@#/ /srad rgyud lugs kyi bla ma'i rnal 'byor dga' ldan lha brgya
ma'i zab khrid gnang skabs kyi gsung bshad zin bris dga' ldan
zhing du bgrod pa'i myur lam zhes bya ba bzhugs so/ /

@001a @##/ /rje btsun bla ma dam pa thugs rje chen po dang ldan pa
rgyal tshab ma pham pa dang dbyer ma mchis pa'i zhabs kyi padmo
la dus thams cad du phyag 'tshal zhing skyabs su mchi'o/ /brtse
ba chen pos tshe

rabs kun tu rjes su gzung du gsol/ /'dir nges pa don gyi 'dren
mchog mtshungs zla ma mchis pa/ bka' drin mnyam med khyab bdag
'khor lo'i mgon po rdo rje 'chang pha bong kha pa bde chen
snying po dpal bzang

po'i zhal snga nas srad rgyud lugs kyi zab lam bla ma'i rnal
'byor dga' ldan lha brgya ma'i zab khrid gnang skabs kyi zin
bris mdor bsdus tsam bri ba la/ thog mar sher snying bdud zlog
/dga' lha/ dmigs

brtse; dpal ldan rtsa ba'i lan gsum/ maNDal/ rje nyid nas dbu
bskul gyis sangs rgyas chos tshogs lan gsum/ de nas 'di skad ces
stsal ba thos te/ 'o mar gyur nam mkha'i mtha' dang mnyam pa'i
sogs

@002a @#/ /kun slong kun spyod spyi ltar gsungs nas/ gang gsan
par bya ba'i chos ni/ 'dir dga' ldan snyan brgyud kyi man ngag
las byung ba'i srad rgyud lugs kyi zab lam bla ma'i rnal 'byor
dga'

ldan lha brgya ma zhes yongs su grags pa 'di nyid yin pas/ de la
'jam mgon tsong kha pa chen po'i gsung las/ de nas 'di phyi'i
legs tshogs ji snyed pa'i/ /rten 'brel legs par 'grigs pa'i rtsa
ba ni/ /lam

ston bshes gnyen dam pa 'bad pa yis/ /bsam dang sbyor bas tshul
bzhin bsten pa ru/ /mthong nas srog gi phyir yang mi gtong bar/
/bka' bzhin sgrub pa'i mchod pas mnyes par byed/ /ces dang/ yon
tan

kun gyi gzhir gyur drin can rje/ /tshul bzhin bsten pa lam gyi
rtsa ba ru/ /legs par mthong nas 'bad pa du ma yis/ /gus pa chen
pos bsten par byin gyis rlobs/ /zhes gsungs pa ltar rang cag
rnams kyi lung

@002b rtogs yon tan kun gyi 'byung gnas ni rtsa ba'i bla ma nyid
yin cing/ 'di phyi'i legs tshogs kun gyi rtsa ba yang bla ma
bsten tshul kho na la rag las pa dang/ thar pa dang thams cad
mkhyen pa gang 'dod kyang dang po bshes gnyen

bsten tshul gyi 'go 'dzugs 'di nas ma 'phyugs pa zhig bya dgos
te/ jo bo chen po dang 'bro ma rin po che sogs kyang 'gro don
rgya chen po byung ba de dge ba'i bshes gnyen tshul bzhin du
bsten pa las byung ba red/ rgyal

sras gzhon nu 'od dang/ rje mid la rnams kyang rnam thar du gsal
ba ltar bshes gnyen tshul bzhin du bsten nas sa lam mthon por
gshegs pa yin/ phar phyin theg par 'tshang rgya ba la grangs med
gsum gyi tshogs

bsags dgos kyang/ byang chub sems dpa' rtag tu dus sems dpa'
chen po chos 'phags la dka' spyad tshad med pas bshes gnyen bsten
tshul tshul bzhin byas nas bsten pas tshogs lam nas sa brgyad pa'i
bar du

lo kha shas tsam las ma 'gor bar phebs pa ltar/ dge sbyor thams
cad kyi srog gcig pu ni bla ma'i rnal 'byor 'di rang yin pas 'di
nyid nyams su len dgos/ sa lam gyi rtogs pa dang/ mchog dang
thun mong gi dngos grub

thams cad kyi 'byung gnas/ gegs sel bogs 'don sogs gang la'ang
bla ma'i rnal 'byor 'di nyid ni lam gyi gzhung shing ngam srog
shing lta bu yin/ rje tsong kha pa chen pos kyang/ mnyan na tshig
mi zin/ bsams na don

@003a @#/ /mi go /bsgoms na rgyud la mi skye ba'i blo'i mthu shin
tu chung ba'i dus su zhing gi mthu la brten pa man ngag yin/
zhes gsungs pa ltar thos bsam sgom pa sogs byed pa'i tshe tshig
blo la mi zin

pa dang/ don mi go ba dang/ rgyud la mi skye ba sogs lam du mi
'gro ba gang byung yang/ de dag gnad du 'gro ba'i man ngag gi
rgyal po ni bla mar brten pa kho na yin pas/ des na bla ma'i
rnal 'byor nyams su len cing/ bla

mar gsol ba 'debs pa sogs la rtse gcig tu 'bungs dgos te/ paN
chen chos rgyan gyis/ zhing mchog dam pa rje btsun bla ma la/
/sogs dang/ mgon po klu sgrub kyis kyang/ 'di ni rang byung bcom
ldan 'das/ /

lhag pa'i lha ni gcig pu nyid/ /man ngag rab tu ster ba'i phyir/
/rdo rje slob dpon de bas lhag /ces gsungs/ de yang dper na/ nyi
ma'i 'od zer dang spra ba gnyis ka 'dzoms kyang/ me shel gyi
lhan cig byed rkyen med na spra ba la mes

zin mi nus pa ltar sangs rgyas thams cad kyi 'phrin las rgya che
yang bla ma med na rang cag tha mal pa'i rgyud la byin rlabs
'jug pa'i thabs med/ de'i phyir sangs rgyas dang rang gnyis kyi
bar na dge ba'i bshes gnyen gyi rnam par bstan

nas sangs rgyas kyi sar 'khrid par mdzad pas bla ma yi dam sangs
rgyas thams cad kyi byin rlabs 'jug pa'i sgo nyi shos ni bla ma
kho na yin/ spyir sangs rgyas thams cad chos kyi dbyings su ro
gcig kyang gdul bya gang la gang

@003b 'dul gyi thabs su tha mal pa sogs kyi rnam par bstan pa
ste/ yab sras mjal ba'i mdo las/ brgya byin tshangs pa'i cha byad
dang/ /la lar bdud kyi cha byad kyis/ /sems can rnams kyi don
mdzad de/ /'jig rten rnams kyis rtogs mi nus/ /bud med cha

byad spyod pa mdzad/ /dud 'gro'i skye gnas rnams na'ang gda'/
/zhes dang/ 'dod chags mi mnga' chags pa'i tshul/ /'jigs pa ma
lags 'jigs pa ltar/ /zhes sogs nas/ rnam par 'phrul pa sna tshogs
kyis/ /sems can rnams ni 'dul bar

mdzad; ;ces gsungs pa ltar gdul bya rang rang gi blo ngo dang
'tshams pa'i sprul pa sna tshogs par bstan pa yin/ 'o na bla ma
sangs rgyas kyi sprul pa yin na sangs rgyas kyi mdzad pa gang
mdzad snyam na/ ji skad du tshoms las/ thub rnams sdig pa chu yis

mi 'khru zhing/ /'gro ba'i sdug bsngal phyag gis mi sel la/
/nyid kyi rtogs pa gzhan la spo min te/ /chos nyid bden pa bstan
pas grol bar mdzad/ /ces dang/ rje thams cad mkhyen pas/ mdzad
pa kun las gsung gi ni/ /mdzad pa mchog yin

zhes sangs rgyas kyi mdzad pa thams cad kyi mchog ni gsung gi
mdzad pa yin par gsungs pa ltar/ sangs rgyas kyis sdig pa chus
'khru ba sogs mdzad du med par dam pa'i chos kyi bden pa zab mo
bstan nas 'gro ba rnams sangs rgyas kyi sar 'khrid par

mdzad pas/ de ni mdo sngags yongs rdzogs kyi lam tshang la ma nor
ba bstan nas gdul bya smin grol la 'god par mdzad pa 'di nyid
yin/ 'o na de ltar yin na bla ma sangs rgyas dngos su mthong
dgos pa la de ltar mi mthong bas sangs rgyas kyi sprul pa

@004a @#/ /min zhe na/ rang re rnams nyon mongs pa'i bag chags
ngan pa dbang btsan pas sangs rgyas dngos su mthong ba lta zhog
/bla ma'i mdzad spyod la yon tan du mthong ba yang ches dkon par
snang la/ de yang spyan snga blo gros rgyal

mtshan gyis/ rang re'i las kyi sgrib pa'i che tshod la/ /bla ma mi
ru mthong ba dga' tshad yin/ /khyi dang bong bur ma mthong bsod
nams che/ /gang la mos gus bgyis shig shAkya'i sras/ /zhes
gsungs pa ltar rang re'i blo ngo dang 'tshams pa'i bla ma'i rnam
par

bstan pa 'di ltar mthong thub pa 'di yang shin tu skal ba bzang
bas/ da lta dal 'byor gyi mi lus thob/ sangs rgyas kyi bstan pa
dang mjal/ theg pa chen po'i dge ba'i bshes gnyen dang phrad/
de'i nang nas kyang 'jam mgon bla ma tsong kha pa chen

po'i mdo sngags zung du 'brel ba'i bstan pa'i snying po dri ma
med pa dang lan gcig tsam mjal ba'i skabs 'dir dal pa'i rten la
snying po khyad par can lon pa zhig ci nas kyang bya dgos/
snying po de yang da lta nyid nas ma blang na tshe 'di yun ring
du mi gnas

pa dang/ phyis su spyir dal 'byor gyi mi lus thob pa dang sangs
rgyas kyi bstan pa dang mjal ba yang shin tu dka'/ khyad par rje
tsong kha pa chen po'i mdo sngags kyi bstan pa dang ni mjal mi
srid pa lta bu yin pas da res stabs legs kyis chos sgrub

pa'i cha rkyen phun sum tshogs pa 'di ltar 'dzoms pa'i tshe theg
pa chen po'i dge ba'i bshes gnyen tshul bzhin du bsten nas chos
gsha' ma zhig myur du sgrub ran pa yin/ des na sangs rgyas thams
cad chos kyi dbyings su ro gcig cing/ de gang la

@004b gang 'dul gyi rnam par bstan pa las/ da lam rang 'dul ba'i
phyir bla ma'i rnam par bstan pa red/ bla ma'i rnam par bstan
pa'i dgos pa yang/ rang las mtho ba'i rnam par bstan na ni rang
gis mi mjal la/ rang las dma' bar bstan na ni rang

yid mi ches pas da res rang la bla ma tha mal pa'i rnam par
bstan pa 'di thabs mkhas rmad du byung ba yin pas na/ bla ma
dang sangs rgyas dbyer med du bltas/ bla ma sangs rgyas thams
cad kyi ye shes kyi rang gzugs yin pa la nges shes rnyed nas/ de

nas lhag pa'i lha dang dbyer med du byas nas bla ma'i rnal 'byor
nyams su len dgos/ lhag pa'i lha dang yi dam gang bsgoms kyang
bla ma'i rnam 'phrul du blta ba ma gtogs bla ma las logs su gyur
pa'i lhag pa'i lha'am/ yi dam gyi lha ji 'dra zhig

bsgom lo byas kyang dngos grub gang yang mi 'byung bar gsungs pa
lha gzhan gang la sbyar kyang 'dra ba yin te/ lam rim chen mo
las kyang/ de ltar na bla ma'i rnal 'byor zhes yongs su grags
pa'i gdams pa dang sngar bshad pa ltar go dgos kyi/ dmigs

pa thun re tsam la sbyangs pas ni gar yang mi phyin la/ zhes
gsungs pa ltar dang/ der ma zad rje tsong kha pa chen po 'di
nyid ni spyir sangs rgyas thams cad kyi ye shes kyi rang gzugs/
rigs gsum kun 'dus kyi bdag nyid chen po yin zhing/ lhag

par rje btsun 'jam dpal dbyangs dngos yin te/ ston pa rang nyid
kyis 'jam dpal rtsa rgyud las/ nga ni mya ngan 'das 'og tu/ /sa
yi steng 'di stongs pa na/ /khyod nyid byis pa'i gzugs can gyis/
/sangs rgyas mdzad pa byed par 'gyur/ /ces ston pa

@005a @#/ /myang ngan las 'das pa'i 'og tu sa steng 'dir sangs
rgyas kyi bstan pas stongs par gyur pa na/ rje btsun 'jam
dbyangs khyod nyid byis pa tha mal pa'i tshul gyis sangs rgyas
kyi mdzad pa mdzad de mdo sngags kyi bstan pa

rgyas par 'gyur bar lung bstan pa yin/ de la kha cig gis/ 'jam
dbyangs la lung bstan pa rje tsong kha pa gcig pu yin mi dgos
te/ sa paNDi ta sogs kyang 'jam dbyangs kyi sprul pa yin pas
lung bstan de rje'i lung bstan du mi 'gyur

snyam na/ rje'i lung bstan rtsod med du grub ste/ gong gi 'jam
dpal rtsa rgyud kyi lung de'i 'phro nas/ de tshe dgon chen rab
dga' ba/ /zhes sogs kyis dgon gnas dang/ chos lugs ji ltar
'byung tshul gyi mtshan/ rje'i thugs sras slob

ma'i thu bo phal che ba dang bcas gsal bar lung bstan pas na rje
tsong kha pa chen po'i lung bstan yin par sus kyang bsnyon med
du grub zin pa yin/ der ma zad bka' gdams glegs bam pha chos
las/ bdag gi sprul pa dam pa gcig /res

'ga' dge slong nyid du sprul/ /zhes sogs kyi rje btsun 'jam
dbyangs dge slong gi gzugs su sprul pa rje bla ma dang/ yig
'bru'i gzugs su sprul ba sku 'bum tsan dan gyi lo mar a ra pa
tsa sogs rang byon yod pa de yin/ gzhan yang slob dpon

padma dang/ ma gcig lab sgron/ dpal ldan zla ba'i dbu ma 'jug
pa/ byams pa'i mdo sde rgyan sogs mdo rgyud bka' gter du ma nas
lung bstan tshul dge ldan gyi rnam thar chos 'byung rnams su
mkhas grub tshad ldan mang pos gsal bar

@005b gsungs yod/ mkhas pa la las/ mdo rgyan gyi de ltar blo
bzang sogs dang/ 'jug pa'i blo bzang nyi ma'i sogs rje'i lung
bstan du mi 'thad de/ de gnyis kyi 'grel pa gang nas kyang ma
bshad gsungs mkhan yod kyang/ 'di 'dra'i tshig re re

la'ang 'grel mang du 'gro zhing/ mtshan sgra gsal ba dang/ stong
nyid khong du chud cing grol lugs/ skye bo'i dbus na nyi ma
bzhin du lham tshul cha thams cad nas sngon chad bod 'dir rje
tsong kha pa dang mtshungs pa de 'dra su yang ma byung 'dug pas
na

rje bla ma'i lung bstan nyid las gzhan du 'os med do/ /rje'i
rnam thar chen mo sogs las gsungs pa ltar gter yig kha shas su
rje rin po che legs skar gyi skye ba yin tshul bshad pa yod
kyang/ slob dpon padmas ma gsungs pa slob dpon chen po

rang nyid kyis/ 'jam dbyangs sprul pa gdul bya bstan pa'i bdag
/mdo sngags bstan 'dzin blo bzang grags pa 'byung/ /zhes sogs
lung bstan pa las shes/ gtso bo ni sangs rgyas kyi mdzad pa
mdzad pa nyid kyis dpag nus te/ rje tsong kha pa

ma byon gong bod 'dir sangs rgyas kyi bstan pa ha cang nyams
dmas te/ mthang gos sogs kyi ka ring ka thung dang/ gding ba
gyon rgyu dang bting rgyu gang yin tsam yang mi shes pa lta ci/
spang bya dang blang bya zer ba yang gang yin ngo ma shes par
gyur pa

na; rje rin po ches 'dul ba kla ri kla nas bzung/ gsang sngags
kyi sgyu 'od zung du 'jug pa'i bar gyi thub bstan yongs rdzogs
la ma rtogs log rtog gi dri ma mtha' dag bsal bar mdzad/ lhag
par 'dul ba'i bstan pa rnam par dag pa gzhi

