gsol ba gdab par bya'o/ ! /gnyis pa tshe gcig gi

nyams len dril nas bstan pa ni/ stobs lnga dag la sbyang bar
bya/ /zhes gsungs te/ 'di la lnga las/ dang po 'phen pa'i

stobs ni/ spyir da nas byang chub ma thob kyi bar dang/ bye
brag tu tshe 'di'i ma shi tshun chad dang/ de las kyang lo 'di
la dang/ zla ba

@67a @#/ /'di la dang/ khyad par du de ring gi nyin zhag phrugs
'di la bdag 'dzin gyis thog drangs pa'i nyon mongs dang nye
ba'i

nyon mongs skye ba'i go skabs med par bya/ de dag gi dbang du
lus ngag gi spyod pa skad cig kyang ma song ba bya snyam pa'i
'phen pa drag

tu btang/ de bzhin du bla med byang chub ma thob kyi bar sogs
nas/ khyad par du de ring nyin zhag phrugs 'di la byang chub
kyi sems

la goms par bya'o/ /byang chub kyi sems dang ye ma bral bar
bya'o snyam pa'i 'phen pa drag tu byas na byang chub kyi sems
dang mi

'bral bar 'gyur te/ ting nge 'dzin rgyal po las/ ji lta ji
ltar mang du mis brtags na/ /de la gnas pa'i rtog pa de dag
gis/ /

de bzhin du ni de la sems gzhol 'gyur/ /zhes sogs so// ! gnyis
pa dkar po sa bon gyi stobs ni/ byang chub kyi sems

@67b rin po che ma skyes pa skye ba dang/ skyes ba gnas pa
gnasX pa gong nas gong du 'phel ba'i rgyur sbyin pa las byung
ba dang/ tshul khrims las byung

ba dang/ bsgom pa las byung ba'i bsod nams dang ye shes kyi
tshogs la brtson par bya'o// ! gsum pa sun 'byin pa'i stobs ni/

sngar bdag gzhan brje ba'i skabs su bshad pa ltar bdag 'dzin
dang des drangs pa'i rang gces par 'dzin zhing/ gzhan yal

bar 'dor ba sogs nyon mongs pa rnams kyi nyes dmigs mthong
ba'i sgo nas sun 'byin cing spong ba la 'bad pa ste/ spyod
'jug las/

bdag ni bsregs te bsang gyur tam/ /bdag gi mgo bo bcad kyang
sla'i/ /rnam pa kun tu nyon mongs pa'i/ /dgra la 'dud par

mi bya'o/ /zhes gsungs pa ltar bslab par bya'o/ ! /bzhi pa
smon lam gyi stobs ni/ spyir 'khor 'das kyi dge rtsa kun/
khyad par

@68a @#/ /du rang gi sgo gsum gyis bsdus pa'i dus gsum dang
'brel ba'i dge rtsa rnams kyi mthu la brten nas/

spyir sems can kun/ khyad par du rang gi rgyud la byang chub
kyi sems rin po che ma skyes pa skye ba skye ba gnas pa gnas
pa gong

nas gong du 'phel bar gyur cig /ces sogs rlabs che ba'i smon
lam rnams kyis kha lo bsgyur bar bya'o/ ! /lnga pa goms pa'i  

stobs ni/ gong du dngos gzhi'i dmigs rnam skyong ba'i skabs su
bshad pa bzhin dus thams cad dang/ gnas skabs thams cad

du 'di 'ba' zhig goms par bya ste/ spyod 'jug las/ byis pas
rang gi don byas dang/ /thub pas gzhan gyi don mdzad pa/ /'di

gnyis kyi ni khyad par ltos/ /zhes dang/ de ltar goms rkyen
gyi yan lag dang ma bral bar goms par byas na rab kyi mthar
phyin

@68b par 'gyur te/ goms na sla bar mi 'gyur ba'i/ /dngos de
gang na'ang yod ma yin/ /zhes dang/ 'chad kha ba chen po'i
zhal nas/

skyon dang bcas pa'i sems 'di la/ /yon tan chen po gcig gda'
ste/ /gang ltar bslabs pa de ltar byung/ /zhes so/ /stobs
lnga'i

man ngag de nyid 'chi kha'i man ngag dang sbyar na/ theg chen
'pho ba'i gdams ngag ni/ /stobs lnga nyid yin spyod lam gces/
/zhes

gsungs te/ dang po dkar po sa bon gyi stobs ni/ phyi ma phan
chad kyi sdug bsngal rgyu bcas rang gi kha na ma tho ba rnams
stobs bzhi'i sgo

nas sbyangs te/ nga nyid shi na'ang rung mod snyam pa'i sgo
nas 'chi khar nyam nga ba dang bag tsha ba med par bya'o/ /yo
byad yongs su bzung

ba gang ci mchis pa thams cad yar mar gyi zhing la bsam pa
thag pa nas tshogs su bstabs te/ ci la'ang chags pa'i gzhi med
pa

@69a @#/ /gal che ste/ dge slong 'chi khar lhung bzed la chags
pa'i dbang gis gang zag gcig gi lus gnas skabs  

gsum du dus cig car du mer 'bar ba sogs kyi byung ba'i mtha'
mang ngo/ /khyad par du rang gi lus la'ang gces 'dzin dor bar

bya ste/ nyon mongs thams cad kyi rtsa ba nga'am bdag tu 'dzin
pa 'dis rigs drug gang dang gang du skyes pa'i lus la gnas

bcas nas de la chags shing sred de/ zas gos sogs bdag gi ba
rnams don du gnyer ba'i phyir mi dge ba bcu/ mtshams med

lnga po bsod nams ma yin pa'i las du ma mngon par 'du byas te
spyir 'khor ba mtha' med/ khyad par du ngan 'gro'i sdug bsngal

mi bzad pa la sbyar ba'i phyir te/ spyod 'jug las/ bdag lus
gang la chags pa yis/ /'jigs gnas chung la 'jigs

@69b skye ba/ /'jigs pa skye ba'i lus 'di la/ /su zhig dgra
bzhin ldang mi byed/ /lus gang bkres dang skom sogs nad/ /gso
ba'i cho ga byed

'dod pas/ /bya dang nya dang ri dwags dag /gsod par byed cing
lam sgugs byed/ /gang zhig khe dang rim gro'i phyir/ /pha dang
ma yang

gsod byed cing/ /dkon mchog gsum gyi dkor brkus nas/ /mnar med
par ni bsreg 'gyur na/ /mkhas pa su zhig lus 'di

la; ;'dod cing bsrung dang mchod byed kyi/ /su zhig 'di la
dgra bzhin du/ /lta bar mi byed brnyas mi byed/ /ces pa ltar
phyi ma

phan chad 'di lta bu'i las dang nyon mongs kyis bskyed pa'i
lus ngan pa blang bar mi bya zhing/ sems nyid rang bzhin med
pa chos sku'i

ngang la bzhag par bya'o/ /snyam pa'i 'phen pa drag tu bya'o/
! /gnyis pa 'phen pa'i stobs ni/ sngar ltar 'phen pa ring
thung bar

@70a @#/ /gsum btang ngo/ ! /gsum pa sun 'byin gyi stobs ni/
nyon mongs kyi nyes dmigs dran par byas nas dus nam

du'ang de dag gi dbang du mi 'gro ba'i go bgo'o/ ! /bzhi pa
smon lam gyi stobs ni/ gnas skabs thams cad du byang chub kyi
sems

dang mi 'bral zhing/ bdag 'dzin sogs nyon mongs kyi dbang du
mi 'gro ba'i smon lam drag tu gdab par bya'o/ ! /lnga pa goms

pa'i stobs ni/ lus kyi spyod lam mgo byang gzhogs g.yas/
'gram pa g.yas lag pa g.yas pa la gtad/ lag pa

g.yas kyi srin lag gis sna bug g.yas kyi rgyu ba bkag /lag
pa g.yon pa brla g.yon pa'i steng du bzhag /sna bug g.yon

pa'i rlung 'gro 'ong gi gtong len la brten nas 'pho bar bya'o/
/'chad kha ba chen po'i zhal nas/ 'pho ba'i man ngag 'ud che
ba ni

@70b mang ste/ 'di kun las ngo mtshar che ba med pa yin gsung/
! gsum pa blo 'byongs pa'i tshad ni/ chos kun dgongs pa gcig tu
'dus/ /

zhes gsungs te/ bka' bstan chos thams cad bdag 'dzin 'dul ba'i
ched du gsungs pa sha stag yin pas/ spong rgyu'am zad par

bya rgyu bdag 'dzin yin pas/ rang gi sgo gsum gyi spyod pa
bdag 'dzin gyi gsos 'debs su 'dug gam/ dma' 'bebs su

'dug brtags pa'i tshe/ gsos 'debs su 'dug na chos thos bsam
sgom gsum sogs kyi dgos pa nor ba yin/ dma' 'bebs

su 'dug na chos lam du song ba'i rtags yin pas de tsa na blo
sbyong rgyud la gsha' mar skyes pa yin te/ 'di ni chos pa
srang la

mjal ba'i khu li ring mo bya ba yin gsung/ de ltar brtags pa'i
tshe rang gis rang lam khrel ba zhig dgos zhes ston pa ni/
dbang 

@71a @#/ /po gnyis kyi gtso bo bzung/ /zhes gsungs te/ gzhan gyis
de kun la chos byung nas 'dug /thugs rgyud 'jam

'bol gyis song 'dug zer ba de yang dpang po gcig yin te/ 'on
kyang des mi phan/ gnas skabs kun tu rang rgyud la brtags

pa'i tshe/ rang gis rang mi bslu mgo mi g.yogs mi khrel ba zhig
gtso bo yin no/ /'jig rten gyi chos mi 'dod shos x zhig la x

blo sbyangs pas 'dod thog tu grub pa'i tshe blo 'byongs par ston
pa ni/ yid bde 'ba' zhig rgyun du bsten/ /zhes gsungs te/

bsgoms pas chos kyi ro myong bar byas nas sdug bsngal dang grags
min sogs rkyen ngan pa ci byung yang/ gtong len

gyi sgo nas blo sbyong nyams su blangs pa'i don byung snyam nas
dga' mgu rangs pa ma gtogs yid mi bde sogs kyi rkyen du mi 'gro
bar

@71b goms thub pa'i tshe/ gnyen po'i thog ma'i tshad du phyin pa
yin/ mdor na blo sbyong sgom pa'i tshe mi 'dod pa cung zad byung
ba'i tshe/ yid

mi bde'i rgyun btsugs nas khong khros dge rtsa 'joms pa de
mtshang che ste/ sha bo pa'i zhal nas/ 'ga' zhig na re nged kyi
dge

bshes pa thugs ma bde zer te/ de kun las skur pa che ba med dam
snyam gsung/ blo 'byongs pa'i tshad dngos ni/ byang ba'i tshad ni

log pa yin/ /zhes gsungs te/ sngon 'gro rten gyi chos sems pa
nas brtsams te/ don dam byang chub sems sbyong gi bar rang rang

gi skabs kyi myong ba'i thog ma rgyud la byung ba yin te/ dper
na rkyen cis kyang dal 'byor chud mi gzon cing snying po len
pa'i blo rig

bcos min rgyud la byung ba lta bu'o/ /blo 'byongs pa'i rtags ni/
'byongs rtags chen po lnga ldan yin/ /zhes gsungs te/ byang

@72a @#/ /chub kyi sems gsung rab kun gyi snying por mthong nas/
dus thams cad du goms par byed pas sems dpa' chen

po; las 'bras la yid ches nas nyes pa phra zhib la'ang 'dzem pas
'dul ba 'dzin pa chen po/ rang rgyud kyi nyon mongs

'joms pa la dka' spyad kyi sran 'dzugs pas dka' thub pa chen po/
lus ngag gi spyod pa theg chen gyi chos spyod bcu dang mi

'bral bas dge sbyong chen po/ byang chub kyi sems yan lag dang
bcas pa'i rnal 'byor rgyun du goms par byed pas rnal

'byor pa chen po'o/ /yengs kyang thub na 'byongs pa yin/ /zhes
gsungs te/ rta rtsal can yengs pa'i tshe rta 'drogs kyang

mi ltung ba bzhin du/ mi 'os pa'i sa nas sgro skur sogs mi snyan
pa glo bur ba ci byung yang/ kha zer 'phyar kha gtong ba sangs

@72b rgyas bcom ldan 'das la'ang mang/ rang res las ngan bsags
pa'i 'bras bu yin pa gor ma chag /gang dag bdag la kha zer ram/
/gzhan dag

gnod par byed pa'am/ /de bzhin 'phyar kha gtong yang rung/
/thams cad byang chub skal ldan gyur/ /ces snying thag pa nas
byung ba'i

tshe 'byongs pa'i rtags su gda'o/ ! /bzhi pa blo sbyong ba rnams
kyis 'da' bar mi bya ba'i dam tshig rnams bstan pa ni/ 'di la
gnyis

las; don tshan mthun pa tshigs bcad kyis bstan pa ni/ spyi don
gsum la rtag tu bslab/ /ces gsungs te/ blo sbyong khas

blang dang 'gal ba ma yin pa dang/ blo sbyong tho tsor ma song
ba dang/ blo sbyong phyogs re ba ma yin pa'o/ /dang po ni/ 'o
cag blo sbyong ba

yin pas 'di tsam gyis mi gnod zer nas bcas pa phra mo khyad du
gsod pa dang blo sbyong 'di yod na gzhan ci yang mi dgos zer
nas/

