@#/ /'dul ba'i sdom tshig gnad bsdus snying po tshig don brjed
byang las pha'i rnam 'byed kyi skor bzhugs so/ /

@01a @##/ /pha ma'i rnam 'byed spyi don dgu/ /1 dbye bsdu 2 mtshan
3 nyid grangs 4 nges rim 5/ /sgra 6 bshad cir 7 'gyur phan 8 yon
nyes 9/ /dbye gzhi rab byung ltung

ba tsam/ /dbye ba sde tshan tha dad kyis/ /pham lhag ltung byed
sor bshags nyes/ /bsdu ba dngos bsam cha nas ni/ /dngos gtso
pham lhag dang po dang/ /'du

shes gtso bo de las gzhan/ /byed pas gso lhag med pa ni/ /thun
mong pham 'chab yod ba gzhan/ /ngo bo'i cha nas rang bzhin dang/
/bcas pa'i kha na

ma thor bsdus/ /bcas rang khyad par nyon mongs pas/ /bslangs
dang ma bslangs yin gsungs pa/ /so skyes bya min byas pa'i
ltung/ /rang bzhin nyes

@02a @##/ /par thal bas bkag /rkyen la ltos te gnang ma gnang/
/bcas rang nyes pa yin zer ba/ /dri ro mngon chang 'thung ba'i
ltung/ /bcas nyes

min par thal bas bkag /khyim pa rab byung gnyis ka dang/ /rab
byung kho nar sdig 'gyur ba/ /rang bzhin dang ni bcas nyes zer/
/dgra bcom sdig pa 'byung

srid dang/ /so skyes ma bsam zhugs pa'i ltung/ /ltung phyir sdig
par thal bas bkag /sha spas la sogs bla ma rnams/ /rgyu khyad mi
dge pa dang ni/

gzhan gyis kun nas bslangs pa dang/ /ngo bo rang ngo mi dge
dang/ /lung ma bstan dang bdag nyid gcig /'bras bu rnam smin yid
mi 'ong/ /'byin nus ldan dang mi

@02b ldan zer/ /snying rje'i sems kyis ma bsad pa/ /mtshams med
mi 'byung thal ba dang/ /mi dge ba dang bdag gcig phyir/ /bcas
nyes rang bzhin nyes 'gyur dpyad/ /rang lugs bcas

rang nyes rgyu'i khyad/ /dngos kyi kun slong las mi dge /de
bzhin gzhan gyis kun nas bslangs/ /ngo bo las mi dge ba dang/
/lung ma bstan dang bdag nyid gcig /'bras bu rang gi ngo bo'i

chas; /rnam smin yid du mi 'ong ba/ /'byin nus yod dang med pa'i
ltung/ /bcas pa sdig gyur khyad gsod dang/ /chang gis mi dge
'phel la dgongs/ /mthong chos rnam smin phyi mar

mchis; /srid mtha'i sdig par 'byin nus yod/ /rten rgyu gnyen po
tha dad phyir/ /rang bzhin sdig ltung tha dad na/ /rang nyes
lung bstan min 'gyur dang/ /bcas ldan gcig bsad gnyis

'gyur dang/ /bshags pas sdig mi 'dag 'gyur phyir/ /rang bzhin
sdig ltung ngo bo gcig /ston pa'i bcas pa dngos nyid las/ /'das
pa'i cha nas nyes gyur pa/ /ltung ba'i mtshan nyid de

bzhin du/ /bsnyen rdzogs bcas pa las 'das pa'i/ /ltung ba dngos
gzhi rdzogs pa gang/ /rang gi ngo bo'i cha nas ni/ /zhes pa yan
chad 'dra ba la/ /lhag ma man chad le ltos nas/ /

@03a @#/ /chad pa lcir rung ldan pa dang/ /cho ga brjod tshul lhag
ma dang/ /ltung byed so sor bshags bya ba'i/ /ming rigs brjod
pas phyir bcos na/ /'dag tu rung ba zhes sbyar nas/ /pham

lhag ltung byed sor bshags kyi/ /mtshan nyid rim pa bzhin du
sbyar/ /grangs nges chad pa rim pa lngar/ /bcas pa la ltos sde
lngar nges/ /sbom po pham lhag gnyis su gtogs/ /dge

slong dben pa skyabs yod du/ /'dom gang ma chod chod pa ru/
/'dod pa byar rung mi rung bar/ /mo dang lhan cig gnas pa yis/
/gsum dang gnyis su ma nges ltung/ /rim bzhin

pham lhag ltung byed dang/ /lhag ma ltung byed ci rigs bsdus/
/pham lhag sbom ltung sor bshags kyi/ /dngos med nyes pa nyes
byas so/ /go rim snga phyi la ltos nas/ /chad pa lci

yang dbang du byas/ /sgra bshad mi mthun phyogs kyis pham/ /dge
'dun la brten gso lhag lus/ /ngan song gnas su ltung byed dang/
/so sor mthol zhing bshags dgos dang/ /legs

par ma byas nyes byas pas/ /pham lhag ltung byed song bshags
nyes/ /cir 'gyur 'das na rang rang ltung/ /bsrungs pa'i phan yon
nyan sa las/ /'gyod med grol 'gyur 'gyod

@03b med 'chi/ /snyan grags bde bar gnyid log sad/ /gnyid tshe
lhas bsrung gzhan dag las/ /sdig pa'i bag tsha 'jigs dangngs med/
/mi dang mi min mi gnod phan/ /zas gos tshegs

med thob cing bkur/ /gang du skye ba'i smon 'grub gsungs/ /ma
bsrungs nyes dmigs gleng gzhi las/ /tshul gyis bdag smad gzhan
gyis smad/ /mkhas pas smad 'os chos nyid kyis/ /

smad par 'os dang mi snyan grags/ /ma rtogs mi rtogs rtogs chos
nyams/ /gsar du mi thos sngon thos brjed/ /'gyod bzhin 'chi dang
dmyal bar skye'o// ! //pha yi ltung ba sde lnga las/ /

pham pa dang po'i sleng gzhi ni/ /rgyal bstan lo grangs bcu
gnyis bar/ /skyon med gnas shing bcu gsum par/ /spong byed yul
du bzang sbyin gyis/ /chags pas mi tshangs spyad par brten/ /

dge 'dun bsdu dang legs par gnas/ /bder gnas khrel med tshar bcad
dang/ /ngo tsha shes la phan gdags dang/ /ma dad dad 'gyur dad
rnams 'phel/ /'di'i zag bsdam dang phyi zag

bzlog /bstan pa yun ring gnas pa ste/ /phan yon rnam pa bcu
gzigs nas/ /ston pas ltung ba pham par bcas/ /thun mong dgag bya
ngan 'gror skye/ /gzhan gyis ma dad las lam sgrib/ /

@04a @#/ /thun mong min pa rang gzhan gyi/ /tshangs spyod la gnod
'khrig chags 'phel/ /ngo ti bcas ldan dge slong gis/ /mi dang mi
min dud 'gro ni/ /gson nam gshin po'i

lus nyams rung/ /lus phyed yan gyi rma sgo gsum/ /ma nyams bsten
du rung ba la/ /mtshams las 'das par shes 'khrul kyang/ /'khrig
'dod rgyun ni ma chad pas/ /rgyud du gtogs

shing nad med pa'i/ /las rung nor bu bcug pa'i bde/ /reg cing
rtsol bas nyams myong zhing/ /bdag gir byas pa'i ltung dngos
gzhi/ /tshig zur de dag sel bar sbom/ /rten gyi sel bar ltung

med nyes/ /ltung ba dngos gzhi mtha' dag gi /thun mong bslab
pa'i yan lag ni/ /bsnyen rdzogs gsor rung yan chad ldan/ /bslab
tshigs gcig dang bslab rgyun gcig /bslab pa bcas

dang 'brel pa 'am/ /las dang po ba ma yin pa/ /de dag sel bar
ltung med nyes/ /dngos gzhi kun la shes pa ni/ /rang bzhin nyid
du gnas dgos te/ /myos dang sems 'khrugs tshor

bas nyen/ /'gro gzhan rnam pa bsten pa na/ /sbyor mthar 'du shes
med pa bzhin/ /sde lnga'i ltung ba gsar mi bskyed/ /byung nas
smyos pas ltung mi 'dag /phal cher thun mong yan lag la/ /

@04b srog gcod bzhi dang mi tshangs spyod/ /rku byin ma gtogs
ltung gzhan la/ /tha mal lus su gnas pa dgos/ /'gro gzhan rnam
pa bsten pa dang/ /lus mi snang bar byas pa yis/ /nyes pa spyod

na rang rang gi /na smad nyid du zhu bar gsungs/ /mtshan nyid ci
'dra'i thun mong ba/ /lnga bcu rtsa lnga ma gtogs par/ /mtshan
'gyur min pa yan lag dgos/ /sel bar na smad zhu bar gsungs/
/thun mong

min pa'i yan lag bzhi/ /sel ba dang bcas ngo tir gsal/ /bstan
par bya ba zhes pa'i mdos/ /bsten bya sten byed gang rung re/
/rang lus la brten dbang byas te/ /bkol ba ma bkol la

sbyor ba'i/ /sbom gnyis dngos bstan gnyis bkol mtshon/ /gzhan pa
gnyis kyang zhes pa'i mdos/ /gzhan gyi gnyis ka bkol ma bkol/
/sbyor ba'i sbom po de gnyis bstan/ /bkol dang ma

bkol mu gnyis mtshon/ /de ltar sbom po rigs bdun srid/ /yan lag
gsum ni ma tshang yang/ /gnyis bkol sbyor sbom bcas dbang yin/
/yan lag lnga ni ma tshang yang/ /sbom po bskyed par TI kar

bshad; /rin phreng las gsungs sbom po'i grangs/ /bzhi bcur nges
par bzung la dpyad/ /bsten byed lus bkol rgyud gtogs dang/
/bsten bya bkol ba bsten rung sel/ /shes rang mi gnas

@05a @#/ /bsam pa'i dang/ /skrag dang ngo tshas 'dzud pa mtha'i/
/yan lag brdol ba nad med sel/ ! /ma byin len gyi gleng gzhi ni/
/rgyal po'i khab tu nor can gyis/ /'dod pas

rgyal shing ma byin par/ /blangs pa la brten pham par bcas/
/dgag bya gzhan gyi longs sbyod la/ /gnod cing rang 'dod ches ba
'o/ /ngo ti bcas rten dge slong gis/ /rang dang nor rdzas tha
dad

pa'i; /mi gzhan bdag gir byas pa'i rdzas/ /yul dus rang gzhan
sbyor gcig la/ /ltos pa'i rin thang tshang ba lngar/ /'du shes
gzhi la ma 'khrul bas/ /kun slong gzhan gyir ma gnang yang/ /

bdag nyid kyi dang 'tsho ched du/ /gtan 'bral 'dod pa rgyun chags
kyis/ /sbyor ba rang ngam gzhan bskos pas/ /lus ngag tu grub ma
'khyogs par/ /nan 'gugs dang na then grangs rtsis dang/ /rgyan

la sogs la dor byed dang/ /gnad la bsgre sogs sgyu thabs dang/
/brnyas bskyis gtams pa bsnyon pa dang/ /gru btsas sho gam gla
rngan rnams/ /tshad du mi 'jal la sogs kyis/ /mthar thug

bsam pa'i don de nyid/ /thob cing thob blo skyes tshe pham/
/mngags pas gnas spos mthar thug phyir/ /rang la thob blo dgos
mi dgos/ /mi dge brgyad kyi bar dag dang/ /zhes sogs steng

@05b nas dpyad par 'tshal/ /bdag nyid byin rlabs bang chen gyis/
/rku 'am rkur 'jug gnas spags dgu/ /snga ma drug gis sbyor ba
dang/ /gnas spags gsum gyis mthar thug bstan/ /kar sha

pa na'i bzhi chas pham/ /na na ka ni de'i rnam grangs/ /de yi
bzhi char ma sha ka /gsum bzhi lnga brgyad bcur yang gsungs/ /pa
na de yi rnam grangs yin/ /spal tis khal bzhi rgya yis rta/ /red
mdas

gser zho'i phyed gsungs mtshon/ /mcho TIk gsod pa'i chad tshad
dang/ /rin thang mnyam zhes gsungs na yang/ /rin phreng de yang
ma nges te/ /gsod dam 'ching ngam sbug kyang rung/ /zhes sogs
lung

las gsungs phyir ro/ /des na 'jig rten phal pa yis/ /brkus pa'i
tha snyad byed pa dang/ /chad gcod rigs pa yan chad de/ /don
brgyad ma ru rgya'i rin sbyar/ /dngul zho gcig gis pham gsungs

shing; /slob phan nas khal phyed tsam dang/ /shes rab byed par
rgya'i ma sha /bod thang brtsis na dngul zho yi/ /brgyad cha
gcig gis pham gsungs phyir/ /se ba gsum la tshang zhes gsungs/
/se ba

ma ru mgo nag gi /ljid mnyam gser la bshad par grags/ /kar sha
pa na zho phyed kyi/ /dngul gyi dong tse ri dbyibs legs/ /rin
mnyam dngos gzhan btags pa pa/ /yan lag sbyi yi don la gsuM/ /

@06a @#/ /bdag po rdzas de don la dbang/ /pham bskyed nus kyi
bdag po ni/ /rang dang nor rdzas tha dad mi/ /brku rdzas dbang
zhing bdag gir byas/ /dbye ba sbyin po'i bsam pa yis/ /zhe nas

bsngos yul bdag por gyur/ /len po'i bsam pas bdag med rdzas/
/gang gis rnyed pa bdag por gyur/ /ri dwags gdos zin rngon pa
yang/ /bdag po'i bsam pas btang ba na/ /chos gos

