@/ /shes rab kyi pha rol tu phyin pa'i man ngag gi bstan bcos mngon
par rtogs pa'i rgyan gyi tshig don gsal bar byed pa'i rtsa TIka chen
mo bzhugs so/ /

@01a @#/ /rje btsun dam pa dmigs pa med pa'i thugs rje chen po dang
ldan pa rnams kyi zhabs la gus pas phyag 'tshal lo/ /rab 'byams rgyal
ba'i gtsor gyur nyi ma'i gnyen/ /gang de'i sras mchog mi pham 'jam
dbyangs

dang; ;nyid kyis lung bstan thogs med sku mched la/ /gus pas 'dud do
brtse ba'i lcags kyus bzungs/ /sbas don mngon rtogs mnga' brnyes
seng ge bzang/ /snyigs dus rgyal ba gnyis pa tsong kha pa/ /bslab
gsum nor bu'i

mdzod 'dzin rgyal tshab sogs/ /lam rim brgyud pa'i bla ma rnams la
'dud/ /de la 'dir shes rab kyi pha rol tu phyin pa'i man ngag gi bstan
bcos mngon par rtogs pa'i rgyan ces bya ba 'di 'chad pa la gsum/
mtshan gyi don/ gzhung gi

don; mjug gi don no/ /dang po la gnyis las dngos dang/ zhar byung
ngo/ /dang po la/ mtshan bsgyur ba dang/ mtshan bshad pa'o/ /dang po
ni/ rgya gar na skad rigs chen po mi 'dra ba bzhi yod pa las/ legs par
sbyar ba saM skr-i

ta'i skad du bstan bcos 'di'i mtshan la a b+hi sa ma ya nas shA sta'i bar
ro/ /de bod skad du bsgyur na shes rab sogs te/ a b+hi sa ma ya ni
mngon par rtogs pa/ a laM kA ra ni rgyan/ nA ma ni zhes bya ba/ pra
dznyA pA ra mi ta ni shes phyin/ 

u pa de sha ni man ngag/ shA stra ni bstan bcos la 'jug pa'i phyir/
gnyis pa ni/ bstan bcos 'di chos can/ khyod la shes rab kyi pha rol tu
phyin pa'i man ngag ces bya ste/ skabs 'di'i sher phyin ni lam 'bras
sogs brjod byar

@02a @#/ /byed pa'i bshad bya rtsa ba'i mdo rgyas 'bring bsdus gsum yin
la/ khyod la brten nas de'i don bde blag tu rtogs par byed pas de
ltar brjod pa'i phyir/ de chos can/ bstan bcos zhes bya ste/ 'chos
skyob kyi

yon tan gnyis dang ldan pa'i phyir/ de chos can/ mngon par rtogs
pa zhes bya ste/ khyod la brten nas mngon rtogs brgyad kyi rim pa
la mngon du phyogs pa'am mngon sum du rtogs par byed pas de ltar
brjod pa'i phyir/ de chos can/ rgyan

ces bya ste/ rang bzhin gyi rgyan skyes bu'i gzugs bzang po la mdzes
byed kyi rgyan rna cha gdu bu la sogs pas spras pa/ gsal byed me
long la sogs pa'i nang du shar ba mthong na skye bo rnams dga' pa
skyed pa ltar/ rang bzhin gyi rgyan

yum gyi lus bzang po la mjos byed kyi rgyan don bdun cus bkra ba/
gsal byed bstan bcos 'dir snang bas na mkhas pa rnams dga' ba skyed
pa'i phyir/ rgyan dang ming de skad sgrogs par byed pas zhes bya ba
zhes brjod pa'i phyir/

gnyis pa zhar byung 'gyur phyag ni/ sangs rgyas dang byang chub
sems dpa' thams cad la phyag 'tshal lo/ /zhes te gnas skabs dang
mthar thug gi don du ma 'grub pa'i ched du sgyur byed rnams kyis
mdzad pa'i phyir/ gnyis pa la gsum/

mchod brjod dang/ rgyas pa la dad pa'i gang zag la phye ste bshad
pa/ bsdus don gzhan bstan pa'o/ /dang po la gnyis/ bstod pa dang/
phyag 'tshal ba'o/ /dang po la gnyis/ mkhyen gsum gyi yon tan gyi sgo
nas bstod pa dang/ 'phags bzhi'i

@02b yum byed pas bstod pa'o/ /dang po la gsum las/ dang po ni/ rje
btsun byams mgon chos can/ khyod kyis gzhi shes la bstod phyag
mdzad pa yin te/ rten gyi gang zag nyan thos dang rang sangs
rgyas sdug kun nye bar zhi ba

'tshol ba po rnams/ thabs gang zag gi bdag med mngon sum du rtogs
pa'i kun shes nyid kyis/ 'bras bu sdug bsngal kun 'byung rags pa lhag
ma med par nye bar zhi ba'i nyer zhir 'khrid par mdzad pa gang yin
pa de la 'dud par

mdzad pa yin pa'i phyir/ gnyis pa lam shes la bstod phyag mdzad pa
yin te/ rten gyi gang zag 'gro ba la gnas skabs dang mthar thug gi
phan pa sgrub par byed pa'i byang chub sems dpa' rnams/ lam gsum
bdag med par rtogs

pa'i lam shes nyid kyis/ 'bras bu 'jig rten rigs can gsum gyi don sgrub
par mdzad pa gang yin pa de la 'dud par mdzad pa'i phyir/ gsum pa
rnam mkhyen la bstod phyag mdzad pa yin te/ rten gyi gang zag shu
ba pa sangs rgyas bcom ldan  

'das rnams/ thabs rnam pa ma lus pa bdag med par mkhyen pa'i rnam
mkhyen gang dang yang dag par ldan pas/ 'bras bu theg pa gsum gyi
lam yongs su rdzogs pas brjod bya rnam pa kun dang ldan pa'i mdo
sde rin po che sna tshogs pa 'di

gsungs par mdzad pa de la 'dud pa yin pa'i phyir/ gnyis pa ni/ rje
btsun byams mgon gyis mkhyen gsum la rang sras 'phags pa bzhi'i
yum byed pa'i sgo nas bstod phyag mdzad pa yin te/ nyan thos 'phags
pa dang byang chub sems

dpa'i tshogs dang bcas pa'i sangs rgyas kyi ni yum de la 'dud pa yin pa'i
phyir/ gnyis pa ni/ mkhyen gsum de la phyag 'tshal ba yin te/ rje btsun
gyis mkhyen gsum la sgo gsum gus pa'i sgo nas 'dud pa yin pa'i phyir/
gnyis pa

@03a @#/ /rgyas pa la dad pa'i gang zag la phye ste bshad pa la gsum/
bstan bcos kyi dgos pa'i don dang/ bsdus pa'i don dang/ tshig gi don
no/ /dang po ni/ bstan bcos 'di chos can/ brjod par bya ba'i don khyad
par

can dang ldan pa yin te/ rnam pa thams cad mkhyen pa nyid kyis
mngon sum du gzigs shing/ der bgrod pa'i lam chos spyod bcu gnas
skabs mngon par rtogs pa brgyad du phye ba ston pas yum gsum po
'di las bshad pa gang yin pa

de khyod kyi brjod bya yin pa'i phyir/ mngon par rtogs pa brgyad kyi
rim pa de chos can/ gang zag gang yang rung bas rdzogs par nyams
su myong ba ma yin te/ phyi rol pa dang nyan rang sogs gzhan gyis
myong ba ma yin pa'i phyir te/ de

rnams kyis shin tu rgyas pa'i sde snod dang de'i dgongs 'grel gyi
bstan bcos la thos bsam sgom gsum gang yang ma byas pa'i phyir/
bstan bcos 'di chos can/ khyod kyi nyid dgos yod de/ mdo don rtogs
pa la brten nas

rnam mkhyen mtshon byed kyi sems bskyed la sogs pa'i chos spyod
bcu'i bdag nyid kyi mdo'i don thos bsam gyi dran pa la bzhag nas blo
dang ldan pas byang chub sems dpa' rnams kyis mngon sum du
mthong bar 'gyur ba'i phyir/

bstan bcos 'di brtsams pa la yum gyi mdo dang zlos skyon med de/ 'di
la brten nas mdo'i don bde blag tu ste tshegs chung ngus rtogs pa
zhes bya ba ni bstan bcos 'di rtsom pa'i dgos pa yin pa'i phyir dang/
gzhung gis bstan

tshul ni/ rkang pa dang po gnyis kyis brjod bya dang/ de nas gcig gis
khyad par dang/ de nas gsum gyis nyid dgos dang/ tha ma gnyis kyis
dgos pa dngos su bstan nas bstan bcos kyi 'brel ba shugs la bstan
pa'i phyir ro/ /

@03b gnyis pa la gnyis/ lus mdor bstan pa dang/ rgyas par bshad pa'o/
/dang po la gnyis/ 'chad bya 'chad byed mdor bstan pa dang/ 'chad
byed kyi rkang grangs so/ /dang po ni/ bstan bcos 'di chos can/
khyod kyis gzhung shes rab kyi pha rol tu phyin pa yum rgyas 'bring
bsdus

gsum ni yang dag par gtan la phab pa yin te/ rjod byed kyi tshig skabs
brgyad du phye ba dang brjod bya'i don gyi dngos po yang mngon
rtogs brgyad du phye ba nyid kyis yang dag par te/ phyin ci ma log
par rdzogs par bshad pa'i phyir/ gnyis pa la gsum/ mkhyen pa

gsum; sbyor ba bzhi/ chos sku'i/ /dang po la gsum gyi/ dang po rnam
mkhyen la/ sems bskyed sogs chos bcu mngon sum du rtogs pa'i
mthar thug pa'i ye shes/ rnam mkhyen gyi mtshan nyid/ skabs 'dir de
ltar 'jog pa'i rgyu mtshan yod de/ rang gi thob bya'i rnam

mkhyen de'i rtogs bya bstan pa nyid kyis theg pa chen po'i lam spyi'i
lus blo yul du 'char ba zhig dgos pas de rtogs pa'i ched yin pa'i
phyir/ mtshon bya ni/ rnam kun mkhyen nyid ces so/ /de la dbye na/
shes bya'i rnam pa ma lus pa mkhyen pa'i rnam mkhyen dang/ rgyu

'bras gtso bo'i don bcu mngon sum du rtogs pa'i rnam mkhyen gnyis/
sa mtshams sangs rgyas kyi sa kho na la yod/ gnyis pa lam shes la/
rang rgyud ldan gyi gang zag de'i rgyud kyi stong nyid mngon sum
du rtogs pa'i shes rab kyis zin pa'i theg chen 'phags pa'i mngon rtogs/

lam shes kyi mtshan nyid/ mtshon bya ni/ lam shes nyid/ ces bya'o/ /dbye
na nyan thos kyi lam shes pa'i lam shes sogs gsum yod/ sa mtshams
theg pa chen po'i mthong lam nas sangs rgyas kyi sa'i bar na yod/
gsum pa gzhi shes la/ rang rgyud ldan gyi gang zag de'i rgyud kyi
gang

zag gi bdag med mngon sum du rtogs pa'i shes rab kyis zin pa'i ye
shes gang zhig/ theg dman gyi rtogs rigs su gnas pa/ gzhi shes kyi
mtshan nyid/ mtshon bya ni/ de nas thams cad shes pa nyid/ /ces so/ /dbye
na theg pa gsum gyi 'phags pa'i gzhi shes gsum/ sa mtshams  

@04a @#/ /ni theg pa gsum gyi 'phags pa mtha' dag gi rgyud la yod/
gnyis pa la bzhi/ dang po rnam rdzogs sbyor ba la/ mkhyen gsum gyi
rnam pa bsdus nas sgom pa'i shes rab kyis zin pa'i sems dpa'i rnal
'byor/ de'i mtshan nyid/ mtshon bya ni/ rnam kun

mngon rdzogs rtogs pa dang/ /zhes so/ /dbye na rnam pa brgya bdun
cu rtsa gsum sgom pa'i sems dpa'i rnal 'byor brgya bdun cu rtsa
gsum mo/ /sa mtshams theg chen gyi tshogs lam nas rgyun mtha'i bar
ro/ /gnyis pa rtse sbyor la/ stong nyid la dmigs pa'i sgom byung gi
shes

rab kyis zin pa'i sgo nas mkhyen gsum bsdus sgom theg chen gyi
tshogs lam las rab tu gyur pa'i shes rab kyis zin pa'i sems dpa'i rnal
'byor/ rtse sbyor gyi mtshan nyid/ mtshon bya ni/ rtse mor phyin dang/
zhes so/ /dbye ba ni/ bsdu na bzhi dang/ rgyas par dbye na brgya

bdun cu rtsa gsum mo/ /sa mtshams theg chen gyi sbyor lam drod nas
rgyun mtha'i bar na yod/ gsum pa mthar gyis pa'i sbyor ba la/ mkhyen
gsum gyi rnam pa la brtan pa thob don du mkhyen gsum gyi rnam pa
rim can du sgom pa'i shes rab kyis zin pa'i sems dpa'i rnal 'byor/

mthar gyis pa'i sbyor ba'i mtshan nyid/ mtshon bya ni mthar gyis pa zhes
so/ /dbye na bcu gsum mo/ /sa mtshams theg chen gyi tshogs lam nas
rgyun mtha'i snga logs kyi bar ro/ /bzhi pa skad cig ma'i sbyor ba la/
rang gi nyer len du gyur pa'i mthar gyis pa'i sbyor ba'i stobs

las byung ba'i sems dpa'i rnal 'byor mthar thug/ skad cig ma'i sbyor
ba'i mtshan nyid/ mtshon bya ni/ skad cig gcig mngon rdzogs byang
chub/ /ces so/ /dbye na bzhi/ sa mtshams rgyun mtha' kho na la yod/
gsum pa chos sku la/ rang 'thob byed kyi thabs su gyur pa'i

mkhyen gsum gyi rnam pa bsgoms stobs kyis thob pa'i thob bya mthar
thug/ 'bras bu chos sku'i mtshan nyid/ mtshon bya ni/ chos kyi sku dang/
zhes so/ /dbye na sku bzhi'o/ /sa mtshams sangs rgyas kyi sa kho na la
yod/ de rnams kyi grangs bsdu ba ni/ de rnams brgyad/ ces

@04b pas 'chad do/ /gnyis pa lus rgyas par bshad pa la gsum/ mkhyen
pa gsum gyi lus bshad pa dang/ sbyor ba bzhi'i lus bshad pa dang/
chos sku'i lus bshad pa'o/ /dang po la gsum/ rnam mkhyen/ lam shes/
gzhi shes kyi lus bshad pa'o/ /dang po la gnyis/

chos bcu'i rang bzhin bshad pa dang/ bstan bshad sbyar ba'o/ /dang
po la gsum/ bsam pa dam bca' sems bskyed bshad pa dang/ dam bca' ba'i
don sgrub pa'i thabs ston pa'i gdams ngag bshad pa dang/ dam bca'i
don sgrub byed kyi sgrub pa bshad pa'o/ /dang po

ni; sems bskyed pa dang/ zhes pa la/ rang gi grogs su gyur pa'i gzhan
don du rdzogs byang thob par 'dod pa'i 'dod pa dang mtshungs ldan
du gyur pa'i theg chen lam gyi 'jug sgo'i rigs su gnas pa'i theg chen
gyi sems khyad par can de/ theg chen sems bskyed kyi mtshan

nyid; dbye na nyer gnyis/ sa mtshams ni theg chen gyi tshogs lam nas
sangs rgyas kyi sa'i bar ro/ /gnyis pa ni/ gdams ngag dang zhes pa la/
theg chen sems bskyed kyi ched du gnyer bya thob pa'i thabs ma nor
bar 'doms pa'i theg chen gyi rjod byed rnam dag/ theg chen gyi

gdams ngag gi mtshan nyid/ dbye na bcu'o/ /sa mtshams lam ma zhugs
nas sangs rgyas kyi sa'i bar ro/ /'dir bstan pa'i gdams don gyi gtso bo
ni sangs rgyas kyi gsung yin no/ /gsum pa la stong nyid rtogs pa'i
sgom byung gi sgrub pa'i thog ma ngos gzung ba dang/ sgrub pa

spyi'i rnam gzhag go/ /dang po ni/ nges 'byed yan lag rnam bzhi dang/
zhes pa la/ thar pa cha mthun rdzogs rjes su skyes pa'i rigs su gnas
pa'i theg chen gyi mos spyod kyis sa bsdus pa'i mngon rtogs/ theg
chen gyi nges 'byed yan lag gi mtshan nyid/ dbye na bzhi/ gnyis pa la

gnyis; sgrub pa'i rten dang/ brten pa sgrub pa'o/ /dang po ni/ sgrub pa
yi ni/ zhes sogs la/ byang chub sems dpa'i rgyud kyi chos dbyings
gang zhig/ theg chen sgrub pa'i rten gzhi byed pa/ theg chen gyi
sgrub pa yi ni rten du gyur pa'i chos kyi dbyings gyi rang bzhin du
gnas pa'i

@05a @#/ /rigs kyi mtshan nyid/ brten pa'i chos kyi sgrub pa'i sgo nas dbye
na/ 'dir smos bcu gsum dang/ theg chen gyi tshogs lam mo/ /sa mtshams
'dir dngos su bstan pa ni theg chen gyi sbyor lam drod nas dang/
spyir ni theg chen gyi tshogs lam nas rgyun mtha'i bar

ro; ;gnyis pa la gsum/ theg chen gyi sgrub pa'i dmigs pa dang/ ched
du bya ba dang/ sgrub pa'i dbye ba'o/ /dang po ni/ dmigs pa dag dang/
zhes pa la/ theg chen gyi sgrub pa'i sgro 'dogs bcad pa'i gzhi/ theg
chen gyi sgrub pa'i dmigs pa'i mtshan nyid dang/ dbye na

bcu gcig go /gnyis pa/ ched dang ni/ zhes pa la/ gang gi ched du
sgrub pa la 'jug pa'i thob bya mthar thug/ theg chen gyi sgrub pa'i
ched du bya ba'i mtshan nyid/ dbye na chen po gsum/ sa mtshams ni
sangs rgyas kyi sa kho na la yod/ gsum pa la/ spyir ni theg chen sems

bskyed la brten nas chen po gsum sgrub pa'i bya bas zin pa'i sems dpa'i
mngon rtogs/ theg chen gyi sgrub pa'i mtshan nyid/ dbye na bzhi las/
dang po ni go cha/ zhes pa la/ phar phyin drug po re re'i nang du
drug drug tshang bar bsdus nas nyams su len par 'dod

pa'i bsam pa rgya chen pos zin pa'i sems dpa'i rnal 'byor/ go sgrub kyi
mtshan nyid/ dbye na drug/ sa mtshams theg chen gyi tshogs lam nas
rgyun mtha'i bar ro/ /gnyis pa la/ 'jug pa'i bya ba dang/ zhes pa la/
theg chen gyi rgyu 'bras kyi chos ci rigs pa sbyor ba

gtso bor gyur pa'i sgo nas nyams su len pa'i sems dpa'i rnal 'byor/
'jug sgrub kyi mtshan nyid/ dbye na dgu/ sa mtshams theg chen gyi
sbyor lam drod nas rgyun mtha'i bar ro/ /gsum pa ni/ tshogs ni zhes
pa la/ tshogs gnyis rgya chen pos zin pa'i sgo nas theg

chen gyi sbyor lam chos mchog 'bring man chad las khyad par du
'phags shing/ rang 'bras byang chen 'byin pa'i sems dpa'i rnal 'byor/
tshogs sgrub kyi mtshan nyid/ dbye na bcu bdun/ sa mtshams theg chen
gyi sbyor lam chos mchog chen po nas rgyun mtha'i bar ro/ /

@05b bzhi pa ni/ nges par 'byung/ zhes pa la/ rnam mkhyen du gdon mi
za bar nges par 'byin pa'i dag sa'i rnal 'byor/ nges 'byung sgrub pa'i
mtshan nyid/ dbye na brgyad/ sa mtshams dag 'byung sgrub pa'i mtshan
nyid/ dbye na brgyad/ sa mtshams dag pa no/ chos bcu

po des rnam mkhyen mtshon tshul yang/ sems bskyed sogs chos bcu bo
rnam mkhyen gyi rgyu yin bas rgyus 'bras bu mtshon pa'i tshul la cung
zad bshad du yod kyang/ dgongs pa ni yul gyis yul can mtshon pa'i
tshul yin la/ de'i dgos pa yang/ rang gi don du gnyer bya'i

rnam mkhyen de'i rang bzhin ni chos bcu po 'di mngon sum du rtogs
pa'o zhes bshad pa na/ de rtogs pa'i tshul yang/ dang por byang chub
mchog tu sems bskyed/ de nas sgrub pa bzhi'i rim pas nyams su blangs
nas mthar chen po gsum mngon du gyur par bstan pas/ rang

gi thob bya'i rnam mkhyen des mngon sum du rtogs par bya ba'i chos
bcu po bstan pa tsam gyis/ theg pa chen po'i lam spyi'i lus blo yul du
shar nas/ rang gi thob bya'i 'bras bu'i rang bzhin shes pa'i ched du
yin no/ /sems bskyed theg chen lam gyi 'jug sgor shes pa

sogs dgos pa'i dbang gis sgrub pa'i rten bar du bstan kyang skye rim
gyi dbang du byas na dang por rigs sad/ de nas byang chub mchog
tu sems bskyed de sgrub pa'i gdams ngag nyan te/ gdams pa'i don
nyams su blangs pas stong nyid la dmigs pa'i sgom byung

gi sgrub pa rgyud la skye la/ de yang dmigs pa bcu gcig la dmigs
shing ched du bya ba yang chen po gsum gyi ched du yin la/ nyams
su len pa'i rim pa yang/ sgrub pa bzhi'i rim pas nyams su blangs pas
chos bcu mngon sum du rtogs pa'i rnam mkhyen thob par 'gyur ba

yin no/ /gnyis pa ni/ rten gyi gang zag thub pa sangs rgyas bcom
ldan 'das chos can/ khyod kyi mngon rtogs yod de/ rnam kun
mkhyen pa nyid khyod kyi mngon rtogs yin pa'i phyir/ gnyis pa la/
chos bcu gcig gis lam shes mtshon pa dang/ bstan bshad sbyar ba'o/
/dang po la

@006a @#/ /gnyis; lam shes kyi yan lag dang/ yan lag can gyi
lam shes so/ /dang po ni/ de bzhin gshegs pa'i rang bzhin gyi 'od kyis
'dod gzugs kyi lha rnams kyi rnam par smin pa las byung ba'i 'od mog
mog por byed pas lam shes skye ba'i bgegs nga rgyal

mngon gyur ba dang bral bar byed pa dang/ sogs pas bsdus pa lhan
cig byed rkyen sems bskyed pa dang/ rgyu rigs dang rang bzhin dang
byed las rnams kyi lam shes kyi rgyu ngo bo 'bras bu rnams bshad do/
/des na lam shes kyi rgyu ngo bo 'bras bu gsum gang rung gis

bsdus pa'i snying rje chen pos zin pa'i yon tan khyad par can/ lam
shes kyi yan lag gi mtshan nyid/ dbye na lnga yod/ sa mtshams theg
chen gyi rigs sad pa nas sangs rgyas kyi sa'i bar na yod/ gnyis pa la
gsum las/ dang po ni/ slob ma zhes pa la/ sems bskyed

bsngo ba stong nyid rtogs pa'i shes rab gsum gyis zin pa'i sgo nas
gdul bya nyan thos kyi rigs can rjes su bzung ba'i ched du shes par
bya ba'i mngon rtogs kyi rigs su gnas pa'i theg chen 'phags pa'i
mngon rtogs/ nyan thos kyi lam shes pa'i lam shes kyi mtshan nyid/

gnyis pa ni/ bse ru'i lam gang dang zhes pas/ khyad chos gsum gyis
zin pa'i sgo nas gdul bya rang rgyal gyi rigs can rjes su bzung ba'i
phyir du shes par bya ba'i mngon rtogs kyi rigs su gnas pa'i theg
chen 'phags pa'i mngon rtogs/ rang rgyal gyi lam shes pa'i lam

shes kyi mtshan nyid/ gsum pa byang sems kyi laM shes pa'i laM shes la
gnyis kyi/ dang po ni/ 'di dang gzhan pa'i yon tan gyis/ zhes sogs la/
rang rgyud ldan gyi gang zag srid zhi'i mthar lhung ba 'gog byed
kyi shes rab kyis zin pa'i theg chen gyi bden pa mngon rtogs/ theg
chen gyi

mthong lam gyi mtshan nyid/ gnyis pa la/ theg chen gyi sgom lam gyi
byed pa dang/ byed pa can gyi sgom lam gnyis las/ dang po ni/ byed
ba dang/ zhes pa la/ rang 'thob byed kyi thabs su gyur pa'i theg chen
gyi sgom lam bsgoms stobs kyis thob pa'i phan yon/ theg chen gyi
sgom

@006b lam gyi byed pa'i mtshan nyid/ dbye na drug /sa mtshams ni theg
chen gyi sgom lam thob pa'i skad cig gnyis pa nas sangs rgyas kyi bar
du yod/ gnyis pa la gnyis/ zag bcas sgom lam dang/ zag med sgom
lam mo/ /dang po la gsum gyi/ dang po ni/ mos pa dang zhes pa la/

yum don gsum gang rung gi 'byung gnas su yid ches pa'i theg chen
gyi rjes la mngon rtogs/ mos pa sgom lam gyi mtshan nyid/ dbye na
nyer bdun/ sa mtshams ni/ sa dang po nas sa bcu pa'i bar ro/ /de'i phan
yon ni/ bstod dang bkur dang bsngags pa dang zhes pa

la; rang 'thob byed kyi thabs su gyur pa'i mos pa sgom lam bsgoms
stobs kyis thob pa'i phan yon/ mos pa sgom lam gyi phan rnams kyis
mos pa sgom lam sgom pa'i byang sems la cha de nas ma rnams kyis
mos pa sgom lam sgom pa'i byang sems la cha de nas thugs dgyes

pa'i cha dang/ dngos gnas kyi yon tan brjod pa'i chas bsdus pa nyi
shu rtsa bdun yod/ sa mtshams mos pa sgom lam sgom pa'i skad cig
gnyis pa nas sangs rgyas kyi sa'i bar na yod/ gnyis pa/ bsngo dang
zhes pa la/ rang gzhan gang rung gi dge rtsa rdzogs pa'i byang
chub kyi yan

lag tu sgyur bar byed pa'i sgra don 'dres rung du 'dzin pa'i rtog pa'i
zag pa dang bcas pa'i theg chen gyi rjes la mngon rtogs/ bsngo ba
sgom lam gyi mtshan nyid/ dbye na/ bcu gnyis/ sa mtshams sngar ltar
ro/ /gsum pa/ rjes su yid rang ba/ yid la byed pa bla med dag /ces pa

la; rang gzhan gang rung gi dge rtsa la dga' ba sgom pa'i sgra don
'dres rung du 'dzin pa'i rtog pa'i zag pa dang bcas pa'i theg chen gyi
rjes la mngon rtogs/ rjes su yi rang sgom lam gyi mtshan nyid/ dbye
na gnyis/ sa mtshams sngar ltar ro/ /gnyis pa la gnyis kyi dang po/
sgrub

dang; zhes pa la/ zag pa med pa'i theg chen gyi rjes la mngon rtogs
gang zhig /rang gi thob byar gyur pa'i rtogs pa mthar thug gis lag
rjes 'jog byed de/ sgrub pa sgom lam gyi mtshan nyid/ dbye na lnga/
gnyis pa ni/ shin tu dag pa zhes/ bya ba 'di ni sgom pa'i lam/ zhes pa la

@007a @#/ /zag pa med pa'i theg chen gyi rjes la mngon rtogs yin pa
gang zhig /rang gi thob byar gyur pa'i spangs pa mthar thug gi lag
rjes 'jog byed de/ rnam dag sgom lam gyi mtshan nyid/ dbye na dgu/ 'di
dang snga ma don gcig /gnyis ka'i sa mtshams sa

dang po nas bcu pa'i bar na yod/ gnyis pa ni/ byang chub sems dpa'
'phags pa mkhas pa rnams kyi ni chos can/ khyod kyi mngon rtogs
yod de/ sngar bshad pa'i lam shes nyid ni de 'drar khyod kyi mngon
rtogs su bshad pa'i phyir/ gsum pa la/ gzhi shes mtshon byed kyi

chos bshad pa dang/ bstan bshad sbyar ba'o/ /dang po la bzhi/ 'bras
bu la nye ring gi rgyu mtshan dang/ rgyu mtshan de nyid sgrub pa
dang/ mi mthun pa dang gnyen po'i phyogs kyi dbye ba dang/ gzhi
shes kyi sbyor ba bshad pa'o/ /dang po ni/ shes pas srid la mi gnas
shing/ /zhes sogs

la; gzhi kun rdzob pa la bltos te srid mtha' 'gog byed kyi rtogs rigs
su gnas pa'i theg chen 'phags pa'i mngon rtogs de/ shes pas srid la mi
gnas pa'i lam shes kyi mtshan nyid/ dper na gang zag gi bdag med
mngon sum du rtogs pa'i theg chen gyi mthong lam

lta bu/ gzhi kun rdzob pa la bltos te zhi mtha' 'gog byed kyi rtogs
rigs su gnas pa'i theg chen 'phags pa'i mngon rtogs/ snying rjes zhi
la mi gnas pa'i lam shes kyi mtshan nyid/ dper na/ byang sems mthong
lam pa'i rgyud kyi kun rdzob sems bskyed dang snying rje

chen po lta bu/ 'di dag sngar byang sems kyi mthong sgom gyi lam
kun rdzob la bltos pa'i srid zhi'i mtha' 'gog byed du bstan pa na/
mtha' de gnyis 'gog pa'i lag rjes lam gang gis byed snyam pa la dogs
pa bcad nas/ mtshon par bya ba'i don lam snga ma gzhi shes

dang; phyi ma snying rje sogs yin kyang/ mtshon byed kyi lam gnyis po
lam shes kyi khyad par yin pas/ snga ma gzhi shes yin kyang/ shes pas
srid la mi gnas pa'i gzhi shes zhes sbyor rgyu min la/ snying rjes zhi
la mi gnas pa'i gzhi shes zhes zer ba ni tha snyad log par sbyar

@007b ba'o; ;lam shes de gnyis ka'i sa mtshams theg chen gyi mthong
lam nas sangs rgyas kyi sa'i bar na yod/ gnyis pa la/ thabs ma yin pas
ring ba dang/ zhes sogs la/ gzhi shes gang zhig /snying rje chen po
dang bral zhing bden 'dzin gyis bcings pa de/ 'bras yum la

ring ba'i gzhi shes kyi mtshan nyid/ bden 'dzin gyis bcings pa'i nyan
thos kyi mthong lam lta bu dang/ theg dman gyi rtogs rigs su gnas
pa'i theg chen 'phags pa'i mkhyen pa gang zhig /snying rje chen po
dang stong nyid mngon sum du rtogs pa'i shes rab kyis zin pa/

thabs kyi ring ba ma yin pa ste/ 'bras yum la nye ba'i gzhi shes kyi
mtshan nyid/ mtshan gzhi/ byang sems mthong lam pa'i rgyud kyi mi
rtag sogs bcu drug mngon sum du rtogs pa'i ye shes lta bu/ de gnyis
kyi snga ma'i sa mtshams theg dman gyi mthong lam nas theg dman
gyi

mi slob lam gyi bar dang/ phyi ma'i sa mtshams theg chen gyi mthong
lam nas sangs rgyas kyi sa'i bar na yod/ dang po dang mi mthun
phyogs kyi gzhi shes don gcig /gnyis pa dang gnyen po phyogs kyi
gzhi shes don gcig go /gsum pa la/ mi mthun gnyen po/ /zhes sogs la/

gzhi shes gang zhig /thabs khyad par can dang bral zhing/ bden
'dzin gyis bcings pa de/ mi mthun phyogs kyi gzhi shes kyi mtshan nyid/
theg dman gyi rtogs rigs su gnas pa'i theg chen 'phags pa'i mkhyen
pa gang zhig /thabs shes khyad par can gnyis kyis zin pa

de; gnyen po phyogs kyi gzhi shes kyi mtshan nyid/ kha cig /gzhi shes
de gnyis kyi khyad par de ltar du ma rtogs par/ mi mthun gzhi shes
dang/ gnyen po gzhi shes zhes sbyar nas snga ma bdag 'dzin dang/
phyi ma stod nyid mngon sum du rtogs pa'i ye shes la 'dod pa ni mi
rigs te/

phyogs dag dang zhes phyogs sgra smos pa'i don ma rtogs shing/
gzhi shes dang spang bya'i gzhi mthun dang/ stong nyid mngon sum
du rtogs pa'i ye shes la gzhi shes kyi tha snyad slob dpon 'phags
seng gang gis kyang ma mdzad pa'i phyir/ bzhi pa la gsum/ gzhi shes
sbyor ba'i dbye

@008a @#/ /ba dang/ 'dzin stangs dang/ 'bras bu'o/ /dang po/ sbyor dang/
zhes pa la/ gzhi kun rdzob pa'i bsdod lugs kyi ngo bo dang khyad
par la phyin ci log tu zhen pa dang/ don dam pa'i bsdod lugs la
phyin ci log tu zhen pa gang rung gi gnyen por

bsgoms pa'i sems dpa'i rnal 'byor de/ gzhi shes kyi skabs nas bstan pa'i
byang sems kyi sbyor ba'i mtshan nyid/ dbye na bcu/ sa mtshams theg
chen gyi tshogs lam nas rgyun mtha'i bar na yod/ des na 'di'i dngos
bstan gyi sbyor ba la theg chen gyi rtogs rigs su

gnas pas khyab/ bstan bya'i gtso bo'i sbyor ba la theg dman gyi rtogs
rigs su gnas pas khyab cing shugs bstan gyis khyab/ shugs bstan gyi
sbyor ba la/ 'di'i bstan bya'i gtso bo'i sbyor bsam khyab ste/ bden 'dzin
gyis bcings pa'i nyan thos kyi sbyor lam de/ 'di'i

shugs bstan gyi sbyor ba yin pa'i phyir/ gnyis pa la/ de yi mnyam nyid/
ces pa la/ gzhi'i dbye ba dang/ mtshan mtshon dang yul yul can la bden
zhen 'gog pa'i shes rab kyis zin pa'i sems dpa'i rnal 'byor/ gzhi shes kyi
skabs su bstan pa'i byang sems

kyi sbyor ba'i mnyam nyid kyi mtshan nyid/ dbye na bzhi/ sa mtshams
theg chen gyi tshogs lam nas rgyun mtha'i bar na yod/ gsum pa la/
mthong ba'i lam/ zhes pa la/ spros bral mngon sum du rtogs pa'i
skabs 'dir dngos su bstan pa'i theg chen gyi bden pa mngon rtogs/

skabs 'dir dngos su bstan pa'i theg chen gyi mthong lam gyi mtshan
nyid/ des na skabs 'dir dngos su bstan pa'i mthong lam 'da' byed
dang/ shugs la bstan pa'i mthong lam la yang/ bstan bya'i gtso bo'i
mthong lam 'da' bya'i mthong lam dang/ nyan thos kyi mthong

lam shugs bstan yin kyang bstan bya'i gtso bo ni ma yin no/ /chos
dgu po de dag gis ni mi rtag sogs kyi rnam pa can gyi gzhi shes de
nyid dngos bstan shugs bstan gnyis ka'i sgo nas mtshon nas bstan pa
yin no/ /dang po nyid nas theg chen du rigs nges pa'i byang chub
sems

@008b dpas shes mthong gis bltas nas/ nyan thos kyi lam las 'da' bar
byed pas de la mthong lam bstan dgos kyi/ nyan thos kyi lam goms
pa lhur len gyis mngon du mi byed pas/ mthong lam de'i rigs 'dra'i mi
rtag sogs kyi rnam pa can gyi theg chen gyi sgom lam ston pa ni

mi rigs so/ /gnyis pa ni nyan thos dang la sogs pas rang rgyal 'phags
pa rnams ni chos can/ khyod kyi mngon rtogs yod de/ skye ba'i rten
dang rnam gzhag gi rten gnyis kyi nang nas rtogs rigs so sor 'byed
pa'i rnam gzhag gi rten gyi dbang du byas nas/ khyod kyi mngon

rtogs sngar bshad pa de 'dra kun shes nyid du 'dod pa'i phyir/ des na
'gyur ni/ mthong lam nyan thos la sogs kyi/ /zhes pa 'gyur bde'o/
/gnyis pa la gnyis/ dbang du bya ba rgyu 'bras dang/ brtan pa rgyu
'bras bshad pa'o/ /dang po la gnyis/ dbang du byed pa'i rgyu rnam kun

dang; 'bras bu rtse mo'i sbyor ba bshad pa'o/ /dang po la gnyis/ mtshon
byed kyi chos dang/ bstan bshad sbyar ba'o/ /dang po la gnyis/ dge
rtsa ba sogs pa'i rten gyi dbang du byas nas spyi'i rnam gzhag dang/
dge rtsa smin pa'i rten gyi dbang du byas nas rgyud la skye ba'i rim
pa

dngos su bstan pa'o/ /dang po la bzhi/ lam sher phyin gyi rnal 'byor
sgom pa'i 'dzin stangs kyi dbye ba dang/ mnyam gzhag gi sbyor ba
dang/ sbyor ba sgom pa'i skyon yon dang/ lam sher byin gyi rnal
'byor du mtshon pa'i mtshan nyid do/ /dang po la rnam pa zhes pa la/
mkhyen

gsum gang rung gi rnam pa sgom par byed pa'i shes rab kyis zin pa'i
sems dpa'i rnal 'byor de/ sems dpa'i rgyud kyi gnyen po phyogs kyi
shes rnam gyi mtshan nyid/ dbye na brgya bdun cu rtsa gsum yod/ sa
mtshams theg chen gyi tshogs lam nas rgyun mtha'i bar na yod/

'dir bstan gyi rnam pa mtshon byar byas nas de'i mtshan nyid 'jog pa ni/
rnam pa zhes bya'i mtshan nyid de/ zhes pa'i don ma rtogs pa yin te/ de
ni 'phags pa'i 'grel par/ gnyen po'i mtshan nyid bstan par bshad kyi
rnam pa'i mtshan nyid du ma bshad cing/ de ltar na

@009a @#/ /gzhi gnyen rnam pa gsum ga bstan bcos su bshad pa'i dgos
pa'i skabs don stor bar 'gyur ba'i phyir/ gnyis pa la/ sbyor ba zhes pa
la/ yul yul can dang gzhi lam rnam gsum bden stong spros bral du
rtogs pa'i zhi lhag zung 'brel gyi

shes rab kyis zin pa'i skabs 'dir dngos su bstan pa'i sems dpa'i rnal
'byor/ skabs 'dir dngos su bstan pa'i rtse mo'i sbyor ba'i mtshan nyid/
de la dbye na bcu dgu yod/ sa mtshams theg chen sbyor lam drod nas
rgyun mtha'i bar na yod/ skabs 'dir dngos

su bstan pa'i sbyor ba nyi shu yod/ sa mtshams theg chen gyi tshogs lam
nas rgyun mtha'i bar na yod/ bcas rnams dang/ zhes pa ni/ sbyor ba
sgom pa po dang/ dge rtsa ba sog pa po'i rten gyi gang zag bstan no/
/gsum pa la/ yon tan/ zhes pa la/ rang 'thob byed kyi

thabs su gyur pa'i theg chen gyi sbyor ba bsgoms stobs kyis thob pa'i
phan yon de/ theg chen gyi sbyor ba'i yon tan gyi mtshan nyid/ dbye
na bcu bzhi/ sa mtshams theg pa chen po'i tshogs lam nas sangs rgyas
kyi sa'i bar na yod/ skyon ni/ zhes pa la/ sbyor ba skye ba

dang gnas pa dang sbyor ba rdzogs pa gang rung la bar du gcod
pa'i bdud las de/ sbyor ba'i skyon gyi mtshan nyid/ dbye na zhe drug /sa
mtshams lam ma zhugs nas sa bdun pa'i bar na yod/ bzhi pa la/ mtshan
nyid ces pa la/ rang gi thob byar gyur pa'i 'bras bu sher phyin

'thob byed kyi thabs su gyur pa'i zhi lhag zung 'brel gyi sems dpa'i
rnal 'byor/ lam sher phyin gyi rnal 'byor gyi mtshan nyid/ dbye na
dgu bcu rtsa gcig /sa mtshams theg chen gyi tshogs lam nas rgyun
mtha'i bar du yod/ gnyis pa la bzhi/ sbyor ba skye ba'i

skabs dang/ smin pa'i skabs dang/ rten gyi gang zag dang/ gang zag
gi go rims so/ /dang po ni/ thar dang/ zhes pa la/ rnam mkhyen rang
rgyud la sgrub pa la mkhas pa'i sems dpa'i rgyud kyi chos mngon
rtogs/ skabs 'dir dngos su bstan pa'i theg chen gyi thar pa cha

@009b mthun gyi mtshan nyid/ dbye na lnga/ gnyis pa ni/ nges 'byed cha
mthun dang/ zhes pa la/ gtso bor thabs kyi chas khyad par du byas
pa'i skabs 'dir dngos su bstan pa'i sems dpa'i don mngon rtogs/ skabs
'dir dngos su bstan pa'i theg chen gyi nges 'byed

cha mthun gyi mtshan nyid/ dbye na bcu gnyis/ gsum pa la/ slob pa
phyir mi ldog pa'i tshogs/ zhes pa la/ gzugs sogs la bden zhen mngon
gyur ba bzlog pa sogs rtags zhe bzhi po gang rung thob pa'i sems
dpa' de/ slob pa phyir mi ldog pa'i rtags

thob pa'i tshogs kyis bsdus pa'i byang sems kyi dge 'dun gyi mtshan nyid/
dbye na gsum/ sa mtshams theg chen gyi sbyor lam drod nas rgyun
mtha'i bar na yod/ bzhi pa la gsum/ chos sku'i lag rjes 'jog byed srid
zhi mnyam nyid kyi sbyor ba dang/ longs sku'i

lag rjes 'jog byed zhing dag sbyor ba dang/ sgrul sku'i lag rjes 'jog
byed thabs mkhas sbyor ba'o/ /dang po la/ srid dang zhi ba mnyam
nyid dang/ /zhes pa la/ srid zhi bden stong du rtogs pa'i shes rab kyis
zin pa'i sgo nas rjes thob kyi gnas skabs su yang

bden 'dzin mngon gyur ba skye ba'i go skabs zad par bcom pa'i dag
sa'i ye shes/ srid zhi mnyam nyid kyi sbyor ba'i mtshan nyid/ gnyis pa la/
zhing dag bla na med pa dang/ /zhes pa la/ rang gang du 'tshang rgya
'gyur gyi zhing khyad par can 'grub pa'i smon lam la

sogs pa'i dge rtsa nus pa mthu can du gyur pa'i dag sa'i rnal 'byor/
zhing dag sbyor ba'i mtshan nyid/ gsum pa la/ thabs mkhas/ zhes pa la/
'bad rtsol rags pa zhi ba'i sgo nas 'phrin las lhun gyis grub pa'i dag
sa'i rnal 'byor/ thabs mkhas sbyor ba'i

mtshan nyid/ dbye na bcu yod/ de gsum ga'i sa mtshams dag pa sa gsum
na yod/ gnyis pa ni/ rnam kun mngon rdzogs rtogs pa'i sbyor ba
chos can/ khyod mtshon byed kyi chos yod de/ bshad zin chos bcu
gcig po de khyod mtshon byed kyi chos yin pa'i phyir/