@73a @#/ /theg pa spyi'i lag len dang 'gal bar byed pa rnams gtan
mi bya bar/ ka ri ka nas gsang ba 'dus pa man chad sangs

rgyas kyi bstan pa gru bzhir nyams su len pa la bslab par bya'o/
/gnyis pa ni/ blo sbyong ba'i ming btags rgyu mtshan du byas nas
sa gnyan

brko; shing gnyan gcod/ chu gnyan dkrug /'go nad kyis gang ba'i
sar 'dzem med du 'gro/ dam nyams 'chal pa 'dres khyer sogs

dang lta spyod bstun pa kun tu spang zhing/ jo bo chen po rje
lha gcig nas thams cad mkhyen pa tsong kha pa chen po yab sras
kyi bar bka'

brgyud rnam par dag pa'i rjes su bslab par bya'o/ ! /gsum pa ni/
blo sbyong ba'i yul mi dang mi ma yin pa/ dgra gnyen bar ma/

bzang ngan 'bring gsum/ mtho dman bar gsum kun la phyogs ris med
par bslab dgos te/ nam mkha'i mthas khyab kyi

@73b sems can la byams snying rje bye brag med par goms dgos
pa'i phyir ro/ /spang bya rang rgyud kyi nyon mongs 'dul ba'i
dbang du byas na'ang phyogs

re ba dang nyi tshe ba'i gnyen po tsam gyis mi chog gi /nyon
mongs pa bye brag med pa spyi'i gnyen por 'gro ba'i tshul shes
nas bslab dgos

te; nyon mongs pa de dag kun kyang thar pa dang thams cad mkhyen
pa'i lam la sgrib cing/ 'khor ba'i sdug bsngal la sbyor bar

mtshungs pa'i phyir ro/ /de ltar kun la ris su chad pa med par
'ong ba la 'di dgos so/ /zhes ston pa ni/ drag 'jun spong len
drag

tu bya; ;zhes gsungs te/ spyir mi dang mi ma yin kun la drag
'jun byar mi rung ste/ de dag gi khong khro'i rkyen byed cing mi
ma yin kun

gyis 'di dang phyi ma bar do thams cad du 'khon du bzung nas
gnod pa skyel ba'i rkyen du 'gro nyen che/ mi la yang rang gi
drin gyis

@74a @#/ /bskyangs pa dang/ nye g.yog la'ang nan gyis drag 'jun
byar mi rung ste/ byas na sngar phan btags pa thams cad kyang

don med du song nas khong khro'i rkyen du 'gro ba'i phyir ro/
/'o na drag 'jun su la bya na/ spyir 'khor ba'i skyon thams cad
kun 'byung las

dang nyon mongs pas bskyed/ las dang nyon mongs kyis bsags/ nyon
mongs kyi nang nas kyang bdag 'dzin gtso bo yin pas chos

thos bsam sgom gsum lus ngag yid gsum gyi rtsom pa thams cad
kyis 'di la drag 'jun bya zhing/ gzhom pa'i thabs la

'bad pa ste/ spyod 'jug las/ bdag gis 'di la zhen bya zhing/
/'khon du bzung nas g.yul sprad de/ /rnam pa 'di 'dra'i nyon

mongs pa/ /nyon mongs 'joms byed ma gtogs so/ /bdag ni bsregs te
bsad gyur tam/ /bdag gi mgo bo bcad kyang sla'i//

@74b rnam pa kun tu nyon mongs pa'i/ /dgra la 'dud par mi bya'o/
/zhes gsungs pa ltar/ bdag 'dzin spong ba dang/ gzhan gces par
'dzin

pa'i blo goms par byed pa la 'bad do/ /de ltar rang gces 'dzin
spong ba la 'di dgos pas/ rgyu mtshan thams cad gzhom par bya//

zhes gsungs pa ltar/ dgra gnyen bar ma yid du 'ong mi 'ong gi
rgyu mtshan sgro btags nas chags sdang skye ba thams cad gzhom
par

bya ste/ spyir 'khor ba'i chos kun la nges pa med cing/ bye brag
tu dgra gnyen la nges pa med pa'i phyir te/ pha ni bu nyid ma ni

chung ma nyid/ /skye bo dgrar gyur pa yang bshes nyid dang/
/zlog pa nyid du mchis pas de slad du/ /'khor ba dag na nges pa
'ga'

ma mchis/ /zhes so/ /dogs pa che ba'i sar mkhar rtsig zer ba
ltar/ chos 'bo ba'i sgo yod pa rnams la bye brag tu sgom

@75a @#/ /par ston pa ni/ bkol ba rnams la rtag tu sbyang/ /zhes
gsungs te/ bkol ba lnga las/ dang po ni/ spyir dkon

mchog gsum mkhan slob dang chos 'brel yod pa'i bla ma dang pha
ma sogs drin che ba'i gnas rnams la mi legs pa chung ngu byas

na'ang sdig shin tu lci bas khong khro sogs ma shor ba bya'o/
/gnyis pa dus kun du rang dang gzhi gcig tu 'du ba'i nang mi kun

la nyon mongs skye ba'i sgo mang bas bye brag tu sbyang ngo/
/gsum pa skya btsun kun rang x la 'gran bdos su snang ba la mi
legs pa chung

du byung na'ang/ snying nas yi rang 'tshor ba dag la bye brag tu
sbyang bar bya'o/ /bzhi pa rang res phar ci yang byas pa med
kyang/ tshur

nag ge ba'i rigs 'ong bas/ de la dmigs su bkar nas sbyang dgos
te/ zhe sdang gi me 'bar na snying rje'i rlan thag chad zer

@75b ba ltar 'byung nyen che'o/ /lnga pa rang la 'di byas med
kyang ming thos mthong ba tsam gyis mi 'dod cing/ yid khar mi
'ong ba'i rigs yod pas/ de dag

la bye brag tu bkar nas sgom par bya ste/ khong khro 'byung ba'i
sgo shin tu 'byung nye ba'i phyir ro/ /de lta bu'i yul kun la
mnyam snyoms pa 'ong ba la

'di dgos te/ rkyen gzhan dag la ltos mi bya/ /zhes gsungs te/
spyir thos bsam sogs gang gi sgor 'jug kyang/ mthun rkyen 'dzom
na 'ong la/

ma 'dzom na mi 'ong ba sha stag yin la/ chos 'di'i sgor zhugs te
snying thag pa nas blo sbyong ba cig la de dag ma 'dzom na de
nyid rkyen du byas te

goms par byas na/ phyi nang gi 'gal rkyen gang la'ang nyam nga
ba dang bag tsha ba med cing byang chub kyi sems la phul du phyin
pa'i bogs thon

par 'gyur ro/ /nyams len gyi tshe spyod lam tshugs thub pa bya
dgos so zhes ston pa ni/ 'dun pa bsgyur la rang sor bzhag /ces
gsungs te/

@76a @#/ /bsam pa byang chub kyi sems dus kun tu goms par byed pa
dang mi 'bral zhing/ lus ngag gi spyod pa gsar sngas kyi

rnam pa ma yin par kun dang mi mthun pa med pa'i tshul la bslab
par bya'o/ /'chad kha ba chen po'i zhal nas blo sbyong thams cad
phyir mngon

tshan chung la/ don gyis chod che ba cig dgos gsung/ blo sbyong
gi sgor zhugs nas gzhan skyon brjod du mi rung zhes ston pa ni/
yan lag

nyams pa brjod mi bya/ /zhes gsungs te/ kun slong skyon chags
pas mi dang mi min kun gyi skyon brjod pa spang bar bya'o/
/gzhan gyi

'khrul pa la brtag tu mi rung zhes ston pa ni/ gzhan phyogs gang
yang mi bsam mo/ /zhes gsungs te/ kho bo blo sbyong ba lags pas

btub tsam byung/ 'on kyang de dang 'grogs btub pa cig mi 'dug
snyam du sems pa dang smra bar mi bya'o/ /bsgoms pa'i 'bras bu
rang

@76b 'dod kyi 'khris med par bya'o/ /zhes ston pa ni/ 'bras bu
re ba thams cad spang/ /zhes gsungs te/ blo sbyong bsgoms pa'i
'bras bu 'di phyis

bsdus pa'i 'khor ba'i phun tshogs thams cad la re ba nam yang mi
bya zhing/ thar pa dang thams cad mkhyen pa'i go 'phang la'ang
rang don du re ba mi bya ste/

sangs rgyas kyi go 'phang yang sems can gyi ched du don du gnyer
ba'i phyir te/ sems bskyed pa ni gzhan don phyir/ /yang dag
rdzogs pa'i byang chub

'dod/ /ces so/ /da ni de dag dang don tshan mthun pa tshig lhug
gis ston pa ni/ dug can gyi zas spang/ zhes pa ni spyir kha zas
bzang pos

lus brtas par byed pa yin yang/ de dug dang 'dres na 'chi ba'i
rkyen byed pa ltar/ spyir thos bsam sogs kyi yon tan las sangs
rgyas kyi go

'phang 'byung yang/ de dag la 'jig rten chos brgyad kyi rnam
rtog dang/ bdag dang bdag gir 'dzin pa dang 'dres na thar pa
dang thams

@77a @#/ /cad mkhyen pa'i srog rtsa gcod pas/ dge ba ci byed
kyang de dag dang ma 'dres pa la 'bad 'tshal/ gzhung bzang po mi
bsten/

zhes pa ni rang la cung zhig byas pa zhe la bzung nas khong
khro'i rgyun 'dzugs pa la zer te/ de lta bu gtan byar mi rung
ste/ byas na de dag la

dmigs nas byams snying rje skye ba'i go skabs bcom pa'i phyir
ro/ /shags ngan mi rgod/ ces pa ni kun la snying la gzer zhing
dang kha ldog pa'i

shags ngan smra bar mi bya ste/ rin po che 'chad kha ba'i zhal
nas/ 'di'i dus su khyod kyis nyes pa 'di byas/ ngas gtsang ya
med byas/

byas ma byas mi la mi snang/ zhes shags kyi phreng ba shar ra
bgrang tsa na chos la sa bon yang med bya bar bstan pa yin
gsung/ 'phrang mi

bsgug ces pa ni/ gzhan gyis gnod pa cung zad byas pa zhe la
bzhag nas thub pa'i tshe gnod lan byed pa la zer te/ chos 'di'i
sgor

@77b zhugs nas de lta bu byar mi rung ste/ gzhan gyi gnod pa
dang sdug bsngal rang la len pa dang gtan 'gal ba'i phyir ro/
/gnad la mi dbab ces pa ni kun

slong skyon chags pas gzhan gyi mtshang 'bru ba lta bu ni gnad la
dbab pa ste/ de 'dra ba mi dang mi ma yin pa kun la byar mi rung
ste/ de ltar byas

na sems steng du sdug bsngal srog la bab pa tsam 'ong ba'i nyen
yod pa'i phyir ro/ /mdzo khal glang la mi 'byo zhes pa ni rang
gzhan gnyis kyi spyi

so na mi 'dod pa'i khur lta bu snang ba de thabs kyis rang la mi
'bab par gzhan la 'gel ba la zer te/ de lta bu gtan byar mi rung
ba ni sngar

bzhin no/ /'gyogs kyi rtse mi gtod/ ces pa ni rang gzhan gnyis
kyi spyi so na gzhan la phan btags pa'i ngo so lta bu cig 'ong
du re

ba de/ de kho bo cag gis byas pa yin zhes bdag tu 'dzin pa la
zer te/ de lta bu blo sbyong bas byar mi rung ba ni sngar ltar
ro/ /lha bdud du mi

@78a @#/ /dbab ces pa ni 'jig rten pa'i lha brten tshul nyes na
rang srog gcod du 'ong ba la/ lha bdud du bab ces zer ba ltar
rang

cag chos sgor zhugs pa kun kyang/ thos bsam sgom gsum gang byas
kyang/ bdag 'dzin gyi gsos su song nas kho rgyas pa'i thabs

'ba' zhig tu 'dug na lha bdud du babs pa zer te/ ci nas kyang de
ltar ma song ba bya 'tshal/ skyid kyi yan lag tu sdug mi 'tshol/
ces

pa ni rang re'i phun tshogs grub pa'i yan lag tu pha rol la mi
'dod pa byung ba sgug pa la zer te/ de lta bu gtan mi bya bar
bslab ste/

de rnams ni blo sbyong bas 'da' bar mi bya ba'i dam tshig rnams
so/ ! /lnga pa blo sbyong gi bslab bya rnams bstan pa la gnyis
las/ don tshan

mthun pa tshigs bcad kyis bstan pa ni/ rnal 'byor thams cad gcig
gis bya/ /zhes gsungs te/ zas gos gnas khang

@78b spyod lam sogs kyi rnal 'byor thams cad la 'di 'ba' zhig
gis zin pa'i tshul la nan tan bya'o/ /thog mtha' gnyis la bya ba
gnyis//

zhes pa ni ji srid 'tsho'i bar du thog ma mal nas ldang ba'i tshe/
'phen pa'i stobs kyi skabs su bshad pa ltar/ spang gnyen gyi
phyogs la

spong len gyi 'phen pa drag tu btang zhing/ mtshan gyi thun bar
pa la nyal ba'i tshe/ lus ngag gi spyod pa 'phen pa bzhin grub
'dug na dal 'byor

gyi lus thob/ theg chen gyi chos dang mjal/ dge ba'i bshes gnyen
gyis rjes su bzung ba'i don byung legs snyam du dga' ba mang du
bya'o//