@06a @#/ /nas gso bar mdzad tshul/ gsang sngags la'ang sgyu lus
sogs nas shing rta'i srol gsar du phyes tshul/ lta ba yang
'phags yul gyi shing rta chen po klu sgrub kyi dgongs don ji
lta ba bzhin bkral bar mdzad pa sogs

mdor na lta sgom spyod gsum gang gi sgo nas kyang 'gran zla
dang bral ba yin/ mkhas pa gzhan rnams phyogs re bar gyur nas
kha cig 'dul ba la mkhas kyang sngags la cher mi mkhas pa'i
tshul dang/ kha cig sngags la mkhas kyang lta ba la cher

mi mkhas pa'i tshul bstan pa lta bu sna tshogs yod kyang/ rje
tsong kha pa ni mdo sngags mtha' dag la 'khrul pa'i dri ma
cung zad tsam yang med par mdo sngags kyi lam tshang la ma nor
ba'i bstan pa'i snying po'i srol legs par phyes te rgyal bstan

dar rgyas su mdzad pas/ rje'i bstan pa 'di la bka' gdams gong
ma rnams dang/ sa skya/ bka' brgyud/ rnying ma sogs gzhan la
med pa'i khyad chos zab rgyas mang du yod/ de la dgongs nas
grub mtha' gzhan phyogs kyi mkhas pa chen

po stag tshang lo tsA bas rje thams cad mkhyen pa la bstod pa
phul ba las kyang/ kha cig 'dul ba gtsor byas gsang sngags
spangs/ /gzhan dag sngags la mos blos 'dul ba 'gog /rgyal ba'i
bstan pa mtha' dag 'gal med du/ /rdzogs par

nyams su len mkhas khyod la 'dud/ /ces dang/ la la spyod pa
zhib mos lta ba 'gog /kha cig lta ba mthon pos spyod pa 'dor/
/lta spyod phan tshun grogs su shar nas ni/ /don 'di lhag par
'doms pa khyod la 'dud/ /ces dang/ mdo sngags mtha'

@06b dag khyad par rdo rje theg /rgyud sde mtha' dag khyad par
bla med don/ /rim gnyis mtha' dag khyad par sgyu lus la/
/sngon med legs bshad gter chen khyod la 'dud/ /ces sogs dang/
gzhan yang karma pa mi bskyod rdo rje dang/ po dong paN chen

phyogs las rnam rgyal sogs kyang rje tsong kha pa'i mdzad pa
rnam thar dang legs bshad kyis thugs yid phrogs te bstod
bsngags rgya cher mdzad tshul/ 'di lta bu'i bstan pa dang mjal
ba'i tshe mjal go chod pa zhig cis kyang byed dgos/ de'i tshul

yang tshe 'di'i lto gos gtam gsum gyi zhen pa blos btang/ 'dod
chung chog shes 'phags pa'i rigs bzhi la gnas nas grwa sa'i
chos ra sogs la zhugs te yab rje rgyal ba gnyis pa'i bstan
pa'i snying po dri ma med pa la thos bsam sgom

gsum byas nas sangs rgyas kyi go 'phang bsgrub dgos/ gang ltar
yang rje rin po che ni rje btsun 'jam dpal dbyangs nyid bsam
bzhin du mi'i rnam par byon pa yin/ der ma zad/ sangs rgyas
gcig gi sprul pa yin na sangs rgyas thams cad

kyi sprul pa yin dgos par sangs rgyas thams cad chos kyi
dbyings su ro gcig pa'i rgyu mtshan gyis yin la/ de'i phyir
'jam dpal dbyangs kyi sprul pa yin na spyan ras gzigs dang
gsang bdag gi sprul pa yin dgos te/ mkhyen brtse nus

gsum gang zag gcig gi rgyud la bzhag pa las kha bral ba mi
srid pa'i phyir/ des na rje tsong kha pa chen po ni rnam thar
dang sgrub thabs gsol 'debs thams cad gzhan gyi 'dra chos
sbyar ba lta bu ma yin par phyi nang gsang gsum gyi rnam par

@07a @#/ /thar pa rgya mtsho lta bu dag las gsal ba ltar ngo bo
yang rigs gsum mgon po nyid yin/ sgrub pa'i dus su yang 'phags
pa rigs gsum mgon po gcig tu 'dus pa'i bdag nyid du sgrub
cing/ gsol 'debs kyang de

bzhin du nges pa'i don la gsol ba 'debs pa yin/ spyir ston pa
shAkya thub pa dang/ rje tsong kha pa/ rang gi rtsa ba'i bla
ma rnams ngo bo gcig rang yin te/ rang gi bla ma 'di nyid snga
dus gdul bya rnams rgyud smin nas grol chog chog tu yod pa'i

skabs sangs rgyas mchog gi sprul sku mtshan bzang dpe byad kyis
brgyan pa'i skur sprul nas ston pa shAkya thub pa'i rnam par
byon/ de nas dus ring zhig lon pa na 'gro ba rnams rim bzhin
rgyud je snyigs su song ba'i skabs paN grub/ lo tsA/ rgyal

blon sogs dang/ rje tsong kha pa chen po'i rnam par bstan/
sngar dus kyi rje tsong kha pa de nyid deng sang snyigs ma
lnga lhag par bdo ba'i dus 'dir rang gi rtsa ba'i bla ma'i
rnam par bstan pas de gnyis ngo bo dbyer med du bsgoms nas
gsol ba

'debs pa ni legs pa'i yon tan thams cad kyi gzhi rtsa/ mchog
thun dngos grub kun gyi 'byung gnas/ bla ma'i rnal 'byor thams
cad kyi rab dang mchog tu gyur pa yin/ rje'i snyan brgyud kyi
bla ma'i rnal 'byor de la rgyas 'bring bsdus

gsum yod pa/ gsang sngags kyi nyams len dang sbyar ba dben sa
snyan brgyud kyi bla ma'i rnal 'byor bla ma mchod pa dang/
srad rgyud lugs kyi bla ma'i rnal 'byor dga' ldan lha brgya
ma/ zab mo'i lta ba dang 'brel ba'i bla ma'i rnal 'byor

@07b mkhas grub tshig ? brgyud du grags pa ste gsum las/ bla
mchod dga' lha gnyis ka rje'i snyan brgyud yin yang/ dben sa
snyan brgyud du ma gsungs pa'i man ngag srad rgyud lugs la
mang du gsungs pa yod/ phyi ma 'di rje rin po ches slob ma

gzhan 'ga' re la gnang yang/ gtso bo ni srad kyi bla ma rje
shes rab seng ge la snyan brgyud du gnang ba nas bzung rgyud
chen sangs rgyas rgya mtsho'i bar srad rgyud kyi bla ma rnams
la snyan brgyud bar ma chad par rim bzhin byung bas srad rgyud
lugs su grags/

'dul nag pa dpal ldan bzang po sogs la gdams pa 'di'i bka'
babs kyang shin tu sbas chos su mdzad cing/ rgyud chen sangs
rgyas rgya mtshos dga' lha 'di tshigs bcad du bsgrigs te khyab
gdal du dar bar mdzad/ bla ma'i rnal 'byor 'di

gsum ka'i gdams pa'i 'go rje tsong kha pa chen po nyid la thug
/bla ma mchod pa sngags dang 'brel bas sngags kyi dbang khrid
ma thob pas nyams su len mi chog cing/ mkhas grub chig brgyud
kyang lta khrid ma thob pas nyams su len pa med la/ dga'

lha 'di ni mchos dman ser skya kun gyis nyams su len chog pa
dang/ 'phrin las khyab gdal che zhing/ byin rlabs kyi tshan ka
che ba/ 'khyer bde ba/ sa phyod dang/ zab gnad kyang shin tu
che ba bcas da lam 'dir 'bring po'i dbang du byas te dga'

ldan lha brgya ma'i zab khrid 'bul ba yin/ 'di'i lung khrid
kyi brgyud pa yang dga' lha'i khrid yig dngos grub kun 'byung
'di nyid dang/ mkhan chen rdo rje 'chang nyid kyi gsung lam
gtso'i gzhung bsrangs pa'i khrid yig legs bshad sgron me/ dga'

@08a @#/ /lha rtsa tshig bcas kyi steng nas bdag gi rtsa ba'i
bla ma sgo mang mkhan chen rdo rje 'chang sogs mkhas grub du
ma'i zhal snga nas man ngag zab gnad yongs su rdzogs pa legs
par thob/ dga' lha 'di yang snyan brgyud

thun mong ma yin pa yin pas mkhan chen rdo rje 'chang gis dga'
lha rtsa tshig gi ljags lung gnang skabs kyang/ dga' ldan snyan
brgyud kyi man ngag las byung ba'i bla ma'i rnal 'byor dga'
ldan lha brgya ma zhes snon pa mdzad de gsung gin yod/ dga'
lha dang

'brel bar gsol 'debs dmigs brtse ma 'di nyams su blangs na
chos sgrub pa'i bar chad spyi dang/ steng gdon dang 'og gdon
gyi gnod pa thams cad zlog pa dang/ lhag par byams snying rje
byang chub kyi sems dang zab mo dbu ma'i lta ba sogs mchog
thun mong gi

dngos grub sgrub pa'i gsol 'debs kyi mchog dang/ gegs sel bogs
'don thams cad kyi rgyal po lta bu ni dmigs brtse ma 'di yin/
tha na bar gdon rgyal po sogs kyi gnod pa phra mo tshun chad
kyang zhi bar nus pa 'dul nag pas pe har la dga' lha dang

'brel ba'i dmigs brtse ma'i gsol 'debs nyams su len mkhan la
gnod pa byed mi chog par bka' bsgos pa dang/ des mtshon nas
nyer 'tshe kun bsrung bar nus pa dang/ phyi mar dga' ldan du
skye ba tshe rabs kun tu rje bla mas rjes su 'dzin pa sogs

kyi dgos pa khyad par can mang du yod gsungs/ 'di nyams su len
pa la sngon 'gro /dngos gzhi/ rjes kyi rim pa gsum las/ dang
po ni skyabs 'gro sems bskyed bya ba yin/ de la thog mar gnas
khang byi dor byas la rje yab sras gsum dang/

@08b rang gi bla ma/ thub pa'i dbang po sogs gtso bor gyur
pa'i sku gsung thugs kyi rten dgram/ mchod pa g.yo med par
btsal la bkod pa mdzes par bsham/ ma mtha' chu yan chad nas/
spos/ mchod me/ zhal zas sogs gang rnyed brnyas bcos ma yin

par ci 'byor phul na tshe mjug 'di la'ang bsod nams rgya chen
po 'byung bas de dang/ de ltar ma byung yang sgrub pa'i mchod
pa nges par phul na 'gyur khyad kyang de che ba yin/ lus 'dug
lugs brgyad dam spyod lam gang bder 'khod pa 'di rnams sbyor
chos kyi

khrid las byung ba ltar dang/ de nas dge sems khyad par can
gsal 'debs pa la/ spyir chos gang byed kyang lam du 'gro mi
'gro thog ma'i kun slong 'di la rag las/ nyan rang dang byang
sems rnams theg chen theg dman gyi khyad par yang thabs kyi
cha nas kun  

slong byang chub sems kyi rtsis zin ma zin gyis byung bas/ kun
slong legs par bcos te rab mi dge ba yang dge bar bsgyur thub
pa dang/ 'bring gis lung ma bstan rnams dge bar bsgyur thub
pa/ tha mar yang dge ba'i las phran bu byas pa rnams dge

bar 'gro ba zhig dgos/ tshogs chos ra 'grim pa sogs 'gro 'chag
nyal 'dug gang gi skabs su yang kun slong 'di gtso che ba yin/
tshe 'di'i rnyed bkur snyan grags sogs chos brgyad kyi dbang du
ma song bar blo kha nang du phyogs te dge ba rnam par dag pa

zhig sgrub dgos/ da lta mi khom pa'i skyon dang bral nas rgyal
ba tsong kha pa chen po'i bstan sa lam yongs rdzogs tshang la
ma nor ba dang mjal ba'i skabs 'dir chos gsha' ma zhig byed na
lag tu len chog chog yod pas da res dal 'byor don ldan yong ba

@09a @#/ /zhig cis kyang byed/ dper na lung pa 'di'i mi mtho
dman drag zhan rnams la brtag dpyad zhib tu byas na rang la da
res dal 'byor tshang ba 'di ngos zin yong/ de'i don yang gzhan
gyis tshe 'di'i don byed pa mthong nas da

lta stabs legs kyis bdag de lta bu ma byung ba 'di skal ba
bzang snyam du tshe 'di'i dbang du ma song bar chos sgrub 'dod
kyi blo bskyed dgos/ tshe 'di'i chags zhen dang dgra 'dul gnyen
skyong la mkhas pa ni dud 'gro la yang yod de/ sngar bya rog
dang

'ug pa/ rmigs pa dang sbrul/ skya ga dang pho rog /g.yag yu
bo dang ra can rnams 'thab pa'i lo rgyus bka' gdams pa'i gsung
sgros thog ma'i blo sbyong sogs las byung ba ltar dang/ gzhan
yang dud 'gro gzhan gyis bu skyong lugs dang/ byi bas

'bru dang gro ma sogs dang/ sbrang mas sbrang rtsi gsog pa
tshun chad dud 'gro shin tu mkhas pa yod/ des na dgra 'dul
gnyen skyong la dga' bar mi bya bar dud 'gro las khyad zhugs
pa zhig bya dgos/ tshe 'di la chos gsha' ma zhig bsgrub par ma

byas na phyis nas dal 'byor shin tu rnyed dka' ba dang/ mi
khom pa'i gnas su skyes na chos byed mi shes shing/ mi nus par
'dug pas da res tshe 'dir chos gsha' ma zhig byas na dal 'byor
la snying po lon pa red/ de yang kha nas bshad mkhas pa

tsam ma yin par byang chub lam gyi rim pa'i sgo nas skyes bu
gsum gyi lam gyi rim pa'i nyams myong rgyud thag tu 'gel ba la
lag len thebs pa zhig dgos/ da lta mi gzhan shi bar mthong ba
na snying rje ba ltar byed kyang/ nyin gcig 'chi res rang

@09b la babs pa'i dus shig nges par 'ong bas de dus 'gyod mi
dgos tsam zhig da lta rang byed ran/ 'chi ba mi rtag pa de
yang nam yong nges pa med pa/ yang na da lta/ yang na do nub
rtsam la'ang 'chi e yong mi shes/ bsam blo zhib tu btang na
mi gzhan mang po las ka las 'phro dang

skad cha shod 'phro tshang ma btsan chod du bzhag ste glo bur
glo bur du thog babs pa ltar 'chi ba mi rtag pa'i dbang du
'gro ba mang du 'dug na/ rang la'ang de 'dra mi yong ba'i nges
pa med/ nga rang tsho la de 'dra'i 'chi snyam pa med pa 'di
'chi ba mi rtag pa ma dran pas lan/

tha na rang gi shag tu rtsam pa rkyal pa gang yod na de dang
rang gnyis kyang sngon du gang 'gro cha gtan nas med/ ston pa
thugs rje can gyis kyang sku mya ngan las 'da' khar/ 'dus byas
thams cad ni mi rtag ste/ 'di ni de bzhin gshegs pa'i gsung gi
tha ma'o/ /zhes gsungs

pa red; de bzhin du rang cag kyang zhogs pa ldang pa nas 'chi
ba mi rtag pas rgyud bskul te da lta nyid du chos kho na bya
snyam du 'phen pa btang ba las 'jig rten khyim pa'i kun slong
ltar zhogs pa yar langs ma thag nas rnyed bkur snyan grags/
dgra 'dul gnyen skyong sogs tshe 'di

don gnyer gyi dbang du song ba de 'dra min pa zhig dgos/ rje
gung thang pas/ chos kyi sgo 'byed rnam dag thos pa yin/ /chos
kyi snying po byang chub lam rim yin/ /chos su song tshad 'di
snang zhen log yin/ /chos la chos bzhin spyod par gyis shig
ang/ /zhes gsungs pa ltar rang

cag gis chos thos bsam sgom gsum dang/ tha na klog bklag pa
tshun chad chos su song ba'i tshad dma' mtha'ang/ 'chi ba mi
rtag pa dran nas tshe 'di snang gi kun slong ngan pa des ma
bslad pa zhig la byed/ lha chos lus dang yan lag 'dra/ /nam
dgos rang gi drung na yod/ /gsungs pa

@010a @#/ /ltar rang gis byung na chos lag len zhes pa rang gi
nye 'gram na yod/ chos tshigs bcad gcig dang/ rtags gsal khyab
mtha' gcig tshun la yang kha phyir bltas su ma song bar byed na
gzhung de nyid la dpyad sgom byas

par 'gro/ khyab skor gcig gi nges pa rnyed kyang de'i rtogs pa
skyes pa yin/ dpyad pa re re rdzogs pa na'ang rtogs pa re re
rgyud la skyes pa yin/ rtsod pa rtsod skabs kyang ngan sems
g.yo sgyu ngan smras sogs ma yin par rgyal ba'i gsung

rab kyi dgongs pa'i gnad rnams rang rgyud la sleb par byed
dgos/ tha na 'gro 'chag nyal 'dug gi kun spyod bzang ngan gang
gi sgo nas kyang sgrub pa nyams len gyi gnad tshol rgyu yod/
gung thang 'jam dpal dbyangs kyis/ chos byed kyi sang

nyin 'char gyi bar/ /'chi dus kyi de ring sleb nyen che/ /da
rang mgo rang gis ma bskor bar/ /chos byed na de ring nyid nas
gyis/ /zhes gsungs pa ltar/ de ring gi kha ton tshun chad kyang
khral 'gel ba lta bu ma yin par rab kyis ma drin can 'di rnams

