@## //na mo gu ru manydzu g+ho ShA ya/ de yang byang chub lam gyi rim
pa'i tshogs zhing lta bu la khrus gsol mdor bsdus byed bar 'dod na/
yo byad rnams tshogs par byas la/

gang 'dir bcom ldan 'das de bzhin gshegs pa dgra bcom pa yang dag
par rdzogs pa'i sangs rgyas/ rig pa dang zhabs su ldan pa/ bde bar
gshegs par/ 'jig rten mkhyen pa/ skyes bu 'dul ba'i

@13b kha lo bsgyur ba/ bla na med pa/ /lha dang mi rnams kyi ston pa/
sangs rgyas bcom ldan 'das de dag thams cad la yo byad thams cad
dang ldan pa'i khrus 'di gsol bar bgyi'o/ /zhes pas snyan mnan/ khrus

kyi khang pa shin tu dri zhim pa/ /shel gyis gzhi gsal zhing 'tsher ba
ltar/ /rin chen 'bar ba'i ka ba yid 'ong ldan/ /mu tig 'od chags bla re
bres pa der/ zhes pas seng khri chen po'i phyogs bzhir rin

po che'i khrus khang mtshan nyid dang ldan par bskyed pa der tshogs
zhing rnams seng khri'i phyogs bzhir rin po che'i them skas re yod
pa las babs te bzhugs pa'i na bza' dang sku rgyan rnams 'od ser po'i
rnam

par rang gi smin mtshams su bsdus te/ sgom don la rang gi snying ga
nas tshogs zhing re re'i mdun du'ang mchod pa'i lha mo bum pa dkar
po bdud rtsi'i chus gang ba sogs khrus kyi yo byad thogs pa gsum

gsum spros te khrus gsol pas/ rang gi tshogs zhing rnams la grib
phog ba la sogs pa'i nyes pa thams cad dag par bsam zhing/ dngos su
me long la lha'i gzugs brnyan shar ba la khrus chu gsol ba

dang bcas/ ji ltar bltams pa tsam gyis ni/ lha rnams kyis ni khrus
gsol ltar/ lha yi chu ni dag pa yis/ /de bzhin bdag gis sku khrus gsol/
oM sarba ta thA ga ta a b+hi She ka ta sa ma ya shri ye

@14a @#/ /AH hUM/ bsod nams ri bo mi 'gyur brtan pa'i sku/ /gsung
dbyangs thos bas mi ngoms tshangs pa'i dbyangs/ /ye shes rgya mtsho
mi g.yo zab pa'i thuD/ /bla ma'i sku gsungs thuD la sku khrus gsol/
/oM X/ phun

tshogs dge legs bye bas bskrun pa'i sku/ /mtha' yas 'gro ba'i re ba skong
ba'i gsung/ /ma lus shes bya ji bzhin gzigs pa'i thugs/ /shAkya'i gtso bo
de la X/ rgya chen spyod pa'i rgyud la sku khrus gsol/ /zab mo lta ba'i
rgyud

la sku khrus gsol/ /nyams len byin rlabs rgyud la sku khrus gsol/
/brgyud pa'i bla ma rnams la X/ rab 'byams gsung rab kun la lta ba'i
mig /skal bzang thar par bgrod pa'i 'jug ngogs mchog /brtse bas
bskyod pa'i thabs mkhas

mdzad pa yis/ /gsal mdzad bshes gnyen rnams la X/ gsang 'jiD bde
dgyes dus 'khor kun rig dang/ /rnam snang mngon byang dam tshig
gsum bkod sogs/ /rgyud sde chen po bzhi dang yongs 'brel ba'i/ /yi
dam lha tshoD

rnams la X/ phyogs bcu'i 'gro la mkhyen brtses rab dgongs nas/
/phyogs bcur chos kyi 'khor lo legs bskor zhing/ /phyogs bcu'i 'gro
kun yongs su skyob mdzad pa'i/ /phyogs bcu'i sangs rgyas rnams la
X/ kun 'byung mun

pa'i sa bon mthar mdzad cing/ /sdug bsngal gzug rdu'i rtsa ba drung
nas 'byin/ /rgyal yum shes rab pha rol phyin la sogs/ /theg gsum dam
pa'i chos la X/ 'jam dpal dbyangs dang skyabs grol gsang ba'i bdag
/spyan ras