'phen pa bzhin ma byung na dal 'byor chud gzon cing/ chos zab mo
dang mjal ba don med du byed pa de ma legs/ phyin chad de ltar
mi

bya'o snyam du sems par bya'o/ /nyams su blang ba sla bar bslab/
/ces pa ni gzhan gyi sdug bsngal len cing rang gi bde dge gzhan
la

@79a @#/ /gtong ba dka'o snyam na/ da lta bsam pa 'ba' zhig gi
sgo nas de ltar spyangs pas goms pa rab tu gyur pa'i tshe gtong
len la

dngos su 'jug pa'ang mi dka' ba'i phyir ro/ /gnyis po gang byung
bzod par bya/ /zhes pa ni lus sems kyi steng du bde sdug gang ci
byung yang/

rkyen ngan lam bsgyur gyi skabs su bshad pa ltar byang chub
'grub pa'i grogs su 'gyur bar bya'o/ /gnyis po srog dang bsdos
la bsrung/ /

zhes pa ni rang gis khas blangs pa'i sdom pa gsum gyi bcas rang
gi dam tshig rnams dang/ bye brag tu sngar bshad pa'i blo sbyong
ba'i dam

tshig rnams srog dang bsdos te bsrung bar bya'o/ /dka' ba gsum la
bslab par bya/ /zhes pa ni dang po nyon mongs kyi gnyen po dran
dka'/

bar du zlog dka'/ tha mar rgyun gcod dka' bas/ nyon mongs ngos
zin cing/ nyes dmigs dran nas sgo du ma nas ldog pa'i tshul la

@79b 'bad de rgyun 'thud mi thub par bya'o/ /thams cad theg chen
lam du bsgyur/ /ces pa ni rang gi kun spyod thams cad sems can
kun la byams snying rje

dang; des drangs pa'i byang chub don gnyer gyi bsam pa dang ldan
pas/ 'khor ba ji srid ma stongs kyi bar du sgo gsum gyi spyod pa
dang/ mthong

thos dran reg thams cad theg pa chen po'i lam du bsgyur bar bya
ste/ skyes rabs las/ mthong ngam thos sam rjes su dran kyang
rung/ /reg

gam gtam du brjod pa tsam gyis kyang/ /rnam pa kun tu 'gro la
phan pa ni/ /bde dang ldan pa rtag tu bgyid gyur cig /ces dang/
rin po

che 'chad kha ba'i zhal nas/ bdag mthong ba thams cad kyang
sangs rgyas par gyur cig /reg pa dang gtam du brjod pa thams cad
kyang des

rkyen byas nas sangs rgyas kyi sar chags thogs med par 'gro bar
gyur cig /ces gsungs pa lta bu'o/ /de dag kyang rnal 'byor 'di
dang

@80a @#/ /ldan dgos pas/ khyab dang gting 'byongs kun la gces/
/zhes pa ni byang chub kyi sems sbyong ba de yang yul

sems can phyogs re ba tsam ma yin par skye gnas bzhis bsdus pa'i
sems can kun la phyogs ris med pa dang/ de yang nya ma lha

khang lta ba lta bu kha tsam ma yin par snying thag pa nas goms
par bya dgos te/ sha bo pa'i zhal nas/ rug ste smin par gyur cig
/

thul te zad par gyur cig /ces pa lta bu dang/ 'chad kha ba chen
po sku gshegs khar/ se chung ba 'dod pa bzhin ma byung/ dkon

mchog gi spyan sngar mchod pa zhig shoms dang gsung/ thugs la
bzhad pa gang ma grub lags zhes zhus pa'i tshe/ 'gro ba kun

gyi sdug bsngal snying nang du nag phung nge ba cig 'dod pa la
bde ba can gyi snang ba cig kho na byung gsung ngo/ /rgyu yi
gtso bo rnam gsum

@80b blang; ;zhes pa ni spyir thos bsam sgom gsum gang byed/ bye
brag tu chos 'di'i sgor zhugs nas blo sbyong ba la/ nang gi
rkyen dal 'byor gyi lus

rten la dad pa shes rab brtson 'grus sogs dkar chos rnams cha
tshang ba/ phyi'i rkyen mi bar khyis mchod pa'i dge ba'i bshes
gnyen cig dang

mjal nas dgyes bzhin du rjes su 'dzin pa/ de'i skabs su zas gos
sogs mthun rkyen mtha' gnyis spangs pa la bsten du yod pa cig
byung na/

jo bo rje dang bshes gnyen ston pa mjal ba lta bu cig 'ong tshod
du gda' ste/ rang cag yon tan la skyed ji bzhin mi 'ong ba 'di
dag gang rung

ma chang ba'i skyon du snang bas/ ma 'ongs pa na 'di dag bsams
pa bzhin tshang nas yon tan yar ngo'i zla bzhin 'phel ba'i rgyur
tshogs

bsag cing smon lam gdab par bya'o/ /rags pa gang yin sngon la
sbyang/ /zhes pa ni/ spyir nyon mongs kun gyi gnyen po la 'bad
cing/

@081a @#/ /bye brag tu rang rgyud la zhib pa'i blos brtags nas
nyon mongs gang rags mngon tshan che ba'i gnyen po 'bad nas
bsten par

bya'o; ;don chen gang yin blang bar bya/ /zhes pa ni spyir
sbyin pa rlabs che babs kyang tshul khrims dag par bsrung ba
stobs che bas/ de gzhir

byas nas byang chub kyi sems dang gnas skabs thams cad du mi
'bral ba'i bag chags brtan par bya ba don che'o/ /nyams pa med
pa rnam

gsum sgom/ /zhes pa ni bla ma la dad gus ma nyams pa dang/
bslab pa la bag yod ma nyams pa dang/ blo sbyong la spro ba ma
nyams

pa'o; ;bla ma la dad gus med na yon tan skye ba'i sgo med pa'i
phyir dang/ bslab pa la bag yod nyams na tshul khrims dag pa'i
go

skabs med pa'i phyir te/ nyes ltung la sbyor ba thams cad bag
med pas byed pa'i phyir ro/ /blo sbyong la spro ba nyams na
byang chub

@081b sems kyi yon tan mthong ba'i dad pa dang/ des drangs
pa'i 'dun pa sogs med pas/ kha chos tsam ma gtogs snying nas
don gnyer med pa rnams

de dag gi skyon no/ /'bral med gsum dang ldan par bya/ /zhes
pa ni lus bla ma dang dkon mchog sogs kyi zhabs tog /phyag
dang skor ba

la sogs dge ba'i sbyor ba dang mi 'bral zhing/ ngag skyabs
'gro yi dam gyi bsgom bzlas sogs dang mi 'bral ba dang/ yid
byang chub

kyi sems yan lag dang bcas pa dang ma bral ba gces so/ /log na
de nyid gnyen por bsgom/ /zhes pa ni/ 'ga' zhig la sgom

log gi blo sna 'di 'dra ba 'byung ste/ blo sbyong bsgoms pas
mi kha sdang du song/ bdag 'dzin sogs nyon mongs pa cher song/
zas gos

sogs longs spyod chung du song/ nad gdon gyi gnod pa sogs mang
du song snyam nas blo sbyong snying mi 'dod pa byung nas ldog
nyen yod pas

@082a @#/ /de 'dra'i tshe na chos 'dis mi bslu/ kho bo la bdud
kyis byin gyis brlabs pa'i sgom gyi blo log byung nges snyam
du

bsams te/ 'jig rten gyi khams na 'di 'dra ba'i chos la blo log
pa mang/ de thams cad rang re'i des go chod nas thams cad theg

pa chen po'i chos dang rgyud 'dres par gyur cig ces snying
thag pa nas bsam mo/ /da res gtso bo nyams su blang/ /zhes pa
ni thog med nas

pa mtsher rnying pa lta bu ngan song sogs mi khom pa'i gnas
'ba' zhig tu 'dug 'dug pa las/ da res phyi nang gi rkyen 'ga'
zhig gis

dal 'byor bzang po rnyed pa'i skabs 'dir tshe 'di'i don bsgrub
pa bas phyi ma phan chad kyi don bsgrub pa gtso/ de la'ang
bshad sgrub gnyis kyi

nang nas sgrub pa gtso bas/ byang chub kyi sems yan lag dang
bcas pa'i man ngag tshig sgril du bsgom pa gtso bas de bzhin du
mdzad 'tshal/

@082b ma 'ongs pa la rtag tu go cha bgo/ /zhes pa ni phyi ma
phan chad byang chub ma thob kyi bar du gnas skabs kun tu
byang chub kyi sems dang ma bral bar bya

snyam pa'i go bgo ste/ de'i rgyur dge ba ci byed kun byang
chub kyi sems dang mi 'bral ba'i rgyur bsngo ba dang/ byang
chub kyi sems goms par byed

pa gnyis te byang chub kyi sems dang mi 'bral ba'i rgyur dkon
mchog sprin las gsungs pa'o/ /da ni don tshan mthun pa tshig
lhug gis ston pa ni/

go log mi bya/ zhes pa ni sems can sdug bsngal sna tshogs kyis
dbye na bcos pa la snying rje goms par bya dgos pa las/ chos
thos bsam

la brtson pa'i gang zag 'ga' zhig zas gos sogs cung zad phongs
pa mthong ba'i tshe mig brnyas kyi sgo nas snying rje'i yul du
byed pa ni

snying rje go log go / /sems can gyi don du rdzogs pa'i sangs
rgyas thob par 'dun dgos pa las/ spyir 'khor ba'i phun tshogs/
khyad

@083a @#/ /par du tshe 'dis bsdus pa'i snyed bkur sogs don du
gnyer ba ni 'dun pa go log go / /sems can thams cad sangs
rgyas

kyi go 'phang la dgod pa'i gnyer sems dgos pa las rang snying
nye zhing grogs byed par rlom nas dkon mchog spyi'i dkor dang/
bye brag tu

dge 'dun spyi'i zhal du 'du ba'i dkor gyi gnyer la 'dzud pa ni
gnyer sems go log go / /sangs rgyas byang sems kun gyi dge
rtsal snying thag pa

nas yi rang byas na dge rtsa mang du 'phel ba las/ mig tu mi
sdug pa 'ga' zhig la mi legs pa cung zad byung zer na rjes su
yi rang bar byed

pa ni yi rang go log go / /thos bsam sgom pa la brtson pa'i
tshe dka' spyad kyi sdug bsngal cung zhig byung ba dang/ 'ga'
zhig gis gnod pa chung ngu

zhig byas na sdug bsngal dang len dang/ gnod pa la ji mi snyam
pa'i bzod pa bsgom par bya ba las/ chos brgyad rnam rtog gis
kun nas

@083b bslang ba'i dgra 'dul gnyen skyong sogs las byung ba'i
sdug bsngal sna tshogs bzod par byed pa ni bzod pa go log go /
/rang cag theg pa chen po'i

chos sgor zhugs nas dam pa'i chos thos bsam gyi ro myang dgos
pa las/ de lta ma yin par 'dod yon longs spyad pa dang/ chags
sdang gis

kun nas bslang ba'i dgra 'dul gnyen skyong sogs kyi ro myang
bar byed pa ni ro myang go log /de rnams spang bar bya'o/ /res
'jog mi bya zhes pa ni blo

sbyong la rtse gcig tu yid ma ches par/ res 'ga' bag re sgom/
gtso bor tshe 'di'i sog brun byed/ bar bar du lus ngag gi dge
bar ming btags

bag re yang byed pa de lta bu ma yin par sgo gsum gyi rtsom pa
thams cad rtse gcig tu 'di nyid la 'dril ba'i rigs te/ dus
gsum sangs rgyas

thams cad kyi bgrod pa gcig pa'i lam yin pa'i phyir ro/ /dol
chod du sbyang zhes pa ni sngar gyi de'i rgyu mtshan te/ tsham
tshom med par 'dun ma

@084a @#/ /thams cad de nyid la dril ba'i don no/ /rtog dpyod
gnyis kyis thar ba bya/ /zhes pa ni dus kun tu sngar bshad
pa'i 'phen pa

ring thung bar ma'i sgo nas rtsing ba dang zhib par sgo gsum
gyi spyod pa kun slong dang bcas pa la brtags nas sun dbyung
ba dang/ yid rang ba'i tshul

gyis dus 'da' bar bya'o/ /yus che mi sgom/ zhes pa ni rang res
gzhan la phan cung zhig byas pa'i yus kyis kun du ngag tu 'don
zhing bgrang

ba'i rnam pa mi bya ste/ drin gyis yus rigs na bcom ldan 'das
kyis gsung rigs pa las mi gsung ba'i phyir ro/ /ko long mi

bsdam/ zhes pa ni/ rnyed bkur sogs kyi mtho dman cung zhig la
ko long bsdam par mi bya ste/ de lta min na shags ngan rgod
par mi

rung ba sogs kyi dam tshig rnams dang 'gal ba'i phyir ro/ /yud
tsam mi bya/ zhes pa ni/ sgom pa'i skabs kyi brtson 'grus
rtsom pa'i

@084b tshul ston te/ dang po gsar sngas cung zhig byas nas bor
'jog pas mi 'ong ste/ dus kun du chu bo chen po'i rgyun ltar
bar ma chad cing/ gzhu mo'i

rgyud ltar khrang thang pa'i sgo nas brtson dgos te/ bsngags
'os bsngags bstod las/ khyad par 'phags par bgyi pa la/ /khyod
la thang lhod