'khor ba dang ngan song gi 'jigs pa las sgrol/ thar pa dang
thams cad mkhyen pa'i go 'phang la myur du dgod snyam pa dang/
de ltar ma byung yang byang sems bcos ma tshun chad gsal thebs
pa nges par dgos/ de lta bu'i snying po lon pa'i phyir du

dga' ldan snyan brgyud kyi bla ma'i rnal 'byor dga' ldan lha
brgya ma 'di nyid nyams su len snyam pa byed/ de nas lam log
pa mu stegs pa las khyad par du byed pa skyabs 'gro bya ba la/
! rang gi mdun gyi thad drang gi sogs ltar dbus su ston

@010b pa; g.yas g.yon du byams 'jam dbyangs sogs lam rim
tshogs zhing ltar gyi skyabs yul dang skyabs 'gro'i rgyu gnyis
gsal 'debs pa kho bos myur lam nas kha bskangs te gsar du
bsgrigs pa'i dga' lha'i rnal 'byor rgyas pa snyan

brgyud lugs 'di nang bzhin byed pa man ngag cha tshang ba yin/
lam dman pa nyan rang las khyad par du byed pa'i sems bskyed
la/ sems can gyi don du sangs rgyas sgrub 'dod kyi blos/ sangs
rgyas chos tshogs ma dang/ sems bskyed 'bras bu

lam byed sogs bya/ skyabs sems gnyis sems sems byung gi khyad
par tsam las dmigs rnam 'dra/ sngar gong du sems bskyed zin
kyang 'dir tshad med bzhi bsgom pa sems bskyed kyi gegs sel
bogs ? 'don yin/ tshad med bzhi ldan

sbyor chos ltar rgyas par byed/ khyad par gyi sems bskyed
bsgom pa phyag len la yod cing/ de yang dga' ldan snyan brgyud
kyi man ngag dang sbyar te bsams pa 'di gnad yin/ 'di'i myur
ba gnyis ni/ mdo lugs ltar bskal chen grangs med

gsum gyi tshogs bsags pa lam bltos par gsang sngags kyi rgyud
sde 'og ma la brten nas tshe gcig lus gcig la 'tshang rgya ba
myur ba dang po dang/ de las kyang myur ba sngags bla med kyi
lam la brten nas tshe thung gcig la 'tshang rgya ba myur ba
gnyis

pa'i don/ yang na/ spyir gsang sngags bla med la brten nas
snyigs dus kyi tshe thung gcig la 'tshang rgya ba myur ba dang
po dang/ de las kyang ches myur ba dga' ldan snyan brgyud kyi
man ngag la brten nas/ bla ma'i rnal 'byor lam gyi srog shing
du 

@11a @#/ /byas; yi dam gsang bde 'jigs gsum yam ? bral bar nyams
su blangs na lo gsum phyogs gsum tsam la 'tshang rgya ba myur ba
gnyis pa'i don yin/ skyabs yul rnams 'od ser po'i rnam par smin
mtshams

nas thim par mos dgos gsungs/ gnyis pa dngos gzhi la gsum/ tshogs
zhing spyan 'dren pa/ de la yan lag bdun pa maNDal dang bcas pa
'bul ba/ gsol ba btab nas dngos grub zhu ba'o/ /dang po bla ma
tshogs kyi zhing du spyan 'dren pa

ni/ dga' ldan lha brgya'i zhes sogs te/ da lam 'dir dga' ldan
lha brgya ma'i rnal 'byor la rje bla ma dga' ldan nas spyan
'dren dgos pa spyir nges pa'i don du sangs rgyas thams cad thugs
rgyud gcig pas rje bla ma gang du ma bzhugs pa'i

sangs rgyas kyi zhing khams med pas rje btsun byams pa'i rnam
'phrul yang yin par 'thad la/ lhag par lho brag grub chen la
gsang bdag gis sang nyin mgon po byams pa la bslab btus zhus
zhes lung bstan pa de'i sang nyin rje rin po che

phebs pa dang/ mjal ba'i tshe yang lho brag pas rje rin po che
rgyal ba byams pa dngos su gzigs pa sogs gsang ba'i rnam thar
las gsungs pa ltar rje tsong kha pa chen po rje btsun byams pa
dang yang thugs rgyud gcig cing/ mkhas grub

thams cad mkhyen pas kyang/ rgyal ba'i spyan sngar byang chub
spyod pa blangs/ /dga' ldan gnas su 'jam dpal snying por grags/
/kha ba can 'dir blo bzang grags pa'i dpal/ /rgyal sras thu bo
khyod la gsol ba 'debs/ /zhes gsungs pa

@11b ltar thun mong gdul bya'i snang ngor yang rje bla ma dga'
ldan du bzhugs tshul bstan/ der ma zad bskal bzang sangs rgyas
stong thams cad dga' ldan nas 'dzam gling du 'byon zhing/ rje
bla ma ni rnam 'dren bcu gcig pa de bzhin gshegs pa spyan

legs yin/ de dga' ldan du bzhugs pas rgyu mtshan des kyang rje
bla ma dga' ldan nas spyan 'dren pa dang/ yang zab mo dbu ma'i
lta ba dang 'brel ba'i gsang sngags nyams su len pa rnams rmad
byung bkod pa'i zhing du skye sla zhing/ rje'i bstan pa

la thos bsam sgom gsum byed/ lam rim nyams su len pa dang/ dga'
lha dang 'brel ba'i dmigs brtse ma nyams su len mkhan rnams dga'
ldan yid dga' chos 'dzin du skye sla bas de'i phyir yang dga'
ldan nas spyan 'dren pa yin/

'dir sngags dang 'brel bas thog mar rang lhar bskyed dang snod
bcud sbyang bsgyur sogs byed/ mchod rdzas byin rlabs skabs kun
bzang mchod pa'i sprin gyi phung por gyur/ /ces pa'i kun bzang
mdo sngags gnyis mi 'dra/ mdo lugs kyi kun bzang

ni byang sems kun tu bzang po ste/ de'i thugs ka'i thal mo sbyar
ba'i bar gyi nor bu las 'od zer dang/ kun bzang/ mchod sprin
sogs mu med du spro ba dang/ sngags lugs kyi kun bzang ni bde
stong gnyis med kyi ye shes la byed pas/ bde

stong gi ye shes de nyid mchod sprin gyi rnam par shar bar mos
pa yin/ de nas tshogs zhing dam tshig pa gsal 'debs pa la/ mdun du
kun bzang mchod sprin zhes sogs snyan brgyud zhal shes gsar
bsgrigs ltar las/ rje bla ma sku mdog dkar la

@12a @#/ /dmar mdangs chags pa ni thabs shes zung 'jug gam/ bde
stong zung 'jug mtshon te/ sku mdog dkar po ni shin tu phra ba'i
rlung sems las bzhengs pa'i longs sku dang po'i mgon po sgyu lus
mtshon pas

thabs bde ba chen po dang shes rab stong pa nyid zung du 'jug pa
la mnyam par sbyor ba mtshon/ phyag gnyis chos 'khor gyi phyag
rgyas mdo sngags zung 'brel gyi chos ston pa'am/ rtag chad kyi
mtha' dang bral ba'i zab mo dbu ma'i lta ba stong

pa dang rten 'byung gcig grogs su gcig 'gro ba'i chos ston par
mtshon/ g.yas g.yon du utpal rgyas pas thugs rgyud byams
snying rjes rtag tu brlan pa/ g.yas ral gris gdul bya'i rgyud
kyi ma rig pa'i 'ching ba gcod pa'i brda' dang/

'jam dbyangs kyi rnam rol yin pa yang bstan/ g.yon glegs bam
gyis lam yongs rdzogs gdul bya'i rgyud la skyed par mtshon/ 'di'i
glegs bam la sher phyin brgyad stong pa gsal dgos par gsungs
kyang/ spyir rang gis dbu phar/

'dul mdzod/ lam rim sogs gang la shes 'dod zhugs pa de glegs bam
du gsal 'debs chog pa'ang gsung rgyun yin/ dbu la paN zhwa gser
gyi mdog can gsol bas bsregs bcad brdar ba'i gser sbyangs btso
ma ltar

bsre lhad ma zhugs shing/ 'khrul pa'i cha phra mo tsam yang med
pa'i rje'i bstan pa dri ma med pa 'di mtshon/ dbu zhwa'i rtse mo
rno bas phra zhing mdzangs pa'i blo gros kyis gsung rab kyi
dgongs don 'byed pa dang/ rtse mo mtho bas lta ba la ya

@12b mtha' med par mtshon/ chos gos rnam gsum gyis 'dul ba'i
bstan pa dri ma med pa dar rgyas su mdzad pa/ zhabs rdo rje'i
skyil krung mdzad pas skyil krung bzhi ldan gyi sgo nas zung
'jug mngon du mdzad pa mtshon/ rje rin po che ni gtso bor 'jam

dbyangs kyi sprul par bstan pas de'i thugs kar rje btsun 'jam
dbyangs 'jam dpal ye shes sems dpa' sogs gang mos dang/ rje'i
g.yas su spyan ras gzigs kyi rnam sprul rgyal tshab rje sku cung
zad bgres pa'i nyams can/ byams snying

rje byang chub kyi sems kyis thugs rgyud brlan pas spyan dkyus
'dzum zhing rje la dbu cung zad 'dud pa'i rnam pa can/ rgyal
tshab rje'i phyag na lam rim chung ba'i glegs bam bsnams pa gsal
dgos tshul gsung rgyun la yod/ de'i thugs kar

spyan ras gzigs/ rje'i g.yon du gsang bdag gi rnam rol mkhas
grub thams cad mkhyen pa sku gzhon nu'i rnam pa la cung zad
khros pa'i nyams can spyan hu re ba gzigs pa smin mtshams su khro
gnyer gsum yod pa/ rje'i bstan pa la ma rtogs

pa dang/ log rtog /log smra/ rgol ngan gyi rigs mtha' dag 'joms
pa'i tshul du rtsod pa'i 'gying nyams dang ldan pa/ de'i thugs
kar phyag rdor/ rje yab sras gsum ga'i rigs gsum mgon po'i thugs
kar rdo rje 'chang re/ rdo rje 'chang

gsum ga'i thugs kar ting nge 'dzin sems dpa' hUM sngon po ste
sems dpa' sum brtsegs can/ yab sras gsum ga bcar leb dang lder
bzo'i rnam pa can ma yin pa'i sku dngos gnas pa la thugs kyi yon
tan zag med ye shes kyi sde tshan nyer

@13a @#/ /gcig sogs dang/ gsung gis gdul bya la chos ston pa'i
gsung dbyangs sgrog bzhin pa/ sku las sems can gyi don du sprul
pa grangs med pa gsar du phar spro ba dang/ don mdzad zin gyi
sprul pa grangs

med pa tshur sdud pa'i sprul bsgyur sna tshogs rgyun mi chad du
mdzad bzhin pa/ zhing khams thams cad sku la snang zhing/ skus
zhing khams thams cad la khyab pa sogs gsang ba bsam gyis mi
khyab pa'i rnam thar gang nus dran te dam tshig pa gsal

gdab/ de nas ye shes pa spyan 'dren pa la/ rang kha byang la
phyogs pa'am phyogs par mos te snyan brgyud tshig lhug gsar
bsgrigs ltar dga' ldan gyi zhing gsal 'debs pa ni/ 'di nas byang
phyogs su ri rab kyi rtse mor sum cu rtsa gsum/ de'i

steng bar snang la sprin gyis brten pa'i gzhi la 'thab bral gyi
bdag po mu su lun d+ha'i lha'i gnas/ de'i steng lha'i bu rab dga'
ldan gyi lha gnas dang/ de las logs shig tu dga' ldan yid dga'
chos 'dzin gyi zhing grong las dgon pa'i tshul du yod cing/ de
chags tshul yang

se ra dang 'bras spungs ltar thad kar chags pa ma yin par/ dga'
ldan gyi lha gnas byings las rgyang grags gcig tsam gyi nam
mkha' la 'phags par rje btsun byams pa mgon po'i thugs bskyed
dang smon lam gyi mthu las grub pa'i dag pa'i

zhing mchog dga' ldan yid dga' chos 'dzin/ sa gzhi thams cad rin
po che las grub cing/ rin po che'i ljon shing sna tshogs pas gang
ba/ yan lag brgyad ldan gyi mtsho dang rdzing bu sogs du ma yod
pa la chu bya sna tshogs kyis skad snyan par sgrog pa/

@13b ri bo dang ljon shing sogs las kyang gang 'dod yid bzhin
'byung ba sogs yon tan du mas brgyan pa'i dbus su rje btsun
byams pa mgon po bzhugs pa'i pho brang rgyal mtshan mthon po zhes
bye ba rgya khyon mtha' dang mu med pa/ pho brang de'i mdun du
rje

btsun gyis chos gsung sa'i kun dga' rwa ba yid dga' chos 'dzin
zhes pa'ang rgya khyon dpag tshad du ma yod cing/ gser gyi sa
gzhi la baiDUrya'i mig mang ris su bris pa/ mnan na nem zhing
bteg na spar byed pa/ dri bzang po'i dang ldang ba'i rin po
che'i

me tog sna tshogs dang/ mtsho dang rdzing bu sogs la sprul pa'i
bya sna tshogs pas bden bzhi la sogs pa'i chos kyi gsung dbyangs
zab mo'i mgrin glu dar dir du sgrog bzhin pa sogs de lta bu'i
sangs rgyas kyi zhing gi yon tan phun sum tshogs pa dang ldan
pa'i

dkyil du sengge chen po brgyad kyis bteg pa'i rin po che'i khri
mtho zhing yangs pa'i steng du rje btsun byams pa mgon po sku
mdog nyi ma 'bum gyi gzi brjid dang ldan pa/ zhabs gnyis bzang
po'i bzhugs stangs kyis zhal 'dzam gling du phyogs nas bzhugs

pa; dbu la bla ma'i ngo bo byang chub mchod rten yod pa/ phyag
gnyis thugs kar chos 'khor gyi phyag rgyas klu shing gi sdong bu
bsnams pa'i g.yas kyi 'dab steng du gser gyi 'khor lo dang/
g.yon gyi 'dab steng du ril ba spyi blugs kyis mtshan pa/ sku

stod la lha rdzas kyi gos kyi stod g.yogs dang/ sku smad la
lha'i panytsa li ka'i sham thabs/ dbu la rin po che'i prog zhu
mdzes par gsol ba/ bskal bzang sangs rgyas stong las rnam 'dren
drug pa phan chad la 'dzam gling 'dir 'byon 'gyur jo bo rje
dang/

@14a @#/ /bu ston rin chen grub/ lho brag grub chen/ rje tsong
kha pa chen po sogs rnam 'dren lnga pa'i 'khor gyi tshul du
bzhugs pa'i skye ba gcig thogs kyi byang chub sems dpa' lha'i
bu'i rnam par rol ba'i dag pa'i 'khor tshogs grangs

med pas bskor ba la sher phyin gyi mdo'i gsung dbyangs lhang
lhang sgrog bzhin pa zhig gsal gdab/ byams mgon gyi bzhugs
stangs sogs la'ang rten 'brel gyi gnad chen po yod/ de yang
byams mgon nyid bskal bzang rnam 'dren 'di'i rjes

ma rnam 'dren lnga pa la 'dzam gling 'dir 'byon pa'i rten 'brel
du zhal rang re 'dzam bu'i gling pa la phyogs nas bzhugs pa/
'dzam gling du byon pa de yang nam zhig phar tshad tsam nas 'byon
pa lta bu ma yin par dus ring por mi thogs par myur ba nyid du

'byon pa'i brdar yar bzhengs chog chog ltar bzang po'i bzhugs
stangs mdzad pa yin/ phyag gnyis thugs kar chos 'khor gyi phyag
rgya mdzad pas 'dzam gling 'dir 'byon pa tsam du ma zad/ chos
kyi 'khor lo bskor ba'i brda' mtshon dang/ klu

shing gi sdong bu bsnams pa ni/ spyir sangs rgyas rnams mngon
par rdzogs par sangs rgyas pa'i tshe byang chub kyi shing re la
sku rgyab brten nas 'tshang rgya ba'i tshul bstan cing/ bdag cag
gi ston pa thugs rje can ni/ byang chub kyi shing a shwa ttha
zhes pa'i

drung du mngon par sangs rgyas pa'i tshul bstan la/ de bzhin du
rje btsun byams pa mgon po nyid ma 'ongs pa na rgya gar rdo rje
gdan du sangs rgyas pa'i tshe byang chub kyi shing klu shing la
sku rgyab brten nas 'tshang rgya'o/ /zhes pa'i brdar mdzad/ sdong
bu