'phrogs pa chom rkun dbang/ /yul chos sho gam srung pos dang/
/rigs rgyud pa nor bu yis dbang/ /sangs rgyas bka' yis der
phul ba/ /de nyid dbang phyir mchod rdzas bya/ /don dam

chos phul de'i yin phyir/ /mchod rten 'drar bzhag spyad mi
rung/ /sgrub tshes la phul dge 'dun dang/ /lung chos la phul
chos smra dbang/ /dbyar dus rnyed pa khas blangs pas/ /sra
brkyang

dus rnyed gang bting dbang/ /blo bur khrims su bcas pa yis/
/gang nas gang du phul des dbang/ /dge 'dun ma phyed las
mtshams kyis/ /gang zag so sor nges byas des/ /mngon

sum gang la phul des dbang/ /rab byung shi ba'i yo byad dang/
/shi ba'i snga rol nges byas pa'i/ /bu lon sde tshan nad g.yog
pa'i/ /khyim gzhan gnas rdzas so sor dbang/ /gzhan rnams dge

@06b 'dun dbang phyir brlab/ /rtags can shi ba'i yo byad la/
/rin chen mu tig go cha gsum/ /mchog gsum sangs rgyas rgyal
por dbul/ /rdzas la bdag po mang 'dom na/ /khyim pa'i rdzas la
yul chos

dang; /gzhan la sangs rgyas gsungs pa gtso/ /dge slong shi
ba'i yo byad drug /shi ba'i snga rol des byas dang/ /bu lon
nad g.yog rigs rgyud bzhis/ /slong na snga med phyi ma dbang/
/btso

blag mkhan gos rlung khyer ba/ /bsam pas btang na des mi pham/
/dge slong chos gos chom rkun khyer/ /btang nas nan bkug byas
na pham/ /kun slong spyi zhugs gzhi las ltung/ /sbyor

ba gnas dus gzhan byas nas/ /mthar thug gzhan grub phyi mar
brtsi/ /nye sbyor mtha'i bar rin tshang bas/ /pham pa bskyed la
mi rigs med/ /rin thang med sar blo skyes na/ /bdag rkun gnas
gang

nye ba yis/ /mnyam na rkun ma'i gnas kyis brtsi/ /byang gling
brkus pa'i rin thang bzhin/ /yan lag sel ba rnam pa bzhi/
/ltung ba dngos gzhi rdzogs pa la/ /nges bzung yan lag ma
tshang sel/ /cir

'gyur na smad ches na smad/ /ltung gzhan ltung med 'gyur ba
bzhi/ /yan lag gcig tsam ma tshang na/ /na smad pham stag na
smad sbom/ /sbom po ltung byed sor bshags kyi/ /na smad pa ni
nyes byas te/ /nyes

@07a @#/ /byas na smad nyes byas phra/ /gnyis ma tshang na ches
na smad/ /gcig ma tshang ba'i de yang srid/ /pham lhag gi ni
ches na smad/ /nyes byas sbom ltung sor bshags kyi/ /nyes byas
phra mo'o

nyes byas kyi/ /nyes byas phra ba bas kyang phra/ /gzhan 'gyur
sde tshan bcas pa dang/ /gnas skabs gzhan du 'gyur ba gsum/ /mi
la gsod brtsam dud 'gro gsod/ /pham las ltung byed sde tshan

gzhan; /gzhi med sbyor ba mi gsal bas/ /skur na bag tsam bcas
pa gzhan/ /rang rang ltung ba rnam bzhag las/ /bslab bya'i
nyes 'gyur gnas skabs gzhan/ /ltung med dngos gzhi rnam

bzhag dang/ /der gtogs ltung dang gtan med bzhi/ /dngos gzhi'i
ltung med 'dul byed las/ /nyung nyung brkus bas ltung med
gsungs/ /rnam bzhag ltung med rnam 'byed las/ /bdag gir

mi byed reg pa dang/ /mngal rlugs yi rang ltung med gsungs/
/der gtogs ltung med lhag len skabs/ /'bru rjen blangs la
ltung med gsungs/ /skabs gzhan rjen btsos nyes pa srid/ /

rang bzhin nyams dang kun slong med/ /sdom pa ma blangs las
dang por/ /bcas rang mtha' dag ltung med do/ /bcas pa 'ba'
zhig ltung med la/ /dgag bya nyes dmigs med pa yis/ /rdo 'am

@07b so phag rim lhag brtsigs/ /bye ma 'ba' zhig rko la med/
/bag yangs khungs ni phran tshegs las/ /phra mo phran tshegs
skabs dbye gsungs/ /gang la 'od srung chen po yis/ /dog mtha'
gzhis bsdus

nyes byas tsam/ /yangs mtha' spang ltung man chad gsungs/ /'on
kyang chang dang rang bzhin min/ /gang phyir dge 'dun dbyen
spang dang/ /gang zag rlabs che bstan par gzhug /bstan 'phel
dka'

'tsho spang ba'i phyir/ /cho ga gsol bzhi'i las kyis ster/ /cig
car kun ster rung ngam dpyad/ /yod smra las gzhan 'di mi 'dod/
/bag yangs kha 'thor gtan bting na/ /'chang sogs bcu la

ltung ba med/ /gnang na khang pa khang chen yang/ ! /srog gi
bar chad rkyen ldan la/ /chang ma gtogs pa'i bcas rkyang
gnang/ /tshul khrims bar chad rkyen ldan la/ /bcas rang 'doms
tshe bcas

rkyang gnang/ /zhar byung bcas rang 'dom pa'i tshe/ /rku ba
spang phyir nyo tshong gnang/ /mi dang dud 'gro bdag gsod 'dom/
/bdag nyid yal 'dor nyes med de/ /bsrung bar 'dod la sems
zhugs kyi/ /

gsod par 'dod la ma zhugs phyir/ /smyos 'khrugs tshor bas nyen
pa la/ /bcas rten min phyir gnang ba min/ /bcas nyes che chung
nang 'dom tshe/ /chung dor che ba'ang gnang srid de/ /dbyar ral
spang phyir

@08a @#/ /nub lhag bzhin/ /bcas mnyam bya ba de 'brel gyi/
/dgag dgos che ngor chung gnang nges/ /de 'brel dgag dgos
mnyam pa la/ /bcas pa che ngor chung gnang nges/ /bcas 'jog

dgag dgos che phyir ro/ /de 'brel dgag dgos che chung dang/
/bcas pa che chung 'brel nges med/ /bcas 'jog dgag dgos che
chung dang/ /bcas pa che chung 'brel bar nges/ /dge sbyong bar

chad rkyen ldan la/ /chang sogs 'ga' min bcas pa gnang/ /gzhan
gyi srog dang tshul khrims dang/ /dge sbyong bar chad sel phyir
du/ /bcas rkyang phal cher gnang ba ste/ /reg dang nub lhag

nub ston bzhin/ /gtso min lus dang longs spyod dang/ /bsod
nams bar chad rkyen ldan la/ /bcas bsrung dgag dgos che na
min/ /de spang dgos cher bcas 'ga' gnang/ /snang bcas rin

chen reg pa dang/ /mchod glu spos nyug bsten rung bzhin/ /shes
dbang med dang bya dka' dang/ /ltung ba nang sdom sgrub mi
nus/ /smyos sogs mtha' 'khob ldas rdzogs dang/ /bcas mnyam
dgag

dgos mnyam 'dom na/ /bcas gcig ma bsrungs ltung med de/ /nyin
'bral gcig 'gro'i phyi mar bzhin/ /snying rjes rdzu 'phrul
gyis 'phrogs dang/ /rang dang re zhig yid bcugs pa'i/ /

@08b 'du shes kyis ni len pa dang/ /len tshe gzhan la go byas
dang/ /rku sems med na ltung ba med/ ! /gtso min sel bar dgos
pa'i don/ /ltung ba che chung bde blag rtogs/ /phyir bcos byas

pas tshul dag 'gyur/ ! /bsdus don gnas skabs dbye ba ni/ /bslab
bya sbyor ba'i sbyor ba dang/ /sbyor dang dngos gzhi rdzogs pa
'o/ /bslab byar skabs nas byung bslab ni/ /sbrum ma dben

par gzhag ces gsungs/ /skabs su gtogs pa'i bslab bya la/
/brgyud pa rgyud mthun log spyod skabs/ /ma bsrungs glos phab
nyin gnyid bkag /sbyor ba rjes sgrub mthun pa ni/ /brjeg

skabs ka par brdeg pa bkag /dgag bya nyes dmigs mthun pa ni/
/me skabs seng ger reg pa bkag /rnam bzhag ltung bas mi gos
phyir/ /bslab par bya bas de zhes bya/ ! /sbyor sbyor dngos

la sems bskyed pa/ /rku sems skyes pa bsdam bya'i nyes/ /lus
ngag tu grub nom nyug go /ches na smad de bshags bya'i nyes/ !
/sbyor rnam sbyor sbyor btags pa ba/ /sbyor sbyor byed bzhin
rku sems

log /dngos rnam sbyor sbyor btags pa ba/ /lha rdzas rin thang
ma tshang brkus/ /thob blo skyes na bshags bya'i nyes/ ! /sbyor
ba dngos ni mthar thug gong/ /rdzas la nom nyug sbyor ba'i
sbom/ /sbyor

@09a @#/ /rnam sbyor ba btags pa ba/ /rku sbyor byed bzhin 'dun
log sbom/ /dngos rnam sbyor ba btags pa ba/ /mi rdzas rin
thang ma tshang brkus/ /thob blo skyes tshe mthar thug sbom/ !
/dngos

gzhi rdzogs pa ngo tir gsal/ /rten khyad dge slong pha ma
dang/ /sde tshan pham lhag skabs su dang/ /gnas skabs sbyor
dang mthar thug skabs/ /phyir bcos sbom po'i ming dgos shing/
/gdags

gzhi nyes pa gcig nyid la/ /sbom po zhes byar ming btags na/
/sbom po dngos su rten tsam yod/ /ming du chags pa'i sbom
po'ang bya/ ! /rten khyad rab byung rnam gsum dang/ /sde tshan
ltung byed man

chad dang/ /gnas skabs sbyor pa'i sbyor skabs dang/ /phyir
bcos nyes byas ming dgos shing/ /gdags gzhi nyes pa du ma la/
/sbom po zhes byar ming btags na/ /sbom po btags pa ba yin
dgos/

! /yon tan sgra'i sbom zhes kyang bya/ /'di ni btags pa'i bye
brag go /mtsho TI ka 'chad tshul bkod pa tsam/ ! /rin phreng
yig char sbom po la/ /sbyor mtha'i sbom po gnyis tsam gsungs/
/bdag med

rang dang mi min dang/ /dud bgro ngur rdzas kha zas dang/ /lha
dang lhag med rin tshang rdzas/ /mi'i rdzas rin thang ma tshang
dang/ /yan lag tshang na phub pa tsam/ /brkus rkyang sbom po
gzhi'i sel bar/ /

@09b gsungs kyang kha zas ngur rdzas dpyad/ ! /rang gzhan nor
la phan tshun 'khrul/ /bdag po med pa'i 'du shes dang/ /gzhan
gyi don dang mchod sogs dang/ /rdzas bdag rku rdzas nor ba
dang/ /kyal ka

chung zan phyir brkus dang/ /brnyas bskyis gtams par bsre med
sbyod/ /'dun log bsam pa'i sel pa 'o/ ! /brku phyir gros ldad
gom 'dor dang/ /sngags kyis yid bskul 'bul 'jug sogs/ /

sbyor ba'i sel ba'o ! /thob blo med/ /mthar thug gi ni sel ba
'o/ ! /grub blos khyad par du byas pa'i/ /gnas spos yin zhes
rin phreng gsungs/ /gnas sbos de yang 'dod tshul mang/ ! /bdag
'dzin

spang phyir sangs rgyas kyi/ /dkor brkus pham pa med gsungs
kyang/ /rin phreng bdag 'dzin ma spang phyir/ /byang gling
rdzas brkus pham 'gyur bas/ /sangs rgyas dkor brkus pham par
gsungs/ ! /bdag

bcu'i 'jog rdzas dge slong bcus/ /'jog rdzas phyir du brkus
gyur na/ /rin thang tshang ba gcig gis pham/ ! /de 'dra'i bgod
rdzas bgod rdzas phyir/ /brkus na rin thang brgya tshang dgos/
! /de lta'i 'jog rdzas

bgod rdzas dang/ /bgod rdzas 'jog rdzas phyir brkus na/ /rin
thang tshang ba bcu re dgos/ ! /yul dus brku bya rku byed la/
/ltos pa'i rin thang sbyor gcig gi /nang du tshang ba dgos pa
'o/ /'di rnams gong 'og kun