@010a @#/ /gnyis pa la/ rtse sbyor la/ mtshon byed kyi chos dang/ bstan
bshad sbyar ba'o/ /dang po la bzhi/ sbyor lam rtse sbyor/ mthong lam
rtse sbyor/ sgom lam rtse sbyor/ bar chad med lam pa'i rtse sbyor
ro/ /dang po la/ drod/ rtse mo/ /bzod pa/ chos mchog

bzhi las/ dang po la/ de yi rtags dang/ zhes pa la/ rtse sbyor thob pa'i
rtags bcu gnyis po gang rung thob pa'i theg chen gyi nges 'byed cha
mthun dang po de/ drod kyi rtse sbyor gyi mtshan nyid/ gnyis pa la/
rnam 'phel dang/ zhes pa la/ stong gsum gyi sems

can gyi grangs dang mnyam pa'i sangs rgyas mchod pa las lhag pa
sogs bsod nams rnam par 'phel ba bcu drug tshang ba'i theg chen gyi
nges 'byed cha mthun gnyis pa de/ rtse mo'i rtse sbyor?/ mthong lam
rtse sbyor/ sgom lam rtse sbyor/ bar chad mkhyen gsum

rjes mthun pa rdzogs pa'i shes rab dang/ gzhan don la mi phyed pa'i
brtan pa thob pa'i theg chen gyi nges 'byed cha mthun gsum pa de/
bzod pa'i rtse sbyor gyi mtshan nyid/ bzhi pa la/ sems kun gnas pa
dang/ zhes pa la/ rang gi 'bras bur gyur pa'i mthong

lam bskyed pa'i nus pa smin pas ting nge 'dzin mtha' yas pa'i sems kun
tu gnas pa thob pa'i theg chen gyi nges 'byed cha mthun bzhi par
dmigs pa de/ chos mchog rtse sbyor gyi mtshan nyid/ gnyis pa/ mthong
zhes bya dang/ zhes pa la/ mthong spangs rtog

pa'i gnyen po'i rigs su gnas pa'i theg chen gyi bden pa mngon rtogs
de/ mthong lam rtse sbyor gyi mtshan nyid/ gsum pa/ sgom pa zhes/
zhes pa la/ sgom spangs rtogs pa'i gnyen po'i rigs su gnas pa'i theg
chen gyi rjes la mngon rtogs/ sgom lam rtse sbyor gyi mtshan nyid/

dbye na lam de gnyis so so la rnam par rtog pa rnam pa bzhi'i gnyen
po rnam pa bzhi dang ngo/ /bzhi pa/ bar chad med pa'i ting nge 'dzin/
zhes pa la/ mkhyen gsum bsngus sgom theg chen gyi tshogs lam las
rab tu gyur pa'i shes rab kyis zin pa'i sems dpa'i rnal 'byor mthar

@010b thug gang zhig /rang gi 'bras bur gyur pa'i rnam mkhyen
dngos su skyed par byed pa de/ bar chad med pa'i rtse sbyor gyi
mtshan nyid/ de dang rgyun mtha'i bar chad med lam don gcig /log
par sgrub pa dang bcas pa ni/ /zhes pa la bden gnyis ngo bo gcig tu
'dur mi rung bar 'dzin

pa'i 'dzin pa mngon gyur dang/ sa bon ci rigs pas bsdus pa/ 'dir bstan
bsal bya log sgrub kyi mtshan nyid/ dbye na bcu drug yod/ gnyis pa ni/
rtse mo'i mngon rtogs zhes so/ /gnyis pa brtan pa rgyu 'bras la rnam
pa gnyis/ brtan pa thob don du sgom pa mthar gyis sbyor

ba dang/ brtan pa thob pa'i skad cig sbyor ba'o/ /dang po la/ mkhyen
gsum gyi rnam pa la brtan pa thob don du mkhyen gsum gyi rnam pa
rim can du sgom pa'i shes rab kyis zin pa'i sems dpa'i rnal 'byor de/
mthar gyis sbyor ba'i mtshan nyid/ dbye na rnam pa gsum dang rnam
pa

bcu'o; ;sa mtshams ni theg chen gyi tshogs lam nas rgyun mtha'i snga
log gi bar na yod/ bstan bshad sbyar ba mthar gyis pa/ /zhes pas
bstan no/ /gnyis pa ni/ bya rdzogs kyi skad cig ma'i thung mtha' gcig
la mkhyen gsum gyi rnam pa brgya bdun bcu rtsa gsum dngos yul
du byed

par nus pa'i nus pa thob pa'i sems dpa'i rnal 'byor de/ skad cig ma'i
sbyor ba'i mtshan nyid/ dbye na ldog mtshams mi 'dra ba'i mtshan nyid
kyis ni/ ngo bo gcig la ldog pa tha dad pa rnam pa bzhi'o/ /sa mtshams
rgyun mtha' kho nar yod/ bstan bshad sbyar ba/ skad

cig ma/ gcig gis mngon rdzogs byang chub pa/ /zhes pas bstan/ gsum
pa chos sku'i lus rgyas par bshad pa la/ mtshon byed kyi chos dang/
bstan bshad sbyar ba'o/ /dang po ni/ rang 'thob byed kyi thabs su
gyur pa'i mkhyen gsum gyi rnam pa bsgoms stobs kyis thob pa'i thob
bya mthar

thug; 'bras bu chos sku'i mtshan nyid yin gyi/ rang 'thob byed kyi
thabs sbyor bzhi bsgoms stobs kyis thob pa'i 'bras bu mthar thug
/'bras bu chos sku'i mtshan nyid ces mi bya ste/ 'bras bu chos sku de
sbyor bzhis mkhyen gsum gyi rnam pa bsgoms pa la brten nas thob
dgos pa'i phyir/ de la 

@011a @#/ /dbye na/ dag pa gnyis ldan gyi dbyings
mthar thug tu gyur pa'i ngo bo nyid sku dang/ nges pa lngas khyad
par du byas pa'i longs spyod rdzogs pa'i sku dang bcas pa dang/ de
bzhin du de gnyis las gzhan pa nges pa lngas khyad par du ma byas
pas

rab tu phye ba mchog gi sprul pa'i sku dang ji lta ba dang ji snyed pa
la bltos nas gzigs pa mthar thug pa'i ye shes chos kyi sku ste/ mdzad
pa dang bcas pa'i chos kyi sku'i chos rnam pa bzhir ni yang dag par
brjod do/ gnyis pa ni/ chos sku/ zhes pas bstan bshad

sbyar ba dang/ ye shes chos sku gnyis ka bstan no/ /ye shes chos sku
mdzad pa dang sbyar nas bstan pa la dgos pa yod de/ sangs rgyas kyi
'phrin las thams cad ye shes chos sku'i mdzad par rtogs par bya ba'i
ched yin pa'i phyir/ gsum pa tshig don la

gsu; mkhyen pa gsum rgyas par bshad pa dang/ sbyor ba bzhi rgyas
par bshad pa dang/ chos sku rgyas par bshad pa'o/ /dang po la gsum/
don du gnyer bya rnam mkhyen bshad pa dang/ der bgrod par byed
pa'i thabs lam shes bshad pa dang/ lam

shes rnam par dag byed kyi yan lag gzhi shes bshad pa'o/ /dang po la
gnyis/ chos bcu rgyas par bshad pa dang/ skabs bsdu ba'o/ /dang po la
gsum/ rnam mkhyen 'thob phyir du dam bcas pa'i bsam pa dam bca'
bshad pa dang/ dam bca'i don sgrub

pa'i thabs ston pa'i gdams ngag bshad pa dang/ gdams don ji ltar
sgrub pa'i sgrub pa bshad pa'o/ /dang po la gnyis/ dkyus ma mtshan
nyid dmigs pa dang bcas pa bshad pa dang/ 'phros don dbye ba bshad
pa lo/ /dang po la gnyis/ mtshan nyid dang de

nges byed kyi yan lag dmigs pa bshad pa'o/ /dang po ni/ theg pa chen
po'i sems bskyed pa ni chos can/ khyod kyi mtshan nyid yod de/ sems
can gzhan sdug bsngal mtha' dag las sgrol ba'i don gyi phyir du
yang dag par rdzogs pa'i byang chub 'dod pa dang

@011b mtshungs ldan gyi theg chen lam gyi 'jug sgo'i rigs su gnas pa'i
theg chen gtso bo'i yid kyi rnam rig /khyod kyi 'jog byed yin pa'i
phyir/ skabs 'dir sems bskyed la 'dod pa'i sgras bstan pa la dgos pa
yod de/ theg chen sems bskyed la gzhan don

'dod pa rgyur dgos pa dang/ byang chub 'dod pa grogs su dgos pa
shes pa'i ched yin pa'i phyir/ gnyis pa ni/ theg chen sems bskyed kyi
dmigs yul byang chub de dang gzhan don de ni chos can/ yum rgyas
'bring bsdus pa gsum ga las bsdus pa

dang rgyas pa'i sgo nas brjod par shes par bya ste/ yum gyi mdo bar
ma las bsdus rgyas gnyis kyi sgo nas bstan pa de bzhin du/ yum rgyas
pa dang bsdus pa gnyis las kyang don tshang bar bstan pa'i phyir/
gnyis pa ni/ lus rnam gzhag gi dkyus kyi

don ma yin pas 'phros don dbye ba de la yang 'dun pa dang mtshungs
ldan gyi sems bskyed de ni chos can/ sa lta bu yin te/ tshogs lam
'bring yan chad kyi lam thams cad 'dren pas chos dkar po thams cad
kyi gzhi'i dngos po yin pa'i phyir/

bsam pa dang ldan pa'i sems bskyed chos can/ gser bzang po lta bu
yin te/ byang chub kyi bar du bsam pa nyams par mi 'gyur ba'i phyir/
lhag pa'i bsam pa dang ldan pa'i sems bskyed chos can/ zla ba tshes pa
lta bu yin te/ dran pa nyer gzhag

sogs dge ba'i chos mtha' dag rnam par 'phel bar 'gyur ba'i sems
bskyed yin pa'i phyir/ sbyor ba dang ldan pa'i sems bskyed chos can/
me lta bu yin te/ thams cad mkhyen pa nyid gsum gyi sgrib pa'i bud
shing mngon gyur ba bsreg pa'i phyir/

sbyin pa dang ldan pa'i sems chos can ?/ gter chen po lta bu yin te/
longs spyod kyis sems can thams cad tshim par byed pa'i phyir/ tshul
khrims dang ldan pa'i sems bskyed chos can/ rin po che'i 'byud
khungs kyi gnas lta bu yin te/ yon tan rin

@012a @#/ /po che'i rten gyi dngos po byed pa'i phyir/ bzod pa dang ldan
pa'i sems bskyed chos can/ rgya mtsho chen po lta bu yin te/ sdug
bsngal gyis mi 'dod pa thams cad thog tu bab pas mi 'khrugs pa'i
phyir/ brtson 'grus dang ldan pa'i sems

bskyed chos can/ rdo rje lta bu yin te/ lam la yid ches brtan pas mi
phyed pa'i phyir/ bsam gtan dang ldan pa'i sems bskyed chos can/ ri'i
rgyal po lta bu yin te/ ting nge 'dzin brtan pas dmigs pa'i rnam par
g.yeng bas mi bskyod pa'i phyir/ shes rab

dang ldan pa'i sems bskyed chos can/ sman lta bu yin te/ nyon mongs
pa dang shes bya'i sgrib pa'i nad rab tu zhi bar byed pa'i phyir/ thabs
la mkhas pa dang ldan pa'i sems bskyed chos can/ dge ba'i bshes
gnyen lta bu yin te/ sems can mi 'dor

ba'i thabs tshad med bzhis sems can gyi don yongs su mi gtong ba'i
phyir/ smon lam dang ldan pa'i sems bskyed chos can/ yid bzhin gyi
nor bu lta bu yin te/ 'bras bu la dbang sgyur ba'i thabs mngon shes
lngas ji ltar smon pa'i 'bras bu 'grub pa'i

phyir; stobs dang ldan pa'i sems bskyed chos can/ nyi ma lta bu yin
te/ bsdu dngos bzhis gdul bya yongs su smin par byed pa'i phyir/ ye
shes kyi pha rol tu phyin pa dang ldan pa'i sems bskyed chos can/
chos kyi glu dbyangs snyan pa lta bu yin te/ rnam

grol thob pa'i thabs so so rig pa bzhis gdul bya 'dun par byed pa'i
chos ston pa'i phyir/ mngon par shes pa dang ldan pa'i sems bskyed
chos can/ rgyal po chen po lta bu yin te/ rtogs pa thob zin chud mi
za ba'i mthu thogs pa med pas gzhan don

sgrub pa'i phyir/ bsod nams dang ye shes kyi tshogs dang ldan pa'i
sems bskyed chos can/ bang mdzod lta bu yin te/ bla med byang chub
nye bar ston pas tshogs gnyis mang po'i mdzod lta bu yin pa'i phyir/
byang phyogs so bdun dang ldan pa'i sems bskyed chos can

@012b lam po che lta bu yin te/ dus gsum gyi 'phags pa thams cad
gshegs shing rjes su gshegs pa'i lam yin pa'i phyir/ snying rje dang
lhag mthong dang ldan pa'i sems bskyed chos can/ bzhon pa lta bu
yin te/ 'khor ba dang dman pa'i myang 'das gang du yang

mar mi ltung bas bde blag tu 'gro ba'i phyir/ gzungs dang spobs pa
dang ldan pa'i sems bskyed chos can/ bkod ma'i chu lta bu yin te/
sngar thos pa dang ma thos pa'i chos 'dzin pas mi zad pa'i phyir/ chos
kyi sdom bzhi'i dga' ston dang ldan pa'i sems

bskyed chos can/ sgra snyan lta bu yin te/ thar 'dod la 'khor ba las
sgrol ba'i snyan pa sgrogs pa'i phyir/ bgrod pa gcig pa'i lam dang
ldan pa'i sems bskyed chos can/ chu bo'i rgyun lta bu yin te/ gdul
bya thun mong du 'dul ba'i nus pa thob

pas gzhan don bya ba tha mi dad pa'i phyir/ chos sku dang mtshungs
par ldan pa'i sems bskyed chos can/ /sprin lta bu yin te/ dga' ldan na
bzhugs pa dang de nas 'pho ba sogs mdzad pa bcu gnyis dus kun tu
ston par rung ba'i phyir/ 'dir bstan sems

 bskyed la rnam pa nyi shu rtsa gnyis yod de/ sngar bshad pa ltar
dpes mtshon pa'i don dang/ dpe don chos mthun gyi sgo nas don gyis
bstan pa'i phyir/ sems bskyed nyer gnyis kyis mtshams kyang bzhag tu
yod de/ sems bskyed dang po gsum theg chen gyi

tshogs lam chung ngu 'bring chen po gsum gyi skabs dang/ de'i 'og tu
gcig sbyor lam/ de'i 'og tu bcu ni rab tu dga' ba sogs sa bcus rim
bzhin dang/ de'i 'og tu mngon shes drug dang ldan pa sogs lnga ni
khyad par gyi lam dag pas gsum gyi skabs

dang; de'i 'og ma sems bskyed tha ma gsum sbyor ba bar chad med
lam dang/ dngos gzhi mnyam gzhag dang/ mjug rjes thob gsum gyi
sgo nas sangs rgyas kyi ses bsdus pa'i phyir/ gnyis pa la gnyis/ theg
chen gyi gdams ngag bshad pa dngos dang/ gdams

@013a @#/ /ngag gi don sgom pas stong nyid la dmigs pa'i sgom byung
skyes pa'i thog ma bshad pa'o/ /dang po la gnyis/ spyi'i dbye ba dang/
dge 'dun dgon mchog bye brag tu bshad pa'o/ /dang po la gsum/
brten pa sgrub pa la gdams pa dang/

sgrub pa'i rten la gdams pa dang/ sgrub pa'i khyad par gyi chos la
gdams pa'o/ /dang po la gnyis/ sgrub pa rang gi ngo bo la gdams pa
dang/ de'i dmigs pa la gdams pa'o/ /dang po ni/ mdo las/ shA ri'i bu 'di
la byang chen sher phyin la spyod pa'i tshe

byang chen yod bzhin du byang chen yang dag par rjes su mi
mthong ngo zhes sogs kyi mdo chos can/ sgrub pa rang gi ngo bo
la 'doms pa yin te/ theg chen gyi sgrub pa nyams su len pa'i tshe kun
rdzob dang don dam pa'i bden pa la brten pa'i lam gyi rim pa las

mi 'da' bar theg chen gyi sgrub pa nyams su long zhig ces 'doms pa'i
phyir/ gal te 'dzam bu'i gling 'dir dge slong shA ris bu dang zhes
sogs kyi mdo chos can/ theg chen gyi sgrub pa'i thun mong ma yin
pa'i chos la 'doms pa yin te/ nyan thos sogs dang

thun mong ma yin pa gzhan don du rdzogs byang sgrub pa'i ched du
yum la spyod pa'i chos bzhi mi dmigs pa'i tshul gyis 'jug par bya'o zhes
slob pa'i tshul gyis 'doms pa'i phyir/ gnyis pa la bden pa bzhi po rnams
la gdams pa'i tshul yod de/ byang chen

gzugs stong pa nyid la brtson na brtson zhes sogs kyis sdug bsngal
bden pa la shes byar bden zhen dgag pa dang/ gzugs skye ba'i chos
can nam 'gags pa'i chos can du yang dag par rjes su mi mthong zhes
sogs kyis kun 'byung bden pa la

yang spang byar bden zhen dgag pa dang/ shA ri'i bu stong pa nyid
mi skye mi 'gags zhes sogs kyis/ 'gog bden la mngon du bya bar bden
zhen dgag pa dang/ byang chen sher phyin la spyod pa'i tshe bdag
nyid sbyin pa la brtson zhes bya'am mi brtson zhes

@013b bya bar yang dag par rjes su mi mthong zhes sogs kyis lam
bden la bstan byar bden zhen dgag pa'i phyir 'doms pa yin pa'i phyir/
gnyis pa la/ sangs rgyas la sogs dkon mchog gsum la 'doms pa'i tshul
yang yod de/ byang chen sher phyin la

spyod pa'i tshe gzugs la rnam mkhyen sbyor ba mi byed gzugs nyid
yang dag par rjes su mi mthong zhes sogs kyis sangs rgyas dkon
mchog la skyabs gnas yang dag tu bden zhen dgag pa'i ched dang/
gzugs dngos po yod ces bya bar sbyor/

dngos po med ces bya bar mi sbyor zhes sogs kyis chos dkon mchog
la mngon du bya bar bden zhen dgag pa dang/ byang chub sems dpa'
'phags pa slob pa phyir mi ldog pa rnams la don dam par skye ba med
pa nyid du 'jug par bya'o/ /zhes lung

'bogs pa dge 'dun dkon mchog la lam sgrub pa'i grogs su bden zhen
dgag pa'i ched du 'doms pa yin pa'i phyir/ gsum pa la gsum/ mi mthun
phyogs mngon gyur ba sel ba la 'doms pa dang/ lam khyad par can
sgrub pa la gdams pa

dang; spang bya'i sa bon sel ba la gdams pa'o/ /dang po la gsum/
sgrub pa mi nyams pa'i rgyu la gdams pa dang/ sgrub pa 'phel ba'i
rgyu la gdams pa dang/ theg pa gzhan du mi ltung ba'i rgyu la
gdams pa'o/ /dang po ni/ byang chen sher phyin la spyod

pa'i tshe/ lus dang ngag dang yid gang gi zhes sogs kyi mdo chos can/
sgo gsum gyi bya ba ngan pa la ma zhen pa la gdams pa yin te/
brtson 'grus brtsams pa nyid kyis sems bskyed kyis dam bcas pa'i dam
bca'i don sgrub pa la nan tan byed pa na bya ba

phal pa la chags pa'i lus la sogs pa'i bsod snyoms kyi dbang lta bu
la zhen par 'gyur bas/ de spang ba'i phyir lus la sogs pa don dam par
med par rtogs par gyis shig ces 'doms pa yin pa'i phyir/ gnyis pa ni/
byang chen phyin drug la spyod pa'i

@14a @#/ /tshe gzugs su mi rlom tshor bar mi rlom zhes sogs kyi mdo chos
can/ sgrub pa 'jug pa'i tshe yongs su mi ngal ba la 'doms pa yin te/
sgrub pa dus yun ring mo zhig nas goms par byas kyang 'dod pa'i
don mi 'grub na dang ngas

pa'i rang bzhin can dbang rtul la skyo bar 'gyur bas de spangs pa'i
phyir/ gzugs nas rnam mkhyen gyi bar la bden par rlom pa med pa
nyid du rtogs par gyis shig ces 'doms pa'i phyir/ gsum pa ni/ byang
chen ye shes de lta bu dang ldan pas

shar phyogs kyi 'jig rten gyi khams gang ga'i klung gi zhes sogs kyi
mdo chos can/ theg pa chen po'i lam ni yongs su 'dzin pa la gdams
pa yin te/ phyogs bcu'i sangs rgyas sogs la don re re'i phyir du lam
gyi lung nod par byed dgos na de 'dra ga

nas nus snyam du sems zhum pa ra 'gyur bas de spang ba'i phyir du
chos rnams don dam par ma skyes pa nyid la bslab par gyis shig ces
'doms pa'i phyir/ gnyis pa la gnyis/ sgrub pa la rang dbang du 'jug pa'i
rgyu spyan lnga la gdams pa dang/

sgrub pa myur du rdzogs pa'i rgyu mngon shes drug la gdams pa'o/
/dang po ni/ shA ri'i bu byang chen gyi sha'i mig gis dpag tshad brgya
mthong ba yod do zhes sogs kyi mdo chos can/ spyan lnga la gdams
pa yin te/ shA'i spyan gyis dpag tshad brgya nas stong

gsum tshun chad mthong ba dang/ dge ba zag bcas kyi rnam smin las
byung ba'i lha'i spyan gyis sems can gyi 'chi 'pho ba dang skye ba shes
pa dang/ shes rab kyi spyan gyis chos thams cad bden stong du rtogs
pa dang/ chos kyi spyan gyis 'phags pa'i gang

zag gi dbang po rno rtul rtogs pa dang/ sangs rgyas kyi spyan gyis
chos thams cad rnam pa thams cad du mngon par byang chub pa'i
yul can gyis skabs 'dir bstan gyi spyan lnga po thams cad yul dang
yul can bden stong ro gcig tu sgrub po zhes

@014b 'doms pa'i phyir/ gnyis pa ni/ sher phyin la spyod pa'i byang chen
mngon shes kyi pha rol tu phyin pa thob pas rdzu 'phrul gyi rnam
pa du ma nyams su myong bar byed do/ /zhes sogs kyi mdo chos can/
mngon shes kyi yon tan drug la 'doms pa yin te/ de la

rdzu 'phrul gyi mngon shes kyis g.yo ba dang gcig tu bsgyur zhing
mang por sbrul pa sogs byed nus pa'i ting nge 'dzin shes rab mtshungs
ldan dang bcas pa dang/ lha'i rna ba'i mngon shes kyis 'jig rten gyi
khams na gnas pa'i sgra chung ngu dang chen po sogs

thos pa bsgoms stobs las byung ba'i mnyam gzhag gi sas bsdus shing/
lha'i rna dbang gzugs can pa bdag rkyen du yod pa'i chos gnyis
dang mtshungs par ldan pa dang/ gzhan sems shes pa'i mngon shes ni
gzhan gyi sems 'dod chags dang bcas pa

dang bral ba sogs chos gnyis dang mtshungs par ldan pa dang/
sngon gnas rjes dran gyi mngon shes ni rang gzhan gyi tshe rabs
snga ma brgya stong sogs myong stobs kyis rjes su dran pa dang/ tshe
'dir bsam gtan sgom pa'i mngon par 'du byed pa las byung ba'i

lha'i mig gi mngon shes ni skal ma skal gyi gzugs phra rags thams
cad mngon sum du mthong ba sgom pa las byung ba'i mnyam gzhag
gi sas bsbus shing/ lha'i mig dbang bdag rkyen du yod pa'i chos gnyis
dang mtshungs par ldan pa dang/ zag zad

kyi mngon shes ni nyon mongs pa dang shes bya'i sgrib pa gang rung
spong bar byed pa'i thabs dang/ spangs pa'i bral ba sogs mngon sum
du shes pa'i chos gnyis dang mtshungs par ldan pa'i 'dir bstan gyi
mngon shes drug po tha snyad du rgyu las byung ba

dang; don dam par bzod ma nas zhi ba nyid du rtogs par bya'o zhes
ston pa'i tshul gyis 'doms pa yin pa'i phyir/ gsum pa la gnyis/ spang bya
kun btags kyi gnyen po la gdams pa/ spang bya lhan skyes kyi gnyen
po byed par gdams pa'o/ /dang po

@015a @#/ /ni; rab 'byor byang chen rnams sher phyin las brtsams te
spobs pa bskyed cig ces pa'i mdo chos can/ mthong lam la 'doms pa
yin te/ bden bzhi la dmigs pa'i yul can gyi mthong lam skad cig ma
bcu drug gi ngo bo nyid chos

dang rjes shes pa'i bzod pa dang/ shes pa'i bdag nyid spang bya kun
btags kyi gnyen po nyid du rnam par sgom par bya'o zhes ston pa'i
tshul gyis 'doms pa'i phyir/ gnyis pa ni/ rab 'byor 'dus byas kyi dbyings
med par 'dus ma byas kyi dbyings gdags par

mi nus so zhes sogs kyi mdo chos can/ sgom lam zhes bya ba la 'doms
pa yin te/ chos nyid mngon sum du rtogs pa'i mthong lam las rigs mi
gcig pa'i sgom pa'i lam mtshan nyid pa bzhag tu med kyang/ sgom lam
mthong lam las goms pa bsring ba'i

dbang gis rten 'brel gyi chos kyi spang bya lhan skyes kyi gnyen po
nyid du rnam par sgom par byed do zhes 'doms pa'i phyir/ de ltar na
theg chen gyi gdams ngag ni 'dir bstan bcu'i bdag nyid du nges par
shes par bya ste/ bcu po 'di tsam kho nas rnam

mkhyen don gnyer gyi skyes bu'i don thams cad phun sum tshogs pa
ste rdzogs par 'gyur ba'i phyir/ gnyis pa/ /skabs 'di'i dge 'dun gyi
grangs 'dren tshul la/ sgra ji bzhin pa dang/ sgra ji bzhin pa ma yin
pa'i 'dren tshul gnyis las/ dang po ni/

bu dd+ha shra'i/ shanti pa rnams rtsa ba'i sgra ji bzhin par 'dren/ gnyis
pa la gnyis/ 'phags pa'i lugs dang/ slob dpon gyi lugs so/ /dang po ni/
'dir bstan gyi mtshon bya don gyi dge 'dun nyi shu yod de/ gzhung gis
dngos su bstan pa bcu drug /brgyad pa

dang 'bras gnas bar pa gnyis kyi 'bras gnas tsam po ba gnyis dang
dgra bcom zhugs pa kha bskangs nas nyi shur yod pa'i phyir/ gnyis
pa ni/ 'dir bstan gyi mtshon bya don gyi dge 'dun la nyi shu yod de/
rgyun zhugs dngos bstan dbang po rtul po dang/

@015b dbang po rnon po'i ming can gnyis dang/ de bzhin du shugs la
bstan pa'i rgyun zhugs 'bras gnas tsam po ba'i ming can gcig dang/
dad dang mthong thob ces pas phyir 'ong zhugs pa dang mos pa
dang mthong thob gnyis gcig tu bsdus pa dang/ phyir

mi 'ong gi zhugs pa dang mos pa dang/ mthong thob pa gnyis kyang
gcig tu bsdus pas gnyis dang/ rigs nas rigs zhes pas rgyun zhugs lha'i
rigs nas rigs skye dang/ mi'i rigs nas rigs skye gnyis bstan/ shugs la
bstan pa'i phyir 'ong

'bras gnas tsam po ba'i ming can dang/ bar chad gcig ces pas phyir
'ong 'bras gnas khyad par can tshe gcig bar chad gcig pa'i ming can
dang/ bar skyes nas dang/ byed dang byed min zhes pas phyir mi 'ong
bar 'da' ba dang/ skye par 'da' ba dang/

'du byed dang bcas te 'da' ba/ 'du byed med par 'da' ba'i ming can bzhi
dang/ 'og min 'gro/ 'phar gsum zhes pas 'og min 'gro dbye gzhir byas
nas de la dbye ba la 'phar pa gsum gyi ming can gyi gsum dang/ srid
rtse'i mthar thug 'gror btags

pa'i gzugs kyi chags bcom dbye gzhir byas nas/ mthong chos la zhi
ba dang lus kyi mngon du byed pa'i ming can gnyis dang/ shugs la
bstan pa dgra bcom zhugs pa'i ming can dang/ bse ru rang sangs
rgyas kyi mid can dang nyi shu yod pa'i phyir/

gnyis pa gdams ngag gi don sgom pas stod nyid la dmigs pa'i sgom
byung skyes pa'i thog ma bshad pa la gnyis/ mdor bstan pa dang/
rgyas par bshad pa'o/ /dang po ni/ byang chub sems dpa' skyob pa yi
sbyor lam drod sogs chos can/ nyan thos dang

bse ru lta bu rang sangs rgyas dang bcas pa'i sbyor lam dag las
khyad par 'phags te/ dmigs pa dang ni rnam pa dang/ rgyu dang
yongs su 'dzin pa yis dang/ bdag nyid ji bzhin du rnam rtog bzhi po
ldan pa la brten pa dang/ chung dang 'bring dang chen po

@16a @#//rnams kyis khyad par du 'phags pa'i phyir/ gnyis pa la gsum/ 
khyad chos snga ma gsum bshad pa dang/ rtog pa'i khyad chos bshad
pa dang/ yongs 'dzin gyi khyad chos bshad pa'o/ /dang po la bzhi/ theg
chen gyi sbyor lam drod kyi

dmigs rnam rgyu gsum gyi khyad par bshad pa dang/ rtse mo'i dang/
bzod pa'i dang/ chos mchog gi dmigs rnam rgyu gsum gyi khyad par
bshad pa'o/ /dang po ni/ bden pa'i rten can mi rtag pa la sogs pa bcu
drug chos can/ theg chen gyi sbyor lam drod

chung ngu'i dmigs pa yin te/ de'i sgro 'dogs bcad par bya ba'i gzhi yin
pa'i phyir/ bden pa bzhi po de yis ni khyad chos bcu drug la bden par
mngon par zhen pa dang lhag par gnas pa la sogs pa 'gog pa'i drod
chung ngu'i ye shes chos can/

chen chen gyi drod chung ngu'i rnam pa yin te/ de yi dmigs pa'i chos
la log phyogs su sgro 'dogs pa 'gog pa'i theg chen gyi drod chung
ngu'i ye shes yin pa'i phyir/ theg chen drod chung ngu'i ye shes chos
can/ 'bras bu khyad par can gyi rgyu byed de/ theg pa

gsum car gyi rtogs pa thob pa'i theg chen gyi mthong lam gyi rgyu
byed pa'i phyir/ gzugs sogs 'du 'god bden pa dang bral bas khyad pa
ra du byas pa'i bden pa bzhi chos can/ theg chen gyi drod 'bring gi
dmigs pa yin te/ rtags sngar bshad pa

bzhin yin pa'i phyir/ ming rgyun gnas pa dang bral ba dang/ gnas pa
don dam par med par rtogs pa'i theg chen gyi drod 'bring gi ye shes
chos can/ de'i rnam pa yin te/ rtags sngar bzhin no/ /gzugs sogs kyi
chos btags pas khyad par du byas pa

chos can/ theg chen gyi drod chen po'i dmigs pa yin te/ rtags sngar
bzhin yin pa'i phyir/ don dam par gang du yang brjod du med par
rtogs pa'i theg chen gyi drod chen po'i ye shes chos can/ de'i rnam
pa yin te/ rtags sngar bzhin yin pa'i phyir/

@16b gnyis pa la rtse mo chung ngu'i dmigs rnam la bden pa rnam
par ma bzhag pa dang/ bzhag pa gnyis las/ dang po ni/ gzugs sogs
don dam par mi dmigs pa de dag ni don dam par de'i ngo bor rang
bzhin med pas khyad par du byas pa chos can/ theg

chen gyi rtse mo chung ngu'i dmigs pa yin te/ rtags sngar bzhin yin
pa'i phyir/ gzugs sogs dang de'i chos nyid de dag gcig gi rang bzhin
gcig tu rtogs pa'i theg chen gyi rtse mo chung ngu'i ye shes chos
can/ de'i rnam pa yin te/ rtags sngar bzhin yin pa'i

phyir; gnyis pa'i dbang du byas na/ gzugs sogs de rnams de yi ngo bos
stong pas don dam par mi rtag pa la sogs par mi gnas bas khyad par
du byas pa chos can/ theg chen gyi rtse mo chung ngu'i dmigs pa yin
te/ rtags sngar bzhin yin pa'i phyir/

mi rtag sogs de'i chos nyid de dag gcig gi rang bzhin gcig tu rtogs
pa'i theg chen gyi rtse mo chung ngu'i ye shes chos can/ de'i rnam
pa yin te/ rtags sngar bzhin yin pa'i phyir/ chos rnams mtshan mar mi
'dzin pa gang yin pa chos can/ theg chen gyi rtse mo

'bring gi dmigs pa yin te/ rtags sngar bzhin yin pa'i phyir/ de dag bden
pa'i mtshan mar mi mthong bar rtogs pa'i theg chen gyi rtse mo 'bring
gi ye shes chos can/ de'i rnam pa yin te/ rtags sngar bzhin yin pa'i
phyir/ don dam la dpyod pa'i shes rab

kyis ni yongs su rtogs pa btags pas khyad par du byas pa'i bden bzhi
chos can/ theg chen gyi rtse mo chen po'i dmigs pa yin te/ rtags
sngar bzhin/ 'khor gsum po thams cad bden par dmigs su med par
rtogs pa'i theg chen gyi rtse mo chen po'i ye

shes chos can/ de'i rnam pa yin te/ rtags sngar bzhin yin pa'i phyir/
gsum pa la/ gzugs sogs don dam par ngo bo nyid med pa nyid chos
can/ theg chen gyi bzod pa chung ngu'i dmigs pa yin te/ rtags sngar
bzhin yin pa'i phyir/ don dam par gzugs

@17a @#/ /sogs de dag med pa nyid tha snyad pa'i ngo bo nyid du rtogs
pa'i theg chen gyi bzod pa chung ngu'i ye shes chos can/ de'i rnam
pa yin te/ rtags sngar bzhin yin pa'i phyir/ gzugs sogs don dam par
skye med nges 'byung med pas khyad
 
par du byas pa chos can/ theg chen gyi bzod pa 'bring gi dmigs pa yin
te/ rtags sngar bzhin yin pa'i phyir/ bden bzhi la tshul de ltar dmigs
nas bsgoms pas lus ngag yid gsum sogs rnam par dag par rtogs pa'i
theg chen gyi bzod

pa 'bring gi ye shes chos can/ de'i rnam pa yin te/ rtags sngar bzhin
yin pa'i phyir/ de dag don dam par mtshan ma med pas khyad par du
byas pa chos can/ theg chen gyi bzod pa chen po'i dmigs pa yin te/
rtags sngar bzhin yin pa'i phyir/ don

dam par de'i mtshan mar mi brten pas yid byed gnyis kyis mos pa ma yin
pa dang 'du shes med par rtogs pa'i theg chen gyi bzod pa chen po'i
ye shes chos can/ de'i rnam pa yin te/ rtags sngar bzhin yin pa'i phyir/
bzhi pa la/ chos mchog gi

dmigs rnam bye brag tu bshad pa dang/ spyi'i don bsdu ba'o/ /dang po
ni/ chos thams cad skye ba med pa dang dpa' bar 'gro ba la sogs pa'i
bsgom bya ting nge 'dzin gyi ngo bor gyur pa chos can/ theg chen
gyi chos mchog chung ngu'i dmigs pa yin te/

rtags sngar bzhin yin pa'i phyir/ ting nge 'dzin de'i byed pa lhun grub
tu 'jug par rtogs pa'i theg chen gyi chos mchog chung ngu'i ye shes
chos can/ de'i rnam pa yin te/ rtags sngar bzhin yin pa'i phyir/ lkog
tu lung ston par mdzad pa'i rgyu khyad par

can chos can/ theg chen gyi chos mchog 'bring gi dmigs pa yin te/
rtags sngar bzhin yin pa'i phyir/ don dam par ngo bo nyid med pa'i
gzugs la sogs pa mi dmigs pa dang/ don dam par 'khor gsum du rlom
pa rags pa zad pa'i theg chen gyi

@17b chos mchog 'bring gi ye shes chos can/ de'i rnam pa yin te/
rtags sngar bzhin yin pa'i phyir/ sgom byed ting nge 'dzin sgom pa po
byang sems bsgom bya sher phyin gyi 'khor gsum po chos nyid kyi
rang bzhin du phan tshun du ngo bo gcig pas khyad par

du byas pa'i bden bzhi chos can/ theg chen gyi chos mchog chen po'i
dmigs pa yin te/ rtags sngar bzhin yin pa'i phyir/ chos mchog chen
po'i ting nge 'dzin mtha' gang du rnam par mi rtog pa ni sangs rgyas
thob pa'i thabs dam par rtogs pa'i theg

chen gyi chos mchog chen po'i ye shes chos can/ de'i rnam pa yin te/
de'i dmigs pa'i chos la log phyogs su sgro 'dogs pa'i gnyen po byed
pa'i theg chen gyi chos mchog chen po'i ye shes yin pa'i phyir/ gnyis
pa ni/ de ltar theg chen gyi nges 'byed

cha mthun ni chung dang 'bring dang chen po gsum du yin par shes
par bya ste/ gong du bshad pa de'i phyir/ 'dir bstan pa 'di gong ma
rnams la yang sbyar bar bya la/ rgyu'i khyad par drod kyi skabs su
bstan pa yang tshig gi spros pa bskyung ba'i ched du yin

pa'i phyir/ 'og ma rnams la sbyar dgos pa shes par bya'o/ /gnyis pa
rtog pa'i khyad par bshad pa la gnyis/ gzung rtog bshad pa dang/
'dzin rtog bshad pa'o/ /dang po ni/ bzung bar rtog pa dbye gzhi rnam
pa gnyis yod de/ gzhi kun nas nyon mongs

pa'i rten can dang/ de'i gnyen po'i rten can du dbye bas gnyis su yod
pa'i phyir/ gnyis po de ni dbye gzhi so sor rnam pa dgu dgu yod de/
rmongs pa ma rig pa dang rnam byang gi phung po sogs la dmigs pa'i
bye brag gis de ltar du yod pa'i phyir/ gnyis

pa ni/ 'dzin par rtog pa'ang chos can/ rnam pa gnyis su yod de/ gang
zag rdzas yod dang skyes bu btags par yod par 'dzin pa'i 'dzin pa la
dmigs pa'i rten can gnyis su yod pa'i phyir/ de bzhin du gnyis po de la
yang dgu dgu yod de/ rang

@18a @#/ /dbang bdag sogs ngo bo la dmigs pa dang phung po sogs
rten dgu yod pa las de ltar du yod pa'i phyir/ gsum pa ni/ byang sems
sbyor lam pa'i rgyud kyi rnam mkhyen yid byed dang mi 'bral zhing
stong nyid zab mo'i don la/

sems mi 'gong zhing mi skrag pa nyid la sogs pa thabs la mkhas pa
dang/ de'i mi mthun pa'i phyogs nyan rang gi yid byed dang bden
zhen ci rigs bor ba'i ye shes chos can/ rnam pa kun tu byang sems
sbyor lam pa'i nang gi yongs 'dzin yin te/

byang sems sbyor lam pa srid zhi'i mthar ltung ba 'gog byed kyi de'i
mngon rtogs yin pa'i phyir/ byang sems sbyor lam pa la chos thams
cad don dam par ngo bo nyid med pa la sogs ston par byed pa'i dge
ba'i bshes gnyen de'i mi mthun phyogs 

bdud dang/ sdig grogs sogs bor ba'i lam ston pa'i sangs rgyas
mchog gi sprul sku chos can/ byang sems sbyor lam pa'i phyi'i yongs 
su 'dzin pa yin te/ de la thabsshes yongs su rdzogs pa 'doms par
byed pa'i de'i bdag rkyen dge ba'i

bshes gnyen yin pa'i phyir/ gsum pa gdams don ji ltar sgrub pa'i thabs
sgrub pa bshad pa la bzhi/ sgrub pa'i rten bshad pa dang/ sgrub pa'i
dmigs pa bshad pa dang/ sgrub pa'i ched du bya ba bshad pa dang/
sgrub pa rang gi ngo bo bshad pa'o/ /

dang po la gnyis/ rigs kyi dbye ba dang/ rtsod spong ngo/ /dang po
ni/ skabs 'dir bstan gyi rigs de la bcu gsum du yod de/ 'jig rten pa'i
lam theg chen gyi nges 'byed cha mthun bzhi dang/ 'jig rten las 'das
pa'i lam theg chen gyi mthong sgom gyi

lam gnyis te/ rtogs pa yi chos drug gi rten bcas kyi chos nyid drug
dang/ gnyen po bar chad med lam skye ba la mngon du phyogs pa
dang/ spang bya'i sa bon 'gags pa la mngon du phyogs pa'i tshul gyis
spong ba dang/ spang bya de dag yongs su gtugs pa'i

@18b rnam grol lam dang srid zhi'i mtha' 'gog pa'i shes rab snying
brtser bcas pa dang/ slob ma nyan thos sogs dang thun mong ma
yin pa nyid dang/ gzhan gyi don go rims su byed pa'i sgrub pa dang/
shes bya ji lta ba dang ji snyed pa la ye shes rtsol ba

mi mnga' bar 'jug pa'i sgrub pa ste/ bdun po de'i rten dri bcas kyi chos
nyid bdun te/ bcu gsum po de la rigs zhes bya ba yin pa'i phyir/ gnyis
pa la gnyis/ rtsod pa dang/ lan no/ /dang po ni/ theg pa gsum gyi rigs
ni tha dad par rung ba ma yin

zhing; rigs can gsum ga'i slob pa rnams theg chen gyi rigs la gnas
par thal/ byang sems kyi sems kyi chos nyid de rigs gang zhig /de
rnams kyi chos dbyings la dbyer med pa'i phyir/ gnyis pa ni/ theg pa
gsum gyi de bzhin nyid rigs dang de

gsum gyi de bzhin nyid la dmigs pa la khyad par med na/ rigs gsum
gyi dbye ba mi rung ba'i skyon med par thal/ brten pa'i chos kyi bye
brag gis rten de'i dbye ba 'jig rten na yongs su brjod cing/ grags pa
ltar rten chos kyi sgo nas dbye ba 'thad pa'i

phyir; gnyis pa sgrub pa'i dmigs pa ni/ chos rnams thams cad chos
can/ theg chen sgrub pa'i dmigs pa yin te/ de yi sgro 'dogs bcad par
bya ba'i gzhi yin pa'i phyir/ dmigs pa de yang chos can/ bcu gcig tu
yod de/ spyir dge ba dang la sogs pas

mi dge ba dang lung ma bstan gsum yin zhing/ gsum po de las phye
ba byis pa'i skye bo thams cad dang 'brel ba'i 'jig rten pa'i lam gyi
rtogs pa dang/ 'phags pa'i skye bo thams cad kyis bsdus pa'i zag med
kyi bsam gtan bzhi po gang dag 'jig rten

las 'das pa'i lam du 'dod pa dang/ nye bar len pa'i phung po lnga po
zag bcas dang/ zag med kyi dran pa nyer gzhag bzhi zag pa med pa'i
chos dang/ rgyu rkyen la rag las pa lam bden gang dag 'dus byas
rgyu dang rgyu la mi bltos pa bral ba 'dus ma byas