@14b g.yas kyi steng du gser gyi 'khor los mtshan pa ni/ 'dzam
gling du mngon par sangs rgyas nas nam zhig chos 'khor bskor ba
lta bu min par/ chos kyi 'khor lo de yang dus myur ba nyid du
bskor ba yin gsung ba'i brda' mtshon dang/ sdong bu g.yon ril
bas mtshan

ba ni; spyir 'phags yul na rgyal rigs/ bram ze'i rigs/ rje'u
rigs/ dmangs rigs te rigs bzhi yod kyang rje'u rigs dang dmangs
rigs gnyis su sangs rgyas sku mi bltams par rgyal rigs dang bram
ze'i rigs gang btsun pa zhig la bltams pas/ ston pa

shAkya thub pa rgyal po zas gtsang ma'i sras te rgyal rigs su
sku 'khrungs la/ rgyal ba byams pa ni bram ze'i rigs btsun pa'i
dus su 'byon te bram ze'i rigs kyi rgyal po'i mdun na 'don gyi
sras su sku bltams par gsungs pas na/ spyi blugs ni bram ze
rnams

kyi phyag mtshan lta bu yin pas ma 'ongs pa na 'tshang rgya ba'i
tshe yang ril ba spyi blugs phyag mtshan du thogs pa'i bram ze'i
rigs su sku 'khrungs pa'i mtshon byed du sdong bu g.yon na ril
ba spyi blugs bsnams pa yin gsungs/ dbu la rin po che'i prog zhu
gsol ba ni/

ston pa bcom ldan 'das kyis gdul bya'i don du 'dzam gling na
gshegs pa'i tshe dga' ldan du rje btsun byams mgon la rin po
che'i prog zhu spyi bor bcings te rgyal tshab tu mnga' gsol ba na
lha rnams dga' ba'i sems kyis dam pa tog dkar po ma bzhugs kyang

nged cag rnams pham ma song zhes bgro gleng byed bzhig byung
ste/ mtshan la yang ma pham pa zhes gsol ba red/ dga' ldan gyi
zhing bkod yid la byas pas zhing der skye ba'i rgyur yang 'gro/
sngar zhus pa ltar rje btsun gyi gsung rang gis lhang lhang thos
pa'i nyams

@15a @#/ /dang; rgyal ba byams pa yang phyogs bcur sprul pa sna
tshogs 'gyed bzhin par bsam dgos/ de'i thugs kar mngon rgyan las/
dpal gyi be'u dang bkra shis ni/ /sangs rgyas dpe byad bzang por
bzhed/ /ces gsungs pa'i dpe

byad brgyad cu'i nang tshan thugs ka dpal gyi be'u drwa mig gi ri
mo gra seng nge ba/ de yang bug pa dang 'bur gong sogs med par
me long la gzugs brnyan shar ba bzhin yod pa'i nang du rje yab
sras gsum bzhugs par mos/ gser gyi gtan pa phyis pa zhes sha
gtub sa'i

spang leb phyis te ngos shin tu 'jam por byas pa la dper mdzad/
de nas rje yab sras rnams bdag gi mgon skyabs dang dpung gnyen
du byon na ci ma rung snyam du dga' ldan lha brgya ma 'don/ lha
brgya zhes pa lha brgya tham pa la nges gzung mi byed par sems
can

yod dgu zer ba ltar ha cang mang ba'i tshig yin/ mgon zhes pa lha
brgya phrag mang po'i mgon du bzhugs pa la gsungs/ de'i thugs ka
nas rab tu dkar ba'i mdog can zho gsar spungs pa 'dra ba'i chu
'dzin te sprin dkar po snam bu brkyangs pa lta bu zhig

thol gyis byung ste sprin phung 'bur po gsum du dod pa'i dbus su
rje/ g.yas su rgyal tshab/ g.yon du mkhas grub bcas rang gi bla
ma dang gnyis su med pa'i khams gsum chos kyi rgyal po kun
mkhyen tsong kha pa blo bzang grags pa'i dpal sras kyi thu bo

gnyis kyi 'khor dang bcas pa bdag gis spyan 'dren pa'i gnas 'dir
gshegs su gsol/ zhes pa'o/ /spyan 'dren gyi tshig brjod pa'i tshe
skyes bus lag pa brkyangs bskums tsam gyi yun la rang gi mdun
gyi nam mkhar byon par mos/ 'di'i skabs

@15b phyogs bcu'i zhing rab 'byams nas kyang sangs rgyas thams
cad rje yab sras gsum gyi rnam par spyan drangs te dam tshig pa
la thim par bsam dgos/ spyan 'dren pa'i dgos pa yang/ gdul bya
blo rab kyis chos kyi dbyings las sprul skur bzhengs chog

chog yod kyang blo dman rnams la spyan ma 'dren na sangs rgyas
yod med kyi the tshom che bas/ des na spyan 'dren pa yin gsungs/
gnyis pa yan lag bdun pa maNDal dang bcas pa 'bul ba la/ thog
mar yan lag bdun gyi sgo nas tshogs bsags sgrib

sbyang byed pa yin/ de yang rtogs pa'i yon tan rgyud la skye ba
la rgyud smin dgos/ de la tshogs bsags sgrib sbyang bya dgos/
bsags sbyang gi gnad bsdus pa ni yan lag bdun pa 'di yin/ sa
chen po la gnas pa'i byang sems rnams kyis sprul pa

brgya stong mang pos yan lag bdun pa la sogs pa'i sgo nas bsags
sbyang tshad med pa de ltar mdzad na rang cag rnams lta ci smos
te tshogs bsags sgrib sbyang la 'bad dgos/ de la yan lag bdun
las/ cho ga gzhan la bzhugs gsol gyi yan lag

rjes la yod kyang 'dir sngon du len pa'i gnad 'gag /dper na/ nad
pa tshabs chen gyis sman pa gdan 'dren tshe/ thog mar nad gso ba'i
sman pa de gdan la bzhugs par gsol ba ltar rang gis thos bsam
sgom gsum dang bsags sbyang sogs gang

byed kyang bshes gnyen bsten tshul ltar rang gi don du bla ma yun
ring du bzhugs pa zhig dgos pas de ltar gsol ba btab pa yin/ de
yang/ mdun gyi nam mkhar seng khri pad zla'i steng/ /zhes sogs
te/ rang gi mdun gyi nam mkhar sngar zhus pa ltar rje

@016a @#/ /bla ma yab sras gsum rang la thugs shin tu mnyes pa'i
tshul gyis mngon sum du bzhugs pa gsol 'debs/ tshigs bcad kyi don
ltar gsol ba btab pas zhal gyis bzhes par bsam gsungs/ gnyis pa
phyag 'tshal ba'i

yan lag ni/ shes bya'i khyon kun zhes sogs te/ de la lus kyis
phyag 'tshal ba/ ngag gis bstod dbyangs brjod pa/ yid kyis de'i
don dran pa ste lus ngag yid kyi phyag yin/ phyag gi skad dod na
maH zhes pa rab tu 'dud pa dang/ gus pa dang/ nye

bar bsnyen pa sogs la 'jug pas lus kyis gus pa byas tshad lus kyi
phyag tu 'gro zhing/ gtso bo ni paN chen nA ro'i phyag bzhes
lus thams cad sa la phab pa'i brkyang phyag dang/ yan lag lnga
sa la reg pa'i bskum phyag gam 'dul ba'i las phyag

gnyis yin/ gso sbyong skabs 'dul ba'i las phyag rang 'tshal dgos/
skabs 'dir brel ba che tshi thal mo sbyar tsam bya/ 'di'i tshigs
bcad re res thugs gsung sku la rim bzhin bstod/ shes bya'i khyon
kun 'jal zhes pa thugs dang shes bya

mnyam pa'i don yin te/ dper na snam bu 'dom gang 'dom gyis 'jal
ba na snam bu yang mi lhag la/ 'dom yang mi lhag pa bzhin byang
sems 'phags pas kyang shes bya ji lta ba la mnyam par bzhag
skabs ji snyed pa'i chos mi gzigs la/ sngags

'os bsngags bstod las/ khyod 'ba' zhig gi ye shes kyis/ /shes
bya mtha' dag khyab lags kyi/ /khyod las gzhan pa thams cad kyi/
/shes bya kho na lhag pa lags/ /zhes gsungs pa ltar sangs rgyas
'phags pa ma gtogs gzhan thams cad

@016b shes bya rgya che la shes pa rgya chung ba yin yang/ sangs
rgyas kho na'i yon tan la shes bya'i khyon thams cad res 'jog
med par bden gnyis cig car du gzigs shing/ mkhyen pas 'jal ba'i
tshe shes bya gcig kyang lhag pa med par thams cad la khyab

cing/ khrid yig dngos grub kun 'byung du/ shes bya'i khyon kun
yangs pa'i blo gros thugs/ /zhes gsungs pa shes bya ji lta ba
dang ji snyed pa'i chos thams cad mkhyen pa'i gra zur gcig tu gu
dog med par chud pa la sbyar bas snga ma las kyang 'di bstod

pa rgya che ru song bas na/ de lta bu'i blo gros yangs pa'i
thugs dang ldan pa la bsngags pa brjod pa ni thugs la bstod pa
yin/ shes bya ji lta ba ni don dam dang/ ji snyed pa ni kun
rdzob pa/ de yang gzhi gcig la sbyar na/ ka ba lta bu'i steng gi
stong nyid ni ji lta ba

dang; ji snyed pa ni de'i steng gi kun rdzob de yin/ des chos
thams cad la rigs 'gre/ skal bzang zhes pa byang sems dang/ de'i
rna ba'i rgyan du gyur pa theg chen gyi chos la byed/ 'dir tshig
ris ltar na/ skal ba bzang po dang ldan pa'i gdul bya

rnams kyi rna ba'i rgyan te gdul bya rang rang gi blo dang khams
dang bsam pa dang mthun par bstan pas rna ba'i bdud rtsi lta
bu'i legs par bshad pa'i gsung la rna ba'i rgyan gyur ces gsungs
pa yin/ 'di yang sangs rgyas kho na'i khyad chos te/ sangs rgyas

kyi gsung gi brjod pa gcig gis lha/ mi/ klu/ dri za sogs sems
can rang rang gi skad du go nus/ sher phyin skor dgu yang gsung
thebs gcig la rang rang gi go lugs kyis rgyas 'bring bsdus pa
dgu byung ba yin/ dpe cha zhig la rje tsong kha

@017a @#/ /pa'i legs bshad 'di lta bu rgya bod gang du yang ma
byung bas/ stag tshang lo tsA bas kyang sku tshe'i stod du rje la
'gal ba'i khur chen bco brgyad kyi dgag pa btang yang/ sku tshe'i
smad la gser phreng sogs rje'i legs

bshad rnams gzigs pas thugs phrogs te bstod pa phul tshul sngar
gong du zhus pa ltar yin/ rje'i legs bshad re re yang bod kyi
mkhas pa stong phrag mang po 'dzoms nas brtsom yang legs cha de
dang mnyam pa mi 'byung/ bo dong phyogs las

rnam rgyal zhes pa mchod rten la skor ba mdzad zhor phyogs bzhir
drung yig bzhi bzhag /bstan bcos chen po bzhi re dus gcig tu
brtsom ste gsung 'bum la'ang bstan 'gyur gyi tshod tsam yod pa'i
mkhas pa chen po yin yang/ ! phyis rje rin po

ches mdzad pa'i rten 'brel bstod pa slong mo ba zhig gis bzhugs
sgo'i phyi logs nas bton pa gsan skabs 'di klu sgrub kyi gsung
rang yin 'dug snyam pa na/ 'og tu/ klu sgrub gzhung lugs kun
da'i tshal/ /zhes pa thon pas/ klu sgrub

min par 'dug /dpal ldan zla ba yin nam snyam pa na/ yang/ dpal
ldan zla ba'i legs bshad kyi/ /zhes sogs yod pa gsan pas de yang
min par thag chod/ de nas mar phebs nas slong mo ba kho rang la
dris par/ chos rje blo bzang grags

pa'i gsung yin byas pas dad pa ldog tu med pa 'khrungs te bod du
rje rin po che mjal bar phebs pa na bsod nams kyis mjal ma thub
kyang/ gser dngul mang po dga' ldan gser sdong rin po che'i
rgyur phul nas smon lam shugs drag

@017b mdzad pa sogs kyi rnam thar ngo mtshar can yod/ 'di dag
kyang skal bzang rna ba'i rgyan du gyur tshul yin/ grags pa'i
dpal ni mtshan bzang dpe byad kyi gzi brjid 'bar ba ste sus mjal
kyang mdzes shing phun sum tshogs pa'i sku rgyal ba

kun gyi yab gcig 'jam dpal dbyangs su mos/ H 'di yang thun mong
ba ltar na dam chos 'dul ba'i tshul khrims rnam par dag pas gzhan
khrims 'chal sogs zil gyis gnon pa'i snyan grags kyis lham mer
mdzes pa la byed pa 'gos lo

ye bzang rtse pa sogs kyis don dang ldan pa'i bsngags brjod
mdzad pa ltar yin/ thun mong ma yin pa ni zhing khams thams cad
sku la snang zhing skus zhing khams thams cad la khyab pa ste/
de yang/ ye shes ji snyed khyab gyur pa/ /sku yis kyang ni de
snyed

khyab; ;ces gsungs pa ltar shes byas gar khyab la mkhyen pas
khyab cing/ mkhyen pas gar khyab la skus khyab/ 'di sku thugs
gnyis zung du 'jug pa'i zung 'jug pa'i yon tan yin/ zhing khams
thams cad sku la snang ba yang sku'i ba

spu'i bu ga re re'i nang du sangs rgyas kyi zhing khams re re
yod pa/ de dag kyang la lar sku bltams pa/ la lar sangs rgyas
pa/ la lar bdud btul ba/ la lar chos 'khor bskor ba sogs mdzad
pa bcu gnyis kyi rnam par rol bzhin pa/ de

lta bu'i rje bla ma'i gsang gsum gyi yon tan mthong thos dran
pa'i tshe yang rdo rje gsum thob pa sogs kyi bag chags khyad par
can re 'jog pa'i don dang ldan pa de la phyag 'tshal lo/ /zhes pa
yin/ phyag ces pa chos thams cad rang bzhin med

@018a @#/ /pa'i phyag rgya gcig tu 'du ba dang/ sngags la sbyar
na phyag ni bde stong gnyis su med pa'i ye shes la bya ste/ dper
na rgyal po'i tham ga lta bu gzhan sus kyang bsgyur du med pa
bzhin du chos thams cad kyi gnas

lugs stong pa nyid la yul phyag rgya chen po dang/ de rtogs pa'i
blo lhan skyes kyi bde ba chen po'i ye shes ni yul can phyag
rgya chen po yin/ 'tshal zhes pa ni de lta bu'i phyag rgya'i don
de bdag gis rtogs par 'tshal la ma rtogs par 'dod ces pa

dang/ gzhan yang skabs thob tu sbyar chog /'dir thugs la bstod
pa sngon du byung ba 'jam dbyangs kyi dbang du byas/ de'i rgyu
mtshan dang por thugs kyi byin rlabs zhugs te chos rab tu rnam
'byed kyi shes rab sogs skyed phyir yin/ 'jigs

byed la dri chab sngon du 'ong ba yang don de dang 'dra gsungs/
gsum pa mchod pa'i yan lag ni/ yid 'ong mchod yon zhes sogs
gsungs te/ bsod nams kyi tshogs gsog pa la mchod pa rgya chen po
byed dgos/ de yang dper na/ 'jig rten na

lo tog btab sa'i zhing sa bzang po zhig lo gcig stong par bzhag
na phangs sems chen po byed na/ dus bzhi thams cad du rgyun chad
med par bsod nams kyi sa bon gdab chog pa'i zhing sa bla na med
pa stong par bzhag na lta ci smos pas mchod pa

'bul ba la rtag tu brtson dgos/ zhing khyad par can la mchod pa
chung ngu re phul bas kyang 'bras bu rgya chen po 'byung ba
'khor sgyur nga las nu dang/ ko sa la'i rgyal po'i sngon byung
bcas stsal/ bsod nams kyi zhing mchog ni bla ma yin/ grwa rkyang