@10a @#/ /la sbyor/ ! /srog gcod pham pa'i gleng gzhi ni/
/spong byed yul du dge slong mang/ /mi bzod pa yis kun nas
bslangs/ /phan tshun gsod par byed pa las/ /srog gcod spong
phyir

pham par bcas/ ! /dgag bya gzhan gyi srog la gnod/ ! /do ti
bcas rten dge slong gis/ /gsad bya mi 'am mir chags pa/ /rang
las shes rgyud gzhan dag la/ /'du shes gzhi la ma 'khrul
zhing/ /kun

slong gsod 'dod rgyun chags kyis/ /sbyor ba rang ngam gzhan
bskos pas/ /mtshon dug sgyu thabs mthu sogs kyis/ /mthar thug
rang sngar shi tshe pham/ ! /tshig zur de dag ldog par sbom/ !
/mir

mer nur nur ltar ltar po/ /mkhrang 'gyur rkang lag 'gyus pa
lngar/ /mngal gyi gnas skabs lnga zhes bya/ /byis gzhon dar
bab dar yol rgan/ /lnga ni btsas pa'i gnas skabs te/ /dang po
bzhi'i

skabs mir chags pa/ /phyi ma drug gi skabs su mi/ /bcas ldan
mi bcus mi gcig la/ /nyin zhag bcu dang dgu sogs la/ /rim
bzhin 'chi nges mtshon bsnun na/ /gang la pham pa'i rtsod tshul
dpyad/ ! /

rdzun smra pham pa'i gleng gzhi ni/ /nya ba lnga brgyas yangs
can du/ /rab byung bsnyen par rdzogs byas nas/ /nya pa'i grong
du de lnga brgyas/ /grags shing rnyed pa thob 'dod kyis/ /mi
chos bla ma rdzun smras pas/ /'od

@10b ma can gyi grong du bcas/ ! /dgag bya chom rkun grangs su
chud/ /bslus pas gzhan don 'grub la gnod/ ! /ngo ti bcas ldan
dge slong gis/ /tha snyad lnga dang ldan pa dang/ /tha mal lus
gnas gzhan dag la/ /

dngos po 'dod khams las 'das pa'i/ /yon tan rang la med bzhin
du/ /'du shes gzhi la ma 'khrul zhing/ /kun slong rang gi don
nyid du/ /yod par smra 'dod rgyun chags kyis/ /ngo bo 'am
'bras bu ldan sgo nas/ /

sbyor ba rang gi ngag tu ni/ /rang dang 'brel bar don ma nor/
/gsal bar mngon sum smras pa yis/ ! /mthar thug pha rol go tshe
pham/ /gzhan gyis smras pa dang blangs kyang/ /tshig zur de dag
ldog pa sel/

! /thob pa'i sgo nas mi'i chos dang/ /bla ma yon tan tha dad
de/ /mi yi chos ni myang 'das dang/ /bla ma zhes ba gong ma'i
sems/ /spangs pa'i sgo nas mi'i chos dang/ /bla ma skyon dang
yon tan te/ /'dod la

'dun dang gnod sems dang/ /gnyid rmugs rgod 'gyod the tshom
lnga/ /mi chos de spangs bla ma 'o/ ! /'bras bu'i sgo nas
brjod pa ni/ /lha klu gnod sbyin dri za dang/ /mi 'am ci dang
lto 'phye che/ /yi dwags

sha za grul bum dang/ /lus srul po ste bcu po la/ /mthong dang
bdag gis mthong ba dang/ /thos dang bdag gis thos pa dang/
/'gro dang bdag gi drung du 'ong/ /lhan cig gtam 'dri phebs
par smra/ / 

@11a @#/ /kun dga' lhan cig gnas so zhes/ /bcu re sbyar ba'i
sbyor ba brgya/ ! /ngo bo'i sgo nas brjod pa ni/ /mi rtag sdug
bsngal bdag med dang/ /mi mthun mngon par mi dga' dang/ /nyes

dmigs dang ni spong dang 'gog /chags bral 'chi ba'i 'du shes
bcu/ ! /mi sdug rnam par bsngos dang brnags/ /rnam par dmar dang
bam dang 'thor/ /rnam par zos dang 'bus zhig dang/ /rus gong

sor rtog 'du shes bcu/ ! /bsam gtan tshad med gzugs med bzhi/
/'bras bu bzhi dang mngon shes drug /rnam thar zil gnon zad par
sogs/ /thob par smras pa'i sbyor ba mang/ /tshig zur de dag

ldog pa sel// ! //dge 'dun lhag ma bcu gsum ste/ /'byin reg
'khrig tshig bsnyen bkur bsngags/ /smyan byed khang pa khang chen
rtsigs/ /gzhi med bag tsam skur 'debs dang/ /dbyen dang rjes

phyogs khyim sun 'byin/ /bka' blo mi bde'i lhag ma 'o/ ! /bzhams
bsgo gsol bzhi'i bzlog pa lngar/ /ltos dang mi ltos bye brag
las/ /dang po dgu ni dngos gyur dang/ /phyi ma bzhi po bsgo

gyur ltung/ ! /'byin pa'i gleng gzhi mnyan yod du/ /'char kas
chags pas rang nyid kyi/ /sa bon phyung las lhag mar bcas/ !
/dgag bya des bskyed 'dod chags 'phel/ ! /ngo ti bcas ldan rang

@11b lus las/ /'byin par 'dod pa rgyun chags kyis/ /'byin byed
rnam shes len myong zhing/ /bsten rung rma sgo las gzhan pas/
/reg cing brtsal bas rang khu ba/ /dang po'i gnas nas 'phos tshe
ltung/ /

tshig zur de dag ldog pa sel/ ! /reg lhag rnam par 'byed pa'i
skabs/ /reg pa 'khrig bsnyen lhan cig nyal/ /nyal shom dben par
'dug dang 'greng/ /lam 'gro chos ston bcu po la/ /byed po

bud med nyid du gsungs/ ! /dgos pa lung las ltung mang por/ /don
go bsten rung re gsungs bsdus/ ! /bsdus don yan lag rnam bzhag
la/ /bud med mtshan don yod pa ni/ /reg sogs bcu yi

yan lag ste/ /dben 'greng ma gtogs gzhan dag la/ /mtshan gnyis mo
mtshan don yod kyang/ /dben par 'dug 'greng lhan cig nyal/ /lam
'gro chos ston lnga po la/ /skyes pa yul byas ltung ba med/ /

reg pa 'khrig tshig bsnyen bkur bsngags/ /nyal shom 'dug 'greng
lnga po la/ /skyes pas rang rang na smad do/ /reg sogs bcu la ma
ning dang/ /mtshan gnyis mo mtshan don med kyang/ /reg pa'i skyes
pa med

pa ni/ /lam 'gro chos ston gnyis la dgos/ /de yod de gnyis ltung
ba med/ /legs nyes smras pa'i don go mo/ /'khrig bsnyen chos
ston yul la dgos/ /mi gor de byas na smad do/ /bsten rung mtshan
gyi

@12a @#/ /yan lag ni/ /nyal shom dben par 'dug 'greng dang/ /reg
pa lhan cig lam 'gror dgos/ /mi rung ba la na smad do/ /kun
slong reg sogs gsum po yi/ /bde myong 'dod cing chags sdad

dgos; /bde 'dod chags med na smad de/ /chags yod mi 'dod gnyis
med la/ /bslab bya'i nyes byas chags pa yi/ /gnyen po bsten na
ltung ba med/ /yan lag gtso bo bsten rung dang/ /don go yan

lag tu gsungs pa'i/ /rnam 'byed thad ka'i don bsdus phyir/ /bcu
po 'di las gzhan ma bsdus/ /dben pa gnyis dang nyal shom gnyis/
/lhan cig nyal ba lnga po la/ /khrims grogs tsam gyis

ltung ba khegs/ /srog gcod ma gtogs gnod gyur dang/ /rku ba ma
gtogs chags gyur la/ /mtshan gnyis na smad yul du gsungs/ /sems
can chags las gyur pa la/ /dge slong mas bskyed 'ga'

ma gtogs/ /mtshan gnyis pas kyang dngos gzhi bskyed/ /bdun la
bsten rung dngos bshad pas/ /'khrig bsnyen chos ston gsum la'ang
sbyar/ /gsum la don go dngos gsungs pas/ /reg pa

ma gtogs drug la'ang sbyar/ ! /reg pa'i gleng gzhi mnyan yod du/
/'char kas mo la reg pas bcas/ /dgag bya 'khrig pa'i 'dod chags
'phel/ /ngo ti bcas ldan dge slong gis/ /'du shes gzhi rnam ma

@12b dor 'dzin/ /reg bde myong 'dod rgyun chags kyis/ /rang gi
lus dngos ma nyams shing/ /pham bskyed yan lag las gzhan pas/
/bud med mtshan ni don yod cing/ /bsten rung tha snyad phyed
gnyis ldan/ /lus ni

tha mal gnas pa dang/ /lus dngos mnyams rma sgo las/ /gzhan par
reg cing reg bde la/ /bdag gir byas pa'i ltung dngos gzhi/ /tshi
gzur de dag ldog pa sel/ ! /'khrig pa'i gleng gzhi mnyan yod
du//

'char kas chags pas bud med la/ /'khrig tshig smras las lhag mar
byas/ /dgag bya 'khrig pa'i 'dod chags 'phel/ /ngo ti bcas ldan
dge slong gis/ /'du shes gzhi rnam ma dor 'dzin/ /kun slong rang
gi

don nyid du/ /'khrig smras bde ba myong 'dun pas/ /smra bar 'dod
pa rgyun chags kyis/ /mtshan don yod cing mtshan bsten rung/ /tha
snyad bzhi ldan tha mal lus/ /rdzu 'phrul chos can ma yin mor/
/mtshan nyid lnga

ldan ngag smras pas/ /don go las gyur dngos gzhi 'o/ /sel ba
tshig zur bzlog pas gdon/ ! /bsnyen bkur bsngags pas khyad par
du/ /byas pa ma gtogs gzhan gong 'dra/ /tshul ldan dge chos
tshangs spyod

can; /bdag la 'khrig pas bsnyen bkur na/ /mchog dang phul byung
khyad par 'phags/ /bzang mdzes dge dang mtshed par 'os/ /bstod
'os rgya che rnam pa dgu/ /ches mchog la sogs rnam dgu zhes/
/bslab

@13a @#/ /gsum brjod pa'i tshan pa gcig /dge chos can gyis ting
'dzin dang/ /tshangs par sbyod pas shes rab bstan/ /re re brjod
pa'i mtshan gsum dang/ /tshul ldan dge chos snga phyi bsgyur/ /

de bzhin tshul ldan tshangs spyod dang/ /dge chos tshangs spyod
kyang bsgyur nas/ /gnyis gnyis brjod pa'i tshan drug bcas/ /bco
brgyad tshan bcu lung las gsungs/ /ma brjod tshan gcig don gyis
thob/ /

gsum las re re sngar smos nas/ /gzhan gnyis snga phyi bsgyur ba
yi/ /mu drug la yang mdor bsdus sbyar/ /gsum ga ma brjod ma
bgrangs na/ /bsnyen bkur bsngags pa'i lhag ma ni/ /bco brgyad
tshan

pa bcu drug srid/ /mo yis bsngags par yi rang zhing/ /smras pa
phyir la bzlas pas kyang/ /bdag dang 'khrig pa gang rung dang/
/ma sbyar sbos grangs dngos dang mnyam/ /gnyis ka ma sbyar nyes

byas kyang/ ! /smyan gyi gleng gzhi mnyan yod du/ /ri dwags
'dzin gyi bu nag pos/ /smyan byas byung la bcas ma mdzad/ /byung
la bcas pa mnyan yod du/ /drug sdes smyan byed pa las bcas/
/dgag bya

gzhan chags nyon mongs shing/ /rang nyid pham pa'i rgyu ru gyur/
/ngo ti bcas ldan dge slong gis/ /'du shes gzhi rnam ma dor
'dzin/ /'khrig pas mthun 'dod rgyun chags kyis/ /skyes pa bud
med gnyis

@13b ka ni/ /mtshan don yod cing mtshan bsten rung/ /tha snyad
bzhi ldan tha mal lus/ /rdzu 'phrul can min rang las gzhan/
/gnyis kyang shes rgyud mtshan las gzhan/ /mthun par mi gnas
mthun bsgrub phyir/ /

de gnyis rang ngam yang na ni/ /tha snyad lnga ldan tha mal lus/
/de nyid la ni dbang ba la/ /'phrin mnos gzhan la go bar byas/
/snga mar brjod pa'i 'phrin gsum mam/ /de dang 'dra ba byed
zhugs pas/ /gnyis

kyi gnyis phrad dngos gzhi 'o/ /tshig zur bzlog pas sel par
'gyur/ /mthun pa ma thob smyan byed na/ /'phrin pa re la sbyor
sbom re/ /mthun las nyams la 'phrin gcig gis/ /sbyor sbom gcig
bskyed

dngos gzhi rdzogs/ /rnam 'byed las gsungs chung ma bdun/ /chu
tshigs byin dang rin chas nyos/ /btsan 'phrog thob pa dam pa
gsum/ /dang sam 'dus dang gos zas 'tsho/ /kha dum thang 'ga'
phrad bzhi

dman; /mdza' na mo ni bcu yin te/ /pha ma ming po phu nu mo/
/gyos gyug nye du rigs dang rus/ /rnam par 'khrugs pa med dang
bcu/ /gtan gyi chung mar mi byed kyang/ /re zhig mdza' na mo
nyid du/ /lan gcig gnyis

gsum phrad zin kyang/ /bzhi par sprad na lhag ma ste/ /lnga par
sprad na spom po nyid/ /mthun pa nyams byed 'thab tshigs bdun/
/'thab mod 'thab 'og dum pa bcad/ /rde'u gsum gtor dang chog
btang/ /chung