@19a @#/ /'bras bu'i cha dang/ theg pa gsum ga'i 'phags pa'i rgyud la
'byung ba bsam gtan bzhi slob ma nyan thos dang thun mong ba'i
chos rnams dang stobs bcu rten gyi gang zag thub pa'i thun mong
ma yin pa'i chos te bcu gcig tu yod pa'i phyir/

byang chub sems dpa'i sgrub pas dmigs pa la 'jug pa'i tshe yang rim pa
de ltar du dpyod par byed do/ /gsum pa ni/ rang byung du gyur pas
rang byung gi ming gis btags pa'i byang chub sems dpa'i ched du bya
ba 'di yin par shes par bya ste/ sems

can kun gyi mchog nyid du byed pa'i thugs rje chen po sems chen po
dang/ spangs pa mthar thug spong ba chen po dang/ rtogs pa mthar
thug rtogs pa'i chen po la chen po gsum gyis bstan pa rnams yin pa'i
phyir/ bzhi pa sgrub pa rang gi ngo bo bshad pa la

bzhi; bsam pa rgya che ba go sgrub/ sbyor ba rgya che ba 'jug sgrub/
tshogs gnyis rgyu che ba tshogs sgrub/ rnam mkhyen du gdon mi za
bar 'byin byed nges 'byung sgrub pa bshad pa'o/ /dang po ni/ go cha'i
sgrub pa gang yin pa de bshad pa'o/ /ji ltar na drug tshan

drug gi mdo ji lta ba bzhin du bshad pa'i phyir/ drug tshan drug tu
yod de/ go cha'i sgrub pa drug po de dag so sor sbyin pa la sogs pa
rnams la drug drug tu bsdus pa'i drug tshan drug tu yod pa'i phyir/
gnyis pa ni/ theg pa chen po'i lam gyis bsdus pa'i 

bsam gtan gzugs med dang sbyin sogs lam gyis bsdus pa brgyad
dang/ 'bras bus bsdus pa'i rnam kun mkhyen pa'i tshul la ni 'jug 
cing nyams su len pa'i byi ba chos can/ theg chen la 'jog pa yin par 
shes par bya ste/ rgyu dang 'bras

bus bsdus pa'i theg pa chen po la gong nas gong du 'jug pa'i sgrub pa
yin pa'i phyir/ 'jug sgrub dgu po de yang bsdu na gnyis su 'du ste/
theg chen gyi lam la 'jug pa dang/ de'i 'bras bu la 'jug pa gnyis su
nges pa yin pa'i phyir/ dang po la

@19b gsum yod de/ /theg chen gyis bsdus pa bsam gtan gzugs med la
snyoms par 'jug pa nyams su len pa'i bya ba gcig dang/ 'jig rten las
'das pa'i lam la 'jug pa dang/ de gnyis theg dman las 'byed pa'i chos
rnams yod pa'i phyir

bar pa la bzhi yod de/ rang don rtogs pa mthar thug 'thob byed
sbyin sogs phar phyin drug dang/ spangs pa phun tshogs 'thob byed
mthong ba la sogs pa'i lam dang/ gzhan don sgrub pa'i thabs byams
sogs tshad med bzhi dang/ gzhan don rnam par dag

byed stong nyid rtogs pa'i bden grub tu dmigs pa med pa dang ldan
pa rnams yin pa'i phyir/ gsum pa theg dman las 'byed pa'i chos la
yang gsum yod de/ bya byed bden pas stong pa'i 'khor gsum rnam par
dag pa dang/ dge rtsa ched du bya ba gsum

gyi don du sgyur ba dang/ /tshogs myur du rdzogs par byed pa'i thabs
mngon shes drug la 'jug pa rnams yod pa'i phyir/ gnyis pa grub ste/
'bras bu la 'jug pa rnam pa thams cad mkhyen pa nyid la dmigs nas
yang dag par gnas pa'i mtshan

nyid kyi nyams len gyi bya ba rnams yod pa'i phyir ro/ /gsum pa tshogs
sgrub bshad pa la gnyis/ spyir bstan pa dang/ bye brag tu bshad pa'o/
/dang po ni/ tshogs kyi sgrub pa yi rim pa de ltar yin par shes par bya
ste/ spyod pa rten dang bcas

pa'i dbang du byas pa thog mar sems can thams cad sdug bsngal
dang bral 'dod kyi brtse ba snying rje chen po dang/ snying rje'i
dbang gis sbyin pa la sogs drug gi sbyin pas tshe 'di'i bde ba sgrub pa
dang/ tshul khrims kyis phyi ma'i bde ba

sgrub pa dang/ bzod pa brtson 'grus bsam gtan rnams kyis ting nge
'dzin gyi bde ba la bkod nas gcig tu nges par byed pa dang/ shes rab
kyis myang 'das la bkod nas gtan du ba'i bde ba sgrub pa dang/
mnyam rjes kyi dbang du byas pa

@20a @#/ /zhi gnas dang lhag mthong dang bcas pa dang/ zhi lhag
zung du 'brel pa'i lam gang gi tshogs dang ldan pa ni/ gzhan don
byed pa'i thabs la mkhas pa'i tshogs gang yin pa dang/ tshogs kyi dbye
ba'i dbang du byas pa mnyam rjes

goms par byas pas ye shes dang ni bsod nams kyi tshogs dang ldan pa
dang/ 'bras bu 'grub cing dmigs pa 'dzin pa'i dbang du byas pa tshogs
gnyis goms pas mthong ba la sogs pa'i lam gyi tshogs dang ldan pa
dang/ lam dang ldan pas

tshig don mi brjed par 'dzin pa'i tshig la sogs pa gzungs kyi tshogs dang/
yon tan gyi rten byed cing sgrib pa spong ba'i dbang du byas pa yon
tan gyi rten byed pas sa bcu pa'i tshogs dang/ mi mthun phyogs spang
bar bya ba'i phyir gnyen po'i tshogs

rnams yin pa'i phyir/ gnyis pa la gnyis/ sa'i tshogs bye brag tu bshad
pa dang/ gnyen po'i tshogs bye brag tu bshad pa'o/ /dang po la gnyis/ 
rgyu'i sa bshad pa dang/ 'bras bu'i sa bshad pa'o/ /dang po la dgu 
las/ sa dang po la yongs sbyongs

bcu; gnyis pa la brgyad/ gsum pa la lnga/ bzhi pa la bcu/ lnga pa la
bcu/ drug pa la bcu gnyis/ bdun pa ring du song ba la yongs sbyongs
nyi shu/ brgyad pa mi g.yo ba la brgyad/ dgu pa legs pa'i blo gros la
yongs sbyongs bcu gnyis kyis bshad

pa'o; /dang po ni/ sbyong byed kyi chos yongs su sbyong ba rnam pa
bcu yis ni dang po'i yon tan rdzogs par 'thob par 'gyur ba yin te/
gzhi thams cad la g.yo rgyu dang gya gyu med pa'i bsam pa dang/
rang gzhan gyi dgos pa la phan pa theg pa chen

po'i chos kyi dngos po 'dzin pa nyid dang/ tshad med pa bzhis sems can
rnams la sems mnyam pa nyid dang/ sa 'dir sbyin pa'i phar phyin lhag
pas lus longs spyod dge rtsa sogs gtong ba la ser sna'i kun 'dzin mi
skye ba nyid dang/ sgo gsum

@20b gyis dge ba'i bshes gnyen mgu bar byed cing bsten pa dang theg
pa gsum du gtogs pa'i dam pa'i chos kyi dmigs pa shin tu rgyas pa'i sde
snod 'tshol ba dang/ rtag tu nges par 'byung ba'i sems nyid kyis khyim
la gnas pa la mngon par mi dga' ba

dang; sangs rgyas rjes su dran pa dang mi 'bral bar sangs rgyas kyi
sku 'dod cing dga' ba dang/ dpe ma khyud dang ser sna med pas chos
ston pa dang/ dam bcas pa mthar phyin par byed pas bden pa'i tshig ni
smra bar byed pa yongs sbyong bcus sa

dang po'i yon tan rdzogs par thob pa yin par 'dod pa'i phyir/ ji ltar
yongs su sbyong ba'i tshul sogs yod de/ bcu po 'di dag snying rje chen
po dang bden pa'i rang bzhin mi dmigs par rtogs pa'i shes rab kyis zin
pa'i sgo nas yongs su

sbyong bar shes par bya ba yin pa'i phyir ro/ /byang sems sa dang po
ba'i rgyud kyi yongs sbyong bcu po 'di chos can/ sa dang po'i yongs
sbyong yin te/ sa dang po'i mi mthun phyogs 'joms shing yon tan
rdzogs par byed pa'i sa dang po'i yon tan

yin pa'i phyir/ yongs su sbyong tshul dang yongs su sbyong don 'di
gong ma rnams la yang shes par bya'o/ /gnyis pa ni sa gnyis pa la
yongs sbyong brgyad yod de/ sa gnyis par tshul khrims kyi phar phyin
lhag pas dge ba chos sdud sogs tshul

khrims gsum dang/ gzhan gyis phan pa byas pa dran pa'i byas pa bzo
ba dang/ gnod pa byas pa bzod pa dang/ dge ba sgrub pa la spro ba'i
dga' ba dang/ sems can nam yang mi 'dor ba'i snying brtse ste snying
rje che ba dang/ mkhan po sogs gong ma

rnams la 'dud pa'i bkur sti byed pa dang/ bla ma dang dge ba'i bshes
gnyen la gus pas chos nyan pa gsung ji lta ba bzhin du sgrub pa
dang/ yongs sbyong brgyad pa sgrub pa dam pha sbyin pa la sogs par
phyin drug la brtson pa zhes bya ba brgyad yo  

@21a @#/ /pa'i phyir/ gsum pa ni/ sa gsum pa la yongs sbyong lnga yod
de/ mang du thos pa la brtson pas chos thos pas mi ngoms pa nyid
dang/ rnyed bkur grags pa sogs zang zing don du gnyer ba med par
gzhan la chos sbyin pa dang/ sangs

rgyas kyi zhing rten dang brten pa kun sbyong ba dang/ sa 'dir bzod
pa'i phar phyin lhag pas phan btags pa'i sems can gyi mi mthun pa
gnod pa byed pa la sogs 'khor ba'i nyes pa mthong bas gzhan don la
yongs su mi skyo ba dang/ rang dang

gzhan la ltos nas ngo tsha dang khrel yod rdzogs pas mi dge ba'i
chos mi bskyed pa zhes bya ba chos rnams la don dam par rlom pa
med pa mi dmigs par rtogs pa'i shes rab kyis zin pa'i bdag nyid yongs
sbyong de rnams lnga yod pa'i phyir/

bzhi pa ni/ sa bzhi pa la yongs sbyong bcu yod de/ nyan rang gi yid
byed kyis dben pa'am/ 'du 'dzis dben pa grong las rgyang grags gcig
gis 'phags pa'i dgon pa'i nags su gnas pa dang/ rnyed pa la 'dod pa
med pa'am 'dod pa chung

ba dang/ rnyed pa thob pa la lhag par 'dod pa med pa'i chog shes pa
dang/ bsod snyoms la sogs pa sbyangs pa'i yon tan bcu gnyis la yi
dam brtan pas yang dag par bsdoms pa brten pa dang/ nyes ltung gis
ma gos pas bslab pa

blangs pa srog la sogs pa'i phyir yang yongs su mi gtong ba dang/
'dod yon la sred pa ched du gtad nas spong bar byed pas 'dod yon
rnams la smod pa dang/ gdul bya dang 'tshams par byas pa la gzhol
bar byed pa dang/ phyi nang gi bdog pa kun

gtong ba dang/ sa 'dir brtson 'grus kyis phar phyin lhag pas rang la
dge ba mtha' dag sgrub pa'i nus pa yod par shes nas dge ba sgrub pa
la sems mi zhum pa dang/ dngos po thams cad la mngon zhen gyi lta
ba med pa zhes bya ba'i yongs sbyong bcu

@021b yod pa'i phyir/ lnga pa ni/ sa lnga pa la yongs sbyong bcu yod
de/ rnyed bkur la sred pas de'i don du rab byung sogs dang 'dris pa
dang/ khyim la sred pas gzhan la dang ba can gyi khyim la 'khren
pa ste mi ston pa dang/ 'du 'dzi la sred pas skye bo mang po rgyu

ba sogs kyi 'du 'dzir gyur pa'i gnas su gnas pa dang/ rnyed bkur gyi
ched du bdag bstod pa dang gzhan la smod pa dang/ de la brten nas
mi dge ba'i las kyi lam bcu lhag par 'phel ba dang/ thos pa la sogs
pa'i rlom pas gzhan la mi

'dud pa'i khengs pa dang/ blang dor phyin ci log tu zhen pa dang/
log lta sogs blo gros ngan pa dang/ chags sogs kyi nyon mongs la
bzod pa ste phyogs par byed pa'i chos bcu po 'di dag ni rnam par
spangs nas de las log pa'i chos gnyen po don

gyis 'phangs pa'i yongs sbyong bcus sa lnga pa'i yon tan rdzogs par
ni yang dag par thob pa'i phyir/ las 'bras la skur 'debs kyi log lta sa
dang po'i rnam grol lam nas sa bon dang bcas pa spangs zin pas/ dus
der 'khor der gnas pa'i gdul

bya la bltos pa'am/ yang na mthar 'dzin gyi rtag chad du 'dzin pa'i
mthar lta la log ltar btags pa la bya'o/ /nges par log lta la 'chad
na ni rgyang ring du thag bsring ba'i gnyen po skyes pa la bya'o/
/skabs 'di dag tu bstan pa'i spang bya gzhan

rnams kyang mngon gyur ba phal cher mi 'byung mod kyi/ sa der 'di
dag ni sa pon ci rigs pa spangs pa shes pa'i ched du de dag gi spang
byar rnam par gzhag pa'o/ /drug pa ni/ sa drug pa mngon du gyur pa
la yongs sbyong bcu gnyis yod de/ sbyin pa dang/

tshul khrims dang/ bzod pa dang/ brtson 'grus dang/ bsam gtan dang/
shes rab kyi phar phyin gyi nyams len drug rab tu rdzogs pas spang
bya drug spong ste/ tshul khrims dang/ bsam gtan gyi phar phyin
rdzogs pas/ slob ma nyan thos dang ni bse ru

@022a @#/ /rang sangs rgyas la dga' ba ste 'dod pa spong ba dang/ bzod
pa'i phar phyin rdzogs pas chos thams cad ngo bo nyid mi dmigs pa
la skrag pa'i sems spong ba dang/ sbyin pa'i phar phyin rdzogs pas
slong ba pos bslangs na

zhum pa spong ba dang mi zhum pa dang/ sbyin pa la spro dga'i
brtson 'grus kyi phar phyin rdzogs pas bdog pa kun btang yang mi
dga' ba spong bas mi dga' ba med pa dang/ shes rab kyi phar phyin
rdzogs pas dbul zhing bkren yang slong ba po mi spong bas na de

ltar gnyen po drug rdzogs pa dang/ spang bya drug spong ba ste
yongs sbyong ba cu gnyis kyis sa ni drug pa'i yon tan rdzogs par
yang dag par thob pa'i phyir/ bdun pa ring du song ba la/ spang bya
nyi shu spong ba dang/ gnyen po nyi shu ba bsten par bstan pa'o/
/dang

po ni/ spang bya nyi shu spong ba yod de/ bdag tu 'dzin pa dang/ sems
can du 'dzin pa dang/ srog tu 'dzin pa dang/ gang zag tu 'dzin pa
dang/ chad pa dang rtag pa dang mtshan ma dang rgyu dang phung
po dang khams dang skye mched dang ni khams gsum po la gnas

pa dang chags pa dang/ sems ni kun tu zhum pa dang/ sangs rgyas
chos dang dge 'dun te/ dkon mchog gsum dang/ tshul khrims la der
lta ba'i mngon par zhen pa dang/ stong pa nyid la rtsod pa ste
stong nyid dngos po'i 'jig byed du 'dzin pa dang/ stong

pa nyid de dang kun rdzob 'gal bar brjed pa'i 'dzin pa ste/ nyes pa ni
nyi shu po de gang la rnam par chad pa ste spangs pa de'i sa ni bdun
pa 'thob par 'gyur ba'i phyir/ gnyis pa ni gnyen po nyi shu'i ngo bor
gyur pa'i sa bdun pa'i yongs sbyong nyi shu yod de/

byang sems sa drug pa bas chos rnams kyis ngo bo rgyu 'bras bu
gsum bden pas stong pa'i rnam par thar pa'i sgo stong pa nyid dang/
mtshan ma med pa dang/ smon pa med pa'i rnam thar sgo gsum shes
pas/ rim bzhin gang zag gi bdag dang/ sems

@022b can dang srog tu 'dzin pa spong ba dang/ dge bcu'i lam la bsad
bya gsod byed/ bsad pa'i 'khor gsum bden grub kyis rnam par dag pa
nyid mngon sum du rtogs pas rang dbang ba'i gang zag gcig tu 'dzin
pa spong ba dang/ skye bo thams

cad la dmigs pa'i snying rje dang ldan pas sems can chad par 'dzin
pa slong ba dang/ dngos po bden bar rlom pa med pas sems can rtag
par 'dzin pa spong ba dang/ chos thams cad bden par grub pas stong
par mnyam pa nyid du

rtogs pas/ blang dor gyi mtshan ma bden par 'dzin pa spong ba dang/
mthar thug pa'i theg pa'i tshul gcig tu shes pas mthar thug pa'i rgyu
rigs tha dad pa gsum du 'dzin pa slong ba dang/ chos thams cad don
dam par mi skye ba yongs su

shes pas phung po bden par 'dzin pa spong ba dang/ stong nyid zab
mo la mi skrag pa'i bzod pa shes pas khams gsum la bden par 'dzin pa
spong ba dang/ skye mched kyis bsdus pa'i chos rnams theg pa chen
po'i thabs kyi sgo nas bden med du rnam pa

gcig tu ston pas skye mched bden par 'dzin pa spong ba dang/ bden
'dzin gyi rtog pa kun tu 'joms pa la brten nas khams gsum la gnas
byar bden par 'dzin pa spong ba dang/ gtsang bde sogs kyi mtshan mar
'dzin pa'i 'du shes med pa

dang; 'jig tshogs la lta ba sogs lnga 'dor ba dang/ chags sogs kyi
nyon mongs pa spong pa gsum gyis khams gsum la dor byar bden par
chags pa spong ba dang/ rnam mkhyen la rtse gcig pa'i zhi gnas nges
par sems pa sgom pas ni gong

ma'i khyad par rnam mkhyen 'thob mi nus snyam du sems zhum pa
spong ba lhag mthong gis bsdus pa'i shes rab khyad par can dang/
rten 'brel sgyu ma lta bur shes pa'i thabs la mkhas pa dang ldan pas
sangs rgyas la bden zhen spong ba dang/ gnas lugs

@023a @#/ /rtogs pas bden par lta ba'i khengs pa dang bral ba'i sems
dul bas chos la bden 'dzin spong ba dang/ thams cad la thogs pa med
pa'i ye shes dang ldan pas dge 'dun la bden zhen spong ba dang/
gang la yang bden

par chags pa'i sa ste gnas min par rtogs pas tshul khrims la bden zhen
spong ba dang/ chos rnam par 'byed pa'i don du rang gang 'dod par
zhing gzhan du ni mnyam du 'gro ba dang ldan pas stong nyid la
phyin ci log tu rtsod pa spong ba

dang; sems can rjes su bzung pa'i ched du gdul bya dang rjes su
mthun par kun tu bdag gi lus la dbang sgyur thob pas lus kyi ngo
bo ni ston pas stong pa dang rten byung 'gal bar brjod pa la 'dzin
pa spong ba nyid dang ni nyi shu yod pa'i phyir/

brgyad pa ni/ sa brgyad pa mi g.yo ba la yongs su sbyong ba la
brgyad yod de/ sems can kun gyi yid chags pa dang bcas pa dang/ de
dang bral ba sems gcig gis shes pa dang/ 'jig rten gyi khams thams
cad du rnam par rol pa'i rdzu

'phrul gyi mngon par shes pas brtse ba dang/ rang gi sangs rgyas kyi
zhing rten gser dang bai DUrya la sogs pa'i ngo bo bzang po sgrub
pa dang/ rnam pa thams cad du chos kyi tshig don yongs su rtogs pa'i
phyir sangs rgyas mnyes par byed pas

bsten pa dang/ lha'i mig skyes pas dbang po mchog dman shes pa
dang/ rang gi rgyal ba'i zhing rten pas/ sems can kyi rgyud yongs su
sbyong ba dang/ ldang 'jug thams cad du sgyu ma lta bu ra gnas pa
dang/ snying rje dang smon lam gyi dbang gis

bsams bzhin srid par skye ba len pa dang ni yongs sbyong gi las ni
rnam pa 'di brgyad du bshad pa'i phyir/ dgu pa ni/ sa dgu pa legs pa'i
blo gros la yongs sbyong bcu gnyis yod de/ phyin drug rdzogs pas
smon lam dag ni mtha' yas pa

@023b 'grub pa dang/ nges tshig so so yang dag rig pa thob pas/ lha la
sogs pa'i thams cad kyi bye brag shes pa dang/ spobs pa so so yang
dag rig pa thob pas chos ston pa la spobs pa chu bo lta bu zad mi
shes pa dang/ mngal du 'jug pa

mchog skye bo thams cad kyis bsngags pa'i ma'i mngal du 'jug pa
dang ni/ rgyal po dang bram ze'i rigs phun sum tshogs par gnas pa
dang/ nyi ma dang bu ram shing pa la sogs pa'i rus phun sum tshogs
par skye ba dang/ ma la sogs pa

bdu na brgyud tshun chad du legs par 'brel ba'i gnyen cho 'brang
dang/ rang gis btul te byang chub la bzhag pas chog pa'i dbang ba'i
'khor phun sum tshogs pa dang/ brgya byin dang mi'i dbang po la sogs
pas bstod par skye ba dag dang

ni sangs rgyas dang gnas gtsang ma'i lha'i bu la sogs pas bskul te
khyim nas nges par 'byung ba dang/ yid bzhin gyi nor bu 'dra ba'i
byang chub kyi shing ston pa'i a shwad tha dang/ byams pa'i klu
shing sogs byang chub kyi snying po la 'dug pa

rnams dang/ sangs rgyas dang sangs rgyas kyi chos stobs sogs kyi
yon tan thams cad phun sum tshogs pa ste rdzogs par byed pa zhes
bya ba yongs sbyong bcu gnyis rnams yin pa'i phyir/ gnyis pa ni/ 'bras
bu'i sa bcu pa la/ rigs nges pa'i

nyan thos kyi sbyor lam rigs kyi sa dang/ rgyun zhugs zhugs pa'i
rtogs pa brgyad pa'i sa dang/ rgyun zhugs kyi rtogs pa mthong ba'i
sa dang/ phyir 'ong gi rtogs pa srabs pa'i sa dang/ phyir mi 'ong gi
rtogs pa 'dod chags dang bral ba'i sa dang/ nyan thos

dgra bcom pa'i rtogs pa byas pa rtogs pa'i sa dang/ zhugs pa lhag ma
gsum gyi rtogs pa nyan thos kyi sa dang/ rang sangs rgyas kyi rtogs
pa rang sangs rgyas kyi sa dang bcas pa'i dman pa sa brgyad dang
rgyu'i sa dgu la byang chub sems dpa'i sa zhes

@24a @#/ /gcig tu grangs pa'i sa dgu'i snga ma shes mthong dang/ phyi
ma la gnas nas 'da' ba ste 'da' bya'i sa bcu pa'i ye shes ni chos can/
byang chub sems dpa'i sa bcu pa yin par shes par bya ste/ gang gi ste
mdo las 'da' bya sa dgu

bshad ma thag pa'i sangs rgyas kyi sar gnas pa zhes bshad pa de ni
yin pa'i phyir/ sa 'di yongs sbyong gis sgo nas mi 'chad pa'i rgyu
mtshan yod de/ rgyu'i sa dgu yongs sbyong gi sgo nas bshad cing/ sa
'og ma rnams kyi spangs rtogs kyi rigs yar ldan du yod

pas sa 'di mtshan nyid kyi sgo nas bshad pas rtogs nus pa'i phyir/ gnyis
pa gnyen po'i tshogs bye brag tu bshad pa ni/ mthong ba dang sgom
pa ste sgom pa'i lam dag la chos can/ gnyen po rnam pa brgyad yod
ces bya ste/ spang bya gzung ba dang 'dzin pa'i

rnam rtog brgyad po rnams nye bar zhi bar bya ba'i grangs kyi
brgyad yod pa'i phyir/ bzhi pa nges 'byung sgrub pa la/ nges par
'byung ba rnam pa brgyad kyi bdag nyid 'di nyams su len pa'i sems
dpa'i bya ba nges 'byung sgrub pa yin zhes shes par bya ste/

ched du bya ba chen po gsum dang/ chos thams cad don dam par ma
grub par mnyam pa nyid du rtogs pa dang/ sems can gyi don mtha'
yas par byed pa dang/ 'bad rtsol gyi mtshan ma med par byed pa nyid
kyis gzhan don lhun gyis grub pa

dang; de gsum ni sems chen po'i khyad par ro/ /rtag pa 'khor ba dang/
chad pa myang 'das kyi mtha' las 'das par mi gnas pa'i myang 'das su
nges par 'byung ba dang/ spang bya zad pas theg pa gsum gyi rtogs
bya'i don thams cad thob pa'i
  
mtshan nyid kyi nges 'byung gnyis ni spong ba chen po'i khyad par
dang chos bcu mngon sum du rtogs pa mthar phyin pa'i ye shes rnam
pa thams cad mkhyen pa nyid dang/ rnam mkhyen de'i khyad par gyi
lam rdo rje lta bu'i ting nge 'dzin gyi yul can gyis bsdus pa ste

@024b brgyad po phyi ma gnyis ni rtogs pa chen po'i khyad par ro/
/nges par 'byung ba spyi dang/ /bye brag de brgyad kyi sgo nas shes
par bya ba yin pa'i phyir/ gnyis pa skabs bsdu ba ni/ shes rab kyi pha
rol tu phyin pa'i man ngag gi bstan bcos mngon par rtogs

pa'i rgyan ces bya ba'i rnam bshad snying po'i don rab tu gsal ba
zhes bya ba las skabs dang po'i bshad pa'o// ! //gnyis pa rnam mkhyen
der bgrod pa'i thabs lam shes bshad pa la/ chos bcu gcig gis lam shes
mtshon te bstan pa dang/

skabs bsdu ba'o/ /dang po la gnyis/ lam shes kyi yan lag dang/ lam
shes kyi rang bzhin bshad pa'o/ /dang po la lnga/ bgegs nga rgyal
mngon gyur pa dang bral ba/ lhan cig byed rkyen sems bskyed pa/
nyer len rigs kyis khyab pa/ lam shes kyi rang

bzhin; lam shes kyi byed las so/ /dang po ni/ de bzhin gshegs pa'i rang
bzhin gyi 'od kyis/ 'dod gzugs kyi lha rnams kyi 'od mog mog por
mdzad pa la chos can/ dgos pa yod de/ 'dod gzugs kyi lha rnams kyi
nga rgyal bcom nas sems bskyed dang

lam shes kyi snod du rung bar bya ba'i phyir bu yin pa'i phyir/ gnyis
pa ni/ lam shes chos can/ khyod dngos su skye ba'i rten gyi yul so
sor nges pa yin te/ khyod byang chub mchog tu sems bskyed pa'i
gang zag kho na'i rgyud la skye ba yin pa'i phyir/ gsum pa ni/

byang sems las gzhan la lam shes skye bar mi rung ba ma yin te/
sems can thams cad la sangs rgyas kyi rigs kyis khyab pa'i phyir/
bzhi pa ni/ lam shes chos can/ nyan thos kyi lam las rang bzhin gyi
khyad par du 'phags te/ nyon mongs gtso bor mi

spong ba dang/ gzhan don byed pa'i yan lag tu byed pa'i rang bzhin
can yin pa'i phyir/ lnga pa ni/ lam shes chos can/ nyan thos kyi lam
las de'i byed las khyad par du 'phags te/ dus ma yin par 'dir bstan
yang dag mtha' mngon du mi byed cing/

@25a @#/ /sems can mtha' yas pa smin cing grol bar byed pa'i byed las
can yin pa'i phyir/ gnyis pa la gsum/ nyan thos kyi lam shes pa'i lam
shes kyi rang bzhin/ rang rgyal gyi lam shes pa'i lam shes kyi rang
bzhin/ byang sems

kyi lam shes pa'i lam shes kyi rang bzhin no/ /dang po la gnyis/ nyan
thos kyi lam shes pa'i lam shes kyi ngo bo dang/ de'i rgyu des 'byed
cha mthun no/ /dang po ni/ lam shes nyid rdzogs par sgom pa nyid
kyi tshul la ni/ nyan thos kyi lam 'di ji ltar sgom pa

yang shes par bya ste/ 'phags pa'i bden pa bzhi dag gi rnam pa bcu
drug sems bskyed bsngo ba bden par mi dmigs pa'i shes rab gsum gyi
sgo nas ni bsgom par bya dgos pa'i phyir/ gnyis pa ni/ 'phags pa nyan
thos kyi lam ngon sum du shes pa

la ni de'i rgyu nges 'byed cha mthun bzhi sngon du 'gro dgos te/
gzugs la sogs pa'i phung po dang de'i stong pa nyid rnams ngo bo
dbyer med par don spyi'i tshul gyis rtogs pa'i shes rab kyis dang por
zin pa'i mi rtag sogs bcu drug don spyi'i tshul gyis rtogs

pa'i dro ba ste drod dang/ gzugs sogs de dag don dam par mi dmigs
par rtogs pa'i shes rab 'phel bas zin pa rtse mor gyur pa dag tu 'dod
pa dang/ gzugs sogs de la rtag mi rtag sogs su bden par dmigs pa'i
tshul gyis gnas pa bkag

pa'i tshul bzod pa thob pas zin pa bzod pa rnams dang/ 'dzin pa sa bcu
dag la brtsams nas ni don dam par mi gnas par mdo las rgyas par
bstan pa yi bdag med do spyi'i tshul gyis rtogs pa'i shes rab kyis zin pa/
chos kyi mchog tu 'gyur ba ste

yin zhes bshad pa'i de bzhi sngon du 'gro dgos pa'i phyir/ gnas byar
mi bden pa ci'i phyir zhe na/ sangs rgyas kyis mngon sum du mkhyen
nas chos rnams gnas byar bden par yod na de gzigs dgos pa las de
ma gzigs pa'i phyir/ zhes tshad pa'i skyes bus

@25b ma dmigs pa'i gtan tshigs 'di sbyor lam bzhi ga la sbyar/ 'dir
dngos bstan gyi sbyor lam stong nyid rtogs pa'i sbyor lam dang
nyan thos kyi lam shes pa'i lam shes kyi rgyu nges 'byed cha mthun
ni shugs bstan gtso bo'i sbyor lam mo/ /gnyis pa

rang rgyal gyi lam shes pa'i lam shes kyi rang bzhin bshad pa la
gsum/ rten gyi khyad par/ de'i lam ji ltar she pa'i tshul/ de'i rgyu nges
'byed cha mthun bshad pa'o/ /dang po la gnyis/ khyad chos dngos
dang/ rtsod pa spong ba'o/ /dang po ni/ rang byung gi dgra

bcom pa chos can/ srid pa tha ma pa'i tshe gzhan gyis byang chub
bstan mi dgos te/ de'i chos slob dpon la mi bltos par bdag nyid kyis
byang chub rtogs pa'i phyir/ bse ru lta bu'i ye shes ni chos can/ nyan
thos las rtogs pa zab pa nyid du mngon

par brjod de/ nyan thos ltar chos ston pa'i ngag gi 'bras rtags las
rtogs ni mi nus shing/ lus kyis chos ston pa'i dbang gis rtogs pa zab
mo dang ldan pa'i phyir/ gnyis pa ni/ rang byung sangs rgyas kyi
ngag gi sgra med kyang chos ston pa mi 'gal

te; gdul bya gang dang rtogs bya'i don ni gang dang gang la rnam
pa ji ltar ji ltar nyan 'dod pa de dang de la don de dang de sgra
med kyang de ltar snang ba yin pa'i phyir/ gnyis pa ni/ bse ru lta bu'i
lam chos can/ khyad chos gsum dang ldan pas yang dag par

bsdus par shes par bya ste/ gzung ba gzugs sogs phyi rol gyi don du
rtog pa spong ba'i phyir dang/ gzugs 'dzin shes pa sogs bden par
'dzin pa mi spong ba'i phyir dang ni rigs la brten pa'i rten gyis khyad
par du byas par shes par bya ba'i phyir/

des na 'dir dngos su bstan pa'i gzugs 'dzin rjas gzhan gyis stong ba
mngon sum du rtogs pa'i ye shes de nyid yin la/ de la rang rgyal gyi
lam zhes bya la/ de rang rgyal gyi rgyud la yod pa ni de'i skye
mched drug gi chos nyid la brten la/ byang chub sems dpa'i 

@26a @#/ /rgyud la yod pa ni de'i rang bzhin gnas rigs la brten pa'o/
/rtog pa 'dis bsdus pa'i gzhi shes kyang rnam gzhag gi rten gyi dbang
du byas nas rang rgyal gyi lam du bzhag kyang byang chub sems
dpa'i rgyud la yang skye bas byang sems

kyis rang rgyal gyi lam shes pa'i tshul mig gis gzugs la blta ba'i tshul
du go bar mi bya'o/ /'dir bstan bya'i gtso bo ni rang rgyal gyi lam
shes pa'i lam shes so/ /gsum pa ni/ rang rgyal gyi lam mngon sum du
shes pa la/ de'i rgyu nges 'byed cha mthun

bzhi sngon du 'gro dgos te/ phyi rol gyi don med par rtogs kyang
brdar btags pa'i chos nyid dang mi 'gal bar gzugs sogs ston pa'i
rnam pa dro bar gyur pa dang/ rtse mor gyur pa gzugs la sogs pa
phyi rol gyi don 'grib pa med pa la sogs

pas phye ba dang/ nang stong pa nyid la sogs pa rtogs pa yis gzugs
sogs phyi rol don du mi 'dzin pa'i phyir bzod pa dang/ gzugs sogs
phyi rol don du skye ba med pa sogs kyi rnam pa can ni/ chos kyi
mchog ste de bzhi sngon du 'gro dgos pa'i

phyir; gsum pa byang chub sems dpa'i lam shes pa'i lam shes la gnyis/
mthong lam dang/ sgom lam mo/ /dang po la gnyis/ skad cig ma mdor
bstan pa dang/ rnam pa sgom tshul rgyas par bshad pa'o/ /dang po ni/
lam shes nyid kyi skabs la mthong

ba'i lam phan yon dang bcas pa 'di bshad de/ sdug kun gyi bden pa
dang 'gog lam gyi bden pa la dmigs pa'i bzod pa dang/ shes pa'i skad
cig rnam pa bzhi yis bshad pa yin pa'i phyir/ gnyis pa ni/ sdug bden gyi
de bzhin nyid dang/ sangs

rgyas te de rtogs pa'i ye shes de dag phan tshun rten brten pa'i bden
par med pa'i phyir/ de dag rten brten pa'i rnam grangs su khas mi len
pa ste bden par med par mngon sum du rtogs pa'i theg chen gyi
mthong lam sdug bsngal chos bzod kyi ye shes chos

@26b can; de'i rnam pa yin te/ de'i ngos skal gyi spang bya'i sa bon gyi
dngos gnyen byed pa'i sdug bsngal chos bzod kyi ye shes yin pa'i
phyir/ gzugs la sogs pa bden stong gi chos dbyings kyi ngo bo nyid
kyi de'i yul can gyi sher phyin yang chen po nyid du mngon

sum du rtogs pa'i sdug bsngal chos shes kyi ye shes chos can/ de'i
rnam pa yin te/ theg chen gyi mthong lam sdug bsngal chos bzod
kyi ngos skal gyi spang bya'i sa bon spangs pa'i sdug bsngal chos
shes kyi ye shes yin pa'i phyir/ de bzhin du sdug bsngal don

dam par 'jal byed kyi mtshan ma med pa nyid du mngon sum du rtogs
pa'i sdug bsngal rjes bzod kyi ye shes chos can/ de'i rnam pa yin te/
rtags sngar bzhin yin pa'i phyir/ nam mkha' tshad med pa de bzhin du
sdug bsngal de dag don dam par tshad med par mngon sum

du rtogs pa'i sdug bsngal rjes shes kyi ye shes chos can/ de'i rnam pa
yin te/ rtags sngar bzhin yin pa'i phyir/ gzugs sogs don dam par med
pa nyid kyis rtag pa dang chad pa'i mtha' nyid la sogs pa med par
mngon sum du rtogs pa'i kun 'byung chos bzod

kyi ye shes chos can/ de'i rnam pa yin te/ rtags sngar bzhin yin pa'i
phyir/ /kun 'byung chos shes der gnas pa'i rnal 'byor pa ni bden pas
stong ba'i ngo bo nyid kyis gzugs la sogs pa la sangs rgyas nyid kyi
rang bzhin bden stong du nges par 'dzin pa'i kun

'byung chos shes kyi ye shes chos can/ de'i rnam pa yin te/ rtags
sngar bzhin yin pa'i phyir/ chos thams cad don dam par blang ba
med pa nyid dang dor ba med par mngon sum du rtogs pa'i kun
'byung rjes bzod kyi ye shes chos can/ de'i rnam pa yin te/ rtags

sngar bzhin yin pa'i phyir/ don dam par ngo bo nyid med par mos pa
sngon du 'gro ba'i byams pa la sogs tshad med bzhi sgom par bya bas
te de ltar sgom pa'i phan yon dang ldan pa'i kun 'byung rjes shes kyi
ye shes chos can/ de'i rnam pa yin te/ rtags sngar bzhin

@27a @#/ /yin pa'i phyir/ kun 'byung rjes shes kyi tshe tshad med bzhi
mngon gyur du sgom pa min kyang de rjes kyi skabs su mngon gyur
sgom pa'i yon tan dang ldan pas/ de ma thag 'gog par lhung ba'i
nyes pa khegs pa yin no/ /gzugs

sogs dang po nas bden pas stong pa'i stong pa nyid du mngon sum
du rtogs pa'i 'gog pa chos bzod kyi ye shes chos can/ de'i rnam pa yin
te/ rtags sngar bzhin yin pa'i phyir/ chos dbyings dang mnyam pa dge
ba'i 'bras bu sangs rgyas nyid ni thob pa'i

phan yon can gyi 'gog pa chos shes kyi ye shes chos can/ de'i rnam
pa yin te/ rtags sngar bzhin yin pa'i phyir/ gnyen po rnam par byang
ba kun gyi rigs rnams yongs su bsdus pa'i phan yon dang ldan pa'i
'gog pa rjes bzod kyi ye shes chos can/ de'i rnam pa

yin te/ rtags sngar bzhin yin pa'i phyir/ phyi nang gi 'tshe ba'i nyams
nga ba dang/ nad kun sel ba'i phan yon dang ldan pa'i 'gog pa rjes
shes kyi ye shes chos can/ de'i rnam pa yin te/ rtags sngar bzhin yin
pa'i phyir/ don dam par ngo bo nyid med pa kho nas

gzugs la sogs pa dang mya ngan las 'da' ba la bden 'dzin zhi ba nyid
kyi lam chos bzod kyi ye shes chos can/ de'i rnam pa yin te/ theg
chen gyi mthong lam chos bzod kyi ngos skal gyi spang bya'i sa bon
gyi dngos gnyen byed pa'i lam chos bzod kyi ye

shes yin pa'i phyir/ shes rab dang thabs mkhas la zhugs pas/ lhas
byas pa dang 'byung bar 'gyur ba dang/ nad kyi bdag nyid can gyi
bar chad gsum sangs rgyas rnams kyis bsrung ba dang la sogs pas
skyabs pa dang/ sba bar mdzad pa'i

phan yon can gyi lam chos shes kyi ye shes chos can/ de'i rnam pa
yin te/ theg chen gyi mthong lam chos bzod kyi ngos skal gyi spang
bya'i sa bon spong ba'i lam chos shes kyi ye shes yin pa'i phyir/ srog
mi gcod pa la sogs pa rnam pa kun mkhyen pa nyid  

@27b kyi rgyu'i tshul phar phyin la bdag nyid gnas te/ sems can gzhan
dag 'god pa'i phan yon can gyi rjes bzod kyi ye shes chos can/ de'i
rnam pa yin te/ sngar bzhin yin pa'i phyir/ sbyin pa la sogs pa'i dge ba
mi zad par 'dod pas rdzogs pa'i byang chub

tu bsngo bar byed pa'i phan yon dang ldan pa'i lam rjes shes kyi ye
shes chos can/ de'i rnam pa yin te/ lam rjes bzod kyi ngos skal gyi
spang bya'i sa bon spangs pa'i lam rjes shes kyi ye shes yin pa'i phyir/
lam shes pa nyid kyi skabs la skad cig ma bcu

drug tu yod de/ gong du bstan pa de ltar yod pa'i phyir/ gnyis pa la
gnyis/ sgom lam gyi byed pa dang/ byed pa can gyi sgom lam mo/
/dang po ni/ theg chen gyi sgom lam gyi byed ba la drug yod de/
skyes bu byed pa'i 'bras bus kun nas sems rab tu zhi

bas rang dbang du byed pa dang/ nga rgyal dang rgyags pa bcom
pas dge ba'i bshes gnyen sogs thams cad la 'dud pa dang/ chags sogs
kyi nyon mongs zil gyis gnon pas nyon mongs las rgyal ba dang/
pha rol gyis byas ba'i dug mtshon dang byad

kha la sogs pa'i gnod pas rdzi ba med pa nyid dang/ rgyu mthun gyi
'bras bu rang stobs kyis yang dag par rdzogs pa'i byang chub sgrub
pa dang/ bdag po'i 'bras bu sgom pa'i byang sems gang du bzhugs pa'i
rten gyi yul de yang mchod bar bya ba nyid

du byed pa drug tu yod pa'i phyir/ gnyis pa la gnyis/ zag bcas sgom
lam dang/ zag med sgom lam mo/ /dang po la gsum/ mos pa sgom lam/
bsngo ba sgom lam/ rjes su yi rang sgom lam dang gsum las/ dang po
ni/ theg chen gyi sgom lam mos

pa chos can/ rnam pa gsum du shes par bya ste/ rang gi don dang ni
rang gzhan gnyis ka'i don dang/ gzhan don mos pa sgom lam rnams
yod pa'i phyir/ mos pa gsum po de yang chos can/ so sor rnam pa
gsum gsum du 'dod de/ re re la'ang chung ngu

@28a @#/ /'bring chen po gsum gsum du yod pa'i phyir/ chung 'bring
chen po de yang chos can/ rnam pa gsum gsum du yod de/ chung
ngu'i chung ngu sogs kyi dbye ba yi de ltar na mos pa rnam pa nyi
shu rtsa bdun du 'dod pa'i phyir/ spyir mos

pa'i yul ni lung rigs kyis gtan la phab pa'i dge ba thams cad yin la/
theg chen gyi sgom lam gyi mos pa'i yul ni gzhung lam 'bras bu'i
sher phyin rnams yin no/ /gnyis pa ni/ gzhung lam 'bras bu'i shes rab
kyi pha rol tu phyin pa la don

gsum gyi 'byung gnas su mos pa'i gnas skabs rnams la ni chos can/
bstod pa dang bkur ba dang bsngags par 'dod de/ dgu tshan gsum gyis
bstod bkur bsngags pa gsungs pa'i phyir/ gnyis pa la/ bsngo ba'i rang
bzhin dang/ byed pa

gnyis las/ byed pa ni/ byang sems sgom lam pa'i bsngo ba de'i byed pa
nyan rang gi bsngo ba gzhan las khyad par du mchog yin te/ rang
gzhan gyi dge rtsa byang chub kyi yan lag tu sgyur bar byed pa'i
bla na med pa'i bsngo ba yin pa'i phyir/ rang bzhin la

bsngo ba spyi'i ngo bo ni/ nyan rang gi dge ba las yongs su bsngo ba/
khyad par can gyi ming can gyi bla na med pa'i byang chub la dmigs
pa'i bsngo ba dang/ khyad par la bsngo bya'i rdzas la bden zhen
dgag pa/ bsngo bya de ni don dam par dmigs pa med pa'i

rnam pa can gyi bsngo ba ni tshul khrims sogs don dam par mi dmigs
pa'i bsngo ba dang/ sngo byed kyi sems la bden zhen dgag pa phyin
ci ma log pa'i mtshan nyid can gyi bsngo ba ni sngo byed kyi sems don
dam par mi dmigs pa'i bsngo ba dang/ sngo ba po la bden

zhen dgag pa sngo ba po don dam par dben pa'i ming gzhan gyi
bsngo ba ni sngo ba po bdag la sogs pa dang ldan pa'i dngos po don
dam par mi dmigs shing tha snyad du dmigs pa'i bsngo ba dang/ rang
dang sangs rgyas kyi dge ba la bzang ngan du bden zhen 'gog pa/

