@#/ /mngon par rtogs pa'i rgyan gyi dgongs pa gsal bar byed pa
mkhas pa dgyes pa'i mchod sprin las skabs bzhi pa'i tshig don
mtha' dpyod zung 'brel du bshad pa bzhugs so/ /

@01a @#/ /rje btsun 'jam pa'i dbyangs kyi zhabs la gus pas phyag
'tshal lo/ /gnyis pa sbyor bzhi rgyas par bshad pa la bzhi'i dang
po rnam rdzogs sbyor ba 'chad pa la

gnyis; sngon 'gro spyi'i rnam gzhag bshad pa dang/ gzhung don
dngos bshad pa'o/ /dang po la gnyis/ sbyor ba 'god pa dang/
mtha' dpyad pa'o/ /dang po ni/ shes bya chos can/

skabs dang po gsum du mkhyen gsum rgyas par bstan pa dang/ 'dir
de'i rnam pa rgyas par bstan pa la zlos pa'i skyon med de/ brjod
tshul dang dgos pa mi 'dra ba'i khyad par yod pa'i

phyir; 'dir bstan pa'i dgos pa yod de/ mkhyen gsum gyi rnam pa
ma lus pa rnam rdzogs sbyor bas sgom dgos pas de'i sgom tshul
yongs su shes pa'i ched yin pa'i phyir/

sgom pa la dgos pa yod de/ mkhyen gsum gyi rnam pa la goms pa
dbang du bya ba'i ched yin pa'i phyir/ der thal/ 'grel pa las/
thams cad mkhyen pa nyid gsum yongs su shes

@02a @#/ /pa ni dbang du bya ba'i phyir yang rnam pa thams cad
dang lam dang gzhi shes pa bsdu ba'i sgo nas thams cad mkhyen pa
nyid gsum sgom par byed pas rnam

pa kun mngon par rdzogs par rtogs pa/ zhes gsungs pa'i phyir/
gnyis pa mtha' dpyad pa la gsum las/ dang po la/ kha cig /skabs
dang po gsum du mkhyen gsum gyi rnam pa

bstan pa dang/ 'dir mkhyen gsum gyi rnam pa bstan pa la zlos
pa'i skyon med de/ skabs dang po gsum du mkhyen gsum bstan pa
de/ thos bsam gyis gtan la 'bebs pa'i

dbang du byas/ 'dir bsgoms pas nyams su len pa'i dbang du byas
pa yin pa'i phyir/ zer na/ zlos skyon spong tshul de mi 'thad par
thal/ thos bsam dang nyams len gyi gzhung mi

mthun pa so sor gcod mi rigs pa'i phyir/ der thal/ gang thos
bsam gyis gtan la phab pa'i rim pa de/ bsgoms pas nyams su len
dgos/ gang bsgoms pas

@02b nyams su len pa'i rim pa de yang thos bsam gyis gtan la
'bebs dgos pa'i phyir/ kha cig /mkhyen gsum gyi rnam pa zhi lhag
zung 'brel gyi sbyor bas rdzogs par bsgom pa'i sems dpa'i

ye shes/ rnam rdzogs sbyor ba'i mtshan nyid zer na/ zhi gnas ma
thob pa'i theg chen gyi tshogs lam chos can/ mtshan nyid der thal/
mtshon bya de'i phyir/ der thal/ sems dpa'i ye shes

yin pa'i phyir/ 'dod mi nus te/ zhi lhag zung 'brel ma thob pa'i
sems dpa'i ye shes yin pa'i phyir/ der thal/ chos can de'i
phyir/ gzhan yang/ de mi 'thad par thal/ rnam rdzogs

sbyor ba yin na/ zhi lhag zung 'brel gyis zin pas ma khyab pa'i
phyir/ der thal/ sems dpa'i ye shes yin na/ des zin pas ma khyab
pa'i phyir/ der thal/ zhi gnas ma thob pa'i byang

sems kyi rgyud la theg chen sems bskyed yod pa'i phyir/ der
thal/ theg chen sems bskyed rang rgyud la skyes pa'i gang zag
yin na/ zhi gnas thob pas khyab par 'dod pa ni ha cang thal ba'i

gnas yin pa'i phyir/ der thal/ byang chub lam rim las/ sems
bskyed la yid 'gyur ba'i myong ba thon pa la zhig gnas thob dgos
pa ha cang thal ba'o/ /zhes gsungs pa'i phyir/ kha cig na

re; mkhyen gsum gyi rnam pa la goms pa dbang bsgyur ma thob pa'i
sems dpa'i ye shes/ rnam rdzogs sbyor ba'i mtshan nyid zer na/
theg chen mthong lam bar chad med lam chos can/ mtshan

@03a @#/ /nyid der thal/ mtshon bya de'i phyir/ 'dod na/ mkhyen
gsum gyi rnam pa la goms pa dbang bsgyur ma thob par thal/ 'dod
pa'i phyir/ 'dod mi nus te/ theg chen 'phags

pa'i mkhyen pa yin pa'i phyir/ kha cig /mkhyen gsum gang rung gi
rnam pa la goms pa dbang bsgyur ma thob pa thob phyir du bsgom
pa'i sems dpa'i rnal 'byor/ rnam rdzogs sbyor ba'i mtshan nyid
zer na/

kha cig /theg chen mthong lam bar chad med lam chos can/ mtshan
nyid der thal/ mtshon bya de'i phyir/ 'dod na/ de chos can/
mkhyen gsum gang rung gi rnam pa la goms pa dbang bsgyur ma thob
par thal/ 'dod pa'i phyir/ zer na/ ma khyab snyam/ 'dod mi nus
te/ theg chen 'phags pa'i ye shes yin pa'i phyir// ! gnyis pa
rang gi lugs la/ mkhyen gsum gyi rnam pa bsgom

pa'i shes rab kyis zin pa'i sems dpa'i ye shes/ rnam rdzogs
sbyor ba'i mtshan nyid/ dbye na/ brgya bdun cu rtsa gsum yod/ sa
mtshams ni/ theg chen gyi tshogs lam nas rgyun mtha'i bar yod//

! gsum pa rtsod pa spong ba la/ kha cig /skabs dang po gsum du
mkhyen gsum gyi rnam pa rgyas par bstan par thal/ khyod kyi dam
bca' 'thad pa'i phyir/ 'dod na/ skabs gsum pas kyang mkhyen

gsum gyi rnam pa rgyas par bstan par thal/ 'dod pa'i phyir na/
rnam pa gcig tu ma khyab/ 'dod mi nus te/ des rnam mkhyen gyi
rnam pa rgyas par ma bstan pa'i phyir/ der thal/ des de dngos su
rgyas

@003b par ma bstan pa'i phyir na/ yang na 'dir ma khyab/ kha cig
/thos bsam dang nyams len gyi gzhung so sor gcod rigs par thal/
de gnyis so sor 'byed rigs pa'i phyir/ der thal/ de gnyis tha
dad du 'byed rigs pa'i phyir/ zer na/

don 'gro tshul du blta'o/ /kha cig /theg chen mthong lam bar chad
med lam des/ mkhyen gsum gang rung gi rnam pa la goms pa dbang
bsgyur ma thob par thal/ de mkhyen gsum gang rung gi rnam pa la
goms pa dbang bsgyur ma thob pa

thob phyir du bsgom pa'i sems dpa'i ye shes yin pa'i phyir/
rtags khas/ 'dod mi nus te/ nges de gang rung gi rnam pa la goms
pa dbang bsgyur thob zin pa'i phyir/ zer na/ ma khyab/ 'o na/
des yon tan ma thob pa med par thal/

des yon tan thob zin pa'i phyir/ khyab pa khas/ 'dod na/ de yod
par thal/ des sangs rgyas kyi yon tan ma thob pa'i phyir/ /rnam
pa mdor bstan/ gnyis pa gzhung don dngos bshad pa la gnyis/ rnam
rdzogs sbyor ba spyi'i rnam

gzhag dang/ thar pa cha mthun nas bzung ste rgyud la skye ba'i
rim pa bshad pa'o/ /dang po la gsum/ sbyor ba'i ngo bo/ sbyor
ba'i skyen yin/ sbyor ba'i mtshan nyid do/ /dang po la gnyis/ mi
mthun phyogs kyi gnyen po rnam

pa'i dbye ba bshad pa/ bden 'dzin dngos su 'joms par byed pa'i
sbyor ba khyad par can ngos bzung ba'o/ /dang po la gnyis/ mdor
bstan pa dang rgyas par bshad pa'o/ /dang po ni/ gzhi shes pa yi
bye brag rnams/ /zhes

sogs tshigs su bcad pa gcig gsungs te/ 'di la gnyis/ tshig don
dang/ mtha' dpyad pa'o/ /dang po ni/ gzhi bden bzhi mi rtag sogs
bcu drug shes pa yi ye shes kyi bye brag rnams ni rang gi mi
mthun phyogs de dang

@04a @#/ /de'i yul gyi ldog phyogs kyi rnam pa shar ba'i sgo nas
de dang/ 'joms par byed pa'i sems dpa'i ye shes zhes bya ba ni
chos can/ skabs 'di'i bstan bya'i gtso bor gyur pa'i gnyen po'i
mtshan

nyid du brjod de/ de'i 'jog byed yin pa'i phyir/ gnyen po ye
shes kyi rnam pa de ni chos can/ bsdu na rnam pa gsum du 'dod
de/ kun mkhyen nyid ni rnam pa gsum du nges pa'i phyir/ de ltar
yang 'grel pa las/ rnam pa la

sogs par 'dzin pa/ zhes pa nas/ rnam pa gsum kho nar bzhed do/
/zhes pa'i bar gsungs/ gnyis pa mtha' dpyad pa la gsum las/ dang
po la kha cig /mkhyen gsum gyi rnam pa zhi lhag zung 'brel gyi
sbyor ba'i sgo nas

thun mong min pa'i rnam thar sgo gsum du bsdus nas bsgom pa/
mkhyen gsum bsdus sgom gyi don yin zer na/ de mi 'thad par thal/
theg chen rigs nges kyi dman lam sngon du ma song ba'i byang
sems tshogs lam pa'i rgyud la

mkhyen gsum gyi rnam pa zhi lhag zung 'brel gyi sbyor bas thun
mong yin pa'i rnam thar sgo gsum du bsdus nas sgom pa med kyang/
de'i rgyud la mkhyen gsum bsdus sgom yod pa'i phyir/ dang po der
thal/ de'i rgyud la stong nyid

rtogs pa'i zhi lhag zung 'brel med pa'i phyir/ der thal/ de'i
rgyud la stong nyid rtogs pa'i lhag mthong med pa'i phyir/ der
thal/ de 'dra'i byang sems tshogs lam pa des/ stong nyid rtogs
pa'i lhag mthong thob pa dang

theg chen gyi sbyor lam drod thob pa dus mnyam pa'i phyir/ der
thal/ rnam bshad las/ stong pa nyid la dmigs pa'i lhag mthong
mtshan nyid pa sbyor lam drod yan chad ma gtogs theg pa chen por
rigs nges pa rnams kyis

@04b tshogs lam du skyed mi srid pa'i phyir ro/ /zhes gsungs pa'i
phyir/ kha cig /mkhyen gsum gang rung gi rnam pa shar nas sgom
pa'i ye shes gnyen po'i shes rnam gyi mtshan nyid zer na/ theg
chen mthong lam bar chad med lam

chos can/ mtshan nyid der thal/ mtshon bya de'i phyir/ der thal/
ye shes yin pa'i phyir/ 'dod na/ mkhyen gsum gang rung gi rnam
pa shar par thal/ 'dod pa'i phyir/ 'dod mi nus te/ stong nyid
mngon sum du rtogs pa'i slob pa'i ye shes

yin pa'i phyir/ gzhan yang/ lam ma zhugs gang zag gi rgyud kyi
sgra mi rtag par rtogs pa'i rjes dpag chos can/ mtshan nyid der
thal/ mtshon bya de'i phyir/ der thal/ sgra rtag 'dzin gyi gnyen
por gyur pa'i shes pa yin

pa'i phyir/ 'dod na/ ye shes yin par thal/ 'dod pa'i phyir/ 'dod
mi nus te/ lam ma zhugs gang zag gi rgyud kyi chos yin pa'i
phyir/ kha cig /gzhi'i khyad par ram bye brag /rnam pa'i mtshan
nyid zer na/ gzhi ?

chos can/ mtshan nyid der thal/ mtshon bya de'i phyir/ der thal/
don rnam yin pa'i phyir/ der thal/ gzhi grub pa'i phyir/ 'dod
na/ mi 'thad par thal/ gzhi dang tha dad ma yin pa'i phyir/ kha
cig /gzhi ga zhig /

rnam rdzogs sbyor ba'i bsgom bya/ don rnam gyi mtshan nyid/ shes
pa gang zhig /rnam rdzogs sbyor ba'i bsgom bya/ shes rnam gyi
mtshan nyid zer na/ ma rig pa chos can/ mtshan nyid dang po der
thal/ mtshon bya dang po de'i

phyir; 'dod na/ rnam rdzogs sbyor ba'i bsgom bya yin par thal
lo/ /gzhan yang/ de chos can/ mtshan nyid phyi ma der thal/ mtshon
bya phyi ma de'i phyir/ der thal/ shes pa yin pa'i phyir/ 'dod
na sla'o/ /kha

@05a @#/ /cig ;shes rnam yin na/ rnam byang phyogs kyi shes rnam
yin pas khyab zer na/ gang zag gi bdag 'dzin chos can/ der thal/
de'i phyir/ 'dod mi nus te/ de nyon mongs phyogs kyi shes rnam

yin pa'i phyir/ kha cig /rnam mkhyen gyi don rnam yin na/ rnam
mkhyen gyi rnam pa yin pas khyab zer na/ gang zag gi bdag med
chos can/ der thal/ de'i phyir/ der thal/ rnam mkhyen gyi gzhal
bya yin pa'i phyir/

'dod na/ rnam mkhyen yin par thal/ 'dod pa'i phyir/ 'dod na/
shes pa yin par thal lo/ /kha cig /rnam mkhyen gyi don rnam yin
na/ rnam mkhyen gyi rnam pa ma yin pas khyab zer na/ gang zag gi
bdag med rtogs pa'i

rnam mkhyen chos can/ der thal/ de'i phyir/ rtags gsal sla'o/
/kha cig /chos de'i rnam pa yin na/ chos de yin pas khyab zer
na/ sdug bden gyi steng gi stong pa chos can/ sdug bden yin par
thal/ sdug bden

gyi rnam pa yin pa'i phyir/ der thal/ sdug bden gyi rnam pa de
la der gyur pa'i mi rtag sdug bsngal stong pa bdag med bzhi yod
pa'i phyir/ 'dod mi nus te/ 'dus ma byas yin pa'i phyir/ kha cig
/don rnam dang shes rnam

gnyis kyi sgom tshul 'gal lo/ /zer na/ de mi 'thad par thal/
phung po mi rtag pa de don rnam dang/ de rtogs pa'i ye shes de
shes rnam gang zhig /de gnyis ka bsgom pa'i gang zag gnyis mi
'gal ba'i phyir/ /phyi ma der thal/

rnam bshad las/ kha cig rnam dang shes rnam gnyis su phye nas
bsgom bya gang yin mi mthun pa so sor 'dod pa la ni snying po
cung zad kyang med de/ mi rtag pa rtogs pa'i ye shes bsgom byar
'dod pa des kyang mi rtag pa

@05b sgom par khas len dgos la/ mi rtag pa bsgom byar 'dod pa
des kyang de rtogs kyi ye shes bsgom byar khas mi len na gzhi
stor bar 'gyur ba'i phyir ro/ /zhes gsungs pa'i phyir/ kha cig
/rnam mkhyen bsgom pa'i sems dpa'i ye

shes med zer na/ de yod par thal/ rnam mkhyen gyi rnam pa sgom
pa'i sems dpa'i ye shes yod pa'i phyir/ der thal/ de'i rnam pa
nyams su len pa'i sems dpa'i ye shes yod pa'i phyir/ der thal/
rnam mkhyen sbyor ba yod pa'i phyir/ gzhan

yang; de yod par thal/ sangs rgyas bsgom pa'i sems dpa'i ye shes
yod pa'i phyir/ der thal/ sangs rgyas kyi sku bsgom pa'i de yod
pa'i phyir/ der thal/ ting 'dzin rgyal po las/ gser gyi kha dog
lta bu'i sku lus ni/ /zhes

sogs dang/ sngags kyi theg pa yang yod pa'i phyir// ! gnyis pa
rang gi lugs la/ mkhyen gsum gyi rnam par rgyu bdun cu rtsa gsum
rnam rdzogs sbyor ba'i 'dzin stangs kyi yul du bsdus nas nyams
su len pa de/

skabs 'di'i mkhyen gsum bsdus sgom gyi don no/ /rang gi gnod bya
sgro 'dogs la gnod byed kyi rig pa/ rang nyid gnyen po'i shes
rnam yin pa'i mtshan nyid/ rang yul gyi rnam pa legs par shar
ba'i sgo nas rang gi dmigs pa'i

chos la phyin ci log tu sgro 'dogs pa'i sgro 'dogs la dngos su
gnod byed kyi mkhyen pa/ skabs 'dir dngos su bstan pa'i gnyen
po'i mtshan nyid// ! gsum pa rtsod pa spong ba la/ kha cig /theg
chen gyi bar chad med

lam chos can/ mkhyen gsum gyi rnam pa sgom pa'i sems dpa'i ye
shes yin par thal/ mkhyen gsum sgom pa'i sems dpa'i ye shes yin
pa'i phyir/ der thal/ khyod kyis bsgom pa'i mkhyen gsum yod pa'i
phyir/ zer na/ ma khyab/

@006a @#/ /'dod mi nus te/ gzhi shes kyi rnam pa sgom pa'i ye
shes ma yin pa'i phyir/ kha cig /rgyun mtha'i bar chad med lam
de rnam mkhyen sgom pa'i ye shes yin par thal/ de rgyun mtha'i
bar chad med lam

bsgom pa'i ye shes gang zhig /rnam mkhyen gyi dngos kyi sbyor ba
yin pa'i phyir/ 'dod na/ de rnam mkhyen rtogs pa'i ye shes yin
par thal/ 'dod pa'i phyir/ zer na/ ma khyab/ 'dod mi nus te/
stong nyid mngon sum du rtogs

pa'i slob pa'i ye shes yin pa'i phyir/ kha cig /byang sems rgyun
mtha' ba de rnam mkhyen sgom pa'i gang zag yin pa'i thal/ rgyun
mtha'i bar chad med lam de rnam mkhyen sgom pa'i ye shes yin
pa'i phyir/ 'dod na/ rnam mkhyen blo ngor bskyed

nas sgom par thal/ 'dod pa'i phyir/ khyab ste/ lam sgom pa'i tshe
blo ngor bskyed nas sgom dgos kyi/ blo'i dmigs pa 'ba' zhig tu
byas nas sgom pa mi 'thad pa'i phyir/ 'dod na/ des rnam mkhyen
blo ngor grub par thal/ 'dod pa'i

phyir na/ ma khyab/ 'dod mi nus te/ rgyun mtha'i ye shes kyi ngo
bor kun rdzob kyi chos ma grub pa'i phyir/ kha cig /sdug bden
gyi rnam pa yin na/ sdug bden yin dgos par thal/ rnam mkhyen gyi
rnam pa yin na/ rnam mkhyen

yin dgos pa'i phyir na/ ma khyab/ 'dod na/ bkag zin/ kha cig
/rnam mkhyen gyi 'dzin rnam yin na/ rnam mkhyen yin dgos par
thal/ rnam mkhyen gyi rnam pa yin na/ rnam mkhyen yin dgos pa'i
phyir na/ ma khyab/

'dod na/ rnam mkhyen nyams su myong ba'i rang rig chos can/ der
thal/ de'i phyir/ der thal/ de nyams su myong ba'i rang rig yin
pa'i phyir/ 'dod mi nus te/ ye shes ma yin pa'i phyir/ der thal/
rang rig yin pa'i

@006b phyir/ kha cig /'dzin rnam yin na ye shes ma yin dgos par
thal/ dam bca' 'thad pa'i phyir/ 'dod na/ rnam mkhyen chos can/
der thal/ de'i phyir/ der thal/ 'dzin pa'i rnam pa yin pa'i
phyir na/ ma khyab/ 'o na/

shes bya chos can/ gzung rnam yin par thal/ gzung ba'i rnam pa
yin pa'i phyir/ khyab pa khas/ rtags der thal/ gzhi grub pa'i
phyir/ /'dod na/ shes par thal lo/ /'dod pa'i phyir/ 'dod mi nus
te/ 'dus ma byas

yin pa'i phyir// ! gzhi shes kyi rnam pa/ gnyis pa rgyas par
bshad pa la gsum/ gzhi shes kyi rnam pa bshad pa/ lam shes kyi
rnam pa bshad pa/ rnam mkhyen gyi rnam pa bshad pa'o/ /dang po
ni/ med pa'i rnam pa nas bzung ste/ /zhes pa

nas/ lam la de ni bco lngar bshad/ /ces pa'i bar gsungs te/ de'i
don 'grel pas 'chad pa la/ de la thams cad shes pa nyid kyi
dbang du byas nas/ med pa dang/ mi skye ba dang/ dben pa dang/
zhes pa nas/ spyir na thams cad

shes pa nyid kyi rnam pa nyi shu rtsa bdun yin no/ /zhes pa'i
bar gsungs so/ /rtsa 'grel de dag gang las 'phros pa yod de/ mdo
las/ bcom ldan 'das shes rab kyi pha rol tu phyin pa 'di ni ma
mchis pa'i pha rol tu phyin pa'o/ /zhes

pa nas/ sher phyin 'di ni mi g.yo ba'i pha rol tu phyin pa'o/
/bcom ldan 'das kyis bka' stsal pa/ chos kyi dbyings gnas pa
nyid kyi phyir ro/ /zhes pa'i bar las 'phros pa'i phyir/ 'di'i
skabs su rtsa ba'i tshig don bshad pa dang/

mtha' dpyad pa gnyis/ dang po ni/ sher phyin 'di ni ma mchis
pa'i pha rol tu phyin pa'o/ /zhes sdug bsngal rtag par med par
ston pa'i rnam pa nas bzung ste/ mi g.yo ba'i pha rol tu phyin
pa'o/ /zhes lam bden gyi mi g.yo

@007a @#/ /ba'i rnam pa'i bar ston pa'i yum bar ma'i mdo tshig 'di
chos can/ khyod kyis gzhi shes kyi rnam pa nyer bdun bstan pa
yin te/ bden pa dang po gsum so so la bzhi bzhi dang/ lam bden
la gzhi shes kyi rnam pa de

ni bco lngar bshad pa'i phyir// ! gnyis pa mtha' dpyad pa la
gsum las/ dang po la kha cig /gzhi shes kyi dmigs pa'i chos la
phyin ci log tu sgro 'dogs pa'i sgro 'dogs la gnod byed kyi
mkhyen pa/ gzhi shes kyi

rnam pa'i mtshan nyid zer na/ gzhi shes kyi dmigs pa bdag med par
rtogs pa'i nyan thos kyi sbyor lam chos can/ mtshon bya der thal/
mtshan nyid de'i phyir/ der thal/ gzhi shes kyi dmigs pa la gang
zag gi bdag tu sgro

'dogs pa'i sgro 'dogs la gnod byed kyi gnyen po'i ye shes yin
pa'i phyir/ der thal/ gzhi shes kyi dmigs pa gang zag gi bdag tu
'dzin pa'i bdag 'dzin gyi gnyen po'i ye shes yin pa'i phyir/
'dod na/ mi 'thad par thal/ 'phags rgyud

kyi mkhyen pa ma yin pa'i phyir/ der thal/ so skye'i mngon rtogs
yin pa'i phyir/ kha cig /theg dman gyi rtogs rigs su gnas pa'i
'phags rgyud kyi mkhyen pa/ gzhi shes kyi shes rnam gyi mtshan
nyid zer na/ stong nyid rtogs pa'i nyan thos

kyi mthong lam chos can/ mtshan nyid der thal/ mtshon bya de'i
phyir/ der thal/ dman pa'i gzhi shes kyi shes rnam yin pa'i
phyir/ der thal/ dman pa'i gzhi shes kyi shes rnam yod pa'i
phyir/ der thal/ de'i gzhi shes kyi rnam pa

yod pa'i phyir/ der thal/ de'i gzhi shes yod pa'i phyir/ 'dod mi
nus te/ stong nyid rtogs pa'i slob lam yin pa'i phyir/ kha cig
de 'dra ba de/ skabs 'dir dngos su bstan pa'i gzhi shes kyi shes
rnam gyi mtshan nyid zer na/ sangs

@007b rgyas 'phags pa'i rgyud kyi gzhi shes chos can/ mtshon bya
der thal/ mtshan nyid de'i phyir/ der thal/ theg chen 'phags pa'i
rgyud kyi gzhi shes yin pa'i phyir/ 'dod na/ slob pa'i rgyud kyi
gzhi shes yin par thal/ 'dod pa'i phyir/ kha

cig /skabs 'dir dngos su bstan pa'i gzhi shes kyi rnam pa yin
na/ byang 'phags kyi gzhi shes yin pas khyab zer na/ gang zag gi
bdag med mngon sum du rtogs pa'i nyan thos kyi mthong lam chos
can/ der thal/ de'i phyir/ der thal/

skabs 'dir dngos su bstan pa'i nyan thos kyi gzhi shes kyi rnam
pa gcig yod pa'i phyir/ der thal/ 'grel ba las/ de la thams cad
mkhyen pa nyid gsum gyi rnam pa nyan thos dang byang chub sems
dpa'i bye brag gi go rim bzhin du zag

pa med pa dang zag pa dang bcas pa dag kyang yin no/ /zhes
gsungs pa'i phyir/ kha cig /gzhi shes kyi lam bden gyi rnam pa
de la/ nyon sgrib kyi dngos gnyen du gyur pa'i mthong lam zag
med bzhi/ shes sgrib gzung rtog gi dngos kyi gnyen

por gyur pa'i sgom lam zag bcas drug /de'i dngos kyi gnyen por
gyur pa'i mthong lam zag med lnga ste bco lnga yod zer na/ de mi
'thad par thal/ nyon sgrib kyi dngos kyi gnyen por gyur pa'i
mthong lam med pa gang zhig /phyi ma gnyis kyang re re nas

med pa'i phyir/ dang po der thal/ nyon sgrib kyi dngos kyi gnyen
po yin na/ sgom lam yin dgos pa'i phyir/ phyi ma der thal/ shes
sgrib gzung rtog gi dngos kyi gnyen po yin na/ sgom lam zag med
yin dgos pa'i phyir/ der thal/ de'i

dngos gnyen du gyur pa'i lam yin na/ sgom lam bar chad med lam
yin dgos pa'i phyir/ kha cig /spang bya yin na/ sgrib pa yin pas
khyab zer na/ ngan 'gro ba'i gzugs phung chos can/ der thal/
de'i phyir/ der thal/ ngan

@008a @#/ /'gro spang bya yin pa'i phyir/ 'dod mi nus so/ kha cig
/dman sgrib yin na/ sgrib pa yin pas khyab zer na/ nyan thos
slob pa'i rgyud kyi rang nyid gcig pu zhi bde don gnyer gyi blo
chos can/ der thal/ de'i phyir/

'dod mi nus te/ lam yin pa'i phyir/ der thal/ slob lam yin pa'i
phyir/ kha cig /sgrib pa yin na/ nyon sgrib dang/ shes sgrib
gang rung yin pas khyab zer na/ snyoms 'jug gi sgrib pa chos
can/ der thal/ de'i phyir/

der thal/ sgrib pa de la nyon sgrib/ shes sgrib/ snyoms 'jug gi
sgrib pa gsum gyi dbye ba 'thad pa'i phyir/ der thal/ rgyud bla
ma las/ nyon mongs shes bya snyoms 'jug gi /sgrib gsum las ni
nges grol zhing/ /zhes

gsungs pa'i phyir/ 'dod mi nus so/ /gzhan yang/ nyon sgrib dang
shes sgrib gnyis ka chos can/ de gang rung yin par thal/ sgrib
pa yin pa'i phyir/ rtags gsal sla'o/ /kha cig nyon sgrib yin na/
nyon sgrib phra mo yin pas

khyab/ shes sgrib yin na/ shes sgrib phra mo yin pas khyab zer
na/ dang po la/ gang zag rtag par 'dzin pa'i rtog pa chos can/
der thal/ de'i phyir/ der thal/ sgrib gnyis gang rung yin/ shes
sgrib ma yin pa'i phyir/ 'dod mi nus

te/ nyon sgrib rags pa yin pa'i phyir/ phyi ma la/ gzugs phyi
rol don 'dzin gyi rtog pa chos can/ der thal/ de'i phyir/ der
thal/ chos can de'i phyir/ khyab ste/ 'grel pa las/ shes bya'i
sgrib pa'i phyogs gcig po gzung

ba don gyi rnam par rtog pa'o/ /zhes gsungs pa'i phyir/ 'dod na/
mi 'thad par thal/ shes sgrib rags pa yin pa'i phyir/ kha cig
/thar pa thob pa la gegs byed kyi sgrib pa'i gtso bo/ /nyon
sgrib kyi mtshan nyid/ thams cad mkhyen

@008b pa thob pa la gegs byed kyi sgrib pa'i gtso bo/ shes sgrib
kyi mtshan nyid/ zer na/ dang po la/ bden 'dzin lhan skyes chos
can/ mtshon bya dang po der thal/ mtshan nyid dang po de'i phyir/
der thal/ sa lam thob pa la gegs byed kyi

sgrib pa'i gtso bo yin pa'i phyir/ der thal/ yon tan sgrub pa la
gegs byed kyi sgrib pa'i gtso bo yin pa'i phyir/ der thal/ sgrib
pa'i gtso bo gang zhig /mtshungs pa'i phyir/ 'dod mi nus te/ shes
sgrib yin pa'i phyir/ gzhan yang/ de

mi 'thad par thal/ thar pa thob pa la gegs byed kyi sgrib pa yin
na/ de thob pa la gtso bor gegs byed kyi sgrib pa yin pas ma
khyab pa'i phyir/ kha cig /chos kyi bdag 'dzin bdag 'dzin yin
zer na/ de mi 'thad par thal/ bdag 'dzin yin

na; gang zag gi bdag 'dzin yin dgos pa'i phyir/ der thal/ de yin
na/ khyod kyi zhen yul gyis stong pa de gang zag gi bdag med
phra mo yin dgos pa'i phyir/ /kha cig /gang zag rtag gcig rang
dbang can du 'dzin pa'i rtog pa de/ gang zag

gi bdag 'dzin dang/ gzugs phyi rol don 'dzin gyi rtog pa de chos
kyi bdag 'dzin yin zer na/ de gnyis ka mi 'thad par thal/ dang
po de gang zag gi bdag 'dzin rags pa dang/ phyi ma de chos kyi
bdag 'dzin rags pa yin pa'i phyir/

kha cig /gang zag gi bdag 'dzin yin na/ 'jig lta yin pas khyab
zer na/ mdun gyi skyes bus skyes bu pha rol po rang rkya thub
pa'i rdzas yod du 'dzin pa'i rtog pa chos can/ der thal/ de'i
phyir/ der thal/ de rang rkya thub pa'i rdzas yod

du 'dzin pa'i rtog pa yin pa'i phyir/ 'dod mi nus te/ chos can
de'i phyir/ khyab ste/ 'jig lta yin na/ rang rgyud ldan gyi nga
la gtso bor dmigs pas khyab pa'i phyir/ kha cig /nyon mongs kyi
bag chags yin na/ shes sgrib

@009a @#/ /yin pas khyab zer na/ gang zag gi bdag 'dzin gyi bag
chags su gyur pa'i de'i sa bon chos can/ der thal/ de'i phyir/
der thal/ chos can de'i phyir/ der thal/ de yod pa'i phyir/ der
thal/ de

yod par stong mthun chen mo las bshad pa'i phyir/ 'dod mi nus
so/ /kha cig /de yin na/ nyon sgrib yin pas khyab zer na/ de mi
'thad par thal/ dgra bcom pa'i rgyud la nyon mongs snga mas
bzhag pa'i bag chags yod pa'i phyir/

der thal/ nyan thos dgra bcom pa'i rgyud la de yod pa'i phyir/
der thal/ de'i rgyud la nyon mongs kyi bag chags yod pa'i phyir/
der thal/ de'i rgyud la gnas ngan len yod pa'i phyir/ 'dod mi
nus te/ shes sgrib yin pa'i phyir/

! gnyis pa rang lugs la/ theg dman 'phags pa'i mkhyen pa dang/
byang 'phags kyi gzhi shes gang rung gis bsdus pa'i 'phags rgyud
kyi mkhyen pa de/ skabs 'dir dngos su bstan pa'i gzhi shes kyi
rnam pa'i mtshan nyid/ dbye

na bden pa dang po gsum la dmigs pa bzhi bzhi dang/ lam bden la
dmigs pa bco lnga yod/ sdug bsngal bden pa la dmigs pa bzhi yod
de/ sdug bsngal rtag par med pa dang/ de don dam par mi skye ba
dang/ de don gzhan gyi

bdag gis stong pa dang/ rang gi ngo bor gyur pa'i bdag gis mi
brdzi ba bzhi mngon sum du rtogs pa'i shes rab kyis zin pa'i
byang sems kyi gzhi shes kyi rnam pa bzhi yod pa'i phyir/ kun
'byung la dmigs pa'i bzhi yod de/ rgyu sred pa

don dam par gnas pa med pa dang/ kun 'byung don dam par nam
mkha' dang 'dra ba dang/ rtog dpyod don dam par brjod du med pa
dang/ srid tshor don dam par ming med pa dang bzhi mngon sum du
rtogs pa'i shes rab kyis zin pa'i

@009b byang sems kyi gzhi shes kyi rnam pa bzhi yod pa'i phyir/
yang 'gog pa la dmigs pa'i bzhi yod de/ 'gog pa don dam par 'gro
ba med pa dang/ zhi ba rkyen gyis mi 'phrog pa dang/ gya nom
pa'i thar pa mi zad pa dang/ nges 'byung

skye ba med par rtogs pa'i shes rab kyis zin pa'i byang sems kyi
gzhi shes kyi rnam pa bzhi yod pa'i phyir/ lam bden gyi rnam pa
de la bco lnga yod de/ byed pa po'i gang zag gi bdag med pa
dang/ shes pa po'i bdag med pa dang/

gnas nas 'pho ba po'i bdag med pa dang/ nyon mongs pa 'dul ba
po'i gang zag gi bdag med pa mngon sum du rtogs pa'i byang sems
kyi mthong lam bzhi dang/ phyi don ngo bo nyid med pa dang/ de
ma skyes pa dang/ de ma 'gags

pa dang/ de gzod ma nas zhi ba dang/ rang bzhin gyis yongs su
mya ngan las 'das pa'i ngo bor mngon sum du rtogs pa'i byang
sems kyi sgom lam lnga dang/ phyi rol don gyis kun nas nyon
mongs pa med pa dang/ des rnam par byang ba

med pa dang/ des bsdus pa'i bag chags kyis gos pa med pa dang/
phyi rol don gyi dbye ba'i spros pa med pa dang/ phyi rol don du
zhen pa'i rlom pa med pa dang/ mi g.yo ba'i gzung bya don gzhan
med par mngon sum du rtogs pa'i byang sems

kyi mthong lam dang drug yod la/ bsdu na nyon sgrib kyi gnyen po
mthong lam zag med bzhi/ shes sgrib gzung rtog gi gnyen po sgom
lam zag bcas lnga/ de'i gnyen po mthong lam zag med drug ste
nyer bdun yod pa'i phyir/ de dag kyang tshig

tshogs spangs nas brjod la/ zhib par rnam bshad sogs las shes par
bya'o/ /sa lam gyi rtogs pa khyad par can thob pa la gtso bor
gegs byed kyi kha na ma tho ba/ sgrib pa'i mtshan nyid/ de la
dbye na/ nyon sgrib/ shes sgrib/ snyoms

@010a @#/ /'jug gi sgrib pa dang gsum/ gtso bor thar pa thob par
byed pa la gegs byed kyi sgrib pa'i rigs su gnas pa/ nyon sgrib
kyi mtshan nyid/ de la dbye na/ der gyur pa'i kun btags dang/
lhan skyes gnyis/

mngon gyur pa dang/ mngon gyur pa ma yin pa'i nyon sgrib gnyis/
mthong spang dang sgom spang nyon sgrib gnyis yod/ grub mthas
blo kha bsgyur ba'i dbang gis byung ba'i nyon sgrib/ nyon sgrib
kun btags kyi mtshan nyid/ mtshan gzhi

ni; grub mthas blo bsgyur ba'i dbang gis byung ba'i sgra rtag
'dzin rtog pa lta bu/ /grub mthas blo kha bsgyur ba la ma ltos
par byung ba'i nyon sgrib/ nyon sgrib lhan skyes kyi mtshan nyid/
mtshan gzhi ni/ byis pa chung ngu yan chad la

rang gi ngang gis 'byung ba'i bdag 'dzin lta bu/ mthong lam bar
chad med lam gyi dngos kyi gzhom bya'i rigs su gnas pa'i nyon
sgrib/ mthong spang nyon sgrib kyi mtshan nyid/ sgom lam bar chad
med lam gyi dngos kyi gzhom bya'i rigs

su gnas pa'i nyon sgrib/ sgom spang nyon sgrib kyi mtshan nyid/
dmigs rnam 'dzin pa'i nyon sgrib/ nyon sgrib mngon gyur pa'i
mtshan nyid/ dmigs rnam mi 'dzin pa'i nyon sgrib/ mngon gyur ma
yin pa'i nyon sgrib kyi mtshan

nyid/ gtso bor thams cad mkhyen pa thob par byed pa la gegs byed
kyi sgrib pa'i rigs su gnas pa/ shes sgrib kyi mtshan nyid/ dbye
ba dang mtshan gzhi ni rigs 'gres kyis shes par bya'o// ! gsum pa
rtsod pa

spong ba la/ kha cig /med pa'i rnam pa nas bzung ste/ /zhes sogs
kyi skabs nas dngos su bstan pa'i gzhi shes kyi rnam pa yin na/
gnyen po'i phyogs kyi gzhi shes yin dgos par thal/ skabs 'dir
dngos bstan

@010b bstan bya'i gtso bor gyur pa'i gzhi shes yin na/ gnyen
po'i phyogs kyi gzhi shes yin dgos pa'i phyir na/ ma khyab/ ma
grub na der thal/ de yin na/ byang 'phags kyi rgyud kyis bsdus
pa'i gzhi shes yin dgos pa'i phyir/ 'dod

mi nus te/ skabs 'dir dngos su bstan pa'i gzhi shes kyi rnam pa
la dman pa'i gzhi shes yod pa'i phyir/ der thal/ skabs 'dir
dngos su bstan pa'i byang sems kyi gzhi shes kyi rnam pa'i dmigs
yul du gyur pa'i de yod pa'i

phyir/ kha cig /skabs 'dir dngos su bstan pa'i gzhi shes kyi
rnam pa la bco lnga grangs 'dren pa'i tshe mthong lam zag bcas
lnga dang/ sgom lam zag med drug ces 'dren pa mi 'thad par thal/
de las ldog ste 'dren rigs

pa'i phyir/ der thal/ de ltar 'dren tshul yod pa'i phyir na/
skyon med de/ rnam bshad las 'dren tshul dngos su gsal bar bshad
pa'i rjes su 'brang rigs pa'i phyir/ kha cig /chos kyi bdag
'dzin bdag 'dzin yin par thal/ chos

kyi bdag med bdag med yin pa'i phyir na/ ma khyab/ kha cig /gang
zag rtag gcig rang dbang can du 'dzin pa'i rtog pa de gang zag
gi bdag 'dzin yin par thal/ de'i zhen yul gyis stong pa de gang
zag gi bdag med phra mo yin pa'i phyir der

thal/ gang zag rang rkya thub pa'i rdzas yod du 'dzin pa'i rtog
pa'i zhen yul gyis stong pa gang zag gi bdag med phra mo yin
pa'i phyir na/ ma khyab/ kha cig /gzugs phyi rol don 'dzin gyi
rtog pa shes sgrib ma yin par thal/ rang rgyal slob

pas shes sgrib spang bya'i gtso bor byas nas mi spong ba'i phyir
na/ ma khyab/ ma grub na/ der thal/ des thams cad mkhyen pa thob
bya'i gtso bor byas nas don du mi gnyer ba'i phyir/ zer na/ 'o
na/ rang rgyal dgra bcom pas sgrib pa