@14a @#/ /ma min bsgrags dril bsgrags pa'o/ /'thab pa nyid bzhin
gzhan lnga la'ang/ /mod 'og sbyar bas bcu gnyis thob/ /phra mas
mdza' gcugs nyams srid phyir/ /'thab tshigs de rnams

mtshon pa tsam/ /dman pa bzhi yi dbang byas nas/ /'thab tshigs re
la smyan re byas/ /mthun pa re thob lhag ma bdun/ /dam pa gsum
gyi dbang byas nas/ /mthar thug grub ba'i ltung ba bdun/ /dang
po

gsum la nyes byas re/ /bzhi pa lnga par sbom po re/ /drug bdun
bsdums pas mthun thob na/ /lhag ma gnyis dang sbyor sbom gnyis/
/rgyu mtshan skyes ba bud med la/ /yid 'ong bya ba gcig pa dang/
/sprod

la phyogs ba'i gcugs gsum las/ /'thab mod 'thab 'og dum bcad la/
/yid 'ong nyams kyang gcugs pa gzhan/ /ma nyams phyir na nyes
byas tsam/ /rdi'u gsum gtor dang chog gzhan la/ /

gcugs gzhan nyams kyang sprod phyogs pa'i/ /gcugs nyams med
phyir sbom po tsam/ /drug pa bdun par gcugs gsum ga /nyams pa'i
phyir na lhag ma gnyis/ ! /spyod lam bzhi shong snod min la/ /

khang pa khang chen nyes ltung med/ /lam srang dog par de
brtsigs na/ /gzhan la gnod 'tshe'i nyes skyon srid/ /de bzhin rim
lhag brtsigs na yang/ /de gsum las gzhan gnas gyur kun/ /rang
rang

@14b skabs kyi na smad 'gyur/ /dmigs bsal lhan cig nyal ba dang/
/dben par 'dug 'greng dngos gzhi rdzogs/ /bzhi shong tsam gyi
gnas nyid las/ /khang pa'i sbom po gnas gyur gzhan/ /rang rang

ltung ba rdzogs par bskyed/ /ba rang khang pa khang chen khyad/
/gcig don tshogs don yin gsungs pa/ /ston pa gcig phyir brtsigs
pa'i gnas/ /khang chen min par thal ba dang/ /sdig byed bzhi
phyir

brtsigs pa'i gnas/ /khang chen nyid du thal ba dang/ /gnyis gsum
tsam phyir brtsigs gnas de/ /gang yang min par thal bar 'gyur/
/gcig don tshogs don zhes pa de/ /dngos gzhi bskyed pa'i yan

lag las/ /ngo bo'i khyad par bstan pa min/ /sog gis gang zag dge
'dun dang/ /dkon mchog gzhan gyi gnas la gsungs/ /rang lugs
khyim pa'am rab byung gi /gang zag don du brtsigs gnas dang/ /

mchog gsum don du brtsigs gnas de/ /rim bzhin khang pa khang
chen gsungs/ /'on kyang 'phags pa gcig gi phyir/ /brtsigs gnas
sogs kyi steng nas dpyad/ ! /khang pa'i gled gzhi mnyan yod du/
/dge slong

rab mang 'dod ches kyis/ /khang pa brtsigs las lhag mar bcas/
/dgag bya 'dod ches srog chags la/ /gnod cing rtsod rgyas don
bya mang/ /ngo ti bcas ldan dge slong gis/ /'du shes sngar bzhin
kun slong ni/ /sa gzhi g.yo

@15a @#/ /byad gzhan las btsal/ /ma dag srog chags phra mo gnas/
/rtsod bcas brtsam du mi rung bar/ /dkon mchog gsum las gzhan
ched du/ /mngon gyur bdag po gcig don du/ /khang pa gnas

kyi ngo bor grub/ /spyod lam bzhi shong tshad las lhag /byed
'phro min pa brtsigs pa las/ /phal cher thog phub dngos gzhi 'o/
/tshig zur bzlog pas sel ba gdon/ ! /khang chen gleng gzhi ko
sham b+hir/ /drug

sdes brnyas pa mi bzod pas/ /khang chen brtsigs las lhag mar
bcas/ /gzhan rnams sngar dang 'dra ba la/ /bdag po'i grangs dang
ched du bya/ /btsal dang tshad las lhag pa dang/ /gnas kyi mtha'
tshad

khyad par te/ /khang pa khang chen khyad par lnga/ /gzhi med bag
tsam gleng gzhi ni/ /rgyal po'i khab tu mdza' bo dang/ /sa las
skyes kyis nyams 'dun gyis/ /gyad bu nor la gzhi med par/ /sbyor
ba gsal dang mi

gsal bas/ /pham pas skur ba btab pa las/ /gzhi med bag tsam lhag
mar bcas/ /dgag bya rang gi rigs la gnod/ /ngo ti bcas ldan dge
slong gis/ /lta ba chos su mthun gyur na/ /mtshan ni mthun dang
mi

mthun rung/ /bsnyen rdzogs gsor rung yan chad ldan/ /lta ba chos
su mi mthun na/ /bsnyen rdzogs pham pas ma gos shing/ /tha snyad
gsum ldan tha mal lus/ /bdag las gzhan pa ma dag la'ang/ /nyams
'dun

@15b rgyun ni ma chad kyis/ /sbyor ba gsal dang mi gsal bas/
/pham pa dngos gzhis skur ba'i tshig /mthong thos dogs pa'i gzhi
med par/ /mthong thos dwogs par smras pa dang/ /mthong thos
dwogs pa brjed bzhin

du; /mthong thos dwogs par smras pa dang/ /thos la yid ches mi
ches dang/ /dwogs mi dwogs par mthong brjod dang/ /dwogs la
mthong zhes smras pa'i don/ /tha snyad lnga ldan tha mal lus/
/bdag las

gzhan pas go ba'i tshe/ /gzhi med bag tsam dngos gzhi 'o/ /ma dag
skur la shes 'khrul dgos/ /dge slong pha ma las gyur kun/ /ma
nyams mtshan lta mthun dgos kyang/ /dmigs bsal skur

'debs sdig che'i phyir/ /dog tu bkag pas de mi dgos/ /pham pas
skur na lhag ma dang/ /lhag mas skur na ltung byed dang/ /gzhan
gyis skur na nyes byas su/ /gsungs pa gang yin sbyir btang yin//

dmigs bsal ma ning sbubs med kyi/ /mtshan mar mi tshangs sbyod do
zhes/ /sbom pos skur kyang sbom por rigs/ ! /bsgo gyur thun mong
dgos pa'i don/ /lung las bzhams bsgo gsol bzhi'i

las; /bsgo gyur ltung ba re re la/ /re rer gsungs pa tshig gcig
bsdus/ /pha ma'i thun mong bsgo gyur ltung/ /dge 'dun dbyen dang
dbyen rjes phyogs/ /khyim sun bka' blo mi bde dang/ /sdig lta mi
gtong

@16a @#/ /ltung byed lnga/ /ma yi sger chos bzlog pham dang/
/dkon cog gtong dang 'thab dkrol byed/ /sde zhing gnas dang gnas
'jug lnga/ /lung las dngos gsungs gzhan yang dpyad/ ! /thun mong

yan lag bzlog pa lnga/ /gsum pa ma rdzogs rdzogs pa las/ /sbyor
sbom dngos gzhi gnyis yod phyir/ /bzlog pa lnga las med na yang/
/de yis bskyed pa'i ltung ba drug /'on kyang rin phred lnga tsam
gsungs/ /

bzhams bsgor mi gtong sbyor ltung brtsam/ /gsum pa'i mtha' la
dngos gzhi rdzogs/ /bzlog pa yan lag dgos pa dang/ /bzlog grangs
sbyor ba'i ltung grangs dang/ /bzlog skabs ltung ba'i gnas skabs

mthun; /bzlog gong nyes byas bsgo gyur min/ ! /dbyen gyi gleng
gzhi rgyal khab tu/ /lhas byin dge 'dun 'byed las bcas/ /de yis
'khor lo'i dbyen byed phyir/ /dbyen lhag gleng gzhir rung ngam
dpyad/ /

dgag bya rang gi rigs la gnod/ /ngo ti bcas ldan pha ma gnyis/
/bsnyen rdzogs gsor rung yan ldan gyis/ /'byed par 'dod pa ma
chad pas/ /dge 'dun chos las chos min pa'i/ /phyogs su 'byed

par byed pa la/ /bzhams bsgo gsol bzhis bzlog byas kyang/ /mi
gtong las gyur dngos gzhi 'o/ /ston pa zhal bzhugs dge 'dun
longs/ /dge 'dun dbyen la brtul bar byed/ /chos dang mthun pas

@16b bzlog pa dang/ /las brjod gsum mthar mi gtong ba'i/ /yan
lag lnga yis dngos rdzogs par/ /bam po lnga bcur gsungs pa'i
phyir/ /deng sang dbyen lhag mi rdzogs snyam/ /dge 'dun dbyen
dang mtshams

med dang/ /dbyen byed lhag ma gsum po ni/ /ngo po ldan pa las
dang po/ /dge slong ma dang dge 'dun phyed/ /bzlog dang mthar
thug 'byed po ste/ /khyad par brgyad kyis rnam par phye/ ! /rjes
phyogs gleng gzhi

rgyal khab tu/ /lhas byin 'khor bzhis lhas byin gyi/ /dbyen
grogs byas pas lhag mar bcas/ /gzhan dag sngar bzhin rjes phyogs
'dir/ /dbyen grogs byed pas khyad par byas/ /khyim sun gleng
gzhi mnyan yod du/ /

nab so dang ni 'gro mgyogs kyis/ /khyim sun phyung bas dge 'dun
gyis/ /bskrad tshe de la skur 'debs pa/ /bzlog kyang mi gtong ba
las bcas/ /dgag bya khyim pa'i sdig rkyen byas/ /de dang dge
'dun thugs

bder gnod/ /ngag gi sdig pa chen po 'thob/ /do ti bcas ldan gsor
rung ba/ /rang gzhan nyes pa bsgrags byas pas/ /khyim pa ma dad
byas pa la/ /dge 'dun las kyis bskrad yul des/ /'du shes ma
'khrul

kun slong ni/ /skrod la skur 'dod rgyun chags kyis/ /chos drug
dang po lnga yi steng/ /skrod byed tshogs su longs pa yis/ /chos
ldan las kyis bskrad pa la/ /'gro ba bzhi yis skur ba'i ngag
/tha snyad lnga ldan tha mal

@17a @#/ /lus; /bdag las tha dad la smras pa/ /bzhams bsgo gsol
bzhis bzlog byas kyang/ /mi gtong las gyur dngos gzhi 'o/ !
/gleng gzhi ko 'u sham bi ru/ /'dun pas gleng ba mi 'dod pas/ /

bka' blo mi bde smras las bcas/ /dgag bya tshul khrims sems bder
gnod/ /do ti bcas ldan dge slong ni/ /gleng dran byas dang 'brel
ba yis/ /'du shes ma 'khrul kun slong ni/ /gleng ba 'gog 'dod

rgyun chags kyis/ /drug ldan ltung ba gleng ba por/ /dge slong
kun gyis bdag nyid kyi/ /bslab gzhi kun la ma gleng zhes/ /smras
pa bzhams bsgo gsol bzhi yis/ /bzlog kyang mi gtong dngos gzhi
'o/ /

! / /spang ltung thun mong mdo bcu bdun/ /spang la bsdos bral ko
lpags las/ /las 'das rang nyams chung dge 'dun/ /'di la med gtso
zhu ba las/ /lhag bcu rnam par 'byed las btus/ ! /mdor

bsdus phran tshegs las zhes gsungs/ /de'i dang las la rab byung
dang/ /rang bzhin zhag bdun chung dge 'dun/ /bdun gyis mdor
bsdus rtogs pa dang/ /rnam brtags rjes zhugs 'di gsum ni/ /gsum

gyis tshig tshogs bskyungs pa dang/ /nyin gnas spang bsdos de yod
ltung/ /'di la med gtsos gnyis rtogs byed/ ! /de'i dang po yis
pho brang skabs/ /don 'dir skya rengs thar dgongs zhes/ /bkar
bas dus 'brel

@17b gzhan rnams la/ /skya rengs dang po mdor bsdus sbyar/ !
/las la 'das nas zhu ba las/ /gso dgag nyi shar tshun 'chags
gsungs/ /dus 'brel las gzhan 'chags par spyar/ ! /rab byung don
dus rnam 'byed

las/ /gzhan don snod 'chang ltung med gsungs/ /bdag 'brel bcu
bdun gzhan la sbyar/ ! /rang bzhin las nyams zhu ba las/ /dgung
lnga lags nas sems 'khrugs na/ /gos 'chang rang stobs mi 'byung

bstan/ /de yi shan dang zla 'jog sogs/ /zhag tshogs kun gyi bar
'khrugs na/ /dngos shan gnyis ka mi 'byung spyar/ ! /zhag bdun
pa ni rnam 'byed las/ /mar dang 'bru mar sbrang rtsi hwags/ /

so sor rigs mthun rdegs gsungs pas/ /bur zhag bdun rtsir rigs
mthun sbyar/ /chung ba nyid ni zhu ba las/ /'chang spang bshags
tshe chos gos kyi/ /tshal ba'i dam dum mi spang gsungs/ /spang

ltung nyer dgu gzhan bshags tshe/ /dngos po dam dum mi spang
sbyar/ ! /dge 'dun gyi yang zhu ba las/ /dge 'dun gos kyis bral
gnyis byung/ /bshags tshe gos de mi spangs gsungs/ /dge 'dun

rdzas kyis bskyed pa gzhan/ /bshags tshe dngos de mi spang sbyar/
/rnam brtags rjes zhugs rnam 'byed las/ /rdzas de brtags na
'chang gnyis dang/ /zla 'jog dngos shan ltung med bstan/ /rang
stobs