@28b sangs rgyas kyi bsod nams tshogs kyi rang bzhin dran pa'i spyod
yul can gyi ming can gyi bsngo ba ni dus gsum gyi sangs rgyas kyi
dge bdon dam par mi dmigs shing tha snyad du byang chub tu bsngo
ba dang/ phyin drug gi dge ba la bden zhen 'gog pa thabs la mkhas
pa

dang bcas pa'i ming can gyi bsngo ba ni sbyin sogs don dam par mi
dmigs pa'i bsngo ba dang/ bsngo ba thams cad la 'khor gsum du bden
zhen 'gog pa mtshan ma med pa'i ming can gyi bsngo ba ni don dam
par mtshan ma bkag pa'i bsngo ba dang tha snyad du rten

'brel sgyu ma ltar shes nas bsngo ba sangs rgyas kyis gnang nas
rjes su yi rang ba'i ming can gyi bsngo ba ni lam thams cad don dam
par mi dmigs shing tha snyad du byang chub tu bsngo ba dang/ sangs
rgyas kyi sar bsngo ba ni khams gsum du mi gtogs pa'i ming

can gyi bsngo ba ni khams gsum du don dam par mi dmigs shing tha
snyad du bsngo ba dang/ 'khor ba'i rgyur mi bsngo ba ni/ bsngo ba
gzhan ni rnam pa gsum po bsod nams che 'byung bdag nyid kyi bsngo
ba chung ngu dang 'bring dang chen po yi ni rim pa bzhin du stong

gsum gyi sems can thams cad dge ba bcu'i las lam la bkod pa'i dge ba
don dam par mi dmigs shing tha snyad du byang chub kyi yan lag tu
sgyur ba dang/ sems can thams cad rgyun zhugs sogs la bkod pa'i
dge ba don dam par mi dmigs

shing tha snyad du byang chub kyi yan lag tu sgyur ba dang/ sems
can thams cad bla na med pa'i byang chub la bkod pa'i dge ba don
dam par mi dmigs shing tha snyad du byang chub kyi yan lag tu
sgyur bar byed pa'i bsngo ba yin pa'i phyir/ gsum pa ni/ zag pa

dang bcas pa'i rjes su yi rang ba yid la byed pa'i sgom pa'i lam yin par
skabs 'dir brjod pa'i phyir/ tha snyad du dge rtsa rnams sgyu ma lta
bur rtogs pa'i thabs dang/ don dam par mi dmigs par rtogs pa'i shes
rab kyis zin pa dag gis rang gzhan

@29a @#/ /gyi dge ba'i rtsa ba la dga' ba sgom pa'i yid bde dang mtshungs
ldan gyi dang ba'i dad pa ni rjes su yi rang ba'i sgom lam yin par
brjod pa'i phyir/ gnyis pa la gnyis/ sgrub pa sgom lam dang/ rnam dag
sgom lam mo/ /dang

po ni/ sa gnyis pa'i mnyam gzhag ye shes chos can/ sgrub pa sgom lam
de'i ngo bo nyid de ngo bo yin te/ gzugs sogs kyi gnas lugs phyin ci
ma log par rtogs pa'i sa gnyis pa'i rjes la mngon rtogs yin pa'i phyir/
'bras bu khyad par du

sangs rgyas thob pa'i thabs mchog nyid yin te/ des ma zin pa'i sbyin
pa gzhan gyis sangs rgyas mi thob pa dang/ des zin pa'i dbang gis
thob pa'i phyir/ byed las kun la bden par mngon par 'du mi byed pa
yin te/ chos thams cad kyi khyad par bden

pa'i skye med du rtogs pa la sbyor ba'i phyir/ gnas skabs kyi 'bras bu'i
khyad par can dang ldan te/ ngo bo nyid dang 'bras bu dang byed
pa'i khyad par la sogs pa dang ldan pa'i lam gyi chos rnams bden par
dmigs su med par rtogs pa'i shes rab

kyis zin pa'i sgo nas rnal 'byor pa'i rgyud la gnas skabs kyi 'bras bu
khyad par can gtod par byed pa'i phyir/ mthar thug gi 'bras bu don
chen bo nyid byed de/ don chen po sangs rgyas nyid du byed pa'i
phyir/ gnyis pa la bzhi/ rgyu'i khyad par dang/ yul

gyi khyad par dang/ 'bras bu'i khyad par dang/ ngo bo'i khyad par ro/
/dang po ni/ gsum po 'di rnams rnam dag sgom lam 'di la mos pa'i
rgyu dag yin te/ phyi'i rkyen sangs rgyas bsten pa dang/ nang gi
rkyen sbyin sogs dang zhi lhag zung 'brel gyi thabs la mkhas

pa gang yin pa rnams yin pa'i phyir/ rnam dag sgom lam sogs kyi chos
kyis 'phongs pa'i rgyu dag ni bzhi yod de/ sngon dge ba ma bsags pas
bdud kyi thibs kyis non pa dang/ zab mo'i chos la mi mos pa dang/
phung po la sogs pa'i chos la bden par mngon par

@29b zhen pa dang/ sdig pa'i grogs pos zin pa sogs bzhi yod pa'i phyir/
gnyis pa ni/ dge sbyong gi tshul gyi 'bras bu rang 'thob byed kyi bar
chad med lam gyi ngos skal gyi dri mar gyur pa'i rang rgyud ldan
gyi gang zag gi rgyud kyi dri ma dag pa na/ de'i yul gzugs

la sogs pa yang dri ma de nyid kyis dag pa nyid de/ gang gi phyir na
dag bya rigs gcig gis dben pa'i dag pa de gnyis rang gi mtshan nyid
ngo bo tha dad pa'i sgo nas tha dad ma yin zhing/ rigs tha dad pa'i
sgo nas bcad du med pas dag pa rigs gcig tu

brjod pa'i phyir/ gsum pa ni/ nyan thos dang rang sangs rgyas dang
byang sems sgom lam pa rnams dri ma ci rigs pa rnam par dag ba'i
dag pa dang ldan te/ nyan rang dgra bcom gnyis rim bzhin du nyon
mongs pa'i sgrib pa dang/ gzugs phyir rol don du 'dzin pa'i shes

bya'i sgrib pas dben zhing/ byang sems sgom lam pa lam gsum gyi
sgrib pa'i sa bon ci rigs pa spangs shing nyams pa'i phyir dag pa de
dag ni slob ma dang bse ru dang rgyal sras rnams kyi dag pa ste
dag pa yin pa'i phyir/ sangs rgyas rnams

kyi dag pa ni chos can/ rnam kun shin tu bzhes bya ste/ mthar thug
pa'i dag pa yin pa'i phyir/ bzhi pa la gnyis/ rnam dag shin tu ba yin min
gyi khyad par dang/ sangs rgyas kyi rnam dag shin tu bar sgrub pa'o/
/dang po ni/ sangs rgyas kyi rnam dag shin tu

ba dang nyan rang gi rnam dag shin tu ba ma yin te/ 'dod pa dang/
bsam gtan bzhi dang/ gzugs med bzhi ste/ khams gsum sa dgu la ni
yod pa'i sgom spang gzung 'dzin gyi rnam par rtogs pa chen po'i
chen po nas chung ngu'i chung ngu la sogs pa

'joms byed dri ma yi gnyen po theg chen gyi sgom lam chung ngu'i
chung ngu la sogs pa'i lam ni sgrib pa gnyis ka dag par byed pa'i lam
yin la/ nyan rang 'phags pa'i sgom lam gyis dri ma mtha' dag dngos
su zad mi nus pa'i phyir/ gnyis pa ni/ kho

@30a @#/ /na re/ khyod kyi lugs la ma dag pa'i gzhan dbang bden par
grub par thal/ gnod bya spang bya'i dbye ba dgu grub pa'i phyir/ yang
dag pa'i gzhan dbang bden par grub par thal/ gnod byed gnyen po'i
dbye ba dgu grub pa'i

phyir; zhes pa ni/ bden gnyis 'gal bar 'dzin pa'i rtsod pa dang/ spang
gnyen skye rims dang 'gag rims la rtsod pa ni/ kho na re/ ji skad
bshad pa'i spang gnyen skye 'gag gi rim pa mi 'thad de/ dgra stobs
ldan la gshed ma stobs ldan

dgos pa ltar/ de la sgom spangs chen po'i chen po nas dang por rims
gyi 'gags na gnyen po'i sgom lam chen po'i chen po nas rims gyi skye
ba 'thad la/ dgra stobs zhan pa la gshed ma stobs ldan mi dgos pa
ltar/ sgom spangs chung ngu'i

chung ngu nas rims kyi 'gags na/ gnyen po sgom lam yang chung
ngu'i chung ngu rims kyi skye bar rigs so zhes pa kun rdzob la brten
pa'i rtsod pa'o/ /sngar sangs rgyas rnam kun shin tu ba/ zhes pa las
'phros pa yin te/ lan ni/ byang chub sems dpa'i

sgom lam mnyam gzhag ye shes de ni chos can/ khams gsum gyi sgrib
pa ma lus pa dag byed kyi gnyen po nyid du 'dod pa yin te/ spang
gnyen gyi rim pa de la ji skad bshad pa'i klan ka gos la chags pa'i dri
ma rags pa sel ba la yun ring por

'bad mi dgos la/ gos la chags pa'i dri ma phra mo bsal ba la btso lag
mkhan che tha da du 'bad pa'i dpes klan ka spangs pa'i sgo nas spang
bya de dag gi gnyen por grub pa'i phyir/ der thal/ 'jal byed shes pa
dang/ gzhal bya dag don dam par ma

grub par mnyam pa nyid du mngon sum gyis rtogs pa nyid kyis spang
bya de dag dngos su 'joms pa'i phyir/ gnyis pa ni/ shes rab kyi pha rol
tu phyin pa'i man ngag gi bstan bcos mngon par rtogs pa'i rgyan ces
bya ba'i rnam bshad snying po'i don rab tu

@30b gsal ba zhes bya ba las skabs gnyis pa'i bshad pa'o// //! gsum pa
lam shes rnam par dag byed kyi yan lag gzhi shes bshad pa la gnyis/
le'u'i gzhung bshad pa dang/ skabs bsdu ba'o/ /dang po la gnyis/ gzhi
shes kyi rang

bzhin bshad pa dang/ mkhyen pa gsum gyi mjug bsdu ba'o/ /dang po la
gsum/ nye ring gi lam bshad pa dang/ gzhi shes kyi sbyor ba dang/
sbyor ba sgom pa'i 'bras bu bshad pa'o/ /dang po la gsum/ lam nye ring
gi rgyu mtshan dang/ rgyu mtshan de nyid sgrub pa

dang; mi mthun phyogs dang gnyen po'i phyogs bshad pa'o/ /dang po
ni/ gzhi shes pa'i shes rab kyi pha rol tu phyin pa mi rtag sogs bcu
drug mngon sum du rtogs pa'i theg chen gyi mthong lam chos can/
sangs rgyas dang byang chub sems dpa'i rgyud la nye bar

'dod de/ dus gsum gyi chos rnams bden pa'i rang bzhin med par
mnyam pa nyid du mngon sum du rtogs pa'i shes rab kyis zin pa'i theg
chen 'phags pa'i ye shes yin pa'i phyir/ de chos can/ tshur rol 'khor ba'i
mtha' dang/ pha rol zhi ba'i mtha' la gnas

pa ma yin te/ srid mtha' 'gog byed kyi shes rab dang/ zhi mtha' 'gog
byed kyi snying rje chen pos zin pa'i theg chen 'phags pa'i mngon
rtogs yin pa'i phyir/ de chos can/ mtha' de dag gi bar na 'ang don
dam par mi gnas te/ stong nyid mngon sum du

rtogs pa'i shes rab kyis zin pa'i theg chen 'phags pa'i mngon rtogs yin
pa'i phyir/ gnyis pa ni/ nyan rang 'phags pa chos can/ gzhi shes pa'i
sher phyin de ni khyod la ring ba yin te/ gzhi la bden par grub pa'i
mtshan mar dmigs pa'i sgo

nas 'bras yum bskyed pa'i thabs mkhas pa ma yin pas zin pa'i phyir/
byang chub sems dpa' chos can/ sher phyin de ni khyod la yang dag
nye ba nyid du bshad pa'i rgyu mtshan yod de/ khyod 'bras yum sgrub
pa'i thabs la mkhas pas zin pa yin pa'i  

@31a @#/ /phyir; gsum pa la gsum/ gzhi lam la mtshan 'dzin gyi spang
gnyen dang/ 'bras bu la mtshan 'dzin gyi spang gnyen dang/ mjug bsdu
ba'o/ /dang po la gnyis/ spang bya dang/ gnyan po'o/ /dang po ni/ gzhi
shes bya ji lta bas bsdus pa gzugs

la sogs pa'i phung po gang zag gi bdag gis stong pa nyid dang/ ji
snyed pas bsdus pa dus gsum du gtogs pa'i chos rnams dang/ lam
sbyin sogs byang chub kyi phyogs rnams la bden par spyod pa'i 'du
shes kyis bcings pa'i nyan thos kyi mthong lam ni chos

can; byang chub sems dpar rigs nges pa'i lam gyi gol sa mi mthun
phyogs yin te/ 'bras bu sher phyin sgrub pa'i ring lam yin pa'i phyir/
gnyis pa ni/ sbyin pa la sogs pa 'khor gsum du bden par zhen pa'i ngar
'dzin med pa la rang gnas pas gdul bya

gzhan dag de la sbyor bar byed pa'i byang chub sems dpa'i rgyud kyi
gzhi lam bden med du mngon sum du rtogs pa'i byang sems 'phags
pa'i ye shes de ni chos can/ gzhi lam la bden par chags pa'i mtha'
'gog pa yin te/ de'i dngos gnyen yin pa'i phyir/ gnyis

pa la gsum/ 'bras bu la mtshan 'dzin gyi ngo bo dang/ spong byed kyi
gnyen po dang/ 'phros don no/ /dang po ni/ rgyal ba la sogs pa la
bden par chags pa phra mos bcings bzhin du de la phyag 'tshal ba
sogs ni chos can/ byang chub sems dpa'i lam gyi mi mthun phyogs

yin te/ de'i gol sa yin pa'i phyir/ gnyis pa la gnyis/ mi mthun phyogs
yin pa'i rgyu mtshan dang/ spong byed gnyen po'o/ /dang po ni/ chags
pa phra mo mi mthun phyogs yin te/ chos rnams kyi lam gnas lugs
mthar thug ni zab pa nyid de/ rang bzhin gyis dben pa'i

chos nyid yin pa'i phyir/ gnyis pa ni/ byang sems 'phags pa rnams kyi
chos rnams rang bzhin gcig par bden stong du mngon sum du yongs
su shes pa'i mthong lam ni chos can/ 'bras bu la bden par chags pa
spong ba yin te/ de'i dngos gnyen yin pa'i phyir/

@31b gnyis pa la gnyis/ zab pa'i rgyu mtshan dang rtogs dka' ba'i rgyu
mtshan no/ /dang po ni/ don dam bden pa de ni chos can/ rtogs par
dka' bar bshad pa'i rgyu mtshan yod de/ mthar thug dpyod pa'i rigs
shes kho nas rtogs par bya ba yin gyi/ gzugs mthong ba la sogs

pa tha snyad pa'i tshad mas rtogs pa bkag pa yi phyir ro/ /gnyis pa ni/
don dam bden pa de chos can/ tha snyad pa'i blos bsam gyis mi khyab
par 'dod de/ gzugs la sogs pa kun rdzob kyi bden pa yin par mi shes
pa'i phyir/ gsum pa ni/ kun shes nyid kyi lugs la ste

skabs su mi mthun pa dang gnyen po'i phyogs dag gi gzhi shes kyi
rnam par dbye ba ma lus pa mdo las ji skad bshad pa 'dir shes par
bya ste/ sngar bshad pa de ltar shes par bya ba'i phyir/ gnyis pa gzhi
shes sbyor ba la gnyis/ sbyor ba'i dbye ba dang/ sbyor ba'i rang

bzhin no/ /dang po ni/ 'dir bstan gyi byang sems kyi sbyor ba de la
bcur yod de/ yul gyi sgo nas dbye ba bzhi/ ro bo'i sgo nas gsum/ byed
pa'i sgo nas gnyis/ shes byed dpe'i sgo nas dbye ba rnams su yod pa'i
phyir/ dang po grub ste/ kun rdzob la dmigs pa gsum dang/

don dam la dmigs pa gcig yod pa'i phyir/ khyad gzhi gzugs la sogs pa
la bden zhen bkag pa dang/ khyad chos de mi rtag sogs dang rten
gyi khyad par de yon tan gyi rten du so sor ma rdzogs pa dang/ rab
tu rdzogs pa de la bden par chags pa med pa nyid la spyod pa

bkag pa dang/ don dam la dmigs pa ni bden par chags pa med pa nyid
la gnas nas bden par zhen pa'i spyod pa bkag pa'i sbyor ba dang bzhi
yod pa'i phyir/ gzhan dbang bden stong sgyu ma lta bur rtogs pa ni
yon tan gyi rten du rdzogs pa yin te/ de la brten nas mi mthun pa'i

phyogs spong nus shing/ yon tan gong nas gong du 'phel bar 'gyur
ba'i phyir/ gzhan dbang bden par zhen pa yon tan gyi rten du ma
rdzogs pa yin te/ yon tan skye ba'i gegs byed pa yin pa'i phyir/ ngo
bo'i sgo nas gsum yod de/ las su bya ba sher phyin don dam par 'phel
'grib

@32a @#/ /kyis gzhan du mi 'gyur bar rtogs pa dang/ byed pa'i sgo nas
don dam par byed pa po med pa nyid dang/ bya ba 'bras bu'i sgo nas
go rim bzhin du thams cad mkhyen pa nyid mngon sum gyi ched du
dka' ba don dam par mi dmigs kyang tha

snyad du ched du bya bar rtogs pa dang/ sbyor ba bya dka' ba rgyu
dus kyi lam shes don dam par mi dmigs kyang tha snyad du rnam
mkhyen gyi rgyu'i sbyor bar rtogs pa dang/ las bya dka' ba gzhi shes
don dam par mi dmigs kyang tha snyad du gzhan rjes su 'dzin

pa'i thabs kyis byed pa dang ldan par rtogs pa'i bya dka' rnam gsum
gyi sbyor ba dang gsum yod pa'i phyir/ byed pa'i sgo nas gnyis yod de/
'bras bu bskyed pa'i bya ba byed pa'i sgo nas rigs can gsum gyi skal
pa ji lta ba bzhin du 'bras bu

thob pas 'bras yod 'dod pa de dang/ phan yon dang ldan pa'i sgo nas
byang chub rang stobs kyis thob pa dang/ srung skyob sogs rang gi
nus pas gzhan la rag las min pa gang dang gnyis yod pa'i phyir/ shes
byed kyi dpe'i sgo nas

bden par ma grub bzhin du snang ba rmi lam dang/ sgyu ma dang/
smig rgyu dang/ sgra brnyan dang/ gzugs brnyan dang/ dri za'i
grong khyer dang/ sprul pa'i dpe rnam pa bdun gyi sgo nas shes par
byed pa'o/ /shes par byed tshul ni/ rten 'brel 'di rnams chos can/

bden par med de/ mngon zhen gyi bag chags yongs su 'gyur ba'i
snang ba tsam yin pa'i phyir/ dper na rmi lam bzhin no zhes sogs kyi
sgo nas shes par byed do/ /'dir dngos bstan stong nyid rtogs pa'i
byang sems kyi sbyor ba dang/ gzhi shes sbyor ba

shugs bstan gyi gtso bo'i sbyor ba'o/ /gnyis pa ni/ gzhi shes kyi sbyor
ba de nyid gang gis zin par bya ba'i phyir sgom pa'i skabs 'dir dngos
bstan gyi sbyor ba de yi mnyam nyid bzhi yod de/ gzugs la sogs pa'i
ngo bo dang/ sngon po la sogs pa'i mtshan

@32b ma dang/ spros pa'i dbye ba dang/ yul can rtogs pa rnams la
bden par rlom pa med pa'i sbyor ba rnam pa bzhi yod pa'i phyir/ gsum
pa sbyor ba sgom pa'i 'bras bu la gnyis/ skad cig ma mdor bstan pa
dang/ rnam pa rgyas par bshad pa'o/ /

dang po ni/ 'dir dngos su bstan pa'i sdug bsngal la sogs pa'i bden pa
bzhi la dmigs nas chos shes pa'i bzod pa dang/ rjes su shes pa'i bzod
pa dang/ chos dang rjes su shes pa'i skad cig bcu drug gi bdag nyid
'di chos can/ kun

shes tshul la mthong ba'i lam yin te/ 'da' bar byed pa'i mthong lam
'phen par byed pa'i 'da' byed kyi bden pa mngon rtogs yin pa'i phyir/
gnyis pa ni/ bden bzhi la dmigs pa'i rnam pa bcu drug yod de/ don
dam par rtag pa yang ma

yin; mi rtag pa yang ma yin pa dang/ sdug bsngal don dam par rtag
pa dang chad pa'i mtha' las 'das pa dang/ sdug bsngal don gzhan gyi
bdag gis stong pa don dam par rang bzhin gyis rnam par dag pa
dang/ sdug bsngal gang zag gi bdag

gi ngo bor ma grub pa don dam par ma skyes pa dang/ ma 'gags pa
dang la sogs pas chags sogs kyi kun nas nyon mongs pa ma yin pa
dang/ dad sogs kyi rnam par byang ba ma yin pa ste/ de ltar mngon
sum du rtogs pa'i ye shes bzhi ni/ sdug

bsngal shes bzod kyi rnam pa bzhi dang/ sdug bsngal gyi rgyu las
dang sred pa don dam par ma grub pa nam mkha' dang 'dra ba dang/
kun 'byung nyon mongs pa nye ba'i nyon mongs pa'i chags pa spangs
pa ste/ de mi dmigs pa dang/ don dam par sdug

bsngal rab tu skye ba dang mi skye ba dang ma 'brel bas yongs su
'dzin pa las grol ba dang/ sdug bsngal gyi rkyen dang rkyen ma yin
pa las grol bas don dam par rang gi ngo bo nyid kyis brjod du med
par mngon sum du rtogs pa'i ye shes bzhi ni kun

@33a @#/ /'byung bden pa'i rnam pa bzhi dang/ rgyu mtshan gang gi phyir
na 'gog pa'i bden pa 'di'i don gzugs sogs ltar tshig tu brjod pa yis/ don
dam par rgyud gzhan la sbyin du med pa dang/ sdug bsngal zhi ba
dang/ ma zhi ba don

dam par med pas don dam par dmigs pa med par byed pa dang/ thar
pa gya nom pa dang gya nom pa ma yin pa don dam par ma grub pas/
rtag chad kyi mtha' las 'das shing rang bzhin gyis shin tu rnam par
dag pa dang/ nges 'byung dang nges

'byung med pa yang don dam par med pas nad mi 'byung ba'i phan
yon dang ldan pa'i stong nyid mngon sum du rtogs pa'i ye shes de
bzhi ni 'gog pa shes bzod kyi rnam pa bzhi dang/ lam dang lam min
par don dam par grub pa dang bral bas dmyal

ba sogs ngan song chad pa dang/ rigs pa dang rigs pa ma yin pa
dang/ don dam par ma 'dres pas rgyun zhugs sogs kyi 'bras bu mngon
du bya ba'i thabs la/ don dam par mi rtogs pa nyid dang/ gnas lugs
phyin ci ma log par sgrub pa dang

sgrub pa ma yin par don dam par ma sgrub pas chos thams cad kyi
bden par grub pa'i mtshan ma dag dang ma 'brel ba dang/ theg chen
gyi mthong lam rjes shes chos can/ brjod bya'i dngos bo dang/ rjod
byed kyi ming dang tshig gnyis po la gnyis snang dang

bcas pa'i tshul gyis dmigs pa'i shes pa skye ba med pa yin te/ myang 'das
su nges par 'byin pa dang/ nges par 'byin pa ma yin pa don dam par
med par mngon sum du rtogs pa'i ye shes yin pa'i phyir/ de bzhi ni lam
shes bzod kyi rnam pa

bzhi yin no/ /gong ma rnams la yul gyi gnas tshul gyis de ltar bshad/
tshig tshogs chung gis go sla bas de ltar bshad kyi don ni tha ma 'di
ltar kun la sbyar ro/ /sngar bshad pa'i rnam pa can gyi kun shes nyid
kyi skabs su bstan pa'i shes bzod skad cig

@33b ma bcu drug chos can/ skabs 'dir dngos su bstan pa'i 'da' byed
kyi mthong lam yin te/ de'i bden pa mngon rtogs yin pa'i phyir/ 'dir
dngos bstan 'da' byed kyi mthong lam dang/ mi rtag sogs kyi rnam
pa can gyi 'da' bya'i mthong lam

dang; mi rtag sogs kyi rnam pa can gyi nyan thos kyi mthong lam
gnyis shugs la bstan cing/ 'da' bya'i mthong lam de nyid shugs bstan
bstan bya'i gtso bo yin no/ /de ltar bstan pa yang rigs nges kyi
byang sems mthong lam pas mthong lam

du nyan thos kyi lam la shes mthong gis bltas nas 'da' ba'i ched yin
gyis/ mthong lam de'i rgyun mi rtag sogs rtogs pa'i theg chen gyi
sgom lam gtso bor mi ston pa'i rgyu mtshan ni/ byang sems 'phags pas
nyan rang gi lam gom pa lhur len gyi

sgom lam med pas ma bstan pa'i phyir/ gsum pa mkhyen pa gsum gyi
mjug bsdu ba ni/ de ltar mkhyen gsum rgyas par bshad nas/ mdo las/
rab 'byor yul 'di ni chos gang yang thob par byed pa ma yin/ zhes pa
nas brtsams te/

'das pa ma yin/ ma 'ongs pa ma yin/ da ltar byung ba ma yin zhes pa
gsum po gcig tu bsdus pa'i bar gyis gzhi shes kyi mjug bsdus pa'i tshig
dgu po 'di dang/ rab 'byor de ltar yum 'di ni khams gsum las 'da' bar
byed pa ma yin

zhes sogs kyis lam shes kyi mjug bsdus pa'i tshig 'di dang/ yang rab
'byor yum 'di ni sangs rgyas kyi chos rnams nas rang sangs rgyas kyi
chos rnams ster bar byed pa ma yin/ mdor bar byed pa ma yin zhes
sogs kyi mdo tshig 'di yin te/ mdo

tshig rnam pa gsum bo 'di ni chos can/ sngar mkhyen gsum brjod byar
byas pa'i gnas skabs gsum po dag gi mjug rdzogs par yongs su bstan
pa yin te/ sngar mkhyen gsum rdzogs par bstan pa de dag gi mjug
sdud ston pa'i tshig yin pa'i

@34a @#/ /phyir; gnyis pa ni/ shes rab kyi pha rol tu phyin pa'i man ngag
gi bstan bcos mngon par rtogs pa'i rgyan gyi rnam bshad snying po'i
don rab tu gsal ba las skabs gsum pa'i bshad pa'o// ! //

gnyis pa sbyor ba bzhi rgyas par bshad pa la gnyis/ dbang du byed pa
rgyu 'bras dang/ brten pa rgyu 'bras bshad pa'o/ /dang po la gnyis/
dbang du byed pa'i rgyu rnam kun bshad pa dang/ 'bras bu rtse mo'i
sbyor ba bshad pa'o/ /dang po la

gnyis; le'u'i gzhung bshad pa dang/ skabs bsdu ba'o/ /dang po la gnyis/
rnam rdzogs sbyor ba spyi'i rnam gzhag bshad pa dang/ thar pa cha
mthun nas bzung ste rgyud la skye ba'i rim pa bshad pa'o/ /dang po
la gsum/ rnam rdzogs sbyor

ba'i ngo bo dang/ sbyor ba sgom pa'i skyon yon dang/ sbyor ba'i
mtshan nyid bshad pa'o/ /dang po la gnyis/ mi mthun phyogs ma lus
pa'i gnyen po shes pa'i yan lag gi rnam pa'i dbye ba dang/ bden 'dzin
dngos su 'joms byed kyi sbyor ba khyad

par can ngos bzung ba'o/ /dang po la gnyis/ mdor bstan pa/ /rgyas
par bshad pa'o/ /dang po ni/ //'phags pa'i bden pa bzhis bsdus pa'i gzhi
mi rtag sogs shes pa'i ye shes kyi bye brag rnams mi mthun pa'i phyogs
de dang

de'i bzlog phyogs kyi rnam pa shar ba'i sgo nas de dag 'joms par byed
pa'i mkhyen pa gsum gang rung gi rnam pa legs par shar nas sgom
par byed pa'i byang sems kyi ye shes zhes bya ba ni skabs 'dir bstan
gyi gnyen po'i mtshan nyid/

gnyen por 'jog pa'i ye shes kyi rnam pa de ni rigs bsdu na gsum du
'dod de/ kun mkhyen nyid ni rnam pa gsum du nges pa'i phyir/ gnyis
pa la gsum/ gzhi shes kyi rnam pa/ lam shes kyi rnam pa/ rnam
mkhyen gyi rnam pa bshad pa'o/ /dang

@34b po ni/ mdo las/ bcom ldan 'das sher phyin 'di ni ma mchis pa'i pha
rol tu phyin pa'o zhes med pa'i rnam pa nas bzung ste/ sher phyin 'di
ni mi g.yo ba'i pha rol tu phyin pa'o zhes mi g.yo ba'i rnam pa'i bar
ston pa'i mdo chos can/ gzhi shes

kyi rnam pa nyer bdun bstan te/ bden pa dang po gsum so so la bzhi
bzhi dang/ lam bden la gzhi shes kyi rnam pa de ni bco lngar bshad
pa'i phyir/ dang po bden pa dang po gsum la bzhi bzhi bstan te/ sdug
bsngal rtag par med pa dang/ sdug

bsngal don dam par mi skye ba dang/ don gzhan gyi bdag gis dben
pa dang/ rang gi ngo bor gyur pa'i gang zag gi bdag gi mi rdzi ba
dang/ gzhi sdug bden gyi rnam pa dang/ sred pa don dam par med pa'i
gnas med pa dang/ kun 'byung don dam

par nam mkha' dang 'dra ba dang/ rdzu 'phrul gyi rgyu rtog dpyod
don dam par brjod du med pa dang/ yang srid kyi rkyen sred pa
dang/ tshor ba don dam bar ming med pa bzhi kun 'byung gi rnam pa
dang/ 'gog pa don dam par 'gro ba med pa dang/

sdug bsngal zhi ba rkyen gyis mi 'phrogs pa dang/ gya nom pa'i thar
pa mi zad pa dang/ dri bral gyi 'gog pa skye ba med pa'i rnam pa bzhis
'gog bden gyi rnam pa rnams pa bstan pa'i phyir/ gzhi shes kyis lam
bden gyi rnam pa bco lnga bstan

te; nyon sgrib kyi gnyen po zag med mthong lam gyi rnam pa bzhi/
gzugs phyi rol don du 'dzin pa'i gnyen po sgom lam zas bcas kyi
rnam pa lnga/ gzugs phyi rol don du 'dzin pa'i gnyen po mthong
lam zag med kyi sa drug rnams bstan pa'i

phyir; dang po grub ste/ byed pa po'i gang zag gi bdag med par
mngon sum du rtogs pa'i byang sems kyi mthong lam dang/ de bzhin
du yul shes pa po'i gang zag gi bdag med pa dang/ dman pa'i skabs
nas 'pho ba po'i gang zag gi bdag

@35a @#/ /med pa dang/ nyon mongs 'dul ba po'i gang zag gi bdag med
par mngon sum du rtogs pa'i rnam pa byang sems kyi mthong lam
bzhi ni/ rim pa bzhin du/ lam bden gyi lam rig pa/ bsgrub pa nges 'byin
gyi mtshan nyid dag

yin pa'i phyir/ gnyis pa 'grub ste/ byang sems sgom lam pa'i rjes thob
kyis bsdus pa/ rmi lam bzhin du gzugs sogs phyi rol don du ngo bo
nyid med pas chags sogs yongs su 'gyur ba'i snang ba tsam dang/
sgra brnyan bzhin du phyi rol

gyi don ma skyes pa dang/ mi g.yor bzhin du phyi don ma 'gags pa
dang/ smig rgyu bzhin du phyi don bzod ma nas zhi ba dang/ sgyu ma
bzhin du phyi don rang bzhin gyis mya ngan las 'das pa'i mtshan nyid
can du rtogs shing/ phyi don med bzhin du

phyi don du snang ba'i 'khrul snang tsam du dogs pa'i rnam pa
lngar bstan pa'i phyir/ gsum pa grub ste/ byang sems mthong lam pa'i
rgyud kyi gzugs phyi rol gyi don gyi kun nas nyon mongs pa med pa
dang/ de bzhin du phyi rol gyi don gyi rnam par

byang ba med pa dang/ phyi rol don gyi bag chags kyis gos pa med pa
dang/ don gzhan gyis dben pa'i spros pa med pa dang/ phyi rol don
du zhen pa'i rtogs pas ro myong ba'i rlom pa med pa dang/ rtogs pa
thob zin nyams pa med pa'i mi

g.yo ba'i gzung bya don gzhan med par mngon sum du rtogs pa
drug gi rim pa bzhin du gzung rtog shes bya'i sgrib pa phyi don la
dmigs nas chags sogs nyon mongs pa dang/ rnam par byang ba dang/
nyon mongs pa'i bag chags dang/ gzugs

sogs don gzhan gyis dbye ba'i spros pa dang/ don du zhen pa'i rang
gi rtogs pa la ro myong ba'i rlom pa dang/ rtogs pa de nyid thob zin
yongs su nyams par zhen pa drug gi gnyen po'i rnam pa drug bstan
pa'i phyir/ gnyis pa ni/ lam shes kyi rnam pa

@35b sum cu rtsa drug yod de/ rgyu kun 'byung dang/ lam bden
dang/ 'bras bu sdug bsngal dang/ 'gog pa'i lam la ni go rims bzhin du
rnam pa de dag brgyad dang bdun ni/ lnga dang bcu drug ces mdo
las bsgrags pa'i phyir/ kun 'byung la brten pa'i rnam

pa brgyad bstan te/ 'dod nyon la sred pa'i 'dod chags dang bral ba
dang/ 'dod nyon la mi 'bral bar zhen pa'i tshul gyis mi gnas pa dang/
lus la dga' ba'i sred pa zhi ba'i byang sems kyi ye shes gsum gyi kun
'byung gi rgyu'i rnam pa

gang yin pa yul la sred pa'i 'dun pa dang mi 'bral bar sred pa'i 'dod
chags dang/ yang srid la dga' ba'i sred pa'i gnyen por gyur pa'i rnam
pa gsum dang/ 'dod chags kyi zhen yul med pa dang/ zhe sdang gi
zhen yul med pa

dang; gti mug gi zhen yul med par mngon sum du rtogs pa'i byang
sems kyi ye shes gsum ni kun 'byung gi rnam pa gang yin pa 'dod
chags dang/ zhe sdang dang/ gti mug gi gnyen por gyur pa'i rnam pa
gsum dang/ tshul min yid

byed kyi nyon mongs pa'i zhe na yul med par mngon sum du rtogs
pa'i byang sems kyi ye shes rab skye'i rnam pa gang yin pa gtsang bde
rtag bdag sogs tshul bzhin ma yin par zhen pa'i gnyen por gyur pa'i
rnam pa bzhi dang/ rang dbang ba'i

sems can med par mngon sum du rtogs pa'i byang sems kyi ye shes
rkyen gyi rnam pa gang yin ba rang dbang ba'i sems can du mngon
par zhen pa'i gnyen por gyur pa'i rnam pa ste spang gnyen gyi sgo
nas mngon zhen brgyad po rnams kyi gnyen po

de ltar du gsum dang gsum dang gcig dang gcig ste brgyad bstan
pa'i phyir/ lam bden la brten pa'i rnam ba bdun bstan te/ theg chen
gyi mthong lam lta bus sems can tshad med pa thar pa'i go gskabs
'byed pas sems can thams cad la

@36a @#/ /thar pa'i go skabs 'byed pa'i lam gyi rnam pa dang/ ji ltar go
skabs 'byed pa 'khor 'das kyi mtha' gnyis la mi brten par sems can
thams cad la thar pa'i go skabs 'byed pa dang/ chos thams cad bden
stong du

tha mi dad par mngon sum du rtogs pas rig pa'i rnam pa dang/ ji ltar
rigs pa nyan rang gi lam la mchog 'dzin med par spros bral rtogs pa
dang/ chos thams cad bden med du mngon sum du rtogs shing/ bden
par rnam par mi rtog

pas bsgrub pa'i rnam pa dang/ ji ltar sgrub pa don dam par chos
thams cad tshad mas gzhal du med par mngon sum du rtogs pa dang/
chos thams cad la bden par chags pa med pa'i rnam par mngon sum
du rtogs pas/ nges

par 'byin pa'i rnam pa dang bdun te/ dam bca' dang 'thad pa'i sgo nas
lam bden la brten pa gnyis dang gnyis dang gnyis dang gcig ste
bdun bstan pa'i phyir/ sdug bden la brten pa'i rnam pa lnga bstan te/
nyer len gyi phung po

rgyun dang/ skad cig gis 'jig pas mi rtag pa dang/ 'phags pas dor bar
bya ba'i sdug bsngal ba dang/ bdag don gzhan gyis dben pas stong
pa dang/ gang zag bdag gi ngo bor ma grub pas bdag med pa'i rnam
pa dang/ ngo bo

bden pas stong pa'i phyir/ mtshan nyid med pa'i rnam pa lnga/ sdug
bsngal rang spyi'i mtshan nyid kyi sgo nas bshad pa'i phyir/ rnam pa de
dag mngon sum du rtogs pa'i byang chub sems dpa'i ye shes ni lam
bden gyi rnam pa'o/ /'gog bden

la brten pa'i rnam pa bcu drug bstan te/ 'gog pa'i rnam pa'i ngo bo
nyid nang dang phyi dang gnyis ka stong pa nyid kyis/ nang dang
phyi dang gnyis ka'i dngos po rnams la bden par mngon par zhen pa
bkag pas rab tu phye ba'i bral ba dang/ zhi ba'i

@36b rnam pa'i ngo bo nyid gzhan gyis kun btags pa'i bdag stong ba
dang/ snod kyi 'jig rten dang/ don dam pa dang/ 'dus byas dang/ 'dus
ma byas dang/ rtag pa dang/ chad pa'i mtha' dang/ 'khor ba thog ma
dang mtha' ma med pa dang/ rtogs pa'i chos

dor ba med pa rnams la bden par grub pas stod pa nyid kyis rim pa
bzhin stong pa dang/ chen po dang/ don dam pa dang/ 'dus byas
dang/ 'dus ma byas dang/ mtha' las 'das pa dang/ thog ma dang mtha'
ma med pa dang/ dor ba med pa rnams

la bden par mngon par zhen pa bkag pas rab tu phye ba brgyad dang/
gya nom pa'i rnam pa byed pa po gzhan gyis kun btags pa'i byed pa
por zhen pa bkag pas rab tu phye ba'i rang bzhin stong pa nyid kyi
rnam pa gcig dang/ nges par 'byung ba'i

rnam pa chos thams cad yul du 'khrul pa'i bdag nyid bden par btags
pa dang/ gzugs rung sogs mtshan nyid du bden par bzung nas 'khrul
pa dang/ 'das pa dang/ ma 'ongs pa srogs dus gsum bden par 'khrul
pa rnams bkag

pas rim pa bzhin chos thams cad dang/ rang gi mtshan nyid dang/ mi
dmigs pa stong pa nyid kyi rnam pa gsum dang/ gang nges par 'byung
ba'i rnam pa kho na/ chos thams cad la bden pa'i ngo bo nyid dgag
pas/ dngos po med pa stong pa nyid

kyi rnam pa gcig ste/ de ltar 'gog bden gyi rnam pa bcu drug bstan
pa'i phyir/ 'di dag gi don ni/ 'gog bden gyi rnam pa bzhi stong gzhir
bzung nas stong nyid bcu drug tu 'byed pa dang/ stong nyid bcu
drug glo bur gyi dri ma dang bral ba

'gog pa'i rnam pa sogs su bsgrub pa gang rung gi don yin gyis/ 'gog
bden stong nyid du bstan pa ni ma yin no/ /gsum pa ni/ rab 'byor gyis
gsol pa/ bcom ldan 'das shes rab kyi pha rol tu phyin pa 'di ni dran
pa nye bar

@37a @#/ /gzhag pa'i pha rol tu phyin pa'o/ /bcom ldan 'das kyis bka'
stsal pa/ lus dang/ tshor ba dang/ sems dang/ chos dmigs su med pa'i
phyir/ zhes dran pa nyer gzhag nas bzung ste/ yum 'di ni sangs rgyas
kyi pha rol tu

phyin pa'o/ /bcom ldan 'das kyis bka' stsal pa/ chos thams cad rnam
pa thams cad du sangs rgyas pa'i phyir/ zhes pa'i bar sangs rgyas kyi
rnam pa'i mthar thug pa'i shes rnam mthar thug pa rnams la/ gang
zag gsum gyi rgyud la mkhyen

pas bsdus pa'i lam gyi bden pa mi 'dra ba gsum yod pa'i rjes su mthun
par rigs kyi sgo nas kun mkhyen pa gsum du phye bas na gsum du yod
de/ rnam par gzhag pa'i rten slob ma nyan thos dang byang chub
sems

dpa' dang/ sangs rgyas rnams la rims bzhin du 'brel pa la bltos das
de yang rim pa bzhin du sum cu rtsa bdun dang/ sum cu rtsa bzhi
dang/ sum cu rtsa dgu dag tu dbye ba byar yod par mdo las bzhed
pa'i phyir/ de yang

dang po nyan thos la yod pa dang rjes su mthun pa'i gzhi shes kyi
rnam pa so bdun yod pa las/ sde tshan dang po lus sems sogs kyi
dngos po la yongs su rtogs pa'i lam la dran pa nyer gzhag yod de/
lus mi gtsang ba dang/ tshor ba

sdug bsngal ba dang/ sems mi rtag pa dang/ chos bdag med pa rang
gi mtshan nyid dang/ mi rtag sdug bsngal stong bdag med dang/ bden
stong gi spyi yi mtshan nyid kyis shes rab kyis yongs su brtags pa de
nyid la dran pas

yang nas yang du gtod par byed pa'i dran pa nyer gzhag bzhi yod
pa'i phyir/ de ltar brtags pa la dgos pa yod de/ bden bzhi'i gnas tshul
khong du chud nas de sgom pa la 'jug pa'i phyir/ sde tshan gnyis pa
de'i 'og tu rtsol ba

@37b las byung ba'i lam yang dag par spong ba bzhi yod de/ mi dge ba
skyes pa yang dag par spong ba dang/ mi dge ba ma skyes pa mi skyed
pa dang/ dge ba rnam byang gi phyogs skyes pa 'phel ba dag ma skyes
bskyed par byed pa'i brtson 'grus kyi

ngo bor gyur pa'i yang dag spong ba bzhi yod pa'i phyir/ sde tshan
gsum pa ting nge 'dzin yongs su sbyong ba'i lam rdzu 'phrul gyi
rkang pa bzhi yod de/ nyes pa lnga'i gnyen por 'dun pa'i ting nge
'dzin la brten nas sems rtse gcig pa la reg

pa dang/ brtson 'grus la brten nas sems rtse gcig pa la reg pa dang/
sems dpa'i ting nge 'dzin sngon ting nge 'dzin bsgoms pa skyes thob
la brten nas sems rtse gcig pa la reg pa dang/ dpyod pa'i ting nge
'dzin gzhan gyis bstan

pa'i chos rab tu rnam 'byed la brten nas sems rtse gcig pa la reg pa
spong ba'i 'du byed brgyad dang ldan pa'i ting nge 'dzin rdzu 'phrul
gyi rkang pa bzhi yod pa'i phyir/ spong ba'i 'du byed brgyad yod de/
'dun pa/ rtsol ba/ dad pa/ shin

tu sbyangs pa/ dran pa/ shes bzhin/ sems pa/ btang snyoms rnams yin
pa'i phyir/ nyes pa lnga yod de/ le lo/ /brjed nges/ bying rgod/ mngon
par 'du byed pa/ mngon par 'du mi byed pa rnams yin pa'i phyir/ sde
tshan bzhi pa mngon par

rtogs pa sbyong ba'i lam la dbang po lnga yod de/ bden pa la yid
ches pa'i dad pa'i dbang po dang/ blang dor byed par spro ba'i brtson
'grus kyi dbang po dang/ dmigs rnam ma brjed pa'i dran pa'i dbang po
dang/ sems rtse gcig pa'i ting nge