@011a @#/ /spangs par thal/ des nyon sgrib spangs pa'i phyir/
khyab pa mtshungs so/ /'dod na/ sangs rgyas yin par thal lo/ /kha
cig /mthong spang yin na/ sgrib pa yin dgos par thal/ mthong

spang sgrib pa yin na/ sgrib pa yin dgos pa'i phyir na/ ma
khyab/ 'dod na/ ngan 'gro'i phung khams skye mched chos can/ der
thal/ de'i phyir/ der thal/ de ltar mngon pa kun btus las bshad
pa'i phyir/ 'dod

mi nus so/ kha cig /nyon sgrib kyi dngos gnyen bar chad med lam
yin na/ sgrib pa'i dngos gnyen bar chad med lam yin dgos par
thal/ shes sgrib kyi dngos gnyen bar chad med lam yin na/ sgrib
pa'i dngos gnyen

bar chad med lam yin dgos pa'i phyir na/ ma khyab/ 'dod na/ nyan
thos kyi sgom lam rdo rje lta bu'i ting nge 'dzin chos can/ der
thal/ de'i phyir/ 'dod na/ nyan thos dgra bcom pa de sgrib pa
spangs pa'i gang zag

yin par thal lo// ! lam shes kyi rnam pa/ gnyis pa lam shes kyi
rnam pa ni/ rgyu dang lam dang sdug bsngal dang/ /zhes pa nas/
lnga dang bcu drug ces bsgrags so/ /zhes pa'i bar gyis 'chad la/
don ni 'grel pa las/

kun nas nyon mongs pa dang cig shes kyi phyogs la brten nas/
zhes pa nas/ spyir na lam shes pa nyid kyi rnam pa sum cu rtsa
drug yin no/ /zhes pa'i bar gsungs/ 'phros ni/ mdo las/ rab
'byor gyis gsol pa/

bcom ldan 'das 'di lta ste/ shes rab kyi pha rol tu phyin pa 'di
ni 'dod chags dang bral ba'i pha rol tu phyin pa'o/ /zhes pa
nas/ 'di ni dngos po med pa'i ngo bo nyid kyi pha rol tu phyin
pa'o/ /zhes gsungs pa las 'phros

@011b so; ;'di la rtsa ba'i tshig don dang/ mtha' dpyad pa gnyis
las/ dang po ni/ shes bya chos can/ lam shes kyi rnam pa sum cu
rtsa drug yod de/ rgyu kun 'byung dang lam bden dang 'bras bu
sdug bsngal dang 'gog pa'i bden pa la ni go rim

bzhin du kun 'byung bden pa la rnam pa de dag brgyad dang/ lan
bden la bdun dang/ sdug bsngal bden pa la lnga dang/ 'gog bden
la dmigs pa bcu drug yod ces yum gyi mdo las bsgrags pa yin pa'i
phyir// !

gnyis pa mtha' dpyad pa la gsum las/ dang po la/ kha cig /lam
shes kyi rnam pa nyams su len pa'i theg chen 'phags pa'i mkhyen
pa/ skabs 'dir dngos su bstan pa'i lam shes kyi rnam pa'i mtshan
nyid zer na/ gang zag

gi bdag med rtogs pa'i rnam mkhyen chos can/ mtshon bya der thal/
mtshan nyid de'i phyir/ der thal/ mkhyen gsum gyi rnam pa nyams
su len pa'i theg chen 'phags pa'i mkhyen pa yin pa'i phyir/ 'dod
na/ byang 'phags kyi

mkhyen pa yin par thal/ 'dod pa'i phyir/ khyab ste/ 'grel pa
las/ lam shes pa nyid kyi rnam pa ni/ byang chub sems dpa' rnams
kyis nyon mongs pa shin tu ma spangs pa'i phyir/ /zag pa dang
bcas pa kho na yin no/ /zhes

gsungs pa'i phyir/ kha cig /lam shes kyi rnam pa shar nas nyams
su len pa'i byang sems 'phags pa'i mkhyen pa/ skabs 'dir dngos
su bstan pa'i lam shes kyi rnam pa'i mtshan nyid zer na/ theg
chen mthong lam rnam grol

lam chos can/ mtshan nyid der thal/ mtshon bya de'i phyir/ der
thal/ bcu drug ces bsgrags so/ /zhes pa'i skabs nas dngos su
bstan pa'i lam shes kyi rnam pa yin pa'i phyir/ 'dod na/ de chos
can/ khyod kun rdzob

@012a @#/ /dngos yul du byed pa'i shes pa yin par thal/ 'dod pa'i
phyir/ 'dod na sla'o/ /kha cig /stong nyid mngon sum du rtogs
pa'i shes rab kyis zin pa'i byang sems kyi mkhyen pa/ skabs 'dir
dngos su bstan

pa'i lam shes kyi rnam pa'i mtshan nyid zer na/ stong nyid mngon
sum du rtogs myong gi theg dman dgra bcom pa dang rgyud gcig tu
gyur pa'i byang sems tshogs lam pa'i rgyud kyi theg chen gyi
tshogs lam chos can/ mtshon bya der

thal/ mtshan nyid de'i phyir/ 'dod na/ theg chen 'phags pa'i
mkhyen par thal/ 'dod pa'i phyir/ kha cig /bden bzhi'i rnam pa
bsgom bya'i gtso bor byas nas sgom pa'i byang sems 'phags pa yod
zer na/ de med par thal/

gang zag gi bdag med bsgom bya'i gtso bor byas nas sgom pa'i
byang sems 'phags pa med pa'i phyir/ der thal/ nyon mongs spang
bya'i gtso bor byas nas spong pa'i byang sems 'phags pa med pa'i
phyir/ kha cig /rang gi bsgom

byar gyur pa'i bden bzhi'i rnam pa gtso bor sgom pa'i byang
'phags med zer na/ de yod par thal/ rang gi bsgom byar gyur pa'i
mi rtag sogs bcu drug gang rung bsgom bya'i gtso bor byas nas
sgom pa'i byang sems 'phags pa yod pa'i

phyir/ der thal/ rang gi bsgom byar gyur pa'i lam bden gyi rnam
pa bzhi gtso bor sgom pa'i byang sems 'phags pa yod pa'i phyir//
! gnyis pa rang lugs la/ lam shes kyi rnam pa nyams su len pa'i
theg

chen 'phags pa'i mkhyen pa/ lam shes kyi rnam pa'i mtshan nyid/
lam shes gsum po gang rung gi rnam pa nyams su len pa'i byang
sems 'phags pa'i mkhyen pa/ skabs 'dir dngos su bstan pa'i lam
shes kyi rnam pa'i

@012b mtshan nyid/ de la dbye na der gyur pa'i so drug yod de/
kun 'byung gi rgyu'i rnam pa yul lam 'dun pa'i sred pa dang 'dod
chags kyi sred pa dang/ yang srid la dga' ba'i srid pa'i gnyen
por gyur pa'i theg chen gyi mthong lam gsum dang/

kun 'byung gi rnam pa 'dod chags dang/ zhe sdang dang/ gti mug
gi gnyen por gyur pa'i byang sems kyi mthong lam gsum dang/ rab
skye'i rnam pa gtsang bde rtag bdag tu zhen pa'i gnyen po theg
chen gyi mthong lam gcig dang/ rkyen

gyi rnam pa rang dbang ba'i sems can du mngon par zhen pa'i
gnyen po theg chen gyi mthong lam gcig ste bsdoms pas brgyad
dang/ lam bden gyi lam gyi rnam par gyur pa'i sems can tshad med
pa la thar pa'i go skabs 'byed pa dang

'khor 'das kyi mtha' gnyis dang ma 'brel bar 'byed pa'i mthong
lam gnyis dang/ rig pa'i rnam pa chos thams cad bden stong du
tha mi dad par rtogs pa dang/ nyan rang gi lam mchog tu mi 'dzin
pa'i mthong lam gnyis dang/ sgrub

pa'i rnam pa chos thams cad don dam par rnam par mi rtog pa
dang/ don dam par gzhal du med par rtogs pa'i mthong lam gnyis
dang/ nges 'byin gyi rnam pa chos thams cad la don dam par chags
pa med pa'i rnam pa can gyi mthong

lam gcig ste bsdoms na bdun dang/ sdug bden gyi rnam pa phung po
mi rtag pa dang/ sdug bsngal ba dang/ stong pa dang/ bdag med pa
dang/ don dam par mtshan nyid med par rtogs pa'i byang sems kyi
lam shes kyi rnam pa lnga dang/

'gog bden gyi rnam pa la 'gog pa'i rnam pa nang dang phyi dang
gnyis ka'i chos bden par 'dzin pa'i bden 'dzin ci rigs spangs
pas nang dang phyi dang phyi nang gnyis ka stong pa nyid kyi
rnam pa gsum rtogs pa'i byang sems kyi lam bshes

@013a @#/ /gsum dang/ de bzhin du sbyar te zhi ba'i rnam pa stong
pa nyid stong pa nyid dang/ chen po dang/ don dam pa dang/ 'dus
byas dang/ 'dus ma byas dang/ mtha' las 'das pa dang/ thog ma
dang tha ma

med pa dang/ dor ba med pa'i rnam pa brgyad rtogs pa'i byang
sems kyi lam shes kyi rnam pa brgyad dang/ gya nom pa'i rnam pa
rang bzhin stong pa nyid rtogs pa'i byang sems kyi lam shes kyi
rnam pa gcig dang/ nges

'byung gi rnam pa chos thams cad dang/ rang gi mtshan nyid dang/
mi dmigs pa stong pa nyid kyi rnam pa gsum rtogs pa'i byang sems
kyi lam shes gsum dang/ dngos po med pa'i ngo bo nyid stong pa
nyid kyi rnam pa

rtogs pa'i lam shes kyi rnam pa gcig ste bsdoms na bcu drug yod
pa'i phyir/ de yang dmigs bsal la 'gog bden gyi rnam pa bzhi
gzhir bzung nas der gyur pa'i stong nyid bcu drug tu 'byed pa'i
don te/ 'dir

dngos bstan theg chen gyi mthong lam gtso yang sgom lam yang yod
par bzhed do// ! gsum pa rtsod pa spong ba la/ kha cig /lam shes
chos can/ byang sems 'phags pa'i mkhyen pa yin par thal/

skabs 'dir dngos su bstan pa'i lam shes kyi rnam pa yin pa'i
phyir/ der thal/ skabs 'dir lam shes dngos su bstan pa'i phyir
zer na/ ma khyab/ 'dod mi nus so/ /kha cig /'gog bden gyi rnam
pa

bcu drug po stong nyid yin par thal/ 'gog bden gyi rnam pa la
stong nyid bcu drug yod pa'i phyir zer na/ ma khyab bo// ! rnam
mkhyen gyi rnam pa/ gsum pa rnam mkhyen gyi rnam pa 'chad pa ni/
dran pa nyer gzhag nas bzung ste/ /zhes

@013b pa nas/ sum cu rtsa dgu dag tu bzhed/ /ces pa'i bar gsungs
te/ don ni 'grel pa las/ dran pa nye bar bzhag pa nas bzung ste/
sangs rgyas rnams la sum cu rtsa dgur bzhed do/ /zhes pa'i bar
gsungs la/ 'phros ni/ rab

'byor gyis gsol pa/ bcom ldan 'das shes rab kyi pha rol tu phyin
pa 'di ni/ dran pa nye bar bzhag pa'i pha rol tu phyin pa'o/
/zhes pa nas/ sher phyin 'di ni sangs rgyas kyi pha rol tu phyin
pa'o/ /bcom ldan 'das kyis bka' stsal

pa; chos thams cad rnam pa thams cad du sangs rgyas pa'i phyir
ro/ /zhes pa'i bar gyi mdo las 'phros so/ /'di la gnyis/ rtsa
ba'i tshig don bsdus te bshad pa dang/ 'grel bar rgyas par bshad
pa'i tshul bstan pa'o/ /dang po ni/

shes bya chos can/ dran pa nye bar bzhag pa'i pha rol tu phyin
pa'o/ /zhes sogs kyis dngos su bstan pa'i dran pa nyer gzhag nas
bzung ste/ sher phyin 'di ni sangs rgyas kyi pha rol tu phyin
pa'o/ /zhes sogs kyi bar gyi mdo las

bstan pa'i sangs rgyas kyi rnam pa'i mthar thug rnams ni 'dir
rnam mkhyen gyi rnam pa yin te/ de yang sum cu rtsa bdun dang/
sum cu so bzhi dang/ sum cu rtsa dgu dag tu dbyer yod par mdo
nyid las bzhed pa'i phyir/ de ltar yin

te; sde tshan gsum du phye nas slob ma nyan thos dang/ byang chub
sems dpa' dang/ sangs rgyas rnams la rim pa bzhin du de ltar
bzhag pa'i phyir/ de ltar rigs te/ rnam mkhyen nyid la rigs kyi
sgo nas kun mkhyen gsum

du phye bas na gsum yod pa'i phyir/ de ltar yod de/ gang zag de
gsum gyi rgyud la lam gyi bden pa mi 'dra ba gsum yod pa'i rjes
su mthun par rnam mkhyen nyid la gsum du phye ba yin pa'i phyir/
gnyis pa 'grel pas rgyas

@014a @#/ /par 'chad pa ni/ de la thams cad shes pa nyid la dang
por dngos po la yongs su rtog pa'i lam la/ zhes pa nas/ rnam pa
rnams gcig tu bsdoms na brgya bdun cu rtsa gsum yod do/ /zhes
pa'i bar

gsungs/ 'di'i skabs su spyir bstan pa dang/ bye brag tu bshad pa
gnyis las/ dang po la/ kha cig /rang nyid 'phags pa 'og ma pa'i
rgyud la yang yod pa'i rnam mkhyen gyi rnam pa/ thun mong ba'i
rnam mkhyen gyi rnam pa'i

mtshan nyid/ de ltar med pa'i rnam mkhyen gyi rnam pa/ thun mong
ma yin pa'i rnam mkhyen gyi rnam pa'i mtshan nyid zer na/ sangs
rgyas 'phags pa'i rgyud kyi dran pa nyer gzhag bzhi po chos can/
mtshan nyid dang po der thal/ mtshon

bya dang po de'i phyir/ der thal/ nyan thos kyi rgyud la yod pa
dang rjes su mthun pa'i rnam mkhyen gyi rnam pa yin pa'i phyir/
der thal/ nyan thos kyi rgyud la yod pa dang rjes su mthun pa'i
rnam mkhyen gyi rnam pa de la sum cu rtsa bdun

yod pa'i phyir/ 'dod na/ 'phags pa 'og ma pa'i rgyud la yod par
thal/ 'dod pa'i phyir/ 'dod mi nus te/ rnam mkhyen yin pa'i
phyir/ phyi ma la yang des ma nges so/ /kha cig /rang gi sde
tshan 'phags pa 'og ma ba'i

rgyud la yod pa'i rnam mkhyen gyi rnam pa de/ thun mong ba'i
nnam mkhyen gyi rnam pa'i mtshan nyid/ de med pa'i rnam mkhyen
gyi rnam pa de/ thun mong ma yin pa'i rnam mkhyen gyi rnam pa'i
mtshan nyid zer na/ sangs rgyas 'phags pa'i

rgyud kyi gang zag gi bdag med rtogs pa'i ye shes chos can/
mtshan nyid dang po der thal/ mtshon bya dang po de'i phyir/ 'dod
na/ rang gi sde tshan 'phags pa 'og ma pa'i rgyud la yod par
thal/ 'dod pa'i phyir/

@014b 'dod na/ khyod 'phags pa 'og ma pa'i rgyud la yod par thal
lo/ /phyi ma la yang des ma nges so/ /kha cig /rang gi nyer len
mtshan nyid pa 'phags pa 'og ma pa'i rgyud la yod pa'i rnam
mkhyen gyi rnam pa/ thun mong ba'i rnam mkhyen

gyi rnam pa'i mtshan nyid/ de med pa'i rnam mkhyen gyi rnam pa
de/ thun mong ma yin pa'i rnam mkhyen gyi rnam pa'i mtshan nyid
zer na/ sangs rgyas 'phags pa'i rgyud kyi gnas dang gnas ma yin
par mkhyen pa'i stobs chos can/ mtshon

bya dang po der thal/ mtshan nyid dang po de'i phyir/ der thal/
rang gi nyer len mtshan nyid pa byang sems kyi rgyud la yod pa'i
rnam mkhyen yin pa'i phyir/ der thal/ rnam mkhyen yin pa'i
phyir/ 'dod mi nus te/ thun

mong ma yin pa'i rnam mkhyen gyi rnam pa yin pa'i phyir/ phyi ma
la yang des ma nges so/ kha cig /rang gi rigs 'dra mtshan nyid pa
'phags pa 'og ma pa'i rgyud la yod med kyi sgo nas thun mong
dang thun mong ma yin pa'i rnam mkhyen du

'jog zer na/ de mi 'thad par thal/ sangs rgyas 'phags pa'i rgyud
kyi gnas dang gnas ma yin par mkhyen pa'i stobs kyi rigs 'dra
'phags pa 'og ma pa'i rgyud la yod pa'i phyir te/ de'i rigs 'dra
snga ma byang sems 'phags

pa'i rgyud la yod pa'i phyir/ der thal/ byang sems 'phags pa'i
rgyud la rgyu dge ba byas pa las 'bras bu bde ba 'byung ba gnas
yin pa dang de las ldog pa ni gnas ma yin par rtogs pa'i mkhyen
pa yod pa'i phyir/ kha cig /'phags

pa 'og ma pa dang bsgom bya thun mong ba dang thun mong ma yin
pa'i sgo nas de ltar 'jog zer na/ de mi 'thad par thal/ thun
mong ma yin pa'i rnam mkhyen gyi rnam pa bsgom pa'i 'phags pa
'og ma pa yod pa'i phyir/ der thal

@015a @#/ /de sgom pa'i byang sems 'phags pa yod pa'i phyir/ der
thal/ rnam mkhyen gyi rnam pa brgya dang bcu sgom pa'i byang
sems 'phags pa yod pa'i phyir// ! gnyis pa rang gi lugs la/

mkhyen gsum gyi rnam pa sgom pa'i mthar thug pa'i ye shes rnam
mkhyen gyi rnam pa'i mtshan nyid/ de la thun mong ba'i rnam
mkhyen gyi rnam pa dang/ thun mong ma yin pa'i rnam mkhyen gyi
rnam pa gnyis yod/ 'phags pa

'og ma ba'i rgyud la yod pa dang rjes su mthun pa'i rnam mkhyen
gyi rnam pa/ thun mong ba'i rnam mkhyen gyi rnam pa'i mtshan
nyid/ de la dbye na/ nyan thos kyi rgyud la yod pa dang rjes su
mthun pa'i so bdun/ byang sems kyi rgyud

la yod pa dang rjes su mthun pa'i so bzhi yod/ sangs rgyas
'phags pa kho na'i rgyud la yod pa dang rjes su mthun pa'i rnam
mkhyen gyi rnam pa/ thun mong ma yin pa'i rnam mkhyen gyi rnam
pa'i mtshan nyid/ de la so dgu yod//

! gsum pa rtsod pa spong ba la/ kha cig /nyan thos kyi rnam
mkhyen yod par thal/ nyan thos kyi rnam mkhyen gyi rnam pa yod
pa'i phyir/ der thal/ nyan thos dang thun mong ba'i rnam mkhyen
gyi rnam pa yod pa'i phyir zer na ma khyab

kha cig /sangs rgyas 'phags pa'i rgyud kyi dran pa nyer gzhag
bzhi po chos can/ nyan thos dang thun mong ba'i rnam mkhyen gyi
rnam pa ma yin par thal/ nyan thos kyi rgyud la yod pa dang rjes
su mthun pa'i rnam mkhyen gyi rnam pa

ma yin pa'i phyir/ der thal/ byang sems kyi rgyud la yod pa dang
rjes su mthun pa'i rnam mkhyen gyi rnam pa yin pa'i phyir/ zer
na/ ma khyab ste/ de gnyis mi 'gal ba'i phyir/ der thal/ byang
phyogs so bdun po de nyan

@015b thos kyi rgyud la yang yod/ byang chub sems dpa'i rgyud la
yang yod pa'i phyir/ kha cig /nyan thos dang thun mong ba'i rnam
mkhyen med par thal/ rnam mkhyen yin na/ sangs rgyas 'phags pa
kho na'i yin dgos pa'i phyir na

ma khyab bo/ /kho na re/ de mi 'thad par thal/ sangs rgyas
'phags pa kho na med pa'i phyir/ zer na/ don gtso che ba bya
dgos te/ de'i skabs kyi kho na'i sgras sems can gyi rgyud la
rnam mkhyen yod pa gcod pa yin gyi/ sangs

rgyas 'phags pa kho na yod par khas blangs pa la yin pa'i
phyir// ! dran pa nyer gzhag /gnyis pa bye brag tu bshad pa la
gsum/ nyan thos dang thun mong ba'i lam bshad pa/ byang sems
dang thun mong ba'i lam bshad pa/ sangs rgyas

kho na'i thun mong ma yin pa'i lam bshad pa'o/ /dang po la bdun/
/dran pa nyer gzhag /yang dag spong pa/ rdzu 'phrul gyi rkang
pa/ dbang po/ stobs/ byang chub kyi yan lag /'phags lam gyi yan
lag go /dang po ni/ de la thams

cad shes pa nyid la/ zhes pa nas/ lus dang tshor ba dang sems
dang chos rang dang spyi'i mtshan nyid kyis yongs su brtags pa
dran pa nye bar bzhag pa'i rnam pa bzhi'o/ /zhes pa'i bar gsung/
'di'i skabs su gsum las/ dang po la/

kha cig /lam yin na/ dran pa nyer gzhag yin pas khyab zer na/ de
mi 'thad par thal/ dran pa nyer gzhag yin na/ lta spyod gnyis su
phye ba'i lta ba'i char gtogs shig dgos pa'i phyir/ kha cig dran
pa yin na/ dran pa nyer gzhag yin

pas khyab zer na/ lam ma zhugs gang zag gi rgyud kyi yul des
snga'i ? tshan du gyur pa'i dran pa chos can/ der thal/ de'i
phyir/ der thal/ chos can de'i phyir/ der thal/ de yod pa'i
phyir/ der thal/ 'dun mos dran ting shes rab

@016a @#/ /ste/ /de dag yul nges lnga yin no/ /zhes gsungs pa'i
phyir/ 'dod na/ lam yin par thal lo/ /kha cig /dran pa nyer
gzhag yin na/ dran pa yin pas khyab zer na/ dran pa nyer gzhag
dang mtshungs

ldan du gyur pa'i gtso sems chos can/ der thal/ de'i phyir/ der
thal/ chos can de'i phyir/ khyab ste/ mdzod las/ gtso bo smos pa
de dag ni/ /sbyor byung yon tan kun kyang yin/ /zhes gsungs pa'i
phyir/ 'dod na/

sems byung yin par thal/ 'dod pa'i phyir/ 'dod mi nus so/ /kha
cig /rang yul la shes rab kyis so sor dpyad nas dran pas mi
brjed par 'dzin pa'i rang gi grogs ting nge 'dzin mtshungs ldan
dang bcas pa'i rig pa/

dran pa nyer gzhag gi mtshan nyid zer na/ de mi 'thad par thal/
lam ma zhugs na de lta bu'i rig pa yod pa'i phyir/ der thal/ des
na blang dor la so sor dpyod pa'i shes rab dang de la rtse gcig
pa'i ting nge 'dzin yod pa'i phyir/ der

thal/ lam ma zhugs gang zag gi rgyud la zhi lhag zung 'brel yod
pa'i phyir/ kha cig /bden bzhi'i blang dor la shes rab kyis so
sor dpyad nas dran pas mi brjed par 'dzin pa'i shes rab/ dran pa
nyer gzhag gi mtshan nyid

zer na/ dran pa nyer gzhag tu gyur pa'i gtso sems chos can/
mtshan nyid der thal/ mtshon bya de'i phyir/ 'dod na/ shes rab yin
par thal/ 'dod pa'i phyir/ 'dod na/ sems byung yin par thal lo/
/kha cig /lus

bdag gi gnas dang/ sems bdag gi ngo bo dang/ tshor ba bdag gi
longs spyod kyi gzhi dang/ chos bdag gi kun nas nyon mongs pa
dang rnam byang gi gzhir zhen pa zlog pa'i phyir du/ yus dran pa
nyer gzhag sogs sgom pa

@016b yin no zer na/ 'o na lus bdag gi gnas su zhen mi rigs par
thal/ dam bca' 'thad pa'i phyir/ 'dod na/ de rigs par thal/ lus
bdag gi gnas su 'dzin rigs pa'i phyir/ der thal/ lus bdag gi
gnas min ma'i phyir

der thal/ bdag lus la gnas pa'i phyir/ der thal/ de lus la brten
pa'i phyir/ gzhan yang/ tshor ba bdag gi longs spyod kyi gzhir
zhen mi rigs par thal/ dam bca' 'thad pa'i phyir/ 'dod na/ de
rigs par thal/ tshor ba bdag

gi longs spyod kyi gzhi yin pa'i phyir/ der thal/ tshor ba bde ba
longs spyod kyi gzhi yin pa'i phyir/ gzhan yang/ chos bdag gi
kun nyon gyi gzhir zhen mi rigs par thal/ dam bca' 'thad pa'i
phyir/ 'dod na/ de rigs par

thal/ chos bdag gi kun nyon gyi gzhir 'dzin rigs pa'i phyir/ der
thal/ chos kun nas nyon mongs pha dang rnam par byang ba'i gzhi
yin pa'i phyir/ der thal/ chos kun nas nyon mongs pa'i gzhi gang
zhig /rnam par byang ba'i gzhi yin

pa'i phyir/ kha cig /lus su gyur pa'i dran pa nyer gzhag yod zer
na/ de med par thal/ dran pa nyer gzhag yin na/ lus ma yin dgos
pa'i phyir/ der thal/ de yin na/ gzugs ma yin dgos pa'i phyir//
!

gnyis pa rnag gi lugs la/ rang gi dmigs yul du gyur pa'i blang
dor la shes rab kyis so sor dpyad nas dran pas mi brjed par
'dzin pas rab tu phye ba'i lta spyod gnyis su bye ba'i lta ba'i
char gtogs pa'i mkhyen pa/ dran pa pa nyer gzhg

gi mtshan nyid/ de la lus dran pa nyer gzhag /tshor ba dran pa
nyer gzhag /sems dran pa nyer gzhag /chos dran pa nyer gzhag
dang bzhi yod/ dmigs yul gyi sgo nas phyi dang nang dang gnyis
ka la dmigs pa'i dran pa nyer gzhag

@017a @#/ /gsum yod// ! gsum pa rtsod pa spong ba la/ kha cig
/mdzod las/ dran pa nyer gzhag shes rab bo/ /zhes gsungs pa mi
'thad par thal/ dran pa nyer gzhag yin na/ shes rab yin pas

ma khyab ba'i phyir/ zer na/ ma khyab/ de ni gtso che ba la
dgongs pa'i phyir/ kha cig /lus bdag gi gnas su zhen mi rigs par
thal/ lus gang zag gi bdag gi gnas su zhen mi rigs pa gang zhig
/lus de'i gnas su bden

par zhen mi rigs pa'i phyir/ zer na/ ma khyab// ! yang dag spong
ba/ gnyis pa yang dag spong ba ni/ de'i 'og tu zhugs pa la
brtson 'grus 'byung bas rtsol ba las byung ba'i lam la/ zhes pa
nas/ yang dag par spong ba'i rnam pa bzhi'o//

zhes pa'i bar gsungs/ 'di'i skabs su gsum las/ dang po la/ kha
cig /spang gnyen la blang dor byed par spro ba'i brtson 'grus
de/ yang dag spong ba'i mtshan nyid zer na/ de mi 'thad par thal/
spang gnyen la blar dor byed par spro

ba'i gang zag yin na/ yang dag spong ba rgyud ldan yin pas ma
khyab pa'i phyir/ der thal/ spang gnyen la blang dor byed par
spro ba'i brtson 'grus dang ldan pa'i lam ma zhugs yod pa'i
phyir/ gzhan yang/ yang dag spong ba dang

mtshungs ldan du gyur pa'i gtso sems chos can/ mtshan nyid der
thal/ mtshon bya de'i phyir/ 'dod na/ brtson 'grus yin par thal/
'dod pa'i phyir/ 'dod na/ sems byung yin par thal lo/ /kha cig
/dran pa nyer

gzhag thob pa'i gang zag yin na/ yang dag spong ba thob pas
khyab zer na/ dran pa nyer gzhag thob ma thag pa'i gang zag chos
can/ der thal/ de'i phyir/ rtags gsal sla'o/ /kha cig /dge ba'i
chos ma skyes pa skyed

@017b par byed pa'i yang dag spong ba yod zer na/ de mi 'thad
par thal/ dge ba'i chos ma skyes pa skyed par byed mi nus pa'i
phyir/ der thal/ dge ba'i chos ma skyes pa 'dus ma byas yin pa'i
phyir// ! gnyis pa rang gi lugs

la; rang gi nyer len du gyur pa'i dran pa nyer gzhag las byung
ba'i bden bzhi sogs blang dor gang rung la spro ba'i sgo nas
rang gi dmigs pa la rtse gcig pa'i lta spyod gnyis su phye ba'i
lta ba'i char gtogs pa'i mkhyen pa/ yang

dag spong ba'i mtshan nyid/ de la mi dge ba'i chos skye 'gyur mi
skye bar byed pa/ skyes zin spong bar byed pa/ dge ba'i chos
skye 'gyur skyed par byed pa/ skyes zin spel bar byed pa'i yang
dag spong ba dang bzhi yod// !

gsum pa rtsod pa spong ba la/ kha cig /yang dag par spong ba yod
par thal/ yang dag spong ba yod pa'i phyir na/ re shig ma khyab/
'dod na/ yang dag bar grub pa yod par thal/ 'dod pa'i phyir na/
ma khyab/ kha cig /yang

dag spong ba yin na/ brtson 'grus yin dgos par thal/ mdzod las/
yang dag spong ba brtson 'grus so/ /zhes gsungs pa'i phyir/ zer
na/ skyon med de/ gtso che ba bcu dgongs pa'i phyir/ kha cig
/yang dag spong ba

rgyud ldan gyi tshogs lam chung ngu ba med par thal/ yang dag
spong ba thob pa la tshogs lam chen po thob dgos pa'i phyir na/
ma khyab/ 'dod mi nus te/ tshogs lam chung ngu pa'i rgyud la dran
pa nyer gzhag dang yang dag spong ba

rdzu 'phrul gyi rkang pa gsum ga yod pa'i phyir// ! brdzu 'phrul
gyi rkang pa/ gsum pa rdzu 'phrul gyi rkang pa ni/ brtson 'grus
dang ldan pa ni sems rung ba nyid du byed pas/ zhes pa nas/ rdzu
'phrul gyi rkang pa'i rnam pa bzhi'o/ /zhes

@018a @#/ /pa'i bar gsungs/ 'di'i skabs su gsum las/ dang po la/
kha cig /sprul bsgyur sna tshogs kyi rten byed pa'i rang gi dmigs
pa la rtse gcig pa'i ting nge'i 'dzin/ rdzu 'phrul gyi rkang
pa'i mtshan

nyid zer na/ lam ma zhugs kyi gang zag gi rgyud kyi de 'dra ba'i
ting nge 'dzin chos can/ mtshon bya der thal/ mtshan nyid de'i
phyir/ der thal/ de yod pa'i phyir/ der thal/ rdzu 'phrul gyi
mngon shes thob la mnyams pa'i phyi rol pa yod

pa'i phyir/ der thal/ de thob pa'i phyi rol pa yod pa'i phyir/
'dod na/ mkhyen pa yin par thal/ 'dod pa'i phyir/ 'dod mi nus
so/ /kha cig /lam zhugs gang zag gi rgyud kyi de 'dra ba'i ting
nge 'dzin/ rdzu 'phrul gyi rkang pa'i

mtshan nyid zer na/ rdzu 'phrul gyi rkang pa ma thob pa'i lam
zhugs gang zag gi rgyud kyi de 'dra'i ting nge 'dzin chos can/
mtshon bya der thal/ mtshan nyid de'i phyir/ der thal/ chos can
de'i phyir/ der thal/ de yod pa'i phyir/

der thal/ rdzu 'phrul sna tshogs ston nus pa'i lam ma zhugs yod
pa gang zhig /de ltar na de yang 'thad pa'i phyir/ 'dod na sla/
kha cig /'dun pa'i rdzu 'phrul gyi rkang pa yin na/ 'dran pa yin
pas khyab/ de bzhin du gzhan

la yang sbyor zer na/ rdzu 'phrul gyi rkang par gyur pa'i 'dun
pa dang mtshungs ldan du gyur pa'i gtso sems chos can/ 'dun pa
yin par thal/ 'dun pa'i rdzu 'phrul gyi rkang pa yin pa'i phyir/
'dod na/ sems byang yin par thal/

'dod pa'i phyir/ khyab ste/ 'dun sogs yul nges lnga po gang rung
la sems byung gis khyab pa'i phyir// ! gnyis pa rang gi lugs la/
yang dag spong ba thob pa'i gang zag gi rgyud kyi sprul pa rgyur
sna tshogs kyi

@018b rten byed pa'i rigs su gnas pa'i mkhyen pa/ rdzu 'phrul
gyi rkang pa'i mtshan nyid/ de la 'dun pa'i rdzu 'phrul gyi rkang
pa/ brtson 'grus kyi de/ sems kyi de/ dpyod pa'i rdzu 'phrul gyi
rkang pa dang bzhi'o/ /? gsum pa rtsod pa spong ba

la; kha cig /rdzu 'phrul gyi rkang pa yin na/ shes pa yin dgos
par thal/ dam bca' 'thad pa'i phyir/ 'dod na/ rdzu 'phrul yin
na/ shes pa yin dgos par thal/ 'dod pa'i phyir na/ ma khyab/
'dod na/ sprul bsgyur yin na/ shes pa

yin dgos par thal/ 'dod pa'i phyir/ 'dod na/ byang sems kyis lus
gcig tu sprul zhing mang por bsgyur ba dang/ mang por sprul nas
gcig tu bsgyur ba de yang shes pa yin par thal lo/ /kha cig
/rdzu 'phrul gyi rkang pa yin pa/ ting

'dzin yin dgos par thal/ mdzod las/ rdzu 'phrul rkang pa ting
'dzin to/ /zhes gsungs pa'i phyir na/ ma khyab// ! dbang po
lnga/ bzhi pa dbang po ni/ sems yongs su sbyang ba byas pa las
dro ba dang rtse mo'i sbyor ba 'byang bas/ zhes pa nas ?

po'i rnam pa lnga'o zhes ba'i bar gsungs/ 'di'i skabs su gsum
las/ dang po la/ kha cig /dad pa yin na/ dad pa'i dbang po yin
pas khyab zer na/ lam ma zhugs kyi gang zag phal ba'i rgyud kyi
dad pa chos can/ der thal/ de'i

phyir/ 'dod na/ mi 'thad de/ chos can de'i phyir/ kha cig /dad
pa'i dbang po yin na/ byang phyogs so bdun gyi nang tshan du gyur
pa'i dad pa'i dbang po yin pas khyab zer na/ lam du 'jug kha
ma'i gang zag gi rgyud kyi dad pa'i dbang bo

chos can/ der thal/ de'i phyir/ der thal/ chos can de'i phyir/
de der thal/ de yod pa'i phyir/ der thal/ lam du ma zhugs pa'i
rigs can gsum so so la nang gses kyi dbang po rno rtul yod pa'i
phyir/ 'dod na sla/ kha cig /lam

@019a @#/ /zhugs gang zag gi rgyud kyi dad pa'i dbang po yin na/
de'i nang tshan du gyur pa'i dad pa'i dbang po yin pas khyab zer
na/ nyan thos kyi tshogs lam thob ma thag pa'i gang zag gi rgyud
kyi dad pa'i dbang po chos can/ der thal/

de'i phyir/ 'dod mi nus te/ chos can de yin pa'i phyir// ! gnyis
pa rang gi lugs la/ sbyor lam drod thob pa'i gang zag gi rgyud
kyi rang 'bras 'phags lam bskyed pa la dbang byed pa'i dad sogs
lnga po gang rung

gis bsdus pa'i mkhyen pa/ byang phyogs so bdun gyi nang tshan du
gyur pa'i dbang po'i mtshan nyid/ sel dad pa'i dbang po/ brtson
'grus kyi dbang po/ dran pa'i dbang po/ ting nge 'dzin gyi dbang
po/ shes rab kyi dbang po dang lnga

yod// ! gsum pa rtsod pa spong ba la/ kha cig /lam ma zhugs na/
dad pa'i dbang po med par thal/ de na byang phyogs so bdun gyi
nang tshan du gyur pa'i dad pa'i dbang po med pa'i phyir zer na/
ma khyab/ kha cig /dad pa'i

dbang po yin na/ sems byung yin dgos par thal/ dad pa yin na/
sems byung yin dgos pa'i phyir/ der thal/ dad sogs dge ba bcu
gcig po gang rung yin na/ sems byung yin dgos pa'i phyir na/ re
shig ma khyab/

'dod mi nus so// !stobs lnga/ lnga pa stobs ni/ dro ba la sogs
thong pa la/ zhes pa nas/ rnam pa lnga'o/ /zhes pa'i bar gsungs/
'di'i skabs su gsum las/ dang po la kha cig /stobs yin na/ stobs
lnga po gang rung yin pas khyab zer na/

phyi rol pa'i rgyud kyi lus ngag gi stobs chos can/ der thal/
de'i phyir/ der thal/ de yod pa'i phyir/ der thal/ de'i lus
rtsal dang ngag rtsal yod pa'i phyir/ 'dod mi nus so/ /kha cig
/dad pa'i dbang po dang stobs gnyis

@019b 'gal zer na/ sbyor lam pa'i rgyud kyi dad pa'i stobs chos
can/ dad pa'i dbang po ma yin par thal/ dad pa'i stobs yin pa'i
phyir/ 'dod na/ de yin par thal/ rang gi mi mthun phyogs ma dad
pa zil gyis gnon pa'i dad pa'i

dbang stobs gang rung yin pa'i phyir/ kha cig /dad pa'i dbang po
rgyud ldan gyi gang zag gi rgyud la ma dad pa 'jug pa yod kyang/
dad pa'i stobs rgyud ldan gyi gang zag gi rgyud la ma dad pa
'jug pa med zer na/ de mi 'thad par thal/ dad pa'i

stobs thob pa'i gang zag gi rgyud la ma dad pa yod pa'i phyir/
der thal/ sbyor lam bzod pha ba'i rgyud la ma dad pa yod pa'i
phyir/ der thal/ de'i rgyud la nye nyon nyi shu'i nang tshan gyi
ma dad pa yod pa'i phyir/ der thal/ the tshom nyon mongs

can ni rnam grol lam thob pa'i tshe spangs pa'i phyir// ! gnyis
par rang lugs la/ sbyor lam bzod pa thob pa'i gang zag gi rgyud
kyi rang 'bras 'phags lam bskyed pa la dbang byed pa'i dad sogs
lnga po gang rung gis

bsdus pa'i mkhyen pa/ byang phyogs so bdun gyi nang tshan du gyur
pa'i stobs kyi mtshan nyid/ de la dad pa/ brtson 'grus/ dran pa/
ting nge 'dzin/ shes rab kyi stobs dang lnga yod/ dad pa'i dbang
stobs gnyis kyi khyad par yod de/

dad pa'i dbang po'i rjes kyi gnas skabs su rang gi mi mthun
phyogs ma dad pa sogs mngon gyur pas tshur la zil gyis gnon yang/
dad pa'i stobs thob pa'i rjes kyi gnas skabs su rang gi mi mthun
phyogs ma dad pa sogs mngon gyur pas tshur

zil gyis mi gnon par ma zad/ phar zil gyis gnon par byed pa de
gnyis kyi khyad par yin pa'i phyir// ! gsum pa rtsod pa spong ba
la/ kha cig /phyi rol pa'i rgyud la dad pa'i stobs yod par thal/
de'i rgyud la stobs yod