'ga' ma byung/ /de phyir khyod kyi khyad par rnams/ /thog
drung rim pa dbyer ma mchis/ /zhes gsungs pa ltar ro/ /'or che
mi 'dod ces pa ni/ phan

cung zhig byas pa'i lan de ma thag re ba lta bu'o/ /de 'dra'i
rigs la bzang byas ma byas mi gda'/ 'or che zer ba tsam yang
kha nas mi 'ong ba 'dug ces pa

lta bu spang bar bya'o/ /byang chub sems dpa' chen po 'chad
kha bas de ltar thugs nyams su bzhes pas legs par 'khrungs te/
zhal nas thugs

rangs pa'i gsung byon pa ni/ rang gi mos pa mang ba'i rgyus/
/sdug bsngal gtam ngan khyad bsad nas/ /bdag 'dzin 'dul ba'i
gdams ngag

@085a @#/ /zhus/ /da ni shi yang mi 'gyod do/ /zhes gsungs so/
/de dag gis kun rdzob byang chub kyi sems sbyong ba bshad zin
to// /

! gnyis pa don dam byang chub kyi sems sbyong ba la/ gang la
'doms pa'i yul/ don dam byang chub sems sbyong bstan pa'i dus/
don dam byang

chub sems sbyong gi gdams pa dngos so/ /dang po ni/ snod rung
gi chos dang ldan pa la bstan par bya yi/ gzhan du na nyes par
'gyur ba'i phyir ro/ /

'o na snod rung gi chos ldan du ji ltar shes nus snyam na/ du
ba las ni mer shes dang/ /chu skyar las ni chur shes ltar/
/byang chub sems dpa' blo

ldan gyi/ /rigs ni mtshan ma dag las shes/ /zhes gsungs pa
ltar/ phyi rol gyi lus ngag gi mtshan ma las dpag par nus so/
/mtshan ma

ji lta bu zhe na/ stong pa nyid kyi gtam gsar du thos pa'i tshe
dga' mgu rangs pa dang/ des drangs pa'i lus kyi mtshan ma ba
spu ldang zhing/ mig nas

@085b mchi ma 'khrug pa sogs mi 'khrul ba'i mtshan ma 'byung
bar 'gyur te/ 'jug pa las/ so so skye bo'i dus na'ang stong pa
nyid thos na/ /nang du

rab tu dga' ba yang dang yang du 'byung/ /rab tu dga' ba las
byung mchi mas mig brlan zhing/ /lus kyi ba spu ldang bar gyur
pa gang yin pa/ /

de la rdzogs pa'i sangs rgyas blo yi sa bon yod/ /de nyid nye bar
bstan pa'i snod ni 'di yin te/ /zhes so/ /snod min la bshad na 'ga' zhig

mi mos shing skrag pa'i sgo nas stong nyid spong bar 'gyur la/
spangs na bcom ldan 'das kyi bstan pa'i snying po sun phyung
bas chos spangs pa'i

las dbang gis ngan 'gro mu med du 'khyam pa'i phyir ro/ /'ga'
zhig mos pa ltar snang yod kyang/ stong pa nyid kyi don log
par bzung ba'i

dbang gis stong pa'i don med pa'i don no snyam du 'khrul nas
dkar nag gi las 'bras khyad du gsod pa'i g.yang sa chen por
ltung bar 'gyur

@086a @#/ /ba'i phyir ro/ /sngar bshad pa lta bu'i snod kyi
mtshan nyid dang ldan pa la bshad na stong pa rten 'byung gi
don phyin ci ma log

par go nas stong nyid la thos bsam sgom pas nyams su len pa'i
snod rung gi rgyur/ tshul khrims rnam dag bsrung ba sogs thabs
cha rnams

dang ldan pa'i sgo nas stong nyid kyi rtogs pa thar lam rnam
par dag par 'gyur ba'i phyir te/ 'jug pa las/ rtag tu tshul
khrims yang dag

blangs te gnas par 'gyur/ /sbyin pa gtong bar 'gyur zhing
snying rje'ang bsten par byed/ /bzod pa sgom byed de yi dge ba
byang chub tu/ /'gro

ba sgrol bar bya phyir yongs su bsngo byed cing/ /rdzogs pa'i
byang chub sems dpa' rnams la gus par byed/ /ces gsungs pa
ltar ro/ /

! gnyis pa don dam byang chub sems sbyong bshad pa'i dus ni/
brtan pa thob nas gsang ba bstan/ /zhes gsungs te/ spyir theg
pa

@086b chen po'i rigs can lam la 'jug pa'i tshul la/ thog mar stong
pa nyid kyi lta ba brtan par byas nas phyis thabs kyi cha la
'jug pa'ang

yod mod/ 'on kyang 'di pa'i lugs kyi thog mar sngon 'gro rten
gyi chos bzhi sems pa dang/ dngos gzhi gzhan don dang byang
chub don gnyer

gyi byang chub kyi sems yan lag dang bcas pa legs par goms pa
las/ thabs kyi cha la goms pa brtan pa'i rjes su gsang ba don
dam pa'i

byang chub sems sbyong ston pa'i lugs yin no/ /don dam byang
chub sems sbyong gi skabs su/ chos rnams rmi lam lta bur bsam/
/ma

skyes rig pa'i gshis la dpyad/ /gnyen po nyid kyang rang sar
grol/ /lam gyi ngo bo kun gzhi'i ngang la bzhag /ces gsungs
te/ de

la tshig rkang dang pos ni gzung bas bsdus pa'i chos rnams bden
med du gtan la dbab tshul/ gnyis pa ni 'dzin pas bsdus pa'i
chos rnams

@087a @#/ /bden med du gtan la dbab tshul/ gsum pa ni dpyod
mkhan rang nyid kyang bden med du shes tshul te/ de rnams ni
dpyad sgom

bya ba'i tshul lo/ /rkang pa tha ma ni dpyad nas ma rnyed pa'i
don la bying rgod dang bral bar 'jog sgom gyi sgo nas mnyam
gzhag tu skyong ba'i rim

pa yin la/ rjes thob kyi skabs su skyong tshul ni/ thun mtshams
sgyu ma'i skyes bur bya/ /zhes 'og nas ston te/ de dag ni don
dam byang chub

kyi sems sgom pa'i rim pa ston pa 'chad kha ba chen po'i gsung
lhag chad med pa'o/ /bcom ldan 'das kyis bstan pa'i snying po
stong pa nyid kyi

don drang nges kyi gsung rab kyi tshul phyin ci ma log pa gtan
la 'bebs par lung bstan pa mgon po klu sgrub yab sras kyi rjes
su

'brangs nas 'phags pa zla ba'i zhabs kyi zhal snga nas bdag
med pa'i don gtan la phab pa nyid/ rgyal ba'i dgongs pa phyin
ci ma log

@087b par bkral bar jo bo chen po lha cig bzhed de/ stong nyid
gang gis rtogs zhe na/ /de bzhin gshegs pas lung bstan cing/
/chos nyid bden pa

gzigs pa yi/ /klu sgrub slob ma zla grags yin/ /de las brgyud
pa'i man ngag gis/ /chos nyid bden pa rtogs par 'gyur/ /zhes
bzhed pa

dang rjes su mthun par dus gsum sangs rgyas thams cad kyi
mkhyen rab dang thugs rje gcig tu bsdus pa'i bdag nyid rje
btsun 'jam dpal dbyangs kyi

rnam par 'phrul ba shar tsong kha pa chos kyi rgyal po'i bzhed
pa bzhin gtan la dbab pa la/ ! ma rig pa ngos gzung zhing de
'khor ba'i rtsa bar bstan

pa; de spong ba la bdag med kyi lta ba gtan la dbab dgos shing
gtan la 'bebs pa'i tshul lo/ /dang po ni/ ma rig pa ni rig pa'i
mi mthun phyogs

su gyur pa yin la/ de yang rig pa las gzhan tsam dang/ rig pa
bkag tsam gyi med pa mi mthun phyogs ma yin zhing/ rig pa'i
'gal zla mi

@088a @#/ /mthun phyogs su gyur pa'o/ /rig pa'ang gang yang
rung ba la mi bya yi/ bdag med pa'i don rtogs pa'i shes rab
bo/ /de bas

na de ni bdag tu sgro 'dogs pa yin la de la ni gang zag dang
chos kyi bdag tu 'dzin pa gnyis so/ /de dag gi dmigs yul gang
zag dang chos kyi

steng du sgro 'dogs pa'i 'dzin stangs kyi yul ni gang zag dang
chos kyi bdag ste/ de yang bdag med gtan la 'bebs pa la dgag
bya ha cang

khyab ches pa dang/ khyab chungs pa dang bral ba'i tshad zin pa
ni med mi rung gi yan lag ste/ dgag bya khyab ches na yod pa
dang bden par yod pa

gcig tu 'dres nas gzhi de'i steng du bden pa 'gog pa khas len
cing/ 'gog pa'i rnam gzhag byed pa na bden yod khegs pa'i lugs
su

byas pa'i tshe yod pa tshad grub 'jog mi shes par kun nas nyon
mongs dang rnam byang gi rten 'brel thams cad 'khrul ngo 'ba'
zhig gi

@088b rnam gzhag tu byed cing/ de dag tshad mas grub pa rang
lugs la 'jog mi shes pa de dag ni/ dus gsum sangs rgyas thams
cad kyi bgrod pa gcig

pa'i lam gzhi'i lta ba rtag chad kyi mtha' dang bral bar gtan
la phab pa'i don bsgom pas nyams su len pa'i tshe/ thabs dang
shes rab ya ma bral

ba zung 'jug tu bsgoms pas 'bras bu'i gnas skabs su/ chos
gzugs kyi sku gnyis gang zag gcig gi thugs rgyud la ngo bo
gcig la ldog

pa tha dad pa'i tshul gyis brnyes nas/ 'khor ba ji srid ma
stongs kyi bar du lhun grub rgyun mi 'chad kyi mdzad pa'i sgo
nas sems can gyi don byed tshul

sogs gzhi lam 'bras bu kun gyi rnam gzhag rnams cher 'khrugs
par 'gyur ro/ /khyab chungs pa ni 'di lta ste/ bcom ldan 'das
kyis chos

kyi sdom bzhi bka' stsal ba rnams sgra ji bzhin par rang sde
kun mthun yang/ chos thams cad bdag med ces pa'i med rgyu'i
bdag ngos 'dzin pa'i tshe/

@089a @#/ /nyan thos sde pa dag chos kyi bdag dang de bkag pa'i
chos kyi bdag med kyi rnam gzhag kyang mi byed par bdag med
ces pa'i sdom

gyi don gang zag gi bdag med tsam dang/ de yang gang zag rang
rkya thub pa'i rdzas yod kyis stong pa tsam la mdzad do/ /rnam
par rig pa tsam gyi tshul

smra ba'i shing rta chen po dag bdag med ces pa'i sdom gyi don
la/ gang zag dang chos kyi bdag med pa gnyis las/ snga ma ni
nyan thos sde pa ltar yin

la; gnyis pa ni/ gzung ba dang 'dzin pa ngo bo tha dad pa chos
bdag dang/ des stong pa chos kyi bdag med du mdzad do/ /ngo bo
nyid med par smra ba la

thal rang gnyis las/ rang rgyud pa rnams ni bdag med ces pa'i
sdom gyi don bdag med gnyis su mdzad pa dang/ gang zag gi bdag
med kyi tshul snga

ma gnyis dang 'dra zhing/ chos kyi bdag med ni/ rtog ge 'bar
ba las glo bur gyi 'khrul rgyus 'khrul par ma skyed pa'i dbang
po'i shes pa rnams

@089b dngos po rang mtshan snang yul du byed par gsungs pas
rtog pa zhen yul la ma 'khrul ba dang/ rtog med snang yul la
ma 'khrul ba'i dbang gis

bzhag pa'i rang bzhin nam/ rang mtshan zhal gyis bzhes pas/
phung khams skye mched sogs chos kyi steng du med rgyu'am/
'gog rgyu'i

bdag ni/ gnod med kyi shes pa la snang ba'i dbang gis bzhag pa
ma yin pa'i don gyi sdod lugs te/ de dag bkag pa'i don chos
kyi bdag med du

mdzad do/ /bod snga rabs pa 'ga' zhig bdag med ces pa'i med
rgyu'i bdag mthar thug dpyod pa'i rigs shes kyi dpyad bzod du
mdzad cing/

de dang mthar thug dpyod pa'i rigs shes kyis grub pa/ de'i
ngor sgur tshugs pa dang/ de'i gzhal bya rnams don gcig tu
mdzad nas/

mthar thug dpyod pa'i rigs shes kyi gzhal bya yod na/ de'i
dpyad bzod yod dgos/ de yod na bden pa yod par bzung nas/ 'ga'

@090a @#/ /zhig mthar thug dpyod pa'i rigs shes kyi yul med ces
smra zhing/ de yod na rtsa ba'i dgag bya log par 'gyur te/ 'di

ltar de yod na rigs shes kyi dpyad bzod yod dgos/ de yod na
bden par yod dgos pa'i phyir ro/ /zhes zer/ 'ga' zhig don dam

bden pa bden grub yin te/ rigs shes kyi dpyad bzod yin pa'i
phyir te/ de'i gzhal bya yin pa'i phyir zhes smra'o/ /'ga'
zhig

don dam bden pa gzhal bya min na don dam pa'i bden pa la skur
pa btab par 'gyur zhing/ rigs shes tshad ma'i gzhal byar byas
na rtsa

ba'i dgag bya log par 'gyur bas snyam du bsams nas/ rigs shes
kyi ldog pa nas gzhal bya med cing/ rjes dpag gi ngos nas
snang

stong tshogs pa gzhal byar 'jog pas sgro skur gyi mtha' las
grol lo zhes smra'o/ /rang rgyud pa man chad pa kun gyis chos
mngon pa rtsa