'dzin gyi dbang po dang/ gnas lugs 'byed par byed pa'i shes rab kyi
dbang po rnams su yod pa'i phyir/ sde tshan lnga pa mngon par rtogs
pa dang 'brel ba'i lam la stobs lnga yod de/ bden pa rnams la yid
ches pa'i dad pa'i stobs

@38a @#/ /dang; bden pa myur du rtogs ba'i brtson 'grus kyi stobs dang/
bden pa'i dmigs rnam ma brjed pa'i dran pa'i stobs dang/ sems rtse
gcig pa'i ting nge 'dzin gyi stobs dang/ bden pa'i rnam pa so sor

'byed pa'i shes rab kyi stobs dang lnga yod pa'i phyir/ sde tshan drug
pa mngon par rtogs pa'i lam la byang chub kyi yan lag bdun yod de/
bden pa las gzhan du g.yeng bar byed pa'i gnas kyi yan lag dran pa
yang dag byang chub kyi

yan lag dang/ bdag med mngon sum du rtogs pa'i chos rab tu rnam
'byed byang chub kyi yan lag dang/ nges par 'byung ba'i yan lag
brtson 'grus byang chub kyi yan lag dang/ lus sems la phan 'dogs pa
phan yon gyi yan lag

dga' ba byang chub kyi yan lag dang/ nyon mongs med pa'i gzhi'i yan
lag shin tu sbyangs pa byang chub kyi yan lag dang/ gnas kyi yan
lag ting nge 'dzin gyi yan lag dang/ ngo bo'i yan lag btang snyoms
yang dag byang chub kyi yan lag

bdun yod pa'i phyir/ sde tshan bdun pa rnam par dag pa nges par 'byin
pa'i lam la 'phags pa'i lam yan lag brgyad yod de/ mnyam gzhag tu
rtogs pa'i chos nyid rjes thob tu yongs su dpyod par byed pa yang
dag pa'i

lta ba dang/ rang gi rtogs pa gzhan la ston par byed pa'i ngag kun
nas slong ba yang dag pa'i rtog pa dang/ rang gi rtogs pa de gzhan
la ston par byed cing ngag gi las rnam par dag pa'i yang dag pa'i
ngag dang/ srog gcod spong ba sogs

lus kyi las rnam par dag pa yang dag pa'i las kyi mtha' dang/ tshul
'chos dang kha bsag sogs spong ba lus ngag gi las rnam par dag pa
yang dag pa'i 'tsho ba dang/ spang bya spong ba'i gnyen po la rtsol
ba yang dag pa'i rtsol ba dang/ zhi

@38b gnas dang/ rab tu 'dzin pa dang/ btang snyoms kyi rgyu mtshan
ma brjed par 'dzin pa'i yang dag pa'i dran pa dang/ mngon shes sogs
yon tan khyad par can gyi don du sgom pa yang dag pa'i ting nge
'dzin te 'phags pa'i lam yan

lag brgyad du yod pa'i phyir/ gnyis pa byang sems la yod pa dang
rjes su mthun pa'i lam shes kyi rnam pa sum cu rtsa bzhi yod pas/
drug gi dang po gnyen po'i lam rnam thar sgo gsum yod de/ byang
sems 'phags pa'i rgyud kyi

bdag med mngon sum du rtogs pa'i ye shes stong pa dang/ bdag med
pa'i rnam pa'i ngo bo nyid ni rnam par thar pa'i sgo dang po dang/
'gog pa dang lam gyi bden pa'i ngo bo nyid brgyad mngon sum du
rtogs pa'i ye shes sgo gnyis

pa dang/ mi rtag pa dang/ sdug bsngal ba dang/ kun 'byung bden pa'i
ngo bo nyid bzhi mngon sum du rtogs pa'i ye shes rnam par thar pa'i
sgo gsum pa yin pa'i phyir/ gnyis pa sprul lam la rnam par thar pa'i
sgo gsum yod

de; bsam gzugs gang rung gi sems la brten nas nang rnal 'byor pa
rang lus la gzugs kyi 'du shes nye bar gzhag nas/ gzugs gang 'dod
du sgrul pa 'dod pa der mos par byed pa'i ting nge 'dzin mtshungs
ldan dang

bcas pa gzugs can gzugs la blta ba'i rnam thar dang/ rnal 'byor pa
rang lus la gzugs can ma yin pa ming gzhi'i phung po tsam gyi 'du
shes bzhag pas phyi rol gyi gzugs rnams la ji ltar 'dod bzhin du
sprul mi nus pa'i

gnyen po gzugs med gzugs la blta ba'i rnam thar dang/ bsam gzugs
gang rung gi sems la brten nas gzugs sdug pa sprul pa la dga' ba
dang/ mi sdug pa sprul pa la mi dga' ba'i nyon mongs kyi gnyen por
gzugs sdug mi

@39a @#/ /sdug bltos pa dang phan tshun 'brel pa goms par byas pas
gzugs sdug mi sdug bltos med kyi 'du shes dang/ ngo bo nyid kyis tha
dad pa'i 'du shes bsal nas mthar gzugs snang thams cad sdug par ro

gcig tu mos par byed pa'i sdug pa'i rnam thar gsum du yod pa'i phyir/
gsum pa la mthong chos bder gnas kyi lam la lnga yod de/ thar pa'i
lam gyi rgyu byed cing/ zag med kyi thar pa dang/ rang sa'i nyon
mongs pas ma bslad par

mthun par gnas pa'i lam gyi rang bzhin la gzugs med kyi snyom par
'jug pa'i dngos gzhis bsdus pa bzhi dang/ tshor ba dang 'du shes rags
pa zhi bas zhi bar gnas pa'i lam gyi rang bzhin la 'du shes dang tshor
ba 'gog pa'i  

'gog pa gcig ste gsum yod pa'i phyir/ bzhi pa 'jig rten las 'das pa'i lam
la mthar gnas snyom 'jug dgu yod de/ 'jig rten las 'das pa'i lam gyi
ngo bor gyur pa'i bsam gtan bzhi dang/ gzugs med bzhi dang/ 'gog
pa'i

snyom par 'jug pa ste dgu yod pa'i phyir/ lnga pa spong ba'i lam la
bzhi yod de/ chos bzod bar chad med lam gyi rnam pa yul bden pa
bzhis bsdus pa'i yul can bar chad med lam bzhi yod pa'i phyir/ drug
pa sangs rgyas nyid kyi lam la

bcu yod de/ ser sna sogs kyi gnyen por gyur pa'i sbyin pa sogs pha
rol tu phyin pa bcu yod pa'i phyir/ gsum pa sangs rgyas kho na la
yod pa'i rnam mkhyen gyi rnam pa la yon tan gyi dbye ba dang/ ngo
bo dang/ rten dang/ ched du bya ba'o/ /dang po

la bzhi/ dngos stobs kyi rnam pa bcu yod de/ dge mi dge'i las las 'bras
bu bde sdug 'byung ba gnas dang/ de las bzlog pa gnas ma yin pa
mkhyen pa'i stobs dang/ las 'bras ma lus pa mngon sum du rtogs pa
las kyi rnam par

@39b smin pa mkhyen pa dang/ mngon mtho dang nges legs kyi lam
la mos pa'i mos pa sna tshogs mkhyen pa dang/ 'jig rten gyi rang bzhin
du ma mkhyen pa dang/ dad sogs kyi dbang po rab 'bring tha gsum
gyi dbang po mchog dang mchog

ma yin pa mkhyen pa dang/ mngon mtho dang nges legs thams cad
du 'gro ba'i lam dang/ de las bzlog pa la chags thogs med par 'jug
pa'i mkhyen pa dang/ snyom 'jug gi sgrib pa'i kun nas nyon mongs pa
dang/ rnam par byang

ba la chags thogs med pa'i mkhyen pa dang/ rang gzhan gyi sngon
gnas tshe rabs snga ma rjes su dran pa dang/ sems can thams cad kyi
ma 'ongs par 'jug pa'i 'chi 'pho ba dang skye ba mkhyen pa dang/ nyan
rang gi nyon sgrib zad pa dang/

sangs rgyas rnams kyi dri ma mtha' dag zad pa'i zag pa zad pa
mkhyen pa'i stobs kyis rnam pa bcu yod pa'i phyir/ gnyis pa mi 'jigs pa
bzhi yod de/ rang don gyi dbang du byas pa 'khor gyi dbus su nga ni
chos thams cad rnam pa

thams cad du mngon par rdzogs par sangs rgyas so zhes bdag nyid
kyi zhal gyis 'ches pa la/ chos 'di thugs su ma chud do zhes chos
mthun gyi rgol ba med pas rtogs pa phun sum tshogs pa la mi 'jigs pa
dang/ gzhan don

gyi dbang du byas pa chags sogs nyon sgrib dang shes bya'i sgrib pa
thams cad mkhyen pa'i bar chad byed pa nyid du brjod pa la spang
bya 'di bsten kyang/ bar chad du mi 'gyur zhes chos mthun gyi rgol
ba med pas bar du gcod pa'i chos

bstan pa la mi 'jigs pa dang/ thams cad shes pa nyid dang lam shes pa
nyid la sogs pa thar pa dang thams cad mkhyen par nges par 'byung
ba nyid du bstan pa la lam 'di bsten kyang nges par 'byung mi nus so
zhes chos mthun gyi

@40a @#/ /rgol ba med pas nges par 'byung ba'i lam ston pa la mi 'jigs pa
dang/ bdag nyid kyi zag pa ma lus pa zad pa nyid du zhal gyis bzhes
pa la chos mthun gyi rgol ba med pas rang don spangs pa phun
tshogs la mi

'jigs pa bzhi yod pa'i phyir/ gsum pa so so yang dag par rig pa bzhi yod
de/ bshad bya la thogs pa med pa nyon mongs dang rnam byang gi
chos rnams kyi ming gi rnam grangs du ma la mkhyen pa thogs med
du 'jug pa'i ting nge 'dzin shes

rab ni chos so so yang dag par rig pa dang/ chos kyi ngo bo dang
rnam pa'i dbye ba'i chos rnams kyi rang dang spyi'i mtshan nyid la
mkhyen pa chags thogs med par 'jug pa'i ting nge 'dzin shes rab ni
don so so yang dag rig pa dang/ 'chad

byed la thogs pa med pa rang rang gi yul dang mthun par skad smra
ba'i sems can thams cad kyi yul skad la mkhyen pa chags thogs med
par 'jug pa'i ting nge 'dzin shes rab ni nges pa'i tshig so so yang dag
pa rig pa dang/ chos kyi ngo

bo dang rnam pa'i dbye ba'i yul la mkhyen pa chags thogs med par
'jug pa'i ting nge 'dzin shes rab ni spobs pa so so yang dag pa rig pa
bzhi yod pa'i phyir/ bzhi pa sangs rgyas kyi chos rten 'og ma rnams
dang ma 'dres pa bco brgyad yod

de; spyod pas bsdus pa drug /rtog pas bsdus pa drug /'phrin las kyis
bsdus pa gsum/ ye shes kyis bsdus pa gsum ste bco brgyad yod pa'i
phyir/ gsum pa grub ste/ sangs rgyas nyan rang las 'phrin las khyad
par 'phags

pas spyod lam bzhis gdul bya 'dul ba sku'i 'phrin las dang/ chos dang
don dang ldan pa'i gtam mdzad pa gsung gi 'phrin las dang/ byams
pa dang snying rje sogs thugs kyi 'phrin las rnams ye shes sngon du
'gro zhing bar du ye shes dang

@40b lhan cig tu rgyu bas ye shes kyi rjes su 'gro ba'i 'phrin las gsum
yod pa'i phyir/ bzhi pa grub ste/ nyan rang dang ye shes ma 'dres pa
'das pa dang/ ma 'ongs pa dang/ da ltar byung ba la bzhed pa tsam
gyis mkhyen pa 'jug pas

ma chags ma thogs pa'i ye shes kyi rnam pa gsum rnams yod pa'i
phyir/ gnyis pa bden 'dzin dngos su 'joms byed kyi sbyor ba khyad par
can ngos bzung ba la gnyis/ dge ba'i rtsa ba bsog pa'i rten dang/
sbyor ba dngos so/ /

dang po ni/ 'chad 'gyur gyi mtshan nyed dang ldan pa'i byang sems
tshogs lam pa chos can/ theg pa chen po'i sher phyin ni gsum po 'di
nyan pa'i snod yin te/ sngon grangs las 'das pa'i sangs rgyas rnams
la bkur sti

sogs lhag par bya ba byas pa'i phyir dang/ de la gtsug lag khang
dang bsod snyoms 'bul ba sogs dge ba'i rtsa ba bskrun pa'i phyir
dang/ theg pa chen po'i dge ba'i bshes gnyen gyi mgon dang bcas pa
yin pa'i phyir/ yum

gyi tshig blo la len pa dang/ mi brjed par 'dzin pa dang/ sgrub pa
rdzogs par byed pa'i snod du dam pa sangs rgyas dang byang sems
rnams bzhed de/ de'i ched du sangs rgyas grangs med pa bsten pa
dang/ the tshom za ba'i tshig don kun

'dri ba dang/ dris pa'i don sbyin pa dang tshul khrims sogs phar phyin
bcu nyams su len pa'i spyod pa nyams su len pa rnams yin pa'i phyir/
gnyis pa la lnga/ sbyor ba'i ngo bo dang/ rten gyi gang zag gi sgo
nas dbye ba dang/ sbyor ba rdzogs pa thabs kyi sgo nas

dbye ba dang/ 'bras bu'i sgo nas bzhag pa dang/ dus kyi sgo nas
abzhag pa'o/ /dang po la/ /ngo bo'i sbyor ba lnga ni/ byang sems kyi
sbyor lam mnyam gzhag ye shes chos can/ gzugs sogs la mi gnas pa'i
sbyor ba dang/ sbyor ba bkag 

@041a @#/ /pa'i sbyor ba dang/ zab pa'i sbyor ba dang/ gting dpag dka'
ba'i sbyor ba dang/ tshad med pa'i sbyor ba zhes bya ste/ gzugs la sogs
pa gzhi lam rnam pas bsdus pa'i chos rnams la bden par mi gnas

par bdag med du rtogs pa'i phyir dang/ bkag pa'i sbyor ba de la bden
zhen bkag nas sgom pa'i phyir dang/ gzhi gzugs sogs de'i de bzhin
nyid zab par rtogs pa'i phyir/ lam gyis bsdus pa'i chos de rnams kyi
chos nyid gting

dpag dka' bar rtogs pa'i phyir dang/ rnam pas bsdus pa'i chos de dag
gi chos nyid tshad ni med par rtogs pa'i phyir/ gnyis pa sbyor ba sgom
pa'i rten gyi gang zag gi sgo nas brgyad las/ chos nyid la sgom
byung gis gsal snang ma

thob pas skrag pa shas cher skye ba'i dbang du byas pa ni byang sems
tshogs lam pa dbang rtul gyi rgyud kyi sbyor ba chos can/ dus yun
ring mo zhig nas 'tshang rgya bas tshegs chen yun ring rtogs pa'i
sbyor ba yin te/ gnas lugs kyi don

rtogs pa'i shes rab la skrag pa shas cher mngon gyur 'byung ba'i las
dang po pa'i rgyud kyi sbyor ba yin pa'i phyir/ stong nyid la skrag pa
shas cher mi 'byung ba'i dbang du byas nas rang don dang ldan pa'i
sbyor ba dang/ gzhan don

dang ldan pa'i sbyor ba gnyis las/ dang po ni/ theg chen gyi sbyor
lam drod kyi ye shes chos can/ lung bstan thob pa'i sbyor ba yin te/
stong nyid la gsal snad thob pas mi skrag cing sangs rgyas kyis
myur du lung bstan pa'i sbyor ba yin

pa'i phyir/ theg chen gyi sbyor lam rtse mo'i ye shes chos can/ phyir
mi ldog pa nyid kyi sbyor ba yin te/ drod las khyad par du gyur pas
yum thos bsam sogs kyis yang dag par 'dzin pa'i sbyor ba yin pa'i
phyir/ theg chen gyi sbyor lam

@041b bzod pa chos can/ nges par 'byung ba'i sbyor ba yin te/ thabs
shes kyi rtogs pa brtan po thob pas nyan rang gi yid byed sogs bar
chad las 'das pa'i sbyor ba yin pa'i phyir/ theg chen gyi sbyor lam
chos mchog chos can/

bar chad med pa'i sbyor ba yin te/ chos kyi dbyings rgya mtsho lta
bur 'jug par mthong nas rtag tu chos sgom pa'i theg chen gyi nges
'byed cha mthun bzhi pa yin pa'i phyir/ theg chen gyi mthong lam chos
can/ byang chub la nye ba'i sbyor

ba yin te/ theg chen gyi lam zag med kyi chos gsar rnyed kyi rten
gyi sbyor ba yin pa'i phyir/ sa gnyis pa nas bdun pa'i bar gyi ye shes ni
chos can/ myur du 'tshang rgya ba'i sbyor ba yin te/ myur du 'bras bu
chos sku 'grub pa'i sbyor ba

yin pa'i phyir/ gnyis pa ni/ sa brgyad pa'i ye shes chos can/ gzhan don
gyi sbyor ba yin te/ snying rjes rigs can gsum la chos 'khor bskor ba'i
(nus pas gzhan don chos 'khor bskor ba'i sbyor ba yin pa'i phyir/
gsuM pa sbyor brdzogs pa'i thabs) kyi sgo nas dbye ba'i

sbyor ba la bzhi las/ dang po ni/ sa brgyad pa'i ye shes chos can/ 'phel
med 'grib med du rtogs pa'i sbyor ba yin te/ tha snyad du skyon yon
'phel 'grib byed kyang/ don dam par 'phel ba dang 'grib pa mi mthong
ba'i dag sa'i ye shes

yin pa'i phyir/ de chos can/ chos dang chos min sogs don dam par mi
mthong ba'i sbyor ba yin te/ don dam par chos gang yang 'dod pa'i
khams su mi dmigs par rtogs pa'i dag sa'i ye shes yin pa'i phyir/ de
chos can/ gzugs

sogs bsam mi khyab mi mthong ba'i sbyor ba yin te/ gzugs la sogs pa
bsam gyis mi khyab pa'i rnam par bden par rlom pa med pa'i dag sa'i
ye shes yin pa'i phyir/ de chos can/ mtshan gzhi gzugs sogs dang/
gzugs rung

@042a @#/ /sogs de'i mtshan ma dang de'i mtshon bya'i ngo bor bden par
rnam par mi rtog pa'i sbyor ba yin te/ mtshan gzhi/ gzugs dang de'i
mtshan ma dang/ mtshon bya de yi ngo bo bdag nyid bden par rnam par
mi rtog pa'i dag

sa'i sbyor ba yin pa'i phyir/ bzhi pa 'bras bu'i sgo nas bzhag pa la gnyis
las/ sa dgu pa'i ye shes chos can/ yon tan 'phel bar byed pa 'bras bu
rin chen sbyin byed kyi sbyor ba yin te/ 'bras bu dang po rgyun zhugs
nas bla na med pa'i byang

chub kyi bar mthong ba'i dag sa'i sbyor ba yin pa'i phyir/ sa bcu pa'i
ye shes chos can/ nyes pa sel bar byed pa'i sbyor ba de ni rnam par
dag pa'i sbyor ba yin te/ gzugs nas rnam mkhyen gyi bar rnam par
dag par sgom pa'i dag sa'i sbyor ba

yin pa'i phyir/ lnga pa dus kyi sgo nas bzhag pa ni/ yum myur du sgom
pa'i sems dpa'i rnal 'byor chos can/ sa mtshams dang bcas pa'i sbyor ba
yin te/ zhag dang zla ba dang lo skor du dus tshigs bcad nas sgom pa
la mngon par brtson pa mi

'dor ba'i byang sems kyi sbyor ba yin pa'i phyir/ de ltar na snga ma
lnga dang phyi ma bco lnga ste sbyor ba nyi shu'o/ /gnyis pa sbyor
bsgom pa'i skyon yon bshad pa la gnyis/ sbyor ba'i yon tan dang/
sbyor ba sgom pa'i bgegs so/ /dang po ni/ sbyor ba

sgom pa'i stobs kyis bdud kyi mthu bcom pa dang la sogs pa yon tan
rnam pa bcu bzhi yod de/ sbyor ba sgom pa la grangs bzhin du sangs
rgyas kyis byin gyis rlabs pa'i phyir bar chad kyis mi tshugs pas bdud
kyi mthu

bcom pa dang/ sangs rgyas kyi thugs kyis dgongs pa'i phyir sangs
rgyas kyi dgongs shing mkhyen pa dang/ sangs rgyas kyi ye shes kyis
gzigs pa'i phyir/ sangs rgyas kyi mngon sum du mdzad pa dang/
rdzogs byang dang nye

@042b bar gyur pa thob pa'i phyir/ rdzogs byang dang nye bar gyur
pa dang/ da ltar sbyor ba sgom pa'i phan yon chen po thob pa'i phyir/
sangs rgyas dang mi 'bral ba la sogs thob pa dang/ yum gzhan la
ston pa sogs sangs rgyas kyi bya

ba byed pa thob pa'i phyir/ rang gang du skye 'gyur gyi yul de bzhin
gshegs pas lung ston pa sogs yul dpyad pa'i phan yon dang/ gnyen
po'i chos yongs su rdzogs pa'i phyir/ zag med kyi yon tan rdzogs pa'i
phan yon

dang; sangs rgyas rnams kyis rnam pa thams cad mkhyen pa nyid kyi
gtam brjod pa thob pa'i phyir/ yum gzhan la ston pa'i smra ba'i skyes
bu nyid du byed pa'i phan yon dang/ sangs rgyas rnams kyis grogs
mdzad pa'i phyir/

rnam mkhyen las bdud sogs kyis mi phyed pa'i phan yon dang/ sbyor
ba sgom pa la dga' ba bskyed pa'i phyir/ dge ba'i rtsa ba nyan rang
dang thun mong min pa skye ba'i phan yon dang/ yum sgom pa de'i
dam bcas pa'i tshig la

sangs rgyas rnams kyis rjes su yi rang ba thob pa'i phyir/ gzhan don
sgrub par dam bcas pa'i don ji lta ba bzhin du 'grub pa'i phan yon
dang/ theg chen gyi chos zab mo mngon par 'dod pa thob pa'i phyir/
tshe rabs gzhan du dge

ba rlabs po che'i 'bras bu rgya chen po yongs su 'dzin pa thob pa'i
phan yon dang/ srog chags mang po byang chub la 'god pa sogs
sems can gyi don byed pa thob pa'i phyir/ bdog pa gtong ba sogs sems
can gyi don sgrub pa'i

phan yon dang/ tshe 'dir sher phyin gyi tshig don tshang bar rnyed pa'i
yon tan thob pa'i phyir/ tshe rabs gzhan du yum nges par thob pa zhes
bya ba'i phan yon te sbyor ba sgom pa'i phan yon bcu bzhi yod pa'i
phyir/ gnyis

@043a @#/ /pa ni/ sbyor ba skye ba'i gegs dang rgyun gnas pa'i gegs
skyon ni bcu tshan bzhi dang bcas pa'i drug tu nges par rtogs par bya
ste/ sbyor ba'i 'gal rkyen rang la brten pa nyi shu/ rang gzhan gang
rung

la brten pa mthun rkyen ma tshang ba nyer gsum/ 'gal rkyen gzhan
la brten pa ste zhe drug tu yod pa'i phyir/ dang po la yang spobs pa'i
dbang du byas pa gnyis/ gnas ngan len gyi dbang du byas pa gsum/
theg chen las nyams

byed kyi rgyu bdun/ theg chen las g.yeng ba'i rgyu brgyad rnams
su yod la/ dang po gnyis yod de/ yum gyi tshig don la dus yun ring mo
zhig nas nges par skye ba tshogs chen pos thob pa dang/ ma brtags
par nges par myur du skye ba

spobs pa ha cang myur ba gnyis yod pa'i phyir/ gnyis pa gsum yod de/
glal ba sogs kyi dang nas yum 'dri ba sogs lus kyi gnas ngan len
dang/ chags par gyur pas 'dri ba sems kyi gnas ngan len dang/ rnyed
bkur

sogs 'dod pas kha bton byed pa sogs rigs pa ma yin pas bskyed pa'i kha
bton byed pa rnams yin pa'i phyir/ gsum pa bdun yod de/ yum la phyir
phyogs pa'i rgyu mtshan 'dzin pa dang/ rnam mkhyen gyi rgyu la
mngon par

zhen pa dad pa nyams pa dang/ gya nom pa'i yum gyi ro myong ba
nyams pa dang/ rnam pa thams cad du theg pa'i mchog yum kun tu
'dzin pa nyams pa dang/ yum rnyed pa dor nas dman pa'i sde snod las
rnam mkhyen 'tshol ba

rtag tu ched du bya ba nyams pa dang bcu tshan dang po'o/ /dman pa'i
sde snod kyi don tsam nyams su blangs pas rnam mkhyen 'thob par
'dod pa rgyu dang 'bras bu 'brel ba nyams pa dang/ theg chen gyi sde
snod dang theg

@043b dman gyi sde snod gnyis ka 'dra bar 'dzin pa gong na med pa
sku gsum gyi rgyu las nyams pa dang bdun yod pa'i phyir/ bzhi pa
brgyad yod de/ gzugs sgra sogs kyi yul rnam pa mang po la rnam
par rtog pa'i spobs pa

'byung ba dang/ yum yi ger 'dri ba tsam la yum du mngon par zhen
pa dang/ rten 'byung dngos po med pa la gnas lugs kyi don du zhen
pa dang/ yi ge la yum du mngon par zhen pa dang/ yi ge med pa la
yum du mngon par

zhen pa dang/ yum gyi ro myong 'dod nas yul la sogs pa yid la byed
pa dang/ rnyed pa dang bkur sti dang bstod pa'i tshig gis tshigs su bcad
pa'i ro myong ba dang/ lam ma yin pa bdud kyis bstan pa'i tshig thabs
la

mkhas pas 'tshol ba ste brgyad yod pa'i phyir/ bcu tshan gnyis pa'o/
/rang gzhan gang rung la brten pa mthun rkyen ma tshang ba nyer
gsum yod de/ slob dpon la brten pa bcu bzhi/ rang nyid la brten pa
gnyis/ dpon slob

gnyis ka la brten pa bdun rnams su yod pa'i phyir/ dang po la bcu
bzhi yod de/ nyan pa po snga ma dang 'chad pa po phyi ma rnams
dang 'brel pa dang/ de las bzlog ste 'brel na yang skyon du 'gyur
bas gang yang rung ba dang

mngon par 'brel pas nyan pa po 'dun pa che ba dang/ 'chad pa po
snyoms las kyis nyams pa dang/ nyan pa po 'dir nyan 'dod 'chad pa
po gzhan du 'chad 'dod pas 'dun pa'i yul tha dad pas nyams pa dang/
nyan pa po 'dod

pa chung 'chad pa po 'dod pa chung ba ma yin pa nyid kyis nyams pa
dang/ nyan pa po sbyangs yon dang ldan cig shos mi ldan pa dang/
nyan pa po dang sogs dge ba dang cig shos dge ba ma yin pa'i chos
nyid dang ldan pa dang/ nyan pa po

@044a @#/ /bdog pa thams cad gtod ba dang cig shos de la ser sna byed
pa dang/ nyan pa po nor sbyin pa cig shos ma yin pa dang/ nyan pa po
'go smos pas go cig shos rnam par spros pas go ba dang/ nyan pa po

mdo la sogs pa'i gsung rab yan lag bcu gnyis kyis chos mngon par
shes cig shos mi shes pa dang/ nyan pa po phar phyin drug dang
ldan cig shos mi ldan pa zhes bya ba dang bcu tshan gsum pa'o/ /nyan
pa po 'tshang rgya ba'i

thabs la mkhas cig shos mi mkhas pa dang/ nyan pa pos mi brjed pa'i
gzungs thob cig shos ma thob pa dang/ nyan pa po yum yi ger 'dri
'dod cig shos de ma 'dod pa dang/ nyan pa po 'dod pa'i 'dun pa sogs
sgrib pa lnga

dang bral cig shos de dang ma bral ba ste bcu bzhi yod pa'i phyir/
gnyis pa la gnyis yod de/ dmyal ba la sogs mi bsngags pa thos pas
gzhan don du ngan song gi 'gro ba la yid phyir phyogs pa dang/ lha
la sogs pa'i bsngags

pa thos pas de la sred cing bde 'gror 'gro ba la yid bde ba ste gnyis
yod pa'i phyir/ 'chad pa po snga ma dang nyan pa po phyi ma dang
'brel pa dang/ de las bzlog ste 'brel na yang skyon du 'gyur bas/
'chad pa po gcig bu la dga'

ba dang/ nyan pa po 'khor mang po la dga' ba dang 'chad pa po
gzhan rjes su 'brang ba'i go skabs mi 'byed pa dang/ nyan pa po gzhan
rjes su 'brang bar 'dod pa dang/ 'chad pa po zang zing cung zad
tsam 'dod pa dang/ cig shos de sbyin

par mi 'dod pa dang/ 'chad pa po srog gi bar chad du 'gyur ba'i
phyogs su 'gro ba dang/ cig shos der mi 'gyur ba'i phyogs su 'gro bar
'dod pa dang bcu tshan bzhi pa'o/ /de bzhin du 'chad pa po mu ge
'byung ba'i phyogs su

@044b 'gro bar 'dod pa dang cig shos der mi 'gro ba dang/ 'chad pa po
chom rkun la sogs pas dkrugs pa'i phyogs su 'gro ba dang cig shos
der mi 'gro ba dang/ 'chad pa po rang la bsod snyoms ster ba'i khyim
yang yang lta bas

yid bde ba dang cig shos der yid mi bde ba dang bdun yod pa'i phyir/
gsum pa 'gal rkyen gzhan la brten pa gsum yod de/ bdud sdig can
dge slong gi cha byad du 'ongs nas yum ni ded kyi sde snod las
byung ba bzhin yin

gyis; rgyas 'bring bsdus gsum nas 'byung ba ma yin no/ /zhes chos
dang gang zag la dbyen byed pa bdud kyis 'byed pa'i sbyor ba dang/
mi sdug ba sgom pa sogs gnas lugs kyi don sgom par ston pa/ yum
bcos ma nye bar

sgrub pa dang/ bdud sdig can sangs rgyas kyi cha byad du 'ongs pa
la dad pa skye ba dang/ dad pa'i yul ston pa ji lta ba bzhin ma yin pa
la dga' ba bskyed pa zhes bya ba gsum dang/ sbyor ba'i skyon bzhi
bcu rtsa drug go /ji

skad bshad pa'i skyon de dag dang bral ba'i sgo nas dpon slob tshogs
par byas na lam gyi rtsa ba bshes gnyen bsten tshul ji lta ba bzhin
'byung bas bshes gnyen bsten tshul yang don gyis bstan no/ /rgyas par
ni go

sla bar dgongs nas rtsa bas dngos su ma bsdus pa slob dpon gyis
gsungs pa bkod pa'o/ /gnyis pa sbyor ba'i mtshan nyid la gnyis/ mdor
bstan pa dang/ rgyas par bshad pa'o/ /dang po ni/ skabs 'dir lam sher

phyin gyi rnal 'byor gyi mtshan nyid bshad pa la dgongs pa dang bcas
te/ mtshon byed gang gi lam sher phyin gyis ma tshon nus pa de'i mtshan
nyid du shes par bya ba'i ched yin pa'i phyir/ 'dir bstan mtshan nyid de
yang rnam pa

@045a @#/ /gsum du dbyer yod de/ mkhyen gsum du sbyor ba mtshon byed
shes pa'i mtshan nyid/ nyan rang gi sbyor ba las khyad par du 'phags
pa'i sbyor bar mtshon byed khyad par gyi mtshan nyid/ gzhan don
sgrub pa'i byed las

khyad par can dang ldan pa'i sbyor ba mtshon par byed pa'i mtshan
nyid de de rnams yod pa'i phyir/ sbyor ba'i ngo bo nyid bcu drug
bstan pa la dgos pa dang bcas te/ sbyor ba'i ngo bo bdag nyid gang
mtshon par bya ba'i mtshon bya dang

mtshan nyid yang sbyor ba'i mtshan nyid kyi sgras bstan pa'i sgo nas
shes par bya ba'i ched yin pa'i phyir/ gnyis pa rgyas par bshad pa la
bzhi/ shes pa/ khyad par/ byed pa/ ngo bo nyid kyi mtshan nyid do/
/dang ? po la gsum/ gzhi shes/

lam shes/ rnam mkhyen sbyor ba'i mtshan nyid do/ /dang po ni/ thams
cad shes pa nyid kyi skabs kyi gzhi shes pa'i sbyor ba'i mtshan nyid
bsdus pa 'di yin te/ nyon mongs rtag sogs kyis dben pa'i sems dpa'i
rnal 'byor bzhi po

rnams mtshan gzhi/ sems dpa'i rgyud kyi thams cad shes pa nyid kyi
sbyor bar mtshon/ gang gis na sbyor ba'i ngo bor gyur pa'i shes pa'i
rnam pa'i bye brag bcu drug gi mtshan nyid kyis mtshon bya mtshon pa
dang ji lta ba bzhin du mtshon pa'i

phyir; mtshan nyid de dag kyang yod de/ gzhi shes sbyor ba'i sher
phyin la brten nas de bzhin gshegs pa 'byung ba shes pa'i sems dpa'i
ye shes dang/ 'jig rten don dam par 'jig pa med par rtogs pa'i ye shes
kyis zin

pa mi sems dpa'i ye shes kyi bdag nyid dang/ sems can gyi sems kyi
sbyod pa du ma shes pa dang/ gang zag gi bdag med pa de la sems
bsdus pa dang/ de la sems can phyir bltas pa ste rnam par g.yeng ba
dang/ nam mkha'

@045b dang 'dra bar sems mi zad pa'i rnam pa dang/ sems 'dod chags
dang bcas pa dang/ zhe sdang dang bcas pa dang/ gti mug dang bcas
pa dang/ sogs pas bsdus pa sems 'dod chags dang bral ba dang/ zhe
sdang dang gti

mug dang bral ba shes pa'i sems dpa'i ye shes dang/ sems kyi gnas
lugs rgya chen po dang/ tha snyad du sgyu ma lta bur snang bas
sems chen por gyur pa dang/ don dam par so sor nges pa'i rten med
pas sems tshad med pa dang/

dbang po'i rnam shes la 'di'o zhes sems bstan du med pa dang/ spyan
lngas sems bltar med pa dang/ shes pa sems de g.yo ba la sogs pas
'du ba dang/ bkram pa dang/ bcum pa'i lta ba rnams 'khrul gzhi
phung po la

brten nas 'byung zhing gang zag gis bdag med par rtogs pa'i sems
dpa'i ye shes zhes bya ba dang/ de las gzhan yang g.yo ba la sogs
pa'i sems de dag ni/ bden pas stong pa'i de bzhin nyid kyi rnam par
shes pa'i sems

dpa'i ye shes dang/ thub pas de bzhin nyid rtogs pa ste/ gzhan la
bstan cing brtag pa zhes bya bar rtogs pa'i sems dpa'i ye shes zhes
bya ba 'di rnams kyi rang bzhin ni/ sems dpa'i gzhi shes sbyor ba'i
mtshan nyid

yin pa'i phyir/ gnyis pa ni/ lam shes pa nyid kyi skabs kyis ni shes pa'i
mtshan nyid 'di yin par bzhed de/ sems dpa'i rgyud kyi ngo bo nyid kyi
rnal 'byor bco lnga mtshan gzhi lam shes sbyor bar mtshon/ gang gis
na gong du

bshad pa 'di rnams kyi shes pa'i rnam pa'i khyad par bcu drug gis
bsdus pa'i sems dpa'i ye shes gyi tsha reg gis me mtshon pa bzhin du
mtshon pa'i phyir/ mtshan nyid de dag kyang yod de/ lam shes pa'i sher
phyin la brten nas 

@046a @#/ /bden par grub pa'i ngo pos stong pa nyid dang/ rgyu'i mtshan
ma med pa dang bcas pa dang/ 'bras bu la smon pa rnam par spangs pa
ste med par shes pa'i sems dpa'i ye shes dang/ don dam par skye

ba med pa dang/ 'gags pa med pa dang/ sogs pa'i sgras bsdus pa chags
sogs kyis kun nas nyon mongs pa med pa dang/ dad sogs kyi rnam
par byang ba med pa dang/ don dam par spang bya'i dngos po med pa
dang/

rang bzhin gyis grub pa'i ngo bo nyid dang/ don dam par grub pa'i
rten med pa dang/ de bzhin nyid kyi rang bzhin nam mkha'i mtshan
nyid de drug rtogs pa'i sems dpa'i ye shes dang/ don dam par skye ba
med pa dang/ gzhan

du mi 'gyur bas chos nyid rnam par 'khrug pa med pa dang/ blo
sngon du btang nas 'du mi byed pa dang/ mtshan nyid dang/ mtshan
gzhi'i dbye ba bden par ma grub par rnam par mi rtog pa dang/ rab
tu dbye ba dang/ mtshan

nyid de yang mtshan nyid med pa nyid ces bya bar shes pa'i sems dpa'i
ye shes rnams ni lam shes sbyor ba'i mtshan nyid yin pa'i phyir/ de dag
re re nas mtshan nyid kyi don ldog tu ston pa ma yin gyi/ gang mtshan
nyid du

bzhed pa de nyid kyi dbye ba'i ya gyal yin no/ /gsum pa ni/ rnam kun
mkhyen pa'i tshul gyi skabs la ni/ rnam mkhyen sbyor ba'i shes pa'i
mtshan nyid 'di yin zhes bshad pa yin te/ sems dpa'i rgyud kyi ngo bo
nyid kyi rnal

'byor bdun mtshan gzhi/ rnam mkhyen sbyor bar mtshon/ gang gis
mtshon na gong du bshad pa 'di rnams kyi shes pa'i rnam pa'i bye brag
bcu drug gis bsdus ba'i sems dpa'i ye shes kyis tsha reg gis me mtshon pa
ji lta ba

@046b bzhin du mtshon pa'i phyir/ mtshan nyid de dag kyang yod de/
rnam mkhyen gyi sbyor pa la brten nas de bzhin gshegs pa nyid kyi
chos la mngon par brten nas mthong thos la bde bar gnas pa'i sems
dpa'i ye shes dang/ dge ba'i

bshes gnyen la gus par bya ba dang/ bka' las mi 'da' bar bla mar bya
ba nyid dang/ rnyed bkur gyis mnyes par bya ba dang/ de nas me tog
sogs kyis mchod pa dang/ don dam par byed pa med pa nyid shes pa
dang/ kun tu

'jug pa'i mkhyen pa gang yin pa dang/ don dam par gang du yang ma
mthong ba'i don de kho na nyid du ston par mdzad pa dang/ 'jig
rten stong pa nyid kyi rnam pa shes pa dang/ gdul bya la 'jig rten
stong pa nyid du brjod pa dang/ 'jig

rten stong pa nyid du 'jig rten pa'i sgom byung gis shes par mdzad
pa dang/ gdul byas 'jig rten stong pa nyid du mngon sum du mthong
bar mdzad pa dang/ chos nyid rtogs pa'i blos bsam gyis mi khyab pa
nyid du ston pa dang/

 don dam pa'i spros pa nye bar zhi ba nyid du ston pa dang/ 'jig rten
de kho nar grub pa 'gog pa dang/ 'jig rten 'di dang pha rol la don
dam par blang don gyi 'du shes 'gog pa zhes bya ba shes pa'i sems
dpa'i ye shes rnams rnam

mkhyen sbyor ba'i shes pa'i mtshan nyid yin pa'i phyir/ gnyis pa khyad
par gyi mtshan nyid la gnyis/ mdor bstan pa/ rgyas par bshad pa'o/
/dang po ni/ 'og nas 'chad pa'i bsam gyis mi khyab sogs khyad par gyi
mtshan nyid

bshad pa yin te/ de yang nyan rang gi sbyor ba las khyad zhugs par
mtshon pa'i bden pa'i spyod yul can skad cig ma ni bcu drug gis bshad
pa'i phyir/ gnyis pa ni/ lam shes dang rnam mkhyen sbyor bas bsdus
pa'i gang gi

@047a @#/ /lam ni khyad par gyi lam yin te/ nyan rang gi lam gzhan
dag las khyad par du 'phags pa'i phyir/ gang gis khyad par du 'phags
na/ khyad par ni bden pa bzhi'i yul can skad cig ma bcu drug gi bdag
nyid kyis

shes par bya ba ste yin pa'i phyir/ de dag kyang yod de/ bdag rkyen
sangs rgyas byang sems la sogs pas yongs su gzung ba'i shes rab kyis
sdug bsngal gyi chos nyid bsam gyis mi khyab pa khong du chud pa
dang/ dpe med pas mi

mnyam pa nyid dang/ tha snyad pa'i tshad mas gzhal ba las yang dag
par 'das pa dang grangs sogs kyis bgrang ba las yang dag par 'das
pa'i chos nyid rtogs pa'i shes bzod skad cig ma bzhi dang kun 'byung
gi yul can bzhi

ni 'phags pa'i gang zag kun gyi yon tan thams cad bsdus pa dang/ ji
lta ji snyed shes pa'i skyes bus mkhas pa yi rig par bya ba shes pa
dang/ nyan thos sogs dang thun mong min pa'i dngos po zab pa dang/
rgya che ba yongs su

shes pa nyid dang/ theg chen rang lugs la bltos pa'i mngon par shes
pa shin tu myur ba zhes pa bzhi ni/ kun 'byung shes bzod bzhi khyad
gzhir byas nas nyan rang gi sbyor ba las khyad zhugs pa'i mtshon
byed do/ /'gog pa'i yul

can bzhi ni bdag rkyen la brten pa'i chos thams cad don dam par bri
ba dang gang ba med pa'i ngo bor rtogs pa dang/ don dam par 'khor
gsum rnam par dag pas sbyin sogs rab tu bsgrub pa dang/ gus pa
dang rgyun ma chad pa'i

sbyor bas bskal pa du mar bsgrub pa'i tshogs gnyis yang dag par 'grub
pa dang/ thabs kyis zin pa'i rnam par mi rtog par chos thams cad la
dmigs pa'i ye shes ni 'gog pa shes bzod bzhi nyan rang gi sbyor ba las
khyad zhugs