@020a @#/ /pa'i phyir na/ ma khyab/ ma grub na der thal/ de'i
rgyud la stobs dang brtson 'grus gnyis ka yod pa'i phyir/ kha
cig /nyan thos tshogs lam pa'i rgyud la stobs lnga po gang rung
yod par thal/ byang

sems tshogs lam pa'i rgyud la de yod pa'i phyir na/ ma khyab/
rtags der thal/ nyan thos dgra bcom pa'i rtogs pa sngon du song
ba'i byang sems tshogs lam pa'i rgyud la de yod pa'i phyir/ 'dod
mi nus so// ! byang chub yan lag /drug pa

byang chub kyi yan lag ni/ dro ba la sogs pa bzhi rtogs pa la
bden pa mthong ba'i lam 'byung bas/ zhes pa nas/ byang chub kyi
yan lag gi rnam pa bdun no/ /zhes pa'i bar gsung/ 'di'i skabs su
gsum las/ dang po la/ kha

cig /byang chub kyi yan lag yin na/ byang chub gsum po gang rung
yin pas khyab zer na/ nyan thos mthong lam pa'i rgyud kyi dran
pa yang dag byang chub kyi yan lag chos can/ der thal/ de'i
phyir/ 'dod na/ de mi 'thad par

thal; nyan thos kyi byang chub kyang ma yin/ gzhan gnyis gang
rung yang ma yin pa'i phyir/ dang po de thal/ de nyan thos dgra
bcom pa'i rgyud kyi yon tan ma yin pa'i phyir/ kha cig /ma khyab
zer/ kha cig /byang chub kyi

yan lag yin na/ theg dman gyi rtogs rigs su gnas pas khyab zer
na/ theg chen mthong lam bar chad med lam pa'i rgyud kyi byang
chub kyi yan lag chos can/ der thal/ de'i phyir/ der thal/ chos
can de yin pa'i phyir/

der thal/ de yod pa'i phyir/ der thal/ de'i rgyud kyi don dam
sems bskyed de 'khor byang chub yan lag bdun dang bcas pa'i
phyir/ der thal/ mdo sde rgyan las/ rtag tu rin chen bdun lta
bu'i/ /byang chub yan lag bdun

@020b gyis bskor/ /zhes gsungs pa'i phyir/ kha cig /byang chub
kyi yan lag yin na/ mthar thug byang chub kyi rgyu yin pas khyab
zer na/ mthar thug byang chub kyi rgyu yod par thal/ dam bca'
'thad pa'i phyir/ 'dod mi nus te/ de 'dus na

byas yin pa'i phyir/ kha cig /nyan thos tshogs lam pa'i rgyud la
byang chub kyi yan lag yod zer na/ de med par thal/ byang chub
kyi yan lag yin na/ 'phags lam yin dgos pa'i phyir/ der thal/
theg pa gsum po gang rung gi byang

chub kyi yan lag bdun po thob pa dang/ 'phags lam thob pa dus
mnyam pa'i phyir/ der thal/ dman lam sngon du ma song ba'i byang
sems sbyor lam pa des theg chen gyi mthong lam thob pa dang
byang chub kyi yan lag bdun po

thob pa dus mnyam pa'i phyir/ der thal/ mdo sde rgyan las/ rgyal
sras byang chub phyogs mthun pa/ /rnam pa sna tshogs thams cad
dag /rtag tu mthong ba'i lam 'di dang/ /lhan cig tu ni 'thong
bar 'dod/ /ces gsungs pa'i

phyir/ / ! rang gi lugs la/ byang chub kyi cha shas sam rang
'bras byang chub kyi rgyu gang rung du gyur pa'i 'phags rgyud
kyi mkhyen pa/ byang chub kyi yan lag gi mtshan nyid/ de la dran
pa yang dag byang chub kyi yan

lag /chos rab tu rnam 'byed yang dag de/ brtson 'grus yang dag
de/ dga' ba yang dag de/ shin tu sbyangs pa yang dag de/ ting
'dzin yang dag de/ btang snyoms yang dag byang chub kyi yan lag
dang bdun mong// ! gsum

pa rtsod pa spong ba la/ kha cig /byang chub kyi yan lag yin na/
theg dman gyi rtogs rigs su gnas pas khyab par thal/ de theg
dman gyi rtogs rigs su gnas pa'i phyir/ zer na/ ma khyab/ kha
cig /nyan thos mthong lam pa'i rgyud
0

@21a @#/ /kyi dran pa yang dag byang chub kyi yan lag de/ nyan
thos kyi byang chub yin par thal/ de theg dman gyi byang chub
yin pa'i phyir/ der thal/ theg dman gyi gnas skabs kyi byang
chub yin pa'i phyir na/ re

zhig ma khyab/ /! 'phags lam yan lag bdun pa 'phags lam yan lag
ni/ bden pa mthong ba yongs su shes pa la sgom pa'i lam 'byung
bas/ zhes pa nas/ 'phags pa'i lam yan lag brgyad kyi rnam pa
brgyad de/ zhes

pa'i bar gsung/ 'di'i skabs su gsum las/ dang po la kha cig
/'phags lam gyi cha shas yin na/ 'phags lam yan lag yin pas
khyab zer na/ 'o na/ bum pa'i cha shas yin na/ bum pa yin dgos
par thal/

dam bca' 'thad pa'i phyir/ 'dod na/ bum pa'i mchu zhabs chos
can/ der thal/ de'i phyir/ rtags gsal sla/ gzhan yang/ 'phags
lam gyi khyad par yin na/ 'phags lam yan lag yin dgos par thal/
dam

bca' 'thad pa'i phyir/ 'dod na/ 'phags lam gyi khyad chos yin
na/ 'phags lam yan lag yin dgos par thal/ 'dod pa'i phyir/ 'dod
mi nus so/ /kha cig /yang dag pa'i lta ba yin na/ 'phags lam yan
lag brgyad

kyi nang tshan du gyur pa'i yang dag ba'i lta ba yin pas khyab
zer na/ nyan thos tshogs lam pa'i rgyud kyi rgyu dge ba byas pa
las 'bras bu bde ba 'byung bar lta ba'i lta ba chos can/ der
thal/ de'i phyir/ der thal/ 'jig rten pa'i yang dag

pa'i lta ba yin pa'i phyir/ der thal/ 'jig rten pa'i yang dag
pa'i lta ba yod pa'i phyir/ der thal/ mdo las/ 'jig rten pa yi
yang dag lta/ /mi gang su la yod gyur pa/ /de ni bskal ba stong
rnams su/ /ngan 'gror 'gro ba

@021b mi 'gyur ro/ /zhes gsungs pa'i phyir/ 'dod na/ 'phags
rgyud kyi mkhyen pa yin par thal lo/ /kha cig /yang dag pa'i
rtog pa yin na/ 'phags lam yan lag brgyad kyi nang tshan du gyur
pa'i yang dag pa'i rtog pa yin pas khyab/ yang

dag pa'i ngag yin na/ de'i nang tshan du gyur pa'i yang dag pa'i
ngag yin pas khyab zer na/ lam ma zhugs gang zag gi rgyud kyi
dngos po bden med du rtogs pa'i rjes dpag chos can/ der thal/
de'i phyir/ der thal/ rtog pa yang dag yin pa'i

phyir/ der thal/ bden med rtogs pa'i rjes dpag yin pa'i phyir/
'dod mi nus so/ /phyi ma la/ mngon rtogs rgyan chos can/ der
thal/ de'i phyir/ der thal/ ngag yang dag yin pa'i phyir/ der
thal/ ngag rnam dag yin pa'i

phyir/ 'dod na/ shes pa yin par thal lo/ /kha cig /'phags lam
yan lag brgyad kyi nang tshan du gyur pa'i yang dag pa'i rtog pa
yin na/ yang dag pa'i rtog pa yin pas khyab/ de'i nang tshan du
gyur pa'i yang dag pa'i ngag yin na/

yang dag pa'i ngag yin pas khyab zer na/ dang po la/ sangs rgyas
'phags pa'i rgyud kyi 'phags lam yan lag brgyad kyi nang tshan du
gyur pa'i yang dag pa'i rtog pa chos can/ der thal/ de'i phyir/
rtags sla/ 'dod mi

nus te/ rtog pa ma yin pa'i phyir/ phyi ma de yang mi 'thad par
thal/ de yin na/ yang dag pa'i ngag ma yin dgos pa'i phyir/ der
thal/ yang dag pa'i ngag yin na/ ngag yin dgos pa'i phyir/ der
thal/ yang dag

pa'i lus yin na/ lus yin dgos pa'i phyir/ /! gnyis pa rang gi
lugs la/ 'phags lam gyi cha shas sam rang 'bras 'phags lam gyi
rgyu gang rung du gyur pa'i 'phags rgyud kyi mkhyen pa/ 'phags
lam gyi

@022a @#/ /yan lag gi mtshan nyid/ de la der gyur pa'i yang dag
pa'i lta ba/ yang dag pa'i rtog pa/ yang dag pa'i ngag/ /yang
dag pa'i las kyi mtha'/ yang dag pa'i 'tsho ba/ yang dag pa'i
rtsol lang/

yang dag pa'i dran pa/ yang dag pa'i ting 'dzin dang brgyad yod/
snga phyi bsdu na so bdun yod la so bdun po des rnam mkhyen gyi
rnam pa so bdun yang shes par bya'o/ /! gsum pa rtsod pa spong
ba la/ kha cig /lam

shes kyi yan lag yin na/ lam shes yin dgos par thal/ 'phags lam
gyi yan lag yin na/ 'phags lam yin dgos pa'i phyir na ma khyab/
'dod mi nus so/ /kha cig/ sangs rgyas 'phags pa'i rgyud la

'phags lam yan lag brgyad kyi nang tshan du gyur pa'i yang dag
pa'i rtsol ba yod par thal/ dam bca' 'thad pa'i phyir/ 'dod na/
de'i rgyud la rtsol ba yod par thal/ 'dod pa'i phyir na/ ma
khyab/ 'dod mi nus te/ de'i

rgyud la 'bad rtsol med pa'i phyir/ der thal/ de 'bad rtsol
mtha' dag spangs pa'i gang zag yin pa'i phyir/ kho na re/ sangs
rgyas 'phags pa'i rgyud la rtsol ba yod par thal/ de'i rgyud la
brtson 'grus yod pa'i phyir na/ ma khyab/

rtags der thal/ de'i phar phyin drug yod pa'i phyir/ kha cig
/byang chub yan lag dang por thob nas de rjes 'phags lam yan lag
thob dgos pa'i go rim nges can yin par thal/ mdo sde rgyan las/
de yi 'og tu ji lta bu/ /

rtogs pa'i rjes su 'jug pa skye/ /zhes dang/ mnyam gzhag ji
bzhin rtogs pa dang/ /zhes gsungs pa'i phyir na/ ma khyab/ 'dod
mi nus te/ dman lam sngon du ma song ba'i theg chen mthong lam
bar chad med lam ba'i rgyud la 'phags

@022b lam yan lag yod pa'i phyir/ / ! rnam thar sgo gsum/ gnyis
pa byang sems dang thun mong ba'i lam bshad pa la drug /gnyen
po'i lam/ sprul ba'i lam/ mthong chos bder gnas kyi lam/ 'das
lam/ spong bzhi'i lam/ sangs rgyas

kyi lam mo/ /dang po ni/ lam shes pa nyid la gnyen po'i lam/
zhes pa nas/ rnam par thal pa'i sgo gsum gyi rnam pa gsum mo/
/zhes pa'i bar gsung/ 'di'i skabs su mtha' dpyad pa la gsum las/
dang po la kha cig/ rnam

thar sgo gsum po gang rung yin na/ skabs 'dir dngos su bstan
pa'i rnam thar sgo gsum po gang rung yin pas khyab zer na/ sangs
rgyas 'phags pa'i rgyud kyi rnam par thar ba'i sgo stong ba nyid
kyi ting 'dzin chos can/ der thal/

de'i phyir/ 'dod na/ byang sems kyi rgyud kyi rnam thar sgo gsum
po gang rung yin par thal/ 'dod pa'i phyir/ 'dod mi nus so/ /kha
cig /rnam par thar pa'i sgo stong pa nyid kyi dmigs pa yin na/
stong nyid yin pas khyab zer

na; sdug bsngal bden pa'i steng gi don gzhan gyis stong pa chos
can/ der thal/ de'i phyir/ der thal/ mdzod las/ stong nyid bdag
med stong nyid du/ /'jug pa'o/ zhes gsungs pa'i phyir/ 'dod mi
nus te/ kun rdzob

bden pa yin pa'i phyir/ kha cig /rnam thar sgo gsum po gang rung
yin na/ theg dman gyi rtogs rigs su gnas pas khyab zer na/ theg
chen mthong lam bar chad med lam chos can/ der thal/ de'i phyir/
der thal/ rnam par thar pa'i sgo

stong ba nyid yin pa'i phyir/ der thal/ slob pa'i rgyud kyi
stong nyid mngon sum du rtogs pa'i ye shes yin pa'i phyir/ 'dod
mi nus so/ /kha cig /de yin na/ theg chen gyi rtogs rigs su gnas
pas khyab zer na/ nyan thos

@023a @#/ /mthong lam bar chad med lam chos can/ der thal/ de'i
phyir/ der thal/ rnam par thar pa'i sgo stong pa nyid yin pa'i
phyir/ der thal/ nyan thos kyi bar chad med lam yin pa'i phyir/
'dod mi

nus te/ gang zag gi bdag med mngon sum du rtogs pa'i slob lam
yin pa'i phyir/ kha cig /rnam par thar pa'i sgo stong pa nyid
yin na/ ting nge 'dzin yin pas khyab zer na/ theg chen mthong
lam bar chad med lam ba'i rgyud

kyi yid kyi rnam par shes pa chos can/ der thal/ de'i phyir/ der
thal/ chos can de'i phyir/ 'dod na/ sems byung yin par thal/
'dod pa'i phyir/ 'dod mi nus te/ gtso sems yin pa'i phyir/ kha
cig /rnam

par thar pa stong pa nyid kyi ting nge 'dzin yin na/ rnam par
thar pa'i sgo stong pa nyid yin pas khyab/ rnam par thar pa
stong pa nyid yin na/ rnam par thar pa stong pa nyid kyi ting
'dzin yin pas khyab zer na/ dang po la/

nyan thos sbyor lam pa'i rgyud kyi gang zag gi bdag med rtogs
pa'i lhag mthong chos can/ der thal/ de'i phyir/ der thal/ bdag
med rtogs pa'i sgom byung gi mkhyen pa yin pa'i phyir/ der thal/
bdag med rtogs pa'i lhag mthong

yin pa'i phyir/ 'dod na/ 'phags rgyud kyi mkhyen pa yin par
thal/ 'dod pa'i phyir/ phyi ma la/ slob pa'i rgyud kyi bdag med
rtogs pa'i bsam byung gi blo chos can/ der thal/ de'i phyir/ der
thal/ bdag med rtogs

pa'i mkhyen pa yin pa'i phyir/ 'dod na/ sgom byung gi blo yin
par thal lo/ /kha cig /rnam par thar pa'i sgo stong pa nyid
dang/ stong pa nyid kyi gzhi mthun pa yod zer na/ de med par
thal/ de yin na/ stong pa nyid ma yin

@023b dgos pa'i phyir/ kha cig /rnam thar sgo gsum po 'gal lo
zer na/ de mi 'thad par thal/ theg chen mthong lam bar chad med
lam de rnam thar sgo gsum ga yin pa'i phyir/ der thal/ de rnam
par thar pa'i sgo stong pa nyid gang zhig/

gzhan gnyis kyang yin pa'i phyir/ dang po bsgrubs zin/ phyi ma
der thal/ 'dus byas thams cad kyi rgyu dang 'bras bu gnyis bden
med du mngon sum du rtogs pa'i slob pa'i ye shes yin pa'i phyir/
/! gnyis

pa rang gi lugs la/ thun mong ba'i rnam thar sgo gsum dang/ thun
mong ma yin pa'i rnam thar sgo gsum gnyis las/ dang po thun mong
ba'i de yod de/ bden bzhi'i nang tshan gyi stong bdag med la
dmigs shing de'i rnam

ba can gyi rnam par thar pa'i sgo de/ thun mong ba'i rnam par
thar ba'i sgo stong pa nyid dang/ sdug bsngal bden pa'i mi rtag
sdug bsngal gnyis kun 'byung gi rnam pa bzhi la dmigs shing de'i
rnam ba can gyi rnam par thar pa'i sgo de/ rnam par

thar pa'i sgo smon med dang/ lhag ma 'gog lam gyi rnam pa brgyad
la dmigs shing de'i rnam pa can gyi rnam par thar pa'i sgo de/
rnam par thar ba'i sgo mtshan med yin pa'i phyir/ des mi rtag
sogs bcu drug la dmigs pa'i rnam thar sgo

gsum kyang mtshon/ gnyis pa thun mong ma yin pa'i rnam thar sgo
gsum gyi khyad par yod de/ 'dus byas kyi chos rnams kyi ngo bo
bden med du mngon sum du rtogs pa'i rnam par thar pa'i sgo de/
thun mong ma yin pa'i rnam par thar

pa'i sgo stong pa nyid dang/ de'i rgyu bden med du mngon sum du
rtogs pa'i rnam par thar pa'i sgo de/ rnam par thar pa'i sgo
mtshan med dang/ de'i 'bras bu bden med du mngon sum du rtogs
pa'i rnam par thar pa'i sgo de/ rnam par thar

@024a @#/ /pa'i sgo smon med du 'jog pa'i phyir/ /! gsum pa rtsod
pa spong pa la/ kha cig /nyan thos tshogs lam pa'i rgyud la rnam
par thar pa'i sgo stong pa nyid yod par thal/ de'i rgyud la rnam
par thar pa

stong pa nyid kyi ting nge 'dzin yod pa'i phyir na/ ma khyab/
'dod mi nus te/ rnam par thar pa'i sgo stong pa nyid sogs gsum
po gang rung yin na/ 'phags rgyud kyi mkhyen pa yin dgos pa'i
phyir/ kha cig /sangs rgyas 'phags pa'i

rgyud kyi rnam thar sgo gsum po byang chub sems dpa'i rgyud la
yod pa dang rjes su mthun pa'i rnam mkhyen gyi rnam pa ma yin
par thal/ de nyan thos kyi rgyud la yod pa dang rjes su mthun
pa'i rnam mkhyen gyi rnam pa yin pa'i phyir zer na/ ma

khyab/ / ! sprul lam/ gnyis pa sprul ba'i lam ni/ sprul pa'i lam
la gzugs kyi 'du shes rnam par bshig pa dang rnam par ma bshig
pa'i phyir/ zhes pa nas/ rnam par thar pa'i sgo gsum mo/ /zhes
pa'i bar gsung/

'di'i skabs su gsum las/ dang po la/ kha cig /gzugs can la lta
ba'i rnam thar yin na/ gzugs can gzugs la lta ba'i rnam thar yin
pas khyab zer na/ byang sems 'phags pa'i rgyud kyi gzugs med
gzugs

la lta ba'i rnam thar chos can/ der thal/ de'i phyir/ der thal/
chos can de'i phyir/ 'dod mi nus te/ slob pa'i rgyud kyi gzugs
med gzugs la lta ba'i rnam thar yin pa'i phyir/ kha cig /gzugs
med gzugs la lta ba'i rnam

thar yin na/ gzugs med kyi rnam thar yin pas khyab zer na/ byang
chub sems dpa'i rgyud kyi gzugs med gzugs la lta ba'i rnam thar
chos can/ der thal/ de'i phyir/ 'dod na/ gzugs med kyi dngos
gzhi

@024b yin par thal/ 'dod pa'i phyir/ 'dod na/ gzugs yul du mi
byed par thal/ slob pa'i rgyud kyi gzugs med kyi dngos gzhi yin
pa'i phyir/ rtags khas/ 'dod mi nus so/ /kha cig /gzugs can
gzugs la lta ba'i rnam thar yin na/ nang

rnal 'byor ba rang nyid la gzugs kyi 'du shes nye bar bzhag pa'i
rnam thar yin pas khyab zer na/ 'o na/ gzugs can gzugs la lta
ba'i rnam thar chos can/ der thal/ de'i phyir/ 'dod na/ de rgyud
ldan gyi rnal 'byor ba de gzugs

yin par thal/ 'dod pa'i phyir/ 'dod mi nus so/ /de la kho na re/
des nang rnal 'byor ba la gzugs kyi 'du shes bzhag kyang de
gzugs ma yin no zer na/ sangs rgyas 'phags pa'i rgyud kyi gzugs
can gzugs la lta ba'i

rnam thar des sangs rgyas 'phags pa la gzugs kyi 'du shes nye
bar bzhag par thal/ dam bca' 'thad pa'i phyir/ 'dod na/ sangs
rgyas 'phags pa gzugs yin par thal/ 'dod pa'i phyir/ khyab ste/
sangs rgyas 'phags pa'i

rgyud la 'khrul shes med pa'i phyir/ 'dod mi nus te/ gang zag
yin pa'i phyir/ gzhan yang/ sangs rgyas 'phags pa'i rgyud kyi
gzugs can gzugs la lta ba'i rnam thar de nyid gzugs yin par
thal/ des nang rnal 'byor ba rang nyid

la gzugs kyi 'du shes nye bar bzhag pa'i phyir/ 'dod mi nus so/
/kha cig /gegs sel sdug pa'i rnam thar yin na/ gzugs thams cad
sdug pa ro gcig tu snang bas khyab zer na/ sangs rgyas 'phags
pa'i rgyud kyi gegs

sel sdug pa'i rnam thar chos can/ der thal/ de'i phyir/ der
thal/ chos can de'i phyir/ 'dod na/ gzugs thams cad sdug pa ro
gcig yin par thal/ sangs rgyas 'phags pa'i rgyud kyi gegs sel
sdug pa'i rnam

@025a @#/ /thar de la de ltar snang ba gang zhig /sangs rgyas
'phags pa'i rgyud la 'khrul shes med pa'i phyir/ 'dod na/ gzugs
mi sdug pa med par thal/ 'dod pa'i phyir/ 'dod mi nus te/ dmyal
ba

mnar med na gzugs mi sdug pa mthar thug yod pa'i phyir/ kha cig
/gzugs sdug pa mthar thug med zer na/ de yod par thal/ longs
sku'i gzugs de gzugs sdug pa mthar thug yin pa'i phyir/ der
thal/ gzugs mdzes pa

mthar thug yin pa'i phyir/ kha cig /gzugs che ba mthar thug
dang/ chung ba'i mthar thug med zer na/ de yod par thal/ snod
kyi 'jig rten gyi gzugs de/ gzugs che ba mthar thug dang/ rdul
phra rab de gzugs chung ba mthar

thug yin pa'i phyir/ kha cig /rnam thar rgyud la ldan pa'i phyir
rol ba yod zer na/ de med par thal/ de yin na nang pa'i rgyud
gyi yon tan yin dgos pa'i phyir/ der thal/ rnam thar zad par zil
gnon gsum po gang rung

yin na/ nang pa'i rgyud kyi yon tan yin dgos pa'i phyir/ der
thal/ ji skad du/ rnam thar zad par zil gnon rnams/ /sangs rgyas
bstan pa kho na'i khyad chos yin/ /bstan la ma zhugs pa la de
dag med/ /ces gsungs

pa'i phyir/ /! gnyis pa rang lugs la/ thar pa don gnyer gyi bsam
pas zin cing rang sa'i nyon mongs pas ma bslad pa'i snyoms 'jug/
rnam thar gyi mtshan nyid/ de la gzugs can gyi rnam thar gsum
sogs

yod/ rang gi sems rten bsam gtan gyi dngos gzhi dang gzugs med
kyi dngos gzhi gang rung la brten nas nang rnal 'byor ba de nyid
kyi lus la gzugs kyi 'du shes nye bar bzhag pa'i sgo nas phyi
rol gyi gzugs che chung

@025b bzang ngan sogs la dmigs nas sprul bsgyur sna tshogs byed
pa'i gzugs can gyi rnam thar de/ gzugs can gzugs la lta ba'i
rnam thar gyi ngo bo dang/ rang gi sems rten de gang rung la
brten nas nang rnal 'byor pa de nyid kyi

lus la gzugs med pa'i 'du shes nye bar bzhag pa'i sgo nas phyi
rol gyi gzugs che chung bzang ngan song/ sa la dmigs nas sprul
bsgyur sna tshogs byed pa'i gzugs can gyi rnam thar de/ gzugs med
gzugs la lta ba'i rnam

thar gyi ngo bor 'jog /rang gi sems rten de gang rung la brten
nas nang rnal 'byor ba de nyid kyi lus la gzugs med pa'i 'du
shes nye bar bzhag pa'i sgo nas phyi rol gyi gzugs sdug mi sdug
phan tshun ltos nas grub pa dang/ phan

tshun rjes su 'brel bar mos pa la brten nas mthar gzugs snang
thams cad sdug par ro gcig tu snang ba'i rigs su gnas pa'i gzugs
can gyi rnam thar/ gegs sel sdug pa'i rnam thar gyi ngo bo yin
la/ gzugs sdug mi

sdug kyang phan tshun ltos pa yin te/ dngul bu ma gyi gzugs de
rdza bum gyi gzugs la ltos te sdug pa dang/ gser bum gyi gzugs
la ltos te de ltar sdug pa ma yin pa'i phyir/ /! gsum pa rtsod
pa spong ba la/ kha cig/

phyi rol ba'i rgyud la rnam thar yod par thal/ de'i rgyud la
snyoms 'jug yod pa'i phyir na/ ma khyab/ kha cig /gzugs sdug mi
sdug gi gzhi mthun yod par thal/ dngul bum gyi gzugs de de yin
pa'i phyir/ der thal/ de gzugs sdug pa

gang zhig /mi sdug pa'i phyir/ phyi ma der thal/ gser bum gyi
gzugs la ltos te mi sdug pa'i phyir na/ ma khyab/ 'o na/ mchog
dman gyi gzhi mthun pa yod par thal/ byang sems tshogs lam bde
nyan thos la ltos te mchog dang/

@026a @#/ /sangs rgyas 'phags pa la ltos te dman pa'i phyir/ kha
cig/ sangs rgyas kyi sa'i gzugs yin na/ gzugs mdzes pa mthar
thug yin dgos par thal/ longs sku'i gzugs de gzugs mdzes

pa mthar thug yin pa'i phyir na/ ma khyab/ 'dod na/ mi 'thad par
thal/ gzugs mi sdug pa'i sprul sku yod pa'i phyir/ der thal/
gzugs 'jigs su rung ba'i sprul sku yod pa'i phyir/ der thal/
gnod sbyin dang srin po'i

gzugs can lta bu'i sprul sku yod pa'i phyir/ kha cig/ sangs
rgyas kyi sa na gzugs mi sdug pa med par thal/ de na gzugs mi
legs pa med pa'i phyir na/ ma khyab snyam/ der thal/ de na gzugs
mi bzang ba med pa'i

phyir/ der thal/ de na gzugs dang mi bzang ba'i gzhi mthun med
pa'i phyir/ kha cig gis ma khyab zer/ kha cig/ rdul phra rab de
gzugs chung ba mthar thug ma yin par thal/ de las chung ba'i
rdul yod pa'i phyir/ der thal/ de

cha shas can gyi rdul yin pa'i phyir na/ ma khyab/ kho na re/ de
cha shas can ma yin par thal/ de cha med kyi rdul yin pa'i
phyir/ der thal/ de phyogs kyi cha med kyi rdul yin pa'i phyir/
zer na/ ma khyab// ! mthong chos la bder gnas kyi lam/ //gsum

pa mthong chos la bder gnas kyi lam ni/ mthong ba'i chos la bde
bar gnas pa'i lam la/ zhes pa nas/ de ltar na rnam pa lnga'o/
/zhes pa'i bar gsung/ 'di'i skabs su mtha' dpyod ni bsam gzugs
sogs nas shes par

bya la/ dbye na gzugs med kyi rnam thar bzhi/ 'gog pa'i rnam
thar gcig ste lnga yod// ! 'gog snyoms/ ! bzhi pa 'das lam ni/
'jig rten las 'das pa'i lam la bsam gtan bzhi dang/ gzugs med pa
dang/ 'gog pa'i

@026b snyoms 'jug dag ste dgu la /zhes gsungs/ 'di'i skabs su
gsum las/ dang po la/ kha cig /lha'i rten la 'gog snyoms gsar du
skye ba med zer na/ de mi 'thad par thal/ 'dod lha'i rten la
'gog snyoms gsar du skye ba

yod par ma zad gzugs khams gnas rigs bcu drug gi rten la de gsar
du skye ba yod pa'i phyir/ der thal/ 'phreng ba rgyal sras ma
las/ 'gog snyoms gsar du skye ba'i lus rten la gling gsum gyi
mi/ 'dod lha rigs drug

gzugs khams gnas rigs bcu drug gi lha'i rten te nyer lnga bshad
pa'i phyir/ kha cig/ dgag gzhi kun gzhi'i steng du dgag bya rnam
shes tshogs bdun 'khor bcas bkag pa'i ldan min 'du byed/ 'gog
snyoms kyi

mtshan nyid zer na/ de mi 'thad par thal/ skabs 'dir kun gzhi
dang nyon yid med pa'i phyir/ der thal/ yum gyi mdo nas kun gzhi
ston pa'i tshig med pa'i phyir/ kha cig/ dgag gzhi yid shes phra
mo'i steng gi dgag bya

tshogs drug 'khor bcas bkag pa'i ldan min 'du byed/ 'gog snyoms
kyi mtshan nyid zer na/ 'o na/ yid shes phra mo'i steng du yid
shes bkag pa'i ldan min 'du byed yod par thal/ dam bca' 'thad
pa'i phyir/ 'dod na/

yid shes bkag pa'i yid shes yod par thal lo/ /kha cig/ dgag gzhi
yid shes phra mo'i steng du dgag bya tshor 'dur gsal 'khor 'khor
bcas bgag pas khyad par du byas pa'i ldan min 'du byed/ 'gog
snyoms kyi mtshan nyid zer

na; 'du shes med pa'i snyoms 'jug la gnas pa'i so skye'i rgyud
la 'gog snyoms yod par thal/ de'i rgyad la tshor 'dur gsab bkag
pa'i ldan min 'du byed yod pa'i phyir/ der thal/ de'i rgyud la
'du shes med pa'i snyoms 'jug

@027a @#/ /yod pa'i phyir/ 'dod na/ de med par thal/ 'gog snyoms
yin na/ 'phags rgyud kyi yon tan yin dgos pa'i phyir/ gzhan
yang/ sangs rgyas 'phags pa'i rgyud kyi 'gog snyoms chos can/

mtshan nyid der thal/ mtshon bya de'i phyir/ der thal/ de'i rgyud
la mthar gnas snyoms 'jug dgu yod pa'i phyir/ 'dod na/ sangs
rgyas 'phags pa'i rgyud la tshor 'du rags pa med par thal/ 'dod
pa'i phyir/ 'dod mi nus te/

de'i rgyud la tshor ba rags pa yod pa gang zhig /'du shes rags pa
yod pa'i phyir/ der thal/ de'i rgyud la mig gi rnam shes dang
mig gi 'dus te reg pa'i rkyen gyis tshor ba yod pa'i phyir/ kha
cig /dgag gzhi yid shes phra mo'i steng du dgag

bya tshor 'du rags pa 'khor bcas bkag pas khyad par du byas pa'i
'phags rgyud kyi snyoms 'jug /'gog snyoms kyi mtshan nyid zer na/
phyir mi 'ong gi rgyud kyi 'du shes med pa'i snyoms 'jug chos
can/ mtshon bya der thal/ mtshan

nyid de'i phyir/ 'dod na/ shes pa ma yin par thal/ 'dod pa'i
phyir/ 'dod mi nus so/ /kha cig/ 'gog snyoms shes pa yin zer na/
de ma yin par thal/ 'gog snyoms kyi dmigs rnam med pa'i phyir/
der thal/ bsdu ba

las/ 'gog pa'i snyoms par 'jug pa ni zag par brjod par bya ste/
nyon mongs pa dang bral ba'i phyir dang/ mtshungs par ldan pa ma
yin pa dang/ dmigs pa med pa'i phyir dang/ zhes gsungs pa'i
phyir// ! gnyis pa

rang lugs la/ 'gog snyoms kyi lus rten gyi khyad par yod de/
phyir mi 'ong/ rang rgyal 'phags pa/ sangs rgyas 'phags pa rnams
kyi rten la 'gog snyoms la snyoms par 'jug pa yod pa'i phyir/
'gog snyoms shes pa min nang

@027b sems rten yod de/ rang gi sems rten srid rtse'i dngos gzhi
la brten nas skye ba yin pa'i phyir/ rang gi sems rten srid
rtse'i dngos gzhi la brten nas dgag gzhi yid shes phra mo'i
steng du dgag bya tshor 'du rags pa 'khor bcas bkag pas

khyad par du byas pas rab tu phye ba'i rigs su gnas pa'i 'phags
rgyud kyi ldan min 'du byed gang zhig /mthar gnas snyoms 'jug
dgu'i nang tshan de/ mthar gnas snyoms 'jug dgu'i nang tshan gyi
'gog snyoms kyi mtshan nyid dam ngo

bo yin// ! gsum brtsod pa spong ba la/ kha cig /'gog snyoms la
mnyam par bzhag pa'i slob pa'i rgyud la/ tshor 'du med par thal/
de'i rgyud la tshor 'du bkag pa'i phyir/ der thal/ de'i rgyud la
tshor 'du rags pa bkag

pa'i phyir na/ ma khyab/ 'dod mi nus te/ de'i rgyud la tshor 'du
phra mo yod pa'i phyir/ kha cig /de'i rgyud la yid shes med par
thal/ de'i rgyud la yid shes rags pa med pa'i phyir na/ ma
khyab/ 'dod mi nus te/ de'i rgyud la sems yod

pa'i phyir/ der thal/ de gang zag yin pa'i phyir/ kha cig/ de'i
rgyud la sems med par thal/ 'du shes med pa'i snyoms 'jug la
gnas pa'i slob pa'i rgyud la sems med pa'i phyir/ der thal/ de'i
rgyud la 'du shes med pa'i phyir/

der thal/ de 'du shes med pa'i snyoms 'jug la gnas pa'i gang zag
yin pa'i phyir na/ ma khyab ste/ de'i rgyud la 'du shes med pa'i
snyoms 'jug gi ngo bor gyur pa'i sems yod pa'i phyir/ de ltar
yin kyang/ 'du shes med

ces brjod pa la skyon med de/ 'du shes rags pa med pa dang/ 'du
shes med pa cung zad 'dra bas na de ltar du brjod pa'i phyir/
kha cig/ 'gog snyoms shes pa yin par thal/ 'gog pa'i rnam par
shes pa yin pa'i phyir/

@028a @#/ /zer na/ ma khyab/ rtags der thal/ rnam thar brgyad po
shes pa yin pa'i phyir/ 'dod mi nus so/ /kha cig/ de shes pa yin
par thal/ de la snyoms par 'jug pa'i 'jug sems shes pa

yin pa'i phyir na/ ma khyab/ kha cig/ 'gog snyoms chos can/ shes
pa yin par thal/ snyoms 'jug yin pa'i phyir/ der thal/ mthar
gnas snyoms 'jug yin pa'i phyir/ der thal/ mthar gnas snyoms
'jug

gi nang tshan yin pa'i phyir/ der thal/ de dgu'i nang tshan yin
pa'i phyir na/ ma khyab/ 'dod mi nus so/ /zer na/ yum bar ma
chos can/ sher phyin yin par thal/ sher phyin gyi nang tshan yin
pa'i phyir/ der thal/ sher

phyin gsum po gang rung gi nang tshan yin pa'i phyir/ 'khor gsum/
kha cig/ 'gog snyoms ldan min 'du byed ma yin par thal/ de 'dus
ma byas yin pa'i phyir/ der thal/ 'gog pa 'dus ma byas yin pa'i
phyir/ zer

na/ ma khyab/ ma grub na der thal/ 'gog pa zhi ba gya nom pa
nges 'byung gi rnam pa bzhi 'dus ma byas yin pa'i phyir// !
spong lam/ spong lam ni/ spong ba'i lam la bar chad med pa'i lam
gyi rnam pa bden pa bzhis bsdus

pa nyon mongs pa dang mi ldan pa'i mtshan nyid bzhi'o/ /zhes
gsungs/ don ni/ spong ba'i lam la chos bzod bar chad med lam
gyis bsdus pa'i ye shes/ bden bzhi la dmigs nas bdag med du
mngon sum du rtogs pa'i

sgo nas bzhi yod ces pa'i don no// ! sangs rgyas kyi lam/ drug
pa sangs rgyas su byed pa'i lam ni/ sangs rgyas nyid kyi lam la
sbyin pa la sogs/ zhes pa nas/ bcu ste/ zhes pa'i bar gsung/ don
ni/ byang sems kyi sangs rgyas

@028b su byed pa'i lam la sbyin sogs phar phyin bcu yod ces pa
yin te/ de dag gi mtha' dpyod ni gzhung gi khongs nas shes par
bya'o/ /mdor na/ byang sems dang thun mong ba'i rnam mkhyen gyi
rnam pa so bzhi yod de/ der gyur pa'i gnyen po'i

lam rnam thar sgo gsum/ sprul pa'i lam gzugs can gyi rnam thar
sgo gsum/ mthong chos bder gnas kyi lam gzugs med kyi rnam thar
bzhi dang/ 'gog pa'i rnam thar gcig /'das lam bsam gtan bzhi/
gzugs med bzhi/

'gog pa'i snyoms 'jug gcig /spong lam bar chad med lam gyi ming
can bzhi/ sangs rgyas nyid kyi lam sbyin sogs bcu ste so bzhi
yod pa'i phyir// ! thun mong min pa'i rnam mkhyen gyi rnam pa/
gsum pa sangs rgyas kho na'i lam ni/ rnam pa thams cad mkhyen pa

nyid kyi rnam pa shin tu phul du byung ba'i phyir/ thun mong ma
yin pa'i lam gcig pu kho na yin te/ zhes pa nas/ rnam pa ni sum
cu rtsa dgu'o/ /zhes pa'i bar gsung/ 'di la gnyis/ rnam pa thun
mong du bshad pa dang/ dus gsum bye

brag tu bshad pa'o/ /dang po la gsum las/ dang po la/ kha cig
/sangs rgyas 'phags pa'i stobs yin na/ stobs bcu po gang rung
yin pas khyab zer na/ sangs rgyas 'phags pa'i sku'i stobs chos
can/ /der thal/ de'i

phyir/ 'dod mi nus so/ /gzhan yang/ sangs rgyas 'phags pa'i
rgyud kyi dad sogs stobs lnga po chos can/ der thal/ de'i phyir/
'dod na/ thun mong ma yin pa'i rnam mkhyen gyi rnam pa yin par
thal/ 'dod pa'i phyir/ 'dod mi nus

te; thun mong ba'i rnam mkhyen gyi rnam pa yin pa'i phyir/ kha
cig /rang gi ngos skyal gyi mi mthun phyogs 'joms par byed pa la
lha'i dbang po'i rdo rje rin po che dang chos mtshungs pa'i rnam
mkhyen gyi rnam pa/ 'dir bstan stobs kyi

@029a @#/ /mtshan nyid zer na/ sangs rgyas 'phags pa'i rgyud kyi
stobs bcu po chos can/ mtshan nyid der thal/ mtshon bya de'i
phyir/ 'dod na/ rang gi ngos skal gyi mi mthun phyogs yod par
thal/ 'dod pa'i phyir/ 'dod na/

de chos can/ khyod kyi ngos skal gyi mi mthun phyogs med par
thal/ khyod mi mthun phyogs mtha' dag spangs pa'i ye shes yin
pa'i phyir/ kha cig /sangs rgyas 'phags pa'i rgyud kyi stobs bcu
po 'gal lo zer na/ de mi

'gal bar thal/ de thams cad yin khyab mnyam yin pa'i phyir/ kha
cig/ 'khor gyi dbus su dam bcas pa'i mi 'jigs pa'i rnam mkhyen
gyi rnam pa yin na/ thun mong ma yin pa'i mi 'jigs pa'i rnam

mkhyen gyi rnam pa yin pas khyab zer na/ sangs rgyas 'phags pa'i
rgyud kyi dran pa nyer gzhag bzhi po chos can/ der thal/ de'i
phyir/ der thal/ rnam mkhyen yin pa'i phyir/ 'dod mi nus te/
thun mong ba'i rnam mkhyen gyi rnam

pa yin pa'i phyir/ kha cig /spangs rtogs phun sum tshogs pa dam
bcas pa'i mi 'jigs pa'i rnam mkhyen gyi rnam pa yin na/ nga ni
chos thams cad rnam pa thams cad du mngon par rdzogs par sangs
rgyas so zhes dam bcas

pa'i rnam mkhyen yin pas khyab zer na/ sangs rgyas 'phags pa'i
rgyud kyi mi 'jigs pa bzhi chos can/ der thal/ de'i phyir/ der
thal/ rnam mkhyen yin pa'i phyir/ 'dod na/ sangs rgyas 'phags
pas chos thams cad rnam pa

thams cad du mngon par rdzogs par sangs rgyas so zhes dam bcas
par thal/ 'dod pa'i phyir/ 'dod na/ chos thams cad sangs rgyas
par thal lo/ /kha cig/ 'phags pa 'og ma pa dang ye shes ma 'dres
pa'i rnam mkhyen

@029b yin na/ 'dir bstan sangs rgyas kyi chos ma 'dres pa yin
pas khyab zer na/ sangs rgyas 'phags pa'i rgyud kyi gang zag gi
bdag med rtogs pa'i rnam mkhyen chos can/ der thal/ de'i phyir/
der thal/ slob pa dang ye shes ma