@18a @#/ /ltung med snga ma dang/ /shan stobs ltung med phyi mas
bsdus/ ! /'di gsum zhes pas rnam 'byed las/ /sra brkyang bting
na 'chang bral 'jog /ltung med re gsungs tshig gcig bsdus/ ! /

nyin mtshan dang pos rnam 'byed las/ /'chang gnyis bral gnyis
'jog gnyis 'chab/ /nub lhag spang bsnyil lhan cig nyal/ /de ltar
bcu gcig skya rengs dus/ /dngos gzhi'i ltung bar gyur gsungs

pas; /don gyis rang rang mtshan mo'i mthar/ /sbyor ltung re
gsungs bsdus sam snyam/ /'phyis gnyis dmag gnas snang nyal
sbyar/ ! /gnas la sbyor bas rnam 'byed las/ /'chab dang nub lhag
lhan

cig nyal/ /gsum la sbyor ltung re gsungs bsdus/ /dmag gnas snang
bcas spang bsnyil sbyar/ /spang bas rnam 'byed ko lpags gzhir/
/chos gos bskur ba ma phyin na/ /bskur bya skur byed gnyis

ka la/ /ltung med snga phyi'i phyed kyis bsdus/ /'khrur 'jug
rmel 'jug 'thag 'jug dang/ /ras chen brtang byung nyid dang
lngar/ /thun mong dngos pos na smad du/ /zhu bar gsungs pas de'i
shugs kyis/ /

de dag dngos gzhir 'ba' zhig gi /yin pa dgos par bstan rnams
bsdus/ /bdag 'brel gzhan la rang gi dang/ /rang nyid 'ba' zhig
ci rigs sbyar/ ! /bsngos pas rnam 'byed ko lpags gzhir/ /'chang

@18b 'jog bzhi'i skabs gzhan bsngos na/ /ltung med re gsungs
tshig gcig bsdus/ /bdag 'brel bcu bzhir ltung med sbyar/ /rnam
'byed ko lbags gzhi gsungs phyir/ /spang bsdos de las bsdus sam

dpyad; ! /de yod na yis rnam 'byed las/ /'chang 'jog bzhi'i
dngos sngar rnyed kyis/ /phyis rnyed shan brdeg re gsungs bsdus/
/chos gos zla phyed ma brlabs pas/ /gos rigs gzhan la shan
'byung

sbyar; ! /ltung de yod nas rnam 'byed las/ /'chang bral 'jog
dang slong rigs dang/ /rin thang so sor bskur ba dang/ /snod
'chang gsog 'jog dgu'i dngos po/ /ma spangs ltung de ma bshags
tshe/ /yo

byad gang rung nyer 'jog na/ /ltung shan 'byung zhes tshig tshogs
bskyungs/ /nyer gcig gzhan la ltung shan sbyar/ ! /'di la med
pas zhu ba las/ /gos lhung sman gsum nyams stor nas/ /ltung ba
bshags nas

slar rnyed na/ /spang mi dgos zhes gsungs pa bsdus/ /nyer bdun
gzhan la'ang mi spang sbyar/ ! /nyin mtshan sogs bzhi dus 'brel
dang/ /spang ba sogs bzhi bdag 'brel dang/ /'di la sogs lngar
shan

'brel dang/ /chung ba sogs gsum phyir bcos 'brel/ /'di gsum
'chang bral 'jog gsum dang/ /'brel ba'i thun mong yan lag bstan/
! /dus 'brel thun mong spyi don la/ /yan lag khyab pa gang la
na/ /dge

@19a @#/ /dge slong pha yi dbang byas nas/ /TI kas gsungs tshod
bco lnga ste/ /'chang gnyis bral gnyis zla 'jog dang/ /ras chen
brtad dang gsog 'jog dang/ /dmag gnas 'chab dang nub lhag dang/
/

snang bcas spang bsnyil lhan cig nyal/ /ma yi 'chab pham mtshan
bral dang/ /sngas gnyis gnas med nyes sogs la/ /rang rang mtshan
mtha'i skad cig sbyar/ ! /zla 'jog sum cu ras chen phyed/
/'chang gnyis zhag

bcu gsog 'jog bdun/ /dgon bral zhag drug nub lhag gsum/ /gzhan
la zhag gcig mtshan mtha' sbyar/ /rin phreng nyin mtshan zhes pa'i
mdos/ /dus 'brel bco lnga'i 'chang bral 'jog /drug las gzhan

dgur mi sbyar te/ /'phyis gnyis dwogs pa bcad mi dgos/ /gzhan
bdun mtshan nyid gnas pas ston/ /'chang bral 'jog sngas brgyad la
gsungs/ ! /skya rengs snga logs mtshan mtha' ste/ /mtshan mtha'i
snga

logs sel bar 'gyur/ /sel bar gnang la tshad bzung phyir/ /'chang
bral 'jog 'phyis gnyis gnyis te/ /spang ba brgyad la sbyor ltung
med/ /ma gnang tshad bzung yin pa'i phyir/ /dmag gnas

'chab dang nub lhag dang/ /snang bcas spang bsnyil lhan cig
nyal/ /gnas 'brel bdun la sbyor ltung zhes/ /gnas la sbyor bas
dmigs kyis bsal/ /dmag gnas sbyor ltung nyin mor yang/ /zhag
'das

@19b yan lag dgos rnams kyi/ /dngos gzhi nyin mo'i dang por
rdzogs/ /rang rang dus 'das nas gzhan gyi/ /nyin mo'i dang po
gang yin na/ /skya rengs dang po de 'o gsungs/ /thams cad du ni
ma nges te/ /pho brang 'gro dang chu

brtag skabs/ /skya rengs tha ma'i skad cig dang/ /rkyen gyis las
la 'das pa'i cho/ /gzhan gyi nyi shar skad cig ces/ /las la 'das
nas dmigs kyis bsal/ ! /bdag 'brel yan lag khyab pa ni/ /'chad

gnyis 'jog gnyis 'jug gnyis dang/ /'phyis gnyis bcu tshan bar ba
yi/ /dngos po rang gi yin pa la/ /rang gir shes pa dngos gzhir
sbyar/ /sel ba gzhan la gzhan gyir shes/ /'chad gnyis zla 'jog

'phyis gnyis te/ /lnga la ltung ba med par 'gyur/ /rin chen reg
la 'ba' zhig dang/ /bcu gnyis gzhan la na smad 'gyur/ ! /rang
gzhan thun mong dbang gyur na/ /chos gos 'chang 'jog snod 'chang
dang/ /

gser dngul reg la spang ltung dngos/ /zhu bar 'khrul 'jug sogs
lnga la/ /na smad gsungs pas gzhan dgur sbyar/ /rang la gzhan
'khrul 'chang gnyis dang/ /'phyis gnyis zla 'jog ltung ba med/ /

bsam pa'i don dang phrad med phyir/ /rin chen longs pa'i na smad
'gyur/ /na smad don dang phrad med phyir/ /bcu gnyis gzhan dag
ches na smad/ /gzhan la rang gir 'khrul 'gyur na/ /bco brgyad
kun

@20a @#/ /la na smad gsungs/ ! /rang dang gzhan la gzhan gyir
shes/ /'chang 'jog 'phyis drug mtho gang ste/ /bdun la ltung med
gser dngul reg /longs pa gzhir gtogs nyes pa yod/ /gzhan

bcur rnam bzhag ltung med kyang/ /bslab ltung yod cing gzhan gyi
la/ /rang gir shes na bco brgyad po/ /kun la na smad rin phreng
gsungs/ ! /bdag 'brel mi 'byung thabs gsum ste/ /khyim pa rab
byung

ci rigs bsngos/ /yang na rab byung don du bsrel/ /lhag dang mkho
ba'i yo byad du/ /brlabs te brtags na ltung med ces/ /bsngos
sogs gsum gyis rim bzhin bstan/ ! /shan 'brel thun mong dgos

pa ni/ /shan ltung spang ltung gis 'jigs nas/ /byin rlabs phyir
bcos la brtson 'gyur/ /bsdus don khyab dbye mtshan nyid dang/
/rdeg dus ngo bo sgra bshad drug /zhag shan 'chang gnyis 'jog
gnyis dang/ /

zla phyed ma rlabs gos lngar khyab/ /ltung shan dman pa'i gang
zag gi /spang ltung sum cu kun la khyab/ /dbye na zhag shan
spang shan gnyis/ /gos lhung sman shan dang po dang/ /ltung ba'i
shan ni gnyis pa 'o/ /

brdeg bya byin brlabs yod med las/ /zhag shan khyad can yin min
gnyis/ /khyad can min la'ang gos lhung gi /khyad can min pa
gnyis su nges/ /khyad par can la'ang gos lhung sman/ /gsum gyi
zhag shan

@20b khyad par gsum/ /zla phyed ma ba rlabs gos ma gtogs/ /gos
lhung rdeg byed byin rlabs med/ /sngar dang mnyam rnyed gnyis
gnyis so/ /brdeg bya byin rlabs yod med las/ /khyad par can ni
yin min gnyis/ /

khyad par can la brdeg bya de/ /phyi dang dus mnyam gnyis yod
kyang/ /gcig shos la ni brdeg bya de/ /rdeg byed de las 'phyi ba
dang/ /bcas rigs mthun pa zhig kyang dgos/ /sman shan brdeg bya
rdeg byed gnyis

khyad can rdzas rigs gcig pa dgos/ /snga phyir rnyed pa khyad
med cing/ /zhag gcig yan man brlabs pa dgos/ /zhag shan rdeg
byed khyad par can/ /ma yin pa yi mtshan nyid ni/ /ltung ba skyed
byed zhag lon

chos/ /gzhan la 'dres par byed po gang/ /brdeg bya gos lhung ci
rigs pa/ /byin rlabs med la brdeg pa 'o/ /zhag shan brdeg bya
khyad par can/ /ma yin pa yi mtshan nyid ni/ /gos lhung ci rigs
byin rlabs med/ /

ltung bskyed zhag lon 'dres bya'o/ /zhag shan rdeg byed khyad
can gyi/ /mtshan nyid ltung ba skyed byed kyi/ /zhag lon chos de
chos gzhan la/ /'dres par byed pa po yin pa/ /brdeg bya gos
lhung sman gang rung/ /byin

rlabs ldan par brdeg pa 'o/ /zhag shan brdeg bya khyad can gyi/
/mtshan nyid gos lhung sman gang rung/ /byin rlabs ldan zhing
ltung bskyed kyi/ /zhag lon chos de 'dres bya 'o/ /spang shan
rdeg byed mtshan nyid ni/ /spang ba'i

@21a @#/ /ltung byed dngos gzhi yin/ /gang zag dman pa'i rgyud
dang 'brel/ /ngo bo shes shing dran nus pa'o/ /spyir na spang
dgos rnam pa gsum/ /spang ltung byung ba rang stobs dang/ /spang
shan brdeg pa'i

gzhan stobs dang/ /spang ltung 'du shes 'khrul stobs kyis/
/spang ba gsum las tha ma ni/ /spang ltung min yang dngos spang
dgos/ /spang shan brdeg bya mtshan nyid ni/ /spang ltung byung
ba'i phyi nas rnyed/ /

da ltar spang bar 'os pa 'o/ ! /zhag shan rang rang mtshan mthar
brdeg /de ma thag tu shan ltung bskyed/ /rin phreng brdeg bya
naM grub na/ /de ma thag tu zhag shan brdeg /snga phyi'i gos kyi
zhag sdoms pas/ /zhag bcu

'das na 'chang ltung gsungs/ /spang shan brdeg bya rnyed dus
nas/ /spang dgos nyid du brdeg pa 'o/ ! /zhag shan ngo bo brdeg
gzhi las/ /ltung ba 'gyur la spang dgos 'gyur/ /spang shan ngo
bo brdeg gzhi las/ /

ltung bar mi 'gyur spang dgos 'gyur/ /sgra bshad rdeg byed gzhan
nyes pa/ /brdeg bya gzhan la gos pas shan/ ! /rang dbang kha
skong re ba med/ /khru gang yan gyi zhag bcu'i gos/ /de 'dra'i
kha skong re ba

can/ /zla 'jog gi ni gos kyi rigs/ /'khor gsum khebs pa'i tshad
longs na/ /re yan zla 'jog gos rigs min/ /shan la mu bzhi brtsi
tshul ni/ /rigs log shan 'byung shan mi 'byung/ /mi log mi 'byung

@21b shan 'byung bzhi/ /gos la rnam par brtags byas na/ /rang
stobs ma zad shan 'byung yang/ /nyams zhes rjes zhugs nyams pas
bstan/ /zhag tshogs bar du sems 'khrugs na/ /rang gzhan stobs
kyis ltung

skyed pa/ /nyams par rang nyams zhes pas bstan/ /gos lhung zla
'jog ma brlabs pas/ /bcas pa rigs mthun de gsum la/ /so sor shan
ltung bskyed do zhes/ /de yod na yis gsal bar bstan/ /mar dang

'bru mar sbra rtsi sogs/ /zhag bdun bcas pa rigs mthun yang/
/rdzas rigs mi mthun mi rdeg ces/ /zhag bdun pa yis dmigs kyis
bsal/ /cho gas gzhi rigs mi mthun phyir/ /brlabs dang ma

brlabs phan tshun min/ /spang ltung phyir bcos ma byas par/
/ltung byed de dang ldan yod na/ /yo byad rigs mthun rigs mi
mthun/ /phyis rnyed kun la shan byung zhes/ /ltung de yod na
zhes pas bstan/ /

phyir bcos dang 'brel thun mong spyir/ /dgos don bcos pas ltung
dag 'gyur/ /bsdus don spang ltung phyir bcos la/ /yo byad spang
ba'i yul dang rten/ /dngos po gnas dang yun tshad lnga/ /lhung

bzed lhag btsal dge 'dun la/ /gzhan rnams dge slong chos drug
ldan/ /ltung ba ming rigs mthun ma 'byung/ /spang dang ma spang
shes par spang/ /rten ni bsnyen rdzogs gso rung ldan/ /lus shes
tha mal