@018b 'khos dman lta bu yin yang mchod pa 'bul ba la rang gi dad
pas thogs pa ma gtogs mchod rdzas kyis lag thogs pa med/ rang la
dad pa yod na spyod 'jug las gsungs pa ltar bdag pos bzung dang
ma bzung ba'i 'jig rten khams kyi mchod rdzas yid du

nams nyams pa'i rgyur 'gro/ rang gi mchod pa'i rgyu gang  chen
po tshos rang la 'byor pa yod bzhin du mi 'bul ba'am dman sa nas
phul na bsod nams kyi tshogs gsog mi thub cing/ bsod nams nyams
pa'i rgyur 'gro/ rang gi mchod pa'i rgyu gang

bzang bzang nas 'bul dgos/ mar me la snang gsal zhes 'od phul ba
yin pas mar kha tsha lta bu yod kyang skyon chung/ zhal zas sogs
la kha tsha rul sungs sogs med pa nges par dgos/ 'byor ba gzhan
med na/ bsil zhim yang 'jam dwangs

la dri ma med/ /lto bas grin par mi gnod brgyad ldan chu/ /zhes
pa ltar bod kyi chu yan lag brgyad ldan yin pas yon chab tsam
phul na'ang phan yon brgyad yod/ rje sgrub khang pa dge legs
rgya mtsho sku'i tshe'i stong bya ba btang mdzad nas bzhugs skabs
sku la

na bza' ba zhes rgyu tsam yang med kyang yon chab nyin star dus
gsum du ting med par rang gi gsol zhal chur bkrus te 'bul mdzad/
sngar rgya gar gyi rgyal po chen po tshos sbyin pa gtong ba na
sbyin pa'i khang pa brtsigs/ der rgyal po rang nyid byon nas lag

bstar te sbyin pa btang ba ltar yon chab 'bul skabs kyang sbyin
pa lag len gyi khyad par zhes phul ba'i phan yon 'bul mkhan rang
nyid la 'byung bas rang gis lag bstar nas 'bul dgos/ jo bo chen
po sku ba gres pa'i skabs kyang yon chab jo bo rang

@019a @#/ /gis phyag bstar nas phul mdzad pas/ slob ma tshos a ti
sha 'o brgyal ba 'dug /nged tshos 'bul byas pas/ jo bo'i zhal
nas/ 'o na pa'i lto za rgyu de'ang jo bo 'o brgyal bar 'dug pas
nged tshos za zer ba yin nam

gsungs/ de ltar sangs ma rgyas bar du tshogs bsags sgrib sbyang
byed dgos/ gong du zhus pa ltar sar gnas kyi byang sems rnams
kyang lus stong phrag du mar sprul te sangs rgyas kyi zhing mang
por byon nas bsags sbyang mdzad/ sang tho rangs

'tshang rgya rgyu'i byang sems des kyang do nub bla ma tshogs kyi
zhing du spyan drangs nas tshogs bsags mdzad pa yin/ bsod nams
chung chung nas mnang sa chung mi byed par spos rkang gcig yan
chad 'bul gang thub byed/ dge bshes phu chung bas dang

por spang spos phul ba nas bsod nams 'phel te mthar a ga ru la
sogs pa gser srang mang pos nyos nas phul rgyu byung bar gsungs
tshul/ mchod pa dngos su rgya che chung gang yod kyang yid kyis/
mdo phal po che las gsungs pa'i/ mchod yon

phal cher mchod yon bla bre dang/ /zhes sogs ltar sa dang bar
snang nam mkha'i khyon thams cad gang bar mos te phul na de'i
tshod kyis bsod nams kyi tshogs rdzogs tshabs che/ mchod yon gyi
bla bre sogs ma ga d+ha bzang mo'i gtam rgyud las byung ba

ltar mos/ yid 'ong kun la sbyar ba yin/ de lta bu'i mchod pa
dngos su bshams pa dang yid kyis sprul pa'i mchod pa'i sprin gyi
phung po 'di/ rje chos rgyan gyis/ zhing mchog dam pa rje btsun
bla ma la/ /sogs gsungs pa ltar gdul bya'i bsod nams kyi

@019b zhing mchog tu gyur pa'i skyabs gnas kun 'dus kyi bla ma
khyed la thugs dgyes pa'i slad du mchod par 'bul lo/ /zhes pa
yin/ skabs 'dir maNDal rgyas par phul kyang chog /chu gnyis nyer
spyod sogs 'bul ba bla na yod pa'i mchod pa/ rang gi snying ga

nas rdo rje mchod lha spros te kun bzang mchod sprin phul ba bla
na med pa'i mchod pa ste de gnyis ka phyi'i mchod pa/ sha lnga
dang bdud rtsi lnga sogs sbyangs rtogs sbar gsum byas te phul ba
nang mchod/ padma can sogs spros te thugs ka'i rdo rje 'chang gi

yum la thim zhing/ de gnyis yab yum snyoms 'jug gi dga' bas rol
bar mos pa gsang mchod/ de la brten nas tshogs zhing gi thugs
rgyud la bde stong gi ye shes khyad par can 'khrungs par mos pa
de kho na nyid kyi mchod pa yin/ de dag dbang bzhi'i

lam dang 'brel bas dgos pa che gsungs/ bzhi pa bshags pa'i yan
lag ni/ gang zhig thog med ces sogs gsungs/ bshags pa 'di shin
tu gnad che ste/ tshe 'di phyi kun tu mi bde ba byung tshad sngar
sdig pa byas pa'i 'bras bu yin/ rang

re sdom pa len rgyu gang yod blangs kyang bsrung rgyu sne gcig
kyang dka'/ dge slong lta bu yin na nyin re la so thar gyi ltung
ba stong phrag tsam 'byung/ byang sems dang sngags kyi ltung ba
ni char 'babs pa bzhin 'byung zhing nyes dmigs kyang shin tu
che/ de

dag bshags pa ma byas na dmyal bar 'phen nges pas bshags pa nan
tan byed pa gal che/ spyir dmyal ba'i rgyu la skad grags yod
pa'i sdig pa mi dgos/ dge sdig gang byas kyang rgyu chung ngu
las 'bras bu chen po 'byung ste/ dper na phyi'i rgyu 'bras

@020a @#/ /'phel che ba kham sdong lta bu la mtshon na/ rgyu sa
bon kham tshig chung ngu zhig las med kyang/ 'bras bu kham bu'i
sdong po dang yal ga lo ma me tog 'bras bu rnams lo re bzhin zad
pa med par 'phel ba dngos su mthong rgyu

yod pa lo tog sogs gzhan la'ang 'dra/ phyi'i rgyu 'bras 'phel
che ba de bzhin du nang gi rgyu 'bras kyang 'phel che ba/ gzhan
la spre'u dang sbal pa 'dra zer ba dang/ khyi rgan zer ba tsam
gyis kyang de dang de'i skye ba lnga brgya len dgos par mdo sde
sogs nas

'byung ba ltar mchu 'gul tsam byas pas kyang ngan song du thib
kyis non pa yod/ dge ba yang de bzhin 'phel che ba dge slong ma
dkar mo sogs kyi sngon byung bcas stsal/ da lta nged tshos nyin
re bzhin ngan song gi rgyu mang po bsgrub bzhin pa 'di la bsams

na de ring gcig pu'i sdig pas kyang ngan song gsum du bskal pa
mang por skye ba'i rgyu bsgrubs pa yin/ rang cag la sdig pa'i
ngos nas bltas na rgyal po'i bang mdzod dang 'dra bas de dag
bshags pa ma byas na phyi mar ngan song rang du 'gro bar thag

chod; sdig pa la skyon ma gtogs yon tan gzhan med kyang bshags
nas 'dag rgyu yod pa de sdig pa'i yon tan yin pas bshags pa
rgyun ring shugs drag gnad smin zhig byung na sdig pa stobs chen
yang 'dag nus pa sor phreng can dang/ ma skyes

dgra; bram ze'i khye'u mthong ldan rnams kyi lo rgyus bcas
gsungs/ deng sang dge ba byed mkhan la gra mi 'grigs pa mang po
byung na/ kha cig gis khos rnam dkar chos phyogs de tsam byed pa
la de 'dra yong mdog kha po med pas dge sdig gi las

@020b 'bras cang med pa 'dra zer yang/ de las 'bras nges par yod
pa'i rtags yin te/ chos byed la bkra mi shis pa mang po byung ba
de tshe rabs sngon ma'i sdig pa'i 'bras bu da lta smin nas dge
'bras rnams phyi mar smin pa'i rtags yin pas dga' spro bya

sdig pa byed mkhan la lam 'gro chen po yong ba ni de las ldog pa
yin pas 'jigs skrag dang bshags sdom sogs bya dgos/ bshags pa
stobs che chung gis sdig pa 'dag tshabs che chung de bzhin
'byung/ spyir tshe 'di la bshags pa shugs drag

shin tu stobs chen gcig bya dgos/ de yang dper na/ mi tshang bu
lon chen po yod pa zhig gis bu lon gsar pa ma blangs par bu lon
rnying pa tshang ma phar sprod thabs byas na bu lon sod pa'i dus
yong ba ltar thog med nas bsags pa'i sdig pa

rnams rmi lam na sdig pa dag pa'i rtags yang yang ma byung bar
du bshags pa byed/ 'di rang cag gi lag len la lho brag grub chen
dang/ rje thams cad mkhyen pa'i rnam thar ltar gtso bor ltung
bshags dang 'brel ba'i brkyangs phyag byed pa de rang

bzang/ sdig pa dag pa'i rtags bskul byed kyi gzungs las byung ba
lam rim chen mo sogs las gsungs/ de nas nyin re bzhin dgong mo
nyal khar rdor sems bsgom bzlas dang 'brel ba'i yig brgya nyer
gcig re dang/ ltung bshags lta bu'i

sgo nas bshags pa gnad smin re byas na de'i nyin mo'i sdig hpa'i
'phel kha chad 'gro /de ltar sdig pa nyin byung ba nub bshags/
nub byung ba nangs par bshags te sdig ltung dang zhag tu mi
'grogs pa byed/ bshags pa stobs chen yong ba la

@21a @#/ /gnyen po stobs bzhi tshang dgos/ de la rten gyi stobs
ni skyabs sems byed pa la bya ste/ gang la brten nas sdig pa
las ldang pa'i rten zhig la 'jog cing/ sdig pa phal cher sangs
rgyas dang sems can gnyis la brten

nas byung bas sangs rgyas la brten pa'i sdig pa skyabs 'gro'i
sgo nas sbyang/ sems can la brten pa'i sdig pa sems bskyed kyi
sgo nas sbyang dgos pas rang lugs la rten gyi stobs skyabs
sems byed pa nyid yin/ rnam par sun 'byin

pa'i stobs ni 'gyod sems byed pa ste/ dper na/ mi bzhis dug
dang 'dres pa'i zas mnyam du zos nas/ gcig shi/ gcig shi la
khad du gyur/ gcig na nas yod na/ cig shos ma na pa de la
'gyod pa gtan mi bzod pa 'ong ba ltar sngar sdig pa byas pa'i
sems

can grangs med pa zhig nas 'ga' zhig da ltar myal ba sogs su
skyes te sdug bsngal myong bzhin pa dang/ 'ga' zhig skye chog
chog tu yod pa la/ bdag kyang sngar bsags pa'i sdig pa la
bshags pa gnad smin zhig ma byung na de 'dra'i ngan

song du skye nges su thag chod par bsams nas sngar sdig pa
byas pa la 'gyod gdung shugs drag tu skyed pa yin/ gnyen po
kun spyod kyi stobs ni/ spyir sdig pa 'dag phyir dge ba byas
tshad gnyen po kun spyod kyi stobs su 'gro yang/ gtso

bor 'di la drug gsungs pa lam khrid las byung ba ltar 'dir
yang yig brgya dang ltung bshags 'don pa sogs la byed/ nyes pa
las slar ldog pa'i stobs ni/ phyin chad srog la bab kyang ngan
song du skye ba'i rgyu sdig pa mi dge ba de 'dra

@21b gtan nas mi byed snyam du sdom sems byed pa yin/ stobs
bzhi nas gal che shos rnam par sun 'byin pa'i stobs yin/ de'i
'gyod sems byed pa de yod na stobs gzhan rnams rang shugs kyis
'byung/ dga' lha gsar bsgrigs ltar kye ma bdag

ni 'khor ba thog med nas/ /zhes sogs kyis 'gyod gdung bskyed
cing thugs rje bskul ba sngon du gtang/ de nas bshags pa dngos
gzhi bya ba gnad yin/ de'i phyir bdag gis thog med nas bsags
pa'i sgo gsum gyi sdig pa ci bgyis thams cad yid

yul du byas te/ sdig pa 'byung pa'i sgo lus ngag yid gsum gyis
mi dge ba sngar ci bgyis pa spyi dang/ khyad par rang cag rab
tu byung ba sogs la ched du bsngags pa'i sdom gsum gyi bcas pa
dang 'gal ba'i pham lhag ltung byed sor bshags nyes

byas rtsa ltung sbom po phyogs mthun dang bcas pa ste bshags
rgyu'i sdig pa ngos bzung nas/ de dag snying thag pa nas 'gyod
pa drag pos sdom sems dang ldan pa'i sgo nas bshags pa yin/ so
sor bshags zhes pa spyir so thar la brten pa'i nyes pa dus

'brel gso sbyong gi sgo nas mkhan slob dge 'dun dang bcas pa'i
spyan sngar bshags/ byang sdom gyi de bla ma rgyal ba sras
bcas kyi spyan sngar bshags/ sngags kyi de bla ma dkyil 'khor
pa'i lha tshogs dang bcas pa'i drung du dbang blang ba sogs
kyis

bshags dgos par gsungs yod/ kha cig gis bshags pa byas kyang
sdig pa mi 'dag snyam na de gnyen po la yid mi ches pa'i log
lta yin/ sdig pa yod gsungs pa dang/ bshags pas 'dag yong
gsungs pa gnyis ka sangs rgyas kyis

@22a @#/ /gsungs pas bden mnyam yin/ 'di'i skabs kyang sdom
gsum gyi bcas 'gal rnams dran yul du byas nas bshags sdom
shugs drag tu byas pas sdig ltung rnams lhag med du dag pa'i
mos pa byed/ mjug

tu sdig pa'i 'khor gsum mi dmigs pa'i rgyas btab na sdig pa
'dag pa la shin tu stobs che/ mtshams 'dir rdor sems bsgom
bzlas byas kyang chog /de byed na zhal shes ltar rje bla ma
sems dpa' sum brtsegs su gsal ba'i thugs

ka'i rdo rje 'chang de nyid rdor sems su gyur/ de las rdor
sems dpag med chad de rang dang sems can thams cad kyi spyi
bor rdor sems re bzhugs pa rnams las bdud rtsi 'beb sbyang
byed pa sogs rdor sems bsgom bzlas kyi dmigs pa gang

yod sbyar/ yig brgya nyer gcig sogs bzla/ rdor sems bsgom
bzlas 'di gnad smin byung na dbang bzhi byin rlabs kyi go yang
chod/ 'di dag gi skabs rnams su tshogs zhing gi bla ma rang la
thugs shin tu dgyes par bsams pa gnad yin

gsungs/ lnga pa rjes su yi rang pa'i yan lag ni/ snyigs ma'i
dus 'dir zhes sogs te/ rjes su yi rang 'di byang chub sems
dpa'i nyams len yin/ gzhan gyis dge ba byas pa la phrag dog
dang 'gran sems mi byed par rjes su yi rang

bya dgos/ byang sems sa dang po ba lta bu'i dge rtsa la yi
rang byas na/ rang res lo stong phrag mang por phyag mchod
byas pa bas phan yon che/ rgyud tshod dma' bas mtho ba la yi
rang byas na dge rtsa phyed tsam dang/ mnyam pas mnyam pa la
yi rang

@22b byas na dge rtsa mnyam pa/ mtho bas dma' ba la yi rang
byas pas dge rtsa lhag par thob/ spyir gang zag lnga'i dge
rtsal yi rang bya chog kyang/ skabs 'dir rje tsong kha pa chen
po'i gsang ba gsum gyi yon tan la rjes su yi rang byed pa yin/
bla ma'i

rnam thar bklag pa'i tshe yang rjes su yi rang gis bdag gis
kyang 'di lta bu'i rjes su slob nus par shog snyam pa dang/ de
bzhin gshegs pas sngar sku lus sbyin par btang ba lta bu rang
gis de lta mi nus pa yang mthar de ltar nus par shog snyam

du gsol ba 'debs shing/ smon lam tshun chad brgyag dgos/ snyigs
ma'i dus 'dir phal cher mdo sngags kyi gzhung la phyogs re bar
song/ thos bsam sgom gsum ya bral du song nas sems mi rtog pa
rkyang rkyang bsgom pa las thos bsam

mi dgos zer ba sogs mang du byung yang/ thos pa ni mig dang
'dra bas de med na sgrub pa nyams su len pa mi shes shing/
thos pa byas kyang sgrub pa ma byas na mi yong ste/ lhas byin
dang legs skar sogs dang 'dra/ rje tsong kha pa chen po ni de 

lta bu min par mkhas grub tshad ma'i gzhung la dpang por mdzad
de mdo sngags gang thad nas phra rags thams cad la/ rje nyid
kyis/ ngoms pa med pa'i thos pa byed par shog/ /ces gsungs pa
ltar thos bsam rgya cher mdzad pas phar phyin/ dbu tshad/

'dul mngon/ rgyud sde bzhi sogs kyi gsung rab dgongs 'grel
dang bcas pa thugs su ma chud pa med/ 'di dag gi khungs kyang
rtogs brjod 'dun legs ma'i skabs dang po'i nang du gsungs pa
ltar thos pa'i yon tan do zla med par mdzad/