'dres pa'i rnam mkhyen yin pa'i phyir/ der thal/ rnam mkhyen yin
pa'i phyir/ 'dod mi nus te/ theg dman gyi rtogs rigs su gnas
pa'i phyir/ kha cig/ rtog pa dang ma 'dres pa'i ye shes mthar
thug yin na/ 'dir bstan

rtog pa ma 'dres pa yin pas khyab zer na/ de mi 'thad par thal/
rnam mkhyen yin na/ rtog pa dang ma 'dres pa yin dgos pa'i
phyir/ kha cig /ye shes ma 'dres pa drug po gang rung yin na/ ye
shes dang ma 'dres pa yin pas

khyab zer na/ de mi 'thad par thal/ de drug po gang rung yin na/
ye shes yin dgos pa'i phyir/ der thal/ de yin na rnam mkhyen yin
dgos pa'i phyir/ kha cig/ so so yang dag pa'i rig pa bzhi po de
rnam mkhyen gyi rnam pa yin zer na/ de mi 'thad

par thal/ byang chub sems dpa'i rgyud la so so yang dag rig pa
bzhi yod pa'i phyir/ der thal/ byang sems sa dgu pa ba'i rgyud
la de yod pa'i phyir/ der thal/ mdo sde rgyan las/ byang chub
sems dpa' yang dag rig /bzhi

po mtshungs pa med pa yin/ /zhes dang/ so so yang dag rig blo
bzang/ /sa de legs pa'i blo gros yin/ /zhes gsungs pa'i phyir/
kha cig /'chad bya 'chad byed kyi don la thogs pa med par mthun
pa'i ye shes mthar thug yin

na; 'dir bstan so so yang dag pa'i rig pa yin pas khyab zer na/
sangs rgyas 'phags pa'i rgyud kyi byang phyogs so bdun po chos
can/ der thal/ de'i phyir/ der thal/ rnam mkhyen yin pa'i phyir/
'dod mi nus te/ thun mong

@030a @#/ /ba'i rnam mkhyen gyi rnam pa yin pa'i phyir/ kha cig/
de bzhin nyid la slar mi ldang ba'i tshul gyis mnyam par bzhag
pa'i ye shes mthar thug yin na/ 'dir bstan de bzhin nyid kyi
rnam mkhyen

gyi rnam pa yin pas khyab/ chos 'khor rdzogs par skor ba'i bdag
rkyen byed pa'i ye shes mthar thug yin na/ rang byung gi rnam
mkhyen gyi rnam pa yin pas khyab/ ji snyed pa'i chos thams cad
chags thogs med par mngon sum du

rtogs pa'i ye shes mthar thug yin na/ sangs rgyas nyid kyi rnam
mkhyen gyi rnam pa yin pas khyab zer na/ sangs rgyas 'phags pa'i
rgyud kyi rnam thar sgo gsum po chos can/ 'dir bstan de bzhin
nyid kyi rnam mkhyen gyi

rnam pa yin par thal/ de bzhin nyid la slar mi ldang ba'i tshul
gyis mnyam par bzhag pa'i ye shes mthar thug yin pa'i phyir/ der
thal/ rnam mkhyen yin pa'i phyir/ 'dod mi nus te/ byang sems
dang thun mong ba'i rnam

mkhyen gyi rnam pa yin pa'i phyir/ phyi ma gnyis la yang de
bzhin du 'phen// ! gnyis pa rang lugs la/ gdul bya'i mi mthun
phyogs 'joms pa la lha'i dbang po'i rdo rje rin po che dang chos
mtshungs pa'i thun

mong ma yin pa'i rnam mkhyen gyi rnam pa/ 'dir bstan stobs kyi
mtshan nyid/ de la bcu yod de/ gnas dang gnas ma yin pa mkhyen
pa'i stobs dang/ de bzhin du/ las kyi rnam smin dang/ mos pa sna
tshogs dang/ khams sna

tshogs dang/ dbang po'i rim pa dang/ thams cad du 'gro ba'i lam
dang/ kun nas nyon mongs dang rnam par byang ba dang/ sngon gyi
gnas dang/ 'chi 'pho skye ba dang/ zag pa zad pa mkhyen pa'i
stobs kyi bar bcu yod

@30b pa'i phyir/ de ltar yang/ 'grel pa las/ de la ni gnas dang
gnas ma yin pa dang/ zhes pa dang/ zag pa zad pa mkhyen pa'i
stobs kyi bar bcu ste/ zhes gsungs pa'i phyir// ! spangs rtogs
phun sum tshogs pa

la dam bcas par chos mthun gyi rgol ba med pa'i sgo nas mi 'jigs
pa'i thun mong ma yin pa'i rnam mkhyen gyi rnam pa/ 'dir bstan
mi 'jigs pa'i mtshan nyid/ de la bzhi yod de/ 'khor gyi dbus su
da ni sangs rgyas so zhes

rang don rtogs pa phun sum tshogs mnga' bar dam bcas pa dang/
spang bya mtha' dag spangs so zhes rang don spangs pa phun tshogs
mnga' bar dam bcas pa'i rnam mkhyen gyi rnam pa gnyis dang/ 'dod
chags la sogs pas thar pa la bar

chad byed do/ /zhes pa dang/ de dag gi gnyen po bsgoms pas nges
par 'byung ngo zhes rim pa bzhin du gzhan don du bar chad kyi
chos dang nges 'byung gi chos dam bcas pa la mi 'jigs pa'i rnam
mkhyen gyi rnam pa gnyis yod pa'i

phyir/ de ltar yang/ 'grel par/ nga ni sangs rgyas so zhes bdag
nyid zhal gyi so'i ches pa dang/ zhes pa nas/ rgol pa po med pas
mi 'jigs pa'i rnam pa bzhi dang/ zhes gsungs pa'i phyir// !
'chad bya 'chad

byed kyi don la mkhyen pa chags thogs mi mnga' bar 'jug pa'i
thun mong ma yin pa'i rnam mkhyen gyi rnam pa/ 'dir bstan so so
yang dag rig pa'i mtshan nyid/ de la der gyur pa'i bzhi yod de/
chos thams cad kyi ming gi rnam

grangs mkhyen pa'i chos so so yang dag rig pa dang/ chos thams
cad kyi rang spyi'i mtshan nyid mkhyen pa'i don so so yang dag
rig pa dang/ skad rigs mtha' dag mkhyen pa'i nges tshig so so
yang dag rig pa dang/ chos rnams

@031a @#/ /kyi dbye ba ma lus pa thugs su chud pa'i spobs pa so
so yang dag rig pa dang bzhi yod pa'i phyir/ de ltar yang/ 'gres
pa las/ rnam grangs dang/ chos kyi mtshan nyid dang/ yul gyi skad
dang/ chos

rab tu dbye ba'i yul la/ zhes pa nas/ so so yang dag par rig
pa'i rnam pa bzhi dang/ zhes gsungs pa'i phyir// ! 'phags pa 'og
ma pa dang rtogs rigs ma 'dres pa'i thun mong ma yin pa'i rnam
mkhyen gyi rnam

pa; 'dir bstan sangs rgyas kyi chos ma 'dres pa'i mtshan nyid/ de
la bco brgyad yod de/ spyod pa ma 'dres pa drug /rtogs pa ma
'dres pa drug /'phrin las ma 'dres pa gsum/ ye shes ma 'dres pa
gsum yod pa'i phyir/

dang po yod de/ 'khrul ba mi mnga' ba'i ye shes dang/ de bzhin
du/ ca co mi mnga' ba dang/ dran pa nyams pa mi mnga' ba dang/
thugs mnyam par ma bzhag pa mi mnga' ba dang/ 'khor 'das rang
bzhin gyis grub par tha dad pa'i

'du shes mi mnga' ba dang/ dus la bab ma bab ma brtags pa'i
btang snyoms mi mnga' ba'i ye shes mthar thug dang drug yod pa'i
phyir/ gnyis pa rtogs pa ma 'dres pa drug yod de/ sems can gyi
don bya'o snyam pa'i 'dun pa dang/

de 'dul ba'i brtson 'grus dang/ de 'dul ba'i thabs mi brjed pa'i
dran pa dang/ de bzhin nyid la mnyam par 'jog pa'i ting nge
'dzin dang/ chos thams cad rnam par 'byed pa'i shes rab dang/
sgrib pa spangs pa'i rnam par grol ba

las nyams pa mi mnga' ba'i ye shes mthar thug dang drug yod pa'i
phyir/ gsum pa 'phrin las ma 'dres pa gsum yod de/ nyan rang las
khyad par du 'phags pa'i sku'i 'phrin las dang gsung gi 'phrin
las dang/ thugs kyi

@031b kyi 'phrin las gsum ste de yang ye shes sngon du 'gro
zhing ye shes kyi rjes su 'brang ba'i phyir/ bzhi pa ye shes ma
'dres pa gsum yod de/ nyan rang dang ye shes ma 'dres pa'i 'das
ma 'ongs da lta'i dus gsum chags thogs

med par mkhyen pa'i ye shes mthar thug gsum yod pa'i phyir/ de
dag rim pa bzhin du 'chad pa la/ 'grel ba las/ 'khrul pa dang/
ca co dang/ zhes pa nas/ rnam pa drug dang/ zhes pa'i par dang/
'dun pa dang/ brtson

'grus dang/ zhes pa nas/ rnam pa drug dang/ zhes pa'i par dang/
sku dang gsum dang thugs kyi/ zhes pa nas/ rnam pa gsum dang/
zhes pa'i par dang/ 'das pa dang/ ma 'ongs pa dang/ zhes pa nas/
rnam pa gsum

ste; zhes pa'i bar gsungs// ! de bzhin nyid kyi rnam mkhyen gyi
rnam pa sogs gsum gyi khyad par yod de/ de bzhin nyid las slar
mi ldang ba'i tshul gyis mnyam par bzhag pa'i thun mong ma yin
pa'i rnam

mkhyen gyi rnam pa de dang po dang/ gdul bya rigs can gsum la
chos 'khor bskor ba'i bdag rkyen byed pa'i thun mong ma yin pa'i
rnam mkhyen gyi rnam pa de gnyis pa dang/ shes bya ji snyed pa
thams cad chags thogs med par

mngon sum du rtogs pa'i thun mong min pa'i rnam mkhyen gyi rnam
pa de gsum pa'i mtshan gzhi yin pa'i phyir/ de ltar yang 'grel
bar/ sangs rgyas thams cad kyis bshad pa'i de bzhin nyid dang/
zhes pa nas/ rnam pa gsum

ste; zhes pa'i bar gsungs/ mdor na/ shes bya chos can/ thun mong
ma yin pa'i rnam mkhyen gyi rnam pa so dgu yod de/ der gyur ba'i
stobs bcu/ mi 'jigs pa bzhi /so so yang dag rigs pa bzhi /ma
'dres pa bco

@032a @#/ /brgyad/ de bzhin nyid kyi rnam mkhyen gyi rnam pa sogs
gsum dang bcas pa yod pa'i phyir// ! gsum pa rtsod pa spong ba
la/ sangs rgyas 'phags pa'i rgyud kyi rtogs pa ma 'dres

pa drug sogs thun mong ma yin pa'i rnam mkhyen gyi rnam pa ma
yin par thal/ 'khor 'das rang bzhin gyis grub pa'i tha dad du mi
'dzin pa'i sems can yang yod/ sems can gyi don byed pa'i 'dun pa
dang/ brtson 'grus

sogs rgyud ldan gyi sems can kyang yod pa'i phyir na ma khyab
ste/ 'dir sgrib pa spangs pas khyad par du byas pa'i dbang du
mdzad pa yin pa'i phyir/ kha cig /sangs rgyas 'phags pa'i stobs
bcu po des gdul bya'i mi

mthun phyogs 'joms par byed par thal/ dam bca' 'thad pa'i phyir/
'dod na/ 'gro ba thams cad 'bad med du grol bar 'gyur bar thal/
'dod pa'i phyir na/ ma khyab/ kha cig /sangs rgyas 'phags pa la
rgol ba med

par thal/ de la chos mthun gyi rgol ba med pa'i phyir na/ ma
khyab /'dod mi nus te/ de la rgol ba ltar snang yod pa'i phyir/
kha cig /des gdul bya'i rgyud kyi mi mthun phyogs 'joms par mi
byed par thal/ gdul bya'i

rgyud kyi mi mthun phyogs 'joms par byed pa'i sangs rgyas 'phags
pa'i rgyud kyi stobs med pa'i phyir na yang ma khyab/ rtags der
thal/ gdul bya'i rgyud kyi mi mthun phyogs spong ba'i sangs
rgyas kyi mkhyen pa med pa'i

phyir/ der thal/ de'i rgyud kyi de spangs pa'i sangs rgyas kyi
mkhyen pa med pa'i phyir/ kha cig /de bzhin nyid kyi rnam mkhyen
gyi rnam pa de/ de bzhin nyid kyi rnam pa yin par thal/ ji lta
ba mkhyen pa'i rnam mkhyen de/ de bzhin

@032b nyid kyi rnam pa yin pa'i phyir/ der thal/ rnam bshad las/
sangs rgyas kyi rgyud kyi ji lta ba mkhyen pa'i ye shes de bzhin
nyid kyi rnam pa yin te/ zhes gsungs pa'i phyir/ zer na/ skyon
med de/ de ni de bzhin nyid kyi rnam

mkhyen gyi rnam pa la/ de bzhin nyid las slar mi ldang ba'i tshul
gyis mnyam par bzhag pa'i ye shes zhig dgos pa'i don yin pa'i
phyir// ! dus gsum/ gnyis pa 'das pa dang ma 'ongs pa dang da
ltar byung ba/ zhes pa'i

skabs su dus gsum bye brag tu bshad pa la gsum las/ dang po la/
kha cig /skabs 'dir 'das ma 'ongs med zer na/ de yod par thal/
myu gu'i 'das ma 'ongs yod pa'i phyir/ khyab ste/ de yod pas
'das ma 'ongs yod

pa'i go chod pa'i phyir/ kha cig /dngos po yin na/ rang grub dus
kyi skad cig gnyis pa'i dus su 'jig pas khyab zer na/ myu gu
chos can/ der thal/ de'i phyir/ 'dod na/ de mi 'thad par thal/
rang gi skad cig gnyis

pa'i dus su zhig zin pa'i phyir/ yang na/ myu gu de rang gi skad
cig gnyis pa'i dus su 'jig kyang 'jig pa ma yin zhes bya'o// kha
cig /myu gu de myu gu'i skad cig gnyis pa'i dus su med/ zer na/
de yod

par thal/ rnam mkhyen rnam mkhyen skad cig gnyis pa'i dus su yod
pa'i phyir/ der thal/ rnam mkhyen skad cig gnyis pa rnam mkhyen
gyi bye brag yin pa'i phyir/ kha cig /myu gu'i skye gnas 'jig
gsum dus mnyam gsung

ba la/ kha cig /de mi mnyam par thal/ myu gu skye ba'i dus yin
na/ de gnas pa'i dus yin pas ma khyab pa'i phyir/ zer na/ rang
res ma khyab/ ma grub na der thal/ myu gu'i rgyu'i dus su myu gu
skye yang myu gu med pa'i phyir/ zer

@033a @#/ /na; myu gu skye ba ma yin par thal/ myu gu'i skye gnas
'jig gsum dus mi mnyam pa'i rgyu mtshan yod pa'i phyir/ 'dod na/
dngos po yin na/ rang gi rgyu las skye bas ma khyab par thal lo/
/

gzhan yang/ skye ba de skye ba yin nam/ ma yin/ dang po ltar na/
skye ba rang dus su skye ba yin par thal/ skye ba skye ba yin
pa'i phyir/ 'dod na/ de mi 'thad par thal/ rang dus su skyes zin
pa'i phyir/ ma khyab na/ 'o

na; myu gu yang rang dus su skye ba yin par thal/ rang dus su
skye ba dang skyes zin mi 'gal ba'i phyir/ rtags khas/ 'dod na/
myu gu'i skye gnas 'jig gsum dus mnyam zhes khas blangs pa la
'gal ba med par thal/

'dod pa'i phyir/ 'dod na 'gal/ phyi ma ltar na/ 'jig pa 'jig pa
ma yin par thal/ skye ba skye ba ma yin pa'i rgyu mtshan yod pa'i
phyir/ 'dod na/ 'dus byas kyi mtshan nyid med par thal lo/ /rnam
pa gcig tu na/ myu

gu'i skye gnas 'jig gsum dus mnyam par khas blangs pa la/ de
rang dus su skye bar thal/ dam bca' 'thad pa'i phyir na/ ma
khyab bo// kha cig /skye myong zhig pa/ 'das pa'i mtshan nyid/ ma
skyes pa/ ma 'ongs

pa'i mtshan nyid/ skyes la ma 'gags pa/ da lta ba'i mtshan nyid/
zer na/ dang po la/ bum pa'i 'das pa chos can/ mtshan nyid der
thal/ mtshon bya de'i phyir/ ma grub na der thal/ bum pa'i 'das
pa yod pa'i phyir/

'dod na/ zhig pa yin par thal/ 'dod pa'i phyir/ 'dod mi nus te/
'dus byas yin pa'i phyir/ re zhig brtag go /gnyis pa la/ ri bong
rwa chos can/ mtshon bya der thal/ mtshan nyid de'i phyir/ der
thal/ ma byas

@033b pa yin pa'i phyir/ 'dod na/ yod par thal lo/ /kha cig
/bskal pa dang po'i mi rnams 'das pa dang/ byams mgon gyis chos
'khor bskor ba'i ma 'ongs pa'i dus kyi mi rnams/ ma 'ongs pa yin
pa'i phyir/ zer

na; dang po la/ bskal ba dang po'i mi rnams chos can/ 'das pa ma
yin par thal/ da lta ba yin pa'i phyir/ der thal/ rang dus su da
lta ba yin pa'i phyir/ kha cig /ma khyab zer/ phyi ma de yang mi
'thad par thal/ de rnams da

lta ba yin pa'i phyir/ der thal/ rang gi 'das ma 'ongs la ltos
te da lta ba yin pa'i phyir// ! gnyis pa rang lugs la/ dus der
zhig zin pa/ dus der 'das pa'i mtshan nyid/ dus der skyes pa yang
yin/ dus

der ma 'gags pa yang yin pa'i gzhi mthun pa/ dus der da lta ba'i
mtshan nyid/ dus der skye dgos su dmigs pa/ dus der ma 'ongs pa'i
mtshan nyid/ yang na/ dngos po de'i skye ba'i rgyu yod cing/ re
zhig rkyen ma tshang ba'i dbang gis der ma

skyes pa'i cha/ dngos po de'i ma 'ongs pa'i mtshan nyid/ mtshan
gzhi ni/ myu gu skye ba'i rgyu yod kyang/ re zhig rkyen ma tshang
ba'i dbang gis der ma skyes pa'i cha lta bu/ 'di ni myu gu'i sa
bon ma 'gyur ba'i gnas skabs la 'jog

go; ;dngos po de'i skyes zin zhig pa'i cha/ dngos po de'i 'das
pa'i mtshan nyid/ mtshan gzhi ni/ myu gu rang dus su ma zhig kyang
rang grub dus kyi skad cig gnyis pa'i dus su zhig pa'i cha lta
bu/ 'di ni myu gu'i 'bras bu'i gnas

skabs zhig la 'jog /de'i skyes la ma 'gags pa'i chos/ de'i da
lta ba'i mtshan nyid/ mtshan gzhi ni/ myu gu'i mi rtag pa lta bu
'am/ myu gu lta bu'o/ /'di dag ni 'jog tshul snga ma dang mi 'dra
ste/ snga ma ltar na/ myu gu'i rgyu de

@034a @#/ /myu gu'i dus su 'das pa yin pa'i don du song la/ phyi
ma ltar na/ myu gu'i 'bras bu de myu gu'i 'das pa yin pa'i don
du 'gro'o// ! gsum pa rtsod pa spong ba la/ kha cig /'das

pa dngos po yin par thal/ 'das pa yod pa'i phyir/ 'dod na/ myu
gu'i 'das pa dngos po yin par thal/ 'dod pa'i phyir/ 'dod na/
myu gu'i zhig pa dngos po yin par thal/ 'dod pa'i phyir na/ ma
khyab/ 'dod mi nus

te; skabs 'dir de dngos por khas len mi rigs pa'i phyir/ der
thal/ skabs 'dir rang bzhin gyis grub pa zhal gyis bzhes pa'i
phyir/ khyab ste/ gser 'phreng las/ rang bzhin gyis grub pa'i
phyogs la zhig pa

dngos por rnam pa thams cad du mi rung ngo/ /zhes gsungs pa'i
phyir/ kha cig /ma 'ongs pa dngos po yin par thal/ ma 'ongs pa
yod pa'i phyir/ 'dod na/ ma 'ongs pa yin na/ dngos po yin dgos
par thal/ 'dod pa'i phyir/

'dod na/ ri bong gi rwa chos can/ der thal/ de'i phyir/ der
thal/ ma 'ongs pa'i phyir na/ ma khyab/ 'on kyang skabs 'dir kha
cig 'das ma 'ongs gang rung gi yin pa med par bzhed do/ /gzhan
yang/ bum pa chos can/ rang dus su

gnas pa yin par thal/ rang dus su da lta ba yin pa'i phyir/ 'dod
na/ mi 'thad par thal/ rang dus su 'jig zin pa'i phyir/ der
thal/ rang dus 'jig pa'i phyir na/ ma khyab/ rtags der thal/
rang dus su 'jig pa yin

pa'i phyir/ zer na/ 'dir ma khyab/ kha cig /dngos po'i skye gnas
'jig gsum dus mi mnyam par thal/ de'i skye gnas 'jig gsum dus
mnyam pa'i phyir na/ ma khyab/ kha cig /dngos po'i rgyu'i dus su
dngos po yod

@034b par thal/ dngos po'i rgyu'i dus su dngos po skye ba'i
phyir/ khyab ste/ skye na yod dgos pa'i phyir/ zer na/ ma khyab/
kha cig /skyes zin slar yang skye ba yod par thal/ skyes zin pa
yod pa gang zhig /skye ba yod pa'i phyir na/

ma khyab/ 'dod mi nus te/ bdag skye med pa'i phyir/ kha cig /dus
gsum med par thal/ sangs rgyas 'phags pas dus gsum ma rtogs pa'i
phyir/ der thal/ des dus gsum cig car du yang ma rtogs/ rim can

du yang ma rtogs pa'i phyir/ dang po der thal/ dus gsum cig car
du ma grub pa'i phyir/ der thal/ myu gu'i dus gsum cig car du ma
grub pa'i phyir/ der thal/ de gsum rim can du grub pa'i phyir/
phyi ma mi 'thad par thal/

sangs rgyas 'phags pas dang por 'das pa mkhyen pa sogs kyi go
rim mi 'thad pa'i phyir/ zer na/ don so so ba dang/ mkhyen dus
dang grub dus mi gcig pas zhib cha 'byed par bya'o// ! sbyor ba
nyi shu/ gnyis pa bden 'dzin

'joms byed kyi sbyor ba khyad par can bshad pa la gnyis/ rten
gyi gang zag dang/ sbyor ba bshad pa dngos so/ /dang po ni/
sangs rgyas rnams la lhag par byas/ /zhes pa nas/ snod du dam pa
rnams bzhed do/ /zhes pa'i bar gsungs

te; don ni/ 'grel pa las/ 'das pa dang da ltar byung ba'i sangs
rgyas rnams la spyir dge ba'i rtsa ba bskrun cing/ zhes pa nas/
snod yin par sangs rgyas la sogs pa bzhed do/ /zhes pa'i bar
gsungs/ 'phros ni/ mdo las/

shes rab kyi pha rol tu phyin pa 'di ni rigs kyi bu 'am rigs kyi
bu mo gang dag gi rna lam du grag par gyur pa de dag kyang sngon
gyi rgyal ba la bya ba byas pa'o/ /zhes pa nas/ de dag ni sangs
rgyas mang po pha bsnyen bkur byas pa'o/ /

@035a @#/ /zhes sogs las 'phros so/ /'di'i skabs su gnyis/ rtsa
ba'i tshig don dang/ mtha' dpyad pa'o/ /dang po ni/ byang sems
tshogs lam pa chos can/ gzhung lam 'bras bu'i sher phyin 'di nyan

ba'i snod yin te/ sngon sangs rgyas rnams la bkur sti lhag par
byas pa dang/ sangs rgyas de la bsod snyoms 'bul ba sogs dge
ba'i rtsa ba bskrun pa dang/ theg chen gyi dge ba'i bshes gnyen
gyi mgon dang bcas pa

yin pa'i phyir/ de chos can/ yum 'di'i gzhung don blo la len pa
dang 'dzin pa la sogs pa'i snod du dam pa rnams bzhed pa yin te/
de'i ched du sangs rgyas grangs med pa bsten pa dang/ don kun
'dri ba dang/ dris pa'i

don sbyin pa dang tshul khrims sogs tshul bzhin du spyod pa nyams
su len par byed pa'i phyir// ! gnyis pa mtha' dpyad pa la dgag
gzhag gnyis las/ dang po la kha cig /byang sems yin na/ skabs
'di'i dngos

bstan gyi sbyor ba sgom pa'i gang zag yin pas khyab zer na/ sems
tsam pa'i byang sems tshogs lam pa chos can/ der thal/ de'i
phyir/ 'dod na/ dngos po bden med ston pa'i snod rung gi gdul
bya yin par thal/

'dod pa'i phyir/ 'dod mi nus te/ sems tsam pa yin pa'i phyir/
kha cig /sbyor ba sgom pa'i rten gyi gang zag yin na/ 'dir bstan
sbyor ba sgom pa'i gang zag yin pas khyab zer na/ nyan thos
tshogs lam pa chos can/

der thal/ de'i phyir/ der thal/ nyan thos kyi sbyor ba sgom pa'i
gang zag yin pa'i phyir/ 'dod na/ theg chen gyi rigs can yin par
thal lo/ /kha cig /yum 'di nyan pa'i gang zag yin na/ 'di nyan
pa'i snod rung gi gang

@035b zag yin pas khyab zer na/ yum bar ma nyan kyang snod du mi
rung ba'i gang zag chos can/ der thal/ de'i phyir/ der thal/
chos can de'i phyir/ de der thal/ de yod pa'i phyir/ 'dod mi nus
so// ! gnyis

pa rang gi lugs la/ theg chen gyi sbyor ba sgom pa'i phyi nang
gi rkyen khyad par can gnyis dang ldan pa'i byang sems de/ 'dir
bstan sbyor ba sgom pa'i rten gyi gang zag yin no// ! gnyis pa
sbyor ba dngos ni/ gzugs

la sogs la mi gnas phyir/ /zhes pa nas/ de ni dag pa mtshams dang
bcas/ /zhes pa'i bar gsungs te/ don ni 'grel pa las/ gzugs la
sogs pa ngo bo nyid med pa nyid kyis mi gnas pa dang/ zhes pa
nas/ sbyor ba nyi

shu yin no/ /zhes pa'i bar gsung/ 'phros ni/ byang chen shes rab
kyi pha rol tu phyin pa la sbyor ba'i tshe gzugs la mi gnas pa
de'i tshe/ gzugs la rnal 'byor du byed pa yin no/ /zhes pa nas/
rigs kyi bu 'am rigs kyi bu mo/

'bran yang myur du bri bar bya'o/ /zhes pa'i bar gyi mdo las
'phros so/ /'di'i skabs su gnyis/ tshig don dang/ mtha' dpyad
pa'o/ /dang po ni/ 'dir bstan ngo bo'i sbyor ba de la lnga yod
de/ yul gzugs sogs la don dam pa

mi gnas pa'i sbyor ba dang/ yul can de la bden zhen gyis sbyor
ba bkag pa'i sbyor ba dang/ gzhi de yi de bzhin nyid zab par
rtogs pa'i sbyor ba dang/ lam de rnams kyi de bzhin nyid gting
dpag dka' bar rtogs pa'i sbyor ba

dang/ rnam pa'i chos de dag gi chos nyid tshad ni med par rtogs
pa'i theg chen gyi sbyor ba lnga yod pa'i phyir/ rgyu mtshan 'di
snga ma la yang sbyor zhing 'di lnga theg chen gyi sbyor lam nas
bzhag go/ /rten gyi sgo nas brgyad yod

@036a @#/ /de; tshogs lam pa'i rgyud kyi tshegs chen yun ring rtogs
pa'i de/ drod sogs bzhi la rim pa bzhin du/ lung bstan pa'i de/
phyir mi ldog pa nyid kyi de dang nges par 'byung ba'i de/ bar
chad

med bcas kyi de dang/ mthong lam la byang chub la nye ba'i de
dang/ sa gnyis pa nas bdun pa'i bar ni/ myur bar 'tshang rgya
ba'i de dang/ sa brgyad pa'i gzhan don gyi sbyor ba rnams su yod
pa'i phyir/ thabs kyi sgo

nas bzhi yod de/ sa brgyad pa'i 'phel med 'grib med kyi de dang/
don dam par chos dang chos min sogs mi mthong ba'i de dang/
gzugs sogs bsam mi khyab mi mthong ba'i de/ gzugs sogs dang
gzugs rung

sogs de yi mtshan ma dang de yi mtshon bya'i ngo bo don dam par
rnam par mi rtog ye shes rnams su yod pa'i phyir/ 'bras bu dang
dus kyi sbyor ba yod de/ sa dgu pa'i ye shes 'bras bu rin chen
sbyin byed kyi de dang/ nyes pa sel

ba'i sbyor ba sa bcu pa'i ye shes de yi rnam par dag pa dus kyi
sbyor ba dang gnyis yod pa'i phyir/ sa mtshams kyi sbyor ba gcig
yod de/ yum myur du sgom pa'i sems dpa'i rnal 'byor des mtshams
dang bcas pa'i sems dpa'i

sbyor ba yin pa'i phyir/ mdor na/ shes bya chos can/ 'dir bstan
sbyor ba nyi shu yod de/ rang bzhin gyi sbyor ba lnga dang/ gnas
skabs kyi sbyor ba bco lnga yod pa'i phyir// ! gnyis pa mtha'
dpyad pa la gsum las/

dang po la kha cig/ yul yul can bden med du rtogs pa'i sems
dpa'i ye shes/ bden 'dzin 'joms byed kyi sems dpa'i sbyor ba'i
mtshan nyid zer na/ byang sems tshogs lam pa'i rgyud kyi theg chen
sems bskyed

@036b chos can/ mtshan nyid der thal/ mtshon bya de'i phyir/ der
thal/ sems dpa'i ye shes yin pa'i phyir/ 'dod na/ stong nyid
rtogs pa'i ye shes yin par thal/ 'dod pa'i phyir/ 'dod mi nus
te/ slob pa'i rgyud kyi

theg chen sems bskyed yin pa'i phyir/ kha cig /stong nyid rtogs
pa'i zhi lhag zung 'brel gyis zin pa'i sems dpa'i ye shes/ skabs
'dir dngos su bstan pa'i sems dpa'i sbyor ba'i mtshan nyid/ zer
na/ tshogs chen po'i sgo

nas stong nyid rtogs pa'i dman lam sngon du ma song ba'i theg
chen gyi tshogs lam chos can/ mtshan nyid der thal/ mtshon bya de'i
phyir/ der thal/ tshogs chen yun ring rtogs pa'i phyir/ /zhes
pa'i dngos bstan gyi sbyor

ba yin pa'i phyir/ 'dod mi nus te/ stong nyid rtogs pa'i lhag
mthong ma thob pa'i phyir/ der thal/ chos can de'i phyir/ kha
cig /bden 'dzin dngos su 'joms byed kyi sems dpa'i sbyor ba yin
na/ bden 'dzin gyi dngos

gnyen yin pas khyab zer na/ theg chen mthong lam bar chad med
lam chos can/ der thal/ de'i phyir/ der thal/ bden 'dzin la
dngos su gnod byed kyi byang 'phags kyi ye shes yin pa'i phyir/
'dod mi nus te/

mthong lam yin pa'i phyir/ kha cig/ lung bstan pa'i sbyor ba yin
na/ dngos lung bstan pa'i sbyor ba yin pas khyab zer na/ dman
lam sngon du ma song ba'i theg chen sbyor lam drod chos can/ der
thal/ de'i phyir/ der

thal/ theg chen gyi sbyor lam yin pa'i phyir/ 'dod mi nus te/ so
skye'i ye shes yin pa'i phyir/ kha cig /phyir mi ldog pa'i sbyor
ba yin na/ phyir mi ldog pa'i rtags thob pas khyab zer na/ byang
sems sbyor lam rtse mo

@037a @#/ /dbang rtul ba'i rgyud kyi ye shes chos can/ der thal/
de'i phyir/ der thal/ chos can de'i phyir/ 'dod mi nus so/ !
/gnyis pa rang lugs la/ yul yul can bden med du rtogs

pa'i sems dpa'i ye shes/ skabs 'dir dngos su bstan pa'i sems
dpa'i sbyor ba'i mtshan nyid/ ! /gsum pa rtsod pa spong ba la/
kha cig /sems dpa'i sbyor ba yin na/ bden 'dzin gyi dngos gnyen
yin dgos par

thal/ de yin na/ bden 'dzin dngos su 'joms byed yin dgos pa'i
phyir/ der thal/ skabs 'dir dngos su bstan pa'i sems dpa'i sbyor
ba yin na/ bden 'dzin dngos su 'joms byed yin dgos pa'i phyir/
der thal/

'di'i thad kyi rnam bshad las/ bden 'dzin dngos su 'joms byed
kyi sbyor ba khyad par ngos bzung ba/ zhes gsungs pa'i phyir na/
snga ma la rnam pa gcig tu ma khyab/ 'dod mi nus so/ /byas pa la
kho na re/ skabs

'dir dngos su bstan pa'i sbyor ba yin na/ bden 'dzin dngos su
'joms byed yin dgos par thal/ de yin na/ bden 'dzin la dngos su
gnod byed yin dgos pa'i phyir/ der thal/ de yin na/ stong nyid
rtogs pa'i

ye shes yin dgos pa'i phyir zer/ sbyor ba'i yon tan/ gnyis pa
sbyor ba'i skyon yon bshad pa la gnyis/ sbyor ba'i yon tan bshad
pa dang/ skyon bshad pa'o/ dang po ni/ bdud kyi mthu bcom la
sogs pa/ yon tan rnam pa

bcu bzhi'o/ /zhes gsungs te/ don ni 'grel par/ bdud kyi mthu
bcom la sogs pa dang/ sangs rgyas kyis dgongs shing mkhyen pa
nyid dang/ zhes pa nas/ yon tan bcu bzhi yin no/ /zhes pa'i bar
gsungs/ 'phros

@037b ni; shA ri'i bu phyogs bcu'i 'jig rten gyi khams tshad med
grangs med pa dag na/ sangs rgyas tshad med grangs med ji snyed
cig bzhugs shing 'tsho skyong ba'i sangs rgyas bcom ldan 'das de
snyed kyang/ zhes pa nas/ shA ri'i

bu rigs kyi bu 'am rigs kyi bu mo de dag skye ba dran nas kyang
pha rol tu phyin pa drug po 'di rnyed par 'gyur ro/ /zhes pa'i
bar gsungs pa las 'phros so/ /'di'i skabs su gnyis/ tshig don
dang/ mtha' dpyod pa'o/ /dang po

ni; shes bya chos can/ rnam rdzogs sbyor ba bsgom pa'i phan yon
rnam pa bcu bzhi yod de/ /sbyor ba bsgom stobs kyis bdud kyi
mthu bcom pa la sogs pa nas nges par 'thob pa'i bar gyi yon tan
rnam pa bcu bzhi yod

pa'i phyir/ ! /gnyis pa mtha' dpyad pa la dgag bzhag gnyis las/
dang po la/ kha cig /sbyor ba bsgom stobs kyis thob pa'i phan
yon/ sems dpa'i sbyor ba'i yon tan gyi mtshan nyid zer na/ nyan
thos

dgra bcom pa chos can/ mtshon bya der thal/ mtshan nyid de'i
phyir/ der thal/ nyan thos sbyor ba bsgom stobs kyis thob pa'i
phan yon yin pa'i phyir/ der thal/ des thob pa'i yon tan yin
pa'i phyir/ 'dod mi nus

te; chos can de'i phyir/ kha cig/ sems dpa'i sbyor ba bsgoms
stobs kyis 'thob pa'i phan yon/ sems dpa'i sbyor ba'i yon tan
gyi mtshan nyid zer na/ rnam rdzogs sbyor ba bsgom pa'i lam ma
zhugs med par

thal/ de na rnam rdzogs sbyor ba bsgoms pa'i phan yon med pa'i
phyir/ ma grub na/ de 'dra'i phan yon chos can/ mtshon bya der
thal/ mtshan nyid de'i phyir/ 'dod na/ lam zhugs kyi yon tan yin
par thal lo//

@038a @#/ /kha cig /sems dpa'i sbyor ba'i yon tan yin na/ sems
dpa'i yon tan yin pas khyab zer na/ sems dpa'i sbyor ba bsgoms
stobs kyis thob pa'i sangs rgyas chos can/ der

thal/ de'i phyir/ der thal/ sangs rgyas yin pa'i phyir/ 'dod na/
gnas skabs kyi yon tan yin par thal/ 'dod pa'i phyir/ ma khyab
na/ sangs rgyas 'phags pa dang/ byang chub sems dpa'

gnyis la yon tan rgya che chung dang mthod man gyi khyad par med
par thal/ 'dod pa'i phyir/ 'dod mi nus so// ! gnyis pa rang lugs
la/ sems dpa'i sbyor ba thob pa'i gang zag gis de bsgoms

stobs kyis thob pa'i phan yon/ sems dpa'i sbyor ba'i yon tan gyi
mtshan nyid/ de la der gyur pa'i bdud gyi mthu bcom pa dang/
sangs rgyas kyis dgongs pa dang/ sangs rgyas kyis mngon sum
mdzad pa dang/

sangs rgyas kyi byang chub dang nye ba dang/ don chen po nyid
dang/ lung bstan pa'i yul dpyad pa dang/ zag med kyi yon tan
rdzogs par byed pa dang/ smra ba'i skyes bu chen por 'gyur ba
dang/ bdud kyis mi phyed pa dang/

nyan rang dang thun mong ma yin pa'i dge rtsa bskyed pa dang/
gzhan don sgrub pa'i don sgrub pa dang/ 'bras bu rgya chen po
'dzin pa dang/ sems can gyi don sgrub pa dang/ yum nges par
'thob par 'gyur ba'i yon

tan dang bcu bzhi yod do// sbyor ba'i skyon/ ! gnyis pa skyon
ni/ skyon ni bcu tshan pa zhir bcas pa/ /drug tu nges par rtogs
par bya/ /zhes gsungs te/ don ni/ 'grel par/ tshegs chen pos thob
pa

@038b dang/ spobs pa ha cang myur ba dang/ zhes pa nas/ de ltar
na bzhi bcu rtsa drug yin no/ /zhes pa'i bar gsung/ 'phros ni/
sher phyin sgom pa la bar du gcod pa ji lta bu 'byung/ zhes pa
nas/ bdud sdig can sangs

rgyas kyi cha byad du 'ongs nas/ zhes sogs kyi bar gyi mdo las
'phros so/ /'di'i skabs su gnyis/ tshig don dang/ mtha' dpyad
pa'o/ /dang po ni/ shes bya chos can/ rnam rdzogs sbyor ba skye
ba dang gnas pa'i skyon

zhe drug yod de/ de 'dra'i skyon ni bcu tshan bzhi dang bcas pa
dang drug tu nges par rtogs par bya ba'i phyir// ! gnyis pa
mtha' dpyad pa la dgag gzhag gnyis las/ dang po la/ kha cig
/sbyor ba skye ba dang gnas

pa gang rung la gegs byed/ sems dpa'i sbyor ba'i skyon gyi mtshan
nyid zer na/ de mi 'thad par thal/ sems dpa'i sbyor ba'i skyon
ma yin kyang sbyor ba skye ba dang gnas pa gang rung la gegs
byed cig yod pa'i phyir/ der

thal/ nyan thos kyi sbyor ba skye ba la gegs byed cig yod pa'i
phyir/ der thal/ byang chub kyi sems kyis nyan thos kyi sbyor ba
skye ba la gegs byed pa'i phyir/ der thal/ des de skye ba 'gog
pa'i phyir/ kha cig /byang

sems kyi lam dang sbyor ba la ltos pa'i skyon yin na/ skyon yin
pas khyab zer na/ nyan thos slob pa'i rgyud kyi nyan thos kyi
byang chub don gnyer gyi bsam pa chos can/ der thal/ de'i phyir/
der thal/ de'i

rgyud kyi rang bde gcig pu zhi bde don gnyer gyi blo de de ltar
yin pa'i phyir/ 'dod mi nus te/ yon tan yin pa'i phyir/ der
thal/ lam yin pa'i phyir// ! gnyis pa rang lugs la/ sems