@090b 'grel nas gsungs pa'i nyon mongs kyi rnam gzhag nyid ma
gtogs pa mi mdzad la/ de'i tshe de dag kun gyis 'dod pa ltar na
'khor ba'i

rtsa bar byas pa'i ma rig pa dang 'jig lta ni kun btags yin
la/ kun btags kyi ma rig pa ni grub mthas blo bsgyur ba 'ba'
zhig ma

gtogs sems can gzhan la med pas de dag 'khor ba'i rtsa bar mi
rung ste/ 'jug pa las/ gang dag dud 'gror bskal mang brkyal
gyur

ba; ;des kyang ma skyes rtag 'di ma mthong la/ /ngar 'dzin de
dag la yang 'jug mthong ste/ /zhes so/ /kun btags kyi 'dzin
pas bzung

ba la bdag med gtan la dbab pa'i dgag bya'i tshad du byas na/
dgag bya khyab chungs pas de bkag pa'i don rtogs pa goms par
byas pa

las; 'khor ba las grol ba med par 'gyur te/ gang zag dang
phung po sogs la rang gi mtshan nyid kyis grub par 'dzin pa'i
'dzin stangs 

@091a @#/ /kyi yul sun phyung ba med pa'i phyir/ rin chen 'phreng
ba las/ ji srid phung por 'dzin yod pa/ /de srid de la ngar
'dzin yod/ /

ngar 'dzin yod na yang las te/ /de las yang ni skye ba yin/
/zhes so/ ! /rang gi lugs ni ma rig pa la gnyis yod pa'i 'khor
ba'i rtsa bar

gyur pa'i ma rig pa ni lhan skyes yin la/ de'i rnam pa 'dzin
stangs kyi yul ngos 'dzin pa la rtog pas btags pa tsam la tshad
grub 'jog

shes mi shes gnyis las/ phyi rol pa rnams kyis ni mi shes la/
rang gi sde pa kun gyis ni shes shing/ shes pa la'ang bskyed bya
skyed byed

sogs kyi don byed nus pa 'jog shes mi shes gnyis las/ rang rgyud
pa man chad kun gyis chos de tshad grub tu khas len pa yang/ 'di
ni

'di'o zhes ming du btags pa tsam gyi don la tshad grub 'jog mi
thub par 'di'o zhes tha snyad btags pa'i btags don btsal nas
rnyed na tshad

@091b grub tu 'jog la/ ma rnyed na tshad grub tu mi bzhed pas
rtog btags tsam la bskyed bya skyed byed sogs kyi bya byed tshad
mas grub pa mi bzhed do/ /'phags pa

yab sras kyi dgongs pa zla ba'i zhabs kyis bkral ba ltar na/
rtog btags tsam la bskyed bya skyed byed gzhal bya 'jal byed/
thob bya thob byed sogs

tshad grub 'jog par byed pa ni/ sangs rgyas bcom ldan 'das kyi
bstan pa'i snying po phyin ci ma log par 'grel ba'i sgo rmad du
byung ba ste/ mgon

po klu sgrub kyi zhal snga nas/ chos rnams stong pa 'di shes
nas/ /las dang 'bras bu bsten pa gang/ /ngo mtshar bas kyang 'di
ngo mtshar/ /rmad byung

bas kyang 'di rmad byung/ /zhes so// ! /des na gang zag dang
phung po sogs kyi steng du blo'i dbang gis bzhag pa tsam ma yin
pa'i yul rang ngos

nas grub pa'i yod pa ni/ ma rig pa lhan skyes kyi 'dzin pas sgro
btags pa'i yul bden tshad do/ /de 'dra ba de gzhi gang zag gi
steng du bkag pa

@092a @#/ /gang zag gi bdag med dang/ phung po sogs chos kyi
steng du bkag pa chos kyi bdag med yin te/ bzhi brgya pa'i 'grel
pa las/

de la bdag ces bya ba ni/ gang gi dngos po rnams kyi gzhan la
rag ma las pa'i ngo bo rang bzhin te/ de med pa ni bdag med
pa'o/ /de yang chos dang

gang zag gi dbye bas gnyis su rtogs te/ chos kyi bdag med pa
dang gang zag gi bdag med pa zhes bya'o/ /de la chos rnams rtog
pas btags

tshul ni/ nye bar 'khor gyis zhus pa las/ sna tshogs yid dga' me
tog kha bye zhing/ /gser gyi khang mchog 'bar ba yid 'ong ba/
/'di na de la'ang byed

po 'ga' med de/ /de dag rtog pa'i dbang gis bzhag pa yin/ /rtog
pa'i dbang gis 'jig rten rnam btags te/ /zhes chos rnams rtog
pa'i dbang

gis bzhag par gsungs pa dang/ rigs pa drug cu pa las kyang/ 'jig
rten ma rig rkyen can du/ /gang phyir rdzogs pa'i sangs rgyas
gsungs/ /

@092b de yi phyir na 'jig rten 'di/ /rnam rtog yin zhes cis mi
'thad/ /ces gsungs pa'i don 'grel par 'jig rten rnams rang gi
ngo bos ma grub

par rtog pas btags pa tsam du bshad cing/ brgya pa las kyang/
rtog pa med par 'dod chags la/ /sogs la yod nyid yod min na/
/yang dag

don dang rtog pa zhes/ /blo dang ldan pa su zhig 'dzin/ /zhes
gsungs shing/ de'i 'grel pa las kyang/ rtog pa yod pa kho nas
yod pa nyid dang/ rtog

pa med par yod pa nyid med pa de dag ni gor ma chags par thag pa
bsdogs pa la btags pa'i sbrul ltar rang gi ngo bos ma grub par
nges

so; /zhes rang gi ngo bos ma grub bzhin du btags pa'i cha nas/
chags sogs rnams thag pa la sbrul du btags pa dang 'dra bar
bshad do/ /

de la lha sbyin dang mchod sbyin sogs kyi gang zag dang/ bum
snam sogs kyi chos rnams rtog pas btags pa'i btags tshul dang/
sgyu ma mkhan

@093a @#/ /gyis rdel shing rta glang du sprul pa'i tshe/ rdel
shing gi steng du rta glang btags pa'i tshul/ thag pa bsdogs pa
la mun pa babs pa'i

tshe; thag pa la sbrul rtog pas btags tshul rnams cha kun nas cung
zad kyang dbye ba med do/ /thag pa'i steng du sbrul ni nang gi
blo 'khrul pa'i

dbang gis bzhag pa tsam ma yin par thag pa'i cha shas re re ba
dang tshogs pa gang la'ang sbrul cung zad kyang grub pa med cing/
de bzhin du rdel

shing gi steng du dang/ me long nang gi gzugs brnyan sogs kun la
mtshungs par rig par bya'o/ /de'i tshe rang rgyud kyi bdag tu

'dzin pa lhan skyes kyis gang zag dang chos kyi bdag tu ji ltar
gzung ba'i tshul nges sla bar bya tshul ni/ sngar bshad pa ltar
thag

pa la sbrul du 'khrul ba'i tshe/ gzhi der sbrul dang sbrul snang
gnyis ka blo 'khrul pa tsam gyi dbang gis bzhag gi /de min

@093b pa'i yul thag pa'i ngos nas grub pa cung zad kyang med
pa'i blos bzhag tsam dang/ de bzhin du me long nang du byad
bzhin snang ba'i tshe/ rgan po

brda byang la me long nang gi mig sna sogs dang/ gzugs brnyan
gnyis ka blo 'khrul pa tsam gyis bzhag gi /de min pa'i yul steng
nas grub

pa cung zad kyang med par nges sla go sla rtogs sla ba rnams
dper bya ste/ spyir nga'o snyam du 'dzin pa la 'dzin tshul gsum
yod pa'i rgan po brda byang la

gzugs brnyan 'char tshul ltar ma yin par yul rang ngos nas grub
pa'i yod par 'dzin pa ni gang zag gi bdag 'dzin lhan skyes/ de'i
'dzin

stangs kyi yul ni gang zag gi bdag /de bzhin du gzugs nas rnam
mkhyen gyi bar 'dus byas 'dus ma byas kyi chos kun la de ltar
sgro btags nas 'dzin

pa ni chos kyi bdag 'dzin lhan skyes/ de dag gi 'dzin stangs kyi
yul ni bdag med gtan la dbab pa'i dgag bya bden tshad/ rang gi
mtshan nyid kyis grub pa/

@094a @#/ /ngo bo nyid kyis grub pa/ don dam par grub pa/ bden
par grub pa/ yang dag par grub pa sogs so/ /bdag med

bsgom pa'i tshe rang gi bdag 'dzin lhan skyes kyis ji ltar gzung
tshul kun btags kyi 'dzin pa dang ma 'dres par nges su gzhug tshul
sogs

zhib par ni theg pa chen po'i dge ba'i bshes gnyen yun ring du
bsnyen bkur ba las 'byung bas tshul de legs par rtsad bcad par
bya ste/

bdag nyid chen po seng ge bzang po'i zhal snga nas/ dge ba'i
bshes gnyen yang dag par mgu bar byas pa'i man ngag phyin ci ma
log pa

can zhes sogs gsungs pa ltar ro/ /de 'dra ba'i bdag dang bdag
gir 'dzin pa ma rig pa lhan skyes kyis 'khor ba'i rtsa ba byed
tshul ni/

nang du bdag dang bdag gi bar rang gi mtshan nyid kyis grub par
gzung ba na bdag la chags pa skye/ des ni bdag gi bde ba thams
cad

@094b la sred pa skyed la/ bdag gi bde ba yang bdag gi ba rnams
la ma ltos par rang dbang med pas/ bdag gi ba la sred pa des ni
de'i skyon

bsgribs nas de la yon tan mthong du 'jug go/ /de nas ni bdag gi
ba rnams bdag gi bde ba sgrub byed du len no/ /de ltar skyes
pa'i nyon

mongs kyis ni las 'du byed la/ las kyis kyang 'khor bar nying
mtshams sbyor te/ stong nyid bdun cu pa las/ las ni nyon mongs
rgyu

mtshan can/ /'du byed nyon mongs las bdag nyid/ /lus ni las kyi
rgyu mtshan can/ /gsum ga'ang ngo bo nyid kyis stong/ /zhes
gsungs

so; ;de lta bu'i tshul gyis 'khor bar 'khor ba'i rim pa la nges
pa rnyed rnyed du sbyang ngo/ ! /gnyis pa de spong ba la bdag
med pa'i lta ba

gtan la dbab dgos shing/ gtan la dbab pa'i tshul ni/ ma rig pa de
zad par spong ba la des yul gang la dmigs nas ji ltar gzung

@095a @#/ /ba'i 'dzin stangs kyi yul med par rigs pas gtan la
phab pa'i don goms par byas pa las spang dgos te/

bdag nyid chen po chos kyi grags pas/ 'di yul sun phyung med par
ni/ /de spong bar ni nus ma yin/ /zhes so/ /de lta ma yin par

bdag la blo 'gro ba tshur bsdus pa tsam goms pa dang/ yod med yin
min sogs gang du'ang mi 'phro ba'i mi rtog pa tsam goms pa

dang; dgag bya'i spyi shar nas rigs pa'i dpyad pa byas pa'i rjes
su bsgom pa'i tshe/ rigs shes kyis rnyed pa'i don las gzhan gang

du'ang ngos gzung med pa'i mi rtog pa tsam bsgom pa rnams goms
pa ji tsam bsrings kyang bdag 'dzin gyi sa bon spong nus pa mi

srid de/ dang po ni dgag bya'i bdag la blo zhugs pa med kyang/
bdag 'dzin gyi 'dzin stangs kyi log phyogs nges nas 'dzin pa mi

@095b 'dug pa'i phyir te/ bdag med la blo ma zhugs pa'i phyir/
de yang rnam 'grel las/ byams sogs rmongs dang 'gal med phyir/
/shin

tu nyes pa tshar gcod min/ /zhes so/ ! /gnyis pa ni/ yod med sogs
su 'dzin pa'i rtog pa gang yin bden 'dzin rtog pas gzung ba'i

yul gang yin thams cad kyang bdag med gtan la dbab pa'i rigs
pa'i dgag bya bden pa dang gcig tu 'dres pa rgya'i mkhan po hwa
shang

gi lugs ngal ma sos par 'ongs pa dgag bya khyab ches kyi phyogs
so/ ! /gsum pa ni/ rigs shes kyis gzhan du gtan la phab cing
sgom pa'i tshe de las gzhan du

sgom pa ni 'brel med du 'gyur ba'i phyir te dkyu sa gzhan du
bstan nas rgyug sa gzhan du byed pa bzhin na/ /de yang gzhi gang
gi steng du mngon

par zhen pas gzung ba'i gzhi de nyid la kho'i 'dzin stangs kyi
zlog phyogs nges pa dgos kyi gzhan du na/ rkun ma nags rjes
spang zhes