@23a @#/ /der ma zad thos don la dpyad pa zhib mor gnang ba'ang
rje bla ma 'di lta bu sngon chad ma byung la/ rjes su yang
'byung mi thub pa yin te/ bar du gzhung lugs thams cad gdams
par 'char ba sngar thos bsam

mdzad pa'i gzhung thams cad dpyad pa zhib tu mdzad pa la brten
nas gsung rab ma lus gdams ngag tu shar te thos bsam ya ma
bral bar nyams su bzhes pa'i tshul rtogs brjod kyi skabs gnyis
par bltas pas shes/ de ltar thos pa'i

don gsung rab gdams ngag tu shar yang thugs tshim zhing ngoms
pa med par rje btsun 'jam dpal dbyangs kyi bka' bzhin 'os dga'
chos lung sogs su dgung lo sum cu so drug nas bzung thos bsam
sgom gsum ya ma bral bar bstan pa dang

gzhan don kho na thugs nyams su bzhes te dpon slob dgu po bya
bral la byon/ dka' spyad tshad med pa gnang nas zhal slob rnams
kyis bcud len yang mdzad/ rtogs ldan 'jam dpal rgya mtshos shug
'bru'i bcud len gnang bas bla ma shug

'bru pa zhes grags pa'ang byung/ sgrub pa snying po'i nyams
len la rtse gcig tu gzhol bar mdzad pas sangs rgyas byang sems
mang po'i zhal gzigs/ khyad par rje btsun 'jam pa'i dbyangs
kyis rje bla ma'i dngos kyi dge ba'i bshes gnyen

mdzad de mdo sngags kyi gnad mtha' dag rgyun du gsungs shing/
dga' ldan snyan brgyud sprul pa'i glegs bam dang bcas pa
gnang/ sprul pa'i glegs bam du mdo sngags kyi zab gnad thams
cad dang/ lung bstan yang mang po yod kyang

@23b rang cag tha mal pas mi mthong/ gsung rab kyi don mkhas
pa snga mas thag ma chod pa rnams kyang rje 'dis thag bcad/
sngar kha cig gis mthong ma mthong bu la dris/ thag chod ma
chod rje la dris zhes zer ba byung tshul/ bu zhes pa bu ston
rin chen grub

yin gsungs/ rje'i gsung rab rnams la bod 'dir lta zhog /rgya
gar gyi mkhas pa thogs med sku mched sogs kyi gzhung gis kyang
ngo sa med de/ de dag gis gzhung phyogs re tsam las/ mdo
sngags yongs rdzogs kyi srol btod pa med pa'i phyir/

rje bla ma 'di nges pa'i don du 'jam dpal dbyangs dngos yin
kyang gdul bya thun mong ba'i snang ngor yang sa lam gyi bgrod
pa sangs rgya kha ma'i sa mtshams/ zung 'jug brnyes pa'i sngags
kyi spyod pa mdzad chog chog gi bar du phebs kyang rjes 'jug
bu

slob dang bstan pa la skyon 'byung bar dgongs nas sku tshe de
la sngags kyi spyod pa sogs ma mdzad par 'chi ba 'od gsal gyi
skabs su bar do longs spyod rdzogs pa sgyu ma'i skur bzhengs
te zung 'jug gi go 'phang brnyes pa'i tshul bstan pa yin/ rtogs

brjod kyi skabs gsum bar sgrub pa nyams su blangs tshul mdo
tsam las ma gsungs kyang/ nyams len gyi rim pa rnams rje'i
nyams mgur du bstan pa yongs rdzogs nyams su blangs nas sgrub
pa snying por gzhol tshul zab rgyas gsungs shing/ rtogs

brjod 'dun legs ma rje bla ma'i thos bsam mdzad pa'i rnam thar
dang/ lam rim bsdus don nam lam rim nyams mgur sgrub pa nyams
su bzhes pa'i rnam thar yin pas de gnyis sbrags dgos/ des na
bstan pa thams cad 'gal med du rtogs

@24a @#/ /pa dang/ gsung rab ma lus gdams ngag tu 'char ba'ang
rje rin po che la byung/ zab mo dbu ma'i lta ba/ gsang sngags
kyi sgyu lus sogs sngon chad mkhas pa sus kyang gsal ma thub
pa mang po rje bla ma 'dis gsal

bar mdzad/ rje'i rnam thar thun mong ma yin pa 'di rnams yin/
mdo sngags kyi bstan pa yongs su rdzogs pa la thos bsam sgom
gsum dang/ gzhan dag de la bkri ba/ gsung 'bum tshun chad
la'ang bstan 'gro'i don kho na mdzad pas rlabs chen gyi

mdzad pa yang de la byed/ de lta bu'i thos pa sogs lam brten
par ri khrod lta bur bsdad kyang sngags 'dra bgrang na ma
gtogs dmigs brtse ma tsam gyi don yang go mi nus/ thos pa de
yang lag len gyis sgrub pa snying por gzhol ba zhig ma byung
na sprang pos

gter gyi kha byang skel btags nas bklags pa dang mtshungs
gsungs/ dper na rigs lam pa tshos/ myu gu chos can/ bden par
med de/ rten 'brel yin pa'i phyir/ zhes brjod pa lta bu yang
tshig tsam ma yin par rigs pa yang dag gi lam nas drangs

te don gyis brjod pa zhig dgos/ bdag gi bla ma co ne rin po
ches/ rnam mkhyen zer ba'i skabs su na nag sgur zhig sems la
shar na bzo lta med gsungs/ thos don de goms pa zhig byung na
rtogs pa yang des ske 'ong/ 'tshang rgya ba la thos bsam sgom

gsum ya ma bral ba dgos pa 'di bka' gdams gsar rnying gi khyad
chos yin/ rang cag rnams kyis kyang ci nus kyis thos bsam sgom
gsum yam bral ba byed/ de yang dang por thos pa'i gnas skabs
nas sgrub pa nyams su len rgyu'i don de la

@24b thos bsam byed/ gang thos bsam byas pa'i don de sgrub pa
nyams len byed dgos pa yin/ 'dir mang thos sgrub la brtson
zhes pa rje rin po che'i rnam thar gyi sdom lta bu yin pas
'di'i khongs nas rje'i rnam thar yongs rdzogs kyi don ston/
tshig 'di

gnad 'gag ha cang che/ sgrub la brtson lugs kyang rjes pan
gyis/ bsgom na thos pa mi dgos zhes/ /blun po blo rgya chung
ngu smra/ /thos pa med pa'i sgom pa ni/ /'bad kyang dud 'gro'i
sgrub thabs yin/ zhes dang/ thos pa med pa'i sgom pa de/ /lag
rdum brag

la 'dzegs pa 'dra/ /zhes pa lta bur ma song bar mdo rgyud
dgongs 'grel dang bcas pa la thos bsam rgya chen po gnang ba'i
don rtse gcig tu sgrub pa snying por mdzad de chos spyod bcu
po rnams kyang zung 'brel du nyams su bzhes pa yin/ mdor bsdu
na/ rje'i

mdzad pa rnam thar gang la'ang tshe 'di snang la zhen pa'i chos
brgyad nag po dang/ rang gces 'dzin gyis bslad pa'i chos
brgyad khra bo dang/ stong nyid ma rtogs pa'i byang chub sems
dpa' rnams la'ang 'byung ba'i bden pa'i dngos por 'dzin pa'i
dngos

zhen gyis bslad pa chos brgyad dkar po ste chos brgyad dkar
nag khra gsum gang gis kyang ma bslad par mdzad chen bzhi
dang/ bstan bcos 'gran zla dang bral ba mang po brtsams pa
dang/ thub bstan yongs rdzogs tshang la dri ma med pa'i srol
gsar du

btsugs pa sogs dal 'byor don yod byed pa'i mdzad pa rlabs chen
spyi dang/ khyad par rje rin po che ma byon gong bod kyi mkhas
pa snga ma sus kyang ji bzhin ma phyed pa'i zab mo yang dag
pa'i lta ba'i bstan pa nyi ma shar ba ltar gsal bar mdzad pa
sogs kyi

@25a @#/ /bka' drin dran nas rjes su yi rang byed cing/ bdag
kyang de lta bu'i rnam thar 'khyongs par byin gyis brlab tu
gsol snyam pa bya/ da dung rgyas par byed na rje'i rnam thar
dang sbyar nas 'chad na yi rang chen po skye tshabs

che yang ha cang rgyas pas de tsam gyis chog par zhus gsungs/
drug pa chos 'khor bskor bar bskul ba'i yan lag ni/ rje btsun
bla ma dam pa sogs te/ spyir rang gi shes rgyud yongs su dag
na de bzhin gshegs pa'i gsang gsum gyi

snang ba 'bad med lhun grub tu 'byung yang/ chos 'khor bskor
bar bskul ba gnad shin tu che ste/ chos 'khor la lung rtogs
gnyis las/ rtogs pa'i chos 'khor ni rtogs pa'i yon tan gang
zag gcig nas gcig gi rgyud du 'pho ba la

byed cing/ de lung gi chos 'khor bskor ba la rag las/ de yang
gsol ba 'debs pa la rag las pa yin/ 'dir rje'i thugs chos
sku'i nam mkha' la dper byas nas/ mkhyen pa dang brtse ba'i
chu 'dzin te sprin 'khrigs pa las gdul bya

rnams kyi blo yi 'dzin ma stes gzhir gang la gang 'dul gyi zab
pa dang rgya che ba'i chos kyi char pa 'bad med lhun grub tu
dbab tu gsol zhes pa thun mong ba dang/ thun mong ma yin pa
ltar na mkhyen pa stong nyid rtogs pa'i shes rab dang/ brtse
ba

bde ba chen po'i ye shes te/ snying rje'i skad dod ka ru Na
zhes pa bde 'gog la 'jug cing/ de bde ba chen po'i ye shes
la'ang bsgyur du rung ba grub chen sa ra has/ snying rje dang
bral stong pa nyid zhugs pas/ /zhes gsungs pa'i dgongs pa yin

@25b de ltar bde stong gi ye shes de nyid rten brten pa'i
dkyil 'khor gyi 'khor lo mtha' yas pa'i rnam par spros pa
sprin gyi gzugs su bkod nas/ gdul bya'i 'dzin ma ste gdul bya
sa gzhi yin rgyu lta bu byas te dbang bzhi sogs kyis gdul
bya'i rgyud smin par

byas pa'i zhing sar/ mdo ltar na/ thabs kyi cha gsungs pa
rnams rgya che ba dang/ shes rab kyi cha rnams zab pa/ sngags
la/ rgyud sde 'og mar rgya che ba mtshan bcas zab pa mtshan med/
rgyud sde gong ma bla med ltar na rgya che ba bskyed rim/ zab
pa rdzogs

rim ste do lta bu'i zab rgyas kyi chos char dbab tu gsol/ zhes
pa yin/ 'dir chos sku nam mkha'i gzugs su bkod pa sogs gzugs
can gyi rgyun du mdzad/ 'di'i skabs blos lcogs na gser 'khor
rtse bas stong dang ldan pa zhig phul bar mos te mdo

snags spyi bye brag gi chos 'khor bskor ba'i gsol ba sngar
ltar gdab/ de ltar chos kyi 'khor lo bskor ba ni char pa dang
'dra ba ste/ sa gzhi dang 'dra ba'i gdul bya'i rgyud la zab pa
dang rgya che ba'i chos char dbab pas sku gsum gyi lo tog skye
bar 'gyur

bas; de'i phyir chos 'khor bskor bar bskul ba yin gsungs/ dga'
lha 'di nyid kyi gzhung nas gsungs pa'i bzhugs gsol gyi yan
lag gong du song zin kyang/ phur lcog ngag dbang byams pas
gsar bsnan mdzad pa'i rnam dag 'od gsal

ma mtshams 'dir bton kyang chog gsungs/ bdun pa bsngo ba'i yan
lag ni/ bdag gis ji snyed ces sogs gsungs/ 'di yang shin tu
gal che ste/ bsngo ba ma byas na khong khro re res kyang bskal
pa brgya stong du bsags pa'i dge rtsa 'joms par 
 
@26a @#/ /spyod 'jug dang 'jug pa sogs las gsungs pa ltar dang/
bsngo ba byas na bla med byang chub ma thob bar du mi 'dzad de/
blo gros rgya mtshos zhus mdor/ ji ltar rgya mtsho che nang chu
thigs lhung/ /zhes sogs ltar/ dper

na; chu zangs gang la 'o ma thur ma gang blugs nas ro gcig tu
'dres pa ltar yin/ bka' gdams blo sbyong las/ thog mtha' gnyis
la bya ba gnyis/ /zhes gsungs pa ltar dge rtsa gang byas kyang
thog mar kun slong bcos pa dang/ mjug tu bsngo

smon byed pa 'di gnyis gal che/ bsngo bya'i rdzas shig ngos
bzung nas smon lam 'debs pa ni bsngo smon gnyis ka yin/ bsngo
bya'i rdzas med na smon lam las bsngo ba min/ bsngo ba las gang
du bsngo ba/ tshul ji ltar bsngo ba/ bsngo ba'i ngo bo/

bsngo ba'i dpang po sogs dang/ de dag la bden zhen bkag tshul
rnams lam khrid las shes dgos par gsungs/ dge rtsa ni gser rdog
rdog lta bu dang/ bsngo smon ni bzo byed pa dang 'dra bas/ rang
gi dge rtsa de bsngo bya'i rdzas su bzungs nas mthar

thug gi smon gnas rnams su 'dun pa drag pos bsngo/ spyir bsngo
ba'i yul la/ phyag 'tshal ba dang mchod cing bshegs pa dang/
/sogs ltar rdzogs byang du bsngo ba dang/ rgyal sras smon lam
gangga'i klung rnams ni/ /sogs ltar dam chos

'dzin pa'i rgyur bsngo ba/ ston pa bla na med pa'i bstan pa
dang/ /sogs ltar tshe rabs thams cad du bla mas rjes su 'dzin
pa'i rgyur bsngo ba ste gsum las/ 'dir ni bsngo smon gyi mchog
tu gyur pa dam chos 'dzin pa'i rgyur bsngo ba yin/ de yang

@26b bdag gis rje bla ma tshogs zhing du spyan drangs pa dang/
yan lag bdun pa phul ba/ gsol ba 'debs pa sogs dus gsum du bsags
pa'i dge ba'i rtsa ba ji snyed cig mchis pa thams cad rnyed bkur
snyan grags sogs kyi dbang du ma yin

par sems can rnams la gang la gang phan par spyod 'jug smon lam
las gsungs pa bzhin 'gyur ba/ spyir sangs rgyas kyi bstan pa
dang/ khyad par du yang rje tsong kha pa blo bzang grags pa'i
dpal gyi bstan pa lta sgom spyod gsum/

mkhas btsun bzang gsum sogs bstan pa'i snying po dri ma med pa
'di nyid yun ring du gsal byed shog /ces pa'o/ spyir sa dge
rnying ma kar 'brug sogs sangs rgyas kyi bstan pa yin pa tsam
mtshungs kyang/ rtogs brjod 'dun legs

ma las gsungs pa ltar dang po rgya chen thos pa mang du btsal ba
nas bzung ste chang btung tho co sogs spyod ngan gyi dri tsam
yang mi mnga' bar bslab pa gsum gyis rgyud dul ba'i sgo nas zung
'jug gi go 'phang brnyes pa'i bar khyad chos mtshungs zla med pa

yod pas 'dir yang bstan pa'i snying po zhes gsungs pa red/ bstan
pa'i snying po de la'ang zab rgyas dang/ snying po'i snying po/
snying po'i yang snying/ de'i yang yang snying rnams su yod pa
las/ rgya che ba'i bstan pa'i snying po byang sems dang/ rgyud
sde

'og ma'i mtshan bcas/ zab mo'i bstan pa'i snying po stong nyid
dang/ rgyud sde 'og ma'i mtshan med/ snying po'i snying po la
rgya che ba'i snying po'i snying po bla med kyi bskyed rim dang/
zab mo'i de rdzogs rim/ rgya che ba'i snying po'i yang snying
sgyu lus dang/

@27a @#/ /zab mo'i de 'od gsal/ de'i yang yang snying sgyu 'od
zung du 'jug pa mi slob zung 'jug gi lam gyi rim pa rnams spyir
sems can thams cad dang/ khyad par rang rgyud la gsal bar byed
nus par shog snyam pa dang/

nam gzhag rgyun du'ang rje rin po che'i gsung lam rim che chung/
drang nges legs bshad snying po sogs dang/ sngags rim chen mo/
gsang 'dus bde mchog sogs kyi rgyud 'grel dang rim gnyis skor
rnams lhod lhod byas te tshar nyi shu sum cu tsam

bklags nas/ gsung gi gsang ba shin tu zab cing phra ba rtogs
dka' ba yod pa de dag kyang phyin ci ma log par myur du rtogs
nus pa'i gsol 'debs shugs drag bya dgos gsungs/ yan lag bdun po
rnams nyon mongs dug lnga'i gnyen por