@14b gzigs sogs rlabs chen spyod pa yis/ /'gro kun srid zhi las sgrol
khur 'khyer ba'i/ /theg chen dge 'dun rnams la X/ /zab mo rten 'brel
bcu gnyis legs bsgoms pas/ /rang byung rang sangs rgyas kyi ye

shes ni/ /brten pa med pa'i tshul gyis thugs chud pa'i/ /'phags pa rang
rgyal rnams la X/ dgra bcom blo mchog dbang po kun dul ba/ /bstan
pa'i srid du legs par brtan bzhugs nas/ /bstan pa 'dzin dang spel

dang srung mdzad pa'i/ /dgra bcom gnas brtan rnams la X/ dur
khrod brgyad dang nyi shu rtsa bzhi'i yul/ /sum cu rtsa bdun gnas
dang mkha' spyod sogs/ /bgrang yas ngo mtshar zhing na legs bzhugs
pa'i/ /dpa'

bo mkha' 'gro'i tshogs la X/ rdzu 'phrul stobs dang mngon par shes
pa'i dpal/ /nye bar thob nas thub pa'i bka' bzhin du/ /bstan pa rin chen
bang mdzod legs srung pa'i/ /rdo rje'i chos skyong rnams la X/ thub

dbang gnas brtan bcu drug 'khor bcas rnams/ /gang du 'gro don
mdzad der rjes 'brangs nas/ /bstan pa srung la nam yang mi g.yel
ba'i/ /'jig rten skyong ba bzhi la X/ rgyal ba'i sku gsung thugs la nyon

mongs mi mnga' yang/ /sems can lus ngag yid gsum sgrib pa sbyang
slad du/ /rgyal ba'i sku gsung thugs la khrus chab 'di gsol pas/ /sems
can lus ngag yid gsum sgrib pa dag gyur cig X/ zhes pas

@15a @#/ /khrus gsol/ de dag sku la mtshungs pa med pa'i gos/ /gtsang la
dri rab bsgos pas sku phyi'o/ /oM hUM trAM hrIH a ga ya bi sho d+ha
na ye swAhA/ zhes pas sku phyis/ stong gsum kun tu dri ngad ldang

ba yi/ /dri mchog rnams kyis thub dbang kun gyi sku/ /gser sbyangs
btso ma byi dor byas pa ltar/ /'od chags 'bar ba de dag byug par bgyi/
zhes pas dri bzang byugs/ sna tshogs dbang po'i gzhu ltar rab

bkra zhing/ /gang la reg na bde ba'i rgyur 'gyur ba'i/ /gos bzang rin
chen bdag blo sbyang phyir 'bul/ /bzod pa dam pa'i gos kyis brgyan
par shog /ces pas gos phul/ rgyal ba mtshan dpe'i rang bzhin rgyan

ldan phyir/ /rgyan gzhan dag gi brgyan par mi 'tshal yang/ /rin chen
rgyan mchog phul bas 'gro kun gyis/ /mtshan dpes brgyan pa'i sku lus
thob par shog /ces pas rgyan phul/ bdag dang 'gro la thugs

brtse'i phyir/ /nyid kyi rdzu 'phrul mthu yis ni/ /ji srid mchod pa bdag
'bul na/ /de srid bcom ldan bzhugs su gsol/ zhes pas tshogs zhing
rnams sngar gyi rang rang gi gnas su byon nas bzhugs

shing/ khrus khang rnams seng khri chen po dang/ mchod pa'i lha
mo rnams rang gi snying gar thim par bsams la yan lag bdun pa 'bul
ba sogs bya'o/ /zhes pa 'di ni lam rim bde lam gyi sbyor ba'i chos

@15b drug gi skabs su khrus gsol bya tshul mdor bsdus 'di lta bu zhig
dgos zhes ri khrod 'dzin pa'i dge slong su d+hI shrI b+hU tis bskul ma
mdzad pa ltar snyom las pa d+harma b+ha dras bris//