@047b par mtshon pa'o/ /lam shes kyi yul can bzhi ni chos dbyings kyi
ngo bo nyid kyis byang chub sems dpa'i lam gyi rten rigs dang ldan
pa dang bcas pa dang/ smon lam sogs phar phyin bcu mtha' dag
yongs su rdzogs pa'i rgyu tshogs pa

dang ldan pa dang/ lam rdzogs par ston pa'i dge ba'i bshes gnyen
gyis yongs su 'dzin pa dang/ 'khor 'das kyi chos gang la yang bden
par mngon par zhen pa'i ro myong ba med pa bzhi ni theg chen gyi
lam shes bzod pa bzhi nyan rang

gi sbyor ba las khyad zhugs par mtshon pa'o/ /de yang theg chen gyi
mthong lam nyan rang gi lam las khyad zhugs par bsgrub pa'i ched
du khyad chos dang ldan par dngos bstan gyi nyan rang gi sbyor
ba de dag gi lam 'dir dngos su mi ston pa'i rgyu

mtshan yod de/ /go sla ba la dgongs pa'i phyir/ gsum pa byed pa'i mtshan
nyid la/ sbyor ba'i ngo bo bcu gcig bo 'di ni thams cad mkhyen pa
nyid gsum gyi sbyor ba mtshon par byed pa'i mtshan nyid yin te/ mtshon
tshul yang tsha reg gis me

mtshon pa ji lta ba bzhin du mtshon pa'i phyir/ ngo bo gang zhe na/
gzhi shes sbyor ba'i byed mtshan yod de/ sems can rnams thar pa'i lam
la 'god pa phugs su phan pa dang/ sdug bsngal dang yid mi bde zhi
ba sogs tshe 'di'i bde ba

dang; 'khor ba'i sdug bsngal las skyob cing/ slar yang mi smin par
byed pa gsum yin pa'i phyir/ lam shes sbyor ba'i byed mtshan yod de/
gtan du phan pa'i myang 'das la 'god pa'i mi la sogs pa rnams kyi ni
skyabs dag

gi byed pa dang/ sdug bsngal gyi rgyu bzlog pa'i go 'phang la 'god
pa gnas kyi byed pa dang/ 'khor 'das mnyam pa nyid du rtogs pa la
'god pa dpung gnyen gyi byed pa dang/ sred pa'i brlan dang bral ba'i
thar pa la 'god pas

@048a @#/ /rang gzhan gyi don rtogs pa'i gling gi byed pa dang/ gnas
skabs dang mthar thug gi gzhan don bsgrub pa yongs 'dren gyi byed
pa zhes bya ba dang/ sems can gyi don lhun gyis grub par 'jug pa'i
byed pa

dang; theg pa gsum gyi nges par 'bras bu dus ma yin par yang dag pa'i
mtha' mngon du mi byed pa'i bdag nyid bdun po yin pa'i phyir/ rnam
mkhyen sbyor ba'i byed mtshan yod de/ tha ma rnams pa thams cad
mkhyen pa nyid kyis chos

thams cad bsam pa ji lta ba bzhin du ston pa nye bar bsgrub pa'i don
gyi rnam mkhyen sbyor ba la ni 'jig rten gyi mdzad pa gcig ste byed
pa bcu gcig yod pa'i phyir/ bzhi pa ngo bo nyid mtshan la/ mkhyen
gsum sbyor ba'i ngo bo nyid bcu drug

gi bdag nyid ni chos can/ 'di mtshon par bya bas na mtshan nyid bzhi pa
ngo bo nyid mtshan du bzhed pa yin te/ mtshon tshul yang mtshon bya
lta bur mtshon pa'i phyir/ de yang yod de/ 'dod chags la sogs pa'i
nyon mongs pa spang ba dang/ de'i

rtags lus kyi gnas ngan len spang ba dang/ de'i rgyu'i mtshan ma tshul
bzhin ma yin pa'i yid byed sogs spong ba dang/ chags sogs kyis mi
mthun phyogs dang chags sogs med pa sogs gnyen po dag/ blang
dor gyi rnam gzhag gis dben

pa ste stong pa nyid kyis khyad par du byas pa'i gzhi thams cad shes
pa nyid kyi sbyor ba'i ngo bo nyid bzhi dang/ don dam par med pa'i
sems can tha snyad du mya ngan las 'da' dka' ba bsgrub pa'i sbyor ba
dang/ theg pa gzhan du mi ltung bar

mtha' gcig tu 'tshang rgya bar nges pa bsgrub pa'i sbyor ba dang/ yun
ring po nas bsgrub par bya ba ched du bya ba chen po gsum bsgrub
pa'i sbyor ba dang/ sgom pa dang sgom pa po'i chos don dam par mi
dmigs par rtogs pa sbyor ba

@048b dang; bden par mngon par zhen pa mtha' dag bkag pa'i sbyor
ba zhes bya ba ni lam shes pa'i sbyor ba'i ngo bo nyid lnga dang/
thams cad shes pa nyid dang/ lam shes pa nyid kyi yul du bsdus pa'i
dang po'i khyad par gzhi lam la dmigs pa zhes bya ba

gang yin pa dang/ dngos po dang dngos med dam bden par zhen pa
la sogs pa las log ste bstan pas byis pa mi mthun pa dang/ gzugs la
sogs pa rnams la thogs pa med bar shes pa dang/ shes dang shes pa
de don dam par mi dmigs

bas 'khrul gzhi bden par med pa dang/ bden pas stong pas don dam
par gang du yang 'gro ba med pa dang/ gzugs sogs don dam par med
pas skye ba med pa dang/ dngos po dang dngos po med pa la sogs pa
gsum gyi de bzhin

nyid ni don dam par mi dmigs par rtogs pa'i sbyor ba rnams ni thams
cad mkhyen pa nyid kyi sbyor ba'i ngo bo nyid bdun te bcu drug
rnams su yod pa'i phyir/ de ltar spyir sdom na sbyor ba'i mtshan nyid
dgu bcu rtsa gcig tu yod de/ shes

zhe brgyad/ khyad mtshan bcu drug/ byed mtshan bcu gcig /ngo bo nyid
mtshan bcu drug rnams su yod pa'i phyir/ gnyis pa thar pa cha mthun
nas bzung ste/ rgyud la skye ba'i rim pa bshad pa la gsum/ bskal pa
grangs med gsum nas 'tshang

rgya ba'i lam gyi thog ma bshad pa'i sgo nas rgyan gyi ched du bya
ba'i gdul bya ngos bzung ba dang/ rgyud smin byed kyi lam skye ba'i
rim pa bshad pa dang/ de la brten nas mngon rtogs khyad par can
rgyud la skye ba'i rim pa bshad pa'o/ /dang po

la gnyis/ lam spyi'i mtshan nyid dang/ lam gyi 'chings lngar bsdus nas
de la mkhas pa'i rgyan gyi gdul bya ngos bzung ba'o/ /dang po ni/
rnam pa thams cad mngon par rdzogs par rtogs pa'i sbyor ba ston
pa'i skabs 'di la bskal pa

@049a @#/ /grangs med gsum nas 'tshang rgya ba'i lam gyi 'go rtsom pa'i
thar pa'i cha dang mthun pa yin par 'dod de/ don dam par mtshan ma
med par rtogs pa'i shes rab kyis zin pa'i rab tu sbyin pa la sogs pa nas
rnam

mkhyen la thug gi bar rang rgyud la yang dag par bsgrub pa la
mkhas pa'i gang zag gi rgyud kyi chos mngon rtogs yin par ni 'dod
pa'i phyir/ gnyis pa la gnyis/ lam spyi'i 'chings la mkhas pa'i tshad/ de
la mkhas pa'i rgyan gyi ched du bya

ba'i gdul bya ngos bzung ba'o/ /dang po ni/ rgyan gyi ched du bya ba'i
gdul bya byang sems tshogs lam pa chos can/ yul rnam pa lnga la
mkhas pa yin te/ sangs rgyas sogs theg chen gyi lam 'bras bu dang
bcas pa la dmigs pa'i dad pa dang/ sbyin

sogs phar phyin drug spyod yul du byed pa'i spro ba'i brtson 'grus
dang/ bsam pa phun sum tshogs pa sems bskyed kyis bsdus pa'i dran pa
dang/ chos thams cad la rnam par mi rtog pa'i ting nge 'dzin dang/
ji lta ba dang ji snyed pa'i chos rnams

rnam pa thams cad du shes pa'i shes rab dang yul rnam pa lnga la
mkhas pa'i phyir/ de yang/ sangs rgyas sogs dmigs dad pa dang/ zhes
pas theg chen gyi thun mong ma yin pa'i skyabs 'gro bstan pa'i sgo
nas theg chen gyi lam gyi rtsa ba ngos bzung

ba'i ched du dad pa la mkhas pa dang por bstan/ bsam pa phun tshogs
dran pa dang/ /zhes pas rnam mkhyen yang nas yang du dran pa'i
dran pas khyad par du byas pa'i theg chen sems bskyed theg chen
lam gyi 'jug sgor bstan/ spyin sogs spyod yul

brtson 'grus dang/ zhes pas sems bskyed nas spyod pa spyi la bslab
tshul bstan/ khyad par phar phyin tha ma gnyis la slob tshul gyi bsam
gtan la slob tshul de/ rnam par mi rtog ting 'dzin dang/ /zhes pas
bstan/ sher phyin la slob tshul

@049b de; chos rnams rnam pa thams cad du/ shes pa'i shes rab dang
rnam lnga/ zhes pas bstan/ gnyis pa ni/ rgyan gyi ched du bya ba'i
gdul bya de la dbang po'i rim pa gnyis su yod de/ rdzogs pa'i byang
chub sems dpa' dbang po rnon pos rtogs

shing thob sla ba dang/ rtul pos rtogs dka' bar bzhed pa yin pa'i
phyir/ shugs la dad sogs 'bring la gnas pa rang rgyal tshogs lam pas
rang rgyal gyi byang chub rtogs shing thob pa dang/ dang sogs
chung ngu la gnas pa'i nyan thos tshogs lam

pas nyan thos kyi byang chub rtogs shing thob par bstan no/ /gnyis
pa ni/ theg chen gyi sbyor lam dro ba gsum po rnams kyi dmigs pa
skabs 'dir sems can thams cad yin par bsngags shing mdo las brjod
pa yin te/ sems can de dag

nyid la dmigs nas btang snyoms kyi sems mnyam par lta ba dang/
sogs pas yid 'ong gi rnam pa can gyi byams pa dang/ phan pa dang/
khong khro ba med pa dang/ rnam par 'tshe ba med pa'i sems rnam pa
lnga dang/ skyes pa dang

bud med rgan pa la pha ma'i sems dang/ gzhon pa la bu dang bu mo'i
sems dang/ mnyam pa la spun dang sring mo'i sems dang/ phan tshun
mthun pa shes pa dang yid brten pa grogs kyi sems dang/ rus gcig pa
la gnyen dang/ mi

gcig pa la snag gi bsnyen mtshams kyi sems rnam pa lnga ste rnam pa
dag ni bcur mdo las bshad pa'i phyir/ rtse mor gyur pa yang sems
can thams cad la dmigs pa yin te/ rtse mo la gnas pa bdag nyid sdig
pa mi dge ba bcu las

ldog cing sbyin pa la sogs pa la gnas pas sems can gzhan dag pa la
ni 'god pa gnyis dang/ ma bskul bar zhugs pa la bsngags pa brjod pa
dang/ mthun par byed pa la dga' ba sgom pa nyid rnam pa gnyis kyis
dmigs

@050a @#/ /pa'i phyir/ de bzhin du bzod pa ni sems can thams cad la
dmigs pa yin te/ bden bzhi shes pa la rnag gnas nas sems can gzhan
gyi rten can de la 'god pa dmigs pa'i phyir/ chos mchog kyang de
bzhin du sems

can thams cad la dmigs pa yin te/ sems can rnams smin par bye dpa
dang/ sogs pas grol bar byed pa sogs kyis dmigs par shes par bya ba
yin pa'i phyir/ gsum pa de la brten nas mngon rtogs khyad par can
rgyud la skye ba'i rim

pa bshad pa la gnyis/ bla na med pa'i byang chub las phyir mi ldog
pa'i rtags bshad pa dang/ sku gsum 'grub byed kyi lam khyad par can
bshad pa'o/ /dang po la gnyis/ mdor bstan pa dang/ rgyas par bshad
pa'o/ /dang po ni/ phyir mi

ldog pa'i dge 'dun gyi tshogs rnams pa gsum yod de/ dbang gzhan ?
po'i rgyud kyi nges 'byed yan lag nas bzung ste mthong ba dang ni
sgom pa ste sgom pa'i lam dag gsum la byang chub sems dpa' gang
dag gnas pa gsum po de

'dir phyir mi ldog pa'i dge 'dun yin pa'i phyir/ gnyis pa gsum/ sbyor
lam pa phyir mi ldog pa'i rtags bshad pa dang/ mthong lam pa phyir
mi ldog pa'i rtags bshad pa dang/ sgom lam pa phyir mi ldog pa'i
rtags bshad

pa'o; ;dang po la gnyis/ mdor bstan pa dang/ rgyas par bshad pa'o/
/dang po ni/ nges par 'byed pa'i yan lag la gnas pa'i sems dpa' dbang
po rnon po rdzogs pa'i byang chub las phyir mi ldog pa'i rtags kyi
mtshan nyid

'di ltar yin par shes par bya ste/ gzugs la sogs pa la bden zhen ldog
ste 'gag pa sogs rtags rnam pa nyi shur brjod pa yis shes par bya ba
yin pa'i phyir/ gnyis pa ni/ drod dang/ rtse mo dang bzod pa dang
bcas pa

@050b dang chos mchog rnams la gnas pa'i sems dpa' dbang po rnon
po ni rdzogs pa'i byang chub las phyir mi ldog pa'i rtags su shes par
bya ba 'di yin te/ rtags ni nyi shu de dag gis shes par bya ba'i phyir/
rtags nyi shu yod de/ drod

la gnas pa'i rtags bcu gcig /rtse mo'i rtags drug/ bzod pa la gnas pa'i
rtags gnyis/ chos mchog la gnas pa'i rtags gcig rnams su yod pa'i
phyir/ dang po grub ste/ gzugs la sogs pa'i chos la bden zhen mngon
gyur ba

ldog pa dang/ skyabs gnas yang dag la the tshom mngon gyur ba
bzad pa dang/ log lta dang/ dmyal ba dang/ yi dwags dang/ dud 'gro
dang/ sangs rgyas kyi bka' mi thos pa dang/ yul mtha' 'khob tu skye
ba dang/ dbang po ma tshang ba glen

lkug dang/ 'du shes med pa'i lha tshe ring du skye ba ste mi khom pa
brgyad zad pa dang/ bdag nyid dge ba la gnas shing gzhan dag de
la 'god pa dang/ sems can gzhan gyi yul la 'bras bu smin par gyur cig
pa'i rten can gyi sbyin pa la

sogs pa dang/ zab mo'i don la som nyi med pa dang/ byams pa'i bsams
pas kun nas bslangs pas lus dang sogs pa yang dag dang yid kyi las
dang ldan pa dang/ 'dod pa la 'dun pa dang gnod sems dang/ gnyid
rmugs dang/

rgod 'gyod dang the tshom ste sgrib pa ni lnga po de dang mi 'grogs
pa dang/ ma rig pa dang lta ba sogs kyi bag la nyal kun 'joms pa
dang/ sbyor lam kun tu dran pa dang ni shes bzhin dang hldan pa
dang/ gnas mel dang gos la sogs pa

gtsang ba ba dang ldan pa rnams yin pa'i phyir/ drod la gnas pa'i
sems dpa' dbang po rnon po bla na med pa'i byang chub las phyir mi
ldog pa yin te/ gong du bshad pa'i rtags bcu gcig dang ldan pa'i sems
dpa' dbang po rnon yin pa'i 

@051a @#/ /phyir; gnyis pa rtse mo'i rtags
drug yod de/ lus la srin bu'i rigs brgyad khri rnams mi 'byung ba
dang/ g.yo rgyus kun nas bslangs pa'i gya gyu'i sems med pa dang/
phyag dar khrod pa sogs sbyangs pa'i yon

tan bcu gnyis po rnams ni yang dag par len pa dang/ phyin drug
dang 'gal ba'i ser sna dang/ 'chal tshul sogs med pa dang/ chos nyid
dang mi 'gal bar shes rab kyi pha rol tu phyin pa'i rnal 'byor dang
ldan par 'gro ba nyid

dang; sems can gzhan don du dmyal ba 'tshol ba ste dmyal ba 'dod pa
rnams yin pa'i phyir/ sbyor lam rtse mo la gnas pa'i sems dpa' dbang
rnon chos can/ rdzogs pa'i byang chub las phyir mi ldog pa yin te/
rtags de

dag dang ldan pa'i sems dpa' dbang rnon yin pa'i phyir/ gsum ba bzod
pa'i rtags gnyis yod de/ lam gzhan nye bar ston pa gzhan gyis dkri
bar mi gtub pa dang/ zas gcod pa dang me lnga bsten pa sogs lam
ltar

bcos pa ston pa'i bdud bdud ces bya bar rtogs pa dang gnyis yod pa'i
phyir/ bzod pa la gnas pa'i sems dpa' dbang rnon chos can/ rdzogs
pa'i byang chub las phyir mi ldog pa yin te/ gong gi rtags de rnams
kyi

steng du rtags de gnyis dang ldan pa'i sems dpa' dbang rnon yin pa'i
phyir/ bzhi pa chos mchog la gnas pa'i rtags gcig yod de/ sgo gsum
gyi bya ba thams cad sangs rgyas dgyes pa'i spyod pa zhes bya ba yin
pa'i phyir/

chos mchog la gnas pa'i sems dpa' dbang rnon chos can/ rdzogs pa'i
byang chub las phyir mi ldog pa yin te/ rtags de dag dang ldan pa'i
sems dpa' dbang rnon yin pa'i phyir/ gnyis pa mthong lam ba phyir mi
ldog pa'i

@051b rtags la gnyis/ mdor bstan pa dang/ rgyas par bshad pa'o/
/dang po ni/ byang chub sems dpa' dbang po 'bring po'i rgyud kyi
mthong ba'i lam la bzod pa dang/ shes pa'i skad cig ma bcu drug gis
bsdus pa'i thabs shes khyad

par can dang/ des drangs pa'i lus ngag gi tha snyad khyad par can
ni chos can/ byang chub sems dpa' mthong lam pa dbang 'bring de
nyid phyir mi ldog pa'i mtshan nyid yin pa'i phyir shes par bya ste/ de'i
sgrub byed yang dag yin pa'i

phyir; gnyis pa ni/ de 'dra'i skad cig ma bcu drug gis bsdus pa'i thabs
shes khyad par can dang/ des drangs pa'i lus ngag gi tha snyad
khyad par can chos can/ blo ldan dbang po 'bring po mthong ba'i
lam la gnas pa rnams kyi phyir mi

ldog pa'i rtags yang dag yin te/ /de sgrub kyi tshul gsum yin pa'i phyir/
skad cig ma'i rnam pa bcu drug yod de/ sdug bden gyi rnam pa bzhi/
kun 'byung bden pa la brten pa'i rnam pa bzhi/ 'gog bden la brten pa'i
rnam pa bzhi/

lam bden la brten pa'i rnam pa bzhi rnams su yod pa'i phyir/ dang po
grub ste/ gzugs la sogs pa'i chos su bden par rtogs pa'i 'du shes kun
btags bzlog pa dang/ don dam dang kun rdzob kyi sems brten pa
dang/

nyan rang gi theg pa dag las sems rnam par log pa dang/ bsam gtan
dang gzugs med kyi snyom 'jug thob kyang gzugs khams la sogs par
las dbang gis skye ba'i nus pa'i yan lag yongs su zad pa rnams yin pa'i
phyir/

gnyis pa grub ste/ lus dang sems yang ba shin tu sbyangs pa nyid
dang/ zhen pa med par 'dod pa la spyod pa la sems can 'dul ba'i thabs
la mkhas pa dang/ 'dod yon gyi nyes dmigs mthong nas rtag tu
tshangs par spyod pa

@52a @#/ /nyid dang/ 'tsho ba'i yo byad rnam par dag pa nyid rnams yin
pa'i phyir/ gsum pa grub ste/ phung po dang sogs pas khams dang skye
mched rnams la dang por bden par zhen pa'i sbyor ba dang/ rjes su
bden par

zhen pa rjes su sbyor ba'i gnas pa so sor bkag pa dang/ 'gog pa chos
shes kyi rtogs pa'i bar chad byed pa'i chos rnams la snga ma bzhin
du de ltar bden zhen bkag pa dang/ byang chub kyi tshogs sbyin pa
sogs la snga ma bzhin du bden

zhen bkag pa dang/ mdo las grong gi sgras bstan pa'i mig sogs dbang
po dang/ grong khyer gyi sgras bstan pa'i dbang brten dang/ grong
brdal gyi sgras bstan pa'i dbang po'i yul dang/ rnam par shes pa'i
sgras bstan pa'i skyes bu

la sogs pa dang bcas pa'i yul dang yul can bden par zhen pa spang
bya dang/ de dag bden med du rtogs pa'i spong gnyen gyi g.yul
'gyed pa la snga ma bzhin du dang por bden par zhen pa'i sbyor ba
dang/ rjes su bden par

zhen pa rjes su sbyor ba'i gnas pa so sor bkag pa rnams yin pa'i phyir/
bzhi pa grub ste/ spang bya ser sna dang 'chal ba'i tshul khrims la
sogs pa la dang por bden par zhen pa sbyor ba dang/ phyis bden par
zhen pa

rjes su sbyor ba yi gnas pa so sor bkag pa dang/ rtogs pa'i chos lam
'bras bu dang byang chub don dam par grub pa ni rdul tsam yang mi
dmigs pa nyid/ thams cad mkhyen pa nyid gsum gyi bdag nyid kyis
rang gi thob

pa'i rang gi sa gsum la ni the tshom bral ba'i nges pa nyid kyi gnas pa
dang/ rnam pa thams cad mkhyen pa nyid la sogs pa'i chos kyi don
du srog /gtong ba la ser sna dang/ sdug bsngal cung zad kyang mi
'byung ba rnams yin pa'i

@52b phyir; theg chen gyi mthong lam shes bzod skad cig ma rnams
mnyam gzhag min nam/ ji ltar na gang zag gzhan gyi ngo bor phyir
mi ldog par dpog pa'i 'bras rtags su 'gyur zhe na skyon med de/
byang sems mthong lam pa

las dbang gis lus ngag gi tha snyad khyad par can la shes bzod kyi
ming gis btags nas bstan pa'i phyir/ de ltar 'dogs pa'i rgyu mtshan yod
de/ mnyam gzhag de las tha snyad khyad par can skye ba'i phyir/
gsum pa sgom

lam pa phyir mi ldog pa'i rtags la gnyis/ theg chen gyi sgom lam
rgyas par bshad pa dang/ phyir mi ldog pa'i rtags kyi khyad par
bshad pa'o/ /dang po la gsum sgom lam gyi khyad chos/ khyad gzhi
sgom lam/ sgom lam gyi

dbye ba'o/ /dang po ni/ theg chen 'phags pa'i sgom ba'i lam ni chos
can/ rang gi gnas lugs zab pa yin te/ rang gi gnas lugs zab mo stong
pa nyid la sogs pas khyad par du byas pa'i de bzhin nyid yin pa'i phyir/
gnas

lugs de ni zab pa'i rgyu mtshan yod de/ sgro 'dogs dang/ skur ba'i
mtha' las grol ba nyid kyi chos dbyings yin pa'i phyir/ gnyis pa ni/
theg chen 'phags pa'i sgom pa'i lam de ni chos can/ rgyun chags su
'jug pa yin te/

sngar theg chen gyi nges 'byed yan lag dang mthong ba'i lam dang/
sgom pa'i lam nyid kyis mkhyen gsum gyi rnam pa la yang nas yang
du sems pa dang/ 'jal ba dang nges par rtogs pa'i theg chen gyi rjes
la mngon rtogs yin pa'i

phyir; gsum pa la gnyis/ dbye ba dngos dang/ rtsod pa spong ba'o/
/dang po ni 'o na/ sgom lam de la du zhig yod ce na/ theg chen
'phags pa'i sgom lam de ni rgyun chaD pa rnam pa dgur bzhed pa yin
te/ theg chen gyi sgom lam chung ngu  @53a

@53a @#/ /dang 'bring dang chen po rnams re re la chung ngu sogs
dbye ba yis rnam pa dgur yod pa'i phyir/ de la chung 'bring dgur
dbyer rung ste/ chung 'bring dgu'i sgo nas rgyun chags su 'byung ba
yin pa'i phyir/ gnyis

pa rtsod pa spong ba la gnyis/ grangs nges la rtsod pa spong ba
dang/ byed pa la rtsod pa spong ba'o/ /dang po la kho na re/ theg
chen gyi sgom lam la dgur grangs nges pa mi 'thad par thal/ theg
chen gyi sgom lam gyi bye brag rnam pa dgu bas

mang ba'i phyir/ rgyal ba'i yum rnam pa gsum las sgom lam dgu po re
re'i dbang du byas nas 'bras bu bsod nams grangs med pa gzhal du
med pa tshad med pa skye bar gsungs pa'i phyir zhe na/ lan la gsum gyi
de ltar na/

'bras bu bsod nams grangs med pa la sogs pa bstan pa rnams dam pa'i
don du bzod pa ma yin pas mi 'thad kyang tha snyad du mi 'thad pa'i
skyon med par thal/ don dam par mi 'thad kyang kun rdzob tu ni
sangs rgyas kyi thugs

brtse ba'i rgyu mthun gyi 'bras bu gsung rab las grangs ji ltar
bstan pa de dag thub pa bzhed pa'i phyir/ 'grel pa don gsal las/ don
dam la bltos pa'i rtags ma grub pa dang/ kun rdzob la bltos te
khyab pa ma grub pa'i lan

mdzad kyang don 'dra'o/ /gnyis pa la gnyis/ don dam la bltos pa'i
rtsod pa spong ba dang/ tha snyad la bltos pa'i rtsod pa spong ba'o/
/dang po la gnyis/ rtsod pa dang/ lan no/ /dang po ni/ sgom zhes bya
ba'i lam gyi ni chos can/ spang

bya ci zhig nyams shing gnyen po ci zhig thob par med par thal/ don
dam par grub pa'i phyir/ khayb ste/ sgom lam gyi dam par brjod du
med pa la nyams pa dang ni 'phel ba mi rung ba'i ba'i phyir zhes zer/
gnyis pa ni/ don

@53b dam du 'phel 'grib mi rung bar thal/ don dam par gcig dang du
ma gang du yang brjod du med pa'i phyir zhes pa'i don dam du 'dod
pa'i lan 'di rtsa bas dngos su ma bsdus kyang don gyis bstan no/ /don
dam par 'phel 'grib med na

spong gnyen mi 'thad pas khyab pa med par thal/ bla na med pa'i
byang chub zag med kyi ye shes de don dam par 'phel 'grib med
kyang/ tha snyad du gdul bya'i don byed pa ji lta ba de bzhin du
theg chen gyi sgom lam 'di ni don dam par

'phel 'grib med kyang/ tha snyad du spang bya la gnod pa sogs 'dod
pa'i don sgrub par byed pa'i phyir/ byang chub dang theg chen gyi
sgom lam gnyis dpe don mi mtshungs pa'i skyon med par thal/ tha
snyad du don khyad par can byed

par mtshungs/ byang chub de bzhin nyid kyi mtshan nyid can yin pa de
bzhin du sgom lam de yang de bzhin nyid de'i mtshan nyid can du
bzhed pa'i phyir/ gnyis pa la gnyis/ rtsod pa dang/ lan no/ dang po ni/
kho na re/ kun rdzob dang don dam

pa'i byang chub kyi sems kyis ni byang chub bskyed par mi rigs par
thal/ sems snga mas byang chub bskyed pa/ rigs pa min phyi mas
kyang ma yin/ snga phyi mang po cig car 'byung bas kyang ma yin/
rims kyis 'byung bas kyang ma

yin pa'i phyir/ gnyis pa ni/ theg chen sems bskyed skad cig snga phyi
mang po rims kyis 'byung bas rang 'bras sku gsum mi bskyed pa'i
skyon med par thal/ mar me skad cig snga ma las phyi ma phyi ma nus
ldan rims can du

'byung bas sdong bu snum ldan rdzogs par sreg pa'i mar me'i dpe'i
tshul gyis ni theg chen sems bskyed skad cig snga phyi mang po rims
kyis 'byung bas rang 'bras sku gsum bskyed pa dang/ de 'ba' zhig tu
ma zad 'chad

@54a @#/ /par 'gyur ba'i zab mo'i chos nyid rnam pa brgyad kyang 'thad
par khong du chud par bya ba'i phyir/ gnyis pa ni/ byang sems sa
brgyad pa ba chos can/ zab mo rnam pa brgyad thugs su chud pa
dang ldan te/ gzhi'i

gnas lugs skye ba zab pa dang/ don dam par ma yin pa la kun rdzob
tu 'gog go zhes bya ba 'gog pa zab pa dang/ thams cad du goms pas
de bzhin nyid zab pa dang/ chos thams cad la spyin sogs rnam pa du
ma rjes su bsgrub

pas shes bya zab mo dang/ don dam par 'gag pa mthong ba med pa
nyid kyi shes pa zab mo dang/ thams cad la don dam par spyod pa
med pa nyid kyi spyod pa zab mo dang/ don dam par gnyis su med pa'i
ngo bo nyid lam thams cad

bsgrub pa gnyis su med pa zab mo dang/ tshogs thams cad yongs su
rdzogs par byed pa 'bras bu mngon du byed tshul zab pa thabs la
mkhas pa zab pa nyid rnams su thugs su chud pa dang ldan pa'i
phyir/ gnyis pa la gsum/

chos sku'i rgyu srid zhi mnyam nyid kyi sbyor ba dang/ longs sku'i
rgyu srid zhi dag pa'i sbyor ba dang/ sprul sku'i rgyu thabs la mkhas
pa'i sbyor ba bshad pa'o/ /dang po la gnyis/ dngos kyi don dang/ klan
ka spong ba'o/ /dang po ni/ byang sems

sa brgyad pa ba chos can/ khyod kyi srid dang zhi bar bden par mi
rtogs pa'i rgyu mtshan yod de/ khyod kyis srid zhi bden med du
mngon sum du rtogs pa'i sgo nas rjes thob kyi skabs su yang bden
zhen mngon gyur skye ba'i go skabs zad

par bcom pa'i phyir/ srid zhi bden par med de/ srid zhis bsdus pa'i chos
rnams don dam par ma grub pa rmi lam dang 'dra ba'i phyir/ gnyis pa
la kho na re/ dge sdig la sogs pa mi 'thad par thal/ las 'bras don dam
par ma grub

@54b pa'i phyir/ dper na rmi lam bzhin zhes zer ro/ /las 'bras don dam
par ma grub na/ las 'bras bzhag tu med pa'i skyon med par thal/ las
'bras med par thal ba la sogs pa'i klan ka'i lan ni mdo las ji skad
bshad par zad

cing klan ka de dag spong nus pa'i phyir/ gnyis pa ni/ byang sems sa
brgyad pa ba chos can/ rang gang du 'tshang rgya bar 'gyur ba'i
sangs rgyas kyi zhing ni dag pa nyid kyi sbyor ba thob ste/ sems can
gyi 'jig rten bkres skom sogs kyi

ma dag pa de'i gnyen por lha'i longs spyod nye bar spyad pa dang
ldan zhing bkres skom sogs kyi ming tsam yang med par dag par
sgrub pa de bzhin du snod kyi 'jig rten rdo ba dang tsher ma sogs kyis
ma dag pa de'i gnyen por gser

gyi sa gzhi la indra nI las mig mdas ris su bris pa sogs dag par
sgrub pa'i dge rtsa bsags pa yis zhing dag pa'i sbyor ba thob pa'i
phyir/ gsum pa ni/ yum rnam pa gsum mngon sum du bya ba la sems
can la phan

pa'i dus dang/ mi phan pa dus min pa mngon sum du shes pa'i dag pa
sbyor ba can 'di ni chos can/ khyod la thabs la mkhas pa rnam pa
bcu yod de/ lha'i bu'i bdud la sogs pa'i dgra rnams las ni 'das pa
dang/ don dam par

mi gnas pa dang/ gzhan gyi don sngon gyi smon lam gyi shugs kyis
'phangs pa ji lta ba bzhin byed pa dang/ nyan rang dang thun mong
ma yin pa'i mtshan nyid kyi sbyor ba dang/ chos thams cad la bden bar
ma chags pa dang/ gang zag

dang chos kyi ngo bo bden par mi dmigs pa dang/ rgyu'i mtshan ma
bden par med par rtogs pa dang/ 'bras bu la smon lam 'debs pa bden
par grub pa zad pa rtogs pa dang/ rang phyir mi ldog pa de'i rtags
kyi 'bas la

@55a @#/ /mkhas pa dang/ rtogs pa tshad med pa'i thabs la mkhas pa ste
rnam pa bcu yod pa'i phyir/ gnyis pa ni/ shes rab kyi pha rol tu phyin
pa'i man ngag gi bstan bcos mngon par rtogs pa'i rgyan ces bya ba'i
rnam bshad snying po'i

don rab tu gsal ba las skabs bzhi pa'i bshad pa'o// //gnyis pa dbang du
bya ba'i 'bras bu rtse mo'i sbyor ba la gnyis/ le'u'i gzhung bshad pa
dang/ skabs bsdu ba'o/ /dang po la bzhi sbyor lam rtse sbyor/ mthong
lam

rtse sbyor/ sgom lam rtse sbyor/ bar chad med pa'i rtse sbyor/ dang
po la bzhi/ drod kyi rtse sbyor/ rtse mo'i rtse sbyor/ bzod pa'i rtse
sbyor/ chos mchog gi rtse sbyor ro/ /dang po ni/ rtse sbyor phyin pa'i
sbyor ba thob pa'i rtags rnam pa bcu gnyis dag tu

mdo las bzhed de/ sgom byung gi stobs kyis rmi lam na yang chos
rnams kun rmi lam lta bur zhi lhag zung 'brel gyi ting nge 'dzin gyi
lta ba dang/ la sogs pas sems bskyed la goms pas rmi lam na yang
nyan thos la sogs

pa'i sa la dga' ba'i sems mi bskyed pa dang/ sangs rgyas mthong ba
dang mi 'bral ba'i theg chen gyi dge rtsa smin pas rmi lam na yang
de bzhin gshegs pas chos ston pa sogs mthong ba dang/ sangs rgyas
kyi rdzu 'phrul rnam

par 'khrul bas nam mkha' la 'phags te chos ston pa sogs rmi lam du
dmigs pa dang/ sad nas rmi lam dang 'dra bar chos ston par bya'o
snyam pa'i rmi lam du yang chos ston pa'i sems skye ba dang/ sad rmis
gnyis

ka'i skabs su dmyal ba la sogs mthong nas rang gi sangs rgyas kyi
zhing du ngan song gi ming yang med par gyur cig snyam du ngan
song spong ba rjes su dran pa dang/ sad rmi sa gnyis ka'i gnas skabs
na grong khyer la sogs pa

@55b 'tshig pa zhi ba byed pa'i bden pa'i byin rlabs 'grub pa dang/ skye
bo gnod sbyin sogs mi ma yin gyis zin pa na/ de dag med par byed pa'i
bden tshig 'grub pa dang/ rang nyid bdud kyi las mngon par shes pas
bdud kyi las zil

gyis gnon ba'i dge ba'i bshes gnyen bsten pa dang/ mnyam rjes kyi
rnam pa thams cad du shes rab kyi phar phyin la slob pa dang/ chos
thams cad la sgom byung gi stong nyid rtogs pas bden par zhen pa
med pa dang/ byang sems

kyi skyon med pa la zhugs pas sangs rgyas kyi byang chub la nye
bar gyur ba zhes bya ba'i rtags bcu gnyis su mdo las bzhed pa'i phyir/
gnyis pa ni/ rtse mo'i rtse sbyor la gnas pa'i sems dpa' chos can/ bsod
nams rnam par 'phel

ba bcu drug gi bdag nyid thob ste/ 'dzam bu gling gi skye bo la sogs
pa stong gsum gyi sems can ji snyed kyis me tog la sogs pas sangs
rgyas la mchod pa'i dge ba lhag pa dang/ bsod nams de las lhag pa
sbyor ba gnyis ldan gyi shes

rab kyi pha rol tu phyin pa yid la byed pa dang/ de bas khyad par du
'phags pa mi skye ba'i chos stong pa nyid la bzod pa thob pa dang/ de
bas khyad par du 'phags pa rtse sbyor gyi stobs kyis byang chub par
bya ba dang byang chub par byed pa'i

rgyu 'bras kyi chos rnams don dam par mi dmigs par rtogs pa dang/
'dzam bu gling gi sems can rnams dge ba bcu la sogs pa dang/ bsam
gtan dang gzugs med kyi snyom 'jug thob pa las khyad par 'phags pa
thob pa dang/ rtse mo'i

sher phyin la brtson pa'i drung du gus shing gnod pa mi byed par
lha'i rigs thams cad nye bar 'ong ba dang/ rtse mo'i sher phyin gyis
mthus bdud thams cad zil gyis gnon pa dang/ rang dang theg pa
gcig tu bzhugs pa'i byang sems gzhan la

@56a @#/ /ston pa dang 'dra bar gus shing bslab pa mtshungs par gnas pa
zhes bya ba gang zag gzhan la bltos pas phyi gtso bor gyur pa'i bsod
nams rnam pa brgyad dang/ rnam pa thams cad du tshogs gnyis kyi
thabs la

mkhas pas chos nyid sgom byung gi rtogs pa'i shes rab kyi bslab pa
yongs su dag pa dang/ rtse mo'i sher phyin gyi mthus sangs rgyas kyi
rigs can du 'gyur ba dang/ 'bras bu sangs rgyas nyid thob pa'i rgyu
mtshan sbyor ba dang mtshungs ldan gyi

sems bskyed sogs thob pa dang/ rtse mo'i sher phyin gyi mthus mi
mthun pa'i phyogs ser sna sogs mi skye ba dang/ gzugs sogs bden par
'dzin pa'i bden 'dzin kun btags mngon gyur pa dang ldan par rtogs
pa'i sems rab tu

mi skye ba dang/ sher phyin gyi nang du pha rol tu phyin pa kun
bsdus nas nyams su len pa shes pa dang/ sgom byung gi theg pa gsum
gyi rtogs pa'i rigs phun sum tshogs pa thams cad thob pa dang/ rtse
mo'i sher phyin gyi mthus yang dag par

rdzogs pa'i byang chub la nye bar gyur pa zhes bya ba nang gtso
bor gyur pa snga mas bsod nams gzhan rnam pa brgyad rnam pa
mang du ni dper mdzad nas de bas ches lhag pa thob pa'i phyir/ gsum
pa ni/ theg chen gyi sbyor lam bzod pa chos can/

brtan pa'i rtse mo'i sbyor ba zhes ni mdo las mngon par brjod pa'i
rgyu mtshan yod de/ rang don rtogs pas bsdus pa kun mkhyen nyid
gsum gyi chos rnams kyi rtogs pa'i rigs yongs su rdzogs pa bla na
med pa thob cing/ gzhan don

snying rjes sems can gyi don yongs su mi gtong bar mdo las bshad
pa ltar thob pa'i theg chen gyi nges 'byed cha mthun yin pa'i phyir/
bzhi pa ni/ theg chen gyi sbyor lam chos mchog chos can/ chos
mchog rtse sbyor gyi ting nge 'dzin du yongs su

@56b mdo las bsgrags pa yin te/ gling bzhi pa dang stong dag pa
dang/ stong gnyis gsum gyi chu dag srang grangs kyis gzhal nus pa
dper mdzad nas/ de bas sems dang po bskyed pa dang/ spyod pa la
zhugs pa dang/ phyir mi ldog pa dang/ skye ba

gcig gis thogs pa'i byang sems bzhi'i dge ba la rjes su yi rang ba'i bsod
nams las khyad par du 'phags shing tshad las 'das pa'i bsod nams
mang po nyid kyis mtshon nas bstan pa'i phyir/ gnyis pa mthong lam
rtse sbyor

la gnyis/ spang bya rtog pa dang/ de'i gnyen po'o/ /dang po la gnyis/
mdor bstan pa dang/ rgyas par bshad pa'o/ /dang po la gnyis/ gzung
rtog mdor bstan pa dang/ 'dzin rtog mdor bstan pa'o/ /dang po ni/
byang sems

kyi mthong spangs 'jug pa dang ni ldog pa la bzung ba'i rnam rtog
de chos can/ so sor dgu'i bdag nyid du shes par bya ste/ yul gyi dbye
bas dgu dgu yod pa'i phyir/ de chos can/ ji bzhin yul 'dzin pa ma yin
pa'i bdag nyid du

shes par bya ste/ zhen yul la 'khrul pa'i log shes yin pa'i phyir/ gnyis
pa ni/ theg chen gyi mthong spangs 'dzin rtog chos can/ gnyis su
yod de/ so so skye bos sems can rdzas yod du 'dzin pa dang/ 'phags
pa'i dbye bas skyes bu

btags par yod par 'dzin pa dag la dmigs nas longs spyod byed du
bden par rnam par rtog pa'i 'dzin pa dag tu 'dod pa'i phyir/ de dag so
sor dgu dgu'i bdag nyid du shes par bya ste/ yul gyi dbye bas dgu dgu
yod pa'i

phyir; de dag gnas tshod dang mthun pa'i yul gang gis 'dzin par 'dod
mi rigs par thal/ gal te de dag gzung don de bzhin nyid du med pa'i
'khrul shes yin pa'i phyir/ 'dod na/ de ltar rtog pa de dag 'dzin pa ma
'khrul pa'i ngo

@57a @#/ /bos stong pa'i mtshan nyid dngos te yin par thal/ 'dod pa de'i
phyir/ gnyis pa rgyas par bshad pa la gnyis/ gzung rtog rgyas par
bshad pa dang/ 'dzin rtog rgyas par bshad pa'o/ /dang po la gnyis/
'jug

pa gzung rtog dang ldog pa gzung rtog go /dang po ni/ 'jug pa'i
phyogs kyi gzung ba'i rnam rtog de ni rnam pa dgur 'dod de/ byang
chub sems dpa'i 'jug bya spyi yi dbang du byas pa don dam par dben
pa'i phyin drug

gis don dam par dben pa bla na med pa'i byang chub don dam par ma
thob kyang tha snyad du thob pa'i ngo bo nyid kyi theg chen gyi
lam 'bras la dmigs pa dang/ khyad par gyi lam gyi rgyu mi g.yo ba
la sogs pa la zhugs pas

sangs rgyas kyi rigs su nges pa la dmigs pa dang/ lam gyi ngo bo
mthong ba la sogs pa'i lam ni yang dag par 'grub pa la dmigs pa
dang/ lam gyi dmigs pa shes pa'i dmigs pa la ma 'khrul pa la dmigs pa
dang/

spang bya 'joms pa'i nus pa blang bar bya ba dang/ dor bar bya ba'i
ngo bo nyid kyis mi mthun phyogs 'joms ? pa dang/ shes sgrib kyi
gnyen po skye ba'i nus pa la dmigs pa dang/ lam gyi 'bras bu rang
don gyi dbang du byas pa

theg chen rang gi rtogs pa la dmigs pa dang/ 'bras bu gzhan don gyi
nus pa'i dbang du byas pa theg chen rigs ma nges pa rnams la nyan
thos la sogs pa'i sa thag bsring bar byed pa la dmigs pa dang/ gzhan
don gyi las kyi

dbang du byas pa bsam pa dang mthun par sprul pas sems can gyi
don de yi las la dmigs pa dang/ 'bras bu thabs la mkhas pa'i stobs
kyis skye bo thams cad mya ngan las 'das pa la 'god par byas pa'i
'bras bu skyon