@039a @#/ /dpa'i sbyor ba skye ba dang gnas pa gang rung la gegs
byed kyi cha/ sems dpa'i sbyor ba'i skyon gyi mtshan nyid/ de la
zhe drug yod de/ der gyur pa'i sbyor ba'i 'gal rkyen rang la
brten pa nyi shu/ rang gzhan gang

rung la brten pa nyer gsum/ gzhan la brten pa gsum dang bcas pa
yod pa'i phyir/ dang po nyi shu yod de/ yum gyi tshig don tshogs
chen pos 'thob pa/ spobs pa ha cang myur ba/ lus kyi gnas ngan
len/ yid kyi gnas ngan len/ grags rnyed

kyis yum 'bri ba/ yum las phyir phyogs pa/ rnam mkhyen gyi rgyu
la mngon par zhen pa nyams pa/ yum gyi ro myang ba nyams pa/
theg pa'i mchog kun tu 'dzin pa nyams pa/ ched du bya ba nyams
pa ste bcu dang/ yang

rnam mkhyen thob 'dod kyi rgyu dang 'bras bu 'brel ba nyams pa/
gong na med pa'i sku gsum gyi rgyu las nyams pa/ yul la rnam par
rtog pa'i spobs pa mang po 'byung ba/ yum yi ger bri ba tsam la
zhen pa/ gnas

lugs la bden par zhen pa/ yi ge la yum du mngon par zhen pa/ yi
ge med pa la der zhen pa/ 'dod pa'i yul yid la byed pa/ rnyed
bkur sogs la zhen pa/ bdud las kyi lam la 'jug pa dang bcu ste
nyi shu yod

pa'i phyir/ gnyis pa yod de/ nyan pa po yum la 'dun kyang 'chad
pa po snyom las kyis nyams pa dang/ gnyis ka yul gyi 'dun pa tha
dad pa'i nyams pa/ 'dod pa mi mnyam pa'i nyams pa/ sbyangs pa'i
yon tan mi mnyam pa/

dge ba la dad pa mi mnyam pa/ sbyin pa gtong mi mnyam pa/ sbyin
'dod kyang len mi 'dod pa/ yum gyi don go mi go mi mnyam pa/
mkhas mi mkhas mi mnyam pa/ phyin drug ldan mi ldan gyi mi mnyam
pa ste bcu dang/

@039b 'chad pa po dang nyan pa po gnyis thabs la mkhas mi mkhas
mi mnyam pa/ mi brjed pa'i gzungs thob ma thob mi mnyam pa/ yum
yi ger 'bri 'dod mi 'dod mi mnyam pa/ sgrib pa dang bral ma bral
mi mnyam pa/ gzhan don du ngan

song du 'gro mi 'dod pa/ bde 'gror 'gro ba la chags pa/ 'chad pa
po dang nyan pa po gnyis 'khor la dga' mi dga' mi mnyam pa/
'khor gyi go skabs 'byed mi 'byed pa/ 'chad po zang zing cung
zad 'dod kyang/ nyan pos

sbyin mi 'dod pa/ srog gi bar chad du 'gyur ba'i phyogs su 'gro
'dod mi mnyam pa ste bcu dang/ mu ge 'byung ba'i phyogs su 'gro
'dod mi mnyam pa/ chom rkun yod pa'i phyogs su 'gro 'dod mi
mnyam pa/ bsod snyoms

ster ba'i khyim du 'chad po 'gro 'dod kyang nyan po 'gro mi 'dod
pa rnams yod pa'i phyir/ gsum pa yod de/ bdud kyis chos dang
gang zag so sor 'byed pa dang/ yum bcos ma sgrub pa dang/ bdud
kyi sprul pa la dga' ba dang

gsum yod pa'i phyir/ de dag ni tshig sna bsdus te brjod la/ zhib
par ni gser 'phreng dang rnam bshad las shes par bya'o// ! mtshan
mtshon/ gsum pa sbyor ba'i mtshan nyid bshad pa la gnyis/ mdor
bstan pa dang/

rgyas par bshad pa'o/ /dang po ni/ gang gis mtshon te mtshan nyid
du/ /zhes pa nas/ ngo bo nyid gang mtshon bya yang/ /zhes pa'i
bar gsungs te/ don ni 'grel par/ byed par sgrub pas 'dis sbyor
ba rnams mtshon par

byed pas na/ zhes pa nas/ rnam pa bzhir shes par bya'o/ /zhes
pa'i bar gsungs/ 'phros ni/ sher phyin gyis de bzhin gshegs pa
skyong ba dang de la 'jig rten ston pa yin par gsungs pa las
'phros so/ /'di'i

@040a @#/ /skabs su gnyis/ tshig don dang/ mtha' dpyad pa'o/ /dang
po ni/ shes bya chos can/ 'dir lam sher phyin gyi rnal 'byor gyi
mtshan nyid 'chad pa'i rgyu mtshan yod de/ mtshon byed gang

gis lam sher phyin gyi rnal 'byor du mtshon nus pa de/ de'i mtshan
nyid du shes par bya ba'i ched yin pa'i phyir/ mtshan nyid de la
yang rnam pa gsum yod de/ mkhyen gsum sbyor ba mtshon byed shes
pa'i mtshan nyid dang/ nyan

rang gi sbyor ba las khyad par du 'phags pa'i khyad par gyi
mtshan nyid dang/ gzhan don sgrub pa'i byed las khyad par can
dang ldan pa'i byed pa'i mtshan nyid dang gsum yod pa'i phyir/
ngo bo nyid kyi rnal 'byor bcu drug bstan pa

la dgos pa yod de/ sbyor ba'i ngo bo nyid gang yin pa mtshon bya
dang/ mtshan gzhi yang shes par bya ba'i ched yin pa'i phyir// !
gnyis pa mtha' dpyad pa la rnam pa gsum las/ dang po la/ kha cig
/skabs

'dir bstan pa'i mtshan nyid yin na/ mtshan nyid yin pas khyab zer
na/ skabs 'dir bstan pa'i shes mtshan chos can/ der thal/ de'i
phyir/ der thal/ shes pa zhes pa'i skabs nas bstan pa'i mtshan
nyid

yin pa'i phyir/ 'dod mi nus so/ /kha cig /skabs 'dir dngos su
bstan pa'i mtshan mtshon gnyis 'gal zer na/ de mi 'gal bar thal/
sems dpa'i ngo bo nyid kyi rnal 'byor bcu drug po de de gnyis ka
yin

pa'i phyir/ der thal/ de skabs 'dir bstan pa'i mtshon bya gang
zhig /mtshan nyid yin pa'i phyir/ dang po der thal/ ngo bo nyid
gang mtshon bya yang/ /zhes yang gi sgra smros pa la dgos pa yod
pa'i phyir/ kha cig /sems

@040b dpa'i ye shes yin na/ lam sher phyin gyi rnal 'byor yin
pas khyab zer na/ bden 'dzin gyis bcings pa'i theg chen gyi
tshogs lam chos can/ der thal/ de'i phyir/ 'dod na/ stong nyid
rtogs pa'i shes rab kyis zin par

thal/ 'dod pa'i phyir/ 'dod mi nus so/ /kha cig/ nyon mongs
rtags dang mtshan ma dang/ /zhes sogs kyis bstan pa'i sems dpa'i
ngo bo nyid kyi rnal 'byor bcu drug po de/ skabs 'dir bstan pa'i
sems dpa'i lam sher phyin

gyi rnal 'byor gyi mtshon bya yin zer na/ 'o na/ skabs 'dir bstan
pa'i sems dpa'i lam sher phyin gyi rnal 'byor de mtshan nyid yin
par thal/ 'dod pa'i phyir/ 'dod na/ skabs 'dir bstan pa'i sems
dpa'i rnal 'byor

de yang mtshan nyid yin par thal lo/ /kha cig /sems dpa'i mkhyen
gsum sbyor ba mtshan gzhi/ rang 'bras sangs rgyas skyed byed yin
par mtshon/ rang 'bras mkhyen gsum gyi rtogs pa skyed byed kyi
sems dpa'i

sbyor ba yin pa zhes mtshon pa yin no/ /zer na/ de mi 'thad par
thal/ mkhyen gsum sbyor ba tshad mas nges pa'i gang zag yin na/
de rang 'bras sangs rgyas skyed byed tshad mas nges pa'i gang zag
yin dgos pa'i phyir/ kha

cig /sbyor ba nyi shu mtshan gzhi/ chos sku'i thun mong ma yin
pa'i rgyu'i sbyor ba yin par mtshon/ chos sku skyed byed kyi thun
mong ma yin pa'i rgyu'i sbyor ba zhes mtshon pa yin zer na/ de mi
'thad par thal/ chos sku'i thun mong

ma yin pa'i rgyu'i sbyor ba med pa'i phyir/ der thal/ chos sku'i
rgyu'i sbyor ba med pa'i phyir/ der thal/ de'i rgyu med pa'i
phyir// ! gnyis pa rang lugs la/ nyon mongs rtags sogs kyis dben
pa'i ngo bo

@041a @#/ /nyid kyi rnal 'byor bcu drug po mtshan gzhi/ lam sher
phyin gyi rnal 'byor yin par mtshon/ stong nyid rtogs pa'i shes
rab dang snying rje khyad par can gyis zin pa'i sems dpa'i ye

shes yin pa/ zhes pa'i tshul gyis mtshon/ lam sher phyin la bzhi
yod de/ shes mtshan/ khyad mtshan/ byed mtshan/ ngo bo nyid mtshan
dang bzhi yod pa'i phyir// ! /gsum pa rtsod pa spong ba

la; kha cig /'dir sems dpa'i ngo bo nyid kyi rnal 'byor bcu drug
po de mtshan nyid kyi sgo nas ma bstan par thal/ de mtshon bya'i
sgo nas bstan pa'i phyir/ zer na/ ma khyab/ 'dod mi nus te/ de
ngo bo nyid

mtshan du bstan pa'i phyir/ der thal/ 'grel pa las/ mtshon par bya
ba yin pas ngo bo nyid kyi mtshan nyid de/ mtshan nyid ni rnam pa
bzhir shes par bya'o/ /zhes gsungs pa'i phyir/ kha cig /shes
mtshan

yin na/ lam sher phyin gyi rnal 'byor yin dgos par thal/ dam
bca' 'thad pa'i phyir/ 'dod na/ nyan thos kyi bden pa mngon
rtogs chos can/ der thal/ de'i phyir/ der thal/ shes pa gang
zhig /mtshan nyid yin

pa'i phyir/ zer na/ ma khyab/ phyi ma der thal/ nyan thos kyi
mthong lam gyi mtshan nyid yin pa'i phyir// ! gzhi shes sbyor
ba'i shes mtshan/ gnyis pa rgyas par bshad pa la bzhi/ shes
mtshan/ khyad mtshan/ byed mtshan/ ngo bo nyid

mtshan no/ /dang po la gsum/ gzhi shes/ lam shes/ rnam mkhyen
sbyor ba'i mtshan nyid do/ /dang po ni/ de bzhin gshegs pa 'byung
ba dang/ /zhes pa nas/ shes pa'i mtshan nyid bsdus pa yin/ /zhes
pa'i

@041b bar gsungs te/ don ni/ 'grel pa las/ de bzhin gshegs pa
'byung ba dang/ /'jig rten 'jig pa med pa dang/ /zhes pa nas/
thams cad shes pa nyid kyis bsdus pa yin no/ /zhes pa'i bar
gsungs/ 'phros

ni; shes rab kyi pha rol tu phyin pa 'dis de bzhin gshegs pa'i
stobs bcu bskyed do/ /zhes pa nas/ rnam par shes pa rnams la
brten cing 'byung bar 'gyur ro/ /zhes bya bar rab tu mkhyen to/
/zhes pa'i bar las 'phros so/ /

'di'i skabs su gnyis/ tshig don dang/ mtha' dpyad pa'o/ /dang po
ni/ shes bya chos can/ 'dir thams cad shes pa nyid kyi skabs kyi
shes pa'i mtshan nyid bcu drug bsdus nas bstan pa yin te/ de
bzhin gshegs

pa 'byung ba shes pa'i sems dpa'i ye shes dang/ 'jig rten don
dam par 'jig pa med pa'i bdag nyid du shes pa'i sems dpa'i ye
shes dang/ de bzhin du sems can gyi sems kyi spyod pa dang/ gang
zag gi bdag med

pa la sems bsdus pa dang/ de las sems phyir ltas pa dang/ sems
nam mkha' dang 'dra bar mi zad pa yi rnam pa dang/ sems 'dod
chags dang bcas pa sogs te zhe sdang gti mug dang bcas pa dang/
de'i shugs

bstan sems 'dod chags dang bral ba dang/ sems kyi gnas lugs rgya
chen po dang/ sems sgyu ma lta bur snang ba'i chen por gyur pa
dang/ don dam par sems tshad med pa dang/ rnam shes dbang shes
kyi ngo bor bstan du med

pa dang/ sems spyan lngas bltar med pa dang/ shes pa de la g.yo
ba dang la sogs pa 'du ba bkram pa bcu mas pa bzhi yod par shes
pa zhes bya ba dang/ g.yo ba sogs shes tshul de las gzhan yang
g.yo ba sogs de

@042a @#/ /dag gi ni rang bzhin bden pas stong pa de bzhin nyid
kyi rnam par shes pa dang/ thub pas de bzhin nyid rtogs pa de
gzhan la bstan pa shes pa zhes bya ba'i sems dpa'i ye shes 'di

dang bcu drug yod par bstan pa'i phyir// ! gnyis pa mtha' dpyad
pa la gnyis/ dngos dang/ lta ba bye brag tu bshad pa'o/ /dang po
la/ kha cig /de bzhin gshegs pa 'byung ba sogs yul bcu drug po
gang

rung rtogs pa'i sems dpa'i ye shes/ sems dpa'i gzhi shes sbyor
ba'i mtshan nyid zer na/ byang sems 'phags pa'i rgyud kyi de
bzhin gshegs pa 'byung bar rtogs pa'i theg chen sems bskyed chos
can/ mtshon bya

der thal/ mtshan nyid de'i phyir/ 'dod na/ de theg dman gyi rtogs
rigs su gnas par thal/ 'dod pa'i phyir/ 'dod mi nus te/ theg
chen sems bskyed yin pa'i phyir/ gzhan yang/ gang zag gi bdag
med

mngon sum du rtogs pa'i theg chen gyi mthong lam chos can/ mtshan
nyid der thal/ mtshon bya de'i phyir/ der thal/ theg dman gyi
rtogs rigs su gnas pa'i sems dpa'i ye shes yin pa'i phyir/ 'dod
na/ mi

'thad par thal/ chos can de'i phyir/ kha cig /skabs 'dir dngos
su bstan pa'i sems dpa'i ye shes yin na/ sems dpa'i gzhi shes
sbyor ba yin pas khyab zer na/ 'jig rten don dam par mi 'jig par
mngon

sum du rtogs pa'i theg chen gyi mthong lam chos can/ der thal/
de'i phyir/ der thal/ 'jig rten 'jig med bdag nyid dang/ /zhes
pa'i dngos bstan gyi sems dpa'i ye shes yin pa'i phyir/ 'dod na/
theg

@042b dman gyi rtogs rigs su gnas par thal lo/ /kha cig /sems
dpa'i gzhi shes sbyor ba yin na/ skabs 'dir dngos su bstan pa'i
sems dpa'i gzhi shes sbyor ba yin pas khyab zer na/ gzugs phyi
rol don gyis stong pa

mngon sum du rtogs pa'i theg chen gyi mthong lam chos can/ der
thal/ de'i phyir/ rtags sla/ 'dod mi nus te/ chos can de'i
phyir/ kha cig /de bzhin gshegs pa 'byung ba sogs yul bcu drug
po gang rung rtogs pa'i

theg chen gyi gzhi shes yin na/ skabs 'dir dngos su bstan pa'i
gzhi shes yin pas khyab zer na/ gang zag gi bdag med mngon sum
du rtogs pa'i rnam mkhyen chos can/ der thal/ de'i phyir/ der
thal/ sangs rgyas 'phags

pa'i rgyud kyi gzhi shes yin pa'i phyir/ 'dod na/ sems dpa'i ye
shes yin par thal/ 'dod pa'i phyir// ! gnyis pa rang lugs la/
nyon mongs rtags sogs kyis dben pa'i sems dpa'i ngo bo nyid kyi

rnal 'byor bcu drug po'i nang tshan gyi dang po bzhi mtshan gzhi/
skabs 'dir dngos su bstan pa'i sems dpa'i gzhi shes sbyor ba yin
par mtshon/ gzhi shes pa'i sher phyin la brten nas de bzhin
gshegs pa 'byung

ba sogs yul bcu drug po gang rung rtogs pa'i shes rab kyis zin
cing/ nyan thos kyi rtogs rigs su gnas pa'i sems dpa'i ye shes
yin pa/ zhes mtshon/ 'dir bstan pa'i sems dpa'i gzhi shes sbyor
bar

de la sngar bshad pa ltar zin byed kyi dbye bas bcu drug yod
do// ! gsum pa rtsod pa spong ba la/ kha cig /nyon mongs rtags
sogs kyis dben pa'i sems dpa'i ngo bo nyid kyi rnal 'byor dang
po bzhi po de sems pa'i

@043a @#/ /gzhi shes sbyor ba yin par thal/ khyod kyi mtshon sbyor
'thad pa'i phyir/ 'dod na/ 'jig rten don dam par 'jig pa med par
mngon sum du rtogs pa'i theg chen gyi mthong lam de yang

sems dpa'i gzhi shes sbyor ba yin par thal/ 'dod pa gang zhig
/de sems dpa'i ngo bo nyid kyi rnal 'byor dang po bzhi po gang
rung yin pa'i phyir/ phyi ma der thal/ de 'jig rten 'jig med ces
pa'i dngos bstan gyi sems

dpa'i sbyor ba yin pa'i phyir/ zer na/ skyon med de/ de'i dngos
bstan gyi zin byed sems dpa'i ye shes yin kyang/ ngo bo nyid kyi
rnal 'byor dang po bzhi gang rung ma yin pa'i phyir/ phyi ma der
thal/ de bzhin po gang rung la

gzhi shes kyis khyab pa'i phyir// ! lung ma bstan gyi lta ngan/
gnyis pa lta ba bye brag tu bshad pa ni/ 'grel par gsal bar ma
gsungs kyang gser 'phreng dang/ rnam bshad las bshad pa bzhin
'dir brjod pa ni/ 'di la gsum

las/ dang po la kha cig /bdag dang 'jig rten rtag par lta ba/ mi
rtag par lta ba/ gnyis kar lta ba/ gnyis ka ma yin par lta ba
bzhi sngon gyi mtha' la brten pa'i lung ma bstan gyi lta ngan
yin no/ /zer na/ 'o na/

bdag dang 'jig rten rtag mi rtag gang rung du lta mi rigs par
thal/ de rtag par yang lta mi rigs/ mi rtag par yang lta mi rigs
pa'i phyir/ phyi ma der thal/ der lta ba lung ma bstan gyi lta
ngan yin pa'i phyir/

rtags khas/ 'dod na/ bdag dang 'jig rten chos can/ rtag mi rtag
gang rung du lta rigs par thal/ de gang rung du 'dzin rigs pa'i
phyir/ der thal/ de gang rung yin pa'i phyir/ der thal/ gzhi
grub pa'i phyir/

@043b gzhan yang/ bdag dang 'jig rten rtag mi rtag gang rung du
lta rigs par thal/ de mi rtag par lta rigs pa'i phyir/ de der
thal/ de mi rtag pa yin pa'i phyir/ khyab ste/ 'jig rten mi rtag
par lta ba'i lta ba de lta ba rnam dag yin

pa'i phyir/ der thal/ 'dus byas mi rtag par lta ba'i lta ba de
lta ba rnam dag yin pa'i phyir/ gzhan yang/ bdag dang 'jig rten
rtag mi rtag gnyis ka ma yin par lta mi rigs par thal/ dam bca'
'thad pa'i phyir/ 'dod

na; de rigs par thal/ de de gnyis ka ma yin par 'dzin rigs pa'i
phyir/ der thal/ de de gnyis ka ma yin pa'i phyir/ der thal/
bdag med yin pa'i phyir/ kha cig /de bzhin gshegs pa grongs phan
chad 'byung bar

lta ba mi 'byung bar lta ba sogs bzhi po de/ myang 'das kyi
mtha' la brten pa'i lung ma bstan gyi lta ngan yin zer na/ 'o
na/ de bzhin gshegs pa grongs phan du mi 'byung bar lta ba dang/
'byung mi 'byung gnyis ka ma

yin par lta ba de lung ma bstan gyi lta ngan yin par thal/ dam
bca' 'thad pa'i phyir/ 'dod na/ de bzhin gshegs pa grongs phan
chad du mi 'byung ba ma yin par thal/ 'dod pa'i phyir/ 'dod na/
der 'byung bar thal/

'dod pa'i phyir/ 'dod na/ de bzhin gshegs pa grongs pa yod par
thal lo/ /gzhan yang/ de bzhin gshegs pa grongs phan chad du
'byung mi 'byung gnyis ka ma yin par lta mi rigs par thal/ dam
bca' 'thad pa'i

phyir/ 'dod mi nus te/ de ltar lta rigs pa'i phyir/ der thal/ de
de gnyis ka ma yin pa'i phyir/ rtags sla'o// ! gnyis pa rang gi
lugs la/ 'dir bstan lung ma bstan bcu bzhi'i khyad par yod de/

@044a @#/ /phyi rol pa'i rgyud kyi gang zag gi bdag dang 'jig
rten rtag par lta ba/ mi rtag par lta ba/ rang bzhin rtag la
gnas skabs mi rtag par lta ba/ gnyis ka ma yin pa'i chos su lta
ba rnams

ni sngon gyi mtha' la brten pa'i lung ma bstan gyi lta ngan
dang/ de'i rgyud kyi gang zag gi bdag dang 'jig rten mtha' dang
ldan pa skye ba phyi mar mi 'jug pa'i chos su lta ba dang/ mtha'
dang mi ldan pa phyi mar 'jug par

lta ba/ gnas skabs mi 'jug cing spyir 'jug par lta ba/ gnyis ka
ma yin pa'i chos su lta ba rnams ni phyi ma'i mtha' la brten
pa'i lung ma bstan gyi lta ngan dang/ de'i rgyud kyi gang zag gi
bdag gi grol ba po grongs phan chad

'byung bar lta ba/ mi 'byung ba'i chos su lta ba/ 'byung mi
'byung gnyis kar lta ba/ gnyis ka ma yin pa'i chos su lta ba
rnams ni myang 'das kyi mtha' la brten pa'i lung ma bstan gyi
lta ngan dang/ gang zag gi bdag dang

phung po rdzas gcig tu lta ba dang/ rdzas tha dad du lta ba ni
lus srog la brten pa'i lung ma bstan gyi lta ngan dang bcu bzhi
yod pa'i phyir/ de dag gang la gtso che ba'i khyad par yod de/
gang zag gi bdag dang 'jig rten rtag

par lta ba/ de mtha' dang mi ldan pa phyi mar 'jug par lta ba/
de grongs phan chad 'byung bar lta ba/ de dang phung po rdzas
tha dad du lta ba rnams ni phyi rol grangs can pa la gtso che
zhing/ yul la sgrub pa'i rnam pas 'jug pas

g.yo ba'i lta ba dang/ gang zag gi bdag dang 'jig rten mi rtag
par lta ba/ de mtha' dang ldan pa phyi mar mi 'jug pa'i chos su
lta ba/ de grongs phan chad mi 'byung ba'i chos su lta ba rnams
ni phyi rol rgyang phan pa la

@044b gtso che zhing/ yul la dgag pa'i rnam pas 'jug pas 'du
ba'i lta ba dang/ mtha' de dag gnyis ka yin pa'i phyir lta ba
rnams ni phyi rol gcer bu ba la gtso che zhing/ dgag sgrub cha
mnyam pa'i rnam pas 'jug pas

bkram pa'i lta ba dang/ mtha' de dag gang du yang brjod du mod
pa gnyis ka ma yin pa'i chos su lta ba rnams ni phyi rol gnas ma
bu ba la gtso che zhing/ dgag sgrub gnyis ka 'gog pa'i rnam pas
'jug pas bcums

pa'i lta ba dang/ gang zag gi bdag dang phung po rdzas gcig tu
lta ba ni phyi rol bye brag pa la gtso che bar 'jog pa'i phyir
ro/ /phyi rol pa'i rgyud kyi lung ma bstan gyi lta ngan bcu bzhi
po chos can/ khyod la lung ma bstan

gyi lta ngan zhes brjod pa'i rgyu mtshan yod de/ khyod kyis kun
nas bslangs te mu stegs byed rnams kyis ston pa la gang zag gi
bdag dang 'jig rten rtag gam mi rtag ces dris pa'i dri ba de la
ston pas lan

ston mi rung bar dgongs nas lan mi bstan pa'i rgyu mtshan gyis de
ltar bshad pa'i phyir/ lan ston mi rung ba'i rgyu mtshan yod de/
phyi rol ba de dag gis gang zag gi bdag las brtsams te dris pa
yin pas gang zag

gi bdag la rtag mi rtag sogs kyi dbye ba mi 'thad pas khyad gzhi
med pa'i khyad chos dris pa yin pa'i phyir// ! gsum pa rtsod pa
spong ba la/ kha cig /'dir bstan lung ma bstan gyi lta ngan bcu
bzhi po de ston

pas lung du ma bstan par thal/ khyod kyi dam bca' 'thad pa'i
phyir na/ ma khyab/ 'dod mi nus te/ de sangs rgyas kyi lung las
bstan pa'i phyir/ der thal/ de mdo las bstan pa'i phyir/ der
thal/ mdo'i brjod

@045a @#/ /bya yin pa'i phyir/ der thal/ gzhi grub pa'i phyir/
kha cig /de lung las ma bstan par thal/ de dag lung ma bstan yin
pa'i phyir/ zer na/ ma khyab/ ma grub na der thal/ de dag dge mi
dge

lung ma bstan gsum po gang rung gang zhig /gzhan gnyis gang rung
ma yin pa'i phyir/ kha cig /phyi rol pa'i rgyud kyi bdag dang
'jig rten bden par lta ba'i lta ba de 'dir bstan lung ma bstan
gyi lta ngan bcu bzhi bo gang rung

yin par thal/ de'i rgyud kyi bdag dang 'jig rten gang zag gi
bdag tu bden par lta ba'i lta ba de/ 'dir bstan lung bstan gyi
lta ngan bcu bzhi po gang rung yin pa'i phyir/ zer na/ ma khyab/
'dod na/ mi 'thad par thal/ lta ba

de'i zhen yul gyi stong par rtogs pa'i sems dpa'i ye shes de/
sems dpa'i gzhi shes sbyor ba ma yin pa'i phyir/ der thal/ de
stong nyid rtogs pa'i ye shes yin pa'i phyir/ der thal/ bdag
dang 'jig rten bden

par med pa stong nyid yin pa'i phyir/ gzhan yang/ de mi 'thad
par thal/ de 'dra'i lta ba de lta ba lhan skyes yin pa'i phyir/
khyab ste/ 'dir bstan lta ngan bcu bzhi po gang rung yin na/ lta
ba kun btags yin dgos

pa'i phyir/ kha cig /bdag gi bdag dang phung po skye ba phyi mar
mi 'jug par thal/ dam bca' 'thad pa'i phyir/ 'dod na/ de 'jug
par thal/ bdag dang phung po skye ba phyi mar 'jug pa'i phyir/
der thal/ bdag skye bu phyi ma

'jug pa'i phyir/ zer na/ ma khyab/ ma grub na der thal/ gang zag
skye ba phyi mar 'jug pa'i phyir/ der thal/ de skye ba phyi mar
'gro ba'i phyir/ kha cig /phung po skye ba phyi mar 'jug par
thal/ mdun gyi skye ?

@045b mar 'jug pa'i phyir na/ rnam pa gcig tu ma khyab/ ma grub
na der thal/ de'i rnam shes kyi phung po skye ba phyi mar 'jug
pa'i phyir na/ ma khyab/ kha cig /bdag rtag par lta ba'i lta ba
de 'dir bstan lung ma bstan gyi lta ngan

yin par thal/ de lung ma bstan gyi lta ngan yin pa'i phyir/ zer
na/ ma khyab/ 'dod mi nus so// ! lam shes sbyor ba'i shes mtshan/
gnyis pa lam shes sbyor ba ni/ stong nyid mtshan ma med bcas
dang/ /zhes pa nas/ shes pa'i

mtshan nyid yin par bzhed/ /ces pa'i bar gsungs te/ don ni/ 'grel
par/ stong pa nyid dang mtshan ma med pa dang/ zhes pa nas/ lam
shes pa nyid kyis bsdus pa yin no/ /zhes pa'i bar gsungs/ 'phros
ni/ lha'i bu shes rab

kyi pha rol tu phyin pa zab mo 'di'i mtshan nyid ni stong pa nyid
do mtshan ma med pa'o smon pa med pa'o/ /zhes pa nas/ de dag ni
de bzhin gshegs pas mtshan nyid med par mngon par rdzogs par
sangs rgyas so/ /zhes pa'i

bar gyi mdo las 'phros so/ /'di'i skabs su gnyis las/ tshig don
dang/ mtha' dpyad pa'o/ /dang po ni/ shes bya chos can/ sems
dpa'i lam shes sbyor ba bcu drug yod de/ lam shes pa'i sher
phyin la brten

nas bden par grub pa'i ngo bo stong pa nyid dang/ rgyu la don
dam par mtshan ma med pa dang bcas pa dang/ 'bras bu la don dam
par smon pa rnam par spangs pa ste med par rtogs pa'i sems dpa'i
ye shes gsum dang/ de bzhin

du chos thams cad don dam par skye ba med pa dang/ 'gag pa med
pa dang/ sogs sgras bsdus pa ni kun nas nyon mongs pa med pa
dang/ rnam par byang ba med pa dang/ don dam par spang bya'i
dngos po med pa dang/ bden grub

@046a @#/ /kyis stong pa'i ngo bo nyid dang/ don dam par rten med
pa dang/ nam mkha'i mtshan nyid de drug dang/ chos nyid gzhan du
rnam par 'khrugs pa med pa dang/ blo sngon du btang nas 'du mi
byed pa dang/

mtshan nyid dang mtshan gzhi'i rab dbye la rnam par mi rtog pa
dang/ mtshan nyid kyi rab tu dbye ba dang/ don dam par mtshan nyid
med pa nyid du rtogs pa'i sems dpa'i ye shes dang bcu drug yod
pa'i phyir/ shes bya

chos can/ shes pa'i mtshan nyid las shes pa nyid kyi skabs kyis
bsdus pa yin par bzhed de/ sngar bshad pa 'di rnams kyis mtshon
pa'i sgo nas bsdus pa yin par bzhed pa'i phyir// ! gnyis pa

mtha' dpyad pa la dgag gzhag gnyis las/ dang po la/ kha cig
/gzhan don bya dka' ba sogs sgrub pa'i sems dpa'i ngo bo nyid
kyi rnal 'byor bar ba lnga po de mtshan gzhi/ sems dpa'i lam shes
sbyor ba

yin par mtshon/ stong nyid mtshan med sogs yul bcu drug po gang
rung rtogs pa'i sems dpa'i ye shes yin pa zhes mtshon zer na/
theg chen mthong lam bar chad med lam chos can/ mtshan nyid der

thal/ mtshon bya de'i phyir/ der thal/ sems dpa'i ye shes yin
pa'i phyir/ 'dod na/ rang yul kun rdzob kyi rnam pa shar ba'i
sems dpa'i ye shes yin par thal/ 'dod pa'i phyir/ gzhan yang/
gang

zag gi bdag med mngon sum du rtogs pa'i theg chen gyi mthong lam
chos can/ mtshan nyid der thal/ mtshon bya de'i phyir/ 'dod na/
stong nyid mtshan med sogs yul bcu drug po gang rung gang zag gi
bdag med phra

@046b mo yin par thal lo// gnyis pa rang lugs la/ gzhan don bya
dka' ba sogs sgrub pa'i sems dpa'i ngo bo nyid kyi rnal 'byor
bar pa lnga po de mtshan gzhi/ skabs 'dir bstan pa'i sems dpa'i
lam

shes sbyor ba yin par mtshon/ stong nyid mtshan med sogs yul bcu
drug po gang rung rtogs pa'i shes rab kyis zin pa'i sems dpa'i
ye shes yin pa zhes mtshon no// ! rnam mkhyen sbyor ba'i shes
mtshan/ gsum pa rnam mkhyen

sbyor ba ni/ de ni nyid kyi chos brten nas/ /zhes pa nas/ shes
pa'i mtshan nyid ces bshad do/ /zhes pa'i bar gsungs te/ don ni/
'grel par/ de bzhin gshegs pa nyid kyi chos la mngon par brten
nas gnas

pa dang/ zhes pa nas/ thams cad mkhyen pa nyid kyis bsdus pa yin
no/ /zhes pa'i bar gsung/ 'phros ni/ de bzhin gshegs pa rnams
shes rab kyi pha rol tu phyin pa 'di la brten cing gnas so/
/zhes pa nas/

sher phyin ni de bzhin gshegs pa la 'jig rten 'di'i 'du shes pa
dang pha rol gyi 'du shes su yang mi 'gyur bar de ltar ston to/
/zhes pa'i bar gyi mdo las 'phros so/ /'di'i skabs su gnyis/
tshig don dang/ /

mtha' dpyad pa'o/ /dang po ni/ shes bya chos can/ sems dpa'i
rnam mkhyen sbyor ba bcu drug yod de/ de bzhin gshegs pa de ni
de nyid kyi chos la brten nas mthong chos la bde bar gnas par
rtogs pa'i sems dpa'i ye

shes dang/ dge ba'i gshes gnyen la gus par bya ba dang/ bka' las
mi 'da' bar bla ma nyid du bya ba dang/ rnyed bkur gyis mnyes
par bya ba dang/ bla ma de la mchod par byed pa dang/ don dam
par mchod pa sogs

@047a @#/ /byed pa med pa dang/ ye shes kyis shes bya kun tu 'jug
par mkhyen pa gang yin pa dang/ don dam par ma mthong ba'i don
ston par mdzad pa dang/ 'jig rten bden pas stong pa'i stong pa

nyid kyi rnam pa shes pa dang/ 'jig rten bden stong nyid du
brjod pa dang/ de bden stong nyid shes par mdzad pa dang/ de
ltar mngon sum du mthong bar mdzad pa dang/ chos nyid bsam gyis
mi khyab pa nyid du ston pa dang/

don dam par spros pa zhi nyid du ston pa dang/ 'jig rten la bden
par 'du shes pa 'gog pa dang/ 'di dang pha rol la don dam par
blang dor gyi 'du shes 'gog pa shes pa'i sems dpa'i ye shes dang
bcu drug yod

pa'i phyir/ shes bya chos can/ rnam pa kun mkhyen nyid kyi tshul
la ni shes pa'i mtshan nyid bcu drug bshad pa yin te/ sngar bshad
pa ltar yod pa'i phyir// ! gnyis pa mtha' dpyad pa la gnyis las/

dang po ni/ kha cig /gzhi lam gyi khyad par la dmigs pa sogs
sems dpa'i ngo bo nyid kyi rnal 'byor tha ma bdun po mtshan gzhi/
sems dpa'i rnam mkhyen sbyor ba yin par mtshon/ thub pas de bzhin
nyid kyi chos la

dmigs nas mthong chos la bde bar gnas pa sogs yul bcu drug po
gang rung gi rnam pa can gyi sems dpa'i ye shes yin pa zhes
mtshon zer na/ de mi 'thad par thal/ sems dpa'i rnam mkhyen sbyor
ba yin na

mtshan nyid de yin pas ma khyab pa'i phyir// ! gnyis pa rang lugs
ni/ mtshan gzhi ni sngar ltar la/ skabs 'dir bstan pa'i sems
dpa'i rnam mkhyen sbyor ba yin par mtshon/ de 'dra'i yul bcu drug

@047b gang rung rtogs pa'i shes rab kyis zin pa'i sems dpa'i ye
shes yin pa zhes mtshon no// ! khyad mtshan/ gnyis pa khyad mtshan
mder bstan ni/ bsam mi khyab sogs khyad par gyis/ /zhes sogs
rkang pa bzhi

gsungs te/ don ni/ 'grel par/ bsam gyis mi khyab pa dang/ mi
mnyam pa la sogs pa'i khyad par gyis/ zhes pa nas/ khyad par gyi
mtshan nyid yin no/ /zhes pa'i bar gsungs/ 'di'i skabs su tshig
don ni/

shes bya chos can/ khyad mtshan bcu drug yod de/ sdug bsngal bden
pa'i chos nyid bsam gyis mi khyab pa thugs su chud pa dang/ mi
mnyam pa la sogs pa'i khyad par gyis sdug bden la sogs pa bden
bzhi'i

chos nyid mngon sum du rtogs pa'i sgo nas nyan rang gi sbyor ba
las khyad zhugs pa'i bden pa'i spyod yul can gyi theg chen gyi
mthong lam shes bzod skad cig ma bcu drug gi dbang gis mtshon
byed khyad par gyi mtshan nyid

bcu drug bshad pa yin pa'i phyir/ de dag kyang gang zhe na/
rgyas bshad ni/ bsam mi khyab dang mi mnyam dang/ /zhes pa nas/
khyad du 'phags pas khyad par lam/ /zhes pa'i bar gsungs te/ don
ni/ yang dag par

rdzogs pa'i sangs rgyas la sogs pas legs par yongs su bzung/
zhes pa nas/ khyad par gyi lam yin par khyad zhugs so/ /zhes
pa'i bar gsung/ 'phros ni/ rab 'byor shes rab kyi pha rol tu
phyin pa zab mo 'di ni

bsam gyis mi khyab pa'i bya ba dang/ zhes pa nas/ byang sems de
ni sangs rgyas kyi zhing gzhan nam dga' ldan gyi gnas nas shi
'phos te 'dir skyes pa yin no/ /zhes pa'i bar gyi mdo las 'phros
so/ /'di'i skabs su

@048a @#/ /gnyis/ tshig don dang/ mtha' dpyad pa'o/ /dang po ni/
shes bya chos can/ khyad mtshan de la rgyas par dbye na bcu drug
yod de/ sdug bden gyi chos nyid bsam gyis mi khyab pa

dang/ chos nyid de dpes mi mnyam pa dang/ tha snyad pa'i tshad
mas gzhal ba las 'das pa dang/ grangs kyis bgrang ba las yang
dag par 'das pa ste bzhi mngon sum du rtogs pa'i sems dpa'i ye
shes bzhi

dang/ 'phags pa'i gang zag gi yon tan kun sdud pa dang/ chos
thams cad shes pa'i skyes bu mkhas pa yis rig par bya ba nyid
dang/ nyan rang dang thun mong ma yin pa'i dngos po yongs su
shes par bya ba nyid

dang/ rang gi mngon par shes pa shin tu myur ba ste kun 'byung
gi chos nyid rtogs pa'i sems dpa'i ye shes bzhi dang/ chos thams
cad don dam par bri ba dang gang ba med pa dang/ phyin drug drag
tu sgrub pa dang/

bsod nams dang ye shes kyi tshogs yang dag par 'grub pa dang/
thabs kyis zin pa'i rnam par mi rtog pa chos thams cad la dmigs
pa ste 'gog pa'i chos nyid rtogs pa'i sems dpa'i ye shes bzhi
dang/

byang chub sems dpa'i lam gyi rigs la brten pa dang bcas pa
dang/ pha rol tu phyin pa'i rgyu tshogs mtha' dag pa ldan pa
dang/ theg chen gyi lam rdzogs par ston pa'i yongs 'dzin dge
ba'i bshes gnyen

dang bcas pa dang/ chos gang la yang bden zhen gyi ro myang ba
med pa ste lam bden gyi chos nyid rtogs pa'i sems dpa'i ye shes
bzhi dang bcas pa khyad par gyi mtshan nyid bcu drug gi bdag nyid
du

@048b shes par bya ba yin pa'i phyir/ shes bya chos can/ rgyu
mtshan gang gis lam shes dang rnam mkhyen gyi sbyor ba'i lam ni
khyad par gyi lam du bjog pa'i rgyu mtshan yod de/ lam gzhan nyan
rang gi lam dag las

khyad par du 'phags pa'i sgo nas bzhag pa yin pa'i phyir/ de
ltar 'jog pa'i rgyu mtshan yang yod de/ lam de sangs rgyas legs
par sgrub pa'i shes rab khyad par can spar bshad pa de dag gis
zin pa'i sgo nas khyad par du