@22a @#/ /rang bzhin gnas/ /gang zag khyad par can min zhing/
/gnas nas ma phyung lnga ldan gyis/ /dngos po spang ltung byung
gzhi 'am/ /spang shan brdeg pa gang yang rung/ /da lta spang bar
'os

pa spang/ /gnas ni gnas khang tha dad de/ /bla gab tha dad tsam
mi rung/ ! /lhung bzed lhag btsal phyogs gcig dang/ /byin 'phrog
dngos po gtan du spang/ /gzhan rnams phyir bcos bya ba'i phyir/
/zhag

gcig bral bas re zhig spang/ /gos zas snod spyad rin chen chung/
/bgo ris ma bcad dge 'dun rdzas/ /dngos po rkyen gyis med gyur
gsum/ /mi spang chung sogs rim gyis bstan/ /dang po

gsum 'brel thun mong ni/ /'chang bral 'jog pa'i spang ba gsum/
/sra brkyang gting chags ldan pa la/ /mi 'byung sra brkyang kha
skong dang/ /srung byed de dang bral na byung/ /de yang gsum
bting

dbang du byas/ /gcig las ma bting gnyis bral dang/ /gnyis las ma
bting gcig bral 'byung/ ! /'chang ba 'bral ba 'jog pa dang/
/'khrur 'jug pa dang len pa dang/ /slong dang stod g.yogs

smad g.yogs bcas/ /rin thang so sor bskur ba'o/ /'chang ba'i
gleng gzhi mnyan yod du/ /dge slong gos mang 'chad las bcas/
/rgyal po'i khab tu 'od bsrungs kyi/ /byung ba la brten ma
brlabs par/ /

@22b zhag bcu 'das spang rjes su bcas/ /dgag bya rang nyid 'dod
pa che/ /ngo ti sa brkyang mi ldan pas/ /rang nyid dbang gos
rung tshad ldan/ /kha bskad re bcas kha bsogs min/ /gnas skabs
dbang byar

yod pa ste/ /ma brlabs brlabs kyang shan brdeg pa/ /rang don gos
'chang 'dod rgyun gyis/ /ma brlabs 'jog ste rang shan gyis/
/zhag bcu'i mtshan 'das dngos gzhi 'o/ /gos de gzhan gyi mdzod
tshung

par/ /rang nyid gos kyis mi phongs na/ /bsngo la rang dbang yod
pa'i phyir/ /zhag bcu 'das na spang ltung bskyed/ /de nas zhag
rer spang ltung re/ /zhag rer nub lhag re 'byung bzhin/ /'bral
skabs

snam sbyar bzhag rung ba/ /dge slong sgo glegs bcas gnas dang/
/char 'bab 'bab tu dwogs pa dang/ /'bab chu'i pha rol 'gro 'dod
dang/ /sra brkyad gting gnas gnad thob lnga/ /bzlog par de med

'gro ba bkag /chud 'dza' srung byed gnyis yod sar/ /snam sbyar
khyer pa'i nyis byas dang/ /gnyis med snga yod phyi med la/ /ma
khyer nyes byas kun la byung/ /bzlog par ma khyer nyes byas ni/
/ma

gnang sra brkyang ma bting la'o/ ! /'bral ba'i sleng gzhi mnyan
yod du/ /dge slong rab mang chos gos dang/ /'bral bar byed las
spang bar bcas/ /dgag bya rtags nyams chud zos 'gyur/ /ngo ti
sra

@23a @#/ /brkyang mi ldan zhing/ /snam sbyar mi 'bral gnang ma
thob/ /dgon pa'i yi dam mi ldan pas/ /rang gi 'tsho ba'i yo byad
kyi/ /byin ldan gos gsum rung tshad ldan/ /'jigs dbang grong

du ma bzhag dang/ /mtshams gzhan 'bral 'dod 'bral byed pas/ /zhag
gcig mtshan 'das dngos gzhi 'o/ /bdag po gzhan na khang gcig
'bral/ /khang gcig nor gzhan tsam gyis min/ /khyim

gcig dang ni khyim gnyis dang/ /khyim gyi tshogs dang ldan pa
dang/ /rtsig pa rib ma 'obs bskor dang/ /rnam bzhir bya ba grong
dang khyim/ /rten 'gro mu stegs 'tshong rdal dang/ /'tshong khang
dgra khang

g.yul dang ni/ /g.yul tshoms gru dang shing rta dang/ /ljon
shing kun dga' rwa ba yin/ /lam du 'gro sdod nyal 'dug dang/
/thad kar yang ni de bzhin te/ /mtshams gzhan nyal ba tha ma yi/
/sde tshan yang dag

bsdus pa yin/ /grong dang grong mang nye 'khor ni/ /gcig dang
tha dad rnam pa bzhi/ /khyim sogs de bzhin bcu gnyis kyi/ /thun
mong gnas su mi 'bral te/ /nor lta gcig gnas su yang ngo/ /lcags

ris bskor ba'i gnas khang dag /tha dad gnas kyang mi 'bral la/
/mkha' mtshams gzhan gyis chod pa'i phyir/ /shing ljon yal 'dab
ma reg 'bral/ /ba glang drug gi shing rta'i lam/ /zheng la 'dom

@23b dgu nye 'khor gcig /rtsig pa rib ma 'obs bskor la/ /khor
yug 'dom dgu drug gsum yang/ /gsum gas bskor na ring ba yi/
/mtha' nas mtha' tshun nye 'khor gcig /mtshams med lam du ma chod

na; /mdun rgyab gzhu 'dom zhe dgu dang/ /zheng la skye rgus lam
gcig tu/ /gtogs par shes pa tshun yang ngo/ /bdag po gzhan dang
chus chod mtshams/ /drung na gnas kyang 'bral bar gyur/ /gcig na
grong

khyer thog 'brel lam/ /yal 'dab 'brel ba'i nags kyi tshal/ /dbus
nas rgyang grags tshun mtshams gcig /'khor gsum khebs na chos gos
kyi/ /tshal bur byin yod ma khebs gzhan/ /bzang ngan med

par phyed tshal na/ /gcig byin med kyang bsrung dgos dpyad/
/mtshan lta mi mthun gzhan gnas kyang/ /thun mong dbang sar mi
'bral lo/ ! /zla 'jog gleng gzhi mnyan yod du/ /dge slong mang
pos kha bsogs

gos; /ma brlabs zla ba 'das las bcas/ /dgag bya 'chang 'dra ngo
ti ni/ /dge slong sra brkyang mi ldan zhing/ /chos gos rnam gsum
ma tshang bas/ /rang nyid kyi ni kha bsogs gos/ /rung ba tshad
ldan

dbang byar yod/ /ma brlabs brlabs kyang shan brdeg pa/ /ma
'khrul shes pas rang don du/ /zla 'das 'jog 'dod rgyun ldan
gyis/ /ma brlabs 'jog ste zhag sum cu'i/ /mtshan mo'i mtha' 'das

@24a @#/ /dngos gzhi'o/ /chos gos gsum ga tshang ba la/ /zla bar
gzhag tu ma gnang phyir/ /zla 'jog spang ba 'byung ba min/ /kha
dog rgyu las mi rung ba/ /kha bskang gos su mi rung phyir/ /de
la

re zhing gzhag mi gnang/ /bzhag kyang zhag bcu 'chang spang
'byung/ /rnyed kyang gzhan re gzhag tu gnang/ /nyin zhag snga
mar kha bsogs rnyed/ /kha bskang re bcas ma brlabs bzhag /phyi
mar kha

bskad rigs mthun rnyed/ /kha skong re rung brlabs kyang rung/
/bsdoms nas 'khor gsum khebs longs na/ /rigs kyang ldog la shan
yang 'byung/ /bsdoms kyang 'khor gsum ma khebs

nas; /gos gzhan re yang ma brlabs na/ /rigs mi ldog kyang zhag
shan 'byung/ /kha bskang ma grub grub kyang nyams/ /de la re ba
rgyun chad na/ /rigs ni ldog la shan mi 'byung/ /nyin gcig snga
phyi

'am mnyam gnyis rnyed/ /bsdoms kyang 'khor gsum ma khebs nas/
/gos gzhan re ste ma brlabs na/ /rigs mi ldogs cing shan mi
'byung/ /tshad lhag gos la byin mi 'chags/ /gos kyi gtso

dang las che'i phyir/ /snam gding phyi nang gnyis rim bya/ /snam
sbyar nges par dras te bcang/ /gzhan dag ma nges gang gi phyir/
/'dod chung rang gi chos gos kyi/ /las kyis sdug bsngal 'gyur
phyir ro/ /rdul

@24b khru lus khru lag khru ste/ /khru gsum rnam dbye shes par
bya/ /rdul khrus gzhal bar bya ba ni/ /khang pa'i tshad dang khri
rkang tshad/ /gding ba g.yan dgab ras chen no/ /de dag las gzhan
chos gos rnams/ /lus

khru'am lag khrus gzhal ba ste/ /lus ring ha cang lag thung
dang/ /de las ldog pa'i chos gos rnams/ /rang gi lus khru kho
nas gzhal/ /lus tshad lag tshad 'tshams pa yis/ /lag khrus kyang ni
gzhal

du rung/ /tshes gos gsum gyi rgyu min pas/ /zla 'jog nyes pa
bskyed pa min/ /nye du'i thun mong bstan pa'i mdos/ /tshig
bskyungs mdor bsdus rtogs par byed/ /bsdus don lung las dngos
gsungs

pa; /'khrur 'jug len dang slong slong rigs/ /rin thang so so
smel 'jug dang/ /mngon mtshan nyo tshong lhung bzed 'tshol/ /tha ga
gnyis dang chos gos gnyis/ /'dug gnas za dang bsod pa nyid/
/gcer

bu mgron gnyer grong dang ni/ /khyim gzhan nyid dang nyi shu 'o/
/bam lngar dben par 'dug 'greng dang/ /bsdus par sbyor 'jug za
ba dang/ /TI kar yang yang za ba dang/ /me phreng do gsum lhag
len la/ /nye min

yan lag dgos par gsungs/ /de mtshungs gzhan la'ang dgos par
sbyar/ /ma bu lhan cig nyal bkag pas/ /pha dang bu mo'ang
mtshungs pa'i phyir/ /lhan cig nyal la de mi dgos/ /sngar dang
rgyu mtshan mi

@25a @#/ /mtshungs phyir/ /lam 'gro chos ston btsal sngas la'ang/
/longs spyod 'brel skabs pha ma yi/ /bdun rgyud tshun chad nye
du'i phyir/ /brgyad rgyud phan gyis dngos gzhi bskyed/ /

sems can 'brel skabs yul dus der/ /ngo tsha'i yul du mi byed na/
/ma'i spun gyis kyang dngos gzhi bskyed/ /mngon mtshan nyo tshong
ltung bzed 'tshol/ /'dug gnas za bzhi ma gtogs par/ /nye la nye

bar 'du shes te/ /zhugs na ltung med bzhir nyes byas/ ! /'khrur
'jug gleng gzhi mnyan yod du/ /'char kas sham thabs sbed ma la/
/'khrur 'jug pa las spang bar bcas/ /chags rgyus rang rigs

bslab par gnod/ /gang gis bsnyen sdom ma nyams shing/ /lta mthun
tha snyad gsum dang ldan/ /tha mal lus gnas nye du min/ /rdzu
'phrul can min bsten rung mar/ /chos gos gding ba gang yang
rung/ /

rang nyid kyi yin rang 'tsho ba'i/ /yo byad byin ldan 'khru sogs
'os/ /byed 'phro min zhing rung tshad ldan/ /rang don 'khru sogs
'chol ba'i tshig /smra 'dod go 'dod rgyun ldan gyis/ /lnga ldan
ngag gis 'chol zhugs

pas/ /phyogs las byas pa'i dngos gzhi 'o/ /nye du min la der
shes dang/ /nye dur the tshom dngos gzhi gnyis/ /nye dur nye min
shes pa dang/ /nye dur the tshom na smad gnyis/ /nye du yin min
gnyes ka la/ /nyer shes

@25b 'khrur 'jug ltung med gnyis/ /'du shes gtso bo ltung ba
kun/ /don shes phrad dang ma phrad kyis/ /dngos gzhi dang ni na
smad 'gyur/ /ma dag pa la skur 'debs dang/ /byin 'phrog sdig lta
'khrul yang

rdzogs/ ! /gos len gleng gzhi mnyan yod du/ /nye dgas utpal kha
dog mar/ /gos bslangs pa las spang bar bcas/ /chags rgyus rang
rigs bslab par gnod/ /ngo ti dge 'dun gos 'bul dang/ /legs

smra bsnyen rdzogs byed po min/ /chos gos tshang ba'i dge slong
gis/ /dge slong ma'i gos rung tshad ldan/ /ma dang 'brel bar gnas
pa ste/ /bzang ngan brje ba las gzhan pas/ /rang don len 'dod
rgyun

ldan gyis/ /ngag rig byed kyis len zhugs pas/ /thob blo skyes
pa'i dngos gzhi 'o/ ! /mnyan du yod par nye dga' yis/ /khyim par
gos blangs pa las bcas/ /gzhan nor la gnod rang 'dod ches/ /ngo
ti sra brkyang

ma bting zhing/ /chos gos tshang ba'i bcas ldan gyis/ /khyim pa
nye min rdzas kyis gzhan/ /ci bder stobs min tha mal lus/ /tha
snyad lnga dang ldan pa la/ /sbyin bdag rang gi rung tshad ldan/
/ma 'khrul shes pas

rang don du/ /slong tshig smra go 'dod rgyun gyis/ /lnga ldan
ngag gis slong zhugs pas/ /rin thang kha dog tshad dag las/ /gang
bslangs thob na dngos gzhi 'o/ /gang bslangs de las gzhan thob
na/ /ma bslangs