@57b med pa nyid kyis 'jug par byed pa'i bzung ba la dmigs pa'i yul gyi
dbye bas dgu yod pa'i phyir/ gnyis pa ni/ byang chub sems dpa' ldog
pa'i phyogs kyi rten can nyan thos la sogs pa'i yid las byung ba
dman pa'i

lam 'bras bu dang bcas pa la ldog byar bden par zhen pa'i rnam par
rtog pa de ni chos can/ dgu'i bdag nyid du 'dod de/ nyan rang gi lam
srid mtha' dang zhi ba'i mthar ltung ba'i rtog pa dman pa nyid dang
ni bdag rkyen dman pa

lam khyad par can gyi yongs su 'dzin pa med pa dang/ gzhan don
sgrub pa'i lam gyi rnam pa mtshang ba dang/ rang don sgrub pa'i
thabs dman pas thar par gzhan gyi rkyen gyis 'gro ba dang/ don
gnyis sgrub pa'i thabs dman pa chen po

gsum la mi 'jug pas ched du bya ba log pa dang/ nga/ spangs pa dman
pa nyi tshe ba dang/ rtogs pa dman pa 'bras bu dang po sogs rtogs pa
sna tshogs pa nyid dang/ lam khyad par can ma thob pas zhi mtha' ma
thob bar du theg dman gyi lam

la gnas pa dang/ 'jug pa rmongs pa dang/ 'bras bu khyad par can ma
thob pa rnam pa thams cad mkhyen pa nyid mya ngan las 'das pa
thams cad kyi rjes su 'gro zhing/ thob par bya ba zhes bya ba la
rnams la nyes pa dang bcas pa nyid kyis

byang chub sems dpa'i 'jug par bya ba ma yin pa nyid kyis ldog par
bya'o zhes dmigs pa'i sgo nas dgu yod pa'i phyir/ gnyis pa la gnyis/
rdzas 'dzin rtog pa rgyas par bshad pa dang/ btags 'dzin rtog pa
rgyas par bshad pa'o//

dang po ni/ 'dzin pa'i rnam par rtog pa dang po chos can/ dgur shes
par bya ste/ blang dor du zhen pa sgyu ma bzhin du yon tan 'dzin pa
dang ni skyon 'dor ba'i gang zag la dmigs pa dang/ gnas lugs kyi
don yid la mi byed par bden

@58a @#/ /par yid la byed pa la dmigs pa dang/ bden par yid la byas pas
khams rnams ni gsum po dag dang nye bar 'brel pa la dmigs pa dang/
chos thams cad bden par bzung nas gnas pa la dmigs pa

dang; thams cad du bdag med la mngon par zhen pa la dmigs pa
dang/ chos kyi dngos po btags pa tsam du khong du chud pa la
dmigs pa dang/ mi mthun phyogs la chags pa la dmigs pa dang/ mtshan
'dzin gyi gnyen po la gdams

pa dang/ rnam mkhyen du ji ltar 'dod pa bzhin du 'gro ba la nyams
pa ste yun ring du thogs pa'i gang zag rnams la dmigs nas longs
spyod pa por bden par zhen pa kun btags kyis bsdus pa rnams yod pa'i
phyir/ gnyis pa ni/

'dzin pa'i rnam rtog gzhan mthong spangs shes sgrib btags 'dzin
rtog pa chos can/ dgu yod de/ theg dman gyi lam gyi ched du bya ba
chen po gsum du ji lta ba bzhin du nges par 'byung ba'i skyes bu la
dmigs pa dang/ lam gzhan phar

phyin drug la lam ma yin par nges par 'dzin pa la skyes bur btags pa
la dmigs pa dang/ rgyu 'gag pa dang bcas pa'i 'bras bu skye ba kun
rdzob kyi ngo bo las gzhan pa la don dam par zhen pa'i skyes bu la
dmigs pa dang/ lam gyi

dngos po mtha' dag rgyun mi 'chad du ldan pa dang mi ldan pa la
bden par 'dzin pa'i skyes bur btags pa la dmigs pa dang/ gzugs bden
par zhen pa'i tshul gyis gnas pa la skyes bur btags pa la dmigs pa
dang/ sems

bskyed sogs kyi sgo nas nyan thos la sogs pa'i rigs ni 'jig shing nyams
pa la skyes bur btags pa la dmigs pa dang/ stong pa nyid kyis chog
par bzung nas sangs rgyas don du gnyer ba'i 'dor ba med pa la skyes
bur

@58b btags pa la dmigs pa dang/ rgyu sher phyin sgom pa med pa la
skyes bur btags pa la dmigs pa dang/ bdud la sogs pa byang chub la
bar du gcod byed kyi phyir rgol ba'i dngos po rnams la dmigs nas
longs spyod pa por

bden par zhen pa'i bden 'dzin kun btags kyis bsdus pa'i yul gyi dbye
bas dgu yod pa'i phyir/ gnyis pa gnyen po mthong lam rtse sbyor la
gsum/ mthong lam rtse sbyor gyi rgyun mthong lam rtse sbyor gyi
'bras bu byang chub chen po/ /

mthong lam rtse sbyor rang gi ngo bo bshad pa'o/ /dang po ni/
mthar thug gi rgyu byang chen ba skyed pa'i rgyu mthong lam rtse
sbyor bskyed pa la rgyu tshogs gnyis dang ldan pa las 'gyur te/ theg
pa chen po'i rigs can byang chub la 'god

pa'i don du de'i thabs gzhan la ston pa rgyu gcig dang byang chub
de'i rgyu sher phyin gyi tshig don ni yongs su gtod pa rgyu gnyis pa
dang/ mthong lam rtse sbyor thob pa'i bar chad med pa'i rgyu
mnyam gzhag tu sher phyin sgom pa dang

rjes thob tu gzhan la ston pa la sogs pa'i bsod nams mang po nyid
dang ldan pa'i ye shes rgyu gnyis pa yin pa'i phyir/ gnyis pa la gsum/
rang lugs kyi byang chen ngos bzung ba dang/ dngos po bden par
khas len pa la

de mi 'thad pa/ mthar thug gi byang chen thob par 'dod pas chos
thams cad bden stong du khas len dgos par bstan pa'o/ /dang po ni/
don dam par zad dang skye ba med pa mngon sum du rtogs pa'i ye
shes mthar thug pa de

dag go rims bzhin du zad mi skye shes pa'i byang chub chen por shes
par bya ste/ don dam par dri ma zad pa mi skye ba mngon sum du
rtogs pa'i ye shes mthar thug pa'i byang chub chen po zhes mdo las
brjod cing de ltar rigs pa'i

@59a @#/ /phyir; sgrib pa don dam par zad pa med pa dang/ don dam par
skye ba med pa zhes mdo las ston pa'i rgyu mtshan yod de/ don dam
par zad med du rtags yang dag la brten nas 'grub pa'i phyir/ gnyis
pa la gnyis/

rigs pa dang 'gal ba dang/ khas blangs dang 'gal ba dgag pa'o/ /dang
po ni/ dngos por smra ba khyed kyis theg pa chen po'i mthong lam
mthong ba'i lam zhes bya ba'i lam gyis ni chos can/ /shes sgrib gyi
rnam par rtog pa'i sdig pa bden grub ci

zhig zad cing/ bden grub skye 'phro chad pa'i skye med kyi rnam pa'i
'gog bden ci zhig thob ste mi thob par thal/ dri ma bden grub sngar
yod pa gsar du 'gags pa'i 'gog pa med pa'i rang bzhin can yin pa'i
phyir/ der thal/ dri ma bden grub

sngar nas yod ma myong ba'i phyir/ thal ba snga ma khas blangs so/
/gnyis pa ni/ dngos por smra ba gzhan gyi lugs la phyi dang nang gi
chos rnams kyang don dam par yod pa la shes bya la yang rmongs
pa'i sgrib pa ston pa yis zad par brjod pa gang

yin pa de la byams pa mgon po kho bos mtshar du rtsis te/ dngos po
don dam par grub na sgrib pa spang du mi rung ba'i phyir/ gsum pa la
gsum/ gzhi dngos po'i gnas lugs/ de rtogs pa'i lta ba/ lta ba goms pa'i
'bras bu'o/ /dang po ni/

khams rang bzhin gyis rnam par dag pa 'di la sngar yod gsar du bsal
bar bya ba bdag gnyis dang nyon mongs don dam par grub pa ci
yang med de/ de gdod ma nas yod ma myong ba'i phyir/ khams 'di la
sngar med gsar du bdag med pa gnyis

bzhag par bya ba cung zad kyang med de/ gang zag dang chos kyi
bdag gis dben pa 'di'i rang bzhin yin pa'i phyir/ gnyis pa ni/ yang dag
pa gang zag dang phung po don dam par grub pas stong pa nyid la
de ltar yang dag par lta ba'i don dam

@59b par rang bzhin med par rtogs pa'i shes rab ni gnas lugs kyi don
khong du chud pa'i lta ba yin no/ /gsum pa ni/ spyod phyogs thabs kyi
cha rgya chen pos zin par byas te yang dag pa'i don mngon sum du
mthong nas yang dang yang du

goms par byas na rnam par grol bar 'gyur te/ yang dag par rdzogs
pa'i sangs rgyas kyi go 'phang thob par 'gyur ba'i phyir/ gsum pa
mthong lam rtse sbyor gyi ngo bo la gnyis/ dngos dang/ spangs pa
la dbang byed pa'o/ /dang po ni/

sbyin pa la sogs re rer ni phar phyin drug po de dag phan tshun bsdus
pa gang yin pa skad cig gcig pa'i sdug bsngal la chos shes pa'i bzod
pa yis bsdus pa'i bar chad med lam de chos can/ skabs 'dir mthong ba'i
lam rtse

sbyor yin te/ mthong spangs gzung 'dzin gyi rnam par rtog pa'i sa
bon dngos su 'joms byed kyi theg chen gyi bden pa mngon rtogs yin
pa'i phyir/ gnyis pa ni/ mthong lam rtse sbyor gyi spang bya spong
tshul bstan pa de nas mthong lam rtse

sbyor sgom pa'i rnal 'byor pa de chos can/ spang bya la dbang byed
pa'i byed las khyad par can dang ldan te/ mnyam gzhag tu seng ge
rnam par bsgyings pa'i ting nge 'dzin la snyoms par 'jug pa la gnas
nas rjes thob tu rten cing 'brel

par 'byung ba la lugs mthun dang lugs mi mthun la rtog par byed
pa'i phyir/ gsum ba sgom lam rtse sbyor la gsum/ gnyen po sgom lam/
spang bya rtog pa/ gnyen pos spang bya spangs pa'i phan yon no/
dang po ni/ 'dir thod brgal

du ni snyom par 'jug pa yin te/ sbyor ba dngos gzhi gnyis kyi sgo nas
snyom par 'jug pa'i phyir/ de yang sbyor ba sngon du btang nas
snyoms par 'jug pa yin te/ dngos gzhi'i dang por 'gog pa dang bcas
pa'i snyom 'jug

@60a @#/ /dgur lugs dang mthun pa dang/ lugs dang mi mthun pa rnam
pa gnyis su yar song zhing mar 'ongs nas de'i rjes su dngos gzhi
rtsom pa'i phyir/ 'dod par gtogs pa'i rnam par shes pa mnyam gzhag

min pa'i mtshams bzung ste gnas pa la dgos pa yod de/ mar 'ongs
mthar gnas snyom 'jug dgu la 'dod sems spel ba'i ched yin pa'i phyir/
byang sems sa brgyad pa ba chos can/ mthar gnas snyom 'jug dgu la
'dod

soms spel te/ dang por 'gog pa la snyom par 'jug/ de nas 'dod sems la/
de nas 'gog pa gcig pu gral nas srid rtse la/ de nas 'dod sems la/ de
nas 'gog pa dang sred rtse gnyis gral nas ci yang med la/

de nas 'dod sems la/ de nas snga ma gnyis dang gsum brgal nas rnam
shes mtha' yas la/ de bzhin du bzhi brgal nas nam mkha' mtha' yas
dang 'dod sems la lnga brgal nas bsam gtan bzhi pa dang 'dod sems
la drug brgal

nas gsum pa dang 'dod sems la bdun brgal nas gnyis pa dang 'dod
sems la/ brgyad brgal nas bsam gtan dang po la/ de nas 'dod sems
sngon du byas nas snyom par 'jug nus pa'i phyir/ ji skad bshad pa'i
snyom 'jug de

la thod brgal gyi snyom 'jug ces bya ste/ bsam gtan bzhi dang gzugs
med bzhi/ 'gog pa'i bar du mnyam par gzhag ma bzhag mi 'dra bar spel
ba'i sgo nas 'gro ba'i snyom 'jug yin pa'i phyir/ gnyis pa la gnyis/
gzung rtog dang/

'dzin rtog go /dang po la gnyis/ 'jug pa gzung rtog dang/ ldog pa
gzung rtog go /dang po ni/ sgom spangs 'jug pa gzung rtog la yul
gyi sgo nas dgu yod de/ gsung rab kyi chos mdor bsdus pa brjod bya
dang bcas pa dang/ gsung rab kyi

@60b chos rgyas pa brjod bya dang bcas pa dang/ mdo rgyas kyi don
sgrub pa nan tan mi byed pas/ sangs rgyas kyi mgon byas pa'i sgo nas
btang bas yongs su ma bzung ba'i gnyen po sher phyin gyi rnal 'byor
yid la byed pa dang/ mthong lam la bltos

te byung ba 'gog pa nyid kyis sbyor ba'i lam gyi yon tan don dam par
med pa tha snyad du yod pa dang/ don dam par mtha' bzhir skye ba'i
rgyu dang mi ldan pa'i lta ba'i mthong lam gyi yon tan don dam par
med pa tha snyad du yon pa dang/

mthong lam gyi dus na ma 'ongs pa'i sgom lam gyi yon tan med pa
yang yin/ sgom lam gyi dus su yod pa'i dus gsum gyi yon tan med pa
dang/ phyin ci log zhi bas legs pa'i sbyor ba'i lam dang/ mthong ba'i
lam dang/ sgom pa'i

lam ni rnam pa gsum po rnams la dmigs nas 'jug byar bden par zhen
pa'i lhan skyes kyi rtog pa dgu yod pa'i phyir/ dgu po bzung ba'i rnam
par rtog pa 'di gcig ste/ sgom spangs gzung rtog dgu po skabs 'dir
spang bar bya ba

yin te/ sgom lam gyi sbyor ba'i rnam pa'i spyod yul can sbyor ba nyer
bsdgs kyi spang bya yin pa'i phyir/ gnyis pa ni/ theg chen gyi sgom
spangs gzung rtog gnyis pa ldog pa gzung rtog chos can/ khyod kyi
gnyen po yod de/ theg chen gyi sgom

lam gyis bsdus pa'i sems dang sems byung rnams 'jug pa'i yul can bar
chad med lam rnams kyis spang ba yin par bzhed pa'i phyir/ theg
chen gyi sgom pa'i lam gyi spang bya ldog pa gzung rtog de la yul
gyi sgo nas dgur shes par

(bya ste ?/ bzhi pa bgrod ba gcig pu pa'i nyan thos tshogs lam pa dgra
bcom ma thob bar byang chub kyi sems mi skye ba dang/ byang chub
kyi snying po chos sku yid la mi byed pa dang/ nyan thos kyi sbyor
lam la gnas pa'i zhi ba bgrod pa gcig pu ba  

@061a @#/ /nyan thos de'i theg pa yid la byed pa dang/ rigs nges pa'i
rang rgyal sbyor lam pa rang rgyal de'i theg pa yid la byed pa
dang/ bgrod pa gcig pa'i nyan thos mthong lam pas yang dag par
rdzogs

pa'i byang chub re zhig thob byar yid la mi byed pa dang/ nyan thos
sgom lam pas thabs shes dang bral ba'i sher phyin gyi gzugs brnyan
sgom pa dang/ nyan thos dgra bcom pas gnas lugs kyi don sgom pa
med pa dang/ de dag las ni bzlog pa gnas lugs kyi don

sgom pa yang med pa dang/ sher phyin gyi gzugs brnyan mi rtag sogs
sgom pa med pa yang ma yin pa nyid dang/ gnas lugs kyi don ji lta ba
bzhin ma yin pa la zhen pa'i rnam par rtog pa rnams la dmigs nas
byang sems kyi ldog byar zhen pa dgu yod pa'i phyir/

gnyis ba 'dzin rtog la gnyis/ rdzas 'dzin rtog pa dang/ btags 'dzin
rtog pa'o/ /dang po ni/ 'dzin par byed pa dang po rdzas 'dzin rtog par
shes par bya ba mdo las bsgrags pa yin la/ de yang yul gyi dbye bas
dgu yod de/ shes bya'i dbang du byas

pa phung po lnga la sems can du btags pa la dmigs pa'i spyod yul
can dang/ phung sogs la chos su btags pa dang/ chos thams cad tha
snyad du yang med pa'i stong pa ma yin pa nyid dang/ lta ba'i dbang
du byas pa so so skye bo'i chos la

bden par chags pa dang/ byang sems sogs gnas lugs kyi chos rab tu
rnam par 'byed pa'i bdag nyid dang/ spyod pa'i dbang du byas pa nyan
rang 'khor ba'i sdug bsngal zhi ba'i dngos po ched du bya ba don du
gnyer bar byed pa dang/ byang chub

sems dpa' theg pa gsum gyi nges par 'byung ba dang/ dman pa'i lta
spyod kyi dbang du byas pa chos nyid la yang dag par ma zhugs pa'i
nyan thos tshogs lam pa sogs yon tan yon ni yongs su dag pa ma yin
pa dang/ de dag phyin drug gi spyod

@061b pa rnam par 'khrug pa rnams la dmigs nas longs spyod pa por
bden par zhen pa'i rtog pa lhan skyes sgom pa'i lam gyi sbyor ba'i
skabs kyi spang bar bya ba dgu yod pa'i phyir/ gnyis pa la gnyis/ mdor
bstan pa dang/ rgyas bar

bshad pa'o/ /dang po ni/ sems can du btags pa dang/ tha snyad de
'dogs pa'i rgyu phung sogs la bden par zhen pa'i yul can sgom lam
de yis rnam par 'joms pa lhan skyes gyi btags 'dzin rtog pa chos can/
theg chen 'phags pa'i sgom

pa'i lam dang spang gnyen du 'brel ba'i mi mthun phyogs rdzas 'dzin
las gzhan rnam pa dgu yod de/ yul gyi sgo nas dbye bas dgu yod pa'i
phyir/ gnyis pa ni/ sgom spangs btags 'dzin rtog pa dgu yod de/
mkhyen gsum gyi bdag nyid

ji bzhin du kun mkhyen gsum gyi sgrib pa rnam pa gsum la rmongs pa
gsum dang/ lam gyi ngo bo la rmongs pa sgrib pa thams cad zhi ba'i
lam la rmongs pa dang/ lam gyi dmigs pa la rmongs pa de bzhin nyid
la sogs pa dang/ gzugs

sogs mtshungs par ldan pa bden gnyis ngo bo gcig pa dang mi ldan
pa/ bden gnyis ngo bo tha dad pa la rmongs pa dang/ theg dman
dang theg chen gyi lam mi mnyam pa la rmongs pa dang/ sdug
bsngal la sogs pa'i chos nyid la rmongs pa

dang; sdang bya'i rang bzhin la rmongs pa dang/ /glo bur ba dang
stong pa nyid ma shes pas nyon mongs pa rnams kyi rang bzhin la
rmongs pa dang/ chos kyi bdag med rags pa la rmongs pa gzugs 'dzin
gyi

rdzas tha dad kyis stong ba'i gnyis su med pa la kun tu rmongs pa'i
kun rmongs dgu po la skyes bur btags pa la longs spyod pa por bden
par zhen pa'i lhan skyes kyi rtog pa dgu spang bya rnam par rtog pa
tha mar bzhed pa'i phyir/

@062a @#/ /'di dag phal cher rtog pa mngon gyur gyi sgo nas bstan pa
yin gyi/ spang bya'i gtso bo ni de dag gi sa bon du shes par bya'o/
/gsum pa phan yon ni/ theg pa gsum gyi 'bras bu spangs rtogs kyi 'bras
bu mchog gi sba ba

ste; mdzes pa yi sgom lam chen po'i chen po la gnas pa'i sems dpa'
chen po de la ni chos can/ rgya mtsho chen po la chu bo bzhin du
rnam pa kun tu 'gro ba yi gnas skabs dang mthar thug gi bde ba
sgrub par byed pa'i theg pa gsum gyi

yon tan phun sum tshogs pa kun rnam pa kun tu bsten par byed do/
du ma la 'tshe bar byed pas yams nad dang 'dra ba'i sgom spangs rtog
pa bzhi po chung ngu'i chung ngus bsdus pa la sogs pa 'di rnams zad
nas ni yon tan de dag bsten pa la

'gal rkyen med cing mthun rkyen tshang ba'i phyir/ dper na nad pa
nad las grol te yun ring po lon nas dga' bas dbugs phyin pa thob pa
ltar yin pa'i phyir/ bzhi pa bar chad med pa'i rtse sbyor la gnyis/
dngos dang/ log rtog bsal ba'o/ /

dang po la gnyis/ bsod nams mang pos mtshon te bstan pa dang/ dmigs
rnam bshad pa'o/ /dang po ni/ rgyun mtha'i bar chad med pa'i ting
nge 'dzin de ni chos can/ bar chad med pa'i rtse sbyor yin te/ rnam
pa kun mkhyen pa nyid

kyi rang bzhin sangs rgyas nyid kyi bar chad med pa'i dngos rgyu
mthar thug yin pa'i phyir/ mdo las/ bar chad med rtse 'di yi 'bras bu
bsod nams mang ba nyid kyi sgo nas mtshon te bstan pa yin te/ stong
gsum gyi skye bo

nyan thos dang rang sangs rgyas kyi rtogs pa phun tshogs nas
byang chub sems dpa'i skyon med pa dang po la bkod pa'i dge ba
rnams bsod nams che ba dper mdzad nas de bas bar chad med rtsi'i
'bras bu sangs rgyas

@062b bsod nams mang po nyid kyis ni mtshon nas bstan pa'i phyir/ de
yang dngos 'bras bsod nams mang bas dngos rgyu bsod nams mang
bar mtshon pa'o/ /gnyis pa ni/ bden pa'i dngos por med pa sgyu ma lta
bu'i chos thams

cad chos can/ bar chad med pa'i rtse sbyor 'di yi dmigs pa yin te/ de'i
sgro 'dogs bcad par bya ba'i gzhi yin pa'i phyir/ rgyun mtha'i sbyor
ba'i lam gyis bsdus pa'i dran pa theg chen sems bskyed chos can/ bar
chad med

rtse'i bdag po'i rkyen yin par bzhed de/ de bskyed pa la rang dbang
du gyur pa'i rkyen yin pa'i phyir/ bar chad med rtse chos can/ rang
bzhin gyis zhi ba nyid kyi rnam pa can yin te/ chos thams cad bden
stong du mngon sum du rtogs pa'i ye

shes yin pa'i phyir/ bar chad med rtse'i dmigs rnam gyi gnas 'di shin
tu zab pa yin te/ dmigs rnam 'di la ni bden gnyis 'gal bar rab tu smra
ba rnams gcig nas gcig tu brgyud mar dmigs rkyen yin na bden par
grub

la; bden par med na dmigs rkyen du 'gal lo zhes rgol ba'i phyir/
gnyis pa ni/ rnam pa kun mkhyen pa nyid dang de'i rgyu bar chad
med rtse'i dmigs rnam la rten pa can bden gnyis 'gal bar smra ba
rnams kyi log par

rtog pa rnam pa bcu drug dag tu bzhed de/ yul gyi sgo nas bcu drug
tu yod pa'i phyir/ bcu drug po yod de/ bar chad med rtse dang rnam
mkhyen gyi dmigs pa 'thad pa ma yin pa dang/ dmigs pa de'i ngo bo
nyid kyi spros bral

nges par bzung ba'i rnam pa mi 'thad par thal ba lam sgom pa'i dmigs
rnam la log par rtog pa gnyis dang/ rnam pa kun mkhyen pa nyid kyi
ye shes mi 'thad par thal ba 'bras bu la log par rtog pa gcig dang/
don

@063a @#/ /dam pa'i don dang kun rdzob mi 'thad pa bzhi'i gnas lugs
don dam dang kun rdzob la log par rtog pa gnyis dang/ zhi lhag
zung 'brel gyi sbyor ba mi 'thad pa spyod pa'i ngo bo la log par rtog
pa dang

dkon mchog gsum po mi 'thad pa spyod pa'i rten skyabs su 'gro yul
la log par rtog pa gsum dang/ thabs la mkhas pa dang bcas pa mi
'thad pa spyod pa'i khyad par la log par rtog pa dang/ thub pa de
bzhin

gshegs pa'i rtogs pa mi 'thad pa mngon rtogs la log par rtog pa
dang/ phung po rtag par 'dzin pa'i phyin ci log pa ni gzhi mi 'thad pa
spang bya la log par rtog pa dang/ lam gyi ngo bo mi 'thad pa lam
gyi ngo bo la log par

rtog pa bcas pa dang/ gnyen po dang mi mthun pa'i phyogs dag mi
'thad pa spang gnyen gyi dbye ba la log par rtog pa dang/ chos kyi
rang spyi'i mtshan nyid mi 'thad pa mngon rtogs la log par rtog pa
dang/ bsgom bya chos rnams kyi

rang spyi'i mtshan nyid la log par rtog pa dang/ chos rnams kyi rang
spyi'i mtshan nyid sgom pa mi 'thad par thal ba rang spyi'i mtshan nyid
sgom pa la log par rtog pa rnams su yod pa'i phyir/ gnyis pa ni/ shes
rab kyi pha rol tu phyin

pa'i man ngag gi bstan bcos mngon par rtogs pa'i rgyan ces bya ba'i
rnam bshad snying po'i don rab tu gsal ba zhes bya ba las skabs
lnga
pa'i bshad pa'o// ! //gnyis pa brtan pa rgyu 'bras la gnyis

brtan pa thob don du sgom pa mthar gyis sbyor ba dang/ brtan pa
thob pa'i skad cig ma'i sbyor ba'o/ /dang po la gnyis/ le'u'i gzhung
bshad pa dang/ skabs bsdu ba'o/ /dang po ni/ chos bcu gsum po 'di dag
gis zin pa'i

@063b sgo nas mkhyen gsum gyi rnam pa rim can du sgom pa mthar
gyis pa'i bya bar bzhed de/ rim can du sgom pa'i tshe sbyin pa sbyin
byed
sogs mi dmigs pa'i 'khor gsum rnam par dag pas rab tu phye ba'i sbyin
pa'i phar phyin nas

shes rab kyi phar phyin gyi bar dag drug dang/ bsam pa phun tshogs
sbyor lam ston par byed pa'i mdo las dran pa nyer gzhag sogs dang/
mthong lam ston pa'i mdo las bstan pa'i byang chub kyi yan lag
sgom pa dang/

sgom lam ston pa'i mdo las bstan pa'i 'phags lam yan lag brgyad pa
sogs rgyu'i sgo nas sangs rgyas rjes su dran pa dang la sogs pas dge
mi dge lung ma bstan pa'i chos don dam par dran pa med cing kun
rdzob tu

blang dor btang snyoms su byas pa'i mtshan nyid ji lta ba bzhin du
chos rjes su dran pa dang/ phyir mi ldog pa'i dge 'dun grogs su rjes
su dran pa dang/ mi mthun phyogs las ldog pa'i tshul khrims dang/
dge ba la 'jug pa'i

gtong ba dang/ dbang por lha rjes su dran pa'i rjes dran drug dang/
chos thams cad don dam par dngos po med pa'i ngo bo nyid du
rtogs pa'i shes rab kyis zin pa'i sgo nas mthar gyis sbyor ba sgom pa
yin pa'i phyir/ gnyis

pa ni/ shes rab kyi pha rol tu phyin pa'i man ngag gi bstan bcos
mngon par rtogs pa'i rgyan ces bya ba'i rnam bshad snying po'i don
rab tu gsal ba zhes bya ba las skabs drug pa'i bshad pa'o// ! /gnyis pa
brtan

pa thob pa'i skad cig ma'i sbyor ba la gnyis/ le'u'i gzhung bshad pa
dang skabs bsdu ba'o/ /dang po la bzhi/ rnam par smin pa ma yin pa'i
skad cig ma'i sbyor ba dang/ rnam par smin pa'i skad cig sbyor/ mtshan
nyid med pa'i skad

@064a @#/ /cig sbyor/ gnyis su med pa'i skad cig sbyor ro/ /dang bo la/
dngos dang/ de mtshon byed kyi dpe'o/ /dang po ni/ rgyun mtha'i bar
chad med lam la gnas pa'i thub pa byang chub sems dpa'i rgyud kyi
rnam

par smin pa ma yin pa'i zag med kyi lam rnams mngon du byed pa'i
skad cig gcig pa yi rtogs pa 'di ni chos can/ skad cig sbyor dang por
shes par bya ste/ rnam smin ma yin pa'i zag med kyi rigs rnams mngon
du byed pa'i sems

dpa'i sbyor ba mthar thug yin pa'i phyir/ de'i tshe zag med kyi ye shes
gcig mngon du byas pa na gzhan rnams mngon du byed nus te/ sbyin
pa la sogs pa re res kyang zag pa med pa'i lam gyis chos kun bsdus
pa'i phyir/ gnyis pa

ni; rgyun mtha'i ye shes skad cig gcig gis zag pa med pa'i ye shes
thams cad shes nus te/ ji ltar skyes bus zo mchun gyi rgyud mo rdog
thabs gcig gis skyod pa na bzo bo mkhas pas bzo legs par byas pa'i
mthus thams cad cig

du dus gcig tu 'gul ba ltar dpe de bzhin shes nus pa'i phyir/ gnyis pa
ni/ gang gi tshe dri ma dang bral bas chos dkar po thams cad kyi
rang bzhin shes rab kyi pha rol tu phyin pa rtsol med du thob pa'i
zag med rnam par smin pa'i chos

nyid kyi gnas skabs rgyun mtha'i ye shes skyes pa de'i tshe rgyun
mtha'i bar chad med lam chos can/ zag med kyi chos thams cad skad
cig gcig la mngon par rdzogs par byang chub pa yin te/ byang chub
sems dpa'i ye shes mthar thug yin

pa'i phyir/ gsum pa ni/ rgyun ma tha'i bar chad med lam chos can/
mtshan nyid med pa'i skad cig sbyor ba yin te/ kun byang gi chos
rnams don dam par mtshan nyid med pa nyid du skad cig ma ni gcig
gis mngon sum du rtogs pa'i sems

@064b dpa'i sbyor ba mthar thug yin pa'i phyir/ khyod kyis de ltar
rtogs nus te/ sbyin pa la sogs par phyin drug gi spyod pa yis chos
kun rmi lam dang 'dra bar rtogs pa la gnas nas goms pa'i sems dpa'i
sbyor ba mthar thug yin

pa'i phyir/ bzhi pa ni/ rgyun mtha'i bar chad med lam chos can/ gnyis
su med pa'i skad cig sbyor ba yin te/ bzung 'dzin gyi chos rnams rdzas
tha dad kyis stong pa gnyis su med pa'i de nyid skad cig gcig gis
mthong bar nus pa'i

sems dpa'i sbyor ba mthar thug yin pa'i phyir/ dper na rmi lam gyi ri
khang khyim sogs dang ni de mthong gi shes pa nyid gnyis kyi rdzas
tha dad kyi tshul du mi mthong ba ltar de bzhin du yin pa'i phyir/
gnyis pa ni/ shes rab kyi pha rol tu phyin

pa'i man ngag gi bstan bcos mngon par rtogs ba'i rgyan gyi rnam
bshad snying po'i don rab tu gsal ba zhes bya ba las skabs bdun pa'i
bshad pa'o// ! //gsum pa 'bras bu chos sku bshad pa la gnyis/

le'u'i gzhung bshad pa dang/ skabs bsdu ba'o/ /dang po la gnyis/ sku'i
rnam gzhag dang/ mdzad pa 'phrin las bshad pa'o/ /dang po la bzhi/
ngo bo nyid kyi sku dang/ ye shes chos kyi sku/ longs spyod rdzogs
pa'i sku/ mchog gi sprul

pa'i sku'o/ /dang po ni/ thub pa'i ngo bo nyid kyi sku ni chos can/
khyad par gyi chos gsum gyis khyad par du byas pa yin te/ ldan pa'i
khyad par dran pa nyer gzhag sogs zag pa med pa'i chos sde tshan
nyer gcig po gang dag thob par

gyur pa dang/ bral ba'i khyad par sgrib gnyis bag chags dang bcas
pa rnam pa kun tu rnam par dag pa dang/ ngo bo nyid kyi khyad par
zag pa med pa'i ye shes de dag gi rang bzhin bden pas stong pa'i
mtshan nyid can dag pa gnyis

@065a @#/ /ldan gyi sku yin pa'i phyir/ gnyis pa la gsum/ dngos kyi don
dang/ de'i khyad par bshad pa/ de la rtsod pa spong ba'o/ /dang po ni/
ye shes chos kyi sku bzhag tu yod de/ zag med kyi ye shes sde tshan
nyer gcig po la ye

shes chos kyi sku zhes brjod pa yin pa'i phyir/ de dag kyang gang zhe
na/ dran pa nyer gzhag nas 'phags lam yan lag brgyad pa'i bar
byang chub phyogs mthun rnams sde tshan gcig dang/ byams pa tshad
med sogs tshad med pa'i sde tshan

gnyis pa dang/ rnam thar gsum gzugs med kyi rnam thar bzhi/ 'du
shes dang tshor ba 'gog pa'i rnam thar dang rnam thar brgyad sde
tshan gsum pa dang/ bsam gtan bzhi gzugs med kyi snyom 'jug bzhi
'gog pa'i snyom par 'jug

pa ste/ mthar gyis ni snyom 'jug dgu'i bdag nyid sde tshan bzhi pa
dang/ sa dang chu dang me dang rlung ste 'byung ba bzhi dang/
sngon po dang ser po dang dmar po dang/ dkar po ste 'byung 'gyur
bzhi dang/ nam mkha' dang rnam shes la dmigs

pa'i zad par bcu'i bdag nyid sde tshan lnga pa dang/ nang gzugs med
par 'du shes pa dag gi so sor phyi rol gyi gzugs chung ngu dang/
chen po dag la lta zhing/ gzugs de dag zil gyis mnan nas shes
mthong de ltar du shes par 'gyur

ba zhes pa gnyis dang/ nang gzugs su 'du shes pa dag gis phyi'i gzugs
chung ngu dang/ chen po la de dag tu lta zhing gzugs de dag zil
gyis mnan nas shes mthong de ltar du shes pa gnyis dang/ dbyibs kyi
zil mnon bzhi dang/ /

nang gzugs med pa dag kho nas sngon po ser po dmar po dkar po
dag zil gyis mnan nas shes mthong zhes bya ba kha dog zil gyis
mnon pa bzhi ste/ zil gyis mnon pa'i skye mched ni rab tu dbye bas
rnam pa brgyad sde tshan drug pa dang/

@065b pha rol gyi nyon mongs drung nas 'byin pa'i nyon mongs med
pa'i ting nge 'dzin ni sde tshan bdun pa dang/ thams cad la chags
thogs med pa'i smon gnas mkhyen pa sde tshan brgyad pa dang/ rdzu
'phrul gyi mngon shes sogs mngon shes drug

sde tshan dgu pa dang/ bshad bya dang 'chad byed dag pa so so yang
dag pa rig pa bzhi sde tshan bcu pa dang/ rten dang dmigs pa dang/
thugs dang ye shes yongs su dag pa'i rnam pa thams cad dag bzhi ste
sde tshan bcu gcig pa dang/ tshe dang/

sems dang/ yo byad dang/ las dang/ skye ba dang/ mos pa dang/ smon
lam dang/ rdzu 'phul dang/ ye shes dang/ chos la dbang ba zhes bya
ste/ dbang bcu sde tshan bcu gnyis pa dang/ sngar bshad pa'i stobs bcu
sde tshan bcu gsum pa dang/ sngar

bshad pa'i mi 'jigs pa ni bzhi dag sde tshan bcu bzhi pa dang/ sku gsung
thugs kyi spyod pa yongs su dag pas/ bsrung ba med pa rnam pa gsum
sde tshan bco lnga pa dang/ chos ston pa gus pas nyan pa dang/ mi
nyan pa la go rim bzhin du chags

pa dang/ sdang ba dang/ gnyis ka dang/ 'dres mas 'jug pa la chags
sdang gnyis kas dben pa'i snyom 'jug tu gnas pa'i dran pa nyer bzhag
rnam gsum sde tshan bcu drug pa dang sems can gyi don la bsnyel ba
mi mnga' ba'i chos nyid

sde tshan bcu bdun pa dang/ sgo gsum gyi bag chags yang dag par
bcom pa sde tshan bco brgyad pa dang/ skye bo mtha' dag la phan bde
sgrub par dgongs pa'i thugs rje chen po sde tshan bcu dgu pa dang/
sngar bshad pa'i thub pa sangs rgyas

kho na'i ma 'dres pa'i chos bco brgyad bshad pa gang yin pa asde
tshan nyi shu pa dang/ rgyu 'bras gtso bo'i chos bcu mngon sum du
rtogs pa'i rnam pa thams cad mkhyen pa nyid dang/ dang zhes pa'i
sgras bsdus pa sngar skabs gnyis par 

@66a @#/ /bshad pa'i lam shes pa
nyid dang/ skabs gsum par bshad pa'i gzhi shes mthar thug pa sde
tshan nyer gcig pa yin pa'i phyir/ gnyis pa de'i khyad par bshad pa la
gnyis/ nyon mongs med pa'i ting nge 'dzin dang/

smon gnas mkhyen pa'i ting nge 'dzin bshad pa'o/ /dang po ni/ nyan
thos kyi nyon mongs med pa'i ting nge 'dzin las sangs rgyas kyi
nyon mongs med pa'i ting nge 'dzin ches khyad par du 'phags te/
nyan thos kyi nyon mongs med pa'i ting nge 'dzin ni grod

la sogs pa rang la lta ba'i mi yi nyon mongs kyi dmigs rkyen byed pa
yongs su spong ba nyid du zad pa/ rgyal pa'i nyon mongs med pa'i
ting nge 'dzin ni grong dang grong khyer sogs su byon pa na rang
la dmigs pa'i mi la sogs pa de'i nyon mongs

rnams rtsa ba nas rgyun gcod par mdzad pa'i phyir/ gnyis pa ni/
sangs rgyas kyi smon gnas mkhyen pa ni nyan thos kyi smon gnas
shes pa las ches khyad par du 'phags te/ sangs rgyas kyi smon gnas
mkhyen pa ni 'bad rtsol gyi mtshan ma med par

lhun gyis grub par 'jug pa dang/ bden par mngon par ma zhen pas
gzugs la sogs la chags pa spangs pa dang/ sgrib gnyis bag chags
dang bcas pa spangs pas shes bya thams cad la ye shes thogs pa med
pa dang/ 'khor ba ji srid

bar ting nge 'dzin gyi byed pa rtag tu gnas pa dang/ so so yang dag
rig pa bzhi mthar phyin pa rnyed pas gzhan gyi dri ba kun la tshul
bzhin lan 'debs pa yin par bzhed pa'i phyir/ gsum pa de la rtsod pa
spong ba la gnyis/ chos sku rtag pa la rtsod pa

spong ba dang/ khyab rtag gnyis ka la rtsod pa spong ba'o/ /dang po
la kho na re/ thub pa sangs rgyas bcom ldan 'das chos can/ sems can
thams cad kyi don du sku'i snang ba dngos su ston pa'i sgo nas don
mdzad rigs pa la/ sems can kha cig la sku dngos su

@66b snang ba'i sgo nas res 'ga' don mi mdzad pa mi 'thad par thal/
'khor ba ji srid bar dus rtag tu sems can sdug bsngal dang bral bar
'dod pa'i thugs rje chen po'i ngo bo nyid kyis chos kyi sku la bzhugs
pa'i phyir zhes zer ro/ /de'i lan

la gnyis/ sems can rang rgyud kyi tshogs kyi khyad par la bltos pa
dang/ sems can rang rgyud kyi rkyen ma tshang na sku dngos su mi
snang ba'i dpe bshad pa'o/ /dang po ni/ sems can la sangs rgyas kyi
sku dngos su snang nas don mdzad pa sems

can rang gis tshogs bsags pa'i khyad par la bltos par thal/ sngon
sangs rgyas la dmigs nas dad pa sgom pa sogs phyi nang gi rkyen
sangs rgyas la dngos su chos nyan pa'i rgyu dge ba'i rtsa ba ni
yongs su smin par gyur pa la

brten nas de 'dra ba'i gdul bya gang dang gang la yul gang dang
ni dus gang gi tshe dngos su chos ston pa'i bya ba mdzad pas phan par
gyur pa dang de dang de la sku de dngos su snang nas bya ba mdzad
cing/ tshogs ma bsags pa la mi snang

ba'i phyir/ gnyis pa ni/ sangs rgyas rnams ni 'jig rten du dngos su
byung bar gyur kyang sems can kha cig de dang dngos su mi phrad
pa'i rgyu mtshan yod de/ sangs rgyas dngos su mthong ba'i skal pa
med pas/ dam pa'i chos mnyan pa la

sogs pa'i bya ba bzang po mi myong ba'i phyir/ dper na/ lha'i rgyal pos
char phab kyang mes 'tshig pa la sogs pa'i sa bon mi rung ba la myu gu
sngon po mi 'khrungs pa ltar yin pa'i phyir/ gnyis pa ni kho na re/
'dus byas kyis bsdus pa'i

zag pa med pa'i ye shes kyi bdag nyid kyi chos kyi sku chos can/
khyab
pa zhes brjod mi rigs par thal/ 'og min sogs na bzhugs pa'i rnal 'byor
pa so sor nges pa'i rten kho na'i rgyud la yod pa'i phyir/ yang de
chos can/ rtag pa zhes

@67a @#/ /kyang brjod mi rigs par thal/ skad cig re re la skye zhing
'byung ba'i phyir zhes zer/ sangs rgyas chos can/ khyab pa nges par
brjod pa la 'gal ba med de/ sngar bshad pa de ltar mdzad pa sems
can thams cad la

'jug pas rgya che ba'i phyir/ de chos can/ rgyun la bsams nas rtag pa
zhes kyang brjod pa yin te/ 'khor ba ji srid kyi bar du sems can gyi
don mdzad cing bzhugs kyang khyod kyi ngo bo de nyid zad pa med
pa'i phyir/ gsum pa longs spyod rdzogs  

pa'i sku bshad pa la gnyis/ mtshan gyi sgo nas mdor bstan pa dang/ yon
tan rgyas par bshad pa'o/ /dang po ni/ mtshan ni sum cu rtsa gnyis
dang/ dpe byad brgyad cu'i bdag nyid can 'og min kho nar bzhugs pa'i
thub pa'i gzugs sku 'di chos

can; longs spyod rdzogs pa'i skur bzhed de/ 'khor byang sems 'phags
pa rnams dang thabs cig theg pa chen po'i chos la rdzogs par nye
bar longs spyod pa sogs nges pa lngas khyad par du byas pa'i sku yin
pa'i phyir/ gnyis pa la gnyis/

mtshan bzang bshad pa dang/ dpe byad bshad pa'o/ /dang po la gsum/
'bras bu mtshan bshad pa dang/ rgyu 'bras kyi 'brel ba bshad pa dang/
rgyu mdo las byung ba bshad pa'o/ /dang po ni/ thub pa'i phyag zhabs
rus pa ba so las brkos pa

dang 'dra bar rtsibs stong lte ba mu khyud rnams rdzogs pa'i 'khor
lo'i mtshan nyid dang ldan pa nyid du 'byung ba'i rgyu mtshan yod de/
sngon slob pa'i dus su bla ma rnams la skyel bsu dang g.yog 'khor
sbyin pa sogs goms pa'i rgyu las byung ba'i

phyir; rus sbal bzhin du zhabs kyi mthil gnyis ma rnyongs par sa la
shin tu mnyam par gnas pa'i rgyu mtshan yod de/ sngon sdom pa gsum
la sogs pa gang blangs pa la yid dam brten pa mthar phyin pa las de
ltar 'byung ba'i phyir/ phyag dang zhabs