@096a @#/ /pa dang/ 'dre shar sgo/ glud nub sgo zhes pa ltar ro/
! /de lta na bdag med pa'i lta ba gtan la dbab tshul la/

bdag med pa gnyis gtan la dbab pa'i go rim/ bdag med pa gtan la
dbab tshul dngos so/ /dang po ni gzhi gang zag dang phung

po sogs chos kyi steng du med rgyu'i bdag la sngar bshad pa ltar
phra rags kyi rnam pa cung zad kyang med mod/ dgag gzhi phra
rags kyi

dbang gis nges dka' sla yod de/ 'di ltar lha sbyin sogs gang zag
blo yul du 'char ba de'i phung po gzung ba la ltos dgos pa'i
rgyu

mtshan gyis btags yod kyi rnam pa rigs pas grub par yod de/ 'di
ltar me long nang du shar ba'i gzugs brnyan dang/ bum

snam sogs chos kyi bdag med du gtan la dbab pa'i dgag bya la
phra rags cung zad kyang med mod/ dgag gzhi blos bzhag tu

@096b 'char dka' sla'i dbang gis bden med du nges dka' sla yod
pa dang 'dra'o/ /de yang shes rab kyi pha rol tu phyin pa sdud
pa las/

bdag ji 'dra ba de 'drar sems can thams cad shes/ /sems can
thams cad ci 'dra de 'drar chos kun shes/ /zhes so/ ! /gnyis

pa; bdag med gtan la dbab tshul dngos la gsum/ gang zag gi bdag
med gtan la dbab pa'i tshul dang/ chos kyi bdag med

gtan la dbab pa'i tshul dang/ de la brten nas gang zag dang chos
sgyu ma lta bur 'char tshul lo/ /dang po ni/ de la thog mar gzhi
gang zag

ngos 'dzin tshul ngar 'dzin lhan skyes kyi dmigs yul gang zag tu
'jog pa ni kun mthun zhing/ de'i dmigs yul nyan thos sde pa kha

cig phung po lnga char/ kha cig sems gcig po dang/ rnam par rig
pa tsam gyi tshul smra ba kun gzhi zhal gyis bzhes pa dag nyon
yid kyis

@097a @#/ /gang la dmigs nas nga'o snyam pa skye ba'i gzhi kun
gzhi la mdzad cing/ tshogs brgyad kyi rnam gzhag mi mdzad pa'i

rnam par rig pa tsam gyi tshul smra ba dang/ slob dpon legs ldan
'byed rjes 'brang dang bcas pa dang/ mdo sde pa rnams ni drug pa
yid kyi

rnam par shes pa'i rgyun gang zag tu 'jog ste/ slob dpon legs
ldan 'byed kyis sems kyi rgyun gang zag tu 'jog pa'i sgrub byed
lung

rigs gnyis kyi sgo nas rtog ge 'bar bar bsgrubs so/ /de dag kun
gyi ltar na'ang gang zag ni phung po la brten nas btags pa'i
btags

yod tsam dang/ de'i mtshan gzhir rdzas yod re 'dzin dgos pa ni/
tshad grub 'jog pa'i tshe/ btags don btsal nas rnyed pa'i

yod pa dgos kyi/ rang gi mtshan nyid kyis ma grub na med pa'i
lugs so/ ! /rang gi lugs ni slob dpon zla ba'i zhabs kyi zhal
snga nas/

@097b 'jug par ngar 'dzin lhan skyes kyi dmigs yul phung po yin
pa rtsa bar bkag cing/ 'grel par brten nas btags pa'i bdag

dmigs par gsungs pas de la nga'o snyam pa'i blo bcos min skye ba
dgos shing/ phung sogs la nga'i 'o snyam pa'i blo bcos min skye
yi/

nga'o snyam pa'i blo gtan mi skye bar rang gi myong ba la bltas
pa'i tshe gsal zhing/ gang zag ni skyes pa bud med 'phags pa so
skye 'khor ba

po dang thar ba po sogs gdags gzhi phung po la brten nas btags
pa yin la/ phung po'i tshogs rgyun tshogs pa dang tshogs pa can
rgyun dang

rgyun can gang yang gang zag ma yin te/ dper na/ shing rta rang
gi yan lag 'phang lo sogs la brten nas btags pa yin gyi/ de'i

yan lag re re ba dang tshogs pa gang yang shing rta ma yin pa
bzhin te/ mdo las/ ji ltar yan lag tshogs rnams la/ /brten nas

@098a @#/ /shing rtar brjod pa bzhin/ /de bzhin phung po rnams
brten nas/ /kun rdzob sems can zhes brjod do/ /zhes so/ /

gang zag gi 'jog tshul 'di lta bu ni dngos po'i de kho na nyid
myur du rtogs pa'i thabs bzang po zhig ste/ gzugs nas rnam
mkhyen gyi

bar gyi chos kun la de'i rigs bsgre bar bya'o/ /de 'dra'i gang
zag rang bzhin med par gtan la dbab pa la/ nga rang bzhin med
par

gtan la dbab pa dang/ nga yi ba rang bzhin med par gtan la dbab
pa'o/ /dang po ni/ bdag med kyi lta ba rgyud la bskyed pa'i tshe/

gcig tu bral sogs 'brel yul ma dmigs pa dang/ rten 'brel gyi
gtan tshigs sogs 'gal zla dmigs pa'i gtan tshigs skyon

med pa la brten nas skye bas/ thog mar rang rgyud la brtags te
gang zag gi bdag 'dzin lhan skyes kyis 'dzin lugs ngos zin pa
gnad

@098b che ste/ sngar bshad zin to/ /de ltar dpyad sgom dang 'jog
sgom byed tshul gnyis las/ gcig du bral gyi sgo nas gtan la dbab
pa la/ gang

zag rang bzhin gyis grub na/ phung po dang ngo bo gcig dang tha
dad gang rung du grub dgos kyi/ de gnyis las gzhan du grub thabs
med par thag

bcad pa ste/ de ni spyir bum sogs kyi chos gang la'ang zla bcas
su tshad mas grub pa'i tshe/ de zla med yin pa phar rnam par gcod
cing/ gcig

pu zla med du tshad mas grub pa'i tshe de zla bcas yin pa phar
rnam par gcod pa'i tshul gyis yod pa la/ gcig dang tha dad gang
rung las mi

'da' ba'i tshul gyis de gnyis gang yang ma yin pa med pa'i tshul
nges par bya'o/ /gang zag dang phung po rang gi mtshan nyid kyis
grub pa'i

rang bzhin gcig pa la rigs pa gsum gsungs pa'i dang po bdag khas
blangs pa don med du thal ba ni/ bdag phung rang gi mtshan nyid

@099a @#/ /kyis grub pa'i rang bzhin gcig yin na/ de la rtog pa'i
blo snang yul la ma 'khrul bar 'gyur te/ rang gi mtshan

nyid kyis grub pa snang yul du byed pa'i blo yin pa'i phyir/
dper na nyan thos sde pa dag bag chags brtan pa las byung ba'i
sngo snang dbang

shes snang yul la ma 'khrul bar 'dod pa dang mtshungs so/ /de'i
tshe bdag phung gnyis kyi mthar thug pa'i sdod lugs ji ltar yin
pa

dang; de gnyis la rtog pa'i rtog pa la snang tshul mthun dgos la/
de'i tshe na rtog pa la de gnyis tha dad du snang ba log par
'gyur te/

kho la snang tshul dang yul gnyis kyi gnas tshul mthun zhing yul
gyi gnas tshul rang bzhin gyis grub pa'i rang bzhin gcig yin pa'i

phyir; de lta na de gnyis dbye ba gtan med kyi gcig tu 'gyur te/
de gnyis rtog ngor tha dad du snang ba tsam yang log pa'i phyir
ro/ /de ltar

@099b na phung po 'dor len byed pa'i phyir bdag khas blangs pa
don med du 'gyur te/ bdag phung po'i rnam grangs tsam du zad
pa'i phyir ro/ /de ni

mi rigs te/ rtsa she las/ nye bar len pa ma gtogs pa'i/ /bdag
yod ma yin byas pa'i tshe/ /nye bar len nyid bdag yin na/ /khyod
kyi

bdag ni med pa yin/ /zhes so/ ! /gnyis pa bdag mang por thal ba
ni/ bdag phung rnam dbye tha dad gtan med kyi gcig yin na/ gang
zag re

re la'ang phung po du ma yod pa ltar gang zag du ma yod par
'gyur zhing/ yang na phung po rnams gcig tu 'gyur te/ gang zag
gcig dang dbyer

med kyi gcig yin pa'i phyir/ de ni mi rung ste/ 'jug pa las/ gal
te phung po bdag na de phyir de/ /mang bas bdag de dag kyang
mang por

'gyur/ /zhes so/ ! /gsum pa bdag skye 'jig can du thal ba ni/
gang zag gcig gi phung po snga phyi skye 'jig byed pa ltar gang
zag kyang skye 'jig byed

@100a @#/ /dgos la/ rang bzhin gyis grub pa'i skye 'jig byed pa'i
tshe/ rang bzhin gcig dang tha dad gang rung las mi 'da'

zhing; de gnyis ka mi rigs te/ 'di ltar rang gi mtshan nyid kyis
grub pa'i rang bzhin gcig yin na/ tshe 'di dang snga ma'i gang
zag lta bu

'di rnam dbye gtan med kyi gcig tu 'gyur zhing/ de lta na tshe
'di'i gang zag lta bu de de'i snga rol du rang dang rgyud gcig
pa'i gang zag shi

bar ma song bar 'gyur te/ tshe snga ma'i gang zag dang rnam dbye
gtan med kyi gcig yin pa'i phyir/ rang dang rgyud gcig pa'i tshe
snga ma'i gang

zag lta bu de ma shi bar 'dir skyes par 'gyur te/ tshe 'di'i gang
zag dang rnam dbye gtan med kyi gcig yin pa'i phyir/ de ltar na
mi rung ste/

rtag par 'gyur ba'i phyir te/ rtsa she las/ gal te lha de mi de
na/ /de lta na ni rtag par 'gyur/ /zhes so/ /tshe snga phyis
bsdus pa'i gang zag

@100b rang gi mtshan nyid kyis grub pa'i rang bzhin tha dad na/
de gnyis la 'brel ba mi rung ste/ bdag gcig pa'i 'brel ba med
de/ de gnyis rang

bzhin tha dad pa'i phyir/ de byung gi 'brel ba med de/ de gnyis
gcig la gcig rag las par 'gal ba'i phyir te/ rang bzhin gyis
grub pa de

gzhan la ltos par 'gal ba'i phyir/ de lta na de dag la rgyud
gcig pa'i 'brel ba bzhag tu mi rung ste/ de dag la 'brel ba
gnyis gang yang

med pa'i phyir te/ 'jug pa las/ gang dag rang mtshan nyid kyis so
so ba/ /de dag rgyud gcig gtogs par rigs ma yin/ /zhes so/
/rgyud gcig

ma yin na skye ba dran pa mi 'thad par 'gyur zhing/ de lta na
mdo sde du ma dang 'gal lo/ /gzhan yang tshe snga ma'i gang zag
gis dge sdig gi las

byas pa rnams chud zos par 'gyur te/ de'i 'bras bu kho rang gis
kyang ma myong/ kho dang rgyud gcig pa'i gang zag gzhan gyis
myong ba'ang bzhag

@101a @#/ /tu med pa'i phyir/ tshe 'di'i gang zag lta bus sngon
byas kyi 'bras bu bde sdug la longs spyod pa de las ma byas pa
dang

'phrad par 'gyur te/ de'i rgyu kho rang gis kyang ma bsags/
kho dang rgyud gcig pa gzhan gyis bsags pa yang bzhag tu med
pa'i phyir/ de

ltar gang zag dang phung po rang gi mtshan nyid kyis grub pa'i
rang bzhin gcig pa la gnod byed rnams rigs pa'i lam nas nges
pa btsal

nas bskyang bar byas te/ rang lugs la'ang tha snyad du gang
zag dang phung po ngo bo gcig tu khas blang dgos pas/ 'di dag
ni shin tu phra

zhing dka' ba'i gnas so/ /gang zag dang phung po rang gi mtshan
nyid kyis grub pa'i rang bzhin tha dad na/ rtsa shes las/ gal
te phung po

rnams las gzhan/ /phung po'i mtshan nyid med par 'gyur/ /zhes
gsungs pa ltar/ phung po 'dus byas su mtshon pa'i mtshan nyid
skye

@101b 'jig gnas pa gsum dang mi ldan par 'gyur te/ rta ba
glang las ngo bo tha dad pas phan tshun gcig la gcig gi mtshan
nyid mi ldan pa bzhin

no; ;de lta na 'dus byas su mi rung bar 'gyur zhing/ de lta na
gang zag gi bdag 'dzin lhan skyes kyi dmigs rnam gnyis kyi
dmigs par mi

rung ste/ dper na nam mkha' dang myang 'das bzhin no/ /gzhan
yang rang gi phung po ye med pa'i gzhir yang nga'o snyam pa'i
blo bcos ma ma

yin pa skye srid par 'gyur te/ gang zag dang phung po rang gi
mtshan nyid kyis ngo bo tha dad pa'i phyir/ dper na bum snam
ngo bo tha dad pas/ bum pa

med pa'i gzhir yang snam bu'o snyam pa dang/ snam bu med pa'i
gzhir yang bum pa'o snyam pa'i blo bcos min skye ba bzhin no/
/de yang rtsa shes

las; bdag nyid nye bar len pa las/ /gzhan du 'thad pa nyid ma
yin/ /gal te gzhan na len med par/ /gzung yod rigs na gzung du
med/ /