'gro lugs/ so so'i lag rjes 'jog tshul rgyas par stsal/ de nas
sbyor chos kyi man ngag 'dir spyar nas maNDal phul la don chen
po gsum gyi gsol 'debs bya/ maNDal grangs gsog byed na sangs
rgyas chos tshogs ma dang sa gzhi spos byugs

sbrags te tshom bu bdun ma nyid grangs gsog /de rnams kyis sbyor
chos kyang tshang/ rgyas par na/ don chen po gsum gyi gsol 'debs
mjug tu dpal ldan sa gsum ma/ mchog gi dngos grub brnyes la gsol
ba 'debs/ /zhes pa'i bar 'don/

deng brtsams ma man chad mjug smon lam gyi skabs su sbyar ba'i
phyag bzhes kyang yod gsungs/ gsum pa gsol ba gad pa cing byin
rlabs zhu ba la gsum las/ dang po dbang bzhi byin rlabs kyi tshul
du zhu ba ni dmigs brtse ma'i sgo nas gsol

@27b ba 'debs pa yin/ de yang bka' gdams glegs bam las/ res 'ga'
gsol 'debs dbyangs kyi gzugs/ /zhes rje btsun 'jam dbyangs gsol
'debs kyi gzugs su sprul bar gsungs pa ni dmigs brtse ma 'di
nyid yin pas 'di byin

rlabs kyi tshan ka shin tu che/ de la'ang srad rgyud lugs dang/
dben sa snyan brgyud lugs so sor dmigs brtse ma bzhi skor/ lnga
skor sogs man ngag gi 'don tshul mi 'dra ba mtha' yas par bzhugs
pa las/ dmigs brtse ma rang rang gi 'don

lugs la rang rang gi man ngag nyams su len tshul re dang las
tshogs re yod/ bla ma chod skabs dmigs brtse ma dgu skor dang/
dga' lha'i skabs 'dir lnga skor byed/ 'di'i snyan brgyud thun
mong ma yin par sku nor bu mdzod 'dzin/ gsung nyi ma snang

byed; thugs gsang ba mdzod 'dzin gyi sems dpa' sum brtsegs dgu
skor gsal gdab cing dbang bzhi dang sbrags nas byed dgos pas/ de
la rje rin po che'i spyi bor 'jam dbyangs phyi nang gsang gsum
bkod pa sku nor bu mdzod 'dzin la brten

nas rje bla ma'i phyi sgrub/ mgrin par spyan ras gzigs phyi nang
gsang gsum bkod pa gsung nyi ma snang byed la brten nas rje bla
ma'i nang sgrub/ thugs kar phyag rdor phyi nang gsang gsum bkod
pa thugs gsang ba mdzod 'dzin nam rje bla ma'i gsang sgrub

yin; 'jam dbyangs phyi nang gsang gsum 'jam dbyangs chos skor
las byung ba ltar dang/ spyan ras gzigs phyi nang gnyis kyang
'jam dbyangs chos skor ltar la/ gsang sgrub ni spyan ras gzigs
rgyal ba rgya mtsho yin/ phyag rdor phyi sgrub gos sngon can

@28a @#/ /dang; nang sgrub phyag g.yas gser gyi rdo rje 'phyar
zhing/ g.yon dril bu dkur brten pa la spyi mgrin snying kha lte
ba gsang gnas rnams su khyung dkar 1 ser 2 dmar 3 ljang 4 sngon
5 po rnams gsal ba las khyung rigs lnga dpag

med 'phro pa'i phyag rdor gtum po khyung lnga/ gsang sgrub phyag
rdor 'khor lo chen po yin/ de ltar gsal btab nas dmigs brtse
ma'i sgo nas gsol ba gdab dgos pas/ 'di la gsum/ phyi mtshungs pa
gsal byed/ nang yon tan de ldan/ gsang

ba lhag pa'i lha dang ngo bo dbyer med du gsol ba gdab pa'o/
/dang po ni/ spyir 'di man gyi dmigs skor rnams dang/ dbang bzhi
byin rlabs sogs kyang bdag gis dga' lha'i man ngag gsal rjen
lhug par bkod pa'i cho ga'i tshig tu gsal ba

ltar la/ dmigs med ces pa snying rje rnam pa gsum las/ dmigs pa
med pa'i snying rje nyan rang rnams kyis chos nyid ji lta ba
rtogs pas de ltar ma rtogs pa'i sems can la snying brtse ba'i
dmigs med la byed gsungs/ phyogs bcu'i rgyal sras

thams cad kyi khrod na snying rje dang/ mkhyen rab dang/ mthu
stobs nus pa phun sum tshogs pa 'phags pa rigs gsum mgon po dang
mtshungs ba su yang med pa bzhin du gangs can mkhas pa thams cad
kyi khrod na shes bya rig pa'i gnas mtha' dag la

mkhas pa rje tsong kha pa dang mtshungs pa su yang med pas/ bdag
kyang mkhas pa lung gi yon tan thams cad dang ldan pa bla ma
khyed rang lta bur byin gyis brlab tu gsol snyam du mang thos
lung gi yon tan dran pa'i sgo nas gsol ba 'debs pa rje bla ma'i
phyi sgrub

@28b yin; kha cig gis/ rje'i mtshan tsong kha zhes par dri ngan
pa'i sgog btsong gi rigs dper byas nas ngan smras skur 'debs
brjod pa yod kyang/ de lta min par don du rje 'di nyid sku
'khrungs yul gyi lung pa'i ming tsong kha lung dang/ chu la
tsong chu/ ri la'ang

tsong kha'i skye ri mthon po zhes btags pa sogs yod pa ltar
'khrungs yul gyi lung pa'i ming 'brel mtshan gyi zur du thogs nas
rje tsong kha pa zhes gsol ba yin gsungs/ gnyis pa ni/ phyogs
bcu'i rgyal ba thams cad la snying rje/ mkhyen rab/ mthu

stobs ji tsam mnga' ba de tsam zhig 'phags pa rigs gsum mgon po
la mnga'/ de gsum la mkhyen brtse nus pa ji tsam mnga' ba de
tsam zhig rgyal ba tsong kha pa la mnga' bas na/ gangs can mkhas
pa thams cad kyi dbus na tshul bzhin bsgrub pa

rtogs pa'i yon tan 'gran zla med pa ni rje bla ma khyod nyid yin
pas/ bdag kyang grub pa rtogs pa'i yon tan kun dang ldan pa bla
ma khyed rang lta bur byin gyis rlobs snyam du gsol ba 'debs pa
rje bla ma'i nang sgrub yin gsungs/ gsum pa ni/ phyogs

bcu'i sangs rgyas thams cad kyi snying rje dang/ mkhyen rab/
mthu stobs gcig tu bsdus pa ni rigs gsum mgon po yin la/ de gsum
mi'i rnam par shar ba rje tsong kha pa chen po yin pas rje bla
ma khyod nyid la gsol ba 'debs so/ /bdag kyang khyed

rang lta bur byin gyis rlobs snyam pas gsol ba 'debs pa rje bla
ma'i gsung sgrub yin gsungs/ de ltar phyi 1 nang 2 gsang 3 gsum
las dang po ni rigs gsum mgon po la yon tan ji tsam mnga' ba
bzhin bod gangs can gyi ljongs 'dir rje bla ma la'ang lung gi

@29a @#/ /yon tan de tsam mnga' bas rje 'di rigs gsum mgon po
dang 'dra ba dang/ gnyis pa ni phyi lung gi yon tan mtshungs pa
tsam ma zad nang rtogs pa'i yon tan yang rigs gsum mgon po dang
mnyam pa'i don te/ de

gsum gyi rtogs pa'i yon tan mtha' dag rje 'di nyid la ldan pa
dang/ gsum pa ni rje bla ma rigs gsum mgon po dang dbyer med du
blta ba yin pas bstod pa rim bzhin che ru song ba yin/ sangs
rgyas thams cad yon tan gyi gtso bo mkhyen

brtse nus gsum ya bral gyis sems can gyi don mdzad thabs med
pas/ de gsum gyi ngo bo rigs gsum gyi rnam par shar ba de nyid
bla ma gcig gi ngo bor 'dus pa'i bdag nyid ni rje 'di yin pas de
yin pa la yin par bltas nas gsol ba

btab na rigs gsum gyi byin rlabs myur du 'jug pa'i gnad yod/
chos rje don rin par 'jigs mdzad rdo rjes lung bstan tshul/ yab
yum la mnal ltas byung tshul/ gsang ba lhag pa'i lha dang ngo bo
dbyer med yin tshul sogs gsang

ba'i rnam thar ltar rgyas par stsal te rje 'di 'jam dpal zhi
khro sogs rigs gsum gyi bdag nyid yin pa yang de dag gis shes/
bla ma'i rnal 'byor gzhan dang mi 'dra bar rje 'di la rigs gsum
spyi sgrub kyi bla ma'i rnal 'byor byung ba yang des yin/

de dag gis rje tsong kha pa chen po rigs gsum gyi bdag nyid du
mos nas gsol ba 'debs pa de song nas/ gnyis pa bka' babs kyi
'phrin las shes rab khyad par can gyi byin rlabs zhu ba ni/ rje
rin po che zhal bzhugs dus dmigs brtse ma la

@29b las tshogs brgya rtsa sogs yod kyang phyis nub nas ma
bzhugs/ rjes su rje sman khang pa la dag snang byung ba'i las
tshogs bcu gcig sogs las tshogs gang yod tshur bsdus nas dmigs
brtse'i be'u bum nang du yod/ dmigs brtse ma 'di la brten

nas zhi rgyas dbang drag gi 'phrin las bsgrub tshul ches mang
zhing/ 'dir skabs su babs pa sangs rgyas kyi go 'phang sgrub pa
la gal che shos su gyur pa shes rab kyi las tshogs sgrub pa yin/
thos bsam sgom gsum sogs dang/ thar pa dang thams

cad mkhyen pa'i go 'phang sgrub pa sogs gang la'ang dad pa dang
shes rab 'di gnyis gtso che/ spyir shes rab ni skyes thob kyi
yon tan yin yang lha dang bla ma la brten nas kyang bsgrub tu
yod pas 'chad rtsod rtsom pa sogs gang gi skabs kyang bla ma

dang lhag pa'i lha la gsol ba 'debs pa gnad yin/ rje'i thugs
ka'i 'jam dbyangs ni/ rang gis lta ba bsgom pa dang 'chad pa
gtso bor byed na 'jam dpal gzhon nur gyur pa/ rtsod pa dang
rtsom pa gtso bor byed na 'jam dbyangs ar ra pa tsa na

gsal 'debs/ de'i thugs kar hUM maM gyis mtshan pa'i maM yig ni
'jam dpal rtsa rgyud du/ blo ldan dang por yi ge ma/ /zhes saM
skr-i ta'i skad kyi rje rin po che'i mtshan gyi thog ma'i ming yig
dang po gsal bar lung bstan pa'i thun mong ma yin pa'i sa bon

yin; shes rab bsgrub tshul dngos la 'jam dbyangs chos skor las/
ma dag 'khrud dang mi shes bsal/ /zhes sogs ltar dmigs skor
gnyis las/ dang po ma dag pa 'khrud pa'i dmigs pa ni/ rje yab
sras gsum gyi thugs ka nas

@30a @#/ /'od dkar po'i spu gu gro sog tsam phu dung brkyangs pa
lta bu byung ba mtho gang tsam gyi mtshams nas gcig tu 'brel ba'i
nang brgyud bdud rtsi 'od zer dang bcas pa'i rgyun babs pas thog
med nas bsags pa'i nad

gdon sdig sgrib spyi dang/ khyad par shes rab rlabs che ba sgrub
pa la bar du gcod pa'i mi mthun phyogs thams cad rnag khrag dang
chu ser/ sbal lcong sdig sbrul sogs kyi rnam par phyir thon nas
lhag med du dag /phyir thon pa de yang gtor ma dang

glud sogs kyi rnam par bsgyur te/ sa 'o rim pa bdun gyi 'og na
'che bdag gshin rje glang dmar po'i rnam par gnas pa kha gdang
der yod pa'i khar byin pas kho ngoms shing tshims nas kha phar
bskor nas bsdad song snyam du bsams na 'chi blu dang tshe sgrub
kyi mchog

tu 'gyur gsungs/ sa gzhi yang gas pa sogs med par sra zhing
brtan par gyur par mos na rten 'brel gyi gnad yod/ ma dag pa
'khrud pa la bdud rtsi dkar po dang/ mi shes pa bsal ba'i skabs
bdud rtsi dmar ser byed/ ma dag 'khrud

pa'i dmigs pa 'di rtsal du bton na yig brgya bzla ba sogs kyi
bshags pa'i go yang chod gsungs/ gnyis pa mi shes pa bsal ba la
dmigs skor bdun las/ dang po sku'i sgo nas shes rab rlabs che ba
sgrub pa ni/ rje yab sras

gsum gyi thugs ka nas thugs rgyud kyi che ba'i mkhyen rab thams
cad bdud rtsi dmar ser gyi rnam par byung bas lus gang/ bdud
rtsi'i rdul phra rab rnams kyang 'jam dbyangs kyi sku'i rnam pa
zil pa phro ma mer yod pa las 'od zer 'phros/

@30b phyogs bcu'i sangs rgyas rnams kyi mkhyen rab thams cad rje
btsun 'jam dbyangs kyi sku'i rnam par spyan drangs nas rang gi
lus la thim pas/ rje rin po ches zhing mchog sgo 'byed las
gsungs pa ltar blang dor gyi gnas rnams rang stobs kyis 'byed
nus pa'i shes rab

rlabs che ba thob par mos/ gnyis pa gsung gi sgo nas shes rab
gsal ba sgrub pa la/ spyir 'di dag gi skabs shes rab rang rang
gi mi mthun phyogs sbyang chog pa man ngag yin pas/ 'di dang 'og
ma la'ang thog mar ma dag pa 'khrud pa'i dmigs pa re sngon du
bya dgos/

'dir dmigs pa gzhan sngar ltar la/ shes rab gsal ba sgrub pa la
gegs byed kyi dri ma sbyang/ rje yab sras kyi gsal ba'i mkhyen
rab thams cad bdud rtsi 'od zer gyi rnam par byung bas dang/
{lus dgar} ? bdud rtsi'i rdul rnams a ra pa tsa'i yig 'bru'i
rnam par gsal ba sogs

nas; kun byang gi chos rnams ku sha'i rtse ltar ma 'dres par
'byed nus pa'i shes rab gsal ba thob par mos/ gsum pa thugs sa
bon gyi sgo nas myur ba'i shes rab sgrub pa la/ de'i gegs byed
sbyang/ rje yab sras kyi thugs ka nas myur ba'i mkhyen rab thams
cad bdud

tsi 'od zer gyi rnam par byung bas lus gang/ bdud rtsi'i rdul
rnams d+hIH hUM gis mtshan pa dang/ maM hUM gis mtshan pa'i rnam
par gnas pa/ de yang maM hUM gi klad kor du 'god pa man ngag
yin gsungs/ ma rtogs pa dang log par rtog pa dang the tshom gyi
bsam pa skyes ma thag

tu ma lus par 'gog nus pa'i shes rab myur ba thob par mos/ bzhi
pa phyag mtshan gyi sgo nas zab pa'i shes rab sgrub pa la/ de'i
mi mthun phyogs sbyang/ rje yab sras kyi zab pa'i mkhyen rab
thams cad bdud rtsi 'od zer dang bcas pa'i rnam par byung bas
lus gang/ bdud

@31a @#/ /rtsi'i rdul rnams glegs ral gyi rnam pa sogs sngar ltar
la/ gsung rab kyi tshig don la gtugs pa med par 'jug pa'i shes
rab zab pa thob par mos/ lnga pa glegs bam gyi sgo nas 'chad
pa'i shes rab sgrub pa ni/ gzhan sngar bzhin

la/ 'chad pa'i shes rab la bar du gcod pa'i dri ma sbyang/ gang
'chad rgyu'i gzhung de dang de'i glegs bam gyi rnam pas lus gang
ba dang/ sangs rgyas thams cad kyi 'chad pa'i mkhyen rab thams
cad glegs bam gyi rnam par spyan drangs nas thims pas 'chad pa
la thogs

pa med pa slob dpon klu sgrub dang thogs med lta bur gyur par
mos/ 'di'i skabs glegs bam dang mnyam du las kyi rigs kyi phyag
mtshan sna tshogs rdo rje gsal btab na gdul bya'i rgyud la phan
thogs shin tu che ba myong grub yin gsungs/ drug pa ral gri'i
'khor

lo'i sgo nas rtsod pa'i shes rab sgrub pa la/ de'i mi mthun
phyogs sbyang ba sngar ltar/ bdud rtsi'i rdul rnams ral gri'i
'khor lo'i rnam par yod pa las 'od 'phros/ ral gri'i 'khor lo ni
ral gri gcig dbus su gyen 'greng gi yu ba'i mtshams su zla gdan
la d+hIH

yig dang/ lte ba'i sgo nga'i bye'u phrug kha lta bur a long gi
'khyud mos bskor ba nas phyir thon te 'phrul nas 'khor chog pa'i
ral gri leb nyal drug la ma reg tsam du zla gdan la oM a ra pa
tsa na ste yi ge 'bru drug gis mtshan pa/ sangs rgyas thams cad
kyi rtsod pa'i

mkhyen rab rnams ral gri'i 'khor lo'i rnam par spyan drangs nas
thims pas rtsod pa la thogs pa med pa phyogs glang chos grags
lta bur gyur pa'i mos pa byed/ rtsod pa'i tshe ral gri'i 'khor lo
g.yas skor du myur bar 'khor bas phyir rgol gyi rmongs pa'i
drwa ba gcod