@67b kyi sor mo dang pa'i rgyal po ltar sor tshig dang po nas btsams
pa'i sor mo'i seng seng po ra 'ang med/ sor gdub la sogs pa'i rgyan
yang gzhug tu rung ba'i dra bas 'brel ba dang ldan pa 'byung ba'i
rgyu mtshan yod de/ sngon sbyin pa sogs

bsdu ba'i dngos po bzhi la brten pa mthar phyin pas de ltar 'byung
ba'i phyir/ phyag dang ni zhabs dang bcas pa 'jam zhing gzhon sha
chags pa 'byung ba'i rgyu mtshan yod de/ sngon gzhan la bza' ba
dang bca' ba gya nom pa sbyin pa mthar phyin pas

de ltar 'byung ba'i phyir/ thub pa 'di'i phyag zhabs rgyab bzhi dang
phrag pa g.yas g.yon gyi bar gnyis dang ltag pa'i phyogs te sku yi
gnas ni bdun dag shas khengs pas mtho ba dang ldan pa 'byung ba'i
rgyu mtshan yod de/ sngon bdog pa sogs gya

nom pa byin pa mthar phyin pas de ltar 'byung ba'i phyir/ phyag
zhabs kyi sor mo ring ba nyid dang ldan pa'i rgyu mtshan yod de/
sngon bsad bya sogs thar bar byas pa mthar phyin pa las de ltar
'byung ba'i phyir/ zhabs mthil gyi bzhi che phyir 'phags

pa rting pa yangs pa dang ldan pa 'byung ba'i rgyu mtshan yod de/
sngon gzhan gyi srog srung ste 'tsho ba la phan btags pa mthar
phyin pas de ltar 'byung ba'i phyir/ sku khru bdun tsam du 'phags
shing ya yo med pas sku che zhing drang ba dang ldan pa 'byung ba'i

rgyu mtshan yod de/ sngon srog gcod pa spangs pa mthar phyin pas
de ltar 'byung ba'i phyir/ zhabs pus mo'i lha nga dang long bu phyir
mi mngon pa dang ldan pa'i rgyu mtshan yod de/ sbyin sogs dge ba'i
chos rnams blangs pa mthar phyin pas de ltar byung

ba'i phyir/ sku'i ba spu ni re re nas gyen du phyogs pa dang ldan pa'i
rgyu mtshan yod de/ dge ba yang dag par blangs pa gzhan la spel ba
mthar phyin pas de ltar 'byung ba'i phyir/ ma nyams shing rim bar
'tshams la rgyas shing zlum pa byin pa ri dwags e

@68a @#/ /na ya yi byin pa lta bur ldan pa'i rgyu mtshan yod de/ sngon
bzo dang gso ba sogs gus par byas te gzhan la byin pa mthar phyin
pas de ltar 'byung ba yin pa'i phyir/ sku ma btud kyang phyag gi dpus
mo'i lha ngar sa

la slebs pas phyag ring zhing mdzes pa dang ldan pa'i rgyu mtshan
yod de/ sngon rang la nor slong ba la slong ba po'i skye bo phyir
ma spangs pa mthar phyin pas de ltar 'byung ba yin pa'i phyir/ glang
chen dang rta cang shes ltar 'doms gyi lba ba sbubs su

nub pa'i mchog dang ldan pa'i rgyu mtshan yod de/ sngon skye bo
thams cad tshangs par spyod pa len du bcug pa dang/ gzhan la gsang
tshig srung ba mthar phyin pas de ltar 'byung ba yin pa'i phyir/ lpags
pa gser gyi mdog ltar dag cing gsal la dwangs

pa dang ldan pa 'byung ba'i rgyu mtshan yod de/ sngon gzhan la
gding ba gya nom pa sbyin pa mthar phyin pas de ltar 'byung ba yin
pa'i phyir/ gser dngul shin tu sbyangs pa ltar spags pa srab pa ste
'jam pa dang ldan pa'i rgyu mtshan yod de/ sngon

khang bzang sogs dam pa sbyin pa mthar phyin pas de ltar 'byung
ba'i phyir/ spu ba spu'i khung bu re re spu gnyis gnyis med par spu ni
re re nas g.yas su legs par 'khyil zhing 'khrungs pa'i rgyu mtshan
yod de/ sngon 'du 'dzi dang rnam g.yeng sogs

spangs pa mthar phyin pas de ltar 'byung ba'i phyir/ smin mtshams gyi
bar thig le'i gnas na 'jam pa dkar ba mnyen pa drangs na khru gsum
la sogs pa'i tshad 'byung ba/ btang na g.yas su khyil ba rtse mo gyen
du phyogs pa skyu ru ra yi 'bru tshad

tsam dngul 'bur gyi rnam pa lta bu'i zhal mdzod spus brgyan pa
'byung ba'i rgyu mtshan yod de/ sngon skye bo gong ma thams cad mi'i
gnas ji lta ba bzhin du bkur zhing bkod la mthar phyin pas de ltar
'byung ba'i phyir/ ro stod seng ge'i ro

@68b stod 'dra ba 'phel kha che ba dang ldan pa 'byung ba'i rgyu
mtshan yod de/ sngon gzhan rnam pa thams cad du khas grags kyis
tshig gi khyad par du ma bsad pa mthar phyin pas de ltar 'byung ba'i
phyir/ thub pa 'di'i dpung pa'i mgo shin tu

zlum pa/ gser gyi bum pa'i mgrin pa ltar zlum shing legs par 'brel pa
rtsa ba'i dra ba mi mngon pa 'byung ba'i rgyu mtshan yod de/ sngon
gzhan gyi snyan par smra ba dang legs par smra ba'i rjes su mthun
par slabs shing byas pa mthar phyin

pas de ltar 'byung ba'i phyir/ dpung mgo phan tshun gyi bar rgyas par
thal gong rgyas pa byung ba'i rgyu mtshan yod de/ sngon gzhan la
sman dang sman pa sogs byin pa mthar phyin pas de ltar 'byung ba'i
phyir/ thub pa 'di'i ljags la ro mi  zhim pa ro bro ba'i mchog tu snang
ba'i rgyu

mtshan yod de/ sngon skye bo nad pa'i g.yog dang rim gro sogs byas
pa mthar phyin pas de ltar 'byung ba'i phyir/ sku'i yan man dang
'doms mnyam pa shing n+ya gro ta ltar chu zheng gab pa 'byung ba'i
rgyu

mtshan yod de/ sngon nags tshal dang kun dga' ra ba dang skyed mos
tshal sogs byed pa yang dag par len du bcug pa mthar phyin pas de
ltar 'byung ba'i phyir/ dbur gtsug tor zlum zhing kun nas mnyam pa
g.yas su 'khyil ba dang

ldan pa 'byung ba'i rgyu mtshan yod de/ sngon gtsug lag khang dang
khang bzang sogs lhag par byin pa mthar phyin pas de ltar 'byung
ba'i phyir/ snyan g.yas g.yon gyi bu ga dang skra mtshams kyi bar
ljags kyis reg pa utpal dmar po'i

mdog 'dra ba'i ljags ring zhing mdzes pa 'byung ba'i rgyu mtshan yod
de/ sngon bskal pa grangs med gsum du tshig 'jam po dang snyan la
mnyan pa sogs gsungs pa mthar phyin pas de ltar 'byung ba'i phyir/
gsung shes shing rnam par

@69a @#/ /shes par 'gyur ba dang/ mnyan par 'os shing mi mthun pa med
pa dang/ zab cing rjes su sgrogs pa dang/ btang na mi phra zhing rna
bar snyan pa dang/ ma 'khrugs shing gsal ba'i yan lag lnga ldan kyi
tshangs pa'i dbyangs

dang ldan pa 'byung ba'i rgyu mtshan yod de/ gsung gcig gis sems can
thams cad la rang rang gi skal ba dang mthun par dam bcas pa'i
chos go bar byas pa mthar phyin pas de ltar 'byung ba'i phyir/ me
long gi dkyil ltar zlum zhing

rgyas pa 'gram pa seng ge 'dra ba'i rgyu mtshan yod de/ sngon tshig
kyal pa spangs pa mthar phyin pas de ltar 'byung ba'i phyir/ tshems
shin tu dkar ba 'byung ba'i rgyu mtshan yod de/ sngon skye bo thams
cad la bkur ba dang bsngags pa la

sogs pa mthar phyin pas de ltar 'byung ba'i phyir/ mtho dman med
par tshems mnyam pa 'byung ba'i rgyu mtshan yod de/ sngon log lta
spong zhing 'tsho ba rnam par dag pa mthar phyin pas de ltar 'byung
ba'i phyir/ bar mtshams ma

dod par tshems thag bzang ba 'byung ba'i rgyu mtshan yod de/ sngon
grangs med gsum du bden pa'i tshig kun tu spyad pa mthar phyin pas
de ltar 'byung ba'i phyir/ tshems so gnyis sogs las med pa ma yin par
yan man na

tshems nyi shu nyi shu ste bzhi bcu dang ldan pa'i rgyu mtshan yod de/
sngon phra ma'i tshig spangs pa mthar phyin pas de ltar 'byung ba'i
phyir/ dkar nag gi cha ma 'dres shing dmar po'i rab rib dang ma 'brel
bas spyan ni nor bu mthon mthing dang

'dra ba 'byung ba'i rgyu mtshan yod de/ sngon grangs med gsum du
sems can thams cad la bu gcig pa dang 'dra bar bltas pa mthar phyin
pas de ltar 'byung ba'i phyir/ steng 'og gi rdzi ma rnams legs par
gzhol zhing ma 'dres par spyan gyi rdzi

@69b ma ba mchog gi 'dra ba 'byung ba'i rgyu mtshan yod de/ sngon
sems can thams cad la khong khro ba chags pa dang rmongs pa
sogs med par bltas pa mthar phyin pas de ltar 'byung ba'i phyir/
sngar bshad pa'i sum cu rtsa gnyis po 'di dag chos can/

mtshan bzang zhes bya ste/ de ltar mdo las bshad pa'i phyir/ gnyis pa
ni/ longs sku 'di la chos can/ 'bras bu mtshan ni sum cu rtsa gnyis po
'di dag yang dag par 'grub ste/ mtshan so gnyis po ni gang dang gang
gis 'grub par byed pa'i

rgyu gang yin pa de dang de ni rab tu rdzogs pas 'grub pa'i phyir/
gsum pa ni/ sngar bshad pa'i mtshan gyi rgyu de dag goms par byas pas
'bras bu mtshan bzang nges par 'grub ste/ mtshan so gnyis sgrub par
byed pa'i rgyu'i mtshan nyid bla ma

skyel la sogs pa dang/ yang dag blangs pa bsten pa dang/ bsdu ba
bzhi bsten pa/ gya nom pa'i dngos po sbyin pa dang/ bsad par bya ba
thar bar byed pa dang/ dge ba ni yang dag par blang ba dang/ dge
ba gzhan la srel ba ste 'dir

dngos su bstan pa bdun dang/ sogs pas bsdus pa nyer lnga po de yum
gyi mdo las ji skad 'byung ba bzhin de dag goms par byas pas 'bras bu
mtshan bzang nges par 'grub pa'i phyir/ gnyis pa dpe byad bshad pa

la; bcu tshan brgyad las/ dang po ni/ thub pa longs sku'i sen mo zangs
kyi mdog lta bu dang ldan pa'i rgyu mtshan yod de/ 'du byed thams
cad la 'dod chags dang bral ba mthar phyin pa mnga' bas de ltar
'byung ba'i

phyir; sen mo'i mdog snum pa dang ldan pa 'byung ba'i rgyu mtshan
yod de/ sems can thams cad la phugs su phan pa'i lhag pa'i bsam pa
mthar phyin pa mnga' de ltar 'byung ba'i phyir/ sen mo'i rgyab shang
shong

@70a @#/ /med pas mtho ba 'byung ba'i rgyu mtshan yod de/ mi'i rigs kyi
mchog la skyes pas de ltar 'byung ba'i phyir/ sor mo rnams zlum pa
'byung ba'i rgyu mtshan yod de/ sgrub pa'i spyod pa'i tshul kha na ma
tho ba med pa

mthar phyin pa mnga' bas de ltar 'byung ba'i phyir/ sor mo rgyas pa
dang ldan pa 'byung ba'i rgyu mtshan yod de/ dge ba'i rtsa ba bsags
pa mthar phyin pa mnga' bas de ltar 'byung ba'i phyir/ sor mo rnams
byin gyis phra ba

dang ldan pa 'byung ba'i rgyu mtshan yod de/ theg pa gsum gyi rtogs
pa'i rigs la rims kyis zhugs pa mthar phyin pa mnga' bas de ltar
'byung ba'i phyir/ lus kyi rtsa phyi nas mi mngon pa dang ldan pa'i
rgyu mtshan yod de/

lus la sogs pa'i las lam mi dge ba bcu dang/ log par 'tsho ba spangs pa
mthar phyin pa mnga' bas de ltar 'byung ba'i phyir/ rtsa mdud pa med
pa dang ldan pa'i rgyu mtshan yod de/ nyon mongs pa'i mdud pa sogs

las grol zhing grol ba mthar phyin pas de ltar 'byung ba'i phyir/
mtshan gyi long bu che ba yin la 'di ni zhabs kyis long bu chung ba
mngon pa'i rgyu mtshan yod de/ gsang ba'i gnas zab mo rtogs pas shin
tu spas pa'i

chos kyi blo gros dang ldan pas de ltar 'byung ba'i phyir/ zhabs ring
thung med pa'i mnyam pa dang ldan pa'i rgyu mtshan yod de/ 'khor ba
sogs bgrod dka'i gnas thams cad las sems can grol bar mdzad pas de
ltar  

'byung ba'i phyir/ bcu tshan dang po'o/ /seng ge'i stabs su gshegs pa
dang ldan pa 'byung ba'i rgyu mtshan yod de/ mi zil gyis mnon pa la
mkhas pa mthar phyin pas de ltar 'byung ba'i phyir/ glang po chen
po'i

@70b stabs su gshegs pa dang ldan pa 'byung ba'i rgyu mtshan yod de/
klu gdug pa sogs zil gyis mnon pa la mkhas pa mthar phyin pas de
ltar 'byung ba'i phyir/ bya dang ba'i stabs su gshegs pa dang ldan pa
'byung

ba'i rgyu mtshan yod de/ bya ltar nam mkha' la gshegs pa la mkhas pa
mthar phyin pas de ltar 'byung ba'i phyir/ khyu mchog gi stabs su
gshegs pa dang ldan pa 'byung ba'i rgyu mtshan yod de/ 'dod pa'i gnas
su sems

can gyi sna 'dren pa'i skyes bu'i khyu mchog la mkhas pa mthar phyin
pa byung bas de ltar 'byung ba'i phyir/ g.yas phyogs su ldog cing
gshegs pa dang ldan pa'i rgyu mtshan yod de/ skor phyogs kyi lam
dang mthun par

gshegs pa mthar phyin pas de ltar 'byung ba'i phyir/ mdzes par gshegs
pa dang ldan pa'i rgyu mtshan yod de/ gshegs pa'i tshe lta na sdug
cing mdzes pa la mkhas pa mthar phyin pas de ltar 'byung ba'i phyir/

drang ba ste mi g.yo bar gshegs pa dang ldan pa'i rgyu mtshan yod
de/ rtag tu sa gnyis yid la byed pa'i gya gyu mi mnga' bas de ltar
'byung ba'i phyir/ sha rgyas shing 'gying legs pas sku 'khril bag chags
pa dang ldan

pa'i rgyu mtshan yod de/ gzhan gyi yon tan yang dag par brjod pa
mthar phyin pas de ltar 'byung ba'i phyir/ gtsang shing dag pas sku
byi dor byas pa dang 'dra ba dang ldan pa'i rgyu mtshan yod de/ sgo
gsum sdig pa'i chos dang ma sbags

pas de ltar 'byung ba'i phyir/ sku ring thung dang sbom phra sogs
thad kar ma chol bar rim par 'tshams pa dang ldan pa'i rgyu mtshan
yod de/ gdul bya'i blo dang 'tshams par chos ston par mdzad pa
mthar phyin pas de ltar 

@071a @#/ /'byung ba'i phyir/ bcu tshan gnyis pa'o/ /sku rnam par
dag pas gtsang ba'i rgyu mtshan yod de/ sku dang gsung dang thugs
la sogs pa'i kun tu spyod pa mthar phyin pas de ltar 'byung ba'i
phyir/ sku

'jam pa nyid dang ldan pa'i rgyu mtshan yod de/ thugs thugs rje
chen po mthar phyin pas de ltar 'byung ba'i phyir/ rnam par dag
pa'i sku dang ldan pa'i rgyu mtshan yod de/ thugs dri ma thams
cad dag pa mthar phyin pas

de ltar 'byung ba'i phyir/ mtshan ni yongs su rdzogs pa dang ldan
pa'i rgyu mtshan yod de/ rang gi rgyud kyi nyon mongs dang rnam
rtog 'joms pa'i chos 'dul ba thams cad yongs su rdzogs pa mthar
phyin pas de ltar

'byung ba'i phyir/ sku'i khyon che bas kho lag yangs shing khyad
par bzang ba dang ldan pa'i rgyu mtshan yod de/ gzhan la rgya che
bas bsngags shing mdzes pa'i yon tan brjod pa mthar phyin pas de
ltar 'byung ba'i phyir/

goms pa che chung med par mnyam pa dang ldan pa'i rgyu mtshan yod
de/ sems can thams cad la thugs snyoms pa mthar phyin pas de
ltar 'byung ba'i phyir/ spyan gnyis ni rab rib sogs med pas rnam
par dag pa

dang ldan pa'i rgyu mtshan yod de/ yon tan 'ba' zhig bskyed pa
rnam par dag pa'i chos ston pas de ltar 'byung ba'i phyir/ sku
shin tu gzhon sha can nyid dang ldan pa'i rgyu mtshan yod de/ dpe
dang bcas te chos go sla

ba bstan pas de ltar 'byung ba'i phyir/ sku sha zhum pa med pa
dang ldan pa'i rgyu mtshan yod de/ bya dka' ba'i gnas la rtag tu
ma zhum zhing mthar phyin pas de ltar 'byung ba'i phyir/ sku sha
shin tu rgyas pa dang ldan

@071b pa'i rgyu mtshan yod de/ dge ba'i rtsa ba 'jig rten thams
cad las 'phags pa bsags pas de ltar 'byung ba'i phyir/ bcu tshan
gsum pa'o/ /sha mi lhod pas sku shin tu grims pa'i rgyu mtshan
yod de/ yang srid len

pa zad pas de ltar 'byung ba'i phyir/ phyag zhabs sogs yan lag
dang sor tshigs rnams ring thung sogs cha phyed pas shin tu rnam
par 'byed pa'i rgyu mtshan yod de/ gdul bya srid pa las sgrol
phyir du rten

'brel lugs 'byung ldog shin tu rnam par phye ba ston par mdzad
pas de ltar 'byung ba'i phyir/ gzigs pa blo bur gyi dri ma'i
sgrib pa med cing rnam par dag pa'i rgyu mtshan yod de/ tshig don
rnams mngon mtho dang

nges legs las brtsams pa shin tu rnam par dag pa mthar phyin pa
bstan pas de ltar 'byung ba'i phyir/ sku'i phyal zlum pa dang
ldan pa'i rgyu mtshan yod de/ slob ma rnams tshul khrims phun sum
tshogs par

mdzad pas na de 'byung ba'i phyir/ skad skabs 'tshams pas skabs
phyin pa dang ldan pa'i rgyu mtshan yod de/ gnyen pos bcom pas
'khor ba'i skyon gyis ma gos ma sbags pas de ltar 'byung ba'i
phyir/ sked pa ha

cang ring po ma yin pas sku ma rnyongs pa'i rgyu mtshan yod de/
nga rgyal gyis 'gyid ba bcom pas de ltar 'byung ba'i phyir/
sku'i phyal te lto ba phyang ba mtho dman med pa dang ldan pa'i
rgyu mtshan yod de/ bshad bya'i chos

zad pa rnam par rtog pa zad mi shes par ston pas de ltar 'byung
ba'i phyir/ lte ba ni gting zab pa dang ldan pa'i rgyu mtshan yod
de/ chos zab mo rtogs pa mthar phyin pas de ltar 'byung ba'i
phyir/ lte ba'i ri mo g.yas

@072a @#/ /su 'khyil ba'i rgyu mtshan yod de/ slob ma rang dang
mthun par gdams ngag 'dzin par 'gyur bas de ltar 'byung ba'i
phyir/ spyod lam kun nas lta na sdug pa dang ldan pa'i rgyu
mtshan yod de/ 'khor

thams cad sgo gsum gyi spyod pa kun nas mdzes par mdzad pas de
ltar 'byung ba'i phyir/ bcu tshan bzhi pa'o/ /sgo gsum gyi kun tu
spyod pa gtsang ba dang ldan pa'i rgyu mtshan yod de/ dri ma med
cing thugs gtsang bas

de ltar 'byung ba'i phyir/ sku la sme ba gnag bag med pa'i rgyu
mtshan yod de/ lam log pa ston pa dang dus la ma babs par gdul
bya 'dul ba sogs dus ma yin pa'i tshes 'dul ba ston pa dang bral
bas de ltar 'byung ba'i

phyir; phyag ni shing bal ltar shin tu 'jam pa dang ldan pa'i
rgyu mtshan yod de/ sgo gsum la sogs pa zo mdog bde ba thob pa'i
rgyur gyur pa'i tshes ston par mdzad pas de ltar 'byung ba'i
phyir/ phyag gi ri mo mang zhing

gsal po yod pa dang ldan pa'i rgyu mtshan yod de/ rang bzhin gyi
skye bo snyoms par byas pa mdangs yod pa'i dge sbyong chen po
brnyes par mdzad pas de ltar 'byung ba'i phyir/ phyag gi ri mo
rgyang ring po nas gsal ba'i

zab pa dang ldan pa'i rgyu mtshan yod de/ chos zab mo rtogs pa
mthar phyin pas de ltar 'byung ba'i phyir/ phyag gi ri mo ring
ba dang ldan pa'i rgyu mtshan yod de/ 'phral du bde la phugs su
phan pa dang phyis rjes la yang yang du

chos ston par mdzad pas de ltar 'byung ba'i phyir/ zhal ni ha
cang mi ring ba dang ldan pa'i rgyu mtshan yod de/ gdul bya dang
mthun par bslab pa bcas pa mdzad pas de ltar 'byung ba'i phyir/
zhal la gzugs kyi gzugs

@072b brnyan snang ba mchu ni bim pa ltar dmar ba'i rgyu mtshan
yod de/ snod bcud thams cad gzugs brnyan dang 'dra bar rtogs pa
mthar phyin pas de ltar 'byung ba'i phyir/ ljags mnyen pa dang
ldan pa'i rgyu mtshan yod de/

gdul bya thams cad tshig 'jam pos 'dul bar mdzad pas de ltar
'byung ba'i phyir/ ljags srab pa dang ldan pa'i rgyu mtshan yod
de/ yon tan rigs pa'i 'thad pa mang ba ston par mdzad pas de
ltar 'byung ba'i

phyir; bcu tshan lnga pa'o/ /ljags dmar ba dang ldan pa'i rgyu
mtshan yod de/ nyon mongs 'joms pa'i chos 'dul pa byis pa'i skye
bo bdag dang bdag gis la chags pa can gyis gting dpag dka' ba
ston par

mdzad pas de ltar 'byung ba'i phyir/ gsung 'brug gi sgra nyid du
ldan pa'i rgyu mtshan yod de/ bsnyengs pa nyes pa dang bcab par
bya ba'i dogs pa dang 'jigs pa thams cad mi manga' bas ? de
ltar 'byung ba'i phyir/

gsung snyan cing mnyen la 'jam pa dang ldan pa'i rgyu mtshan yod
de/ rna bar 'byed pas snyan pa sogs gsungs pas de ltar 'byung
ba'i phyir/ mche ba zlum pa dang ldan pa'i rgyu mtshan yod de/
rjes su chags sogs srid

par kun tu sbyor ba dgu zad par bsdams pa mthar phyin pas de
ltar 'byung ba'i phyir/ mche ba rno ba dang ldan pa'i rgyu mtshan
yod de/ skye bo 'dul dka' ba nyon mongs pa shas che ba rnams
'dul bar mdzad pas de ltar

'byung ba'i phyir/ mche ba dkar ba dang ldan pa'i rgyu mtshan yod
de/ nyon mongs 'dul ba'i chos 'dul ba shin tu dka' ba nyid kyis
'joms par mdzad pas de ltar 'byung ba'i phyir/ ring thung med
pas mche ba mnyam pa dang ldan pa'i rgyu

@073a @#/ /mtshan yod de/ 'khor 'das mnyam pa nyid du rtogs pa'i
sa la gnas pas de ltar 'byung ba'i phyir/ mche ba byin gyis phra
ba dang ldan pa'i rgyu mtshan yod de/ rims kyis theg pa gsum gyi
mngon par

rtogs pa yang dag par ston par mdzad pas de ltar 'byung ba'i
phyir/ shangs kyi gzengs mtho ba dang ldan pa'i rgyu mtshan yod
de/ thabs kyi cha yongs su rdzogs pa'i stong nyid rtogs pa'i
shes rab la gnas pas de ltar 'byung

ba'i phyir/ shangs snabs sogs kyis gtsang ba'i mchog tu dag pa
dang ldan pa'i rgyu mtshan yod de/ gdul bya'i skye bo yid ches
pa'i gtsang ma phun sum tshogs pa dang ldan pas de ltar 'byung
ba'i phyir/ bcu tshan drug

pa'o; /spyan yangs pa dang ldan pa'i rgyu mtshan yod de/ theg
chen gyi chos grangs med pa shin tu rgya che ba shin tu ston par
mdzad pas de ltar 'byung ba'i phyir/ rdzi ma stug pa dang ldan
pa'i rgyu mtshan yod de/ sems can gyi

tshogs mtha' yas pa 'khor ba'i gnas nas drangs pas de ltar 'byung
ba'i phyir/ spyan dkar nag ma 'dres pas 'byes shing padma'i 'dab
ma rangs pa 'dra ba dang ldan pa'i rgyu mtshan yod de/ mgu bar
dka' ba'i lha mi

sogs 'gro ba thams cad kyis bstod par 'os pas mngon par mgu bar
mdzad pas de ltar 'byung ba'i phyir/ smin ma'i tshugs te spu ring
ba dang ldan pa'i rgyu mtshan yod de/ ma 'ongs pa na cir 'gyur ba
lta bas

rtag tu 'gro ba gzigs pas de ltar 'byung ba'i phyir/ smin ma
'jam pa dang ldan pa'i rgyu mtshan yod de/ chos 'dul ba 'jam po
me lnga bsten pa sogs lam ma yin pa la mkhas pas de ltar 'byung
ba'i phyir/ smin

@073b ma snum pa dang ldan pa'i rgyu mtshan yod de/ thugs rgyud
dge bas brlan pas de ltar 'byung ba'i phyir/ smin ma'i spu ring
thung med pas mnyam pa dang ldan pa'i rgyu mtshan yod de/ kun tu
nyon mongs pa'i skyon

gzigs pas de ltar 'byung ba'i phyir/ phyag ring zhing rgyas pa
nyid dang ldan pa'i rgyu mtshan yod de/ sems can gyi mchog tu
gnod pa 'khor ba spyi dang ngan 'gro'i rgyu zlog par mdzad pas
de ltar 'byung ba'i phyir/

snyan ring thung dang che chung med pa'i mnyam pa dang ldan pa'i
rgyu mtshan yod de/ rgyal bar dka' ba'i 'dod chags sogs las rgyal
bas de ltar 'byung ba'i phyir/ sgra la 'jug par byed pa sogs
snyan gyi dbang po

nyams pa rnam par spangs pa'i rgyu mtshan yod de/ gdul bya sems
can thams cad kyi rgyud mnyam par bde ba la bkod pas de ltar
'byung ba'i phyir/ bcu tshan bdun pa'o/ /dpral ba legs par 'byes

pa skra mtshams legs par dod pa'i rgyu mtshan yod de/ lta ngan
drug cu rtsa gnyis sogs mthar 'dzin gyi lta bas byas pa thams
cad kyis thugs gzhan du bsgyur mi nus pas de ltar 'byung ba'i
phyir/ dpral ba dbyes

che ba ste rgyas pa dang ldan pa'i rgyu mtshan yod de/ log par
smra ba thams cad 'joms par mdzad pas de ltar 'byung ba'i phyir/
gdugs lta bur dbu shin tu rgyas pa dang ldan pa'i rgyu mtshan yod
de/ gzhan don sangs rgyas

thob par smon pa'i smon lam gyi mchog yongs su rdzogs pas de
ltar 'byung ba'i phyir/ dbu skra bung ba ltar gnag pa dang ldan
pa'i rgyu mtshan yod de/ gzugs sgra la sogs pa'i yul la sred pa
thams cad bzlog par

@074a @#/ /mdzad pas de ltar 'byung ba'i phyir/ bar mtshams med
par dbu skra stug pa dang ldan pa'i rgyu mtshan yod de/ mthong
sgom ? gyi lam gyis spang bar bya ba'i bag la nyal thams cad zad
par spangs pas

de ltar 'byung ba'i phyir/ dbu skra 'jam pa dang ldan pa'i rgyu
mtshan yod de/ bstan pa mthar 'dzin gyi rtsu ba bag med pa'i blo
'jam pos shes pas de ltar 'byung ba'i phyir/ dbu skra ma 'dzings
pa dang ldan pa'i rgyu mtshan

yod de/ thugs 'dod chags la sogs pas ma 'khrugs pas na de ltar
'byung ba'i phyir/ dbu skra mi rtsub cing mi gshor ba ste gyen
du ma brdzes pa dang ldan pa'i rgyu mtshan yod de/ tshig rtsub po
rnams spangs pas de ltar

'byung ba'i phyir/ dbu skra dri zhim pa skyes bu'i yid 'phrog
par byed pa dang ldan pa'i rgyu mtshan yod de/ dkon mchog gi mdun
du byang chub kyi rgyur gyur pa'i yan lag gi me tog bkram pas de
ltar 'byung ba'i phyir/ phyag zhabs

kyi mthe bong la rdo rje'i ri mo lta bu dpal gyi be'u dang/ de
gnyis kyi dkyil na ri mo gru bzhi pa bkra shis dang/ de'i mtha'
srin lag la sogs pa'i zhabs na ri mo bdun g.yas su 'khyil ba'i
g.yung drung 'khyil pas brgyan pa yin

te; sku rnam pa thams cad mdzes pa nyid kyis de ltar 'byung ba'i
phyir/ brgyad cu po de dag thub pa sangs rgyas kyi dpe byad
bzang por bzhed de/ yon tan 'di rnams nang na yod pas phyi'i
rtags 'di rnams shar ba dang/ rgyu

'bras tsam zhig tu sbyar ba'i phyir/ bzhi pa ni/ shAkya thub
pa'i gzugs sku la sogs pa gzugs kyi sku gang gi 'phrin las rgyun
mi 'chad par mdzad pa'i nges pa lnga dang mi ldan pa'i gzugs sku
de ni chos can/ sprul pa'i sku yin te/

@074b srid pa ji srid bar dag ma dag gi 'gro ba la dngos su
snang nas mngon mtho dang nges legs kyi phan pa sna tshogs dag
dus mnyam du mdzad pa'i sku yin pa'i phyir/ bzhi ba mdzad pa
'phrin las la gsum/ dus kyi sgo nas mdzad

pa mdor bstan pa dang/ dbye ba'i sgo nas rgyas par bshad pa
dang/ grangs kyi sgo nas mjug bsdu ba'o/ /dang po ni/ chos sku
rgyun mi 'chad pa de bzhin du 'khor ba ji srid bar chos sku
'di'i 'phrin las ni rgyun mi 'chad par

'dod de/ de ltar rgyun mi 'chad pa'i rgyu tshogs pa mthar phyin
pa sngon du song ba'i phyir/ gnyis pa la gnyis/ lam la 'god pa
dang/ lam gyi 'bras bu la 'god pa'o/ /dang po la bzhi/ tshogs lam
la 'god pa/ sbyor

lam la 'god pa/ mthong lam la 'god pa/ sgom lam la 'god pa'o/
/dang po la gsum/ bsam pa phun tshogs la 'god pa/ gzhan rgyud
smin byed kyi sbyor ba phun tshogs la 'god pa/ bden bzhi rtogs
pa'i lta ba phun

tshogs la 'god pa'o/ /dang po ni/ bsam pa phun tshogs la thog mar
'god par bya ste/ bde 'gro dang ngan 'gro'i 'gro ba rnams mngon
mtho tsam la don gnyer zhi ba'i thar pa don gnyer gyi bsam pa
bskyed pa'i

'phrin las mdzad pa'i phyir/ gnyis pa ni/ gzhan rgyud smin byed
la 'god par mdzad de/ sbyin pa dang/ snyan par smra ba dang/ don
spyod pa dang/ don mthun pa ste bsdu ba'i dngos po rnam pa bzhi
la 'god par

mdzad pa'i phyir/ gsum pa ni/ bden bzhi rtogs pa'i shes rab la
'god par mdzad de/ kun nas nyon mongs rgyu dang 'bras bur bcas
pa'i sdug kun dor bya dang/ rnam par byang ba rgyu 'bras lam
dang 'gog pa blang

@075a @#/ /byar rtogs pa la 'god par mdzad pa'i phyir/ gnyis pa
la gsum/ bsam pa phun tshogs dang/ rang rgyud smin byed kyi sbyor
ba dang/ lta ba rnam dag la 'god pa'o/ /dang po ni/ gzhan don
bsam

pa rnam dag la 'god par bya ba yin te/ sems can rnams rang gis
rtogs pa'i gnas lugs kyi don ji lta ba bzhin gyis don rtogs pa
la 'god par mdzad pa'i phyir/ gnyis pa la gnyis/ dngos dang/
gnyis don gyi

spyod pa la 'god pa'o/ /dang po la ni/ rang rgyud kyi sangs
rgyas kyi chos yongs su rdzogs par bya ba'i thabs la 'god par
mdzad de/ pha rol tu phyin pa drug rdzogs pa'i lam la 'god par
mdzad pa'i phyir/ gnyis

pa ni/ gnyis kyi don gyi spyod pa la 'god par mdzad de/ sangs
rgyas su bgrod pa'i dge ba bcu'i lam la 'god par mdzad pa'i
phyir/ gsum pa ni/ lta ba rnam dag la 'god par mdzad de/ don dam
par rang bzhin

gyis stong pa nyid rtogs pa'i 'jig rten pa'i sgom byung gi shes
rab kyis stong nyid rtogs pa la 'god par mdzad pa'i phyir/ gsum
pa ni/ stong nyid mngon sum du gsar du rtogs pa'i lam la 'god
par mdzad de/ gnyis

snang gi spros pa zad pa'i stong nyid gsar du rtogs pa la 'god
par mdzad pa'i phyir/ bzhi pa la drug /sa dri ma med pa sogs
gnyis la 'god pa dang/ sa bzhi pa sogs gsum la 'god par mdzad pa
dang/ bdun pa la

'god pa dang/ brgyad pa la 'god pa dang/ dgu pa la 'god pa dang/
bcu pa la 'god pa'o/ /dang po ni/ sa gnyis pa dang gsum pa la
'god pa'i 'phrin las mdzad de/ sa de gnyis kyis bsdus pa'i chos
thams cad

@075b brda tsam brtags pa tsam du khong du chud pa'i sgo nas
tshul khrims dang/ bzod pa'i phar phyin lhag pa la 'god par mdzad
pa'i phyir/ gnyis pa ni/ de'i 'og tu sa gsum po la 'god pa'i
'phrin las mdzad de/ sa bzhi

par byang chub kyi phyogs mthun shes pa'i shes rab dang/ sa lnga
par bden bzhi shes pa'i shes rab dang/ sa drug par rten 'brel
shes pa'i shes rab la chos thams cad don dam par dmigs pa med
par rtogs

pas khyad par du byas pa'i sgo nas 'god par mdzad pa'i phyir/
gsum pa ni/ de'i 'og tu sa bdun pa la 'god pa'i 'phrin las mdzad
de/ sa des bsdus pa'i thabs mkhas kyi phar phyin gyi sgo nas lus
can

rnams ni yongs su smin par mdzad pa'i phyir/ bzhi pa la bzhi/
lam gsum shes pa'i lam shes la 'god pa ding/ bden 'dzin zhi ba
la 'god pa dang/ sangs rgyas dkon mchog brtags pa ba thob pa la
'god pa dang/

zhing dag gi sbyor ba la 'god pa'o/ /dang po ni/ de'i 'og tu sa
brgyad pa la 'god pa'i 'phrin las mdzad de/ sa des bsdus pa'i
byang chub sems dpa'i lam gyis mtshon pa'i lam gsum mngon sum du
shes par byed

pa'i lam shes la 'god par mdzad pa'i phyir/ gnyis pa ni/ de'i
'og tu sa brgyad par 'god tshul gzhan yang yod de/ bden par mngon
par zhen pa mngon gyur ba bzlog pa la 'god pa'i phyir/ gsum pa
ni/

de'i sa 'og tu brgyad pa la 'god pa'i 'phrin las mdzad tshul yod
de/ sangs rgyas dkon mchog tu btags pa'i byang chub thob pa la
'god par mdzad pa'i phyir/ bzhi pa ni/ de'i 'og tu sa brgyad pa
la 'god

@76a @#/ /tshul gzhan yang yod de/ sangs rgyas kyi zhing rnam par dag
pa'i sbyor ba la 'god par mdzad pa'i phyir/ lnga pa la gnyis/ rang
'tshang rgya bar res pa dang/ gzhan smin par byed pa la 'god

pa'o; /dang po ni/ de'i 'og tu sa dgu pa la 'god pa'i 'phrin las mdzad
de/ sa des bsdus pa'i theg pa gzhan du mi ltung bar nges pa'i 'tshang
rgyab la 'god par mdzad pa'i phyir/ gnyis pa ni/ de yi 'og

nas sa dgu pa la 'god tshul gzhan yang yod de/ sa des bsdus pa'i sems
can don ni tshad med pa sgrub pa la 'god par mdzad pa'i phyir/ drug
pa la gnyis/ sa bcu pas bsdus pa'i bshes gnyen bsten pa

dang; rtogs pa gong du 'phel ba la 'god pa'o/ /dang po ni/ de'i 'og tu
sa bcu pa la 'god pa'i 'phrin las mdzad de/ sa des bsdus pa'i sangs
rgyas bsten pa dang/ sogs pas bsdus pa chos nyan pa dang/

mchod pa sogs kyi yon tan khyad par can sgrub pa la 'god par
mdzad pa'i phyir/ gnyis pa la brgyad/ byang chub kyi yan lag thob pa
la 'god pa dang/ las 'bras chud mi za ba la 'god pa dang/ bden pa
shes pa la 'god

pa dang/ ?? log zad pa la 'god pa dang/ gzhi med pa la 'god pa dang/
rnam byang rdzogs pa la 'god pa dang/ tshogs rdzogs pa la 'god pa
dang/ srid zhi mnyam nyid la 'god pa'o/ /dang po ni/ bsgrub bya snga
ma

lkur sgyar ??? sa bsdus pa'i byang chub kyi yan lag dge ba ma lus pa
rdzogs pa la 'god par mdzad pa'i phyir/ gnyis pa ni sa des bsdus pa'i
las rnams ni phra rags gang yin kyang chud mi za zhing/ mi bslu ba

@76b mngon sum du mthong ba la 'god par mdzad pa'i phyir/ gsum pa
ni/ sa des bsdus pa'i bden pa rdzogs par mngon sum du mthong ba la
'god par mdzad pa'i phyir/ bzhi pa ni/ sa des bsdus pa'i gtsang bde

rtag bdag sogs phyin ci log zad par spong ba la 'god par mdzad pa'i
phyir/ lnga pa ni/ sa des bsdus pa'i phyin ci log bzhi bskyed pa'i gzhi
bden 'dzin med pa'i tshul la 'god par mdzad pa'i phyir/ drug pa ni/

sa des bsdus pa'i chos thams cad mnyam pa nyid du rtogs pa'i rnam
par byang ba rdzogs pa la 'god par mdzad pa'i phyir/ bdun pa ni/ sa
des bsdus pa'i byang chub kyi rgyu tshogs gnyis rdzogs pa la 'god

par mdzad pa'i phyir/ brgyad pa ni/ sa des bsdus pa'i 'dus byas 'khor ba
dang/ 'dus ma byas mya ngan las 'das pa la don dam par tha dad du
yongs su mi shes shing/ don dam par tha mi dad du mngon sum du

shes pa la 'god par mdzad pa'i phyir/ gnyis pa ni/ de'i 'og tu lam gyi
'bras bu la 'god par mdzad de/ mi gnas pa'i myang 'das la 'god par
mdzad pa'i phyir/ gsum pa ni/ ye shes kyi sku yi 'phrin las

ni chos can/ rnam pa nyi shu rtsa bdun du mdo las bzhed de/ sngar
bshad pa de ltar du bzhed pa'i phyir/ gnyis pa ni/ shes rab kyi pha rol
tu phyin pa'i man ngag gi bstan bcos mngon par rtogs pa'i rgyan ces
bya ba'i rnam

bshad snying po'i rgyan gyi don rab tu gsal bar byed pa las skabs
brgyad pa'i bshad pa'o// ! //gsum pa bsdus don gzhan bsten pa la gnyis/
don drug tu bsdu ba dang/ don gsum du bsdu ba'o//

@77a @#/ /dang po ni/ rgyan gyi don bsdus brgyad las/ gzhan rnam pa
drug tu shes par bya ste/ mkhyen pa gsum gyi ngo bor gyur pa'i
mtshan nyid dang/ mkhyen gsum de'i rnam pa nyams len gyi rnam pa
rdzogs

pa dang/ spyod ba de rab tu gyur pa'i rtse sbyor dang/ mkhyen gsum
de yi rnam pa nyams len gyi go rim mthar gyis pa'i sbyor ba dang/
mkhyen gsum gyi rnam pa nyams len gyi sbyor ba mthar thug skad
cig ma'i sbyor ba dang/

mkhyen gsum gyi rnam pa nyams len gyi sbyor ba'i rnam smin chos
kyi sku dang/ drug ni rgyan gyi bsdus don 'bring du shes par bya ba
yin pa'i phyir/ gnyis pa ni/ rgyan gyi bsdus don snga ma las gzhan yul
dang rgyu dang/ 'bras

bu rnam pa gsum du shes par bya ste/ sbyor ba bzhi'i bsgom bya'i yul
gyi rnam pa mkhyen pa gsum dang/ mkhyen gsum mthar thug gi rgyu
sbyor ba bzhi'i bdag nyid dang/ mkhyen gsum sbyor ba'i 'bras bu chos
kyi

sku'i 'phrin las dang bcas pa gsum gyi sgo nas bsdus pa ni rgyan gyi
bsdus don bsdus pa yin pa'i phyir/ gsum pa mjug gi don la/ bstan bcos
mdzad pa po dang/ lo tstsha ba gang gis bsgyur ba'o/ /dang

po ni/ shes rab kyi pha rol tu phyin pa'i mdo rgyas 'bring bsdus gsum
thams cad kyi don bde blag tu tshegs chung ngus rtogs pa'i man
ngag gi bstan bcos mngon par rtogs pa'i rgyan chos can/ khyod
mdzad pa po

yod de/ thub pa'i gsung gi gsang ba thams cad la lkog tu mi gyur pa'i
rje btsun byams mgon gyis mdzad pa'i phyir/ shes rab kyi pha rol tu
phyin pa'i man ngag gi bstan bcos mngon par rtogs pa'i rgyan ces
bya ba'i

@77b rnam bshad snying po'i rgyan gyi don rab tu gsal ba zhes bya
ba rdzogs so// //gnyis pa bstan bcos 'di gang gis legs par sbyar ba'i
skad las bod skad du sgyur ba po yang yod de/ rgya gar gyi mkhan
po bir+ya

ka pra b+ha dang/ zhu chen gyi lo tstsha ba band+he dpal brtsegs kyis
bsgyur zhing zhus te gtan la phab pa'i phyir// //shes rab kyi pha rol
tu phyin pa'i man ngag gi bstan bcos mngon par rtogs pa'i rgyan ces
bya ba'i tshig

don gsal bar byed pa'i TAki 'di ni dge slong dge 'dun bstan pa dar
rgyas kyis sbyar ba'o// //a ri ni 'u jar si log dgon bkra shis dge 'phel
gling du gnas sdod ser smad rgyal rong dge bshes blo bzang mthar
phyin

nas bod rab lo 2105 phyi lo 1980 lor shing dpar gsar bskrun zhus pa'o//
//