@102a @#/ /ces dang/ 'jug pa las/ de phyir phung po las gzhan
bdag med de/ /phung po ma gtogs de 'dzin ma grub phyir/ /ces

so; ;de ltar byas nas gang zag dang phung po rang gi mtshan
nyid kyis grub pa'i rang bzhin gcig tha dad la gnod pa legs
par mthong zhing/ rang

bzhin gcig tha dad gang du'ang ma grub pa'i tshe/ khyab byed
bkag na khyab bya ldog pa'i rigs pas gang zag rang bzhin med
pa'i don legs par

rtogs pa'i tshad ma'i nges pa dran shes dang ldan pas bskyang
bar bya'o/ ! /gnyis pa nga yi ba rang bzhin med par gtan la
dbab pa'i tshul ni/ de ltar

gcig du bral gyi rigs pas bdag rang bzhin med par tshad mas
nges pa'i tshe/ rigs pa de nyid kyi byed pa la brten nas bdag
gi ba rang bzhin med

par rtogs par 'gyur te/ mo sham gyi bu med par rtogs pa'i tshad
mas de'i kha dog dkar sham dang sngo sangs med pa gzhan la rag
ma las par

@102b rtogs pa bzhin no/ /rtsa shes las/ bdag nyid yod pa ma
yin na/ /bdag gi yod par ga la 'gyur/ /zhes dang/ 'jug pa las/
gang phyir byed po

med can las med pa/ /de phyir bdag gi bdag med par yod min/
/de phyir bdag dang bdag gi stong lta ba'i/ /rnal 'byor pa de
rnam par grol bar

'gyur/ /zhes gsungs so/ /de lta bu'i tshul gyis rang las rgyud
tha dad pa'i skye 'phags kyi gang zag kun bdag med par rtogs
par byas nas goms

par bya ste/ sher phyin sdud pa las/ bdag ci 'dra ba de 'drar
sems can thams cad shes/ /sems can thams cad ci 'dra de 'drar
chos kun

shes; ;zhes so/ ! /gnyis pa chos kyi bdag med gtan la dbab
pa'i tshul la/ chos ni phung po dang khams dang skye mched sogs
so/ /de dag gi steng

du bden 'dzin lhan skyes kyis gzung ba'i dgag bya ma thal ma
thungs pa ngos 'dzin pa ni/ shin tu gal che zhing 'dzin tshul
rnams bshad zin to/ /

@103a @#/ /phung sogs kyi chos gcig du bral gyi sgo nas/ bdag
med par gtan la dbab pa'i tshul ni/ cha med shes bya la srid

pa bkag ste/ gzhi grub na cha bcas su rigs pas bsgrubs nas
grub pa'i tshe/ cha cha can rang gi mtshan nyid kyis grub pa'i
rang bzhin gcig

tha dad dpyad pa'i tshe/ rang gi mtshan nyid kyis grub pa'i rang
bzhin gcig pa la rnam dbye tha dad gtan med kyi gcig tu 'gyur
tshul dang rang bzhin

tha dad na 'brel pa 'gog tshul de ltar rang bzhin gcig tha dad
gang du'ang ma grub pa la rang bzhin med pa'i tshul rnams gang
zag gi bdag med kyi

skabs su bshad pa ltar/ chos can kha spos nas shes par bya'o/
/'gal zla dmigs pa'i gtan tshigs kyi sgo nas rang bzhin med par
gtan

la dbab tshul ni/ phung sogs phyi nang gi rten 'brel rnams
brten nas 'byung ba nges sla zhing/ de dang rang bzhin gyis
grub pa gzhi mthun 'gog tshul

@103b ni; gang rang bzhin gyis grub pa de ni/ gzhan la rag las
pa 'gal zhing/ gang zhig brten nas 'byung ba de ni/ gzhan la
rag las gzhan la

ltos pa'i phyir/ dper na me long nang gi gzugs brnyan phyi
nang gi rgyu rkyen du ma la ltos nas 'byung dgos pas/ de la
rang dbang ba'i tshugs thub

pa'i rang bzhin yod na/ de snang yul du byed pa'i blo snang
yul la ma 'khrul ba dgos shing/ de lta na de la snang ba'i
snang tshul dang/ gzugs

brnyan gyi gnas tshul mthun dgos la/ de mi thun pa l+ mngon
sum gyis gnod pa bstan nas/ gzugs brnyan gyi steng du rten
'byung dang rang

bzhin gyis grub pa gzhi mthun la gnod pa mthong zhing/ rten
'byung la rang bzhin gyis grub pas stong par rtogs pa'i tshe
chos kun la sbyar bar bya'o/ /

de yang bdag med kyi lta ba rnam dag rtogs pa'i gol sa ni
gnyis te/ rtag par lta ba dang/ chad par lta ba'o/ /phyi nang
gi chos rnams rten 'byung du

@104a @#/ /tshad mas grub pa la brten nas/ chad par lta ba mtha'
dag rgyang ring du spangs par 'gyur la/ gzugs brnyan gyi steng
du rten

'byung dang rang bzhin grub pa gzhi mthun la gnod pa mthong
nas/ rang bzhin med par dam bcas pa'i don tshad mas grub pa'i
tshe/ rtag par

lta ba mtha' dag rgyang ring du spangs par 'gyur bas/ rigs
pa'i rgyal po rten 'byung la bsngags te/ ma dros pas zhus pa
las/ gang zhig rkyen

las skyes pa de ma skyes/ /de la ngo bo nyid kyis skye ba med/
/rkyen la rag las gang de stong par bshad/ /gang zhig stong
nyid shes de bag yod yin/ /

zhes dang/ 'jug pa las/ gang phyir dngos po brten nas rab
'byung bas/ /rtog pa 'di dag brtag par mi nus pa/ /de phyir
rten 'byung rigs

pa 'di yis ni/ /lta ngan dra ba mtha' dag gcod par byed/ /ces
gsungs so/ /de dag rnams ni gang zag dang chos kyi bdag med
rigs pas dpyad

@104b nas bsgom pa'i tshul mdo tsam du brjod pa yin la de 'dra
ba'i gang zag dang/ chos rang bzhin med pa'i stong pa nyid ni/
gzugs nas

rnam mkhyen gyi bar gyi chos kun la bye brag med par khyab pas
nyi tshe ba'i stong pa tsam min gyi/ khyab pa'i stong pa nyid
dang/ de yang sngar rang

bzhin gyis mi stong pa la rigs pas gzhigs pas stong pa nyid du
song ba lta bu blos byas kyi stong pa'ang ma yin par ye gdod
ma nas stong pa nyid

dang; de ltar stong par gtan la phab nas/ bya byed tshad mas
grub pa 'jog mi shes pa'i chad pa'i stong pa lta bu ma yin par
rnam kun mchog

ldan gyi stong pa nyid dang/ rig rgyu go rgyu rtogs rgyu med
pa'i blo'i yul las 'das pa'i stong nyid ma yin par rtogs shing
khong du chud pa las

don med pa'i stong pa'ang ma yin te/ rtogs shing khong du chud
pa las sgrib pa gnyis bag chags dang bcas pa las grol nas/
thar pa

@105a @#/ /dang thams cad mkhyen pa'i go 'phang ster bar byed
pa theg pa gsum gyi bgrod pa gcig pa'i lam yin

pa'i phyir ro/ ! /gnyis pa 'jog sgom gyi sgo nas skyong tshul
ni/ dgag bya bdag la yid 'phro ba nang du bsdus pa tsam dang/
yod

med yin min sogs gang du'ang mi 'dzin pa'i mi rtog pa rkyang
pa bsgom pa dang/ rigs pas dpyad nas rang bzhin med pa rnyed
tshe de

las gzhan bsgom pa sogs byar mi rung ba sngar bshad zin la/
'phags pas bdag las ma yin zhes dam bca' ba bzhi brjod

pa thams cad med par dgag pa sha stag yin pa'i tshul la/ shing
rta chen po kun dgongs pa gcig dang dbyangs gcig tu mthun pa
ni/

bdag med kyi lta ba skyong ba'i tshe/ bdag 'dzin lhan skyes
kyis dmigs yul gang gi steng du rnam pa 'dzin stangs ji ltar
gzung legs par

@105b nges par byas nas/ dmigs yul de'i steng du khos ji ltar
gzung ba'i 'dzin stangs kyi yul bkag pa'i med dgag gi rnam pa
can

skyong ba nyid gnad dam pa yin gyi de las gzhan du mi rung la/
de yang gang zag gi bdag med sgom tshul la mtshon na/ nga tsam
gyi

steng du ngar 'dzin lhan skyes kyi 'dzin stangs kyi yul rang
bzhin nam rang gi mtshan nyid dam/ ngo bo nyid kyis grub pa
sogs te/ des

na khyad gzhi gang zag rang bzhin med pa nyid lta ba'i nges
ngo dang ye ma bral ba gces so/ /la la dag nga rang bzhin med
ces pa lta bu

tshig spyi tsam du zad pas nga der med/ de ltar med/ snang tshul
ltar med ces pa rnams bskyang dgos so/ /zhes zer ba

'di la dpyad na gzhi nga'i steng du sngar bshad pa lta bu'i
dgag bya'i spyi legs par shar nas/ gzhi nga de'i rang bzhin du
med

@106a @#/ /ces skyong ba la/ tshig spyi tsam zhes pa'i gnas med
la/ dgag bya'i spyi legs par shar nas legs par ngos zin pa

med na/ der med sogs tshig spyir ji ltar mi 'gro/ des na zab mo
ston pa'i gsung rab kun gyi sgras zin lta ba'i nges yul de
nyid/ gzhi de dang

de'i rang bzhin chos nyid gnas lugs de'i don dam pa'i bden pa
sogs su dam bcas pas cho ga pa zhig dgos so/ /de 'dra ba'i
gang zag gam

chos kyi bdag med pa la dmigs pa'i zhi gnas bsgrub tshul ni/
zhi gnas kyi tshogs dang ldan pa'i ngang nas dmigs yul bdag med
pa la

sems gtod pa'i tshe/ bsgrub bya'i ting nge 'dzin gsal zhing mi
rtog pa de la bying rgod kyis bar du gcod pas/ bying rgod kyi
gnyen por dran pa

dang; shes bzhin gyi sgo nas bying rgod phra mo 'ang ngos zin
nas de dag gi dbang du mi 'gro ba'i tshul du bskyangs pas sems
gnas skye ba'i rim

@106b pa ni/ de dang de la sems 'jog go /rgyun du 'jog go
/glan te 'jog go /nye bar 'jog go /dul bar byed/ zhi bar byed/
rnam par zhi bar byed/

rtse gcig tu byed/ btang snyoms su byed do/ /de dag stobs drug
gis 'grub cing/ yid la byed pa bzhi yod pa'i tshul ni de la
sems dang po ni/ thos

pa'i stobs dang/ gnyis pa ni bsams pa'i stobs dang/ de nas
gnyis ni dran pa'i stobs dang/ de nas gnyis ni shes bzhin gyi
stobs dang/ de

nas gnyis ni brtson 'grus kyi stobs dang/ sems dgu pa ni 'dris
pa'i stobs kyis 'grub bo/ /yid la byed pa bzhi yod pa'i tshul
la/ sems dang

po gnyis la bsgrims te 'jug pa'i yid la byed pa yod do/ /de
nas lnga la chad cing 'jug pa'i yid la byed pa yod do/ /sems
brgyad pa la skabs su

chad pa med par 'jug pa'i yid la byed pa yod do/ /dgu pa la ni
lhun gyis grub par 'jug pa'i yid la byed pa yod de/ de goms pa
las 'du me byed/ /

@107a @#/ /ces so/ /de nas dmigs pa de nyid la bying zon rgod
zon gyi rtsol ba glod nas goms pas lus dang sems shin du
sbyangs

pa thob pa'i tshe/ zhi gnas grub pa yin te/ de nas de yi lus
dang sems/ /shin tu sbyangs pa che thob nas/ /yid la byed dang
bcas zhes bya/ /

zhes so/ /de ltar zhi gnas grub nas bdag med pa'i don la sngar
ltar dpyad de/ gnas cha dang so sor rtog pa'i shes rab cha
mnyam pa'i tshul

gyis goms pa las/ sngar gyi shin sbyangs tsam min pa'i dpyad
sgom nyid kyi lag rjes la shin sbyangs gsar du 'dren thub pa'i
tshe/ lhag mthong

grub pa'i tshad de/ zhi gnas dang lhag mthong mtshungs ldan nam
zung 'brel te/ mkhas pa shAnti pas/ zhi gnas dang lhag mthong
phan tshun

gcig gis gcig bcings pa'i tshul gyis ldan par bshad pa ltar ro/
/de'i tshe na stong nyid la dmigs pa'i lhag mthong sgom byung
du gyur ba'o/ /