'phags par 'jog pa'i phyir// ! gnyis pa mtha' dpyad pa la dgag
gzhag gnyis las/ dang po la/ kha cig /sdug bsngal bden pa'i chos
nyid bsam gyis mi khyab pa sogs rtogs pa'i sems

dpa'i ye shes/ dman pa'i sbyor ba las khyad par du 'phags pa'i
sems dpa'i sbyor ba'i mtshan nyid zer na/ bden 'dzin gyis bcings
pa'i theg chen gyi tshogs lam chos can/ mtshan nyid der thal/
mtshon

bya de'i phyir/ der thal/ sems dpa'i ye shes yin pa'i phyir/
khyab ste/ sems dpa'i sbyor ba yin na/ ngo bo sgo nas dman pa'i
sbyor ba las khyad par du 'phags dgos pa'i phyir/ 'dod mi nus
te/

chos can de yin pa'i phyir/ kha cig /de rtogs pa'i shes rab kyis
zin pa'i sems dpa'i ye shes/ de'i mtshan nyid zer na/ de yang mi
'thad par thal/ de la yang sngar gyi skyon de 'jug pa'i phyir/
kha cig /sdug bsngal bden pa'i

chos nyid bsam gyis mi khyab pa sogs yul bcu drug po gang rung
rtogs pa'i shes rab kyis zin pa'i sems dpa'i ye shes/ skabs 'dir
dngos su bstan pa'i dman pa'i sbyor ba las khyad par du 'phags
pa'i sems

@049a @#/ /dpa'i sbyor ba'i mtshan nyid zer na/ byang sems 'phags
pa'i rgyud kyi sems dpa'i gzhi shes sbyor ba chos can/ mtshon bya
der thal/ mtshan nyid de'i

phyir/ der thal/ byang 'phags kyi mkhyen pa yin pa'i phyir/ 'dod
mi nus te/ theg dman gyi rtogs rigs su gnas pa'i sems dpa'i ye
shes yin pa'i phyir/ kha cig /nyon mongs rtags sogs kyis dben

pa'i sems dpa'i ngo bo nyid kyi rnal 'byor bcu drug po skabs
'dir dngos su bstan pa'i dman pa'i sbyor ba las khyad par du
'phags pa'i sems dpa'i sbyor ba yin no/ /zer na/ de mi 'thad par
thal/ nyon mongs

rtags sogs kyis dben pa'i sems dpa'i ngo bo nyid kyi rnal 'byor
dang po bzhi po de ma yin pa'i phyir/ der thal/ gzhung 'dis sems
dpa'i gzhi shes sbyor ba de dman pa'i sbyor ba las khyad par du
'phags

par dngos su ma bstan pa'i phyir// ! gnyis pa rang lugs la/ nyon
mongs rtags sogs kyis dben pa'i sems dpa'i ngo bo nyid kyi rnal
'byor bcu drug po de mtshan gzhi/ skabs 'dir bstan pa'i

dman pa'i sbyor ba las khyad par du 'phags pa'i sems dpa'i sbyor
ba yin par mtshon/ sdug bsngal bden pa'i chos nyid bsam gyis mi
khyab pa sogs yul bcu drug po gang rung rtogs pa'i shes rab kyis
zin

pa'i sems dpa'i ye shes yin pa zhes mtshon// ! byed mtshan/ gsum
pa byed mtshan ni/ phan dang bde dang skyob pa dang/ /zhes pa
nas/ 'di ni byed pa'i mtshan nyid yin/ /zhes pa'i bar gsungs te//

@049b don ni/ 'grel par/ ma 'ongs pa'i phan pa dang/ tshe 'di'i
bde ba dang/ zhes pa nas/ rten gyi mdzad pa gcig ste/ zhes pa'i
bar gsung/ 'phros ni/ rab 'byor byang chub sems dpa' rnams kyis
'jig rten la phan

pa'i phyir yang dag par zhugs pa'o/ /zhes pa nas/ rab 'byor chos
thams cad ni gzugs kyi ngang tshul can te/ de dag ni ngang tshul
de las mi 'da'o/ /zhes sogs kyi mdo las 'phros so/ /'di'i skabs
su gnyis/ tshig don

dang/ mtha' dpyad pa'o/ /dang po ni/ shes bya chos can/ byed las
khyad par can gyi sems dpa'i sbyor ba bcu gcig yod de/ 'og nas
'chad pa ltar bcu gcig po 'di ni byed pa sbyor ba'i mtshan nyid
dam rang bzhin

yin pa'i phyir/ de dag kyang gang zhe na/ yod de/ gzhi shes kyi
sbyor ba'i byed pa/ ma 'ongs pa'i phan pa dang tshe 'di'i bde ba
dang/ sems can ci rigs sdug bsngal las skyob pa'i sems dpa'i ye
shes te byed

las kyi sgo nas gsum dang/ mi rnams kyi ni skyabs sogs byed pa
gtan du phan pa la 'god pa dag dang/ sdug bsngal gyi rgyu bzlog
pas gnas dang/ 'khor 'das don dam par mnyam pa nyid du rtogs pas
dpung

gnyen dang/ srid pa'i chu klung bral ba la 'god pas rang gzhan
gyi don rtogs pa'i rten gyi ngo bo gling dang/ rang gzhan gyi
don sgrub pas yongs su 'dren pa zhes bya ba dang/ don de yang
lhun gyis grub par byed pa dang theg pa gsum

gyi nges par 'byung ba'i 'bras bu dus ma yin par mngon du mi
byed pa'i bdag nyid can gyi sems dpa'i ye shes te lam shes kyi
byed pa bdun dang/ byed pa bcu gcig gi tha ma la rnam mkhyen gyi
sbyor ba ni sems can

@050a @#/ /gyi rten gyi mdzad pa gcig ste bcu gcig yod pa'i
phyir//! gnyis pa mtha' dpyad pa la dgag gzhag gnyis las/ dang
po la kha cig /nyon mongs rtags sogs

kyis dben pa'i sem dpa'i ngo bo nyid kyi rnal 'byor bcu drug po
mtshan gzhi/ gzhan don rgya chen po sgrub pa'i byed las khyad par
can gyi sems dpa'i sbyor ba yin par mtshon/ phan bde skyob pa
sogs byed

las bcu gcig po gang rung dang ldan pa'i sems dpa'i ye shes yin
pa zhes mtshon zer na/ theg dman lam du ltung kha ma'i rgyud kyi
tshe 'di'i bde ba don gnyer gyi sems dpa'i ye shes chos can/
mtshon bya der thal/ /

mtshan nyid de'i phyir/ der thal/ tshe 'di'i bde ba don gnyer gyi
byed las dang ldan pa'i sems dpa'i ye shes yin pa'i phyir/ 'dod
na/ de rgyud ldan gyi byang sems kyis gzhan don rgya chen po
sgrub nus par thal/ 'dod

pa'i phyir/ 'dod mi nus te/ de mi nus par theg dman lam du ltung
bar 'gyur kha ma yin pa'i phyir/ khyab ste/ der 'gyur kha'i rgyu
mtshan yang dag cig yod pa'i phyir// ! rang lugs la/ nyon mongs

rtags sogs kyis dben pa'i sems dpa'i ngo bo nyid kyi rnal 'byor
bcu drug po mtshan gzhi/ skabs 'dir bstan pa'i gzhan don rgya
chen po sgrub pa'i byed las khyad par can gyi sems dpa'i sbyor
ba yin par mtshon

phan bde skyob pa sogs byed las khyad par can bcu gcig po gang
rung dang ldan pa'i sems dpa'i ye shes yin pa zhes mtshon no// !
ngo bo nyid mtshan/ bzhi pa ngo bo nyid mtshan ni/ nyon mongs
rtags dang mtshan ma dang/ /zhes pa nas/

@050b mtshan nyid bzhi par bzhed pa yin/ /zhes pa'i bar gsungs
te/ don ni/ 'grel par/ 'dod chags la sogs pa'i nyon mongs pa
dang/ de'i rtags lus kyi gnas ngan len dang/ zhes pa nas/ de
ltar na bzhi pa ngo bo

nyid kyi mtshan nyid du bzhed do/ /zhes pa'i bar gsungs/ 'phros
ni/ rab 'byor byang chub sems dpa' sems dpa' chen po 'di ni 'dod
chags dang zhe sdang dang gti mug bsal bas dben pa'i rang bzhin
du 'gyur ro/ /

zhes pa nas/ lha'i bu dag gnas brtan rab 'byor gzugs kyi rjes su
ma skyes/ gzugs kyi de bzhin nyid kyi rjes su ma skyes/ zhes
sogs dang/ gang gi tshe gzugs mi dmigs pa de'i tshe gzugs kyi de
bzhin nyid

dmigs pa ltag la 'gyur/ zhes sogs kyi mdo las 'phros theg chen
gyi tshogs lam/ 'di'i skabs su gnyis/ tshig don dang/ mtha' dpyad
pa'o/ /dang po ni/ shes bya chos can/ sems dpa'i ngo bo nyid kyi
rnal 'byor bcu drug yod

de/ 'dod chags sogs nyon mongs pa spong ba dang/ de'i rtags lus
kyi gnas ngan len spong ba dang/ de'i rgyu mtshan tshul bzhin ma
yin pa yid la byed pa med pa dang/ 'dod chags sogs mi mthun
phyogs dang de'i gnyen po dag

don dam par dben pa'am gang zag gi bdag gis dben par rtogs pa'i
sems dpa'i gzhi shes sbyor ba'i ngo bo nyid bzhi dang/ don dam
par med pa'i sems can tha snyad du mtha' yas pa mya ngan las
bzla bar dka' bsgrub

pa dang/ theg pa gzhan du mi ltung bar 'tshang rgya ba nges pa
sgrub pa dang/ ched du bya ba chen po gsum sgrub pa dang/ bsgom
bya dang sgom pa po'i chos don dam par mi dmigs par rtogs pa
dang/ dngos po la bden

@051a @#/ /par mngon par zhen par bkag pa'i sems dpa'i lam shes
sbyor ba'i ngo bo nyid lnga dang/ gzhi shes dang lam shes kyi
khyad par la dmigs pa zhes bya ba gang yin pa dang/ byis pa dang
'dzin pa

mi mthun pa dngos po dang dngos med la bden zhen med pa dang/
gzugs sogs kyi chos rnams thogs pa med par shes pa dang/ shes
bya gzugs sogs de don dam par med pas 'khrul gzhi bden par med
pa

shes pa dang/ don dam par gang du 'gro ba med pa dang gzugs sogs
don dam par skye ba med pa shes pa dang/ dngos po dang dngos med
dang gnyis ka'i de bzhin nyid ni don dam par mi dmigs par rtogs
pa'i sems

dpa'i rnam mkhyen sbyor ba'i ngo bo nyid bdun dang bcas pa ngo
bo nyid kyi rnal 'byor bcu drug gi bdag nyid rnams su yod pa'i
phyir/ bcu drug po de chos can/ mtshan nyid bzhi par te ngo bo
nyid kyi mtshan nyid du bzhed

pa yin te/ khyod kyi me dang tsha ba ltar mkhyen gsum gyi sbyor
ba sngar bshad pa de dag ni rang gi mtshan nyid dang ldan pa'i
mtshon bya lta bur mtshon par byed pa yin pa'i phyir/ de yan gyi
sbyor ba'i mtshan nyid rnam pa bsdu na

go gcig yod do/ / ! gnyis pa mtha' dpyad pa la gnyis las/ dang
po la/ kha cig/ sems dpa'i ngo bo nyid kyi rnal 'byor bcu drug
bo de sems dpa'i gzhi shes sbyor ba yin no/ /zer

na; 'o na/ sems dpa'i ngo bo nyid kyi rnal 'byor bar ba lnga
dang tha ma bdun po yang sems dpa'i gzhi shes sbyor ba yin par
thal/ dam bca' 'thad pa'i phyir/ 'dod mi nus te/ de theg dman
gyi rtogs rigs

@051b su mi gnas pa'i phyir/ der thal/ gzhan don bya dka' ba
sgrub pa'i sems dpa'i lam shes sbyor ba de yang theg dman gyi
rtogs rigs su mi gnas/ de bzhin nyid don dam par mi dmigs par
rtogs pa'i sems dpa'i rnam mkhyen

sbyor ba de yang theg dman gyi rtogs rigs su mi gnas pa'i phyir/
kha cig na re/ de bcu drug pa sems dpa'i lam shes sbyor ba dang
rnam mkhyen sbyor ba ma yin zer na/ de yin par thal/ de sems
dpa'i ye shes yin pa'i phyir/ khyab

ste/ de yin na/ ngo bo'i sgo nas de gnyis kyi sbyor ba yin dgos
pa'i phyir/ / ! //gnyis pa rang lugs ni/ sems dpa'i ngo bo nyid
kyi rnal 'byor bcu drug po de la/ shes mtshan khyad mtshan byed
mtshan gsum

la ltos te mtshan nyid bzhi pa zhes bya la/ de dag/ gang gi mtshon
de mtshan nyid du/ /zhes sogs kyi skabs nas bstan pa'i mtshan nyid
dang mtshon bya dang mtshan gzhi gsum ga yin te/ mtshan gzhi dang
mtshon bya gnyis ka

yin pa'i rgyu mtshan/ ngo bo nyid gang mtshon bya yang/ /zhes pas
mtshon bya'i sgras bstan pa de yang mtshon bya dang mtshan nyid
skad dod gcig pa'i dbang dang/ mtshan nyid yin pa ni/ mtshan nyid
bzhi par bzhed pa yin/ /zhes

pas bstan te/ /de ni gzhung gi mtshon tshul dang mtshan nyid kyi
sgra bya byed gnyis ka dang 'brel bar bshad pa'i dbang du byas
kyis/ spyir mtshan mtshon gyi 'brel ba nges pa ltar ni min no/
/dbye ba ni gzhung gi tshig don

bshad pa ltar shes par bya'o// ! //gnyis pa thar pa cha mthun
nas bzung ste rgyud la skye ba'i rim pa bshad pa la gsum/ grangs
med gsum nas 'tshang rgya ba'i lam gyi thog ma bshad pa'i sgo nas
rgyan gyi ched du bya ba'i

@052a @#/ /gdul bya ngos bzung ba/ rgyud smin byed kyi lam gyi
rim pa/ mngon rtogs khyad par can rgyud la skye ba'i rim pa
bshad pa'o/ /dang po la gnyis/ lam spyi'i mtshan nyid dang/ lam
gyi tshangs lngar

bsdus nas de la mkhas pa'i gdul bya ngos bzung ba'o/ /dang po
ni/ mtshan med rab tu sbyin la sogs/ /zhes sogs kyi rkang pa bzhi
gsungs/ gnyis pa ni/ sangs rgyas sogs dmigs dad pa dang/ /zhes
pa nas/

rtogs sla rtul pos rtogs dka' bzhed/ /ces pa'i bar gsungs te/
dang po'i don ni/ 'grel par/ mtshan ma med par dmigs pa'i shes pa
rnams las/ zhes pa nas/ thar pa'i cha dang mthun par yin par
'dod

do; ;zhes pa'i bar gsungs/ gnyis pa'i don ni/ dang po dang/
brtson 'grus dang/ zhes pa nas/ chung du rnams kyis ni nyan thos
kyi byang chub rtogs so/ /zhes bya ba ni 'di 'phangs pa yin no/
/zhes pa'i bar

gsungs/ dang po'i 'phros ni/ shes rab kyi pha rol tu phyin pa
dang thabs mkhas pa dang ma bral bar dus gsum gyi sangs rgyas
dang/ zhes sogs las 'phros so/ /gnyis pa ni/ lha'i bu dag ngas
chos thams cad rnam pa thams cad

du mngon par rdzogs par sangs rgyas te/ ngas gang mngon par
rdzogs par 'tshang rgya ba'am/ gang gi mngon par rdzogs par
'tshang rgya ba'am/ zhes pa nas/ tshe dang ldan pa rab 'byor rnam
grangs nges na bla na med

pa yang dag par rdzogs pa'i byang chub tu mngon par rdzogs par
'tshang rgya ba dka' ste/ zhes pa'i bar gyi mdo las 'phros so/
/'di'i skabs su gnyis/ tshig don dang/ mtha' dpyad pa'o/ /dang po
ni/ mngon rtogs

@052b rgyan gyi ched du bya ba'i gdul bya'i rgyud kyi stong nyid
rtogs pa'i theg chen gyi tshogs lam chos can/ rnam pa thams cad
mngon par rdzogs par rtogs pa'i sbyor ba'i skabs 'di la thar
ba'i cha dang mthun pa yin par 'dod de/ don dam

par mtshan ma med par rtogs pa'i shes rab kyis zin pa'i rab tu
sbyin pa la sogs pa nas rnam mkhyen gyi bar rang rgyud la yang
dag par sgrub pa la mkhas pa'i theg chen gyi chos mngon rtogs
yin par zhes pho ni mdor bstan

spyi'i don dang/ sbyin sogs rang rgyud la sgrub par mkhas tshul
de gang zhe na/ 'di la gnyis/ lam gyi chings dang/ de la mkhas
pa'i gdul bya ngos bzung ba'o/ /dang po ni/ shes bya chos can/
theg pa chen po'i rigs can theg

chen lam gyi sgor zhugs nas spyod pa gang la slob pa yod de/
sangs rgyas sogs la dmigs pa'i dad pa dang/ theg chen lam gyi
'jug sgo bsam pa phun tshogs byang chub tu sems bskyed de de'i
grogs su rnam mkhyen

yang yang dran pa'i dran pa dang/ sbyin sogs phar phyin drug
spyod yul du byed pa'i brtson 'grus dang/ de bzhin gshegs pa'i
sku gzugs dmigs bsal du byas pa'i rnam par mi rtog pa'i ting nge
'dzin dang/ chos

rnams rnam pa thams cad du shes pa'i shes rab dang rnam pa lnga
la slob dgos pa'i phyir/ 'dir rnam bshad ltar bsam pa sems
bskyed sbyin sogs kyi sngon du drangs pa ni byang chub mchog tu
sems bskyed nas rnam mkhyen

don gnyer gyi dran pa la brten nas sbyin sogs spyod pa la slob
dgos par shes pa'i ched do/ /! / /gnyis pa gdul bya ngos bzung
ba ni/ shes bya chos can/ rgyan gyi ched du bya ba'i gdul bya la
nang gses kyi dbang

@053a @#/ /po'i rim pa yang gnyis su yod de/ de yang rdzogs pa'i
byang chub ni/ byang chub sems dpa' dbang po rnon bo yis rtogs
pa de thob sla la/ de la ltos te dbang po rtul pos rtogs dkar te
thob

dka' bar bzhed pa'i phyir ro/ / ! gnyis pa mtha' dpyad pa la
gsum las/ dang po la/ kha cig na re/ dang sogs yul lnga la mkhas
pa'i theg chen gyi chos mngon rtogs/ theg chen gyi tshogs lam gyi
mtshan

nyid zer na/ bden 'dzin gyis bcings pa'i theg chen gyi tshogs lam
chos can/ mtshan nyid der thal/ mtshon bya de'i phyir/ der thal/
chos can de'i phyir/ der thal/ de yod pa'i phyir/ der thal/
byang chub sems dpa'i

rgyud la bden 'dzin gyis bcings bzhin du sbyin sogs la 'jug pa'i
nyams len yod pa'i phyir/ der thal/ sher phyin sum brgya pa las/
dper na/ mig dang ldan pa'i mi zhig mun par zhugs nas ci yang mi
mthong ba de

bzhin du gang dngos por lhung bas sbyin pa yongs su gtong ba'i
byang chub sems dpa' blta bar bya'o/ /zhes gsungs pa'i phyir/
'dod na/ stong nyid rtogs pa'i shes rab kyi nyams len la mkhas
par thal/ 'dod pa'i

phyir/ 'dod mi nus so/ /kha cig/ dad sogs yul lnga la mkhas pa'i
sems dpa'i chos mngon rtogs yin na/ stong nyid rtogs pa'i sems
dpa'i ye shes yin pas khyab zer na/ 'o na/ stong nyid rtogs pa'i
shes rab kyi

nyams len la mkhas pa'i sems dpa'i ye shes yin na/ stong nyid
rtogs pas khyab par thal/ dam bca' 'thad pa'i phyir/ 'dod na/
stong nyid rtogs pa'i shes rab nyams su len pa'i sgo nas stong
nyid rtogs kha ma'i

@053b dad sogs la mkhas pa'i theg chen gyi tshogs lam chos can/
der thal/ de'i phyir/ rtags gsal sla/ kha cig/ theg chen gyi
tshogs lam yin na/ bskal ba grangs med gsum nas 'tshang rgya ba'i
lam gyi thog

ma'i theg chen gyi tshogs lam yin pas khyab zer na/ theg chen
tshogs lam skad cig tha ma'i ye shes chos can/ der thal/ de'i
phyir/ 'dod mi nus te/ chos can de'i phyir/ gzhan yang/ bden
'dzin gyis bcings

pa'i theg chen gyi tshogs lam chos can/ der thal/ de'i phyir/
'dod na/ zag med ye shes sde tshan nyer gcig gi rigs la myong ba
thon pa'i ye shes yin par thal/ 'dod pa'i phyir/ 'dod mi nus te/
chos can de'i

phyir/ kha cig/ 'tshang rgya ba'i lam gyi thog mar gyur pa'i theg
chen gyi tshogs lam yin na/ bskal pa grangs med gsum nas 'tshang
rgya ba'i lam gyi thog mar gyur pa'i theg chen gyi tshogs lam yin
pas khyab zer na/

bskal pa grangs med so gsum nas 'tshang rgya ba'i lam gyi thog
mar gyur pa'i theg chen gyi tshogs lam chos can/ der thal/ de'i
phyir/ der thal/ chos can de'i phyir/ der thal/ de yod pa'i
phyir/ der thal/ de yod

par 'grel chen las bshad pa'i phyir/ 'dod mi nus so/ /kha cig/
mngon rtogs rgyan gyi ched du bya ba'i gdul bya yin na/ lam
zhugs yin pas khyab zer na/ de mi 'thad par thal/ yum mkhyen
gsum la dang ba'i dad pa/

de la don gnyer gyi 'dun pa/ de la thos bsam gyis 'jug bzhin
pa'i mngon rtogs rgyan gyi ched du bya ba'i gdul bya yod pa'i
phyir/ khyab ste/ de yod na/ lam du ma zhugs pa'i gong du de yod
dgos pa'i phyir/ kha cig/ mngon rtogs rgyan gyi ched du bya

@054a @#/ /ba'i gdul bya yin na/ rang dang rgyud gcig tu gyur
pa'i mngon rtogs rgyan gyi ched du bya ba'i gdul bya so skye yod
pas khyab zer na/ 'o na/ 'phags pa thogs med chos can/ der thal/
de'i phyir/ der

thal/ mngon rtogs rgyan de de la gtso bor dgongs nas gsungs pa'i
phyir/ 'dod na/ de mi 'thad par thal/ 'phags pa thogs med de sa
gsum pa ba yin pa'i phyir/ khyab ste/ des sku che de la mngon
rtogs rgyan gsar du

rje btsun la gsan pa gang zhig/ des sku tshe de la theg chen gyi
tshogs lam nas sa gsum pa'i bar bgrod pa ma yin pa'i phyir/ phyi
ma der thal/ 'tshang rgya ba la tshogs sbyor gyi gnas skabs su
bskal pa grangs med gcig

gi ngos skal gyi tshogs bsags dgos pa'i phyir/ kha cig mngon
rtogs rgyan gyi ched du bya ba'i gdul bya la/ gdul bya dbang
rtul zhig yod zer na/ de med par thal/ de'i ched du bya ba'i
gdul bya yin na/ dbang rnon yin dgos

pa'i phyir/ der thal/ de yin na/ theg chen gyi rigs can yin dgos
pa'i phyir/ khyab ste/ de yin na/ rang bzhin gyis dbang rnon yin
dgos pa'i phyir/ kha cig na re/ de la byang sems dbang rtul yod
zer na/ de yang med par

thal/ mngon rtogs rgyan gyi ched du bya ba'i gdul bya byang sems
yin na/ byang sems dbang rnon yin dgos pa'i phyir/ kha cig na
re/ mngon rtogs rgyan gyi ched du bya ba'i gdul bya dbang 'bring
med zer na/ de yod par thal/

de dbang 'bring yod kyang rgyan gyi ched du bya ba'i gdul bya la
nang gses dbang po rno rtul gnyis su 'byed pa'i tshe de de'i ched
du bya ba'i gdul bya dbang rtul gyi khongs su bsdu ba gser
'phreng las bshad pa'i phyir/ gzhan yang

@054b de dbang 'bring yod par thal/ byang sems dbang 'bring yod
pa'i phyir/ der thal/ byang sems dbang 'bring gis mthong lam nas
phyir mi ldog gi rtags thob pa'i tshul yang gsungs pa'i phyir/
kha cig /mngon rtogs rgyan gyi gdul

bya yin na/ de'i ched du bya ba'i gdul bya yin pas khyab zer na/
de mi 'thad par thal/ mngon rtogs rgyan gyi gdul bya phal pa yod
pa'i phyir/ der thal/ des gdul bya phal ba'i lam nyams len gyi
rim pa bstan pa'i phyir/ kha

cig na re/ rgyan gyi ched du bya ba'i gdul bya yin na/ mngon
rtogs rgyan gyi ched du bya ba'i gdul bya yin pas khyab zer na/
mdo sde rgyan gyi ched du bya ba'i gdul bya chos can/ der thal/
de'i phyir/ 'dod na/ dbu ma pa yin par

thal/ 'dod pa'i phyir/ 'dod mi nus te/ sems tsam pa yin pa'i
phyir/ kha cig/ dgongs 'grel gzhan la ma brten par mngon rtogs
rgyan gyi tshig don rdzogs par rtogs nus pa'i gdul bya theg chen
gyi rigs can/

mngon rtogs rgyan gyi ched du bya ba'i gdul bya'i mtshan nyid zer
na/ yum gyi mdo'i ched du bya ba'i gdul bya chos can/ mtshon bya
der thal/ mtshan nyid de'i phyir/ der thal/ dgongs 'grel gzhan la
ma brten par yum

gyi mdo la brten nas mngon rtogs rgyan gyi tshig don rdzogs par
rtogs nus pa'i theg chen gyi rigs can yin pa'i phyir/ 'dod mi
nus te/ chos can de'i phyir/ gzhan yang/ 'grel pa don gsal gyi
ched du bya ba'i gdul bya chos

can/ mtshon bya der thal/ mtshan nyid de'i phyir/ der thal/ dgongs
'grel gzhan la ma brten par mngon rtogs rgyan gyi dgongs 'grel
nyid la brten nas mngon rtogs rgyan gyi dgongs pa rdzogs par
rtogs nus pa'i

@055a @#/ /mngon rtogs rgyan gyi gdul bya yin pa'i phyir/ der
thal/ chos can de'i phyir/ 'dod mi nus so/ /! gnyis pa rang lugs
pa/ chos mngon rtogs/ tshogs lam gyi mtshan nyid/ theg

chen gyi chos mngon rtogs/ theg chen gyi tshogs lam gyi mtshan
nyid/ sbyin sogs sgrub pa la mkhas pa'i theg chen gyi chos mngon
rtogs de/ skabs 'dir bstan pa'i theg chen gyi tshogs lam gyi
mtshan nyid/ spyir ni

tshogs lam/ chos mngon rtogs/ thar pa cha mthun gsum don gcig
/tshogs lam du zhugs pa dang lam sna zin pa dus mnyam pas/ theg
chen gyi tshogs lam thob pa dang/ theg chen sems bskyed thob pa/
theg chen lam du zhugs

pa dus mnyam mo/ /de yang lam du zhugs pa'i tshad kho bo cag lta
bus brjod dka' yang/ gser 'phreng las/ nges 'byung gi bsam bas
bslangs pa'i dge rtsa sna re tsam rgyud la skyes na yang tshogs
lam gyi phyogs re thob pa yin no/ /zhes gsungs

shing/ rje'i gsung 'bum thor bu'i nang tshan 'jam dbyangs kyis
rje bla mar gsungs pa las/ rtsol bcas kyi myong ba thon pas thar
ba'i sa bon 'jog nus kyang lam gyi snar ma sleb/ srid pa'i bde
'byor dran tsam dang sems can

dran tsam gyis nges 'byung dang byang sems rgyun ldan du 'jug
pa'i myong ba thon na tshogs lam chung ngur 'jog/ ces nges 'byung
la rtsol bcas kyi myong ba thon pa tsam gyis lam sna mi zin par
gsungs nas de la rtsol med kyi myong ba

thon pa na tshogs lam thob par bstan to/ /tshogs lam gyi rtags
khyad par can ni/ nyi khri snang ba las/ thar pa'i cha dang
mthun pa 'di'i rtags ni rnam pa gsum ste/ 'di lta ste sems mi
zhum pa mi dngang pa'i mtshan nyid dang/ mi

@055b 'gom pa mi skrag pa'i mtshan nyid/ yid la 'gyod pa med pa
mi skrag pa'i mtshan nyid dang/ zhes zab don la mi skrag pa dgos
par gsung la/ gzhan yang/ kun las btus las/ tshogs kyi lam gang
zhe na/ so so skye ba'o

tshul khrims dang/ dbang po'i sgo bsngom pa dang/ zas kyi tshod
shes pa dang/ nam gyi tsha stod dang cha smad la mi nyal bar rnal
'byor la brtson pa dang shes bzhin du gnas par mngon par dga' ba
dang/ zhes sogs gsungs

sher/ mdzod 'grel las/ gang la 'khor ba'i nyes dmigs nang bdag
med pa dang mya ngan las 'das pa'i yon tan brjod pa'i gtam thos
na spu zing zhes byed pa dang/ mchi ma krug ces byed pa de la ni
thar ba'i cha dang mthun

ba'i dge rtsa yod par shes par bya ste/ zhes sogs tshogs lam gyi
rtags gsungs pa rnams las rtags ma nor ba 'ga' zhig byung na
tshogs lam thob pa la nye ba'i rtags sam/ de thob pa'i rtags su
shes par bya'i/

gzhan du na lam sna ma zin bzhin du theg chen gyi gang zag chu
khas len dgos par thal ba'i skyon du 'gyur te/ lam sna ma zin
bzhin du bla med kyi theg pa'i gang zag khyad par can du khas
len pa du ma snang ba'i phyir ro/ /de

dag ni don la phan bsams nas bris so/ dgongs 'grel gzhan lam
brten par mngon rtogs rgyan gyi dgongs par rang dbang du rdzogs
par rtogs nus pa'i mngon rtog rgyan gyi gdul bya de/ mngon rtogs
rgyan gyi ched du bya ba'i gdul bya'i

mtshan nyid/ de la der gyur ba'i dbang po rno rtul gnyis yod/ /!
gsum pa rtsod pa spong ba la/ kha cig /theg chen gyi tshogs lam
yin na/ stong nyid rtogs myong yin dgos par thal/ mngon rtogs
rgyan gyi ched du

@056a @#/ /bya ba'i gdul bya'i rgyud kyi theg chen gyi tshogs lam
yin na/ stong nyid rtogs myong yin dgos pa'i phyir/ zer na/ ma
khyab/ 'dod mi nus te/ rnam bshad las/ dbang rtul la nges pa med
do/ /

zhes stong nyid rtogs ma myong ba'i theg chen gyi tshogs lam yod
par bstan pa'i phyir/ gzhan yang/ stong nyid rtogs ma myong ba'i
byang sems yod par thal/ de rtogs ma myong ba'i sems tsam ba'i
byang sems yod pa'i phyir/ der

thal/ de yin na/ bden 'dzin gyi bcings pas khyab pa'i phyir/ kha
cig na re/ byang sems dbang rnon yin na/ tshogs lam du ma zhugs
pa'i snga rol du stong nyid rtogs myong yin dgos par thal/ theg
chen gyi rigs can dbang

rnon gyis theg chen lam du ma zhugs pa'i snga rol du stong nyid
nges par byas te/ de rjes theg chen gyi tshogs lam du 'jug pa'i
phyir/ zer na/ ma khyab/ ma grub na/ der thal/ dbu ma rgyan las/
yang dag shes rtsol sngon

btang ste/ /don dam rnam par nges gyur pa/ /zhes gsungs pa'i
phyir/ 'dod na/ sems rtsam pa'i byang sems dang rgyud gcig du
gyur pa'i phyir mi ldog gi rtags thob pa'i byang 'phags chos
can/ der thal/ de'i phyir/ der thal/

byang 'phags dbang rnon yin pa'i phyir/ der thal/ phyir mi ldog
gi rtags thob pa'i byang 'phags yin pa'i phyir/ 'dod mi nus so/
/kha cig /dbang po rnon rtul gnyis kyi mngon rtogs rgyan gyi
ched du bya ba'i gdul bya

yod par thal/ mngon rtogs rgyan gyi ched du bya ba'i gdul bya
dbang po rno rtul gnyis yod pa'i phyir/ zer na/ ma khyab/ ma
grub na der thal/ rdzogs pa'i byang chub rnon po yis/ /rtogs sla
rtul pos rtogs dkar bzhed/ /

@056b ces gsungs pa'i phyir/ 'dod mi nus te/ mngon rtogs rgyan
gyi ched du bya ba'i gdul bya yin na/ dbang rtul ma yin dgos
pa'i phyir/ ! theg chen gyi sbyor lam/ gnyis pa rgyud smin byed
kyi lam nges 'byed cha mthun ni/ dro ba rnams kyi dmigs

pa 'dir/ /zhes pa nas/ smin byed sogs kyi shes par bya/ /zhes
pa'i bar gsungs te/ don ni/ 'grel par/ rnam pa thams cad mngon
par rtogs pa 'di la mnyam pa dang/ byams pa dang/ zhes pa nas/
de ltar na nges par

'byed pa'i cha dang mthun pa yin no/ /zhes pa'i bar gsungs/
/'phros ni/ rab 'byor bla na med pa yang dag par rdzogs pa'i
byang chub tu 'tshang rgya bar 'dod pas sems can de dag gi drung
du gnas par bya/ /byams pa chen po bskyed par bya/

snying rje chen po bskyed par bya/ zhes pa nas/ bdag nyid kyang
rnam pa thams cad mkhyen pa'i ye shes bskyed par bya/ zhes pa'i
bar gyi mdo las 'phros so/ /'dir 'grel bar lam gyi go rim la log
rtog dgag pa ni/ /rnam pa dang lam dang gzhi

thams cad rnam par sgom pa'i dbye bas/ zhes pa nas/ yin par shes
par bya'o/ /zhes pa'i bar gsungs/ 'di'i skabs su gnyis/ tshig don
dang/ mtha' dpyad pa'o/ /dang po ni/ shes bya chos can/ theg
chen gyi sbyor

lam drod sogs bzhi'i dmigs pa yod de/ theg chen gyi sbyor lam
dro ba rnams kyi dmigs pa skabs 'ding sems can thams cad yin par
mdo las bsngags shing brjod la tshul ji ltar na sems can de dag
nyid la dmigs

nas sems mnyam par lta ba sogs rnam pa dag ni bcur bshad pa'i
phyir dang/ rtse mor gyur pa yang de bzhin sems can thams cad la
dmigs nas rtse mo ba bdag nyid sdig pa mi dge ba bcu las ldog
cing/ sbyin sogs la

@057a @#/ /gnas pa'i sgo nas sems can gzhan dag de dag la ni 'god
pa dang/ de dag gi bsngags pa brjod pa dang mthun pas dga' bar
byed pa nyid kyis dmigs pa dang/ bzod pa ni/ sems can la

dmigs nas bden pa bzhi shes pa la rang gnas te sems can gzhan
gyi rten can de la 'god pa dang/ chos mchog kyang de bzhin du
sems can la dmigs te sems can rnams smin par byed pa dang grol
bar byed pa sogs kyis dmigs

par shes par bya ba yin pa'i phyir// lam gsum zlos spong/ gnyis
pa mtha' dpyad pa la gsum las/ dang po la/ kha cig /dro ba rnams
kyi/ zhes sogs kyi skabs 'dir bstan pa'i sbyor lam sbyor lam
btags pa ba yin zer na/ de mi 'thad

par thal/ de'i skabs nas bstan pa'i sbyor lam sbyor lam mtshan
nyid pa yin pa'i phyir/ der thal/ mtshan med rab tu sbyin la
sogs/ /zhes sogs kyi skabs nas bstan pa'i tshogs lam tshogs lam
mtshan nyid pa yin pa'i phyir/

kha cig skabs dang po gsum du sbyor mthong sgom gsum bstan pa
dang/ 'dir sbyor mthong sgom gsum bstan pa la zlos pa'i skyon
med de/ skabs dang po gsum nas bstan pa'i sbyor mthong sgom gsum
sbyor mthong

sgom gsum mtshan nyid pa dang/ 'dir bstan pa'i sbyor mthong sgom
gsum de btags pa ba yin zer na/ 'o na/ skabs dang po gsum du
bstan pa'i sbyor mthong sgom gsum sbyor mthong sgom gsum mtshan
nyid pa

yin par thal/ khyod kyi dam bca' 'thad pa'i phyir/ 'dod na/ de'i
skabs nas bstan pa'i sbyor mthong sgom gsum gyi gzhi mthun yod
par thal/ 'dod pa'i phyir/ 'dod mi nus te/ de gsum gyi gzhi
mthun med pa'i

@057b phyir/ kha cig /skabs dang po drug tu sbyor mthong sgom
gsum lan drug tu bstan pa la zlos pa'i skyon med de/ skabs dang
po gsum gyi skabs nas bstan pa'i sbyor lam sbyor lam mtshan nyid
pa/ mthong lam mthong lam mtshan

nyid pa/ sgom lam sgom lam mtshan nyid pa gang zhig /sbyor ba
dang po gsum gyi skabs nas bstan pa'i sbyor lam sbyor lam btags
pa ba sogs yin pa'i phyir/ phyi ma der thal/ rnam rdzogs sbyor
ba'i skabs su sa brgyad pa'i ye shes

chung 'bring chen po gsum la rim bzhin du sbyor mthong sgom gsum
gyi ming gis btags/ rtse sbyor gyi skabs su sa dgu pa'i ye shes
dang/ sa bcu pa'i dkyil stod kyi ye shes chung 'bring chen po
gsum la de gsum gyi ming gis

btags/ mthar gyis sbyor ba'i skabs su sa bcu pa'i dkyil smad kyi
ye shes chung 'bring chen po gsum la sbyor mthong sgom gsum gyi
ming gis btags nas bstan pa'i phyir ro/ /zer na/ de mi 'thad par
thal/ rnam rdzogs

sbyor ba sogs kyi skabs nas bstan pa'i sbyor lam de sbyor lam
mtshan nyid pa yin pa'i phyir/ der thal/ de nges 'byed cha mthun
yin pa'i phyir/ der thal/ 'grel pa las/ nges par 'byed pa'i cha
dang mthun par 'byung bas/

zhes gsungs pa'i phyir/ gzhan yang/ de mi 'thad par thal/ rnam
rdzogs sbyor ba sogs kyi skabs nas bstan pa'i sbyor lam sogs de
dag min kyang de dag gi ming gis btags pa la dgos pa khyad par
can yod pa'i phyir/ kha

cig /thabs shes gnyis su phye ba'i thabs kyi cha gtso bor gyur
pa'i theg chen gyi don mngon rtogs/ skabs 'dir bstan pa'i theg
chen gyi sbyor lam gyi mtshan nyid zer na/ stong nyid rtogs pa'i
theg chen gyi sbyor lam chos

@058a @#/ /can/ mtshan nyid der thal/ mtshon bya de'i phyir/ der
thal/ chos can de'i phyir/ 'dod mi nus te/ thabs shes gnyis su
phye ba'i shes rab kyi char gtogs yin pa'i phyir/ der thal/
stong nyid

rtogs pa'i sems dpa'i ye shes yin pa'i phyir// ! gnyis pa rang
lugs la/ thabs khyad par can gyis zin pa'i theg chen gyi don
mngon rtogs/ skabs 'dir bstan pa'i theg chen gyi sbyor lam gyi
mtshan nyid/

rgyas par ni sbyor lam gyi skabs su shes par bya'o/ /mngon par
rtogs pa'i rgyan gyi skabs 'dir sbyor mthong sgom gsum gyi tha
snyad lan mang du gsungs pa la brten nas zlos pa'i skyon du
'gyur bar dogs te/ slob

dpon kha cig skabs dang po gsum gyi skabs su bstan pa'i sbyor
lam sogs de dag mtshan nyid pa yin kyang/ sbyor ba bzhi'i skabs
nas bstan pa'i sbyor lam sogs de dag btags pa bar 'dod la/ rnam
bshad rang

lugs ni/ skabs dang po gsum gyi skabs nas bstan pa'i sbyor lam
sbyor lam mtshan nyid pa yin pa sogs ltar/ sbyor ba bzhi'i skabs
nas bstan pa'i sbyor lam sbyor lam mtshan nyid pa sogs yin no/
/slob dpon gyis lam

gsum btags mtshan pa'i lugs rang lugs su mi bzhed de/ des sbyor
bzhi'i skabs nas bstan pa'i lam de dang de rnams lam de dang de
mtshan nyid par bzhed pa'i phyir ro/ /des mngon par rtogs pa lam
khug pa'i

lugs su bzhed pa yin te/ skabs dang po gsum gyi skabs nas bstan
pa'i sbyor lam sogs nyams su len pa'i gang zag des/ sbyor ba
bzhi'i skabs nas bstan pa'i sbyor lam sogs nyams su len par
bzhed pa'i