@26a @#/ /thob phyir ltung ba med/ /bye brag ma phyed gang yang
rung/ /thob na spang ba'i ltung byed do/ ! /mnyan du yod par
bsam gtan pa/ /bzhi bcus sbyin bdag sgo re nas/ /gos zung gcig
gi tshang

las lhag /bslangs ba la brten spang bar bcas/ /sbyin bdag longs
spyod nyid la gnod/ /ngo ti sra rkyang ma bting zhing/ /chos gos
gsum yan ma tshang bas/ /khyim pa chos ni drug ldan la/ /ma

'khrul shes pas rang don du/ /lhag pa slong 'dod rgyun ldan
gyis/ /sbyin bdag rang gi gos rung ba/ /lhag pa tshad dang ldan
pa de/ /lnga ldan ngag gis slong zhugs pas/ /thob blo skyes pa'i
dngos gzhi

dang; /tshad lhag gos de thob kyang zin/ /mi sbyin 'dod pas mi
sbyin byed/ /mi sbyin thag bcad byas pa'i tshe/ /lhag pa mi sbyin
dngos gzhi 'o/ /'tsho ba'i yo byad bcu gsum las/ /gang med slong

bar rigs gsungs phyir/ /thams cad med pa yan lag min/ /dras pa'i
bsam pas gos bslangs na/ /rab byung stod g.yogs smad g.yogs
bcas/ /rab tshad gnyis thob lhag slong dang/ /ma

dras snyam pas khyim pa'i de/ /rab tshad gnyis thob lhag slong
dang/ /mtha' tshad thob na 'bring rab dang/ /'bring tshad thob na
rab tshad du/ /kha skong slong ste khru gang yan/ /thob pa las
gyur dngos gzhi gsum/ /

@26b dras dang ma dras bya snyam pas/ /rab byung rab tshad gnyis
lhag thob/ /lhag pa mi sbyin dngos gzhi gnyis/ /khyim pa'i stod
g.yogs rab tshang khru/ /srid la bcu gnyis zheng la gsum/ /smad
g.yogs

srid bdun zheng la do/ /khyim pa'i stod g.yogs chung tshad ni/
/khru phyed lnga dang khru phyed gsum/ /smad g.yogs 'khor gsum
khebs pa'o/ /dge slong che tshad gsum dang lnga/ /chung tshad
gnyis las

phyed phyed bri/ /'bring tshad de gnyis par ma dang/ /snam phran
dgu nas nyer lnga bar/ /gsum gsum bcad de glegs pu yang/ /phyed
dang gsum bzhi lngar gsungs kyang/ /'dir ni rim pa'i tshad la

bshad/ /ma dras snyam pas khyim gos zung/ /chung tshad thob na
byin 'chags phyir/ /lhag pa slong na spang bar 'gyur/ /khyim
pa'i rab tshad las lhag des/ /dge slong rab tshad snam sbyar gyi/
/nyis rim tshal

bu dang bcas pa/ /mi ldang phyir na byin pa min/ /dge slong rab
tshad las lhag byin/ /spags pa slong gzhi mnyan yod du/ /nye dgas
khyim bdag gang spags las/ /lhag pa bslangs pas spang bar bcas/
/dgag

bya sngar bzhin ngo ti ni/ /sra rkyang ma bting gos tshad bas/
/khyim pa chos drug ldan gyi steng/ /rang la gos spags spung
chung bar/ /sbyin bdag rang gos rung tshad ldan/ /spags las lhag
par rang don du/ /

@27a @#/ /ngag gis slong 'dod rgyun ldan gyis/ /ngag gis slong
thob dngos gzhi 'o/ /gzhan dag spags pa slong dang 'dra/ /sbyin
bdag spung ches so sor spags/ /so sor spags las lhag pa'i

gos; /slong bar 'dod pa slong rigs khyad/ ! /bskur bar sbyor ba
brtsam pa'i gzhi/ /sbyin bdag pho nya zhal ta gsum/ khyim pa tha
snyad lnga dang ldan/ /tha mal lus gnas zhal ta bas/ /sbyin bdag
sems

bsdur khas mi len/ /dngos po gos sam de yi rin/ /phal cher rung
ba tshad dang ldan/ /sbyin bdag pho nya la bskur zhing/ /pho nyas
zhal ta la gtad pa/ /bskul sdad drug las lhag byed dam/ /ma lhag

zhal tas sbyin bdag gi /sems bsdus khas len med pa las/ /len
cing thob tshe dngos gzhi rdzogs/ /'ongs sam legs par 'ongs sam
dang/ /'dug cig khrus shig zer ba dang/ /zo zhig 'thung zhig zer
ba

la; /gos de'i phyir zhes lan 'debs pa'i/ /bskul sgo drug gi
gnyis re la/ /mngon par smras dang legs sbyar dang/ /zas skom
dbang byas bskul ba bya/ /bskul bas gos de ma grub na/ /zhal ta
gang na 'dug

phyogs su/ /mtshan ma tsam du lan gsum bsdad/ /bskul bsdod go rim
nges can min/ /bskul gnyis sdod bzhis nyes pa med/ /des kyang ma
grub sbyin por sbran/ /gsum char mi nyid ces pa'i skabs/ /mi ma

@27b yin pa gsum gcig dang/ /gnyis pa gsum du byas pa yin/ /mi
yi gnyis pa gsum dag dang/ /gsum gcig de dag mu brgyad do/ /gsum
char khyim pa zhes pa'i skabs/ /rab tu byung ba gsum gcig dang//

gnyis pa gsum du byas pa yin/ /khyim pa'i gnyis pa gsum dag
dang/ /gsum gcig de dag mu brgyad do/ /pho nyas zhal tar rin
gtad pa/ /rang la ma smras bskul ba dang/ /rung ba ma byas gos
kyi rin/ /len mi

rung zhes ma spangs dang/ /rang nyid sbyin por spangs zin nas/
/'bul tshe sbyin por ma spangs dang/ /pho nyas zhal ta ma dris
par/ /zhal ta byed pa ston pa dang/ /gos thob re ba med gyur
tshe/ /sbyin por ma sbran nyes

byas lnga/ /rtsa bar bstan cing TI ka las/ /sdod gnyis bskul
bzhir nyes byas gsungs/ ! /srin bal 'ba' zhig cha gnyis dang/
/drug dang mtho gang lam dang ni/ /'khru ba dang ni gser dngul
len/ /mngon

mtshan can dad nyo tshong ngo/ /rnam pa dgos pa gnang bkag dang/
/tshad kyis stan gding khyad par shes/ ! /srin bal gleng gzhi
mnyan yod du/ /dge slong mang pos srin bal gyi/ /stan byas pa
las spang bar bcas/ /

dgag bya 'dod che don bya mang/ /ngo ti dge slong rang nyid kyi/
/srin bal dkon zhing rin che ba/ /nyung ngu gzhan dang ma 'dris
gsar/ /byed 'phro min zhing mdog dbyibs kyis/ /rung ba tshad dang
ldan pa la/ /rang don

@28a @#/ /stan byed 'dod rgyun gyis/ /rang ngam bskos pas nang
tshangs can/ /slings pa bkram rdzogs dngos gzhi 'o/ /'ba' zhig
cha gnyis rin bal 'dra/ /lug gi bal nag 'ba' zhig dang/ /cha
gnyis

bsres las nag po ni/ /srang phyed las lhag tshad dang ldan/
/glings pa rdzogs pas khyad par byas/ ! /lo drug gleng gzhi dgag
bya 'dra/ /ngo ti stan gnang ma thob cing/ /stan gzhan yod med
rang

gar btang/ /snga mjug lo drug ma lon pas/ /rang nyid stan rgyu
mtshan ldan gsar/ /byed 'phro min zhing rung tshad ldan/ /bsam
sbyor mthar thug gong dang 'dra/ ! /mtho gang gleng gzhi gsar pa
la/ /

rnying pas ma glan khyad par byas/ /dgag bya nga rgyal dregs pa
skye/ /rang gi yo byad chung zos 'gyur/ /ngo ti gding rnying yod
pa 'am/ /med kyang rang gar btang ba des/ /rang gi gding gsar
rung tshad ldan/ /

bder gshegs mtho gang ma glan par/ /spyod 'dod spyod zhugs spyod
rdzogs dngos/ ! /bal thogs gleng gzhi mnyan yod du/ /drug sde'i
'char ka ma gtogs pas/ /bal khur 'ongs las spang par

bcas/ /dgag bya ma dad don bya mang/ /ngo ti rang gi gos rgyu
bal/ /ngo ma sbos ba rung tshad ldan/ /rang don 'khur 'dod sbyor
gcig gis/ /sa lam rgyang grags 'das dngos gzhi/ /dge slong ma
dang

@28b lhan cig tu/ /lam du 'gro dang grur 'gro dang/ /bud med
dang ni rkun ma dang/ /lam 'gro 'ang rgyang grags 'das na
rdzogs/ /khrus byed yang yang 'dus shing za/ /dpag tshad phyed
'das ltung ba med/ /rgyang

grags 'das na dbyar gyi 'og /ljong rgyur mi 'gro'i ltung pa
khegs/ /gzhan rnams khrur 'jug dang 'dra zhing/ /bal dang byin
rlabs med pa dang/ /rmed du bcug pas khyad par byas/ /gser dngul
reg

gzhi mnyan yod du/ /drug sdes de la reg las bcas/ /dgag bya nor
la sred pa 'phel/ /ngo ti rang gi rin po che/ /rung ba ma byas
snyad gdags rung/ /chud 'dza'i rkyen dang mi ldan zhing/ /lta
ba'i nye 'khor gnas

pa la/ /rung ba byed pa'i dus min par/ /rang don reg 'dod rgyun
ldan gyis/ /rang dam bskos pas reg zhugs pas/ /reg pa las gyur
dngos gzhi 'o/ /sbyin bdag bdag por mos su gzhug /zhal ta bdag

por khas len gzhug /sngags tshig lan gsum brjod pa yis/ /rin chen
rung ba byed tshul gsum/ ! /mngon mtshan gleng gzhi mnyan yod du/
/drug sdes bun bskyed 'gyed las bcas/ /dgag bya ma byin len
rgyur

'gro/ /ngo ti bcas ldan dge slong gis/ /khyim pa nye min nor las
gzhan/ /tha snyad lnga ldan tha mal lus/ /gnas pa de la rang
nyid kyi/ /gser dngul nas 'bru la sogs pa/ /snyad gdags su rung
tshad ldan de/ /rang

@29a @#/ /don bskyed 'dod rgyun ldan gyis/ /lnga ldan ngag gis
bskyed zhugs te/ /bskyed thob las gyur dngos gzhi 'o/ ! /nyo
tshong gleng dgag ngo ti sogs/ /mngon mtshan can dang 'dra ba la/
/snyad gdags

rung ba mi dgos shing/ /nyo tshong byas pas khyad par byas/ !
/lhung bzed gnyis dang tha ga gnyis/ /byin 'phrog ston zla tha
chung dang/ /dgon pa pa dang ras chen dang/ /bsdos pa dang ni
gsog 'jog go ! /lhung

bzed 'chang gzhi mnyan yod du/ /drug sdes byin med snod 'chang
las/ /dgag bya 'dod che ngo ti ni/ /lhung bzed 'brel med ma yin
pa/ /rung ba tshad ldan dbang byar yod/ /rang nyid dbang zhing
byin med

dam; /yod kyang zhag shan rjes zhugs par/ /rang don 'chang 'dod
rgyun ldan gyis/ /byin med 'jog ste rang shan gyis/ /zhag bcu
'das pa'i dngos gzhi 'o/ /lhung bzed 'tshol ba'i khyad ma gtogs/
/gzhan

kun gos slong skabs dang 'dra/ /'thag 'jug gleng gzhi mnyan yod
du/ /nye dgas thag par gla med par/ /thags 'thag bcug las spang
bar bcas/ /dgag bya tha ga pa la gnod/ /ngo ti gos rgyu rang
nyid dbang/ /

byed 'phro ma yin rung tshad ldan/ /thag ba khyim pa drug ldan
la/ /gla rngan med par rang don du/ /'thag tu 'jug 'dod rgyun
ldan gyis/ /rang ngam bskos bas 'thag 'jug pas/ /khru gang yan
btags thags gla la/ /