@107b de ltar dpyad sgom dang 'jog sgom gnyis kyi sgo nas
mnyam gzhag tu bskyangs pa'i rjes thob kyi skabs su nyams su
len tshul ni/ thun

mtshams sgyu ma'i skyes bur bya/ /zhes gsungs te/ spyir sgyu ma
zhes pa tsam zhig phyi nang kun la yod la/ de la sgyu ma dper
len tshul ltar snang ba

dang; yang dag pa gnyis las/ dang po ni/ de kho na nyid la blo
kha ma phyogs par mi rtog pa tsam zhig bskyangs pas gnas cha
rnyed pa'i tshe/ langs

pa'i skabs su snang ba ban bun du 'char ba lta bu dang/ yang
de 'dra'i tshe/ ri khang khyim sogs thogs rdugs sra mkhregs kyi
snang ba bun ne ba du ba

dang 'ja' tshon lta bu bkrag med kyi rnam par 'char ba rnams la
skabs 'di'i sgyu ma'i don med de/ 'di'i skabs kyi sgyu mar
'char ba la gzhi de'i

steng du bden pa rigs shes kyis khegs pa sngon du 'gro dgos
pa'i phyir ro/ /snga rabs pa 'ga' zhig chos dang gang zag sgyu
mar gsungs pa'i

@108a @#/ /tshul dper len pa na/ rdel shing rta glang du snang
yang rta glang gis stong pa bzhin du/ skyes pa bud med sogs
gang

zag tu snang yang gang zag gis stong pa dang phung khams skye
mched sogs de dang der snang yang des stong pa'i don du 'dod
la/ de bzhin du rmi lam smig rgyu

sogs kun la mtshungs par sbyar ro/ /'di dag la dri bar bya ste/
skyes pa dang bud med sogs de dang des stong zhes pa'i don ci/
de dang de de

la med pa'o zhe na/ de'i tshe chos de dag gtan med par 'gyur
te/ yod na rang la yod dgos pa las rang la med pa'i phyir ro/
/de bas na de dag

ni dgag bya'i tshad ma zin cing/ spyi legs par ma shar ba la
brten nas bdag med kyi tshig spyi tsam la 'chal nas sgyu ma
dang rmi lam sogs su

gsungs pa'i don phyin ci log tu gzung ba'o/ /dgag bya'i tshad
legs par ma zin par dgag bya bkag pa'i lugs su byas pa'i tshe/
gzhi tshad

@108b mas grub pa gzung sa med cing/ de'i tshe de ltar dpyod
mkhan dpyod tshul sogs gang yang bzhags ma rnyed pa'i don goms
pa las/ de dag

gi snang ba ban bun du shar ba la ni sgyu ma'i don med de/ de
ni bden med rtogs pa dang snang ba la skur 'debs kyi lta ba
skyes pa ma phyed pa'i skyon

no; ! /gnyis pa sgyu mar 'char tshul yang dag pa ni/ ting nge
'dzin gyi rgyal po las/ ji ltar smig rgyu dri za'i grong khyer
dang/ /sgyu ma ji bzhin rmi

lam ji lta bur/ /mtshan ma sgom pa ngo bo nyid kyis stong/
/chos rnams thams cad de ltar shes par gyis/ /zhes gsungs so/
/sher phyin gyi mdo

las; gzugs nas rnam mkhyen gyi bar gyi chos kun sgyu ma sogs
su gsungs pa la gnyis las/ don dam bden pa sgyu mar gsungs pa
lta bu yod

tsam du grub kyang bden pa khegs pa la byas pa dang/ stong
bzhin du snang ba'i snang ba sgyu ma lta bu la byas pa gnyis
las/ 'dir ni phyi ma'o/ /de'i tshul

@109a @#/ /go sla bar brjod na/ de la sgyu ma mkhan gyis rdel
shing rta glang du sprul pa'i tshe/ rta glang gi snang ba mngon
sum tshad

mas grub nas/ snang ba lta gyi don yod pas stong pa yid kyi
shes pas nges pa gnyis tshogs pa las sgyu mar 'char ba bzhin
du/ skye 'phags

kyi gang zag dang/ phung sogs kyi chos kun la las bya byed
sogs kyi sgo nas tha snyad pa'i tshad mas legs par grub cig
gzhi de dag gi steng du

sngar bshad pa'i dgag bya phra mo nas rigs shes kyis khegs pa
gnyis tshogs pa las sgyu mar 'char ba yin gyi/ de yang mnyam
gzhi

tu nam mkha' lta bu'i stong pa nyid bskyangs nas gnad du song
ba'i tshe/ de las langs pa na yul snang sgyu mar 'char bas de
la thabs zur

pa btsal mi dgos so/ /thog ma las dang po pa'i tshe/ dgag gzhi
dang dgag bya gcig tu 'dres pa las so sor snang mi thub pas/
sgyu mar

@109b 'tshar tshul shugs chung zhing/ sngar ltar goms rkyen gyi
yan lag dang ma bral ba'i tshul gyis yun ring du goms par byas
na stong pa nyid kyi

don phyin ci ma log par rtogs pa'i blo rab kyis mthar phyin
par 'gyur ro/ /byang chub sems dpa' 'chad kha ba chen po'i
byang chub kyi sems rin

po che sbyong ba'i gdams pa/ theg pa chen po'i blo sbyong
snyan brgyud chen mo nyi ma'i 'od zer zhes bgyi ba 'di ni/ bde
bar gshegs pa'i gsung

rab rgya mtsho lta bu la dbang 'byor ba'i ded dpon dam pa/ chos
kyi rgyal po tsong kha pa chen po'i man ngag ji lta ba bzhin
du sbyar ba yin la/ de dag

gi gnad phra zhib dang bcas pa mtha' dag par rje nyid kyis
mdzad pa'i byang chub lam gyi rim pa'i tshul las khong du chud
par bya'o/ /rnam mkhyen

bsgrub la thun mong min pa'i rgyu/ /theg pa che la 'jug pa'i
sgo gcig pu/ /nyes pa'i tshang tshing bsreg la me dang mtshungs/
/legs tshogs kun gyi 'byung

@110a @#/ /gnas rin chen gter/ /byang chub sems la goms par
byed pa'i tshul/ /smra ba'i skyes mchog thub pa'i dbang po la/
/

sras kyi thu bo mi pham 'jam dpal dbyangs/ /shing rta'i srol
'byed klu sgrub thogs med dang/ /zhi ba lha dang dpal ldan a
ti sha'i/ /thugs

la 'khrungs shing snyan nas snyan du brgyud/ /byang sems 'chad
kha ba la bka' babs kyi/ /tshul du 'khrungs pa'i rin chen byang
chub sems/ /

rgyud la bskrun thabs sngon 'gro'i chos bzhi dang/ /dngos gzhi
byang chub sems gnyis sbyong ba'i tshul/ /shing rta chen po so
so'i thun mong dang/ /

thun mong ma yin lugs rnams gsal bar phye/ /khyad par 'phags
mchog zhi ba lha yi lugs/ /bdag gzhan brje ba'i byang sems
sbyong

ba dang/ /rgyal sras 'chad kha ba yi blo sbyong gnyis/ /gcig
tu bsgrigs nas lam gyi lus tshang ba/ /yan lag phra mo rnams
la'ang slob pa'i

@110b tshul; ;ji bzhin gsal bar bshad pa gang yin pa/ /gdams pa
'di yi zla med khyad chos te/ /de ltar legs par bshad gang bla
ma'i drin/ /

sras bcas rgyal ba'i dgongs pa dpag par dka'/ /bdag blo mthu
dman brtson 'grus shugs chung bas/ /ma bshad log par bshad
pa'i

tshogs mchis na/ /chos kyi spyan ldan rnams la snying nas
'chags/ /de ltar 'bad las rab dkar dge ba'i tshogs/ /gang zhig
bsags par gyur

pa de yi mthus/ /bdag dang mkha' mnyam 'gro ba ma lus pa/
/byang chub sems dang nam yang 'bral med shog /de yi mthu las
'khor ba ji srid

bar; ;lus ngag yid gsum mtho thos dran reg gis/ /khams gsum
'gro la phan bde stsol ba dang/ /sdug bsngal ma lus sel ba'i
rgyur gyur

cig ;theg pa chen po'i blo sbyong snyan brgyud chen mo'i rnam
bshad nyi ma'i 'od zer zhes bya ba 'di ni lam 'di la ches cher
mos pa mang pos nan gyis

@111a @#/ /bskul ba'i ngor/ rje tsong kha pa chos kyi rgyal po
de nyid gtsug gi rgyan du lo bcu gnyis kyi bar du bsam pa dang

sbyor bas tshul bzhin du bsten pa las/ mdo sngags kyi gsung rab
mang du thos pa'i sde snod 'dzin pa nam mkha' dpal gyis grub

pa'i dbang phyug du mas byin gyis brlabs pa'i gnas yang dben
rin chen gling du sbyar ba'o// // ! oM swa sti/ rgyaO chen
'gro ba'i

mos pa'i rjes song rgyaO che'i 'phrin las 'bum gyi rlabs/
/rnamO par grol ba'i ngo mtshar stong gis rnamO byang zhi ba
dam pa'i dpal/ /

kunO nas dar ba'i rtse dga'i gzi yis kunO bzod 'phang pa brjid
mdzad pa/ /mchogO rab srid gsum 'gro ba'i bla mas mchogO gi

shis pas skyong gyur cig /legsO gsung bdud rtsi khrag khrig
rnam par dbye ba yi/ /legsO bshad nying khu bloO yi dri
sbyongO pad

@111b dkar 'dzum/ /legsO par grol byed gdams zab nyiO ma'iO
'odO kyi zerO/ /legsO lam gsal ba'i sgron me mchog tu ci yang
'bar/ /

'di ni rgyal kun gshegs pa'i lam chen te/ /skye dgu'i gdung
sel rtsi sman ljon pa'ang yin/ /de phyir bstan la 'gyurO medO
dad

pas phyug /bzang po'i bsodO namsO bye ba'i stobsO rgyasO pa'i/
/lhag bsam kun da'i 'dzum gyis bsus pa yi/ /'dzad med

par gyi bsil ba dam pa'i mdzod/ /rgya chen phan bde'i gsos su
spros pa'i dge/ /ches mtho lhun po'i spo la 'gran pa'i mthus/
/

sa gsum dge legs bsam dgur 'jo ba yi/ /blo bzang bstan pa nor
bu'i 'khri shing che/ /bshad sgrub lo 'dab phyogs su

yongs grol ba'i/ /ngo mtshar srid pa'i mthar yang 'dzin gyur
cig /dpag yas yon tan tshogs kyi lus rgyas shing/ /mkhas

@112a @#/ /tshul gsum gyi sder mo'i shugs 'chang ba'i/ /dam pa'i
skyes bu gdong lnga 'bar ba'i tshogs/ /

thub bstan gangs ri'i dpal tu brtan gyur cig /mdo sngags
gzhung lugs chu mtshor nyer zhugs nas/ /dul zhing zhi ba

nyer zhi'i nor mchog la/ /dbang 'byor rig grol ngur smrig
'dzin pa'i khyus/ /sa chen dog por byed pas snyems gyur

cig ;skye dgu'i bsod nams sa gzhi yangs pa las/ /legs thon
dga' ldan chab srid a mra'i tshal/ /kun phan 'bras

bzang g.yur du za ba yis/ /ma lus phyogs kyi khong pa mdzes
gyur cig /sa la'i sman ljongs 'dis mtshon yul kun tu/ /

dkar min las kyis bskyed pa'i rgud pa'i tshogs/ /zhi nas 'gro
kun chos 'byor bde dga' yis/ /ngo mtshar mi zad gter

@112b la spyod gyur cig /rgyu sbyor nyid kyang 'gyurO medO tshe
dpal dang/ /ches mtho'i bsodO namsO stobsO dang 'byor pa
rgyas/ /sgo

gsum bgyi ba lugs zung nor bu'i gdugs/ /'degs pa'i thabs tshul
kho nar smin gyur cig /tshe rab kun tu theg mchog

bshes gnyen gyis/ /rjes bzung lam bzang 'di dang mi 'bral
zhing/ /rlabs chen spyod pa rgya mtsho'i mthar son te/ /sku
gsum

rin chen gling du phyin gyur cig / (//ces pa 'di yang 'jam
mgon chos kyi rgyal po tsong kha pa chen po'i dngos slob nam
mkha' dpal

gyis mdzad pa'i byang chub sems sbyong gi gdams pa blo sbyong
nyi ma'i 'od zer 'di nyid 'jam mgon chos kyi rgyal po'i bzhed
srol man ngag gi gnad mtha' dag

tshang zhing/ go sla rgyas bsdus 'tshams pas blo sbyong gi man
ngag kun gyi yang rtse lta bu'i legs bshad rmad du byung bar
brten/ theg pa chen po'i lam la blo sbyong ba'i skye

@113a @#/ /bo mchog dman yongs la sman pa'i slad du/ blo bzang
rgyal ba'i bstan dang bstan 'dzin bcas pa la mi phyed pa'i dad
gtong lhag

bsam 'chi med lam ltar mchog tu yangs pa bka' blon las rogs
shan kha ba 'gyur med bsod nams stobs rgyas nas par shing lag
'don thog /nor

gling mdzod sdug nas kyang mthun rkyen bsgrubs te 'dzad med
par gyi dngos por bskrun pa'i dge bsngo'i smon tshig 'di lta bu
zhig dgos zhes rab dkar lha reg

dang; bdog pa'i rten bcas ji ltar bskul ba bzhin/ pad dkar
'chang ba'i skye ming pa shAkya'i dge slong ngag dbang blo
bzang bstan 'dzin rgya mtsho srid gsum

dbang bsgyur mtshungs pa med pa'i sder 'bod pas dang ba chen
pos sbyar ba dge legs 'phel// //)

ser smad kA phi'u Tar las khang nas// phyi lo 1995(12 pa'i
nang lbskrun zhus pa'o//