@058b phyir ro/ ! gsum pa rtsod pa spong pa la/ kha cig na re/
slob dpon sengge bzang pos lam khug pa ba'i lugs mi bzhed par
thal/ des mngon par rtogs pa lam rkyang ba ba'i lugs su bzhed
pa'i phyir/ der

thal/ slob dpon gyis sdud 'grel du de ltar bshad pa'i phyir na/
skyon med de/ de ni slob dpon snga ma'i bzhed pa bskyar ba tsam
yin pa'i phyir// ! phyir mi ldog pa'i rtags/ gsum pa mngon rtogs
khyad par can rgyud la skye ba'i

rim pa bshad pa la gnyis/ phyir mi ldog pa'i rtags bshad pa
dang/ sku gsum sgrub byed kyi lam khyad par can bshad pa'o/
/dang po la gnyis/ spyir bstan pa dang/ so sor bshad pa'o/ /dang
po ni/ nges 'byed yan lag

nas bzung ste/ /zhes pa nas/ de 'dir phyir mi ldog pa'i tshogs/
/zhes pa'i bar gsungs te/ don ni/ 'grel ba las/ /dpa' bo gang
dag nges par 'byed pa'i cha dang mthun pa bzhi/ zhes pa nas/
byang chub sems dpa' slob

pa phyir mi ldog pa'i dge 'dun yin no/ /zhes pa'i bar gsungs/
'phros ni/ rab 'byor gyis gsol ba/ bcom ldan 'das/ rnam pa gang
dag dang/ rtags gang dag dang mtshan ma gang dag gis byang chen
bla na med pa

yang dag par rdzogs pa'i byang chub las phyir mi ldog/ ces pa
nas/ rab 'byor rnam pa de dag dang/ rtags de dag dang/ /mtshan ma
de dag dang ldan pa'i byang chub sems dpa' sems dpa' chen po ni
bla na med pa yang dag par

rdzogs pa'i byang chub las phyir mi ldog par rig par bya'o/
/zhes sogs kyi bar las 'phros so/ /'di'i skabs su gnyis/ tshig
don dang/ mtha' dpyad pa'o/ /dang po ni/ shes bya chos can/
skabs 'dir phyir mi

@059a @#/ /ldog pa'i dge 'dun gyi tshogs rnam pa gsum yod de/ theg
chen gyi nges 'byed yan lag la gnas pa'i sems dpa' dbang rnon
nas bzung ste theg chen gyi mthong ba'i lam dang sgom pa'i lam
dag la byang

chub sems dpa' gang dag gnas pa de dag rnams su yod pa'i phyir//
! gnyis pa mtha' dpyad pa la gsum las/ dang po la/ kha cig na
re/ rdzogs byang las phyir mi ldog pa'i sems dpa' yin na/ phyir
mi ldog pa'i rtags

thob pa'i sems dpa' yin pas khyab zer na/ gser lta bu'i sems
bskyed rgyud la ldan pa'i byang sems tshogs lam pa chos can/ der
thal/ de'i phyir/ der thal/ chos can de'i phyir/ khyab ste/ gser
lta bu'i sems

bskyed kyi sgra don cig yod pa'i phyir/ 'dod mi nus te/ tshogs
lam pa yin pa'i phyir/ kha cig na re/ phyir mi ldog pa'i rtags
thob pa'i byang sems dbang rtul yod zer na/ de med par thal/
phyir mi ldog pa'i rtags thob

pa'i byang sems yin na/ byang sems dbang rnon yin dgos pa'i
phyir/ der thal/ byang sems dbang rtul rnams kyis kyang phyir mi
ldog pa'i rtags thob pa'i tshe byang sems dbang rnon du 'gyur
pa'i phyir/ kha cig na re/ dbang rnon

gyis sbyor lam nas phyir mi ldog pa'i rtags thob/ dbang 'bring
gis mthong lam nas phyir mi ldog pa'i rtags thob/ dbang rtul
gyis sgom lam nas phyir mi ldog pa'i rtags thob par 'gyur zer
na/ 'o na/ sgom lam

nas phyir mi ldog pa'i rtags thob dgos kyi byang sems de dbang
rtul yin par thal/ khyod kyi dam bca' 'thad pa'i phyir/ 'dod na/
de chos can/ dbang rtul ma yin par thal/ dbang rnon yin pa'i
phyir/ der thal/

@059b byang sems yin pa'i phyir/ kha cig na re/ byang sems sbyor
lam ba dbang rnon yin na/ sbyor lam nas phyir mi ldog pa'i rtags
thob pas khyab zer na/ theg chen gyi sbyor lam drod thob ma thag
pa'i byang sems sbyor lam pa dbang

rnon chos can/ der thal/ de'i phyir/ 'dod na/ sbyor lam des
drangs pa'i lus ngag gi tha snyad khyad par can de thob par
thal/ 'dod pa'i phyir/ 'dod mi nus so/ /kha cig na re/ sbyor lam
pa phyir mi ldog pa'i rtags thob pa'i

sems dpa' yin na/ gzugs sogs la bden zhen mngon gyur pa ldog zin
pas khyab zer na/ de mi 'thad par thal/ phyir mi ldog pa'i rtags
thob pa'i byang sems sbyor lam pa'i rgyud la bden 'dzin mngon
gyur du 'jug pa

yod pa'i phyir/ der thal/ de'i rgyud la bden 'dzin lhan skyes
mngon gyur du 'jug pa yod pa'i phyir/ der thal/ bden 'dzin lhan
skyes mngon gyur pas brgyad pa nas spang bar 'jog dgos pa'i
phyir/ kha cig na re/ gzugs sogs

la bden zhen mngon gyur ldog pa sogs rtags nyi shu dang ldan
pa'i gang zag de/ sbyor lam pa phyir mi ldog pa'i rtags thob
pa'i gang zag gi mtshan nyid zer na/ 'o na/ de 'dra'i rtags nyi
shu po ldan pa'i byang sems mthong lam

sa chos can/ mtshon bya der thal/ mtshan nyid de'i phyir/ der
thal/ chos can de'i phyir/ der thal/ de yod pa'i phyir/ der
thal/ de 'dra'i byang sems yin pa zhig yod pa'i phyir/ der thal/
de mtshan nyid yin pa'i phyir/ rtags

khas/ gzhan yang/ de mi 'thad par thal/ sbyor lam pa phyir mi
ldog pa'i rtags thob pa'i gang zag yin na/ rtags nyi shu po gang
rung dang ldan dgos kyang/ nyi shu dang ldan pas ma khyab pa'i
phyir/ kha cig na re/ mthong lam pa

@060a @#/ /phyir mi ldog pa'i rtags thob pa'i gang zag yin na/
gzugs sogs la bden zhen ldog pas khyab zer na/ de mi 'thad par
thal/ phyir mi ldog pa'i rtags thob pa'i byang sems mthong lam
pa'i rgyud

la gzugs sogs la bden zhen 'jug pa yod pa'i phyir/ der thal/
de'i rgyud la bden 'dzin 'jug pa yod pa'i phyir/ der thal/ byang
sems mthong lam rjes thob pa'i rgyud la bden 'dzin 'jug pa yod
pa'i phyir/ kha cig na re/

phyir mi ldog pa'i rtags thob pa'i byang sems mthong lam pa yin
na/ mthong lam pa phyir mi ldog pa'i rtags thob pa'i gang zag
yin pas khyab zer na/ sbyor lam nas phyir mi ldog pa'i rtags
thob ba sngon du song ba'i byang sems mthong

lam pa chos can/ der thal/ de'i phyir/ 'dod na/ mthong lam nas
phyir mi ldog pa'i rtags gsar du thob pa'i byang sems mthong lam
pa yin par thal lo/ /'dod na sla/ kha cig na re/ mthong lam pa
phyir mi ldog

ba'i rtags thob pa'i byang sems mthong lam pa yin na/ mthong lam
gyi rtags bcu drug dang ldan pas khyab zer na/ 'o na/ sbyor lam
pa phyir mi ldog pa'i rtags thob pa'i byang sems sbyor lam pa
yin na/ sbyor lam

gyi rtags nyi shu dang ldan pas khyab par thal/ dam bca' 'thad
pa'i phyir/ 'dod mi nus te/ sbyor lam drod kyi gnas skabs su
phyir mi ldog pa'i rtags bcu gcig thob kyang gzhan ma thob pa
yod pa'i phyir/ der thal/

rnam bshad las/ drod la gnas pa'i rtags rnam pa bcu gcig dang/
zhes gsungs pa'i phyir/ kha cig na re/ rdzogs byang las phyir mi
ldog gi gang zag yin na/ sems can yin pas khyab zer na/ sangs
rgyas 'phags pa

@060b chos can/ der thal/ de'i phyir/ rtags gsal sla// ! gnyis
pa rang lugs la/ phyir mi ldog pa'i don dang/ de rtags yang dag
gis dpog tshul gnyis/ dang po ni/ theg dman gyi lam gzhan gyis

bar ma chod par bla med rdzogs pa'i byang chub tu nges par 'gyur
rung de de yin no/ /gnyis pa ni/ gzugs sogs bden zhen mngon
'gyur pa ci rigs zlog cing/ sems can gzhan sdug bsngal gyis mnar
ba mthong ba'i tshe lus kyi ba spu

g.yo zhing mig nas mchi ma 'khrug pa sogs lus kyi tha snyad
khyad par can dang/ theg pa chen po'i lam 'bras bu dang bcas pa
rdzogs par bstan nus pa'i ngag gi tha snyad khyad par can 'khrul
med brtan po gnyis po gang rung ldan

pa'i byang sems sbyor lam pa chos can/ bla med rdzogs pa'i byang
chub las phyir mi ldog pa yin te/ thabs shes kyi rtogs pa brtan
po de gnyis dang ldan pa'i sems dpa' yin pa'i phyir/ zhes dpog
go/ de ltar dpog pa

de/ rang bzhin gyi rtags yang dag gi dpog tshul yin te/ 'di'i
thad kyi rnam bshad du drangs pa las/ gzung par bya'o zhes bya
ba ni/ nus pa'i rgyu yi 'bras skye bar/ /rjes su dpog pa gang
yin pa/ /don gzhan la ni mi ltos

phyir/ /de ni rang bzhin yin par brjod/ /ces bya ba'i tshul gyis
dpog par gsungs pas so/ /zhes gsungs pa'i phyir/ des na rnam
bshad ltar na/ dpog tshul de/ tshul gsum nges pa'i rtags kyi dpog
tshul yin kyang/ gser 'phreng

ltar na ni/ de tshul gsum tshad mas nges pa'i rtags yang dag tu mi
bzhed do// ! //gsum pa rtsod pa spong pa la/ kha cig / phyir mi
ldog pa'i rtags thob pa'i byang sems tshogs lam pa med par thal/
khyod kyi dam bca'

@061a @#/ /'thad pa'i phyir/ 'dod na/ de yod par thal/ phyir mi
ldog pa'i rgyu mtshan yang dag thob pa'i byang sems tshogs lam pa
yod pa'i phyir/ zer na/ kha cig /ma grub gsung yang/ ma khyab/
ma grub na/

der thal/ mngon rtogs rgyan gyi ched du bya ba'i gdul bya tshogs
lam pa'i rgyud la phyir mi ldog gi rgyu mtshan yang dag yod pa'i
phyir/ der thal/ de'i rgyud la de rdzogs byang las phyir mi ldog
pa'i rgyu mtshan yod pa'i phyir/

der thal/ de rdzogs byang las phyir mi ldog pa'i rgyu mtshan yang
dag yod pa'i phyir/ der thal/ de rdzogs byang las phyir mi ldog
pa'i rgyu mtshan yod pa'i phyir/ khyab ste/ de rdzogs byang las
phyir mi ldog pa'i rgyu mtshan ltar

snang la brten pa ma yin pa'i phyir/ der thal/ de rdzogs byang
las phyir mi ldog pa de lung dang rigs pa yang dag la brten nas
sgrub nus pa'i phyir/ kha cig na re/ byang sems dbang rnon yin
na/ sbyor lam gyi gnas skabs

su phyir mi ldog pa'i rtags thob nus pa yin dgos par thal/ byang
sems dbang rnon rnams kyis sbyor lam nas phyir mi ldog gi rtags
thob nus pa dang/ de dbang 'bring rnams kyis mthong lam nas
phyir mi ldog pa'i rtags thob

nus pa dang/ de dbang rtul rnams kyis sgom lam nas phyir mi ldog
gi rtags thob nus pa'i phyir/ der thal/ sbyor lam nas phyir mi
ldog pa'i rtags thob nus pa'i byang sems la byang sems dbang
rnon dang/ de nas mi nus par

mthong lam nas phyir mi ldog pa'i rtags thob nus pa la/ byang
sems dbang 'bring dang/ de nas kyang mi nus par sgom lam nas
phyir mi ldog pa'i rtags thob nus pa'i byang sems la byang sems
dbang rtul tu bzhag pa'i

@061b phyir/ zer na/ ma khyab/ 'dod na/ sgom lam nas phyir mi
ldog pa'i rtags thob pa'i byang sems chos can/ der thal/ de'i
phyir/ 'dod na/ slar sbyor lam du 'jug nus par thal lo/ /kha cig
/phyir mi ldog pa'i rtags thob pa'i byang

sems mthong lam pa yin na/ mthong lam nas phyir mi ldog pa'i
rtags thob pas khyab par thal/ phyir mi ldog pa'i rtags thob
pa'i byang sems sbyor lam pa yin na/ sbyor lam nas phyir mi ldog
pa'i rtags thob pas khyab pa'i phyir/

zer na/ ma khyab/ ma grub na der thal/ tshogs lam nas phyir mi
ldog pa'i rtags thob pa'i byang sems med pa'i phyir/ der thal/
tshig gsal las/ rang gi rtogs pa dang 'tsham par gzhan yid ches
par byed pa'i yon tan rnams 'di

la med pas na/ de'i phyir dang/ rang la dngos po des kyang/ nges
par 'byed pa'i rtags gzung sla ba yang med pa'i phyir tha snyad
gdags pa'i gzhir ma gyur pas na/ 'di phyir mi ldog pa'o zhes
gang du yang ma gsungs te/ zhes gsungs

ba'i phyir/ kha cig na re/ drod phyir mi ldog pa'i rtags thob
pa'i byang sems sbyor lam pa yin na/ drod la gnas pa'i byang
sems yin pas khyab par thal/ chos mchog phyir mi ldog pa'i rtags
thob pa'i sbyor lam pa yin na/

sbyor lam chos mchog pa yin dgos pa'i phyir/ zer na/ ma khyab/
yang/ phyir mi ldog pa'i rtags thob pa'i theg chen gyi sbyor lam
chos mchog pa yin na/ chos mchog phyir mi ldog pa'i rtags thob
pas khyab par thal/ phyir

mi ldog pa'i rtags thob pa'i theg chen gyi sbyor lam drod la
gnas pa'i sems dpa' yin na/ drod phyir mi ldog pa'i rtags thob
pas khyab pa'i phyir na/ ma khyab/ kha cig na re/ sgom lam pa
phyir mi ldog pa'i rtags gsar du thob pa'i

@062a @#/ /tshe sa brgyad pa nas nges par thob dgos par thal/ de
nas phyir mi ldog pa'i rtags gsar du thob pa'i byang sems yod
pa'i phyir/ zer na/ ma khyab/ 'dod mi nus te/ ma dag sa bdun nas
phyir mi ldog

ba'i rtags thob pa'i byang sems yod pa'i phyir// ! gnyis pa so
sor bshad pa la gsum/ sbyor lam pa phyir mi ldog pa'i rtags/
mthong lam pa phyir mi ldog pa'i rtags/ sgom lam pa phyir mi
ldog pa'i rtags

bshad pa'o/ /dang po ni/ gzugs la sogs las ldog sogs rtags/
/zhes sogs kyi rkang pa bzhis mdor bstan nas/ gzugs la sogs las
ldog pa dang/ /zhes pa nas/ rdzogs pa'i byang chub las mi ldog
/ces pa'i bar tshigs

bcad drug gis brgyad par bshad de/ dang po'i don/ 'grel par/
gzugs la sogs pa las ldog pa dang/ zhes sogs gsung/ gnyis pa'i
don ni/ ngo bo nyid med pa nyid kyis gzugs la sogs pa'i chos
ldog pa dang/ zhes pa

nas/ rtags nyi shu po 'di dag gis shes par bya'o/ /zhes pa'i bar
gsung/ 'phros ni/ rab 'byor byang chub sems dpa' sems dpa' chen
po nam gang gzugs las ldog pa dang/ zhes pa nas/ shes rab kyi
pha rol tu phyin pa

dang ldan pa'i yid la byed pa 'di dag gis spyod pa de ni sbyin
pa'i pha rol tu phyin pa las yongs su mi nyams pa sogs kyi bar
las 'phros so/ /'di'i skabs su/ tshig don ni/ shes bya chos can/
theg chen gyi nges 'byed yan

lag bzhi la gnas pa'i dge 'dun gyi phyir mi ldog pa'i mtshan nyid
dam/ rtags yod de/ 'chad par 'gyur pa gzugs la sogs pa las bden
zhen mngon gyur pa ldog pa sogs rtags rnam pa nyi shur brjod pa
'di yis ni

@062b de rnams phyir mi ldog par shes par bya ba yin par zhes pa
ni mdor bstan gyi don dang/ rgyas bshad kyi don la/ bzhi las/
dang po ni/ drod kyi rtags bcu gcig yod de/ gzugs la sogs pa'i
chos la bden zhen mngon gyur pa ci rigs las

ldog pa dang/ skyabs gnas yang dag la de yin min gyi the tshom
mngon gyur pa zad pa dang/ dal ba dang mi ldan pa'i mi dal ba mi
khom pa brgyad du skye ba zad pa dang/ bdag nyid sbyin sogs dge
ba la gnas shing/ sems can gzhan

dag de la 'god par byed pa'i spyod pa dang/ sems can gzhan gyi
rten can sbyin sogs kyi 'bras bu la longs spyod par gyur cig
pa'i bsngo ba dang/ stong nyid zab mo'i don la'ang som nyi med
pa dang byams pa'i sems kyi lus sogs te/

ngag dang yid kyi las dang ldan pa dang/ 'dod pa la 'dun pa gnod
sems gnyid rmugs gnyis 'phro rgod gnyis the tshom nyon mongs can
te sgrib pa ni rnam pa lnga dang mi 'grogs pa dang/ ma rig pa
dang lta ba ngan pa'i bag la nyal kun 'joms

par byed nus pa'i nus pa mthu chen dang ldan pa dang/ spyod lam
thams cad du dran pa dang ni shes bzhin dang ldan pa dang/ gos
la sogs pa yongs su spyod pa gtsang ba zhes bya ba dang bcu
gnyis yod pa'i phyir/ gnyis pa rtse mo'i rtogs

drug yod de/ sbyor lam pa de'i lus la srin bu'i rigs brgyad khri
rnams mi 'byung ba dang/ rang don yid byed kyi sems gya gyu med
pa dang/ phyag dar khrod pa sogs sbyangs pa'i yon tan bcu gnyis
ni len pa dang/ sbyin sogs la spyod

pa'i tshe ser sna med pa sogs dang ldan pa dang/ stong pa nyid
kyi chos nyid dang mi 'gal bar sher phyin gyi rnal 'byor dang
ldan par 'gro ba nyid dang/ sems can gzhan gyi don du dmyal bar
'gro ba 'tshol ba'am 'dod pa dang drug yod

@063a @#/ /pa'i phyir/ gsum pa bzod pa'i rtags gnyis yod de/ ston
pa gzhan gyis lam ngan pa gzhan la bkri bar mi btub pa dang/ mi
lnga bsten pa sogs lam ltar bcos pa'i lam gzhan nye bar

ston pa'i bdud la bdud nyid ces bya bar rtogs pa dang gnyis yod
pa'i phyir/ bzhi pa chos mchog gi rtags gcig yod de/ sgo gsum
gyi spyod pa thams cad sangs rgyas dges pa'i spyod pa zhes bya
ba thob pa gcig dang ldan

pa'i phyir/ don bsdu ba ni/ shes bya chos can/ sngar bshad pa'i
rtags ni nyi shu po 'di dag gis byang sems sbyor lam pa dbang
rnon rdzogs byang las phyir mi ldog par shes par bya ste/ drod
la gnas pa'i rtags bcu gcig dang/

rtse mo'i rtags drug dang/ bzod pa dang bcas pa ste de'i rtags
gnyis dang/ chos mchog rnams la gnas pa'i rtags ni gcig ste de
dag gis byang sems de rnams rdzogs pa'i byang chub las phyir mi
ldog par go bar 'gyur ba'i

phyir// ! gnyis pa mthong lam pa phyir mi ldog pa'i rtags bshad
pa ni/ mthong ba'i lam la bzod pa dang/ /zhes sogs kyi rkang pa
bzhis mdor bstan nas/ rgyas par 'chad pa la/ gzugs sogs 'du

shes ldog pa dang/ /zhes pa nas/ phyir mi ldog pa'i rtags dag
yin/ /zhes pa'i bar tshigs bcad lnga gsungs te/ dang po'i don ni/
'grel par/ sdug bsngal la sogs pa'i bden pa'i sgo nas/ zhes sogs

gsung/ gnyis pa'i don ni/ rang gi mtshan nyid kyis gzugs la sogs
pa'i chos su rtog pa las ldog pa dang/ zhes pa nas/ byang chub
sems dpa' mthong ba'i lam la gnas pa'i phyir mi ldog pa'i mtshan
nyid dag

@063b yin no/ /zhes pa'i bar gsungs/ 'phros ni/ de ni gzugs kyi
'du shes las phyir mi ldog go /zhes sogs dang/ phyir mi ldog
pa'i byang chub sems dpa' sems dpa' chen po ni bla na med pa'i
byang chub yin la byad pa dang

ldan te byang chub kyi sems dang mi 'bral zhing gzugs lhur len
pa ma yin/ zhes sogs dang/ de sbyin pa'i pha rol tu phyin pa la
spyod cing ser sna'i gtam gyi sbyor ba dang rjes su sbyor ba la
brtson par mi gnas so/ /zhes sogs kyi mdo

las 'phros so/ 'di'i skabs su gnyis/ tshig don dang/ mtha' dpyad
pa'o/ /dang po ni/ byang sems mthong lam pa dbang 'bring gi
rgyud kyi mthong lam la bzod pa dang shes pa'i skad cig ma bcu
drug gis bsdus pa'i chang gtogs

thabs shes khyad par can dang bcu drug po des drangs pa'i lus
ngag gi tha snyad khyad par can 'brul med brtan po gnyis ni chos
can/ byang chub sems dpa' dbang 'bring mthong lam pa phyir mi
ldog pa'i mtshan nyid de rtags

yin par shes par bya ste/ de sgrub kyi tshul gsum yin pa'i phyir/
zhes pa ni mdor bstan gyi don dang/ rgyas bshad bden bzhi la
dmigs pa'i sgo nas bzhag pa ni/ mthong lam pa phyir mi ldog pa'i
rtags bcu drug yod

de/ shes bzod skad cig ma bcu drug gi ming can mthong lam ba'i
lus ngag gi tha snyad khyad par gzugs sogs la bden par 'du shes
pa kun btags ldog pa dang/ kun rdzob dang don dam byang chub kyi
sems brtan pa

dang/ theg pa dman pa'i sems dag las rnam par ldog pa dang/ bsam
gtan la sogs te gzugs med kyi snyoms 'jug gi dbang gis dbang med
du skye ba'i rgyu'i nus pa'i yan lag yongs su zad pa dang bzhi
ni sdug

@064a @#/ /bsngal bden pa la dmigs pa'i rnam pa can dang/ lus
sems yang ba shin tu sbyangs pa'i bde ba khyad par can dang ldan
pa nyid dang/ 'dod pa la zhen pa med par 'dod pa la spyod pa la
thabs mkhas pa dang

rtag tu tshangs par spyod pa nyid dang/ 'tshe ba'i yo byad rnam
par dag pa nyid dang bzhi ni kun 'byung bden pa la brten pa'i
rnam pa can dang/ phung po la sogs pa ste khams dang skye mched
la dang por bden par zhen pa dang rjes

su bden par zhen pa'i sbyor ba bkag pa dang/ bar chad byed pa'i
mi mthun phyogs rnams la sngar bzhin bden par sbyor ba bkag pa
dang/ sbyin sogs kyi tshogs la sngar bzhin bden par sbyor ba bkag
pa dang/ mig

gi dbang po sogs te dbang rten grong khyer gyi sgras bstan pa
dang/ dbang yul grong rdal gyi sgras bstan pa sogs dang bcas pa
yi yul yul can la spang gnyen gyi g.yul 'gyed pa la snga ma
bzhin du dang por bden par zhen

pa'i sbyor ba dang/ phyis bden par zhen pa'i sbyor ba'i gnas pa
bkag pa dang bzhi ni 'gog pa la brten pa'i rnam pa can dang/
spang bya ser sna dang 'chal ba'i tshul khrims la sogs pa la dang
po nyid du bden par zhen pa'i sbyor ba dang der

phyis bden par zhen pa'i rjes su sbyor ba yi gnas pa so sor bkag
pa dang ldan pa dang/ lam dang 'bras bu'i chos ni don dam par
rdul tsam yang mi dmigs pa nyid dang ldan pa dang/ byang sems
rang gi sa la the tshom dang

bral bar gnas pa nges pa nyid kyis mkhyen gsum gyi bdag nyid
rang gis thob pa'i sa gsum la ni gnas pa dang ldan pa dang/ rnam
mkhyen sogs thob bya'i chos kyi don du srog gtong ba la ser sna
dang sdug bsngal sogs mi

@064b 'byung ba dang ldan pa bzhi ni/ lam bden la dmigs pa'i yul
can gyi rnam pa ste/ mdor na de 'dra ba'i skad cig ma bcu drug
po ni blo ldan byang sems mthong lam pa'i lam la gnas pa de
rnams kyi phyir mi ldog pa'i rtags dag

yin pa'i phyir// ! gnyis pa mtha' dpyad pa la/ dgag gzhag spang
gsum las/ dang po la/ kha cig na re/ theg chen gyi mthong lam
shes bzod skad cig ma bcu drug po de mthong lam pa phyir mi ldog
pa'i rtags

yin zer na/ 'o na/ byang sems mthong lam rjes thob la gnas pa'i
gang zag yin na/ mthong lam pa phyir mi ldog pa'i rtags thob zin
pas khyab par thal/ de yin na/ theg chen gyi mthong lam shes
bzod skad cig ma bcu drug

po thob pas khyab pa gang zhig /dam bca' 'thad pa'i phyir/ 'dod
mi nus te/ theg chen gyi sgom lam phyir mi ldog pa'i rtags thob
dgos kyi sems dpa' yod pa'i phyir/ gzhan yang/ de dag phyir mi
ldog pa'i rtags yang dag ma yin

par thal/ de ltar 'dod pa 'grel pa dang rnam bshad gnyis ka las
bkag pa'i phyir/ der thal/ phyir mi ldog pa'i rtags yin na/ rang
rgyud la ldan pa'i gang zag las rtogs pa dma' bas mngon sum gyis
nges nus pas khyab

pa gang zhig /theg chen gyi shes bzod skad cig ma bcu drug po de
de ltar mi nus pa'i phyir/ der thal/ 'grel pa las/ skad cig ma
rnams ji ltar gzhan yid ches par byed pa'i mtshan nyid dag yin/
zhes pa dang/ rnam

bshad las kyang/ skad cig ma rnams chos can/ ji ltar rang las
blo dma' ba'i gang zag gzhan gyi blo ngor phyir mi ldog pa'i
rgyu yid ches par byed pa'i mtshan nyid 'bras rtags yang dag tu
mi rung bar thal/ zhes gsungs

@065a @#/ /pa'i phyir/ kha cig na re/ srog gi dbang po yin na/
drod kyi rten byed pas khyab zer na/ gzugs med khams pa'i srog
dbang chos can/ der thal/ de'i phyir/ 'dod mi nus te/ gzugs med
khams na drod med pa'i phyir/ der thal/

gzugs med khams na gzugs med pa'i phyir/ kha cig /dbang po yin
na/ nyon mongs phyogs kyi dbang po yin pas khyab zer na/ theg
chen mthong lam bar chad med lam chos can/ der thal/ de'i phyir/
der thal/ kun shes byed pa'i dbang po yin

pa'i phyir/ 'dod mi nus te/ rnam byang phyogs kyi zag med kyi
dbang po yin pa'i phyir/ der thal/ bar chad med lam yin pa'i
phyir/ kha cig na re/ mig gi dbang po yin na/ nyon mongs phyogs
kyi dbang po yin pas khyab zer na/ ston

pa shAkya thub pa'i mig gi dbang po chos can/ der thal/ de'i
phyir/ der thal/ chos can de'i phyir/ der thal/ de yod pa'i
phyir te/ de'i mig yod pa'i phyir/ 'dod na/ zag bcas kyi phyogs
yin par thal/ 'dod pa'i phyir/ 'dod

mi nus te/ zag med kyi chos yin pa'i phyir/ der thal/ sangs
rgyas yin pa'i phyir/ kha cig /pho mo'i dbang po gang rung yin
na zag bcas kyi dbang po yin pas khyab zer na/ ston pa sangs
rgyas kyi 'doms kyi pho dbang chos can/

der thal/ de'i phyir/ der thal/ pho dbang yin pa'i phyir/ der
thal/ ston pa sangs rgyas la pho dbang yod pa'i phyir/ der thal/
'doms kyi sba pa sbu bas su nus pa'i mchog /ces gsungs pa'i
phyir/ 'dod mi nus so/ /kha cig na re/

tshor ba'i dbang po yin na/ zag bcas kyi dbang po yin pas khyab
zer na/ sangs rgyas 'phags pa'i yid kyi rnam par shes pa'i 'khor
du gyur pa'i tshor ba'i dbang po chos can/ der thal/ de'i phyir/
'dod mi nus te/ zag med kyi

@065b dbang po yin pa'i phyir/ der thal/ kun shes ldan pa'i
dbang po yin pa'i phyir/ der thal/ dgra bcom pa'i rgyud kyi zag
med kyi dbang po yin pa'i phyir// ! gnyis pa rang lugs la/
'phros ni/ tshogs dang

dbang sogs bcas pa yi/ /zhes pa la brten nas dbang po'i rnam
bzhag la/ dbang po nyer gnyis yod de/ mig gi dbang po nas yid
kyi dbang po'i bar drug dang/ pho mo'i dbang po gnyis/ srog gi
dbang po/ tshor ba'i dbang po lnga/ dad sogs dbang po lnga/ mi
shes pa

kun shes par byed pa'i dbang po/ /kun shes pa'i dbang po/ kun
shes ldan pa'i dbang po rnams su yod pa'i phyir/ der grangs nges
pa yang yin te/ 'khor bar 'jug pa'i dbang du byas nas mig sogs
dbang po drug /der skye ba'i

dbang du byas nas pho mo'i dbang po gnyis/ gnas pa la srog
dbang/ bde sdug la longs spyod par tshor ba'i dbang po lnga bzhag
/rnam byang phyogs su 'jug pa'i dbang du byas nas dang sogs
dbang po lnga/ der skye ba la mi shes pa

kun shes par byed pa'i dbang po/ der gnas par kun shes pa'i
dbang po/ der longs spyod par kun shes ldan pa'i dbang po bzhag
pa'i phyir// ! gsum pa rtsod pa spong ba la/ kha cig /srog gi
dbang po yin na/

drod kyi rten byed pas khyab par thal/ srog yin na/ dbugs kyi
rgyu ba yin pas khyab pa'i phyir/ der thal/ bsdu ba las/ de la
srog ces bya ba ni dbugs kyi rgyu ba ste/ zhes gsungs pa'i phyir
na/ ma khyab ste/ de ni dbugs

ldan gyi dbugs kyi rgyu ba la gnas na srog gnas dgos zhes pa'i
don yin pa'i phyir/ kha cig na re/ mig sogs dbang po drug po
gang rung yin na/ nyon mongs phyogs kyi dbang po yin dgos par
thal/ mig gi dbang po nas tshor

@066a @#/ /ba'i dbang po'i bar 'khor bar 'jug pa dang/ gnas pa'i
dbang du byas nas bzhag pa'i phyir/ zer na/ ma khyab ste/ de ni
der gyur pa'i dbang po rnams la dgongs pa'i phyir/ 'dod na/
sangs

rgyas 'phags pa'i yid kyi dbang po chos can/ der thal/ de'i
phyir/ rtags gsal sla'o/ /kha cig na re/ chos yin na/ chos kyi
skye mched yin dgos par thal/ mig yin na/ mig gi skye mched yin
pas khyab pa'i

phyir na ma khyab/ 'dod na/ kha dog chos can/ der thal/ de'i
phyir/ 'dod na/ mi 'thad par thal/ gzugs kyi skye mched yin pa'i
phyir/ kha cig /ma khyab gsung/ kha cig /mthong lam bar chad med
lam rnams mi shes par

kun shes par byed pa'i dbang po dang/ sgom lam bar chad med lam
rnams kun shes pa'i dbang po dang/ dgra bcom pa'i mkhyen pa
rnams kun shes ldan pa'i dbang po yin par thal/ de gsum 'jog
tshul zhig yod pa'i phyir/

der thal/ mthong spang ci rigs spong ba dang spangs pa la dbang
byed pa'i cha nas mthong lam bar chad med lam dang rnam grol lam
rim par bzhag /sgom spang ci rigs spong ba dang spangs pa la
dbang byed pa'i cha nas sgom lam bar chad

med lam dang rnam grol lam dgra bcom pa'i ye shes rnams bzhag
pa'i phyir/ khyab ste/ theg chen gyi mthong lam bar chad med lam
des mthong spang spong ba la dbang byed/ theg chen mthong lam
rnam grol lam des mthong spang spangs

pa la dbang byed pas/ de gnyis mi shes pa kun shes par byed pa'i
dbang por bzhag /theg chen gyi sgom lam bar chad med lam des
sgom spang spong ba la dbang byed pa dang/ theg chen sgom lam
rnam grol lam gyis sgom spang ci

@066b rigs spangs pa la dbang byed pas de gnyis kun shes pa'i
dbang por bzhag /rnam mkhyen gyis sgom spang mtha' dag spangs
pa'i cha la dbang byed pas kun shes ldan pa'i dbang por bzhag
pa'i phyir/ 'dod na/ mi 'thad par thal/

theg chen mthong lam bar chad med lam de mi shes pa kun shes par
byed pa'i dbang po ma yin pa'i phyir/ der thal/ de dang kun shes
ldan pa'i dbang po'i gzhi mthun pa yod pa'i phyir/ der thal/ de
dang dgra bcom pa'i ye shes kyi gzhi

mthun pa yod pa'i phyir/ zer na/ snga ma la ma khyab ste/ de
gnyis mi 'gal ba'i phyir/ kho na re/ de mi 'thad par thal/ theg
chen gyi mi shes pa kun shes par byed pa'i dbang po dang de'i
kun shes ldan pa'i dbang po gnyis 'gal ba'i phyir na

yang ma khyab// ! //gsum pa sgom lam pa phyir mi ldog pa'i rtags
bshad pa la gnyis/ theg chen gyi sgom lam rgyas par bshad pa/
phyir mi ldog pa'i rtags kyi khyad par bshad pa'o/ /dang po la
gsum/ sgom

lam gyi khyad chos/ khyad gzhi/ khyad gzhi'i dbye ba bshad pa'o/
/dang po ni/ sgom pa'i lam ni zab pa ste/ /zhes sogs rkang pa
bzhi gsung/ gnyis pa ni/ nges 'byed yan lag dang mthong ba'o/
/zhes sogs rkang pa bzhi gsungs/

gsum pa ni/ de ni rgyun chags yin pa'i phyir/ /zhes sogs rkang
pa bzhi gsungs te/ dang po'i don ni/ 'grel par/ stong pa nyid la
yang gzugs med la/ zhes sogs dang/ gnyis pa'i don ni/ thos pa
dang bsam pa

dang/ sgom pa las byung ba'i shes rab dag gam/ zhes sogs dang/
gsum pa'i don ni/ byang chub sems dpa' rnams kyi nyon mongs pa
ni rnam par rtog pa'o/ /zhes pa nas/ sgom pa'i lam yin no/ /zhes
pa'i bar

@067a @#/ /gsungs/ 'phros ni rim pa bzhin du/ byang chen pha rol
tu phyin pa drug la spyod pa'i tshe gang la gnas shing dran pa
nyer bzhag gzhi yongs su rdzogs par bgyi/ zhes pa nas/ zab mo
zhes

bgyi ba ni stong pa nyid kyi tshig zla dwags so/ /zhes sogs kyi
bar dang/ byang chen sher phyin las ji ltar gsungs pa bzhin bdag
gis 'di ltar gnas par bya'o/ /zhes pa nas/ zab mo zab mo 'di dag
la sems par 'gyur/

'jal bar 'gyur/ rtogs par 'gyur zhes sogs kyi bar gyi mdo las
'phros so/ /'di'i skabs su tshig don gsum rim pa bzhin du 'chad
pa ni/ theg chen gyi sgom pa'i lam bar chad med lam ni chos can/
zab pa yin te/

rang gi gnas lugs zab mo stong pa nyid la sogs pa mngon sum du
rtogs pa'i yul can gyi zab pa yin pa'i phyir/ gnas lugs stong pa
nyid de ni chos can/ zab pa yang yin te/ sgro 'dogs dang skur ba
'debs pa'i mtha' las

grol ba nyid kyi chos dbyings yul gyi zab pa yin pa'i phyir/
zhes pa ni dang po khyad chos kyi don dang// ! yang theg chen
gyi sgom lam chos can/ khyod rgyun chags su 'jug pa yin te/ theg
chen gyi nges 'byed

yan lag dang mthong ba'i lam dang sgom pa'i lam nyid la rang gi
mthong ba'i don mkhyen gsum gyi rnam pa la thos sogs kyis yang
dang yang du sems pa dang tshad mas 'jal ba dang/ zhib tu nges
par rtogs pa'i sgom pa'i lam

yin pa'i phyir/ zhes pa ni/ gnyis pa khyad gzhi'i don dang/ theg
chen gyi sgom lam de ni chos can/ rnam pa dgur bzhed pa yin te/
khyod la sgom lam chung ngu dang 'bring dang chen po rnams yod
cing/ de re re la'ang chung ngu'i

@067b chung ngu sogs te chung ngu'i 'bring dang chung ngu'i chen
po dang/ 'bring gi chung 'bring che gsum/ chen po'i chung 'bring
che gsum gyi dbye ba yi rnam pas de ltar yod pa'i phyir/ der
thal/ khyod rgyun chags su 'byung ba yin pa'i

phyir ro/ /zhes pa ni/ gsum pa dbye ba'i yin no/ /dbye ba la
yang rtsod spong gnyis/ grangs nges la rtsod pa spong ba dang/
byed las la rtsod pa spong ba'o/ /dang po la gnyis/ rtsod pa
dang lan no/ /dang po ni/ theg chen gyi

sgom lam la rnam pa dgur grangs nges pa mi 'thad par thal/ theg
chen gyi sgom lam rnam pa dgu las mang ba rgyal ba'i yum las
bshad pa'i phyir/ der thal/ de las theg chen gyi sgom lam rnam
pa dgu po re re'i dbang du

mdzad de 'bras bu bsod nams grangs med 'byin par gsungs pa'i
phyir/ zer na/ gnyis pa de'i lan du/ grangs med la sogs bstan pa
rnams/ /zhes sogs kyi rkang pa bzhi gsungs te/ don ni 'grel par/
grangs med pa

dang/ gzhal du med pa dang/ zhes sogs gsungs/ rtsa ba'i tshig don
ni/ shes bya chos can/ mdo las/ sgom lam gyi 'bras bu bsod nams
grangs med la sogs bstan pa rnams ni dam pa'i don du ste/ don
dam par

dbye ba zod pa ma yin kyang kun rdzob tu mi 'thad pa'i skyon med
par thal/ kun rdzob tu 'bras bu de ltar 'byung ba ni sangs rgyas
nyid kyis thugs brtse ba'i rgyu mthun gyi 'bras bu bstan pa de
dag thub pa rang nyid bzhad pa'i phyir/ gnyis

pa la gnyis/ don dam la ltos pa'i rtsod spong dang/ tha snyad la
ltos pa'i rtsod spong ngo/ dang po la gnyis/ rtsod pa dang lan
no/ /dang po ni/ dngos po brjod du med pa la/ /zhes sogs rkang
pa bzhi gsungs te/ don ni/ 'grel par/