@31b par bas mtshul/ yang rtsod pa byed skabs 'khor lo g.yon
skor du drag tu 'khor bas pha rol po'i lce du ma bur gcod pa
sogs zhi drag gi dmigs pa'i khyad par byar yod kyang/ 'khor lo
g.yon du 'khor ba'i drag po'i dmigs pa 'di phyi rol pa lta bu
las nang

bas nang par rtsod skabs mi rung ba yin gsungs/ bdun pa rtsom
pa'i shes rab sgrub pa la/ rtsom pa la bar du gcod pa'i gegs
byed sbyangs/ bdud rtsi'i rdul rnams mi shes pa hrib hrib gcod
pa'i ral gri'i 'khor lo dang/ tshig sbyor phun sum tshogs pa ston
pa'i

glegs bam ste glegs ral gnyis ka'i rnam par gnas pa las 'od zer
'phros/ phyogs bcu'i sangs rgyas kyi rtsom pa'i mkhyen rab thams
cad glegs bam dang ral gri'i 'khor lo'i rnam par spyan drangs
nas thims pas rtsom pa la thogs pa med pa slob dpon dpa'

bo dang/ chos rgyal dge ba'i dbang po lta bur gyur bar mos/
yang/ snying khar 'jam dbyangs dang/ lce la dbyangs can ma bkod
tshul sogs kyang gsungs/ de ltar shes rab sgrub skor bdun ka
dkyus gcig tu sgrub pa ma lcogs na 'di tshang ma mnyam du sgrub
pa nges can

du mi dgos pas rtsod pa'i shes rab lta bu skabs su babs pa'i
dmigs skor gang 'dod pa gcig sgrub kyang chog /dga' lha 'di'i
sgo nas shes rab sgrub na khyad shin tu che ste/ bla ma rdo rje
'chang nyid nas dgung lo bcu grangs skabs shig 'di'i steng nas
zla gcig tsam

bsgrubs pas shes rab gang 'dod du 'phel bar byung ba myong grub
yin gsungs/ 'jigs byed kyi zhi khro sbrags sgrub sogs ches shin
tu zab cing myur yang bar gcod kyang ha cang che la/ 'di ni bla
ma'i rnal 'byor dang 'brel bas bar chad chung zhing/ zab myur
gyi

@32a @#/ /khyad chos tshang ba bcas 'di'i sgo nas shes rab sgrub
pa gnad che/ bdud rtsi 'beb sbyang skabs kyi bdud rtsi dang 'od
zer gnyis bde stong gnyis mtshon/ bdud rtsi sna lnga 'od zer dang
bcas pas nyon mongs lnga sbyong ba dang/

ye shes lnga thob tshul sogs 'di dag gi mtshon don yang rgya che/
gong gi rigs gsum mgon po phyi nang gsang gsum rje yab sras gsum
ka'i gnas gsum du bsgom pa dang/ yang lugs gcig la rje la 'jam
dbyangs phyi nang gsang gsum dang/ de

bzhin rgyal tshab la spyan ras gzigs/ mkhas grub rje la phyag
rdor phyi nang gsang gsum gsal ba dang/ yang/ gsang bde 'jigs
gsum bkod nas de dag gi sngags bzla ba dang/ rigs gsum zhi
khro'i las tshogs sogs las tshogs rnams kyang

sgrub chog /gzhan yang nad rigs zhi ba sogs kyi dmigs pa kha
bsgyur tshul paN chen dpal ldan ye shes kyi gsung las tshogs kha
tshar can sogs su'ang yod/ rang la 'jigs pa byung ba lta bu'i tshe
rje bla ma'i skyabs sbyin gyi phyag rgya'i 'og tu rang chud pa'i

mos pa bya ba sogs dmigs brtse ma 'di la dmigs skor dang man
ngag mi 'dra ba mtha' yas pa bzhugs pas dmigs brtse ma'i be'u
bum nang du 'khod pa'i dga' lha'i khrid kyi skor sogs zhib par
bla ma mnyes pa'i zhal las shes dgos pa yod gsungs/

de nas thun mong ma yin pa'i dmigs skor lnga'i skabs tshig re
dang dmigs pa re sprags nas byed pa sogs kyang dam pa gong ma'i
man ngag bzhin kho bo'i chog sgrigs kyi yig chung ltar bya/
dmigs skor tha ma'i dmigs pa dang sbrags te 'bum phrag gcig

@32b bzlas na rje bla mas zhal gzigs pa 'jam dbyangs bzhad pa'i
rdo rje'i gsung rgyun yin/ blo bzang grags pa'i zhabs la zhes
pa'i bar der mtshams bzhag nas/ rje rin po che/ 'jam dbyangs dmar
ser/ rtsa ba'i bla ma'i rnam pa rnams res mos kyis gang gsal ba
de

la sems gzung/ gsol ba 'debs zhes 'dod pa gsol ba yin/ dmigs rim
dang po nas lnga pa'i bar gyi mi 'dra ba'i khyad par rnams blo
la nges par byas te dmigs pa byed/ dmigs skor lnga pa'i dmigs pa
dang sbrags te dmigs brtsem 'bum bzla ba'i

dbang du gtang na/ thun dang po la gong gi dmigs pa lnga las
snga ma bzhi po lan re byas te/ de nas dmigs pa lnga pa 'di sha
stag byed bzhin grangs gsog /ma mtha' dmigs pa 'di dang sbrags
nas dmigs brtse ma lan bdun re nges par 'don dgos gsungs/

gsum pa lam yongs rdzogs la byin rlabs spungs zhus kyi tshul du
zhu ba ni/ lam yongs rdzogs kyi shar sgom byed par gsungs pas
yon tan gzhi gyur ma lta bu'am/ yang na/ kho bo'i dga' lha rgyas
phar shar sgom bya tshul tshigs bcad gsar rtsom yod pa 'di'i steng

nas bya/ rab lam rim sogs la myong ba bton/ ma mtha' 'di lta
bu'i sgo nas shar sgom mdor bsdus re byas na lam yongs rdzogs la
bag chags 'jog thub pa'i khyad yod/ de ltar ma lcogs na/ thos
bsam sgom pa'i shes rab 'phel du gsol/ /zhes sogs

tshigs bcad gnyis brjod de cung bsdus pa'i tshul du byas chog
gsungs/ gsum pa tshogs zhing bsdu ba ni/ tshogs zhing gzhan gsal
btab yod na de rnams dang sras gnyis bcas rje rin po che la
thim/ 'khor gzhan gsal med na sras gnyis rje la thim/

@33a @#/ /seng khri pad zla sogs kyang rje'i seng khri pad zla la
thim/ rang gi lus kyi dbus su rtsa dbu ma dang/ snying padma
'dab brgyad du gsal ba la/ dpal ldan rtsa ba'i gsol 'debs dang
po'i tshe rje bla ma je chung je chung gis mthar

rgya sran tsam du gyur pa snying padma 'dab brgyad kyi dbus su
byon te padma bum sku kha bsdu ba sogs byed pa ni thun mong ba
dang/ 'di'i steng thun mong ma yin pa ni/ sras kyi thu bo gnyis
rje bla ma'i sku dpung g.yas g.yon gyi thad nas thims pa rje'i
phyag gi pad

sdong g.yas g.yon gyi steng du spyan ras gzigs dang phyag rdor
du gyur pa'i rje rigs gsum mar gsal ba dpal ldan rtsa ba'i sogs
kyi gsol 'debs lan dang po'i tshe rang gi spyi bor byon te rang
dang kha blta phyogs mthun par bzhugs/ rang gi snying rtsa

'dab brgyad kyi tshul du gsal ba rlung nang du 'du ba la phan
phyir rtsa dbu ma'i nang du yod par bsam/ 'dir dpal ldan zhes pa
sngags kyi chos skad thun mong ma yin pa ste sgyu 'od zung 'jug
gi dpal dang ldan pa la byed/ dpal ldan rtsa ba'i lan gnyis pa'i

skabs rje bla ma'i khri pad tshangs bug nas snying kha'i rtsa
'dab la dbyer med du thims pa padma 'dab brgyad du gyur/ zla
nyi'i gdan kyang snying kha'i mi shigs pa'i thig le steng dkar
'og dmar kha sbyor gyi rnam pa can la thims pas nyi zla'i gdan
du gyur/ rje bla ma yang

dbu ma'i nang nas mar byon te thig le'i dbus su rang gi rlung
sems hUM yig dkar la dmar ba'i mdangs can du gsal ba de la
thim/ de 'od du zhu nas shin tu phra ba'i gnyug ma'i rlung des
nyer len dang/ bla ma'i sku des lhan cig byed rkyen byas pa la
brten nas

@33b shin tu phra ba'i rlung de sku dag pa sgyu ma'i sku rje bla
ma sku mdog dkar la dmar ba'i mdangs chags pa'am/ sku mdog dkar
por bzhengs kyang chog /'di dkar por byed pa sgrub gzhi srog
'dzin gyi rlung kha dog dkar bas yin/ shin tu phra ba'i sems des
nyer

len dang/ bla ma'i thugs des lhan cig byed rkyen byas pa la
brten nas shin tu phra ba'i sems de thugs ngag pa bde chen 'od
gsal chos kyi skur gyur/ rlung de'i gdangs shin tu phra ba'i
ngag des nyer len dang/ bla ma'i gsung des lhan cig byed rkyen
byas pa

la brten nas shin tu phra ba'i ngag gsung rdo rjer gyur/ de ltar
bla ma yi dam rang sems gsum ngo bo dbyer mi phyed pa'i sku
thugs zung 'jug nges pa lnga ldan 'bras dus kyi longs sku dngos
de nga'o snyam du nga rgyal bya ba sgyu lus nang ldang gi dmigs
pa skyong tshul

yin/ skabs 'di'i sgyu lus pa'i sku gsang bde 'jigs gsum gang la
mos pa der bzhengs kyang chog /bla ma chod skabs rdo rje 'chang
du bzhengs pa yin/ bde mchog tu bzhengs na yum sku mdog dmar po
byed dgos pa bde mchog gi sgos chos yin/ da

dung 'di la brten nas 'od gsal dang sgyu lus bsgrub tshul/ rdo
rje'i bzlas pa/ bsre ba skor dgu sogs kyang sbyar du rung/ 'on
kyang sbyar ches na/ tsU ta'i yul du phyin pa na/ /rkang gnyis
pa la mir mi rtsi/ /zhes pa ltar 'gyur du dogs pas re zhig

de tsam gyis chog par zhus gsungs/ dga' ldan gyi zhing nas byams
mgon gyi thugs ka'i rje bla ma dang rang gi snying kha'i rje bla
ma'i bar sprin dkar po'i thag pa phra mo ma chad par rgyun du
gsal 'debs pa 'pho ba'i man ngag zab gnad can yin/ de nas

@34a @#/ /dpal ldan rtsa ba'i lan gsum pa brjod de snying padma
'dab ba rgyad kha zum pa'i phyi nas dmigs brtse ma dang sngags
phreng gi thag pas dkri pa sogs chog sgrigs ltar bya/ snying gi
rtse mor rdo rje rtse lnga pa phyed pa shin tu lci ba

ri rab lta bus lci yor gyis mnan par bsams na snying rlung mi
'jug pa'i khyad yod/ bar chad srung pa'i phyir snying padma bum
sku dang rtsa dbu ma'i nang gi bar stong spyi gtsug man thams
cad kyang dmigs brtse ma dang/ a ra pa tsa dang ad+hi ShShRi ?
te'i sngags kyis

khengs te bug stong phra mo tsam yang med par bsam/ de nas rgyal
mchog bskal bzang gi dga' lha'i khrid yig tu gsungs pa'i dga'
ldan lha brgya ma'i smon lam/ de ltar dngos grub ma lus zhes
sogs yod pa 'di bton/ gzhan yang/ dpal ldan

sa gsum ma'i smon lam deng brtsams ma dang/ tshe rabs kun tu
sogs/ lam rim smon lam/ dge ldan bstan pa rgyas pa'i smon lam
sogs bsngo smon gyi rgyas 'debs nan tan bya gsungs/ de nas thun
mtshams su'ang bza' btung gi tshe kha

zas rnams bdud rtsir byin brlabs te snying kha'i rje bla ma la
phul bar mos/ chos gos rnam gsum sogs gyon pa yang snying kha'i
bla ma la phul bar bsam/ sgo gsum gyi bya ba gang byas thams cad
snying kha'i rje bla ma de nyid dpang po'i tshul du byed pa

las bag med pa'i rigs mi byed pa dang/ mi gzhan gyis rang la
phyag 'tshal ba lta bu'i tshe'ang snying kha'i rje bla ma la 'tshal
bar mos pa/ gzhan la phar phyag dbang gnang ba dang/ bka' bsgo
byed pa/ srung mdud sbyin pa tshun chad snying kha'i rje bla ma'i
yin

@34b snyam pa byas na rang gzhan gyi tshogs rlabs po che rdzogs
shing/ ma mtha' bsod nams zad yong snyam pa'i snying chung chung
yang byed mi dgos/ dge sbyor thams cad kyi srog gcig pu bla ma'i
rnal 'byor 'di lta bu nyams su blangs na gtan gyi 'dun ma

rlabs po che myur du 'grub cing/ lhag par dga' ldan lha brgya
ma'i bla ma'i rnal 'byor 'di ni shin tu lag tu blang bde la/ bla
ma'i man ngag dang sbyar ba'i zab gnad kyang khyad par can yod
pas rang cag rnams kyis cis kyang 'di la brtson pa drag po'i sgo
nas nyams

su blangs te dal 'byor gyi rten la snying po mchog tu lon pa
zhig nges par byed dgos pa yin/ de lta bu'i gdams pa yang khrid
yig dngos grub kun 'byung 'di ga'i steng nas bdag gi drin can
rtsa ba'i bla ma don gyi slad du mtshan nas smos te mtshan brjod
par dka' ba

sgo mang mkhan chen rdo rje 'chang mkhyen rab bstan pa chos
'phel dpal bzang po'i zhal snga nas khrid rgyun dang man ngag
zhal shes yongs su rdzogs pa legs par thob/ gzhan du dga' lha
rang gi rtsa tshig gi steng nas kyang bkra shis lhun po'i thos
bsam gling mkhan po

rin po che/ lung rtogs kyi yon tan spyi dang/ khyad par du zab
mo'i lta ba'i sgo nas grub pa'i go 'phang mthon por gshegs pa'i
bdag nyid chen por gyur pa rtsa ba'i bla ma 'jam dpal dkon mchog
chos 'phel gyi zhal snga nas zab khrid man ngag rnams legs par

thob pa yin gsungs/ gang zhus pa de dag tshang mas phyag len la
thebs pa zhig cis kyang nas bka' drin skyong bar zhu/ bdag gis
ji snyed bsags pa'i dge ba 'dis/ /zhes sogs dgyes bzhin du 'doms
par mdzad do/ /de nas slob ma rnams kyis phyag bzhes

@35a @#/ /ltar maNDal tshigs bcad dang bcas pa dang/ bla slob lhan
cig pas ring 'bad ma/ mdor na dpal ldan bla ma'i/ chos kyi rgyal
po/ bdag dang gzhan gyi sogs gsungs nas bstan pa dang 'gro ba'i
don du thugs smon

rgya chen po'i bka' drin stsal to/ /de ltar dga' ldan lha brgya
ma'i gsung bshad brjed byang 'di ni/ pha bla ma bka' drin 'khor
med chen po de nyid kyi drung nas zab rgyas gdams pa'i bdud rtsi
mod mi dma' ba'i skal bzang thob kyang/ rmongs rtul/ snyom

las/ don min rnam g.yeng du ma'i khur gyis dub pa 'dan grwa su
d+hi'i ming can gyis/ rnam 'dren dam pa nyid las 'di'i zab khrid
lan kha yar nos pa'i zin tho las rang bzo med par/ rab byung bcu
drug pa'i me phag lor lha klu dga' tshal du bris pa/

drin can bla ma rdo rje 'chang gis tshe rabs kun tu dgyes bzhin
'rjes su 'dzin cing/ bka' bzhin sgrub pa'i mnyes mchod kho nar
gzhol nus pa'i rgyur gyur cig/ 'gro don 'phel// dge'o// //