@29b thob blo skyes pa'i dngos gzhi 'o/ ' /thag byed gleng gzhi
mnyan yod du/ /nye dgas 'thag bskyed pa las bcas/ /dgag bya
sbyin bdag thag par gnod/ /ngo ti khyim pa drug ldan gyi/ /gos
rgyu byed 'phro ma yin pa/ /

bsngos lhag rung ba tshad ldan las/ /thag pa khyim pa drug ldan
la/ /rang don 'thag bskyed 'dod rgyun gyis/ /rang ngam bskos pas
'thag bskyed zhugs/ /zheng dang dkyus sam thag bzang du/ /bskyed
pa'i gos thob

dngos gzhi 'o/ ! /byin 'phrog gleng gzhi mnyan yod du/ /dga' bos
gos byin 'phrog las bcas/ /rang rigs la gnod rkus rgyur 'gro/
/ngo ti bcas ldan dge slong gis/ /bsnyen rdzogs rnam dag mtshan
lta mthun/ /tha

snyad gsum ldan tha mal lus/ /bdag las gzhan gyi gos lhung rigs/
/rung ba tshad dang ldan pa la/ /rang nyid bdag por 'du shes pas/
/rang gzhan don du 'phrog 'dod kyis/ /rang ngam bskos pas 'phrog
zhugs te/ /thob

pa las gyur dngos gzhi 'o/ /rku sems yod na brkus par 'gyur/ !
/dgon bral gleng gzhi mnyan yod du/ /drug sdes zhag drug bral
las bcas/ /chu lugs nyams shing chud zos 'gyur/ /ngo ti dgon
pa'i yi dam

ldan/ /bar chad rkyen med gtan ma bting/ /mi 'bral gnang ba ma
thob pas/ /gos gsum gang rung grong du bzhag /byin rlabs rung ba
tshad dang ldan/ /mtshams gzhan 'bral 'dod 'bral bar byed/ /zhag
drug mtshan

@30a @#/ /'das dngos gzhi'o/ /bar chad rkyen dang ldan gyur na/
na/ /ji srid 'tsho bar 'bral yang med/ /ras chen gleng gzhi mnyan
yod du/ /ras chen ha cang myur 'tshol dang/ /ha cang ring du
bcangs las bcas/ /

dgag bya btsal sdas sbyin bdag gnod/ /bzhag 'phyis yo byad chud
zos 'gyur/ /btsal sdas ngo ti dge slong gis/ /tha snyad lnga
ldan tha mal lus/ /ma bslangs gong nas ma phul ba'i/ /sbyin bdag
ras chen

rnyang rnying min/ /char skyob nus shing rung tshad ldan/ /snga
phyi'i dbyar gyi khyad par gyis/ /dbyar zla ra 'bring bcu drug
gong/ /ngag gis slong thob dngos gzhi 'o/ /bzhag 'phyis ngo ti
dge slong gis/ /rang gi

ras chen rnyang rnying min/ /char skyob rung zhing tshad ldan pa/
/dbyar zla gsum pa'i dgag dbye las/ /zla phyed 'das par de
bcangs pas/ /snga phyi'i dbyar las ston zla tha/ /dgun zla ra
ba'i chos gcig gi /skya

rengs shar ba'i dngos gzhi 'o/ /brtad byung bdag gir bya sngas
dang/ /bgo sdas ! gleng gzhi mnyan yod du/ /dbyar gyi gos kyi
rnyed pa mang/ /gnyer kha ma byas srin gyis rmugs/ /rdul du
brlags las spang

bar bcas/ /dgag bya yo byad chud zos 'gyur/ /ngo ti khyim pa
sngar bzhin las/ /rang gi dbyar rnyed zas las gzhan/ /rung ba
tshad dang ldan pa de/ /rnyed pa sbed po ma bskos shing/ /sbyin
bdag dbang du

@30b ma gyur pas/ /sra brkyang ma bting bting ba las/ /ma bgos
'jog 'dod mi bgod pas/ /bcu drug mtshan mo'i mtha' 'das sam/
/dpyid zla 'bring dang ra ba yi/ /nya yi mtshan 'das dngos gzhi
'o/ ! /bsdos

bsgyur gleng gzhi mnyan yod du/ /sbyin pos dge 'dun la bsngos
pa/ nye dgas rang la bsgyur las bcas/ /dgag bya rang rigs longs
spyod gnod/ /ngo ti bcas ldan dge slong gis/ /tha snyad lnga
ldan tha

mal gnas/ /sbyin bdag zhe nas sngo ba pos/ /dge slong chos ni
drug ldan la/ /gos lhung zhe nas bsngos zin pa/ /rung ba tshad
ldan rang don du/ /rang la sgyur tshig smra 'dod kyis/ /lnga ldan
ngag gis bsgyur zhugs

pas/ /bsgyur te thob ba'i dngos gzhi 'o/ ! /gsog 'jog gleng gzhi
rgyal khab tu/ /bi ling da'i bu'i nye gnas kyis/ /sman dag byin
len byas pa de/ /rul myags gyur las spang bar bcas/ /dgag bya
zas

sred ma dad skye/ /ngo ti nad pa'am de 'dra bas/ /rang gi sman
bzhi gang yang rung/ /ngo bo yongs rdzogs rung tshad ldan/ /bza'
ched byin len byas pa de/ /byin len ma zhig rang don du/ /bza'
ched 'chang 'dod bza'

phyir 'jog /byi rlabs med dang yod pa las/ /spyi rang dus 'das
dngos gzhi 'o/ /sman bzhi snga dro byin len byas/ /ma brlabs
bzhag na dgung tshigs yol/ /phyi dro bzhag na dgong thun 'das/
/srod la mtshan

@31a @#/ /'das gsog 'jog spyi/ /brlabs na rang rang dus 'das
dgos/ /bza' ba'i ched kyi byin len byas/ /rkang par bsku phyir
'chang ba dang/ /lag nya khegs pa'i byin len byas/ /bza' ched

'chang la ltung med phyir/ /bza' ched byin len byas nas ni/
/bza' phyir 'chang na gsog 'jog byed/ /bdun ba kho nas 'di
bskyed kyi/ /dus rung thun tshod 'tsho bcang las/ /nyes byas
tsam du bam lngar

gsungs/ /sman bzhi gsog 'jog byas pa de/ /zos na ltung byed
'ba' zhig bzhin/ /'chang na spang ltung dang 'grel gsungs/
/byin len med pas 'di mi bskyed/ /ma brtag 'chang ba'i nyes
khegs phyir/ /

rung ba gsum po gang rung bya/ /mgul du mid pa ma yin par/
/byin len mi dgos me phreng gsungs// ! //rdzun skyon dge slong
phra ma dang/ /skyo sngogs byed dang ston pa dang/ /'don dang
gnas ngan len dang chos/ /

bshes ngor byed dang khyad du gsod/ /ston byed kho na mu stegs
gzhung/ /chos tsam skyes pa'i rabs kyi sde/ /lung gzhi gnyis
ka'o byed po ste/ /bya rog so rtog gnyis min mu'o/ /sa bon
'phya ba bsgo ba dang/ /khri dang

gding dang skrod pa dang/ /phyis gnon 'byung ba 'debs pa dang/
/rim pa gnyis su brtsigs pa'o/ /rtsa sdong thog gu 'gas pa
dang/ /sa bon gyi ni sa bon lngar/ /rma phyung bcad dang me
chus rung/ /thun tshod zhag bdun

@31b 'tsho bcang la/ /byin gyis brlab tshe snga dro dang/ /de
min phyi dro skya shar bar/ /bcas mtshams zin phyir ma rdzogs
pas/ /ku sha sogs kyis chu gtor te/ /rdzogs bas bshags bya ma
rdzogs pas/ /bsdam bya khegs

phyir rung bar bya/ /rdzogs pas btab na 'chags kyang nyes/
/gnas khang zas la bsko ba gnyis/ /thug pa bag 'tshos 'brim pa
gnyis/ /phran tshigs 'brim par byed pa dang/ /snod spyad 'drub
dang gos kyi

gnyis/ /dbyar gyi ras chen sbed dang 'gyed/ /mngags gzhug pa
dang mdzes chos bar/ /'phya bas ltung byed bcu gnyis bskyed/
/ngan dang bsod dang grangs dro dang/ /chos zangs dang ni bkru
sman dang/ /

bsam gtan mthun dang kha ton dang/ /'jigs bcas 'jigs med phyis
gnon bcu/ /ma bskos nyi ma nub pa dang/ /zas dang chos gos
gnyis dag dang/ /don mthun gru dang dben pa gnyis/ /dge slong
ma yis

sbyor bcug ba'o/ /pham pa ma byung gsum la mkhas/ /rdzogs nas
lo grangs nyi shu lon/ /grong khyer skad smra reg ltung med/
/bco lnga'i dus dang mtshams gnas bdun/ /gang rung gcig dang mi
ldan na/ /gzhan

drug ldan yang bsko mi 'chags/ /gsungs kyang rtsa bas 'di la
dpyad/ /rtsig pa rib ma yol ba dang/ /'thib po mun skyabs dben
pa lngar/ /'dug cing 'greng bas ltung byed rdzogs/ /yang yang
dang ni

@32a @#/ /'dug gnas gcig /phye dang bca' dang stobs pa dang/
/ngus dang dus min gsog 'jog dang/ /kha nas mid dang bsod pa
nyid/ /reg yul zas sam sta gon gnas/ /rang ngam rang dang

'dra bas dbang/ /sman de chud za'i rkyen mi ldan/ /ngo bo
yongs rdzogs rung tshad ldan/ /byin len ma byas ma stobs par/
/gnang ba'i rkyen can nad med kyis/ /'du shes ma 'khrul za
ched las/ /gzhan phyir

reg par 'dod rgyun gyis/ /reg pa rdzogs pa lag nya 'o/ /za
phyir reg na byin len ni/ /ma byas za ba'i sbyor nyes 'gyur/
/rung ba'i khang par ma brlabs pa'i/ /rang bzhin mtshams sam
nye 'khor du/ /tshad

ldan yan drug rjen pa'i zas/ /nad med gzhi la ma 'khrul bas/
/spyad phyir 'tshod par 'dod rgyun gyis/ /'tshod zhugs mer reg
mtshams btsos so/ /dngos po tshad ldan yan drug ldan/ /gnas rten
'du

shes sngar 'dra la/ /mtshams su 'jog par 'dod rgyun gyis/
/'tshed byed mer reg rjen btsos so/ /sman bzhi gang rung ngo bo
rdzogs/ /gzhi gzhan sgo nas rung tshad ldan/ /lag nya sogs kyi
skyon chags pa/ /mu ge'i

dus min zas phongs min/ /rten shes sngar bzhin za 'dod pas/
/za bar byed cing mgul du mid/ /de dag za ba'i nyes byas so/
/ngo bos mi rung sgog tsong dang/ /sha chen rta bong glang sha
sogs/ /chu dang so shing

@32b ma gtogs pa'i/ /sman bzhi rung ba tshad ldan kun/ /ma
rdzogs stob 'dod gyen 'degs nus/ /lag pa bkan te mdun nas
bstab/ /dge slong pha ma dge slob ma/ /shes pa rang bzhin lus
thar gnas/ /'dug ste

lag pa bkan pas blang/ /bsdad pas 'chags mod gus phyir 'greng/
/'du shes ma 'khrul stobs len 'dod/ /lag ba'am lag 'brel snod
thob 'chags/ /dmigs bsal bslab byin rnam dag dang/ /

bslab pa g.yel bas mi g.yel dang/ /mchog min pa yis mchog
dang ni/ /lta ba tha dad phan tshun dang/ /rnam dag pha ma phan
tshun 'chags/ /lag gnyis mi bde gcig gis dang/ /nye nas mi bde
ring nas dang/ /spre'u

cang shes glang chen sogs/ /mtho nas bstabs kyang 'chags par
gsungs/ /'phrogs dang gshor te 'dril dang bor/ /babs dang shi
dang gzhan gyis reg /sman gyi rigs dang skye ba gyur/ /gzhan
la bsngos dang babs

mtshungs pa/ /rtsa chad mtshan gnyis lan gsum gyur/ /de dag kun
gyis byin len zhig /srog chags bcas dang nyal sar 'dug /'gred
dang gcer bu dmag dang ni/ /zhag gnyis gsham dkrug 'gro ba
dang/ /brdeg dang

gzas dang gnas ngan len/ /bde dang me dang 'dun pa dang/
/bsnyen par ma rdzogs chos dang smra/ /dge tshul kha dog bsgyur
ba dang/ /rin po che dang tsha ba'i dus/ /byin rlabs bcu gcig
rin phreng las/ /gos lhung sman rin gso

@33a @#/ /dgag dbyar/ /dus dang ltung rnyed rung khang ngo/
/dud 'gro 'gyod pa sor mo dang/ /rtse dang lhan cig dngangs
byed dang/ /sbed dang gdengs med gzhi med dang/ /skyes pa med
par lam 'gro ba 'o/ /rku dang nyi shu ma lon dang/ /

brko dang mgron dang bslab pa dang/ /nyan dang mi smra 'gro ba
dang/ /ma gus chang 'thung dus min pa'o/ /zas bcas skya rengs
da gdod dang/ /khab ral dang ni khri rkang dang/ /gdal dang
gding dang g.yan pa dang/ /ras chen bde gshegs chos gos so/ /

grod dang khyim gzhan nyid dang ni/ /bslab pa rnams dang dgon
par ni/ /sangs rgyas phan par gsungs pa yis/ /so sor bshags
par bya bar gsungs/ /sham thabs la ni rnam bdun dang/ /stod
g.yogs la yang rnam pa gsum/ /shin tu

bsdams la sogs pa lnga/ /mgo g.yogs la sogs rnam pa lnga/
/mchongs la sogs pa rnam pa lnga/ /lus la sogs pa rnam pa
lnga/ /'dug par bya ba dgu dag dang/ /byin len bya ba brgyad
rnams so/ /zas la legs par bya ba drug /

tsug tsug la sogs rnam pa lnga/ /'bru nas tha dad byed pa
lnga/ /lag pa bsdag la sogs pa lnga/ /'phya ba la sogs rnam pa
bzhi/ /lhung bzed la yang rnam pa bcu/ /'greng bar byed la
sogs pa lnga/ /mgo g.yogs la sogs

rnam pa lnga/ /do ker can la sogs pa lnga/ /glang chen la sogs
bzhon pa lnga/ /lag na 'khar ba la sogs drug /na ba rnam pa
bzhi rnams so// //