@068a @#/ /chos nyid kyi rang gi ngo bor 'dod pa'i lam gyi dngos
po/ zhes pa nas/ nye bar 'god par mi bya ba kho na'o zhe na/
zhes pa'i bar gsungs te/ tshig don ni/ theg chen gyi sgom lam
zhes bya ba'i lam gyis ni

chos can/ spang bya'i zhig nyams shing/ gnyen po ci zhig thob bo
ste/ thob pa med par thal/ don dam par ma grub pa'i phyir/ khyab
ste/ sgom lam gyi dngos po don dam par brjod du med pa la spang
bya nyams pa dang gnyen po 'phel ba mi rung ba'i phyir/

gnyis pa lan ni/ byang chub ji ltar de bzhin du/ /zhes sogs
rkang pa bzhi gsungs te/ don ni/ 'grel par/ ji ltar khyad par du
byar med pa'i de bzhin nyid kyi byang chub/ ces sogs gsungs/
tshig don ni/ shes bya chos can

don dam par gnyen po 'phel ba dang spang bya 'grib pa med kyang
spang gnyen mi 'thad pa'i skyon med par thal/ bla med byang chub
kyi ye shes de don dam par med kyang tha snyad du gdul bya'i don
byed pa ji lta ba de bzhin du sgom lam

'di ni don dam par med kyang tha snyad du spang bya la gnod pa
sogs 'dod pa'i don sgrub par byed pa'i phyir/ de gnyis dpe don
mi mtshungs pa'i skyon med de/ de gnyis tha snyad du bya ba byed
par mtshungs shing/ byang chub don

dam par med pa de bzhin nyid kyi mtshan nyid can yin pa ltar sgom
lam de yang de'i mtshan nyid can du bzhed pa'i phyir// ! gnyis pa
la yang gnyis/ rtsod pa dang lan no/ /dang po ni/ sems ni snga
mas

byang chub bar/ /rigs min phyi mas kyang ma yin/ /zhes gsungs
te/ don ni/ 'grel par/ snga phyir gyur ba'i sems can re re la
sangs rgyas kyi bya ba sgrub par byed pa'i rnam pa thams cad
mkhyen pa nyid/ ces sogs gsungs/

@068b tshig don ni/ byang sems 'phags pa'i rgyud kyi kun rdzob
dang don dam pa'i byang chub kyi sems ni chos can/ rang 'bras
rdzogs pa'i byang chub bskyed par mi rigs par thal/ khyod skad
cig ma snga ma kho nas rang 'bras

rdzogs pa'i byang chub bskyed pa ni rigs pa ma yin la/ skad cig
phyi ma kho nas kyang de bskyed nus pa rigs pa ma yin pa'i phyir
dang/ cig car ram rim can gyis kyang rigs pa ma yin pa'i phyir/
gnyis pa lan ni/ mar me'i dpe yi tshul gyis ni/ /zab mo'i chos ni
rnam pa

brgyad/ /ces gsungs te/ don ni 'grel bar/ ji ltar me lce dang
snying po 'phrad pa'i skad cig ma dang po la/ zhes sogs gsungs/
tshig don ni/ theg chen sems bskyed skad cig snga phyi mang po
rim gyis 'byung bas rang 'bras byang chub mi

bskyed pa'i skyon de mi 'jug par thal/ mar me skad cig snga ma
las phyi ma phyi ma nus ldan du rim gyis 'byung bas sdong bu
snum ldan rdzogs par sreg par byed pa'i mar me'i dpe yi tshul
gyis ni sems bskyed snga phyi rim

gyis 'byung bas rang 'bras sku gsum bskyed pa dang/ zab mo'i
chos ni rnam pa brgyad po 'chad 'gyur 'di rnams kyang khong du
chud par 'gyur ba'i phyir/ de'i don bsdu na 'di ltar yin te/
byang chub kyi sems snga phyi

re re kho nas byang chub thob par mi nus kyang/ snga phyi phan
tshun ltos pa'i rten 'brel gyi 'gyur ba la brten nas byang chub
thob nus pa'i phyir te/ dper na/ mar me skad cig snga phyi re re
kho nas sdong bu snum ldan rdzogs

par mi sreg kyang/ snga phyi phan tshun ltos pa'i rten 'brel gyis
sdong bu snum ldan rdzogs par sreg nus pa bzhin no/ /zhes pa
ste/ sdud pa las/ 'bru mar snying po 'bar ba phrad pa dang po
yis/ /snying po tshig min de

@069a @#/ /med par yang de mi tshig /me lce phrad pa thams snying
po tshig min la/ /me lce tha ma med par snying po tshig min ltar/
/dang po'i sems kyis byang chub mchog reg ma yin la/ /de med par
yang de la reg par nus

ma yin/ /tha ma'i sems kyis byang chub zhi ba thob min la/ /de
med par yang de thob nus pa ma yin no/ /zhes gsungs nas/ chu yi
thigs pas bum pa dang po tha ma'i bar/ /rim gyi nyung du nyung
dus de yongs 'gengs pa ltar/ /de

bzhin dang po'i sems kyang byang chub mchog tu ste/ /rim gyis
dkar po'i yon tan rdzogs pa'i sangs rgyas 'gyur/ /zhes gsungs
pas so/ /sngar bshad pa'i rtsod spong de dag gi 'phros ni/ cung
zad tsam zhig bkod na/ dang po/

grangs med la sogs bstan pa rnams/ /zhes sogs ni/ rab 'byor
grangs med ces bya ba gang la 'dus byas kyi khams sam 'dus ma
byas kyi khams su bgrang bar nye bar mi 'gro'o/ /zhes sogs las
'phros/ gnyis

pa/ dngos po brjod du med pa la/ /zhes sogs ni/ bcom ldan 'das
gal te brjod du ma mchis pa'i don la 'phel ba dang yongs su
'grib pa ma mchis na/ zhes sogs las 'phros/ /gsum pa/ byang chub
ji lta

de bzhin du/ /zhes sogs ni/ rab 'byor de de bzhin no/ /de de
bzhin te brjod du med pa'i don la ni 'phel ba dang yongs su
'grib pa med do/ /rab 'byor gal te thabs mkhas pa'i byang chen
sher phyin la spyod pa dang/ zhes

sogs las 'phros/ bzhi pa/ sems ni snga mas sogs ni/ sems dang po
bskyed pa yang sems bskyed pa slad ma dang mi 'grogs/ zhes sogs
las 'phros/ lnga pa/ mar me'i dpe yi/ zhes sogs ni/ sngar

@069b drangs pa'i mdo las kyang 'phros so/ /'dir de ltar bshad
pa ni 'jug pa bde bar bsam mo// ! gnyis pa rtags ni/ skye ba
dang ni 'gag pa dang/ /zhes sogs rkang pa bzhi gsungs te/ don ni
'grel par

skad cig snga ma dang phyi ma dag gis kyang ma yin ngo bo nyid
med pas kyang ma yin la/ zhes pa nas/ don sgrub pas zab pa nyid
yin no/ /zhes pa'i bar gsungs/ 'phros ni/ rab 'byor 'di ji snyam
du sems/ sems gang 'gags pa de phyir skye bar 'gyur ram

zhes pa dang/ ji ltar byang chen mtshan ma'i 'du shes rnam par
bshig pa yin/ zhes sogs kyi bar gyi mdo las 'phros so/ /'dir
rtsa ba'i tshig don ni/ byang sems brgyad pa ba chos can/ zas mo
rnam pa brgyad thugs su

chud pa dang ldan pa yin te/ gzhi'i gnas lugs skye ba ste rten
'brel zab pa dang/ 'gag pa zab pa dang/ spyod pa nyams len gyi
de bzhin nyid zab pa dang/ sbyin sogs don dam par med kyang kun
rdzob tu yod pa'i shes

bya zab pa dang/ chos thams cad spros bral du rtogs pa'i yul can
gyi shes pa zab pa dang/ don dam par zhen pa med par tha snyad
du spyod pa zab pa dang/ mtshan ma dang mtshan med gnyis ka don
dam par gnyis su med par rtogs

pa'i zab pa dang/ tshogs gnyis kyi 'bras bu mngon du byed pa'i
thabs mkhas pa la zab pa nyid de brgyad dang ldan pa'i phyir/
'di yang phyir mi ldog pa'i rtags dngos ma yin la/ rtags dngos
ni zab mo brgyad khong du chud pa'i

sgo nas drangs pa'i byang sems sgom lam pa'i lus ngag gi tha
snyad khyad par can 'khrul med brtan po la 'jog go ! srid zhi
mnyam nyid sbyor ba/ gsum pa sku gsum 'grub byed kyi sbyor ba
khyad par can bshad pa la gsum

@070a @#/ /chos sku sgrub byed srid zhi mnyam nyid sbyor ba dang/
longs sku sgrub byed zhing dag sbyor ba dang/ sprul sku sgrub
byed thabs mkhas sbyor ba'o/ /dang po ni/ chos rnams rmi lam
'dra ba'i phyir/ /zhes sogs

rkang pa bzhi gsungs te/ don ni/ 'grel par/ 'khor ba dang rnam
par byang ba mi mthun pa dang gnyen po rnams/ zhes pa nas/ de'i
phyir yang dpe ma grub pas 'khor ba dang mya ngan las 'das pa ni
mnyam pa nyid do/ /zhes

pa'i bar gsungs/ 'phros ni/ rab 'byor gyis smras pa/ tshe dang
ldan pa shA ri'i bu gal te nyin par bsgoms pas rnam par 'phel
na rmi lam na bsgoms pas kyang rnam par 'phel lo/ /de ci'i phyir
zhe na/ rmi lam dang nyin

par ni rnam par rtog pa med do/ /zhes sogs dang/ tshe dang ldan
pa shA ri'i bu byang chen byams pa skye ba gcig gis thogs pa
bcom ldan 'das kyis phyir mi ldog par lung bstan pa 'di mngon du
gyur na 'di la dris shig dang

'dis lan ldon par 'gyur ro/ /zhes sogs kyi mdo las 'phros so/
/'di'i skabs su gnyis/ tshig don dang/ mtha' dpyad pa'o/ /dang po
la gnyis/ dngos dang/ klan ka spang ba'o/ /dang po ni/ sa brgyad
pa'i ye shes

chos can/ srid zhi mnyam nyid sbyor ba yin te/ srid pa 'khor ba
dang zhi ba mya ngan las 'das par don dam par rnam par mi rtog
par 'khor 'das bden stong mnyam pa nyid du mngon sum du rtogs
pa'i shes rab kyis zin pa'i dag

sa'i ye shes yin pa'i phyir/ der thal/ 'khor 'das kyis mtshon
pa'i chos rnams bden par med kyang tha snyad tsam du grub pa rmi
lam dang 'dra bar rtogs pa'i shes rab kyis zin pa'i dag sa'i ye
shes yin pa'i phyir/ gnyis

@070b pa la gnyis/ klan ka dang/ de'i lan no/ /dang po la kha
cig /nyin par yang dge mi dge'i las gsog par byed pa med par
thal/ chos thams cad don dam par ma grub par tha snyad du rmi
lam dang 'dra ba'i phyir zhe na/ gnyis

pa lan ni/ shes bya chos can/ chos thams cad don dam par med
kyang dge mi dge'i las gsog pa med par thal ba'i skyon yod pa ma
yin par thal/ las med du thal ba la sogs pa'i klan ka de yi lan
ni mdo las ji skad bshad

zin par zad pa de'i phyir/ mdo las gsungs ba tshul ni/ las gsog
pa med par thal ba dang/ las 'bras don dam par yod par thal ba
dang/ lung dang 'gal bar thal ba dang/ rmi lam na las gsog pa'i
klan ka bzhi dang/ de'i lan bzhi

yod la/ klan ka dang po ni/ rab 'byor byang chen gyis rmi lam du
las gang gis byas pa'i las de la gsog pa dang bri bar 'gyur ba
yod dam/ zhes bkod nas/ de'i lan ni/ tshe dang ldan pa shA ri'i
bu ji ltar bcom ldan 'das kyi chos

thams cad rmi lam lta bur gsungs pa de ltar na/ zhes sogs kyis
bstan/ klan ka gnyis pa ni/ rab 'byor gyis smras pa/ nyin par
srog bcad pa dang rmi lam na srog bcad pa de la 'di snyam du de
bdag gis bsad do legs par

bsad do shin tu bsad do zhes sad de rnam par rtog na/ zhes sogs
bkod nas/ lan ni/ rab 'byor dmigs pa med par las mi skye ste las
ni dmigs pa dang bcas pa kho nar skye'o/ /zhes sogs kyis bstan/
klan ka gsum pa ni/ rab

'byor las thams cad sems pa thams cad dben pa'o zhes bcom ldan
'das kyis gsungs na ji ltar dmigs pa dang bcas par las skye ste/
zhes sogs bkod nas/ lan ni/ tshe dang ldan pa shA ri'i bu mtshan
mar byas nas dmigs pa

@071a @#/ /dang bcas bar las skye ste/ zhes sogs kyis bstan/ klan
ka bzhi pa ni/ rab 'byor gal te byang chen gyis rmi lam du sbyin
pa byin/ zhes pa nas/ dge ba'i rtsa ba de bla na med pa yang dag
par rdzogs

pa'i byang chub tu bsngos nas/ zhes sogs bkod nas/ lan ni/ shA
ri'i bu byang chen byams pa skye ba gcig gis thogs pa zhes sogs
kyis bstan to/ /de dag gi don bsdus te/ sngar bzhin rtsod spong
de gsungs pa yin no/ /gnyis

pa 'di'i skabs su mtha' dpyad pa la gsum las/ dang po la kha cig
na re/ bden 'dzin skye ba'i go skabs bcom pa'i dag sa'i ye shes/
srid zhi mnyam nyid sbyor ba'i mtshan nyid zer na/ srid zhi mnyam
nyid sbyor ba chos can/

mtshan nyid der thal/ mtshon bya de'i phyir/ 'dod na/ bden 'dzin
spangs pa'i ye shes yin par thal/ 'dod pa'i phyir/ 'dod na/ rnam
mkhyen yin par thal lo/ /kha cig /srid zhi mnyam pa nyid du
mngon sum du rtogs pa'i dag sa'i

ye shes/ srid zhi mnyam nyid sbyor ba'i mtshan nyid zer na/ sa
brgyad pa'i ye shes chos can/ mtshan nyid der thal/ mtshon bya
de'i phyir/ der thal/ dag sa'i ye shes yin pa'i phyir/ 'dod na/
srid zhi mnyam pa nyid yin par thal/

'dod pa'i phyir/ 'dod na/ 'khor 'das mnyam pa nyid yin par thal/
'dod pa de'i phyir/ 'dod na/ bzang ngan mnyam pa nyid yin par
thal/ 'dod pa'i phyir/ 'dod na/ bzang ngan mnyam par thal/ 'dod
pa'i phyir/ 'dod na/ dge sdig mnyam

par thal/ 'dod pa'i phyir/ 'dod mi nus so/ /kha cig /srid zhi
mnyam nyid sbyor ba yin na/ srid zhi bden stong mnyam pa nyid du
mngon sum du rtogs pas khyab zer na/ sa brgyad pa ba'i rgyud kyi
theg chen sems bskyed chos can/

@71b der thal/ de'i phyir/ 'dod mi nus te/ stong nyid rtogs pa'i
ye shes ma yin pa'i phyir/ der thal/ slob pa'i rgyud kyi theg
chen sems bskyed yin pa'i phyir/ kha cig /sa brgyad pa des bden
'dzin mngon gyur pa ma spangs zer

na/ de spangs par thal/ sa brgyad pa'i 'phrin las la 'god pa'i
skabs su bden 'dzin mngon gyur pa spangs pa'i 'phrin las la 'god
par bshad pa'i phyir/ kha cig na re/ rmi lam du dge mi dge'i las
gsog pa med zer na/

de yod par thal/ rmi lam du dge ba'i las byed pa yod pa'i phyir/
der thal/ rmi lam du stong nyid sgom pa yod pa'i phyir/ der
thal/ des chos thams cad rmi lam lta bur sgom pa yod pa'i phyir/
der thal/ rtsa bar/ rmi

lam na yang chos rnams kun/ /rmi lam lta bur lta la sogs/ /zhes
gsungs pa'i phyir/ gzhan yang/ de yod par thal/ rmi lam na mi
dge ba byed pa yod pa'i phyir/ der thal/ gnyid dang mi dge ba'i
gzhi mthun yod pa'i phyir/

der thal/ de gzhan 'gyur du bzhag pa'i rgyu mtshan yod pa'i phyir
dang/ rmi lam du srog gcod pa rmis pa de la spro ba byed pa yod
pa'i phyir/ phyi ma der thal/ rmi lam du srog gcod pa rmi ba yod
pa'i phyir/ der thal/ brgyad stong las/

skyes pa'am bud med gang rmi lam du dge ba'am mi dge ba'i las
zhig byed na/ zhes pa dang/ yum bar mar yang/ rmi lam na srog
gcod pa de la 'di snyam du bdag gis bsad do/ /zhes gsungs pa'i
phyir/ gzhan yang/ de yod par

thal/ rmi lam na srog gcod pa rmi ba yod kyang/ de tsam gyis
srog gcod kyi mi dge ba'i las lam yongs su mi rdzogs pas/ de
ltar rmis pa'i dge slong la de'i dbang gis pham pa 'byung ba ma
yin pa'i phyir/ kha cig na re/ rmi

@72a @#/ /lam du srog gcod pa dngos gnas pa yod zer na/ 'o na/
rmi lam du mi dngos gsod pa yod par thal/ dam bca' 'thad pa'i
phyir/ 'dod na/ rmi lam du mi yod par thal/ 'dod pa'i phyir/

'dod na/ rmi lam gyi mi de mi yin par thal/ 'dod pa'i phyir/
'dod na/ rmi lam gyi mi chos can/ mi ma yin par thal/ chos kyi
skye mched kyi gzugs yin pa'i phyir/ der thal/ de ltar yin par
rnam bshad dgongs pa rab

gsal dang skal bzang mig 'byed gnyis ka las bshad pa'i phyir/
kha cig /rmi lam gyi mi med zer na/ de yod par thal/ rmi lam gyi
skabs su snang ba'i mi yod pa'i phyir/ der thal/ gnyid kyi skabs
su mir snang ba yod

pa'i phyir/ der thal/ rmi lam dmigs pa'i yul dag mthong nas ni/
/zhes gsungs pa'i phyir/ kha cig na re/ nyin par dge mi dge'i
las gsog spel byed pa med par thal/ dge mi dge'i las bden par
med pa'i phyir/ zhes pa'i sun

'byin 'di/ sems tsam pas dbu ma par 'phangs pa'i ngag yin zer
na/ de sems tsam pa'i ngag yin par thal/ dam bca' 'thad pa'i
phyir/ 'dod na/ de mi 'thad par thal/ der gyur pa'i don smra sde
gnyis kyi ngag kyang

yod/ phyi rol ba'i ngag kyang yod pa'i phyir/ der thal/ de
'dra'i sun 'byin 'phen pa'i nyan thos sde pa dang phyi rol pa
yod pa'i phyir/ der thal/ dbu ma pas las 'bras bden med du khas
blangs pa la/ de 'dra'i thal 'gyur

'phen pa'i de gnyis yod pa'i phyir// ! gnyis pa rang lugs la/
srid zhi bden stong mnyam pa nyid du mngon sum du rtogs pa la
brten nas bden 'dzin mngon gyur pa skye ba'i sgo skabs bcom pa'i
dag

@72b sa'i ye shes/ srid zhi mnyam nyid sbyor ba'i mtshan nyid dam
ngo bo yin no/ ! gsum pa rtsod pa spong ba la/ kha cig /byang
sems sa brgyad pa ba'i rgyud kyi theg chen sems bskyed chos can/
mtshan nyid der thal/

mtshon bya de'i phyir/ 'dod na/ de chos can/ srid zhi bden stong
mnyam pa nyid du mngon sum du rtogs pa'i ye shes yin par thal/
'dod pa'i phyir na/ ma khyab/ 'dod mi nus so/ /zer na/ ngo bo
nyid sku chos can/ stong

nyid mngon sum du rtogs par thal/ stong nyid mngon sum du rtogs
pa la brten nas thob pa'i chos yin pa'i phyir/ khyab pa khas/ ma
grub na der thal/ stong nyid bsgom pa la brten nas thob pa'i
thob bya mthar thug yin pa'i

phyir/ der thal/ tshogs gnyis bsags pa la brten nas thob pa'i
thob bya mthar thug yin pa'i phyir/ der thal/ sangs rgyas yin
pa'i phyir/ kha cig /sa brgyad pa'i ye shes chos can/ chos sku'i
rgyu yin par thal/

chos sku 'grub byed yin pa'i phyir zer na/ ma khyab /ma grub na/
der thal/ chos sku 'grub byed kyi thabs khyad par can yin pa'i
phyir/ der thal/ chos sku'i lag rjes 'jog byed khyad par can yin
pa'i phyir/ 'dod na sla'o/ /

kha cig na re/ nyin par dang rmi lam du las gsog pa la stobs che
chung med par thal/ de gnyis ka'i skabs su dge mi dge'i las gsog
pa yod pa'i phyir na/ ma khyab/ 'dod mi nus te/ ji skad du/ rmi
lam sems

ni gnyid kyis nyams/ /des na 'bras bu 'dra ma yin/ /zhes gsungs
pa'i phyir/ kha cig /sa brgyad pa bas bden 'dzin mngon gyur pa
ma spangs par thal/ de'i rgyud la de yod pa'i phyir/ der thal/
de'i rgyud la bden

@73a @#/ /'dzin yod pa'i phyir na ma khyab/ kha cig na re/ rmi
lam du dbang shes yod par thal/ rmi lam du yid shes yod pa'i
phyir zer na ma khyab/ rtags der thal/ rmi lam du gnyid du gyur
pa'i yid shes yod pa'i

phyir/ 'dod mi nus te/ rmi lam du mig shes med pa'i phyir/ der
thal/ 'jug par/ gal te gnyid na mig blo mi srid pas/ /zhes
gsungs pa'i phyir/ kha cig /skyon med de/ de ni gnyid 'thug po
la gnas pa'i gang

zag gi rgyud la dbang shes med pa'i don yin pa'i phyir zer/ kha
cig /rmi lam du dbang shes yod par thal/ rmi lam gyi dbang shes
yod pa'i phyir/ der thal/ rmi lam gyi mi yod pa'i phyir na/ snga
mar re zhig ma khyab bo// ! gnyis

pa zhing dag sbyor ba ni/ sems can 'jig rten de bzhin du/ /zhes
sogs rkang pa bzhi gsungs te/ don ni/ 'grel par/ sems can dang
snod kyi 'jig rten gyi bye brag gis sangs rgyas kyi zhing rnam
pa gnyis la/ zhes pa nas/ sangs

rgyas zhing rnam par dag pa'o/ /zhes pa'i bar gsung/ 'phros ni/
ji ltar na byang chen pha rol tu phyin pa drug rdzogs par bgyid
cing rnam pa thams cad mkhyen pa nyid dang nye ba lags zhes pa
nas/ ci nas kyang bdag bla na

med pa yang dag par rdzogs pa'i byang chub tu mngon par rdzogs
par sangs rgyas pa'i sangs rgyas kyi zhing de na sems can rnams
kyi nyes pa 'di dag thams cad du thams cad mi 'byung zhing/ zhes
sogs dang/

gangga'i klung gi bye ma ji snyed cig yod pa de snyed kyi 'jig
rten gyi khams bdag gi sangs rgyas kyi zhing gcig tu 'gyur ba de
ltar pha rol tu phyin pa drug la spyad par bya'o/ /zhes sogs las
'phros so/ /'di'i skabs su gnyis/ tshig

@073b don dang mtha' dpyad pa'o/ /dang po ni/ sa brgyad pa'i ye
shes chos can/ sangs rgyas kyi zhing ni dag pa nyid kyi sbyor ba
yin te/ sems can gyi 'jig rten ma dag pa rnams dag par 'grub par
byed pa de bzhin du snod kyi 'jig

rten ma dag pa de la dag par sgrub pa yi dge rtsa bsags nas thob
pa'i dag pa'i ye shes yin pa'i phyir// ! gnyis pa mtha' dpyad pa
la gsum las/ dang po la/ kha cig /rang nyid gang du 'tshang rgya
ba'i

sangs rgyas kyi zhing dag pa yod na/ rang nyid zhing dag sbyor
ba thob pa'i gang zag yin pas khyab zer na/ nyan thos tshogs lam
pa chos can/ der thal/ de'i phyir/ der thal/ rang nyid sangs
rgyas pa'i zhing yod pa'i phyir/

der thal/ rang nyid sangs rgyas pa yod pa'i phyir/ kha cig
/zhing dag sbyor ba thob pa'i gang zag yin na/ zhing dag sbyor
ba la gnas pa'i gang zag yin pas khyab zer na/ sangs rgyas
'phags pa chos can/ der thal/ de'i

phyir/ der thal/ dag sa thob pa'i gang zag yin pa'i phyir/ 'dod
na/ byang sems 'phags pa yin par thal/ 'dod pa'i phyir/ kha cig
/zhing dag sbyor ba thob pa'i gang zag yin na/ rang nyid gang du
'tshang rgya ba'i zhing

sgrub dgos yin pas khyab zer na/ sa brgyad pa ba chos can/ der
thal/ de'i phyir/ 'dod na/ rang nyid gang du 'tshang rgya ba'i
zhing ma bsgrubs par thal/ 'dod pa'i phyir/ 'dod mi nus so/ /kha
cig /de thob pa'i gang zag

yin na/ sangs rgyas kyi zhing dag pa kho na sgrub pa'i gang zag
yin pas khyab zer na/ ston pa shAkya thub pa chos can/ der
thal/ de'i phyir/ 'dod mi nus te/ de'i zhing la dag pa'i zhing
gcig dang ma dag pa'i zhing gnyis

@074a @#/ /yod pa'i phyir/ der thal/ de dang por sangs rgyas pa'i
longs sku'i zhing gcig dang/ de las gzhan pa'i sprul sku'i zhing
gcig kyang yod pa'i phyir// ! gnyis pa rang lugs

la; sangs rgyas kyi zhing yongs su dag pa khyad par can sgrub
pa'i nus pa ci rigs rdzogs pa'i dag sa'i ye shes/ zhing dag
sbyor ba'i mtshan nyid dam ngo bo yin// ! gsum pa rtsod pa spong
ba la/ kha cig /

sa brgyad pa ba chos can/ rang dus su rang nyid kyi sangs rgyas
kyi zhing sgrub par thal/ sangs rgyas kyi zhing sgrub pa'i gang
zag yin pa'i phyir zer na/ kha cig /ma khyab zer/ 'dod na/ de
chos can/ rang dus su rang nyid

sangs rgyas pa'i zhing yod par thal/ 'dod pa'i phyir zer na/ ma
khyab/ 'o na/ de chos can/ rang nyid sangs rgyas ma thag pa'i
tshe/ sprul sku thob par thal/ de'i sprul sku thob zin pa'i
phyir/ khyab pa khas/ 'dod mi nus so/ /zhes dpyad do/ / ! bdud
bzhi bcom tshul/

gsum pa thabs mkhas sbyor ba ni/ yul dang sbyor ba can 'di ni/
/zhes pa nas/ thabs la mkhas pa rnam pa bcu/ /zhes pa'i bar
gsungs te/ don ni/ 'grel par/ bar chad kyi chos las yang dag par
brgal bas

lha la sogs pa'i bdud las 'das pa dang/ zhes pa nas/ dus dang
dus ma yin pa shes pa'i sbyor ba ni thabs la mkhas pa yin no/
/zhes pa'i bar gsungs/ 'phros ni/ gang gi tshe byang chen rnam pa
thams cad kyi mchog dang

ldan pa'i stong pa nyid la so sor rtog pa na mngon du bya'o
snyam du rtog par mi byed cing/ zhes pa nas/ 'di ltar byang chub
sems dpa' sems dpa' chen po gang phyir mi ldog pa'i ye shes kyi
bar lung bstan pa de dag ni rnam

@74b pa de bzhin du lan ldon te gang rnam pa de ltar lan ldon pa
de dag ni dge ba'i rtsa ba 'bar ba bskyed par rigs par bya'o/
/zhes pa'i bar gyi mdo las 'phros so/ /'di'i skabs su gnyis/
tshig don dang/ mtha' dpyad pa'o/ /

dang po ni/ rnam thar sgo gsum sogs shar phyin gyi yul dang de
la yul can gyi dus dang dus ma yin par mkhas pa'i sbyor ba can
gyi dag pa'i sbyor ba 'di ni chos can/ khyod la thabs la mkhas
pa'i sbyor ba rnam pa bcu yod de/

phung po'i bdud mngon gyur pa la sogs ba bdud bzhi'i dgra ci
rigs rnams las ni 'das pa'i thabs mkhas sbyor ba dang/ de bzhin
du chos thams cad la don dam par mi gnas par tha snyad du spyod
pa'i sbyor ba dang/ gzhan gyi don sngon

smon lam btab pa ji bzhin shugs kyis 'phangs pa'i byed pa dang
ldan pa dang/ nyan rang dang thun mong ma yin pa'i mtshan nyid
can gyi dka' spyad goms pa dang/ chos thams cad la bden 'dzin
gyis ma chags pa dang/ rnam par thar pa'i sgo

stong pa nyid kyis 'dus byas kyi chos thams cad kyi ngo bo don
dam par mi dmigs par rtogs pa dang/ mtshan med kyis rgyu'i mtshan
ma don dam par med par rtogs pa dang/ smon med kyis 'bras bu la
don dam par skyon ?

zad pa ste med par rtogs pa dang/ rang nyid phyir mi ldog pa yin
pa de yi rtags khyad par can dang ldan pa dang/ rig pa'i gnas
lnga la mkhas pa'i rtogs pa tshad med pa zhes bya ba'i thabs
mkhas sbyor ba dang rnam mkhyen

yod pa'i phyir// ! gnyis pa mtha' dpyad pa la gsum las/ dang po
la/ /kha cig na re/ bdud bzhi gang rung yin na/ spang bya yin
pas khyab zer na/ sa bcu pa'i mtshan dpe rjes mthun pas spras
pa'i lus chos

@75a @#/ /can/ der thal/ de'i phyir/ der thal/ phung po'i bdud
yin pa'i phyir/ der thal/ phung po'i bdud phra mo yin pa'i
phyir/ 'dod mi nus te/ blang bya yin pa'i phyir/ der thal/ tshogs
gnyis kyis

bsgrub bya'i lus yin pa'i phyir/ kha cig na re/ phung po'i bdud
yin na/ bdud yin pas khyab zer na/ sngar gyi de chos can/ der
thal/ de'i phyir/ rtags gsal sla/ gzhan yang/ rgyun zhugs srid
pa lan bdun pa pa'i nyer len

gyi phung po chos can/ der thal/ de'i phyir/ der thal/ phung
po'i bdud rags pa yin pa'i phyir/ der thal/ nyer len gyi phung
po yin pa'i phyir/ 'dod mi nus so/ /kha cig /nyon mongs pa'i
bdud yin na/ nyon mongs yin pas khyab zer

na; gang zag gi bdag 'dzin gyi sa bon chos can/ der thal/ de'i
phyir/ der thal/ nyon sgrib yin pa'i phyir/ 'dod na/ shes pa yin
par thal/ 'dod pa'i phyir/ 'dod mi nus so/ /kha cig 'chi bdag gi
bdud yin na/ las nyon gyi

'chi bas bsdus pas khyab zer na/ sa bcu pa ba'i rgyud kyi bsam
gyis mi khyab pa'i 'chi 'pho ba'i cha chos can/ der thal/ de'i
phyir/ der thal/ 'chi bdag gi bdud phra mo yin pa'i phyir/ 'dod
na/ de mi 'thad par thal/ byang sems

'phags pa las nyon gyi dbang gis skye 'chi byed pa med pa'i
phyir/ kha cig /lha'i bu'i bdud yin na/ lha'i bu yin pas khyab
zer na/ lha'i bu dga' rab dbang phyug gis dge ba'i las byed pa
la bar chad rtsom pa'i cha chos can/ der thal/

de'i phyir/ 'dod mi nus te/ gang zag ma yin pa'i phyir// ! gnyis
pa rang lugs la/ bdud bzhi'i khyad par yod de/ zag bcas len gyi
phung po lnga po de phung po'i bdud dang/ nyon sgrib thams cad
nyon mongs pa'i

@75b bdud dang/ lha'i bu dga' rab dbang phyug lha'i bu'i bdud
dang/ las nyon gyi dbang gis srog dbang 'gags pa'i cha de 'chi
bdag gi bdud yin pa'i phyir/ de dag ni bdud bzhi rags pa'i dbang
du byas la/ phra mo'i dbang du byas na/ ma rig bag chags

kyi sa dang zag med kyi las kyi dbang gis skye pa blangs pa'i
phung po de/ phung po'i bdud phra mo dang/ ma rig pa'i bag chags
phra mo de/ nyon mongs pa'i bdud phra mo dang/ lha'i bu'i bdud
phra mo gnyis ka yin par bshad/ ma rig

bag chags kyi sa dang zag med kyi las kyi dbang gis skye ba
blangs pa'i phung po'i rigs mthun 'dor ba de 'chi bdag gi bdud
phra mor 'jog la/ bdud bzhi rags pa bcom tshul gyi khyad par yod
de/ theg dman gyi dbang du byas na/

theg dman gyi mthong lam nas lha'i bu'i bdud rigs pa bcom/ theg
dman dgra bcom pa'i go 'phang thob pa'i tshe nyon mongs pa'i bdud
rags pa bcom/ lhag med myang 'das thob pa'i tshe phung po'i bdud
rags pa dang/ 'chi bdag gi

bdud rags pa bcom la/ theg chen gyi dbang du byas na/ theg chen
rigs nges kyis sbyor lam pa phyir mi ldog pa'i rtags thob nas
lha'i bu'i bdud rags pa bcom/ mthong lam thob nas phung po'i
bdud rags pa dang/ 'chi bdag gi bdud

rags pa bcom/ sa brgyad pa nas nyon mongs pa'i bdud rags pa ci
rigs pa dang mngon gyur pa bcom pa dang/ bdud bzhi phra mo ma
lus bar bcom pa de'i sangs rgyas pa dus mnyam pa'i phyir/ phyi
ma der thal/ tshig gsal las/ khyod

kyis byang chub pa dang dus mnyam pa kho nar bdud bzhi bcom pa
lags so/ /zhes pa dang/ rnam bshad las kyang/ bdud bzhi ma lus
par bcom pa ni sangs rgyas la na'o/ /zhes gsungs pa'i phyir/ 'on
kyang bdud bzhi

@076a @#/ /rags pa ni/ gser 'phreng dang/ rnam bshad gnyis kar
gsal la/ phra mo ni der mi gsal bas 'jog mtshams kyang mi 'dra ba
snang ngo/ /bden 'dzin ni/ bdud bzhi gang yin mi gsal yang

thal 'gyur ba ltar na nyon mongs pa'i bdud rags pa yin la/ nyan
thos dgra bcom pas nyon mongs pa'i bdud rags pa bcom par bshad
pa ltar na de mi bde bas 'dir nyon mongs pa'i bdud phra mor
bya'o/ /sa brgyad pa'i ye shes

chos can/ khyod thabs mkhas sbyor ba yin te/ bdud bzhi mngon
gyur dang rags pa ci rigs spangs pa'i dag sa'i ye shes yin pa'i
phyir// ! gsum pa rtsod pa spong ba la/ kha cig /sa brgyad pa
nas nyon mongs pa'i

bdud rags pa bcom par thal/ rnam bshad las/ sa brgyad pa thob
nas bdud gzhan gsum rags pa las 'da' la/ zhes gsungs pa'i phyir/
khyab ste/ der lha'i bu'i bdud rags pa ni phyir mi ldog gi rtags
thob pa'i tshe bcom par

bshad pa'i phyir/ 'dod na/ de mi 'thad par thal/ sa brgyad pa
ba'i rgyud la nyon sgrib yod pa'i phyir gsung/ kha cig /nyon
mongs pa'i bdud yin na/ nyon mongs yin dgos par thal/ lha'i bu'i
bdud yin na/ lha'i bu yin

dgos pa'i phyir/ der thal/ lha'i bu'i bdud mngon gyur pa yin na/
lha'i bu yin dgos pa'i phyir na ma khyab/ kha cig /las nyon gyis
blangs ba'i srog dbang 'gag pa 'chi bdag gi bdud yin par thal/
de'i dbang

gis srog dbang 'gag pa'i cha 'chi bdag gi bdud yin pa'i phyir
zer na/ ma khyab/ 'dod mi nus te/ 'dus ma byas yin pa'i phyir/
der thal/ srog dbang 'gag pa 'dus ma byas yin pa'i phyir te/ myu
gu 'gags pa

@076b 'dus ma byas yin pa'i phyir te/ de zhig pa 'dus ma byas
yin pa'i phyir/ kha cig na re/ lha'i bu dga' rab dbang phyug
chos can/ spang bya yin par thal/ lha'i bu'i bdud yin pa'i
phyir/ 'dod na/ de chos can/ spang bya ma yin par

thal/ blang bya yin pa'i phyir/ der thal/ lha yin pa'i phyir zer
na/ ma khyab/ yang/ kho na re/ de chos can/ spang bya ma yin par
thal/ 'tshang rgya ba'i phyir/ zer na/ ma khyab/ ma grub na/ der
thal/ sems

can yin pa'i phyir/ zer na/ sdig pa'i grogs po chos can/ spang
bya ma yin par thal/ 'tshang rgya ba'i phyir/ khyab pa khas/ 'dod
na/ de chos can/ spang bya yin par thal/ sdig pa'i grogs po yin
pa'i phyir/

khyab ste/ mdo las/ sdig pa'i grogs po rtag tu spang bya zhing/
/dge ba'i grogs po dag la brten par bya/ /zhes pa dang/ rje bla
mas/ bdud kyi gnyen du gyur pa'i sdig grogs dang/ /skad cig tsam
yang phrad par ma gyur

gyur cig /ces gsungs pa'i phyir/ zhes mngon rtogs rgyan gyi
dgongs pa gsal bar byed pa mkhas pa dgyes pa'i mchod sprin las
skabs bzhi pa'i tshig don mtha' dpyod zung 'brel du bshad pa
rdzogs so//! //zhes pa'i gsung bar 'di bzhin ser smad grwa tshang
gi

mkhas grub chen po bstan pa dar rgyas kyi yig cha gzhir bzung
ste yig cha'i dka' gnas mdor bsdus rnams spros bshad dang/ kha
skong/ mtha' dpyod/ thun mong min pa'i khas len mi gsal ba rnam
'dir gsal yod par brten snga dus blo gsal ba rnams nas yig cha
dang zung sbrel gsan sbyong mdzad mus

dang/ mkho gnad kyang shin tu che rung/ gsung par co ne dgon
chen du bzhugs pa dus 'gyur dbang gis sngar nas me bzhes zin
'dug pas da phan slob gnyer ba'i khrod du yig cha dkon gshis
grwa tshang mkhan po rgyal rong blo bzang bstan 'dzin dang/ dge
bshes/ slob gnyer ba rnams nas yig cha cha tshang gsung bar zhig

@077a @#/ /'grub thabs thugs gnyer che ba dang bcas mkha' mnyam
'gro kun phan bde'i rtsa ba rgyal ba'i lung rtogs kyi bstan pa
rin po che bshad sgrub dar rgyas gong 'phel yun ring du gnas
ched ser smad gzhung pa grwa sku bcar mkhan drung tA bla mthong
rnam sras pa thub bstan nor bzang shag tshang nas

lhag bsam rnam par dag pas rgyu sbyor 'du 'god kyis gong gsal
yig cha co ne'i bar rnying khungs dag rang lam phyi byas te rab
byung bcu drug pa'i lcags pho stag lor gsung bar du legs bskrun
thog grwa tshang 'di nyid kyi chos mdzod du bzhugs su gsol ba'o//
//'dir 'bad dge ba'i sa bon legs smin thubs

pa'i ring lugs yongs 'du'i ljon/ /bstan 'dzin rkang drug bye ba
rnam rtsen kun dga'i me tog phyogs mthar rgyas/ /ma nor lam
bzang 'bras bu'i khur chen bstan srid 'gro phan thungs su dud/
/bla med zhi ba'i grib bsil

snum por 'gro ba ma lus dbugs 'byin shog / //